::
Home » Verbatim » 2020 » Verbatim Wednesday 13th May, 2020

Verbatim Wednesday 13th May, 2020

NATIONAL ASSEMBLY OF SEYCHELLES

 Wednesday 13th May, 2020

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab e bonzour tou dimoun ki a lekout e pe swiv travay Lasanble Nasyonal. Parey mon ti’n anonse yer, nou annan nou en Revised Order Paper bomaten, i osi konpri serten Bills ki nou pou fer First Reading. E toudswit mon ava donn laparol Madanm Deputy Clerk pou nou fer First Reading bann Bills ki lo Order Paper.

 

MADAM DEPUTY CLERK

Mersi Mr Speaker. Bonzour Mr Speaker. Bonzour tou bann Manm e tou dimoun ki a lekout.

Bill No 15, This Act may be cited as Domestic Violence Act, 2019 and shall come into operation on such date as the Minister may by notice publish in the Gazette appoint.

 Bill No. 20, This Act may be cited as the Companies (Amendment) Act, 2020.

Bill No. 11, This Act may be cited as the Seychelles Fisheries Authority Act, 2019.

Bill No. 22, This Act may be cited as the Public Private Partnership Act, 2019.  Mersi Mr Speaker.

 

MR SPEAKER

Mersi Madanm Deputy Clerk. Mon ava demann parliamentary reporter pou apel Minis avek son delegasyon pou nou kapab kontinyen lo nou Order Paper.  E ozordi parey mon dir yer nou annan 3 Bills pou Second Reading, pou Lasanble debat lo la.  E apre sa nou annan osi en Mosyon. Yes Onorab Ramkalawan?

 

HON WAVEL RAMKALAWAN

Mersi Mr Speaker.  Bonzour Mr Speaker, tou Manm Onorab e tou bann dimoun. Mr Speaker mon zis en pe parey dernyen fwa letan mon ti aport lo ou latansyon bann pasyan Seselwa, e ou lofis ti take up e ti fer en bon travay. Mr Speaker mon zis anvi port a ou latansyon serten konsern ki nou’n gannyen avek bokou paran an relasyon avek ler lekol. Nouvo ler ki lekol pou konmanse 8.40.  I annan bokou paran pe eksprim konsern. Akoz ordinerman zot abitye desann avek zot zanfan. Drop zot zanfan lekol e apre vin travay.  E aprezan ozordi zot pe dir be si lekol pou komans 8.40, ki pou arive avek zot zanfan? Eski zot pou kit zot zanfan dan lakour tousel. Ki kalite laranzman? Eski zot, zot pou ariv retar? Ki konmsi Mr Speaker mon zis met sa devan ou pou ki, mon pa konnen egzakteman si mon pe zis burden ou biro.

Me selman si nou kapab, pou nou kapab met lespri nou bann paran en pe anpe. E si Ledikasyon, si bann teachers pou vin depi boner, me ki lekol ki pou komans pli tar. Oubyen si teachers osi tou pou vin pli tar? E donk ki pou arive avek zot zanfan? Mon zis met sa. Mersi bokou Mr Speaker.

 

MR SPEAKER

Mersi Onorab Ramkalawan. Yes Onorab De Commarmond?

 

HON CHARLES DE COMMARMOND

Bonzour Mr Speaker. Bonzour Minis ki la e tou Manm Onorab. E tou dimoun ki a lekout. Zis pou petet aport en pti lesplikasyon, en pti kontribisyon avek sa pwen ki’n ganny leve la. Aparaman mon krwar in sorti dan bann Press Conference, si pa ankor fini sorti be la i ava sorti ankor. I annan ankor Press Conference pou ganny fer, i enportan fer resorti, ki tou bann paran kontinyen fer sa ki zot abitye fer ek zot zanfan. Lekol i komans 8. 40 pa pou paran, pou zanfan. Savedir depi boner, anmenn zot zanfan boner.

Sa 8.40, in ganny fer pou ki akoz laranzman transpor i pou annan lezot transpor ki pou vini kekfwa, i pou annan retar. E prezan bann prosedir ki’n etablir par lasante pou sa. E teachersteachers depi 7. 30 in fini, depi boner menm zot in vini. E tou sa i pou ganny fer. Sa 8.40 i zis pou an ka nou vwar lekol i pou annan sa dekalaz.  So, lekol i pou komans en pti pe pli tar. Me paran li vini boner, met zot zanfan lekol, desann al travay.

E mon krwar i annan bann laranzman travay. Minis pou travay i la pou lanplwa. Si ou annan en lesplikasyon lo sa bout la i kapab ganny entervenir la antre nou. E voila, mon krwar mon en pti pe osi parey Dr Gedeon ti pe dir, bann dimoun osi i bezwen pran responsabilite vizavi sa. Annou pa esper 8.40 pou nou anmenn nou zanfan kot lekol. Fer sir nou’n anmenn li boner. Si tou zafer i roul boner, sa 8.40 zis i ete pou kapab manage letan e ganny en pti pe letan. Mon panse sa ki mon’n dir i kapab fer en pe kontribisyon ek sa pwen.

 

MR SPEAKER

Mersi Onorab De Commarmond. Bon lo mon kote, lo nou kote Sekretarya sa konsern osi in ganny lefe dan Management Meeting Lendi. Me anvi ki nou Sekretarya Lasanble nou’n deza met en plan an aksyon way back. E nou annan bann mezir bann gidans ki nou pe servi. An menm tan nou pe swiv sa ki Minister Lasante pe donnen e sa ki nou, nou kapab met an plas osi tou. Met an pratik isi.

Nou annan bokou kontrent me nou pe fer nou mye pou nou kapab met nou plan an aksyon.

E nou’n osi koz, nou’n adres sa sityasyon avek travayer.  Se sa rezon ki nou kot Lasanble Sekretarya nou ankor pe travay lo en sistenm rotasyon serten staff. E nou ankor osi, nou annan serten staff ki pe work from home. Me ankor parey nou dir i tonm osi tou dan sa rotasyon. Kekfwa en semenn ou pa pou war sa staff i pe travay from home. E son semenn answit en lot osi tou ki pran.

So nou annan en pti pe sa konsern lo ler lekol. Me anvi nou ler travay, e nou napa en ler fini and so on.  E parey mon dir dan tout lenstans kot bann staff i travay par ler, i travay bann hours ki bann piblik pa vwar. Nou fleksib lo menm bann staff ki annan zanfan ki pou al lekol, si zot ariv en pti pe pli an retar. E nou, nou pare pou nou work nou way around sa. Me nou ava regarde, kekfwa lotorite. Kekfwa Minister Ledikasyon e Minister Lanplwa osi tou i kapab fer lezot lanons pandan sa semenn.

Bon avek sa nou repran nou travay. E mon ti a kontan dir bonzour e welcome Minis responsab pou lanplwa, Madanm Myriam Telemaque. E Minister i ganny akonpannyen par Attorney Zeneral Mr Frank Ally. Son Sekreter Prensipal pou Departman Lanplwa, Mr Jules Baker.  E Special Advisor to the Minister, Ms Veronique Bresson. Minister avek ou delegasyon, bonzour e welcome dan Lasanble National.

Mon ti a kontan prezan pa laparol avek Onorab De Commarmond pou move Mosyon pou Second Reading pou Employment (Amendment) Bill 2020.  Onorab De Commarmond.

 

HON CHARLES DE COMMARMOND

Mersi Mr Speaker. Ankor enn fwa bonzour. Bonzour minis ek ou delegasyon. E tou dimoun ki a lekout e tou bann Manm Onorab isi prezan. Anba Order 64 (2) nou Standing Orders Mr Speaker. Mon le move ki Employment (Amendment) Bill 2020, (Bill No. 19 of 2020 i ganny lir en Dezyenm Fwa. Mersi.

 

MR SPEAKER

Mersi Onorab De Commarmond.  Okenn manm ki segonn Mosyon? Yes Onorab Sebastien Pillay?

 

HON SEBASTIEN PILLAY

Mersi Mr Speaker, bonzour. E bonzour tou koleg Onorab. Bonzour Minis. Mosyon in ganny segonde Mr Speaker.

 

MR SPEAKER

Mersi Onorab Sebastien Pillay. Bon, Motion has been seconded, mon ava envit Minis pou entrodwi son Bill. Minister Telemaque laparol i pou ou.

 

MINISTER MYRIAM TELEMAQUE

Bonzour Mr Speaker.  Bonzour Leader Lopozisyon, Leader Biznes Gouvernman, tou bann Onorab ki la prezan enkli tou bann travayer ki pe ekout mwan ozordi.  Mr Speaker mon annan gran plezir pou vin devan Lasanble Nasyonal pou demann son laprouvasyon kot i konsern 2 lamannman Lalwa Lanplwa, ki nou vwar li neseser pou kapab adres sa sityasyon tre delika ki pe afekte nou travayer an se moman.

Mr Speaker Sesel ansanm avek larestan lemonn, pe a ler aktyel fer fas avek en sityasyon tre difisil. Le 11 Mars sa lannen Lorganizasyon Mondyal Lasante WHO ti deklar sa maladi afektyez COVID-19 ki ganny koze par viris sarz kovide e pandemik. Nou a rapel ki le 20 Mars sa lannen apre ki ti’n annan konfirmasyon 7 ka pozitiv COVID-19 Sesel. Komisyoner Lasante Piblik ti deklar en Irzans Lasante Piblik Sesel.

Sa viris mon kapab dir pe koz en gran menas pou legzistans lemonn parey nou’n konn li, e nou pei pa’n ganny eparnye. In vin san okenn lavertisman e pe kree en bon pe problenm pou nou pei, an term nou lekonomi, nou marse lanplwa e pli enportan pou lasante nou pep. Byen vitman nou’n bezwen re adapte nou avek bann nouvo pratik, e fason fer ki’n ganny prevwar pou en serten letan pou annan en lefe negativ lo nou lekonomi.

Mr Speaker pou asire ki lefe sa viris napa sitan gran lenpak lo nou pep, enkli nou lafors travayer, Gouvernman ti vitman azir par met an plas plizyer mezir pou soutenir popilasyon anmezir ki sityasyon i ganny met anba kontrol. E lekonomi rekomans pran son lelan. Parmi bann mezir sete sipor finansyel pou anpese ki travayer i perdi zot lanplwa, oubyen zot saler i ganny afekte par sa sityasyon ki nou vwar nou ladan.

Prezidan Larepiblik ti fer kler le 20 Mars ki i pa anvi ki anplwayer i fer aret travay zot travayer lo baz redundancy. Mr Speaker depi sa lanons, Minister in resevwar bokou konplent sorti kot travayer e osi zot reprezantan Linyon, Konmkwa ki zot anplwayer pe rode e servi lezot fason pou pa onor zot responsabilite anver zot travayer e sa pe afekte zot ekonomikman.

Serten sa bann aksyon i par egzanp, travayer ki lo probasyon e ki annan ankor en pe letan pou servi son probasyon, pe ganny dir ki zot pa pou kapab kontinyen travay. Erdtan travay pe ganny redwir, pou ki lapey i osi kapab ganny redwir. Selman lanmwatye saler ki’n ganny peye. Travayer pe ganny anvoy kot Lazans Proteksyon Sosyal pou lasistans. Biznes in fermen san swiv prosedir previ par Lalwa Lanplwa. Mon oule fer resorti ki mon Minister in osi ganny kout telefonn sorti kot plizyer anplwayer, pou leklersisman lo sa bann menm size ki mon fek mansyonnen.

Mr Speaker tousala pe arive.  Malgre ki Gouvernman pe donn sipor Lantrepriz Prive oubyen zot in ganny evalye baze lo serten kriter, konmkwa zot kapab mentenir zot travayer pou en pe letan. Pou fer zot rapel apart finansman lapey 3 mwan, i osi annan repeyman loan ki kapab ganny redwir. Akse avek nouvo loan lo en to abordab, e serten laranzman kot i konsern peyman taks. Alors Mr Speaker sa lapros ki serten Lantrepriz Prive in pran pou refiz-e siport zot travayer, i fer mwan bokou tris. Lo lapar nou lafors travayer. Sirtou nou Seselwa ki’n trimouse pou fer sa bann menm lantrepriz ariv kot zot ete ozordi.

Mr Speaker se pou sa rezon ki mon pe vin avek sa Lamannman Lalwa Lanplwa. Poru ki mon Minister i a kapab enplimant sa desizyon Gouvernman.

Savedir pou plis ki posib, sa sityasyon ki nou ladan, pa anmenn tro gran lefe lo nou frer, ser, osi byen ki nou bann mer e perd fanmir Seselwa. Mr Speaker Lamannman ki pe ganny avanse i an de parti. Premyerman i pe entrodwir en nouvo provizyon anba parti 5 Lalwa Lanplwa 1995, pou anpese ki en anplwayer i retenir oubyen pey an retar, an antye oubyen en bout saler en travayer. Oubyen redwir saler en travayer san laprouvasyon zofisye konpetan kot mon Minister.

Dezyenmman i pe sispann bann drwa en anplwayer anba Lalwa Lanplwa pou fer prosedir negosyasyon anba 3 provizyon spesifik. Savedir kot i konsern pou retenir oubyen redwir saler travayer, sa provizyon ki pe ganny entrodwir pou lay-off pou sispann Lalwa Lanplwa en travayer pou en peryod letan. E pou fer redundant en travayer.

An vi sa lanons e sityasyon aktyel e pou asize ki drwa travayer i ganny proteze, sa Prozedlwa pe propoze ki sa lamannman i pran lefe depi le 20 mars, zour ki Komisyoner Lasante Piblik ti deklar sa Irzans Lasante Piblik dan nou pei.

An sa ki konsern peryod sispansyon, drwa en anplwayer pou fer demann laprouvasyon pou;-

1) Sispann lanplwa en travayer pou en peryod letan dan bann sityasyon eksepsyonnel, kot sa biznes i oblize sispann son loperasyon tanporerman. Par egzanp, en katastrof natirel oubyen kot napa resours, ou materyo pou sa biznes kontinyen fonksyonnen. Sa ki nou apel lay-off.

Oubyen, 2), termin lanplwa en travayer par redundancy. Savedir kot en travayer i ganny fer arete travay pou rezon ki son anplwayer pe arete oubyen sispann loperasyon son biznes. Sa peryod pou komans le 20 Mars e pou al ziska le 30 Zen 2020.  Me avek posibilite pou ogmante, depandan lo sirkonstans ki devlope pandan mwan Zen.

Mon oule fer kler ki dapre sa Prozedlwa, en anplwayer pou annan drwa fer laplikasyon avek zofisye konpetan mon Minister, pou sispann lo baz lay-off oubyen termin lanplwa lo baz redundancy en travayer etranze.  Par kont en anplwayer pa pou annan drwa demann permisyon pandan sa peryod pou redwir saler en travayer etranze oubyen, pey li son saler an retar, tan ki sa travayer etranze i reste dan lanplwa sa anplwayer.

Mr Speaker mon pou komans avek sa nouvo provizyon ki kouver sa sityasyon, kot anplwayer pe mazin retenir saler en travayer, en bout oubyen an antye pou pey li pli tar, oubyen redwir sa saler par en serten poursantaz. An se moman anba Lalwa Lanplwa en anplwayer i kapab fer sa, avek konsantman son travayer anba seksyon 49 Lalwa Lanplwa 1995.

Sa i ler en anplwayer i deside pou en rezon ou en lot pou li varye kondisyon travay en travayer, dan lesans ki sa varyasyon pa pou dan faver sa travayer. Sa i arive ki sa travayer pa donn son konsantman pou sa varyasyon. Lalwa kouran i permet li pou fer sa travayer aret travay, me i pey li tou son bann benefis enkli konpansasyon. Anba sa provizyon Lalwa napa okenn prosedir ki sa anplwayer i  bezwen fer avek mon Minister dan sa sirkonstans ki mon’n mansyonnen.

Nou pe vwar alors, avek sa sityasyon COVID-19  ki anplwayer ki pa anvi onor son responsabilite anver son travayer, parey Gouvernman ti a swete pe servi sa provizyon pou zot pa fer li. I ti neseser alor, ki mon Minister i revwar Lalwa Lanplwa 1995 pou redwir sa posibilite e protez nou bann travayer. Anba parti 5 dan Lalwa ki kouver proteksyon lapey, nou pe propoze pou azout en nouvo provizyon ki pou vin seksyon 39(a). Sa provizyon i fer li obligatwar pou en anplwayer ganny laprouvasyon zofisye konpetan mon Minister. atraver prosedir negosyasyon. Avan i kapab retenir e pey an retar okenn parti saler en travayer. Oubyen redwir okenn parti saler en travayer.

Sa i pou menm aplik dan ka kot sa travayer in dakor avek son anplwayer pou retenir oubyen redwir son saler. Ki vedir ki en anplwayer pou nepli kapab servi seksyon 49 anba Lalwa Lanplwa 1995. Kot i konsern retansyon oubyen redwir lapey en travayer, san laprouvasyon zofisye konpetan mon Minister, apre ki sa anplwayer in komans prosedir negosyasyon, anba Lalwa Lanplwa.

Kan sa prosedir negosyasyon i ganny konklir, la sa zofisye konpetan ki pou deside, si i pou aprouv sa demann oubyen non. Baze lo levidans ki’n anmase avek tou lede parti. E pou konsider sa demann, i pou determinen si pou donn laprouvasyon ou pa. Sa zofisye konpetan pou pran kont tou keksoz e kestyon an relasyon avek sa demann, Ki relevan e pertinan. Okenn ant sa de parti ki pa dakor avek sa desizyon zofisye konpetan, i kapab fer rapel kont sa desizyon avek Minis responsab pour Lanplwa.

Mr Speaker menm lapros i egziste dan Lalwa en pei vwazen, e sa se Maurice.  Dan son Lalwa Workers Right Act 2019, en anployer napa drwa pey an retar oubyen redwir saler en travayer. An plis ki sa anba Lalwa Employment Relations Act 2008, okenn agreman kolektiv pa kapab kontenir en provizyon pou redwir saler en travayer.  Sa i 2 legzanp koman en pei frer. I pe protez drwa son travayer an relasyon avek son saler.

Mr Speaker sa dezyenm lamannman ki mon pe anmennen, pe demande ki drwa e anplwayer anba Lalwa Lanplwa 1995, pou fer laplikasyon pou prosedir negosyasyon pou seksyon 39(a) 48 e 51 i ganny sispann pou travayer Seselwa. E seksyon 39 (a) selman pou travayer etranze. Seksyon 39 (a), mon fek koz lo la ki pe anpes en anplwayer retenir oubyen redwir saler en travayer.

Seksyon 48 li i kouver sa provizyon lay-off. Ki donn permisyon en anplwayer ki pe fer fas avek serten difikilte dan son biznes, pou li demann son travayer pou reste dan lakour pou en serten letan avek serten kondisyon.  Tel ki rediksyon pou serten poursantaz dan lapey, me avek laprouvasyon zofisye konpetan.

Seksyon 51 li i kouver redundancy.  Dan ka kot en anplwayer ki osi vwar li dan difikilte, me anba sa provizyon i pe fer en demann pou fer aret travay son travayer avek peyman tou son benefis. Sa sispansyon i pou pran dan peryod le 20 Mars ziska le 30 Zen 2020.  Sa peryod i preski dir kouver sa letan ki Gouvernman in fer komikman pou garanti saler travayer dan sekter prive. Pou biznes ki dan difikilte avek sa sityasyon COVID-19.

Parey mon’n dir oparavan, sa peryod i kapab ganny prolonze par Minis si i war li neseser. An prenon kont sirkonstans aktyel apre ki in konsilte lotorite e parti prenon konsernan. Mr Speaker an rezimen, lamannman ki mon Minister pe propoze avek Lasanble, se ki apartir le 20 Mars en anployer napa drwa pou li retenir oubyen redwir lapey ant en travayer. Kantmenm avek son konsantman, san ki’n ganny laprouvasyon zofisye konpetan Minister Lanplwa.

Pou fer rapel sa prosedir pou laprouvasyon, pou sa provizyon Lalwa pe ganny sispann depi le 20 Mars ziska le 30 Zen 2020. Sa i aplikab pou tou travayer Seselwa ek etranze.

Dezyenmman apartir le 20 Mars ziska le 30 Zen 2020, en anplwayer pa pou kapab apros mon Minister pou li fer en demann pou;-

  • Sispann lanplwa en

travayer pou en dele letan oubyen lay-off.

  • Termin lanplwa oubyen

fer redundant son travayer kot i konsern travayer Seselwa. E si nou pa entrodwir bann tel mezir nou riske vwar serten travayer al dan lanplwa enformel ou al kot Lazans Proteksyon Sosyal pou ganny en reveni pou soutenir zot ek zot fanmir.

Me an se ki konsern travayer etranze, en anplwayer pandan sa letan depi le 20 Mars 2020 ziska le 30 Zen 2020, i kapab a nenport moman fer laplikasyon avek mon Minister pou sispann lanplwa nenport travayer etranze pou en dele letan, sa ki mon refer koman lay-off oubyen termin lanplwa nenport travayer etranze, sa ki mon’n refer koman redundancy.

Mr Speaker nou tou ki pe swiv aktyalite dan lemonn, nou pe vwar ki mannyer travayer ek zot fanmir pe ganny seryezman afekte avek lenpak viris Corona. Bokou travayer pe perdi zot lanplwa. E i pe pran zot en kantite letan pou retrouv en lot, pou la senp rezon ki bann eksper in prevwar ki lekonomi lemonn pa pou rekipere avan sa lannen fini.

Mr Speaker annefe Lorganizasyon Enternasyonal pou travay ILO i rekonnet ki lemonn travay pe ganny profondeman afekte par sa pandemik. E alors Gouvernman, anplwayer e bann travayer pou bezwen zwe en rol enportan e krisyal pou konbat sa sityasyon.

Alors i neseser pou nou pran bann mezir pou protez bann ki pli vilnerab, e an menm tan rann bann biznes e travay soutenab pandan sa peryod. Anfet mon ti a kontan rapel bann Manm Onorab ki nou ankor dan sa peryod Irzans Lasante Piblik. E parey ki komisyoner Lasante Piblik in anonse dan son dernyen lord, COVID-19  i reste en problenm serye ki kontinyen poz en menas pou nou sekirite, lasante, e prosperite Sesel e son zabitan. Nou’n depan bokou lo nou lafors travayer pou en kantite lannen, pou anmenn nou pei kot in arive ozordi. E la nou pa pou kapab les zot tousel, pou sey debrouye zot travay zot pa kapab.

Mr Speaker mon pou avoue, ki i annan serten anplwaye ki pe azir tre konsyansye e pe donn tou sipor zot travayer ki’n lwayal ek zot ziska prezan. Mon remersye zot bokou pou sa. Me dan lot kote parey mon’n fer resorti oparavan nou okouran ki i annan anplwayer, ki deswit li in pran son desizyon pou met travayer deor, malgre son kapabilite finansyel pou siport son travayer, oubyen atraver sipor sorti kot Gouvernman. Pou fer rapel ki Gouvernman pe fer tou son posib pou anpese ki travayer i perdi zot louvraz. E biznes i fermen an rezilta COVID-19.

Alors mon demann larestan anplwayer pou azir konsyansye, e fer tou sa ki posib pou siport zot travayer ki’n ed zot pou anmenn zot biznes kot i ete ozordi. Nou pei i plis ki zanmen bezwen, sakenn de nou pou travay ankor pli dir, pou ed nou lekonomi repran son lelan dan pli kourt dele letan. Byensir atraver bann mezir sekirite ki nou bezwen pou obzerve, dan sa nouvo letap nou vwar nou ladan.

Mr Speaker pou konklir, mon ti a kontan rapel Manm Onorab sa Lasanble ki dapre Lartik 35 nou konstitisyon o size drwa pou travay. Nou Seselwa i reste touzour nou priyorite. Gouvernman pe fer tou sa ki posib pou ki zot gard zot lanplwa pou plis letan posib dan sa moman kritik. Serten desizyon difisil i bezwen ganny pran.  Pou donn en legzanp, se ki pa garanti saler pou travayer etranze dan sekter prive apre mwan Zen 2020. Sa i ava kree lespas pou Gouvernman osi byen ki sekter prive pou re balans finansman e asiste nou pep touzour an premye.

Alors mon swete ki sa Lasanble i donn son sipor pou sa Prozedlwa. An prenon kont son lobzektif konteni sa sityasyon e progranm Gouvernman pou asiste bann anplwayer ki dan bezwen parey mon’n fek mansyonnen. Pou terminen mon ti a kontan Guy Ryder Direkter Zeneral ILO i dir, “No Income means no food, no security, no future. As the pandemic and a job’s crisis, evolve the need to protect the most vulnerable becomes even more urgent.” Se sa ki nou pa anvi arive avek nou lafors travayer dan nou pei.

Mr Speaker, lemonn pe espere ki tou i retourn normal o pli vit posib, malgre i pou en nouvo normal. Sakenn de nou bezwen kontinyen fer nou bout e nou kontinyen priy pou nou zoli Sesel. Mon le remersye Lasanble pou donn mon sa loportinite pou prezant sa Prozedlwa tre enportan pou nou pei e nou pep. E mon kont lo zot sipor. Mersi Mr Speaker.

 

MR SPEAKER

Mersi Minister.  Bon deba i ouver lo merit e prensip zeneral Bill ki devan nou Employment (Amendment) Act, Bill, 2020 Bill 19 of 2020.  Okenn Manm ki oule entervenir? Nou ava konmans ek Onorab Audrey Vidot.

 

HON AUDREY VIDOT

Mr Speaker, tou Manm Onorab, Minis avek ou delegasyon, zabitan Roche Caiman e tou manm piblik ki a lekout bonzour. Mr Speaker, Gouvernman in toultan met lanfaz lo kree en sosyete ki organiz li otour en kiltir travay dir. Travayer Seselwa in toultan devoue zot letan ek zot lenerzi dan  zot travay, ki swa dan botan ouswa dan bann moman difisil. E ozordi avek pandemik COVID-19  i pa en leksepsyon.

Apre ki bokou lorganizasyon travay pe ganny afekte ekonomikman, i kler ki sa pandemik pe annan en gro lenpak lo lekonomi mondyal.  E Sesel konman en pti pei nou pa’n ganny eparnye. E Prezidan Danny Faure le 20 Mars 2020, ti bravman fer resorti ki domaz ekonomik pour annan an rezilta sa pandemik e i pour reel.

Mr Speaker le 20 Mars 2020 in fer plizyer lanons e pe reflekte, e sa bann lanons pe reflekte lo bann revizyon dan nou bann Lalwa, pour asire ki Seselwa i kontinyen viv byen dan lape trankilite e mwens traka. Parmi sa bann lanons in tous lo asir bann Seselwa ki Gouvernman pour fer tou sa ki posib, pour anpese ki okenn anplwaye i perdi son louvraz e okenn biznes i fermen an rezilta sa pandemik.

Lobzektif sa bann mezir ki Prezidan Faure ti anonse, se pour gard lekonomi vivan pandan sa peryod eksepsyonnel ki nou pe pas ladan. Mr Speaker, desizyon Gouvernman pour asir saler tou travayer dan sekter prive pour mwan Avril, Me ek Zen se pour anpese ki okenn Seselwa pa ganny fer aret travay.

E apard sa sonm R1.2 bilyon ki ti ganny anonse dan Bidze pou sa mezir lasistans finansyel, Gouvernman in ogmant larzan pou Lazans Proteksyon Sosyal par en sonm R30 milyon. Pou ki i annan en lot alternativ lasistans pour konplimant lezot ki’n ganny afekte, par byensir avek lasistans dan sa sistenm. Swivan par en logmantasyon R10 milyon dan Unemployment Relief Scheme koni konman URS e ki’n ganny administre par Departman Lanplwa.

Ankor tou sa bann provizyon finansyel in ganny prevwar pour ki tou sa bann mezir ki Gouvernman i pran se zisteman pour asire ki Seselwa i kontinyen viv byen dan lape   trankilite e prezerv son lanplwa. Adisyonnelman pou gard lekonomi Sesel vivan pandan sa peryod eksepsyonnel ki nou pe pas ladan.

Alors, sa lamannman dan Lalwa Lanplwa ki Minis in prezante, i protez nou bann anplwaye Seselwa pour anpese ki en anplwayer i zis pran en desizyon koup saler debaz. Ouswa prolonz son lapey san pran kont ki i bezwen annan en dyalog avek son anplwaye e ganny en konsantman si i dakor ou non.

E sa revizyon dan Lalwa i osi fer kler ki okenn laplikasyon pour fer redundancy an negosyasyon avek lanplwa pour bezwen ganny fer apre le 30 Zen 2020.

E i enportan ki Seselwa i konpran tre kler desizyon Gouvernman pou siport sekter prive. Se pour zisteman anpese ki zot konsider tou posib pou zot anplwaye dan bann moman ki biznes pa pe perform ase byen, e ki apre zot loperasyon i kapab repran zot a kapab kontinyen avek sa bann menm travayer ki’n toultan la devoue zot letan ek lenerzi dan zot travay.

Mr Speaker, nou lo sa kote latab nou rekonnet zefor Gouvernman ki pe fer pou asire ki nou bann travayer Seselwa i omwen garanti en lasistans finansyel ki anpes li ek son fanmir tonm dan lamizer. E nou dan United Seychelles nou solider avek bann anplwayer ki pou bezwen al rekouver bann perd dan zot biznes.

E nou osi siport zot, asire ki Gouvernman i onor son bann komitman pou ki zot kapab asir zot bann anplwaye zot plas travay pour kontinyen sonny zot lekor e tou sa bann kot lakour ki depandan lo zot.

Moman pou nou solider avek kanmarad i la. Annou pa les sa bann profi ki nou’n perdi dan sa letan pandemik, fer nou bliy tou sa lenerzi e devouman ki zot anplwaye in donnen pour sirmont bann defi dan bann loperasyon biznes. Mon mesaz i kler Mr Speaker, Seselwa annou solider, anplwayer annou solider ansanm avek nou bann anplwayer.

Mr Speaker, anplwayer pour annan en loportinite pour repatri zot bann anplwaye etranze e mannye zot lafors travayer Seselwa pour ki zot a kapab kontinyen fer zot biznes fonksyonnen. Minister Lanplwa pou bezwen debout pli for, pli for pou ki bann loportinite travay ki dan prive i reste a benefis bann Seselwa. E byensir pour kontrol pli tar okenn desizyon ki pou ganny pran pou les bann etranze kontinyen ed bann lezot biznes.

Mon lans en lapel pou bann ki napa lanplwa e ki kapab travay, la pa en moman pour nou kont louvraz sorti dan enn pour al dan en lot. Ouswa krwar ki lasistans sosyal pour donn nou lasistans finansyel tou le mwan, non. Pei pe pas dan en moman tre difisil e nou tou nou bezwen ini, ini for e solider ansanm pour ki nou kapab sorti venker dan sa sityasyon ki nou ladan ozordi.

Nou dan United Seychelles, nou pa la pou nou vin konplik e kree lobstak dan lavi okenn Seselwa. Seselwa i bezwen garanti zot saler pou ki zot det i kontinyen ganny peye e zot fanmir i kontinyen manze, e viv e non pa dan lamizer. I pa dan nou lentere pour trenn pei dan okenn kriz. E nou dan United Seychelles nou pour kontinyen gard lespwar ki Sesel pou sorti venker, parey nou’n sirmont bann defi dan lepase e relev nou lekonomi pour byennet nou Nasyon Seselwa.

Mr Speaker, mon pou terminen par dir nou bann anplwaye ek anplwayer Seselwa, i bezwen reste for, tre for malgre nou bann defi. Pou ki sesel i relev son lekonomi, pou ki nou kontinyen progrese e ki nou fer nou lafors travayer vin enn ki pli solid e konpetan ki lepase.  Mersi Mr Speaker.

 

MR SPEAKER

Mersi Onorab. Mon a donn laparol Onorab Churchill Gill.

 

HON CHURCHILL GILL

Mersi Mr Speaker. Bonzour Mr Speaker.  Bonzour Minis ek ou delegasyon, bonzour tou Manm e tou dimoun a lekout. Mr Speaker sa Bill devan nou pe anpese ki i annan okenn reazisteman dan peyman saler travayer. Oubyen rediksyon saler travayer san rod laprouvasyon bann zofisye konpetan dan Minister Lanplwa.

E osi pou sispann drwa anplwayer pour inisye prosedir negosyasyon seksyon 48 ek 51 dan Lalwa Lanplwa ziska le 30 Zen 2020, a leksepsyon travayer ki pa Seselwa. Me sa Lalwa i pou marse selman si tou biznes prive i ganny tou lenformasyon e lasistans parey ki Prezidan larepiblik in anonse.

Parey travayer i bezwen travay pour sirviv ek son fanmir, i kler ki zot travay pour selman garanti ler zot anplwayer i reste dan biznes. I en balans ki reel e fodre ki pa ki nou pa pran sa an konsiderasyon dan tou desizyon ki nou pran.  Pou asire ki nou pa detrir sa bann biznes e pei an zeneral.

Akoz apre tou se sa menm biznes ki nou bezwen demen pour kontinyen kontribye pour fer marse lekonomi sa pei.  Me i annan en gran konsern parmi bann biznesmenn prive lo lafason ki lasistans finansyel pe ganny donnen. I annan menm serten biznes ki pa ankor ganny ditou, i osi annan en bann ki ankor pe esper en larepons.

Mr Speaker Komite Biznes i bezwen toultan annan en road map, en plan kler e byen defini pour zot biznes. I tre enportan alors ki bann lenformasyon enportan i ganny donnen boner pour zot kapab fer zot plan kour term, mwayen term e long term dan en fason realistik. Donnen sa sityasyon kot i annan tou sa lensertitid, se sa vre rezon sa gran konsern ki lakominote biznes i annan dan sa letan tre difisil.

Sa Komite pour Lasistans Finansyel pou travayer prive i bezwen kapab donn en larepons tou sa bann biznes ki’n fer laplikasyon lasistans dan en dele rezonnab. Sa i tre enportan pou zot kapab enform zot lekor lo fason pou zot bouz devan. Fodre nou konpran ki apard lasistans saler, bann biznes zot bezwen fer fas avek lezot kou e depans menm si zot pa pe kolekte okenn reveni. Tel parey ki kou elektrisite, delo, telefonn internet, fuel dan serten ka.

I ti pour soulaz sa bann biznes si sa bann diferan Lazans Biznes ek Gouvernman ti kapab tonm dakor lo pri rediksyon an term poursantaz. Pou sa bann servis pou ede soulaz lakantite depans lo sa bann biznes respektif.  Si non, vi ki nou pa ankor fer en evalyasyon konkret lo direksyon e sityasyon ekonomik pei e biznes an zeneral, i tre probab ki nou pour bezwen fer bokou plis refleksyon lo moter nou lekonomi ki biznes sekter prive.

Me si nou konmans pran serten mezir tel parey ki mon’n mansyonnen pli boner e tou bann biznes prive i ganny lasistans parey Prezidan in anonse, i pour ed nou bann biznes pour soulaz zot lekor en pe pli byen, pour evite ki nou pei pa tonm dan en sityasyon kot nou bann biznes i konmans fermen enn par enn. Tou dimoun dan lanplwa zot pour otomatikman perdi zot travay e pei i rantre dan en kriz sosyal ki zanmen nou’n deza eksperyanse isi Sesel.

I kapab deroul dan en keksoz tre grav pour pei an zeneral. Alor i annan en gran nesesite pour asire ki lanons ki Prezidan Larepiblik in anonse i ganny fer san kit okenn biznes deryer. Pou ki sa bann biznes a kapab devlop zot prop plan stratezi, pour zot kapab navige dan sa peryod difisil ziska ler sityasyon i retourn normal.

Antretan Gouvernman osi i bezwen pronons son lekor ki son lentansyon ek direksyon ki pour ganny pran lo en baz ekonomik vizavi biznes prive apre sa 3 mwan byen boner. Ankor pour ki sa bann biznes i kapab pran bann desizyon enportan pour zot biznes sirviv.

Sa i tre enportan akoz se la ki nou vreman vwar si sa Lalwa pour vreman fer zistis son lekor. Mr Speaker Gouverner Labank Santral ti vin devan sa Lasanble pou laprouvasyon R500milyon pour asiste bann biznes ki pour dan bezwen. Eski sa pe ganny arive parey ti’n ganny dir? Eski sa bann Labank Komersyal zot pe fleksib dan zot bann kondisyon pour accommodate bann biznes ki dan bezwen?

Apre tou se sa menm biznes ki’n kliyan sa bann Labank Komersyal pou bokou lannen. Alor sa bann biznes i devret kapab ganny en bon dil. Akoz sa bann Labank Komersyal in byen benefisye avek sa bann biznes.

Mr Speaker mon senserman krwar ki Gouvernman ek sa bann biznes prive i devret pe antre dan en dyalog serye, pour ansanm war bann meyer fason pour bouz devan.  Lo bann tel size parey en bon progranm re-skilling dan bann landrwa merite, revwar ki fason anba sa progranm URS Unemployment Relief Scheme.

Serten nouvo fason fer ki kapab ede pour soulaz bann biznes lo en baz tanporer. Evalye kantite dimoun ki travay lo en baz freelance e ki kalite aktivite ekonomik ki zot pe fer. Baze lo rezilta sa evalyasyon en progranm a ganny formile pour zisteman ede pour adres serten bann mankman. An menm tan ede pou ogmant lakantite dimoun lo freelance pou         biznes sekter prive, an konmansman par pran bann dimoun dan progranm re-skilling pou ogmant lakantite dimoun dan freelance. 

Mr Speaker tou sa bann demars i bezwen ganny fer pandan sa mwan Me. Pou ki progranm ki zot tonm dakor lo la a kapab ganny met an mars pandan mwan Zen pour ede adres okenn evantyalite ou lensertitid ki nou kapab fer fas avek apre sa premye 3 mwan. Akoz sa Lalwa ki pe ganny propoze i selman pou 3 mwan e i pour ariv son lafen mwan prosen. Alors i annan gran nesesite pour lotorite konsernen bouze dan en fason imedyat.

Mr Speaker an menm tan pour bokou lannen i annan bann gran lakonpannyen touristik ki’n benefisye dan sa pei avek konsesyon. Ozordi pei i dan problenm. Eski sa bann gran lakonpannyen pour vin devan pour aport zot sipor zot soutyen? Oli zot? Zot, zot ti devret pe siport zot travayer pour lakantite benefis ki zot in gannyen avek sa pei. O kontrer i annan lenformasyon ki serten sa bann gran lotel pe mazin pou ferm zot loperasyon Sesel. Servi legzanp COVID-19 pour zot ale. E i menm annan ki pe ferm pour enn an.

Mon enplor Minister Lanplwa pou swiv tre pre sa bann devlopman, pour asire ki tou travayer Seselwa ki dan sa bann letablisman zot ganny peye tou zot bann benefis neseser. Malerezman dan sa san kot zot pe aret zot loperasyon Sesel sa Lalwa pa pou vreman fer okenn diferans.

Pour konklir Mr Speaker, mon ensiste ki Gouvernman, Minister Lanplwa e Sekter Prive zot antre dan en dyalog serye, pou sey adres sa sityasyon kot benefis tou bann biznes, bann travayer e lekonomi pei an zeneral.  Mersi Mr Speaker.

 

MR SPEAKER

Mersi Onorab Churchill Gill. Mon a donn laparol Onorab Egbert Aglae.

 

HON EGBERT AGLAE

Mersi Mr Speaker. Mr Speaker, dabor mon a dir bonzour Minis ek son delegasyon. Mr Speaker, sa Bill in ariv dan en moman letan kot lemonn pe fer fas avek bokou lensertitid. Kot nou pe war plizyer milyon travayer pe perdi lanplwa e zot lavenir, lavenir zot zanfan, i an kestyon. I parey nenport ki travayer e en anplwayer nou bezwen etablir en balans. Kot i annan sa anplwayer ki li i annan son biznes, e tou dimoun ki envesti dan en biznes i pa swete war son biznes fermen ouswa deklar faid. Akoz sa biznes petet ti enn son rev.

E osi, nou tou nou konnen poudir biznes sirtou bann pti biznes zot en moter dan lekonomi. Zot kree en larises ki permet Gouvernman kapab annan en Bidze a lafen lannen pou li kapab fer son progranm marse. E dan en lot kote nou annan sa travayer ki, mon kapab dir i lanmen drwat pou fer sa biznes marse.  Se li ki bezwen leve bomaten menm travay aswar pou rann sa biznes rantab. E fer ki sa biznesmenn, sa anplwayer i fer profi e son biznes i vin en sikse.

Mr Speaker pou balans sa 2 keksoz ki pa en zafer fasil dan sa sityasyon ki nou ladan. I parey nou pe al antre lo en chess board kot tou bann pyon ki nou pe al bouze i bezwen byen kalkile. E pou mwan mon pa swete parey lemonn eksteryer, milyon pe perdi lanplwa. Bann re posesyon, menm bann Lalwa. Menm si i annan bann pei ki anmenn bann Lalwa pou protez bann asset ki sa bann anplwayer i annan. Parey zot lozman, zot rental, i annan diferan pei parey La France in anmennen. Langleter, pou fer ki ou napa drwa tir, pandan sa moman letan, met en dimoun a la porte, met li lo semen.

Be nou bezwen mazin pli devan ki sa ankor pou kapab garanti ki en anplwaye, sirtou pou mwan mon bezwen siport mon Seselwa. Pou fer ki i pa perdi son lanplwa. E sa lefe ki si i arive ki ozordi nou permet ariv en redundancy dan en fason brit, mon kapab dir, sovaz.  Son lenpak pou grav, son reperkisyon pou grav. Mr Speaker i pou vin parey en domino effect. Depi sa ki anler ziska sa ki anba pou ganny afekte. Lavenir sa enn ki ti’n mont lo en nivo pli o i pou war li pe retourn an naryen. Parey nou dir retourn a zero, e rekomanse i vreman difisil.

Alors pou mwan dan sa konteks avek sa Lalwa. Sa proteksyon ki i pe anmennen pou mwan, i annan bout ki mon dakor avek, mon war i fer sans pou anmenn proteksyon pandan sa peryod letan ki pe ganny preskrir. E lot kote Gouvernman i bezwen mazin byen ki mannyer i pou bezwen sipor kont sa bann biznes pou fer ki i annan sa koezyon, i annan sa armonizasyon kot i konsern sa Lalwa li menm.

Mr Speaker si nou met nou koman bann lezislater, nou pe war nou pe bezwen la met 2 soulye la. En soulye kot nou pou bezwen ganny en konpran sa travayer. En soulye kot nou pou bezwen konpran sa biznes ki li, i annan en ta presyon, i annan ki pa pe dormi aswar. I annan ki pe esper larepons rezilta ki led ki i pou gannyen. I annan ki pa pe reisi.

