::
Home » Verbatim » 2020 » Verbatim Tuesday 28th, 2020

Verbatim Tuesday 28th, 2020

NATIONAL ASSEMBLY OF SEYCHELLES

Tuesday 28th, 2020

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab e bonzour tou dimoun ki a lekout e pe swiv travay Lasanble Nasyonal.  Mon ava pas en pti moman lo Order Paper travay ki nou pou annan sa semenn.  Nou pou annan nou seri kestyon parey, parey labitid e sa semenn nou annan kestyon pou Minis responsab pou Lapes ek Lagrikiltir, Minis responsab pou Ledikasyon e Devlopman Resours Imen.  E osi tou nou pou annan kestyon pou Minis pou Touris e osi tou en Private Notice Question pou Minis Finans.  E sa apre pou swiv par bann Mosyon ki nou’n deza met lo Order Paper. 

Nou ava konmans toudswit mon ava donn laparol avek Deputy Clerk pou Prezantasyon Papye.  Madanm Deputy Clerk.

 

MADAM DEPUTY CLERK

Mersi Mr Speaker.  Bonzour Mr Speaker bonzour tou bann Manm, e tou dimoun ki a lekout.  Papye ki pe ganny prezante ce matin i S.I. 86 of 2020 Coco-de-Mer (Restriction on the Processing, Trade and Export of unprocessed kernel of mature nut) Regulations, 2020.  Mersi Mr Speaker.

 

MR SPEAKER

Mersi Madanm Deputy Clerk.  Bon mon ava demann parliamentary reporter pou apel Minis avek son delegasyon.

Pou bann kestyon nou pou pran kestyon pou Minis Lapes avek Lagrikiltir Minis Charles Bastienne son de kestyon lo apre nou pran sa Urgent Question osi e sa apre i ava, swiv par kestyon pou Minis pour Ledikasyon.

Minister Charles Bastienne mon ti a kontan welcome ou e dir bonzour ou menm avek ou delegasyon ki konpri Mr Jude Talma ki Sekreter Prensipal pou Lapes, e Mr   Cyril Bonnelame ki Acting Chief Executive Officer pour SFA, Seychelles Fisheries Authority. 

Minister bonzour e welcome dan Lasanble Nasyonal.  Nou ava pas toudswit lo kestyon.  Bon Manm pou demann kestyon, Onorab Esparon.  Yes, Onorab Esparon.  Eskize mon’n mon pe regard ou plas o fon, mon pa’n vwar ou. Mon’n rekonnet ou prezans Onorab Esparon e mon ava demann – en moman mon ava –

 

HON REGINA ESPARON

Mersi Mr Speaker.

 

MR SPEAKER

Go ahead Onorab.

 

HON REGINA ESPARON

Bonzour tou dimoun a lekout.  Bonzour Minis ek ou delegasyon.  Mr Speaker, eski Minis i kapab dir Lasanble akoz ki ziska prezan proze lagrandisman lapas, ek gear store pou peser Glacis pa ankor demare?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Bonzour Mr Speaker, tou Manm Onorab e tou dimoun ki a lekout.  Mr Speaker, le 6 Zilyet 2019, mon ti rankontre bann peser Glacis enkli Onorab Esparon pou diskit plan pou devlopman fasilite lapes pou sa distrik.

Dan nou analiz nou ti oule ki Glacis i ganny en fasilit pou ki son bann peser a kapab fer zot aktivite dan en lanvironnman pli apropriye.  Sa ti enkli pou annan en breakwater, masin ice, gear store, e plitar nou ti azout bazar.

Outline plan, pou sa proze ti ganny aprouve le 9 Septanm 2019 par Lotorite Plan, swivan sa plan final ti ganny soumet avek Lotorite Plan le 25 Oktob, 2019.  Pandan sa letan SFA ti’n osi fini fer en bathymetry survey pou sa landrwa.  Lotorite Plan ti ekri Lotorite Lapes SFA le 26 Novanm, 2019 pou demann klarifikasyon konsernen desarz ki sa fasilite pou annan, fasilite parking, e osi lenfrastriktir pou elektrisite.

Swivan sa le 4 Fevriye 2020, Lotorite Plan ti enform SFA ki tou sa fasilite ki ti pe ganny propoze ki annan fasilite sanniter pa pou ganny konsidere.  Vi ki nou ti’n vwar ki sa proze pa pou bouze si nou pa rod en alternativ, Minister ti pran kontak avek propriyeter later lot kote semen kot peser i deza annan bann fasilite lo la.

Sa propriyeter ti enform nou ki i pare pou negosye e vann en serten morso sa later.  Negosyasyon i ankor pe kontinyen, e nou pou esper Minis responsab pou Lakaz Lenfrastriktir ek Transpor lo Later pou konsey SFA lo sa lof ki sa propriyeter pe demande.

Nou espekte ganny en larepons ver lafen sa semenn.  Nou espekte ki menm fasilite;- setadir ice plant, gear store, i a kapab ganny konstri laba.  Mersi, Mr Speaker.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker, Oktob 2018 Minis ou ti vini ou ti ganny en vizit lo sa site Glacis kot ti sipoze fer sa proze.  E ou ti promet mwan devan peser ki by lafen Desanm 2018 sa, ou pa ti ankor lans Lasosyasyon Peser, sa proze pou’n konplete.  Ok, nou’n aksepte ki i annan retar.

Letan nou ti lanse avek Lasosyasyon Peser, ankor la ou ti garanti ki by 2019 sa proze pou fini.  Mr Speaker, dezapwentman i vin letan i mank sa kominikasyon ant ou Minister avek kominote e Lotorite Distrik.

Lafen Fevriye ti ariv en problenm kot gro mare ti monte ti destabiliz en pe landrwa kot peser i met zot bato, e mon ti ganny en vizit apre ki nou ti forse pou ganny en zofisye sorti kot SFA pou vin vizite, pou vwar sityasyon kot peser pa pe kapab sorti avek zot bato.

E le 12 Mars, mwan mon ti ekri Mr Calvin Jerry, pou demann li ki zistans sa proze i ete.  I ti dir mwan in due course nou pou konnen Lotorite Distrik ki mannyer keksoz i ete.

Mr Speaker dezapwentman se ki Mars, Avril, Me, Zen, Zilyet sa i due course sa! Nou ankor pe esper larepons pou Lotorite Distrik konnen ki pe arive avek sa proze.  E ziske prezan la ozordi ki Minis i vin dir nou zot annan plan alternativ.

E sa i dezapwent bann peser ki pe pas dan en kantite difikilte pou kapab sorti avek zot bato. Nou annan problenm kot mare i monte, i tir disab anba zot bato, koray i ganny ekspoze, zot bato i ganny andomaze.  E sa Minis mon bezwen dir ou peser Glacis i dezapwente ek sa.

Me mon ti a kontan an menm tan demann ou, avek sa nouvo proze, avek sa nouvo plan alternativ ki zot pe met devan, mon konnen Mr Bonnelame in fer meeting avek peser.  Me sa meeting ki zot in diskit ek peser nou konman Lotorite Distrik nou pa konn nanryen ladan nou!

Sa Acting DA pa konnen, mwan konman sa MNA nou pa konnen nou.  E se sa ki fer ki prezan Minis toultan nou bezwen re anmenn ou dan  Lasanble pou nou konnen ki pe pase.  Mwan mon ti a wish ki kominikasyon ant ou lofis ek Lotorite Distrik i ganny improve, pou ki letan peser i fristre at least nou, nou konnen kwa ki nou pou dir nou bann peser. Konpran mwan. Me avek sa nouvo plan mon ti a kontan konnen kan ki zot pe mazinen pou demar sa proze?  Mersi Mr Speaker.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, Onorab petet si in annan en mankman kominikasyon ant SFA, ou Minister avek Lotorite Distrik. Espesyalman petet avek ou menm, konman Minis ki responsab pou Lapes petet mon ava demann en leskiz pou sa.

Me solman an menm tan mon kapab dir ou se ki ti annan kominikasyon ki ti ganny fer.  Akoz i annan en forum ki nou’n etabli avek bann Lasosyasyon Peser, ok, kot nou annan reprezantan sorti FBOA e plizyer lezot lasosyasyon ki annan lo nivo pei.  Menm Lasosyasyon Praslin zot vin attend. 

E mon krwar i annan apepre 2 ou 3meeting kot nou’n vwar reprezantan Lasosyasyon Glacis osi ki’n prezan.  E dan sa forum, dan sa meeting la byen avan, pa neseserman dan mwan Zen me byen avan nou’n enform zot lo sa alternativ ki ti pe ganny eksplore, nou’n enform zot sa nou en?

E nou ava fer sir petet,  mon konpran petet lo kote kot ou lofis i konsernen, petet zot pa’n ganny enformen.  Me atraver lasosyasyon ki nou, nou ti espekte i a vin sa platform kot prezan zot ava enform lezot peser egzakteman deroulman vizavi sa proze.

Kan ki nou espekte sa proze i ava konmanse?  Mr Speaker, enn fwa ki nou fini ganny sa validasyon sa lof ki’n ganny fer par sa propriyeter prive, then SFA pou angaz li pou li fer negosyasyon final konsernan sa teren. SFA in fini tonm dakor avek sa propriyeter lo en serten grander ki pe ganny diskite, an vi avek sa lof parey mon’n dir.  E apre enn fwa la nou’n finalize sa, mon espekte poudir SFA ava bouze pou zot fer plan neseser pou zot enplimant sa proze ki mon

krwar e mon dakor avek ou i long overdue.  Mersi, Mr Speaker.

 

MR SPEAKER

Mersi.  Yes Onorab Ramkalawan.

 

HON WAVEL RAMKALAWAN

Mr Speaker bonzour.  Mersi bokou e bonzour tou Manm Onorab, e Minis avek ou delegasyon.

Mr Speaker, mon anvi zis lev en pti pwen ki ou ava met a ou konsiderasyon, vi ki sa size lapes lapas i toultan leve, e osi vi ki nou annan Chairman Board SFA la avek nou, eski i ti ava posib pou petet zis pou nou ganny klarite e pou nou kapab konklir sa, si petet nou ti ava pou sa de kestyon vin en Komite, pou ki Board konmsi SFA osi tou i ava kapab come in. Akoz la ou annan en Minister SFA ki en Lazans otononm depi ki Lalwa in sanze, pou ki konmsi zot ti ava kapab tou lede eklersi nou pou ki nou kapab- mon krwar Minis tou i konpran ki mon pe ki mon pe sey dir.  Mersi bokou.

 

MR SPEAKER

Mersi Onorab.  Mon konpran le pwen, me mon santi ki CEO SFA pe asiz tou pre avek Minis, mon krwar i kapab, Minis i kapab konsilte avek li.  Mon pa vwar rezon ki nou bezwen al dan Staz Komite pou enterakt.  PS i la,  CEO i la e mon pa vwar ki i annan difikilte ki Minis pou reponn kestyon.  Ok, Onorab Esparon.

 

HON REGINA ESPARON

Mersi, Mr Speaker. ( Minis pa pe ekout mwan akoz i pe konsilte.  Kekfwa sa rezon ki nou move dan en Komite.

 

MR SPEAKER

Kontinyen, kontinyen Onorab.

 

HON REGINA ESPARON

Mr Speaker, mon ti a kontan dir avek Minis letan son zofisye i vin lo site i dir poudir ok la nou pou kas sa lapas, nou pou fer sa, nou pou fer pontoon.  I donn, konmsi i donn bann,  i raise expectation.   E letan sa keksoz pa ganny fer i donn bann false hope.  Mon ti a kontan demann avek Minis eski sa plan alternativ ki zot pe fer,  eski i pou sanz sa plan orizinal sa proze ki i ti’n prezant avek peser? Kwa ki pou sanze ladan?

Si i annan keksoz ki pou sanze eski Minis ti a kapab fer Lotorite Distrik ganny sa plan final, son konsep? Pou nou konnen kwa ki pe sanze ladan an vi ki ou’n dir nou poudir zot pe sanz, sanz keksoz konmsi ki pa pou pas kot ti pe pase, zot pe negosye avek propriyeter pou ki zot servi lot kote.

Konmsi at lest Lotorite Distrik pa konnen.  Akoz zot ti prezant en plan avek nou e nou pa konnen dan sa plan orizinal kwa ki pe ganny sanze ladan.  Mersi Mr Speaker.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, lenformasyon ki mon annan avek CEO SFA se ki le 4 Out i annan en Komite ki’n ganny formen konzwent ant SFA, Lotorite Distrik Glacis, apre avek lasosyasyon.  Ki annan zot reprezantan lo la, e i annan en vizit mon krwar ki fer le 4 Out pou zot diskit egzakteman lenplimantasyon proze, ok?  So, mon panse poudir sa i enform konsiltasyon osi ki pou annan ki pou ganny fer.

E ki mon osi espekte, SFA osi in konfirm avek mwan letan zot fer plan final with regards to sa sanzman, kot pou annan sa proze lo lot kote semen evidaman then nou espekte poudir Kominote Peser pou ganny zot, pou kapab fer zot input ladan.

Bon lo kote fasilite ki ou’n demann nou, se ki nou espekte pou annan menm fasilite parey i ti pou annan lo kote bor lanmer pou annan anndan.  E mon krwar Onorab se ki, mon krwar nou bezwen realize osi ou’n fer resorti dan ou premye kestyon siplemanter,  se ki letan nou ti annan radmare an Fevriye, an Mars nou tou nou’n vwar poudir avek sityasyon sanzman klima sa ki nou ti anvi fer, ki Gouvernman ti anvi fer pou peser Glacis, volonte pou fer li i la.

Me malerezman avek sityasyon ki’n devlope boner sa lannen nou pe vwar poudir i pa pou pratik.  Nou kapab fer kek fasilite parey nou ti’n fer nou plan, nou ti pou vwar petet pa tro lontan vwar sa fasilite petet ti pou’n end up dan lanmer.

So, i pli bon ki ler nou fer en keksoz nou’n vwar sityasyon mannyer i ete lo teren, ki ler nou al fer en keksoz nou fer en keksoz ki pou dirab.  Mersi, Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker, prenon kont ki sa proze ti orizinalman konmans avek e gear store peser and now in involve avek fer en breakwater. 

        Eski lapros SFA safwasi pou fer sa proze se pa pou at least komans sa proze an faz.  Swazir lekel faz ki zot pou fer avan as oppose pou vin sey fer sa proze as a whole, ki pou further probableman retar sityasyon.  Eski zot kapab, ou kapab donn nou en lendikasyon lo ki mannyer zot pe go about sa proze. Proze annan tye oubyen proze an faz?  Mersi, Mr Speaker.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, lakle pou sa proze se pou ganny sa teren lot kote semen.  Lemoman ki nou ganny sa morso later lot kote semen nou espekte i vin en sel proze pou ganny fer.

Me osi lendikasyon ki mon’n gannyen avek SFA se ki lo kote bor lanmer kot pou annan en bazar, ki ankor pe diskite finalman avek Lotorite Plan ki daryer i osi Chairman Lotorite Plan.  Nou espekte ki enn fwa nou’n ganny sa approval sa bazar, bazar i ava al lot kote.  Apre lo bor montanny anndan, nou ava ganny lezot fasilite pou anndan.  E mon pa vwar okenn rezon akoz ki sa bann proze tou pa kapab fer an menm tan.  Mersi Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Idealman mwan osi personnelman mon ti a kontan sa bann proze i ganny fer an menm tan.  Me sa landrwa,  Mr Bonnelame i konn li tre byen akoz in pas la osi en kantite dan son lavi.  I en landrwa ki sanz bokou avek mare.

Sa ki mon ti ava enplor SFA dan planifikasyon, si zot vwar poudir dan limedya i annan serten keksoz zot bezwen fer pou soulaz lavi sa bann peser vizavi storage zot bann pwason, vizavi donn zot en meyer fasilite pou met zot bann pwason. Akoz ozordi sa ki zot bezwen se pou zot kapab store zot bann pwason byen.  E mon konnen pli enportan sa ki zot pe rode se pou zot kapab aret pous sa bann kannot anler e kapab gard zot bato dan delo.

So, eski SFA i kapab swazir le meyer opsyon ki ava donn zot en soulazman pou lemoman?  Akoz sa Komite Peser i pa zis en Komite Peser ki lapes, en Komite Peser kiltirel dan Glacis e istorik akoz i fanmir an fanmir kontinyen egzers sa profesyon.  Mersi Mr Speaker.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, mon annan en gran respe pou sa bann peser dan sa rezyon Glacis akoz sa bann devouman ki mon vwar zot pe fer malgre tou difikilte i egzanpler.  E zot kontinyen pou zot kapab kontinyen pou rod zot lavi.

Me solman Mr Speaker, mon espekte swivan sa vizit ki zot ava fer le 4 Out ant SFA ek sa bann Lazans konsernen ki mon’n mansyonnen, nou espekte zot ava tonm dakor ki mannyer zot bouze dan en fason kolektif, pou fer sir poudir tou sa bann proze a demar ansanm.  E si i pa posib, Onorab parey ou’n rekomande mon espekte poudir SFA i ava pran kont, a vwar kwa ki priyorite, e enplimant li.  Me swe se ki pou fer tou ansanm.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker, mon ti ava kontan demann Minis letan nou pe regard sa pti morso la.  Kot nou koz an term bann peser, radmare ki afekte zot, son landrwa ki ti pti e tou.  Eski zot in etidye posibilite pou ki zot, zot fer en striktir, en pe parey swa lo Silhouette oubyen lo La Digue, kot konmsi i ava annan en pli gran breakwater pou ki letan bann bato i rantre ki ava form en pti labe, ki zot ava dan complete shelter. Sa i enn, si zot in fer en letid parey?

E dezyenmman, vi ki sa landrwa i ptipti e ki la nou pe tann koz lo en propriyete ki lot kote semen, e ki sa semen, sa pti bout semen la nou konnen ki poudir i annan i en bout semen danzere.  Ok in, annan plizyer aksidan fatal ki’n arive la.  Mwan mon konn omwen 3 aksidan fatal ki’n arive la.

Ki posibilite, pou ou Minister regard posibilite pou ki i annan en pti road diversion, anndan?  Pou ki aprezan ou kapab elarzi sa landrwa.  Parski la deza kot semen i ete, i ava ganny elarzi e ki bann peser i ava trouv zot avek en landrwa pli gran e an menm tan osi tou sa bann fasilite, pou ki nou pa trouv peser aprezan pe rod koup semen e kot sa i kapab annan son lot danze.

Konmsi pou ki i annan en plan vreman, vreman konpreansiv pou ki i vini sa landrwa la Glacis, i vini en lo kote delo sale, shelter ki manrmay bann peser pa kapab monte  e apre lo kote sekirite lo semen, konmsi pou ki bor lanmer i bor lanmer, napa bann zafer koup semen avek masin.  Sa gear store olye al lot kote, tou keksoz i ava bor lanmer avek son bazar, tou son keksoz.  Mersi bokou.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, mon krwar ki Onorab sa dernyen propozisyon i en propozisyon ki enteresan. Annefe i enn bann propozisyon ki nou, nou ti pe diskite inisyalman.  Me anvi ki orizinalman ti annan sa difikilte pou ganny sa morso teren, me apre letan nou’n vwar poudir sa propriyete in pare pou li angaze. Mon krwar ki loportinite se enn bann opsyon ki la nou kapab regard konsidere.  E tou pou depan evidaman lo sa propriyeter si i pare pou sed son landrwa.  Ok, mon krwar i en i enn bann orizinal idea ki nou ti’n vin avek.  Me la mon krwar nou ava donn li en pe konsiderasyon avek posibilite en road diversion e mon krwar i pou anmenn plis sekirite pou nou bann peser.

Dezyenmman Mr Speaker, konsernan sa issue pou fer en breakwater parey i annan dan serten landrwa.  Se sa ki ti lentansyon orizinal letan nou ti diskit proze Glacis. E i napa pa mal challenge an term lesplikasyon ki nou’n ganny dir par bann eksper ki nou kapab gannyen an rezilta sa.

E se pou se rezon osi ki byen boner ki SFA ti fer en bathymetry survey pou kapab ganny byen sa kouran e tou bann fonksyonnalite ki annan pou fer avek lanmer and the purpose pou ou kapab etidye sa landrwa en pe pli profon, a profon.  E mon krwar se ki breakwater osi baze lo son bann depth ki annan, e osi baze lo sa ki expert pe dir, plizyer defi ki annan dan serten mwan lannen vizavi kouran, divan e tou,  se sa osi ki nou pa’n neseserman pou nou akseler sa.

Akoz nide se pou nou annan en landrwa safe, orizinal, nide ki ti ganny prezante orizinalman annan en landrwa safe kot bann bato i kapab antre ;- annan en sistenm pontoon osi tou parey i annan de lezot landrwa. Me bann challenge teknik ki’n vini apre, se sa kot nou’n ganny serten limitasyon vizavi pou nou kapab fer sa.

Me CEO SFA osi in enform mwan konmkwa ki swivan zot vizit ki zot pou al fer le 4 Out sa osi pou ganny revwar avek posibilite pou kapab fer sa fasilite.  Annefe Onorab se ki parey Onorab, Onorab Esparon i konn tre byen baze lo sa plan ki ganny prezante, sa ti’n ganny enkorpore ladan.  Me parey mon’n dir se ki lo en laspe teknik, les nou ava fer en dernyen evalyasyon final swivan bann konsiltasyon ki zot pou fer.  E apre nou ava vin avek proze final ki nou ava prezant avek distrik.  Mersi, Mr Speaker.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker,  2 pti keksoz. Minis sa meeting le 4 Out ki ou dir mon avek Lotorite Distrik la, ou konnen poudir an se moman dan distrik nou napa DA, annan zis sa Acting DA, Mrs Adolph ki pe rann nou en gran servis.

Me eski mwan mon ti a kapab ganny envite dan sa meeting ki pe fer le 4 Out?  Akoz zot tant pou kit mwan deor, mon pa konnen akoz si intentional si kwa mwan!  Zot pa pe envit mwan sa bann zafer, kantmenm i dir i annan konsiltasyon avek Lotorite Distrik mwan mon an deor mwan.  Zot zafer pe fer antre zot laba.  Mon pa konnen akoz, si i intentional. 

        Dezyenmman Minis eski pour lemoman i annan sa problenm koray dan lapas, napa en keksoz ki kapab ganny fer la dan limedya pou ki nou tir en pe sa koray dan lapas, pou ki peser pa ganny difikilte ek lanmer sek pou zot sorti avek zot bato.  Parski ki arive an se moman, si lanmer i tro sek dan pti mare la, zot bato i tap lo koray. Kekfwa zot kapab sorti bomaten nivo delo i o, letan zot antre aswar nivo delo in desann kot zot ganny difikilte ek sa bann koray.

Konmsi la pou lemoman nou pa kapab tir en pe koray dan lapas an atandan ki proze i konmanse, ki peser i a kapab pe ganny en landrwa apropriye pou zot kapab sorti avek zot bato?  Mersi Mr Speaker.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, Onorab mon pans pa si ti annan okenn lentansyon petet pou kit ou an deor okenn sa bann diskisyon, akoz mwan letan mon’n fer mon bann vizit laba an 2 repriz ou ti partisipe ,ou ti vini.   Me solman mon ava vwar, SFA i la i tann ou, son Chairman SFA ki osi interim CEO, i ava fer sir poudir whatever konsiltasyon nou kontinyen lo sa laliny parey nou ti’n konmanse originally.  E mon pa krwar i annan okenn rezon pou kapab, pou met ou an deor sa konsiltasyon.

Mr Speaker, konsernen dezyenm kestyon, mon krwar ki en keksoz ki nou ti vwar avek bann expert konsernen e mon krwar lefet pou anmenn masin dan sa landrwa ti pou en challenge an term petet lo en baz lanvironnman.  Me solman pou retir sa bann panten ki ti annan dan sa landrwa.  Mon krwar ki sa osi i ava en size ki sa tim ki pe vizite le 4 Out, zot ava fer le neseser pou zot kapab enn fwa pou tou regarde kwa ki posib, kwa ki posib, kwa ki pa posib, deal avek enn fwa pou tou.  E la mon krwar poudir formally mon krwar nou  ava, SFA vi ki SFA ki pe handle sa matter i ava envit ou pou sa meeting Mardi le 4 Out 10er bomaten.  Mersi Mr Speaker.

 

MR SPEAKER

Mersi Minis.  Nou ava al lo kestyon nimero 2.  Onorab Sylvanne Lemiel.

 

HON SYLVANNE LEMIEL

Mersi Mr Speaker.  Bonzour Minis avek ou delegasyon.  Bonzour tou dimoun.  Mr Speaker, mon kestyon i al koumsa, eski Minis i kapab dir sa Lasanble e osi zabitan Anse Royale, ki bann dernyen demars ki SFA ansanm avek son Minister pe fer pou finaliz bann proze lie avek Sekter Lapes pou Kominote Peser Anse Royale?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, pandan rankont konsiltativ ki Minister ek SFA ti fer avek Kominoter Peser pou rezyon sid, ek les Mahé ki enkli peser Kominote Peser Anse Royale diskisyon ti fer lo kontinyasyon plan devlopman lapes pou sa distrik ki pou enkli en nouvo ice plant sa lannen, ki ti pou ranplas sa enn ki egziste e osi en lasose ki pou ganny konstri an 2022.

Apre ki Minister in revwar sityasyon demann ice dan sa rezyon, swivan lenstalasyon en nouvo ice plant Anse La Mouche e an vi ki nou ti’n osi remarke en logmantasyon dan demann pou ice dan rezyon lavil, Minister ki SFA ti konzwentman pran desizyon pou enstal sa nouvo ice plant ki ti’n dezinyen pou distrik Anse Royale e met li Providence pou ede amelyor demann ice dan rezyon pou bann bato semi- endistriyel ek lezot ankor.

Sa ice plant Anse Royale menm si i vye, i ankor pe deservi sa kominote, me plan i touzour la pou ranplas li avek enn nouvo.  Civil works pou en nouvo masin ice in konplete.  SFA i garanti ki i pe fer prosedir neseser pou aste nouvo ice plant ki espekte ganny enstale avan lafen sa lannen.

An sa ki konsern proze lasose pou Anse Royale, SFA pe fer letid fezabilite e i pou retourn kot kominote Anse Royale pou diskisyon avan ki finaliz en plandaksyon konsernan sa proze.

Parey mon’n dir pli boner sa proze lasose pou konstri 2020 e a en kou anviron R8 milyon ki’n ganny bidzete provizwarman par SFA anba Fon Sectoral Support, finanse par Linyon Eropeen.  Mersi Mr Speaker.

 

MR SPEAKER

Mersi Minis.  Onorab Lemiel.

 

HON SYLVANNE LEMIEL

Mersi Minis.  Minis nou konnen poudir an asistan nou bann Kominote Peser i annan en bazar li menm ki ti ganny konstri, e sa par Fon EU.  Nou ti pe regarde akoz in annan demann par bann peser, nou vwar ki lakantite dimoun ki servi sa bazar li menm in konmans vin tro ptipti.  Nou ti pe regarde dan bann devlopman fitir ki ou pe mazinen ansanm avek SFA pou fer pou Kominoter Peser Anse Royale, eski zot pe mazinen pou agrandi sa bazar existing ki la.  Ler nou pe koz agrandi nou pe mazin mont anler.  Akoz nou konnen poudir atraver napa ankor lespas. Me selman mont anler, eski zot pe mazin nide fer sa?

Osi Minis nou annan tou nou bann peser letan zot pou bezwen met zot bato ater, pou netwaye, zot ganny bokou difikilte.  Lontan ti annan sa landrwa akote, konmela ki pe dir Cafe Royale kot zot ti servi sa larantre zot ti met zot bato ater pou kapab al fer netwaye.  Ozordi peser Anse Royale napa en landrwa pou pase, akoz son met in bar sa landrwa.  E bann dimoun i bezwen desann par Providence pou zot met zot bato lo en transpor mont avek Anse Royale, or wherever ki zot pe met ater pou zot netwaye.

Eski zot pe mazinen osi dan sa laliny pou ed nou bann Kominoter Peser sirtou bann ki annan bato, ki bezwen tire dan bann sirtou dan letan vandswet pou netwaye.  Eski i dan zot plan osi pou zot fer en  slipway? Akoz mon konnen dan nou plan devlopman Anse Royale ti annan en slipway osi ansanm avek sa jetty. Eski zot pe mazinen pou enkorpor sa de keksoz ansanm?  Oubyen ki nou pe mazin fer dan limedya la pou nou ed sa bann peser ki annan zot bato ki bezwen met ater?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, konsernan kestyon lo bazar se ki, mon krwar petet la SFA i ava regard posibilite pou vwar si i annan posibilite parey ou pe sizere pou azout petet en letaz lo sa bazar, an vi lespas. Mon ti fer en vizit laba mon panse lannen pase, e mon pe vwar kontrent lespas akoz i servi tou lede legim avek pwason.  E mon krwar ki nou bezwen fer keksoz about sa.   So, nou ava regard ansanm avek Minister Lagrikiltir SAA pou nou kapab deal avek sa.

Konsernan Mr Speaker, konsernan landrwa pou bann bato, sirtou peser artizanal kapab ganny en landrwa pou zot repar zot bato.  Mon kapab enform sa Lasanble konmkwa ki parey i annan dan plan konpreansiv ki nou, nou pe esper go ahead final avek Gouvernman, pou ganny en morso later Providence kot  reparasyon i ava ganny fer pirman pou bann bato artizanal, ki ava ede redwir zot kou a lavenir, avek zot bann travay ater ki i annan pou fer.

Me si non  Mr Speaker, ler mon’n regard plan ki ti annan orizinal konsernan sa lasose pou Anse Royale, mon krwar ti annan en bout avek ki ti annan pou fer avek son slipway e mon krwar sa osi i ava ganny konsidere.

Me pou limedya mon krwar ki si ti annan en landrwa ki ti apropriye dan Anse Royale kot petet kominote ti kapab ed nou idantifye, mon krwar poudir SFA ti pou pare pou li kapab antre pou nou kapab ed kominote e fer nou bann lavi nou peser en pti  pe pli fasil.  Mersi Mr Speaker.

 

MR SPEAKER

Mersi Minis.  Onorab Lemiel.

 

HON SYLVANNE LEMIEL

Minis mersi bokou.  Pou lenformasyon Minis avek SFA, wi i annan en landrwa aparan ki nou bann dimoun ti’n idantifye petet ki nou kapab servi pour lemoman pou zot kapab fer li konman en slipway tanporer.  Nou kapab dir pou lemoman.

So, petet nou ti a request ki nou organiz en vizit ansanm e avek Kominote Peser Anse Royale osi nou ale nou al vizit sa landrwa e nou tonm dakor, nou gete kwa ki ti kapab ganny fer dan limedya.

E parkont Minis avek sityasyon ki nou ladan COVID la, ou’n donn mon garanti ki an 2022 ou krwar sa proze lasose pe, i pou materyalize.  Akoz parey nou konnen i annan en bon pe letan i dan plan me selman nou pa’n tann nanryen lo la.   Me konmsi eski ou sir e serten ki 2022 nou pou vwar sa lasose pe konmans fer?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, enn fwa ki. Konsernan dezyenm kestyon, enn fwa ki letid fezabilite i konplete lo sa proze mon krwar nou ava konnen si wi, si non.  Avek bann legzizans lanvironnman, nou ava vwar enn fwa ki i dir nou wi. Parey mon’n dir se ki larzan pa en problenm pou sa proze, i zis ki nou, nou bezwen fer sir ki nou met tou bann lezot kriter.  Ok akoz anba Sectoral Support pou annan sifizaman larzan parey nou’n prozekte anba plan konpreansiv ti kle sa, ok?

        Mr Speaker, mon krwar ki SFA i ava pran kontak avek Lotorite Distrik e zot a kapab fer sa vizit parey Onorab pe demande pou idantifye sa landrwa e mon pa vwar okenn rezon si keksoz i an plas, later i pou Leta e tou, akoz nou pa kapab demare ase vit lo sa.  Mersi Mr Speaker.

 

MR SPEAKER

Mersi Minis.  Onorab Terence Mondon.

 

HON TERENCE MONDON

Mersi, Mr Speaker.  Bonzour Minis avek ou lekip.  Minis ozordi nou pe koz sa morso later, nou pe koz agrandisman bazar Anse Royale e ti annan sa morso later devan bazar ki bord avek lanmer, ki  a serten moman ti apartyen pou Leta.

Ki’n arive avek sa morso later?  E akoz i pa’n form par dan plan devlopman Anse Royale konman en dezyenm lavil?  Nou’n fer gran plan dezyenm lavil Anse Royale e ozordi nou pa’n prevwar morso later pou fer sa fasilite ki nou bezwen dan sa rezyon.  Mersi Mr Speaker.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, mon napa en kopi sa plan avek mon.  Me selman si mon pa tronpe, morso later depi kot bazar i ete ziske bor lanmer i pou Leta, si mon pa tronpe.  So, i pou Leta.

E as part of the plan se ki i annan bazar, ti pou annan son ice plant, son gear store, eksetera apre i debous lo lanmer e lanmenm la par devan kot ti pou annan son jetty ki pe ganny propoze, ok?  So, mon pa tro sir Mr Speaker ki morso later petet Onorab pe fer referans avek.  Akoz tou lendikasyon ki mwan mon’n gannyen se ki, kot nou le fer nou fasilite later i pou Leta.  Mersi Mr Speaker.

 

MR SPEAKER

Mersi Minis.  Onorab Flory Larue.

 

HON FLORY LARUE

Bonzour Mr Speaker.  Bonzour Minis ek ou delegasyon, bonzour tou dimoun.  Minis ti annan en development plan ki ti ganny lanse pou Anse Royale depi 2005, e sa development plan i liste bann fasilite lapes.  Ozordi nou 2020 – 15an apre.  I annan serten keksoz ki menm resaman la ki zot in promet ki ti en priyorite, ti annan pike lapas ki ti bouze, ki zot ti pou fer en keksoz about it.   E apre ti annan sa problenm ki letan i annan gro mare pre dan letan vandswet, peser pa kapab met zot bato pre.  I annan gro laroul zot ti pe promet pou fer en rock armoring, dan sa area la.  Sa 2 gran promes ki zot ti’n fer avek sa bann peser.

Slipway pou kapab fer monte bato i osi enn bann promes ki zot in fer en bon pe letan pase.  Akoz ki letan nou pe koz Lekonomi Ble e promot sa Lendistri Lapes dan son antyerte isi Sesel, ki nou pa ankor kapab fer bann keksoz debaz.  E mon krwar Onorab Henrie ti fer sa monte dernyen fwa letan nou ti pe loz lo Lekonomi Ble. Ki nou pa ankor kapab secure bann keksoz bazik pou nou bann peser.

Apre Mr Minis, mon ti a kontan demann ou atraver ou Mr Speaker lo kote later, sa bann later in ganny koupe an ti pti morso, i ti en sel plot li.  I ti’n ganny koupe an plizyer morso, e i annan later ki’n ganny lease. Sa bann later, sa enn par devan la,  wi i pou Gouvernman, me i lo en lease, en dimoun pe tenir sa lease.  Oli sa follow-up pou sey regarde ki pe arive ek sa bann devlopman lo sa bann later?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, mon krwar sa dernyen kestyon i pa neseserman pou mon Minister, i pou Minister ki responsab pou Later, akoz ki pe arive avek zot lease se Minister Later ki’n donn zot lease.

        Mr Speaker, mon pa krwar ki dan mon letan koman Minis pou Lapes mon’n fer promes pou en rock armoring pou Anse Royale.  Mon pa mon pa okouran sa.   E konsernan slipway, wi Onorab in raise sa issue slipway, Onorab Lemiel in lev sa issue slipway avek nou la bomaten  ki nou’n dir nou ava deal avek.

Me konsernan plan devlopman pou Anse Royale dapre dokiman ki mwan mon’n vwar se ki sel fasilite ki reste la, se pou nou met sa ice plant evidaman, apre pou nou fer sa jetty avek par devan i vin son slipway.  Larestan fasilite as fast ki mwan mon’n vwar lo sa plan in konplete.  So issue rock armoring Mr Speaker, mon pa tro sir kote i sorti akoz menm lo sa plan mon pa pe vwar, mon pa’n vwar sa issue rock armoring.  Mersi Mr Speaker.

 

MR SPEAKER

Mersi Minis.  Onorab Larue.

 

HON FLORY LARUE

Mersi Mr Speaker.  Mr Speaker, Minis in dir nou ki devlopman later fodre pa son Minister ki deal avek.  Me solman sa Gouvernman pe vann nou en plan ki apel Blue Economy.  Zot dir nou koumsa ki antre zot, bann Minister zot bezwen diskite pou kapab prezant sa plan e fer li marse.  Si la letan in vin koz devlopman bann fasilite pou peser dan distrik Anse Royale, Minis i dir nou ki sa MLUH, MHILT ki bezwen deal avek. Ki mannyer nou kapab konpran kisisa ki pou arive Anse Royale, si zot pa ankor kapab diskite ki zot pou fer lo sa bann later.  Zot bezwen aware. 

Akoz sa area la ti’n ganny demarke en bon pe letan pase pou devlopman lapes, pou distrik Anse Royale e sid Mahé.  Alor oli sa kominikasyon pou fer nou konpran ki tou sa ki pe dir nou la pou arive, akoz plan devlopman Anse Royale 2005 i annan.  Ki sa ki fer nou krwar la nou ganny en slipway, nou pou ganny sa bann fasilite letan for years zot pe koz lo la e zot ankor pe koz lo la.  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, as far as lenfrastriktir kot lapes i konsernen mwan mon pe donn mon garanti ki within mon manda atraver SFA ki nou, nou pou delivre, ok ? 

