::
Home » Verbatim » 2020 » Verbatim Tuesday 5th May, 2020

Verbatim Tuesday 5th May, 2020

NATIONAL ASSEMBLY OF SEYCHELLES

Tuesday 5th May, 2020

 The Assembly met at 9. 02am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab, e bonzour tou dimoun ki a lekout e pe swiv travay Lasanble Nasyonal.  Mon profite pou mon welcome bann Manm apre ki nou’n pran sa repo apre ki nou ti adjourn le 9 Avril e nou’n antre dan bann restriksyon ki Departman Lasante in mete, me parey mon dir mon welcome bann Manm e pou nou kapab kontinyen repran nou travay. Ozordi Lasanble Nasyonal i repran son travay parey mon’n dir apre en pause kot nou ti adjourn depi le 9 Avril pou osi rantre an konformite ek bann konsey Departman Lasante.  Parey mon ti anonse Lasanble pa’n pran recess, e nou pa pe pran recess, nou pou kontinyen travay.

Avan nou kontinyen nou travay ozordi e an vi sa sityasyon ki pei in pas ladan, mon ti a kontan lo non secretariat, e lo mon non personnel remersi tou bann Lotorite ki’n fer en travay eksepsyonnel pou protez nou popilasyon kont sa pandemik COVID-19.

La mon remersi Prezidan Faure pou lafason ki in diriz pei e bann Komite Nasyonal pandan sa moman, mon remersi tou bann lotorite ki’n travay san ses pou sof gard nou lasante,  e la mon anvi mansyonn spesyalman Dr Jude Gedeon, Dr Danny Louange, tou lezot Dokter, nurse, travayer laboratwar e tou lezot travayer Departman Lasante.  Mon osi remersi tou bann lezot lazans ki’n osi zwe en rol tel ki DRDM e Red Cross.

Mon annan en remersiman spesyal pou tou bann Zofisye Lapolis ek Lafors Defans pou zot travay ki zot in fer spesyalman bann zofisye ki’n travay dan semen piblik pou asire ki bann direktiv e konsey lasante i ganny respekte.  La mon anvi remersi komisyoner lapolis, son 2 depite, e osi en mansyon spesyal pour ASP Antoine Desnousse, avek ki mon’n partaz e esanz tre bon kolaborasyon pandan sa bann letan.

Mon remersye bann boutikye, Retailer’s Association e bann lezot servis esansyel ki’n reste ouver pou kapab donn en servis popilasyon.  E mon osi remersi lepep Seselwa ki malgre sa bann restriksyon i pa’n fasil e in deranz nou lavi normal, mon dir zot mersi e mon swet zot tou kouraz pou nou repran lavi dan sa nouvo fason fer keksoz.

Mon osi oule remersi Sekretarya Lasanble Nasyonal pou zot travay e devouman kontinyel sirtou pou bann ki’n kontinyelman bezwen vin fer serten travay kot Lasanble pandan sa bann moman, me osi bann ki’n travay kot lakour pour kontinyen kit sa lenstitisyon fonksyonnen.  E la mon osi dir mersi sa komite Sekretarya Lasanble ki nou ti met an plas e ki ankor an plas e ki’n etabli bann norm pou gid nou travay e osi asir sekirite e lasante tou staff e Manm Lasanble pandan sa moman COVID-19.  E mon remersiman spesyal i al pour Mrs Gina Come ki’n diriz sa Komite.

Mon anvi konklir par montre rekonesans e mon dir ankor mersi tou bann dimoun ki’n met zot lavi an danze pou protez nou popilasyon e nou pei.  Sa pandemik COVID-19 in sekwe nou tou e ozordi nou bezwen fer keksoz diferaman. Annou ansanm re drese e rod fason pou nou kapab travay pou rekonstrir sa rezilyans e lafors dan nou sosyete.  Sa a osi ed nou pou nou re batir nou patri e kot nou a rod lezot fason inovatif pou nou re ganny larises e stabilite ekonomik.  Ki Bondye i kontinyen beni nou pti pei Sesel.

Avek sa mon avar ofer laparol le 2 Dirizan pou dir 2 pti mo, e mon ava komans avek Onorab Charles De Commarmond Leader of Government Business.

 

HON CHARLES DE COMMARMOND

Mersi Mr Speaker.  Bonzour Mr Speaker, bonzour tou dimoun ki a lekout.  Mr Speaker mon sir ki mon pe reflekte santiman Nasyon Seselwa an antye ler mon dir avek bokou fyerte ki nou bann travayer lasante in fer en ekselan travay pandan sa dernyen 2 a 3 mwan pou nobou gard la kantite ka pozitiv viris Corona ki’n ariv Sesel tre, tre ba.  Mon repete zot in fer en travay ekselan e Mr Speaker mon demande ki zot vreman merit en gro aplodisman.

 

 

(APPLAUSE)

 

HON CHARLES DE COMMARMOND

Nou’n annan zis 11 ka pozitiv sa viris ziska prezan.  Si pa ti vizilans nou bann travayer lasante si pa ti sa travay remarkab ki zot in fer, si zot pa ti’n travay aswar ziska lizour weekend, konze piblik, botan, movetan, pou anpes propagasyon sa viris, sa 11 ka ti’n kapab sap nou, e nou ti pou’n tonm dan en enorm lanmerd transmisyon kominoter ki petet nou pa ti pou’n kapab bare ozordi.

Ti pou’n probableman annan lanmor e bokou, bokou lezot dega sosyal e ekonomik.  Tousala Mr Speaker pa’n arive.  Nou’n kapab tret bann ka bann ki’n malad e sirtou nou’n kapab tret sa enn ki ti pli grav, menm apre nou’n ganny koze mirak me nou’n trete, e nou’n tret zot byen.  Ozordi tou le 11 pasyan swa zot in geri zot in al dan lakour, swa zot dan konvalans e sirveyans Beau Vallon ouswa zot in byen stabilize dan sant tretman Perseverance, e zot pe espere pou fer bann dernyen tes avan ganny large.

Ler nou get sa ki pe arive dan lemonn Mr Speaker;- ler nou get sa ki’n arive dan larezyon nou pa kapab pa remersye e felisit nou bann travayer lasante.  Ozordi lo non parti united Seychelles mon ere pou dir zot tou sa eksepsyon en tre, tre, tre gran mersi.

Mon oule remersye e felisit zot bann dirizan lo tou nivo, bann ki nou’n war tou le zour lo televizyon parey Dr Gedeon, Dr Louange e lezot me osi bann ki’n par deryer lekran pe donn tou kalite sipor e gidans.

Mon oule remersye tou bann dokter, ners, sanniter, asistan ners, cleaner, porter, e tou lezot ki’n devan dan lalit dan sant tretman e dan izolasyon e dan bann sant karantenn.  Mon oule remersye bann ki’n dan sa bann tim entervansyon rapid ki’n ale pou rod bann kontak e fer bann swivi neseser.

Mr Speaker Prezidan Larepiblik parey ou’n dir ou menm Mr Danny Faure in zwe en rol ekstrememan krisyal pandan sa letan koman Minis Lasante e koman Prezidan Larepiblik.  E mon remersye e felisit li osi pou sa rol dirizan eksepsyonnel ki in zwe e ki lemonn pe osi felisit li osi an menm tan.  Mon oule osi remersye tou lezot ki’n donn sipor par deryer e donn lezot servis e pe fer lezot travay syantifik e lozistik vizavi travay pou contain sa viris.

Mon konnen i annan en gran miltitid fanm ek zonm tou laz ek tou kalifikasyon e tou konpetans dan sa tim lasante e sakenn i zwe en rol tre, tre enportan pou anmenn nou kot nou ete ozordi.  Zot en tim solid e nou tou nou met nou konfyans dan zot savwar e zot profesyonnalizm.  Lavenir Sesel i literalman dan zot lanmen Mr Speaker.  Malgre ki nou bezwen remersye travayer lasante an premye nou pa kapab oubliy lezot travayer lezot profesyonnel ki’n debout for akote zot, akote zot bann travayer lasante.  E la mon ti a kontan ki nou rekonnet sa enorm sipor ki DRDM, Lapolis, Larme, e tou lezot travayer.

