::
Home » Verbatim » 2020 » Verbatim Tuesday 19th May, 2020

Verbatim Tuesday 19th May, 2020

NATIONAL ASSEMBLY OF SEYCHELLES

 Tuesday 19th May, 2020

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab, e bonzour tou dimoun ki a lekout e pe swiv travay Lasanble Nasyonal. Bomaten nou rankontre pour kontinyen nou travay e lo Order Paper bomaten nou annan serten dokiman ki Presentation of papers, nou annan en PNQ en Private Notice Question ki pe anmennen par Leader Lopozisyon.

E apre sa nou annan kontinyasyon deba lo Employment (Amendment) Bill,  e nou annan ankor 4 lezot Bill ki lo nou Order Paper ki pe swiv.   Apre sa nou annan nou 2 Mosyon osi lo nou Order Paper.  Nou ava demar toudswit e mon ava donn laparol Madanm Deputy Clerk ki pour lir Paper’s laid.  Madanm Deputy Clerk.

 

MADAM DEPUTY CLERK

Mersi Mr Speaker.  Bonzour Mr Speaker.  Bonzour tou bann Manm e tou dimoun i a lekout.

Papye ki pe ganny prezante ozordi i;-

S.I 67 of 2020 Seychelles Martine Safety Authority Appeals Board, (Qualifications and Experience) Regulations 2020.  Mersi Mr Speaker.

 

MR SPEAKER

Mersi Madanm Deputy Clerk e mon ava demann Parliamentary Reporter pou fer rantre Minis pou nou kontinyen avek nou travay.  Yes Onorab Ramkalawan.

 

HON WAVEL RAMKALAWAN

Mersi bokou Mr Speaker.  Bonzour Mr Speaker tou koleg Onorab ek tou dimoun ki pe ekoute.  Mr Speaker dernyen fwa mon ti raise en size konsernan bann numbering of bann Acts.  E i resanble ki, ok zot in pran desizyon zot in sanz serten keksoz.  Me mon anvi port a ou latansyon ki poudir i annan an 2017, konmsi ti a kapab averti AG’s Chambers tou poudir 2017 tou i annan en pe fot tou ki bezwen fer rektifikasyon e mon ava fer ou lofis ganny bann sanzman. Mersi bokou.

 

MR SPEAKER

Mersi Onorab Ramkalawan.  E se sa ki mon ti pe dir i byen ki bann manm i alert nou fer sir ki, pandan sa bann moman i annan bokou sa bann SIs ki’n sorti, nou’n deal ek osi bokou bann Bills e i enportan ki nou fer si ki nou ganny tou keksoz korek even an kontan son bann numberings. Mersi Onorab.

Bon, mon ti a kontan dir bonzour e welcome Minis Didier Dogley ki responsab pour Tourizm, Lavyasyon Civil, Por e Marine.  E Minister i ganny akonpannyen par Mr Joel De Commarmond ki Head of Human Resources and Facilities at Air Seychelles.  Minister ek Mr De Commarmond bonzour e welcome dan Lasanble Nasyonal.  Nou ava pas toudswit aprezan lo PNQ.  Mon ava donn laparol Leader Lopozisyon Onorab Wavel Ramkalawan.

 

HON WAVEL RAMKALAWAN

Mersi bokou Mr Speaker.  Bonzour Minis bonzour Mr De Commarmond.  Plezir pou war garson enn nou bann MNAs dan Lasanble.  Felisitasyon!  Mersi.

Mr Speaker, vi ki Air Seychelles pe pas dan difikilte finansyel e pe resevwar lasistans avek Leta, eski Minis responsab pou Tourizm i kapab dir sa Lasanble;- enn – akoz ki sa pozisyon pou en Chief Commercial Officer pa’n ganny pibliye enteryerman dan lakonpannyen, pou regarde premyerman si napa Seselwa kalifye ki kapab fer sa travay?

Dezyenmman eski Air Seychelles pe fer sa travay anba, anba pou re anploy sa menm etranze ki pe kout lakonpannyen plis ki R300mil, pour son lapey ek lakaz lo Eden Island?

Trwazyenm, avek tou sa lensertitid dan lendistri lavyasyon avek Air Seychelles ki’n re pozisyonn li koman en lenstitisyon rezyonal, e ki zot pour kontinyen pey sa bann gro sonm etranze, e eski pa ler pour fer Air Seychelles en lakonpannyen vreman Seselwa, e finalman ki’n arive avek progranm understudy dan Air Seychelles pour Seselwa pran sa bann pozisyon parey zot ti promet?  Mersi bokou.

 

MR SPEAKER

Mersi Onorab Ramkalawan. Mon ava pas laparol avek Minis Dogley.

 

MINISTER DIDIER DOGLEY

Mersi Mr Speaker e bonzour tou bann Onorab e tou dimoun ki pe ekout dan lakour.  Mr Speaker mon pou esey reponn sa bann kestyon dan en statement, akoz laplipar sa bann kestyon i lye avek kanmarad olye ki pran zot enn par enn.  Biznes airline i enn ki tre konpetitiv, konplike e enn ki annan posib bokou risk.  Gouvernman in toultan war Air Seychelles dokiman en zouti enportan dan nou devlopman sosyoekonomik, e pandan plizyer deseni in envestir dan devlopman sa lakonpannyen enkli ki son mendev.  Avek liberalizasyon nou air space an 2009 kot  nou’n vwar bokou plis lakonpannyen avyon pe deservi Sesel, nou’n bezwen rod nou en lot model pou fer sir Air Seychelles i kapab avek sa bann konpetisyon.

Sa i nesesit anmenn serten ekspertiz ki avek letan nou’n kapab redwir a en minimum.  Gouvernman in toultan envestir dan devlopman mendev lokal.  Bokou bann post dan Gouvernman kot oparavan nou ti vwar etranze, ozordi nou vwar seselwa e Air Seychelles i pa an leksepsyon.  Pou nou i tre kler ki tan ki i annan seselwa kalifye, nou pou bezwen donn priyorite nou Seselwa. Me nou bezwen osi pran konsyans ki avek n popilasyon mwens ki 100mil dimoun, i pa toultan posib pou nou annan seselwa pli kalifye ek bann leksperyans neseser dan tou domenn a toultan.  Sa ki enportan se ki i annan en zefor e en plan byen organize pou progresivman travay ver sa bi. Depi 2017 ler Sesel ti ganny restriktire pou vin en airline rezyonal, en gran zefor in ganny fer pour redwir son mendev etranze e a en minimal.

Ozordi Air Seychelles i annan 11 travayer etranze, 7 ladan in fer arete ki fer ki Air Seychelles byento pou annan selman 4 travayer etranze dan sa lakonpannyen.  E sa i mwens ki 1poursan total travayer ki Air Seychelles i pou annan. Air Seychelles in advertise sa post Chief Commercial Officer depi Merkredi le 13, ziskan Lendi le 18 Me.

An tou sa post in ganny advertise nasyonalman pandan en peryod 5 zour dan zournal nasyon.  I osi ti annan diskisyon laba dan management Air Seychelles kot tou bann dimoun ki dan management sa lakonpannyen ti ganny met okouran poudir sa post pou ganny advertise pandan sa peryod.

Sa advert in envit nenport dimoun ki krwar i annan kalifikasyon ek leksperyans neseser pou anvoy son laplikasyon.

Alor i kler ki Air Seychelles ti napa okenn lentansyon pour fer zafer anba, anba pou re anploy sa menm etranze. Plan Gouvernman i kler konsernan annan Seselwa pour travay lo tou nivo dan Air Seychelles, e nou’n ger bokou progre dan sa direksyon. Mon pa krwar ki i annan okenn dout lo sa size, me nou osi konsyan pour ki serten post i pli fasil ki lezot.

Ler ou lo lasenn enternasyonal irespektiv, rezyonal ou long haul, konpetisyon i reste parey akoz ou annan preski bann menm konpetiter ki ou bezwen deal avek, eski ou napa en tim ki for e kapab, ou pa pou sirviv dan sa biznes.

Alor menm si nou bi se pour Annan 100poursan Seselwa pe travay dan sa lakonpannyen ou pa kapab tay avek sa prosesis.  Ou pou bezwen fer li dan en fason ki ou pe met sa lakonpannyen an danze.  Pandan sa dernyen 3an Air Seychelles pandan sa progranm understudy in arive ranplas bokou bann zofisye etranze.

Parmi ladan i annan Head of Flight Operations, Chief Pilot Jet Fleet, Head of Crew training, Head of HR, Head of Corporate Affairs, Head of Cargo, Chief Operations Officer, Chief Finance Officer, e Manager line maintenance international. Dan ka sa post Chief Commercial Officer i ti annan en staff lokal ki ti pe understudy li me mon’n aprann ki malerezman sa dimoun li in deside pou li arete.  Me nou bezwen osi pran konsyan ki avek – (sorry mon’n re tous ankor lo mon papye, dezyenm.)  Speaker mon ava aret la;- annefe sa ti mon statement konplet ki mon ti pe fer bomaten.  Mersi bokou.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi bokou Mr Speaker. Mr Speaker mon anvi premyerman demann avek Minis, sa Mr in ganny anploye depi 2018, e letan ou pe dir eski ti annan zis en dimoun ki ti pe understudy li oubyen dan sa Departman akoz ki mannyer letan ou regard sa advert, e letan ou regard sa job description ki definitivman en dimoun pa pou kapab fer sa travay li menm;- i bezwen annan en lekip otour li.  Be pandan sa 2an la konmsi dan sa lekip la oule dir mon napa seselwa ki’n kapab master en pe ki mannyer bann keksoz i deroule, pour ki espesyalman pour ki Air Seychelles parey mon’n demande dan mon kestyon i nepli regional?

E letan nou pe balans regional e la dan sa sityasyon kot South African Airways nou pa konnen si i pou anvol ankor. Air Mauritius nou pa konn son pozisyon.  Air Seychelles i al Bombay e Air India pa pe vin Sesel.  Alors napa konpetisyon, Air Seychelles i al Madagascar napa konpetisyon, parski Air Madagascar pa vin Sesel. Air Seychelles i fer chartered flights avek laba Izrael, e ki ankor enn fwa napa konpetisyon.

Alors kestyon ki mon pe demande se sa volim travay ki nou pe demann sa dimoun, eski dan Air Seychelles li menm napa sa dimoun ki zot in kapab pouse ankor Seselwa, pou nou kapab fer ankor konmsi sa ranplasman? Letan sa msye ti ganny apwente, ti annan en kondisyon ki Minis Loustau-Lalanne ti dir nou dan sa Lasanble e both letan Onorab Sebastien Pillay avek mwan menm, nou ti demann kestyon ti dir ki i annan en kondisyon e sa i pou bezwen increase reveni Air Seychelles par 3poursan sak lannen.

Savedir premye lannen in sipoze increase li par $3milyon e dezyenm lannen par en lot $3milyon, eski the present one ki mannyer mon konpran, eski zot pe pouse pou li re ganny apwente? Eski in fulfil sa kondisyon dan son Kontra?  E nou’n war reveni Air Seychelles pandan sa 2 dernyen lannen ozordi la i en pe ok avek COVID (la mon pa pe koz lo 2020 me dan sa 2 dernyen lannen) me eski in fulfil sa kondisyon pou li ogmant reveni Air Seychelles?

E lo kestyon rezidans bann etranze ki travay Sesel, akoz ki sa zofisye etranze i ankor pe reste Eden Island, kan Air Seychelles ti tonm dakor pou li fer en rediksyon lo peyman rental?  E lanmenm ler ki zot ti pran lakaz La Rivière Anglaise dan bann flats, ensidswit. Akoz ki li i ankor Eden Island kot peyman laba i ser?

Apre sa mon anvi demande vi ki bann pilot Air Seychelles, in  resevwar en let date le 20 Avril ki poudir zot pou ganny peye lo rate Dolar R13.92sou e ki alor zot pou pran en rediksyon dan zot lapey, eski sa let ki pilot Air Seychelles in gannyen, eski sa kondisyon travay e kondisyon peyman, pou osi aplik pour tou bann staff Air Seychelles ki ganny peye an Dolar? Pour ki tou dimoun i pran en koupir e non pa zis en pe?  Mersi bokou.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker. Mr Speaker konsernan konpetisyon rezyonal, mon ti a voudre dir avek Onorab Ramkalawan poudir, par egzanp ler nou’n regard Air Seychelles i ti pe al Moris, mon a donn ou koman en legzanp, e pandan tou sa letan nou pa ti war Air Mauritius pe vin Sesel e toudenkou nou war Air Mauritius vin Sesel, e pandan sa peryod ki i ti pe servi sa laliny, definitivman i ti pe pran biznes avek Air Seychelles.  E lide sete sa lepok sete pran pa zis biznes ki al direkteman ant Sesel ek Maurice, be pran biznes osi avek Air Seychelles ki al Sud Afrique akoz  ou zis annan en stop Maurice, apre ou kontinyen ou kapab al Sud Afrique.

Akoz zot annan bokou plis flight ki deservi bokou plis landrwa depi Cape Town, depi Durban depi Johannesburg.  En dimoun ki ti pe al Cape Town ki ti pe al avek Air Seychelles i ti pou end up Johannesburg apre i pou bezwen pran en lot flight pou li al Durban ouswa al Cape townNow si ou ti pe servi Air Mauritius ki ti’n koup son pri bokou pli ba ki pour Air Seychelles, ou ti pou war poudir the competition ki mannyer i ti pe organize, se pour pran totalman biznes avek Air Seychelles, ki pe al pa zis pe al Maurice . Me ki e la Sengapour,  Sa i en legzanp.  Lo lot kote osi ti annan konpetisyon.

E probableman ler i rekonmanse pou annan ankor konpetisyon avek Ethiopian Airways ki li i ti’n bes son bann pri bokou pli ba ki, e pou dimoun ki pas atraver Addis Ababa, pou al Sud Afrique;- ki dan en fason pou pran biznes avek Air Seychelles ki pe al direk.  E en dimoun ki annan ase letan pou li i pa en problenm pour pran en flight 3erdtan pou al Addis, epi konekte Desann pou al Sud Afrique a en pri ki bokou pli ba ki Air Seychelles pe fer.

Alor ki mon ti pe sey eksplike dan sa 2 legzanp?  I annan ankor bokou plis legzanp ki mon kapab donnen, se ki konpetisyon menm si ou rezyonal i pa vedir poudir i bokou pli mwens ki borde ou enternasyonal.

Konpetisyon i toultan la e tou bann airlines ki pe operate, akoz biznes i ase limite.  E i annan en kantite risk  i annan en kantite zefor ki pe ganny fer pou undercut bann propozisyon, ouswa bann offer ki bann lezot lakonpannyen aeryen  i ganny mete.  Alor menm kantmenm Air Seychelles ti pe fly selman rezyonal e i pa vedir ki bann konpetisyon was bokou mwens ki i ti ete avan.

Dezyenm kestyon, ou’n demande konsernan kontra sa dimoun ki ti annan en kondisyon 3poursan pou sa Chief Commercial Officer ki i ti bezwen ogmant toulezan son reveni ki antre dan Air Seychelles. Depi ler sa dimoun in vini, sa ki mon okouran se ki kestyon ki nou ti’n donn li travay ki ti’n ganny demande pour fer se, apard ki bann sa 3 destinasyon ki Air Seychelles ti pe deservi ou 4, ler i ti komanse ti annan Abu Dhabi, ti annan Sud Afrique, Moris apre ti annan Bombay.  So ki mannyer first of all i cut cost lo bann depans ki Air Seychelles ti pe fer?  Akoz Air Seychelles ti pe perdi larzan sa lepok.  Premye keksoz ki ti bezwen fer se ki mannyer ki ou cut ou koup sa pert epi increase reveni at the same time.

E enn bann keksoz ki bann desizyon ki ti ganny prn pandan sa bann lepok, se pou aret sa bann flight ki al Abu Dhabi, akoz i ti kler pou ou al Abu Dhabi avek Etihad ki pe deservi Abu Dhabi ki annan bokou plis resours ki nou, nou annan, i kler pou dir zanmen nou ti pou kapab fer byen lo sa laliny. Alor lo zis ki nou’n koup sa laliny i ti kapab redwir lakantite pert ki i ti fer.

Dezyenm keksoz ki li in fer komansman lannen pase se ki in travay lo sa bann charter sorti Izrael, akoz sa en keksoz ki a ti’n ganny demande pou vwar, se apard sa bann laliny ki nou ti pe fer, lekel lezot laliny ki annan dan larezyon ki nou, nou kapab fer ki annan plis posibilite pou ganny plis reveni?

E enn ki li it i devlope se sa enn pou fer avek Israel.  E sa bann chartered flight ki ti komanse lannen pase, lannen pase in fer  byen e apre 1an sa lannen i ti pe – si ti napa COVID probableman i ti sa lannen ki performans lo Izrael ti pou the best ever.  Akoz ziska depi Mars ziske Avril ti annan mon napa sa figure dan mon latet me ti annan bann flights ki ti’n preski boukte preske tou le semenn pou al Izrael, pou kolekte touris pou anmenn Sesel.

Mon napa egzakt figure sa 3milyon ki ou’n koz lo la me selman mon krwar nou kapab rod avek Air Seychelles sa bann detay, pou vwar egzakteman ki lenpak ki sa Chief Commercial Officer li menm li personnelman in annan lo reveni Air Seychelles.

Konsernan Eden Island mon pa konnen ki egzakteman ti annan dan son Kontra ler i ti vini. Me si son Kontra akoz normalman ler ou al lo lasenn enternasyonal, i annan en serten lapey ki sa bann dimoun i ekspekte.

Si ou pe al lo market enternasyonal i rar ki ou pou ganny en dimoun ki pou rod en lapey ki bokou pli ba ki laplipar zot pe rode akoz i annan en bench mark pou sa bann kalite dimoun lo lasenn enternasyonal.

Now mon pa konnen ki egzakteman ki’n ganny mete dan son Kontra konsernan lozman – si sa in ganny enkli depi bann ki in vini, definitivman i en keksoz ki en dimoun in kontinyen ensiste akoz i form par mon Kontra.  si oule aziste Kontra en dimoun i pou bezwen annan en serten negosyasyon ki pou pran las pou kapab sanz Kontra sa dimoun.

lot kote konsernan pilot, konsernan azisteman lapey pou le moman Gouvernman parey nou tou nou konnen, i annan sa lalwa mon krwar ki pe vini ozordi Gouvernman pa ankor donn okenn clearance pou annan okenn sanzman dan okenn lapey travayer.

i kapab mon konpran poudir i annan serten diskisyon ki’n ganny fer.  Air Seychelles in ekri Minister Lanplwa e Minister Lanplwa in reponn zot in dir zot poudir pou le moman Gouvernman pa pe konsider okenn lazisteman lanplwa.

Konsernan Dolar sa i korek parey nou tou nou konnen napa Dolar ki pe antre dan Sesel, alor Gouvernman in deside ansanm ek Air Seychelles, pour ki nou bezwen peg Dolar a en nivo akseptab e ki nou pou kapab kontinyen les li ogmante.

E ki lapey ki nou ekspekte pe pey en travayer ozordi, akoz i pe ganny peye an Dolar i pour kout nou en kantite plis an Roupi.  E zot konn byen poudir ki larzan ki’n ganny vote pou donn Air Seychelles dan Bidze i fix, alor nou pa kapab ekspekte poudir Gouvernman pou retourn ankor kot Lasanble pou demann ankor plis larzan pou pey dimoun ki travay kot Air Seychelles.  Akoz zot lapey i ogmante atraver Dolar ki pe kontinyen apresye.  Mersi Mr Speaker.

 

MR SPEAKER

Mersi Minis Onorab Ramkalawan.

 

HON WAVEL RAMKALAWAN

Mr Speaker mon krwar ki Minis zisteman lo sa size Dolar.  Sa ki mon pe demande parski sa let i adrese pour bann pilot, eski sa bann ki lezot o zofisye i ganny peye an Dolar zot osi tou zot pe pas dan sa menm kondisyon kot i ganny pegged?

Me selman Mr Speaker mon ti a kontan demann Minis, mon ti krwar ki Gouvernman pa ganny drwa peg Dolar. Mon ti krwar poudir ki nou annan en free ki poudir ki Dolar i flote se pour sa rezon in ariv R18 ekek.  Akoz ki i pa en keksoz ilegal ki zot pe fer ki zot pe enpoz lo bann pilot?  Parski zot pou pran en rediksyon dan zot lapey baze lo sa let.

E alor eski sa sakrifis tou dimoun dan Air Seychelles pe fer, espesyalman bann ki pe ganny bann pli gro lapey e ki annan bann konponan foreign exchange dan zot lapey, pour ki sa i vin en fair decision me ki non pa zis serten travayer ki ganny afekte e lezot zot ok menm  si nou tou nou dan menm sityasyon.

E petet osi lefe ki nou pe koz lo lanplwa petet Minis ti ava kapab dir avek nou si la kot nou ete lefe ki nou pe al fer recruitment oubyen renouvleman, mwan mon plito krwar ki pou en renewal of contract parski se sa ki pe al arive, I mean nou tou nou konnen ki pe al arive, i pou en renewal of contract, eski Air Seychelles dan sa moman pe mazin redundancy?  Mersi bokou.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker. Mr Speaker konsernan desizyon konsernan Dolar parey mon’n dir COVID in vini i la e nou tou nou konnen poudir Dolar pa pe antre dan pei e nou, nou annan en Bidze ki zot, zot menm zot in aprouve, pour R109milyon pour Air Seychelles, e Air Seychelles i bezwen viv avek sa Bidze ki’n donn li pandan sa peryod ki pe vini.

Si i al spend over and above, ki ler i ti kalkile poudir i pou bezwen tan kantite larzan pou li pey son travayer i ariv sa sonm 109milyon pou 6mwan, si i les sa valer Dolar ganny aziste upwards apresye, e apre i pey son bann travayer dapre son bann apresyasyon Dolar lo marse, i kler poudir Gouvernman pou bezwen vin tourn isi dan Lasanble vin demann ankor plis Roupi pou al pey sa bann travayer.

Alor in annan en diskisyon ant Gouvernman e management Air Seychelles e osi Air Seychelles avek zot staff . Mon konpran poudir bann staff in konpran sityasyon, alor i en laranzman entern ki’n ganny pran poudir pour le moman nou ava pey ou lavaler Dolar. sa i aplik pour tou dimoun en?  I pa aplik zis pour Pilot i aplik pour tou dimoun dan Air Seychelles ki ganny peye en konponan Dolar, e sirtou pou nou bann pilot malerezman zot pa pe fly, laplipar nou avyon nou war li pe asize lo Airport.

Tou bann scheduled flight in kennsel pour  rezon COVID, alor tou dimoun i konpran sa sityasyon e zot in dakor poudir ki zot fikse si oule sa pri Dolar pour le moman.  E across the board lenformasyon ki mon’n gannyen se ki tou bann travayer dan Air Seychelles ki pe ganny peye a en konponan Dolar in dakor pou pran sa lapey baze lo sa rate ki ti ganny propoze avek zot.  Sa premye keksoz.

Dezyenm eski ou kapab repet sa dezyenm kestyon konsernan pou dezyenm kestyon?

Yes, redundancy, konsernan redundancy pou le moman, i napa okenn demann ki’n ganny fer par Air Seychelles kot Gouvernman pou fer dimoun redundant.  Alor pou nou i pa en kestyon ki nou pe deal avek la konmela.  Mersi Mr Speaker.

 

MR SPEAKER

Mersi Minis. mon ava prezan donn enn de bann manm sans pour demann kestyon siplemanter. Mon ava donn laparol Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker Minis dan son larepons in koz lo sa bann expenditures ki nou pe incur vizavi sa bann employees, lakaz eksetera, so ou kapab dir nou konbyen lakaz ki nou currently ankor pe lwe pou sa bann dimoun?

E mon konnen sa i en desizyon Board e Management i bezwen byen enplimante, pa neseserman desizyon Management ki bezwen fer sa, so eski ou kapab dir nou an tou konbyen sa pe kout nou?  If you have any idea because this goes into the interest of si zot pe redwir cost, why not find an alternative in terms of reduction of cost?  Mersi Mr Speaker.

 

MR SPEAKER

Mersi Onorab. Minis.

 

MINISTER DIDIER DOGLEY

Mersi Mr Speaker, mersi Onorab pou ou kestyon.  Konsernan housing pou le moman i annan zis 2 dimoun lo Eden Island, larestan i an deor i zis Chief Commercial Officer, avek Chief Executive Officer.  I sa 2 dimoun ki lo Eden e zot in re negosye mon’n ganny lenformasyon poudir zot in fini re negosye pri ki zot ti pe peye oparavan.

E i annan en gran rediksyon ki zot in gannyen lo lakantite larzan ki zot ti peye pour lwe landrwa lo Eden Island pou sa 2 dimoun.  Tou bann larestan staff Air Seychelles i reste an deor Eden Island.  Mersi Mr Speaker.

 

MR SPEAKER

Mersi Minis. Onorab Pillay.

 

HON SEBASTIEN PILLAY

Mersi Mr Speaker, si zot in re negosye, eski ou annan en nide konbyen ki zot in re negosye?  E prezan dir nou vi ki i annan 2 ki pe reste, be si i annan ki pa pe reste, akoz ki nou pou maintain renting sa bann lakaz si napa dimoun ladan?

Si napa personn then nou sorti, nou al en lot landrwa ler sa dimoun i vini.  Si zot Board i deside, mon pa presume Board Air Seychelles ki pour fer be si zot Board i deside that’s the place that’s the  perk ki i oule donn sa dimoun dan son nivo eksetera, then sa i en desizyon but why would we do that vi ki nou dan en sityasyon kot zisteman zot in dir, zot oule redwir bann kou ki zot pe depanse, akoz nou’n donn zot en Bidze e zot oule reste within sa Bidze ki nou’n donn zot.  Mersi Mr Speaker.

 

MR SPEAKER

Mersi Onorab. Minis.

 

MINISTER DIDIER DOGLEY

Mersi Mr Speaker.  Sa ki mon’n gannyen se ki lenformasyon se ki ler zot ti pe pey $4,200, pour en lakaz pour CEO e lot ti $4mil pour sa Chief Commercial Officer.  E enn savedir pou Chief Commercial Officer in redwir par $1000 in vin $3mil, e pour CEO i $3,500mil.  Mon konpran poudir i annan serten demars ki pe ganny fer pou trouv lezot landrwa pou met sa bann dimoun lo Mahe e si zot kapab war bann pri ki pli rezonnab.  Mersi.

 

MR SPEAKER

Mersi Minis. Onorab Terrence Mondon.

 

HON TERENCE MONDON

Mersi Mr Speaker, bonzour Minis avek ou delegasyon. Minis mon premye kestyon i lir koumsa, etandonnen ki dan lepase sa post Chief Commercial Officer ti ganny okipe par Seselwa e pour plizyer deseni, Seselwa ki’n okip bann pozisyon parey e menm CEO bann lakonpannyen, akoz ki zot ankor pe gard en etranze dan sa pozisyon pou sa pozisyon?  E sirtou dan sa moman en sertitid pou lendistri lavyasyon?

Mon dezyenm kestyon, an vi ki nou pe kestyonn sa sonm plis ki 300mil par mwan pou en travayer etranze, eski Minis i kapab donn nou en break down lo reminerasyon ki sa Mr pe gannyen an term son basic pay, benefits, bonus e lezot konpansasyon ankor? Mon ti a kontan ganny en breakdown silvouple.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker, Mr Speaker konsernan breakdown, mon napa bann detay la mon’n demann ek HR pou fer nou ganny sa detay.  Epi nou ava donn Onorab Mondon, selman mon konpran poudir ler nou pe koz R300mil lakaz i enkli ladan, tou keksoz i enkli ladan, napa ankor keksoz over and above sa total ki nou ti pe koz lo la.  Konsernan akoz ki’n annan sa bann etranze la?  Parey zot konnen air Seychelles i annan en laranzman ki nou ti sinyen an 2012 avek Etihad, ki management contract i avek i avek Etihad ki zot ki pou manage ziskan 2022.

Sa Kontra i fini – i korek, 2022.  Now definitivman bann dimoun ki anploye parey CEO i ganny anploye par Etihad i pa ganny anploye direkteman par Air Seychelles.  Konsernan sa bann kalifikasyon ki nou bezwen;-  ozordi sityasyon i totalman diferan avan 2009. 2009 Sesel son airspace si oule ti tre restrikte lekel ti kapab deservi Sesel depi an 2009 nou’n liberaliz nou air space kot nou’n vwar bann major airlines pe deservi Sesel sirtou bann gulf airline, e bann lezot ankor. Annefe nou ti annan 14 airlines ki pe deservi Sesel.

Alor konpetisyon pou ou ranpli ou avyon i tre feros akoz ler ou regard volume ki nou, nou     resevwar koman pasaze isi Sesel i pa en gran kantite. Nnow pou ou kapab fer sa ou bezwen fer sir i annan bann dimoun ki annan bann kalifikasyon.  E nou, nou fer sir poudir nou train dimoun. E parey mon’n dir dan mon larepons i annan en dimoun ki ti pe understudy sa Chief Commercial Officer pou ranplas li e i ti pe ganny groom pou ler i pare i ti pou take over sa louvraz.

Me malerezman sa dimoun li in deside pou move on.  Dan lepase osi nou ti annan en kantite seselwa ki ti travay ek Air Seychelles ki ozordi pe travay ek Etihad, ki ozordi in al Abu Dhabi ou rantre dan biro Etihad ou tann dimoun pe koz Kreol ler ou regarde seselwa ki laba.  So sa market i mobile, i dimoun ou pa kapab pin zot down si zot deside pour zot al rod louvraz lezot landrwa napa nanryen ki ou pou kapab fer.  Me selman nou, nou pou kontinyen train dimoun e i annan ankor lezot mon konpran i annan 3 graduates ki’n fek komanse pa tro lontan ki pe ganny groom e ki probableman avek letan zot ava ganny konsidere pou take over sa bann louvraz.  Mersi Mr Speaker.

 

MR SPEAKER

Mersi Minis. Onorab Mondon.

 

HON TERENCE MONDON

Mersi Mr Speaker.  Mr Speaker annefe ki kestyon limero 2 i koz lo 300mil ziske 300mil pou lapey, mon ti a ekspekte ki Minis i vin avek lenformasyon detay lo sa!  Akoz kestyon i direk lo sa 300mil, in fini fer mansyon 300mil, ou ti an ekspekte ki nou ganny lenformasyon, e mon ti a kontan konnen kan nou kapab ganny sa lenformasyon silvouple? Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon a fer sir poudir Onorab i ganny sa bann lenformasyon ozordi menm.  Mersi.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Bonzour Minis avek ou lekip, bonzour tou dimoun ki a lekout. Mr Speaker mon bann kestyon i comme swivan;- premyerman Minis in fer en statement la ki well, fer mon en pti [pe konsernen, lefe ki in dir ki an 2022 management contracts i sipoze terminen avek Etihad e baze lo sa ki in dir lo sa ki konsern understudy nou ti annan 11 travayer etranze e la i annan zis 4, eski zot annan en progranm vreman konkret, serye, pour ki nou bann seselwa ki understudy zot reste?

E mon anvi konnen eski letan sa bann graduates i vini la, eski nou vreman konsernen avek zot bann problenm?  Akoz sa enn in ale?  Konmsi eski nou pe ankouraz zot pou reste ki kantite lanfaz zot pe mete pour fer sir ki 2022 nou ase geared up pou nou take over?  Sa i mon premye kestyon.

Dezyenm kestyon Mr Speaker pou Minis se ki, dan sa 4 post si ou ti kapab dir nou lekel sa 4 pozisyon? E eski zot annan bann understudy pou take over 2022?

e mon dernyen kestyon Mr Speaker si ou allow mwan akoz sa i annan pou fer direkteman avek Air Seychelles, Mr Speaker i annan bokou dimoun ki’n aste tiket lannen pase pou travel avek Air Seychelles e bokou ozordi pa anvi travel lannen prosen, akoz zot pe ganny dir zot larzan pa pou kapab ganny refund.  So mwan mon anvi demann avek Minis, Minis lefe ki Air Seychelles i tonm anba ou e nou annan sa partnership vre avek Etihad, be eski sa bann seselwa ki’n aste zot tiket depi lannen pase Minis ozordi zot pe deside pour zot pa travel akoz zot lenkyetid e lafreyer, mwan mon anvi demann Minis dan son pozisyon koman Minis, ki i kapab fer ki sa bann dimoun i ganny rann zot larzan? Bann ki anvi zot larzan back?  Mersi.

 

MR SPEAKER

Mersi Onorab. Minis.

 

MINISTER DIDIER DOGLEY

Mersi Mr Speaker, konsernan bann dimoun ki’n aste tiket avek Air Seychelles mon konnen poudir IATA e laplipar bann airlines atraver lemonn Polisi i zot in pran se ki pou ofer dimoun en voucher pou postpone zot tiket ouswa zot vwayaz avek menm airline.  I annan tre pe airline ki’n pran desizyon pou zot re peye akoz i pour afekte zot plis ankor.  Now, nou kapab sey koz ek board me whether the Board will take the decision pou fer rann larzan i en lot kestyon, so mon, mon konnen ki sa voucher i en policy ki laplipar airline, sa voucher system i en policy ki laplipar airline in pran, pour ofer at least sa dimoun loportinite pou li fly pli tar ler keksoz in stabilize.

Konsernan train avek gard dimoun dan post, sa i en keksoz ki tre konplike.  Mwan osi dan mon minister mon bann lorganizasyon ki mon’n travay ladan mon war sa kot i arive, ou envestir ou train dimoun ou anvoy zot pou al fer training aletranze zot retournen avek Masters bann lezot kalifikasyon, me si ou napa en sistenm bonding i tre difisil pou ou kapab gard dimoun dan pos.  Ozordi Sesel i pe devlope ek en lavites.

I mean avan COVID at least, e partou bann lorganizasyon pe rod talan, e problenm ki ou annan avek lavyasyon se ki konpetisyon i pa zis lokal.  Konpetisyon i enternasyonal.  Sanmenm sa ki mon ti pe sey eksplike poudir ler mon, mon ti al premye fwa lo Etihad mon ti tann dimoun pe koz Kreol mon ti sirpriz pou war ki i annan Seselwa ki pe travay dan headquarters Etihad alor bann lapey ek bann kondisyon ki nou kapab ofer isi Sesel konpare avek ki sa bann gulf airline ti pe ofer i pa konparab;- i bokou pli o.

E alor nou bezwen pran konsiderasyon poudir nou pe deal avek en mon’n ki bokou pli gran e ki bann loportinite ozordi i bokou pli gran ki zis Sesel. Alor nou, nou ti a voudre pou dir par egzanp sa dimoun ki ti’n ganny mete pour understudy sa Chief Commercial Officer i ti an reste i ti ava pran sa job me desizyon i reste toultan ek sa dimoun.  Ou kapab ankouraz li me isi sa HR Officer i dir mon in asize in fer en diskisyon avek li on a one-to-one, in dir avek li ou pa ti a voudre reste, me malerezman sa dimoun in dir li non i annan lezot plan ki li in anvi fer.

So sa i en pe bann difikilte ki bann Management i  gannyen isi Sesel e sa i pa zis Air Seychelles i across the board dan pei an zeneral;- poudir ou kapab train dimoun me ou napa sa garanti poudir dimoun pou kontinyen reste.  Menm si ou donn zot bann kondisyon ki dapre ou i bann kondisyon ki tre favorab.

Konsernan sa 4 pozisyon ki egziste i annan en type rate examiner, en top rate pilot ki li i egzamin i donn legzanmen bann pilot si oule e mon konpran avan Air Seychelles i fer sa zot menm akoz laplipar son bann pilot ti annan ase erdtan zot in fly anler lo bann Boeing.

Me apre ki nou’n sanze depi an 2012, 2013 nou’n sorti ek Boeing nou’n al ek Airbus i paret poudir nou bann dimoun napa sa bann kantite erdtan avek sa bann kantite leksperyans pou fer sa bann kalite egzaminen.

Alors si oule poudir nou bann pilot i fer zot bann legzanmen ou pou either bezwen anvoy zot deor pou al fer zot bann legzanmen ouswa ou pou bezwen anvoy dimoun isi pour fer sa bann legzanmen.

Dezyenm keksoz i annan sa Chief Commercial Officer ki nou’n koz lo la depi bomaten, i annan en dimoun ki head bann zafer facilities ki en etranze e ki mon konpran pour ki ler son kontra i fini i pa pe ganny renew.

Apre i annan sa Chief Commercial Officer li menm sa sef ki ansarz Air Seychelles, e parey mon’n dir Air Seychelles i pe recruit bann zenn, i pe recruit dimoun, e an menm tan vwar dan Sesel pour regarde si napa bann dimoun ki annan potansyel ki kapab ganny groomed  pou take over sa bann post.  Mon krwar ki nou bezwen kler lo la se ki Gouvernman i enterese annan Seselwa pou pran sa bann pos – i pa kestyon napa lentere i kestyon ki i annan post ki sirtou bann ki spesyalize ki bokou pli difisil pou ou kapab ganny sa bann dimoun, pou take over sa bann post.  Menm si dan leka kot ou’n envestir pou groom zot.  Mersi Mr Speaker.

 

MR SPEAKER

Mersi Minis. Onorab William.

 

HON WAVEN WILLIAM

Mersi Mr Speaker. Mr Speaker mon ti a kontan demann Minis, i pa ankor mon kapab dir satisfer mwan pou dir letan sa 2022 i arive sa management contract i terminen ki serten sa bann post, ouswa nou annan en timeline pou nou kapab fer sir ki bann lokalizasyon i arive.  E dezyenmman, Minis lefe ki COVID-19 sa bann Seselwa ki’n aste tiket pa zot ki’n fer COVID-19 vini even if si IATA i annan serten Polisi.

Be dan ka Sesel sa bann Seselwa ozordi zot bezwen zot pti larzan ou konnen ki fason nou bann fanmir Seselwa i ete, e mwan mon ti a kontan demann ou si ou ti a kapab fer sa bann dimoun konnen la ki pe ekoute ki bor ki zot kapab ale pou zot kapab sey ganny zot larzan.  Akoz zot pe ale zot pe ganny dir si zot ganny rann zot larzan Air Seychelles pou anfonse, eski sa i leka ki Air Seychelles pou anfonse?

Epi lo sa kestyon ki Leader Lopozisyon in demande la mon pa santi ki ou’n ase eklersi.  In demande si sa bann dimoun anler in ganny enn sa let?  Ou pa’n reponn sa ou’n dir i annan en internal understanding, me in demann ou si sa bann dimoun anler zot osi in ganny en let parey sa bann pilot in gannyen?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Larepons pou dernyen kestyon i wi, mon HR manager fek dir mwan poudir tou sa bann dimoun ki ganny en konponan zot lapey an Dolar zot tou zot in ganny en kopi sa let.  En e mwan mon ti pe eksplike ki ti annan en diskisyon i pa zis en kestyon i annan en let ki’n ganny anvoye, me ti annan en diskisyon antre zot bann travayer, ki ganny sa konponan an Dolar ki i annan en diskisyon zot in agree ki annan en lagreman antre zot pou aksepte sa.  Sa let i zis en kontinyasyon sa prosesis apre sa diskisyon in take place.

Konsernan COVID-19 epi rann larzan parey mon’n dir mon pou take it up avek Board pou vwar si sa i en keksoz ki kapab ganny fer akoz parey ou konnen Air Seychelles i ganny run par en Board, Minis pa kapab zis donn lord sa board, nou kapab demande ki zot konsidere me solman se Board ki pou bezwen pran en desizyon an regard an sirkonstans Air Seychelles, so mon avar fer mon devwar pou fer sir mon ava raise avek Chairman Board ozordi menm.

trwazyenm keksoz konsernan Kontra ki fini an 2022 travayer Air Seychelles laplipar bann ki ti la parey mon’n nonmen i annan en lalis ki deza bann dimoun ki ti bann manager kot Air Seychelles avan sa ler Etihad ti take over an 2012, laplipar sa bann post in fini ganny ranplase par Seselwa.

Alor nou pa pe esper 2022 pou nou met Seselwa. I en prosesis ki pe kontinyen, akoz dan laranzman ki nou ti annan avek Etihad se ki zot train nou Seselwa e i en keksoz ki pe ganny fer ki pe arive.  Par egzanp la mon konpran i annan 3 graduates ki nou’n train pou fer revenue management.  I enn sa bann dernyen aktivite ki Etihad ti pe fer pou Air Seychelles. E komansman Zilyet sa lannen tou sa bann fonksyon, tou fonksyon annefe pou’n fini retourn isi Sesel e i pour ganny run isi kot headquarters Air Seychelles.  So laplipar bann travay pou ganny fer par Seselwa. I  ava annan sa 4 etranze  ki a donn en koudmen, me dan 720 travayer la mazorite Seselwa ki pe fer sa louvraz so nou pa pe esper ziska 2022.  Mersi Mr Speaker.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonzour Minis ou delegasyon e tou dimoun ki a lekout.  Minis ler mon mazin sa bann gro sonm ki bann etranze pe ganny peye avek Air Seychelles ant 250mil, R300mil, i fer mon mazin mwan bann frer ek ser ki’n pri dan Lenn avek COVID-19;- sirtou bann ki’n akonpanny zot fanmir pou tretman medikal.  La zot in ganny demande pou pey R10,500mil    l tiket pou sa repatriation flight le 23 Me pou retourn Sesel.  E bokou zot, zot pa kapab afford pou pey sa flight.  Minister mon mazinen avek R300mil ou kapab pey 28 flight 28 tiket R10,500mil.

Eski Gouvernman i war li normal pou kit nou bann frer ek ser ki pa kapab pey sa tiket stranded dan Lenn, sirtou dan sa letan kot bokou seselwa pa ankor ganny zot lapey Avril, e zot pa asire kan ki zot pou ganny en lapey an Me?  Akoz ki selman yer ki zot in ganny enformen ki zot bezwen pey R10,500mil, by le 20 Me pou ganny sa flight le 23?  Eski ou Minister  an negosyasyon avek Air Seychelles pa kapab repatriate nou bann Seselwa san ki zot bezwen pey sa R10,500mil? Mersi.

 

MR SPEAKER

Mersi Onorab, si ou pa mind reste lanmenm an ka ki ou pou annan en siplemanter.  Minister.

 

MINISTER DIDIER DOGLEY

Mr Speaker, bann dimoun ki Gouvernman in anvoy al fer tretman medikal dan Lenn e osi Colombo Sri Lanka, mon konprenezon ki mon annan se ki Gouvernman pe repatriate zot li menm.  E laranzman pe ganny fer avek Air Seychelles pour repatriate sa bann dimoun.  Bann ki’n al zot menm dan Lenn ki’n peye pou ale, definitivman pou anvoy en avyon ki probableman pou sorti isi preski vid e pou al laba pou kolekte dimoun e retournen, definitivman i annan en kou ki pou bezwen ganny peye.  Now, sa dimoun i kapab fer en laplikasyon atraver Lasante ouswa soz, pou regarde ki mannyer i kapab ganny ede pou li pey son tiket, me Air Seychelles koman en lakonpannyen komersyal, i toutafe normal ki i pou demann ou pou pey sa pri sa tiket ki dapre li in koute.

Now led ki en dimoun i bezwen i pou bezwen demann Gouvernman sa led, atraver par ekrir Gouvernman pou dir be mon’n pri tel landrwa.  Ouswa pran kontak e ki mannyer ki mon kapab ganny ede pou kapab pey sa tiket.  I pa kapab en lakonpannyen komersyal ki pour pey ou tiket pou ou redesann.  Be bann dimoun ki Minister Lasante in anvoye ki’n fer laranzman pou zot ale,  sa mon konpran poudir Minister Lasante atraver Gouvernman pe fer le neseser pou repatriye zot e anmenn zot isi Sesel atraver menm sistenm ki ti anvoy zot dan Lenn ouswa Sri Lanka.  Mersi Mr Speaker.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Minis i annan plizyer nou bann frer ek bann ser Seselwa in akonpanny enn manm zot fanmir pou al dan Lenn ouswa Sri Lanka pou tretman.  Wi i annan kekfwa i annan ki’n pey zot tiket avek lezot airline, me nou dan en sityasyon inik la nou dan en sityasyon COVID-19 kot pei i anba lockdown.  E Sesel pe organiz en repatriation flight pou al sers sa bann Seselwa ki’n al tretman laba, be what about zot bann fanmir ki avek zot ki pa kapab retournen akoz pei in fermen?

Nou pe organiz en avyon pour anvoy dan Lenn le 23.  En lot kestyon ankor Minis, eski yer i sa dat i fer sans pou dir zot? Akoz pa ti dir zot oparavan pou annan sa flight le 23 ou dir zot ozordi pou demen on short notice, ki zot bezwen trouv R10,500 pou pey en tiket by demen pou en flight le 23.  Minis i pa fer sans.  I unfair lo sa bann dimoun!

Ozordi seselwa pe struggle en kantite;- en kantite dimoun la deor pa ankor ganny peye e i annan en bann pa ni ankor konnen kan ki zot pou ganny peye sa mwan Me,- kot zot pou trouv R10,500 pou pey sa tiket repatriation pou zot tourn Sesel?  Minis i pa fer sans!  Eski an solidarite avek nou bann frer ek ser Seselwa ki’n pri dan Lenn, nou pa kapab organize pou pran zot e retourn avek dan nou pei?  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker, si Onorab i kapab fer nou ganny sa bann lenformasyon, nou ava pas li avek Lazans konsernen.  E nou ava fer bann dimoun konsernen pran kontak avek zot pou vwar mannyer sa problenm i kapab ganny regle.  Mersi Mr Speaker.

 

MR SPEAKER

Mersi Minis.  Onorab ou ava pran kontak ek Minis, ou ava pas bann lenformasyon neseser avek Minis.  Onorab Churchill Gill.

 

HON CHURCHILL GILL

Mersi Mr Speaker.  Bonzour Mr Speaker.  Bonzour Minis ek ou delegasyon, bonzour tou Manm e tou dimoun a lekout.  Mon annan zis en kestyon Minis ,eski ou kapab enform sa Lasanble tou sa bann Seselwa ki’n understudy,  e finalman zot in kapab ranplas sa bann etranze, eski zot in benefisye avek menm saler, menm allowance, en transpor, bonus, en menm benefis ki sa bann tranze ti pe benefisye?  Si non kwa ki sa seselwa pa pou benefisye menm si i dan menm post?  Mersi.

 

MR SPEAKER

Mersi Onorab.   Minis.

 

MINISTER DIDIER DOGLEY

Mersi Mr Speaker.  Mr Speaker mon ti a voudre enform Onorab ki normalman si ou en local, definitivman ou pa pou ganny menm rate ki en dimoun ki enternasyonal.  Par egzanp en dimoun i annan son lakaz ou pa ekspekte Gouvernman Air Seychelles pey ou pou reste dan ou prop lakaz, so ou pa pou ganny allowance lakaz, transpor, eksetera.

Alor i annan en Scheme pour bann dimoun lokal ki travay isi, epi osi pou Air Seychelles i dan son lentere pou li kapab fer desann son kou loperasyon.  Ler ou napa lokalman,  e ou ganny forse pou ou al lapes enternasyonalman pou kapab ganny sa talan pou anmenn dan pei.  I kler poudir ou bezwen ofer menm kalite kondisyon ki lezot lakonpannyen atraver lemonn pe ofer pou sa bann dimoun.

E menm keksoz pe arive, ler i annan Seselwa ki deside arete travay Sesel parey i annan plizyer pilot ki’n arete in al travay Qatar in al travay ek bann lakonpannyen enternasyonal, zot ganny peye sa bann international rate.  Me ler zot isi zot pa ganny peye menm -. Zot pa ganny menm kondisyon ki si ou ti pe travay pou lakonpannyen Qatar ouswa lakonpannyen Emirates.  Mersi Mr Speaker.

 

MR SPEAKER

Mersi Minis.  Onorab Gill.

 

HON CHURCHILL GILL

Mersi Minis pour ou larepons.  Sa ki ou’n dir mon, mon konn sa tre byen, me selman mon kestyon ki mon pe demann ou, se ki si nou annan ler nou rod travayer etranze nou annan lo nou payroll pou nou pey sa bann dimoun?

E ki mannyer prezan ler nou pran en seselwa nou kapab annan sa bann gran diferans, eski la mon pe koz ou payroll, ou kapab ou payroll i kapab siport sa bann gro saler.   E akoz pou Seselwa si nou anvi nou Seselwa i pran post menm si ou pa kapab donn li parey sa etranze, me selman ou payroll i kapab siport sa kantite mon krwar bann Seselwa osi i devret kapab ganny en bon saler ki pou atrakte zot kot Air Seychelles.  E i a ede tir sa presyon etranze dan sa konpannyen.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker, lenformasyon ki mon annan poudir tou Seselwa ki’n ganny apwente dan sa bann post, bann senior post sirtou, Management, zot lapey i pa en pti lapey, i bann lapey ki substantial ki tre enteresan;- e ki menm si pa menm nivo ek sa bann dimoun enternasyonal, me selman zot pa pe ganny en pti larzan.  Zot pe byen ganny peye parey nou dir an Kreol. Mersi Mr Speaker.

 

MR SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker.  Mr Speaker an vi ki Minis in koz en pti pe lo loperasyon Air Seychelles e kestyon limero 3 sirtou i koz en pti pe lo lensertitid dan lavyasyon, eski i annan kozri pou Air Seychelles al dan voluntary administration?

Eski si sa i annan kozri lo la eski i annan plan pou separ ground handling, cargo operations, technical operations ki bann areas kot Air Seychelles i fer larzan?  Mr Speaker mon dezyenm kestyon Minis in dir nou i annan 4 etranze dan Air Seychelles, e mon ti a kontan Minis i konfirmen si in annan okenn nouvo recruitment an Fevriye, kot 6 Sri Lankan in ganny anploye dan Departman Air Seychelles, e si zot in ganny anploye, ki range saler zot pe gannyen? E osi, si i annan dimoun pe understudy zot?