        E lo konsernan Anse Royale, bann later, ki pou arive avek, eksetera.  I annan sa land use plan, ki’n fer pou Anse Royale.   E i kler dan  sa land use plan Gouvernman i konnen ki i pe fer li, tre byen.  E sa land use plan atraver sa land use plan i annan tou sa bann demarkasyon pou bann landrwa komersyal, ek lezot fasilite.

In demark sa landrwa kot nou pe fer referans avek pou Sekter Lapes e Sekter Lapes pe operate from sa landrwa ki’n ganny demarke atraver tou son bann lezot fasilite ki pe ganny fer.

Anmezir nou ale nou ava vwar ki mannyer pou amelyore.  Mwan ki mon’n reponn ou boner Onorab, wi nou koze, nou en Gouvernman ki koze. Me solman mon’n dir ou konsernan status lease sa bann dimoun endividi ki’n ganny sa bann morso later, mon pa dan en pozisyon pou mon donn ou akoz i an deor mon portfolyo.  Mersi Mr Speaker.

 

MR SPEAKER

Mersi Minis.  Onorab Lemiel.

 

HON SYLVANNE LEMIEL

Mersi Mr Speaker.  Minis mon le remersye ou pou garanti, petet ki ou pe donn nou.  Akoz la nou konnen pandan sa letan COVID ki nou ladan, Sekter Lapes in vin enn ki vreman enportan.

E Kominote Peser Anse Royale, zot pe zwe en gran rol zot osi dan provizyon manze pou nou distrik e dan larezyon.  Parkont Minis, mon annan land use plan Anse Royale devan mon lo mon lekran ki ladan antye sa bout later konmansman bazar ziska bor lanmer i pou Gouvernman.  E ladan ti’n dir pou annan en fish and vegetable market ki sa in fini konstri ki nou pe demann   si kapab extend. 

I annan en fish store and toilet ki sa i deza la an plas.  Sa ice plant ki nou vwar son fondasyon in fini konmans konstri ater pe esper pou monte.  E ki ou’n dir nou sa byento i pou konplete.  E apre i annan sa proposed jetty avek slipway ki pran depi sa bout kot Onorab Mondon ti pe nonmen, i anmennen ziska bor lanmer. So, mwan mon ti a kontan Minis ki Lotorite Distrik Anse Royale i ganny kit azour a tout devlopman ki i annan konsernan Sekter Lapes pou distrik Anse Royale. Nou konn tou keksoz ki pe pase e ki nou osi ki nou ava kapab pas bon lenformasyon avek nou Kominote Peser.  Mr Speaker, mon dir ou mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, evidaman se ki i kler ki nou bann peser pe fer gran kontribisyon dan nou lekonomi, nou pa kapab overlook sa.  Mon krwar ki lanfaz lo lapes i tre enportan, nou’n konmanse depi avan e la nou pe met plis lanfaz lo la.  E mon krwar ki volonte pou nou kapab fer keksoz vit i la, me malerezman avek bann konstrent an term sanzman klima ek bann lezot evalyasyon ek bann feasibility study ki devret ganny fer, se sa bann keksoz ki malerezman i met nou plizyer retar.

Si ti napa sa bann keksoz ki bezwen ganny fer e mon respekte i bezwen ganny fer akoz i enportan pou nou pei ki sa i ganny fer,  then mon krwar ki lenplimantasyon tou sa bann proze ki nou, nou ti a swete fer ti pou al bokou, bokou pli vit.  So mon krwar ki Mr Speaker, se ki mon donn garanti konmkwa ki nou pou fer fason ki sa ki reste pou fer Anse Royale nou ava fer li parey mon donnen dapre bann dat restriktiv. Mersi Mr Speaker.

 

MR SPEAKER

Mersi Minis.  Minis an vi ou deza la mon’n re organiz en pti pe lord kestyon, nou pou pran sa Urgent Question pou ou, ki ler nou ava fini avek ou nou a kapab eskiz ou parmi nou.

Alor mon ava call on Onorab Clifford Andre pou li poz sa Kestyon Irzan pou Minis.

 

HON CLIFFORD ANDRE

Mersi Mr Speaker.  Bonzour Minis avek ou delegasyon.   Minis mon kestyon i lir koumsa, eski Minis i kapab enform sa Lasanble e Kominote Peser Anse Aux Pins, kan sa bazar Anse aux Pins pou konmanse e si parey in deza dir; (1) Eski larzan in pare pou sa proze e konbyen i annan pou fer sa bazar e lezot fasilite dan sa rezyon?

Dezyenm eski Minis i kapab en fwa pou tou enform sa Lasanble lekel ki pou responsab sa proze ant lakonpannyen 2020 Development Seychelles Limited ou son Minister?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mersi Mr Speaker.  Mr Speaker, travay lo bazar Anse Aux Pins ki pou deservi peser Kominote Anse Aux Pins e osi Au Cap i sipoze konmanse tre byento.  Depi mon dernyen lentervansyon isi dan Lasanble an relasyon avek en kestyon similer par Onorab Andre, in annan plizyer rankont teknik ant mon Minister, SFA, lakonpannyen Devlopman 2020, Departman Transpor, SLTA, e PUC.  Sa proze in ganny retar akoz serten konplikasyon lo teren kot i konsern krwaze semen kot pou antre e sorti Ile Soleil ki pe ganny antreprann par konpannyen Devlopman 2020. 

        I annan plizyer konplikasyon avek design sa semen an relasyon avek proze devlopman pou peser Anse Aux Pins.  Sa i konsern prensipalman lalinyman semen sorti Ile Soleil pou al ver sid e akse ek bazar e lezot fasilite par transpor ki pe mont direksyon Anse Aux Pins.

Mr Speaker, sa later kot bazar e lezot fasilite peser pou ete i pa en tro gran landrwa e plasman bazar e bann lezot fasilite i depan antyerman lo lalinyman semen.  Nou’n oule asire ki nou ganny maksimonm lespas ki nou kapab, pou fer sir ki peser Anse Aux Pins e peser Au Cap i ganny tou fasilite posib ki nou’n agree, planifye pou zot an vi ki sa lalinyman semen i debord lo teren kot devlopman fasilite lapes ti pou ete.

An konsekans in bezwen annan revizyon sa plan, sa plan semen par lakonpannyen Devlopman 2020, SLTA devlopman transpor an relasyon avek demann Lotorite Lapes Sesel, lo bezwen peser e kominote e osi pou fer sir ki sa semen pa afekte akse pyeton e motoris ler zot pe vin kot bazar.

An plis ki sa, PUC in annan son bann kab 33  kilowatt ki’n ganny enstale pa bokou letan pase, ki ti osi pe fer ki plan lalinyman semen ti bezwen reganny sanze ankor enn fwa vi ki PUC ti averti ki lalinyman nouvo plan semen i afekte akse avek son bann manhole e ki merit reste lib a tou moman.  Sa ti fer ki lalinyman semen i bezwen reganny revwar e an konsekans proze bazar peser osi ti osi reganny design an relasyon avek lamannman ki’n annan lo lalinyman semen.

En dernyen site visit ti fer 2 semenn pase par tou lotorite konsernen e sa proze e desizyon final in fini ganny pran.  An vi ki sa design semen pou al dan direksyon sid, e bout ki pou antre kot bazar i prezan fini ganny aksepte par tou lotorite konsernen, SFA i an se moman pe finaliz plasman lenfrastriktir lo later ki reste avek zot arsitek.  Ki enkli bazar e lezot fasilite ki enkli ice plant, en gear shop, en biro pou zot zofisye SFA  e Lasosyasyon Peser Anse Aux Pins.  Fasilit pou slip bato, pontoon, ek pos sekirite pou sekiriz landrwa, fasilite twalet.  E osi en fasilite laboutik pou vann frozen pwason parey ti ganny agree ek Kominote Peser dan sa rezyon dan dernyen rankont konsiltativ.

Mr Speaker, dapre lenformasyon ki SFA in donn mwan, nou espekte ki sa proze bazar ek son bann lezot fasilite a kapab konmanse ver Oktob sa lannen e konplete ver Mars lannen prosenn.

Kestyon konsernan finansman sa proze Mr Speaker, R10 milyon in bidzete anba Sectoral Support ki nou’n ganny avek Linyon Eropeen anba Lakor Lapes pou finansman bann tel fasilite, pou ed nou bann peser artizanal, parey ti’n planifye anba plan konpreansiv pou lapes.

Mr Speaker, lo sa dernyen kestyon Onorab lo lekel ki pou responsab sa proze?  Mon kapab asir sa Lasanble ki proze bazar e bann lenfrastriktir pou peser i tonm anba responsabilite SFA e sa pou ganny antreprann par sa lotorite li menm.

Par kont proze sa krwaze semen pou antre e sorti Ile Soleil sa pe ganny antreprann par lakonpannyen Devlopman 2020, parey mon’n deza eksplike plizyer fwa avan.  Mersi Mr Speaker.

 

MR SPEAKER

Mersi Mr Minis.  Onorab Andre.

 

HON CLIFFORD ANDRE

Mersi Mr Speaker.  Mersi Minis pou ou repons. Minis mon konpran ou larepons ki ou pe dir, me an Oktob, le 15 Oktob 2019, ou ti dir nou preski menm zafer.  Mon ava site ki ou ti dir letan mon ti demann sa kestyon. ‘‘Nou espekte, la ki nou’n fini sort out enn de bann diferans ki nou ti annan konsernan re alinyman semen ansanm avek 2020, ki by Vandredi savedir le 15, 16, 17, 18, le 19 Oktob 2019, nou ava ganny sa plan final. E ki la prezan, nou dan en pozisyon pou nou ganny laprouvasyon avek Lotorite Plan, pou nou kapab proceed avek sa proze, ki an prensip ti napa gran lobzeksyon.  Ti napa neseserman lobzeksyon lo sa. Ok.’

Minis, konmsi sak fwa nou vini, i annan en re alinyman semen ki ganny fer avek sa proze. Mon pe sey konpran si finalman, oubyen pou annan en pwen final,  kot sa re alinyman semen ant 2020, avek SFA, pou ki peser Anse Aux Pins i ava kapab. Oubyen zabitan ki reste dan sid, i ava kapab finalman ganny en bazar.  Kot zot kapab arete, i ava annan parking, zot pa a bezwen aret lo semen. E ki i ava redwir konsesyon trafik dan sa rezyon. Premye.

Dezyenmman Minis, sa slipway ki ou’n dir osi dan progranm, mon konnen SFA i konnen ki poudir a ler aktyel, pe koz domaz lo bann bato peser ki servi sa slipway. Akoz, dapre mon’n ganny fer konpran, i pa gradual e i pa al dan delo.  I annan en nespes, konmsi i vin en kare, i slip.  Prezan letan zot pe monte, zot bato i tape, e i andomaz zot bato.  Ki, antretan ki, mon pa konnen si pou annan en lot re alinyman semen. Antretan ki sa nou pe espere, eski Minis i kapab enform sa Lasanble, avek kominote peser ki pou ganny fer pou ki zot pa ava annan domaz ki ganny koze avek zot bato? Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, konsernan sa issue slip way, mon osi swivan mon vizit ki mon ti fer kot bann peser laba lannen pase. Mon’n konstat sa, poudir petet i pa alaoter, petet nou ti ava panse, i ti pou ete. E SFA in donn mon sa garanti, konmkwa ki zot pou al fer serten amelyorasyon lo sa slipway. Sa slipway parey i ete la Onorab, mon dakor ek ou, i pa neseserman safe. E nou espekte poudir SFA i bouz ase vitman, antretan ki proze li menm li i komanse, ki i annan amelyorasyon avan ler nou ganny lezot konplikasyon.

Mr Speaker, retar pou sa proze la, ou konnen i toultan nou swe, e ler mon vin la dan Lasanble mon fer serten commitment, la, mon pouse pou fer sa bann keksoz arive, pli vit posib parey nou’n dir i pou arive, fer nou mye. Me malerezman parfwa ki anmezir ou pe pouse, lezot konplikasyon i leve. Mon donn serten garanti, wi mon ti donn serten garanti an Oktob lannen pase. Akoz mon ti’n fini vwar apre tou nou konsiltasyon, poudir sa proze pe al komanse.

Me apre ki nou’n vwar, ok, 2020 in komans son proze li. Ki byen in komans son proze. Me, ler ou konnen poudir ou’n komans serten proze, an mezir letan proze i komanse, i annan, parfwa i annan serten reazisteman ki arive avek proze letan in komanse lo zot kote. E vwala kot ti egzize poudir i annan serten sanzman avek aliman osi ki proze SFA pe vin fer.  Ou konpran?  Nou ti a swete.

Apre orizinalman lannen pase nou pa ti neseserman annan sa issue cab PUC. Ki ti pou en issue. Akoz zot pa ti ankor neseserman, si mon memwar i bon.  Pa ti ankor neseserman pou fer li pas dan bann manhole anba.  Ok, anba later parey nou dir. Dan bann ducting.  Me solman, lefe i reste se ki, swivan ler pou nou al egzekit proze, pou nou kapab, parey mon’n donn sa commitment, nou’n vwar sa bann lezot konplikasyon. E vwala ki nou, nou bezwen fer sir ki nou re aziste proze en accord avek sanzman ki pe annan lo teren.  I pa en keksoz ki nou zis vini, nou vin promet Mr Speaker.  Mon volonte pou fer li, i ti nou swe ki at least boner sa lannen, sa proze ti an konplete. Me malerezman, sa bann retar i vin akoz sa bann sanzman teknik ki arive lo teren.  Mersi Mr Speaker.

 

MR SPEAKER

Mersi Minis. Onorab Andre.

 

HON CLIFFORD ANDRE

Mersi Mr Speaker. Mr Speaker, mon ti a kontan demann Minis, pou fer mwan koman MNA Elekte Anse Aux Pins, ganny en kopi sa plan. Pou mwan gete sa modifikasyon ki’n annan, ki’n pran nou plis ki 2an pou nou kapab realiz sa prose. Limero 1.

Limero 2, Minis in dir nou, PUC bann cab ki pas dan bann manhole,  me PUC in ganny reprezante par en Minis lo Cabinet li. E ou ti dir nou dernyen fwa letan mon ti demann ou si i annan 2 plan. Ou ti dir nou, non napa 2 plan.  Ti annan enn ki ti pou semen 2020, avek lot ti pou bazar, ki ti’n vin kot Cabinet, e ki zot ti’n aprouve.

Mr akoz sa Minis ki responsab PUC, pa ti’n kapab lev bann konsern dan Cabinet, letan sa proze ti pase?  E osi kot Planning Authority, letan en proze i ganny soumet Lanvironnman i ganny konsilte, PUC i ganny konsilte. Tou lorganizasyon ki responsab oubyen ki annan keksoz pou fer avek sa proze, i ganny konsilte. Me akoz PUC pa ti anvoy son bann konsern avan? Konmsi kan in komans anvoy konsern li?  Kan ki PUC in vin en issue ladan? Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, plan final pou Anse Aux Pins, sa enn avan, pa ti ankor neseserman ariv kot Planning. Akoz, i ti ankor pe fer bann negosyasyon lo nivo teknik ant bann lazans konsernen, SLTA, Departman Transpor 2020, avek PUC. So, pa ti ankor neseserman ariv laba.  konsernan 2 plan, wi ti annan 2 plan avan. Akoz orizinalman, prey letan nou ti fer meeting konsiltativ, ti annan en plan ki avan 2020 ti’n vin avek konsernan serten fasilite debaz. Ki letan nou ti diskite avek ou, e osi avek Onorab Pillay sorti Au Cap.  Nou ti fer serten modifikasyon pou annan lezot improvement lo la.

E Mr Speaker, SFA napa okenn lobzeksyon. Akoz plan final, ki fek tonm dakor 2 semenn pase. Nou sipoze gannyen ozordi, e osito ki SFA i ganny sa, napa okenn obzeksyon pou nou kapab donn nou en kopi sa plan Onorab.  Mersi Mr Speaker.

 

MR SPEAKER

Mersi Minis. Onorab Flory Larue.

 

HON FLORY LARUE

Mersi Mr Speaker. Mr Speaker, ankor nou vwar kot kominikasyon entern dan Gouvernman, i fer ki en proze kominoter ouswa menm pou sid Mahe, akoz kot Anse Aux Pins i ete, bokou dimoun i pas atraver la pou al dan sid Mahe.  Nou vwar ki en kominote antye, ek en demi popilasyon Sesel i ganny afekte, letan en proze i ganny delay. Savedir there’s a cost.  I finansyel, me solman i annan en kou lo kote lavi dimoun letan en proze i trennen koumsa, i hinder devlopman, e i hinder ki mannyer en dimoun i kapab enplimant en keksoz nouvo, pou li kapab devlop en keksoz ki i le komanse, sirtou dan Sekter Lapes.  Alors dir nou si ziskan la, ziskan Oktob, avan eleksyon i fer, si zot santi kekfwa zot pou kapab improve en pe kominikasyon pou kapab konplet en bout sa proze? Pou kapab donn dimoun en hope, ki kekfwa zot kapab war sa terminen.

Apre letan ozordi nou dan COVID. E pos COVID, Gouvernman pe dir nou ki nou bezwen konsonm lokal, nou bezwen get nou sekirite alimanter.  E la kot en bazar, ek bann prodwir ki ganny vann, dan a bann keksoz koumsa, i annan en gran bezwen pou nou kominote. Kan ki zot pou met en lanfaz pou fer li en priyorite? Letan nou pa kontinyelman aste manze ater, ouswa zot krwar ki zot pou kapab fer keksoz pou dimoun kapab aste prodwir dan en fason respektab lo en bazar ki’n fini fer?  Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, i pou sa rezon ki otan ki posib avek nouvo plan ki Minister ek SFA in vin avek, ki nou pe fer en fason ki pou nou amelyor lizyenn, kot tou nou bann lavant pwason pe ganny fer atraver pei. I annan en model ki SFA in, i annan apepre 7, 8 mwan, ki’n devlope. E sa model ki nou pou al enplimant le en pe partou dan pei kot pwason pe ganny vann. Pou ki pwason i aret ganny vann ater. E premye landrwa kot nou espekte kapab enplimant sa, se lo proze La Retraite ki sipoze fini tre byento.

Enn fwa ki sa i ganny enplimante, sa i ganny rollout. Kot nou pa espekte gradyelman, lo baz gradyel, dimoun pou bezwen arete vann pwason, e lezot keksoz manze ki zot pe vann. Ki mon dakor avek ou Onorab, i pa izyenik ditou. E nou espekte tre byento ki sa, anmezir bann proze i roll out, sa i ava arete. I en pratik ki a kapab ganny arete. Mersi Mr Speaker.

 

MR SPEAKER

Mersi Minis. Onorab Audrey Vidot.

 

HON AUDREY VIDOT

Mersi Mr Speaker. Bonzour Mr Speaker, Minis ek ou delegasyon. Tou Manm Onorab e tou dimoun ki a lekout. Minis mon’n ekout byen ou bann larepons depi bomaten espesyalman lo size kestyon Onorab Andre.

Ou’n fer resorti ki i ou Minister atraver petet SFA ou lezot ou bann Lotorite ki tonm anba ou Minister, ki responsab pou byensir fer bann proze peser pou vann pwason e osi bann bazar. E mon konnen dan lepase osi zot in travay osi avek sekter prive pou byensir fasilit serten bann distrik pou annan bann tel lenfrastriktir.

Letan ou’n dir ou pe travay lo, zot pe vwar ki mannyer zot osi zot kapab anpese, ki bann peser oubyen bann dimoun ki vann zot prodwi obor semen, mwan mon annan en demann pou mwan fer avek ou atraver Gouvernman avek ou bann koleg Minis. Mon konnen poudir Gouvernman i annan bann diferan lazans ki annan bann enforcement, ki zot kapab fer serten travay.

Aktyelman ozordi zot kapab fer serten travay, me selman zot pa pe fer li. E ler zot pa fer zot louvraz i kree en lenkonvenyans pou plizyer sa bann distrik tel parey Anse Aux Pins. Mon pa pou al lo mon distrik akoz mon konnen mon bezwen reste dan kestyon orizinal, be i en konsern pou tou sa ban distrik.

Alors mon pe demann avek ou Minis, koz avek ou bann koleg Minis. Dir zot, bann ki responsab, dan sa letan COVID nou konnen i en problenm letan dimoun i groupe.  Pou zot pa arete partou, blok semen pou zot aste zot prodwi. E zot tou zot ansanm napa social distancing. I en problenm, i en konsern ozordi dan sa sityasyon ki nou ladan.

Alors dir ou bann koleg fer zot bann zofisye konmans fer en pe travay pou adres sityasyon.  E byensir zot bezwen osi kot ou Minister fer levanter dan ou bann distrik, regarde. I annan landrwa kot i annan fasilite pou vann zot bann prodwi, zot pa pe servi. E i vin en problenm.  Mon kapab konpran ki kontrent Anse Aux Pins i pas atraver akoz mon osi mon pe pas ladan. Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, mon krwar ki mon bann koleg Minis oubyen son bann teknisyen i tann nou, e mon krwar zot pe pran notes sa ki Onorab in fer sorti.

Mon krwar mon kapab konpran kote Onorab pe ale, me selman i an deor kestyon parey Onorab in dir ki’n ganny demande ozordi. E mon krwar wi sa kolaborasyon fodre i egziste e mon krwar ki definitivman nou bezwen ogmant lavites osi ki nou fer keksoz, akoz i annan serten proze ki mon krwar i ase kritik.

E mon krwar sa issue parey mon’n dir boner an referans avek kestyon avan ki Onorab Larue in demann mwan, se ki mon krwar sa bann keksoz koumsa ki depi lontan nou devret pe adrese.  E non pa zis la e mon krwar pou tro lontan petet nou’n zis les li lanmenm les zot, les dimoun kontinyen vann pwason lo bann crate ater, lo bann keksoz ki pa izyenik ditou.  E mon krwar ki enn fwa pour tou, nou bezwen monte fer fason met an plas bann proze apropriye pou fer sir ki sa bann pratik i arete.  Mersi Mr Speaker.

 

MR SPEAKER

Mersi Minis. Onorab Waven William.

 

HON WAVEN WILLIAM

Bonzour Mr Speaker. Bonzour Minis avek ou lekip. Bonzour tou dimoun ki a lekout. Mr Speaker, mon kestyon i comme swivan ;- Minis an relasyon avek bazar Anse Aux Pins, mon pa konnen kan ki zot ti fer prozeksyon vizavi konbyen i pou koute sa proze.

E par lefe ki yer swar nou’n tann Gouverner Labank Santral e lezot bann serten bann stakeholders dan sekter prive pe konplent par lefe ki pri materyo konstriksyon pe monte.  E par lefe ki ou nonm 10milyon si mon pa tronpe ki’n ganny bidzete pour sa proze.

Eski zot in fer en legzersis ozordi sirtou avek sa sityasyon COVID ki nou ladan prenon kont pri ki pe monte, eski premyerman, SFA i santi poudir a ler aktyel zot annan kapasite prenon an kont bann plizyer bann mezir ki Gouvernman in pran vizavi bann travayer?

E an menm tan nou konnen ki pri pe kontinyelman monte, eski i santi poudir sa letan, letan zot ti fer sa prozeksyon ozordi sa larzan i pou sifi?

E dezyenmman Mr Speaker, an relasyon avek kestyon ki’n monte Anse Royale la Anse Aux Pins, mon anvi demann Minis par lefe ki Minis Finans in dir ki zot pe revwar lafason ki zot pou enplimant bann proze, eski ou Minister osi pou montre poudir i annan mon kapab dir sa kominikasyon?

Eski ou kapab enform sa Lasanble ki zot osi zot pe revwar en pti pe dan lafason ki bann proze pour ganny fer par lefe ki i annan bokou presyon lo deviz? E eski nou pou met priyorite lo bann proze ki pe ganny finansman aletranze kontrerman avek bann ki pou met presyon lokalman lo nou resours deviz?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, petet pour reponn kestyon Onorab en pe pli byen. Se ki tou bann larzan ki SFA pe servi pou fer proze lo nivo distrik, byen nou ti fer nou plan konpreansiv an 2018, e sa bann proze i deza ladan.

E tou sa bann proze i bezwen ganny kouver anba Sectoral Support, anba fon EU, parey Protokol ki zot in aprouve 2 mwan pase. Se ki i annan omwen pour sa lannen €2.8milyon ki pou al ver bann poze ki pou siport Sekter Lapes anba Sectoral Support.

So, wi nou annan diskisyon avek Minister Finans akoz i pa pe ganny fer an izolasyon. Me solman anmenn tan nou konsyan ki sa bann larzan in ganny designated pou serten purpose.  Setadir pou nou ed nou bann kominote peser e se sa rezon ki sa larzan pe ganny servi pour sa.

Dezyenmman Mr Speaker, eski sa Bidze pour sifizan, mon krwar pou tim SFA i ava asize enn fwa ki zot fini ganny plan final ozordi e ki i ava fer en proper assessment pou zot fer en assessment lo valer sa proze.

Whether 10milyon pou ase oubyen non, oubyen petet osi nou ekspekte, mwan mon ekspekte ki proze i ganny fer dan son totalite.  Me si non baze lo zot kontrent bidzeter si zanmen zot annan, then zot ava regard priyoriter an term tou sa ki nou’n promet zis pou nou fer sir ki nou improve fasilite lavi nou bann peser. Mersi Mr Speaker.

 

MR SPEAKER

Mersi Minis. Onorab William.

 

HON WAVEN WILLIAM

Mr Speaker, mon anvi demann Minis baze lo son larepons eski Gouvernman li lo sa proze spesifik i pa pe fer okenn kontribisyon monneter? So, nou pe konpran ki zis Linyon Eropeen ki pe finans sa proze? Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker letan i sa proze ti ganny konsevwar nou ti ekspekte ki tou larzan ti pou sorti anba Sectoral Support EU. Mersi Mr Speaker.

 

MR SPEAKER

Mersi Minis. Onorab Sandy Arissol.

 

HON SANDY ARISSOL

Mersi Mr Speaker. Bonzour Minis avek ou delegasyon, bonzour tou Manm a lekout. Mr Speaker, mon premyerman mon ti a kontan prezant mon dezapwentman avek Minis, avek Gouvernman an relasyon avek bann proze ki konsern bazar dan bann distrik, zis parey nou’n aprann poudir Anse Royale i pe al lo 15an depi MNA, bann ki’n sortan bann ki’n vini in rod bazar.

Anse Aux Pins mon apel lannen pase parey Onorab Andre in dir, menm kestyon ti ganny demande e menm larepons in ganny donnen. E la nou’n ganny dir an Oktob sa lannen ki bazar pou demare.  So, mon ti a kontan demann Minis fransman, eski Gouvernman Minis zot annan sa bann zabitan distrik aker?

Eski Gouvernman zot annan en plan pou kontinyen avek bann lenfrastriktir dan distrik? Reprezante par bann MNA? Eski Gouvernman i annan letan pou li kontinyen fer bann proze ki neseser dan bann distrik?

Dezyenmman mon ti a kontan demann Minis, eski    SFA zot annan kapasite ozordi pou zot kapab delivre?  Akoz letan nou pe koz SFA la letan nou pe koze mon aprann poudir fungus pe manz zot building avek zot staff.

E zot staff pe kriy lasasen ni zot health officer, ni zot CEO, ni Depite CEO pa pe fer nanryen pou bann staff SFA. E sa pou sa rezon

 

 

MR SPEAKER

Onorab, Onorab kestyon i lo Anse Aux Pins.

 

HON SANDY ARISSOL 

Kestyon i lo Anse Aux Pins, bazar Anse Aux Pins. Eski staff ki travay avek SFA zot annan kouraz pou zot kapab delivre bazar Anse Aux Pins parey kestyon pe demande letan fungus pe manz zot?  Mersi bokou.

 

MR SPEAKER

Mersi Onorab. Minis.

 

MINISTER CHARLES BASTIENNE 

Anyway, Mr Speaker. Onorab pe dir Anse Royale, pa’n fer nanryen.  Anse Royale mon krwar nou’n eklersi, Onorab in reiterate lefe poudir i annan plizyer keksoz ki’n ganny fer Anse Royale. I annan serten keksoz ki ankor pe ganny fer e i annan prosedir ki bezwen ganny swiv.

Gouvernman i committed pou delivre lo, mon annan en lalis proze ki ti dan plan konpreansiv. Ki sa letan ti pou ariv nou en sonm R78 milyon. Nou committed pou nou devre lo la.    I pa en lalis ki’n sorti anler in tonm ater, me en lalis ki’n ganny byen planifye, in ganny byen konsilte avan ler ki nou nou’n kapab vin avek sa lalis, Mr Speaker.

Nou committed pou fer li, me parwa parey mon’n eksplike i annan bann keksoz ki an deor nou kontrol, ki anpes nou fer li e fer li e fer li lavites ki nou ti a swete fer li, Mr Speaker. Akoz fransman pou mwan, koman Minis ki responsab pou Lapes, sa bann target ti napa okenn rezon akoz pou nou pa achieve sa bann target, zot tou zot ti achievable. Me malerezman i annan bann lezot keksoz, bann lezot kontrent ki come up ki i annan pou fer avek lanvironnman ek lezot keksoz ki met nou retar.

Me nou bezwen swiv e respekte desizyon lezot lotorite, akoz si non demen nou ava fer keksoz kot nou.  Si nou ale nou al fer lo nou menm apre nou pou war nou pe zis zet larzan. So nou bezwen kalkil li tre byen.

Mr Speaker, konsernan SFA eski i annan resours neseser. SFA kot i annan mankman i outsource. I outsource par egzanp mon konnen pou proze Anse Aux Pins architect in ganny outsource pou kapab fer sa proze.

So, sa ki zot napa zot outsource, zot annan finansman pou zot kapab fer li. Mr Speaker, nou annan nou bann zabitan a ker nou, nou annan nou bann peser a ker, nou la nou pe travay pou zot, nou pe fer nou mye pou zot, parey mon’n dir avan.

Me solman petet mon konnen la mazorite zot konpran sa bann pti retar ki nou gannyen, i vre parfwa nou vin devan nou dir nou pou achieve serten target me nou pa achieve li petet dan 6mwan, dan 1an. Me nou pou achieve li dan prosen 1an pa plis ou kwa.

Me solman lanvi pou nou fer li e nou pa pou vini pou nou fer promes kot petet nou konnen nou napa finansman. Nou vin fer promes dapre nou abilite pou nou finans sa bann proze.  Mersi Mr Speaker.

 

MR SPEAKER

Mersi Minis. Onorab Andre.

 

HON CLIFFORD ANDRE

Mersi Mr Speaker. Mr Speaker, Minis in dir nou Oktob sa proze pou komanse.  E letan in reponn Onorab Vidot in dir ki nou pa kapab esper sa bann letan koumsa me nou bezwen fer proze a lonterm letan i neseser pou fer.

E parey Onorab Arissol in dir mon osi mon dezapwente avek lafason keksoz in ganny fer pou sa proze Anse Aux Pins. Eski Minis i kapab dir nou ki Oktob pa’n ganny mete akoz i annan eleksyon prezidansyel.  Poudir avek peser Anse Aux Pins, gete nou pe fer en bazar pou ou alors nou pe servi sa koman en kanpanny politik pou zot dir vot pou en parti oubyen pa vot pou lot?

Eski Minis in dir ki poudir, osi in annan keksoz ki’n antre o fir anmezir, eski sa i pa montre lenkonpetans sa setup ki egziste pou ki bann komanter pa ariv atan letan en proze i ganny konsevwar. E i esper letan proze in al tro bokou letan e lespwar in ganny perdi dan sa proze.  Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE 

Mr Speaker, i paret mwan malgre ki mon’n fer mon mye pou mon donn leksplikasyon akoz sa retar lo sa proze, still petet Onorab pe dir i dezapwente.  E mon krwar ki, mon krwar si ou ti ekout byen bann sekans mannyer bann keksoz in deroule, mon krwar ou ti ava vwar poudir i pa en keksoz ki pa neseserman anvi pa fer, me selman i zis ki sirkonstans mannyer i ete.

Mr Speaker, Oktob dat SFA ki’n donn mwan.  Mon pa konnen si SFA i dan politik li osi.  Me selman Oktob se SFA ki’n donn mwan, i baze lo zot dat prenon kont approval Planning, prenon kont procurement, prosedir tender, SFA in dir mwan Oktob.

So, i pa en dat ki mwan ki’n vin avek ok?  So, koman en body otononm se SFA ki’n donn mwan sa dat.  Mersi, Mr Speaker.

 

MR SPEAKER

Mersi Minis. Bon nou ariv a lafen kestyon pou Minis Charles Bastienne mon ti kontan remersi Minis avek son delegasyon. PS Talma e Acting CEO Bonnelame. Minister nou ava eskiz ou dan Lasanble Nasyonal.

 

(MINISTER BASTIENNE AND  HIS DELEGATION WAS EXCUSED FROM THE HOUSE)

 

MR SPEAKER

Bon nou pou break la, nou pou adjourn pou nou pran break e nou pou retournen 10.50 pou kot nou ava rankontre Minis Jeanne Simeon. Minis responsab pou Ledikasyon avek Devlopman Resours Imen pou son 2 kestyon. So, nou retournen 10.50.

 

(BREAK)

 

MR SPEAKER

Bon nou ava kontinyen nou travay.  mon ti a kontan dir bonzour e welcome Minis responsab pou Ledikasyon avek Devlopman Resours Imen Mrs Jeanne Simeon.  Minister i akonpannyen par Dr Odile De Comarmond ki Principal Secretary pou Early Childhood Primary and Secondary Education.  Mr Jones Belmont ki Konsiltan pou bann Capital Projects e Mr Cyril Pillay ki Direkter Zeneral pou Early Childhood and Primary Education. 

        Minister avek ou delegasyon bonzour e welcome dan Lasanble Nasyonal.  Nou ava al direkteman lo kestyon e mon ava pas laparol avek Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Kestyon i lir comme swivan;- an vi konstriksyon nouvo lekol La Rosiere ti ekspekte komanse depi 2009 e ti’n merit fini konplete ozordi, eski Minis responsab pour Ledikasyon i kapab donn en kontrandi Lasanble Nasyonal lo bann defi ki sa Minister pe fer fas avek ziska la pou konplet sa proze?  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Bonzour Mr Speaker, bonzour Onorab Leader Lopozisyon, bonzour tou bann Onorab prezan, bonzour tou bann dimoun ki a lekout.

Mr Speaker, pou nou reponn sa kestyon nou bezwen tras en pe listwar sa proze lekol La Rosière.  Bann reprezantan Fon Kuwaiti pou devlopman ekonomik Arab ti fer vizit ofisyel isi Sesel an Novanm 2014, pou etabli en etadelye.

Lagreman pou loan avek Fon Kuwait ti ganny sinyen le 17 Novanm 2014, sa Lagreman i konpri konstriksyon 2 lekol.  Lekol La Rosière primer e Lenstiti Lagrikiltir ek Ortikiltir Sesel.  An Mars 2015 4 manm Project Implementation Unit, PIU ti fer en vizit inisyal Kuwaiti City kot headquarters fon i baze. Pou familyariz zot avek bann diferan divizyon e angaz zot dan bann diskisyon fas-a-fas an vi ki ti pou napa vizit ouswa misyon sorti Fon Kuwaiti pou vin fer bann checks pandan lenplimantasyon proze.

Proze unit PIU ti drafte premye dokiman, request for proposal e sa premye draft ti pare pou review par Fon Kuwaiti an Zen 2015, pou konmans prosesis seleksyon pou swazir en konsiltan en consultancy firm Kuwaiti. 

Sa request for proposal ti ganny no objection par Kuwaiti Fund e dokiman final ti ganny anvoye kot Kuwaiti Fund an Out 2015.  Pou fer shortlisting bann consultancy firms Kuwaiti ki ti’n montre lentere.

Sa bann firms Kuwaiti ti ganny en dele letan 50 zour pou konplet zot dokiman pou soumet zot propozisyon avek Minister.  Avan sa 50 zour ti fini zot ti fer en demann 4 semenn ekstansyon e sa ti ganny akorde.

Tou prosesis neseser lo nivo request for proposal pou servis konsiltan pou proze Kuwaiti Fund sa loan nimero 900, ti konklir lafen lannen 2015.

An Zanvye 2016 ziska Septanm ant Zanvye 2016 ziska Septanm 2017 sa ti peryod letan pou konplet prosesis seleksyon meyer propozisyon.

Mr Speaker i enportan note ki sa prosesis apwentman en konsiltan Kuwaiti i anliny avek bann prensip e terms and conditions Kuwaiti Fund.

Swivan lanaliz evalyasyon bann bids bann proposal sorti kot bann consultancy firm, rezilta tender ti varye ant 167, 400mil Dolar Americain e en 48 milyon Dolar Americain.

        Bann Manm ti bann Manm ki ti form parti premye PIU pa ti kapab fulfill zot langazman anver proze parey ti devret akoz sa nou vwar ti en gro proze.

