::
Home » Verbatim » 2020 » Verbatim Thursday 9th April, 2020

Verbatim Thursday 9th April, 2020

NATIONAL ASSEMBLY OF SEYCHELLES

Thursday 9th April, 2020

 The Assembly met at 9am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab.  E bonzour tou dimoun ki a lekout.  Nou pou kontinyen nou travay bomaten lo deba lo Bidze amande pou lannen 2020.  E toudswit mon ava demann Sarge pou move Mace pou nou al dan Staz Komite.

E mon ava demann parliamentary reporter pou appel Minis ek son delegasyon.  Bon mon ti a kontan dir bonzour e welcome Minister pou Finans, Komers, Lenvestisman e Planning Ekonomik Mr Maurice Loustau-Lalanne.  Ki ganny akonpannyen par son Sekreter D’Eta Mr Patrick Payet.

Son PS pou Finans Mr Damien Thesee e Deputy Controller General Ms Astride Tamatave.  Minister avek ou delegasyon bonzour e welcome dan Lasanble.  Nou pou kontinyen nou travay kot nou ti kite yer.  E mon’n fer en pti lalis bann heads ki nou pou pran e nou pou konmans avek Contingency – ok?   E i trouve lo paz pti limero 38.  Petet nou ava fer en pti pe parey nou ti fer yer PS i ava donn nou en pti brief lo rezon ki i annan sa increase dan Contingency.  PS.

 

CONTIGENCY FUND

 

PS DAMIEN THESEE

Mersi Mr Chair.  Bonzour Mr Chair, tou Manm Onorab.  Parey nou war i annan en increase 60milyon dan Bidze Contigency.  E parey son non i dir sa i, en provizyon dan li menm an ka en sityasyon i arive.

So nou annan bokou assumptions dan sa vot nou pou napa neseserman scientific figures as such.  Ki nou’n gannyen avek Minister Lasante in soumet en Bidze ek nou ki nou apel sa son Seychelles National Response Plan e sa i ariv en sonm R30milyon.  E ladan i kouver son bann par egzanp pou pey bann part time health workers ki i pou anploye.

Si i bezwen fer vini parey Prezidan in anonse nou’n fer provizyon pou housing, air fares par egzanp e son bann lezot recurrent cost par egzanp supplies ek lezot kou administratif ki i bezwen kouver.

Nou’n fer provizyon osi pou DRDM ladan pou son kou loperasyon ki pou monte R1milyon.  En provizyon R2milyon pou Lapolis.  Nou’n ganny en demann avek Ladefans pou li donn li R1.2milyon pou rezerv ki   i pe call in 17 zot.  Apre en additional 13 rezerv ki pou ariv R200mil apre R150mil ki pou son recurrent cost avek sa.

Nou’n osi met en provizyon R18.3milyon sa pou bann allowance pou bann front liners.  Parey nou konnen pou annan Lasante e petet i pou extend kot lezot landrwa parey Imigrasyon, Customs ou lezot nou pou, pou diskit ek zot pou donn nou.  So nou pa vreman annan sif egzakt ki pou donnen selman nou, nou’n fer en estimasyon ant 1500 a 2500 prezan i ava depan ki extent sa bann dimoun pou lo front line ki pou aplik pou zot.  Nou osi nou’n met en provizyon R6.3milyon pou lasistans pou bann SOEs, bann SOEs ki nou pa’n capture anba subventions to Public Enterprise nou’n fer zis Air Seychelles akoz sa nou ti annan son payroll.

Nou pe assess soumisyon ki Linyon  in fer ek nou.  Nou annan osi Marine Parks ki’n kontakte nou semenn pase osi avek posibilite lasistans.  E nou konnen petet nou pou annan Lapos petet nou pou annan Nasyon osi ki kapab vin kot nou e petet menm IDC bann landrwa ki touris oubyen parey Lapos oubyen Nasyon ki dir lo li menm.  So sa se PMC ki pou fer sa louvraz assessment pou gete si zot nesesit lasistans e nou kouver anba la.  So sa i ariv en sonm R60milyon.  Mersi.

 

MR SPEAKER

Mersi PS.  Bon nou ava ouver deba lo sa head.  Yes Onorab Ramkalawan.

 

HON WAVEL RAMKALAWAN

Bonzour Mr Speaker, mersi bokou.  Bonzour tou koleg Onorab, Minis, delegasyon e tou dimoun ki pe ekoute.  Mr Speaker sa ki, sa ki PS in, in donn nou la i en long lalis.  I en long lalis, i pa parey sa bann keksoz ki nou’n deal avek yer.

Yer nou ti pe i ti spesifik nou ti pe regard carers, well pa carers nou ti pe regard daycare ensidswit.  La sa ki’n donn nou se en long lalis e mon demann mon konbyen Manm ki’n nobou memorise okenn sa bann keksoz.  Ki mon ti ava humbly demande given ki sa i en long lalis e ki i bann size ki enteresan parske an plis ki sa mazorite sa bann keksoz ki’n mansyonnen i osi annan zot parent Ministry.  Par egzanp letan i nonm Lapolis, Lapolis i annan son, dan Contigency me selman i annan son parent Ministry.  In nonm carers, carers i annan  son parent MinistrySPDF i annan son parent Ministry, eski nou ti ava kapab dan sa ka ganny sa papye printed e ki konmsi nou ti ava e pandan ki i pe ganny printed mon ti ava propoze ki petet nou al lo en lot heading ki nou ava kapab dispose of.

E, e apre sa sak Manm i ava annan en keksoz konkret devan li pou li regarde akoz sa Contigency e parey li menm li Mr Thesee.  Mon kontan ou’n anmas en, en lekspresyon ki mon kontan servi yer napa scientific calculations ki zisteman nou ava kapab, nou ava kapab annan en dyalog ki pli ki ava fer plis sans.  E in the meantime nou kapab dispose of en kantite  bann lezot.  Se sa my humble demandThank you very much.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Wi nou a fer sa, sa breakdown available.  Mersi.

 

MR SPEAKER

Mersi PS.  Bon si ou bezwen lasistans avek Sekretarya pou fer printing oubyen nenport pou fer ki Manm i ava ganny kopi please feel free to ask.  Bon eski nou kapab bouz lo en lot head.  Mon ti’n not MHILT eski nou pran MHILT?  Yes Onorab Afif.

 

HON AHMED AFIF

Mersi Mr Chairman.  Mr Chairman ki mon ti a sizere se vi ki nou’n fini sa bann bout dernyen ki vin lo Appropriation (Amendment) Bill.  Akoz nou pa konmans lo son konmansman avek zis bann logmantasyon?

E i annan zis 9 heading e nou konmans avek Department of Legal Affairs answit nou swiv li avek Department of Blue Economy apre nou al Lapolis, Minister Lagrikiltir, MHILT mon krwar nou’n preski deal avek.  Apre Lenerzi, Institute of Early Childhood, Public Health Care Agency avek Public Health Authority zis sa bann.  Apre si i annan lezot ki annan rediksyon ki konsekan ki Manm ti a kontan klarifikasyon nou kapab pran sa bann.  Be sa bann mon krwar i kapab al ase vit parske si nou ganny en, en rezimen avek PS kwa sa bann logmantasyon mon krwar nou kapab al ase vit.

Be zis poudir osi Mr Chair ki nou napa detay pou sakenn sa bann Minister parey avan zot ti donn nou pou sakenn son detay transport, office, office ki mannyer zot ti appel sa.  Mon bliy son term egzakt me selman ti annan wages apre ti annan office running cost la i la.  Zot pa’n donn nou sa enn la avek minor capital.  So nou pa konnen kwa ki’n ogmante dan sa bann Minister.  Mersi.

 

MR SPEAKER

Ok mersi Onorab.  Bon nou ava retourn lo nou Bill e nou ava swiv petet an mezir nou ale annou pran premye si nou napa okenn kestyon premye anmezir nou ale nou ava pran en vot lo la nou kapab dispose of. 

        Ok annou fer li an swivan nou, nou BillYes PS.

 

PS DAMIEN THESEE

Mersi Mr Speaker.  Petet avan mon ti pe sizere petet avan nou al lo Minister nou reste nou net lending osi.  Net landing i trouve lo paz pti 37.

 

MR SPEAKER

Wi net lending osi ti ganny leve yer, ok ?  Be bon annou, annou fer li annord annou pran depi o konmansman e nou ava ale firanmezir nou ale sa ki napa okenn kestyon and all that nou ava vote e nou a kapab dispose of. 

        So nou a kapab move annord ok?  So annou pran premye dan nou Bill anba location of authorisde expenditure ;- nou ava pran premye Office of the President.  Ok i annan okenn kestyon, okenn Manm ki oule demann kestyon?  Si napa nou ava –  Yes Onorab Ramkalawan.

 

OFFICE OF THE PRESIDENT

 

HON WAVEL RAMKALAWAN

Mon ti ava kontan sa Bidze in sorti in, in desann sorti pou vin 62milyon mon ti ava kontan konnen egzakteman ki bann, ki bann headings ki’n ganny koupe.  Parske i enportan pou nou regarde sa bann koupir.

E la petet mon ava atir latansyon PS avek Minis.  Bann koupir nou, nou’n met lanfaz lo si sa bann koupir pou permet sa bann Minister kontinyen fonksyonnen?

Parske si en lakaz i annan 3 pilye e ou deside vini koup 2 pilye fodre nou, nou regarde si sa roof pa pou tonm lo nou?  Parske an mezir ki nou dan en sityasyon kriz nou bezwen fer sir ki sa twa i reste lo nou latet byen.  Alors se pou sa rezon ki nou pou enterese pou konnen kwa egzakteman ki pe ganny koupe.  Mersi bokou.

 

MR SPEAKER

Mersi Onorab.

 

HON WAVEL RAMKALAWAN

Mr Chairman ki paz sa pti kwa?

 

MR SPEAKER

PS Thesee.

 

PS DAMIEN THESEE

Mersi Mr Chair.  Pou bann Minister si nou al lo PPBB statements i pou trouve dan estimates of revenue and expenditureSection 1 nou pou annan son Bill, section 2 nou pou annan son estimates of revenue expenditure ki pou donn li by son summary.  Ler nou fini la lot seksyon.

 

MR SPEAKER

Eski nou pran depi paz 7 lo son PPBB?

 

PS DAMIEN THESEE

Lo son PPBB statement li menm li i pou trouve paz 7 ziska 13.

 

MR SPEAKER

Yes Onorab.

 

PS DAMIEN THESEE

Section 3.

 

HON WAVEL RAMKALAWAN

Mr Chairman,  lo dan sa document pou nou tou ki pe swiv lo, lo i lo paz, i konmans lo paz 62 lo sa PDF sa ki nou ti a pe swiv la ki ti annan ptipti 38 ptipti 39 i lo paz 62 lo si nou, si nou regarde.  Mersi bokou.

 

MR SPEAKER

Ok.  PS ou pou donn en pti pe detay lo bann koupe ki’n ganny fer.

 

PS DAMIEN THESEE

Yes Mr Chair.  Lo tou Minister e Lazans parey Minis ti anonse ou pou annan freeze lo saler e nou ti dir ki nou pa’n tous bann servis esansyel parey Lapolis, DRDM e portfolio Lasante dan li menm.

Nou’n anonse ki i annan rediksyon dan allowance Information Officers e ler nou refer MBE tou savings depi Zanvye ziska Mars nou’n osi retire par delay recruitment.  So sa tou bann rediksyon ki ou pou war dan wages i baze lo sa de prensip.  An se ki konsern ‘’goods and services’’ premye mezir ki nou’n anonse se ki Board fees i go back to son vye rate 2019 so pou annan rediksyon ladan.  Nou, nou koup nou R18.2milyon an tou dan Board fees dan Bidze 2020.  Bann lezot mezir nou’n redwir nou bann vot overseas travel par 100poursan ki fer nou’n redwir nou R52.4milyon dan overseas airfares.  Nou’n redwir bann Bidze entertainment par 75poursan sa i ospitalite plizoumwen.

Nou’n redwir nou across the board tou bann Bidze ki asosye avek organiz bann workshop e konferans ki fer nou fer en rediksyon 850mil dan sa kategori.  Nou’n osi ganny nou R8.6milyon dan tou Minister, Lazans e Departman ler nou’n redwir bann Bidze pou rent lasal konferans.  Nou apply nou en 25poursan rediksyon across the board dan nou Minister e Lazans dan zot bann printing and stationery vi ki nou annan reduce of operations.

Nou’n osi koup nou 50poursan dan bann Bidze minor capital ki’n fer ki nou’n ganny apepre R27milyon, an vi ki nou annan redwir rediksyon in loperasyon e osi rediksyon nou pa pou vreman recruit bann staffing.   E prezan dan bann Minister ki annan aktivite nou’n dir sa bann aktivite sportif, kiltirel, lar bann national events osi sa nou’n redwir li across the board se sanmenm sa ou kapab war li across the ‘’other goods and services.’’  So tou Minister, Lazans e Departman sa i an global ki nou’n fer.  E si nou pran par egzanp President’s Office li menm an tou li nou’n koup li R13.1milyon dan son Bidze.

E dan saler nou’n kapab freeze sorry nou’n zis fer en mon krwar in redwir akoz nou’n bezwen tir R500mil anba li pou transfer pou sa nouvo Complaints Bureau ki ti ganny setup.  Dan son ‘’goods and services’’ the bulk of it i vin ladan kot son ospitalite nou’n redwir par (1.8poursan) son print, 1.8milyon sorry.  Son printing and stationery nou’n redwir 437mil ;- son overseas, airfares and subsistence allowance R88mil.  Sa major vot pou ‘’overseas travel’’ in koupe par R10milyon e apre nou annan nou ‘’facilities for events’’ en R6mil e ‘’minor ‘’capital outlays’’ R651mil.

E sa pou reflekte dan tou bann Minister en pe koumsa.  Mersi.

 

MR SPEAKER

Mersi PS.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair letan mon pe ekout Minis fer son prezantasyon yer in dir nou ki nou bezwen pare pou nou redinamiz nou lekonomi letan COVID-19 i permet nou fer sa.  Me letan mon pe gete nou pe koup tou Minister e sa i en Bidze ki pou ale ziska Desanm.  Me si nou pe koupe la i annan en partial lockdown mannyer i apele pou 3 semenn.  Dizon nou tou nou swete ki nou pei i retourn normal at least aktivite lokal i repran.

Dizon nou napa okenn ka bann sityasyon i stabilize apre 3 semenn, me pa sa bann Minister pou retourn travay?  Pa zot pou bezwen larzan pou zot re travay?  Akoz zot vin kot Lasanble pou demann larzan i dir nou pou refer keksoz marse me selman nou tire nou dir akoz i pa pe marse.  Mon en pti pe mon, mon pe sey konpran ki nou pe sey fer la, akoz si nou kit li parey i été – en legzanp me dan sa dizon 1 mwan nou pa pe depans parey nou ti pou depanse i la nou fer en savings.

Me apre i repran nou kontinyen definitivman pou bezwen annan en pti akselerasyon apre i pou annan en pti pe an plis.  Nou a kouver lo la be oubyen nou tire apre nou demann an plis ankor.  I pa annan en keksoz ki en pti pe drol la?  Mersi.

 

MR SPEAKER

Mersi Onorab.   PS.

 

PS DAMIEN THESEE

Mersi Mr Chair.  An tou sa bann koupe dan Minister ant son ‘’wages’’ ek son ‘’goods and services’’ i ariv apepre R230milyon.  Nou kapab kit sa R230milyon si nou oule nou, nou pa koupe e dan plas fer en negative 14 en defisit negativ 14 nou fer en defisit 20.  Sa osi i en keksoz ki nou kapab fer i 20.

Me selman ki nou fer dan nou prozeksyon nou anvi sey caution en pe sa, sa deficit ki pe fer met en pe disiplin ek sa, ek, ek Gouvernman ek Minister.  E si nou ekout byen sa bann vot ki nou’n koupe in dir pa fer rasanbleman, down the line osi 3semenn mon krwar pa si nou poudir 3semenn pa fer, kontiny bann rasanbleman dan 3 semenn fer aktivite sportif.  We need to, to be still cautious so nou’n koup bann aktivite koumsa sportif, kiltirel, National Day e nou’n dir loperasyon in redwir, nou pa pou fer printing nou pa pe koup son bann progranm day to day parey nou pe run policies.

Tou bann Minister i annan son policy sell, son policy sell pou still travay li.  I fer son resers i pa anpes li asize lo computer run son resers son internet cost pou still run.  Me selman kekfwa i pa pou at the same base ki nou ti pou le nou pa pou kapab ale deor al fer bann stakeholder discussion par egzanp ki nou bezwen lwe lasal konferans.

Me nou ava in house nou bann Minister fer sa bann progranm.  Nou pa pou travel so napa rezon akoz nou bezwen donn Minister sa, sa vot ‘’travel’’ ki petet apre i vire, i increase son consumables i increase son vot manze dite e whatnot.  Gaspiyaz

        So nou osi nou bezwen fer en zefor ki nou pa al dan en gro deficit 20, 25poursan kot nou kapab streamline, nou streamline e kot nou war i neseser nou pa afekte zot.  Par egzanp bann dan si nou al dan ‘’centralised program’’ nou pa’n tous bann Schemes bann SME Schemes bann Seed Capital apepre R30milyon ladan nou’n kit li.  Ki nou dir bann biznes ki nou war inovatif bann ki kapab ler letan i bon pous zot pou donn zot sa lasistans pou zot kapab ek bann proze oubyen zot biznes.  Me selman at least redwir en pe lo Minister kou loperasyon.  Mersi.

 

MR SPEAKER

Mersi PS.  Onorab Ferrari.

 

HON JEAN-FRANCOIS FERRARI

Ar vwala i marse.  Mersi Mr Speaker.  Bonzour Minis.  Bonzour tout monde.  Vi ki nou lo sa size ‘’overseas travel’’ ki mon krwar PS in byen eksplike ki i across the board dan tou bann Minister.  Mon ti a zis kontan ki PS i kapab eksplik nou si pou annan ki mannyer pou fer letan pou annan leksepsyon.  Akoz i annan toultan eksepsyon  to the rule e enn bann eksepsyon se par egzanp ler Prezidan ti anonse en total freeze  lo ‘’overseas travel’’ pran lefe imedyatman apre 2zour apre Mr Barry Faure in al Geneva.

Konmsi prezan nou ki ganny called poudir be ki pe arive Prezidan in donn en lord personn pa pe ekoute?  Mon ti a kontan si PS i kapab eksplik nou kan bann leksepsyon pou ganny fer e si sa bann eksepsyon i kapab ganny fer anba bann aparaman i annan bann, bann Grants  ki vin dan Consolidated Fund anba bann heads par egzanp negosyasyon EPA, WTO sa se bann keksoz ki pa pe ki pa nou i, i pa en, en depans pou nou menm.

Me i en lasistans ki nou gannyen o nivo enternasyonal e sa bann lasistans eski zot pou kontinyen, eski sa bann lasistans zot kapab kontinyen marse?  Konmsi zis met kler pou ki nou pa ganny, nou pa ganny pei pa dan en konfizyon ki i annan en lord, me lord pa pe ganny swiv.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Tou O Zofisye Gouvernman par lao level PS se State House ki aprouv zot travel so mon pa pou konnen ki sirkonstans ki SS Faure ti travel me selman i bezwen lotorizasyon State House.

E si nou get lo paz pti 30 anba ‘’overseas travel’’ parey Minis in anonse nou’n create en vot 5milyon, ki pou ganny manage par Finans pou bann ka eksepsyonnel ki O Zofisye Gouvernman oubyen okenn teknisyen i bezwen vwayaze.  So nou’n koup zot across the board me nou santraliz sa vot anba, anba Minister Finans.  E sa i pa pou afekte travel bann esansyel ;- par egzanp bann pasyan anba health care sa son vot i still la li.  Mersi.

 

MR SPEAKER

Mersi PS.  Onorab Waven William.

 

HON WAVEN WILLIAM

Bonzour Mr Chairman.  Bonzour Minis avek ou bann zofisye.  Mr Speaker si ou permet mon avan mon demann mon kestyon mon ti a kontan lo lapar distrik Grand Anse Mahe ofer mon kondoleans avek lafanmir Payet Grand Anse Mahe kot in perdi zot pti zanfan avek zot fiy a laz 2an.

Mon konnen ki i pa en sityasyon fasil pou en fanmir alor mon le partaz sa swe kondoleans.  Mr Speaker mon kestyon e klarifikasyon i konm swivan mon ekout PS donn detay.  E letan ou pe regarde lefe ki nou pa tro sir si dan 3 mwan ouswa dan 6 mwan ki nou sityasyon pou amelyore.

Mon anvi demann avek Minis avek PS si zot kapab dir nou dan en worst case senario kwa ankor plis ki pou ganny koupe atraver bann Minister?  Si zot pe mazin fer ankor serten koupir?  E mon lot konsern Mr Speaker ki mon oule link sa avek sa size saler lefe ki Gouvernman i ti sipoze tir VAT an Avril.  E letan nou pe regarde la deza dolar in konmans monte e kot lavi pou monte e sa VAT i pou pez bokou for sirtou lo sa low income bracket. 

        Alor mon ava demann Minis si Gouvernman dan plas petet well i annan plizyer keksoz i kapab fer me, sa kou lo manze li menm li avek sa VAT en pe par egzanp la lo telekominikasyon ki bokou dimoun pe reste kot zot pe servi si Gouvernman sey konsidere.  Akoz ler ou regarde se vreman sa VAT ki vreman fer sa kou komodite monte?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Si nou pou fer plis cuts nou bezwen les sityasyon evolye devlope pou nou kapab konnen ki nou fer.  Nou’n zis fer serten lasonpsyon parey nou dir nou worst case i, i 6 mwan e nou espekte li son 7enm, 8 mwan i konmans pick-up gradyelman si pa sa leka la nou bezwen aziste accordingly. 

        So nou, nou pou bezwen kontinyen monitor nou sityasyon tou le mwan ler nou, nou get nou koleksyon get depans swiv li de pros e swiv sityasyon avek sa pandemik pou nou kapab aziste.  So pou la parey nou dir nou, nou pa pou annan sa larepons pou donnen nou bezwen swiv sityasyon e swiv sityasyon global de pros.

Lo sa  ki konsern VAT ler nou ti pe fer bann proposal pou provide lasistans avek bann sekter prive nou ti tous selman bann tax ki, ki lo biznes ki, ki lo profi nou pa’n tous sa VAT as such akoz li i en consumer tax.

E parey nou konnen deza napa VAT lo bann prodwi lasante lo laplipar prodwi manze osi napa e nou pe perdi apepre R1.8bilyon dan tax.  So nou bezwen osi kapab asire ki nou annan serten koleksyon reveni pou nou kapab kontinyen run the budget.  Nou annan en servis esansyel pou nou, pou nou fer la Bidze Lasante li menm li i over 1bilyon.  So si nou tir tou keksoz ki mannyer nou pou run at least en Gouvernman ek bann servis esansyel Lasante, Lapolis nou, nou Law and Order?  Nou pa kapab tir tou keksoz pou le moman.

So VAT nou pa’n tire vi ki en, i en consumer standing biznes i anmas sa ek konsonmater apre i pey Gouvernman.  Me nou ankor annan, nou annan en social safety net ki si dimoun i ganny afekte sa Bidze i la pou ed, ede sipleman zot saler pou zot bann vilnerab i ganny kouver, san ki nou tous nou tax base ki pou vreman distort keksoz in the end.  Me selman tou keksoz i bezwen ganny revwar parey mon dir depan ki mannyer sityasyon i devlope.

Nou’n en pe gidans OECD lo sa bann tax measures ki nou’n donnen e petet sa i ava bann dernyen keksoz ki nou touse si sityasyon i agrave.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chairman.  Sa travay ki nou pe fer la i annan tou size enteresan me selman nou, nou bezwen disiplin nou lekor pou nou fini sa travay.  E mon ti ava anliny avek sa ki ou’n dir ki konmsi nou go head by head.  Mon ti ava dir ki annou, annou pran en head nou fini avek li nou al lo lot si napa nanryen lo en head pran en vot nou bouze.

E ki par egzanp ou, ou’n dir annou konmans avek President’s Office e si napa plis ki sa lo President’s Office annou pran en vot pou ki nou a kapab, pou ki nou ava kapab pe bouze.  Akoz sansan nou pou lev tou bann size enteresan me selman nou pa pou fini.  E mon krwar  ki nou anvi, nou anvi fini.  E par egzanp ok anba President’s Office i osi annan Vice Presidents Office e Blue Economy par egzanp i tonm anba sa, anba sa, sa heading oubyen non, non.  Blue Economy i tonm anba sa heading.

E i tonm anba en lot heading li.  Ok, si en laliny separe e an swivan nou schedule annou swiv nou schedule e, e nou ale.  Egzakteman parey letan nou fer pou Bidze.  So that, so that nou ava, nou ava bouze.  Parske kot i annan en rediksyon, kot nou annan en rediksyon e par egzanp President’s Office e PS in fini eksplik nou ki bann rediksyon.  E pou kapab kontinyen fonksyonnen we don’t need to spend more time la e nou bouze.

 

MR SPEAKER

Mersi Onorab.  Mon krwar se sa lentansyon e se sa ki nou ti deside dan ABC e se sa mon krwar ki Onorab Afif osi in dir sa bomaten.

Me mon war nou pe re kot nou’n dir poudir kot i annan cuts, nou pa vreman bezwen al an detay e nou kapab pran en vot.  E se sa ki mon pe dir annou swiv schedule nou pran en vot nou dispose of ki nou pa retourn lo la.  Me si nou pe pran en head nou pe anmenn 3, 4 lezot keksoz ladan then, nou pou al an dezord ok?  So annou swiv schedule si nou’n dir Bidze Lofis Prezidan si i annan okenn kestyon menm si i annan en cut nou kestyonn sa Bidze ok?  Onorab Ernesta ou annan, ou annan en kestyon lo Bidze Lofis Prezidan, non?

 

HON PAUL ERNESTA

Non Mr Chair.  Non, non.

 

MR SPEAKER

Non ok.  Onorab Andre mon’n donn ou en sans ou’n al lo en kestyon ou’n al lo prosedir ankor ou.  Ou’n konmanse ou’n al lo prosedir ou pa’n al lo, lo Lofis Prezidan.  Eskiou annan en kestyon lo Bidze Lofis Prezidan?

Wi mon’n donn ou sans avan nou ti pe koz lo Lofis Prezidan Bidze.  Ou’n al en pti pe lo prosedir akoz zot pe cut akoz plitar nou pou revwar and so on.  Eski ou kestyon i lo Lofis lo Bidze Lofis Prezidan?  Go ahead, go ahead.

 

HON CLIFFORD ANDRE

Mersi Mr Speaker.  I ti lo Lofis Prezidan Attorney General’s Chamber ki tonm anba Lofis Prezidan, eski mon annan permisyon pou demann sa oubyen-?

 

MR SPEAKER

Non i, i annan son vot Departman Legal Affairs.

 

HON CLIFFORD ANDRE

Wi sanmenm sa akoz.

 

MR SPEAKER

Wi.

 

HON CLIFFORD ANDRE

I tonm anba President’s Office portfolio sanmenm sa ki mon pe demande.

 

MR SPEAKER

Non, non, non.  Annou swiv schedule.

 

HON CLIFFORD ANDRE

Ok mon a esper son tour ler i arive Mr Speaker.

 

MR SPEAKER

Dan amended Bill ok ?  Bon nou ava pran en vot lo Bidze Lofis Prezidan ki’n ganny cut, cut down.  E pou en sonm R62,300milyon e ki form par sa schedule.  Mon ava demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  Bonzour tou bann Manm e tou dimoun ki a lekout.  Mon rikord 18 Manm ki’n vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze Lofis Prezidan parey in ganny amande dan sa schedule in ganny aprouve par Lasanble Nasyonal.

 

OFFICE OF THE DESIGNATED MINISTER

 

MR SPEAKER

Bon nou ava pran 2enm Bidze Lofis Minis Dezinyen.

Ok PS oule donn en pti brief lo bann cuts.  Lo okenn sanzman ki’n annan dan Bidze.

 

 

PS DAMIEN THESEE

Mersi Mr Chair.  Bidze Minis Dezinyen in redwir par R875mil.  Lamazorite i dan saler 526mil e 349mil dan son ‘’goods and services’’ ladan 100mil ospitalite.  174mil son ‘’travel’’, 45mil ‘’minor outlays’’ e R24mil son ‘’printing.’’  Mersi.

 

MR SPEAKER

Mersi PS.  Okenn Manm ki annan kestyon lo sa Bidze.  Si non nou ava pran en vot.

Bidze pou Lofis Minis Dezinyen ki pou en sonm R9,516milyon e ki form par dan sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Lofis Minis Dezinyen in ganny aprouve par Lasanble Nasyonal.

 

DEPARTMENT OF LEGAL AFFAIRS

 

 

MR SPEAKER

Nou ava pran Departman Legal Affairs.  PS.

 

 

PS DAMIEN THESEE

Mersi Mr Chair.  Ladan pou Attorney General’s Chamber in koupe par R1.9milyon.  900mil dan son ‘’saler’’ e ‘’goods’’ and services R1milyon bann vot ‘’ospitalite’’, ‘’printing’’, ‘’travel’’ ek ‘’minor capital outlays.’’

Parkont i annan en lazisteman ki nou’n bezwen fer dan son exchange rate pou son capital project sa son building, se pou kwa ou war kekfwa i annan en, en lazistasyon dan son Bidze osi tou.

Anba registration nou’n koup par R2.4milyon ladan 1.5 dan son ‘’saler’’ in terms of freeze of recuitment e ladiferans R864mil menm vot ‘’ospitalite’’, ‘’travel’’, ‘’airfares’’, ‘’minor capital.’’  Mersi.

 

MR SPEAKER

Mersi PS.  Onorab Andre.

 

HON CLIFFORD ANDRE

Mr Chair.  Dokiman ki’n anvoy nou mon’n tann Mr Thesee in dir poudir Bidze Attorney General in koupe me sa dokiman kot i dir expenditure summary by portfolio i met Attorney General’s Chamber 121milyon me the amended Budget i met 124milyon.  Sa, mon pe sey konpran.  Si mon pe get sa ki byen akoz sa zot ki’n anvoy mwan.  Selman si mon pe get sa ki byen mon ti a kontan demande an vi ki Lakour osi i fermen e i ouver par rafal si i annan en sityasyon en pti pe irzan pou li attend to.  So eski sa i pa pou redwir kou Biro Attorney General e si in mont par 3milyon poukwa sa 3 milyon?  Mersi.

 

MR SPEAKER

Ok mersi Onorab.  PS.

 

PS DAMIEN THESEE

Mersi Mr Chair.  Ou annan en net effect dan Biro Attorney General parey mon’n dir 1.9 rediksyon dan son ‘’goods and services.’’  Parkont en logmantasyon R5.2milyon dan son capital budget.

I annan son office block parey nou konnen ki sipoze ganny, ki sipoze ganny fer.  Nou annan lazistasyon dan to deviz dan ler nou prepar Bidze nou fer ler nou ti pe prepar Bidze 2020 ti 14.2 la nou prozeksyon pou 2020 la amande ki average i 15.2.  Savedir nou bezwen aziste sa foreign exchange cost pou sa capital project.  So ou annan en net effect 5.2 tir sa 1.9 ki fer ki son Bidze i monte.  Mersi.

 

MR SPEAKER

Mersi PS.  Yes Onorab Ramkalawan.

 

HON WAVEL RAMKALAWAN

Mr Chairman.  Petet mon a demann sa kestyon la akoz zisteman PS in fer antre sa lo capital sa capital project.  Mon anvi si i kapab dir nou avek sa devalyasyon ki pe arive la e kot, e kot par egzanp sa AG’s Office i sipoze en Grant from India.

E en Grant i vin an Dolar e letan ou pou, letan sa Grant pou antre parske ou ti pe kalkil, ou ti pe kalkil son kou an Roupi.  Ki ti pou ekivalan tan Dolar me la aprezan letan ou pou ganny sa Dolar sa kou an Roupi.  Letan ou pou convert li i pou bokou pli o parske Dolar pe sorti R14 in fini ariv R17 la.  Ki mannyer eski sa pou reflekte dan en fason realis dan sa legzersis ki nou pou fer?  Eski bann figures ki nou pe gannyen la zot menm zot, zot pa pou diformen dan en serten sans?  Parske si ou ti pe dir en proze pou kout $10milyon ok ou’n demann sa Grant 10milyon ou ti pe mazinen ki poudir ti pou ariv R140milyon.

Be la aprezan sa ki ou pou gannyen i tonm R170milyon ozordi.  So ou annan ou en eski sa i pou zis vin en savings ki Gouvernman pou fer oubyen ki mannyer eski sa pou reflekte dan sa biro?  E apre sa petet letan ou pou al aste ou furniture ou bann, ou bann keksoz ki ou pou bezwen sa photocopier ki ozordi i kout mil Dolar letan ou i vin R14mil e letan ou balans li be, be la dezormen sa photocopier pou kout li 17mil, R17mil instead of R14mil.

Konmsi mon pe zis – I’m sure ou konpran mon Mr Chairman ki konmsi pou nou regarde be eski sa legzersis ki nou pe fer la i pou ou, oubyen nou pou bezwen re balans ankor apre ki keksoz i re balanse?  Parske premye lofis la ki annan en capital project se Attorney General.  Mon ti ava kontan ganny en, en leksplikasyon ki ti ava gid nou anmezir nou al lo bann lezot.  Mersi bokou.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Pou capital project tou bann ki pou ganny afekte par en don oubyen en loan nou’n fer reflekte son change in cost.  

        So sanmenm sa ki nou aziste sa foreign exchange component ki oparavan mon’n dir ler nou ti pe prepar Bidze 2020 ti 14 la nou pozisyon i 15.2 so in reflekte.  Prezan ou pou war son pri i monte vi ki nou pe resevwar sa, sa sonm osi, sa larzan from deor osi si i en loan i afekte anba kot nou financing ki mannyer nou finans sa larzan nou bottomlin.   Akoz nou bezwen balans nou, nou depans.  Nou bezwen finance li avek financing si i pa pe vin avek reveni.  Si i en Grant nou reflekte li anler dan Grant savedir i balans son lekor dan Grant nou ogmant li e son depans parey ki i net out.  Savedir nou’n pran konsiderasyon lefe lo to deviz me selman i en average at end of the year.  Mersi.

 

HON WAVEL RAMKALAWAN

Selman sa ki pe monte la i pe mont bokou pli vit avek sa ki ou, sa ki Mr Thesee in fek dir nou.  Parske in sorti 14 in ariv 17 la e, e alor ou pe average li lo 15 be i resanble ki sa average pa pou bon.  So anyway la zot ava fer zot.

 

MR SPEAKER

Mersi Onorab.  Onorab Sebastien Pillay.

 

HON SEBASTIEN PILLAY

Mersi Mr Chair.  Zis pou en pti komanter e probableman that’s why Gouverner yer in dir i bezwen annan sa balans ki ganny fer ant sa bann pou nou kapab tenir kou deviz kot i ete.

Akoz i pa zis en lenpak lo enportasyon me i en lenpak lo tou bann keksoz ki pou vin apre zot bann assomptionsRegarding sa capital project pou Department of Legal Affairs so everything in regards with the Grant i la just reassure us to where we are going to wait sa i kapab konmanse sa i kapab kontinyen.

Because it’s something ki pe ganny ki lontan is in the pipeline  it would be vreman remise pou nou dir poudir we then have to go back to the drawing board regarding sa.  Mersi Mr Chair.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Wi nou’n kit son provizyon la nou’n zis amande la nou to deviz.  Mersi.

 

MR SPEAKER

Mersi PS.  Bon nou ava pran en vot lo Bidze pou Departman of Legal Affairs pou en sonm R141,109milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Departman Legal Affairs in ganny aprouve par Lasanble Nasyonal.

 

DEPARTMENT OF DEFENCE

 

MR SPEAKER

Nou ava pran Bidze pou Departman Defans.  PS.

 

 

PS DAMIEN THESEE

Mersi Mr Chair.  Nou pa’n vreman fer okenn rediksyon dan kou loperasyon pou Ladefans anvi ki li osi i pou asiste avek sipor.  Mersi.

 

MR SPEAKER

Mersi PS.  Okenn kestyon.  Yes Onorab Afif.

 

HON AHMED AFIF

Mersi Mr Chair.  Mon ti a kontan zis demann PS Thesee vi ki nou ti aprouv an Desanm 331milyon pou Defans e la i 223milyon sa 8.2milyon egzakteman zis dir nou son 3 main headings ki zot in koupe ladan?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi.  Sa rediksyon i plizoumwen dan CAPEX.  I annan bann detrwa proze ki nou war i pa ti pou kapab realize ti dan sa 20milyon se sa rediksyon dan son CAPEX.  Mersi.

 

MR SPEAKER

Mersi PS.  Onorab Gervais Henrie.

 

HON GERVAIS HENRIE

Mersi Mr Chair.  Bonzour tou dimoun.  Mon konnen nou pou retourn lo Contigency plitar, be selman akoz SPDF i annan en alokasyon dan Contigency ki pou 1.2 ki pou pey laplipar bann reserving. 

        So ki rezondet ki in ganny konsidere laba e non pa aziste dan Bidze Ladefans la ki  nou pe al vote la?  Mersi.

 

MR SPEAKER

Mersi Onorab.  PS.

 

PS DAMIEN THESEE

Parey nou war tou bann depans ki pou relye avek COVID-19 nou pa’n allocate li dan okenn Minister.  Akoz zot tou basically zot pou fer provizyon i annan ki pa’n menm soumet Bidze yet selman nou, nou’n fer provizyon.  Akoz nou, nou pa konnen ki sa exact costing.  I kapab prezan i annan ki pa pou depans sa larzan ;- i annan pou depans plis so pou nou, nou war i ti pou pli fasil ki nou zer li dan en sel vot ki prezan nou kapab asiste tou kot i bezwen.

Bann ki pa bezwen sa kantite dan plas donn li ki apre i pa depanse e ki apre en lot i bezwen i vin en pti pe enkonvenyan plito nou met li la nou konnen sa depans COVID-19 e nou, nou cater li santralman.  Mersi.

 

MR SPEAKER

Mersi PS.  Bon nou ava pran en vot pou Bidze pou Departman Defans ki en sonm R322,740milyon e ki form par sa schedule.  Mon ava demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Departman Defans in ganny aprouve par Lasanble Nasyonal.

DEPARTMENT OF PUBLIC ADMINISTRATION

 

 

MR SPEAKER

Bon nou ava pran prosen head Department of Public Administration.  PS.

 

 

PS DAMIEN THESEE

Mersi Mr Chair.  Pou DPA son cut i plizoumwen dan son ‘’goods and services’’ e bann vot parey pou ‘’ospitalite,’’ ‘’airfares’’ e ‘’facilities’’ or ‘’events,’’ ‘’minor capital. ‘’ Mersi.

 

MR SPEAKER

Mersi PS.  Okenn kestyon lo Bidze Departman Administrasyon Piblik?  Onorab Ramkalawan.

 

HON WAVEL RAMKALAWAN

Mr Chairman.  En kestyon ki, ki kapab ganny en leksplikasyon parske i annan sa freeze lo recruitment i annan – mwan anvi konnen la ki pou sityasyon en dimoun ki par egzanp in fer en interview li, in fini fer en interview pou li al dan, dan en landrwa travay dan  ki tonm anba public service.

In ganny aksepte in fini demisyonnen dan son landrwa travay kot i ti ete avan which was in the private sector.  Be aprezan la i dan en limbo, ki pou arive avek li?  Parske Departman pa kapab anploy li akoz i annan en freeze selman in fini ganny aksepte e in fini resign.  Ki Departman Administrasyon Piblik ki direktiv ki Administrasyon Piblik pe demande?

Eski sa bann ka pou bann konsidere konman bann eksepsyon, e ki sa dimoun li i pa ava en viktim me ki lefe ki’n fini ganny son plas travay i ava kapab travay?  Mon ti ava kontan ganny en leksplikasyon kler e sa i mon konn omwen en dimoun ki dan en tel sityasyon.  Mersi bokou.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Diskisyon ki nou ti gannyen avek DPA sete bann ka koumsa nou pou bezwen entertain vi ki i annan komitman ki’n ganny fer.  E depi ler nou ti issue sirkiler basically bann Minister ti pe deza lyez ek nou ek DPA poudir tel pos in fini donn komitman ti’n fini issue Letter of offer. 

        So nou, nou’n try to cater sa bann eksepsyonnelman.  Se selman bann pos ki pa ti ankor fer interview ki ti napa okenn komitman ki la nou freeze total.  E si i annan Minister kekfwa ki, ki li ki’n manke nou fini donn komitman la, nou pou bezwen entertain sa bann sityasyon koumsa – yes.  Mersi.

 

MR SPEAKER

Mersi PS.  Okenn lezot kestyon.  Si napa nou ava pran en vot lo Bidze pou Departman Administrasyon Piblik pou en sonm R21,885milyon e ki form par sa schedule.  Mon ava demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Departman Administrasyon Piblik in ganny aprouve par Lasanble Nasyonal.

 

DEPARTMENT OF INFORMATION, TECHNOLOGY AND COMMUNICATION

 

MR SPEAKER

Nou ava pran lot head Departman Lenformasyon Teknolozi e Kominikasyon.  Department of Information Technology and Communication.  PS.

 

 

PS DAMIEN THESEE

Mersi Mr Chair.  Parey nou pou war nou’n fer antre Bidze DICT an antye pou nou la i loportinite pou nou fer antre sa Bidze vi ki pa ti ganny vote pou Bidze 2020.

So nou pe prezant li an son totalite ankor pou konsiderasyon.  Mersi.

 

MR SPEAKER

Mersi PS.  Yes Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman sa i egzakteman en sityasyon  ki mon krwar i enportan pou piblik konpran ki mannyer keksoz in marse akoz lannen pase in annan en konfizyon.  E sa konfizyon in vin prensipalman letan Prezidan Larepiblik in dir ki li in pran desizyon e i pe donn lord Minis Finans pou pey saler DICT !

Nou anvi fer piblik konpran ki poudir sa ki Prezidan ti dir i pa antyerman vre.  Parske i bezwen finalman tonm isi devan Lasanble Nasyonal pou ki sa Bidze i ganny aprouve.  Alors i enportan pou nou parfwa letan nou, letan nou sey fer gro lebra ensidswit,  realize ki poudir zot bezwen vin la e ki ozordi si LDS pa ti anvi oubyen pa ti enterese avek DICT nou kapab vot kont nou ti kapab vot kont.

Me selman pa ti sa nou, nou lentansyon pa ti zanmen nou lentansyon.  E  ki si selman nou pran plis letan parfwa pou nou koze pou nou eksplike, keksoz i ava mars bokou pli, bokou pli byen, bokou pli annord.  Alor bann at some point Bidze DICT ti pou bezwen vin devan Lasanble.  E Minis Lalanne, Minis Finans in deside pou met li a sa moman e nou napa problenm avek sa.  E nou war ki poudir antretan i annan bann keksoz ki nou, nou ti pe demande ki pe arive.  E alor nou santi ki poudir nou bann demann i ganny, i ganny revandike.  Par egzanp ozordi letan mon konnen ki poudir Cable & Wireless parey mon ti mansyonnen yer Cable & Wireless in fini ofer en package 50GB pou bann zanfan ki pe etidye dan lakour.

Se sa bann kalite keksoz ki nou pe rode pou nou ganny sa, sa konsyans sosyal.  E nou malgre ki larepons ki nou ti gannyen lannen pase pa ti satisfezan nou, nou pou demande ankor nou konman LDS nou pou demande ankor ki Cable & Wireless i regard ankor lo ki mannyer i kapab fer desann bann pri.  Airtel  i regarde ki mannyer i kapab fer desann bann pri.

Intelvision i regarde ki mannyer i kapab fer desann bann pri pou ki spesyalman dan sa moman COVID-19 la kot nou, kot nou war keksoz dan en lot perspektiv lepep Seselwa i ava kapab pey internet lo en pri bokou redwir.

Alor mon fer lapel avek sa lakonpannyen fer sa pou nou silvouple e DICT fer zot travay e nou, nou pou lezot Bidze pase e sa i ava normaliz tou keksoz.  Mersi bokou Mr Chairman.

 

MR SPEAKER

Mersi Onorab.  Onorab Sebastien Pillay.

 

HON SEBASTIEN PILLAY

Mersi, mersi Mr Chairman.  Mon, mon dan mon traka COVID-19 mon bezwen ennler ganny bann pti moman limour pou mon riy en kou dan Lasanble, enkrwayab !  Pa ankoler Onorab Henrie, pa ankoler lev ou lanmen parey mwan !

 

      (Interruption)

 

MR SPEAKER

Order ! Order !  Onorab Pillay, Onorab Pillay.

 

HON SEBASTIEN PILLAY

Lev ou lanmen !  Mersi.

 

MR SPEAKER

Onorab Pillay.  Onorab Henrie, Onorab Ramkalawan in fer en stetment lo kote US zot in lev lanmen in demande pou entervenir, mon bezwen donn li sans osi pou entervenir.  Onorab Pillay kontinyen.

 

HON SEBASTIEN PILLAY

Mersi, mersi Mr Chairman.  Mr Chairman mon poudir ki Prezidan son ledo i larz, tre larz menm ki i anpare menm e finalman granmersi li ki ti anpar DICT apre sa pti kout text ki nou ti anvoye dan Lasanble.

 

 

(APPLAUSE)

 

 

HON SEBASTIEN PILLAY

Sa ki mon annan pou demande pou demann en kestyon mwan.  Mon annan en kestyon akoz enn bann keksoz ki nou’n tande avek sa sityasyon kot bann dimoun pe reste dan lakour, en kantite travayer i bezwen travay from home,  bann portals Minister bann diferan areas ki bann dimoun i bezwen servi bann portals ki SRC i bezwen servi pou bann dimoun submit bann dokimantasyon ki parey PS Payet ti pe dir nou bann dimoun i bezwen.

Minister Ledikasyon ki pou bezwen mon pa konnen en swa bandwidth swa bann keksoz koumsa,  eski dan Bidze DICT oubyen dan Bidze lezot landrwa dan zot thinking mon konnen orizinalman zot ti prepar sa Bidze avek en serten prediksyon.  Me la avek keksoz ki pe sanze nou pe war poudir nou pou bezwen annan, annan en Fon ki Gouvernman pe fonksyonnen petet pa fizikman me bann dimoun i bezwen kapab pe, pe fer serten travay i kapab Planning Authority i ava  pli online akoz mon war zot in konmans sorti en pti pe an deor dan comfort zone dimoun avek zot WhatsApp.

So eski sa bann keksoz nou kapab ganny serten lasirans e bann keksoz ki DICT pou kapab kontinyen travay lo la nou, nou pe al donn zot en Bidze nou kontan Lasanble i ava vot lo son Bidze pou zot kapab fer sa bann keksoz e ed dimoun?  E nou a kapab annan, annan kontinyen annan en fonksyonnman dan, dan Gouvernman.  Mersi Mr Chairman.

 

MR SPEAKER

Mersi Onorab.  PS or Minister.

 

MINISTER MAURICE LOUSTAU-LALANNE

Mersi Mr Chairman, bonzour.  E bonzour tou Manm Onorab.

Wi sertennman.  me DICT e parey tou Departman Gouvernman li osi i bezwen sibir en Budget cut lo sa premye Bidze ki pa ti’n ganny aprouve an 2020.  Me sa bann cut i egzakteman across the board parey nou dir donk i pa pou afekte zot travay ki zot pou fer.  E parey ou’n dir korekteman mon konnen ki la zot pe travay serye, pou fer sir ki bann Minister  pe koz ek kanmarad elektronikman bokou  pli vit.

So i enportan ki sa Bidze i ganny aprouve par Lasanble.  Mersi.

 

MR SPEAKER

Mersi Minister.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker dan sa letan COVID-19 napa bokou lazwa me selman nou kontan ler nou war poudir i annan serten, serten moman kot sa sityasyon in anmenn nou pou reflesir lo, lo byennet popilasyon e lo kou lavi.

Alors mon kestyon i koumsa vi ki Vis-Prezidan pandan bann deba Bidze ti refize donn en lord, donn direksyon DICT pou ankouraz ki bann pri i desann e ki la kot Vis-Prezidan pa’n le angaze COVID in angaze e COVID in fer desann sa bann pri,  eski i en, i en, i pou en polisi Gouvernman pou sey ankouraz bann Lazans bann servis providers ki pe vann data sirtou?  Pou zot kontinyen fer zot bann pri vin pli realis dan sa moman kot pri lavi pe monte e i annan serten keksoz nou pou napa kontrol lo la parey Minis, parey Minis in dir nou pou bezwen les bann cost of foreign exchange i pou, i pou vreman en issue sa.

Be la kot nou annan posibilite pou nou tenir en pe bann pri eski i en polisi Gouvernman prezan pou atraver DICT sey fer sir ki piblik Seselwa i kontinyen ganny meyer pri, meyer pri pou sa servis ki zot pe gannyen?  Mersi.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Wi mersi Mr Chairman.  Mersi Onorab.  Parey mon’n fer resorti depi yer, avantyer la dan sa peryod ki nou pe pas ladan nou bezwen sezi sa loportinite pou nou re aranz bokou keksoz i pe ouver nou lizye lo bokou biznes.  Bann ki legal, bann ki pa legal, bann ki pey tax, bann ki pa pey tax.

Donk i permet nou regard tou keksoz a nouvo e tras en nouvo larout.  E efektivman parey ou konnen i annan en lot kab soumaren ki pe vini li osi.  E fotespere letan nou annan sa, sa osi i ava zwe en rol pou bes sa bann pri sertennman.  E nou ozordi nou pe servi sa data bokou plis ki zanmen nou’n servi e la sirtou tou lazournen nou lo la.

E donk i enportan ki nou kontinyen sa dyalog e DICT se sa Departman ki mandate pou travay avek bann tel koz pou rod en, en meyer pri.  Mersi Mr Chairman.

 

MR SPEAKER

Mersi Minister.  Onorab Waven William.

 

HON WAVEN WILLIAM

Mersi Mr Chairman.  Mr Chairman avek ou permisyon lefe ki nou pe tous bann, non bann lakonpannyen, mon anvi demann avek Minis lefe ki la nou pe sey regarde fason nou kapab fer lekonomi anmas en pe larzan.  Eski Minis i kapab dir nou si sa det 14milyon ki mannyer sa pou ale eski i pou ganny reschedule akoz mon pa tro tann koz lo la me, me i en, i en larzan ki deor avek en lakonpannyen ki la pou le moman nou konnen poudir i en loportinite bann lakonpannyen telekominikasyon?

E mon, mon anvi konnen mon asire ki piblik Seselwa e sa Lasanble ti a kontan konnen sa 14milyon la ki pe arive avek ki fason zot pou deal avek ki outstanding?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab si ou pe refer sa stamp duty $14milyon spesifikman lo la mon kapab konfirm avek ou ki avan le 31 Desanm 2019 sa peyman in antre dan kof Gouvernman an totalite.

E la nou pe travay lo transfer sa de bout later ki ti dan sa deal akoz pa bliye ti $16.5milyon.  I annan sa bout later la Le Chantier apre i annan en bout later anler Bonne Espoir ki pe ganny transfer la an se moman.  Donk sa i conclude sa deal.  So pou mwan as far as I’m concern sa deal is done and dusted.  Mersi.

 

MR SPEAKER

Mersi Minis.  Onorab Terence Mondon.

 

HON TERENCE MONDON

Mersi Mr Chair.  Bonzour Minis avek ou lekip.

Mon kestyon zisteman lo DICT anvi ki nou’n fer en koupir dan son Bidze.  Mon anvi konnen eski sa pou still permet DICT fer en travay ki mon konsider enportan?  Setadir pou sezi loportinite pou kapab kree en platform kot travay kot travay kot lakour.  I kapab vin en keksoz pli permanan dan nou pei par lefe ki la nou pe fer li nou pou war ki i kapab marse eski zot pe konsider sa konman  en avenue pou zot kapab kree sa platform, pou permet bann dimoun plis dimoun travay kot lakour?