Trwazyenm kestyon Mr Speaker mon ti a kontan konnen si Minis osi ti kapab konfirmen si i annan 4 lakaz ki pe ganny lwe Eden Island enn pou CEO, enn pour CFO, enn pou en enzenyer e enn ki spare e la napa personn ladan.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker, konsernan bann lakaz mon a pran sa enn dernyen kestyon.  Mon konpran poudir ti annan 4 lakaz ki Air Seychelles ti pe lwe, 2 in fini rann e i reste zis sa 2 ki mon’n fek eksplike avan, enn pour CEO, e enn pour sa commercial officer, se tou lakaz ki Air Seychelles pe lwe Eden Island.

Konsernan Sri Lankan sa 6 Sri Lankan teknisyen, air Seychelles ti annan laranzman avek en college laba Sri Lanka kot zot ti vin fer zot bann technical training isi, zot fer tou zot bann teori kot sa college epi zot vin fer zot bann attachment isi Sesel.  E zot ti’n ganny anploye tanporerman akoz ti annan en laranzman – in fact ti annan Condor ki ti pe demann nou pou donn zot permisyon pou fer vini enzenyer, pou baze isi pour travay lo Airport isi Sesel.  E si nou ti allow sa nou ti pou pe ouver en laport pou annan bann lezot operater pe operate lo Airport isi Sesel.

E nou, nou pa ti dakor avek sa.  Alor nou ti bezwen rod en fason pou beef up nou kapasite pou kapab pran sa bann lezot Kontra pou donn sa bann lezot avyon bann technical services ki zot bezwen.  Mon konpran dapre leksplikasyon ki  mwan mon’n gannyen sete sa bann dimoun ti’n ganny anploye tanporerman pour rezourd sa problenm.  Me parey mon’n dir zot tou zot in fini ganny demande, zot in fini ganny terminated zot pe espere pou Airport ouver, pou en fason zot kapab ganny repatriated pou al se zot. Sa i sa 6 teknisyen.

Konsernan separation of operations e administration of Air Seychelles, pou le moman sa ki annan se ki i annan bann diskisyon ki pe pran plas ant Air Seychelles Gouvernman ek Etihad.

E sirtou ant Gouvernman ek Etihad sa 2 shareholder Air Seychelles, Gouvernman parey ou konnen in fini met 6milyon, in fini pledge 6milyon ki pou ed Air Seychelles dan bann letan ki pe vini, e nou pe diskite ki mannyer ki nou pou deal avek sa bann lezot financial needs ki Air Seychelles pou annan. Alor i annan bann diskisyon ki pe pran plas e si nou kapab rezourd sa bann issues, nou pa war ki rezon Air Seychelles i bezwen dan administrasyon.  Mersi Mr Speaker.

 

MR SPEAKER

Mersi Minis. Onorab Hoareau.

 

HON JOHN HOAREAU

Mr Speaker, Minis pa’n dir nou ki range saler sa bann Sri Lankan pe gannyen avek Air Seychelles.  Mersi.

 

MR SPEAKER

Mersi Onorab. Minis.

 

MINISTER DIDIER DOGLEY

Mersi Mr Speaker, saler i menm parey sa ki Seselwa i gannyen.  I bann teknisyen ki pe ganny menm saler -. E i napa -.  Epi  i ti zis pe donn zot landrwa reste apre i ti pe pey zot menm saler avek Seselwa.  Mersi Mr Speaker.

 

MR SPEAKER

Mersi Minis Onorab Wilbert Herminie.

 

 

HON WILBERT HERMINIE

Mersi Mr Speaker. Bonzour Minis avek ou delegasyon Minis mon santi dan ou larepons ou pan tro sezi ou reponn byen kestyon Onorab Churchill Gill.

Akoz si ou pe get nou lartik. Article 27 dan nou konstitisyon. Equal protection under the law i dir ou ‘’equal pay for equal work.’’  So mon santi ki si sa seselwa i kalifye i ganny sa pozisyon so larzan i deza lo payroll so anba sa lartik deza anba vyolasyon.  So mon kapab met sa devan Board pou reget sa.

Mon lot pwen i en pwen ki ou’n fer sorti ou’n dir koumsa, zot in antre dan negosyasyon sirtou lo kote peg Dolar e mwan mon pe santi ki sa i en avenue ase danzere, akoz parey in ganny dir avan nou dan en free market e la ou pe fer de marse mars ansanm ki pou fer en serten distortion.

Mwan mon pe rode ki rezon detres ki zot in fer sa? E akoz zot pa ti pey sa bann dimoun zot larzan konpletman an Roupi e zot ti a fer zot demars atraver la bank parey tou lezot lorganizasyon i fer pou zot fer zot transfer bout konponan aletranze?  Mersi Mr Speaker.

 

MR SPEAKER

Minis.

 

MINISTER DIDIER DOGLEY

Mr Speaker. Lapey ki bann travayer i gannyen in toultan an Roupi me solman i annan en konponan akoz sirtou bann Pilot akoz zot vwayaze i annan en konponan ki ganny kalkile an Dolar pou pey zot.

E osi sa bann O Zofisye etranze ki travay isi. I annan en konponan ki an Dolar ki sa. Nou pa pe al dan exchange rate pou al fer biznes tranzaksyon aste ek revann. I senpleman en laranzman ki Air Seychelles in pran pou ed sa lakonpannyen pas atraver sa sityasyon kritik ki nou tou nou vwar nou ladan ozordi, pou li kapab manage Bidze ki li i gannyen pou li kapab pey sa bann dimoun pandan sa bann peryod.

Ou bezwen mazinen pou dir sa peryod la konmela la pli par bann pilot i pa pe anvole. Zot pa pe monte desann;- avyon pa pe monte desann.  E nou bezwen Air Seychelles i bezwen sey fer mannyer garanti zot en lapey.  E zot, zot  konpran sa zot pare pou dir ok si ou pare pou pey nou sa konponan ki sipoze an Dolar a en to ki rezonnab then pou nou i ok.

Me selman i pa menm parey.  Mon krwar nou pa bezwen nou pa devret konfiz sa avek tranzaksyon an forex ki ganny fer ler en dimoun pe fer bann tranzaksyon komers. I senpleman en laranzman ki pe ganny fer dan en lakonpannyen pou zot kapab prezerv zot bouse manze. E sa lakonpannyen i kapab kontinyen fonksyonnen e pas atraver sa bann tirbilans ki nou la konmela e resorti dan en fason ase for ki i kapab kontinyen i kapab bounce back e kontinyen operate.

Alor i en laranzman   kot amikal kot tou dimoun i dakor pou dir be sa i fason pli bon ki nou kapab fer, pou nou kapab ed nou la konpannyen pou nou kapab kontinyen egziste. Mersi Mr Speaker.

 

MR SPEAKER

Mersi Minis. Onorab Wilbert Herminie.

 

HON WILBERT HERMINIE

Minis pa’n fer komanter lo kote kestyon ki Lartik 27 ki Churchill ti’n komans demande.  Epi mon lot pwen ki mon ti anvi be ou’n dir Minis ki pilot pa pe travel napa flight e zot grounded still mon pa pe ganny en konpran, kote sa konponan forex i antre kekfwa ou kapab eksplik mwan en pti pe pli kler lo la?  Mersi.

 

MR SPEAKER

Mersi Onorab. Minis.

 

MINISTER DIDIER DOGLEY

Mr Speaker mon konpran pou dir sa ti en laranzman ki ti ganny fer pandan en peryod kot i annan en kantite Seselwa pilot seselwa ti pe arete travay avek Air Seychelles akoz zot ti pe ganny ofer travay a aletranze.

E akoz zot ti pe ganny peye totalman an Dolar prezan Air Seychelles pou li sey fer mannyer pou li retain sa bann dimoun dan lanplwa avek son lakonpannyen. Pou nou kontinyen annan bann pilot kot ki nou nou’n envestir nou’n train pandan tou sa lannen e aprezan si fo les zot ganny pran par lezot bann gran lakonpannyen, Air Seychelles ti tonm dakor pou pey sa bann pilot en konponan zot lapey an Dolar.  Savedir pou sey match en pe bann kondisyon ki zot ti pou gannyen si zot ti a aletranze. E sa in kontinyen pandan sa peryod. E i ankor kontinyen ziska aprezan.

Me solman pandan sa peryod la kot pei i annan en gro problenm konsernan forex,  in annan sa diskisyon pou dir be regarde pou le moman napa forex ki pe antre dan pei e ki si nou les sa zafer fluctuate, e nou les li kontinyen ogmante, Air Seychelles pou annan difikilte pou li kapab pey ou sa soz akoz pe ganny peye an Roupi.

Savedir sak fwa ki Dolar i apresye dizon i sorti R14 e i al R16 e i sorti R16 i al R18 ou bezwen plis Roupi pou pey sa dimoun akoz son lapey li i an Dolar. Savedir pou sak Dolar ki ou sipoze pey li si ou ti pey li R14 avan ou pou bezwen pey li R16,000 e si an Zen la i R18 ou bezwen pey li R18 par Dolar e si i kontinyen monte ou bezwen kontinyen pey li savedir ou bezwen rod plis Roupi pou ou kontinyen pey li.

Be zot ti’n dakor avek Air Seychelles pou dir pou le moman zot a gard li a en rate ki zot santi i ase konfortab, pou ed sa lakonpannyen pou li kapab kontinyen fonksyonnen. Mon sipoze sa in kekfwa in kapab ed ou pou konpran pli byen kote sa laranzman i sorti. Mersi Mr   Speaker.

 

MR SPEAKER

Mersi Minis. Onorab Flory Larue.

 

HON FLORY LARUE

Bonzour Mr Speaker. Bonzour Minis avek ou delegasyon. Bonzour tou dimoun.

Mr    Speaker mon pou pran ankor lo sa kestyon rediksyon ki bann pilot in pran sa rediksyon dan zot saler ki mannyer mon pe konpran Minis i dir zot saler i an Dolar. Savedir zot in agree avek en peg rate ki fer ki prezan ki zot saler i ganny konverti an Roupi at a peg rate.

Mon ti a kontan Minis i dir nou si sa peg rate ki zot pe servi eski i aplik pou tou bann lezot keksoz ki zot pe donn lezot staff ki ganny bann saler, perks an Dolar?  Eski i pou tou dimoun ou swa i zis pou sa bann pilot?

Mr Speaker mon ti a kontan demann Minis lefe ki in dir nou koumsa i byen apresye in ganny son Bidze pou saler pou 6 mwan – e mannyer mon pe konpran mon pa pe war okenn plan konkret pou li restructure avek sa problenm COVD-19, mon ti ekspekte i vin dir nou la ki zot annan en plan devan zot.

Me i pa’n dir nou sa.  Eski Minis i konfirmen alor ki dan 6 mwan avek sa problenm ekonomik nou pe pas ladan Air Seychelles son plan i pou retourn kot Lasanble i pou kapab sustain son payroll?

 Apre Minis ti annan en meeting ki ti ganny fer State House e ti annan en interview ki ti ganny e fer lo peron State House e kot en Minis ti dir ki Air Seychelles i enn bann premye ki’n apros Minister pou vin rod redundancy.

Me lefe ki Gouvernman ti’n fini fer en lanons ki ti pou napa okenn redundancy. Eski ou konfirmen ki i annan en plan redundancy  apre zot in pull back lo la?  Ouswa i annan en plan redundancy me solman zot pa pe dir personn? Me apre sorry i annan en bout mon’n manke Minis, i annan en Lalwa ki pe vin dan Lasanble pli tar ozordi ki dir nou ki i pou retrospective sa Lalwa, i pou aplikab depi le 20 Mars e li i dir nou dan en seksyon ki okenn saler pa kapab ganny deferred ouswa wages reduced.  Letan nou pe get sa Dolar …

 

MR SPEAKER

Onorab. Onorab mon pe dir ou pe anticipate.  Lalwa i ankor vivan devan Lasanble.  Lasanble pa ankor pran okenn desizyon.  So nou pa kapab fer referans lo sa Lalwa ki Lasanble pa ankor deside lo la.

Mon vwar ki direksyon ou pe ale, me Lasanble pa ankor pran en desizyon.  Nou pa konnen si sa Lalwa pou ganny pase taler, oubyen si i pou ganny rezete.  So annou pa fer referans avek.

 

HON FLORY LARUE

Mr Speaker mon konpran ou konpletman lo sa kote. Eskiz mwan avek tou respe Mr Speaker.  Sa Lalwa i sorti lo kote Gouvernman. Gouvernman pa kapab fer en keksoz dan en lendistri …

 

MR SPEAKER

Dakor. Onorab i ankor dan en form of a Bill, i pa ankor vin en Act.

 

HON FLORY LARUE

Be ok.  Mersi Mr Speaker.

 

MR SPEAKER

Mersi. Minis.

 

MINISTER  DIDIER DOGLEY

Mersi Mr Speaker. Konsernan redundancy dapre HR Air Seychelles i dir mwan napa okenn demann ki zot in fer pou fer okenn redundancy dan Air Seychelles.

Dezyenm kestyon ki ou’n demande se konsernan si sa laranzman, ouswa lagreman pou pey dimoun pey travayer pilot e bann lezot o zofisye an forex si sa i aplik pou tou dimoun? Onorab Ramkalawan ti’n demann mwan sa kestyon e mon ti’n dir li wi.  I aplik pou tou dimoun. So mon ti a voudre repet menm larepons.

Dezyenm keksoz konsernan restriktirasyon, me solman mwan ava apel li kekfwa en re laranzman, ouswa en cost cutting measures ki Air Seychelles i pe fer.

Larepons wi i Air Seychelles pe travay lo bann diferan mezir pou li vwar ki mannyer parey mon krwar tou lorganizasyon.  Zot bezwen vwar ki mannyer pandan sa letan COVID-19 ou bezwen redwir ou bann kou loperasyon. E mon konnen pou dir i annan plizyer travay ki zot pe fer pou zot kapab redwir zot bann kou. Epi katriyenm mon krwar sa in ganny regle.  Mersi Mr Speaker.

 

MR SPEAKER

Mersi Minis. Onorab Larue.

 

HON FLORY LARUE

Mersi Minis pou ou larepons Mersi Mr Speaker. An vi ki kestyon orizinal nimero 3 i koz lo lensertitid dan lendistri lavyasyon, eski Minis i annan plan pou zot regarde pou zot pey tou dimoun an Roupi pou sa prosen 6mwan pou nou kapab konnen egzakteman kote nou pe ale?  E mon ti ava kontan zis remind Minis ki once upon time Air Seychelles i en Airlines ki lontan in egzistans, tou son Management ti Seselwa.

Eski nou annan plan an lyen avek kestyon nimero 3 pou nou bouz devan pandan sa letan COVID pou nou fer sir ki tou nou Management i Seselwa?  E ziska nou CEO tou. Akoz Etihad si en partner avek nou i bezwen rod en fason pou asiste nou dan sa problenm? Mersi.

 

MR SPEAKER

Mersi Onorab.  Minis.

 

MINISTER  DIDIER DOGLEY

Mersi Mr Speaker.  Konsernan ou dezyenm kestyon malerezman mon’n mank sa premye bout. Parey mon’n dir o paravan mon krwar nou tou nou swete pou dir ti ava annan 100poursan Seselwa dan Air Seychelles.  Si oule nou tou nou ti a swete ki i annan 100 poursan dan tou job isi Sesel.

Menm dan bann lotel, ler nou diskite, toultan nou pe rode ki mannyer nou pou annan plis Seselwa dan tou bann post ki egziste. I  en swe ki mon krwar napa byen, byen Seselwa ki pa ti ava voudre vwar.  Me selman nou bezwen konsyan poudir i annan serten limit. Ler ou annan en popilasyon 100mil dimoun se ki mannyer ou ganny tou sa bann dimoun, an menm tan pou antre dan sa bann pos.

E sirtou letan nou annan en labour market ki ouver ver deor.  Akoz Air Seychelles in perdi en kantite bann talan ki kekfwa ozordi ti a pe run Air Seychelles.  Me solman parey mon dir ozordi nou war zot pe travay ek bann la konpannyen si fo isi nou vwar zot pe travay a aletranze. Kot petet bann kondisyon i bokou pli bon ki nou kapab ofer koman en pti lakonpannyen.

Alors wi nou swe i la e nou annan en plan mon konpran i annan en plan pou understudy tou bann etranze, ki gradyelman nou  ranplas zot enn apre lot pou fer sir pou dir ki nou run ek en lakonpannyen ki ganny run par seselwa.

Me si nou pou kapab toultan a tou moman annan zis seselwa dan lakonpannyen sa pou mwan i en lot kestyon.  Akoz i pou toultan annan bann lekspertiz ki kekfwa ou pou bezwen ki ou pou bezwen anmennen. Mersi Mr Speaker.  Sorry mon pa’n konpran s premye kestyon.

 

MR SPEAKER

Mersi Minis. Onorab Larue.

 

HON FLORY LARUE

Mersi Minis. Mersi Mr Speaker. An liny avek kestyon nimero 3 orizinal ki Onorab Ramkalawan in demande i dir nou pou annan en serten lasertitid dan lendistri lavyasyon. Bokou airline in fermen.  La nou pou pas dan en nespes force majeure la. Ki pe arive pou fer ki nou retourn kot nou ti ete, to be completely manage par seselwa an vi ki sa problenm ki nou ladan? Mersi.

 

MR SPEAKER

Mersi Onorab. Minis.

 

MINISTER DIDIER DOGLEY

Mr Speaker parey mon’n dir i annan en progranm ki HR Manager in dir mwan.  In dir mwan i annan en understudy plan, a succession plan ki an plas kot Air Seychelles ki an plas.

Kot zot pe rode ki mannyer pou ranplas bann etranze avek en Seselwa E mon’n nonmen en lalis post deza ki pandan sa dernyen 3an bann senior staff ki ti annan bann etranze ladan ki Seselwa in fini pran sa bann pos. E sa 4 ki reste mon asire pou dir dan sa lannen ki pe vini, nou pou vwar ankor en rediksyon dan sa bann pos. Me sa ki mon pa kapab garanti se ki nou pou annan a tou moman 100poursan. Akoz ler ou konpran en airline avek bann kapasite avek technical soz ki ou bezwen i pou annan moman ki ou bezwen anmenn dimoun ki sorti an deor ki pou vin ed ou avek serten keksoz.

Alor parey mon’n dir succession plan i la. Plan i la volonte i la me, solman nou bezwen apply avek bann resours ki nou annan. Ler nou annan nou ranplase e nou pou kontinyen travay pou fer sir pou dir nou devlop sa bann zenn, nou train zot, nou groom zot e ki ler zot in pare nou met zot an plas.  Mersi Mr Speaker

 

MR SPEAKER

Mersi Minis. Onorab Johan Loze

 

HON JOHAN LOZE

Bonzour Mr Speaker. Bonzour Minis ek ou delegasyon. Bonzour tou bann Manm Onorab e tou dimoun a lekout kot lakour. Minis i annan en lafreyer parmi bann staff Air Seychelles e mon panse and rightly so vwayan listwar ki’n arive dan sa lakonpannyen dan lepase.

E zot ti a kontan ganny en re lasirans lo kote Minis ki, premyerman i annan la volonte politik pou fer tou sa ki kapab humanly possible ganny fer pou premyerman sov sa lakonpannyen Air Seychelles, ki kapab pas dan menm direksyon ki bann lezot airlines dan larezyon pe pase.

E dezyenmman ki zot bann travayer zot pa pou premye Seselwa;- that is zot pa pou premye pou ganny balans aba bis dan okenn cost cutting ouswa restructuring plan ki ganny met an pratik.  Ki zefor i ava ganny fer pou degres en pre dan bann lezot landrwa avan ki kouto i ariv lo zot saler.  Mersi byen Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker. Gouvernman Sesel i believe dan Air Seychelles nou krwar dan Air Seychelles. Akoz si nou pa ti krwar depi dan 2012 mon ekspekte pou dir Air Seychelles ti’n fini fermen. A sak repriz ki Air Seychelles in pas a traver en tirbilans Gouvernman se rod bann lezot fason, lezot mezir inovativ pou li kapab gard nou airline dan lezer.

E avek COVID kantmenm li i bokou pli konplike ankor Gouvernman pe fer son mye ansanm avek son bann partener Etihad pou sey rod bann solisyon ki neseser, pou fer nou airline kontinyen fonksyonnen. Alor konsernan volonte politik sa i 100poursan la. E travay parey mon pe dir in komanse e pe ganny fer nou annan bann diskisyon ki nou pe fer avek Etihad e i annan bann lezot travay ki Gouvernman pe fer ant Gouvernman e Gouvernman UAE pou vwar ki mannyer ki nou kapab adres bann problenm ki nou annan avek sa lakonpannyen. Ki sa lakonpannyen pe pas ladan pandan sa letan COVID.

Konsernan bann travayer seselwa ki dan Air Seychelles in pran en kantite lannen e in kout en kantite larzan pou Gouvernman train sa bann Seselwa pou kapab pran sa bann post ki zot ladan ozordi.  Si i annan en lakonpannyen ki’n kot nou annan en pool travay ki tre well trained, ki annan ban lekspertiz pou fer travay ki ase konpleks, ki demann serten konpetans se dan Air Seychelles.

Alor pou nou i pa fer sans pou al la envestir en kantite larzan avek ekspertiz dan en group dimoun, apre le moman ki annan problenm met zot a la port. Pou nou sa parey Gouvernman i dir, Prezidan annefe in dir pou dir redundancy i pa en kestyon ki nou pou konsidere pou le moman.  Tan ki nou kapab nou pou kit dimoun dan pos. Mersi Mr Speaker.

 

MR SPEAKER

Mersi Minis. Onorab Loze ou ok?  Mon vwar ou lev lanmen. Mersi.  Onorab Afif.

 

HON AHMED AFIF

Mersi Mr Speaker. Mr Speaker mon ti a kontan zis tyek eksprim avek Minis mon dezapwentman. Dan le sans ki bann larepons ki nou pe gannyen i pa pe ed nou vreman pou nou konpran e ganny larepons pou bann kestyon ki la.

E tre spesifik lo en Chief Commercial Officer ki son term e kondisyon e Minis ou napa sa file devan ou me ou dir nou ou a fer nou gannyen, me i ti en kestyon tre spesifik. Alor nou pa kapab konpare si sa kondisyon ki li i pe gannyen i konparab avek sa ki larestan staff pe gannyen. Nou osi aprann pou dir par egzanp en lakonpannyen ki sa Lasanble aprouv en sibvansyon plis ki $12milyon pou 2020.

I pe pran sa sibvansyon i pe donn en CEO ekivalan housing $4200 ki a pe pre ou ti kapab anploy 13 dimoun lo minimum wage zis ek sa allowance. 13 dimoun lo minimum wage e nou pa pe ganny sa transparans.

Alor mon kestyon Minis, eski ou krwar  poudir i pa ler pou Gouvernman revwar konpletman loperasyon e striktir Air Seychelles, vi ki i annan bokou travayer ki travay tre, tre dir ki’n donn bokou  pou sa airline pandan tou sa letan me ki zot vwar zot dan en sityasyon kot zot pe ganny penalize vizavi bann senior staff e Management ki paret by all accounts, sa ki nou’n tande bomaten pe ganny bann term preferansyel?

E dezyenmman, eski Minis pa krwar pou dir li koman aksyonner, propriyeter Air Seychelles mon konnen i pa lo Board. Me se ou Minis ki reprezant propriyeter Air Seychelles, i pa ler pou zot revwar Air Seychelles vizavi ler ou pe konpar li avek bann lezot paraetatik Gouvernman?

E mon ava donn ou en senp legzanp, SEYPEC ki en lakonpannyen Gouvernman 100poursan ni menm ek partner, li i annan 5 tanker i napa en loan lo la e sa 5 tanker i vo plis ki sa 2 avyon ki zot in prete e li anploy zis Seselwa. Depi lekipaz, depi Management dan SEYPEC e tou dimoun laba i ganny peye bokou, bokou mwens ki travayer senior Air Seychelles.

Alor eski ki mannyer nou kapab annan en Gouvernman ek de lakonpannyen ek de standard. Enn ki pe fer profi i zis donn Gouvernman dividends tou le lannen, lot i pe perdi larzan i demann $12milyon sibvansyon me selman i pe donn allowance trwa, kat fwa plis ki nenport ki dimoun ki travay dan Gouvernman, en housing allowance ki pey saler de MNA e 13 dimoun lo minimum wage. Eski Minis pa vwar i annan en dekalaz ki mal en lenzistis?  E zot bezwen revwar sa.  Mersi Mr Speaker.

 

MR SPEAKER

Mersi Onorab. Minis.  

 

MINISTER DIDIER DOGLEY

Mers i Mr Speaker. Mr Speaker konmsi Angle nou pa kapab compare apples avek something else.  I mean i fasil pou nou dir tankers avek avyon i menm parey.

I pa menm parey.  I de diferan kalite loperasyon. Enn i pe transport petrol kot i ganny peye pou pran pou anmenn pou tir en landrwa pou met dan lot. Lot i anmenn dimoun, me solman, me solman zot kondisyon operasyon i pa neseserman menm parey.

Ozordi ler nou regard tou bann airlines ou kapab al regard – I mean si ou regard tanker pe kontinyen anmenn petrol, menm si i annan COVID zot lo kannal zot pe ale zot. Me si nou regard atraver lemonn tou bann airlines. Annou pran larealite – ou menm;- Onorab Ramkalawan in koz lo Air Mauritius in koz lo bann lezot airlines. Nou tou nou lir dan bann zournal e mon krwar byen dan bann letan ki pe vini la nou pou tann plis tou sa bann diferan airlines, ki sipoze bann gro airlines ki’n byen etabli, ki annan bann gro, gro sonm deryer zot parey Air France, British Airways, Lufthansa, Virgin Atlantic e lezot e tou sa la i dan problenm! Sidafrik – South African Airways i dan problenm.

Air Seychelles pa en sel ka kler ki pou dir i annan mis management i annan keksoz ki mal marse sanmenm sa ki fer li dan problenm.  I en sityasyon ki pe afekte tou bann airlines dan lemonn. E Air Seychelles i zis enn parmi. E nou bezwen face la realite nou pa dir airline i parey tanker. Non i pa parey tanker.  I de diferan keksoz e nou bezwen war zot dan zot laspe ki mannyer zot ete.

Konsernan staff mon krwar mon’n reponn a plizyer repriz. Si fodre revwar nou a kapab mon dakor.  Petet la i en peryod letan kot nou devret asize e fer en analysis  bokou pli profon pou vwar ki mannyer kekfwa ki nou kapab restriktir e koup bann kou pou fer Air Seychelles  perform fer pli byen ki in perform dan le pase.

Sa i en travay ki definitivman nou deza demann Board pou fer e nou a kontinyen met presyon. Pandan plizyer lannen depi mwan avek Minis Finans pe regilyerman nou’n zwenn avek Board pour diskit sirtou sa bann kestyon ki mannyer nou ki nou koup ki Air Seychelles i annan, pou fer sir pou dir sa lakonpannyen si oule i vin pli i vin pli efektiv komersyalman. Mersi Mr Speaker.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi bokou Mr Speaker. Mr Speaker mon anvi premyerman demann Minis advert ti son deadline ti yer pou dimoun anvoy zot aplikasyon.

Eski Minis i kapab dir avek nou Lasanble kan well premyerman konbyen laplikasyon ki’n zot in gannyen pou sa pozisyon Chief Commercial Officer?

Kan eski zot annan lentansyon fer interview;- donn nou en pe bann dat e dir nou osi lekel ki pou lo sa Board ki pou interview  tou bann aplikan.

Oubyen eski Minis i kapab konfirm avek sa Lasanble ki poudir ofet zot in fini fer bann demars pou zot renouvle Kontra sa msye menm si dat final pou laplikasyon ti fer ti sipoze yer, zot in fini pe fer demars pou renouvle son Kontra enkli son GOP e ki ofet sa advert ki zot in mete lo NASYON sete zis en formalite pou anbet dimoun?

E ki zanmen in deza annan okenn dimoun zanmen in deza annan okenn –    parey zot prensip pou fer internal advertisement;- zanmen ki sa in deza annan. An plis ki sa eski Minis i kapab dir avek sa Lasanble, lekel ki ti sa understudy?  E atraver sa mon anvi Minis konfirmen ki pou dir zanmen in deza annan okenn understudy pou sa pozisyon?

E sorry Mr De Commarmond be Minis in met ou dan en pozisyon kot in dir ou’n koze e ou’n sey – be Mr De Commarmond fek pran sa pozisyon li! Kan eski Mr De Commarmond in koz avek bann understudy? E ki dan departman napa personn ki konnen lekel ki ti pe understudy? Akoz sa pa’n zanmen arive.

Mr Speaker Minis in osi koz lo sa sef pilot.  Sa sef pilot i lo en Kontra etranze me selman   ki mannyer mon konpran koriz mwan in marye avek en me Seselwa. E i pe reste isi akoz i lo en Kontra etranze e non pa lo en Kontra lokal?  Vi ki i annan bann lezot etranze ki’n marye avek Seselwa e i lo Kontra lokal. Eski i dan en pozisyon kot i pe zouir tou bann kote?

Mr Speaker unfortunately lenformasyon ki Minis in donnen lo lakantite etranze ki pe travay isi dan Air Seychelles i pa 100poursan.  Eski Minis i ava konsidere spesyalman dan sa laliny enzenyer, kot nou annan etranze parey mon pe dir bann etranze ki’n vin isi part of their training e ki ozordi zot pe ganny anploye, pou regard pou Air Seychelles seryezman konsider bann Seselwa.

Ki’n trained koman bann enzenyer e ki ozordi zot napa en lanplwa. Eski Air Seychelles i kapab pran konsiderasyon sa bann seselwa pou donn zot en plas travay espesyalman dans sa moman kot keksoz i difisil?

Eski Minis i kapab konfirmen ki Etihad in vers $18milyon dan Air Seychelles tou dernyerman? Ed nou avek sa.

E Mr Speaker mon pa kapab pa demann sa dernyen kestyon lo bann Seselwa ki overseas. Mon siport sa ki Onorab Wavel woodcock in mete e mon pou plede ki lefe ki sa se nou bann Seselwa Mr Speaker zot in pri depi 12 semenn swa Lenn ouswa Sri Lanka tout fason sa avyon Air Seychelles i bezwen ale i bezwen arive Lenn i bezwen ariv Sri Lanka.

Silvouple eski nou kapab fer Air Seychelles i kapab fer en laranzman akseptab pou ki sa bann Seselwa pa bezwen trouv sa R10,500 par personn pou peye pou zot antre lo sa avyon.

Vi ki Mr Speaker sa bann dimoun pandan sa bann letan zot pa ti ekspekte pou al pou trwa mwan zot.  Zot ti ekspekte al pou en pti git letan e zot in pri!  Zot in bezwen peye laba kot zot pe reste. Zot in bezwen larzan in fini e mon krwar pou dir i annan plizyer nou ki’n ganny aprose pou regarde ki mannyer i kapab ede.

Alors silvouple lo sa baz imaniteryen, eski Air Seychelles i kapab pran sa larzan ki Lasanble Nasyonal nou menm nou ti vote pou donn zot sa sipor, pou zot met sa detrwa Seselwa lo sa bann avyon lo sa avyon pou zot retourn Sesel kot zot fanmir.  Alor mon ti ava kontan Minis i pran sa vreman an konsiderasyon.

E finalman mon krwar   Mr Speaker i tout a fe apropriye si nou bomaten nou eksprim konsern e tou pou nou dir nou bann Seselwa parey Mr De Commarmond, avek tou bann lezot lekip ki pe travay pou Air Seychelles ki dan sa moman zot annan serten lenkyetid pou nou dir avek zot mersi bokou.

Pou tou sa ki zot pe fer e pou nou osi parey Lasanble in fer pou nou kontinyen donn zot lankourazman.  Parski nou osi tou nou pa anvi Air Seychelles aret anvole.  E Minis i konn sa byen me selman nou anvi ki Air Seychelles i depans son larzan byen;- pou ki bann Seselwa i kapab take over e nou pti laliny i kapab kontinyen anvole.

Me Mr Speaker mon anvi osi dir avek Minis en pe bann keksoz ki in dir an relasyon avek travay ki’n pase pandan sa 2an, bann staff Air Seychelles i di avek ou sa Msye pan fer larzan antre an plis parey i sipoze fer sa 3poursan me in plito koup isi, koup laba e se sa ki ozordi servis lo avyon Air Seychelles avan COVID-19, servis lo Air Seychelles standar ti’n tonbe.

E in fer Air Seychelles vin en avyon konmsi koman enn sa bann cheap carrier,           bann carrier. Alor sa osi tou nou bezwen pran konsiderasyon e mon esper ou larepons Minis. Mersi bokou Mr Speaker.

 

MR SPEAKER

Mersi Onorab. Minister.

 

MINISTER DIDIER DOGLEY

Mersi Mr Speaker. Onorab Ramkalawan in donn mwan en kantite kestyon i annan en lalis kestyon devan mwan. Mon a sey fer mon mye pou mwan kapab reponn tou sa bann kestyon ki’n demande. Konsernan sa Chief Commercial Officer sa post, i vre pou dir dernyen advert ti yer ti dan zournal yer lazournen.

E mon konpran i annan de dimoun ki apply.  Apard ki sa Chief Commercial Officer ki an pos, i annan ankor de dimoun ki’n apply.  Me interview ziska prezan pa ankor ganny fixed. I pou annan en prosesis recruitment parey dan tou le ka. E mon konpran poudir napa en fet akonpli i pou annan en prosesis sa bann dimoun i a konsidere.

E i pou annan en panel ki pou ganny met an plas.  Dan panel pou annan en Board Member ki pou reprezante lo sa panel.  I pou annan son CEO li menm ki pou ganny reprezante, apre i pou annan HR Manager li menm ki pou lo sa panel.

Konsernan sa dimoun ki in ganny understudy mon pa konnen si i normal ki nou nonm dimoun non dimoun la anndan, ouswa si mon kapab anvoy lo en bout papye ouswa si i pli apropriye.  Akoz mon pa tro santi mwan konfortab pou nonm dimoun an bonnavini, me selman mon kapab donn sa Onorab Ramkalawan lo en bout papye, si sa i ok avek ou Mr Speaker?

Konsernan sa pilot examiner mon konpran pou dir wi i annan en girlfriend Seselwa. Me solman i pa ankor marye avek sa dimoun.  E tan ki pa ankor marye nou pa kapab transfer li lo en local contract.  Me si i marye definitivman sityasyon i pou sanze.

Konsernan sa bann Sri Lankan parey mon’n dir in fini konfirmen pou dir zot in fini terminated. Zot tou pe ale pe esper zis ki letan ki Airport i ouver pou met zot tou lo avyon pou anmenn zot Sri Lanka.

E nou definitivman i en keksoz ki mon pou demann avek CEO avek Board pou dir mon krwar nou annan bann zenn parey, ou pe dir si i annan Seselwa ki la, ki annan sa kalifikasyon, ki annan sa abilite nou devret konsider nou bann Seselwa premye.

E an menm tan nou devret vwar avek SIT, pou vwar si annan bann zenn ki enterese kekfwa nou devret komans anmenn zot osi dan en progranm ki pli tar nou kapab ganny bann zenn Seselwa ki fer sa bann kalite louvraz. So sa definitivman i en keksoz ki pou ganny follow-up.

Konsernan 18milyon sorti kot Etihad. Non mon napa sa lenformasyon.  Mon pa’n tann okenn lenformasyon pou dir Etihad in kontribye 18milyon. Nou ankor an diskisyon avek Etihad pou vwar ki mannyer ki nou kapab rezourd bann problenm finansyel, ki Air Seychelles pe war li pe pas ladan.

Me solman pou le moman nou napa nanryen conclusive ki nou kapab raporte Onorab. Konsernan bann seselwa overseas mon ava vwar avek Minister Lasante egzakteman lekel sa bann dimoun akoz sa ti pe ganny kordinen par Minister Lasante.  E vwar avek Gouvernman pou vwar ki mannyer ki nou kapab ede si i annan dimoun   ki pou bezwen led, ki mannyer ki nou kapab ed sa bann dimoun dan en fason zot kapab retourn isi Sesel.  Mersi Mr Speaker.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mr Speaker. Mon anvi premyerman repran sa pwen Seselwa e eski Air Seychelles vreman ti ava kalkil bann seselwa ki’n trained ki pe asize pou le moman.

E ki’n menm deza petet i annan serten ki’n deza travay avek anba Air Seychelles me ki pare in ariv serten keksoz pou ki bann Seselwa i kapab ganny en lasyet manze. Lo kote bann seselwa ki overseas zot annan menm leker ki letan Air Seychelles ti al Maurice spesyalman pou al sers en group Seselwa.  E la si zot annan sa menm leker pou zot met tou sa bann Seselwa e mon krwar ki  ant sa de Anbasader ki dan tou lede pei;- nou annan Anbasader e alor e zot deza annan lalis tou sa bann dimoun parske zot in enform sa bann dimoun ki zot bezwen peye.  Alor ankor en fwa la, nou ti ava demande ki zot fer le neseser pou ki tou sa bann Seselwa i kapab retourn isi Sesel.  Mersi bokou Mr Speaker.

 

MR SPEAKER

Minister.  Comments?

 

MINISTER DIDIER DOGLEY

Mersi Mr Speaker.  Mr Speaker Gouvernman in toultan montre konpasyon avek Seselwa ler in dan difikilte e Onorab in fer referans avek sa ka kot Air Seychelles ti al rescue – si oule, ti al retir sepa konbyen seselwa ki ti’n pri Maurice tre resaman.

E si i annan bann ka parey e parey mon’n dir nou ava raise avek Gouvernman. E vwar ki mannyer Gouvernman ek Air Seychelles i kapab travay ansanm pou repatriate seselwa. Annefe rezon pou anvoy sa bann flight se pou repatriate seselwa ki’n pri Sri Lanka avek Chennai.

Se sa plan, prezan ok si i annan serten ki’n ganny demande pou peye e ki napa la resours ouswa ki annan en problenm, nou ava raise avek Gouvernman nou ava regrade ki mannyer zot kapab ganny ede.  Mersi Mr Speaker.

 

MR SPEAKER

Mersi Minis.  Avek sa nou ava remersye ou Minis avek Mr De Commarmond e nou ava eskiz zot parmi nou.

 

(MINISTER DIDIER DOGLEY WAS EXCUSED FROM THE HOUSE)

 

MR SPEAKER

Bon nou ariv a lafen kestyon bomaten nou konnen nou’n overlap en pe.  Nou pou repran 1130 pou nou kontinyen deba lo Employment (Amendment) Bill ki devan nou.  So nou ava break nou retournen 11.30.

 

(BREAK)

 

 

MR SPEAKER

Bon nou repran nou travay avek nou dezyenm item lo Order Paper sa se Employment (Amendment) Bill, 2020 e kontinyasyon deba.  Mon ti ava kontan premyerman dir bonzour e welcome Minis ki responsab pou Lanplwa Imigrasyon e Leta Sivil Mrs Myriam Telemaque, ki ganny akonpannyen par Attorney General Mr Frank Ally, son Sekreter Prensipal pou Departman Lanplwa Mr Jules Baker e Special Advisor to the Minister Ms Veronique Bresson. Minister avek ou lekip bonzour e welcome dan Lasanble Nasyonal.

Bon swivan adjournment deba semenn pase mon konnen i annan plizyer keksoz ki’n ganny fer plizyer meeting ki’n ganny fer and all that, mon annan mon osi tou annan ankor 6 Manm ki ti lo mon lalis pou deba e an vi ki ozordi i continuation of deba mon ava regard le de kote.

Pou mwan regarde si nou kapab ganny en konsansis on the way forward  – ok?  Eski le de kote zot annan e pozisyon lo a way forward?  Si non mon pou pran continuation of debate kot mon pou allow bann Manm ki lo mon lalis pou koze apre mon ava regarde mon fek resevwar en seri lamannman ki apre nou ava regarde dan Staz Komite ki nou pou fer. Yes Onorab Ramkalawan.

 

HON WAVEL RAMKALAWAN

Mr Speaker, mersi bokou. Mersi Minis avek ou delegasyon. Mr Speaker mon krwar ki nou’n koz en kantite.  E depi semenn pase in annan mon krwar ki ti pou bon pou nou al towards konklizyon lo sa deba. Lo nou kote i annan zis Onorab Georges avek mwan ki anvi entervenir.

E atraver son entervansyon, mon konnen  Onorab Georges pou fer serten propozisyon. E petet si nou ti kapab tonm dakor nou ti ava pran de lo sa kote, de lo lot kote si Onorab De Commarmond i dakor.  E apre sa nou ava kapab al dan Staz Komite. Epi then nou al lo terminasyon sa deba.

 

MR SPEAKER

Dakor. Mersi Onorab Ramkalawan. Onorab De Commarmond.

 

HON CHARLES DECOMARMOND

Mersi Mr Speaker.  Bonzour Mr Speaker.  Bonzour   Minis ek ou delegasyon tou Manm Onorab e tou dimoun ki a lekout. Mr Speaker mon krwar ki napa bokou dimoun ki pe ki oule entervenir ou dir i reste 6. 6 i pa bokou, les bann dimoun eksprim zot.  Mon krwar parmi ler mon konnen zot pa pou long osi probableman.

E i ava annan serten propozisyon ki ava ganny met devan. Les zot koze mon pans koumsa lo nou kote nou pans koumsa. Les bann dimoun koze eksprim zot koman Manm Lasanble parey a plizyer repriz in ganny pouse, ganny demande dan sa Lasanble. Les bann Manm koze. So, les zot koze.

 

MR SPEAKER

Bon. Eski nou dakor mon pou met en limit letan lo an vi ki parey Onorab Ramkalawan in dir kantite keksoz in deza ganny dir lo la pou nou pa antre dan repetisyon and all that?

Sa 6 Manm i lo kote US akoz lo kote LDS i annan zis en Manm ki ti lev lanmen pou koze. Me Onorab Ramkalawan in endik mwan pou dir i annan de la ki zot anvi entervenir.  An vi ki depi semenn pase mon ti’n fer mon lalis. Me mon pou permet de lo kote LDS.  Eski nou kapab agree 5 minit par Manm?

Eski i annan en konsansis?  5 minit tro pti git 10 minit par Manm? Ok i pa neseserman ki en Manm i pran sa full 10 minit – ok?  Bon lo kote US mon annan Onorab De Commarmond, Onorab Simon Gill, Onorab Jude Valmont, Onorab Chantal Ghislain, Onorab Noeline Sophola e Onorab Waven William.  Ok?

E lo kote LDS mon’n azout sa de. Non Onorab Herminie mon napa, pa -?  Ok, alor mon’n mistake bon Onorab Valmont pa pou koze.  Onorab pa Onorab Sophola, Onorab Herminie. Ok dakor? Onorab Pillay ou ti’n deza entervenir.

 

MR SPEAKER

Wi.  Yes Onorab.

 

HON SEBASTIEN PILLAY

Mr Speaker mon pe zis enform ou ki si ou resevwar propozisyon lamannman ki mon’n gannyen osi from Gouvernman, ki nou ti bezwen espere ki sa diskisyon i ganny fer yer?  E nou ava pran li dan Committee Stage.

 

MR SPEAKER

Wi. Se sa ki mon’n fek resevwar pandan break la e apre nou ava regrade ek bann prosedir Standing Orders and all that.

Bon so nou agree lo apepre 10 minit parey mon’n dir i pa neseserman ki zot pran si zot pa bezwen sa 10 minit zot pa bezwen pran sa 10 minit. E mon a mon’n la parol toudswit Onorab Waven William.  Continuation of debate on the Bill itself.

 

HON WAVEN WILLIAM

Mersi Mr Speaker. Swivan bann devlopman ki’n arive apre ki sa Prozedlwa ti vin dan Lasanble semenn pase, mon anvi aport latansyon panel ki i annan serten keksoz ki nou bezwen pran kont par egzanp letan nou pe get Lartik Konstitisyon 35.  E la mon pe refer avek 35(a) ki Minis ti refer avek well the whole lartik 35 Minis ti tous en pti pe lo la.

E mon krwar ki pandan bann deba ki’n deroule isi dan Lasanble e an menm tan avek bann lezot meeting ki’n pase, mon ti a kontan port latansyon Minis lo sa fraz swivan;- ‘’… to take necessary measures to achieve and maintain a high and stable level of employment as is practicable with a view to attaining full employment. ‘’

So, Minis mon krwar sa mon ‘’practicable’’ nou bezwen regard byen akoz letan nou pe refer avek anplwaye ek anplwayer, sa lartik li menm li anba (a) i koz lo the practicability.

So i annan bann demann ki’n ganny met devan par diferan stakeholders, kot mon mazinen pou dir sa eleman as is practicable, i vreman ganny met an pratik, prenon kont sa sityasyon eksepsyonnel, ki nou ladan ki okenn parti prenon pa santi zot defavorize. Sa i mon premye pwen.

E an menm tan mon vwar ki lo kote Egzekitiv, mon santi pou dir anba lartik (c) mon annan en pti pe kestyon 35(c) kot mwan pe vwar petet ki Egzekitiv koman fasilitater i bezwen met lanfaz lo sa eleman ‘’training’’, kot ankor lo kote anplwayer ti annan bann sizesyon ki’n ganny fer sorti.

Ki mon ti ava swete vwar ki i annan en lanfaz i ganny mete dan bann ka redundancy kot egzekitiv koman fasilitater ti’n devret proaktivman pe vin avek sa eleman retraining, dan en fason kot i ava ede pandan sa moman difisil.

Mon lot pwen Mr Speaker letan PS Baker avek Minis in fer zot lentervansyon, zot pa’n klarifye serten keksoz. Akoz ziska ozordi akoz baze lo lenformasyon statistik zot in gannyen;- par egzanp lo sa letan Minis pe koz lo sa 2700 travayer ki anba ASP.

Sa li menm li la fason zot in fer sorti i en pti pe misleading. Misleading dan le sans ki enn ziska ozordi Minister Lanplwa pa ankor kapab dir nou parmi sa 2700 dimoun ki anba ASP se bann dimoun, ki’n ganny fer redundancy.  Bann ki ti self-employed ouswa bann ki lo sibstans ki otomatikman avek sa bann kalite mezir ki nou’n pran, ki dimoun in reazir pou fer bann laplikasyon.

E an menm tan Mr Speaker mon ti a kontan fer de pti remark. Lefe ki annan ban lamannman ki pe vini mon pa pou al dwell bokou lo la, me mon ti kontan ki Minis i pran konsiderasyon sa de pti remark.

Enn;- se ki si vreman i arive kot i annan en mass redundancy e nou santi pou dir ozordi competent officer i pou en landrwa kot pou bezwen bokou lasistans.

So, mon pe met en sizesyon avek Minis devan ki lefe ki zot napa bokou mendev kot i annan bann Private Employment Agency ki ozordi zot pe fer aplikasyon pou ganny lasistans, si Minister i ava konsidere ki angaz zot e pey zot ki dan plas ki zot pe rod sa lasistans zot ti kapab ganny serten benefis, anba sa bann servis, akoz mon santi pou dir Minister Lanplwa pou anba bokou presyon.

An menm tan i fer mon osi lev case sa bann sa 3 travayer eksperyanse ti ganny pouse koman Sivil Status Officer mon santi pou dir ziska ozordi – mon konnen pou dir semenn pase Minis i ganny sans vwar zot.

Me mon santi pou dir la ankor zot still pa ankor mon a dir konpran, ki zot pou fer. So, la ankor i annan dimoun konpetan ki mon santi Minister i kapab fer.  Mr Speaker avek sa de pti mo, mon pou aret la akoz mon konnen i annan bann amannman ki pe vini e mon ava esper sa bann amannman letan zot vini pou mwan kapab mon’n serten komanter lo la.  Mersi Mr Speaker.

 

MR SPEAKER

Mersi Onorab William.  Mon ava mon’n laparol Onorab Wilbert Herminie.

 

HON WILBERT HERMINIE   

Mersi Mr Speaker. Bonzour Minis avek ou delegasyon e tou dimoun ki a lekout. Mr Speaker mon pou dir enn de mo lo merit e prensip sa Bill orizinalman mannyer i ti ete.

Mon bezwen fer en pti recap sa Bill li menm li pe demann nou pe demande ki saler en travayer i pa ganny retenir ou redwir ki negosyasyon i ganny fer.  E lot bout ki i pe demande pou napa redundancy from le 20 Mars ziska le 30 Zen. Sa de pwen prensipal i ganny mete pou kapab ede soutenir bann travayer, sirtou bann anplwayer ki santi zot dan en sityasyon difisil pandan sa letan force majeure.

Dan sa letan nou bezwen mazinen ki i annan fanmir ki pe ganny afekte;- i annan dimoun ki kot lakour ki pa konnen ki pou fer e sa i dan en fason Gouvernman pe montre ki i pe garanti zot job security pou sa peryod.

Nou bezwen fer kler ki sa pou ganny fer pou sa peryod.  E mwan mon agree ek sa akoz nou bezwen mazinen parey nou’n fer bomaten Lasanble, in lager pou bann travayer Gouvernman menm si Air Seychelles i en parastatal, nou’n lager pou mentenir e garanti louvraz sa bann travayer ki dan sekter piblik.

E mon santi ki Lasanble i kapab fer menm parey pou nou bann travayer dan sekter prive dan sa letan from le 30 Mars ziska le 20 Mars ziska le 30 Zen. Sa i en letan ki at least sa bann travayer i kapab rekonsider bann lezot alternativ ki zot kapab annan, bann lezot avenue ki zot kapab gete pou zot kapab antre ladan tel ki reskilling e lezot keksoz, ki Gouvernman i ava vin avek dan sa dezyenm faz devlopman dan sa letan COVID so.  Sa li menm li sa de pwen ava ed nou bann travayer pou kapab soutenir zot lekor pou en pe letan.

Lo kote anplwayer Mr Speaker nou konnen ki vre ki nou sekter lekonomi i private businesses e ki sa bann anplwaye i ganny afekte dan en fason dan serten zot in ganny en sok dan zot biznes e sa li menm i fer zot difisil pou zot kapab soutenir zot biznes.

