::
Home » Verbatim » 2020 » Verbatim Tuesday 4th August, 2020

Verbatim Tuesday 4th August, 2020

NATIONAL ASSEMBLY OF SEYCHELLES

Tuesday 4th August, 2020

 The Assembly met at 9am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab. Bonzour tou dimoun ki a lekout e pe swiv travay Lasanble Nasyonal.  E bonzour tou nou bann envite ki enkli bann staff management Lasanble ki anler dan public gallery.

Bomaten zis avan nou pran nou travay ki lo Order Paper, nou pou konklir en pti bout ofisyel en prosesis ki’n komanse depi en pe letan pase. Sa se pou nou apwent en nouvo Clerk Lasanble Nasyonal. Sa prosesis in terminen par en interview kot panel in swazir en nouvo Clerk pou Lasanble Nasyonal.

E pou lenformasyon tou bann Manm panel i ti en panel ki totalman endepandan avek bann Manm ki sorti osi tou an deor Lasanble Nasyonal.

So, mon annan plezir pou anonse ki Madanm Deputy Clerk, Mrs Tania Isaac i bomaten i pou sermante in ganny swazir par panel.  In pas son interview e bomaten i pe sermante pou li pran sa pozisyon koman Clerk 6enm Lasanble Nasyonal.

Alor nou ava fer sa prosedir nou ava demann Mrs Tania Isaac pou vini pou vin pran son oath e apre nou ava fer bann prosedir.

 

MADAM CLERK

I, Tanya Francoise Isaac do swear that I would be faithful and bear true allegiance to the Constitution of Seychelles. And that I would preserve, protect and defend the Constitution of Seychelles.  So help me God.

 

(APPLAUSE)

 

MR SPEAKER

Mersi.  Bon mon ti ava zis dir de pti parol e apre mon pa konnen si le de Leaders also i le dir de pti parol.

Mon ti zis kontan felisit Madanm nou nouvo Clerk Mrs Tania Isaac. E premyerman mon ti a kontan zis dir li mersi ki nou’n travay ansanm nou’n travay dan bann moman ki pa’n fasil, me mon’n apresye son fason ki’n travay ki’n pran son travay.

E parey mon dir dan bann moman par ler ki mon call on li pou delivre dan bann ler menm apre ler travay e in touzour pare pou li fer sa travay pou li fer sa challenge.

Mon krwar osi tou pandan sa moman ki in debout koman in tenir son lofis koman Deputy Clerk e osi in fer Acting Clerk kot ti en moman ase sarze pou nou Lasanble Nasyonal in prouv son lekor.  E alor pou mwan mon pou zis dir li felisitasyon e tou de bon dan lavenir. Si le de Leaders i le dir en pti parol. Yes, Onorab De Commarmond.

 

HON CHARLES DE COMMARMOND 

Mersi Mr Speaker, bonzour Mr Speaker.  Bonzour tou Manm Onorab. Bonzour Madanm Clerk.  Felisitasyon!

Mon pran loner Mr Speaker pou dir de mo an sa moman istorik.  Madanm   Clerk a very respected person mon’n swiv li son parkour dan Lasanble letan nou’n la. E i en madanm marye.  E  i en madanm avek konpetans.  Mon’n osi in akonpanny nou a diferan moman a leksteryer dan Lasanble dan bann diferan Komite, nou’n war son konpetans e son disiplin. Mon apresye osi sa disiplin ki  i annan.

E i means no joke.  She means no joke e pou mwan sa i bann kalite. E i vreman devoue anver son travay.  Be in osi al lo lesel i pa’n zis vini deswit Clerk in annan en parkour.

E pou mwan sa i enportan akoz koumsa en dimoun osi aprann an menm tan. Nou annan konfyans ki i pou kontinyen fer en travay ki i pe deza fer e fer li ankor pli byen la ki sa responsabilite baze lo Standing Orders in ganny fer.

E nou swet li all the best e nou swet Lasanble osi pli bon travay.  i ava annan sa kontinyite vi ki cohort Lasanble pe fini nouvo cohort i ava vini.

Madanm Clerk i ava la pou gid zot akoz i enportan ki i annan dimoun ki annan intuitional memory pou kapab annan kontinite dan en bon travay ki Lasanble in deza fer.

E nou swet li alor all the best e nou dir li keep the standard.  Fer sir ki Lasanble pa desann.  E i pou annan en rol bokou pli larz ki bann Clerk ki’n annan avan.

Akoz avek nouvo Standing Orders tou sa bann keksoz mon krwar in pli kler e responsabilite i osi kler.  E nou swet li e Lasanble osi all the best! Thank you, Mr Speaker Sir.

 

MR SPEAKER

Mersi Onorab De Commarmond. Yes Onorab Ramkalawan.

 

HON WAVEL RAMKALAWAN

Mersi bokou Mr Speaker bonzour Mr Speaker, bonzour tou koleg Onorab e mon ava dir bonzour Madanm Clerk.  Mr Speaker i pa souvan ki mon enterfer dan be mon ganny demande pou fer komanter lo Sekretarya Lasanble   Nasyonal. Be lefe ki ozordi mon’n ganny demande pou mwan fer en komanter lo Sekretarya Lasanble Nasyonal, permet mwan premyerman pou felisit Mrs Isaac dan son nouvo lapwentman.  I en   lapwentman ki challenging e sa Lasanble   li menm li in en Lasanble ki challenging.

Alors mon anvi premyerman dir avek Madanm Clerk ki nou’n swiv li, nou apresye travay ki in fer ziska la aprezan e mon napa okenn dout ki i deza konn byen ki mannyer en Lasanble i deroule.

Mon konnen ki poudir in annan bann moman eksitan dan sa Lasanble    ki’n eksperyanse.  Me in osi annan bann moman avek bokou fristrasyon.  Mon konnen ki poudir  ansanm nou’n koze lo plizyer sa bann keksoz me selman la mwan anvi letan mon pe felisit ou osi aport mon rekonesans anver Manmzel Jutta Alexis pou son travay ki’n fer koman Clerk. E mon konnen ki son term koman Clerk in fini dan en fason ki’n kit en gou anmer isi dan Lasanble.

E alor mon konnen ki pou dir koman Deputy Clerk ou’n osi aprann avek li, e mon mwan senpleman swete ki sa 7enm Lasanble parski la mon anvi dir avek ou bliy 6enm Lasanble.6enm Lasanble i fini apredmen, mazin 7enm Lasanble.

E mwan mon ti ava demande anba ou direksyon parske se ou ki vin sa dimoun ki anmenn la kontinite. Tou politisyen dan sa Lasanble   pou ale, ou koman Clerk se ou ki pou anmenn sa kontinite.  E 7enm Lasanble   pou depann lo ou.

I ava annan mon pa konnen lekel ki pou vin Speaker lekel ki pou vin Deputy Speaker, e lekel bann Manm ki pou dan Lasanble sa nouvo konpozisyon.

Me alor mon pe dir avek ou ki pou annan en kantite responsabilite lo ou zepol e mon swete ki Bondye i ava beni ou.

I ava donn ou sa lagras, i ava donn ou sa lafors pou ou debout.  E Standing Orders in donn nouvo responsabilite pa bezwen les okenn Speaker enterfer dan ou travay koman Clerk! Ou en dimoun endepandan dan en serten sans se ou sa civil servant ki pou kontiny sa travay.  Alors Madanm Clerk mon dir avek ou pou ganny nou siport nenport ki landrwa kot nou été.  E alor fer ou travay avek loner avek dinyite e kit nivo sa Lasanble fer li vin pli o posib.

Felisitasyon e bon kouraz.  E tou benediksyon Madanm Clerk! Mersi bokou.

 

(APPLAUSE)

 

 

MR SPEAKER

Mersi, mersi Onorab Ramkalawan.  Mon krwar mon pa kapab terminen san donn en pti parol Madanm Clerk si ou anvi dir de ti mo Madanm Clerk mon ava donn ou laparol.

 

MADAM CLERK

Mersi Mr Speaker.  Bonzour Mr Speaker, bonzour le de Leaders dan Lasanble   e tou bann Manm Onorab e mon osi rekonnet mon fanmir dan galeri e bann staff management ki anler dan Galeri e tou staff Sekretarya.

Mr Speaker fransman mon pa’n ti’n prepar en pti speech la bomaten. Me selman mon’n ekout avek latansyon tou bann mo lankourazman ki’n ganny dir par le de Leaders e mon ava dir zot mersi bokou pou zot sipor ki zot in donn mwan menm e osi Sekretarya pandan sa 4an ki sa 6enm Lasanble in la.

E mon pe look forward osi pou travay avek sa sekretarya ki la akoz menm si mon vin Clerk Lasanble me Sekretarya an antye travay ki tou staff i fer ki anmenn sa lenstitisyon devan.  e mwan mon pe look forward pou mwan travay avek sa   Sekretarya e osi sa Lasanble  ki pe vini, pou nou kapab kontinyelman kit sa standar o.

E kontinyelman travay pli dir ki sa lenstitisyon i ava vin parmi sa trwa brans Gouvernman, actually the leading institution Sesel.

Kot nou rekonnet talan, nou rekonnet service delivery bann lezot keksoz dan Sesel. So, mon pou dir ankor mersi bann Manm pou zot sipor.   Mersi.

 

(APPLAUSE)

 

MR SPEAKER

Mersi Madanm Clerk e ankor felisitasyon. Bon mon ava zis pas en pti moman lo Order Paper pou nou regard bann business ozordi. Nou pou annan Presentation of Papers, sa pou swiv par en Private Notice Question e osi nou pou annan First Reading and Second Reading debat lo 2 Bill ;-anfen 3 Bill nou annan kontinyasyon Civil Code, Elections (Amendment) Bill, 2020. Political Parties (Registration and Regulation) (Amendment) Bill, 2020.

So, apre sa nou pou konklir nou lasemenn travay nou dernyen semenn travay avek en Mosyon.

Bon mon ava pas laparol ankor avek Madanm Clerk ki ava fer le neseser pou fer Presentation of Papers e apre nou ava osi fer First Reading   avan nou pran Private Notice Question. Madanm Clerk laparol i pou ou.

 

MADAM CLERK

Mersi Mr Speaker i annan 2 papye ki pe ganny prezante bomaten:

S.I. 87 of 2020 Housing Finance Company Limited Guarantee Order, 2020

Financial Intelligence Unit Annual report 2019.  E i annan 3 Bill ki pe ganny prezante, i annan 2 Bill ki pe ganny prezante bomaten i annan.

The Elections (Amendment) Bill, 2020.  This Act may be cited as the Elections (Amendment) Act,2020 and shall come into operation on such date as the President may, by notice in the Gazette, appoint.

E lot i the Political Parties Regulations and (Amendment) Bill 2020;-  

This Act may be cited as the Political Parties (Registration  and Regulation) (Amendment Act, 2020 and shall come into operation on such date as the President may by notice in the Gazette, appoint. Mersi Mr Speaker.

 

MR SPEAKER

Mersi Madanm Clerk.  Bon prezan mon ava demann parliamentary reporter pou apel Minis ek son delegasyon pou nou kontinyen avek travay lo Order Paper. Yes Onorab Ferrari.

 

HON JEAN-FRANCOIS FERRARI

Mersi Mr Speaker. Mr Speaker mon note 2 anomaly lo Order Paper e avek ou permisyon kekfwa avek ou permisyon zot kapab ganny rektifye.

Premyerman dan ABC nou ti’n sinyal avek Madanm Clerk ki pou annan 2 rapor Komite ki pou ganny prezante, e sa i rapor Komite Zil pou sa 6enm Lasanble e 2enm se rapor FPAC lo rapor Oditer Zeneral pou lannen 2018.

So, e sa i pou ganny prezante demen i pe ganny sirkile avek bann Manm i pou ganny prezante demen.

So sa i enn.  2enm Mr Speaker mon pa konnen ki’n arive me mon war poudir Bill pou amann Konstitisyon in ganny tire lo Order paper.

Mon krwar ki sa i en mistake ki nou ti a kekfwa ou kapab rektifye akoz Prezidan in dir pou dir sa i en Bill enportan e nou ti a kontan konsider li a serten moman dan sa   semenn.  Mersi.

 

MR SPEAKER

Mersi Onorab Ferrari. Bon zis avan mon fer komanter lo pwen ki ou’n leve Onorab mon ava dir bonzour e welcome Minis Maurice Loustau-Lalanne Minis ki responsab pou Finans Komers e Envestisman e Planning Economic, ki ganny asiste osi par son Sekreter Prensipal Mr Patrick Payet.

Minister Lalanne   e Mr Payet bonzour e welcome dan Lasanble Nasyonal.

Bon lo ou de pwen ki ou’n leve Onorab Ferrari, mon lofis e mon krwar Lofis Clerk osi pa ankor ganny okenn alert with regards to rapor.

Si nou ti’n ganny gannyen definitivman nou pou ti enkli lo sa Revised Order Paper bomaten. Me ziska maintenant nou pa ankor gannyen. Mwan mon pa okouran e si Lofis Clerk in gannyen i ti pou met mwan okouran. Ok?

Dezyenmman lo sa 3enm Bill ki Constitution of the Republic of Seychelles 10th (Amendment) Bill.

Bon anvi ki yer Bills Committee ti pran desizyon pou apre serten komanter ki’n ganny fer pou pa pran sa Bill,  bomaten   mon’n resevwar en let ki’n sorti kot mover ki pou move sa Bill lo lapar Egzekitiv sa se Leader of Government Business Onorab Charles De Commarmond, ki’n dir poudir zot pa pe, zot pou retir sa Bill from the Order Paper.

E si Bills Committee in deside pou pa konsider sa Bill mon osi mon pa krwar i fer sans ki nou fer First Reading e apepre Lasanble i dizourd Vandredi e sa First Reading i mor lanmenm.

So sa i ava en Bill ki ava ganny konsidere par 7enm Lasanble ler i antre. Bill in ganny Gazete, Bill i ganny fer piblik and all that me 6enm Lasanble pa pou debat sa Bill.

Ler mon’n ganny sa let bomaten mon fer Lofis Clerk okouran e se sa rezon ki nou’n amann the Order Paper e mon krwar si le de, si lo kote, lo ou kote oule en kopi sa let nou kapab fer ou gannyen. Ok? Onorab Waven William.

 

HON WAVEN WILLIAM

Mersi Mr Speaker. Bonzour tou dimoun ki a lekout Mr Speaker mon’n ti’n lev mon lanmen en bon pe letan, mon mazinen petet sa lalimyer anler la pa’n permet ou vwar mwan.

Lefe ki Mrs Isaac ki ozordi Clerk i sorti dan mon distrik i enn mon constituent, mon ti a kontan felisit li Mr Speaker.  E mon ti a kontan dir ki ozordi mon ganny Speaker e mon ganny Clerk ki sorti dan distrik Grand Anse Mahé.

E sa i listwar wi Onorab Arissol, premye fwa i arive.  E mon ti kontan azoute ki mon’n travay akote Mrs Isaac e mon pa pou dir bokou mon krwar ki i deserving.  Akoz Mr Speaker ti dan mon lespri pou mwan dir li be kan bannla pou apwent ou koman Clerk?

E mon le felisit sa Komite ki’n pran sa desizyon pou kapab permet li ganny sa pozisyon ki i merite.

Mr Speaker dezyenmman lefe ki sa semenn i nou dernyen semenn 6enm Lasanble, mon ti a kontan ou gid nou en pti pe lo ki fason nou pou travay. Akoz parey ou konnen i annan bann planifikasyon akoz semenn pase ou ti dir poudir nou riske travay ziske tar e i pou enportan pou nou konnen.

Mon pa konnen si ou a fer li apre lafen lazournen ouswa apre ki nou antre 2er, me selman i pou enportan pou nou konnen kantite letan, ouswa konbyen zour ki nou pou pase dan Lasanble. Mersi Mr Speaker.

 

MR SPEAKER

Mersi Onorab William. Bon lo ou mon krwar ou premye pwen i dir pou li menm.

Me lo ou 2enm pwen ABC ti rankontre Vandredi e zot ti deside poudir anvi bann business ki pou lo Order Paper e nou anvi konklir sa bann business nou’n met Mardi, Merkredi e Zedi koman 3 sitting days akoz Vandredi Lasanble i dizourd ofisyelman.

Me parkont si travay i fini Merkredi, Merkredi nou arete me nou’n fer provizyon pou nou sit ziska Zedi.

Me fir amezir nou ale avek deba lo sa 2 Bill e nou annan en Mosyon nou ava regarde si nou pou extend nou ler en pe pli tar ki 5er.

Me si non, e nou santi ki travay i kapab ale e fini Zedi then nou pou mentenir nou bann ler e nou bann ler ki nou adjourn pou break. Ok?  sa se la fason ki nou pou travay nou lentansyon se ki nou fini travay lo nou dernyen Order Paper ok. Yes Onorab   Ramkalawan.

 

HON WAVEL RAMKALAWAN                   

Mr Speaker, mersi. Sa ki mon anvi dir avek ou, se lefe ki i pa ti nou lentansyon pou prezant sa 2 rapor sa semenn. Me lefe ki premyerman i annan Rapor Zeneral pou 2018,  ki nou ti’n plizoumwen fini travay lo la parske nou ti’n fini fer bann hearings, nou pou, nou trouv nou pe tay avek tou keksoz me selman nou anvi fini avek sa pou ki 7enm Lasanble i ava komans avek sa rapor ki pa ankor ganny prezante.

So sa rapor li i pou ganny sirkile avek bann Manm pou zot komanter final la bomaten, e pou ki nou ava kapab pare pou nou prezant li swa demen bomaten oubyen Zedi bomaten.

Rapor Komite Zil i plizoumwen dan mon lanmen sa in ganny sirkile deza avek bann i annan serten Manm ki’n fer komanter. Li i dan en leta preski fini so li mon garanti i annan zis en pti sirkilasyon pou bann Manm sinyen. So sa i ava ganny fer la bomaten.  E alors i pou dan en pozisyon pou li ganny prezante.

E la mon anvi dir ki obviously i pou en rapor enterim parske la fason keksoz i ete akoz nou pa’n fini nou travay e demen mon ava dir sa letan mon ava pe fer prezantasyon.  So tou le 2 rapor ki   anba mon responsabilite koman Chairperson FPAC sa i  i pou  ganny prezante.

Sel  rapor ki mon ti ava swete ki nou ti ava kapab prezante, se rapor lo lenvestigasyon ki’n nou’n fer an relasyon avek NDEA avek FIU.

Me selman, Mr Speaker   mon war Onorab De Commarmond i deza pe fer en pti sourir. Sa lenvestigasyon in anmenn nou dan tou kalite direksyon.  E ziska ozordi la mon ava dir si konmsi nou ti pou pran li i pou annan ankor bokou travay pou nou fer.

Nou’n set serten target an relasyon ek bann Irish pou regarde si zot pou kapab vin isi, an relasyon avek former President si i pou pare pou vin devan.

I annan en kantite konplikasyon e sennla, la sa mon krwar 7enm Lasanble i ava bezwen kontinyen nou ava handover tou bann dokiman.  So se sa pozisyon Mr Speaker.  Mersi.

 

MR SPEAKER

Mersi Onorab Ramkalawan.   Bon etan ki ou Chair tou le 2 Komite FPAC avek Komite Zil, bon mon ava fer le neseser pandan lazournen ou ava notifye Lofis Clerk.  E si nou’n pare apre midi nou a fer Revised Order Paper si non demen bomaten nou ava enkli sa 2 rapor pou nou i kapab dispose of avan nou …

 

HON WAVEL RAMKALAWAN 

Yes, Mr Speaker mersi bokou. Mon ava plito dir annou met li pou demen bomaten. Annou met li pou demen bomaten.  E mon donn parol ki poudir demen bomaten tou le 2 rapor i pou’n fini dan son leta pou li ganny prezante. Mersi bokou.

 

MR SPEAKER

Dakor Onorab Ramkalawan.  Bon nou ava kontinyen ek nou business lo Order Paper e mon retourn laparol kot ou Onorab Ramkalawan Dirizan Lopozisyon pou ou Private Notice Question pou Minis Finans.

 

HON WAVEL RAMKALAWAN 

Mersi bokou ankor enn fwa Mr Speaker. Bonzour Minis Loustau-Lalanne.  E Sekreter D’Eta Mr Payet.

Mr Speaker swivan langazman donnen par Minis Finans pandan deliberasyon lo nouvo Bidze 2020 e a plizyer repriz, lezot repriz, enkli dan mwan Zilyet ki i pou donn Lasanble Nasyonal oubyen FPAC lalis tou bann biznes ki’n ganny asiste anba FA4JR, e osi langazman sa Komite li menm dan Konferans De Pres ki sa lalis ti pou ganny fer piblik, vi ki la mwan Out in komanse e ziska prezan zot pa ankor zanmen donn sa lalis, eski Minis i kapab dir Lasanble:

(1) Kan eski Minis Finans i kapab donn sa sizyenm Lasanble sa lalis parey son Gouvernman ti promet   pour sa lenstitisyon kapab fer son travay oversight, anba prensip rann kont ek latransparans lo depans Bidze?

(2) Vi ki tou sa bann sif i ganny garde dan en form elektronik avek tou bann detay, tel ki non biznes, lakantite travayer, sonm aprouve oubyen pa aprouve ek lezot detay, akoz ki Minis in trouv li difisil pou donn sa lalis depi letan i ti promet?

Trwazyenmman, vi ki Minis in vin avek sa lalis lo plizyer repriz dan Lasanble e regard lo la pou ganny bann detay, ki montre ki sa lalis i egziste, eski Minis i ava donn Lasanble vre rezon, akoz in refize donn sa lalis kan bann dimoun ki’n travay lo sa lalis in donn li tou detay?

E finalman etandonnen ki piblikasyon sa lalis ti form parti kondisyon avek IMF pour Sesel ganny lasistans finansyel, eski Minis pa santi ki ankor enn fwa son Gouvernman pe azir malonnet, non selman avek Lasanble Nasyonal, me osi avek IMF?

 

MR SPEAKER

Mersi Onorab Ramkalawan. Minister laparol i pou ou.

 

MINISTER MAURICE LOUSTAU-LALANNE      

Mersi Mr Speaker.  Mr Speaker si ou a permet mwan a mon tour felisit Mrs Isaac pou son pozisyon koman Madanm Clerk.

Mr Speaker, Onorab Leader Lopozisyon, Onorab Leader Zafer Gouvernman tou Manm Onorab. Tou Manm Onorab. Tou dimoun ki a lekout, bonzour. Mr Speaker parey mon ti promet en rapor pou ganny donnen avek Lasanble. Me sa rapor i ankor pe ganny compile.

Mr Speaker an plizyer repriz ki mon’n vin dan Lasanble, mon’n fer resorti bann difikilte ki Minister ti pe gannyen pou prepar sa rapor. Minister ti komans avek 3 staff e sa in ogmante pou vin 10.  Tou zefor pe ganny fer pou konplet sa rapor le pli vit posib.

2enm Mr Speaker pli par lenformasyon pou mwan Avril e May ganny donnen par hard copy oubyen atraver email, e ti selman pou mwan Zen ki bann lenformasyon ti ganny donnen par en sistenm   elektronik.

Mr Speaker ziska prezan en pe plis ki 1000 file oubyen dosye in ganny fini met dan sistenm. Me nou bezwen pran kont ki ti annan plis ki 5000 file.  Alor pou pran nou ankor en pe letan avan ki sa legzersis i konplete.

Mr Speaker konsernan lalis detay ki pe ganny demande.  Parey mon’n dir zot nou pou en rapor ki pou byen striktire e bann biznes oubyen bann endividi ki’n ganny aprouve, rezete, pou ganny kategorize.

Par egzanp bann letablisman touristik bann restoran, car hire, hairdresser ensidswit.

3enm, Mr Speaker ler mon vin dan Lasanble mon bezwen fer sir ki mon byen prepare pou donn zot bann larepons zot kestyon.  Mr Speaker mon servi bann lenformasyon ki ganny pibliye avek medya toulezour.

4trienm, Mr Speaker fodre mon fer resorti ki piblikasyon en rapor pa ti form parti kondisyon avek IMF pou Sesel   ganny lasistans finansyel.  Me ti plito en komikman ki nou ti fer.  Parey mon dir rapor pe fer e i pou ganny donnen ek Lasanble me si i pa pare la pou donn avek 6enm Lasanble i ava ganny donnen avek 7enm Lasanble.  Sa mon garanti zot.  Mersi Mr Speaker.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN 

Mersi Mr Speaker. Mr Speaker mon bezwen premyerman eksprim mon dezapwentman avek Minis, parski i resanble ki i bliye ki bann keksoz ki in fer ki endike klerman ki poudir sa rapor i egziste.

So mon premye kestyon se ki se napa en rapor, si napa bann detay parey Minis i le fer nou krwar,  ki mannyer eski i kapab regilyerman donn avek piblik Seselwa swa dan Konferans De Pres oubyen isi dan Lasanble pou dir avek nou konbyen biznes ki ganny, konbyen ki’n ganny aprouve? Konbyen ki pa’n ganny aprouve? E konbyen sonm ki ganny aprouve? Kote i tire sa bann sif pou li donn nou si i napa detay ?

E an plis ki sa kote i ganny sa bann sif pou dir an pou sa 3 mwan i kapab donn nou detay konbyen pou sak mwan?  Alor eski Minis i kapab dir avek nou kote i tire sa bann sif?

Dezyenmman ki mannyer eski Minis i kapab dir avek nou i ankor pe fer sa rapor, kan i menm kapab dir avek nou konbyen ka ki’n al devan rapel ki’n ganny aprouve e ki pa’n ganny aprouve?

Ki mannyer Minis i kapab dir avek nou i napa bann detay, kan son Gouvernman in fini pran desizyon lo konbyen sonm zot in fini kalkile, konbyen sonm zot in depanse an total.

Konbyen sonm ki reste e an plis ki sa zot in dir ki tou dimoun aprezan apartir Zilyet zot pou ganny ede dan lendistri touris, san ki zot bezwen prezant kont zot kont labank ensidswit.

Eski Minis i kapab dir avek nou kote sa bann detay i sorti, si in sorti dan lesyel in tonm kot Minister Finans o bor Liberty House?  Mersi bokou.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE  

Mersi Mr Speaker. Mersi Onorab. Onorab nou annan nou dan Minister Finans 5097 file.

E sa i an hard copy e tou sa file lo sa bann aplikan i komans par zot premye aplikasyon.  Lanaliz ki’n ganny fer. Desizyon Komite FA4GR e si in appeal desizyon Appeal Committee tousala i la in hard copy.

E sa kot nou ganny nou lenformasyon ki nou partaze o fir anmezir ki nou’n ale swa dan bann Konferans De Pres oubyen isi menm dan sa Lasanble.  E toulezour Lendi a Vandredi oubyen Sanmdi nou pibliy sa bann statistik dan Nasyon e pou lezot medya.  So lala kote sa bann lenformasyon i ete me nou, nou oule pibliy en rapor.  Sa ki nou le dir par en rapor nou oule en rapor kot nou pran tou sa bann lenformasyon nou met dan en database e apre nou fer bann analiz neseser avek sa lenformasyon.

E se sa rapor ki nou ankor pe travay lo la. E sa10 endividi ki nou’n anploye ki pe travay pou enter sa bann data zot in nobou met 1051 file ozordi dan sa sistenm.

E letan nou pou annan tou sa lenformasyon se la ki nou pou konnen.  Konbyen par egzanp   en detay tre enportan letan nou’n pey lo payroll, i annan Seselwa e osi etranze nou napa sa dezagregasyon sa lenformasyon ozordi me se en lenformasyon enportan ki nou pou kapab tir dan sa database enn fwa ki nou antre li dan sistenm.

So se sa bann keksoz ki enportan ki nou prodwir sa rapor striktire, detaye ki mon pou donn avek Lasanble parey nou’n fer.  E tou le fason Minister Finans les mwan rapel tou komitman ki nou’n fer avek Lasanble Nasyonal nou’n delivre.

Sennla malerezman in ariv a en letan kot i annan en konzonktir ki nou pa kapab soumet avek 6enm Lasanble akoz i pa ankor fini. Vwala Mr Speaker mon larepons pou sa 3 kestyon Onorab Ramkalawan. Mersi.

 

MR SPEAKER

Mersi Minis. Bon mon anvi zis averti bann Manm Lasanble ki nou pe swiv menm prosedir. 2 siplemanter sak kote. Mon’n deza lo kote Lopozisyon, mon’n deza ganny 2 Manm ki’n lev lanmen o premye.

Sa se Onorab Terence Mondon e Onorab Sandy Arissol. Ok.

 

(Off-Mic)

 

 

MR SPEAKER

Non, non, non Onorab PNQ i privilez Leader Lopozisyon oparavan nou’n ouver li pou tou Manm Lasanble   anvi letan and all that.  I annan en pe letan ki mon’n adapte sa prensip mon ouver li PNQ. Non semenn pase ti pas parey.

Bon mon desizyon lo la se mon pou kontinyen parey se 2 Manm sak kote.  PNQ i privilez Leader Lopozisyon, Leader Lopozisyon mon donn li sans demann tou son bann siplemanter apre ki bann Manm in demann siplemanter mon retourn ankor kot li akoz ankor parey mon dir i son privilez.

I annan en pe letan mon’n pran, mon’n adopte sa pozisyon kot 2 Manm sak kote i demann siplemanter lo PNQ. Parey mon dir mon’n ganny 2 Manm lo kote LDS ok e mon pe tenir mon pe mentenir mon pozisyon.

Onorab, Onorab Ferrari mon pozisyon i kler e sa i mon pozisyon ki mon’n pran ok?  Ou kapab swiv tou bann presedans Lasanble ou ava trouve sa i mon pozisyon ki mon’n pran.

E menm mon’n fer li osi tou lezot kestyon ki nou pa zis ouver e sa ti en keksoz osi tou ki ti ganny koze dan ler nou ti pe deal ek Standing Orders ok?

Napa nanryen dan Standing Orders ki dir ki lezot Manm i ouver lo la.  Mon pe mentenir mon pozisyon.  Ou annan ou …

 

(Off-Mic)

 

MR SPEAKER

Onorab mon pe koze, mwan annan 2 Manm lo ou kote ki’n lev lanmen si oule pran pozisyon sa 2 Manm oule pran zot plas pou demann kestyon ou lib.

Me mon pe dir mon pe donn 2 Manm lo sak kote pou demann siplemanter. Vwala mon pozisyon final. Yes, Onorab Ferrari.

 

HON JEAN-FRANCOIS FERRARI

Mr Speaker.

 

MR SPEAKER

Yes, Onorab Ferrari ?

 

HON JEAN-FRANCOIS FERRARI

Mr Speaker   Standing Orders pa ankor aprouve e presedans i montre poudir ou bezwen les sa bann dimoun, bann lasal ouver pou bann kestyon !

Mwan mon pe ensiste ou’n fer ou pozisyon nou osi nou annan bann drwa koman bann Manm. Mon pe eksprim mon drwa ! Mersi.

 

MR SPEAKER

Mersi.  Bon mon’n fer mon pozisyon final parey mon’n dir i annan 2 Manm Onorab Terence Mondon ek Onorab Sandy Arissol.

Prezan si zot oule negosye pou pran plas sa 2, me se selman 2 Manm apard Leader Lopozisyon ki pou ganny siplemanter.  Mon desizyon i final.        Mon retourn kot Onorab Ramkalawan. Onorab.

 

HON WAVEL RAMKALAWAN 

Mersi bokou Mr Speaker.  Mr Speaker mon anvi dir avek Minis e demann Minis e Minis i konn egzakteman sa ki nou pe rode.

Minis eski ou’n sezi ki poudir Lasanble Nasyonal pa pe rod ki annan dan tou sa bann file li. Lasanble Nasyonal pe rod egzakteman sa ki Lazans pou Proteksyon Sosyal ti donn nou.

Non lakonpannyen, konbyen in gannyen?  Ki dat ki i ti gannyen?  E oubyen si i pa’n ganny aprouve? Se tou ki Lasanble pe rode.

E Minis la mon ava dir avek ou, ou menm ou ou’n deza fer en komanter letan mon’n demann ou en kestyon, letan ou  pe regard sa lalis, mon ti dir en keksoz e ou menm ou ti dir avek mwan. ‘’Sa lalis ki ou anvi.’’

Alor Minis eski ou ava pare Lasanble i fini Vandredi. Eski ou ava pare pour Zedi zwenn avek FPAC si ou anvi komans avek FPAC pandan lunch break 2erdtan, pou partaz avek nou sa lenformasyon ki nou pe rode, ki ou konn egzakteman ki nou pe rode.  Sa i enn.

2enm Mr Speaker, Minis mon trouv i vreman drol ki konmsi ou a pe dir nou tousala ensidswit,  kan ou konnen egzakteman kwa ki nou anvi kan an Mars letan COVID ti deklare, i ti pran ou en mwan, en mwan pou ou prezant en nouvo Bidze.

E alor eski ou pa santi poudir sa i vreman konmsi i annan en serten, parey mon dir dan mon kestyon. En serten malonnet lo lapar Minister kan zot konnen egzakteman kwa ki nou pe rode. E apre Minis ou konn tre byen ki poudir Trezor ki fer tou sa bann peyman.

E Trezor li i elektronik, Trezor i elektronik zis ou pez en bouton ou konn tou keksoz. Akoz ki ou pa kapab donn nou sa lalis bann detay ki mon’n donnen, kan tou sa bann peyman probableman i al anba menm Code.  E zis koman ou pou pez en bouton poudir tou peyman ki’n ganny fer anba tel Code, tousala pou monte.  Alor?

E apre eski Minis, Minis mon trouv i drol letan ou’n nonm IMF parski Washington DC li menm i ti dir ki Gouvernman, ‘’the authorities are committed to transparency and good governance in the use of emergency financing, by providing monthly reports of pandemic related expenditure to the National Assembly.  And undertaking an independent audit of such spending and procurement and publishing the results.’’

Sa i 2enm parti.  E pa sa ki nou pe rode.  Alors eski Minis i pare pou li vin devan nou Lasanble pa pou prezant sa rapor detaye parey ou pe dir, lo tou sa bann detay me pou dir avek nou konbyen biznes ki’n fer laplikasyon?

Konbyen ki’n ganny aksepte, konbyen ki pa’n ganny aksepte? Ki sonm ki ganny aksepte?  Se tou ki nou pe rode e byensir letan nou pe dir bann biznes se zot non. Pou nou konnen.  Akoz i enportan pou nou sa Mr Speaker.  I enportan akoz i annan bokou Seselwa-

E la bomaten  mon ganny – I annan ankor bann lotel ki pa ankor ganny asiste e pourtan Zilyet in fini li.

E apartir, e pou Zilyet tou bann Lendistri Touris zot sipoze pa ni bezwen menm prezant tou bann dokiman e zot ti pou ganny konsidere koman priyorite. Mersi bokou Mr Speaker.

 

MR SPEAKER

Mersi Onorab Ramkalawan. Minis.

 

MINISTER MAURICE LOUSTAU-LALANNE  

Mersi Mr Speaker, Mersi Onorab.  Onorab mon’n note bann, bann kestyon ki ou pe poze. Wi avek IMF les mon a konmans koumsa.

Avek IMF nou’n   toultan an diskisyon avek zot apre ki nou ti nou Bidze amande 2020 ti ganny amande e aksepte. E nou annan dyalog e nou touzour an dyalog avek zot tou lede semenn o minimonm par telefonn.  E se nou ki ti propoz avek IMF ki nou pou annan en rapor tou le mwan.

I vre akoz komansman ou annan parfetman rezon nou ti dir nou pou fer en rapor tou le mwan.  Me apre i pa’n posib akoz tou sa bann konplikasyon administrativ ki nou’n ganny eksetera. E  o fir anmezir nou’n kominike mon’n vin dan Lasanble   nou’n diskite e nou’n agree ki nou pou konbin Avril ek May ansanm.