Pou ede sirmont sa defi Minister ti rekrit en dimoun pou spesifikman zer loperasyon PIU.  Malerezman sa dimoun ti demisyonnen apre 3 mwan.  Swivan sa, Minister ti kontinyen avek son demars pou ranforsi kapasite PIU.  Lefe ki pa ti ganny personn isi lokal Minister ti bezwen rod rekour aletranze pou ganny serten zofisye teknik.

Consultancy Services Firm ki sorti Kuwaiti avek bid pli ba ti ganny Kontra consultancy pou sa proze.  Sa konsiltan Kuwaiti ti fer demann avek Minister pou plis zofisye teknik lo son tim.  Minister ti met sa demann devan Kuwaiti Fund e i pa ti resevwar en no objection. 

        Alor Minister ti kontinyen avek sinyatir Lagreman avek konsiltan an Septanm 2017 dapre son bid orizinal ki ti soumet devan tender board.

Pou antreprann sa proze konstriksyon lekol La Rosiere ti enportan ki Gouvernman Sesel i enplimant dabor sa proze elarzisman semen en parti semen lari St Joseph e en parti semen La Rue Hangard.  Sa travay ti ganny fer e konplete anba sipervizyon SLTA an 2017.  An rezilta sa konsiltan in pli byen kapab apresye teren kot lekol ti pou ganny konstri pou pli byen kapab realiz son concept design pou diskisyon.

Minister ti resevwar premye 7 desen preliminer sorti kot konsiltan Kuwaiti an Fevriye 2018, pou sa 2 lenstitisyon pou review par bann stakeholders. 

        Desen ki ti’n ganny propoze pa ti fer zistis lanvironnman lokal e Minister ti demann lekip konsiltan ki’n fer desen pou vin Sesel pou en diskisyon avek PIU e osi pou enplik partenaire lokal dan desen.

Arsitek an sef Kuwait ti vin Sesel pou 3 zour.  Le 27 ziska le 1 Mars 2018, pou pran konnesans avek lanvironnman kot proze pou ganny enplimante.  E osi avek bann regilasyon ki an plas ki konsern konstriksyon isi Sesel osi byen ki bann standar pou konstriksyon lenstitisyon edikasyonnel.

Ant Mars a Out 2018 konsiltan ti soumet revised draft avek Minister e a de repriz pou revwar e fer lamannman lo sa, dapre diskisyon ki Minister ti annan avek stakeholders avan.

Lekip teknik PIU ti prezan draft final larsitektir avek management lekol La Rosière primer e Lenstiti Lagrikiltir ek Ortikiltir Sesel pou zot komanter ek clearance, sa i dapre prosedir an plas.

Swivan prezantasyon ek diskisyon sa de lenstitisyon ti aksepte desen avek selman bann pti detay.  Minister Ledikasyon ek Minister Finans ti organiz en teleconferences avek konsiltan proze pou diskit bann konsern iminan ki konpri bann key milestone dan lenplimantasyon proze osi byen ki bann retar ki ti pe ganny eksperyanse.

Arsitek an sef Kuwaiti ti vin Sesel lo en vizit travay le 9 ziska le 14 Septanm 2018, pou travay a kote PIU lo detay plan larsitektir pou soumet kot Lotorite Plan Sesel.

Lekip enternasyonal ti donn zot lasirans ki zot pou reviz e re soumet project implementation schedule konman zot ariv dan zot lofis Kuwait.  Me malerezman sa pa ti ariv parey ti’n promet.  An rezilta sa retar PIU ti bezwen prepar zot prop implementation schedule pou permet Minister vwar egzakteman bann key milestones. 

        Dan en zefor pou pa retard proze plis, ti ariv lo en konsansis pou lekip teknik PIU konplet bann formalite e soumet plan sa de lekol kot Lotorite Plan.

Lotorite Plan ti aprouv architectural drawings an Novanm 2018.  Apre ki PIU ti’n defann son soumisyon devan Board.  An Zilyet 2019 Lotorite ti donn laprouvasyon plan enzenyer.  Konsiltan Kuwaiti ti ganny peye dapre travay ki’n ganny fer anliny avek milestones ki ti’n ganny etabli.  Swivan laprouvasyon avek Lotorite Plan PIU ti compile tou bann dokiman e soumet zot avek Kuwaiti Fund pou zot no objection pou li kapab konmans demars pou international bidding competition.  Konsiltan Kuwaiti ti prepar e anvoy bann draft dokiman pou envit bann lakonpannyen konstriksyon ki kalifye pou partisip dan tender issued under Kuwaiti Fund. 

PIU ti amann dokiman pou met li anliny avek provizyon Tender Board.  Dokiman ti ganny soumet kot Kuwaiti Fund pou ganny ankor en fwa ‘no objection’ pou pibliy advert isi Sesel e Kuwait an menm tan.

11 kontrakter, 9 kontrakter klas (1) lokal e 2 kontrakter aletranze ki ti meet kriter e etabli par Kuwaiti Fund ti aste dokiman tender.  Dapre lenformasyon dan advert le 26 Mars 2020 ti pou annan pre-bidding meeting isi Sesel.  Me restriksyon COVID-19 ti ganny enpoze.

Pre-bidding meeting lo teren i en kondisyon obligatwar pou tou bidders pou sa proze.  Ziska prezan sityasyon pa’n sanze.  An rezilta sa Kuwaiti Fund ek Sesel ti e sanz kominikasyon e ti agree lo nesesite pou annan en ekstansyon 45 zour ler restriksyon i ganny leve dan tou lede pei.

An vi sa sityasyon en desizyon in ganny pran an konsiltasyon avek Kuwaiti Fund konsiltan Kuwaiti Minister Finans e Minister Ledikasyon Sesel pou repran bidding process pou donn lezot kontrakter ki kalifye, sans pou zot partisipe.

Fodre note ki sa prosesis i pran 45 zour enkli pre-bidding meeting.  Antretan tou bann lakonpannyen ki’n deza aste dokiman tender zot ti’n ganny en formen lo sa desizyon e zot ti’n ganny dir ki zot ava ganny met okouran lezot lenformasyon lo nouvo devlopman.

Bann dokiman ti ganny vann pou R1500 ouswa $100 dan sa letan pou set dokiman tender parey ti ganny advertise.  Dapre plan seremoni i pou ouver bann tender bids ti pou pran plas kot National Tender Board le 20 Avril 2020 11er bomaten ler lokal.

Prosesis bid evaluation e award of tender pou bidders ki ti’n successful pou ki proze ti pou konmans an Septanm 2020.

Semenn pase Minister ti an kontak avek Kuwaiti Fund e osi avek konsiltan Kuwaiti, lo size sityasyon COVID laba Kuwait e nou dernyen kominikasyon ti Lendi le 27 Zilyet.

E Minister in ganny enformen ki sityasyon COVID-19 an Kuwaiti i ankor, lenfeksyon ankor o an rezilta sa konsiltan in rekomande ki dat ekstansyon pou tender in ganny anvoye pou milye Septanm a milye Oktob 2020.

Fodre fer note fodre osi note Mr Speaker ki i fer premye fwa ki Sesel i antre dan en Lagreman loan avek Kuwaiti Fund.  E sa bann retar ki nou’n rankontre ladan i pa lo kote Sesel me i lo kote Kuwaiti Fund.  Mersi Mr Speaker.

 

MR SPEAKER

Mersi Minis Onorab Henrie.

 

HON GERVAIS HENRIE

Mersi Mr Speaker. Mersi Minis pou ou larepons.  Nou konstate ki larepons Minis i konmans a parti 2014 savedir i fer ki i annan 6an ki sa proze i dan diskisyon.

Sa ki mon anvi konnen se ki premyerman pou evite ki i annan en pe fristrasyon, malantandi, dezapwentman lo lapar bann paran ki zot zanfan i al lekol La Rosière, kwa ki’n ganny fer pou met bann paran management ek tou staff lekol e piblik an zeneral ki servi sa lekol met zot okouran ki bann sityasyon ti pe arive ki akoz sa lenformasyon ki zot ti ava annan dimoun ti ava bokou pli kalm ki zot ete vizavi ki sa sityasyon.  Sa i mon premye kestyon an term kominikasyon ki in annan lo bann letap sa proze.

E dezyenmman, an vi ki aprezan letan proze ti pe planifye pli tar en problenm striktirel i ganny dekouver avek lekol, eski sa i pou fer ki sa proze i pou bezwen akseler al en pe pli vit ki zot ti pe prevwar san pran kont sa fakter COVID la ki nou pe koz lo la me eski prezan i pou fer ki zot pou le met en pe plis lavi avek sa proze ki zot ti’n prevwar avan?  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker. Mersi Onorab.  Pou ou kominikasyon ant Minister Ledikasyon avek sorry.  Mersi Mr Speaker, mersi Onorab pou kominikasyon avek bann paran management ansenyan lekol La Rosière e osi sant lagrikiltir e ortikiltir, o kour sa bann devlopman in annan plizyer meeting ki’n ganny fer pou nou enform sa de lenstitisyon lo progre devlopman sa proze.

Dan mon meeting rezyonal ki mon fer lafen lannen dan sa de lannen ki’n pase, bann paran lekol La Rosière nou ti meet dan STC bann paran lekol La Rosière ti demande kote zot lekol in arive e Minister Ledikasyon ti donn zot lenformasyon lo progre sa proze.

Pareyman letan nou’n al vizit lekol, lekol La Rosière dan mon progranm vizit, laba osi bann teachers ti’n demande headteacher osi toultan pe kontinyelman pe demande kote nou’n al arive e nou’n kapab donn zot lenformasyon dan devlopman pli resan ki nou ti kapab ki nou kapab donnen.

Pou dezyenm kestyon akoz sa problenm striktirel ki’n arive avek lekol La Rosière si sa proze i espekte al pli vitman?  En keksoz ki nou kapab konstate zanfan sa orizinalman sa proze ti pou fer an faz akoz zanfan ti pou lo sa sit.

Me la vi ki zanfan in bouze in al kot lekol Belonie nou espekte ki sa proze i ava mars pli vit once i konmanse.  Mersi Mr Speaker.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  An vi sa problenm striktirel ki’n leve in fer ki in met lekol an karantenn.  Solman nou konnen poudir lekol La Rosière i ti osi ganny servi pou bann lezot keksoz par egzanp eleksyon, vote dimoun i vot kot lekol La Rosière.  Eski Minister pou permet ki sa lekol i ganny servi pou sa levennman malgre sa problenm striktirel e zot in evakye otour bann personnel kot lekol?   Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab.  Nou’n already ganny dir avek Komisyon Eleksyon ki lekol La Rosière pa pe ganny servi pou en sant vote.

E osi si sa demann ti’n ganny mete avek Minister Ledikasyon, nou ti pou dir zot poudir nou’n ganny lenformasyon nou’n ganny gide par bann Lotorite konsernen ki sa lekol i pa fit pou li kapab pou nou kapab fer okenn keksoz ladan pou lemoman.  Mersi Mr Speaker.

 

MR SPEAKER

Mersi Minis.  Onorab Norbert Loizeau.

 

HON NORBERT LOIZEAU

Mersi.  Bonzour Minis, delegasyon.  Minis bokou keksoz ki mon ti a kontan demande in ganny eklersi dan kestyon Onorab Henrie.

Me mon anvi zis demann en pti keksoz ki mon’n an pasan mon’n vwar en pe letan pase ki’n arive.  Vi ki nou konnen bann moman rekreasyonnel, e osi ledikasyon fizik i enportan dan lavi en zenn zanfan.

E depi ler mon’n pase mon’n vwar ki i annan en pe letan ki sa kort kot lekol La Rosière en kontrakter ti’n vini ti’n kraz li. Me sa kort ti ganny servi pa zis par zanfan lekol, par bann lezot klib dan distrik ki ti osi servi sa kort.

Mon anvi demann Minis vi ki lespas mon konnen lespas kot lekol La Rosière i en pti pe limite an vi ki bann zanfan kot lekol La Rosière zot pou bezwen desann swa Freedom Square ouswa Victoria Gym pou al fer zot bann aktivite ki pou pran zot bokou letan pou ariv laba.

Eski Minis i kapab dir nou si dan sa plan devlopman sa lekol pou annan sa kort pou ganny refer ouswa si sa landrwa pou ganny servi pou en lot purpose?  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab pou ou kestyon.  Dan plan nouvo lekol La Rosière     i pou annan en kort e sa i enn bann requirements pou bann nouvo standar ki nou’n mete pou bann lekol ki nou pe konstri.  Savedir kort pou annan.

E ler nou pe koz osi lo bann zanfan ki bezwen servi Freedom Square kot lekol La Rosière kot lekol Belonie la aktyelman i osi annan en pti pe lespas pou zanfan kapab fer serten aktivite sportif.

Me letan nou pe koz lo Freedom Square sa osi ti en tradisyon en kiltir kot zanfan lekol Belonie at that time ti desann ti al dan laplenn Freedom Square parey ou pe dir pou zot fer pou zot fer PE ouswa lezot aktivite sportif.

Me pou lemoman bann manrmay primer zot pa desann me zot servi parey mon dir sa space ki already annan kot lekol kot lekol La Rosière ete konmela pou zot kapab fer zot aktivite fizik ledikasyon fizik.  Mersi Mr Speaker.

 

MR SPEAKER

Mersi Minis.  Bon nou ava bouz lo lot.  Yes Onorab Henrie.

 

HON GERVAIS HENRIE

Mersi Mr Speaker.  Mr Speaker mon’n note ki dan son larepons Minis in donn nou en kontrandi istorik lo sa proze e in konmans spesifikman dan sa Lagreman avek Fon Kuwaitien

Me nou konnen poudir le 01 Desanm 2005 letan i ti prezant letan i ti prezant Bidze pou lannen 2006 Minis Finans sa letan ansyen Prezidan James Michel, i ti koz lo konstriksyon 3 nouvo lekol an 2006 e sa ti pou lekol Baie Lazare primer avek lakres, lekol Mont Fleuri primer avek La Rosière.  An 2006 ti pou konmanse en promes ki ti ganny fer le 1 Desanm 2005 dan Bidze.

Apre an juillet 2009 Prezidan Michel sa letan i ti vin fer en vizit dan distrik Mont Buxton e i ti dir sa ti dan lapres ki lekol La Rosière pou konmanse an 2009.  Sanmenm sa dan mon kestyon mon dir an vi konstriksyon lekol nouvo lekol La Rosière ti espekte konmanse depi 2009.

E apre an juillet i ti fer en meeting konsiltatif kot ankor sa size ti leve.  Aprezan so nou pe koz depi 2006 ziska la i fer 14an me solman li Gouvernman i refer lo sa 2014.  Alor i annan ant 2006 ek 2014 mon anvi konnen ki Gouvernman li i ti pe prevwar sa lekol ki avan bann Kuwaitien in antre pou ofer zot lasistans ant 2006 a 2014 ki li Gouvernman ti pe prevwar pou sa lekol.  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab.  I kapab ki i ti annan sa plan pou refer lekol La Rosière e osi sa de lezot lekol, me parey nou’n vwar lekol Baie Lazare in ganny refer, e lekol Mont Fleuri osi nou’n get priyorite i kapab ki lekol sa de lekol ti pli dan en move kondisyon ki lekol, lekol La Rosière.

E osi nou kapab nou kapab konstate ki dan lekol La Rosière li menm dan sa peryod letan in annan plizyer proze amelyorasyon, son building.  Ok, pou rann li pli favorab pou laprantisaz.  E an espérons ki i ava ganny en nouvo lekol e sa osi i kapab ki’n annan dan sa letan serten kontrent bidzeter ki petet nou’n vwar bann ki ti pli bezwen sa en konstriksyon en nouvo lekol.

Akoz nou konnen mon’n deza osi travay lekol Mont Fleuri.  Mon konnen poudir lekol Mont Fleuri ti vreman dan en leta pa tro bon ditou.  E osi lekol, lekol Baie Lazare mon’n ganny sans letan mon’n travay dan Minister Ledikasyon pou fer vizit laba konpare avek lekol La Rosière nou’n vwar poudir lekol Baie Lazare ti vreman avarye.  So nou’n konmans avek bann ki ti pli bezwen konstriksyon nouvo e la nou’n arive ki petet parey nou pe dir la, ki mannyer nou pe ale.  Nou pli kler ki La Rosière pou kapab ganny son nouvo lekol.

Sel keksoz ki pe met nou en pe an retar la parey nou vwar se sa sityasyon COVID, akoz tou keksoz dan plan ti pe mars according to plans, pou konmanse sa lannen.  Me malerezman nou’n vwar i annan en retar.  Mersi Mr Speaker.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Finalman an vi Minis in dir ek nou ki keksoz ti pe al byen dapre plan, e la si sityasyon COVID i amelyore ant mid-September ek mid-October bann zafer tender i a repran ki timeline zot pe donn sa proze ki bann dimoun Mont Buxton i kapab rekonfort zot lespri, poudir tel lannen nou pou ganny nou nouvo lekol?  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab.  Parey nou’n vwar nou’n arete la mid-tender process parey nou dir e la ler nou pou relanse nou pou bezwen sa 45 zour ki i donnen pou sa prosesis tender fini.

E answit i ava annan sa morso ki nou apel tender evaluation ki pou ganny fer so ler nou pe regarde la vi ki i pe donn nou dizon nou pran the worst scenario ki pou anmenn nou Oktob 2020, nou pe espekte at least ki Zanvye 2021 proze i ava kapab relanse e ordinerman pou bann proze koumsa i pran 1an a 1an edmi pou konplete.

E fodre nou dir osi ki sa de proze pe ganny fer an menm tan.  Nou pa pou konmans enn avan apre ler enn i fini pou nou fer lot.  Tou lede pou konmans dan menm peryod letan e pou kontinyen ansanm.  Mersi Mr Speaker.

 

MR SPEAKER

Mersi Minis.  Prosen kestyon Onorab Sylvanne Lemiel.

 

HON SYLVANNE LEMIEL

Mersi Mr Speaker.  Bonzour Minis avek ou delegasyon.  Bonzour tou dimoun.  Mr Speaker mon kestyon i al koumsa;- Avek mankman ansennyan dan lekol primer, Minister Ledikasyon in fer vini en bon pe etranze sirtou bann Zambian.  Ki mannyer prosesis rekritman sa bann tel ansennyan ti ganny antreprann?

Eski Minis i kapab donn en kontrandi lo performans sa bann ansennyan? Ki Minister i anvizaze fer avek bann ki zot performans pa a laoter?  Mersi Mr Speaker.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab pou ou kestyon.  Mr Speaker, depi plizyer lannen Minister Ledikasyon in vwar li pe depan lo lasistans ansenyan etranze pou siport son sistenm ledikasyon.

Sa in ganny fer atraver plizyer laranzman tel ki korporasyon bilateral atraver lazans rekritman e osi atraver rekritman direk ki ganny fer par Minister Ledikasyon.

Resaman sityasyon mankman ansenyan in agrave pou plizyer rezon.  E Minister in vwar li neseser pou menm rekrit ansenyan lo ansenyan etranze lo nivo primer.  Akoz oparavan tou bann ansenyan etranze ti baze dan bann lekol segonder e dan bann sant profesyonnel.

Dapre statistik Mars 2020 in annan dan nou sistenm en total 286 ansenyan etranze.  E dan lekol primer sa ki pardon in annan en total 286 ansenyan etranze dan lekol primer ek segonder e sa i reprezant 19.3poursan nou popilasyon ansenyan.

An sa ki konsern ansenyan etranze lo nivo primer i annan 31 Zambians, 2 Kenyan ek 3 Mauricien.  Baze lo bezwen ki nou ti annan lo nivo primer Minister ti rod laprouvasyon Gouvernman pou rekrit aletranze swivan plizyer zefor pou rekrit lokalman ki pa’n abouti.

Nou premye zefor ti pou rekrit dan larezyon spesifikman Ile Maurice, baze lo laprosman langaz ek kiltir sa zil.  E osi byen nou leksperyans rekrit ansenyan Mauricien dan lepase.

Nou ti ganny laprouvasyon pou rekrit 32 ansenyan primer pou en Kontra minimum 2an.  Zot ti entervyou 40 kandida e ladan 18 ti ganny selekte baze lo kriter ki ti’n ganny etabli.  Dan sa 18 selman 6 ki ti finalman aksepte letter of offer e zot ti konmans travay apartir Me 2017.

An vi ki nou pa ti ganny lakantite ansenyan ki nou ti bezwen dan pei larezyon nou ti oblize eksplor lezot pei enkli Zambia prenon kont nou leksperyans resan lo nivo segonder.

Rekritman ti ganny fer an lyezon avek Departman Zafer Etranzer anba en aide-memoire ki ti sinyen le 3 Out 2019 ant Minister Ledikasyon ek Devlopman Resours Imen Sesel.  Minister Ledikasyon zeneral Zambia e Minister responsab pou Ledikasyon tersyer e Komisyon servis ansenyan Zambia. 

Prosesis rekritman in etabli dan sa aide-memoire lartik 3 a 5.  En total 29 ansenyan ti ganny rekrite an Me 2019.  Zot ti konmans travay le 1 Septanm 2019 lo en Kontra 2an.

Zot ti ganny plase dan sa bann lekol primer swivan.  Baie Lazare 2, Anse Royale 2, Au Cap 2, Plaisance Primer 3, Anse Aux Pins 2, Mont Fleuri 2, Perseverance 3, Beau Vallon 2, Anse Boileau 3, Bel Eau 2, Baie Ste Anne Praslin 1, Grand Anse Mahé 2, La Mísere 1, Point Larue 1, e La Rosière 1.

Mr Speaker anliny avek prosedir standar rekritman ansenyan etranze tou sa 29 ansenyan Zambian ti swiv en progranm induction 3 zour lo nivo Minister.  Sa i konpri inisyasyon dan sistenm ledikasyon Sesel.  Inisyasyon dan curriculum Nasyonal, inisyasyon dan regilasyon e prosedir ki gouvern lanplwa dan sekter piblik e osi en sesyon lo kiltir Seselwa.  An plis ki sa lo nivo sak lekol management lekol i fer son prop progranm induction. 

Mr Speaker fodre note ki tou sa 29 ansenyan Zambian ki ti ganny rekrite atraver sa Lagreman i ankor dan nou sistenm.  An sa ki konsern performans sa bann ansenyan.

Avan ki sa bann ansenyan ti konmans ganny monitor anliny avek prosedir etabli, zot ti ganny plase avek en mentor dan zot lekol.  Sa mentor i sa subject coordinator respektif ki pe siperviz bann size ki zot pe ansennyen.

Pou fasilit sa prosesis, lekol ti prepar en pti induction progranm ki ti focus bokou lo lenplimantasyon curriculum.  Lanfaz ti ganny mete lo kalite pedagozi ouswa bann metod lansennyman zot bezwen servi pou maksimiz laprantisaz.

Avan ki zot ti konmans ansennyen, lekol ti organiz pou zot obzerv lezot laklas pou zot kapab konpran byen konteks e nou kiltir.  Zot ti osi resevwar bann dokiman kle parey plan stratezik lekol, Whole School Behaviour Management Policy ki enkli code of conduct, e bann progranm of study pou byen prepar zot avan ki zot al dan laklas.

Mr Speaker dapre feedback ki nou’n gannyen sorti kot management lekol, monitoring ti pe ganny fer dan en fason sistematik.  Sa ti konpri verifikasyon bann plan leson avan ki zot al dan laklas swivi par lobzervasyon.

Apre zot ti zwenn avek mentor pou ganny feedback lo lafason zot ti delivre leson, e zot pwen for e zot bann febles ti ganny diskite avek zot.

En lot swivi i ganny fer kot ti neseser.  Bann assessment e lezot travay zanfan ti osi ganny analize pou verifye si bann zanfan pe attend bann konpetans.

An plis ki sa bann zofisye Minister Ledikasyon dan Divizyon Petite Enfance e primer in osi vizit serten lekol kot in annan bann ansenyan Zambian.  Sirtou kot ti annan serten ki annan defayans baze lo rapor ki sorti kot management lekol konsernen.  Zot in obzerv bann laklas ansanm avek bann management lekol e diskit ki mannyer pou amelyor zot performans e ki kalite sipor zot bezwen.

En sesyon lo nivo Minister Ledikasyon dan divizyon Petite Enfance ek lekol primer ti ganny fer lo classroom management.  Sa ti ganny organize an Fevriye 2020 akoz nou ti konstate ki zot ti annan problenm pou kontrol zot laklas e sa sesyon ti donn zot bann stratezi ki zot kapab servi pou kontrol zanfan pandan deroulman leson akoz zot in vwar ki sa difikilte ti enn ki ti komen parmi zot.

Dapre rapor management lekol ek rapor bann zofisye baze dan Minister Ledikasyon, nou’n konstate ki dan sa 29 i annan 23 ki pe perform lo nivo satisfezan e i osi i annan ki pe perform tre byen.

Parkont 6 ladan nou ti dapre rapor nou ti vwar ki zot pe rankontre difikilte, sirtou dan domenn pedagozi ek classroom management. 

        Mr Speaker an vi sityasyon COVID-19 i pa’n posib pou kontiny sa monitoring parey nou ti’n prevwar pandan premye trimes.  Sepandan depi konmansman dezyenm trimes lekol management lekol e bann zofisye divizyon Petite Enfance e primer in entansifye monitoring pou kontinyen donn sipor sa bann ansenyan ki pe perform lo en nivo ki pa satisfezan.

Rapor avek rekomandasyon i ava ganny soumet a lafen dezyenm trimes pou permet Minister Ledikasyon pran en desizyon.

Ki Minister i anvizaze fer avek bann ki zot performans pa alaoter?  Mr Speaker dan la mezir ki performans sa 6 pa amelyore Minister pou bezwen pran sa bann aksyon swivan;-

Zwenn avek bann ansenyan pou diskit zot performans, e enform zot mezir ki Minister Ledikasyon pou pran a zot size.  An vi ki zot ti ganny anploye anba en Lagreman Minister Ledikasyon pou bezwen averti the Teaching Service Commission Zambia lo pozisyon Minister anliny avek zot Kontra.  E mezir ki Minister pou pran i baze lo zot Contract of Employments.  Mersi Mr Speaker.

 

MR SPEAKER

Mersi Minis.  Onorab Lemiel.

 

HON SYLVANNE LEMIEL

Mersi Mr Speaker.  Mersi Minis pou ou larepons.  Minis, dan tou sa bann teachers ki’n vini, eski, enkli sa 6 ki pa pe perform byen,  eski nou pou kapab dir, ki tou sa bann ansennyan zot menm zot kalifye koman ansenyan?

Eski zot ti ansenyan dan pei kot zot in sorti? Sa i enn.

Si mon’n konpran ou byen Minis, i pareyman ki nou i napa en delegasyon ki’n mont Zambia pou al fer seleksyon pou sa bann 32 teachers ki’n vin isi Sesel pou travay dan nou lekol primer.  I pa paret in annan sa, kot nou’n ale.  Parey enn ler zot fer pou lekol Segonder.

Nou war en delegasyon Minister Ledikasyon petet i monte, i al zwenn avek Lotorite Zambia laba.  Kot zot diskite e zot selekte.  Pou Primer eski i ti annan sa pou sa 32 teachers?  En lot kestyon Minis, eski, lekel ki’n verifye lotantisite sertifika sa bann dimoun ki’n vin travay dan nou bann lekol primer? Mersi Mr Speaker.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab pou ou kestyon.  Pou komanse, si ti annan en delegasyon ki ti ale pou fer interview 

Parey mon’n fer resorti dan mon larepons lo komansman, mon dir, i annan diferan laranzman pou recruitment.  I annan ki nou fer atraver Korperasyon Bilateral.

I annan ki fer atraver en Lazans Rekritman.  Li i fer son recruitment apre i anvoy son bann kandida kot Minister Ledikasyon.  E i annan osi ki fer ki nou Minister Ledikasyon nou fer li direk.  Savedir nou bezwen ale nou, al rod nou ansenyan laba, fer nou interview nou menm.

E fer laranzman pou zot vini.  Bon, anba sa Komisyon dan zot, dan nou lagreman i annan en Clause ki dir poudir zot, zot kapab fer interview zot bann ansennyan e apre anvoy tou rapor interview kot Minister Ledikasyon avek tou bann lezot dokiman.

Zot sertifika, zot bann CVs, wi, mersi.  Zot CVs e sa zot anvoye.  E nou, nou regarde.  Apre sa nou menm i annan ladan osi ki nou’n dir nou pa tro an faver avek.  So i annan en seleksyon ki nou fer.  Kantmenm zot, zot in fer pou zot laba.  Isi letan zot arive, nou osi fer.  Avan zot vini, nou osi ganny rapor, nou osi kapab fer en seleksyon.

Pou si zot ti ansennyan avan ouswa non. Parey nou konnen, vi ki, e menm dan lezot rekritman ki nou fer, nou pa pe kapab determinen si sa bann dimoun ti ansennyan avan.

Akoz zot vin for interview e nou fer interview parey nou fer avek tou lezot dimoun.  E answit nou rekrit zot.  Nou pa ganny sans pou nou al vwar dan zot lekol kot zot ti ete.  Si zot ti pe ansennyan.  Si zot ti pe fer curriculum duties eksetera.

Me selman nou get lo baz kot i annan en sertifika, lansennyman pou teaching, en Diploma ouswa en premye Degre.

E answit nou kestyonn zot osi, pou vwar si zot konn bann rudiments ansennyen.  E sa i ede dan nou seleksyon.  E parey nou’n vwar, se sa Komisyon Teachers Commissions Zambia ki ti fer sa interview,  e sa seleksyon e lo, dan sa rapor nou’n vwar poudir zot pa ti fer Komisyon tousel.  Ti annan dimoun dan Ledikasyon Tersyer ki ti form parti sa panel ki ti fer seleksyon.

E ti annan osi dimoun dan Ledikasyon Primer Zambia, bann dimoun ase o plase,  Ki’n validate sa bann seleksyon ki’n ganny fer.

E parey pou tou lezot ansennyan ki vin travay Sesel, e menm pou nou prop ansennyan, ki annan en sertifika ki zot sorti avek aletranze. Nou annan en Lotorite Sesel, se SQA, The Seychelles Qualifications Authority,  ki nou ler nou ganny sa, nou anvoy zot original certificates,  kot CEO SQA, pou li validate kalifikasyon bann dimoun ki nou anploye.  I pa zis pou bann Zambians.  I pou tou dimoun ki nou anploye dan Minister Ledikasyon.  Mersi Mr Speaker.

 

MR SPEAKER

Mersi Minis.  Onorab Lemiel.

 

HON SYLVANNE LEMIEL

Mersi Mr Speaker.  Minis, antan ki i annan sa bann konsern ki’n ganny leve. Akoz i annan paran tou ki konsernen sirtou avek nivo letid zot zanfan ki’n komans fer serten konplent.  Ki’n dir ou poudir sa zanfan i vin konplent, ki i pa konpran sa mis letan pe koze.  I pa konpran sa langaz.

Mwan mon ti a kontan konnen, si Minister zot menm, zot pe mazin, mon pa konnen si zot in fini donn SQA sa bann sertifika.  Oubyen si SQA in fini ganny sans revalidate pou tyeke si i otantik.  Petet mon ti a sizere ki si i pa ankor ganny fer, ki Minister i pran sa bann sertifika.  I reganny tyeke, i revalidate zot.  Pou tyeke si vreman zot bann bon sertifika, sa bann dimoun.

E apre Minis, nou vwar ki ozordi avek COVID, i annan bokou dimoun ki’n ganny fer redundant.  Sa bann dimoun pa pe travay.  E i annan ladan ki ti deza bann former teachers.  I annan ladan ki vreman kalifye, ki nou kapab train pou zot kapab reganny en lot lanplwa an al montre nou bann zanfan primer sirtou, en pe leson lekol.

Eski zot Minister i dan sa laliny, pou zot recruit en pe bann dimoun ki’n ganny fer redundancy.  E ki i annan sa kapasite pou zot kapab rantre dan nou lekol primer, ganny training, e antre dan nou lekol Primer.  Petet ranplas en pe bann etranze ki deza la.  Mersi Mr Speaker.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab.  Mon kapab dir, i toultan bi Minister Ledikasyon pou li ganny son lafors teaching Seselwa.  Me malerezman parey nou konnen, i annan toultan en mankman lo nivo bann lekol.  E se sa ki nou pe koz depi pres 40an pase, depi rafal NYS.  E nou ti’n komans depan lo teachers etranze.  E nou ankor pe depan konmela.  I vin par plizyer keksoz ki vin ladan, ok?

I annan ki nou bann lekol in agrandi, nou bezwen plis ansennyan.  Petet osi ki training ki nou pe fer i pa ase.  Me sa nou pe met an plas bann stratezi ki nou kapab ganny plis ansennyan Seselwa.  Sirtou bann zenn pou vin zwenn lansennyman.  Akoz nou santi poudir, bann, nou prop dimoun i annan sa pli konprenezon lo bann kiltir, nou sistenm ki mannyer i marse, i en lavantaz pou nou.

Me parey mon pe dir, nou’n bezwen, nou bezwen depan lo etranze.  E se sa ki nou’n vwar, i napa zis Zambian dan system, mon krwar zot konnen.  Si mon nonmen, la i annan en whole list of teachers ki sorti aletranze ki pe ede dan lansennyman.

Pou lo kote sertifika, wi in ganny fer.  Ok, kot SQA.  E lot kestyon se ki bann dimoun ki ti deza dan lansennyman, ki’n kit nou o kour des année, in al go to greener pastures.  E la nou’n vwar sirtou bann ki pe, ki ti pe travay dan Lendistri Tourizm.  Ki zot vwar zot la, petet san en lanplwa permanan.  E zot pe, i annan ki pe retourn kot Ledikasyon.  E nou, nou annan sa bon konversasyon avek Departman Lanplwa.  Kot i annan serten non ki’n already ganny soumet kot nou.

I annan ki’n ganny interview, e i annan ki already deza dan lekol kan mon pe koze la.  Ok, so nou’n fer sa zefor.  Akoz nou’n vwar poudir sa bann dimoun i annan ki ti trained teachers.  So nou’n already dan pe fer sa prosesis pou nou kapab anplway zot.  E parey nou konnen osi, i annan sa lot progranm ki sa progranm- Mon ti krwar zot ava mazinen.  Zot pli pa mazinen ki mwan.  So sa bann ki zot vin dan travay internship, lala, ok, mersi bokou.

E zot vin dan lekol pou en pe letan pou ede.  E ler zot kapab repran zot travay zot pou ale.  So nou osi annan sa ki nou pe travay avek pou nou kapab ede.  Parey mon’n dir, nou an bon konsiltasyon, nou annan bon lantant avek Departman Lanplwa.  E sa pe ganny fer.

E parey ou konnen, lansennyman i sanze, i dinamik li, en.  Nou kapab annan full pou en lannen me selman lannen prosenn nou annan bann ki pe retire.  Nou annan konmela early retirement.  Nou annan bann ki deside kite li menm.  Nou annan bann kondisyon lasante pa permet li pou kontinyen e al on medical grounds. 

So toultan nou annan en mank dan sistenm ki nou pe esey fer nou mye pou nou kapab konble.  Mersi Mr Speaker.

 

MR SPEAKER

Mersi Minis.  Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Minis.  Minis mon anvi demann ou sa pti kestyon.  Vi ki kot lekol Bel Eau osi nou annan Zambian.  E problenm avek, pa tou, avek 1 nou annan 2, se delivery.  Zot pa pe kapab delivre.  Me avan bann Zambian ti vini, nou ti annan bokou bann teachers Seselwa.

E bokou zot sa bann teachers, ti annan bann pti bann, zot pa ti qualified.  Me selman zot ti bann, mannyer i apel sa, zot ti bann supply teachers.  Me ki ti annan, zot ti pe monte.  Me selman ki’n arive, zot tou mazorite zot in kite in al travay en lot landrwa.

Ki zot pe fer zot lo kote Minister Ledikasyon, pou ankouraz sa bann dimoun pou reste dan Ledikasyon?  E osi annan menm bann teacher kalifye, parey Mr Steven Rose ki mon rapel, i ti Deputy Head kot lekol Bel Eau.  I ti ganny tire koman en ansennyan, pou ganny anmennen kot Minister Ledikasyon pou li travay dan en biro.

Ki aprezan in dekouraz, akoz li i ti kontan son lansennyman.  Ozordi mon pa tro, tro tann li, mon pa konnen ki i pe fer.

Ki zot pe fer pou re-ankouraz sa bann dimoun parey pou retourn dan lansennyman.  Pou nou pa ganny problenm pou rod bann teachers Zambian or lezot teachers etranze.

Mon dezyenm kestyon, Minis pa zis dan, lo kote akademik ki dan laklas ki nou annan teachers etranze, parey Zambian.  Lo kot Ledikasyon Fizik osi mon krwar nou annan teachers etranze.  Parey lekol Mont Fleuri mon krwar i annan en msye sorti Botswana, si mon pa tronpe zot a dir mwan.

Me pourtan Minis, nou annan bann dimoun, bann sportsmen Seselwa ki’n partisip lo nivo enternasyonal pou Sesel.

E bokou zot, mon konn 3 ki ti menm apply pou zot vin ansennyan Ledikasyon Fizik, zot ti ganny turned down.  Zot pa ti ganny aksepte.

Ki zot pe fer alors Minis, pou zot annan en formasyon petet zot a kree dan Minister Ledikasyon.  Pou anmas sa bann dimoun ki’n fer sport o nivo.  Petet si zot in fer sa sport me selman zot napa labaz mannyer pou ansennyen.