E mwan mon lapel ki mon annan pou fer avek Gouvernman, se sa Komite ki’n ganny met devan pou kapab ed sa bann anplwaye pou soutenir zot tyonbo zot lanmen sa letan pou zot kapab pey zot bann travayer.  Mon sipliy avek zot fer sa louvraz dan en dele letan pli kourt posib.

Larzan i ganny vote par Lasanble e mon pe sipliye ki sa process i ganny fast track, e ki tou sa bann travayer zot ava ganny peye. Anplwayer ava ganny peye so ki zot kapab pey zot bann anplwayer.  Sa i enportan akoz bokou koze deor dan mon marse dan distrik ou remarke ki serten mon pa pou dir leskiz, me pe ganny ki anplwaye pa ankor ganny peye so zot pa kapab pey zot anplwayer.

E sa i vin direkteman lo Gouvernman.  So mon pe sipliye ki sa Komite li menm i kapab fer sa louvraz ekstra ki larzan in ganny donnen so annou get down to business, annou pey sa bann small business so ki zot kapab soutenir zot bann travayer. Akoz nou pa anvi dan en sityasyon kot pou annan en gran mass redundancy dan le fitir, kot nou war nou ki bann anplwaye pa kapab pey zot bann anplwayer.

E ki zot pou fer dan en sityasyon koumsa.  Zot pou bezwen tonm dan zot pou faid e go out of business.  sS mwan pou konklir mon pe dir lamannman propozisyon ki sa Bill in anmennen i bon, e mon pou siport li dan sa ki’n donnen sa letan 20Mars pou le 30Zen.

Epi bann nouvo mezir ki neseser i ava ganny met an plas pou nou kapab deal avek sa dezyenm volim ki pe vini.  Mersi Mr Speaker.     

 

MR SPEAKER

Mersi Onorab Wilbert Herminie. Bon Onorab Chantal Ghislain in enform mwan e in signal mwan ki i pa pe entervenir. Mon ava mon’n la parol Onorab Simon Gill. Onorab ou annan ou 10 minit.

 

HON SIMON GILL

Bonzour Mr Speaker.  Bonzour   Minis avek ou delegasyon tou koleg Onorab e manm piblik ki pe ekout nou.

Mr Speaker mon pa pou long.  Mon realize ki ozordi nou pou break midi. E lo Bill ki devan nou Lasanble sa Bill in vin dan en moman kot Gouvernman Sesel pe sey aziste li avek en sityasyon abnormal en sityasyon eksepsyonnel nou kapab dir ekstraordiner.

Me i pa zis Sesel lemonn antye pe fer fas avek COVID-19 e plizyer pei plizyer Gouvernman pe sey rod en nouvo lekilib Mr Speaker.  E sa nouvo lekilib i prensipalman port lo en keksoz fondamantal ki soutenir nenport ki sosyete e sa se pa lot ki bann zonm, fanm ki viv e donn lavi pou aktivite imen dan en sosyete.

En aktivite prensipal se en aktivite prodiksyon.  Prodiksyon tou sa ki bann zonm, fanm i konsonmen dan en sosyete dan or en pei. E zeneralman sa ki en sosyete i prodwi e an retour ki zonm i konsonmen nou apel zot zeneralman sa bann dimoun ki dan sa legzersis se bann travayer.

E bann travayer dan bann plizyer sosyete Mr Speaker nou annan travayer ki dan sekter prive, nou annan travayer ki dan sekter piblik byensir dan kategori travayer ki dan sekter prive nou annan bann dimoun ki anploy zot prop lekor. Zot annan zot pti biznes zot mwayen biznes.  E i annan bann zonm ki annan kantite mwayen zot anploy de milye zonm, fanm pou fer marse zot biznes.

Ozordi dan lemonn Mr Speaker ou annan lantrepriz ki anploy dimoun plis ki popilasyon Sesel.  E ozordi Mr Speaker sa ki sokan se ki dan plizyer pei de milye zonm, fanm in ganny met a la port.  Zot napa en travay.  Zot napa garanti en saler, en reveni ki zot kapab ganny li swa toulezour, menm par semenn menm oubyen menm par mwan.

Nou koz lo bann gran pei parey Lanmerik, Langleter, Alman, La France e lezot gran lekonomi ase enportan.  Ozordi Lanmerik bann statistik i dir nou i annan plis ki 30milyon travayer ki’n ganny met a laport e zot napa en reveni.  E ki pe arive?  Gouvernman, Leta, pe entervenir pou sey donn serten soutyen donn serten sipor finansyel sa de milye travayer ki’n ganny met a laport. I sagrinan me sityasyon ki bokou pei i trouv li ladan. Sesel osi i trouv li ladan.

Me nou ava dir ziska serten degre Mr Speaker Sesel i sanse. Nou sanse i annan en laklerte lo nou ki malgre tou bann defi Sesel nou’n ganny mwen afekte e tan ki konsern perd lavi imen avek COVID-19. Nou’n napa personn ki’n mor, nou’n napa en kantite ka COVID-19 – zis 11 ka.

E ozordi nou vwar ki bann travayer ki’n dan forefront ki’n lo sa fron batay pou asir e garanti lavi sirvivans Seselwa se sa bann zonm. Bann Seselwa ordiner ki nou felisit zot ankor de nouvo.

E nou Gouvernman Mr Speaker Prezidan avek son lekip in sey rod fason pou kapab arive kontenir okenn posibilite ki en an kantite Seselwa, Seselwaz i ganny met a laport.  Fas a bann konsekans anmenn par COVID-19. Bann restriksyon ki COVID-19 anmennen.

Kot nou Erport i frenmen parsyelman in annan serten aktivite kot bann biznes in aret fonksyonnen napa reveni ki antre. E Prezidan Faure le 20 Mars i fer en deklarasyon avek tou bonn fwa avek en lentere en vizyon pou tenir travayer Seselwa. Pou asire ki i annan en sans garanti sekirite zot saler zot reveni e i dir pou mwan Avril, Me, Zen Gouvernman i a fer sir ki travayer Seselwa pa ganny met a laport e ki zot kapab kontinyen ganny en reveni pou zot soutenir zot bann depans soutenir zot fanmir, soutenir zot bann lezot komitman ki sakenn i annan.

E sa Prozedlwa Mr Speaker pe donn en lankadreman legal sa deklarasyon ki Prezidan Faure   ti fer. Eski i annan en merit donn en lankadreman legal deklarasyon ki Prezidan Faure ti fer?  Wi i annan en merit donn en lankadreman legal deklarasyon Prezidan Faure in fer kot in dir ki mwan Avril, Me, Zen nou bezwen asire ki travayer pa ganny met a laport.

I annan en merit.  Byen sir son laplikasyon, or lenplimantasyon in annan en kantite defi ki nou tou isi anndan nou konnen.  E sa bann defi ki sa deklarasyon in fer fas avek se sa ki’n prolonz deba e konsiderasyon merit bann provizyon dan sa Prozedlwa Mr Speaker.  E ek sa serten degre in annan plizyer lesey pou retir serten provizyon dan sa Prozedlwa, par lefe ki serten lopinyon i panse ki nou’n al en pe tro lwen avek serten provizyon.

Eski sa bann largiman i annan zot merit, ler nou konsider tou eleman?  Nou vwar wi i annan serten merit ki nou bezwen asize balanse e konsidere pou ki nou kapab bouz de lavan.

Me Mr Speaker Seselwa s i annan en drwa garanti travay dan son pei. Nou konstitisyon i mon’n garanti e drwa seselwa pou li travay dan son pei.  Swa pou dan sekter piblik, or ou dan Sekter Prive ou drwa i ganny garanti. Me byensir sa drwa i relatif donnen bann sirkonstans ki pei i fer fas avek.

E Mr Speaker mon pou aret la pou mwan ekout bann propozisyon nouvo an relasyon avek sa Prozedlwa ki dan nou Lasanble.  E mon ava entervenir pli aprofondir dan staz komite lo bann diferan provizyon ki anmenn devan. Mr Speaker Mersi bokou pou mon’n mwan laparol.

 

MR SPEAKER

Mersi Onorab. Nou pa pou break midi mon lentansyon se nou pou break 12.30. Bon Onorab Georges ou pou al spesifikman lo bann amannman oubyen ou annan en entervansyon?  Laparol i pou ou Onorab.

 

HON BERNARD GEORGES

Mersi Mr Speaker. Bonzour Minis avek ou delegasyon bann Manm Lasanble, plito bonn apre midi. Mr Speaker i annan e pwen depar dan sa deba ki fodre ki nou tou nou aksepte e nou vizyaliz li.

E sa, e akoz san sa nou pa pou konpran selon mwan, akoz ki sa bann lamannman pe ganny propoze avek Minis e akoz ki in annan otan deba otour sa bann lamannman sa detrwa dernyen zour. Nou konpran i annan serten amannman ki Gouvernman pou vin avek swit a bann negosyasyon sa detrwa dernyen zour, e mon fek ganny – antan ki Chairman Bills Committee en apersi dan sa 5 dernyen minit lo sa bann amannman.

Me koman en Lasanble apard panel, mover en lamannman avek mwan. Lasanble i dan fernwar lo en size osi enportan ki nou’n pez en bouton ‘’pause,’’ pou detrwa zour, pou fer sir ki tou bann fors viv ki annan pou fer avek lanplwa i ganny en sans koze.  E la an mezir ki mon pe koze zot tou zot dan fernwanr lo kisisa ki panel pou vin avek ou plito ki Onorab Pillay pou vin avek koman lamannman ki nou pe al lo la.

I pa devret koumsa Mr Speaker. Akoz tou sa ki mon pou dir la, i pou dan en konteks ki personn pa familye avek apard parey mon’n dir zis 4,5 dimoun. Se pa koumsa ki nou pou avanse.  E mon’n dir ki pwen depar. Sa pwen fondamantal otour lekel sa lamannman pe ganny propoze se enn ki fodre nou konpran akoz menm zafer in arive.  Rezon ki nou la ozordi Mr Speaker e nou pa la pou fer politik, akoz nou tou nou pou bezwen tonm dakor lo en Prozedlwa ki pou satisfer nou tou.

Me annou pa bliy konteks ki anmenn nou isi ozordi e sa konteks se avek en dezir ki nou tou nou partaze, dan lespri Prezidan Larepiblik pou pa annan redundancy fas a en problenm COVID ki’n zis tonm lo nou, in fer en propozisyon pou ki tou anplwayer pou ganny pey zot saler pou Avril, Me ek Zen.

Si sa ti’n ganny fer nou pa ti pou la ozordi avek sa amannman.  Fodre nou konpran sa tre byen e i pa en kestyon politik sa i en kestyon larealite. Si nou la ozordi se akoz sa lide senp, vreman senp e nou sot lo la nou’n donn tou larzan ki zot in demande R1.2bilyon.

Sa lide senp in ganny fer difisil par la fason donk ki’n ganny antreprann. E olye tou anplwayer ganny peye parey tou dimoun ti krwar e konpran including ‘’yours truly’’ ki lo payroll Mars tou anplwayer ti pou resevwar sipor pou pey mwan Avril, Me ek Zen sa in ganny fose.

E serten dimoun pan ganny ditou, serten in ganny en pe, e serten in ganny tou.  E fas a sa Minis in eksplik nou Mr Baker in eksplik nou fas a sa obviously serten anplwayer in bezwen mazinen be ki mannyer nou pou premyerman navig sa trwa mwan dan lensertitid, si zot pou gannyen, si zot pa pou gannyen. E ki mannyer zot pou navig sa peryod apre sa trwa mwan.

E obviously, otomatikman serten konversasyon in bezwen ganny fer ant anplwayer e anplwaye e serten anplwayer in kekfwa jump the gun pou pran serten desizyon. Akoz zot in vwar zot lekor perdi dan losean lo en bato san konpa, san gouvernay.

E se sa, se sa.  Konpran mwan byen se nou tou nou konn sa.  Popilasyon Sesel antye i konn sa nou pa pe dir en keksoz ki nou pa konnen.  Obviously prezan Gouvernman in bezwen reazir ler zot in vwar sa dan lespri pa annan redundancy ditou, vin avek en propozisyon tel ki parey sa enn ki devan nou pou amann Lalwa e pou dir ki ou pa pou kapab, ou pa pou kapab negosye avek ou anplwayer.

Anplwayer ek anplwaye pa pou kapab negosye, amwen ki zot pas par competent officer;- negotiation procedure.  E menm si zot fer sa pou ganny fer an Zilyet. Sa se en reaksyon mon pa pou dir ozordi knee jerk me dan mon Mosyon ki pou vini demen mon pou dir li, sa set en reaksyon otomatik fas a en problenm ki pa ti pe ganny antisipe, akoz en promes pa’n ganny realize parey i sipoze gannyen.

I normal sa nou konpran sa.  Se koumsa ki dimoun i azir. Me i pa byen, akoz sa reaksyon in vin en reaksyon en pe tro vit e in anmenn pandil dan en lot direksyon. In swing tro lwen. Sa ki nou, nou pou propoze Mr Speaker se annou pa al ni dan en direksyon annou pa al ni dan en lot.  Nou fas a en realite kot pa tou biznes ki pou ganny sipor e serten biznes pou ganny en pe.

Fas a sa realite, nou pou bezwen manage sa kriz e sa ki nou pou propoze dan en seri lamannman ki pou ganny move par Onorab Ferrari e don ou’n fini ganny notis ozordi, se pou permet ki i annan negosyasyon ant anplwayer ek anplwaye.  Now olye pa annan ditou parey amannman pe propoze. E ni annan li zis ant anplwayer ek anplwaye parey anplwayer pe demande. Nou pe fer propozisyon ant sa de ekstrenm e nou pe dir les annan, me les li ganny fer avek competent officer   koman en referee, koman en honest broker.

Akoz nou pe dir sa akoz malgre ki anplwayer pou dir premye priyorite pou nou se gard nou staff.  E zot in dir nou sa nou’n tann sa yer. E nou krwar dan zot.  Malgre sa i annan sa staff ki mefyan e i annan ka kot anplwaye pou ganny met anba presyon.

Nou konn sa akoz sa se la realite lavi. E anplwayer an menm tan pe demann pou gard Lalwa mannyer i ete sa amannman, akoz zot osi zot konnen ki par le pase competent officer in toultan pou lean an faver anplwaye. E non pa anplwayer.

Mwan mon konn sa tre byen.  Mon ava dir zot en keksoz, ler mwan mon ti en pli zenn avoka e ki mon ti fer case a Lanplwa Mr Baker ti ankor en competent officer sa lepok, i pa ti ankor gravir bann lesel pou li ariv dan sa pozisyon stratospheric kot i ete ozordi. Sa lepok pa li.  E mon dir klerman pa li, mwan ti dir nou ti devret sanz non competent officer apel zot incompetent officer. Eskiz mwan akoz toultan mon ti perdi en case zis akoz zot ti tant pou al an faver anplwaye – non pa anplwayer.

Donk i annan sa persepsyon dan latet anplwayer ki ler ou pe al devan Competent Officer anplwaye ki pou ganny drwa pa ou. Nou, nou pe dir malgre sa nou pou bezwen annan en refri.  E sel refri ki nou annan anba Lalwa konmela se competent officer annou servi li.  Annou pa les anplwayer ek anplwaye zot tousel, annou pa les pa annan okenn negosyasyon, annou les negosyasyon annan right now pou ki bann biznes i kapab plan zot future e ki bann anplwaye i konnen ki zot fitir zot osi.

Donk nou pe fer nou pe demann en seri amannman, ki pou sanz sa pozisyon rizid ki sa lamannman pe met devan nou. E pou asoupi li dan en fason kot i pou annan en balans ant anplwayer ek anplwaye. E nou pe dir les sa ariv la e non pa pli tar e finalman nou pe dir annou les negosyasyon arive la pou sa peryod apre Zilyet.

Akoz ou pa kapab fer en desizyon from one day to the next.  En biznes i bezwen konnen kot i pou ete an Septanm kot i pou ete an Desanm, kot i pou ete an Avril lannen prosenn. Anplwayer, anplwaye i bezwen konnen eski i pou annan en job an Septanm, an Desanm, an Avril lannen prosenn?

Les zot annan sa negosyasyon la sa konversasyon pou pran lefe pli tar.  E nou pe osi dir ki mon krwar zot in aksepte lo kote Gouvernman ki si pou annan en prolongasyon sa moratorium sa ban, les li vin devan Lasanble olye les zis Minis fer li par en sa. Pou ki nou annan en oversight lo la. Se sa ki nou pe demande. E avek sa bann propozisyon lamannman ki pou ganny move,  mwan mon persyade, mwan mon persyade ki nou pou annan nou en Lalwa ki pou prezerv bann aki, ki pou prezerv biznes e ki pou prezerv lanplwa. Kot tou le de biznes ek lanplwa, anplwayer ek anplwaye tou le de pou lo menm nivo negosyasyon devan en refri.

La sa ki nou pe dir.  Nou pa ni pe tant ni an faver anplwayer, nou pa pe tann ni an faver anplwaye. E mwan mon ti ava swete Mr Speaker ki dan sa deba en laliny pa ganny fer dan sa Lasanble, kot i annan en kote ki pe lager pou anplwayer e en kote ki pe lager pou anplwaye.

I pa sa nou rol, i pa sa nou swe.  I pa sa nou dezir e i pa sa nou lentansyon e pa sa ki sa bann seri lamannman ki nou pe propoze pou anmennen.

Donk   mon pe met sa devan Minis, ki’n vwar sa bann seri lamannman pou ki i ava parey Mr Baker in dir nou yer, pran zot an konsiderasyon akoz zot pa bann move lamannman zot bann lamannman ki rod un juste  millieu pou nou kapab bouz devan dan sa sityasyon ki nou’n fer fas avek, olye get par deryer e konmans montre ledwa e dir si sa pa ti’n arive, pa ti pou ariv koumsa.

Vwala Mr Speaker, avek sa detrwa parol mon ti ava kontan sipliy avek Minis avek son delegasyon, pou silvouple pa pran en laspe rigid. Annan grander lespri pou vwar sa ki nou pe propoze i en keksoz ki bon pou tou dimoun e pou nou sosyete.  Mersi Mr Speaker.

 

MR SPEAKER

Mersi Onorab Georges.  Onorab Ramkalawan.

 

HON WAVEL RAMKALAWAN

Mersi bokou Mr Speaker. Mr Speaker mon anvi premyerman dir ki sa bann levennman ki’n arive depi merkredi pase in pozitiv.

E mon ti kontan yer ki Mr Baker devan tou bann dimoun ki ti la reprezantan sekter prive, SCCI, reprezantan travayer Mr Robinson ek bokou bann lezot reprezantan travayer.  Mr Baker ti eksprimen ki pou dir i ti’n war sa meeting pozitiv.

E mon krwar ki dan sa lespri pozitiv, ki nou pe apros sa size devan nou.  E se pou sa rezon ki mon’n dir mon krwar ki nou kapab vwar sa way forward e mon kontan la fason ki Onorab Georges in prezant sa mon e pou al dan sa menm lespri.

Mr Speaker wi, nou dan bann moman kot tou dimoun i annan kestyon. Kestyon le demen, kestyon li ki pou arive apre Zilyet e byensir i annan travay ki’n deza ganny tape.

Par egzanp letan mon pe mazin bann travayer Banyan Tree, kot sa prosesis redundancy pou annan anviron 250 travayer an tou. E mon mazinen mazorite i pou bann travayer Seselwa ki pou deza zot pe poz kestyon.  Bann travayer ki petet ti pe ganny pa petet zot definitivman pa zot tou ki ti lo minimum wage, minimum salary, me ki si zot pou al devan welfare ozordi i annan en limit ki zot pou kapab gannyen.

Alor letan mon mazin sa group travayer i fer mwan otomatikman mazin bann lezot travayer.  E i kler e mon kontan letan Mr Baker dan enn son bann interview i ti fer kler i dir, pou annan en poursantaz anviron 23poursan oubyen en pe mwens whatever it was, me selman   i pe mazinen pou annan en poursantaz ase elve bann travayer ki pou perdi zot lanplwa.

E yer dan sa meeting organize par Lasanble Nasyonal, i ti kler pou dir bann anplwayer set egzakteman sa mesaz ki zot ti a pe dir.  E se pou kwa rezon, ki zot ti anvi sa posibilite pou zot negosye e pou zot nobou ariv lo en pozisyon, kot i kapab annan en lenpak. Konmsi i kapab annan en kousen ki zot tonm lo la i kapab annan en shock absorber somewhere e ki keksoz pa vin brital.  Donk nou tou nou pe viv dan bann moman enserten e sa pa pe  aplik.

E letan nou pe koz travayer fodre pa ki nou krwar nou krwar ki nou pa bann travayer isi anndan. Nou osi tou nou travayer.  Sa lekonomi ki nou pe koz lo la ki pe ganny bate, nou osi tou nou form parti sa lekonomi.

E i pli for posib ki nou tou isi nou pou bezwen ariv bann sirkonstans ki nou priye pa arive me kot nou tou ki Mr Speaker, ki Minis, ki bann Manm Lasanble, kot kekfwa nou pou bezwen pran en salary cut somewhere;- kot pou annan en varyasyon dan nou bann term e nou bann kondisyon.

Tou sa la se bann keksoz ki nou pe regard an fas devan nou.  E alor nou bezwen prepar nou.  E donk mwan mon pledwari se ki travayer an deor sa Lasanble, i pa fer en distenksyon ant zot ki dan Lasanble ek nou ki dan Lasanble.

Nou tou nou dan sa menm sityasyon.  E parey mon koleg Onorab Arissol in dir mwan pli boner, nou tou nou dan menm tanpet me selman i posib ki pa nou tou ki dan menm bato. I annan serten bato ki pou kapab anmenn dimoun ater, be i annan serten bato ki riske koule. E ozordi nou tou nou konnen pou dir deor, mon ava servi sa lekspresyon deor avek isi anndan dan Lasanble, i annan vre soufrans.

I annan soufrans ki pe arive la deor.  e i annan dimoun ki pe sey apros e I am sure akoz se bokou parmi nou ki pe dir napa nanryen dan lanmen.  E ki zot in sey fer debrouy isi en debrouy laba be definitivman zot pe war komansman sa mizer nwanr.

Donk parey nou pe dir dan parey nou pe dir dan milye sa sityasyon i pou bezwen annan en bon negosyasyon e nou Lalwa i bezwen permet pou annan sa bon negosyasyon se tou ki mwan mon enteres avek Mr Speaker. Se tou ki  mwan mon anvi vwar. E mwan mon pa enterese pou met politik ladan akoz ‘’dan bal kafe napa triyaz!’’  E fodre pa ki nou sey fer triyaz, me ki o konter nou tou nou ava regarde ki mannyer keksoz pou bouze.

Nou koz lo unemployment;- malerezman nou bezwen dir ki la pou lemoman avek social welfare, ensidswit  i annan labi. I annan labi.  E sa 200 ekek dimoun ozordi ki pe resevwar welfare pou unemployment, I’m sorry nou’n gannyen lalis nou.

Nou tou ki la dan sa Lasanble, nou annan lalis tou sa bann dimoun dan tou diferan distrik ki pe resevwar en larzan anba ‘’unemployment.’’ E mon bezwen dir avek Minis atraver ou Mr Speaker, ki fodre pa ki sa lalis i anbet nou. I annan en kantite labi e i annan dimoun ki pa ti zanmen ‘’employed’’ e ki ozordi zot ‘’unemployed!’’ Alor sa osi tou nou bezwen fer atansyon. Mwan mon pa’n `war bann lamannman ki Onorab Pillay pou anmennen e mon pe look forward pou mwan vwar sa. E mon mazinen ki zis koman nou ava break Mr Speaker   i ava fer nou ganny sa bann lamannman e nou ava kapab koz lo la.

Me selman Mr Speaker mwan mon anvi zis dir en keksoz.  Ou konnen Mr Speaker bomaten letan nou ti pe tret sa PNQ, ti annan en size ki ti monte e mon krwar Minis sa i devret enteres ou en kantite.  Air Seychelles le 20 Avril apre ki COVID ti’n deklare in ekri son bann pilot.  E dan sa let zot in dir ki bann pilot pou resevwar en varyasyon dan zot lapey e ki anba 49(1) ki pa size nou lamannman, me selman letan nou pran 39A i sipoze tonm ladan.

E in dir avek zot mon ava lir sa paragraf parski ki pe arive Air Seychelles pe peg Dolar lo R13.92.  Aprezan in dir avek zot ki akoz zot pe peg Dolar lo sa rate zot pou ganny mwens larzan.  E akoz sa i pe rod anba 49(1), i pe rod zot konsantman pou zot sinyen, pou zot kapab ganny en varyasyon.  E in dir ‘’in line with section 49(1) of the Employment Act, since the above variation of your employment contract places you in a less favorable condition versus the increasing exchange rate due to COVID-19 repercussions, we will appreciate your written consent to the above by or before Thursday the 30th April, 2020, in order for the company to process payroll please.

So, mon war sa i kont lespri ki nou pe koz lo la.  E bokou bann anplwayer bomaten letan nou’n koz lo la, i annan bokou anplwayer pe dir be ki pe arive?  En pwa de mezir? Air Seychelles li dan sa moman e nou pe pas en Lalwa ki pe dir i pou efektiv le 20 Mars 2020.

Akoz ki Air Seychelles li i pe kapab fer sa avek son travayer, be tandis ki bann lezot anplwayer zot pe ganny dir non ou pa kapab!  Mon ti ava kontan ki Minis i eklersi sa parski mwan mon trouv sa let ki Air Seychelles in ekri sa bann dimoun koman ilegal. Si nou pe regard li dan konteks sa Lalwa menm si nou pa ankor pas li me selman osi an relasyon avek bann deklarasyon ki’n ganny fer.

So, mon krwar tou sa la bann pti keksoz ki montre nou, ki sa ki nou pe fer ozordi, i bezwen, bezwen pas dan en fason ki dwat. E Onorab Georges letan mon pe al ver mon konklizyon Mr Speaker, Onorab Georges in mansyonn bann dimoun ki pan ganny bokou bann lakonpannyen ki pan ganny peye.

Deklarasyon sete 400milyon pou kouver payroll.  E la ki mannyer nou’n   arive depi yer nou pa ankor bann keksoz i anba Finans nou pa ankor ni menm ariv 75milyon e PS Payet SS Payet in dir ki posib i pou al tonm anviron 100milyon.  Savedir 100milyon i annan 1.2bilyon, 1.2bilyon ki’n ganny mete dan Bidze sa i fer ki nou bezwen koz en pe pli kler lo la. Pou nou regarde ki mannyer nou pe siport travayer.  Eski lentansyon se pou siport travayer pou 6 mwan, pou 8mwan, pou 10mwan? Parski si ou pe depans 120milyon then i ava pou 10mwan. E mon krwar fodre ki sa bann keksoz i sorti dan en fason kler e letan i a vin kler sa i ava ed anplwayer avek travayer.

Donk dan sa deba e mon espere ki pandan staz komite nou pa kit okenn kart dan pos. Annou pa kit okenn kart dan pos. Annou met tou kart ater e letan nou ava tal tou kart ater travayer i ava dir tyonbo en kou be i ok mon annan en pti git plis loportinite pou mwan al pli devan.

Anplwayer i ava dir be ok mwan annan en lifeline ki ava pli devan, alor mon pa ava bezwen fer bann aplikasyon la konmela parski mon annan en pe pli lavi. E an plis ki sa kekfwa dan sa konteks anplwayer i ava kapab dir, ok mon annan bann lezot overhead ensidswit.

Alor mon ava kapab si mon annan 10 travayer mon ava kapab kit 5 oubyen mon ava kapab kit 8. E sa dan li menm i ava fer ki Minister Lanplwa zot ava ganny mwens keksoz pou deal avek.

E Mr Speaker mon anvi zis termin avek en kestyon mon ti ava kontan Minis i dir avek nou Lasanble konbyen competent officers zot pe anploye ozordi? Mon krwar ki i enportan pou ganny sa e mon termin finalman avek parol Minis Loustau-Lalanne dan son dernyen Press Conference ki i ti dir.

E Prezidan apre in kontinyen son diskour li. Selman sa dezyenm bout la ki enportan zot bliye. Mon pe dir sa akoz semenn pase ou a krwar mon Press Conference ki ti pli enportan. Prezidan, Minis Loustau-Lalanne i dir ‘’ti osi dir pou met en striktir an plas.’’ Be la, la sa striktir ki la apre midi nou’n pas 2erdtan pou nou diskite sa ti dan son Konferans De Pres. Sa i sa striktir e sa striktir se FG4JR ki mannyer i apele. Ok?  Se sa striktir ki Minis Loustau-Lalanne in dir Prezidan in dir fodre met striktir nou’n met striktir.  E i ti remind tou bann dimoun mon pa’n ganny okenn COVID mwan. Mwan pa’n ganny okenn amnesie mwan.

Me get sa dan sa sityasyon its two sides of the coin. Avek sa detrwa parol Mr Speaker mon anvi dir annou tal tou kart ater, annou koze e annou ganny the best piece of legislation dan sa moman kot nou ete, pou nobou apiy anplwayer ki prodwi larises, travayer ki anplwayer plito ki envestir e travayer ki travay pou kree larises. E annou met lentere tou Seselwa aker letan nou pe fer sa diskisyon. Mersi bokou Mr Speaker.

 

MR SPEAKER

Mersi Onorab Ramkalawan. Bon mon ava donn laparol dernyen entervenan avan nou break e ler nou ava retournen apre midi 2er nou a pran repons Minis e apre nou ava al regard bann amannman. Onorab Charles De Commarmond.

 

HON CHARLES DE COMMARMOND

Mersi Mr Speaker ankor enn fwa bonzour Mr Speaker. Bonzour Minis ek ou delegasyon e tou Manm Onorab e tou dimoun ki a lekout.

Mr Speaker sa Prozedlwa ki devan nou, i en bon Prozedlwa sirtou i pou vin pli bon avek bann amannman ki la nou ava anmennen pli tar.

E ki nou table lo nou kote, me selman baze lo sa ki Onorab Georges in dir amannman Onorab Ferrari mon pa ankor trouve nou pa ankor gannyen lo nou kote, mon swete ki ganny sirkile e ki nou gannyen. Aparan ou osi ou pan gannyen Mr Speaker. Mon remarke ou pe sakouy latet.

 

MR SPEAKER

Zis en pti moman. Onorab Ramkalawan osi in lev zafer lamannman ki sorti lo kote Gouvernman ki’n ganny anvoye par Onorab Pillay. Sa amannman mon lofis in gannyen.  Lofis Deputy Clerk in gannyen.

Deputy Clerk in fini sirkil avek tou bann Manm.  Apard sa nou pa ankor ganny okenn lezot amannman. Nou ganny zis amannman en seri amannman ki sorti kot Onorab Sebastien Pillay. So somewhere –

 

HON WAVEL RAMKALAWAN

But last week. Mon trouv i drol pe dir sa parske last week Onorab Pillay ti fer referans avek sa e Dimans swar.

 

MR SPEAKER

Ar bon.  I pa nouvo amannman. I pa nouvo amannman.

 

HON WAVEL RAMKALAWAN

Dimans swar Deputy Clerk ti sirkil sa avek tou Manm e mwan mon ti ganny en kopi.

 

MR SPEAKER

Dakor.  Si i sa bann amannman semenn pase sa i ok, sa nou resevwar. Mon ti krwar bann nouvo amannman.  Ok?  Dakor. Onorab De Commarmond kontinyen.

 

 

HON CHARLES DE COMMARMOND

Mersi Mr Speaker, Mr Speaker ti enportan nou fer sa klarifikasyon si nou pe koz sa vye amannman i ok. Mon osi mon ti krwar nouvo amannman ki ou pe dir, swivan bann diskisyon ki’n arive apre nou dernyen zwenn dan Lasanble.  E mwan osi mon ti’n parey ou konpran menm zafer.  Alor napa problenm, napa nouvo amannman i annan sa bann avan.  Ok, nou a take note sa.

Me Mr Speaker i enportan fer resorti ki sa Prozedlwa parey mon dir, avek bann propozisyon ki ava met devan, i pour en bon Prozedlwa. Parey Onorab Georges in dir pour un juste de chemin, un juste de millieu, pour depi son travayer depi son anplwayer. E mon krwar se sa lenspirasyon nou Lasanble.  E se sa ki osi nou Prezidan Larepiblik ti pe dir, pour ki dan sa moman difisil, moman eksepsyonnel, moman abnormal ki nou ladan, i enportan ki sa relasyon.

E se sa ki nou Prozedlwa i koz lo la, i dir nou ki sa relasyon endistriyel, sa relasyon pour anbelir sa relasyon ant en travayer ek anplwayer, en relasyon ki devret vin pli byen. Sirtou dan sa moman difisil, si sa relasyon i deteryore i pa pou bon. E se sa ki mon krwar tou le de kote i pe sey dir ki sa relasyon i bezwen ganny gete, akoz i dan en moman frazil, li osi i riske, byen frazil si i pa ganny byen gete.

E mon krwar nou tou nou tonm dakor lo la.  E annou pa say lo en kote oubyen lo lot.  Mon krwar i en pwen ki enportan e ki nou dir ki zisteman, tou lede kote i devret gete.  Akoz tou lede kote i enportan.  Travayer si napa li la, sa anplwayer osi i dan problenm son biznes pa pou marse. E vice versa sa anplwayer i enportan ki i la pou li kontinyen soutnir anploy travayer, pou li kapab fer keksoz marse, i ed li ganny son saler pou li kapab viv.

Alor sa relasyon bezwen kontinyen ganny anbelir, e nou Lasanble, e sa Prozedlwa zisteman i bezwen achieve sa.  E nou bezwen ariv lo la. Aktyelman la si en anplwayer sirtou dan sekter prive la, nou pe koze, me selman an zeneral si en anplwayer i oule met ater son bann travayer, i kapab fer li.  I annan lalwa ki permet. Ouswa si i oule fer parey nou dir redundancy, oubyen en lay-off i kapab fer li.

Me i annan en lot pwen e ki mon krwar in ganny mansyonnen e bomaten avek Air Seychelles dan sa kestyon i osi in sorti, e se la kot lakle si oule sa Prozedlwa i anmenn solisyon. Lot pwen se ki aktyelman si en anplwayer menm ki i tonm dakor ek son travayer pou redwir son kondisyon travay, son saler sirtou son reminerasyon, menm si i tonm dakor, demen i kapab vire kont sanmenm sa anplwayer. E dir non, non, non, ou’n met mon anba duress, ou’n met presyon lo mon ensidswit.  E mon pa  dakor, e la i kapab al rod en avoka pourswiv case fer isi, fer laba al kot competent officer laba kot Labour, i vin en konplikasyon kot a lafen dizour i pou pey sa anplwayer, i pou pey sa travayer son konpansasyon neseser.  I vin difisil.

E la nou war dan ka Air Seychelles i kont Lalwa pou li fer sa ki i ti anvi fer.  E se sa ki nou e dir nenport anplwayer i pa kapab osi fer sa.  E sa Lalwa letan nou a pas  i a permet anplwaye ek anplwayer kapab fer sa ki nou pe dir la.  Akoz sa i pa zis ki son anplwayer i dir anplwaye, mon oule aranz ou saler, pa kite travay mon pou kit ou la travay 3 zour, mon a donn ou mwens, ensidswit.

Tou sa bann kalite laranzman i kapab ganny fer me i pa pour legal.  E menm zafer si sa travayer ki vini i dir Chief vini gete mwan, mon war sa sityasyon i difisil. Avan ou vin dir mon ou a met mon deor, mon pe dir ou get en kou si ou pa kapab pran, mon a travay pour 3 ou 4 zour. Epi ou a les mwan ale, sa 3 zour, 4 zour  swa larestan zour, mon ava al debourye parla, koup mon saler.

Me selman pa pous mwan net, letan sityasyon i ava amelyore ou ava repran mwan fulltime. Tou sa laranzman i kapab ganny fer, me selman aktyelman i kont Lalwa.

Se sa ki nou pe dir annou anmenn sa Lalwa avek sa  bann amannman ki’n anmennen. i ava anbelir li plis prezan ou kapab fer, si en competent officer i annan son blessings avek laba kot Minister lanplwa, konmsi ou ganny ou en witness, ou’n ganny ou en abit, ki li in dir lala sa kondisyon, sa zafer ki nou pe dir la, i a ok.

E prezan sa i a ganny legalize, si oule dan sa fas si mon krwar, se sa ki an realite nou pe sey fer. Prezan spesifikman nou pe dir la, la, la, la, get dan sa problenm depi le 20 Mars ziska lafen Zen. Pa bezwen – anplwayer nou pe dir, pa bezwen ou fer okenn sa bann laranzman ou, ou menm ou ek travayer;- pa bezwen pous travayer. E zot pa pe fer sa an realite, selman nou pe met sa koman en kosyon, e nou pe dir vwala annou fer li dan sa fason, sa Lalwa pe anmenn en nouvo fason.

En fason re-el pli byen, pli nice, pou kapab fer sa laranzman pou ki pa devret vin en problenm.  E pe dir an realite osi, ou kapab pli tar avek lamannman, ou pou war nou kapab menm la konmela komans fer sa bann negosyasyon, me apre i pou komans fer lefe apartir le 01 Zilyet, e non pa avan.  E sa mon ti ava kontan nou koman en Lasanble pas sa vitman zisteman, pou permet bann lorganizasyon travay bann landrwa travay ki oule fer egzanp Air Seychelles, ki oule fer sa laranzman la ki zot saler pou redwir byensir sa package pou redwir. Pour si nou pas sa Lalwa i a permet zot fer sa, i a permet osi lezot ki ava swiv sa bann legzanp, ki kapab osi ganny fer e lot pwen Mr Speaker ki ti bon nou fer resorti.

Annou pa get sa Lalwa la an relasyon avek sa zafer finans ok, sa zafer finans, ok?  Sa i en lot zafer, me selman nou lefe ki nou pe koz lo sa Lalwa, nou pe koz lo travayer la. E anplwayer e nou pe rapel lanonsman ki Prezidan Larepiblik ti fer, nou pe osi dir avek Minister Finans pey sa zafer vitman. E mwan mon ti ava sizere menm nou dir Avril, la pour Avril pou bann case ki ti annan devan zot vi ki ti’n bidzete pey sa enn fwa.

E si sa i ganny peye i pour kapab donn en moral boosting bann anplwayer poudir look, lala omwen mon konnen poudir peyman pour bann travayer zot saler, pour ki nou pe met zot deor, in fini garanti. E ki napa en problenm. So, i osi donn zot sa lankourazman pour konpran e siport sa Lalwa ki nou pe pase la. Mon pe get li ek sa lizye la.

E ki nou dir alor Minister Finans mon konnen in donn en deadline ankor pour peye. Nou dir get sa, annou pa fer soz, annou peye, Prezidan in dir annou peye, e nou ava al vitman. E nou ti ava kontan akoz nou napa bokou letan pou al perdi, sirtou nou konnen sityasyon ki nou ladan.

E Prezidan letan in dir sa, in dir sa ek bon lentansyon li. Akoz i oule ki depi son travayer, depi son anplwayer, i kapab annan sa pri letan pour li kapab mitigate sa sityasyon difisil ki i ladan. E Mrs Caroline Abel, nou Gouverner Labank Santral in met pep Seselwa dan bann parol byen kler, byen Kreol.  La mon pe mazin Kreol – son papa son bann poet, poenm ensidswit me in byen eksplik nou! In byen eksplik lepep Seselwa sa sityasyon ki nou ladan how difficult it can be.

E ki nou bezwen war en pe pli lwen e prepar nou e sa Lalwa alor i osi form par dan sa preparasyon. Pour ki nou tou nou kapab regard sa lavenir ki sa sonm pou le moman avek sa COVID-19 la ki’n tap nou. Nou osi nou pa’n ganny eparnye parey mon’n dir a diferan moman ki mon’n koz lo la dan nou Lasanble isi.

Mon kontan mon ki omwen nou Lasanble i pe konpran sa sityasyon, i pe senpatiz avek tou lede kote depi anplwayer e depi anplwaye poudir look, annou al ansanm.  Sa zafer la i pa zis travayer ki dan petren, i pa zis anplwaye ki dan petren. I tou lede kote.  E mon war mon dan bann meeting ki nou’n attend, mon dan bann diferan koze ki nou’n koze avek bann travayer, ek bann anplwayer e mon’n vwar, mon’n feel ki i annan bokou lanvi, dan par tou lede kote pa kestyon pou zot konpran.

Pou zot kapab aranz sa sityasyon, pou zot siport kanmarad.  I pa en kestyon kot anplwayer i oule pous travayer.  Mon dir zot fransman, mon’n war mazorite la, gran mazorite ka kot bann anplwayer i pe senpatiz, i osi war sa bann sityasyon difisil. E i pe anvoy lanmen menm avan travayer i pe mazinen li, in anvoy lanmen, i pe dir son travayer look, nou dan en problenm. Se sa rezon ki ou war li i fer li konmsi konmans met serten kondisyon avek sa travayer. Akoz li osi i krwar dan problenm, e i pe sey rod fason pou nou mitigate sa problenm.

Mon krwar se dan en lespri pozitiv, en lespri en bon lespri ki mon war sa i vini. E sa Prozedlwa i vin devan nou e mon krwar mwan si nou anbelir li atraver bann amannman ki ava vini, i ava fer ki tou lede kote i a konpran pli byen.  E nou osi nou a konpran pli byen.  Nou pep i a konpran pli byen. Selman Mr Speaker avan mon pou fini mwan, mon anvi lans en lapel avek nou sekter travay la, lo nou travayer.

Akoz sa Prozedlwa i osi favoriz si oule travayer Seselwa.  Travayer Seselwa pe ganny byen gete ladan, akoz sa la nou pe dir ki ou napa drwa osi met travayer Seselwa deor. Me selman ou kapab met travayer etranze deor.  E osi mon ti ava kontan ki nou take note.  E ki la Gouvernman i swiv sa de pros ki travayer seselwa i byen ganny proteze o maksimonm.  E an menm tan si ou annan ou 2  dimoun ki dan menm pozisyon en etranze, en Seselwa toultan fer fason ki sa competent officer i get sa seselwa avan.

Sa en lapel ki nou lanse, me osi i enportan dir mersi a nou travayer Seselwa. E  travayer seselwa i osi donn son bon kontribisyon. E i pe kontinyen konstrir son pei, mon krwar nou merit felisit tou travayer e sela, e travayer Seselwa dan son mazorite bann bon travayer bann travayer eksepsyonnel. Si ou war deor laba i rod sa pti Sesel i rod travayer letan i dir ou in ganny travayer sorti Sesel vreman efektiv, vreman efikas pa fasil pou ou war i dir ou sa dimoun sorti Sesel i en move dimoun, in mal travay – non.

Toultan ‘’very, very good employer’’ – ‘’very good worker.‘’ E menm nou bann anplwayer osi bann biznesmenn osi i fantastik. Me selman la i annan en group travayer seselwa ki pa pe donn the best. Zot maksimonm, e se sa rezon ki fer problenm, ki ou war prezan ennler en serten landrwa travay i tant pou fye lo sa etranze, akoz li i pe donn en pli bon kalite rannman ki sa Seselwa.

Alor nou pe dir osi ek travayer Seselwa silvouple donn en pli bon rannman dan travay, pour ki nou kontinyen fye lo zot e nou kontinyen servi zot lafors travay, pour kontinyen konstrir pei.  Me selman an menm tan ou kapab konstrir pei.  Me selman an menm tan, zot osi zot kondisyon ava byen ganny gete.  La osi nou pe lans sa lapel osi pour ki tou dimoun i konsyan lo la.

E pour fini Mr Speaker, nou dir osi ki dan sa sityasyon ki nou ladan nou ti a kontan ki Gouvernman i revwar bann diferan Scheme. Pour ki akoz nou konnen ki i pour annan akoz apre apartir le 01 Zilyet redundancy pou annan.  I pou kler pou travayer seselwa, pou mwan mon pe war sa mon i pou kler dan lezot landrwa travay;- pou napa lot swa. Pou annan.  Nou pou sey mitigate wi, Gouvernman i annan 2 lapel mon pou lanse la;- enn Gouvernman dan sa ki i pe reflesir lo la pour apartir le 01Zilyet.

Pour ki i anmas en pe larzan dan sa Bidze, pour ki bann travayer ki tonm akote ki ganny fer redundant, i ganny en keksoz pour viv lo la. Savedir i pa zis kestyon welfare laba, be en kestyon pli korek, i pli pe rod ki son saler pou li apiy lo la.

Be an menm tan. I bezwen annan serten Scheme ki Gouvernman i fer, swa pou retrain sa travayer pour ki i kapab ranplas bann etranze. Oubyen serten lezot Scheme pour bann ki vre mon pa kapab retrain zot i kapab annan bann ki ou pa kapab retrain zot.  Me ki ava annan en serten travay ki annan en kantite keksoz ki kapab fer.

Yer menm mon fek koz ek Minis Lanvironnman.  I annan dan Lanvironnman plizyer keksoz ki kapab organize. I ava vin tanporer me zot kapab fer en keksoz pa kapab konmsi zis Gouvernman i zis donn larzan en dimoun. E li i pa travay i pe delivre en keksoz, i bezwen annan en keksoz ki i fer i bezwen annan.

Alors sa bann keksoz koumsa nou pe demande ki i egziste, ki i annan e ki en fason tou dimoun, tou Seselwa ki annan laz travay, ki kapab travay i avar dan en kalite lanplwa.  En lanplwa kelkonk ki i avar from that avar annan en saler. Annan en reminerasyon ki vini ki i kapab sonny son fanmir.  Kot i a manke Gouvernman a travay lo sistenm sosyal ki nou’n etablir. Sa fodre pa nou sanze sa bann keksoz koumsa nou kit ki nou anbelir li pou ki i kapab ed sa travayer. Ed sa Seselwa ki annan en mankman pour kapab viv byen, ‘’viv ere’’ parey Pension Fund in dir laba pour li kapab.

Lot pti pwen apre, i pa lo sa Bill direkteman me selman an pasan nou pe dir avek Gouvernman osi mazin lo parey an 2008, letan ti annan sa sityasyon finansyel grav la.  Mon rapel ti annan bann early retirement kot bann dimoun 55an ti ganny dir, ou kapab ganny ou pansyon ensidswit. Me la petet ek sityasyon nou pa pou dir 55an, me selman dir mazin en keksoz dan sa direksyon osi kot petet zot kapab, i kapab 60an, I don’t know. Zot kapab annan sa early retirement, en fason tou travayer Seselwa i kapab ganny en package avek son retirement. E an menm tan i kapab, ankor ase strong, i kapab travay lo lot kote pou li kapab ganny en lot reminerasyon, pou kapab ed li ek son fanmir pou kapab kontinyen mitigate sa sityasyon, pour ki i pa war li dan bokou petren.

Avek sa Mr Speaker, mon krwar ki nou’n fer le pwen, e mon krwar mwan ki sa Prozedlwa ek bann propozisyon ki ava annan, pli tar nou ava diskite, nou pou sorti la dan Lasanble avek en keksoz ki devret bon. Ki devret byen, ki devret fasil pa difisil pour nou lendistri pour nou bann, pour nou travayer e pour nou anplwayer pour lepep Seselwa an zeneral.  Mon a remersye ou Mr Speaker.

 

MR SPEAKER

Mersi Onorab De Commarmond, bon avan nou break mon ava enform bann manm ABC ki nou pour meet dan Speaker’s Conference Room 1er edmi. E Lasanble pour repran son travay 2er edmi.  So i ava donn Minis en pti pe letan dan break la pour li kapab konsilte son panel. E Minis i avar donn nou son Reply ler nou rantre 2er edmi.  So nou break e nou repran nou travay 2er edmi.

 

(BREAK)

 

 

MR SPEAKER

Bonn apre midi tou Manm Onorab. Bonn apre midi Minis avek ou delegasyon, e bonn apre midi tou dimoun ki a lekout, e pe swiv travay Lasanble Nasyonal. E parey mon ti dir avan nou break.   Mon pour prezan donn laparol Minis pour son Reply. Minister laparol i pour ou.

 

MINISTER MYRIAM TELEMAQUE

Mersi Mr Speaker. Bonn apre midi Mr Speaker, bonn apre midi Leader lopozisyon, Leader biznes Gouvernman, tou Onorab prezan e tou dimoun a lekout. Mr Speaker ti Merkredi le 13 Me 2020, ki mon ti vin devan sa Lasanble pour rod zot laprouvasyon pou Prozedlwa Employment (Amendment) Bill 2020.  Mr Speaker, sa Lasanble ti sa zour aprouv en Mosyon pour sispann deba lo sa Prozedlwa, e demande ki mon Minister i al fer konsiltasyon avek reprezantasyon mon anplwayer ek travayer, pour kapab ariv lo en lagreman pour sa Prozedlwa ki devan zot.

Pou lenformasyon Lasanble 4 rankont konsiltasyon in ganny fer 3 par mon Minister e 1 par biro Prezidan. Rankont par mon Minister i fer le 14 e le 15 Me e avek Prezidan le 16 Me.  Tou rankont ti ganny asiste par reprezantan anplwayer ek travayer. E osi byen ki reprezantan diferan lorganizasyon dan sekter prive ki reprezant Biznes Lasanm Komers e Lendistri SCCI Lasosyasyon Tourizm e lotel, SHTA Lasosyasyon Servis finansyel Enternasyonal SIFSA e Lasosyasyon Biznes la Digue.

Pour note ki Lasosyasyon Biznes Praslin li i ti anvoy son kontribisyon kot mon Minister an ekrir. Konklizyon sa 3 rankont par mon Minister, se ki biznes prive ti mentenir son pozisyon, pour ki sa Prozedlwa i ganny retire devan Lasanble Nasyonal. Me zot ti fer konnen ki si sa Prozedlwa pour reste i devret aplik pou biznes ki’n ganny lasistans financier avek Gouvernman a la limit ki sa lasistans ki’n ganny donnen.  Pou biznes ki pa’n ganny lasistans avek Gouvernman, zot ti dir ki zot devret lib pour negosye saler avek zot travayer.

