::
Home » Verbatim » 2020 » Verbatim Wednesday 29 th July, 2020

Verbatim Wednesday 29 th July, 2020

NATIONAL ASSEMBLY OF SEYCHELLES

Wednesday 29 th July, 2020

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab.  E bonzour tou dimoun ki a lekout e pe swiv travay Lasanble Nasyonal.  Bomaten nou pou kontinyen nou travay lo Order Paper kot nou ti kite yer savedir ozordi nou pou pran bann Motions e mon’n ganny averti ki nou pou konmans avek Standing Orders bomaten.  E toudswit mon ava pas laparol avek Onorab Bernard Georges.

 

HON BERNARD GEORGES

Bonzour Mr Speaker.  Bonzour tou bann Manm Onorab e tou dimoun ki pe swiv nou kot lakour.  Mr Speaker nou’n kapab organiz nou lekor ki nou kapab retourn lo konsiderasyon bann Standing Orders.  E si mon pa si mon memwar i byen nou pe fer sa dan Staz Komite.  Akoz i en S.I ki nou pe ki nou pe regarde.  Is that correct?

MR SPEAKER

Wi zis en moman nou pou regard IT en pti moman pou lev en pti pe son dernyen fwa nou ti al san Staz Komite, mon krwar pou nou kapab ganny sa enteraksyon avek Manm e ou santi pou nou ankor enteraksyon.  So nou ava retourn dan Staz Komite, mon ava demann Sarge pou move Mace e anmezir ou pran bann amannman ki ti ganny propoze si i annan okenn komanter bann Manm i a kapab fer komanter, ok?  Yes Onorab Georges ou kapab kontinyen.

 

HON BERNARD GEORGES

Mersi Mr Chairman.  Mr Chairman annefe i annan pa bokou revwar.  E nou’n highlight sa bann ki annan an ble an turquoise in fact.  E nou ava pas lo zot enn par enn.  I annan apepre en 5, 6 pa bokou plis.

Premye ki lo screen la se Assembly Business Committee.  Nou ti’n ganny demande pou include en Assembly Business Committee dan bann Standing Orders.  E nou’n fer sa, nou’n donn li en definisyon e nou’n dir ki i pou annan sa meaning assign to it in order 87.  Nou’n highlight sa 87 akoz probableman sa order pou sanz, sanz limero ler nou re-aranze me sa nou ava regarde.  E dan ler nou ariv laba nou ava vwar bann atribisyon sa Assembly Business Committee.  Sa ti premye.

Avek ou permisyon mon ava scroll mon ava rod dezyenm.  Dezyenm wi, sa enn nou pa ti’n nou pa ti’n tonm dakor lo la Manm Lasanble ti’n dir nou ava revwar li en pe pli tar e nou pa’n retourn lo la.  E sa se sa lide ki Deputy Speaker pou ganny elekte dan en parti ki pa’n elekte Speaker pou donn dan en serten fason en balans, e dezyenmman pou reponn a nou moto ki Linite dan Diversite.  Sete sa lespri deryer sa propozisyon.  Parey ou ava rapel Mr Chair nou pa ti’n fer sa konman en propozisyon nou ti’n zis les li pou Lasanble deside.

E ler nou ti’n ariv lo la ti annan diferan konsiderasyon e nou ti dir be ok ler nou’n fini regard tou Standing Orders nou ava retourn lo la.  E donk nou’n retourn lo la pou le moman.  E nou ti a kontan konnen ki Manm i annan pou dir lo la.  Mersi

 

MR SPEAKER

Mersi Onorab Georges. Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker lo nou kote nou’n, nou’n pas en bon pe letan pe diskit sa propozisyon.  Sa propozisyon, e kot nou’n arive se ki the Deputy Speaker dan nou fason vwar keksoz is an extension of the Speaker e ki i take over the roles and attribution of the Speaker ler Speaker pa la, dan en fason kot i kontinyen kot i annan en serten  kontinite.

E i difisil pou nou kapab vwar ki mannyer Lasanble pou fonksyonnen avek en Deputy Speaker sorti dan avek Deputy Speaker (pa en Deputy) avek Deputy Speaker sorti dan en lot parti ki pe byensir annan son bann travay son bann obzektif, son bann azanda ki diferan.  Ki neseserman diferan.

Alors i nou, nou vwar poudir i pa pou permet en flow natirel travay management bann zafer dan Chamber  si sa Deputy Speaker i sorti dan en lot parti.

        So at this point mon mazinen poudir nou pa pou nou pa ankouraze pou nou al dan sa direksyon.  Me selman nou ouver pou nou ekout en pe sa ki lezot Manm i annan pou dir.  Mersi.

 

MR SPEAKER

Mersi Onorab Ferrari.  Onorab Sebastien Pillay.

 

HON SEBASTIEN PILLAY

Mersi Mr Speaker.  E Bonzour, bonzour tou koleg Onorab e bonzour tou dimoun ki pe swiv Lasanble.  Mr Speaker mon mon’n ekout sa komanter ki’n ganny fer. E mon ti a kontan kosyonn nou bann koleg.  Akoz mon prezimen baze lo largiman avanse par Onorab Ferrari, en diskisyon ki lot kote latab i gannyen, e sa ki li pe prezant en lopinyon kolektif son bann son Caucus. 

        Mon krwar Onorab Ferrari in i pa’n realiz rol sa de lofis vizavi fonksyonnman Lasanble Nasyonal.  Onorab petet dan son largiman ki’n avanse, in trouv focus lo sa laspe partizan ki antre dan politik.  Me kot le de lofis par lefe ki in dir ki Deputy Speaker i en ekstansyon Speaker, kot le de lofis i bezwen serten endepandan pou zot egzers en rol arbitration ki zot bezwen fer dan Lasanble Nasyonal.

Si mon swiv ou largiman, then ou pe dir ek mwan poudir ki zot preferans se pou annan en Speaker ki koz menm langaz ek son kote politik lo en pwennvi partizan, ler i dan sa sez.  Me se sa largiman ki ou’n fer petet mon pa konnen si ou ava le modere ou largiman oubyen oule re conceptualise ou largiman.

Akoz rol en Speaker once in ariv dan sa sez, se pou li kapab se pou li kapab dan en fason ouver, arbitrate lo travay Lasanble san ki i pe donn weight en laspe partizan. Of course i retain … 

(Pou lenformasyon Mr Speaker Onorab Loizeau off-mic in fer en komanter) mon pou zis adrese akoz i enportan.  Pa en komanter an term komanter negativ, me ou’n dir nou ti fer lontan.

Nou tou nou kapab koz lo sa ki ti ganny fer lontan.  Me si nou le reste stuck lo lontan e lepase, sa i zot swa.  I zot swa !  Ou kapab dir mon poudir be ozordi ou pa dan mazorite alors ou pe dir sa.  Mon pou kapab dan en mazorite demen.  I arive mon pou still annan menm prensip.  E mon prensip i se ki Lasanble Nasyonal i reprezant en brans gouvernans e ki li osi i bezwen kapab egzers sa rol gouvernans dan en lendepandans.

Dan  en lendepandans entern ki ava permet okenn dimoun ki pran en fonksyon oubyen en rol dan sa lenstitisyon, pou li egzers sa san en kontrol politik.  E se sa mon ti a kontan met devan ou.  Rezon akoz sa i la se pa pou fer ki ou pe met en balans politik.  Non.

Rezon sa i la akoz set akoz ou le donn en lenterpretasyon politik Sesel, avek popilasyon ki nou pe viv dan  en landrwa kot nou tro pti pou nou kontinyen annan en diverzans lopinyon ki anmenn nou ver en divizyon ;-en divizyon ki mon krwar avek tou respe Onorab. Ou en dimoun si mon’n ekout mannyer ou’n koze dan Lasanble ou pe fer en si oule ou pe fer en complete about-turn lo sa ki ou’n dir dan lepase.

So petet mon ti ava urge ou pou rekonsider ou largiman.  Petet si ou annan en lot moderasyon ki oule fer lo largiman, me mon santi poudir ou pe fer en about-turn akoz i pa sa lesansyel ki nou le vin avek.

E mon dernyen pwen Mr Speaker, if you allow me, se ki nou nou’n end up inherit  en sistenm en Hybrid si oule kot nou annan en sistenm Egzekitiv an menm tan ki nou annan en Parlman ki for.

Par lefe ki Konstitisyon i donn li i donn li en kantite pouvwar.  Lezot pei kot nou annan kot nou annan sa kot nou annan rol en Speaker par egzanp L’Angleterre par egzanp, en Speaker i debout unchallenged, dan son constituency. 

        Par egzanp si sa ti menm leka isi Sesel si Speaker Prea ti pe debout Bel Ombre tou parti politik ti pou dakor ki Speaker Prea i re-debout dan son seat Bel Ombre san ki i ganny challenge. 

        Ou konpran?  That is the way ki L’Angleterre in fer li akoz zisteman sistenm Parlmanter.  Ok?  Me nou lefe ki nou’n annan en sistenm Egzekitiv nou’n donn Speaker plis ki en rol administrativ, nou’n donn Speaker en rol seremonyal e nou’n osi donn li en rol pou li adjudicate lo sa ki pase dan Lasanble.  E se pou sa rezon ki mon ti ava urge ou, mon ti ava fer pledwari ek ou, annou move past sa lapros ki nou regard keksoz from en perspektiv esansyelman partizan.  E annou regard keksoz dan en lespri en pe pli ouver.  E si nou le vreman achieve sa konsep ki nou pe koz Linite Nasyonal, nou bezwen konmans koz sa langaz ozordi.  Nou bezwen konmans koz sa langaz a en moman ki lespri dimoun i respektif ek sa ki nou pe dir.  Mersi Mr Speaker.

 

MR SPEAKER

Mersi Onorab Pillay.  Onorab Ferrari.

 

HON JEAN-FRANCOIS FERRARI

Wi mersi Mr Speaker.  Mr Speaker mon krwar ki mon pa pou pas bokou letan lo sa pwen.  Onorab Pillay in anmenn politik ladan.  Mwan mon’n koze mon pa’n koz nanryen ni okenn rol politik.  Mon’n koz lo en pou ki mannyer administrativman travay Lasanble i flow. 

Konmela sak fwa ki zot pa dakor avek en keksoz ki nou pe fer, zot dir nou, nou pe met politik ladan.  E sa i pa leka ditou.  Nou, nou anvi ki travay i flow.  Nou anvi ki Speaker ler i pa dan Chair e i pa kapab asim son responsabilite, i annan en dimoun ki i annan konfyans avek ki annan menm fason thinking e ki bann prosedir i kontinyen deroule.  E parey, get ki mannyer keksoz i flow dan bann Lasanble, dan bann Lasanble presedan par egzanp ti annan sa prensip pous dimoun dan sa Lasanble.

Mwan konbyen fwa mon’n ganny pouse dan sa Lasanble isi personn ni Speaker in set en, en fason travay, Deputy Speaker in follow kantmenm in annan en in annan parfwa bann sityasyon kot i ti’n kapab tap son marto en pe for.  Me selman in travay it flow.  I en diferan fason i en diferan fason fer ki Speaker avek Deputy Speaker i kordinen i mars synchronisé pou fer sir ki keksoz i byen.

Alors Mr Speaker mwan mon ava dir e pou menm rezon annou pa anmenn sistenm Anglais akoz ler mwan an 1993 mon ti dir annou adopte en sistenm Parlmanter zot pa ti anvi.  So annou kit sa sistenm Parlmanter ater i konpletman diferan avek sa ki nou annan.  Akoz dan menm lavwa mon ti ava dir be akoz ou pa akoz ou pa rod en lot dimoun dan LDS pou vin Vis-Prezidan dan Gouvernman konmsi?  I pa mars koumsa Onorab Pillay.  I pa mars koumsa.  Parey en Vis-Prezidan i en extension i en anmenn plis pou Prezidan Deputy Speaker osi i anmenn en keksoz parey.

Alors mwan mon ti ava dir Mr Speaker a sa moman i pe mars byen mon satisfe ki Speaker ki dan Chair ozordi in set en metod travay ki bokou diferan avek sa ki ti ete dan lepase ki bokou pli souple, ki bokou pli rekonnet bann diferans politik e ki pa servi gro lebra.  E nou swete ki sa i ava kontinyen a lavenir.

Alors mwan mon ti ava dir Chair Bills Committee, mwan mon ti ava lo nou kote nou pare pou nou pran en vot lo sa pwen e nou, nou pozisyon se pou gard eleksyon Deputy Speaker parey i pe ganny fer pou lemoman.  Mersi.

 

MR SPEAKER

Mersi Onorab Ferrari.  Onorab Johan Loze.

 

HON JOHAN LOZE

Mersi Mr Speaker.  Mr Speaker avek bokou lironi ki mon’n not sa pwen konmkwa stil travay Deputy Speaker i parey sa ki pou ou.  Be anfen nou a les sa pase pou lemoman.

Mr Speaker Lasanble Nasyonal Sesel i en lenstitisyon Leta Sesel, ki’n ganny setup anba Konstitisyon Lanasyon Seselwa.  Nou pa la pou reprezant parti politik nou pa la pou être partizan, menm si nou politisyen e nou baz lamazorite nou bann largiman lo la politik, e lo pozisyon e prensip politik nou parti.

The office of the Speaker and the office of the Deputy Speaker are elected office- bearers anba en lenstitisyon Leta Sesel.  Zot la pou arbitre deba, zot la pou chair sesyon, se tou.  Dinamik travay pou travay flow ouswa non i depan lo chemistry ant de dimoun.  Mwan mon pa vwar ki sorti dan en kote ouswa sorti dan lot kote i annan pou fer avek.

E mwan mon pe dir sa, confident ki LDS pe al perdi Eleksyon Lezislatif lannen prosen.  Mon pe dir sa avek tout konfidans e mon pe dir sa pare to surrender the office of Deputy Speaker to whomsoever i ava kapab ganny elekte whether i sorti dan en parti Endepandan or wherever kot i sorti.  Sa en posesyon kler.

Further Mr Speaker sa kestyon son hybridisation of nou sistenm politik in leve.  E i sirprann mon ki Onorab Ferrari i pran i kit ater i taye,  lemoman ki prensip allowing the Speaker running unopposed in his district i leve.

Akoz nou pa kapab konsider les Speaker run unopposed dan distrik Bel Ombre ki nou per nou taye nou kit ater?  The minute ki Onorab Sebastien in lev sa,  kankan in leve.  Mersi Mr Speaker.

 

MR SPEAKER

Mersi Onorab Loze.  Onorab Pillay.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon krwar ki mon krwar ki nou recent history dan sa Lasanble i bezwen i bezwen kapab enform nou thinking ozordi.  Nou annan nou sirkonstans kot par egzanp politisyen in vin dan Lasanble pou vin Minis ki zot menm zot, zot in dir poudir sa bann politisyen pa kapab vin Minis akoz ou bezwen teknisyen.  Savedir zot largiman a sa moman sete ki si en dimoun i pli bon dan en fonksyon, i meyer pou fer sa fonksyon san ki i annan en presyon politik lo li.  Sa dir zot largiman then. 

E zot ti zet anba tou bann lezot bann politisyen akoz zot ti servi sa largiman.  Technocrate in vin dan Lasanble, zot ti vin servi en lot largiman pou zet anba akoz zot ti dir poudir sa bann technocrate zot pe sov sa bann dimoun pou sa bann dimoun pa al ganny difikilte dan Gouvernman, dan en Gouvernman ki pa pe fonksyonnen, eksetera.

Kan a bann dimoun ultimately zot ti pou al ed sa Gouvernman fonksyonnen, pe enport ki zot apartenans politik a sa moman.  Now sa i zot largiman.  Now si mon enplor zot, mon enplor zot konman MNA ozordi e avek en popilasyon ki pe ekout nou.  Mon enplor zot.

Si nou largiman i toultan reste ki pou en dimoun fer en louvraz i bezwen sorti dan menm parti ki nou, eski i menm largiman ki zot pou anmennen si zot en zour zot vin o pouvwar?  Se sa akoz mwan mon pe tir sa mindset pandan sa 4an pandan sa 3an almost 4an ki mon’n dan Lasanble la mon’n aprann mon’n aprann e mon’n fer mon mye pou regard sa form sa diferan perspektiv.

E la ozordi dir zot ganny loportinite pou zot sanz sa perspektiv, ki zot fer, zot go back lo bann largiman ki pa ni balanse  akoz, napa nanryen ki pou anpes okenn dimoun ki ganny elekte konman en Deputy Speaker sorti dan en parti oubyen dan en lot parti fer son louvraz.  I pou tou depan lo konpetans sa dimoun pou li kapab fer sa louvraz.

So si ou’n ganny ou en dimoun konpetan pou fer sa louvraz, i pa i pou relevant ki sa i arive.  Me lefe ki ou largiman i baze lo the only way ki ou pou ganny en dimoun konpetans, se fodre i sorti dan menm parti ki ou ! Se sa ki ou’n dir, ou pa kapab kontinyen sanz poto gol ler ou dir en keksoz apre oule aksepte poudir ou pa’n dir sa !  Se sa ki ou’n dir se sa ki tou seselwa in tann ou dir la deor.

E oule ankoler ou le vin rouz akoz mon pe repet mon pe dir ou sa ki ou’n dir.  Pa ankoler. Si ou koze, ou’n koze.  Mon pran ownership pou sa ki mon’n dir e mwan mon pe dir ozordi kot mwan mon stand lo sa kote latab ou pa kapab kontinyen annan en Gouvernman kot ou pa valoriz talan e abilite ou dimoun.

Si en dimoun i pli bon dan en fonksyon pe enport si i siport US i siport LDS i siport One Seychelles, i siport Lalyans Seselwa si i kapab fer son louvraz i ganny son louvraz !  This is what we need to be going for as a country. 

       

(APPLAUSE)

 

HON SEBASTIEN PILLAY

E Lasanble Nasyonal we have an opportunity an opportunity to become a beacon pou vin en shining light pou vin sa Far kot nou dir la, la this is where it starts.  Mwan mon met sa la Mr SpeakerMon pa pou fer komanter ankor akoz i paret poudir in fini pran en desizyon lo lot kote latab.  Mersi Mr Speaker.

 

MR SPEAKER

Mersi, mersi Onorab Pillay.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonzour Speaker, tou Manm e tou dimoun a lekout.  Mr Speaker lafason ki ozordi Lasanble i swazir nou Speaker e nou Deputy Speaker i en fason demokratik.

Nou tou ki dan sa Lasanble Nasyonal nou reprezantan lepep.  E lafason ki nou pe fer li nou pe fer li dan en fason demokratik akoz se lepep ki pe swazir son Speaker avek son Deputy Speaker.

Le rezon akoz ki lot kote zot pe pouse pou anmenn sa lamannman, se akoz Mr Speaker zot konnen ki zanmen zot pou ganny ankor en Speaker dan en Lasanble Nasyonal.

Prezan zot pe lager pou zot ganny sa Deputy Speaker.  Sa i kler  Mr Speaker, sa i rezon ,politik.  I en rezon politik prezan i, zot pe rod lavantaz politik pou zot akoz zot konnen poudir next eleksyon Lasanble Nasyonal LDS i kapab antre avek 20 lo 5 ouswa 20 lo 6.  So zot en pe enkyet.  Vwar sanmenm sa Mr Speaker ozordi ki ou vwar.  Napa nanryen pou fer avek, avek balans isi laba akoz lafason keksoz i deza pe ganny fer, pe ganny fer dan en fason demokratik, kot se reprezantasyon lepep ki pe swazir lekel ki pou vin Speaker, e lekel ki pou vin Deputy Speaker.

Alor Mr Speaker mwan mon santi poudir lafason ki nou pe fer keksoz i deza pe ganny fer dan en fason demokratik.  Nou pa le ou konnen sa ki nou pe vwar la i senpleman en parti ki pe rod en lavantaz politik.  Mersi Mr Speaker.

 

MR SPEAKER

Mersi Onorab Woodcock.  Onorab Waven William.

 

HON WAVEN WILLIAM

Mersi Mr Speaker.  Bonzour tou dimoun ki a lekout.  Mr Speaker sa deba i enteresan.  Mr Speaker letan ou pe swivre politik Sesel, e mwan mon’n toultan letan mon pe koze dan serten lo serten size mon vwar poudir enn i dekoul from nou Konstitisyon.  Kwa ki ganny fer ozordi.  E Konstitisyon i kler.  E sa ki i annan mazorite dan nenport ki desizyon ki ou fer i kapab dan Lasanble ouswa dan Gouvernman, i pou toultan anmenn avek li serten pozisyon ki zot pou pran.

Mr Speaker so si Speaker i ganny propoze i ganny elekte par en mazorite, e mon krwar poudir Deputy Speaker osi i devret swivre menm parey.  Se mazorite normalman ki pou vote pou met sa Deputy Speaker.  I pa vedir ki mon pe rezet bann largiman ki’n ganny monte.  Me solman nou bezwen konpran Konstitisyon letan ti ganny fer e ti pe prezerv lentere lekel ki ti an mazorite, sa lepok.

E mwan mon’n souvandfwa met devan poudir ozordi menm nou Lasanble lafason ki pe travay i annan sa nesesite kot nou’n arive, kot nou anvi ale ki nou Konstitisyon i ganny revwar pou permet nou petet kapab ankadre sa bann nouvo nide ki nou pe fer sorti ozordi.

So Mr Speaker sa i mon kontribisyon lo la.  Mersi akoz ki arive la se ki i pou en never ending deba.  Me solman parey mon’n dir se ki mon pa pe rezet bann largiman ki’n ganny met devan, me solman tou keksoz i annan en sequence of performance.  So Mr Speaker sa i mon propozisyon.  Mersi.

 

MR SPEAKER

Mersi Onorab William.  Onorab Loze.

 

HON JOHAN LOZE

Mr Speaker mon le zis avans en largiman, en leklersisman rather.  Sa la sa propozisyon kontrerman avek sa ki Onorab Woodcock in dir pa nou ki’n anmennen pa nou ki’n propoze sa.  Sa in ganny avanse par Komite Reform e Modernizasyon.

E sa largiman la i sorti kot SNP sa.  Onorab Ferrari li menm in fatige propoz sa argimant sa bann keksoz dan katriyenm Lasanble.  Pa sorti kot United Seychelles sa!  Sa i sorti laba kot zot Onorab Ferrari ki’n fatige lager pou sa! Mersi Mr Speaker.

 

MR SPEAKER

Mersi Onorab Loze.  Onorab Georges avan mon donn ou avan mon donn ou laparol mon annan Deputy Speaker, apre mon osi mon pou partaz en pti lopinyon akoz mwan osi mon manm lo Standing Orders Committee e osi tou mon en Manm mon Chair Reform. Yes Onorab Sandy Arissol.  Sa propozisyon ti osi ganny diskite lo Komite Reform e Modernizasyon, ok ? 

 

HON SANDY ARISSOL

Mersi Speaker,  mersi pou remind mwan, kekfwa mon ki’n bliye.  Mon rapel nou ti diskite.  Mersi.

 

MR SPEAKER

Onorab Ahmed Afif.

 

HON AHMED AFIF

Mersi Mr Speaker.  Mr Speaker i kler poudir i annan de propozisyon lo sa propozisyon ki la devan nou.  Propozisyon pe dir gard Standing Orders parey i ete.  Ou annan en Speaker ki ganny elekte mon annan en Deputy Speaker ki ganny elekte.  E nou move on.  E la propozisyon pe dir fer sa Deputy Speaker sorti dan en lot parti.  Sa mon pe dir sa pou benefis dimoun ki pe ekoute deor.  Parske largiman pe in vir vire.

Pou mwan nou bezwen rekonnet poudir eleksyon en Speaker e Eleksyon en Manm dan Lasanble i en desizyon politik.  Annou pa kasyet annou pa fer krwar sa pa en desizyon politik.  It is.  Dimoun i al desid lo en Manm Lasanble baze lo en desizyon politik.

Ler nou vin dan Lasanble,  parey nou dir i en political arena.  Tou sa ki pase isi dan Chamber, se bann largiman ki baze fortman partizan.  Me byensir tou dimoun pe sey travay ver en bi Nasyonal.  Alor si nou anvi respe lefe ki enn, tou sa ki nou koze isi anndan.  Lafason nou ganny elekte i baze lo en keksoz politik, si nou rekonnet sa.  Si nou osi rekonnet poudir dimoun ki’n ganny elekte e zot reprezantan i annan en drwa pou swazir en lot dimoun, dapre zot drwa, annou pa enpoz li ki i bezwen sorti en lot landrwa.

Annou pa enpoze parske sa se en arena politik.  Sa bann dimoun in ganny elekte, swa direkteman oubyen par zot parti pou ganny nominen.  Les zot fer sa swa !  E parey i ete zot pe ganny sa swa.  E mwan mon sizere ki nou reste lo sa topik si nou pou kontiny sa deba oubyen annou pran vot lo la ,parske i kler pou mwan poudir si nou pou kontiny largiman nou pa ni pou bouze, parske lo sa kote i kler poudir nou bann Manm i krwar poudir ‘5’ pa devret la, lo zot kote zot krwar i devret la.  Me nou pou koze, koze apre nou pou pran en vot nou pou zis perdi letan.

So pou mwan Mr Speaker, mon’n fer mon pwen mon krwar nou devret move on e zis take a vote lo sa issue.  Mersi Mr Speaker.

 

MR SPEAKER

Mersi, mersi Onorab Afif.  Yes Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker annakor ek Standing Orders permet mwan pou fer en klarifikasyon lo probableman en misinterpretation en largiman ki mon’n fer.  Sa i pou benefis Onorab William.  Lartik 83 nou Konstitisyon i dir ki ou bezwen elekte en Deputy Speaker, i pa dir ki i bezwen sorti dan mazorite.  I dir poudir i a ganny elekte ‘in accordance with the Standing Orders’, which is this document.  Prezan i dir ou dan Standing Orders, li i ganny aprouve by Members of the Assembly. 

        So Konstitisyon pa dir ou ki mannyer ou pou tou le de.  So nou pou i pou anliny ek Konstitisyon whichever decision which we’ll take.  Mon krwar, ti enportan pou nou fer sa klarifikasyon.  I enportan ki nou fer sa klarifikasyon akoz Lartik 83 (1) i kler lo la.  E mon  pa ti a le ki sa ki mon’n dir petet i ganny misinterpreted par en Manm.  Mersi Mr Speaker.

 

MR SPEAKER

Mersi, mersi.  Bon nou pa pou al dan en lot largiman.  Mon krwar pwen ki mon ti pe al tous lo sa pwen.  Mon krwar Kontitisyon i kler i pa dir dan ki parti en Speaker oubyen en Deputy Speaker i sorti.  Me … (Onorab Woodcock mon annan laparol, ok)?  … me i dir poudir sa kandida i ganny leve  on the floor, i ganny propoze on the floor e si napa okenn obzeksyon tou le de kote i annan en konsansis i ganny sa, si non en vot i ganny pran.  Ok?

E in dir ki Deputy Speaker osi tou Standing Orders in fini dan menm fason ki Speaker i ganny elekte Deputy Speaker i ganny elekte parey.  Me sa nide, sa nide ki nou al pli lwen e pou nou kapab viv en pti pe nou moto.  Sa nide ti ganny eksprimen dan Komite Reform, e osi tou i ti al dan Komite Standing Orders. 

        Rezon ki ozordi i la lo, lo devan nou dan Lasanble, i la lo board i pa en keksoz ki Onorab Georges konman, Chair in just pick up from thin air.  I en keksoz ki Komite Standing Orders ti pran e ti dir nou pou anmenn lo floor pou diskisyon ok? 

        E sa zafer Onorab Ferrari in dir i extension of Speaker’s office, sa lofis byensir, whether ou sorti dan en parti oubyen dan en lot parti the office of the Deputy remains the extension of the Speaker’s office. I pa fer sans ki the extension of the Speaker’s office i annan son prop azanda!  I pa fer sans.

E Onorab Ferrari in mansyon, sa ki i kapab annan son prop azanda.  Non.  I bezwen once ki ou dan Chair la byensir ou annan diferan fer diferan dimoun i annan diferan fason fer.  Diferan fason chair en Sitting.  Me travay an zeneral i bezwen en kontinite sa travay ki lofis Speaker i fer.  I pa kapab ki si en lofis i annan en azanda en lot lofis i annan en azanda nou pou meet at loggerheads. Nou pa bouze as an Assembly. 

So far Speaker ek Deputy Speaker in sorti dan menm parti i annan sa kontinyasyon, me i pa vedir ki si nou bouz pli devan nou elekte en Speaker from another party ki nou pou meet at loggerheads it’s not gonna work like this.  I bezwen kontinite.  I bezwen sa de lofis i kontinyen kapab travay ansanm.

E i annan bokou keksoz osi tou ki gid travay lofis Speaker pou chair en Sitting.  ABC, i zwe en rol ladan.  Parske se ABC ki desid travay ki ganny mete lo Order Paper e Speaker oubyen Deputy Speaker whoever is in the Chair, menm en Manm dan labsans sa de i bezwen swiv Order Paper travay ki ABC in aprouve in met lo la.

Sel keksoz ki arive se ler i annan en sityasyon ki arive dan Lasanble, en point of order,  en ruling and all that, then i a diskresyon sa enn ki dan Chair, kwa ki fer ki desizyon ki ganny fer.  So vwala en pti pe nide ki nou parey mon dir as Chair of the Reform and Modernisation Committee and as a Member of Standing Orders Committee, vwala en pti pe nide ki nou ti anmenn sa.  Pou nou kapab bouz en pti pe pli lwen kot nou ete ozordi pou nou kapab anmenn en pti sa diversite dan nou Lasanble.  Mon ava donn laparol Onorab Bernard Georges.

 

HON BERNARD GEORGES

Mersi Mr Chair.  Mr Chair annefe tou sa ki devret ganny dir in ganny dir nou pa pou ariv lo en konsansis lo sa pwen.  Sa i kler e i pa pou pase.  Sa ki mon ti ava kontan dir en mon annan antet ki dan 23 minit ki mon pou bezwen re debout devan Sef Ziz dan en lot lenstitisyon, sa ki mon ti a kontan dir se ki i pa, menm si sa pa pase i pa oule dir ki i pa pou kapab arive.