E sa ki ava anmenn en souf an term polisyon, i kapab anmenn, i kapab redwir konzesyon trafik i de problenm ki pe agrave dan nou pei.  Eski Minister zot in pran konsiderasyon avek DICT konman sa i vin en size ouswa en progranm ki zot a kapab sezi loportinite pou kree dan lavenir pros.  Mersi Mr Chair.

 

MR SPEAKER

Mersi Onorab.  PS.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.

Wi parey mon anonse dan sa bann budget cut ki nou fer i pou ‘’overseas’’ ‘’travel,’’ ‘’ospitalite’’ sa bann gran laliny ki nou’n deza koz lo la.  Donk i pa pou vreman afekte son travay teknik ki i bezwen fer.  Mersi Mr Chair.

 

MR SPEAKER

Mersi Minis.  Onorab Johan Loze.

 

HON JOHAN LOZE

Mersi Mr Speaker.  Bonzour Minis.  Bonzour PS.  Bonzour tou dimoun a lekout.  Mr Speaker mwan, mon pe demann en leklersisman akoz mon santi nou bezwen et fran e onnet avek dimoun kot lakour ki pe swiv nou.

Minis mon ti ava kontan si ou eklersi pou lepep Seselwa dan sa sityasyon ekstraordiner ki nou ete eski nou pei pe sanz son bann base economic fundamentals ki nou’n adopte depi 2008, 2009,  konman en lekonomi marse lib liberal kot marse i regle son lekor pou nou vin en pei Sosyalis Kominis kot Vis- Prezidan, Prezidan, Minis i dir ek sekter prive vann ou prodwi a tel, tel pri?

Eski nou pe retourn dan en sistenm pri kontrol sosyalis kominis ouswa nou pou ankor kontinyen pratik en lekonomi liberal marse lib ki anmenn konfyans pou Envestiser envestir dan nou pei?  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab zis sa ki mon annan poudir se ki si ou dan enn oubyen dan lot i pa enportan, sa ki enportan se ki ozordi wi nou dan en marse lib, me i bezwen annan en Gouvernman ki osi travay pou rod meyer pri pou son dimoun.

 

 

(APPLAUSE)

 

MINISTER MAURICE LOUSTAU-LALANNE

E i pa anpes ou demann lenformasyon e i annan bann sistenm an plas kot i donn ou lenformasyon finansyel pou ou regarde si sa biznes i pe fer gro, gro profi.  Pa bliye sa bann biznes nou pe fokaliz lo la ozordi se en biznes ki pey plis tax biznes e nou pa’n dan, pou le moman nou pa dan en sityasyon ou dan en kondisyon pou nou nobou bes sa tax.

I nou lentansyon bes li plitar, me pou le moman nou bezwen rod sa lenformasyon pou permet nou fer en judgement si son pri ki i pe, i pe met a nou, nou laporte i bann pri ki korek avek en profi.  Akoz zot osi zot bezwen fer en profi me i en profi ki rezonnab.  Mersi Mr Chair.

 

MR SPEAKER

Mersi Minis.  Onorab Waven Woodcock.

 

HON WAVEN WOODCOCK

Mersi Mr Speaker.  Mon bezwen fer kler mon pa pe dir DICT fodre i enpoz ouswa dictate avek bann lakonpannyen telecom ki pri ki zot merit sarz zot bann kliyan.  Me selman par lefe ki DICT i sa Departman ki lyez direkteman avek sa bann lakonpannyen telecom.  An se moman ozordi la sel lakonpannyen ki pe vreman montre solidarite avek lepep Seselwa se Cable & Wireless atraver bann package ki i pe ofer sirtou bann zelev.

Mon kestyon i eski DICT in fer ase zefor eski zot in antre an negosyasyon avek tou sa bann lakonpannyen telecom ki zot annan Sesel parey Intelvision avek Airtel pou gete ki mannyer zot kapab ofer bann package  e solider avek lepep Seselwa e ofer bann package en pti pe pli rezonnab par lefe ki la ozordi bokou Seselwa pe travay from home?

E pa tou Seselwa ki servi Cable  e i annan ki servi bann lezot lakonpannyen telecom.  Eski zot pe fer sa zefor vreman extra pou zot rod en fason pou ed lepep Seselwa?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Mon krwar zot nou tou nou’n tann ou.  E i enportan si zot pa ankor angaze zot a konmans fer li letan nou retourn travay apre Pak Mardi le 15 sepa le 16 mon bliye ki dat mwan.  Mersi Mr Chairman.

 

MR SPEAKER

Mersi Minis.  Onorab Bernard Georges.

 

HON BERNARD GEORGES

Mersi Mr Chair.  Bonzour Minis avek ou delegasyon.  Mr Speaker mon Mr Chair mon kestyon i swiv en pti pe sa de dernyen kestyon ki’n ganny mansyonnen.  E mon ti anvi zis port a latansyon Minis oubyen demann li si i okouran ki i annan en Lalwa ki apel The Control and Supplies, Control and Supplies of Services Act?

Ki donn li en gran pouvwar pou kontrol e regle supplies bann komodite bann keksoz basic ki nou bezwen.  Mon konpran dapre sa ki mon’n tande atraver sa de dernyen zour ki i anvi otan ki posib les marse regle son prop lekor.

Me eski Minis  i okouran ki i annan sa posibilite e ki si i kapab reasir nou ki si, i bezwen arive kot i war ki i annan en nesesite pou pran aksyon anba  sa Lalwa ki i pare pou fer li dan lentere Nasyonal.  E pou fer sir ki nou pa mank okenn supplies oubyen ki okenn dimoun pa tro sarz nou ki pri pa escalate dan en fason kot i annan profiteering ki pe arive?  Mersi Mr Chair.

 

MR SPEAKER

Mersi Onorab Georges.  Minister.

 

MINISTER MAURICE LOUSTAU-LALANNE

Mersi bokou Mr Chairman.  Mersi Onorab.  Mon tre kontan ki ou’n rapel mon ki i annan sa Lalwa e sertennman mon pa anvi siny nanryen pou ariv la.

Mon espere ki dimoun i konpran e nou tou dan sa Lasanble nou’n fer sa lapel lo tou lede kote latab pou silvouple annou pa profit dan sa sityasyon nou tou nou bezwen fer en zefor montre nou solidarite.  Donk si i neseserman definitivman mon ava fer le neseser kan le moman i ava arive.  Mersi.

 

MR SPEAKER

Mersi Minis.  Bon nou napa personn ankor ki pe entervenir.  In ariv moman pou nou pran en vot lo Bidze pou Departman Lenformasyon, Teknolozi e Kominikasyon DICT.

Pou en sonm R57,658milyon e ki form par sa schedule.  Mon ava demann tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou DICT Department of Information, Technology and Communication in ganny aprouve par Lasanble Nasyonal.

Bon nou ava bouz lo prosen head.  Yes Onorab Pillay.

 

HON SEBASTIEN PILLAY

Ou kapab dir mon non Mr Speaker mon pou ok.  Mon ti oule zis konnen konbyen dimoun ki’n vote lo sa head?

 

MR SPEAKER

Ok.  Madanm Deputy Clerk.

 

HON SEBASTIEN PILLAY

Akoz Onorab Henrie ti demande yer ou ti reponn.  So mon demande Mr Speaker.  Mersi.

 

MR SPEAKER

Yes.  Madanm Deputy Clerk.

 

(laughter)

 

 

MR SPEAKER

Onorab non, non.  Madanm Deputy Clerk ou kapab redonn rezilta ankor.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

DEPARTMENT OF BLUE ECONOMY

 

 

MR SPEAKER

Mersi.  Se sa ki mon aprann mon antann 12 Manm ok.  Nou ava pran lot head Departman Lekonomi Ble.  Department of Blue EconomyPS.

 

 

PS DAMIEN THESEE

Mersi Mr Speaker.  Nou pou war sa Bidze sa Departman in ogmante parkont nou annan en net effect.  Nou annan 1.8milyon rediksyon dan son Bidze ki nou’n fer plizoumwen dan son goods sa i pou son bann vot ki nou’n ospitalite and whatnot.

Son increase apepre R4milyon i sorti dan son capital budget. Nou annan sa, sa SWIOFish sa Bidze SWOIFish ki ankor i annan pou fer avek foreign exchange.  Sa ti dan Bidze 2020 orizinal nou pe zis aziste li apre osi in ganny li en Grant, sa Grant avek ADB pou Development of Blue Economy MSME Value Chain. 

        So tou lede i pe plizoumwen lefe deviz etranzer ki nou pe fer.  Savedir CAPEX in mont par 4milyon in redwir 1.9 dan son goods prezan nou annan sa net effect 2milyon apepre.  Mersi.

 

MR SPEAKER

Mersi PS.  Onorab Clifford Andre.

 

HON CLIFFORD ANDRE

Mersi Mr Speaker.  Mr Speaker mon ti a kontan Mr Chair mon ti a kontan al anler demann Mr Thesee pou koz en pti pe pli fran akoz in dir i annan sa proze Fish, ki mannyer SWIOFish, ok.

Mon pe demande si anvi ki nou annan en logmantasyon e nou dan en sityasyon kritik COVID-19 eski sa i pa bann proze ki kapab espere?  Menm lannen prosenn pou nou kapab fer li akoz nou ti deza annan en Bidze ki ti la pou, pou Blue Economy e akoz nou pa stick lo sa Bidze me nou bezwen ogmant li a sa staz la?  Eski COVID-19 related oubyen e i kapab espere?  Mersi

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Nou pa’n ogmante Bidze nou zis reflekte son to deviz akoz sa i en i dan nou si ou get dan PSIP lo paz 7 anba Blue Economy ou pou war i feature anba line foreign loan.

E sa i en proze apepre $25milyon ki nou a rapel 15milyon i sorti avek sa Blue Bond.  E ou annan en lagreman avek sa bann lenvestiser e World Bank e GEF ki tou le lannen i sipoze annan serten sonm ki sorti dan Labank Santral pou nou donn DBS par egzanp e menm SeyCCAT pou li egzekit sa bann proze.

So sa i sa lagreman ki’n fini ganny sinyen nou pa kapab vreman sanz, sanz anything.  So si, si proze pa, pa materyalize sa larzan i still reste avek DBS ek SeyCCAT.  Selman nou, nou oblize pou tir larzan dan Central Bank dapre schedule ki nou’n sinyen e transfer li avek sa bann lorganizasyon.  Mersi.

 

MR SPEAKER

Mersi PS.  Onorab Andre.

 

HON CLIFFORD ANDRE

Mr Chair.  Anliny avek sa ki Leader Lopozisyon ti demande taler si sa larzan pe ganny an forex ki mannyer nou pe aziste li pou li reflekte sa devalyasyon ki annan dan Roupi?  O kontrer si nou ti pe ganny 25milyon parey ou dir 25milyon letan nou ti’n miltipli li by 14 i ti pou mwens ki 25milyon miltipli li par 17.

Mon pe sey konpran ki mannyer si nou ti pe ganny sa larzan an Roupi nou ti bezwen rod forex mon ti a konpran nou bezwen plis roupi.  Sa, sa leksplikasyon mon krwar Seselwa i, i bezwen ganny sa kler akoz larzan i an forex i pa an Roupi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Nou Bidze nou fer li an Roupi so nou bezwen konverti to sa foreign exchange i pa en dual Budget kot ou annan de foreign exchange ou bezwen konverti sa ekivalan sa foreign exchange ki antre pou met li dan Bidze.

So tou keksoz i pou net off parey mon dir Grants, Grants i anler dan reveni ou pou war son laliny reveni ki sa larzan in antre e son ekivalan prezan i pou ganny reflekte swa dan sa Minister oubyen si nou pou on land to en, en SOE en State-Owned Enterprise i pou reflekte dan net landing.

Si i en financing savedir i en loan ou pou war li reflekte dan sa Minister oubyen on land to sa SOE e below the line sa ki nou apel below the line si ou get sa summary of fiscal outcome paz 1 kot nou annan tou son summary ou pou war anba i pou annan sa ki nou appel program loans.  So tousala i net off an vi ki son larzan pa pe sorti dan reveni tax oubyen non-tax so sa i en pe lesplikasyon.  Mersi.

 

MR SPEAKER

Mersi PS.  Onorab Gervais Henrie.

 

HON GERVAIS HENRIE

Mersi Mr Chair.  Mon konsyan in anons en freeze lo bann pozisyon across Gouvernman a leksepsyon dan bann ka vreman dizon Dokter par egzanp.  Me selman Blue Economy mon santi ki dan sa moman COVID i en moman kot Sesel i bezwen maksimiz sa, sa resours.

E la mon krwar i en landrwa kot ti merit annan en, en leksepsyon mon pe koz lo lapar bann returning graduates i annan ki antre dan pei pli boner sa lannen sorti etidye Ostrali, ki depi Fevriye in antre pa pe travay e i en pe fermal pou en, en returning graduate i bezwen war li lo URS.

Kan nou pe pey saler pou etranze dan nou pei.  Be sa i en field spesyalize kot mon krwar ti merit annan en leksepsyon pou recruit bann returning graduates Seselwa.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Speaker.  Dan sirkonstans normal pa ki nou ete la tou Minister i bezwen come up avek son recuitment plan.  So i pa pou pran tou graduates lo market li.  I pou bezwen depan si nou annan larzan osi pou nou recruit graduates.  Akoz osi nou bezwen realize ki graduates osi al dan private sector.  Enn nou challenge se ki nou war serten sekter ennler i koz ek nou i dir nou ki zot war zot pe compete avek Gouvernman.

So sa dan en sirkonstans normal so nou pa abzorb tou graduates dan Gouvernman eksepte bann sekter kle ki nou train pou antre.  Parey ners tou ners i bezwen antre dan, dan Minister Lasante par egzanp.  Teachers the bulk ki antre ladan me larestan i si i annan vacancy.  Sirkonstans la parey, parey nou’n dir si Blue Economy ti napa vacancy natirelman i pa pou kapab, i pa pou kapab recruit.  Selman atraver My First Job se sa kot lasistans i a ganny donnen.

Selman si i pou en keksoz ki pou bezwen angaze avek Departman Lanplwa ki war si bann sekter ki spesifik spesyalize si ou pe dir nou en, en graduates ki pe antre ki pa pou ganny louvraz anywhere in spesyalize dan Blue Economy, la Departman Lanplwa i ava angaze avek nou pou gete si i, i nesesit pou nou anploy sa dimoun.  So i pou, i pou by case by case basis ki nou pou bezwen assess sirkonstans.  Selman at least nou annan sa My First Job ki at least i donn zot  en income.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman de pwen premyerman lo sa Grant sete anba sa Minis Loustau-Lalanne ki ti sinyen sa.  Sa Grant avek ADB i ti pou $800mil e li Sesel i ti pou azout $200mil.

Ki finalman i pou fer $1milyon.  E sa dan li menm la i montre nou ki sa bann sif pa balanse.  Mon ti ava kontan ganny en, en lesplikasyon lo parske Mr Thesee in koz spesifikman lo sa, lo sa Grant ADB pou nou balanse.  Parske la an plis ki sa si i ti pou en proze $1milyon R14milyon Zanvye me la i vin 17, 18, R19milyon.  Alors mon ti ava kontan ki mon ganny en bon leklersisman lo parske bann figures an relasyon avek sa Grant ADB i pa pe balanse.

Parske nou ti devret pe trouv en, en logmantasyon omwen, omwen 14milyon dan, dan Bidze Blue Economy sa i enn?  Letan mon a ganny en lesplikasyon kekfwa i ava annan en kestyon ki ava swiv.  Dezyenmman Mr Speaker Mr Chairman mon en pe soke e zisteman la dan sa peryod COVID-19 kot nou tou nou pe koz lo nou bezwen re envant nou lekor.  Mon soke pou aprann ki poudir graduates nou anvoy zot nou pey zot scholarship ensidswit e apre zot vin isi e basically zot bezwen rod en dyob Gouvernman napa okenn lobligasyon ensidswit pourtan nou bond zot.

Mon konnen poudir sa bonding zot kapab serten i kapab travay dan, dan sekter prive me mon osi, mon osi soke parske i resanble ki Gouvernman li menm li i napa en polisi kler.  Parske serten lorganizasyon par egzanp IDC letan i anvoy en manrmay lo en scholarship i bond sa manrmay avek sa lorganizasyon.  E ki menm si i Sesel sa, sa manrmay well sa graduate sa, sa zenn zonm zenn fanm i pa kapab al travay dan en lot landrwa avan ki i pey, i pey son scholarship konbyen in peye.  Tandis ki dan Gouvernman, dan Gouvernman ou kapab fer nenport kwa.  Eski Minis pa ava dakor avek mon ki poudir moman in arive pou nou sanz sa?

Pou nou dir ki si nou pe anvoy en ‘manrmay’ en, en etidyan sorry mon kontinyen servi sa mo ‘manrmay’ respe pou tou bann zenn si nou pe anvoy en zenn lo en scholarship ki pou ganny peye par Gouvernman i bezwen annan en plan  gouvernmantal.  Poudir la i la nou bezwen, nou bezwen 4 Enzenyer nou bezwen 10 Dokter nou bezwen 20.  Pou ki sa etidyan nou bezwen 4 dan Blue Economy pou ki sa graduate letan i retournen oubyen menm avan ki ariv Sesel Minister in antre an kontan avek li poudir avek li be ok ki dat ki ou pe antre Sesel avek ou graduation e alor letan ou pou antre ou pou raport, ou pou raport dan tel, dan tel Minister tel dat, tel ler pou ou konmans ou, ou travay.

Konmsi pou nou parske la nou pe koz lo ki mannyer nou pli byen servi resours Gouvernman.  Resours Leta akoz la ki mannyer, ki mannyer mon’n tann eksplike e baze lo sa konsern ki Onorab Henrie in eksprimen nou kapab pey R2milyon pou, pou anvoy en, pou anvoy en zenn, en zenn zonm en zenn fanm graduate al, al fer son letid e apre sa letan i vini i ganny drwa asize i bonded li.

Selman i pa fer okenn kontribisyon dan sosyete akoz napa okenn, napa okenn keksoz ki pe, ki pe fors.  Eski baze lo la i pa ler pou nou aranz sa osi tou?  Mersi bokou Mr Chairman.

 

MR SPEAKER

Mersi Onorab.  En moman PS.  Oule vin direkteman lo la apre PS i a fer en sel reponn Onorab?  Go ahead.

 

HON CHARLES DE COMMARMOND

Mersi Mr Chair.  Mr Chair bonzour.  Bonzour Minis avek ou delegasyon, tou Manm Onorab e tou dimoun a lekout.  Mr Chair dan menm direksyon konmsi la i annan de keksoz ki bezwen konpran.

Letan Gouvernman i anvoy dimoun bann zenn train i anvoy zot train pou pei, pou sa lendistri pa neseserman ki letan Gouvernman letan zot retournen ki Gouvernman i bezwen pran zot.  Par egzanp si ou al anvoy zot fer Kaptenn pou bato be si ler i retournen Gouvernman li i napa bato lapes i pa pou kapab pran sa bann zenn ki’n vin graduate pou Kaptenn pou met zot dan lapes Gouvernman – i napa.  I a met zot kekfwa dan Por kot soz, i a met zot kekfwa kot SEYPEC be si in train an plis savedir i bezwen pey for the industry as well.

E osi pou lezot sekter me selman le pwen i reste se ki ANHRD zot bezwen ler sa zanfan i vini in graduate, i bezwen kapab travay ek lendistri pou kapab annan landrwa pou met zot.  Pa kapab be sa i en pwen se sa mon krwar ki nou bezwen stress lo la – pa kapab letan in vini in graduate prezan li i bezwen taye rod isi rod laba konmsi ki i pas en martir ankor deza i al burn the midnight oil pou etidye letan i vini konmsi la i pe al burn en lot candle pou li kapab rod en dyob.

Mon krwar la i annan en zefor ki bezwen ganny fer.  E mon krwar nou pe stress lo la mwan, mon pwen se sa.  E ki bezwen sa zenn ki vini pa kapab pas en martir ankor pou rod en louvraz nou bezwen pe kapab ed li, nou bezwen pe kapab pe koz ek lendistri.

I annan en travay deza ki bezwen ganny fer kot Ledikasyon nou konnen i annan dimoun ki pe ansarz sa seksyon sa Departman ou annan ou ANHRD ankor lot seksyon konmsi be tou ansanm pa kapab war sa fason ki nou pe dir la?  Sa pou mon i ase kler sa akoz zot in bond be annou, annou travay ek zot ed zot.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  An ki konsern sa Grant son kontribisyon Gouvernman i deza dan son Bidze li akoz pa tou Grants ki ou bezwen neseserman met son ekivalan Roupi adisyonnel dan Bidze.  E deza nou pe Gouvernman pe donn en kontribisyon atraver recuit staff i pe provide lofis i pe provide son operating cost. 

        So sa i enn sa Grant ki son ekivalan dan Bidze nou pa bezwen met larzan adisyonnel.  E parey in eksplike pou konsernan graduates. Nou, nou travay ek bann Minister tou Minister i ganny lalis graduates avek ANHRD e osi Finans nou rode.  Me selman nou bezwen careful ki par egzanp si i train 30 dimoun dan Lanvironnman eski Minister Lanvironnman i bezwen 30 dimoun in one go la lannen 2020 pou li recruit?  Akoz i annan i annan bann lezot lorganizasyon Lanvironnman ki non-gouvernmantal ki osi recruit sa bann graduates.  So nou bezwen careful osi ki nou pa compete avek private sector pou pran tou.  Dan nou ka pou nou Finans nou war sa challenge kot napa ase graduates dan kontabilite e non compete avek private sector.

Nou annan private sector ki dir ou sa bann konversasyon  e ki fason ki ou compete atraver saler.  So  i careful ki pa akoz graduates i vini ki Gouvernman i pran tou nou bezwen allow private sector ki swadizan nou engine nou lekonomi osi pou ganny sa bann graduates pou travay.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chairman.  Mr Thesee in eksplik sa konponan Sesel 200, $200mil Sesel pou donn biro ensidswit be i pa’n eksplik nou sa konponan $800mil?  ADB pe donn $800mil li, e se sa ki mon letan mon, letan mon, mon la mon pe regard sa klerman ADB the African Development Bank has signed an $800thousand Grant agreement with the Government of Seychelles to support micro, small and medium enterprises in it’s Blue Economy sector.

E ki sa ti ganny sinyen avek, avek Seychelles Minister for Finance, Trade, Investment and Economic Planning Ambassador Loustau-Lalanne signed a Grant agreement on 13th March in Victoria with Nnenna Nwabufo Acting Director General for Eastern Africa Regional Office signing on behalf of the African Development BankSo eksplik mon sa konponan, sa konponan $800mil parske zis sa konponan $800mil mon, mon pa sir si in antre kan i pou antre me eksplik nou sa, sa i mon, i mon pwen spesifik?  E an menm tan osi.  An menm tan osi Mr Chairman mon konpran larepons, larepons Mr Thesee e propozisyon ki Onorab De Commarmond in sey fer.

Me la mon ganny en text en dimoun ki pe dir avek mon ki son zanfan in ganny anvoye lo en course sociology i pe graduate li.  E i antre an kontak avek bann Departman Gouvernman ni en larepons i pa gannyen.  Mon krwar  ki sa i montre nou ki poudir sityasyon i serye e ki la mon dakor avek Onorab De Commarmond, e pou ki ANHRD avek Minister Ledikasyon letan zot pe mazin bann scholarship ou pa war en zanfan al etidye sosyolozi e apre sa ou pe ekspekte li ou pe ekspekte li al dan sekter prive Sesel?  Mon pa tro war kot i pou kote i pou ale.  Si ou’n etidye Finans wi ou a vin kot Minister Finans ou a vin kot en.

Me sosyolozi oubyen dan sekter prive pou Finans me sosyolozi i pou prensipalman dan en, en landrwa Gouvernman dan nou, dan nou sosyete.  Dan, dan lafason ki nou pei i deroule so pou mon i still en konsern me sa $800mil la?

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Si nou al anba PSIP lo paz 7 pou Blue Economy nou pou war nou’n met sa larzan over 2 years 2020, 2021.  Anba son konponan foreign grant so ou pou war 6milyon an 2020 ki ekivalan $400mil apre son lot bout $400mil dan 2021.

E an sa ki konsern graduates parey nou’n dir Gouvernman in pran bann pos monn donn legzanp Lasante, Ledikasyon e sosyolozi nou konnen ler nou ti annan diskisyon avek servis sosyal even Ledikasyon i bann keksoz ki zot demann bokou.

Petet ou kapab donn nou sa lenformasyon e nou, nou a fer sir ki si napa pos nou ava cater akoz nou konnen sa bann keksoz kritik ordinerman zot demande dan Minister Sosyal.  Mersi.

 

MR SPEAKER

Mersi PS.  Onorab Sebastien Pillay.

 

HON SEBASTIEN PILLAY

Mersi Mr Chairman.  Lamazorite bann pwen ki mon ti pou raise in fini ganny, in fini ganny taken up.  Zis sel pwen ki mon ti annan ki mon, ki mon ti oule Minis met en pe lanfaz lo la.  Sa ki nou’n remarke se ki i annan diferan Departman ki pe apros sityasyon en pti pe diferaman.  Par egzanp kot size recruitment ki konsernen i kapab par egzanp sa case sa enn ki’n fini fer interview, sa enn ki’n fini ganny let, sa lot ti ava bon ki en kominikasyon i reganny anvoye avek tou bann Departman.

Pou asire ki si nou’n fini fer interview avek sa dimoun nou pe al pran sa dimoun.  Si nou annan en dimoun ki esansyel, oubyen en dimoun ki en dimoun ki en Eksper dan en domenn ki kapab still travay son kot li  e donn en output annou pran sa dimoun.  Konmsi let’s make sure ki tou dimoun i on the same page rather ki sakenn pe kominik dan son fason.  Mersi.

 

MR SPEAKER

Mersi Onorab.  Ti zis en stetment sa?  Ok mersi.  Bon nou’n ariv moman pou nou pran en vot lo Bidze Departman Blue Economy.

Pou en sonm R80,327milyon ki form par sa schedule.  Mon ava demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Departman Blue Economy in ganny aprouve par Lasanble Nasyonal.  Bon avan nou break mon anvi zis remind bann Manm ki i reste ankor 26 heads pou nou go through – ok ?  Nou break nou pou repran nou travay 11.15.

 

 

(BREAK)

 

 

MR SPEAKER

Bon nou kontinyen nou travay.  E nou a move direkteman lo prosen head, Department of Information ek en Bidze R3,699milyon.  PS.

 

DEPARTMENT OF INFORMATION

 

PS DAMIEN THESEE

Mersi Mr Chair.  Pou Departman Lenformasyon nou annan en rediksyon 875mil e sa i plizoumwen dan saler pou en sonm 569mil.  E 241, 241mil dan son ‘’goods and services’’ pou bann vot parey nou’n dir ‘’ospitalite’’, ‘’stationery’’, ‘’airfares’’, ‘’facilities for events’’.  Mersi.

 

MR SPEAKER

Mersi PS.  Okenn Manm ki annan kestyon, klarifikasyon pou Bidze Departman Lenformasyon?  Onorab Henrie.

 

HON GERVAIS HENRIE

Mersi Mr Chair.  Zis  en pwen ki mon le rod  en klarifikasyon la akoz nou lo Departman Lenformasyon.  Me sa alokasyon i pa neseserman sorti dan sa Bidze.

I en prononsman ki Minis ti fer dan son diskour with regards to en cut ki’n arive dan avek allowance bann Information Officers.  E mon anvi konn rezondet sa pou la senp rezon ki sa zafer lenformasyon.  Sharing of, of information swa domestikman ouswa enternasyonalman  i enportan e crucial dan sa moman ki nou ladan.  So mon ti anvi en lesplikasyon lo la silvouple.  Mersi.

 

MR SPEAKER

Mersi Onorab.  PS.  Minister.

 

MINISTER MAURICE LOUSTAU-LALANNE 

Mersi Mr Chairman.  Mersi Onorab.  Onorab se vre ki i, i pe al lo 2an depi ki pe donn sa allowance e ki nou’n apwent sa bann Information Officers atraver Gouvernman.  Me nou santi ki a se moman la i preferab ki nou kennsel sa allowance.

I pa vedir ki lenformasyon pou aret ganny pase, pa ditou, akoz nou annan lezot dimoun dan Departman bann Gouvernman ki kapab donn sa lenformasyon piblik.  Annefe nou menm, nou tou nou pe donn lenformasyon.  E ozordi avek sa sityasyon ki nou ladan COVID-19 parey ou war i annan bokou plis bann live Press Conference, kot tou medya i ganny envite pou vin, pou vin partisipe, poz kestyon.

Donk nou santi ki i en landrwa ki pou le moman pandan sa kriz nou kapab koupe.  Mersi.

 

MR SPEAKER

Mersi Minis.  Bon nou a pran en vot pou Bidze pou Departman Lenformasyon pou en sonm R3,699milyon ki form par sa schedule.  Mon a demann tou Manm ki an faver?

Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Departman Lenformasyon in ganny aprouve par Lasanble Nasyonal.

 

 

DEPARTMENT OF DISASTER AND RISK MANAGEMENT

 

MR SPEAKER

Bon nou ava bouz pou lo Bidze pou DRDM Disaster and Risk Management pou en sonm R9,774milyon.  PS en pti brief.

 

 

PS DAMIEN THESEE

Mersi Mr Chair.  Nou pa’n fer okenn cut dan Bidze Departman DRDM anvi parey nou konnen i enn bann landrwa kle kot nou bezwen li.  Mersi.

 

MR SPEAKER

Mersi, mersi PS.  Yes, Onorab Ferrari.

 

HON JEAN-FRANCOIS FERRARI

Vi ki nou pa’n nou pa ankor pran Contingency vot.  Mon pe demande si i pou ok pou demann en kestyon lo DRDM ler nou pe adres Contingency?

Akoz zot annan, – Minis in dir nou poudir zot annan en sonm ladan.  So mon ava les sa pou-.  Mersi.

 

MR SPEAKER

Wi i annan en konponan ladan, mersi.  Lo head Disaster and Risk Management si napa personn then nou ava pran en vot.  Nou a pran en vot lo head Disaster and Risk Management pou en sonm R9,774milyon ki form par sa schedule.

Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Disaster and Risk Management in ganny aprouve par Lasanble Nasyonal.

 

THE JUDICIARY

 

MR SPEAKER

Nou ava bouze nou a pran Judiciary pou en sonm R99,199milyon.  PS.

 

 

PS DAMIEN THESEE

Mersi Mr Chair.  Nou’n redwir li par 4.1milyon.  Ladan 2.7 dan ‘’saler’’ e dan ‘’goods and services’’ 1.4.  Parkont dan son PSIP nou’n fer zis en lazisteman dan son foreign exchange pou son building Mazistra ki i pe konstri e sa i monte par 1.3milyon.  Mersi.

 

MR SPEAKER

Mersi PS.  Okenn kestyon oubyen klarifikasyon?  Non.  Nou a pran en vot pou Bidze pou Zidisyer, Judiciary pou en total R99,199milyon.  E mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Zidisyer i ganny aprouve par Lasanble Nasyonal.

 

NATIONAL ASSEMBLY OF SEYCHELLES

 

MR SPEAKER

Nou ava pran prosen head, Lezislatir Lasanble Nasyonal, pou en sonm R39,893milyon.  PS.

 

 

PS DAMIEN THESEE

Mersi Mr Chair.  En rediksyon R3.1milyon.  An vi sa 3 pos ki’n freeze apre savings ki annan enn nou bann delay recruitment.  E 2.3milyon dan son ‘’goods and services’’, bann kod ‘’ospitalite’’, ‘’airfares,’’ ‘’allowance, facilities for events’’ avek Board Members allowance osi.  Mersi.

 

MR SPEAKER

Mersi PS.  Okenn kestyon lo Bidze pou Lasanble?  Non.  Nou ava pran en vot lo Bidze R39,893milyon.  Bidze pou Lasanble Nasyonal ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  17 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Lezislatir Lasanble Nasyonal pou sonm R39,893milyon in ganny aprouve.

 

OFFICE OF THE AUDITOR GENERAL

 

MR SPEAKER

Nou ava pran lot head Bidze lo Lofis Oditer Zeneral R19,555milyon.  PS.

 

 

PS DAMIEN THESEE

Mersi Mr Chair.  En rediksyon R1.7milyon dan son Bidze.  1.5 dan ‘’saler’’ ek 472mil dan son ‘’goods and services’’ ankor bann Bidze ‘’ospitalite’’, airfares ek ‘’minor capital.’’  Mersi.

 

MR SPEAKER

Mersi PS.  Okenn Manm ki annan kestyon pou Bidze Oditer Zeneral?  Non.  Nou ava pran en vot pou Bidze ki en sonm R19,555milyon e ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Lofis Oditer Zeneral in ganny aprouve par Lasanble Nasyonal.

 

OFFICE OF  THE OMBUDSMAN

 

 

MR SPEAKER

Nou ava pran Bidze Lofis Ombudsman pou en sonm R3,112milyon.  PS.

 

 

PS DAMIEN THESEE

Mersi Mr Chair.  En rediksyon 656mil dan son Bidze.  Sa i konpri R177mil dan son ‘’saler’’ e ladiferans R458mil dan son ‘’goods and services’’, bann Bidze ‘’ospitalite’’, ‘’printing’’, ‘’travel’’, ‘minor ‘’capital’’.

 

MR SPEAKER

Mersi PS.  Okenn Manm ki annan kestyon?  Yes, Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman mon anvi demann en kestyon la.  Ou konnen spesyalman pou nou bann lenstitisyon ki annan en rol kle pou zwe.

E sa mon pou demande pou, pou lot tou.  Zot Bidze i deza pti, pti e ki letan, e souvandfwa en dimoun pe fer trwa diferan travay.  So mon ti ava kontan ganny plis lesplikasyon lo sa saler ki ou pe koupe?  Saler si ou ti a kapab donn nou plis detay lo sa silvouple?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi.  Pou Ombudsman?  Sa i plizoumwen nou retir sa R40mil lo son ‘’information allowance.’’  Apre nou’n fer son revise MBE, son revised MBE savedir nou’n donn li bann pos mete Zanvye prezan  zot  in tarde recruit.

Sa ki nou’n pran nou pa’n vreman koup son okenn pos li.  Akoz zis parey ou’n dir nou ti konnen sa bann pos kle, nou pa’n koup son pos nou’n zis tir sa information allowance apre whatever ki i pa’n servi dan bann mwan Zanvye, Mars.  Son bulk koupe li dan sa plizoumwen 656, 382 ladan i pou ‘’overseas airfares.’’  Mersi.

 

MR SPEAKER

Mersi PS.  Bon si napa ankor kestyon.  PS ou ok?  Bon nou ava pran en vot pou Bidze Lofis Ombudsman pou en sonm R3,112milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  17 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Lofis Ombudsman i ganny aprouve par Lasanble.  Nou ava pran lot Lofis pou Public Service Appeals Board pou en sonm R1,183milyon.  PS.

 

PUBLIC SERVICE APPEALS BOARD

 

PS DAMIEN THESEE

Mersi Mr Chair.  Ladan nou zis tir R40,500mil pou’’ information allowance’’ se tou.  Mersi.

 

MR SPEAKER

Mersi PS.  Okenn kestyon?  Si non, nou ava pran en vot pou Office of the Public Service Appeals Board pou en sonm R1,183milyon e ki form par se schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  16 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Lofis Public Service Appeals Board in ganny aprouve par Lasanble.  Nou ava pran Bidze pou Constitutional Appointments Authority pou en sonm R1,850milyon.  E mon ava donn laparol PS.

 

CONSTITUTIONAL APPOINTMENTS AUTHORITY

 

PS DAMIEN THESEE

Mersi Mr Chair.  Ankor en pti Bidze ki nou’n redwir R178mil e ladan 150mil ti pou relye ek ‘’overseas’’ ‘’airfares’’ avek ‘’allowance’’.  E larestan dan son ‘’ospitalite’’ e ‘’minor capital.’’  Mersi.

 

MR SPEAKER

Mersi PS.  Okenn Manm ki oule poz kestyon, klarifikasyon.  Non.  Nou a pran en vot alor lo Bidze pou Constitutional Appointments Authority CAA pou en sonm R1,850milyon e ki form par sa schedule.

Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  17 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou CAA in ganny aprouve par Lasanble.  Nou ava pran Bidze pou Electoral Commission pou en sonm R8,593milyon.  PS.

 

 THE ELECTORAL COMMISSION

 

PS DAMIEN THESEE

Mersi Mr Chair.  Electoral Commission ti en landrwa kot nou pa ti anvi tous son saler, nou’n redwir zis R40mil pou son ‘’information office allowance’’.  E dan son ‘’goods’’ nou’n redwir 247mil ladan, bulk i dan ‘’overseas airfares’’ and ‘’allowances’’ 158mil.

E ladiferans dan ospitalite.  Mersi.

 

MR SPEAKER

Mersi PS.  Okenn kestyon pou Bidze Electoral Commission?  Bon si napa nou ava pran en vot pou Bidze Electoral Commission pou en sonm R8,593milyon.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  18 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Electoral Commission in ganny aprouve par Lasanble Nasyonal.

 

MINISTRY OF FINANCE, COMMERCE, INVESTMENT AND ECONOMIC PLANNING

 

 

MR SPEAKER

Nou ava pran Bidze pou Minister Finans, Komers, Lenvestisman avek Planning Ekonomik pou en sonm R137,322milyon.  PS.

 

 

PS DAMIEN THESEE

Mersi Mr Chair.  En rediksyon total apepre R13milyon.  Pou Departman Finans nou’n redwir nou Bidze par R8.8milyon.  Nou’n redwir nou saler par 4.4 par pa fer bann recruitment.

Dan nou ‘’goods and services’’ nou’n redwir nou Bidze par R4.3milyon, ladan nou ti annan R3milyon pou ‘’overseas airfares’’ and ‘’subsistence allowance.’’

E larestan i dan nou ‘’Board Members allowance,’’ ‘’printing’’, ‘’ospitalite’’, ‘’facilities for events’’.  Anba Departman Trade nou’n redwir nou Bidze par R2.4milyon.

Ladan 429mil dan saler e ladiferans R2milyon ki nou redwir dan nou ‘’goods and services’’ pou Departman Trade dan bulk i dan overseas airfares ek ‘’subsistence allowance.’’  Anba Economic Planning in redwir li par R1milyon.  En rediksyon R313mil dan saler e 759mil dan ‘’goods and services ‘’ki dan bulk ti dan overseas airfares ek son allowance.

Departman Lenvestisman nou’n redwir Bidze par R758mil.  Ladan 368mil dan ‘’saler’’ e ladiferans 389 dan ‘’goods and services’’, menm keksoz ankor ‘’airfares’’, ‘’printing,’’ ‘’minor capital.’’  Mersi.

 

MR SPEAKER

Mersi PS.  Okenn Manm ki annan kestyon oubyen klarifikasyon?  Non.  Nou ava pran en vot alor pou Bidze pou Minister Finans pou en sonm R137,322milyon e ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  18 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Minister Finans, Komers, Lenvestisman, Economic Planning in ganny aprouve par Lasanble.

 

DEPARTMENT OF FOREIGN AFFAIRS

 

MR SPEAKER

Nou ava pran Bidze Departman Foreign Affairs pou en sonm R108,712milyon.  PS.

 

 

PS DAMIEN THESEE

Mersi Mr Chair.  Pou Departman Zafer Etranzer nou’n redwir son Bidze par R6.9milyon.  Ladan 1.9 dan ‘’saler’’, e ladiferans 4.9 dan son ‘’goods and services.’’  Ladan 3.2 ti dan ‘’airfares’’ e ladiferans dan ‘’facilities for event,’’’’ minor caps’’, ‘’ospitalite ‘’e ‘’stationery.’’  Mersi.

 

MR SPEAKER

Mersi PS.  Yes, Onorab Ferrari.

 

HON JEAN-FRANCOIS FERRARI

Mersi Mr Speaker.  Minis ou ava rapel ki nou’n annan en deba pli boner sa lannen lo nesesite pou al ouver en Lanbasad Moris.   E nou lo nou kote latab nou’n absoliman kont sa lide annan en, en Lanbasad avek en Anbasader rezidan Moris.  E lot kote latab in ensiste ki zot anvi kontinyen i annan sa larout.  Alors mon ti a kontan ki PS i kapab dir nou vi ki nou’n freeze sa amount ki ti’n ganny determinen pou sa Lanbasad, Lasanble ti’n freeze,  eski Gouvernman in deside prezan pou koup sa konpletman pou sa lannen 2020?  E regard li dan lavenir kot i annan en loportinite e nou annan larzan pou nou fer sa, sa nouvo louvertir en nouvo Lanbasad dan sa lepok COVID?  Sa i mon premye kestyon.

Mon 2enm kestyon se, se mon war poudir in annan serten rediksyon dan Bidze global pou ariv 1.8milyon.  Mon ti a kontan konnen si bann Lanbasad e  bann reprezantasyon Diplomatik aletranze zot osi zot pe fer en zefor?  Eski annan serten zot bann depans ki’n ganny redwir?

E an menm tan si PS oubyen Minis i annan sa lenformasyon lekel bann Anbasader ek bann O Komiser ki’n ki ankor dan zot pos?  Mon konnen poudir Sri Lanka, Colombo i enn ki Anbasader pe vreman okipe pe handle bann ka, bann dimoun ki’n al sonnyen.

Be eski bann lezot Anbasader zot ankor an pos aletranze pe asiste bann Seselwa dan sa lepok Corona viris pou bann servis?  Sirtou bann servis Konsiler e bann lezot servis ki nou sitwayen i espekte nou gannyen?

Oubyen i annan bann Anbasader ki’n retournen ki isi Sesel ki ki’n abandonn zot pos?  Konmsi  i enportan pou nou konnen sirtou bann maren i lo por pe travay a sa moman.  Mersi.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE 

Mersi Mr Chairman.  Mersi Onorab.  Onorab parey ou’n fer resorti efektivman nou nepli kapab voyaze.  Donk i annan sa restriksyon nou’n pran tou Bidze e alor i enportan ki nou bann lantenn, nou bann Lanbasad aletranze e i annan plizyer.

E sertennman nou bann Anbasader oubyen nou bann O Komiser zot bezwen reprezant nou laba kot zot ete.  E zot bezwen asim sa responsabilite.

So se akoz sa ki nou annan ankor annan, mon krwar i annan 14 si mon memwar i servi mwan byen.  Apepre 14.  Sa se le premye pwen.  Si i annan ki’n retourn Sesel depi COVID-19 mon napa sa lenformasyon.

Me sa ki mon kapab dir ou dan sa menm lespri ki nou bezwen regard ki mannyer nou pou re organiz nou post COVID.  Mon krwar ki i enportan ki nou osi annan en refleksyon lo ki mannyer nou pou tret nou bann Lanbasad dan le fitir.

Fitir mwayen term sertennman.  Donk mon krwar sa i en keksoz ki a letid par Gouvernman ozordi.  Mon pa kapab pronons plis ki sa e letan nou a pran en desizyon nou ava kominik sa desizyon.  Mersi.

 

MR SPEAKER

Mersi Minister.  Yes, Onorab Ferrari.

 

HON JEAN-FRANCOIS FERRARI

Mersi Mr Speaker.  Mon ti a zis kontan si Minis i kapab dir nou sa vot pou Lanbasad ki sipoze al ouver Moris.  Eski Gouvernman i ankor pe mentenir ki i son lentansyon pou li an atandan rapor Lasanble, i pe mentenir ki i anvi al ouver en nouvo Lanbasad Moris?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Nou, nou’n kit sa lokasyon R1.9milyon dan Bidze Foreign Affairs pou Lanbasad ki ti anvi ouver pou Moris.  Nou ava rapel ki lannen pase ti freeze sa alokasyon e komitman sete ki nou, Foreign Affairs i come back pou li defann pozisyon avek, avek Lasanble.

So nou, nou’n kit li la prezan nou a atann desizyon si nou kontinyen freeze li ziskan ler Foreign Affairs i vini pou defann pozisyon.  Mersi.

 

MR SPEAKER

Mersi PS.  Onorab Flory Larue.

 

HON FLORY LARUE

Bonzour Mr Chair.  Bonzour Minis ek ou delegasyon, mersi.  Mon ti a kontan demann Minis silvouple si i annan en, en proporsyon dan sa Bidze ouswa zot mazinen pou met en morso pou repatriation of Seychellois Nationals.

Nou konnen Dubai nou annan en kantite ki pe travay.  E zot, zot pa bann residents laba per se, they are workers.  So si se keksoz i agrave, eski nou annan en Bidze allocated pou repatriation of nationals?

Akoz mon krwar ki menm si nou aksepte ouswa pa aksepte, nou bezwen konmans fer en travay pou kapab idantifye sa bann dimoun.  E eski larzan pe ganny mete akote pou nou travay lo sa?  Lefe ki nou pa pe fer commercial flights mon krwar yer mon ti tous lo sa lo kote bann saler foreign workers.

Lo kote Foreign Affairs, Department of Foreign Affairs, eski Minis in kapab donn nou kek feedback lo ki bann, ki plan Departman Foreign Affairs pou zot kapab repatriate nationals lezot pei?

E mannyer mwan, mon pe konpran i pa legal pou en pei abandonn son Nationals.  Ou kapab ou’n fermen commercially me i annan en lobligasyon anver son bann nationals.  So si ou ti kapab dir nou en pe lo sa?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE 

Wi mersi Mr Chairman.  Mersi Onorab e bonzour.  Sel landrwa ki nou pou kapab servi larzan pou COVID-19 se pou bezwen, nou bezwen servi li anba Contingency.  Nou napa en laliny spesyal pou le moman.

So nou pou bezwen fer li anba Contingency pou le moman, sa i enn.  Lo ou 2enm kestyon nou pou kontinyen regard sityasyon parey mon’n dir yer.  Nou pa ankor pran en desizyon pou le moman akoz bann border in close.  Me parey mon’n dir le moman i ouver si i annan ki le re vini nou pou kapab organize akoz nou annan avyon pou nou fer li.  Me sa desizyon nou pa ankor pran a sa moman aktyelman la.  Mersi.

 

MR SPEAKER

Mersi Minis.  Onorab Larue.

 

HON FLORY LARUE

Mersi Mr Chair pou, pou obliz mwan.  Mersi Minis pou ou larepons me mon pa pe koz lo commercial flight, that means the opening of en airport.  Annou pa konfiz piblik.  Zis akoz en pei in lockdown e i pa pe fer commercial flight pasaze monte desann.  Mon pe koz repatriation lo kote imaniter.  Lobligasyon imaniter ki en pei i annan anver son pep.  So nou, nou annan anver Seselwa, e Sri Lanka, India, Madagascar ek lezot pei ki annan son nationals isi i annan en lobligasyon avek son Nationals.  So ki Gouvernman pe fer dan sa fason?

Pa pou anmenn touris pou fer commercial flight.  Annou get li clear pou nou pa konfiz piblik.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE 

Mersi Mr Chairman.  Mersi Onorab.  Onorab mon repete silvouple ki pou sa bann Seselwa ki ozordi i Sri Lanka ki’n ale swa priveman oubyen Gouvernman in anmenn zot laba pou rezon medikal,  desizyon ki nou’n pran se nou donn zot en larzan pou zot reste laba pou le moman.

So nou pe take care zot bezwen dan sa pei.  Nou pa ankor fer en demann ofisyel avek Gouvernman swa Sri Lanka, swa Lenn ou lezot pou regarde si zot pou permet nou anmenn en avyon pou repatri nou bann Seselwa.  Sa nou pa ankor fer sa demars.  Mersi Mr Chairman.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Chairman,  dan sa vot la eski zot ospitalite an relasyon avek visiting VIPs dan Foreign Affairs ,eski sa in koupe?  Akoz mon krwar pa si nou pou ganny bokou VIPs.  E en larepons wi oubyen non, sa sonm pou Lanbasad Moris eski i ankor frozen?

Wi oubyen non?  Parske this was the last decision ki nou ti pran lannen pase e nou, nou anvi ki sa sonm i reste frozen ziska ki desizyon i ganny pran.  Wi oubyen non?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Ospitalite nou’n redwir li global anba Foreign Affairs pou en sonm R492mil.  Savedir i pou afekte li tou keksoz.  An sa ki konsern freeze an vi ki nou pe anmenn en nouvo Bidze,  nou’n anmenn  en nouvo keksoz ek Lasanble so i pou up to Lasanble prezan pou deside si i bezwen refreeze.

Parske nou, nou’n fini bliye sa Bidze 2020 la.  Mersi.

 

MR SPEAKER

Mersi PS.  Yes, Onorab Ramkalawan.

 

HON WAVEL RAMKALAWAN

Nou anvi move ki sa sonm 1. konbyen i ete li?  1.9, 1.9 i reste frozen parey nou dernyen desizyon.

 

MR SPEAKER

Ok Onorab.  I pa pou kapab reste frozen.  This is a new budget.  Ou bezwen fer move en Mosyon ki i ganny freeze.

 

HON WAVEL RAMKALAWAN

Ok mon move Mr Chairman ki sa sonm ki ganny allocated pou Lanbasad pou Lanbasad Sesel/ Moris i ganny frozen.

 

MR SPEAKER

Yes, en moman i annan de ki pe segonde.  Non be nou ava fini dispose of the Motion.  Ok Onorab Ferrari ou segonde?  Ok dakor nou ava pran en vot pou Mosyon ki’n ganny demande pou freeze sonm R1.9milyon dan Bidze Departman Foreign Affairs.

Mon demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  17 Manm in vot an faver.  E personn kont.  Mersi.

 

MR SPEAKER

Ok Mosyon in, in pase.  Bon Onorab Sebastien Pillay.

 

HON SEBASTIEN PILLAY

Mersi Mr Chairman.  Mr Chairman mon pa le retard prosedir me i enportan pou nou donn byen lenformasyon piblik an deor.  Sa Bidze ti ganny frozen mon rapel dernyen fwa largiman sete pending an audit e diskisyon ki ti devret ki ti pe sipoze ganny fer avek Foreign Affairs.

Audit in fini ganny fer.  Diskisyon ti gannyen avek Foreign Affairs.  Chairman IAC in omit pou li dir sa bout.  In omit pou li dir sa bout konsernan sa.  Akoz sa ki PS in reponn li se ki zot ti pe esper en desizyon baze lo diskisyon ki’n gannyen.

Now mon pa konnen ki desizyon IAC in pran dan son, dan son pwen final.  Be i enportan pou piblik konnen ki Foreign Affairs in fer son bout pou vin devan Lasanble avek son odit avek son bann lenformasyon.  Mersi Mr Chairman.

 

MR SPEAKER

Bon ok zis pou shed en pti pe plis lalimyer, laklerte lo sa sityasyon.  Dan ABC Chair Foreign, Chair Komite Zafer Etranzer ki osi Chief Whip pou Lopozisyon,  in dir nou ki in pare pou prezant sa rapor avek Lasanble e sa nou ti pou fer li semenn prosenn.  Mon pa ankor ganny en kopi sa rapor mon pa konnen kwa ki konteni ladan.  I pou selman, mon pou selman ganny en kopi zour sa rapor pou ganny lay down on the table.  

So nou ava atann sa vini apre nou ava regarde kwa ki pou fer.  E Foreign Affairs osi byensir konman sa pou ganny lay down on the table, Foreign Affairs also pou ganny en, en kopi.  Ok?  So nou ava pran li from then on.  Bon nou ava pran en vot lo, lo Bidze Departman Zafer Etranzer pou en sonm R108,712milyon me prenon kont ki i annan en sonm 1.9milyon ki’n ganny frozen, e ki form par sa schedule,  mon ava demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Departman Foreign Affairs in ganny aprouve par Lasanble.

 

DEPARTMENT OF POLICE

 

 

MR SPEAKER

Bon nou ava pran Bidze pou Departman Lapolis pou en sonm R532,813milyon.  PS.

 

 

PS DAMIEN THESEE

Mersi Mr Chair.  Nou pa’n koupe son Bidze ‘’saler’’ e ‘’goods.’’  Parkont anba son ‘’minor capital ‘’nou ava rapel i annan son Police Headquarters, sa nou savedir sa increase ki zot pou war anba Departman Lapolis i pou cater pou sa foreign exchange adjustment dan sa Proze Kapital.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chairman.  Mon krwar ki lesplikasyon ki nou pe gannyen i pa accurate pou sa logmantasyon.  Mon ti ava kontan ki nou ganny pli bon lesplikasyon akoz i resanble ki sa sonm i annan 500mil pou security of Government buildings e avek en sonm 5.5milyon pou aste nouvo loto.