Me selman si napa lagreman ki prosedir negosyasyon avek mon Minister i a komanse.  Zot ti propoze ki Gouvernman i konsider lasistans finansyel dan sityasyon lay-off par pey 80poursan saler zot travayer e anplwayer i a pey 20poursan ziska an Desanm sa lannen.

Zot ti osi fer demann pour les zot transfer zot travayer etranze, dan en lot zot biznes oubyen avek en lot anplwayer ki bezwen travayer etranze.

Mr Speaker se dan rankont konsiltasyon par Prezidan Larepiblik ki tou parti konsernen ti tonm lo en pozisyon.  Prezidan ti met devan tou ki ti prezan kwa ki Gouvernman i anvi akonpli avek sa Bill.  E sa sete pa plis ki posib tou Seselwa i reisi gard zot lanplwa pandan sa peryod Avril ziska Zen.  I ti dir ki sa i neseser pour mentenir stabilite dan lafanmir e ki napa sa tro gro lenpak lo nou sitwayen.

Apre bokou diskisyon tou le 2 parti;- savedir anplwayer avek travayer ti dakor ki sa Prozedlwa i ganny amande pour les anplwayer komans fer plan e diskit avek zot travayer lo size zot saler, lay-off, oubyen redundancy e fer zot laplikasyon avek mon Minister nenport ki moman.  Me parkont nenport ki aksyon ki anplwayer pou deside pran e ki ganny aprouve par zofisye konpetan mon Minister, pou pran lefe apre Zen. Pou note ki sa i aplik osi pou laplikasyon ki mon Minister in deza fini resevwar apre le 20 Mars. Gouvernman in aksepte sa konpromi.

Pandan rankont Prezidan ti met lanfaz avek bokou bann reprezantan anplwayer. E biznes ki redundancy i devret reste sa dernyen rekour ki biznes i pran. Mon pou eksplik lenplikasyon sa amannman ki Gouvernman in aksepte pour met devan avek sa Prozedlwa;- en anplwayer pa pou kapab retenir oubyen redwir saler son travayer;- fer lay-off oubyen redundant son travayer, san in ganny laprouvasyon son zofisye konpetan mon Minister.

Son anplwayer i ganny laprouvasyon pou fer li, sa pa pou pran lefe ziska apre mwan Zen dan sirkonstans kot sa Lalwa i aplike;- ki vedir kot i konsern sa provizyon lo saler, i pour travayer Seselwa ek etranze, me kot i konsern lay-off ek redundancy i pour travayer Seselwa selman.

Sa anplwayer i kapab a nenport ki moman fer son demann avek zofisye konpetan, E non pa esper mwan Zen parey Lalwa ti pe propoze o par avan.  Mon oule reasir sa Minister ki mon Minister in fini met striktir an plas, pour kapab donn en servis li efektiv an mezir sityasyon i devlope.

Mr Speaker sa Prozedlwa i enn tre enportan e esansyel pou nou pei, prenon kont sa sityasyon ki ou ladan.  COVID-19 in anmenn en problenm re-el pour nou pei. Dizour a lannmen nou sorti en pei avek ti mank lanplwa ki ti tre ba par anba 5poursan, pou enn ki kapab mont par lao 10poursan parey in ganny estimen par ILO.

Mon Minister pe fer tou ki sa pa arive, me nou konnen ki i pa pou en travay fasil. Nou’n toultan en pei ki annan plas travay pour tou dimoun ki anvi en travay, e pe rod en travay.  Nou ti napa ase dimoun pou reponn demann sorti kot anplwayer, ki ti fer nou bezwen al rod travayer aletranze pour donn nou en koudmen pour fer nou lekonomi marse.

Laparans COVID-19 in anmenn en sityasyon lanvers lo nou marse lanplwa e aprezan i annan bokou plis dimoun ki pe rod en lanplwa e ki la kantite demann pour travayer.

An Avril 2020, nou’n rikord 249 dimoun ki’n anrezistre pou rod en travay, me la kantite plas travay in redwir.

An Mars ti annan 32 plas travay anrezistre e an Avril i 0. Me nou rekonnet ki an Avril laplipar biznes pa ti pe fonksyonnen avek mezir lasante ki ti an plas. An plis ki sa dapre Lazans Proteksyon Sosyal, ASP, zot in rikord 2700dimoun ki’n apros zot pour lasistans finansyel pou rezon san lanplwa, konpare avek apepre 200 ki zot ti abitye resevwar par mwan.

I pa neseserman vedir ki tou sa dimoun i neseserman dan en lanplwa, me lefe i rete ki pour le moman zot pa kapab antre dan enn. Nou osi annan 106 partisipan ki’n ganny anrezistre lo nou progranm My First Job;- 177 lo Skills Development Program. E 112 lo URS. Ki pa ankor ganny plasman avek en lorganizasyon travay.

Pou mansyonnen ki mon Minister in fini resevwar 16 laplikasyon pou fer 173 travayer Seselwa osi byen ki 250 travayer etranze redundant. Tousala pe donn nou en lendikasyon ki sityasyon pour kontinyen agrave, pour nou bann travayer si keksoz pa ganny met dan son perspektiv.

Mr Speaker nou tou nou bezwen realize ki sa sityasyon COVID in vin devan nou laport san okenn lavertisman. E sa i pa lafot personn. Gouvernman i bezwen reakte vitman pour ki nou pep pa tro soufer.  Serten desizyon difisil to bezwen ganny pran pou anmenn serten soulazman a kour term. Pour donn letan pou evalye sityasyon e an menm tan komans diskisyon pou kapab annan en plan ki aba al pour en pli long letan depandan lo ki mannyer sityasyon i devlope.

Mr Speaker sa proteksyon atraver sa Prozedlwa ki Gouvernman pe anmennen, i a mon avi tre neseser.  Pli boner Onorab ti demann mwan akoz ki Air Seychelles li in deza fini fer sa proze pour redwir lapey son travayer. Onorab se zisteman akoz nou pe vin avek sa Prozedlwa. Sa Prozedlwa pour keksoz kapab ganny fer byen. Mr Speaker Gouvernman pa pe demann bokou.  I pe demann sekter prive pour donn sa sipor pour zis 3 mwan.

Pour sa travayer ki’n a kote zot serten pour bokou lannen.   Sa ki pe ganny demande, se ki nou travayer i omwen gard zot saler pour sa 3mwan,  pour zot osi kapab sey prepar zot ek zot fanmir pour sa fitir ki vreman enserten.  Pou les retenir oubyen koup saler, fer lay-off, oubyen redundancy, sitan vit parey pe ganny demande, pou kree enstabilite tre serye pou nou lekonomi  an prenon kont statistics ki mon’n donnen pli boner, ki kantite plas travay ki’n anrezistre pe diminyen.  E nou ekspekte preske menm senaryo pou bann mwan ki pe vini.

Se pour sa rezon ki nou pe dir, ki pour sa travayer etranze en anplwayer i kapab pran son aksyon avan lafen Zen. I pe donn sa anplwayer sa sans pour li redwir en pe son kou;- pou li donn sans sa travayer Seselwa.  Pou li retenir son saler plen e reste dan en lanplwa.  Sa etranze i kapab reste dan en lanplwa dan Sesel selman kan napa en Seselwa i kapab pran sa plas travay.

Mr Speaker mon pe profite pour dir avek nou pep, sirtou nou lafors travayer ki nou annan en long parkour devan nou.  E keksoz pa pou fasil.  nou pe ganny dir de zour an zour nou bezwen fer sakrifis, e nou bezwen komans li konmela menm, koz avek nou zanfan akoz lavi pou difisil en pe letan, silvouple annou donn tou dan nou travay pou nou lekonomi kapab repran. Sa anplwayer i ozordi nou pe demann i pou fer serten sakrifis lo son par pou retenir nou dan nou lanplwa, i bezwen nou kit son laport ouver parey i bezwen li pou kapab sonny ou fanmir. Nou tou nou bezwen fer sa zefor. E Gouvernman pour touzour la pou asiste kot i neseser.  Sa ki bezwen ganny retrain pou li antre dan en lot travay sa ava ganny fer kot i kapab antre an partenarya avek sekter prive pour siport serten progranm sa i ava ganny fer osi. An dot mo Mr Speaker, nou tou nou bezwen travay nanm pour nou reisir dan sa konba.

Mr Speaker mon swete ki mon’n reisir konvenk Lasanble lo lenportans sa Prozedlwa.  nou pe demann zot sipor pou plis ki posib pour nou travayer reste dan en lanplwa e kontinyen resevwar en saler. Mersi Mr Speaker.

 

MR SPEAKER

Mersi Minis.  Bon nou’n ariv moman.  Yes Onorab William.

 

HON WAVEN WILLIAM

Mersi Mr Speaker.  Mr Speaker mon pa konnen si Minis in fer en oversight.  Me i annan serten bann kestyon ki’n ganny demande, mon pa konnen si Minis pour donn nou larepons apre.

Me selman mon pa anvi perdi sa sans konmsi ki sa bann leklersisman i ganny donnen akoz i enportan pou nou kapab fer serten travay avek.  Mersi.

 

MR SPEAKER

Dakor mersi Onorab. Minister i annan serten queries ki’n leve, eski oule abord sa, la osi oubyen pli tar dan Staz Komite?  Minis.

 

MINISTER MYRIAM TELEMAQUE

Nou a pran kestyon Mr Speaker. Nou ava donn leklersisman.

 

MR SPEAKER

Wi, akoz mon krwar ou’n abord sa enn lo Air Seychelles.  Onorab William osi ti annan 2 query, wi Onorab Ramkalawan osi ti’n demann, petet si nou a klarifye sa bann pwen avan apre nou ava kapab pran en vot lo merit e prensip.

Ok, i annan en lot pwen pou Onorab Ramkalawan kot i ti demande konbyen competent officers, ou Minister i annan.

 

MINISTER MYRIAM TELEMAQUE

Mersi Mr Speaker petet in sap nou. Nou annan an se moman 19 competent officer, 2 La Digue, 4 Praslin e 13 lo Mahe.  E osi Onorab William ti fer resorti konsernan sityasyon sa 3 travayer Civil Status.  Parey mon’n dir lannen pase sa travayer ti resign.  Zot menm ki ti santi zot dan en sityasyon pou zot resign, e mon’n zwenn zot sa semenn, e mon’n fer resorti avek zot ki zot case i kot PSAB, alo nou a espere ki PSAB i dir ki apre nou a kapab tonm lo en way forward.

Osi Onorab ti’n demann nou konmkwa si 2700 dimoun ti’n anrezistre si zot tou zot in ganny fer redundant. Mr Speaker sa 2700 dimoun, i bann dimoun ki ti annan pti biznes.  Bann dimoun ki ti pe travay lanplwa. Bann dimoun ki ti pe travay dan sekter enformel ki akoz sa sityasyon COVID in war zot prezan napa naryen pou zot tenir zot lekor e zot in bezwen raport kot Welfare pou zot kapab ganny lasistans.  Sa bann dimoun i sa kategori ki nou an Minister pou travay avek pou nou kapab met zot dan en lanplwa permanan.

 

MR SPEAKER

Mersi Minis.  Okenn lezot pwen ki bann Manm in raise ki Minis pa’n reponn.  Yes Onorab William.

 

HON WAVEN WILLIAM

Mersi Mr Speaker, Mr Speaker I beg your indulgence, Minis nou’n gannyen parey Leader Lopozisyon in dir ou bomaten. Nou’n gannyen lalis me selman sa lalis ki nou’n gannyen i pa reflekte sa lenformasyon ki self-redundant.  Ouswa zot in ganny fer redundant par en lakonpannyen?  Akoz Mardi pase letan PS Baker ti koze, lenpresyon ki’n ganny donnen se ki dan sa 2700 la i annan bann lakonpannyen ki’n fer redundant.  So pou nou fer la diferans avek.

Minis taler in koz lo 16 aplikasyon pou redundancy. E anmenn tan petet si Minis ti kapab donn nou osi dan ki sekter ki sa bann dimoun i sorti?  Dernyen, Mr Speaker Minis mon anvi met dan ou latansyon poudir sa bann dimoun la avoka ki pe reprezant Civil Status la, in dir zot koumsa poudir napa lespas. Zot pa ankor trouv en lasanm pou zot kapab fer sa meeting.  So mon ti ava demann ou si ou Minister ti kapab take up this.  Mersi.

 

MR SPEAKER

Mersi Onorab. Zis annou fer atansyon nou pa melanz en lot keksoz ki pa dan travay ki devan nou ozordi.  Minis.

 

MINISTER MYRIAM TELEMAQUE

Mr Speaker mon pour rann larepons konsernan sa 2700 dimoun ki’n anrezistre lo welfare.  Mr Speaker le bi pour nou travay ek sa 2700 dimoun la, se pour nou fer sir ki nou to lanplwa pa mont pli o ki i ete konmela.  Nou anvizaze ki i pour mont petet par lao 10.  Me nou dan Minister nou dir annou seye pour fer li reste pli ba ki 10 poursan.  Se pour la rezon ki nou’n vwar ler nou’n etidye sa lalis, nou’n vwar i annan dimoun ki nou’n at least travay ek zot pour met zot dan en lanplwa permanan – ok?

E konsernan lalis redundancy ki nou’n gannyen, i varye.  Nou annan bann ki dan tourizm apre i annan bann lakonpannyen Omnibus. E i annan ki dan lezot servis tel koman Casino e tourism related.  E apre nou annan bann ki konekte avek motors and panels.  Sa ki mon annan devan mwan Mr Speaker.  Mersi.

 

MR SPEAKER

Mersi Minis. Onorab Ferrari mon pa oule ouver li koman en Question Time, ok.  Mon ti pe zis pran bann query ki bann Manm in leve bomaten pour Minis reponn. Ou bann pwen i a kapab lev dan ler nou ariv dan Staz Komite, ok?  Mon krwar ki Minis in kouver tou bann pwen ki’n ganny souleve bomaten. Nou ava prezan demande ki Lasanble nou pran en vot lo merit e prensip Bill ki’n ganny prezante.  Mon ava demann tou Manm ki an faver? Okenn manm ki kont? Madanm Deputy Clerk?

 

MADAM DEPUTY CLERK

Mersi Mr Speaker.  Mon’n rikord 27 Manm ki’n vot an faver e person kont. Mersi.

 

MR SPEAKER

Mersi Madanm Deputy Clerk.  Mon kapab ganny en Formal Second Reading?

 

MADAM DEPUTY CLERK

Mersi Mr Speaker. A Bill for an Act to amend the Employment Act cap 69 to prohibit the deferment of payment and the reduction of wages of a worker, without the approval of the Competent Officer, and to suspend the right of an employee, to initiate negotiation procedure for the purposes of section 48 and  49 until 30th June 2020, and for matters incidental thereto. Mersi Mr Speaker.

 

MR SPEAKER

Mersi Madanm Deputy Clerk. Bon, mon konnen i annan en bezwen pou nou al dan Staz Komite. Me mon aba demann avek zot mon an fer lo formel, eski nou al dan Staz Komite?

 

MR SPEAKER

Yes, Onorab De Commarmond?

 

HON CHARLES DE COMMARMOND

Wi, Mr Speaker. Nou bezwen al dan Staz Komite.

 

MR SPEAKER

Dakor, mon ava demann Sarge pou move Mace.  E nou annan 3 seri amannman ki’n antre e premye nou’n resevwar semenn pase, Onorab Ferrari.  Dezyenm nou’n resevwar bomaten, well dezyenm ek trwazyenm, nou resevwar ozordi Onorab Sebastien Pillay avek Onorab Johan Loze – ok?

Mon ti ava zis petet demann Chair Bills pou petet fer en komanter an zeneral. Mon pa konnen ou’n ganny sans war tou bann amannman okenn komanter zeneral e petet the way forward ki mannyer nou pou tackle? Onorab Bernard Georges.

 

HON BERNARD GEORGES

Mersi Mr Chair.  Bonn apre midi Minis avek ou delegasyon ek tou Manm Onorab, tou dimoun ki pe swiv nou. Mr Chair mon annan 2 seri lamannman devan mwan;- 1 ki Onorab Ferrari ti’n anvoye semenn pase ki nou ti’n track li lo the Employment (Amendment) Bill. Mon annan devan mwan bann lamannman ki Onorab Sebastien Pillay ti fer bomaten.

Mon pa ankor vwar bann amannman ki Onorab Loze in anvoye, e mwan menm mon ti anvi propoz 2 ou 3 simple amendments. Avek ou permisyon, an fonksyon sa ki’n arive bomaten. E  apre ki mon’n diskit avek Onorab Leader Lopozisyon ek Onorab leader of Government Business.  E sa i an fonksyon sa ki pou arive ek bann lamannman ki’n fini ganny propoze, akoz i posib ki serten pa pou bezwen ganny port a latansyon Lasanble.

Donk mon pa konnen ki mannyer nou pou proceed. Mr Chair kekfwa – parey mon’n dir mon pa konnen ki parti lamannman propoze par Onorab Loze pe target, me mon krwar ki nou kapab regard sa Bill mannyer i ete, unless ki i annan en lamannman Onorab Loze ki tous, proposed section 39A nou kapab deza al lo la e vwar ki lamannman i annan.

 

MR SPEAKER

Mersi Onorab Georges.  Mon krwar Onorab Loze i annan en kopi avek li ki i kapab pas ou. Me mon krwar ki nou ti’n sirkile pandan break, mon pa konnen si tou Manm in gannyen?

 

HON BERNARD GEORGES

Non mwan, mon pa ti’n gannyen Mr Chair.

 

MR SPEAKER

I dan zot email regard en pti kou zot email Lasanble.

 

HON BERNARD GEORGES

Yes, propozisyon Onorab Loze i annan pou fer avek retirement age.  Bann post restrikte ek en restriksyon lo anplwayer pou apwent ou anplway en dimoun ki pa Seselwa dan en post restrikte. E sa se retail shop attendant ek retail shop manager ki pou vin 2 post restrikte.  E okenn dimoun ki pa en Seselwa ki dan sa post son Kontra lanplwa pou ariv a lafen 3mwan apre ki sa lamannman i pase si i pase.

Vwala an bref propozisyon Onorab Loze.  E sa i vin avan okenn bann lamannman ki devan nou akoz i target Clause 2 seksyon 2 of the Employment Act ek seksyon 18 of the Employment Act.  E premye propozisyon isi se 39A donk sa 2 i vin avan.

 

MR SPEAKER

Bon an vi ki i en amannman sibstansyel. E pour Onorab Pillay osi pour vin parey, eski nou tackle sa enn premye Onorab Georges an vi ki i vin avan?

 

HON BERNARD GEORGES

Mon krwar ki Standing Orders i demann nou. Wi, nou bezwen fer li avan wi, nou bezwen swiv lo kronolozik en Act. Unless ki mover i pare pou li defer sa lamannman ziska ler nou’n regard bann lezot ki devan nou.

 

MR SPEAKER

Si i pa annord, petet annou pran li dan sa konteks, annou pran li premye apre nou a kapab desann. Me an vi ki tou bann amannman i bann amannman sibstansyel, pour Onorab Ferrari, in fini pas son letan 72 hours, le 2 lot, eski zot dakor ki nou relax Standing Order 67, ki nou aksepte tou lede batch, pou Onorab Loze ek Onorab -. Yes Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon krwar sa bann amannman pe vini koz zot consequential to sa ki’n arise from when the Bill was presented.  Si nou a rapel seri lamannman ki mon’n anmennen, i osi come out of diskisyon ki Gouvernman ti gannyen avek bann employers, e osi come out ek diskisyon ki ti ganny fer par Lasanble in relation to bann issues ki ti ganny raised par bann employers.

So si oule mon pa pou kapab anmenn li pli boner akoz sa bann diskisyon in ariv apre ki Bill in ganny prezante, ki li in ganny prezante sa bann amannman, apre ki Gouvernman in diskite e zot in prezant sa bann amannman ek nou, ki nou’n anmenn sa bann amannman lo behalf Gouvernman, ki ava la pou reponn bann kestyon e bann konsern ki zot annan e nou ava eksplike the reasoning behind it.  So that’s why ki sa bann lamannman i vini.

Mon prezimen lamannman Onorab Loze i neseser pou anmennen, akoz dan enn bann solisyon Minis in koz lo GOP.  E lefe ki nou pa pou kapab pe donn nouvo GOP i annan sekter ki pou bezwen dimoun;- par egzanp retail sector.

Mon krwar petet nou ava les Onorab Loze petet elabore. And that’s why petet consequentially Onorab Loze in propoze pou anmenn sa lamannman, zisteman pour fer ki why not ki Seselwa i ganny anploye dan sa sekter. E not just en lot Nasyon ki ganny anploye dan sa sekter pandan letan ki nou pe dir reskilling and transference of GOP?  Sa ki nou pa oule se ki en dimoun i sorti dan en landrwa i ganny GOP e suddenly i aparet dan en lot sekter ki en Seselwa ti kapab travay ladan.  This is what  -. Mon pe preempt Mr Chairman mon krwar petet mon a les Onorab Loze fer son pa.  Mersi.

 

MR SPEAKER

Mersi Onorab Pillay.  Yes Onorab Andre.

 

HON CLIFFORD ANDRE

Mersi Mr Chair. Mr Chair, letan nou get sa Order ki pe demann relax, i spesifye ki Chairperson i kapab relax sa provizyon in favor of a simple amendment, or emergency Bills. Sa Bill devan nou i an referans avek 2 keksoz, selman i an reflects avek 2 issue ki ou pa kapab postponed peyman sa dimoun, e dezyenm ou pa kapab fer desann son saler.

So, letan mon pe get nou pe koz lo foreigners, employment of foreigners. Pou mwan i en lot laspe totalman an deor sa paramet,  ki nou pe travay lo la.  So, urgency definitivman, mon santi ki i pe vin ladan mon war i an deor it’s not simple lo sa kont. Mersi.

 

MR SPEAKER

Mersi Onorab.  I en lot amannman – en amannman an deor sa amendment ki devan nou ok?  Mon krwar ou pozisyon i kler.  Onorab Georges apre mon a donn laparol Onorab Loze.  Yes Onorab Georges.

 

HON BERNARD GEORGES

Yes, mersi Mr Chair. Annefe napa naryen ki anpes en amendment outside of the amendments ganny anmennen. Donk napa naryen ki dir ki sa lamannman pa kapab ganny anmennen ozordi, malgre ki bann amannman ki devan nou i annan pou fer ek en lot size.  Ler ou amenn en Bill ou kapab anmenn nenport kwa.  Mon ti kapab anmenn en amannman la pou sanz retirement age si mon ti anvi, ki napa naryen pou fer avek sa 2 amannman ki devan nou.

That is the principle.  Donk amannman Onorab Loze pa kapab ganny challenge lo sa pwen. Me mon ti a kontan fer en propozisyon, akoz Onorab Loze i kapab koz lo son amannman ozordi, e sey convince Lasanble ki sa i devret pase.  E mon konpran ki i annan en link malgre ki sa link li Onorab Pillay in sey fer  i paret mwan son difil i en pti pe fay.

Me selman ou kapab extend son largiman, e dir ki i annan en link.  Sa ki mon ti ava sizere with all respect, se ki olye sa i ganny pran ozordi, ki Onorab Loze i ganny en sans anmenn sa koman en Private Members Bill, dan enn ou 2 semenn apre ki in fer son prosedir.  E sa i ava donn Lasanble en loportinite pou diskit lo sa pwen, ki en pwen tre enportan.  Mon krwar i en pwen ki kardinal ozordi, an mezir ki nou pe koz lo, eski nou pou protez travayer seselwa avan etranze or not?

Me mon konnen atraver bann konsiltasyon ki nou’n annan sa detrwa dernyen letan ki i annan en largiman dan serten sekter, ki dir mon konnen i annan plizyer sekter ki dir annou pa zet tou travayer etranze en sel kou, akoz i annan en serten landrwa kot – mon pa pe dir ki sa se 2 landrwa, me i annan serten landrwa kot nou bezwen zot.  Alor i en largiman ki al bokou pli lwen ki sa konteks dan lekel nou trouv nou lekor ladan ozordi.

E mwan personnelman mon ti ava swete as a member annan en pe plis konsiltasyon avek bann dimoun ki pou ganny afekte;- setadir bann retailers lo ki mannyer zot, zot war sa amannman.  Mon pe zis fer sa pour ki nou pa de priv Onorab Loze of his right pou anmenn sa lamannman, ki oubyen sa bann konsern ki sertennman i konsern nou’n tande deor, me kekfwa olye fer li la  in haste, ki nou fer li dan en lot konteks ase boner.  Mersi.

 

MR SPEAKER

Mersi Onorab Georges.  Me mon kontan sa konversasyon ki pe go on, menm avan ki Onorab Loze in anmenn sa amannman bomaten dan premye break i annan en konversasyon ki en travayer Seselwa deor in osi antre ek mwan atraver text, kot in met mwan aware menm sityasyon.  Kot in pran legzanp in fek sorti dan en hardware store.

Kot in war poudir ki tou bann shop attendants i etranze lo GOP, kan i fer sorti poudir ki Seselwa dan sa pozisyon la i kapab fasilman pran enn sa bann travay.  Ok?  So i en keksoz ki parey ou’n dir Onorab Georges Seselwa pe koz lo la deor, ki mannyer nou pou fer pou nou kapab mitigate en pti pe lenpak lo travayer Seselwa isi.  Bon avan mon donn laparol Onorab Loze mon ava donn laparol Onorab Georges ankor.

 

HON BERNARD GEORGES

Yes, mersi Mr Chair.  Mon konpran sa parfetman.  Mon konsern se restrikte sa 2 kategori.  Akoz anmezir ki nou pe koze la i annan dimoun pe demande what about zardinyen or what about sekirite? Mwan menm mon, mon ti demann nou Trade akoz ki ou annan sekirite dan bann lotel ki etranze, akoz ki nou pa pran Seselwa?  Donk mon per ki i pou ouver en pe gran deba.  Mersi.

 

MR SPEAKER

Dakor e ankor petet zis en pti pwen mon azoute, se sityasyon sekirite pour bann lotel in leve, me enn an kestyon se ki sa ki Lasanble in koz lo la avan Bayan Tree, ok sa osi tou in vin atraver mon latansyon bomaten.

Me mon konpran ou sityasyon mwan osi mon ti a, anfen mon pa anvi diriz Onorab Loze dan kwa ki i anvi fer, me mon krwar  mon panse pou mwan i ti a vin en PMB, ler mon’n vwar sa taler.  Onorab Ramkalawan.

 

HON WAVEL RAMKALAWAN

Mr Chairman. Mwan mon krwar ki Onorab Loze in anmenn en lamannman, mwan mon krwar ki nou bezwen ekoute.  Mon krwar ti pou bon pou nou ekoute, parski Onorab Loze i pe entrodwir en nouvo schedule 7. E dan sa schedule 7 in met 2 kategori travayer;- e tou lede kategori travayer se bann Endyen parski tou bann laboutik i bann Endyen.

Alors li koman en Manm Lasanble, i ti avar bon pou nou ekout li, pou nou ekout son rezonnman e an menm tan osi pou bann Endyen, bann retailers, bann boutikye. E osi bann Seselwa an zeneral tann li.  Annou regarde ki i annan pou li dir avek sa kategori.  Parski sa kategori travayer i al direkteman avek en nasyonalite alors, mwan, mon krwar ki ti pou bon pou ekout li.  E i devret prezant son lamannman e nou ava ekout merit ki i annan e apre sa nou ava pran en vot.  Mwan mon krwar i ok mwan.

 

MR SPEAKER

Bon mon retourn lo pwen ki Onorab Georges in fer resorti ankor ki i pou fer en deba. Nou riske pran nou en gran deba ankor lo en keksoz ki pe ganny entrodwi. Wi i annan son drwa pou li move en amannman an deor sa amannman. Me eski sa i letan nou fer li, be mon ava donn laparol loter amannman Onorab Loze.

E apre nou ava war en lot way forward si ou anvi ou ensiste, ou anmenn ou lamannman oubyen si oule anmenn li pli tar, parey Onorab Georges in dir petet ouver sa schedule bokou plis. Onorab Loze.

 

HON JOHAN LOZE

Mersi Mr Speaker.  Mr Speaker Onorab Georges in met mon dan en pozisyon difisil koman en manm Bills Committee. I have to defer to the wisdom of the Chair of the Bills Committee koman en siny  respe. E Onorab Georges i en Manm ki mon respe li bokou.

Having said that mon bezwen osi dir ki lamannman ki mon’n anmennen napa okenn konotasyon rasyal ladan. Nou bezwen kler lo sa.  Mon ti koze semenn pase, mon ti demann Minis si i kapab al get en pe bann GOP dan sa sekter wholesale retail, akoz despite COVID zot pe mars tre byen,  zot en sekter nou lekonomi ki pe mars fantastically well.  Lo lot kote mon annan sa père de famille ki li in dan lanplwa pandan 20an, in travay tou dilon son lavi, i annan li son 3 zanfan pou li mentenir, soudennman par sa ki nou a pe apel force majeure ouswa ‘’nouvo abnormal’’, i trouv li san en lanplwa, devan Welfare e li i en zonm zanmen in deza asize idle avek son 2 lanmen doing the devils work.  Be en dimoun i a fou, i a pran son lavi.  So i annan plis ki 1000 laboutik retail e letan ou azout hardware ek bann lezot konsesyon dan retail ki pa laboutik grensek, ou annan ou apepre en 13 a 14san laboutik Sesel.

Dizon ou average li out to sakenn i anploy 2 Seselwa, ou deza ou pe annan ou en minimum ou ava annan ou en minimum 2mil Seselwa ki’n ganny fer redundant ki pou trouv lanplwa to keep their hands from being idle. Be Mr Speaker mwan, mon pa pe get ni Endyen, ni lot mon me selman en keksoz ki mon pou dir Lasanble.

Letan Seselwa ti ne sesel pe asize idle e dan tou laboutik kot li i pou al aste en pti grensek i pou al aste en pti keksoz ki li i bezwen, i pou vwar zis etranze partou, we will face a revolution in this country!  Nou tou nou pou ganny lapide, nou tou ki dan leadership nou pou ganny brile!

So, nou annan en devwar moral pou enn;- provide leadership no matter how hard, dezyenm pour gide e pou edik nou pep e letan nou’n deklare ki nou pe zwe politik, nou pa kapab zis fer bann deklarasyon politik lo sa ki en lot Manm in mete. Mersi Mr Speaker.

 

(Interruption)

 

 

MR SPEAKER

Order! Order! Mersi Onorab. Onorab ki ou pozisyon vizavi ou amannman? Oule bouze oubyen ou ava anmenn li pli tar koman en PMB?

 

HON JOHAN LOZE

Mr Speaker I will defer to the Chair with the Bills Committee. In fact mon pou al further seek son advice demen dan meeting Bills Committee.

 

MR SPEAKER

Mersi Onorab Loze. Bon, Onorab Georges, ou a repran podium ankor. Non, nou’n fini deba, e in retir son bann amannman.  Nou pa pe al ankor lo la.  Non.  Ou’n fer komanter Onorab, ou’n fer komanter i son drwa pou li reponn. Onorab Georges ou ava pran podium e nou ava move avek lezot amannman.

Onorab Henrie en moman mon’n pran ou non, Onorab Pillay mon’n pran ou non, me annou zis on the way forward ki mannyer nou pou bouze ek bann amannman.  Non, ou anvi koz lo amannman?  Amannman pa ankor ganny move – ok? Onorab Georges.

 

HON BERNARD GEORGES

Mersi Mr Chair.  Mr Chair premye amannman donk i vin lo sa Clause 2(a) proposed new section 39A.  E notis amannman ki zot annan se pour azout en sou-seksyon 6 ki pou fer ki sa seksyon pa pou aplik avek bann dimoun, avek anplwayer vizavi bann anplwaye ki pa’n ganny full salary support avek Gouvernman.

E zis pour fer rapel bann Manm 39A mannyer in ganny propoze par Gouvernman i pe dir ki en anplwayer ek en anplwaye pa kapab parey i leka ozordi, pa kapab tonm dakor ante zot pour en reduction oubyen pou en deferment zot saler;- swa an antye ouswa an parti.  Sa ki sa nouvo propozisyon pe demande se ki si sa pe ganny fer i bezwen ganny fer avek competent officer devan atraver en negotiation procedure.

Ozordi sa pa leka, ozordi en anplwayer ek en anplwaye i kapab koz ansanm e tonm dakor ansanm.  Sa nouvo propozisyon pe demande si sa i ganny fer i bezwen ganny fer devan competent officer selman.  Epi dezyenm parti i dir ki in any event sa pa kapab ganny fer avan le 01 Zilyet, me pour le moman se sa, sa sanzman. E  competent officer i ava fer son determinasyon si ou kapab redwir oubyen defer oubyen si ou pa kapab e anba Clause sou-seksyon 4, i dir ki competent officer an prenan son desizyon i pou pran tou bann fakter relevan an konsiderasyon. E anba sou-seksyon 5, i dir ki competent officer pa pou pran konsiderasyon lefe ki sa anplwayer ek sa anplwaye in tonm dakor lo sa rediksyon oubyen lo sa deferment.  Sa se propozisyon ki devan nou.  Onorab Ferrari in propoz en amannman ki permet en nouvo sou-seksyon 6, ki pou dir ki sa seksyon pa pou aplik pour en travayer ki pa’n ganny -.

 

MR SPEAKER

Ok, en moman mon napa osi sa mon annan sa enn ki Onorab Georges pe koz lo la, la eski ou’n tire sa new sub-section 6? In ganny tire? Yes, en moman Onorab Georges, Onorab Pillay.

 

HON SEBASTIEN PILLAY

Mr Chairman. Dan lentere move nou along ti annan 2 let ki ti ganny soumet;- en let le 10 ek en let le 11. Dan let le 10 ki ti fer mansyon sanzman avek sa seksyon 6, e ou analize poudir ti annan sa porsyon ki ti’n ganny azoute sa saler R30mil, ou a osi realize poudir devan konstitisyon and equal treatment before the law, ou pou pe pran en kou.

Mon krwar se sa rezon alors Onorab Ferrari ti retir sa, e re submit en lot let le 11 ki i ti dir ki; ‘’I write   to give you notice that I shall move the amendments as per the text below, as not and not as the previous notice given.’’ E son lamannman i komans ek Clause 2(b) ‘’proposed new section 81A.’’ So there is no amendment to section 39 proposed by Onorab Ferrari.  Mersi Mr Speaker baze lo dokiman ki Madame Deputy Clerk atraver Sekretarya in sirkile avek bann Manm silvouple.  Mersi Mr Speaker.

 

MR SPEAKER

Mersi Onorab Pillay. Onorab Georges, kontinyen.

 

HON BERNARD GEORGES

Wi, rezonnman deryer sa propozisyon lamannman, sete pour selman bann travayer ki’n ganny peye sa 3 mwan ki pou restrikte. Bann ki pa’n ganny peye oubyen ki’n ganny peye me selman en bout, napa sa restriksyon kont zot, se koumsa ki mon’n konpran sa lamannman.  Kekfwa mon pa konnen – me kekfwa dan let Onorab Ferrari sa ki ti’n ganny sanze, se tir any reference to R30mil. E dir ki si i pa’n ganny full salary support, sa restriksyon pa pour la, me se pa mon lamannman mwan sel keksoz ki mon pe fer se mon portparol. E nou ava vwar, Mr Speaker ki mannyer nou pou tackle sa dan en minit.

Me avek ou permisyon parey mon ti’n donn notis taler, avan ki nou ariv lo 6 mon ti a kontan fer en propozisyon lamannman a sou-seksyon 4 ek sou-seksyon 5, ki par devan nou mon pe demann ou permisyon pou mwan entrodwir sa koman en lamannman to a Bill of national urgency.

E mon ava lir rezonnman deryer mon propozisyon.  E sa parey mon dir in sorti yer ek bomaten;- seksyon 4 pou le moman i dir in making a determination to this section the competent officer shall take into account all relevant matters.  (full stop)

Sa ki mwan, mon pe propoze avek ou permisyon se pou don competent officer en time limit koz mon pe demann sa akoz anba Lalwa parey Attorney Zeneral on fer nou rapel yer, the time limit in any event telman long ki by the time ou’n fer tou prosedir in any event, nou pou’n ariv an Zilyet, alor kekfwa se sa ki’n enspir Onorab Ferrari pou anlev 6.

Me for the time being sa ki mwan mon pe sizere se sa, kot nou azout a lafen 4, ‘’In making a determination to the section, the competent officer shall take into account all relevant matters.’’ Mon pe propoze ki nou azout ‘’and shall notwithstanding in  any other time limits state out in any other Acts or in any other law, make a determination within a period of 14 days.’’ Ok?  Basically pou dir li azir vit pandan sa peryod 3mwan, akoz otherwise the whole thing is useless, ok?  Alors sa se on premye propozisyon.

 

MR SPEAKER

Mersi Onorab Georges, ok?  Si napa komanter, mon ava demann panel si napa okenn komanter si zot aksepte. Oule fer en komanter lo la Onorab Ferrari? Non, ok mon ava donn laparol panel si zot aksepte? Yes, PS.

 

PS JULES BAKER

Bonn apre midi Mr Speaker. Bonn apre midi tou Manm Onorab, leader lopozisyon ek Leader Government Business. Mersi Mr Chair pou don mon loportinite.

Zis pou klarifye Onorab Georges anba prosedir lay-off pou le moman en competent officer i kapab donn en desizyon pa pli tar ki 14 zour.  Dan konteks redundancy i kapab donn en desizyon pa pli tar ki 21 zour.  Ki propoz lamannman la ou pe koz pou redundancy  or nou fer li parey?

 

HON BERNARD GEORGES

Only suspension or reduction of wages, akoz 39A i koz zis lo sa 2 keksoz.

 

MR SPEAKER

Mersi.  Yes, Attorney Zeneral.

 

THE ATTORNEY GENERAL FRANK ALLY

Thank you, Mr Chairman. Bon nou bezwen osi – mon konpran lapros Onorab Georges, parske si nou pou al get part one of schedule 1, nou pou bezwen osi donn notis 42 zour. So therefore ou pou bezwen fer lezot amannman ankor dan sa schedule, akoz avan pou dir ki mon ou pe la redwir mon saler, ou bezwen donn mon en notis 42 zour avan, pou ou dir non sa ou lentansyon.

Si nou pou get unless ki ler nou’n fer sa sanzman non met part 1, akoz i koz lo restriksyon, non terminasyon lanplwa non, non,  sorry sa i 47 yes, but then nou pou wi si nou servi negotiation procedure anba part 1 of part 1,  ki pou mutatis mutandis apply, then ou pou bezwen donn mon 42 zour notis.  Ou pou bezwen fer lezot lamannman. Ou pa pou kapab fer lezot lamannman senpleman zis akoz ou’n dir part 1 of schedule 1 part 1, si ou pou get sub-section 2, part 1 of schedule 1 shall mutatis mutandis apply to this negotiation procedure, under the section.  So if we look at part 1 of schedule 1 the period of 42 days, ou pou bezwen donn mon en notis ki ou anvi redwir mon saler, and then komans bann prosedir. So the period will be 42 days.  So ou bezwen fer lamannman whether nou pou …

 

HON BERNARD GEORGES

Mr Chair. Mwan, mon lir schedule 1, se simply termination,  e i pa pour reduction and suspension ki nou pe koz lo la, la. Onorab Attorney General i annan parfetman rezon pou en termination ou pou bezwen donn 42 zour.

Me la nou pe koz senpleman lo ‘’suspension and reduction of wages’’, that’s what 39A speaks of.

 

MR SPEAKER

Yes.  AG?

 

THE ATTORNEY GENERAL FRANK ALLY

Thank you. Mersi Mr Chairman, wi Onorab Georges, me selman anba 39A (2) nou dir ‘’part 1 of schedule (1) shall mutatis mutandis apply to negotiation procedure under this section.’’ Savedir si i pou apply mutatis mutandis therefore this part will apply so that you will have to give notice. Me selman ler ou’n donn notis, i pou pran sa peryod si nou pou enkli ‘’and shall notwithstanding any other time limit, set out in any written law make the determination within 14days.’’

 

HON BERNARD GEORGES

Pa nou kontan avoka Mr Chair, se pour sa rezon ki mwan mon’n dir ki dan mon amannman ‘’and shall notwithstanding any other time limit in this Act or in any other law.’’ Alor mon pe bypass mutatis mutandis schedule 1.  Mon pe dir pran nou desizyon lo 14 zour.

 

MR SPEAKER

Mersi onorab. AG.

THE ATTORNEY GENERAL FRANK ALLY

Desizyon i kapab ganny pran dan 14 zour me ou bezwen donn mon notis.  So this is why ou pou bezwen propoze pou ou la bouz the first section that anba part 1.  Akoz i pou apply li.  So unless Mr Chairman what we do, en proposal petet i ki nou fer li vin en temporary provision, kot notwithstanding any time limit for whatever, i ava ganny deside within 14days and no notice, sa notice osi i ava mars ansanm ek sa 14 zour parey i fer an relasyon avek redundancy, avek lay-off.  So, non konmsi ou donn mwan notis ou donn mwan 14zour notis.

E parey redundancy.   You notify and the determination is made within 21 days;- lay-off you give notice within 41days of the notification decision is given.  So you can then do away with the notice of 42 days then you say 14 days shall run from notification to the determination so negotiation they will be held during that 14 days.  Thank you.

 

MR SPEAKER

Bon, mon ava komans avek Onorab Pillay then Onorab Afif.

 

HON SEBASTIEN PILLAY

Mersi Mr Chairman. Mr Chairman mon konnen la tantasyon pou vin pou nou tir mutatis mutandis dan sa Lalwa e fer li zis mars koumsa. We will have to be careful.  Nou tou ki la nou pa competent officers nou pa deal dan sa bann cases.

So petet ti ava meyer avan ki nou fer komanter lo ki nou devret fer pou adjust ek sa ki Onorab Georges pe propoze, nou ekout apartman lanplwa and then zot kapab dir nou why you think that this is going to be the prescribed period, as oppose to changing it?

Akoz removing from 42 days to 14 days, pou mwan i en sanzman, mazer.  So let us know.  Because you are the people that will deal with this, you are the competent officers ki pou bezwen pran sa bann aplikasyon.

So avan nou bouz dan sa direksyon annou ekout zot, and then we can move forward, avek ou permisyon Mr Chairman.

 

MR SPEAKER

Mersi Onorab, Onorab Afif.

 

HON AHMED AFIF

Mr Chairman. Mon ti a kontan zis fer sa pwen ki pou mwan ler mon get lamannman ki devan nou anba seksyon 2, sou-seksyon 2, kan i pe fer referans ek part1 schedule 1, mon krwar fot ki annan ladan se dan part 1, schedule 1 i fer referans avek 3 keksoz, Be pa 39A i fer referans avek termination of contract;- enn.  This is, (a), lay-offs, under section (a), tousala i dan part 1 menm sa, apre redundancy.   I fer referans spesifik avek sa 3 keksoz.

Me i pa fer referans avek variation in the terms of condition, i pa fer.  Be selman dan zot amannman zot pe tradwir en nouvo keksoz ki bezwen prosedir, ki napa referans dan sa schedule, ki zot pe fer referans avek. Napa.  Sanmenm sa prezan AG in sot lo sa enn premye, ki termination.

Me i napa en seksyon pou li.  So mwan mon sizere pou fer en keksoz pli vit anba sou-seksyon 2 part 1 of schedule 1, petet enn bann lamannman se annan en seksyon anba part 1, schedule 1 pou deal avek 39A, e ladan i a vin sa referans 14 zour.  Sa mon propozisyon. Mersi.

 

MR SPEAKER

Mersi Onorab.  Onorab William, AG apre mon a donn ou laparol.

 

HON WAVEN WILLIAM

Mersi Mr Chair. Mon’n ekout Bills Committee Chair avek sa ki AG in dir, be mon anvi zis en leklersisman avek panel osi tou e sa pwen ki Onorab Pillay in leve osi tou, i ase pertinan. E sa bann lamannman Minis avek AG lefe ki pe ganny met devan la se akoz sa sityasyon force majeure. Eski nou anvi sa, dizon nou sorti dan sa sityasyon eski competent officer pou anvi kontinyelman mars avek sa bann lamannman pe ganny propoze?

Sa osi mon krwar nou bezwen eklersi, akoz ler nou pe koz lo prosedir e ler ou regarde nou pe fer sa ki nou pe fer la baze lo ki COVID-19 in anmenn nou vizavi. So mon ti a kontan en pti leklersisman lo la.  Akoz mon konnen poudir ler mon’n ekout the number of competent officers ki zot deza annan avek potansyel load of work, i kapab vini i kapab kre serten difikilte.  Mersi.

 

MR SPEAKER

Mersi Onorab.  Onorab Andre.

 

HON CLIFFORD ANDRE

Mersi Mr Chair.  Mr Chair, letan mon’n ekout AG avek Onorab Georges, mon pe sey propoze ki nou kapab retir sou-seksyon 2 section 2, (2) akoz vi ki i tonm dan shed part 1 of schedule 1, an referans avek lezot laspe e kekfwa nou kapab azout en bout avek sa ki Onorab Georges pe propoze dan lesans koumsa.  Si nou dir ‘’in making a determination,’’ sa pou 4, ‘’in making a determination’’ so, nou delete sub-section (2), nou dir,

‘’in making a determination under this section, the competent officer shall take into account all relevant matters and shall notwithstanding any time limit set out in this Act, which is ‘’definitivman sa ki dan schedule ‘’or any other law, make a determination within a period of 14 days, from the time of submission of the application’’ or nou kapab dir zot nou donn en time limit.  So mon pe sey sizere pou nou akomode, sa sityasyon dan tou son sans nou sey fer sa.  Mersi.

 

MR SPEAKER

Mersi Onorab. AG.

 

THE ATTORNEY GENERAL FRANK ALLY

Mersi Mr Chairman. Mr Chairman rezon akoz mon’n lev sa parske sou-seksyon (2), this is why i annan petet pou reponn Onorab Afif, this is why i annan sa term mutatis mutandis.  I en term ki en drafter pou mete dan en Lalwa, pour ki en Lalwa menm si i pa egzakteman on all fours, me selman ou pou adapte li pou sa sirkonstans, this is why the term mutatis mutandis i ganny mete.  Now nou kapab nou annan 2 swa;- nou bezwen mazinen poudir seksyon 39, son lobzektif se pour annan en permanans dan sa Lalwa, me si nou pou annan en provizyon tanporer pou deal only with COVID, then, mwan, mon krwar petet nou pa dwatet entrodwir sa provizyon ki Onorab Georges in propoze an antye.  Ki nou kapab fer nou kapab al lo lay-off, nou kapab dir ‘’the part 1(b) of schedule (1) shall mutatis mutandis supply to negotiation procedure, under the section.’’ Then it’s 14 days.

Prezan si Onorab Georges i santi poudir serten provizyon ki mon pou montre Onorab Georges ki ti ganny fer a en moman donnen dan sa Lalwa, mon mazinen Onorab Georges i mazinen dan bann Lalwa ‘96, ‘97, ‘98 kot ti pe ganny en pe, kot Minis ti annan 40 zour apre ti annan sa zizman ki lakour ti donnen, mon’n bliy sa zizman.

 Kot apre ti annan en lamannman ki ti dir menm si ou competent officer i debord sa peryod letan, i pa pou invalidate son desizyon. So this is where Onorab Georges petet son desizyon i kapab i kapab valab, so that i pou compel Minister lanplwa pour pran en desizyon within sa 14zour.

So therefore ou kapab mete poudir sa seksyon anfet sa seksyon i ti ganny borrowed dan Coronavirus Regulations, prezan li osi i pa pou apply, so then there will be strict compliance to the letter.  Mon pa konnen si Onorab Georges pou dakor avek sa propozisyon.  Mersi.

 

MR SPEAKER

Mersi AG.  Onorab Georges.

 

HON BERNARD GEORGES

Mersi Mr Chair.  En kritik ek en leskiz.  Kritik se by the time nou’n fini ek sa Lalwa COVID pou’n fini ale. Airport pou’n ouver, lotel pou’n repran, travay e tou dimoun pou’n retourn dan zot lanplwa.

Leskiz ki mon bezwen fer se ki mon pa’n sirkil sa bann amannman, akoz zot fek ganny fer bomaten, zis avan dezennen.  E personn pa konnen ki mon annan en propozisyon lamannman. En nouvo seksyon 7 ki poudir ‘’this section shall lapse on the 01 of July 2020.  Sa ki mwan mon pe propoze se ki, sa i pour COVID.

Apre sa, nou pou retourn lo status quo;- setadir anplwayer ek anplwaye pour kapab negosye zot menm zot pa pou bezwen al deba competent officer. Se pour sa rezon ki mon’n propoze ki pandan sa peryod COVID we have to go fast.  Akoz bann anplwayer ek bann anplwaye, i anvi en rezilta imedyat.  Zot pa anvi konnen ki pou arive an Zilyet, an Out oubyen en Septanm.

Alor mon propozisyon se si ou permet mwan, se ki nou amann subsection (2) lo sa amannman ki devan nou e nou dir nou azout sa mo swivan at the beginning. ‘’Save for the period of notice set out therein part1 of schedule 1, shall mutatis mutandis,’’ eksetera.  Alor nou dir ki i pou apply, me sa peryod notis pa pou apply.  That’s basically the simplest way ki mon pou kapab la apre midi propoze pou nou kapab bouze.

Schedule 1, will apply but the period of notice setadir sa 42 zour laba, pa pou apply.  Sel keksoz ki pou apply se ki competent officer pou ganny demande, pou donn en determinasyon lo suspension or reduction of wages, dan en peryod 14 zour.  That’s basically the intention.  E sa i pou azir ziska le 01 Zilyet. Apre sa nou pa bezwen antre ladan ankor akoz by then parey nou pou vwar taler, nou pou antre dan lay-off nou pou antre dan redundancy, nou pou antre dan tou sord kalite keksoz.  E la nou kapab retourn lo schedule 1 mannyer i ete.