Tou bann travayer SCAA, imigrasyon, Customs e biro Prokirer Zeneral in donn Departman Lasante kontinyelman tou dilon sa sityasyon irzan lasante piblik.  Sa bann  lorganizasyon in la zot osi aswar, lizour, weekend, konze piblik, botan, movetan pe donn en gro koudmen ver menm lobzektif.  In osi annan bokou volonter ki’n donn sipor e donn zot kouraz personnel dan sa lalit Mr Speaker.

Bann volonter parey bann Manm Lakrwa Rouz Sesel e bokou lezot ankor ki’n fer zot lekor disponib pou Departman Lasante.  In osi annan bokou endividi e konpannyen prive ki’n fer donasyon larzan, materyo e lekipman pli itil e montre zot solidarite.  Lalis i tro long pou mwan nonm zot tou enn par enn me zot kontribisyon in tre byen ganny apresye e i lo rikord Mr Speaker.

Lo kote enternasyonal mon’n osi oule remersye Lorganizasyon Mondyal Lasante ki’n donn en kantite sipor teknik Departman Lasante e osi Fondasyon Jack Ma ki’n donn bokou materyo pour fer tes e pour protez bann travayer, serten lezot pei parey La Chine, Lenn, UAE, Lanmerik zis pou nonm 4, zot in osi kontribye senserman e en kantite.  Mon oule osi remersye bann travayer medya ki’n fer zot mye pou kit nou enformen ek sa ki pe pase. Ler pei i pas atraver bann letap difisil parey sa enn ki nou’n fek pas ladan e ki nou ankor pe pas ladan, karakter son pep i ganny teste Mr Speaker.

E la mon oule dir ki nasyon Seselwa li menm nou’n sanpyon pandan sa trwa dernyen mwan.  Mersi zot tou.  Tou dimoun in zwe en rol ekstrememan enportan.  Nou’n montre nou solidarite ek kanmarad e avek bann travayer lasante.  Nou’n korpere ek tou bann mezir e nou’n ekout atantivman tou bann konsiny ki Departman Lasante in donnen.  Nou’n poz kestyon wi, nou’n rod leklersisman wi, nou’n eksprim serten dout ler nou’n annan me mon konnen ki lamazorite nou, nou’n fer li avek bi pou rod rezilta ki meyer pou Sesel. Wi i pa’n fasil me nou’n fer li akoz koman en pep nou annan en profon santiman patriyotik e en dezir pou toultan war sa ki meyer pou nou pei.

Tousala ansanm in azout e kontribye pou anmenn sa tre bon rezilta ki nou vwar ziska prezan.  Ozordi nou’n kapab retir serten restriksyon, nou pou ptitapti kapab re komans nou travay e nou lavi dan en serten fason.  Me fodre pa nou bliye, nou’n antre dan en totalman nouvo realite. Ozordi dezormen nou bezwen viv dan en ‘’nouvo normal.’’  Nou bezwen kontinyen mentenir en o nivo vizilans e swiv bann konsiny ki nou bann Lotorite i donn nou.

Nou bezwen kontinyen gard zistans fizik ek nou prosen parey nou pe fer dan nou Lasanble Mr Speaker. Nou bezwen viv dan en lot fason. Keksoz pa zanmen parey avan osi lontan ki sa viris Corona i ankor la, annou pa bliye i ankor annan sant karantenn, i ankor annan sant izolasyon. I kapab annan ankor nouvo ka dan lavenir i posib ki nou pou bezwen remet ankor serten sa bann mezir ki nou’n retire depandan lo sityasyon, me mon konvenki ki nou pou kapab sirmont sa bann defi ansanm.  Nou travay pa ankor fini.  Annefe se la ki pli gro travay pe al konmanse.  Se la ki travay pou vin pli dir e pli difisil Mr Speaker.

Nou bezwen gard nou vizilans alor.  Nou bezwen gard nou bezwen gard nou solidarite koman en Nasyon nou tou nou bezwen travay pli dir, dan sa nouvo realite ki nou ladan,  pou re atrap letan perdi e pour fer remondir         nou lekonomi, nou tou nou konnen ki nou lekonomi in ganny bokou afekte ler touris pa’n vini ler tou keksoz in arete e ler nou’n reste dan lakour.  Dan sa nouvo realite annou pa tro demande alor ki nou pti pei pou kapab fer pou nou me ki nou, nou kapab fer pou nou pti pei.  Wi ozordi nou pe fer fas avek defi me demen i en lot zour Mr Speaker e nou pou bezwen fer tou pou sirmont sa bann defi.

Se par sa bann defi ki vre karakter sakenn antre nou pou ganny teste. Annou met alaoter lekspektasyon nou fitir zenerasyon.  Alor mon bann frer ek ser, solider met zepol ansanm, annou travay dir pour ki demen listwar i ava dir ki sa zenerasyon ki ti fer fas avek COVID-19 ti enn ki for e rezilyan – enn ki’n demontre vre kapasite e kapabilite nou Nasyon.  Mon pa kapab fini Mr Speaker san remersye Bondye, nou en Nasyon krwayan e nou konnen ki Bondye i toultan vey lo Sesel sirtou dan nou bann moman pli difisil.

Alor mon osi dir Bondye mersi pou sa regar ki i zet lo nou e ki i pou kontinyen met lo nou e lo nou pep an mezir ki nou antre dan sa nouvo letap nou listwar e legzistans. Ki Bondye i kontinyen beni nou pei, nou Sesel e nou pep. Mr Speaker mon oule remersye ou. Mersi.

 

(APPLAUSE)

 

MR SPEAKER

Mersi Onorab De Commarmond. Mon ava donn laparol prezan Leader Lopozisyon, Onorab Wavel Ramkalawan.

 

HON WAVEL RAMKALAWAN

Mersi bokou Mr Speaker. Bonzour Mr Speaker koleg MNA, tou piblik ki alekout, Mr Speaker Sesel pe sorti dan sa peryod lockdown e curfew.  Tou Seselwa i zwenn mon pou eksprim nou remersiman profon anver Bondye tou Pwisan ki’n protez nou pep ek nou pei pandan sa de dernyen mwan.  San son regar ek son lanmour lo nou zoli pei, nou ti pou dan en katastrof enorm.

Seselwa i ankor enn fwa zwenn  mwan pou remersye Dr Gedeon, Dr Louange ek zot lekip dan Minister Lasante, e osi tou bann volonter ki’n fer en travay ki’n ganny apresye par tou dimoun. Avek tou  zot febles imen, zot in reisi donn nou bann bon direktiv ki nou devret swiv pou anmenn nou kot nou ete ozordi.  Avek menas lepidemi dennge ki deza pe fer en kantite fraka, nou swet tou dimoun konsernen kouraz dan zot travay.  Nou lapriyer ozordi se ki Bondye e gidans bann eksper lasante pour ki nou pa avar ganny afekte avek sa ki eksper pe dekrir koman en dezyenm letour sa pandemik COVID-19.  Nou bezwen debout for e pran tou prekosyon.

An mezir ki nou pran lankourazman lo sa ki pe arive dan nou pei, nou annan en panse spesyal pou lemonn antye ki ankor pe debat kont sa viris e pe rod en vaksen.  E la nou mazin spesyalman nou bann dimoun isi Sesel ki ankor dan sant izolasyon.  Nou osi mazin zot fanmir e nou dir mersi e swet kouraz bann ki’n geri kont sa maladi.  Nou mazin nou bann ser ek frer Seselwa dan bann pi kot sityasyon i grav e dan en fason spesyal nou mazin bann fanmir ki’n perdi enn zot bien aimé.  Nou mazin zot dan sa moman kot ni en orevwar zot pa’n kapab dir zot manm fanmir oubyen zot zanmi e ni menm kapab port en bouke fler pou eksprim zot lanmour.  Kouraz e tou benediksyon.