Alor akoz i toutafe posib ki Lasanble dan son leksperyans e dan son lespri partenarya, e dan lespri nou moto i totalman posib ki Lasanble i elekte, en Speaker ki sorti dan en parti en Deputy Speaker ki sorti dan en lot parti.  Sa ki nou, ti pe sey fer la fer li vin obligatwar.  Me lo poze obligatwar se pa ki i pa pou, zanmen arive.  Se ki i annan i pou reste a diskresyon Lasanble li menm ler i vote. Donk all is not lost menm si nou pa fer li obligatwar ozordi.

 

MR SPEAKER

Dakor.  Bon nou pa pou fer ankor deba lo la.  Mon krwar propozisyon i kler.  Eski nou gard, eski nou entrodwir ‘5’ oubyen nou tenir li nou ki mannyer i ete?  Mon krwar nou ava put it to a vote, ok bann ki an faver ki nou entrodwir sa nouvo Lartik 5.  Nou ava pran en vot, tou bann ki an faver? Bann ki kont?

 

(APPLAUSE)

 

MR SPEAKER

Mersi.  Bon mon’n ganny 11 vot ki an faver e mon’n ganny 16 vot ki kont.  Savedir sa propozisyon i ganny rezete.  Ok nou ava kontinyen Onorab Bernard Georges.

 

HON BERNARD GEORGES

Mersi Mr Chair, nou al lo order 18 lo Sittings e Lasanble ti’n demann ti’n sizere ki dan 18 (2) nou  dir ki Lasanble will sit on such days as are decided by the Speaker in consultation with the ABC e nou’n fer sa antre la.

 

MR SPEAKER

Okenn komanter.  Okenn Manm ki annan komanter?  Non.  Si napa nou annan en konsansis nou ava bouze.  Onorab Georges.

 

HON BERNARD GEORGES

Mersi Mr Chair nou ale menm.  E mon krwar well nou next one se order 31 eksetera lo kestyon.  Nou ti’n tonm dakor sa se zis en drafting.  Lasanble, ti’n tonm, dakor lo bann kategori kestyon.  E nou’n reorganiz sa de ou 3 order, 31, 32, 33 pou fer sa ki Lasanble in demann nou fer.

Donk 31 prezan i vin questions with notice selman e i dir ki bann kestyon i ava ganny donnen avek Clerk.  E nou nepli annan sa time limit e unless ki sa kestyon i ganny rule out of order, e i pou ganny met lo Order Paper pa pli tar ki 3 mwan pli tar.  E tou bann kestyon included PNQ pa pou ganny entertain lo sa bann zour swivan;- sa ti dan en lot order me nou’n anmenn li la akoz i e prensip zeneral, lo sa 3 zour pa pou annan okenn kestyon.

Apre nou’n fer 32 vin questions without notice.  E sa i ankor enn fwa i la, me nou’n tir li dan en lot order nou’n met li la li tousel questions of which notice has not been given, parey ti annan enn semenn pase, par Onorab Esparon, ‘but which, in the opinion of the Speaker, are of an urgent character and relate to matters of public importance, may be asked at the conclusion of question time, provided the Speaker is satisfied that the Minister is in a position to provide an answer.’ Sa se questions without notice. 

        Me kantmenm i ‘without notice’, i annan en notice ki ganny donnen akoz i vin lo i vin lo Order Paper konman en question without notice. 

 

MR SPEAKER

Onorab Ferrari.

 

HON JEAN-FRANCOIS FERRARI

Mersi.  Vwala provided that the Speaker is satisfied that the Minister is in a position to provide an answer. 

        E ti annan osi en prensip that and the Minister is in is in in the Assembly, in the Chamber at that time.  Konmsi koriz mwan si mon mal.  The question was entertained provided that the Minister was or is available at the time he’s in the House so that you don’t have to call him.  Mon pa konnen ki’n arive avek sa.

 

MR SPEAKER

Mersi, mersi Onorab.  Onorab Georges.

 

HON BERNARD GEORGES

Annefe sa i korek Mr Chair.  Mon ava zis azout li.  Provided that the Minister is present in the Assembly.  Eskiz mwan mon pa tro abitye avek sa laptop ‘he is in a position to provide an answer.’ 

        Epi trwazyenm kategori se Urgent Questions ki pa egziste konmela.  E nou’n entrodwir li akoz sete swe bann Manm, ki en Manm i kapab prezan malgre order 31 ek 32 i kapab donn notis ki i annan en Urgent Question e sa pou ganny delivre 24erdtan.  Son sel diferans avek en kestyon ordiner se ki, i bezwen ganny donnen 24 erdtan avan ki ganny demande.  Epi katriyenm kategori kestyon se PNQ ankor enn fwa sa i parey i ete ozordi Leader e sa i pou zis pou Leader Lopozisyon e son time limit i 6erdtan.

E nou ti’n tonm dakor avan ki en PNQ pa kapab anticipate en lot kestyon ki lo Order Paper e i pou ganny demande at the start of question time e non pa pli tar.  Sa ti’n fini ganny aksepte.  Sa donk se remaniement sa 3 order Mr Chair.

 

MR SPEAKER

Onorab Henrie.

 

HON GERVAIS HENRIE

Mersi Mr Speaker.  Lo zafer kestyon, what about questions for written answer, nou pa ti pou ankouraz Manm pou osi konmans servi sa metod?  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Wi Mr Chair.  Sa i la i pa’n sorti.  Mon krwar nou ava vwar li dan en lot an en lot order, nou pa’n sanze.  Question for vwala i dan order 33(3).  A Member who desires a written answer shall mark the notices with an asterisk.  Donk sa pa’n sanze.  Se i ankor egzakteman la.  Sa ki nou’n sanze parkont, se the 33 (2) nou’n nou, nou ti’n ganny demande poudir ki Speaker ‘’may restrict the number of supplementary questions.’’ 

        Donk nou donn sa, sa pouvwar avek Speaker, pou restrict lakantite supplementary questions, oubyen disallow okenn supplementary question ki pa sorti dan son original questions. 

        Lasanble ti’n demann nou enkorpor sa ki dan sa ki dan Rules of questions ki dan en dokiman sa Lasanble, enkorpor li kot i manke dan nou Standing Orders.  E enn sa bann enn sa bann plas se 10, ’answers shall brief to the point and relate to the question.’  Ok i deza dan i deza dan sa dokiman e nou’n met li dan Standing Orders a la demann a la demann bann Manm.

The next amannman se anba Matters of privilege, e nou ti’n ganny demande pou azoute ki en Manm ki the subject of the matter of privilege shall be afforded due process.’  Setadir ki i bezwen ganny en loportinite pou li eksprim son lekor lo en matter of privilege.  I pa kler konmela, konmela zis en matter of privilege i leve e Speaker i rule lo la si i annan en privilez ki’n ganny afekte oubyen non.  Apre si i annan i al pou en Mosyon.  E la aprezan dan sa dan sa konteks ki Speaker pe deside sa Manm kont lekel sa matter of privilege in ganny souleve.   I ava ganny afforded due process.

        Sa sete en desizyon Lasanble e nou’n ganny demande zis pou formil li ki nou’n fer.  Mr Chair the next one mon krwar i en pe pli lwen next amannman i vin mon krwar lo Assembly Business Committee si mon pa tronpe.  Vwala Assembly Business Committee nou ti’n definir li dan Definition section e la nou’n, nou’n donn li son bann atribisyon e i annan 5.

Assembly Business Committee, there shall be constituted at the beginning of each session of the National Assembly an Assembly Business Committee.  The Assembly Business Committee shall comprise the Speaker Deputy Speaker, Clerk, Deputy Clerk, the Leader of the Opposition, or his or her representative, the Leader of Government Business or his or her representative, the chief whips of parliamentary political parties and independent Members.  Sa se mon draft.  Zot ava dir mon si ABC i reprezant sa ki devret lo ABC. 

3) The Assembly Business Committee shall be presided over by the Speaker and in his or her absence by the Deputy Speaker. 

(4) The ABC shall not be a standing or Select Committee of the Assembly but an Administrative Committee, pou fer kler ki pa en Standing Committee oubyen Select Committee.  Akoz i annan Manm ki pa Manm Lasanble lo la.

E (5) the function of the ABC shall be those set out in these Standing Orders or those ascribe to it from time to time, by the Assembly or by the Committee itself.  Donk nou les zot avek en wide spectrum of powers ek functions.  Vwala Mr Chair.  Nou propozisyon pou ABC.  Pou son konpozisyon ek son bann atribisyon.  Mersi.

 

MR SPEAKER

Mersi Onorab Georges.  Onorab Henrie.

 

HON GERVAIS HENRIE

Quick question dan son 5enm atribisyon,  mon’n not labsans Speaker dan sa fraz.  Akoz souvandfwa nou vwar en lot order ki dir ou from time to time by the Speaker, me la mon vwar zis by the Assembly or by the Committee itself.  Why is the Speaker absent, menm si i Chair?  Solman still i annan i annan the overarching power.  So petet Chairman Bills Committee ti kapab dir nou.

 

MR SPEAKER

Mersi Onorab Henrie.  Onorab Ferrari.

 

HON JEAN-FRANCOIS FERRARI

Mr Speaker avek ou permisyon mon ti anvi retourn, retourn en pti kou lo sa kestyon Urgent Question. 

 

MR SPEAKER

Annou fini sa enn apre nou a kapab retourn lo la.  Onorab Georges i annan en query ki’n leve lo pwen (5) anba 87.  ABC.  

 

HON BERNARD GEORGES

Yes Mr Chair mon napa okenn problenm e mon konpran sa propozisyon ki ABC i ava annan bann fonksyon ki Speaker Lasanble ou Komite li menm i donn li.

 

MR SPEAKER

Okenn komanter?  Non.  Alright nou ava retourn lo kestyon.  Onorab Ferrari.

 

HON BERNARD GEORGES

Mr avan ki nou ale Mr Speaker,  eski nou’n fini avek ABC nou dakor?

 

MR SPEAKER

Yes i annan en konsansis.

 

HON BERNARD GEORGES

Ok mersi.

 

HON JEAN-FRANCOIS FERRARI

Onorab Georges, mon ti ka vreman kontan retourn en pti pe en pti pe an aryer lo Urgent Question.  Mwan mon santi ki nou riske pe blur sa zistans ki annan ant privilez Leader Lopozisyon.  E privilez en Manm.  Akoz la ou konnen poudir an pratik,  Leader Lopozisyon pa donnen zis 6 erdtan notis.  Leader Lopozisyon i donn mon krwar 24erdtan notis.  Sa se dan lapratik.

E la ou pe permet sa lamannman pe permet en Manm basically vin avek en PNQ.  Akoz i pou donn notis upon en Urgent Question at least 24 hours before the day which a Member desires to ask it. 

        Mon santi mwan ki, i pe impinge lo sa lo sa privilez ki Leader Lopozisyon i annan.  E i pe donn menm privilez nenport ki Manm dan Lasanble.  Se pou sa ki mwan mon dan mon lentervansyon pli boner, sete zisteman pou permet ki i annan bann question without notice kan Minis i dan Lasanble, me pa pou summon en Minis a nenport lo nenport ki size ler en Manm i santi i bezwen i anvi fer sa.

So mwan mon santi poudir a question without notice is fine me akoz eski i devret annan osi an Urgent Question.  Mersi.

 

MR SPEAKER

Mersi Onorab.  Petet depi nou’n pran sa nosyon Urgent Question mon krwar laliny ki nou pe swiv se ki Minis i bezwen dan Lasanble.  E nou’n vwar sa semenn nou’n vwar yer in lev kestyon pou Urgent Question pou Minis pour Lagrikiltir ek Lapes, e Minis in deza dan Lasanble, in lev kestyon pou Minis pou Touris en Urgent Question in deza dan Lasanble.

I annan Urgent Question ki’n monte ankor ki mon okouran ki’n al kot lofis Deputy Clerk, me i pa’n vin lo Order Paper akoz Minis pa pe sit dan Lasanble.

So nou’n tant pou nou kontinyen swiv sa.  Me i kapab annan Urgent Question ki pou al menm pli lwen ki PNQ.  Ki pou napa notis.  Ariv en sityasyon e mon krwar Onorab Esparon ti deza lev sa sityasyon, kot Minis ti pe sit dan Lasanble e en sityasyon ti leve e i ti lev son kestyon a lafen ki Minis ti pran sa bann kestyon for Oral Answers dan Lasanble.

So Urgent Question osi i permet sa ki Minis dizon Minis Touris i la dan Lasanble e i ariv en keksoz pou fer avek dan son Departman la.  E dizon i annan pou fer dan distrik Beau Vallon par egzanp, e Onorab Hoareau i ganny sa lenformasyon i kapab poz kestyon a lafen dizour demann the Chair pou li poz en Kestyon Irzan, vizavi en sityasyon ki’n leve pou sa Minis la.

So in koz even beyond PNQ kot PNQ ou annan ou omwen 6 erdtan, ki ou bezwen donn notis, me en Urgent Question i kapab leve la without notice.  So sa ki Standing Orders osi tou i permet ok?  Mon ava donn laparol Onorab Sebastien Pillay apre Onorab William.

 

HON SEBASTIEN PILLAY

Mersi Mr Speaker.  Efektivman i al dan laliny sa ki ou’n dir e mon krwar i enportan pou nou enterpret le de.  En PNQ i en Private Notice Question so i en Private Notice ki Leader Lopozisyon i annan e sa kestyon i kapab al pran en konzonktivit politik si oule but it’s a PNQ,

        Whereas a kestyon en Urgent Question it becomes a matter of urgency.  So we have to distinguish.  Ou pa kapab curtail sa akoz then en Manm ki’n ariv en keksoz dan son distrik a sa moman, e i anvi attend sa fer sa Minis reponn sa kestyon, i limite.  I bezwen anvoy notis e sa size i en size ki son bann dimoun i anvi ganny dealt with.  So mon krwar annou gard sa fleksibilite ki Standing Orders pe propoze la pou lemoman.  Mersi Mr Speaker.

 

MR SPEAKER

Mersi Onorab.  Onorab William.

 

HON WAVEN WILLIAM

Mersi Mr Speaker.  Mr Speaker mon osi mon krwar ki lefe ki dan Lasanble ou annan bann Manm ki ganny elekte, pe reprezant en group dimoun.  E mwan mon krwar poudir fleksibilite i devret kapab ganny donnen a ou lofis a ou diskresyon.  Akoz en Manm si i annan en size ki i santi swa lo en desizyon ki Gouvernman pe pran ouswa lo en serten en lensidan ki arive, ki i annan en lenpak Nasyonal pou son distrik dan en fason negatif, mon krwar poudir sa Manm i devret kapab apros Speaker e donn tou bann fe posib, pou li kapab ganny sa sans pou met son kestyon devan vizavi konsern son bann dimoun kot in ganny elekte.

Apre tou Mr Speaker, pa bliye ki listwar in montre nou e taler nou’n diskit lo en size vizavi Deputy Speaker ki listwar pou bann ki pa konnen listwar in montre nou akoz serten keksoz in ganny fer.  Solman mon krwar poudir sa size la i devret ganny mentenir ki en Manm i devret kapab osi amenn en Kestyon Irzan a ou diskresyon.  Mersi Mr Speaker.

 

MR SPEAKER

Mersi Onorab William.  Onorab Gervais Henrie.

 

HON GERVAIS HENRIE

Mersi Mr Chair.  Mon krwar enn bann difikilte avek sa zafer Urgent Question, dan tou ka kot i napa en definisyon kler i kit lespas pou labi e mwan sa zafer matter of privilege par egzanp mon annan en problenm ek sa zis Manm i dir en matter of privilege, konmsi ki zis en palto fann deryer.

Prezan Urgent Question si nou ti pou dir ‘a Member may notwithstanding the provision of order 31 (2) give notice of Urgent Question if he or she thinks a matter is urgent and important, and there is unlikely to be another way of raising it in the National Assembly’ i donn notice to the Clerk.

So ladan in fini dir li poudir enportan e irzan e i pou napa en lot lenstans pou lev sa size dan Lasanble.  So pou sa Manm sa i donn li son paramet ki operate ladan e ki pa servi Urgent Question konman en palto fann deryer pou vin donn difikilte pou lev nenport ki size ensinifyan dan Lasanble.  Mersi.

 

MR SPEAKER

Mersi Onorab.  Kote ou tir sa laliny avek sa Manm pou dir sa kestyon pa urgent?    Pou tou  Manm  en kestyon i pou urgent. Pou ou i pa pou urgent, pou sa Manm i pou urgent.    Ou vwar?  So.  Anyway mon annan ankor 2 Manm ki lo mon lalis me Onorab Georges i bezwen ale.  Yes Onorab Georges.

 

HON BERNARD GEORGES

Yes Mr Chair, mon malerezman mon bezwen eskiz mon lekor pou dan apepre 5 minit.  Mon’n demann en pti lekstansyon kot mon pe ale 5 minit.

Me si sa deba pou al en pe pli lwen mon pou bezwen eskiz mon lekor e kekfwa deba i kapab kontinyen, e en lot Manm i a kapab fer okenn amannman.  Akoz mon pa bezwen la.  Zis  is the really the last one.  Napa lezot ankor.  Nou’n ariv a lafen nou travay.

I zis en kestyon lo Urgent Question.  Me mon ti anvi zis mansyonnen avan.  Annefe there is no such things as an Urgent Question.  E dan nou Standing Orders konmela napa okenn napa en zannimo ki apel en Urgent Question.  Ou annan en   Question with notice, ou annan en Question without notice, epi ou annan en PNQ.

        Me sa ki’n arive dan sa dernyen 1an – 18 mwan nou’n vwar konmans antre Urgent Questions ki’n ganny mansyonnen Urgent Questions lo Order Paper. 

        E mwan mon’n toultan mentenir en pozisyon ki si ou annan en kestyon ki urgent,  iannan de fason pou ou deal avek li ;- enn se question without notice, si sa Minis i dan Lasanble, e ou profit sa lokazyon.  E en lot se ki ou dir ou demann avek lofis Clerk ou dir malgre ki mon kestyon in ganny anvoye e i en question with notice, i annan en urgency ki’n arive,  eski ou kapab, fer li sote e pran avan mon tour?  That can always be done, napa nanryen ki anpes sa arive.

E la ki annan ABC, ABC i kapab e, toultan set en diskresyon Speaker pou fer sa, e i kapab, fer li a nenport ki moman.  Sa se en parti responsabilite lofis Speaker.  Me sa i pa ganny fer ofisyelman i ganny fer behind the scenes.

        E napa nanryen ki anpes sa arive.  E right through in ariv koumsa.  San ki lo Order Paper ou mete Urgent Question.  Alor sa ki nou nou’n, fer la, se ki nou’n pran en prensip, en keksoz ki pe arive.  En practice en practice Lasanble e nou konverti li dan en text Standing Orders.

        Me si nou tir li sa pratik pa pou arete.  Still Manm ou kapab a nenport ki moman demande ki akoz zot kestyon ki zot in demande depi 3, 4 semenn avan in vin urgent, please put it lo Order Paper. 

        E ou leapfrog tou lezot e sa toutafe normal.  Alor kestyon ki nou annan se eski nou pou fer li vin en kategori kestyon ki nou pou apel Urgent Question, kot tou bann Manm pou ganny en privilez ki pa osi bon ki pou Leader Lopozisyon, me ki al dan sa direksyon?  Oubyen eski nou pou retourn lo sistenm ki nou annan e gard li koman en pratik,  ki pou ganny aplike.  Me i pa pou ariv lo Order Paper anba okenn heading Urgent Question.  i pou antre dan questions with notice.  I zis ki i pou leapfrog bann lezot kestyon ki avan li.  Mersi.

 

MR SPEAKER

Mersi Onorab Georges.  Onorab Afif.

 

HON AHMED AFIF

Mersi Mr Speaker.  Mr Speaker mon’n ekout byen lesplikasyon par Onorab Georges e mon dakor avek li poudir ozordi parey i ete san enklizyon 32, nou kapab avek lozik avek en sistenm prosedir, fer sir poudir si en Manm i annan en matter ki irzan, sa Minis i dan Lasanble, i kapab ganny entertain. 

        Annou pa bliye, en keksoz ki irzan, sel diferans se ler Minis i dan Lasanble se piblik pe ekoute.  Me i pa vedir sa keksoz pa kapab ou pa kapab koz ek en Minis, si ou pa la dan Chamber.  

Tousala i posib.  Annou pa bliye poudir sa i ankor la.  Alor mon pa krwar poudir i neseser pou nou include sa vi ki ozordi en Manm anba existing orders i kapab ensiste en kestyon ki’n ,deza poze dan lepase, i devret sot lake i vin pli devan oubyen ,koz i konnen poudir Minis pou dan Lasanble, son lavey poz en kestyon up to the Speaker ABC dizon zot ava deside si mon krwar i plito lo Speaker i a deside si sa i irzan.  E i permet li.

Alor mon krwar annou kit li parey i ete.  I annan en rezon akoz zot in dan Standing Orders, donn en privilez LOTO i annan en rezon, sa in ganny donnen e li i ganny son 24er an pratik.  E mon krwar nou devret kit li koumsa.  Mersi Mr Speaker.

 

MR SPEAKER

Mersi Onorab Afif.  Onorab Esparon.

 

HON REGINA ESPARON

Mersi Mr Speaker.  Mr Speaker i annan zis en refleksyon ki mon pe fer letan mon pe ekout deba, parfwa Minis i vin dan Lasanble si i annan question without answer without notice.  Oubyen i annan en sityasyon kot Minis pa pe kapab reponn sa kestyon siplemanter i dir ou i ava anvoy en larepons an ekrir.  Me selman letan mon pe regard nou Standing Order i pa donn ou en dele letan kan ki sa Minis pou anvoy sa larepons.

Parski parfwa enn ler i pran 3 mwan, 4 mwan, 5 mwan avan i anvoy sa larepons.  E mon pe panse kekfwa nou devret annan en timeframe lo dan en dele letan ki Minis i devret gannyen pou anvoy larepons sa kestyon.  It’s either written question a question for written answer oubyen en kestyon siplemanter ki Minis a sa moman la i napa sa larepons avek li.  Thank you.

 

MR SPEAKER

Mersi Onorab.  Onorab Aglae?  Non.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mwan mon bezwen dir mwan mon am surprise parti ki’n servi plis Urgent Question dan Lasanble,  ki’n servi plis sa mechanism pandan letan ki zot in dan Lasanble pou call in Minis apre ki’n annan diskisyon pou nou, entrodwir sa caveat.  Se zot menm zot lot kote.

Mr Speaker levidans i la lo bann Order Paper, plizyer fwa.  E prezan en keksoz ki drol, Mr Speaker.

 

(Off-Mic)

 

MR SPEAKER

Order! Order! Manm ki anvi koze ki anvi rantre dan deba nou lev lanmen silvouple.  Onorab Pillay i ekout zot tou ler zot koze!  Donn li sans koze!  Onorab Sandy Arissol.  Montre en pti pe respe.  I kapab parey mon’n dir toultan i kapab mwan ki dan Chair i kapab en lot dimoun annou montre en pe respe!  Demen mon pa pou la zot pou perdi respe pou sa lot dimoun osi ki la !  Onorab Pillay kontinyen.

 

HON SEBASTIEN PILLAY

Mr Speaker mon pardonn mon frer, mon zanmi, mon koleg Onorab Arissol napa problenm antre nou de.  Mr Speaker mon pwen i enportan akoz nou bezwen realize sa ki Onorab William in dir i relevan.  E mon ti a kontan ki Onorab William i go back to sa pwen ki in fer.  Si mon baz lo pwen ki Onorab Ferrari in vini in dir kot ou annan Speaker, Deputy Speaker sorti dan menm parti zot asiz lo ABC ou annan en fully  loaded ABC.

E sa Manm ki an deor ki li i kapab endepandan i pa ganny reprezantan dan ABC, i annan en size irzan i bezwen pas through en let’s say i endepandan, ou bezwen pas through en nespes kalite prosedir ki avan menm i arive diskit en urgent issue en lot dimoun pou’n pran ek li.

So se pou sa rezon ki prezan ou’n met sa dan Standing Order pou ou kree sa subset.  Kot en Manm ki santi poudir i en nesesite irzan i attend to it.  I pa en kestyon sa Manm i leapfrog!  I pa en kestyon sa.  E mon vwar i drol ki i annan en Manm ki asiz lo Standing Orders Committee ki ti agree avek sa. Ler nou ti diskite lo Committee.

 E ozordi sa bann non ou pa lo Standing Orders Committee Onorab, me i annan Manm ki sorti lo ou kote latab apard Onorab Georges ti agree avek sa!  Onorab Woodcock Mr Speaker ti agree avek sa propozisyon, nou ti diskite.  Ozordi mon pa vwar nou pe defann bann keksoz ki konman en Komite kolektivman nou prezante.  Mersi Mr Speaker.

 

MR SPEAKER

Mersi Onorab Pillay.  En moman mon’n annan detrwa Manm ankor ki anvi entervenir Onorab Bernard Georges ki ou pozisyon eski ou bezwen exit?  Si ou anvi ale eski ou kapab retournen apre 10.30 e nou kontinyen?  Eski ou pou lib apre 10.30.  Nou kapab quick la pou permet ou – yes ale Onorab.

 

HON BERNARD GEORGES

Mon napa kontrol Mr.  Akoz i en pe parey isi ler mon laba mon pa pou kapab sorti tan ki mon travay pa fini.  E mon pa mon napa okenn kontrol lo kan mon case pou ganny kriye.  I posib ki zot kriy enn 5 minit apre ki mon’n vini en lot 1erdtan pli tar.   And that’s the issue.  Mon napa …

Me mon sa se vreman dernyen, dernyen topik ki nou bezwen ki nou bezwen regarde e mon pa ti a anvi adjourn pou nou retourn lo la akoz deba i pe sofe lo la e mon krwar let’s get to the end nou a fini li.

Mwan mon pou bezwen ale, mon ava si zot ava eskiz mon.  Me sel keksoz ki nou pou bezwen fer se either tir Urgent Question oubyen re-aranz li en pe.  E avek zot permisyon mon kapab les swa avek Onorab Arissol oubyen avek Onorab Afif zis pou fer sa bann remaniement si i annan.

 

MR SPEAKER

Dakor.

 

HON BERNARD GEORGES

Mon napa okenn lezot keksoz pou mon dir mon’n fini dir sa ki mon ti anvi dir lo sa size Urgent Question.  E i en kestyon eski nou gard li dan Standing Orders oubyen eski nou gard li konman en pratik Lasanble?  Basically that’s what it is. 

 

MR SPEAKER

Mersi Onorab Georges.  Dan sa ka nou a kapab eskiz ou.  Me selman nou pa pou pran en vot final san ou prezans.

 

HON BERNARD GEORGES

Dakor me mon pou retournen en pe pli tar dan Lasanble alor nou a kapab fer li la dakor.

 

MR SPEAKER

Mersi Onorab Georges.  Bon nou a kapab eskiz ou.  Me nou pou kontinyen deba mon annan Onorab Simon Gill.

 

HON SIMON GILL

Mersi bokou Mr Speaker. Bonzour Mr Speaker.  Bonzour tou koleg Onorab e manm piblik ki pe ekout nou.

Mr Speaker mon osi mon napa lentansyon prolonz deba lo revizyon nou Standing Order spesyalman lo sa provizyon.

Mon lentervansyon tre senp se ki si demen gro lapli i tonbe, i koz en gro lateras degrennen en lakaz i ganny andomaze ekstrememan, bout semen kase, tiyo i petet, i kree en some sort en dezas.  E en Manm Elekte dan sa distrik, mon krwar i devret ganny sa posibilite pou li vin dan sa Lasanble e servi sa provizyon en Urgent Question byensir respektan ou lofis respektan bann prosedir ki egziste i kapab call in sa Minis ou lezot dimoun ki dan lezot Lazans anba portfolyo en Minister respective e i vini i sey dir sa Lasanble e i pe pas en mesaz avek Lanasyon bann dimoun dan sa kominote ki bann mezir imedya zot annan lentansyon pou pran pou remedye sa sityasyon pou ki nou redwir domaz danze pou probableman menm in kapab annan ka lanmor.

So mon krwar nou devret antisipe ki kapab annan bann sityasyon koumsa, e avek tou respe sa Manm Elekte i bezwen dan son rezon abilite e dir poudir wi mon krwar pou sa i en Kestyon Irzan, e alor mon pou fer bann prosedir neseser ki Minis i reponn sa kestyon.  Mon krwar tou bann Manm lot kote i dakor avek sa.  E mon trouv Onorab Ramkalawan ki’n antre e mon krwar ki i  pou dakor ki sa provizyon Urgent Question i reste dan nou Standing Order. Nou met li la nou institutionnalisé li pou ki epi nou pa dir non sa i isi sa laba sa isi sa laba.

Mr Speaker mon oule aret la pou nou pa prolonz plis deba lo la e mon krwar i rezonnab ki sa provizyon i reste dan nou Standing Orders.  Mersi bokou.

 

MR SPEAKER

Mersi Onorab Simon Gill.  Onorab Gervais Henrie.

 

HON GERVAIS HENRIE

Mersi Mr Chair.  Dan menm laliny kot Onorab Gill in kite.  Mwan mon pe get li dan lapratik.  Vwar par egzanp taler mon’n dir i enportan ki i annan en definisyon ki dir sa kestyon i irzan i enportan e ki pou napa en lot lokazyon pou sa Manm leve.  E mon pe get li dan lapratik mon pe mazin en distrik parey Mont Buxton son topografie deboulir later, gro divan.  Depi ler mon’n vin MNA sepa konbyen lakaz ki’n deboulir ki’n dekouver.  Tiyo delo i pete tou lazournen.

Me dan lapratik sa Minis i pa lo Order Paper pou li vini li.  Sa lensidan in ariv Lendi, so Lasanble i fer laranzman ki Minis Lanvironnman ouswa whoever sa portfolyo i vini Mardi.  Li Urgent Question it’s not ki sa Minis pou dan Lasanble Mardi li.

Prezan dan lapratik avek grander lespri Speaker e san ki sa Manm i abiz sa privilez i bezwen annan en lokazyon pou ki sa Manm Elekte partikilyerman ki responsab en distrik i kapab demann sa bann kestyon lo non dimoun ki pe reprezante mwan mon pe get li dan lapratik.  Mersi.

 

MR SPEAKER

Mersi Onorab Henrie.  Onorab Ferrari.