Alors i annan en presyon enorm ler ou dan sa kote soulye. E parey mon’n dir boner, lot kote anplwayer li menm li, nou bezwen mazin sa pti zenerasyon ki pe monte. Sa bann pti zanfan pou nouri. Son loan, nou konnen tou Seselwa ozordi i viv lo loan. Menm si i annan bann mezir ki pe ganny pran avek bann lenstitisyon. Ki mon santi keksoz pe al en pe dousman. Ki merit anplifye pou kapab siport sa bann mezir ki’n ganny anonse par Prezidan.

Sirtou kot i konsern bann holiday payments. Ki la ozordi menm si i annan dimoun, anplwaye ki’n anvoy zot bann rekomandasyon zot pa ankor kapab ganny en larepons. I annan ki son lapey minimonm ki i gannyen, ki i pa pe ganny allowance ozordi.

I pa pe ganny bann lezot perks, in ganny freeze. I pe arive la ozordi. Ler nou pe get dan sa bann posibilite, e mars dan sa 2 soulye pou nou konpran se 2 parti an kont ki sa Lalwa pe fer. Pou fer ki i annan en proteksyon pou bann anplwaye.

E osi pe ouver laport negosyasyon ki si biznes i war li dan plis difikilte ganny en rekour pou al devan pou li kapab fer sa ki i neseser. Lalwa i demann li pou li kapab si i bezwen fer redundant, ki i ava en redundant ki zistifyab. Me selman nou bezwen mazin lentere sa anplwayer. Be mwan, mon kestyon petet vi ki i pe fer mansyon avek en prosedir kot pou annan bann zofisye konpetan.

Eski Minister Lanplwa li menm li, si nou pe koz sa plis ki 4000 ekek biznes ki i annan. Petet dan sa prosen 3 mwan si sityasyon i agrave. Gouvernman i war li dan pozisyon kot i pa pou kapab soutenir peyman tou travayer, eski zot, zot pare pou akeyir sa bann biznes ki pou vin dir ou, mon pa pe kapab?  Sa i enn.

Dezyenmman, konsern akoz ozordi koman bann reprezantan elekte, bann biznes sirtou ki dan nou distrik nou kominik avek Lalwa i menm fer resorti ladan ki ou pa kapab pey en anplwayer an retar. Menm redwir son saler.

Me la pou mwan i annan en problenm ankor, bann lasistans pa pe vin a ler, i fer ki lapey i deza an retar pou serten. Alors la li menm si nou pa fer atansyon en bout sa Lalwa pe ganny kase. Eski nou bezwen penaliz sa enn?  Akoz i pa son fot. In vini in demande, i pa ankor gannyen. Sa i 2.

Mr Speaker lot bout ki mon ti a kontan aporsyonnen ki Minis in fer resorti dan son ladres. I bann lasistans ki Labank Santral, bann loan ki pe ganny met a zot dispozisyon sa bann biznes. Pou petet tir zot likou anba delo, tir zot latet met zot likou, met zot latet par lao delo pou zot kapab sirviv. An atandan ki keksoz i reouver, nou loperasyon biznes domestik i marse. Bann labank li menm, pe poz serten mon kapab dir baryer.

Nou tou nou konnen dan sa pei kot i konsern larzan, kan ou nonm larzan i annan dimoun ki lizye pou ouver, i annan ki leker pou gro, i annan pou komans dir isi laba, komans protez isi met bann restriksyon, fer sir ki napa labi, fer sir ki napa koripsyon.  Mon napa problenm ek sa. Me mon sa ki mon, mon konsernan se ki si ou merite, ou merit gannyen. Si ou dan problenm ou bezwen ganny ede, sa i primordyal pou mon. Me lafason ki ou fer li i bezwen ozordi, malgre nou annan bann teknisyen, nou annan bann technocrat, nou annan bann dimoun ki annan degre.

Mwan, mon pa ekonomis. Ki annan degre, me selman nou bezwen annan en baz lemosyon, konpasyon ozordi dan sa moman difisil.

Bokou desizyon pe ganny fer baze lo sif, ki byen, mon pa kapab donn ou an plis, mon pa swete osi pou donn ou an mwens ouswa mon pa donn ou ditou. I pa kapab koumsa. Me ler biznes pe vin devan pou ganny lasistans pou li kapab sov sa travayer ki sa Lalwa li menm li pe fer resorti pou proteze. I pa sikse, ki ou espekte li fer dan sa moman letan?  Byensir mes cher amis Onorab, dimoun ki a lekout, pou annan redundancy.

Redundancy pou arive, me nou pa swete ki i vin dan en fason sovaz, brit ki pou kree bann destabilizasyon familyal. Ki pou anmenn nou dan en pli gran serk lapovrete ki nou koze. Ki si nou ti pe koz sa 4 poursan, nou pa le ki i monte pou vin en 80 poursan ouswa ki i double.

Me responsabilite i pa tonm zis lo Gouvernman, i pa tonm zis lo Minister Lanplwa, i pa tonm zis osi lo sa biznes. I bezwen tonm lo tou. Lo sa anplwayer li menm pou fer ki si i ankor la i bezwen prodwir.  I bezwen prodiktiv. Sa anplwayer i bezwen fer sir ki, si i ankor annan mwayen parey Minister Finans atraver sa lekip ki pe travay avek tou respe ki mon annan pou zot, zot pe fer en kantite travay.

I annan en ta presyon lo zot. I premye fwa ki zot pe fer sa travay, nou bezwen donn zot sans. Pou annan lerer, in annan lerer. Me nou bezwen siport zot, pou zot kapab vin, aport sa solisyon ki bokou pe espere la ozordi.

Alors dan sa mayon, dan sa lasenn sak endividi i bezwen zwe son rol. Anplwayer pou tou sa lannen ou biznes in fleri. Donn ankor en pti pe letan. Soutenir ou travayer si ou kapab. E ou sa travayer si ou ti pe asize ou ti pe trennen, ou ti pe trenn lipye deryer, i pa moman letan. Akoz si demen apre ki sa Lalwa, akoz sa Lalwa pou annan son peryod letan. Keksoz i mars diferaman. I pa pick up parey nou ti a espekte. Ouswa nou pa ganny plis resours adisyonnel. Redundancy pou inevitab.

E pou annan swa ki pou bezwen ganny fer. E si mwan, mon ti dan en biznes, koman en anplwayer, mon pou gard tou mon bann bon travayer ki prodiktiv. Wi mon ti pou fer sa. Me sa ki li in deside donn hard time, trenn lipye, ti pou bezwen al a la porte. Sa i larealite.

Me nou pa swete ki nou al dan sa bann direksyon ouswa war plizyer santenn travayer ganny, Seselwa ganny redundant. Sa i pa en swe ki mon, mon ti a swete. Me larealite, bann fe i la ozordi. Akoz larzan pa pe antre, resours i limite. Me dan en lot kote malgre i annan en Bidze. Mr Speaker nou annan sa plis ki 17mil, 18mil travayer etranze ki dan sa pei. ki pou vin parey mon dir, si keksoz pa bouz vitman, pa rekipere parey nou swete. E tandans mondyal pe montre nou poudir, pou nou kapab retourn lo en larout prosperite. I pou pran en pe lannen.

E nou, nou konnen poudir sa plis ki 18mil etranze nou pa pou kapab kontinyen soutenir dan sa pei.  I pou enposib. Fodre pa ki nou anbet nou lekor. Ki fer ki pou annan pou bezwen ale.  E malgre Lalwa pou kouver zot pou sa pti peryod letan. Ler sa i arive koman en pep, travayer Seselwa i bezwen pare pou li kapab pran labar, pran plas pou zot kapab zwe rol ki sa group ki pou ale, antre travay.

Wi Lalwa la ozordi pe protez ou pou ou reste dan lanplwa.

Me i pa pe protez ou pou ou fer nenport kwa pou rann lavi sa biznesmenn ki ozordi en ta presyon lo li. Ou ler i ariv le 28, 29, 30 ou le ou lapey. Me sa biznesmenn li depi le premye ziska le 31 i bezwen asire ki li i fer larzan. Ou bezwen donn li sa sipor neseser pou li kapab fer sa.

Mr Speaker pou konklir, mon ti a kontan petet Minis i ava adrese. Petet akoz sa Lalwa pa fer provizyon pou sa. Si en travayer li lo li menm i deside met son resignation, i dir mon pe ale pandan sa peryod letan la.  I annan mon konnen in deza pe fer. Eski left, right, and center nou pou les zot ale? Ouswa pou annan en prosedir negosyasyon kot ou pou bezwen dir avek sa anplwaye, parey nenport landrwa, Parey dan Gouvernman i fer. Ou etablir sa ki nou apel en exit interview avek li. Ouswa zis nou pou fer keksoz an brit, ok ale si ou anvi ale.

E baze lo sa Mr Speaker mwan, mon debout a kote tou travayer Seselwa. E koman en reprezantan distrik mon konpran sor ki zot kapab pe pas atraver. E osi mon mazin sa bann biznesmenn ki petet pou zot sa Lalwa zot kapab war li petet pa pe tro mars dan zot faver. Ouswa pe met, parey nou dir en fason, ki pe obliz zot pou zot premyerman, pa koup lapey ou travayer. E dezyenmman pou pa fer li redundant san pas dan en prosedir etablir legal an traver sa Lalwa pou keksoz kapab mars byen e drwat.

E mon pa ti a swete war okenn strike, okenn lamars par en group travayer ki’n ganny fer redundant lo en baz agresiv. Mal kalkile. E Gouvernman atraver Minister Finans e Lanplwa, mon konnen zot travay, zot latas pou enorm. Met zot pare pou nenport evantyalite ki kapab arive. E annou pa les sa pei antre dan plis destabilizasyon.  Dan okenn destabilizasyon ekonomik e sosyal. Mersi Mr Speaker.

 

MR SPEAKER

Mersi Onorab Aglae. Mon a donn laparol Onorab Sylvanne Lemiel.

 

HON SYLVANNE LEMIEL

Mersi Mr Speaker. Bonzour Mr Speaker. Bonzour tou dimoun ki a lekout e Minis e ou delegasyon. Mr Speaker, en travayer i asset pli enportan i en landrwa travay li menm i annan. Pou en biznes grandi e prospere, sa anplwayer i bezwen travayer ki vreman prodiktiv e ki pe anmenn rannman pou son lakonpannyen. Bokou biznes isi Sesel zot in grandi akoz zot in annan bokou travayer ki devoue.

Mr Speaker ozordi nou vwar nou dan en sityasyon abnormal. En sityasyon ki personn pa ti’n prevwar, e byen menm petet panse ti pou’n frap nou sitan vitman e seryezman. Ozordi nou tou nou dan en lensertitid. E nou pa konnen kan ki lavi pou retourn normal. I annan sans osi ki sa lavi ki nou tou isi nou’n konnen e zouir, avan COVID-19  pa pou zanmen retourn normal ankor.

La ozordi nou pe viv dan en nouvo normal. E keksoz in sanze dramatikman. Sa Bill devan nou i annan son merit. Nou konstate ki lekonomi nou pei pe ganny afekte konsiderableman. Bokou biznes in ganny afekte, pti koman gro. E dan tou sa, bouse manze bokou nou bann dimoun i a risk. Atraver zot travay ki zot kapab perdi dan nenport ki moman.

Mr Speaker pandan mwan Mars 2020, nou ti tann Prezidan Faure anonse ki lasistans finansyel pou ganny enprovize, pou pey travayer ki zot anplwayer pa pou kapab garanti zot lapey.

Sa propozisyon Prezidan Faure i enn ki ti annan bon lentansyon. Nou ti osi antann Leader Lopozisyon dir ki pa tou anplwayer ki devret ganny asiste. Me ki en triyaz i devret ganny fer pou asiste selman anplwayer ki vreman pa pou kapab pey son bann travayer a ler. E ler mon regarde Minister Finans pe met an aplikasyon sa sistenm triye. E ki sa pe koz bokou retar pou bann travayer ganny peye.

Tout menm Mr Speaker, mon panse ki byento tou sa bann travayer ki pa ankor ganny peye a kapab ganny zot saler. Mon ti ganny dir le 13, le 13 i ozordi. E mon panse ki tou sa bann travayer ozordi le 13 in ganny zot saler.  Mr Speaker ler mon analiz sa Bill ki devan nou;- Minis in elabor en kantite lo la. E nou pe vwar petet i pe enterdi en anplwayer pou redwir oubyen fer varyasyon dan saler en travayer, san ki in diskit avek sa travayer. E osi ganny laprouvasyon en zofisye konpetan kot Lanplwa.

Mr Speaker sa Lalwa pe osi fer provizyon pou ki okenn anplwayer pa pous okenn travayer Seselwa, pandan sa peryod ziska le 30 Zen sa lannen, an vi ki Gouvernman in garanti zot saler. E mon osi konpran ki i annan en laranzman ki sa Lalwa i ganny prolonze, kot petet nou, nou’n dir le 30 Zen pa pous travayer. Me sa i a kapab ganny prolonze anba sa Lalwa.

Mr Speaker nou bann travayer ki pe travay dan Sekter Prive zot vreman enserten ozordi. I annan bokou lenkyetid par bann travayer. Serten pe sey mazin sanz zot karyer. E serten pe mazin antre dan lezot domenn pou ki zot ganny zot dipen dan en lot fason.

Sa i byen Mr Speaker, akoz sa bann dimoun i bezwen mazinen, nou pa konn lavenir. Nou pa konnen ki pou arive avek sa bann biznes. Petet i bon sa bann travayer ki pe komans pran sa pa, i byen ki zot pe sey fer sa. E mon profite pou swet sa bann travayer ki pe fer sa pa bonn sans dan sa nouvo pa ki zot pe pran.

Me mon konnen Mr Speaker ki i pa fasil pou sa bann travayer. Bokou zot i annan loan e lezot depans enportan ki zot fer tou le mwan, parey mazorite nou isi nou osi nou annan. Mr Speaker mon santi ki sa Lalwa ki isi devan nou i enn ki pou protez bann travayer Seselwa. Pou ki zot pa perdi zot travay dan sa moman difisil. E zot osi kapab kontinyen benefisye avek en saler pandan sa 3 mwan. E pa ganny fer redundant.

La osi Mr Speaker, mon ti a kontan ki serten diskisyon serye i osi ganny fer avek sekter prive, pou rod en way forward. E regarde ki mannyer bann biznes osi i ganny serten soutyen. Akoz nou bezwen mazinen ki sekter prive i osi en pilye nou lekonomi.

Zot osi zot sitan enportan, e la mon osi mon mazin bann biznes ki dan mon distrik. Zot osi zot in ganny afekte konsiderableman. E i enportan ki nou angaz nou avek sa bann dimoun dan sa sekter pou nou sey regarde ki soutyen ki sa bann dimoun osi i kapab gannyen si nou pa oule ki zot met bann travayer deor.

Mon profit sa letan pou mon remersye tou travayer dan Sekter Prive ki pe travay vreman dir e kre larises pou nou pei. Mon egalman felisit bann anplwayer ki pe osi siport zot travayer pandan sa moman tre difisil. Mon priye ki keksoz i amelyore e ki biznes i a kapab repran son souf tre byento. Mr Speaker mwan mon pou aport mon sipor pou sa Bill.

E parey mon’n dir mon espere ki nou osi, menm ki mon pe aport mon sipor pou sa Bill, an sipor bann travayer Seselwa. Me osi mon mazin nou bann biznes prive, e ki mon remet lanfaz ki zot osi i annan serten travay ki ganny fer en pe pli aprofondi avek zot. Pou nou vwar ki mannyer nou kapab ed zot, zot osi pou zot gard nou bann travayer Seselwa. Mersi Mr Speaker.

 

MR SPEAKER

Mersi Onorab Lemiel. Mon a donn laparol Onorab Sebastien Pillay.

 

HON SEBASTIEN PILLAY

Mersi Mr Speaker. Bonzour ankor enn fwa. Bonzour Minis, bonzour tou koleg Onorab e bonzour tou dimoun ki a lekout. Mr Speaker sa Prozedlwa ki devan nou i enn ki tre enportan. I enn ki ti devret ganny debat lo la par Lasanble akoz mon krwar si nou pe debat lo la, nou pa pou fer zistis lefe ki nou la ozordi.

Nou la akoz i annan en group dimoun ki’n met nou la pou koz lo zot behalf. Me nou pa kapab swazir ler nou koz lo behalf sa group dimoun, pou koz lo behalf en serten group parmi sa group ki’n met nou la. E pa koz lo en lot.  I enportan pou nou mazin byen sa Mr Speaker.

Akoz mon dir sa Mr Speaker, se akoz ozordi bomaten ler nou pe koz lo sa Lalwa, fodre pep Seselwa i konpran en keksoz. I annan 2 kote dan sa sityasyon ki nou pe pas ladan. Mon’n ekout atantivman sa lentervansyon tre pasyonnen ki mon koleg Onorab Lemiel in fek fer. E mon krwar in tous lo en eleman tre enportan. E sa se pandan letan ki tou keksoz ti byen, en dimoun i leve bomaten i al travay. I antre dan sa landrwa travay i donn tou.

Son anplwayer i kapab vini dir li be, mon le demen ou vin en pti pe pli boner, i vini. Mon le weekend si ou kapab vini, mon ava donn ou en pti keksoz an plis, i vini li. I fer tou pou ki sa landrwa kot i travay i grosi. Avek tou lentansyon ki sa ki i pe fer i benefisye sa landrwa travay e anmenn en benefis pou li.

COVID-19  i vini Mr Speaker. Lavi Covid-19 nou ganny diferan senaryo prezan ki devlope. Premye senaryo, nou bezwen get li koumsa. Annou pran en dimoun ki apel Pol. Pol i travay pou en lakonpannyen ki fer tre byen. Tre, tre byen pandan tou sa letan in dan loperasyon pandan 15 an. In fer biznes tre byen, son bann diferan dimoun ki dan sa biznes in devlope, son bann owners in devlope. In annan lezot biznes. Ariv COVID-19 bourzwa Pol i vini i vire, i dir ek Pol, Pol be gete, nou dan letan COVID-19  e mwan, mon santi poudir ou, ou’n donn mon konpannyen tou sa letan travay. Alors ki mwan, mon pou fer, mon pou fer sir ki ou, ou pa tonm dan rigol. Mon pou kouver ou saler. Sa i premye.

Ou annan enn dezyenm prezan Pyer. Pyer i travay pou en menm kalite lakonpannyen parey Pol, ki’n fer biznes, ki’n fer sikse, COVID-19, premye mwan COVID-19. Bourzwa Pyer i kriy li, i dir ek Pyer koumsa, Pyer gete mon dan COVID-19  la, mon pa pou kapab pey ou. Alors mon dir ou, mon bezwen redwir ou saler ouswa mon bezwen fer ou arete. Prezan avek sa zafer lasistans finansyel nou’n entrodwi lezot senaryo.

Premye, annou apel li Zak. Zak i travay osi pou en lakonpannyen. Sa lakonpannyen ti pe fer byen, me ti kapab pe struggle, ariv COVID-19 i al kot finans i dir be la tou mon bann dokiman. Tou son zafer i annord li. Finans i vire i dir li, be tou ou zafer i annord. Mon pey ou. Bourzwa Zak i retournen i dir ek Zak, Zak Finans in ed mwan, mon pe pey ou.

Dernyen, annou apel li Roy. Roy li selman son lakonpannyen ki i travay avek, in byen fer li, me ler i prezant son lenformasyon kot Finans, i pa annord li. Finans pa ankor kapab donn li larzan pou pey Roy. I dir ek Roy koumsa, gete mon bezwen fer ou ale.  Wi i byen ki nou koz pou tou sa bann bourzwa, sa bann anplwayer ki annan lakonpannyen pou fer sir ki Gouvernman i tir. I met sa wage Grant ki i ti koze i pou mete pou zot. Be lekel ki pou koz pou sa travayer?  Ki li i pou ganny tape 2 fwa.

I pou ganny tape en fwa, si napa sa Lalwa. Kot ou pou dir ek li koumsa, mon pou fer desann ou saler. I pou ganny tap en dezyenm fwa, akoz ler i pou al dan laboutik keksoz in monte e, li i pe ganny mwens li.  E nou, nou pa pou koz pou sa group dimoun?  Nou pa pou fer sir poudir la deor nou pa pas mesaz pou sa group dimoun? Nou bezwen fer li. Sa Lalwa pa devret pe ganny gete an relasyon ek sityasyon aktyel an ski konsern wage Grant. Sa Lalwa i bezwen ganny gete an relasyon avek sityasyon sa boug ki’n travay. Sa anplwaye. Sa boug ki’n fer ou lakonpannyen, ou sa grosi.

Mon pa pe dir tou dimoun in grosi. Me si ou sa anplwayer ou le mon koz pou ou, be ou bezwen osi konpran ki mon bezwen koz pou sa boug ki’n travay pou ou. E sa i enportan Mr Speaker. I enportan akoz mon krwar koman politisyen, nou bezwen careful. Annou pa sey met nou lekor lo milye e apre nou ava dir les keksoz tonm dan en fason e espekte poudir, sa i a met plis presyon lo Gouvernman e sa i a donn nou mileage. Oubyen lo en kote, ou pran en group ou anmenn lo en kote, avek bi krwar ki sa pou ed nou ganny mileage. Nou bezwen careful.

Nou tou ki la anndan, nou rankontre piblik. E bokou nou ki’n ganny elekte direkteman. Ler mon dir nou – I mean koman Manm Lasanble ki’n ganny elekte direkteman. Ou annan 2 group dimoun dan ou distrik. Ou annan sa group ki pou bezwen al dan sa laboutik ki son travayer in met li deor. Ki ou pou dir li, ou pou dir li al kot Welfare? Kan son travayer ti kapab pey li? Sa ki pe arive ozordi ki lepep Seselwa i bezwen konpran. Se ki i annan dimoun, i annan dimoun ki pou war zot anba duress pou aksepte. Ki zot pou ganny met presyon pou aksepte ki zot saler i ganny fer desann.

Taler mon krwar Minis i a kapab koz lo la. Bann zofisye i ava koz lo bann rikord. Bann konplent ki zot pe gannyen. Tousala pe arive la deor. E si nou koman Manm Lasanble nou pa fer pep Seselwa konpran sa, e nou koz zis lo lefe ki Gouvernman in dir i bezwen donn en wage Grant, alors Gouvernman i bezwen donn en wage Grant. Nou konpletman bliy sa lot group dimoun.

Ou annan menm konpannyen la ater Mr Speaker, e sa i laverite, ki pa oule fer aret travay son travayer etranze. I prefere, i le fer aret travay, travayer Seselwa. Sa nou pa pou koz lo la sa? Mon, mon tanpi si demen zot pa le vot pou mwan, oubyen zot pa le vot pou en lot dimoun. Konmsi sityasyon ki’n arive se ki mon bezwen satisfer zis serten group dimoun dan largiman? I pa kapab koumsa. E Mr Speaker sa ki pli enteresan se ki mon’n vwar i annan diferan kalite fason ki dimoun pe sey dil ek sa problenm.

Mon ti resevwar atraver e-mail en propozisyon lamannman le 10 Me. Ki ti koz lo ki mannyer nou pou zisteman avek sa capping  ki ti annan anba sa seksyon 39 (a) ki ti’n anmennen dan sa Lalwa. Kot la i konsern en dimoun ki ganny R30mil and above. Sa i pou ok pou nou met li deor, i pou ok pou nou fer negosyasyon ver son ka. I pou ok. Me si sa dimoun ti ganny R30,500, ti pou ok? Si sa dimoun ti ganny R30,100,  i ti pou ok?

Konmsi nou pe dir avek tou dimoun ki pou’n devlope dan son karyer ki’n arive ganny R30mil, ler ou ariv sa nivo – e sanmenm sa mistake ki sa premye lamannman ki nou ti resevwar sorti kot Onorab Ferrari ti pou pe fer, se ki i ti pe al kont Konstitisyon.  Ti pou napa equal protection anba Lalwa.

E mon kontan ki sa lamannman in ganny retire, e nou’n war en lot lamannman vini. Me sa lot lamannman vini in entrodwi en mo.  En mo ki apel full. Savedir ki nou pe dir la, aprezan pou nenport travayer si Gouvernman in war, si atraver wage Grant, e sa mo full i danzere dan sa lamannman. Si atraver sa wage Grant, Gouvernman in donn sa anplwayer 3 kar, e sa anplwayer ti sipoze met sa en kar. Sa anplwayer i ale, i dir ok mon pa’n ganny full, alors mon kapab fer negosyasyon pou met ou deor. That’s what it does.  Si in ganny lanmwatye i kapab fer negosyasyon pou met li deor.

Mr Speaker mon pe tann mirmirasyon ki there’s no amendment before us, be mon ti resevwar kominikasyon from Clerk. Ti annan lamannman. Mon ganny drwa koz lo la akoz it’s a formal communication.  It has been tabled.

 

MR SPEAKER

I pa ankor ganny tabled. Mon konnen koman en Manm Bills Committee ou in privy, ou okouran. Me annou pa debat lo sa bann amannman until nou pe ganny move dan House. Ok?

 

HON SEBASTIEN PILLAY

So savedir pou ganny sans  debate lo la?

 

MR SPEAKER

Kontinyen ou lentervansyon.

 

HON SEBASTIEN PILLAY

Mon ti anba lenpresyon ki ti pou fer li par lezot fason.  Mon ava retourn back to the essence of largiman ki mon pe fer. Ou konnen Mr Speaker mwan, mon feel pou tou petet anplwayer ki santi zot dan en sityasyon difisil, kot zot pa kapab pey zot travayer. Genuinely, genuinely annan sa difikilte.  Genuinely. Be nou bezwen osi mazin sa travayer dan ka kot i kapab annan labi.

that’s why nou bezwen fer Lalwa pou prevwar ka kot i kapab annan labi.  E se sa ki sa Lalwa pe fer provizyon pou fer. Sa Lalwa pa pe zis baze, sa seksyon par egzanp 39 i pa baze zis pou la avek sa sitasyon COVID. I osi baze avek lefe ki nou bezwen rod en fason pou asire ki, bann travayer ki’n travay pou sa lorganizasyon, pou sa bourzwa i ganny peye.

Me i annan en pwen enportan ki Onorab Churchill Gill in fer sorti lo sa kote latab e ki vreman relevan. Onorab Gill in koz lo sa bann biznes ki pou bezwen relev lekonomi. E la kot mon krwar en pwen ki Onorab Gill in fer se ki, nou pe get sa Lalwa me sa Lalwa i bezwen osi ganny siporte par bann mezir an ski konsern sa wage Grant ki Gouvernman in met an plas. E pwen Onorab Gill ki mon siporte 100poursan se ki, sa wage Grant i bezwen vini dan bann sirkonstans kot i bezwen vini. I bezwen arive dan sirkonstans kot i bezwen arive.

E se sa kot ler mon ti komanse mon ti dir difikilte ki nou pou annan avek sa Lalwa, me ki nou pou bezwen still entame sa deba pou tou lede kote. Akoz genuinely nou pou war nou dan en sityasyon kot si nou napa sa lamannman, sa Lalwa, si nou allow sityasyon pou reste parey i ete, nou pou kapab war nou dan en sityasyon kot nou frer, nou ser Seselwa i kapab ganny abize anba sa sityasyon ki la. Si ou annan sa lamannman nou bezwen osi annan dan sirkonstans kot i bezwen annan sa lasistans, sa lasistans i ganny donnen.

Se sa mon krwar Mr Speaker ki nou bezwen reste ferm e reste konvenki about. Se lefe ki nou bezwen toultan fer sir ki a priori nou protez tou travayer Seselwa. A priori nou asire ki okenn ant nou frer ek nou ser, pa ganny apele dan en lofis somewhere, par en dimoun e i ganny dir, poudir gete mon konpannyen mon pa kapab pey ou. Me selman ou kapab pey li me ou dir ek li ou pa kapab pey li. E mon krwar se sa ki Minis ti pe sey fer nou konpran ler in koz lo bann ka ki zot in komans rankontre. Ler zot in koz bann sityasyon ki pe come out.

An konklizyon Mr Speaker. Sa sityasyon in enn ki’n fatig nou tou. I ankor pe fatig mwan ziska ozordi, mon pe demann mon lekor kan ki nou tou nou pou retourn dan en sityasyon normal. Onorab Lemiel in servi sa mo nouvo normal.  I pa en sityasyon fasil menm pou nou ki annan zanfan. Ki nou zanfan i bezwen al lekol, i pa en sityasyon fasil pou nou ki annan frer ek ser ki travay dan en lakonpannyen. Oubyen frer ek ser ki annan biznes. Oubyen nou menm ki en biznes owner.

Mon krwar nou annan nou en peryod letan up to 30th of June. Sa ki reste Gouvernman pou fer, e mon sa pledwari ki mon ti a fer avek Gouvernman, se by the 30th of June. Pran sa letan pou asire ki zot met tou bann keksoz. Tou bann keksoz ki devret ganny aziste ansanm pou fer sir ki, whatever outcome ki nou gannyen at the end of the day nou pa pe defavoriz, lo en kote en travayer. E nou pa osi end up pe defavoriz en anplwayer ki genuinely pa kapab pey son travayer.  Mersi Mr Speaker.

 

MR SPEAKER

Mersi Onorab Sebastien Pillay. Bon i reste 6 Manm lo mon lalis. Nou pou pran en break e nou pou retournen 11.10 pou kontinyasyon deba.

 

(BREAK)

 

 

MR SPEAKER

Bon nou avar kontinyen nou travay e deba lo Employment (Amendment) Bill No.19 of 2020, mon a donn laparol Onorab Johan Loze.

 

HON JOHAN LOZE

Bonzour tou Manm Onorab.  Bonzour Mr Speaker bonzour tou dimoun ki a lekout. Mr Speaker i annan en fraz ki Minis in pronons son leko lo la ki mon’n atrape, Minis in dir ki serten desizyon difisil i bezwen ganny pran, e Minis in fer sa dan son kapasite koman Minis Lanplwa. Be Minis ou osi Minis Imigrasyon e bann biznes Trade e Komers retail, wholesale zot pe mars tre byen zot.  Zot pa’n frenmen ni akoz COVID ni akoz napa kliyan ni pou okenn lot rezon.

Zot pe mars fantastically well.  Bill ki ou’n anmenn dan nou Lasanble i permet pou bann anplwayer kapab komans fer redundancy zot bann travayer ki lo GOP.  Be mon ganny bokou difikilte pou war sa bann dimoun ki pe run sa bann biznes retail, wholesale pour fer ale zot bann travayer ki lo GOP.

So mon pou enplor ou dan ou kapasite koman Minis Imigrasyon, pou sey fer en rekey gete konbyen dimoun i annan GOP dan sa bann biznes retail wholesale, trade la.  Nou bezwen landrwa pou nou re train e anploy nou bann Seselwa.  E nou pa pou kapab kontinyen renew sa bann GOP.  Sa enn mon konnen i posibleman pa en keksoz ki pou fer mon popiler but it needs to be said.

Mon annan sa enn e sa enn ki mon ti pe dir lot fwa mon pe sey enplor Gouvernman ankor lo sa limitasyon yellowfin tuna ki nou annan dan nou pei.  Nou pou bezwen en landrwa pou anvoy nou dimoun travay.  E nou pou bezwen aktivite ekonomik pou fer larzan antre dan nou pei.   So mon a sak loportinite ki mon gannyen mon pou enplor tou Minis, tou reprezantan Gouvernman ki vin isi, lobby pou tir sa bann limitasyon yellowfin tuna lo nou, epi pour ki nou ava annan sifizaman aktivite ekonomi pandan  12mwan dan sa lannen 2020, pou nou dimoun a kapab viv e sirviv.

Mr Speaker mon koleg obor mwan Onorab Aglae in evok en prensip ki mon osi mon bezwen souskri avek se balans. En sosyete de balanse i enn ki’n inevitableman pou al ver problenm.  So nou bezwen annan balans dan lafason ki nou apros sa sityasyon COVID19.

Nou toultan ganny dir konmkwa ki sekter prive i moter ekonomik en pei ki vre, sirtou bann pti e mwayen antrepriz they are the ones to drive the economy, be lekel ki drive sekter prive?  Lekel ki pe kree sa larises dan en fason pratik ki ganny generated par sekter prive, sa se son travayer when you boil it down, moter ekonomik pei se lafors travayer Seselwa. Se zot ki pe kree larises pou pei pou sosyete.  And  more importantly pou zot anplwayer, pou zot bann direkter e bann lezot aksyonner dan bann diferan lakonpannyen pou lekel ki zot pe travay.

E sekter prive i pa zis sa lenvestiser i pa zis sa businessman  i pa zis sa business owner, i egalman sa travayer ki pe generate sa larises.  I enportan ki lafason ki nou vwar keksoz, i pa tant pou favoriz enn e defavoriz lot.  Akoz la ankor parey Onorab Aglae in fer sorti, se balans ki nou bezwen dan lasosyete.  Nou pa bezwen debalans nou sosyete.

Nou pa kapab de ekilibre nou bann biznes letan nou pe sers pou protez nou travayer.  Be having said that Mr Speaker, nou pa kapab nou koman en pei, koman en sosyete fer nou lafors travayer shoulder tou sa burden ekonomik ki nou pei pe sibir an rezilta COVID19.  Nou bezwen balans byen keksoz.

Prezidan ti kler li, se ki sa bann wage Grant  ti pou siport tou biznes ki fer fas avek difikilte pou meet zot saler an rezilta COVID-19.  I pa Prezidan ki ti met en preskripsyon selective.  Nou bezwen swazir ki biznes ki isi ki laba ki lot, ki lot.   i annan tout en gam mezir preskripsyon ki ti ganny etale dan en Press Conference ki’n ganny balanse, dan domenn piblik, ki’n lenfliyans lopinyon nou pep.  Mon krwar ti dan en Press Conference le 21 ki somehow or other, sa bann seleksyon la pe ganny pratike li.

 

I pe ganny pratike e in swamp Minister Finans e in delay tou sa process, pou donn lasistans tou bann lakonpannyen ki dan bezwen, bann endividi ki dan bezwen,  bann self-employed ki dan bezwen. Be Prezidan li i ti dir asiste tou sa bann lakonpannyen ki dan bezwen. e se sa ki nou bezwen fer pandan sa 3 mwan ki Bidze in preskrir pou fer;- sa 3 mwan nou bezwen asiste sa bann lakonpannyen ki bezwen ganny asiste.

Regardless ki bann lezot dimoun in dir dan zot bann Konferans De Pres, nou asiste sa bann biznes ki dan bezwen.  This has to be done, nou pa kapab zet nou bann biznesmenn, zet nou bann envestiser Seselwa sirtou, kit zot by the riverside san  okenn lespwar.  E still krwar ki zot, zot pour kapab kontinyen anploy tou sa travayer Seselwa ki zot pe anploye ozordi.

Sa i pa en keksoz ki posib.  So i bezwen  kler ki nou bezwen asiste nou bann biznes me egalman protez tou nou travayer Seselwa.  Sa legzersis i enn ki pou kontinyel. Sa konversasyon ki nou pe fer i enn ki pou prolonze kontinyel.  I pa arete zis la li. Nou’n anmenn Lezislasyon ki’n adres bann preskripsyon letan.  Sa pa’n neseserman ede ou asiste bann travayer.  Me tou bann biznes ki ti annan container lo por, ki zot pa’n kapab swa al peye swa al tire dan bann letan COVID kot zot, zot ti kot zot e por ti fermen, mon krwar sa amezir ki’n adres preskripsyon i osi adres sa bann larzan double la, ki zot in bezwen peye lo bann container ki zot ti dwa.

Sa i en pti mezir i en pti bout ki pou ed serten biznes. E  i pou annan ankor akoz kontinyelman an mezir ki keksoz i vini, sa Lasanble li i pour travay, pou pas bann mezir ki pour ed nou sosyete. E ozordi nou pe  entame en deba ki li i konsern proteksyon travayer, me akoz nou bezwen protez nou travayer?

Sa travayer ki i pa’n demann COVID.  I pa’n anmenn COVID.  I pa’n kree irzans medikal ki nou pei i trouv li ladan ozordi. I egalman en viktim sa sityasyon, o tan ki son anplwayer.  So tou lede zot egalman en viktim sa sityasyon. Nou’n dir 3 mwan;- 3 mwan ziska le 30 Zen, gard nou dimoun dan lanplwa kree en buffer.  Abzorb en pe sa sok ki nou napa en redundancy brit e sovaz dan nou pei, ki pou sok the very fabric of nou sosyete.

La pou le moman dimoun i ankor dan staz i pe ganny retar pou son saler Minister Finans pa pe peye, be gradyelman as we go along dimoun pou konpran poudir i pou annan  serten redundancies. 

E parey Onorab Churchill Gill in fer resorti dan son speech bomaten, Gouvernman i bezwen sorti boner e tal son plan stratezik pou kwa ki pou arive apre le 30 Zen.  La an se moman la COVID fek arive.  Wi i ankor ovif personn dan lemonn travay pa ankor vreman konpran kwa ki pe vreman arive ek zot.  Nou pa pe kapab di zour a lannmen fer redundant en dimoun i li son saler i 6,7,8,9mil e anvoy li ganny anpare kot ASP pou 3,900.

Mon konnen ki poudir nou pou dir i annan dimoun ki deza pe al laba.  I annan dimoun in deza ganny anvoye laba, be ki kantite dimoun eski nou anvi sok nou sosyete par anvoy laba la en sel kou?  E ki pou koute kwa ki pou kase si nou anpar nou lafors travayer ki dan sekter prive ziske at least lafen  le 30 Zen?

Nou’n fini dir zot. Nou’n fini promet zot e kwa ki pou aranze sa bann redundancies la?  En biznes pou le moman i kapab fer son bann plan stratezik lonterm.  I a planifye.  I ava aranze menm si son lapey kot Minister Finans in ganny rezete, mwan mon konsey zot appeal, retournen, re al eksplike, re negosye fer konpran akoz biznes ki dan bezwen ou bezwen ganny asiste. Prezidan li i pa ti dir okenn sa bann seleksyon isi sa bann seleksyon laba.

Sa ti sorti le 21 dan en Press Conference kot de msye ti asize ti fouy dan sa bann zafer, met zot bann preskripsyon ater e lala zot bann preskripsyon la.  La la retar la prezan zot bann preskripsyon ti dir, biznes i bezwen ganny anpare pou zot kapab tenir zot bann anplwaye ziska lafen le 30 Zen. This is the bare minimum ki nou pe demande. Deza ou annan ou travayer ki pe komanse – mon pa ni pou dir coerce  ni okenn lot mo, i pe ganny forse, kareman forse, pou aksepte en rediksyon dan saler, ouswa i pe ganny dir a pey pou pli tar.  Me pli tar i napa en dat li.  I ganny dir pli tar, i pa ganny donnen en dat.

Nou tou la anndan nou MNAs. Nou tou nou ganny kontakte avek piblik.  Nou gannyen konplent, nou pe gannyen konplent.  Menm si i annan nou ki pou rezon politik pa pou koz lo la ozordi, travayer Seselwa ozordi dan serten landrwa, dan sekter prive pe ganny forse pou forego serten porsyon zot saler.

E i annan ki pe kareman ganny dir, i a ganny peye pli tar.  E sa ki nou pe sey anpese.  Se sa ki mezir legal i ozordi devan nou Lasanble, pou sey a port en pe lazistis.  Lazistis pou sa travayer Seselwa ki li in rente, in eskente, pandan plizyer lannen pou son anplwaye, pou kre larises pou sa sosyete Seselwa.

E Onorab Pillay in fer sorti en keksoz pli boner, ki mon oule met lanfaz lo la.  Sa travayer seselwa, letan ou swa koup son saler ou dir li swa i la lo en bout papye sinyen, ou pou pran zis 50poursan, ouswa ou pou pran 25poursan ou saler.  Oubyen ou dir li ou a ganny peye pli tar pou tel ou tel rezon, ouswa ou fer li redundant e i end up kot ASP avek R3,900, koman i ariv laboutik pri lo tou komisyon pe double, pri lo tou komisyon dan laboutik pe double.  Prezan li son pouvoir d’chat  in tonbe net.

E i vwar li fas avek en pri lavi ki pe double, me nou pa kapab prolonz sa en pti pe nou?  Zis hors de konpasyon konmsi?  Nou pa kapab trouv li dan nou leker pou nou at least pou 3 mwan konmsi ou pa pou sibir sa ou?  Nou ava anpar ou la kantmenm zis pour 3mwan nou ava anpar ou, nou a atrap ou, an rekonesans pour tou sa lannen ki ou’n donn ou kouraz danm sa pei?  Nou a tenir pou avek ou fanmir ou zanfan ziska le 30 Zen?

Apre le 30 Zen nou a gete kwa ki vini? Oule dir mwan pou kas nou lebra sa?  I pou kas nou lebra pou anpar enn  nou frer?  Tou sa malen ki annan la anndan nou pa kapab met latet ansanm, rod bann lot propozisyon rod  bann lot solisyon, rod bann lot fason ki nou sosyete i a kapab generate en pe larzan, pou nou gard korezyon sosyal?  Koezyon fanmir seselwa ansanm.   Nou pa kapab?  Sel keksoz ki pou pas dan nou latet sa biznes, sa biznes?

Wi biznes wi.  Biznes i bezwen ganny anpare.  Nou a rod fason generate larzan pou anpar sa bann biznes, wi.  Mon dakor mwan nou anpar biznes.  Be nou pa dan Wild West nou!   Biznes pa kapab run around met dimoun, fou dimoun a laport gos, drwat parey i anvi apre mont lo Facebook dir,’’ ar mon pe esper larzan Minister Finans pa ankor donn mwan.  Be ou ti napa en Bidze ou?  Ou saler pa ti dan ou Bidze?

Ki mannyer ou ti pe operate? Biznes i fer son soumisyon i pa donn son bank account.  I kareman pa donn son bank account.  Apre i dir ou  Minister Finans pe tarde pou pey li.  E i bezwen met son travayer a laport. Mwan serten biznessmenn mon demann zot ‘’be ki ou business continuity plan la dan sa sityasyon?’’

‘’ Mon pe esper ou Prezidan donn mwan enn.’’

So i montre ou ki deza i annan serten ki napa la volonte.  Zot zis napa! Zot napa!  Zot pa anvi anpar zot travayer.  I annan ki koumsa me pa tou.  I pa tou.  E nou bezwen sa bann biznes nou bezwen an mazer parti la mazorite biznes Sesel, letan i ariv ler pou relans nou lekonomi.  E pa tou biznes ki’n apros Minister Finans osi, pou ganny lasistans.

Mon krwar i annan apre 4mil ki’n fer zot demann, me napa 4mil biznes Sesel.  I annan plis.  I annan bokou plis ki 4mil.  So deza i annan ki li atraver lafason ki son loperasyon pe deroule, in fini pran kont son saler, i ankor annan son cashflow e li i ankor pe operate li.  I pe kontinyen li.  I pa pe vin rod lasistans.  So i annan bann seksyon nou lekonomi ki li i pe fonksyonnen e i annan ki vreman dan difikilte.