 

MR SPEAKER

Bon, nou pou bezwen annan en konsansis la. Akoz it’s one amendment, e mon krwar i pe al en pti pe tro lwen i pe pran tro bokou letan.  If we want to move on, ok?  I annan en latant ant panel avek sa ki Onorab Georges pe propoze?  AG?  Eski i annan en latant?

 

THE ATTORNEY GENERAL FRANK ALLY

Mr Chairman. Mon pa’n sezi esansyelman lamannman Onorab George mon krwar i pe more or less fer sir ki en aplikasyon to vary salary, i ganny notifye. E i ganny konplete dan en peryod 14 zour.   E unless ki Minis i annan serten rezervasyon ki i pa pour kapab entertain e konplet sa prosedir, then I have no issue with it, legislatively speaking.

 

MR SPEAKER

Mersi AG.  Onorab Pillay.

 

HON SEBASTIEN PILLAY

Mersi Mr Speaker. Mon oule ganny en pwen klarifikasyon, Lalwa in fer provizyon pou nou regard schedule 1, schedule 1 i dir nou the 42 days refer to paragraph 1,’’ may in exceptional circumstances and under the discretion of the chief executive officer,’’ basically sa competent officer i reduce.  Sa i deza dan Lalwa sa.  So sa peryod i kapab ganny redwi in exceptional circumstances. COVID i kwa?

I en exceptional circumstances.  Me sa ki mon pa dakor ki panel i bezwen pran byen swen avek.  Se ki Onorab Georges pe dir nou poudir li i oule vin ek en lot Clause pou fer sa Lalwa lapse. Now this provision is not supposed to be lapsed.  This is permanent provision.  It is being relaxed, because of COVID but it has to be there, otherwise tou sa ki nou’n koze sa ta tapaz ki nou’n fer lo Air Seychelles bomaten will make us hypocrites.

Akoz se pour sa rezon ki ou annan en section 39 from now on dan Lalwa.  konmela Moris i annan li. Moris i annan li.  Moris annefe ou pa kapab varye saler en dimoun, so ki mannyer Sesel nou pa pour kapab met en proteksyon pour nou travayer? Why wouldn’t we do that? Mon kapab fer sa Lalwa lapse.  So there has to be a understanding la.  Pou mwan the schedule is clear.  The schedule is there, in black and white. So eski nou devret fer the schedule clearer, azout COVID-19 ladan, pour fer li kler si nou oule ki zis pour COVID-19 then i 14days?

 And I’m not sure where we want to go la.  We have to be very careful akoz nou pou pe tir en provizyon dan Lalwa which essentially makes this law relevant today. Something ki COVID in kapab war i kapab arive.  And going forward, akoz si pa ti’n ariv COVID,  nou pa ti pou war there is a loophole in our law.  Currently nou Lalwa i permet en kantite keksoz ganny fer okenn travayer without going to a competent officer e tou anplwayer i ok ek sa zot, and I understand them.

Be napa personn ki’n koz lo lapar sa anplwaye.  Nou’n al sa meeting yer, ti napa okenn anplwaye laba ti annan zis anplwayer.  So we have to be careful 39A is essential to pre-protection of employees.  Si zot annan okenn pwen, lev zot lanmen counter arguments selman mon ti a kontan ki zot, zot weigh lo la, akoz mon war poudir schedule 1 i dir sa la pou le moman.  Mersi.

 

MR SPEAKER

Mersi Onorab Pillay.  Onorab Ramkalawan.

 

HON WAVEL RAMKALAWAN

Mr Chairman mon krwar ki anyway sa ki Onorab Georges pe dir, e sa ki AG pe dir i zwenn ek kanmarad e sa ki Onorab Attorney Zeneral in dir part 1(b) instead of just put part 1 of scheduled i donnen sa 14 zour.  Mwan mon ti a dir si nou azout part 1(b), then nou tonm egzakteman lo sa ki nou pe rode, ok parski si nenk zour ou pe al lo sa schedule 1, la lanmenm ler ou pou al pri dan enn pe al rod 42 zour lo exceptional circumstances ensidswit.  Tandis ki part 1(b) parey AG in dir i 14 zour li, i 14 zour.  Alors sa bann menm prosedir i kapab menm ganny fer.

Se sa lafason ki – anyway mon pe regard li koman en laymen, parski si ou al dan part 1 prezan ou pou dir be part 1, enn pou al argimante poudir e mon konn zot avoka, zot pou komans argimante enn poudir be non, schedule 1 part 1 i dir be mon kliyan i bezwen 42 zour;- lot pour dir mon kliyan i bezwen tan zour. Tandis ki letan ou al lo sa schedule 1 part (b) i 14 zour.  Se sa mon pwen.  Me an menm tan osi Mr Speaker,  sa pwen ki Onorab Pillay in dir mon konpran li. Me selman la nou pe fer en provizyon pou COVID, me i annan serten keksoz ki pour al apre COVID.

E mwan sa ki mon ti ava propoze, se ki la nou pe regard COVID.  Apre ki apre le 30 Zen. Minister Lanplwa i vin avek en nouvo lamannman en nouvo lamannman ki pe regard tou bann eleman travay;- rediksyon lapey ensidswit.

Bokou bann eleman ki dan sa 39A so that then i ava kapab, sa schedule 1 i ava kapab aplike dan on full soz. Oubyen menm zot ava kapab met en lot seksyon dan schedule 1 ki ava spesifikman koz lo reduction – konmsi en variation, pour ki sa i a vin bokou pli kler.  So right now la nou focus lo sa eleman COVID, e nou konnen ki poudir i tanporer e apre sa nou ale, mersi bokou Mr Chair.

 

MR SPEAKER

Mersi Onorab. Onorab de Commarmond, apre PS.

 

HON CHARLES DE COMMARMOND

Wi, mersi Mr Speaker. Mr Speaker mon ki mon pe mazinen i depi bomaten mon’n koz lo la, pli boner, ou vwar sa ki nou bezwen la se pa zis en provizyon Lalwa pou COVID me i osi apre COVID.  Sa i enportan.  I annan serten keksoz akoz on konnen bann diskisyon pe ganny fer pou var apre COVID ki pou arive.

E selman sa la i la devan nou, let us do it now.  Akoz ki arive lo kestyon rediksyon varyasyon saler, i pour kontinyen sa.  Mon’n fini war mwan ou pou komans ganny li la pandan sa letan COVID ziska dizon ziska menm le 30 Zen.

Ou pour ganny li apre, i pou le pou en bon pe letan e pour toultan;- en fason ki from now on that would be the norm. E mon krwar  i en bon keksoz . Ki konmsi sa competent officer i bezwen la anmenn tan ki son keksoz i vin kont Lalwa.

Parey mon’n eksplike bomaten, ou war?  Annou fer keksoz ki byen e napa naryen mal ladan sa.  Napa naryen mal.  I en bon keksoz i si oule i protez tou lede kote.  I anpes sa anplwayer selman al ganny pourswiv, akoz ou ti met mon anba presyon ensidswit be competent officer ti la, ti napa presyon, zot ti tonm dakor.  Li in donn son blessing, in aprouv sa e alor sa nou ava kapab kontinyen avek.  Mon krwar i en bon keksoz annou pa perdi letan lo la, annou bouze.  Mersi.

MR SPEAKER

Mersi Onorab. PS avan mon donn ou laparol mon a pran ankor en entervenan. Onorab Larue.

 

HON FLORY LARUE

Mr Speaker, mon anvi raise en matter of privilege anba 36 (1) silvouple. Mon santi ki Onorab Sebastien Pillay in afekte mon privilez koman en Manm Lasanble Nasyonal, letan in dir ki sa meeting ki’n ganny organize par ou Chamber pa Lasanble pou tou lede kote, pou Manm kapab kominik avek panel, kot tou lede kote ti ganny envite e zot ti kapab lo zot kote  sizer nenport ki pou li dir ti napa reprezantasyon travayer dan sa meeting.  I konpletman fo i pe mislead the House i pe mislead piblik, mon ti a kontan ki i retract e i apologies silvouple.  Mersi.

 

(Interruption)

 

MR SPEAKER

Non, non, Onorab bon, nou pa pe, mon pa krwar sa in afekte ou privilez, – ok?  In fer,

 

(Interruption)

 

MR SPEAKER

Onorab Henrie I call you to order! Onorab Henrie – ok? Onorab Larue in raise en matter of privilege vizavi sa ki Onorab Pillay in dir ok?  Nou pa kapab nou tou nou antre dan en lager, nou aste en lager! Nou pa kapab. This is the House!   There must be some respect! Ok?  Nou annan en Prozedlwa enportan devan nou e nou anvi nou tou avek sa lantant ki’n annan bomaten Leader Lopozisyon, Leader Government Business in dir annou move forward.

Dan ABC taler ankor nou’n aksepte ki ozordi nou bezwen pran en desizyon lo sa Lalwa. Annou fer travay serye.  Annou pa rantre dan sa bann tirayman ok? Onorab Larue mon aksepte ou pwen, me selman mon pa krwar ki in afekte privilez Manm Lasanble. Yer swar mon’n swiv Nouvel kote travayer, mon pa krwar osi tou ki Onorab Pillay ou 100poursan byen ki ti napa reprezantan travayer.

Mr Antoine Robinson ti la koman wi, i ansarz en Linyon ki ti pe koz lo non travayer ok? PS Baker, apre mon a donn ou laparol apre back to Onorab Georges.

 

PS JULES BAKER

Mersi Mr Speaker. Mon oule zis adres en issue regarding policy apre AG i avar komant lo sa proposal ki Onorab Georges in fer. Me selman mon anvi zis eksplik en pti pe schedule 1, part 1 of the Employment Act e ki ti son lentansyon.  Sanmenm sa rezon akoz i konsantre mainly lo termination.

Akoz sa i bann prosedir anba ki provizyon i ganny fer, si ou anvi terminate Kontra en travayer san misconduct, ouswa i lo probasyon, ouswa i lo en fixed term. I senpleman kontrol bann ki dan en Kontra permanan.  E seksyon 47 i donn ou bann prosedir, 48 i donn ou lay-off, 51 i donn ou sa. Me selman lentansyon sa provizyon sete pour asire ki pa sitan fasil pou zis en anplwayer, leve bomaten pou terminate san donn notis en travayer.

Me dan konteks seksyon (a), avan COVID nou pa ti pe gannyen sa kantite konsern, kot ti annan dout ki i ti pou annan rediksyon saler.  E bann calls ki nou’n gannyen kot anplwayer ti pe demann nou permisyon pou servi seksyon 49, pou negosye saler ouswa pou fer rediksyon saler.  E nou, nou ti santi poudir ti annan en nesesite pou nou anmenn seksyon 39. Now anba seksyon 39, i annan en propozisyon pour sou-seksyon 2 ki parey AG in dir mutatis mutandis ki ti pou apply pou sa.  Now nou lo sa ki nou santi se ki anba condition of Employment Regulations 1991, i pa fer provizyon pour okenn kondisyon saler anba sa regilasyon.  Tou proteksyon saler i ganny fer anba part (5) of the Employment Act.

Alor ou pa kapab servi en provizyon seksyon 49 pou fer sa.  Me selman s ki nou pe santi la, sa ki nou pe santi la dapre sa lamannman, nou lentansyon se ki pour fer sir se ki sa seksyon 39A i vin en seksyon permanan.  I pa kapab vin tanporer akoz sa problenm COVID i pa en keksoz ki pour reste la, i pour avek nou.  E si nou pa fer atansyon an Zen, nou pou vin avek en lot amannman Lalwa zis pour extend sa.  Mon krwar Zen, is just down the road, be mon krwar i enportan ki nou pran li la. Nou met li dan en provizyon right now.  Me selman nou limit sa letan ki pe ganny propoze par Onorab Georges.

Nou aksepte ek sa 14 zour parey Onorab Ramkalawan mon krwar in propoze ki nou apply seksyon 2 part (b) sorry, part (1). Me selman lentansyon ki sa i reste en provizyon permanan pou anpese ki en anplwayer i annan drwa arbitreman pou li redwir saler en travayer apre COVID.  Nou bezwen fer atansyon sa.  Mersi Mr Speaker.

 

MR SPEAKER

Mersi PS.  AG.

 

THE ATTORNEY GENERAL FRANK ALLY

Mersi Mr Chairman, Mr Chairman mon konpran sa ki Onorab Georges in propoze ek lezot Manm, Leader Lopozisyon osi in dir.  Mon krwar panel nou’n diskite. E an vi spesifikman an vi lentansyon 39A e petet spesifisite 39A ki i en pti pe depart from what was envisaged for negotiation procedure.

Then mon krwar nou devret concede lo 14 zour.  Mwan ki mon sizere petet nou kapab dir koz pou annan en konsiltasyon. So pou annan en prosedir ki pou ganny fer e petet nou a kapab either part 1 of schedule 1 or part 1 (a) of schedule 1.

Me selman nou kapab take what Onorab Georges in dir – in propoze ‘’and notwithstanding any time limit, set out under part1 of schedule 1, or part 1 (a) of schedule 1, and part 3 of schedule 1. ‘’

Akoz part3, se ler Lakour ti pran en desizyon sometimes in ‘97 in ‘98, ki ti dir competent officer i bezwen pran en desizyon dan 40 zour. Letan i ti pe al adjudicate bann dispute. Ti annan en provizyon ki ti ganny anmennen ki ti dan labsans any time limit pa pou

‘’vitiate the proceedings nor shall the determination made be vitiated solely on the ground that it has not been made within the time limit specified in parts.’’

Now sa ti vin pour sov nou, be dan en ka kot par egzanp competent officer pa azir dan 14 zour. So lekel ki pou -? Ki pou arive? Savedir sa i pou vin en lenzistis petet pour sa anplwayer.  Akoz si ou competent officer pa al pran en desizyon therefore there will be no decision.  So there will be no reduction!  So the flexibility is important!

We can compel as far as practicable in the circumstances take a decision. I pa parey ki ou’n pran en desizyon kont en dimoun, me ou bezwen pran en desizyon.  So si en desizyon pa ganny pran dan sa peryod letan, therefore there will be no decision! So i pour koz en lazistis pour sa anplwayer. Mersi.

 

MR SPEAKER

Mersi AG.  Onorab Georges.

 

HON BERNARD GEORGES

Mersi Mr Chair. Mr Chair mon pa pou al dan si sa i devret permanan. Oubyen tanporer akoz nou pou vin lo la mon pou focus zis lo sa kestyon 14 zour.

Alor si mon konpran tre byen, Attorney Zeneral i dakor ki nou sanz subsection 2 pour dir ‘’save for the period of notice set out in part 1 and part 3 of schedule 1’’  is that -? Do I understand you correctly?

 

THE ATTORNEY GENERAL FRANK ALLY

‘’…part 1 and schedule 2 shall mutatis mutandis apply to negotiation procedure, and notwithstanding any …’’ petet ou lamannman orizinal ‘’and notwithstanding any time limit set out under part1 of schedule 1 and part 3 of schedule 1 the competent officer, the determination consultations shall be effected within 14 days of the date of the notification.’’ Akoz i annan 3 keksoz ou bezwen notify, consult, determine.  Thank you.

 

HON BERNARD GEORGES

Dan lentere letan Mr Chair. Eski bann Manm i dakor ki dan break nou tip sa. E we take it as well ki sa in ganny konsansis.  Mersi.

 

MR SPEAKER

Dakor.  Let’s move on.

 

HON BERNARD GEORGES

The next one se subsection 5, subsection 5 ozordi in ekrir dan en fason negatif,  (the competent officer sorry) ‘’for the purpose of clarity ‘’competent officer shall not allow a deferment of the payment on the wages of the reduction,’’ bla, bla, ‘’solely on the ground on the consent.’’

Sa ki sa sou-seksyon pe anvizaze se ki pou anpes presyon ganny mete lo anplwaye e ki pli tar ler zot vin devan competent officer zot dir  be nou’n tonm dakor alor rubber stamp, sa rediksyon oubyen sa deferment.  Sa nou konpran.

E annefe nou dakor.  Me sa ki mon ti a propoze se olye met ki dan en fason negatif, annou met li dan en fason pozitif, kot nou les sa desizyon lo competent officer.  E mon propozisyon se that it should read as follows; ‘’the competent officer shall allow a deferment of the payment of the wages or reduction of the wages as the case may be, on being satisfied that the consent of the worker to the deferment or reduction is genuine.’’ Ok? Donk. The lenportans la se ki pour allow dimoun pou redwir oubyen suspend.  Pa pou anpes zot, me solman ou bezwen annan en gardfou e competent officer i ava bezwen satisfer son lekor ki sa travayer in konsanti dan en fason genuine.  Pa’n ganny met anba presyon pou aksepte en rediksyon.

 

MR SPEAKER

Okenn Manm i oule fer komanter lo -? Yes, Onorab Sebastian Pillay.

 

HON SEBASTIEN PILLAY

Sa provizyon i fer sans vizavi sa Clause. Me selman i depan lo zot departman pou dir nou, akoz mwan non pa konnen ki mannyer en competent officer i go about establishing the genuineness of en particular request.  Kwa ki i fer?  Akoz mon konpran ki Onorab Georges pe fer akoz i pa ou, mannyer ti’n word ou pe ferm sa laport pour ki si vreman in annan en genuine consent that is allowed.  Akoz ki ou pe fer, mwan mon konnen ou pe sey anpes 49 antre.

Be 49 i dir ou poudir si i pa dakor ou met sa boug deor.  Mon konpran ki ou pe sey fer, me eski zot santi poudir ki zot kapab fer li?  Akoz mwan mon lenterpretasyon se ki nou pa oule sa Lalwa i ganny fer dan en fason kot i anmar lanmen sa anplwayer tro bokou.

Me osi i larg son lanmen to the extent ki i met presyon lo sa anplwaye and then sa boug napa swa, pe dir be mon tonm dakor akoz si mon anba 49, ou pou met mwan deor.  So sey dir nou sa akoz mon pa war problenm avek, akoz as long ki lo kote Departman Lanplwa i annan en lot keksoz pour zot dir.  Mersi Mr Chair.

 

MR SPEAKER

Mersi Onorab Pillay. PS.

 

PS JULES BAKER

Mersi Mr Chair. Mersi Onorab Pillay pou ou klarifikasyon, sa ki mon kapab dir parey mon’n dir taler, dan en konteks normal en anplwayer i pou fer en aplikasyon kot Minister Lanplwa e i pou anmenn son bann levidans pou donn zistifikasyon, akoz ki i anvi terminate lanplwa en travayer.  E la nou pou assess bann rezondet akoz i oule terminate.

E nou pou demann sa travayer eski ou konpran?  Eski ou dakor?  Eski ou konpran poudir sa biznes i bezwen fermen now, now, now, akoz napa reveni.  E i donn son konsantman i dir mon pare pou mon aksepte en terminasyon, e mwan mon a rod en lot plas travay.  Now sa sityasyon COVID li i en pti pe pli diferan. Akoz i diferan akoz anplwayer pou pe vin dir ou poudir mon’n ganny en serten sonm larzan avek Gouvernman.

Ouswa mon pa’n ganny larzan ditou avek Gouvernman.  E, ouswa mon’n ganny en parti whatever avek Gouvernman, me mon santi ki mon still pa kapab kit sa travayer la.  Dezyenmman i posib ki menm si i annan larzan kekfwa me selman sa travay ki sa travayer ti pe fer becomes redundant.

So, i nepli annan en louvraz pou li fer.  So, alor mon krwar nou, nou konfortab avek sa proposal ki’n ganny mete me i zis ki parey mon’n dir se ki nou pa konn the volume.  Si nou kapab al fer bann asonpsyon ki nou pou kapab deal avek bann volume, akoz nou deza annan bann competent officer nou pa vwar li en gran problenm.  Mersi Mr Speaker.

 

MR SPEAKER

Mersi PS.  Onorab Georges.

 

 

HON BERNARD GEORGES

Mersi Mr Chair.  Mr Chair enn ou de pti keksoz premyerman sa nou ankor still nou pa pe deal avek redundancy ek lay-off la, nou ankor zis lo defilement and suspension of wages.

E nou pa pe sanz oversight competent officer.  Competent officer pou annan son oversight sel keksoz ki nou pe dir se annou mannyer in ete la konmela i pe dir basically, pa vini akoz nou pa pe donnen.  Nou, nou pe dir in a genuine case vini e if is genuine ou kapab gannyen – ok?  Basically that’s the that’s the twist. 

        E annou pa bliye i annan en keksoz ki nou pe fer abstraksyon.  The worker has always got the possibility of a grievance procedure.  Si in ganny met anba presyon pou li aksepte en rediksyon saler, i pou taye i pou al lodge en grievance.

So i annan sifizaman proteksyon.  Menm ozordi pou en worker  ki santi in ganny met anba presyon.  Vwar?  Alor annou pa bliye sa.  Sa i la toultan e i la pou en bon rezon.  Akoz sa travayer toultan i bezwen ganny proteze a nenport ki moman.  So si sa si i annan konsansis eski nou kapab gard sa propozisyon?

 

MR SPEAKER

Mersi Onorab Georges.  AG. 

 

THE ATTORNEY GENERAL FRANK ALLY

Thank you.  Thank you Mr Chairman.  Onorab Georges.  Mr Chairman mon krwar si nou gard li then nou bezwen sanz en pti pe son langaz dan plas for purpose of clarity, nou pou dwatet mete – petet nou kapab fer sa dan break. 

 

HON BERNARD GEORGES

Mon’n tire.  Mon’n tire mon’n zis konmans li avek the competent officer ok –‘’ shall allow the deferment of payment of wages or reduction of wages as the case may be, on being satisfied that the consent of the worker to the deferment or reduction is genuine.’’  Ok?  So the onus is on the competent officer.  Si i pa satisfe it doesn’t allow.  In any event in any event menm si sa pa ti la, the grievance procedure ti ava permet menm keksoz arive.

 

THE ATTORNEY GENERAL FRANK ALLY

Me selman avan, sorry Mr Chairman sorry.  Avan mon krwar the way it was, it was not to solely so.  La i en fe  akonpli.   So si i santi pou dir i genuine then i pou bezwen donn approval. 

 

HON BERNARD GEORGES

Absolutely, e mon pa vwar en rezon akoz i pa pou -. Si tou lede in tonm dakor, and is genuine e sa anplwaye i dakor pou en rediksyon son saler dizon, akoz i konnen ki i pa anvi perdi son travay, me i dakor pou li ganny en rediksyon, why should that not be accepted? 

 

MR SPEAKER

Mersi Onorab Georges.  En moman Onorab De Commarmond ti’n lev ou lanmen?    Ou ti le fer komanter lo la?

 

HON CHARLES DE COMMARMOND

Non, non mon krwar nou lo bon semen.  Se sa ki mon ti pe dir taler, se ki i pou avoid sa ki avan sa bann grievances ki travayer i ava fer.  So i shorten everything.  Me selman parey nou ti pe dir ki sa i reste i permanan from now on sa i vin the formula.  Sa i formil nou bezwen bouz avek devan, sa ki nou pe dir.   E sa i pou fasilit lavi tou dimoun.  I pou bon sa.

 

MR SPEAKER

Mersi Onorab.  Onorab Ramkalawan.

 

HON WAVEL RAMKALAWAN

Mr Chairman mon ti pe zis anvi siport sa ki Onorab Georges e panel pe dir.  Parske annou pa oubliye ki pou dir menm pou rod sa reduction ou sa variation, the negotiation procedure i pou la li.  Sa referee i pou la.  Alors sa langaz ki’n servi la i pozitiv, parski sa travayer i pou vini avek son anplwayer, i pou dir be regarde an personn i pou vini, i pou dir be mon’n dakor mwan.  Alors konmsi sa positive language i ava fasilit keksoz.  Mersi bokou.

 

MR SPEAKER

Mersi.  Onorab Georges.

 

HON BERNARD GEORGES

Mersi Mr Chair.  Mr Chair prezan mon vin lo sou-seksyon 6 ki Onorab Sebastien Pillay pe antisip mon largiman.  Ki pa devan ou akoz in ganny retire.  Me an servan menm prosedir 67 mon ti ava demann ou rekonsider li akoz i annan en serten merit.  E sa se  ‘’that this section shall not apply to a worker in respect of employer has not received full salary support from the Government.’’  In another words sa 39A  si ou’n ganny peye avek Gouvernman ou pa kapab servi li.  Ok?  Akoz ou’n ganny peye.  Gouvernman i annan drwa dir ou me ou’n pran mon larzan, ou pa kapab prezan al negosye avek ou anplwaye pou en lot keksoz.

I kapab donn ou lord.  Me si i pa’n pey ou, si i pa’n pey ou oubyen i pa’n pey ou plis ki 30 mil, akoz ki sa anplwayer ek sa anplwaye pa devret kapab vin devan competent officer e dir nou le negosye en rediksyon.   Ou war?  si nou pa met sa, si nou pa met sa, sa posibilite sa posibilite pa la, sa ki nou anvi fer se dir avek bann anplwayer si zot in ganny zot larzan avek Gouvernman, zot pa kapab antre dan en negotiation procedure pou suspend or defer.  Me si zot pa’n gannyen zot kapab.

 

MR SPEAKER

Mersi Onorab Georges.  Onorab Pillay.

 

HON SEBASTIEN PILLAY

Mersi Mr Chair.  Mr Chairman mon annan detrwa konsern avek sa ki Onorab Georges pe koze.  Premyerman si nou go back to seksyon 49, of the Act. 

Seksyon 49(2) e i dir nou koumsa, ‘’where written consent required under subsection 1 to a variation ‘’ pa’n ganny obtain, ok i dir ou sa anplwaye    subject subsection 3 i kapab terminate the contract of employment of employment of sa dimoun.  Se sa la, la kot nou problenm i ete la.

Prezan ou’n dir ek sa group koumsa pou dir ok dan ou lamannman ou pe dir li si i pa’n ganny full.  I pa’n ganny full compensation.  Meton Gouvernman i dir ok mwan mon pe pey saler Jules Baker ki li i ariv R20mil mon pe donn ou R10mil pou Jules BakerOu met sa lot 10mil akoz ler mon’n assess ou mon vwar ou annan sa lot 10mil.

Mwan mon kapab, vire dir ek Jules pou dir be gete mwan mon pe donn ou zis 10 mil mwan.  Gouvernman in donn mwan 10mil.  Jules pa dakor.  Nou pa le fer sa aplikab Jules i deor, mon kapab met li deor.

Non!  Be akoz se sa ki ou pe dir mwan.  Ou, ou pe dir ek mon koumsa si mon pa’n ganny full support, i pa pou aplikab.  This is what you’re saying.  What akoz, what you should be concerned with – the other point you should also concerned with, ou pe dir en dimoun ki’n ganny in relation to R30mil, me nou pe discriminate, in relation to R30 mil.

What about en dimoun ki’n ganny 30, 100, 29 , 800, 29,500, 29, 600?  Mon krwar pou dir, we do not  need this Clause, in relation to this.  Because section 81 i cater for this Clause.  Akoz section 81 with it allow you to do to your negotiation, or not at the end of the day.  Because this is what we want. 

        But proposing it in this way mon annan en problenm.  E mwan regarding sa capping of R30mil la, mon le eksprim mon konsern avek mon koleg e Chairman Bills Committee, akoz se sa ki pe dir.  Ou’n dir in relation to 30thousand. 

        Akoz ou pe pran li original Clause ki Onorab Ferrari ti’n mete without amendment.  And I think Onorab Ferrari ti’n remove the Clause because of the border line constitutionality 30thousand – the Cause itself. 

        We can’t go back to that.  Petet ti ava bon ki panel i dir nou where we stand in relation to this.  Mwan mon pa dakor ki nou al dan sa direksyon.

 

MR SPEAKER

Mersi Onorab Pillay.  Mon a donn laparol Onorab Andre.

 

HON CLIFFORD ANDRE

Mersi Mr Chair.  Mr Chair mon osi letan mon’n get sa sou- seksyon ki ti’n ganny azoute e subsequently ganny tire, mon annan menm lopinyon avek Onorab Georges.

Mon krwar si en dimoun in ganny asiste avek Gouvernman irespektiv ki kantite in ganny asiste,  i bezwen – i pa kapab avail of sa ki la.  Me si pa’n ganny asiste, definitivman i bezwen annan sa loportinite pou li kapab vin kot Gouvernman pou dir be mon pa’n ganny asiste, mon sityasyon i koumsa, alors pran konsiderasyon mon demann ki devan ou.  Oubyen i annan sa posibilite pou li met sa devan.

Mon krwar Onorab Pillay posibleman pe – anyway Onorab Georges i ava eksplik son lozik apre – mon krwar i pe mank sa pwen pou vwar ki pou dir letan ou asiste mwan –  avek letan ou pa pe asiste mwan, akoz lanons sete pou asiste tou dimoun, prezan i annan prosedir, i byen in ganny met ater.  Letan ou pa asiste, sa anplwayer son lanmen i anmare.  Me otreman letan ou’n dir li ou’n donn li sa ki in demande, i pa pou kapab vin kot ou vin dir ou, ou bezwen ankor mon le sanz kondisyon me ou’n asiste mwan.

So mwan mon krwar i en  bon provizyon e mon ti a demande ki parey Onorab Georges pe dir ki nou re entrodwi li la, akoz i fer bokou sans.  E yer nou’n tann bann dan meeting nou’n tande poudir sa i en pwen konsern osi.   Mersi.

 

MR SPEAKER

Mersi Onorab Andre.  Onorab Ramkalawan.

 

HON WAVEL RAMKALAWAN

Mr Speaker mwan mon dakor avek sa seksyon.  E la mwan mon ti ava menm dir, sa mo ‘‘full’‘ kekfwa nou devret menm tir sa mo ‘’full’’ –  poudir e la mon pe mazin en bon pe bann travayer ki ganny spesyalman bann travayer Seselwa, parske napa sa kantite travayer Seselwa ki ganny par lao R30 mil.  Pou ki zot ganny proteze.

E basically pe dir si en anplwayer in ganny li en sou avek Gouvernman i pa kapab vini.  En travayer ki son – me si i pa’n ganny nanryen la sa seksyon pa ava aplik pou li.  Parski Gouvernman pa’n ed li ditou.

Alors si en dimoun pa’n ganny ede ditou, Gouvernman pa kapab enpoz lo li.  Me tandis ki sa led si in ganny en sou la prezan i tonm anba sa seksyon.  E sa se pou  fer sir ki sanmenm sa mon le tir sa mo ‘’full’’ e Onorab Georges i ava diriz nou lo la.  Mon anvi tir ‘’full’’ parski sa travayer se Seselwa spesyalman ki pe ganny li R35 mil, R40 mil pou ki napa okenn negosyasyon pou dir be gard sa nou pe al koup ou lapey la,  nou pou donn ou pou sa mwan ki pe vini la nou pe al koup ou lapey pou ou ganny zis sa R30 mil ki Gouvernman i donnen, me ki sa anplwayer akoz in ganny sa led, napa sa bann zafer rediksyon.  Pey sa Seselwa son R39mil ou ava met sa 9 mil Gouvernman i a met sa 30 e sa dimoun i a ganny son full salary.

        Akoz mon pe mon pe apiy sa parski nou bezwen osi protez sa bann Seselwa ki pe ganny par lao sa sonm.  E sa bann Seselwa zot osi konnen ki pou dir sa Lalwa parske mwan mon’n koz avek omwen en travayer Seselwa ki’n dir, nou konnen ki pou dir sa i pou al parske Lalwa li menm li i a pe dir ki apre le 30 Zen tou sa bann zafer sa sispansyon i pou al ziska le 30 Zen.

Alor zot pe dir pou sa 3 mwan la mon bezwen fer sir ki –  e nou konman en Lasanble nou bezwen fer sir ki sa bann travayer pandan sa 3 mwan, zot kapab ganny sa proteksyon.  Alor lo sa enn la mwan mon ti ava dir annou tir sa mo ‘’full of whom the employer has not received salary support from the Government.’’  This what I would like to move.  E mon ti a kontan ganny lopinyon.  Mersi bokou Mr Chairman.

 

MR SPEAKER

Mersi Onorab Ramkalawan.  AG.

 

THE ATTORNEY GENERAL FRANK ALLY

Mersi Mr Chairman.  Mr Chairman mon krwar sa propozisyon ki Onorab Georges pe anmennen pou dilute sa Lalwa, sa provizyon e pou rann li petet inefektiv. Akoz si en anplwayer i pa’n ganny salary support i annan en rezon akoz.  Se sa ki yer dan meeting nou ti dir oubyen bann meeting avan ki nou’n fer se ki bann anplwayer zot, zot bezwen lager ek Minister Finans ki fer sir ki sa bann kriter i ganny revwar.  Akoz si ou annan ou R10 milyon, yer nou ti dir sa.  Ou kapab annan ou $10milyon dan en kont ou.  Me ou pa ganny salary support.   Ou pou redwir saler sa travayer but you have not qualified under – for you to get support because you are ou solvent. Ou très solvable e ou kapab pey ou bann saler travayer.

Now i diferan par egzanp si en dimoun en anplwayer i pa pe gannyen lo en tekinikalite, akoz i pa’n donn tou son bann dokiman.  Sa i diferan.  E mon krwar si nou mete sa i pou afekte sa Lalwa sibstansyelman e rann li  inefektiv.  Bon mon krwar ki nou’n capture to sa bann extend serten sirkonstans kot competent officer i ava pran.  E se sa rezon ki  i annan sa sib seksyon 4 ‘’in making a determination under this section, the competent officer shall take into account all relevant matters.’’  E sa i ava relevant matter ki sa anplwayer i a kapab met devan competent officer e ki competent officer prezan i ava pran en desizyon. Mon pa konnen si Onorab Georges i ava aksepte, pou petet sa ki sipoze anmennen ganny trete anba la.  Par egzanp i ava vin en 2enm loportinite pou sa anplwayer ganny assess.  

 Annou pran en legzanp i dir i annan R3milyon dan son kont, me Minister Finans pa le tande ki sa R3milyon i ti pou ganny servi pou renovasyon son letablisman.  Me li i anvi akoz i annan li en seri travayer ki par lao R30mil, e alor (sorry) par lao serten high salary, e zot i ti a kontan slash zot saler.  E la i fer en case devan competent officer poudir gete mon larzan i ti’n ganny save for this purpose.  E the moment ki mon pou bounce back si mon pey travayer, ek sa larzan ki mon annan, i pa pou ed mwan pou mon kapab fer sa.

Mon krwar sa sou- seksyon 4 i sa rezon ki nou’n met li la.  Rather than pou nou dir si ou’n ganny peye, si ou’n ganny asiste oubyen pa ganny asiste.  Otherwise i pou rann sa Lalwa more or less inefektiv, dead letter to a large extent.  Mersi.

 

MR SPEAKER

Mersi AG.  Onorab Georges.

 

HON BERNARD GEORGES

Mersi Mr Chair.  Mr Chair i annan en lot lozik ki, ki deryer sa propozisyon e kekfwa, kekfwa nou devret mazin en pti pe plis lo la ler nou pran en break e sa se sa lozik ki nou pa ankor ariv lo la me ki pou kekfwa ek ou permisyon mon al lo la, la prezan, se eski sa Lalwa sa amannman 39 (a) i devret permanan parey panel i swete, oubyen eski i devret tanporer pou lepok COVID parey mwan mon pe propoze?  E lozik se sa.  Ozordi e ler tou keksoz pe mars byen anplwayer ek anplwaye i negosye antre zot pou salary reduction oubyen salary suspension.  Sa anplwaye i konnen toultan ki si i pa satisfe avek sa negosyasyon, i kapab al lodge en grievance e i a ganny sipor Minister.  Donk sa sete sityasyon ozordi.

La pa sityasyon ozordi sa mon vwar Attorney General i –

 

MR SPEAKER

Yes?

 

THE ATTORNEY GENERAL FRANK ALLY

En pti koreksyon.  Non ozordi si en travayer en anplwayer ek en travayer zot i annan en varyasyon saler, ou pa ale  lo en grievance.  Ou senpleman donn ou konsantman.  Si ou pa donn ou konsantman ou lanplwa i deemed terminated.

 

HON BERNARD GEORGES

E si ou dir deemed terminated ou annan drwa lodge en grievance. Donk nou pe …

 

THE ATTORNEY GENERAL FRANK ALLY

again parey mon dir sa i en largiman ki ou kapab fer vedir ou konsantman …

 

HON BERNARD GEORGES

Fodre nou rekonnet Lalwa mannyer i ete.  E non pa mannyer nou ti a kontan i ete.  That’s how it is.  E si ou ganny met anba presyon ou kapab toultan end up devan Minister.  But me sa mon premye pwen Mr Chair.

Kestyon la ozordi se ki parey Onorab Ramkalawan in dir,  si mwan mon pa’n ganny asiste, akoz ki Gouvernman i devret pe anmar mon lanmen?  I ava anmar mon lanmen si i asiste mwan.  Akoz i devret anmar mon lanmen COVID or not, si i pa asiste mwan?  Akoz i pa al les mwan al negosye avek mon anplwayer?

Me menm si nou dir dan lepok COVID sa pa devret arive, annou les tousala al devan competent officer.  I annan en 2enm keksoz ki nou fodre realize fodre nou regarde sa se pos-COVID.  Mwan mon propozisyon se ki sa Lalwa i laspe le 01 Zilyet.  Me menm si pa le 01 Zilyet menm si le 01 Septanm, le 01 Zanvye 2021 oubyen ler Public Health Commissioner i rule ki COVID in fini ok? Whatever that period.  Akoz ki nou annan en konsern lo retourn lo status quo ozordi kot anplwayer ek anplwaye, i annan laliberte kontraktyel pou zot deside ki travay zot pou fer, e konbyen zot pou ganny peye?  Akoz ki nou anvi kontinyelman met sa burden lo competent officer? 

        E mon pe fer en propozisyon ki sa peryod i devret tanporer.   Si sa peryod i tanporer then napa okenn obzeksyon pou li aplik pou bann dimoun ki pa’n ganny sipor.  Akoz this is the position today anyway.  Attorney General – e mon konpran Attorney General i dir be non, pa les ou anplwaye lager, al lager ek Minis Finans. Me akoz nou devret al lager ek Minis Finans?  Akoz ki mwan mon bezwen al lager avek anplwaye oubyen Labour, oubyen Minis Finans?  Minis Finans in dir mwan mon pa pe ganny peye, mon biznes pe al ganny bankrupt, mon dir avek mon anplwaye mon biznes pe al bankrupt, eski ou anvi en deferment or en rediksyon, akoz sansan ou pou perdi ou travay;  i pou  anplwaye akoz ki nou pa kapab antre dan sa negosyasyon, pou sa peryod tanporer?

Me les mwan prezan dir zot ki kisisa ki dan nou lespri for the future.  Mwan mon pou propoze e mon kontan ki en propozisyon i ganny fer ki en nouvo Employment Act i vin devan nou, e nou revwar serten keksoz, mwan mon ti a swete ki the competent officer, sa referee sa dimoun i pa dan Minister Lanplwa.  Les Minister Lanplwa set out the Labour Policy of the country.  Me pa enterfer dan bann keksoz toulezour ant anplwayer ek anplwaye.  Annan en independent Board;- nou annan en kantite Independent Board dan sa pei.  Moris i annan sa ki nou apel en Redundancy Board. Annan en  Independent Board ki Prezidan avek whatever i ava setup e sa Independent Board i ava deside lo lay-off, redundancy, suspension,  negotiation, grievance, eksetera.

E si sa i leka e si sa se leka in the future mon pa vwar ki problenm ki problenm nou annan pou nou fer sa ki nou pe dir la konman en soz tanporer, e an permanan nou ava vwar en meyer striktir for the future.  Vwala en pe rezonnman deryer sa 2 lamannman Mr Chair.

 

MR SPEAKER

Mersi Onorab Georges.  Bon mon sizere ki nou pran en break e mon ti a propoze osi tou ki tou lede kote bann Manm  ki’n move bann lamannman and all that ansanm avek AG avek panel, si nou kapab thrash-out en pe a few things pandan break, ki ler nou a repran 5er, nou a kapab vwar a way forward.  Pou lenformasyon bann Manm nou pa pe pran le okenn lezot Bill ozordi.  So nou annan lentansyon pou nou kapab dispose of Employment.  Nou’n fini enform Minis Charlette e osi tou VP lo sa de lot Bill ki nou ti pou pran.  So nou ava break e nou retournen 5er.

 

(BREAK)

 

 

MR SPEAKER

Bon, nou ava kontinyen nou travay.  Onorab Georges nou ava kontinyen avek bann amannman.

 

HON BERNARD GEORGES

Mersi Mr Chair.  Mr Chair avan ki nou’n break pou, avan ki nou’n break taler nou ti pe koz lo sou-seksyon 6 ki ti’n ganny propoze apre ti’n ganny retire.  E la mon ti pe re propoz li.  Ek seksyon 7 ki en sou- seksyon 7 ki en nouvo seksyon.  Ki en nouvo sou-seksyon ki annan konman lentansyon ki sa nouvo seksyon 39A pa vin en seksyon permanan.  Basically i ava lapse apre COVID.

E mon ti’n eksplike ki rezon deryer sa 2 propozisyon sete pou antisip parey nou’n ganny promet en nouvo revizyon Lalwa, dan lekel nou ti ava swete lo nou kote vwar,  ki olye competent officer ki fer bann determinasyon, sa i ganny tire anba Minister Lanplwa, e ki Minister Lanplwa i reste konman the parent Ministry ki ava set Polisi eksetera.  Me bann desizyon, parey negosyasyon, grievance, eksetera i ava ganny fer par en Board, en Lazans ki pou ganny kree, e ki pou konpletman endepandan avek Minister.  Mersi.

 

MR SPEAKER

Bon i annan en propozisyon pou lamannman.  Onorab Ramkalawan.

 

HON WAVEL RAMKALAWAN

Mr Chairman mersi bokou.  Mr Chairman sa ki Onorab Georges pe dir, e the thinking, mon krwar i al byen.  Parski si ou pou kit li koman en seksyon permanan dan son laform, nou pou bezwen neseserman annan en nouvo schedule.  Oubyen dan sa schedule 1 ou pou bezwen annan en nouvo seksyon ki pou deal avek a variation of contract, terms of employment. 

Parski letan ou pou regard schedule 1 parey nou’n fer pli boner.

Son part 1 i lo termination of contracts.  Part (a) plito.  Part (b) lay-offs under section 48.  (c) Redundancy anba section, anba section 51.  E apre sa son part 2 i annan bann diferan grievance procedures.

E mon krwar ki zis baze lo si nou pou anvi kit li konman en keksoz permanan.  Ou pou bezwen annan en (d) dan sa schedule 1.  Ou pou bezwen annan en (d) kot i pou koz lo whatever reduction or variation under section 39A. 

Parski ou pa kapab met en premye bout, me selman apre sa ou pou al dan, mon kontan sa mo –  apre sa ou pou bezwen zis al dan, ki mannyer i apele sa mo?  Mutatis mutandis.  I pou bezwen annan sa ki pou li.  E se pou sa rezon ki dan 39A la pou le moman i montre nou ki poudir letan zot ti pe ekrir, I am sure Attorney zeneral i a kapab gid nou.  Letan zot ti pe ekrir sa seksyon 39A, zot in met sa mutatis mutandis dan en serten sans,  pou dir, be this is the general procedure ki ou ava fer.  I ava aplik parey.

Me selman, se parski son konponan tranzitwar dan en serten sans.  Tandis ki si ou pou fer li permanan, then i pou bezwen annan son prop definisyon anba sa schedule 1. 

So mwan mon pou definitivman siporte ki nou pou, ki nou kit sa la.  Akoz apre sa, letan nou pou ariv lo 81, ki nou pou war.  81 sa nouvo seksyon, nou pou war ki i annan en commencement date, which is the 20th of March 2020.

In fact i pran dan en serten sans en lefe retroaktif.  E an plis ki sa i dir nou kan i mor.  I mor le 30 Zen. Me pou montre son eleman tanporer tranzitwar, dan seksyon 5 anba 81, i dir ki Minis i kapab fer li mor avan.

Minis i kapab donn li, Minis i kapab donn li, Minis i kapab fer li mor en pe pli tar.

Minis i kapab fer li mor apre le 30 Zen.  E apre sa Minis i kapab touy li anba seksyon 6.  So tousala i diferan avek bann lezot Lalwa ki nou pase.  Zanmen nou pas sa bann Lalwa koumsa nou.

E sa i montre nou eleman prensipal dan sa lamannman li menm.  Ki poudir i annan en eleman tanporer avek li.  Alor nou pa kapab dan mon lopinyon,  pe met 2 keksoz 39A avek 81, ki 81A ki nouvo.  Ki nouvo e ki pe deal avek en sityasyon spesifik, fer li vin permanan.

So mwan mon ava dir, annou kit li lo son baz parey i ete.  Annou tret li dan sa fason.  E parey serten dimoun ti dir yer dan sa rankont, ki sa rankont konsiltativ Mr Speaker, ki pa ti ganny chaired par Onorab Ferrari. Me ki ti a pe ganny chaired by the Chairperson of the Bills Committee.  Se sa ki ti arive yer.  E ki kot ti annan reprezantasyon travayer.

Parski dan tou bann rankont ki in annan ziska aprezan, dan sa semenn, se Mr Robinson, parey ou menm ou’n dir Mr Chairman, se Mr Robinson ki al reprezant travayer.  E alor, annou – e si nou pe fer, si par egzanp Mr Chairman ankor en fwa, pou montre sa eleman tranzitwar, sa eleman tanporer, se tou sa bann keksoz ki pe ganny diskite la;- sa bann rankont ki pe ganny diskite, ki pe arive e tousala, tanporer sa.

E alor, annou pa tret en keksoz, ki par son natir i sipoze tanporer pou nou donn li en eleman permanans.  Me mon pou dakor, parey Onorab Georges in dir, i annan, i annan en, i annan merit pou ki i annan serten eleman.

Bann zafer ki en anplwayer pa kapab zis vini dir ek en boug, regard sa, mon pe sanz ou zafer, ou kondisyon travay.  E i servi sa koman en rezon pou pous sa boug.  Akoz anba seksyon 49, i dir avek ou, si ou pa dakor, out!  Pa normal.  Nou bezwen balans serten keksoz.

E mwan mon dakor ki sa Employment Act an antye nou bezwen moderniz li, nou bezwen regarde pou nou kapab tonm lo en keksoz ki pou bokou pli permanan.  E kot i ava annan bokou plis konsiltasyon.  Alor mwan mon dir, annou, mwan mon siport sa ki Onorab Georges pe dir, annou kit li dans on eleman tanporer.  Mersi bokou Mr Chairman.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi Mr Chair.  Mr Chair, mon osi mon ti attend sa meeting an kestyon.  E mwan koman en Manm Bills Committee mon pa ti zanmen ganny enformen ki Chairperson Bills Committee ti pe chair sa meeting.

E mon oule osi azoute, i hasten to add ki, whilst Mr Robinson i prezant Linyon Travayer, i ti le sel reprezantan Linyon Travayer la anndan. Lot ti en reprezantan Linyon Anplwayer.  E ti napa anplwaye dan sa meeting!  I hasten to add.  Prezan mon al mon pwen regarding sa bann lamannman. E meeting

 

MR SPEAKER

Onorab, en moman, en moman.  En moman, Order!  Order!  Bon, i annan en senp amannman in ganny propoze par Onorab Georges.

Tou lede kote annou pa trenn li.  Mon’n ganny dir taler dan ABC, ki Manm i konplent ler nou sit ziska 8er diswar.

Mwan mon pa konplent, parey mon dir zot, mon annan tou lenerzi.  Si sa Bill ozordi i pou anmennen ziska 8er diswar, nou pou travay ziskan 8er diswar, pou nou dispose of.

So si zot anvi al pli boner, nou oule fini pli boner, annou limit nou entervansyon lo amannman ki devan nou. Annou pa rode lekel ki ti chair meeting yer, lekel ki ti reprezant travayer and all that, ok?

Mon konnen i annan sa rise sak moman, e enn pe vey lot. Me petet mon ava partaz en pti keksoz avek zot.  Tou feedback ki mwan mon pe gannyen konman Speaker, tou dimoun deor ki pe an kontak avek mwan, i dir mwan sa pa en moman pou fer politik.  Set en moman kot nou bezwen zwenn ansanm pou nou regarde ki solisyon nou kapab anmennen, ok?

Mon pa pou al an detay.  I annan plis keksoz ki mon pe gannyen. Me set en moman pou nou zwenn ansanm pou nou tonm lo serten konsansis pou nou rod en solisyon.  Onorab Pillay kontinyen.

 

HON SEBASTIEN PILLAY

Mersi Mr Speaker.  Mr Speaker lo provizyon lamannman Onorab Georges, nou vwar nou dan en sityasyon kot nou pa kapab aksepte, lefe ki ou pe fer 2 keksoz ek ou lamannman.

Premye keksoz se sa size ou R30mil, ok?  Ou pe dir ek en travayer ki li i ganny sa nivo lapey, ou pe diskalifye li.

Be that’s the same approach ki nou ti servi ler nou ti pe aprouv Lalwa lo lamannman saler. Nti dir en dimoun ki ganny pli o pa kapab ganny sa logmantasyon.

Nou pa kapab kontinyen discriminate kont sa group dimoun.  Akoz sa nivo saler!  You cannot discriminate.  The provision is there and you do not need, ou pa bezwen met en safeguard par egzanp up to 30 thousand e si sa dimoun in ganny peye in full.

They will have to go through the process.  And in any case, si sa dimoun pa’n ganny peye i oule reduce saler sa travayer. E kot mon pa dakor avek Onorab Georges dan son largiman ki devan son lamannman, kot i dir si sa anplwaye i annan en problenm i fer en grievance procedure.

Be Mr Speaker anba Lalwa Lanplwa, anba seksyon 49 Lalwa Lanplwa, ler sa boug in ganny met deor, sa grievance procedure, i pa pran 1 zour, i pa pran 2 zour.