 

HON JEAN-FRANCOIS FERRARI

Mr Speaker,  mon pe sey met en pe lord lo mon hard drive.  Mwan mon vwar i de keksoz ki pe konfli avek kanmarad, nou annan question without notice, Urgent Question.  Question without notice se en kestyon ki ou pa’n ganny en letan donn notis alors ou’n anvoy li e ou pe demande ki ganny aksepte san the required notice period, ok?

        Be sa i vedir i en Urgent Question.  Akoz si i pa ti en Urgent Question ou ti ava’n donn sa kestyon avek notis ki required.  Personn pa anpes okenn dimoun met okenn kestyon provided i donn notis. Me i pa’n kapab donn notis akoz en lensidan in arive.  Alors i anvoy en question without notice. 

E i fer ki sa Minis ki dan Lasanble i pran i pran sa kestyon.  So akfer dan sa ka nou bezwen en Urgent Question ?  Kekfwa sa ki nou devret retourn an aryer lo la se sa lamannman ki Onorab Georges in fer in fer lo en propozisyon ki mwan mon ti fer boner kot dan kestyon question without notice i ti azoute provided fer monte ‘provided that the Minister is present in the Assembly and is.’  So si nou retir sa, si nou retir sa, i permet ki sa Minister menm si pa present dan Lasanble,  menm si i pa prezan dan Lasanble i kapab vini.

So si sa lamannman ki nou’n fer pli boner i konfli i anmenn en sityasyon konfli annou tir ‘present in the Assembly and is’ e leave e kit provided that the Speaker is satisfied that the Minister is in a position to provide an answer.’  Se tou.  The question of urgency has been dealt to it. 

Akoz eski mwan mon kestyon se akoz eski nou bezwen Urgent Question, question without notice.  Annou rod en fason pou nou annan enn ki kapab rasanble sa fonksyon e fer nou travay bokou pli senp.  Sa i mon propozisyon Mr Speaker.

 

MR SPEAKER

Mersi Onorab Ferrari.  Onorab Waven William.

 

HON WAVEN WILLIAM

Mersi Mr Speaker.  Mr Speaker mon krwar poudir Onorab Henrie in fer en sizesyon ki mon krwar i ti pou ed menm ou lofis si nou ti kapab ganny bann kriter ki kapab defini anba ki sityasyon ki nou pe dekrir en Urgent Question koumsa, ki sa Manm i a konnen ou lofis osi i a ganny gide anba sa paramet.

Me mon ensiste ki mon krwar poudir sa Manm i’n ganny ki’n elekte, akoz nou annan en ta lespwar parey mon dir e ki’n pase e evantyalite ki nou ladan mon krwar sa Manm i devret kapab ganny sa privilez e sa sans.  Mon pa pe dir donn li menm drwa ki Leader Lopozisyon.  Me i devret ganny sa sans pou li kapab deal avek en matter ki dapre li i pe afekte son constituency avek pep dan son distrik.

Akoz finalman letan ou regarde akoz i annan parfwa i annan bokou kestyon ki ganny leve lo travay en Manm Lasanble ki bann zouti ki annan pou li kapab montre son bann dimoun ki’n elekte li ki pe delivre e i pe met devan son bann konsern.  E sa mon krwar i en lot zouti ki en Manm i kapab servi adisyonnel pou vreman fer le pwen.  Letan i annan en sityasyon ki konsern e ki pe enpakte negativman lo son distrik.  Mersi.

 

MR SPEAKER

Mersi Onorab William.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon krwar fodre nou fodre i enportan ki nou konpran question without notice doesn’t mean an Urgent Question.  E that’s why in bezwen vin koumsa dan Standing Orders. 

        E Onorab Gill, Onorab Henrie, Onorab William, in tous lo en pwen enportan sa question without notice i only arive si sa Minis i dan Lasanble.  Akoz ler ou lir li la it means ki the Minister is already there and it’s at the end of question time. 

        Menm si ou pe azoute ‘the provided the Minister’ the proviso is relevant.  Akoz ler ou set ou Order Paper sa Minis in fini ganny sa ganny summon to the Assembly.  So ler i arise ki ou annan en size ki vini la i vin en question without notice akoz sa Minis i Order Paper i fini fer ki i la anndan.

Sa ki Urgent Question i fer se ki dan kondisyon.  Parey Onorab Gill in dekrir ou annan tou sa bann sityasyon parey Onorab Henrie in dekrir, Mont Buxton avek son topografie.  Sa in souleve in kapab Minis Bastienne ki la.  Me i santi ki Minis Charlette i devret vin dan Lasanble vin reponn sa kestyon akoz nou pa konnen dimoun Mont Buxton napa delo, napa elektrisite eksetera.

So la i vin avek son Urgent Question 24 hours akoz kan ki nou anvoy lo Order Paper nou Mr Speaker.  Nou pa anvoy Order Paper 24 hours prior nou.  Order Paper in fini ganny anvoye e sa Minis ki lo Order Paper i vini.  Prezan ki privilez ki en Standing Orders i akord bann Manm? PNQ, i en privilez kot Leader Lopozisyon i kapab anvoy son kestyon sa moman.  There is a reason why the Leader Lopozisyon get’s the PNQ.  So sa nou pa bezwen deal avek.

Be la sa Manm li Minis in ariv dan Lasanble, i pa sa Minis ki le demann kestyon i en lot Minis.  So mon krwar ki nou mon konpran menm si ou ti tir sa provizyon provided the Ministers in the Assembly, i pa pou rezoud problenm sa Manm ki le demann son Urgent Question. 

        Si bann Manm i oule, ki at Urgent Question nou met en kalifikasyon e Speaker i determinen, mon le kosyonn bann Manm ki pou move Urgent Question.  Ou pe fer the urgency of ou distrik subject to the determination of en lot dimoun.  Me ou ki’n ganny elekte pou reprezant sa bann dimoun.  Ou devret annan en veikil kot ou kapab anmenn sa kestyon devan.

Me lozik i dir ki i bezwen annan en arbritrasyon.  So si nou le azoute ki and in allowing an Urgent Question the Speaker shall ensure that the Member provide an explanation of why the matter is the matter of urgency.  Ou kapab azout sa e ti ava annan en determinasyon ki ganny donnen.  Me annou pa met le de ansanm akoz it’s two different things entirely.  Mersi Mr Speaker.

 

MR SPEAKER

Mersi Onorab Pillay.  Mon annan zis en pti komanter pou mon fer, mon krwar ou dernyen bout ki ou’n mete i bon ki in arive dan leka e yer osi ti pou annan Urgent Question ki ti pou ganny raise pou Minis Finans.  Me sa Manm in koz avek mwan e mwan mon’n konsey li pou dir son kestyon i kapab anmennen a en lot moman, e in dakor.

So si i annan osi tou sa dyalog osi tou petet ant sa Manm ki anvi raise sa Urgent Question avek lofis Speaker, then it can be done si nou anvi fer li koumsa.

Bon okenn lezot Manm i le entervenir with regards to eski nou tenir 33 Urgent Question oubyen nou tir li ?  Yes Onorab Ramkalawan.

 

HON WAVEL RAMKALAWAN

Bonzour Mr Speaker.  Mersi bokou.  E bonzour tou bann koleg Onorab.  Mr Speaker mon pa anvi repet bann keksoz ki’n ganny dir.  Me solman mon krwar ki poudir sa ki nou pe rode annou focus lo sa ki nou pe rode.  Nou pe rod lo posibilite pou en Manm Lasanble pou li lev en size ki grav.  I bezwen i annan en keksoz grav ki’n arive.

E sa i pa zis pou en Manm ki’n ganny elekte direkteman me pou nenport Manm.  Alor annou focus lo la.  En keksoz grav in arive, santi ki poudir i annan nesesite pou Minis vin dan Lasanble.  Mon krwar ki fasilman i kapab tonbe anba questions without notice.  Nou kapab tire sa eleman e mon’n letan ti pe vini mon’n tann en pe mon’n tann en pe deba kot Onorab Georges in dir ki sa in zis en pratik dan nou Lasanble.

Be mwan mon krwar mon ti ava propoze ki sa sapit sa order anba questions without notice i ganny expended.  Ok par egzanp mon ti ava dir ki nou gard sa premye bout, ‘questions of which notice has not been given and accordance but which in the opinion of the Speaker, are often urgent character and relate to matters of public importance may be asked at the conclusion of question time. 

        Apre sa mon krwar ki i devret annan en dezyenm bout ok sa bout ki dir ‘provided that the Speaker is satisfied that the Minister is present in the Assembly.’  Sa bout la annou met li ater ok?  Annou annan en dezyenm bout ki pou ki swa poudir be in fact nou kapab nou kapab nou kapab aret li laba menm anler,’  provided that the matters of public importance may be asked at the end of question time’ e it goes back to the Speaker.  If the Speaker think if it the opinion of the Speaker it is of an urgent nature, then the Speaker i kapab fer de keksoz.  Si sa Minis i dan Lasanble i ava dir li oubyen si sa Minis pa dan Lasanble i ava summon sa Minister. E mon vwar li, mon vwar li egzakteman dan laliny ki’n arive semenn pase.

Annou regard sa ki’n arive semenn pase an relasyon avek PNQ.  PNQ ti napa en PNQ mon pa ti’n anvoy en PNQ Lendi, and this is the privilege of the Leader of Opposition. 

Lendi swar i lev en size of public importance bann etidyan,  and verbally I asked the Speaker.  I said ‘’Mr Speaker i annan en size enportan ki’n leve, eski ou ava donn mwan permisyon pou mon lev sa PNQ son Merkredi bomaten?’’

In the opinion of the Speaker, he found that this question was valid.  Alors ki in dir avek mwan? I dir avek mwan anvoy en kestyon kot son lofis.  E letan mon’n anvoy sa kestyon kot son lofis Speaker in vwar ki poudir that question makes sense.  And I did not summon the Minister, the Speaker, the Speaker’s office summoned the Minister e Wednesday morning nou pa devret Wednesday morning ordinerman nou napa question time.  But the Speaker’s office summoned the Minister.  And the Minister of Education and ANHRD ti prezan son Merkredi.

So sa legzanp ki mon pe donnen, i rezourd tou sa bann keksoz ki nou pe koz lo la.  Because i annan en urgency, a letter is sent.  In the opinion of the Speaker it is urgent, it is a matter ki offer public importance parey nou dir.  Parey Standing Order ki pe ganny propoze i dir, and the question is asked. 

So sa i rezourd tou sa ki nou pe rode, sa ki Onorab Gill in dir, sa ki Onorab Henrie in dir, tiyo in kase Mont Buxton, gro problenm elektrisite napa, Onorab Gill in dir pye dibwa in tonbe laba lot, lot, lot.  The provision is there. 

        Nou anvoy en let kot en question to the Speaker it’s often pa kapab donn notice and the Speaker uses his discretion to say yes.  E pa bliye ki poudir nou kapab al lo nou Standing Order i al pli lwen ankor.  Because, the Speaker si dizon en keksoz sitan irzan i arive Merkredi swar.  Merkredi swar keksoz irzan i arive.  E it’s of grave national importance, a Member i kapab ekri Speaker poudir Mr Speaker la aswar in annan, in annan 25 dimoun ki’n mor dan en aksidan oubyen i annan en it’s of public importance and Speaker can summon the Assembly for a special Sitting. 

Tousala se bann zarm ki nou annan dan nou, dan nou, dan nou tool box ki nou annan dan nou larmri, dan nou arsenal.  So annou pa krwar ki poudir by stopping, by stopping laba anler, provided that the Speaker is satisfied son bout anler, ‘which in the opinion of the Speaker are of an urgent matter and relate to matters of public importance may be asked that the conclusion question time.  Full stop. 

        E nou tir and then 33 goes because Urgent Questions have been included in that provision 32.  Annou agree lo la e parski nou konpran egzakteman ki nou pe rode, e annou pa vin didaktik ensidswit, because 32 i encompass tou sa ki nou pe rode, e si sa i leka, annou bouze.  Mersi bokou Mr Speaker.

 

MR SPEAKER

Mersi Onorab Ramkalawan.  Onorab Pillay.

 

HON SEBASTIEN PILLAY

Mr Speaker mon pou zis fer en dernyen pledwari avek lot kote akoz you have the numbers se zot ki pou deside ultimately kwa ki ganny included.  Konmsi ki mon pe fer konpran, what you have said is correct to a certain point.  Ou pe pran ou pa pran konsiderasyon en keksoz enportan in dir ou koumsa at the conclusion of question time. 

Standing Orders i defined kwa question time.  I defined ou question time li.  So sa Minis   ler i annan en    i bezwen pe asize la li.  Ki Lasanble i bezwen fer, i bezwen notify sa lot Minis pou vin Lasanble,

So sa ki ou pe sa ki sa, ti pe sey fer se ki i ti pe sey kree en fason pou sa arive.  Me si ou kit li dan ler ou kit li dan ler Lasanble pe go on Minis pe al fini question time pe al fini Onorab Henrie i tande poudir Mont Buxton lateras in grennen e i le demann Minis Later en kestyon.

There is no notice given to the Minister for Land to come here.  So i sa i pa en kestyon kree en mischief fer en Urgent Question antreMe i kree en fason pou sa Minis antre in the event ki pa dan Lasanble.  This what to do.  Me i pa ti fer li parey ozordi i pa kler mannyer i pou vini.  So that’s why ki mon’n dir ou, ou pa surely correct me i mank en keksoz avek.  Mersi Mr Speaker.

 

MR SPEAKER

Mersi Onorab Pillay.  Onorab Ramkalawan.

 

HON WAVEL RAMKALAWAN

Mr Speaker konsern Onorab Pillay, i senp i kapab ganny rezoud.  E ki mannyer ou rezoud li?  Me zis ou tir ‘at the conclusion of question time.’  Zis ou tir sa.  Ki prezan i ava lir ‘’if in the opinion of the Speaker of an urgent character and relate to matters of public importance may be asked.  Full stop.  May be asked.  E ki aprezan Speaker li ava regarde sa may be asked e of course annou pa al rod tou bann soz.  Minister pou li reponn en kestyon.  Byensir the Minister has got to be informed par lofis Speaker.

Byensir i bezwen annan en korespondans en kominikasyon ki arive.  E sel keksoz ki nou pe fer la mwan mon’n zis dir sa I’ am sure Onorab Georges i ava kapab met li dan en lot term legal ki pou vedir sa.

Me senpleman pou dir annou pa spesifye kan i pou ganny demande because ankor enn fwa.  Ou konnen Mr Speaker mon krwar ki letan mon pe ekout sa bann largiman ki pe, ki pe ganny mete spesyalman par Onorab Pillay, i pe bliye ki poudir the Speaker ki kontrol, order Lasanble.  E yer nou’n vwar sa ankor enn fwa.  Ti annan de kestyon normal apre sa ti annan en Urgent Question, for the Minister of Fisheries.  Speaker in pran son Lotorite pou li dir pou mon pa pou li pa fer Minis Lapes ale, apre sa pou li retournen in dir mon pou, mon pou change the order lo Standing Order pou li kouver tou le 3.

Parfwa son semenn de semenn pase, letan, letan mon ti kominik avek Speaker ki ti arive? PNQ was taken as the first item.  In annan osi bann lezot lokazyon kot akoz en Minis pa ti pou kapab vini Speaker ankor enn fwa avek Lotorite ki Standing Orders i donn li, in sanz the order. 

        So i posib i menm posib ki sa ki nou pe koz lo la, 32 question without notice i posib i annan en question without notice ki offer such an important nature character lo nivo Nasyonal ensidswit ki the Speaker i kapab dir sa kestyon mon pe konsider li konman en kestyon sitan enportan, ki mon pa pou les mon pou pran li koman premye kestyon.  Parski i kapab annan bann lezot konsekans nou pou pran li konman premye kestyon e zot.

So whichever lafason ki nou mon krwar nou pe pran tro bokou letan kan nou konnen kote nou anvi ale la aprezan nou pe soz kan Standing Orders i fer provizyon pou sa.  Nenport keksoz knowing.  And this is something ki nou bezwen toultan gard antet nou fer Order Paper sa Order Paper is not cast in stone, the Speaker i kapab donn en direktiv pou ki Order Paper son lord ki i pou ganny pran, i kapab sanze e sa Manm – . Lenportans Mr Speaker se ki sa Manm ki santi i annan en kestyon sitan enportan i ganny sa laveni pou li ariv kot ou lofis poudir i sitan enportan.

E apre sa pou son kestyon ganny reponn par en Minis ki ava’n ganny enformen e se sa ki nou pe rode.  Mersi bokou.

 

MR SPEAKER

Mersi Onorab Ramkalawan.  Nou a pran dernyen komanter and then nou ava pran en desizyon.  Onorab Pillay.

 

HON SEBASTIEN PILLAY

Mersi Mr Speaker.  Mon premye pwen se ki mon ti ava, mon ti ava kosyonn lot kote latab pou retir sa provizyon ‘at the conclusion of question time. ‘ Akoz sa provizyon, i marye avek order 24. 

Ok si nou regard order 24 order 24 i set out biznes Lasanble mannyer i ganny fer.   Ou Konnen nou zot largiman inisyal sete ki sa i impinge on the on the privilege of an PNQ.  It doesn’t.  Akoz mon krwar si zot swiv largiman ki Onorab Henrie, Onorab William, Onorab Gill in avanse, se ki ou kapab ou solve sa problenm ki nou pe diskite by met en kalifikasyon dan sa provizyon ki relate avek Urgent Question.

 E kalifikasyon i senp ki ou’n mete ou Onorab Ramkalawan.  Ou mete ou dir poudir sa i ava subject to the determination of the Speaker, based on an explanation of the urgency provided by the Member and question, ok?

        Now si ou met sa i rezourd ou problenm ki ou annan.   Me solman mon ti ava urge ou, pou pa tir ‘the conclusion of question time’ akoz ou pou upset en lot order ki set ki mannyer travay Lasanble i bezwen go on akoz i annan en rezon i dir ou at the end of question time.  Akoz Lasanble the variation of orders whilst the Speaker in fer li la.  En kantite keksoz ki nou’n mete dan sa Standing Orders in mete baze lo lafason ki nou’n fonksyonnen konman en Lasanble la.  Kot bann keksoz ki nou’n fer li dan en pe si oule dan en pe arbitrer, nou’n le annan en fason pli konkret pou fer li.  So se sa ki mon pe mazinen si nou kapab mert en propozisyon then i ava rezourd nou problenm.  Mersi Mr Speaker.

 

MR SPEAKER

Mersi, mersi Onorab.  Yes Onorab Ramkalawan.

 

HON WAVEL RAMKALAWAN

Mon kontan vwar ki nou annan en consensus.  So Onorab, Pillay i lo Standing Orders Committee.  Sa propozisyon ki in fer, zis nou ava beef up 32 avek sa bann parol ki in mete.  Onorab Georges i ava zwe avek.

And then we don’t need  an urgent …  So have a consensus, yes.  Mersi bokou.

 

MR SPEAKER

Bon annou, annou fer rantre ou bann komanter e Onorab Afif i ava mete.  Nou ava pran en desizyon e parey mon’n dir ler Onorab Georges i a retournen nou ava pran en final vote lo la.  E Onorab Georges pandan break i a ganny sans i a kapab regarde.

 

HON SEBASTIEN PILLAY

Mon a fer li Mr Speaker.

 

MR SPEAKER

Satisfe?  Yes Onorab Pillay.

 

HON SEBASTIEN PILLAY

Mon pa sir Mr Speaker eski ou pe demann mon pou dir kwa ki mon oule amande, oubyen mon ava fer mon bann komanter la.

 

MR SPEAKER

Wi.

 

HON SEBASTIEN PILLAY

Ok may I ? 

 

MR SPEAKER

Yes go ahead Onorab.

 

HON SEBASTIEN PILLAY

Ok ki mon pe propoze, nou fer parey 32 parey nou’n dir nou tir sa’ the Minister is in a provision to answer’, nou tir.  Nou, bezwen kite sa bout la.  Akoz sa i sa kestyon ki sa Minis i la.

Now si nou al lo Urgent Question dan son (2) notice of an Urgent Question.  La Onorab Georges i vini with an explanation. 

        Mr Speaker mon lamannman i baze lo en proviso pou en Urgent Question e ki ou donn en derogasyon Speaker parey Onorab Henrie in encapsulate dan largiman parey Onorab Gill in encapsulate.  So my final word lo la Mr Speaker mon les li avek lot kote.    Mersi.

 

MR SPEAKER

Bon mersi, mersi.  Annou pran en desizyon.  Eski desizyon ki devan nou la eski nou kit li (3) Urgent Questions, oubyen nou retire?  Yes Onorab Ramkalawan.

 

HON WAVEL RAMKALAWAN

Be Mr Speaker, mon pa konpran ki Onorab Pillay.  So sa ki i ti pe propoze, se ki sa i rantre dan 32 e apre sa 33 i ganny tire.  Be Mr Speaker dan sa ka nou, nou pe propoze ki sa ki sa ki Onorab Pillay in dir, i nou dakor avek i rantre dan 32 and 33, Urgent Questions i ganny retire.  Parski tou sa ki nou’n koze la i vin, i vin dan scope urgency.  And nou kapab, nou kapab pran en vot lo la Mr Speaker.

 

MR SPEAKER

Mersi, mersi kwa ki nou pe segonde mon osi mon pa’n vreman catch li antyerman.  Onorab Georges welcome back.  Nou ankor lo menm sityasyon ler ou ti ale menm deba.  Nou annan en serten propozisyon la petet so Onorab Pillay oubyen Onorab Ramkalawan si in capture sa,  sa i ava relate avek ou pou nou fer rantre dan 32, e an menm tan propozisyon pou get rid of 33.  Onorab Ramkalawan.

 

HON WAVEL RAMKALAWAN

Mr Speaker i senp Onorab Georges.  33 goes Urgent Question.  E dan 32 questions without notice nou fer rantre tou bann eleman enportan lo public urgency and everything else, ki basically parey i pe dir ok mon napa sa text devan mwan.

Me, ok matters of son premye bout.  Ok ‘’questions of which notice has not been given.  But which in the opinion of the Speaker are often urgent character and relate to matters of public importance’, e la kot … yes –  ‘may be asked that the discretion of the Speaker at the conclusion of question time’, simple as that.  Yeah sa zafer ‘Minister must be in the House’ i ganny tire li osi.  Sa bout ki ‘Minister is present’ this is remove.  Ok that’s it.  Non, non nou take a vote lo la.  Nou fini avek sa ok Bernard?

 

MR SPEAKER

Onorab Georges ou kapab zis relir 32.  Yes Onorab Georges.

 

HON BERNARD GEORGES

Yes Mr Chair, si mon’n konpran byen nou pe tir sa kategori Urgent Question konpletman, nou pe ranplas li par question without notice ki egziste deza me nou pe azout enn de atribisyon, e nou pe dir ki ‘questions of which notice has not been given, in accordance with 31 which is questions with notice but which in the opinion of the Speaker are of an urgent character and relate to matters of public importance, may be asked at the discretion of the Speaker at the conclusion of question time.’ 

Ok sa i ava permet donk okenn dimoun ki annan en Urgent Question pou fer konnen lofis Speaker ki ti a kontan demann sa kestyon at then end of question time, Speaker i ava dir li prezan ki fodre i fer pou li demann sa kestyon.  Swa ki  i bezwen anvoy sa kestyon an ekrir, swa i ava, donk demann i ava donk vin  lo Order Paper, swa si i vreman urgent e ki Minis in deza dan sa Lasanble, ki i ava donn li diskresyon pou demann sa kestyon menm si i pa lo Order Paper, a lafen question time. 

        Donk tousala i pou dan diskresyon Speaker.  I ava annan de eleman enn, enn, enn se en kestyon ki urgent, ou demann Speaker, ou dir li mon ti a kontan demann sa kestyon Mardi.  E Speaker i ava dir ou be Minis pa pe vini Mardi, me it’s so urgent ki mon pou fer li vini pou sa kestyon.  Or si Minis i deza dan Lasanble e ou pa’n anvoy sa kestyon, e en keksoz in arive ki urgent, ou fer Speaker konnen ki ou ti a kontan demann sa kestyon ki pa lo Order Paper, akoz Minis i dan Lasanble e ou fer li a lafen.   Mon krwar those are the only two categories ki pou annan.

 

MR SPEAKER

Mersi Onorab Georges.  Eski i annan en konsansis?  Yes, Onorab Simon Gill.

 

HON SIMON GILL

Mersi bokou Mr Speaker.  Bann, bann nou ki nou pa pou annan privilez pou dan setyenm Lasanble, e bann nouvo Manm setyenm Lasanble, mon swete ki zot ava pran nou verbatim zot ava lir, zot ava etidye kontenir e lespri deba lo sa kestyon.  E mon swete ki Speaker ki ava la or si ou menm Mr Speaker ki pou la ava osi revel lespri deba lo sa provizyon e bann rezon ki’n gid nou pou tir sa proviso Urgent Question or Urgent Question. 

        Me otreman ke sa si sa lespri i prevail mon krwar ki nou lenkyetid in ganny taken care of e mon kapab dir annou move on Mr Speaker.  Mersi bokou.

 

MR SPEAKER

Mersi Onorab Simon Gill.  Bon i annan en konsansis.  Onorab Georges en final word. 

 

HON BERNARD GEORGES

Lo sa pwen, lo sa pwen Mr Chair or just generally?

 

MR SPEAKER

Generally. 

 

HON BERNARD GEORGES

Ok mersi lo sa pwen Onorab Gill in fer en tre bon pwen me mon krwar nou pou annan en lot, en lot dokiman ki pou the manual.  Me mon pe fer en not la ki sa i pou al manual alor dan manual nou ava konnen ki i annan sa de kategori kestyon.  E bann parey ou dir bann ki pa pou la dan setyenm Lasanble, wityenm, nevyenm, dizyenm eksetera, i ava annan sa bann manual pou ed zot.  Mersi Mr Speaker sorry Mr Chair.

Mr Chair mon ti a kontan zis dir de keksoz avan ki mon wrap-up.  Enn se nou still pa ankor abord sa size e, nou’n deside les li a ou diskresyon e sa se, konbyen letan question time pou dire?  E sa mon krwar ki nou pa anvi fer li antre dan Standing Orders malgre ki dan enn bann dokiman Lasanble ki sorti dan ou lofis i dir ki i pa pou al pli lwen ki 10.30 tou le Mardi.

Nou’n deside les sa a ou diskresyon, e ankor enn fwa sa pou al dan manual.  Akoz personnelman mwan mon’n vwar ki kestyon, kestyon pe pran en kantite nou letan dan Lasanble.  E i annan de fason obviously pou curtail sa.  Enn se pou donn en time limit, e parey bann lezot Lasanble si ou pou ariv lo en kestyon at the end of the time limit i ava vin en kestyon for written answer.  En lot se pou redwir lakantite supplementaries ki annan oubyen les zis sa Manm ki’n demann sa kestyon annan en supplementary.  Sa se premye pwen. Nou pa’n nou pa’n anmenn li akoz i ti desizyon Lasanble pou les li ase vag.  Me nou ava met sa dan manual. 

Dezyenm keksoz se Right of Reply, e nou ti’n deside ki ankor enn fwa nou pa pou abord Right of Reply la akoz nou pou bezwen fer en constitutional amendment. 

E donk sa osi nou’n flag li up.  E nou ava fer en fason pou fer biro Prezidan konnen ki sa sete en amannman ki nou ti ava swete annan e si zot, zot pa fer kekfwa en Private Members’ Bill i kapab tackle sa problenm.  Akoz i annan sa problenm ki reste e ki dimoun deor i ankor konfize mon krwar nou bezwen met li annord once and for all.  

Mr Chair mon ti anvi zis ankor enn fwa remersye Manm Komite ki’n ed mwan dan sa travay e sirtou Manm Lasanble ki’n, ki’n take the challenge e ki’n fer en deba tre anrisisan nou pou annan nou en Standing Orders up-to-date, modern ki mon krwar i ava annan ladan tou bann legzizans ki bann Manm ti ava swete annan.

Enn fwa ki sa in ganny fer, nou next travay i ava manual ki nou espekte nou ava kapab fini li e sanmenm sa lannen e met li e met li a viger.  Alor avek sa detrwa mo Mr Chair mon ti a kontan finalman remersye ou lofis e lofis Deputy Clerk pou zot lasistans dan sa travay.  Mersi bokou.

 

MR SPEAKER

Mersi Onorab Georges.  Nou ava prezan mon a demann Sarge pou move Mace.  Nou’n sorti dan Staz Komite.  Bon nou pou pran en vot pou aprouv Standing Orders 2009 as amended. 

        Ok mon ava demann tou Manm ki an faver?  Okenn Manm ki kont?  Bon mon’n ganny 28 vot an faver e zero kont.  Savedir Standing Orders 2009 as amended in ganny aprouve par Lasanble Nasyonal.  Yes Onorab Georges?

 

HON BERNARD GEORGES

Mon ti’n oubliye Mr Chair.  Annefe Mr Speaker eskiz mon annefe mon krwar nou bezwen eski nou ti’n vote lo Mosyon oubyen nou bezwen vot pou sa for the Motion now?  Pou amend the Standing Orders? 

 

MR SPEAKER

Mon krwar se sa, se sa ki nou pe fer se sa ki nou’n fer la.

 

HON BERNARD GEORGES

Tre byen mersi.

 

MR SPEAKER

Nou pa ti ankor vote nou ti dan Staz Komite kot nou ti ankor pe diskite.

 

HON BERNARD GEORGES

Perfect, thank you. 

 

MR SPEAKER

Alright.  So Motion has been approved.  E yes Onorab Pillay.

 

HON SEBASTIEN PILLAY

(Off-Mic)

 

MR SPEAKER

Me se sa ki nou pe fer nou’n, vote la.  se, sa ki nou’n vote la.  we’ve voted on the Motion the Motion ki ti pe demann ki nou pe ki nou pou amann Standing Orders 2009.  Alright?  Bon avek sa nou ava adjourn e nou ava retournen 11.20 pou nou kontinyen avek travay lo Order Paper e sa i Motion ki pou ganny move by Onorab Ahmed Afif.  Yes Onorab Ferrari.

 

HON JEAN-FRANCOIS FERRARI

Mr Speaker.  Mersi i annan kekfwa mon mazinen poudir nou’n vin la pou nou travay.  Me selman mon pe get ler, i 11er mwen senk e mon ti a kontan sizere ki nou repran 2er akoz la nou pou pran en break en demi erdtan.  E pou annan en prezantasyon en Mosyon  mon krwar. I  zis en sizesyon ki mon pe fer.  Mon pa apre nou ava fer en sel travay.