Mr Speaker mon kontan pou dir ki Lasanble Nasyonal kot LDS i annan en mazorite, in zwe son rol dan an fason efikas.  Nou’n siport bann mezir ki pei in met devan nou e nou’n osi anmenn nou kontribisyon ki nou ti promet.  Bidze pour siport biznes, dimoun dan bezwen welfare e menm pou donn allowance spesyal in fini ganny aprouve, alor mon bezwen eksprim nou dezapwentman letan nou antann ki dimoun i ankor pe espere oubyen promes pa pe ganny akonpli.

Nou’n ankouraz dimoun pou swiv bann direktiv profesyonnel. Ozordi plis ki yer nou bezwen regard nou bezwen gard nou defans byen anler e fodre pa ki nou krwar nou’n fini ranport laviktwar e alor tou i ok . Annou pa donn nou lekor en fo sans sekirite akoz si nou pe fer atansyon, nou riske regrete.

I annan serten sityasyon enkyetan ki pe montre son figir, e si mon eksprim mon klerman e ouvertman se pour ki bann dimoun ki responsab i ganny kouraz pou pran bann desizyon neseser e imedyat pou protez nou, nou pei.

Koman en Lasanble nou bezwen zwe sa rol gardyen nou pei e alor vin dan pozisyon avangard.  Se sa ki dan langaz parlmanter i apel sa rol oversight, me fodre pa nou ganny trouve koman bann mesaze lafreyer.  Mesaz i tre senp annou reste alert a tou moman e annou bouz dan sa bon direksyon. Pli tar Mr Speaker Lasanble pou fer refleksyon lo en mosyon konsernan re louvertir nou frontyer.

Mon premye 3 pwen i zisteman konsern sa.  Premyerman mon aprann ki en group ners sorti Kenya in rantre dan nou pei pou vin donn lasistans apre ki zot in pas en peryod 14zour dan karantenn.  I annan kestyon ki ganny demande e mon byen konpran ki Nurses e Midwives Council pa satisfe avek kalifikasyon sa bann ners akoz zot pa kalifye parey nou bann ners, me plito zot kalifye dan community nursing e ki a sa moman pa sa kalite mendev ki nou bezwen.  Me mon osi aprann ki malgre sa konsern Lotorite pli o, in donn lord pou les pase.  Mon bezwen demande ki pe arive?  Eski sa i akseptab?

Dezyenmman mon anvi ganny li byen kler lo bann landrwa ki’n ganny deklare koman karantenn.  Sa ki Lepep Seselwa in ganny dir se karantenn i kot Coast Guard lotel Beau Vallon Bay, Maison Football e Ile du Swet.

Kestyon alor se akoz ki sa bann gard sorti Botswana pe fer karantenn dan Bay View Guest House ant Anse Gaulette ki pou en o zofisye dan SPDF e ki dapre konpran pe ganny peye R50mil par zour pou full board? Eski ti annan okenn prosedir tender kot tou otelye ki ozordi pe pas dan difikilte ti a kapab partisipe oubyen eski i zis en privilez ki serten i gannyen pandan ki lezot pe trimouse?

Sa i fer mwan osi poz kestyon lo ki negosyasyon in arive avek Beau Vallon Bay pou nou konnen konbyen nou pou peye akoz nou koman en Lasanble nou bezwen demann bann kestyon.

Trwazyenmman mon aprann ki anviron Desanm maren Espanyol   i sipoze arive byento pou fer crew change e ki malgre ki zofisye lasante in met serten kondisyon sa pa pe ganny respekte.

Eski nou kapab ganny bon leklersisman lo sa size silvouple? Se letan Lotorite pa ekout bann eksper ki problenm pou eksploze, alor nou bezwen fer byen atansyon ki en fo sans konfyans, pa ouver nou frontyer tro vit e nou kit laport ouver pou sa viris antre. Mon osi konsernen ki dan sa letan COVID-19 nou war bann prosedir finansyel oubyen bann prosedir prokirman ki pa ganny swiv.

Par egzanp nou ‘n deza dan sa Lasanble adres sa size lwe latant, e ziska prezan nou pa ankor ganny en larepons kler.  Letan mon ti koze serten dimoun ti telefonn Mrs Bernadette Allisop lo Praslin pou dir li mon pe kraz li, erezman sa madanm i entelizante e ozordi mon kontan pou war ki in ekrir ou Mr Speaker in kopye son let kot Mr Faure, Minis Loustau-Lalanne, Onorab De Commarmond ek mwan menm pou eklersi son non.  I montre klerman ki vre i annan manboulouk dan sa zafer lwe latant.  E mon pou lir avek ou permisyon zis en paragraf dan son let e mon demande ki Oditer Zeneral i fer en lenvestigasyon e prezant en rapor avek Lasanble Nasyonal lo sa size.

Mrs Allisop i ekrir ’’ Mon oule fer kler ki mon napa okenn Kontra lwe latant avek personn menm si sa latant Praslin i pou mwan.   I zis en laranzman avek Mr Danny Fred. Personn kot DRDM pa’n kontakte mwan.  Mon pa ankor resevwar okenn peyman,  la letan mon pe ekrir sa let.  Me mon’n ganny demande par Mr Danny Fred semenn pase pou adres invoice lo non Minister Lasante DRDM e anvoy lo son e-mail. ‘’ Nou tou nou kapab fer refleksyon lo la. Mr Speaker lot size ki nou bezwen adrese se travay lo barak Larme Ile Du Swet.

An 2017 dan son Diskour lo Leta Lanasyon Mr Faure ti anonse ki Green Island Construction pou aret nouvo aktivite konstriksyon lo Mahe e konsantre lo bann zil parey son vokasyon, alor mon bezwen demande ki prosedir ki ti ganny swiv pou ki sa lakonpannyen ki tonm anba IDC i ganny Kontra plis ki R3milyon pou travay lo ansyen barak Ile Du Swet?  Eski Oditer Zeneral i kapab ankor enn fwa fer en lenvestigasyon e donn sa Lasanble en rapor.  Mon sir ki sa bann Zofisye lapolis Botswana ti kapab reste laba si nou ti anvi donn zot tou sekirite.

Mr Speaker en size tre enportan ki sa Lasanble pou bezwen adrese sa term an relasyon avek COVID-19 i konsern pri lav. Les mwan premyerman fer en pti analiz lo ki mannyer deza pouvwar aste nou Seselwa in tonbe pou omwen 20poursan e sa byensir pou annan en lenpak lo lavi. Annou pa oubliye ki roupi pou kontinyen devalye e sa pou fer keksoz vin pli pir.  En travayer ki lo saler minimum i bezwen konpran ki son lapey R5804 ti donn li $407 komansman Mars me ki avek devalyasyon roupi i ganny zis $316 ozord,i ki vedir en rediksyon $91 ekivalan mil R668.  Sa i fer ki vre valer son lapey i aktyelman R4, 136.  Mon’n servi lapey minimum koman en legzanp me sa i aplik pou tou lapey dan sa pei. O fet mon anvi dir Minis Finans ki tou Seselwa in fini pran en salary cut plis ki 20poursan.

I kler osi ki bokou marsandiz pri in ogmante e ki dimoun pe konplent.  Sa i enkli konmisyon regilye ki dimoun i aste  me osi bann lekipman elektronik e lekipman tel ki fridge, cooker ek lezot ankor.  Mon lans en lapel avek konsyans tou dimoun, ozordi i pa moman pou dir ‘’bef dan disab,’’  me plito moman pou realize ki nou bezwen zwenn ansanm san kwa nou pou koul ansan.  Mon enplor STC, Retailer’s Association of Seychelles, NATCOF ek tou lezot lorganizasyon konsernen pou entervenir e siport lepep Seselwa dan sa moman difisil.  Mersi pou zot sipor.