Alors mon pe konteste sa lesplikasyon ki nou pe gannyen.  Parske i napa nanryen pou fer direkteman avek COVID-19 e ki COVID-19 i pou plito al dan sa Contingency ki ou’n mansyonnen.

 

MR SPEAKER

Mersi Onorab.  PS.

 

PS DAMIEN THESEE

Meri Mr Chair.  Dan Bidze 2020 nou ti’n met nou R5.8milyon anba Capital Projects pou loto.   E sa nou ava rapel nou ti annan sa Indian LOC  ki nou sipoze aste sa anba la.  So nou pe ganny serten difikilte avek sa proze anba Indian Line of Credit akoz zot pe met egzizans lo serten kalite mark loto, ki nou ti’n tyek ek zot avan, i sipoze, ok.

E nou pe war problenm pe gannyen ki sa bann mark loto la.  So ki nou’n fer nou’n zis vire sa amount instead of loan component, nou’n anvoy li into a, a domestic financing.  Selman vi ki loto i ganny konsidere konman minor capital, i pa en, en fixed asset parey en, PSIP plizoumwen pou bann konstriksyon building.

Prezan nou’n anvoy li dan son ‘’goods and services.’’  Akoz si i ganny, si en loto i ganny finanse par domestic financing, i pou dan ‘’goods and services’’.  Me parkont tou bann loan financing i pou anba dan PSIP.  So sa i zis en mouvman ki nou’n fer presizeman.

E savedir sanmenm sa ou war ou ‘’goods’’ in monte e, parey mon’n dir ou annan sa Government buildings eskize, ou annan sa nouvo police headquarters nou’n fer son foreign exchange component.  Mon ava zis verifye sa Sensitive building kekfwa ler nou’n fer azitasyon nou kapab aziste saler as is now.  Akoz unless si i annan shortage nou pou aziste.  Mon ava zis verifye sa en pti kou mon a get back ek ou.

 

MR SPEAKER

Mersi PS.  Yes, Onorab Ramkalawan.

 

HON WAVEL RAMKALAWAN

So nou, nou pou atann sa verifikasyon, pandan ki i pe verifye nou kapab?  Parske –

 

MR SPEAKER

Yes PS.

 

PS DAMIEN THESEE

Wi mersi.  Mon annan lenformasyon lo sa, ki ti arive i annan Minister ennler ki vin kot nou pou, pou ki zot ganny, al kot Lapolis aktyelman pou zot ganny servis sekirite anba Lapolis.  So  sa ki nou’n fer, nou’n fer en cut anba Departman Kiltir akoz zot in vin demann sekirite apre ki nou ti’n ferm Bidze.

Savedir Lapolis ti pe sarze pou kapab recruit dimoun.  Nou ti’n zis prezan fer sa cut anba culture anvoy li anba Lapolis pou zot kapab peye dan plas tou le mwan pe fer invoicing.  Mersi.

 

MR SPEAKER

Yes Onorab Ramkalawan?.

 

HON WAVEL RAMKALAWAN

Me la ki, parske sa 5.5milyon ki’n mete pou loto la, avek COVID-19, lenportasyon loto i pa vin en priyorite.  Eski nou pou al demande ki, konmsi ki mannyer i pou marse la?  Mon ti ava kontan regarde ki si sa 5.5milyon konmsi zot pou bezwen tenir lanmenm la akoz i pa en priyorite pou zot itiliz sa ki zot, zot deza annan?

Oubyen eski Lapolis li, akoz i en servis esansyel i pou, i pou ganny sa permisyon pou li, pou li fer sa?  Me mon bezwen osi dir ki, konmsi i resanble nou pe, nou pe depans bokou larzan lo transpor Lapolis e an menm tan osi lo lot kote i annan bokou transpor Lapolis ki kraze.

E ki sa i en konsern pou nou, parske zis nou pe met larzan ki apre sa lannen, apre lannen zis nou pe fer bann simityer loto Lapolis.  So ki pozisyon Gouvernman lo, lo sa?  Eski pou annan en kote disiplin pou regarde ki mannyer bann dimoun, proper training pou bann drayver?

Ki kalite keksoz pou nou pa, pa zis pe depans larzan e apre fer simityer?  Mersi bokou.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  An sa ki konsern loto pou Lapolis i en landrwa ki nou annan, nou konnen nou annan challenge.  Akoz zot annan anviron, i depan letan ant 30 a 60 loto ki zot lwe.  So stratezi ki zot redwir en pe sa bann car hire ki pou aste loto pou redwir enpe.  Akoz nou pe zis ba sically donn larzan dan car hire.

So sete sa stratezi.  Even if ki nou annan sa challenge la kontinyen.  I pa zis Lapolis actually bokou Departman Gouvernman pe lwe loto akoz nou pa’n replace nou fleet over the past ten years.  Akoz sa i en keksoz ki nou neglize tou kou.

So nou bezwen ranplase.  So nou, nou’n war li kekfwa esansyel ki nou kontinyen.  Wi nou konnen i annan bokou aksidan ek Departman Lapolis.  Nou’n egzize pandan sa dernyen 2an ki zot donn nou accident report ler zot demann request for write-off.  Zot asir nou ki zot swadizan fer bann aksyon disipliner avek sa bann zofisye Lapolis ki fer aksidan.

So i pou, Lapolis kekfwa pou en pti pe pli egzizan lo ki kalite mezir disipliner zot pran avek, selman nou, nou demande ki zot donn nou police en, en statement avan ki nou write-off sa veikil dan nou register.  Mersi.

 

MR SPEAKER

Mersi PS.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair mon ti a kontan demann PS pou, pou konfirm avek nou ki anvi ki Lapolis i annan bann zofisye etranze, ki zot ti’n al deor e zot, zot in ganny pri dan sa sityasyon.  PS Jules Baker in dir ki aparaman i sipoze dan sa ka zot saler i ganny freeze.  Eski sa i pe aplike pou sa bann zofisye Lapolis Sid Afriken ki Sid Lafrik ki zot pa pe retournen?

E dernyen Bidze nou ti demande pou nou ganny lalis sa bann dimoun ek zot saler ki, ki pou zot, nou pa ankor gannyen.  E si PS i kapab posibleman dir nou lendikasyon, si i annan sa lenformasyon avek li?  Me si i napa si i kapab provide nou sa lenformasyon silvouple.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  An sa ki konsern travayer Gouvernman.  Any travayer Gouvernman ki expatriate osi pou le moman nou ankor pe kontinyen pey zot.  Si zot deor so i pou en pe pli diferan avek private sector, an vi ki private sector pe ofer en lasistans.  E mon pa’n konpran ou 2enm kestyon byen.  Si ou kapab repete silvouple.

 

MR SPEAKER

Mersi PS.  Onorab.

 

HON CLIFFORD ANDRE

Dir ki dan Bidze pou 2020 ki nou ti diskite.  Nou ti demann sa bann, sa grid pou sa bann, sirtou bann etranze.  Sa bann Sid Afriken ki travay ek Lapolis, konbyen zot pe gannyen?  Pou nou kapab war e gete.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi.  Nou ava fer Lasanble ganny sa lenformasyon apre midi.  Mersi.

 

MR SPEAKER

Mersi PS.  Onorab Egbert Aglae.

 

HON EGBERT AGLAE

Mersi Mr Speaker.  Bonzour PS e Minis.  Minis ouswa PS petet en gidans, an vi ki dan Bidze lannen pase i annan bann larzan ki’n ganny mete pou mentenir bann stasyon.  E mon konnen la pou dan sa moman force majeure ki nou ladan, e bann restriksyon ki pe ganny mete, e pou kapab ranforsi sa bann restriksyon prezans Lapolis i enportan.  An partikilyerman mon pe koz ou kot stasyon Port Glaud ki li osi i ankor anba maintenance e napa en prezans permanans.

Eski Minister Finans ansanm avek Departman Lapolis pe mazin osi pou kapab etablir en prezans kot stasyon?  Menm si fodre servi kot Ladministrasyon Distrik tanporerman pou ki nou ava annan en prezans.

Akoz nou pa konnen sityasyon dan sa restriksyon ki kapab arive e prezans Lapolis i enportan.  Eski ou kapab donn en gidans petet ki mannyer nou kapab petet soulaz en pti gin sa sekirite kot i konsern mon Distrik?  Mersi.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Mon a pran not ou demann e mon a fer sir ki high command Lapolis avek bann meeting ki zot fer serten nivo ki sa mesaz i ganny kominike.  Mersi.

 

MR SPEAKER

Mersi Minister.   Ok zis en pti moman mon ti’n oubliye, yes Onorab John Hoareau ou ti’n lev lanmen mon ti’n oubliy ou.  Mon a donn ou laparol Onorab.

 

HON JOHN HOAREAU

Mersi Mr Chairman.  Mr Chairman mon ti le demande ki rezondet ki program 4 Criminal Investigation Unit in war en increase par 13milyon?  Me selman ler ou get anba New Spending Initiative ou war i annan zis 7milyon keksoz ki’n ganny mete pou, pou depanse pou, pou zot Unit?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Kestyon anba program 4 akoz i annan en increase?  Nou pe get Bidze 124 i Bidze 2019.  Akoz latab anba PPPB statement i pe donn ou Bidze 2019 avek son lamannman 2020.

 

MR SPEAKER

En moman.  Onorab Hoareau.

 

HON JOHN HOAREAU

Wi, eskiz mwan i annan en increase from 28 to 37.  Anba Revised Budget pou sa.

 

PS DAMIEN THESEE

Mersi Mr Chair.  Sa 28million i Revised Budget 2019.  So ou pe konpar Bidze 2019 avek the amendment of 2020 ki 37milyon.  So i pa 2020 avek 2020 amendment li.  Ou a pe konpar revised 2019 avek 2020 amendment.  Mersi.

 

MR SPEAKER

Mersi PS.  Bon nou ava pran en vot pou Departman Lapolis pou en sonm R532,813milyon ki form par sa schedule.  Mon ava demann tou Manm ki an faver?  Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Departman Lapolis in ganny aprouve par Lasanble.  Bon avan nou pran break mon ti’n mal enform Lasanble taler ki nou ti annan 26, i pa ti 26 mon’n mal ganny lenformasyon.  Ti 80 heads.  Nou’n fer 13 la i reste nou 67 heads pou nou kapab dizere pandan larestan lazournen.

Ok so nou pou pran en break.  E parey mon’n anonse nou break pou 1erdtan nou pou retournen 1er pou nou kontinyen nou travay.

 

 

(BREAK)

 

 

MR SPEAKER

Bonn apre midi tou Manm Onorab.  E bonn apre midi Minister avek ou lekip.  Bonn apre midi tou dimoun ki a lekout.  Nou pou kontinyen nou travay kot nou ti’n kite avan nou break.

 

DEPARTMENT OF PRISON

 

 

MR SPEAKER

E nou pou pran Departman Prizon Bidze pou Departman Prizon pou en sonm R80,457milyon.  PS ou a donn en pti brief.

 

 

PS DAMIEN THESEE

Mersi Mr Chair.  Pou Departman Prizon, son Bidze in redwir par R4.5milyon.  1.5 dan saler e 2.9 dan son ‘’goods and services’’ bann Bidze normal ‘’ospitalite’’ e ‘’airfares.’’  Mersi.

 

MR SPEAKER

Mersi PS.  Bon mon’n zis fer en pti lerer avan nou komanse la, nou annan en Revised Order Paper, nou annan en presentation of en S.I ki mon ti a kontan nou ti ava pran zis avan nou al lo bann entervansyon bann Manm.  Mon ava demann Deputy Clerk pou li read the last S.I ki’n ganny pibliye ki pe ganny lay on the table.  En segonn, mon ava zis demann Sarge pou move Mace pou nou fer sa prosedir.

Mon a demann Deputy Clerk prezan pou read the S.I apre nou ava retourn lo nou prosedir Bidze.  Deputy Clerk.

 

MADAM DEPUTY CLERK

Mersi Mr Speaker.  Bonn apre midi Mr Speaker.  Bonn apre midi tou bann Manm e tou dimoun ki a lekout.  S.I 62 of 2020 ki pe ganny prezante, Public Health Infectious, Infectious Disease (Amendment) (No.3) Regulations 2020.  Mersi Mr Speaker.

 

MR SPEAKER

Mersi Madam Deputy Clerk.  E tou Manm in sipoze ganny en kopi sa S.I  – ok?  Bon mon ava demann Sarge pou re move mace back into Committee Stage.  PS in donn nou en pti brief lo Bidze Prizon.

Okenn Manm ki oule entervenir?  Yes Onorab Waven William.

 

HON WAVEN WILLIAM

Mersi Mr Speaker.  Mr Chairman.  Mon anvi lev sa size la akoz lefe ki nou anba menas COVID-19, mon pa konnen si Minis ouswa PS i annan sa bann lenformasyon.  Enn, mon ti a kontan konnen e mon mazinen piblik osi ti a kontan konnen.  Lefe ki nou pe koz ki bann rimann in mont anler prizon, e nou pa konn popilasyon laba ki mannyer i ete e i vre ki sa bann dimoun zot in fer zot fot e nou annan fanmir, nou annan zanmi anler laba.

E ler nou pe koz lo social distancing an menm tan proteksyon.  Mon anvi demande si sa i konsern prizon mon war anba Contingency i annan serten, serten larzan pe ganny donnen.  Vizavi proteksyon ki fason ki prizon pe ganny organize vizavi zot proteksyon laba avek sa menas?

So mon ti a kontan ganny en pti lenformasyon lo la akoz i enportan ki nou konnen.  En rezon mwan, mon pe met lanfaz lo la akoz dan lepase nou’n war ki serten lenformasyon in ganny kasyet laba.  Epi ler keksoz vin pli grav ki epi lenformasyon i sorti.

So i bon ki nou ganny en pti leksplikasyon mon krwar piblik avek manm fanmir ti a kontan petet konnen en pti pe ki pe arive.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab mon pa dan en pozisyon pou mon konfirm nanryen me sa ki mon, mon konnen se sa ki mon’n tande e ki mon’n war lo televizyon.  Mon krwar ki sa Direkter prizon Mr St Ange in eksplike konmkwa zot pe pran sa bann mezir ki Departman Lasante pe demann nou tou fer.

E osi met li dan, dan prizon e osi menm pou bann dimoun ki vin vizit prizon.  Me pwen for ki mon retenir se ki ti dir ozordi i annan bokou mwens inmates.  Mon krwar si mon, mon memwar i servi mon byen i ti dir ki i annan en kapasite 700 e konmela i annan apepre 250 si mon mazin byen.

So mon krwar ki sa density dan sa prizon i pa alaoter ki i ti ete en pe letan pase.  So i sanble mon zot pe pran bann mezir neseser pou fer sir ki zot aplik sa bann direktiv Minister Lasante.  Mersi.

 

MR SPEAKER

Mersi Minister.  Bon napa ankor Manm ki pou entervenir.  Mon ava prezan demann ki nou pran en vot lo Bidze Departman Prizon pou en sonm R80,457milyon e ki form par sa schedule.  Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  10 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Departman Prizon in ganny aprouve par Lasanble Nasyonal.

 

REGIONAL MARITIME SECURITY BODIES

 

MR SPEAKER

Bon nou ava pran lot head, Regional Maritime Security Bodies, pou en sonm R7,804milyon.  PS.

 

 

PS DAMIEN THESEE

Mersi Mr Chair.  Nou’n redwir Bidze par 1.2milyon.  Ladan 412mil dan ‘’wages’’ an vi son revizyon dan son MBE e ladiferans 881mil dan ‘’goods and services’’ ankor bann vot parey ki mon’n nonmen enkli dan ‘’minor capitals’’ ek ‘’maintenance and repairs.’’  Mersi.

 

MR SPEAKER

Mersi PS.  Okenn Manm?  Non.  Nou ava pran en vot alor lo Bidze pou Regional Maritime Security Bodies pou sonm R7,804milyon ki form par sa schedule.  Tou Manm ki an faver?

Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair.  11 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze savedir Bidze Regional Maritime Security Bodies in ganny aprouve par Lasanble Nasyonal.

 

MINISTRY OF FISHERIES AND AGRICULTURE

 

 

MR SPEAKER

Nou ava pran prezan Bidze pou Ministry of Fisheries and Agriculture pou en sonm R18,012milyon.  PS.

 

 

PS DAMIEN THESEE

Mersi Mr Chair.  En rediksyon selman R795mil.  Ladan 674mil dan son ‘’saler’’, zis en pos ki’n ganny koupe apre son revizyon in MBE e dan ‘’goods and services’’ selman R120mil.  Mersi.

 

MR SPEAKER

Mersi PS.  Yes Onorab Afif.

 

HON AHMED AFIF

Mersi Mr Chairman.  Zis en klarifikasyon Minister Lagrikiltir mon, mon’n trouv en logmantasyon sorti R15.276milyon ki nou ti aprouv an pou 2020 e la prezan i 18,012milyon.  So i pa en rediksyon?

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Son increase korekteman i pou dan son PSIP i annan li de nouvo Grant ki’n antre CLISSA anba PSIP nou a war li ki’n gannyen pou CLISSA project.  Sa se bann proze ki basically ed lagrikiltir at small scale basically.  Mersi.

 

MR SPEAKER

Mersi PS.  Onorab Ramkalawan, non.  Bon si napa personn ankor nou ava pran en vot lo Bidze Ministry of Fisheries and Agriculture pou en sonm R18,012milyon mon ava demann tou Manm, ki form, par sa schedule.

Mon ava demann tou Manm ki an faver? Tou Manm ki an faver lev lanmen?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Ministry of

Fisheries and Agriculture in ganny aprouve par Lasanble Nasyonal.

 

MINISTRY OF EDUCATION AND HUMAN RESOURCES DEVELOPMENT

 

 

MR SPEAKER

Nou ava prezan pran Minister Ledikasyon avek Departman Resours, Devlopman Resours Imen.  Ministry of Education and Human Resources Development pou en sonm (R901,773milyon).  PS.

 

 

PS DAMIEN THESEE

Mersi Mr Chair.  Anba mezir Minister Ledikasyon nou annan en rediksyon lo son goods and services  ek saler total R46milyon.  Ladan selman zis R4.3milyon dan son ‘’saler’’, R22milyon dan son ‘’goods and services’’ bann vot ki nou’n nonmen parey ‘’minor capital’’, ‘’Board Members allowance’’ i ariv R14milyon sa de.  Nou annan nou R1milyon dan ‘’overseas airfares’’ ek ‘’other allowances’’ e larestan i dan ‘’ospitalite’’, ‘’printing,’’ ‘’facilities for events.

Ladiferans i pou dan CAPEX anvi ti pou annan en don pou lekol SIAD, ki en Institute of Arts and Design apre pou lekol Business Studies Academy ki pa pou materyalize ki ti pou en don from Gouvernman Lasin.  Mersi.

 

MR SPEAKER

Mersi PS.  Mon ava zis koriz sonm ki mon’n mansyonnen.  I pou en sonm R901,763milyon.  Okenn Manm ki annan kestyon oubyen leklersisman?  Non.  Nou ava pran en vot alor pou Bidze pou Ministry of Education and Human Resources Development. 

Sonm R901,763milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  16 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Minister Ledikasyon avek Human Resources Development in ganny aprouve par Lasanble Nasyonal.

 

 

MINISTRY OF HABITAT, INFRASTRUCTURE AND LAND TRANSPORT

 

MR SPEAKER

Nou ava prezan al lo prosen head ki pou Ministry of Habitat, Infrastructure and Land Transport pou en sonm R272,776milyon.  PS.

 

 

PS DAMIEN THESEE

Mersi Mr Chair.  Nou annan en rediksyon 7milyon dan son ‘’wages’’ ek ‘goods and services.’’  Ladan 4.7 dan son saler e 2.2 dan son ‘’goods and services.’’  Parkont nou’n increase son Bidze pou capital project by anviron 90milyon sote an vi ki parey nou eksplike yer nou pa ti ganny sa bond ki nou ti pou issue avek PMC pou en sonm R200milyon.

Prezan ki bezwen donn li larzan pou li konplet son bann proze par egzanp i annan proze land bank ek bann proze 24/24/24 ki sipoze konplete or ki an demars sa lannen.  Mersi.

 

MR SPEAKER

Mersi PS.  Yes Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon annan en kestyon lo sa, lo desizyon Gouvernman a sa moman pou zot aste sa condominium complex avek Fon Pansyon.  Mon kestyon se mon pa tro war ki litilite i annan akoz i pa pe ogmant stok lakaz sa proze in fini fer.  Gouvernman an prensip son Bidze i short, in koupe, me selman nou pe al aste en complex.

Mwan, dan mon lespri mon ti ava mazinen poudir sa i bann proze kot nou kapab ganny sekter prive si posib ofer li avek sekter prive pou li antre pou li envesti dan lakaz?  Akoz nou an vi zot envesti e Gouvernman li oli sa larzan li osi i ava, li osi i ava envesti dan sa ki, dan sa ki nouvo pa dan sa ki existing.

Konmsi  se sa leksplikasyon ki mon ti a, mon ti a kontan gannyen.  E mon ti a osi kontan gannyen.  E mon ti a osi kontan gannyen mon konnen poudir Gouvernman, Fon Pansyon i annan en menm lobzektif pou welfare pep Seselwa –  enn, ler i ankor pe travay – enn, ler, in dan pansyon.

Mon ti ava kontan konnen si tou bann prosedir osi in ganny fer pou ki ler Gouvernman in aste en byen koumsa i pey li at the best price?  Konmsi i, i enportan konmsi ki nou pa pe bailout Fon Pansyon oubyen nou pa pe ed Fon Pansyon me nou pe fer en tranzaksyon ki dan lentere tou lede kote.  So sa de kestyon lo la mon ti ava apresye en leklersisman.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Le bi pou aste sa apartman i en bann complex 2 lasanm en bann complex 1 lasanm.  Bann complex 1 lasanm i sipoze ganny pran par Gouvernman pou li met son bann anplwaye oubyen travayer ladan kekfwa bann kad spesyal parey anba lasante, dokter ki nou konnen nou bezwen  lwe lakaz ki ava ede redwi en pe  nou kou rental.

Bann 2 lasanm i sipoze servi pou vann avek bann graduates ki deza lo Waiting List avek Departman avek Minister Lakaz.  E se sa le bi an vi ki nou pa’n, nou pa’n aste sa avek en konpannyen prive me en avek Fon Pansyon.

So se sa le bi pou ede avek nou shortage lakaz ki annan dan pei e donn priyorite graduates, ki petet si Fon Pansyon ti pou vann li, i ti pou ale i ti pou al vann li en pri komersyal, en pri konpetitiv lo marse ki kekfwa sa ki ti pou annan lakaz ki ti pou bezwen aste.  Me nou oule donn priyorite bann ki napa, ki napa okenn akomodasyon pou le moman.  Mersi.

 

MR SPEAKER

Mersi PS.  Si napa lezot Manm ki annan kestyon.  Nou ava pran en vot prezan pou Minister Labita, Lenfrastriktir avek Transpor lo Later pou en sonm R272,776milyon ki form par sa schedule.

Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Minister Labita, Lenfrastriktir ek Transpor lo Later in ganny aprouve par Lasanble.

 

DEPARTMENT OF LOCAL GOVERNMENT

 

 

MR SPEAKER

Nou aprezan pran Departman Gouvernman Lokal pou en sonm R148,389milyon.  PS.

 

 

PS DAMIEN THESEE

Mersi Mr Chair.  En rediksyon R6.8milyon.  Ladan 3.1 dan son ‘’saler’’ bann pos e 3.6 dan son ‘’goods and services’’ bann menm vot sa vwayaz, ‘’minor capital’’, ‘’printing ek facilities for events’’ eksetera.

 

MR SPEAKER

Mersi PS.  Okenn Manm ki annan kestyon.  Yes Onorab Gervais Henrie.

 

HON GERVAIS HENRIE

Mersi, mersi Mr Chair.  Lo kote Local Government, anfet mon’n ekout larepons PS.  Mon pe mazin si zanmen pa ti kapab annan ankor refleksyon lo son Bidze.  Enn mon pe mazin dan bann progranm lo nivo kominoter malgre Prezidan Larepiblik dan diskour Leta Lanasyon mon krwar i ti’n pronons son lekor ki fodre annan plis aktivite.

Me selman mon war poudir la i annan napa.  Ouswa menm kapasite pou fer bann proze lo nivo kominoter ki byen ki nou anvi.  Me selman kapasite pou fer akoz souvandfwa mon krwar i annan bann distrik ki anvoy bann lalis en pe tro anbisye.

Kot ti’n kapab annan en revizyon ant lofis MNA avek DA pou tonm dakor poudir ok annou priyoritiz vreman 5 e i redwir dan sa 1.2 ki pe donnen 1.2, 1.3 per district ki pe ariv apepre 3milyon mon krwar non 30milyon.

Ouswa menm bann nivo progranm par egzanp NRA, bann progranm youth worker, akoz napa aktivite ki pe arive dan pei.  So si ti napa ankor refleksyon lo nivo Local Government pou stream konmsi tir ankor en pe lagres lo zot Bidze?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Lo son CAPEX i annan sa 30milyon ki share 1.2 dan sak distrik nou pa’n touse an vi ki zot annan en pe backlog pou bann proze 2019 ki zot pou brought forward sa lannen ki pou ganny peye dan sa Bidze akoz nou pa’n ouver Suspense Account. 

So sa prezan i bann any reduction dan proze 2020 ki pa pou fer i ava ganny cater ladan.  Lo kote ‘’goods’’ i annan apepre 7 a 9milyon ki ganny mete dan community life program, nou’n redwir 25poursan sa Bidze anba la ki ariv apepre R2.5milyon anba la.

E si keksoz i amelyore at least zot ava annan 75poursan pou servi dan bann mwan ki vini pou re angaz bann aktivite.  Mersi.

 

MR SPEAKER

Mersi PS.  Bon nou ava pran en vot pou Departman Gouvernman Lokal.  Pou sonm R148,389milyon ki form par sa schedule.  Mon a demann tou Manm ki an faver?

Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Gouvernman pou Departman Gouvernman Lokal in ganny aprouve par Lasanble.

 

 

MINISTRY OF HEALTH

 

 

MR SPEAKER

Nou aprezan pran Bidze Minister Lasante pou en sonm R42,988milyon.  PS.

 

 

PS DAMIEN THESEE

Mersi Mr Chair.  Nou pa’n tous son recurrent oubyen saler Minister Lasante.  Parkont i annan en R4milyon ki nou’n tire dan son capital project, en pti moman mon a tyeke egzakteman sa proze.

Mersi, nou’n retir sa renovasyon NIHSS anba li e nou’n met anba Public, Health Care Agency.  Mersi.

 

MR SPEAKER

Mersi PS.  Yes Onorab Andre.

 

HON CLIFFORD ANDRE

Mr Speaker.  I pa ti an referans avek sa mon ti pe zis dir ou letan nou pe espere si mon ti kapab demann sa zafer ki zot ti dir zot pou anmennen, pou donn nou apre midi, sa zafer Lapolis zis sa ki mon ti anvi mon ti pe dir mon a profite la konman zot ti pe espere kan zot ti pe rod lenformasyon.  Mersi.

 

MR SPEAKER

Mersi Onorab.  PS eski sa bann lenformasyon in pare?

 

PS DAMIEN THESEE

Mersi.  Wi nou staff biro pe zis compile li from payroll.  Mersi.

 

MR SPEAKER

Ok dakor.  Nou ava fer bann Manm gannyen osito ki i available.  Okenn lezot kestyon lo Bidze Minister Lasante?  Bon si non.  Nou ava pran en vot, nou ava pran en vot lo Bidze Minister Lasante pou en sonm R42,988milyon e ki form par sa schedule.

Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  18 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Minister Lasante in ganny aprouve par Lasanble Nasyonal.

 

MINISTRY OF TOURISM, CIVIL AVIATION, PORTS AND MARINE

 

MR SPEAKER

Nou ava pran lot head pou Minister Tourizm, Lavyasyon Sivil, Por e Marin pou en sonm R58,835milyon.  PS.

 

 

PS DAMIEN THESEE

Mersi Mr Chair.  Nou’n redwir R2.2milyon dan son Bidze.  Ladan 121mil dan saler e ladiferans 2.1  i pou dan ‘’ospitalite, overseas travel ‘’e i annan dan ministerial conferences osi ki abitye fer, pa pou fer e ‘’Board allowances e minor capital outlays.’’  Mersi.

 

MR SPEAKER

Mersi PS.  Okenn kestyon pou Bidze pou Minister Tourizm?  Si non.  Nou ava pran en vot lo Bidze pou Minister Tourizm, Lavyasyon Sivil, Por e Marin pou en sonm R58,835milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Minister Tourizm, Lavyasyon Sivil, Por e Marin in ganny aprouve par Lasanble Nasyonal.

 

MINISTRY OF EMPLOYMENT, IMMIGRATION AND CIVIL STATUS

 

 

MR SPEAKER

Nou ava pran prezan Bidze pou Minister Lanplwa, Imigrasyon e Leta Sivil pou en sonm R86,595milyon.  PS.

 

 

PS DAMIEN THESEE

Mersi Mr Chair.  An total nou’n koup nou R3.3milyon dan sa Minister.  Dan Departman Lanplwa nou’n redwir son saler par 776mil, nou’n redwir son’’ goods and services’’ by 1.5milyon.  Pou Departman Imigrasyon e Leta Sivil, nou’n redwir son saler par 195mil e nou’n redwir son ‘’goods and services’’ par R826mil bann menm plizoumwen kod parey nou eksplike.  Mersi.

 

MR SPEAKER

Mersi PS.  Okenn Manm ki oule demann kestyon?  Non.  Nou ava pran en vot pou Bidze pou Minister Lanplwa, Imigrasyon e Leta Sivil pou en sonm R86,595milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Minister Lanplwa, Imigrasyon, Leta Sivil in ganny aprouve par Lasanble Nasyonal.

 

MINISTRY OF ENVIRONMENT, ENERGY AND CLIMATE CHANGE

 

 

MR SPEAKER

Nou ava aprezan pran Bidze pou Minister Lanvironnman, Lenerzi e Sanzman Klima ki pou en sonm R99,772milyon.  PS.

 

 

PS DAMIEN THESEE

Mersi Mr Chair.  Nou’n redwir son saler by R1.9milyon e nou’n redwir son ‘’goods’’ by R1.5milyon ki fer en total R3.5milyon.  Parkont nou’n bezwen aziste dan son capital budget par R4.2milyon an vi foreign exchange adjustment dan pou bann don ki i gannyen.

E osi i annan en nouvo Grant R2.4milyon ki’n gannyen pou restoring marine ecosystem services.  Mersi.

 

MR SPEAKER

Mersi PS.  Bon i annan okenn Manm ki oule klarifikasyon lo Bidze pou Minister Lanvironnman?  Si non.  Nou ava pran en vot pou sa Bidze ki en sonm R99,772milyon e ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Minister Lanvironnman, Lenerzi e Sanzman Klima in ganny aprouve par Lasanble Nasyonal.

 

DEPARTMENT OF YOUTH AND SPORT

 

 

MR SPEAKER

Nou ava prezan pran Bidze pou Departman Lazenes avek Sport pou en sonm R8,627milyon.  PS.

 

PS DAMIEN THESEE

Mersi Mr Chair.  En rediksyon R834mil.  Ladan en 152mil pou saler, e 681mil pou ‘’goods and services’’.  Mersi.

 

MR SPEAKER

Mersi PS.  Yes Onorab Ramkalawan.

 

HON WAVEL RAMKALAWAN

Mr Chairman.  Mon anvi zis port a latansyon konmsi pou nou dan nou, dan lafason ki nou pe travay.  Ou konnen nou’n ganny de Bill nou.  In annan de Bills sa amendment.

Enn premye ki nou ti fer First Reading.  Sa enn la premye ki nou ti fer First Reading i pa sa enn ki nou pe travay lo la.  Sa enn la ki nou pe travay lo la zanmen in deza annan First Reading e non, non mon ava eksplik ou mon, mon ava eksplik ou.

Sa enn la ki nou ti fer First Reading par egzanp letan ou fini avek Ministry of Health, i al lo Ministry of Employment, Ministry of Tourism, pa ti ladan.  Mon annan tou lede la devan mwan e par egzanp apre Ministry of Environment dan sa enn la ki nou ti fer First Reading apre sa enn i vin Department of Culture.

E dan sa enn letan nou fini avek Ministry of Environment i annan Youth and Sports.  Youth and Sports pa egziste mon ava, mon ava dir ou bann ki pa egziste dan sa Bill ki nou ti fer First Reading.

I napa Auditor General, Ministry of Tourism, Department of Youth and Sports, Ministry of Family Affairs, Seychelles Revenue Commission, National Tender Board, Seychelles Human Rights Commission, Public Health Authority, Information Commission, Seychelles Fire and Rescue Service Agency, Landscape and Waste Management Agency, Net Lending.

Dan sa enn ki nou ti fer First Reading napa tousala, e dan sa Bill la ki nou pe fer Second Reading ki zanmen in fer First Reading li i annan tou sa bann keksoz.  Mon an vi zis port sa a ou latansyon.  Nou nou pa anvi fer okenn soz, me selman i annan en diferans.

 

MR SPEAKER

Bon ti annan en sonm, sonm total pou sa Bidze 10.4.  Wi son sonm i reste parey zis ti annan serten omisyon serten heads ki apre Minister in anvoye in korize e nou’n sirkile pou tou bann Manm – ok.  Wi, so.

 

HON WAVEL RAMKALAWAN

Petet Mr Chairman,  sa ki mon ti ava propoze at some point mon pa konnen si Leader of Government Business ti ava propoze, ki i annan en lamannman dan sa premye ki enkli sa bann.  Akoz letan nou pas en Bill, letan nou pas en Bill son schedule spesyalman dan sa ka la son schedule i form parti son Bill. 

E ki vi ki sa enn ki ou’n sirkile 2enm i sa ki nou pe travay lo la, parey ou pe dir sa enn ki ti fer First Reading ti napa.  Ki pou nou regilariz sa ki en lamannman i ava ganny, i ava ganny propoze ki sa bann diferan heads i ganny enkli dan sa schedule zis pou nou fer li byen.

 

MR SPEAKER

Yes Onorab Pillay.

 

HON SEBASTIEN PILLAY

Mersi Mr Chair.  Mr Chair nou ti’n, nou ti’n not menm, menm sityasyon regarding sa.  Me selman mon krwar sa ki, sa ki enportan lefe ki ler ou konman Speaker ou’n, you put the question to the House ki  sa head i form par sa schedule it becomes part of the schedule.

Sa ki pou enportan e mon konpran kote Leader Lopozisyon pe vini he has a point.  Nou pou bezwen ler the White Paper i go out i sa White Paper i bezwen signify sa ki nou Lasanble nou pe, nou pe aprouve.  To make sure sa i leka akoz Prezidan i bezwen siny sa, sa dokiman.  Mon pa konnen si i pou siny ozordi menm oubyen Lendi.

 

MR SPEAKER

Onorab Ramkalawan.

 

HON WAVEL RAMKALAWAN

Mr Chair.  Parey nou pe dir straight forward at some point Leader of Government Business i ava move en amendment.  Parske la ankor, ankor enn fwa nou dan Committee Stage, e se pou sa rezon mon lev li la dan Committee Stage because that’s when sa bann lamannman i ganny fer ki nou straight forward nou soz li pa bezwen -.

 

MR SPEAKER

Mersi.  Nou annan mon krwar nou ti ganny en mail osi sa bann heads ki pa ti enkli.  Deputy Clerk ou ava zis petet forward kot Leader Government Business apre nou ava fer le neseser – ok.

Yes Onorab De Commarmond.

 

HON CHARLES DE COMMARMOND

Zis pou mon dir, the First Reading nou kapab, pa bezwen ou refer akoz the title is the same, zis wi i ti a bon mon ganny sa lalis akoz zanmen in aparet devan mwan sa.  Ti a bon nou ganny sa lalis ki mon a –

 

MR SPEAKER

Wi, nou ava fer antre dakor.  The title is the same the figure the amount is the same – yes.  Dakor ok so we’ll move on ok.  Yes, Onorab Pillay.

 

HON SEBASTIEN PILLAY

Zis, zis vi ki nou pe fer sa tidying up enl ot tidying up ki nou pou bezwen fer se lefe ki nou pe, nou pe repeal section 2, nou pe osi repeal the old schedule in the old Bill, nou pe introduce en new schedule.  So nou pou bezwen introduce en number 3 as well pou nou dir ki and the schedule is repealed to be replaced by the new schedule ki la.

Akoz the schedule is also part of the, of the Bill korekteman parey.

 

MR SPEAKER

Wi, nou deza annan.  Sekretarya i annan sa lenformasyon nou ava fer le neseser.  Ok?  Annou move on.  So nou’n ariv Bidze pou Departman Youth and SportsYes Onorab Waven William.

 

HON WAVEN WILLIAM

Mersi Mr Chairman.  Mr Chairman mon anvi demann avek PS, lefe ki letan ki nou ti diskit lo Bidze an 2019, lo sa Departman ti annan en konsern vizavi rent la ankor vi ki nou pe koz save larzan.  Mon anvi demann avek PS ki zistans nou’n arive avek sa demars pou re negosye, akoz aktyelman nou konnen poudir i annan en bon pe problenm kot sa building laba kot pe lwe?

E ti annan en serten komitman pou, pou revwar mon anvi zis konnen ki, ki zistans nou ete?  Sa avek le bi ki sipoze annan en negosyasyon pour redwir sa pri.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  An sa ki konsern Youth and Sport petet ou bezwen refresh mon memwar mon pa pe rappel ki issue rent ki ti annan.

 

HON WAVEN WILLIAM

Yes Mr Chairman.  Mon anvi remind PS ki ti annan en diskisyon vizavi rental of sa batiman laba kot mon krwar SACOS building e, sorrySNYC e mon anvi konnen ki pozisyon nou ete akoz ti annan en komitman pou revwar the, the sum of money, lefe la ki ou pe rod tou pti sou pou nou sey regarde ki fason nou kapab koste ansanm pou kapab deal avek sa menas.  Mon anvi konnen ki pozisyon vizavi sa demars?  Mersi.

 

MR SPEAKER

Mersi Onorab.  PS

 

PS DAMIEN THESEE

Savedir sa i relye avek SACOS Tower ki annan pou fer avek SNYC e osi SRC ki ladan.  Accommodation Committee in zwenn, e in fer diskisyon avek SNYC pou li streamline son alokasyon e anvi ki Biro Eleksyon napa en Headquarters.  

Lesansyel lide se ki zot kapab bouz Biro Eleksyon pou ganny bann lofis ladan ki pou bezwen tre byento.  Mersi.

 

MR SPEAKER

Mersi PS.  Onorab William.

 

HON WAVEN WILLIAM

Ok.  Mr Chairman mon anvi demann avek PS lefe ki in annan bokou konplent vizavi depresyasyon lo sa building bann i annan bann problenm koule ensidswit i en pti pe enkonfortab pou bann travayer.  Sa kou reparasyon la i pou tonm lo lekel?

Lo sa propriyeter ouswa lo Departman Youth?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi.  Ordinerman reparasyon building i pou tonm lo sa, lo sa owner, on the landlord, pa neseserman lo, lo Gouvernman.  Si i annan okenn modifikasyon ki ganny fer dan building parey partitioning la sa tenant Gouvernman li ki bezwen bear the cost.  Mersi.

 

MR SPEAKER

Mersi PS.  Bon nou ava pran en vot pou Bidze pou Departman Lazenes avek Sports pou en sonm R8,627milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Departman Lazenes ek Sports in ganny aprouve par Lasanble.

 

DEPARTMENT OF CULTURE

 

 

MR SPEAKER

Bon nou ava pran Bidze pou Departman Kiltir pou en sonm R90,714milyon.  PS.

 

 

PS DAMIEN THESEE

Mersi Mr Chair.  Bidze Departman Kiltir in redwir par R3.9milyon.  Ladan selman 186mil dan saler e dan bulk R3.7milyon dan son ‘’goods and services. ‘’ Mersi.

 

MR SPEAKER

Mersi PS.  Okenn Manm ki annan kestyon pou Departman Kiltir?  Non.  Nou ava pran en vot alor pou Bidze pou Departman Kiltir pou sonm R90,714milyon ki form par sa schedule.

Tou Manm ki an faver?  Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Departman Kiltir, in ganny aprouve par Lasanble Nasyonal.

 

 

MINISTRY OF FAMILY AFFAIRS

 

MR SPEAKER

Nou ava prezan pran Bidze pou Ministry, Minis Zafer Lafanmir.

Ministry of Family Affairs pou en sonm R70,802milyon.  PS.

 

 

PS DAMIEN THESEE

Mersi Mr Chair.  En rediksyon R2.4milyon dan son Bidze ‘’goods and service’’s e saler.  Ladan 1.9 dan son saler e 453mil dan son ‘’goods and services.’’

Dan son capital project i annan en azisteman dan son proze pou sa Youth Residential Center ki en Grant ki monte apepre minim mwens ki, apepre R2milyon.  Me selman at the same time nou ti pe retir en proze ki ti sipoze ganny finanse par Bidze pou sonm R2milyon ki sipoze the Transition housing for young adults.  Mersi.

 

MR SPEAKER

Mersi PS.  Okenn Manm ki annan kestyon, klarifikasyon pou Bidze Zafer Lafanmir?  Non, nou ava pran alor en vot lo Bidze pou Family Affairs pou en sonm R70,802milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi

 

MR SPEAKER

Mersi Madam Deputy Clerk.  Savedir Bidze pou Minister Zafer Lafanmir in ganny aprouve par Lasanble Nasyonal.

 

 

DEPARTMENT OF INDUSTRY AND ENTREPRENEURSHIP DEVELOPMENT

 

MR SPEAKER

Nou ava prezan pran Bidze pou Departman Lendistri, Lantreprenarya, Devlopman Lantreprenarya ki R3,713milyon.

Department of Industry, Entrepreneurship Development.  PS.

 

 

PS DAMIEN THESEE

Mersi Mr Chair.  Son Bidze in redwir par 776mil.  Ladan en rediksyon 214mil dan son saler e en rediksyon 562mil dan son ‘’goods and services.’’  Mersi.

 

MR SPEAKER

Mersi PS.  Okenn Manm ki oule entervenir?  Non.  Si non nou ava pran en vot pou sonm R3,713milyon pou Departman Lendistri, Entrepreneurship Development ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi

 

MR SPEAKER

Mersi Madanm Deputy Clerk.  Savedir Bidze pou Department of Industry, Entrepreneurship Development in ganny aprouve par Lasanble Nasyonal.

 

OFFICE OF THE MAYOR OF VICTORIA

 

MR SPEAKER

Nou ava prezan pran Bidze pou Lofis Mayor of Victoria pou en sonm R4,065milyon.  PS.

 

PS DAMIEN THESEE

Mersi Mr Chair.  Nou’n redwir son Bidze par R1.4milyon.  Ladan 127mil dan son saler e 1.2mil dan son ‘’goods and services.’’  Parkont nou’n bezwen donn li R1milyon anba son capital project pou li fini pey son bann det atraver konstriksyon public toilets e kiosk dan Victoria.  Mersi.

 

MR SPEAKER

Bon. Yes Onorab Ramkalawan.

 

HON WAVEL RAMKALAWAN

Yes mersi Mr Chairman.  Eski parske mon’n koz avek Mayor of Victoria in fact in lev de pwen avek mwan.  Enn konsernan Bidze pou dekorasyon pou Nwel, i ti annan en lenkyetid ki poudir sa in kapab koupe.

Eski mon kapab ganny konfirmasyon avek, avek PS ki poudir menm si nou dan COVID-19 letan nou’n ariv nwel mon mazinen sa zafer i ava deryer nou e ki nou a bezwen ganny dekorasyon pou, pou Nwel dan lavil?

E dezyenmman li i enn sa sityasyon parske ou’n koup pou recruitment.  Li i enn sa sityasyon kot i annan en dimoun ki’n fini fer interview in fini ganny son letter of appointment pou travay dan son lofis.

Me ki tou zafer i anpandan sa dimoun in fini resign e eski nou kapab konfirmen ki poudir sa dimoun i kapab ganny son travay en pe parey nou’n dir pli boner e ki sa i ava ganny regilarize.  So sa de pwen silvouple.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Lo dekorasyon lavil non, nou pa’n touse son vot R1milyon i la.  En pti moman nou a get son.  Ok si in donn komitman e ti lo son MBE e ranplasman i kapab recruit, i pa en issue.  Mersi.

 

MR SPEAKER

Mersi PS.  Okenn lezot Manm ki annan entervansyon?  Non.  Bon nou ava pran en vot pou Bidze of the Office of the Mayor of Victoria pou en sonm R4,065milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  16 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Lofis Mayor Victoria in ganny aprouve par Lasanble.

 

INSTITUTE OF EARLY CHILDHOOD DEVELOPMENT

 

MR SPEAKER

Nou ava prezan pran pou Institute of Early Childhood Development IECD pou en sonm R17,077milyon.  PS.

 

 

PS DAMIEN THESEE

Mersi Mr Chair.  Nou annan en rediksyon R385mil.  Dan ki 209mil i dan ‘’wages e ladiferans dan son ‘’goods and services’’.  Parkont nou annan en lazistaz dan son capital project ki nou’n fer pou son foreign exchange adjustment dan son CAPEX.  Mersi.

 

MR SPEAKER

Mersi PS.  Okenn Manm ki oule entervenir pou IECDYes Onorab Afif.

 

HON AHMED AFIF

Mersi Mr Chair.  Mon ti a kontan si zis PS ti a kapab klarifye pou nou lekel Proze Kapital ki zot ti annan pou IECD?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  I annan son IECD House, i sipoze ganny son prop building pou li menm ki sipoze finanse par Gouvernman UAE.  Mersi.

 

MR SPEAKER

Mersi PS.  Bon si napa okenn lezot Manm ki pou entervenir nou ava pran en vot pou IECD.  Institute of Early Childhood Development pou sonm R17,077milyon e ki form par sa schedule.  Tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  4, 12 Manm sorry, 12 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bon savedir Bidze pou IECD Institute of Early Childhood Development in ganny aprouve par Lasanble Nasyonal.

 

SEYCHELLES LICENSING AUTHORITY

 

 

MR SPEAKER

Nou ava prezan pran Bidze pou SLA, Seychelles Licensing Authority pou en sonm R17,217milyon.  PS.

 

 

PS DAMIEN THESEE

Mersi Mr Chair.  Son Bidze i redwir par 869mil.  Minim dan saler 76mil akoz ‘’Information Officers allowance’’, e the bulk 792mil dan son ‘’goods and services. ‘’ Mersi.

 

MR SPEAKER

Mersi PS.  Bon okenn Manm ki oule entervenir pou Bidze pou Licensing Authority?  Non.  Nou ava pran en vot pou Bidze Seychelles Licensing Authority pou sonm R17,217milyon e ki form par sa schedule.  Tou Manm ki an faver?

Okenn Manm ki kont.  Madanm Deputy Clerk?

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Seychelles Licensing Authority in ganny aprouve par Lasanble Nasyonal.

 

 

FAIR TRADING COMMISSION

 

 

MR SPEAKER

Nou ava prezan pran Bidze pou Fair Trading Commission pou en sonm R14,154milyon.  PS.

 

 

PS DAMIEN THESEE

Mersi Mr Chair.  Son Bidze i redwir par 784mil.  Dan ki 239mil dan son saler e diferans 545mil dan son ‘’goods and services.’’  Mersi.

 

MR SPEAKER

Mersi PS.  Okenn Manm ki oule entervenir?  Fair Trading Commission.  Non.  Si napa nou ava pran en vot pou Bidze pou Fair Trading Commission pou en sonm R14,154milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Fair Trading Commission in ganny aprouve par Lasanble Nasyonal.

 

NATIONAL BUREAU OF STATISTICS

 

MR SPEAKER

Nou ava prezan pran Bidze pou National Bureau of Statistics pou en sonm R15,108milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par R7.3milyon.  Dan ki 240mil i dan saler e ladiferans 7.1 i dan son ‘’goods and services’’ dan ki i annan 6.2 ki ti ganny mete pou CENSUS ki pou ganny anvoye pou lannen prosenn.  Mersi.

 

MR SPEAKER

Mersi PS.  Okenn Manm ki oule entervenir NBS National Bureau of Statistics?  Non.  Nou ava pran en vot alor pou Bidze pou National Bureau of Statistics pou en sonm R15,108milyon e ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  16 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou National Bureau of Statistics in ganny aprouve par Lasanble Nasyonal.

 

 

SEYCHELLES REVENUE COMMISSION

 

 

MR SPEAKER

Nou ava prezan pran Bidze pou SRC Seychelles Revenue Commission pou en sonm R137,502milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by 8.4milyon dan ki 5.7 i pou saler e 2.6 dan son ‘’goods and services.’’  Mersi.

 

MR SPEAKER

Mersi PS.  Okenn Manm ki annan query ki annan klarifikasyon?  Non.  Nou ava pran en vot alor pou Bidze pou Seychelles Revenue Commission pou sonm R137,502milyon e ki form par sa schedule.

Tou Manm ki an faver?  Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou SRC Seychelles Revenue Commission in ganny aprouve par Lasanble Nasyonal.

 

PROCUREMENT OVERSIGHT UNIT

 

 

MR SPEAKER

Nou ava prezan pran Bidze pou Procurement Oversight Unit pou en sonm R13,540milyon.  PS.

 

 

 

PS DAMIEN THESEE

Mersi Mr Chair.  Nou’n redwir son Bidze by R220mil.  Dan ki 123mil dan saler e 96mil dan son ‘’goods and services.’’  Mersi.

 

MR SPEAKER

Mersi PS.  Yes Onorab Ramkalawan.

 

HON WAVEL RAMKALAWAN

Mon, la mon anvi Mr Chairman demann en kestyon parske sa Procurement Oversight Unit i enportan.  Spesyalman la dan sa peryod kriz e taler letan nou pou ariv lo contingencies kot nou pou demann serten kestyon.

Parske i resanble ki i annan serten keksoz ki pa pe pas atraver zot.  E nou pou war serten procurement ki’n ganny fer ki pa’n swiv sa bann regilasyon.  Eski sa ki zot in koupe la i pou, i pa pou annan en lefe direk lo sa travay ki zot annan pou fer la?

Parske mon pa’n tro antann bann, bann detay me eski zot pou kapab survive e vin vreman efektiv parske la ki zot pour annan keksoz pou zot, pou zot annan strict oversight lo la.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Annefe nou pa’n vreman koup okenn pos pou POU, i zis en savings ki nou pe war pandan sa 3 mwan ler nou fer son MBE ler in tarde recruit son bann staffing.  E dan son ‘’goods’’ nou zis tir 96mil ladan 37mil i dan son ‘’airfares,’’’’ minor capital’’ anvi ki i pa pe recruit okenn personn.

Nou’n tir 47mil e 12mil lo son bann ‘’printing and stationery’’ anvi ki depi sa sityasyon most of zot pe travay from home anyway e pe kominik lo email.  Mersi.

 

MR SPEAKER

Mersi PS.  Bon si napa okenn lot Manm nou ava alor pran en vot pou Bidze pou Procurement Oversight Unit pou en sonm R13,540milyon e ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze pou Procurement Oversight Unit in ganny aprouve par Lasanble Nasyonal.

 

NATIONAL TENDER BOARD

 

MR SPEAKER

Nou ava prezan pran Bidze pou National Tender Board pou en sonm R3,889milyon.  PS.

 

 

PS DAMIEN THESEE

Mersi Mr Chair.  Nou’n redwir li selman R200mil, R201mil.  Ladan R34mil dan sa saler ki ti zis sa ‘’information allowance’’ rediksyon e dan son ‘’goods’’ 167mil dan ki lanmwatye ladan 77mil i rediksyon dan son ‘’Board fees’’ anvi ki Board fees in redwir.