Apre nou ti agree nou pou konbin Avril, May ek Zen ansanm e zis pou mwan dir zot, par egzanp yer Komite FA4GR in konsider aplikasyon pou Zen. So i ankor annan parey ou pe dir i annan tanzantan i monte i dir i pa ankor gannyen.

Oli son desizyon and so on. Nou ankor pe war sa bann keksoz so pou Zen i annan en konpannyen. Pou Zen in ganny konsidere yer par Komite.

 So sa i en ongoing process. E  nou bezwen travay avek tou sa bann keksoz se pou krwar nou santi ki pli enportan pou nou prodwi en rapor striktire, detaye avek tou son bann detay.  E an menm tan parey mon ti dir.

E mwan mon’n fini koz avek Oditer Zeneral fer li antre pou li vin odit sa FA4GR lo sa rapor ki nou pou soumet avek Lasanble e osi avek li pou li fer son travay Oditer Zeneral lo la.

Wi, o komansman nou ti annan tou nou larme tou nou staff Minister Finans pou travay lo en Bidze amande 2020. Ti napa distraksyon me letan nou’n komans resevwar bann aplikasyon pou lasistans salaryal, nou’n war nou an en sityasyon kot mazorite nou travayer in bezwen konsantre lo sa travay.

E travay Minister Finans in en pe tonm an aryer, par egzanp ozordi nou bezwen soumet mid-term avek Lasanble be nou an retar.  E nou pou an retar, akoz nou annan travayer e mon salye zot sa bann travay ki zot pe fer.

Zot bezwen fer lezot keksoz me zot annan deadline obligatwar legal ki nou bezwen osi respekte.  E la osi nou pou tonm an aryer. Konteni sa bann difikilte ki nou annan.

Ou’n koz lo July payments, wi si tou keksoz i annord nou kapab e nou devret pey Zilyet, avan lafen Zilyet.  me i pa’n koumsa pou plizyer rezon parey ozordi apartir yer nou dir nou’n pey 2424 laplikasyon pou Zilyet pou en sonm R49milyon e la ozordi nou pe kontinyen peye.

Nou pe al pey ankor R18milyon pou Zilyet.  So i annan ankor ki pe espere e zot call zot demande ki pe arive eksetera.

E rezon;-  i annan plizyer rezon parey mon’n deza dir i annan rezon ou anvoy labank, labank i fer retournen. Nou ti annan en batch 838 peyman en labank in retourn tou.  E par ler osi labank i tenir kont enn, de zour.  So finalman sa konpannyen ou sa endividi i ganny afekte.

Sa osi i arive. Apre nou ti dir akoz nou pa oule lo payroll annan travayer etranze.  So nou bezwen verifye i en verifikasyon nou pou bezwen fer.  I annan pa ankor soumet.  So nou, nou fer en legzersis pou sey ede, me i zot devwar pou soumet sa payroll amande san ekspatriye lo la.

E ki nou war, nou war plizyer keksoz ki nou bezwen korize avan nou peye.  Nou’n war lotel, i ti annan li tan travayer e i tir sa ekspatriye me i met Seselwa.  Nou pa kapab pey li atraver FA4GR Seselwa i bezwen ganny peye atraver SETS.  So sa osi en dedikasyon ki nou bezwen fer avan nou pey li. So tousala i en travay enportan ki nou bezwen fer avan ki nou zis nou peye.

So mon pe donn ou sa bann leksplikasyon pou fer zot konpran ki difikilte i annan. E i pran letan e se akoz sa Mr Speaker ki nou pa kapab zis donn lenformasyon koumsa.

E parey mon ti dir osi letan mon’n koz ek bann lasosyasyon letan mon’n al lo Praslin mon ti poz zot kestyon zot oule war non dimoun avek konbyen nou’n peye. Zot le war biznes e konbyen zot in gannyen, me i annan divers lopinyon lo la. Ou konpran mwan?  So mwan mon santi ki nou bezwen serye.

Par egzanp i annan lakonpannyen zot an konpetisyon  ek kanmarad. Letan zot pou war sa lenformasyon piblik i pou kree difikilte e nou pa anvi kree en lot difikilte, se akoz sa nou oule aggregate tou lenformasyon. Parey mon’n dir nou pou met gran lotel si i annan 50 nou a met sa 50 gran lotel.  Nou a met son kantite larzan ki in gannyen.

Vwala Mr Speaker lafason ki nou oule prosede mwan mon’n dir a sak fwa nou’n kominike mwan mon krwar nou ti annan en Lagreman ki nou pou pli pou pibliy sa rapor sa 3 mwan ansanm,  Avril, May ek juin ansanm.

Donk vwala mon krwar Mr Speaker mon’n tous tou larepons.  Bon Trezor, wi i vre lo Trezor be avan ki Trezor i peye i sorti dan Minister Finans. E    i annan bokou travay ki nou ganny fer donk nou annan en lalis menm avan lalis Trezor. Nou annan en lalis avek nou.  Me nou oule met en lord dan sa bann lalis avan nou pibliye. Mersi Mr Speaker.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN 

Me Mr Speaker ankor enn fwa mon pa ganny en konpran. Eski Minis i kapab dir avek nou dan sa ka akoz ki zot ti mon’n en commitment?  Nou pe al zis lo sa commitment ki ou Minis ou’n donnen dan sa Lasanble Nasyonal, ki avek tou respe SS Payet ti donnen dan premye Konferans Lapres ki poudir tou detay lekel ki’n ganny peye, konbyen ki’n ganny peye pou ganny fer piblik!

Se sa commitment ki zot ti donnen e ozordi Minis ou a pe dir a konpetisyon, lot isi… Me Minis eski ou realize ki pou dir letan nou ti a pe koz lo bann zafer lapey, letan ti annan Bill lo 15 poursan logmantasyon, se pa 5 poursan logmantasyon ki pou dir letan nou ti pe fer sa travay Gouvernman ti donn nou payroll Civil Service?  15,000 dimoun?

 

E eski sa in deza vin piblik? Akoz ki ozordi zot pe zwe tay isi tay laba e kestyon ki mon anvi demande eski i annan manboulouk dan sa zafer? E ki se pour sa rezon ki zot pa oule donnen?

Parske i kler e alor.   Mr Speaker mwan mon anvi dir Minis annou desann pli ba.  Pou 3 mwan i tro bokou, dapre ki sa ki Minis in dir be Minis eski ou pare pou ou, mon retourn ankor lo la zwenn avek FPAC Zedi pou ou donn zis pou en mwan.

Pour ou donn pou mwan Avril. Ou dir zot ankor pe travay lo pou Zilyet, Zen fine, me pou Avril eski i pou pran sa degre, i pou sa degre difisil pou ou asize avek nou ansanm avek Chairman sa komite dan FPAC pou ou donn nou zis pou mwan Avril an Excel pa ni bezwen fer pli gran detay ?  Pou nou kapab koman en Lasanble   Nasyonal pou nou kapab fer nou travay !

E lotrozour Minis ou menm ou ti dir mwan koman Chairperson FPAC mon’n teroriz ou pou donn en rapor ! Savedir ou realize poudir o fet ou devret kapab donn FPAC sa rapor.  E alor?

Eski ou pare pou ou vini Zedi pandan lunch break pou nou kapab regard sa? E sa i a fer dernyen enteraksyon ant ou koman dan Minister Finans e avek FPAC e apre sa nou a bwar en bon tas dite ansanm.  Mersi   bokou.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE  

Mersi Mr Speaker. Mr Speaker si zot krwar oubyen si Onorab i krwar ki i annan manboulouk, sel lenstitisyon ki pou konfirm manboulouk letan mon mon’n sa rapor avek Oditer Zeneral.

E se Oditer Zeneral ki pou regarde si i annan manboulouk.  I a fer son investigation.  E i ava dir wi i annan manboulouk.  Mwan mon kapab konfirmen avek lenformasyon ki mon annan.  Mon pa’n pas dan tou sa bann 5000 ekek dosye mwan, akoz nou apwent en Komite   pou pran sa bann desizyon.

Mwan e bann lenformasyon ki deza annan piblikman lo diferan konpannyen ki’n gannyen en bann pa’n gannyen, dan bann biznes isi laba whatever it is.

Zot konn bann kriter ki nou aplike, mwan mon pa krwar ki i annan manboulouk. So, mwan repete i enportan ki sa rapor final pou sa 3 mwan i ganny konplete travay in komanse i pe al pli vit ki semenn pase e dan ankor detrwa semenn nou pou ganny sa rapor final.

E mon prefere ki mon fer li koumsa parey nou ti’n agree. Akoz nou osi nou’n vin kekfwa sa mo viktim i pa en bon mo nou osi nou’n vin viktim disolisyon Lasanble Nasyonal, akoz i pa permet nou konplet sa travay. Mr Speaker mersi.

 

MR SPEAKER

Mersi Minis. Onorab Terence Mondon.

 

HON TERENCE MONDON

Mersi Mr Speaker. Bonzour Minis avek ou delegasyon.  Mr Speaker mon le, mon kestyon pou Minis  se akoz ki nou Lasanble i ganny tou lenformasyon detaye pandan staz formilasyon e aprouvasyon en Bidze.

Nou ganny tou bann lenformasyon ler pe rod laprouvasyon en Bidze, me parkont nou pa ganny lenformasyon detaye lo egzekisyon sa Bidze e ou rod tou leskiz akoz zot pa kapab donn nou sa   lenformasyon.

Dezyenmman Mr Speaker, la ki nou napa en Lasanble pour sirvey Egzekitiv pou konnen ki mannyer larzan sa pep pe ganny depanse, ki garanti ki ou pe donn nou, ki zot pa pou donn bal dan sa larzan, pou mwan Mr Speaker i enkyetan e sa i larzan pep Seselwa! E lenformasyon ki nou pe demande i bann lenformasyon senp.

Parey loter Mosyon in dir pli boner, i bann lenformasyon senp e mon pa war akoz.  E nou pa pe ganny sa bann lenformasyon. Mon dernyen kestyon Minis. Minis ou pa realize parey in ganny dir i pran 3 ,4 semenn pou formil sa Bidze COVID19. E la nou ariv 4enm mwan nou pa pe ganny rapor eski ou realize ki ou pe limit pep Seselwa akse avek lenformasyon sitan enportan? Akoz i zot larzan. Mersi Mr Speaker.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE  

Mersi Mr Speaker, Mersi Onorab. Onorab mon pa pe donn okenn leskiz mon pe eksplike akoz ki nou an retar. E mon repete, mon pa krwar ki i annan okenn manboulouk. Les nou konplet sa rapor. Letan Lasanble   i ganny dizourd sel lenstans ki la pou regle nou, se ankor Biro Oditer Zeneral. E i kapab antre anytime li.

Menm nou si nou santi i annan problenm nou kapab kriy li dir li vin regarde. Demen i kapab antre e vin get FA4GR ozordi kot i ete. I pou ganny li en bon pe problenm akoz tou zafer i en pe partou, partou nou pa pou kapab donn li en sentez pou li al lo la.

Se pour kwa nou bezwen fer sa bann travay ki nou’n dir nou bezwen fer sa bann travay ki nou’n dir nou bezwen fer. E nou soumet li en rapor koumsa en travay ki ordonnen, en travay ki ganny planifye pou fer son louvraz osi pli fasil.

So vwala sa ki nou pe fer.  E parey mon’n dir i pa leskiz mon pa pe rod leskiz pou mwan donn ou akoz mon pa oule donn ou.  Mon’n eksplik ou e mon’n eksplik sa Lasanble tou lenformasyon ki mon annan.

E mon krwar pa ki mon bann zofisye pe kasyet lenformasyon avek mwan.  Akoz lo bann ka ki monte tanzantan spesifik mon regarde. Mon’n ganny en ka par egzanp lo La Digue resaman e se zis en fot ki’n ganny fer ki mannyer en form in ganny anpli.

Me in pran 3mwan pou regle sa problenm.  Ou ava dir avek mwan come on ou pa kapab ranpli en lot form   i pran 3 mwan? Me malerezman se sa la realite ki’n pran.

E ozordi nou’n nobou trouv en solisyon e nou bezwen enplik nou e enplik mwan dan sa travay.  So i pran bokou letan mwan mon pa pe donn ou leskiz mwan. Sa i bann fe ki egziste. Mersi Mr Speaker.

 

MR SPEAKER

Mersi Minis.  Onorab Mondon.

 

HON TERENCE MONDON

Mr Speaker nou’n tann koz lo latransparans, rann kont en kantite dan Lasanble.  E pou mwan mon pa vwar ki Gouvernman in met ase zefor vreman, pou donn nou sa latransparans ki nou bezwen.

Mon anvi demann Minis,   mon pa krwar zofisye bann teknisyen dan ou Minister pe kasyet ou lenformasyon. Zot pe donn ou tou lenformasyon, be selman mwan mon krwar ki politisyen pe kasyet nou lenformasyon.  Eski zot sistenm elektronik pe marse?

E la ankor mon pa pe konpran si ou annan en sistenm elektronik ou pe capture sa bann lenformasyon depi day one ler i antre, ou pa kapab donn en rapor senp lekel konpannyen, konbyen in ganny asiste, sa Minis mon pa ganny en konpran ki mannyer pa kapab ganny fer. Akoz ozordi dan nou pei nou tou dimoun pe servi elektronik. Laplipar nou sistenm i computerized ki mannyer ou pa kapab capture en lenformasyon senp ki 4 mwan in arive ou pa pe kapab donn nou sa lenformasyon. Mersi.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Wi, mersi Mr Speaker.  Mr Speaker an sa ki konsern capture lenformasyon e kote lenformasyon i ete.  Parey mon’n deza dir dan sa Lasanble malerezman nou napa en sel sistenm ki capture tou keksoz oubyen i koz ek tou keksoz.

Mon’n dir sa bokou fwa ozordi, an sa ki konsern FA4GR li menm letan nou ti komanse parey mon’n dir dan mon lentrodiksyon, dan mon larepons.

Nou letan nou ti konmanse nou ti dir soumet hard copy, soumet dan distrik, soumet Minister eksetera apre letan COVID in vini nou ti dir sanze anvoy par e-mail. So  nou annan en sistenm lenformasyon ki lo, nou apel sa en google sheet apre nou annan hard copy.

Ozordi kot nou’n arive la tou sa 5097 file nou pe scan tou sa bann lenformasyon ki lo la, e sa pe ganny fer kot DICT.  I pa ankor antre dan en sistenm.  I la li i manual i annan en ta file partou lo tou sa bann dimoun.  Sa ki egziste sa bann sistenm pa ankor koz ek kanmarad.

Me nou annan, nou annan bann sistenm ki lo computer Chairman, lo computer en lot dimoun eksetera.  E parey nou dir nou verifye lenformasyon nou servi database SRC pou nou verifye taks lo en laplikasyon.

Me i pa online nek ou kapab antre tyeke e verifye lanmenm la en sel kou lo en sel platform.  I pa koumsa.  So nou pa pe kasyet lenformasyon.

Lenformasyon pe ganny met tou lo en sistenm lo en platform par sa 10 anplwaye ki prezan pe travay pe pran sakenn sa bann dosye pe input sa lenformasyon e byento nou a gannyen. I ankor around the corner byento nou a gannyen.  Mersi Mr Speaker.

 

MR SPEAKER

Mersi Minis. Onorab Sandy Arissol.

 

HON SANDY ARISSOL 

Mersi Mr Speaker. Bonzour Minis avek SS. Bonzour tou Manm e tou dimoun ki a lekout.

Mr Speaker mon ti a kontan zis remind Minis poudir letan zot ti promot Mr Faure lo screen saver dan bann Biro Gouvernman,  tou bann computer ti konekte ek kanmarad dan sa promosyon.

La ler pou nou get larzan Lepep Seselwa mannyer ganny depanse computer i divage!  Nou note sa.

Mon premye kestyon ki mon ti a kontan demann Minis,  ki   kriter ki annan kot Minister Finans pou asiste bann dimoun akoz mon aprann i annan en kriter ki call i ganny fer State House   e deswit tou file i ganny vwar e sa dimoun li i ganny konekte e ganny asiste me personn pa konnen lo ki baz.

Me parkont letan ou ganny en phone call 7er bomaten, en biznes La Digue Mr Speaker i dir avek ou depi Mars in fer son aplikasyon i pe fer son depans elektrisite. I pe pey son travayer, i pe pey son loan e ziska ozordi ler nou pe koz la li i pa ankor ganny asiste ditou !

Mon 2enm kestyon mon ti a kontan demann Minis i an relasyon avek en madanm ki apel Samantha Fardial, in dir mwan mansyonn son non Mr Speaker i apel Samantha Fardial.

I en madanm ki annan en pti biznes son biznes apel Black Box Takeaway ki ganny trouve dan Lakour Lekol SALS, School of Advance Level Studies premises Anse Royale.

Mr Speaker ozordi i pe vwar i pe ganny difikilte, parske li koman en pti biznes ki prodwi manze parey nou dir take away box,  i pa pe ganny asiste parske in dir zot debourye.  Li son problenm Minis atraver ou Mr Speaker i ouver ziska 1er dan lakour lekol. Prezan i vwar poudir la kantite zanfan ki abitye vini zot pa pe vini parske zot pe fer zot travay dan lakour an rezon avek COVID.

Prezan Ms Samantha Fardial i pe bat isi, i pe bat laba parske i pe demann Minister Ledikasyon pou li ouver ziska aswar me Ledikasyon i dir li wi, me lekol i dir ek li non.

Alor ki in fer Mr Speaker in ekri Mr Damien Thesée kot Minister Finans in ekrir Ms Angelic Appoo kot ESA, in sey ekrir Mr Andre Pool kot Licensing e ziska prezan ler nou pe koze i pa ankor ganny asiste i pa ankor ganny dir nanryen.

Alor mon kestyon letan Minis pe travay lo lalis, eski zot realize poudir i annan plizyer dimoun ki pe fer fas avek difikilte e nou annan plizyer Seselwa ki pa pe manze laba deor?

Alor mon dernyen kestyon mon ti a kontan demann Minis    Mr Speaker   letan Minis   pe travay lo son lalis ki long, ki pa kapab donn nou, eski Minis ou kapab donn nou sa dernyen lalis, sa dernyen bout ki ou avek Mr Thesée obor ou avek Mr SS obor ou Payet zot in travay lo la.

Pa donn nou pandan tou sa bann lannen kekfwa tro long pou donn nou Minis, donn nou sa pti dele letan la sa pti gin lalis ki ou mazinen la ki ou’n travay lo la, pou nou balanse pou nou fer sir ki parey Onorab Mondon avek Onorab Ramkalawan in dir, napa manboulouk dan sa zafer ki nou pe kestyonnen, ozordi !  Mersi bokou Mr Speaker.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab. Onorab call State House apre ganny fast track mon konn okenn ka. Call kot mwan wi e sa in vini akoz mon’n deplase e mon al La Digue, letan nou’n fini fer nou meeting La Digue ti annan o mwen 22 dimoun ki ti vin war mwan personnelman e mon’n note.

I annan nou’n nobou rezourd, i annan nou ankor pe sey rezourd.  Senpleman akoz wi apre mon’n pran sa bann ka mon met devan Komite.  Mon pa dir Komite met zot lo premye lo lalis be mon eksplik sityasyon e Komite in pran sa an konsiderasyon e in annan plizyer biznes ki’n ganny rezourd.

Sa osi menm zafer pou   Praslin letan nou ti al Praslin apre meeting en bon pe dimoun in vin war mwan.  Mon’n note e nou’n fer avanse zot proze.  I annan ki’n gannyen, i annan menm pa’n gannyen. Me omwen nou’n nobou fer donn zot en larepons dan en dele ki plito akseptab e wi mon dakor i annan delay ki tro long.

Sa bann dimoun ki pa ganny asiste akoz zot in ganny rezete toultan nou’n eksplik prosedir zot konnen prosedir zot.  Me i ariv de ka kot vreman nou war kot mon bezwen entervenir e sa mon fer li e bokou dimoun i annan mon nimero telefonn ozordi e zot kontakte mwan e kot mon kapab fer al pli vit mon fer pli vit.

Sa ka spesifik ki ou pe mansyonnen mannyer mon konpran sa dimoun in ganny asiste. Koman li, me yer dan Komite FA4GR son in ganny diskite e FA4GR i le klarifye avek li en lenformasyon so lala update pou sa ka spesifik ki ou’n mansyonnen.  Mersi Mr Speaker.

 

MR SPEAKER

Mersi Minis. Onorab Johan Loze.

 

HON JOHAN LOZE

Mersi Mr Speaker. Mr Speaker premye keksoz ki mon oule demann Minis, i annan bokou spekilasyon deor i annan bann mo parey ‘manboulouk’, ‘malonnet’ ki pe ganny servi e sa bann keksoz i devret ganny adrese e i bezwen ganny reponn.

Yer menm mon’n temwanny lensidan kot serten dimoun ki apel zot lekor aktivis ganny dir zot en aktivis, pe akiz bann drayver Taxi konmkwa zot pe resevwar bribe pou zot vire dan politik ouswa non i bezwen ganny eklersi si FA4GR e bann lasistans COVID i lasistans pou met manze   dan lasyet nou bann frer ek ser Seselwa, ouswa i bribe politik parey pe ganny dir deor.

Lot keksoz ki mon anvi adrese Mr Speaker,  Minis politisyen letan ou’n met en lalis non dan son lanmen enn bann premye keksoz ki i fer se vin lobby pou en dimoun ki i kontan.  Nou fek vwar en ka la.

Sa in nou natir koman politisyen nou tou a la menm enstan nou akiz Gouvernman konmkwa i ganny lobbied pou dimoun ki li i kontan kan nou menm nou politisyen we are doing most of the lobbying fas a bann Minister konsernen. Sa osi i bezwen ganny adrese, eski zot en body ki pe travay lo lobbying ouswa lo bann fe ki devan zot bann form ki’n ganny ranpli e demann e bezwen dimoun ki pe rod sa lasistans avek zot?

Mon lot pwen Minis.  Minis eski ou okouran Lasanble pe demann ou enn senp keksoz li.  En lalis non avek sonm larzan o bor mon kestyon pou ou Minis eski ou okouran ki nou isi anndan dan sa Lasanble la le moman ki ou donn nou en lalis non avek en sonm atase o bor, premye keksoz ki nou komans fer isi menm anndan avan nou menm sorti deor nou komans kriy non dimoun.

Nou konmans dir la entel in ganny sa entel in ganny dan mon distrik i pe ganny Bel Air tou. Nou kriye la anndan byen for.  Premye keksoz ki nou fer koman nou ganny en lalis non mon pa konnen si ou konnen sa Minis.

Minis mon pe demann ou eski ou konnen poudir nou isi dan Lasanble letan ou donn nou en lalis non at the very top dimoun dan sa Lasanble   i al dan en meeting politik La Digue i nonm non dimoun, i lev lalis non anler ki’n gannyen e i nonm non dimoun e sonm larzan ki’n gannyen lo dokiman ofisyel prezante avek Lasanble Nasyonal    Sesel.

Mon anvi konnen si ou konn sa Minis avan ou pran okenn desizyon fas avek sa Lasanble Nasyonal? Mersi Mr Speaker.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab.  Onorab  mon kontan ou’n rapel ki sa lasistans se en lasistans salaryal e donk se efektivman fer pou fer sir ki dimoun i reste dan lanplwa, e avek zot saler zot kapab kontinyen fer zot menaz ki zot normalman fer.

Se sa bit, napa lezot bit. Lobbying parey mon’n eksplike letan mwan mon fer en meeting dan parey sa detrwa ka ki mon’n fer e bokou dimoun in vin ver mwan.

Pa akoz zot in donn mwan zot non, zot in donn mwan zot ka mon’n note letan mon al kot Komite mon pa dir Komite donn li mwan.  Rezon nou’n set en Komite i annan kriter ke zot servi.

E Mr Payet i la e mon ava dir devan napa zanmen in annan en ka kot mon’n dir li mon pe overrule ou donn li.  I pa egziste.

Nou   bezwen donn li lo kriter.  E parey mon’n dir i annan kan menm zot in vin war mwan zot pa’n gannyen. Akoz zot aplik bann kriter.  So avek Minister Finans avek mwan koman Minis Finans  avek sa Komite.

Mon pa konn okenn ka kot in annan lobby, oubyen en direktiv sorti kot nou pou donnen. In annan en kantite, en kantite lobby ki’n arive direkteman par sa bann aplikan. Akoz letan i ganny saler mwan apre i dir ou la i le en pe plis akoz i annan elektrisite, i annan rent, i annan loan and so on and so forth.

Me nou’n rod en lot lapros pou ed koumsa nou dir ok nou a donn zot bann loan kot Gouvernman i garanti pran en loan pey zot bann depans. Akoz FA4GR i saler inikman.  So Gouvernman in rode en lot lapros, in propoz en lot formil pou ede pou sa bann lezot depans ki tou fanmir, tou biznes i annan an deor saler.

Mwan dan tou Konferans De Pres ki mon’n fer, dan tou meeting ki mon’n fer zanmen mon’n donn non swa en dimoun oubyen letablisman e konbyen in ganny asiste. Mon’n dir i annan taxi drayver in ganny R30,000.  Mon pa’n dir lekel.  E mon’n dir i annan taxi drayver ki’n ganny R5804.

Ou konpran?  Ou pa kapab fer sa.  Sa i en lenformasyon prive en dimoun e zanmen mon pou fer li.  E parey mon’n deza dir dan serten meeting mon war li drol ki i annan biznes lo Praslin dan lasal ki dir entel in ganny entel.

Be zot koze osi antre zot sa bann boug.  Me ki mannyer zot ganny sa lenformasyon mon pa konnen.  Pa ek mwan, pa ek Komite,  sa for sure !

Me mon sipoze antre zot, zot koze e apre koumsanmenm sa kot problenm i vini.  Apre komans dir ou be wi ou’n donn entel konpannyen ou pa’n donn lot akoz i annan isi i annan laba.

Be i pa koumsa.  Ditou i pa koumsa.  E mwan les mwan fer sa rapor zeneral ki pou anglob tou sa lenformasyon, e mon ava soumet e zot ava war. E mon dir ankor napa manboulouk.  Lo mon watch napa manboulouk.  Mersi Mr Speaker.

 

MR SPEAKER

Mersi Minis. Onorab Loze.

 

HON JOHAN LOZE

Mersi byen pou larepons Minis, mersi Mr Speaker. Minis mon kestyon final mwan eski sa Bidze R1.2 milyar ki sa Lasanble ti aprouve, ki bann Manm   United Seychelles dan sa Lasanble  ti aprouve leres ti pe asiz lo zot lanmen.

Eski sa Bidze pe ganny itilize pou permet Seselwa met manze lo son lasyet? Sa i kestyon pli enportan e pli fondamantal.

Eski    Seselwa fanmir Seselwa pe reisi atraver sa Bidze tou sa Seselwa ki pe perdi lanplwa, tou sa Seselwa ki dan en biznes ki pa pe ganny en gen finansyer ozordi, eski zot pe met manze lo zot lasyet ouswa zot pe mor lafen? Eski zot zanfan pe mor lafen ozordi   Sesel? Mersi   Mr Speaker.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Mersi Onorab, Onorab mwan mon pou met li en lot fason.  E mwan mon pe konfirm avek ou ki tou sa larzan ki nou pe peye nou pe met manze dan vant Seselwa se son vant ki enteres mwan.  E sa larzan ki nou donn li fodre i fer sir i met manze dan son vant. Mersi Mr Speaker.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker. Bonzour Minis avek ou lekip Mr Speaker mon kestyon i comme swivan;-  Mr Speaker mon’n ti a kontan demann Minis swivan son bann larepons ki’n donnen, étandant ki Prezidan in servi lartik 110 dan Konstitisyon pou anons disolisyon Lasanble Nasyonal   e Minis étandant anba sa bann gran prensip ki nou pe koz lo la, bonn   gouvernans, rann kont avek latransparans e étandant sa menm Konstitisyon Mr Speaker, Minis, 104 i donn pouvwar Lasanble Nasyonal pou annan bann Standing Committees ki annan menm pouvwar avek Lakour Siprenm.

E Mr Speaker anba sa menm Lartik Minis 104(1)(3) ladan i dir (a), sa Komite i kapab i,

‘’Enforcing the attendance of witnesses examining them on oath affirmation or otherwise:

(b) Compelling the production of documents.’’

  Savedir Mr Speaker i demande ki bann dokiman i ganny donnen par Komite FPAC e mon anvi demann Minis   étandant ki sa desizyon in osi aras pep Seselwa in vyol drwa Seselwa par lefe ki Lasanble    Nasyonal   i ganny elekte pou en manda 5an.

E anba sa lartik 110 Lasanble pa pe fer son 5an i pe ganny koupe.  E la sa kestyon pe demann Minis e par lefe ki FPAC i kapab compel eski Minis pou tonm dakor si en official request i ganny anvoye kot ou pou vin prodwir sa bann dokiman Zedi parey loter Mosyon pe demande Minis, eski ou ava pare pou vin devan Komite FPAC?  Mersi.

 

MR SPEAKER

Mersi Onorab William. Minis.

 

MINISTER MAURICE LOUSTAU- LALANNE

Mr Speaker.  Mwan   mon pa kapab dir FPAC ki i pou fer, ki i pa pou fer.  Sa i desizyon FPAC.  Disolisyon Parlman in ganny fer, mwan mon’n ganny en PNQ mon’n vin reponn sa PNQ. Laranzman, Lagreman ki nou annan e nou’n diskite all along se ki mon pou prodwi en rapor Avril, May, juin ki mon pou soumet ek Lasanble.

An gardan transparans, rann kont, bonn gouvernans so se sa ki mon pou fer.  Malerezman mon pa kapab fer li dan sa dele letan pou satisfer sa 6enm Lasanble. Sanmenm tou! Me mon pou bezwen soumet. E mon war li pe arive dan detrwa semenn parey mon’n dir. Mersi Mr Speaker.

 

MR SPEAKER

Mersi Minis. Onorab William.

 

HON WAVEN WILLIAM

Mersi Mr Speaker.  Mr Speaker lefe ki Minis Finans i reprezantan lebra Egzekitif e sa Lasanble i Brans Gouvernans Lezislatif, mon anvi demann Minis par lefe ki li menm li i rekonnet ki tou lede brans pe vin viktim sa desizyon parey ou pe dir.  Me Minis loter Mosyon in demann ou olye donn tou sa bann dokiman – mon krwar in fer en request en demann ki ase rezonnab.

E Minis ankor enn fwa. Si ou ganny demande pou aparet devan FPAC eski ou a rekonsidere akoz Minis ou, ou en dimoun ki serye, ou’n deza dir nou sa.

E mon pou demann ou Minis si ou ganny demande si ou a konsidere?  Akoz nou tou nou konnen ki sa bann lenformasyon i pa akoz ki bann zofisye, bann teknisyen   dan Gouvernman, pa’n fer zot travay ouswa pa kapab donnen.

Mon asire sa i en desizyon politik ki sa lenformasyon pa anvi ganny donnen.  Mersi Mr Speaker.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Mersi Mr Speaker. Mr Speaker mon’n ekoute sa ki Onorab   in dir.  Parey mwan mon dir desizyon FPAC pa mwan ki pran.  Mersi.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN  

Mersi bokou Mr Speaker. Mr Speaker mon ti a kontan premyerman remind Minis, ki i annan serten keksoz ki’n dir nou la ki pa korek.  Mon a dir ou premye keksoz ki korek.  Eski Minis i konnen e la mon pe regard en form FA4GR ki’n ganny teks kot mwan par en msye ki’n dir avek mwan nonm son non.

E sa msye se Mr Ralph Prea sorti   Praslin. I   dir avek mwan e lo sa form i mete klerman dan ou deklarasyon final, i dir I am aware that subject to approval of payroll assistance hereunder, the business name hereunder will be published as having been approved or such payroll assistance via such media as the Ministry responsible for Finance deems appropriate.’’

Alor eski Minis parski sa ki ou’n dir avek nou konfidansyel ensidswit non.  Parski tou dimoun ki’n ranpli sa form FA4GR zot aksepte ki poudir zot non, zot biznes si zot ganny aprouve i kapab ganny pibliye !

 

(APPLAUSE)

 

HON WAVEL RAMKALAWAN  

Alor premyerman kote problenm i ete pou pibliy tousala e Minister Finans nou pa pe demann pibliy li se pa ki fason, nou pe demann devan FPAC pou pibliye.  Alor sa i premye keksoz.

Dezyenmman …

 

(Off-Mic)

 

HON WAVEL RAMKALAWAN  

… pa Onorab Gill, Onorab Gill ki pe demann kestyon?

 

MR SPEAKER

Onorab, kontinyen akoz pandan ki lezot Manm ti pe demann kestyon ti annan sa interjection mon’n allow … annou kontinyen.

 

HON WAVEL RAMKALAWAN  

Wi, wi me mwan mon pa kontan Onorab Gill i demann kestyon dan mon plas.  Mon ki pe demann kestyon li i pa’n   lev son lanmen reste trankil.

Mr Speaker   dezyenmman, eski Minis i kapab dir avek mwan e dir avek sa Lasanble, letan i pe dir file i partou, i annan dezord, file pa pe koz ek kanmarad, computer pa pe koz ek kanmarad.

Alor ki mannyer eski yer Lendi le 3 ou kapab pibliy sa bann lenformasyon swivan dan ou press update sorti kot ou Minister ;-

Applications processed;

Total number of April applications updated 5097.

April applications processed by committee, 5097.

Decision letters finalized for April, 4467. 

Total number of applications rejected 821,

Total remaining to be processed, 0.

  New applications for May processed by committee, 168.  Decision letters finalized for May, 168.

Total number of applications processed by Appeals Committee, 449.

E dezyenmman;- Payments.  Approved applications paid for April,   3867.

Total value of payments April payments 165,559369.19.’  Ziska son dernyen sou zot konnen.

‘Approved applications paid for May, 4017.

Total value of payments for May, 18012976608.

 Approved applications paid for June 3709.

Total value of June payments, 169334090.11.

Approved applications paid for July, 2424. 

Total value of July payments 4938880.03.’

Ki mannyer eski nou kapab ganny bann detay ziska son dernyen sou si bann file pa pe koz avek kanmarad, si computer pa pe koz ek kanmarad?

Eski sa pa i montre ki poudir tou sa lenformasyon ki Minis pa oule donn nou Lasanble Nasyonal, i la kot i bezwen zis pez en bouton e donn nou tou bann detay?

 

 

 

 

(APPLAUSE)

 

HON WAVEL RAMKALAWAN  

Alor i kler ki poudir se sa leka.  E Mr Speaker letan Minis i dir li in vin viktim dizolisyon.  Lasanble Nasyonal, be mwan mon ti ava kontan demann Minis vi ki ou ki pe vin Vis- Prezidan sa Prezidan ki pe dizourd Lasanble.

Eski ou pa’n dir li be ‘’Prezidan be nou pou viktim.  Nou annan en travay pou nou fer, annou esper de semenn nou ava fini prezant sa rapor.’’ Alor eski ou pe avek mwan ki parey sa bann file ki ou’n dir nou pa koz ek kanmarad ou osi tou ou pa akoz ek ou Prezidan?

 

(APPLAUSE)

 

HON WAVEL RAMKALAWAN  

E mwan mon ti ava kontan dan sa ka demande be lekel ki’n dizourd Lasanble?  Pa nou ki’n dizourd Lasanble? Alors sa enn la ki dizourd pa koz avek ou Minis pou ou dir avek li tenir, pa fer, mon’n promet laba anba e mwan en boug ki gard mwan promes. Mon fer promet omwen 5 fwa Lasanble Nasyonal e ki alors i annan problenm.

E sa i fer mwan demande,

eski nou pe al dan eleksyon avek parey well Onorab Loze li in sey fer en politik be, be la mon ava demande eski alor dan sa ka nou pe al dan en eleksyon avek en lekip ki annan ou ladan ki zot pa pou gard zot promes avek Lepep Seselwa?