E se la kot nou bezwen retourn lo sa lanons ki Prezidan  Faure ti fer, pou asiste tou bann lakonpannyen ki pe ganny difikilte, pou pey zot travayer akoz COVID19.  Pa lo sa bann preskripsyon ki ti ganny met ater le 21 ki ozordi son met pa oule rekonnet, per pou aksepte poudir zot ki ti dir sa bann keksoz!  Akoz?  Pe met retar.  Pe met retar son prosen pou biznes ganny akse avek kapital, led ek lasistans ki zot in ganny promet.

Ozordi devan nou i annan en morso travay pou asiste travayer Seselwa.  Be Labank Santral ti deza vin avek prose devan Lasanble mwan, mon pa ti la mon ti dan self-isolation sa letan kot  zot ti pe demann permisyon pou kree bann lenstriman pou ed biznes, atraver loan concessionnaire, atraver re negosyasyon repeyman zot bann loan aktyel, ki a kapab ganny garanti par Labank Santral.  E menm Prezidan ti anonse poudir peyman taks pou ganny deferred pou pli tar. E mon krwar si neseser i avar ganny anvoye pou pli tar ankor.

So i annan en balans mon santi.  I annan willingness pou annan n balans dan sa keksoz.  I pa zis en kote li.  I annan en willingness de lapar nou pei, nou Gouvernman, nou sosyete, pou anpar nou bann biznes Seselwa lo sa later Sesel.  Be it ki zot a pey zot taks dan 3mwan e si dan 3mwan napa larzan dan kof ava gete ki desizyon a ganny pran.  Be it re negosyasyon lo zot bann loan aktyel, ouswa loan concessionnaire ki ava ganny garanti par Labank Santral.  In annan en willingness pou ed biznes.

E biznes osi i bezwen fer son bout pran son responsabilite avans devan, al rod bann keksoz li ki i bezwen, access sa bann keksoz ki’n ganny mete e servi li pour further devlop zot biznes.  Ouswa koman en buffer pou tanporiz zot bann sityasyon an se moman. Be nou pa pou kapab fer travayer peye pou COVID, ouswa anmenn tou par COVID lo zot ledo.

Resaman mon ti tann mansyon Mrs Sybille Cardon dan Lasanble.  Ler mon’n tann son non monte in fer mwan mazin en zour sa bann zafer Lasosyasyon Tourizm la letan COVID ti pe komanse,  zot ti dir ki sa bann letan ki bann travayer pou al dan lakour pas sa dan zot konze.  Me ti konze sa?  Konze sa?  Irzans medikal akoz en viris i fer ou ale al asize dan ou lakaz, anprizonnen kot ou pa kapab sorti.  E ou konze i pas lo la?

I montre ou panse serten dimoun dan sa pei.  Konze en travayer se sa moman kot i pran en repo, i fer serten tripo i fer en pti vwayaz i pas serten letan ek son fanmir. I pa en moman kot in ganny strese e in ganny take dan 4 miray, anndan se li pa kapab bouze, akoz en public health emergency.  Sa pa konze sa ! Be ki mannyer travayer li ki pou anmenn tou lour li?  Si i ganny take anndan se li,  parske lo ou konze, be sa pa son  konze sa!  I pa son konze sa!

Nou pa kapab pas li lo son konze.  Be i sa kalite panse ki ozordi i annan i still oule met tou pa lo ledo sa travayer.  It’s as if Bill COVID-19 zis travayer seselwa ki pour peye.  Dernyen fwa, letan mon ti koze mon ti dir evantyelman pou bezwen annan en repartitionnement  det dan sa pei.  Zis parey nou koz la partaz larises.

Ou bezwen annan en lapartaz det at some point.  Be repartitionnement  det pa kapab zis lo ledo travayer sekter prive.  I pa kapab zis zot ki pou pey the full bill, swa atraver son konze swa atraver en redundancy.  Ki mannyer i marse sa?  I pa lozik sa.  Koman en sosyete nou bezwen annan en konsyans.  Nou bezwen rekonnet zefor ki dimoun i fer.  I deza annan ase presyon lo sosyete.  I deza annan ase ditor ki ganny enflize lo nou pep.

En single mother ki ozordi i dan lanplwa, ou fer li redundant demen bomaten avek son 2, 3 zanfan, i al met laliny i al asize deor lo ban kot ASP.  Be i pou annan en good ending sa?  I pou fini byen sa?

Zis la sibitman, britalman, ou fou li deor, pou fini byen? Pour mars byen lo sa 3 zanfan ki sa madanm i annan?  Mon pa krwar mwan. Mwan mon krwar koman en sosyete nou devret kapab fer pli byen.  I annan en onus lo nou pou nou kapab fer pi byen.  E la anndan nou devret kapab fer pli byen.  Si i annan okenn nou ki nou konsyans in ganny byen ansennen, anmare avek en lasenn nou’n ganny defann pou koze lo behalf travayer Seselwa;- lo behalf bann zabitan zot distrik.  Kase, kase koze, dir 2 mo an faver sa bann dimoun k travay ki kontribye taks pou nou saler la anndan, dir 2 mo lo zot behalf annou annan en konsyans silvouple.  E nou sosyete i bezwen annan en konsyans pou anpar son prop dimoun.  Pa zis atraver social safety net kot ASP. I tro fasil sa i tro eze i tro dan nou comfort zone, tou keksoz ASP.

Apre nou demann lalis non.  Ler nou ganny lalis non nou komans konplent entel ouswa entel i lo lalis ASP.  I tro fasil social safety net.  Mentenir dimoun dan lanplwa kot zot ete ziske at least le 30.  E asiste biznes pou zot fer sa prose. Se sa.  I sa li la kot nou ete ozordi, e i napa en santenn biznes dezonnet ki ozordi koman son premye reaksyon in dir i pou koup saler son travayer i pou fou li a laport mon a pey ou pli tar.  Napa en santenn biznes ki’n fer sa

 

 

MR SPEAKER

Onorab i reste ou 2 minit.

 

HON JOHAN LOZE

Mersi Mr Speaker.  Me kantmenm sa nou bezwen raport Lezislasyon pou garanti travay bann ki pe ganny menase e pa les bann ki pe fer sa move pratik get away with it pou ankouraze lezot.  Akoz si sa bann ki’n komanse la, nou les zot get away avek sa, pou annan en domino effect lo larestan biznes.  Zot a dir be sa enn i fer nou osi nou fer e la kot travayer seselwa i pey lepokase e se sa esansyelman ki nou bezwen fer ozordi desin en laliny kot nou dir be non sa laliny pa kapab ganny franchir nou.

Nou pou debout akote nou travayer egalman akote biznes Seselwa.  E nou pa pou bouze lo la nou pa kapab bouze lo la, si koman en pei nou pa kapab asir peace of mind sekirite finansyel bann fanmir ki dan sekter prive pou zis 3 mwan be nou annan en problenm grav avek nou, nou annan ne problenm si nou pa kapab fer sa. Mersi Mr Speaker.

 

MR SPEAKER

Mersi Onorab Loze.  Mon a donn laparol Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker bonzour Minis bonzour ou delegasyon, bonzour tou bann dimoun ki a lekout, Mr Speaker lasemenn avan Pak Prezidan Larepiblik ti fer en lapel solannel avek nou pou nou siport li dan en Bidze ki i ti dir i pou servi i neseser i pou ganny sa larzan pou li asiste tou dimoun dan sekter prive, sa i R1.2bilyon, i ti demann nou pou fer sa avan Pak e nou ti fer li. Nou ti vote R1.2bilyon, pour ki Gouvernman i protez lapey bann travayer dan sekter prive.  Nou’n fer nou bout nou, ki pe arive ozordi? Ki Gouvernman in fer avek sa larzan ki nou’n donn li?  Kwa ki’n al mal?  Akoz ki Gouvernman pa’n reisi son promes e son komikman ki in fer avek Lasanble Nasyonal?

Gouvernman ti dir avek nou, Minis Finans ti vini ti dir si ou donn nou sa larzan, nou pou garanti 3 mwan lapey travayer. Nou’n donn zot sa larzan, oli problenm ozordi?  Akoz nou dan en sityasyon koumsa ozordi?  Mr Speaker, problenm se ki Gouvernman pa pe regard sa sityasyon dan en fason lozik e dan en fason ki pou marse.

Avek respe pour Minis in vini bomaten in fer son prezantasyon e in dir bonzour tou bann dimoun enkli tou bann travayer.  Avek respe pou Minis mon ti a kontan si mon ti tann Minis dir enkli tou bann travayer ek tou bann anplwayer.  Akoz mwan e nou lo sa kote latab nou krwar ki en anplwayer pa egziste san en anplwaye e en anplwaye pa egziste san en anplwayer.  I menm keksoz.

 

(APPLAUSE)

 

HON JEAN-FRANCOIS FERRARI

I annan en relasyon pros ki enn pa kapab viv san lot.  E alors ler mon’n antann Minis koze in fer mon rapel ki mannyer nou dan sa sityasyon ozordi se akoz nou pe regard zis en kote.  Nou, nou anvi protez lapey travayer.  E nou pa zis dir ki nou anvi protez lapey travayer.  Nou’n donn zot 1.2milyon pou fer sa proteksyon.  Zot pa fer li.

Ozordi zot vin devan nou pou demann nou sanzman dan Lalwa ki pour dapre zot, permet pou anpese ki travayer i perdi son travay.  Mr Speaker diferans fondamantal ant nou e lezot kote latab, se ki i annan en lozik ekonomik dan fason ki nou apros sa problenm.  Pour le moman bann travayer in ganny let down zot.

Zot in ganny let down premyerman par zot parti, parti US ki profese ki zot ki parti travayer.  Zot in ganny let down par Msye Faure li menm akoz depi komansman zot in ganny bann promes ki’n ganny fer, me solman sa bann promes pa’n ganny delivre.  Zot in ganny Mr Speaker bat latet.

Mwan mon pa pe dir ki Msye Faure son bann Minis, son bann, sa pa bann bon dimoun, me selman mon krwar ki malerezman zot pa konn  fer keksoz diferaman ki zot pe fer ozordi.  Dan sa sityasyon ki nou ladan COVID19, mon ti ava ekspekte ki zot ti a viv sa profesyon ki zot fer toultan ki zot proklanm konsiltasyon e negosyasyon.

Zot pa’n fer li.   Zot in operate dan en silo e zot in pran bann desizyon ki pa’n marse, e nou’n vwar ptitapti plizyer dimoun pe vini pe dir keksoz pa pe marse, nou pa dakor avek ki mannyer keksoz pe avanse oubyen pa pe avanse.

Msye Faure malerezman i enn sa bann dimoun ki krwar ki se Leta, se Gouvernman ki pou rezourd tou problenm dan sa pei.  Mon mazinen dan son training koman en ekonomis, en political scientist Cuba Msye Faure in aprann laba ki Gouvernman i konn tou, Gouvernman i donn tou, Gouvernman i asir tou, Gouvernman i fer tou sa ki lezot lafors dan lasosyete i normalman merit swiv e tou dimoun i bezwen swiv sa ki Gouvernman i fer.

Si ou malad, Gouvernman, si ou napa en louvraz, Gouvernman si oule en loan Gouvernman.  Mr Speaker nou pa viv dan sa sityasyon koumsa.  Nou  pe viv dan en sityasyon dinamik kot nou bezwen konsilte toultan e met tou nou zefor ansanm.

Sekter biznes osi in ganny let down mon kapab dir in ganny let down par zot reprezantan ki souvan ou war zot mont State House e ler zot sorti en zournalis i met en micro devan zot e san demann okenn detay okenn kwa zot tou zot kriye, ‘’tou keksoz i bon.’ ’Prezidan i dir pou pey tou keksoz tousala pou ok.’’

Selman ler keksoz pa marse ou tann zot pe kriye ki Lasanble pe fer?  Ki Lopozisyon pe fer?  Selman zot, zot pa demande ki zot, zot pe fer pou reprezant sa lendistri e sa bann biznes e sa bann travay ki zot pe fer.  Zot pa demande zot ki zot pe fer, akoz zot osi zot pe krwar ki se Gouvernman ki pou solve zot problenm.

So i annan en problenm la osi.  E bann reprezantan e menm dan reprezantan Lanplwa, nou pa’n war zot la nou ! Bann reprezantan travayer oli zot?  Zot pe koz dan zorey.  Zot pe koz dan biro.  Zot pa vini deor pou zot dir, ‘’nou pa dakor.’’ Selman zot kontakte nou. Zot kontakte nou  personnelman, pou dir avek nou ki zot pa dakor, akoz zot pa krwar ki sa bann mezir ki pe ganny pran, se bann mezir ki pou protez lanplwa.

Zot dir avek nou, Mr Speaker, nou dan en sityasyon Minis in met devan nou en proze lamannman.  Mon pa pou al an detay dan sa bann proze dan sa bann lamannman, me selman an gro zis pou pa repet sa ki Minis in dir, protez travayer, fer sir ki bann lapey pa ganny koupe ;- arbitrerman fer sir ki i pa ganny deferred, napa bann varyasyon san ki annan bann negosyasyon.  E menm zot dir avek ou si en travayer i aksepte pour li negosye, i napa drwa.

Se Gouvernman ki pou negosye dan son plas.  Se Gouvernman ki santi si i lafen si i pa lafen.  Se Gouvernman ki santi dapre sa lamannman, La ki sa travayer 35an dan en pti biznes, ki anvi ede protez son lanplwa e i dir avek son anplwayer, ‘’entel mon war depi 6semenn ou pa ganny en kliyan, ki mannyer ou pou kapab pey mwan?

Alors mwan ek mon msye nou’n defris en pti bout deryer lakaz, nou pou fer en pti travay laba deryer, ki ou dir si mon vin travay 2 zour oubyen 3zour par semenn, ou a pey mon sa pti bout mwan mon a debrouye.  Ler biznes i repran mon ava vin kot ou akoz mon kontan travay avek ou?’’ Si sa anplwayer i dir wi i kont Lalwa.  I napa drwa aksepte sa.  I napa drwa protez sa lanplwa.

Sa se en keksoz ki nou, mwan personnelman mon pa kapab aksepte.  Akoz mwan mon en dimoun e nou dan sa kote latab, nou krwar dan dyalog.  E la Mr Speaker depi bomaten e mon apresye ou’n donn laparol plizyer Manm e plizyer parmi zot in koz lo i bezwen annan dyalog.  Mrs Audrey in dir i bezwen annan dyalog. Mr Churchill Gill, Onorab Churchill Gill in dir e Onorab Vidot avan li in koz lo dyalog serye. Dyalog serye me selman dan sa propozisyon Lalwa nou pe tir dyalog?  Nou pe fer dyalog vin ilegal? Be i pa posib!  Nou bezwen annan dyalog ki mannyer nou pou konnen ki mannyer sa sityasyon pe evolye si nou defann, nou fer li vin ilegal pou annan en dyalog?

Mr Speaker i pa posib pou aksepte sa.  Nou pe propoz parey Minis in dir sispann serten drwa anplwayer pou en serten peryod letan.  Mwan mon pa mind.  Nou kontan nou.  E nou’n dir e mon repete i fer katriyenm fwa ki mon dir, ki nou ti anvi lapey sa travayer i ganny garanti. E nou’n met en larzan pou garanti en lapey sa travayer.  Me selman antretan akoz ki nou bezwen anpes diskisyon?  Anpese ki i annan en dyalog?

Akoz nou pe dir annan en dyalog?  Akoz apre le 30 Zen  pou en lot sityasyon.  Pou en nouvo realite apre le 30 Zen kot Gouvernman pou nepli kapab anforsi sa mank dyalog, oubyen refiz sa dyalog.  Oubyen alor Gouvernman parey zot in mete dan Lalwa la, Gouvernman pe propoze ki i kapab ganny prolonze ankor a lavenir.  Be ziska ki tan?  I pa posib ki i annan sa lensertitid koumsa ki pa pe donn en semen pase.  Mon ava dir zot.  Mwan, mon konn dimoun.

E mwan menm mwan mon’n pas ladan dan lepase ki annan pou fer avek demann pour redundancy.  Mon rapel mon ti avek mon koleg Onorab Georges, avek 2 lezot koleg, nou ti zenn, nou ti envestir dan en lotel.  Nou ti rankontre difikilte, nou ti apply redundancy, mon ti al war en reprezantan e i ti dir mwan wi, wi nou ava fer.  In pran 3 mwan pou donn mwan redundancy.

Mwan, mon pa ti anvi me sa pa ti zanmen nou lentansyon pou nou ferm sa biznes.  Apre 3mwan mon ti annan en flat mon’n bezwen vann, pou mwan pey tou sa travayer.  Sa biznes in fermen, zanmen ankor in leve.  Mon pa’n sov en travayer.  Mon’n swiv tou bann regleman Minister Lanplwa e Minister Lanplwa in fer sir ki tou sa travayer i perdi son job, akoz zanmen sa biznes in re ouver ankor!  Akoz zot pa’n pret en zorey pou ekoute ki pe arive, e ki nou bezwen fer pou nou protez sa biznes.

Minis ou’n dir taler ‘’no income, no future. ’’ Me ‘’no job means no income, no future !’’ It starts with a job! Se la ki i konmanse !

 

 

(APPLAUSE)

 

HON JEAN-FRANCOIS FERRARI

We need to protect the job.  E ou pa kapab legislate Minis !  Ou pa pour kapab legislate pou ou fors en dimoun pou li gard en travayer, kan i pa anvi oubyen i napa larzan pou li peye.  Ki  mannyer ou pou fors li?  Ou pou ankouraz li ou pou dir li ou ava ed li pou pey son saler.  Ou dir li dimoun pli o dan pei Prezidan Larepiblik i vini i dir, mon pou ed ou.  Apre ou pa ed li, apre ou bezwen fer en Lalwa pou fors li gard sa travayer, kan ou pa ed li. Be  i pa posib!

Akoz zour ou pou relax sa Lalwa e kekfwa zot, zot pe mazinen ki zanmen zot pou relax sa Lalwa zot pou kontinyen prolonz li, prolonz li me zour zot pou relax sa Lalwa biro kot Minister Lanplwa, pou al fer bann negosyasyon, pou al fer bann aplikasyon pou redundancy pou tro pti.  Akoz zot pa pou kapab handle!  Akoz ou pa pou kapab fors en dimoun.

La i annan en msye ki’n mont lo televizyon ki’n dir li i pa’n peye son travayer.  Wi i pa’n peye son travayer.  Ki zot in fer?   Ki zot in fer? Zot in met li Ankour?  Zot in anvoy gard rod li?  Ni sa zot pa’n kapab fer.  E avek sa zot pour kapab enforce li?  Zot pa pou kapab ranforsi sa menm Lalwa ki zot pe sey met devan, akoz ou pa legislate en lanplwa!  Ou pa fors en dimoun.  Ou ankouraz li.  Ou pa donn li en parol ozordi apre demen ou tir ou parol.

Se sa bann keksoz koumsa ki fer ki nou dan en sityasyon kot in napa dyalog.  E pourtan ler Mr Marc Hoareau VCS ti koze, enn bann premye dimoun pou koze e i ti dir ‘’i pa posib.  Sa bann mezir ki zot pe pran pa pou marse.’’ Okenn antre zot in kriy li laba konmsi  vin eksplik nou?  Ler Mr William Rose in koze, mon pa konnen si personn in kriy li.

La nou, nou’n rankontre semenn pase avek reprezantan plizyer sekter, ki dir nou ki zot ankor pe esper en rankont avek Prezidan.  E pourtan, e pourtan avan e menm ki sa rankont in ganny fer, zot pe dir nou vot Lalwa, san diskit avek sa bann dimoun! Be Mr Speaker i pa posib!

 

(APPLAUSE)

 

HON JEAN-FRANCOIS FERRARI

I pa posib.  E la nou dan en sityasyon Mr Speaker kot vreman, vreman nou dan en sityasyon kot Gouvernman in deside pour li anvoy en lapo bannann avek nou, parey zot fer souvan.

Zot in ganny sa bannann ki vo 1.2bilyon, zot in aksepte, lapo zot pran zot anvoy ek nou.  E obviously  depi bomaten, lo sa kote latab nou’n tande lekel ki kontan travayer, lekel ki pa kontan travayer.  Sanmenm sa lapo bannann ki zot anvoy ek nou toultan.  Toultan zot dir avek nou ki se nou ki pa kontan travayer e  zot, zot kontan travayer.

Me nou, nou dir avek zot, si ou kontan travayer, ou bezwen kapab kontan son anplwayer.  Parey sa anplwayer.  Napa anplwayer ki pa kontan travayer.  Napa travayer ki kontan fer redundancy.  Napa ! Akoz travayer se li menm  li ki anmenn sa larises.  Napa travayer ki kontan, ki dir ‘’ar la ou la mon’n arive !’’ O kontrer tou biznes pe sey gete ki mannyer mon kapab grandi anploy ankor plis dimoun.

Zot, zot in prezant bann anplwayer ozordi, koman bann dimoun ki bann demon.  Bann dimoun ki fodre nou mefye zot, ki fodre nou vey zot, akoz se zot ki pa oule met lanmen dan zot pos, eksetera.

Mr Speaker mwan ozordi mon ava dir klerman dan a Lasanble, ki si i annan enn de anplwayer e nou konnen i annan i annan enn de ki annan 50milyon ki apply pou redundancy.  Me nou konnen osi ki i annan en kantite bann pti biznes, en kantite dimoun ki’n met tou zot life savings dan zot pti biznes e zot napa.  E zot ankor pe espere, akoz zot in ganny dir ki zot pou ganny sa led.

E nou pa konnen.  Sa bann dimoun pa konnen si zot pour gannyen menm, konbyen zot pour gannyen.  E zot pe espere zot pe priye ozordi in ariv le 13, zot ankor  dan en lensertitid total.  Se pour sa rezon Mr Speaker mwan mon depoz devan sa Lasanble serten lamannman, ki nou dan kote LDS nou’n mazinen poudir nou ava sey akonpanny Minister Lanplwa, pou rod en pli bon balans, kot lentere travayer i  ganny proteze, me osi kot lentere travayer osi i ganny defann.

Nou pe sey rode sa balans me sa balans la i fer dan dyalog.  Mon war Chancellor Merkel Allemagne, depi ler COVID in vini i pe kriy Lopozisyon annou asize, annou koze, annou gete.  Boris Johnson Langleter, tou le semenn i pe rankontre avek Sef Lopozisyon pou gete ki mannyer nou kapab align en pe bann prensip.  Nou isi nou pa ganny konsilte nou, zis nou ganny anvoye i met sa devan e nou, nou bezwen aksepte.

E sanmenm sa ki mwan, mon apel bann lapo bannann,  ki ennler mon oule krwar poudir zot ti a kontan si nou dir nou pa oule sa Lalwa.  Be Minis ou ava sirprann pou tande ki nou anvi proteksyon travayer.  E nou anvi ed ou pou nou prouv sa proteksyon travayer.  Me selman nou, nou zis bann lezislater nou.  Sa proteksyon i pou ganny trouve dan sa dyalog ki ou koman en reprezantan Gouvernman, avek ou bann staff, pou fer avek bann anplwayer ek bann reprezantan travayer.

Se zot ki bezwen fer sa dyalog.  E sa dyalog pa’n ganny fer Minis.  Ou prop manm lo sa kote latab in plede pou dyalog ozordi, Onorab Gill sirtou, in plede pour ganny sa dyalog.  E nou, nou pa kapab ranplas Gouvernman, nou pa kapab ranplas Sekter Lanplwa nou pa kapab ranplas Union, se zot ki bezwen anmenn sa ansanm.  E apre anmenn devan nou e depoz devan nou Lasanble, en Prozedlwa kot nou pa war en papye pe sorti kot SHTA, pa aksepte sa, SCCI pe dir pa aksepte sa.

Nou pe ganny call par dimoun ki travay dan Union ki pe dir pa aksepte sa, akoz sa sistenm ki zot pe fer si zot pe touy en biznes zot pe touy travayer. E Union pe dir avek nou demande ki Gouvernman i peye sa ki in dir i pou peye !

Si sa ti’n ganny fer nou pa ti pour la ozordi!  Nou pa kapab

Mr Speaker annan en Lalwa oubyen en sistenm kot zis en sel kote ki ganny proteze e ankouraze.  Travay ek biznes i 2 kote enn menm coin, enn menm kalen.  I annan 2 kote.  Apard dan en sistenm kominis, kot ou pa kapab annan lanplwa lo ou menm, Gouvernman ki pou pran sarz tou keksoz.  I pran sarz tou biznes.  Nou, nou dan en lekonomi ouver kot ou bezwen annan sa dyalog e ou bezwen annan 2 kote en coin.  Lanplwa ek biznes osi i bezwen annan sa laklarte, E tou lede kote i bezwen zwenn pou konnen kwa ki pe pase.

I pa ede Mr Speaker ler Egzekitiv ki en partner enportan dan sa zafer, i anvoy ou bann mesaz konfizyon parey ler Prezidan Faure i dir ki i pou ‘’pey lapey tou travayer !’’  Konfizyon sa.  E apre Minis Finans i vin dir nou and in fact SS Payet in konfirmen li osi ki Prezidan in fer son Proklamasyon, son Prononsyasyon apre ki in demande bann kriter, ki mannyer sa bann kriter ki mannyer pou ganny fer?

Be  i ti dir la dan nou Lasanble

Mr Speaker verbatim a montre.  Be nou pa kapab.  Nou pe met saret devan bef!  E la Minis avek bokou respe sa i en saret ki nou pou al pran nou pou al met devan bef.  Akoz sa lalwa i bezwen vin an rezilta en negosyasyon.  Se atraver en negosyasyon, en konsiltasyon ki nou kapab annan.  Nou pa kapab annan.

E mon asire ki bann manm isi lo sa kote latab, pa pou kapab vote, bann ki’n koze an tou ka, akoz i pa’n annan sa negosyasyon.  Mwan mon enn sa Manm ki premye kestyon ki mon ti demande dan sa Lasanble, apre Deklarasyon Prezidan, sete eski i korek ki lapey tou travayer dan sekter prive pour ganny peye?  Enkli pour travayer etranze   e bann gro sef? E larepons ki mon ti gannyen zot tou, zot ti la –‘’ Wi!’’ Mwan ek mon bann koleg nou ti ganny en sok!  Nou ti sey demann enn de kestyon, me imedyatman nou ti realize ki sa pa pour kapab arive.  Nou ti doute.

Nou ti demann kestyon me ki pe arive ozordi?  Ler mwan mon ti dir, annou get en kou bann etranze dan en lot fason, ki mannyer zot in vin Sesel pou zot travay.  Napa louvraz pour zot.  Annou gete ki mannyer zot kapab retourn kot zot.  ‘’Non, non, non.’’  La ozordi nou pe dir sa.  Nou pe sanz kondisyon.

Travayer menm i dan konfizyon Mr Speaker.  Biznes i dan konfizyon.  Laplipar pa ankor ganny peye ozordi le 13, zot in ganny garanti zot pa ankor ganny peye!’’ Yer nou’n war lo televizyon ki depi Mars serten travayer pa ankor ganny peye.  Zot in ganny en bout lapey, e menm si pa pey en travayer i kont Lalwa, nou trouve ki sa bann dimoun i ok ?

Zot vini lo televizyon zot pa ni per, zot vini lo televizyon zot pa ni per Gouvernman.  Ki Gouvernman pou fer zot? Ki Minister Lanplwa pou fer? Ki competent officer pou fer? Nanryen.  pa pou fer nanryen.  E sirtou konnen kot ler problenm pou arive,  ler sa pou vin enn an plis, en lot pou swiv deryer eksetera, eksetera.

Nou pa anvi Minis i arive sa.  Nou anvi ki zot asize silvouple, nou pe sipliy zot koman en Lasanble asize, negosye, koze.  Gete ki mannyer ou kapab  sanz fer en pe zot fason fer dir, travayer pa parey sa Onorab ki’n koz avan mwan, dir travayer si ou annan ou konze, ou war poudir sa boug napa ni en biznes, ni en kliyan, nanryen i napa.  I pa ni konnen mannyer pou pey – son bil elektrik i pa ni konnen mannyer pou peye, pran ou konze, pran ou konze plito ki dir ‘’non, non, non. Konze sa en lot zafer.  Konze mon ti pe al Joburg, mon ti pe al Cape Town mwan, mon konze mon pou pran Desanm.’’Non!

Nou tou nou dan menm bato.  Nou bezwen en lot langaz avek Gouvernman.  Nou bezwen ki Gouvernman i vini dir nou dan problenm alors travayer osi pran en bout, pran en bout.  Sa ki nou’n tande bomaten se ki anplwayer pran sa met lo zot ledo, Gouvernman ava ede i ava peye.  Non.  Partaz responsabilite.

Se sa ki nou anvi war.  Ki langaz i sanze e ki nou ou nou sey gete.  E ki si en dimoun pa krwar sa bann diskour ki sorti dan lepok lesklavaz konmsi ki dir i pa posib pour en travayer kontan son anplwayer.  I annan travayer ki kontan son anplwayer, akoz son anplwayer i tret li byen.  E li osi i vire i dir, ‘’Sef mon war ou pa’n ganny naryen.  Selman i ok pa trakase.  Kantmenm sa selman mon kontan mon louvraz.  Mon pou tournen mwan selman kit mwan la. ‘’ Fer sa bann keksoz e annou fer li e annou ankouraz dyalog.

Minis nou dan en staz kot nou riske annan en kantite.

Mr Baker in dir li menm lo televizyon ki nou riske ariv dan20poursan unemployment, Mr Baker in dir sa.  Nou pou esper le 31, le 30 Zen pou nou konn sa?  Konmans resevwar bann demann Mr Baker.  Pa bezwen dir bann dimoun ou napa drwa.  Anmenn ou demann dir li e sa nou pare pou nou sign, sa nou sinyen deswit sa.

Negosye fer konnen, ki ou demann ki ou problenm, me selman ou pa pou kapab aplik ou solisyon apartir le 30 Zen.  Ou pa pou kapab aplike.  Ou pa pou kapab fer sa redundancy avan le 30 Zen.

Me  selman fer nou konnen ki pe pase.  Kot ou problenm i été.  Nou ava ekoute, nou ava gete si ou annan 4 zardinyen ki an plis ki ou pe mazin large, kekfwa le Lemuria pe rod 4 zardinyen.  Nou kontinyen sa dyalog nou pa vin avek gro lebra pou dir arete tou zafer peye.  Nou vin avek gro lebra avek respe Minis ek ou delegasyon, nou vin ek gro lebra ler nou’n pey nou kont.  1.2bilyon nou peye  ler nou’n fini peye sa bann biznes, sa bann anplwayer in ganny peye, la nou kapab dir ou’n ganny peye ou a fer.  Ou’n pran nou larzan ou a fer.  B, ler ou pa’n pey li reste dan dyalog avek li.  Se sa ki nou, nou bezwen vwar.

Mr Speaker mon ava terminen an dizon si nou anvi protez lanplwa dan Sesel, nou pou bezwen pran en lot fason pou nou fer li.  Nou pou perdi en pe lanplwa.  Sa i kler.  Nou pou perdi en pe lanplwa me selman nou anvi protez en pe.  E si nou pa enterese si nou pa montre lentere dan sov e protez osi biznes, nou pa pou sov lanplwa.

Nou bezwen kapab gete ki si en biznes i annan li 10 travayer i anvi gard 8 e i anvi redeploy 2  pou li sov sa 8, ou bezwen kapab dir nou ava sov sa 8.  Akoz si ou dir li non, ni sa 8 pou pa pou sove.  Ou pou perdi 10 job.  E nou, nou pa anvi sa nou, nou pa anvi sa,.

 

     (APPLAUSE)

 

HON JEAN-FRANCOIS FERRARI

Nou anvi ki i annan en dyalog fran e realis.  Ki nou pa diriz avek en mayos, sa Lalwa Minis.  Avek tou respe i en mayos ki nou pe vin bat serten anplwayer avek.  Be nou pa pour kapab, akoz en anplwayer i annan i vre, parey mon’n dir pli boner, i  annan i vre ki i en pe peng.  I annan vre i napa i napa.  I annan dimoun i viv kont pour kont. E menm parey sa konpannyen ki ti lo televizyon.  Ou konnen konbyen konpannyen dan Sesel ki pe plennyen ozordi poudir Gouvernman i drwa zot?  Gouvernman ki drwa zot.  Gouvernman pa pe pey zot Kontra in fini depi Desanm, pa pe ganny peye.

Be si zot dan problenm ou bezwen, nou bezwen realize re aksepte ki annan dimoun ki genuinely dan problenm.  E ki legislate pa pe kapab –  pa pou en solisyon.  Alor Mr Speaker mwan, mon ti a kontan koman en parti politik koman en Manm en parti politik koman en Manm sa Lasanble mon ti a kontan ankouraz Gouvernman.

E la mon pou al move en Mosyon la mwan, mon pou al move en Mosyon anba Order 22 Mr Speaker, pou nou sispann sa deba pou nou zisteman ankouraz sa dyalog.  Nou, nou’n fer nou bann rankont e nou’n war poudir bann dimoun ki ofer lanplwa, zot anvi koze.  Zot anvi konpran ki pe pase.  Zot anvi kapab plan zot lavenir ok? Me Gouvernman pa pe ekout zot.

Zot enkyet zot konfize e zot pa war en semen pase.  Zot per pou lavenir zot lenvestisman.  Zot per pou zot travayer, akoz zot kontan – i annan en bon pe zot ki kontan zot travayer.  Zot war en lot Lalwa ki la ozordi pe vin devan Lasanble, ki retir zot laliberte, ki retir sa posibilite pou zot sov sa biznes.

Zot anvi sov sa biznes.  E sa biznes pa pou debout tousel.  I pa en kestyon sov sa biznes pous tou travayer. Non.  Kit en pe travayer zisteman pou kit sa biznes vivan.  E se sa ki zot anvi war.  Zot pe esper Gouvernman pou met en lekleraz.  Me malerezman avan menm ki Gouvernman i fer diskisyon o profon avek zot, Gouvernman i vin avek en Lalwa, parey mon’n dir en Lalwa mayos.

Mon demande oli dyalog?  Mon demande oli lekout?  Mon pa war ok?  Alors Mr Speaker tro bokou konfizyon e nou bezwen trouv en lord dan sa konfizyon.  Sa nouvo lamannman it’s just like parey nou’n dir ‘’kicking the can down the road.’’ Nou pa tro konnen ki nou pou fer alors anpes sa enn koze, anpes lot koze, anpes lot negosye, nou a gete dan en mwan.

Ler in ariv dan en mwan apre in met en provizyon nou a gete si nou pou extend sa.  Nou pa pou kapab.  Pou annan en revolt dan sa pei e nou, nou pa anvi war sa.  Nou pa anvi war, nou anvi keksoz i kalm nou al dan eleksyon, nou gannyen sa ki perdi i perdi.  Onorab De Commarmond in dir li i pe rod en job an Desanm.  I a rod en job.  I pou out of a job.

Nou, nou anvi war lape sosyal dan sa pei.  Me selman i komans par lefe ki Gouvernman i rekonnet e i dir avek dimoun ‘’it’s going to be tough it’s going to be really tough.’’ I pour difisil e nou pou survive ansanm, oubyen nou pou koul ansanm.

Sa travayer i pour survive avek son anplwayer.  Si ou koup sa lakord ant zot de, zot tou lede zot pour noye!  I annan en lakord annou tenir zot ansanm.  E se zot rol sa.  Tenir sa lakord tenir sa linite tenir sa dyalog ki annan antre zot.  E mon konnen poudir Onorab Georges i annan en Mosyon dan sa direksyon, i anvi propoz serten keksoz konkret, pour fer sir poudir nou annan en rezilta lo la.

Alors Mr Speaker mon remersye ou pou sa letan ki ou’n donn mwan.  E mon ti a kontan anba Order 22 e mon rasir ou Mr Speaker, ti enportan ki lezot dimoun i ganny sans koze.  Zot in ganny sans koze, mwan mon pe move prezan ki anba Order 22 ki nou adjourn sa deba.

Nou permet avek Gouvernman avek Minister Lanplwa rankontre avek Minister Lendistri avek lezot sa, avek bann akter dan lekonomi, avek bann reprezantan travayer pou zot kapab vin avek en keksoz ki bon.  La zot pe vin avek en keksoz ki lanmwatye dimoun pe dir pa bon.

SCCI pe dir, pourtan SCCI i sorti sa bann gran, gran semiz lanmans long sorti State House dir tou zafer i ok.  La prezan SCCI  ki pe dir pa bon!  Be ki mannyer i pou marse ki mannyer i kapab ganny enplimante efektivman si one of the major partners Mr Bastienne pa enterese?  Minis avek PS nou konnen lenportans sa tripartite negotiation, it has to be done.  Nou bezwen fer li e nou bezwen ganny lakor.

Nou pa pour ganny 100poursan lakor, me selman a zeneral lo son prensip, nou ava kapab ganny en keksoz ki a kapab marse.  Alor Mr Speaker can I move that under Order 22 nou sispann deba lo sa Mosyon.

E nou permet Minis avek nou lankourazman e nou sipor, nou permet Minis kapab antre dan sa negosyasyon rapidman, rapidman.  E si Minis i dir nou – ozordi Merkredi si i dir nou Zedi, Vandredi nou pare.  Parey nou’n toultan pare pou nou ekoute.  Si i annan irzans nou avar fer li, nou ava travay e nou ava anmenn en bon Lalwa.  Pour le moman Mr Speaker i pa en bon Lalwa.  I pa pe ganny aksepte par bann dimoun ki sipoze aplik sa Lalwa.

Alors i pa pe ganny rekonnet.  It’s a waste, it might be a waste of time.  Alors mon demande ki sa dyalog i ganny fer e ki nou pran en vot pour adjourn sa deba ozordi.  Mersi Mr Speaker.

 

    (APPLAUSE)

 

MR SPEAKER

Mersi Onorab Ferrari.  Bon i annan en Mosyon, en moman, i anba Order 22 pour adjourn debate, okenn Manm ki segonn Mosyon? Yes Onorab Clifford Andre.

 

HON CLIFFORD ANDRE

Mersi Mr Speaker.  Mr Speaker mon segonn sa Mosyon ki’n ganny met devan par Onorab Ferrari.  Mersi.

 

MR SPEAKER

Mersi.  Bon Mosyon in ganny segonde, dapre Standing Orders mon pou open debate on the Motion moved spesifikman on the Motion moved – ok?  Me mon anvi from the Chair mon anvi fer en keksoz kler, en klarifikasyon.

Si mon’n permet lezot Manm koze bomaten, se anliny avek kan zot ti lev zot lanmen.  Ler mon ti open debate apre ki Minis ti prezant sa Bill, mon ti demande, mon ti dir Bill in ganny prezante, okenn Manm ki anvi entervenir? E mon ti war plizyer manm lo kote US ti lev lanmen, e setyenm Manm ki ti lev lanmen se Onorab Ferrari. So mon pa’n fer okenn faver ni en kote, ni lot kote.  Mon’n aplik Standing Orders e mon’n aplik the Rules and Procedures of the House.

Se sa rezon ki mon’n allow Manm.  Ler lo tou lede kote i annan plizyer Manm ki lev lanmen, mon sey balans entervansyon.  Me an vi ki ti annan 6 manm lo kote US ti lev lanmen avan, mon’n permet zot koze.

E en Manm, mon ankor annan 6 Manm lo kote US ki ankor lo mon lalis, me an vi in ariv trou pou Onorab Ferrari koze e in profit parey Standing Orders 22 in dir ler i pe fer son entervansyon pou li move son Mosyon.  Savedir sa 6 lot Manm pa pou ganny sans entervenir la lo sa Bill ki’n ganny prezante.

So deba i open.  Alor lo Mosyon ki’n ganny moved par Onorab Ferrari e in ganny segonde par Onorab Clifford Andre.  Okenn Manm ki oule entervenir? Spesifikman lo sa Mosyon pou adjourn debate on the Bill, ok?

Mon a komans avek bann Manm ki pa ankor ganny laparol depi bomaten, mon ava komans avek Onorab William, then Onorab Simon Gill, apre Onorab Ramkalawan e mon annan Onorab loze ek Onorab, ok zis montre mon en show of hands e mon ava note. Onorab William laparol i pour ou, ou kapab komanse.

 

HON WAVEN WILLIAM

Mersi Mr Speaker.  Bonn apre  midi tou dimoun ki a lekout.  Bonn apre midi Minis ek ou lekip.  Mr Speaker mon’n lev mon lanmen bomaten pou koze, e mon rekonnet sa Mosyon.  E mon ti a kontan fer mon lentervansyon comme swivan vizavi sa Mosyon;- Mr Speaker koman en Manm Elekte mon konpran mon rol e mon rol se conduct oversight lo bann desizyon e aksyon ki Gouvernman i pran.

E vizavi sa Mosyon ki’n ganny prezante kontenir diskour prezantater sa Mosyon,  Mr Speaker i an liny en pei pe avek lafason ki mon ti pou fer mon entervansyon.

Mr Speaker mon annan 2 let e sa bann let mon asire ki ou koman Speaker Lasanble Leader Lopozisyon, Leader Zafer Gouvernman, enn in ganny adrese a Minis Telemaque koman Minis pour Lanplwa, Imigrasyon avek Civil Status, e sa in date le 11 Me.

E sa let in ganny kopi osi avek Minister Finans.  En kopi in al kot Bills Committee.  E i annan en lot dokiman ki’n sorti kot en lot lorganizasyon Mr Speaker e sa in ganny sinyen par Chairman pour SCCI, an menm tan Chairman pou Hospitality and Tourism Association.

Mr Speaker mon pou siport sa Mosyon, akoz mon santi poudir i annan sa nesesite pou en dyalog fran ant Minister Lanplwa, koman fasilitater.  E nou pa kapab inyor sa bann diferan akter, ki pe fer serten bann lobzervasyon me osi sizesyon vizavi sa lamannman ki pe ganny propoze ozordi. Mr Speaker i byen ki Minis in sit Lartik 35 nou Konstitisyon, me mon anvi dir ki Konstitisyon i pour tou dimoun.  I pour anplwaye koman anplwayer.

E si nou anvi zis zistis, i pou enportan ki nou koman Manm Lasanble avek en responsabilite, akoz dan nou distrik nou’n ganny elekte par tou dimoun, ki enkli travayer koman anplwayer.

Mr Speaker  mwan mon ti ava kontan demann Minis, Minis letan ou’n koze bomaten  tandans ou koze avek tou respe, mon santi poudir  wi, mon osi mon siport travayer en kantite, akoz isi dan sa Lasanble, sa sizyenm Lasanble in anmenn plizyer Mosyon, kot nou pe siport travayer Seselwa.

E Minis mon santi poudir dan ou lapros ou pa’n fer mansyon, menm si sa lamannman ki ou pe anmennen i napa naryen pou fer avek sa bann let, be i annan en direkteman relasyon avek sa lamannman ki ou pe fer.  I pou annan en lenpak. E mwan, mon ti a kontan demann ou si ou’n lir sa 2 let, e ki ou pwennvi lo la?  Akoz i annan bann pwen pertinan ki sa bann dimoun pe demande.