Sa boug i san en lanplwa e i bezwen al fer en grievance procedure.  Sa ki mon pe sey fer Lasanble konpran, se ki, petet COVID in fini fer nou realize ki dan Lalwa Lanplwa ti annan en lacking vizavi sa particular konponan.

E se sa rezon akoz prezan, which brings me to the point about the 7th part of lamannman Onorab Georges.  Ki fer ki whilst sa lamannman i bezwen reste permanan, as a permanent provision to the Employment Act. 

Me selman en lot keksoz ki enportan ankor Mr Chairman.  Meton mwan mon’n ale, mon’n al ek mon anplwayer pou mwan varye mon sa, mon pa’n dakor.  Anplwayer i dir, ok, ou pa kapab fer nanryen pandan sa 3 mwan.  Onorab Georges i propoze ki apre COVID i tir sa.

Be apre COVID lekel ki nou krwar pa pou vin, eski nou pe krwar ki poudir pou napa vindictiveness towards sa employee?

Eski sa boug pa pou vire pou dir, be ou, ou pa ti aksepte, alors prezan mon vin lo ou e mon go back to there? E it’s easy prezan.  Annou pa fer sa fot, pou krwar poudir Lalwa Lanplwa i restrictive towards, pou nou anpes varyasyon Kontra en dimoun?  It is not! It is not!

 

MR SPEAKER

Ok.  Mersi.

 

HON SEBASTIEN PILLAY

E mon final point Mr Chairman, pou eksplike akoz, e pou al dan lespri ki ou’n koz lo la.  Ler nou, nou ti koze nou ti lo en pozisyon vizavi seksyon 81.

Mon’n prezant en lamannman dan seksyon 81 ki radikalman sanz sa pozisyon baze lo feedback ki mwan mon’n tann tou dimoun pe dir.

So mon’n ekoute tou sa feedbackSo nou pa kapab zis en kote ki ekoute, me lot kote pa ekoute, e nou mazin protez zis en serten group dimoun, eksetera.  So nou tou lede nou bezwen ekoute.

Si nou nou’n kapab ekoute e nou’n vin avek en lamannman dan seksyon 81, ki si ou oule al dan laliny ki bann anplwayer ti pe rode, akoz prezan ki bann anplwayer pa kapab ekout nou ler nou pe koz lo proteksyon travayer.

Ki nou a ganny sa balans, nou pa pitch enn kont lot.  Me i ava annan sa balans. E mon lamannman dan seksyon 81 i totalman e radikalman.  Sanz seksyon 81, ki fer ki donn bokou plis leeway, e bokou plis posibilite pou bann anplwayer akt dan serten fason.

Me seksyon 39 i ava met sa safeguard ki neseser annan.  So nou ava annan en balans.  Be la nou oule tir tou lede, apre, so that’s the – sa ki nou bezwen rekonsilye.  So mon’n swiv ou, nou’n swiv ou sa ki ou pe dir nou.  Mersi Mr Chairman.

 

MR SPEAKER

Mersi Onorab Pillay.  PS ou ti oule laparol, apre AG.  PS avan apre AG.  Go ahead AG.

 

THE ATTORNEY GENERAL FRANK ALLY

Mersi Mr Chairman.  Mr Chairman mon oule petet reponn 2, lo premye volim mon ti a kontan petet fer en komanter lo sa ki Onorab Ramkalawan Leader Lopozisyon in dir, lo sa amannman lo subsection 2.

Mon krwar i enportan ki nou rekonnet ki pou annan en negotiation procedure.  E the quirks of a negotiation procedure, se notifikasyon, lanrezistreman, konsiltasyon, determinasyon.

So dan part 1 schedule 1, whether its (a) or (b), i annan sa 4 eleman.  Ou notifye, i anrezistre, i konsilte, i determinen.

Apre i annan appeal process, eksetera, eksetera.  So this is why nou’n dir, sa ler i annan en mannev pou redwir saler en travayer oubyen pou defer saler en travayer, then nou fer en negotiation procedure. 

So sa prosedir therefore i pou apply mutatis mutandis e parey Onorab Georges in fer en proposal,  ki sa competent officer, notwithstanding any time limit set under that part.  Then the competent officer i bezwen fer en determinasyon dan en peryod 14 zour ki sa i anrezistre, ok?.

E mon pou koz avek Onorab Georges, pou nou kapab petet ler in dir genuine, nou pou dir ki, nou pou pe propoze ki sa konsantman ki sa travayer i donnen, i dwatet ganny donnen san okenn threat, san okenn duress, san okenn frod, e san okenn mistake.  Akoz ou ekspekte ki i annan serten threats.

Akoz Minister Lanplwa in dir ki i annan bann anplwayer petet ki endirekteman threaten zot travayer.  Now, rezon akoz, ler Minis ti fer son prezantasyon.  E i ti dir ki nou anvi en seksyon 39A ki reste permanan.

E Onorab Pillay in spot on war sa.  Rezon se ki i reste, lentansyon se ki i reste permanan.  Nou pa anvi en sistenm, en sityasyon kot i annan en backlash.  Kot i dir en anplwayer i dir ou,’’ anr mon ti oule redwir ou saler? Ou pa ti oule, ou ti dir mon’n threaten ou.  Ou’n al kot competent officerCompetent officer i donn ou rezon.  Prezan zour ki COVID i fini, la prezan mon’n anmas en roten pou ou!

Prezan mon pou terminate ou la, mon pou redwir ou saler.  Avan mon ti pou redwir half, la mon pou redwir 3 kar or 1 kar.

Prezan mon pou terminate ou si ou pa donn ou konsantman lo baz seksyon 49.’’

E again to all due respect to Onorab Georges, mon konnen nou pou annan, sakenn nou pou annan nou, i annan en school of thought lo lopinyon.  Me the school of thought ki al plis, se ki si rediksyon saler i en variation of terms and conditions of employment –  ki i pa kapab osi annan nen largiman diferan.  En anplwayer i konsilte sa travayer, i konsilte avek Union.

E si sa travayer pa donn son konsantman, otomatikman Lalwa i dir i en termination of employment attributable to the employer e ou pey li konpansasyon e i ale.

So this is sa proteksyon, sa ranpar ki nou’n anvi anmennen, se fer li permanan ki prezan i vin en ranpar kont okenn labi, okenn backlash ki kapab arive pou sa travayer.

E i enportan ki nou protez en travayer e nou fer en provizyon ki tanporer.  Me evantyelman sa provizyon i perdi son sans. E Onorab Ramkalawan in dir about sa tanporer, sa peryod.

Anfet Onorab Ferrari in anmenn en propozisyon pou delete subsection (5) and (6), anba the new, the proposed section 81A ki mon krwar panel in tonm dakor lo la.

Ki nou pou do away ek sa seksyon, sa sib seksyon.  Alor Minis pa pou kapab extend okenn peryod.  E an pratik i pou napa en sispansyon vreman.  Akoz ou pou kapab konmans ou prosedir redundancy, ou prosedir pou redwir saler.  Ou pou kapab konmans tou ou prosedir ou.  Me selman i pou selman pran lefe, savedir sa notis pou pran lefe on the 31st of the 30th of June, that’s it.

 So that there will be no suspension of right per se.  There will be the suspension of the taking effect of the decision but not the right.  The right will be sofgarde, se sa lefe ki pou pran, ki pou ganny sispann.  Mersi Mr Chairman.

 

MR SPEAKER

Mersi AG.  Onorab Georges.

 

HON BERNARD GEORGES

Mersi Mr Chair.  Mr Chair mon annan en kantite respe pou nou Lasanble.

E, me mon krwar ki nou pe angaz nou lekor, dan sa ki Franse i apel un dialogue de sourd.  Nou pe koz lo menm zafer. E nou pe fer krwar ki nou pa dakor.  Tou dimoun i dakor ki i annan en plas pou annan en referee dan sa bann zafer.

 Both sides agree. Annefe depi ler nou pe konmans koz lo sa lamannman, nou pe dir, e mwan mon pe dir epi premye zour, competent officer fodre i la, i annan son plas.

Akoz ou bezwen annan en honest broker, parol ki mon ti servi yer.  Sa napa okenn dout lo la. Kot i annan en distenksyon, e fodre nou konpran sa tre byen, se ki mannyer nou pou fer antre sa honest broker?

Attorney Zeneral avek, i dir ki Minis in fer kler ki, i anvi ki sa amannman ki nou pe fer dan en morso lezislasyon COVID, annou pa krwar ki sa pe ganny mazinen depi lontan e ki nou’n fer li antre la. Akoz sete lentansyon Gouvernman.  Sa in vin an rezilta en problenm ki’n arive, akoz Minister Finans pa’n kapab pey tou bann anplwayer.

Sa i kler.  E la prezan nou pe ganny dir annou servi en lamannman ki nou’n fer  in haste  dan en morso Lezislasyon ki tanporer parey Onorab Leader Lopozisyon in dir, pou fer li vin permanan.  Nou, nou pe dir non, pa koumsa ki nou travay.  Annou vin e etidye sa tre byen.  E olye met dan lanmen competent officer nou a met dan lanmen en lot Board.  E si Lasanble pa dakor, e i krwar ki se competent officer ki meyer dimoun, so be it.  Me annou pa taye pou fer en lamannman tanporer vin permanan.  Akoz listwar i montre nou ki zeneralman sa i annan defayans pli tar.  Se tou diferans antre nou.

E se pou sa rezon ki mon pa kapab aksepte ki en Lalwa ki’n pase an 1985, Employment Act, revize an 1995 ki se ozordi ki Gouvernman i deside ki finalman zot bezwen met sa permanan, akoz i en bon keksoz.

It does not wash Mr Speaker, eskiz mwan!  Annou aksepte keksoz mannyer zot ete.  E konpran tre byen akoz ki nou pe fer sa propozisyon.  Nou dakor, nou full siport panel.  Nou full siport lide annan en honest broker.  E nou dakor ki i devret competent officer, nou dakor ek tousala.  Sel keksoz ki nou pe dir, se lets do it at the appropriate time pou sa enn, annou fer li pou COVID.

Akoz se COVID ki bezwen li.  En lot keksoz ki fodre nou realize, se nou pa pe koz lo, anba 39A.  Tanzantan nou tay dan met anplwaye deor, sispann, lay-off, that’s not what 39A is about.  Nou ankor lo saler, variation of salary.  Se tou ki nou lo la, la.  E ozordi pandan sa dernyen 15an nou’n annan en sistenm ki’n mars tre byen, kot nou’n les anplwayer ek anplwaye negosye zot saler.

La nou konpran ki dan peryod COVID, akoz i annan sa presyon, nou bezwen annan en honest broker.  E nou’n dir, wi nou dakor.  Me selman, me selman pou bann dimoun ki’n ganny sipor.  Bann ki pa’n ganny siporte, akoz ki fodre nou enterfer avek zot ler nou pa’n ed zot?

 This is the question ki nou bezwen demann nou lekor.  Si Gouvernman pa anvi ki dimoun i negosye antre zot, pey tou dimoun.  End of problem!  You can’t have your cake and eat it.  Se sa ki nou pe sey dir.  E sete sa lentansyon sa bann amannman.  Sa bann amannman mon’n sey dir taler i pa ti’n kneejerk, but it was.

Les, annou aksepte prezan, sa bann lamannman in vini, akoz Gouvernman pa’n peye, e serten anplwayer ek anplwaye ti pe pran keksoz dan zot prop lanmen.  Alor zot in vini pou sey bous laport.  Nou konpran sa Mr speaker.

E dan Gouvernman kekfwa nou osi nou ti an fer parey.  Me annou ase brav pou nou dir, yes, sete sa lentansyon.  Annou prezan trouv en fason pou nou bouz devan.  Nou pa pe lager la, nou pe rod en fason ed zot, pou ki nou pou annan en solisyon la ozordi ki pou marse.  E enn demen ki pou pli bon ankor.  That’s all we are doing. 

Alor mon retourn lo amannman, i annan 2.  Enn se pou gard sa seksyon 39A pou en peryod tanporer.  Zot swazir ler i pou end up.  Mwan mon’n fer en propozisyon ki i pou 01 Zilyet, I don’t mind.

Mon kapab aksepte ki i ava ler public health officer, Public Health Commissioner i ava dir, ki the crisis is over.  Mon napa okenn problenm, akoz se sa lentansyon.  Epi apre, antretan nou ava vin avek en propozisyon permanan, ki nou ava’n ganny etidye e adopte.

2enm keksoz se, in the meantime, status quo  pou bann dimoun ki pa’n ganny lasistans.  Si zot in ganny lasistans zot pa kapab fer nanryen, zot bezwen al devan competent officer.

Me si zot pa’n ganny asiste, les zot kapab negosye parey zot ti ete zour avan COVIDThat’s basically sa 2 propozisyon ki la devan nou.  E parey mon’n dir, zot pa’n cast in stone sa 2 propozisyon.  Nou la, nou pa la pou enpoz nanryen lo personn.  Nou la pou sey konvenk zot ki nou pozisyon i rezonnab.  E se sa pozisyon ki i ava ganny meyer lakseptasyon deor ant bann anplwayer ek bann anplwaye.  Mersi.

 

MR SPEAKER

Mersi Onorab Georges.  PS Baker.

 

PS JULES BAKER

Mersi Mr Speaker.  Mon pou komant lo sa 2 pwen ki Onorab Georges in met devan.  Gouvernman atraver Minister Lanplwa, nou pou esey nou mye pou nou ekout tou lede kote latab.  En fason ki ozordi nou kapab ariv lo en consensus.  Me selman mon krwar i enportan ki mon fer resorti an sa ki konsern 2enm pwen Onorab Georges avan. Akoz nou pe tous sa seksyon 39A dan son premye dimansyon.

Sa ki mon pe ganny en konpran akoz mwan Onorab Georges, se mon’n konpran byen.  Mon’n ekout Onorab Pillay, mon’n ekout AG lo la.  Sa ki mon pe konpran byen, se ki nou oule 2 Lalwa dan sa peryod;- 2 provizyon Lalwa.

En Lalwa pou bann ki’n ganny asiste antye, ouswa par bout.  Akoz zot, zot in ganny lasistans ek Gouvernman.  2enm propozisyon se ki bann ki pa’n ganny asiste ditou, les li negosye avek son anplwayer.

Now, si napa en negosyasyon ouswa en konsantman ouswa en lagreman avek son anplwayer, i pou annan en drwa pou li initiate the grievance procedure anba part 2 of the Employment Act, pou li al met en case devan Minister Lanplwa pou kapab deal ek son case. 

Now, ou, ou pe dir ek sa bann ki’n ganny asiste, ouswa partially assisted i ok.  Ou a vin kot Departman Lanplwa pou negosye ou saler or whatever. Prezan sa bann ki pa’n ganny asiste, zot, zot pou free pou negosye.  Apre zot in shut the grievance procedure.  Aprezan ou les li, li tousel li konmsi.

Ou les li, li tousel, nou pa konnen kan COVID pou fini, si mon pe konpran byen, Onorab kan COVID pou fini.  Ou pe dir li prezan, letan i fini negosye kot Minister Lanplwa, si napa en lagreman anba medyasyon, i al kot Employment Tribunal. 

Employment Tribunal li is the next step pou sa dimoun li tousel ale, ouswa i a pey en Avoka al negosye li tousel laba kot Employment Tribunal.  Konmsi tou dimoun i kit li a kote, akoz li son anplwayer pa’n ganny sa benefis.

Mon krwar letan pou asize ou get sa, ou fer analiz, nou pozisyon, se ki i riske annan en danze dan sa propozisyon ki pe ganny fer.  Nou, nou santi ki seksyon 39 i osi bezwen annan en medyater kot Minister Lanplwa, en competent officer pou kapab deal avek sa.

Dezyenmman lo pwen konsernan temporary measure.  Lentansyon ankor mon repete, sete pou asire ki avek COVID e apre COVID i bezwen annan en serten provizyon ki pou kontinyelman protez travayer.

Akoz parey Onorab Pillay in fer resorti en bon pwen, AG osi.  Nou pa anvi en sityasyon kot i annan en backlash, apre kot anplwayer i dir be ou ti fer isi, ou ti fer laba. Prezan si ou met sa ankor dan lanmen Public Health? 

Akoz Public Health i annan en responsabilite pou li dir si i pou en lasante irzans ouswa non.  Me i pa la pou li dir si kondisyon, terms and conditions of employment should apply now or later.

Mon krwar i enportan ki nou donn sa anplwayer, sa sans pou negosye avek son travayer.

Me selman the finality of sa negosyasyon i bezwen ganny met devan Minister Lanplwa, pou asire ki tou travayer, ki swa anplwayer i annan sa sans pou zot garanti poudir zot lentere, e i annan lazistis lafason ki keksoz pe ganny fer.

Akoz la, si ou apply sa ki amannman pe anmennen, se ki ou pou annan en kategori travayer ki pou ganny serten proteksyon.  Pou annan en kategori ou pou dir li, be ou, nou negosye, si ou pa dakor, al deal ou zafer ou menm.  Mersi Mr Speaker.  Sa ti konsern ki mon ti oule met devan Lasanble pou konsiderasyon silvouple.

 

MR SPEAKER

Mersi PS.  AG.

 

THE ATTORNEY GENERAL FRANK ALLY

Mersi Mr Chairman.  Mr Chairman mon ti a zis kontan petet, lo sa statement ki Onorab Georges in dir. Se ki vre, sa Lalwa, i en Lalwa ki ti premyerman vini an 1985, in ganny amande.  Well in vin koman en nouvo Lalwa an ‘95.

Me i annan en kantite pei osi ki’n vin ek bann Lalwa apre.   Me mon krwar toultan mon tann dir dan sa Lasanble, e deor, ki COVID in ed nou vwar serten keksoz.

E petet avek sa zes COVID, 39A  i en Lalwa petet ki neseser dan lemonn travay ozordi.  E an plis ki sa, si nou fer, petet mon krwar Onorab Georges ti ava, bann Manm Lasanble ti a war sa konman en proteksyon, parey mon dir en ranpar,  pou protez bann travayer, akoz se ki ou donn li en drwa, ok.

Me once ki COVID i fini you take away that right from him.  Me sa anplwayer i veye li, i dir be gete, ou ti met, nou konnen mannyer i arive. Mwan mon’n en avoka dan prive, mon’n reprezant en kantite anplwayer mwan.

And I know how en dimoun, e nou konnen ki mannyer dimoun i pran sa bann keksoz tre personnel.  E i pou war poudir, be ou mon ti anvi redwir ou saler, ou ti al kot competent officer. Competent officer in refiz-e, apre COVID, mon ava al vary ou conditions of employment.

Nou bezwen war en Lalwa ki pou prolonz sa proteksyon.  E sa lide ki nou ti anvi ki i vin permanan. So that the rights is not taken away.  E all of a sudden apre COVID sa travayer i war li ekspoze to abuse. 

This is the only thing.  E mon ti a zis kontan petet montre poudir i pa akoz i ti en Lalwa ‘95 e ki zanmen nou’n pans met sa provizyon. Me ler nou’n met sa provizyon, nou’n realize poudir, be, what protection you give to that worker after in exhibit.  Li ki, ou pa kapab, you can’t touch me, you can’t touch my salary without the competent officer.

E parey Onorab Georges in dir, a tou moman dan bann konsiltasyon, Onorab Georges in dir, e in mentenir avek bann dimoun ki ti prezan.  Se ki nou bezwen en labit.  E sa labit i a vin competent officer.

Wi, avek nouvo Employment Act, sa i a kapab en propozisyon, kot nou tir Employment Act, bann competent officers ler pe deal avek sa bann issues avek Minister Lanplwa.  Zot ganny fer ek en body ki pli endepandan.  Me nou bezwen get la, annou pa get pli tar.

Akoz nou pe, nou’n donn travayer en serten proteksyon, en serten drwa.  But we are going to remit e ekspoz li.  E ou pou vwar, i pou tonm lo son zenou.  This is something that i would like, petet tell the House. 

So that then ler zot vote, zot pran sa an konsiderasyon si zot santi i en konsiderasyon ki dwatet ganny pran an ….

 

MR SPEAKER

Mersi AG.  Onorab Simon Gill.

 

HON SIMON GILL

Mersi bokou Mr Speaker.  Bonn apre midi Mr Speaker, Minis avek lekip, tou koleg Onorab e manm piblik. Mr Speaker nou’n ariv dan en krwaze semen avek sa Prozedlwa ki devan nou Lasanble. E bann diferan amannman ki lo latab nou Lasanble.  Mr Speaker on mesaz pa pou zis isi dan sa Lasanble. Me mon oule anvoy en mesaz pou tou travayer Seselwa ki la deor.  E an menm tan tou bann anplwayer ki la deor, pou nou konpran en keksoz;-

Limero 1, se ki nou pe viv, or nou’n travers dan en sityasyon ki personn pa’n demande i arive dan Sesel e dan lemonn.  COVID pa Prezidan Faure ki’n anmenn Sesel.  COVID pa LDS ki’n anmenn Sesel.  COVID pa United Seychelles ki’n anmenn Sesel. COVID pa okenn Minis, okenn Lenstitisyon prive ou endepandan ou piblik ki’n anmenn Sesel.

E ki lemonn pe eksperyans li ziska la ki nou pe koze.  Dan sa konteks Mr Speaker, i enportan ki nou Lasanble, e mon pe konpran ki finalman Onorab Ahmed Afif i pou konpran sa ekstrememan byen.  E i ava kapab gid lekip LDS pou nou kapab move on avek sa lamannman ki devan nou.

Travayer i bezwen ganny serten proteksyon, donnen sa sityasyon aktyel ki nou ladan. E proteksyon ki sa Prozedlwa pe anmennen, se ki personn ki pe anploy okenn zon, fanm Seselwa dan nenport ki kategori biznes, ptipti mwayen ou gro biznes pa kapab hire and fire travayer ki mannyer zot oule. San ki i annan lentermedyer en competent officer anba ziridiksyon Minister Lanplwa.

Me par kont Mr Speaker, mon pe konpran poudir LDS, si mon pou vin kategorik, pa oule ki i annan sa proteksyon pou travayer Seselwa! Mr Speaker zot oule eksklizivman donn bann anplwayer sa drwa pou hire and fire dan sa sirkonstans aktyel ki nou pe travers ladan.

Mr Speaker mon bezwen fer sa statement akoz mon’n asize trankilman mon’n ekoute, mon’n analize e mon’n fer refleksyon serye. Me par kont, par kont Mr Speaker mon osi konnen e konpran ki tou bann anplwayer dan Sesel, ptipti mwayen e gro, zot osi zot bezwen, e zot merit ganny serten proteksyon.

E ki mannyer sa proteksyon pe vini.  E ki mannyer Prezidan Larepiblik, Prezidan Faure in fer serten propozisyon devan. In dir pou 3 mwan nou pou konsidere pou nou pey bann anplwaye dan sekter prive.  In annan serten challenge ki’n arive dan egzekisyon an lenplimantasyon sa Statement ki’n ganny fer par Prezidan Larepiblik.

 

MR SPEAKER

Onorab, Onorab.

 

HON SIMON GILL

Ki bann challenges ki in annan?

 

(laughter)

 

 

MR SPEAKER

Onorab.  Onorab, mon bezwen re –

 

(laughter)

 

MR SPEAKER

Order!  Mon bezwen re diriz ou lo amannman ki devan nou, ok?

 

HON SIMON GILL

Mersi Mr Speaker.

 

MR SPEAKER

Mon krwar i annan en Mosyon ki Onorab Georges i anvi move, fotespere demen oubyen Zedi.

Akoz mon war nou pou sit Zedi osi, nou a kapab, ou a kapab, tenir ou speech ou a kapab fer pou sa Mosyon.  Annou al spesifikman lo amannman ki devan nou.  Ok.

 

HON SIMON GILL

Mr Speaker mon dan kadreman lamannman ki devan nou Lasanble.  E mon mentenir ki bann anplwayer dan Sesel pe ganny posibilite pou zot fer bann prosedir pou zot kapab restriktir zot biznes, restriktir zot konpannyen.

An konsidere zot kapasite e abilite zot biznes dan sa moman aktyel.

E i annan bann provizyon legal ki’n ganny konsidere isi dan sa Lasanble or ki pe ganny konsidere isi dan sa Lasanble pou zot fer egzakteman sa. E sa i aplik tan pou travayer Seselwa ki dan zot lantrepriz ozordi e i aplik osi pou travayer etranze ki dan zot lantrepriz ozordi.

Atraver sa Prozedlwa bann anplwayer pe ganny posibilite pou fer bann prosedir pou redundant, lay-off ou en negosyasyon pou kapab redwir ou aziste saler donnen ou bann kondisyon ki travayer ti pe travay anba la avan COVID  e probableman ziska ozordi.

Me ki n ou realize, in dir zot annan bouze.  Fer sa bann sizesyon, oubyen soumet zot bann dokiman kot Minister Lanplwa, kot i ava annan sa competent officer, i ava konsider tou bann merit zot soumisyon.  Me nenport ki soumisyon ki zot fer, pa pou kapab pran lefe avan le 01Zilyet or avan le 30 Zen 2020.  So zot pe ganny sa posibilite pou zot re aziste zot biznes.

E Gouvernman i ava sorti byento, i ava dir ki i pou arive avek bann travayer ki an konsekans bann restriktirasyon bann biznes, ki Gouvernman pou fer avek sa group travayer Seselwa apre ki bann desizyon in ganny pran lo bann soumisyon pou redundancy or lay-off oubyen lezot keksoz, ki ava deside.

Me sa competent officer ki sa zonm ki pou servi koman sa refri, or ki pou la koman sa refri pou determin tes sa bann soumisyon.

Mr Speaker nou al pli lwen, annou al pli lwen.  Largiman ozordi ki Onorab Georges pe anmenn devan, pe dir nou si sa bann biznes pa’n ganny bailout, si mon a kapab servi sa term, par Gouvernman.

Baze lo proze pou bailout saler bann travayer si zot pa’n ganny bailout. Then nou pa kapab met en lanpayaz dan zot semen.  Me Onorab Georges en keksoz ki i pa’n konsidere dan son soumisyon.

Se ki i pa’n konsidere ki bann rezon.  E probableman i pa pe enterese ki bann rezon akoz tel anplwayer or tel lot anplwayer pa’n ganny konsidere pou sa bailout.

Now si nou konn tou bann rezon, akoz tel ou tel anplwayer pa’n ganny bailout saler son travayer pou mwan Avril, Me e Zen.  Then nou ava annan rezon pou nou dir ki vre i pa kapab, i bezwen frenmen.  E alor personn pa met lobstak dan son semen.

Me nou dir i bon, i annan sifizaman rezon ki Minister Finans in baz son zizman lo la pou pa donn ou sa bailout.  E nou’n menm al pli lwen.  Nou nou’n dir isi dan sa Lasanble.  Minister Finans osi` in dir, ki i annan posibilite pou ou fer en appeal. Pou ou fer en appeal.  Fer en appeal pou ou al dan bann detay, bann rezon ki in fer ki Minister Finans pa’n konsider ou lantrepriz pou ou ganny bailout saler ou bann anplwaye pou sa peryod 3 mwan.  Nou devret donn sa osi en posibilite pou li kapab bouz devan.  E tou biznes i kapab fer sa, sa bann ki’n soumet ki pa’n ganny konsidere, tou zot kapab fer sa.

 

MR SPEAKER

Onorab.

 

HON SIMON GILL

Now, apre ki nou …

 

MR SPEAKER

Onorab fer ou pozisyon kler.

Eski ou siport amannman ki devan nou ki pe ganny propoze oubyen ou kont?  Ok? Mon konnen ou pe fer en speech.

Me tanzantan ou antre en pti pe dan amannman lo Bill.  Me selman ou speech osi tou i al an deor.  Letan pa dan nou faver.

 

HON SIMON GILL

Mr Speaker sa …

 

MR SPEAKER

Fer ou pozisyon kler, nou annan amannman, nou annan propozisyon devan nou, propozisyon si ou pe siporte, si ou pe anmenn en lot amannman and so on, ok?  pou move on.

 

HON SIMON GILL

Mersi Mr Speaker.  Mr Speaker mon pe, mon pa ankor fini etal mon bann largiman.  Me si oule mon cut short, mon ava cut short.  Lamannman ki pe ganny propoze par Onorab Georges pa kapab ganny sipor nou lo sa kote latab, i pa kapab ganny nou sipor. E dan sa konteks pou mwan et tre bref, nou siport antyerman largiman ki’n ganny anmennen par Attorney Zeneral, ki nou krwar i pe fer zistis sa peryod, i pe fer zistis sa sirkonstans ki Sesel, ki anplwayer e anplwaye pe pas ladan.

E lo nou kote latab, si LDS i servi son mazorite pou fors lamannman dan sa Prozedlwa, mon regrete pou dir Mr Speaker lo sa kote latab nou pa pou kapab siport sa lamannman!  Mersi bokou.

 

MR SPEAKER

Mersi Onorab.  Onorab Ahmed Afif.

 

HON AHMED AFIF

Mersi Mr Chairman.  Mr Chairman mon ti oule fer, eksprim mon sipor pou sa lamannman propoze par Onorab Georges pou 2 rezon;-

Premyerman i kler poudir, e la mon pe koz lo amannman 39A(7). Kot i dir ‘’This section shall lapse on 1st of July 2020.’’

Pou mwan, ler mon’n ekout bann largiman ki’n ganny mete, premye rezon ki mon krwar ki i devret lapse le 01 Zilyet, se parske nou rekonnet an premye lye poudir sa Bill e tou sa ki ladan in senpleman vin la akoz en keksoz ki pa’n arive me ki ti’n ganny promet.

Si tou saler ti’n ganny peye parey Mr Faure ti’n promet, sa Bill pa ti pou la parske ti pou napa okenn konplent, ti pou napa okenn grievance devan PS Baker ek son Minister. E tou sa bann kondisyon, variation of terms, lay-off, redundancy, mon pa tro krwar termination.  Me tousala pa ti pou monte, parske ti pou napa sa problenm.  Ler apre prosedir in vin an plas, ki zot realize.

E zot deside serten pou gannyen, serten pa pou gannyen.  La bezwen taye vin ek en Lalwa pou kontrol bann ki zot pa pou ede.  E se sa Lalwa ki devan nou.  Alor, i kler poudir sa in ganny fer akoz sa problenm ki zot ti pou rezourd tanporer ki ti pou lapse le 01 Zilyet pa’n marse.

Alors se sa rezon ki zot in anmenn sa Lalwa, e se sa rezon premye rezon mon krwar i devret lapse le 01 Zilyet 2020.

2enm rezon, mon krwar i devret lapse le 01 Zilyet.  Se parske si Attorney Zeneral i dir poudir i annan sa posibilite ki en anplwayer annefe, i viktimiz en dimoun.

Parske i dir ek li be ok ou’n al devan competent officer, ou’n ganny rezon, mon pe esper ou le 01 Zilyet.

Si sa i en rezon valab, be mwan mon pou dir, poudir kwa ki anpes menm ki ou pa met sa, menm ki i pa lapse, si en relasyon ant en anplwaye ek en anplwayer in ganny anpwazonnen, in vin toxic parey nou dir li.

Be i pou swazir nenport ler ki li i anvi apre sa pou li rod en lot rezon, for lay-off.  I pou al devan negotiation procedure byensir i pou al devan sa.  Be i pou rode.  Sa pa pou anpes li. Me selman. Mon premye rezon, mon premye rezon, se i devret reste parske tou sa provizyon ki avan li in ganny fer pou en rezon tanporer.

E se pou sa rezon ki mwan mon krwar i devret reste, i devret lapse.  Sa rezon ki’n ganny donnen pou enkli sa, pou mwan i pa valid.  Parske si i annan keksoz ki kapab ganny fer avek li, ki ler ou tir sa, sa pa pou arive, pou mwan i pa en rezon valab.  Parske i ti kapab arive de tout fason.  So sa pa en rezon ki nou devret konsidere.  Pou mwan i devret reste.  Mon ti a kontan siporte.   Olye nou carry on, si fodre, annou pran en vot lo la.  Mersi Mr Chairman.

 

MR SPEAKER

Mersi Onorab.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker be Onorab Afif in dir nou akoz ki nou pa devret siport sa lamannman.  Sa ki ou’n dir se egzakteman.  Mon pa pe war mwan, akoz zot pa oule protez travayer Seselwa.  Sa mon pa pe war.

E ou’n dir klerman, pou anpes li ganny viktimize apre sa peryod letan, se sa rezon ki nou bezwen met li permanan.  I bon sa.  E prezan Mr Speaker, nou bezwen divors sa ki nou pe diskite la, sa desizyon ki nou pe pran vizavi sa Lalwa.

Avek sa zafer peyman kot Minister Finans.  Sa zafer peyman kot Minister Finans sa en lot zistwar en lot zafer sa.  Pa melanz li ek sa!  E laba pa tou travayer, pa tou bann anplwayer dan tou bann biznes ki’n apply laba.  I annan en kantite ki pa’n apply.

Sa bann ki’n apply i annan en bann in gannyen, i annan en bann pa pe gannyen pou le moman. I annan bann bon rezon ouswa bann move rezon zot kapab appeal, sa en lot zafer sa.

Prezan si laba bann dimoun, si travayer li i a ganny lay-off pli tar, sa dan lot morso Gouvernman i a gete ki mannyer i pou tyonbo zot. Be selman sa ki nou pe koze la annou pa bezwen melanz li avek.

E nou, mon krwar bann pwen in ganny byen eksplike dan nou kote.  Nou pa pou kapab siport sa lamannman mannyer i ete.  Akoz i pa bon pou travayer.  E prezan nou, nou demann travayer Seselwa, swiv byen ki pe arive dan Lasanble ozordi, ouver zot lizye.

E mazinen lekel kote latab ki pe siport zot oubyen pa pe siport zot.  E nou mon krwar Mr Speaker nou’n ase debat lo la.  Met sa to the  vote, e Seselwa, travayer Seselwa i a war si sanmenm sa Lasanble ki ti vot pou li1  Mersi.

 

MR SPEAKER

Mersi Onorab.  Onorab Ramkalawan.

 

HON WAVEL RAMKALAWAN

Mr Chairman i vreman tris ki nou’n ariv lo en pozisyon la, kot olye kot nou kontinyen koz lo Lalwa, nou kontinyen koz lo sa way forward, nou retonm lo sa ki mon apel en vye retorik politik bon marse.  Sa i tris sa!

 

(APPLAUSE)

 

HON WAVEL RAMKALAWAN

Sa i tris en kantite.  Parski la fini konmans pe rod lekel ki pe defann travayer, lekel?  Nou’n fer kler ki poudir nou bezwen regarde ki mannyer travayer ek anplwayer i kapab avans devan. E pou mwan, annou tenir, annou tenir nou deba lo sa pwen.  Tenir nou deba lo sa pwen.

Annou pa rod tou sa bann kalite keksoz ki pe ganny nonmen.  E an plis ki sa, non mon pa ava dir sa, parske zot ava ofanse.  Mr Speaker, i kler.  Dan nou Lasanble, parey Angle i dir, the elephant is COVID-19.  This is the elephant in the room!

E ki tou sa ki nou pe regarde la, e Minis letan i ti vini, letan Minis ti fer son diskour semenn pase, pa i ti konmans avek COVID-19?  I ti, son premye fraz sete COVID -19 ki’n anmenn nou la kot nou ete.  Alor, e nou’n tann plizyer bann lezot dimoun ankor.

Enn in dir pa LDS ki ti envant COVID -19.  Lot, lot, lot, lot, lot, lot.  Se parski COVID -19 is the elephant in the room.

E alor si COVID19 is the elephant, nou pe deal avek sa lelefan.  E bann provizyon Lalwa ki nou pe deal avek, tousala i al ver COVID.  E alor i bezwen annan, letan nou pe fer refleksyon, i bezwen annan sa eleman tanporer.  Me an menm tan nou pe dir pli tar nou a vin ek bann eleman permanan.

Parski Mr Speaker letan mon regard 48 ek 51 dan 81, i dir avek ou klerman ki poudir 48 avek 51.

48 is about lay-off, 51 is about redundancy.  I ganny sispann ziska le 30 Zen.  Ki sa i vedir? Le 01 (Zanvye)  E sanmenm sa mon’n demande konbyen, le 01 Zilyet.

Sanmenm sa mon’n dir, konbyen competent officers i annan.  Se parski apre sa, e zot menm zot, zot in aksepte, ki poudir apre sa Zilyet i pou annan redundancy, nou tou nou rekonnet sa.

Be si nou tou nou rekonnet sa eleman COVID, be annou pa vin fer sa politik bon marse, nou pa pe ed travayer la.  Parski Minis li menm li in demande pou nou e Minis in donn konsey travayer apre midi letan in konmanse.

Nou pa pe ed travayer letan nou pe pran sa kalite latitid bon marse!  Annou sey regarde. E Onorab Georges in pran son letan, Onorab Georges in eksplike.

Be Mr Speaker sa ki pou arive finalman, sa ki pou arive finalman, e tou sa bann negosyasyon ki pe pase, be tousala pou tonm dan delo, e mwan mon pa oule ki sa i tonm dan delo.  Akoz mwan mon anvi ki nou sorti la koman en Lasanble, kot nou kapab annan, pe regard keksoz dan en fason realist.  Annou tir nou latet parey ostrich dan disab!

Annou, parski Onorab Attorney Zeneral mon pa dakor ek sa ki in dir.  Letan i pe koz rankin ensidswit tousala.  Mr Speaker si nou pran en latitid parey, dan sa ka sa travayer zanmen nou pou kapab rod en keksoz ki pou kapab balanse.

Akoz?  Se parski i a pe dir avek nou ki poudir tou anplwayer, tou anplwayer pa bon. I a pe dir nou tou anplwayer pa bon.  Parski tou anplwayer pou al tir rankin lo travayer.  Me nou sa ki nou a pe sey dir, annou rod en fason pou nou kapab protez travayer;- enn.  Pou nou kapab protez anplwayer 2enm.

E ki, olye ki tou lede kot e i perdi tou, i perdi tou, omwen nou ava ganny en sityasyon kot nou kapab protez en pe travayer.  Nou kapab osi ki anplwayer i ava kapab sey regarde ki mannyer i pou rekomanse.

Parski Mr Speaker parey Onorab Afif in dir, pe koz tou sa koze, rankin ensidswit kapab afekte travayer.  Sa ki, sa ki personn pa pe dir, atraver tou sa bann gran, gran dyalog ki zot pe mete.

Mr Speaker ozordi en biznes i kapab frenmen si i anvi.  Si en boug i annan son biznes, i kapab deklar ki poudir i pe faid. E i ale, e sa bann travayer la ki zot tou zot pe defann, ki pou arive avek sa bann travayer?  Ki mannyer sa morso Lalwa ki nou pe koz lo la, la i pou defann sa travayer.

Be nou, nou pe dir Mr Chairman, nou, nou pe dir annou pa pous keksoz dan sa direksyon.  Pou ki sa biznes i dir, be regarde, ‘’mwan mon annan mwan mon pti larzan, mwan mon pou tir mon pti larzan trankil.  Parske mon pe zis fer faid.  Sa boug i mazin zis son lekor, mi mazin zis son lekor

E sa bann travayer ki Onorab lot kote latab pe dir, zot pe defann, sa bann travayer i pas dan vid e i trouv li la fen pe al devan Sosyal. Nou, nou pe dir, e napa nanryen ki zot pou kapab fer.

Mr Speaker zour en biznes i vini i dir ek sa boug, be get sa, sorry.  Nou pe al frenmen, biznes pe al frenmen mon faid, kote i ale?  Ki process ki i annan?  Mon faid, fini.  E 51 in fini ganny, 51 in fini ganny sispann li, 51 in fini ganny sispann tou sa bann zafer.

Mr Speaker mon dir annou retournen, annou arete ek sa bann manni fer politik bon marse.  Annou retourn lo sa seksyon, annou regard son merit.   E nou ava nobou tonm lo la. Parski i annan bokou pe koz travayer, selman zot travayer pa ankor ganny peye pou 2 mwan!

 

(laughter)

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.

 

MR SPEAKER

Order!  Order!   Onorab Georges.

 

HON BERNARD GEORGES

Mersi Mr Chair.  Mr Chair mon ti a kontan fer 2 propozisyon ki mon espere i ava ganny sipor tou lede kote latab.

Premyerman lo sou- seksyon 6,  ki dir, ki sa pa pou aplik, sa seksyon pa pou aplik pou bann dimoun ki pa’n ganny sipor avek saler avek Minister Finans.

Mon ti ava kontan fer en propozisyon pou azout sa bann mo swivan. Konmela sub section 6 i dir, ‘’this section shall not apply to a worker in respect of whom the employer has not received full salary support from the Government.’’

Donk li i kapab negosye direkteman avek son anplwaye, anplwaye, negosye direkteman,  san pas par competent officer.

E mon ti a kontan azout sa provizyon swivan,  ‘’Without prejudice to the right of a worker to initiate a grievance procedure under ‘’

E la nou ava met son seksyon 61 or part 3 of schedule 1 eksetera, nou ava trouv en fason. E si fodre mutatis mutandis.  Nou ava mutatis mutandis.  Ki sa pou fer?

I pou dir ou pa bezwen negosye atraver competent officer.  Me si sa anplwaye i santi ki in ganny leze dan sa negosyasyon, i ava annan drwa pou al inisye en grievance procedure. 

E mon pe propoz sa zis an ka sa provizyon pa egziste pou le moman.   Ok, so at least sa i ava fer ki nou pe gard the status quo pou bann dimoun ki pa’n ganny en sipor.

Me nou pe les sa anplwaye en posibilite al ganny en rekour somewhere, si in tonm lo enn sa bann anplwayer ki mon dakor avek Onorab Ramkalawan.  Kot nou’n met en nanm lo bann anplwayer ki tou bann anplwayer i pou al pous tou bann anplwayer pou al pous tou bann anplwaye as from there.  Alor mon ti a kontan propoz sa.  Ki mon krwar i kapab achieve sa balans.

Dezyenmman lo propozisyon peryod letan kan i pou lapse.  Si lamannman Onorab Pillay i pase pli tar, i posib ki nou pa pou bezwen lapse li.  Akoz sa morso 39A ki dan 81 i pou’n disparet.  Akoz i pe rod ranplas 81.  Me zis an ka i pa pase, mon ti ava propoze ankor enn fwa, ki nou dir ki the section shall lapse. 

Pa neseserman le 01Zilyet.  Although mon dakor ki le 01 Zilyet is the date.  Akoz mannyer son striktir i ete.  Apartir le 01 Zilyet pou napa restriksyon.  Ou bezwen pas atraver competent officer.

Me just in case ankor, mon ti ava swete propoze ki olye dir shall lapse on the 1st of July, nou ti a kapab dir ‘’shall lapse on the, on the termination of the Public Health emergency as defined in the prescription and time limitation period Temporary Suspension Bill 2020 ki nou’n define li.

E nou’n dir ki i ava arete zour ki Public Health Commissioner i dir in arete.  Donk sa kekfwa i ava satisfer tou dimoun.

Ki sa i ava vin en COVID Law.  E ki pou ganny swivi par en Lalwa permanan.  Mersi.

 

MR SPEAKER

Mersi Onorab Georges.  AG.

 

THE ATTORNEY GENERAL FRANK ALLY

Mersi Mr Chairman.  Mr Chairman mon ti a kontan petet envit Onorab Georges pou eksplik petet Lasanble, si Air Seychelles par egzanp.

Akoz Minis ti dir mo krwar dan son repons,  ki i ti ganny bann konplent vizavi Air Seychelles. Now si Air Seychelles pa al anba sa progranm pou li ganny lasistans, e in fer redwir son travayer, saler son travayer.

Eski avek ou lamannman, menm avek sa bout kot ou’n dir without prejudice right of a worker. Akoz sa right of a worker i pou sa worker ki i pa’n ganny salary support.  E li i pe redwir.  Eski i pou tonm anba li.

Ouswa eski dan sa ka, Air Seychelles i dir ou gete, mwan mon pa’n al rod salary support mwan.

So I haven’t been refused salary support i pou tonm anba la.  Non, non, non, non, non, non, I am, non, non.

 I am assuming, I am taking Air Seychelles as one company.  But it can be let’s say en lot antite ki pou.  E li i pa’n ale rod salary support.  Let’s say i annan.

 

HON BERNARD GEORGES

A new propozisyon i pou tonm anba la Mr Speaker.

 

THE ATTORNEY GENERAL FRANK ALLY

Let’s say i annan en construction company.  Now, eski ou krwar poudir i pou, from sa ki ou pe propoze, si sa travayer, li i pou sa anplwayer pou kapab fer li e sa travayer pou napa en recourse.

 

HON BERNARD GEORGES

Non i annan en recourse.  The recourse is the grievance procedure. Mon ava eksplike akoz mon’n fer sa propozisyon Mr Chair.  Akoz ki mon’n ekoute.  E i annan en santiman ki en anplwaye i bezwen annan a en serten moman en laport pou li al tape.

Kekfwa i pa pou ganny rezon laba, me at least i annan en laport pou li al tape, pou anmenn son pwen devan.

Me sa anplwayer osi ki pa’n ganny salary support, li osi i pou kapab al devan competent officer, dan sa negotiation procedure.  E eksplike rezon ki mon pa’n, rezon ki mon’n negosye en rediksyon,  oubyen en sispansyon saler, Se akoz mon’n al demand salary support mon pa’n gannyen.

E mon krwar ki rezon Minister Finans pa bon.  Les sa competent officer prezan etidye si vre sa rezon i bon oubyen pa bon.  Akoz ler nou travay dan silo parey nou pe ganny demande pou fer.  Nou bezwen dir ki sa anplwayer i bezwen aksepte sa desizyon Minister Finans right or wrong. 

E an konsekans sa tou son bann lezot keksoz ki i kapab fer i pou vin an konsekans, that can’t be right.

Akoz si Minister Finans in fer en fot, li osi sa anplwayer i bezwen annan en rekour somewhere.  Even li avek competent officer pou eksplike akoz i bezwen redwir saler son anplwaye.  There has to be this negotiation.  Mersi.

 

MR SPEAKER

Mersi Onorab Georges.  AG,

 

THE ATTORNEY GENERAL FRANK ALLY

Mersi Mr Chairman.  Mr Chairman mon, pou mwan avek Onorab Georges i not really, i pa political.

But it’s more or less legal.  Rezon akoz, se ki taler Onorab Leader Lopozisyon in dir en keksoz ki, e Onorab Georges in servi sa term silo.

Nou pe koz lo grievance procedure.  En anfet ler nou’n ganny lenstriksyon pou nou prepar sa Lalwa la, nou the first thought was not to go for a negotiation procedure.  But to go for a grievance procedure.  But to go for a grievance procedure.

Me ki nou’n konstate se how onerous e uncertain grievance procedure i ete.  Mon a donn ou en senp legzanp.  Mwan en anplwayer i dir ek mwan koumsa i pa’n ganny sipor e i pou redwir mon saler.

Mon dir ek li, non, mon pa dakor.  Ok?  E i dir ek mwan non i pou terminate mon lanplwa akoz mon pa pe donn konsantman anba seksyon 49.

 Read with section 39A.  Mon al kot Minister Lanplwa, mon al fer medyasyon.  Minister Lanplwa, medyasyon i fail.  Mon apply kot Employment Tribunal.  Time is ticking la.

I uncertainty.  Employment Tribunal nou konnen, how i annan en lanter dan son prosedir.   Mon pa pe travay mwan.

Evantyelman 9 mwan apre oubyen 6 mwan apre Employment Tribunal i dir non, non, non, non, non. Ou’n threaten sa travayer, ou’n met li anba duress pou li aksepte oubyen i pa rezonnab.

E i dir prezan ou bezwen pey sa travayer tou son saler or son balans, son diferans, depi ler ki ou’n redwir ziska la.  E finalman, mon ti dir sa avek bann anplwayer dan bann meeting, dan bann konsiltasyon ki nou ti fer.

Annou pa pran en, annou claim en nespes laviktwar, me selman evantyelman la, i vin dan son dezavantaz. Prezan finalman, sa pov anplwayer ki li in get Lalwa, e Lalwa i dir li ou kapab fer sa, ou kapab fer en negotiation procedure.

Negotiation procedure, grievance procedure i zoli li lo papye, i zoli wi.  The worker initiates a grievance.  Be eski nou pe al met sa pov anplwayer osi, si nou pou get li, dan en sityasyon konbatan?

Dan en prosedir ekstrememan konbatan?  Zour i pou sorti la, li menm li i pou sorti fatige avek en expense lo son ledo. Whereas any negotiation procedure was clear; –  annan en finalite.  Competent officer i pran en desizyon, ou annan en peryod appeal ou appeal, that’s the end of the matter.

 

HON BERNARD GEORGES

Sof ki sa ki pli kler Mr Chair.  So nou annan negotiation procedure, ni grievance procedure, les sa anplwayer ek sa anplwaye parey zot pe fer ozordi, negosye zot zafer.  Sa i pli kler ki tou.

 

THE ATTORNEY GENERAL FRANK ALLY

Non, ki nou, nou ti pe …

 

HON BERNARD GEORGES

… war,  Sa ki nou pe fer la, nou pe entrodwir en konplikasyon ki pa la.  Mwan sa ki mon pe fer, mon pe dir, sa in marse ziska ozordi.  Sa legzanp ki Attorney General fek met devan nou, set en legzanp toulezour.  Toulezour i annan dimoun ki ganny met deor anba apropo ki al devan Tribinal Lanplwa, ki 18 mwan pli tar.

This is the Law as it is, nou pa kapab pas en Lalwa pou enn ki nou ti a swete annan.  Nou bezwen deal avek sa enn ki nou annan.  E that’s what we have to work with.

Ou war? Mon pe seye Mr Chair.  Mon pe seye, mon pa anvi ki i ariv en vot kot isi i vot en fason, isi i vot en fason. Mon pe fer en propozisyon ki si, mon ava dir.  I pa pareyman ki pou annan konsesyon lo negotiation procedure.

Alor annou pa retourn, annou pa sey retourn lo la.  Akoz nou pou la ziska 9er diswar. Mon’n fer en propozisyon ki ava donn en laport anplwaye ki santi ki zot anplwayer in met zot anba duress. And that is the grievance procedure.  Silvouple, anmas mon, anmas mon propozisyon, pa rezet li.