 

MR SPEAKER

Mon krwar nou annan letan.  Nou annan letan e omwen Mosyon a kapab ganny prezante i annan deba osi i ava kapab konmanse.  Mon lentansyon se nou pou ale ziska nou pou open en pti pe fleksib ziska petet midi en kar midi edmi.  Apre nou ava resume petet 2er edmi apre midi.  Ok?  so nou ava retournen 11. 20.

 

(BREAK)

 

MR SPEAKER

Bon nou ava kontiny nou travay.  E mon ava call on Onorab Afif pou li bouz son Mosyon.  Onorab.

 

HON AHMED AFIF

Mersi bokou Mr Speaker.  Bonzour Mr Speaker bonzour tou bann Manm Onorab e bonzour tou dimoun a lekout.

Mon Mosyon i lir comme swivan;-

Swivan lefe katastrofik ki COVID-19 in anmennen dan nou Sekter Touris e avek bi regard li a nouvo, Lasanble Nasyonal i demande ki tou bann akter dan sa lendistri i zwenn ansanm pou ofer bann nouvo loportinite lanplwa pour Seselwa kalifye e tou lezot dimoun.

Mr Speaker mon annan dan sa Mosyon mon pou kouver vreman 4 pwen.  Premyerman mon pou kouver en bilan lo COVID-19 li menm.  Dezyenm ki mannyer Sesel in ganny afekte avek sa.  E trwazyenm mon pou antre en pe lo lafors travayer, e, son lenpak.  E katriyenm e final mon pou regard en pti pe bann swa ki devan nou.  Apre mon fer en konklizyon.

Alor premye pwen en bilan lo COVID-19.  Mr Speaker bokou in ganny koze lo COVID-19 non pa zis Sesel me dan lemonn antye.  E statistik in montre ziska bomaten 16.9 milyon dimoun in ganny COVID dan lemonn e malerezman ladan 663,000 dimoun in perdi zot lavi.

Dan ka Sesel sif ofisyel ki mon annan i 114 ka vreman en ptipti poursantaz dan sa ki annan dan lemonn, e  ki erezman pou nou personn ankor pa’n perdi lavi.  Son lenpak petet bokou pe demande be akoz si i annan zis 663,000 dimoun ki’n mor avek sa.  E dan lemonn probableman 60 milyon dimoun i mor tou le lannen.  E la nou napa en milyon dimoun ki’n mor akoz COVID i sitan enportan,  konman en topik e konman en size ki pe, ki pe vreman anmenn en sanzman dan lemonn e pe afekte bokou lekonomi?

Mr Speaker an sa lefe COVID li menm in afekte bokou pei dan L’Europe, La France, L’Angleterre, Itali, zot lekonomi pe redwir par 14poursan, Eurozone 12poursan, an L’Allemagne 9poursan, L’Amerique 8.5poursan, Japon 7poursan.

E la nou pe koz lo bann lekonomi non selman ki gro dan lemonn me ki i annan en lenpak direk lo Sesel.  E zot annan en lenpak direk ler nou pe koz L’Europe, parske nou depan fortman lo zot dimoun, zot larises ki zot vin avek Sesel pou depanse.

Dan ka Sesel li menm, lenpak lo lekonomi sa ki mwan mon’n lir dan bann rapor ofisyel si zot pe sispekte en rediksyon dan lekonomi anviron 10 a 11poursan.

Alor ki mannyer Sesel li i ganny afekte?  Premyerman tou dimoun i konnen nou pa pe ganny touris parey avan.  E probableman sa lannen nou pou fini malgre ki Erport pe al ouver semenn prosenn pou bann vol komersyal probableman nou pou fini lannen avek mwens ki 200,000 touris.  Dan en lannen nou abitye ganny dan en lannen nou abitye ganny 350,000 touris.

An term deviz byensir sa pou annan en gro lenpak.  Deviz dan en lannen ki nou abitye gannyen i desot $600 milyon.  Me pa tou ki reste isi.  Parske kantite sa deviz ki zot anmennen nou bezwen servi pou aste manze pou zot, pou pey fuel pou zot.  E pou pey lezot depans.

Me sa ki reste dan lekonomi e sa ki mon’n vwar kalkile se en rediksyon dan sa ki reste Sesel.  E sa ki reste Sesel se larzan ki zot pey VAT, ki zot pey saler travayer Seselwa oubyen ki reste konman en profi pou sa lantrepriz isi Sesel lestimasyon €150 milyon ki Sesel i perdi sa lannen.

Ler bann letablisman touristik pa marse sif ofisyel ki mon’n vwar 2019 ti annan 10,244 dimoun ki anploye dan Sekter Touris, akomodasyon sirtou.  E mwan mon pe dir pa tou ki pou ganny afekte dan menm fason, parske mon konnen i annan en bann ki Praslin La Digue par egzanp ki pe pran dimoun sorti Mahé sirtou pandan weekend zot pe ankor kapab debout zot pa pe debout parey lontan.

Me selman zot tou zot pe ganny afekte e mon lestimasyon se 9000 dimoun ki enkli ekspatriye, in deza perdi zot lanplwa dan Sesel. E bann lanplwa endirek ankor 2000 alors 11000 dimoun dan Sesel ki’n perdi lanplwa.

E la mon vin lo mon trwazyenm pwen lafors travayer Sesel.  Dapre Biro Statistik Mr Speaker, dan fourth quarter 2019 ti annan 56,000 travayer Sesel.  Ladan 33,000 Seselwa, 23,000 etranze.

Me la ozordi vi ki en gro lebra Gouvernman, pa Gouvernman me lekonomi in fermen, nou nepli annan sa 56,000 travayer nou 47,000.  E mon lestimasyon se ki travayer Seselwa in sorti 33,000 in,30,000 etranze in sorti 23,000 in ariv 17,000 sa diferans zot in kit pei.

Alors si nou annan 3000 Seselwa ki’n perdi lanplwa, mon mazinen parski nou napa okenn sif ofisyel ki pe montre lekel ki’n perdi e ki zot pos.  Me selman i bezwen dan sa bann kategori swivan ;- drayver e la on pe mazin depi ler ou ariv Airport ziska kot lotel, drayver, resepsyonnis, chambermaid, sekirite, zardinyen, maintenance, waitress, barman, bann manager, accountant, kwizinyen, skipper ek plonzer, mekanisyen, elektrisyen ek plonber, dokter ek bann ners.

I annan 2000 lezot dimoun e la mon pe mazin bann dimoun tel ki bann ki fer maintenance selman sou-kontrakter avek lotel.  Bann mekanisyen ki aranz bann bato boat charter.  Zot prive zot me selman zot osi zot pou ganny afekte.

Alor ki swa Gouvernman e pep Seselwa i annan fas sa sityasyon ozordi?  Enn, ki definitivman ti lo latab,  se tenir tou sa bann dimoun an plas ziska sityasyon i amelyore.  E pou kapab tenir zot sa Lasanble ti aprouv en Bidze R1.091 bilyon ki ti pou pey tou travayer.

Me apre detrwa vatevyen sa ki nou’n konpran pandan sa de dernyen semenn se Gouvernman in, in depans R486 milyon ziska Zen ki vedir dan son Bidze 1bilyon i reste li R605milyon.

E dan sa premye opsyon kot mon pe dir tenir an plas, tou dimoun ki la, Gouvernman in dir i kapab met R100milyon tou le mwan pou tenir travayer Seselwa dan bann diferan letablisman kot zot ete oubyen dan diferan progranm.  Sa se en opsyon.  Dezyenm opsyon se enn ki pe devlope la ozordi e nou vwar li pe arive.  Kot pou mwan mon vwar sa konman en nouvo model tourizm ki pe devlope.

E ou annan en pe, diferan avek sa ki nou’n abitye vwar, kot etranze i ariv Sesel i al dan son lotel, e i depan lo ou ek ou travayer pou donn li son lasanm netway son lasanm donn li son servis.  Kot ozordi li sa etranze i en etranze ki anmenn bokou, bokou plis larzan ki nou touris tradisyonnel.  Me selman i pe vin ek son travayer.

E la en legzanp ki mon’n swiv sirtou pou sa Mosyon ki devan nou, i enn ki enteresan.  Mon napa sif egzakt parske lenformasyon i pa ofisyel me selman mon konpran i annan anviron 200 bann viziter ki nou kapab konsider li konman odeganm.  I depans bokou larzan li, me li pou li vin son vakans ki probableman 2 a 3 semenn selman i pou anmenn 1000 travayer avek li.

Alor toudswit premye reaksyon se be akfer ou vin ek ou travayer nou annan travayer isi?  Me nou bezwen osi regard lenplikasyon e benefis sa nouvo tourizm.  Benefis se ki ler i anmenn son travayer malgre ki i pa swetab parske ou ti a kontan ofer li sa servis,  i osi bezwen depans larzan lo sa travayer.  E sa ki nou’n vwar se ler zot vini, zot pran en lotel an antye e la i annan 4 lotel ki mon konnen ki zot in swazir en pe pou sa bann viziter odeganm.  E larestan ki zot in pran antye lotel pou met zis zot travayer ladan.  E byensir si zot pran en lotel antye si i pran 1000 dimoun i met dan en lotel i pran sa lotel antye, byensir si sa lotel ti annan li 600 lasanm oubyen 500 lasanm i bezwen sarz li akoz letan COVID full board parske ou pa pe sorti dan sa landrwa apard pou al kot ou guest odeganm kot i ete.

Alor sa lotel pe ganny li kliyan.  I plen li.  I full board.  Pa zis plen, i full board  ek travayer.  E mon lestimasyon 1000 travayer etranze ki’n ganny anmennen pou vey sa group odeganm pe pey €300 par zour, pou 45 zour.  Zot, zot pa pe vin detrwa semenn zot.  Zot bezwen vin karantenn avan zot bezwen reste karantenn apre, apre kit pei.

Si zot fer 45 zour parske i annan preparasyon dan netwayaz apre ki ale zis sa tousel i anmenn €13.5 milyon zis travayer sa.  Konman reveni direk pou lotel.  Prezan sa bann viziter odeganm zot menm zot, zot a reste isi pou dizon de semenn, zot pe depans en minimum €2000 par zour, i annan 200 zot.

Alor pou en peryod 16 zour ou pe ganny €6.4milyon.  Ansanm ek sa €13milyon preski €20milyon ki’n ganny depanse dan en lespas 6 semenn.  Taler ler mon ti konmanse mon ti dir lenpak lekonomi lo Sesel nou perdi anviron €150 milyon pou sa lannen.  Me zis en vizit odeganm nouvo model touris i deza anmenn 20 dan sa 150 ki nou’n perdi zis dan 6 semenn.

Alor ki lenpak direk apard devis ki’n antre?  Pou mwan si ou annan sa 1200 dimoun ki Sesel, 1000 travayer ek son 200 zot bann sef ki la,  minimum dimoun ki pou bezwen la pou okip zot, se 1200 travayer.  Parske li i annan son 1000 travayer an plis ki sa.  E dan sa 1200 travayer probableman i annan 600 Seselwa e 600 etranze ki ti deza isi Sesel pe travay dan en lotel letablisman.

Alors sa i deza – taler nou ti pe dir lo konmansman mon ti dir mon estimen ki i annan 3000 Seselwa ki’n perdi zot dyob direkteman dan lendistri, la nou vwar en loportinite dan en lespas 6 semenn kot omwen 600 i reganny zot dyob20poursan i reganny zot dyob toudswit.

Alors ou demann mon lo en pwennvi lenpak lekonomi eski sa i en model ki nou devret ankouraze?  Mon pou dir wi akoz 1) in anmenn €20 milyon dan 6 semenn, 2) i redonn dyob 600 dimoun san sibvansyon Gouvernman, 3) si ou annan €20milyon i bezwen annan €3 milyon ki VAT.  €3milyon VAT i deza probableman dan R70 milyon.

E pou mwan sa i en sonm sibstansyel, sibstansyel ler nou pe koz en Bidze ki nou’n aprouve ki ti en R1bilyon parske nou napa e ladan menm nou ti bezwen prete parske Gouvernman pa ti pe fer sifizaman reveni.

Me akoz ou pa’n anmenn dan sa Mosyon e mon a zis relir sa bout ki relevan avek tou sa ki mon pe dir.  Kot mwan mon pe demande ki tou bann akter dan sa lendistri zwenn ansanm pou ofer bann nouvo loportinite lanplwa pou Seselwa kalifye e tou lezot dimoun.  E se la zisteman lo sa legzanp ki mon ti a kontan nou met lanfaz lo la.

Si avek sa loperasyon nou bezwen 1200 dimoun,  e mon estimen ki dan sa 1200 i annan 600 etranze ki ti deza la ki pe travay pou fer sa louvraz.  Me i annan ankor plis ki 2000 dimoun deor ki ti dan Lendistri Tourizm i li i pa pe ganny en travay.  Parske li i travay Praslin oubyen i travay La Digue oubyen i travay lezot letablisman lo Mahé.  I pa pe ganny sa loportinite sa kalite tourizm.  Akoz e se la kot bann akter i bezwen zwenn ansanm parey mon Mosyon pe demande.  Akoz ki zot pa kree en referans en landrwa kot e Minister Lanplwa mon mazinen en landrwa kle pou fer sa, kot li i annan en database lo tou sa 3000 mil dimoun ki’n perdi zot louvraz.

E i konmans en dyalog avek bann letablisman ki zot realize i pou parmi bann premye ki pou konmans relans sa Lendistri Tourizm.  Al kot zot e dir ek zot mon konnen ozordi ou pe fonksyonnen, ou satisfe mannyer ou pe fonksyonnen avek sa nouvo model, me ou annan ou serten etranze ki mon asire pe fer en bon louvraz.  E alors pou ou, ou napa en problenm, me si ou kapab osi regard dan posibilite kot atraver en bon planifikasyon, ou kapab servi sa bann skill Seselwa ki deza la e ki kapab vin a ou laporte si ou re-planifye ou loperasyon.

Mon krwar nou bezwen fer sa, pa akoz nou pa kontan etranze, me akoz konman en pei nou bezwen osi maksimiz loportinite pou nou travayer Seselwa ki’n train, i annan leksperyans e ki kapab fer sa louvraz ki en etranze pe fer dan Sesel.

Mon krwar sa dan li menm i pou en keksoz enportan.  I pou donn leksperyans petet en travayer ki dan en pli pti letablisman al dan en pli gro letablisman en travayer Seselwa i pou redwir la kantite deviz ki pou kit pei parske gradyelman sa i pou ranplas en etranze.   Me nou fer li dan en fason organize.  Dan en fason ki osi reflekte bann Kontra ki deza egziste ozordi, kot nou pa pe dir etranze fodre ale e zis Seselwa ki pou fer sa.

Me nou fer li dan en fason kordinen kot lotel son loperasyon pa ganny afekte, me deplizanpli avek sa nouvo model ki pe devlope nou ganny tou sa bann Seselwa sa 2000 a 3000 ki’n perdi zot louvraz e ki pe ganny sibvansyonnen e mon asire i mwens ki sa ki zot ti abitye gannyen, nou pe met zot premye.

Nou pe dir i annan loportinite ki pe devlope Sesel nou, nou pe koz ek bann akter ki konsernen dan sa lendistri pou fer sir ki ou osi ou ganny en bout dan sa nouvo biznes ki pe arive Sesel.  Alors sete en pti pe, sa lide ki mon pe anmenn sa kot mon krwar i devret annan tou sa zefor pou Gouvernman vreman sepa li ki pe fer biznes me se li ki aprouv GOP, se li ki zer lekonomi, se li ki pey sibvansyon e li i devret alors zwe en rol tre, trez, enportan pou kordin sa zefor pou fer tou nou Seselwa ki pa pe travay konmans ganny en lipye dan en lendistri ki mon espere i devlop bokou pli vit vi ki la Erport pe al ouver.

Alors Mr Speaker pou mon konklir, yer zis dan en diskisyon avek en koleg lot kote latab mon pa pou nonmen lekel i ti dir be i krwar sa Mosyon kot in arive la in mor.  Konmsi in expire son letan.  Mwan mon le dir mwan mon le dir sa Onorab selman nou ti pe fer en diskisyon.

Mon le dir sa Onorab COVID la i pou ek nou pou en kantite letan.  Mon krwar i pou ek nou pa mon espere i al vit.  Me COVID probableman pou reste avek nou pou en pe letan e nou, nou pou bezwen konman en pei aprann adapte pou viv avek COVID, me an menm tan fer fonksyonnen nou lekonomi.

Alor toultan pou annan loportinite pou koz lo sa topik.  Toultan pou annan.  E sa i zis enn.  Sa mwan mon Mosyon i vreman lo sa bann travayer.  Mwan mon, mon pe demann avek tou Lotorite sirtou apard bann akter ki zot devret toultan reste alert, e azir dan en fason e fer zot fer tou zot aksyon dan en fason ki dinamik.  Parske sityasyon i dinamik, zis parey la nou’n ganny demann pou sa bann etranze vin Sesel. Nou’n bezwen rod en fason les zot antre, san neseserman dir zot be al reste dan landrwa karantenn.  Nou’n karantenn zot selman dan en fason ki an menm tan zot pe enjoy an menm tan zot travayer pa prezant en menas pou nou e nou kontinyen viv.

Mon krwar se sa fason ki nou bezwen adapte tou sa ki nou fer a lavenir an rezon COVID.  E mon krwar sa ki pli enportan pou nou ozordi kot nou’n arive se rod tou keksoz ki pe afekte nou dan COVID e rod en solisyon.  Si nou pe mank deviz annou rod en fason pou nou ganny otan deviz.

Si fodre dan en fason diferan me ganny sa deviz ganny sa turnover ki pou donn nou tax ki kapab fer fonksyonn en Gouvernman.  Rod Seselwa aletranze, ki kapab retourn Sesel pou kapab donn en koudmen.  E la mon ti a kontan dir en pti mansyon spesyal pou bann etidyan ki’n fini zot letid.  I posib i annan ki’n travay oubyen in etidye tourizm annou fer tou fason pou fer sa bann Seselwa tournen.

E i annan lezot Seselwa ki’n al fer training pa neseserman dan tourizm, zot kapab al training pou militer zot kapab al training pou lezot keksoz,  medikal par egzanp annou fer zot tournen si zot in fini zot biznes aletranze.  Annou pa rod leskiz poudir ki swa nou napa landrwa pou met zot an karantenn, oubyen i annan lezot kontrent annou rezourd sa bann kontrent mon asire i annan kontrent.  Me nou bezwen rezourd sa bann kontrent e regard li dan en fason pozitiv.

Par egzanp si nou pe koz lo etidyan enn bann largiman ki mon’n tann nonmen sete ki i kout larzan pou ou kapab met en dimoun ki retournen dan karantenn Sesel. I koute e byensir i vin en lour lo Bidze.  Me i egalman en lour lo Bidze si en etidyan ki ou’n anvoy li etidye, pou ou gard li dan en pei etranze.  E probableman pli ser.

Alor nou bezwen regard li pa zis lo sa Bidze COVID me lo son lenplikasyon, pou pei.  Parske i egalman en kou.  E si ozordi i annan en nesesite, akoz nou annan bokou lasanm vid, pou nou pei pou nou ganny lasanm pou nou met an karantenn, avek resours ki i al avek parske i pa zis i pa osi senp ki zis dir sa, annou rod sa bann solisyon.

E annou fer le arive pou ki tou Seselwa aletranze i kapab tournen, tou Seselwa ki pa travay ozordi ki anvi travay, e loportinite i prezante e nou kapab ranplas en etranze parske nou annan en Seselwa kalifye ki prodiktiv ki pou travay Vandredi ki pou travay Lendi, e ki kapab ranplas li annou rod fason pou nou fer sa arive akoz i pou dan benefis Sesel.

Se sa fason ki mwan mon krwar Mr Speaker ki Sesel i bezwen regard son lavenir sirtou avek sa problenm COVID ,e pli enportan nou bezwen ki bann Lotorite i pran desizyon.  E zot pran bann desizyon ki ferm, ki ganny fer vit e ki toudswit nou tou nou vwar en direksyon.

Vwala Mr Speaker mon pe alors enplor Gouvernman pou adopte en dyalog, me en vre dyalog ki reel e pou konsilte tou bann akter konsernen dan nou devlopman sirtou la avek sa sityasyon COVID.  Mon ti a kontan zis dir poudir Sesel i pou nou tou alor annou fer sa arive, annou fer Sesel vin enn ki vreman pou tou son zanfan.  Mersi Mr Speaker.

 

MR SPEAKER

Mersi Onorab Afif.  Bon okenn Manm ki segonn Mosyon.  Yes Onorab Ferrari.

 

HON JEAN-FRANCOIS FERRARI

Mersi Mr Speaker.  Mon ti a kontan segonn sa Mosyon e avek ou permisyon dir detrwa mo.

 

MR SPEAKER

Go ahead Onorab Ferrari.  Mosyon in ganny segonde.  Ou kapab entervenir.

 

HON JEAN-FRANCOIS FERRARI

Mersi Mr Speaker.  Mr Speaker e avek plezir ki mon’n segonn sa Mosyon e akoz i lo en size ki mon’n diskit bokou avek lendistri dan sa peryod COVID e bokou dimoun lo nou kote latab otour bann Manm in angaz li pou sey gete ki mannyer, lanplwa pou nou bann frer ek nou bann ser Seselwa i kapab reste en size priyorite lo latab.

Mr Speaker sa Mosyon i fer referans avek Lendistri Touris me selman mon ti a kontan osi tous lezot sekter, akoz parey zot konnen sa, sa pandemi pa pe afekte zis Lendistri Touris, me osi lezot, lezot sekter ki, ki osi pe, pe sipoze pe kontribye en bon pe pou lekonomi nou pei.

Mr Speaker, nou pe rod lanplwa pou Seselwa, lanplwa pou nou bann ser ek nou bann frer Seselwa.  Alors nou ava konmans koumsa.  Ler nou ti pe diskit Bidze siplemanter 1.2 bilyon enn bann size ki’n ki mwan mon’n ensiste en pe lo la, sete pou nou rod, bann fason pou nou sey gete si bann etranze ki pe travay Sesel napa posibilite pou zot retourn dan zot pei atandan ki botan i fer.

Mon ti dir ki tou travayer etranze zot vin Sesel pou zot travay.  Pa pou zot asize.  E si en anplwayer napa en travay pou donn zot, savedir i pa fer okenn sans ki sa dimoun i la.

Me Gouvernman ti desid en lot fason.  Gouvernman ti deside ki pou premye 3 mwan, Avril, Me Zen zot pou osi pey bann, travayer etranze laplipar zot ki isi Sesel e sa in kout in kout nou mon krwar apepre pros R80milyon par mwan pou sa premye 3 mwan COVID. 

Ozordi nou pe fer fas avek en sityasyon kot nou’n nepli kapab peye sa kalite depans.  E Gouvernman atraver Minister Finans in anonse ki pou mwan Zilyet Out ek lezot ziska Desanm bann konpannyen pou ganny lasistans saler me, sa Scheme FA4JR pou aplik prezan dorenavan zis pou Seselwa.

I montre ki mannyer sityasyon in evolye sitan vit.  E in montre ki mannyer in vin en gran lirzans Nasyonal pou protez lanplwa Seselwa. Me selman avan mon al pli lwen dir fer, byen kler ki nou isi dan LDS, nou rekonnet nesesite pou annan travayer etranze dan Sesel.  Nou rekonnet sa nesesite.  Nou rekonnet ki i annan serten lendistri, serten travay spesyalize serten fonksyon dan serten biznes kot nou napa ase travayer kalifye ki kapab pran sa bann travay.

Alors nou, nou pa dan en sityasyon pou nou dir ki fodre pa annan travayer etranze Sesel.  Sa i pou en largiman ki bet.  Nou lendistri pou bann rezon ki zot, zot konnen ki nou, nou konnen in evolye e in devlope baze en kantite lo travayer etranze.

En kantite lotel pa ti pou kapab fonksyonnen si ti napa e group travayer etranze.  Lendistri IOT pa ti pou kapab fonksyonnen si ti napa en group travayer etranze.  Me selman sa ki’n arive sa bann dernyen lannen se ki in vin tro fasil pou nou anploy travayer etranze.  In vin en palto fann deryer.  Ou ganny en problenm ek en travayer Seselwa, premye keksoz ki ou fer ou al rod en GOP.  En travayer i vin vwar ou pou li diskit son kondisyon travay, ou dir avek li si i pa kontan ale ou ava rod en GOP. 

        Se sa ki mannyer sityasyon in evolye sa bann dernyen lannen.  E malerezman parey Onorab Afif in swete vwar ki Gouvernman i kordin en nouvo lapros, Gouvernman pa’n kordinen, Gouvernman in les bato marse e in les sa sityasyon derape !

Menm ki mon a pran en legzanp.  Mon krwar zot tou zot rapel en lanons ki ti fer i drayver pickup pa pou kapab annan drayver pickup ki etranze.  Mon krwar zot tou zot in rapel sa.  I ti tenir sa ti en desizyon en Polisi decision Gouvernman ki ti tenir en semenn.  Apre en semenn zot ti fer en gro lanons apre bann drayver etranze in kontinyen, in rekonmans anmenn travayer dan bomaten, in rekonmans sarye makadanm e, e lezot keksoz in e in al pli lwen ki sa.

Gouvernman ki ti sipoze protez sa, sekter nou lekonomi ki annan bann drayver in li menm atraver SPTC fer vin bann drayver etranze.  In permet lezot konpannyen pou fer vin drayver etranze, menm bann Lazans Touris fer vin bann drayver etranze e sa in al an deor kontrol !

Ozordi kot ou pase ou vwar bann transpor pe sirkile avek bann drayver etranze.  Mwan pou mwan i fer mon tris.  I fer mwan tris e i fer ankoler akoz, akoz i pa akseptab ki en desizyon i ganny pran, me selman i pa ganny aplike. E sa nou’n vwar sa tro souvan dan Sesel, en lanons poudir pou sever lo seat belt zis en semenn, sever lo bann larou ki lapo bannann zis 2 senmen.  Konmsi tou sa bann keksoz i ganny anonse mobile ek drayver ki pe servi mobile 3 zour apre 3 zour nou rekonmans ankor.

Konmsi, konmsi nou lanmizik for par egzanp.  Nou’n dir sa nou’n tande, bliye.  Konmsi mwan mon dan en mon enn sa kalite dimoun ki fatige vwar zis tann bann lanons apre napa nanryen.

Konmsi ou a krwar en, Gouvernman ki personn pa ekout sa Gouvernman.  Sakenn pe fer pou li.  Se pou sa ki mwan mon pe larger pou nou annan en nouvo sistenm dan sa pei.  En sistenm kot ler nou tou nou’n dakor pou fer keksoz nou fer li.

E dan lanplwa si konmans par met quota, ti dir par egzanp dan Lendistri Touris ou ava annan sepa 30poursan travay etranze apre in monte 40, 60 i annan ki mon krwar Zil Pasyon Zil Pasyon li i probableman i 95poursan etranze.  Konmsi napa en sistenm, napa en standar!  E pourtan Mr Speaker e pourtan nou pe train nou bann zenn pou zot pran bann plas responsabilite dan sa bann lotel.

Konmsi ennler mon demande si personn dan Gouvernman pa mazinen sa ta larzan ki nou pe depanse pou anvoy nou bann zanfan Shannon, eski nou napa en responsabilite pou nou fer sir, ki zot antre dan lanplwa, e ki zot progrese, e ki en zour parey ti ete lontan,  mon pa konnen kekfwa bann ki mon laz mwan mon enn bann pli vye ki rapel depi lepok Always ki mannyer nou ti annan bann manager lotel bann gran lotel bann manager gran lotel Seselwa.   Mr Walter Confait, Mr Alain St Ange, Mr Joubert, Mr Jean-Paul Barallon. Be nou ti annan nou!   Mr Michel Marie, sa ti dan bann lannen zis otour Lendepandans apre zero, zero.  E ozordi nou annan en Mosyon devan nou ki dir annou profit sa moman COVID, pou nou dir pou nou re pou nou zet en nouvo regar lo lanplwa pou nou bann ser ek nou bann frer Seselwa.

Mr Speaker mwan mon dir i tro fasil pou zis ale al rod en GOP.  Gouvernman in fer li tro fasil!  In vin parey mon’n dir pli boner en palto fann deryer.  Nek nou ale nou rode e mon vwar bann dimoun prezan tou dimoun i le son etranze.  Tou dimoun i le son Bangla, son Indien, son Sri Lankan, son Filipino.  Tou dimoun i le.

Akoz tou dimoun pe gannyen.  E finalman napa okenn kontrol.  Mwan mon ti a kontan vwar en Gouvernman ki determinen pou protez lanplwa e pou ankouraz lanplwa Seselwa.  E malerezman mon pa vwar !

Mon ava dir zot akoz i tro fasil pou ganny GOP.  Annou pran sa lendistri ki bare boat charter yachting, sa i en lendistri ki nou’n koz lo la e nou lager dan plizyer forum e mon zanmi Gilbert Victor in dan tou sa bann deba lo sa bann keksoz.

Pou li dir e fer tande son lavwa,  ki i tro fasil pou bann ki annan bato ki fer charter ki fer vin etranze.  Akoz i fasil ?  Akoz i pli enteresan?  Akoz sa skipper etranze la li menm li ki pou kwizinyen abor, li menm ki pou gardyen abor, li menm li ki pou sekirite abor ler bato i anmare Eden Island oubyen en lot landrwa.

Savedir dan en dimoun ou ganny ou 3 louvraz.  Li menm li ki pou fishing guide.  Li menm li ki pou, fer tou sa bann keksoz.  Tandis ki en Seselwa ler in ariv 5er e napa charter i bezwen mont kot son fanmir.  I annan en madanm, i annan zanfan, i annan en lakour e ou pa kapab servi li alors ou pa pran li.  Ou rod en etranze ki li e mon krwar Onorab Gill i ava dakor avek sa,  ki li sa etranze i vin preski ou lesklav.

Son landrwa reste, son lakaz reste se sanmenm sa bato, son landrwa dormi, se sanmenm sa bato, son landrwa bennyen manze i sanmenm sa bato alors i parey dan en kaso.