 

(APPLAUSE)

 

HON WAVEL RAMKALAWAN  

Mersi bokou Mr Speaker.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Mersi Mr Speaker. Mersi Onorab. Onorab wi dan sa form i annan 2 keksoz ki enportan en landrwa nou dir fodre zot met tou zot kont foreign account osi, nou mete lo sa zot bezwen tik.  E bi prensipal ki nou’n mete ki zot bezwen osi tik, ki zot dakor ki nou evantyelman nou kapab pibliy sa sete dan bann ka kot nou war ki’n annan labi, prensipalman.  Akoz i annan bokou sa bann biznes zot pa’n tik sa foreign account e nou’n bezwen revin an kominikasyon avek zot par email.

I annan bokou ki pa’n tik sa deklarasyon pou ganny pibliye.  E nou’n osi bezwen antre an kominikasyon avek zot pou fer zot tik, pou zot form ganny konplete korekteman. Donk sa i 2 lenformasyon vreman enportan lo sa form.  So sa premye keksoz.

Alor letan mon’n servi sa mo viktim Mr Speaker, mon ti pe refer strikteman a sa dele letan ki nou annan ant la e closure 6enm Lasanble, e nou pa pou kapab meet sa deadline sa rapor ki mon’n koz lo la. Sanmenm tou!  Sa, sa kot nou’n vin viktim.

Letan Prezidan La Repiblik i asize i fer son refleksyon e i pran son desizyon,  se zis li ki kapab pran sa desizyon. Nou annan diskisyon ou diskite me se li ki pran sa desizyon finalman.

E desizyon in ganny pran e desizyon ganny anonse e apre nou bezwen travay avek sa desizyon.

So vwala Mr Speaker ki mannyer nou osi nou santi ki a sa moman la nou pa pou kapab donn sa rapor sa 6enm Lasanble. Mersi.                               

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN  

Mr Speaker mon bezwen dir ki mon vreman dezapwente, e Minis ou konn byen ki poudir nou’n demann sa depi premye zour, e la kot nou’n arive ou annan sa bann lenformasyon.

Me selman ou pa pare pou ou donn Lasanble. I kler ki poudir ou annan sa bann lenformasyon ki ou pa pare pou ou donn Lasanble, akoz menm isi dan Lasanble ou’n deza regard lo sa papye ou ti annan en hard copy devan ou. E ou ti menm dir ki sa en lakonpannyen pli o ki nou ti demann ou, ou ti regarde e ou ti dir nou in ganny 3milyon!

Apre sa ou’n menm kapab dir avek Lasanble letan ou ti ganny demande be sa lakonpannyen ki’n ganny 3 milyon konbyen aprezan i pou gannyen, ou ti menm dir avek nou sa 3milyon in sorti 3milyon pou li desann 1 pwen ekek milyon.

Sa i vedir ki nou annan sa lenformasyon e mon ava, mon pou repran ankor lo kote FPAC parske nou kapab FPAC i kapab fer meeting la midi e call pou en meeting Zedi.  Zedi midi e mon osi mon ti ava kontan demann ou, be eski ou pare pou ou vin devan FPAC Zedi midi pou nou abord sa size?

Mon ti ava kontan ki ou donn nou en commitment la parski parey, parey Onorab William in sit lartik konstitisyonnel, kot parski menm si bann Manm lo kote US i deside pa vini lo kote LDS nou annan mazorite e nou pou annan en quorum.

Alor eski ou pare pou ou vini oubyen eski ou dernyen aksyon koman Minis Finans vizavi sa 6enm Lasanble ki Prezidan in dizourd kan i ankor annan travay pou fer, i pou ki ou pou azir koman konplis e ou pou montre en mank respe pou Lasanble Nasyonal!  Mersi bokou.

 

MR SPEAKER

Mersi Onorab. Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab. Onorab parey mon’n dir dan 2 repriz mon repete mon les sa desizyon antyerman avek FPAC.  Mersi bokou.

 

MR SPEAKER

Mersi Minis. Bon nou’n ariv a lafen sesyon kestyon e sesyon pou bomaten. PNQ pour Minis Finans, mon ti a kontan remersi Minis e osi remersye Sekreter D’Etat Mr Patrick Payet. E avek sa mon ti a kontan osi tou enform bann Manm ki nou pe al adjourn e ler nou pou antre nou pe pran Civil Code.

Civil Code parey nou’n ganny dir dan Bills Committee yer nou annan zis reste detrwa lamannman nou ti’n ariv moman avan nou fer Third Reading nou pou retourn dan Staz Komite pou nou pran sa detrwa lamannman e apre nou ava anba direksyon Chair Bills Committee Onorab Georges nou ava bouz pou nou fer Third ReadingYes, Onorab Ramkalawan.

 

HON WAVEL RAMKALAWAN  

Mr Speaker zis parske nou annan sa rapor FPAC ki nou anvi prezante demen. Mon ti ava zis demande ki midi nou ti ava fer en meeting FPAC dan Room 3.  Mersi bokou.

 

MR SPEAKER

Mersi Onorab.  Bon mon ava osi anonse avan nou adjourn pour lunch break. Minister avek SS Mersi bokou e bann Manm osi mersi nou ava adjourn e nou repran nou travay 11.15.

 

(MINISTER LOUSTAU-LALANNE AND HIS DELEGATION WAS EXCUSED FROM THE HOUSE)

   

(BREAK)

 

MR SPEAKER

Bon mon ti a kontan welcome Vis Prezidan Mr Vincent Meriton e osi Attorney General Mr Frank Ally. Bonzour e welcome dan Lasanble Nasyonal, pou nou kapab kontinyen sa dernyen bout lo Code Sivil.

Nou ti dan Staz Komite mon krwar kot nou ti kite, nou pa ti ankor fer Third Reading anvi ki Chair Bills Committee Onorab Georges in mansyonnen ki nou annan detrwa amannman ankor ki nou pou pas lo la mon ava demann Sarge pou move Mace pou retourn nou dan Staz Komite.

E Onorab Georges mon ava donn ou laparol ou ava gid nou dan sa dernyen bout travay.

 

HON BERNARD GEORGES

Mersi Mr Chair. Bonzour Vis- Prezidan, bonzour Attorney Zeneral bonzour tou bann Manm ek bann dimoun ki pe ekout nou dan lakour.

Mr Chair mon annan efektivman 4 areas ki nou pou regarde ozordi se 4 landrwa ki Lasanble ti’n eksprim serten konsern, oubyen serten dezir serten swe pour en redraft e sa in ganny fer.

Donk i annan zis 4 areas ozordi ki nou pou regarde.  Annefe dan sa 4 areas nou pou, nou annan amannman pou zis 2.  E nou ava fer en propozisyon pou sa 2 lezot ki reste, donk nou travay pa pou long.

Me mon ti a kontan zis avan nou proceed   fer Lasanble   konnen ki Professor Angelo i anvoy tou son swe pou Lasanble pou sa travay e i regrete ki i pa pou kapab vini ozordi.

Me malgre ki nou pa lockdown New Zealand i ankor anba lockdown.  Alor i pa kapab travel e i anvoy nou tou son swe.

Mr Chair i annan parey mon’n dir 4 areas. Premye i annan pou fer avek maryaz, Leta Sivil. 2enm Droit de Superficie.

3enm, Siksesyon: Ler i annan en madanm marye avek en menazer e katriyenmman back-letter, contre-lettre se sa 4 landrwa ki Lasanble ti’n eksprim serten konsern e ki nou ti’n anfen 3 sa bann landrwa.

Katriyenm : Ki nou pou regarde premye se maryaz.  Ant nou dernyen travay e ozordi Attorney General in alert nou ki annefe Lasanble ti’n pas en pe lamannman avek Civil Status Act ki ti annan pou bi organiz la fason ki bann maryaz i ganny fer an deor Biro Leta Sivil. Ek sa peyman ki pou ganny donnen avek sa zofisye Leta Sivil ki’n deplase pou li al fer bann maryaz.

E  in alert nou ki an e fe akoz nou’n pas sa lamannman prezan Kod Sivil ti bezwen ganny further amande an fonksyon. E Profeser Angelo in anvoy nou son propozisyon pou rezourd sa problenm ki lo screen.

Malerezman personn napa e apre bann konsern ki’n ganny souleve, si nou swiv dan nou Gazette Supplement Civil Code ki devan nou e nou al li lartik 158, se la kot i ti’n ganny dir ki en zofisye Leta Sivil i kapab sorti an deor Biro Leta Sivil al selebre en maryaz dan en landrwa prive.

E pou rezourd sa bann konsern ki Attorney Zeneral in souleve, Profeser Angelo pe propoze ki dan lartik 151,158(1) a lafen dan dernyen laliny kot nou mete ‘’the officer is supplied if he or she requested with a means of conveyance to and from the private house’’ pou anmenn li anliny avek lamannman ki nou ti fer avek Civil Status.

E azout 2 nouvo paragraf la konmela i annan 158(1)(2)(3). Azout 4 ek 5 ki lo screen pou dir ki sa fee ki Lalwa i ava preskrir i ava ganny peye dan Consolidated Fund.

E sa zofisye Leta Sivil i ava ganny  en allowance pou sak maryaz ki i selebre, ankor enn fwa an fonksyon avek sa ki ti ganny deside dan sa Lasanble.  Ek okenn allowance ki ganny resevwar pa pou ganny pran an kont ler sa zofisye pansyon ek retirement benefits sa zofisye i ganny kalkile.  Ankor enn fwa nou ti desid sa isi dan sa lamannman.

Ek trwazyenmman for the purposes of this article the fee fixed by Legislation i ava include en fee pou selebrasyon maryaz, pou sa allowance ki sa zofisye pe gannyen ek pour son transpor si i bezwen deplase.

Vwala Mr Chair. Propozisyon lamannman si nou vot lo la si nou aksepte ki pou antre dan Kod Sivil, pou fer ki Civil Status Act ki nou’n amande e ki pe re-antre dan Kod Sivil i ava antre avek tou son akseswar. Mersi.

 

MR SPEAKER

Mersi Onorab Georges. Okenn Manm ki annan komanter lo sa nouvo paragraf? Non?  Vis- Prezidan oubyen Attorney Zeneral. Non. Si napa okenn komanter nou ava kontinyen Onorab Georges.

 

HON BERNARD GEORGES

Mersi Mr Chair. Mr Chair mon ti a kontan kekfwa mon bezwen fer sa pwen la, me avek zot permisyon mon ava refer li pli tar.  Si sa Bill pou ganny vot lo la, nou pou demande, Bills Committee pou demande ki anfen ou plito nou pou demann avek Lasanble   ki kantmenm Lasanble   in ganny dizourd ki sa Bill akoz nou bezwen still fer White Paper pou anvoy kot Prezidan.

Ki malgre ki’n ganny dizourd Bills Committee   i ava kontinyen ansanm avek Komite Revizyon Kod Sivil pou repas lo li pou fer sir ki nou pa’n kit okenn keksoz an deor.  E ki si i annan okenn, pti lazisteman ki zot ava donn nou sa permisyon pou nou kapab fer sa bann lazisteman.  Malgre ki Lasanble   in rise pou fer sir ki nou annan en Code ki cohésif.

2enm pwen Mr Chair ,2enm propozisyon sete, eskiz mwan sete Lartik 554 e dan nou pti liv Lartik 554 i en lartik nouvo. I pa egziste dan Kod Sivil actuel e in ganny mete la pour kodifye la jurisprudence lo droit de superficie. Parey zot ava rappel, droit de superficie i pa dan Code i en Lalwa ki bann Ziz in fer e ki nou ti anvi kodifye li, kodifye tou sa bann zizman Lakour e fer li antre koman en propozisyon Lalwa. I pa lo board e i dan nou liv.

Me in annan diskisyon parey zot konnen, e i annan en diverzans lopinyon ant, eski   sa droit de superficie pou an drwa an pérpetuité ki pou al ki kapab pas avek ou zanfan. Ou kapab fer sa ki ou anvi?  Oubyen eski pou aret avek lanmor sa siperfisyer? E dan langaz Lalwa eski sa drwa i en drwa personnel oubyen eski i en drwa reel ki atas avek later?

Nou ti ava kontan e mon krwar i ti ava byen pou nou fer en deba lo la me, Mr Chair mon pa krwar ki anba presyon nou pou kapab ariv a trouv en solisyon. E akoz menm dan sa Lasanble i annan 2 diverzans lopinyon parey zot konnen.  Menm dan travay Komite Civil Code ti annan diverzans lopinyon. Kot mwan mon ti pe préconise en Lalwa ki an pérpetuité me bann lezot Manm ti anvi enn ki personnel a sa dimoun ki gannyen.

Alor sa ki nou pe propoze, sa ki mwan pe propoze koman Chair Bills Committee se ki nou pa pran en desizyon lo la e an e fe nou tir sa draft 554 konpletman, i pa egziste dan nou Code actuel donk nou pa met en droit de superficie e nou les sa pou sa Lasanble ki pou vini,  koman en nouvo lamannman.

E pou le moman nou ava kontinyen ek Lalwa mannyer i ete setadir jurisprudence ki bann Ziz in fer.

Nou krwar ki sa i meyer propozisyon i ava donn letan pou etidye sa problenm ankor en pe plis, olye tay avek ki e pran en desizyon ki kekfwa pli tar nou kapab regrete.

Pou le moman nou kit li mannyer i ete setadir ki bann Ziz in trouve ki en real right, i en drwa an pérpetuité.  Me son kreasyon ankor enn fwa i jurisprudenciel.  Ou kapab fer li by agreement en permission to build par egzanp, oubyen ou kapab fer li oralman, oubyen ou kapab fer li an pérpetuité.  Oubyen ou kapab dir mon ava donn ou en droit de superficie akoz ou pe lwe en morso later.

E i ava sa drwa i ava ariv a lafen ler ou’n lwe, ler ou lokasyon, ler ou peryod lokasyon i fini.  Oubyen ou kapab deside ladan ki pou arive avek sa building ler sa drwa i fini sa building pou retourn avek propriyeter later, oubyen ki propriyeter later pou bezwen compense sa dimoun.

Tousala se en i annan sifizaman jurisprudence e se pour sa rezon ki nou ti anvi met li dan en fason kler e net, deside once and for all, me mon krwar ki i en topik ase difisil. E mwan personnelman mon pa ti a kontan fors mon lopinyon lo en Lasanble kot nou konnen kot nou letan pe ariv a lafen.

E mon ti ava swete ki nou annan en pli gran deba lo la. Unless ki bann Manm i anvi fer sa deba ozordi e nou ava met sa bann propozisyon lo board akoz nou annan zot la.

 

MR SPEAKER

Mersi Onorab Georges. Yes Onorab Ramkalawan.

 

HON WAVEL RAMKALAWAN

Mersi Mr Chairman, Mr Chairman si i annan bann propozisyon mwan mon ti ava dir annou regard sa bann propozisyon. E kekfwa letan nou pe regard sa bann propozisyon, nou ava tonm dakor lo enn ki pli akseptab.

Akoz i ankor, konmsi pou mwan letan ou, letan mwan vizit dimoun e Sanmdi dan Baie Lazare sete en legzanp kot i annan dout.  Kot konmsi dimoun pa konnen kot zot debout.  Zot in reste dan en landrwa akoz tantin ti travay la e plis ki 60an bann zanfan in ne la aprezan zot pa konnen kote zot debout.

Zot in demann aste sa later zot pa pe ganny en larepons kler, parski i annan problenm zeritye. Me selman zot in gannyen sa permisyon pou build e aprezan lakaz kekfwa pe avarye en pti git, bann zanfan in ganny sans deboury en pe plis, ki zot manman ki ti zis dan lagrikiltir.

Aprezan  zot pe dir be nou anvi aranz sa lakaz, me aprezan i annan en issue  pa konnen  si zot pou kapab fer, zot in demande zot pa kapab.  E apezan zot vin mizerab e apre ki zot in viv dan en latmosfer agrikol, zot pe trouv zot petet bezwen bouze pou al reste dan en flat dan 3enm letaz  e kot zot pou napa sa posibilite pou zot zwe dan later, pou zot sonny zot zannimo, ensidswit.

Konmsi i vin en lot sityasyon anbarasan. So, petet mwan mon ti ava dir annou regarde. Nou annan en pe letan, annou fer li.  Parski nou bezwen, fodre pa ki nou les sa eleman dizourd Lasanble anpes nou fer en bon travay pou nou pep.

Nou bezwen, nou bezwen fer sa.  E mwan mon ti ava santi mwan anpe si nou kapab kit en keksoz ki agreab pou nou pep. E ki konnen ki poudir 6enm Lasanble malgre ki’n ganny dizourd dan en fason an tayan me ki nou pep i reste enportan.

Alors Mr Speaker nou annan en kantite letan, nou annan ziska 10er diswar, minwi tanto e alor mon ti ava dir met bann propozisyon. E annou regarde e annou pa tay avek. Mersi bokou.

 

MR SPEAKER

Mersi Onorab. Onorab Waven William.

 

HON WAVEN WILLIAM          

Mersi Mr Chairman. Bonzour Vis-Prezidan avek Attorney Zeneral. Mr Chairman mon krwar ki lefe ki lamannman lo Bill Konstitisyon in ganny anvoye.

Mon panse ki nou annan en pe letan e sa Lalwa ki nou pe diskit lo la Civil Code i en Lalwa ki ase enportan ki bokou Seselwa pe esper vin an fors akoz i annan sitan bokou problenm ki plizyer Seselwa ti a kontan rezourd.

Alors mon krwar ki ti a bon ki si sa bann propozisyon i ganny met devan pou nou kapab sisit bann deba lo la ki anfendkont sa Lalwa i a kapab pase. Mersi.

 

MR SPEAKER

Mersi Onorab. Onorab Georges eski mon annan sa bann propozisyon?

 

HON BERNARD GEORGES

Wi, Mr Chair mon annan la mon pou bezwen zis transfer li tir li lo mon computer e met li lo computer Lasanble.

So si IT i kapab anmenn son pendrive nou kapab fer sa vitman, oubyen eski ou anvi nou al lo the next one, me akoz i pa pou pran lontan pou transfer li, akoz the next one i Siksesyon ki en, ki li osi ti pou en pe long.

 

MR SPEAKER

Mersi. Bon antretan ki nou pe esper teknisyen mon pa konnen si oule move lo the next one.

 

HON BERNARD GEORGES

Mersi Mr Chair.  An attendant teknisyen nou ava move lo 3enm eleman e sa i Siksesyon e i anler lo board.  E sa i annan pou fer avek 3 lartik 731,745 avek 746.

E sa i annan pou fer si ou ava rapel nou ti annan 2 issues. (1) se pou anmenn menaz dan sa concept e dezyenmman se pou fer en diferans, ou plito se pou fer en fason ki en madanm marye kot i annan en menazer at the same time, i ganny en serten lavantaz lo sa menazer.

E donk e se sa bann propozisyon ki devan nou la. Enn bann difikilte sete pou ki mannyer ou pou definir sa menaz?  Akoz si zot ava rapel pou bann rezon siksesyon nou ti’n dir ki whether ou marye, ou whether ou pa marye si ou annan sa ki nou apel en qualifying relationship setadir ou’n reste avek en dimoun pou en peryod letan e ou’n demontre ki sa relasyon i en relasyon stab pou rezon siksesyon, oubyen partaz propriyete selman .

Pa   pou okenn lezot rezon pou zis sa 2 rezon i annan lekivalans. E nou ti’n apel sa relasyon en qualifying relationship.  E donk en qualifying relationship, i enn sa i sa relasyon mersi, i sa relasyon.  Donk sa ki pe ganny propoze si zot ava al lo Lartik 731 dan zot pti liv. La nou ti’n dir ‘’the surviving spouse or partner to a domestic relationship en ménage in accordance with the rules’’ nou’n saz sa e nou’n dir ‘’the surviving partner to a qualifying relationship’’ ki include spouse marye ek partner ki pa marye.

731 konmela i dir ki en siksesyon i al parey nou ti eksplike lo descendants avan, lo ascendants;- setadir paran, lo frer ek ser ‘collaterals’ avek lo surviving spouse, madanm marye.

Me   nou ti’n   azout osi en partner dan en relasyon domestik. Sa ki nou’n fer la se anmenn e madanm marye e partner dan en relasyon domestik.  Dan en relasyon an deor maryaz dan sa ki nou apel en qualifying relationship.

Donk nou pa bezwen fer sa distenksyon. Me 731 pa sanze.  I dir ki en siksesyon i rod zanfan, i rod paran, i rod frer ek ser e i rod en spouse oubyen en dimoun ki ou pe reste avek. Donk son lespri pa’n sanze.

745 and so on i komans sanze e si nou al lo 745 dan nou pti liv e nou regard sa ki lo board i dir ki ler en dimoun i mor e i les descendants, ascendants, collaterals ziska 3enm degre setadir neve, nyes eksetera,  the surviving partner konmela i the married spouse me the surviving partner ki i en dimoun marye oubyen non pou ganny tou moveable property sa dimoun ki’n mor ek lanmwatye son siksesyon.

Se leka ozordi pou bann madanm marye, i pa leka pou bann dimoun ki pa marye.

Sa ki nou pe fer la e ki nou, ti pe fer depi avan se include bann dimoun ki pa marye pou fer zot ganny menm par ki en dimoun ki’n marye.  So far so good.

Me sa paragraf i subject to sa bann paragraf ki swiv.  E se sa pwen kot in ganny leve kot i dir ki ler sa dimoun i mor i ti annan e en madanm marye e en qualifying relationship an deor, se sa madanm marye ki pou pran sa moveable property e non pa sa menazer. Ok?

Epi i ava ganny lanmwatye larestan parey labitid. Donk proteksyon pou madanm marye.

Me dezyenmman kan sa dimoun i annan en maryaz ek en qualifying relationship, kot de lakaz ti pe ganny mentenir an menm tan sa menazer ki sirviv sa msye ou sa madanm, i pou ganny bann furnishings dan son household e sa madanm marye pou ganny sa ki dan son household.  Ok?

E la mon fer, mon met en pause poudir ki si nou regarde nou war la i furnishings me anler i moveable property alor nou pou bezwen fer regarde. Si nou devret fer tou lede vin parey.

E trwazyenmman Lakour i kapab dan bann sirkonstans kot i war ki repinyan pou fer sa ki Lalwa pe dir li fer, i kapab diviz propriyete dan okenn fason ki i krwar i byen, an prenon kont tou bann sirkonstans ek bann kontribisyon ki sa 2 dimoun in fer a en relasyon.

Kot napa madanm marye ditou katriyenm, me sa dimoun ki mor i ganny sirviv par 2 ou plis partners, setadir i pe run plizyer household at the same time sakenn sa bann partner pou ganny en par dan zot household ek en lanmwatye dan si ki reste.  (Pardon   eskiz mwan), sa bann partner pou pran lanmwatye e partaz parmi zot ek lanmwatye dan sa siksesyon.

E movable property means tou keksoz ki sa dimoun ki’n mor ti pe servi pou son biznes, okenn larzan, (sorry) it means everything apard bann keksoz ki sa dimoun ki’n mor ti pe servi dan son biznes okenn larzan par lao R10,000 setadir up to R10,000 i vin pou sa madanm oubyen securities ok. Okenn securities for money. Bills, bonds eksetera. E sa i apply kot sa msye ou sa dimoun ki pe mor pa les okenn descendants, ascendants oubyen frer ek ser.  It carries on.

Mr Chair mon bezwen dir ki, se sa paragraf 5 ki pe swiv la ki apply selman ler napa zanfan, ascendants oubyen frer ek ser ok? Se tou sa ki pe swiv la pou apply zis dan sa ka. Ler napa okenn zanfan, paran oubyen frer ek ser, sa dimoun ki’n mor son madanm marye oubyen son msye marye oubyen son menazer, i pran tou sa ki annan.  Ler i annan zis enn.

Me ler i annan 2 en maryaz avek en menaz an menm tan, e ki sa 2 i annan 2 household sa madanm oubyen sa msye ki dan sak household pou pran tou sa ki dan sa household e non pa dan sa lot household.

E ankor enn fwa Lakour i kapab siny repinyan pou fer sa i kapab fer okenn lord ki i krwar i byen. E ler napa okenn madanm marye oubyen msye marye me i annan zis 2 ou plis menazer zot pou partaz sa ki annan egalman.  Setadir ou annan 2 madanm ki ou pe okipe ou pa’n marye avek personn.  Tou sa ki ou kite sakenn i ganny lanmwatye e vis versa.

E 746 ziska ki en siksesyon i ganny divize en menazer i kapab ganny maintenance avek sa siksesyon e pou en peryod 1an depi lanmor oubyen depi divizyon sa siksesyon. Vwala Mr Chair en pti pe konplike me mon krwar nou ganny son lespri. Mersi.

 

MR SPEAKER  

Mersi Onorab Georges. Okenn Manm ki le fer komanter? Yes Onorab William.  Onorab William.

 

HON WAVEN WILLIAM      

Mersi Mr Chair. Mr Chair mon ti anvi en pti leklersisman la vizavi sa bann Lartik spesifikman lo 745 mwan anvi demann avek Bills Chair.  Sa lartik lekel ki pran presedans. Si par egzanp i annan en will ki ganny fer, dan prezans en Will ki sa dimoun ki’n mor in fer. Ki pou arive baze lo sa lartik an relasyon avek Will ki ganny fer? Mersi.

 

MR SPEAKER  

Mersi Onorab William. Yes, Onorab Georges.

 

HON BERNARD GEORGES

Mersi Mr Chair i senp Mr Chair. Mersi Onorab, nou’n sa ki nou pe mete la dan Lalwa i sa ki nou apel the default provision.  Se ki si napa Will lala sa ki pou aplike.

Si i annan en Will se sa Will ki pou apply parey zot ava rapel. Nou’n dir ki i annan testamentary freedom ou kapab fer sa ki ou anvi dan ou Will ou kapab pa les nanryen pou ni ou madanm marye, ni ou menazer, ni ou zanfan e ki ou les tou keksoz pou SSPCA par egzanp ou kapab fer sa.

Napa nanryen ki anpes ou, me sa se Lalwa ki dan Civil Code i dir ou ki si napa en Will lala sa ki pou arive avek en siksesyon en dimoun. Mersi.

 

MR SPEAKER  

Mersi Onorab Georges. Okenn lezot komanter.  Yes Onorab Ferrari.

 

HON JEAN-FRANCOIS FERRARI

Mersi Mr Speaker zis pou remind Onorab Georges ki nou ti pou sort out sa diferans ant moveables and furnishing, moveable property.  Mon pa, mwan mon napa konesans lo la me selman kekfwa i devret dir nou kwa ki prefere.

 

MR SPEAKER  

Mersi Onorab. Okenn lezot Manm komanter.  Panel?  Si napa Onorab Georges.

 

HON BERNARD GEORGES

Mr Chair mon pa vwar akoz ki Profeser in servi sa mo furnishings la.  Mon krwar akoz i moveable property partou. Unless Attorney General i annan en nide.

 

MR SPEAKER  

Mersi Onorab Georges. AG.

 

THE ATTORNEY GENERAL MR FRANK ALLY

Mersi Mr Chairman mon krwar Profeser in servi sa mo furnishing dapre en Lartik Civil Code kot i dir ou poudir si nou pe koz moveable property or moveable then i pa enkli furnishing.

  So mon krwar i pe avoid okenn dout e pou fer sir ki i kouver sa.  Akoz tre souvan sa i problenm.  Oubyen i kapab dan Seychelles Code of Civil Procedure an relasyon avek seizure. Seizure, thank you.

 

MR SPEAKER  

Mersi Ag. Onorab   Georges.

 

HON BERNARD GEORGES

Efektivman Mr Chair. Mon krwar se sa e an e fe i annan en zizman i annan en seri zizman. Me mon rapel en zizman Ziz Robinson resaman ki ti fer sa distenksyon.  I ti dir kisisa ki sa ki vin moveable ki sa ki pa vin moveable, donk probableman. Me nou ava will flag it up e avek zot permisyon ler nou fer en revizyon nou ava take it on board. Mersi.

 

MR SPEAKER  

Mersi Onorab Georges.  Bon napa okenn komanter ankor nou kapab kontinyen Onorab.

 

HON BERNARD GEORGES

Mersi Mr Chair. Mr Chair mon al prezan lo 4enm topik apre nou a retourn lo droit de superficie. 4enm topik i en leksplikasyon ki Profeser in fek anvoy mwan, akoz ki ti annan serten lenkyetid lo Lartik 1321 back-letter si nou regard 1231 dan nou pti liv nou ava war.

Serten Manm ti’n lev en serten lenkyetid ki back-letter i envit frod. I envit koripsyon e serten Manm ti anvi tir li konpletman dan Kod Sivil.

Profeser e mon partaz son lopinyon pe fer en dernyen pledwari poudir ki i pa follow.  Alor avek ou permisyon mon ava lir 4 paragraf ki in ekrir an Angle i dir:

The National Assembly was concerned that back- letters might be a vehicle for corrupt practices and the evasion of fiscal Laws.  The Assembly requested comment on these matters e i dir.

‘Article 1321(1) of the Civil Code of Seychelles is to be read on the context of the general provisions of the Code. The penal code and the provisions of specific legislation.

        In articles 9 and 1108 of the Bill the Code addresses the rules of Public Policy. Every provision in the Code is subject to Public Policy requirements. A back-letter which contravenes Public Policy is void. Further in certain cases the party is to such a back-letter maybe subject to criminal prosecution under the penal code and more specific statues such as the Revenue Administration Act and the Stamp Duty Act.

        E mon krwar nou kapab azout prezan MODA ek POCA eksetera.

‘A back-letter which involves no illegality or fraud is valid. Where a breach of the Law or fraud is involved the back-letter is void. Article 1321(1) does not provide a device for the violation of fiscal Laws. Historically the notion of back-letter came to Seychelles with the French Civil Code.

The provision until 1976 was les contre-lettres ne peuvent avoir leurs effets qu’entres les parties contractantes.  Elles n’ont point d’effets contre les tiers.’

So it only binds the parties e non pa third parties.

        In 1975 the provisions was amended to add details from the French jurisprudence and to link it to legislation relating to the registration of deeds.  

Sa se Chloros.   The deed registration provisions contained contradictions and proved difficult to administer in practice.

The Bill in article 1231 reverts to the original provisional as informed by French jurisprudence and leaves back-letters relating to immovable property to be dealt with by the general law relating to the Transfer of immovable property.

The current French Law is found from 2016 in article 1201 of the Civil Codes. It provides’’ sa se an Frans,

‘Lorsque les parties ont conclu leur contrats apparent qui dissimule un contra occulte ce dernier appeller aussi contre-lettre produit effet antre les partie.  Ils n’est pas opposable au tiers qui peuvent néanmoins sans prévaloir.’

E i dir ‘that provision is supported by penal provisions as in Seychelles.’ Donk set en dernyen pledwari pou nou pa zet pti baba ansanm avek delo.

 

MR SPEAKER  

Mersi Onorab Georges. Okenn komanter.  Yes Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman mon krwar avek sa leksplikasyon ki Profeser in fer keksoz la prezan i vin bokou pli kler. Parski konsern ki mon rapel mon ki ti lev pli for sete lo sa nivo koripsyon ki kapab arive.

Konmsi ou servi sa koman en kouvertir e ki i kapab permet toutsort kalite keksoz arive.  Me mon krwar ki avek sa leksplikasyon i klarifye keksoz e i fer sans. E koman en layperson mon pa trouv okenn issues me solman mon konnen poudir bann Avoka zot toultan zot kapab trouv e teks i kapab paret ok, me selman apre sa i dir avek ou pou annan sa virgil la i sanz tou keksoz.

Si ti napa sa virgil wi ou ti ava annan rezon. Be i annan en virgil alors ou napa rezon.  So, mwan mon ti ava dir si nou kapab annan en lasirans sorti kot sa 3 Avoka ki dan Lasanble ozordi ki poudir i ok, then mon pa war akoz nou pa kapab kontinyen ok.

  So, la zot pe rode 3 ok mon ava eksplike 3. I annan Mr Ally 1, i annan Onorab Georges 2, i annan Onorab Andre 3.

Be i resanble ki, Onorab li i pe regard nou i pa tro konnen me se Onorab Valmont ki pe montre lo ou ki pou dir-

 

 

laughter

 

HON WAVEL RAMKALAWAN

So mon konpran akoz zot pe tir li Pointe Larue prezan. Mersi bokou.

 

MR SPEAKER  

Mersi Onorab. Onorab Ferrari.

 

HON JEAN-FRANCOIS FERRARI

Annou met li 3 edmi tou dimoun i a dakor non. Me Mr Speaker mon krwar ki sirtou avek sa lenklizyon bann nouvo Lalwa POCA, MODA e fer li kler vizavi sirtou Revenue Commission.

Bann Lalwa ki diriz Komisyon Reveni. Mwan mon santi poudir sa i kapab marse i akseptab koumsa.  Mersi.

 

MR SPEAKER  

Mersi Onorab. Onorab Georges.

 

HON BERNARD GEORGES

Mersi Mr Chair, si napa okenn lezot komanter nou mon ti war Onorab Waven William ti’n lev son lanmen, non?

 

MR SPEAKER  

Onorab William.

 

HON WAVEN WILLIAM

Mersi Mr Chairman, Mr Chairman mon ti anvi zis ki Bills Chair ti kapab pas ankor lo sa lesplikasyon ki’n donnen akoz mon krwar poudir par lefe ki isi menm dan sa Lasanble.

Vizavi   sa diskisyon ki ti pase lo sa lartik e pou zis met azour Manm piblik ki pe a lekout la, ti a bon i pas en pti pe revi lo la.  Akoz sirtou kot i konsern sa let pou bann dimoun ki vreman pe sivre deba lo sa Kod Sivil i ganny li byen kler, sirtou letan nou koz lo sa size koripsyon. Mersi.

 

MR SPEAKER  

Mersi Onorab. Onorab Georges.   

 

HON BERNARD GEORGES

Wi, pou bann pou piblik ki pe ekoute sa ki nou pe koz lo la se en keksoz ki apel en contre- lettre. Kot par egzanp mon a donn zot en legzanp senp kot mon aste en later e mon met li mon non.

Me mon annan en agreement avek mon frer konmkwa sa later li ki’n donn mwan larzan e i pou li me mon’n met lo mon non pour okenn rezon. I pa anvi son madanm i konnen oubyen i annan problenm somewhere or whatever pou okenn rezon.

Sa set en back-letter. Set en dokiman ki dir ki en dokiman aparan ki pe dir en serten keksoz i annan en lot meaning.  Napa nanryen ki ilegal avek sa i parfetman legal tan ki ou pa pe kas en Lalwa.

Me si ou pe fer sa par egzanp poudir avek en dimoun ki vann ou en later kantmenm mon’n met R500,000 lo lavant mon realize ki an e fe mon’n pey ou R1milyon, li osi i en back-letter me li i pa valab akoz i kont en Revenue Law i pe kontourn Lalwa Tax i pe kontourn Lalwa Stamp Duty.

I kont sa ki nou apel Lord piblik parey Profeser i dir kont Public Policy.  Oubyen si dan sa legzanp ki mon’n donn zot rezon ki mon pe fer ki mon pe donn sa let se ki mon frer i anba suspicion trafik drog par egzanp. E nou’n met sa lo mwan akoz ANB pe get li en pe pre. Sa osi i pou kont Lord Piblik akoz sa back-letter pa pou annan okenn validite. I pou ganny void, i pou void akoz i ilegal i pe sey kontourn en Lalwa.

Donk sa ki profeser pe dir se tan ki en back-letter i en keksoz onnet ki eksplik en keksoz pou rezon onnet ant sa de parti i pou valab. I pa bind en third party.  Me lo moman ki annan en rezon ilegal oubyen kont lord piblik deryer li i nepli valab.  Donk vwala basically son diferans. Mersi.

 

MR SPEAKER  

Mersi Onorab Georges. AG.

 

THE ATTORNEY GENERAL MR FRANK ALLY

Mersi Mr Chairman, Mr Chairman sa ki Onorab Georges ti’n dir boner se ki son propozisyon se ki back-letter pa pou apply pou bann tranzaksyon bann propriyete imobilye.