Let’s not throw out the baby with the bath water Mr Chair.  Se sa ki mon pe sipliy nou ozordi.  Annou pa fer, pa zis lo sa kote latab ki’n fer sa.  Panel, ler panel in reponn mwan taler, zot tou zot in koz lo anplwaye.

Enn zot, pa’n koz lo anplwayer.  And this is the problem.  Akoz zot dan en Lalwa ki regard zis anplwaye.  Nou sa ki nou pe dir, se annou pa regard zis anplwaye, annou pa regard zis anplwayer.  Nou bezwen regard tou lede, protez tou lede.  E mon krwar ki sa pozisyon ki mon’n fer, i reponn a sa legzizans.  Mersi.

 

MR SPEAKER

Mersi Onorab Georges.  Bon, i pa paret ki i annan en konsansis.  E mon krwar deba in exhausted lo la.

I annan pou pozisyon pou move sa amannman.  E mon pou al put it to a vote.

Okenn Manm ki segonn amannman, ki’n ganny propoze par Onorab Georges?  Yes Onorab John Hoareau.

 

HON JOHN HOAREAU

Mr Speaker mon annan gran plezir pou segonn sa lamannman ki Onorab Georges in propoze.  Mersi.

 

MR SPEAKER

Mersi.  Avan nou put it to a vote, Onorab Georges, ankor enn fwa fer kler avek Lasanble, kwa ki nou pe al vot lo la.

 

HON BERNARD GEORGES

Mon propozisyon se, nouvo subsection 6.

‘’This section shall not apply to a worker in respect of whom the employer has not received full salary support from the Government, without prejudice to the right of the  worker to initiate a grievance procedure under section 61 and schedule 1 part 3.’’  Sa se sa lamannman ki mon pe met devan.

 

MR SPEAKER

Eski seksyon 7 i roul ladan?

 

HON BERNARD GEORGES

Seksyon 7, This section shall lapse in expiry of the Public Health emergency as defined in the prescription and time limitation period, Temporary Suspension Act, 2020. 

 

MR SPEAKER

Ok.  Bon, mon krwar nou bezwen fer atansyon. Akoz amannman in fini ganny segonde pou nou put to a vote.  Petet Onorab Georges petet ou devret separ le de.

 

HON BERNARD GEORGES

Wi dakor.  Annou fer 6.

 

MR SPEAKER

Annou separ le 2.  Akoz mon krwar i kree en pti pe konfizyon.  Bon nou pou pran en vot pou subsection 6.  Ok.  E i konpri sa bout ki kot devan mwan la.  Avek sa bout ki ou’n anmennen, without prejudice.  Ok.  Nou pou put this to a vote to the House.  E mon ava demann tou Manm ki an faver?

The new subsection 6.  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  Mon’n rikord 19 Manm ki’n vot an faver e 11 ki’n vot kont.  Mersi.

 

MR SPEAKER

Mersi Madanm Deputy Clerk.  Amannman pou subsection 6 in ganny aprouve.  Annou move lo subsection 7.  E si ou pa mind Onorab Georges, zis repas lo la ankor pou ganny segonde.

Pou nou, pou put it to a vote.  Oubyen si ou oule zis propoze, mon ava les AG fer komanter.

 

 

 

HON BERNARD GEORGES

Mon pe propoz sa lamannman lo sou-seksyon 7 ki mon ava lir taler,  osito ki AG in fer en komanter lo la.  Akoz mon krwar AG i annan, i trouv en defayans dan mon lamannman.

 

MR SPEAKER

Dakor.  AG.

 

THE ATTORNEY GENERAL FRANK ALLY

Mersi Mr Chairman.  Mr Chairman mon krwar nou pa dwatet pe refer to the Public Health emergency anba  sa suspension.

Akoz anba la nou pa – i annan en suspension period.  E i konmans more or less on the date of the Public Health Agency. 

Me selman parey Prezidan, let’s say de semenn prosen i pou, or semenn apre, i order that it will seize.

 So I suggest that of you are going to use Public Health emergency it should be the expiry of the Public Health emergency, as declared by the Public Health Commissioner under the Public Health Act and the Order that he made on the 20th of March 2020. 

 

HON BERNARD GEORGES

So be it Mr Chair.

 

MR SPEAKER

Ok.  Mersi AG.  Okenn Manm ankor ki oule fer komanter.  Onorab Ramkalawan.

 

HON WAVEL RAMKALAWAN

Mr Chairman mersi bokou.  Mon krwar ki petet en keksoz ki sa i kapab, i kapab anmennen se en serten uncertainty.

Parske nou pa konnen kan i pou deklar li lot fason.  So I don’t think ki nou devret al dan sa direksyon.

Mon krwar ki plito nou, ok sa le 01 Zilyet sa ou’n.  Mon krwar sa seksyon 6 lafason ki nou’n vote, i deza pe ede. Parski bann travayer ki pa’n ganny, bann, ki pa’n ganny sa lasistans.

Parske nou bezwen mazinen, se pa anplwayer ki ganny lasistans, se travayer ki ganny lasistans. Parske rent sa anplwayer pa ganny peye ek tou bann lezot depans ki i annan son bann overheads. Plito sa travayer ki pa’n ganny peye.  E nou’n dakor lo sa negosyasyon.

Alor mwan mon ti ava dir, si nou ti a kapab met li, i mean le 01 Zilyet.  By le 01 Zilyet, sa progranm Gouvernman pou’n fini an prensip.  An prensip i pou’n fini.

Si mon ti ava dir plito, si Mr Chairman Si Onorab Georges ti ava met en keksoz an relasyon avek sa progranm Gouvernman.

Konmsi si i ti ava dir sa seksyon i ava lapse letan sa progranm Gouvernman i fini.  Parski sa par egzanp i ava soz. Parski la nou pe tann 2 zistwar la.  I annan en zistwar 1.2bilyon pou 3 mwan.  400 milyon par mwan.

Me lo lot kote SS Payet in dir, ki sa ki zot pou ekspekte zot Bidze, se i pou ariv anviron 100 milyon.

Be si i ariv anviron 100 milyon par mwan, i vedir 1.2 bilyon. I sipoze al pou 1an.  Oubyen menm si nou pa dir 1 an.

I sipoze al pou o mwen 9 mwan, plis ki 3 mwan anyway.  Alor, sa larzan, e la nou bezwen fer kler,  sa larzan Mr Speaker, ou ki ti la, 1.2 bilyon in fini ganny aprouve, zis pou pey travayer.  Se sa lafason ki nou kontan travayer.

1.2 bilyon, in fini garanti pou travayer.  Alor annou met li, letan sa progranm Gouvernman i terminen.  E la an menm tan, mon krwar ki mesaz ki sa menm Lasanble ki ti aprouv sa 1.2 bilyon, pe dir, se fer sir ki sa larzan i ganny servi pou protez travayer e pey travayer, ok?

E sa dan li menm li, i ava osi permet Mr Speaker.  Letan mon pe dir i kapab al pou, i ava permet ki serten lakonpannyen.  E sa en lot eleman ki nou pa’n mansyonnen ziska aprezan. I ava posib ki serten lakonpannyen ki la ozordi, Gouvernman atraver Minister Finans, pe dir avek li ou ok?

Ou annan 3 milyon?  Be i posib ki Zilyet, Out, si in pey son travayer.  Si in nobou sey tenir son travayer. Ki Zilyet, Out letan i ava ranpli son form, Minister Finans i ava tonm dakor ki poudir be ou’n pey ou travayer pou 3 mwan.

E la nou pe vwar ki poudir vre ou larzan in diminyen la.  E alor nou pa’n donn ou pou Mars, Avril, Me.  Me selman, pou Avril, Me, Zen.  Me selman nou kapab donn ou en keksoz, nou a kapab don nou en pti loksizenn.

Alor lefe ki, sa koze, mon a zis rezimen Mr Chairman.

Lefe ki ozordi nou pe ganny dir ki total ki Gouvernman pou pey bann biznes pou zot nobou pey zot travayer i pou tonm anviron 100 milyon.

E ki i annan 1.2 bilyon.  Annou met sa moman ki i pou lapse an relasyon avek letan sa progranm lasistans finansyel i terminen.  Mersi bokou.

 

MR SPEAKER

Mersi Onorab.  Onorab Sebastien Pillay.

 

HON SEBASTIEN PILLAY

Mersi Mr
Chairman.  Mr Chairman referans taler ti ganny fer avek mon lamannman ki mon pe anmennen.

Mon pa vreman ganny en konpran kote Onorab Georges i oule ale avek sa enn lamannman.

Akoz orizinalman son konsern ki i ti pe eksprimen ler mon ti pe ekout li.  Se ki lefe ki lamannman ki Gouvernman ti pe vin avek, pe ti pe permet sa ki 39 i propoze ganny arive anba 81 pandan sa peryod letan.

Savedir a sa moman la, ou pa ti kapab negosye avek ou travayer, pou varye son saler.  Sa ti son problenm lo komansman son largiman.  Dan semen Onorab Georges in sanz son largiman ankor. I sanz son largiman prezan, i dir ek nou koumsa, poudir, menm si nou pe sanz sa i irrelevant.

Akoz li i santi poudir 39 i zis en seksyon tanporer.  Selman tou larestan seksyon se ki konsern sa Lalwa, zot annan zot provizyon pou zot menm.

Redundancy i annan, lot i annan, varyasyon saler ou napa ou.  Ou napa ou. m Selman dapre li sa i en tanporer. Konmsi dapre son largiman lo komansman, i sanze.  E Onorab Georges apre i dir nou, nou met blokaz.

Me mon problenm ek sa Mr Speaker se ki Onorab Georges i pa oule ekout nou.  Menm si nou koz ek li, i retourn back to son menm largiman ki i ti komanse. E mon pou ilistre sa avek en pwen.  Nou ti dir li par egzanp sa mo ‘‘full.’’  Anba se ki konsern lasistans. Onorab Georges pa’n enterese li, in retourn avek son mo ‘’full. ‘’

Si en boug in ganny 3 kar lasistans, be oli son kontribisyon li sa boug ki’n ganny 3 kar lasistans li? Ou war?  Konmsi mwan sa ki mon pa pe ganny en konpran,  has they are being assisted in full? Has they are being assisted in full?  Se sa ki mon pe sey konpran kote nou blokaz i vini. Zot met blokaz dan semen apre dir nou ki pe met blokaz.

Ler nou ti vin ek 80, mon retourn lo sa lamannman, akoz pou sa mon bezwen ilistre li.  Ler nou ti vin ek 81 orizinalman, Gouvernman ti vin ek 81 orizinalman, nou ti war problenm avek.  Gouvernman in ale, baze lo tou bann largiman, nou’n anmenn en nouvo 81 ki sanz radikalman e pran on board la mazorite if not all, bann largiman ki bann anplwayer ti pe avanse.

Nou ti gard 39 zisteman, pou nou kapab protez anplwaye. Akoz?  Bomaten menm Leader Lopozisyon in donn en legzanp en konpannyen ki fer sa.  So nou pa bezwen annan en sunset Clause pou sa seksyon.

Sa seksyon i bezwen kontinyen as a permanent section.  Because it’s now become a permanent feature of the Employment Act. 

It’s something ki nou pou bezwen viv avek.  E mon pou hasten  to add Mr Chairman.  Mon lamannman pou 51, anba seksyon 51, mon pe propoz en nouvo seksyon 51A.  I zisteman al dan sa laliny kot ler nou pe allow, konsesyon ki nou’n fer dan 81, prenon kont 39 i bezwen reste.

Pou nou dir ek en anplwayer poudir si ou annan en Seselwa, fer sa lamannman ki mon pe anmennen an 51.  Si ou annan en Seselwa ki dan menm pozisyon ki en etranze, ou pa kapab fer redundant sa Seselwa san ki ou entame negosyasyon pou fer redundant sa etranze. Avek lesansyel pou protez Seselwa.   E sa i tie-in ek tou bann mezir ki nou’n anmennen ziskan la.

So pou mwan mon ti ava enplor Onorab.  Mon pa dakor, mon pa subscribe sa largiman ki ou dir Lalwa Lanplwa in ganny fer sitan kantite letan, en sel kou in anmenn sa Lalwa. Ki kantite keksoz ki nou pe fer ozordi akoz COVID-19?  En kantite keksoz nou ti pe fer avan. Nou ti pe lav nou lanmen nou.  Pa nou pe lav nou lanmen diferaman?  Servi sanitizer.

Non, be tousala i bann legzanp ki’n vin akoz en sityasyon abnormal in fer nou realiz en keksoz.  I pa lentansyon personn pou kree en sityasyon difisil pou okenn dimoun.  So mon ti a urge, zot annan mazorite.  Mon kapab sanz zot mazorite, if you put this to the vote,  mon ti ava urge zot pou rekonsidere.

Let us leave 39 as a permanent feature of the Employment Act.  Mersi Mr Chairman.

 

MR SPEAKER

Mersi Onorab.  AG.

 

THE ATTORNEY GENERAL FRANK ALLY

Mersi Mr Chairman.  Mr Chairman mon konpran sityasyon.

Onorab Georges ki in fer, se ki i pe anmenn bann seri lamannman orizinalman ki petet ti avek Onorab
Ferrari. Be Onorab Ferrari petet dan son sazes, in pull back sa bann lamannman, in pran li in met li dan 83, 81(3).

Akoz?  Akoz Onorab Ferrari in realize poudir seksyon 39A i pou reste en seksyon permanan.

Setadir, COVID ou pa COVID si ou pe la redwir saler en travayer, ou pou al kot competent officer.  E ou pou al rod sa refri ki Onorab Georges yer in dir avek bokou lanfaz, dan sa meeting konsiltativ.

E sa ki nou’n sorti avek yer dan meeting konsiltativ.  Se ki seksyon 39A sa ki mon’n konpran, se ki i pou en seksyon permanan. Me akoz seksyon 81A i pe dir, pandan sa peryod 3 mwan, ki ozordi nou pe dir, i pou bezwen sa lifetime 39A, sa anplwayer pa pou kapab ni initiate negotiation procedure i ganny sispann.

Onorab Jean-Francois Ferrari dan son sazes in dir non, i pa apply pou en non- Seychellois worker.  E i pa osi apply pou en worker ki son anplwayer i pa’n resevwar full salary support from Government.

 That’s the way ki mwan mon’n war where the amendment – What has happened may be  (with all due respect to Onorab Georges)  se ki in re pran en amannman ki Onorab Ferrari dan  son sazes in war poudir petet i pa pou hold water.

Petet i santi in redundant apre sa konsiltasyon oubyen avan.  E in anmenn sa dan sa seksyon 81(3).  Mon krwar sa ki, e this is where the problem lies.

Akoz yer sa ki mwan mon’n, I left the meeting thinking 39A will be a permanent because pou bezwen annan en refri.  Me akoz sa drwa ti pe ganny sispann pandan sa 3 mwan COVID, then si ou pa’n ganny salary support, ou pa pou kapab, nou pa pou kapab sispann ou drwa.

That was my understanding.  With all due respect Mr Chairman.  Thank you.

 

MR SPEAKER

Mersi AG.  Onorab Georges.

 

HON BERNARD GEORGES

Wi, i kapab ki Mr Chair, se sa ki Onorab Attorney Zeneral in konpran.  Me se pa sa lentansyon.  In tre zenere.  E Onorab Ferrari nou tou nou konnen, i annan bokou sazes, e mon totalman dakor avek li.  Me sa ki pe ganny fer la, pe ganny fer par mwan.  Akoz mon pe debout pou nou pa annan en back and forth.

Onorab Ferrari in demann mwan propoz son bann amannman texto parey mon fek fer.  Me Mr Chair mon bezwen dir sa keksoz.  I pareyman zot pa pe konpran.  Mon’n dir yer, mon’n dir semenn pase, mon’n dir ozordi e mon pou dir demen, ki wi the basis of all negotiation including anba 39A i bezwen annan en competent officer, en refri. Sa is not in issue.  Sa zanmen nou’n met li in issue.

E mon’n dir ozordi, ki demen nou ti ava swete ki se pa en dimoun ki’n atase avek Minister Lanplwa, me set en Board separe. I bezwen annan sa referee pou tou dimoun.  Sa i nou prensip e nou pa pe vwal lo la.

Akoz nou krwar ki sa set en keksoz ki byen.  Sel problenm la ozordi se pou sa peryod 3 mwan.  Akoz i annan en serten kategori anplwaye ki pa’n ganny salary support malgre ki Prezidan ti’n promet zot salary support. Malgre ki pa’n ganny salary support, malgre ki Prezidan ti’n promet zot salary support.

Fodre pa zot bliy sa silvouple.  Se sa ki pe met nou problenm la.  Si pa ti annan sa, nou ti dan Lakour by now. Nou pe sey rod en fason pou mitigate en problenm ki’n arive.

Akoz Prezidan pa’n delivre lo son promes.  That’s all it is!  Ok. 

 

 

(APPLAUSE)

 

HON BERNARD GEORGES

Annou pa fer kontour.  That’s what we are trying to do.

 

MR SPEAKER

Mersi.

 

 

(Interruption)

 

MR SPEAKER

Order!  Order!  Order!  Order! 

 

HON BERNARD GEORGES

E Mr Chair avek ou permisyon, rezon ki mon’n ensiste lo sa la,  se akoz mon konnen ki Onorab Sebastien Pillay i pou anmenn en lamannman to 81, ki pou probableman retir si i pase, sa propozisyon ki Onorab Ferrari ti’n mete dan 81(3) ki Onorab Attorney Zeneral fek koz lo la.

Alor nou’n bezwen, akoz nou bezwen al sequentially atraver en Bill, nou’n bezwen cross sa bridge la olye esper taler. Si Onorab Sebastien Pillay pa ti’n anmenn sa, nou pa ti pou’n tard lol at this point.  I annan en metod dan sa ki nou pe fer.

 

MR SPEAKER

Bon.

 

HON BERNARD GEORGES

Alor, avek ou permisyon, seksyon 7, mon’n ganny demande pou revwar li Attorney, Leader Lopozisyon in demann mwan revwar.

Vwala mon propozisyon, seksyon 7, sunset Clause.

 ‘’This section shall lapse on termination of the Government Program for Salary support to employees and the private sector as a result of the COVID-19 pandemic.’’

Ok, donk i nepli le 01 Zilyet.  I pou al ziska salary support i fini from Government an rezilta COVID-19 pandemic.

 

MR SPEAKER

Mersi Onorab Georges.  Bon, i annan en propozisyon pou amannman, okenn Manm ki segonde?

Yes Onorab Ferrari i segonde.  So nou ava put it to a vote.

Tou Manm ki an faver?  The proposed section, subsection 7.   Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  19 Manm in vot an faver e 11 in vot kont.  Mersi.

 

MR SPEAKER

Mersi.  Amannman in ganny pase.  Nou ava kontinyen Onorab Georges.

 

HON BERNARD GEORGES

Mersi Mr Chair.  Mr Chair la nou pou al teribleman vit.  Akoz se Onorab Sebastien Pillay ki’n met en bann propozisyon pou 81.

Me mon krwar li i pe demand sanz sa 81 konpletman.  E met en nouvo 81 ki’n propoze.  Me avan ki nou fer sa, akoz nou bezwen pran li an sekans, onorab Ferrari ti pe propoz dan 81(3) ki nou azout avek sa ki’n ganny propoze dan amendment sorti kot Minis, menm zafer ki nou fek vwar taler.

‘’A worker in respect of whom and employer has not received full salary support.’’ 81 pa pou aplik pou li.

Setadir ki i pa pou bezwen esper an Zilyet pou competent officer deal avek li.  Sa 2 lezot, sa 2 lezot propozisyon lamannman 5 ek 6 pou ganny tire.  Sa dapre sa ki mon konpran in fini ganny aksepte par panel.

Setadir Minis pa pou annan permisyon li tousel pou extend sa peryod apre le 30 Zen.  Oubyen, having expanded it pou terminate li.  E finalman en nouvo seksyon 5, ki la konmela i seksyon 7.

Me si nou tir 5 ek 6 i pou vin seksyon 5.  Kot napa nanryen dan sa seksyon ki pou anpes bann anplwayer ek bann anplwaye antre an negosyasyon as of now, pou sa peryod apre le 01 Zilyet.

Donk sa 2, sa 2 lamannman se, se sa 2 lamannman Onorab Ferrari.  E mon pa konnen si nou devret regard sa, oubyen si nou devret osi an menm tan regard sa ki pou Onorab Sebastien Pillay. E apre kekfwa swazir enn oubyen lot ant sa 2 lamannman.

 

MR SPEAKER

Mersi Onorab Georges.  Mon pe zis regard pou, Onorab Pillay i tous selman 81A non? Kot ou pe sanze ou pe met 81A, (b), ok ou pe tous 51 osi.  Ok.

So nou ava pran, Onorab Georges eski nou pran son bann amannman avan?  Wi, ok.  Onorab Pillay ou kapab prezant ou bann amannman.

 

HON SEBASTIEN PILLAY

Mersi Mr Chairman.  Mr Chairman baze lo bann diskisyon ki’n arive, e kontrerman avek popular belief, kot nou’n ganny dir nou pa ekoute, nou, nou’n ekoute.

E i ti annan sanzman radikal ki’n ganny fer avek 81A.

E Attorney Zeneral mon ava demann li pou azout rezondet osi lo la, atraver Minis osi. I ava ed nou al pli vit.  Kot nou pe dir basically ‘’notwithstanding any other provisions to the country in this Act where’’, si anplwaye in inisye pandan sa peryod 20 Mars ziska le 30 Zen, negosyasyon pou ou fer, en ‘’reduction of salary, deferment of payment of wages and wages.  Temporary lay-off of a worker or terminating a worker. ‘’

Oubyen si sa dimoun kot in al kot en competent officer prior to 1st July 2020. E competent officer in approve as a case may be, pou fer en reduction eksetera. Tou sa bann keksoz i kapab arive.  Me son lefe i pou vin apre le 30 Zen.  That is, it will come into effect only on the 1st of July. 

E rezon pou sa, mon krwar, set akoz, baze lo bann diskisyon ki departman Lanplwa, in gannyen avek bann anplwayer,  mon krwar sa i a diskisyon ti Zedi or something like that.

And then following this discussions on Saturday, in annan bann concessions ki Gouvernman in fer pou allow serten lespas bann anplwayer, pou zot entame serten negosyasyon san ki i annan bokou restriksyon ki i anmar zot.

Mon pa konnen si Minis i annan keksoz pou azoute.  Me sa bann lamannman i straight forward.  Mon pa krwar nou pou bezwen 4 and 5 anymore.  Akoz basically 81 as it stand, 81(a), sa nouvo 81A basically pou kouver tou keksoz.

E i pou satisfer menm bann lamannman ki Onorab Ferrari tri pe anmennen.  Unless nou oule gard 4.  But that will be the only one ki nou pou bezwen garde.  Mersi, mon ava les Attorney Zeneral pou elabor si i anvi.

Prezan zis pou Lasanble donn mon sa loportinite.  Prenon kont ki nou pe allow sa bann prosedir to come in. E dan seksyon 51, ler nou regard seksyon 51 Mr Chairman.

Nou pou vwar poudir mannyer seksyon 51 in worded ozordi,  e given sityasyon ki nou ladan aktyelman, i napa pou proteksyon neseserman pou en travayer Seselwa, si en redundancy process i ganny engage oubyen termination process i ganny engage;-  kot ou annan en Seselwa ek en etranze ki occupy menm pozisyon.

So par egzanp si dan en lotel ou annan ou en Seselwa ki zardinyen e ou annan ou en etranze ki zardinyen, i pe ariv en sirkonstans kot sa Seselwa pe ganny fer redundant as opposed to sa etranze.  Ki mwan mon oule fer avek mon lamannman, se ki mon oule anpes sa arive.

Mon oule basically dir, poudir en anplwaye pa pou kapab pou tanporerman lay-off oubyen fer redundant en travayer Seselwa. Si sa travayer Seselwa pe anploy en non- Seychellois dan en similar post.  Akoz?

2 rezon.  Enn se akoz si i annan reskilling.  Par egzanp sa dimoun i dir ok, i annan en boug ki annan en, par egzanp Onorab Ferrari oubyen i annan en lotel laba.  Li i annan en zardinyen, mon a pran son zardinyen akoz i annan en GOP.  Sa ki nou pe dir ou, se ki dan plas pran sa, en zardinyen, annou fer Seselwa travay, donn li sa loportinite pou travay.  E pa allow Seselwa petet, si i annan reskilling pou perdi zot lanplwa.

E dezyenmman mon’n tann sa konversasyon ki’n go on, poudir arh i annan serten dimoun ki nou bezwen zot akoz serten skills ki zot annan.  Granted mon aksepte.

Me selman sa ki mon pa ti a kontan war, se ki si ou annan en accountant Seselwa, ki en financial controller, oubyen something dan en lotel, mon pe donn legzanp – i  Seselwa, e ou bezwen al rod enn ki etranze.  Mon pa pe ganny en konpran la.  Kot ou bezwen pey Housing, pey transpor, pey lekol pou son piti.

  So sa lamannman 51 i al anliny osi diskisyon ki nou ti pe gannyen bomaten. E mon krwar Onorab Woodcock atraver ou Mr Speaker, pou siport sa.  Akoz bomaten in fer serten komanter kot in koz lo protez nou bann Seselwa ki dan Air Seychelles. 

I esansyelman al ver sa.  Se protez en anplwaye Seselwa dan en landrwa travay kot i ete e fer sir poudir dan en sityasyon koumsa, li i pa perdi.

Akoz esansyelman Sesel i nou pei.  Se sa ki nou pe rode.  E ou ava dir mwan Mr Speaker.  Eski sa i diskriminatwar. Mon pou dir ou, to a large extent non.  Akoz nou pa pe kapab pe discriminate kont Seselwa.

E mon krwar Lasanble koman en collective pou bezwen siport en lamannman koumsa.  I submit Mr Speaker.  Mon’n pran sa loportinite, pou fer en sel prezantasyon lo tou lede.  Mersi Mr Speaker.  Mon ava turn over to Attorney Zeneral.

 

MR SPEAKER

Mersi Onorab Sebastien Pillay.  Mon a donn laparol AG.

 

THE ATTORNEY GENERAL FRANK ALLY

Mersi Mr Chairman.  Mr Chairman mon ava pronons lo sa propozisyon ki to a large extent i sorti kot panel pou sa nouvo 81A(1).

Petet mon ti ava demann Lasanble pou plito aksepte sa 81A(1) plito ki sa (5) ki ti’n ganny propoze par Onorab Jean-Francois Ferrari.

Parske i annan serten limitasyon dan son aplikasyon.  Akoz in senpleman dir, ou kapab antre dan negosyasyon. Me parey mon’n eksplike pli avan negotiation procedure i annan detrwa konponan;-  I annan notifikasyon, lanrezistreman, konsiltasyon, finalman determinasyon.

So ou kapab antre dan negosyasyon, me ou pa zanmen get en determinasyon.  So unless ki nou define negosyasyon diferaman. So sa ki nou nou’n propoze se enn ki pli kalkile e ki pli deal avek sa, i plito satisfer sa demann ki sorti pandan konsiltasyon.

Se ou kapab konmans, nenport ki anplwayer, i pou kapab konmans negotiation procedure.  Swa pou redwir sa saler deferment ou payment wages pandan sa 3 mwan. I pou kapab konmans temporary lay-off.  I pou kapab konmans prosedir pou terminate en travayer lo grounds redundancy. 

Me sa competent officer li i kapab donn li en la probasyon pou li kapab fer lay-off, redwir saler eksetera, eksetera.

Me selman ler i pou arive pou li donn notis, son notis pa pou pran lefe avan le 01 Zilyet 2020. Savedir ganny son la probasyon, me si son notis, ler i ganny sa lo probasyon, i kapab donn notis e son notis i within sa mwan.

E let’s say sa mwan i ariv le 28 Zen, son notis otomatikman i pou pran lefe le 01Zilyet.

Me si ler i konmans negotiation procedure, e i overlap then it’s ok.  Me sa i pou anpes en anplwayer war li dan en sityasyon kot i donn notis, i konmans negotiation procedure apre le 01 Zilyet.

E alor i war li avek en sityasyon kot i very onerous lo li kot i bezwen pey 2 mwan, 3 mwan saler.

It’s more or less sa lespri ki parey mon dir.  Sa sazes ki Onorab Ferrari in vin avek, me selman nou nou’n met li dan en langaz en pti pe pli kler. E pou annan en pli bon laplikasyon. Mersi.

 

MR SPEAKER

Mersi AG.  Onorab Ferrari ou dakor?  Ou dakor.  Bon Onorab Georges eski ou gid nou pou nou pran vot.  Pou nou move.

 

HON BERNARD GEORGES

Mersi Mr Chair.  Mon ti krwar sa, mon ti krwar sa lamannman i sorti kot Onorab Sebastien Pillay.  Me Attorney Zeneral i dir, nou’n met li dan sa langaz.  Alor.  Mr Chair.  Mr Chair eskiz mwan, mon’n perdi, wi.

Mon ti pe regard sa lamannman 81A, Mr Chair.  81A (1) i annan enn de lamannman tipografi ki nou devret fer avan ki nou vot lo la.

Dan 81 capital (A)(1)(a)   chapeau ‘’an employer initiates during the periods from 20th March 2020 to 30th June 2020,  the negotiation procedure, ’oubyen ‘’a negotiation procedure’’ not simply ‘’negotiation procedure. ‘’

Apre dan 3 ‘’terminating a worker on the ground of redundancy.’’  Sa i kont Lalwa, i en lofans anba Code Penal, i apel en murder.

Ou pa kapab terminate en worker.  I devret ‘’terminate the contract of employment of a worker.’’

E se sa ki, that’s what the Employment Act says.  That’s what the Employment Act says si ou regard byen, Mr Chair,  47 ‘’restriction on termination of contracts. ‘’

‘’ A contract of employment may be terminated,’’ eksetera, eksetera, a plizyer fwa.  Me sa se pa bann lamannman ki al to the substance. 

Menm zafer mon sipoze pou bezwen lay-off osi, i pa zis en mo, i annan en hyphen.  Ankor enn fwa dan Employment Act that’s how it is.  Epi mon pa krwar ki sa morso an rouz ki nou annan i swiv neseserman apre (a) and (b).

 ‘’Notwithstanding any other provision to the country of this Act where, a, b, competent officer approves case  may be the reduction, the temporary, the termination, any notice given by an employer,    the … shall not take effect prior, non, sorry. Napa okenn problenm la.  Donk Mr Chair, zis sa 2 pti, sa 2 pti amannman tipografi si panel i dakor.

Mon krwar se tou sizesyon ki nou annan pou fer lo sa propozisyon lamannman.  Eski ou oule mon regard 51A osi, oubyen nou pou fer enn par enn?

 

MR SPEAKER

Annou pran sa enn avan.  Be Onorab Georges savedir nou pe pran sa bann amannman ki’n ganny move par Onorab Pillay.

 

HON BERNARD GEORGES

Wi.

 

MR SPEAKER

Me sa bann ki nou’n, ki ou’n propoze.

 

HON BERNARD GEORGES

Sa pou lapse.  Akoz i pou ganny over taken par 81A Onorab Pillay.

 

MR SPEAKER

E menm sa bout an rouz dan pou ou osi tou i lapse, tousala i ale – the whole thing goes.

 

MR SPEAKER

Dakor.  Ok, yes Onorab Afif.

 

HON AHMED AFIF

Mersi Mr Chairman.  Mr Chairman mon, petet zis klarifikasyon.  Me eski ler nou pe konsider 81A(1), sa ki Onorab Pillay in propoze.

Nou pe osi konsider sub Clause 3 dan 81A,  ki ti la, ki’n ganny propoze, ki’n sub section 1 shall not apply to the negotiation procedure under sections 48 and 51 in respect of of a worker, in respect of whom the employer has not received salary support from the Government’’.

Ki mon pe dir la, se ki si en dimoun, en travayer, li nou pe dir poudir, pou tou larestan travayer, well pou tou travayer la, le 01 Zilyet okenn desizyon ki pou ganny pran i pou apply apartir le 01 Zilyet.

Me si dan seksyon 39A, nou’n tonm dakor ki en prensip ki reduction of wages oubyen deferment of wages pa devret apply pou bann ki pa’n ganny sipor.  Dan menm prensip, si nou pe al fer lay-off oubyen redundancy, dan menm laliny, nou pa devret anpes okenn desizyon dan sa zafer si napa sipor Gouvernman.  So mon krwar sa osi i devret antre la, se mon propozisyon.

 

MR SPEAKER

Mersi Onorab.

 

HON AHMED AFIF

Mersi Mr Chairman.

 

MR SPEAKER

Onorab Georges.

 

HON BERNARD GEORGES

Mr Chair mon konpran sa ki Onorab Afif pe dir, me anba Lalwa konmela ou pa kapab lay-off ek suspense without the negotiation procedure anyway.

Alor obligatwarman ou bezwen fer li.  Dan lot ou pa ti bezwen negotiation procedure.  Pou sa rezon ki nou’n bezwen met li.

 

MR SPEAKER

Mersi.  Onorab Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Mr Chair dan menm laliny ki Onorab Afif in souleve.  Lo sub section 4, kot i dir ‘’any negotiation procedure initiated or applied for prior to 20th March 2020, shall remain valid.’’ 

Mon anvi demande si sa pou reste.  Parski mon pe mazin sityasyon Banyan Tree par egzanp.

Ki nou’n aprann i pe al annan renovasyon mazer, kot mon krwar apepre 250 Seselwa i kapab ganny afekte.  So mon anvi zis en klarifikasyon lo la, whether sa enn Clause pou reste dan bann ka koumsa.  Mersi.

 

MR SPEAKER

Mersi Onorab Henrie.  Onorab Sebastien Pillay.

 

HON SEBASTIEN PILLAY

Mersi Mr Chair.  Mon oule premyerman remersi Onorab Georges pou son konpliman koman son koleg Bills Committee, vreman apresye.

Sa ki Onorab Henrie in dir, i mon krwar i deza pe ganny kouver. Akoz sa ki Gouvernman in oule fer, apre ki zot in diskite avek bann diferan anplwayer. E apre zot in vin lo parti ki reprezant Gouvernman dan Lasanble pou anmenn zot lamannman.

Akoz Attorney Zeneral pa kapab move en lamannman vi ki i pa en Manm Lasanble, ki parey Onorab Georges i konnen.  Nou’n sey kouver tou keksoz.  So i deza pe kouver anba la.  Me i annan en keksoz ki nou bezwen mazin byen.

Sa mo ‘’redundancy’’ mon krwar dimoun i bezwen ganny li byen kler.   Rezon pou sa se akoz, si ou konpannyen nepli bezwen fonksyonnen apre COVID.

Meton ou ti annan en biznes, ou ferm li, i vin en natural process.  So sa ki ou pe dir i ti pou ariv, ti ariv avan.  So son prosedir in deza fini komanse, so i deza ganny kouver anba Lalwa lefe ki in fini komanse.  E la nou pe koz bann ki’n vin pandan sa peryod spesifik le 20 ziska le 30.

Zot ti pe zis sey ouver larestan ki’n manke.  Zot ava klarifye en pti pe pli an detay, me selman in deza kouver.  Mersi.

 

MR SPEAKER

Mersi Onorab Sebastien Pillay.  Mon a donn laparol AG.

 

THE ATTORNEY GENERAL FRANK ALLY

Mersi Mr Chairman.  Mr Chairman mon pe refer lo sa statement fer, or query lo fer par Onorab Henrie.

Wi, akoz ki arive, se ki i annan bann anplwayer, sa ki lenstriksyon ki nou, nou ti gannyen, ler nou ti query dan preparasyon sa Lalwa, bann anplwayer ki’n deza fer zot aplikasyon, zot napa nanryen pou fer avek COVID zot.

E baze lo la, zot laplikasyon i remain valid, so zot kontinyen zot.  Dan sa 3 mwan Minister Lanplwa i kontinyen process zot aplikasyon akoz napa en lensidan lo COVID as ki pe anpes zot, ki pe koz zot pou fer zot travayer vin redundant.  Mersi.

 

MR SPEAKER

AG, petet, savedir ou pa bezwen tenir sa ‘’4’’ ladan.  Sa ‘’4’’ i kontinyen tonbe.

 

THE ATTORNEY GENERAL FRANK ALLY

Non sa ‘’4’’ i reste.  I pou avoid bann dout.

 

MR SPEAKER

A bon.

 

THE ATTORNEY GENERAL FRANK ALLY

Akoz an ka ki bann dimoun i pou krwar ki tou negotiation procedure pandan sa peryod 3 mwan i ganny sispann, kind off, li i kontinyen marse.

E si i annan notis pou ganny fer, pou ganny donnen demen, notis i ganny donnen demen.  E i pran lefe dan sa peryod letan.  Mersi.

 

MR SPEAKER

Me eski son numbering i byen, i reste ‘’4’’, i reste parey, ok.  Yes Onorab Ramkalawan.

 

 

MR SPEAKER

Yes, Onorab Ramkalawan.

 

HON WAVEL RAMKALAWAN

Mersi bokou Mr Chairman. Non Mr Chairman mon krwar ki sa ki pe arive la se sa 81 dan zot Lalwa tonbe altogether. I ganny ranplase par sa ki Onorab Pillay an konsiltasyon avek Biro AG pe met devan.

Mr Speaker mwan mon ti ava kontan ganny en keksoz kler akoz taler mon’n mansyonn mon osi tou sa pwen ki Onorab Henrie in leve an relasyon avek bann travayer Bayan Tree.  Mon kontan ki AG in bring in the word COVID-19, parske ankor enn fwa i montre nou ki pou dir sa Lalwa i dan en konteks li e ki konmsi rekonnet sa lelefan e ki alors sa Lalwa i tourn otour sa lelefan.

Eski lefe ki dan sa Lalwa nou a pe dir ok konmsi nou pe dir ki sa negosyasyon li in komans avan le 20 Mars, alors se zis bann negosyasyon ki’n tonm dan peryod le 20 Mars ki pou bezwen pran lefe from le 01 Zilyet.

Be mon pe zis mazinen Banyan Tree li ti komans avan? Parske la i pou riske tonm si i ti tonm avan le, si in tonm apre le 20 Mars ki vedir mon pe sey rode en fason pou mwan  protez bann travayer mwan. Pou ki konmsi bann travayer Banyan Tree olye ki konmsi zot i ganny zis met laba de kote. Ki konmsi zot ava kontinyen ganny zot lapey ziska le 30 Zilyet.  E okenn desizyon final ki ganny pran an relasyon avek Banyan Tree i ava bezwen ganny pran apre.

Mon ti ava kontan ganny en leklersisman lo la, parski si zot pa ankor si Minister Lanplwa pa ankor tonm lo en determinasyon final, i vedir ki ofisyelman tou sa bann travayer i ankor dan lanplwa.  E ki alor Banyan Tree i bezwen pe kontinyen pe pey zot lapey.

E ki letan zot ava tonm lo en determinasyon final, se la prezan ki zot bann zot ava ganny zot redundancy package. Konmsi mon ti ava kontan nou vreman ganny sa kler pou ki sa group travayer Seselwa zot konnen egzakteman kote zot debout a ler aktyel, parske mon krwar i annan en pe konfizyon la. Mersi bokou Mr Chairman.

 

MR SPEAKER

Mersi Onorab.PS.

 

PS JULES BAKER

Thank you, Mr Chair. Thank you Onorab Leader Lopozisyon pou kestyon. Zis mon le fer resorti vreman kourt Mr Speaker en, nou ti ganny en aplikasyon sorti kot Banyan Tree owner Banyan Tree le 11 Mars. E pa ti ankor anonse sa public health emergency.  Me parey ou konnen letan sa zafer COVID in vini Banyan Tree osi in tonm ladan.  Sa ki mon kapab garanti ou so far e determinasyon sorti kot competent officer sorti kot Minister Lanplwa pa ankor ganny donnen.

Mon kapab dir annou pa koz lo la akoz i annan en negosyasyon ki pe aktyelman an progre in terms of benefis, bann package ki pou annan, so mon pa anvi ki nou pe kon promiz sa bann desizyon ki pe ganny fer nou’n fer en seri en premye meeting.  Bann travayer in demann en second meeting so keksoz i an progre nou ava les zot konnen in term of rezilta byento.

Mon pa krwar la dan sa Lasanble nou devret piblikman nou devret pe kekfwa koz lo la.  Me solman son aplikasyon pou ferm lotel ti vin kot nou le 11 Mars.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mon konpran Mr Chairman sa ki, mon pa kontan enterfer dan negosyasyon, me selman zis en kestyon. Eski lafen dimwan ki’n pase la Banyan Tree in pey bann travayer zot lapey normal ki zot ti pou gannyen?

 

MR SPEAKER

Mersi Onorab. PS.

 

PS JULES BAKER

Mr Speaker mon kapab garanti ou ki wi zot in ganny peye, me solman zot in ganny peye en pe an retar.  Mersi.

 

MR SPEAKER

Mersi PS.  Onorab Georges nou pou bann amannman in ganny propoze nou pou segonde. Yes Onorab De Commarmond.

 

HON CHARLES DE COMMARMOND

Mon ti le segonn sa bann amannman.

 

MR SPEAKER

Ou pe segonn bann amannman. Bon Onorab Georges nou kapab met bann amannman to a vote?

 

HON BERNARD GEORGES

Yes, Mr Chair. In fact, avan ki nou fer sa eski kestyon akoz mon pe ganny demann kestyon sou-seksyon 4 ki’n arive avek?

 

MR SPEAKER

Wi, se sa i reste eski son numbering i reste? AG kote seksyon 4.

 

HON BERNARD GEORGES

Zis 81(1) ki’n sanze? 81(1) in sanze.

 

MR SPEAKER

81(2)(3) in tonbe? AG.

 

THE ATTORNEY GENERAL FRANK ALLY

Yes, Sorry Mr Chairman. Mr Chairman in annan en nouvo 81A(1) ki Onorab Georges in fer de pti amannman ladan. In propoz de amannman.  Apre (2) i reste parey. Akoz li i komans son loperasyon e then (3) i reste apre i annan (4) i reste (5) i ale (6) i ale

 

HON BERNARD GEORGES

 E (7) ‘’notwithstanding.’’

 

THE ATTORNEY GENERAL FRANK ALLY

Zanmen in annan en (7).

 

HON BERNARD GEORGES

Me i annan e (7) propozisyon par Onorab Ferrari.

 

THE ATTORNEY GENERAL FRANK ALLY

Non. Nou pa war non.  Nothing in this section AHR –‘’ shall be construed as preventing an employer at any time from entering into negotiation,’’ this is the (5). The (5) me sa i ti en (5). Onorab Ferrari ti propoz li koman en subsection (5).  A new subsection (5) e sa new the new subsection (5) propose sanmenm sa ki nou dir in fini ganny taken par 81A(1) ki Onorab Ferrari in konfirmen ki

 

HON BERNARD GEORGES

Wi korek. What about 3 son lamannman to 3?

 

THE ATTORNEY GENERAL FRANK ALLY

Sa pa ankor ganny debat mon krwar. Mon krwar si nou konmans nou pran (1), e nou tonm dakor lo (1) then apre nou ava al lo lot.  Mersi.

 

HON BERNARD GEORGES

Dakor.

 

MR SPEAKER

Yes Onorab Georges.

 

HON BERNARD GEORGES

81A(1) se dapre propozisyon Onorab Sébastien Pillay avek sa de lamannman ki mon’n, sa de, sa trwa pti lamannman ki mon’n propoze ‘’the negotiation procedure lay-off, lay-off ek terminating the contract of employment of and not terminating a worker.’’

Avek sa bann lamannman Mr Chair ou kapab met si ou dakor sa propozisyon to the vote.

 

MR SPEAKER

Mersi Onorab Georges. E in ganny segonde par Onorab De Commarmond so nou pou met to a vot 81A(1) parey in ganny submit par Onorab Sébastien Pillay avek bann pti amannman ki Onorab Georges in fer. Tou Manm ki an faver?  Okenn Manm ki kont?  Madanm Deputy Clerk.  

 

MADAM DEPUTY CLERK

Mersi Mr Chair.  20 Manm in vot an faver e personn kont. Mersi.

 

MR SPEAKER

Mersi amannman in ganny pase.  Nou ava kontinyen Onorab Georges.       

 

HON BERNARD GEORGES

Mersi Mr Chair. Propozisyon ki panel in met devan e sa se the Amendment Act se ki sa seksyon (1) ki zot fek ki nou fek vot lo la pa pou apply pou en non-Seychellois worker. Donk zot ganny exempted;- setadir zot i kapab annan en determinasyon la e i pa pou bezwen ganny postpone ziska le 01 Zilyet si mon konpran byen.

        Onorab Ferrari in azout osi Seychellois worker ki pa’n ganny salary full salary support.   Setadir sa bann sa provizyon 81A(1) pa pou apply pou en dimoun ki pann ganny salary support.  As far as at least 39A is concerned mon krwar i bezwen reste me kekfwa pa in respect of 48 and 51.  Akoz nou pe Onorab lamannman Onorab Sebastien Pillay pe permet annan deza en negotiation procedure.

 

MR SPEAKER

Mersi Onorab Georges. Onorab Pillay.

 

HON SEBASTIEN PILLAY

Mersi Mr Chair. Atraver ou mon ti ava kontan ki Onorab Georges i defini what do you mean by full salary support? Savedir si mon’n demann R1milyon fodre mon ganny R1milyon? I pa pou apply pou mwan.  This is what you mean?

 

HON BERNARD GEORGES

Mon krwar full salary support i mean enn ant de Mr Chair e mon pa war okenn lezot.  Swa sa anplwaye ti pe ganny R15mil e i pa’n ganny nanryen, oubyen i ti pe ganny plis ki R30mil e in ganny zis R30mil.

Akoz? Akoz sa anplwayer i trouv li dan en sirkonstans kot i bezwen trouv larzan whether sa i dan son savings, e se pou sa rezon ki i pan ganny salary support   or not, i bezwen trouv sa larzan pou li pey son anploye.  Akoz i napa drwa anba Lalwa pou li suspend ziska le 30 Zen.

 

MR SPEAKER

Mersi Onorab. Onorab Pillay.

 

HON SEBASTIEN PILLAY

Mersi. Mr Chairman mwan mon le raise en issue avek sa mo full. Nou’n tann Minis   dir ek nou koumsa poudir menm bann dimoun dan Trade, dan bann biznes bann anplwayer in koz lo si zot ganny 80percent zot met 20 percent;- savedir they’re not getting full.

Zot pe konpran that they want be getting full,  in respect of the worker – ok. They are prepared to that.  So I think menm ler ou fer sa lamannman originally, you have to make it full salary support in respect of the worker.  Be eski sa is what the amendment ki Onorab Ferrari in fer?

 

HON BERNARD GEORGES

Mr Chair kekfwa en keksoz ki nou pa’n sezi kekfwa akoz mon pa’n eksplik li byen. E mwan apologize. Se ki sa provizyon i permissive only i pa oule dir ou ki tou bann anplwayer ki pan ganny full salary support pou zot anplwaye pou met sa anplwayer deor, oubyen pou reduce son saler, oubyen pou antre dan negotiation procedure.

I pa oule dir sa ditou. It’s permissive only.  I permet zot si anvi fer li, me i pa fors zot pou fer li. Se largiman ki toultan nou dir opposite anpes lavortman, i pa oule dir ki tou fanm ansent pou al avorte.  That’s the issue.  I permissive selman.

Si ou pa anvi servi sa provizyon, personn pa pou fors ou pou servi sa provizyon. I zis la pou bann dimoun ki santi kot zot bezwen fer li, akoz zot biznes pa pou kapab soutenir akoz zot pan ganny salary support.  That’s all it is.

 

MR SPEAKER

Mersi Onorab Georges.  Onorab Pillay.

 

HON SEBASTIEN PILLAY

Mersi Mr Chairman. Mr Chairman mon pa dakor avek sa analozi, akoz nou bezwen eklersi bann biznes ki zot menm zot in dir ou koumsa. Menm 80poursan zot pare pou aksepte.  Si mon’n donn ou 80poursan mon pa kapab les ou met ou travayer deor en ler i annan bonn koz.

Sa largiman mon pe sey fer ek zot. Mon pa pe dir ou mon konsyan pou dir nou pa pe dir pou dir demen tou dimoun pou ale pou fer sa.  I pa sa. Me  nou pa fer Lalwa pou sa, nou fer Lalwa pou sa enn ki pa pe fer. Be sa enn ki mon pa ganny en konpran, se ki konbyen fwa nou’n vwar lo rezo sosyal travayer Seselwa ki travay dan lotelri konplent sityasyon, kondisyon.  E la nou pou les sa bann menm nou riske pe les sa bann menm culprit ki fer sa bann travayer serten malis get away avek.

That’s my concern. Si nou kapab adres sa konsern mon napa problenm ek sa but that my concern. Mon le protez mon bann frer ek ser ki travay dan en domenn ki tro souvan ou tann zot pe dir ‘’HR pe fer mwan fer sa, lot pe fer mwan fer sa.’’ This is where I’ am trying to pitch my argument. Mon pa pe retard keksoz mwan. Mersi Mr Chair.

 

MR SPEAKER

Mersi Onorab Pillay. Onorab Ramkalawan.

 

HON WAVEL RAMKALAWAN

Mersi Mr Chairman. Mr Chairman mwan si mon’n konpran byen letan Minis Finans avek SS Payet in koze, zot in fer kler pou dir tou bann aplikasyon ki zot in aksepte zot in pey pou tou bann travayer.

Zot in donn the gross salary dan kont sa anplwayer, pou respekte zisteman Lalwa Lanplwa ki pou dir se ki anplwayer ki pey son travayer.  E dan sa gross salary pou zot nobou tir PIT, pou zot nobou pey Pension Fund e apre pou zot al kot zot avek the net.