La mon definitivman anvi eksprim konsern lo kwa ki Gouvernman pe fer pou soulaz sa pep e mon dezapwente.  Gouvernman ti’n devret gard son promes pou retir VAT lo plis komodite esansyel le 01 Avril.  Sa ti ava annan en lefe lo sak konmisyon tou dimoun, lo lot kote Gouvernman pa ti devret pran desizyon pou ogmant levy lo lavyann poul ek pork dan sa moman kot nou ete, son konsekans se ki sa bann komodite pou pli ser, etandonnen ki Dolar i pli ser ozordi par plis ki R4.

Alor tou pri pou monte napa ase prodiksyon, lokal e ki sa menm prodiksyon lokal i deza pli ser ki sa ki enporte e menm avek sa levy pli o, lavyann enporte pou reste pi bon marse ki vedir konsonmater ki pou ganny bate menm.  LDS pe esper sa regilasyon lo sa logmantasyon levy e nou pou debout lo kote konsonmater e nou pou demande ki i ganny kennsel. Zis pour tou dimoun konnen napa okenn regilasyon ki’n ganny pibliye e ganny prezante koman en papye devan Lasanble, alor pa sipoze annan okenn logmantasyon la pou le moman.

Mr Speaker pli gran lenkyetid ozordi se pour bann biznes ek travayer ki lavenir biznes e ki pozisyon travayer? Mr William Rose ek bokou lezot i dir ou in perdi plis ki 90poursan biznes.  Pou serten larzan ki pe rantre i zero.  Zot ti pe depann lo promes Mr Faure me sa in pase dan ler parey en lafimen.  Travayer in komans war ki sityasyon pa bon e pou bezwen annan en bon dyalog.  Eski sa travayer lotel pa war ki napa kliyan?  Byensir ou war  sa travayer lo Cat Rose ek Cat Cocos, eski i pa war ki lakantite voyaz ki bato in fer in koupe? Byensir i war malerezman ziska prezan Gouvernman pe koz Lalwa ek form konplike san koze.

Mr Chetty en zenn biznesmenn i dir ki bann  lenstitisyon finansyel pa pe gard zot parol e i pe ganny problenm avek son loan, sa i aplik pou bokou lezot. In ler pou koze la konmela menm.  Lekonomi pou pran letan pou refer annou regarde ki mannyer travayer i kapab ganny en nouvo louvertir e biznes i kapab li osi bwete lo en kote lipye ozordi pou li refer demen, keksoz pli grav se pour Gouvernman pa fer fas ek realite me kasyet deryer Lalwa ki pa realis.  E sa ki pou arive i senp;- biznes pou fer fait e mor, tandis ki travayer pou war li obor semen;

Konsekans final pou napa larzan atraver Tax pou pey travayer dan servis sivil e pour fer marse Gouvernman li menm.  Mon lapel se annou koze la konmela annou koz fran e onnet ozordi.

Mr Speaker letan mon pe terminen, mon anvi dir ki koman en Lasanble, nou pou kontinyen adres tou size ki konsern nou pei dan swe moman kot nou pe koz lo sa ‘’nouvo normal.’’  Nou bezwen ki oditer normal i fer bann lenvestigasyon apropriye e raport lo bann pwen ki monn souleve.  Size lanplwa i konsern nou en kantite e letan lamannman lanplwa i ganny prezante nou pou annan lamannman ek refleksyon serye ki nou pou prezante.  Ansanm koman en Nasyon nou bezwen adres size nou lekonomi e ki mannyer nou pou refer li.  Moman i la pou nou fer sa. Seselwa annou reveye e annoy sanz nou fason viv pou fer fas avek nou ozordi e nou demen.  Gouvernman pran pou responsabilite e vin avek desizyon kler ki donn lespwar.  Nou dan LDS nou pou debout, nou pou debout for pou tou Seselwa, e nou pou pran nou responsabilite.  Sa i nou parol ki nou donnen.  Bondye tou pwisan beni nou Sesel e beni tou Seselwa.  Mersi bokou.

 

(APPLAUSE)

 

MR SPEAKER

Mersi Onorab Ramkalawan.  Bon zis avan nou kontinyen avek nou travay prezantasyon bann dokiman bann papers, mon anvi zis eksplik en pti pe ki nouvo setting ki zot vwar devan zot Lasanble, nou’n anmenn en parliamentary reporter ekstra akote Deputy Clerk, ki dan sa bann moman ki nou busy i ava osi ede pou nou kapab pran minutes, e note osi tou bann desizyon ki Lasanble i pran.  Akoz parfwa keksoz i entans i pa fasil tousel pou Deputy Clerk.  So nou pou annan en parliamentary reporter ki nou pou rotate de tanzantan kib pou asiste Deputy Clerk dan son travay.  I malere ki setting Lasanble i pa permet nou annan en lot latab parey lezot Parlman kot sa bann asistan clerk oubyen asistan Deputy Clerk i ganny plase, me nou pe fer li koumsa pou le moman.

Mon osi anvi enform bann Manm e tou bann zofisye osi ki vin kot Lasanble bann Minis oubyen bann lezot zofisye, ki nou pou kontinyen swiv bann gidans Departman Lasante lo sa sityasyon COVID-19.  Nou annan plizyer bann mezir ki nou pou kontinyen reste an fors, par egzanp lo kote regard tanperatir bann dimoun ki rantre dan Lasanble, servi sanitizer.  E nou osi nou pe demande ki nou kontinyen promot social distancing, Lasanble Nasyonal i kontinyen war li avek bokou travay.

ABC nou’n meet semenn pase i annan en dezir pou nou retourn dan nou travay normal pou nou pran Kestyon Prozedlwa e osi Mosyon.  Nou pou sey fer li pti ta pti an mezir nou ale, me nou bezwen osi mazin nou rol primordyal se legislate.  Nou en lezislatir e nou bezwen legislate.  E se nou isi dan sa Lasanble ki debat e pase oubyen rezet bann Lalwa.  So pei i bezwen nou isi dan sa Lasanble ou nou kapab zwe sa rol pou nou kapab permet pei pou fonksyonnen.  So nou pou regarde, mon pa ankor pran en desizyon ki kantite fwa nou pou sit par semenn me sa posibilite ki nou sit 3 zour par semenn i la touzour i kontinyen for the time being.  Me pli tar par demen bomaten nou ava dan en pozisyon pou nou regarde si nou pou sit osi tou Zedi.  Ankor parey mon dir lentansite travay ki devan nou Lasanble Nasyonal. Mon war Onorab William, in lev lanmen, mon pa pe ouver lasal pou okenn lezot Manm.  Me si ou’n lev lanmen mon mazinen ou annan en pwen mon ava donn ou laparol, Onorab William.

 

HON WAVEN WILLIAM

Mersi Mr Speaker.  Bonzour tou dimoun ki a lekout, bonzour tou bann Manm. Mr Speaker annefe mon ti le lev en matter of privilege ki pe arive la anba Order 36 (5). Mr Speaker koman bann reprezantan nou regard nou koman bann dirizan osi tou. E mwan lo kote lasante mon konsernen lo la e mwan, mon anvi konnen avek ou, eski sa pratik social distancing or physical distancing nou pou fer li byen?

E prenon kont ki nou pe pas kantite erdtan koze, nou dan en lasal ki fermen e i fre, e lendikasyon deor i dir be kot bann landrwa ki fre ki i fasil ganny propaze. So nou pe koze e mon anvi konnen si provizyon pou ganny fer pou annan bann mask si Manm i anvi servi? E mon santi poudir bann Manm pa anvi al dan milye akoz i enkonfortab, napa en latab. Konmsi ki bann posibilite pou kapab ganny bann latab ki i kapab fold, fermen e retire si i bezwen ganny retire? Me mon santi poudir koman bann Dirizan nou pa pe petet pran li o serye.