Pou anmas zot, donn zot en formasyon.  Apre ki en fason nou ava met zot dan lekol.  Ki en fason nou ava annan Seselwa ki pe ansennyen.  Olye ki nou a vwar dimoun sorti Botswana, Zambia parey bann problenm ki zot pe gannyen ozordi.  Mersi Minis.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab.  Mon pou komans avek supply teachers dan lekol.  Parey nou dir, sa in toultan dan sistenm, nou’n toultan annan supply teachers.   E Minister Ledikasyon i annan progranm pou zot ganny train, pou zot vin bann teachers kalifye.  Pa tou ki’n kite, mon tann dir, zot tou zot in ale.  Non, pa tou ki’n kite.  Nou annan apepre plis ki en 150 zot ki pe swiv en progranm training kot SITE, (BLM).  Through the blended mode ki mon ti’n vin eksplike dernyen fwa mon ti vin dan Lasanble.  E zot pe swiv pou zot kapab ganny en Certificate.

Sa ki kapab bouz pli devan i ava ganny li en Advance Certificate.  E sa ki kapab mont pli o ankor, sa course o ofer an 3 letap.  Ou kapab ganny en Sertifika, e Advance Certificate e apre en Diploma en Education.  E so nou bann supply teachers nou pe pran ka avek zot.  Ok, zot dan nou lekol, nou bezwen ede pou zot devlope, pou zot kapab ed nou.

Pou sportsmen, nou ti annan advertisement ki ti mete, ki nou mank PE teacher.  Parey nou fer toultan.  E i annan osi bann requirements pou ou vin en teacher, ok.  Akoz ki mannyer mon’n tann ou dir la, ou pe donn nou en lenpresyon ki si ou pe teach Ledikasyon Fizik i pa akademik.

I annan ki teach size, purely academic.  Me selman Physical Education i osi en size lo nou National Curriculum.  E ou bezwen kalifye pou ou kapab teach li.  E ou bezwen annan en bagaz pou ou kapab antre dan ledikasyon koman en PE teacher.

En PE teacher is a teacher for us.  I pa en teacher pli ba ki en lot.  I en teacher avek menm, avek menm entry requirements, ok?

E sa bann ki nou vwar la, zot bon dan sport parey ou pe dir, zot kapab bon dan sport, zot bann profesyonnel dan sport.

Me i annan osi sa bagaz ki nou, nou pe demande pou li vin en teacher Physical Education.  E si nou vwar i napa, ordinerman letan zot vin interview, si nou vwar poudir zot napa sa bagaz, nou dir zot.

Ok, ou napa sa, ou napa tel Sertifika.  Ou kapab al upgrade ou lekor e apre ou tournen, nou pare pou nou pran ou, ok ?

Akoz si nou pran zot parey zot ete la, zot pou napa okenn lavenir devan zot.  Zot pa pou meet the requirements pou zot antre kot SITE pou zot al train. Akoz SITE osi pe demann bagaz pou al training laba.  Ok ?  So vwal ki petet ki nou’n ganny de ladan.

Me selman i annan osi ki’n vini ki’n ganny aksepte.  Nou annan dan lekol ki’n PE teachers, ki’n vin interview, e ki’n ganny aksepte.

Pou delivery, Zambian teachers zot annan problenm delivery, wi parey nou’n dir taler.  Zot main febles se classroom management is number 1.  E lot i pedagozi.  Ok? Savedir ki mannyer pou delivre sa leson.  Me parey mon’n dir, parkont nou’n vwar en pti poursantaz zot ki pe ganny sa problenm.

Mazorite zot, zot pe perform satisfezan, e i annan ki very good.  The standard dan teaching is very good mon kapab dir, ok?  So i pa zot tou ki annan sa problenm.  E vwala akoz nou’n organiz en sesyon Fevriye lo classroom management.

Akoz mon vwar zot ti bezwen sa sipor.  Zot ti bezwen sa led.  So nou ti organize pou zot tou, ok.  Zot tou ki ti’n vini anba sa lagreman.  E la, byento nou pe la dan vakans skoler.  Nou pe organiz, nou pou organiz en lot sesyon pou zot.

Pou nou donn zot lezot skills ki pou ed zot si nou vwar poudir i annan dan sa 6 ki i annan sans pou zot kapab fer pli byen.  Mersi Mr Speaker.

 

MR SPEAKER

Mersi Minis.  Onorab Loizeau.

 

HON NORBERT LOIZEAU

Mersi Mr Speaker.  Mersi Minis pou ou gran repons byen detaye.  Me selman Minis, en keksoz, mon pa ti pe sey dir ki Ledikasyon Fizik i pa akademik. Akoz lontan laplipar ditan bann dimoun ti fer PE ki nou dir.  Ti zis en dimoun ki’n fer sport ki vini.

Parey, ou konpran, parey Bernard Dorasamy ti en foutboler, Peren Sophola ti en zwer volleyball.  Si mon nonmen i pou tro bokou.  Mon pa pe dir, akademikman zot in lekol zot.  Me selman, ki mon pe demann ou, ou pa’n reponn mwan sa enn kestyon Minis.

Si zot annan en plan pou ankadre sa bann ki napa pti nivo akademik ki ou pe dir la.  Sa mon kestyon ki mon’n demann ou, ou pa’n pas lo la. Si kot Ledikasyon ler sa bann dimoun i vini, olye dir zot, ale al aranz ou, nou pa pou kapab pran ou, napa sa.

Zot, zot menm Ledikasyon si zot annan sa plan pou anmas sa bann dimoun, form zot, zot annan sa labaz spor.  Me ogmant en pti gin lo sa laspe akademik.  Pou zot kapab antre dan bann lekol.  Se sa mon kestyon.  Mersi Minis.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab.  Mon’n byen kontan ki ou’n nonm 2 nou bann PE teachers ki’n travay avek nou pou en bon pe letan.

Bernard avek Peren.  E zot in kapab, zot in ganny sans pou zot al training.  Akoz nou ti fer en course pou bann PE teachers spesifikman.  Pou zot donn zot sa sans pou zot kontinyen.  E la, sa i pe devlop en lot course la.

Ok, pou nou kapab, petet sa bann i ava ganny sans pou zot ganny, parey ou pe dir, ganny anmase, swiv en kour e apre zot ava al dan lekol.  So Minister Ledikasyon pe fer tou pou nou kapab, parey mon pe dir, i nou manda pou nou devlop nou bann teachers pou kapab ed sistenm.  So se bann stratezik ki nou pe servi.  Lo kote letan ou’n koz lo akademik, ok, mon’n gannyen the gist of what you were saying.  Mersi Mr
Speaker.

 

MR SPEAKER

Mersi Minis.  Onorab Clive Roucou.

 

HON CLIVE ROUCOU

Mersi Mr Speaker.  Bonzour tou dimoun.  Mr Speaker mon anvi pou komanse Minis i donn mwan, donn Lasanble en leklersisman.  Si i pe konfirmen ki bann etranze ki’n vin Sesel zot napa okenn leksperyans teaching.  Oubyen parey in dir, ki i napa laprev ki zot in deza teach. Dapre son larepons ki in donnen.

Me mon kestyon se, mon anvi demann Minis, ki difikilte e ki ou Minister i gannyen an relasyon avek rekritman bann ansennyan?  Spesifikman avek langaz, Langaz Angle, Langaz Franse.

Eski ou annan okenn difikilte pou rekrit en ansennyan ki sorti L’ Angleterre ki koz Angle, oubyen en ansenyan ki sorti La France ki koz Franse?

Prenon kont kantite konplent ki bann etidyan i dir ki zot pa pe konpran sa bann ansennyan.  Espesyalman pa pe mank respe pou bann Zambian ek sa bann konotasyon ki zot servi, oubyen lafason ki zot prononse, ki sa bann teachers sorti Zambia i annan silvouple, mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker.  Mersi Onorab.  Ler nou pe koz lo leksperyans, parey mon’n dir taler.  Letan nou rekrit en dimoun, nou get son CV.

E lo son CV i mete dan ki lekol in al ansennyen, pou konbyen letan in ansenyan.  E ki son kalifikasyon as a teacher.  Nou malerezman nou pa pe kapab war li an aksyon.  Nou pa kapab al dan sa lekol, pou vwar si i en bon ansennyan dan sa lekol kot i ete.

Si i annan bon classroom management eksetera.  Lo kote langaz, nou, zot in train an Angle.  E nou konnen poudir Zambia i en pei ki ti annan kolonizasyon Angle.  So zot parey Sesel ki’n ganny sa.  Me selman, parey nou konnen, tou bann dimoun ki sorti dan en lot pei, swa lo kontinan Lafrik, swa Dan Lenn kot nou rekrite.

Swa Malezi, swa lezot pei Sri Lanka.  Bann dimoun zot koze, Angle, me zot osi annan en aksan, ok, en aksan.  So i parey osi petet si nou, nou ti pe al dan en lot pei L’ Angleterre or whatever. 

Dimoun L’Angleterre ki koz pure English ti pou dir Seselwa i koz avek en aksan.  Sa aksan li i nou aksan Seselwa. Me selman mon krwar pa si sa i pe anpes zot ansennyan.  Akoz i annan de zot, parey mon dir, ki fer en tre bon travay.  E ki lekol i satisfe avek zot performans.  Regardless of sa pti aksan ki parfwa i sorti letan zot pe koze, ou pe ekoute, parey mon pe dir.

Lo kote konplent, konplent ki nou gannyen, nou pa ganny konplent dan tou lekol.  Nou pa ganny konplent lo tou sa bann ansennyan.  Parey mon dir, i annan ki Head Teacher, menm ler kontra i fini, i pe demann ou, eski ou pou renew Kontra msye entel.

Ouswa ou pou renew kontra madanm entel.  Akoz i pe donn satisfaksyon dan mon lekol.  Mon ti a kontan i kontinyen, ok.  So mon, konplent petet ki nou gannyen, i minim.  Me parey nou konnen, letan nou annan en sistenm koumsa, sa ki negativ toultan i kapab en pti group.

Me selman i override lezot kote, pozitiv.  Ki sa bann ansennyan i annan.  E pou nou al rekrit letan nou fer recruitment parey mon pe dir ou, nou al dan tou.  Nou al dan tou pei.  Nou’n deza annan Irish dan sistenm.  Nou’n deza annan Scottish dan sistenm,  avek son aksan.  Nou’n deza annan Angle dan nou sistenm.  Nou’n al kot nou kapab gannyen.

E parey nou konnen osi, i petet ki nou’n, nou pa’n kapab al fer li laba.  Petet bann terms and conditions ki nou annan pou nou ofer.  Zot, zot pa dakor.  Ok.  So i pa vedir ki toultan nou al dan sa bann lezot pei, nou pa al dan lezot landrwa.  Akoz parey mon pe dir, dan sistenm nou’n annan over the years, mon pa konnen konbyen nasyonalite ki’n teach Sesel.

E parey mon pe dir, en pti mo la, pou nou, vi ki nou pe, nou dan en, si nou dan en problenm pou le moman.  Nou kapab ganny lasistans avek sa bann dimoun ki nou kapab travay avek.  Sa ki pa performen parey mon dir, sa nou, i annan, ki mannyer nou kapab dil avek zot.

Me sa bann ki kapab fer, ki pe ed nou sistenm, nou bezwen tre rekonesan ki nou gannyen.

Akoz nou, nou pa tro kapab recruit locally.  Sanmenm ki in anmenn nou laba.  Me nou annan bann stratezi an plas toultan i la pou nou promot Ledikasyon, promote teaching. Ki nou kapab ganny nou bann prop ansennyan.  Zot vini, me selman pa vin an gran kantite.

Me nou, parey mon pe dir, nou tre rekonesan avek sa bann ansennyan ki la dan sistenm.  E ki pe delivre.  Mersi Mr Speaker.

 

MR SPEAKER

Mersi Minis.  Onorab Lemiel, non.  Bon, avek sa nou’n ariv a lafen sesyon Minis.  Sesyon kestyon pou Minis Simeon.  Minister mon ti a kontan remersi ou avek ou lekip.  Dr De Comarmond, Mr Belmont e Mr Pillay.  E nou ava eskiz ou avek ou delegasyon parmi nou.  Mersi.

 

MINISTER JEANNE SIMEON

Mersi Mr Speaker.  E mersi bann Onorab pou zot kestyon.

 

(MINISTER SIMEON AND HER DELEGATION WAS EXCUSED FROM THE HOUSE)

 

 

MR SPEAKER

Bon, avan nou adjourn, mon annan 2 pti lanons housekeeping.  Bills Committee pe rankontre toudswit koman nou break la, dan Committee Room 3.  E ABC, Assembly Business Committee pe rankontre 1.15 dan Speaker’s Conference Room.

Lasanble i adjourn e nou repran nou travay 2er apre midi.  Kot nou pou rankontre Minis pou Tourism.  Apre nou pou pran PNQ pou Minis Finans.

 

(BREAK)

 

MR SPEAKER

Bonn apre midi tou Manm Onorab.  E bonn apre midi tou dimoun k a lekout e pe swiv travay Lasanble Nasyonal.  Bon mon ti a kontan osi dir bonn apre midi e welcome Minister Didier Dogley, ki parmi nou apre midi pou reponn bann kestyon ki konsern son Minister. E pou premye kestyon, Minister i ganny akonpannyen par Mr Ronny Brutus ki Sef Egzekitiv Lotorite Por.

Nou ava toudswit al lo kestyon.   E mon ava donn laparol Onorab Churchill Gill.  Onorab Gill.

 

HON CHURCHILL GILL

Mersi Mr Speaker.  Bonn apre midi Mr Speaker. Bonn apre midi Minis ek ou delegasyon.  Bonn apre midi tou Manm e tou dimoun a lekout.

Kestyon i lir koumsa.  Eski Minis i kapab enform sa Lasanble kan ki premye faz proze Por pasaze Baie Sainte Anne Praslin i espekte konplete?

Dezyenm, ki pe arive avek dezyenm faz?  Eski i pou konmanse parey ti’n prevwar?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Bonn apre midi Mr Speaker e tou bann Onorab.  E tou dimoun ki pe swiv nou dan lakour.  Mr speaker se avek gran plezir ki mon ti a voudre enform sa Lasanble, ki premye faz devlopman en Por pou pasaze li Ile Eve, Baie Ste Anne Praslin in fini konplete.

Premye faz sa proze i annan 2 konponan.  sa i en lasose 150 met longer e en shelter pou protez bann dimoun ki pe servi sa fasilite.  Travay konstriksyon ti komanse apre ki tou bann plan ti’n ganny aprouve par Planning.

E bann dokiman neseser ti’n fini ganny finalize par Konsiltan.  Ti an Oktob 2018 ki sa kontrakter, Vijay Construction Limited, ti ganny sa kontra, atraver prosedir tender pou batir sa Por pasaze. I ti annan li ziskan Oktob 2019 pou li fini sa proze.  Me pou plizyer rezon parey movetan, nesesite pou tir plis rock armoring ki ti’n orizinalman prevwar, materyo ki ti ganny fouye pou konble deryer miray, i pa ti osi bon.

Ki ti espekte, ki ti fer li neseser pou rod coralfill dan bann lezot landrwa pou konble deryer sa lasose.

Ti osi annan en mankman dan lakantite materyo pou kouver shelter lo lasose.  Ki ti fer li neseser pou enport sa materyo ki ti ariv an mars 2020.

E akoz bann restriksyon pou fer avek COVID, konstriksyon shelter ti ganny ankor en pti retar.  Mon ti a voudre fer resorti ki lasose li menm ti’n fini konplete depi desanm 2019.  Zis 2 mwan apre deadline ki ti’n ganny donnen pou Oktob 2019.

Alor mon kapab dir, ki malgre sa bann pti retar ki mon’n eksplike atraver bann vizit regilye, e bann zofisye Lotorite por e avek Konsiltan in fer ek bann rezilta pozitiv tes teknik lo bann diferan enfrastriktir.  Nou war nou satisfe avek rezilta final sa proze.  Pli enportan ankor, sa proze in ganny fer a en valer R18, 446, 220milyon parey ti’n ganny bidzeter.

Konsernan ou dezyenm kestyon, Mr Speaker larepons sa pou sa kestyon i wi.  Bann preparasyon in fini komanse.  Pou enplimante dezyenm faz sa proze.  Dezyenm faz sa proze i enkli en apwent en konsiltan pou fer plan bann batiman ek bann lezot lenfrastriktir neseser. E osi pou fer bann evalyasyon kou sa proze atraver bann kalkilasyon quantity surveyor. 

Konstri batiman pasaze avek tou son bann fasilite esansyel ;-  konstriksyon network, semen e parking.  Met tiyo pou fer koneksyon delo,  pas bann kab pou donn elektrisite e konstri sistenm tretman desarz avek eksetera,  pou deservi batiman pasaze ek lezot fasilite ki a ganny konstri apre.

Konstriksyon lezot batiman komersyal pou konplemant sa servis pasaze terminal.

Avek sa Lotorite Por in fini komans sa dezyenm faz.  En lanons i ti ganny mete le 7 Zilyet 2020, dan zournal,  pou demann en expression of interest avek tou bann lakonpannyen enzenyer ki enterese pou design sa terminal pasaze e lezot lenfrastriktir ki’n prevwar pou sa fasilite.  Zot in ganny an tou 4 lakonpannyen ki’n montre lentere.

E sa semenn, zot a komans bann prosedir pou swazir bann lakonpannyen ki pou al dan dezyenm faz, kot zot pou ganny demande pou fer en propozisyon detaye, oubyen request for proposal.  Parey nou’n dir an Angle.  Ler sa prosedir planifikasyon a’n ganny konplete, e sa lakonpannyen a’n ganny elekte atraver Tender Board,  bann travay planifikasyon detaye ava komanse.  Nou pe antisipe komans konstriksyon sa terminal pou pasaze ver dezyenm kar, dezyenm kar 2021.

E konplet li ver premye kar 2022.  An paralel bann lezot lenfrastriktir tel ki parey semen, delo, elektrisite, sewage pou osi ganny met an plas.  Apre konstriksyon bann lezot batiman komersyal, e osi i ava komans ganny fer.  Mersi Mr Speaker.

 

MR SPEAKER

Mersi Minis.  Onorab Gill.

 

HON CHURCHILL GILL

Mersi Minis pou ou bann larepons.  Pou ou siplemanter, ozordi pou akse kot sa terminal i ete.  I annan 3 direksyon semen, avek sa enn pou akse sa terminal ozordi, i vin 4 diferan direksyon semen.   E mannyer i ete dan milye, i napa, lekel ki pou donn direksyon lekel, oubyen lekel transpor ki pou al avan.  Eski en konversasyon in ganny fer avek Land Transport, pou deside ki kalite fasilite pou la, si en roundabout otherwise.  Oubyen si i annan posibilite en lot akse pou al laba?

Apre dezyenm kestyon, ou’n dir poudir kontrakter ti Vijay Construction.  Eski tou keksoz i annord lo sa premye faz, ki nou pa ekspekte dezyenm faz.

Mannyer mon’n konpran ou, se dezyenm faz en lot group kontrakter ki sipoze pe ganny selekte.  Ou kapab zis eklersi sa pou nou silvouple.  Apre eski ou annan en dat kan ki ou pe mazin sa terminal komans servi, silvouple?

Si ou annan en nide kan ki bato i a kapab komans koste?  Akoz sa koezyon lo vye lasose i ase pertinan.  Mersi Mr Speaker.

 

MR SPEAKER

Mersi Onorab Churchill Gill.  Minister.

 

MINISTER DIDIER DOGLEY

Mersi Mr Speaker.  Konsernan fasilite semen, mon kapab konfirmen wi, in deza annan bann diskisyon avek Land Transport lo kestyon ki mannyer ki akse i pou antre kot sa fasilite pou fonksyonnen.  Nou pa ankor fer bann plan detaye.  Sanmenm sa ki nou bezwen fer bann planifikasyon.

Ki mon’n eksplike ki i annan sa bann aplikasyon ki zot in fer pou ganny bann kontrakter, bann lakonpannyen enzenyer pou komans bann design eksetera.  E apre la nou ava antre dan bann detay ki mannyer i pou fonksyonnen egzakteman.  Me solman bann diskisyon teknik ant SPA avek Land Transport i en keksoz ki’n komanse.   E definitivman i pou kontinyen.

Konsernan litilizasyon sa terminal li menm, sa terminal ki mannyer in ganny fer la konmela, deza i kapab ganny servi.  Akoz nou’n fini, son lasose li menm in fini fer.  E i annan pti shelter ki’n fini konstri.  Savedir bato i kapab koste.  E bann dimoun, bann pasaze i kapab komans servi li.

E dezyenm faz li menm, parey mon’n dir sis ziskan boner lannen prosen, dan premye kar lannen prosen.  Savedir ziska apepre dan Mars koumsa.  Nou ekspekte poudir nou pou’n fini fer tou bann louvraz preparatwar.  E ki ver Avril nou ekspekte konstriksyon i kapab komanse, ver Avril a Me.

Konstriksyon sa terminal, sa building kot bann dimoun pou deservi pou zot ganny akse avek bato.  Epi pou sorti lo bato pou komanse.  In pran nou en pe letan pou design sa byen.  Akoz nou ti oule fer en keksoz ki modern.  Pa en keksoz ki parey en langar si ou oule.

Me en plan, en building ki parey, si oule, parey ou pe al lo Airport.  Ki ou pou kapab vini, menm si i annan movetan, ou pou kapab vini fer ou check-in.

Pas dan bann landrwa kot ou pou kapab met ou bagaz e annan en proper lounge e bann fasilite pou dimoun kapab ganny akse ek manze eksetera.

Lo tou lede kote, bann ki vini ek bann ki ale.  Alor, nou annan en konsep ki’n fini ganny design.  La prezan nou ava antre dan sa dezyenm faz pou finaliz bann plan detaye.  Mersi Mr Speaker.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonn apre midi Minis.  Minis mon kestyon i comme swivan.  Ou’n dir ki dezyenm faz sa proze pe al komanse.  Mon kestyon i konbyen ki zot in estimate sa dezyenm faz sa proze pou koute.

E ou’n osi dir ki ou’n fini piblir expression of interest lo dezyenm faz sa proze.  Ki enkli pou konstri sa batiman pasaze e network parking.  E osi sa sistenm tretman desarz.  Mon kestyon, i eski bann kontrakter Praslin pou benefisye.

E eski bann louvraz ki en pti pe, eski i annan serten louvraz ki zot pou gard li pou bann kontrakter Praslin.  Ouswa i pou en louvraz ki tou sa bann travay pou ganny tender pou tou kontrakter Mahe, Praslin, I mean nasyonalman.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Konsernen expression of interest, sa i bann lakonpannyen enzenyer ki pe koze, ki pou al fer bann plan.  Akoz i annan tout en preparasyon bann detail plans ki pou bezwen ganny fer.  E apre bann quantity surveyor, bann, konbyen pou koute eksetera.

Preparasyon bann dokiman ki pou ganny donnen sa bann kontrakter pou zot kapab tender, pou zot kapab bid si ou oule.  Pou zot kapab ganny sa Kontra.  Se sa, sa expression of interest ki mon pe koze.

Apre dezyenm keksoz konsernan pri, an tou nou ekspekte i pou kout anviron R81 milyon pou fer antye sa passenger terminal.  I en building apepre 4500 met kare.  Ki pou annan tou bann fasilite ladan.  Mersi Mr Speaker.

Konsernen tender, nou pou bezwen vwar egzakteman ki mannyer nou pou kapab apros sa.  Akoz sa gro building nou pa pou kapab fer li par bout, bout.

Nou a bezwen vwar si i annan bann pli pti konponan ki kekfwa nou kapab bids pou bann dimoun Praslin pou fer.

Me sa gro batiman definitivman i pou, nou pou bezwen ouver li avek tou bann kontrakter.  Akoz i bokou pli konplike, kekfwa.  Mon pa konnen konbyen bann kontrakter first class ek dezyenm class ki i annan lo Praslin.  Mersi Mr Speaker.

 

MR SPEAKER

Mersi Minis.  Onorab Woodcock.

 

HON WAVEL WOODCOCK. 

Sa Building ki zot pe fer, sa building ki 4500 met kare.  Ki bann fasilite ki i pou annan dan sa batiman?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker dan sa batiman, parey mon’n sey eksplike, i pou en batiman ki totalman nouvo.  Nou pe regard pou sanz en pe trend ki mannyer nou’n fer li.  Parey ozordi, nou vwar poudir bann bato ki nou annan i 5 Zetwal.

Nou dir poudir Sesel i en landrwa kot touris i ganny konsidere poudir i en destinasyon 5 Zetwal.  Me solman bann fasilite ki nou annan i pa a sa nivo.  Alor, nou pe sey fer mannyer pou design en terminal building ki lo sa nivo.  E nou’n anvoy nou bann lenspekter, nou bann enzenyer, menm pou al vwar deor ki mannyer sa i ganny fer.

Alor, pou mwan al dan bann detay, i pou annan bann keksoz par egzanp landrwa kot ou pou kapab met ou luggage.

Ou pou annan landrwa kot ou pou aste tiket.  Ou pou annan landrwa kot ou pou check-in, parey ou pe al check-in lo Airport.

Ou pou bezwen check-in menm parey.  I pou annan definitivman bann servis twalet, kabinen, bann lofis pou bann diferan lakonpannyen ki deservi bann fasilite kot sa bann zafer bato ouswa menm bann lakonpannyen ki pe donn sa servis bato li menm.

I pou annan bann ki nou apel bann DMCs.  Savedir bann tour operators, zot osi zot pou annan, posibilite pou annan biro laba.

I pou annan landrwa osi ki donn lenformasyon, bann Souvenir shop.  I pou annan landrwa pou ou kapab check-in ou bann luggage.  Sirtou pou bann touris ki pe vwayaze.

I pou annan bann lounge kot dimoun pou kapab atann ziskan ler ki zot anbark lo bato.  I pou annan restoran.  Annefe i pou annan tou bann fasilite ki modern, ki bann terminals parey Airport normalman ou trouve.  E li i pou annan tousala.  I pou en building ground plus 1, plus attic.  Savedir i pou annan 2 letaz.  Mersi Mr Speaker.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Bonn apre midi Minis avek CEO.  Minis, mon anvi demann ou, si sa finansman pe ganny fer antyerman par Gouvernman. Swa i annan en konponan etranzer ladan.  Epi dezyenmman, eski ou kapab enform sa Lasanble, si an grosso modo, letan faz 2 pou’n konplete, nou pe koz anviron, desote R100milyon.

Akoz baze lo sif ki ou’n donnen, lo premye faz, ki R18 milyon.  E dezyenm faz pe kout apepre R81milyon letan ou pe factor in kou konstriksyon ki i pe ogmante.  So ki retonbe ki nou pe koz lo la?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker, pou konsernan finansman, tou finansman pe ganny pran par SPS, Seychelles Port Authority. 

Se li ki pe finans sa proze Por li menm.  Me apre solman mon krwar i annan bann lezot building komersyal ki probableman zot pou tender out avek bann lezot lorganizasyon, ouswa bann dimoun prive ki enterese envestir dan sa compound li menm.  Me selman pou komanse avek sa bann main batiman, se Port Authority ki pou finans tou keksoz.

Konsernan retonbe, parey ou konnen, avan ler COVID in vini sa lannen.  Nou’n vwar en gran logmantasyon dan la kalite ek lakantite touris ki nou gannyen isi Sesel.

Touris, mon mazinen lannen pase i ti $580milyon ekek touris an zeneral in anmennen dan nou lekonomi. Alor, si nou pe regard dan 10 disi, nou pa kapab plan fer bann langar ouswa fer bann pti batiman senp parey nou ti pe fer dan lepase.

Nou bezwen regard annan en vizyon kote ki nou pe ale dan lavenir.  E nou bezwen osi compete lo la kalite servis ki nou, nou donn bann viziter ki vin isi Sesel.  E pou nou kapab fer sa nou bezwen fer li enn atraver servis ki nou bann dimoun i donnen.

Me lo lot kote osi, nou bezwen annan bann lenfrastriktir ki reponn a bann bezwen ki sa bann dimoun pe rode.  Alor pou reponn ou kestyon, ler ou fer en batiman parey, ou pa ekspekte ou pou ganny sa larzan deswit.

Me selman lo long term i en keksoz ki pou benefisye Pralinwaz, dimoun ki reste Praslin.  Me osi Seselwa an zeneral ki al Praslin.

E apre i pou osi ed Sesel pou kapab vann son lekor koman sa 5 Star destination ki nou toultan pe dir nou ete.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mon anvi demann Minis, par lefe ki in dir ki i annan serten konponan ki i pou les avek bann sekter prive pou fasilit sa bann servis,  eEski priyorite, lefe ki se Praslin La Digue ki pe ganny bokou afekte finansyerman avek Lendistri Tourizm.

Eski priyorite pou ganny donnen avek bann envestiser Pralinwaz avek La Digue vizavi sa bann lezot konponan.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker larepons i wi.  I Policy Gouvernman pou, sirtou pandan sa bann letan COVID, ki Gouvernman in pran desizyon, tan ki i posib, bann pli pti proze.  Pou donn loportinite bann dimoun sorti lo sa 2 zil.  Mersi Mr Speaker.

 

MR SPEAKER

Mersi Minis.  Onorab Terence Mondon.

 

HON TERENCE MONDON

Mersi Mr Speaker.  Mr Speaker mon kestyon i lo sa plan lenvestisman Por Lotorite Por. I ti prevwar 90milyon pou konstriksyon lasose avek sa terminal pasaze, tou lede ansanm.  E Minis in dir nou ki in depans 18.4milyon pou konstriksyon lasose.

Ki fer ki apepre 71 milyon ti pou sa kou konstriksyon pou sa terminal.  Ozordi Minis pe koz plis ki 80milyon.  Savedir logmantasyon 9milyon pou konstri terminal.

An plis ki zot in prevwar dan zot plan.  Akoz sa logmantasyon?  Kote, kwa ki’n fer ki i pou kout 9 milyon an plis aprezan ki zot ti’n prevwar dan zot plan.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon pa tro sir lo ki plan ki Mr Onorab Mondon pe koz lo la.  Kote i tir sa bann sif.

 

MR SPEAKER

Mersi Minis.  Onorab Mondon.

 

HON TERENCE MONDON

Mr Speaker, mon annan devan mwan, Seychelles Port Authority Investment Plan kot i donn detay tou bann proze avek son timeline.  Avek son Bidze, e ki zot in fer.  E sa i sorti ladan.  Zot annan tou zot bann proze, rapor lo Authority.  Mersi.

 

MR SPEAKER

Mersi Onorab.  Minis.

 

HON TERENCE MONDON

Mon a fer ou ganny en kopi si ou oule.

 

MINISTER DIDIER DOGLEY

Yah, mersi Mr Speaker.  CEO i annan en kopi.  Selman mon pa ti asire ki dokiman ki ou ti pe refer referans avek. Ou’n zis tir en limero ki mon pa konnen kote ou’n tire.  Konsernan sa konsep ki ou pe koz lo la, i parey tou planifikasyon ki ou fer.

Normalman ou baz li lo en konsep ki orizinalman ou’n design.  Me plis ou travay lo la, ou al dan bann detay, ou pou vwar poudir i annan sanzman. Menm sa bann sif ki mon pe koz lo la, i bann sif ki ankor baze lo bann nouvo konsep ki nou, nou’n sanze.

Parey mon’n dir avan nou ti pe fer bann keksoz bokou pli senp.  La nou anvi fer en keksoz ki bokou pli enteresan.

En keksoz ki pou set en standar pou bann lezot terminal ki nou pou build dan lezot landrwa lo Mahe, ouswa La Digue demen.

Ki dan en fason ki dimoun ki pe servi sa bann landrwa, i pou travel on konfor, depi ler zot ariv kot lasose, ziskan ler zot kit kot lasose kot zot pe ale.  E se sa ki kree ki ler ou pe fer en keksoz ki ou pe revwar ou design, definitivman ou pou vwar poudir pri osi i sanze.

Ek letan osi, pri i sanze.  Nou tou nou konnen, ki poudir menm la pre COVID in annan bann sanzman dan pri konbyen keksoz i koute.

E nou respekte, mon pa krwar poudir sa i pou dernyen pri.  Dernyen pri pou letan nou’n fini fer tou bann technical design. 

E ou pou’n fini ganny bids sorti kot tou bann kontrakter.  Se la ki ou pou konnen finalman egzakteman konbyen ki vreman ou pou bezwen peye pou fer sa batiman.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon premye kestyon se pou demann Minis, konbyen ki ti the original tender pou fer sa lasose, sa passenger terminal la?

Ki’n fek fini, dir nou konbyen ki ti son original tender e konbyen ki ti son kou final pou son konstriksyon.

Dezyenmman, eski Mini si kapab eksplik nou.  I pe koz ki zot pou fer keksoz ki modern.  Isi lo Mahe, lo Por, passenger terminal laba, zot in fek fer en nouvo konstriksyon.

E sa nouvo konstriksyon, i pran Cat Cocos ki anmenn pasaze Praslin avek La Digue.  I donn 1200 met kare.  Eski Mini si kapab donn nou en konparezon.  Konbyen eski sa terminal isi lo Mahe ti koute, konpare avek sa enn ki zot annan lentansyon ofer.

E eski Minis i kapab dir avek nou ki mannyer eski i kapab annan 4 semen ki anmenn dan en landrwa.  Letan zot ti pe fer plan sa terminal,  eski zot pa ti planifye en sel semen ki pou al laba?  Mersi bokou.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Premye kestyon konsernan konbyen original tender ti ete, konbyen ki’n koute.  Mon annan plezir pou dir, poudir napa okenn diferans ant le 2.  Originally ler ti submit tender, sa lakonpannyen ki i ti ganny tender ti bid R18, 446, 220milyon, e ler proze ti fini, se sa ki SPA in pey sa lakonpannyen.

  Now, dezyenm kestyon, ou pe demann mwan pou konpar konbyen ti koute sa 1200 met kare, sa laranzman ki ti fer lo Por isi Mahe, kot Inter Island Quay. Avek sa enn ki pe fer lo Praslin.  Malerezman mon napa sa detay sa enn ki ti ganny fer lo Mahe la avek mwan.

Me selman nou tou nou konnen poudir kou konstriksyon Mahe ek kou konstriksyon Praslin ou La Digue i pa menm parey.  Akoz senpleman transportasyon avek bann lezot kou ki asosye avek bann proze lo sa bann zil i bokou pli o.

Dapre kalkilasyon ki bann enzenyer in fer, i kler poudir nou nou’n swiv, ouswa SPA in swiv bann kotasyon ki relevan avek bann kou ki normalman ou pou gannyen lo Praslin.  E non pa menm kou ki ou pou kapab met li lo Mahe.  Akoz i annan en diferans ant le de zil ler ou koz lo kou konstriksyon li menm.

Me mon napa sa detay, malerezman pou sa bann lannen pase, ler sa amelyorasyon ti ganny fer lo sa striktir ki ti ganny fer lo Inter Island Quay.

Konsernan semen, nou, nou napa sa bann detay.  Akoz nou, nou pa ankor konstri semen nou.  Semen ki’n konstri ti ganny fer par Land Transport.  Nou, nou an konsiltasyon ek Land Transport, pou regarde ki mannyer nou pou konnekte sa fasilite terminal pasaze, avek semen piblik.

Alors, si ou oule ganny plis lesplikasyon lo semen piblik sa kestyon i pou bezwen al pou Minis ki responsab pou semen.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker premyerman mon ti ava kontan dir avek Minis koman dan mon kapasite koman Chairperson FPAC mon kontan be mon felisit sa lorganizasyon, mon felisit Lotorite Por.  Pou ki sa proze son kou ki i ti’n ganny tender avek son kou final.  Zot in nobou mentenir li parey.  Sa i en bon legzanp ki zot in donnen, felisitasyon !  Mr Speaker, eski Minis, i kapab eksplik nou, akoz ki lo Mahe zot in konstri en passenger terminal ki modern, ki kouver, ki tou sa ki ou’n …, ki donn selman 1200 met kare?

E sa i lo Mahe.  Tandis ki sa ki ou a pe dir nou la, ki pou al kout 80milyon, ki pou fer ki i pou kout anviron R18mil, akoz eski nou bezwen en keksoz koumsa lo Praslin.

E, eski i pa ti ava normal pou, mon pe rod sa mo an Kreol.  Pou replicate sa ki zot in fer isi lo Mahe.  1200 met kare ki donn tou sa bann servis lo Praslin.  Parski son plan i en open plane sa.  E an plis ki sa, menm si nou pe dir sa, e nou kapab osi regard La Digue.

La Digue li i vre ki i zis en terminal kot dimoun i vini i debout epi i ale, i rantre, i napa sa bann fasilite, tandis ki sennla lo Mahe.  Kisisa ki anpes nou, ki anpes zot fer en plan dan laliny sa enn ki lo Mahe?  Ki ava ekonomiz bokou larzan olye al lo 80 milyon.  Probableman i ava kout zot en 15 milyon a 20 milyon maksimonm, maksimonm.  E ki ava donn tou sa bann fasilite.  Eski nou pa pe al dan en pe tro ekstravagans?

Me apre, lo s akote semen, Mr Speaker mon dezapwente letan Minis pe dir, ki Land Transport ki bezwen vin koz lo semen.

Parski sa i fer mon mazin egzakteman sa Petrol Station ki anviron 400met avek nou la devan,  kot zot fini fer Petrol Station apre sa ki nou pou al regarde kot semen i pase.