20mil dan son ‘’airfares, ‘’30mil dan son ‘’minor capital ‘’outlays anvi ki i pa pou aste preski nanryen.  Pou ‘’ospitalite,’’ ‘’printing’’ 15mil vwala.  Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot alor pou Bidze pou National Tender Board pou en sonm R3,889milyon  e ki form par sa schedule.  Tou Manm ki an faver?

Okenn Manm ki kont.? Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi

 

MR SPEAKER

Mersi Madam Deputy Clerk.  Savedir Bidze pou National Tender Board in ganny aprouve par Lasanble Nasyonal.

 

 

TAX AND CUSTOMS AGENT BOARD REVENUE TRIBUNAL

 

 

 

MR SPEAKER

Nou ava prezan pran Bidze pou Tax and Customs Agent Board Revenue Tribunal pou en sonm R1,497milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par selman R194mil.  E sa i totalman dan son ‘’goods,’’ ‘’Board fees’’ ki pe redwir par R175mil.  E ladiferans R19mil dan son ‘’printing’’ ek son ‘’minor capital.’’  Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot alor pou Bidze pou Tax and Customs Agent Board Revenue Tribunal pou en sonm R1,497milyon e ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi

 

MR SPEAKER

Mersi Madam Deputy Clerk.  Savedir Bidze pou Tax and Customs Agent Board Revenue Tribunal in ganny aprouve par Lasanble Nasyonal.

 

SEYCHELLES INVESTMENT BOARD

 

MR SPEAKER

Nou aprezan pran Bidze pou Seychelles Investment Board SIB pou en son sonm R8,76milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by 1.6milyon.  Selman 48mil dan son saler e ladiferans 1.6 dan son ‘’goods and services’’ laplipar i ‘’overseas airfares’’ 944mil.  ‘’Facilities for events’’ 392mil, ‘’revised Board fees ‘’195mil e ladiferans apepre 175mil dan ‘’printing’’ ek ‘’minor capital.’’  Mersi.

 

MR SPEAKER

Mersi PS.  Okenn Manm ki anvi entervenir?  Non.  Nou ava pran en vot alor pou Bidze Seychelles Investment Board pou en sonm R8,76milyon ki pou form par sa schedule.

Tou Manm ki an faver?  Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Seychelles Investment Board in ganny aprouve par Lasanble Nasyonal.

 

PUBLIC ENTERPRISE MONITORING COMMISSION

 

MR SPEAKER

Nou ava aprezan pran Bidze pou Public Enterprise Monitoring Commission, PEMC pou en sonm R7,448mil.  PS.

 

 

PS DAMIEN THESEE

Mersi Mr Chair.  Nou’n redwir son Bidze by 832mil.  Ladan 256mil dan son saler e 575mil dan son ‘’goods and services.’’  Mersi.

 

MR SPEAKER 

Mersi PS.  Okenn Manm ki oule entervenir?  Non.  Nou ava pran en vot alor pou Public Bidze pou Public Enterprise Monitoring Commission pou sonm R7,448milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver.  E personn kont.

 

MR SPEAKER 

Mersi Madanm Deputy Clerk.  Savedir Bidze pou Public Enterprise Monitoring Commission in ganny aprouve par Lasanble Nasyonal.

 

GOVERNMENT AUDIT COMMITTEE

 

 

MR SPEAKER

Nou ava pran prosen head Government Audit Committee pou en sonm R894mil.  PS.

 

 

PS DAMIEN THESEE

Mersi Mr Chair.  Nou’n redwir son Bidze by R212mil.  Ladan 204mil dan saler e diferans 7mil dan son ‘’goods and services.’’  Mersi.

 

MR SPEAKER 

Mersi PS.  Okenn Manm ki oule entervenir?  Non.  Nou ava pran en vot alor pou Bidze pou Government Audit Committee pou sonm R894mil ki form par sa schedule.  Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi, Mr Chair.  13 Manm in vot an faver.  E personn kont.  Mersi.

 

MR SPEAKER 

Mersi Madanm Deputy Clerk.  Savedir Bidze pou Government Audit Committee in ganny aprouve par Lasanble Nasyonal.

 

FINANCIAL INTELLIGENCE UNIT

 

MR SPEAKER

Nou prezan pran Bidze pou FIU, Financial Intelligence Unit pou en sonm R19,696milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par R7.7milyon.  Dan ki 4.7 i pou dan saler e 2.7 i pou dan son ‘’goods and services.’’  Mersi.

 

MR SPEAKER 

Mersi PS.  Onorab Ramkalawan.

 

HON WAVEL RAMKALAWAN

Mr Chair mon krwar ti ava bon nou ganny en pe plis detay an term sa kopi parske sa i en gro koupir.  E letan nou pe, letan mon pe kalkile ki FIU i pou zwe en rol tre enportan dan met tou sa bann pou met nou annord avek sa bann black listing ek tou.

Eksplik nou en pe sa koupir lo saler e si sa pa pou annan en lenpak direk lo efikasite  sa lorganizasyon?  E  ok ‘’goods and services’’ mon mazinen bann zafer travelling ki, ki la pou le moman ou pou napa bokou, me lo, lo saler li menm silvouple.  Mersi.

 

MR SPEAKER 

Mersi Onorab.  PS.

 

PS DAMIEN THESEE

Mersi Mr Speaker.  Nou’n koup 5 pos;- 1 Head of Supervision, 2 Supervision Officer.   1 Compliance Officer avek 1 Prevention Officer ki fer 5 pos ki nou’n redwir.

 

MR SPEAKER 

Yes Onorab Ramkalawan.

 

HON WAVEL RAMKALAWAN

Me mon annan en lafreyer la.  Eski nou pa kapab regard sa, e Minister Finans  mon fer en lapel la, ki Minister Finans  i regard sa senpleman akoz sa pou annan en – i annan en lenpak direk.

E ki, e ki depi komansman sa lannen nou pe met lanfaz lo AML, Beneficial Ownership, konmsi tou sa bann keksoz ki fer nou ganny regarde dan en move lizye.

Espesyalman osi vi ki la nou pe koz lo re envant nou lekonomi e nou konnen ki poudir sa 3enm pilye offshore, sa i annan en keksoz direk pou fer avek.  Eski mon ti ava kapab fer en demann  ki zot, zot konsider sa seryezman pou, pou benefis Sesel li menm?

 

MR SPEAKER 

Mersi Onorab.  PS.

 

PS DAMIEN THESEE

Mersi Mr Chair.  Son Bidze 2019 ti 10.8 li e nou ti’n aktyelman donn li bokou latansyon pou 2020 ki nou ti pe donn li 18.1 dan son saler e la nou pe koup sa 5 ki pou fer li 13.  So i pou sorti 10 from 2019 pou ariv 13.

So ti annan bann pos ki nou’n cater nou’n tir en pe.  Me selman i pou enn bann landrwa ki nou ava swiv nou committed pou swiv pre akoz nou osi nou Policy Unit i travay pros ek li pou met anliny bann, bann polisi.

Nou ava swiv li dan mid-year pou gete ki mannyer sityasyon i ete.  Mersi.

 

MR SPEAKER 

Mersi PS.  Okenn lezot Manm ki anvi entervenir?  Non.  Nou ava pran en vot alor lo Bidze Financial Intelligence Unit FIU pou en sonm R19,696milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER 

Mersi Madanm Deputy Clerk.  Savedir Bidze pou Financial Intelligence Unit in ganny aprouve par Lasanble Nasyonal.  Bon zis avan nou kontinyen mon ti ava kontan pas en lenformasyon, sa lenformasyon ki Lasanble ti pe rode an referans avek bann zofisye Lapolis and so on.

Sa lenformasyon pou ganny donnen avek Komite Sekirite e Defans pou Lasanble Nasyonal.  I pa pou al an piblik me i pou ganny donnen avek sa Komite.  Sekretarya in resevwar e Madanm Deputy Clerk i a fer le neseser ok?  Mersi.

 

SEYCHELLES BUREAU OF STANDARDS

 

MR SPEAKER 

Bon nou ava pran Bidze pou SBS Seychelles Bureau of Standards pou en sonm R23,188milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by R1.2milyon.  Ladan 379 dan saler e ladiferans 874mil dan ‘’goods and services. ‘’ Mersi.

 

MR SPEAKER 

Mersi PS.  Okenn Manm ki oule entervenir?  Non.  Bon nou ava pran en vot pou Bidze pou Seychelles Bureau of Standards pou sonm R23,188milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER 

Mersi Madanm Deputy Clerk.  Savedir Bidze pou Seychelles Bureau of Standards SBS in ganny aprouve par Lasanble Nasyonal.

 

SEYCHELLES QUALIFICATIONS AUTHORITY

 

 

MR SPEAKER 

Nou aprezan pran Bidze pou Seychelles Qualifications Authority pou en sonm R6,971milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by R903mil.  Dan ki 334mil i pou dan ‘’wages and salaries’’ e ladiferans 568mil dan ‘’goods and services. ‘’ Mersi.

 

MR SPEAKER 

Mersi PS.  Okenn Manm ki oule entervenir?  Non.  Bon nou ava pran en vot pou Bidze pou Seychelles Qualifications Authority pou en sonm R6,971milyon ki form par sa schedule.

Tou Manm ki an faver? Okenn Manm ki kont.  Madam Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver?  E personn kont.  Mersi.

 

MR SPEAKER 

Mersi Madanm Deputy Clerk.  Savedir Bidze pou Seychelles Qualifications Authority in ganny aprouve par Lasanble Nasyonal.

 

 

TERTIARY EDUCATION COMMISSION

Nou ava pran prezan Bidze pou Tertiary Education Commission pou en sonm R2,850milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by R869mil.  Dan ki 536mil dan son saler e diferans 332mil dan son ‘’goods and services. ‘’ Mersi

 

MR SPEAKER 

Mersi PS.  Okenn Manm ki oule entervenir?  Non.  Nou ava pran en vot pou Bidze pou Tertiary Education Commission pou sonm R2,850milyon ki form par sa schedule.

Tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER 

Mersi Madanm Deputy Clerk.  Savedir Bidze pou Tertiary Education Commission in ganny aprouve par Lasanble Nasyonal.

 

SEYCHELLES PLANNING AUTHORITY

 

 

MR SPEAKER 

Nou ava pran Bidze pou Seychelles Planning Authority pou en sonm R17,980milyon.  PS.

 

PS DAMIEN THESEE

Mersi Mr Chair.  Nou’n redwir son Bidze par R1.7milyon.  Dan ki 264mil ti dan saler e 1.5 dan son ‘’goods and services’’ dan ki 1.2 i ‘’Board Members allowance.’’  Mersi.

 

MR SPEAKER 

Mersi PS.  Okenn Manm ki oule entervenir?  Non.  Nou ava pran en vot alor pou Bidze pou Seychelles Planning Authority pou sonm R17,980milyon ki form par sa schedule.

Tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER 

Mersi Madanm Deputy Clerk.  Savedir Bidze pou Seychelles Planning Authority in ganny aprouve par Lasanble Nasyonal.

 

SEYCHELLES ENERGY COMMISSION

 

 

 

MR SPEAKER 

Nou ava prezan pran Bidze pou Seychelles Energy Commission pou en sonm R5,512milyon.  PS.

 

PS DAMIEN THESEE

Mersi Mr Chair.  Nou’n redwir son Bidze by R1.3milyon.  Dan ki 739 ti dan saler e 607mil dan son’’ goods and services.’’  Mersi.

 

MR SPEAKER 

Mersi PS.  Okenn Manm ki oule entervenir?  Non.  Nou ava pran en vot alor lo Bidze Seychelles Energy Commission pou en sonm R5,512milyon e ki form par sa schedule.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER 

Mersi Madanm Deputy Clerk.  Savedir Bidze pou Seychelles Energy Commission in ganny aprouve par Lasanble Nasyonal.

 

PUBLIC OFFICERS ETHICS COMMISSION

 

 

MR SPEAKER 

Nou ava aprezan pran Bidze Public Officers Ethics Commission pou en sonm R2,886milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by R128mil.  Ki tou i dan son ‘’goods and services.’’  Mersi.

 

MR SPEAKER 

Mersi PS.  Okenn Manm ki oule entervenir?  Non.  Nou ava pran en vot alor pou Bidze pou Public Officers Ethics Commission pou en sonm R2,886milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADANM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER 

Mersi Madanm Deputy Clerk.  Savedir Bidze pou Public Officers Ethics Commission in ganny aprouve par Lasanble Nasyonal.

 

SEYCHELLES HUMAN RIGHTS COMMISSION

 

 

MR SPEAKER 

Nou ava prezan pran Bidze pou Seychelles Human Rights Commission pou en sonm R5,649milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by 1milyon.  Dan ki 590 i dan son saler e ladiferans 413mil i dan son ‘’goods and services. ‘’ Mersi.

 

MR SPEAKER 

Mersi PS.  Yes Onorab Ramkalawan.

 

HON WAVEL RAMKALAWAN

Mr Chairman.  Mon ti ava kontan ganny plis detay lo sa koupir lo, lo saler vi ki mon’n sa sete enn bann keksoz ki nou’n koz lo la lannen pase.  E i en nouvo Komisyon, e i ti pe ganny problenm pou li menm ganny en computer ensidswit e pou ganny bann zofisye ki pou mann sa, sa biro.

Ki sa bann pozisyon ki zot pe koupe an relasyon ek saler silvouple?  Parske mon krwar ki nou bezwen kapab siport sa Human Rights Commission parske i ankor dan bann moman lanfans.

E si nou zis pe koupe  e nou ekspekte bann Commissioners pou fer tou travay, i pa pou delivre parey nou ti ava ekspekte li delivre e li i en Komisyon ki enportan pou nou demokrasi silvouple donn mon detay.

 

MR SPEAKER 

Mersi Onorab.  PS.

 

PS DAMIEN THESEE

Mersi Mr Chair.  Parey nou konnen son Bidze ti’n merge ek Ombudsman e 2020 nou ti donn li en Bidze 1.8milyon.  Nou’n zis tir 500mil la pou reste li R1.240milyon e nou’n retir basic man 3 pos.

1 Research Officer, 1 Senior Investigation Officer avek 1 Investigator zis sa 3 pos ki nou’n tire.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Non, non mon ti ava nou konnen ki poudir la nou dan sa peryod COVID-19. Me selman mon ti ava ensiste ki parey nou’n koze pou FIU an term sa Mid-year Review ki nou sey regarde mid-year ki mannyer nou kapab remet en keksoz la.

Parske sa 3 zofisye sa 3 pozisyon ki ou’n, ki ou’n nonmen i 3 pozisyon enportan.  Ofet zot 3 pozisyon kle ki pou fer sa Komisyon ki pou permet sa Komisyon kapab fer son travay.

So en lapel, en lapel direk dan, dan Mid-year Review pou nou, pou nou re-regard sa 3 pozisyon silvouple.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Speaker.  Nou napa obzeksyon pou nou war dan mid-year selman annou, annou pa bliye still ki nou annan negative fourteen nou bottom-line osi.  Akoz si sak pti Lazans i fer en pti special appeal nou pou ariv minus twenty lafen lannen.

Selman nou pare pou, pou donn li sa latansyon dan mid-year.  Mersi.

 

MR SPEAKER

Mersi PS.  Okenn lezot Manm ki oule entervenir?  Non.  Nou ava pran en vot alor lo Bidze Seychelles Human Rights Commission pou sonm R5,649milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  17 Manm in vot an faver.  E personn kont.  Mersi.

 

MR SPEAKER 

Mersi Madanm Deputy Clerk.  Savedir Bidze pou Seychelles Human Rights Commission i ganny aprouve par Lasanble Nasyonal.

 

 

SEYCHELLES MEDIA COMMISSION

 

 

MR SPEAKER

Nou ava prezan pran Bidze pou Seychelles Media Commission pou en sonm R2,718milyon.  PS.

 

 

PS DAMIEN THESEE

Mersi Mr Chair.  Nou’n redwir li by R162mil.  Selman 40mil dan son saler Information ‘’Officer allowance’’ e 106mil dan son’’ goods and services.’’  Mersi.

 

MR SPEAKER 

Mersi PS.  Okenn Manm ki oule entervenir?  Non.  Nou ava pran en vot alor pou Bidze pou Seychelles Media Commission pou en sonm R2,718milyon ki form par sa schedule.  Tou Manm ki an faver?  Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER 

Mersi Madanm Deputy Clerk.  Savedir Bidze pou Seychelles Media Commission in ganny aprouve par Lasanble Nasyonal.

 

HEALTH CARE AGENCY

 

 

MR SPEAKER 

Nou pran Bidze pou Health Care Agency pou en sonm R1,24,780bilyon.  PS.

 

 

PS DAMIEN THESEE

Mersi Mr Chair.  Nou’n ogmant son saler par R13.1milyon.  Anvi Scheme bann Nurses, Midwives, Health Care Assistants ki sipoze pran lefe an, an Zilyet.  Dan son capital project nou’n donn anviron R50milyon dan ki apepre R24milyon sa lannen pou al pou Sant Tretman.

E ladiferans pou konplet bann proze ki ti’n already komanse lafen lannen pase me ki pa ankor konplete.  Par egzanp sant Klinik Baie Lazare e osi pou proceed avek Lopital La Digue.

Me nou’n bezwen retir apepre R35milyon anba Grant ki nou ti pe gannyen avek China ki ti pou fer Victoria Hospital Master Plan.  Son renovasyon lo bann enfrastriktir.  Mersi

 

MR SPEAKER 

Mersi PS.  Onorab Francois Adelaide.

 

HON FRANCOIS ADELAIDE

Mersi Mr Chair.  Bonn apre midi a tous.  Minis dan ou prezantasyon Bidze ou ti dir ki pou annan en larzan ki pou allocate pou renovasyon Klinik Baie Lazare me nou ti tonm dakor pou en klinik nef.

Eski ou kapab konfirmen si i vreman en renovasyon ouswa si en new klinik parey nou pe war dan PSIP?  Apre sa mon ava demann en lot kestyon si.  Mersi.

 

MR SPEAKER 

Mersi Onorab.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Si mon ti dir renovasyon i pou renovasyon.  So nou, nou ti angaze pou nou fer mon krwar en renovasyon apre vizit bann delegasyon e nou anvi fini sa louvraz.  Mersi.

 

MR SPEAKER 

Mersi Minis.  Onorab Adelaide.

 

HON FRANCOIS ADELAIDE

Mersi Mr Chair.  Minis dan PSIP nou annan en alokasyon 6milyon pou en klinik nef, pa renovasyon.  Nou’n tonm dakor ki depi lannen pase, nou sipoze ganny en klinik nef.  Nou’n al fer vizit tou.

Nou’n ganny tou plan nou ti lo medya tou so mon anvi ou re konfirm ou pozisyon.  Mersi.

 

MR SPEAKER 

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Onorab mon pe regard mon lalis la ki mon annan devan mwan.  Mon eskiz mon en pti moman.  Wi mersi Mr Chairman.  Onorab nou’n re verifye la en, sa nouvo Klinik Baie Lazare i pou R30milyon e dan Bidze 2020 ki devan nou la nou pou met, nou pe met R6milyon.

Apre son balans 24milyon an 2021 pou fini sa nouvo Klinik Baie Lazare.  Mersi Mr Chairman.

 

MR SPEAKER 

Mersi Minis.  Onorab Adelaide.

 

HON FRANCOIS ADELAIDE

Minis mon pa pe kler la.  Nou ti dir ki nou annan en klinik nef ki sipoze komanse sa lannen e sa ki mon ti gannyen ek sa bann zofisye Lasante.  So mon pa pe konpran kot sa renovasyon pe vini si nou pe al fer en klinik nef.  So nou ti tonm dakor pou fer nou premye faz komanse avek sa R6milyon sa ki nou ti ganny dir so I want a clear, ou konpran mwan ou?  Mersi.

 

MR SPEAKER 

Mersi Onorab.  Minis.

 

MINISTER MAURICE LOUSTAU-LALANNE

Wi mersi.  Mon konpran, mon konpran ou Onorab mon pa konnen si nou pou kapab fini sa nouvo klinik an 2020.  Sa, sa i kestyon me sa ki mon’n mansyonnen la apre ki nou re konsilte, nou pou konmans sa nouvo klinik la e nou pou depans R6milyon pou nou konplet li avek R24milyon an 2021.  Mersi Mr Chair.

 

MR SPEAKER 

Mersi Minis.  Yes Onorab Ferrari.

 

HON JEAN-FRANCOIS FERARRI

Yes mersi Mr Speaker.  Mr Speaker mon ti a kontan demann Minis e  i en sans ki nou annan a ki Minis Finans i annan bokou leksperyans dan lasante.  Mon ti a kontan demande si dan sa legzersis ki nou pe fer pou nou ganny bokou plis lefikasite dan nou sistenm lasante.

Eski Gouvernman i pou mentenir tou ban health outpost ki egziste pou le moman an operasyon oubyen eski zot pou santraliz serten servis e serten outpost pa pou ganny menm servis ki annan avan?

Konmsi mon ti a, mon ti a kontan konnen si Gouvernman i annan en, en lentansyon pou li sanz fason ki bann servis pe ganny delivre o nivo distrik?  I enportan pou nou bann, nou bann sitwayen dan distrik konnen ganny reasire akoz par egzanp pou le moman akse avek lopital, lopital santral Victoria i difisil parey Minis i konnen.

Napa akse akoz akse i ganny restrikte dan en sans, donk ki mannyer zot pe war lorganizasyon sa bann diferan klinik, diferan outpost dan sa bann mwan ki pe vini?  Mon 2enm kestyon se sa mon pa konnen si i tonm anba Bidze Minister Lasante me dan sa moman kriz nou konnen e nou’n pa mon premye ki poudir i annan dimoun ki pe fer sa ki nou apel profiteering.

Nou’n tande poudir i annan bann latant ki’n ganny mete an deor bann sant lasante partou.  E ki Gouvernman pe pey en fortin pou sa bann latant ki otherwise pa ti pe lwe akoz napa fonksyon, napa show, napa tou sa bann entertainment  ki ou bezwen latant.  E me selman mon kontan pou sa bann dimoun ki own sa bann latant zot in ganny en sans pou zot kontinyen zot biznes me eski zot pe pey the right price e lekel ki pe determinen?

Mon kestyon i rezwenn sa ki Leader Lopozisyon fek dir taler.  Dan sa moman kriz ki bann mezir ki an plas pou fer sir ki bann procurement sa bann keksoz koumsa i vreman strik e ki  i al, i al pli lwen ki strik.

Ki procurement avek Procurement Unit i demann avek tou bann procurers pou donn en bout pou montre zenerozite vizavi Gouvernman dan sa moman sa?  Sa i mon 2enm kestyon.  E mon 3enm e dernyen kestyon Mr Speaker i konsern sa Graduate Scheme pou bann nurse.

Mon krwar i enportan a sa moman nou tou sa mon konnen i across the board dan pei antye.  Nou tou nou, nou leker pe bat vreman for pou bann Ners e bann profesyonnel dan Minister Lasante.

Me sirtou a sa moman la mon, mon annan en panse spesyal pou bann graduate Nurses ki’n fer en kantite zefor e sakrifis pou ariv lo en serten novo zot Scheme pa ti ankor materyalize dernyerman.  Eski sa scheme ki lieu avek graduate nurses i pou vin an plas e si wi kan eski i pou vin an plas?  Mersi.

 

MR SPEAKER 

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Chairman.  Mersi Onorab.  Onorab an sa ki konsern stratezi pou le fitir avek bann lopital, klinik, bann sant lasante ek tousala.  Parey ou konnen ti annan en gran konsiltasyon ki’n a consultancy pardon ki ti kout bokou larzan.

E sa ti encompass en letid pou regarde ki mannyer nou pou reorganiz dabor Lopital Victoria.  Annefe sa proze i apel Victoria Hospital Management Plan.  E pa zis sa, i annan Praslin, i annan La Digue e i annan tou lezot klinik lo Mahe ki’n ganny enkorpore dan sa letid.  Gouvernman in aprouve sa Victoria Master Plan e ozordi tou, tou sa ki nou pe fer avek lasante nou bezwen swiv sa bann rekomandasyon dan sa Master Plan.

Par egzanp i annan sa sant izolasyon, i feature dan sa Master Plan, son lokasyon i dan compound lopital eksetera.  E par legzanp la osi nou’n met en larzan pou nou kontinyen fini retir sant dyagnostik e met li dan en lot landrwa.  E sa osi i form parti alor nou pa oule fer eparpiye bann keksoz nou bezwen swiv sa striktir ki nou pou fer.  E ladan osi i annan a moman apropriye pou non revwar kekfwa frenm serten bann pti klinik ki nou ti ouver pou serten rezon e ozordi i pa, i pa fit the bill pou nou sanze.

So nou annan en plan ki nou bezwen swiv e mon rapel ou donk se sa Victoria Master Plan.  Sa i nimero enn.  Lo kote latant depi ki kestyon ti ganny poze ek mon isi mon’n demande sa lenformasyon mon le konnen egzakteman ki prosedir in swiv, konbyen nou pe peye eksetera.

Mon napa sa lenformasyon pou le moman e parey mon’n dir ou nou pe esper avek Departman Lasante sa bann lenformasyon akoz zot in komanse depans en pe.  Ou war ou’n demann mon kestyon konbyen nou’n depanse ziska prezan lo COVID-19, mon napa sa lenformasyon.

Me sa pwen mon’n not sa pwen i tre enportan e mon krwar a lavenir osi nou bezwen fer sir nou swiv prosedir so sa mon donn ou mon, mon langazman.  An sa ki konsern Scheme pou Ners dan mon Bidze, mon ti mansyonn sa 13milyon ki nou pe mete komansman Zilyet.

Me mon’n osi dir ki tou lezot Scheme pa neseserman bann Scheme Ners me tou lezot Scheme ki nou ti’n aprouve dan Bidze 2020 premye Bidze, sa i pou kontinyen li.  Mersi Mr Chairman.

 

MR SPEAKER 

Mersi Minis.  Onorab Regina Esparon.

 

HON REGINA ESPARON

Mersi Mr Speaker.  Bonn apre midi.  Mon ti ava kontan demann PS mon’n tann li nonmen bann proze ki pa pou fer, ki pa pou ganny fer sa lannen ki zot in koupe.  Me mon pa’n tann li nonmen sa proze renovasyon pou Lopital North East Point.

Ler mon pe dir Lopital North East Point mon pe dir sa batiman li menm ki annan Home for the Elderly, i annan Psychiatric Unit, i annan Kazern sa ki nou apel Home for the Elderly apre i annan son Auspice.  Parske lannen pase tou kestyon ki mon ti demande lo renovasyon e lizyenn laba, Minis ti dir ki sa lannen ki la pou annan renovasyon ki pou ganny fer lo sa batiman.

Mon ti a zis kontan en update lo la silvouple.  Mersi.

 

MR SPEAKER 

Mersi Onorab.  Minister oubyen PS.

 

PS DAMIEN THESEE

Mersi Mr Chair.  Anba PSIP nou annan anba North East Point Complex R10milyon ki ankor la pou Health Care Agency servi pou renovasyon.  Mersi.

 

MR SPEAKER 

Mersi PS.  Minister.

 

MINISTER MAURICE LOUSTAU-LALANNE

Mersi Mr Chairman.  Si ou permet mwan, mon ti a kontan donn en lenformasyon pli resan lo sa bann zafer latant.  Sa sistenm elektronik i marse i sanble mon.  I pa mars lo mon telefonn me i mars lo son telefonn.  Alor lenformasyon ki mon’n gannyen se ki POU ti ganny involve direkteman avek sa o komansman.  Larme avek Red Cross avek 3 supplier latant ti ganny demande pou fer propozisyon.

Desizyon final in pran 2 latant ek Larme.  1 in ganny mete English River e lot in ganny mete Anse Royale.  Me bann Dokter in realize ki sa bann latant pa ti adapte pa ti konform akoz ti tro ba, fer tro so pou dimoun antre ladan.

Alor in ganny retire e zot in servi latant sorti kot sa 3 supplier.  Me desizyon la pou le fitir se ranplas sa bann latant par bann striktir semi permanan, so sa bann latant pou sorti e zot pou met bann striktir semi permanan dan le fitir.  Mersi Mr Chairman.

 

MR SPEAKER 

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman annou reste lo latant mon pa pe ganny en serten konprenezon e ziska prezan nou pa ankor kapab ganny en sonm.  E depi premye fwa ki Minis in vin dan Lasanble letan i ti vin reponn PNQ nou’n demann li ki sa sonm.

E alor si sa in pas atraver POU mon krwar ki nou devret kapab pe ganny en sonm.  E parske mon krwar ki Minis i bezwen konpran serten konsern nou Lasanble.  Nou, nou vey larzan, nou vey larzan lepep Seselwa nou se sa nou, enn nou responsabilite.

Mr Chairman mon kapab dir avek Minis i annan latant Klinik Beau Vallon pa pe ganny servi e alors si si latant pa pe ganny servi e eski nou pe peye?  Lekel ki pe anmas sa larzan?  E la mon ti ava kontan ki Minis ou dir avek nou parske sa i, i devret en tender process, procurement process i sipoze public.  Lekel sa 3 suppliers ki pe ki’n donn bann latant?

E an plis ki sa pou nou regarde lo nivo Praslin ek La Digue sa bann latant eski zot pe vreman ganny servi?  Parske ankor enn fwa lenformasyon ki mon pe gannyen i preski non.  I annan serten latant ki pe ganny itilize, me selman i pa, i pa partou.

E alor e pou konbyen letan eski sa bann latant pou ganny, pou ganny servi parske tou nou bann provizyon la i pou, i pou 3 mwan.  3 mwan konmsi dan sa lentansite e fodre ki nou ganny, mon ti ava kontan ki nou ganny plis detay lo sa, parske sa i enn bann area kot nou santi i kapab, i annan en labi la.

I posib ki nou pe larzan zis serten dimoun pe byen pase, me selman sa servis pa pe, pa pe vreman byen ganny itilize.  Alors si ou annan en detay Minis donn nou plis lenformasyon, parske mon krwar i enportan pou nou ozordi la letan nou pe regard sa, ganny tou bann detay.

Mon, mon kont lo ou.  E apre sa ki Onorab Ferrari i mansyonn sa graduate Scheme pou bann Ners.  Parske la i annan, i annan en problenm e mon ti mazinen petet ou ti kapab ava kapab adres sa.

Parske ansyen Minis Lasante Mr Adam, Mr Adam i ti dir ki zot annan en problenm.  Malgre ki tou sa bann ners in kalifye zot in ganny zot degre, i ti pe annan en problenm avek serten Ners ki ti lo en, lo en grad.  Ki si zot ti ganny zot larzan, zot larzan pou sa Scheme zot ti pou pas par lao en nivo.  E alor sa bann ki ti pli o zot, zot konmsi zot in ganny pini zot tandis ki bann ki pli ba zot, zot pe gannyen zot larzan zot e alors se sa ki nou pe rode.

Ki, parske si, si en dimoun si ou avek mwan nou’n fer, nou’n fer menm course e i annan en, i annan en allowance atase avek sa, i pa devret en problenm.  Si ou pli o mon, mon pli ba nou devret gannyen nou tou lede.  I pa kapab, akoz parske son bi se pou sa degre ki ou’n gannyen sa bout papye ki, ki konte e se sa ki, ki mon krwar Onorab Ferrari pe sey eklersi.

Akoz i ankor annan en problenm e mon krwar ki Minister Finans spesyalman la ki nou pe fer, la ki nou pe fer sa, i devret eklersi sa once and for all.  E sa bann ki pa’n gannyen si fodre zot ganny en back pay zot ganny en back pay akoz zot, zot tou lede sertifika.

Tou sertifika i date menm dat be si enn i gannyen lot i devret gannyen lo, lo en sistenm fairness, lazistis se sa ki mon pe met devan ou Minis.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Speaker.  Nou pe rode sa lenformasyon ki ou’n demann mon lo premye, premye lentervansyon nou ankor pe rode la, akoz i enportan nou rode nou gannyen e nou presize.  Pou lot ankor parey nou ti dir 2020 nou ti pou travay lo sa pandan lannen 2020 me i annan sa irzans la prezan ou’n eksplik mon.

E donk mon a fer sir ki nou degaze pou nou trouv sa solisyon.  Me mannyer, si mannyer ou’n eksplik mwan se sa egzakteman mannyer i ete la solisyon i ase senp so mon ava regard ladan pou mon anmenn  en desizyon.  Me konman mon annan laparol Mr Chairman zis pou, mon’n repas lo mon diskour en Onorab.

Vre mon ti dir renovasyon en.  Mon ti dir renovasyon so mon pe koriz mon diskour pou sa lenformasyon ki mon’n donn ou apre letan ki nou’n get sa PSIPSo, mersi bokou.

 

MR SPEAKER

Mersi Minis.  Onorab Flory Larue.

 

HON FLORY LARUE

Mersi Mr Chair.  Mr Chair mon ti a kontan remersi Minis avek en keksoz ki in dir ki si solisyon i senp, fasilman i kapab fer en keksoz.  Me nou bezwen remarke ki letan sa pandemik ti deklare Prezidan ti fer en deklarasyon kot i ti pou call lo Larme pou fer serten travay.

Me avek sa bann latant nou war ki Larme, Militer ti sipoze pe asiste Lasante direkteman.  I annan lezot pei nou’n war mannyer Militer in vin ansanm e dan detrwa zour zot in kapab konplet serten keksoz.  Lefe ki Gouvernman i annan STC osi ki vann tol avek dibwa mon krwar i pe mank en pe kordinasyon pou li pou nou fer nou servis militer kapab deliver pou nou.

Pou nou within a couple of days sa bann latant i kapab sorti lo propriyete Minister Lasante.  So mon kontan ki Minis i dir si solisyon i senp i kapab fer en fason pou fer sa arive.  Alor mon kont lo ou Minis.

Minis mon kestyon i an relasyon avek bann renovasyon bann klinik bann e mon krwar Onorab Ferrari in demann sa kestyon lo bann satellite services lefe ki Lopital Sesel li i pa pe pran dimoun pou tou servis.  Anse Royale nou lopital in fermen akoz son status konman en isolation center e i move dan Community Centre.  Gouvernman i deside dan limedya pou pran en building nef e pou fer bann renovasyon pou fer en klinik.  Me lefe ki nou annan klinik Anse Aux Pins, Takamaka e Baie Lazare eski i fair pou sa moman kot larzan i limite pou nou al met li dan en nouvo batiman ki riske pa ganny servi pou tro lontan?

Alor eski nou pe byen envestir sa larzan letan nou pe fer sa dan en batiman nef?  Eski Minis ti kapab eklersi nou akoz parey Onorab Ramkalawan i dir, nou ki vey larzan e si nou kapab remet li direkteman dan bann lezot servis lasante otour Mahe mon krwar ti a, ti a pli bon.  Mersi Minis.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Wi les mon ava regarde avek high command kot Minister Lasante ki egzakteman zot, zot plan e mon ava regard lo kote son, son finansman e regarde pou nou fer the best use of sa larzan ki nou annan.

Mon, mon’n ganny ou pwen ou’n mansyonn ek mon osi priveman lot zour lo sa mon war ou ensiste for lo la.  So i neseser ki mon pran sa anba mon, mon zepol.  Parey ou konnen ozordi tou nou bann sant lasante e menm Lopital Victoria i bezwen kontinyen donn bann servis lasante nou bann popilasyon.

So kanmenm i annan COVID nou pe sey fer bann tretman pou COVID dan bann landrwa spesifye e spesifik.  E permet sa bann lezot sant kontinyen fonksyonnen pou bann maladi annou dir bann maladi ki normal si sa i en mo ki mon kapab servi.

Nou pa oule konfiz tou keksoz se pou kwa i annan sa Rapid Response Team COVID si ou tonm malad e ou, ou santi kekfwa i annan sa sentonm ou pa deplase ou pran ou telefonn ou telefonnen e zot vin rod ou zot teste ou apre zot, zot deside kot pou met ou.  Dan karantenn oubyen zot met ou  dan sant tretman.

So sa i enportan pou mon fer sa distenksyon pou, pou eksplik ou menm, e eksplik bann Manm la, eksplik la popilasyon ki se koumsa ki nou bezwen fer keksoz.  Alor i ansennen avek sa pwen ki prezan ou’n fer, regarde si nou pou depans tou larzan fer nouvo sant tanporer kan i annan lezot landrwa nou kapab reorganize.  So i en keksoz donk parey mon dir ou mon ava, mon ava regard sa de pre mon menm.

E la mon’n ganny lenformasyon Mr Speaker an sa ki konsern latant.  Alor zot dir mon ki ti annan 3 supplier parey mon’n mansyonnen e ti annan Mr Conrad Johnson, ti annan Mr Eddy Charles e ti annan Mr Danny Fred.

E ladan enn ti soumet son invoice e sa i pou R2mil par zour par latant.  La mon pa konnen konbyen latant i annan sa in mete la zot dir ki nou pa konnen konbyen latant i annan par supplier.  Ou war lenpresyon mon gannyen la se ki dan sa 3 supplier tou le 3 kekfwa in donn latant be zis enn ki’n met son pri R2mil par zour.

So i annan ankor en pe lenformasyon pou mon rode me vwala.  I annan sa 3 Johnson, Charles ek Fred e zis 1 ladan ki’n donn son pri R2mil par zour par latant.  Me konbyen latant ki’n ganny donnen sa mon napa sa lenformasyon.

 

MR SPEAKER

Mersi Minis.  Onorab Ramkalawan

 

HON WAVEL RAMKALAWAN

Be Mr Chairman be parey nou dir question that begs itself se eski Minis pou donn nou sa lenformasyon?  Parske i bezwen konnen parske latant, latant in fini gannyen en mwan la so i bezwen annan, i bezwen annan peyman ki’n ganny fer.  So e i bezwen pas atraver Trezor, so mon krwar ki e, e vi ki nou’n ganny dir in pas atraver Procurement Oversight Unit savedir POU i bezwen konnen konbyen sa bann keksoz in pase.

E eski la ou pe koz zis lo Mahe parske i annan Praslin ek La Digue osi tou?  So mon krwar ki nou, nou pe, nou pe senpleman rod, rod lenformasyon e pou nou regarde si, si lenformasyon si nou war poudir i annan en labi mon krwar  i nou responsabilite pou nou dir be koup sa labi parey, parey Onorab Ferrari in mansyonnen.

Dan sa peryod ti pou napa okenn latant ki ti pou ganny lwe akoz Gouvernman li menm li in dir napa okenn aktivite.  Menm si ou pe fer ou parti dan ou lakaz i pou vini ou pa ganny drwa.  Alors nou pa kapab profite  dan en moman febles pou, pou zis fer en kantite larzan.  Parske la ankor enn fwa letan nou pe regarde sa bann striktir semi permanan ki, ki Minis pe mansyonnen Mr Chairman.

Mon ti ava war ki nou trouv serten bonn volonte, bonn fwa e pa zis striktir semi permanan me osi striktir permanan.  Par egzanp letan nou pe koz en sant karantenn permanan mon, mon ti ava war en pe parey Lasin in pase, en pe parey Larisi in pase, parey Langleter tou in fer.  Kot nou annan tou sa bann gran lakonpannyen konstriksyon, kot nou vini nou dir be olye nou pou al aranz en pti bout Ile Du Swet pou pey 4milyon laba, en pti bout kot Maison Football ensidswit.

Pou ki sa bann gran lakonpannyen konstriksyon e avek bann suppliers bann materyo zot vini zot dir be lopital i annan en plan la pou fer en sant karantenn nou dan problenm annou koste, met lespri, met, met mendev ansanm i annan sepa konbyen, konbyen travayer konstriksyon ek sa bann gran lakonpannyen.

Mont lopital laba kot nou pou fer sa sant ex-Nurses Home.  E nou fini fer sa dan en mwan eski pa ti pou en lafyerte pou nou.  En mwan nou’n fini ganny nou sant, nou sant izolasyon lopital, Lopital Perseverans i ganny libere ensidswit pou tousala.

That’s the sort of community spirit nou ti ava kontan war e sa bann striktir semi permanan  kot ozordi nou pe met latant pou, pou kot nou pe pey R2mil par zour, R2mil par zour.  Ki vedir si mon, mon annan en latant mon pe ganny mon R60mil pou 30 zour.  Ar, e R60mil, R60mil pou en mwan be, be pa’n fini fer en striktir semi permanan partou kot tou bann klinik?  Mon krwar Mr Chairman sa ki mon pe dir la mon krwar ki nou pe gaspiy larzan, nou pe gaspiy larzan lepep Seselwa.

E letan ou balanse konbyen bann sant, bann sant ki nou pe, ki nou pe koz lo la zis konman mon mansyonn La Riviere Anglaise, Beau Vallon, Mamelles ou fini ganny 3 la in fini vin R180mil.  Anse Royale i a fer, i a fer 4, North East Point 5.  Be, be la nou’n fini ariv, nou’n fini 6 fwa 360, R360mil zis sa, zis sa pti git la ki nou’n mansyonnen.

E R360mil sa bann striktir semi-permanan nou’n ti’n fini konstrir zot.  Parske Mr Chairman la osi tou i annan serten dimoun ki pe kestyonnen.  An montan lopital nou war i annan en private firm ki’n ganny peye, se zot ki pe, se zot ki pe azir konman sekirite pou antre.  E pourtan nou pe koz, nou pe koz nou, nou lafors soz.

Be kot Lopital Perseverans nou war Solda ki pe debout ki pe mann sa gate e Solda i antre dan son travay.  E be akoz ki laba Mont Fleuri nou bezwen pe pey en firm prive pou li vey sa gate la anba?  Mon pa konnen ki mannyer ankor enn fwa nou ti a kontan konnen ki kalite laranzman ki’n ganny fer si in annan procurement si in annan nouvo, nouvo keksoz?  Parske fodre pa ki deza COVID in afekte nou be aprezan fodre nou pran bann, bann desizyon entelizan, sarz pou nou kapab bouz devan.

E mwan sa zafer latant e petet osi Minis atraver ou Mr Chairman si i ti a kapab dir avek nou be sa pou mann sa gate, sa gate ki’n ganny formen la Mont Fleuri konbyen, konbyen nou pe depanse.  E si vreman nou bezwen en private security firm oubyen si nou pa bezwen 2 Solda, 2 Solda e fer sa atraver, fer sa atraver SPDF?

Ok mon krwar se, se sa bann keksoz ki mon ti ava kontan.  Me selman Mr Chairman ti ava kontan ki nou vreman ganny tou sa bann detay an relasyon avek sa la apre midi pou nou kapab, pou nou kapab ganny en pozisyon bokou pli kler.  Mersi bokou Mr Chair.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Wi mersi Mr Chairman.  Pou nou avanse mon krwar i enportan parey in ganny mansyonnen ki mon rod sa lenformasyon le pli vit posib.  Mon pa konn nanryen dan sa zafer private security donk les mon al rod sa lenformasyon.  I annan en bout ankor ki’n antre la i dir mon ki Conrad i annan 3 latant, Fred i annan 4 lantant e Charles i annan 2 latant, me mon napa son pri.

Enn mon konnen i R2mil e sa pou Charles, sa Fred e Conrad mon pa konnen so i annan lenformasyon ki manke.  Me pli sa ki enportan osi pou mon fer resorti Mr Chairman se ki bann Minister, zot process zot bann peyman eksetera zot anvoy li kot Trezor, Trezor i peye oubyen i pa peye.

Me i pa neseserman ki i pas atraver mwan, konmsi mon annan en ta sa bann zafer mon bezwen pas ladan toulezour mon tyeke, otorize pa otorize i pa mars koumsa.  So mon ti a kontan zis fer sa pwen, me pou rod lenformasyon mon annan tou drwa pou mwan al rod lenformasyon pou vin donn lenformasyon.  Mersi bokou.

 

MR SPEAKER

Mersi Minis.  Onorab Clive Roucou

 

HON CLIVE ROUCOU

Mersi Mr Chairman.  Bonn apre midi tou dimoun.  Mr Chair mon ti anvi zis de pwen klarifikasyon.  Premyerman mon ti anvi demann Minis please klarifye mon si anba sa head ki saler bann ners ki sorti Kenya pou ganny peye?  Epi mon pa, mon pa tro asire si mon byen la akoz sa nou’n ganny enform lo bann allowances for frontline workers mon anvi demann Minis ki mannyer zot in zistifye sa high risk medium risk and low risk please?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi.  Sa allowance high risk, medium risk, low risk se Health ki’n donn nou an totalite nou pa pou konnen.  So nou assume bann Ners ki lo frontline i ganny sa high risk e bann support around it.   I sa bann ki zot pou met low risk ek medium.

Mon pou apologize mon’n mank ou premye kestyon si ou kapab repete?

 

MR SPEAKER

Yes Onorab.

 

HON CLIVE ROUCOU

Mersi PS.  Mon ti anvi zis en klarifikasyon si anba sa head ki bann saler bann, bann ners Kenyan ki pe vini pou ganny peye oubyen si i pou tonm anba Contingency?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi.  Nou pou pey li anba Contingency vi ki i tanporer.

 

MR SPEAKER

Mersi PS.  Onorab Sylvianne Lemiel.

 

HON SYLVIANNE LEMIEL

Mersi Mr Chair.  Bonn apre midi tou dimoun.  Minister mon ti a kontan ou eklersi anba PSIP.  Parey nou konnen nou’n toultan lager, nou’n toultan dir e i fer 3an konsekitiv ki larzan i ganny mete anba PSIP pou sa Outpatient Clinic.

Mon krwar ozordi nou pa ti ava bezwen pe servi en sant kominoter pou nou tann zafer latant or whatever ki nou pe tande ozordi.  E la mon war R4milyon i ankor anba PSIP pou Outpatient Klinik Anse Royale ki nou pe deside fer?

Eski nou pe deside rekonmanse or la avek letan COVID sa larzan i fini ganny pran pou fer en lot keksoz?  Mon ti a kontan ganny en leksplikasyon.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Mon pe regard lo mon lalis la e i ganny konfirmen i la 4milyon.  Me louvraz ki mon war pe ongoing avek Health Care Agency an sa ki konsern sa bann sant i annan sa Diagnostic Centre pou li vin Clinical Lab Victoria li i en proze ki’n ganny tender pou 2.8milyon ki pou ganny fer sa lannen.

Zot pou repenn Yellow Roof, zot pou renov Anti-Natal Clinic, zot pou fer renovasyon lo Seychelles Hospital pou 5milyon.  I annan minor works Baie Ste Anne Hospital pou 500mil, i annan renovasyon CSSD sa, sa Sant Sterilizasyon Victoria Hospital, 3milyon, i annan nouvo Lopital La Digue ki’n ganny tender pou 7milyon.

I annan konstriksyon sa sant tretman pou 25milyon an 2020, i annan procurement bann medical equipment pou 20milyon.  I annan North East Point Complex pou 8milyon, e tousala i bann proze ki ongoing.  Ki pou fini i annan konstriksyon fasilite karantenn ki nou’n koz lo la Ile Du Swet pou 4milyon, Grand Anse Praslin i annan en louvraz pou tir fungus dan klinik R700mil, i annan en fencing ki pou osi ganny fer Anse Aux Pins Health Center pou R400mil.

Donk  sa se bann proze ki ongoing oubyen ki’n ganny tender an 2020 ki lo mon lalis la ki sorti kot Health Care Agency.  So pou Anse Royale i pa lo sa lalis.  Mersi Mr Chairman me son lalis son larzan pardon i la.  Annou retourn en kou lo latant eskiz mon akoz lenformasyon pe vini en pe tou sord fason.

Rezondet i annan latant si ti annan 9 latant, latant in ganny deside pou mete par Dokter.  Senpleman konman en, en landrwa pou fer en pe triyaz setadir kan dimoun i vini olye antre direkteman dan sant lasante i anmenn sa viris dan sant sa lasante i reste deor la.

E la bann dimoun i tyeke whatever it is e si annan i pas isi rapid response i marse whatever it may be pou anpes sa viris antre dan sa sant klinik.  So sa i son rezondet akoz sa bann latant in ganny anmennen dan sa bann lokasyon.  Ok i mank lenformasyon ankor Mr Chairman nou a espere en pti moman.  Thank you.

 

MR SPEAKER

Mersi.  Minis nou pou kontinyen pran enn de kestyon nou pa prese nou pou break 3.30 i a donn nou sans osi pou, pou rod ankor sa bann lenformasyon e ler nou ava antre nou ava kapab finalman pran en desizyon final pou sa Bidze.  Onorab Lemiel.

 

HON SYLVANNE LEMIEL

Mersi Mr Speaker.  Mon ti a kontan met en request petet pou petet Minis ou pa pe annan sa lenformasyon la me selman nou ti a kontan si Minister Lasante ti a kapab provide Lasanble antan ki sa R4milyon i la.

Mwan, mon okouran poudir i annan serten travay ki pe ganny fer, donn nou ki staz zot in arive ek sa zafer Outpatient Clinic antan ki annan sa R4milyon la.  Petet apre sa nou ava kapab fer dimoun konnen ki pe arive.  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mon’n note.  Mersi Mr Chair.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Chairman.  Mr Chairman mon ti a kontan en pe gidans la, lefe ki nou pe koz lo Departman Lasante.  Mon anvi zis presiz en serten keksoz akoz la mon annan en dokiman devan mon lo sa National Response Plan for COVID-19 par Minister Lasante.  Mon, mon anvi konnen akoz letan mon pe get sa sif ladan mon krwar i apepre 1. (pwen) ekek bilyon Dolar.  E zis pou gidans akoz eski sa plan la i en plan ki pou vin dan Lasanble pou, pou en lot Bidze plitar?

Akoz i pe koz Mars ziska mon krwar Avril ou Me.  Me mon pe get sa sif ladan eski sa i pou form parti sa nouvo Bidze akoz mwan, mon pa santi i pou ganny reflekte akoz 1 pwen ekek bilyon dolar.

Konmsi mon ti anvi ganny en pe gidans akoz zot in prezant mon annan en mon pa konnen si tou dimoun si tou Manm i annan sa dokiman devan zot.  E letan ou miltipliy li dizon nou pe koz 17, R17 par dolar i tonm apepre en R21bilyon.  

So, mon pa konnen si sa pou vini plitar or i pou pran par faz, me mon ti ava kontan Mr Speaker ganny en, en leklersisman lo la.  Akoz mon annan en plan devan mon la ki i en pti pe sokan e i fer mon retourn lo mon previous kestyon mon ti demann ou oparavan konbyen larzan nou’n depanse avek sa process pou, pou contain sa sityasyon ziska konmela?

Pou nou, pou zot well pou Minister Lasante ariv avek sa bann figures ki ladan?  Akoz sa figures ladan Mr Speaker letan mon pe regarde i annan en ta keksoz ladan ki demann revwar akoz i annan bann repetisyon e nou’n war sa dan lepase avek serten Lazans lafason ki zot prezant bann keksoz.

E parey mon dir si sa 1 pwen ekek bilyon Dolar letan ou pou convert li an, an Rupees i vreman en gro sonm, gro sonm larzan.  So, mon ti a kontan en leklersisman.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Chairman.  Mersi Onorab.  Onorab sa dokiman la i $1.9milyon Ameriken n’est ce pas?  Be a pe pran nou dir li 2milyon be nou’n mete nou selman nou’n servi R15,2 par Dolar parey nou dir sa i nou mwayenn lo lannen 2020 kanmenm la in spike in ariv 17.

Sa dokiman osi nou’n servi sa dokiman pou nou anvoy deor kot serten bann lenstitisyon miltilateral pou fer zot sponsor sa.  So sa in fini ale osi sa.  Akoz nou ti bezwen annan en plan pou nou soumet e nou’n deza fer sa soumisyon in al deor.  Nou pe esper larepons e mon konnen ki annan de ki’n deza montre en pe lentere ladan.  Me nou osi nou bezwen provide li la i dan R30milyon dan nou Bidze isi.  Ok e sa i pou lo nou dernyen item letan nou pou vin koz lo la kot in dir Contingency nou pou koz lo la taler.  Mersi Mr Chairman.

 

MR SPEAKER

Mersi Minis.  Bon nou pou hold vot lo Bidze Health Care Agency ziska ler nou retournen 4er apre break nou ava pran Bidze pou Public Health Authority ki pou en amount of.  Non, non Health Care Agency Minister pa ankor nou pa ankor fini avek.