Akoz la deza dan Lasanble nou napa sa social distancing.  E parey mon dir se ki nou konman bann dirizan nou bezwen donn legzanp. Nou pa kapab pran sa lezerman. Se sa mon pwen ki mon ti anvi fer sorti Mr Speaker. E si fodre fer en Komite pou revwar ki fason nou a organiz nou. Mwan, mon demande ki nou pran sa o serye. Mersi bokou.

 

MR SPEAKER

Mersi Onorab. Bon sa i en kestyon ki’n ganny met devan mon depi o komansman sa sityasyon. Mon napa en solisyon. Nou’n diskite lo Management. Nou annan en fason ki sa Chamber in ganny design.  Ok?  Anything ki mon pou fer avek bann latab kot bann Manm nou pou bezwen kas bann latab. Nou bezwen kas sa bann latab, nou bezwen sanz fason ki keksoz i fer e nou napa sa lespas.

Son problenm se lafason ki sa chamber in ganny design. Me in ganny design 12an, 13 an pase.  Ok, plis ok?  E mon napa en solisyon pou li, so nou, nou bezwen sey make do an menm tan sey regarde how far nou kapab met an pratik bann gidans Departman Lasante. Mon konnen poudir i pa fasil pou nou kit social distancing. Menm nou pou sorti deor dan break nou pou al dan meeting, nou pou al Members Lounge i pa pou vreman annan sa zistans. Bokou bann Departman osi tou ki’n ouver, bann Minister, bann lezot travay ki’n ouver. I pa toultan ki ou kapab obzerve.

Nou imen.  Nou pa robot kot nou ganny progranmen poudir vwala nou path ki nou bezwen mars ladan ozordi, kot ou kapab kit zistans 1met, 2 met. Nou imen, e toultan nou konnen koman imen toultan nou annan sa lespri e sa dezir pou enteraksyon sosyal.  I vini otomatikman. Mon ankor pe zwenn dimoun ki koman i zwenn mwan i anvi donn mwan en ponnyendmen, be mwan, mon dir zot poudir non ou pa kapab.  I vini otomatikman akoz nou imen. Alor nou pou sey kontinyen.

Yer osi nou Komite sekretarya ki nou Komite COVID ki pe pran bann mezir and all that ki nou’n met an plas, ankor i pe regarde, nou annan bann nouvo gidans ki pe rantre sorti kot Departman Lasante.  Nou pou pran tousala pou nou regarde koman nou kapab re-aranz sityasyon isi dan Chamber e menm an deor pou amelyor e osi tou pou protez lasante staff e osi bann manm. So bear with me nou ava regarde kwa ki nou kapab fer. Me pou lemoman parey mon pe dir mon napa en solisyon – ok? So otan posib antre nou, nou bezwen fer serten, pran serten mezir nou menm nou pou nou kapab evite ki i annan okenn sityasyon.

Byensir nou Chamber i en landrwa ki fermen e nou fer nou travay la anndan. Be ankor mon napa solisyon pou sa. Amwen ki nou ferm Lasanble konpletman until kot nou santi poudir la Lotorite in dir poudir we are safe. Me nou ferm Lasanble mazinen poudir pei osi i bezwen nou akoz nou, nou annan en rol primordyal pou nou zwe se pou vwar bann Lalwa, pou debat bann Lalwa e pou pas bann Lalwa.

En desizyon ki nou’n pran se ki ban Committee Meetings i pou nepli Extended Committee Meetings – ok?  Si nou pou annan en Bills Committee meeting, parey ozordi nou pou annan enn i pou spesifikman bann Manm Bills Committee. Akoz nou Committee Room osi tou i ase pti, pti e sa i ava permet nou pou nou kapab sey gard serten zistans.

Mon okouran ki FPAC osi tou i le komans son Hearing me sa osi tou nou pa pou envit dimoun pou vin asiste. Nou pa pou extend li osi pou other members except Manm pou sa Komite ler sa i deroule.  So bear with us e nou annan en Komite ki pe travay, nou ava regard ankor bann sizesyon ki’n ganny met devan e nou ava regarde kwa ki nou kapab fer – ok?

Bon nou ava pran, nou ava kontinyen nou travay. Mon ava zis pas en pti pe lo Order Paper. Nou annan Presentation of Papers bomaten, nou annan en Private Notice Question, Statement e apre sa nou pou al lo bann Public Bills.  Me petet zis avan nou pran prezantasyon bann papye, non nou ava pran prezantasyon bann papye bann dokiman, i annan 2 rapor osi tou ki pou bann prezante. E apre sa avan nou bouz lo PNQ Deputy Clerk ava fer First Readings bann Bills – ok? Mon ava donn laparol Deputy Clerk prezan pou pas lo Presentation of Papers e apre i annan 2 rapor ki pou ganny prezante. Madanm Deputy Clerk?

 

MADAM DEPUTY CLERK

Mersi Mr Speaker. Bonzour Mr Speaker, bonzour tou bann manm e tou dimoun ki a lekout. Bann papye ki pe ganny prezante i konm swivan;-

Report of the International Affairs Committee on the performance and relevance of the Seychelles Overseas Diplomatic Missions. The (Majority and Minority) Report.

Apre nou annan;-

The Media, Youth & Culture Committee – Annual Report 2120.

S.I 63 of 2020, Local Government First Election of Councillors Notice, 2020.

S.I 64 of 2020, Defence (Seychelles People’s Defence Force Call Out of Reserve Forces) (COVID- 19) Order 2020.

S.I 65 of 2020, Customs Management (Tariff and Classification of Goods) (Amendments) (No.2) Regulations, 2020. Mersi Mr Speaker.

 

MR SPEAKER

Mersi Madanm Deputy Clerk. Bon prezan mon ava envit Chair Komite Zafer Etranzer pou prezant son rapor lo relevans bann Misyon Diplomatik Sesel aletranze. Onorab Jean- Francois Ferrari.

 

HON JEAN-FRANCOIS FERRARI

Mersi Mr Speaker. Mr Speaker Komite Zafer Etranzer dan nou Lasanble i annan plezir soumet avek ou son rapor lo travay ki in fer depi Desanm 2019 e osi depi komansman lannen 2020 lo relevans louvertir en nouvo lanbasad pou nou pei Port Louis Ile Maurice. Sa travay Mr Speaker i ganny refer avek nou Komite Zafer Etranzer, swivan en desizyon ki Lasanble Nasyonal dan son Sesyon Plenyer, pandan deba lo Bidze 2020 ti pran pou tenir an sispans en sonm larzan ki ti pe ganny propoze par Minister Finans pou kouver depans pou louvertir en nouvo Lanbasad Moris pandan sa lannen ki nou ladan.

Sa sonm an kestyon ki ti’n ganny propoze ti en sonm R1.9 milyon.  Lasanble ler i ti pe pran sa desizyon ti osi demande ki en diskisyon i ouver avek Departman Zafer Etranzer pou esey konpran rasyonal deryer desizyon Gouvernman. E si Komite ti santi ki sa demann ti zistifye oubyen non. Lasanble ti osi aprouv en sizesyon pou demande ki Departman Zafer Etranzer i antreprann en lodit performans bann Pos Diplomatik ki deza an operasyon pou determinen si zot pe delivre mannyer pei i espekte. Oubyen alors si i annan serten mankman e febles.

Lasanble Nasyonal ti osi dakor ki si Komite Zafer Etranzer dan Lasanble i aksepte bann lesplikasyon e zistifikasyon ki pe ganny donnen par sa odit, e answit par bann dimoun ansarz Departman Zafer Etranzer ki nou pou rankontre pou ganny bann kestyon e leklersisman, sa sonm evantyelman pou ganny large e sa depans pou kapab ganny fer. Dan ka kontrer sa sonm pou ganny retournen dan Kof Leta.