Eski plan semen pa ti devret dan son plan letan pe ganny fer?  Pou ki zis koman nou fini, e la spesyalman ki ou a pe dir, ki ou a pe dir sa terminal.

E mon kontan letan ou’n anonse, avek gran plezir terminal in fini.  Me wi, avek gran plezir ki terminal in fini.  Me selman pou ariv kot terminal ou bezwen servi Google maps!  Eski nou pa kapab, eski semen pa ti devret dan plan orizinalman?  Mersi bokou.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker konsernan plan semen, in annan diskisyon.  Parey Onorab Gill in demann mwan, e mon’n reponn,  in annan diskisyon ant bann enzenyer Port Authority avek bann enzenyer kot Land Transport konsernan ki mannyer pou konekte semen.

Zot annan en konsep ki’n fini travay lo la, ki mannyer semen, menm semen pou konekte avek sa fasilite ki pe ganny konstri laba Praslin kot sa passenger terminal i pou ete.

Alor in annan bann diskisyon sa bann travay, in fini fer sa konsep i egziste.  Konsernan si semen i annan 4 lane, ouswa 2 lane, ki mannyer i fonksyonnen.

Sa nou pa pou kapab eksplike, akoz i pa nou responsabilite pou eksplik ki mannyer semen i fonksyonnen.  Me konsernan koneksyon ant semen e sa fasilite pasaze, sa in fini annan bann diskisyon e i annan konsep ki egziste konsernan sa fasilite pasaze Por.

Konsernan sa design pou sa passenger Por, in annan en kantite konplent, menm lo sa enn isi Mahe.  Kot bann bato ki pe servi sa fasilite, e osi kliyan ki pe servi sa fasilite, zot vwar poudir i pa adekwa pou ler, sirtou ler i annan lapli, ouswa kondisyon i pa bon.  Ki bann dimoun i vwar zot, zot vwar zot, zot bezwen debout an lapli ouswa zot bezwen soz.  E ki mannyer in ganny fer i pa en keksoz ki apropriye, si ou oule pou al dan lavenir.

Nou bezwen fer keksoz ki byen, ki byen design, well design,  ki annan bann fasilite modern. Ki dan en fason ki dimoun ki pe servi sa bann keksoz zot ava vwar poudir sa terminal ki nou pe build i reponn a bann bezwen e a bann egzizans bann dimoun ki pe vwayaze ozordi.

E Praslin i en premye legzanp kot nou, nou pou komanse pou nou fer en keksoz ki byen pou bann Pralinwa pou dimoun Praslin.  Me osi bann lezot dimoun ki pe servi sa landrwa.  Nou pa krwar poudir nou devret fer en pti langar 1200 met kare.

Kot pou napa bann fasilite ler en dimoun i vin avek son bagaz, i pa konnen kot i pou al mete.  Bagaz pe ganny trennen dan lapli.  E dimoun zot menm ler zot pe antre lo bato, zot war zot pe ganny mouye.  Nou bezwen frer en keksoz ki annan e vizyon kler ki mannyer nou pou bouz annavans dan lefitir, pou nou dimoun me an menm tan osi pou bann viziter ki vin isi Sesel ki deservi bann fasilite ki i annan isi Sesel.  Mersi Mr Speaker.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Mr Speaker napa 4 semen ki pou al kot sa terminal.  Mon ava eksplike, i ava kler pou tou dimoun.

Ozordi Baie Ste Anne, semen ki lead kot sa terminal, i annan en semen ki sorti Baie Ste Anne, en semen ki sorti Vallée De Mai, en semen ki sorti Cote D’Or.

Avek sa enn ki pou al kot sa terminal, i fer 4 direksyon, ok.  Prezan i bezwen annan en kontrol ler 4 transpor i vini an menm tan.  Lekel ki pou al avan, lekel ki pou donn semen?  Sa ki nou pe demande, si sa konversasyon in ganny fer ek Land Transport?

Prezan pou mon kestyon siplemanter, Mr Speaker avan ler COVID, tou sa lannen ki nou konnen Praslin in kontribye en kantite dan kof leta an term tax dan sa pei.  Si ozordi i annan en fasilite ki Praslin i bezwen pe ganny fer, eski Minis Tourizm ou konn byen mannyer Praslin touris i frekant bokou.

Eski ou pa krwar ki i normal en tel fasilite i ganny fer ozordi?  Annefe ti’n devret ganny fer depi demen.  Akoz Praslin si nou gete, ozordi tou dimoun ki debark Baie Sainte Anne i tro konteste, akoz?  Akoz i bezwen en landrwa.

So mon pa krwar poudir toultan keksoz i devret pran konparezon ek pou Mahe.  Si Mahe i annan koumsa, Praslin osi i bezwen annan koumsa, i pa devret koumsa.  I devret baze lo bezwen e merit.  Mersi.

 

MR SPEAKER

Mersi Onorab.  Mini.

 

MINISTER DIDIER DOGLEY

Mr Speaker mon dakor avek Onorab Gill.  Mon pa kapab toultan regard an aryer.  Mon bezwen regard dan lefitir.  E le fitir se sa ki nou pe sey design pou al enplimante Praslin.  Pou donn Praslin en pli Sesel osi.

En fasilite ki modern, ki pou la pou apepre sa 20an, 25an ki pe vini.  Ki i ava set sa standar pou bann lezot ki nou pou fer.

Mon pa kapab pran bann langar ki nou’n fer dan lepase koman model pou nou design bann nouvo striktir ki nou bezwen pou piblik servi.  E se sa ki Por pe fer.  E mon krwar sa travay ki pe ganny fer i en louvraz pozitiv.  E ki pou dan lentere bann dimoun Praslin e tou dimoun i servi sa Por.

E sirtou bann touris ki vin isi ki zot osi zot pe rod bann fasilite de kalite.  Ozordi ler nou regard bann bato pasaze ki pe servi nou bann zil.

Ler nou regard Cat Cocos, regard Inter Island Boats.  Nou war bann bato ki 5 Zetwal.  E nou pa kapab annan bann terminal ki annan 1 Zetwal. Nou bezwen annan terminal ki 5 parey bann bato ki pe deservi nou bann zil.

E se sa rezon akoz ki nou nou’n fer ansanm avek bann travayer, avek CEO ek son bann lekip,  ki nou, nou’n fer en propozisyon pou en keksoz ki pozitiv pou al devan avek lo Praslin.  Mersi Mr Speaker.

 

MR SPEAKER

Mersi Minis.  Bon nou’n fini avek sa premye kestyon, mon ava …  Yes Onorab Ferrari.

 

HON JEAN-FRANCOIS FERRARI

Mr Speaker pou benefis bann Manm pou sa bann dimoun ki pe ekout nou.  Konmsi mon ti anvi zis fer sa pwen, ki i annan en gran kontradiksyon dan sa ki Minis in dir.  I fek fer langar Mahe, i dir nou i pa pou fer langar, selman i fer langar Mahe! And …

 

MR SPEAKER

Non, non, i pa en point of order.

 

HON JEAN-FRANCOIS FERRARI

Non, mon santi mon ti bezwen fer sa pwen Mr Speaker.

 

(Interruption)

 

MR SPEAKER

Non. order!  Bon mon ava eskiz CEO Lotorite Por, Mr Brutus.

 

 

 

(MR BRUTUS WAS EXCUSED FROM THE HOUSE)

 

MR SPEAKER

E mon ava demann parliamentary reporter pou fer rantre le 2 lot zofisye ki pou akonpanny Minis pou sa prosen kestyon.  CEO mersi bokou.

Bon mon ti a kontan dir bonn apre midi e welcome Mrs Anne Lafortune, Sekreter Prensipal pou Touris e Mr Garry Albert ki CEO pou Seychelles Civil Aviation Authority.  Mrs Lafortune, Mr Albert,  Bonn apre midi e welcome dan Lasanble Nasyonal.

Mon ava al toudswit lo kestyon, mon ava demann Onorab Sebastien Pillay pou poz son kestyon.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker, kestyon i lir koumsa.  Eski Minis i kapab eksplik nou Lasanble ki zistans bann preparasyon in arive pou ouver lafrontyer Sesel le 01 Out?

Eski tou bann akter ek stakeholders in ganny konsilte lo bann preparasyon e mezir ki pe ganny met an plas pou louvertir le 01 Out.  Mersi Mr Speaker.

 

MR SPEAKER

Mersi Onorab Pillay.  Minis.

 

MINISTER DIDIER DOGLEY

Mersi Mr Speaker.  Mr Speaker, mon ti a voudre remersye Onorab Pillay pou son kestyon, ki mon krwar i enn ki tre enportan.  I annan en kantite zefor ki’n ganny mete dan sa dernyen 4 mwan pou rod pli bon solisyon pou re lans nou Lendistri Touris.  E koman en    lepidemi parey COVID pa’n zanmen arive avan, i pa’n posib pou servi bann solisyon ouswa bann legzanp ki deza egziste pou rezourd sa problenm.  Alors nou’n bezwen komans a zero.

Si i annan en keksoz ki nou’n a pran avek COVID se nesesite pou konsilte avek tou bann akter avan bouz devan.  E sa in vin lapros ki Gouvernman in pran a plizyer nivo.  Prezidan, apart lalis meeting ki in organize avek bann diferan akter konsernan COVID, in osi prezid 3 meeting onivo kot tou bann akter prensipal parey SCCI, SHTA, SIFCO, CEPS, GETUS, Praslin Business Association, La Digue Business Association e tou bann Departman e Lotorite Gouvernman kle ti prezan.

Se dan dezyenm meeting avek partisipasyon tou sa bann akter e zot konsantman, ki desizyon ti ganny pran pou re ouver nou lafrontyer avek vol komersyal komansman le 01 Out.

Dan sa bann meeting onivo nou’n osi diskit e evalye bann mezir ki Gouvernman e lezot Lorganizasyon in met an plas, pou minimiz posibilite enport bann ka COVID dan pei.  E se atraver sa bann meeting ki nou’n kapab met en lapros kler, ki mannyer nou devret atak sa problenm.

Apard ki bann meeting kordinasyon avek tou bann akter prensipal dan lakominote ki Prezidan Faure li menm in prezide,  Gouvernman in osi etablir en taskforce pou travay lo bann kestyon kle konsernan louvertir nou lafrontyer.  Sa taskforce ki annan bann reprezantan Lotorite Gouvernman e bann reprezantan bann Lorganizasyon Prive parey SHTA, SCCI, GETUS e La Digue Business Association, in osi travay lo bann kestyon kle konsernan sa size.  Bann desizyon ki nou’n pran e ki nou ankor pe pran, nou’n pran li ansanm.

In osi annan en kantite konsiltasyon ki’n ganny fer lo nivo bann lorganizasyon parey Departman Touris, SCAA e Lasante Piblik.  Konsiltasyon in ganny fer avek bann operater lo Erport, DMC, Car Hire Association e avek Taxi Association.

Konsernan reouvertir nou lafrontyer, lapros ki nou nou’n pran se enn ki minimiz risk anmenn COVID-19 isi pou enfekte nou popilasyon e an menm tan fasilit prosedir pou bann viziter etranze ki sorti dan benn pei kot lakantite lenfeksyon i ase ba, pou zot vin vakans isi Sesel.

Nou satisfe ki preski tou bann preparasyon neseser, pe fini ganny met an plas pou ouver lafrontyer Sesel apartir le 01 Out.  Kot i konsern bann Minister Departman e Lotorite kle, bann preparasyon in preski terminen.  La mon pe koz lo nivo Minister Lasante, Departman Touris, Lotorite Lavyasyon Sivil, Departman Imigrasyon.  In annan osi bokou zefor ki’n ganny mete par sekter prive, sirtou bann propriyeter e management bann gran e pti lotel, guest house e bann self-catering.  Bokou zot in fini fer lantrennman ki pe ganny donnen par Lotorite Lasante lo bann mezir neseser ki zot bezwen met an plas pou protez zot kliyan, zot menm e zot travayer.

Nou’n travay lo en Visitors Travel Advisory, ki donn lenformasyon e gidans neseser bann viziter ki pe mazin vin Sesel apartir le 01 Out.  Sa advisory i prezan lo sit web Departman Touris e in osi ganny sirkile isi Sesel e aletranze e i pe ganny revwar tou le 14 zour.

Bann mezir ki nou’n met an plas pou minimiz posibilite anmenn bann dimoun ki annan lenfeksyon i comme swivan ;-  Premyerman bann viziter ki pou ganny drwa antre Sesel se bann ki sorti dan bann pei kot to lenfeksyon i ase ba e sa pou ganny determinen par Lotorite Lasante Piblik.

Dezyenmman, tou viziter pou bezwen fer tes PCR 72 er tan avan zot vin isi Sesel e rezilta sa tes i bezwen negativ.  Trwazyenmman, zot pou bezwen anvoy rezilta zot tes kot Lotorite Lasante Piblik par email avan zot vin isi.  Sa i a donn nou bann eksper lasante letan pou etidye sa dokiman e satisfe zot lekor si sa sertifika i akseptab ou non.

Katriyenmman, zot bezwen prezant sa negative PCR sertifika ler zot check in.  Si zot pa fer li, zot pa pou ganny drwa antre lo avyon.  Senkyenmman, zot pou bezwen annan en lasirans medikal an ka zot tonm malad ler zot isi.  E sa pou bezwen kouver ICU osi, an ka zot bezwen tretman ICU.

Sizyenmman, bann viziter pou bezwen annan zot booking lotel pou sa peryod ki zot pou isi Sesel.  An arivan Sesel zot pou ganny screen par bann zofisye Lasante lo Erport.  SCCA in fini enstal bann infrared camera tre performan lo erport ki kapab detekte okenn dimoun ki annan en tanperatir abnormal.  Si i annan ki montre serten sentonm lenfeksyon e si bann zofisye lasante zot annan okenn dout lo en viziter, la i pou ganny demande pou fer en tes.  Pou sa SCCA ek Departman Lasante Piblik in fini enstal en fasilite medikal lo Erport, kot en Rapid Antigen Test i kapab ganny fer.

I osi annan bann prosedir avek bann gid pou erport ki’n ganny devlope. Lotorite Lavyasyon Sivil pe zwenn avek tou son bann operater pou met zot azour avek sa bann prosedir ki pou bezwen ganny swiv dan sa nouvo normal.

Serten sa bann prosedir i enkli nouvo prosedir lanbarkasyon e debarkasyon lo avyon, pou ganny fer an pti group dapre ranze sit kot zot asize dan avyon.  Tou pasaze pou bezwen kit zot mask dan zot figir ziska ler zot kit erport.  I mandatwar pou tou pasaze sanitize zot lanmen koman zot antre dan terminal lasal arive e zot tanperatir pou ganny pran par zofisye lasante.

En Health Airport Testing Station in ganny etablir kot tou dimoun ki rikord en tanperatir par lao 37.5 degre oubyen ki pe montre sentonm COVID-19 pou ganny demande pou fer tes par Minister Lasante.  Pou osi annan pasaze ki pou ganny swazir par azar pou fer en rapid test.  Tanperatir pou osi ganny teste dan terminal depar avek pasaze ki pas kot imigrasyon, avan pasaze i check in pou al Praslin, e lo Praslin sa pou ganny fer avan pasaze i check in pou vin Mahe.

Hand sanitizer in ganny mete dan tou terminal osi byen ki partou lo konkor pour ki piblik osi i ganny aske avek sa servis.  Bann demarkasyon pou mentenir zistans sosyal in ganny mete partou dan terminal, kot pasaze e staff pou debout oubyen asize osi byen ki kot piblik i debout pou esper bann ki pe arive e dan laliny check in pou tou lede, domestik e enternasyonal.

Bann travayer erport in ganny training esansyel pou fer sir ki Erport pe byen ganny netwaye e dezenfekte apre sak vol.  Bann bin in osi ganny plase dan bann landrwa kle partou lo erport pou ki piblik i a kapab dispoze zot bann PPE, tel ki mask oubyen legan.

Tou bio waste ki sorti lo avyon pou ganny mete dan zot cargo hole e retourn avek dan zot pei respektif pou zete.  Parkont, biowaste ki pou sorti lo Air Seychelles pou ganny mete dan en landrwa spesyal avan ki i ganny kolekte pou zete dapre gidans Minister Lasante.

Apartir le 01 Out, Lotorite Lavyasyon Sivil Sesel pou fer li mandatwar ki tou dimoun ki vin lo Erport anba konkor e pe akse bann landrwa restrikte anndan Erport, pou bezwen met en mask.  Adisyonnelman tou stakeholders osi, byen ki Lotorite Lavyasyon Sivil Sesel pou bezwen tyek tanperatir tou zot travayer e kit en rikord tou bann dimoun ki pe vin kot zot lofis pandan lazournen.

Apre ki bann viziter in fini pas atraver bann prosedir Erport, zot transfer ant erport ek lotel pou ganny fer par zis bann transpor ki’n ganny otorize, tel ki Tour Operator, Car Hire e TAXI ki’n ganny sertifye par Lotorite Lasante.  Viziter pa pou ganny drwa servi bis piblik.

Mr Speaker, viziter pou ganny drwa reste selman dan bann lotel ki’n ganny sertifye.  Tou sa bann lotel zot in fini met zot bann prosedir an plas pou fer sir zot fonksyonn anba bann kondisyon pou anpes transmisyon bann lenfeksyon dan zot letablisman.  Sa bann prosedir i enkli pran tanperatir zot bann viziter tou le bomaten, ouswa toulezour pandan lazournen, enn fwa par zour.

Gard rikord dan rezis kote zot bann viziter i ale toulezour, gard en sistenm lizyenn tre o dan zot letablisman.  Fer sir ki zot dezenfekte bann landrwa kle regilyerman.   Gard social distancing dan zot lotel, sirtou dan bann restoran e bann landrwa ki ganny frekante par bann viziter.  Gard vizilans lo leta lasante zot bann kliyan.

Travay pe kontinyen kot nou pe fer bann lenspeksyon neseser pou sertifye tou bann servis touristik tel ki akomodasyon tour operater, restoran, gid touris e bann sant plonze.  Nou osi pe fer bann vizit e rankont tet-a-tet avek bann operater pou asiste zot pou devlop zot bann standard operating procedures ki tou sa bann lorganizasyon i bezwen annan avan ki zot kapab ganny sertifye par Lotorite Lasante.

Pour le moman nou annan 117 letablisman akomodasyon, 11 tour operator e travel agent, 2 restoran e 7 sant e operater plonze ki’n fini ganny sertifye e zot in pare pou resevwar kliyan.  I osi annan 62 biznes akomodasyon ki’n fini soumet zot SOP e lenspeksyon in fini ganny fer, me nou pe atann sertifika sorti kot lasante piblik.  Nou osi annan ki’n anvoy zot SOP e zot pe esper lenspeksyon.

Nou’n osi devlop guidelines pou bann bato plezir, sirtou bann liveaboard e zot in ganny demande pou finaliz zot SOP pou zot osi ganny sertifye.  Nou ti a kontan lans en lapel avek tou sa bann biznes ki pa ankor donn zot SOP e ki ti a kontan operate apartir le 01 Out, pou fer li o pli vit posib, si non zot pa pou ganny drwa pran okenn kliyan.

Ledikasyon piblik in komanse e nou pou annan dan bann semenn ki pe vini, plis progranm lo televizyon, radyo e social media pou enform e edik piblik konsernan arive bann viziter dan nou pei.

Gouvernman in lans en kanpanny apele ‘Adapte, Adopte e Aplike.’  Tou bann bon mezir pou gard nou e nou bann pros an bonn sante.  I osi enportan ki tou dimoun i gard sa disiplin e swiv bann mezir ki lasante, toulezour pe rapel nou pou fer lo medya.  Nou tou, san eksepsyon nou pou bezwen kontinyen adapte, adopte e aplike bann bon pratik avan nou azir.  Lavenir nou lekonomi e nou pei pou ganny determinen par konportman sak endividi ki viv isi Sesel.

An konklizyon mon kapab dir ki wi bann mezir neseser i an plas, me nou bezwen gard antet ki sa pa aret la.  Nou pou bezwen kontinyen swiv e mezir lefikasite bann prosedir e mezir ki nou’n met an plas e kontinyen rod fason pou amelyor li.  E koman en dernyen mo, mon ti a voudre rapel tou dimoun lenportans pou nou tret bann viziter byen.  Akoz a lafen pa zot ki bezwen nou, me se nou ki bezwen zot.  Mersi Mr Speaker.

 

MR SPEAKER

Mersi Minis.  Onorab Pillay.

 

MR SPEAKER 

Mersi Minis. Onorab Pillay.

 

HON SEBASTIEN PILLAY

Mersi Mr Speaker.  Mr    Speaker, prenon kont ki louvertir Sesel i keksoz vreman enportan an vi sa sityasyon tre grav ki nou pei pe pas atraver ki vreman serye. E ki si nou pa nobou successfully fer sa ki nou neseserman fer par atraver ouver pei le 01 Out.  Nou pei, nou popilasyon i bezwen konpran nou annan bann difikilte ki nou pou bezwen fer fas avek e i enportan ki nou konmans sanz nou langaz e konpran ban priyorite ki nou bezwen annan vizavi bann sityasyon.

So, prenon kont sa, eski dan travay ki zot pe fer avek bann lezot stakeholders zot pe osi ankouraz en pe plis lavantaz ledikasyon dimoun an zeneral?  Akoz i annan tout en adaptasyon ki dimoun i bezwen fer avek en nouvo normal. Par egzanp met en mask i en adaptasyon ki ou bezwen fer. I annan dimoun ki mete parfwa, i annan dimoun pa mete parfwa.

Lo kote sanitize lanmen, lav lanmen mon krwar tou dimoun in abitye avek. So, eski i annan sa travay ki pe kontinyen? Mon konnen Lotorite Lasante Piblik in fer en travay formidab avek sa e i annan ankor travay pe fer. Eski zot in ankouraz sa? Akoz anvi ki dan la mazorite ka dan bann letablisman touristik se bann Seselwa ki pou pe travay akoz en bon pe bann etranze nepli la dan sa bann lenstitisyon.

E dezyenmman avek retour bann viziter, eski i annan posibilite pou bann Seselwa ki’n, ki posibilite ki zot in regard oubyen si zot in mazin sa zistans pour ki bann Seselwa, bann dimoun ki’n perdi zot lanplwa atraver sa restriksyon i a kapab gradyelman konmans pe retourn dan zot lanplwa.  Akoz   parey mon’n dir Mr Speaker, lenportans la pou nou se asire ki Seselwa i annan manze, i annan larzan pou aste manze pou met lo son latab.

So, eski zot in mazin down that line ler nou pe reouvertir le 01 Out oubyen pour le moman konsantrasyon i lo nou abilite pou nou deal avek louvertir le 01 Out? Mon ava annan en lot kestyon pli tar, Mr Speaker.  Mersi.

 

MR SPEAKER 

Mersi Onorab. Minis.

 

MINISTER DIDIER DOGLEY

Mersi Mr Speaker. Konsernan ledikasyon piblik, parey mon’n mansyonnen dan mon statement i deza annan en tim ki nou’n met an plas ki annan bann expert ki travay lo ledikasyon avek kominikasyon an zeneral.  E ki pe ganny lead par sa dimoun ki ansarz kominikasyon dan biro Prezidan ki pe travay ansanm pou met en progranm pou edik piblik. Sa progranm i deza egziste zot in fini prepar zot progranm.

E zot deza, in fini prepare bann advert ki pou bezwen al lo televizyon ek radyo.  E   mon ekspekte di si ver boner semenn prosen nou pou konmans vwar sa bann spot.  Bann spot ki pou pase lo televizyon e lo radyo e zot pe fer osi bann lezot travay pou enform dimoun e prepar zot pou sa bann sanzman ki pe vini.

I osi nou’n annan diskisyon avek SETS avek GETUS e osi avek SIFCO pou fer sa ledikasyon piblik, sirtou bann legliz nou krwar zot kapab zwe en rol kle. Akoz dimoun, bokou dimoun i al lanmes ki frekant bann landrwa kot zot al spirityel, kot zot al fer lapriyer. E la osi nou krwar poudir i annan en loportinite pou zot fer li e sa i en keksoz ki’n ganny diskite dan enn sa bann meeting review resaman, kot nou ti zwen nou tou nou ti ganny sans diskite. E sa ankor ti ganny ranforsi poudir ki i pou bezwen ganny fer an plis.

E SETS osi mon ti en meeting ek zot sa semenn, kot mon ti ganny sans zwenn.  Semenn pase sorry, pa sa semenn, semenn pase. Kot mon ti ganny sans diskit ek zot bann travay ki zot kapab fer avek zot bann diferan group volonter ki zot annan dan zot lorganizasyon. E menm pou idantifye dimoun ki kapab travay koman bann volonter pou rapel dimoun fizikman parey ou pe dir pou adapte ek sa nouvo normal.  Akoz annan de ler kekfwa nou fer serten keksoz ler nou santi poudir i neseser, me selman i pa vin koman segonn natir.

Nou pou bezwen annan bann diferan mezir an plas, enkli bann dimoun koman volonter ki pou kapab parey dan serten pei, ki rapel dimoun pou zot fer bann neseser pou zot swiv bann prosedir, ouswa bann mezir ki pou zot prop lentere.

Konsernan bann travayer, mon krwar nou bezwen rapel byen ki mannyer sa reouvertir in komanse. Nou ti ouver Erport le 01 Zen sa lannen kot nou ti allow zis bann private jets avek bann chartered flights pou vin    Sesel. E sa in ale ziska la le 31 Zilyet. Nou’n plizoumwen swiv zis sa kalite progranm e nou’n ganny nou apepre 29 bann jet ki’n vini trankilman e sa in ed nou pou nou kapab mezir bann diferan mezir ki nou’n met an plas, pou nou kapab teste zot e vwar ki mannyer pe ale.

E la ek sa louvertir an Out nou pa ekspekte ki an Out, Septanm nou pou vwar en kantite touris pe arive Sesel.  Nou   pa ekspekte en gran nonm pe arive, baze lo bann figures ki nou’n gannyen avek bann airlines, avek Emirates, avek Etihad ki sa 2 airline prensipal ki’n fini konfirmen poudir zot pe vini. Nou pa vwar en gran kantite dimoun pe demarke isi Sesel pandan sa 2 mwan.

Alors sa 2 mwan i pou donn nou posibilite pou nou ankor teste nou sistenm e vwar kwa ki nou kapab fer pli byen. Me selman nou ekspekte ariv Oktob ki kekfwa nou pou vwar en pli gran nonm touris komans debarke isi Sesel. E se la petet ki nou pou vwar bann lotel, bann guest house, avek bann self-catering zot pou retourn back dan zot bann loperasyon ki zot ti ete avan.  Me petet avek en pli pti nonm poursantaz booking ki zot ti annan avan.

E nou eksepte kekfwa nek lannen prosen ki vreman nou pou vwar gradyelman en improvement, by that time kekfwa i ava annan en vaksen ki i ava an plas pou dimoun kapab servi. E ki i ava ede pou kapab kontrol sa viris. Mersi Mr Speaker.

 

MR SPEAKER 

Mersi Minis. Onorab Pillay.

 

HON SEBASTIEN PILLAY

Mersi. Mersi Mr Speaker.   Mersi Minis pou son bann larepons byen detaye, mon asire ki nou popilasyon an zeneral i byen kontan pou ganny sa lenformasyon ki Minis in donn nou. Zis en dernyen presizyon ki si Minis i kapab donn nou.  Nou ti vwar i annan  konsern ki ti arive vizavi bann maren ki ti vini e bann sertifika   ki zot ti vin avek regarding bann test ki zot in fer.

Eski safwasi i annan en travay ki’n ganny fer pou asire ki bann airlines zot menm zot pe liaise avek bann laboratwar referans avan bann pasaze i board pou ki zot bann sertifika i sorti kot bann laboratwar ki bann airlines. Konmsi atraver en sinerzi lenformasyon ki tou dimoun i aksepte sa bann akreditasyon sa bann laboratwar ki’n fer sa bann tes. Mersi, Mr Speaker.

 

MR SPEAKER 

Mersi Onorab. Minis.

 

MINISTER DIDIER DOGLEY

Mersi Mr Speaker. Konsernan sertifika i annan 2 mezir ki tre enportan. (1) Sa sertifika i pou bezwen ganny anvoye avan sa dimoun i ariv isi Sesel. Atraver email ki lasante piblik i pou kapab vwar sa sertifika avan sa dimoun i menm debarke. E sa i pou donn zot ase letan, akoz Lasante Piblik pe met en unit an plas ki pou travay 24 lo 24 pou zot kapab ganny sa bann sertifika a ler.

E zot kapab verifye sa bann sertifika avan menm sa dimoun i arive. Savedir si i annan en problenm ouswa zot annan okenn kestyon, lo ouswa okenn dout lo sa bann sertifika zot kapab tyek sa bann sertifika boner. E si zot ankor annan dout zot kapab ler sa dimoun i debarke lo Erport, kriy li de kote e al fer tes lo li direkteman lo erport, fer en rapid test.

Sanmenm sa ki nou oule ganny sa warning davans, avan menm ki zot antre lo avyon. E an menm tan Lasante Piblik pe travay avek WHO isi Sesel. E WHO i annan zot bann lalis, tou bann laboratwar ki ganny sertifye dan sak pei ki zot kapab travay atraver WHO pou determinen lekel bann laboratwar ki nou pou kapab aksepte ou non.

An plis ki sa, UAE in swiv preski menm laliny ki nou, nou pe fer e zot in dir okenn dimoun ki pe pas atraver UAE, zot pou bezwen annan en negative PCR test ki zot in bezwen fer pandan 72 erdtan parey Sesel pe demande. E zot osi zot pou tyeke sa bann sertifika ki dimoun pe anvoye e pour le moman nou annan zis 2 airlines ki’n konfirmen ki pe retournen la an Out. E sa Etihad e lot se Emirates.

Savedir tou dimoun ki pou vini atraver sa 2 airlines, zot pou bezwen montre Emirates ouswa Etihad poudir zot in fer sa bann tes e sa i sorti kot sa laboratwar.

Alor i annan plizyer mezir defans si oule ki’n ganny mete. E lot keksoz ki enportan se Sesel pe selman otoriz dimoun pou vini sorti dan serten pei. Nou pou napa, bann pei kot nou annan dout nou pa pou allow okenn viziter pou antre dan Sesel. Mersi Mr Speaker, mon krwar sa in kouver larepons pou ou kestyon.

 

MR SPEAKER

Mersi Minis. Onorab Egbert Aglae.

 

HON EGBERT AGLAE

Mersi Mr Speaker. Bonn apre midi Minis, CEO e PS. Premye kestyon, Minis dan ou bann larepons ki ou’n donnen mon ti a kontan konnen, eksplik sa Lasanble oubyen Lepep an zeneral premyerman i sa bann preconditions guideline ki zot pe mete la, eski i pe ganny kominik byen atraver bann platform neseser avek sirtou bann Lazans Operater Lokal premyerman e menm Enternasyonal pou evite ki annan bann konfizyon ki ler viziter in arive ki pa’n swiv 1 ou 2 sa bann step ladan.  Kot i vwar li kapab petet stranded oubyen pa kapab antre Sesel. Eski sa pe ganny fer?

E dezyenmman, ou’n koz lo bann letablisman ki pou bezwen met zot pare pou ganny sertifye. Eski osi zot pe pran kont bann servis ki antase avek Lendistri Touris sirtou avek bann letablisman, pou zot osi ganny sa sertifika pou zot vin compliance osi. Ouswa training neseser ki bann gidans lasante i donnen pou zot osi kapab vin fully compliant, pou zot kapab deservi bann letablisman touristik?

E dernyerman Minis, mon ti a kontan petet demann ou. Ou’n koz en pti pe lo mouvman ler bann kliyan pou ariv Sesel. Eski zot pe pran kont sirtou bann mouvman kot pou annan lefe kot zot pou petet dan lavi kominoter nou pep li menm? Eski zot mouvman pou en pe restrikte ouswa zot pou kapab al partou kot zot, zot anvi ale? Mersi.

 

MR SPEAKER

Mersi Onorab, Minis.

 

MINISTER DIDIER DOGLEY

Mersi Mr Speaker. Mr Speaker, konsernan pas lenformasyon. En keksoz ki mon bezwen dir konsernan bann biznes an zeneral, nou napa difikilte pour le moman konsernan lenformasyon.  Depi byen boner nou’n ekri zot atraver email akoz Departman Lasante, Departman Touris i annan zot email address, tou bann etablisman ki nou annan isi Sesel. E nou’n anvoy zot bann lenformasyon, bann gidans egzakteman ki pou fer.

Alor konsernan bann dimoun ki dan biznes touris zot menm. Nou, nou’n fer en kantite travay pou kontakte zot e met zot okouran. Mon menm mwan mon pe fer en kantite vizit personnelman. E bann staff dan departman zot osi zot pe fer en kantite vizit pou ale, pou al zwenn bann dimoun, pou koz ek zot.

SHTA li osi pe fer, i pe ed nou en kantite pou kontakte zot bann manm. E menm bann ki pa zot manm, ki dan biznes touris ouswa dan hospitality, pou enform zot. Praslin Business Association zot osi zot pe ede, La Digue osi menm parey.  Alor lenformasyon an zeneral dan pei, i pe mars pou mwan tre byen.  Akoz laplipar dimoun nou vwar pe vini. Avan lo konmansman nou ti vwar ti annan mwens, be la lo dernyen er nou’n vwar en kantite bann letablisman ki pe anvoy zot Standard Operation Procedure e zot pe demann nou pou vin fer vizit, pou zot kapab komans operate.

Enternasyonalman atraver bann Airlines, SCAA in kontakte bann diferan Airlines, zot in annan bann meetings, in eksplik zot ki mannyer keksoz pe bouze. Nou, nou’n anvoy sa advisory ki mon ti dir ti anler lo nou website. Sa osi in ganny anvoye kot tou bann Lanbasad, pou nou epi bann Lanbasad isi Sesel. Nou’n fer translate li an Italyen, an Franse, an Alman ki dan en fason bann dimoun ki koz sa bann langaz zot osi zot konpran egzakteman ki nou pe kominike.

E sa in ganny sirkile avek bann tour operater isi Sesel ek bann tour operater aletranze. Alor nou’n vreman disimil sa ban lenformasyon. E nou’n ganny en kantite kestyon, en kantite dimoun endividyel, me osi bann lorganizasyon in konstaman kontinyen kontakte nou, pe rod plis klarifikasyon lo diferan kalite keksoz.

So, nou vwar poudir nou pe pous dimoun kot zot ete e i annan sa bann kestyon, e i paret osi i annan en kantite demann. Savedir dimoun pe konsider vizit Sesel ler nou regard sa kantite demann ki nou pe gannyen ek sa bann kantite kestyon ki nou pe gannyen.

Konsernan bann biznes, wi nou pe kontinyen ankouraz zot pou devlop zot SOP e nou annan nou bann staff ki pe kontakte zot, ki pe koz ek zot e ki pe eksplik zot ki mannyer pou fer li, ki dan en fason ki zot pare. E ler zot pare nou ale, nou al vizit zot ansanm ek lasante pou fer sir poudir zot ganny sertifye e ki zot in pare e ki zot pare pou zot operate.

Konsernan touris ler pou’n ariv isi. I difisil pou nou kapab dir ek en dimoun vin Sesel epi zis reste dan ou lotel pa al okenn par. I pa en keksoz ki fasil pou fer e pou monitor. Me selman ki nou pe dir zot, se ki zot pou bezwen swiv bann mezir e probableman avoid al dan bann landrwa kot i annan en kantite dimoun, e servi mask. Parey zot servi dan zot prop pei ler zot al dan bann landrwa kot i annan, parey laboutik dan bann landrwa fermen, eksetera.

Me solman lenformasyon ki nou, nou annan akoz nou pe monitor dan lezot pei ki pe arive. Bokou touris pour le moman zot pa pe vreman bouze an deor zot lotel. Dan Mediterranean kot i deza la dan zot sezon touristik. Bokou touris i pe sirkil for kot lotel, al lo lans, eksetera. Zot pa neseserman pe al dan bann lafoul dimoun, akoz kot zot sorti zot konnen poudir i pa bann keksoz ki normalman ou sipoze pe fer.  E si zot deside pou pran en car hire ouswa pran en taxi, i pou bezwen en transpor ki’n sertifye.  Si zot pran bato i pou bezwen en bato ki’n sertifye eksetera, eksetera.

Me selman parey mon’n konmanse, parey mon’n dir pou konmanse nou pa ekspekte pou annan bokou touris e sa detrwa ki pou annan probableman nou pa pou vwar zot pe sirkile partou. Mersi Mr Speaker.

 

MR SPEAKER

Mersi Minis, Onorab Aglae.

 

HON EGBERT AGLAE

Minis Mersi pou ou larepons. Premye 2 Minis, si ou pe dir mwan la Minis si mon pe konpran byen. Se ki si mwan mon en touris mon laba dan en pei ki’n ganny earmark koman en low risk, mon ale, mon al lo mon computer. Mon pou tap lo en lazans konsernen ki travelling agent laba dan mon pei. E kan mon pou met Sesel mon pou kapab ganny bann lenformasyon azour lo bann rekomandasyon. Sa i enn. E dernyen, petet Minis si ou ti a eksplik mon la, akoz biznes in sanze sirtou dan Lendistri Touris.  Ki rol STB pe fer la an se moman la li pou li konpran, pou li adapte e osi siport sa bann demann ki Minister Lasante pe fer? Mersi.