E si nou get sa ki Profeser in dir i pe retourn nou kot nou ti ete an 1810.  Me ozordi nou 1900, nou 2020 e an 1976 ler nou ti anmenn nou Kod Sivil sa Kod Sivil aktyel, provizyon lo back-letter ti bokou pli extensif ki sa e i ti annan en bi pou anpes, pou anpes bann dimoun kontourn Lalwa sirtou an relasyon avek stamp duty.

E si nou war par egzanp a linea 3 lartik 321,1321 i koz lo bann tranzaksyon i prezimen frauduleux, si zot pe zot pa pe deklar real consideration of bann tranzaksyon.

E osi i koz lo dan a linea 4 i koz lo bann Lagreman ki napa lefe so mon pa konnen, mon war poudir nou pe depart ase substantiellement lo sa provizyon egzistan. Me parey Onorab Georges in dir si i pa pou apply pou bann tranzaksyon immobilière then petet i dwatet ganny state ase expressly.

E an plis in anmenn in apport en lamannman kot i pou annan en lifetime senpleman 5an.  Me ler en dimoun par egzanp i pa deal avek the real consideration of the transfer then i vin en issue.

Me selman parey Profeser in dir i annan bann lezot provizyon Lalwa par egzanp anba Stamp Duty Act kot ki, parey mon kapab dir ki en pti pe en ranpar.

Me selman isi when it comes to back-letter prensipalman i fer bann provizyon tre spesifik lo la. Mersi.

 

MR SPEAKER  

Mersi AG.  Onorab Georges.

 

HON BERNARD GEORGES

An e fe Mr Chair sa ki AG i parfetman vre.  Sa ki Profeser pe sey sizere dan son let se pou sa ki annan pou fer avek immovable property pa met li neseserman la akoz sa i en prensip zeneral met li dan Lalwa ki annan pou fer avek immovable propertyOk?

Oubyen dan Lalwa ki annan pou fer avek stamp duty. Me mon partaz en son rezonnman e mon pa vwar okenn rezon akoz nou pa kapab fer antre dan sa Kod Sivil paragraf 3 ek 4 ki ti dan ansyen Kod Sivil 1976.

Ki dir spesifikman si ou pe sey kontourn Lalwa Stamp Duty e ou pe met en pri ki pa byen sa back-letter pa pou valab. Mon napa okenn problenm si Lasanble i dakor ki nou pran sa 2 provizyon e nou fer antre. Akoz more is always better than less. Konpran?  Olye les sa pou lenterpretasyon nou kapab fer li antre.

E met li kont okenn dout nou’n nepli annan okenn dout sete sa son lespri li. Son problenm avek draft Profeser Chloros sete ki i ti dir tou bann back-letter i bezwen ganny anrezistre.

E se la kot si ou pou fer en keksoz koumsa dernyen keksoz ki ou pou al fer se anrezistre sa dokiman obviously. Alor lanmenm la ki’n ariv konfizyon.

 

MR SPEAKER  

Mersi Onorab Georges. Onorab William.

 

HON WAVEN WILLIAM

Mersi Mr Chair, Mr Chair mon pare pou segonn e siport sa sizesyon ki Attorney General in fer an menm tan baze lo leksplikasyon ki Bills Chair in fer. Mersi.

 

MR SPEAKER  

Mersi Onorab, Onorab Georges nou ava bouze.

 

HON BERNARD GEORGES

Mersi Mr Chair nou’n pran note e nou ava fer li antre.  Paragraf 3 ek 4 aktyelman i ava vin paragraf 4 ek 5 dan sa ki egziste. Mersi. E finalman Mr Chair nou vin lo lartik 554 e la i lo board fodre nou swiv atantivman akoz in sanz sa ki dan nou pti liv.

Premyerman se parey dan nou pti liv pou sa enn.  En definisyon parey mon dir sa set en Lalwa nef pou le moman i zis Ziz ki’n fer sa Lalwa dan zot zizman.  La i pe vin en statutes.  A droit de superficie is a right conferred on a person other than the owner of the land to enjoy the surface of the land ok?

Se pou sa rezon en droit de superficie ou ganny drwa zwir zis lo son sirfas ou pa kapab sa ki anba pa pou ou parey ler ou annan ler later i pou ou tou sa ki anba tou sa ki anler i pou ou. Ou droit de superficie ou kapab enjoy zis sa lasyet later lo lekel ou lakaz i ete se tou.

E en droit de superficie is a waiver of the right of accession of an owner under article e la mon pou demann Attorney Zeneral si mon annan rezon.

Profeser ti’n met right of accession under 555, mon krwar se the right of accession anba 553. Alor mon’n koriz li lo son draft.  E sa obviously i ti en typing mistake.

Right of accession parey zot konnen se ki lartik 553 parey zot ava vwar dan zot pti liv i dir ki si ou fer en konstriksyon lo en later,  sa dimoun ki’n fer sa konstriksyon i annan en prezonpsyon ki sa konstriksyon i pou sa dimoun ki’n fer li. E pardon i pou sa later i pou sa propriyeter sa later e ki’n ganny fer avek larzan propriyeter sa later.

Sa se accession ler ou fer lakaz lo en later sa lakaz i kol avek sa later. E propriyeter later i ganny prezimen ki se li ki’n fer sa lakaz, e ki ou sa konstriksyon en miray or en dam or whatever, e se, e in fer sa avek son prop larzan. Sa set en prezonpsyon anba lartik 553 se prezonpsyon aksesyon.

Se ki en keksoz ki ou azout avek en lot keksoz i vin en parti sa lot keksoz. Me ler 2 dimoun diferan ler e right, droit de superficie se egzakteman sa. Sa dimoun ki konstri i pa propriyeter sa later.

Se pou sa rezon ki i annan en right, en permission to build. Alor ou bezwen ou pa kapab swiv sa prezonpsyon akoz mwan mon vini mon fer en building lo later Onorab Sophola, Onorab Sophola i enjoy en prezonpsyon anba 553 ki dir ki akoz sa konstriksyon i lo son later se li ki’n fer avek son larzan.

En droit de superficie i permet ou dekol sa de keksoz e dir ki malgre ki sa konstriksyon i lo ou later, sa konstriksyon i pou mwan, e mon’n fer avek mwan prop larzan e se pou sa rezon ki mwan mon annan en droit de superficie, lala kot son lenspirasyon i vini. Ok?  Ki mannyer ou pou kree en droit de superficie e jurisprudence i dir i ganny kree par en written agreement, en permission to build par egzanp. Pardon oubyen par preskripsyon.

Mon’n build lo en later mon’n reste lo la pou en peryod letan, although sa i vin en pti pe questionable akoz si mon’n reste lo en later pou en peryod preskripsyon 20an. Mon pa pou al claim en droit de superficie mwan mon pou al claim sa later li menm.  Ou konpran alor me anyway i posib.

Alyenasyon setadir en dimoun in donn ou, oubyen en Lord Lakour. Lakour i dir ki ou annan en droit de superficie. Sa se sa 4 fason ki i kapab ganny   kree e Lalwa i ok lo la.

Prezan ler i ganny fer by written agreement i vin en real right, setadir ou kapab vann oubyen ou kapab transmet li par leritaz.  E la nou komans antre dan problenm. Eski nou pou dir se selman ler in ganny kree par en written agreement ki i alienable, inheritable oubyen eski nou pou dir ki tou droit de superficie is alienable and inheritable?  Ou  konpran?

E sel diferans se ki ler i ganny fer anba en written agreement se ki dan ou written agreement ou pou kapab dir mon pou donn ou pou 10an oubyen mon pou donn ou an perpétuité but everything else remains the same.  Alors sa se premye kestyon ki nou Lasanble pou bezwen tonm dakor lo la.

Moral impossibility rule pa aplike e sa set en lareg levidans ki dir ki ant 2 dimoun pros, ou pa kapab ou bezwen aksepte i annan de fwa pa pou annan en dokiman.

Setadir par egzanp si mon frer i pret mwan R5000. Si mon frer i pret mwan R15,000 en sonm ki pli par lao ki 5000,  i kapab al Ankour e dir mon’n pret mon frer R15,000 e i pa’n rann mwan. Mon le mon R15,000 back.

Lalwa konmela i dir ou anything par lao R5000 ou bezwen en dokiman, me lenposibilite moral i dir ki ler i ant 2 dimoun pros ou pa egzize ki i annan en dokiman.  Ler mon frer i pret mwan R15,000 mon pa pou dir i pa pou demann mwan fer resi konmkwa mon’n ganny R15,000.

Alor sa ki i pe dir la se pou droit de superficie sa pa aplike ok ou kapab donk, ou bezwen donk annan en dokiman.  E la ankor nou bezwen vwar eski sa i zistifyab oubyen non.

Prezan ler i annan en written agreement, sa written agreement pou bezwen dezinyen sa peryod pou lekel in ganny donnen e zot ava vwar mon’n koupe.

E me nou ava bezwen deside si nou pou koupe oubyen non, ki sa peryod i ava zis pou lavi diran sa dimoun oubyen an perpétuité. I ava dir kote pou fer en permission to build i dir ou kapab fer li lo mon later dan sa landrwa.

Si i ganny limite ou bezwen dan sa dokiman dir ki pou arive avek sa konstriksyon ler sa peryod i fini. Ou war?  Eski mon pou pey ou konpansasyon pou sa ki ou’n fer oubyen eski ou pou perdi sa?

Bokou dimoun i dir mon a fer en lakaz lo ou later apre mon lanmor sa lakaz i ava vin pou ou. Sa ou bezwen mete, rezon ek i bezwen ganny anrezistre. Si i ganny fer par written agreement. Si sa agreement pa comply avek tousala nou ava vwar taler i vin anba paragraf 5.  E sa i en drwa reel setadir ki it last forever ou kapab transmet li avek ou bann zeritye.

Prezan nou antre dan e konplikasyon e Profeser dan son draft akoz parey mon’n dir i annan sa diverzans lopinyon in dir si en droit de superficie i ganny kree in writing, i vin en real right it last forever oubyen it last for sa peryod pou lekel ou’n met ladan.

Me si in ganny kree dan okenn lot fason by oral agreement oubyen par preskripsyon i vin en personal right selman. Ler ou mor i mor ek ou. E ankor enn fwa a sa moman la prezan ou pa bezwen lenposibilite moral akoz ou kapab anmenn levidans oral akoz i oral.

E Lakour i ava determinen si i annan en drwa oubyen si ni napa en drwa, e sa drwa pa kapab ganny transmet donk i mor swa avek lanmor sa dimoun ki’n ganny sa drwa oubyen son bann sikseser.

Depandan, epi Lakour i kapab fer en lord pou dir ki sa siperfisyer i bezwen kit sa later swa ler i ganny peye oubyen non.

Oubyen fer okenn lord ki i trouv bon e si Lakour i fors sa dimoun sa propriyeter later pou pey en konpansasyon.  Sa konpansasyon i ava parey i mete anba lartik 555. Son pli valer ki i annan lo sa later akoz i annan sa konstriksyon sa later ti vo R1milyon mon’n fer en konstriksyon R500,000 me prezan i pa vo 1.5milyon i vo R2milyon.  Akoz ler ou azout sa 2 keksoz ansanm in vin pli valab, plis valer ki son 2 keksoz.

Oubyen zis sa R500,000 ki ou’n depanse, oubyen okenn lezot sonm ki Lakour dan son diskresyon i kapab dir.E Lakour i servi son diskresyon dan fason ki’n ganny mete dan sa Lalwa. Sa dimoun ki’n build lo sa later i annan en droit de rétention i kapab reste lo sa later ziska i ganny pey son konpansasyon.

I pa en overriding interest anba Land Registration Act. Sa set en pwen teknik e si dife i pran pandan sa peryod siperfisi, sa siperfisyer i ganny drwa rebuild son lakaz.

Konmela i annan en konfli i annan serten Ziz ki dir ki ler ou bezwen repar ou lakaz oubyen ler ou ganny forse pou repar ou lakaz oubyen ler ou anvi ou droit de superficie i arete.

E ler ou rebuild ou bezwen refer egzakteman parey i ti ete e okip menm area, area later. Sa se tou sa bann kondisyon anba 5 i selman valab si nou pou dir ki en droit de superficie i personnel.

Si nou pe dir ki en droit de superficie i reel e i an perpétuité okenn sa bann keksoz nepli valab, akoz koman ou’n donnen ou’n perdi.

Ou nepli kapab claw-back alor vwala nou premye desizyon se eski nou anvi ki en real right irrespective ki mannyer i ganny kree oubyen eski nou anvi ki en personal right? Mersi Mr Chair.

 

MR SPEAKER  

Mersi Onorab Georges. Onorab Ramkalawan.

 

HON WAVEL RAMKALAWAN

Mr Chairman. Premyerman Onorab Georges mersi bokou pou ou, pou sa bon leksplikasyon. E mon krwar ki definitivman se seksyon 5 ki pou sa bout 5 la ki nou issue.

Mwan mon ti ava dir ki etandonnen ki sa sityasyon ki nou pe koz lo la i en sityasyon ki egziste dan son pli gran parti avek bann dimoun ki bokou pli vye.

Bann droit de superficie ki’n ganny donnen lontan. Ok.

Mon krwar ki nou bezwen annan en latansyon spesyal. Vi ki dan son bout 5 a linea 5,4 plito nou pe dir ki lo bann Lagreman droit de superficie ki ganny fer an ekrir.  Mon krwar ki sa i kouver nou letan modern ki nou pe viv ladan, kot mazorite dimoun i pou al devan enn Noter pou fer en dokiman ozordi.

Be lontan letan ou reste anler Val D’En D’Or ou’n travay kot son met sa later son propriyeter e in dir avek ou, la i la fer ou lakaz la sa lide menm sa konsep konmsi pou ale pou al fer en dokiman an ekri i pa ti la. Annou fer fas avek realite e ki se prensipalman dan sa bann sityasyon kot ozordi letan nou pe regarde se sa bann dimoun ki annan plis problenm, parey mon ti’n dir oparavan.

Kot wi, sa landrwa kot zot ti reste oubyen sa bout later ki zot ti gannyen petet ni en semen pa ti pase konmdir  koze zot ti en pe dan bwa. Lo en kwen later e sa droit de superficie i pa ni ti pe ganny menm konsidere koman en droit de superficie.

Ti pe plito en fasilite ki ti ape donn sa travayer pou li pa reste tro lwen avek lakaz kot i pe vin travay. Tousala ti koumsa.  Alor mwan Mr Chairman avek sa sityasyon mon krwar ki lefe ki 4 i donn sa posibilite pou li ganny fer an ekrir. 5 alor i bezwen osi menm si i ganny fer dan mod oral li osi tou i bezwen annan sa eleman kot sa drwa i kapab ganny transfer.

Parski apre tou sa dimoun i pou’n fer son sa letan i pou fer en lakaz an bwa prensipalman. Oubyen en lakaz avek en striktir ki pa pou vreman last en kantite i pa ti pou’n fer en lakaz an blok par egzanp. Alor mwan mon krwar ki nou bezwen protez sa bann dimoun ki dan sa sityasyon.  Nou pa kapab en kou an gran la zis dir be i pa’n an ekri.

I pa’n donn tou sa bann zafer alor sorry letan ou mor i fini lanmenm. Non.  Mwan mon pou apiye Mr Chairman ki sa drwa ki’n ganny donnen par voix oral i ganny menm lafors konmsi ki nou regard sa 5 pou nou fer bann amannman neseser dan 5 pou ki i ganny sa eleman permanan dan sa eleman permanan anba 4.

Mon krwar sa i ava ed nou pou nou kapab protez sa drwa ki ozordi ki nou pe fer rantre dan nou Lalwa e ki ziska aprezan in annan   bann diferan enterpretasyon depandan lo Ziz ki ti pe regard sa sityasyon. Sa i mon kontribisyon.

E petet osi tou sa eleman preskripsyon li osi tou i vin enportan parski la nou pe osi regard bann dimoun ki’n reste pou plis ki 25an lo en morso later e ki’n rann servis apropriye e donk si preskripsyon i deza dan nou, i deza dan nou Civil Code.

Petet la i moman osi tou pou nou ankouraz sa bann dimoun pou al rod sa preskripsyon, ok pou al rod sa preskripsyon pou zot kapab transfer sa later e sa i ava osi vin en garanti pou zot zanfan.

So, mwan mon enn ki pou apiy sa mon konnen ki poudir pa tou dimoun ki pou kontan, avek sa ki, pa pou kontan avek sa ki mon pe dir me selman mon krwar letan nou pe koz lo lazistis nou pe koz lo servis.

Servis lwayal ki’n ganny rann mon krwar ki nou devret al dan sa direksyon e mon ti ava demann nou tou koman en Lasanble pou al dan sa direksyon e mon ti ava osi avek sa ki mon pe dir demann Onorab Georges pou ed nou pou ki nou kapab aranz sa parske mon krwar ki si nou aranz sa then nou’n fini aranz nou.

Nou’n fini aranz nou sa bout la e Lasanble i a kapab dizourd. Mersi bokou.

 

MR SPEAKER 

Mersi Onorab Ramkalawan.  Bon mon annan, 5 Manm lo mon lalis ki oule entervenir lo la mon sizere ki nou adjourn pou break la pou lunch.  E nou ava retournen 2er pou nou kapab kontinyen deba lo Kod Sivil.

Mon anvi zis enform bann Manm FPAC ki parey Leader Lopozisyon in anonse bomaten Chair FPAC i annan meeting toudswit dan Committee Room 3. Ok. Committee Room 3 pou tou Manm FPAC. Avek sa nou adjourn e nou repran nou travay 2er.

 

(BREAK)

 

MR SPEAKER

Bonn apre midi tou Manm Onorab, bonn apre midi Vis-Prezidan, bonn apre midi Attorney Zeneral. E bonn apre midi tou dimoun ki a lekout e pe swiv travay Lasanble Nasyonal.

Nou pou kontinyen kot nou ti kite pandan, avan nou al pran break. E mon ava donn laparol Onorab Waven William.

 

HON WAVEN WILLIAM

Bonn apre midi Mr Chairman. Bonn apre midi tou dimoun ki a lekout e bonn apre midi Vis-Prezidan ek Attorney Zeneral.

Mr Chairman mon anvi donn en pe sipor sa pwen avanse par Leader Lopozisyon. Mr Chairman mon santi ki sa zafer later propriyete nou’n pas dan en bann evolisyon en bann sanzman sak fwa ki in annan en sanzman, in annan eleksyon ouswa in annan sanzman Minis, swa bann Zofisye Gouvernman ki annan relasyon pou fer avek propriyete.

E mon ti a kontan ganny serten leklersisman ouswa petet solisyon avek Attorney Zeneral, avek Chairman Bills Committee vizavi sa 2 ka. Akoz sa propozisyon ki’n ganny avanse par Leader lopozisyon.

Parey mon dir i fer bokou sans e dan bokou ka nou santi poudir plizyer nou bann dimoun i kapab ganny kit deryer baze lo listwar e baze lo serten lavantaz ki ou ti annan.

Par egzanp la mon annan en ka kot ou annan en dimoun ki ti annan en lakaz ki pou li me later i pou Gouvernman. Me i napa naryen an ekri me selman sa lepok ti annan en serten promes oralman, verbalman avek sa dimoun ki i a kapab ganny sans ouswa li avek son fanmir pou aste sa bout later.

Me la nou’n vwar lentrodiksyon land point system Mr Chairman. E land point system li menm li, dan lafason i pe ganny aplike mon santi poudir sa bann dimoun i kapab ganny kit ater si nou pa fer naryen pou zot.

Mon lot ka Mr Chairman ki mon krwar i enportan ki mon mansyonnen, avan eleksyon 2011. Nou pe koz nou 2010 bann zabitan Petit Barbarons zot ti annan en propriyete zot ti pe rezouir kot Departman Gouvernman Lokal ti envestir pou donn zot en pti sant pou zot zwenn an menm tan fer zot bann aktivite Mr Chairman.

Me ek letan Mr Chairman sa propriyete san ki in annan bann konsiltasyon, sa propriyete ozordi in ganny vann e zabitan Petit Barbarons ozordi Mr Chairman zot napa en landrwa! Me zot ti ganny rekonnet sa lepok.

Me parey mon dir avek sanzman i napa naryen ofisyel ki’n ganny donnen me lo en baz verbal sa bann dimoun ti e pe zwir sa propriyete me ozordi zot napa en landrwa, e ozordi la koman mon pe koze zot pe anvoy en petisyon pou zot kapab rod zot drwa.

So mon ti a kontan met sa devan petet Bills Chairman ouswa Attorney Zeneral ti kapab dir en pti pe be dan sa bann lenstans, ki sa bann Seselwa, ki sa bann rezidan zot fer?  Mersi Mr Chairman.

 

MR SPEAKER

Mersi Onorab William. Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker. Mr Chair mon ti a kontan anmenn mon sipor pou sa prensip ki Leader Lopozisyon in anmennen. Mon krwar ki nou bezwen, se rekonnet sa konteks istorik ki bann droit de superficie in ganny donnen oralman, rekonnet sa.

E kekfwa se trouv en fason tranzitwar pou nou donn zot menm lafors Lalwa ki bann droit de superficie an ekrir, set a dir rod en tranzisyon akoz mwan mon ekspekte ki a lavenir pou napa oubyen pa devret annan bann permisyon oral koumsa. Akoz tou dimoun i konsyan bann nesesite al kot en noter, fer tou keksoz an ekrir e ki sa i kapab ganny formalize bokou pli byen.

So, annou rekonnet sa konteks istorik.  Annou rod en fason pou fer ki sa bann dimoun ki trouv zot dan bann sityasyon vreman tris si mon kapab servi sa mo. Mon menm mwan, mon osi mon ti Val D’en D’Or dan rezyon kot ansyen mon zanmi Regis Robert ti ete, dan sa rezyon la i annan later anyway mon pa bezwen mansyonn non, ki annan bann propriyeter ki ti ofer sa bann later pou son bann travayer konstrir en lakaz.

E ozordi sa bann dimoun pa kapab, zot in met tou zot savings dan sa lakaz e zot pa kapab pas sa avek zot zanfan oubyen zot pti zanfan. So annou sey rode kekfwa Onorab Georges avek Attorney Zeneral i ava kapab trouv an fason pou nou kapab dil ek sa lenzistis istorik si oule.  E apre a lavenir fer sir ki tou nou sitwayen i konn zot drwa e zot devwar zot annan en devwar pou zot sofgard zot byen atraver en dokiman.

So mon ti ekspekte, ti en largiman ki mon ti pou fer akoz mon’n tann Onorab Gill pe dir dan Truth and Reconciliation ki i annan en Mosyon ki i ti anvi anmennen zisteman lo sa size. E mon ti pe esper sa avek en pasyans be selman mon war ki Prezidan pa’n permet li fer sa deba lo sa lepok lesklavaz.

Me tousala petet parey Onorab De Commarmond in dir, Onorab Gill i ava la dan sizyenm Lasanble, e kekfwa la i ava ganny en sans pou li kapab fer sa travay. E antretan annou sey gete ki mannyer nou kapab bouz sa pei devan e fer sir ki sa bann sityasyon lenzistis pa kontinyen. Mersi.

 

MR SPEAKER

Mersi Onorab Ferrari. Onorab Churchill Gill.

 

HON CHURCHILL GILL

Mersi Mr Chair. Bonn apre midi Vis-Prezidan avek AG. Bonn apre midi tou Manm e tou dimoun ki pe ekout nou. Mr Chair sa size i en size ki tous bokou landrwa. E Praslin nou pa’n ganny eparpiye avek sa. Akoz nou annan bann fanmir ki dan lepase zot in ganny permisyon.

Me pa permisyon an ekrir e zot in vin dan sa bann landrwa pou plizyer lannen e ozordi zot pe ganny demande pou zot sorti dan sa landrwa.

Vi ki zot in dan sa landrwa pou bokou lannen zot napa en landrwa pou zot ale ozordi, e zot pe menm annan difikilte pou kapab ganny en semen pou ariv kot zot akoz son met landrwa pa oule donn permisyon, e i oule zot sorti. Se pour sa rezon ki i pa pe donn permisyon.

E mon krwar poudir sa i en size, sa sizyenm Lasanble la avan ler ki nou ale mon krwar i annan en loportinite la pou nou kapab pran desizyon enportan pou sa bann dimoun ki santi zot dan sa bann sityasyon. Alors mwan osi mon pou aport mon sipor ki nou pran en desizyon byen formel pour ki tou sa bann dimoun a kapab finalman ganny en solisyon pou zot problenm. Mersi.

 

MR SPEAKER

Mersi Onorab Churchill Gill. Onorab Gervais Henrie.

 

HON GERVAIS HENRIE

Mersi Mr Chair. Bonn apre midi tou dimoun. Mr Chair mwan mon konsern i plito en kestyon ki mon anvi poz Chairman Bills Committee. Letan nou pe koz droit de superficie whether i aplik spesifikman pou lakaz bann keksoz koumsa.

Parske i annan bann lezot problenm par egzanp semen, kot en legzanp mon konn byen dan distrik Mont Buxton en semen ki Gouvernman in konstrir i pas par deryer ex-Heinz Housing Estate Belonie.

Be bann dimoun ki ti la avan mon dan MNA, DA avan sa enn la. Mon pa konnen ki mannyer sa ban prosedir in ganny fer, me propriyeter zot in dir poudir zot in donn permisyon konstrir

Apre sa madanm ki’n sipoze donn permisyon konstrir i mor. Le moman ki i mor zeritye ki pa Sesel i dir hang on, nou tande zot pe encroach lo nou propriyete, si ou pa pey nou 7milyon ou pa pou annan drwa konstrir.

I met en kominote an otaz, so mon anvi konnen whether i spesifikman aplik pou lakaz me dan ka kot bann dimoun dan zot bonte in donn permisyon, alor ki mannyer sa i marse? Mersi mon ti a kontan konn sa.

 

MR SPEAKER

Mersi Onorab Henrie. Onorab Sebastien Pillay.

 

HON SEBASTIEN PILLAY

Mersi Mr Speaker. Mr Chairman i enportan ki ler nou pe get sa size, nou etablir byen konteks ki nou trouv nou ladan.

Si mon rapel, sa ki rapel byen e sa in en size ki monte dan bann deba lo TRNUC kot bokou dimoun pe kestyonn sa size tenants right. Ki ti ganny entrodwir ki ti permet bokou dimoun ki ti pe reste lo bann later kot zot ti pe reste pou kapab efektivman krwar en tenants right pou sa later pou sa landrwa kot i pe reste pou zot.

Prezan nou tann bokou koze ek bokou dimoun ki pe dir poudir ler, zi zot ganny sans pa konn bann dimoun ki pe dir zot later in ganny pran eksetera. I annan bokou Seselwa ki ozordi i trouv zot pe reste lo later bann dimoun ki pa isi. E i pou enportan ler nou, nou pe fer sa travay ki nou pe fer.

Nou pran konsiderasyon sa bann dimoun ki pe reste lo sa later e fotespere sa bann dimoun ki pe reste lo sa bann later ozordi zot pe ekout mwan. Zot konpran tre byen lanze oubyen sityasyon ki devan zot, akoz si zot in swiv byen bann diferan keksoz ki’n ganny dir ki’n transpire pandan sa bann dernyen lannen, zot a realize ki i annan bokou dimoun ki pe koz lo zot bann drwa ki zot, zot annan lo sa bann later ozordi kot sa bann dimoun pe reste.

E mon krwar i enportan ki lefe ki nou lo sa kote latab in en keksoz ki’n toultan gid nou kot nou’n toultan sey asire ki sey fer nou mye pour ki dimoun i kapab kot in konstrir son lakaz, e kot in ganny sa permisyon oubyen sa lagreman avek sa dimoun.

Lamazorite sa bann lagreman ti ganny fer verbalman.  Sa ki reste pou nou fer ozordi se pour nou fer en bon desizyon lo sa size, akoz i pou annan en lenpak lo en kantite dimoun, lo en kantite zenerasyon ki reste lo sa bann landrwa ozordi.

So mon ti a voudre dan sa laliny ki Onorab Gill in koz lo la nou efektivman trouv, mon pa konnen si nou pou kapab trouv en solisyon koz sak sa bann dimoun prezan pou bezwen al fer en laplikasyon, si sa bann dimoun ki sa later i trouv pou zot i annan detrwa ki’n pas devan. Mon pa oule servi travay Komisyon me in pas devan Komisyon. I pa sa bann dimoun in koz lo zot later ki’n ganny, pa acquire me i annan dimoun pe reste lo la ozordi.

E i enportan ki nou pran en desizyon koman en bann politisyen akoz se sa largiman ki’n ganny avanse an faver sa bann move. Pa par lo kote me par lezot dimoun dan lepase, e se pour sa rezon ki lot kote latab in en pti pe apologetic ler zot in dir poudir i annan dimoun pa pou kontan sa pozisyon ki nou pe pran.

Me i en pozisyon ki nou bezwen pran zisteman pou nou protez sa bann dimoun ki ozordi trouv zot lo sa bann later ozordi ki zot pa perdi zot landrwa.

Akoz sa ki’n ganny dir ki sa bann dimoun ki zot, zot pou retournen, zot pou oule zot later. E sa i pou aplik osi si i pou annan bann kontestasyon kot Gouvernman in konstrir son bann flat, son bann lakaz, bann duplex dan bann distrik partou, kot a sa moman Gouvernman ti bezwen fer sa bann lakaz pou benefisye sa bann dimoun.

E nou pa ti a kontan ki demann atraver desizyon ki zot pran zot trouv zot ki zot bezwen rann zot lakaz akoz somebody coming from somewhere else i dir ek zot koumsa be sa i mon later, e ou pe reste lo la. Mersi Mr Speaker.

 

MR SPEAKER

Mersi Onorab Pillay. Onorab Simon Gill.

 

HON SIMON GILL

Mersi Mr Chairman. Bonn apre midi Mr Chairman, bonn apre midi tou koleg Onorab e Manm piblik ki pe ekout nou. Mr Chairman nou’n ariv lo en size ki tre sansib, size later posesyon oubyen ownership later.

E Onorab Georges pe sey rod en fason pou kapab annan serten provizyon pou sey mitigate en pe bann konsekans posib ki kapab arive, ler finalman nou deside ki lafason ki nou formil sa bann provizyon dan nou Kod Sivil.

Mon swete e i en swe senser ki nou kapab fer zistis avek sa provizyon ki nou finalman tonm dakor pou nou met dan sa Prozedlwa. E ki finalman nou ava kapab pe permet tou bann parti prenon kapab trouv en laklerte. I enportan Mr Speaker ki nou balanse, bann dimoun, bann fanmir ki ozordi pe reklanm drwa zot propriyete, zot pe soutenir zot reklanm ki zot pe fer lo en baz byensir istorik.

E egalman bann dimoun ki ozordi i trouv zot dan en pozisyon dezavantaze lo propriyete kot zot trouv zot ozordi zot osi ler nou pe koz lazistis, human rights, zot osi zot annan en drwa pou reklanm en lespas kot zot trouv zot, zot ete ozordi baze lo bann eleman lo bann fe istorik egalman.

Byensir sa ki mon kontan avan ler nou’n al dezennen Onorab Ramkalawan Leader Lopozisyon avek Onorab Ferrari zot lentervansyon ki zot in fer, i al dan en direksyon kot mon krwar ozordi apre midi nou ava kapab annan en provizyon ki nou mete ki ekilibre pou tou bann parti prenon.

Tout an tenir kont ki personn ti napa leter ler bann premye zabitan ti ariv Sesel. Mon pou repet sa mil fwa si fodre repete, parey mon ti dir devan Komisyon Laverite. Personn ti napa later isi dan sa teritwar Sesel e dan sa pei ozordi ki nou apel Sesel apre ki nou’n ganny nou lidantite koman en pep, apre ki nou ti ganny nou Lendepandans le 29 Zen 1976. Personn ti napa later.

Nou’n ganny donnen later nou pa pou repet nou listwar ozordi apre midi, pa pou bezwen donn en laklas ledikasyon politik pou mon andoktrin personn ozordi apre midi lo kestyon later. Me i enportan ki nou fer zistis. E si i annan en keksoz ki ozordi an 2020 Mr Speaker ki nou pou dir ti annan son merit avek bann limitasyon ki zot in dir in annan sa Lalwa ki apel Lalwa tenants right ki 1 son loter prensipal sete Dr Maxime Ferrari papa Onorab Jean-François Ferrari ki la isi dan sa Lasanble.

E konteni sa Lalwa Mr Speaker avek tou son bann limitasyon, ti annan pour bi rekonnet legzistans bann fanmir lo bann later bann gran propriyeter kot zot ti trouv zot zot ete.

Relevance, egalman relevance Onorab Gervais Henrie akoz ou pe reklanm semen Heinz kot wi ti annan en lagreman verbal a lepok, e ozordi sa bann dimoun ler zot oule annan en semen pou zot ariv kot zot Gouvernman pe ganny demande pou pey 7milyon avan ler semen i ganny donnen.

Son relevans parey kot mon ti reste anler dan L’Inde laba kot 1 zot siporter zot konn li John Olivia pe bloke i pa anpes semen monte e ozordi sa bann dimoun anler dan L’Inde ki malad ki bezwen al rod lot landrwa pou reste !

This is the relevance, This is the relevance, kot LDS pe blok semen dan L’Inde, anpes sa bann fanmir anler dan L’Inde pou zot ganny akse avek semen. This is the relevance. E mon sete ler ou met ankor ou kandidatir dan distrik Mont Buxton ou koz avek John Olivia dir li deblok sa semen anler laba dan L’Inde. This is the relevance, later kot mon’n ne mon’n grandi, this is the relevance!

This is the relevance e mon swete partou dan bann distrik kot zot ete kot bann LDS pe blok akse devlopman ki zot large sa bann devlopman. zot les lenfrastriktir, zot les Gouvernman devlop sa pei. This is the relevance, this is the relevance ki nou bezwen koz lo la.

Zot pe servi zot baz politik pou zot blok devlopman, pou zot blok bann fanmir anpes bann fanmir zwir devlopman ki sa Gouvernman i oule anmennen kot zot. Blok akse akoz zot semen i ariv kot zot, zot loto i park anba zot lakaz zot pe anpes bann dimoun ki reste pli o ganny posibilite, ganny akse semen pou zot antre, pou zot loto park obor zot lakaz zot osi.

Zot fer gro, gro lebra akoz zot, zot annan mazorite ozordi dan sa Lasanble e zot soutir serten sa bann gran propriyeter pou pa donn wayleave pou bloke.

This is the relevance ki zot pe rode, e Mr Speaker zis ler zot ki zot, zot mansyonn non dimoun dan sa Lasanble ki zot fer. Zis zot ki fer ler zot nonm non tou dimoun dan pei, atak tou dimoun dan sa pei zot ki fair.

Mr Speaker mon pa oule fer plis ki sa ki mon’n dir mon konnen epi ki zot pou fer zot pou al organize pou al met bann latak lo zot social media akoz sa lentervansyon ki mon’n fer.

Koumsanmenm ki zot fer, koumsa ki zot bon. Me sa pep pou ziz zot ozordi, sa provizyon ki zot pe met dan sa Prozedlwa. Lepep pou Ziz zot, nou Gouvernman nou parti nou pa bezwen en lektir avek LDS ozordi dan sa Lasanble!

 

(APPLAUSE)

 

HON SIMON GILL

We don’t need lecture from you!

(APPLAUSE)

 

HON SIMON GILL

In toultan nou prensip pou fer sir ki mazorite sa pep Seselwa i ganny ownership son later.

Avek tou bann limitasyon ki’n annan, avek tou lenperfeksyon ki’n annan in enn nou bann prensip.  E mwan mon pou kontinyen debout for pou fer sir ki mazorite Seselwa dan sa pei i ganny ownership en bout later kot in reste pou 30an pou 40an, pou 50an.  Kot ozordi zot pe demann li anmas ou pake ale !