Alors sa dimoun ki anploy li i kontan.

Me nou, nou bezwen regard otour nou e gete poudir sa i bann lanplwa ki Seselwa kontan ki nou pe fer pou nou fer li pli fasil, pli enteresan pou anploy Seselwa e pli difisil pou anploy etranze !  I pa en kestyon nou pa kontan etranze, oubyen mon pa kontan etranze.  I en kestyon ki mwan e nou konman bann Manm Elekte dan sa pei, nou’n ganny elekte pou nou protez lentere nou bann frer ek nou bann ser!

Si i annan en MNA Filipino li i vin laba Manila i ava pran lentere son bann ser ek son bann frer.  Nou, nou la pou nou pran lentere nou bann frer ek nou bann ser Seselwa.  Se pou sa ki nou dir ki nou anvi sistenm ki favoriz Seselwa!  Nou anvi ki Gouvernman i pran li os serye sa zafer sa zafer replacement dan bann management dan bann lotel.  Ou pa zis vini al dan bann lotel sipliye azenou avek zot dir zot silvouple promot mon, Seselwa ou bezwen annan en kad e ou bezwen annan kapab montre poudir ou’n fer keksoz.

E sa largiman mon bann koleg sa largiman ki mon’n tande erezman mon pe tann de mwenz an mwens ki Seselwa i pares, mon pa le tande ankor dan sa pei.  Seselwa pa pares li.  Seselwa se bann travayer !

Onorab Pillay ou a ganny ou sans koze taler ou tenir ou pozisyon ou ava koze taler ok ?  Aret malelve !  Mon pa anvi tande sa bann parol ki Seselwa i pares, parey Msye Rene ti dir en fwa ti dir Seselwa i voler !  Sanmenm ….

 

(Off-Mic)

 

HON JEAN-FRANCOIS FERRARI

I ti dir!  Les mwan koze.  I ti dir sanmenm sa i ti pe rod Indien pou fer marse STC ok?  Mwan mon le arete sa bann keksoz koumsa !  Nou bann Seselwa nou bann ser nou bann frer Seselwa i anvi travay me selman i anvi ganny rekonpans dapre zot travay ok?  Se sa ki zot anvi! Zot ankoler ler zot vwar en dimoun ki li i mwen kalifye ki li i pe ganny plis ki li.  Zot anvi ganny rekonnet.  Zot pa anvi ganny konpare avek en etranze akoz zot parey mon’n dir zot annan en lakaz, en lakour, en fanmir ki zot bezwen ale e zot pa kapab nou pa kapab dan en sityasyon kot ‘’ar entel mon dir li vin fer overtime i pa oule fer overtime !’’ 

        Me i annan overtime i pe fer kot son lakour li!  Nou bezwen konpran sa.  E se pou sa ki Onorab Ramkalawan in deza anmennen Mosyon dan Lasanble, pou gete ki mannyer bann lotel e ki mannyer IOT e nou remersye bann ki’n fer sa bann zefor, i kapab met Seselwa lo shift lizour akoz zot pa’n atir zot travay i diferan ok?  E ki zot bezwen retourn kot zot lakour.  So fer zefor pou met zot travay lizour dan bann lotel osi fer sa bann keksoz koumsa!

Se tousala ki nou pe sey demande pou nou rod bann nouvo fason pou nou enteres e nou pou nou gard Seselwa dan lanplwa.  E la mon a dres mon ek bann managers bann propriyeter aret, aret krwar ki etranze i pli bon !  Aret krwar ki etranze i pli reliable. 

        Mwan mon kapab dir zot i annan ki dir ‘’ar bann zenn Seselwa pa le travay !’’  Ki mannyer mwan mon kapab dir zot dan laboutik mon madanm anvil i annan de zenn ki zot tou lede zot in ariv 7an travay.  De zenn zot pe travay.  E zot kontan zot travay.  E zot pe debourye, zot pe zot larzan pe ogmante zot benefis pe ogmante.  Si ou tret ou Seselwa byen ou pou gannyen travayer !

E menm e menm la mon dir dan sa lendistri retail la, dan retail annou met en fason pou nou kapab fer ki Seselwa i kapab ganny anploye dan sa lendistri ok?  I enportan ki nou fer sa.  Nou pa kapab zis dir me nou bezwen fer.  Nou bezwen fer sa bann keksoz.

Mr Speaker dan lendistri touris dan lendistri touris si nou krwar poudir en zenn pou antre zardinyen e i pou sorti zardinyen, nou pou perdi li.  Lendistri i bezwen rod en fason pou donn li en karyer pou li kapab fer bann design, bann floral design bann redevelop bann sistenm zarden, bann sistenm fore.  Se bann keksoz koumsa ki nou bezwen fer.  So nou bezwen annan en plan pou nou bann zenn!

E malerezman nou pe zis kit sa dan lanmen bann otelye.  Ler bann travayer i kriye nou ale, nou vwar bann otelye nou dir zot nou sipliy avek zot, apre naryen pa ganny fer.

So mwan mon a pran en 3enm legzanp.  E sa i devret fer nou onte sa.  Nou annan en lendistri lapes ton, nou annan en lendistri lapes ton, ki annan plis ki 35an legzistans.  La ler mon pe gete konbyen dimoun ki ti ki’n tonm anba Scheme bann ansyen marin pêcheur i annan 150 apepre.

Dan 35an nou annan ou 150 dimoun ki’n train e zot, zot pe vye, zot in retire laplipar antre zot e napa bann zenn ki pe antre.  Akoz?  Akoz nou pa’n pran nou responsabilite konman en Gouvernman pou fer sir ki sa bann dimoun devret peye mannyer zot devret ganny peye.  E la nou bezwen taye prezan al rod en larzan met dan Bidze pou pey sa bann zans zot larzan ki nou pa’n donn zot.

Me nou en Gouvernman totalman iresponsab si nou fer sa bann keksoz koumsa!  Nou pa kapab nou dir nou kontan nou Seselwa.  Nou pa kapab dir nou kontan nou travayer kan pandan 35an nou konnen poudir nou Seselwa pe ganny mal peye, nou pa fer nanryen?  Me ki mannyer nou espekte sa travayer pou li kapab antre e reste dan sa lendistri,  e en zour vin en kaptenn bato?  Oubyen vin en patron pêche  si nou Gouvernman pa met an  plas bann striktir?

Mr Speaker dan tou maler i annan bann loportinite ki prezant son lekor.  Ozordi dan COVID en bon pe travayer etranze in reste pri an deor Sesel.  I annan en pe ki pe ganny rapatriye dan zot pei.  E sa i ofer nou en loportinite pou lanplwa pou lavenir.

Mwan konman Chairman sa Komite, lo repons Gouvernman o size COVID-19, se en lapel ki mon pe lans Minister Lanplwa, pou anmenn ansanm tou bann dimoun ki annan bonn volonte, ki annan bann bon nide pou gete ki mannyer nou kapab annan en lapros lonterm.  Pa zis tenny en dife la, tay laba, tenny en lot dife laba, rod 50 louvraz isi 50 dyob isi, fer sa pa zis fer i byen mon kontan mon ler  mon tande nou dir nou pe al fer re lafore stasyon Praslin.  Mon kontan Praslin mon zil, zil Onorab Ramkalawan.  Nou kontan tande sa.  Be nou eski i bezwen vin zis en reaksyon akoz i annan en problenm napa louvraz.  Akoz nou pa kapab asize gete o nivo Nasyonal.  Ki mannyer nou kapab devlop nou fore kree lanplwa pou nou bann dimoun permanan.  Devlop nou lanvironnman, fer ki nou lanvironnman sa bote ki nou annan i anmenn reveni pou nou Seselwa nou pa zis asize dir nou pli zoli pei dan lemonn.

Nou fer sir ki zoli pei i anmenn flous i anba cash i anmenn manze lo latab nou bann manman e nou bann papa Seselwa.  Se sa bann keksoz kou sa ki nou anvi ki Gouvernman, i reflesir lo la.  E o moman ki mon pe siport sa Mosyon, mon lans en lapel avek Gouvernman ankor enn fwa poudir avek zot, se ansanm ki nou pou reisi.  Se pa tousel, se pa zis asize avek en pti group souvandfwa bann yes men ki pa kapab dir naryen, ki per.

Ki nou pran bann dimoun lanmenm la otour nou, ki nou konnen zot pou dir nou menm keksoz toultan, zot pou siport nou.  Me selman nou pran tou Seselwa.  Tou bann dimoun ki annan bonn volonte nou anmenn zot ansanm pou nou gete ki mannyer nou kapab fer plan vreman solid pou lavenir.

E sa plan i devret, mon redir ankor i devret baze lo sa loportinite ki COVID pe donn nou, pou nou regard nou Seselwa.  Ed zot.  I annan posibilite.  La nou’n tande poudir kot IOT i annan dimoun ki’n vini ki’n vin pran louvraz.  Be i fantastik! Mwan pou mon i sa bann keksoz ki mon ki lanmizik dan mon zorey sa bann keksoz koumsa.  Me selman mon pa anvi tande demen ki zot in vini apre zot in ale akoz kondisyon pa bon.

Annou sey gete ki mannyer nou kapab nou kapab enforce bann kondisyon travay bann kondisyon reminerasyon, ki atiran kot dimoun i anvi reste dan sa louvraz. Ok?  Annou vwar poudir annou vwar annou konpran poudir nou Seselwa wi zot demann en pe plis, ki bann etranze.  Zot demann en pe plis konsiderasyon ki bann travayer etranze.  Akoz en Seselwa li i pa pou aksepte pou li reste dan en container, ki ou bezwen tak li aswar apre larg li demen bomaten.   I pa pou aksepte sa !

I bezwen annan bann kondisyon i bezwen ariv kot li kot son lakour, ou konpran?  Donk sa bann keksoz koumsa se sa bann keksoz ki nou bezwen fer pou nou kapab remet moral dan nou travay Seselwa.

Akoz zot menm zot, zot in dir lasistans pou fini en zour.  Nou bezwen al dan travay.  E mwan mon felisit Onorab Afif ki’n met sa devan nou.  E ki bann lotel si fodre prezan Gouvernman i a vin avek bann sistenm kot nou ava enforce bann kotaz.

E sirtou e sa i en pwen enportan, arete avek sa sistenm Certificate of entitlement.  Arete ! Mon pa konnen si zot konnen ki savedir en Certificate of entitlement.  Mon ava dir pou piblik ki pe ekout nou, en Certificate of entitlement se ki ou annan drwa fer vin en etranze, i dan en quota e ou kapab fer vin nenport etranze ki ou anvi.  Tan ki ou annan en entitlement pou 20 etranze, pou 30 etranze pou 40 etranze zot nepli demande lekel sa etranze?  Ki i pe vin fer?

Zot pa demande si i pou vin en sekirite lo baro, si i pou vin en zardinyen, si i pou vin en cleaner dan lakwizin, si ou pou vin en manager.  Mwan mon fek vwar mon fek felisit IOT.  So mon kapab prezan tap zot en pti kou, akoz mon fek vwar ansanm avek GOP pou zot General Manager ki mon konnen depi Fevriye  i en msye sorti Portugal i pe i pa ankor ganny sans ariv Sesel.  Son GOP in pare. Me selman an menm tan ki zot ti dir poudir zot pa pou donn nouvo GOP apre sa mon’n vwar GOP pou 3 drayver.  E i la avek mon laprev pou bann ki’n vwar.  3 drayver.

Prezan mon bezwen demande, me nou’n dir nou pa pe donn nouvo GOP, ki mannyer nou pe donn nouvo GOP?  E ki mannyer nou pe donn nouvo GOP pou 3 drayver?  Tou Seselwa ler nou ti zenn nou tou nou ti anvi dray en trakter.  Nou tou nou ti anvi dray en konminyon.  Seselwa i kapab fer sa louvraz.  I zis bezwen ganny lankourazman ki neseser.  E sa anplwayer i bezwen fer en zefor pou li adopte e adapte avek Seselwa ki pa parey etranze, ki etranze in vin zis pou travay, Seselwa li i annan en fanmir i annan en lavi mon pa pou revin lo la ankor.

Alors Mr Speaker, mon sipliy bann Manm, ki lo kote Gouvernman lo kote Egzekitif, pou anvoy sa mesaz devan.  Akoz Egzekitif pa oule koze avek Lasanble.  Nou’n fer en Komite nou’n anvi nou’n demande nou’n anvoye mesaz.  Nou’n fer lezot rezolisyon, not!  Naryen.   Zot pa oule!  Zot le rezourd sa zot menm.  E pourtan nou, nou annan bann nide, nou annan sa bann propozisyon pou fer.  E i dan lentere Sesel.

So mon ti ava demann zot ler zot siport sa, sa Mosyon mon konnen ki Onorab William pou siport sa Mosyon akoz Onorab William i enn bann dimoun ki lo sa Komite ki’n vreman ki Vice-Chair sa Komite, ki pe vreman pouse li osi,  pou ki Lasanble i ganny ekoute.  I pe vreman pouse pou ki son bann ser ek son bann frer dan distrik Grand Anse i ganny enkli dan sa linisyativ, dan sa nouvo Sesel.

Alors mon pe envit zot, zot osi pou anbark dan sa nouvo Sesel,  avek tou konfyans avek tou senserite.   Anbarke e, siport Onorab Afif dan sa travay ki i pe sey met devan e nou pou annan en pli bon pei a lavenir.  Mersi Mr Speaker.

 

(APPLAUSE)

 

MR SPEAKER

Mersi Onorab Ferrari.  Onorab John Hoareau.

 

HON JOHN HOAREAU

Mersi Mr Speaker.  Bonzour tou dimoun a lekout.  Mr Speaker sa Mosyon ki devan nou i annan en gran merit.  Si nou get ozordi statistik dernyen ka 2019 in montre ki ti annan 37,409 anplwaye dan sekter prive.  Dan sekter Gouvernman, ti annan 10,513, parastatal 7,882, e dan sa 37,409 anplwaye i pou annan apepre 4000 travayer avan lannen fini ki pou perdi zot lanplwa.  E sa Minister Lanplwa ki’n dir.

Bann lendistri small and medium enterprise, i espekte downsize apepre 20poursan.  E se la ki nou vwar en Mosyon ki pe demann nou Gouvernman pou reget dan fason anmenn en dyalog avek bann lendistri dan Sekter Touris e reget dan fason ki bann lanplwa i re ganny kree e donn nouvo loportinite pou bann dimoun ki kalifye pou pran bann lanplwa.

Mr Speaker, nou vwar deza i annan de Scheme ki’n met an fors.  I annan sa ki apel URS li i pe get en pti pe lo bann prizonnyen ki’n release, bann first time employees, bann dimoun ki pe pran en premye lanplwa e bann graduates. 

        I annan osi en lot, ki pe ki apel SETS i en konpannyen in ganny kree konman en konpannyen, akoz pou li ganny sa baz legal, e li i pe target Social Public Institution pou support.  E i pe donn lanplwa si oule, bann dimoun ki relye avek travay lakominote, lanvironnman e bann special public work.

Mr Speaker sa lakonpannyen son CEO ti fer resorti ki i pe ganny problenm zisteman pou met dimoun dan lanplwa dan nou de zil prensipal apard Mahé, Praslin ek La Digue.  Akoz i pe ganny problenm?  Rezon i fasil set akoz sa de landrwa sa de zil; zot ekonomi i preski 99poursan antour par sa par tourism industry.  Ok aktivite konn li prensipal se tourism industry dan sa de landrwa.

Alors si touris pa pe vin konman i ti pe vini avan bann landrwa pe downsize i vreman difisil pou vwar en plas pou met sa bann dimoun.

Alors sa Mosyon pe demann en konversasyon avek sa bann sekter dan tourizm.  Sa bann lotel, sa bann lezot dimoun ki annan bann akter prensipal pou kapab rod bann nouvo fason pou kree lanplwa pou sa bann dimoun.  Sa dyalog osi i pou enportan pou ki sa bann dimoun ki pe – bann, etranze ki pe ale, i ganny ranplase par bann Seselwa.  E se sa sort of revolisyon si oule ki nou pe sey met devan ki nou pe sey anmennen, sa lalit, pou ki sa bann dimoun ki’n ganny ki’n ale i ganny ranplase par bann mendev lokal.

Mr Speaker avek en koze ki mon’n gannyen avek serten zabitan dan bon distrik i dir mon be akoz ki an vi ki SETS pe ganny sa larzan ki Gouvernman in donnen konman salary Grant pou sa bann dimoun pou tenir zot dan lanplwa e i a pe met zot dan bann diferan progranm dan kominote lanvironnman,  akoz i pa extend pou al lo private sector akoz an vi ki sa larzan osi ti pou sipoze ganny donnen avek private sector pou kit lanplwa sa bann dimoun.

Akoz zot pa al sa de nivo pou pey en pe oubyen parsyelman, oubyen dyaloge ek sa bann dimoun gete ki fason ki modalité pli bon, pou zot kapab osi ganny sa bann dimoun pou al travay dan bann dan konstriksyon dan lezot keksoz ki private sector i ofer.

En fason ki pli tar petet sa bann dimoun i a ganny anploye konman bann anplwayer permanan avek sa bann dimoun.

Mr Speaker i fer mwan lapenn ler mon get kot SHTTC ki apre 10an korperasyon avek Shannon College kot 62 etidyan ziskan senkyenm Cohort in ganny in graduate.  E la sizyenm Cohort nou annan ankor 14 etidyan.  Sa bann manrmay in train SHTTC ok.  Ok yes Lekol Lotel, sa bann manrmay in ganny train e zot module i kouver diferan size parey;- accounting, business management, finance, ospitalite, human resources. 

        Savedir zot spesyaliz zot pa neseserman bezwen travay zis dan lotel.  Zot kapab osi travay dan lezot sekter ki kapab ofer sa bann dyob ki relye avek sa ki zot in etidye.  Me ozordi ki nou vwar sa Gouvernman napa en dyalog avek sa bann zenn.  Nou’n vwar poudir demen apredmen ler bann etidyan i graduate kot lekol otelyer ki bor zot pou ale?  Eski i annan en dyalog ki pe, ganny fer avek sa bann zenn, eski sa Gouvernman i enterese pou vwar ki laspirasyon sa bann zenn, kote zot anvi ale?  E pe get ki fason kapab ed zot pli byen pou ankadre zot dan en louvraz ?

Apre tou en zenn ler in fini etidye i ti a kontan son first job pou li kapab ganny son larzan dan son lanmen e konmans son lavi konman en adilt.  Mr Speaker i malere parey mon’n dir nou pa vwar 162 zenn ki graduate Shannon College.  Nou pou vwar zot dan nou top management dan nou bann lotel.

Nou annan osi parey sa ki’n koz avan mwan msye Onorab Ferrari in dir bann skippers etranze ki pe ganny anploye Sesel,  ozordi nou annan nou lekol maritim ki prodwir sa bann dimoun.  Me sa bann dimoun zot vwar zot ganny defavorize  akoz plizyer rezon.  E bann rezon in ganny size.  Nou pou annan potansyelman serten parastatal osi ki pou kapab petet fer redundant.  Par egzanp ler mon pe mazin lo Air Seychelles ki en bann airline e tou parey tou bann airline dan lemonn zot pe rankontre en kantite difikilte e petet i pou annan serten, desizyon ki pou ganny pran.

Me ankor eski nou pe mazin a lavans pou kapab der en dyalog pou met sa bann dimoun dan bann diferan sekter dan touris.  Ok?  Nou pe get nou etidyan dan Liniversite Sesel, ki pe fini avek bann Degre e kot TGMI osi bann Degre dan comptabilité dan human resources.  Eski nou pe gete ki fason nou pou kapab re entegre sa bann dimoun dan bann diferan plas, pou nou kapab fer kontinyen nou lekonomi pou lekonomi kapab kontinyen prodwi?

Mr Speaker nou annan etidyan lagrikiltir ortikiltir, akoz ki ozordi en etidyan ki fini avek en Degre en sepa en Diploma dan ortikiltir i pa kapab vin en landscaper kalifye.  Akoz napa sa Scheme ki kapab permet li join landscaping e monte montre son nivo ziske ler i vin en landscape architecture? 

        So sa bann keksoz koumsa i manke sa dyalog parey sa Mosyon pe demande pou koz avek sa bann akter, e gete ki fason sa bann dimoun i kapab entegre dan nou dan sa nouvo normal pou kapab, ranplas en pe bann etranze.

Mr Speaker nou annan osi bann etidyan lar bann etidyan prodwir bann prodiksyon artistik.  Zot osi fodre zot pa ganny oubliye.  Zot osi zot kapab ganny entegre dan sa nouvo normal e ranplas bann etranze ki pe fer oubyen ki dan sa bann travay.

Avek sa Mr Speaker akoz mon pa pou tro long lo la.  Me selman mon ti a kontan fer resorti poudir i enportan i enportan pou nou annan sa dyalog sa konsiltasyon avek sekter prive e sa e kapab vwar ansanm ki meyer fason pou kapab entegre sirtou nou bann zenn, bann dimoun ki pe al ganny zot premye lanplwa dan sa nouvo normal.  Mersi.

 

MR SPEAKER

Mersi Onorab Hoareau.  Bon nou pou aret la pou nou adjourn e mon annan zis en pti lanons Bills Committee pe rankontre dan Committee room 3 toudswit konman nou adjourn la.  Nou pou adjourn e nou pou repran nou travay 2er edmi apre midi.

 

(BREAK)

 

MR SPEAKER

Bonn apre midi tou manm Onorab, e bonn apre modi tou dimoun ki a lekout, e pe swiv travay Lasanble Nasyonal. Nou ava kontinyen deba lo Mosyon ki’n ganny prezante par Onorab Ahmed Afif bomaten. E, Mosyon i li comme swivan;- Swivan lefe katastrofik ki COVID-19 in anmennen dan nou sekter touris e avek bi regard li a nouvo, Lasanble Nasyonal i demande ki tou bann akter dan sa lendistri i zwenn ansanm pou ofer bann nouvo loportinite lanplwa pou Seselwa kalifye e tou lezot dimoun.’

Bon, nou kontinyen avek deba, e mon ava pas laparol avek Onorab Johan Loze.

 

HON JOHAN LOZE

Mersi Mr Speaker. Bon apre midi Mr Speaker. Bonn apre midi tou Manm koleg Onorab.  Bonn apre midi tou dimoun a lekout kot lakour.  Mr Speaker, dan parol nou gran santer David Philoe, Sesel i apel nou pei, e i vre ki i en pti paradi. Mr Speaker, Sesel i nou patri.  I nou devwar travay pou li. E sa santiman, mon krwar i partaze par nou tou isi anndan.  Mon pou repet en parol ki mon ti dir depi lo komansman ki mon ti antre dan sa Lasanble. Napa personn isi anndan ki’n antre dan politik avek move lentansyon. Tou politisyen, ki asim en responsabilite Leadership, i fer li avek bon lentansyon. I fer li pou a port dibyen pou son pep, son kominote, son fanmir, e pou li menm.

Nou annan nou en devwar anver nou pep, nou pei, nou fanmir e nou menm, pou et fran, pou et vre, e pou enterpret la realite, sityasyon global, mannyer ki i ete. Yer, Onorab Pillay in sey pran serten pozisyon vizavi bann demann e lekspektasyon ki nou kree. Serten in enterpret li dan zot fason pou zot. Be nou annan nou en responsabilite dan sa pei, e nou bezwen et fran avek nou pep.

E nou bezwen koz laverite avek tou dimoun dan sa pei. Laverite se ki sityasyon lemonn i pa bon. Sityasyon ekonomik mondyal, ekonomik outlook global i pa bon. And as an extension, Sesel osi i vwar li dan en difikilte terib.

Se sa, realite ki nou fas avek ozordi. E, se dan sa moman la, Onorab Afif i prezant nou avek en Mosyon ki personnelman, mon pa vwar naryen mal avek.  Mon krwar mon a kapab donn en sipor si i konvenkan. Which, li menm li Onorab Afif in ete ziska prezan. Domaz Onorab Ferrari in vin apre, in sey grat, grat enn de vot mannyer ki i kapab, pou sey sov son parti. Be selman Mosyon li menm, napa harm ladan. Akoz parey nou pe dir, nou bezwen travay pou nou pei nou tou, nou bezwen travay pou nou patri.

E la i en moman kot tou Seselwa ki annan bon leker, ki annan kouraz, e ki senser.  I bezwen vin devan pou li travay, prouv son lekor, e montre ki i kapab fer pou son pei.

Mr Speaker, mon le komanse par, koman mon lo sa size Seselwa senser, mon le komanse par demann en leskiz. Mon le prezant en leskiz tou bann Seselwa ki’n koste, ki pe ede, sirtou lo bann High Level Committees. Bann diferan lorganizasyon, Management sa kriz, e tou.

Mon le demann en leskiz akoz mon kanmi, koman en Manm Lasanble Nasyonal. Koman en Manm sa lenstitisyon fransman mon kanmi, ozordi mon tann zot in ganny dekrir koman bann yes men. Koman bann isi, bann laba, mon pa ni anvi repete.

Dimoun pe sakrifye zot lekor, zot desann diran COVID, zot desann letan nou, nou’n ganny take anndan kot nou. E sel keksoz ki nou annan pou fer se zwe avek nou zanfan, aroz nou plant, zot, zot desann zot travay. Ozordi, zot ganny maltrete yes men. Par en dimoun ki li, i pa bezwen egzekite li, i pa bezwen carry through, lo parol ki sap dan son labous. I vini, i dir, i fer statement, i al se li, i pa fatig i plis.

I napa FA4JR pou li peye. I napa tes COVID pou li fer.  I pa bezwen asire ki pei pa mank manze. I napa naryen pou li foute, li. Li i fini i koze, i dir nenport de quoi, and that’s it.

E meyer keksoz ki nou vwar pou fer nou isi anndan, se pou apel bann dimoun ki zot, zot bezwen aktyelman egzekit lo bezwen, lo lekspektasyon, nou swe nou pep, e delivre, pa zis egzekite, zot bezwen delivre. Zot bezwen fer sir ki pei pa mank manze, zot bezwen fer sir ki nou pa run out of foreign exchange. Zot bezwen asire ki sa pandemik pa in en pti lepidemi out of control, nou napa cluster infection isi.

Zot bezwen delivre lo sa zot. Zot mank sonmey pou fer sa bann louvraz arive, e zot ganny trete yes men. E pir ankor, e mwan, mon pa ni anvi repete sa ki zot, zot dir.

Be mwan krwar, mwan, mon pou tender en apology avek sa ban dimoun. Mon pou tender mon leskiz mwan, koman en Manm Lasanble Nasyonal, akoz mwan mon kanmi. Mon konnen i annan nou isi anndan ki bann manm nou fanmir i go public, zot tret Seselwa, F Seselwa. E sa bann keksoz ki nou fer an piblik konmela dan sa pei.  Nou tret nou prop Nasyon F Seychellois.  E sa i manm nou fanmir sa, i ok pou nou, nou siporte. So, sa kalite fason, sa kalite dimoun la, i zenetik dan serten nou sa.  Mon konpran akoz prezan, bann travayer Gouvernman pe ganny trete yes men.

E, mon osi konpran, si ou’n swiv bann deba ki’n pase dan sa Lasanble depi se matin. Mon konpran mwan, egalman poudir tan ki bann supermen isi anndan, pa pe enterfer dan legzekisyon tou keksoz dan Egzekitiv. Bann rol ki nou pa’n ganny elekte pou fer, napa naryen ki byen, napa naryen ki pe marse. Napa naryen ki ok dan sa pei. Fodre sa bann supermen isi anndan zot, zot pe fer tou. Fodre zot ki pe enterfer dan tou sa bann keksoz, la keksoz pe marse dan pei.

Be i pa korek sa. I pa koumsa ki en pei i sipoze marse. Nou bezwen respe dimoun, respe nou bann profesyonnel, respe nou bann biznesmenn Seselwa ki koste ki donn en koudmen. I nou patri, i egalman zot patri, i zot pei.  I dan zot lentere fer li marse.  Napa personn ki’n ganny en monopoli pou fer marse keksoz dan sa pei. Napa personn ki’n ganny anointed above the rest pou li fer marse keksoz.  I pa koumsa sa.  I en pei, i pou nou tou.  Nou tou nou fer nou kontribisyon.  Ou’n ganny elekte isi anndan, ou fer ou louvraz isi anndan.  This is what the rest of us, nou fer.

Nou pa project nou lekor above tou lezot dimoun. Konmsi nou ki annan solisyon pou tou keksoz. E, letan nou fer sa, sa nou fer en zour sa.  Dan 3 mwan la, nou fer en complete about-turn, nou fer volte-face konplet. Nou ouver nou lebra, e nou dir bann lezot keksoz.

Mr Speaker, koman mon lo sa size ouver lebra, ozordi mon anvi ki bann siporter parti LDS i not en keksoz. Sa 200 touris odganm ki nou’n ganny dir la, touris odganm avek zot 1000 travayer ki fer 1200 zot. Ki pe anmenn 13 milyon isi laba, se si sela dan nou pei. Ki pa ase nou bezwen ankor, i bann Arab. Siporter LDS ozordi, note.  Zot kandida vis-prezidansyel in ouver son lebra gran, in akerir bann Arab dan nou pei. Not zour, ler, dat, ki zot kandida vis- prezidansyel. In ouver son lebra, Mr Ahmed Afif, Onorab in welcome Arab dan nou pei ozordi. Tou bann siporter LDS la, not aksyon zot Leadership!

E in menm dir pa ase.  Bezwen plis ankor, pou nou ganny foreign exchange.  Nou bezwen plis Arab dan sa pei. Ouver Erport, me sa i en complete turnaround sa ! Ler COVID ti premye apoz isi, Leadership LDS ti panik. Zot ti met lanmen lo latet, kriye welele frem pei take. Ti anmenn Mosyon, ti koze, napa ki zot pa ti fer. Fermen, fermen, annou fer parey ostrich, met latet dan disab kouver. Sete sa pozisyon LDS. Bann teknisyen ti bezwen travay zot, zot ti bezwen analize.