 

MR SPEAKER

Mersi Onorab, Minis.

 

MINISTER DIDIER DOGLEY

Mersi Mr Speaker. Mr Speaker, mon krwar mon bezwen eksplik sa en pti pe pli byen. Departman, bann striktir touris ki nou annan Sesel i annan 2 lorganizasyon, i annan Departman Touris ki li i adres ban issues ki annan isi Sesel konsernan touris. Apre nou annan STB, STB son rol se marketing aletranze.  Alor STB li i pe kontinyen avek sa rol pou enform touris atraver nou bann advisory ki nou’n fer, e pran kontak avek bann tour operators, son bann biro ki egziste aletranze. E menm kontakte nou bann reprezantan aletranze pou fer sir poudir i annan bann lenformasyon ki kontinyen ganny distribye.

Me osi revann Sesel baze lo en nouvo stratezi ki zot fek fini travay lo la, ki zot pe promote la konmela pou fer sir poudir nou ganny kliyan pou vin Sesel anba bann nouvo norm.

Lo lot kote nou annan Departman Touris ki li son rol li se fer sir poudir i enform tou bann operater isi Sesel. E fer sir poudir tou sa bann operater zot prepar zot. E ki zot prepar zot SOP se Standard Operation Procedures.

E ki ler touris in arive zot in ganny sertifye pou zot komans operate. Alor i annan sa 2 diferan travay ki pe ganny fer la konmela, e sa advisory osi ki mon ti koz lo la lo konmansman, ki nou’n met anler lo website e ki nou’n sirkile.  Sa osi i ganny travay lo la prensipalman par Departman Touris avek definitivman kontribisyon ki sorti dan bann diferan sekter enkli sekter prive, ki zot osi zot in kontribye en kantite dan sa prosesis. Mersi Mr Speaker.

 

MR SPEAKER

Mersi Minis. Onorab Regina Esparon.

 

HON REGINA ESPARON

Mersi Mr Speaker. Mr Speaker eski Minis i kapab dir nou, ki kalite progranm dezenfekte bagaz ki pe ganny met an plas apartir le 01 Out avek louvertir Erport? Parski, mon pe ganny fer konpran ki, bann travayer Hunt Deltel ki ti ganny teste pozitiv, ti bann porter, avek baggage handler.  Epi oparavan, bagaz ti ganny spray dan son konpartman, me la an se moman depi COVID, bagaz pe ganny offload, apre konpartman ganny spray. E sa i port plis risk ki si i annan bagaz ki enfekte, sa porter i kapab osi transmet sa. Parski nou’n ganny fer konpran ki sa viris i kapab viv plis ki 24 erdtan lo bann sirfas metal dan bann tanperatir conducive. Alors, ki kalite program ki zot pe met an plas pou limit sa risk ki sa viris i kapab ganny transmet an traver bagaz?  Mersi.

 

MR SPEAKER

Mersi Onorab. Minis.

 

MINISTER DIDIER DOGLEY

Mersi Mr Speaker. Mr Speaker, konsernan bagaz, bann progranm dezenfekte. Sa i ganny fer par sa Airline li menm, i sipoze ler son bann bagaz i al dan son hall i sipoze dezenfekte bann bagaz depi kot i vini. Apre ler in fini ganny debarke, in ariv isi ater. Normalman, nou, nou pa fer dezenfeksyon. Me selman nou fer sir poudir nou donn tou nou staff, ouswa bann staff ki travay lo erport, Air Seychelles ki fer bann porter. Poudir zot, zot bezwen gannyen sa ki nou apel bann PPE, ouswa bann lekipman neseser pou zot protez zot lekor. Parey legan, mask, bann keksoz koumsa.  Mersi Mr Speaker.

 

MR SPEAKER

Mersi Minis. Onorab Jude Valmont.

 

HON JUDE VALMONT

Mersi Mr Speaker. Bonn apre midi. Bonn apre midi Minis e panel. Tou koleg Onorab, e tou manm piblik ki pe swiv nou. Mr Speaker, mon focus mon kestyon en pti pe plis li Erport, ki baze Point Larue. Minis mwan, mon ti a voudre demande, mon note ki zot pou annan bann spot ki pe vini, ledikasyon piblik lo televizyon e lo diferan platform. Me selman, mwan mon ti a voudre demande, ki mannyer akse avek piblik an zeneral pou marse lo Erport? Parey nou konnen oparavan, apart bann dimoun ki pe travel, i annan bann dimoun ki vini ki akse bann fasilite parey ATM, ki vin dan bann restoran.  Mon ti a voudre konnen ki mannyer sa pou marse?

E osi, ki mezir zot pe pran or si zot pou limit lakantite dimoun ki pe akonpanny bann dimoun, pe see zot off, oubyen pe vin welcome zot? Ki mannyer sa pou marse osi? E dernyen, Minis in fer mansyon ki’n annan en ven tenn private jet ki’n vini. Nou konnen pou annan ankor. E, lo sa kote mon ti a voudre demande, si sa bann mezir sekirite ki zot pe pran pou bann pasaze komersyal i aplik pou bann ki annan iminite diplomatik osi? Mersi.

 

MR SPEAKER

Mersi Onorab. Minis.

 

MINISTER DIDIER DOGLEY

Mersi Mr Speaker. Konsernan akse lo Erport, SCAA pou dekouraz dimoun vin an gran nonm lo Erport. Bann dimoun ki napa naryen pou fer lo erport, akoz pou annan sekirite, pa neseserman ki zot pou ganny akse avek Erport. Me solman, si en dimoun pe servi restoran, i annan soz, i pou ok pou li ale. E, osi nou pe travay, parey mon’n dir, nou pe travay lo bann mezir pou fer sir bann dimoun ki vin lo Erport, ki antre dan ban fasilite. Zot pou bezwen servi mask dan bann fasilite lo erport an zeneral.

E, dezyenm keksoz konsernan bann private jet.  Tou dimoun ki vin isi, dapre regilasyon lasante, ler pou’n soz, ou bezwen anvoy sa PCR test. Si non, nou pou bezwen fer tes lo ou, nou menm isi. E ziska aprezan depi ler nou’n komanse, tou bann dimoun zot in anvoy zot PCR test, parey lasante i demande. Nou pa ankor ganny en sityasyon kot personn pa’n anvoye. Sanson ou pa pou ganny drwa antre Sesel, si ou pa’n fer ou tes.  Ouswa si ou antre, ou pou bezwen ganny al fer en tes, pou nou kapab prouve poudir ou COVID free. Mersi Mr Speaker.

 

MR SPEAKER

Mersi Minis. Onorab Valmont.

 

HON JUDE VALMONT

Mersi Mr Speaker. Mersi Minis pou ou larepons. Alors Minis ou pe garanti nou ki, si i annan okenn manm piblik ki pe antre pou servi fasilite, zot pou ganny teste. E, malgre kantmenm zot vin servi fasilite ATM, ler zot sorti lo baro, pou annan mezir sekirite ankor, ki pou fer sir ki zot ganny teste avan ki zot sorti? Pou asire ki, popilasyon i reste safe.  Mersi.

 

MR SPEAKER

Mersi Onorab. Minis

 

MINISTER DIDIER DOGLEY

Non, Mr Speaker, eskiz mwan. Ou a krwar kekfwa mon pa’n eksplik mon lekor ase byen. Dimoun, akoz ou’n demann mwan en kestyon poudir bann dimoun ki vini ek private jet. Mon pe dir ou poudir bann dimoun ki vini ek private jet, ouswa si ou vin ek charter flights, ouswa commercial flights. Ou pe antre Sesel, definitivman ou bezwen ganny teste. Sa i normal, i across the board.  I lareg ki lasante piblik in met an plas.

En dimoun ki pe al lo erport pou al lo ATM, i pa neseserman bezwen ganny, i pa pou bezwen ganny teste.  I parey mon’n vin la dan Lasanble, mon’n bezwen met en maskSCAA i pou annan bann lareg ki mannyer ki ou pou ganny drwa akse avek erport. Alors, en dimoun ki pe al lo erport, ki pe al lo ATM, i pou normal ki i vini, i vin lo ATM i pran son larzan i ale.

Be si en dimoun pe sirkil anndan kot erport, i pou bezwen met en mask, ziskan ler i sorti lo erport.  Menm si ou pe al dan restoran, ouswa ou pe servi bann lezot fasilite. I pou normal ki ou pou ganny demande pou met mask.  E si ou napa naryen vreman pou fer lo erport, ou pou ganny demande pou sorti. Akoz SCAA pa pe ankouraz bann gran kantite dimoun pou vin lo Erport.  Mersi Mr Speaker.

 

MR SPEAKER

Mersi Minis. Onorab Flory Larue.

 

HON FLORY LARUE

Bonn apre midi Minis. Mersi Speaker. Mon ti a kontan demann Minis, si i kapab donn nou plis detay pou Seselwa, ki pe retourn Sesel?  Nou konnen nou annan en gran popilasyon Seselwa ki viv aletranze. E, souvan zot retourn Sesel pou bann rezon familyal. Ouswa dimoun i kit Sesel pou bann rezon medikal. Alors, si ou kapab al en pti pe pli an detay, lo ki arive avek zot, letan zot re antre?

E, osi si ou ti kapab sey dir nou, Minis, ti annan en lalis ki Germany ti’n met en restriksyon, e ti en pe konfize si Sesel nou pou kapab ganny touris sorti Germany. Akoz, lo nou lalis ki nou’n gannyen pou bann diferan pei ki annan low risk ek medium risk, Germany i ganny liste koman en medium risk country. Alors eski nou pe, nou pou kapab ganny touris sorti Germany, lefe ki zot ti met en restriksyon pou en restriction bane, en restriction travel advisory pou Sesel? Mersi.

 

MR SPEAKER

Mersi Onorab. Minis.

 

MINISTER DIDIER DOGLEY

Mersi Mr Speaker. Konsernan, Seselwa pe retourn isi, mon krwar poudir lasante ozordi, ouswa Zedi i annan nouvo dokiman ki zot in travay lo la. Bann kondisyon pou bann reentry pou bann Seselwa ki reste aletranze, ki pe vin isi. Mon ti a pli o mye ki zot, zot donn sa lenformasyon ki mwan, mon donnen. Akoz mwan, mon ti pe travay lo kestyon viziter touris.  Me lasante zot menm, zot in travay lo bann GOP.  Bann dimoun ki annan permanent residence, e osi Seselwa ki sorti dan diferan pei, low risk, medium risk, ek high risk.  E mon konpran, poudir si pa ozordi, Zedi, zot pou annan en Konferans De Pres kot zot pou donn plis detay lo la.

Mwan, mon’n resevwar serten dokiman, be mon napa tou detay lo ki mannyer sa bann keksoz pou fonksyonnen.  Mon a pli o mwen les zot donn sa lesplikasyon.

 

MR SPEAKER

Mersi Minis. Onorab Larue.

 

HON FLORY LARUE

Mersi Mr Speaker. Minis atraver ou Mr Speaker. Minis in dir ki en touris i bezwen al reste dan en registered accommodation, me i annan Seselwa ki re antre, menm touris osi ki antre ki reste dan akomodasyon prive en dimoun. Dan en lakaz.  Eski sa ki mon pe konpran avek bann larepons ki ou’n donn nou, i ki en dimoun pa pou kapab reste kot en rezidan? Tan ki ou napa sa sertifika, en registered landrwa ki’n ganny aksepte, en dimoun pa kapab reste dan en lakaz prive?  Akoz i annan Seselwa ki tournen, ki annan paspor etranze, zot retourn koman en touris kantmenm zot en Seselwa.   Me zot reste kot zot fanmir.  Ki mannyer sa pou ganny afekte?  Mersi.

 

MR SPEAKER

Mersi Onorab. Minis

 

MINISTER DIDIER DOGLEY

Mr Speaker, mwan mon ti pe koz lo touris, savedir en etranze ki napa paspor Seselwa, ki pa sorti Sesel, ki pe vin vakans isi Sesel. Pou sa bann group dimoun, zot pa pou ganny dwa al reste dan lakaz dimoun. Zot pou bezwen al reste dan en landrwa ki sertifye, ki’n sertifye. Akoz si nou les tou viziter, ouswa touris al reste partou, i pou defet sa travay ki nou pe fer.

Konsernan Seselwa, parey nou konnen la konmela, Seselwa in retournen sorti partou dan lemonn. E an prensip, ziskan le 31 Out, zot ti al dan karantenn. Apre ler zot ti sorti dan karantenn, zot ti al se zot.  Zot ti kontinyen viv zot lavi senpleman. Me solman komansman le 01 Out, parey mon’n eksplike, Minister Lasante, Public Health Authority pe al eksplike ki nouvo mezir ki zot pe met an plas pou Seselwa ki pe retournen.

Mwan lenformasyon ki mon annan, se pou viziter ki napa en paspor Seselwa, e ki napa en permanent resident isi Sesel.  Pou sa group dimoun lasante in travay lo bann dokiman, e ki zot, zot pe vin donn full lenformasyon lo sa bann keksoz. Mersi Mr Speaker.

 

MR SPEAKER

Mersi Minis. Onorab   Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker, mon premye kestyon i konsern rol lasante lo Erport. Eski Minis i kapab dir avek nou ki kantite zofisye lasante ki pou stasyonnen lo Erport avek sa louvertir?  Vi ki in donn nou tou sa bann diferan responsabilite.  Akoz i resanble ki tro bokou pe tonm zis lo SCAA, e la par egzanp nou mazin bann sityasyon kot parey ou’n dir rapid test, anbarkasyon pasaze.  Si en dimoun son tanperatir i par lao 37.5, parske i kapab annan bann lenplikasyon legal.  Alors dir nou avek sa nouvo striktir ki kantite zofisye lasante nou kapab espekte trouve lo erport

        Dezyenmman, an relasyon avek bann letablisman, eski Minis i realize ki poudir i annan en konfizyon la.  Lasante i dir en keksoz, Minister Touris i dir en keksoz.  I pe arive sa e an plis ki sa bann vizit, par egzanp lo La Digue, bann vizit ki ganny fer pou konfirmen letan ou etabli pou lemoman la zot pe mont zis en zour dan lasemenn. Zot mont 10er bomaten e akoz avek sa bann restriksyon bato zot retourn 3er apre midi.  E i annan bokou bann lenstitisyon ki pe espere, mon konnen poudir zot pe monte la Vandredi.  Eski napa fason pou fasilit sa, pou ki plis dimoun i ava kapab, plis sa bann letablisman zot ava kapab met zot dan en fason pli annord pou zot kapab resevwar.

Prezan Mr Speaker, mon anvi demann Minis an relasyon avek sa louvertir. En Seselwa letan i retourn Sesel apre ki in fer egzakteman sa ki en touris i devret fer.  Tes isi, tes laba, 24erdtan avan i antre lo avyon.   Me selman li sa Seselwa letan i ariv Sesel i bezwen al karantenn.  Tandis ki en touris li i al dan en lenstitisyon e letan mon’n ekout byen Minis sa dimoun i kapab pran son bato, i kapab pran bato,  i kapab al vizit lezot landrwa.  I pa restrikte si son lotel i Beau Vallon, i pa restrikte pou li al bor lanmer zis Beau Vallon.  I ganny drwa sirkile li.  E son konze i kapab zis pou 5 zour, alors i kapab sirkile.  Akoz ki i annan sa distenksyon ant en Seselwa avek en touris?

E finalman i byen nou pe koz lo mask, met mask a tou moman.  Me selman lo erport eski zot pe mazin annan en fasilite pou mask?  Konmsi kot en dimoun i kapab aste en mask? Akoz mon kapab dir ou Mr Speaker, dir Minis Air Seychelles wi ou bezwen met mask.  Me selman si ou’n ariv lo Erport ou pe al travel ou napa en mask, napa en landrwa ki ou kapab aste en mask.

E etandonnen ki en mask i enn sa bann konponan enportan pou travel, en dimoun in kapab bliy en mask. Alor eski zot pe met fasilite pou ki en dimoun i kapab aste en mask lo erport, egzakteman parey Cat Rose i fer.  Cat Rose si ou napa en mask, ou aste ou mask la letan ou pe aste ou tiket ou kapab aste en mask. Alor eski zot pe osi mazin sa pou lo Erport e eski bann dimoun ki pe travay direkteman lo Erport avek SCAA, avek bann ki pe avek bann Air Seychelles, tousala. Eski Minis lo ou azanda i annan pou zot ganny en risk allowance ki’n deza ganny aprouve dan Bidze?  Mersi bokou, parske zot pe atann ou byen sa.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Konsernan rol lasante lo Erport, parey ou’n mansyonnen lasante, zot pou adres bann issues ki annan pou fer avek Lasante.  Akoz se sa zot manda.  SCAA pou annan son bann rol pou li ki li i abitye fer.   Se manage erportMe konsernan bann tes, bann keksoz ki i annan pou fer avek pou tyek bann dimoun ki annan tanperatir ouswa si zot krwar i annan en dimoun ki bezwen ganny teste eksetera, sa i pou ganny manage par travayer lasante.  Zot pou annan dimoun ki pou man bann tanperatir, sa bann camera. Zot pou annan, annefe zot annan en biro ki’n fini donn zot pou zot laba, e i annan en landrwa ki’n fini ganny partisyonnen lo Erport ki pou zis lasante.  E sa i konmansman menm kot ou vini lo Erport.

Egzakteman konbyen dimoun ki zot pou bezwen annan lo ErportMalerezman mon napa sa limero.  I en keksoz ki lasante i kapab donnen ler zot in fini determin egzakteman konbyen dimoun zot pou bezwen pou man sa  stasyon. E parey ou konnen sa stasyon pa pou ganny man permanantman.   I pou man sak fwa i annan bann vol pe antre.  E pou konmanse nou pou napa vol tou lazournen parey nou ti annan avan.  Nou pou annan kekfwa 1 ou 2 vol par zour pe vini ki zot pou bezwen swiv bann pasaze ki debarke sorti dan sa bann avyon.

Nou rekonnet poudir i annan bann eleman Lalwa sanmenm sa ki, ki mon krwar SCAA osi in ensiste ki tou keksoz ki annan pou fer ek lasante piblik i ganny fer par en dimoun ki kalifye dan Sekter Lasante e non pa okenn zot bann travayer ki fer sa travay.   Alor i annan en divizyon lo bann responsabilite lo erport kwa ki SCAA pou fer e kwa ki lasante pou fer.

Konsernan La Digue, an zeneral la nou annan nou 79 laplikasyon ki outstanding, ki nou pa ankor fer.  E nou pe fer nou apepre ‘75, nou pe adres apepre ‘75 aplikasyon par semenn.  Ki vedir disi ziska boner la semenn nou pou’n fini. Semenn prosenn, sorry. Nou pou’n fini avek sa 79 ka.  Dan zis en semenn nou kapab clear sa bann ka.  E si i annan okenn ka, lo La Digue ki nou vwar i akimile, pou nou i pa en problenm pou anvoy dimoun 2 zour reste lo La Digue, overnight e clear tou sa bann ka ki annan lo sa zil, apre desann.  Me solman i pou depan lo demann ki nou gannyen sorti lo sa bann zil.  Me solman nou pou konfidan poudir la ki lakantite demann ki annan nou napa okenn difikilte pou nou adres sa bann demann pou SOPs ki pe antre la konmela.

Konsernen Seselwa pou al dan karantenn, sa i depi le 1 Zen ziska le 31 Zilyet.  Savedir ziska Vandredi sa semenn ki nou bezwen al dan karantenn.  Konmansman le 01 Out i annan en nouvo sistenm ki pe vin an plas.   E sa ki mwan mon konpran, sanmenm sa mon pa’n le neseserman reponn kestyon Onorab Flory Larue, akoz senpleman Lasante pe vin ek sa bann detay.  E zot se zot ki’n ganny mandate pou koz lo sa bann keksoz.

Me selman sa ki mwan mon’n konpran se ki dimoun ki pou bezwen al dan karantenn se bann ki sorti dan bann pei e sa i. Zis Seselwa akoz nou pa pe pran okenn viziter pou sorti sa ki nou apel dan high risk countries.  Vedir si i annan en Seselwa ki sorti L’Angleterre ki ozordi i ganny konsidere konman high risk, li i pou bezwen al dan karantenn.  Me solman si i sorti L’Almagne, La Swiss, La France, ki pour lemoman nou pa pe konsider zot konman bann high risk countries, zot in fer zot PCR test, pou zot i pou annan en lot sistenm ki Lasante pe met an plas.  E mon a les Lasante koz lo la.  Akoz i pa mon manda vreman pou koz lo la.

Konsernan vann mask, wi mon dakor poudir nou bezwen fer sir pou dir mask i available lo bann pwen kot erport. Mon konnen poudir i annan bann magazen ki deza egziste lo erport, i annan en farmasi ki sipoze pe al ouver nenport ler, e nou ava fer sir ki nou a demann SCAA pou koz ek sa bann dimoun pou silvouple, sa i en keksoz mon krwar i en loportinite pou zot fer larzan konman biznes.  E zot ti devret pran sa linisyativ pou fer li, me si zot pa’n fer li, nou, nou a fer sir nou a remind zot, poudir be sa i en keksoz ki ozordi, ki zot bezwen met li a laporte. Pa zis met limonnad, gato bann zafer me fer sir i annan mask osi ki dimoun i bezwen, akoz dimoun i bezwen sa bann keksoz.

Konsernan allowance, wi nou ti a voudre pey allowance.  Se nou’n demande a plizyer repriz pou gete kote pou al tir sa larzan pou peye e SCAA zot in ganny konsidere.  Me solman pour lemoman parey ou konnen Gouvernman napa sa larzan pou pey sa bann risk allowance parey soz, si i ti kapab trouve definitivman i pa ti pou en keksoz ki pou diskite.  Ti pou annan okenn diskisyon lo la.  Nou ti a voudre ki dimoun i kapab ganny sa larzan.

Me pour lemoman sityasyon economic, akoz SCAA pa pe fer okenn larzan.  Air Seychelles pa pe fer okenn larzan, zot pe viv lo sa pti larzan ki ti aprouve isi dan Lasanble ki’n donn zot pou zot operate.  E SCAA osi akoz ki i pa pe fer okenn reveni, sa larzan ki annan se sanmenm sa larzan ki i pe servi pou li kapab pey lapey dimoun tou lemwan, at least bann dimoun i kapab al dan lakour avek en lapey pou zot kapab kontinyen fonksyonnen.

Me demen si nou vwar poudir sityasyon i amelyore, touris i retournen e bann lakonpannyen i refer larzan, la nou ava dan en sityasyon pou nou amelyor pou donn zot en keksoz.  Solman i bezwen annan en reveni ki bezwen pe antre avan.  Mersi Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker, mon krwar i byen ki nou tou nou’n ariv lo menm paz vizavi reouvertir Sesel e ki nou annan sa re rekonmansman, si oule met enzeksyon lavi dan nou lekonomi ki vreman enportan pou nou. E Minis in fer sorti en pwen vreman enportan e sa lefe ki nou annan sityasyon kot nou bezwen sa bann reveni, akoz nou annan 2 lenstitisyon, SCAA e Air Seychelles ki rely lo sa bann tranzaksyon pou zot survival. En kantite dimoun, en kantite Seselwa i travay laba e zot bezwen ganny en saler, zot bezwen kapab sonny zot fanmir.

E dan sa konteks Mr Speaker, mon ti a kontan demann Minis en dernyen kestyon, prenan kont tou bann mezir ki zot in pran e ki bann, tou bann lapros travay ki zot in fer avek sekter prive, eski zot annan lentansyon kontinyen sa lapros konsiltasyon, allow bann akter dan sa sekter spesifik pou kontinyen donn zot pwennvi. Pour ki, vi ki zot ki pou resevwar sa bann dimoun, pou ki zot ava kapab toultan annan en pozisyon parey mon vwar zot annan armonize ozordi?  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker, si i annan en keksoz ki nou’n aprann ek COVID, se ki napa lot fason pou fer keksoz.  Ou bezwen annan sa linite, sa konsiltasyon, e sa partenarya kot ou bezwen travay ansanm pou vreman ganny bann solisyon pou kapab bouz devan.  Parey mon’n eksplike i napa en text book ki ou kapab ale pou al aprann ki mannyer ou pou deal ek COVID.   E ou bezwen kapab konsilte ek tou dimoun, Sesel, aletranze, tou bann partner ki nou annan e rode ki mannye tel dimoun pe fer sa, ki mannyer pou adres tel keksoz. Epi sey gete ki mannyer ou pou adapte li e fer li marse Sesel.

E personnelman mon tre satisfe e mon fyer pou dir bann mezir ki mon vwar nou nou’n vin avek, ozordi i annan ki pe ganny adopte dan lezot pei.  Ki donn nou en lespwar, ki dir nou poudir bann desizyon ki pe ganny pran atraver sa bann konsiltasyon e sa bann diskisyon ki’n arive pandan tou sa bann mwan, sa 4 mwan ki’n pase i pe al lo en bon semen.

E definitivman ler keksoz i marse ou pa kapab arete.  Ou bezwen kontinyen servi menm sistenm pou nou kapab arive bouz an avan e amelyor sa bann mezir, sa bann diferan sistenm ki nou’n met an plas, pou nou teste zot efikasite akoz i premye fwa ki nou pe fer sa bann zafer.  Alor i enportan poudir toultan nou kontinyen teste e tyeke kote keksoz pe al byen e kote keksoz pe al mal.  Ki a lafen nou ganny nou en sistenm ki vreman performan e ki nou reponn a bann bezwen, e ki nou kapab tir nou lekonomi e ki touris i a revin Sesel e ki nou nou a kapab rezouir sa bann benefis ki touris i anmennen dan nou pei.  Mersi Mr Speaker.

 

MR SPEAKER

Mersi Minis.  Bon nou’n ariv a lafen kestyon pou Minis Didier Dogley.  Mon ti a kontan remersi Minis avek PS Lafortune e osi CEO Albert e nou ava eskiz zot parmi nou.

 

(THE MINISTER AND HIS DELEGATION WAS EXCUSED FROM THE HOUSE)

 

MR SPEAKER

Bon i reste nou PNQ pou nou pran, mon pe regarde si bann Manm i le kontinyen oubyen si nou ava adjourn pou en tea break apre nou a repran PNQ.  Nou ava adjourn, pou en tea break ok?  Bon nou a adjourn e nou a repran nou travay 4er edmi kot nou ava pran sa PNQ. 

 

(BREAK)

 

MR SPEAKER

Bon nou kontinyen nou travay.  E mon ti a kontan dir bonzour e welcome Minis pour Finans.

Mr Maurice Loustau-Lalanne.  E osi Minis pou Responsab pou Home Affairs Mrs Mitcy Larue.  E le de Minis i ganny akonpannyen par Sekreter Prensipal pou Finans, Mr Damien Thesee.  E CEO pou Lazans Proteksyon Sosyal Mr Marcus Simeon.  Minister Lalanne, Minister Larue welcome dan Lasanble Nasyonal.

Mon ava toudswit donn laparol Leader Lopozisyon Onorab Wavel Ramkalawan pou poz son Private Notice Question.  Onorab.

 

HON WAVEL RAMKALAWAN

Mersi bokou Mr Speaker.  Mr Speaker zis avan mon pou demann sa kestyon, mon ti ava kontan felisit Onorab, Minis Loustau-Lalanne pou son nominasyon koman kandida Vis-Prezidan !  Welcome dan sa laplenn la.  Mr Speaker vi ki Zilyet pe al terminen, e Bidze aprouve pour lasistans sosyal ek allowance pour plizyer kategori travayer in sipoze fini byen ganny organize ,eski Minis pour Finans e Minis pour Lafanmir, ki ansarz lasistans sosyal i kapab dir sa Lasanble ;- 

Premyerman ki kantite larzan in ganny depanse e ki kantite dimoun in ganny asiste e ganny refize pandan mwan Me, Zen ek Zilyet e osi donn Lasanble rapor ek detay peyman pour sa bann mwan? 

2)Eski tou travayer ki ti sipoze ganny en allowance akoz zot ti lo frontyer lager kont COVID-19 in fini ganny premye morso zot allowance

Akoz ki bann carers in ganny peye zis pour en mwan kan zot ti sipoze ganny peye pou 3 mwan? 

E finalman, etandonnen ki erport pe reouver, eski i annan provizyon pou enkli nouvo kategori travayer ki pou resevwar allowance tel ki travayer lo Air Seychelles, SCAA, e la mon ti a kapab mansyonn osi cargo staff ek Lapolis ek lezot?  Mersi bokou.

 

MR SPEAKER

Mersi Onorab.  Nou ava komans avek Minis Larue.  Minis Larue ou ava pran sa premye partApre, swivi par Minis Loustau-Lalanne.

 

MINISTER MITCY LARUE

Mersi Mr Speaker.  Bonn apre midi Mr Speaker.  Bonn apre midi tou Manm Lasanble e tou dimoun a lekout.  Mr Speaker Gouvernman i annan li en sistenm tre konpreansiv an plas, pou soutenir plizyer kours nou popilasyon. 

E osi bann ki bezwen lasistans finansyer pou kapab soutenir zot, espesyalman dan bann moman difisil. 

E avek sa lepidemi global, COVID-19, nou Gouvernman ti met en sonm adisyonnel 30 milyon dan Bidze pou kapab asiste lezot dimoun ki war zot dan difikilte finansyer atraver perdi reveni lefe ki Lendistri Touris pa pe fonksyonnen.

  Savedir napa touris ki pe vin Sesel depi Avril.  Sa bann dimoun ti pe ganny zot lavi atraver bann travayer formel part time tel ki koup zerb, vann fri eksetera. 

Zot, se sa, mazorite sa bann dimoun pa’n zanmen vin rod lasistans kot Lazans Proteksyon Sosyal.  Me la, zot dan difikilte. 

Nou koman en Gouvernman responsab ki annan son pep aker, nou la pou anmenn sa soulazman finansyer pou ki nou dimoun pa ganny kit deryer ek zot fanmir e zot pa dormi vant vid. 

Mr Speaker an Me, 220 endividi ti ganny peye lasistans lo baz ki zot pa kapab travay pou rezon medikal.  65 ti ganny lasistans one-off.  1859 ti resevwar lasistans pou sipleman larzan ki pe antre kot lakour. 

1962, lo baz ki zot pa pe ganny okenn form reveni, akoz napa touris.  An Zen 260 ti ganny asiste lo baz medikal.  82 ti ganny lasistans one-off

1961 pou sipleman larzan dan lakour.  2335 lo baz ki zot pa pe ganny okenn reveni.  E 151 ti ganny asiste anba nouvo progranm, part rental. 

114 anba nouvo progranm distrik food emergency assistance, sa i ganny zere par Local Government.  E Lazans Proteksyon Sosyal i fer peyman selman apre ki in resevwar bann invoice aprouve par Local Government.

  An Zilyet 261 ka medikal, 73 lasistans one-off payment2113 pou sipleman reveni kot lakour.  1782 lo baz ki napa okenn reveni ki pe vin kot lakour.  358 pou part rental.  293 atraver distrik emergency food program.

  Ler nou’n analiz nou nouvo laplikasyon pou lasistans ki nou’n resevwar, vedir an Me 1557, an Zen 1398, Zilyet 1988. An tou sa i fer 4943 nouvo laplikasyon pou lasistans.  E ladan 3949 ki reprezant 80poursan in ganny aprouve. Sa i reprezant 80 poursan.  244, savedir en reprezantasyon 5poursan i ankor pe ganny process

750, savedir 15 poursan pa’n ganny aprouve.  Me kliyan i touzour annan drwa fer apel.  Parkont o nivo depans, an Me nou ti depans nou R14.04 milyon.  An Zen nou ti depans nou R12.88 milyon.  E an Zilyet ziska la nou’n depans nou R10.38 milyon.  E Mr Speaker nou annan osi bann laplikasyon par distrik, konbyen ki’n ganny medikal par distrik. 

Konbyen one-off, konbyen siplemanter, konbyen unemployment, eksetera ek son total.  E sa i la avek nou, nou kapab apre donn Lasanble koman lenformasyon an plis pou zot.  Mon pa konnen si zot anvi nou al lo la.  Si nou kapab donn par distrik.  Nou kapab mete, ok.  Mon ava donn par distrik. 

Par egzanp, depi Me ziska la Zilyet, Baie Ste Anne Praslin, lo medikal 15, lo one-off 11, siplemanter (1900), sorry, 197.  Unemployment 178.  Total 406 dimoun.  Grand Anse Praslin, 7 medikal, 4 one-off, 150 siplemanter, 143 unemployment.  An total 304 dimoun ki’n benefisye.  Perseverance 7 medikal, 14 one-off, 135 siplemanter, 94 unemployment ki fer 250. 

La Digue, 11 medikal, 9 one-off, 96 siplemanter, 104 unemployment i fer 220 dimoun an tou. 

Anse Aux Pins 22 medikal, 13 one-off, 87 siplemanter, 91 unemployment, i fer 213.  Au Cap, 1 medikal, 12 one-off, 81 siplemanter, 107 unemployment ki fer 201. 

Anse Boileau, 3 medikal, 6 one-off, 85 siplemanter, 97 unemployment ki fer 201.  Anse Etoile, 20 medikal, 22 one-off, 60 siplemanter, 89 unemployment i fer 191. 

Baie Lazare 12 medikal, 5 one-off, 75 siplemanter, 98 unemployment, i fer 190. 

Mont Buxton, 4 medikal, 14 one-off, 67 siplemanter, 71 unemployment, 181 an total.

  Plaisance, 16 medikal, 18 one-off, 76 siplemanter, 71 unemployment ki fer 181.  St Louis, 11 medikal, 19 one-off, 59 siplemanter, 92 unemployment, ki fer 181. 

Grand Anse Mahe 6 medikal, 14 one-off, 72 siplemanter, 85 unemployment ki fer 177.  Cascade, 20 medikal, 24 one-off, 50 siplemanter, 72 unemployment ki fer 166. 

Point Larue, 8 medikal, 15 one-off, 60 siplemanter, 75 unemployment e 158.  Larivyer angle, 3 medikal, 16 one-off, 49 siplemanter, 87 unemployment, i fer 155. 

Beau Vallon, 12 medikal, 9 one-off, 49 siplemanter, 82 unemployment ki fer 152.  Roche Caiman, 4 medikal, 14 one-off, 44 siplemanter, 87 unemployment, i fer 149.

  Glacis, 13 medikal, 5 one-off, 44 siplemanter, 86 unemployment ki fer 148. 

Anse Royale, 4 medikal, 4 one-off, 60 siplemanter, 76 unemployment i fer 144. 

Mont Fleuri 13 medikal, 14 one-off, 55 siplemanter, 59 unemployment ki fer 141.  Les Mamelles, 15 medikal, 5 one-off, 55 siplemanter, 60 unemployment ki fer 135. 

Port Glaud 6 medikal, 5 one-off, 53 siplemanter, 69 unemployment, i fer 133. 

Bel Air, 2 medikal, 12 one-off, 40 siplemanter, 75 unemployment ki fer 129.  Bel Ombre 9 medikal, 10 one-off, 33 siplemanter, 52 unemployment i fer 104. 

E dernyen Takamaka, 2 medikal, 3 one-off, 32 siplemanter, 51 unemployment ki fer 88. 

Savedir an total medikal nou annan 226 pou tou distrik.  One-off 297.  Siplemanter 1864.  Unemployment 2284.  Ki fer en total 4691.  Ok.  Sa se par distrik.  E nou annan osi pou part rental par distrik konbyen sak distrik in ganny aprouve, konbyen ki pending, konbyen ki’n ganny rezete. 

Tousala nou annan, mon pa pou al donn detay, mon a donn zot apre.  E nou annan osi bann laplikasyon par gender.

  Savedir madanm konbyen, konbyen ki pending, konbyen ki’n ganny rejectedE konbyen an total ki reste.

 Sa i bann lenformasyon ki byensir nou pou donn zot apre zot tou zot a kapab gannyen.  Ok, prezan mon ava donn zot laplikasyon par distrik ki’n ganny an Me.  E konbyen ki’n aprouve, e konbyen ki pending, e konbyen ki’n ganny rezete par distrik.  Baie Ste Anne, aprouve i 323.  Pending i 20.  Rezete i 78.  Savedir i fer en total 421.  Grand Anse Praslin aprouve 225, pending 28, rezete 65 en total 318. 

Perseverance 195 in aprouve, 6 ankor pending, 51 in ganny rezete.  En total 252 an tou.  Anse Aux Pins, 193 in aprouve, 21 ankor pending, 31 in ganny rezete e en total 245.

  La Digue, 174 aprouve, 9 i ankor pending, 43 i ganny rezet e en total 226. 

Au Cap, 174 in ganny aprouve, 14 i ankor pending, 33 in ganny rezete dan en total 221.

  Anse Etoile, 173 in ganny aprouve, 9 i ankor pending, 22 in ganny rezete dan en total 204.  Mont Buxton, 162 in ganny aprouve, 8 i pending, 33 in ganny rezete dan en total 203.

  Anse Boileau, 166 in aprouve, 5 i pending, 31 in ganny rezete e dan en total 202.  Baie Lazare 170 aprouve, 8 i pending, 18 in ganny rezete dan en total 196. 