E an menm tan Minis mon asire ou konnen poudir bokou travayer pa ankor ganny peye.  Koman Minis lanplwa mon pa konnen si ou ti kapab donn nou en pti mo lankourazman, swa donn sa bann travayer deor la ki ankor pe esper zot saler.  Akoz deadline i sipoze le 13, ozordi.

Si ou annan lenformasyon ki vre sa prosesis in ganny anmennen, ki ozordi ouswa dan sa semenn avan fini, sa bann travayer pe ganny zot lapey.  Akoz bokou zot la pe sibir en bon pe difikilte avek lanbara.

Mr Speaker de lot kote Minis an siportan sa Mosyon, ou annan bann biznesmenn ozordi ki zot in siny Kontra avek bann travayer aletranze pour 2an.  Minis mon ti a kontan ou dir nou, GOP i pey toulezan e i annan bann biznesmenn pe demande be ler sa GOP i fini, akoz dapre si lenformasyon i korek zot pe dir ki zot pa pou renew, ki pou arive la?  Akoz i annan bann anplwayer ki vreman konsernen.

An menm tan Mr Speaker, an siportan sa Mosyon, lotrefwa mon ti demande ki Lasanble i form en Komite tanporer COVID-19 pou nou kapab conduct oversight, Mr Speaker menm si Egzekitiv koman fasilitater in kree sa 2 High Level Komite, mon santi poudir i annan en ta keksoz ki pe sap zot.  E nou koman lezislater nou ti kapab ede an traver nou oversight role.

E par egzanp la ou annan sa 2 let nou ti kapab konvok serten meeting, pour nou kapab diskit ek sa bann lorganizasyon, pou kapab war egzakteman kwa ki pe pase?  Akoz zot in anvoy sa bann let?  An menm tan nou annan serten konsiltasyon.  Me mon trouve poudir let in ganny anvoye kot Bills Committee.

E mon ti a kontan si petet si Chairperson Bills Committee, i kapab dir nou si Komite in ganny sans.  Me Bill in vini mon santi petet zot pa’n ganny sa sans pou kapab zwenn avek sa bann diferan stakeholders, pou war en pti pe bann demann zot in met devan.

So Mr Speaker san pou mwan repet sa ki’n ganny dir mon endorse sa ki Onorab Ferrari in dir. E mwan, mon krwar pou nou fer zistis avek bann travayer, an menm tan avek bann anplwayer, mon krwar poudir i pou normal pou nou pran en pe letan pou nou asire ki sa dyalog fran i ganny fer.  E ki letan sa Bill i revini i ava reflekte en pti pe tou bann partner.

An menm tan Minis nou tant pou dir, well nou dir poudir sekter prive i moter lekonomi Minis, sekter prive i moter lekonomi, Minis mon ti dir ki Gouvernman i annan en partenarya avek sekter prive.  Me Minis be eski dan sa partenarya la eski i en win-win situation? Ouswa Gouvernman i pran tou, e sekter prive?  Konmsi ki poursantaz i ete ozordi?  Sirtou dan sa sityasyon eksepsyonnel ki nou ladan Minis?

E mon ti ava swete ki nou ava pe koz lo en win-win situation be Minis avek sa lamannman mon pa pe vwar sa win-win situation la mwan.  E mon santi poudir si nou delay deba lo sa Bill, annan sa dyalog la koman en Manm Lasanble, mon ava onnetman dir poudir mon pe fer mon travay ki;- enn, nou ava’n ganny sans ekout tou bann akter.

E Minis bomaten mon pa’n tann ou dir nou konbyen dimoun, konbyen lakonpannyen ki pe lay-off bann travayer depi Mars ziska la.  Konmsi i mank en pti pe bann lenformasyon ki ou pa’n donn nou.  An menm tan parey mon dir baze lo leksperyans ki nou pas atraver, nou santi poudir i mank serten senserite. So avek sa 2 pti mo, Mr Speaker mon pou siport sa Mosyon ki’n ganny anmennen par Onorab Ferrari.  Mersi.

 

        (APPLAUSE)

 

 

MR SPEAKER

Mersi Onorab William.  Bon mon annan ankor 7 Manm lo mon lalis.  E mon annan Bills Committee Meeting toudswit ler nou leve la.  Mon sizere nou pran en break e nou retournen 2er.  Bills Committee pe rankontre toudswit dan Committee Room 3.

 

       (BREAK)

 

MR SPEAKER

Bonn apre midi tou Manm Onorab e bonn apre midi tou dimoun ki a lekout e bonn apre midi Minister avek ou delegasyon.  Bon avan nou kontinyen mon pa vwar mover Mosyon, mon pa vwar seconder Mosyon, ki’n ganny move e ki pe ganny debat.

Avan mon pas laparol avek serten entervenan non pe ankor atir latansyon bann Manm ki lo Standing Orders deba i confine lo Mosyon ki devan nou ok?  Mon konnen an vi ki the wording of the Motion e in dir ki nou pe sispann deba lo sa Bill ki devan nou, i kapab annan detrwa pti mansyon lo sa Bill and all that, me annou otan posib respekte nou deba lo Mosyon to adjourn debate.  Mon ava prezan donn laparol Onorab Simon Gill.

 

HON SIMON GILL

Bonn apre midi Mr Speaker.  Bonn apre midi Minis ou delegasyon en tou koleg Onorab e manm piblik ki pe ekout nou.  Mr Speaker mon konpran ou dir nou koz lo Mosyon prezante par Onorab Ferrari anba provizyon 22, dan nou Standing Orders apre ki in fini fer son lentervansyon lo merit e lobzektif Prozedlwa ki devan nou, epi i dir annou sispann deba. Mon krwar poudir i pa apropriye pour en Manm apre ki in koze, in fer tou son speech  …

 

MR SPEAKER

Onorab mon pou aret ou lanmenm la.  Standing Orders i permit en Manm fer sa me i pa vedir zot 6lezot manm ki ti lo mon lalis, i pa vedir ki zot pa pou koze.  Mon asire ki sa Bill dan en form oubyen dan en lot form, i pou retourn ankor kot sa Lasanble.

E zot drwa pou koze bann ki lo lalis, bann ki pa’n koze pou kapab entervenir lo sa Bill.  Me nou Standing Orders i permet en manm ki pe pran laparol apre ki in fini fer son entervansyon, move en Mosyon, pou sispann deba.  In arive dan lepase e in arive ankor ozordi.

So nou pa kapab dir poudir i pa apropriye, ok?  Nou standing Orders i permet sa.  Se sa rezon ki mon’n allowed the Motion to be seconded e la i pe ganny debat, ok?  Onorab Simon Gill.

 

HON SIMON GILL

Mersi bokou Mr Speaker.  Mon pa pou …  Mon pa pou kontinyen sa largiman me Onorab Georges, Maître Georges i konnen poudir sa  move ki Onorab Ferrari in fer i pa annord!  Mr Speaker largiman pou sispann deba lo Prozedlwa devan Lasanble ki Onorab Ferrari in anmennen, pa annord.  Son largiman pa annord.

Dan son largiman in anvoy Minis avek son lekip or Gouvernman, pou al re diskite avek reprezantan travayer dan Sesel.  Avek kominote biznes prive dan Sesel e i pa’n nonm travayer.

Me reprezantan travayer si nou al en pti pe dan nou listwar nou Lasanble Mr Speaker, ti annan en lantant travay avek Gouvernman tre pros.  Ti menm annan provizyon dan Bidze pour zot,  pou permet zot kapab egziste annan en striktir siport zot dan zot loperasyon.

Sete LDS  an servan zot mazorite dan sa Lasanble ki ti elimin provizyon bidzeter pou federasyon anplwayer.  Mr Speaker, dan son largiman pou sispann deba in anvoy Gouvernman pou al re negosye atraver Minis lanplwa avek sekter prive.  Reprezantan sekter prive Chairman Lasanm Komers, an plizyer repriz bann lezot Manm nou’n tann zot in eksprim regre, akoz sete LDS ki ti tir en provizyon bidzeter ki ti pe siport Lasanm Komers dan zot loperasyon, dan zot relasyon travay avek Gouvernman.

Akoz zot ti krwar ki Gouvernman pa merit donn okenn sipor finansyel lasanm.  E zot in eksprim regre ki LDS in servi son mazorite pou koup sa provizyon saler.  E la ozordi sa provizyon larzan ki ti donn zot.

Mr Speaker ozordi nou pe rod retourn kot sa bann dimoun pou al negosye.  Sa ki mon konpran dan son largiman, i pe donn en lenpresyon ki napa diskisyon ki’n ganny fer.  E mon pe konpran ki reprezantan Lasanm Komers ti lo sa Komite O Nivo, e i ti ganny en sonm eksprim son lopinyon, vizavi bann mezir or lafason ki Gouvernman atraver Minister Finans, ti pe antreprann pou li adres sa desizyon or sa statement ki Prezidan ti fer le 20 Mars pour bailout saler bann anplwaye dan sekter prive.

E Mr Speaker Lasanble e manm piblik, Kominote Biznes Seselwa i bezwen konpran ki le 21 Mars, sete reprezantan LDS ki ti ensiste ki Gouvernman pa kapab donn sipor finansyel pou pey saler tou biznes dan Sesel.  Se reprezantan LDS ki ti ensiste lo la.

Gouvernman pa kapab donn out biznes larzan pou pey saler zot bann travayer.  Dan sa zefor ki zot in fer zot in kree en lot lopinyon isi dan sa pei.  Zot in kree en lot dimansyon dan sa lapros ki Prezidan ti anonse le 20 Mars.  E i regretab. I regretab,  ki ozordi ler zot menm zot, zot in met en retar en semenn pou aprouv Bidze, ki anfen kont zot pa ti vote pou aprouv Bidze, zot met en retar.  Epi zot oule reklanm tou sa retar ki annan ozordi, pour bann biznes ganny zot lapey, or ganny zot sipor finansyel.  Zot pran tousala zot met li ledo Minister Finans,

Zot deklarasyon ki zot ti fer le 21 Mars eskize LDS, in kree tou sa lanpayaz ki ozordi nou vwar nou ladan. Tou sa lanpayaz ki sekter prive ozordi i vwar li ladan, se LDS ki responsab!  Akoz zot ti dir ki tou piblik ti tande, pa bailout tou sekter prive dan sa pei.

Akoz zot ti krwar e zot ankor krwar ozordi ki i annan en kantite biznes ozordi dan sekter prive, ki kapab soutenir lapey tou zot bann travayer pou mwan Avril, Me, Zen.  Zot ankor krwar ladan, e rezon akoz ozordi zot pe sispann deba lo sa Prozedlwa ki dan nou Lasanble, akoz zot pa oule pran responsabilite pou zot dil e dispose of sa Prozedlwa, ki dan sa Lasanble ozordi. Zot oule donn retar ankor, kree retar dan sa pei, dan en moman ekstrememan delika, difisil kot tou bann akter, kot tou bann sekter pe esper nou pou ganny en solisyon Mr Speaker.

Mr Speaker e dan son largiman pou sispann deba, Onorab Ferrari pe fer nou krwar ki nou pran zis kote travayer isi lo kote United Seychelles.  Sa i kategorikman en fo lakizasyon.  I pa tenir delo e mon krwar Onorab Ferrari letan i ganny en loportinite, i bezwen retract sa statement ki in fer.

Akoz lo sa kote Mr Speaker, lo sa kote, nou etablir en balans nou krwar poudir sa statement ki Prezidan ti fer le 20 Mars ti en statement ki ti onnet, i en statement ki ti senser, e i en statement ki ti pe get sa sityasyon dan son totalite e i ti pe dir, bon pou sa peryod 3 mwan nou krwar nou bezwen wi, bailout bann travayer dan sekter prive an siportan zot saler;- pou fer sir kwa?  Ki napa en travayer Seselwa ki ganny met a laport, kot nou garanti si saler pou Avril, Me, Zen Mr Speaker.

E a sa pwen Mr Speaker mon lapel se ki Minister Finans i vwar ki mannyer i kapab asire e donn garanti ki tou bann anplwayer dan sekter prive enkli bann ki zot dokiman pa ankor finalize, bann ki’n pran in met akote, in dir zot poudir zot pa’n kalifye, pour bann rezon ki zot, zot konnen zou pe demande ki tousala i ganny revwar.  Revwar pou respekte pozisyon deklarasyon ki Prezidan in fer le 20 Mars.

Nou pe demande ki sa i ganny fer.  I enportan ki sa i ganny fer lo sa baz Mr Speaker, lo sa baz napa en anplwayer ki pou annan okenn rezon, okenn zistifikasyon pou li met okenn travayer Seselwa a la port pou Avril, Me, Zen e garanti zot saler. Byensir sa ki pa ankor ganny dir se apre sa 3 mwan Avril, Me, Zen, ki arive Zilyet, Out, Septanm, e odela?

Nou kler ki i bezwen annan en nouvo prononsman ki bezwen ganny fer dan sa direksyon, tout an konsiderasyon bann nouvo dinamik ki lemonn pe fer fas avek, e ki byensir pe enpakte direkteman ou endirekteman loperasyon biznes or loperasyon pei dan son totalite. Ki fer ki sa lenpak, malgre ki nou’n sey fer fason pour nou mitigate li pour sa 3 mwan ki nou pe dir ki nou pe soutenir sekter prive, me prozeksyon e prediksyon se ki napa okenn garanti total, ki sityasyon pou sanze parey Zen.

Probableman menm dinamik i reste e nou bezwen tonm dakor ki mannyer nou pou bouz devan rasire Mr Speaker, ki napa okenn travayer dan sa pei ki ganny afekte dan en fason drastik, pour ki i pa kapab soutenir son lekor or son fanmir.

Mr Speaker dan largiman pou sispann deba ki Onorab Ferrari in anmenn devan, i enportan ki nou dir detrwa keksoz ankor.  Sa detrwa keksoz i swivan;-

1), nou bezwen dir avek Minis responsab Lanplwa isi ki i bezwen asire ki i prepar son Minister, i prepar en tim, or ler mon dir en tim, en tim avek plizyer bann travayer kalifye or konpetan pou kapab handle or pou kapab adres sa bann soumisyon ki ganny anmennen kot ou Minister.

Annou rode ki kote nou pou ganny en lasal, en landrwa, pou nou kapab annan bann diferan stasyon travay ki kordinen, ki armonize pou kapab ler bann diferan anplwayer i fer bann diferan soumisyon pou redundancy, pou repartir serten bann travayer etranze dan zot lafors travay.

Akoz zot pe scale down or restriktir zot loperasyon, i enportan ki ou Minister Minis i pare.  I pare pour donn or pour fer 2 keksoz pour donn lefikasite e pour annan lafektivite dan lafason ki mannyer nou handle sa bann soumisyon ki pou ariv kot ou Minster.

Lo sa baz, sa ki nou pe dir se ki nou pe dir se ki sa Prozedlwa ki devan nou ozordi Mr Speaker ki nou pe ganny demande pour adjourn deba lo la, i fer provizyon zisteman pour dan sa menm peryod 3 mwan, pou bann anplwayer kapab fer en soumisyon kot Minister Lanplwa pou zot handle, pou zot anvoy koz zot dan zot pei respektif, bann travayer etranze.  Dan sa menm peryod 3 mwan ki in dir ki nou pa oule ki travayer Seselwa, selman i ganny fer redundant.  Me pour nou realis.

Si napa okenn sanzman drastik ki arive, si napa redresman e si napa en repran ekonomik dan plizyer bann pei, ki soutenir Sesel dan enn son bann aktivite or sekter ekonomik mazer ki tourism, nou,  nou pa war ki mannyer pou napa redundancy dan sa pei.  Nou pa vwar ki mannyer pou napa apre sa peryod 3 mwan, si Gouvernman pa kapab rantre pou bailout ankor, lapey bann travayer.  Me pe enport kwa, Mr Speaker.

 

MR SPEAKER

Onorab en moman i annan bokou overlap ki pe al lo Bill.  I annan bokou Manm ankor ki oule entervenir lo Mosyon ki devan nou, nou wrap-up e dezormen me sak entervenan pou ganny pa plis ki 10 minit mon kapab allocate time ok, pa plis ki 10 minit pou entervenir lo Mosyon ki devan House.

E parey mon dir bann Manm pou ganny sans apre ler Bill i ava retournen ler deba i a rekonmanse nou entervenir bann ki pa ankor entervenir so konsantre lo Mosyon, e wrap-up pou lezot Manm.  Nou annan ankor 7 Manm lo mon lalis pou ganny sans entervenir. Ale Onorab Simon Gill.

 

 

 

HON SIMON GILL

Mersi bokou Mr Speaker.  Onorab Afif pe espere avek Onorab Ramkalawan pou zot koze.  E zot pe dir mon zot pe dir mon degaze fini.

Mr Speaker mon pou wrap-up, mon pou wrap-up, ler mon wrap-up mon dir nimero enn, nimero enn se ki i enportan i ekstrememan enportan Mr Speaker ki Minis, akoz mon apel lo Minis atraver ou Mr Speaker, ki donnen mazorite LDS isi dan sa Lasanble, nou konnen finalman ki sa Prozedlwa pa pou trouv laklerte ozordi.  Nou konnen sa.

E lo sa baz dan mon premye konklizyon Mr Speaker, mon a dir ek Minis ler i ganny en sans pou li koze pou donn nou en dele letan kan i santi i kapab retourn dan sa Lasanble, pou li vin reprezant pozisyon Gouvernman byensir avek nou Lasanble lo sa Prozedlwa, ki ozordi nou konnen LDS pe servi son mazorite pou touye.

Lot keksoz ki i enportan nou dir Mr Speaker, ler nou dir donn nou en dele letan, humblement nou pe dir Minis tret sa size konman en size irzan.  Pou ki nou kapab enn fwa pou tou adres plizyer konsern ki la deor dan kominote biznes e dan kominote kot travayer Seselwa osi zot ti ava voudre konpran zot sityasyon.

2) Dan konklizyon Mr  Speaker, i enportan ki non selman ki nou a revwar sa Prozedlwa.  Me i enportan ki dan sa prose ki ou bann zofisye dan ou Minister i vwar tou bann travayer ki nou konnen deza, zot bann anplwayer in fini met zot deor.  E zot pa’n ganny en sans pou zot ganny en reprezantasyon par ou Minister.

Zot in zis ganny met a laport e zot pe soufer la deor akoz zot pa konnen ki kote zot pou al ganny en nouvo dyob.  I annan ki’n ganny met deor Mr Speaker.  I annan travayer la deor Mr Speaker ki zot lapey lafen dimwan in ganny koupe par 30poursan ou plis, san  menm ganny en sans pou li fer en reprezantasyon atraver ou Minister. Zis in ganny dir ‘’you need to take up salary cut!’’ Fini napa koze napa largiman.  Fini!

Mr Speaker sa in pase e pe pase isi dan sa pei.  E i annan en kantite reprezantasyon ki travayer in fer avek nou isi lo sa kote latab, e nou santi ki i en sityasyon ki pa kapab kontinyen les arive.

Dernyen konklizyon nimero 3 Mr Speaker, i enportan ki nou tonm dakor, konman en Lasanble malgre ki nou’n ganny loportinite pou nou diskit avek tou bann parti prenant lo sa Prozedlwa, ki probableman nou pa’n fer li or nou pa’n ganny ase letan ;- i enportan dan sa direksyon ki LDS ki annan mazorite isi dan sa Lasanble, i vin avek.  Or i soumet atraver Minis pou son konsiderasyon, bann amannman ki zot krwar i realis,  ki pou anmenn sa dyalog ki deza egziste ankor pli profon ki egziste.

E lot eleman ladan dan sa konklizyon nimero 3 Minis, i enportan dir avek tou bann reprezantan bann diferan lenstitisyon ki reprezant diferan sekter ekonomi dan Sesel pou ler zot ganny apele, pou asiz lo latab pou malgre ki i annan en divers lopinyon, pou zot kontinyen asize e kontinyen diskite e convince sakenn de zot lo latab lo merit e  lo lazistes zot bann largiman.

Pa kit latab pa kit meeting pou ale.  Diskite, ranforsi sa dyalog ki mon konnen i deza in ganny pran plas avek par ou Minister e plizyer sekter reprezantasyon dan Sesel.  Mon konnen sa in ganny fer.  E nou ava demann ou pou pas sa mesaz avek zot pou kontinyen malgre i en pe difisil pou nou diskite.  E parfwa nou bezwen agree pou nou dezagree.  Me sa ki enportan dan tou sa laspe Mr Speaker finalman, se Sesel avan tou!  Travayer Seselwa avan tou e osi tou bann biznes ki pe soutenir sa lafors travayer Seselwa.

Nou ositan konsernen avek legzistans sirvivans tou biznes dan Sesel, e nou osi konsernen e dakor ki san travayer napa biznes e san biznes napa travayer.  E se pou sa rezon ki nou dakor lo sa kote osi, ki i annan en larmoni.  Ki i annan en lantant enportan, ki nou konpran ki Sesel ozordi pe travers dan en peryod eksepsyonnel, en peryod spesyal, e ki nou tou nou bezwen pe kapab konpran.

Minister Finans avek Cabinet e tou bann parti prenant, nou bezwen konpran ki dan en sityasyon eksepsyonnel, nou bezwen donn en latansyon eksepsyonnel e kapab think outside the box.  Pour ki an retour ankor enn fwa mon pe dir se tou bann parti prenant i sorti venker.  E ler tou parti prenant i sorti venker, se Sesel ki sorti venker.  Mr Speaker mersi bokou.

 

MR SPEAKER

Mersi Onorab.  Onorab Georges oule lev en pwen?  Mersi.

 

HON BERNARD GEORGES

Mersi Mr Speaker.  Mr Speaker i pa mon parey ou konnen i pa dan mon natir pou mon reponn bann fars Onorab Gill, me mon krwar sa enn mon bezwen fer pozisyon kler.  Bann dimoun deor kekfwa i kapab ganny en   an lerer.

Onorab Gill in dir ki mon ti konnen ki pozisyon ki Onorab Ferrari in pran anba Order 22 pa ti byen.  Annefe sa i fo.  Onorab Ferrari son pwen ki in pran i parfetman annakor avek Order 22 e ensi, ensi ki lenterpretasyon ki ou, ou’n donnen from the Chair Mr Speaker.  Mersi.

 

MR SPEAKER

Mersi Onorab.  Nou napa deba lo sa pwen ki – Non lo sa pwen ki Onorab Georges e konman Chair Standing Orders Committee mon krwar zis in met en keksoz an perspektiv, ok?  Nou kontinyen nou, deba e parey mon’n dir spesifikman lo Mosyon to adjourn debate, e mon pa pe donn Manm plis ki 10 minit apard ki Onorab Simon Gill ki’n pran plis ki 20 minit.  Ok?  Onorab Ahmed Afif.

 

HON AHMED AFIF

Mersi Mr Speaker.  Mr Speaker mon annan zis 4 pwen vreman ki lo sa size adjournment, me zis avan mon ti a kontan profit sa lokazyon pou montre 3 kontradiksyon ki Onorab Gill in fer.  Premyerman lo retar ki i dir Minister Finans in gannyen akoz ant Premye ek Dezyenm Reading ti annan 7 zour – pa korek.  Minis Finans dan 2 entervansyon enn dan son interview, e lot dan Lasanble i ti dir nou sa pa ti met li okenn retar.  Alor i en kontradiksyon nimero enn.

Dezyenmman kot i dir tou travayer, e tou lantrepriz i oblize pey Gouvernman i oblize donn zot en sibvansyon.  Kontradiksyon akoz bomaten nou’n tande pou dir marsan li i ok li, i devret kontinyen pey son bann i pa bezwen lasistans li.  Kontradiksyon dan zot kantmenm.

Trwazyenmman ki zot dir ki Minister Finans, ou pe fer en lapel ki Minister Finans i devret pey tou dimoun, menm sa bann ki zot in dir pe rod lenformasyon, peye.  Me Minister Finans ti vin isi e ou’n dir, dir zot swiv Lord ki Prezidan in donnen.  Me Minister Finans in vin la in dir pou dir li i pe swiv Lord Prezidan li.  Prezidan ki’n dir fer koumsa.  Me kontradiksyon.

Alor mwan mon 4 pwen i comme swivan ;- mon anvi koz lenportans.  E eski i annan en lantant antre nou?  Dezyenmman akoz nou devret adjourn e siport sa Mosyon Onorab Ferrari.  Trwazyenmman ki pou arive.  Eski i pou agrave si nou pran en pe letan pou nou an diskisyon?  E finalman en fason pou nou bouz devan.

Alor lo sa lantant, eski in annan vre en lantant ki Onorab Ferrari pe dir annou annan en deba, annou en koze ant sekter prive ek tou parti prenant.  Me parti prenant i enkli Lasanble Nasyonal.  Mwan a okenn moman mwan konman en Manm mon krwar i parey pou Leader Lopozisyon ki lead nou, nou bann Manm isi, personn dan Konsey de Minis, bann Minis ki enkli Minis ki la avek respe e son panel personn pa’n konsilte nou.  Pou dir ek nou vwala bann lamannman ki enportan pou pase e akoz.  Personn pa’n konsilte nou.  Selman nou ki pe aprouv Lalwa.  Pou vin dir ek nou ki lenpak sekter prive in dir zot, si zot annan diskisyon avek e si zot annan en lantant.

Me lekontrer nou’n vwar Union pe vin kot nou.   Nou’n vwar anplwayer ki telefonn nou, anplwayer i sitan dezespere zot al lo radyo pou dir silvouple ekout nou.

La mon pe mazin enn ki mon ti tande Mr Rose Praslin, ti pe dir be i ti pe dir pou dir son travayer i konpran sityasyon, in gannyen lantant ek zot li.  Me Gouvernman pe vin ek en bann lezot keksoz pou tyonbo son lanmen anmare.  Mr Gill Praslin li osi in koz lo la.  Apard sa Mr Gill ki la, me Christopher Gill i annan plizyer ankor ki’n koz lo sa sityasyon.

Travayer nou pa’n nonm travayer, me travayer en kantite in telefonn nou zot osi pe rod klarifikasyon.  Akoz zot, zot pe rod ki mannyer pou zot sirviv dan en letan difisil koumsa.  Me selman dan tou sa bann negosyasyon ki nou’n tande lot lakizasyon en lakizasyon dan sa zafer negosyasyon ki non, non zot Egzekitiv zot pe esper Lord ek Onorab Ramkalawan se li ki pe met retar Minister Finans.  Se li ki’n dir zot fer keksoz koumsa.  Ki’n dir ek zot pran bann aplikasyon, scrutinize. 

        Be zot Bidze pa ti ganny aprouve? Nou’n donn zot sizesyon.  Nou’n donn zot lide ki mannyer pou travayer nou.  Me si apre tousala zot in ganny Bidze ki zot annan, me se Onorab Ramkalawan ki asiz State House tou le Merkredi kriy tou Minis dir zot degaze fer sa bann peyman, degaze rod en solisyon ek lanplwa?  Se li ki fer sa?  Me dan sa ka petet zot vwar li konman en President in  Waiting zot pe esper li diriz sa pei.  Me sa pou arive byento, pa trakase.  Sa nou pa bezwen adjournment sa i pou ariv de tout fason sa.

Mr Speaker mwan mon ti a kontan dir ek zot, akoz nou devret adjourn.  Nou devret adjourn Mr Speaker akoz sa ki nou pe fer ozordi, se sanz sa lankadreman legal anba ki anplwayer ek anplwaye i annan en relasyon.  Si nou mal fer li, e ozordi mon santi anplwayer e anplwaye tou lede i annan konsern, me si nou ganny sa mal si nou ganny sa formil mal, nou riske annan en sityasyon kot parey Onorab Ferrari in eksplike bomaten, kot en boug i anploy 10 dimoun kot i anvi gard 8, me i pou bezwen perdi 2.

Akoz mannyer sityasyon i ete, olye gard 8 perdi 2 nou perdi 10 dimoun.  Parske sa biznes i fermen.  Sa i enposibilite reel ki devan nou.  E i enportan ki si nou, nou pran detrwa zour, mon pa konnen konbyen letan nou pou bezwen annan pou diskisyon si sa detrwa zour en semenn eksetera, nou bezwen fer li.  Parske nou konman en Lasanble responsab, nou pa kapab ale zis konsiltasyon, zis san konnen ki konsekans zis  nou met en lakord otour anplwayer.  Sa lankadreman i vin mal, e dimoun i perdi zot travay.  Mon krwar sa i en keksoz ki danzere, e nou bezwen annan en diskisyon serye pou nou konnen ki lenpak sa i pou annan.

Eski nou pou agrav sityasyon si nou adjourn?  Non Mr Speaker.  Nou pa pou agrav sa sityasyon.  Akoz?  Akoz dimoun ozordi zot annan en menas lo zot lavenir, lo zot dyob, nou pei i ganny menase.

Pa akoz Lalwa Lanplwa,  nou pei i ganny menase akoz en sekter ki ti abitye anmenn deviz dan sa pei  ozordi i lo son zenou.  E  i pa pe anmenn okenn deviz dan nou pei.

Alor se pa Lalwa ki pou rezourd sa problenm.  Se pa Lalwa.  Se resours dan sa pei ki devret annan ase ki li i pou rezourd problenm ekonomik nou pei.  Se la kot nou be sa i ava en lot deba kot, nou, nou devret trouv bann solisyon reel ;- pa espekte mazik arive, dan kan anplwayer oubyen dan kan anplwaye oubyen dan sekter prive.  Napa okenn mazik ki pou arive, napa okenn mazik ki pou arive si nou sanz Lalwa kot en sel kou akoz nou’n sanz Lalwa tou keksoz pou sanze, Dolar ki pa ti egziste pou egziste, dyob ki pa ti egziste pou arive.  Pa pou arive.  Akoz nou’n sanz Lalwa.  Annou realis.

Alor mon dernyen pwen Mr Speaker solisyon, pandan e akoz nou devret adjourn.  Solisyon annou koze.  Annou koze, annou realis, annou tonm dakor ek anplwayer ek anplwaye.  Mon konpran Minister Lanplwa in deza fer serten kozri avek anplwayer.  In fer li.  Taler petet Minis i ava reponn.  Me zot pa’n gannyen en fason pou bouz devan ki tou lede parti i dakor avek.  Zot pa’n gannyen.

E ler ou annan en sityasyon koumsa i danzere, parske si ou al enpoze akoz ou pa’n gannyen, ou pou ganny bann konsekans ki kapab grav.  Alor mwan mon pe dir Gouvernman la ozordi pandan sa peryod ki i annan sa negosyasyon annou annan en deba reel.

E Onorab Georges li in anmenn en Mosyon ki zisteman in demann sa ki mon krwar ozordi i neseser.  I neseser ki nou edik nou popilasyon, lo gravite sa sityasyon.  E en dimoun ki mon’n ekout koze e mon bezwen dir mon apresye bokou lafason i koz fran lafason i realis se Gouverner Caroline Abel.  Se en dimoun ki i vini i dir, ek ou me nou annan zis en serten kantite resours dan nou pei.  E ler sekter i frenm net, me tou keksoz pou vin bokou pli dousman.  I parey ou dan en bato ou pe ale ek 2 masin en masin i tenny lo ou, ou pou kontinyen bouze ou, me ou pou bouz lanmwatye sa lavites.

Prezan akoz ou bouz lanmwatye sa lavites ou dir ek sa patron, me non mon anvi ariv laba menm ler mon pa enterese kantmenm en masin in tennyen.  Me i pa pou arive.  Pagay mannyer ou anvi ou pa pou arive, aranz sa masin.  Si ou pa aranz masin ou pa pou ariv ater dan sa letan ki ou ti’n progranmen.

Me nou, nou pe sey dir nou pou ariv ater dan sa letan ki nou progranmen.  Vini sanz Kontra sa patron lo bato la nou ankor deor lo kannal. Sanz  son Kontra.  Dir li fodre zanmen ankor i pa ariv ater atan.  Be masin in kase i pa pou kapab arive, sanz ou Kontra si oule.  Se sa ki nou, nou bezwen realize ozordi pou dir nou dan en moman nou pa kapab al lager ek sekter prive.  Nou pa kapab.

Zis parey Mr Speaker, nou ti kapab dir me fodre tou pri dan pei i reste parey i ti ete an Zanvye.  Nou pa oule okenn e nou pas en Lalwa nou dir ki napa okenn pei ki pou sanze.  Dolar fodre reste lo R14.30 pa monte.  Nou kapab fer sa.  Akoz nou pa’n fer li?  Akoz nou konnen  Dolar pa pou nou.   Se pa nou ki anmenn sa Dolar isi se sa touris ki anmenn sa Dolar isi.

Me nou pa kapab kontrol li nou.  Parey ler touris ti vini i annan plis dyob.

Bezwen sa dimoun pou netway lasanm, ou bezwen sa dimoun pou kwi manze, bezwen sa dimoun pou netway pou aranz lili.  Tou sa bann dyob i vin avek sa, e ler ou pa kapab kontrol li ki mannyer ou ensiste ki tou keksoz is business as usual?  Se sa ki nou pe sey dir la.  Pa pou arive sanz Lalwa i pa pou arive.

Nou bezwen les zot diskite ek anplwaye ek Gouvernman nou osi nou koz ek zot e nou ganny en solisyon reel, ki reflekte nou resours, nou abilite e nou lavenir.  E avek sa mon ti a kontan siport Mosyon Onorab Ferrari ki nou adjourn e ki nou move lo prosen item lo nou agenda.  Pou nou pa perdi letan nou Lasanble e kontinyen fer en travay prodiktiv.  Mersi Mr Speaker.

 

MR SPEAKER

Mersi Onorab Afif.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mr  Speaker mon krwar nou tou Seselwa nou familye avek sa sanson ki dir ‘’Bourzwa,  mon bourzwa dir mon ki kalite karbonn ki’n bous ou zorey, ler mon koz mon saler ou pa tande.’’  Me apre ki mon’n antann Onorab Ferrari koze i fer mon realize ki sa sanson in vin vivan dan sa Lasanble ozordi!

Nou’n vwar sa sanson ‘’Bourzwa, mon bourzwa’’ an personn dan Lasanble ozordi.  Servi sa loportinite ozordi dan sa Lasanble pou esey vin zistifye ki mannyer zot ti pous travayer Equator Hotel, e i annan menm ki pa’n zanmen ganny peye ziska ozordi.

Mr Speaker, tou dimoun san leksepsyon, ti pe krwar ki 2020 pou vreman en lannen boner pou bokou nou.  Menm Sesel ti’n predir ki nou lekonomi ti pou enn son meyer lannen.  Kot nou ti pe al rikord en bes dan to lesanz.  E konman en Nasyon en pep avek en leker pou tou, nou ti bezwen asire ki tou dimoun i bezwen kontinyen viv, kontinyen sonny son zanfan e sonny fanmir.

Dan botan sa travayer Seselwa in soutenir sa biznes, travayer in travay e zot in travay dir Mr Speaker.  Zot in akimil larises dan sa lannen.  In annan ki menm akimile ziska preski ou menm sepa si pa plis ki rezerv dan Labank Santral.

Mazinen zot ti’n kapab menm mor avek sa COVID-19 e kit tou sa larzan deryer.  Akoz alor ki nou santi nou pa kapab napa lavolonte, napa sa leker konpasyon p[ou servi en pe sa larzan e sov nou travayer.  Akoz dan en letan kriz, premye keksoz ki vin dan nou latet se pous nou bann travayer.  Pa bliye se sa bann menm travayer ki’n travay dir, tre dir pou met zot donn zot larises.

E sa i vreman pa akseptab dan sa moman difisil.  San pitye i annan ki’n fini pare pou met travayer a laport.  Konmsi ozordi zot pe dir ek sa travayer sorry bef dan disab sakenn vey son lizye.  Dan sa letan dir serten dan sekter prive pa tou mon kapab dir, pa tou.  Me en pe.  Zot pe akt parey difil.  E zot pe servi travayer dan sa moman konman zegwir.  E siporte byensir ozordi dan sa Lasanble par LDS atraver sispann sa deba sitan enportan pou travayer Seselwa!

Me mon oule dir sa detrwa biznesmenn dan sa pei ki la i nou i moman pou nou travayer Seselwa nou bezwen nou, nou bezwen zot bann biznesmenn ki zot osi aparan zot travayer zot.  La i zot moman i moman pou siport sa travayer ki’n ede pou donn zot larises.  Nou pa viv dan en pei kot sakenn se swa oubyen sakenn se li.  Nou viv dan en pei nou pei i tro pti pou sa, e nou kominote i tro pti.

Mr Speaker pasyans, perseverans e rezilyans i bann kalite ki’n fer nou bann paran e granparan kontinyen debout for e kontinyen lager.  Ler kondisyon lavi ti difisil.  E ozordi se nou ki bezwen montre nou kouraz pasyans, perseverans e rezilyans fas en sityasyon ki pa non, ki pe non selman menas nou lasante, me nou lavi e i pe osi menase, pou met nou lekonomi lo son zenou.  Ensi ki detri nou lavi toulezour.  Sa pandemik COVID-19 in anmenn soufrans, Dye mersi pa’n anmenn okenn lanmor kot nou.  Me i pe menase e osi annan gran potansyel pou  met pei lo son zenou ekonomikman.

Mr Speaker sa ki mon pa kapab konpran se ki mannyer en boug ki posed li 5 ou 6 diferan kalite biznes, ozordi i pa kapab protez son travayer e ki pe koz lo fer travayer aret travay?  Mon bezwen repet ankor, la i moman ki nou travayer Seselwa i bezwen nou bann biznesmenn.  E mon repete i pa tou biznesmenn i en pti group.  Me pli gran lipokrizi dan tousala se LDS.  Ki ozordi atraver Mosyon pou aret deba LDS dan son mazorite pe dir wi zot osi zot an faver ki bann Seselwa i ganny pouse dan zot travay.

Ler Prezidan ti dir donn lasirans i donn lasirans, nimero enn i ti dir.  Donn lasirans Gouvernman pou fer tou sa ki  i posib.  Pou anpese ki okenn  anplwaye, anplwaye i perdi zot louvraz e okenn biznes i fermen an rezilta sa pandemi.

Nimero 2 pa pou aprouv okenn redundancy mezir pou bann biznes prive ki pe ganny eksperyans difikilte pandan sa peryod eksepsyonnel e donn zot lasistans finansyel pou pey zot bann anplwaye pou sa peryod Avril, Me e Zen.

E trwazyenmman, lefe ki Gouvernman pe donn biznes prive sa lasistans pou pey zot saler zot anplwaye okenn redundancy pa pou ganny aprouve par Departman Lanplwa.

E ki LDS i fer.  Zot esey boycott sa atraver lesey pou protez travayer Seselwa e zot ti dir non, non, zot pa dakor zot.  Si tou biznes ki devret ganny asiste?  Zot dir triye, e zot in klasifye biznes ki devret gannyen asiste e lezot ki pa devret ganny asiste.  COVID-19 in afekte tou groser biznes.  E byensir i annan biznes ki annan leker.  Ve ki zot pou zot pa’n vini pou ganny sa larzan avek Gouvernman. Levidans i la.  Lefet ki dan diferan biznes anrezistre zis anviron 4mil ki’n vin rod lasistans.

E byensir kot finans in fer sa triyaz ki zot ti pe demande.  LDS ozordi mon pe demann zot pou be man enough e stand up pou sa gaf ki zot in fer swadizan zot de Leader ki’n fer sa.  Se zot ki’n met retar dan tousala ! Se zot ki ti dir, non, zot pa dakor ki tou biznes i ganny asiste pou sa 3 mwan.  Se Onorab Ramkalawan ek Onorab Afif ki ti dir sa, le 21 Mars.

E ozordi kan zot realiz zot gaf ki LDS i fer, lipokrizi dan tou son splander, zot pe ankouraz e dir anplwayer ki wi zot osi zot kapab pous travayer si zot anvi.  E zot pe dir avek sa bann menm bann ki pa’n ganny asiste avek sa larzan letan zot in fer sa triyaz.

E ki menm si sa biznes in resevwar me selman i parti lasistans zot osi zot kapab pous zot travayer si zot anvi.  Ser, frer Seselwa LDS pa enterese avek zot!  Zot enterese zis avek zentere zot bann dalon.  Ozordi LDS pe dir pous ou.  Si sa biznes pa kapab pey ou menm si i annan larzan dan sa kont pou zot pey zot travayer.

Travayer Seselwa pa bliye ki LDS ti promet travayer Seselwa lepep Seselwa ki ler zot pou zet anba e fer Lasanble 15 lo 10 zot ti pou fer li ‘’ou Lasanble !’’  Me ozordi zot pe montre zot vre kouler apre ki zot in donn lanmen zet anba, ozordi zour se LDS ki le zet zot anba.  Dan en Lalwa sitan enportan pou defann ou e protez ou ozordi zot pe fer en bann gran letour.   Ni menm en pti parol zot pou sorti dan zot labous an faver sa bann travayer.  Me pourtan zot in koz lo bourzwa, eski LDS pe dir ozordi ki zis bourzwa ki’n vot pou zot?

Mr Speaker LDS i senpleman en parti ki anvi ozordi trouv en gran mazorite Seselwa fristre.  E nou tou konnen ki LDS i kontan viv lo fristrasyon dimoun.  Konpasyon i sa ki sa bann anplwayer i devret annan pou son anplwaye ozordi.  Par met Lalwa pou protez tou travayer Seselwa nou pe anpese ki nou prop ser e frer Seselwa i trouv li dan lamizer terib.  Menm napa manze pou nouri son lekor e nouri son zanfan.  Sa i pou sa 3 mwan. Ozordi zot ti a voudre trouv en gran group Seselwa ganny pouse dan sa travay al ranpli biro e al apiy miray kot Lazans Proteksyon Sosyal.  Se sa ki roule dan lespri LDS preski toulezour, fristrasyon, dezord e revolt, zot viv lo la preski toulezour!  3 mwan in demande, e dan sa 3 mwan kwa ki anpes sa bann anplwaye anplwayer fer diskisyon avek son anplwaye si i pou ganny met deor ouswa non.  Eski sa 3 mwan pa i ava, en moman letan pou zot kapab ganny letan pou zot rod en lot travay?  Mr Speaker, 3 mwan in demande, 3 mwan ou pa kapab pous ou travayer.

An konklizyon Mr Speaker mon oule dir ki ozordi plis ki zanmen i letan pou nou tou konman en pep soutenir e donn sipor enn a lot, annan konpasyon e solidarite antre kanmarad.  Mais que voulez- vous, i en keksoz ki vreman pa nou ki kontrole.  I  apoz lo nou.  La zis readapte e kontinyen trouv mwayen pou kontinyen sirviv konman en en Nasyon.  Mersi Mr Speaker.