Prezidan Larepiblik, i ti bezwen travay li, i ti bezwen provide en cool, calm, calculated leadership pou sa pei. Wi, mon konnen i pe trangle ou laverite Mr Onorab Ferrari.  Mr Speaker Prezidan li, i ti bezwen run sa pei dan en fason rasyonnel e balanse. E in delivre lo sa li.  Ler Leadership LDS ti pe panik, ti pe kriy ferm pei. Nou pou mor nou tou. E sa la, i familye pou tou zanfan ki’n lakres sa. Sa zistwar Chicken Little sa, ‘’The sky is falling!’’ ‘’The sky is falling!’’ en pri legren in tonm lo son latet.  En pti lagrenn bodanmyen.

Gran press conference ti ganny donnen kandida prezidansyel, avek Vis- Prezidansyel LDS, letan zot ti pe panik, zot ti pe per. Erezman, personn pa’n antre dan la panik avek zot. Lanasyon Seselwa, an gran parti pa’n per parey zot. Parske la nou vwar 3 mwan pli tar la, la ouver pei, ouver lebra avek Arab. Anmenn Ero anmenn Dolar pou nou viv. Pou nou Nasyon viv. La zot in get over zot panik. Rasyonal in set in, zot vin avek en Mosyon ki calm e peu aisé.  Zot in ganny letan reflesir, in pran zot 3 mwan pou realiz sa ki Prezidan Faure, ti pe fer back then ler sa ti komanse.

E zot le pran labar pei dan lanmen en dimoun ki li i calm, e kalkile fas avek en kriz ki pe bril lemonn. Letan zot, zot pe panike. Fas avek menm kriz, zot pe panike, pe run around parey Chicken Little, pe kriye ‘’The sky is falling!

Sete, esansyelman sa ki zot ti fer 3 mwan pase.  Zot ti panik zot bann siporter, partou zot siporter ti pe kriye ferm pei. I annan en msye ki’n pran menm non avek en sat mon krwar, i fer bann recording, i pibliye lo medya sosyal. Marnman! I ti pe kriye an mor, ferm pei li osi.  Be ti Lopozisyon sa ! Mon kontan ozordi, mon kontan zot in ganny en batenm la realite. E zot in konpran ki mannyer pou fer keksoz.

So, mon pou remind siporter LDS, poudir ozordi, not zour, ler, dat ki zot kandida Vis- Prezidansyel in ouver lebra, pou akey Arab lo later Sesel.

Mr Speaker, nou annan sa kestyon travayer etranze dan pei. Kestyon travayer etranze, in ganny leve ozordi, ironically enough an relasyon avek sa Bidze R1.2milyar, ti nou ti aprouve dan sa Lasanble. Mwan mon pou lev sa size, akoz mwan mon enn ki ti lev mon lanmen byen o, pou mwan aprouv sa Bidze lo Trwazyenm Reading ki donn li son lavi. On the Third Reading i ganny son lavi koman en morso lezislasyon, fer li vin legal.  Ki Gouvernman i kapab depanse. Mon pa ti enn bann ki ti asiz lo mon 2 lanmen, e per pou leve. Apre pou vini pou dir koumsa, ‘’Lasanble in donn Bidze, Lasanble in donn zot Bidze.’’

Ou pa’n donn naryen ou, nou’n asiz lo ou lanmen. Letan ou asiz lo ou lanmen ou napa kouraz pou ou lev li pou aprouv en Bidze R1.2milyar pou travayer Seselwa, sorry Mr Speaker.  Be letan nou ti pe aprouv Bidze R1.2milyar, e nou ti dir enkli travayer etranze ladan.  Lemonn antye ti pe al dan lockdown, Erport partou ti pe fermen.  Sesel osi ti pe antre dan en staz lockdown. Sa menm lockdown ki Leadership LDS dan son panik, ti pe kriye lock down. E, sa mon pou kontinyen remind zot sa. Dan zot panik zot ti dir zis en mo zot, lockdown. Se tou ki zot ti konnen back then. Zot pa ti konpran naryen ankor zot.

Pei ti pe lockdown, nou ti annan travayer etranze dan nou pei, ki ti’n travay. E kontribye anver nou lekonomi. Ki ti’n travay side by side avek travayer Seselwa. Letan lekonomi ti pe marse, letan keksoz ti byen. E Sesel nou ti dan bon ekonomikman. Nou ti annan nou en devwar moral pou soutenir zot saler zot osi.  Let alone en devwar moral. Nou ti annan nou en devwar pou nou napa ou sa bann dimoun pe desann dan semen, pe proteste, akoz zot in ganny lock down isi dan nou pei. E zot napa en fason, en mwayen soutenir zot lekor, e fer viv zot fanmir.

Erezman, Prezidan Faure pa’n panike parey serten dimoun.  I pa’n panik li, pou li pran bann desizyon fou, a gos, a drwat. Fer ale etranze letan tou Erport partou ti pe fermen. Non, nou’n soutenir zot pandan en peryod letan.  E, letan keksoz pe al lo re opening, nou dir ok, la nou pou aret donnen, la bann lakonpannyen i kapab fer zot ale.

But, there is another side to this point Mr Speaker, letan Onorab Pillay ti anmenn en lamannman ti dir, ler pou fer redundant travayer.  Si ou annan en Seselwa avek en etranze pe okip en post pli ou mwen egal, fer ale sa etranze e gard sa Seselwa.  Lekel ki ti opoz sa, mwan?  Mwan ki ti opoze pou fer redundant, etranze over Seselwa? I annan dimoun ki annan abnezi isi annan, zot annan tourn memwar kwa?  I ti pas isi anndan sa. La anndan dan sa Lasanble, rikord i annan lo verbatim Lasanble. Kot zot ti debout an opozisyon en senp lamannman ki ti pou prezerv lanplwa Seselwa, fas avek etranze.

Prezan ozordi, vin sant louanz patriyotizm, zot debout akote Seselwa. Zot pa realize ki zot fer dan zot panik? Ler lafreyer i trangle zot la, zot zis reazir lo lensten? Good sense flies out the window, kwa?  3 mwan pli tar zot in reveye aprezan. Good sense is back in the building?

Mr Speaker, en kantite keksoz i ganny dir dan sa Lasanble. E, bann dimoun ki dir, zot oubliye kwa ki zot dir.  Ozordi i annan enn in dir koumsa, Gouvernman i tenny dife.

Mr Speaker, ankor enter Captain Irony, lemonn antye pe brile. Bann pli gro swadizan demokrasi ki zot adore Leta Zini, L’Angleterre, you name it.  They are all on fire. Dir mersi ki bann profesyonnel Seselwa, bann teknisyen Seselwa, zot a bir, zot kapab tenny dife. Zot konnen ki mannyer pou tenny dife. E dife wi, fodre tennyen, e nou a tennyen. Ki zot le fer zot asize gete? Se sa ki zot le eleksyon? Zot le mont State House ler dife i pran, the whole world is burning, zot, zot pou asize zot pou gete? Akoz zot annan en problenm ek tenny dife?  Wi dife nou tennyen, nou pou tennyen dife. Tan ki i annan en kriz dan sa pei, nou pou handle it.  E nou pou handle li tre byen mersi silvouple!

Si zot, zot pa anvi tenny dife, zot anvi les pei brile, sa zot problenm. Zot pou asiz la anndan eternelman, get sa bann zenn profesyonnel ki pe travay. Fer zot louvraz, mentenir pei, e kontenir sa sityasyon ki nou ladan ozordi. Again, mon pou eksprim mon ladmirasyon pou sa bann profesyonnel.

Sa bann ki’n slave over FA4JR, ki tou lazournen pe ganny kritike. Nou krwar nou pe kritik zis Minis nou? Asize maltret Minis. Me tou sa profesyonnel ki deryer li, ki’n travay non-stop, pou materyaliz sa keksoz. Again, mon pou eksprim mon ladmirasyon pou zot.

Akoz parey mon’n dir boner la, i annan nou, nou zis profesyonnel dan konplent.  E nou pa responsab pou sa plent ki sap dan nou labous nou.  Nou pa bezwen fer naryen avek.  I napa lipye li, it goes nowhere. Zis nou asiz la, nou plennyen, angiz nou a grat, grat, 4 pti vot isi, 4 pti vot laba. Pou anpes nou ganny sa gro lakanmizri dan eleksyon. Akoz Anbasader Pat Pillay pa pe debout la akote nou, pou fer nou ganny vot ankor. Se tou azanda, se tou.  Ler zot vin dir sa bann keksoz ki zot pe dir.

Mr Speaker, mon a donn ou en lot legzanp. Retail sector, ozordi ki nou pe ganny dir?  (Onorab Ferrari aret malelve silvouple). Ozordi nou pe ganny dir, poudir retail sector bezwen ganny revwar.  Revwar sa retail sector.  E nou ganny dir fodre fer, fodre fer aksyon.  Pa zis koze. Fer aksyon en. Be ozordi retail sector pa Endyen. Zot pa anvoy text la? Taye anvoy text kot Lasosyasyon Retail, dir Loze pe dir pous tou Endyen Sesel.  Gete ki Loze pe fer. In anmenn en lamannman. Be Loze pa ti zis koze li, i ti anmenn en lamannman, in the hopes, ki nou ti ava reglemant en pe sa keksoz. Kre lanplwa pou travayer Seselwa.

Be ki zot ti fer? Lamannman ti fek sirkile, fek sirkil lamannman, zot taye zot text Lasosyasyon Retail. Pa ni ti ankor ariv on the floor of the Assembly. Text Lasosyasyon Retail, ale al dir gete ki Loze pe fer? La ozordi zot vini zot dir fer aksyon, pa zis koze. O milye zis koze, zero aksyon pou prouv naryen, zero aksyon!  O milye zis koze, zot dir fer aksyon, pa zis koze. Be konmsi pou kwa zot pe pran sa pep zot? Pou ki zot pe pran sa pep Seselwa? Sa size the retail sector, we could have dealt with it back then.  Nou ti’n kapab handle sa depi zour mon ti anmenn sa lamannman.

Dan plas taye trair zot prop travay ki zot annan pou fer la anndan, in the hope ki zot a grat 2 pti vot. Grat en pti vot isi, en pti vot laba, dan labsans Anbasader Pillay pou donn zot sa mass popular support. Ki zot pa’n zanmen annan!  Pandan sa demi douzenn eleksyon ki zot in ganny bate, zanmen zot in deza annan sa mass popular support. Ki Anbasader Pillay ti donn zot. E dan son labsans zot pa pou gannyen osi!

Mr Speaker, travay pou sa pei fodre ganny fer.  Travay pou nou patri fodre ganny fer. E la right now koman mon pe koze, i annan en dimoun ki li, in deza pran son paspor Seselwa balans avek Minis Hodoul, dir i pa oule. Akoz i ti’n ganny paspor Italyen, pe konplent konmkwa i soufer akoz mon en Kreol, mon pe koze. Be Mwan zanmen mon’n deza zet mon paspor mwan! Mon napa enn mon kouzin ki’n mont lo medya pou dir F Seselwa mwan! Mon fanmir pa fer sa bann keksoz koumsa mwan!

Ou paspor Seselwa pran zete balans avek Minis Jacques Hodoul’’ vwala mon pa oule!’’ Anler Unity House.

Mr Speaker ki kalite sa? Kwa sa? Prezan ou annan kouraz pou vin dir avek mwan en Loze ou soufer? Mwan en Loze ou soufer?  Eskiz mwan Mr Speaker.

Mr Speaker resaman tre resaman en zenn businessman Seselwa, en dimoun pou lekel mon annan bokou admirasyon pou son abilite koman en businessman Seselwa, ki baze Eden Island, i ti mont lo televizyon e fer serten remark ase enteresan. Enn bann keksoz ki i ti dir se ki letan i bezwen en skipper Seselwa pou travay lo son bato ler i call zot,  zot dir li zot dan bis zot in ganny retar, ouswa zot piti i malad zot bezwen anmenn lopital.

Sa ti enn son remark. Pa Albert Rene ki ti dir sa, non.  En zenn businessman Seselwa. Mon pa ni pou poz lo son afilyasyon politik nanryen mon krwar zot konn son afilyasyon pli byen ki mwan.

Be i ti just apros sa komanter avek en lot pli enteresan ankor.  Sa businessman   ti dir konmkwa, ki lanplwa i tro enterfer dan sa zafer GOP la.  Akoz li koman en businessman li ki konnen ki i bezwen. I bezwen sa etranze, akoz en Seselwa pa delivre. E ki lanplwa i fer li tro difisil pou li ganny en GOP, e li i bezwen ganny en GOP pou fer son biznes marse.

Enteresan sa.  Sa i pa mon pozisyon sa mon pe zis repet sa ki mon’n tann lo televizyon.  Mon pa en businessman mwan, mon pa kapab met mon lekor dan soulye sa msye. Mwan pa pe dir ni i byen, ni i mal, mon pe dir mon konnen.  E sa i en sekter, ki Chairman Komite COVID i familye avek. Akoz i kontan koz lo la sa bann zafer bareboat, bato, charter sepa kwa.

I eksper dan la matyer li.  Sa ki rann mwan bet se ki Chairman Komite COVID ki pertain konmkwa i a pe fer en broad base konversasyon avek tou bann stakeholders, tou dimoun anmenn zot on board fer sa konversasyon, i pa konn pozisyon sa msye li. En dimoun ki annan son biznes bato lo sa menm Eden Island ki Chairman Komite COVID, i pas tou son letan koz lo la. Bato, Eden Island, bareboat, charter se pa kwa.

I annan li en pozisyon ki

Chairman Komite COVID i nowhere ladan li.  Be ki konversasyon zot pe fer at the end of the day. Akoz ozordi sa ki’n sorti is the complete opposite avek sa ki sa msye businessman ki li i pe depans son larzan envestir son larzan pe run son biznes pe dir. Be ki mannyer nou isi anndan nou kapab negosye en middle ground, annan en sityasyon kot nou protez nou travayer Seselwa, nou protez sa bann dimoun ki dan sa field la. Nou bann zenn skipper Seselwa, nou bann boatman Seselwa.

Ki mannyer nou protez zot? Kree lanplwa pou zot, e a la menm enstan konpran konpleksite lenvestisman sa dimoun ki li i sa businessman.

Ki nou kapab attain en middle ground ki ava satisfezan pou both parties. E ed lekonomi nou pei, pa neseserman fleri be at least bourzonnen dan sa letan difisil. Si ou annan ou Chairman Komite COVID Lasanble Nasyonal ki pe fer li en board base konversasyon with all stakeholders. I pran en pozisyon ki ekstrenm opoze, avek en dimoun ki li in envestir son entire livelihood dan sa biznes.

La mon vwar kot again sa pwen mon’n leve pli boner, kot zot pe fer en complete about- face en total volte-face. Sa i konpletman opoze avek pozisyon ki SNP in champion depi ler i ti Parti Seselwa, to date.  Zot pran zot en bann pozisyon ekstrenm akoz i zis popilis pou grat, grat sa enn de vot ki Anbasader Pillay pa la pou donn zot ozordi. This is all.

S      e sa pozisyon LDS ozordi.  En desperation pou vot.  Zot a vini zot a dir ou fer keksoz, kan ler ou fer zot trair ou, zot anvoy text partou.  Apre zot, zot vini zot blow hot air.  Zot dir ou zot soufer.  Zot fanmir ki pe dir, F Seychellois lo media partou. Pa fer zot soufer sa, sa ok sa, F Seychellois.  Sa zot kontan sa bout. Zot pa kapab denons zot prop fanmir i fer sa.  I ok pou zot sa.

Mr Speaker, dan nou fonksyon koman lezislater nou, eski nou pa bezwen operate dan la realite ozordi?  Eski nou bezwen operate separe avek larealite? Eski nou vini zis nou fer bann statement propolis ki dan 3 mwan, nou zwe bliye nou ti dir, nou vire nou fer volte-face. Eski sa i en fason responsab pou nou koman politisyen operate?  Eski sa i grounds pou nou demann Seselwa en vot? Dir li vot pou nou, met nou a la tet sa pei.  Pou nou tou le 5 minit sanz nou nide.  Dan en lespas 3 mwan ou fer en complete volte-face?

Nou bezwen annan en fason travay nou.  Nou bezwen annan en responsabilite anver nou pep, nou kominote, e nou fanmir. Menm si nou annan fanmir ki mont lo medya i dir, F Seychellois.  Nou bezwen annan nou en serten nivo profesyonnalizm. Nou pa kapab zis vini dir nenport kwa isi anndan.  E pran nou lekor pou bann sanpyon, pou bann ero, e ekspekte ki dimoun deor la, pa konpran ki nou pe fer.  Nou pa kapab zis vini, di zour a lanmen, anmenn en Mosyon. Vir isi, vir laba.  But at the end of the day, what was the substances?

Sa Mosyon esansyelman tou sa ki ladan i deza pe ganny fer.  Prezidan Faure avek son lekip pe fer. Sa Mosyon pe demann keksoz ki SETS pe deza fer.  SETS pe deza fer, prezan ki nou vini nou dir. Bon SETS pa kapab zis reactive, mon kontan mwan poudir nou bann pye pe ganny fer reforestasyon. Be selman, be pe fer, i pe fer deza.  Nou’n soutenir saler sa pep. Seselwa ziska prezan, i o milye en monn ki pe pran dife. Nou pe soutenir li. Nou koman en Nasyon, avek en konsyans, nou konnen sa it’s the right thing to do. It is being done already.  

Lanmerik, Meriken sel keksoz ki in kapab fer, se donn en one off $1200 par endividi. Nou nou’n dir, nou pou mentenir saler travayer Seselwa.  Menm si Minis i dir nepli annan pou li al borrow sa lannen, in fini borrow. Nou’n run out of larzan pou borrow, selman at least ziska Desanm, nou a nobou. Be nou vini nou kritike, nou senm aspergers,  nou kree sispansyon. Nou vini nou dir, pa le donn nou, pangar i a dekouver koripsyon. Be ki koripsyon? Pa’n dekouver menm koripsyon? Koripsyon pa ankor dekouver?

 

MR SPEAKER

Onorab 2 minit.

 

HON JOHAN LOZE

Mersi Mr Speaker.  Ozordi mon a servi mon 2 minit, akoz Onorab Ferrari li i kapab gannyen sa aneurysm li.  Onorab Ramkalawan i ti nou prezerv li, out of respect. Mr Speaker, nou pa pou kapab kontinyen koumsa.  Nou pa pou kapab kontinyen zis tiray nou pep.  Nou bezwen annan nou en fason travay ki pli profesyonnel ki sa isi anndan. Mon konnen nou fer politik, nou politisyen nou.  I nou louvraz fer politik.  Be letan nou komans ensilte nou bann profesyonnel, nou komans dout zot konpetans.  Nou undermine zot, i pa normal la. I pa korek.

Ozordi en zenn profesyonnel ki nou ti pe meet avek, in dir nou en keksoz enteresan. In dir sel kalifikasyon nou bezwen koman politisyen, se ki nou konn koze.  Balans sa ek  nou vap isi dan batiman.  Be eski i annan tor?  Be prezan si sa i nou kalifikasyon, ki nou konn koze, ki nou vin en politisyen. Be ki nou fer avek sa lavwa ki’n donn nou pou koze?  Nou annwiy nou pep, nou nwir zot.

Nou ensilte nou bann profesyonnel. Nou vini nou dizour a lannmen, nou sanz sa ki nou ti panse o paravan. Mon krwar nou bezwen annan en pli bon fason fer. Nou bezwen annan en pli bon fason fer dan sa pei Mr Speaker. Mersi Mr Speaker.

 

MR SPEAKER

Mersi Onorab Loze.  Bon, mon anvi averti bann Manm ki mon’n fini ferm lalis entervenan pou sa Mosyon.  Mon ava donn laparol Onorab Sebastien Pillay.

 

HON SEBASTIEN PILLAY

Mersi Mr Speaker. Bonn apre midi tou koleg, e bonn apre midi tou dimoun ki a lekout, oubyen pe swiv nou.  Devan nou ozordi nou annan en Mosyon, en Mosyon ki tre enteresan e pas lo son merit. I en Mosyon ki prezantater Mosyon in set out kantite bann pwen pertinan, akoz ki sa Mosyon i relevan ozordi.  Sirtou dan sa konteks ki nou pe vwar nou lekor ladan. Me parkour deba sa Mosyon, i osi nesesit ki nou eksplik Lepep Seselwa rezon det akoz nou’n ariv la ozordi. E ki mannyer sa Mosyon i sitye son lekor dan sa konteks dan ki nou trouv li.

Sa Mosyon i relye avek abilite pou ki nou pei i kapab sirmont en kriz serye ki i ladan. Serye Mr Speaker, akoz mwan personnelman, mon enkyet.  Mon enkyet akoz, mon ti a kontan ki nou pou rekomans, ki nou Lendistri Touris i rekonmans devlope. I komans repran pli vit. Nou bann dimoun ki travay dan sa lendistri i retrouv zot louvraz, retrouv zot travay. Sa lendistri pe ede kontribye foreign exchange dan nou lekonomi. Ki ava fer ki pri konstriksyon i a redesann.  Nou bann zenn profesyonnel, nou bann dimoun ki bann middle income earners, ki’n pran bann loan pou pran zot lakaz. I a kapab komans zot bann proze, pou annan zot lakour, zot lakaz. Zot pa ava vwar zot pe al kot labank, e labank pe dir zot, i bezwen espere pou li regarde si keksoz i vin stab, eksetera.

Konmsi sa i mon outlook keksoz.  E sa pwennvi ki mwan, mon annan lo sa keksoz. Mon’n annan li depi ler sa kriz in komanse.  Mon’n annan li depi ler sa kriz in komanse akoz, mwan pou mon, ler mon ti pe regard tou bann endikater lekonomi ki ti pe ganny prezante devan nou. Sa lannen ti pou en lannen rikord. Ti pou en lannen rikord pou Sesel kot nou ti pou fer sitan byen, e lo en pwennvi reveni nou pei ti pou trouv li dan en sityasyon pou nou fer en kantite keksoz pou nou popilasyon.

Me ler mon dir sa Mr Speaker, i enportan ki Lepep Seselwa ki pe ekout mwan, i konpran ki sa outlook ki mwan mon annan.  Sa lantouzyazm e pozitivite ki mwan mon annan, pou fer avanse mon pei.  I pa’n ganny match par mon bann oponan lo lot kote latab, oubyen mon bann koleg lo lot kote latab, dan moman ki nou ti bezwen zot pou anmenn en mesaz lankourazman. En mesaz pozitiv pou nou popilasyon.

Ki nou ti tande? E la Mr Speaker, ou a permet mwan pou al dan listwar resan nou Lasanble. Ler nou regard bann deba lo Bidze.  Mr Speaker, napa en Manm lo lot kote latab ki pa’n perdi en moman pou   koz lo, pei pe al ver faid, sityasyon i grav, ‘’nou dan problenm,’’ nou pou fail’’, ‘’Bidze i made in India’’, ‘’nou en failed State.’’ Sa i bann fason ki lo lot kote latab, zot in kontinyelman dekrir nou pei. E lenpak ki i annan, se ki toulezour ou vini, ou repet sa menm mesaz. I antre dan psyche dimoun, i antre dan lespri dimoun, e i fer dimoun ganny en outlook negativ lo nou pei.

Ozordi, zot vin ek en Mosyon pou sey turn around sa negativite ki zot in met dan lespri dimoun, kan nou ti pe warn zot zisteman about annan sa lespri negativ anver dimoun. Permet mwan pou ilistre sa avek en legzanp.  Ti ariv en ka kot en avyon ti apoze lo Erport, e cargo ti pe ganny clear pou bann resortisan, mon krwar sorti Mwayenn Oriyan.  Ki nou lokalman Seselwa, nou apel li bann Arab.  Nou ti fer Minis sorti dan Lasanble pou al gete, non, pa ti Minis. Ti PS pou Biosecurity, pou sorti dan Lasanble pou al gete ki pe pase lo Erport.

E vag negativite ki ti devlope anver bann dimoun resortisan Arab, lo rezo sosyal apre perpetye par menm par serten Manm Lasanble ki ti form par sa bann deba lo rezo sosyal, ti tro bokou. Me la ozordi nou’n vwar, ki sa ki nou, nou ti pe dir all along. Ki nou maintain en pozisyon friends to all, enemy to none.

En pozisyon kot nou bezwen lenvestiser, en pozisyon kot nou bezwen dimoun pou vin dan nou pei. Ozordi nou vwar ki sa bann dimoun, gras a si nou ti’n akout zot, e nou pa ti’n maintain en latmosfer sen, pou sa bann dimoun kapab retourn Sesel.  Zot ki’n kapab swazir pou al pas zot vakans elsewhere.

Zot ti’n kapab swazir pou al lot landrwa. E mon krwar i enportan ki sa lapros ki nou pran toultan pou nou anmenn en mesaz negativ, en mesaz ki, annou koz nou prensip. Mazin byen Mr Speaker, mon pa’n atak personn personnel.  Mon koz lo largiman ki zot in fer vizavi size ki ti trouv li devan ou sa letan. Nou annan menm nou bann pli zenn Manm Lasanble lo lot kote latab, ki’n penn en mesaz, en outlook lo bann diskour. Lo nou Leta Lanasyon, lo nou bann Bidze. En outlook vreman negativ, ki pa enspir konfidans dan bann zenn ki pe vini.

E sa pou mwan, i enportan nou fer referans akoz, sa Mosyon ler i pe vini la, nou bezwen met li an konteks en lot Mosyon ki zot ti anmennen. Kot zot ti demande ki, nou pa reouver pei. Kot zot ti menm dekrir nou pei koman en pti bato ki’n pas dan en movetan, ki bezwen al kasyet dan, kote ti dir nou bezwen al kasyet nou?

Dan somewhere dan en canal, kot nou ti bezwen al kasyet. Kasyet sa movetan laba, pa sorti, esper tou keksoz pase, apre pou nou sorti. Pa ouver pei. Me, o menm moman ki zot ti pe dir nou sa, zot pa ti dir nou ki zot annan menm zot bann siporter ki annan bann letablisman touristik, ki ti’n fini ganny booking. Pou Out, e Zilyet.

Eski zot vin dir en keksoz dan Lasanble, apre an deor fer en lot keksoz?  Come on. Mon kontan ozordi prezantasyon ki Onorab Afif in fer.  Me apre ki Onorab Ferrari in pran Mosyon Onorab Afif, in fer mwan mazinen ki en dimoun in pran loto in dray li ziska Anse Etoile, me apre in pret en boug, en boug in demann li prete pou al laboutik.  Be avan sa boug i al laboutik i pran son loto in zet dan delo La Retraite. Akoz se sa ki’n arive.

Akoz ou konnen sa ki dezapwentan, se ki ler ou war en Manm Lasanble, ti ganny loportinite pou li defann lentere travayer Seselwa atraver en lamannman ki mon ti anmennen dan Lalwa. Lalwa Lanplwa. Zot ti vire zot ti dir ek mwan, ki sa lamannman pa devret vin la, i devret vin pli tar. Mon ti bezwen ensiste ek zot, e ladan menm serten zot pa ti vote lo la.

Serten zot pa ti vote lo la, wi pep Seselwa i soufer ek zot. I soufer akoz i pa konnen kan zot pe vini, e kan zot pe ale. E zot, zot krwar poudir sa politik ki zot pe anmennen dan en moman ki nou bezwen koste koman Seselwa.  En politik kot zot pe anmenn en divizyon toultan, i pa fer sans.

I pa fer sans Mr Speaker, pou ou dir ki ou annan en bann yes men, ki al dan meeting State House, ki al dan meeting partou.  Be sa bann dimoun pa bann yes men sa, pou ki rezon ou pou dir apel sa bann dimoun bann yes men? Zis pou ou score en pwen politik avek detrwa hardliners?  Come on, ou bezwen regard keksoz diferaman.

Mr Speaker, depi en pe letan dan sa Lasanble mon pe sey fer en pledwari, pou nou sezi loportinite ki nou annan avek sa sityasyon COVID.  Pou nou sey fer keksoz diferaman.  Malerezman nou annan bokou politisyen dan sa pei, ki pa pe realiz sa. Nou pa pe realiz potansyel ki nou annan pou nou kapab fer keksoz pli byen. E nou reste stuck toultan dan bann largiman ki anmenn nou, pou nou atak dimoun. Pou nou denigre dimoun, akoz? Akoz nou krwar i suit en lyen politik pou nou.

Annou pran bann pwen avanse dan sa Mosyon.  Par egzanp sa Mosyon in koz lo sa 1000 dimoun ki pe vini. Mon asir ou Mr Speaker, si sa 1000 dimoun ti pe vin lannen 2018, largiman dan sa Lasanble, zot tou zot konn tre byen. Largiman dan sa Lasanble ti pou diferan, mon krwar lepep Seselwa an deor i konn tre byen largiman ti pou diferan.

E mon krwar koman Leaders politik nou bezwen pran nou en desizyon. Nou bezwen pran nou en desizyon, e pou nou dir be ok, nou tou nou vin ansanm nou par deryer zefor ki pe arive.

E la Mr Speaker, mon kontan ki Onorab in souliny zefor ki’n ganny pran. Be sa bann zefor pa’n fer dan en nean. In ganny fer atraver leadership, in ganny fer atraver leadership en group dimoun.  E sa dimoun ki a latet pei ozordi, gran mersi i pa’n zis ekout tou sa ki zot in dir li. Gran mersi in stay son course pou li fer serten keksoz.

Ler in annan problenm in retournen in al diskite.  Kot in annan problenm in vin devan in dir, nou annan en problenm ek sa, e nou bezwen aranze.  I pa’n asize pou li kontinyen kritike, konplent, konplent, konplent.

Mon pa’n zanmen tann li vin devan dir be, Minis Finans mon’n donn li larzan, i pa’n fer. Non, i pa’n blanm personn li.  In rod en fason pou li kapab kontinyen anmenn sa   kalite epanouisman lenerzi parmi bann dimoun. Pou montre zot poudir, be li koman en Leader i pa pe panik. I pa pe per, i pe war sityasyon mannyer i ete i grav. Me in bezwen kontinyen travay, akoz i annan sa pep antye pou li mazin lo la.

Mon krwar, se sa ki nou bezwen   ki nou bezwen tire ozordi koman en pep. Nou bezwen tir en leson, lo kote nou pei i ete?  E kote nou anvi nou pei i ale? Nou bezwen tir en leson lo ki kalite nouvo fason fer nou le anmennen dan nou pei.