Mr Speaker ozordi bann Manm pou ganny rapor ki an de parti.  Premyerman en desizyon mazoriter kot en mazorite Manm, bann sorti dan LDS in vot an faver rekomandasyon sa rapor, me osi en rapor minoriter kot bann Manm sorti dan parti minoriter – US in vot kont sa bann rekomandasyon. Dan en fason pli senp LDS in vot pou pa permet Gouvernman pou depans sa larzan ki i ti pe demande pou ouver en nouvo Lanbasad Moris. Tandi ki parti US i ankor pe ensiste ki sa depans pou al ouver sa Lanbasad Moris i ankor zistifye.

Bann rezon ki ti gid nou parti mazoriter pou ariv lo sa desizyon.

Enn, Lenformasyon ki’n ganny kolekte pou realiz sa lodit performans in ganny fer zis avek bann anploye Departman Zafer Etranzer, bann anploye Lanbasad. E napa okenn konsiderasyon ki’n ganny ekoute sorti kot bann kliyan e bann lezot lorganizasyon ki reklanm servis avek bann pos diplomatik. Par egzanp okenn bann Konsil Onorer e Zeneral aletranze ki dan bann lavil kot nou annan Lanbasad pan ganny konsilte.

Sa lodit in ganny fer tre vitman. Sa i dezyenm pwen. E son loter in aksepte ki in annan bokou kontrent letan. Menm si dan sa pti gin letan en kantite travay, travay sibstansyel in ganny akonpli. E pou sa nou remersye sa madanm konsiltan.  I pa posib avek sa lenformasyon limite ki nou’n gannyen pou reflekte korekteman vre sityasyon dan bann Pos Diplomatik Sesel e osi dan bann servis lokalman ki siport administrativman sa bann Pos Diplomatik. Anvi sa presyon ki sa oditer in bezwen travay anba i annan risk ki en kantite eleman pa’n ganny pran an kont pou ariv lo meyer desizyon posib dan lentere Nasyonal.

Lodit, trwazyenmman in montre klerman ki pa tou bann Diplomatik a aletranze ki pe delivre lo menm oter, lo menm nivo.  E ki bann outcomes i tre, tre diferan ant en pos ek en lot. Sa i montre ki i annan, ki avan ouver en nouvo Pos Diplomatik i annan klerman nesesite pou armoniz bann travay o nivo tou bann Pos Diplomatik an traver lemonn.

Katriyenmman i annan en gran labsans lo bann standar ki tou bann Pos Diplomatik i bezwen swiv.  Sa i sirtou lo rapor ki bann responsab Pos Diplomatik i anvoy Viktorya  e son regilarite avek lekel zot fer sa. Sa i fer li difisil pou annan bann kriter obzektif pou deside si en pos i merit reste ouver, i merit fermen oubyen en nouvo pei i devret ganny konsidere pou en nouvo Lanbasad.

Senkyenmman, enn bann rezon pli for ki Gouvernman zistifye louvertir en Lanbasad Moris, se pou ofer servis konsiler. Malerezman lodit in montre ki i annan tre pe lenformasyon lo lakantite demann pou sa servis ki egziste konmela, e ler i annan demann ki mannyer sa servis i ganny trete.  Lodit i osi dir klerman ki sa lenformasyon ki egziste lo servis Konsiler pa ase presi pou nou kapab fye lo la.

Sizyenmman, Departman Zafer Etranzer pa’n kapab montre Lasanble Nasyonal ki in fer en letid detaye lo demann e loportinite pou en nouvo Lanbasad Moris. I pa’n kapab osi aport en rasyonal ekonomik e konvenk Komite ki pou annan resiprosite par Gouvernman Moris pou ouver en Pos Diplomatik Sesel.

Setyenmman, Komite Zafer Etranzer ti demande ki Departman Zafer Etranze i prodwir zot plan rotasyon pou bann Anbasader e Personnel bann diferan Pos Diplomatik me osi enkli bann ki baze Maison Quéau de Quinssy. Me malerezman lodit in klerman prouve ki sa plan pa egziste. Sa in fer ki nou Komite in trouv li enposib pou etabli si nou bann Diplomat pe byen ganny servi pou travay pou Sesel e ki zot annan sa sipor resours imen ki zot merite.

Finalman lo kestyon finansman. Pou bann servis Departman Zafer Etranzer lodit in montre ki sa Departman i annan  e mon quote, ‘’kontrent bidzeter sever. Ki pe afekte travay e progranm dan tou bann seksyon dan sa Departman.’’ Komite in dan son mazorite determinen alor ki si sa larzan i merit ganny depanse i devret ganny fer pou soutenir sa bann servis sipor ki tre enportan e ki annan mankman finansman a sa moman.

An konklizyon Mr Speaker, en mazorite Manm Komite Zafer Etranzer dan nou Lasanble in ariv lo konklizyon ki i pa neseser a sa moman pou nou pei ouver en Lanbasad Moris.  Lodit kin ganny fer pan anmenn bann lenformasyon nouvo e konkliziv pou siport sa propozisyon. Nou Komite i krwar ki en refleksyon aprofondi i merit ganny anmennen pou etidye lefikasite e relevans tou nou Pos Diplomatik. E koman en pti pei avek pti gin resours nou devret pe travay dan en fason pli efikas.

Sa refleksyon i aplik sirtou pou nou bann Pos Diplomatik rezyonal ki nou krwar zot kapab ganny pli byen zistifye e pli byen administre par en Departman Zafer Etranzer pli for e pli rezilyan.

Nou pe alors demand ki sa sonm R1.9 milyon i kontinyen ganny tenir. Me Komite i pare pou konsider son litilizasyon dan lavenir pou en rezon pli zistifyab, sirtou pou siport zefor dan bann servis fondamantal Departman Zafer Etranzer. Mersi Mr Speaker.

 

MR SPEAKER

Mersi Onorab Ferrari.  Bon an vi ki sa i en premye sityasyon ki sizyenm Lasanble, anfen ki Lasanble Nasyonal i fer fas avek, kot i annan en dezagreman lo rapor en Komite. Rules of procedures pou bann Komite i permet anba Clause 23, reports and minority opinion. Ki parti minoriter bann Manm ki dan sa Komite i ganny sans osi tou ki son rapor i ganny enkorpor dan sa rapor IAC.  E se pou sa rezon ki mon pou donn laparol Manm ki lo kote US ki minorite, pou prezant zot rapor minoriter. E mon ava donn laparol avek Onorab Churchill Gill.

 

HON CHURCHILL GILL

Mersi Mr Speaker. Bonzour Mr Speaker, bonzour tou Manm prezan e tou dimoun a lekout. Mr Speaker konklizyon ki nou ti tonm lo la se Komite ti tonm dakor tou lede kote ki en audit i ganny fer atraver en TOR ki ganny agree par sa Komite. E nou’n gannyen rapor odit e tou bann konsern ki’n ganny leve in ganny eksplike dan sa rapor odit.

Alors nou, nou santi ki vi ki pa Lasanble ki deside pou ki bor en Lanbasad i ouver e kan i ouver, se sa nou santi ki vi ki Konstitisyon i donn Prezidan sa pouvwar anba lartik 66 (1) pou pran sa desizyon. Nou santi ki nou pa devret ganny vwar pe dikte kan pou ouver e ki bor pou ouver. E pou sa rezon ki nou, nou krwar li Lasanble i devret – nou konnen ki COVID-19 in kre en sityasyon ki la ozordi mouvman dimoun i restrikte, nou konpran sa. E Prezidan Larepiblik osi i konpran sa, me selman mon krwar sa pa devret anpes Lasanble konmans son prosedir pou li kapab a lafen di zour release, unfreeze sa 1.9 milyon baze lo desizyon ki Prezidan Larepiblik i a fer, ler i santi in apropriye e COVID-19 nou’n war en soulazman lo la.