We need to be fair, we need to be just. E si zot tonm dakor lo sa prensip, mon deryer zot mon, mon dakor avek zot e erezman ozordi 2020 zot pe tonm dakor avek en prensip ki depi lontan nou’n tonm dakor lo la lo nou kote isi, in enn bann prensip fondamantal ki SPUP, SPPF, Parti Lepep in lager e nou pe kontinyen lager. Mersi bokou Mr Speaker.

 

 

(APPLAUSE)

 

MR SPEAKER

Mersi Onorab Simon Gill. Onorab De Commarmond.

 

HON CHARLES DE COMMARMOND

Mersi Mr Speaker. Bonn apre midi Mr Speaker, bonn apre midi VP e Attorney Zeneral, bonn apre midi tou Manm Onorab e tou dimoun ki a lekout.

Mr Speaker sa size ki devan nou i en size enportan i en size, vreman ki tous en kantite dimoun dan tou distrik. Sa bann problenm ki i pe koze la i egziste. E mon oule osi dir ki Gouvernman dan serten sirkonstans sa bann ka i pa pas devan li.

E la mon anvi lans en lapel kot Gouvernman parfwa i annan bann later kot sa drwa oubyen en Lagreman verbal in ganny fer ki sa dimoun pe reste lo sa later petet ti travay la avek son met apre pli tar, sa later in ganny vann ek Gouvernman. E Gouvernman ouswa Gouvernman in acquire sa later, Gouvernman i erit osi en tel keksoz.

So nou pe koz letan i prive, i ankor prive i en issue. Me osi letan Gouvernman i erite en tel problenm, en tel laranzman verbal ki’n ganny fer par sa dimoun ki deza la. Sa osi i vin en ka, e alor la ki Gouvernman li i konsyan poudir ki sa bann issues nou bezwen rezourd, mwan mon pe lans en lapel osi ki Gouvernman kot i posib kot i kapab dan bann distrik i rezourd sa bann problenm ki i kapab rezourd.

Par egzanp pou pa al fer sa dimoun akoz sa later pa ankor transfer pa ankor aste pa ankor peye ou al fer li reste lo la. Ou la dir li antre anba sistenm pwen akoz la sa sistenm pwen fek entrodwir ki konmsi sa vye lakaz i pou li me i pa kapab pran loan konmsi i annan tout en konplikasyon mon, mon pe lans lapel ki i dan menm laliny me ki Gouvernman i entre pou ede pou rezourd bann problenm kot i egziste e vitman.

An menm tan pou fini, mon anvi dan menm laliny ki bann dimoun avan mon in koze sirtou lo nou kote isi ki mover Onorab Georges e petet Attorney Zeneral osi i kapab dir avek nou Lasanble ki relasyon sa ki pe ganny diskite i annan avek sa Lalwa tenants, right? ki in fini ganny zete a.

Eski i annan en relasyon eski vi ki kekfwa zot annan memwar lo la, eski i annan en keksoz ki zot kapab dir nou dan sa direksyon? Mersi.

 

MR SPEAKER

Mersi Onorab De Commarmond. Onorab Flory Larue.

 

HON FLORY LARUE

Mersi Mr Chair. Mr Chair sa pi bout la ki nou pe koz lo la i tous en topik ki sansib. E mon krwar nou’n deza tann en dimoun dir devan Truth and Reconciliation devan Komisyon i ti dir ‘’Land is power.’’ E sa ti en ansyen Minis Later dan Gouvernman SPPF ki li in ganny bokou later.

Mr Speaker dan sa sityasyon kot dimoun pa konnen kote zot stand atraver zot propriyete, i fer ki i anmenn en stabilite pou en dimoun dan son sityasyon sosyal. Me parkont sa bann sityasyon ki nou’n koz lo la parey nou’n ganny en legzanp pou sa semen dan Mont Buxton i bann problenm ki pa fek arive.

Sa Gouvernman in la pou 40an, en kantite sa bann sityasyon i bann sityasyon istorik. E mon kontan ki zot in servi sa largiman kot zot dir ki letan ti annan later Gouvernman, apre en dimoun i donn Gouvernman lotorizasyon verbalman pou fer senmen apre a dimoun i désédé prezan son dimoun ki erite li i vin lager kont sa parol ki ti ganny donnen.

Me lefe ki zot tarde avek dokimantasyon Mr Speaker i fer ki sa bann sityasyon i arive. E i pa enn i annan bokou, bokou sityasyon ki koumsa kot sa dimoun, sa propriyeter sa premye propriyeter. Li i donnen Gouvernman right of way, i donnen sa lagreman a verbal, zot fer semen apre zot pa fer dokimantasyon.

Ki apre letan sa bann 2,3,4,5 zenerasyon ki vin apre, plizyer zenerasyon apre i deside zot oule le klanm, reklanm en bout later akoz zot pa pe gannyen kekfwa zot atraver pwen. Zot vin dir Gouvernman pey mwan mon later ou’n fer semen lo la akoz literalman sa later i pour zot.

Alor Gouvernman i telman tarde avek sa bann dokimantasyon i fer ki in anpes en kantite progresyon ki’n arive dan sa fason.

Apre Mr Speaker sa parti nou konnen i pran later malapropo e pour ozordi letan nou pe koz en Lalwa ki fasilit ouswa ki kapab debous en fason fer pou keksoz vin pli kler, zot pe dir dimoun pou ganny pouse lo zot later sa i pa leka ditou Mr Speaker.

Si ou’n deza reste lo sa later pou annan bann provizyon ki ganny fer, Lakour i fer provizyon pou sa bann keksoz. Me solman pou vin servi sa largiman, pou vin dir ki zot pou ganny pouse, pa konnen kote dimoun pou ale LDS i oule vin pran zot later, pa ava met sa Prozedlwa ladan, zot vreman pe mislead the House akoz sa i pa leka Mr Speaker !

 

(Interruption)

 

HON FLORY LARUE

Mon tour mon ki pe koze.  Zot pe mislead the House ! Alor annou dir sa ki nou pe dir annou pa dir en lot keksoz.

Mr Speaker zot in pran en ta later zot, later avek dimoun prive, zot pa kapab rann dimoun ozordi sa bann later, bann later ki zot in vole alors zot bezwen reste trankil taler zot sort sa out! Mr Speaker sa ban Prozedlwa ki nou pou anmennen i pou anmenn klarite avek plis sityasyon kot dimoun in kapab klarifye ki pe arive, sa ki nou, nou pe anmennen.

E tou sa letan zot in la zot pa’n enterese gete sa zot, zot kontan kit dimoun dan ensertitid, me nou, nou pe fer klarifikasyon. Alors mon ti a kontan remersi ou Mr Speaker. Mersi Mr Chair.

 

MR SPEAKER

Mersi Onorab Larue. Bon mon pou donn laparol panel, apre Onorab Georges, i annan bokou pwen ki’n ganny leve. Attorney Zeneral.

 

THE ATTORNEY GENERAL MR FRANK ALLY

Mersi Mr Chairman. Mr Chairman mon krwar malerezman nou pe perdi focus lo sa Lartik. Nou’n anmenn bann eleman ki napa naryen pou fer avek sa lartik par egzanp right of way i napa naryen pou fer. Right of way nou’n koze.

Mon krwar i en Kod Sivil ki i en Prozedlwa ki’n pli ganny triye par en Lasanble ok? Kod Sivil 76 ti ganny more or less petet nou kapab dir dan en large extent enpoze lo popilasyon, me vote par Lasanble Nasyonal.

Nou bezwen get laplikasyon sa Lartik, kot parey Onorab Georges in dir Prozedlwa ti pe anmenn en drwa personnel vizavi Droit de Superficie, Lalwa Jurisprudentielle i plito dir ki ou annan drwa reel, ki menm ou kapab ipotek sa drwa. Me kestyon se, ki mannyer ou ganny en droit de superficie?

I annan en kantite fason ki mannyer en dimoun i kapab ganny en drwa reel lo en propriyete, en dimoun i kapab lwe en later. Me i pa pou kapab ganny en droit superficie akoz si mon dir ek en dimoun mon lwe ou mon later e ou come as a tenant under the control of Random Tenancy Agreements Act.

Mon pou kapab tir ou baze lo control of Rent Tenancy Agreements Act, menm si ou pa pe pey rent. Me the fact ki ou annan en relasyon avek mwan ki landlord and tenant or lessee or lessor relationship.

So nou bezwen careful annou pa fer en, donn en ekspektasyon ki evantyelman sa ekspektasyon i ganny curtail par Lakour e i dir li non be ou pa pou kapab ganny en droit de superficie. Me selman ou pou kapab ganny tire anba control of re, and this is why the brilliance of the Tenants Rights Acts.

E Tenants Rights Act ti en Lalwa ki ti ganny fer ki ozordi ler mon tann bann Manm koze i more or less nou pe reviv sa. Akoz i dir ou ‘notwithstanding Article 55(3) and Article 55(5). Ki lartik lo aksesyon. And therefore, si ou pe reste dan en propriyete ou kapab claim propriyete.

Me ki nou ti fer evantyelman? Nou ti war poudir sa Lalwa i en Lalwa ki anmenn bokou lenzistis. Mon a donn ou en senp legzanp, si ler mon aste en later, akoz en droit de superficie i pa en encumbrance ki ou, i vizib lo en later dan rezis later.

So ler mwan mon al aste en bout later, akoz nou bezwen sekiriz tranzaksyon osi.  Ler mwan   al aste en bout later mon aste avek sa propriyeter. Me en semenn apre en dimoun i vini i dir be gete be mon annan en droit de superficie lo sa later mon. E finalman i pa donn sekirite en aster. Ou vwar?  E se sa ki i annan bann provizyon Lalwa ki’n pran sa an kont.

Land registration Act parkont i donn ou sa ki nou apel en overriding interest. E ou pa war sa overriding interest. This is why it’s called an overriding interest. So en dimoun i kapab al Ankour e claim avek Lakour poudir i annan en overriding interest.

Me nou bezwen careful.  E mwan, mon siport to a large extent sa ki Onorab Georges in dir lo kote ler nou’n depart from e petet mon a kapab konpran son rezervasyon ki ti pe dir nou kapab met li plito pli tar.

Akoz ozordi nou annan en sityasyon kot nou Lalwa Jurisprudentielle savedir Case Laws fer par Lakour i ki en dimoun i annan en, en dimoun ki kapab prouve ki i annan en droit de superficie.

          Son drwa i pou en drwa reel, me i pa pou zanmen kapab ganny ownership sa later li. So long ki son lakaz i kouver sa later i pou kapab reste. Me kot sa Prozedlwa ti anvi anmenn li en pe pli devan pou kapab konfirmen poudir en dimoun i annan li en drwa reel. Me selman i ariv a bann ka kot si i fer okenn renovasyon avek sa later ek sa lakaz son drwa i ariv a son fen. E prezan depandan lo si ti fer li depandan lo ki mannyer i fer li, i ti konstrir e normalman avek en droit de superficie set a dir ou annan en bonn fwa, e alor ou pou bezwen ganny konpanse akoz ou bonn fwa. So nou bezwen osi pans en propriyeter.  Sa propriyeter sa later li menm li e apre sa propriyeter sa droit de superficie. E nou kapab, Lasanble i kapab parey Onorab Georges in sizere go to the extent of donn en drwa reel bann dimoun ki annan en droit de superficie. Me ou bezwen prouv sa drwa e la anfet propozisyon ki mon ti pe fer ek Onorab Georges dan koulwar apre deliberasyon, se ki nou bezwen amann Lartik 13(41)    akoz lartik 13(41)   koman en prensip si en byen sa issue son valer i plis ki R5000 ozordi, me i pou vin R100,000 ou R50,000 then ou bezwen ekri. E si ou napa en ekri then ou tonbe, ou claim pou tonbe. Me ou pou bezwen montre poudir i notwithstanding Article 13(41)   ki pou osi, en i pou nesesit en serten amannman swa avek 13(41)   oubyen nou pou bezwen fer, Lasanble i bezwen fer en amannman dan sanmenm sa lartik. E egzakteman to a large extent parey ki in ganny fer dan Tenants Rights Act. Mersi. Mr Speaker apre ti annan en pwen e mon krwar Onorab William ti koz lo la lo bann later si en dimoun i-.  En droit de superficie i esansyelman en drwa kot mon donn en dimoun, en propriyeter i donn en dimoun pou li konstrir.Me si Gouvernman i zis dir ek bann dimoun ok ou kapab servi sa bout later pou ou fer serten aktivite i pa pou antann, i pa pou vin en droit de superficie. Me again, akoz parfwa i annan bann dimoun ki zot in fer, zot in donn en dimoun en drwa, e zot in dir ek sa dimoun mon’n donn ou permisyon pou ou fer ou lakaz la. Petet so long ki ou travay avek mwan, me selman avek letan sa dimoun i mor, fanmir i kontinyen reste. Me kestyon se ou ti i annan en kondisyon akoz i annan en Kontra, sa Kontra i kapab verbal si mon kapab prouve poudir e satisfer bann provizyon pou kapab anmenn sa eksepsyon kot mon kapab prouv en kontra menm par lao sa sonm anba 13(41)   verbalman. Me selman sa dimoun pou kapab dir ou be non, mon ti donn ou sa senpleman pandan letan ki ou ti travay avek mwan. Me apre ou’n arete travay avek mwan, so teknikman i pa by virtue. Once your employment is seized therefore you have no further right for you to, pou ou kontinyen reste la.  So i annan tout en deba legal lo ki mannyer ou acquire sa right sa droit de superficie.  E si sa drwa i pa senpleman akoz mon lo later en dimoun i annan en droit de superficie i kapab mon pe squat i kapab. E se sa ki preskripsyon i come into play.  Me si ankor ou dir ou annan en droit de superficie mon’n donn ou permisyon pou reste ou drwa ou pa kapab preskri akoz preskripsyon i antithesis to an agreement or en permission.So si ou dir mon’n ganny preskripsyon i selman dan en ka kot napa en Kontra, mon pe squat dan en later en dimoun e avek letan mon acquire li parey nou dir par preskripsyon akizitiv. Mersi Mr Chairman.

MR SPEAKER

Mersi AG. Onorab Bernard Georges.

HON BERNARD GEORGES

Mersi Mr Chair. Mr Chair mon ti a kontan tous en pti kou lo en pwen ki Onorab Gervais Henrie in souleve, mon krwar Attorney General in tous en pe lo la.

En droit de superficie i annan pou fer avek prensipalman lakaz. En semen i ganny kouver anba en lot Lartik i pou swa en right of way e i pou ganny kouver par bann Lartik 682 eksetera ki pou ganny pou fer avek right of way oubyen okenn lezot konstriksyon i ganny kouver anba Lartik 555, lartik zis apre sa enn ki manage konstriksyon ki ganny fer par en dimoun lo later en lot ki pa en droit de superficie.

Donk i annan sa 2 lezot landrwa ki pou kouver sa 2 keksoz.

Me fodre pa nou bliye mon fer zot rapel ki en droit de superficie i selman enn parmi plizyer posibilite ki kapab egziste ler ou build lo later en lot dimoun. Zot ava rapel ki mon ti dir ki oparavan ki en dimoun ki build lo later en lot dimoun i kapab sa bann dimoun swivan; premyerman i kapab en dimoun ki build in bad faith. I vini dan milye lannwit, i fer son lakaz dan en bout propriyete ki sa propriyeter zanmen i ale, e san permisyon san naryen e i build.

Li sa dimoun i kapab ganny demande a nenport ki moman pou anmas son pake e ale akoz i an mauvaise foi, san okenn konpansasyon, me selman si in kapab reste la pou plis ki 20an e ki personn pa ankor pous li i ava kapab acquire sa later par preskripsyon.

Dezyenm kalite dimoun se enn ki build an bonn fwa, in good faith, me san annan lentansyon acquire en droit de superficie. I build an bonn fwa san ki i vin en siperfisyer. Li i pa kapab ganny demande pou ale san konpansasyon, me i kapab ganny demande pou ale avek konpansasyon.

Ou a bezwen pey li pou son travay ki in fer li i ava deside si i pou kit lakaz deryer oubyen non.  E si i kit lakaz deryer ou a bezwen pey li pou son lakaz.  Si i pran lakaz i ale ou a bezwen pey li pou son travay ki in fer lo ou later.

E trwazyenm dimoun se enn ki en drwa de siperfisyer enn ki build avek permisyon oubyen par preskripsyon me avek lentansyon annan en droit de superficie.

Donk la nou pe regard zis enn, sa 2 lezot in ganny konsidere anba Lartik 555. Me tou sa bann legzanp ki’n ganny mansyonnen ozordi sirtou bann dimoun ki ti travay pou imsye, me ki ti ganny dir met ou lakaz mon piti dan kwen balizaz eksetera.

Zot, zot bann dimoun ki zot kapab, zot pou vin siperfisyer, akoz zot in ganny permisyon pou zot fer en lakaz lo sa later e sa droit d’accession i pa’n arive. Donk sa propriyeter later i pa kapab dir ki sa lakaz in vin pour li. Dezyenm keksoz mon ti ava profite Mr Chair apre midi se pour mansyonn Land Registration Act.

Parey zot konnen tou later Mahe, la mazorite later Praslin, ek en bon pe later La Digue e byento tou later dan sa 3 zil avek tou bann lezot later ki ganny arpante dan tou lezot zil including Armirantes, L’Ile Au Cerfs eksetera, Silhouette, tousala pou lo land register.

E lo land register donk nou pou bezwen fer en posibilite pour ki en droit de superficie si nou aksepte ki i pou vin en real right parey Attorney Zeneral in dir. En drwa perpetyel an drwa ki ou kapab transmet ki ou kapab vann ki ou kapab ipoteke, nou bezwen trouv en fason pou modifye Land Registration Act pour fer ki sa drwa i kapab ganny anrezistre anba Land Registration Act.

Pou le moman propozisyon ki nou pou vwar taler, i dir ki i pou vin en overriding interest. En overriding interest, se en lentere ki override the register.  I pa la lo register ler ou pou al gete ou pa pou war. Me i en drwa kantmenm, malgre ki i pa’n ganny anrezistre i pli for ki sa ki’n anrezistre akoz i override the register.

Alor propozisyon swivan tousala Mr Chair apre midi avek ou permisyon, mon’n met lo board mon’n fer detrwa modifikasyon. Premyerman parey nou ti war bomaten definisyon en droit de superficie no change.

Dezyenmman i en waver of accession no change. Trwazyenmman son kreasyon agreement, preskripsyon, alyenasyon Lord Lakour no change.

Prezan olye ki se zis en droit de superficie ki’n ganny kree par agreement ki pou en real right. Nou, nou pe dir swivan deba ki tou droit de superficie, every droit de superficie is a real right.

E i kapab ganny alienate setadir vann, lwe, whatever e erite. Subject to si i annan dan en written agreement en peryod fix. Si ou’n pran en Droit de Superficie pou 10an be la ou pa pou kapab pas li atraver ou bann zanfan plis ki sa 10an.

Donk sa se dan sa ka. E nou vin prezan lo Lartik 1341 ki Onorab Attorney Zeneral in dir e nou pou bezwen mete ki Lartik 1341 ki dir ki si pou ou anmenn en levidans Ankour pou en keksoz ki vo plis ki R5000 ou pou bezwen en dokiman, nou pa pou kapab akoz nou fek dir ki ou kapab kre enn par oral agreement. Alor nou bezwen provide ki sa i arive nou a bezwen mete ki lartik 1341 shall not apply to a droit de superficie ok?

Mon ava mete taler avek zot permisyon.  Me sa lenposibilite moral ki nou ti dir taler i pa pou apply pou en agreement me i pou apply pou enn ki ganny kree par, be non nou pa kapab mete prezan akoz si nou pe dir ki i pa pou apply ditou alor nou a bezwen revwar sa en pti kou.

Going on, si prezan sa droit de superficie i ganny kree par en written agreement sa agreement i bezwen, zot ava realize, zot ava rapel ki nou kapab fer li by written agreement by oral agreement, by preskripsyon, by alienation, by Court Order.

Me si i ganny fer by written agreement sa written agreement pou bezwen spesifye sa peryod, spesifye sa landrwa, spesifye son letan si i pou annan en letan e ki pou arive avek bann konstriksyon a lafen sa letan, rezon. E i bezwen ganny anrezistre.  Anrezistre la se sa agreement.  Se pa sa droit de superficie ok. Sa droit de superficie li nou a bezwen fer, me sa dokiman ki bezwen ganny anrezistre pou kapab kouver plitar. Apre nou pa bezwen naryen ankor. Tou sa bann lezot bout sa Lartik ki ti pe dir ki si i ganny kree oralman i pa pou en real right eksetera.

Tousala nou nepli bezwen akoz la prezan nou’n dir ki tou droit de superficie will be a real right. E nou bezwen donk tir tousala e reste sa bann ki reste la. e en droit de superficie is an overriding interest prezan nou bezwen dir, e la zot ava, la mon krwar Lasanble pou bezwen pran en desizyon.

Ler ou annan en batiman lo sa, ler ou’n build, e ki sa building i ganny detri par dife oubyen natural event, eski nou anvi ki sa dimoun i kapab rebuild?  Mon krwar ki nou tou nou dakor yes, me regard (b) eski i bezwen rebuild parey? Oubyen eski i kapab rebuild mannyer i anvi?

E mon ava eksplik zot akoz sa kestyon i la. Si i en personal right i pou bezwen rebuild egzakteman parey, menm grander menm kalite, me si i en real right napa okenn rezon pou limit li i kapab rebuild mannyer i anvi akoz son drwa i egziste lo sa bout later.  Ou pa kapab fors li pou fer en keksoz egzakteman parey.

Donk mon sipoze ki nou ava gard (a) e nou ava tir (b) sanmenm sa mon’n highlight, avek zot permisyon. E apre finalman. En dimoun ki aste en later subject to be droit de superficie i pran avek sa droit de Superficie.

Si mon vini mon aste en later lo la i annan en droit de superficie tel parey en mortgage si i annan whatever mon pran li avek tousala. Alors la nou bezwen garde e apre finalman nou bezwen dir si i pa en droit de superficie parey mon fek eksplike i en bad faith constructor oubyen i en good faith constructor la Lartik 555 ki pou aplike.

 

MR SPEAKER

Mersi Onorab Georges. AG.

 

THE ATTORNEY GENERAL MR FRANK ALLY

Mon pe zis fer en statement, akoz si par egzanp lo en bout later i annan en dimoun ki annan en droit de superficie sa propriyeter li i pou war li dan difikilte pou met en lipotek lo son later. Akoz napa labank ki pou oule pran en lipotek lo en later kot sa dimoun ki annan en droit de superficie pa pe donn konsantman, e sa i en problenm pratik ki pe komanse.

Akoz bokou paran i donn en droit de superficie ozordi en permission to build zot zanfan. Zot zanfan i konstrir, me ler i anvi la met en lipotek labank i vini i dir avek li be ou bezwen, vi ki i annan en dimoun ki annan en encumbrance lo la. I annan en drwa lo sa propriyete me ou ti a kontan ki i osi i donn konsantman.  E la sa zanfan ouswa sa lot dimoun i dir non mon pa oule akoz mon pa oule met mon lakaz ki mon fek fer an en lensekirite. Evantyelman sa dimoun i war.  So dan pe fer en lazistis nou kapab pe osi kree en lenzistis. So again, me selman i en keksoz ki aktyel, so nou pa pou, se bann dimoun ki-. Sa i pe poze ozordi sirtou avek bann paran ki’n donn en droit de superficie zot zanfan. Mersi.

 

MR SPEAKER

Mersi AG. Onorab Georges.

 

HON BERNARD GEORGES

Attorney Zeneral in tous en pwen ki enteresan pou droit de superficie. me mon avek ou permisyon Mr Speaker mon pou anmenn li en pti pe pli lwen.

Ou war i annan en problenm ozordi avek labank ki pran. Labank isi Sesel pa ankor realize sa, me bann labank dan pei deor in fini realize. Ou vwar si 2 dimoun in marye, later i lo sa imsye, sa imsye i annan en biznes li, i annan en car hire dizon. Later, lakaz matrimonial home i zis pour li, me in marye li ek son madanm, madanm li son non pa lavan. Me zot in marye pandan 10-15an.

Sa imsye li i anvi borrow larzan pou son car hire, i al labank ipotek son later.  Si demen i pa peye labank i sezi. I pa ankor arive isi i annan en test case la ki Ankour byento. Sa madanm i kapab leve vini dir mon annan en par ladan mwan, mon annan en par ladan, akoz si mon divors li demen mon pou annan en lanmwatye dan sa later.

Mon annan donk en equitable right dan sa later. Ou vwar?  Sa ki arive prezan se bann labank L’Angleterre avan li zot pran en lipotek zot vin gete. Zot vin get lakaz zot vin demann kestyon. Eski ou marye ek sa madanm? Eski i annan zanfan ki kapab claim en right lo sa later pli tar? E la nou fek, dan nou Kod Sivil nou’n met en prezonpsyon ki apre 7an ansanm ou annan 50poursan dan bann byen.

At divorce, at relasyon kase or at death.  Alor i annan sa posibilite e nou pou vwar plizanpli  bann Labank pou en pe retisan. Oubyen zot pour donn en lipotek si sa madanm osi i sinyen kantmenm son, non pa lo lavant. Pou fer zot konnen ki i ti konnen ki sa ti pe ganny fer. Ou war nou pou ariv dan sa sityasyon tre byento e i en keksoz ki’n arive deza dan lezot pei dan lemonn.

Donk sa se en pwen Attorney General i annan dernyen pwen pou nou regarde AG 13(41). Si 13(41)  pa apply parey mon’n mete lo Board. Article 13(41)   shall not apply to a droit de superficie yes?

 

THE ATTORNEY GENERAL MR FRANK ALLY

Oubyen petet nou ti plito mete ki ti ava annan liberté de preuve non. An relasyon avek.  Akoz dan sa draft i dir poudir moral impossibility pa pou apply, me ouswa nou servi en term ki en dimoun ki pe servi en droit de superficie i kapab servi tou mwayen. You can prove en droit de superficie by all means, or notwithstanding 13(41), a person claiming a droit de superficie can prove it by all means. Mersi.

 

MR SPEAKER

Met ou mic Onorab Georges.

 

HON BERNARD GEORGES

Byen Mr Speaker avek sa mon krwar nou’n ariv a lafen sa deba unless i annan okenn dimoun ki annan okenn keksoz pou dir.

 

MR SPEAKER

Mersi Onorab Georges. Onorab Waven William.

 

HON WAVEN WILLIAM

Mersi Mr Chairman. Mr Chairman mon’n vreman apresye bann entervansyon ki AG in fer. Me an menm tan mon santi poudir i annan en bout ki, well mon personnelman e mon asire bann zabitan Petite Barbarons ti ava vreman apresye konnen par egzanp AG lefe ki Gouvernman i pe koz empowerment distrik, pran ownership.

E li menm li atraver son Departman Lazans Gouvernman i donn en propriyete, en sou distrik ki konpri later avek lakaz. E akoz en eleksyon ou var ki sa propriyete i ganny servi me kouran tou sa letan apre 2011 ou a krwar tou dimoun in oubliye poudir be sa propriyete ti’n ganny donnen a en sou distrik pou servi.

Ki ozordi letan ki mon pe ekout ou larepons mon ti a kontan ki ou gid mwan en pti pe. Ki rekour akoz Minis ki responsab pou later in vin isi dan sa Lasanble kestyon in ganny poze me li akoz i nouvo i dir i pa konn naryen ladan.

E prezan ki arive se ki Lotorite distrik annefe dimoun ki ansarz in kontinyelman sanze, sa i aplik dan Gouvernman lokal, Departman Gouvernman lokal enkli distrik. E prezan dimoun ki rezidan la ki konnen. E mwan osi mon konnen akoz mon form parti bann dimoun ki’n fer sa demars, me mon anvi demann ou si Gouvernman ozordi i annan en lobligasyon moral vizavi rekonnet poudir sa bann zabitan in perdi en fasilite ki ti pour zot?

E ki ozordi nou pa konnen ki mannyer zot pou reklanm sa landrwa pou zot kapab servi akoz zenn pa al obor lanmer e zot pe ganny problenm obor en estate akoz zot pe fer tapaz. Me zot ti annan en fasilite, me ozordi sa fasilite i nepli la e i ti kapab asiste sa sou rezyon dan empowerment bann zenn e sa kominote. So mon ti a kontan en pti pe gidans avek ou. Mersi.

 

MR SPEAKER

Mersi Onorab AG.

 

THE ATTORNEY GENERAL MR FRANK ALLY

Mersi Mr Chairman. Mersi Onorab. Onorab mon krwar mon napa tou fe, e petet koman Konseye Prensipal Gouvernman i annan posibilite petet ki Minis Later in kapab demann nou konsey lo la. Me without prejudice parey nou dir petet mon a esey reponn ou kestyon petet i a satisfer ou.

Gouvernman i kapab annan en Polisi ouswa i pran en desizyon i dir be ok nou donn en

sou distrik bann dimoun dan sou distrik en landrwa pou zot fer serten aktivite rekreasyonnel. Me Gouvernman i kapab annan en plan, en lot plan pou sa later. E son desizyon osi i kapab sanze. Me ler Gouvernman i donn en sou distrik i pe donn son lekor to a large extent akoz sa sou distrik i pa endividi oubyen i pa sa ki nou apele dan Lalwa en entity.

Akoz i annan en sel keksoz ki en entity dan Sesel an relasyon avek Larepiblik, se The Republic itself. Ozordi la ler mon pe asize la mon war en Avoka i anvoy mon en plent i pe sue Beau Vallon school avek Minister Ledikasyon.

Pa egziste sa.  I annan Gouvernman ou sue Gouvernman e atraver Gouvernman ou fer en case kont Attorney Zeneral ki pou reprezant Gouvernman dan en ka sivil. So mon krwar Gouvernman pe donn son lekor to a large extent.

I parey ki Gouvernman i ale i deside i dir mon pou fer Sant Sosyal Takamaka, bann dimoun i ganny en fasilite. Me demen Gouvernman i santi i dir be non nou bezwen bouz sa Sant Sosyal elsewhere. Akoz pou plizyer rezon. E i pran en desizyon pou li sanze akoz i son later i son proze e li i lib i annan sa liberte pou li fer.

Wi, bann benefisyer sa fasilite i kapab met servi Manm Lasanble Nasyonal, DA, bann Minis pou fer en pti pe, pou pent kont zot plent. Me at the end of the day mon pa krwar i pour, en Lakour i pou entertain bann dimoun ki servi sa fasilite. Akoz Gouvernman pe zis sort of, nou apel sa dan Lalwa to some extent en tolerance.

Mon pe toler ou pou ou servi parey ki ou annan ou propriyete ou dir ek en dimoun ou kapab pas lo mon propriyete pou ariv kot ou. Ou pa pe donn li en right of way ou pe donn li en droit personnel.  Ou pe les li pou li pase, ou pey en tolerance. E demen sa dimoun pa pou kapab dir avek ou poudir non mon’n pas la ou’n kree en ’assiette de passage eksetera, eksetera. So sa i bann keksoz ki petet nou bezwen pran kont. Mersi.

 

MR SPEAKER

Mersi AG. Bon si napa okenn lezot komanter. Onorab Georges eski nou pran en vot lo sa detrwa amannman, apre nou move for Third reading?

 

HON BERNARD GEORGES

Yes Mr Chair. Mon krwar se tou ki ti reste nou, yes.

 

MR SPEAKER

Yes, mersi Onorab Georges. Oubyen eski nou kapab pran en vot lo tou bann amannman? Ok nou’n ariv moman pou nou pran en desizyon lo Civil Code as amended.

Mon ava demann tou Manm ki an faver? Okenn Manm ki kont? Mersi Madanm Clerk.  Bon mon’n ganny 29 vot an faver e personn kont. Yes Onorab Georges?

 

HON BERNARD GEORGES

Mr Chair nou’n byen konpran ki i annan sa proviso ki Bills Committee avek Civil Code Committee i ava revwar sa avan White Paper stage, sorry avan White Copy Stage.

 

MR SPEAKER

Wi, mon ti pou fer sorti osi tou apre ki nou fer oubyen zis avan ki nou fer Third Reading. Bon, mon krwar sa i en souzantandi ki depi bomaten ki Onorab Georges koman Chair Bills Committee e osi asiz lo Komite Civil Code, in fer sorti ki annan lezot travay bann serten netwayaz osi ki pou kontinyen ganny fer.

E pou annan sa ale vini ant Civil Code Committee avek AG’s Office ziska ler nou kapab ganny li byen, then i ava retourn kot Lasanble e lasanble i ava fer son neseser.  E finalman Bill i ava ganny pibliye e i ava ganny anvoye kot Prezidan pour assent to.

Bon mon ava prezan demann Sergeant pou move Mace. Petet osi lo sa moman la mon ava demann Onorab Georges si i annan en dernyen parol pou dir avan nou pran Third Reading, e osi tou mon ava demann Vis-Prezidan si i annan en dernyen parol pou dir lo Kod Sivil. Onorab Bernard Georges.

 

HON BERNARD GEORGES

Mersi Mr Speaker. Mr Speaker mersi ki ou’n donn mon sa loportinite ozordi pou remersye tou dimoun ki’n kolabore dan sa maraton. Mon krwar pa ki apard 1993 ler Komisyon Konstitisyonnel ti drafte konstitisyon ki okenn Lasanble isi dan nou listwar in fer otan travay lo en sel Prozedlwa ki sa enn.

E mon krwar nou, sa Lasanble pou antre dan listwar pou bokou rezon. Me enn bann rezon ki enn nou bann legacy se ki nou pou’n sa Lasanble ki’n pas en lamannman mazer lo Prozedlwa pli enportan apard Konstitisyon dan nou pei.

E mon krwar Mr Speaker mon ti ava kontan remersye ou ek ou lofis, Biro Attorney Zeneral e natirelman Egzekitiv ki i reprezante isi par Vis-Prezidan. Me nou tou isi dan sa Lasanble mon krwar ki nou merit aplodi nou lekor pour en travay ki nou’n fer avek devouman avek lentere e avek bokou kouraz.

Lo mon par mon ti a kontan remersye sakenn parmi mon bann koleg Manm pou zot partisipasyon e pou zot lasistans. Mersi bokou.

 

        (APPLAUSE)

 

MR SPEAKER

Mersi Onorab Georges. Vis-Prezidan.

 

THE VICE-PRESIDENT MR VINCENT MERITON

Mersi Mr Speaker. Mr Speaker zis mon osi pour echo santiman remersiman lo lapar Gouvernman pou en travay asarne, travay ti komanse par lekip Sef Ziz, Professeur Angelo, Onorab Georges.

E apre in enplik bokou dimoun e bokou bann lorganizasyon ki’n met nou zepol ansanm. I montre ki nou kapab fer ler nou tou nou pe get keksoz dan en sel fason me tout an gardan nou lendepandans e tout an gardan nou diversite.

So a mon tour mon ti a kontan remersi tou dimoun ki’n donn en koudmen e in en morso Lalwa monimantal ki mon krwar nou tou nou kapab fyer ki nou’n kapab aport li a lafen. Mersi Mr Speaker.

 

MR SPEAKER

Mersi Vis-Prezidan. Bon eski nou kapab ganny en Motion for Third Reading? Yes, Onorab Charles De Commarmond.

 

HON CHARLES DE COMMARMOND

Mersi Mr Speaker. Mr Speaker sa ki nou pe fer la e ki mon pe al fer i istorik. E serten travay istorik e par nou Lasanble byensir en travay pouse par Gouvernman travay par sa Lasanble e ki mon garanti pou ganny laprouvasyon Gouvernman.

Mr Speaker anba Order 21(1) lo Standing Orders mon oule move ki Civil Code of Seychelles Bill 2018, (Bill No. 13 of 2018) i ganny lir en Trwazyenm Fwa. Mersi.

 

MR SPEAKER

Mersi Onorab De Commarmond. Okenn Manm ki segonde? Yes, Onorab Sylvanne Lemiel.