 

(APPLAUSE)

 

MR SPEAKER

Mersi Onorab Ghislain.  Mon donn laparol Onorab Jude Valmont.

 

HON JUDE VALMONT

Bonn apre midi Mr Speaker.  Mersi pou donn mon laparol.  Bonn apre midi tou koleg Onorab.  Bonn apre midi Minis e panel e tou bann dimoun ki p swiv nou.

Mr Speaker Lalwa ki Gouvernman in anmenn devan mon pa krwar i pe espekte okenn mazik ladan mwan.  Mon pa krwar nou pe fer mazik.  Akoz sa ki’n anmenn devan i senpleman pou protez travayer Seselwa.  Annou pran kont ki deza i annan dimoun deor ki pe ganny menase bann travayer.  Ki pe ganny menase pou ganny met deor.

Legzanp: bann ki’n fer ki’n fer interview in fini zot le probasyon e zot pe dir probasyon petet i fini within the next few weeks la.  E deza zot pe ganny dir ki zot pa pou kapab ganny anploye.  Sityasyon i reel la deor.

E menm parey Onorab Gill in fer sorti oparavan i annan Seselwa, travayer Seselwa la deor ki saler pe ganny koupe.  Sa i reel.  E dapre lenformasyon ki mwan mon’n gannyen i annan up to 70poursan anplwayer pe al pous zot pe dir get sa sityasyon mannyer i ete nou napa swa nou bezwen koup zot saler.  E mwan mon annan dimoun mon’n koz avek e sa i reel la deor.

Alor Mr Speaker, mwan mon santi ki en fason en lot LDS pe fail travayer Seselwa ok ?  Mon dir sa akoz Seselwa travayer Seselwa la deor lespri i la aktyelman i pa anpe.  En kantite dimoun i kontakte mon mon’n ganny text, mon’n ganny call dimoun ki mon’n zwenn zot pe dir ek mon Onorab nou pa konnen ki pou arive nou, nou konnen Prezidan in dir ek nou ki i pou garanti nou saler e garanti ki pou napa redundancy within sa 3 mwan.

Me selman realite sityasyon mon krwar bokou zot, zot konnen mon krwar lot kote latab zot konn bokou plis ki mon.  I annan i annan travayer Seselwa la deor ki pe ganny menase pou ganny met deor.  E sa i reel.  E mon krwar lepep Seselwa zot tann mon e zot konnen e zot kapab relate sa ki mon pe dir.

Mr Speaker, Lalwa sa ki Gouvernman ti’n anmenn devan la, ti anliny avek en rapor ki ILO ti’n fer lo COVID-19.  Pa bliye Sesel i form par sa 187 Pei Manm ILO en lorganizasyon ki fer ki anmenn ansanm tou Gouvernman anplwayer e anplwaye ki fer sir ki set bann standar travay devlop bann Polisi e met an plas bann progranm pou promot en lanvironnman travay 200 pou zonm ek fanm.

E an vi ki Lalwa in vin devan pe zis onor langazman ki Sesel in fer en langazman ki nou ti fer an Zen 2019 ki ti dir ki nou bezwen adopte The Centenary Declaration for the Future of Work.  Ki i demande ki sa lorganizasyon i pou swiv avek viger.  Medyasyon Konstitisyon pou asir zistis sosyal, par devlop e pran plis bann lapros ki met zonm an sant pou asir fitir bann travayer, ki met drwa bezwen travayer e osi drwa laspirasyon tou dimoun a ker.  Bann Polisi ekonomi, sosyal e anviron mantal.

Alors Sesel senpleman ler nou pe anmenn sa devan la, nou pe osi onor bann lobligasyon enternasyonal ki nou’n fer.  Alor napa mon pa vwar nou bezwen fer mazik pou onor sa.  Nou pe zis se la realite sityasyon.

Mr Speaker, in ganny dir mon bann koleg ki lo mon kote latab in dir LDS pa zis fail travayer, i pa zis pe fail travayer la li, menm anplwayer.  Lekel ki ti asize dan Lasanble ti dir annou e tal sa pou 7 zour Bidze pou 7 zour, annou fer triyaz?

E sityasyon la deor malgre lot kote latab pou deny zot pou fer teat about sa.  Dimoun la deor ki pou ziz zot ki pou dir ek zot be wi se zot, ki’n kree retar akoz malgre ki zot in dir zot in les sa 1.2 milyon pase.  Me lekel ki ti dir annou fer triyaz, e ler ou fer triyaz la i vedir ki ou met lezot sistenm an plas ou met lezot kriter, Gouvernman i santi li oblize met kriter, pou fer sir ki zot onor demann ki Lasanble i fer.

Alors sa i kree retar.  Be ou sa Seselwa ou sa travayer Pointe Larue ou menm ou ki’n call mwan yer ou pe call mon ozordi ankor.  Mwan mon dir zot blanm LDS se LDS ki’n met retar dan zot ganny peye.  E zot pa pou ganny peye ozordi, akoz retar in ganny mete.  Alor sa i montre ki pa zis travayer ki pe ganny fail.  Anplwayer tou.  Ou konpran?

Mr Speaker pa ti ganny dir sa in ganny dir la dan sa Lasanble.  I annan lo verbatim, ou kapab dimoun i kapab al rode.  Zot kapab search lo nou website i annan, i fasil.  Zot kapab gete ler i dir nou, nou dir Prezidan in dir li klerman sa 3 mwan napa okenn redundancy.

Me lafason LDS in met li ki zot pe dir zot, par lefe pou fer triyaz i vedir ki serten anplwayer la pou vin devan pou rod lasistans pou ed sa travayer garanti son saler e lefe ki triyaz i ganny fer sa anplwayer li i ganny drwa pa ganny aprouve son aplikasyon li, ki vedir?  Pa zis travayer Seselwa ki ganny fail la se sa anplwayer osi.

Alor Mr Speaker mwan mon kont sa adjournment akoz mwan mon anvi sa Lalwa i ganny pase e travayer Seselwa zot zentere i ganny proteze.  Mon anvi ki sa zabitan Pointe Larue son saler i ganny garanti, e son lanplwa osi i ganny garanti.  Mon pa anvi li i desann demen i al travay apre i ganny dir ki nou pa konnen si nou pou pous ou akoz ki mannyer sityasyon i ete nou fer aplikasyon, nou pa konnen si nou pou kapab ganny sa bailout akoz LDS i dir fer triyaz e ler triyaz i ganny fer si i arive vre ki li i pa ganny aprouve, ki pou arive?

Sa travayer Seselwa pou ganny met deor.  E, alor sa Lalwa pe garanti ki at least sa 3 mwan la avan sa anplwayer i dir i pou met sa travayer deor la, i a vin sa anplwayer i a vin kot en competent authority.  I a vini i a vin dir be mon anvi fer sa mon anvi  fer redundancy e sa Lalwa i permet ki Gouvernman, Gouvernman pa pou dir li pa met deor sa dimoun li.  I a negosye i a ede negosye la i asize i a trouv en middle ground. 

E si fodre si  in vwar si i pou met deor 10 dimoun i a dir ek li be tenir nou a ede, nou a rod lanplwa pou sa 10 dimoun or sa 8 dimoun ou a tenir 2 nou a rod en fason ed ou.  Gouvernman pa’n dir i pou anpes anplwayer met deor son bann dimoun.

In dir ki nou pou trouv en middle ground nou pou rod fason ede.  E sa Lalwa se sa ki pe anmennen.  Alor ou Seselwa ou travayer Pointe Larue ki la deor si ozordi ou zentere pa pe ganny get ladan la sa dimoun dan sa pti biznes ki’n vin devan in sey aplikasyon i pa’n ganny aksepte la, se gras a triyaz LDS e gras a lezot lipokrizi.  Mersi Mr Speaker.

 

(APPLAUSE)

 

MR SPEAKER

Mersi Onorab Valmont.  Onorab Noline Sophola.

 

 

HON NOLINE SOPHOLA

Bonn apre midi Mr Speaker, Minis ek ou delegasyon, tou Manm Onorab e tou dimoun ki a lekout bonn apre midi.

Mr Speaker i malere ki mon pa’n ganny mon sans bomaten pou koz lo sa Bill.  Mon osi mon annan travayer ek anplwayer dan mon distrik e mon bezwen koz pou zot.

Bann anplwayer ki pe siport zot travayer, mon dir zot mersi.  I pa fasil.  Me zot rekonnet kwa ki pei pe pas ladan e zot pe kontribye dan en fason ou en lot kot zot kapab arive.  Mon santi ki zot pe pas ladan akoz mon osi mon annan fanmir ki dan biznes, e osi sa ki tonm dan kategori travayer.  Toulezour zot koz ek mon, toulezour zot plennyen mon konpran zot soufer zot pa tousel laba deor.

Mr Speaker, apre ki Onorab Ferrari in koze i fer mon realize ki i pe senpleman met ankor retar dan travay nou Gouvernman.   E sirtou dan sa prosesis delika kot bokou nou travayer ek anplwayer pe rod en larepons.  Ki mannyer bann travayer pou ganny peye, akoz tou keksoz i an retar e bann anplwayer pe rode ki fason zot pou ganny sa larzan apre lafen dimwan Zen.  Onorab Ferrari in dir ki i annan retar dan peyman.  Me i pa’n dir ki se zot ki osi kontribye pou sa retar arive.

Mr Speaker ozordi letan ti annan pou tou dimoun dan sa Lasanble koze e rode ki mannyer pou ed travayer ek anplwayer ganny zot lasistans.  Zis en Onorab ki’n koze pou rod amann Mosyon.  LDS zot in fail zot dimoun dan distrik.  Akoz sa Bill ti pe demande pou donn sipor bann travayer pou sa 3 mwan.  E si bann travayer i ganny sipor, i vedir ki bann anplwayer osi i gannyen.

Mr Speaker nou bezwen pe dir pe protez tou travayer Seselwa e osi bann anplwayer dan bann desizyon ki zot anvi pran.  La dan sa letan difisil ki nou ladan sirtou ler nou koz redundancy ki pe konmans ganny fer par serten anplwayer.  Me mon demann tou Seselwa, pou konmans ekonomize, akoz redundancy pou arive.

Minis in dir ki apre lafen Zen nou bann anplwayer i kapab fer redundancy.  Vedir ki bann anplwayer i kapab konmans fer zot aplikasyon.  Nou Prezidan i konnen pou dir redundancy ti pou arive.  Me i pa ti oule ki ariv dan en fason brit, sofaz, kot i anmenn diskord, divizyon dan pei.  Akoz nou, nou en pei ki sivilize e nou keksoz osi nou bezwen fer li dan en fason byen sivilize.

Mr Speaker Prezidan dan son lasazes, e, son leker pou tou Seselwa.  Se sa ki le 20 Mars i ti pran sa desizyon pou anonse ki mannyer i pou kapab finans tou travayer, e anplwayer dan sekter prive.  E mon dir tou anplwayer osi, akoz bomaten en Onorab in dir nou ki zis nou pe regard zis lentere travayer.  Me i pa vre.  Nou regard lentere travayer e anplwayer osi.  Akoz san enn nou pa kapab annan lot.

Mr Speaker parey nou konnen Prezidan Faure i en zonm ki gard son promes.  E mon e dir zot tou e mon pe asir zot ki i pou gard son promes e son promes pou ganny delivre.  Gouvernman pou donn zot lasistans finansyel pou pey zot, pou pey bann anplwayer pou sa 3 mwan ki’n dir.  I annan biznes ki pa’n kalifye Mr Speaker.  Akoz dokiman pa annord.   Me mon demande ki Minis i apel Minis konsernen i apel sa bann biznes.  Annan en dyalog direk avek sa bann anplwayer.  Nou  pa parey Onorab Ferrari in dir i napa dyalog ditou.

I annan bann anplwayer ki’n ganny penalize akoz lo zot kont i annan en pti sonm.  Ki dapre zot i kapab ganny servi pou pey travayer.  Eski sa anplwayer in ganny apele pou koz avek?  I  bezwen annan en rezon akoz sa larzan i lo kont sa anplwayer.  Posib i ti annan son plan, me malgre sa Prezidan ti dir tou anplwayer pou ganny asiste.

Mr Speaker mon demann tou dimoun pou inifye nou.  Pa kree konfizyon, pa kree laenn dan pei.  Fer sa bon keksoz pou benefis nou travayer ek anplwayer.  Mon garanti tou travayer ek anplwayer ki zot pou ganny zot larzan.  Nou dan Parti US nou krwar dan dibyen travayer osi ki dan dibyen anplwayer.  Akoz nou konnen tou le de i depan lo kanmarad e nou bezwen zot pou devlopman nou pei.  Mr Speaker mon pa long petet mon pou ganny mon sans en lot zour pou mwan kontinyen.  Mersi Mr Speaker.

 

(APPLAUSE)

 

MR SPEAKER

Mersi Onorab Sophola.  Mon a donn laparol Onorab Clifford Andre.

 

HON CLIFFORD ANDRE

Mersi Mr Speaker.  Mr Speaker mon pa pou long, akoz mon pou swiv gidans e anba Standing Orders i dir ki nou bezwen koz lo sa Mosyon pou defer bann deba lo sa Bill ki devan nou.  Alors mwan mon pou mon pou siport sa Mosyon an vi ki mon’n segonn li e mon pou dir akoz mon krwar ki sa Mosyon i enn ki annan merit.

COVID-19 Mr Speaker i pa en keksoz ki personn demande.  Napa okenn pei ki’n demande pou sa ariv kot li, e pou son bann sitwayen vin viktim sa sityasyon.  Sesel nou’n sanse ki nou annan nou 11 ka.  E nou’n kapab contain sityasyon, par pran sa bann mezir anpes avyon antre e bato ki posibleman i ti kapab anmenn sa sityasyon kot nou.

Mr Speaker, an vi ki sa sityasyon in ariv kot nou e kree, en dezekilib dan nou lekonomi, parey in fer dan lekonomi mondyal, i enportan ki nou asize, konman en pei nou met nou latet ansanm pou nou rod en solisyon ki mannyer nou kapab sorti dan sa kriz pli vit posib.

Bomaten nou’n tann Onorab Ferrari in dir ki poudir LalmannyLangleter zot zwenn, avek lezot parti politik dan sa konteks Lopozisyon, pou zot kapab diskite akoz sa i pa en zafer mwan ki dan Egzekitiv, e ou dan Lopozisyon i enportan pou nou ansanm vwar sa solisyon.

E la ki pe ganny demande an vi ki sa Bill ki devan nou.  I annan bokou konsern ki’n ganny leve, i annan bann lenstitisyon ki’n ekrir diferan landrwa pou eksprim zot konsern.  E alors ki pe ganny demande se annou annan en konsiltasyon apre nou tou nou ava vwar en way foward, en middle ground isi i posib.  Taler osi kekfwa nou pou annan serten deba dan nou lot Bill kot nou pou bezwen sey rod en middle ground kot i posib.  E se senpleman, pou postpone sa Bill e fer sa negosyasyon.

Mr Speaker nou bezwen gete si nou pa pran sa Bill ozordi, eski i pou annan okenn lenpak negativ lo biznes.  Ki enkli anplwayer, oubyen lo travayer?  E tou lede kote ti a kontan annan certainty dan lapros ki en Lalwa i pran pou fer sir ki lentere biznes e lentere travayer pe ganny pran an konsiderasyon.

Alors i enportan ki nou pa nou pa mislead dimoun travayer enkli ki anplwayer, pou dir ki nou, nou pe met retar.  Nou pa pe met retar nou.  LDS pa pe met retar.  O kontrer LDS pe dir avek Gouvernman annou koze, annou gete kote bann anplwayer e anplwaye i kapab ariv lo sa middle ground.  Si in annan negosyasyon ki nou pa aware of, at least nou pa’n parti sa bann nou pa’n form par sa bann negosyasyon, e se sa rezon akoz bann antite parey SCCI in, vwar li neseser pou apros en parti politik ki LDS pou anmenn son lavwa devan.

E i enportan ki nou, nou fer sa.  E nou, nou pe dir senpleman parey Anglais i a dir give it time, nou ava asize, nou ava koze nou ava tonm dakor ki nou kapab met serten lamannman dan serten seksyon, sa Bill ki devan nou.  Epi nou ava pran li pou nou kapab fer sir ki letan nou pe koz lo la oubyen letan nou pe vot lo la, nou annan en desizyon kolektiv e nou kapab al, al transmet sa avek anplwayer ek bann anplwaye.

Alor Mr Speaker, mon’n gard mon lentervansyon focus lo rezondet akoz ki nou pou bezwen e ki i enportan ki nou postpone deba lo sa Bill.  

Pou ki demen nou kapab satisfer tou lede.  Akoz LDS ozordi son lentere se garanti travay ki enkli anplwayer e anplwaye, akoz sa anplwayer osi letan i pe fer sir ki i annan son biznes ki pe run i a pe travay.  So i vin en travayer.  Nou bezwen ganny konteks ki pli larz ki nou pti bwat ki nou asiz ladan e nou pa pe think outside the box.  Me nou pe  – si oule,  point fingers. 

Avek sa detrwa mo Mr Speaker, mwan mon pou donn mon sipor pou sa Mosyon e mon t a swete ki lezot Manm sa Lasanble osi lo kote US i fer parey.  Mersi.

 

MR SPEAKER

Mersi Onorab Andre.  Mon ava donn laparol Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker prenon kont ki mon ti’n entervenir lo sa Prozedlwa son merit.  Mon pou rezerv mon lentervansyon strikteman lo sa Mosyon ki’n ganny move par Onorab Ferrari.

Mon le konmanse par dir Mr Speaker ki, permet mwan me anba mon atraver mon lenterpretasyon e ler nou lir Standing Order Onorab Ferrari pa kalifye pou remove sa Mosyon.  E mon pou eksplik ou akoz Mr Speaker.

I pa kalifye not only to move sa Mosyon, me i pa kalifye osi pou move sa Mosyon a sa lenstans ki la.  Premyerman Mr Speaker, Order 22 nou Standing Orders i dir nou koumsa;-‘’ A member who wishes to postpone some future occasion further debate on a question which has been proposed from the Chair.’’ 

What is the question which has been proposed from the Chair?  Kote ki nou vwar li?  Nou vwar question proposed from the Chair from Order 57 nou Standing Orders Mr Speaker.

Order 57 nou Standing Orders i dir nou,

‘’When the Speaker puts a question to the Assembly or to the Committee for   its decision, the Speaker shall first call upon those Members who are in favour or not in favour. ‘’

        There was no question from the Chair at that time ki Onorab Ferrari in move for an adjournment of debate.  That’s the first point I would like to make. 

        The second point which I would like to make Mr Speaker is about Order 22 (5) ki Onorab Ferrari in servi.  Admeton ki Onorab ki nou kapab fer sa ki Onorab Ferrari in fer.  That is to adjourn the debate.  ‘’So such a  Motion shall be made only by a Member who have been called by the Speaker for the time being holding the floor and Members who have already contributed to the debate under such consideration are not allowed to move such a Motion.’’

        Mr Speaker Onorab Ferrari in fini fer son kontribisyon.  Had Onorab Ferrari moved the Motion for adjournment avan menm i al dan son lentervansyon, then at least partly, largiman Onorab Georges would had made sense regarding the Standing Orders.  But    Onorab Ferrari in fer son lentervansyon e ler i fini fer son lentervansyon i dir ‘’Alors annou adjourn debate,’’ e lezot Manm ki pa ankor entervenir pa kapab entervenir.

In fact si Onorab Ferrari ti le fer sa, he should have moved an Order under 23(1).  But which case Onorab Georges ek mwan i konn tre byen ki would have moved to a vote on the Bill.  Akoz zot ti pou’n close debate on the Bill. 

Me prezan annou get sa rezonnman regarding the adjournment of debate.  Dapre largiman nou pe adjourn debate pou ki ava annan deba lo sa Bill.  Be sa deba ki sa adjournment i fer referans avek, is debate dan sa Lasanble Mr Speaker.  It’s about having debate in the Assembly.  In fact si nou look at Order 17(4).  Order 17(4) i dir ek nou koumsa poudir, any business ki pa ankor ganny dispose of, ozordi pou ganny mete lo Order Paper for next week.  So the Bill will come back next week. 

E i annan en misconception ler mon’n tann serten Manm koze lot kote, Onorab Afif in dir taler Minis i ava dir nou, Onorab Andre in demann en kestyon pou Minis reponn.  What you don’t realize avek sa Mosyon Minis ek son panel napa okenn drwa pou entervenir lo sa Mosyon.

So ki mannyer ou pe demann zot kestyon lo en size ki zot pa kapab entervenir?  E sa i enportan pou nou reflekte lo la, akoz bann baz ki Onorab Ferrari in servi zisteman pou li anmenn en Mosyon to adjourn the debate ozordi, i bann menm baz ki bezwen ganny reponn par panel ki la devan.  That is sa panel i bezwen dir nou si zot annan konsiltasyon oubyen non.  Si bann anplwayer i konmans vin kot zot oubyen non.  I pa’n allow sa arive li.  In prefere pou li parey labitid fors sa dan nou lagorz e vini vin adjourn deba.

E mon le montre ou en lot landrwa Mr Speaker, akoz.  Akoz, Order 22 i la ?  Order 22 i la pou lenstans kot nou konnen Lasanble pe al pran en vot lo en size.  En keksoz pe, ganny mete devan Lasanble.  E  en Manm i santi poudir i pa’n ganny ase deba lo sa kestyon, en Manm ki pa ankor koze i kapab dir be ok, Mr Speaker nou pe demande pou adjourn debate. Savedir nou pe al adjourn sa kestyon.  I pa pou ganny pran sa vot pa ganny pran pou ki Lasanble i kapab retournen pou retournen e fer deba lo la.

Sa Mosyon la i pa ganny servi pou ferm laport lezot dimoun pou zot koze.  E sa mon krwar petet i en pratik ki kekfwa LDS i le fer.  Anpes dimoun koze.  Mon pa konnen si sa i pratik.  Annefe sa Mosyon i devret ganny anmennen pou ouver en deba.  E nou’n deza fer li dan lepase.  Sa ki Onorab Ferrari in bliye, se ki dernyen fwa ki i ti fer sa nou ti pe apros en vot.  Nou ti pe apros en vot.  Ou ti’n met en kestyon pou en vot e zot ti demann, nou ti demann en adjournment lo sa vot.  Pou pa pran en vot.

E mon kontan mon apresye Mr Speaker ki ou’n allow 22 (2) to take place.  E sa mon krwar i montre i montre progre ki nou Lasanble in fer, pou nou pou nou annan sa deba lo la.  Me mon feel Mr Speaker ki nou bezwen annan en lopinyon lo whether lo whether Onorab Ferrari is qualified to move the Motion a lefe ki in fini entervenir.  E ki the question there was no question proposed from the Chair,  Mr Speaker.  That is the case.

        Nou annan Attorney Zeneral la, nou annan Onorab Georges.  E mwan mon lenterpretasyon ler mon lir seksyon Order 57 i kler.  Order 57 i dir ou koumsa ‘’When a Speaker puts a question,’’ i fer referans avek a question being nou pe al pran en desizyon.

22 lo konmansman i dir ou ‘’a Member who wishes to postpone some future occasion for the debate on a question.’’ There was no question proposed.  Nou ti ankor dan leta pou antre dan en deba.  And what I feel is, se ki se ki avek tou respe pou tou Manm, I feel that this is an abuse.  An abuse of the Standing Orders.  Akoz menm par fer sa adjournment of debate, Onorab Ferrari pa’n achieve sa ki i ti anvi ki pou anpes bann lezot Manm koze.  Bann lezot Manm in end up koze.

So what was the point of having an adjournment of debate then?  Why we didn’t we allow the debate to still take place and then you could adjourn the question if you wanted to.  What was the point?  Because tou Manm in koze.  Ou konpran?

So  this is this is something Mr Speaker ki mon – I stand to be corrected of course, it doesn’t mean that I am right.  Me selman i an nwanr e blan devan nou dan nou Standing Orders.  E nou bezwen respekte nou Standing Orders ki dir nou fer.  So….

Ou konnen Mr Speaker mon dezapwente Mr Speaker.  Mon dezapwente akoz kan en Manm, sirtou this how I feel.  Mwan mon’n ganny sans entervenir lo sa Mosyon.  E la nou pe koz lo merit sa enn Mosyon ki la.  So lo son merit mon pe koz lo son merit la.  Kan en Manm i konnen poudir i annan en pozisyon mazoriter, e i konnen i kapab servi son presyon mazoriter, pou anpes lezot Manm koze, pou anpes lezot Manm koze Mr Speaker.

San pran kont ki sa menm Mosyon ki pe anmennen pou sisit en lot deba, efektivman ki Lasanble in fer Mr Speaker nou ti’n kapab fini fer sa deba, nou ti pou’n move towards sa vot.  Minis ti ava’n donn son Right of Reply.  En kantite lenformasyon nou ti ava’n kapab gannyen.  Menm kestyon ki Onorab Afif in demann avek Minis, i ti ava’n kapab reponn.  Menm kestyon ki Onorab Andre ki’n demann avek Minis i ti ava’n kapab reponn.

I pa pou kapab reponn.  I pa pou kapab dir nou si pou annan en lenpak lo bann biznes, i pa pou kapab dir nou.  Unless mon pa vwar fason mannyer Speaker pou al unless avek lendilzans Speaker, ki zot pou kapab fer li.  Akoz i annan kestyon ki’n ganny raise.  E zot pa form par sa Mosyon ki’n ganny raise to adjourn the debate. 

Mr Speaker mwan mon pa pou mon pa pou vot an faver sa Mosyon to adjourn the debate akoz it’s not in keeping with the spirit of parlance ki nou Lasanble in adopte.  Lafason koze ki nou Lasanble in adopte.  It’s not in keeping with the role of a Parliament.  E mon krwar poudir konman en Manm ki i annan bokou leksperyans e ki annan en long tenure dan Lasanble.

Me nou devret careful ler nou move en Mosyon sirtou lo en size enportan koumsa i annan bann Lotorite ki’n pran zot letan depi bomaten ki’n asize avek nou, pou ekout nou.  Pou ekout tou bann deba ki nou’n fer.  Ki’n vin prepare, ki anvi tann bann propozisyon ki nou kapab donn zot, pou zot kapab reply.  E si nou pa dakor ek sa bann propozisyon, nou a ganny sans dir ki nou pa dakor ek sa bann propozisyon.

Akoz nou ti pou annan en Committee Stage.  Sa Lalwa pa ti pou zis sorti l’anndan koumsa menm.  I ti pou annan en letap ki i ti pou pas ladan e a sak letap ti pou annan kestyon ki ganny poze lo bann diferan Clauses sa Lalwa.  Sa ki an faver ti pou koz an faver, sa ki kont ti ava koz kont.

Me at the end of the day, Lotorite konsernen ti ava ganny loportinite pou li eksplik piblik.  E piblik ki pe ekout nou deba ti ava’n ganny bann, bann keksoz from sa ki’n pase.  Avek sa Mr Speaker mon remersi ou pou donn mwan laparol.  Mon pa’n long e mon’n rezerv mon komanter lo sa Mosyon to adjourn e son merit.  Mersi Mr Speaker.

 

(APPLAUSE)

 

MR SPEAKER

Mersi Onorab Pillay.  Mon ava donn laparol Onorab Wavel Ramkalawan.

 

HON WAVEL RAMKALAWAN

Mersi bokou Mr Speaker e bonn apre midi Minis avek ou panel.  Mr Speaker apre midi atraver enn de entervansyon.  Mon’n vreman konpran vreman ki savedir letan rankin i ariv ziska simityer.

E pou mwan sa i vreman tris.  E mwan mon anvi remersye premyerman Eva ek Colin ki’n met mwan lo later, e ki e ki’n donn mwan en gro ledo.  Zepol, manman!  Sa zot in donn mwan menm!  Tou keksoz ki mars mal, anvoy lo zepol Ramkalawan.

E alor ozordi zepol Ramkalawan ki pe anmenn fot oubyen defo ki Msye Faure in anmennen.  E alor mon dir avek zot mersi bokou!  Akoz sa zepol ki zot in ki Eva ek Colin in donn Ramkalawan e ki ti fer mwan vers en kantite larm dan simityer, sa zepol i ankor solid, e si zot anvi met sa pei tou lo la, anvoye bannla!  Mon pare pou anmennen!

 

 

(APPLAUSE)

 

HON WAVEL RAMKALAWAN

Mr Speaker mwan mon anvi premyerman fer en deklarasyon.  Mwan mon pa lo Komite FAFGR mwan.  Menm si menm si i kapab stand  pour Ramkalawan.  Me dan sa Komite FA4GR la sa i pa stand pou Ramkalawan.  Sa i en Komite ki Finans an konsiltasyon avek Msye Faure ti etablir.  E lo sa Komite ki mannyer mon konpran i annan Mr Payet, Mr Bastienne, Mr Fred, manmzel Louisa Woodcock, Mr Damien Thesee.  E mon krwar i annan en lot dimoun ankor oubyen 2 annan lezot dimoun.

E ki mannyer nou ganny en konpran se sa Komite letan i ti’n ganny etabli e SS Payet in dir nou isi dan sa Lasanble, letan zot in ganny etabli zot, zot in al kot Prezidan Larepiblik e zot in met devan li bann kondisyon.

E la mon anvi dir avek sa bann ki anvoy tou lo mon ledo, lo ledo Ramkalawan, ki poudir a okenn moman, Ramkalawan pa’n zanmen ganny konsilte!  Ramkalawan pa’n zanmen asiste okenn meeting onivo sepa ki deal. Ramkalawan in poz kestyon dan Lasanble.  In fer serten propozisyon e ki napa okenn konsiltasyon.

Alor mon anvi dir avek zot premyerman letan zot in manz zot bannann e resanble zot manz byen bannann Gabou oubyen bannann Sen Zak, ki annan en ta lapo, letan zot in fini manz zot bannann Sen Zak, pa bezwen anvoy zot lapo bannann lo Ramkalawan.  Sa mon krwar zot bezwen ganny li byen kler e met li byen lo zot!  Akoz sa lapo bannann i pa pou reste lo mwan.

Mr Speaker, i malere, i malere e an menm tan osi i montre nou vre lentansyon lot kote latab.  E mon konnen ki pou dir tou Seselwa ki pe ekoute, zot in fini vwar sa kler.  Lot kote latab zot azanda set en azanda politik!  Zot in vini pa pou zot regard travayer, avek anplwayer sel keksoz ki zot in fer se politik.  Pa siport travayer, sepa ki lot zafer, tou kalite gonaz ki’n ganny ki’n ganny prononse.

E si mon ti Minis Loustau-Lalanne, mon ti ava dir tou bann ‘’kouyonnad’’ ki’n ganny prononse.  Parske se sa langaz ki Minis Loustau-Lalanne i servi dan nou Lasanble.

Alor Mr Speaker mwan mon pou dir zot azanda i en azanda politik e se pa en azanda politik ki lepep Seselwa i anvi ozordi!  Lepep Seselwa e Minis ou annan rezon, mon siport ou antyerman letan Minis ou’n met devan  nou, sa gravite sa sityasyon.

Me Mr Speaker mon konnen ki pou dir Minis avek son PS ek son konseye, sa sityasyon lanplwa i enn ki konsern zot en kantite.  I en traka pou zot.  E mwan mon pa ti a dan sa moman, mon krwar ki pou dir i annan en kantite dimoun ki pa ti a voudre dan zot dan zot soulye.  Akoz zot konnen.  E zot menm zot, zot in zot in dir ki apre Zilyet, zot pa konnen ki pou arive, avek travayer.

Zot konnen ki poudir pou annan en kantite redundancies ki pou ganny ki pou arive dan pei.  Parski sa larzan ki’n ganny mete la, pa tro konnen apre Zilyet ki pou arive.  Menm si zot in met serten provizyon dan zot Lalwa pou extend oubyen pou zot, selman zot pa konnen.

E mon konnen osi ki pou dir sa larzan URS ki nou’n dir nou’n, nou’n vote, me selman annou tenir li la ziska ki progranm, i annan en kantite keksoz ki zot pou bezwen al fer.  Bann zafer GOP, tou sa bann deal.  I annan en kantite keksoz.

E Mr Speaker si nou, dan LDS parey in ganny repete par plizyer Manm lo lot kote mazorite LDS ensidswit.  Si mazorite LDS  ti anvi touy sa Lalwa, nou ti kapab fer li.  Nou ti zis les zot les sa deba fini letan fini vot letan i ariv ler pou vot premye vote, nou ti vot kont !

E avek sa mazorite sa Bill ti’n fini mor.  Ti’n mor! Parske se sa ki Onorab Pillay pa dir nou, Standing Orders i dir.  In rakont nou en ta zistwar, me selman i pa dir nou pou dir First Reading after soz pou lo merits of the Bill nou ti kapab touy sa Bill. 

Me ki LDS pe dir, atraver sa adjournment LDS pa enterese pou touy sa Bill lo lanplwa.  LDS i konpran nesesite pou annan en Lalwa at this point in time;- en Lalwa ki si oule i anmenn en tranzisyon.  Parski sa Lalwa li menm li i dir avek nou, ki poudir i annan serten keksoz ki pou valid ziska le 30 Zen.  Ki sa i vedir?  I vedir i annan en eleman tranzitwar dan sa Lalwa.  Parski sansan pa ti ava annan okenn dat.

E lot keksoz ki mn tre nou sa tranzisyon ki fer li kler, se lefe ki dan sa Lalwa i annan de dat.  Son premye dat se le 20 Mars 2020.  E sa konmansman son tranzisyon.  Parske dan 81 (a) i dir avek ou section 39 (a) and   ‘’…. shall be deemed to have coming to operation on the 20st of March 2020.’’ 

        E apre sa parey mon’n dir son dezyenm dat ki nou osi gannyen ladan, is suspended until 31st June.  E nou lo kote LDS kontrerman, mon krwar i annan serten Manm pa’n lir sa Bill.  Zot pa’n ni lir sa Bill e zot in koze.  Akoz mon dir sa Mr Speaker, akoz si zot ti’n lir sa Bill, zot ti ava konnen ki pou dir i a pe fer provizyon pou 3 mwan.

An menm tan osi zot ti ava balans sa avek sa Bidze ki zot in vote, letan nou ti fer provizyon pou 1.2bilyon.  E zot ti ava osi mazinen kwa ki zot Prezidan ti’n dir, 3 mwan.  3 mwan multiplie par 400milyon pou lo payroll i vin 1.2 bilyon.

Zot ti ava konpran ki pou dir e zot pa ti ava vin sey anbet travayer Seselwa! E  mwan mon krwar ki travayer Seselwa i bezwen mazinen ki pu dir lo kote US zot in vey sey anbet sa travayer! Pou sey fer krwar sa travayer, pou sey fer krwar sa travay ki poudir LDS pa anvi garanti zot lapey.  Travayer Seselwa, zot lapey bann ki’n dan problenm ensidswit, zot lapey in garanti pou sa 3 mwan, Ziska le 30 Zen.  Savedir zot lapey Avril, Me, Zen.

E nou ankor enn fwa dan sa menm lespri Mr Speaker, letan mon ti anmenn Minis atraver PNQ sete Pou donn Minis sa posibilite pou li eksplike.  E Minis in dir avek nou Minis ti apresye i ti vin la.  E Minis ti dir avek nou i a pe tap tou pou tou.  Pou ki le 13 savedir, ozordi, tou bann keksoz i vin kler e ki tou bann biznes i ganny lapey pou zot travayer.  E tou keksoz i ok e apre sa i pou donn nou.

E Minis in osi dir nou en lot keksoz.  In dir avek nou ki i espekte ki la ki ekonomi in konmans en pti git, ki pou dir i annan serten biznes ki pa pou fer laplikasyon pou Me.  E ki lefe ki zot in fini sort out tousala, ki sa problenm ki pe gannyen la, i pa pou repete.

Tousala nou, nou konpran nou.   Nou konpran klerman tou sa bann zafer.  E se pou sa rezon ki nou, nou pa pe rod nanryen pou nou touy sa Lalwa nou.  Se sa ki nou pe demann en adjournment.  En adjournment pou ki i annan plis dyalog.

E petet pou bann ki pa konnen me selman ki koze, i annan demars pou bann dimoun ki dan sekter prive pou zot rankontre avek Prezidan Larepiblik.   Ou vwar?  Pa konnen tousala.  Selman zot koze.  E zot ti’n demande premyerman pou en meeting fer Lendi.  E zot in ganny dir sa meeting pa pou fer Lendi progranm Msye Faure.

Me zot in ganny parol ki poudir pou annan en meeting pou zot kapab dyaloge, pou zot kapab koze.  E alor me si pou annan sa meeting si zot pou koze, nou, nou pe senpleman dir be annou regarde ki mannyer sa konversasyon i deroule.   E si sa konversasyon i deroule.  Be napa problenm nou ava regarde.

E i posib ki parske letan i annan en diskisyon letan i annan soz, i posib ki i annan serten keksoz ki i annan serten keksoz ki lo kote Gouvernman li menm li ki ava santi ki ok, nou kapab fer serten, serten konsesyon, e nou ava regard keksoz diferaman.

E sa bann lamannman mon pa pou al lo la me sa ki sa ki nou, nou pe sey propoze ;- par egzanp se pou demande ki deza i annan serten dyalog ki gannyen lo negosyasyon, pou regarde ki mannyer keksoz pou ete.

E alor Mr Speaker 2 keksoz;- premyerman en dyalog i pa zanmen ofans personn.  En dyalog set en moman pou koze e ou kapab tonm dakor ou pa dakor.  Oubyen ou kapab osi tonm dakor pou regarde ki bann bout ki fer sans.

E mwan mon enn ki siporte.  In fact mwan mon ti ava demande, pou ki tou dimoun i konnen kwa ki pase.  Mwan mon ti ava demande ki parey nou annan bann progranm an direk, oubyen parey ki sa Lasanble la i pe zwenn e tou keksoz i pe pas live lo televizyon, pou ki travayer, anplwayer, Manm Lasanble ek tou lezot dimoun ki enterese, i konnen egzakteman kwa ki pe pase, mwan mon dir fer sa dyalog an piblik.

Fer li an piblik live lo televizyon, pou ki tou dimoun i ava konnen pou ki apre personn pa ava kapab dir – well travayer pa ava kapab dir zot in pran desizyon deryer ledo, deryer laport.  Anplwayer pa ava dir zis nou’n trouv nou avek en Lalwa.  Oubyen serten dan biznes pa ava dir ‘’ti annan zis detrwa ki ti mont State House e nou, nou pa ladan nou.  Nou pa santi nou ganny reprezante.’’  Me ki tou dimoun i ava kapab koze.

E mwan Mr Speaker se pou sa rezon ki mon pou siport sa adjournment.  Parski mon anvi a way foward.  I want a way forward.  E dan sa way forward, se pou nou kapab prepar nou.

Parski an menm tan osi mon ava dir Mr Speaker,  sa 4 paz ki lo ki sa Lalwa in ekrir la,  sa 4 paz li i kat bout papye.  Pa sa ki pou vreman enportan.  Sa ki pou vreman enportan se sityasyon ekonomi an Zilyet.  Se sityasyon ekonomi an Zilyet ki pou fer Minis ganny seve blan avek son PS.  Akoz se la ki dimoun pou perdi travay.  Se la ki dimoun pou pas dan problenm.  E zot, zot pou annan sa fardo lo zot pou regarde, zot pou mank competent officers apre sa.  Parske lakantite aplikasyon nou’n vwar ki sa ki Komite FA4GR pe pas ladan.  Be zot osi zot pou annan plis ki 4mil aplikasyon si zot pa fer atansyon !

E pou regarde kan zot pou donn soz kan zot pou donn larepons.  Minis osi pe vini pou dir tel dat.  E apre sa nou pou letan nou pou demande pou dir be tro bokou laplikasyon.  E Minis in byen dir ankor enn fwa Mr Speaker.  I se pou sa rezon ki mwan mon anvi fer kler ki pou dir nou bezwen ganny sa balans byen.  E mon konn bokou anplwayer ki pe koz avek zot bann travayer deza.

E ki travayer osi tou pe koz avek bann anplwayer.  Mon pa tro konnen sa bann zafer dimoun pe ganny pouse.  Pa tro konnen sa bann zafer mwan dimoun ki pe ganny pouse.  Me selman en keksoz ki mon konnen, se letan nou ti demann kestyon isi bann dimoun ki lo peryod probasyon oubyen ki pe nou ti dir ek Minis.  E Minis ti dir i pou retourn kot bann anplwayer pou dir avek zot met non sa bann dimoun lo zot aplikasyon, pou ki sa bann dimoun ki pe fer part-time zot ava kapab ganny en larepons.

Alor Mr Speaker, mon retourn kot mon ti konmanse.  Kot mon remersye Eva ek Colen pou zot lanmour ki ti annan letan zot ti fer mwan.  E ki ledo selman in vin larz, zepol in vin larz.  Pou mwan dir ki isi dan sa Lasanble Minis Finans sa ki bannla pe dir sa ki bann koleg lo lot kote pe dir Msye Faure ti dir ti promet ensidswit, ki pou dir parey Onorab Afif in dir letan Minis Finans ti vin isi dan sa Lasanble, letan nou ti lir avek li sa ki Msye Faure ti dir Minis Finans ti dir ‘’Non! Pa sa ki Msye Faure ti dir!’’

Sa ki nou pe fer ki Msye Faure ti dir.  E Onorab Larue ti dir avek li ‘’non Minis mon ava lir avek ou, sa ki Msye Faure ti dir, Gouvernman i anvi dir avek sekter prive ki pou dir i pou asir tou zot lapey.’’  E Minister Finans in dir, non pa pou kapab koumsa fodre ki i fer en assessment. 

        E mwan, mwan wi mon’n poz kestyon.   Mwan mon ti poz kestyon mwan.  Mwan mon ti dir be, eski bann biznes ki sa menm Minis Finans ti dir pa’n pey tax.  Zot pa’n pey tax.  Zot in deklar faid.  Zot in deklar zot pa’n ganny en profi.  Eski zot osi zis zot pou sot ladan, pou zot ganny lasistans?  Mon ti poz kestyon.

E mwan ozordi parske mwan mon pa  pare pou mwan dir en keksoz apre taye dir mon’n dir en lot keksoz.  E, mwan wi, lo en nouvo lo en sans fairness, lo en sans lazistis mon ti dir i pa normal pou en dimoun  ki fer larzan, ki pa pey son tax selman letan i ariv ler pou li demande, li premye pou demande!

SS Payet efektivman in dir dan son bann Press Conference ki mon pa konnen konbyen, serten ki pa ekoute tousala  apre ziz zot vin koze kot i ti dir zot in dekouver ki pou dir i annan serten biznes, ki sa ki zot deklare avek SRC, e apre la letan in ariv dan problenm i de diferan keksoz.