E in fer kler ki pou dir it’s a gross salary e bann allowances ensidswit sa zot in laplipar sa bann allowances zot in met de kote. Par egzanp service charge ensidswit alor sa i kler.  Letan pe dir full zot in donn full pou tou bann lapey ki anba R30,000 se parski dan son Lalwa, dan son bann regilasyon ki’n mete in dir pou cap li at 30,000.

Savedir letan in cap li at 30,000,  letan ou al 30,000. 30,000 means full se sa ki i mean. E an plis ki sa avek sa bout 39 ki nou koz lo la kot ou pa kapab donn en rediksyon.

Savedir sa anplwayer ki’n ganny ki annan son travayer ki par lao 30 ki’n ganny 30 avek Gouvernman i pa ganny dwa koup saler son travayer ki ganny par lao 30;- savedir i bezwen donn li son full salary. Alor mon war kote problenm i vini akoz i napa bann zafer pey 80poursan. Oubyen pey soz.  Be annou mars lo sa ki i annan la se sa ki, me nou pe fer Lalwa pou en moman la sa Lalwa pou en moment in time.

Alor, e se pour sa rezon Mr Chairman, e la mon ava dir avek Onorab Pillay se pou sa rezon ki nou lo nou kote letan nou a pe siport travayer nou a pe dir avek Gouvernman sa larzan ki nou’n vote, donn zot full! Si ou pou avans li ziska 6mwan ankor donn zot full salary pa bezwen donn zot 80poursan, pa bezwen donn zot 25poursan nou tenir li lo full  –ok?  E mon krwar ki napa okenn problenm avek full akoz i kler.  La Onorab Pillay pe komans antre avek fraksyon avek poursantaz.  Non nou pe koz 100poursan. Mersi bokou Mr Chairman.           

 

MR SPEAKER

Mersi Onorab. Onorab Georges.

 

HON BERNARD GEORGES

Annefe Mr Chair mon’n pran sa moman letan ti annan sa lesanz pou mwan regard en kou sa  3.

Basically, sou-seksyon 3 pe dir ou la ki Onorab Pillay amann seksyon 81A(1) sou- seksyon 3 pe zis senpleman dir ki mannyer i ete la se ki i en non-Seychellois worker i pa bezwen esper le 01 Zilyet pou li ganny son notis li.

Si competent officer i dakor pou lay-off oubyen pou suspend, oubyen pou sanz son saler i kapab pran lefe imedyatman i pa bezwen esper le 01 Zilyet. Lamannman ki Onorab Ferrari pe propoze pe dir ki sa i devret ariv osi pou bann ki osi pou bann ganny full salary support me what is the practicality? I annan 6 semenn pou nou ale avan le 01 Zilyet napa en, e sa Mr Baker a dir mwan si mon annan tor oubyen non, eski i annan en posibilite ki en travayer Seselwa pou pas atraver redundancy oubyen negotiation procedure ki pou ganny repons avan le 01 Zilyet, kot nou ete la ozordi? Unlikely!  So, son sel lefe i pou retourn menm lefe ki nou ti regarde dan 39A ‘’reduction or suspension of salary’’ se tou.  Me anba 81 i pa parey anba 39A.  Anba 81 i pa parey anba 39A anba 81 i bezwen annan en negotiation procedure menm pou sa.

So, its ineffective ki nou pas li ki nou pa pas li sa lamannman Onorab Ferrari avek sou-seksyon 3 i window dressing. I pa pou annan gran lefe e tan donnen ki reste nou zis 42 zour avan ki nou pou ariv le 01 Zilyet. E pran 42 zour zis pou donn notis zis pou negotiation procedure anba Lalwa.  So, it’s ki nou met ki nou pa met li i pa pe avans gran keksoz.

 

MR SPEAKER

Mersi Onorab Georges. Bon eski, ariv moman pou nou propoz amannman eski nou pou pran (3), (4) avek nouvo (5) ansanm?

 

HON BERNARD GEORGES

Wi (3), (4) ek non nouvo (5) in tonbe nou pa pe move nouvo 5. 3), (4).

 

MR SPEAKER

Bon i annan en propozisyon pou nou pran amannman. Pou pran sa de sou-seksyon 3)e (4). Nou pa bezwen pran (4) – 4 i napa amannman avek (4).

 

HON BERNARD GEORGES

Napa amannman me selman nou bezwen vot pou sa ki Minis in propoze.

 

MR SPEAKER

Wi, ok bon i annan en propozisyon pou nou pran en vot lo sou-seksyon 3) avek (4).. 81A(3)(4).

 

HON BERNARD GEORGES

(2) (3)(4) Mr Chair.

 

MR SPEAKER

2)(3)(4). Okenn Manm ki segonde? Napa personn okenn Manm ki segonde?  Yes, Onorab Phillip Arissol.

 

HON PHILlIP ARISSOL

Mr Speaker mon segonde.

 

MR SPEAKER

Mersi Onorab Phillip Arissol. Amannman i ganny segonde nou ava put it to a vote nou pou vot lo sou-seksyon 2)(3)(4). Tou Manm ki annan faver? Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair 20 Manm in vot an faver e personn kont. Mersi.

 

MR SPEAKER

Mersi Madanm Deputy Clerk.  Savedir sa bann amannman in pase. Onorab Georges.

 

HON BERNARD GEORGES

I reste nou finalman Mr Chair dernyen propozisyon lamannman Onorab Pillay e sa se nouvo lamannman e i pe rod entrodwir en nouvo seksyon 51A.

E mon krwar si ou permet mwan capital A pa devret dan brackets. 51capital A kot i pe rod ler pou annan en aplikasyon pou lay-off oubyen fer redundant en travayer Seselwa sa pa pou posib si i annan en non Seselwa dan sa post ki li pa pe ganny met redundant oubyen lay-off.

 

MR SPEAKER

Mersi Onorab Georges. Bon mon krwar Onorab Pillay in eksplik rezondet deryer sa amannman okenn Manm i le fer komanter? Onorab Henrie.

 

HON GERVAIS HENRIE

Mersi Mr Chair. Lo sa propozisyon ki Onorab Pillay in anmennen. Mon ti le en klarifikasyon avek panel baze lo en deklarasyon ki Minis in fer bomaten dan son summing-up e ki en pwen ki’n osi sorti dan sa meeting yer kort STC.

Kot serten biznes zot ti pe met devan Gouvernman pou permet zot bann travayer ki lo GOP, swa i kapab al dan en lot biznes en keksoz koumsa.

 So, mon anvi konnen ki Gouvernman in deside vizavi sa dan summing-up nou pan ganny dir ki Gouvernman pe mazin fer vizavi sa propozisyon. Parske mon krwar i kapab annan en lenterferans avek, afekte sa Clause ki Onorab Pillay pe sey anmennen.

Parski si dizon en dimoun i lay-off en Seselwa li me solman apre i pran en lot biznes etranze i anvoy dan sa pozisyon kot sa Seselwa ti ete. So, mon ti le en leksplikasyon lo la?  Mersi.

 

MR SPEAKER

Mersi Onorab Henrie. Onorab Pillay.

 

HON SEBASTIEN PILLAY

Mersi Mr Chair. In addition to sa Onorab in dir, baze sa ki mon’n tande i   annan lenstans osi tou en dimoun i kapab annan plis ki en konpannyen e bouz son bann travayer etranze across sa bann lakonpannyen. Be bann travayer Seselwa zot oblize exit at the back head.  E sa i fer ki toultan ler sa louvraz i vin free, sa pos i vin free se en travayer etranze ki antre ladan zisteman akoz Lanplwa pa pe allowed GOP pou antre dan pei.

Sa ki mon pe sey dir la so ki annan try tou control this e anpes sa.  Mon pa mind si nou met serten safeguard la ki a bezwen annan serten aplikasyon ki ganny fer ek Lanplwa, me esansyelman mesaz ki nou pe bezwen lanse sirtou mon pa kanmi pou dir sa sirtou dan domenn lotelri, avek serten lotel ki krwar ki ler Seselwa i anploye la ba ou kapab pran Seselwa bouz dan diferan fason mon pa pe target personn me i annan landrwa.

Nou annan dan domenn lotelri bann dimoun ki fer byen. Mon kontan tann serten dimoun parey Mr Payet Baie Ste Anne mannyer i pe fer kot i pe tret son travayer, me i pe allow Seselwa vin son lotel a en pli bon pri. Nou annan bann bon dimoun.  Mon pa pe dir tou dimoun i pa bon, me dan lenstans tans kot ou annan sa bann rotten apples ou bezwen annan en proteksyon ou bezwen annan en provizyon. Mersi Mr Chairman.

 

MR SPEAKER

Mersi Onorab Pillay. Onorab Ramkalawan.

 

HON WAVEL RAMKALAWAN

Mr chairman mon pe regard sa lamannman e konmsi mon war li en mon pa konnen ki mannyer sa i ale avek bann prensip ILO.

Parski konmsi mon pe war en diskriminasyon for ant etranze avek Seselwa. Mon konpran mwan ki pou dir o fet nou devret pe donn Seselwa priyorite travay.  Me selman nou bezwen realize  ki poudir si sa etranze i dan nou pei ozordi se parski sa dimoun in pas dan bann prosedir normal li. In pas dan tou prosedir normal e Minister Lanplwa avek Imigrasyon in donn li en GOP.  E se sa GOP ki permet li pou li dan nou pei legalman.

Aprezan mon a pe dir tou sa la pou nou reflesir lo la. Ok mon pa pe pran en pozisyon ferm, mon anvi ki nou reflesir lo la pou nou kapab ganny li byen. Aprezan letan sa dimoun i dan nou pei legalman Konstitisyon the right to work i aplik egalman pou li koman en etranze parey pou en Seselwa.

Si nou pe fer en diskriminasyon parey, eski nou pa pe al en pe kont sa prensip the right to work?  E ki ofet aprezan i annan en keksoz ki pe ganny enpoze lo sa anplwayer. Pou ki sa anplwayer li i pe ganny enpoze pou dir avek li, ou bezwen swazir sa enn, ou pa ganny drwa swazir sa lot. Mon rapel letan nou ti pas Lalwa an relasyon avek lapey. Lekel ki pa pou pey PIT e lekel ki pou pey PIT ti komanse.

E ti dir tou etranze zot pou peye PIT, tandis ke Seselwa ki ganny menm lapey pa pou peye.  Me apre sa mon ti tann e la mon a ganny leklersisman apre sa mon ti aprann ki ti bezwen go back lo la. Parske ti a pe dir ki si en Seselwa en travayer pa peye ou pa kapab fer distenksyon ant en travayer etranze avek  en travayer Seselwa.  E ou bezwen pey PIT pou tou le de non, non ou bezwen pa peye si enn pa peye lot osi tou pa pou peye.

Donk mon ti ava kontan konnen si sa i pa pou tonm dan sa kategori?  Me an plis ki sa so mon ti ava kontan ganny en pe leklersisman pou nou nobou sot sa hurdle ki la. Me pli enportan ankor mwan mon war ki sa lamannman konmsi nou’n sorti lo 39A nou’n sorti lo 51, nou’n sorti lo 81.  La nou pe sot lo 51. E personnelman mon pa war ki 51 i annan pou fer avek sa lamannman avek ki son original amendment.

Pou son bann object and reasons of sa Bill ki devan nou. Wi Onorab Georges in dir ki nou kapab letan ki nou pe fer sa nou kapab al lo nenport ki bout Lalwa mon konpran sa.

Me selman eski i annan okenn urgency avek sa? Mon pa war okenn urgency. Eski sa dan li menm li i pa en topik konversasyon ki nou bezwen reflesir plis ankor lo la?

E mwan mon tant pou dir annou pa taye avek sa bout, pa taye avek sa bout annou reflesir en pe pli lo la. Parski mesaz ki sa i anvoye, se ki konmsi nou Sesel nou fini pare nou e nou pa bezwen okenn etranze.

Nou bezwen etranze.  E nou pou bezwen etranze pandan en pe plis letan e annou les sa ek sa anplwayer pou li fer son desizyon. E an plis ki sa mon sa ki mon war letan mon koz avek tou bann anplwayer i dir i ti a kontan ganny en Seselwa parski en travayer Seselwa i bokou i kout li bokou mwens ki en travayer etranze.

En travayer etranze i bezwen pey lakaz, i bezwen fer en kantite depans which is true, tandis ki en travayer Seselwa en boug i fini travay i al se li. Ou pa ni bezwen pey son lakaz parski li ki pey son lakaz baze lo son lapey.

Mwan Mr Speaker mon pe met tou sa bann pwen devan, pou nou reflesir. Mwan mon ti pou kontan si tou Seselwa ti ganny en plas travay. Si tou Seselwa ti a pe travay.  E o fet nou’n menm anmenn serten Mosyon par egzanp letan nou ti anmenn Mosyon an relasyon avek bann madanm dan travay.

Onorab Larue ki ti anmenn sa Mosyon kot nou ti dir bann travayer madanm Seselwa. Ok mon kontan mon’n ganny korize se Onorab Jany Letourdie. Wi Mersi bokou. Onorab Jany ki ti anmenn sa Mosyon pou dir ki bann madanm Seselwa travayer dan Lotel fer zot travay lizour olye aswar pou zot kapab pran swen.

So tou sa la se bann refleksyon ki nou’n fer e nou konnen osi pou dir la pou le moman akoz i annan bokou landrwa zisteman, ki pe plito pran desizyon vizavi zot bann travayer etranze;- kekfwa i annan ki’n fini fer ale, i annan ki pe met zot bann travayer etranze dan lotel ki pou dir i annan dimoun ki ti pe ganny en income Seselwa, ki ti pe ganny en rental income ki sa in koupe.

Alor Mr Chairman mwan mon ti ava kontan antann bokou plis refleksyon lo la parske ki mon krwar i annan sa lamannman ki Onorab Pillay pe mete i annan bokou lenplikasyon.  Lenplikasyon pou travayer Seselwa, lenplikasyon pou lefikasite biznes;- lenplikasyon dan diferan fason.

E mon pa war i annan en eleman urgency ladan.  Mon pa war ki pou dir i annan tou sa bann lezot keksoz parski mazinen Mr Chairman dan seksyon 81A (3) nou’n deza dir ki poudir pou en etranze prosedir pa aplike.  Ok? Bann prosedir sa sispansyon nou’n koz lo la i pa aplike pou en travayer etranze. Alor eski zot ava dakor petet nou devret reflesir lo la en pe plis?

Mwan espere ki mon pa ganny dir mon pe siport travayer Seselwa.  mMn pe senpleman dir annou annan en refleksyon, ki bokou pli o;- en refleksyon ki apre vi ki nou’n  eksprim nou  ava kapab tonm lo en konklizyon ki rezonnab.  En konklizyon ki pa kont nou Konstitisyon, en rezonnab ki  fer ki etranze ki vin koman en migrant worker – e la nou pe koz the rights of the migrant worker i ganny proteze lo nou later Seselwa, egzakteman dan menm fason ki letan seselwa pe travay a aletranze, nou eksepte pou dir ki their rights are respected.

Se sa ki mon pe met ater e mon avi ki nou mazin lo la e mon konnen pou dir ki’n ariv pres 8er me selman nou bezwen fer refleksyon lo la.  Mersi bokou Mr Chairman.

 

MR SPEAKER

Mersi Onorab. Onorab Pillay en moman an vi ki ou ki’n move sa amannman mon ava donn ou sans pou ou reply apre. Mon annan ankor 3 Manm ki anvi entervenir lo la ok? Onorab Johan Loze.

 

HON JOHAN LOZE   

Mersi Mr Speaker. Mr Speaker mon’n tann Onorab Ramkalawan evok right to work dan son lentervansyon.  Mon pe seek en leklersisman avek panel. Letan mon ti pe fer resers pou mwan pou lamannman ki mon’n table pli boner mon ti baz li otour lartik 35 Konstitisyon mwan osi. The right to work.

E lartik 35 i kler li the state recognizes the right of every citizen to work. Citizens.  I pe koz ou lo sitwayen Seselwa.  Se sa ki lartik 35 Konstitisyon Sesel i dir.  E se sa ki mon ti mete pli boner mwan osi letan mon ti table sa de lamannman ki mon’n anvoye.

Prezan mon ti a kontan en leklersisman si citizen i vedir Seselwa, migrant workers, ou swa foreigners?  Akoz nou bezwen annan en keksoz kler dan sa sityasyon abnormal konpletman abnormal ki nou ladan.

Swa nou protez nou frer ek ser Seselwa, ouswa nou abdicate konpletman from sa rol protez nou frer e ser Seselwa.  Mersi Mr Speaker.

 

MR SPEAKER

Mersi Onorab Loze. Onorab Waven William.

 

HON WAVEN WILLIAM

Mersi Mr Chairman. Mr Chairman mwan mon ti ava kontan ki i anyway. Mon krwar ki sa pwen ki Leader Lopozisyon in leve i vreman mon kapab dir demann refleksyon.

An menm tan mon ti ava kontan konn pwennvi panel lo la. Par lefe ki ler nou regard devlopman Sesel e la rantre bann travayer etranze akoz ti annan sa nesesite pou nou ariv dan sa sirkonstans.

E an menm tan mon pa konnen eski bann lakor ki nou’n sinyen la mon pe tenir kont Lakor WTO ki nou’n enter. I annan bann lezot Lakor ki nou’n antre avek dan bann jurisdiction parey SADC ensidswit.

Me mon ti a kontan en pe lesplikasyon akoz si mon konpran byen ki sa bann Lakor zot pe dir, e ler  mwan mon pe regard sa lamannman la ki pe ganny propoze, mon ti a kontan ki panel zot donn zot pwennvi lo la. Akoz krwar i en pwen enteresan. Me an rekonesan ki nou dan en sityasyon force majeure eski demen letan sityasyon in amelyore eski sa kalite lamannman pa pou anpes ouswa anmar lanmen sekter prive?  Mersi.

 

MR SPEAKER

Mersi Onorab. Onorab De Commarmond.

 

HON CHARLES DE COMMARMOND

Mersi Mr Speaker. Mr Speaker sa lamannman i senp pa ni konplike nanryen.  E mwan mon krwar sa lamannman letan mon get li pe en kor bann santiman. Zisteman bomaten ler nou ti pe diskit ler ti pe reponn sa PNQ   bann santiman ki bann Manm ti pe anmennen.

E anfen kont sa i santiman osi bokou Seselwa. E ki sa propozisyon lamannman pe dir?  I senp parey mon’n dir se ki i pe dir ler i annan de travayer ki pe fer menm louvraz;- enn sa travayer i en Seselwa e lot i en travayer etranze si ou pou konsider si sa landrwa travay pou konsider pous zot or lay-off or redundancy parey in dir si ou pe konsider met enn ater, konsider met sa etranze. Konsider pous sa etranze kit sa Seselwa.  Sa ki i pe dir.

Ou balans ou – ou balanse ou, tou le de i menm parey akfer konmsi ou bezwen kit sa etranze met sa Seselwa ater? Nou pe dir konsider kit sa Seselwa.  Sa ki sa lamannman i pe dir se tou pa plis ki sa.  Mersi.

 

MR SPEAKER

Mersi Onorab De Commarmond. Mon ava donn la parol mover lamannman Onorab Sebastien Pillay.

 

HON SEBASTIEN PILLAY

Mersi Mr Chairman. Mr Chairman premyerman mon le fer en disclosure ki sa i pa en lamannman sorti kot panel i pa en lamannman ki Gouvernman in deside anmennen, me i en lamannman ki mwan mon’n pran linisyativ pou anmennen pou de rezon prensipal.

Premyerman pou premye prensipal ki mon’n swazir pou anmenn sa lamannman se akoz seksyon 51. Now ler ou pou al annan sa ki pou arive la ki nou pe al les arive seksyon 51 i vin an zwe.

E sa ki fer son urgency akoz ki seksyon 51 i vin an zwe prezan ou bezwen prezan rod en fason pou ou regard seksyon 51.  What does it tell you? Seksyon 51 i efektivman koz ek ou, ou pe al fer bann prosedir ou pe al fer lay-off, ou pe al fer redundancy, ou pe al fer termination sa ki seksyon 51 i dir ou.  E prezan sa seksyon i pa dir ou lekel ki fer sa termination. Nou dan en peryod COVID-19.

Nou tou ki la anndan bomaten ler in vin lo deba lo Air Seychelles kestyon ki nou’n dir ek Air Seychelles, se akoz pa en Seselwa ki pe monte dan sa bann landrwa travay? Efektivman nou pe dir pou dir sa bann plas i devret vin pou Seselwa. Nou’n koz lo bann mannyer ti apel sa?  Succession plan, understudy. These are all things ki nou menm nou nou’n dir.  In ariv en letan kot nou bezwen nou pran en desizyon e basically dir be ok given sityasyon nou bezwen komans pran serten aksyon.

Serten aksyon e nou pa kapab kontinyen koze.  Pou reponn Onorab William. Bomaten Onorab William menm e mon’n tann li plizyer fwa koz lo valoriz nou Seselwa. La i dir mwan nou bezwen regard WTO, nou bezwen regard bann lezot Lalwa. sS lamannman i pa pe afekte Lalwa WTO akoz WTO i koz lo movement of natural persons right?

Sa bann dimoun i kapab antre dan nou pei nou pa met restriksyon lo zot antre zis parey zot pa met restriksyon lo nou dimoun. Nou pa pe met okenn lezot restriksyon sel keksoz ki nou pe dir e ki mwan mon pare pou nou dir dan plas nou dir lay-off nou dir negotiation procedure.

Mon pare mwan;- mon pare pou nou sa. Me sel keksoz ki nou pe dir se ki, si ou annou dan en landrwa travay en Seselwa e en etranze ki fer menm louvraz, performans i parey akoz ou pou swazir pou met sa Seselwa deor e gard sa etranze?

This is my argument ok? Akoz still ou pou bezwen pey enn ant le de. Mon largiman ki mon pe avans e ki mon pe met devan Minister Departman Lanplwa, se ki an nou konsidere pou dir ki avan ki ou met deor sa Seselwa ou’n bezwen entame osi prosedir pou met sa etranze deor.  Akoz petet ou pa bezwen tou lede. Now mon konpran ki anplwayer pou dir mwan i pou dir mwan pou dir i annan bokou dimoun ki pou dir mwan ki Seselwa pa serye. Mon pa pou dakor ek sa ditou mwan. Mwan mon serye mwan. Akoz mon’n leve depi 6er bomaten mon’n anmenn mon zanfan lekol.

Mon’n fini mon ankor la Lasanble.  E nou tou ki la nou serye akoz nou ankor la 7.45 nou. Sa largiman Seselwa pa serye fodre nou aret servi. Rezon mon servi sa Mr Speaker se sa largiman ki ou tande.

So, i  annan en keksoz enportan ki nou bezwen analize. Mon pa konnen si bann ki pe koze la ba deryer apre ki zot in fer zot ta komanter lo ki mannyer Sesel pou Seselwa, valoriz Seselwa. Non nou bezwen dir sa Mr Speaker, nou bezwen dir. Akoz ler in ariv ler pou nou pran en desizyon nou pa kapab pran.

Mon krwar zot bezwen ekout sa ki zot Leader i dir zot akoz i paret mwan zot bezwen sanze zot pozisyon.  Zot bezwen war en lot pozisyon akoz la kestyon i devan zot dan Lasanble la. E i devan nou pou nou pran enn desizyon lo la.

So, mon krwar mon’n reponn sa e finalman the last point regarding konstitisyon Mr Speaker. Konstitisyon efektivman i garanti drwa en sitwayen Seselwa.  Me sa ki mon pe fer mon pa pe discriminate ant en Seselwa ek an etranze mwan.  Mon pa pe dir ou pa pran en etranz epou en louvraz. Mon pa’n dir ou sa mwan.

Mon’n dir ou dan sa moman la ki nou pa oule ou fer pa swazir pou met enn mon frer ek mon ser deor dan son lanplwa pou ou gard en etranze. Se tou ki mon pe dir prezan si nou le sa koman permanan e i en Clause ki vin permanan from now on si en travayer pou engage en negotiation process nou kapab fer li vin permanan, me nou pou bezwen safeguard.

En safeguard ki dir si sa Seselwa pa’n performen ou pa kapab anmar lanmen en travayer. Mon konpran sa, mon konpran.  Me pa dan en letan kritik kot nou konnen ki enn nou frer nou ser i kapab tonm dan en by the wayside.

Nou pa rod en fason poi nou protez li.  Mon pe sey rod en fason pou protez li Mr Speaker. I pa mon lentansyon pou kree polemic or anything like that. Mon pe rod fason protez en dimoun. Mersi.           

 

MR SPEAKER

Mersi Onorab Pillay. Bon panel i le fer en komanter. AG ou le fer komanter? Ok AG.      

 

THE ATTORNEY GENERAL FRANK ALLY

Mersi Mr Chairman. Mr Chairman mon krwar parey Onorab Pillay in dir sa drwa ki anba konstitisyon i en right to work for the citizen of Seychelles. Nou pou fer sa diferans letan nou koz lo bann civil e political right. Nou koz lo every person.  So whether you are Seychellois whether you are, so long as you’re in Seychelles you enjoy the right. But when we talk about the socio-economic right they are reserved to the Seychellois – to the citizens.

E an plis ki sa i parey si zot rapel bann largiman ki ti ganny fer, it’s more or less the state undertakes to recognize that right. So, the state undertakes to recognize e donn nou bann fair conditions of work. E mon krwar Minis dan son prezantasyon i ti dir ki sa Lalwa ler i ti anmennen, i dir sa i pe protez i pe protez i pe rekonnet bann fair conditions of work ki en Seselwa i bezwen.

E si nou rapel nou fek fer en diskriminasyon ler nou’n   ler nou’n diskit sa Lalwa, si nou pou koz en diskriminasyon. Dan subsection dan enn sa bann sou-seksyon nou’n dir i pa apply pou en non-Seychellois. Ou kapab fer en non-Seychellois redundant demen tanto, me ou pa kapab fer en Seselwa.

E nou ti annan en diskisyon nou de Onorab Georges avan nou ti pe gete eski there is a right for an employer? Eski sa i afekte bann ILO bann Konvansyon oubyen Konstitisyon?  Nou pa’n war. Me nou pa trans en keksoz se Lakour. So si en dimoun i  aggrieved i ava al Constitutional Court.

Me selman ler ou get li on the face of it, nou pa war en kontravansyon Konstitisyon. E en keksoz ki again i kler, nou bezwen konpran poudir  en etranze ler i Sesel parey Onorab Ramkalawan in dir wi, nou garanti li i dwatet annan menm kondisyon travay ki en Seselwa anba Employment Act.  I dir sa kler. Black and White.  I napa en drwa travay Sesel napa en etranze ki napa en drwa travay Sesel.

Ler i Sesel i ganny fer condition of work.  Otherwise to Endyen Chennai, i pou kapab dir ek ou i annan en drwa vin travay Sesel. Non, i napa drwa pou vin travay Sesel.  Ler i ganny en GOP wi i a travay. Ler son GOP i fini i ava ale. Me en Seselwa li i annan e drwa pou li travay Sesel, akoz Sesel i son pei.  Mersi Mr Chair.

 

MR SPEAKER

Mersi AG.  Onorab ou le fer en komanter.

 

HON CHARLES DE COMMARMOND

Wi, mon ti le zis segonn sa bann lamannman.

 

MR SPEAKER

En moman. En moman. Yes, Onorab Ramkalawan.

 

HON WAVEL RAMKALAWAN

Mr Chairman mwan mon napa sa bann problenm mwan. Selman sa ki’n fek eksplike la ki Onorab Loze in dir mon trouv li enteresan. Ki pou dir sa menm fraz letan mon regard lartik 35 the right to shelter i dir, the states recognize the right of every citizens me selman apre;- to adequate shelter ensidswit, tousala.

Me parey ki nou war nou war Minister Lanplwa menm ki pe vizit bann landrwa kot bann travayer etranze i reste. Pe met pe dir fodre met tiles ziska dan plafon ensidswit, fodre i annan 4 sakenn i annan son lasanm, fodre pa i soz ensidswit e avan ki zot donn sa dimoun sa kontrakter oubyen sa lot sa posibilite pou les sa dimoun travay.

So, se sa ki mon pe dir ki sa the right konmsi i annan moman ki letan i satisfer nou dir sa Seselwa ki annan right sa etranze napa right. Me selman lezot sirkonstans nou pe balans, me solman mon krwar ki lefe ki dan sa propozisyon. Ok, in mete pou dir ki fodre ki in pas atraver sa negosyasyon ensidswit.

E wi letan nou a pe dir understudy, se parski ki nou anvi ki sa plas travay i ganny pran par en Seselwa dan en fason ki fair, dan en fason ki normal e not dan en fason ki unjust.  So mon napa problenm me solman mon krwar ki pou dir en tel lamannman i devret annan en pe plis refleksyon. Mersi bokou.

 

MR SPEAKER

Mersi Onorab Ramkalawan. Onorab Commarmond.

 

HON CHARLES DE COMMARMOND

Mr Chair mon ti le zis segonn  sa bann sa lamannman ki devan nou la. Mersi.

 

MR SPEAKER

Bon ariv moman pou nou met sa lamannman. Onorab Georges oule fer komanter avan. Oule yes ok? Akoz mon napa okenn Manm ki pe entervenir ankor so nou pe move for a vote.

 

HON BERNARD GEORGES

Mr Chair 8er i pre. E an mezir ki mon pe ekout sa konversasyon lo sa propozisyon, mon pe demann mon lekor ou plito les mwan demann Lasanble at least mon a ganny en sans ganny en repons, si annefe olye fer sa vin en standalone seksyon 51 A i pa devret antre dan 51 e Onorab Pillay mon konpran son lespri, ki la nou pe al koz lo redundancy, alor se pou sa rezon ki in focus lo la.

Eski i pa devret antre da 51 ki koz lo redundancy of workers?  E i pa vin enn bann kondisyon en pti pe parey nou ti vwar taler si zot mazin byen, lo deferment of wages ki ou pa pou servi selman konsantman anplwayer e anplwaye pou ou competent officer allow en reduction of wages oubyen en suspension.  Eski nou pa devret servi menm lespri?

E olye anmenn 51A fer li vin en kondisyon 51 ki lo competent officer met sa lo competent officer – competent officer pa pou allow en redundancy of a Seychellois worker, unless ki in regard sa sityasyon sa lanplwa e in konsider ban non-Seychellois workers ki dan sa lantrepriz.  Si zot konpran mwan byen. Se ki i bezwen fer.

Mon sir ki in any event se sa ki arive, ler i annan en aplikasyon pou en redundancy. Me pou fer li kler e pou montre ki otan ki posib proteksyon i devret ‘’charity should begin at home’’ si i pa devret antre dan 51 koman en kondisyon ki sa competent officer pou pran sa konsiderasyon ler i pe egzamin en laplikasyon pou fer en Seychellois worker redundant.

 Mon ti a prefere personnelman vwar li antre la.  Akoz ki lamannman ki mannyer i ganny propoze i donn mwan enn ou de konsern.

Enn se, similar post. Onorab Pillay pan servi identical post.  I pa’n dir si ou annan en Sekirite Seselwa e en Sekirite etranze fodre ou donn priyorite sa Seselwa in dir ou similar post.  Donk si i annan en mon pa konnen me mwan en sekirite etranze ek dizon en zardinyen Seselwa ou ti a kapab eski ou ti a kapab dir eski ou ti a kapab dir this is similar alor annou reskill enn en pti pe parey in demande. Kote nou pou draw the line? E sa i poz mwan en premye problenm.

E dezyenmman 8er mwen enn Mr Chair ou a eskiz mwan si mon’n bliy mon dezyenm pwen, me i annan en lot i annan en lot landrwa kot mon annan en pti pe difikilte.

Eski pa ti ava pli byen pli soup e pli onnet dan serten fason pou met sa lo competent officer. E dir ler competent officer i arive fer son desizyon enn bann keksoz ki i pou pran an konsiderasyon se bann non-Seychellois employees dan similar positions. That’s my mon personnelman mon ti a prefere war li la. Mersi Mr Chair.

 

MR SPEAKER

Mersi Onorab Georges. Onorab Pillay.

 

HON SEBASTIEN PILLAY

Mersi Mr Chairman, Mr Chairman. Vre i tar, mon, mon napa problenm si nou oule servi identical post, me selman ki mon problenm mwan se akoz mon lamannman i pa lyez zis avek redundancy lyez avek lay-off.  Prezan nou bezwen fer en koreksyon redundancy i pa about performance i li i about redundancy.  I redundant to have that employee la. Ou nepli bezwen li.  Be si i redundant to have that employee, la akoz ou redundant sa Seselwa me ou pa pou redundant sa etranze?  This has always been a point of contention pou mwan.

Be prezan pou servi largiman Onorab Georges pou pli onnet ok?  How honest is it ki ou annan serten sekter, seselwa i apply pou serten louvraz, i fer forse 2 mwan li, and then i bezwen arete zot bann kondisyon pa parey.  Everything ki Lasanble in koz lo la depi ler nou’n antre, e mon pa pe fer li dan en fason drastik, mwan, mon pa pe fer li dan en fason zenofobik nanryen mwan. Mon pa pe anpes sa dimoun pran son travayer mwan.  What I’m saying se ki mon pe antisipe avek sa sityasyon ki la si ou pou met en boug deor, ou annan 2 dimoun identical security guard, security guard, pa met sa Seselwa deor ou a fer prosedir ek sa etranze.

Me si Lasanble i santi poudir i bezwen annan en safeguard – en safeguard kot it’s about performance but then again it’s not about performance, that falls into another category.  You will appraise a Seychellois e dir li based on your appraisal mon pa pou kapab gard ou, ou’n fail ou appraisal.  I ava annan en grievance process sa Seselwa i ava ale e i pou perdi son grievance process. No Tribunal in their right mind pou dir be ou devret gard sa boug kan i en boug ki’n vol ou, ki’n fer isi, ki’n fer laba ek ou, ou konpran?

So mwan, mon oule met sa dan Lasanble.  Toultan nou koz lo  travayer Seselwa isi, laba, eksetera.  This is an opportunity there are only 2 ways I will accept my amendment going out Mr Chairman, either Lasanble i aprouv li, or Lasanble pa aprouve.

 

MR SPEAKER

Mersi Onorab Pillay.  Onorab Georges.

 

HON BERNARD GEORGES

Onorab Pillay in fer mon mazin sa dezyenm kestyon Mr Chair and this is exactly it.  I bezwen annan en baz egalite.  Nou bezwen kapab dir somewhere in there everything equal, because if everything else is not equal. Ou pa kapab avek tou respe ki nou annan pou travayer seselwa, ou pa kapab akoz i ‘’shall’’ sa en, napa diskresyon, Competent officer i bezwen protez sa seselwa si i annan 2 ki parey menm si sa Seselwa i defayan, ou i mwens prodiktiv ki sa etranze ou war?  That’s sa ti mon dezyenm konsern.

Akoz mannyer i ete la competent officer i bezwen protez sa Seselwa akoz i Seselwa.  E avek tou respe ki nou annan e avek tou proteksyon ki nou anvi donn nou travayer Seselwa, e mon konpran direksyon kote Onorab Pillay pe ale, mannyer sa in ganny drafte i les posibilite labi.  I les en eleman zenofobi antre ladan.  Akoz ou pou bezwen dir akoz sa boug i mon dimoun mon pe  protez li anba Lalwa kont en lot ki dan en similar me akoz li i etranze.  I’m ringing a bell.  Mon napa okenn problenm avek sa lamannman but I think it can be better done e mon krwar i ti a ganny pli byen fer en lot zour dan en lot konteks ler i pa 8. 03, a lafen en long lazournen. Mersi.

 

MR SPEAKER

Mersi Onorab Georges. Onorab Pillay ou anvi move ki nou pran en vot lo la? Oubyen i annan posibilite ki ou fer amannman similar, oule sanz similar?

 

HON SEBASTIEN PILLAY

Yes, Mr Chairman, Mr Chairman, mwan mon pare pou mon sanz similar e met identical.  Mon menm pare pou azout en (c), si nou oule met en safeguard ‘’all things being equal’’ eksetera. Me selman nou bezwen konpran nou pa pe koz fer en boug terminate son employment lo baz son performans la. Nou pe koz redundancy.  E koriz mwan si mon, mal panel redundancy i not about performance.  Lay-offs is not about performance sa travayer.

So, sa bann kondisyon pou ganny taken up dan performans sa travayer.  Pa akoz sa boug i ou boug.  Rezon akoz ou pe dir sa boug i ou boug, i akoz ler ou’n fer li train koman sorti Shannon College, ou’n anmenn li isi par egzanp, mon pou target sa domenn, les li kantmenm zot pa a kontan mon napa problenm.  In fer li vin Shannon College oule fer li vin en Manager les li vin dan, donn li en sans vin en Manager e in ariv en Manager la, akoz li ki pou ale nou pou gard sa enn i sorti Ukraine, ki sorti mon pa konnen Belarus ki pou sorti anywhere America, whatever.

All I’m saying is Lasanble for once, for once mon pa pe fer politik ouswa polemic la mwan, for once let’s stand up pou seselwa dan sa moman difisil.  Si nou oule retournen tir sa lamannman nou tire apre. I don’t care, I don’t mind me selman pou le moman la, we all know what’s going to happen. Wi Onorab, mon serye akoz mon’n anmenn sa lamannman.  Non be rezon mon pe dir sa se akoz si nou santi zenofobik, Mr Speaker sorry mon pe angaz en Onorab ki pe koze, mon a get back to the point.

 

MR SPEAKER

Onorab pa reponn bann interjections, al direk e si ou annan en propozisyon pou fer, so that we can move for a vote.

 

HON SEBASTIEN PILLAY

Mon pe move mon lamannman and mon ava les Lasanble decide.  I’m in the hands of the House Mr Chairman.  Mersi.

 

MR SPEAKER

Bon, i annan propozisyon pou move amannman, ou’n fer en lot pti amannman pou redwir ‘’similar’’ ok.  Ale Onorab Pillay.

 

HON SEBASTIEN PILLAY

Mersi Mr Chairman, mon lamannman to the law would read like this;-‘’ an employer shall not be allowed to temporarily lay-off’’ mon krwar i bezwen annan en hyphen la, or make redundant a Seychellois worker, if the employer is employing  a non-Seychellois worker in an identical post, as a Seychellois worker, and has not initiated negotiation procedure to temporarily lay-off  or make redundant as the case may be, the non-Seychellois worker.  The negotiation procedure, yes met en ‘’the’’ avan ‘’negotiation procedure.’’ Mersi.

 

MR SPEAKER

Bon, zis en pti moman ti annan en query ki Onorab Henrie ti leve, ou’n reponn mon krwar sa query, non, ou’n touse sa query?

 

HON SEBASTIEN PILLAY

Mon’n reponn sa query, me selman i ti oule panel reponn sa query.

 

MR SPEAKER

Dakor.  PS.

 

PS JULES BAKER

Thank you Mr Chair. Mon ti pe les sa deba fini ganny exhaust, avan mon adres sa query ki’n ganny leve par Onorab Henrie, akoz sa i 2 totalman diferan issue.  Nou ti pe adres en issue.

Wi, mon pe dir ki sa sizesyon in ganny mete dan sa 3 seri meeting ki nou’n fer resanman, e sa i sorti kot bann anplwayer ki pe demann Gouvernman pou allow bann anplwayer ki annan plizyer biznes, ouswa plizyer konponan biznes pou zot kapab posibilite pou bouz zot bann travayer etranze dan bann lezot post ki available dan zot biznes ozordi.

Dezyenm propozisyon se ki dan ka kot zot nepli anvi, ouswa kot zot nepli kapab anploy sa travayer etranze, pou permet zot transfer sa travayer etranze avek en lot zot counterpart dan biznes. Ouswa en lot anplwayer allow sa travayer etranze pou reste dan pei.  Now, kestyon ki bezwen ganny klarifye se ki pou nou annan en GOP.

Ou bezwen annan en pozisyon e sa pozisyon i bezwen ganny donnen par Minister lanplwa dabor apre i al fer sa bann prosesis kot Imigrasyon.  Minis i a koriz mwan, en GOP i pa transferable, so si ou pe fer renewal en GOP ou kapab reste dan pei, me si ou pe sanz anplwayer ou pou bezwen kit pei ale, e retournen.

Zot largiman se ki lefe i reste ki napa avyon pou fer zot kit pei, donn zot permisyon pou zot kapab travay avek en lot anplwayer.  Nou sityasyon ki nou ladan se ki nou bezwen evalye pou annan en Polisi. Nou pa anvi ouver en laport demen bomaten kot nou war travayer etranze nenk i sanz anplwayer round and round.

Apre nou ganny nou bann seselwa ki nou sipoze pe siport zot, pou zot kapab ganny en travay nou ganny difikilte.  So nou bezwen pran en desizyon ki balanse, annan bann kriter ki bezwen ganny byen etabli, Onorab avan ler ki nou bouz seryezman lo sa Polisi.  Par egzanp in fer resorti taler. Bann post ki highly specialized par egzanp, kot nou konnen poudir nou napa seselwa ki kalifye, e nou konnen poudir nou pou bezwen sa bann travayer etranze. E nou pou bezwen kontinyelman fer pei marse, sa i pou enn bann kriter.  Be nou pa kapab afford zis pou dir akoz napa en avyon pou ou sorti pou ou kit pei ozordi.

Se ki nou pou bezwen annan en Polisi ki deswit nou pou allow tou bann travayer freedom ,pou zot bouze pou vin kot nou. Nou riske annan en gro problenm.  So Gouvernman pe evalye sa, pou get bann konsiderasyon and then. Sorry in fact nou ti pe dir poudir si pou annan okenn konsiderasyon, i pou bezwen pran en konsiderasyon pou en peryod letan ziska ler nou kapab dir be ok la tou keksoz in vin equal, nou kapab gete what’s next.

Me solman nou pa anvi en sityasyon i arive kot nou annan bann travayer etranze ki become stranded here. So, sa ankor nou pou vin lo la tre byento, nou a pronons nou lekor so nou bezwen fer sir protez sa byen.  Mersi.

 

MR SPEAKER

Mersi, PS. Yes Onorab, non, mon pa pou ouver en deba ankor i ti pe zis fer en pwen kler.

 

HON CHARLES DE COMMARMOND

Wi mon pa pe al ouver en deba lo la me mon ti zis anvi fer en pwen kler. Nou’n aprann ki IOT ti pe rod en bann travayer, e ki bann travayer lotel in al kot IOT, eski i anba sa kalite ki ou’n eksplike la ouswa i en lot zafer all together sa?

 

MR SPEAKER

PS, Vitman.

 

PS JULES BAKER

Sorry, mon pa tro okouran.  Mon’n konpran, mon ti tande semenn pase sa poudir i annan sa tranzaksyon, me solman nou ava verifye nou ava get en kou.  Mersi.

 

MR SPEAKER

Mersi, bon mover bann amannman in fini move ok, okenn manm ki segonde? Sa i vin amannman 51A.  yes Onorab.

 

HON CHARLES DE COMMARMOND

Fini segonde Mr Speaker.

 

MR SPEAKER

Onorab De Commarmond in segonde. Bon nou ava put the amendment to a vote, amendment 51A, ki en new amendment ki’n ganny move par Onorab Sebastien Pillay. Tou manm ki an faver? Okenn manm ki kont? Madanm  Deputy Clerk.

 

MADAM DEPUTY CLERK

Mersi Mr Chair, 25 Manm in vot an faver, e person kont.  Mersi.

 

MR SPEAKER

Mersi Madanm Deputy Clerk, savedir sa amannman in pase.  Bon, mon krwar ki nou’n fini dispose tou bann amannman ki devan nou, amannman to the Employment (Amendment) Bill 2020.

Mon ava prezan demann Sarge pou move Mace pou nou retourn Committee of the whole House.  Bon mon ava call on Onorab De Commarmond pou move en Motion for Third Reading.

 

HON CHARLES DE COMMARMOND

Thank you Mr Speaker.  Mr Speaker anba Order 71(1) Standing Order, mon oule move ki Employment (Amendment) Bill 2020 is amended i ganny lir en Trwazyenm Fwa.  Mersi.

 

MR SPEAKER

Mersi Onorab De Commarmond, okenn manm ki segonde? Yes, Onorab Sebastien Pillay.

 

HON SEBASTIEN PILLAY

Mersi Mr Speaker.  Motion seconded.

 

MR SPEAKER

Mersi Onorab Sebastien Pillay. Bon nou pou pran en vot pou Third Reading lo Employment (Amendment) Bill, 2020, as amended. Tou Manm ki an faver? Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair, 20 Manm in vot an faver, e personn kont.  Mersi.

 

MR SPEAKER

Redonn rezilta ankor, Madanm Deputy Clerk.

 

MADAM DEPUTY CLERK

Mersi Mr Speaker, 20 Manm in vot an faver, e person kont.  Mersi.

 

MR SPEAKER

Mon ava demann en Formal Third Reading.  Deputy Clerk?

 

MADAM DEPUTY CLERK

Mersi Mr Speaker, this Act may be cited as the Employment (Amendment) Act 2020.  Mersi Mr Speaker.

 

MR SPEAKER

Mersi Madanm Deputy Clerk. Savedir, Employment (Amendment) Bill, 2020, as amended in ganny aprouve par Lasanble Nasyonal. Bon nou’n fini avek travay Onorab, non, non, non?  Eski i annan pou fer ek travay ki nou’n fer ozordi Onorab? Ale.

 

HON GERVAIS HENRIE

Mersi Mr Speaker. Mr Speaker zis avan Minis i ale koman Chairman COGA, mon ti oule zis demann li parski an Desanm 2016, Minis Cosgrow sa letan ki ti Minis pou Employment Entrepreneurship Development avek Business Innovation ti vin  dan Lasanble pou vin prezant Bill 13enm Mwan.

E dan son deliberasyon i ti dir ki dan 4 mwan savedir ti pou vin 2017, lo Bill Employment Act savedir ti pou vin dan Lasanble, Be la i fer 3an edmi ki’n pase, so mon oule konnen ki zistans ki Gouvernman i ete lo sa Bill akoz sa i en lasirans i ti’n fer avek Lasanble ki i ti pou vini dan 4 mwan. Apre zot pe dir i annan dokiman Air Seychelles ki Minis in promet bomaten. Mersi bokou.

 

MR SPEAKER

Mersi, pour Air Seychelles bomaten pa ti Minis Telemaque ki ti promet dokiman, ti  Minis Dogley. Sekretarya i ava take up avek Minis Dogley.

Bon, Employment Bill nou konnen in, Bills Committee, mon krwar nou’n deza war en kopi, be apre i ti retournen.  Mon krwar, ti ankor annan en pe travay ti pe ganny fer lo la, me Minis i ava donn nou pozisyon Employment Bill.  Minister.

 

MINISTER TELEMAQUE

Mersi Mr Speaker. Mr Speaker pour Employment Bill, i annan provizyon ki nou pe travay lo nou Migration Bill, Migration Policy e serten provizyon ladan, dan sa Migration Policy i pour annan en lenpak lo Employment Bill.  Se pour la rezon ki nou’n ganny en pe retar.  Ler nou a fini avek Migration Policy  i pou annan en lenpak lo Employment Bill.   Se pour la rezon ki nou’n ganny en pe retar. Ler  nou a fini avek Migration Policy  la nou a kapab anmenn Employment Bill, devan Lasanble.  Nou ekspekte sa lannen i pour vini selman Mr Speaker.  Mersi.

 

MR SPEAKER

Mersi Minis Telemaque. Avek sa mon ti a kontan remersi ou Minis avek ou PS, ou advisor e osi byensir Attorney Zeneral. E mon ava eskiz zot parmi nou.

 

(MINISTER TELEMAQUE AND HER DELEGATION WAS EXCUSED FROM THE HOUSE)

 

 

MR SPEAKER

Bon Deputy Clerk in enform mon poudir i annan serten lenformasyon ki’n antre sorti kot Minis Dogley.

E i ava sirkil avek tou bann manm apre. E pour demen nou pou pran 2 lot Bills ki lo nou Order Paper, State Land and River Reserves (Amendment) Bill 2020, avek Companies (Amendment) Bill 2020. Apre sa nou pou pran Mosyon, premye Mosyon ki lo Order Paper. Ok, Onorab Ferrari ou ti oule -?

 

HON JEAN-FRANCOIS FERRARI

Dan ABC Mr Speaker nou ti pou al fer, ou’n sanz lord la pour Bills?

 

MR SPEAKER

Non, nou lentansyon ozordi se nou ti pour pran 3 Bills, ok anvi ki nou pa’n kapab fer li, nou’n anvoy 2 Bills pour demen.  Sa se State land  and River Reserves avek Companies Amendment. Ok?  Nou pou pran zot demen bomaten swivi par Mosyon Onorab Georges.

 

HON JEAN-FRANCOIS FERRARI

Be mwan mon point of order, se pour demande si i normal ki dan nou prosedir ki ler en Manm i fer amannman lo en Bill e son amannman i ganny vote. E li i pa vote lo sa Bill! Se sa ki Onorab Pillay in fer ozordi.  Mon pa war li i normal mwan.

 

HON SEBASTIEN PILLAY

Mr Speaker i normal akoz lamannman ki mon ti oule dan sa Lalwa, ou pa’n oule fer, ok?  Sa ki enportan.

 

(Interruption)

 

MR SPEAKER

Order! Order! Order! Bon, en Manm petet ankor en pti pe pour ledikasyon pep deor. En Manm i kapab anmenn en amannman, me apre i pa dakor ek lezot amannman.  So i fer li finalman fini son vot lo travay final, lo Bill final, ok?  Bon sa i enn son drwa.  Yes Onorab?

 

HON CHARLES DE COMMARMOND

Zis pour eksplike, i menm zafer ki nou fer ek Bidze, par egzanp letan nou vot pour Bidze. E nou, nou pa’n vote nou’n les zot vote zisteman akoz serten prensip fondamantal sa Bill pa’n ganny vot pour par zot menm  zot.  Alor  nou nou’n pran sa desizyon.  E sa i nou pozisyon.  Mersi.

 

MR SPEAKER

Bon, Lasanble i adjourn. E nou repran nou travay demen 9er bomaten.

 

                                              (ADJOURNMENT)