 

HON SYLVANNE LEMIEL

Mersi Mr Speaker. Mosyon i ganny segonde.

 

MR SPEAKER

Mersi Onorab Lemiel. Eski nou kapab ganny en vot tou Manm ki an faver for Third Reading? Okenn Manm ki kont? Mersi Madanm Clerk. Nou’n ganny 29 vot an faver e 0 vot kont, savedir Bill in ganny aprouve.

Aprezan mon ava demann Madanm Clerk pou nou fer en Formal Third Reading.

 

MADAM CLERK

Mersi Mr Speaker. This Act may be cited as the Civil Code of Seychelles Act 2018. Mersi Mr Speaker.

 

MR SPEAKER

Mersi Madanm Clerk, savedir Bill in pase, in ganny aprouve par Lasanble Nasyonal.

Bon mon annan zis 2 pti mo remersiman, mon pa’n anvi fer li avan akoz mon pa’n anvi lenfliyans okenn vot. Mon osi lo mon par mon ti a kontan remersi tou bann ki’n travay lo Kod Sivil e ki ozordi Sesel in ganny plizoumwen son prop Code.

Mon ti a kontan remersi lo kote Egzekitif Vis-Prezidan, e osi Minis Adam ki ti konmans sa parkour avek nou.  Mon ti a kontan remersi Sef Ziz e son lekip, Attorney Zeneral ek son lekip, byensir Professor Angelo avek Sarah, Ex-Onorab, Onorab Basil Hoareau, Mr Rosario Domingue e son koleg ki ti sorti Maurice, byensir nou konseye legal Ms Carolus.

Tou Manm Lasanble Nasyonal, staff Sekretarya Lasanble Nasyonal byensir SBC osi ki’n ed nou pandan moman kot nou’n rankontre dan Members Lounge ki’n permet ki nou deba ti al piblik ki sa in ede pou bann Manm piblik osi enterakt ek nou.

E la mon ti a kontan osi remersi tou ban Manm piblik ki’n partisip dan sa deba dan sa prosesis avek Lasanble Nasyonal. E byensir en remersiman spesyal pou Onorab Bernard Georges ki’n met bokou zefor dan sa travay pou nou kapab debat e aprouv bann amannman pou ki ozordi sa sizyenm Lasanble Nasyonal in donn Sesel son nouvo Kod Sivil. Onorab Bernard Georges, chapeau !

 

(APPLAUSE)

 

MR SPEAKER

Alor mersi bokou zot tou, bon mon krwar sa moman la bann Zofisye Komisyon Eleksyon zot on the way. Zot pe vini pou nou pran prosen Bill. Nou ava adjourn nou ava pran break la e nou ava retournen 3.45 pou nou pran nou lot travay ki lo Order Paper. Vis-Prezidan mon konnen nou pou avek nou ankor e mon krwar Attorney Zeneral osi tou. So nou ava break nou retournen 15. 45.

 

(BREAK)

 

 

MR SPEAKER

Bon avan nou kontinyen nou travay mon ti a kontan dir bonn apre midi e welcome parmi nou Mr Danny Lucas ki Chairperson of the Electoral Commission. Mr Lucas i akonpannyen par Mrs Manuella Amesbury ki Chief Electoral Officer, e Ms Salina Sinon ki Senior Legal Officer dan Biro Attorney Zeneral. E byensir nou touzour dan konpanyon Vis-Prezidan Mr Meriton.

Bon nou ava bouze lo Bill ki devan nou e mon ava demann Onorab Charles De Commarmond pou move Motion for Second Reading.

 

HON CHARLES DE COMMARMOND

Mersi Mr Speaker. Mr Speaker anba Order 91(1) lo Standing Order mon oule move pou sispann Order 64(1) nou Standing Orders pou nou sot sa 7 zour requirements pou permet ki Election (Amendment) Bill, 2020. (Bill No 25 of 2020) i ganny lir en Dezyenm Fwa. Mersi.

 

MR SPEAKER

Mersi Onorab De Commarmond. Okenn Manm ki segonde? Yes, Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker Motion seconded.

 

MR SPEAKER

Mersi Onorab Sebastien Pillay. Bon, Motion pou nou sispann Standing Orders pou nou kapab pran Bill avan sa peryod 7 zour. Nou ava put it to a vote.

Tou Manm ki an faver? Okenn Manm ki kont? Mersi Madanm Clerk. Bon mon’n ganny 14 Manm an faver, 0 kont.  Savedir Mosyon in pase, nou ava move lo next letap. Onorab De Commarmond.

 

HON CHARLES DE COMMARMOND

Thank you, Mr Speaker Sir. Mr Speaker anba Order 64(2) lo Standing Order mon oule move ki Election (Amendment) Bill 2020 (Bill No 25 of 2020) i ganny lir en Dezyenm Fwa. Mersi.

 

MR SPEAKER

Mersi Onorab De Commarmond. Okenn Manm ki segonde? Yes, Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker Mosyon in ganny segonde.

 

MR SPEAKER

Mersi Onorab Sebastien Pillay. Mon ava alor envit Vis-Prezidan pou li prezant Bill. Vis-Prezidan laparol i pou ou.

 

THE VICE-PRESIDENT MR VINCENT MERITON

Mersi Mr Speaker. Mr Speaker an 2017 Komisyon Elektoral ti fer en legzersis pou egzamin e reviz kad legal elektoral.

Bi sa legzersis sete pour prensipalman asir ladopsyon bann prensip demokratik, reprezantasyon efektiv, e kreasyon bann kondisyon neseser e propis, pou permet annan konpetisyon elektoral ki zis.

An konsiltasyon avek bann parti politik e reprezantan dan Sosyete Sivil an Desanm 2017, Komisyon Elektoral ti prezant son bann rekomandasyon pou reform elektoral.

Mr Speaker dapre Lartik 116(1)(2) Konstitisyon Komisyon Elektoral i annan manda pou egzamin e reviz bann Lalwa ki gouvern bann zafer eleksyon e fer rekomandasyon apropriye a Gouvernman.

Swivan sa legzersis e soumisyon bann rekomandasyon, Gouvernman ti egzamin zot an konsiltasyon avek konsiltan elektoral byensir, e konsekaman propoz bann modifikasyon dan Elections Act e serten lezot Lalwa relye a prosesis elektoral.

Anfet avan finaliz sa Prozedlwa, Komisyon Elektoral in re konsilte bann reprezantan parti politik lo sa bann modifikasyon. Mr Speaker baze lo sa bann rekomandasyon mon annan plezir pou propoz sa Prozedlwa Elections (Amendment) Bill, 2020 pou aport bann modifikasyon a sa Lalwa. Sa Prozedlwa antre autre pe anmenn bann propozisyon swivan;

Defini serten mo e lekspresyon enportan parey rejected ballot paper, spoiled ballot paper, total vote casts, valid vote casts e votes cast in favor of a candidate.

Dezyenm, prevwar nominasyon bann Depite e Zofisye Elektoral.

Trwazyenm, prevwar ki bann dimoun ki ganny apwente i dwatet bann dimoun ki annan en lentegrite. E pa demontre okenn relasyon partizan avek okenn kandida oubyen parti politik.

Katriyenm i egzize ki toulezan Chief Registration Officer i prepar en lalis bann dimoun dan Zone Elektoral par part Zone Elektoral ki pou annan 100an avan le 31 Desanm pandan sa lannen, verifye rezidans sak sa bann dimoun e an konsekans reviz rezis voter.

Senkyenmman, permet Komisyon Elektoral pou separ rezis Zone Elektoral par seksyon ki li i santi apropriye e sak seksyon a ganny sertifye afen pou fasilit vote par lord alfabetik.

Sizyenm, redwir la kantite siporter ki en kandida pou bezwen pou siport son nominasyon. Nou pe propoze 50 ki 50 pou en kandida prezidansyel, e 10 pou en kandida parlmanter.

Setyenm, presize ki an ka en kandida i servi non en dimoun san son konsantman pou siport son nominasyon, sa nominasyon i a ganny rezete.

Wityenm, dan menm vole, prevwar ki si en dimoun i servi non en dimoun pou siport son kandidatir san son konsantman i pou’n komet en lofans.

Nevyenm, prevwar bann dispozisyon dan bann stasyon vote pou en laliny e fasilite vote separe pou bann dimoun vilnerab oubyen ki bezwen lasistans pou vote pou ede minimiz letan ki dimoun i pran pou egzers zot drwa vote.

Dizyenm, an vi ki bann sanzman dan bann fason vote ki pe ganny propoze i prevwar ki sak kandida, ava annan en sel azan pou reprezantan kot en fasilite vote ou menm moman plito ki stasyon vote.

Onzyenm, prevwar ki sak bilten vote i ganny perforated pou fasilit retir bilten vote ek son talon e ki sak talon i ava annan en serial number.

Douzyenm, prevwar ki en dimoun ki anvi vote i vin personnelman kot stasyon vote e i swiv bann konsiny Zofisye Elektoral met laliny e apre vote.

Trezyenm, en fason pli senp pou anons ou kriy bann non dimoun ki vin vote pou fasilit e rann vote pli vit e efikas.

Katorzyenm, defini sa mo ‘ill-capacitated voter’ e prevwar bann prosedir relatif a lasistans e bann kalifikasyon en dimoun ki kapab asiste li vote.

Kenzyenm, prevwar bann mezir siplemanter lo size prosedir pou ferm stasyon vote e bann mezir adisyonnel.

Sezyenm, prevwar ki Sef Zofisye Elektoral i eksplik bann karakteristik sekirite bann papye vote avek Zofisye Elektoral e Zofisye Elektoral li i a eksplik bann karakteristik sekirite ek bann kandida e azan avan ki vot i konmans konte.

Disetyenm, fer provizyon an relasyon ek sipor finansyel ki en kandida i resevwar, limit depans bann kandida, e parti politik.

Vwala Mr Speaker, avek sa 2 mo mon ti a kontan prezant sa Prozedlwa avek Lasanble Nasyonal pou son konsiderasyon. Mersi Mr Speaker.

 

MR SPEAKER

Mersi Vis-Prezidan. Bon deba i ouver lo merit e prensip Zeneral Bill ki devan nou. Elections (Amendment) Bill 2020. Mon ava donn laparol Onorab John Hoareau.

 

HON JOHN HOAREAU

Mersi Mr Speaker. Bonn apre midi Mr Speaker, bonn apre midi tou dimoun i a lekout, bonn apre midi tou Manm.

Mr Speaker mon pou komans avek en sitasyon, mon site       ‘’A great democracy must be progressive or it will seize to be a great democracy.’’ Fen sitasyon. Theodore Roosevelt 26enm Prezidan Ameriken.

Mr Speaker fodre fer rapel ki Lartik 113 nou Konstitisyon i donn drwa en sitwayen Sesel ki anrezistre koman en voter pou vote dan eleksyon prezidansyel e en eleksyon pou son reprezantan dan Lasanble Nasyonal, e menm drwa vote i kapab ganny egzerse pou en referendum.

Lartik 114 i dir ki ler ou ganny 18, ou kapab anrezistre koman en voter, ou kapab ganny diskalifye koman en voter selman si ou annan en lenkapasite mantal pou rezon kriminalite, oubyen ou en rezidan ki an deor Sesel.

Pour ki sa drwa konstitisyonnel i ganny egzerse dan en fason lib e zis, i enportan ki Lalwa Eleksyon i efektiv. E ler Lalwa i efektiv i fer ki la demokrasi i reste vivan.

Mr Speaker demokrasi e son prensip i pa en keksoz statik. Parey mon’n lir sa sitasyon, sa demokrasi i bezwen reste vivan. E pour li reste vivan son bann lenstriman legal koman bann Lalwa i bezwen devlope, an prenon kont tou bann problenm, bann defi e bann loopholes ki arive ler eleksyon i pran plas.

Mr Speaker tou bann vre parti ki’n dan lopozisyon dan lepase e konmela in toultan lager ki laplenn i vin pli nivo ler eleksyon i ganny konteste. La mon pe dir bann vre lopozisyon akoz i annan en bann parti ki’n ganny kree par SPPF/ Lepep/ US koman distraksyon e ki’n fer krwar ki zot en lopozisyon. Pep Seselwa in note sa.

Mr Speaker listwar in prouve ki Lalwa Eleksyon dan lepase e aktyel i annan bokou defi, defayans. I enportan pou bann zenn konpran ki kalite lalit ki vre lopozisyon anba Father Wavel Ramkalawan in anmennen.

Les mon a eksplik en pti pe, apre koudeta ler nou ti dan Parti Inik, la demokratik ti’n ganny touye. Ler pou vote ou ti bezwen vot dan en bwat blan ki ti mark ‘Wi’ oubyen en bwat verni ki ti mark ‘Non’. Vot ti ganny konte par bann lazans Leta, alor i pa ti drol ki rezilta ler ti anonse Albert Rene ti ganny li 99.9poursan. Sa ti en mockery of democracy parey Angle i dir.

Mr Speaker menm si nou ti antre dan trwazyenm Repiblik, sa group diktater ki ti’n fer koudeta an 1977 ki tou pouvwar politik e finansyel,

 

(Interruption)

 

HON JOHN HOAREAU

Mr Speaker mon kapab ganny silans pou mon kapab kontinyen?  Mon a repran ankor? Mr Speaker menm si nou ti antre dan trwazyenm Repiblik sa group diktater ki ti’n fer koudeta 1977 e ki tou pouvwar politik e finansyel ti ankor dan zot lanmen, ti ankor swaf pouvwar e anvi akimil plis larises.

Alor kantmenm zot ti anons miltiparti swivan presyon enternasyonal, zot ti manipil sistenm eleksyon a zot lavantaz. Zot ti menm met en poupet ansarz eleksyon.  Dan sa fason balizaz elektoral ti ganny zwe avek, lalis voter pa ti zanmen kredib, dimoun mor e etranze ti pe vote an brit an blan.  Kart idantite ti pe ganny aste.  Dimoun ti pe ganny coerce dan bann check points pou zot vot pou kandida SPPF.

E apre sak eleksyon sa bann rapor e bann lezot rapor obzervater ti bezwen ganny anmenn Ankour pou lopozisyon konteste. Sa i pa normal, e i pa an bonn sante pou en demokrasi. Seselwa in fatige avek sa bann trik mardaz.

Mr Speaker anba vye Lalwa nou ti vwar fake Lopozisyon ki ti antre dan Lasanble. En parti ki serten in dir in ganny kree par sistenm ki ti o pouvwar, pou donn lenpresyon ki ti annan demokrasi e demokrasi ti egziste dan nou Lasanble.

Mr Speaker depi sa letan Seselwa in fatige avek sa sistenm koronpi, alor ti pe selman demande fer laplenn vin nivo, pour tou parti konteste eleksyon lo en baz legal, akoz nou pa krwar dan koudeta parey zot.

Nou oule shower zot dan eleksyon. Mon dir ki Lopozisyon ti fake akoz ti bezwen antre par laport deryer dan Lasanble. Tout an respektan Lakour, me se Lakour ki ti permet sa lopozisyon pou antre dan Lasanble avek lenterpretasyon total vote cast ki ti an bigiye.

Dan sa lamannman bann term parey ‘rejected ballots paper, spoiled ballot paper, total votes cast, valid votes cast, valid votes cast in favor’ in ganny en lot definisyon. Alphabetical voting en leksperyans ki ti byen marse in aprezan rantre dan Lalwa. Avek tou sa bann lamannman aprezan i pou ilegal pou en dimoun asiste plis ki 2 fwa en voter.

Mr Speaker mon’n deza vwar koman aktivis SPPF, US in trenn plizyer dimoun ankadadak pou anmenn vote, apre ki zot in fini vote i les zot lanmenm anba pye mang kot senir plim i grenn lo zot avek divan. Sa i fer lapenn ki mannyer zot tret Seselwa e abes dignite imen, zis pour ganny en vot.

Mr Speaker pou konklir mon pou donn mon sipor pou merit sa Lalwa, akoz mon krwar i pou rezourd bokou problenm e i pour met laplenn pli nivo. I pour pous nou demokrasi annavans e fer ki nou eleksyon i vin pli lib e zis e pli kredib osi. Fodre pa ki nou oubliye ki la demokrasi i bezwen reste vivan e se mon komikman ver la demokrasi ki’n pous mwan pou antre dan politik ozordi, e zwenn parti SNP ki pli tar in form parti LDS avek bann lezot parti.

Mon partaz menm vizyon lo prensip la demokrasi avek dirizan LDS, ki pou ganny sa eleksyon e vin prosen Prezidan Sesel. In diriz sa lalit pour fer laplenn vin nivo. Pa zis pour nou parti me pour tou sa ki a vin apre.

Mon pour menm dir ki si sa bann lamannman ti ganny anmennen depi avan 2015 mon asire ki Prezidan Ramkalawan ti pou pe rod son dezyenm manda dan sa lannen. Mersi.

 

MR SPEAKER

Mersi Onorab John Hoareau. Mon ti a zis kontan ou ti a retract sa pti bout lo ‘poupet’ ki ou’n mansyonn ki ansyen Komisyoner Eleksyon i en ‘poupet’ sistenm ki ti la o pouvwar.

 

HON JOHN HOAREAU

Mr Speaker mon pe rod en mo parey puppet, en dimoun ki ganny bann strings attached alor i ganny manipile, se sa ki mon ti pe dir.

 

MR SPEAKER

Be nou tou nou konnen ki savedir poupet an Kreol ou’n dir so si ou retract sa pti bout.

 

HON JOHN HOAREAU

Ok mon a retract, mon a retract mon a met li koman en marionette. Mersi.

 

MR SPEAKER

Mersi Onorab. Bon nou ava kontinyen nou travay. Onorab Wavel Woodcock.

 

HON WAVEL WOODCOCK

Mersi Mr Speaker. Bonn apre midi Vis-Prezidan, Electoral Commissioner, tou Manm ek tou dimoun ki pe ekoute ozordi. Mr Speaker dan Lartik 24 nou konstitisyon i annan en drwa enportan ki tou Seselwa i gannyen e mon pou lir sa Lartik avek ou la.

Lartik 24(1): Subject to this constitution every citizen of Seychelles, who has attained the age of 18 has a right;

(a) to take part in the conduct of public affairs either directly or through freely chosen representatives,

(b) to be registered as a voter for the purpose of and to vote by secret ballot at public election which shall by universal and equal suffrage,

(c) to be elected to public office and

(d) to participate on general terms and equality in public service.’

Mr Speaker akoz mon pe quote sa seksyon, sa Lartik 24? Parey dan sa Lartik nou war i dir ki tou dimoun ki annan 18an i annan drwa vote. E vote i ganny fer par secret ballot, e okenn dimoun ki’n attain sa laz 18an i annan drwa vote i annan drwa partisip dan en eleksyon e menm ganny elekte dan public office.

Parey Lofis Prezidan e koman en Manm Lasanble Nasyonal. E pou egzers sa drwa i pou ganny regulate dan en Lalwa.  E sa Lalwa ki nou pe amande ozordi sa Election Act i egzakteman sa Lalwa ki regulate sa fason ki nou egzers sa drwa konstitisyonnel.

Mr Speaker mon pou bezwen fer sorti ozordi, en konsern ki sorti kot plizyer zenn Seselwa ki nou apel First Time Voters e osi plizyer paran ki’n apros mwan. E mon prezimen ki zot in apros osi lezot manm Lasanble Nasyonal.

E parey mon’n dir lartik 24 dan nou Konstitisyon i fer kler ki tou sitwayen Seselwa ki ganny 18 an, ki annan 18 an zot annan drwa vote. Me mon santi ki plizyer zenn ki pou ganny 18an sa lannen avan eleksyon zot drwa pou ganny vyole.

Voters Register i fermen le moman ki dat eleksyon i ganny konfirmen par Komisyon Elektoral. Ki vedir ki bann zenn ki pou ganny 18an apre ki lalis voter pou fermen ziska dat eleksyon pa pou ganny drwa vote.

E mon resers ki mon’n fer i pou annan anviron 166 zenn ki pou perdi zot drwa pou vote dan sa eleksyon ki pe vini le 22,23 ek 24 provided ki Electoral Commission i konfirm sa dat.

Nou konstitisyon i Lalwa Siprenm nou pei e sa bann zenn i merit kapab egzers zot drwa konstitisyonnel. Alor i enportan dan sa lamannman ki nou pe gete ozordi dan sa lamannman Lalwa Eleksyon ki nou fer provizyon pou sa group zenn kapab egzers zot drwa pou vote.

Ki sa bann group zenn e mon pe fer lapel ki nou get lafason ki nou kapab anmenn sa lamannman, ki bann zenn ki pou ganny 18an apre ki lalis voter pou’n fermen ki zot, zot pou kapab anrezistre menm si lalis voter, menm si voters registration in fermen.

Mr Speaker i annan 2 lezot lamannman enportan ki mon pou bezwen koz lo la enkli enn ki mon annan serten rezervasyon lo la e mon pou konmans avek lamannman ki pe ganny propoze dan seksyon 15 of a Principal Act e dan sou seksyon 3 paragraf (b). I annan en proviso ki’n ganny propoze pou azoute.

Mon ava lir; ok mon ava konmans; section 15 of a Principle Act is amended in sub section 3 after paragraph (b) by inserting the following proviso. ‘Provided that where the name of a voter has been entered in the nomination paper as an endorsement for candidate to stand for election without the consent or knowledge of the  voter, the nomination paper of a candidate shall be rejected. ‘

Mr Speaker sa i zour nomination day bann kandida swa bann kandida prezidansyel ouswa kandida ki pe debout dan en distrik pou eleksyon Lasanble Nasyonal. Zot vin prezant zot nomination paper e pour zot fer sa fodre zot ganny endorsement. Konmela Lalwa as it is pou Lasanble Nasyonal ou bezwen ou 50 dimoun ki endorse ou koman en manm ki endorse ou pou ou kapab debout dan Lasanble Nasyonal.

E pour kandidatir prezidansyel li i bezwen ganny endorsement 500 dimoun as the law is now. Be nou nou’n toultan konnen dan lepase s in leka ki sak fwa ki eleksyon pe aprose parti US i donn nesans detrwa piti, i annan bann piti ki ne, i annan bann parti politik ki ne e dan plizyer eleksyon lepase nou’n war zis avan eleksyon nou’n war sa parti donn nesans detrwa lezot pti parti.

E plizyer fwa Mr Speaker sa bann kandida sa bann nouvo parti swa prezidansyel ouswa pou eleksyon Lasanble Nasyonal zot dokiman ki zot prezante pou nomination day i pa annord. I annan en kantite dezord ladan, e parfwa in ariv bann ka ki mon’n okouran ki sa bann dimoun ki’n endorse zot swa sa bann dimoun pa’n egziste swa sa bann dimoun pa’n donn zot permisyon pou met zot non lo sa form nominasyon.

E sa i en keksoz ki nou bezwen, i enportan pou met en safeguard pou anpes sa arive, ki ler nomination day sa bann dimoun i vin prezant zot aplikasyon zot dokiman pou zot ganny permisyon pou debout dan eleksyon, ki sa ban dimoun ki lo sa lalis i bann dimoun ki’n donn zot permisyon.

E Lalwa i kler la i okenn kandida, swa pou eleksyon prezidansyel ouswa pou eleksyon Lasanble Nasyonal i met non en lot dimoun san son permisyon.Ki pou arive ek li son laplikasyon pou ganny rezete.  Sa nomination paper pou ganny rezete.  Sa i en keksoz ki byen. I en keksoz ki vreman, vreman enportan e mwan mon siport sa lamannman i pe ganny propoze.

En lot safeguard enportan ki’n ganny mete dan sa menm seksyon dan part (d) se ki bann dokiman ki’n ganny soumet, sa kandida ki pe soumet son dokiman parey mon’n dir swa kandida prezidansyel, swa sa kandida pou Lasanble Nasyonal i bezwen donn en kopi, i bezwen donn en kopi ID card sa dimoun ki pe endorse li.

Sa i en safeguard ki vreman, vreman enportan pou anpes sa bann labi, sa bann trik mardaz ki’n arive dan lepase repet ankor. E mon santi ki sa pou vreman strengthen Lalwa Elektoral ozordi.

Finalman Mr Speaker sa lamannman ki mon annan en pe rezervasyon lo la, i trouve dan seksyon 14(6) dan Principal Act (a) ek (b). Lamannman pe demande pou redwir la kantite dimoun, pou redwir lakantite dimoun la kantite sinyatir ki endorse en kandida prezidansyel or e osi en kandida pou eleksyon Lasanble Nasyonal.

E sa i sa dokiman ki pou ganny soumet zour nominasyon. E ki sa lamannman pe demande se pour redwir sa endorsement pou sorti 500 dimoun pou vin zis 50 dimoun. Sa i pou kandida prezidansyel pou sorti 500 dimoun ki ozordi i dan Lalwa ozordi pou vin zis 50 dimoun. E Lasanble li propozisyon ki pe ganny fer, lamannman ki pe ganny fer se pour redwir sa sonm sorti 50 dimoun pou vin 10 dimoun.

Mr Speaker mon konsern i senp, parey mon’n tous en pe lo la en pti pe pli boner, nou tou nou konnen lepep Seselwa antye i konnen ki i annan bann mannigans politik. Sak fwa eleksyon pe aprose par en serten parti politik pou sey konfiz dimoun.

Nou’n war bann parti ki’n formen avan sak eleksyon e apre eleksyon nou’n war e menm apre eleksyon apre ki eleksyon in fini fer, nou’n war sa bann leaders sa bann parti dan triko ‘TOGETHER’, ‘LASIRANS.’

E la mon fek war enn dan triko ‘KOSTE’ sepa e i annan en bann ki menm ganny pozisyon apre ki eleksyon in fini.  E sa i bann mannigans politik ki nou’n war dan listwar nou pei pou plizyer lannen e ki mon santi li nou bezwen fer atansyon avek sa lamannman la.

E Mr Speaker nou’n war dan lepase mon pa anvi mansyonn non me selman par egzanp nou’n war, LSD, PDM, e lezot ankor bann kreasyon SPPF/Parti Lepep/ US.

E Mr Speaker plizyer sa bann parti, sa bann nouvo pti parti in fill zot bann kandida prezidansyel, ouswa Lasanble e parey mon’n dir apre ki nou’n vwar, ni 500 vot zot pa’n gannyen. E zot in ganny mwens ki sinyatir ki sa bann dimoun ki’n endorse zot.

Menm parey Mr Speaker pou eleksyon Lasanble Nasyonal annefe mon pou bezwen demande. Si ou pa kapab ganny 500 dimoun pou endorse ou, ki le pwen ou pe debout? Mr Speaker Lasanble Nasyonal ou bezwen ganny 50 endorsement e la zot pe demande pou amann sa pou vin zis 10 dimoun pou endorse sa kandida Lasanble Nasyonal.

Mr Speaker mon konnen ki US ozordi pe ganny difikilte pou ganny 500 sinyatir pou endorse zot kandida prezidansyel. Sanmenm mon konnen zot pou siport sa lamannman, mon konnen, mon konnen. E pli move ankor i annan serten distrik ki zot pa ni pour kapab ganny 50 sinyatir e me i ok sa i zot problenm sa i pa mon problenm.

Avek sa 2 mo Mr Speaker mon pou esper deba lo Staz Komite mon a gete ki mannyer i ale.  E mon bezwen fer sorti sa Mr Speaker akoz la ozordi Mr Speaker nou lavey dizourd Lasanble.  E fotespere ki apre tou sa lenerzi zefor ki komisyon elektoral in mete pou travay lo sa Bill e ki sa i enn bann dernyen Bill ki nou pe pran dan sizyenm Lasanble, ki nou pe travay lo la an tout lirzans. En Bill ki ti kapab vin bokou pli boner.

E mon pe priye ki fotespere Mr Faure i assent sa Bill as soon ki nou fini travay lo la ozordi, ki pa esper apre, akoz anvway i pa pou la pou assent si apre le 22, 23, e 24 Oktob. E avek sa 2 mo Mr Speaker mon santi poudir sa lamannman i, sa bann lamannman ki’n ganny poze i annan ki vreman valab. Mersi Mr Speaker.

 

MR SPEAKER

Mersi Onorab Woodcock. Onorab Sandy Arissol.

 

HON SANDY ARISSOL

Mersi Mr Speaker. Bonn apre midi Mr Speaker, bonn apre midi Electoral Commission, Vis-Prezidan avek tou dimoun ki pe ekoute.

Mr Speaker mon ti a kontan premyerman welcome nouvo Electoral Commission pou sa prosesis ki nou pe al ladan byento. Mon ti a kontan swet zot kouraz e mon mazinen ki sa i zot premye leksperyans.  E mon mazinen by now parey nou dir dife i komans anba talon pou fer sir ki tou keksoz pe mars byen, e ki tou keksoz i annord.

E alor mon ti a kontan dir zot bonn sans dan sa travay e nou pe met, dimoun Seselwa an zeneral nou pe met konfyans dan zot pou fer en bon travay parey nou pe ekspekte.

Mr Speaker sak fwa apre eleksyon i ansan bann rapor letan bann obzervater enternasyonal i vin Sesel zot soumet bann rapor bann serten rekomandasyon.  E souvandfwa bann rapor, bann rekomandasyon, sete pandan en reform elektoral Sesel. Revwar en pe nou Lalwa met li annakor, met li aliny avek norm enternasyonal.

E mon apel 2011 zisteman ti annan en travay ki ti ganny fer kot ti fer anler National House kot ti annan en travay deza ti konmanse, kot tou bann parti politik ti ganny sans asiz ansanm pou zot gete ansanm ki mannyer nou kapab anmenn parey nou dir pou fer laplenn vin nivo.  Pour ki tou bann stakeholders sak fwa i annan eleksyon zot kapab prn par san okenn difikilte pour ki sa demokrasi i kontinyen relye dan nou pei.

Me i annan en keksoz ki Mr Mancienne toultan in kontan dir, i kontan dir poudir lavi politik  en Nasyon i enportan parey nenport ki lezot keksoz ki egziste dan en pei.

E mwan osi mon krwar poudir lavi politik i en nasyon i en keksoz enportan, parske sa i ed sa Nasyon pou li pran par dan desizyon an relasyon avek son pei. Pou li osi kapab deside lekel dimoun ki li i krwar ladan zis parey letan i annan eleksyon Lasanble Nasyonal kot sa distrik i deside lekel dimoun ki li i met konfyans ladan.

Zisteman parey letan i annan eleksyon prezidansyel kot an mazorite Sesel, lepep Seselwa zot deside lekel ki non ki zot kontan pour vote. E sa i bann drwa ki bann endividyelman, endividi e nou tou endividyelman nou annan pou fer sir ki sa ki nou anvi dan lavi politik i vini egzakteman sa ki nou, nou oule.

Be Mr Speaker mon kontan ozordi letan mon pe koz lo la i annan serten lamannman ki’n ganny anmennen.  Be an menm tan mon ti a kontan dir poudir i annan en bon relasyon ozordi letan nou pe koze ant Electoral Commission avek diferan parti politik.

Parske de tanzaot i annan sa kominikasyon kot nou zwenn e mwan mon enn bann dimoun ki vini kot nou zwenn, pou nou fer sir pou balanse, pou gete, kot nou kapab ansanm fer en travay pour ki nasyonalman tou keksoz i deroul byen.

Me tanzantan i annan bann diferan lopinyon, ki i normal. Parske i annan bann diferan parti politik ki asiste sa bann sesyon. Sakenn i vin avek sa ki pou li e nou bezwen respekte sa. E mwan mon enn bann dimoun ki respekte.

Me selman mon ti a kontan koz lo detrwa pwen an relasyon avek bann keksoz ki’n ganny anmennen ozordi anba bann lamannman ki annan.

Par egzanp Mr Speaker i annan sa ki pou fer avek seksyon ki annan pou fer avek census pou bann voters. Kot parfwa i annan sa legzersis kot i annan en census ki ganny fer. Me mwan mon ti a kontan osi ki Electoral Commission i met lanfaz lo bann electoral boundaries.

Ozordi nou annan en pe difikilte dan tou bann distrik part egzanp St Louis. Par egzanp St louis anler kot nou apel kot Aki, loter Aki kot laboutik Aki ti ete lo menm kote semen nou annan nou 3 vwazen obor kanmarad. Ou annan premye Bistoquet, lafanmir ki vot St Louis, dan milye ou annan lafanmir Okan ki vot Beau Vallon, lot kote obor li lo menm laliny semen sa lot fanmir li osi i vot St Louis.

So deza nou annan en problenm avek electoral boundaries. Ler ou antre Canada par egzanp ou koz ek en dimoun dan Canada Beau Vallon, Canada i annan en bout ki tonm Beau Vallon. Dan menm larantre ou annan en bout ki al Beau Vallon, i annan en bout ki tonm Bel Ombre.

Letan ou antre lo bout ou vizit en dimoun dan menm Lakour i annan en madanm 2 zanfan ki vot Bel Ombre son imsye i vot Beau Vallon.

Prezan letan nou pe koze sa imsye i dir mon kekfwa depan pozisyon mon lili kot i vir, mon lili i vir Beau Vallon alor zot in met mon Beau Vallon.

So nou annan sa bann pti mal alez ki nou bezwen rezourd letan nou osi nou pe tackle sa ki nou apel census pou voter. Mon krwar i enportan pou ozordi kot in arive pou Electoral Commission pran sa serye pou nou vreman get nou bann boundaries ki egziste, electoral boundaries pou nou balanse kot bann dimoun sakenn …

Letan mon ankor lo sa pwen Mr Speaker zis anler kot Aki menm, i annan en bout ki tonm Beau Vallon kot Onorab Hoareau. Dan menm Lakour li osi ou war i annan detrwa dimoun i vot Bel Ombre oubyen i annan ki vot St Louis ok?

So mon krwar letan nou pe oversee sa bann travay ki Electoral Commission pe fer, mon krwar i enportan pou nou balans en pe bann boundaries pour ki tou bann distrik i ganny demarke byen. E mon mazinen poudir bann census ki ganny fer i ganny fer tou le 5an.  E mon mazinen osi poudir bann boundaries osi merit annakor avek bann census voter ki ganny fer pour fer pour fer sir ki tou lede zot pe mars ansanm.

Dezyenmman Mr Speaker, mon ti a kontan koz en pti pe an relasyon avek bann first time voters. Ou konnen in annan en konpanny, en konpanny for mon kapab dir, kot Electoral Commission in fer son bout e bann parti politik enkli nou. Oubyen bann MNA bann endividi bann paran nou tou nou’n fer nou bout pou sey ankouraz nou zenn oubyen nou zanfan ki nou annan dan lakour pou li al anrezistre.

Me selman ziska prezan i annan en pti problenm ki nou pe rankontre, ki mon krwar i enportan pou Electoral Commission met li o kler. Ou konnen parske letan sa zenn i al anrezistre i fer son zefor koman en endividi. I desann la zot in sorti Arti Chamber zot in desann anvil pli pre ankor, avek stenn bis kot tou dimoun i frekante.

Zot in osi anmenn li dan bann lekol dan bann distrik zisteman parey nou ti fer rekomandasyon letan nou ti zwenn avek Electoral Commission  koman bann parti politik. E mwan mon happy avek sa.

Be sel pti defayans avek sa se ki letan bann zenn i vin anrezistre zot ganny promet poudir sa promes ki zot pou ganny sa vizit. Be i annan plizyer zenn ziska prezan nou pe koze, oubyen bann endividi menm bann dimoun ki’n retourn dan pei. Zot pa ankor gannyen sa visit kekfwa ki zot pe ekspekte.

Sa i fer ki kre en dout dan lespri sa voter parske i pe mazinen poudir si i pa ganny sa visit par en Manm Electoral Commission oubyen sa dimoun ki pe fer sa travay son non pa pou rantre lo rezis voter. Parske sa vizit i form par sa regilasyon zisteman pou sa. Mon krwar ti ava enportan pou letan zot fer sa summing-up ki zot eklersi nou.