Mr Speaker, ler nou koz lo ofer nouvo loportinite lanplwa pou Seselwa kalifye. Me zisteman a ki nou’n fer atraver SETS. Mon largiman ki ti avanse dernyen fwa anver SETS, se eski SETS is legally constituted?  Nou problenm sete si SETS i legally constituted?  Pa si SETS pe kapab delivre lo son manda. Mazin byen, non mazin byen. Pa si i pe kapab delivre, me si i legally constituted? Akoz nou ti pou score en pwen si nou dir sa. I enportan pou nou regard sa an perspektiv, akoz i annan en difikilte out there, pou tou dimoun ki pe travay ek sa sekter.

I pa fasil pou ou dir ek en dimoun, ki li par egzanp, si i ti en Food and Beverage Manager dan en pti lotel, oubyen dan en letablisman. Ki suddenly vre napa kliyan, e li i pa kapab fer sa travay ki i train pou fer. Akoz pou bokou dimoun, i pa zis en kestyon larzan, dan sa lendistri. Bokou dimoun i travay dan sa lendistri akoz zot kontan zot travay. Zot bann profesyonnel dan zot louvraz.

E ozordi zot vwar zot pa kapab performen. Zot ti a kontan ki lezot dimoun i regarde poudir, be nou, nou bann kontribiter, nou ede pou sa bann dimoun vini. Se nou ki donn zot sa servis pou zot vin bann repeat customer. Se nou ki ede pou fer sa kantite touris, sa kantite viziter ogmante.

E se sa mon krwar ki Gouvernman in pran an perspektiv. Se sa mon krwar ki Prezidan, ler in koz ek nou in pran an perspektiv. I pa’n mazin zis lo en kote larzan, in mazin lo kote livelihood sa bann dimoun. Akoz dimoun pe ganny afekte dan diferan fason ozordi.  E se pou sa rezon ki yer mon ti dir ek zot koumsa, poudir annou arete sa sityasyon kot, sa enn i vini, mon pou demann en allowance pou li. Sa enn i vini, mon pou demann en allowance pou li, sa enn i vini, mon pou demann en allowance pou li.

Gouverner in dir nou, poudir nou dan en kriz ekonomik, nou pa kapab kontinyen fer ekstravagans ek larzan. Sa ki devret ganny son allowance annou pey li, wi mon dakor. Me nou bezwen balanse.  Nou bezwen fer sir, poudir we get things right. E nou bezwen fer dimoun konpran, nou pa dan en sityasyon ki bon.  Nou bezwen sey pou nou fransir sa storm. Nou pa pou kapab kasyet sa tanpet ki la devan nou. I pa en tanpet ki nou pou kapab al deryer en zil pou kasyet, i en tanpet ki nou bezwen travers li.

Be si tou maren lo sa bato, sa enn ki pe sipoze redi lavwal, i dir non, mon pa pou redi lavwal.  Sa enn ki sipoze al dan masin, i dir i pa pou al dan masin.  This is what we need to say.  E mwan mon krwar, si dimoun ki’n ekout zot in realize, this is what has come out of the argument ki zot in avanse anver nou.  E i enportan pou nou fer sa pwen, akoz ozordi lo sa Mosyon, mon pa pou fer parey zot ti fer avek Mosyon Onorab Ernesta mwan. Mon pa pou pran lapros ki zot ti pran mwan.  Mon pou dir fran, sa Mosyon i en bon Mosyon li. E mon pou siport li.

Me i enportan lo en pwennvi largiman, mon remind zot sa ki zot in dir.  Pou mwan fer zot konpran ki nou bezwen annan en senserite ozordi dan largiman ki nou pe fer.  Akoz nou tou nou ansanm, nou bezwen koste pou nou trouv en solisyon. Pou nou kapab anmenn nou pei ziska ler nou ava al lo de la. E mwan mon konnen Sesel pou bounce back Mr Speaker. Nou pou bounce back. 

Mon a donn ou en lot legzanp Mr Speaker.  Kote ki mon krwar nou bezwen sanz nou latitid. Annou pran sa size bann bato ton, nou ti anmenn sa bann dimoun anndan, nou ti fer tapaz, nou ti koz lo la.  Politisyen ti demann son kestyon, ok.  Nou tou nou ti demann kestyon dan Lasanble. Me an deor, zot bann siporter lo rezo sosyal, zot in vwar ki mannyer zot bann siporter ti atak sa bann dimoun ki travay dan sa bann Departman? Ti annan enn antre zot ki ti vin la anndan ki ti dir non, sa se bann kestyon sa bann dimoun in reponn.  Ki nou’n vwar? Apre tou sa tapaz ki nou’n fer lo sa bann bato ton, apre tou sa gloom and doom. Apre tou sa, nou pe al fini. Sa bann bato, in retourn kwa? In retourn al lapes.

E se pou sa rezon ki nou, nou’n toultan dir, nou bezwen donn lespas sa bann dimoun pou fer zot travay. Nou bezwen les zot kapab fer zot louvraz. E zot konnen ki zot pe fer, zot pa anvi ganny afekte akoz zot osi zot manman i lanmenm ek nou.

Zot osi zot konnen poudir, si en zour zot pe travay zot atrap sa. Zot al kot manmi aswar pou dir li en bonzour, en bonswar, manmi pou tonm malad. Nou tou nou ansanm, napa personn ki pou gannyen.  Napa en gannyen, en perdan la. Swa nou tou nou gannyen, swa nou tou nou perdi. This is what this is about ozordi.

E sa Mosyon i devret servi koman en loportinite pou nou.  Koman politisyen ozordi, sey sa loportinite.  Ki Linite Nasyonal, will be the only way ki nou kapab anmenn keksoz pli devan. E ki nou pa kapab kre kondisyon pou nou atak sityasyon, fer keksoz vin lo en pwennvi ekstrenm avan nou bouz lo en pwennvi pozitiv.

E Onorab Afif i konpran ki mon pe dir li. Akoz en kantite, atraver ou Mr Speaker, bann largiman, Bann largiman ki’n ganny avanse, menm atraver ou Onorab, avek tou respe ki mon annan pou ou. Ou konnen poudir serten largiman ki ou’n avanse in annan en lenpak negativ, lo lafason ki bann dimoun in enplimant zot bann keksoz.

Akoz latak ki nou’n fer lo zot, bann largiman en pe for, ki a sa moman zot pa’n ganny sans reponn. E mon kontan ou’n anmenn sa Mosyon akoz, ou menm ou ou’n dir. E mon kontan akoz ou’n quantify sa reveni ki nou pe gannyen. So, Mosyon i bon li, e mwan mon pou siporte sa Mosyon Mr Speaker. Mon pa kapab koz pou lezot dimoun, be mwan mon pou siport sa Mosyon. Akoz mon krwar dan sa konteks, nou bezwen kapab pe travay ansanm pou anmenn en keksoz pli devan. Me i enportan ki nou aranz nou bann largiman dan en fason ki nou largiman i vin en largiman kolektiv, pou anmenn Sesel pli devan.

E se sa ki mon war Prezidan in sey anmenn, i sey fer. Se pou sa rezon ki tou sa bann dimoun i vin ansanm pou nou kapab bouz devan. Annou pran sa domenn lotelri li menm Mr Speaker.  Annou pran sa domenn. Mazin lapros ki zot ti pran ler ti annan serten dimoun dan sa domenn ki pa ti ankor ganny peye anba FA4JR. Mazin latak ki zot ti fer, ler pa ti ankor deal ek sa bann case. E Minis ti dir, zot mon annan en kantite case sa bann dimoun in apply, mon annan over 5000 laplikasyon mon pe deal avek.

Me si sa bann dimoun ti santi poudir, sa bann profesyonnel ti santi poudir, there’s no point al diskit ek Gouvernman, akoz Gouvernman pa pe react, pa pe fer keksoz pozitiv.  Zot pa ti ava al sa bann meeting. E mon pa krwar zot bann yes men.  Mon krwar sa bann dimoun, i bann dimoun serye ki konnen poudir, si zot lendistri pe ganny afekte, zot pou koz zot rights. Zot pou met zot pwennvi devan. Napa naryen pou fer ek kouler politik. I annan pou fer avek abilite en dimoun pou li dir, sa enn mon pa dakor avek, sa enn mon dakor avek.

Se sa lapros ki nou bezwen pran. E si sa bann dimoun, mon krwar nou politisyen pran legzanp lo sa bann dimoun. Kot zot in kapab vin ansanm dan en lasal pou annan en integrated approach pou zot ouver Sesel. I pa vedir ki tou keksoz pou mars byen ler nou ouver pei.

I pa vedir ki en sel kou nou pou re bounce. Me i ava en komansman ki a permet mon frer, mon ser Seselwa ki ozordi pe bezwen ganny soutenir atraver Lazans Proteksyon Sosyal or otherwise. I a kapab rekomans son travay.  I a kapab bouze. Nou a kapab konmans fer keksoz bouze. Se sa ki mon anvi war. E mon krwar se sa lesansyel ki nou, nou bezwen tire ladan.

Mr Speaker, si i annan en keksoz ki sa pandemik in devret fer nou aprann. Si nou le vin avek en stil politik parey ‘93, atake, kritike. I pa pou anmenn nou okenn par.  I pa pou anmenn nou okenn par.  Me selman, si ler nou koze, nou pa oule personn dir nou, nou’n dir i mal. Si ler nou koze, en dimoun i remind nou sa ki nou’n dir, e nou dir sa dimoun i pe anmenn nou dan en rigol, i pa byen. Atraver ou Mr Speaker, Onorab Ferrari. Mon annan tou son bann greatest hits la, e mon’n ekout li byen taler. Mon’n ekout tou sa ki in dir. Be totalman kontrer avek sa ki li i ti pe dir.

So, mwan mon pa vin atak personn personnel. Mon pa vin rod lavi personnel personn. Me i enportan ki ler nou fer largiman, e pou nou ede edik sa pep. En rol ki Lasanble Nasyonal i annan, nou bezwen eksplik dimoun kwa ki pe pase reelman, e kwa ki nou bezwen fer reelman. E la mwan, mon pou sezi loportinite, mon pou servi loportinite pou remersi, mon pou remersi tou sa bann dimoun, nou bann frontliners. Nou ners, nou dokter, zot tou. Nou pou remersi zot. Mon krwar sa travay ki zot in fer pou kit nou safe ziskan la, i formidab.

Mon pou remersi nou bann profesyonnel, nou bann teknisyen dan Minister Finans. Pa nou tou ki kontan, pa nou tou ki satisfe, nou pa’n ganny peye. Me selman, sa bann marmay in travay de zour e nwit. Kit zot fanmir, pou zot kapab delivre lo en travay. I pa fasil pou zot.  Mon pou remersi tou sa bann dimoun ki vin sa bann meeting, sa bann akter dan sa sekter, ok. Tou bann akter dan sa Lendistri Touris, zot tou ki’n vin devan, ki’n kapab anmenn zot kontribisyon. Bann ki pa ankor fer li, vin devan fer li. Akoz i enportan, akoz sa lendistri i pou zot, i pou nou, i pou nou tou. I en lavantaz pou nou tou.

Mon krwar in annan en zefor kolektiv, e mon kontan Seselwa in kapab vin ansanm pou nou fer li. Prezan nou politisyen annou sezi loportinite ki sa i prezant nou avek. Se sa ki enportan.  E se dan sa lespri Mr Speaker, dan sa lespri kot sa Mosyon i dir, ‘Swivan lefe katastrofik ki COVID-19 in anmennen dan nou sekter touris e avek bi regard li a nouvo, Lasanble Nasyonal pe demande ki tou bann akter sa lendistri i zwenn ansanm pou ofer bann nouvo loportinite lanplwa pou Seselwa kalifye e tou lezot dimoun.’

Se sa rezon akoz mon pou siport sa Mosyon.  Se sa rezon akoz koman politisyen nou bezwen aret koz en langaz dan Lasanble, e en langaz an deor laba. Nou bezwen annan en menm langaz, en menm mesaz.

Mon terminen Mr Speaker, an dizan sa.  Mon tann zot pe servi sa term, ‘’Nou napa letan.’’  Mon Prezidan in dir sa li, wi. And he is right. Nou napa letan pou nou gaspiye, pou nou kritik kanmarad, gognard kanmarad. Parey atraver ou Mr Speaker, Onorab Ferrari pe sey fer ek mwan la. I pa paret pou li, i pa ankor realize poudir malgre ki li, i annan sa laboutik ki in nonmen dan Lasanble.  Mon pa pe impute, i annan dimoun napa laboutik. I annan dimoun i annan zis en louvraz kot Beau Vallon Bay, zis en louvraz kot Coral Strand, zis en louvraz kot Savoy.

Mon ti a kontan i annan respe pou sa bann dimoun an deor Mr Speaker. Mon ti a kontan i annan, akoz ozordi kot nou trouv nou lekor ladan vre, vre nou napa letan. Akoz si nou pa vin ansanm, si sa enn ki petet pa pe ganny tou son saler, pa pe konpran sa lot.

Akoz i annan keksoz realite ki nou bezwen konpran la.  I annan bann realite serye ki kapab vin devan nou ankor ki nou bezwen deal avek.   E la i pa letan pou nou al rod tou sa lepase, pou nou al fer isi, al fer laba. La nou bezwen gete ki mannyer nou kapab fer sir, ki sak fanmir Seselwa. Nou’n koz Lendistri Touris ozordi, me i kapab dan en lot lendistri.  Ki sak fanmir Seselwa, ler i antre kot li, i annan manze lo son latab.

E mwan, mon konn en keksoz Mr Speaker, nou pe get lemonn. Nou pe get bann landrwa ki fer ki manufacture keksoz, bann landrwa ki prodwi manze. Kot nou, nou enporte. I annan problenm, e nou bezwen fer sir poudir nou may byen keksoz.  Mon kontan   sa ki Gouverner in toultan remind nou. Annou fer sir poudir nou viv dan nou mwayen. Annou fer sir poudir nou reste ferm lo en konviksyon ki la, i en zefor kolektif pou nou kapab sirmont sa sityasyon.

Mr Speaker, avek sa mon le dir ki mwan personnelman mon pou donn sipor sa Mosyon. Dan lespri ki mwan mon’n koze. E fotespere ki mon bann koleg lo lot kote latab i realize, ki nou dan en lot letap. E ki sa letap i demann nou pou nou vin le meyer de nou menm. Mersi Mr Speaker.

 

MR SPEAKER

Mersi Onorab Sebastien Pillay.  Mon a donn laparol Onorab Jany De Letourdie.

 

HON JANY DE LETOURDIE

Mersi Mr Speaker. Bonn apre midi tou dimoun. Mr Speaker, mwan mon form parti Komite Medya, Lazenes avek Kiltir dan Lasanble Nasyonal. E 2 semenn pase, or 3 semenn pase, nou fek fer en meeting avek bann lasosyasyon,  bann Chairperson bann lasosyasyon bann diferan zanr lar ki annan dan Sesel. Selman laplipar ti la, selman sel Komite ki pa ti la, se Komite Ladans, akoz mon krwar zot pa ankor ganny en lasosyasyon. Zot Chairman pa ti la, akoz zot napa en lasosyasyon.  E nou ankouraz zot pou zot fer zot lasosyasyon.

Bi sa meeting Mr Speaker, sete zisteman pou vwar lavenir bann artis dan sa klima COVID.  E ki mannyer nou pou kapab aport bann kontribisyon pou kapab asiste, par anmenn zot bann pwennvi devan. Pou nou kapab ganny en lespwar omwen pou ganny en solisyon.

Parmi bann ki’n ganny afekte direkteman, sityasyon COVID dan Sesel, se zisteman Lakominote Artis,  ki depan bokou lo Lendistri Tourizm, e sirtou bann ki self-employed. Konsern ki ti sorti dan sa rankont se ki, Sesel in anmas bokou koman fe akonpli, kot i konsern bann epanouisman kiltirel.  E bann keksoz kiltirel ki nou’n akonpli.

Me se senpleman i pa’n telman ganny rekonnet, e rikorde. Sa petet akoz nou lasosyete petet, pa ankor tro aksepte artis, koman bann travayer serye. E ki Lakominote Artis i anploy bokou, i enportan pou nou rekonnet ki dimoun ki artistik dan Sesel i annan bokou zot. E i annan bokou dimoun ki depan lo zot reveni pou viv. Savedir zot fanmir. I zis sifi pou nou fer en survey pou nou vwar la kantite ki annan ki depan lo travay artistik.

Mr Speaker, cultural tourism i en landrwa kot artis i fer bokou kontribisyon, me eski bann income ki in anmennen in ganny re partaze avek Lendistri Artistik?  Sa i en pwen ki ti sorti fortman dan sa rankont. Artis in ede anmenn bokou deviz e lanplwa dan Sesel. Me malerezman, sa sekter in pa’n ganny gete tro bokou, tro souvan.  I annan tre pe artis ki’n ganny led finansyel akoz zot dokiman ti annord. Me serten, in ganny en one-off parey nou’n dir. Me Mr Speaker ou pa pou krwar, i annan ki depi COVID in fer son laparisyon, i annan artis ki pa ankor ganny okenn sou. E alors in bezwen sey direkte li dan lezot landrwa pou li kapab sey debrouye.

Mr Speaker, mon kontan, mon pa pou manke pou dir. Me si nou pe mazinen poudir artis kekfwa i pa en travayer serye. Me,

‘Ranpli mon ver mon a bwar en pti lasante.’

J’irai la voir un jour.’

‘Pa file Kaptenn.’

‘Pil lo li!’

‘Sa lanmizik i fer mwan mazin ou.’

Mr Speaker, i bann travay ki pou akonpanny nou leres nou lavi.  Egalman ler nou get toultour nou dan nou lanvironnman, nou miray, nou lakaz, nou lari, nou zarden, bann plas piblik, se pa lot ki bann artis ki pou kapab egzekit sa bann travay lar, a la perfeksyon pou nou.

Bann travay ki bokou pasyans, e bokou letan i ganny aplike ladan. Mosyon i kler Mr Speaker, ki tou bann akter dan Lendistri Tourizm, i zwenn ansanm pou ofer bann nouvo loportinite lanplwa pou Seselwa. Alors, sa ki nou osi bezwen Mr Speaker, se formasyon nou bann artis pou vin antreprener. Fodre i konpran koman pou fer inovasyon, koman pou resikle, e koman pou fer savings osi.  Me pli enportan, loportinite pou li kapab vann son travay.

I annan deza la, Minister Gouvernman Lokal, e Minister Tourizm Mr Speaker, letan in long overdue pou zot zwenn ansanm, pou anmenn bann keksoz serye apropo kontribisyon ki zot kapab fer pou bann artis.  Serye, e aplikab pou zentere bann artis.

Mr Speaker, i fer lapenn ozordi mon bezwen raporte ki poudir resaman la dan sa letan COVID ki nou ladan DJ ek entertainer Sri Lankan pe perform dan lotel Silhouette. Tandis ki nou bann mizisyen, nou bann santer, i pe bezwen fer rapel, parti rapel pou li kapab gete si i pou ganny en sou. Pou li kapab sonny son vant, ek sa ki pou son fanmir. Sa i pa akseptab!

 

 

(APPLAUSE)

 

HON JANY DE LETOURDIE

Mr Speaker, avek lespwar ki en zour nou a ganny en Minister zis pou lar ek lakiltir. Antretan mon pe dir regard Lendistri Lar en pe pli profon. Pou vwar ki meyer fason ki nou kapab fer pou nou artis, i a kapab kontinyen kontribye, kree. E pou zot kapab sirviv.  Pa bliye lotrozour nou fek koz lo Lagreman ARIPO, ki nou pe dir pou nou kapab sofgard bann travay nou bann artis. E alors nou bezwen ankouraz zot, e kontinyen kre lanplwa atraver konversasyon avek zot. Mersi bokou Mr Speaker.

 

MR SPEAKER

Mersi Onorab Letourdie. Bon nou ava adjourn pou 30 minit, e nou ava retournen 4er en kar pou kontinyasyon deba lo Mosyon. E mon annan mwan 3 Manm ankor lo mon lalis. Plus, mover of the Motion ki pou fer son konklizyon.  Nou a retournen 4er en kar.

 

(BREAK)

 

MR SPEAKER

Bon nou ava kontinyen deba, lo Mosyon ki devan nou.  Mon ava donn laparol Onorab Audrey Vidot.

 

HON AUDREY VIDOT

Mersi Mr Speaker, bonn apre midi. Bonn apre midi tou Manm Onorab.  Tou Manm piblik ki a lekout. Zabitan Roche Caiman bonn apre midi.  Mr Speaker, letan Prezidan Faure ti prezant son ladres   lo Leta Lanasyon sa lannen. Ti avek lafyerte ki i ti koz lo lakonplisman ekonomik nou pei. E i ti fer resorti ki tou sa bann lakonplisman ki nou’n fer, ti ganny fer ansanm. E, nou ti pe fer tre byen.  Nou ti komans 2020 avek bokou lespwar ki nou pei ti pou mont pli o ankor. Malerezman, tou de kou, sa pandemik COVID-19 in frap nou, e in afekte devlopman sosyoekonomik nou pei.

An rezilta sa, nou’n bezwen konsolid nou sistenm proteksyon sosyal. E adopte mezir pou ki nou kapab sirmont sa gro defi ki devan nou.  Mr Speaker, i kler ki reperkisyon COVID-19 lo lekonomi mondyal, in enn ki pli gro ki nou ti pe espekte. Lemonn antye ozordi i dan en nouvo realite ekonomik.  E COVID-19 i fer nou koman en Nasyon bezwen revwar tou keksoz, e re aziste avek sa realite.  Pou ki nou kapab revwar lavenir Sesel.

Malgre, katastrofik ki COVID-19 in anmenn dan nou Sekter Tourism. Gouvernman in toultan rekonnet ki tourism i reste en pilye nou lekonomi, e sa pou kontinyen dan fitir imedyat. Akoz pei i bezwen sa devis etranzer antre dan nou lekonomi. Plis rezon akoz nou bezwen reouver nou frontyer. Me i ekstrememan enportan ki nou mentenir vizilans, e ki nou tou nou kontinyen pratik bann mezir prekosyon, prevansyon, anliny avek gidans Departman Lasante.

Nou en pep ki byen edike. E konpran ki prevansyon i pli bon ki gerizon. Alors, annou kontinyen ranforsi bann pratik gard zistans, atraver sanzman dan nou prop konportman endividyel.  Mr Speaker, nou’n travay tre dir ansanm nou tou, pou nou anmenn lekonomi kot i ete ozordi.   Nou’n fer sakrifis, nou’n persevere, e nou’n progrese.  COVID-19 in vreman me nou retar, me nou pa kapab les li bar nou. E Gouvernman anba Leadership Prezidan Faure, in fer bokou, e ankor determinen pou fer plis. Avek striktir ki’n ganny etablir pou valoriz pwennvi, e nide tou sekter e endividi, ki pare pou travay ansanm, re aziste kot i fodre.

Nou konfidan ki koman en Nasyon nou pou sirmont sa defi, avek en lekip ki annan Sesel a ker. Kot zot leksperyans, determinasyon, e disiplin, pou ede redres lekonomi. Pou ki ansanm avek bokou fyerte nou kapab sorti for.

Mr Speaker, resaman   nou’n tann, e vwar plizyer lakonpannyen dan Lendistri Tourizm pe fer Seselwa aret travay. Ozordi, egzekitiv pe ganny kritike par Lopozisyon LDS, konmkwa naryen pa pe ganny fer.  Me sa ki LDS pa oule admet, se ki sa Gouvernman, sa menm Gouvernman ki zot kritike. Ki’n pran sa gran responsabilite pou met en striktir an plas, pou anmas nou bann travayer e replas zot dan en progranm travay. Ki permet zot kapab kontinyen resevwar en reveni, e ki permet sa travayer Seselwa kontinyen met sa morso manze dan lasyet lo latab son fanmir.

Mr Speaker, nou dan United Seychelles, nou pa per pou fer kritik, e nou krwar dan fer kritik i konstriktiv.  Me nou osi konn dir mersi.  E lo non lekip United Seychelles, nou le dir mersi tou sa bann endividi ki’n volonterman partaz zot nide avek Prezidan Faure, e son lekip.  Pou ki Gouvernman, i donn sipor sa bann Seselwa, ki latet i plen avek traka ler zot ganny fer arete travay.  Nou osi dir mersi, tou sa bann profesyonnel, teknisyen, e sa travayer Seselwa ordiner. Ki depi ler ka COVID ti antre Sesel, dan lockdown, e ziska la, i ankor pe donn tou pou ede dan sa moman difisil ki nou pe pas ladan.

Nou osi dir mersi, Prezidan Faure ek son lekip. Pou ki la akote nou bann frer ek ser Seselwa dan sa moman difisil ki nou pe pas ladan. Nou konfidan ki koman en Nasyon, nou pou sirmont sa defi. Akoz nou pei pe ganny dirize par en zonm ki annan leksperyans pou ede redres nou lekonomi. Annou pa bliye, lekel ki ti la, ler pei ti pe pas dan en kriz ekonomik 2008 a 2009.  E lekel bann ki pa ti kapab tenir lasaler dife, e dir ki lanmans pwalon i so.

Mr Speaker, ler Prezidan Faure ti partaz 3 mwan son saler dan en fon, ki pou raport sipor nenport ki sekter ki’n ganny afekte avek COVID-19. LDS ti sorti, e li i ti deside pou swazir zis en group. Eski zot prensip i pou siport toultan zis en group?  Mon poz sa la pou Seselwa reflesir.

Mr Speaker, lekip lasante in kontinyelman enform piblik lo devlopman sa viris, e donn otan lenformasyon pou ki nou pep i pran byen prekosyon. E travay ansanm pou nou sirviv koman en pti Nasyon. E nou bann profesyonnel pe touzour regard li a nivo, pou ki nou pep i reste a zour avek lenformasyon. E pou personn pa santi li tousel dan sa bann moman difisil ki nou pe fer fas avek.

Pou konklir, mon le felisit bann lorganizasyon travay ki ankor pe tenir zot bann travayer Seselwa. E ki apresye sa pti sipor ki zot pe gannyen.  E mon le osi dir mersi nou bann Seselwa ki pe travay avek tourizm ki deza Sesel. E bann ki pe fer sa sakrifis dan izolasyon, pou protez son fanmir. E byensir pou ede anmenn en pe reveni dan nou lekonomi. Mersi Mr Speaker.

 

MR SPEAKER

Mersi Onorab Vidot. Mon a donn laparol Onorab Simon Gill.

 

HON SIMON GILL

Mersi bokou Mr Speaker.  Bonn apre midi Mr Speaker.  Bonn apre midi tou koleg Onorab. E manm piblik ki pe ekout nou. Mr Speaker, Mosyon prezante par Onorab Ahmed Afif, Manm elekte pou Distrik Anse Etoile.  Parey normalman mon fer, mon lir son Mosyon, ‘Swivan lefe katastrofik ki COVID-19 in anmennen dan nou sekter touris e avek bi regard li a nouvo, Lasanble Nasyonal i demande ki tou bann akter dan sa lendistri i zwenn ansanm pou ofer bann nouvo loportinite lanplwa pou Seselwa kalifye e tou lezot dimoun.

Mr Speaker, Mosyon Onorab Afif, i donn nou en loportinite pou fer en revi lo kot nou ete. Pa zis koman Sesel, me kot lemonn i ete, etan ki konsern bann dezas. Bann sityasyon katastrofik ki COVID-19 in anmennen pou lemonn.  E Sesel nou form parti sa lemonn byensir.

Mr Speaker, dan sa katastrofik, or sityasyon katastrofik. Mon pa trouv zis katastrofik Mr Speaker.  Or mon pa trouv zis katastrof. Mon trouv loportinite. E Onorab Afif koman en ekonomis, en dimoun ki doue dan bann zafer statistik, ki’n deza Sekreter Prensipal dan Gouvernman ki pe gouvernen ozordi dan sa pei. I pou dakor avek mwan, ki dan tou sityasyon katastrofik, ler ou dan direksyon en pei. Ler ou pe diriz lekonomi en pei, ler ou pe administre e sey rod lekilib pou ou pei, pou ou pep.

Ou rode ki bann loportinite ki ou kapab gannyen pou ki, dan la mezir bann posibilite i permet ou. Ou sezi sa bann loportinite pou ou kapab pa ganny afeblir sitan kantite, me kot ou kapab tenir. Si mon servi sa term avek serten rezervasyon, tenir a laflot. E pou ou kapab esper letan, moman i bon, pou ou   kapab lanse, oubyen relans ou.

Me Mr Speaker, i annan en realite la devan nou, ki nou pep i bezwen konpran.  E sa realite ki annefe plizyer pei dan lemon in fer fas avek, se ki reveni reel, ki sak bann pei ti pe gannyen atraver plizyer bann diferan aktivite ekonomik. Sa bann revini in sibir en konsekans tre grav. Reveni in di mini. E parey mon’n dir, sa bann pli gran lekonomi dan lemonn. Lekonomi Lanmerik, lekonomi Lasin, lekonomi Langleter, lekonomi Itali, Belzik, Laswed, dan en fason ki ou en lot kot in ganny   severman afekte.

E Sesel dapre bann sif ki nou’n rikorde dan bann diferan lentervansyon ki Gouverner Labank Santral in fer, Ms Caroline Abel, mon ganny en konpran ki tou le semenn nou ti pe ganny nou apepre $3 milyon ki ti pe rantre dan kof.  E ozordi, mon pe konpran ou annan apepre zis $500 mil ki pe rantre dan kof. Si Onorab Afif i annan bann sif resan, i ava kapab donn nou taler letan i sum-up.

Me sa i montre nou en keksoz Mr Speaker. I montre nou ki pei, Gouvernman dan en fason ou en lot, pe komans rantre pou servi son rezerv pou donn serten lekilib dan demann foreign exchange. Pou nou soutenir nou lenportasyon, e pou nou fer sir ki bann komodite esansyel, tre enportan i kontinyen rantre Sesel. Bann latizann ki nou bezwen dan nou servis lasante, i kontinyen ganny enporte.  Pou ki an retour nou kapab soutenir nou pep ki bezwen tretman, ki bezwen latizann.

Dan sa menm dimansyon nou’n bezwen garanti ki mazorite nou bann ser, frer Seselwa, ki ankor dan en lanplwa, e ki an deor lanplwa. I ganny soutenir pou ki zot kapab met manze lo latab. Pou zot kapab zwenn bann lezot komitman finansyel ki zot annan. Komitman finansyel anver peyman en loan lakaz, komitman finansyel anver peyman en loan labank, ou komitman finansyel anver peyman en loan pou en lenvestisman prive ki zot in pran.