Ler nou pou antre pou hopefully pandan sa break i a kapab ganny en pe plis lenformasyon i ava partaz avek nou.  Ok so nou pou pran Public Health Authority ki vin apre R59,564milyon.  PS donn nou enn de pti detay Public Health Authority.

 

PUBLIC HEALTH AUTHORITY

 

PS DAMIEN THESEE

Mersi Mr Chair.  Public Health Authority nou pa’n tous son Bidze saler son Bidze ‘’goods’’ osi.  Sel lamannman ki nou’n fer nou’n bouz en pe son alokasyon ki nou ti’n fer anba recurrent pou latizann nou anvoy anba capital pou finans anba the Indian Line of Credit.

E nou annan zis en minor adjustment in terms of foreign exchange akoz i en lenportasyon from India.  Mersi.

 

MR SPEAKER

Mersi PS.  Okenn Manm ki annan?  Yes Onorab Woodcock.

 

HON WAVEL WOODCOCK

Mersi Mr Chair.  Public Health Authority in ganny en logmantasyon par selman R486milyon.  E, e mon okouran annefe sa i en konsern ki plizyer bann Public Health Officers sa ki nou apel Sanniter in met devan mon par lefe ki zot involve avek travay sirtou pou fer contact tracing ki met zot an risk.

Sa i pou overlap en pti pe avek sa ki dan Contingency so permet mon pou mon pran li la.  I annan sa alokasyon ki’n ganny mete dan Contingency allowance for frontline workers ki en sonm R18.5milyon.  E parey Onorab Roucou in koz lo la i annan sa bann klasifikasyon ki zot in fer high risk, medium risk avek lower risk. 

High risk i 5milyon, R5mil allowance, medium risk R2500mil allowance, lower risk R1500 allowance eski bann Public Health Officers ,bann Sanniter zot pe ganny konsidere pou ganny sa bann allowances?  E eski dan ki kategori ki zot pe pou tonm ladan par lefe ki zot annan kontak direk avek, avek bann dimoun ler zot pe fer sa contact tracing?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Bidze in ogmante par selman 484mil pa milyon.  Parey mon’n dir i sa adjustment dan foreign exchange rate mon napa detay lo ki Public Health Officers pou ete akoz sa i pou, pou operativ health.  Nou, nou’n donn li son alokasyon dapre ki in demande selman nou ava rod lenformasyon pandan break nou ava, nou ava get back.  Mersi.

 

MR SPEAKER

Mersi.  Okenn lezot Manm?  Yes Onorab Ramkalawan.

 

HON WAVEL RAMKALAWAN

Mr Chairman.  Mon konnen ki poudir lefe nou’n ganny sa papye high risk, low risk ensidswit i pe deza preempt serten kestyon lo la.  Me mon ti ava kontan parske parey ou’n dir nou pou pran en break mon ti ava kontan ki sa kalite lenformasyon i vin kler devan nou.

Parske sa ki nou pe apel en high risk i posib ki zot poudir high risk se bann dimoun ki pe travay dan, dan isolation centre oubyen ki pe travay dan sant karantenn.  Me selman la nou dan en lot sityasyon par egzanp letan ou pran legzanp nou dernyen ka COVID sa dimoun i ti al dan en sant, i ti al dan en sant lasante Anse Royale.  E, e bann dimoun ozordi i annan plizyer, plizyer bann travayer lasante laba ki an prensip ou ti ava dir zot pa dan high risk zot dan medium risk oubyen low risk e, zot tou zot dan karantenn.

Alor ki mannyer ou pou defini sa high risk, low risk e tou mon krwar i annan en problenm la deza e mon ti ava sanmenm mon ti ava kontan ki nou deza ganny en, en assessment.  Menm sa garson sadly nou pa ankor konnen kote in ganny sa but ki bor i ti pou tonbe li konman en travayer lo Erport en travayer Air Seychelles?  

What if in ganny, in ganny sa, sa viris letan i ti a pe fer sa check in dan sa dernyen flight BA i montre ou ki poudir ou zis, ou zis pa konnen kote sa, sa high risk, low risk, medium risk i ete.  E ki i ti pou fer – dan en serten sans – i ti pou fer bokou plis sans  ki tou bann dimoun  ki lo frontline i annan en average en average ki ganny worked out ki vin konman one allowance, parske zot tou zot annan, zot tou zot annan sa posibilite sa danze.  Parske letan nou pe regard tandans atraver lemonn, i annan boutikye ki’n mor.  E la petet nou bezwen salye nou bann prop boutikye isi Sesel nou bann retailers ki pe pran en risk parske zot lo frontline la zot.  Spesyalman ki nou pa konnen si zis kot sa, kot sa viris i ete nou salye zot ki poudir zot annan sa kouraz pou zot ouver zot laboutik pou zot resevwar nenport dimoun.

Me letan ou regard bann diferan landrwa kot bann dimoun in ganny, in ganny sa viris i vreman misterye.  Alor mon ti a kontan ki petet pandan ki nou pe bwar en tas dite nou tou nou, nou reflesir en pe lo sa 3 kategori pou nou regarde si sa 3 kategori i vreman fer plis sans oubyen si nou bezwen adopte en keksoz  ki diferan.  Mersi bokou Mr Chairman.

 

MR SPEAKER

Mersi Onorab.  Bon mon ava propoze ki nou pran en break e nou ava retournen 4er pou nou kontinyen avek bann heads bann Bidze ki lo nou schedule.  Nou a break nou a retournen 4er.

 

 

(BREAK)

 

 

MR SPEAKER

Bon nou ava kontinyen nou travay.  Mon ava don laparol Minis pou si in pare si in ganny plis lenformasyon lo bann klarifikasyon bann Manm ti pe demande avan ki nou ti break.  Minister.

 

MINISTER MAURICE LOUSTAU-LALANNE

Mersi Mr Chairman.  Mr Chairman premye keksoz ki mon kapab konfirmen se ki nou’n anvoy sa dokiman ki Lasante ti’n prepare, ki kategoriz sa bann risk.  So nou’n anvoy sa pou Deputy Clerk, i ava sirkil pou tou Manm.

Donk i annan 4 kategori.  I annan very high exposure risk son allowance i R5mil.  I annan high exposure risk e li osi i R5mil.  I annan en 3enm ek en 4enm risk i annan medium exposure risk, avek low exposure risk.  Son medium exposure risk i R2500.

E son low exposure risk i R1500.  E i annan en definisyon si oule kwa ki dan kategori dan sak sa kategori i annan en lesplikasyon lekel sa bann travayer.  Neseser travayer Lasante, oubyen nenport ki travayer ki Lasante i subcontract ki tonm dan sa kategori zot pou ganny sa, sa allowance.  So sa i premye keksoz.

2enm keksoz an sa ki konsern Anse Royale, lesplikasyon ki mon’n gannyen se ki Health Care Agency in pran en desizyon apre ki in evalye remet servis dan lezot klinik pa tre lwen avek Anse Royale konman en opsyon.  Me kontenir lapopilasyon ki annan Anse Royale zot santi i preferab lwe sa batiman ou en porsyon sa batiman ki son propriyeter i Ramani.

E Ramani li i pou met bann partisyon dan sa landrwa kot zot pe lwe pou permet Dokter konsilte, annan farmasi, annan plizyer lezot servis lasante dan sa nouvo batiman pou en kou (2,466mil,) R246,600mil pardon par mwan.

E sa zot pou fer partisyon zot menm e zot a donn sa avek Health Care Agency, pou zot operate outpatient from there.  An sa ki konsern son prop outpatient li menm, i annan sa proze kot zot pou refer li kot vye lopital ti ete.  E donk sa zot pou fer li avek sa larzan ki nou’n mete.

E i pou en prose separe, ok.  Prezan sa zafer latant la, li sak fwa mon poz en kestyon mon ganny en lot lenformasyon.  E donk mon apologies.  Alor si mon konpran byen, i annan latant lo Mahe, i annan latant lo Praslin e i annan latant lo La Digue.

Lo Mahe Conrad li i annan 4 latant e li son kou se R3mil en latant par zour.  Me i pe osi donn bann pli pti latant avek bann sez pou sa pri.  Charles li i annan li 2 latant e li son pri mon ti R2mil, i annan 1erdtan pase son pri i R1000 in donn 50poursan discount. 

E Fred li i annan li 3 latant e li son pri se R2mil par latant par zour.  Lo Praslin i annan en Daniel Latulippe en latant R2mil.  Grande Anse i annan Bernadette Allisop R2500.  E La Digue mon napa non R1500.  La, la sityasyon latant.  E parey mon’n eksplike, sa bann i servi sa sant konman triyaz pou anpes viris antre dan klinik.

E konmansman semenn prosenn konstriksyon pou konmanse lo bann striktir semi-permanan Les Mamelles, Beau Vallon avek Anse Aux Pins.  E apre i pou sistematikman kontinyen dan lezot Distrik.

Avek sa lenformasyon mon, mon pe sizer de keksoz.  A bon pardon, avan mon sizer keksoz,  napa okenn larzan ki’n ganny peye pou latant ziska prezan.  Akoz napa invoice ki’n ganny anvoye pou ganny process pou peye.  So personn pa ankor ganny peye.

So sa ki mon pe sizere.  Nou pran nou unit lenspeksyon dan POU e nou fer en verifikasyon.  Sa i enn.  De letan nou ganny nou rapor, i a soumet avek nou.  E nou osi nou a soumet sa rapor avek FPAC.  Me pli enportan kontenir ki pri menm la in varye depi nou pe pran sa diskisyon.

Minister Finans pou koz avek HCA pou kontinyen negosye lo sa pri.  Akoz parey mon’n tande, latant i annan ki la depi en mwan.  Mon napa sa lenformasyon.  Me sa ki mon kapab dir ou nou pa ankor process okenn payment.  So i enportan nou fer li koumsa, pou nou remet keksoz plito annord.

Mon ganny lenpresyon ki desizyon in kapab ganny pran pou met latant konman en sant triyaz en pe dan en emergency, akoz nou bezwen konpran sa sityasyon.  Si sa ti ganny fer Sanmdi, Mardi, Merkredi 8er bomaten minwi diswar mon pa konnen,  pou mwan konpran ki mannyer sa in arive.

So i enportan ki nou, nou remet keksoz annord e nou propoze, mon propoze ki nou fer li dan sa fason Mr Chairman.  Bon mon krwar sa i apepre tou ki mon ti annan pou mon raporte.  Mersi Mr Chairman.

 

MR SPEAKER

Mersi Minis.  Yes Onorab Ramkalawan.

 

HON WAVEL RAMKALAWAN

Mr Chairman.  Premyerman i sokan, i sokan sa ki nou pe, sa ki nou pe gannyen la, mon pa konnen si en dimoun i kapab fer en kalkil vit, lo konbyen i pou ariv nou dan pou sakenn pou zot tou i ariv nou R26mil par zour.  Ki vedir dan en mwan en 30 zour R750mil pou latant.

E sa ki vreman sok mon se lefe ki enn sa bann latant dizon i kout anviron R50mil.  Zis avek larzan ki nou pe depanse pou aste latant, dan en mwan nou ti’n fini ganny parske i annan 4, 5, 6, 7, 8, 9, 10, 11, nou ti’n fini ganny tou latant.

E at the end of the day letan nou’n fini omwen nou ti ava annan latant.  Tandis ki la e ti a kapab pas atraver dizon SPDF oubyen Lapolis oubyen Minister li menm sa bann.  Tandis ki la nou DRDM par egzanp, be li DRDM i napa latant li dan son leta preparasyon? Parske tanzantan i montre nou en kantite bann diferan zouti.

E se la kot Mr Chairman letan nou pe koz leta preparasyon state of preparedness, e ou ti ava mazinen ki pou dir DRDM, i enn bann lorganizasyon ki devret dan en letan kot si i ariv en, en sityasyon grav kot at least ti a kapab annan sa bann zafer.  E petet COVID pe montre nou ki, ki ofet nou leta preparasyon i vreman pou anything i vreman dan mal i vreman dan, dan en sityasyon grav.  Me konmsi mon kontan ki Mr Charles li in donn en discount, e in ariv R1000.

Eski napa okenn fason, pou Gouvernman e parske mon konnen ki poudir par egzanp mon konnen ki poudir Mr Johnson i pre avek Prezidan Larepiblik.  Par egzanp, parske dife SPTC ti konmans dan laba kot dan stor latant.  Alor eski i pa kapab fer en propozisyon pou e ofet demann tou sa bann dimoun mon ti ava dir mwan. Demann tou sa bann dimoun pou, pou ganny en pri bokou pli ba par egzanp en R500, en R500 par zour.

Pou ki zot osi tou parske zot latant tout fason ti ava pe asize kot zot.  Si nou ti ava kapab ganny sa Mr Chairman.  Mon krwar ki Minis Finans ti pou byen kontan.  Ki konmsi nou ti ava pe pey R500 en latant.  E vi ki zot pa ankor fer okenn invoice R500 en latant e i menm annan serten latant ki, ki pa pe ganny ki pa ankor ganny servi me i annan enlot keksoz osi tou ki, ki Minis pa’n dir nou.

Ki mannyer mon konpran latant Anse Royale i annan air condition tou ladan.  Latant, latant Anse Royale i annan air condition tou ladan.  Sa konmsi ki son rate li sa enn la.  Konmsi ki mannyer i fonksyonnen?  Konmsi parske COVID-19 pa pe, COVID-19 pe vol lepep Seselwa.  E i annan serten dimoun ki pe fer, ki pe fer larzan e nou konman en Lasanble mon krwar i nou responsabilite pou nou fer en lapel atraver Minis Finans pou demande ki tou sa bann dimoun pe lwe latant zot aksepte pou zot fer desann zot pri.

Parske menm lo R500 par zour ki i pou en rediksyon konsiderab R500 par zour anmezir ki nou pe fer sa bann striktir semi-permanan.  R500 par zour, 10 zour zot in ariv 5mil, 20 zour in ariv 10mil, en lot i R15mil ki zot pou gannyen dan sa en mwan larzan ki lo en latant.

So silvouple annou nou tou, annou nou tou koste ansanm.  So sa i mon lapel senser pou ki nou, nou ava kapab redwir, redwir sa kou konsiderableman.  Me lo La Digue ou pa’n dir nou nanryen Minis Mr Chairman.  I pa’n dir nou nanryen pou La Digue.

E apre sa batiman Ramani, ou konnen mon i annan ankor enn fwa mon pa pou dir nanryen mwan, me selman mon konnen ki poudir zis konman ou’n nonm batiman pou Ramani, mon konnen, mon konnen ki kalite refleksyon ki pe pase deza dan lespri en kantite dimoun.  E nou ava mon pa pou al, mon pa pou al plis ki sa.

La nou pe koz ankor, mazin ou Anse Royale se en lopital nef, i en lopital nef.  E tanzantan nou’n tann koz lo bann lo bann diferan striktir ki ti pou fasilit keksoz.  E nou ti ava mazinen ki Anse Royale, ti deza annan en lopital avan, ki zot in fer diferan keksoz avek.  Anmezir ki zot ti a pe konstri nou’n tann Dantis ki mannyer in fer ensidswit.

Ki la aprezan, la aprezan Minister Lasante, apre ki in tire sant izolasyon Anse Royale ou ti ava mazinen ki keksoz ti ava retourn normal, parske avan ki, avan sant izolasyon, ti napa nanryen kot sant kominoter.  Tou keksoz ti anba kot, kot lopital.  E la aprezan nou pou al pey 200 R245mil pou en mwan avek Ramani e sa pou al pou konbyen letan sa?

Ki ankor enn fwa mon krwar ki annan en keksoz ki pa, i annan en keksoz ki pa pe mars byen la.  E mon krwar ki poudir tou nou bann zabitan ki pe ekoute, zot pe war ki poudir konmsi basically nou, nou donn larzan nou;- nou fer kado.  E sa dimoun ki’n fer son batiman pa konnen ki laranzman ki in gannyen depi avan,  be li i ok li.  Menm parey avek STC, STC letan ti ferm, ti ferm son main supermarket kot ex-Richard Mancham in bouz dan Grocers e Grocers ankor enn fwa pou ki?

Menm non.  I menm non, ki STC pe lwe pou li fer son supermarket i menm non ki la ozordi nou pe tann R240mil par be i annan serten dimoun ki byen pase dan sa landrwa!  E se sa ki fer nou e i devret fer nou konman en Lasanble responsab pou nou poz kestyon.  Parske dimoun pa kapab – I mean ki plan Gouvernman  pou nobou ekonomize, pou nou kapab R240mil dan en mwan.

I mean en pti kou lot, lot i monte, e pou nou al lo keksoz ki pli lonterm.  Sa kalite keksoz, i fatig mwan vreman Mr Chairman.  E i fer mon trakase ki nou, nou Gouvernman pe plito donn dimoun larzan fasil , e sa se larzan lepep Seselwa.

Mon krwar mon’n koz en kantite koze, e mon ava kit sa la.  Mersi bokou.

 

MR SPEAKER

Mersi, mersi Onorab.  Mon a donn laparol Onorab Charles De Commarmond, apre Minister i ava reponn.

 

HON CHARLES DE COMMARMOND

Mersi Mr Chair.  Mr Chair dan menm laliny mon krwar sa bann issue rent in deza leve a plizyer repriz dan FPAC osi.  E mwan, mon rapel mon ti dir mon ti lans en lapel, mon ti dir avek Gouvernman al revwar tou zot bann rent, pa zis en bann pa kapab war konmsi pe segregate la.  Al an zeneral al reget zot bann rent depi kot Olialji Trade centre, kot Botanic House, whereever it is konmsi al regarde akoz nou, nou krwar pou dir tou sa bann zafer i kapab desann.

Si i pa kapab la ek COVID-19 i pou mon krwar ek bann mon pa konnen si pou remonte, me selman nou, nou ti lans en lapel.  Mon pa konnen ki Gouvernman in fer dan sa direksyon.  Si zot ti kapab donn nou en pti update. 

Dezyenmman lo sa zafer latant.  Mon sa zafer latant osi la mon annan en pe kestyon akoz i annan serten lorganizasyon ki obligatwarman i bezwen annan latant.  Ou pran ou larme.  Larme pa kapab annan en Larme napa latant, i bezwen li akoz i bouze.

I annan bann legzersis ki ganny fer;- i annan enn son misyon se pou letan i annan bann lepidemi koumsa ouswa bann keksoz emergency i bezwen pe ede.  Be ede i bezwen annan en serten keksoz ki bezwen annan osi.  E letan Bidze Larme i vini pou latant osi nou pa koupe.  Me selman la nou demande ki ti devret annan.

Ou annan ou Red Cross, Red Cross tou sa zefor ki i pe fer i ganny ede deor partou.  Be tou sa bann landrwa ki ede la, nou bezwen tap laport pli for pou ki zot pa kapab zis pran larzan Gouvernman donn Red Cross pou rod latant.

Be li i bezwen fer son debrouy be i bezwen annan son latant akoz li i la lo pwennvi imaniter  i bezwen i enn bann keksoz.  Ou pran ou DRDM, DRDM pa kapab i la zis i la i vire, epi i kordinen.  I bezwen annan aksyon konkret ki ganny fer ler en lot landrwa i bezwen latant rezerv la pou li ede tir lasasen.

Ou pran ou Minister Local Government.  Local Government son rol ki i annan i bezwen dan son stor parla annan ou enn de latant.  Ki i bezwen letan in ariv en problenm dan en kominote, dan en distrik i la pou ede.  Therefore avek sa ki nou pas ladan la zot, zot ti sa bann lorganizasyon ki ti a kapab ede in the first place.  Sa mwan, mon pwennvi i koumsa.  Mon panse alor ki nou, nou demande ki dan Bidze.  Sa bann lorganizasyon, a lavenir zot cater pou serten sa bann keksoz.  E  e ki nou war poudir sa i pou ed bann kominote.

Petet sa i ava anmenn en serten solisyon. Me selman pou le moman osi, letan sa zafer COVID-19 in vini, in vin avek san averti personn.  E mon krwar petet la Dr Gedeon ek son tim osi zot in bezwen rode ki mannyer pou degaz sa lasasen.

E dan sa sans la mon dir osi annou konpran sa ki pe arive me sa i bann pwennvi ki nou pe sey mete pou ki Gouvernman dan son vizyon i get sa bann keksoz dan fason.  Mersi.

 

MR SPEAKER

Mersi Onorab De Commarmond.  Minister.

 

MINISTER MAURICE LOUSTAU-LALANNE

Wi mersi Mr Chairman.  Mersi Onorab pou ou lentervansyon e osi Onorab pou ou sa ki ou’n dir.  Mon, mon pe sey propoz en solisyon pou nou al en pe de l’avant.  Mannyer mon konpran e parey mon’n dir bann latant ki i annan lo pei, sa bann latant i pa ti apropriye.  Larme ti donnen latant, seye i pa apropriye.  Red Cross in prete en latant i pa apropriye.  E lo marse lokal ou pa kapab aste latant, napa latant.  I annan bann pti latant pou bann pti manrmay dormi ladan.  Me i pa apropriye.  So sa ki mon pe sey dir, e ou annan rezon Onorab, ki kekfwa nou kapab la al aste en pe latant met la.

Donn en pe DRDM fer li okip sa.  Akoz i napa, latant apropriye.  So annou fer detrwa keksoz.  Mon krwar annou pran sa Inspection Unit, anvoy li laba al rod tou sa lenformasyon.  Soumet son rapor nou a soumet osi avek FPAC.

Nou donn en lenstriksyon mon, mon pou donnen lenstriksyon avek HCA pou li al re negosye avek sa bann supplier sa bann latant ki nou’n mansyonnen.  Enkli Ramani pou sa rent lo sa building.  Akoz vre nou dan en sityasyon kritik e nou pa kapab zis donn larzan parey nou dir.

So annou fer li sa nou devwar, kontenir ki nou napa invoice, e i sanble mon sa bann Dokter zot busy ek sa viris zot.  Zot in pran en desizyon apre zot les son ladministrasyon deryer pou swiv.  Me i sanble mwan avek sa diskisyon ki nou’n gannyen ozordi sa ladministrasyon i war li difisil pou swiv, avek menm lavites ki Dokter pe touy viris.  So annou, annou fer li koumsa.  Mon krwar sa i meyer fason pou nou prosede la kot nou’n arive Mr Chairman, tenir an kont ki nou bezwen ganny plis valer pou sa Roupi ki nou pe depanse dan sa peryod.  E zis pou azoute mon tande ki wi i annan e mon’n mansyonnen en latant La Digue e son pri i R1500 par zour.

Sa mon ti mansyonnen kekfwa Onorab, Onorab pa’n tande. Me i sa leka.  E sa enn la Anse Royale i annan enn ki annan airon ladan zot dir mwan akoz i fer so, zot bezwen relax la dan sa latant ek aircon ladan.  Me les sa unit ale al tyek tou sa zafer, annou fer desann sa pri pou nou ganny en better value ki zis nou pe depans larzan.

Mon pa poudir an initil, me depans larzan nou bezwen depans larzan byen.  Mersi Mr Chairman.

 

MR SPEAKER

Mersi Minis.  Bon mon krwar, lo latant ankor.  Non pa lo latant.  Size latant in fini.  Yes Onorab.

 

HON WAVEL RAMKALAWAN

Ofet Mr Chairman, i bon ki Lasanble ozordi nou’n vreman fer li vini Lasanble lepep Seselwa.  Parske la mon pe ganny en lenformasyon, ki pou dir ofet, sa latant La Digue ki pe sarz R1500 pa meet the standard.  Senpleman akoz sa latant napa en floor e latant i direkteman lo later, e La Digue toultan parey nou konnen sak fwa lapli i tonbe i flooded.  E ki Kontra pa’n ganny, pa’n ganny soz, e Beau Vallon latant i tro so e ki pa pe ganny servi, zot pe fer sa triyaz dan en lot fason.

E Mr Speaker i konn sa tre byen.  So non nou bezwen fer en keksoz.  Be ki mannyer nou pou, ki mannyer nou pou parske sa i bezwen annan en Bidze spesifik sa dan ‘’goods and services.’’  Dan Public Health Authority.  So ki mannyer nou pou mon ti ava kontan ganny en direksyon lo ki mannyer nou pou, ki mannyer nou pou fer sa.  Mersi bokou.

 

MR SPEAKER

Mersi Onorab.  Bon mon krwar Minis in, in donn en garanti Lasanble ki son Minister pe al revwar tou, tou bann process ki’n ganny swiv, ok?  E Minis i pare pou enform Lasanble pou pa partaz detay avek Lasanble sirtou avek FPAC.  Annou pran parol Minis avek son lekip, e nou a kapab move on. 

Akoz si nou, nou pe bloke lo la nou pa pou kapab pran vot lo sa 2 head ok.  Minister eski nou kapab ganny en garanti lo ou kote?

 

MINISTER MAURICE LOUSTAU-LALANNE

Mr Speaker eskiz mwan, mon kapab demann ou repete silvouple.

 

MR SPEAKER

Bon Lasanble i anvi ki apre sa deba ki nou’n, ki nou’n fer tou sa bann propozisyon ki sorti lo de kote latab, ki ou don en garanti ki ou pou al revwar sa bann process kot nou’n lwe latant bann pri ki Health Care Agency pe pey bann latant and so on bann services.  Espesyalman osi sa batiman Anse Royale ki HCA pe al lwe pou war ki sa bann pri i kapab re negosye i kapab desann pou benefis pei.  Se sa ki nou oule.  Minister.

 

MINISTER MAURICE LOUSTAU-LALANNE

Mersi Mr Speaker.  Mr Speaker ou annan parfetman rezon ou konklizyon i egzakteman sa ki mon, mon anvi fer, bezwen donn en direktiv Health Care Agency pou li al re negosye, avek sa bann suppliers, sa bann latant ek tou son bann keksoz ki vin avek.

E osi sa rent dan sa building Ramani pou nou bezwen, nou bezwen prezan antre ladan.  E mon al en pe pli lwen mon le kree sa inspection unit POU, pou al fer en rapor detaye pou soumet avek mon ki mon a osi soumet ek FPAC.  Mon donn ou prezan mon garanti ki nou pou fer sa.  Mersi.

 

MR SPEAKER

Mersi, mersi Minis.  Bon i paret ki Lasanble i aksepte sa, e nou, nou ava fer swivi neseser.  Nou kapab move on Onorab Pillay.  Wi ale Onorab Pillay.

 

HON SEBASTIEN PILLAY

Mersi Mr Chairman.  Mon ti a kontan ki Minis dan bann lenformasyon ki provide ek FPAC nou’n tann nonm, nou’n tann nonm Mr Johnson ki donn bann latant, me nou pa’n tann nonm lezot dimoun.  So ti ava bon ou provide nou ek lalis tou dimoun ki pe provide bann latant ek bann lezot servis pandan sa letan.

 

MR SPEAKER

Kontinyen Onorab.

 

HON SEBASTIEN PILLAY

Pandan sa letan so that at least nou ava kapab swiv en pti pe tou bann devlopman, tou bann keksoz ki arive.  Akoz i pa pou annan zis latant i pou annan plizyer lezot keksoz.  Mersi Mr Chair.

 

MR SPEAKER

Mersi Onorab.  Bon Minister. 

 

MINISTER MAURICE LOUSTAU-LALANNE

Wi zis mon repete, Mr Chairman ti annan 3 supplier latant i annan Mr Conrad Johnson, i annan Mr Eddy Charles, i annan Mr Danny Fred sa lo Mahe.  E lo Praslin Baie Ste Anne i annan Daniel Latulippe, Grand Anse Bernadette Allisop, lo La Digue mon napa son non me mon a rod son non.

Vwala Mr Chairman zis pou nou tou kler lo bann suppliers bann latant lo Mahe, Praslin ek La Digue.  Mersi.

 

MR SPEAKER

Mersi Minister.  Bon nou’n ganny en konsansis, nou’n ganny lantant nou pou move on, e nou pou pran en vot lo Bidze Health Care Agency.  Ok i annan sa kestyon lo sekirite Minister.  Ki pe vey dan lale mon krwar pou mont anler lopital.  PS.

 

PS DAMIEN THESEE

Mersi Mr Chair.  Sekirite kot Lopital Sesel, ti deza ganny outsource li.  So dapre konpran sa bann menm lakonpannyen sekirite ki pe donn servis anba kot sa pti gate.  Zot pa’n neseserman rod nouvo sekirite pou sa.  Mersi.

 

MR SPEAKER

Mersi PS.  Bon yes Minister.

 

MINISTER MAURICE LOUSTAU-LALANNE

Wi zis pou mon azoute Mr Chairman.  Si mon’n byen konpran i annan en security firm ki annan en Kontra pou lizour apre i annan en lot private security firm ki i annan en Kontra pou aswar.  E sa pa’n sanze.

So i sanmenm sa de security firm ki annan Kontra pou vey Lopital enn lizour enn aswar 2 diferan firm.  Thank you.

 

MR SPEAKER

Mersi Minis.  Bon nou, nou pou pran en vot lo Bidze Health Care Agency pou sonm R1,24,780bilyon ki form par sa schedule.  Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  18 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Bidze pou Health Care Agency in ganny aprouve par Lasanble Nasyonal.  Nou pou osi pran anvi ki nou dir pran Public Health Authority avan nou ti break, nou pou pran en vot lo Bidze Public Health Authority pou en sonm R50,564milyon ki form par sa schedule.  Tou Manm ki an faver?  Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair.  19 Manm in vot an faver.  E personn kont. Mersi.

 

MR SPEAKER

Mersi Madam Deputy Clerk.  Bidze pou Public Health Authority i ganny aprouve par Lasanble Nasyonal.  Bon zis avan nou pou nou kontinyen, ti annan sa matter ki ti ganny raise par Leader Lopozisyon, mon’n mon konnen dan break Onorab Georges, Onorab Sebastien Pillay avek Onorab De Commarmond e osi tou reprezantan lofis Attorney General in rankontre.

E zot in rankontre mon desizyon ki pe ganny pran, ki pe ganny sizere se ki nou amann nou fer sa lamannman a lafen nou travay kot nou pou do away avek sa schedule zis nou pou insert the new one. Ok, sa, sa prosedir ki nou pou fer, e ki i pou ok avek nou prosedir Lasanble.

So nou pou kontinyen lo, lo nou lalis.  Apre Public Health Authority nou annan Industrial Estate Authority pou en Bidze R11,534milyon.  PS.

 

INDUSTRIAL ESTATE AUTHORITY

 

PS DAMIEN THESEE

Mersi Mr Chair.  Nou pe redwir Bidze IEA par R654mil.  Ladan 214mil dan son saler e ladiferans 440mil dan son ‘’goods and services.’’  Mersi.

 

MR SPEAKER

Mersi PS.  Okenn Manm ki annan kestyon, lo Bidze Industrial Estate Authority?  Non.  Nou ava pran en vot Bidze pou Industrial Estate Authority R11,534milyon ki form par sa schedule.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bidze pou Industrial Estate Authority i ganny aprouve par Lasanble.

 

SEYCHELLES NURSES AND MIDWIVES COUNCIL

 

MR SPEAKER

Nou ava pran Bidze pou Seychelles Nurses and Midwives Council i en Bidze R1,506milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by R237mil.  Lamazorite ladan 211mil i dan ‘’Board Members allowance.’’  Mersi.

 

MR SPEAKER

Mersi PS.  Okenn Manm ki annan kestyon ki le entervenir?  Non.  Nou ava pran en vot alor lo Bidze Seychelles Nurses and Midwives Council pou en sonm R1,506milyon ki form par sa schedule.  Tou Manm ki an faver.

Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair.  16 Manm in vot an faver.  E personn kont. Mersi.

 

MR SPEAKER

Mersi Madam Deputy Clerk.  Bidze pou Seychelles Nurses and Midwives Council i ganny aprouve par Lasanble Nasyonal.

 

ANTI-CORRUPTION COMMISSION

 

 

MR SPEAKER

Nou ava pran Bidze Anti-Corruption Commission pou en sonm R17,074milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by R1.9milyon.  473mil dan saler e ladiferans 1.4mil dan son ‘’goods and services’’ lamazorite i dan airfares pou en sonm R765mil.  Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot alor lo Bidze pou Anti-Corruption Commission pou en sonm R17,074milyon ki form par sa schedule.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  16 Manm in vot an faver.  E personn kont. Mersi.

 

MR SPEAKER

Mersi Madanm Deputy Clerk.  Savedir Bidze pou Anti-Corruption Commission in ganny aprouve par Lasanble.

 

ROAD TRANSPORT COMMISSION

 

 

 

MR SPEAKER

Nou ava pran Bidze pou Road Transport Commission.  Pou en sonm R10,587milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by R930mil.  Ladan selman 66mil dan son wages lamazorite 864 dan son ‘’goods and services.’’  Mersi.

 

MR SPEAKER

Mersi PS.  Okenn Manm ki le entervenir?  Yes Onorab Wilbert Herminie.

 

HON WILBERT HERMINIE

Mersi Mr Speaker.  Bonn apre midi avek PS e tou dimoun ki a lekout.  Mon annan zis en pti klarifikasyon, me avan mon demande mon a zis pran lokazyon loportinite pou pas mon kondoleans avek lafanmir Marie pou passing away of en Former Komisyoner Transpor lo Later Mr Tim Marie, boner apre midi, lo mon non e lo non distrik mon le senpatiz avek lafanmir dan sa moman difisil.

Minis mon pti klarifikasyon ki mon ti anvi konnen lo sa kou paz lo dan Bidze RTC.  Eski sa i pou afekte loperasyon Vehicles Testing Station dan okenn fason vi ki la deza nou annan difikilte serten retar lo teste veikil pou ganny patant eski sa koupir dan okenn fason pou afekte loperasyon Vehicles Testing Station?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  I pa neseserman nou pe espekte any loperasyon ganny afekte anvi ki ladan lanmwatye sa rediksyon 391mil i dan son Board Members allowance, e nou’n fer rediksyon across the board parey nou’n fer dan lezot Minister operating cost. 

Zis pou mon azoute osi ki dan son CAPEX nou’n redwir alokasyon ki nou ti donnen pou Praslin Vehicles Testing Station ki ti 2milyon, nou’n met 500mil anvi ki nou an retar lo sa proze.  So i a ganny letan pou li inisye son procurement process ki lannen prosenn nou ava aziste sa sonm ki i bezwen pou konplet sa proze.  Mersi.

 

MR SPEAKER

Mersi PS.  Bon nou ava pran en vot lo Bidze pou Road Transport Commission pou en sonm R10,587milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  11 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Road Transport Commission i ganny aprouve par Lasanble.

 

SEYCHELLES MARITIME SAFETY ADMINISTRATION

 

MR SPEAKER

Nou ava pran Bidze pou Seychelles Maritime Safety Administration, SMSA pou en sonm R10,056milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by 2.2milyon.  Ladan 1.3 dan saler e ladiferans dan son ‘’goods and services.’’  Mersi.

 

MR SPEAKER

Mersi PS.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker ou konnen e Minis osi i konnen konbyen zefor sa Lasanble in mete, konbyen deba nou’n annan lo sa size bann charter ki ilegal e bann aktivite ilegal ki pe deroule dan nou delo.  In telman en size kontan-sye ki nou’n pas letan pou nou sanz Lalwa pou nou met an plas tou bann, tou bann nouvo metod travay.  Akoz sa Lasanble i vreman santi ki pei pe perdi tro bokou reveni atraver bann, bann aktivite ilegal dan bare boat charters e leisure yachting bann keksoz koumsa.

Se pou sa ki mwan, mon santi vreman, mon santi mon vreman pa satisfe ditou avek sa koupe dan Bidze SMSA.  Ler mon’n pran lenformasyon Mr Speaker mon’n war poudir pou annan freeze lo laplipar bann recruitment enportan ki ti pou fer.  1 Senior Licensing Officer, 1 License Officer e tou sa se bann dimoun ki sipoze met an plas sa Lalwa e fer li fonksyonnen.

1 Engineer examiner, 1 Flag State Surveyor, 1 Examiner Deck, 1 Lenspekter, 1 Registration Officer, 1 Surveyor.  Tousala pa pou ganny recruit e savedir ki sa, sa Lalwa ki mannyer nou’n vot li i pa pou ganny aplike.  E mon, mon pa war okenn progre ki ganny fer dan sa domenn.

Si mon ti en dimoun cynical mon ti poudir kekfwa sanmenm sa rezon i annan keksoz kek dimoun, kek lorganizasyon ki pa oule ki sa progre i ganny fer dan sa domenn.  Alors mon ti a kontan si Minis i kapab reget ankor, dan le pros lavenir si omwen, omwen SMSA i kapab recruit 2 Inspectors omwen i pa kout bokou 1 Inspector en Inspector son cost la mon war i apepre R99mil par, par an.  Sa son, sa son salary cost so donn enn de, enn de sa bann, sa bann post at least 2 sa bann post omwen nou ava konmanse travay.

Akoz i annan bokou dimoun Sesel ki anvi kolabore, me napa travayer.  I  zis en lakok vid koumsanmenm.  Si nou pa met travayer ladan ennler plito nou pa, ennler plito nou ferm sa landrwa.  Akoz i pa pou efikas.  Alors mon, mon lapriyer pou ou Minis se ki ou reget sa, osi boner ki ou kapab pou fer ki sa lorganizasyon i fonksyonnen.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Pou le moman SMSA i ankor pe travay avek DPA lo son striktir e son bann re klasifikasyon pos.  Se pou kwa ki nou’n, nou’n retir li me selman nou osi as Finans nou pe esper sa plizoumwen restriktirasyon arive avek SMSA akoz nou sipoze pe anmas plis reveni ek li.

So nou pou swiv li de pros ki by mid-year fotespere zot speed-up the process ki nou kapab donn li sa resours ki fer nou anmas plis reveni.  Mersi.

 

MR SPEAKER

Mersi PS.  Bon si napa okenn en lot entervenan.  Nou ava pran en vot lo Bidze Seychelles Maritime Safety Administration pou sonm R10,056milyon ki form par sa schedule.  Mon a demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont. Mersi.

 

MR SPEAKER

Mersi Madanm Deputy Clerk.  Bidze pou Seychelles Maritime Safety Administration in ganny aprouve par Lasanble Nasyonal.

 

SEYCHELLES METEOROLOGICAL AUTHORITY

 

 

MR SPEAKER

Nou ava pran Bidze pou Seychelles Meteorological Authority en sonm R15,154milyon.  PS. 

 

 

PS DAMIEN THESEE

Mersi Mr Chair.  Nou’n redwir son Bidze R1.3milyon.  Ladan 1milyon dan son saler, e ladiferans 300mil dan son ‘’goods and services. ‘’ Mersi.

 

MR SPEAKER

Mersi PS.  Okenn Manm ki le entervenir?  Non.  Nou ava pran en vot lo Bidze Lotorite Meteolozik Sesel pou en sonm R15,154milyon e ki form par sa schedule.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Lotorite Meteolozik Sesel in ganny aprouve par Lasanble Nasyonal.

 

SEYCHELLES INTELLIGENCE SERVICE

 

MR SPEAKER

Nou ava pran lot head Seychelles Intelligence Service SIS, pou en sonm R12,587milyon.  PS.

 

 

PS DAMIEN THESEE

Mersi Mr Chair.  Nou pe redwir son ‘‘goods and services’’ par R724mil.   Mersi.

 

MR SPEAKER

Mersi PS.  Okenn ki le entervenir?  Non.  Nou ava pran en vot lo Bidze Seychelles Intelligence Service pou sonm R12,587milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  10 Manm in vot an faver.  E personn kont. Mersi.

 

MR SPEAKER

Mersi Madanm Deputy Clerk.  Bidze pou Seychelles Intelligence Service in ganny aprouve par Lasanble.

 

 

INFORMATION COMMISSION

MR SPEAKER

Nou ava pran pezan Information Commission en sonm R3,013milyon.  PS. 

 

 

PS DAMIEN THESEE 

Mersi Mr Chair.  Nou pe redwir son Bidze by R671mil.  Ladan 230mil dan saler e ladiferans 440mil dan son ‘’goods and services’’.  Mersi.

 

MR SPEAKER

Mersi PS.  Okenn Manm ki le entervenir Information Commission?  Non.  Nou ava pran en vot alor lo Bidze Information Commission pou en sonm R3,013milyon ki form par sa schedule?  Tou Manm ki an faver?  Okenn Manm ki kont?  Madanm Deputy.

 

MADAM DEPUTY CLERK

Mersi Mr Chair.  13 Manm in vot an faver.  E personn kont. Mersi.

 

MR SPEAKER

Mersi Madanm Deputy Clerk.  Bidze pou Information Commission i ganny aprouve par Lasanble.

 

TRUTH, RECONCILIATION AND NATIONAL UNITY COMMISSION

 

 

MR SPEAKER

Nou pran Bidze pou The Truth, Reconciliaton and National Unity Commission pou en sonm R11,319milyon.  PS. 

 

 

PS DAMIEN THESEE 

Mersi Mr Chair.  Nou’n redwir son Bidze by R789mil.  Ladan 359mil dan son saler ki ti enkli zis en arsivis apre son savings dan ‘’delay recuitment.’’  E ladiferans R429 mil dan son ‘’goods and services,’’ dan ki 420mil i ‘’overseas airfares. ‘’ Mersi.

 

MR SPEAKER

Mersi PS.  Yes Onorab Afif.

 

HON AHMED AFIF

Mersi Mr Chairman.  Mr Chairman mon ti a kontan demann petet PS Thesee eski sa Bidze ki zot pe donn li avek sa rediksyon i kapab cater pou tou bann bezwen Truth Commission ki enkli parey nou konnen souvandfwa i lo televizyon, zot annan bann audio visual needs ki mon konpran dan Bidze e revizyon zot in, zot pa’n ganny sa sonm ki zot ti pe demande.

E answit zot annan IT parske i en, i en louvraz tre pe dimoun, e zot pe fer li dan en fason ki byen teknik e alor zot bezwen dimoun konpetan.  Me i pa paret ki zot in ganny sa Bidze ki zot ti pe rode pou audio visual avek IT.  Eski PS i kapab donn ou en konfirmasyon ki si i annan en mankman ozordi dan lafason ki zot in donn son Bidze ki zot a kapab regard fason pou ed li kontinyen mentenir en servis audio visual ek IT ki sitan neseser pou en pti lorganizasyon e sa travay ki zot pe fer?  Mersi Mr Chairman.

 

MR SPEAKER

Mersi Onorab.  PS.

 

PS DAMIEN THESEE 

Mersi Mr Chair.  Nou okouran i annan en issue procurement currently lo sa audio visual.  Me selman i en keksoz ki bezwen procurement pou sort out e dan mid-year nou ava revwar son loperasyon parey lezot, e si nou bezwen cater an plis nou a, nou a donn komitman pou cater li.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman mon krwar ki i osi apropriye vi ki ozordi 7enm Manm, 7enm Commissioner, in fek take the oath.  E sa dimoun pou nou eksprim nou, nou felisitasyon avek Madanm Eline Moses enn ou constituent ki’n ganny apwente konman sa 7enm Commissioner. 

E nou swet li bonn sans dan sa travay difisil ki annan pou fer.  Se sa pwen prensipal ki mon ti anvi fer vi ki Onorab Afif in fini lev size bann challenges  ki sa Komisyon i fer fas avek.  E mon ti ava demande  ki vreman Minister Finans  letan nou pe bouz pli devan ki zot vreman koz avek sa Komisyon.  Akoz i annan zot pe fer en travay vreman difisil.  E menm Chairperson sa Komisyon in koz lo bann menas ki zot in gannyen, menas ki zot in raport avek Komisyoner Lapolis, me ki malerezman napa nanryen ki’n ganny fer.

Zot pe deal avek en letap nou listwar  ki’n vreman difisil, e par egzanp menm pou lo nivo sekirite personnel.  Letan nou regarde, en pe otour pei nou trouv dimoun ki annan sekirite arme kot zot e la nou annan nou, nou annan nou bann Komisyoner en Komisyon ki pe fer en travay vreman delika.

Me e zot in ganny menas alors mon ti ava demande ki vreman zot Bidze i ganny, i ganny regarde parske si en Ziz ki fer en travay difisil li devan son laport 24 lo 24 i annan en gard arme, mon pa war akoz ki sa, ki bann Manm sa Komisyon ki pe fer en travay osi delika, ki zot, zot pa ganny okenn sekirite spesyalman ki zot parey mon’n dir ki zot in fer konplent.

E apre sa i osi i annan enn de bann konmsi letan, letan ou koz avek, avek sa Komisyon ou, ou konnen i annan bokou dekourazman.  Alors mon ti ava demande silvouple mwan, mon pa war ki poudir zot pe egzazere.  E zot annan en peryod letan pou zot fer sa travay, ki vreman ok la zot in pran en break avek COVID-19.

Me selman ki dan sa Mid-year Review mon krwar ki ti ava bon pou nou regard en pe zot Bidze dan en fason tre serye.  Mersi bokou Mr Speaker.

 

MR SPEAKER

Mersi Onorab.  Bon mon krwar de lapar Lasanble Nasyonal anvi ki sa Komisyon ti ne atraver en travay Lasanble Nasyonal.  Nou bezwen felisit Madanm Eline Moses.  Mon personnelman dan break mon’n donn li en pti call, e mon’n donn li de pti mo lankourazman.

I pa fasil parey ou’n dir Onorab Ramkalawan pou fer sa travay, me i depan, i pran bokou kouraz e sirtou pou en zenn madanm pou fer sa travay i pran bokou.  In koz lo dan son interview in koz lo, in koz lo detrwa valer ki i annan ki in swiv pandan son bann karyer and all that. 

E ki i pare pou kontinyen swiv sa bann valer pou ed li pou fer son travay.  E mon krwar se sa ki nou bezwen dan nou dan nou bann dimoun.  Bon mon ava pas laparol avek PS oubyen Minis pou reponn konsern Onorab Ramkalawan.  Minister. 

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Wi nou rekonnet ki sa travay i pa en travay fasil.  E nou pou raport nou siport kot nou kapab sertennman.  E mid-term nou ava regarde kot pou kapab fer le neseser pou ed sa Komisyon delivre lo son manda.  Mersi Mr Chairman.

 

MR SPEAKER

Mersi Minis.  Petet zis pou mon azoute se malgre zot dan break COVID i annan bokou ki zot pe kontinyelman fer pou compile bann rapor and so on, zot bann investigation.  Bon nou ava pran en vot lo Bidze pou Truth Reconciliation and National Unity Commission pou en sonm R11,319milyon ki form par sa schedule. 

Mon a demann Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  21 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bidze pou Truth Reconciliation and National Unity Commission in ganny aprouve par Lasanble.

 

SEYCHELLES TOURISM BOARD

 

 

MR SPEAKER

Nou ava pran Bidze Seychelles Tourism Board STB pou en sonm R141,042milyon.  PS.

 

SEYCHELLES TOURISM BOARD

 

PS DAMIEN THESEE 

Mersi Mr Chair.  Nou’n redwir nou R4.1milyon dan Bidze STB.  Ladan 554mil dan saler e ladiferans 3.5 dan son ‘’goods and services.’’  Pli gro konponan i 2milyon ki ti’n ganny mete pou FINA competition.  Mersi.

 

MR SPEAKER

Mersi PS.  Okenn Manm ki le entervenir?  Yes Onorab William.

 

HON WAVEN WILLIAM

Mersi Mr Speaker.  Mr Chairman mon an vi demann avek Minis avek PS, lefe ki nou pe koz reinvent nou lekor e nou konnen ki poudir tourism i nou bread and butter, so pandan sa, sa bann sa lespas letan ki nou pe espekte keksoz retourn normal.

Ki nouvo plan pou market Sesel, ki Seychelles Tourism Board eski i annan serten travay ki pe ganny fer, pou nou kapab relanse letan keksoz i vin normal?  Akoz i annan plizyer koze deor la, e nou konnen poudir nou dan en konpetisyon i pa vedir poudir letan keksoz pou’n retourn normal ki Sesel pou ganny tou bann touris pou annan en konpetisyon pri pou, pou desann.

So mon ti a kontan ganny en pti pe, mon pa konnen si Minis si i ti annan lenformasyon pou partaz avek nou.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pou ou kestyon.  Wi mon krwar se la le moman anvi ki zot pa pe voyaze pou kontinyen avek menm mesaz pou zot fer bann refleksyon servi medium elektronik pou zot re travay lo mesaz ki nou le anvoye.

Mon konnen ki zot pe fer sa avek zot tim marketing ek zot tim ki organiz destination marketing sirtou.  E zot in fini prepar bann klip bann, bann message boards eksetera ki zot pou lanse evantyelman.

Me dan limedya i enportan osi ki nou, nou tou nou donn zot nou lide.  E parey ou konnen avan ki touris konmans retournen nou menm nou, nou pou vin touris dan nou prop pei.  E mon krwar sa i en eleman ki STB pe met lanfaz lo la setadir sa domestic tourism e mon ankouraz zot kontinyen dan, dan sa laliny.  Mersi Mr Chairman.

 

MR SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Chair.  Dan menm laliny avek Onorab William, mon ti ava mazinen poudir STB olye ki nou koupe petet nou garde me selman nou dir zot bouz sa larzan dan en lot dan marketing par egzanp.

Akoz letan keksoz pou reouver nou pou bezwen pe vann Sesel e sirtou, sirtou dan nouvo marse tel ki Israel kot ou’n mansyonnen ou menm yer Minis be zisteman zot pou bezwen en larzan alor ki, ki pou arive pou nou kapab re, reouver Sesel avek potansyel tourism kwa?

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Chairman.  Nou pa’n vreman pran larzan STB lo kote marketing en.  So i la avek li sa larzan li.  Mwan mon krwar e pou mon repet en pti pe sa ki’n dir lide se sorti revin avek bann, bann nouvo pa slogan me konmsi re vann Sesel diferaman e atak bann nouvo marse.

Setadir nou pa pou tir sa ‘Seychelles Another World’ konpletman akoz sa se sa limaz ki marke konman ou pou war sa ou pou re mazin Sesel.  Me vin avek bann nouvo prodwi e servi medya sosyal, servi bann, bann medium elektronik pou, pou war pous sa mesaz.  Olye konmsi dimoun i deplase nou al door to door.

Sa pa pou arete sa.  Me selman sa i pou vin konmsi the second wave, so the first wave nou bezwen servi nou computer e nou bann zoli zimaz, bann good stories fer sorti deor kontinyen gard Sesel relevan la konmsi to wet the appetite letan nou’n ouver.

E parey nou’n dir osi se pou kwa ki nou pe demann nou bann lotel reste ouver, retrain zot bann dimoun, fer sir letan i konmans re monte i akey nou premye apre i ava akey viziter aletranze apre.  Mersi.

 

MR SPEAKER

Mersi Minis.  Bon nou ava pran en vot lo Bidze pou STB Seychelles Tourism Board pou sonm R141,042milyon ki form par sa schedule.  Tou Manm ki an faver?  Okenn Manm ki kont?  Madnam Deputy Clerk.

 

MADAM DEPUTY CLERK

Mersi Mr Chair.  17 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Seychelles Tourism Board in ganny aprouve par Lasanble Nasyonal.

 

NATIONAL INSTITUTE OF TECHNOLOGY, SCIENCE AND INNOVATION

 

 

 

MR SPEAKER

Bon nou ava pran Bidze pou National Institute of Technology Science and Innovation ki en sonm R5,469milyon.  PS. 

 

PS DAMIEN THESEE

Mersi Mr Chair.  Nou’n redwir son Bidze par R3.8milyon.  Ladan i annan R2.8milyon dan son ‘’goods and services’’ ki nou’n redwir plizoumwen office rent Anse Royale ki ti pou al laba ki prezan pa pou ale.

Apre R1milyon dan son CAPEX ki ti pou annan en proze incubation.  Anvi ki li i enn bann Minister ki depi sa issue.  E depi ler in sorti Bel Ombre zot pe travay from home.  Mersi.

 

MR SPEAKER

Mersi PS.  Onorab Larue.

 

HON FLORY LARUE

Mersi Mr Chair.  Mr Chair mwan pou mon krwar ki nou bezwen rethink sa, sa head.  Nou’n dir ki nou bezwen inovativ, lemonn otour nou pe sanze e ozordi tou dimoun ki dan lakour pe servi teknolozi.