St Louis, 156 aprouve, 11 i pending, 29 in ganny rezete dan en total 196.  Plaisance 146 i aprouve, 8 i pending, 39 in ganny rezete e dan 193. 

Grand Anse Mahe 158 in aprouve, 3 i pending, 24 in ganny rezete dan en total 185.  Cascade 150 aprouve, 3 i pending, 24 in ganny rezete dan en total 185. 

Pointe Larue, 133 in ganny aprouve, 8 pending, 27 in ganny rezete dan 168.  Larivyer Anglez 138 aprouve, 5 i pending, 19 in ganny rezete dan en total 162.

  Beau Vallon 130 aprouve, 8 pending, 21 rezete, dan en total 159.  Glacis 126 aprouve, 12 i pending, 16 in ganny rezete dan en total 154. 

Anse Royale, 117 aprouve, 9 pending, 27 rezete dan en total 153.  Roche Caiman, 117 aprouve, 15 i pending, 20 in ganny rezete dan en total 152.

  Mont Fleuri 120 aprouve, 8 pending, 21 in ganny rezete dan 149.  Les Mamelles 117 aprouve, 7 i pending, 15 in ganny rezete dan en total 139.

  Port Glaud 117 aprouve, 3 pending, 18 rezete, dan en total 138.  Bel Air 102 aprouve, 7 pending, 11 rezete dan en total 108. 

Bel Ombre 90 aprouve, 7 pending, 11 rezete dan total 108.  E Takamaka 77 aprouve, 2 pending, 12 rezete dan en total 91. 

Sa i fer aprouve i annan 3949, pending 244, rezete 750 e total 4943.  E ladan aprouve i annan 2255 madanm, 150 madanm i pending, 529 madanm i ganny rezete zot ka.

  Bann msye, 1694 in aprouve, 94 i ankor pending e 221 in ganny rezete parmi bann msye. 

So vwala en pti pe bann detay lo bann diferan distrik, konbyen ka e konbyen ki’n ganny aprouve e konbyen ki’n ganny rezete Mr Speaker.  Mersi.

 

MR SPEAKER

Mersi Minis.  Mon pa konnen si ou a pran sa part limero 3 osi pou carers, carers i tonm anba ou Minister.  Yes, go ahead Minis.

 

MINISTER MITCY LARUE

Mersi Mr Speaker.  Mr Speaker mon pa tro konpran kote sa promes 3 mwan in vini dan kestyon orizinal.  I pa tann mwan, ok

Mon dir, mon pa pe tro konpran kote sa promes 3 mwan in vini dan kestyon orizinal.

  Mon a fer resorti ki Prezidan dan son diskour le 27 Mars lo sityasyon COVID-19 dan pei, Prezidan Faure ti dir e mon quote

‘’Nou annan 3800 home carers ki pe pran swen ek bann dimoun aze.  Zot osi zot pou resevwar en allowance spesyal pandan sa peryod,  a kondisyon ki zot reste dan travay.’’  Sa term pandan sa peryod i an referans avek sa peryod restriksyon. 

Ki ti vin an plas e ti reste la pou en mwan, ziska dan komansman Me.  Ler Prezidan ti anons sa, i ti fer li ek en leker konpasyon pou bann aze oubyen dezabilite, ki ti pe reste tousel.  E i ti annan en lafreyer ki pandan restriksyon mouvman, carer petet pa pou al donn swen bann dimoun aze. 

E sa bann dimoun i kapab reste tousel, san manze san pran zot ben.  Sa allowance ti parey en motivasyon an plis pandan sa peryod, pou ankouraz bann carer pou kontinyen delivre sa servis esansyel e nob ki zot ti pe donnen. 

E sa an tou pou sa 1 mwan, in kou pei preske R4.5 milyon.  E mwan osi koman Minis Lafanmir, ler mon ti vin dan Lasanble an Me, e reponn bann kestyon similer.  Mon ti dir ki sa peyman i pou 1 mwan.  Vi ki aprezan peryod restriksyon lo mouvman in ganny retire. 

E menm sa letan ti annan menm serten Onorab ki ti menm demande, akfer en tel allowance?  Alor mon pa pe tro konpran akoz sa kestyon 3 mwan ozordi i la avek nou.  Mr Speaker nou ti a kontan petet, nou kapab pey bann carers pou plizyer mwan. 

Be an menm tan nou bezwen konpran sityasyon pei ki i ladan ozordi avek COVID-19.  E bann dimoun i kapab ale, al kot zot bann resipyan pou fer zot travay, napa ankor restriksyon.

  E menm pandan sa letan, nou ti annan dimoun ki ti call lofis, ki ti pa ti tro dakor avek sa allowance kantmenm. 

Even dimoun ki ti pe travay koman carer.  Zot osi zot ti santi petet pa devret donn ankor. Akoz zot vwar, zot deza kot lakour, preske 3 kar bann fanmir ki pe travay ek zot vye dimoun kot lakour.  E sa bann letan zot ti kot lakour. 

E zot ti pe fer zot devwar koman bann carer.  Alor, mon pa tro konpran, mon krwar nou bezwen ansanm koman en Lasanble, annou sey fer dimoun realiz kwa ki pei i kapab fer e kwa ki pei pa kapab fer. 

Mon krwar i enportan ki nou edik nou pe lo sa size.  E non pe petet met en presyon pou ki Gouvernman in dir 3 mwan. Mr Speaker, e pou fer resorti, ozordi par egzanp, nou ti donn, nou ti donn 690 carer demi zournen, R750 sa mwan.  E nou ti donn 2887 carer ki ti full time R1500.  E sanmenm sa ki mon’n dir in ariv R4.8 milyon. 

So vwala en pti pe ki mannyer sa sityasyon i ete.  E akoz nou pa’n pey 3mwan.  Mersi Mr Speaker.

 

MR SPEAKER

Mersi Minis.  Nou ava pas laparol avek Minis pou Finans, Mr Maurice Loustau-Lalanne, pou reponn sa de lot part kestyon.  Limero 2 ek limero 4.  Minister.

 

MINISTER MAURICE LOUSTAU-LALANNE

Mersi Mr Speaker.  Mr Speaker, Onorab Leader Lopozisyon, tou Manm Onorab Lasanble Nasyonal, tou dimoun ki a lekout, bonn apre midi. 

Mr Speaker, lalis pou bann kategori travayer ki ti pou ganny asiste avek allowance, akoz zot ti lo frontyer lager kont COVID-19 i comme swivan; 

Ners, dokter e lezot travayer medikal.  Travayer Ladwann, travayer Limigrasyon, travayer Lazans Birosekirite.  Lapolis, drayver dan sa bann lorganizasyon, carerTravayer ASP dan distrik ki ti pe vwar piblik.  Travayer APDAR, solda, Departman La Defans.  Travayer dan distrik Departman Gouvernman Lokal.  Mr Speaker Allowance ti varye ant R1500 pou risk ki pli ba.  R2500 pou risk ki mwayen. 

E R5000 pou risk ki ti vreman, vreman o.  Mr Speaker lenformasyon ki mon annan, mazorite travayer in ganny peye. 

En bann in ganny peye an Avril.  E en pe an Zen, e pli bokou in ganny peye la an Zilyet.  Dan ka bann drayver anvi ki Divizyon Finans Planifikasyon ek Kontrol fek ganny zot request, zot pou ganny peye an Out. 

E osi i annan en group travayer pou Departman Gouvernman Lokal ki travay dan distrik. 

Par egzanp bann district administrator, zot osi pou ganny peye an Out.  Mr Speaker fodre fer resorti ki sa bann one-off allowance e tou sa bann allowance in ariv pou en lavaler R13.5 milyon pou en total 6831 travayer. 

Mr Speaker prezan mon larepons ki ou kestyon nimero 4.  Mr Speaker wi Airport i ekspekte ouver or reouver le 01 Out 2020. 

E anvi ki tou dimoun i bezwen viv dan sa nouvo normal akoz COVID-19, i pou la pou en bon pe letan. 

Alor mon pa krwar ki i neseser pou revwar lalis eksepte si nou ganny nouvo ka.  Mr Speaker nou osi pa anvi donn, e okenn ekspektasyon dan sa nouvo normal ki nou pe viv ladan,  prenon kont ki i pou annan presyon lo Sekter Prive si nou fer sa.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker premyerman petet zis pou ed Minis Larue.  Parski in fer en gran deklarasyon an relasyon avek kestyon.  I pa konnen kote mon’n ganny 3 mwan e kote mon’n ganny sa sif.  Mon ava eksplik Minis avek ou permisyon Mr Speaker. 

Pou lenformasyon Minis, letan Minis ki o bor ou, Minis Loustau-Lalanne ti vin dan Lasanble pou prezant nouvo Bidze i ti donn nou en dokiman. E lo sa dokiman ti annan Allowance for frontline workers ki’n fek donn nou detay, health workers ki ti pou ganny pou 6 mwan, high risk, medium risk avek low risk. 

Apre sa, ti annan bann zofisye Imigrasyon, Customs, Police Officers, DRDM, 6 mwan.  Apre sa ti annan en lot lalis, en lot laliny. 

E sa laliny mon ava lir li.  I dir, ASP, home carers an average 3 months.  Rate R1 thousand.  Number of personnel, 3 thousand, total 9 million. 

Mr Speaker zis mon ti anvi met sa devan Minis pou dir ek Minis pa mwan ki’n envant sa sif, se Minis Finans ki ti donn nou sa.  E se sa ki nou ti aprouve.  E se pou sa rezon ki mon’n demann sa kestyon. 

 

(APPLAUSE)

 

MR SPEAKER

Mon kapab forward ou osi sa, en kopi sa papye osi tou. 

Mr Speaker mon ti ava kontan alor petet mon ava komans avek sanmenm sa.  Vi ki ozordi ou pe dir nou ki pou bann carers zot in depans 4.8 milyon. Eski mon ti ava kapab demande, lefe ki Lasanble ti aprouv en sonm 9 milyon pour sa kategori,  Ki pe arive avek larestan sa larzan ki zot pa’n depanse? 

Dezyenmman Mr Speaker, mon ti ava kontan dir avek Minis, ki se sa ki problenm.   Letan zot fer serten lanons, e dimoun i tande sa bann lanons. 

E la par egzanp dan ka bann carers se sa ki zot in tande sorti dan Lasanble Nasyonal e alor se sa ki anmenn zot dezapwentman letan zot ganny pou 1 mwan e apre sa dezyenm mwan i koupe. 

E la petet Mr Speaker pou dir avek Minis, ki menm sa sonm ki li in nonmen R1500 pa sa sonm ki ti ganny aprouve dan Lasanble.  Letan ti ganny mete, ti ganny met R1000 e non pa R1500.  Mr Speaker eski Minis i kapab donn nou sa 5 distrik, dapre son lalis, sa 5 distrik kot in annan plis dimoun ki’n ganny aprouve zot bann demann pou lasistans sosyal.

  Dezyenmman, lefe ki dan sa Bidze ki Minis li menm li, Minis Larue in koz avek nou.  Letan in dir nou pou Me, zot in depans 14 milyon pou Zen, 12 milyon pwen keksoz. Pou Zilyet 10 milyon keksoz.  Ki fer deza en total 37 milyon.  E Bidze ki ti ganny aprouve ti 30 milyon. 

Eski Minis i kapab dir nou ki mannyer sa bann demann, e avek depans ki zot in gannyen, in afekte zot Bidze?  E ki mannyer zot pe war sa sityasyon sosyal?  Akoz i kler ki poudir i pou plizoumwen kontinyen lo sa menm sonm.

  Konmsi eksplik nou ki mannyer sa sonm, an relasyon avek zot Bidze orizinal, avek sa ki zot pe depanse an plis.  Ki mannyer sa i pou fer si zot pou bezwen vin ankor devan Lasanble pou ganny en Bidze Siplemanter en keksoz koumsa.

  Apre sa, Mr Speaker, mon ti ava kontan demann Minis Finans, si i pa kapab dir nou, parski in admet la ki poudir pa tou travayer ki ankor ganny, ki’n ganny peye, sa risk allowance.  In dir avek nou ki serten in gannyen, serten pa ankor gannyen. 

Alors, si Minis ti ava kapab dir avek nou ki poursantaz bann travayer ki’n fini ganny en parti zot allowance?  Parski sa allowance i sipoze pou 6 mwan dapre son papye ki in donn nou.

  Ki poursantaz ki in gannyen?  E dan ki kategori eski zot tonbe?  Eski tou bann ners in gannyen, eski tou bann dokter in gannyen.  Eski tou bann high risk in gannyen.  Alors, donn nou en pe, en breakdown lo sa. 

E Minis in osi nonmen, ki poudir i annan serten bann dimoun, par egzanp bann drayver ki pa ankor gannyen e ki zot pe al komans gannyen la.  Eski Minis i kapab dir nou si par, i sa bann drayver ki pou gannyen, i pou osi enkli bann drayver lanbilans, bann lezot drayver?  Enkli bann drayver kot Minister Ledikasyon ki ti ganny anploye pandan peryod COVID pou zot fer en travay. 

E Mr Speaker Minis in osi dir ki, avek louvertir Erport   la ki pe arive, zot pa pou bezwen enkli okenn nouvo travayer. 

Ok, be eski Minis i kapab dir avek nou.  Bann travayer Air Seychelles par egzanp la pou le moman, parski Erport i ouver demen li. 

I ouver le 01 Out sorry, apredmen, whatever.  Be, par egzanp i annan bann travayer Air Seychelles ki ozordi zot lo frontline zot.  Mon ti pe koz avek en fiy ki travay Air Seychelles sa wikenn.  Ki pe dir, par egzanp Air Seychelles i al Lenn. Apre sa Air Seychelles i al Togo.  E nou konnen ki poudir bann maren peser ki sorti dan Was Lafrik, zot ki’n vin isi avek bann tes ki pa bon.  E apre sa, souden nou’n trouv nou avek COVID-19

Alor, dan sa, eski Minis pa ava rekonsidere pou enkli sa bann travayer ki’n pran sa risk e ki’n ede pou tenir sa avyon anvole, ensidswit pou zot ganny en keksoz?  E an menm tan osi letan nou pe regard bann lezot kategori, bann kargo staff, bann travayer SCAA

Eski Minis pa krwar ki i toutafe normal ki sa bann travayer i osi ganny regarde?  Mersi bokou Mr Speaker.

 

MR SPEAKER

Mersi Onorab.  Minis. 

 

MINISTER MITCY LARUE

Mersi Mr Speaker.  Premyerman Onorab ti oule konn sa 5 distrik ki’n ganny bokou plis dimoun in ganny lasistans. 

I annan Baie Ste Anne, Grand Anse Praslin, Perseverance, La Digue ek Anse Aux Pins.  Sa, sa 5 distrik ki’n ganny plis dimoun in ganny asiste anba progranm ki nou’n mansyonnen. 

Dezyenmman wi nou’n depans 37 milyon ziska la.  Me nou’n depans, savedir 30 milyon ki nou ti gannyen, nou’n depans an plis.  E sa in osi Bidze ki nou ti gannyen pou nou, pou welfare o komansman, sa 30 milyon ti ekstra.  Ok

Definitivman sityasyon parey nou konnen, sityasyon pa pe improve.  Nou pou bezwen definitivman kontinyen soutenir nou bann dimoun ki pou dan bezwen.  Akoz dimoun pa pe gannyen lanplwa, akoz nap touris ki pe vin Sesel.  Menm ki Airport pe al ouver. 

Nou pa pe ekspekte e bokou touris parey nou’n tann koze.  Alor bann dimoun ki pe ganny lasistans kot nou, definitivman zot pou kontinyen vini.  Pou zot kapab soutenir zot avek zot fanmir.  E la definitivman nou pou bezwen demann Bidze Siplemanter. 

Akoz sa enn i pou anmenn nou ziska Out, mon mazinen an Out nou pou napa ankor larzan.  Nou pou bezwen al kot Minis Finans laba.  Apre Minis a kapab koz en pti pe lo la, okE mon krwar sa i mon 2 kestyon.

 

MR SPEAKER

Mersi Minis.

 

MINISTER MITCY LARUE

Ki mon’n reponn.  Prezan Minis ava.  Carer, Minis ava reponn.  Akoz mwan parey mon pe dir, mon pe, mon ti ekout sa ki Prezidan ti dir.  Prezidan pa’n mansyonn 3 mwan. 

E mwan ler mon ti vin dan Lasanble, mon ti koz for, mon ti koz pou tou dimoun tande.  Poudir carer pou ganny allowance pou 1 mwan. Prezan Minis Finans ava eksplike why ki mannyer sa i ete.  Sa mon met dan son kort pou li reponn.  Mersi Mr Speaker.

 

MR SPEAKER

Mersi Minis Larue.  Minis Loustau-Lalanne

 

MR SPEAKER

Mersi Minis Larue.  Minis Loustau-Lalanne.

 

MINISTER MAURICE LOUSTAU-LALANNE

Mersi Mr Speaker e mersi Onorab pou sa bann kestyon siplemanter. 

Ou annan rezon, letan ou dir ki Bidze letan nou ti prezante pou home carers nou ti fer en provizyon bidzeter pou R1000 par carer.  Nou ti estimen, 3000 carer.  E nou ti ariv sa sonm R9 milyon.  Anba sa menm budget line, nou annan nou plizyer lezot front line workers ki nou ti’n enimere.

  Nou ti annan par egzanp, health workers.  E health workers osi nou ti fer en provizyon bidzeter pou 6 mwan. E la ti annan high risk R5000, medium risk e low risk.  E la osi nou ti fer son provizyon bidzeter. 

Apre i ti annan zofisye Imigrasyon, Ladwann, Lapolis, DRDM, en provizyon ankor 6 mwan dan Bidze.  E Bidze total ki nou ti prezante ki ti ganny aprouve, ti 18 milyon.  E ozordi nou’n depans 13.4 milyon. 

So i reste nou anba sa laliny bidzeter, R5 milyon, apepre pou nou kontinyen pey sa bann allowance.  Alor mon remont deswit lo siplemanter prezan. 

Definitivman nou’n deza gannyen request pou ogmant 2 budget heads pou sa allowance ki nou ankor pe etidye.  Akoz i pou plis ki sa. 

E nou pe fer en provizyon bidzeter, nou pe etidye pou nou fer en provizyon bidzeter.  Lalis drayver pou reponn ou kestyon, wi drayver i annan 19 drayver.  Ki zot parey mon’n dir, zot pou ganny peye, e i enkli drayver. 

MHILT, Foreign Affairs, Ledikasyon, NSC, Zidisyer ek SNPA.  E mon annan zot non ek zot lalis, ek tou zot keksoz la. Akoz sa osi nou fek resevwar pou nou fer sa peyman.  E mon krwar nou’n resevwar sa semenn pase, semenn pase. 

E se sa ki permet nou annan sa retar, si nou oule, pou pey zot.  Me zot tou zot la.  E mon annan son detay avek mwan.  Me mon krwar Mr Speaker, sa ki enportan fer resorti, se ki nou, nou ti fer en provizyon bidzeter.  E se sa lenportans pou le moman.  Set en provizyon bidzeter. ki malerezman pa pou ase.  Me nou pou bezwen revin rod en aprouvasyon o moman apropriye.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker Minis pa’n elabor lo enn bann kestyon ki mon’n demann li.  An term bann poursantaz ki’n ganny peye e bann poursantaz ki pa ankor.  E dan bann diferan kategori, par egzanp medikal, ensidswit tou sa bann kategori.  Yes.

 

MINISTER MAURICE LOUSTAU-LALANNE

Mersi Mr Speaker, mersi Onorab.  Onorab departman Lapolis i annan 936 staff ki’n ganny peye pou en sonm R1.4 milyon. 

E zot in ganny en one-off allowance R1500.  Health Care Agency i annan plizyer kategori.  I annan en kategori health care workers anba HCA, PHA ek MOH260 staff pou en sonm R2.4 milyon.  E la nou annan sa diferan risk, e mon annan son detay, mon kapab partaze. 

I annan HCA staff ki’n ganny en special COVID allowance.  1360 staff pou en sonm R3.28milyon.  Lazans pou Proteksyon Sosyal, 63 staff pou en sonm R94,500.  E li osi ti en one-off R1500 pou 62 staff.  Mazorite ti ganny peye an payroll June e i annan 1 payroll Zilyet.  Home carers nou’n deza donn sa lenformasyon. 

Departman Limigrasyon 61 staff pou R303 mil.  en one-off allowance R2500, 61 staff ti deza ganny peye pou Fevriye ek Mars payroll. 

National Council for the Elderly i annan 9, pou en sonm R22,500.  APDAR, 45 pou R45,000, donk en allowance R1000 pou 45 staff

SRC, Ladwann, 35 staff pou R173,500.  Local Government li osi mon’n mansyonnen dan mon larepons, ki li i pa ankor ganny peye.  I annan 36 staff pou en sonm R54 mil.  Departman La Defans i annan 415 solda, pou R622,500.  E National Biosecurity Agency, 15 pou en sonm R70,000.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker Minis in donn nou bokou sif avek bokou –  E mon  pa pe war sa ki Minis, mon ti ava kontan demann Minis, akoz ki sa bann allowance ki ou pe nonmen. 

Letan par egzanp ou’n nonm en one-off, letan sa pou Lapolis.  Be pourtan Lapolis zot in la pou sa 3 mwan zot. 

E dan Bidze ki ou ti ganny prezante, sete pa pou en one-off 1 mwan, sete pou 3 mwan,  lo sa papye ki ou ti’n mete.  Letan ou pe koz lo Minister Lasante.Minister Lasante sete pou 6 mwan.  E la mon pe, mon ti ava kontan Minis donn nou detay. 

Akoz menm ziska ozordi i annan serten dimoun dan Minister Lasante.  Serten kad dan Minister Lasante ki ankor pe ganny risk allowance.

  Tandis ki i annan ki pa’n ganny ditou.  Par egzanp letan nou pe dir lo frontline.  Bann ki fer sa screening, zot sipoze lo la zot. 

Parski, e la mon ava dir, parski bann Kenyan nurses, ki zot osi tou zot pe travay anba latant, sa nou apel zot bann ki travay anba latant,  Kenyan nurses pe gannyen zot allowanceBe si li i pe gannyen risk allowance, be sa Seselwa, zot pe fer menm travay.

  Alors eksplik nou en pe akoz i annan sa bann distenksyon?   E kan eski Minis i ekspekte ki sa bann dimoun zot ava ganny peye sa allowance

E petet Minis i kapab osi, an ka ki i annan bann defayans, par egzanp letan ou pe dir ki ou’n fek ganny lalis bann drayver.  E la mon a kapab dir avek ou, bann drayver ti panse ki poudir zot non in fini ariv kot, in fini arive pou zot ganny peye.

 Alors, eski Minis ti ava pare pou donn en lendikasyon sa bann dimoun ki krwar ki zot devret resevwar en allowance.Ki apre ou a kapab assess kote zot ale, kote zot telefonn.  Parski si zot Departman pa pe fer li. 

E mon rapel, dernyen fwa ou ti ankoler, ou ti ankoler en kantite, ki poudir ou ti anvi ki sa zafer allowance i fini ganny sorted out.  E malerezman sa bann travayer zot ankor pe ganny problenm dan zot landrwa travay, tou kot zot pe ganny anvoye demen tanto. 

Alors petet ti ava bon pou zot konnen kote zot pou ale pou zot kapab ganny en kominikasyon direk, san pas, tro bokou red tape ki pa pe anmenn zot okenn par.  Silvouple Mr Speaker atraver ou pou Minis.  Mersi bokou.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker zis mon ti a kontan ankor ensiste ki dan sa Bidze nou ti met en provizyon. 

So, sa provizyon 6 mwan pou en serten kategori, provizyon 3 mwan pou en lot kategori, ti en provizyon bidzeter. 

Prezan, sa one-off la, li in vin apre.  Dan le sans ki letan nou ti fer lockdown, gard ek larme ti bezwen mobilize pou sirkile aswar pandan sa lockdown.  So bokou sa bann travayer in enplike pou en peryod letan.  E en desizyon in ganny pran pou donn zot en one-offSo lala kot sa one-off in vini.  E se pou Lapolis avek Larme ki ti enplike dan lockdown patrol.  Prezan, i ankor responsabilite sa Minister konsernen. 

So, par egzanp, i annan plizyer Departman, ki zot, zot in ekrir an Mars.

  Departman Ladministrasyon pou demann permisyon pou pey sa risk allowance, location risk allowance

Annefe sa mon krwar term ki zot ti servi.  E zot in ganny larepons.  Health Care Agency in ganny larepons. 

Imigrasyon in ganny larepons.  SRC in ganny larepons.  E i klerman spesifye.  E se Minister Lasante ki li zize dan ki kategori. 

Si high, medium or low risk parey dan son let i mete klerman.  Me se li ki deside lekel ki ganny high, lekel ki ganny medium, lekel ki ganny low

E se li ki bezwen fer demars pou tou sa bann travayer ki kalifye.  Pou fer sor i process i anvoy kot nou.  Akoz nou zis nou peye. 

Parey mon’n deza dir, nou pa kapab zis pey on behalf akoz i pa nou larzan, in ganny appropriate kot zot.  So mon fer ankor lapel, se pou kwa mon ti nerve. 

Mon fer ankor lapel silvouple.  Sa bann allowance fodre ganny peye.  Fer zot travay, fer peye.  So vwala Mr Speaker mon larepons.  Mersi.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker premye demann ki mon ti a kontan fer, parey ASP ti fer, ti donn nou bann lenformasyon vreman detaye lo, si mon mazinen premye peyman lasistans ki ti spesifikman vote pou peryod COVID.  Zot ti donn nou bann. 

Zot ti donn ou bann lenformasyon byen detaye avek non sa recipient.  So mon ti a kontan si Minis i kapab dir nou si nou pou gannyen sa lenformasyon detaye. 

Akoz nou, nou rol koman MNA se pou nou kapab cross, check, pou nou gete, e pou nou kapab konpran si sa bann lasistans ki’n ganny donnen in ganny fer byen  dan en fason fair

Kot bann dimoun in ganny trete dapre zot merit.  Akoz, se nou ki konn distrik. 

So mon ti kontan ki Minis i dir avek nou, atraver ASP, si nou pou gannyen.  Nou’n ganny lenformasyon par distrik, par heads. 

La prezan nou oule osi ler ou donn nou par distrik, donn nou bann non bann dimoun ki’n benefisye.  Sa i mon premye kestyon. 

Mon dezyenm kestyon Minis, se, lenformasyon se ki distrik Baie Ste Anne par egzanp, kot ou, ou zwe en rol politik tre aktiv in ganny favorize e nou lenformasyon in ganny konfirmen ozordi. 

 

 

(Interruption)

 

MR SPEAKER

Order!  Order!  Order!  Order!  Mon pe zis ekoute dan ki laliny dan ki direksyon i pe ale.  Ok, mon ava.  OkYes Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mwan mon ti a kontan demann Minis, eksplik nou oubyen sey donn nou lenformasyon. 

Ki mannyer, par egzanp Baie Ste Anne Praslin ki pa enn bann pli gran distrik dan Sesel, lo tou bann heads, lo tou bann mwan, se laba ki’n ganny plis peyman?  E nou oule konnen si vi ki Minis i annan en rol pou li zwe dan sa distrik, si in apir en pe plis pou en distrik plito ki pou en lot? 

So Minis i ava reponn.  Mon krwar Minis i annan ase lentelizans pou li kapab reponn.  E i pa bezwen Onorab Pillay pou li reponn dan son plas.  Sa i mon kestyon.  Mon dezyenm.

 

(Interruption)

 

 

MR SPEAKER

Non, non, non, non, non.  Onorab Pillay, ou prosennman lo mon lalis pou demann ou kestyon.  Ou ava annan ou sans pou demann kestyon.  Onorab Ferrari.

 

HON JEAN-FRANCOIS FERRARI

Mr Speaker, prezan mon trwazyenm pwen se pou mon demann Minis pou klarifye, Minis Finans la pou klarifye pou 2 sekter.  Akoz Minis enn bann difikilte se ki ler en dimoun i tande poudir posibleman i pe al ganny en allowance.  I viv dan sa lespwar. 

Nou konpran nou.  Ki par egzanp dan Minister Lasante, pa tou travayer Minister Lasante ki ti lo frontline.  Me selman i enportan pou nou, pou bann travayer konnen, si zot ti kalifye.  Alors, ki gidans ou pe donn nou. 

Eski ou krwar par egzanp, tou bann Minister, bann Departman i devret fer en sirkiler parmi son bann dimoun.

  Poudir zot ki’n travay, dizon lo Erport travayer Lasante, wi zot pou benefisye.  Zot ki’n travay dan biro koman sekreter non zot pa benefisye. Konmsi pou bann dimoun konnen.  E sirtou i enportan pou bann ners ek bann asistan ners.

  Akoz zot pa konnen zot si zot ti front ine oubyen non.  Zot in kontinyen travay pou pep Seselwa antye.  So pou bann ners e pou bann Port ek Airport security, Port and Airport Security, konmsi i vreman enportan ki zot ganny sa lenformasyon.  Pou zot kapab, zot lespri i kapab anpe.  Mersi Mr Speaker.

 

MR SPEAKER

Mersi Onorab.  Minis Larue.

 

MINISTER MITCY LARUE

Mersi Mr Speaker.  Mr Speaker mon ti a kontan reponn kestyon limero 2 Onorab Ferrari,  kot in fer en alegasyon,  ki mon vreman pa, napa levidans.  Par egzanp Onorab Ferrari i dir mon en politisyen aktiv dan distrik Baie Ste Anne. 

Mon ti a kontan ou al fer ou resers byen.  E regarde si mwan mon en politisyen aktiv dan distrik Baie Ste Anne.  I pareyman ou pa on par avek lenformasyon.  So rod ou lenformasyon.  Dezyenmman, mwan, mon koman Minis mon pa enfliyan okenn distrik. 

Premyerman Baie Ste Anne si ou pe regarde, Baie Ste Anne, grand Anse, La Digue i bann distrik kot popilasyon dimoun, 90, 95 poursan dimoun i travay dan Lendistri Touris.  Otomatikman ou pou annan sa kantite dimoun ki san en travay.  E ki pe vin apply welfare. 

E laplikasyon welfare i ganny fer dan distrik Baie Ste Anne, dan distrik Grand Anse e dan distrik La Digue ek lezot distrik dan Sesel. 

Dimoun i dan problenm, i annan en sistenm an pals.  E dimoun i al fer son laplikasyon. E son laplikasyon ler i fer, i annan en Komite ki asize, ki travay lo bann laplikasyon e donn laprouvasyon dapre zot merit. 

Mwan mon napa nanryen pou fer avek sa.  E mon annan mon CEO ki la o bor mwan, i kapab fer ou konnen ki mannyer sa keksoz i marse.  So mon napa okenn lenfliyans politik over okenn welfare benefis ki dimoun i gannyen. 

E ler mon regarde, ou’n dir Baie Ste Anne, me Grand Anse i dezyenm.  Eski mon Grand Anse osi?  Eski mon Baie Ste Anne?  Eski mon La Digue?  Eski mon partou?  Mon krwar annou fer keksoz kler. 

Annou pa vin anmenn politik ladan kan napa politik.  Mersi.  Dezyenm pwen.  Dernyen fwa wi, nou ti donn lalis, nou ti donn non, nou ti donn distrik, nou ti donn konbyen zot ti gannyen eksetera. 

Nou ti donn zot tou detay.  Me les mon a dir Lasanble ki la mazorite dimoun pa dakor avek sa.  Nou’n ganny lenformasyon, zot in dir nou ki zot pa oule ki zot keksoz konfidansyel i al kot nenport ki politisyen.  Akoz zot osi zot annan zot sansibilite, zot konfidansyalite.  Akoz zot, zot pa kontan tou dimoun i konnen ki zot pe gannyen, ki zot pa pe gannyen.

  E dan se ka la, nou, nou pa pou donn zot, nou pou donn zot distrik, kantite dimoun, kantite madanm, kantite msye, konbyen one-off eksetera parey mon’n eksplike.  Me nou pa pou donn lalis non dimoun avek zot kantite larzan ki zot pe gannyen.  Mersi Mr Speaker.

 

MR SPEAKER

Mersi Minis.  Minis Loustau-Lalanne.

 

MINISTER MAURICE LOUSTAU-LALANNE

Wi, mersi Mr Speaker.  Mersi Onorab.  Onorab mon pe sey reponn ou dan en fason pli kler ki posib.  Letan nou’n koz lo lasante, e parey mon’n dir, se sa Minister oubyen sa Lazans li menm ki determinen lekel ki ganny kwa.

  Ozordi pou sa bann ki lo frontline, zot ankor lo frontline, sa pwen ki Onorab Leader Lopozisyon in fer taler.  Zot pe kontinyen gannyen.  Sa bann ki par egzanp i dan Isolation Center. 

Kot pa pli tar ki resaman ti annan ankor enn de ka ki ti la pe ganny trete.  So zot, zot kontinyen gannyen.  Me i annan lezot kot zot in gannyen letan COVID ti pe fer ravaz.  E apre sa letan in subside zot in arete. 

Be lalis ki mwan mon annan l apar egzanp, i montre mwan se en lalis ki’n ganny arete par Lasante eli menm.  Sa Departman Family Programs and Nutrition Unit.  I annan 9 dimoun ki’n ganny peye.  E zot tou zot in ganny sa minimonm R1500 allowance.

  Zot la tou sa bann dimoun.  Radiology Unit dan Lasante.  Zot tou zot lala lo sa lalis.  Chief Radiographer, Senior, and so on.  I kontinyen.  Procurement Unit.  Accident Emergency.  Zot tou zot in ganny mete lo lalis avek zot respective allowance i ale nurse

Health information assistant.  Ziska health information assistant, bann ki al rod bann file eksetera, zot osi zot in gannyen, minimonm R1500.

 Akoz zot pa lo sa frontline ki nou ti dir, lo very, very high risk.  Zot tou zot lao la, lo sa lalis.  So i annan en travay konplet ki’n ganny fer.  E zot in fini ganny peye.  So zot konnen, zot bezwen konnen letan zot regard zot pay slip.

 Pou konnen ki zot in ganny sa allowance.  Alor pou rezimen tou sa bann dimoun letan zot regard zot pay slip, si zot war zot pa’n gannyen e zot krwar zot merit gannyen, fodre zot apros zot Departman, le pli vit posib. 

E se zot menm laba ki pou deside si wi oubyen si non, se pa nou.  So sa lapel mon ti a fer pou sa. 

E zis an pasan, sa distrik Baie Ste Anne la, i en distrik touristik li osi.  En vreman touristik.  So nou bezwen get li osi par ler.  Akoz napa touris.  Nou bezwen donn li en koudmen.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon toutafe dakor avek le 2 Minis ki’n koze.  Me selman zot bezwen konpran akoz nou pe demann kestyon.  Se nou rol pou demann kestyon. 

Akoz Beau Vallon ek Bel Ombre ti 2 distrik touris, akoz sa 2 distrik, zot, zot lanmwatye sa bann Baie Ste Anne avek Grand Anse? 

I enportan pou nou konn nasyonalman ki mannyer sa bann benefis pe ganny peye.  E mon dezapwente avek Onorab, avek Minis Larue ki ti deza en Manm dan sa Lasanble,  ki pe war li drol ki nou pe demann sa bann kestyon. 

E la mon ava dir Mr Speaker, avek Minis Larue, ki Minis, nou pou gannyen sa lenformasyon, ou menm ou ki pou vin donn nou sa lenformasyon. 

Akoz?  Akoz dan Konstitisyon, la mon pa ni koz Standing Order. 

Konstitisyon, lartik 104(3), ‘’For the purposes of effectively performing its functions  a standing committee may summon any person and any information.’’ 

Mwan konman en Manm FPAC, demen bomaten Minis, i annan en let ki pou pare pou ou, pou ou kapab vin donn nou sa lenformasyon. 

 

(APPLAUSE)

 

MR SPEAKER

Akoz i enportan ki nou gannyen sa.  I menm parey i enportan, e la mon felisit Minis Finans,  ki li lafen dimwan in dir nou i pou donn nou lenformasyon lo FA4JR.

  Fotespere ou pa ganny, ou pa an retar trwazyenm fwa Minis.  Akoz ou konnen ler ou an retar, exit.

 

(laughter)

 

MR SPEAKER

Mersi.

 

HON JEAN-FRANCOIS FERRARI

Me selman Minis i ava ganny on let demen.  E i enportan ki nou fer nou travay byen dan lentere Lepep Seselwa.  E napa okenn sekre antre nou.  Alors se sa ki mon ti anvi dir Minis.  Mersi.

 

MR SPEAKER

Mersi Onorab Ferrari.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker avan mon komans mon kestyon, mon ti a kontan rod en klarifikasyon.  Akoz Onorab ki’n koz avan mwan, in dir koumsa poudir demen menm i pou fer anvoy en let pou Minis.

 

MR SPEAKER

Onorab, Onorab.

 

HON SEBASTIEN PILLAY

Me Komite FPAC pa ankor zwenn.  E Chairman FPAC pa ankor fer son komanter lo la.

 

MR SPEAKER

Onorab, mon’n donn ou laparol pou po zou kestyon.  I en Manm FPAC, i annan prosedir ki i pou fer pou li kapab rod sa lenformasyon, ok

 

HON SEBASTIEN PILLAY

Mersi Speaker. 

 

MR SPEAKER

Ou kestyon.

 

HON SEBASTIEN PILLAY

Mersi Mr Speaker.