E Mr Speaker, san dout i annan en kantite lenpak ki COVID-19 pe fer lo sosyete or dan sosyete Seselwa.  Nou napa okenn dout lo la, e mon krwar senserman e onnetman. LDS ki isi dan Lasanble, e nou isi lo sa kote latab United Seychelles, si i annan en keksoz ki i inifye nou, e ki nou dakor lo la.  Se lenpak ki lefe COVID-19 pe anmennen dan sosyete Seselwa.

E Mr Speaker, an deor tousala, LDS i ava dakor avek nou ozordi. E mwan la ki annan laparol, dakor poudir in annan bann zonm, fanm ki dan leadership pei, ki dan bann diferan lenstitisyon dan sosyete Seselwa. Ki’n fer en kantite sakrifis pou gard Sesel flote. Pou asire ki nou pa ganny sitan bann gran lefe lasante. E ki nou sistenm lasante pa ganny strese an deor son kapasite.

E ki ozordi si i annan en keksoz ki nou bezwen fer, se sezi sa loportinite ankor enn fwa. Se pou remersye, e felisit tou bann Seselwa ki lizour, lannwit, in donn zot letan pou zot ed Sesel, dan sa demars pou nou reste flote.

E Mr Speaker, a latet Leadership Sesel ozordi, malgre avek tou nou bann dezagreman, malgre avek tou nou bann divers lopinyon ki nou’n kapab annan dan diferan moman. E si i annan en tim ki onnetman, e senserman, nou bezwen dir zot nou apresye zot travay ki zot in fer, ki zot pe fer. E sa byensir se sa zonm ki pe diriz Sesel ozordi. E ki bann lezot lenstitisyon, anba son leadership zot pe kapab koman en tim. Pa koman en zonm, koman en tim prezan, pe kapab donn sa direksyon Sesel.

E byensir Onorab Ferrari i anvi mon mansyonnen lekel sa zonm.  E sa zonm se pa lot ki Danny Faure ki Prezidan Sesel ozordi.  Menm si ou pa pou dakor, avek mon lopinyon lo la.  Mon respekte, e nou a dakor pou nou pa dakor, ki i sa zonm ki pe lead Sesel ozordi. E anba son leadership, malgre in annan en kantite dout dan son kapasite pou li travers sa laroul, sa movetan. Sa zonm pe travers sa movetan avek en lekip, avek en tim. Pa pe fer one man show, me pe travay avek en lekip, avek en tim.

E Mr Speaker, nou bezwen ankor enn fwa remersi tou bann profesyonnel dan diferan sekter sosyete Seselwa.  Ki form par sa lekip.  E Mr Speaker, Onorab Ahmed Afif dan son Mosyon i pe dir tou bann akter dan sa lendistri, zwenn ansanm. E Mr Speaker, mwan dakor avek ou lapel Onorab Afif. Pou tou bann akter dan sa sekter pou zwenn ansanm.  Me sa ki mon kapab osi dir ou, ki malgre avek bann defayans ki ou kapab, or ki ou’n kapab analize, ki ou’n kapab vwar, se sa fason travay ki Prezidan Faure in kontinyelman anmennen.

Me mon konnen zot annan rezervasyon avek langazman, or lakantite langazman ki Lasanble in angaze dan sa prose. Sa mon konnen zot annan rezervasyon lo la. E i normal zot annan sa rezervasyon. Me lefe i reste ki sa pa elimin lefe ki tou le semenn Prezidan Faure, anba son leadership. I pe kontinyelman, e sistematikman mentenir en dyalog avek bann akter kle dan lekonomi Seselwa. Dan sistenm finansyel Seselwa.  Dan sekter prodiktif Seselwa. E bann sekter servis sosyete Seselwa. Pe kontinyelman konsilte zot e kontinyen diskite.

E ankor enn fwa, ansanm koman en lekip zot pe tras larout pou ki Sesel i sezi sa loportinite ki sa sityasyon katastrofik COVID pe poz devan nou. I en defi. E ler i annan defi Mr Speaker, Leaders pa kapab saye defi, ler ou dan pozisyon leadershipLeaders i bezwen tyonbo sa defi for, e anmenn tou dimoun ansanm. Bann personnaz kle ansanm, pou ki nou ganny sa reprezantasyon enportan dan konsiltasyon. Dan pran desizyon, e legzekisyon.

E Mr Speaker, mwan mon pou dir bravo Mr Faure. Bravo sa lekip ki i dirize, ki tou le semenn zot kontinyen zwenn avek en sel bi pou zot donn lespwar Sesel. Donn lespwar Seselwa ki malgre tou defi. Ler nou ansanm koman en tim, koman en Nasyon, nou kapab fer mervey. Se sa lespwar Mr Speaker.

E Mr Speaker lo sa not, Onorab Ferrari, Onorab Ramkalawan, Onorab Afif ki dan en sityasyon privilezye dan nou Lasanble. Koman kandida vis prezidansyel, Onorab Afif.  E Onorab Ramkalawan koman kandida prezidansyel LDS. E Onorab Ferrari koman zot konsiltan permanan, i la.

E mon vwar ki malgre ki zot pou dir nou, Prezidan i annan bann loportinite an plis ki zot,  sa bann moman ki nou fer dan Lasanble ansanm, zot ganny en kantite loportinite pou fer prevalwar zot bann panse. E fer prevalwar zot stati, stati or platform si mon a kapab servi en lot mo.

Zot platform ki pli apropriye. Pou nou kapab arive balans Seselwa. Balans bann vote Seselwa, pou donn sipor dan zot prosen kanpanny ki zot pou fer. E finalman ki pou abouti dan eleksyon prezidansyel.

Mr Speaker, mon pe prezimen ki Mosyon prezante par onorab Ahmed Afif, in ganny clearance Onorab Wavel Ramkalawan. E ler mon pe prezimen ki in ganny clearance, mon osi prezimen ki endirekteman zot pe, dan en fason pozitiv endorse sa platform ki nou kandida prezidansyel United Seychelles in met devan Lepep Seselwa.

En platform pou kre en Gouvernman Linite Nasyonal. Kot sa bi fondamantal se pou epwiz dan konesans, dan kapasite potansyel tou nou pep. Pou ki ansanm koman en Nasyon, pou ki ansanm koman bann travayer Seselwa, nou kapab fransir sa defi ki devan nou.

E sa defi se, pou nou sorti dan sa lenpas ekonomi finansyel ki nou ladan. E pou nou kontinyen partaz bann lopinyon. E ki avek sa nou sel lespwar se ki nou kontinyen reste a laflot. E ki nou sityasyon pa deteryore plis ki in deza deteryore ozordi la ki mon pe koze.

Mr Speaker, Onorab Ramkalawan i dir mwan sum- up.  Akoz mon krwar i anvi ki nou fini 5er menm ozordi. Me mon krwar ki mon ava ekout li, e mon swete ki li i pa ale ziska 5er edmi. E ki i donn Onorab Afif en posibilite dan 5er mwen 5 pou li fer summing-up. E ki 5 er i fini, e ki nou ale.

Mr Speaker, lo sa not mon pou dir Onorab Afif, malgre koman en lekip LDS, zot ti rezet Mosyon Onorab Ernesta. Ki ti osi pe kontribye dan sa zefor nasyonal pou nou kapab adres en serten problenm.  Me ozordi, normalman i pa mon stil pou donn direktiv. Me mon ava dir avek nou bann koleg, annou montre nou bonn fwa. Annou donn en sipor inanim Mosyon prezante par Onorab Ahmed Afif.

E ansanm koman en sel Sesel, koman en sel Nasyon, nou a bouz ansanm. Kre lespwar pou nou pep, akoz nou kapab fer li ‘ansanm’ pou ki an retour sel lespwar ki nou kree. Se en lespwar dan Sesel, en lespwar dan Nasyon Seselwa. Avek nou kapasite pou nou sorti viktorye dan nenport ki sityasyon. Mr Speaker, mersi bokou.

 

MR SPEAKER

Mersi Onorab Simon Gill.  Mon ava donn laparol Onorab Wavel Ramkalawan.

 

HON WAVEL RAMKALAWAN

Mersi bokou Mr Speaker.  Onorab Gill ti’n promet mwan 10 minit ziska 5er mwen 5. Me la in pran 2 ladan. Tipik SPPF, zot promet ou en keksoz, zot promet ou 10, apre zot donn ou 8. E se sa zot problenm. Mr Speaker, mon kontan lafason ki Onorab Simon Gill in terminen. Parski, in aktyelman donn en clearance, en lord ki mannyer pou vote.

Be nou Onorab Afif pa bezwen clearance avek mwan pou sa bann kalite Mosyon. Akoz sa i form parti nou filozofi, e alors sa ki in anmennen se parski i santi sa nesesite. E sa nesesite pou ki nou zwenn ansanm pou ofer bann nouvo loportinite lanplwa tou Seselwa.

E letan nou pe dir ofer nouvo loportinite tou bann Seselwa, mon pa pou repet sa ki in dir, se pou nou regarde dan milye sa sityasyon la, se ki mannyer nou ed bann Seselwa.  Me selman i enportan pou mwan dir ki, letan nou pe koz lo Seselwa, i enportan osi pou nou pe mazin an term fanmir.

E rezon ki mon mansyonn sa mo fanmir, se parske i annan etranze ki’n marye avek Seselwa. E ki pe reste Sesel, e ki dan zot kad kot zot ete, petet zot osi zot dan difikilte. Zot napa en paspor Seselwa. Alors zot kapab ganny regarde dan en serten fason.

I annan etranze ki ozordi zot boyfriend, oubyen zot girlfriend i en Seselwa. Alors mon krwar ki tousala se bann diferan sityasyon ki nou bezwen pran an konsiderasyon. E pou nou regarde ki mannyer nou kapab siport lafanmir dan nou sosyete, e byensir lafanmir Seselwa. Parski pa tou travayer ki’n vin isi zis pou travay, me zot in osi etablir en fwaye. Alors tousala se bann keksoz ki nou bezwen pran an konsiderasyon.

Par egzanp mon ti ava dir, ki letan pe mazin an term lekel bann pozisyon ki serten bann lakonpannyen pe mazin fer redundant, mon ti ava dir ki i enportan pou mazinen si par egzanp i annan en etranze ki annan en partner Seselwa, pou donn li en serten priyorite. Pou ki li i pa ganny fer redundant pou li kapab nouri son fanmir. Mon krwar tousala se bann keksoz ki nou bezwen met lo latab.

E byensir, mwan letan mon pe regard sa Mosyon, mon pe osi regard lafason ki nou kapab raise standar nou bann Seselwa. E mon krwar ki Onorab Ferrari, li osi tou in mansyonn sa.  E i en panse ki letan mon pe ekout serten nou bann Manm, nou pe mazin koumsa.

Par egzanp, ti en bon moman la pou, letan nou pe regard bann diferan landrwa travay. Pran par egzanp dan lotel, chambermaids, mon konnen ki poudir   ozordi i annan bokou etranze ki pe travay koman chambermaids dan bann lotel.

Alors eski pa ti en moman pou nou kapab fer bann course spesyal pou nou bann chambermaid Seselwa, pou zot improve zot standar. E mon konnen ki poudir, bokou nou bann Seselwa zot vreman devoue.  Me selman en moman pou nou kapab raise zot standar. Pou ki petet zot kapab, zot pozisyon kot zot ete ozordi, i annan en etranze ki par lao zot.  Petet zot kapab pran sa responsabilite pou zot kapab vin Sef.

E mon krwar lotrozour dan Lasanble nou ti pe koz lo la. En madanm, non, non, lo televizyon. En madanm ki’n rakonte ki mannyer in montre son devosyon, in aprann isi, in aprann laba. Ki finalman i ti en head dan son landrwa. Alors Mr Speaker, mon krwar ki sa Mosyon i demann nou, pou nou re envant nou lekor. E pou re envant nou lekor dan en fason ki Seselwa premyerman, i pran son responsabilite.

E la i en moman pou nou adres nou bann zenn. Pou regarde nou bann zenn pou zot komans fer en rev pou zot osi tou. Pa pou zot zis espere kwa ki politisyen i anvi fer pou zot. Mon’n ekrir lo sa size sa semenn, pou mwan dir ek bann zenn, reve zot osi. Annan en rev, e letan zot pe mazin sa rev. regarde ki mannyer zot pou kapab avanse. Zot pou kapab annan en kiltir savings, pou zot kapab debout lo zot de lipye.  Pou zot ganny zot bann kalifikasyon akademik oubyen vokasyonnel.  E atraver sa, ki mannyer sosyete i pou kapab balanse avek zot.

E mon krwar ki sa Mosyon dan en serten sans i amenn nou avek sa bann parol ki’n rezonnen atraver bann syek. Kot sa gran Prezidan Ameriken, Kennedy.  Ki ti dir, pa regarde kwa ki ou pei pou fer pou ou, me kwa ki ou, ou kapab fer pou ou pei.

E mon krwar ki la avek COVID, i a pe dir avek nou. Anmezir ki nou pe regarde kwa ki nou pou fer pou nou menm, alors kwa ki atraver sa, nou pou fer pou nou pei. E war Mr Speaker, i annan serten dimoun par egzanp Mr William Rose, letan i pe ekout sa Mosyon. In dir avek mwan ki, li i fyer koman en biznesmenn ki 99 poursan son staff i Seselwa. E i anvi donn zot plis lankourazman ankor. Be mon krwar ki sa dan li menm. E mon konnen ki par egzanp, li i sey fer en fason pou li train son bann Seselwa.

E letan ou koz lo Lekol Maritim par egzanp i dir, pa bezwen 2an pou li train en dimoun pou vin en skipper. Donn li en marmay ki enterese, dan 3 mwan, sa marmay in fini vin en skipper. Parski i pou montre li ki mannyer pou li fer sa travay. Mon krwar ki se sa ki Onorab Afif pe rode atraver sa Mosyon.

E pli boner Onorab Ferrari tou, in mansyonn Shannon College.  Be ki mannyer pezan nou pran sa bann Seselwa ki’n deza annan en lipye, a alors nou fer zot mont pli devan, pli o. E la mon mazin en Seselwa ki’n fer vreman byen dan lotelri.

Par egzanp letan mon mazin Mr Maxime Rachel, kot in ganny sa lankourazman, e atraver sa, in pouse menm. Li osi tou in aprann, e apre sa nou’n war li pe manage bann lotel dan Maldiv. E la si mon pa tronpe i dan en lot pei kot ankor enn fwa i ape manage. In retourn isi Sesel, Fisherman’s cove in annan bann pozisyon Management tre o.

Alors se sa direksyon ki nou bezwen pouse.  E letan mon ekout Onorab Letourdie, ankor enn fwa kot letan i pe dir, bann artis. La osi tou, mon krwar i en moman pou nou, pou bann artis re envant zot lekor. Parski zot dan, napa biznes, e letan par egzanp ou al H Hotel avan COVID. Ou trouv en benn ki pe zwe, 2 Kiben ki pe zwe bann lanmizik Kiben. Be mwan mon krwar, ki nou Seselwa, i annan sa talan pou zot kapab regarde ki bann bezwen.

E mon krwar ki se la kot i devret annan en dyalog ant bann lotel avek bann artis Seselwa.  I’m sure, si par egzanp dan sa peryod la, e nou ankor dan sa moman kot napa bokou touris ki pe vini, kot si i annan, e la mon ava ankouraz bann Lasosyasyon bann Artis, pou rantre an kontak ek bann lotel, ansanm avek lankourazman kot Minister Kiltir ek Tourizm, pou regarde be, sa restoran, sa lotel, ki kalite lanmizik ki i anvi? I anvi bann lanmizik Latino?

Alors bann Seselwa i kapab, dir be regarde la nou pou al met lanfaz lo ki mannyer nou pou rantre avek lanmizik Latino.  Lot kote i anvi plis lanmizik 60’s, be la i la, nou pou al met lanfaz lo la. Pou ki letan nou reouver, nou bann Seselwa i  ava kapab pran sa bann pozisyon. Alors mon krwar ki nou bezwen re envant nou lekor.

Donk Mr Speaker, mon konnen ki poudir, lo kote US, zot in servi sa lokazyon pou zot fer, pou zot praise Mr Faure.  Nou konpran sa, parski sa Lasanble la, i en landrwa kot politik i ganny fer. E Onorab Gill, Onorab Pillay dan sa ki in dir. Lot laba, Onorab Saunders. Sorry Onorab Vidot, be mon krwar mon, ou konnen Mr Speaker akoz mon fer sa fot. Akoz dan group Lasanble, i met son lekor koman Onorab Audrey Saunders Vidot. Dan group Lasanble, e alors sanmenm sa kekfwa mon, kekfwa i bezwen tir sa Saunders dan son. Dan group Lasanble, dan WhatsApp group. Tyeke ou ava war.

Anyways, Onorab Vidot.  Zot in fer sa. I byen, i byen pou zot ankouraz zot Leader. Me selman an menm tan osi, mon krwar ki i normal pou dir ki, pandan sa peryod in annan bokou gaf ki’n ganny fer. I mean, bann lasistans ki en lanons i ganny fer. Dezyenm fwa en lot lanons i ganny fer, trwazyenm fwa en lot lanons i ganny fer. E menm zot kandida Vis-Prezidan, li menm li i ti aksepte ki poudir in sanz bar 3 fwa. Lo ki mannyer bann keksoz pou deroule.

Me selman mwan mon anvi zis, byensir mon pou siport sa Mosyon. Parski mon krwar ki i en bon Mosyon, i en bon Mosyon pou nou pei. Me selman mon zis anvi dir avek zot, wi, annou met lanfaz lo met manze lo latab. Parski met manze lo latab, i en tenm ki bon.

E nou tou lede kote, nou pe dir met manze lo latab Seselwa. Sa i en, Onorab Pillay i riye, akoz mon konnen ki poudir mon konn keksoz ki li i konnen mon konnen. Met manze lo latab Seselwa. Se sa ki nou tou nou pe fer.

E sa Mosyon pe dir, met plis manze lo latab Seselwa. Alors mwan mon pa kapab dakor plis avek Onorab Afif, letan i pe dir met plis manze lo latab Seselwa. Me dan tou sa bann zoli parol ki zot in dir ensidswit lo Mr Faure.  Mon ti ava kontan zis donn en pti avertisman, parski mon konnen ki Onorab Gill li, i pe prepar tou sa bann progranm. Bann progranm ORO, ki i pe al lanse.  Mon anvi zis dir, mon kontan ki poudir zot finalman, zot pe vin lo teren. Me mon anvi dir zot, kantite sa bann parol ki zot in dir, an relasyon avek Mr Faure, lo teren laba deor, i totalman diferan.

Alors kontinyen travay, kontinyen donn lankourazman dan zot bann progranm Oro. Which means gold in Spanish. Kontinyen fer sa, akoz i annan en kantite travay pou fer.  Mr Speaker avek sa de parol mon’n repran sa ki Onorab Gill ti’n pran. E la i 5er, alors mon rann laparol. E mon dir Onorab Afif felisitasyon pou en Mosyon koumsa. Si ou kontiny dan sa direksyon, se sa kalite Vis- Prezidan ki Sesel i bezwen. Mersi bokou.

 

MR SPEAKER

Mersi Onorab Ramkalawan. Bon, mon ava donn dernyen laparol Onorab Ahmed Afif pou fer son konklizyon. Onorab.

 

HON AHMED AFIF

Mersi Mr Speaker. E mersi tou bann Manm ki’n koz an faver sa Mosyon.  Mr Speaker, ler mon ekout bann entervenan ki’n vini. Bokou in ganny dir, e i kler ki bokou pe siport sa Mosyon ki la devan nou. E mon ti a kontan dir, poudir sa bann parol. Mon ti a kontan remersi an partikilye Onorab Ramkalawan. Sirtou ler i dir, sa parol, met manze lo latab Seselwa. E petet sa i en rezimen vreman ki sa Mosyon pe demande. Met manze lo latab Seselwa. Se sa ki nou pe demande dan sa Mosyon.

E petet zis pou mwan ilistre ki rasyonal ti annan pou anmenn sa Mosyon. Akoz? Mwan mon’n met li ler mon’n ekout tou sa ki in ganny dir. Ti vreman annan 5 rasyonal par deryer. (1) se ki nou ti anvi Sesel, nou anvi ki Sesel i reste touzour sen e sof. E mon a fer, pou bann ki’n koze ki ti dir poudir nou ti dan leta panik, eksetera. Si mon a fer zot rapel, ki ler mwan menm ek Onorab Ramkalawan, e plizyer lezot. Pli tar ti koz lo sa sityasyon depi Mars 2020.

Nou ti dir, poudir sitasyon i grav. I pou vin pli grav, e Sesel i devret pran aksyon neseser pou pran prekosyon. E sa lepok, parske nou Erport ti ankor ouver, dimoun ti pe sirkil libreman. Nou pa ti konnen lekel ki annan, lekel ki napa. Nou ti’n dekouver detrwa ka, nou ti menm sizer en lockdown sa letan.  Pa ti le tann koze, sa mo ti vin preski, en lepok menm bann zofisye ki per pou mansyonn sa mo lockdown.

Me le 9 Avril, ziska le 3 Me, Gouvernman ti fer egzakteman sa.  Zot ti al maske dernyen zil. Zot ti ferm Erport. E se la, le 01 Out ki nou sorti dan maske, pou nou vini e rekonmanse. Ti napa panik, ti napa okenn panik. Nou ti pe prevwar en sityasyon ki ti danzere, e nou sel lentere sete proteksyon pep Seselwa. E proteksyon pou son lekonomi.

Dezyenmman, nou ti anvi ki tou Seselwa i ganny en lasyet manze, met manze lo latab Seselwa. E se pou sa rezon ki nou ti aprouv en Bidze, pa lontan apre ki Minis Finans ti prezant nou avek en Bidze ki’n ganny refer konpletman. Nou ti aprouve. Malgre ki ti annan en defisit, en ekstra R1 bilyon pirman pou Wage Grant COVID-19.

Trwazyenmman, nou ti anvi fer sir poudir plis deviz i antre dan Sesel.  E se la kot nou ti demann bokou kestyon avek Labank Santral ek Minister Finans.  Eski se zis nou koman Gouvernman oubyen Labank Santral ki devret konverti son forex? Oubyen eski nou devret demann bann labank prive osi, e sekter prive pou kontribye? E Onorab Gill ler i ti entervenir, i dir ek mwan si mon annan okenn sif lo la? Onorab Gill, mon napa sif reveni pei an deviz, parske mon pa ankor vwar en latab, sa ki zot apel balance of payments.

Be mon fek regard sif ofisyel Labank Santral.  Kot i montre son nivo rezerv. E mon kapab dir ou, mon en pe etonnen. Me dan en fason pozitiv, ki dan lafen 2019 nou nivo rezerv ti $430milyon koman net international reserves. E a lafen Zen 2020, apre ki nou pas dan 3 mwan peryod COVID. I pli o, i $440 milyon.  E ozordi, annefe yer, i ti $445milyon.

Alors wi, in annan en lenpak, me selman i kler poudir i annan keksoz ki pe pase dan lekonomi. E probableman, se vreman sa ki nou ti koz lo la, ankouraz sekter prive konverti en pe. Pou kapab soutenir lekonomi.

E sa mon kontan in marse, e se probableman pou sa rezon, ki nou vwar ki to lesanz i ankor lo sa nivo kot i ete. Lo nou kote nou osi, mon katriyenm pwen se ki otan ki nou, nou kapab.  Nou’n anvi dan nou fason pou nou koman Manm Lasanble, ed sirtou sa ki nou apel bann dimoun lo frontline.

E a 2 repriz sa kote latab. LDS nou, nou’n ede pou donn R60mil, bann Lasosyasyon Ners, answit Red Cross. Kot nou’n kapab montre zot poudir nou konsernen sa ki pe arive. Nou apresye sa zefor ki zot pe fer dan en moman difisil. E sa se nou fason, malgre ki i pti, pti. Pou montre ki nou osi nou pe debout avek zot.

Dernyerman, en semenn pase, ankor pou siport lespri sa Mosyon, nou ti menm anmenn Minis Ledikasyon. Kot nou ti demann li pou li ed sirtou bann zenn ki anvi al komans zot letid. Pou zot kapab osi donn en koudmen, sirtou ozordi ler nou annan bokou etranze ki pe kout pei bokou larzan.

E nou kapab ganny Seselwa pou komans pli boner posib. E rod tou fason, si sa lannen zot kapab komans etidye malgre ki zot isi. Ki sa bann paran i ganny promet ki zot pou ganny ranbourse lannen prosenn si napa larzan sa lannen. Me les zot komanse.

Tousala se parske nou, nou en lekip ki pe mazin pou Seselwa, nou en lekip ki pe mazin pou demen. Nou lekip ki anvi anmenn dibyen pou Sesel.  Pa en lekip ki dan panik. En lekip ki pe donn gidans, ki pe montre, ki pe lead by example, e ki nou anvi le meyer pou Sesel.

Mon kontan ki lo nou kote, e Onorab Ferrari in soulev enn de bann problenm. Sa i normal sa. Ler in koz lo komitman Gouvernman.  E ou bezwen toultan, fer li dan en fason kot ou montre legzanp. In donn legzanp, par egzanp bann drayver pickup. Kot ti annan en desizyon ki ti’n ganny pran par Gouvernman, poudir sa pou donnen pou Seselwa. Me i pa’n ganny enplimante.

Sa sete bann legzanp. In donn legzanp lo GOP, kot serten i ganny privilez, me lezot pa gannyen. Tousala se bann legzanp. Nou pa bezwen ofanse par legzanp, parske i pe met sa devan, pou dir ki ler sa bann akter ki dan sa Mosyon nou pe koz lo la. Nou pe dir zot bezwen zwenn ansanm, pou zot travay pou ki Seselwa pa perdi zot lanplwa, i pe donn legzanp reel, pou ki nou koriz en sityasyon ler nou pe al devan. Pou ki nou fer sir ki enn fwa nou pran desizyon, nou fer en desizyon ki ferm, e ki tou Seselwa pou benefisye.

I reste zis pou mwan konklir Mr Speaker.  Pou mwan sa ki mon krwar nou devret fer ozordi. Se zisteman dan sa legzanp ki mon ti koz lo la pli boner, se trouve kote Seselwa ozordi ki annan en skill, ki san gran training i kapab entegre dan en lot loperasyon, nou devret donn sa priyorite.

E pou nou kapab fer sa byen, i enportan ki nou annan en lenvanter tou bann dimoun. Si i annan 2000, si i annan 3000, dan diferan domenn. Dan tourizm espesyalman. Annan en lenvanter lo tou sa bann dimoun. Zot kontak, kote zot ete. Avek en lenvanter lekel bann bezwen sa bann letablisman ki pe komanse. Ki pe lanse ozordi parey nou’n vwar.

Enn fwa nou annan sa, nou kapab dir ek zot. Parske nou konnen zot ankor pe anploy dimoun ki etranze.  E ankor se pa akoz nou pa kontan etranze, se parske nou anvi met manze lo latab Seselwa. Sa i priyorite. Alors nou bezwen fer sa.  E se dan sa konteks ki par ler i annan bann pti, pti keksoz ki nou kapab fer, me ki ankor enn fwa. La mon annan devan mwan en legzanp kot en advert par Tourism Board, kot i pe rod kandida pou Marketing Director, me dan  enpozisyon aletranze.

Me selman i dir, the candidate. In souliny sa an rouz. The candidate should be a ‘European passport holder.’  Mon konpran lide. mon konpran nide. Petet parske i pou baze laba. I fasil pou li si en European passport holder. Me i posib, i osi posib ki ou kapab annan. Ou ti kapab mete, should preferably be a Seychellois, ki well versed in the language, and well versed with the culture, oubyen dan sa landrwa.’ Konmsi montre poudir ou pa zis rod en etranze avan ou donn loportinite en Seselwa. Se sa bann pti legzanp ki mwan mon le dir, se sa bann keksoz ki nou bezwen kapab koze, e aranze.

Mon krwar dan sa Lasanble osi nou annan en Komite ki’n fek formen, e Onorab Ferrari i Chair sa Komite. E i devret, Gouvernman i devret travay avek zot, servi zot, parske zot osi zot annan en network, zot osi zot annan nide. E napa personn ki annan en monopoli lo nide, alors annou travay ansanm pou kapab trouv meyer solisyon.

Mwan mon krwar sa ki nou, nou pe propoze se travay avek tou dimoun ki annan nide ozordi.  E sa Mosyon mou pou zis lir li avan mon konklir. Mr Speaker, ‘Swivan lefe katastrofik ki COVID-19 in anmennen dan nou sekter touris, e avek bi regard li a nouvo, Lasanble Nasyonal i demande ki tou bann akter dan sa lendistri i zwenn ansanm pou ofer bann nouvo loportinite lanplwa pou Seselwa kalifye e tou lezot dimoun.’  Mon ti a demann Lasanble pou aprouv sa Mosyon, e ki Gouvernman i ekout nou lavwa.  E ki a lavenir bokou plis Seselwa a reganny zot dyob. E lekonomi i a kontinyen bouze dan en fason pozitiv. Mersi Mr Speaker.

 

 

(APPLAUSE)

 

 

MR SPEAKER

Mersi Onorab Afif. Bon nou’n ariv moman pou nou pran en vot lo Mosyon ki devan nou. Ki nou’n debat lo la, e ki Onorab Afif fek lir, so mon pa pou relir ankor. Mon ava demann tou Manm ki an faver? Okenn Manm ki kont?  Bon mon’n ganny 21 vot an faver, e zero vot kont. Savedir Mosyon in ganny aprouve par Lasanble.

Bon, avek sa nou’n ariv a lafen nou travay pou ozordi. Nou annan 2 lot Mosyon, nou pa pou pran. Sa i 2 Mosyon pou, enn pou en Konvansyon, enn pou en Lagreman.  Mon ti a kontan remersye tou Manm Onorab. E byensir remersye SBC osi tou pou transmet nou travay an direk. E mon ti a kontan osi remersi tou dimoun ki’n a lekout, e ki’n swiv travay Lasanble Nasyonal ozordi.  Lasanble i adjourn, e nou repran nou travay Mardi le 4 Out. Mon’n ganny dat byen Deputy Clerk?  Mardi le 4 Out, 9er bomaten.

 

(ADJOURNMENT)