Parske i annan bokou dimoun tanzantan i pe call ou be mon’n al anrezistre, la mon’n ganny mon pti slip. Be selman mon non pa ankor aparet. Me selman parfwa ou fer li konpran, poudir ou non i ava aparet lo sa certified voters register ki ava sorti pli tar letan rezis voter i ava fermen pou met tou keksoz an akor.

Mon krwar i annan sa bann pti dout ki i ankor la ki mon krwar i ava enportan pou zot etablir.  Me selman de lot kote mwan mon ti a dir kekfwa avek kontrent ek resours ki zot kapab annan koman Electoral Commission nouvo, i zot kapab annan serten resours.

Mwan mon krwar i pou enportan pou zot donn en komikman avek bann dimoun ki pe ekout nou deor, ki’n parey mon dir ki’n fer en zefor in al anrezistre. Me i pa ankor ganny sa vizit pou reasir li poudir tou son bann prosedir i annord me son non pou la lo rezis voter parske in fini fer son bann prosedir.

Mon krwar i ava enportan pou zot eklersi nou en pe lo la pou nou asire ki nou lo menm laliny an relasyon avek sa.

Mr Speaker i annan lezot pti detay ankor ki’n ganny donnen dan lamannman ki mon krwar i enportan, zis parey sa enn ki koz an relasyon avek alphabetical voting.

Ki mon krwar ki pa ti dan Lalwa, me ki’n ganny enkli.  I en keksoz mon krwar ki nou tou nou apresye. Menm bann dimoun, bann voter an deor ki  nou reprezant zot, zot apresye sa alphabetical voting parske senpleman i ede ki sa process i al bokou pli vit. E sa letan mon vini mon al direkteman dan mon laliny ‘A’ parske mon siny Arissol, e si ou siny Zoe ou al dan ou lot laklas parske ou tonm dan ‘Z’ e sa process i al bokou pli vit.

Mon krwar travay ki nou pe fer ansanm i sitan enportan, e mon mazinen poudir bann lezot pti detay i ava ede ki dimoun i ganny konfyans dan sa travay ki zot as Electoral Commission zot pe fer. Pour ki  sa eleksyon ki ava la, i ava deroul byen e ki a lafen dizour nou pa ganny okenn kritik an relasyon avek sa travay ki zot, zot pe fer koman Electoral Commission  e ki nouvo avek sa travay.

E mon swete Mr Speaker i annan en pti keksoz enportan ankor ki mon’n vwar sa se an relasyon avek kandida. Letan ou endorse kandida, dan lepase nou tou nou a rapel ki poudir ti bezwen anmas sinyatir pou kandida. Me la ozordi sa ki dan Lalwa anba seksyon 9(2) sa ki Electoral Commission zot in osi anmennen zot pe rekomande se ki i annan en kopi ID Sandy Arissol ki’n endorse kandida en parti politik,

Savedir sa i montre deza poudir pou napa bann zafer poudir zis ou’n pran non en dimoun ou’n fors li sinyen. Me par anmenn son kart idantite sa i vedir poudir ki Sandy Arissol ti kontan, e i ti dakor pou li kapab endorse. E sa mon krwar i pou ed en pe osi avek bann, parey nou’n ganny dir pli boner, avek bann parti politik ki pa neseserman serye me zis zot aparet sak fwa i annan eleksyon.

Sa osi i ava ede pou redwir en pe e i ava ankouraz, i ava siport bann parti politik ki serye pou fer travay. Parske eleksyon i en keksoz ki serye letan ou pe deside reprezant dimoun, piblik i en keksoz, i en desizyon ki serye. E mon krwar i bezwen reste en legzersis ki serye ki nou pe fer an relasyon avek eleksyon.

Mr Speaker mon ti a kontan termin la pou sa 2 pwen mon ava si zanmen dan Committee Stage i annan okenn lezot pti detay mon ti ava kontan aport mon kontribisyon. Mersi bokou pou lekout.

 

MR SPEAKER

Mersi Onorab Sandy Arissol. Bon nou ava pran zis en pti technical break, pou adjourn akoz SBC pe fer en crew change zis pou nou kapab permet sa lesanz ant bann travayer bann staff SBC.

So nou ava permet SBC pou fer son crew change.  Ok ki mannyer mon konpran bann staff SBC in fini arive deor zis pou fer lesanz pour sanz bann ki anndan. Dakor.  Mersi nou ava kontinyen nou travay mon ava donn laparol Onorab Johan Loze.

 

HON JOHAN LOZE

Mersi Mr Speaker.  Bonn apre midi tou Manm koleg Onorab.  Bonn apre midi tou dimoun lo panel, e bonn apre midi tou dimoun a lekout kot lakour.

Mr Speaker parey ou konnen yer dan Bills Committee mon ti annan zis en pwen kontansyon mon lo sa Bill li menm sa se lartik 5 the amended e i fer amendment of section 7 of the original Bill sa ‘’for the purposes of subsection 4 (a) the chief registration officer shall on every 31st December prepare a list of all voters attaining the age of 100 on or before that date of each electoral area from the register of voters.’’

        Mr Speaker mwan mon konpran kot sa pe sorti selman mon’n pran issue avek akoz, akoz 100an vreman?  E mon letan mon’n premye lir sa it struck me as odd mon’n al rod konsey Onorab Basil Hoareau li osi son premye komanter ti akoz 10an akoz pa 98 ouswa 105.  Onorab Georges yer dan Bills Committee in eksprim menm santiman li osi akoz 100an, akoz pa 98 akoz pa 105?

Mon konpran however ki nou pa kapab annan dimoun 150an lo lalis voter.  Nou pa kapab annan dimoun 125an lo lalis voter.  Me si sa ki nou pe mean annou dir kler, annou dir tir tou dimoun 150, 105, 100 isi laba annou tir tou dimoun mor lo lalis voter.  Annou kler.  Nou pa kapab kree en bias kont bann santener dan sa pei.  Akoz apre ki sa Bill in pas tou bann provizyon lo ki mannyer sa dimoun si ankor vivan i a reponn i come forward, e si i pa fer li then i ganny tire lo lalis voter.  Sa ki mon pa vwar ladan se kote zot, zot al rode si sa dimoun i annan li en death certificate, valid pou zot avan zot tir li lo lalis voter.

Akoz lafason ki zot in fer sa la, zot pe dir avek tou dimoun ki annan 100an ki ganny 100an ou bezwen en dimoun mor ou.  Nou konsider ou as dead san ki nou menm bezwen en sertifika lanmor e nou kapab tir ou si ou pa come forward ler nou dir ou vini.

Bon i annan provizyon pou remet sa dimoun, si i come forward.  Me si i come forward zour eleksyon i vini i prezant son lekor dan laliny, i ankor of sound of mind and able body kan ou al remet li la ou pou remet li deswit la?  Ouswa ou’n fini anlev son drwa vote akoz ou anvi koriz en mischief ki posibleman pa vreman egziste.

Bon si nou anvi tir dimoun 150 nou anvi tir dimoun mor, annou dir annou tir dimoun mor lo lalis voter.  Par ki mon pe subscribe avek sa meteolozi la ki dimoun mor i vote selman let us be clear. Si i annan dimoun mor lo lalis voter e nou tonm dakor nou agree pou tir lo lalis voter, annou fer en Lalwa ki dir tir dimoun mor lo lalis voter.  Nou pa deklar dimoun bann santener konmkwa you know nou bezwen kree en kategori spesyal pou ou.   Zot deza annan en kategori spesyal zot, e zot kategori spesyal i tre kler.  Se Lartik 36 nou Konstitisyon, ‘right of the age and the disabled.’  Sa i special rights ki zot annan.

Zot osi egalman entitle anba Lartik 27 nou Konstitisyon, right to equal protection under the law.  Nou pa kapab ozordi vin avek en morso lezislasyon ki pou rob konbyen i annan 4, 5 i annan en dizenn santener dan nou pei?

Sa i en problenm administrativ ki zot, zot annan.  This is an in House issue ki pou zot, zot annan.  Zot pe espekte nou legislate en problenm administrativ ki zot annan lesgislate into law.  Se sa esansyelman ki zot pe dir nou fer la ozordi.  Pou sa 4, 5 dimoun santener ki nou annan, kree en kategori spesyal pou zot e pas en morso lezislasyon.  Mwan sa ti vreman mon sel point of contention avek sa Lalwa ki devan nou ozordi.  I do not think. I do not think there is a mischief here to be addressed.  Si the mischief se ki en dimoun mor lo lalis voter annou adres sa.  Annou adres dimoun mor lo lalis voter.  Nou pa kapab adres bann santener ki vivan fer roll call dir li vini prezant son lekor, san ki ou, ou ale ou al rode si i annan en valid certificate pou li.  I will not stand for this, mon pa aksepte sa mwan.  There’s no logic guiding sa morso ki la devan nou.

        Mr Speaker, dan son prezantasyon Vis-Prezidan in fer referans lo reprezantasyon pli zis.  Me reprezantasyon i pou ki li dan en pei?   Eski i pou parti politik ouswa i pou la sitwayen en pei?  Reprezantasyon i sipoze pou sa pep ki li i pou reprezante par sa demokrasi reprezantatif ki nou annan dan sa pei ki ganny reflekte dan Lasanble Nasyonal.

Se sa reprezantasyon pli zis ki nou pe serse atraver sa morso Lezislasyon.  Sesel letan ti konmans sa journey ‘91 ti annan miltiparti ki ti ganny formen to kot en joke ki ti popiler back then ti miltiparti ki ti ganny formen,

Gradually sa in devolve ouswa in involve into en to party system.  Ki nou, nou’n abitye avek, we’ve got an use to it.  Be letan ou fer li politik souvan zot dir pou dir the two party system i kree polarisation dan en sosyete.  I diviz en pep egzakteman an de without okenn grey area in between san okenn loportinite pou bann views, pli modere ganny eksprimen ouswa come to the fore of politics. 

        Mr Speaker, e se sa problenm ki’n arive ek nou Sesel.  Nou we’ve got an use to it to a party system, kot ou ganny lenpresyon ki nou bann politisyen Sesel, nou menm nou’n devlop en laenn pou pluralism.  Nou’n devlop en laenn pou en sistenm the more the merrier kot ou kapab annan plis reprezantasyon, plis lavwa, e plis partisipasyon dan la demokrasi.

Mon rapel 2015 ti annan en clamouring pou diversion views dan sa pei.  Be sa lapel pou diversion views ti ganny fer par en group dimoun ki ti an deor of the establishment e zot ti konsider zot lekor konman zot views pa ti pe ganny heard. 

The minute they  became part of the establishment i paretmwan zot in devlop en degou pou diversion views.  Ozordi zot pa oule tann okenn lavwa apart sa ki pou zot, zot pa oule tann personn an deor koze, dimoun i en distraksyon, i piti United Seychelles, in ganny kree pou isi pou laba, napa ensilt ki nou pa balans lo en Seselwa ki li in senpleman avans devan pou li partisip dan politik.

E partisip dan politik from what mon’n tande, from what mon’n tande par en dimoun ki li menm li i pe kritik partisipasyon son bann prop frer dan politik, in the same sentence i vini i dir nou poudir partisipasyon en dimoun dan politik i garanti anba Lartik 24 nou Konstitisyon.

Be Martin Aglae i pa en Seselwa li? Kote son partisipasyon ti garanti par anba lartik 24 li? E wi mon konnen ki zot pou al dir mon, zot in vwar li dan t-shirt KOSTE parey fek ganny dir taler.  Be again son drwa partisipasyon i napa drwa swazir en t-shirt pou met lo li ozordi?

Eskan son lenz i pou en problenm pou zot?  Mwan mon pa tro fouy ladan akoz mon konnen zot pou dir mon sa i subjudice zot annan en case Ankour, akoz zot in vyol drwa Martin Aglae pou li partisip dan Eleksyon anba Lartik 24 nou Konstitisyon parey zot in dir mwan earlier.  E zot in dir pep Seselwa annan tye poudir partisipasyon dan Eleksyon i ganny garanti anba Lartik 24.

Dimoun nepli annan drwa partisip dan Eleksyon unless dimoun i direkteman afilye avek zot.  Yet zot vini zot koz bann diktater koudeta.  Zot vin koz diktater koudeta in the same breath ki zot menm zot, zot pe pres la diktatir.  Zot pe pres la diktatir akoz zot pa le personn ankor partisip dan la demokrasi, akoz sa la zis zot ki’n ganny anointed pou fer.  Napa okenn Seselwa ankor ki annan drwa avans devan.  Napa okenn piti sa pei la, ki annan drwa avans devan e ofer son reprezantasyon, ofer son kouraz, ofer son lasyer pou reprezant son bann prop ser ek frer!

Nobody has a right to make a contribution dan sa pei ankor apart zot.  Zot in ganny anointed zot.  Nou bezwen bow down devan zot, e ador zot ozordi, akoz zis zot ki annan drwa fer sa.

Mr Speaker, i annan bann provizyon ki mon’n tann pe ganny kestyonnen dan sa lamannman, ou bezwen ou 50 sinyatir pou ou vin en kandida prezidansyel, ou bezwen ou 10 sinyatir pou vin en kandida lezislatif.  Me kot sorti sa?  Sa tonbe du ciel konmsi?  En meteor ki’n anmenn li lo later?  Bann parti politik i annan 4an sote zot pe zwenn kot biro Electoral Commission pou anmenn zisteman sa Lezislasyon ki la devan nou ozordi.

Zot pe zwenn zot pe rankontre ansanm pou zot anmenn sa morso travay la devan sa Lasanble ozordi.  Oule dir mon zot pa ti vwar ladan ti dir 50 avek10.  Zot pa ti pe koz menm langaz, kwa?  Zot parey bann computer Minister Finans, zot pa pe koz ek kanmarad?  Ki in  arive avek zot ki zot pa’n kapab idantifye sa?

Ouswa, ouswa zot zis senpleman en bann manter, ki letan IOT i ganny li permisyon pou anmenn 3 drayver forklift Sesel, zot asiz dan Lasanble zot kriye la, la laprev devan mwan, mon annan la 3 driver, 3 driver,  kan 3 drayver forklift pou travay anndan kot zot faktori.

Eski ozordi osi zot pe koz sa pwa lalang ki zot koze lo IOT la.  Sa bann lalang ki zot abitye koze lo floor sa Lasanble pou mislead sa pep?  Ouswa zot ti konnen sa bann provizyon 50 avek 10.  E mon konpran zot lafreyer mon, i ties in avek zot lafreyer of pluralism!  Parske sa la, sa i permet bann pti parti partisipe, i permet kandida endepandan osi partisipe.

E en demokrasi la, there shouldn’t be anything wrong with that, ki ou pou bezwen maltret en dimoun pli ba ki later i isi i laba, i poupet i dir sepa kisisa.

This is not how a society advances.  I pa koumsa ki ou fer en sosyete fleri.   I pa koumsa ki ou anmenn linite dan en pei.  Les dimoun partisipe ki zot per.  Akoz zot per?  Zot konnen egzakteman kwa ki zot pe per zot.

Mr Speaker ozordi at the eleventh hour nou pou gel first time voters, first time voter isi, first time voter laba ar Mr Speaker ou konnen be lekel ki ti kase sa mwan?  Mwan ki ti kase first time voters?  Pa ti antye sa?  I ti antye sa.  Se LDS atraver enn son Dirizan ki ti anmenn sa devan Lakour.  Ki ozordi ou vwar ki first time voters zot pa lo lalis voter nou tou nou pe bezwen tay deryer zot pou fer zot anrezistre lo lalis voter.

E se zisteman akoz sa pe donn zot en latet fermal ki aprezan zot pe zot le amande.  Zot le amande zot le aranz sa ki zot menm zot, zot in kase.  E ki zot dir nou met zot State House akoz zot, zot annan en plan.  Zot efikas zot, al Ankour kas en keksoz ki ti pe marse prezan vin gele isi anndan, ‘ar ou konnen nou bezwen aranze remet-e fer li antre ladan at the eleventh hour la.

Be ler sa msye ti dir zot napa letan la zot pa ti konpran ozordi ki zot ganny en konpran ki ti pe sey, dir zot?  Be napa letan napa letan pou aranz bann keksoz ki zot menm zot, zot in kase.  E tou first time voters ozordi i bezwen konnen.  First time voters i bezwen konnen akoz ki zot non pa lo lalis.  Zot non pa lo lalis voter gras a LDS.  Se LDS ki’n fer remove sa provizyon kot first time voters ti vin lo lalis otomatikman.  E se zisteman sa ki zot le retourn lo la ozordi zot.  Zot le retourn dan zot prop lepa re al anmas zot fot san dir personn ki sa se zot mess!  Zot ki bezwen netwaye sa ozordi zot ki’n fer.  Me pourtan pa zot savan zot pa zot annan doktora dan tou keksoz zot konn tou keksoz.

Be zis zot ki konn keksoz dan sa pei.  Napa personn ankor ki annan drwa partisip dan Eleksyon akoz zot.  E mwan mon konnen mon akoz zot touy zot lekor pou protez sa two party system la.  Mon konnen mwan! In toultan annan en collusion sa 2 parti ki personn pa le koz lo la.  Konnen kan zot koz lo la, ler mon pik zot en kou.  La zot sot anler, be ou Prezidan pa ou Prezidan ki’n sinyen.  La ou tann zot admet poudir i annan collusion between the two.  Seselwa pa ti pou zanmen konnen sa zafer Regional Council si mon pa ti konmans harp lo la.

La ki zot sot anler be pa Onorab Gill zot de Onorab Gill pa ou, Prezidan ki’n sinyen.  Collusion.  Selman parti kriminel voler, parti voler, parti kriminel zot in bed zot pe fer collusion avek parti voler kriminel!  You want me to go how far back you want me to go?  Huh? Ziske kote zot le mon ale pou devwal zot collusion bon? Les mwan konmans avek St Louis.  St Louis Mr Speaker.  St Louis ti en deal that was struck avek Prezidan France Albert Rene pou sed en distrik pou li ganny lafors e men for pou lager kont Parti Demokratik that was the deal.  And how is materialised? 

Prezidan Rene ti fer tir 26 fanmir, 26 fanmir SPPF dan St Louis ti anvoy zot reste Roche Caiman.  E ler mon dir ou 26 fanmir, mon pe koz ou 26 gran fanmir apepre 4 household par lakaz e zot ti al Roche Caiman e se koumsa ki distrik ti ganny sede avek zot.  Collusion.  Lontan i annan magouy ek collusion ant zot ek parti kriminel.

Zot pou kontinyen apel zot prosen parti kriminel?  But you’re in bed, you’re in bed ek parti kriminel!  So ki parti kriminel ou pe koze?  Ki parti kriminel?  You’ve been striking deals and going to bed.   Nerve akoz prezan mon pe dir pou tou dimoun tande.  Be dimoun i bezwen tande.

Truth, Reconciliation, National Unity we can not arrive at National unity without truth.  Me la dimoun a konnen prezan.  Aret fer lakizasyon lo zot prosen.  Parske i annan ledwa ki pou vir lo zot tou.

Mr Speaker Perseverance, Perseverance ti pou napa 15 lo 10 si Perseverance ti’n vin en distrik.  Zot ti ava’n ganny Perseverance be zot bann dimoun ki dan plizyer sa bann distrik ki’n kontribye pou kree 15 lo 10, pa ti pou dan sa bann distrik pou vot pou zot.  Zot ti bezwen Perseverance reste egzakteman parey i ti ete pou zot achieve zot 15 lo 10.  Collusion.  You’ve been in bed depi sepa kan.  Prezan ozordi kriy parti kriminel Lalwa pe ganny kase, isi laba!

Tou sa bann lakizasyon ki zot fer, taler mon tande apre tou Eleksyon al Ankour bezwen al Ankour.  Yes ou’n al Ankour yes enn, yes zot in al Ankour.  Laprev?  Laprev?  Wi Onorab Afif ou pe fer sir kot ou latet konmsi i annan en keksoz ki mon pe dir i pa korek.  Laprev Onorab Afif laprev, zot in gannyen case?  Zot in nobou soumet ase prev pou backup tou sa bann zistwar ki zot rakonte isi la anndan?

Natirelman zot napa.  Zot napa laprev.  Zot zis detourn latet dimoun avek zot bann zistwar!  Zot en parti ki kree la demagozi zis pou zot aste lanmwel zot prosen.

Pourtan zot sen zot.  Zot sen.  You are the anointed zot parti kriminel zot.  Ale al fer zot ta deal apre maltret Prezidan Rene demon, selman get in bed, get in bed.  Problenm dan Eleksyon en boug en sed ou en distrik antye, selman li i demon li.  Parti kriminel, fer en deal pou touy en third parti ki ti actually en third force well i ti the second force, and you were the third force la ozordi i pa le okenn third force la.  Ler ou ou’n sorti third ou’n vin second force ou pa le okenn third force dan la politik Sesel.

Be dimoun i bezwen konnen sa.  Toultan zot pou vini zot pou asize zot pou rakont zistwar dapre sa k i zot, zot le krwar dimoun i devret krwar.  E personn pa pou zanmen dir zot nanryen!

E dapre zot napa okenn collusion, napa collusion, napa okenn collusion ant sa de parti, oli dernyen voter census ki ti fer?  Oli dernyen vote census ki ti ganny fer?  Ki Lagreman zot in tonm lo la le de parti.  Pa zot in tonm dakor pou four li lo en shelf e bliy li?

Am I wrong or am I wrong?  Eski mon mal?  Zot in tonm dakor le de parti pou pran dernyen voter census four li lo en shelf zet li dan en oubliette e oubliy li.

E yet zot vini zot vin fer nou krwar i annan problenm ti annan problenm avek Lalwa Eleksyon, ti annan problenm avek the way Election was conducted e ki nou, nou toultan vol Eleksyon.  Kan nou’n vol Eleksyon?  Kan ki nou’n vol Eleksyon?  Eleksyon 2016 sa farm e Eleksyon 15 lo 10 la, 3er apre midi, tro – non mon manti 3er edmi apre midi, zot war room Eleksyon laba Arpan Ver ti anba kontrol Onorab Ferrari.

Ti annan en dimoun Lalyans Seselwa ti vin kot zot laba ti pe rod non en dimoun lo lalis voter.  E mwan from understand se Lalyans Seselwa ki ti fer zot konnen poudir look guys zot pe servi en electronic voting list ki outdated par 1an.

Zot pa ni konnen ki lalis voter Eleksyon pe ganny fer lo la, se la Lalyans Seselwa ki bezwen vini update SNP avek en pendrive.  Pou met zot azour.  Be ki mannyer nou pe vol Eleksyon ouswa zot, ki pe vol zot lekor?  Nou ki pe vol Eleksyon oubyen zot ki vol zot lekor?

E there again mon pou repete mon zanmen zot in deza prouv nanryen sa bann lakizasyon k i zot fer en?  Zanmen zot in deza reisi prouve, sa bann lakizasyon ki zot fer.  E mon rapel as far back kot Mrs Georges ki ti pe anmenn zot bann case devan Lakour.  Zot pa’n nobou prouve.

Selman zot kontinyen mont latet dimoun, mont latet dimoun pou fer sir ki atraver repetisyon dimoun pou krwar nou pe vol zot Eleksyon.  Avan ki Anbasader Patrick Pillay, Minis William Herminie, Minis Testa ti join avek zot ni door-to-door zot pa ti ankor konn fer zot.  Ni klasifye lakaz dan distrik zot pa ti ankor konnen zot.  Se Minis Herminie ki’n vin montre zot ki mannyer pou fer.  Se gras a sa bann dimoun ki ti defect from nou parti ki ti al montre zot ki mannyer pou travay en distrik.  Sanmenm sa mon pou toultan dir zot sete Anbasader Pat Pillay ki’n fer zot ganny Eleksyon.  Ki’n anmenn zot so close ki zot in arive.

Akoz i travay en distrik zot pa ti konnen.  Ozordi zot pe koz bon labous zot ki konn travay distrik.  Prezan pou montre ledwa lo nou poudir nou, nou pa al konmans ORO en legzersis ki nou pe fer depi lannen pase.  Depi Desanm nou pe fer prezan ou pou asiz la anndan zot pe al konmanse la pe al konmans ORO sorry depi Desanm nou lo teren avek.

        Be selman, be selman nou pe vol Eleksyon nou dapre zot sa.  Dapre zot nou pe vol Eleksyon kan zot, zot pe vol zot lekor.  Dapre zot, dapre zot nou, nou en parti kriminel selman zot a sak fwa i benefisye zot, zot vini zot fer backroom deals zot fer kek form kolizyon, e zot antre dan en bann maryaz.  Selman nou evil nou, the evil party.  Sa ki mon vwar zot bann siporter i ekrir partou.

Be la ozordi mon pou repet en keksoz ki mon ti dir premye fwa mon ti rantre dan sa Lasanble, zot ti al negosye zot saler.  Zot ti al negosye zot logmantasyon saler.  Zot, zot ti negosye zot logmantasyon saler.  Dir mwan retract ankor.  Dir mwan retract dir mon tire mon a dir egzakteman kote negosyasyon ti fer ozordi e lekel ki ti la.

 

MR SPEAKER

Onorab i reste ou 2 minit.

 

HON JOHAN LOZE

Yes Mr Speaker.  Ozordi i paret-man Onorab Ramkalawan pe gard son kalm.  So mon kapab servi mon 2 minit.  Mr Speaker non mon an vi gard son kalm SPUP relax ou.

Mr Speaker, mwan mon apresye sa Lalwa dan lafason ki’n ganny anmennen.  Mon apresye sa Lalwa dan lafason ki’n ganny anmennen.   Me selman i annan bann pwen ki ti bezwen ganny dir i annan keksoz ki Seselwa i bezwen konnen.  I annan bann magouy ek bann maryaz ki pe deroule depi dan bann lannen ‘ 90 dan sa pei ki personn pa pe koz lo la.  In ler pou dimoun konmans koz lo la.  In ler pou dimoun konmans dir.  Parske i annan nou la nou pe mars ant nou lekor konman en sen, konman nou pli bon dimoun konman nou annan pli meyer repitasyon ,dan sa pei when we’re not. 

        Ou pa kapab pli bon dimoun which beyond the grave maltret ou prosen, selman ou menm ou ou’n fer tou sord kalite magouy ek li. Pa fini en.  I annan ankor lontan mon pe dir zot i annan ankor mon kapab dir mon i still annan ki mon kapab dir.  I still annan bokou ki mon kapab dir e letan mon konmans dir mon repete pou Seselwa tande e Seselwa konpran kwa ki mon pe dir.  In napa gran keksoz dan lepase ki’n mal avek nou Lalwa Eleksyon.

I annan keksoz wi nou bezwen korize.  Once dimoun in ariv dan stasyon vote, once dimoun in vote, once sa process konte napa nanryen ki ganny vole zot konnen zot, zot konnen e zot agree lo la.  selman zot pa pou kapab zanmen dir dan piblik akoz sa i al kont sa bann lalang ki zot koze.  Zot pa pou zanmen kapab admet.

Akoz zot in envestir zot lekor sitan dan koz lalang in the past.  E personn pa’n zanmen challenge zot direkteman lo sa ta mansonz ki zot in koze.  Sa Lalwa be it sa enn, be it sa previous, ti napa gran keksoz mal avek.  Wi it needs to keep evolving. 

Zis parey nou demokrasi pe involve.  I bezwen kontinyen evolye.  Be i napa tou sa bann gran zistwar ki zot fer.  I napa tou sa bann gran mansonz ki zot in dir e zot in toultan rakonte.

 

MR SPEAKER

Wrap-up Onorab.

 

HON JOHAN LOZE

Yes, Mr Speaker mon dernyen pwen ki mon le fer se lo bann Seselwa ki volonter zot letan pou travay ek Eleksyon.  Mon pou dir zot en gran remersiman they’ve been doing it for years, zot in fer li onnetman, zot volonter zot servis pou en pittance.  It is sad, it is sad ki dimoun i toultan akiz zot ki zot pe vol eleksyon, zot pe fer isi, zot pe fer laba.  Be mwan sa en kestyon ki mon kapab dir mon konfortab ki sa bann dimoun i travay onnetman e mon konfortab ki sa lekip ki la devan nou egalman pou travay onnetman ki nou pou annan nou en fair just and honest election kot LDS pou al dormi e i pou arete vin fer son bann demagozi dan zorey dimoun! Mersi Mr Speaker.

 

(APPLAUSE)

 

MR SPEAKER

Mersi Onorab Loze.  Mon a donn laparol Onorab Waven William.

 

HON WAVEN WILLIAM

Mersi Mr Speaker.  Mr Speaker mon pa pou tro long lo sa Prozedlwa.  Me mon pe fer mon entervansyon an evok lartik 102 Konstitisyon ki donn mon sa drwa pou rod leklersisman, an menm tan demann kestyon kot i merite.

Mr Speaker, lo sa baz mon welcome sa Prozedlwa, me an menm tan mon krwar pou piblik la deor, sa pwen ki mon pe al leve vizavi leklersisman, prenon kont lakantite Seselwa ki annan drwa vote e avek sa lamannman ki pe ganny fer presizeman lo seksyon 14 (6) lo la prensip (a) avek (b) konpare avek letan ou lir anba ‘objects and reasons’ ki Vis-Prezidan in koz lo la letan i pe koz prensip demokratik, reprezantasyon efektiv an menm  tan ou kapab met ou kapab azout sa mo enklivizite dan nou demokrasi kot nou’n arive’ avek sa lespri bonn gouvernans.

Mr Speaker mon anvi demann avek panel par lefe ki zot pe anmenn sa amannman’ mwan mon anvi konnen e mon asire pep Seselwa osi ti ava kontan konnen, lo ki baz e prensip ki nou’n deside redwir lakantite nonm dimoun ki pou fer endorsement lo kandida pou eleksyon prezidansyel ki sorti 500 letan ou pran kont lakantite dimoun ki vote dan Sesel mon mazinen i over 50 mil dimoun i kapab plis.

E ou sorti 500, pou ou desann 50?  E an menm tan lo sa menm prensip e baz pou en kandida Lasanble Nasyonal dizon ou pe koz an mwayenn 2500 a 3000 voter dan en distrik pou ou sorti 50 e pou vin lo 10, prenon kont ki parey mon’n dir lakantite voter ki ou annan par distrik o nivo Nasyonal.

 

Mr Speaker sa i ti enn mon pwen konsern, alors mon ti a kontan ki panel i kapab donn en lesplikasyon lo akoz mon krwar i pou enteresan konnen lo ki baz parey dan sa Prozedlwa zot mansyonnen ki zot in konsilte avek bann parti politik zot in konsilte avek bann sosyete sivil ensidswit.  Me i pou enteresan konnen lo ki baz e prensip sa desizyon in ganny pran.

Mr Speaker avek sa de mo mon ava aret la.  E si i annan okenn leklersisman mon ava pran li dan Committee Stage.  Mersi.

 

MR SPEAKER

Mersi Onorab William.  Mon a donn laparol Onorab Egbert Aglae.

 

HON EGBERT AGLAE

Mersi Mr Speaker.  Bonn apre midi Vis-Prezidan, Komisyoner Eleksyon, ek ou lekip, Attorney Zeneral.

Mr Speaker sa Bill ki la devan nou i en Bill enportan.  E mon get li konman en Bill vivan akoz i pou kontinyen annan bann evolisyon a lavenir ki atase avek nou sistenm elektoral.

E dabor mwan mon ti a kontan felisit bann tou bann dimoun dan lepase ziska ozordi ki la ki’n travay avek Komisyon pou ede organiz bann Eleksyon ki mon kapab dir in anmenn rezilta ki ase lib e zis.

Mr Speaker, depi mwan mon annan laz 18an ki mon’n vote e mon’n swiv bann Eleksyon, sirtou bann rezilta ler i donnen.  Souvandfwa ou tann bann oponan sirtou bann ki pa sorti viktorye met bann diferan konsern devan kot i konsern lo sistenm Eleksyon.

E enn bann swe ki touzour ti ganny mete se pou fer laplenn vin pli nivo dan en fason e fer ki i ava annan en balans kot sak kandida ouswa parti ki deside pran par dan eleksyon ki Konstitisyon i permet zot anba Lartik 24, pou zot kapab konteste e fer zot lavwa tande osi kree en balans politik dan pei pou ki i annan bann diferan form lopinyon ki pa zis one-sided. 

        E Mr Speaker sa bann demann in ale over the years lannen apre lannen atraver bann diferan Eleksyon, e bann diferan rezilta ki’n antre.  E ozordi nou pe vwar en lot fri ki pe ne ki nou pe vwar en Bill ki baze lo bann rekomandasyon ki’n ganny fer.

E sa mon vwar li tre byen akoz dan sa sosyete modern kot nou pe viv kot nou pe dir demokrasi i bezwen fleri, i bezwen kontinyen i bezwen reflekte modernite i enportan pou nou annan bann bout lezislasyon ki reflekte sa.  E sa li menm li i anmenn plis konfyans pou bann voter.  Pou bann dimoun ki kalifye pou zot egzers en drwa.

E Mr Speaker parey i annan sa advert ki kontan fer mon pa ankor vwar advert osi ki Komisyon in mete la pou sa eleksyon.  Dan lepase kot i dir vote i ou devwar sivik.

Wi Mr Speaker vote i en devwar sivik.  Me selman i en devwar sivik ki enpoz lo ou me ki pa fors ou.  Ou kapab swazir pou pa vote me selman i ou devwar pou ou kapab aport ou kontribisyon pou ou swazir ou kandida ouswa sa parti ki ou ti a kontan i diriz sa pei pandan sa prosen 5an.

Me Mr Speaker, en keksoz ki mon santi, e dan Bills Committee nou’n koz lo la baze lo sa drwa sivik, ki en voter i annan pou li al egzers son drwa, e ki Konstitisyon i permet li, nou vwar osi ki nou bezwen al pli lwen kot i konsern sa drwa ki napa okenn labi kot i konsern sa drwa sivik, ouswa okenn form diskriminasyon si ou ou’n deside pou ou pa egzers sa drwa sivik.

Mr Speaker mon dir sa akoz resaman osi lo medya sosyal mon’n vwar, en serten in met en lartik ki’n dir ki tou bann dimoun ki pa anrezistre ouswa ki pa al vote zot merit ganny denied serten form servis ki sosyete Leta i met a dispozisyon tou son pep.

E pou mwan sa i en keksoz ki en pti pe enkyetan ler ou vwar sa kalite form mon kapab dir zenofobi li menm.  Ouswa form ou pe kree serten form ségrégation apros li en dimoun i deside pa fer sa devwar.

Me pou mwan konman en politisyen responsab, mwan mon ankouraz tou pep a laz 18an e plis pou zot vin egzers zot drwa.  Akoz demen ler enn pe konplent ouswa lot pe konplent ou ava annan ou rezon pou ou konplent.

E mwan mon santi poudir tou keksoz i bezwen fer dan en fason lib e zis.  Mr Speaker en lot pwen ki mwan mon anvi touse lo sa Bill i annan pou fer avek sa zafer 100an li menm, ki i annan Onorab avan mon in koz lo la e osi bann dimoun ki’n mor.

Ki nou vwar ki tanzantan i annan bann komanter ki ganny pase poudir dimoun mor in vote, e mwan pou sa Mr Speaker mon pa santi pou dir en bout Lalwa ouswa en parti dan en Lalwa ouswa en seksyon dan Lalwa, i kapab fer provizyon pou kapab aranz sa.

I en zafer administrativ mon santi ki la Komisyoner Eleksyon i la devan nou e pandan bann enteraksyon ki nou’n fer zot in fer avek Lasanble nou’n vwar pou dir zot in met serten konsern e serten defayans ki merit ganny adrese baze lo sa.

Mon pran legzanp Mr Speaker lontan mannyer sistenm ti marse kot ti annan sa interlink ant Civil Status avek Komisyon Eleksyon.

E ozordi sa nepli annan sa linkage ki fer ki lenformasyon akoz Civil Status ki anrezistre nesans, li ki anrezistre lanmor e i konnen osi lekel bann ki’n ganny 18an e plis.