Biznes in shutdown, tou biznes, tou dimoun ekonomis partou pe dir ou fodre nou sanz nou fason thinking lo teknolozi.  E sa en loportinite pou nou donn li en pe lelan, pou li kapab siport Sesel, Seselwa ki annan lentere pou fer sa bann keksoz la pou sa, sa moman.

E mon pa krwar la it’s the right time pou koup sa enn head spesifikman.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Dan sa R2.8milyon dan son ‘’goods,’’ 1.2 i pou son ‘’Board Members allowance.’’  E larestan son pli gran bout ankor i sa R1milyon ki ti donn li pou ‘’foreign consultancy’’ so ankor personn pa pou kapab vini pou vin fer okenn travay isi.

So 2.2 la already nou’n koupe.  Larestan i dan son bann ‘’facilities for events, ‘’’’overseas airfares’’ 234mil, ‘’minor capital’’ 100mil, so deza anvi sa, sa pandemik se sa ki pe met li deryer.

E parey mon’n dir R1milyon osi nou’n koupe anvi ki pa pou bouz i pa pou ganny en nouvo lofis.  E zot in fer nouvo laranzman pou zot travay from home.  E zot osi annan zot en R400mil anba centralise programme ki nou’n mete konman Innovation Fund, ki pe ede pou finans en pe bann endividi oubyen antreprener ki annan bann lide inovatif.  E nou si nou war NISTI i vin kot nou avek bann proze ki zot war i successful zot kapab pous sa bann proze natirelman, nou kapab increase sa Fund ki pa neseserman ou bezwen don NISTI larzan.

Me selman parey ou’n dir ankouraz lantreprenarya avek bann endividi prive, so se pou kwa nou’n kre sa Fund e i ankor ptipti pou le moman depi 2 lannen i la.  Me selman nou bezwen esper son rezilta avek bann lantreprenarya prezan ki nou kapab increase son alokasyon accordingly.  Mersi.

 

MR SPEAKER

Mersi PS.  Onorab Larue.

 

HON FLORY LARUE

Mersi Mr Chair.  PS mersi pou ou lesplikasyon.  Me selman vreman mon krwar la mannyer keksoz in sanze son larzan i riske ganny servi dan en lezot fason, kekfwa pou market locally lo SBC, lo radyo akoz kekfwa dimoun pa kapab deplase, zot pou bezwen, other Funds pou kapab anmenn Seselwa pou join zot.

E mon krwar vreman Gouvernman i bezwen regete, sa head akoz nou pou bezwen sa kalite moter la.  Zot larzan pa pou parey avan, kot la tou dimoun pe focus zis lo teknolozi.  E i la se moman kot dimoun pou innovate.  E sa pa letan pou restrikt zot.  So vreman mon krwar nou devret regete zot bann fasilite ki zot annan ki pa pou neseserman fizik me plito online.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Nou pran rekomandasyon Onorab.  Nou ava lyez avek NISTI poudir li pa poudir li pou demann li kwa ki i pe vin devan prezan anvi sanzman nou klima e nou, nou ava donn li sipor neseser ki nou war rezilta parey ou pe dir.  Mersi.

 

MR SPEAKER

Mersi PS.  Onorab Waven William.

 

HON WAVEN WILLIAM

Mersi Mr Chairman.  Mr Chairman mon osi mon pou aport mon sipor avek sa ki Onorab Larue pe dir.  E an menm tan mon anvi demann en kestyon.  Lefe ki nou pe koz inovasyon eski sa msye ki ansarz NISTI i reprezante lo sa, sa de High Level Committee? 

Akoz si nou pe koz reinvent nou lekor, mon krwar nou bezwen servi tou bann resours, ki enportan ki kle pou nou kapab move forward.  So mon santi poudir enn petet nou devret petet konsider anmenn NISTI lo sa, lo enn sa bann Komite High Level akoz mon krwar la pou le moman domestically i annan sa lenportans.

Petet nou pa pe war li la me mon asire zot annan petet plizyer lide zot ti kapab met devan osi pou kapab ed nou ver re etablir nou lekor.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Wi mon okouran ki CEO NISTI in deza fer sa demars vizavi, son Minis  tutelle e Vis-Prezidan pe take up  sa demann.  Mersi Mr Chairman.

 

MR SPEAKER

Mersi Minis.  Bon nou ava pran en vot lo Bidze NISTI, pou en sonm R5,469milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  18 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Lasanble Nasyonal in aprouv Bidze NISTI. 

 

SEYCHELLES FIRE AND RESCUE SERVICE AGENCY

 

 

MR SPEAKER

Nou ava pran lot head ki swiv Seychelles Fire and Rescue Service Agency pou en sonm R68,092milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze 1.7 dan saler.  E nou’n osi redwir son Bidze dan son ‘’goods’’ 2.4 anvi ki nou pa pe proceed avek konstriksyon sant stasyon tenny dife Anse Boileau.

E sa i en proze ki pa ankor konmanse alor lide sete pa kontinyen avek bann proze ki pa ankor konmanse.  So sa i plizoumwen sa cut pou li.

Mersi.

 

MR SPEAKER

Mersi PS.  Okenn Manm ki oule entervenir?  Non.  Bon nou ava pran en vot lo Bidze Seychelles Fire and Rescue Service Agency SFRSA pou en sonm R68,092milyon ki form par sa schedule. 

Tou Manm ki an faver?  Okenn Manm ki kont?  Onorab Pillay ou kont?  Ok Madanm Deputy Clerk.

 

MADAM DEPUTY CLERK

Mersi Mr Chair.  19 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Seychelles Fire and Rescue Service Agency in ganny aprouve par Lasanble.

 

SEYCHELLES LAND TRANSPORT AGENCY

 

MR SPEAKER

Nou ava pran Seychelles Land Transport Agency pou en sonm R187,049milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze goods ek saler par R3.7milyon.  Ladan 944 dan son saler, e 2.8 dan son ‘’goods and services’’ plizoumwen son bann depans ‘travel and office expenses,’’ ‘’Board Members allowance’’ e ‘’minor capital’’ parey lezot Minister.

E osi nou’n redwir R20.3milyon dan son Bidze capital projects pou ban proze ki pa ankor materyalize e ki annan retar anvi bann diskisyon wayleave ki pa ankor konmans ditou.

E nou’n kit zis bann proze ki’n deza an loperasyon oubyen procurement process in fini konplete.  Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot alor lo Bidze Seychelles Land Transport Agency SLTA pou sonm R187,049milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  16 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Seychelles Land Transport Agency in ganny aprouve par Lasanble.

 

SEYCHELLES AGRICULTURAL AGENCY

 

MR SPEAKER

Nou ava pran Bidze Seychelles Agricultural Agency pou en sonm R64,561milyon.  PS.

 

 

PS DAMIEN THESEE

Mersi Mr Chair.  Nou’n redwir R994mil anba SAA selman anba son Bidze ‘’goods and services’’.  Mersi.

 

MR SPEAKER

Mersi PS.  Okenn Manm ki oule entervenir?  Onorab William.

 

HON WAVEN WILLIAM

Mersi Mr Chair, mon anvi demann avek Minis e PS lefe ki mon santi ki parey mon letan mon ti entervenir, mon ti dir poudir wi nou bezwen donn tou sipor Departman Lasante.  Wi nou bezwen regard tourism industry.  E mon santi poudir lo kote Sekter Lagrikiltir mon ti ava swete war en pti pe plis ki ganny donnen akoz, nou pe koz vant la e lefe ki nou pe koz rezerv nou bann deviz, mon pe demande akoz ki Bidze SAA pa’n ogmant signifikan?

Rezon akoz se ki i annan bokou keksoz ki lokalman kapab ganny fer, vizavi prodiktivite.  Me SAA si i pa ganny tou sa bann sipor neseser an menm tan pou kapab donn sipor bann prodikter aktyelman la, nou riske war nou dan bann difikilte par egzanp.

Nou pa konnen si sa pou ganny pran plitar dan en lot alokasyon.  Me letan nou pe koz sa 14 bout later la, ki Minis Lagrikiltir in dir zot pou donn sa bann Fermye, me sa bann bout later i dan montanny i annan ros dan fore.

Me ki mannyer nou espekte sa bann Fermye pran sa bann bout later si bann sipor neseser pa vini?  So mon ti a kontan ganny en pti pe bann rezonnman akoz mon santi poudir konm labitid dan lepase nou’n negliz sa sekter.

E la i en moman ki en loportinite ki ganny kree pou nou kapab vreman focus en pe latansyon lo sa sekter.  Pa oubliye Minis ki dapre Lagreman ki’n ganny sinyen nou sipoze kontribye apepre en 10poursan nou Bidze anyel me sa pa’n zanmen kapab arive.  Mersi.

 

MR SPEAKER

Mersi Onorab.  PS

 

PS DAMIEN THESEE

Mersi Mr Chair.  Sipor vreman ki pou al atraver sa sekter, i de nou annan sa Livestock Trust Fund sa larzan i antre i disburse avek bann fermye pou ogmant kapasite oubyen bann lenfrastriktir otour zot.  Sa i touzour la pardon.

E osi nou’n anonse ki nou pou redwir to lentere lo sa loan anba, Agricultural Development Fund anba DBS pou vin 1poursan ki 2.5poursan la.  Son threshold i 1milyon.  E DBS prezan i an diskisyon avek Minister Lagrikiltir pou regete si nou bezwen revwar retir sa threshold lo son lo sa amount of loan pandan sa letan la ki ava ede disburse en pe plis larzan avek bann Fermye ki bezwen.

So nou annan sa bann fasilite ki nou pe met a dispozisyon pou bann Fermye.  Sa cut ki nou’n fer parey nou’n dir i purely dan son ‘’goods’’, e the bulk i 342mil ki dan son airfares’’, son ‘’Board ‘’Members’’ in redwir par 166, ‘’facilities for events’’ 135mil.

So i bann aktivite administratif ki ti pou fer kot son lofis as such.  I pa keksoz bann polisi oubyen bann progranm ki ti pou, pou target Fermye li menm ki nou’n, ki nou’n touse.  Mersi.

 

MR SPEAKER

Mersi, mersi PS.  Onorab Ramkalawan.

 

HON WAVEL RAMKALAWAN

Mersi Mr Chairman.  Mon pa konnen letan mon pe rod en leklersisman parske Agricultural Agency li menm li osi ki ansarz tou bann tou bann stores ensidswit.

E parske la nou ti pe antann ki poudir nitrofoska par egzanp ti napa ase e ki ti pou bezwen enporte.  Eski sa koupir ki zot pe fer dan Bidze, eski i pou afekte sa?

Parske mon anvi konnen parske nou bezwen al lo prodiksyon la pou mon ti a zis, well se sa mon se sa mon konsern.  Mersi.

 

MR SPEAKER

Mersi Onorab.  PS. 

 

PS DAMIEN THESEE

Mersi Mr Chair.  Nou pa’n tous son Bidze supplies, akoz se sa ki aste son bann requisite anba la.  E osi anba on livestock i kapab servi pou li ogmant stok ki i annan dan son bann stores.  Mersi.

 

MR SPEAKER

Mersi PS.  Onorab Woodcock.

 

HON WAVEL WOODCOCK

Lo mersi Mr Chairman.  Lo menm laliny ki Onorab William in fer e osi Onorab Ramkalawan.  Mr Speaker i annan konsern konplent ki pe sorti sirtou konsernan sa bann stor ki anba SAA e menm Praslin i pa lenspeksyon.

I annan bann mankman materyo sirtou la ki nou pe koz lo, lo kot nou pe met lanfaz lo sekirite alimanter i annan en need pou annan plis legren, langre lo stor, bann lekipman pou bann fermye servi.

Mon, mon santi poudir a sa moman la SAA i bezwen plis larzan.  Non pa koup li par R1milyon.  So mon ti a kontan Minis i get en pti pe plis lo, lo welfare sa Bidze akoz nou bezwen nou bezwen met lanfaz lo sekirite alimanter.  Mersi.

 

MR SPEAKER

Mersi Onorab.  PS. 

 

PS DAMIEN THESEE

Mersi Mr Chair.  Parey mon’n dir ou annan sa Livestock Trust Fund.  E i annan aktyelman larzan dan en Suspence Account osi ki’n akimile over the years, ki zot ti’n mete pou bann proze.  Me selman proze i tarde.  So i kapab tou sa Suspence Account pou li beef up son bann supplies si li i bezwen sa  i dan son kontrol.

Me nou kapab angaze ek li pou gete si i annan okenn, okenn challenge anver annan stok neseser.  Mersi.

 

MR SPEAKER

Mersi PS.  Onorab Larue.

 

HON FLORY LARUE

Mersi Mr Chair.  Mr Chair en Bidze i donn nou en rezilta a lafen.  E sa sityasyon COVID nou war pou la premye fwa nou pe reget Bidze konpletman repas en nouvo.

Alor nou espekte ki en Bidze i bezwen pe anmenn en bi a lafen.  E avek COVID nou’n war ki in anmenn nou dan en sityasyon letan ou pe get sa ki pe arive enternasyonal, nou war ki an deor nou pe ganny dir ki nou pe al dan en resesyon.

E pa zis en resesyon sa mo deor in sorti dan en resesyon, zot dir nou ki nou pe al dan en depresyon ki pli pir ki sa ki nou’n deza war an 1930.  Savedir i pe anmenn en problenm ekonomik e nou konnen ki nou tou nou bezwen manze.

Alor mwan, mon lafreyer i mon ti a kontan demann Minis Finans ki zot ki pou oblize rod larzan pou fer sir ki pep Seselwa i manze si sa, si nou ariv sa staz.  Si an ka nou ariv sa staz.  Zot ki annan sa lobligasyon.

Alor eski nou kapab demann Minis lo kote Cabinet pou get son koleg ki oversee sa Minister la ozordi si nou annan ase sa bann keksoz ki Onorab Ramkalawan in koz lo la, pou fer sir ki dan 6 mwan i annan sekirite alimanter pou Sesel.

E fodre nou get la akoz keksoz ki nou pe plante la pa pou pous deswit.  Alor nou pa kapab espere letan i tap nou pou nou dir be a napa manze.  So silvouple si ou kapab fer sa langazman pou nou i kapab fer sir ki sa sekter i pe ganny tou led.

Akoz parey Onorab in dir, Onorab Waven in dir, sa bann later la, nou annan ankor nou lafors Larme si nou kapab al fer defriske, PUC, met delo koup semen ek bann, la nou fer li la nou donn dimoun ki le plante bann dimoun ki annan lotel ki le envestir.

Les zot al plante annou fer en fason ki sa bann later i devlope akoz i annan en kantite later pe asize.  Mersi.

 

MR SPEAKER

Mersi Onorab.  PS, Minister. 

 

MINISTER MAURICE LOUSTAU-LALANNE

Wi mersi Mr Chairman.  Mersi Onorab.  Wi mon apresye bann komanter ki zot pe fer, parey zot konnen mon koleg Minis li i Chairman sa Komite lo sekirite alimanter.  E i tre dinamik avek sa e i konsilte bokou e a la demann sa Chairman Lasosyasyon Fermye ki Gouvernman in met alokasyon sa 14 bout later.

Mon pa konnen kote sa bann bout later i ete.  Me an deor sa, i annan osi en kantite later ki ozordi i later lagrikiltir ki pa pe fonksyonnen.  Donk nou bezwen konsantre lo la osi.  Mon dakor avek ou sa sistenm i dinamik.  Letan nou ti koze dernyen fwa nou ti dir ti annan en mankman lagrenn pou plante, apre nou ti ganny dir non, i annan nou pe enporte ankor.

Ti annan en mankman fertiliser.  Ou kapab servi lezot.  Apre nou pe fer vini.  So i bon ki nou dir kot nou ete ozordi. E mon krwar se sa ki nou bezwen fer detanzantan fer en Konferans Depres oubyen donn lenformasyon pou, pou tou dimoun i konnen, i konnen ki pe pase.

Me mon sa ki mon war letan mon sorti se mon, mon desann oubyen mon remont dan lakour.  Sa pti bazar la obor Fresh Cuts la be sa bann Fermye pe prodwir en kantite keksoz.  E sa bann keksoz i pa keksoz enporte zis pou re vann, i keksoz ki’n ganny prodwir lokalman.  E mon felisit zot e nou bezwen ankouraz zot, e mon konnen ki Minis Bastienne li osi i determinen pou fer sa.

Se pou kwa nou anvi le 1 Me nou pou met en, en levy ankor lo lavyann lo pork ek poul pou nou nobou redonn zot sa larzan.  Nou pa pou pran pou, pou met dan kont Gouvernman.  Nou pou redonn zot sa larzan pou zot siport la kot i annan mankman pou kontinyen fer sir ki nou, nou prodwir lokal i ganny konsonmen.

I save nou deviz etranzer parey mon’n dir dan mon Bidze.  Donk nou lo menm longer donn madanm pa trakas sa ou.  Mersi Mr Chairman.

 

MR SPEAKER

Mersi, mersi Minis.  Minis zis pou sezi ou dernyen parol.  Anvi ki nou annan sa lockdown eski sa bann pti bazar obor semen parey la Roche Caiman pou kapab kontinyen vann sa bann prodwir ki pe prodwir lokal?

Fermye mon annan kontak avek plizyer fermye, zot pe ankouraze pou prodwir e ou pe war, mon’n pas lo plizyer laferm, ou pe war poudir zot pe travay.  Zot annan en pe problenm, i annan laferm kot zot bann travayer etranze pa pe reste lo sa laferm.  Zot bezwen commute pou vin lo sa laferm.

E deza zot pe war li en problenm akoz zot pe ganny restrikte pou zot pa vin, pa mouvmante pou vin travay.  Sa i enn.  E apre sa bann laferm pe prodwir eski i pou annan deboursman, eski zot pou kapab parey ou pe dir sa bann pti marse?

Sa bann dimoun ki pe vann obor semen i pa prodwir li.  Se sa bann Fermye ki anmennen i donn zot pou zot vann.  So eski sa pou kapab kontinyen?  An vi ki dimoun osi pe ganny dir, reste se zot eski pou annan lavant?

So i annan en kantite konsern ki sa bann producers pe met devan nou.  Minister. 

 

MINISTER MAURICE LOUSTAU-LALANNE

Mersi Mr Speaker.  Mr Speaker mon krwar ozordi nou pa dan lockdown.  Nou dan en partial lockdown si nou pou servi sa mo.  So mouvman in restrikte en pe plis.  Me i pa anpese pou nou deplase pou nou al laboutik pou nou al aste nou manze.

Sa i ankor permet.  Me la ankor nou bezwen fer sir ki nou met nou zistans, eksetera, eksetera.  So pou le moman mannyer mwan, mon read situation se wi ou kapab kontinyen vann, ou bann prodwir ki lye avek manze ou kapab deplase al aste, e retourn se ou.  Mersi Mr Chairman.

 

MR SPEAKER

Mersi Minis.  Onorab Aglae.

 

HON EGBERT AGLAE

Mersi Mr Speaker.  Minis mon pou pran en pti pe dan laliny kot Onorab Speaker in pran, ou konnen i annan bokou Fermye ki ti pe plante, ki ti pe supply bann letablisman touristik ozordi.

E dan sa lespri petet get pli devan kot nou pa le ki sa bann Fermye i zis dekouraze parey serten Peser ozordi pe dekouraze.  So annou mazin en pti pe pli lavans kot i ava annan sa antretyen avek Lazans, avek sa bann Fermye ki pe plante.

Mon konnen i annan sa Komite High Level ki’n ganny mete.  Me keksoz i bezwen bouz en pe vit pou donn sa bann Fermye en pe lespwar kot i annan sa antretyen avek zot lo ki mannyer meyer fason anvi ki supply petet zot pe, zot pe plant bokou.

Me demann i ganny redwir ozordi.  E dan en lot lespri ankor se en moman letan osi pou nou petet ankouraz dimoun pou manz plis legim plis fri osi.  E mon 2enm pwen i konsern bann petet PS Finans i a konnen bann Grant e anba bann proze ki SAA ti pe manage, parey avek BADEAK CLISSA eski sityasyon COVID dan lemonn antye pou annan en lefe ouswa en lenpak negativ lo sa bann proze ki’n deza ganny earmark anba sa 2 Fon ki mon’n nonmen?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Sa ki nou okouran sa IFAD CLISSA in fini ganny disburse larzan in fini antre.  E nou’n fer li reflekte dan Bidze Minister Lagrikiltir ek Lapes aktyelman.  Mersi.

 

MR SPEAKER

Mersi PS.  Onorab William.

 

HON WAVEN WILLIAM

Mr Chairman mon, mon byen rapel ki, well mon konnen nou pa kapab ganny Minis ouswa Chairman sa High Level Komite pou vin isi.  Me selman zis mon anvi partaz serten konsern devan Minis, akoz sa i en, i en sekter ki kle.

Sirtou dan sa moman mon konnen poudir STC in donn en, en lalis, tonaz bann legim ki zot bann prodikter lokal devret pe fer pou zot kapab koup lo enportasyon.  Me la ankor mon pou ensiste ki si vreman, si vreman Minister Lagrikiltir ouswa Gouvernman i anvi ki nou bann prodikter, zot fer sa bann lesey ouswa fer sa bann demars pou vreman ogmant prodiktivite, pou bezwen annan plis sipor Minis.

Pou bezwen annan plis sipor.   Akoz si zot pa pe gannyen i pou difisil pou zot.  E par egzanp en size Hypermarket  si i donn legim bann ki reste zot retourn zot retourn avek bann Fermye.  So i annan sa pert.

So eski sa bann fermye zot pou le prodwir si zot pa pe ganny tou sipor posib.  Akoz la i le moman parey mon dir pou nou vreman met lanfaz lo sa sekter e parey ou’n dir ou menm si nou anvi sov deviz, nou bezwen rod tou mwayen posib.

E  la i en moman pou nou kapitaliz lo la.  E fer sir ki sa sekter i reganny  son stati parey ti ete dan lepase.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mon partaz antyerman sa ki in dir Mr Chairman e mon a fer sir ki Minis Bastienne i ganny sa mesaz kler si i pe ekout mon la mon dir li port en, en zorey pli atantif.  Me mon konnen i dedye pou fer sa marse, nou pou siport li, akoz sa i 3enm pilye.  Bomaten nou’n konmans koz lo pilye si nou koup 2 enn i kapab tonbe.  Sa i en pilye nou pa kapab koup.

O kontrer fodre nou siport li parey ou’n dir. Mersi.

 

MR SPEAKER

Mersi Minis.  Bon nou pou pran en vot lo Bidze pou Seychelles Agricultural Agency pou en sonm R64,561milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  19 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Seychelles Agricultural Agency in ganny aprouve par Lasanble.

 

ENTERPRISE SEYCHELLES AGENCY

 

 

MR SPEAKER

Nou ava pran Bidze pou Enterprise Seychelles Agency ESA pou en sonm R10,685milyon.  PS.

 

 

PS DAMIEN THESEE

Mersi Mr Chair.  Nou pe redwir son Bidze en net effect R1.8milyon.  Ladan 257mil cut dan son wages.  E 1.5 dan son ‘’goods and services’’.  Laplipar i dan ‘’facilities for events’’, ‘’overseas travel’’ e nou annan zis en lazistaz ki nou pe fer pou son office rent in terms of VAT ki tou fason  i net off dan reveni.  Mersi.

 

MR SPEAKER

Mersi PS.  Okenn Manm ki le entervenir lo Bidze ESA?  Non.  Nou ava pran en vot Bidze pou Enterprise Seychelles Agency sonm R10,685milyon ki form par sa schedule.  Tou Manm ki an faver?  Okenn Manm ki kont?  Madanm Deputy.

 

MADAM DEPUTY CLERK

Mersi Mr Chair.  11 Manm in vot an faver.  E personn kont. Mersi.

 

MR SPEAKER

Mersi Madanm Deputy Clerk.  Bidze pou Enterprise Seychelles Agency in ganny aprouve par Lasanble Nasyonal.

 

AGENCY FOR SOCIAL PROTECTION

 

 

MR SPEAKER

Nou ava pran Bidze pou Agency for Social Protection ASP pou en sonm R38,939milyon.  PS.

 

 

PS DAMIEN THESEE

Mersi Mr Chair.  Nou pe redwir son Bidze by 1.8milyon.  Ladan 1.3 dan son saler e 495 mil dan son ‘’goods and services’’ i osi annan lazistaz pou VAT pou son rent.  Mersi.

 

MR SPEAKER

Mersi PS.  Okenn Manm ki le entervenir?  Yes Onorab Ramkalawan.

 

HON WAVEL RAMKALAWAN

Mr Chairman.  Nou pou trouv nou dan en sityasyon la kot la nou pe ok anba ASP ki bann Carers i tonm anba la is that right? 

 

MR SPEAKER

Non, PS. 

 

PS DAMIEN THESEE

Sa i son vot administratif son recurrent cost.

 

MR SPEAKER

Mersi PS.  Onorab Ramkalawan?  Bon si napa Manm pou entervenir nou ava pran en vot pou Bidze pou Agency for Social Protection R38,939milyon.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Agency for Social Protection in ganny aprouve par Lasanble.

 

AGENCY FOR NATIONAL HUMAN RESOURCES DEVELOPMENT

 

 

MR SPEAKER

Nou ava pran Bidze pou Agency for National Human Resources Development ANHRD R169,084milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by R36.1milyon.  Ladan 673mil dan son saler.  E the bulk i 35.4milyon dan son ‘’goods and services’’.  Pli gro bout i sa R33.8milyon ki nou’n retire dan Bidze pou Training Funds Scholarship sa ti pou bann petet manrmay ki ti pou ale ver Septanm, Oktob.

Anvi ki deza bann prose laplikasyon pou liniversite i an retar, e nou pou bezwen prezan met Bidze dan Bidze 2021 pou ki sa bann etidyan ki kalifye i kapab voyaze next year pou zot kapab fer zot letid avanse.

Me parkont Liniversite Sesel nou’n kit son alokasyon dan Bidze.  Nou’n osi annan en rediksyon 1milyon dan Training Fund pou training tou public servants,  an vi ankor ki nou pa pou kapab rasanble.  Mersi.

 

MR SPEAKER

Mersi PS.  Onorab Woodcock.

 

HON WAVEL WOODCOCK

Mersi Mr Chair.  Minis sa ki sa kestyon ki mon pe al demande i konsern ki plizyer bann etidyan ki pe ki aletranze zot konsern ki zot annan.  Annefe wi mon konpran poudir sa Bidze pe ganny koupe osi par lefe en kantite etidyan Seselwa pe ganny anvoy aletranze akoz sa issue COVID-19.

Me an menm tan nou annan sa bann etidyan ki pe reste aletranze, e zis parey Sesel ozordi nou pe fer fas avek nou pe antre dan resesyon, nou pe fer fas avek lenflasyon, pri deviz pe ogmante Dolar in ariv R17.  E bann lezot pei deor osi menm sityasyon pe arive.

Akoz lenflasyon, pri komodite dan laboutik pe monte keksoz pe vin pli ser e sa allowance ki zot pe gannyen pa neseserman ase prezan pou cater pou son bann depans ki zot annan ladan.  Eski par lefe ki zot pe kit sa Bidze zot pe koup sa Bidze eski zot pe pran kont e zot pou fer provizyon pou kekfwa top up ouswa increase allowance ki sa bann etidyan pe gannyen deor pou zot kapab kouver zot bann depans ekstra ki zot pou annan akoz sa sityasyon COVID dan sa bann pei ki zot ladan?  Mersi bokou.

 

MR SPEAKER

Mersi Onorab.  PS. 

 

PS DAMIEN THESEE

Mersi Mr Chair.  Annefe bann allowance i ganny revize resaman.  E diskisyon ki nou’n gannyen ek ANHRD in osi diskit ek tou bann pei ki ti annan bann plizoumwen sityasyon agrave ki ti pou release en pe son bann peyman zot bann stipend en pe pli boner.

So sa mon krwar ti’n sipoze ganny fer si ti pou release swa en quarter oubyen en mwan.  Mon pa asire which one, selman i ti’n fer.  E zot reste angaze avek bann etidyan pou get zot sityasyon akoz nou osi annan staff ki deor ki nou’n anvoy training ki paran i call nou ennler pou swiv.

So sityasyon i agrave natirelman nou pou bezwen aziste kou en pe sa bann to deviz.  Akoz toutfason per diem i ganny set stipend i ganny set an deviz pou zot.  Me selman si i annan lenflasyon dan bann pei ki’n ganny afekte, la ANHRD pou lyez ek nou pou nou kapab accommodate. 

Parey nou’n dir, nou pa’n koup tou sa alokasyon dan sa training Budget nou’n zis tir lanmwatye akoz nou pe espekte at least en pe i al Liniversite Sesel e petet sityasyon ki mannyer i devlope.  Mersi.

 

MR SPEAKER

Mersi PS.  Onorab Charles De Commarmond.

 

HON CHARLES DE COMMARMOND

Mersi Mr Chair.  Zis mon le ankor klarifye, savedir ki PS pe dir se ki sa lannen bann etidyan ki’n kalifye pou al liniversite deor depandan sityasyon i riske pa ale.  E savedir intake pou lannen prosenn ankor depandan sityasyon i kapab ogmante sibstansyel-man?

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Korek Onorab.  Si i annan etidyan ki kalifye sa lannen nou bezwen bring li forward e provide sa alokasyon next year accordingly.  Mersi.

 

MR SPEAKER

Mersi PS.  Onorab.

 

HON CHARLES DE COMMARMOND

E alor sa bann etidyan ki’n kalifye ki pa pe kapab, pa pe kapab ale.  Letan sityasyon Sesel i retourn normal eski nou konnen si Gouvernman i annan en plan ANHRD i annan en plan pou zot petet avek ledikasyon enrol zot dan state progranm pou zot kapab ganny serten benefis touzour, serten saler ki zot, ki zot survive, eskan ler zot liniversite i ava arive pou zot ale?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Nou konnen an se moman i annan bann progranm ki Minister Ledikasyon i, i run ki fer bann etidyan avan zot al etidye al lo bann attachment, i pran bokou dan bann lekol ki donn zot bann training ground e Minister Lasante osi i pran bokou.

So si i annan sezi site pou met lezot dan bann lezot Sekter Minister sa osi nou ava angaze avek zot pou mete.  Me selman i annan osi bokou etidyan ki al dan sekter prive.  Sityasyon i diferan la.  So nou pou bezwen gete ki mannyer nou asiste sa bann etidyan pandan sa peryod letan kekfwa prolonze osi.  Mersi.

 

MR SPEAKER

Mersi PS.  Onorab Gervais Henrie.

 

HON GERVAIS HENRIE

Mersi Mr Chair.  Mon kestyon i baze lo larepons ki PS in donnen.  Lefe ki bann etidyan pa pe ale.  By now nou konnen lekel akoz rezilta legzanmen ti’n fini antre nou konnen lekel bann etidyan ki’n ganny 18 pwen.  So mon ti anvi konnen konbyen etidyan ki pe ganny afekte par sa desizyon e ki bann arrears of studies si zot annan ki pou annan sa retar ladan?

E dezyenmman, bann ki ti’n fini ganny zot 18 pwen ti deza dan lekol, pe fer konman bann supply teachers e prezan avek sa enteripsyon ki’n arive dan lekol zot annan konsern vizavi zot allowance or zot ti ganny en larzan zot, sa bann dimoun.

So zot, zot anvi konnen ki pou arive avek zot eski ANHRD ki peye, Minister Ledikasyon?  E si zot pou gannyen en keksoz ziska ler sityasyon i retourn normal ler zot pou al etidye?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Nou napa lalis pou le moman as such ki lekel sa bann graduates well sa bann etidyan ki ti sipoze al etidye.  Nou kapab rode e distribye avek Sekretarya.  E parey mon’n dir ledikasyon ki plizoumwen pey sa bann etidyan allowance ler i met zot lo bann attachment. 

So la nou pou bezwen fer en travay en pti pe pli angaze avek Minister Ledikasyon pou gete kantite ki annan e kantite ki enterese pou vin bann attachment ki plizoumwen parey mon’n dir dan Minister Ledikasyon kekfwa i ava increase son cohort ladan.

E at least nou ava asire ki sa, sa bann etidyan i, i prodiktiv pandan sa letan prolonze plizoumwen.  Mersi.

 

MR SPEAKER

Mersi PS.  Onorab Terence Mondon.

 

HON TERENCE MONDON

Mersi Mr Chair.  Mon kestyon in ganny reponn pa selman.  Me selman mon anvi konnen dan sa Bidze petet zot dir ki zot in fer provizyon deza pou en logmantasyon resaman e sa ti baze lo sityasyon avan COVID-19.

E, e zot dir zot pou etidye sityasyon si pou fer azisteman.  Eski that Bidze zot deza annan en provizyon pou azisteman zisteman?  E swa i pe, i pe baze zis lo sa, sa stipend ki zot in fini kalkile avan COVID-19?  E si sityasyon i vin pli pir ki lezot provizyon zot fer anba sa Bidze pou soulaz nou bann etidyan ki aletranze?  Mersi Mr Chair.

 

MR SPEAKER

Mersi Onorab.  PS. 

 

PS DAMIEN THESEE

Mersi Mr Chair.  Nou’n kit nou zis R15milyon dan Bidze ki ti’n ganny si oule earmark pou new scholarship.  Nou’n koup larestan.  Nou’n zis kit 15milyon la as a caution.  Prezan sa i kapab servi si i annan litilite ler nou assess sityasyon dan bann semenn oubyen mwan ki pe vini ki agrave.

Pou kapab asire ki bann etidyan i kapab meet zot kou de viv si sa bann pei pe ganny afekte avek pri lavi.  Selman parey nou’n dir pou le moman nou ti’n fer en laranzman avek ANHRD ki si bann etidyan i pe apros zot poudir i neseser ki zot bezwen lasistans nou kapab release en pe zot bann stipend en pe pli boner.

Akoz nou release stipend per quarter konmela.  Nou ti kapab release 1 mwan davans, 2 mwan stipend davans dapre zot needs, e dapre osi ki pei zot, zot ladan.  Kekfwa pa tou pei ki pou ganny afekte pareyman.

Selman nou, nou angaze pou asire ki napa okenn etidyan ki ganny afekte deor.  Mersi.

 

MR SPEAKER

Mersi PS.  Onorab Mondon.

 

HON TERENCE MONDON

Mersi Mr Chair.  Zisteman PS petet ou konnen bann etidyan ki aletranze bokou paran i anvoy en, en pti larzan normalman ki zot met lo kont ki zot zanfan i kapab servi ler zot laba.  E par lefe ki bann labank ozordi pe bloke, zot bann kart kredi ki bann zanfan i kapab servi, ki Minister pe prevwar pou fer petet si i annan bann paran ki osi kapab pe ed zot bann zanfan, zot bann zanfan ki aletranze ki zot ti abitye pe fer, me selman par lefe ki labank pe blok zot bann kart kredi?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Parey Labank Santral in anonse, in, in angaz li ki i pou asiste avek deviz lo marse tou le semenn.  I pou sipoze annan serten sonm ki i fer available pou ede soulaz en pe sityasyon deviz etranzer lo marse.

Sa petet i ava asiste en pe bann endividi ki pe transfer larzan.  Akoz pou le moman zis bann, bann transfer ki pou ganny fer par labank sorti dan en kont pou al dan lo, lo en kont ki pe plizoumwen ganny ankouraze par Central Bank i pe met bann prosedir an plas.

Savedir bann paran i annan pou fer asire ki i pe fer son transfer atraver en bank account.  Mersi.

 

MR SPEAKER

Meri PS.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mwan, mon trakase en kantite avek sa statement ki nou bann etidyan ki’n kalifye, pa pou kapab al fer zot letid pa pou kapab konmans zot letid sa lannen.  Nou ankor dan mwan Mars, e laplipar bann liniversite i annan osi bann fasilite par korespondans.

E nou konnen ki poudir nou osi nou annan UNISEY.  E UNISEY son mazorite son bann courses avek University of London i basically i en course.  Ok i annan bann lecturers en pe isi, me i, i swiv en format par korespondans.

Alor mon, mon pe regarde si vreman Gouvernman in asize avek UNISEY pou regarde ki mannyer UNISEY i kapab i kapab tonm lo en fason pou ki zot kapab pran serten etidyan zot kapab konmans serten courses isi menm, e oubyen fasilit.

Parske zot konman en liniversite zot bezwen annan sa bann korespondans avek plizyer bann liniversite kot nou bann etidyan i ale oubyen bann, bann courses.  Konmsi pou nou kapab pa met retar sa bann zanfan.  Sa bann etidyan vi ki nou ti deza annan sa 33.8milyon  ki ti’n ganny allocated.  E an plis i sa vi ki pou napa, pou napa travel cost ladan, alors  i redwir li.  Me kwa, kwa egzakteman ki zot in fer?  Parske nou pou perdi I mean dan sa lasenn ki nou sipoze annan nou pou annan en break dan sa lasenn.

E fodre pa ki nou annan sa break.  Zis akoz COVID an, an Mars, Avril kan par egzanp bann liniversite Lerop zot, zot se an Septanm, Oktob ki zot konmanse.  E menm bann liniversite an Malezi zot plizoumwen swiv sa, sa schedule Lerop. 

Akoz laplipar sa bann liniversite kot nou bann etidyan i ale zot annan en lyen avek, avek Lerop.  So dir nou egzakteman ki zefor ki Gouvernman in fer?  Oubyen si napa okenn zefor anmezir zot dir be sa lannen pou napa personn ki pou ale.  Mersi bokou Mr Chair.

 

MR SPEAKER

Mersi Onorab.  PS. 

 

PS DAMIEN THESEE

Mersi Mr Chair.  Mon krwar nou tou nou konsernan lo, lo sa sityasyon.  Me selman safety i premye.  Si ou get Langleter par egzanp i pe dir ou i pe war recovery dan 6 mwan so la to 6 mwan deza Septanm nou pa pe war li ase safe pou allow sa bann prose ganny fer.  Malezi osi nou konnen nou annan same issue, nou annan, nou annan staff laba Malezi par egzanp ki pri dan lockdown zot, zot ti konsernen, bann kontak ki nou’n gannyen ek zot nou, nou konn sa sityasyon.

So si sityasyon i amelyore, petet by mid-year nou ava remet sa larzan kot neseser.  Selman nou pa’n tous alokasyon ki ti ganny mete pou UNISEY akoz dan Bidze Training Fund i annan bann overseas studies ladan apre i annan pou UNISEY, nou’n pa’n tous alokasyon UNISEY. 

Dan overseas allocation nou’n redwir sa 33 me selman nou’n kit 15milyon la as en provizyon petet kekfwa i ava annan pei ki i ava kapab ok.  E natirelman prezan UNISEY i bezwen gete ki, ki course ki li i ofer.  Akoz nou konnen bann course ou pa zis ofer li koumsa.

Ou bezwen apros bann liniversite akredite avek li, ganny bann laranzman avek li avan ki zot allow ou pou run zot bann courses.  I annan serten kriter ki bezwen ganny fer.  Me selman mon krwar i, i bann bon pwen ki ou pe met devan asire ki kekfwa nou, nou speed-up en pe sa process ki zot kapab met en pe plis bann progranm online at least bann etidyan pa tro prolonze.  Mon krwar i bann bon pwen ki ou pe met devan.  E nou ava angaze avek Minister Ledikasyon ek UNISEY pou gete ki mannyer nou kapab entansifye sa en pe plis.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chairman.  Mon ankouraze avek sa ki, sa ki Mr Thesee in dir nou PS in dir nou.  Me selman i annan en lot keksoz ki mon krwar napa ase zefor ki’n ganny fer.  Parske annou pran par egzanp annou pran en senp legzanp Sesel.

Letan lekol in fermen, tou bann diferan lekol Minister Ledikasyon in dir be bann etidyan i bezwen kontinyen etidye.  E in annan bann progranm online kot bann etidyan in kontinyen ganny, ganny zot leson.  E menm si i difisil parfwa pou en etidyan letan i kot li i krwar ki i ankor lekol i plito krwar i dan, i dan vakans.

Mon plis ki sir ki bann liniversite kot nou bann etidyan ordinerman nou anvoy zot, zot sa bann liniversite, zot deza pe fer oubyen pe rod bann alternativ.  Akoz sa bann liniversite osi tou, zot bezwen, zot bezwen sustain zot lekor zot.  Zot pa pou le ki, ki zot perdi, zot perdi zot etidyan.  Parske, parske sa i income larzan sa ki pe, ki pe marse.  Touris en lot zafer.  Me selman etidye.  Etidye ozordi kot ou ete, si ou annan internet sa liniversite i vin kot ou.

E mon pe ganny lenpresyon ki poudir petet nou pa pe fer ase zefor.  Parske mon, mon ankor enn fwa mon pou, mon pou repet sa mon plis ki sir ki tou bann liniversite Lerop la ozordi letan nou pe koze, zot pe regarde ki mannyer pou zot kapab transform mazorite zot bann courses online an konsiderasyon.

E Malezi li osi tou i pe al dan sa, dan sa direksyon.  Sid Lafrik pe al dan sa menm direksyon.  Moris osi tou mon plis ki sir zot pe fer, zot pe fer serten sa bann travay.  Alor Mr Chairman mwan, mon krwar ki nou pa kapab, nou pa kapab mank sa, mank sa bato. Mon krwar ki Minister Ledikasyon, ANHRD, Liniversite Sesel petet sa dan li menm li i devret parey ki ozordi nou annan en taskforce ki pe regard lagrikiltir, lot ki pe regard bann diferan sekter.

Mon ti ava, mon ti ava demande ki, ki Minis Finans i met en presyon lo Gouvernman, pou deswit etabli en taskforce kot ledikasyon nou bann etidyan i konsernen pou regarde what is available.  E pou nou enrol zot pou ki letan keksoz i ava eklersi si fodre zot ava zot ava kapab kontiny zot letid overseas lo on campus zot ava fer li.  Me ki, me ki si non zot ava kapab kontinyen parey zot ete pou zot nobou ganny sa bout papye.

E an menm tan osi, mon pe zis demande sa pwen ki mon’n fer resorti bomaten an relasyon avek bann scholarship, si sa taskforce ki mon pe koz lo la, ki i ava focus lo ledikasyon, si i pa ava kapab osi regard, re regard bann courses ki nou bann etidyan pe al fer.

Pou ki sa bann courses i ava focus,  lo bann bezwen ki nou pei i pou, i pou vreman annan dan sa bann, dan sa bann lannen.  E zot ava pe regard sa re lenvansyon ki nou pe, ki nou pe koz lo la.  Parske i annan en kantite size ki i byen ki, en etidyan i ale i ganny en degre ladan ensidswit.

Me selman dan sa moman kot nou ete la, kot nou pe focus, parske bann studies ki Gouvernman i envesti ladan i bezwen focus pou ki nou konnen nou bezwen en dimoun ki spesyalize dan, dan tel field dan lagrikiltir, tel field dan, dan fisheries pou nou kapab diriz sa etidyan.

Pou nou konnen ki poudir la i la bezwen pei pou ganny met ou al fer sa course letan ou retournen ou, ou pozisyon i garanti akoz ou pe zwe en rol.  Alor mon pe, mon pe met sa konman enn sa bann pilye ki nou bezwen dan sa sityasyon kot nou ete konman en taskforce pou fer sa travay akoz si non i tro fasil pou nou zis met sa larzan, e, e la mon ti ava demande ki sa taskforce  e nou konman en Lasanble si nou pe koz koumsa nou pe donn tou lankourazman.

Nou ava kapab Finans ava kapab retourn kot nou, sa ou pa pou al bezwen lamannman, en lamannman, en lot lamannman pou ou appropriation, me en supplementary i ava, i ava sifizan.  Mersi bokou Mr Chairman.

 

MR SPEAKER

Mersi Onorab.  Yes Onorab De Commarmond.

 

HON CHARLES DE COMMARMOND

Mr Chair.  Mwan, mon pa ni krwar bezwen taskforce, sa i telman kler.  ANHRD avek Minister Ledikasyon, zot devret kapab pe pran sa rol, i zot rol sa.  Zot responsabilite, pa bezwen okenn gran lot taskforce ankor pou al depans plis.

Mon, mon krwar zot devret sakouy zot, e organiz zot en pe pli byen e fer sa ki, sa ki pe ganny dir dan Lasanble la.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Si nou’n donn lenpresyon ki nou pa ti pe tro konsernen avek sa sityasyon, mon eskize ki nou’n, nou’n fer li koumsa.  Me i pa, i pa leka ditou.  Parey mon ti dir sa 261 ki’n retournen ki zot in fini fer zot letid, nou annan lalis e parey mon ti dir 2 zour pase sa lalis i annan en travay ki ganny fer kordinasyon avek Minister Lanplwa.

E pou fer sir ki tou graduate letan i vini nou fer sir i antre dan en travay.  Si napa en job i antre lo sa First Job parey nou dir.  Apre en serten letan nou bezwen met li dan en lanplwa sa i en priyorite.  Me la se lenvers se sa bann ki’n fini zot lekol isi, ki pe al letid a liniversite swa lokal, kot nou pa’n, nou pa’n fer okenn sanzman.

Me mon konpran ki fodre nou annan nou en, en clear picture ki mannyer nou pou, nou pou cerne sa sityasyon e kekfwa mannyer nou’n eksplike i pa tro kler.  Me mwan, mon napa problenm avek en taskforce mwan.  Akoz parey nou konnen nou bezwen fer antre Liniversite Sesel osi i en fleuve tre enportan e i ganny son reveni atraver nou menm pou sa.  E mon krwar son bann rezilta  i byen.

E menm Gouvernman nou ti’n pran en desizyon ki lannen prosenn nou pou donn en Grant nou bezwen vin isi avek en approval nou pou donn en Grant R5milyon avek Liniversite Sesel, pou li kontinyen son travay akoz nou santi li osi i bezwen en pe lasistans.

Konmsi nou pa’n park li laba apre nou bliye i egziste.  Se pou kwa nou’n, nou’n le donn sa grant pou fer sir ki i, i delivre son bann courses korekteman.  So Mr Speaker pou konklir mon, mon krwar ki mon kapab pran sa rekomandasyon e fer sir ki nou annan en, en lot Komite ki i ava regard lo welfare nou bann zelev ki’n byen fer e koumsa zot kapab al liniversite dan en fason apropriye.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Chairman.  I enteresan.  Parey mon pe dir sa Lasanble vre i pou, i pou Seselwa.  Mon kapab dir avek Minis ki napa okenn dyalog ki pe arive a ler aktyel, avek Liniversite Sesel, an relasyon avek letid sa ki nou pe koz lo la.  E ki online is the way foward.  Se sa mesaz kler ki mon pe gannyen.  E ofet menm UNISEY pe al plis dan sa direksyon.

Alors mon ti ava plede ki sa sonm ki zot pe koupe pa zis koup li.  Nou napa ant, ant sa ki ti’n aprouve dernyen fwa avek sa ki la mon ti pou sey dir avek zot e of course nou, nou napa drwa propoz pli o.  Me selman la nou, nou dan en sityasyon kot i annan enn ki’n deza aprouve e son rediksyon ki pe ganny mete devan nou.

Alors nou annan, nou annan konman en Lasanble, en serten, en serten pouvwar, pou nou dir be pa desann li net laba anba.  Be tenir li en pe lanmwatye.  Alor mon, mon ti ava dir e mon ti ava met sa devan zot pou regarde dan zot bann kalkil parske la nou pe koz 33.8milyon, ki posibilite pou zot pa koup sa 33.8milyon, ki annan pou fer avek letid pou nou bann zenn ziska ki zot tenir sa dyalog?

E, e Minis ou konnen dan anba Public Finances Act Seksyon, Seksyon 26 (b) ou annan sa posibilite, ou annan sa pouvwar, pou ou si i pa’n ganny si konmsi zot santi pa pe ganny depanse pou ou donn en direktiv ki sa sonm pa ganny depanse.  Alor eski nou pa kapab al dan sa direksyon?  Mon konnen Bidze pou mont en pti git i ava azout sa 33.8milyon.  I ava mont en pti git me – non, non Mr Speaker.

 

MR SPEAKER

I annan Mid-year Review.  Mon krwar sa i konsidere, akoz mon pa krwar nou kapab nou annan pouvwar pou nou ogmant sa Bidze.

 

HON WAVEL RAMKALAWAN

Non, non si Minis i dakor nou ganny drwa.  Me selman la nou ant 2 sanmenm sa ki ankor enn fwa i fer li en pe dan soz e ki Minis ti ava kapab.  Parske la nou dan enn ki nou dan enn ki o, lo ANHRD ki enkli 33.8milyon.  Apre sa li Gouvernman i anvi diminyen sa pou li vin minus 33.8.

E nou konman en Lasanble, nou ti kapab par egzanp rezet en pwen dan en schedule e mentenir what was in the old schedule san ki nou.  Nou, nou pa pe rod ogmante la nou.  Parske i deza annan en Bidze la sa sonm.  Se sa ki mon pe  -. Be selman si Minis i dakor, si Minis i dakor mon krwar ki, ki nou, ki nou devret kapab nou devret kapab fer li.  I depan lo Minis e Minis i anvi reponn Mr Speaker.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Mon krwar sa ki nou pe dir nou, nou annan R15milyon pou nou depanse.  Ou propozisyon konsantre lo online, i en bon propozisyon e mon konnen ki Vice-Chancellor osi resaman in koz lo Liniversite Sesel i le al pro online. 

So li sa i dan son lobzektif e i pe pous sa. So sa de i mars ansanm.  E online mon asire i bokou pli bonmarse ki £25mil pou en etidyan al Langleter.  So sa 15milyon i kapab ariv ase lwen li.  So mon pe propoze kekfwa what we do annou aprouv sa 15milyon nou go online. E parey ou dir mon revin ek en siplemanter, sa voyaz mid-year akoz nou’n ganny en pe letan pou nou regarde mannyer sityasyon i evolye.  Mon krwar sa kekfwa i fason pli, pli senp kekfwa.  E nou pa pe les zot a labandon.  Mersi Mr Chairman.

 

MR SPEAKER

Mersi Minis.  Ok so nou, nou dakor avek propozisyon?  Alor nou ava move forward.  Bon nou ava pran en vot lo Bidze pou ANHRD Agency for National Human Resources Development pou sonm R169,084milyon ki form par sa schedule. 

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  20 Manm in vot an faver.  E personn kont. Mersi.

 

MR SPEAKER

Mersi Madanm Deputy Clerk.  Bidze pou ANHRD in ganny aprouve par Lasanble.

 

LANDSCAPE AND WASTE MANAGEMENT AGENCY

 

 

MR SPEAKER

Bon nou ava pran Bidze pou Land Scape and Waste Management Agency pou en sonm R240,402milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par R1.5milyon.  Ladan nou annan 980mil dan son saler e 538mil dan son ‘’goods and services. ‘’ Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot alor lo Bidze pou Landscape and Waste Management Agency.  Sonm R240,402milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bidze pou Landscape and Waste Management Agency in ganny aprouve par Lasanble.

 

SEYCHELLES NATIONAL YOUTH COUNCIL

 

MR SPEAKER

Nou ava pran Bidze Seychelles National Youths Council.  Pou en sonm R26,939milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par R1.2milyon.  Ladan 96mil dan son ‘’wages’’ e laplipar 1.1 dan son ‘’goods and services’’.  E laplipar i dan son ‘’airfares’’ e ‘’facilities for events.’’  Mersi.

 

MR SPEAKER

Mersi PS.  Okenn Manm ki oule entervenir?  Si non.  Nou ava pran en vot lo Bidze pou SNYC Seychelles National Youth Council.  Pou en sonm R26,939milyon ki form par sa schedule.  Mon ava demann tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Seychelles National Youths Council i ganny aprouve par Lasanble.

 

NATIONAL AIDS COUNCIL

 

 

MR SPEAKER

Nou a pran Bidze National Aids Council.  Pou en sonm R4,065milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par R1.2milyon dan son ‘’goods.’’  E i plizoumwen R1milyon pou sa Colloque ki sipoze ganny fer.  Mersi.

 

MR SPEAKER

Mersi Onorab.  Okenn Manm ki oule entervenir?  Non.  Nou ava pran en vot lo Bidze National Aids Council.  Pou en sonm R4,065milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bidze pou National Aids Council in ganny aprouve par Lasanble Nasyonal.