Se sa rezon ki nou lo kote US nou pa’n deside pou nou agree avek pozisyon ki LDS in fer. Mersi Mr Speaker.

 

MR SPEAKER

Mersi Onorab Churchill Gill. Onorab Georges oule fer en komanter? Yes, Onorab Georges?

 

HON BERNARD GEORGES

Mersi Mr Speaker. Bonzour tou dimoun. Mr Speaker mon ti anvi zis aport a ou latansyon e a la tansyon bann Manm ki en rapor Komite napa en rapor mazoriter ek en rapor minoriter. I annan zis en rapor ki bezwen ganny donnen a Lasanble. Sa i kler dan nou Committee Rules. E annefe i pratik dan tou bann lezot parlman Commonwealth.

Sa ki i annan se ou bezwen dan sa rapor met pozisyon minoriter si i diferan avek konklizyon rapor.  I bezwen antre ladan pou ki Lasanble i vwar ki pozisyon minoriter, oubyen ki bann, en pozisyon ki pa’n ganny adopte par mazorite rapor.  Me annefe nou pa kapab koz lo rapor mazoriter ek rapor minoriter, nou bezwen koz lo en rapor ki vin devan Lasanble avek pozisyon minorite ladan ki’n ganny mete. Mon ti anvi zis aport sa a latansyon Lasanble. Mersi.

 

MR SPEAKER

Mersi Onorab Georges. Bon mon pa pou ouver deba mon ava fer en pti komanter lo la. Onorab Georges mon krwar, mon anvi ankor remersye ou akoz sa gidans se mwan ki ti rode avek ou pou nou regarde ki mannyer pou move forward. E ou’n fer mwan retourn lo bann Rules of procedures for Committees. Byensir mon’n permet ki lo lot kote osi tou zot in donn en pti brief zot pozisyon but i en rapor ki konpri dan Minority Report osi tou ladan – ok?  E mon pe zis, bon e i en rapor ki’n ganny aksepte par Komite antye akoz tou Manm in sinyen e ki’n enkorpor parey mon dir sa Minority Report.

The report in ganny table lo latab Lasanble. In ganny aksepte, adopte par Lasanble. Me ankor parey nou dir, parey nou Standing Orders i dir, en Manm i kapab pli tar lev en Mosyon si zot anvi debat sa rapor. Ok?  Me rapor i vin rapor Lasanble Nasyonal. Yes, Onorab Sebastien Pillay?

 

HON SEBASTIEN PILLAY

Mersi Mr Speaker e mon remersye Onorab Georges pou gidans e mon remersye ou pou ou lendilzans ki ou’n donnen pou allow sa rapor ganny prezante. Me selman mon ti a kontan seek gidans Lasanble ki koman en caucus nou bann Manm i osi vin diskit bann keksoz ki’n transpire. E nou ganny sans – bann Manm i diskit bann rapor avek nou osi pou apprise nou bann sityasyon, sirtou sa enn vi ki ti annan en desizyon kolektiv Lasanble.

E rekomandasyon sorti kot Chair Komite sete ki nou prepar en rapor minoriter.  That was the recommendation from that side.  So petet nou ava kapab in the future si sa ki pe lir sa rapor i osi lir bann rekomandasyon sa parti minoriter.  Sa osi ti ava byen. Nou pa, letan nou pe prezant sa rapor. So, koumsa nou ava konnen poudir dan sa fason fer, letan nou prezant sa rapor bann rekomandasyon sa lot kote osi i ganny prezante dan lafason ki in ganny ekrir e non pa dan en lot fason. Mersi Mr Speaker.

 

MR SPEAKER

Mersi Onorab.

 

(Interruption)

 

MR SPEAKER

Order! Order! Order! Order! Onorab Pillay. Bon mwan from the Chair mon’n fer le neseser mon’n donn sans lo kote minorite pou donn en brief e zot in delegate zot Manm Onorab Churchill Gill pou fer sa e in fer li. Ankor parey mon dir rapor i la in ganny prezante avek
Lasanble. Nou kapab annan further deba lo sa rapor,  Si en Manm i deside pou li anmenn en Mosyon pou nou revwar sa rapor – ok?

Nou pou al lo dezyenm rapor ki pou ganny prezante la bomaten. E petet zis avan mon kontinyen mon pou zis enform bann Manm anvi ki Minis Finans osi in arive pou pran sa Private Notice Question. Nou, mon ti annan lentansyon ki nou ti pou break 11er ziska 11. 30, me nou ava regarde la si nou kapab pran sa PNQ e nou ava ale ziska midi nou a fini. Apre nou ava pran en sel break pou nou retournen apre midi.  Ok? Mon ava donn laparol Chair Media, Youth and Culture Committee pou prezant son rapor.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun. Mr Speaker mon annan plezir prezant avek ou en rapor aktivite Komite Media Youth and Culture Committee pou son bann aktivite ek travay pou lannen 2019 e nou annan en rapor.

An 2019 Komite medya ti pran desizyon pou elarzi son manda pou enkorpor sekter lazenes avek kiltir dan en fason pou asire ki i annan sipervizyon lo bann antite Gouvernman ki zer sa de sekter.  Nouvo term referans travay Komite Medya Lazenes avek Kiltir ouswa Media, Youth and Culture Committee – MYCC se pou siperviz e analiz bann Polisi, lezislasyon e osi bann proze finanse par Leta dan sa 3 sekter. Depi byen boner nou’n pran nou rol serye e nou’n inisye en seri langazman ant nou Lasanble avek bann parti konsernen. Dabor nou ava regard lo kote        medya. Lo kote medya nou’n fer sa bann aktivite swivan;-

Pou mark World Radio Day le 13 Fevriye, Komite i organiz en radio blitz lo tou le 4 stasyon radyo dan pei. Notaman radyo Sesel, Paradise FM, K Radio avek Pure FM, kot bann manm ti ganny sans koz lo tenm dialog, latolerans avek lape.  Sa ti premye radio blitz e depi sa, sa levennman in vin enn anyel pou MYCC e i ede donn nou lenstitisyon vizibilite. Parmi en diferan kalite lodyans.

Le 30 avril nou ti zwenn isi kot Lasanble avek reprezantan tou media houses Sesel.  Sa rankont ki aprezan i enn anyel i permet le 2 kote pou diskit lo relasyon travay ant bann profesyonnel medya avek Lasanble Nasyonal. Nou prensipalman regard benefis sa relasyon.  Bann defi ki dwatet ganny adrese e bann nouvo loportinite nou kapab kree ansanm.

Le 3 Me pou komemor World Press Freedom Day 2019, MYCC ti organiz so 2enm deba piblik. En tradisyon ki nou’n konmanse an 2018. Sa voyaz tenm ti lo ‘’Rol Medya Dan Eleksyon avek La demokrasi.’’ 24 lorganizasyon an tou ti partisipe e en levantay size ti ganny diskite e ki ti annan bokou relevans pou nou isi anndan koman politisyen e zofisye bann parti politik.

Mon en pe sagrinen ki akoz bann restriksyon lasante piblik, sa lannen nou’n oblize kennsel sa levennman. Me 2020 i ankor zenn alor nou a vwar si nou pou kapab anvoy li. Pou sa senp rezon ki sa aktivite i le sel lenstans kot i annan en konversasyon lo kek topik avek gran piblik Seselwa ant Lasanble Nasyonal ek bann dimoun an deor Lasanble.

Le 22 Out nou ti visit lasal redaksyon zournal Today in Seychelles e osi Tele Sesel. Bann tel lesanz i ed Manm Komite apresye sikse avek defi management avek bann staff lantrepriz dan biznes medya.