Wi, mwan mon enn ki pou osi dir biznes i bezwen fer son kontribisyon dan en fason drwat!  I pa kapab kas anba, i pa kapab kas anba i pa kapab.  Parey  Pension Fund in fer dekouver, Pension Fund in dir ki zot in  menm dekouver ki poudir i annan biznes ki pa pe pey zot kontribisyon pou zot bann travayer.  Sa bann biznes mon kondann zot!  Akoz zot pa pe donn sa travayer en bon deal. 

        Alor Mr Speaker mwan e lo nou kote LDS nou, nou pe dir annou fer adjournment pou ki tou dimoun i kapab koze.  Tou dimoun i kapab regarde.  Tou dimoun i kapab asize avek en lespri kler, balanse pa pran kote zis anplwayer.  Pa pran kote zis travayer, annou balanse.  Akoz sa movetan ki devan nou pe vin tap nou !   Sote pile sey zwe politik sey fer tou bann kalite fo lakizasyon, sa movetan i devan nou i pou vin tap nou, alors nou, annou prepare.

E la mon kapab osi dir menm Labank Santral nou’n koz lo manmzel Caroline Abel, bann travayer dan Labank Santral pe deza pe deza envok   posibilite en salary cut.

        Minis Loustau-Lalanne in anonse, ki pou dir i annan possibility pou en salary cut, dan Gouvernman.  Minis Loustau-Lalanne in koze pou dir Trezyenm Mwan Lapey i anba en gro kestyon.  Me tou sa bann keksoz ki pe arive.  Eski nou pou zis anbet travayer ziska Zen?  Eski nou pa dir ek travayer apre Zen i posib i annan keksoz ki mal?

Onorab Gill i kontan mansyonn mon non souvan li.

Me mon anvi dir avek li dan sa lalit ki Msye Rene ti anmennen, kot bann anplwayer sa letan,  pa ti annan en fason ki zot ti dekrir letan en travayer ti ganny peye, dan milye mwan?  Ti annan en fason ki zot ti apel sa mwan.  Mon pa tro konnen mwan.  Petet ou, ou konn sa pli byen ki mwan, ou ava dir mon ki mannyer zot ti apel sa kalite mwan letan en travayer ti ganny peye byen an retar.

E ki i malere poudir ki an 2020 an 2020 sa mwan, mon pa konnen ki mannyer i apele,  in retourn ankor.  Taler i ava dir nou.  Si i ganny sans ankor i ava dir nou ki mannyer i apele sa mwan.

Mr Speaker avek sa detrwa parol, mwan mon anvi dir annou ganny sa adjournment.  Annou retournen, annou koze e apre sa vini.  Minis atraver ou Mr Speaker, mon anvi dir avek ou nou pa pe zet ou Bill.  Nou pa pe zet Bill akoz nou anvi pran en kote nu anvi pran lot kote.  Nou, nou senpleman anvi annou al pti git pli devan.

E apre sa annou koze pou ki nou ganny the best deal posib pou travayer, pou biznes e pou nou lekonomi an zeneral.  Parski apre tou annou pa oubliye, si biznes si sekter prive  i pa kapab fer biznes Gouvernman i dan problenm.  Se sekter prive ki pey lapey,  zot travayer e ki osi pey lapey sakenn ki asiz dan sa  Lasanble ozordi.  Mersi bokou Mr Speaker.

 

   (APPLAUSE)

 

MR SPEAKER

Mersi Onorab Ramkalawan.  Onorab Loze ou ti le fer en klarifikasyon?

 

HON JOHAN LOZE

Yes Mr Speaker mon ti annan en klarifikasyon mon ti le fer anba 56(1)(d.) konman enn bann  Manm  Parti United Seychelles ki’n koze ce matin,  mon’n anmenn mon largiman dan en fason balanse antan ki nou travayer e pou anplwayer.  I annan serten mis-apreansyon la ki’n ganny fer konmkwa nou, nou’n sey fer politik, sanmenm li sa Bill.

Be mon le repete, ki mwan letan mon’n koze, mon’n fer kler e mon ti a fer en siplikasyon pou tenir travayer ziske le 30 Zen – pou 3 mwan silvouple.

E la mon’n tann ankor lagreman sa ki pey nou saler.  I menm keksoz ki mon’n dir boner.  Sa bann travayer  ki kontribye tax, pou pey nou saler sa ki pe asiz isi anndan dan kravat dan aircon silvouple.  Ti napa  politik.  Mwan mon ti kler lo la depi lo son dat, dan son letan  e lo sa movetan ki pe vin apre le 30 Zen!  Mersi Mr Speaker.

 

MR SPEAKER

Mersi Onorab Loze.  Ou pwen ou klarifikasyon in ganny note.  Wi mon ava donn laparol Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker lo sa Mosyon ki devan nou sa ki’n ganny anmennen mwan mon pa dakor ki nou pou adjourn debate me selman Lopozisyon i annan mazorite e nou pa kapab fer lot fason.

Me solman i enportan fer resorti ki landrwa fer politik i la dan Lasanble.  So politik pa ganny fer zis par en kote.  Me mon krwar i ganny fer par lot kote osi.  E souvandfwa zot fer en ta politik, tro bokou politik.  E la ozordi sa k pe arive i mannev politik kler par Lopozisyon.

I en mannev politik akoz sa Prozedlwa i pa ni en Prozedlwa konplike.  En ta negosyasyon in ganny fer, en ta koze in ganny koze.  Si i annan ankor koze sa Prozedlwa pa ni anpese ki annan ankor diskisyon pou kapab annan.  Si zot le fer, fer!

Me selman dan lentere tou dimoun i enportan osi, ki si Minis i krwar e ki Lasanble li i krwar pou dir i merit annan ankor piblik ki kekfwa, bann piblik i ava trouv nou tou pe koze ankor.  Bann dimoun dan medya.  Piblik.  Mon pa konnen mwan, ki grander lasal pou annan ladan.

Me selman i enportan si zot le fer ankor  diskisyon, mwan mon pa en dimoun ki kont diskisyon ki kont koze.  Si zot krwar ki koze i ede.  Akoz zot in dir pou dir zot pa pou kont sa Prozedlwa.  Mwan dan sa lespri si zot krwar i en merit annan ankor diskisyon so be it.  Mon pa fatig mwan ek sa.

Me lenportans selman, mon pa ti a kontan ki nou delay ankor bokou sa Prozedlwa.  Ozordi i la devan nou Lasanble nou ti a kapab fini li.  Me zot anvi ankor enn de zour, I don’t know.  Mr Speaker taler mon ti ava kontan ou gid nou, lo kan nou pou zwenn pou nou  kontinyen sa Prozedlwa.  Me selman mon t a voudre ki sa Prozedlwa i vin avan Mosyon Onorab Georges.  Akoz mon pa   anvi konpran ki sa Lasanble par sa move, ki zot in fer dan zot kote ki i en mannev pou met sa Prozedlwa akote e les sa Mosyon pase.

Mon sa si i vini mon pou vreman pa dakor ankor plis lo sa issue.   Me selman i enportan fer sorti, serten pwen pou nou reflesir lo la.   Sityasyon ki nou pei i ladan ozordi i sityasyon vreman, vreman serye e vreman grav.  Ler mwan mon’n  fer bann lentervansyon oparavan depi dan letan sa Bidze spesyal ki’n vini letan zot, moman ki mon’n fer mont entervansyon nou Lasanble,  mon’n met a latansyon nou Lasanble ki sa sityasyon ki nou ladan e son kontinyasyon i pli serye ki dan bann letan lager.

E mwan mon ti menm en servi bann fer referans avek bann moman dan Sesel, kot nou ti annan  koupon.  Sa il faut ki nou al back avek nou bann paran e granparan, al demann zot en pti pe ki mannyer ti ete.  I pa pou en sityasyon fasil, e nou, nou bezwen konmans prepar nou la.

Sa 3 mwan ki Lalwa ti pe met ti pe vin koz lo a ti pe i zis en peryod tranzisyon ;- tranzisyon pou travayer en anplwayer.  Akoz il faut mazinen ki pei san biznes, san sa bann anplwayer, i pa pou kapab osi fonksyonnen.  Kote i pou anmas tax, si ou pa anmas ek sa bann biznes?

So i enportan ki tou sa lede kote la, i annan sa balansman.  E travayer osi i bezwen konpran.  Mwan ki annan en pti biznes akote la mon pe dir avek zot ki koze, koze i merit konmans koze.  Nou tou nou pe reflesir.  Tou dimoun pe reflesir ki ou fer.  Eski ou pou kontinyen mannyer i ete?  Eski nou pou konmans met dimoun deor?  Eski  nou pou fermen?

Tousala i kestyon e kestyon e plis kestyon ki dimoun pe demande ozordi, dan en fason pozitiv.  Pa pe koz dan en fason konmsi zis ou pe met dimoun deor, ouswa pe dir nou bezwen revwar travay.  Non!  I annan en kantite keksoz pozitiv.

E ki bokou de fwa mon bezwen osi dir ler ou annan serten landrwa travay, kot ou annan bann travayer fantastik, bann travayer vreman pozitiv, zot menm zot bann travayer i ede i lead dan sa dan sa vizyon, dan sa pou rod solisyon osi ansanm avek anplwayer.

Mon krwar se dan sa lespri, ki nou osi bezwen get sa issue ki devan nou.  E an menm tan domaz ki Minis atraver sa ki’n arive la, lefe ki nou pou anvoy diskisyon lo sa Prozedlwa pli tar, Minis pa pou kapab dir nou nanryen.  Ti ava enportan konnen ki kantite diskisyon Minis in arive e i ti ava enportan konnen osi ki bann konsekans.

Akoz mwan in annan bann konsekans ki mon per i arive.  Par egzanp mon aprann ki annan deza serten biznes ki pe konmans, koup saler travayer.  Ki pe konmans koz met travayer deor.  Sa si pe arive i pou serye, akoz tou sa bann aksyon i pou kont Lalwa.  Demen sa bann menm travayer i kapab met case kont sa bann biznes, e la i kapab vin serye pou sa bann biznes.  Mon pe dir sa pou ki bann dimoun i pran konsyans gravite si nou pa pran atansyon nou bann aksyon ozordi.

2enm keksoz i kapab annan  ki Gouvernman i vwar nesesite ki letan  nou pe met akote bann travayer etranze, nou pe dir sa nou kapab fer redundancy les zot ale, zour konman loportinite fer zot ale.  Gouvernman i kapab ensiste prezan pa pou annan nouvo GOP or pou annan very   GOP approval, e ki Seselwa bezwen ganny anploye avan.  Tou sa i bann keksoz ki nou bezwen pe met devan nou.

E Mr Speaker mwan mon krwar pou dir i annan i annan osi mon krwar kot nou’n arive la, kekfwa osi ki’n permet annan en pe dezakor  lo sa Prozedlwa, dan sa sans ki nou pe vwar li arive, se lefikasite Gouvernman.  Lefikasite Minister Finans sirtou.  Ek bann lezot sekter mon pou dir mwan.  Akoz i annan bann lapel ki ti’n ganny fer la ki mon’n vwar bann lapel pa’n  ganny  fer dan son dan son totalite.

Par egzanp ti tonm dakor avek Minister Finans ki i koz avek tou bann lezot Departman bann antite Gouvernman, bann ki dwa bann  ki annan outstanding payment pou bann biznes peye vitman.  Pa fer konplike, peye pou ki sa biznes i ganny keksoz pou li kapab breathe lo la.  Pou li kapab rezourd serten problenm.

Antretan ki pe espere in fer laplikasyon petet ek Gouvernman.  Me letan ki pe espere omwen dan son kastrol laba i a kapab permet li pey touzour sa travayer.  Me si sa osi pa pe ganny  fer ki mon aprann i annan bann landrwa  ki sa pa pe ganny fer, nou’n vwar dan medya, kote dan konpannyen ki’n dir  mon pa travayer ki’n vin devan in dir pa kapab peye.

        So it’s a real issue.  I vre i la.  E ki nou bezwen alor onor serten keksoz nou pe vwar.   Nou dir ozordi deadline le 13 pou bann dimoun ki fer laplikasyon ganny peye.  Be mon i annan dimoun la senp ka, kot zot in anvoy osi zot larepons kot mwan.

Ki mon pa vwar mon pa vwar konmsi bann rezon, bann akoz ou pa’n aprouve  vreman.  Konmsi sa osi i en legzersis ki ti ava ganny fer avek plis souples.  Plis souples e plis konprenezon.  Plis konpasyon.  Akoz konpansasyon i pa vi zis lo kestyon biznesmenn, or bann konpannyen, bann landrwa travay avek bann travayer.

Be li osi Gouvernman avek sa bann antite ki’n fer aplikasyon.  Ou bezwen annan konpasyon, avek zot dan en sans ki ou pa tard zot ou pa les keksoz si oule dekale ki ou afekte zot.  Alor i deza annan sa understanding  dan sa fason la.

Mon krwar ki sa ki petet nou osi pe demande an menm tan ki nou pe dir, ti a bon nou ti’n fini avek sa Lalwa.  Mwan mon ti ava’n vreman pli kontan me lefe ki mon’n antann ki Lopozisyon i dir pa pou i pa pou vot kont sa Lalwa a lafen dizour, mon dir donn benefis du doute dan en serten sans.

E si i annan serten lezot diskisyon ki pe arive.  Me lo nou kote nou vreman fransman nou ti ava kontan ki sa ti ava’n  fini vreman  avek sa Prozedlwa ti ava’n fini.  E ki nou ti a kapab bouz pli devan.

Me selman pou fini Mr Speaker, mwan mon pa kontan ler mon v war dimoun ki al fer diskisyon.  Ozordi i ale i al diskite ler i sorti dan diskisyon, medya i demann kestyon tou i fantastik mon dakor byen ok byen kontan.  Apre menm dimoun i pou vini i pou dir en lot zistwar.  Sa osi i pa ede dan sa prosesis bann keksoz ki nou le fer sirtou dan sa moman COVID-19.

E ki  mon krwar mwan nou bezwen être en pti pe pli fran, pli – mon pa pou dir onnet as such pangar a krwar mon pe maltret dimoun telman.  Me selman nou, nou bezwen en pti pe pli compose e pli reel dan tou sans.  Akoz mon’n vwar plizyer dimoun kot medya in demann zot  kestyon letan sorti kot petet kot State House, petet kot Minister, petet dan zot Komite dan zot Board ensidswit.   Me apre a en lot moman ou vwar lo Facebook ou vwar dan isi dan laba, zot in dir en lot keksoz.

So mon ti ava kontan ki si tou dimoun i pran son responsabilite.  si tou dimoun i zwe son rol proprement i ava ed nou pou nou kapab manage sa   sityasyon difisil ekstrememan difisil, ki nou pei i ladan ozordi.  Ki nou travayer sirtou i ladan ozordi nou vwar pri marsandiz ki pe monte pe rode ki mannyer sa fanmir pou tenir son lekor.

Ki mannyer Gouvernman pou kontinyen ganny larzan pou asiste dimoun, mon pa konnen.  Tou dimoun mon asire e i annan en ta kestyon, e Prezidan Faure ki pe sey son very, very best.  I osi annan en kantite kestyon.  Mon krwar son zepol i bokou, bokou pli larz ki pou Onorab Ramkalawan.  I a pe tenir sa pei e nou dan en fason fantastik!

Mon pe mazinen letan ou dir ou pa ti a kontan dan plas Minis, me li sa pei antye lo li, Dr Gedeon tou sa rol ki zot pe zwe, mon dir vreman, vreman nou beni.  Nou pei i ganny beni e mon krwar mwan atraver zot leadership i ava ed nou.  Zot annan en grander lespri ki a permet nou kapab vwar en   manœuvre properly dan sa demars ki devan nou la.

Avek sa  mon a demande ki lo nou kote isi nou pa kapab fer much pou nou kapab anpes sa mannev ki zot pe sey fer.  Mwan mon ti ava dir avek mon bann koleg les Lopozisyon vot lo zot Mosyon pou adjournment.  Epi nou a get dan lot moman e Speaker, Mr Speaker Sir donn nou le pli kourt dele posib pou nou kapab rediskit sa Bill pou nou kapab aprouve.  Mersi.

 

MR SPEAKER

Mersi Onorab De Commarmond.  Bon mon’n donn mon krwar mover Mosyon in deal son case avan in fer son Mosyon – ok?  Mon pe zis regarde avek li si i le dir enn de mo oubyen si nou al direkteman lo en vot?  Ou’n move the Motion ok, nou al direkteman lo en vot. Onorab Georges mon konnen ou pe al adres Standing Orders, nou a fini pran sa vot lo la apre nou a fer le neseser.

Bon in ariv moman pou nou pran en vot lo Mosyon pou adjourn debate lo Prozedlwa Employment (Amendment) Bill,  2020.  Mon ava demann tou Manm ki an faver?  Okenn Manm ki kont?  Mersi.   Madanm Deputy Clerk.

 

MADAM DEPUTY CLERK

Mersi Mr Speaker.  Mon’n rikord 19 Manm ki’n vot an faver e enn ki’n vot kont.  Mersi.

 

MR SPEAKER

Mersi Madanm Deputy Clerk.  Savedir Mosyon pou adjourn debate in ganny aprouve par Lasanble Nasyonal.

Bon an vi ki panel pa’n kapab pran par dan sa deba and all that, me i annan kestyon lo byensir Lalwa pa ganny Prozedlwa pa ganny tire lo Order Paper, me i annan kestyon lo konbyen letan ankor i kapab ganny pran pou Minis retournen pou reprezant Bill avek nou, oubyen pou nou kapab kontinyen sa travay.

Mon pou donn Minis laparol pou li donn ou en pti pe lesplikasyon.  E si  i annan travay ankor ekstra ki son Minister pou al fer, e si i pou dan en pozisyon pou nou repran sa Bill Mardi prosen.  Minister Telemaque  laparol i pou ou, si oule fer komanter.

 

MINISTER MYRIAM TELEMAQUE

Mersi Mr Speaker. Mr Speaker mon ti dir mon pa pou dir nanryen, selman mon a dir en keksoz.  Mr Speaker mersi pou donn mwan laparol pou mwan koz lo sa devlopman ki pran presedans lo sa Prozedlwa ki’n ganny aporte par mazorite dan Lasanble.

Mr Speaker mon oule dir ki mon’n anmenn sa Prozedlwa dan Lasanble Nasyonal an bonnfwa.  E mon regrete pozisyon ki mazorite dan Lasanble Nasyonal in pran.  I pa dir tou leka ki Gouvernman atraver mon Minister, pa’n get lo tou lede kote, atraver sa Prozedlwa.

O kontrer avek sa ki pe ganny dir, mon Minister in konsilte avek sekter prive, osi byen ki reprezantan travayer, avan ki sa Prozedlwa ti ganny konsevwar.  Mr Speaker mon annan mon posesyon en kominikasyon an ekrir, sorti kot SCCI date le 3 Avril,  ki ti ganny kominike avek mon lofis toudswit, apre ki nou ti zwenn dan prezans reprezantan SHTA ek Sekreter Zeneral Linyon Travayer.

Mr Speaker se mon Minister ki ti inisye sa diskisyon, angiz pou vwar zot lopinyon lo sa bann size kouran.  Parmi topik diskisyon, ti sa propozisyon ki mon’n anmenn devan Lasanble ozordi, ki pe demann anplwayer, pou en kourt en  peryod letan pou konpran e siport zot travayer.  SCCI ti fer konpran ki zot apresye lentansyon sa mezir, me an menm tan zot ti met devan propozisyon ansanm avek SHTA comme swivan:

Zot rekonnet ki lasistans saler par Gouvernman pou ed biznes prive, malgre sa  en anplwayer i annan lezot depans pou fer tel ki akomodasyon manze, lasirans pou son travayer etranze.  Alors zot ti pe demande ki Gouvernman i reevalye son desizyon e les en anplwayer pou fer lay-off, oubyen redundant dan serten sirkonstans spesifik.

Se swivan sa demann ki mon Minister apre i ti’n diskit avek lezot parti konsernen,  ti pran en desizyon pou les anplwayer fer lay-off oubyen redundant son travayer etranze, nenport keler.  I pa byen pou dir ki nou pa’n ganny konsilte.  Zot ekoute e anmenn en soutyen pou zot menm.

Mr Speaker nou’n zwenn le 2 Avril avek 3 Minis, Minis Finans, Minis Dogley e mwan menm nou ti zwenn avek SCCI reprezantan Linyon pour Travayer, SHTA Mrs Cardon apre ti annan  Mr Rath.

Le 30 Avril nou ti zwenn SCCI ankor avek reprezantan Linyon.  Le 7 Me nou ti zwenn avek Minis Dogley, nou ti zwenn avek SCCI ek SHTA.   Alor Mr Speaker, nou’n konsilte nou.  Selman kekfwa zot pa dakor  ek Lalwa, akoz i annan petet zot annan zot rezon akoz zot pa anvi sa Lalwa i pase.

Mr Speaker pou fer mon pwen si zot in lir byen,  sa let sorti kot SCCI ek SHTA, an konzwentman sel bout avek sa Lalwa ki zot pa dakor avek, se sa nouvo seksyon 39(a).  Akoz zot ti fer resorti avek nou pou dir zot pa dakor ek sa.  Ki anpes zot redwir oubyen pa pey saler travayer.  Me nou pa’n kapab donn zot tou.  Zot in osi fer serten sakrifis.

Mr Speaker parey mon’n dir, nou’n osi konsilte avek Linyon Travayer.  Zot pa’n zanmen devan nou pou dir Gouvernman i devret pey tou travayer dan sekter prive san eksepsyon.   Santiman popilasyon enkli  mazorite dan Lasanble, sete ki bann gro biznes ki’n benefisye bokou dan lepase, i devret kapab soutenir zot travayer.

Mr Speaker bokou in ganny dir dan Lasanble bomaten. ‘I bezwen annan en balans.’ ‘Lasistans par Gouvernman pa adekwa.’  ‘Mank lenformasyon.’  Oubyen’ i annan bokou retar pou fer peyman. ‘

Mr Speaker mon konpran sityasyon ki bann travayer e anplwayer pe pas ladan.  Mon’n ganny en diskisyon avek Minister Finans.   Koman zot konnen  demann pou sa bann sipor i bokou.  I annan apepre 4 mil.  Bann travayer Minis Finans pe travay bokou ziska tar dan lannwit.  E mon krwar Minis Finans in donn mwan garanti ki zot pou sey zot mye pou zot kapab at least fini ek sa lalis.

Mon ti a demann bann travayer ek anplwayer, pou pran kouraz ki tou keksoz i ava fini petet sa semenn.  Mon konnen deadline ti ozordi Zedi le 13.  Be mon krwar  Minis Finans i a fer at least, i a fer en deklarasyon lo la.

Mr Speaker nou pou apresye ki sa sityasyon COVID in vin san averti.  E ti neseser ki serten mezir i ganny pran  osi vit, pou kapab soutenir nou popilasyon dan sa moman.  Byensir Gouvernman atraver son High Level Committee, pe kontinyen sirvey devlopman ki pe pase atraver lemonn ki pe fer plan pou lefitir.  Sekter konsernen e kontinyen avek konsiltasyon, pou fer dir kous sa sosyete i ganny sipor ki neseser.

Alor esansyelman sa i leka pou lemonn travay.  Mon enform Lasanble ki mon Minister in depi semenn pase konmans diskisyon lo en plan kour mwayen e lonterm, pou adres marse lanplwa, avek sa sityasyon ki nou vwar nou ladan.

Mr Speaker mon ti a kontan fer resorti osi ki, lo nou kote latab nou isi   kot Lanplwa, nou ankor sipor sa Bill.  I pa akoz i annan en Mosyon ki’n ganny pase, ki nou pa believe dan sa Bill.  Nou ankor krwar pou dir sa Bill i devret ganny aprouve, akoz pou li at least donn sipor travayer 3 mwan ki pe vini.   Mersi.

 

(APPLAUSE)

 

MR SPEAKER

Mersi Minis.  Bon mon avan mon eskiz ou avek ou bann zofisye, pandan sa detrwa zour i ankor annan lespas pou negosye.  E parey in sorti dan deba osi tou annan bann Manm ki annan bann propozisyon amannman and all that, nou fer li nou anvoy li devan.  Sa Bill pe reste vivan lo Order Paper e nou lentansyon se nou pou pran li Mardi prosen dan prosen Sitting.  Minister, Attorney General, PS avek Special Advisor nou ava eskiz zot e mon a dir zot mersi bokou.

 

(MINISTER TELEMAQUE AND HER DELEGATION WAS EXCUSED FROM THE HOUSE)

 

MR SPEAKER

Bon avan nou pran break mon ava donn laparol Onorab Bernard Georges.

 

HON BERNARD GEORGES

Mersi Mr Speaker.  Mr Speaker mon pa pou long.  M      on ti anvi zis aport en leklersisman lo kestyon ki’n ganny leve apre midi lo si sa Mosyon Onorab Ferrari i tenir semen, i tenir larout oubyen non?

Mr Speaker i annan 3 travay ki nou fer dan sa Lasanble.  Enn se demann kestyon, enn se pas Bill, enn se anmenn Mosyon.  Selman sa 3 keksoz.  Kestyon akote, Bill avek Mosyon i ganny debate dan egzakteman menm fason e menm rules of debate i ganny aplike pou tou lede.

E en keksoz ki bokou Manm pa okouran, se ki lafason ki en deba i ganny fer, i ganny konmanse par en kestyon ki ou, ou propoze avek Lasanble e i ganny fini par en kestyon ki ou, ou met avek Lasanble.  You propose a question at the beginning of the debate, whether i en Mosyon or lo Second Reading en Bill, you proposed a question e a lafen you put the question to the House. 

Me sa i en keksoz fondamantal e nou bezwen annan sa tre kler.  Nou pa kapab melanz ‘’proposed’’ avek ‘’put.’’  Akoz i enn i lans deba lot i konklir deba zis avan en vot.

E zis pou benefis bann  Manm nou ava vwar dan par egzanp dan Order 39 (5)  i koz lo Mosyon ‘’when a Motion has been move and seconded the question  thereof shall be proposed to the Assembly  by the Speaker. ‘’

        E ler nou regard 39(7) ‘’When no more Members wish to speak on a Motion the Speaker shall ‘’put’’ the question.’’  Diferan ant ‘’proposed’’ ek ‘’put.’’   Me se menm kestyon.  Menm kestyon ki ou’n konmanse se sa enn ki   ou pou fini avek, unless ki annan amannman. E si i annan amannman sa kestyon ki ou’n propoze, pa pou menm kestyon ki ou pou ‘’put’’ akoz antretan in ganny amande whether i en Bill or whether i en Mosyon.

Si prezan nou al lo Order 41(3) ki koz lo lamannman bann Mosyon i dir, ‘’when every such amendment has been disposed of, the Speaker shall either again propose the question upon the Motion’’ akoz se en Motion to amend, alor ou bezwen propoz li ‘’or the Motion has amended and any further debate …. that shall then ‘put’ the question.’’ 

        Donk pe vwar tou lede dan menm order ‘’proposed’’ and ‘’put.’’ E nou vwar menm zafer kan i konsern Lezislasyon anba Order 64 (2) avek (3).  64 (2) ler ou ganny en Motion for Second Reading – ler ou demann en Motion for Second Reading ler ou demann avek Minis pou li eksplik sa dan Lasanble, you are proposing the question on the Motion.  Which is the Second Reading.  Ok?  You propose the question that the Motion be now read a Second Time. 

E 64 (3) the question that the Bill be now read a Second Time.  Okenn lamannman i kapab ganny moved lo sa lo sa Bill ki devan Lasanble.  E 71 (2): 71 (2) i montre kan ou pou put the question.  ‘’with the permission of Speaker amendment, correction errors, bla bla,may be made to the Bill. Me for the question for the Third Reading is put from the Chair. 

Sa i konklir prosesis deba anba en Bill.  Sa ki nou ti annan la apre midi se dan konteks en Bill dan konteks en Bill ki kestyon ti’n ganny propoze devan sa Lasanble, in sir-sir en kestyon en Mosyon, e ou ou’n met sa kestyon lo sa Mosyon ou’n propoz avek Lasanble, pou Lasanble debat lo la anba Order  22.

E mon konklir avek sa Order pou montre ankor enn fwa ‘’a member wishes to postpone to’’ son 22 (1) ‘’to postpone to some future occasion’’ se sa ki Onorab Ferrari i ti anvi fer, ‘’a question that has been proposed from the Chair’’ e kestyon ki ou ti’n propoze from the Chair sete Second Reading on the Bill.  

E ler en Manm i fer sa i move son Mosyon.  E in fer sa korekteman anba 22(1).  Sa ki pa’n fer e ki i ti’n kapab fer se anba 23(1) i ti’n kapab enn fwa ki i move son Mosyon i ti’n kapab osi move en 2enm Mosyon pou dir pa les personn koz lo sa Mosyon to adjourn, ‘’curtail   debate avek mon Mosyon mon move ki debate is stopped.’’ And personn pa koze.  I pa’n fer sa in prefere les dimoun entervenir lo sa Mosyon.

Vwala Mr Speaker mon ti krwar ki ti. Enportan pou Lasanble vwar sa.  Mersi.

 

MR SPEAKER

Mersi Onorab Georges pou sa lesplikasyon klarifikasyon.  Nou pa pou ouver deba lo la, la.  Me attends!

 

(Interruption)

 

 

MR SPEAKER

Order! Order!  Byento si nou kontinyen avek nou travay, lakantite travay, ki nou annan byento the Standing Orders …

 

 

(Interruption)

 

 

MR SPEAKER

Order! Order!  Byento Standing Orders pou vin dan nou Lasanble, kot nou pou donn maksimonm letan pou debate.  E sa i ava en moman ankor pou nou debat.  Deza Standing Orders Committee, menm the Extended Standing Orders Committee, in fer serten propozisyon dan diferan lo diferan Orders.  I ava en sans ankor pou Manm enterakte e pou nou kapab anmenn plis modernite dan nou Standing Orders.  Ok? 

 

(Off-Mic)

 

 

MR SPEAKER

Non pa pe pran okenn deba lo Standing Orders.   Onorab Simon Gill i pa lo sa?  Non.  Non, non, non.  Byento parey mon’n dir, non, non, non, non, non, non.  Lesplikasyon

 

(Interruption)

 

 

MR SPEAKER

… Order!  Order!  Lesplikasyon in ganny donnen parey mon pe dir nou ava atann moman  apropriye.

Bon en lot pti keksoz ki Onorab De Commarmond in leve e mon anvi fer konnen Lasanble pou dir the Motion ki lo Order Paper ki pe ganny move ki pou ganny move,  evantyelman dan lefitir par Onorab Bernard Georges, i pa pou vin avan the Bill – ok ? 

E si napa mon panse ki si napa okenn irzans pou en PNQ Mardi prosen, premye keksoz bomaten nou ava pran sa Employment (Amendment) Bill pou nou kapab dispose of.   

Now nou pou pran en break e  nou pou retournen 5er mwen 10. Vis-Prezidan i deza la pou nou kontinyen avek lo Order Paper e pou nou pran sa amannman Defans.  Ok at least nou ava pran enn e nou ava regarde ziska ki ler nou pe ale.  Bon nou break nou retournen 4.50.

 

(BREAK)

 

MR SPEAKER

Bon nou pou re pran nou travay.  E mon ti a kontan dir bonn apre midi e welcome Vis- Prezidan Mr Vincent Meriton,  ki ganny akonpannyen par Kolonnel Michael Rosette ki Chief of Staff SPDF.  E osi tou Reprezantan Biro Attorney Zeneral, Mr Stephan Knights ki en Legislative Drafter dan Biro Attorney Zeneral. E zis avan nou pran nou travay, Onorab Ferrari in endik mwan poudir i annan en pti lanons i oule fer.  Mon ava donn li laparol.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker swivan deba ki nou’n gannyen depi bomaten, nou’n rankontre. E mwan konman mover sa Mosyon pou adjourn deba.  Mon ti a kontan propoz avek Lasanble, ki nou, parey ou’n dir, nou pran sa Bill ki nou’n adjourn ankor Mardi bomaten.

E Lendi, Lendi mon pe fer laranzman pou nou rankontre avek bann stakeholders, avek Minister Lanplwa ek son bann teknisyen. Reprezantan travayer, Linyon Travayer.  E mon mazinen nou pou rankontre kot STC Conference Room.

Me selman sa i ava konfirmen apre.  E alors i ava en loportinite parey nou’n anvi,  ki Minister Lanplwa i vin avek bann nouvo nide si i annan, baze lo sa ki nou’n diskite ozordi.

Nou dan sa deba ki nou’n fer nou’n dekouver, nou’n osi vwar bann nouvo propozisyon ki nou santi i enportan i al dan sa direksyon nou deba. Nou ava anmennen.  Nou annan deza serten amannman lo ki devan Lasanble.

E nou ava fer sa travay Lendi avek lespwar ki Mardi nou kapab pran, depandan lo Order Paper si nou annan PNQ oubyen non,  pran sa Bill e dispose of it dan lentere tou bann stakeholders, tou bann dimoun konsernen, travayer biznesmenn Gouvernman, eksetera.

So nou ava’n fer nou bout, fer nou par pou nou fer sa arive.  Alors bann detay i ava ganny sirkile kot bann Manm endividyelman.  Mersi.

 

MR SPEAKER

Mersi Onorab Ferrari.  Lo kote Sekretarya nou ava provide support services.  E toudswit nou ava regard availability venue. 

So that pli tar zot a kapab fer, konmans fer bann prosedir pou kontakte bann stakeholders, ok? Mersi, nou ava reste an kominikasyon.

Bon, nou ava kontinyen avek nou travay lo nou Order Paper. E nou ava pran 2enm Bill ki lo Order Paper pou Second Reading.  Mon ava demann Onorab De Commarmond pou Motion for Second Reading.

 

HON CHARLES DE COMMARMOND

Thank you Mr Speaker, Sir.  Mr Speaker anba Order 64(2) nou Standing Orders mon oule move ki Defence (Amendment) Bill 2020, (Bill No. 16 of 2020) i ganny lir en Dezyenm Fwa.  Mersi.

 

MR SPEAKER

Mersi Onorab De Commarmond.  Okenn Manm ki segonn Mosyon?  Yes Onorab Sylvanne Lemiel.

 

HON SYLVANNE LEMIEL

Mersi Mr Speaker.  Mosyon in ganny segonde.  Mersi.

 

MR SPEAKER

Mersi Onorab Lemiel.  Motion has been seconded.  Mon ava prezan demann Vis- Prezidan p[ou entrodwir son Bill.  Vis-Prezidan laparol i pou ou.

 

THE VICE-PRESIDENT MR VINCENT MERITON

Mersi Mr Speaker.  Mersi tou bann Onorab.  Bonzour.  Depi granmaten zot la.  E fotespere nou a kapab fer en diskisyon friktye.  E anmenn sa Prozedlwa a son fen tanto menm, e ki pou napa sispansyon.

Mr Speaker mon pe entrodwir lamannman dan Lalwa La Defans 2020.  E son lobzektif prensipal se pou pli byen anbelir Coast Guard Sesel dan son lalit kont drog, lapes ilegal e lezot aktivite kriminel ki pran plas dan nou lanmer.

Sa Prozedlwa lo La Defans 2020 i permet letablisman en Coast Guard dan nou Lalwa.  I pou donn Coast Guard menm pouvwar, rol, lotorite e egzanpsyon ki bann Coast Guard dan lezot pei i annan.  Sa Prozedlwa i osi adres plizyer defayans ki egziste dan nou bann Lalwa e donn plis klarite lo rol Coast Guard.

Bann sanzman sinifikatif ki sa Prozedlwa pe propoze, se donn Coast Guard menm pouvwar parey Lapolis, pou fer arestasyon okenn dimoun ki komet en krim oubyen en lofans dan nou lanmer.  Pou Coast Guard kapab efektivman dil avek sa bann aktivite kriminel dan nou lanmer, zot devret annan ase pouvwar pou anmas levidans dan nou lanmer oubyen lo later, ki relye avek en aktivite kriminel oubyen en lofans ki arive dan nou lanmer.

I annan ase lenformasyon.  Nou annan lenformasyon ki pandan patrol dan lanmer, bann sispe kriminel e sey esap Coast Guard e al kasyet dan bann zil elwanye avek bann materyo kontrebann.  Nou Lalwa aktyel pa ase kler lo size si Coast Guard i kapab anmas levidans lo later, apre prezant sa avek Lapolis.

Sa Prozedlwa pou klarifye pozisyon Coast Guard kot i konsern ranmas sa kalite levidans.  I osi kler ki sa pouvwar i esansyel pou permet Coast Guard kapab konbat bann aktivite kriminel, e pou protez nou ekonomik e environmental dan nou bann zone Maritime.

Mr Speaker sa Prozedlwa pe promouvwar plis korperasyon, administrative, operasyonnel e partaz resours ant Coast Guard avek lezot Lazans ki responsab.  Tel ki: Lapolis, Fishing Authority, zis pou nonm enn de.

Mr Speaker i osi enportan pou note ki sa Prozedlwa ki Lalwa la Defans ti vin an operasyon detrwa lannen apre ki Sesel ti’n ganny son lendepandans.  I en morso Lalwa ki la depi lontan.  E i annan bann provizyon ki nepli relevan.  E mon pe servi loportinite pou aboli zot.

Mr Speaker sa Prozedlwa i enn ki irzan pou donn plis pouvwar Coast Guard pou dil ek bann defi ki nou pe fer fas avek ozordi.  Me diskisyon in deza komanse ant SPDF avek Biro Prokirer Zeneral, pou fer en nouvo Lalwa pou Lafors Defans.

Sa nouvo Lalwa pou moderniz administrasyon avek fonksyonnman nou Lafors Defans.  I pou osi revwar bann diferan dirizan dan Lafors.  Parey larme, Coast Guard avek Air Force.  Sa nouvo Lalwa pou osi enkli sa bann lamannman ki nou pe anmenn dan Coast Guard ozordi.  Savedir nou pou remet li dan sa nouvo Lalwa.

Dapre diskisyon sa nouvo Lalwa pou pare pou ganny prezante avek Lasanble Nasyonal isi an Zanvye 2021.  Mr Speaker sa lamannman dan Lalwa La Defans 2020 i en par dan bon direksyon.  E mon soumet li avek Lasanble Nasyonal pou konsiderasyon.  Mersi Mr Speaker.

 

MR SPEAKER

Mersi Vis-Prezidan.  Bon deba i ouver prezan lo merit e prensip zeneral Bill ki devan nou.  Mon ava demann okenn Manm ki oule entervenir?  Yes Onorab Clifford Andre.

 

HON CLIFFORD ANDRE

Mersi Mr Speaker.  Bonn apre midi Vis-Prezidan. Bonn apre midi Kolonnel Rosette avek ou delegasyon.  Mr Speaker avan mon konmanse, parey nou regilasyon i demande.  Mon ti a kontan deklar lentere ki mwan mon annan dan sa partikilye Lalwa ki devan nou.

Premyerman mon deklar mon lentere koman Legal Advisor former Legal Advisor dan Coast Guard pandan letan ki mwan ti pe travay avek Coast Guard. 

Dezyenmman, mon lentere koman en dimoun ki’n etidye Lalwa Maritim e ki’n ase depi lannen pase, depi lannen 2000.  E sa lannen i a fer 20an depi mon’n fer sa spesyalizasyon.

Trwazyenmman se koman en Avoka La Defans ki spesyalize dan Criminal Law.  E ki dan nou Lalwa Sesel i annan 2 kategori.  I annan civil e kriminel.  E ki sa kategori sa bann lofans ki Vis-Prezidan in dir nou sa bann lamannman pe sey travay otour ke pye drog. Lapes ilegal i tonm anba Lalwa Kriminel.  So mon ganny loportinite pou mon defann lentere bann dimoun ki komet defans.

An dizan sa Mr speaker koman en Avoka ki letan mon ti retournen travay avek Lafors Defans, mon ti ganny sa privilez e en manda pou mwan vwar en pti pe Lalwa La Defans,  sa lepok ti ankor anba direksyon Kolonnel Brigadier Payet ki ti ankor pe diriz Lafors Defans sa lepok.  E mon ti fer sa travay e mon ti soumet avek Lotorite.  I en plezir pou mwan ozordi, pou vwar ki travay in ganny fer.  Travay in vin dan sa Lasanble.

E mon santi mon privilezye pou safwasi asiz lo en kote latab ki kapab debat avek sa lekspertiz ki mon annan pou met keksoz an perspektiv. I vre ki depi lontan Coast Guard ti’n merit ganny sa pouvwar dan son Lalwa ki ozordi nou, nou a pe donn li.  Dan lepase bann zofisye ki pou fer larestasyon, oubyen boarding, ti bezwen ganny mandate anba Lalwa SFA pou zot al fer sa an referans avek bann lofans lapes.  E mwan mon pe dir ki sa ki dan sa Lalwa i bon, i byen.  Menm si i ti’n devret vin en pe pli lontan, me selman o mwen in vini parey i ganny dir,’’ pli to tar ki zanmen.’’

Mr Speaker letan mon get lamannman ki pe ganny propoze anba seksyon 5 of the Defence Force Act, mon pou zis montre zot ki i dir dan sa seksyon.

Seksyon 5 i dir ki subject to this Act the functions of the Defence Force are;

1) To defend Seychelles.

2(b) i dir, To assist the civil powers as provided under section 30 and 32.  Ki prezan pou enkli section 35(b) ki pou en lot seksyon ki’n ganny mete.

(C) To perform functions and service of civil nature and as provided in section 33 and assist in the fulfillment of Seychelles, of its international obligations as provided in section 34. 

Mr Speaker akoz mon dir sa, i annan en provizyon, en seksyon, en sou seksyon dan sa Lalwa ki mwan mon krwar i bezwen ganny rezete anliny avek seksyon 5(b). Ki dir ‘’to assist the civil power as provided in section 30, 32 epi ki nou met section 35(b). 

So i spesifik, i spesifik akoz i pe dir pou asiste.  E an dizan sa Mr Speaker mon pou osi fer referans avek Konstitisyon Sesel dan son preanbil.

Kot letan i dir, ‘’solemnly declaring our unswaying commitment during this our third republic to… ‘’

Mon pou pran 3enm, mon pa pou pran tou sa bann preanbil ki dir: 3enm i dir ou

‘’upholding the rule of law based on the recognition of the fundamental human rights and freedom enshrine in this Constitution.  And on respect for equality and dignity of human beings.’’  I enportan sa.  Dan Konstitisyon ki mete.

Nou tou la, enkli Vis- Prezidan, enkli Chief of Staff, nou’n fer oath, nou’n swear nou oath lo nou swear nou oath lo nou Konstitisyon.  E i enportan ki nou koman bann dimoun ki dan, VP i dan Egzekitiv, nou, nou dan Lezislatif, nou onor nou oath ki nou’n fer.  Mon pou kontinyen pou mwan fer referans ankor, e dir ki nou’n ‘’solemnly declare to help preserve a safe healthy and functioning environment for ourselves and for prosperity.’’ 