NATIONAL COUNCIL FOR CHILDREN

 

 

MR SPEAKER

Nou ava pran Bidze pou National Council for Children R13,938milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze by R871mil.  Ladan sa R198mil dan son ‘’wages’’ e R673mil dan son ‘’goods and services. ‘’ Mersi.

 

MR SPEAKER

Mersi PS.  Okenn Manm i oule entervenir?  Non.  Nou ava pran en vot lo Bidze pou NCC – National Council for Children.  Sonm R13,938milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou National Council for Children i ganny aprouve par Lasanble.

 

NATIONAL COUNCIL FOR THE ELDERLY

 

 

MR SPEAKER

Nou ava pran Bidze pou National Council for the Elderly, en sonm R11,310milyon.  PS.

 

PS DAMIEN THESEE

Mersi Mr Chair.  Nou’n redwir son Bidze par R198mil.  E tousala i dan son ‘’goods and services.’’  Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot lo Bidze National Council for the Elderly sonm R11,310milyon ki form par sa schedule.  Tou Manm ki an faver?

Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bidze pou National Council for the Elderly i ganny aprouve par Lasanble.

 

NATIONAL COUNCIL FOR THE DISABLED

 

 

MR SPEAKER

Nou a bouz lo Bidze National Council for the Disabled.  En sonm R3,551milyon.  PS.

 

PS DAMIEN THESEE

Mersi Chair.  Nou pe redwir son Bidze par 604mil.  360 dan son saler e 244 dan son ‘’goods and services.’’  E nou’n osi fer en rediksyon R1.5milyon dan son PSIP an vi ki i annan retar lo son bann Proze Kapital.  Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot lo Bidze National Council for the Disabled.  Sonm R3,551milyon ki form par schedule.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou National Council for the Disable in ganny aprouve par Lasanble.

 

NATIONAL SPORTS COUNCIL

 

 

MR SPEAKER

Nou a pran Bidze pou National Sports Council pou en sonm R60,685milyon.  PS.

 

NATIONAL SPORTS COUNCIL

 

PS DAMIEN THESEE

Mersi Mr Chair.  Nou’n redwir son Bidze R8.1milyon dan son goods and services ek saler.  Ladan 215mil pou, 215mil pou son saler e 7.8 dan son ‘’goods and services. ‘’.The i dan ‘’airfares’’ e osi R7.9milyon, bann lezot aktivite sportif ki sipoze ganny organize sa lannen.  Anba son PSIP osi, nou’n fer en rediksyon.  Son Bidze inisyal ti R10.7milyon, nou’n kit selman zis R1.8milyon.

Nou’n redwir tou sa bann proze renovasyon ki sipoze ganny fer.  Eksepte si nou ava rapel, nou PSIP ki nou ti prezante lannen pase.  Nou’n kit zis pou swimming pool avek Stad Popiler renovasyon.

E larestan zot pa ankor inisye okenn travay lo la.  Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot pou Bidze pou National Sports Council, pou en sonm R60,685milyon ki form par sa schedule.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou National Sports Council i ganny aprouve par Lasanble.

 

SOCIAL WORKERS COUNCIL

 

 

MR SPEAKER

Nou ava pran Bidze pou Social Workers Council pou en sonm R659mil.  PS.

 

 

PS DAMIEN THESEE

Mersi Mr Chair.  Nou pe redwir son Bidze par R352mil.  56mil dan son wages e 295mil dan son ‘’goods and services. ‘’ Mersi.

 

MR SPEAKER

Mersi PS.  Okenn Manm ki oule entervenir?   Nou ava pran en vot lo Bidze Social Workers Council pou en sonm R659mil.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Social Workers Council i ganny aprouve par Lasanble.

NATIONAL ARTS COUNCIL

 

 

MR SPEAKER

Nou ava pran Bidze pou National Arts Council pou en sonm R11,025milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze lo saler, ‘’goods and services’’ par R870mil.  Ladan 44mil dan saler e 826mil dan son ‘’goods and services.’’  Par kont nou’n bezwen cater larzan anba son PSIP pou li konplet renovasyon National Theater Mont Fleuri ki on going e i pa ti fini lannen pase avek son building NAC Anvil pou en sonm R3milyon.  Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot pou Bidze pou National Arts Council pou sonm R11,025milyon ki form par sa schedule.

Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bidze pou National Arts Council i ganny aprouve par Lasanble.

 

NATIONAL BOTANICAL GARDENS FOUNDATION

 

 

MR SPEAKER

Nou ava pran Bidze pou National Botanical Gardens Foundation pou en sonm R13,766milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par R758mil.  Ladan 562mil dan son saler e ladiferans 232mil dan son ‘’goods and services.’’  Thank you.

 

MR SPEAKER

Mersi PS.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon a konmanse zis par dir ki mon vreman apresye ki Bidze National Sports Council in finalman ganny vote.  Akoz PS Palmyre semenn pase in fer en miting tre politik avek bann travayer NSC.

 

MR SPEAKER

Onorab, Onorab nou lo National Botanical Gardens Foundation.

 

HON JEAN-FRANCOIS FERRARI

Non mon pe dir, mon pe dir li la prezan i kapab retournen fer en lot miting prezan.

 

MR SPEAKER

Non, ok.

 

HON JEAN-FRANCOIS FERRARI

Ok.  Lo, lo National Botanical Gardens Foundation, sa i enn bann keksoz ki fer nou lo sa kote latab fyer.  Akoz nou’n sorti bann reveni, sorti R1.2milyon nou’n ariv R5.4milyon apre ki nou’n met en lord dan sa landrwa.

Me selman, mon ti a kontan sizer avek Minis.  E mon krwar i en, i en propozisyon ki aplik pou bokou bann landrwa, bann sit, bann biznes, bann keksoz ki apar tyen a leritaz Sesel.  Ki pandan sa peryod, Zarden Botanik i frenmen.

Mwan, mon zis akote.  Mon war i tris.  Ti annan mouvman, i tris, vreman ou pou war ki napa nanryen.  Be ki nou pe fer pandan sa moman?  Nou pa kapab zis frenm baro.  Minis i annan en msye ki apel Mr Hansen, son madanm mon krwar i Deputy Chair kot STC,  en mon krwar i en Alman sa msye.

In fer propozisyon pou, pou lift up sa zarden – pou fer -. .  E la se le moman pou profite ler i frenmen pou reget li, fer bann labelling pou bann plant, fer bann maps, fer bann sa.

E dan son kalkilasyon ozordi i pe pey $10 pou antre oubyen R100, ler nou pou’n fini fer sa, ler touris pou’n pare, nou pou ganny nou $15 oubyen €15.  La i la, se sa ki mon pe dir ki nou, kot nou pe re envant nou lekor.

E sa msye i anvi travay.  In fer bann rapor.  Selman, ou konnen Zarden Botanik, i parey bann dimoun ki okip li.  Zot in set in their own ways.  Zot pa oule sanze.  Zot pa oule sanze.

Zot, tou keksoz  i dan en sekre.  Minis ed nou.  Relans sa, sa bann zarden, relans sa sit.  Parey relans L’Union Estate la, bann travayer i la zot.  Annou profite pou nou fer keksoz pou nou lev sa bann sit.

Annou met nou pare, ler touris i vini, nou konnen poudir la nou pe al catch up lo nou retar ki nou’n gannyen.  Se sa bann keksoz konmsi ki, ki mwan mon ti a kontan sa spirit ki ou aplik dan tou bann Lazans dan tou bann keksoz, annou fer en keksoz.

Annou pa zis dan sa COVID, letan COVID, nou asize nou pa fer nanryen.  E nou esper botan.  Annou fer keksoz.  E, e mon ti a kontan, plito ki zis, parey serten PS i fer zis politik, la i la sa bann keksoz ki zot devret pe fer.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab mon dakor avek, mon parfetman dakor.  Me mon ti a kontan kekfwa osi azoute, ki National Botanical Gardens Foundation, i napa zis en zarden.

I annan en lot zarden ki apel Barbarons Biodiversity Centre.  La osi fodre nou anmas plis larzan.  Nou’n envestir en pe larzan, i annan en, en zoli trail ki zot in fer.  Zot apel sa the Palm Trail mon krwar.  E fodre nou organize, ki letan touris i retournen, nou fer li antre i pey en larzan.

So wi mon al en pti pe plis sa ki ou’n dir.  Mon krwar fodre nou azout Barbarons Biodiversity Center osi.  Mersi Mr Chairman.

 

MR SPEAKER

Mersi Minis.  Bon nou ava pran en vot lo Bidze National Botanical Gardens Foundation.  Pou en sonm R13,766milyon ki form par sa schedule.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou National Botanical Gardens Foundation in ganny aprouve par Lasanble.

 

CREATIVE INDUSTRY AND NATIONAL EVENTS AGENCY

 

 

MR SPEAKER

Nou ava pran Bidze Creative Industry and National Events Agency CINEA.

Pou en sonm R23,215milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par R9.5milyon.  Ladan 233mil son saler e R9.3milyon dan son ‘’goods and services.’’  E dan bulk i apepre R8.3milyon dan bann diferan aktivite ki sipoze organize sa lannen.

Parey Festival Kreol, Expo e bann lezot aktivite kiltirel.  Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot lo Bidze pou CINEA, sonm R23,215milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bidze pou CINEA, Creative Industry and National Events Agency, in ganny aprouve par Lasanble.

 

CREOLE INSTITUTE OF SEYCHELLES

 

MR SPEAKER

Nou ava pran Bidze Creole Institute of Seychelles, pou en sonm R6,107milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par 560mil.  Ladan 40mil dan son saler e 365mil dan son ‘’goods and services.’’  Mersi.

 

MR SPEAKER

Mersi PS.  Okenn Manm ki oule entervenir?  Yes Onorab Lemiel.

 

HON SYLVANNE LEMIEL

Mersi Mr Chair.  Zis en pti klarifikasyon, en lesplikasyon kot i konsern Creole Institute.  Ti annan R2milyon mon war dan PSIP ti mete,  pou en renovasyon lo sa Creole Institute. 

Aparaman mwan, mon’n war Lenstiti Kreol pe konmans grennen.  In apiye avek bann feray.  Prezan mon ti pe regarde, eski, mon war sa larzan ou a krwar in ganny tire la, R2milyon.

Mon pe mazinen si Minis Finans pou annan okenn lenformasyon petet kwa ki pe arive?  Akoz i paret mwan sa proze ti pe al lo Tender Board.  Me selman mon pa konnen la egzakteman ki pou arive, ler zot in tir sa larzan dan PSIP.  Mersi.

 

MR SPEAKER

Mersi Onorab.  Minister sa mon krwar i en do leritaz ki nou riske perdi.  PS.

 

PS DAMIEN THESEE

Mersi Mr Chair.  Wi i korek, nou’n tir sa bann proze akoz i pa ankor materyalize.  Nou annan lentansyon swiv li dan mid-year li osi.  Pou gete ki mannyer i ale ek son bann prosedir procurement eksetera.

E la nou ava kapab met li.  Ti annan de proze aktyelman, ti annan son Creole Institute, apre i ti annan son admin block.  So dan mid-year nou pou follow li.  Mersi.

 

MR SPEAKER

Mersi PS.  Bon nou ava pran en vot lo Bidze Creole Institute of Seychelles pou en sonm R6,107milyon ki form par sa schedule.  Tou Manm ki an faver?  Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bidze pou Creole Institute of Seychelles in ganny aprouve par Lasanble.

 

SEYCHELLES HERITAGE FOUNDATION

 

 

MR SPEAKER

Nou ava pran Bidze pou Seychelles Heritage Foundation.  En sonm R11,065milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par R497mil.  R100mil dan saler e son diferans R396mil dan son ‘’goods and services. ‘’ Mersi.

 

MR SPEAKER

Mersi PS.  Yes Onorab De Commarmond.

 

HON CHARLES DE COMMARMOND

Mersi Mr Chair.  Mr Chair, la i en lot landrwa ki lye, i annan en lyezon direk avek Lendistri Tourizm.  E mon krwar mon ki Gouvernman i bezwen revwar, enn se sa lalis li menm ki nou annan nou bann sit leritaz.

E 2enm fason, son revalorizasyon, ki mannyer nou donn li valer.  E fer aport serten benefis a Gouvernman.  Akoz zis nou pe depanse.  Me osi nou war poudir sa fason ki nou pe depanse i pa pe, still sa bann sit i deteryore.

Ou pou al la, ou kapab sit plizyer legzanp,  ou al Bel Air la, konmsi ki ou war?  Oli, valer?  Konmsi pou mon, mon war poudir i annan en mankman la.  Nou bezwen re dinamiz sa bann keksoz.

Revaloriz li pou nou kapab anmenn en pli bon benefis pou pei.  Mersi.

 

MR SPEAKER

Mersi Onorab.  Minis oule fer komanter?  Minister.

 

MINISTER MAURICE LOUSTAU-LALANNE

Mon partaz toutafe sa pwennvi.  Mon krwar ki i annan lezot landrwa.  Me parkont mon konnen osi ki zot fer, zot in fer bokou zefor.  Mission Lodge par egzanp, i en landrwa kot, nou ti dir osi nou pou sarz touris en fee pou vizite.

E sa osi, a ler ozordi nou pa pe fer sa.  E sa ti dan nou Bidze o paravan osiSo i annan, i annan en pe ki mannyer? En pe mankman ki nou bezwen regard serye ladan.  Mersi Mr Chairman.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Chairman.  Mon partaz en pe pwennvi ki Onorab De Commarmond in eksprimen.  E espesyalman la letan i pe koz lo simityer Bel Air.  I pa akseptab ki en pye dibwa i tonbe e ki ziska ozordi i tonm, i en pye albizya sepa ki li.

I tonm dan sa simityer.  E ziska ozordi sa, sa pye dibwa i ankor dan sa simityer.  En moniman istorik, ou ti ava mazinen ki poudir i annan en sense of urgency dan serten keksoz.

E mon ti a menm dir ek Minis, tanto pas par Bel Air, ou ava war ki poudir i ankor la.  Zot pe pran en kantite letan.  E dimoun in fini ganny kontra.  Parske zot in konmans koupe sa pye dibwa.  Me selman, en keksoz koumsa letan i arive, mon plis ki sir ki nou tou si en pye dibwa i tonbe dan nou lakour, be nou taye.  Nou dir be tire, degaze, nou fini, nou lakour i retourn normal.  Be mwan, mon krwar i bezwen, e nou pe dir sa avek sa bann dimoun la, direkteman.  Parske sa menm sityasyon i ti arive Laplenn.  Kot ti annan dezord koumsanmenm.

E, e la silvouple, netway sa landrwa.  La, la si ou, sa ki nou pe dir la, ou konnen ki pou al dir, be pa ou menm ou ki ti demann lockdown?  Alor sa nou pa kapab fer.  Be sa zafer depi lontan avan, mon pa konnen ki mannyer i apele, sa zafer la ki nou ladan.  Be, be pa dir, mon pa a dir.  Be nou bezwen bouze.  Mersi.

 

MR SPEAKER

Mersi Onorab.  Mon krwar se sityasyon i apepre plis ki 1 mwan.  Plis ki 1 mwan.  Me mon pa tro krwar Minis pou kapab war tanto, by the time nou fini avek li isi.

I pou’n fini fernwanr.  Me anfen, Minister laparol i pou ou.

 

MINISTER MAURICE LOUSTAU-LALANNE

Mon note, avek bokou serye Mr Chairman.

 

MR SPEAKER

Mersi Minis.  Bon nou ava pran en vot pou Bidze Seychelles Heritage Foundation, pou en sonm R11,065milyon ki form par sa schedule.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  13 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bidze pou Seychelles Heritage Foundation i ganny aprouve par Lasanble.

 

SEYCHELLES BROADCASTING CORPORATION

 

 

MR SPEAKER

Nou a pran Bidze Seychelles Broadcasting Corporation.

Pou en sonm R267,569milyon.  PS.

 

 

PS DAMIEN THESEE

Mersi Mr Chair.  Nou’n fer en rediksyon 4milyon dan Bidze SBC.  Ladan 2.1milyon dan son saler anvi Revised MBE.  E goods and services nou’n retir 1.8milyon.  Dan bulk i 1.4, dan ‘’overseas airfares ek allowances.’’  E li i en landrwa ki nou pa’n tous son minor capital Budget.  Mersi.

 

MR SPEAKER

Mersi.

 

PS DAMIEN THESEE

Eskize, nou annan osi en increase dan son Capital Budget anvi konstriksyon son SBC House.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chairman.  Mon ti ava kontan ganny li kler.  Vi ki SBC pe zwe rol enportan dan sa moman COVID.  Kot nou pe war i pe transmet bann.  Parske la konmela i, nou’n tann zis, nou tann zis Press Conference konmela.

In fact la letan nou pe koze mon krwar i annan enn ki pe, ki pe go on.  Bann live Press Conference.  Tousala i fer ki zot depans  i monte.  Mon en pe konsernen letan mon tande ki poudir dan zot ‘’goods and services’’, mon pa konnen ki bout la  ki koupe.

Eski i pa pou annan en, eski i pa pou annan en problenm.  Konmsi garanti ki poudir pou napa okenn problenm avek tou sa bann depans ki zot pe fer?  E, e sa konmsi i ava, i ava fer nou tou anpe.  Mersi bokou.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Nou parey mon’n dir, nou’n koup R1.4milyon dan son ‘’overseas airfares.’’  Nou’n tir R300mil participation fees, savedir bann travels ki ti pou fer.

E zis R100mil lo son bann lezot recurrent cost, ospitalite e printing.  E li i en antite ki gard tou son reveni.  Nou pa, nou pa vin dan Consolidated Fund.  Bann lannen avan i ti pe fer li R8 a R10milyon in terms of revenue.  Nou pa konn sa lannen ki mannyer i pou ete ek sityasyon.

Me selman nou donn nou komitman parey tou bann lezot antite.  Nou pou swiv li dan mid-year parey ou’n dir.  Akoz i pe angaze bokou lo teren.  An portan ankor ki nou dan en kriz.  Mersi.

 

MR SPEAKER

Mersi PS.  Onorab Henrie.

 

HON GERVAIS HENRIE

Mersi Mr Chair.  Vitman.  Mon pa’n tann PS koz lo laplipar bann headings ki ou’n donn nou,  ou’n dir poudir Board fees i koupe.  Ti deza annan en kontansyon lo kestyon Board fees SBC.  La avek sa revizyon Bidze ki mannyer sa sityasyon i ete?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi.  SBC pa pe peye son Board fees dan son Recurrent Budget.  I fer li an deor Bidze atraver son reveni ki i kolekte.  Mersi.

 

MR SPEAKER

Mersi PS.  Bon nou ava pran en vot lo Bidze pou SBC, Seychelles Broadcasting Corporation.  Pou en sonm R267,569milyon ki form par sa schedule.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  18 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Seychelles Broadcasting Corporation, SBC i ganny aprouve par Lasanble.

 

 

 

 

 

NATIONAL BIOSECURITY AGENCY

 

MR SPEAKER

Nou a pran Bidze National Biosecurity Agency, pou en sonm R28,089milyon.  PS.

 

PS DAMIEN THESEE

Mersi Mr Chair.  Nou’n redwir son Bidze by R2.6milyon.  Ladan 974mil ler nou’n fer son Revised MBE.  E 1.7milyon dan son ‘’goods and services’.  Bulk i dan son ‘’overseas airfares’’ – 200mil.  Board Members 308mil.

‘’Facilities for events’’ 256mil, ‘’minor capitals’’ 148mil e larestan apepre 128mil dan son bann recurrent cost.  Mersi.

 

MR SPEAKER

Mersi PS.  Okenn Manm ki oule entervenir?  Onorab Henrie.

 

HON GERVAIS HENRIE

Mersi Mr Chair.  En kestyon ase vitman.  National Biosecurity Agency, son bann travayer i bann dimoun ki bann front liners dan sa sityasyon ki nou ladan la.  Zot al, zot al ouver bann kargo, bann keksoz koumsa.

E dan Contingency mon pa’n war zot okenn par.  Mon anvi konnen si i annan en risk allowance of some sort ki pe ganny konsidere pou sa bann dimoun?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi.  Anba Contingency ti annan en laliny ki nou ti’n kit en provizyon apepre R1milyon pou bann lezot ki nou pa konnen ki pou come forward.  Savedir nou ava cater li anba la si  i aktyelman frontline.  Mersi.

 

MR SPEAKER

Mersi PS.  Bon nou ava pran en vot lo Bidze National Biosecurity Agency.  Pou en sonm R28,089milyon ki form par sa schedule.  Tou Manm ki an faver?

Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Bidze pou National Biosecurity Agency in ganny aprouve par Lasanble.

 

AGENCY FOR PREVENTION OF DRUG ABUSE AND REHABILITATION

 

 

 

MR SPEAKER

Nou ava pran Bidze Agency for Prevention of Drug Abuse and Rehabilitation, APDAR.

Pou en sonm R68,492milyon.  PS.

 

 

PS DAMIEN THESEE

Mersi Mr Chair.  Nou’n redwir son Bidze par R2.5milyon.  1.5 dan saler e 922mil dan son ‘’goods and services’’.  E dan son capital project nou’n tir sa local component pou en sonm R3milyon an vi ki proze pa ankor konmanse.  E nou’n osi aziste son foreign exchange component ladan.  Mersi.

 

MR SPEAKER

Mersi PS.  Okenn Manm ki oule entervenir?  Yes Onorab Henrie.

 

HON GERVAIS HENRIE

Mersi Mr Chair.  Mon kestyon i baze lo en komanter ki mon ti tann Dr Herminie fer.  Kot sa group dimoun ki APDAR i deal avek zot en group a risk ki kapab propaz sa maladi zot.

So mon war poudir APDAR pe ganny konsidere konman enn ban servis esansyel, ki pe reste travay avek zot.  Akoz methadone i ankor pe donnen.  Prezan avek sa bann koupir, mon pe mazinen whether zot, si zot pa pou ganny afekte dan okenn fason.

Enn, par egzanp zot fuel zot pe, zot pe bezwen al dan bann distrik pou fer sa bann zafer methadone.  Zot pou bezwen probableman extra medical supplies.  E osi zot dimoun, pe deal avek sa bann dimoun, bann risk allowance. 

So sa bann keksoz koumsa, eski in ganny souleve avek Minister Finans dan bann diskisyon, avan ki Bidze ti koupe?  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Diskisyon pou APDAR i pou parey tou lezot Minister.  Nou pa pou touse son, son fuel.  Savedir son loperasyon i kontinyen as usual. 

Nou’n retir par egzanp dan sa 922mil dan son ‘’goods’’, nou’n retir 257mil dan son ‘’travel, overseas airfares.’’  Nou ti annan ospitalite 136mil.  ‘’Facilities for event’’s 62mil.  E larestan, ti dan son ‘’minor capital’’ avek son ‘’printing ek stationery.’’

Savedir son loperasyon i is as usual pou nou, nou pa’n war li i pou ganny afekte.  Mersi.

 

MR SPEAKER

Mersi PS.  Bon nou ava pran en vot lo Bidze pou Agency for Prevention of Drug Abuse and Rehabilitation, APDAR.  Pou en sonm R68,492milyon ki form par sa schedule.  Tou Manm ki an faver?  Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze pou Agency for Prevention of Drug Abuse and Rehabilitation in ganny aprouve par Lasanble.

 

 

OTHER WAGES AND SALARIES

 

 

MR SPEAKER

Bon, nou ava al, PS nou pou al lo ‘’other wages.’’ 

Ok, zis gid nou lo paz dan Budget Book.

 

PS DAMIEN THESEE

Mersi Mr Chair.  Si nou al lo sa ki nou apel pti 26.  Nou pou war li lo pti 26.

 

MR SPEAKER

Pti 26.  Ok, dakor mon’n ganny li.  Bon ‘’other wages and salaries,’’ i en sonm R233,680milyon.  PS.

 

PS DAMIEN THESEE

Mersi Mr Chair.  Diferans ki nou pou war la dan ‘’other wages.’’  Nou pou annan en rediksyon R10.2milyon anba Pension Schemes Contribution.  Sa i sa 3poursan ki anplwayer i peye, anvi ki nou nou’n tir apepre 50milyon terms of recruitment. 

Savedir i redwir sa kontribisyon.  Apre nou annan R4.2milyon anba Constitutional Appointments.  Sa i anvi sa 3 mwan saler ki Prezidan in anonse i pa pou pran.  E nou osi nou’n fer lazistaz ler ti donn 5poursan.  An vi ki sa 5poursan pa ti apply lo bann Constitutional Appointees ki nou, nou ti’n cater ler nou ti vin dan Bidze.  So nou’n retir sa sonm ladan.  Mersi.

 

MR SPEAKER

Mersi PS.  Okenn Manm ki oule entervenir?  Non.  Nou ava pran en vot alor lo Bidze ki tonm anba ‘’Other Wages and Salaries’’ pou en sonm R233,680milyon.  Ki form par sa schedule.  Mon a demann tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  12 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir Bidze ki tonm anba Other Wages and Salaries in ganny aprouve par Lasanble.

 

OTHER GOODS AND SERVICES

 

 

MR SPEAKER

Nou a pran Other Goods and Services pou en sonm R123,042milyon.  PS.

 

 

PS DAMIEN THESEE

Mersi Mr Speaker.  I pou trouve lo paz 30, ki nou apel pti 30.  E sel diferans se ki nou’n azout sa 5milyon pou ‘’overseas travel’’ ki pou kontrol tou bann travel bann zofisye Gouvernman si i annan nesesite.  Apre nou’n retir National Distributions, nou’n retir 11milyon.  E osi nou’n retir Home Care Secretariat, nou’n tir 1.5milyon dan sa 3milyon.  An vi sa i sipoze bann reform dan Ladministrasyon Home Care ki zot pe fer.

Ki i, i pa pe materyalize la anvi ki zot angaze avek lezot priyorite.  Mersi.

 

MR SPEAKER

Mersi PS.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon enpe, pa tro sezi la.  Taler nou pe al pas lo vot bann Allowances.  E pou annan en vot pou Carers.  Be mon ti a kontan Minis oubyen PS i eksplik nou enn bann, enn bann rekomandasyon Lasanble Nasyonal.

Sete pou nou rod tou fason posib pou nou ed sa group, sa group dimoun perform en pe pli byen.  E, e sey rode ki mannyer nou kapab met an plas bann mezir, en pe kontrol, pou fer sir ki ou, sa servis i delivre en pe byen.  E se sa ki nou ti’n tonm dakor lo la.

Me la prezan, mon war poudir zot pe tir sa layer kontrolSo mon pa, mon pa war sa de keksoz i mars ansanm.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Sa provizyon ki nou ti’n fer R3milyon sipoze komanse Zanvye.  So ki ASP in dir nou, i pou initiate sa an Zilyet, so i pe ganny retar.  So nou’n zis redwir son Bidze in half. 

So i reste li R1.5milyon, 1 pwen.  So selman la i anvizaze komans li an Zilyet.  Mersi.

 

MR SPEAKER

Bon nou ava pran en vot lo Bidze anba Other Goods and Services, pou sonm R123,042milyon ki form par sa schedule.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  10 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze ki tonm anba Other Goods and Services in ganny aprouve par Lasanble.  Bon nou pou al lo, nou’n fini fer Social Programs, nou’n fini fer Subvention Benefits. 

 

OTHERS

 

MR SPEAKER

Nou pou al lo Others, ok.  Others i en total amount of R34,936milyon.  PS.

 

OTHERS

 

PS DAMIEN THESEE

Mersi Mr Chair.  Sa i trouve lo pti paz 37.  E napa sanzman dan son alokasyon, i reste parey.  I plizoumwen pou bann subscriptions.  Mersi.

 

MR SPEAKER

Mersi PS.  Okenn Manm i oule entervenir?  Non.  Nou ava pran en vot alor pou Bidze ki tonm anba Others pou en sonm R34,936milyon.  Tou Manm ki an faver?  Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair.  10 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze ki tonm anba Others in ganny aprouve par Lasanble Nasyonal.

 

NET LENDING

 

 

MR SPEAKER

Bon nou ava, nou ava pran Net Lending.  PS.  Net Lending i annan en sonm R171,978milyon.  PS.

 

 

PS DAMIEN THESEE

Mersi Mr Chair.  I osi i trouve lo paz 37.  Sel diferans i pou anba STC.  Ki parey in anonse dan ladres Bidze, nou’n fer en provizyon 20milyon, an ka i bezwen likidite oubyen lasistans pou asire ki i annan ase komodite.  E apre nou’n tir 5.1milyon ki sipoze antre from Marine Parks.

Nou ti donn li en davans ler i ti al otononm.  Me laba ek sityasyon nou pa pe ekspekte li kapab repey nou sa lannen.  So nou’n retir sa provizyon ladan.  Mersi.

 

MR SPEAKER

Mersi PS.  Okenn Manm ki oule entervenir lo Net Lending?  Non.  Nou ava pran en vot alor lo Bidze anba Net Lending pou en sonm R171,978milyon.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  10 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bidze anba Net Lending in ganny aprouve par Lasanble.

 

CONTINGENCY

 

MR SPEAKER

Nou ava pran prezan Bidze Contingency, pou en sonm R105milyon.  PS.

 

 

PS DAMIEN THESEE

Mersi Mr Chair.  Contingency in ogmante par 60milyon.  Nou’n distribye bomaten oubyen apre midi sa lalis.  Kot nou war premye i annan sa 30milyon ki nou’n mete pou Health Care Agency.

Son bann kou towards son, ki apel National Response Plan.  Dezyenmman nou’n met en provizyon R1milyon pou DRDM.  Nou pou war osi en provizyon R2milyon pou Departman Lapolis.  Pou SPDF, nou’n met R1.2milyon pou 17 rezerv e en lot sonm 900mil pou en lot 13 rezerv.

I annan en sonm R6.3milyon ki nou’n met la konman en provizyon, pou bann SOEs ki petet i pou dan difikilte.  Nou ekspekte petet Marine ParksL’Union Estate in deza soumet, fer en soumisyon ki PEMC pe anvoy kot nou.

Nou pe ekspekte petet IDC avek son bann loperasyon lo zil i kapab vini.  Selman zot pa ankor apros nou pou le moman.  E nou’n ganny diskisyon petet avek Nasyon.  E Lapos osi in soumet en Revised Budget ek kot nou kot in revwar son bann aktivite.

E tousala pe ganny evalye par PEMC avan ki zot refer ek nou, pou gete si sa bann, i annan merit pou asiste zot.  La diferans R10.5milyon, sa mon’n mete pou lasistans frontline workers.  Parey Minis in eksplike taler, nou annan pou Lasante ki’n cater pou 6 mwan ki ariv apepre R6.6milyon.  Nou’n fer provizyon R1.3milyon pou bann Departman parey Imigrasyon, Customs, DRDM e petet Lapolis ki pou involve ler, ler ti, ti annan sa sityasyon ki ti konmanse e si zot on duty.

Nou’n fer provizyon R9milyon anba pou bann homecarers ki bezwen ganny asiste.  E nou’n kit en provizyon R1.6milyon pou bann lezot antite oubyen si nou short sa larzan.  E parey nou’n war, diskisyon se ki nou bezwen met par egzanp, Biosecurity Agency anba la, so i ava kouver.  Mersi.

 

MR SPEAKER

Mersi PS.  Okenn Manm ki oule entervenir.  Onorab Francois Adelaide.

 

HON FRANCOIS ADELAIDE

Mersi Mr Chair.  Minis mon krwar petet ou kapab ed mon lo, lo sa kote.  Parey zot in dir, bann biznes pou difisil pou zot petet donn bann distrik zot bann CSR ouswa petet bann kontribisyon pou nou kapab kontinyen improve nou distrik.

Me tou dernyerman mon’n aprann, e mon’n al gete, ki in ariv en pe sabotaz dan mon distrik.  Kot Lapolis li menm zot in vini, ti annan Lalwa pou zot fer larestasyon, me zot plito fer en pe sabotaz.  Zot in detri en pe nou bann landrwa kot nou fer bann zafer lwazir.  Eski anba sa Contingency Fund nou pou kapab reclaim nou bann keksoz ki nou’n perdi pou nou remet nou distrik annord?  Mersi.

 

MR SPEAKER

Mersi Onorab.  PS oubyen Minis.

 

MINISTER MAURICE LOUSTAU-LALANNE

Mersi Mr Chairman.  Si mon’n konpran ou byen, ou dir mon Lapolis in fer sabotaz?  Ou war, Contingency, letan nou, nou pey anba Contingency, fodre efektivman ki i annan en, en kad legal pou nou pey sa sonm.  Ou konpran?

Mon gete par egzanp ou annan een lanmor lopital, en Dokter i responsab or whatever it is, ou konpran.  I, i pas atraver tout en prosesis avan ki nou pey sa.  So si i an deor sa kad, Contingency pa pou kapab peye.  Mersi Mr Chairman.

 

MR SPEAKER

Mersi Minis.  Onorab Adelaide.

 

HON FRANCOIS ADELAIDE

Minis wi mon konpran parfetman bann prosedir.  Me mon konman MNA Baie Lazare mon pe pran sa lo lapar mon bann zabitan.  E menm si fodre anmenn Ankour nou pou anmennen.  So pou nou kapab ganny en, en keksoz e pou nou vin kot Contingency.  E si nou fer sa, eski nou pou ganny kouver anba Contingency?

Eski i annan en larzan pou kapab ed nou avek sa?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi.  Si ou pas sa letap legal e i annan en ruling Lakour, definitivman ou kapab vin anba sa Contingency e nou a take care.

 

MR SPEAKER

Mersi Minis.  Onorab Jany De Letourdie.

 

HON JANY DE LETOURDIE

Mersi Mr Chair.  Bonswar tou dimoun.  Mr Speaker mersi pou donn mwan Mr Chair sa loportinite.  Akoz konman Onorab Adelaide in nonm Lapolis mon, mon byen kontan ki tou bann dimoun ki lo forefront, alors si zot pe travay serye, zot osi zot pe donn en gran koudmen.

Me selman annan ler i annan keksoz ki zot fer ki mon krwar zot pa mazinen.  I byen ki zot pe ganny sa larzan, i byen ki nou pe donn zot tou zot sipor, tou nou sipor.  Me get sa, mon pou lir en keksoz la.  ‘Mon travay kot Ice Plant Providence.  Konman mon fini travay mon’n esper laboutik ouver pou ganny en limonnad akoz mon reste Cascade.

Apre pou mon pran mon bis Highway pou mon al dan lakour.  I vin en jeep avek bann gard dan bann lenz gri, zot pran mon zot bez mwan dan minot, sorry, koumsa in mete.  In bez mwan dan minot, i anmenn mon Anse Aux Pins.

Ler i fini met mon Anse Aux Pins, in bez mon dan kaso Anse Aux Pins, apre en pe letan mon sorti, mon pran en bis Highway mon debark half way apre mon marse ziske Cascade pou mon al kot mwan’.  Me annou ziz sa latitid la.

Olye pran li anmenn li Anse Aux Pins Mr Chair, ou ti kapab met li Cascade.  Akoz ou’n fini konnen ki i pe fer.  Nou pe abriti dimoun, me selman an menm tan mon krwar Lapolis i annan en sans pou li fer en pe ledikasyon avek dimoun osi.

Sa mon ti a kontan partaze.  Akoz letan nou pou sorti la tanto, nou osi nou pa konnen ki mannyer nou pou pase.  Akoz mon pa konnen bann dimoun, personn, nou napa ni en pass, nou napa ni nanryen.

Nou pa konnen ki mannyer nou pou pase.  So mon pe met sa devan ou Mr Chair.  Mon krwar pou nou adres sa.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi.  Mersi Onorab.  Wi mon krwar ki konportman ek profesyalizm i zwe en gran rol dan keksoz.  Ou konpran?  Apre tou nou pe deal avek en imen parey nou menm.  So nou bezwen fer sir ki nou swiv son prosedir, limero 1, limero 2, limero 3.  E nou pa abiz dimoun dan sa fason.  Mersi Mr Chairman.

 

MR SPEAKER

Mersi Minis.  Onorab Letourdie.

 

HON JANY DE LETOURDIE

I pa zis sa, me ou’n met sa dimoun dan kaso, sa kaso i telman sal.  Prezan ou’n met li dan semen, personn pa vin demann li prezan, akoz ou la dan semen?  Ou konpran mwan?  I pa fer okenn sans.  Zot pe kontrandi zot lekor.

 

MR SPEAKER

Mersi Onorab.  Onorab Gervais Henrie.

 

HON GERVAIS HENRIE

Mersi Mr Chair.  Mon premye kestyon, mon anvi konnen sa bann provizyon pou pey bann dimoun anba Contingency i ki peryod letan, 3 mwan ouswa 6 mwan?  Mon premye kestyon, mon pe dir sa akoz ler mon pe get bann Carer la li i met 3 mwan.

Me selman Health Workers anler i 6 mwan.  So mon anvi konn sa.  Dezyenmman, either Minis ouswa PS Thesee pli boner in dir ki bann, i annan provizyon pou bann Kenyan letan zot vini la pou zot lozman osi pou pey anba la, housing kot zot pou reste sa bann Kenyan.

Be nou’n aprann poudir laba Avani, pe fer provizyon pou bann travayer Lasante al reste AvaniSo eski nou pou, napa posibilite zot al reste laba.  Si i pou nanryen, nou a fer en saving.

Ouswa eski nou pe pey Avani pou zot reste?  Sa i 2enm kestyon.  E mon lot kestyon lo Contingency.  I annan serten dimoun pe argimante la e zot ava diriz mon.

Ki i bezwen egziste anba en, en kad legal kot i annan en reporting system lo kantite larzan ki in antre, konbyen ti sorti?  En pe parey toultan nou’n argimant lo Children’s Fund.  So mon anvi konn pozisyon sa Fund ozordi apart sa sonm ki nou met ladan.  Kote mon demen si mon anvi konnen tou bann detay ki’n depanse, kote mon ale?  Kote ki available?  Sa 3 size ki mon’n leve.  Mersi.

 

MR SPEAKER

Mersi Onorab Henrie.  PS.

 

PS DAMIEN THESEE

Mersi Mr Chair.  Pou sa bann allowance nou’n met la mazorite 6 mwan, ekspekte ASP ki nou’n met li 3 mwan.  Nou ekspekte kekfwa sityasyon i amelyore.

Parey nou’n dir, i bann provizyon ki nou’n, ki nou’n fer.  Dezyenmman lo Children’s Fund i fer son kont tou le lannen li.  I sipoze ganny odite.  Savedir tou le lannen i bezwen annan en audited accounts lo son kont.

Nou kapab rod copy pou ou si ou, si ou i neseser e soumet.  Mersi.

 

MR SPEAKER

Mersi PS.  Onorab Henrie.

 

HON GERVAIS HENRIE

Wi.  Non, Children’s Fund mon ti pe donn konman en legzanp.  Mon ti pe dir parey li, so Contingency.  So spesifikman li son larzan ki’n antre, lekel depans ki’n ganny fer?  Sa i ava retourn lo la.

Apre kestyon sa bann Kenyans ki pou vini, kot zot pou reste?  Akoz nou pa kapab met zot Avani ki nou pa a peye?  Mersi.

 

PS DAMIEN THESEE

Mersi Mr Chair.

 

MR SPEAKER

Mersi Onorab.  Go ahead PS.

 

PS DAMIEN THESEE

Mersi, mersi Mr Chair.  Contingency li i pou ganny odite ler nou fer nou AFS, nou Annual Financial Statement, i pou ganny enkli ladan.  Savedir Oditer pou pas ladan parey tou nou bann lezot vot.

E si i annan okenn issue i pou monte dan bann audit queries  ki i raise, ou pou war li ladan.  An sa ki konsern Avani, nou osi nou’n lir konmkwa ki Avani in fer son lotel available pou sa sant izolasyon.

E se Lofis Attorney General ki pe lead bann negosyasyon plizoumwen avek sa bann lotel, pou war ki zot bann kondisyon.  E zot lyez ek nou apre poudir nou ki bann term.

Parey zot pe fer la avek pou Beau Vallon BaySo nou ava atann pou Avani.  E natirelman si i, i pou nanryen, then nou pou napa any cost pou nou peye.  Petet zis nou a bezwen pey nou operation cost.

Akoz zot pou bezwen servi utilities, son delo.  Ou ava annan bann cost koumsa ki pou peye minor.  Nou pa bezwen lwe li as such.  So nou ava atann sa avek Lofis Attorney General.  Mersi.

 

MR SPEAKER

Mersi PS.  Minis.

 

MINISTER MAURICE LOUSTAU-LALANNE

Mersi Mr Chairman.  Wi, zis pou azoute ki Minister Lasante li, i osi enterese fortman avek Lotel Coral Strand.  Senpleman akoz sa lotel i pa lwen avek Beau Vallon BaySo i pli fasil pou li pran serten lasanm dan Coral Strand pou met travayer Lasante ladan pou siport loperasyon karantenn dan Beau Vallon Bay.

So zot preferans ozordi, se Coral Strand, plito ki en lotel ki en pe pli lwen.  Be nou bezwen kontinyen lyez avek zot, pou war egzakteman ki zot swa.  Coral Strand nou’n fini antann diskisyon avek propriyeter.  Zot napa obzeksyon.

E nou pe konmans, parey PS in dir, nou pe negosye ankor ek Beau Vallon Bay.  Akoz Beau Vallon Bay tou le fason ti napa reveni, ti napa touris, i ti vid.  So i pa pou kapab in sarz nou en pri touris pou bann dimoun ki nou’n met an karantenn ladan.  So sa i en negosyasyon ki nou pe fer.  E menm zafer avek Coral Strand, i osi i vid menm.  Me Avani parey PS in konfirmen, sa lotel in ganny mete a nou dispozisyon ozordi a de kondisyon ki plizoumwen free of charge.

Me sa osi nou bezwen koz ek management pou regarde kwa ki finalman Minister Lasante pou bezwen ladan, apre nou a konnen konbyen.  Me ou annan rezon si nou kapab met sa lekip Kenyan dan Coral Strand pou siport Beau Vallon Bay, sa i en opsyon, i a kout nou en pe larzan.

Be pa pou kout nou parey si nou ti pou met li dan en landrwa kot plizyer lakaz, parey nou, nou fer.  So nou pou rod the best solution dan en fason.  Mersi.

 

MR SPEAKER

Mersi Minis.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair mon kestyon, premye kestyon i an referans avek sa R30milyon ki pou sa Health Care Agency National Response Plan ki nou’n ganny kopi.

Ladan dan 2enm paz, Dr Gedeon in dir, ‘the successful implementation of this plan will depend upon collaborative effort of multiple stakeholders’.  So sa bann stakeholders mon prezimen zot vin avek zot resours ek zot finans ki pou permet zot partisipasyon ladan.

E dan Bidze la nou’n donn DRDM larzan ensidswit.  So mon pe demande  ki kontribisyon zot fer dan sa estimated $1.977milyon?  Ki kantite kontribisyon sak sa bann stakeholders i fer dan sa, dan sa kontribisyon, if at all?  Oubyen zis Health Care Agency ki pou fer.

Mon lot kestyon se, letan mon sey kalkil dapre rate of exchange, R17 i tonm R33.6milyon, pa 30milyon.  So ki mannyer nou, nou pe aziste sa?  Sa i premye, I mean premye ek 2enm kestyon.

Mon lot kestyon Minis, bomaten letan ou’n reponn serten mon bann kestyon, ou’n dir ek mon Imigrasyon nepli egziste, vi ki nou napa vol pe antre e pe sorti.  So i egziste Imigrasyon, selman zot pa pe travay lo Erport, lo frontline.

Me selman still mon pe get dan sa, dan sa dokiman ki ou’n donn nou.  I annan Immigration Officers e Customs Officers.  Eski Customs Offices kot Cargo?  Akoz nou prezimen Customs Officers osi i kot arrival ek departure.

Zot, zot pa la.  So ki kantite zot dan sa 150 ki la, ki sa allowance pou aplike pou zot?  Mon 3enm kestyon i en pti pe dan sa laliny ki Onorab Henrie in demande.  I met pou Carer 3 mwan.  Bomaten mon’n ganny en konsern.

I annan bann travayer IOT ki zot pe al travay zot.  E bato i vini, lo bato i annan Peser sorti dan diferan pei.  E zot pa konnen ki sityasyon in annan.  Me selman zot sa bann travayer IOT, zot pa pe gannyen en risk allowance.

Pourtan zot dan bis, zot desann dan bis, zot al travay.  Ler zot fini, zot remont dan bis ankor, zot al kot zot.  Sa bann Seselwa, mon pe koze en.  Akoz zot dir mon ki poudir bann etranze li i kapab ganny anmennen.

Transpor i pran li kot son rezidans la.  I kapab anmenn zot kot travay e retourn ek zot.  So risk sa kontaminasyon i mwens letan ou get li koumsa.  So mon pe sey konpran.

Mon ti a kontan demann Minis, si i kapab donn nou rasyonal, akoz sa group travayer ki’n ganny swazir konman bann frontliners oubyen bann ki ganny sa risk allowance.

Konpare ek lezot, menm Seselwa ki pe travay osi.  Ki zot, zot pa dan sa kad.  E akoz sa sif 3 mwan?  Tandis ki lezot i pou annan en 6 months letan ki zot pe ganny sa allowance?  Pou le moman mon krwar sa i ava, apre wi.  Apre lot, apre lot letan nou pe get bann rezerv Militer, 17 rezerv Militer pou konbyen letan nou’n met sa, eski pou sa 3 mwan, oubyen nou’n met sa pou en peryod pli long?

Akoz zot pou a pe ganny en, en serten sonm, zot saler ki zot ti pe gannyen, ki zot ran ki zot ti kit ladan, letan zot pe retournen pou provide zot servis.  Eski sa 17 reserves, si Minis i kapab donn nou zot pozisyon ki zot ete.

Akoz, nou ava osi kapab fer sa kalkilasyon pou kapab war si i annord.  E sa additional reserves, i dan ki pos?  Eski i Lapolis?  I bann, mon mazinen la osi Ners osi ki ti a kontan ede, kekfwa zot pa ankor ganny demande.

So  ki kad zot in fer sa bann alokasyon pou kapab ariv lo sa sif?  Mersi.

 

MR SPEAKER

Mersi Onorab Andre.  PS.

 

PS DAMIEN THESEE

Mersi Mr Chair.  Sa R30milyon nou’n fer li, parey mon’n dir, lo exchange rates ki nou nou’n kalkil Bidze.  Average pou lannen 15.2 pou $1.  So sa i average pou en lannen.

I pa fasil pou nou vreman konnen ki pozisyon forex i pou ale.  Me nou bezwen come up avek en figure dapre nou estimasyon ek assessment ki nou’n fer.  Sa National Response Plan osi in ganny prepare par Departman Lasante, in ganny sinyen par Dr Gedeon.  

So zot ki responsab pou zot plan.  E natirelman zot bezwen engage avek zot stakeholders pou zot come up avek sa, avek sa plan.  An sa ki konsern bann rezerv, SPDF in donn nou detay saler sa bann dimoun ki in pran.

Nou kapab forward avek Sekretarya pou Komite Defans war apre Lasanble, detay nou annan.  Ki mannyer nou selekte, kwa ki lo frontline, kwa ki pa lo frontline.  I annan sa gidans, sa, sa ki nou’n anvoy li apre midi osi ki Health Care in donnen.

Lekel bann dimoun ki an kontak direk.  Apre lekel kekfwa ki bann support, ki zistans petet ou ete avek bann dimoun ki petet malad oubyen avek tretman, oubyen pou teste.

So sa bann kriter ki ganny servi, kwa ki, kwa ki lo frontline e ki siperfisi.  Me i pa fasil osi, parske tou dimoun at the end of the day poudir i an risk, nou osi nou vin travay.  Nou poudir, nou poudir nou an risk nou bezwen allowance, me selman pa sa, pa sa nou lentansyon.  Nou pe plizoumwen donn sa bann ki direkteman lye.  Parey nou’n eksplik Health Care, Lapolis, DRDM, ki nou konnen i lo teren.  E nou’n kit en sonm adisyonnel la pou bann larestan ki nou pe ganny bann claim vini.

E Lasante li in fer son prop propozisyon.  Larestan nou pa’n vreman ganny input yet.  Selman nou nou’n fer serten propozisyon baze lo nou leksperyans ki nou annan lo bann allowance ki ganny donnen.  Mon krwar, pou ASP dernyen, akoz li nou’n fer 3 mwan konpare ek bann 6 mwan.

Ankor sa bann i lo, i lo frontline.  Pou Imigrasyon nou’n, nou’n cater li petet pou bann mwan ki i ti aktiv.  Si zot pa on duty, natirelman zot pa pou gannyen.  Me selman si zot on duty, parey nou konnen kot Customs, lo Sea Port.  I pou bezwen still aktiv zot.

Ou pa ava petet aktiv lo, lo Erport, unless ki bann cargo flights i vini.  Me selman lo Sea Port nou konnen staff Customs pe still kontinyen travay.  So nou bezwen cater pou zot.  ASP li nou, nou’n donn 3 mwan, akoz pou li i annan en kondisyon atase avek.  Fodre bann Carer i actually vin travay.

I pa pe, i pa dan konze.  Akoz si i pran konze i pa pou gannyen.  Akoz lentansyon pou donn sa, sete pou ankouraz zot pandan sa moman ase difisil la.  Asire ki bann dimoun ki pe ganny lasistans avek Carer, ki sa bann Carer pe vini pou vin get zot pandan sa letan.  So nou’n met 3 mwan avek hope sityasyon i a improve.

Me parey nou’n dir, nou touzour annan nou mid-year ki vini.  Ki nou ava re evalye sityasyon pou gete ki mannyer nou kapab asiste.  Akoz nou touzour konsyan dan back of nou mind ler nou fer provizyon, ki nou’n fer en negativ 14, nou pa tro anvi ale touzour dan, dan 20.  Mersi.

 

MR SPEAKER

Mersi PS.  Onorab Andre.

 

HON CLIFFORD ANDRE

Mersi Mr Chair.  Mr Chair i annan 2 pwen ki PS pa’n satisfer mwan avek larepons ki in donnen.  Premyerman in dir avek nou ki poudir Imigrasyon si i pa pe travay sa i en baz lo zot pe travay.  Me selman letan nou pe get sa ki’n donnen la, sa allowance se R1500.

Mon prezimen se R1500 par mwan.  Akoz letan nou’n miltipliye par 6 mwan, oubyen 3 mwan.  I tonm sa sif ki’n donnen.  So si nou napa avyon ki pe antre, konmsi mon pe sey konpran byen.

Nou napa avyon pe antre.  Savedir Erport napa staff Imigrasyon ki pe travay.  Ni pou ale, ni pou vini, akoz napa.  So si PS oubyen Minis, oubyen ou Lofis i kapab dir nou konbyen staff Imigrasyon ki i ti pou annan, ki’n ganny kalkile dan sa sif ki la, ki prezan pa pou ladan.

Akoz letan mon pe gete sa sif pou bezwen desann.  Si napa Imigrasyon e Customs ki travay Erport, apard ki bann ki pe travay lo Sea Port.  Sa i enn.

Dezyenmman PS ou’n dir avek nou ki poudir i annan sa eleman evalyasyon lo kontak or possible contact ki kapab annan avek sa sityasyon.  Me letan nou get nou dernyen, sa dernyen ka.  Ok, bokou dimoun in konnen lekel kote i travay.  I pa ti ganny konsidere dan kad allowance.  Me par lefe ki in annan kontak e ki in lo frontline e in gannyen.  Alors sa allowance i devret aplikab mon, mon prezimen.  Parske i en ka reel.  So get en pti pe ladan.

E ki mannyer PS oubyen Departman Lasante in evalye kontak avek bann Caresr ki pou ganny en allowance?  Pou li kalifye ki zot ganny en allowance.  Parey mon’n dir konpare avek sa bann lezot dimoun ki pe travay, parey sa travayer IOT.  E bann Cleaners ki travay kot SCAA osi.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Mon repet ankor.  Nou’n fer en provizyon, nou pa konnen ki kantite dimoun, pou actually travay.  Akoz i pa en keksoz fasil.  So nou’n fer en provizyon.  Prezan sa bann Minister i bezwen donn nou son bann sif egzakt.  E la nou ava kapab cater accordingly.