 

MR SPEAKER

Kestyon Onorab Pillay.

 

HON SEBASTIEN PILLAY

Mersi, mon pe zis esper li fini Mr Speaker.  Akoz i paret ki poudir i pa kontan son kanmarad koze, i oule zis li koze, konpran? 

Me pa ankoler ou.  Les mon a koze.  Mon’n ekout ou mwan, ki ou pe nerve.  Mersi Mr Speaker. 

Mr Speaker mon kestyon i koumsa.  Ou konnen, nou, mon en pe enkyet, e Minis ed mwan pou konpran sa, mon en pe enkyet mwan.  Nou pe vin dan Lasanble pandan en letan ki nou pe pas dan en moman ekstrememan difisil. 

En moman ekstrememan konplike pou nou finansyerman.  E nou pe rod allowances pou dimoun, left, right and center.  E mon oule dimoun an deor i konpran mon byen.  Mon oule ki tou dimoun an deor i konpran mwan byen. 

Nou annan nou ser ek nou frer ki pe perdi travay.  Ki nou bezwen sey soutenir zot.  Nou pe sey reouver pei le 01 Out pou nou kapab cope ek sa sityasyon. 

Ladan menm nou vin Lasanble, e mwan mon pou apel sa Mr Speaker, politik bon marse.  Mon pou apel sa en politik bon marse.  Kot nou komans koz lo donn allowance nou pa’n donn allowance sa enn, donn allowance lot. 

So Minis eksplik nou, finansyerman, kote pei i ete la pou le moman vizavi tou sa bann demann pou allowance pou isi pou laba. 

Sa i mon premye kestyon.  Dezyenm kestyon, Minis Larue i annan en duty of care towards tou dimoun ki apply pou en welfare.

  Akoz lo sa laplikasyon i dir lenformasyon i ganny trete avek konfidansyalite.  Mon ti a kontan demann Minis, ki rekour Minister i annan si ou’n seek legal advice. 

Ki si en Manm Lasanble, ler i resevwar lenformasyon ki ou ou’n provide ek Lasanble, i pran sa lenformasyon dan en miting politik i lev anler.

 

MR SPEAKER

Non, non, non, non, non.

 

HON SEBASTIEN PILLAY

Mon pa’n impute personn mwan.  Mon pa’n impute personn.  Mon’n dir ki pou arive.

 

MR SPEAKER

Onorab, Onorab, Onorab, laparol i pou Onorab Sebastien Pillay.  I pa’n nonm personn.  In dir si, wi in nonm Manm Lasanble. 

Mon’n deza ganny en levidans, mon annan en levidans. 

Mon annan en levidans, mon annan en manm piblik ki’n ganny asiste, ki lo sa dernyen lalis ki Minis in sirkile, ki’n ekrir mon lofis en let.  Me la in nonm Manm Lasanble i pa’n fer referans avek personn.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon oule fer kler.  Mwan mon pa ni konnen lekel ki’n ekrir ou.  Mon pe dir sa, akoz nou annan en issue ek sa zafer lenformasyon welfare vizavi lezot lenformasyon. 

Akoz ASP dan son lenformasyon ki dimoun, ki demann dimoun, i fer en disclaimer ki ou lenformasyon i ganny trete ek konfidansyalite. Mon ti ava ekspekte ki si nou pou pran lenformasyon, nou osi nou osi nou onor sa konfidansyalite ki sa dimoun pe pas en lenformasyon. 

So, mon ti a kontan demann Minis, ki prosedir ou pe met an plas.  Pou ki ou kapab onor ou duty of care ki ou annan devan ou bann dimoun ki vin apply.  Sa legitimate expectation ki zot annan, ki zot lenformasyon i ganny trete ek konfidansyalite.  Tout an prenon kont ki ou osi bezwen onor sa ki Konstitisyon i dir.  Ki si Lasanble i compare en lenformasyon from ou, ou bezwen provide Lasanble avek.  Mersi Mr Speaker.

 

MR SPEAKER

Mersi Onorab.  E mon pou repet ankor.  Mon ti dir dernyen fwa ler Minis pou met lenformasyon, sa bann detay Lasanble. 

Bann tel lenformasyon i pou selman purpose pou ed bann Manm fer zot travay.  Sa bann lenformasyon i pa pou ganny disiminen an piblik, ok.

  E malerezman dernyen fwa lenformasyon i sorti dan la piblik.  E parey mon’n dir, mon annan serten manm piblik ki’n ekrir mon lofis, ki’n met mwann okouran, ok.  Minister.

 

MINISTER MITCY LARUE

Mersi Mr Speaker.  Mr

Speaker mon konpran FPAC i annan serten manda pou nou kapab vin donn lenformasyon, mon konnen sa.  Parski mon’n dan Lasanble mon osi pandan 18an.  Me selman dernyen fwa ler nou ti donn lenformasyon, zot rapel mon ti donn zot en pendrive avek tou lenformasyon, non dimoun, konbyen larzan zot pe gannyen eksetera. 

Apre nou’n ganny bokou dimoun ki’n konplent, ki’n dir poudir zot pa dakor ki nou donn zot non avek larzan ki zot pe gannyen.  Akoz sa i en larzan ki zot pe al gannyen anba Proteksyon Sosyal. 

E i pa neseserman ki tou dimoun i bezwen konnen poudir mwan mon’n ganny R200, mwan mon’n ganny R400.  Akoz demen sa i kapab vin piblik.  E dernyen fwa ler mon ti donnen, mon ti dir poudir keksoz i devret reste konfidansyel. 

Akoz sa bann dimoun osi i annan en, zot osi zot bezwen zot keksoz reste konfidansyel.  Zot osi zot annan en pride.  Zot osi zot annan en stati, zot pa anvi ki tou dimoun i konnen, mwan mon’n ganny welfare.  E sa bann dimoun parey mon pe dir zot la, 3 kar sa bann dimoun zanmen zot in deza vin kot Welfare dan lepase. 

Zanmen zot in vin kot Welfare dan lepase.  Sa bann dimoun zot in travay, zot in travay a lasyer zot fron pou zot kapab viv.  Me dernyerman avek COVID ki personn pa ti pe ekspekte, en pandemik lemonn, in afekte nou.  E sa bann dimoun i oblize vin anba sa safety net ki pou kapab ed zot pou zot sirmont zot bann difikilte finansyer.  E sa bann dimoun definitivman zot pa dakor ki nou donn zot non.

  Me si nou bezwen donnen avek FPAC, sa en lot zafer.  Me nou pe rod en pti pe konsey osi avek AG’s Office lo la.  Si an ka i annan okenn keksoz ki sorti. Akoz sa bann dimoun i annan zot drwa, i annan zot right anba Konstitisyon zot osi.  Zot annan zot privacy

Si demen nou donn tou sa lalis, apre nou partou sa bann zafer i lo bann diferan papye, kote ki sorti? 

Lekel ki’n anmennen, lekel ki deor?  Ki mannyer in ariv la?  I bann keksoz mon krwar ki nou koman bann dirizan politik, nou bezwen asire ki konfidansyalite dimoun i reste zot priyorite.  Ok?  Apre, dan Minister, pa i annan oditer ki odit tou sa bann kont?  Tousala i ganny odite, i konnen ki mannyer in pase. 

Napa personn ki pe, fodre pa nou krwar poudir i annan dimoun dan lazans ki pe fer bann trik mardaz, napa sa.  Nou pe travay prop.  Me selman pa oubliye, annou kler.  Zot tou lot kote latab la, zot call Lazans Proteksyon Sosyal zot en. 

Zot call, zot dir get en tel, donn li en one-off.  E ler mwan mon al lo mon lalis one-off, mon al lo mon lalis one-off, i annan serten distrik ki annan over 20 one-off.  I annan ki annan zis 2, i annan ki annan zis 1. 

Annou demann nou lekor, annou pran lalis, annou demann nou lekor kestyon.  Nou tou nou fer politik, nou tou nou politisyen.  Ok? Annou pa pik ledwa lo personn.  Me annou gete, nou bann dimoun i dan problenm e nou bann dimoun i pou ganny lasistans toultan zot dan problenm. 

E nou, nou pa pou zanmen kit personn ater.  Nou pa pou les personn antre vant vid dan lakour avek zot fanmir.  Nou pou toultan soutenir nou bann dimoun.  Mersi bokou Mr Speaker.

 

MR SPEAKER

Mersi Minis Larue.  Minis Loustau-Lalanne.

 

MINISTER MAURICE LOUSTAU-LALANNE

Mersi Mr Speaker.  Mr Speaker mon’n tann exit ankor en kou la.  Si mon rapel, nou ti dir ki i pe pran nou en pe plis letan pou nou anmas lenformasyon ki nou annan pou nou prodwir sa rapor final.  Be ki’n arive, mon ti dir zot, mon ti annan zis 3 mwan.  Mon ti annan zis 3 returning graduates ki nou ti’n kapab recruit

E nou ti oule recruit 10, pou met, pou fer sa travay.  Pou kolekte tou sa lenformasyon, met li lo en database

Ozordi nou’n nobou recruit ankor 3, i fer nou 6.  Be i pa ase, si mon reste ek 6, mon pa pou meet sa deadlineSo nou’n bezwen pran 5 manrmay.  Anfen travayer Minister Finans ki nou’n bezwen redeployedBezwen kit en louvraz, enportan menm.  Sirtou dan lepok nou pe pas ladan. 

Fer zot konble, la i annan 11 travayer ki pe finaliz sa database.  Pa bliye i annan 5097 aplikasyon ki nou bezwen anmas tou sa lenformasyon pou vin donn sa rapor ki nou’n promet.  So i pe vini sa rapor, pa trakase.  Nou pe fer maksimonm pou fer sir nou donn ou dele.  Sa i premye remark. 

Dezyenm remark pou reponn Onorab Pillay.  Ou ava rapel Onorab, zis 10 Manm Lasanble Nasyonal ti vot pou sa Bidze amande pou 2020. Zis 10 ki ti vote.  E nou ti dir dan sa Bidze, ki nou bezwen, malerezman poste en defisit 17 poursan overall.  E 14 poursan negativ lo primary balance

Se sa ki nou kapab tenir.  Ozordi kot nou ete.  Lafen Zen letan nou’n get nou fiscal, nou deza minus 6.  So lapant i korek, nou pe ale menm.  Se pou kwa nou pe ouver pou nou fer reveni antre.  It’s le sel fason nou pou kapab fer reveni antre.  Nou’n envestir telman dan Lenfrastriktir Touristik dan sa pei.  Wi nou kapab al plant mayok, wi nou kapab al plant kanbar.  I pou pran en pe letan.

  Nou pou bezwen fer touris tournen pou nou ganny en pe reveni, pou nou tenir.

  Akoz si nou pou revin kot Lasanble pou demann ankor R250 milyon, R300 milyon, nou pou al dan en defisit omwen 20 poursan negatif.  Be nou’n fini pret larzan pou nou nobou tenir 17 poursan overall.  Nou napa larzan pou al prete ankor. 

Napa larzan!  So nou bezwen konsyan sa.  E se pou kwa nou bezwen toultan regard li, toulezour nou pe regard li, toulezour nou pe sey fer fason pou nou reste dan paramet sa Bidze ki zis 10 zot ti aprouve.  Mersi Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker mwan, mon respekte sa kestyon.  Mon’n demann mon kestyon an tout senserite.  Akoz mwan mon enkyet.  Mon enkyet Mr Speaker.  Akoz, apre ki mon’n ekout gouverner sa ki i dir.  Nou pe reouver pei, keksoz i ganny drwa dousman.  Dousman, dousman nou bouze.  Materyo konstriksyon pe monte dan pei. 

E koman en politisyen i pa dan mon lentansyon pou mon dir, tir allowance lo okenn dimoun.  I pa dan mon lentansyon vin dir anpes en dimoun ganny allowance

Be Mr Speaker.  Be Mr Speaker ozordi apre midi mon pa oule koz parey en politisyen.

  Mon pe koz parey en Seselwa konsernen avek lavi mon frer, mon ser, mon kouzin, mon kouzen. 

Nou frer, nou ser, nou kouzin ki travay dan en sekter ki ozordi napa reveni.  So avek sa mon ava demann Minis en kestyon an relasyon ek sa. 

Si nou kapab fer re-maniman e fer bann savings ki nou kapab fer en pe partou. 

Eski sa i a permet nou pou nou soutenir plis dimoun ki a kapab trouv zot.  Ou fek tande Creole in fer redundancy lo bann travayer. 

So eski sa i ava ed nou pou soutenir plis dimoun pou plis lontan.  E fer ki larzan ki nou annan i ava dir plis letan pou ki ler keksoz i ava repran nou ava dan en pli bon pozisyon.  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab mon apresye ou refleksyon.  Les mon a rapel tou dimoun, ki nou’n fer Sesel e ki nou’n vwar.  Dan lezot pei nou frer pe perdi zot louvraz.

Ou tande en konpannyen in met deor 10mil deor.  I zis ganny met deor.  5mil par isi, 300 par laba.

Isi nou bezwen, nou ti dir nou bezwen safeguard saler tou Seselwa.  E se sa ki nou pe fer.  Allowance nou kapab, si nou annan nou kapab ede dan bann ka spesifik.  Me premye priyorite se fer sir tou nou Seselwa i ganny en saler.  E fodre nou dir mersi.

Akoz nou frer aryer pe ganny met deor an grap e zot pa pe ganny nanryen.  E omwen isi zot pe ganny en keksoz pou tenir zot.  An menm tan nou pe demann zot fer serten sakrifis.  E la nou’n dir, adapte dan sa nouvo sityasyon.  Nou dir adopte.

E apre ki nou’n dir ankor, i annan en lot mo mon’n bliye la, aplike, adapte, adopte e aplike.  Be, sa i 3 mo kle sa, e nou bezwen nou tou letan nou sorti la, dir adapte, adopte, aplike.

Akoz sa ki pou sov nou dan sa sityasyon.  E nou refleksyon ti en bon refleksyon dan sa Lasanble letan nou ti fer. Pou nou fer sir nou pey saler tou nou bann dimoun.  E parey nou ti dir osi letan nou’n fer sa lazistaz etranze ek Seselwa, nou war en gran varyasyon ki permet nou ganny en pe larzan pou nou kontinyen. So tousala bann desizyon stratezik ki nou’n pran, ki neseser.  Mersi Mr Speaker.

 

MR SPEAKER

Mersi Minis.  Onorab Terence Mondon.

 

HON TERENCE MONDON

Mersi Mr Speaker.  Mr Speaker mon oule leklersisman lo 2 keksoz.  Enn lo sa size allowance.  Mwan ler mon pe gete, mon vwar serten lenzistis.  E par egzanp ler mon pou gete, ou war poudir travayer APDAR pe ganny, in ganny allowance.

Tandis ki bann nurse dan kominote, zot pa’n gannyen sa risk allowance.  E mon pa gannyen konpran akoz sa diferans.

Alor, eski zot annan lentansyon adres sa bann e rektifye sa bann lenzistis kot nou’n vwar in egziste ler nou pe donn allowance bann dimoun ki lo frontline, bann dimoun ki ganny ekspoze.

Akoz nou pe ouver nou lafrontyer pou bann vol komersyal.  Alor sa risk i toultan la.

Eski zot annan lentansyon adres sa bann lenzistis kot i annan?  Mon dezyenm kestyon i lo sa size lasistans emergency dan biro DA.

Minis in mansyonn en sif 114 pou 1 mwan, apre 293 son lot mwan pou lasistans emergency.  Mwan mon anvi konnen, eski sa 293 i enkli sa 114 ki son mwan presedans, ouswa i bann nouvo ka ki zot gannyen pou lasistans emergency?  E konbyen i pe koute, pou sa lasistans?  E akoz, ki mannyer i marse, akoz i bezwen reste dan biro distrik?  Akoz i pa tonm anba ASP?   Mersi Mr Speaker.

 

MR SPEAKER

Mersi Onorab.  Minis Loustau-Lalanne, ou a pran premye part kestyon.

 

MINISTER MAURICE LOUSTAU-LALANNE

Mersi Mr Speaker.  Mr Speaker mon pe zis regard mon lalis la, pou mon sey reponn kestyon.  Par egzanp pou APDAR, i annan ners, plizyer ners, i annan health care assistant, i annan drayver, i annan sa ki zot apel custodians e i annan bann peer educators.

45 zot ki’n tous en allowance one-off, R1000.  Letan mon regard pou Lasante, mon war la i annan en kategori community care nursing.

Me zot osi zot in ganny, depi son nurse manager, son senior staff nurse eksetera, anba sa kategori ki mon pe regarde la.  So i lo mon lalis.  So mon pa war, me mon ava redemann Lasante, donn mwan en lenformasyon pli pointu lo la.

Me pou le moman mannyer mon pe regard mon latab ki mon annan, zot in gannyen specialize care nursing, lo en lot kategori, zot osi zot pe gannyen.

Zot pe ganny 1500 ki minimonm.  Ou war?  E i menm keksoz avek community care nursing ki mon pe regarde la, i menm zafer.  Minimonm 1500, wi.  I annan bann health care assistant dan kominote.  Zot osi zot in ganny R1500 lo sa lalis la ki mon pe regarde.  Mersi Mr Speaker.

 

MR SPEAKER

Mersi Minis.  Minis Larue.

 

MINISTER MITCY LARUE

Mersi Mr Speaker.  Mr Speaker sa food assistance ki ganny donnen dan distrik la, akoz li i pa parey ler nou pe fer en laplikasyon formel. Ordinerman en dimoun i vini i fer en laplikasyon formel.  E li i pran 5 zour, letan son aplikasyon i process, pou li kapab ganny son benefis.

Tandis ki pou food assistance i en dimoun ki dan en emergency.  Savedir en dimoun li la son fanmir napa nanryen pou manze, e i pas atraver en triyaz kot distrik, en dimoun endepandan ek DA, pou vwar sa dimoun la i bezwen ganny sa lasistans.  E li i ganny an term, i pa ganny larzan, me i ganny an term manze.

Si i bezwen diri, si i bezwen disik, i bezwen sepa kwa, i aste, sa i aste i ganny donnen avek sa dimoun.  I pa sa dimoun, i vini i ganny larzan pou li al rod li menm.  E sa nou bezwen fer li.  Akoz tanzantan nou annan sa bann sityasyon dan distrik. E sa i aplikab dan tou distrik i annan sa bann cases.  Sirtou annan de fwa i arive dan bann wikenn.

Dan bann wikenn, e nou bezwen asiste sa bann dimoun, apre ki zot in pas atraver triyaz lo nivo distrik.  E Lazans Proteksyon Sosyal i annan tro bokou pou fer pou zot an pran sa an kont ankor.

Me tou sa bann invoice i ganny sertifye, i ganny aprouve par distrik Local Government.  Pou ki ASP i peye.  Nou pa peye si i pa’n ganny aprouve, i ganny sinyen par distrik, Lotorite Distrik.  E parey nou’n dir an Zen, nou’n pey par lao R100 mil.  E an Zilyet nou’n pey 250 mil.  E sa i pou tou distrik dan Sesel.  Mersi Mr Speaker.

 

MR SPEAKER

Mersi Minis.  Onorab Mondon.

 

HON TERENCE MONDON

Mersi Mr Speaker.  Mr Speaker premyerman Minis mon ti a kontan ou re-tyeke sa lenformasyon konsernan bann ners dan kominote.  Akoz mon lenformasyon se ki zot pa pe gannyen sa allowanceUnless ki travay dan bann klinik.

Minis ou kestyon se, sa 114 par egzanp ou’n donnen an Zen, an Me, apre 293 an Zen,  eski menm dimoun ki nou pe asiste, ouswa i bann nouvo ka.  Mersi.

 

MR SPEAKER

Mersi Onorab.  Minis Larue.

 

MINISTER MITCY LARUE

Mersi Onorab.  Mr Speaker i pa vreman menm dimoun, i annan diferan dimoun.  I annan de fwa i annan dimoun ki vini.  Me pa tou le mwan li menm.  Me selman i annan dimoun ki nouvo ka, nou ganny nouvo ka dimoun.

Akoz parey ou konnen, i annan bokou dimoun ki ti pe fer bann pti travay partou, partou, nou apel sa bann pti casual labour ki zot al fer partou, partou. E zot, zot pa’n vin anba Welfare zot.  Zot vin la pou zot ganny en pe manze.

Zot pa pe rod larzan as such, zot pe rod en pe manze pou zot kapab soutenir zot fanmir oubyen zot lekor menm.  Prezan i assess sa.  Si i bezwen soutenir en dimoun, kot sa lakour i en dimoun, nou donn li according pou ou bezwen 1 dimoun.

Me si i pou soutenir lafanmir kot i annan zanfan eksetera, nou donn according pou sa fanmir ki pe, ki dan bezwen.

E souvandfwa nou ganny bann madanm ki vini rode sa.  Pa krwar toultan i bann msye. Nou ganny bann msye, me nou ganny osi bann madanm ki vini.

So, e nou, nou pa pou kapab les sa bann dimoun ater, nou pa pou kapab.

Nou bezwen, nou pa pou kapab demen ganny tande poudir i annan 2 zanfan laba pa’n ganny manze.  Akoz nou’n dir li ale, nou napa okenn servis pou ofer li.  Alor sa i en sistenm, i en safety net kot nou kapab ed sa bann dimoun dan sa bann sityasyon emergency.  Mersi.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Mon premye kestyon Minis.  Sa Bidze 1.2 milyon ler ti aprouve, mannyer nou ti ganny eksplike sa ti pou tou Seselwa?

So alor mon pou dir sa bout operator, sa diving staff, sa staff restoran, sa staff lotel, sa taxi drayver, sa omnibus, sa staff DMC, pou kontinyen al rod zot lasistans ler zot bezwen.

Akoz ler ti napa COVID zot in kontribye dan sa Bidze.  Mon kestyon se, Minis ou’n dir nou poudir sa larzan kot Welfare i a pe komans deplete, i pe diminyen.  E sa bann dimoun, menm si nou pe ouver le 01 Out, nou pa pe vwar poudir i pou annan en gran kantite in flow of touris ki pou antre.

Alors, mon pledwari se byen boner nou fer bann provizyon neseser ki sa bann dimoun, apard ki Praslin partou dan Sesel ek La Digue zot kontinyen ganny zot lasistans.  Ziske ler sityasyon ekonomik i ava amelyore.  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Wi, nou’n deza fer prozeksyon.  Akoz nou konnen poudir sa, pa parey mon ti dir taler, i pa en keksoz ki pe aret la.  Nou bezwen siport nou bann dimoun finansyerman pou kapab kontinyen siport zot fanmir.  E byensir i annan prozeksyon ki’n fer pou nou ganny Bidze Siplemanter pou nou kapab anmenn dimoun ziska Desanm.

Ok, sa nou garanti nou bann dimoun ki annan keksoz pe ganny fer.  Tan ka bann dimoun, par egzanp bann dimoun ki pa pe ganny asiste anba kot Finans, se zot bann dimoun ki vin kot nou.  E byensir zot kontinyen vin kot nou.  Pou zot kapab ganny zot lasistans si zot pa ankor ganny okenn travay.

Me an menm tan i annan bann lezot progranm ki Gouvernman pe met an plas, ki pou kapab.  Akoz kot nou maksimonm ki en dimoun i kapab resevwar se R3945.  E ler nou gete, si dan lafanmir tou le de in perdi job la, larzan i pa sifi ki pe antre kot lakour.

Alor la i enportan ki zot ganny met dan ne progranm kot zot kapab ganny en pe plis larzan pou zot kapab soutenir zot fanmir.  Me an menm tan dimoun i bezwen konpran ki nou pa pou kapab.

I annan en fason kot nou tou nou bezwen gete ki mannyer nou priyorite, ki mannyer nou zer sa larzan ki nou gannyen dan sa letan, the new normal ki nou ladan ozordi.

Alor i annan en travay ki nou pe fer osi lo nivo psychosocial, pou nou kapab ed bann dimoun, donn zot sa sipor moral.  Edike, donn zot sa led pou zot kapab konpran ki mannyer nou pe pase atraver.  E sey viv the new normal.  Mersi Mr Speaker.

 

MR SPEAKER

Mersi Minis Larue.  Minis Loustau-Lalanne.

 

MINISTER MAURICE LOUSTAU-LALANNE

Mersi Mr Speaker.  Mr Speaker zis pou reponn kestyon siplemanter Onorab Terence Mondon.  Wi lo mon lalis la i annan 8 senior nurse dan kominote.  I annan 122 nurse.  I annan 98 health care assistant e i annan 38 dokter dan kominote.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon krwar ki in en sesyon enteresan.  Mr speaker eski Minis Larue i ava dakor avek mwan ki sa larzan se larzan taxpayers.  E ki nou koman Manm Lasanble, nou annan en responsabilite pou nou fer sir ki taxpayers money i ganny byen depanse.

E ki se pou sa rezon ki, parey in dir nou, i annan Lasanble Nasyonal, ki non selman aprouv larzan.  Me ki annan en responsabilite pou osi rode kote sa larzan i ale.

E alor mon pe demann Minis, eski i pare pou li donn nou sa lalis egzakteman parey in deza donn nou.  E la mon ava dir, avek tou respe pou ou Mr Speaker.

Dimoun i koz zot zaksyon, zot rakont zot zaksyon.  Apre sa, letan zot zaksyon i marse, apre sa zot taye zot vin ekrir let, zot vin fer tou kalite blanm dimoun. Manm Lasanble in pran son responsabilite.  E si nou pa ti’n pran nou responsabilite, nou ti a kapab pibliy non tou sa 4 mil dimoun.

Be akoz sa pa’n arive?  E alor, eski i en sityasyon kot zot pa oule donnen, pangar nou ava war sa labi ki i pe annan ozordi avek sa zafer welfare.

Dezyenmman Mr Speaker, mon ti ava kontan demann Minis Finans, lekel ki ti propoz allowance?  Onorab Pillay in esey fer nou krwar ki poudir allowance konmsi ou a krwar i en keksoz.

Eski Minis Finans ou ava dakor avek mwan, ki se li koman Minis Finans letan i ti prezant sa nouvo Bidze ki i ti propoz bann allowance pou bann diferan sekter.

E alor letan nou vin demann kestyon, nou pa pe vin ensilte Minis nou.  Nou pa pe vin fer keksoz per.  Nou pa pe vin efrey bann sityasyon.

Nou pe senpleman demann kestyon lo lapar bann dimoun ki nou reprezante.  E la par egzanp, Mr Speaker, Minis in dir bann dimoun ale, demann zot landrwa.

Eski Mini si konnen, ki poudir menm i annan serten, par egzanp ou’n nonmen one-off, family health and nutrition. Mon kapab dir avek ou sa dimoun ki ansarz sa departman Ms Rosy Bistoquet, in dir mon nonm son non.

E i annan enn de ners dan sa Departman Family Health and Nutrition ki ou dir zot in ganny one-off, zot in dir zot pa ankor gannyen.  E i menm annan, i menm annan ki pe demande, be nurse manager, senior, koumsa tousala, kantite ki ou’n donnen. Zot pe dir, be nou pa’n gannyen.  Alors kote i sorti.

E menm dir ki letan zot al demande, egzakteman parey ou’n dir, i annan enn in anvoy en mesaz i dir nou’n aprose nou’n demande.  Zot in dir nou ‘’pa rod larzan.’’  Alor Minis, eski ou ava pran li en responsabilite pou ou al regard dan sa bann sityasyon.

Pou ki, parski la i resanble ki i annan 2 keksoz ki pe deroule.  E alor nou ti ava kontan ganny li byen.

Mr Speaker la mon ti ava kontan koriz Minis.  Minis i dir ti annan zis 10 dimoun ki ti vot an faver pou sa Bidze.  Mon ti a kontan dir Minis non.  Eski Minis i realize, ki poudir e ou konn byen.

Dan prosesis bidzeter, dan prosesis bidzeter si en heading ki pe ganny diskite i pa ganny vote i tonbe!  E dan sa ka eski Minis i ava aksepte, ki poudir letan nou ti pe vote, ou kapab al dan rikord Lasanble.  Parski tou vot dan Lasanble i ganny rikorde.  Eski Minis i ava aksepte ki poudir letan nou ti vot lo sa heading 1.2 bilyon, e letan nou ti a pe vot lo sa heading 30milyon, ki tou Manm Lasanble ti vot an faver! Ok?

E ki, ou war, ankor enn fwa zot pe fer tapaz.  Be si zis 10 Manm ki ti vot an faver, savedir i annan kot zot ki pa ti vot an faver?

 

 

(laughter)

 

HON WAVEL RAMKALAWAN

Mr Speaker sa, be Minis in dir i annan zis 10 ki ti vote pou Third Reading.  Savedir Onorab Pillay li i pa ti vot an faver li!

 

(laughter)

 

HON WAVEL RAMKALAWAN

Mr Speaker, war ki mannyer zot responsab, pou en keksoz sitan enportan koman en Bidze Nasyonal, la i dir li menm, zis 10 zot ki ti la.

(Mon ti kot ou ete.)  Mr Speaker, Mr Speaker eski Minis, konmsi ankor enn fwa, mon pe met sa bann pwen an form kestyon.  Pou Minis realize, espesyalman Minis Finans,  pou realize ki poudir i annan en kantite keksoz ki Minis i krwar pe arive.

Par egzanp, eski Minis i konnen ki bann drayver kot Ledikasyon ti’n ganny dir., ki tou zot dokiman i kot Minister Finans depi 3 mwan pase?

Eski Minis, se sa ki nou pe gannyen la.  Eski Minis i konnen, ki poudir letan zot pe nonm APDAR i annan zis serten travayer APDAR ki’n ganny peye. E i annan ankor ki ankor pe atann en premye pti trans?  Eski Minis i realize ki poudir bann sekirite lo Por, ki zot osi tou dan sa soz sekirite, zot sipoze tonm ladan.  Zot pa ankor ganny okenn peyman.  E zot, zot pa ni konnen kote zot papye i ete.  Mersi bokou Mr Speaker.

 

MR SPEAKER

Mersi Onorab.  Minis.  Minis Larue.

 

MINISTER MITCY LARUE

Mersi Mr Speaker.  Mr Speaker mon ti a kontan fer Onorab rapel, ki wi, mon konnen poudir taxpayers money ki ganny servi pou, akoz se taxpayers money ki ganny servi pou fer pei marse.

Sa nou konnen, koman en, mon’n deza dan Lasanble e mon konnen.  E mon en Minis mon konnen.  Pa bezwen personn i remind mwan, mon konnen sa i taxpayers money.  Me taxpayers money i bezwen konnen ki mannyer i ganny servi.

E nou dan Minister, nou osi, nou annan en devwar pou fer sir ki larzan ki nou gannyen dan Bidze i ganny servi e i ganny servi byen.  Nou swiv bann prosedir ki nou annan an plas.  Tou bann protokol nou fer sir ki larzan pe ganny byen zere.

Dezyenmman, Mr Speaker, mon pa konnen taler ou’n servi, ou’n dir petet sa labi, nou pa oule donn sa lalis akoz labi. Eski Onorab i kapab dir nou si dan sa premye lalis ki nou’n donn zot, zot in war ki i annan labi?  Eski ou’n war poudir i annan labi?

Eski ou’n anmenn sa a nou latansyon pou dir i annan labi?  Akoz nou’n donn ou en premye lalis, ou pe dir nou pa oule donn ou.  Akoz i pa kestyon nou pa oule donnen akoz labi.  Nou pa oule donnen akoz dimoun ki pa oule zot non, zot bann keksoz i ganny mete partou.  Zot pa oule.  Zot pa pe trust.

Zot osi zot annan zot stati, zot annan zot konfidansyalite, so sa.  Me si ou ou’n remark labi, mon pa konnen mon annan mon CEO la ki diriz tou keksoz, pa mwan.  Nou pa pe fer okenn labi.  Nou, nou pe fer sir ki nou bann dimoun ki dan bezwen i ganny asiste e pa ganny kit deryer.  Se sa nou lobzektif prensipal.

Pa kit personn deryer, pa kit personn ater.  Fer sir tou dimoun ki bezwen led finansyer i gannyen atraver Bidze ki Gouvernman in met an pals.  Atraver taxpayers money parey ou’n dir.  Mr Speaker vwala mon pwen, mersi.

 

MR SPEAKER

Mersi Minis Larue.  Minis Loustau-Lalanne.

 

MINISTER MAURICE LOUSTAU-LALANNE

Mersi Mr Speaker, mersi Onorab pou ou bann dernyen kestyon.  Mon pe regard ankor enn fwa sa lalis ki mon annan la devan mwan.

E nou’n fek tyeke avek biro ki fer bann peyman kot Finans.  E i ganny re-konfirmen.  Ki tou sa bann dimoun ki lo mon lalis zot in fini ganny peye.  E sa unit ki ou’n koz lo la spesifikman, Family Programs and Nutrition Units, i annan 9 travayer.

I komans ek en Direkter, i annan 5 Program Manager, i annan en Principal Nutritionist avek 2 nutritionist.  Zot tou zot lo sa lalis pou en sonm R1500 allowance.

E mon pe re-konfirmen ki zot in ganny peye.  Si zot in pa’n ganny peye, be demen nou a tyeke.  Be lapel mon pe fer, enn de sa bann ki kekfwa zot ankor pe espere.

Retourn kot anplwayer. Les nou konnen, nou ava fer follow-up.  Me vwala, e i kontinyen, lalis i vreman egzotik.

E i kontinyen.  Alor, letan nou retourn lo Bidze li menm, mwan mon ti la mon, mon ti vreman apresye zot diskisyon, zot sipor.  E lo Committee Stage, wi nou ti gannyen bokou votes lo diferan heads.  Mon rapel, 20 vot, 21, 25, 26 en lepok, mon krwar.  Mon bliye lekel sennla ki ti famous.

En bann ti ganny 14, en bann ti ganny and so on.  Me letan nou’n pas lo Third Reading for the final adoption, la vre nou ti ganny zis 10 vot, sa ti annan zis 10.  E sa ti en pti pe bles mwan dan en serten fason.  Me parey ou’n deza eksplike Onorab, se ki finalman Bidze in pase.  Me vwala sa ki mon’n anvi dir.  So fotespere lannen prosenn mon a vin ankor ek en Bidze, en Bidze Finans 2021.  Mersi Mr Speaker.

 

MR SPEAKER

Mersi Minis.  Bon avek sa nou’n ariv a lafen kestyon pou Minis Finans e Minis pou zafer Lafanmir.  E mon ti a kontan remersi le 2 Minis.  E CEO Marcus Simeon e PS Damien Thesee.  E mon ava eskiz zot parmi nou.

 

(MINISTER  LOUSTAU-LALANNE AND HIS DELEGATION WAS EXCUSED FROM THE HOUSE)

 

 

MR SPEAKER

Bon nou’n ariv a lafen nou travay pou ozordi.  Mon ti a kontan remersi tou bann Manm e remersi bann travayer SBC, ki pou ed nou pou.  Mon ti a kontan remersi bann travayer SBC sirtou, ki’n reste ziska tar pou ed nou pou transmet nou travay ozordi an direk.

Demen bomaten nou pou demare avek bann Mosyon ki lo Order Paper.  Onorab Georges mon, eski nou pou pare pou nou fini avek Standing Orders demen bomaten?

 

HON BERNARD GEORGES

Mr Speaker Standing Orders i pare.  Me malerezman demen i tonm Merkredi, mon pou in and out avek Lakour.

Nou bezwen apepre en demi erdtan pou fini bann Standing Orders.  Nou pa bezwen bokou, i annan zis 4, 5 landrwa ki Lasanble in demann nou redrafte.  E nou’n redrafte, pou nou pas lo la.  Mon ti pe koz avek Deputy Clerk taler pou gete kan nou kapab ganny sa pti demi erdtan.

Malerezman mon Ankour preske in and out tou lazournen demen.  alor mon dan ou lanmen Mr Speaker.  Ou ava dir mon kan nou kapab trouv en pti demi erdtan e mon a kapab fer li.

 

MR SPEAKER

Bon, rezon ki mon pous pou sa.  Ou konnen poudir nou ti mank lanniverser Lasanble lannen pase pou nou kapab fini ek Standing Orders.

E nou pou mank lanniverser Lasanble ankor sa semenn.  Mon ti a swete ki nou ti’n kapab fini avek Standing Orders, i a kwensid avek, konbyen i vini, 27enm lanniverser Lasanble Nasyonal sanmenm sa semenn.

Zedi oubyen Vandredi mon krwar.  Si i posib, menm dan lazournen si nou ganny en 30 minit si ou oule.

 

HON BERNARD GEORGES

Si nou kapab Mr Speaker, mon ava trouv en demi erdtan somewhere.  Malerezman a lafen lazournen, 3er mon annan en site visit avek Lakour dan leo Anse Aux Pins.

Alor nou pa pou kapab fer li at the end of the day.  Me kekfwa zis avan nou break midi, ant 11er ek midi i ava mon meyer moman.

 

MR SPEAKER

Dakor.

 

HON BERNARD GEORGES

Donk si nou pa mind, menm si nou pe fer en travay, si nou pause, e nou pran sa, mon ava la.

 

MR SPEAKER

Mersi Onorab Georges.  Bon savedir demen bomaten nou ava komans avek Mosyon limero 2.  Mosyon ki pe ganny table, ki pe ganny move par Onorab Ahmed Afif.  Avek sa nou ava adjourn e Lasanble i repran son travay demen 9er bomaten.

 

(ADJOURNMENT)