Alors i bann keksoz ki nou koman bann sitwayen, koman bann dimoun ki vreman, vreman dan sa laliny, nou bezwen, nou bezwen fer.  Nou bezwen fer sa bann keksoz ki pou nou e pou prosperite.

I enportan osi a sa staz Mr Speaker, pou mwan al lo sa pwen, ki mwan mon pou demand Lotorite atraver VP, pou zot revwar.  Si nou get en pti kou dan sa Bill ki devan nou, duties of the Coast Guard i varye.

Me mon krwar lo son sou seksyon 3 kot dir an referans avek, kwa ki zot ganny sa bann duties.

Ladan i annan customs and revenue collection.

(B) Immigration and nationality.  Quarantine (c). 

(D) Ports and harbor. 

(E) Fisheries protection. 

(F) Marine resources and environmental protection. 

(G), safety of navigation, marine pollution, search and rescue, port security and safety, recreational boating safety, port state control, piracy, maritime crime and violence.  Trafficking of narcotic drug, arms and ammunition trafficking, trafficking on person. 

Transnational criminal activity, maritime terrorism, maintaining territorial integrity and sovereignty of Seychelles Maritime zones. 

Defence of Seychelles, protecting archipelogical or history objects or sites.  Enforcement of all maritime convention. 

 

Ki enkli bann Konvansyon ki tonm dan sa kategori.  VP in dir nou ki poudir sa Lalwa pe donn bann pouvwar ki Lapolis i annan, e sa i byen.  Fantastik!  Me Lapolis pa ganny pouvwar ziska ler en Lakour i dir li ou detri levidans konekte avek Komisyon en lofans.

Mon konsern dan sa konteks i, letan nou ariv kot seksyon 35(c) (g). E sa i dir ki poudir ‘’disposal of any fish, article, device, goods, ship, aircraft or any other item that is connected to the commission of an offence,  subject to the provision of this Act or any other written Law.’’  Mwan mon dir, e letan mon pe gete, nou pe donn Coast Guard pouvwar pou fer travay ki Lapolis i fer.

Mwan mon vwar sa koman en burden ki pe met lo Coast Guard.  Annou pa burden nou bann zofisye.  Akoz ki mannyer li letan i an mer, i pou kapab deside si sa bato, sa pwason ki li i dekouver i konnekte avek en lofans? I bezwen annan en koneksyon, sa zofisye Coast Guard pa pou kapab determinen.  Annefe sa koneksyon, se Lakour ki fer.

Mon konsern se, les Lakour determinen.  Konnekte, VP in byen dir, si zot al dan bann zil, definitivman i bezwen annan sa pursuit.  E mwan mon 100 poursan dakor ki sa pursuit i bezwen ganny fer par Coast Guard. Akoz Coast Guard ki pe swiv sa, i pe antre avek drog.  In war zot, zot in al lo en zil, Coetivy or whatever.

I ale i mont lo Coetivy i kontinyen fer sa pursuit.  And sa i parfetman korek.  Me kwa ki mwan mon dir i pa korek, se pou donn li pouvwar pou dispose of.  E sa pou mwan i pe met en lot presyon, akoz mon dir sa VP.  Se si demen letan li in disposed, en case pa ankor arive Ankour. Case i ganny anmennen Ankour e i ganny vwar dan konteks ki, ki mannyer keksoz in marse, Komisyon en lofans pa kapab ganny etablir.

Me selman pwason in ganny dispose of.  Bato posibleman, akoz in met bato ladan.  In ganny dispose of.  E prezan sa burden, e Avoka la Defans pou rode sa.  Si i arive ki i vwar, sa burden i vin lo Lotorite.

Anba nou Konstitisyon i dir ou pou bezwen donn li en konpansasyon.  Mon ava donn en legzanp ki, en lensidan ki in arive dan Sesel.  Sa bato ki ti vini en dav, ti annan en dav ki ti vin isi ki ti pran dife.

irkonstans i ankor an dout lo akoz e ki ti arive.  Mon pa pou koz lo sa lot bout.  Akoz i annan en bout ladan ki sub sub judice akoz i deza dan Lakour.  Me kwa ki mon pe dir, letan enn bann crew lo sa bato i ganny brile, i ganny anmennen Mahe.  E i mor Lopital Victoria.  E in sey, in annan negosyasyon an referans avek lekel ki pou reparti sa lekor kot son fanmir Iran?

E Lakour ti donn en lord ki poudir Gouvernman Sesel i bezwen bear the cost pou anbonm sa lekor, pey son fre pou li ale, ki pa bon marse, ziska kot son fanmir laba.

Alors mon pe montre dan en sirkonstans, la i napa en, i napa en kadreman ki dir si en lofans in ganny komet, si en lofans pa’n ganny komet. Me i ti pe ganny anmennen par Lotorite ki Lotorite Coast Guard isi.  E sa sityasyon, sa aksidan oubyen sa sityasyon in arive pou en koz ki Lakour i al determinen.

Son premye parti se Gouvernman i bezwen war larzan tax payers pou peye pou anbonm en lekor pou anvoy Iran.  Parey mon’n dir ki i pa bon marse.  Alors akoz nou oule burden sa zofisye, ki li sa bann dimoun ki lo bato. Ki li wi, i anvi ganny sa power of arrestFine,  nou donn li, mon pou vote pou donn li powers of arrest.  Donn li powers to take evidence. Pou pran en statement pou fer sa ki i annan pou fer.  I kapab fer, i byen.  Me pa bezwen donn li sa pouvwar pou li dispose, apre demen i vwar poudir sa disposal was not in connection to an offence. 

I war li dan en sityasyon kot, li i pa pou peye, i normal akoz Lalwa i protez li i ti pe fer in good faith, ok?  Me selman i pou vin lo mwan avek ou, nou tou, enkli sa dimoun ki dan Coast Guard pou li bear the cost of paying pou okenn domaz ki ganny determinen.

Mon dir sa, akoz letan nou get ankor enn fwa, mon refer bokou lo nou Konstitisyon Mr Speaker.  Akoz mon krwar i dokiman pli enportan.  Pa mon krwar, mon konnen, e i vreman dokiman pli enportan ki nou annan. Letan nou get Lartik 19(7).  Lartik 19 li dan nou Konstitisyon, sapit 3 i bann drwa fondamantal.

Right to a fair and public hearing.  E Lartik 19(1) i dir ou ‘’every person charged with an offence, has the right unless the charge is withdrawn to a fair hearing, within a reasonable time by an independent and impartial Court established by law. ‘’

So fair hearing.  Akoz nou oule detri levidans oubyen bann Lartik ki konnekte avek en lofans, letan nou pa ankor donn sa dimoun son right to a fair hearing? 

Letan nou aret li, nou anmenn li Sesel, Lalwa Sesel ki dominen.  So nou Konstitisyon sa dimoun pou kapab avail rekour from nou Konstitisyon si i isi Sesel.  Si i pa pe ganny en fair hearing ou date li e li i kapab ganny rekour anba sa Konstitisyon.

Pou li fer son demann, pou li Lakour i kapab redres sa sityasyon.  Lartik 17(7) Mr Speaker i dir sa.  A court or other authority required or empowered by law to determine the existence or extent of any civil right or obligation, shall be established by law and shall be independent and impartial. 

And where proceedings for such a determination are instituted by any person before such court or other authority,  the case shall be given a fair hearing within a reasonable time. ‘’ Ankor mon pe fer sorti sa.

Akoz nou Konstitisyon i koz la fair hearing, pa zis en fwa, a plizyer repriz i mansyonn fair hearing.  So mon krwar an respektan nou bann lobligasyon enternasyonal, nou bezwen afford sa dimoun en fair hearing, menm si in komet en lofans.

VP ou’n dir dan plizyer repriz, i annan interviews ki ou’n fer.  Kot ou’n dir wi, menm si sa dimoun in komet en lofans i son drwa, i son drwa pou li annan en rekour avek lazistis.

E se sa rezon akoz nou annan bann Lakour ki’n ganny etablir par Lalwa pou donn sa dimoun right to fair deal.

Mon oule osi prezan refer nou avek Lartik 19(13).  Mon ankor lo Lartik 19, kot i dir right to fair hearing ki vreman enportan.  19(13) i dir koumsa.  ‘’Every person convicted of an offence and who suffers punishment as a result of the conviction, shall if it is subsequently shown, that there has been a serious miscarriage of justice be entitled to be compensated by the state according to law. ‘’

Mon dir sa, maybe akoz, si Coast Guard i laba,  sa zofisye i an mer 14 zour oubyen 21 zour, manrmay i fatige.  Zot pe desann zot fatige zot, zot bann imen.  E zot rankontre en sityasyon.  I dir ok, dapre Lalwa mon kapab detri sa bato, detri sa bann lekipman, whatever.

I detri e subsequently i ganny vwar poudir i annan en miscarriage of justice.  En fason ou en lot.  E pou ou montre i annan keksoz ki pa in accordance avek Lalwa, letan i ariv dan Lakour Siprenm ou montre.  E si ou pe fer rapel nouvo keksoz ki’n leve, ou still kapab anmennen, e i ganny vwar poudir ok, ti napa komisyon en lofans.

sa boug i dir, son avoka i dir be ok, ou bato in ganny detri, ou bann goods ki ti lo la in ganny detri, i annan en valer.  Alor i met en case e Gouvernman, Lakour i vwar ki poudir i bezwen fer en konpansasyon.  I pou vin en problenm pou nou.

Mwan ki mon pe dir, akoz nou pa permet Lakour.  Yer nou ti annan en Lalwa kot nou ti pe sey rod en fason pou nou dir ek Lakour permet rekonsilyasyon, negosyasyon ant paran avek zanfan.  Kot mwan mon ti dir, annou pa anmar lanmen Lakour.  E menm zafer ki mon pe dir la.

Lakour i annan sa pouvwar.  I annan sa pouvwar pou li dir dispose of sa bato.  Dispose of sa drog ki zot in vwar lo la.  Dispose of sa bann zarm ki zot in vwar lo la.  E sa i a ganny fer par en Lotorite ki apropriye.  I kapab Coast Guard, akoz si i pou al, mon pa konnen, detri li an mer.

Alor Coast Guard ki pou al fer, si pou detri li lo later Lapolis i a fer. E se sa, Lakour ki determinen oubyen sa Lotorite ki determinen lekel ki pou al fer sa travay.  Nou’n annan lenstans isi Sesel kot Coast Guard, non.  Ok, Coast Guard, bato in antre annefe.  In annan lenstans kot nou’n sezi, nou’n sezi zarm lo bato.  Gro volim zarm in ganny sezi lo bato.

Alors, eski nou pou dir letan sa lensidan i arive, i ti kapab detri an mer.  Ki mannyer nou konnen si i ti annan tan kantite zarm, tou sa zarm in ganny detri, napa en pe ki’n ganny pran ki’n al fer serten keksoz avek?

Mon pa pe dir ki poudir sa in ganny fer.  Me selman tantasyon. Nou tou nou vwar, nou get televizyon, nou vwar tantasyon i egziste dan lemonn antye.  Alors Mr Speaker i enportan ki nou, nou donn pouvwar, nou regilariz bann fonksyon ki Coast Guard i annan pou fer dan Lalwa.

E sa i bann keksoz ki vreman, vreman enportan.  En lot Lartik ki mon ti a kontan nou pran konsiderasyon, se Lartik 26(b) nou Konstitisyon.

Lartik 26 i dir, ‘’every person has the right to property, and for the purpose of this Article, this right includes the right to acquire, own peaceful enjoy and dispose of property,   either individually or in association with others.’’

(B), 26(2)(b) i dir ou;  The exercise of the right under Clause 1 may be subject to such limitation,  as may be prescribed by law and necessary in a democratic society. 

(D) i dir ou, for the enforcement of an order or judgment of the court, in civil or criminal proceedings. 

E pou mwan sa se Lakour ki determinen.  Lakour i dir ou, ou kapab deprive en dimoun of son property,  in pursuance of an order or judgment of the Court.  Dan civil case oubyen dan criminal case.

Alors, annou permet nou Konstitisyon ki nou tou nou koz lo la.  Prezidan i koz lo Konstitisyon.  Vis-Prezidan ou koz lo Konstitisyon, nou, nou koz lo Konstitisyon.  Alors annou fer sir ki nou, nou sa bann dimoun ki pou le moman nou annan sa bann pozisyon, demen i pou sanze.

Me selman ozordi nou, nou pe onor the very same Constitution ki nou’n swear lo la.  I enportan sa, akoz mwan, mon pe stress lo la.  Akoz mon krwar nou pe met en burden lo nou bann zofisye Coast Guard.  I zis en referans avek sa.

E letan nou pe get (g), ler nou get (h), (h) of the Act i dir sa; Arrest any person in the Maritime Zone or on land who has reason to believe, has committed an offence in the Maritime Zone and secure or preserve evidence, whether in the Maritime Zone or on land relating to the offence for which the person is under arrest.’’ 

E pou mwan sa i kontrandi kanmarad.  Ou aret mwan, Lalwa i dir ou prezerv levidans.  Selman anler i dir ou dispose of sa levidans.  Wi largiman i kapab montre ki poudir mon’n tir portre, mon’n video apre mon’n detri.

Me selman mwan mon dir annou gard (h) ki byen.  Me annou for the purpose of clarity pou sa zofisye ki pe fer sa travay an mer, annou senpleman vwar ki mannyer nou kapab permet zot dan paramet ki egziste pou zot kapab fer zot travay.

Mr Speaker dan sa resers letan mon pe fer, mon’n pas en pti kou lo Lalwa enn nou bann zanmi ki’n donn nou bann bato.  Sa se Lenn.  E i annan en Act, seksyon 38.  Ki li i dil avek, o kontrer li i dir ou, si en zofisye in al aret en bato e in, i ti’n expose, in enterfer, in zet levidans e i en lofans.

Sa zofisye i komet en lofans.  Annefe li i pe fer sa vin en lofans.  Ok?.  So mon konpran akoz i pe dir en lofans.  Akoz sa ki ou kolekte ou prezerv li.  E letan nou get Lapolis, si i annan en murder.

Lapolis i al lo scene i war en kouto, i pran i met dan en plastik i al anmenn analize, si i annan disan avek i anmenn analize.  I fer sa.  I pa dir ok, sa en kouto, mon’n tir portre, apre mon zet sa kouto akoz i en burden pou mwan anmenn sa kouto.

Oubyen pangar dimoun i a sot lo mwan, i pran sa kouto i fer mwan menm mwan dimal.  So mwan mon pe dir ki i enportan ki nou donn pouvwar.  Me nou pa osi met sa responsabilite pou detri sa levidans.  O kontrer nou dir zot anmenn sa levidans byen.  Pou ki Lakour ki annan sa manda anba nou Konstitisyon, i a fer determinasyon si en lofans in ganny komet.

Si en lofans pa’n ganny komet prosedir a ganny fer pou sa bato oubyen sa bann lekipman a ganny large, retournen avek sa rightful owner.  E sa i egziste dan Lalwa Sesel.  So mon pa pe ganny en konpran akoz nou pe, nou pe fer en problenm.

Pou mwan nou pe fer en problenm ki pa egziste pou le moman.  E ki demen i kapab vin en problenm.  Pa senpleman pou nou bann Lezislater.  Me osi pou Lotorite Lezislater.

Mon annan konfidans dan bann zofisye ki anba direksyon Kolonnel Roseline.

Kolonnel Rosette sorry koman Chief of Staff.  Ki zot pe fer en bon travay e zot lentansyon i bon.  E zot anvi ganny sa pouvwar ki zot merite.  Akoz sa pouvwar in deza ganny challenged dan Lakour Sesel.  Alors avek sa Mr Speaker mon pou dir sa.

Sesel i en pei ki’n ganny beni, i en pei ki komann, parey Coast Guard, son bann zofisye atraver bann training aletranze i komann bokou respe.

Alors annou donn zot sa pouvwar ki zot deserve.  Me annou osi fer li avek kosyon ki nou pa pe overstep responsabilite ki enternasyonalman i annan. Mon konnen, pou annan ki pou vin dir mwan, be Coast Guard en lot pei i fer serten keksoz.  Me zot annan, zot Konstitisyon probableman i permet zot otreman.  Me mwan mon pe dir, annou fer li anliny avek nou Konstitisyon.

E mon pou felisit bann zofisye ankor enn fwa.  E pou dir zot kontinyen fer sa bon travay ki zot pe fer. E Sesel i bezwen en Coast Guard ki annan sa kapasite ki zot annan.  E anba direksyon LDS, zot pou kontinyen epanouir e vin e lafors ki pou delivre pou benefis Sesel e pou Seselwa an zeneral.  Avek sa mon ti a kontan remersye ou Mr Speaker.

 

MR SPEAKER

Mersi Onorab Andre.  Mon a donn laparol Onorab Sebastien Pillay.

 

HON SEBASTIEN PILLAY

Mersi Mr Speaker.  Bonswar, the hour is late, so mon pa pou pran tro bokou letan lo merit sa Mosyon.  Me selman mon krwar i enportan pou nou fer serten refleksyon.  Mon pou koz premyerman Mr Speaker koman en Lezislater e dezyenmman koman en patriyot.

Konman en Lezislater mon vwar ki sa Lalwa i sound, akoz mon santi poudir i match avek sa ki, si ou oule i bann pratik enternasyonal e bann norm enternasyonal.  Bann norm enternasyonal ki mon’n gete

Mr Speaker, mon’n get nou bann vwazen par egzanp Kenya. Kenya i annan preski bann menm provizyon ki sa Lalwa pe anmennen.  E enn bann provizyon enportan ki sa Lalwa pe anmennen, se sa provizyon ki Coast Guard prezan i kapab angaz li dan hot pursuit legalman.

Avan sa zot ti bezwen pe fer li anba Fisheries Act ki ti oule osi donn sa permisyon.  Me ki sa i vedir?

I vedir ki Coast Guard i kapab kontinyen swiv en bato an deor zot teritwar Sesel si in vwar poudir in komet en lofans a sa moman ki i ti dan teritwar Sesel.  E sa i enportan, i enportan pou Coast Guard annan sa pouvwar.

Akoz an relasyon avek lapes, Coast Guard ti annan sa pouvwar, menm relasyon avek lezot lofans, mon pa konnen si zot ti annan sa pouvwar.  So mon kontan ki in ariv dan en Lalwa finalman.  E sa i akoz sa in deza en issue ki’n ganny souleve mon krwar dan bann deba.

E menm ler ou’n regard serten desizyon Lakour, sa osi in form parti enn de bann laspe largiman ki’n ganny avanse.  Pa tou.  Me selman laspe largiman ki’n ganny avanse an defans serten sityasyon.  Prezan Mr Speaker mon koz koman en patriyot.

Ou konnen, napa en keksoz, e mon krwar menm Leader Lopozisyon ti fer sa lot fwa, Leader Zafer Gouvernman, ti koz lo bann portre ki nou’n vwar.  Bann portre kot nou vwar bann bato ki’n vin dan nou teritoryal, zot in lapes kantite pwason.

Mon war menm video kot bann peser, serten peser sorti dan bann, bann bato etranze, pe lapes tou kalite pwason dan delo sale.  Dan nou delo.  Mwan si mon al dan delo sa boug i tyonbo mwan problenm.  Problenm si mon al dan son delo.

Kenya si mon al dan son delo, i tyonbo mwan, li i annan drwa bril mon bato.  I annan drwa dispose of mon bato li.  Si i krwar poudir mon bato i form parti komisyon en lofans. Kestyon ki nou bezwen demand nou lekor alors, ki en boug pe vin fer dan ou delo teritoryal si i pe zis pas la inosaman.  Mon krwar dan terminolozi Coast Guard zot apel sa, ‘’innocent passage. ‘’

Si en boug ou pe fer innocent passage avek 90kilo drog abor, ki kalite innocent passage ki ou pe fer?  E mwan mon ti ava kosyonnen.  Okenn Seselwa ki rod, ki pe sey rod fason pou eksplik lentere sa bann dimoun.

Akoz sa sityasyon ki nou trouv nou ladan i serye, nou pa kapab allow e kontinyen allow nou resours an deor laba, pou ganny pran, pou ganny servi.  E nou pa fer nanryen.  God forbid enn nou peser i drive i al tonm dan delo teritoryal Sri Lanka, ki annan menm provizyon dan son Lalwa.  Ki mannyer i pou war li.

Mon dir sa Mr Speaker,  akoz nou bezwen empower bann Lazans ki bezwen fer enforcement, dan en fason ki zot kapab egzers sa pouvwar avek serten.  Mon pa dir total liberty,  me selman avek serten konfidans ki zot empowered pou pran sa bann aksyon ki zot bezwen pran.

Prezan Mr Speaker mon vin lo serten pwen ki’n ganny raise par entervenan ki’n koz avan mwan, lo Konstitisyon.  I vre ki anba Konstitisyon i koz for the enforcement of an order or judgment of a Court in civil or criminal proceedings.

Me Konstitisyon i osi koz lo, in the case of property reasonably suspected of being acquired by the proceeds of drug trafficking or serious crime.  Sa osi i dan nou Konstitisyon.  E prezan Mr Speaker mon pou sey servi legzanp ki dan resers ki mon’n fer ki lezot pei lafason ki zot koze zot dir ou.

Lostrali i servi en prensip kot, si in atrap en bato kot i pe lapes ilegal,  e sa zistans ki in tyonbo sa bato, i pa permet li pou anmenn sa bato back to port,  i bril sa bato.  Akoz i bril sa bato?  I pa bril sa bato akoz i anvi pini sa boug li.  Akoz i pa anvi sa bato reganny servi ankor pou retourn dan son delo.

E sa i en keksoz, i en lenformasyon ki tou dimoun i kapab ganny akse avek si nou al online.  I pa vedir poudir i napa lapse.  I pa vedir poudir i annan lenstans kot bann zofisye Coast Guard Ostralyen parey in annan dan nouvel, kot zot in fer serten fot.

E Lostrali in al pli lwen.  Nenport bato ki zot pe vwar dan zot zone teritoryal ki pa sipoze la, zot pe aplik en prensip enforcement ki serye.  Akoz zot oule protez  the great barrier reef.  Zot annan en rezon pou protez en Patrimwann Nasyonal. Prezan annou pran Sesel.  Annou pran par egzanp Sesel sa join Maritime Zone ki nou annan.  Kot ou’n dir ok, sa ki dan water column kapab ser li. Me sa ki anba lo son sea bed ou pa kapab.  Me i pa anpes en boug pou vin rod banbara la, pou vin rod whatever ki i annan lo sa sea bed.  Ou konpran?

E ler pou fer sa, ou pou bezwen chase li.  Me ler ou’n chase li ou’n anmenn li Ankour in ganny defann. Sa boug ki ti dan sa bato i ganny kondannen.  Son owner i dir ou be li i pa ti konnen sa boug ti la.  Ou pa kapab prouv rezonnab-leman ki son owner sa bato ti sipoze konnen ki pe pase.

Ou bezwen rann sa owner son bato.  2 mwan pli tar sa bato i tourn ankor en kou.  This is what can happen.  Ou war?  E se sa danze ki nou annan.  E mon krwar, mon konpran pwen ki, akoz mon krwar sa i one of the contentious point ki i annan.  Se ki mannyer ou prezerv levidans ki Coast Guard pou anmase atraver, si i fer en la sezi lo en bato oubyen lo okenn lobze, ki trouve a sa moman dan sa landrwa.

Be mon krwar i annan en middle ground.  Nou kapab met safeguards, nou kapab met, amann sa Clause pou fer ki i read in such a way ki i al dan laliny sa ki nou pe koz lo la. Par egzanp, nou kapab dir, kan, where it is in practical to preserve or transport, ok?  Ou’n dir dispose of.  ‘’Where it is in practical to preserve or transport fish article’’, eksetera, eksetera.

And then nou dir ‘’subject to preservation of evidence the provisions of this Act’’, tou lezot keksoz.  So a sa moman nou pe dir ek Coast Guard poudir en bato Coast Guard in entersepte en bato ki pe lapes dan nou delo. Ki pou kout Coast Guard pli ser pou anmenn li isi.  Pou kout Coast Guard pli ser pou detri li isi.  E i kapab met lavi bann zonm Coast Guard an danze pou anmenn li isi.  I detri sa bato, me i annan levidans ki ganny kolekte lo sa bato, lo bann keksoz ki ti abor.

E sa levidans i ganny prezerve.  Me pa si Coast Guard i war en super yacht, i detri en super yacht.  Mon krwar nou pou rely lo zizman sa bann zofisye ki mon krwar in ganny train.  Ki nou krwar dan zot abilite, zot in ganny train.  Zot in ganny train, e zot kapab.  Non mon pa pe dir, non.

Ler mon’n dir en super yacht.  Mon pa pe dir pran sa super yacht i bezwen tourn avek isi.  Mon pe koz in the commission of an offence.  Mon pe dir Coast Guard pou rezonnableman assess.  Eski i pli valid pou mwan anmenn sa bato back to Mahe?  Eski i pou pli worthwhile pou mwan anmenn sa bato back to Mahe.  Oubyen, eski i pou an practical?

Be i annan en lot rezon akoz sa Clause i la.  E sa ki mon’n vwar dan Lalwa Kenya i la.  Rezon i la, se akoz ler Coast Guard in engage in hot pursuit zot in enterpel en bato.E zot bezwen al enterpel par egzanp son mother ship par egzanp.  Zot pa kapab babysit sa enn bato zot.  E lamazorite lafors Maritim zot dir ou zot pa oule larg sa bato, akoz demen i pou retourn menm landrwa ankor.

E sa is why ki zot pran serten aksyon pou anpese ki sa bato i retournen.  E usually that’s where you get the disposal ki vini.  Pou zot kapab kontiny sa pursuit ki zot pe fer.

So i annan, tou lede kote largiman ki nou kapab avanse.  E mon konpran senserman largiman ki’n ganny avanse an relasyon ek sa clause spesifik.

Be sa ki mon oule dir, se ki mon pe trust ki Coast Guard i ganny empowered e tou bann fason pou kolekte levidans parey nou vwar Nouvelle Zelande i fer.

Bann zofisye ki enter-pel bann bato, i annan camera, i annan tou fason pou zot filmen ki pe pase.  Me sa ki i enportan se ki nou bezwen konmans pran aksyon avek sa bann boug ki vin dan nou delo e vin lapes, vin fer nenport kwa.

E sa nou bezwen mazin koman en konpatriyot.  En boug pa kapab pe rod innocent passage ler i annan sa 90 kilo drog lo son bato!  I pa pe rod innocent passage, ler in touy sepa konbyen torti.

I pa pe rod innocent passage ler in touy tou sa marswen.  In touy lakantite varvara, in ranpli son deck avek varvara partou.  He is not looking for innocent passage.  E nou konman Seselwa nou bezwen ankoler kont sa bann aksyon.

E mon pa pe dir dan lakoler nou devir son bato, pa sa.  Sa ki mon pe dir se ki rezonnableman si ou pa kapab rezerv sa bato.  Akoz sa Clause i enteresan, ler mon get dan tou le 3 Lalwa, sa Clause i parey.

I pareyman i annan space Clause standar ki menm UNODC konmsi i pe, mon pa dir i pe advocate.  Me i paret poudir, i annan en standardizasyon sa Clause.  Akoz i menm koz lo aircraft.  I menm koz lo aircraft. 

So Mr Speaker mwan mon krwar ki Lasanble i ganny prezante avek en loportinite ozordi apre midi, ozordi swar.  Pou zisteman pou nou vot lo en lamannman ki pou fer Coast Guard ganny plis ledan pou pran aksyon.

Vis-Prezidan in koz lo bann lamannman ki ava vini pli tar dan en Lalwa pli konpreansiv.  Me an se moman la, avek sityasyon ki nou ladan, avek sityasyon COVID-19.  Nou bann pei larezyon pou rod fason pou zot reorient zot lekonomi zot osi.

E menm bann area ki bann lekonomi ki bord ek lanmer, zot pou al relans zot lekor ladan, se lapes.  E enn bann landrwa dan sa rezyon Losean Endyen ki annan bann pli bon pwason, se nou, Sesel, pa Maurice, pa La Reunion, menm pa Sri Lanka.

Se nou, se Sesel.  E nou, nou bezwen protez nou dan en fason pou proteze.  E mon krwar malgre ki sa lamannman i pa relye avek COVID-19 endirekteman.  Me endirekteman i relye.

Akoz la nou pe demann ek Coast Guard to go above and beyond the call of duty pou protez sa resours ki nou, nou pou bezwen.  Nou, nou pou bezwen si nou oule reoryant nou lekonomi, si nou oule reorganiz nou lekonomi, around, par egzanp lapes.

E mon ti ava demann tou Manm si i annan provizyon lamannman ki pou ganny propoze, mon reste fleksib pou mon vwar kategori provizyon lamannman ki nou oule anmennen.

Me selman sa ki i enportan Mr Speaker se ki nou bezwen donn nou sipor sa Lalwa.  Donn nou sipor nou bann zonm e fanm dan liniform.  E montre zot, e donn zot sa soutyen ki mon krwar i enportan pou zot.

E ankouraz zot.  E la atraver ou Mr Speaker, atraver VP.  Mon oule pas en mesaz avek Kolonnel Rosette.  Annou ankouraz bann zenn pou pran en karyer dan Coast Guard, pa zis lo nivo koman maren.  Byensir lo nivo bann dimoun ki kapab dil avek sa bann sityasyon lo son nivo enterpretasyon.  Lo son nivo Lalwa Maritim.

Mon krwar i enportan ki koman en pei nou annan plis dimoun ki’n devlope dan sa domenn.  Nou koleg in dir nou in fer son training ladan.  So i enportan ki nou annan plis dimoun davantaz ki train ladan.

Coast Guard i kapab en landrwa ki kapab kree en lespas pou sa bann keksoz.  Zisteman akoz enn nou bann plan ki, dan lefitir ki nou’n koz lo la, se pou nou reorient nou lekonomi ver lapes.  E nou bezwen protez alors sa resours ki nou annan from bann ki oule vin pran li avek nou.  Mersi Mr Speaker.

 

MR SPEAKER

Mersi Onorab Pillay.  Mon ava donn laparol Onorab John Hoareau.

 

HON JOHN HOAREAU

Mersi Mr Speaker.  Bonn apre midi Mr Speaker, bonn apre midi tou dimoun ki a lekout.  Mr Speaker mon pou siport an grand parti sa Bill ki devan nou.  Akoz i annan serten keksoz ladan ki montre ou poudir in fer, Coast Guard in fer serten zefor pou met en Bill ansanm ki al ver bann international norms. 

Dezyenmman ler ou get sa bann keksoz ki’n ganny tire lo la, ki’n ganny update.  Par egzanp People’s Militia ki ti dan Defence Force Act, ki ti, si ou oule konman en group Avan Gard la revolisyon.  Ti ganny apele oparavan.  Me sa in ganny tire, dezormen,  sa keksoz ki apel milisya, i pou dan bin listwar.

Akoz nou tou nou konnen ki mannyer milisya dan lepase ti ganny servi pou spy lo dimoun, ti ganny servi pou tou sort kalite keksoz, fer malis dimoun ensidswit.  An preteks ki pe vey la revolisyon.  Mr Speaker Navy osi, Seychelles People Navy i pe sorti akoz i pa egziste.

Nou napa en Navy, nou annan nou en Coast Guard.  Ki parey in ganny mete ladan, son bann duties i deroul anba seksyon (3), son bann duties i deroul anba seksyon 3 sa Lalwa.  E osi i la, son manda i la pou li protez  nou Souverennte.

Mr Speaker mon pou tant pou aksepte serten largiman ki Onorab Clifford Andre in mete devan.  Sirtou lo sa seksyon part G sa Lalwa ki devan nou.  Akoz mon pe dir sa, akoz mon oule ki, at the end of the day ki VP i reasir nou.

Si par egzanp en bato ki’n drive e in ariv dan nou lanmer Sesel.  Me ler Coast Guard i pase in vwar serten aksyon lapes.  Dizon i pe rod en pe bouyon li osi, in drive, son masin pa sa.  I pa pe kapab kominike avek Coast Guard.

Eski dan sa moman ki Coast Guard in kapab tir portre oubyen video li pe lapes.  Nou pou vwar poudir i dispose apre sa bato.  Alor Mr Speaker i annan serten keksoz osi ki kapab arive, kot ler ki bann levidans oubyen bann detay in ganny anmennen, in fini ganny prosekite, in ariv Ankour.  Apre Lakour i determinen poudir petet there is no case to answer.

E ler a sa moman sa bann keksoz sa levidans, sa bato oubyen nenport kwa in ganny destroy.  Eski sa pa i pou vin en liability lo Gouvernman Sesel?  So si dan ou repons ou kapab eksplik nou en pti pe lo sa bann detay, ki fason sa bann keksoz i ganny catered for, mon ava kontan.

Mon osi kontan dan sa Lalwa, ki annan sa bout kot i dir (f).  Ki dir Coast Guard i kapab ‘’exercise a right of hot pursuit. ‘’ Si par egzanp en bato ki’n komet serten lofans dan nou delo teritoryal. E answit i pe sey ale pou al dan international sea.  Bann rules of engagement ki Coast Guard pou petet kapab annan, i pou parey en pe Lapolis.  Kot si ou pa pe kapab ganny sa bato, si i pe la tro vit oubyen kwa. So bann rules of engagement pou permet li petet anvoy en bal dan son masin. Petet a se moman pou sey anpes li kapab kit sa teritwar.  si i annan levidans, i annan video, i annan lezot keksoz ki prouve poudir i ti pe fer en lofans.

Alor Mr Speaker mon pa pou tro long lo sa size.  Me selman zis mon ti ava kontan ki Minis i repas en pti pe lo sa bann pwen ki mon’n leve.  E kapab reasir nou poudir sa bann keksoz pou ganny catered for.  E se sa ki mon ti anvi point out.  Mersi.

 

MR SPEAKER

Mersi Onorab John Hoareau.  Mon ava donn laparol Onorab William.

 

HON WAVEN WILLIAM

Mersi Mr Speaker.  Mr Speaker mon ti anvi dir ki ou krwar deba in exhaust lo la.  Mon pe propoze ki nou pran en vot.  Mersi.

 

MR SPEAKER

Mersi Onorab William.  Bon pa anvi ki … Standing Orders osi i fer kler ki bann Manm osi pa abiz bann diferan Orders pou close deba kan i annan lezot Manm osi tou.  E sa i reste a diskresyon.  I reste mwan 2 Manm lo mon lalis.  Annou permet sa 2 Manm fer zot entervansyon. E mon ava demann zot ki zot pa al tro long.  Mon ava donn laparol Onorab Churchill Gill.

 

HON CHURCHILL GILL

Mersi Mr Speaker.  Tre bref.  Akoz VP in donn byen son lesplikasyon.  Mon oule zis fer resorti ki ozordi nou Coast Guard zot tre eksperyanse, i pa en nouvo keksoz ki zot pe al lans ladan.  Zot deza konnen ki mannyer, zot ti pe deza pe dil dan sa bann sityasyon.  E la zis nou pe regilariz serten keksoz pou donn zot serten pouvwar.

Mon krwar VP i kapab konfirm sa.  Apre mon pa war rezon akoz ki en bato ler in antre dan nou teritwar i deza ilegal. Mon pa vwar rezon akoz ki nou pou bezwen pa donn Coast Guard sa lotorite pou li dispose of si i santi i annan nesesite.

Apre natirelman i osi depan lo ki kalite kargo i annan dan sa bato.  Ki Coast Guard i annan sa leksperyans pou kapab zize.  Be sa i pa en keksoz ki nou devret trennen oubyen desann avek Mahe.  Mon krwar zot devret kapab annan sa lotorite pou pran en tel desizyon an mer lo nou behalf.

Apre se mon sel konsern, se ki mon ti a Kontan VP i donn nou en bon komitman lo la,  se akoz nou annan detrwa ka kot ler nou tyonbo en bato ilegal dan nou delo, apre nou vwar nou kot sa bann dimoun pe ganny ban case, e nou bezwen pey zot.

Selman zot ti, in the first place zot in ganny tyonbo ilegal dan nou delo. So si VP i kapab garanti nou poudir tou sa ki nou pe mete la, i pe close the gap as much as possible.  Ki nou pa war nou ler nou pe defann nou teritwar an menm tan nou war nou, nou bezwen peye.  Akoz nou pe defann nou teritwar.  Mersi.

 

MR SPEAKER

Mersi Onorab Churchill Gill.  Nou ava donn laparol Onorab Wavel Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker sa Lalwa ki devan nou i en Lalwa ki ou avek mwan nou’n reve depi en kantite letan.  I en Lalwa ki depi Lasanble ti ankor kot Library Nasyonal, sa bann letan kot ot ti bat nou.

Ki nou ti demande ki Coast Guard i ganny sa kalite pouvwar.  Nou’n anmenn Mosyon devan Lasanble, pou demande ki en tel transformasyon i arive.  E ozordi letan Vis-Prezidan i dekrir sa Lalwa koman irzan, mwan mon dir avek li an Angle, the word that he should have use is not ‘’urgent.’’  Me ‘’overdue.’’

Parski i long overdue pou nou annan en tel Lalwa.  Parski depi en kantite letan, spesyalman dan 3enm Repiblik, ki nou’n dekouver ki Sesel nou bezwen beef up nou Coast Guard.  Donn zot sa bann pouvwar ki ozordi nou pe donn zot.  E mwan mon siport sa antyerman.  I montre ou ki i bon reve.

E en dimoun ki reisi dan lavi i senpleman en dimoun ki reve e ki zanmen give up.  ‘’A winner is a dreamer who never gives up.’’  E sa sete pa lot ki sa gran Prezidan Sidafriken Madiba, Nelson Mandela ki ti dir.

Mr Speaker, alor pou mwan, definitivman mon santi li koman en lot lakonplisman ki lopozisyon i gannyen ozordi.  Me selman letan mon pe claim sa koman en lakonplisman.  Parske i annan en kantite, i annan en long lalis bann keksoz ki nou’n debout pou nou lalit. E ki ozordi nou kontan letan nou war i pe arive.  Mon anvi dir ki i pa zis pou Lopozisyon.  I pa zis en kestyon ki nou a pe tick en lot keksoz ki nou’n lager pou gannyen.  Me nou ti pe fer li ‘pour Sesel.’

Pa pou okenn lezot lorganizasyon pou okenn lezot lanbisyon.  Me pou nou pei Sesel. Alor, petet parey nou dir, COVID-19 i anmenn diferan keksoz.  Pwason in re aparet ek jellyfish dan Venice, dan bann canal.

Lenn Delhi zot konmans vwar zetwal.  La Chine osi tou, Beijing, pou premye fwa zot pe vwar zetwal.

E bann pti zanfan pe demann zot papa kisisa sa.  Alor COVID-19, petet in fer Gouvernman vwar the urgency of annan en Coast Guard.

E mon kontan osi bann lanons ki’n ganny fer an relasyon avek COVID-19.  Ki bann bato a tou moman zot bann sistenm kominikasyon i bezwen on, zot bezwen pe kominike, ensidswit.

Tousala se bann keksoz pozitiv.  E mwan mon krwar ki nou pe al the way forward.  E an menm tan ki nou pe par sa Lalwa.  Akoz mon konnen ki poudir sa Lalwa i pou pase.  Mon krwar ki pou mwan personnelman mon war li koman en parti sa reform ki nou ti koze lo SPDF. E mon kontan ki Kolonnel Rosette i la.  Akoz letan mon ti koz lo reform larme, SPDF.

Kolonnel Rosette i rapel byen, ki poudir apre sa i ti fer en zoli speech li.

 

E i ti dir basically ki personn pa pou donn lord SPDF!  Non, non, non, nom, sa mon konpran.  Ou bezwen letan ou dan ou liniform annan, mentenir ou kabari, mentenir ou pozisyon.

Me selman mwan mon trouv sa koman en premye pa dan sa reform SPDF.  E mon konnen Mr Speaker ki poudir Kolonnel Rosette i enn sa bann zofisye.  Parski li i en zofisye, i en plito en dimoun lanmer, son training ensidswit i plito lo lanmer.

Nou konnen ki poudir i annan sa eleman, sa eleman nou Coast Guard.  E sa i bezwen lye ansanm avek nou air wing.  Air wing avek Coast Guard se sa 2 ki pou sov nou pei e ki pou fer sir nou prezerv nou bann resours.

E nou pa pe re envant larou.  Nou pe senpleman dir, annou met plis resours bor kote laba. E si nou kapab met plis resours bor kot laba, mon krwar ki SPDF li menm li i pou pran en nouvo dimansyon.

E sa nouvo dimansyon i pou enn ki Seselwa i pou kontan.  Parske nou EEZ se sa ki nou bezwen proteze.  Nepli annan sa bann zafer milisya, nepli annan sa bann zafer defann la revolisyon.

E ozordi mon bezwen dir avek defen Medaris Mussard sorry.  Son sanson ‘’Mwan mon kontan mon milisya.’’  Zot defann nou pei lannwit o zour.  Non, non i kontan son milisya tou.  ‘’Mwan mon kontan mon milisya mwan zot, wi!’’

 

     (laughter)

 

HON WAVEL RAMKALAWAN

Arh, be wi, be mwan en gran santer mwan Vis- Prezidan. Mwan en gran santer.  Nou pou fer en band e nou pou osi envit bann ansyen Manm Lasanble Nasyonal e alors nou pou envit ou osi tou pou vin ladan.

 

       (laughter)

 

HON WAVEL RAMKALAWAN

Mr Speaker mon kontan vwar poudir sa ban zafer milisya, depi en pe letan in, nou’n fini avek sa, be la nou fini avek li normal. Be selman mwan mon pou dir ki letan mon pe regard sa reform, ki pou bezwen arive osi dan SPDF, mon krwar ki letan nou pe al dan sa direksyon.  E mon kontan war ki poudir ozordi i annan bokou nou bann zofisye ki al fer proper training.

E ki letan ou koz avek zot, zot konnen ki poudir zot pa pe vin defann la revolisyon, zot pe vin servi en Sef.  Me zot pe vin servi leta Seselwa.  E zot training i profesyonnel, e vreman sa bann zenn mon tir sapo avek zot.

Donk nou pou bezwen strong leadership e, parski sa bann nouvo responsabilite osi tou ki pe donnen.  Definitivman nou Navy zot pou bezwen lev nivo. Zot pou, zot deza pe fer en bon travay, mon admir zot.  E nou’n ganny sans, par egzanp Islands Committee nou ti ganny sans pou nou enterakte avek zot.

Letan nou ti pe sorti zil Assumption pou nou al Aldabra.  E apre sa letan nou ti pe retournen, pou nou sorti Aldabra pou al ziska Cosmoledo.  Zot ti donn sa escort akoz sa zafer piratri ensidswit.  Donk nou ti ganny sans pou nou enterakte avek zot.

E mon krwar ki poudir nou war lanvi sa bann zenn.  E mon kapab dir avek ou Mr Speaker e dir avek Kolonnel Rosette, ki poudir enn bann portre ki mon annan dan mon biro, se zisteman en sunset lo Aldabra, e dan son foreground se bato Navy, Etoile.