E pou mwan Mr Speaker i bezwen annan sa linkage ki enportan pou kapab provide zot lenformasyon azour.  Mon konnen zot ganny lenformasyon me selman petet lenformasyon pa pe vin a tan e zot pa pe resevwar li ouswa petet zot napa en dimoun spesifik ki deal avek sa bann lenformasyon parey ki nou bezwen.

Me si ti annan sa interlink, sa ti a ede osi ase vitman kot i annan en lanmor lenformasyon i ganny transfer avek zot, e zot, zot fer zot diligence neseser pou fer sir ki ler ou pe sertifye tou le lannen apartir Mars zot sertifye en lalis voter ki zot met a dispozisyon bann parti politik, ouswa sa ki enterese.  Zot a kapab retir sa dimoun lo lalis voter.

E Mr Speaker si mon pou koz lo FTV osi mwan mon vwar i sagrinan ki ozordi nou bezwen fer lasas serten parti politik mon krwar nou tou al fer lasas pou al rod sa bann FTV ki la ki annan plis ki 5000, 6000 tou le 5an ki bezwen vote, ki bezwen anrezistre.  I domaz akoz i kout letan e i kout larzan osi pou ou fer sa.

E sistenm mannyer ti ete lontan mwan depi mon konnen pti koumsa otomatikman registration ti egziste me apre baze lo serten persepsyon zot krwar poudir petet Lopozisyon zot ti krwar poudir i annan serten manboulouk ki pe pase e zot ti anmenn case e fer ki ozordi tou FTV sa ki ganny 18an i bezwen vwar li ale al prodwir son lekor si li i anvi vote.

Mon napa problenm ek sa mon.  Akoz voter parey mon’n dir en devwar sivik i pa fors ou.  Me selman i en keksoz ki en endividi ki’n ganny 18an i bezwen egzerse.

Alors pou mwan mon, mon pa vwar li mal si nou anvi retourn an sistenm parey ti ete akoz i ti la e i ti marse e i ti save nou letan. 

        Mr Speaker en lot en lot size ankor ki mon anvi touse kot i konsern sa Bill i sa bout kot pou separasyon nou bann lalis voter alphabetical e nou’n vwar poudir dan lepase bann dernyen Eleksyon zot in Komisyon Eleksyon in servi sa metod ki nou vwar poudir in marse e in efektiv.

In ede tir en pe anbouteyaz kot dimoun ki vin vote i pase ase vitman e i fer ki nou kapab termin en legzersis vote dan en zour ase nepli boner e rezilta ava ganny donnen ase pli boner dan plas 2er, 3er bomaten parey in egziste dan bann ka lepase.

Alors Mr Speaker, me selman mwan mon ti a dir poudir si nou pe mazin senplifye e osi kree en pe plis rapidite dan prosesis eleksyon, kestyon ki mon ti ava demande baze lo sa e osi baze lo bann siperfisi distrik li menm an term popilasyon, popilasyon akoz i annan distrik ki annan li 3000 4000 mil voter e i annan distrik ki annan plis mwens voter.

Petet lafason se ki mannyer ki nou pe al antreprann ankor en pti pe sa legzersis pou fer ki, ler nou’n kase mon tann serten propozisyon ki petet pou annan dan en stasyon a ganny kase an de ouswa an trwa, mon ti a kontan en pti pe pli leklersisman lo sa.

E an menm tan i annan sa bout kot zot in dir poudir ou bezwen annan one agent of a political party at one time.  Me si nou pe mazin separasyon ki mannyer nou pou kapab travay avek zis en agent ki pou bezwen li menm li pe fer serten oversight role e osi an menm tan pe anrezistre parey nou konnen servi page line avek sa ki pe vin vote.

So ki mannyer nou manage sa?  Si nou pou annan zis en agent at one time.  Ouswa nou pou allow en agent pran sa stasyon ki deza la si nou’n separ dizon parey nou pe fer vote en voting station kot en lekol ou pran laklas (a) (b) (c) eski pou annan sa reanimen ki pou ganny fer?

Mr Speaker en lot pwen ki mon ti a kontan touse petet ki spa pe fer tro mansyon dan sa Bill se bann dimoun petet form idantifikasyon, pou ou vin vot avek.  E menm parey prosesis ozordi pou bann zenn al anrezistre zot pe dir ou fodre ou vin zis ek ID card.  Mon ti a kontan eklersi byen sa.  Eski pandan sa prosen Eleksyon zis ID card ki pou ganny rekonnet akoz en paspor pou mwan en dimoun i travel avek enternasyonalman pou mwan i annan plis valer ki en ID card i pa kapab ganny servi?

Konmsi pou mon akoz si zot kapab donn mon lesplikasyon valid convince mon, mon napa problenm ek sa.  En Driving License osi i annan ou NIN lo la.  E Driving License i al pli devan ki en ID card i met ou landrwa reste osi lo la.  Akoz ki li i pa kapab ganny servi osi Mr Speaker?

Mr Speaker, en lot pwen ki mon ti a kontan touse i bann dimoun ki dan Bill i fer referans de en dimoun i kapab akonpanny de voters ki need assistance. 

E in annan bann issue dan lepase sak fwa Eleksyon i vini e kree bann serten kon-tansyon kot stasyon vote.  I fer ki serten dimoun i ganny akize konmkwa ar ou fek vin ek 2 ou vin ek 1 e i vin en serten en serten lesanz li menm ki apre sa Sef Eleksyon i bezwen aret vote pou sey klarifye serten sa bann kontrent ki ganny met devan.

Mwan mon ti a kontan petet si nou pou tonm dakor lo ki fason parey yer pou fer sir ki sa oversight akoz osi ou’n kas ou lalis e ou’n fer ou laklas (a), (b), (c) lekel ki pou veye si mwan mon pe antre mon’n vin ek de i lalis i A to Z ozordi petet mon’n vin ek Albert mon’n vin ek de Albert apre mon dan milye dan G mon vin ek de Gabriel apre laba deryer dan Z mon vin ek de dan Z parey de dan Zak.

Tousala Mr Speaker i bezwen ganny klarifye pou anpese ki i annan sa bann problenm ki pou kapab leve ki pou retar prosesis li menm pandan eleksyon.

Mr Speaker pou terminen mon tous sa bout kot i konsern bann kontribisyon ki en parti politik ouswa en kandida i kapab depanse pandan bann peryod eleksyon e depi dernyen eleksyon mon krwar ti annan sa provizyon 5000 ziska 250, 000 pou Prezidansyel.

E mon santi poudir petet nou konnen nou pe fer fas ek lenflasyon osi dan pei e R5000 pa en gran larzan pou lemoman eski sa osi petet si detrwa dimoun pe i pa kree en hassle administrativ apre pou ou kapab fayle tou sa bann keksoz ki fer ki petet mon santi sa 5000 petet i tro ba, dan en fason ou en lot ki a anpese ki ava annan plis paper work ouswa pou plis hassle demen.

Mr Speaker, lot pwen osi ki mon santi i enportan se sa kantite nonm sinyatir.  Mon vwar poudir nou’n sorti 500 pou Prezidansyel nou demann desann 50.

Mwan mon konsern i si ou serye akoz Laprezidans i en keksoz ki serye li ok.  Konpare avek en kandida ki pe debout dan en distrik ok.  E nou lalis voter ozordi i annan plis ki 60 ekek mil voter ladan e mon santi poudir sorti 500 pou desann 50 i en gran dekalaz desann.  E si en dimoun i serye pou al pran laprezidans i bezwen annan li siporter ki pou kapab endorse li en fason ou en lot.

E petet pou sorti 500 petet ti a desann lanmwatye dan en fason me selman mon konpran serten hassle parfwa ler ou en kandida prezidansyel ou al rod en sinyatir i annan en kou ki ou kapab demande pou peye osi avek sa dimoun pou endorse ou.

E sa i kapab kree en lefe bidzeter an vi ki nou dan en sityasyon COVID sityasyon ekonomik, ki fer ki i kapab kree en presyon bidzeter lo sa kandida.  Mon konpran sa mwan.  Me selman annou get li dan son fason kot nou pran Laprezidans pou ou vin debout konman Laprezidans en keksoz serye kot ou annan ou en valid pool of person ki pou deryer ou ok?

        E dezyenm kot i konsern kandida mwan mon napa problenm me selman ozordi baseline mon pe get Port Glaud li ki sipoze pli pti distrik Elektoral, ou annan nou apepre 2000 voter  e sa ki plis i 4000 petet sa 50 li menm li i ti kapab petet si nou serye osi pou vin en kandida ki pa pe vin zwe i pa vin fer okenn bann keksoz malonnet ti a kapab osi ganny revwar.

Mr Speaker en dernyen pwen lo sa size se ki pa fer mansyon dan sa Bill i parfwa bann lenterferans dan nou sistenm elektoral.  I kapab atraver bann foreign bodies, in arive L’Amerique en lakizasyon depi dernyen Eleksyon konmkwa La Russie in enterfer, nou bezwen osi annan en kart legal pou fer ki sa bann kalite lenterferans pa arive dan nou sistenm Elektoral osi.

E menm osi i annan bann lezot form, en bann lezot form lenterferans ki mwan mon pa pou al ladan ki serye ki arive enn ler nou bezwen osi azour. Se sa ki mon pe dir sa dokiman i en dokiman vivan sa ki pou vini apre bann lezot parti politik petet ouswa bann ki pou le vin politisyen i bezwen pe think along that line pou anmenn bann lezot propozisyon, mon konnen i kapab annan bann lamannman fitir e nou bezwen pran konteks bann diferan eleman ki kapab afekte en sistenm demokratik dan nou pei.

Avek sa Mr Speaker mon vwar nou dan en bon pa dan en bon direksyon.  E mwan mon pare pou donn en sipor sa Bill.  Mersi.

 

MR SPEAKER

Mersi Onorab Aglae.  Mon ava donn laparol Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker si i annan en keksoz kot oule ganny en si oule en diverzans lopinyon oubyen lo serten keksoz en konverzans lopinyon lo serten keksoz se met en Lalwa Eleksyon devan bann politisyen e les zot debat sa Lalwa.

E by the time sa Lalwa i fini ganny debate bann teknisyen ki la e probableman bann dimoun ki reprezant Komisyon, i ganny en pti pe tranpe si oule dan sa lanvironnman politik ki trouv Sesel e parfwa menm anmenn en konfizyon serye.

Mon konmans koumsa Mr Speaker set akoz ou konnen parfwa i en pe dezapwentan i en pe dezapwentan ler e souvandfwa repons i vin apre ki en provokasyon i ganny fer.

Mon dir sa Mr Speaker, set akoz loportinite ti la pou nou debat bann lamannman dan sa Lalwa ki for the most part sa bann lamannman i bann lamannman ki strengthen sa prosedir, e bann lamannman ki’n ganny diskite avek bann diferan reprezantan bann parti politik.  E bann lamannman ki’n pas atraver si oule en litmus test avan ki zot ariv devan Lasanble pou zot kapab ganny aprouve.

Me ki nou’n vwar nou’n vwar nou’n konmans lo en baz kot i annan en parti ki lir zis pou Eleksyon, i annan en parti voler, prezan sa in anmenn en lot reponn.

Mon demann mon lekor konmsi si ti neseser?  Eski ti neseser?  E wi mon ava anvoy ou Onorab Larue.  Lev ou lanmen demann permisyon Speaker, akoz paret mwan poudir 3 semenn ou pa’n dan Lasanble lamazorite dimoun in kapab koze san interjection i paret poudir ou napa respe pou prosedir Lasanble.  Ou napa respe pou divers lopinyon.

 

MR SPEAKER

Kontinyen Onorab.

 

HON SEBASTIEN PILLAY

So ou bezwen ganny dir sa bann keksoz akoz mon krwar ou annan en problenm?

 

(Interruption)

 

MR SPEAKER

Order!  Order!  Order!  Onorab Pillay kontinyen.

 

HON SEBASTIEN PILLAY

Mersi Mr Speaker.  Mr Speaker lepwen ki mon pou ilistre la se ki ler ou en dimoun ou vin pres la demokrasi parey nou tou nou fer lo sa kote latab tou dimoun in koze nou’n serten interjection me mazorite kar dimoun i reste trankil i ekout kanmarad.

Be Onorab i enposib pou li ekout okenn dimoun ki koze li.  Menm ou menm ler ou koze.  Ou konpran?  Non i enportan akoz vi ki Lasanble pe al fini i enportan pou nou share en pe knowledge pas en pe knowledge to within another.  Onorab Ramkalawan relax ou a ganny ou tour koze ou.  Ou tour koze pe vini ou espere ou.  Ok?

 So mon krwar nou bezwen sezi loportinite ki nou annan pou nou regard sa ki devan nou e propoze ki mannyer nou kapab swa fer li pli for ouswa sanz bann keksoz ki nou santi fer li pli fay.  Me esansyelman ki ler bann profesyonnel bann dimoun ki travay avek Komisyon Eleksyon, ki la anndan zot sorti la avek en Lalwa ki permet zot fer zot louvraz dan en konteks ki pli sen ki pli transparan e ki zot menm zot, zot santi pou dir zot konfidan ki avek sa ki nou’n donn zot ler zot sorti la kapab delivre dan zot manda.  Se sa ki enportan ki nou le fer.

E mon krwar i enportan si nou le al dan sa konteks pou nou arete sa sistenm kot ler nou fer bann komanter apre nou konnen kwa ki swiv, kwa ki swiv lo rezo sosyal i annan en bann komanter ki ganny mete latak i ganny lanse menm a  bann manm Komisyon ki pa konn nanryen da sa bann keksoz ki pe ganny dir, ok par bann dimoun ki asize lo rezo sosyal ok? 

        E mon kontan Mr Speaker atraver ou Onorab Woodcock pe ekout mwan.  Akoz se sa, sa bann largiman ki nou avanse ler nou koz lo bann keksoz ki’n ganny fer dan lepase ki ganny fer ki fer ki sa Komisyon son kredibilite i ganny afekte.

E bann enteraksyon ki mon’n gannyen avek sa Komisyon mon’n vreman apresye travay ki bann dimoun ki travay lo Komisyon pe fer.  Mon vreman apresye travay zefor ki sa Komisyon pe met devan pou li pou li prepar sa ki dan sa ki mon trouve konman en konteks politik difisil ozordi.  Akoz Sesel politik pou toultan reste polarize.

I pou toultan reste polarize- Mr Speaker akoz in ler pou nou konmans aksepte e koz ek dimoun lo laverite.  Nou koz lo shenanigans pandan eleksyon, as if lo lot kote latab zanmen zot fer sa bann keksoz.  Zot pa fer ditou zot! Zot pa  coercions, zot pa  fer okenn naryen zot.  Zot pou zot ler zot al dan en prosedir eleksyon tou sa ki zot fer i parfe!  I parfe.  Zot bann sen ki al dan eleksyon.

E mon konnen zot bann prop siporter ki’n kit zot, ki pe ekout nou zot konn tre byen poudir napa personn ki sen la anndan ok. 

        My point is Onorab Ferrari.  Malgre ki ou petet ou, ou santi poudir ou devret fer li par lafors pou ganny en eleksyon.  Mwan mon pa krwar mwan mon krwar eleksyon, i vin en prosesis normal.  Akoz mwan mon’n deza servi lafors pou nanryen mwan.  Pa parey ou ok, e mwan mon pa pou zanmen deny mon responsabilite parey  ou fer.  Ok?  

So ler nou regard sa Lalwa Mr Speaker in vin atraver en kantite konsiltasyon me ti enportan pou mon fer serten pwen pou nou etablir labaz kot nou ete ozordi.  E la baz kot nou ete ozordi se ki konman politisyen ki trouv nou la a sa moman la, nou bezwen regarde kwa ki nou kapab fer diferaman pou nou improve the context of politic Sesel.

E Lalwa ki mannyer in propoze pou fer sa enn de bann keksoz ki’n ganny entrodwir mon’n vwar serten kestyon ganny demande.

Mon pou tous lo mon pa tous lo enn mon pa pou tous lo zot dan lord me mon pou tous lo enn.  Par egzanp sa size sinyatir pou allow dimoun pou partisipe. Mr Speaker deplizanpli nou vwar poudir otour lemonn i annan en kantite dimoun ki pe partisip dan eleksyon for whatever reason.

        L’Angleterre ou annan dimoun ki partisip dan Eleksyon zeneral tou Eleksyon zeneral i vin avek en parti ou kapab ganny en kalite parti ou kapab ganny en lot kalite parti.

I annan dimoun ki vin as independence.  Me sa ki’n arive ek nou sistenm ek nou sistenm ki nou, nou annan, ek nou Konstitisyon ki mannyer in ganny ekrir, nou bezwen admet ki nou Konstitisyon ti ganny design ti ganny ekrir pou de parti.

Le de dimoun ki ti negosye an prensipal nou Konstitisyon a sa letan Msye James Mancham Leader Parti Demokratik.  E Msye France Albert Rene Leader Parti SPPF zot ti annan en konteks politik dan zot lespri ki ti osi baze lo leksperyans ki zot, zot ti’n gannyen.

Both in etidye L’Angleterre e se sa ki nou vwar ozordi nou sistenm ki nou annan dan Lasanble Nasyonal i en sistenm ki en pe borrowed from sa.  E esansyelman ki ti arive, ti annan en laport ki pa ti ki ti reste si oule frenmen pou menm en dimoun debout konman en kandida endepandan, pou en dimoun vin endepandan partisip dan eleksyon.

E mwan mon le fer dimoun kler dan eleksyon en dimoun i pa vote pou en parti li.  Malgre ki en dimoun i santi i devret vot pou en parti en dimoun i vot pou sa meyer kandida ki i santi pou dir i kapab reprezant son aspirasyon, fer sa keksoz ki i santi pou dir i devret ganny fer par egzanp dan son distrik, oubyen lo nivo Nasyonal konman Prezidan.

Se sa ki se sa landrwa kote nou, nou bezwen sey anmenn nou lekor.  Akoz si nou kapab anmenn nou lekor laba, nou pou tire sa polarizasyon politik ki fer ki nou tou nou koz lo ‘ek nou pa ek nou’ or isi laba.

E mwan mon pou ilistre sa avek zot ki mannyer ki mannyer si nou pa sanz nou latitid nou pou perpetuate sa. A plizyer repriz mon’n deza tann zot demann bann Minis dan Lasanble, lekel ki’n ganny tel Kontra e zot reste trankil si sa dimoun pa aparet konman en aktivis ki drwat lo forefront parti politik i oppose zot.

Zot reste trankil lo la.  Yes you do!  Zot fer li a plizyer repriz, Onorab Ferrari atraver ou Mr Speaker, atraver bann deba lo Bidze i souvandfwa demande lekel ki pe lwe tel lakaz.  Si i satisfe sa dimoun pou en aktivis SPUP/ SPPF i pa demann plis kestyon.

Pou li the only litmus   test se sa dimoun pa bezwen aktivis en lot parti.  Me i kapab i annan collusion kantmenm sa dimoun partisip dan en lot parti.

Se pou sa rezon ki mon pe dir si nou le al dan sa direksyon ki nou le ale, nou bezwen regard sa Lalwa dan en fason open-  handed.  E se sa ki mon krwar sa rediksyon dan lakantite sinyatir pe sey anmennen.  That’s the idea ki pe sey anmennen.  Me Lasanble i ava deside mwan mon pa Lasanble Mr Speaker, mwan mon en Manm Lasanble mon lopinyon e mon pe egzers mon drwa anba Konstitisyon lartik 102 pou mwan dir sa ki mwan mon panse.

En lot Manm i ava dir sa ki li i panse.  Mon note Mr Speaker mon pa’n atak okenn Manm personnelman e mon’n fer sa tre byen rezon akoz non, non mon’n servi ou pou koz lo ou largiman pa lo ou personnelman.  Ok?  Pa lo ou personnelman.  Akoz sa ki bezwen ganny aksepte Mr Speaker se ki sanzman i neseser dan Lalwa akoz i bann Lalwa dinamik e vivan e ki bezwen sanze o kour letan pou li match avek konteks ki nou trouv nou ladan.

Annou get par egzanp bann sanzman prensipal ki vin dan sa Lalwa ok.  Enn bann eleman ki ti vin en kontansyon sete sa size spoiled ballot paper, total votes cast, valid votes, eksetera.  Ti vin en size kontansyon.

Sa size kontansyon ti menm anmenn ti menm anmenn en moman kot ti annan en challenge Ankour e ti annan en desizyon Lakour.

E Komisyon Eleksyon mon krwar pou dir nobody in their right minds pou dir be mon kontinyen ek en sistenm ki koumsa en sityasyon koumsa so mon bezwen sey anmenn en pe plis klarite pou fer sir ki tou dimoun i konpran what this is about. 

        So that everyone entering into the game i konnen poudir this is what en spoilt ballot means, this is what total votes cast means, this is valid vote, votes cast in favour eksetera.  Sa bann definisyon i ganny pran dan son konteks.  Tousala i bann keksoz ki ti neseser akoz souvandfwa in annan tro bokou polemic ki’n ganny fer ek sa bann mo ki pa’n allow dimoun pou konpran kwa ki pe vreman pase.

E konman politisyen la mon pa pou dir swa mon pa pou dir zot mon pou dir nou tou konman politisyen nou servi sa bann polemic.  Me parfwa nou bliye poudir i annan en group dimoun ki zot, zot bezwen enplimant sa Lalwa dan en fason enparsyel e ki nou fer zot lavi difisil par servi bann polemic pou nou eksplik bann sityasyon.

En lot pwen enportan Mr Speaker ki mon vwar dan sa Lalwa se sa size National Identity Card.  Mr Speaker i annan en rezon akoz National Identity Card i ladan e pa paspor i pa Driver’s License.

        I annan en rezon akoz sa.  Set akoz apre plizyer lannen ki Komisyon Eleksyon in ganny atake zot in realize poudir the tender ki devret ganny servi se en ID card.

Zot in ariv lo sa pwen sa ki sa i lo tender.  E ID card li i pou evolye eventually kot i pou ganny menm eleman biometric e pou sa i ava fasil pou annan en, en si oule en kontinite pou move dan en domenn teknolozik kot vote i a fer parey par egzanp bann pei parey dan L’Inde lo en sistenm biometric.

So i annan en rezon akoz apre plizyer konsiderasyon Komisyoner Eleksyon in deside al dan sa laliny. En lot pwen enportan Mr Speaker se, se sa size en voter census Mr Speaker.  E la mon kot mon ti a kontan ganny en klarifikasyon, se ki an relasyon avek en voter census nou dir ki the Electoral Commission may cause to be conducted a voter census. 

        Mon pe konpran la ki poudir i pa neseserman Electoral Commission ki pou carry out a voter census.  Ki kapab contract out sa voter census avek en body ki annan en ekspertiz dan fer en voter census baze lo resours ki li pou kapab napa.  Si sa i leka mon krwar sa i en keksoz ki byen.  Akoz i ava ed Komisyon si napa resours pou li efektivman carry out en keksoz ki pou ed li clean-out sa rezis voter.

En keksoz ki tou politisyen i demann zot pou fer, mon krwar sa i en bon keksoz ki nou pe anmennen e en keksoz ki pou ed nou going forward.

        Mr Speaker i annan lezot keksoz dan sa Lalwa ki fer ki ozordi nou pe konsider bann keksoz ki nou pa ti pe konsidere par egzanp, avek COVID-19 personn pa ti mazinen poudir si ou pe ganny en eleksyon dan letan ki ou annan en pandemik ou en fors mazer ki ou fer, ki arive avek son prosedir nominasyon?

Seksyon 15 (a) anba sa Lalwa i fer provizyon pou sa zisteman.  I fer provizyon pou ki anba en fors mazer the Chief Electoral Officer or the Electoral Officer as the case may be i kapab annan serten pouvwar pou li fer serten keksoz.  E ankor enn fwa sa i ranforsi kapasite Komisyon Eleksyon pou li kapab fer sa travay ki bezwen fer ki vreman enportan.

Akoz nou bezwen ranforsi li, se akoz i annan en obligasyon konstitisyonnel pou nou fer li par lefe ki vote i enn bann drwa pli enportan.  Mon servi sa term dan en fason dan sa konteks ki nou ladan vote bann drwa pli enportan ki en dimoun en Seselwa i annan akoz sa involve son partisipasyon dan lavi politik son pei.  So mon kontan ki nou annan bann move forward ki nou’n fer avek sa.  En lot eleman ki byen ki mon krwar ki nou bezwen koz lo la osi e nou’n koz e Onorab Aglae in tous lo la briyevman se lefe ki prezan vote pe fer par lo order alfabetik e ki ou kapab annan dan en polling station diferan fasilite kot vote pe ganny fer.

Sa’ i vedir ki a sa moman ki vote pe ganny fer ou kapab annan lalis ki’n kase e ki diferan dimoun pe vote a sa moman.  Me sa ki enportan osi mon krwar konpran lafason ki zot in word li se ki, en parti politik i kapab annan dan sa stasyon, me en dimoun dan sa fasilite.

Se sa ki Lalwa pe prevwar.  Me sa i a fer ki par egzanp kot ou annan bann gran distrik vote i a fini pli boner, konte a ganny fer pli boner, e rezilta probableman mon dir sa la i a kapab ganny donnen pli boner.  Mon krwar esansyelman se sa laliny ki sa bann amannman pe ale pou zot kapab fer.  Mon pa konnen si i annan lezot keksoz ki Komisyon pe mazinen zot pou achieve ek sa lamannman me mwan dan mon lespri pou mon, mon vwar li koumsa.

En lot eleman Mr Speaker se sa i en eleman si oule ki konsern sa size bann dimoun 100an.  E sa mon krwar Komisyon Eleksyon i bezwen regard li dan en fason serye.

I annan de Lartik nou Konstitisyon ki relye avek sa.  Premye lartik nou Konstitisyon ki relye ek sa se Konstitisyon i recognize the rights of the aged e i fer provizyon pou ki Leta i fer provizyon spesyal pou protez sa group dimoun.

En lot Lartik Konstitisyon i dir se ki tou dimoun i annan proteksyon egal devan Lalwa.  Mon santi poudir si nou pe al dan sa direksyon an se ki konsern en dimoun ki ganny 100an, kot nou dir en dimoun ki ganny 100an nou pou bezwen otomatikman al get son bann particulars eksetera, mon santi ki sa i kapab en vyolasyon zot drwa konstitisyonnel.

E mon konnen ki Komisyon Eleksyon i le fer.  Akoz Komisyon Eleksyon i napa zis dimoun ki pou probableman pou achieve 100an ki reste Sesel.  Me zot pou annan dimoun pou achieve 100an ki pou reste aletranze, akoz ou pa kapab zis tir en dimoun lo lalis voter i pa mars koumsa.  Akoz tir en dimoun koumsanmenm lo lalis voter i pou disenfranchised li e sa i en keksoz ki pa sipoze pe ganny pe fer.  Unless ki mon a ganny korize ki i annan en lot fason fer li.

Me mon santi pou dir sa lamannman i kapab raise en kestyon Konstitisyonnel par lefe ki akoz 100an why not 99, why not 98 ok?  Sa i largiman ki nou nou’n vwar poudir i en keksoz ki kapab vin en konsern pou sa Lalwa.

Mr Speaker i 6er mwen 20, de zour avan ki Lasanble i dizourd, e nou’n annan en lamannman dan Lalwa Eleksyon avan ki nou annan Eleksyon ki’n anmenn en serten sanzman ki neseser pou strengthen prosedir e strengthen rol ki Komisyon Eleksyon i bezwen zwe.

Mon prezimen ki sa pa fini la ki pou annan ankor bann lamannman ki pou vini ki pou annan ankor bann eleman ki bezwen ganny entrodwir.  Me mon santi poudir there is en e ler mon dir sa avek en kantite pozitivite mon santi there is a strong will, lo lapar Komisyon pou kontinyen travay pou upgrade e update sa ki zot annan bann tools ki zot pe travay avek.

E mwan mon le felisit zot pou sa.  Mon le wish zot all the best i pou annan en moman en pe so ki zot pe al pas ladan la avek sa Eleksyon nou konnen nou annan en nouvo CEO ki la mon recognize CEO Komisyoner Eleksyon, Chairperson i la e zot Legal Adviser i la.  So i pou en moman difisil e mon swete ki zot ava ganny sa fortitude e ki Bondye i a get zot ki zot a kapab ganny sa kouraz pou fer fas avek okenn keksoz ki vin ver zot.

E ki zot ava asire ki prosedir Eleksyon i enn ki reste free ki reste fair e ki ler rezilta i donnen nou tou ki la anndan politisyen nou aksepte sa bann rezilta ler i vini.  E nou si nou annan challenge pou nou fer lo sa bann rezilta ki nou drwa ankor, mon swete ki sa bann challenge i ava ganny fer lo bann baz ki fonde.

Avek sa Mr Speaker mon pou siport sa Prozedlwa pou anmenn Lalwa Eleksyon.  Mon ava esper Committee Stage pou ganny ankor en pe kestyon en pe klarifikasyon si nou pou annan en Committee Stage serten eleman en eleman sirtou se sa zafer assistant electoral officer ki mon krwar petet i devret swa i devret ganny defined the whole Act.  Devret ganny sanze dan Lalwa antye oubyen mon sanzman i sa  zis anler lo konmansman.  Mersi Mr Speaker.

 

MR SPEAKER

Mersi Onorab Sebastien Pillay.  Bon i reste ankor 5 Manm lo lalis.  Mon anvi demann the House si zot anvi nou kontinyen avek deba nou’n ariv preski 6er me si nou pou kontinyen avek deba nou pa pou pran Staz Komite.  Nou ava pran li demen akoz Chair Bills Committee in demann mon pou eskiz li, akoz i pa pe santi li tro byen.

So eski nou kontinyen avek deba oubyen nou ava kontinyen deba demen bomaten apre nou a antre dan Staz Komite?  Onorab Ramkalawan.

 

HON WAVEL RAMKALAWAN

Mr Speaker, ou konnen mon trouv i tris ki mannyer sa deba pe ale e rezon pou sa se parski i annan en kantite Manm pe koze, me zot pa pe konnen egzakteman ki dokiman ki’n donn nesans sa bann lamannman.

E se pou sa rezon ki zot pe al dan tou direksyon.  E sa dokiman ki’n donn nesans laplipar sa bann lamannman i annan zis 2 dimoun dan sa Lasanble ki’n form parti letan zot ti pe ganny fer.  E sa 2 dimoun, se Onorab Simon Gill lo kote US e mwan menm lo sa kote latab.

Mon krwar ki nou deba ti ava si nou pou kontiny demen, mon ti ava propoze Mr Speaker pou nou kapab al dan en pli bon direksyon devan mwan la mon annan sa 2 dokiman.  Mon ti ava propoze ki mon anvoy sa 2 dokiman kot Sekretarya e Sekretarya i fer tou Manm ganny kopi.

E sa ki mon pe osi santi ki i annan en memwar enstitisyonnel ki serten dimoun ki’n koze napa.  E ki si zot ti annan zot ti pou konnen akoz ki serten keksoz pe ganny propoze ladan.

Alors Mr Speaker mon pa konnen si nou ti ava kapab tonm dakor.  E petet la mon fer en lapel mon fer en lapel avek ou atraver ou pou ou Onorab De Commarmond.  Si nou ti ava kapab en dimoun lo sak kote, koze e mon krwar ki apre sa nou ti ava kapab al lo Staz Komite demen.

So that i ti pou sov bokou letan e nou ti ava bokou pli efektiv.  Mon pe zis mon pe zis propoz sa akoz vreman tou sa bann lamannman ki la i annan en baz. E mwan mon pe propoze ki Onorab Gill avek mwan nou konklir sa deba lo merit zeneral e mon pa pe azir konman diktater mon, mon pe zis propoze.  Mon pe zis propoze e Mr Speaker Onorab Pillay ki asiz de sez avek Onorab De Commarmond i a pe fer komanter i pa ni konnen ki pou dir Onorab De Commarmond pe dakor ek sa ki mon pe dir!

Zis pou montre ou ki mannyer dekonekte konpletman!  Se sa ki mon anvi se sa ki mon anvi propoze Mr Speaker pou nou kapab avans devan.  Mersi bokou.

 

MR SPEAKER

Mersi.  Bon mon ava …

 

(Interruption)

 

MR SPEAKER

OrderMon ava fer en komanter.  Plizyer Manm ki’n entervenir, in fer sorti zot drwa anba, Lartik 102 Konstitisyon.  E zot in eksprim zot whether zot in al dan nenport direksyon oubyen non zot in eksprim zot anba Lartik 102 Konstitisyon.

So mon pa’n mon pa’n aret personn.  Me bann Manm ki lo Bills Committee kot nou ti zwenn yer nou’n konnen ki direksyon nou sipoze ale sa Lalwa osi tou i ale.  E petet mon kapab dir menm Manm Bills Committee osi tou i ganny tant sa tantasyon pou al dan lezot direksyon.  Mon pa’n aret deba akoz mon pa’n anvi rantre dan okenn largiman ki konmkwa mon pe aret zot koze, oubyen mon pe pran zot drwa konstitisyonnel avek zot.

So pou lemoman deba in ale ou’n fer sorti ou lopinyon Onorab Ramkalawan, ki mon ti a swete ou konmansman ti ava annan en konsansis parey ant le de parti, e nou ti ava koumsa.

Me parey mon’n dir mon annan 5 Manm lo lalis mwan mon pa la pou mon’n fini pran sa 5 non la lalis in frenmen, mon pa la pou mon pran okenn kote me pou depan lo zot ki zot anvi fer.  E sa 5 Manm i still anvi koze egzers zot drwa anba Lartik 102 mon pa pou kapab anpes zot.

So mon ava regarde i annan en ou’n fer sorti sa pwen mon ava demann lot kote Onorab De Commarmond ki nou pou fer e parey mon pe dir nou kapab anvoy deba kontinyasyon, deba demen maten e an menm tan nou a kapab pran Staz Komite pou nou kapab konplet sa Bill.  Onorab De Commarmond.

 

HON CHARLES DE COMMARMOND

Non mon konpran sityasyon ki nou pe diskit ladan, petet ti’n devret fer sa depi avan mon toutafe dakor avek ou.  Me selman si nou osi nou tonm dakor la ki zot de Onorab Gill i koze e ou koz ek ou bann dimoun nou, nou koz ek pou nou konmsi ki nou fini ek sa la mon napa problenm osi ek sa.  Demen nou ti ava zis dan Committee Stage mon ok ek sa mwan.

 

MR SPEAKER

Bon, petet annou si zot dakor ki nou kontinyen deba demen nou ava ale zis le de kote le de leaders koze e demen bomaten zot ava enform Clerk lo the way forward.  So nou pa pou kontinyen deba la, nou ava pran li demen bomaten e lo lezot kote nou ava koze, e zot ava enform – non?

 

HON WAVEL RAMKALAWAN

Mr Speaker.

 

MR SPEAKER

Yes Onorab Ramkalawan.

 

HON WAVEL RAMKALAWAN

Mwan mon pa anvi curtail okenn debate.  Konstitisyon i donn drwa tou dimoun pou koze, mwan mon ti pe senpleman ed sa prosesis.  Alors mon anvi retract sa ki mon’n dir konsernen drwa dimoun pou koze, e mon pa pe osi forward ou okenn dokiman sakenn i ava rod son dokiman sakenn i a vin dir sa ki i anvi dir e nou ava ale ziska Zedi minwi.  Mersi.

 

MR SPEAKER

Bon ok nou ava mon ti a kontan remersi tou bann Manm, mon ti a kontan remersi panel Vis-Prezidan, Attorney Zeneral, Chairman Komisyon Elektoral, Ms Sinon ki Senior Legal Officer, Chief Electoral Officer e mon remersi osi tou, tou dimoun ki a lekout ki’n swiv travay Lasanble Nasyonal.  Lasanble pou adjourn e nou pou repran nou travay demen 9er bomaten kot nou ava kontinyen avek deba.

 

(ADJOURNMENT)