Akoz nou ki pou peye sa.  Dezyenmman ASP, parey mon’n eksplike, li son bi i pa pou kontak, me plizoumwen pou asire ki bann dimoun ki pe ganny lasistans avek Carer zot pa ganny kite unattended.  Petet bann Carers pa pou oule al a bouze pou zot al get bann dimoun ki zot pe veye.  So sete sa le bi akoz sa allowance ti ganny donnen.

An sa ki konsern Imigrasyon, ki nou pe aprann osi la an, an mezir.  Se ki i annan bann cargo flights osi ki pe antre.  So nou, nou prezimen si napa avyon nou pa gannyen.  Me selman natirelman Departman Imigrasyon poudir nou li si i annan cargo flights pe vini, son bann zofisye i entitled pou pey zot sa bann allowance.

Alor nou, nou ok pou cater sa bann allowance pou sa bann cargo flights, pou sa bann zofisye Imigrasyon ler i vini.  Mersi.

 

MR SPEAKER

Mersi PS.  Onorab Waven William.

 

HON WAVEN WILLIAM

Mersi Mr Chairman.  Mr Chairman mon anvi demann avek PS, sa 3mil Carer la, eski zot, zot tou zot pe travay 8er, 3er, ouswa ladan i annan ki travay 8er, midi?  Pou nou kapab trouv rasyonnal dan sa peyman sa allowance, R1000.  Eski i pou fair pou donn R1000 bann ki pe travay 8er ziskan 3er.  Pou donn menm parey bann ki pe travay 8er ziskan midi?  E si mon’n ekout ou byen PS, ou’n dir nou koumsa poudir sa allowance konmsi pe donn zot pou ankouraz zot pou al travay.  E zot pe deza pe ganny en saler.  Konmsi, mon pe sey konpran ou la ki fason ou pe sey dir mon ki fason pou donn sa larzan.

Sa i pa vedir ki mon kont sa bon lentansyon donn sa allowance.  Me selman nou anvi konn en pti pe, be ki fason sa pou ganny monitor?  Lekel finalman ki pou monitor sa?  Poudir wi, akoz nou konnen poudir realite dan distrik, nou pe ganny serten problenm.  I annan bann dimoun ki raport avek nou poudir zot pe ganny serten problenm avek zot bann Carer. 

So, sa i mon premye kestyon.  Mon 2enm kestyon se ki baze lo sa lalis ki donn ou sa 60mil la.  Mon anvi demann avek ou detay sa bann depans ou napa ozordi pou donn nou akoz i zis en sif ki’n ganny desid lo la, e donn nou, ouswa i annan bann detay avek ou la, ouswa mon pou ganny plitar?

Akoz se bann sif parey mon dir se, ki, nou pa oule ki nou ganny war pou zis nou pe aprouv serten keksoz san ki nou vreman ganny bann detay.  Epi Minis, taler ou ti dir mon koumsa poudir sa dokiman ki la ou pou tous li a lafen.

I pa ankor ariv le moman la?  Ouswa i pou vin al afen?  Akoz taler mon ti pe tous lo sa dokiman ki Onorab Andre in fer referans avek taler.  So mon anvi konnen avek ou, letan ou ti dir ou pou tous li a lafen.

Eski la pa le moman la.  Sa National COVID-19 Plan.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  An sa ki konsern ASP, nou konnen i annan part time ek, ek full time.  Nou, nou fer en, en flat provision.  Prezan ASP i ava determinen konbyen i donn son part time e son full time.

Mon repete ankor, nou pe fer en provizyon.  E nou bezwen realize ki nou’n met sa bann alokasyon dan Contingency pou rezon ki nou pe fer en provizyon evantyalite nou bezwen fer serten depans.

Se pou kwa nou pa’n met sa bann sonm egzakt dan alokasyon sa bann Minister.  Akoz nou ti kapab allocate en sonm dan Health Care Agency, dan ASP.  E la nou ti pou, nou ti pou pli asire bann sif egzakt.

Parey Onorab i dir, bann sonm syantifik, kot nou’n fini kalkile, 5 fwa 5 i 25 nou mete.  I annan bann clear detay otour li.  Se pou kwa nou’n santi nou konfortab pou met li Contingency.

Akoz Contingency parey ou konnen, tou landrwa nou’n met apepre, R50milyon an ka evantyalite nou annan en national disaster, nou annan en, en pandemik, nou annan en, en medical lepidemi, bann keksoz koumsa.

Bann claim against Gouvernman ki vini, nou pey ladan.  Mon pa konnen konbyen claim nou pou gannyen dan en lannen against Gouvernman ki bezwen peye, nou fer en sonm e nou pey ladan.  

So sel prensip ki nou’n fer ladan, e parey ou war dan sa detay ki nou’n donn ou, nou’n mete ladan, provisions.  Konmsi nou’n kler e nou’n fran dan nou bann prezantasyon.  Lasante li i annan sa R30milyon, li dan son National Response Plan in donn bann costing ladan li.  In travay lo bann costing ki’n ariv R1.2milyon, so sa i annan son bann, dolar eskize.

Sa i annan son bann detay spesifik.  Me pou larestan  i plizoumwen bann allowance nou’n fer bann provizyon.  E, e osi nou fer provizyon pou bann SOEs baze ki i vini.

E parey ou’n dir, nou pe, nou pe donn allowance bann Carer si zot pa ganny peye, akoz nou pe donn zot.  The same thing i pou apply avek bann ners.  Zot osi zot ganny inducement, zot ganny risk, zot ganny location.

Me nou pe donn zot ankor en lot allowance anvi gravite  sa sityasyon ki nou ete ladan, ki zot pe met zot lekor an risk.  Akoz zot deza gannyen inducement zot, zot deza gannyen location and risk allowance.

Me nou pe recognize sa sityasyon ki nou ladan, i enn san presedan, akoz zot prop lasante osi i an risk.  Ki sa i ganny cater zis dan sa peryod ki nou ladan.  Mersi Mr Chair.

 

MR SPEAKER

Mersi PS.  Onorab William.

 

HON WAVEN WILLIAM

Mr Chairman mon, mon anvi dir avek PS.  Letan ou met li konman provision la mwan, mon lenkyetid, se ki baze lo leksperyans nou anvi retir labi konmsi.

E, e mon santi poudir letan ou met zis provision without a proper targeted plan,  i kree sa posibilite pou labi.  So si ou, ou pe dir nou poudir Minister i garanti nou poudir sa travay pou anpes labi i pou ganny byen fer, mon napa problenm.  Mersi.

 

MR SPEAKER

Mersi Onorab William.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker si sa sityasyon pa kler pou Onorab William.  Be ou kapab mazinen pou mon ki, ki dezord i annan dan mon lespri.  Akoz mon pe sey zis konpran, kote Gouvernman i oule ale, e ki semen i pe pran.

E vreman onnetman mon pa konpran.  Mon pa konpran.  I annan, i annan 2 posibilite la, swa sa ki mon krwar i sa ki nou apel en lapo bannann ki Prezidan Faure in anvoy kot nou;- swa i en, i en knee jerk reaction ki napa okenn striktir ladan.

Premyerman, sa papye ki, ki PS in donn nou, i mete lo la, allowances for frontline workers.  Ladan pou annan 211, pou annan 228 health workers pandan 6 mwan.  Be i annan plis ki 228 health workers.  E a nenport ki moman en health worker i kapab ganny apele pou li fer en travay, pou li asiste dan en aksidan.

En health worker Beau Vallon i kapab ganny apele Beau Vallon Bay.  En health worker Corgate Estate i kapab ganny apele Maison Football.  Konmsi ki mannyer, ki mannyer Gouvernman pe espere ki i poudir avek serten health workers, ou, ou kalifye, ou pa kalifye?

E an plis ki sa, dan sa kalifikasyon ler ou kalifye i met 3 grad kalifikasyon.  Be Minis mwan en pe per pou ou avek ou staff.  Akoz i pou tonm dan ou lebra sa. I tro konplike.

E apre pli lwen, i annan 150 e zot pou 6 mwan.  E i annan 150 ladan, Immigration officers, Customs Officers, Police officers ek DRDM.  Mon konmans avek DRDM.  DRDM savedir Department of Risk and Disaster Management. 

Risk Management, me ler ou dan FIMA Lanmerik, ler ou laba dan, dan en lorganizasyon ki dan risk management.  Be the risk is built into sa.

Mon pa bezwen vin pey ou pou ou fer ou travay koman risk management!  Konmsi mon, mon pa ganny en konpran la.  Akoz enlot Departman pou vini poudir, be si sa bann dimoun ki’n ganny train dan risk management, zot, zot pou ganny peye e nou en Solda oubyen, en Fireman, pou vini pou dir be mwan ki i arive?

Akfer zot pou vin, ler zot pou vin kriy mon ki mon pou dir?  E parey pou, e zot osi zot lo 6 mwan mon pa konpran.  Home Carers li i vin lo 3 mwan.  E parey Onorab William in dir  i en pwen pertinan;- i annan half day, full day.

Mon konpran PS in dir.  PS mon konpran ou mwan.  Ou, ou mon oule krwar poudir zot ki la, zot pe fer damage control akoz Prezidan in fer en Deklarasyon.  Zot prezan zot bezwen fer damage control.  Be zis mazin Mr Marcus Simeon, ler Carer pou vini.

Akoz sa Carer i pa’n tande li, Mr Marcus Simeon ki pou deside prezan ki sa allowance i pou ete.  Be i pou ganny bate! I pou ganny bate.  I pa, i pa lozik ki enn i ganny en fason, lot i ganny en lot, lot pa ganny ditou!  Konmsi?

Mwan, mon ti a zis kontan terminen, akoz mon pe, mon pe rod la klarite Mr Speaker dan sa 7er edmi diswar.  Ostrali ler ti annan bann dife, ti annan en vot pou tou bann firefighters, senp.  Tou Fire Fighters ki ti involve ti annan en vot, en konpansasyon pou zot.  Zot ti involve e zot ti, ti napa distenksyon.  Nou isi nou plifere tir sa Carer Sekretarya ki nou ti dir mete pou manage the system, nou tire nou met li laba.

Akoz nou napa larzan pou sa.  Me selman nou kontinyen, nou ale nou al, al expand sa management dan enlot fason.  Mr Speaker mwan, mon ava dir tousala i danzere.  Parey mon pe dir ankor, en, en dimoun ki manage dan Old People Home, li osi demen i pou vini i poudir be mwan osi mon travay ek vye dimoun.  I pou vini, i pou arive sa.  En dimoun ki travay ek zanfan dan Vilaz Prezidan, i dir be mon osi mon ti a kontan pran mon konze asiz kot mwan, mon pa i bezwen vey sa bann zanfan?

Konmsi  mon ti a zis kontan, mon kontan mon ler dimoun i ganny en, en allowance, i ganny en pti larzan an plis.  E bann Carer se bann dimoun  ki ganny peye parmi mwens dan lasosyete.

Mon kontan mwan, zot ganny en keksoz.  Me selman i bezwen ganny fer dan en kad.  Akoz sa lapo bannann la, pa nou ki pou glis lo la, zot ki pou glise lo la!  Mersi.

 

MR SPEAKER

Mersi Onorab.  PS or Minister.

 

PS DAMIEN THESEE

Mersi Mr Chair.  Mon krwar i bann pwen ki’n monte dan diskisyon ler nou’n diskite nesesite si nou pey allowance oubyen non.  Me selman in the end nou’n arive ki wi nou bezwen pey en allowance.

Zis parey ou’n pran legzanp lo Ostrali, i ti bezwen peye ler ti ariv sa evantyalite ek bann firemen.  Menm si zot louvraz pou zot tenny dife, me dan bann sityasyon, bann sirkonstans koumsa, ou bezwen step up e, e ankouraz ou bann dimoun ki lo frontline at least pou donn zot en keksoz.

Wi i annan sa distenksyon ki’n ganny fer, e nou, nou gide par sa ki Health Care Agency in donn nou.  Mon krwar nou’n share osi sa lalis ki zot in, ki zot in define kwa ki high risk, kwa ki medium risk, kwa ki low risk.

Akoz lo high risk i pou natirelman bann dimoun, bann profesyonnel ki engage dan bann sant izolasyon;- direk kontak ek bann dimoun.  Oubyen lo bann sant kot zot pe teste bann dimoun.  E larestan i pou bann support staff. 

So natirelman petet nou pou kapab donn en ners menm sonm, en, en ners ki lo sant izolasyon ki pe tret bann pasyan, menm sonm avek petet en, en staff Imigrasyon.  Ki li i kapab servi bann protective clothing ede protez li.  I en pe diferan.

So nou’n al anver sa lapros ki nou’n donn diferan sonm.  So i, i tou en deba at the end of the day.  Nou kapab donn menm sonm, nou kapab pa donn menm sonm.  Me selman sa pli gran, sa pli gran chunk, oubyen sa pli gran allowance pe ganny donnen pou sa bann ners, Dokter, oubyen bann dimoun dan Morgue, oubyen bann dimoun ki pou netwaye an direk kontak avek bann pasyan ki’n ganny afekte.

Oubyen bann ki pou teste bann pasyan ki zot sispekte i pe annan sentonm.  Konpare avek bann lezot dimoun, petet ki pa sitan an risk.  Akoz risk i pou touzour annan son nouvo risk ki pou, ki pou high e low e pou dan tou evantyalite.

E se sa ki nou’n sey fer.  Mersi Mr Chair.

 

MR SPEAKER

Mersi PS.  Lo sityasyon Carers?  PS.

 

PS DAMIEN THESEE

Lo Carer, mon krwar mon’n reponn non.  I menm, petet repete si mon pa’n -.

 

MR SPEAKER

Wi i menm konsern avek Onorab William, mon krwar ou’n reponn Onorab William lo la, wi, wi.  Mersi, mersi Onorab, mersi PS.  Onorab Sebastien Pillay.

 

HON SEBASTIEN PILLAY

Mersi Mr Chairman.  Mr Chairman mon’n ekout tou sa bann kestyon e personn pa’n propoz en solisyon apard ki sa ki Minister Finans in propoze.

Nou tou nou’n, nou’n atake, nou’n sey.  Akoz tou dimoun, tou dimoun pe ganny sa, sa diskisyon, tou dimoun pe ganny sa deba lo la.  Akoz i annan de kalite lapo bannann, i annan lapo bannann ki ou glis lo la, apre i annan lapo bannann ki ou manze ou anvoy lo kanmarad tou.

Sa osi i en kalite lapo bannannSo,  mon …

 

(Off-Mic)

 

 

HON SEBASTIEN PILLAY

… (zot ou’n koze mon’n ekout ou mwan, ou’n koze, mon’n reste trankil, mon’n ekout ou.  Zot in koze, mon’n reste trankil.)  So mwan, mon kestyon, mon kestyon i senp.

Si nou, nou’n zot in fer zot bann kalkil.  Akoz la pou le moman tou dimoun pe demann zot konbyen nou devret pe donnen, konbyen i koute?  E mon konnen zot difikilte ki zot annan zot pa konnen.

I enpe difisil pou zot dir.  Akoz i annan, i annan keksoz ki zot pa kapab predict.  Me selman sa ki nou’n osi war, se ki i annan landrwa ki zot, zot bezwen strengthen zot monitoring.

Pou ki personn pa take advantage of sa sityasyon. Ou konpran?  Sa i leka.  So eski ou kapab, ou’n reasir nou dan plizyer lenstans, regarding sa kote, sa laspe ki la, la.  Ki kalite monitoring pou annan, ki kalite revi pou annan?

Ki kalite fason pou ki zot pou, ki zot pou asire par egzanp, si sa Carer pe actually ale, al donn sa care.  Ou konnen, i annan, i annan tout en, en seri sipor ki bezwen vin avek.

So zot, zot annan an plas en sistenm ki pou permet zot fer sa, zot pe sey met an plas en sistenm?    Konpran?  Akoz mon konpran zot difikilte, zot, zot anvi sey ede.  Me zot, zot dan en difikilte.  Mersi Mr Chairman.

 

MR SPEAKER

Mersi Onorab.  PS.  Bon,

 

(Interruption)

 

MR SPEAKER

Order! Order!   Nou pe ariv ver lafen, annou zis tenir nou kalm.  PS.

 

PS DAMIEN THESEE

Mersi Mr Chair.  Sa vot Contingency pou reste avek Minister Finans.  Nou ki pou peye.  E sak claim ki pou vini from bann Lazans, Minister, i pou bezwen accompany swa en, en payroll oubyen bann excel spreadsheet.  Kot i pou mete lekel sa bann dimoun ki’n travay, son working hours ki sa bann staff pou’n sinyen, wi i ti prezan.

Son Supervisor pou sinyen, wi sa staff ti travay.  So sa ki bann kriter ki nou pou servi pou asire ki sa ki nou pe peye i actually ganny endorse by accounting officer sa Minister oubyen sa Lazans avan ki nou, nou peye.

Akoz sa Lazans ek sa Minister osi i annan en, en responsabilite li anba nou Public Finance Management Regulation e son Act.  Pou li accountable lo okenn depans Gouvernman ki i fer.

E li i a donn ou bann supporting document ki odit apre pou go over pou asire ki wi sa bann peyman ki nou’n fer in actually ganny certified correct by bann zofisye dan sa bann Departman.  Mersi.

 

MR SPEAKER

Mersi PS.  Bon nou pou pran en vot lo Bidze anba Contingency.  Wi, mon prezant en leskiz, Onorab Georges laparol i pou ou, sorry.

 

HON BERNARD GEORGES

Mersi Mr Chair.  Mr Chair mon konpran dilenm ki nou ladan.  E mon konpran ki, e mon krwar nou tou dan sa Lasanble nou, nou konnen ki la perfeksyon i swetab.  Me nou pa toultan kapab arive.  Mon kestyon, lo size Contingency i vin dan de fason.

Akoz mon’n ganny de, de demann pou met devan zot.  Premyerman Carers.  Si en, la avek sa lockdown kot dimoun i reste kot zot, ganny demande pou reste kot zot.  I annan ka kot sa dimoun kot en Carer ti bezwen travay.

Prezan son bann fanmir i la kot li, akoz zot pa kapab al travay, zot, zot pe respekte sa lockdown.  Si sa Carer pa anvi ale, akoz i nepli bezwen.  E i pare pou forgo son allowance, son extra allowance.  Akoz li osi i bezwen reste kot li, akoz son bann piti i anba laz.

Eski i annan en fleksibilite dan sa sistenm ki permet sa problenm ganny rezourd?  Mon konnen zot, zot bann dimoun Finans, kekfwa sa kestyon i devret al en lot landrwa.  Me zot sel de dimoun ki la devan mon ozordi pou mon demann zot sa kestyon.

E dezyenmman, eski i annan en fleksibilite dan sa, dan sa vot Contingency pou bann dimoun ki kekfwa i kapab lo frontline me ki pa’n ganny koz lo la.  E enn bann, enn bann dimoun se bann paramedics.  Si zot war zot pe ganny apele dan bann sityasyon, eski zot, zot kapab swete ganny en, en allowance si zot bezwen ganny apele?

Kestyon se, eski i annan sifizaman souples, se fleksibilite dan sa Contingency pou anvoy larzan la kot i bezwen, e tire kot i pa bezwen?  Mersi Mr Chair.

 

MR SPEAKER

Mersi Onorab Georges.  PS.

 

PS DAMIEN THESEE

Mersi Mr Chair.  Premye kestyon mon krwar i, i toutafe fer sans ki si en, en dimoun ki annan son lezot dimoun otour li ki kapab okip li, sa Carer pa vini, then sa i pou, i bezwen lyez avek Lazans Proteksyon Sosyal.

Akoz i sipoze pe al travay li.  E i ganny en saler.  So i a bezwen lyez avek ASP pou gete si i otoriz li pa vin travay.  Akoz i ganny, i ganny peye apre tou.  E, e petet li osi i pa a ganny sa allowance osi si son bann dimoun pe get li.  So sa i pou en matter of approval pou ASP fer.

Nou’n kit en provizyon 1.6milyon osi, 1.6milyon dan sa 18milyon, pou bann lezot ki nou pa kapab, ki nou pa’n capture.  Parey ou’n donn en legzanp paramedics, oubyen bann zofisye biosecurity, parey bann lezot Onorab in raise.  E i pa set in stone sa, ki ou bezwen donn 1.3 Imigrasyon, 1 milyon ASP.  Ou kapab bouz li dapre evantyalite e dapre demann ki vini.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon osi tou mon ankor dan, parey laplipar Manm e mon pe ganny lenpresyon lo tou lede kote.  Nou ankor dan en, dan en konfizyon.  E sa ki Onorab Georges, Onorab Ferrari, Onorab William, menm Onorab Pillay in eksprimen, i kit nou still dan en leta konfizyon.

E i fer nou, byensir letan nou en leta konfizyon, poz kestyon lo, dan ki direksyon ki nou pe ale.  Parske Onorab Georges par egzanp in mansyonn, in mansyonn plizyer kategori dimoun.  Be sa bus driver, sa bus driver ki la ki dan lockdown, me li i bezwen anbark tou sa bann pasaze dan son bis.

Drivers, porters, parske letan.  Ok, mon mazinen kekfwa i ava dir, lower risk, medium risk.  Me selman parey in ganny dir, lo lakantite travayer Lasante.  E mon’n ganny plizyer, mon’n ganny plizyer mesaz sorti kot bann, bann staff medikal.  Ki pe dir, be ki mannyer eski nou, nou pou ganny klasifye?  E bomaten mon’n servi en legzanp, kot mon’n dir, sa dernyen case par egzanp.  Sa dernyen case, kot sa msye in raport klinik Anse Royale.

E laba klinik Anse Royale, mon pa konnen lo ki, lo ki grad risk zot ti pou ete.  Parske in raporte.  E sa bann travayer ki ti la, zot souden, si mon ti pou servi sa, sa kriter ki zot in mete la, souden sa bannla i lo super high risk.

Parske zot in an kontak direk avek COVID-19.  E nou’n ganny dir ki COVID-19 i dan kominote.  E lefe ki i dan kominote, i kapab klinik Anse Royale, i kapab en lot health center, i kapab sa drayver bis tata.

I kapab sa travayer SCAA, ki zot osi tou zot pe dir.  I mean mon’n ganny, mon’n ganny komanter sorti kot travayer SCAA, ki dir nou en group travayer anba Erport.  Ok nou anba Erport, nou pe vin travay, nou pa konnen ki risk ki nou pe, ki nou pe zwe avek.

E nou tou nou konnen ki poudir bann dimoun, espesyalman bann Cleaners.  E, e nou tou ozordi nou a pe koz byen lo bann Cleaners, lo bann dimoun ki fer bann travay pli, parske menm kot lopital.  Menm kot lopital ou annan bann Cleaners.  Ou annan bann dimoun ki dan laundry, ou annan bann dimoun ki en pe partou.  So mon pe zis re met lanfaz ankor, lo sa kantite dimoun ki, ki pe fer fas avek Land Marine staff ki Onorab Clifford Andre in mete, in koz lo la.

Sa Pilot dan Domestic, la mon konpran in koup en pe.  Me selman, ki mannyer eski nou fer fas avek sa?  E, e zis pou met bann sonm, e sa kantite dimoun ki zot pe mete, definitivman i pou tonm bokou plis.

Bokou, bokou plis.  E, e i fer, i fer nou poz plis kestyon, ki ofer larepons.  Larepons senp, mon servi sa legzanp lapo bannann ki Onorab Pillay in sey anvoy lo nou, sanmenm sa ki nou’n ronfle en pe.

Se parske la realite si nou ti pou ofer, nou ti poudir, donn allowance tou bann dimoun ki, ki i  annan en posibilite i pou lo frontline.  E la mon war ki poudir, sa, sa ki petet zot in propoze, petet i ti pou fer sans, si nou pa ti ankor al dan kominote.

Si par egzanp COVID ti’n ganny kontenir avek sa 10 dimoun kot tou bann ka in enporte.  Mon krwar nou ti pou dan en diferan, nou ti pou dan en diferan sityasyon otomatikman.  Me sa dernyen case in re met tou keksoz, I mean the dust ti pe settle.  Be souden en bef in pas dan milye tou sa lapousyer, e la nou, lapousyer in fannen ankor partou.

E la prezan nou pe espere pou nou regarde how will the dust settle?  E, e se la dan en serten sans ki mon pe dir ki sa ki zot in mete la, kalkilasyon i bezwen re ganny fer lo konbyen dimoun.

E, petet mon a menm dir, petet menm sa sonm ki zot in mete, pou bezwen retournen pou rod en supplementary, parske nou pa konnen ki zistans nou pou, ki zistans nou pe arive.

Lo lot kote si the dust ti’n settle byen, nou ti ava fer, nou ti ava kapab fer en, en gran savings, parske nou pa ti pou bezwen al dan sa, al dan sa direksyon.  E byensir sa size Carers in vin, in osi vin ladan.

E mon krwar ki bann lekspresyon, ki bann diferan Manm in met devan, i otomatikman bann konsiderasyon ki nou bezwen, ki nou bezwen pran.  E la mon, mon ti ava demande, eski, mon pa konnen si sa kestyon in ganny demande.

Me eski zot in aktyelman fer en, en survey?  Dizon pou pran en sample.  Parske parfwa letan nou fer en survey nou pa bezwen neseserman, letan nou fer en poll par egzanp, pa neseser pou ou al demann tou dimoun ki mannyer zot pou vote.  Me ou fer en sample poll.  Si ou annan ou 50mil voter, ou a dir, be si mon demann 5mil dimoun, alors sa 5mil i kapab donn en lendikasyon lo ki mannyer keksoz i ete.  

Exit polls par egzanp dan bann eleksyon deor, nou, nou pa ganny drwa fer polls. I donn ou en serten.  So mwan, mon anvi demande, eski zot in, atraver ASP kot Mr Marcus Simeon laba.  Eski zot in sey fer en sample poll pou regarde konbyen dimoun, konbyen, konmsi parmi bann Carers.

Ki kantite ki;- enn, pa pe raport travay kot nou bann dimoun aze?  De, konbyen zot ki, ki azir konman Carer e ki reste dan menm lakaz avek sa dimoun ki zot pe take care of?  Trwa, konbyen parmi sa bann Carers ki’n zis konman keksoz in komanse, zot in abandonn bann dimoun?

Mon pe zis met sa 3 kestyon.  I am sure i annan plizyer lezot, lezot kestyon ankor.  Onorab Georges in met enn, konbyen ki’n pare pou forgo okenn, okenn allowance?  

Parske par egzanp mwan, mon’n ganny en dimoun ki mon ti mansyonnen dan mon diskour yer.  Margaret, Onorab, Onorab Arissol i konn li byen, i en real person.  Ki’n dir, li i en Carer avek son manman, e alors i reste dan menm lakaz ek son manman, li i pa santi ki poudir i annan okenn allowance. 

So konmsi zis pou, zis pou ganny sa sample, pou ki apre sa dan en fason, mon ava apel li, ankor enn fwa mon servi sa mo ki Mr Thesee i vreman kontan dezormen.  Syantifik, ki konmsi dan en fason syantifik, kot i ava kapab dir, be regarde nou’n fer tousala.

And this is what, se sa rezilta ki nou’n gannyen.  E alor baze lo sa rezilta, se sa ki nou, ki nou santi.  Parske avek sa, nou retourn ankor lo, lo sa pwen ki yer nou’n pas en pe letan pou nou koze.

Le moman ki Gouvernman in dir, nou pe asir lapey bann dimoun dan sekter, dan sekter prive.  Se la ki tou dimoun in dir be annou al laba nou ava fer claim.

E apre sa zot in bezwen, Minister Finans in malen li, i entelizan.  Prezan zot in bezwen prepar bann form konplike, met bann, fer bann dimoun anmenn bann dokiman ki, ki bannla pou kalkil 2 fwa avan zot pou anmenn sa dokiman.

Kot bannla poudir napa en nen ladan sa, pe demann mon, mon kont labank.  E, e plito mon reste se mon, plito mon reste, mon reste se mwan, e alor mon viv anpe.  Mon krwar Mr Chairman, ki mon pe dir tousala.

Mon, mon kapab osi donn ou en legzanp.  E mon servi legzanp, sa premye kab vizavi pey dimoun.  Mon annan enn mon zanmi i al koup seve, letan i al koup seve, i annan dimoun anndan pe koup seve.

Aprezan i demann sa dimoun ki pe koup son seve.  Be ki mannyer biznes?  Bougla i dir korek, biznes i ok, tou zafer i ok, normal war dimoun pe koup seve.  Be sa koup seve R150, R200, normal tou keksoz i ok.

Letan i ariv ler pou li koup son seve, li i ti dernyen, sa boug i dir avek li,  mon pa’n oule dir ou, soz, be biznes i bon, me selman mon tande anba zot pe donnen, ou ava kapab ed mon pou mon ranpli mon form?

So nou en pe dan sa sityasyon.  E ki mannyer nou anvi, definitivman nou anvi tou dimoun – nou realiz lenportans nou bann health, nou bann health workers.  Nou realiz lenportans nou bann Immigration Officers, bann risk ki zot in pran.

E definitivman, la nou kapab dir ki sa 10 ka ki nou’n gannyen, pa 10, 9.  9 parske 1 ti ganny li, well 2 ti ganny li isi.  Me selman, wi nou bann Immigration Officers, zot in, zot in an kontak avek sa bann dimoun.  Bann Customs Officers zot in an kontak.  E  apre sa bann travayer Air Seychelles zot in an kontak.  Bann, bann travayer SCAA, zot osi zot in an kontak.

So mon krwar i reste en, en gran dilenm.  E ziska aprezan nou tou nou a pe sey rod en fason pou nou donn sa dilenm, pou nou rezourd sa, sa dilenm.  Me selman, me selman mon zwenn, mon zwenn tou bann koleg, nou tou nou en pe, in ariv 8er ozordi.

E Mr Chairman, mon krwar ki bann, bann lesplikasyon ki nou’n, ki nou’n gannyen ziska aprezan nou tou nou bezwen satisfe ki Lasanble li menm, i ankor annan kestyon.

Minister Finans li menm baze lo bann larepons ki zot in donnen, i ankor annan kestyon.  E mon mazinen menm Minister Lasante li menm i, i bezwen ankor annan kestyon.  Parske bann health care workers zot annan plis kestyon ki larepons.

E parey Onorab Ferrari in dir, mwan, mon per ki tou sa bann keksoz la i zis, i zis plito anmenn plis, anmenn plis problenm letan zot, zot bezwen.  Parske zot in dir, zot in met bann sif, en sif, en estimate, en soz provizyon.  Me apre sa mon, mon war ki si nou pa ganny en larepons, en larepons kler, problenm pou, problenm pou reste parey.  Me nou pa anvi, byensir mon termin lo sa pwen.  Nou, nou anvi respekte tou sa bann dimoun ki, sa bann dimoun ki zot in mansyonnen.

E mon krwar i annan, i annan plis lezot keksoz.  E, e mon, mon ti ava kontan osi demann en kestyon.  Ou konnen si sa Police provision.  Sa mon mazinen pou zot ganny zot manze ensidswit.  Bann, bann keksoz ki tre, ki tre enportan.

Me mon kit sa avek zot pou donn nou en larepons, sey donn nou en larepons pli kler posib.  Lalin yer ti en super moon, be i ankor en pti gin super ozordi.  Be sey donn nou en lalimyer pou nou al dan lakour dan sa sityasyon.  Mersi bokou Mr Chairman.

 

MR SPEAKER

Mersi Onorab.  PS

 

PS DAMIEN THESEE

Mersi Mr Chair.  Petet annou mazinen ki ler nou ti pe prepar Bidze, sa sityasyon pa ti’n menm arive lo en staz kominote.  So ti ganny gide, nou Bidze ti ganny gide bokou.  Lefe ki nou ti pe contain the situation.

E si nou ti prezant Bidze way earlier kot sityasyon ti zis dan Itali ek Lasin, akoz nou ti’n konmans nou bann analiz, e nou ti konmans prezant en Bidze ek sa sityasyon Itali.  Apre suddenly en wikenn tou keksoz in sanze.

Kot nou’n bezwen re konmans from scratch.  E kekfwa dan 2 semenn ankor, parey ou’n dir, ou prop legzanp Onorab, ou’n dir the dust can settle.  E si sa i arive, nou fer sa savings, nou pa servi sa kantite larzan.  Me si non ki pa settle, then wi nou bann assumptions.

Akoz mazinen nou pe fer assumptions, e assumptions tou kou ler ou fer, you can go wrong or you can go right.  Nou, nou pa’n dir ki tou keksoz ki nou pe donnen, nou annan nou bann assumptions, i 100poursan korek.

Nou’n dir nou dan sityasyon san presedan, savedir nou pa konnen kote keksoz i pou ale nou.  Me selman nou’n fer nou best, nou’n fer provizyon.  Akoz dan sa letan ki nou ti annan, nou pa pe ekspekte ASP al fer okenn survey pou konnen egzakteman konbyen dimoun ki pou travay.

Akoz son bann dimoun ki i pou bezwen veye, par egzanp Carer.  Pou napa personn pou vey li, i bezwen al travay i dan servis esansyel.  E konbyen sa bann dimoun ki pe ganny Carer, dimoun i pou dan sa partial lockdown ki pou annan se li.  Se pou kwa tou kou nou fer provizyon.  Lo tou Bidze ou pou annan en, en keksoz ki ou pou annan en provizyon, ou pou napa the exact costing.  Nou fer li ennler dan Capital Budget.

Nou servi nou bann leksperyans pou estimate en pe cost proze.  E sa travay li, ler ou’n donn li sa provizyon, i permet sa Lazans prezan li, kontiny sa travay ziskan ler in ler pou li fer sa peyman.  Ler i fer peyman, i asire wi, in pey sa dimoun ki merite ganny peye.

E si bann dimoun ki pa sipoze ganny peye, i pa ganny peye.  Akoz ler ou fer en provizyon, parey ou war isi, i ti en provizyon 60milyon an tou, ki ase gro.  E ki nou, nou’n dir nou lekor ler nou’n donn sa 60milyon, at least nou donn en sonm ki nou war i kapab last nou, hopefully ziskan lannen fini.

Ki nou zis vini, en pe tro konservativ, nou dir vini ek 20milyon dan Contingency.  Ki apre nou war pa ase, prezan nou bezwen re vin ankor.  Oubyen dan Supplementary nou pou dir, nou’n get it completely wrong. 

So nou rather fer en, en provizyon.  So nou napa sa larepons parey ou’n dir, konmsi kalkil down pou write, 5 fwa 5 sa i li.  E nou pe fer en provizyon, e nou demann parey Minis in dir nou pe demann konfyans ek Lasanble.  An vi ki sa, sa Bidze i ganny zere par Minister Finans, tou sa bann Lazans i bezwen demontre ki, sak peyman ki’n fer i aktyelman en, en peyman ki zistifye.  Mersi Mr Speaker.

 

MR SPEAKER

Mersi PS.  Bon nou’n ariv moman pou nou pran en vot pou.

 

HON WAVEL RAMKALAWAN

Mr Chairman, zis pou, poudir ki premyerman sa kantite Carers ki annan la, this is not the exact figure.  Parske nou ti ganny dir letan nou ti pe fer bann kalkil, e nou ti ganny bann papye, ti annan 3600 Carers.  So lo papye la i annan 3mil – enn.

Apre, eski pe konfirmen ki, parske nou, nou ladan ansanm, zot ava donn Lasanble en premye report sa lot bout.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Wi nou ok pou nou donn bann monthly reports, as and when nou fer peyman lo la.  Nou prepar fiscal reports tou le mwan nou a donnen.  E wi nou, nou data pou Carers i 3600, selman nou, nou’n fer provizyon poudir, petet 3mil, pa tou dimoun ki pou turn up or pa tou dimoun ki pou bezwen ganny sa allowance.  Sanmenm sa ki nou’n kit zis 3mil Carers.  Mersi.

 

MR SPEAKER

Mersi PS.  Nou ava pran en vot prezan lo Bidze anba Contingency.  Pou en sonm R105milyon ki form par sa schedule.  Tou Manm ki an faver?  Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair.  17 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bon Bidze anba Contingency in ganny aprouve par Lasanble.

 

TAX EXEMPTION

 

 

MR SPEAKER

PS nou annan Tax Exemption, 20milyon.

 

 

PS DAMIEN THESEE

Mersi Mr Chair.  Sa laliny i pou trouve dan Reveni, lo paz 4.  Ou annan 15, ou annan 5milyon dan Trade Tax Exemption.  I pa’n fer okenn sanzman konpare avek Bidze 2020.  E osi lo paz 5 pou VAT Exemptions i 15milyon.  Li osi napa okenn sanzman konpare avek Bidze 2020, i parey.  Mersi.

 

MR SPEAKER

Mersi PS.  Okenn Manm ki oule entervenir.  Si napa nou ava pran en vot pou Tax Exemption, pou en sonm 20milyon, e ki form par sa schedule.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  11 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Bon, Bidze anba Tax Exemption in ganny aprouve par Lasanble.  PS.  Eski nou’n fini PS?  Yes.  Bon nou annan en sityasyon ki nou ti’n aborde bomaten.

Mon ava donn laparol Onorab Sebastien Pillay.

 

HON SEBASTIEN PILLAY

Mersi Mr Chair.  So mon pou sey al tre vit tre bref lo la.  Wi nou ti’n note bomaten ki dan pe pas through the schedule nou ti annan 2 schedule.

Mon krwar ki ti’n arive, ti’n ariv corrigendum ki ti’n ganny anvoye par AG’s Office, ki zot in dat li tou lede le 30 Mars.  E ti annan en kestyon whether or not nou pou bezwen, vi ki i ti annan sa bann heads, si nou pou bezwen refer zot antre.  Mon lenterpretasyon i se ki nou pe get the amended, (not the amended) but the corrected schedule. 

Because it was sent on the same day as the First Reading, and the First Reading was doneHowever si Lasanble i santi nou napa en lagreman lo la, I still have the amendment that we can propose  to fix it.  So mon les sa avek Lasanble, so that we can deal with this one.

And then Mr Chairman, i annan osi en pti lamannman ki nou bezwen fer pou fer en pti koreksyon dan sa ki nou apel li sa chapeau to the section.  Kot nou bezwen dir ladan kot nou pe repeal the previous schedule ki ti egziste anba the, the Act which we passed in 2019. 

Nou bezwen dir sa.  E Minister Finans in osi alert mon.  E mon ti a kontan Minis i ava eksplik sa brefman, vitman an se ki konsern the effect of sa, sa Appropriation Bill ki zot oule i pran lefe 1st of January.  

Is that correct?  Yes.  So nou annan sa 3 keksoz, sa 3 pti keksoz ki nou bezwen deal avek.  Mon pa konnen si i annan lot Manm lot kote ki oule way in e nou ava bouze.  Mersi Mr Speaker.

 

MR SPEAKER

Mersi Onorab.  Yes Onorab Ramkalawan.

 

HON WAVEL RAMKALAWAN

Mr Chairman parey mon’n dir o konmansman, e se pou sa rezon ki mon’n point was out.  Zis pou nou ganny li byen.  E menm si sa 2 dokiman i date le 30, i kler e nou tou nou konnen ki poudir premye dokiman ti, ti Mardi pase.

E apre ki Lasanble pa ti, pa ti fer Second Reading, se apre sa ki, sa 2enm Bill ki annan menm dat in vin devan, devan Lasanble.  E Minis i dakor avek mwan.

So mon krwar annou zis ganny li byen.  Si zot in fini prepar sa lamannman, nou fer li, nou pase.  And nou konnen nou’n fer li byen.  Setou ki mon, mon, setou ki mon ti ava propoze.  Mersi.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi, mersi Mr Chairman.  Alors avek ou permisyon mon pou bezwen al dan nou Standing Orders e demann ou e move ki anba Order 91 (1) nou sispann Order 76 (7) pou allow Clerk pou aksepte sa lamannman ki mon pou al propoze regarding the schedule.

 

MR SPEAKER

Ok.  Bon i annan en Mosyon ki’n ganny move pou suspend Standing Order.  Onorab De Commarmond.

 

HON CHARLES DE COMMARMOND

Motion seconded.

 

MR SPEAKER

Ok.  Mosyon in ganny segonde.  Eski nou kapab pran en vot lo Mosyon ki devan Lasanble?  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  11 Manm in vot an faver e personn kont.  Mersi.

 

MR SPEAKER

Mersi.  Mosyon in pase, mon ava demann Onorab Sebastien Pillay pou move son lamannman.

 

HON SEBASTIEN PILLAY

Mersi Mr Chair.  Sa lamannman mon’n ganny led avek mon koleg lo Bills Committee, Chair Bills Committee, Onorab Georges.  Sa lamannman pou lir koumsa: ‘That the schedule be replaced by the schedule, which we have voted upon.  And which schedule includes the eleven heads which were not part of the regional schedule to the Bill’.  E i pou antre as part of sa lamannman ki nou, nou pe, nou pe propoze Mr Chairman.  Mersi, I beg to move.

 

MR SPEAKER

Mersi.  Bon, Mosyon in ganny prezante.  Okenn Manm ki segonn Mosyon?  Yes Onorab De Commarmond.

 

HON CHARLES DE COMMARMOND

Mosyon in ganny segonde Mr Speaker.

 

MR SPEAKER

Mosyon in ganny segonde, okenn Manm ki oule entervenir?  Yes Onorab Ferrari.

 

HON JEAN-FRANCOIS FERRARI

(Off-Mic)

 

 

MR SPEAKER

Wi, mersi.  Onorab.  Bon, Onorab Pillay.

 

HON SEBASTIEN PILLAY

Mersi, mersi Mr Chair.  Onorab Ferrari si nou ti pe, si nou ti pe zis met sa eleven heads tousel, nou ti pou bezwen nonm zot one by one.  Me lefe ki nou pe pran sa schedule ki nou’n fini vot la, nou pe ranplas li the other heads are included.  So nou’n deza fini pran zot as part of sa –

 

MR SPEAKER

… as part of the schedule.  Ok?

 

HON SEBASTIEN PILLAY

Mon pa konnen si Lasanble i anvi mon nonm sa eleven heads?  Nou ok.

 

MR SPEAKER

Wi, ok.

 

HON SEBASTIEN PILLAY

Ok.  Mr Chairman, mon annan ankor.

 

MR SPEAKER

Yes Onorab Pillay.

 

HON SEBASTIEN PILLAY

Ok, the eleven heads ki nou ti’n remarke, ti premye nou ti remark Ministry of Tourism, Civil Aviation, Ports and Marine.  Department of Youth and Sport.  Ministry of Family Affairs.  Seychelles Revenue Commission.  National Tender Board. 

Seychelles Humans Right Commission.  Public Health Authority.  Information Commission.  Seychelles Fire and Rescue Services Agency.  Landscape and Waste Management Agency.  It’s the Net Lending, and then mon krwar ti Office of the Auditor General osi  ti’n omit,  Mr Chair.  E sa is the schedule which was sent in the corrigendum in the Gazette.  Thank you.

 

MR SPEAKER

Mersi.  Bon nou’n, Mosyon in ganny move, in ganny segonde.  E nou’n fer antre bann heads dan schedule.  Eski nou kapab pran en vot?  Tou Manm ki an faver?

Okenn Manm ki kont.? Madam Deputy Clerk.

 

MADAM DEPUTY CLERK

Mersi Mr Chair.  14 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Motion has been approved.  Nou a kapab move lo lot lamannman.  Onorab Pillay.

 

HON SEBASTIEN PILLAY

Wi Mr Chair.  Selman zis as a matter of procedure.  Mon ti a kontan klarifikasyon si nou bezwen fer sa ki 76 (13) i dir nou ankor en final vote on the schedule la.  Or oule mon fer tou bann lamannman and then do a final vote on the schedule?  Mr Chair.

 

MR SPEAKER

Mon krwar nou dan Staz Komite la, nou kapab pran sa lamannman Onorab Georges.  Nou kapab pran, non?  Yes Onorab Georges.  Wi, nou pran sa lamannman, apre nou pran en vot lo whole, wi.  Budget as, as amended should you please.

 

HON SEBASTIEN PILLAY

Alright, mersi Mr Chair.  Mr Chair lamannman ki mon pe al propoze i tre senp e straight forward.  Dan, nou pou amann sa, sa premye chapeau anler.  Kot i dir dan en Appropriation Act 2020 shall be amended by repealing section 2 and substituting, therefore the following’. 

Nou pou amann li by after the word ‘section 2’, kot i lir ‘Section 2’ dan sa chapeau, nou pou dir, nou pou insert the words ‘and the schedule’.  Apre section 2 nou pou insert the words ‘and the schedule’.  I kontinyen kot i dir ‘and by inserting after the word substituting therefore the following’, nou pou ekrir, ‘the following section and schedule’. 

So ki i pou lir an totalite, ‘the Appropriation Act is therefore amended by repealing section 2 and the schedule and substituting therefore the following section and schedule’.  Akoz nou pe met en nouvo section 2 avek son schedule.  Ok?

 

MR SPEAKER

Ok, mersi.  Propozisyon pou lamannman.  Eski i annan en Manm ki segonde?  Yes Onorab De Commarmond.

 

HON CHARLES DE COMMARMOND

Mosyon in ganny segonde Mr Speaker.

 

MR SPEAKER

Ok.  Okenn Manm i oule entervenir?  Si non,  nou ava pran en vot,  ok?  Nou kapab pran en vot lo lamannman ki’n ganny poze.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  10 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk. Lamannman in ganny pase, i ganny aprouve.  Yes Onorab Sebastien Pillay.

 

HON SEBASTIEN PILLAY

Mersi, mersi Mr Chairman.  Mr Chairman dernyen lamannman, e si i annan okenn kestyon, mon ti ava avek ou, ou permisyon, ou Minis i ava reponn sa bann kestyon,  regarding the effect ki Lalwa i pou annan.

E nou pou insertSo nou pou dir ‘by inserting at the schedule the following’, en nouvo ‘section 3’ ki pou dir, ‘section 2 and the schedule shall be deemed to have effect from 01st January 2020’.  ‘Shall have’.  Mr Chair Onorab Georges i dir nou, nou kapab ‘shall have effect as from 1st January 2020’.

 

MR SPEAKER

Ok, si ou  pa mind -.

 

HON SEBASTIEN PILLAY

So, mon a go back to it yes.

 

MR SPEAKER

Wi, please.

 

HON SEBASTIEN PILLAY

So ‘section 2 and the schedule shall be deemed to have effect or shall have effect’, ok.  So nou pou dir ‘shall have effect from 01st January 2020’.  Ok. 

 

MR SPEAKER

Ok.  Okenn Manm segonde?  Yes Onorab De Commarmond.

 

HON CHARLES DE COMMARMOND

Motion is seconded Mr Speaker.

 

MR SPEAKER

Ok.  Okenn Manm i oule fer okenn komanter?  Si non,  nou ava pran en vot lo amannman ki ganny propoze.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  10 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Motion approved.  Prezan nou kapab pran en vot lo Bill, lo schedule antye avek bann lamannman.  Mon ava demann tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  10 Manm in vot an faver.  E personn kont.  Mersi.

 

MR SPEAKER

Mersi.  Bon Bill as amended in ganny aprouve.  Mon ava prezan demann Sarge pou move Mace pou nou fer Third Reading.  E mon ava demann en Motion for Third Reading.

 

HON CHARLES DE COMMARMOND

Thank you Mr Speaker.  Mr Speaker anba Order 71 (1), mon oule move ki Appropriation (Amendment) Bill 2020 as amended i ganny lir en Trwazyenm Fwa. Mersi.

 

MR SPEAKER

Mersi Onorab De Commarmond.  Okenn Manm ki segonde?

 

HON SEBASTIEN PILLAY

Mersi Mr Speaker.  Motion seconded.

 

MR SPEAKER

Mersi Onorab Sebastien Pillay.  Bon nou kapab ganny en vot pou Third Reading?  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Speaker.  10 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Mon kapab ganny en Formal Third Reading.

 

MADAM DEPUTY CLERK

Mersi Mr Speaker.  This Act may be cited as the Appropriation (Amendment) Act 2020.  Mersi Mr Speaker.

 

MR SPEAKER

Mersi Madanm Deputy Clerk.  Savedir the Appropriation (Amendment) Bill 2020 in ganny aprouve par Lasanble.  Bon avek sa mon ti a kontan remersi Minis, SS Payet, PS Thesee e Miss Tamatave e byensir Legal Counsel from AG’s Office pou vin sa detrwa zour avek nou dan Lasanble pou nou kapab fer sa travay.

Avan mon eskiz Minis parmi nou, mon pe demann ou si ou oule dir en pti mo.  Minister avan ou ale.

 

MINISTER MAURICE LOUSTAU-LALANNE

Mersi Mr Speaker.  Mr Speaker parey mon ti dir o komansman, mon pa fyer ditou pou mwan anmenn en Bidze parey devan Lasanble Nasyonal, me sirkonstans i koumsa.

Mon krwar in demontre ki nou tou isi ansanm pandan sa 2 zour i demontre ki nou solider ansanm.  E se sa solidarite ki nou pe rode isi anndan, deor pou nou konbat sa viris.  E sa Bidze kantmenm i en Bidze an katastrof i pou permet nou an 2021 e 2022 travay pli dir pou nou reganny nou pozisyon ki nou ti ete.

E sa mon swet li avek gran ker.  Mon ti a kontan remersi Mr Speaker, remersi tou Manm Lasanble e osi mon staff ki ek mwan e bann ki ankor dan biro ki pe travay.  E mon ti a kontan swet zot tou en Bonn Fet Pak.  Mersi bokou.

 

MR SPEAKER

Mersi Minister.  Bon avek sa nou osi nou ava remersi ou ankor enn fwa Minister avek ou lekip.  E nou a swet zot osi tou de bon.  E byensir nou still kapab swet kanmarad Bonn Fet Pak malgre bokou nou i pa pou en Pak parey labitid.  Mersi Minister.  E nou ava eskiz ou parmi nou.

 

(MINISTER LOUSTAU-LALANNE AND HIS DELEGATION WAS EXCUSED FROM THE HOUSE)

 

 

 

MR SPEAKER

Bon zis avan nou adjourn, i annan zis enn de pti lenformasyon pou mwan pas avek bann Manm.  An vi bann nouvo direktiv ki Lotorite Lasante in anonse, e ki’n konmans pran lefe,  e anvi ki biznes ki nou, nou ti’n met lo Order Paper pou Mardi prosen, Mardi e Merkredi prosen pa irzan,  Lasanble Nasyonal pa pou sit semenn prosenn.  Me dan ka ki i annan en irzans nou pou bezwen sit.  E la Sekretarya pou antre, i ava kapab rantre an kontak avek bann Manm, e nou ava kapab enform zot.

Lasanble alor pou frenmen, me selman serten Manm Sekretarya ki bezwen vin travay ki pou vin, ki pou kapab ganny akse kot Lasanble.  Sekretarya in deza donn lalis, donn en lalis tou bann Manm avek Lotorite konsernen.

Alor zot pou kapab antre kot zot lakour tanto.  E nou pou osi, nou pe osi donn detay zot ladres kot zot reste avek zot constituency.  Petet parfwa en Manm pa pe reste dan son constituency me petet pou serten rezon i pou bezwen vizit son constituency.  Nou pe donn en let lotorizasyon.

E sa let sak Manm i kapab kolekte ler nou fini la ler nou adjourn an deor lo resepsyon.  Sa pou ed zot pou kapab permet zot mouvman.  I pa vedir ki nou bezwen abize lo la, me nou konnen poudir ki travay nou fer spesifikman.  E byensir parey nenport sitwayen nou annan sa permisyon pou nou kapab al rod nou groceries, al kot pharmacy, al fer serten keksoz.

Me touzour nou ekoute e nou swiv bann lord Lotorite Lasante.  So i reste pou mwan remersi tou bann Manm, byensir remersi bann travayer Sekretarya Lasanble.  Remersi tou dimoun ki a lekout e ki’n swiv nou travay pandan sa 3 zour.  E byensir mon ti a kontan remersi tou bann staff SBC ki’n la avek nou pandan sa 3 zour.

Bann staff osi tou ki nou apel sa dan background, dan backstage ki’n ede pou kapab transmet nou travay isi dan sa Lasanble.  So Lasanble i adjourn ziska ler Sekretarya i ava donn lenformasyon, i ava pas sa lenformasyon kan nou pou rezwenn.  Lasanble i adjourn.

 

 

(ADJOURNMENT)