E mon kit sa dan mon biro, i anmenn diferan memwar.  Enkli sa memwar Coast Guard.  E byensir sete Kaptenn Laporte ki ti komandan lo bato e nou ti ganny sans enterakte avek li.

 

So nou bezwen fer sa.  Me letan nou pe donn zot sa bann pouvwar, definitivman ou pou bezwen annan training.  Training lo ki mannyer ou pou anmas levidans.  Ki mannyer zot pou vreman acquire sa bann police skills ki zot pou bezwen.

Akoz nou pa anvi ki zot fer en bon travay apre sa case i perdi Ankour lo serten technicality.

E la mon krwar ki sa training i pou enportan.  E se la kot mwan mon vwar vreman ki sa rol ki Coast Guard pe ganny demande pou zwe anba sa Lalwa.  I pou vreman ed nou pei.

Espesyalman dan sa moman kot nou pe koz lo en nouvo, en nouvo, nou bezwen re envant nou lekor.  Ki mannyer nou pou protez nou bann resours Maritim.  Ki mannyer nou pou met lanfaz lo nou Lendistri Lapes e tou sa bann kote.  E an menm tan osi, ki mannyer nou pou anmenn en lager asarnen kont drog.  E parske nou konnen ki poudir bann drog ki rantre par plis ki 100kilo ensidswit, tousala i pas lo lanmer.

E se prensipalman bann Iranyen ki anmennen.  Alor zot rol i pou vreman enportan lo sa kot ekonomik e osi lo sa kote sosyal.  Pou nou anpese ki nou bann zenn i ganny afekte ek sa pwazon.  Donk proper training mon dir annou ale.

Onorab Andre in lev sa size, sa pwen lo bann pouvwar.  Mon konpran antyerman son bann pwen ki in met devan.  Me selman mon bezwen e mon’n koze avek Onorab Andre.  Selman mwan depi lontan mon lo rikord dan sa Lasanble mwan.

Dan mon diskour lo Leta Lanasyon mon ti osi fer sa deklarasyon.  ‘’Sa bann dimoun ki pe enterfer dan nou resours limite, dan nou resours lapes ensidswit ki pe anmenn drog.’’  Mwan mon annan en diferan lopinyon avek Onorab Andre.  Mwan mon dakor avek bril sa bann bato.  Donn zot legzanp.

Mwan mon dakor avek sa mwan.  E nou fer li within the rule of law.  E se la kot nou ava regarde ki mannyer sa i vreman rantre.  E mwan, ou konnen Mr Speaker, enn bann keksoz ki fer mwan en pe ankoler, regard Kenya.  Kenya letan mon regard son Lalwa, definitivman lo seksyon 9(2) (h) i dir klerman.

‘’Subject to the provisions of this Act or any other written Law, they have the power to dispose of any fish, article, device, goods, vessel, aircraft or any other item that is connected to the commission of a crime.’’ 

E apre sa, Sri Lanka, Sri Lanka li lo son seksyon 5(1) (e).

I dir avek ou zot annan pouvwar ‘’to examine and seize or dispose of any fish or any article, device, goods, vessel, aircraft or any other item relating to any offence which has been committed.  Or it has reasonable grounds to believe that such offence has been committed.’’  So i donn sa pouvwar.

Aprezan letan mon regard sa 2 pei, mon regard Kenya.  Kenya lotrozour ti annan enn son bato ti ariv lo brizan Ile Au Cerf.  E sa bann pwason ki ti ladan ensidswit, nou pa’n ni, nou napa en lide si zot in lapes dan nou lanmer, si zot in fer sa bann, zot in komet okenn lofans dan nou lanmer, ti napa levidans.

Prezan lo kote Sri Lanka, la mo krwar i annan 3 bato depi sa lannen ki Coast Guard in arete, pe lapes ilegalman dan nou lanmer.  Nou isi Sesel nou, nou annan bon ker nou.  Nou, nou bon ker, parski nou, nou, sa 2 lezot pei, 2 lezot pei commonwealth sa.  Kenya avek Sri Lanka.

Me selman nou, konmsi nou pli Rwayalis ki LerwaNou, nou pran zot a la lezer ensidswit.  Apre nou larg zot bato, nou donn zot delo, nou donn zot sa bann zafer pou zot ale.  Be Mr Speaker mwan mon krwar ki poudir si sa 2 pei zot annan sa bann Lalwa parey, e ozordi se Sri Lanka, e mwan mon’n dir kler, e mon’n dir lotrozour ankor.

Tou sa bann bato la, zot sorti Negombo.  Nou konnen kote zot sorti, i annan bato ki’n ganny atrape avan.  Oubyen i annan dimoun ki’n deza ganny atrape pe lapes ilegal apre zot in re ganny tyonbo ankor.  I annan sa bann kaptenn ki’n deza ganny tyonbo Lostrali tou dan bann bato.  Apre sa zot vin ankor.

Be mwan mon dir, nou bezwen once and for all, e pou nou napa okenn problenm.  Lotrozour Prezidan ti al resevwar 2 pti bato, tanzantan i anbet nou ek 2 pti bato.  Vis- Prezidan ki ti al resevwar lakle pou sa 2 pti bato.

Wi sanmenm sa bann bato ki taye la ki ou al pran laba.  Vis-Prezidan ti al pran sa 2 pti lakle.  Be mon krwar aprezan la i ava bokou pli fasil ki letan zot donn ankor, aprezan Vis- Prezidan i ava mont avek son Lalwa.

I ava dir avek li, be ou konnen nou annan en seksyon la, nou’n pran dan ou prop Lalwa.  Alors aprezan la, fodre ou fer sir avek bann peser laba, anvoy en mesaz pou bann peser Negombo.  E dir avek zot ki zot bato i riske pa retournen.  Kekfwa zot bann dimoun i ava retournen.

Be zot bato si pe komet lofans.  Si sa bato i annan ice dan son dil.  E i annan pwason.  Son masin pe marse.  So sistenm kominikasyon i marse.  Me msye me la nou, i senp.  Letan ou antre dan nou lanmer, dir bonzour  madanm, bonzour msye, madanm mon pe vini.

Si i safe passage, si ou inosan, ou a dir bonzour msye madanm, mon annan en pti problenm la.  Ou konnen mon 2 masin in soz, oubyen mon annan 2 mon peser konmsi zot pe ganny en problenm lasante.

E nou Sesel nou fer sa, lotrozour pa ti montre ki mannyer nou ti fer?  Sa bato ti dir zot annan en matlo ki malad. E menm dan milye peryod COVID Sesel ti donn ospitalite, ti pran sa maren i ti anmenn li lopital i ti donn li swen.  Me selman si sa bann bato letan zot antre dan nou lanmer, tou zot sistenm i bon, zot pa dir bonzour msye, madanm, nek zis nou war zot dan nou salon, zot pe asize dan nou salon.

Oubyen zot in antre dan nou lakwizin, zot pe pran nou manze.  Mwan mon krwar nou bezwen kapab vin en pe pli sever.  E donk Mr Speaker mwan mon annan serten problenm avek sa bann dimoun ki pe zis antre dan nou lanmer.

Letan nou ti pas lo Komite Zil, nou ti vwar ki poudir, e tou sa i byen koni.  Ki poudir bann Malgas zot mont ek zot bato, zot antre Cosmoledo ek bann lezot zil.  Cosmoledo zot vin avek zot madanm tou.  Zot ranmas tou nou banbara.

Pandan lazournen zot bann zonm i anmas banbara, apre zot anmenn ater, zot bann madanm i konmans process banbara. E enn bann keksoz ki montre klerman ki poudir se bann Malgas, parski bann pake sigaret, bann bwat sigaret ki zot in fini servi se bann sigaret Malgas.

E apre sa zot retourn se zot.  Me nou pou bezwen, letan nou’n ganny sa Lalwa, pou dir avek Prezidan, nouvo Prezidan ki Vis-Prezidan ti al son inogirasyon, poudir Prezidan Rajoelle regarde, la mon krwar nou annan en problenm.  Fodre ki ou dir ou bann Malgas sorti Antsiranana, sorti anler dan Nor Diego.  Ki poudir pa bezwen vin kot nou.  Akoz si zot vin kot nou, nou pou atrap zot e zot pou perdi tou.

Zot pou bezwen desann dan avyon e tou bann lezot keksoz, wi.  Fodre ki nou vin serye.  Mwan mon napa okenn dout ki poudir fodre ki nou vin serye.  Annou fer keksoz byen.  Si fodre, parey Onorab Andre pe dir, si fodre nou azout serten keksoz dan sa morso sa (g), pou nou fer li en pe anliny, napa problenm.

Me mon krwar ki si nou Coast Guard in byen ganny son training, e avek nou Air Wing nou konnen letan en boug pe vole dan nou lanmer.  Nou konnen ki poudir Iranyen pa fer okenn training dan nou lanmer.

Napa okenn dav Iranyen ki anmenn marsandiz Sesel.  Napa okenn dav Iranyen ki sipoze dan nou area.  E nou tou nou konnen, e annou pa frenm nou lizye.  Nou tou nou konnen ki poudir dav Iranyen i anmenn drog.  I anmenn eroin.

Swa i desann sorti anler Iran pou li pa ganny atrape lo lakot Somali bor la.  I desann i fer letour anba, apre i mont lo lakot, i pas anba lo lakot Mozambique, i monte.

I ariv Tanzania e i fer sa bann zafer, wi.  So si nou war sa bann dav Iranyen dan nou lanmer, espesyalman letan zot ganny idantifye, en pti kou ou war zot pe pran keksoz dan bato zot pe zete.  Apre letan ou ariv kot zot, zot dir avek ou zot inosan.

Be konbyen fwa nou’n vwar Ostralyen in atrap zot avek sepa konbyen tonn eroin tou sa bann dil.  Annou pa vin zwe inosan.  Mon enn ki siporte ki nou pran bann aksyon neseser.  E ki mon krwar ki poudir sa Lalwa i en Lalwa enportan, i en Lalwa esansyel.  E tousala i ava tonm dan konteks reform SPDF pou nou al dan en bon direksyon.

Avek sa detrwa parol Mr Speaker, mon krwar mesaz ki nou bezwen dir avek tou bann dimoun, spesyalman nou bann vwazen, letan zot pe vin dan nou lanmer, wi nou lanmer i gran.  Letan zot pe vini, telefonn nou, dir bonzour msye madanm, mon kapab pas en pti kou, mon kapab vin en pti kou.

E apre sa parey Kreol i dir, pangar lisyen.  Akoz nou lisyen, nou lisyen i pou vin nou Coast Guard e nou Coast Guard pou bezwen pran bann aksyon balanse, rezonnen.  Me aksyon serye.  Mersi bokou Mr Speaker.

 

MR SPEAKER

Mersi Onorab Ramkalawan.  Onorab Andre okenn klarifikasyon.

 

HON CLIFFORD ANDRE

Mr Speaker mersi.  Mon ti a kontan fer en klarifikasyon.  Akoz tou lede Onorab Pillay avek Onorab Leader Lopozisyon in koz lo Lalwa Kenya.  Nou bezwen kler, Lalwa Kenya i dir ou dan delo teritoryal.  I annan en diferans ant delo teritoryal EEZ.

Massive difference.  Enn i 12 mil notik, enn i extend up to 200 nautical miles.  So annou kler ki nou pe dir an referans avek Kenya.  Si nou dir dan nou delo teritoryal, mon war li i pli akseptab.  Akoz mon delo teritoryal i dan mon lakwizin mon dakor, i dan mon salon.  Ok?  Me pou mwan klarifye osi Onorab Gill, Churchill Gill, kot in dir poudir Coast Guard pe deza fer.

Coast Guard pe fer arrest anba en lot pouvwar wi.  I pe kolekte levidans, i pe raporte, pe fer tou son bann zafer.  Me selman i pa pe detri bato, i pa pe detri pwason.  Annefe Mr Speaker pou ou dil avek pwason anba SFA Act, anba Fisheries Act ou bezwen al Ankour, demann permisyon Lakour pou ou vann sa bann pwason oubyen zet sa bann pwason.

So ki mwan mon pe dir, e mon’n diskit, mon’n koz avek Onorab Georges lo la.  Nou pe dir ki poudir i annan en paramet dan Lalwa ki obliz ozordi Coast Guard pou fer serten keksoz dan paramet Lalwa.

Pa li ki ale, SFA ki anmenn Ankour, ki anmenn Ankour pou demand sa permisyon.  Be SFA pe fer sa.  So ozordi nou pe dir ki Coast Guard li i kapab laba kot i aret sa bato, dispose of the fish.

Mwan mon pe demande si sa provizyon Lalwa pa la, eski sa i pou anpes Coast Guard aret en bato?  Non! Eski sa pou anpes Coast Guard pran levidans?  Non!   Eski sa pou anpes Coast Guard pran en statement avek sa dimoun?  Non!  Eski sa pou anpes Coast Guard fer hot pursuit?  Non!  So ki mwan mon pe sey dir, mon konpran ki Leader pe dir, mon’n diskit ek li a plizyer repriz. Mon konpran sa ki poudir nou oule anvoy en mesaz.  Me nou still kapab anvoy en mesaz pou dir Sesel si ou vini nou Lakour pou strik avek ou.

Mon pe dir pa tir sa pouvwar avek Lakour e met avek Coast Guard, senp.  Nou pou dil avek zot apropriye, nou pou dil avek zot serye.  Coast Guard pou still al aret zot dan tou trou kot zot ete.  Selman ki mon pe dir, annou …

Leader Lopozisyon in dir en keksoz ki’n dir li i pou siport sa dan paramet Lalwa.  Se sa ki mwan mon pe dir.  Annou travay dan paramet Lalwa pou nou permet nou pei ganny vwar konman enn bann pei ki pe enternasyonalman respekte serten norm enternasyonal.

Akoz nou’n koz zis lo Kenya ek Sri Lanka la.  Mon’n dir zot dan Lenn ki dir.  Mon’n anmenn lezot legzanp, akoz nou’n pran bato ek Lenn, nou’n pran bato ek La Chine, nou pran bato ek …  So sa mon ti a kontan fer sa.  Klarifikasyon Mr Speaker.  Mersi bokou.

 

MR SPEAKER

Ok.  Onorab mon krwar ou’n fer pozisyon kler.  Mersi Onorab.  Mon ava aprezan donn laparol Vis-Prezidan pou son Right of Reply.  Vis- Prezidan.

 

THE VICE-PRESIDENT MR VINCENT MERITON

Mersi Mr Speaker.  Mersi tou Manm Onorab ki’n kontribye anver sa deba.  Mr Speaker, Onorab Andre, mon krwar in fer en gran ekspoze.  Mersi pou konesans lo sa size.  Me selman parey ou, nou osi nou tou nou’n lev nou lanmen drwat.

E nou’n sermante solennman pou defann nou Konstitisyon, defann son entegrite teritoryal e son souvrennte.  E mon krwar se sa ki byensir nou’n pran lot.  Be osi zot pe travay zour e nuit ler nou, nou pe dormi.  Zot pe defann sa dan en fason konkret.

Pa zis la ozordi.  Me depi ler Coast Guard ti ganny kree an 1992, la kot nou’n komansman rev pou fer li vin pli modern.  Coast Guard in travay pou fer sa arive.  E mwan bezwen salye bann zonm ek fanm dan liniform ki’n met tou ater, zot fanmir, met pare pou donn zot lavi pou proteksyon la defans nou Konstitisyon.

Se sa what we stand for, tou dimoun i paret nou dakor avek sa ozordi.  I annan bann diferan moman dan devlopman nou pei.  Komansman la revolisyon, e mon kontan, bomaten en madanm in dir mwan, mon mazinen la ou pe al Lasanble.

Mon tande ou pe vin diskit lo la.  Mazinen ti annan Onorab Ferrari, ti komansman la revolisyon.  Apre ti annan Onorab De Commarmond avek Onorab Gill ti dan milisya.  So sakenn in zwe son rol pou devlopman nou pei.  So sa i bann keksoz ki sa Lalwa pe touse.

Be ler nou retourn lo nou Coast Guard Mr Speaker nou war ki mannyer Coast Guard ti servi Lalwa lezot lenstans, lezot Lalwa pou li kapab desarz sa responsabilite.

So i enportan pou fer, pou al depi an aryer pou gete kote ki nou’n arive.  E kote nou pe ale.  E Onorab Lopozisyon in fer, Onorab Leader Lopozisyon in koz en lakonplisman ki kapab ganny reklanmen par lopozisyon.

I en travay ki an mezir la ozordi nou pe reklanm sa lakonplisman.  Be i annan dimoun ki kontinyen pe travay pou anbelir li.  Fodre pa nou bliye ki an 2016 ler Prezidan Faure ti pran, ti ganny pouvwar, se li ki’n konmans travay en transformasyon profon lo Lafors Defans.

Atraver son striktir, en travay komanse lo Lalwa.  E i en travay ki profon, i en travay ki asarnen.  Me nou’n anmenn sa Lalwa la ozordi.  Akoz pou pran letan pou nou anmenn en Lalwa ki pli profon dan tou son dimansyon.  Nou pou vin avek an Zanvye ler mon vini.  Pou nou kapab prezant sa.

Mr Speaker sa bann propozisyon ki nou’n ganny fer dan seksyon 35(c) (d) (j), i bann propozisyon ki ganny ankadre dan bann Lalwa.  Onorab Leader Lopozisyon in koz lo la.  Onorab Sebastien Pillay in koz lo la.  I pa en keksoz ki Coast Guard pe ganny bann pouvwar i limite. I dan pouvwar ki ganny enplimante, ganny servi dan lankadreman en Lalwa subject to the provisions of this Act and any other written law.  Nou kapab annan serten diskisyon la, propoze dan Staz Komite taler,  ki mannyer pou ankadre li plis pou ki napa okenn labi.

Be selman Mr Speaker fodre osi fer sorti, e bann Manm in dir, ki Coast Guard i pa zis zonm ek fanm.  I zonm ek fanm ki’n ganny train.  Bann zonm ek fanm profesyonnel.  E nou pe travay dan en lankadreman enternasyonal.

Zot a’n war dan sa Lalwa, dan sa Prozedlwa, ki bann lenstriman, bann Trete, bann Konvansyon enternasyonal ki nou bezwen travay ladan.  I pa zis free for all sa.  E sak sa bann Konvansyon i ganny domesticate dan bann Lalwa ki nou’n mete isi.

Bann Lalwa ki pou fors Coast Guard travay an kolaborasyon avek sa bann Lazans responsab pou enplimant sa bann Lalwa.  So i annan tou sa bann mezir prekosyon e proteksyon pou fer sir ki napa labi.

UNODC travay avek nou pou donn plis training nou bann zofisye, zonm ek fanm dan liniform.  Langleter, Lanmerik, La France e lezot pei ki form parti sa nwayo kolaborasyon e korperasyon dan nou rezyon.  Pou fer sir ki nou protez sa ki pou nou.

Nou’n servi bann legzanp dan bann lezot pei ki mannyer zot fer.  Nou’n dir fodre nou pli serye.  Lendonezi i pa koze li.  Ou pe lapes ilegal, i pran en gro bonm i anvoy ek ou, ou fini, demerd ou.

Nou, nou pe dir, annou fer sir ki Lalwa i ganny respekte.  Me an menm tan annou protez sa ki pou nou.  Sa 1.358 milyon kilo met kare ki nou Zone Eksklizif Ekonomik, nou bezwen proteze.

A kwa bon annan resours si nou pa kapab proteze?  Pe konpran sa?  So nou bezwen protez sa bann resours ki nou annan.  E komans protez bann lot resours ki nou pou trouve apre.  I annan sa JME ki Onorab Sebastien Pillay in koz lo la.

I bezwen annan bann zouti ki pou permet ou kapab defann nou lentere ekonomik e lanvironnman-tal.  E se presizeman se sa ki sa Lalwa pe propoze pou nou fer.

E pou detri sa bann levidans, byensir i bann zizman ki bezwen ganny fer lo sirkonstans ki ou ladan.  Ou annan en vye dav, oubyen trennen, mazinen ou’n tyonbo sa deor.  Konbyen met ek Mahe.  E lanmer konmsi, mon pa oule dir bann mo ki, pa dir isi dan Lasanble.

Lanmer konmsi in mesan, laroul par lao nou latet.  Ou bezwen pran en zizman pou gete, eski i vo lapenn trenn sa oubyen ou koul li?  E ler ou pran en desizyon parey sa desizyon pa ganny pran zis par sa commanding officer ki lo sa bato, sa vessel li.  I bezwen ganny relayed avek anvil, avek baz.  E ozordi, mazinen Coast Guard i pa travay li tousel.  I annan Air Wing.

I annan 2 progranm kolaborasyon RCOC.  Regional Cooperation and Coordination Center.  En lofis ki baze isi and Madagascar.  I annan National Information Sharing Center.  Tou sa bann sant la, i partaz lenformasyon real time pou nou kapab konnen lekel ki dan nou delo.

Lekel ki’n dir bonzour, lekel ki’n antre dan komen oubyen lakwizin pe vin vol nou keksoz pou al avek.  So, e nou’n dir si ou VMS, si ou AIS i alimen, nou pou war ou kote ou pe ale.  So i annan en kantite lankadreman bann sirkonstans ki i annan avan ler en tel desizyon i ganny pran.

E 35(c)(2)(j), i dir ou, ou pa, ou annan pouvwar pou fer li.  Ou pa pou toultan konman ou war en levidans ou pou al detri ou.  Akoz ou pou bezwen sa demen ler ou pou al pourswiv sa case Ankour.  So i annan rezonnabilite ki bezwen ganny servi ler nou pe dil avek sa.

E sa laspe rezonnabilite parey lo training ki nou bann dimoun pou gannyen baze lo sirkonstans ki zot ladan.  E baze lo zizman e bann lekipman sirveyans ki nou annan pou ou kapab capture serten levidans ki demen nou kapab servi. E ki admisible dan Lakour.

So, akoz nou’n perdi bann case Ankour?  Nou pa’n perdi bann case Ankour akoz nou’n detri levidans, akoz serten technicality ki avoka i sharp.

Sak pti trou zot pou antre ladan pou kapab ganny en case.  Zot pe konpran sa?  E konmsi mon ti a kontan fer kler sa.  Nou pa rapel kan nou’n deza perdi en case lo detri levidans.  So, well pa’n dir sa mwan.

Mr Speaker en lot pwen ki’n servi, i annan dimoun in koz, in fer referans avek Lenn.  Lenn i annan son Lalwa, nou osi nou annan sa ki pou nou.  Nou partaz bann leksperyans.  Me selman Sesel i reste en pei souvren.  E nou pran bann aksyon, nou met dan nou Lalwa sa ki aplik epou nou.

Akoz Sesel napa en balizaz dir li.  Sesel son balizaz se delo sale.  E ou konnen, zot konnen e zot in apresye, zot in dir, ki mannyer i difisil pou nou kapab sirvey sa balizaz.  E alors nou bezwen vin ek bann Lalwa ki pou permet ou kapab bouze.

E mon apresye ki ler Onorab Leader Lopozisyon i dir, i annan konfidans dan nou bann zofisye Coast Guard anba direksyon letan Kolonnel Rosette.  E osi mon kontan ler Onorab Andre i dir koumsa sa bann amannman ki nou pe vin ladan, sa bann konponan i bon.

Se dan sa lespri ki nou’n get, nou oule get sa lamannman.  Akoz mon krwar poudir malgre sa bann, mannyer i ava pase.  Me i annan checks and balances ki toultan egziste, pou nou fer sir ki sa ki nou pe fer i byen.

nou pe swiv let Lalwa e let lespri Konstitisyon.  Pou nou, enn protez sa ki pou nou, si en dimoun in kas nou lareg i annan en drwa to fair hearing.  Me an menm tan sa ki pou nou i pou nou.  Si pa nou ki defann, lekel ki pou defann?  Mr Speaker nou kontinyen travay pou empower nou Coast Guard.

Onorab Andre in koz lo la taler.  Ki i ti form parti en lekip pou travay lo serten dokiman.  Mon pa ti okouran.  E mon apresye mon kontan mon’n konn sa ozordi.

E fodre vwar ki i annan en kantite travay ki in ganny fer dan lepase, RAV4.  Apre dan bann lezot attempt ki’n ganny fer.  Be selman ti en diskisyon ant, avek SPDF, avek Biro Attorney Zeneral.

E mon krwar la i le moman pou nou fer antre sa, antretan ki en Lalwa pli profon i vini, parey mon’n dir taler.

Onorab John Andre, John Hoareau, in dir, si en bato in drive i pe demann claim pou en lasenn pase, ti a pase li, akoz nou pou’n war li nou.  Ou pa’n vin tenny nou bato koman ou antre lo nou balizaz, apre pou fer ou bann dil, apre pou dir nou sa.  So i annan teknolozi modern ki nou kapab servi pou nou konnen lekel ki genuine e otantik.

Bato in fre, e pou nou kapab gete ki kalite aksyon, ki kalite soutyen e sipor ki nou donn zot.  Nou toultan, malgre nou’n dir nou bezwen sever, nou toultan annan en leker imen. Pou kapab ed bann dimoun, pou kapab fer sir pou ki si zot vre, zot annan rezon genuine pou vin isi, nou ava ed zot apre zot ava al se zot.  Be selman si ou pe vin vol nou keksoz, nou vin menas lavi nou bezwen dil avek ou.

Vwala Mr Speaker bann pwen ki mon ti annan pou, as a Right of Reply konsernan bann komanter ki bann Onorab in mete.  Prezan mon apresye bann pwen ki’n mete, nou tou nou pe dakor pou al dan menm direksyon.

E mon krwar se sa fason ki nou pou ale pou nou protez nou teritwar, pou nou protez nou resours.  E pou fer sir ki nou kapab eksplwat  sa ki pou nou dan lentere e benefis nou popilasyon.  Mersi Mr Speaker.

 

MR SPEAKER

Mersi Vis-Prezidan.  Bon, moman in arive pou mon put the question to the House.  Pou Lasanble pran en desizyon pou pran en vot lo merit e prensip sa Prozedlwa ki devan nou.  Savedir Defence (Amendment) Bill. Mon ava demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Speaker.  Vote unanimous.  Tou le 30 Manm prezan in vot an faver sa Mosyon.  Mersi.

 

MR SPEAKER

Mersi Madanm Deputy Clerk.  Eski nou kapab ganny en Formal Second Reading.

 

MADAM DEPUTY CLERK

Mersi Mr Speaker.  A Bill for an Act to amend the Defence Act (Cap 58) to provide a legislative framework for the Seychelles Coast Guard, to repeal both the Seychelles People’s Navy and the Seychelles People’s Militia.  And for matters incidental thereto.  Mersi Mr Speaker.

 

MR SPEAKER

Mersi Madanm Deputy Clerk.  Bon nou pou, eski nou pou al dan Staz Komite?  Mon kapab demann Chair Bills Committee, Onorab Georges.

Yes nou pou al dan Staz Komite.  Ok, Sarge nou ava move Mace.  Lekel ki pou prezant bann amannman?  Yes Onorab Georges.

 

HON BERNARD GEORGES

Mersi Mr Chair.  Konsyan ki bokou Manm i reste lwen.  E ki kot zot in fini fernwanr.  Nou annan zis detrwa pti amannman ki Mr Knights avek mwan, anfen avek mwan, avek Bills Committee nou’n travay lo la.  Mr Chair avek ou permisyon mon kapab koz an Angle pou Mr Knights swiv nou?

 

MR SPEAKER

Wi Onorab Georges.  Yes you can.

 

HON BERNARD GEORGES

Mersi.  Mr Knight and I have worked and the Bills Committee through me have worked on a number of small amendments.  I think that we are basically agreed on all of them.  But there are a couple that we need to bring to the attention of the House. 

There we go.  Mr Chair these amendments has already been circulated in a track version to the Minister, the panel and the House. 

There is a small amendment in the long title to the Bill which I don’t think is disputed. 

The inclusion of the word references to navy and militia.  There is a small amendment in Clause 2(d).  Deletion of the word’ with.’ 

And then we had highlighted this Clause.  But to be frank, neither Mr Knight nor I could work out why it had been highlighted. 

So I don’t suppose there are any further amendments to it.  There is an amendment to the same Clause, but paragraph (h). 

Where instead of deleting the word ‘or militia’, we have amended it to repeal the words ‘comma, air force or militia.’ 

And to replace it with the words or ‘air force’.  In Clause (i), same clause 2(i) there are 2 deletions ‘or the militia or both ‘we’ve added ‘or both’.

And then further along in the same Clause, we had both missed ‘or the militia.’  Which is also to be deleted obviously.  Because militia is being deleted throughout.

The next amendment is in the definition of the word ‘ship.’  Again it’s only stylistic includes badges, jet skis, sea planes and other similar craft and vessels. 

So we just change the words round a little.  But the structure does not change.  ‘Trafficking in persons’, we have inserted in the plural instead of in the singular. 

Because the law prohibition of trafficking deals with it in the plural.  Then we have proposed new section 35 capital B(2).  There is a structure there which we need to rework.  Which reads ‘the Coast Guard and each Member of the Defence Force thereof.’ 

The intention is to say, that the Coast Guard and each Member of the Defence Force assisting the Coast Guard in an operation, shall etcetera. 

I, or at least the Bill Committee had a problem ‘with Defence Force thereof.’  And we proposed ‘that Coast Guard and each Member of Defence Force assisting it in an operation ‘shall…’ 

If that is acceptable, thank you.  And then the 2 very small amendments in the same section 35(2) (a) where Police Act should read Police Force Act, which is the correct name of the law. 

In the next bit we have anglicized the word ‘authorise’ with an ‘s’ instead of the ‘z’.  Trafficking in persons again paragraph (P). 

And we eventually come to the issue raise by Honorable Clifford Andre.

Mr Speaker in order to try and get agreement on this.  Allow me to say by way of introduction that the Clause 35 capital (C) has itself got a number of provisos.

        The first proviso is in the chapeau, which says that or rather in 36 capital (C), subsection 2.  The first proviso is consistent with international law as the Vice-President has reminded us.  Everything that happens, has to be done as to be consistent with international law.

        In paragraph (G), which is the offending paragraph.  There is another proviso which is, ‘that everything must be subject to the provisions of this Act or any other written law. ‘

And finally the proviso at the bottom after (h).  Provided that the arrested person, extra and any evidence shall be preserved, shall be handed over to the police. 

o there are number of provisos to allay the fears of Honorable Clifford Andre.  However I would like to propose in all the forests, not to lose this provision entirely, to suggest words that I’ve taken from the Evidence Act.  And that (g) will read, ‘’instead of just dispose of any fish’’ etcetera.  That it will read, ‘’dispose if there is no other reasonably practicable manner of dealing with them, without incurring undue delay or expense, any fish of any fish’’ etcetera,  etcetera.

So we are adding another layer of protection.  The provision will remain.  You can still dispose of all these things. 

But only if there is no other reasonably practical manner of dealing without incurring undue delay or expense.  As I said these words come from Evidence Act.  They are not new words.  I would like to suggest this to the House.

 

MR SPEAKER

One moment Honorable.  Yes Honorable Pillay.

 

HON SEBASTIEN PILLAY

I am fine with it.  Maybe why don’t we use the word ‘impractical?’ 

Why don’t we use the word impractical rather than go through the long winded version of it?  Impractical.

 

MR SPEAKER

Honorable Georges.

 

HON BERNARD GEORGES

For the simple reason that I have taken those words from the Evidence Act Mr Chair.

I did not want to introduce new words.  I just wanted to use words which are tried and tested in the law.

 

MR SPEAKER

Ok, carry on.  Yes Honorable Andre.

 

HON CLIFFORD ANDRE

Thank you very much Mr Chair.  Mr Chair whilst ki proposal of Honorable Georges introduces elements that provides some safeguards to my concern.  But would it be possible or practicable having spoken about the Kenyan Law, that will introduce territorial waters as part of that particular section? 

The reasons why I am saying this, is giving the opportunity to the Coast Guard as far as is practicable,  connotes, as I was saying, another additional duty. 

Because they will have, they will have to look at the practicability of collecting the evidence and then making a decision based on this. I understand why we want to leave it here.  And anyway it’s a democratic society.  The majority would prevail.  But I am just trying to show us a point that is also consistent with international law in the line  that we are going. 

So if we insert ‘territorial waters.’  Because internal water is 3 nautical miles, territorial water is 12 nautical miles.  So allowing within the 12 nautical miles, where territorial waters where innocent passage is safeguarded in the territorial waters. 

So I am saying in consistent with international law  let us try to insert ‘territorial waters.’  I don’t know whether Honorable Georges will agree with me or would not.  Thank you.

 

MR SPEAKER

Thank you Honorable.  One second Onorab Georges.  Honorable Pillay.

 

HON SEBASTIEN PILLAY

Thank you Mr Chairman.  Mr Chairman I think we have to be cognizant of the fact that with the element of all pursuit, pursuit continues in the international waters.  And you don’t want to blur the lines between what is happening. 

So I think there is a reason why in our case, we need to ensure that we keep this, we give the Coast Guard as wide powers as possible for them to do what they have to do. 

And Sri Lanka does not include territorial waters.  I think there must be a reason why Kenya is included. But in our case given what we have to lose, I think it is more prudent to keep the Clause as is rather than to introduce territorial waters.  Thank you Mr Chairman.

 

MR SPEAKER

Thank you Honorable.  Honorable Georges.

 

HON BERNARD GEORGES

 I will tend to agree Mr Chair.  All of our resources are out in the EEZ.  They are not our territorial waters.  They are out there. And it is there that we need to protect them.  I fear that if we put territorial waters, it will be a toothless bulldog. 

 

MR SPEAKER

Honorable Andre.

 

 

HON CLIFFORD ANDRE

Thank you Mr Chair.  You see, my concern is that this provision as is, or even if it is not there, does not stop the Coast Guard from as I was saying collecting the evidence.  Doing whatever, arresting.  It does not stop them from doing this.  What I am saying is that for them to deside to dispose of this issue.  That is my concern.

 To dispose of the fish, of the vessel, of air craft.  They can see the aircraft, bring … They can see the aircraft. 

Because this is given to them.  My concern is, even if we put this disposal in the territorial water, does not stop them from arresting a vessel in the EEZ that is committing an offence. 

For the disposal element is what I am saying, our resources are in the EEZ beyond the territorial waters.  But you will stop them.  You arrest them.  You see the vessel, you bring them back to Seychelles, ok for prosecution.

You will destroy it or dispose of it, while it is in the territorial water.  That’s why there is a difference between Kenya.  That’s what they said.  The other powers you have in your water. 

This is the Seychelles EEZ.  The power is given to the Seychelles EEZ.  So you can do the arrest.  But disposal in the territorial waters, my proposal is disposal only.

 

MR SPEAKER

Thank you Honorable Andre.  May  I have comments from Mr Knights, please?

 

LEGISLATIVE DRAFTER STEPHAN KNIGHTS

Thank you Honorable Speaker.

Honorable Mr Andre.  The law is perceivably clear. You can only dispose of the fish, the articles, the goods, the ship or the aircraft subject to whatever law says you can do that. 

The Fisheries Act you can dispose of certain things in accordance with the provisions therein.  So for instance with respect of the disposal of fish.  You have to get an order, goods.  So they can only dispose of it once they get an order, right?  So this defeats the whole battle of this provision. 

So I really cannot understand why we still arguing over this provision.  Because even if as you said, even if you remove it, they still have the powers because you have given them the powers to do so.  So why not keep it?

 

MR SPEAKER

Thank you Mr Knights.  Vice- President.

 

THE VICE-PRESIDENT MR VINCENT MERITON

Thank you Mr Chairman.  I think the fact that we have included paragraph (G) is we want to show that this amendment we are giving this power to the Coast Guard but subject to other laws that exist already. 

And what we are doing is good.  So why remove it if it is for the good of the country?  Thank you Mr Chairman.

 

MR SPEAKER

Thank you Vice-President.  Honorable Georges.

 

MR SPEAKER

Thank you Vice-President.  Honorable Georges.

 

HON BERNARD GEORGES

I am easy Mr Chairman.  I’m happy to go along with it.  In fact with the explanation given by Mr Knights, which is the one we’ve been following all along, we don’t need even with the amendment that I have proposed.  It’s surplus to requirements.  In fact it will inhibit the Coast Guard in this operation even further.  Personally I’m happy with the Clause as it is in the Amendment Bill.  I’m only proposing something in order for us to get consensus, instead of us having to go to  a vote.

 

MR SPEAKER

Thank you Honorable Georges.  Ok I’m going to put a stop to this argument.  If there’s a proposal for an amendment we’ll put it to a vote and if it’s negated or I don’t know negative, whatever the vote is negative, we will carry on and we will remain with what we have.  What is the proposal Honorable Andre we’ll put it to a vote.

 

HON CLIFFORD ANDRE

(Off-Mic)

 

MR SPEAKER

Yes, for the amendment your proposal for amendment. Are you proposing an amendment?  If not we’ll carry on.  You’ve made your points and the panel has answered and there’s been counter arguments and all that.  Unless you have a proposal for an amendment you can actually put forward and we’ll put it to a vote.  Yes go ahead.

 

HON CLIFFORD ANDRE

Thank you Mr Chair.  Mr Chair based on what Mr Knight have said, my proposal is to remove it completely, because there are laws that take care of it, my proposal. Thank you.

 

MR SPEAKER

 So you moved that as amendment ok? Anyone to second the amendment? Ok, if there is no secondment it falls, the amendment falls ok?  So we carry on, Honorable Georges.

 

HON BERNARD GEORGES

Well in that case Mr Chair we don’t have to unless the panel’s want the words  that I have added we can vote on the – well, we just can move to the next amendment which is 35(D).  Under 35(D) the Coast Guards shall not stop etcetera.  And in the last line ‘’is innocent passage’’ I propose that we say ‘’constitutes innocent passage’’, instead of ‘is.’ So if the passage of the ship or aircraft in the maritime zone, constitutes innocent passage.  If it is innocent passage then they can’t be stopped.  But it’s only stylistic.

 

MR SPEAKER

Is the panel in agreement?

 

HON BERNARD GEORGES

Panel wants to stay with ‘is’ or ‘constitutes’ is fine?  Ok?  Those are the amendments Mr Chair.  If you put the Bill to the vote now the (G) will be as it is in the amended Bill.

 

MR SPEAKER

Thank you.  Any other amendments from the floor? Non?  Ok we will take a vote on the amendments, and we need to second the amendments.  Yes Honorable Sebastien Pillay?

 

HON SEBASTIEN PILLAY

Thank you Mr Chair. That the second proposition for amendment shall be made by the Chair of the Bills Committee.

 

MR SPEAKER

Thank you.  Bon nou retourn an kreol nou pour pran en vot lo bann amannman, Bill as amended.  Mon ava demann tou Manm ki an faver? Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair, 24 Manm in vot an faver e personn kont.  Mersi.

 

MR SPEAKER

Mersi Madanm Deputy Clerk.  Mon ava demann Sergeant pou move Mace pou nou retourn  as an Assembly pou nou reconstitute.

Eski mon kapab ganny en Mosyon pour Third Reading?

YesHonorable Charles De Commarmond.

 

HON CHARLES DE COMMARMOND

Yes Mr Speaker sir. Mr Speaker under the 71(1) of the Standing Order i move that the Defense (Amendment) Bill, 2020 as amended is read a Third Time.  Thank you.

 

MR SPEAKER

Mersi Onorab De Commarmond.  Okenn Manm ki segonn Mosyon?  Yes Onorab Sylvanne Lemiel.

 

HON SYLVANNE LEMIEL

Mosyon i ganny segonde.  Mersi.

 

MR SPEAKER

Mersi Onorab Lemiel.  Nou kapab pran en vot pour Third Reading, on the Bill as amended.  Tou Manm ki an faver? Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Speaker, 23 Manm in vot an faver e personn kont.  Mersi.

 

MR SPEAKER

Mersi Madanm Deputy Clerk.  Eski nou kapab ganny en Formal Third Reading?

 

MADAM DEPUTY CLERK

Mersi Mr Speaker. This Act may be cited as a Defense (Amendment) Act, 2020. Mersi Mr Speaker.

 

MR SPEAKER

Mersi Madanm Deputy Clerk, savedir Defense (Amendment) Act, 2020 in ganny aprouve par Lasanble Nasyonal. Bon avan mon eskiz Minis nou pou pran sa lot Bill pou ozordi, avan mon eskiz Minis, mon zis anvi fer en pti komanter, akoz mon pa ti kapab fer en pti komanter avan pou mwan lenfliyans okenn deba.

Mon ti anvi zis dir poudir wi sa ti enn mon rev ki mon’n share ek plizyer Manm enkli Onorab Ramkalawan, me osi tou avek Colonel Rosette.  E mon krwar koman 2 zenn ki nou’n lekol preski ansanm, se sa ki the way forward ki nou ti anvi vwar pour nou Coast Guard.

Mon kontan ki nou’n tir Seychelles Peoples Navy in vin Seychelles Coast Guard, i fer mon vin mon lot pwen ankor ki mon’n fer sorti toultan, pou nou al pli lwen.  E petet  evite dir pou vini pli tar dan bann lezot lamannman pou sanz Seychelles Peoples Defense Forces pou vin Seychelles Defense Forces, ok?

E mon swete sa osi i ava vini.  Me i gou pou reve e parey toultan mon dir ek bann zanfan lekol even Barack Obama ti reve ki en zour i ti pou diriz enn bann pli gran pwisans dan lemonn.  And he did it.  Ok? So Vis-Prezidan, Mr Knights, Colonel Rosette ankor enn fwa mersi bokou e mon ava prezan eskiz zot parmi nou.

 

 

(THE VICE-PRESIDENT AND HIS DELEGATION WAS EXCUSED FROM THE HOUSE)

 

MR SPEAKER

Bon avan nou adjourn mon zis anvi fer bann Manm an vi lanons ki Onorab Ferrari in fer, nou Sekretarya in  komans fer bann demars pou regard tou bann lozistik.  Mon swete ki par demen bomaten nou ava’n kapab ganny tou bann keksoz e nou a kapab partaz avek zot.  E from then, nou a kapab envit bann stakeholders pour sa meeting ki nou pe progranmen pou Lendi.

Parey mon’n dir Employment (Amendment) Bill 2020, (Bill 19) i ava pran priyorite pou nou travay semenn prosenn, akoz nou konnen deor poudir tou bann stakeholders pe atann nou.  E sirtou bann anplwayer, bann anplwaye zot osi zot pe anxious regarde ki desizyon ki pou ganny pran.

Avek sa mon napa okenn lezot lanons pou mwan fer.  Zis pour mwan dir ankor Order Paper i ava sorti demen, mon swete avan midi nou ava’n fini pare.  E Lasanble i ava repran son travay Mardi prosen, Mardi le 19, 9er bomaten.  Lasanble i adjourn.

 

(ADJOURNMENT)