Lo kote lazenes le 22 Zen MYCC ti zwenn en group ki reprezant diferan lorganizasyon non gouvernmantal. Bi sa rankont sete pou diskit bann size ki afekte lazenes lo nivo kominoter. En rekomandasyon ki’n sorti for lo kote MYCC pou bann prezan sete enform nou, e lobby nou koman Lezislater lo bann Lalwa ki zot krwar i merit amande pou ede fasilit zot travay dan diferan domenn devlopman pei koman bann volonter.  Sa a osi moderniz nou bann Lalwa. Larepons Mr Speaker nou ankor pe espere. Koman en Komite ou bezwen sa bann soutyen, akoz nou admet nou napa larepons pou tou kestyon. Dapre nou plan stratezi 2020 nou langazman avek Sekter Lazenes pou kontinyen.

Lo kote kiltir le 10 Zen Komite ti fer en rankont prezide par Minis Dezinyen e mon menm koman Chairperson MYCC avek 7 stakeholders’ portfolyo kiltirel dan pei.  Sa ti enkli bann Sekreter Prensipal, Sef Egzekitiv e Chairman. Bann diferan antite dan en meeting inisyal avan ki nou koman en Komite nou komans nou enteraksyon avek sakenn de zot lo en baz endividyel. Bann tel rankont i enportan pou nou bann Manm sirtou akoz i ed nou bokou dan nou bann lentervansyon isi anndan avek sa bann diferan antite Gouvernman sirtou dan letan Bidze.

Le 24 Oktob MYCC ti osi zwenn avek Komite ki’n ganny manda organiz komemorasyon Laniverser 250an Sesel kot size finansman bann levennman ki ti pe planifye ti pwen prensipal nou diskisyon. Komite in osi ganny loportinite fer 2 vizit. Kot sit konstriksyon nouvo stad lanmizik Larivyer Anglez, e osi batiman ICCS, sa ti le 22 Out.

Lo kote ICCS Komite in not gran lenvestisman ki leta i bezwen fer dan renovasyon sa batiman pou asire ki i kontinyen deservi popilasyon Seselwa e i vin en landrwa an sekirite e an bonn sante pou son bann travayer.

Sa ki enportan note Mr Speaker, se swivan tou nou bann aktivite NYCC i fer en rapor ki i annan en seri rekomandasyon ki nou prezant avek tou bann stakeholders.  Dan sa bann dokiman i dan rapor pou sa ki enterese verifye e fer swivi si i neseser.  Sa i enportan akoz nou pa al zis pou koze, setadir felisite ouswa kritike. Koman en Komite nou le vwar ki Sesel i bouze i devlope.  Nou bann kontribisyon non-partizan i atraver bann rekomandasyon ki nou fer apre bokou konsiltasyon antre nou.

An konklizyon swivan nou bann enteraksyon e rankont ki nou’n fer pandan sa dernyen lannen avek diferan stakeholders MYCC i oule fer sa bann rekomandasyon swivan avek Lasanble Nasyonal.  Dan en zefor pou ogmant travay oversight e lezot mekaniz rann kont, nou pe propoze ki bann lareg e prosedir kler i ganny etabli lo la fason pou fer bann lanket Komite Parlmanter.

Ki en alokasyon bidzeter i ganny etabli pou fasilit travay sak Komite.

Trwazyenmman ki en lasal spesyalize pou medya lo precinct   Lasanble Nasyonal i ganny konstri.

Ki travay pou Komite bann levennman ki Lasanble Nasyonal i organize e osi bann lanket i ganny rikorde dan en fason nimerik, pou permet piblik ganny akse avek nenport moman ki zot anvi.

Ki akreditasyon medya i kapab fer online pou fasilit akse zournalis lokal e osi etranze avek nou lenstitisyon.

Ki diferan lantrennman ou zournalis, staff Sekretarya avek Manm Lasanble i fer regilyerman pou ede amelyor nou demokrasi e bann prosedir Lasanble e Komite.

inalman ki lantrennman pou bann sekreter Komite pou asiste zot dan travay resers e analiz Polisi, i ganny konsidere pou pli byen fasilit zot asiste bann MNA dan zot travay oversight e Komite.

E finalman Mr Speaker mon ti le remersi Ms Alexandria Faure, Ms Samia Lebon avek Elna Etienne pou lasistans ki zot in donn Komite pandan sa lannen travay. E mon le sinyale ki nou rapor in ganny sinyen par tou le 7 manm Komite ki konpri Onorab Flory Larue koman Vis-Chairman, Onorab Simon Gill, Onorab Wavel Woodcock, Onorab Paul Ernesta, Onorab Jany De Letourdie, Onorab Chantal Ghislain e mwan menm koman Chairperson. Mersi bokou pou latansyon.

 

   (APPLAUSE)

 

MR SPEAKER

Mersi Onorab Henrie. Bon eski i annan en kopi rapor ki pou anvoy devan? Eski nou’n gannyen kopi rapor? Ok ou ava fer kopi rapor ariv devan kot mwan. Mersi.  Bon antre tan ki nou pou apel Minis responsab pou Finans mon pou zis skip en pti kou Lord lo Order Paper pou nou kapab fer First Readings e mon ava demann Madanm Deputy Clerk pou fer First Readings bann Public Bills ki devan Lasanble.

 

MADANM DEPUTY CLERK

Mersi Mr Speaker.

Bill No. 16;- This Act may be cited  as the Defence (Amendment) Act 2020.

Bill No.17;- This Act may be cited  as the Notaries (Amendment) Act 2020.

Bill No. 18;- This Act may be cited  as the Suspension of Prescription and Time Limitation Period (Temporary Provisions) Bill 2020.

Bill No. 19;-This Act may be cited  as the Employment (Amendment) Act 2020. Mersi Mr Speaker.

 

MR SPEAKER

Mersi Madanm Deputy Clerk.  As the Bills has been read for the first time I order them to be a second time at a date that will be set and so recorded in the record of proceedings. Bon nou ava prezan move lo prosen item lo nou Order Paper;- savedir nou pou pran Private Notice Question par Leader Lopozisyon. Yes, Onorab Ramkalawan?

 

HON WAVEL RAMKALAWAN

Mr Speaker zis avan nou fer sa mon ti ava kontan aport ou latansyon lo en sityasyon ki arive avek bann Lalwa ki’n ganny pase par Lasanble Nasyonal, pou ki ou ava kapab atir latansyon Attorney Zeneral.  Petet pou mon kapab pli byen eksplik sa, mon donn 2 kopi en kopi en kopi pou ou Mr Speaker avek en kopi pou Latab zot ava war. Mr Speaker i annan en fot ki Biro Attorney Zeneral in arive, mon apel sa en fot, i pa en fot par ekspre.  Ki’n arive letan nou’n komans sa lannen 2020 Lalwa parey nou konnen, letan nou’n fini pas en Lalwa isi apre sa i vin en Act e zot donn li en limero. Act 1 of 2020, Act 2 of 2020 ensidswit.

Be ki ou pou war lo sa papye ki mon donn ou, mon’n donn ou 2 legzanp lo premye i annan 2 Act ki’n vin Act 4 Beneficial Ownership Act i Act 4 of 2020. Anti-Corruption Act i Act 4 of 2020.  Lo lot kote Anti Money Laundering and Countering the Financing of Terrorism Act i osi Act 5 of 2020 i Act 5 e Financial Institutions i Act 5 li osi tou. E sa i vedir ki avek sa 2 fot tou sa bann lezot Lalwa ki nou’n pase zot limero i pa bon. So mon pa konnen mwan ki prosedir zot devret fer, me selman i annan en major fot e ki mon ti ava demande ki mon met sa a ou lentansyon. E la mon ti ava kontan vreman se la kot bann sekreter i zwe en rol enportan e mon felisit mon Sekreter Mrs Tracy pou li idantifye sa e pou port sa a mon lentansyon. Mersi bokou.

 

MR SPEAKER

Mersi Onorab. Mon osi mon’n ganny alerte par Deputy Clerk ki osi in have sight of sa mistake e menm lo dat osi tou ki ganny assent to.  Ok i annan problenm mon pa konnen si en template ki zot pe servi from AG’s Office ki zis zot pe copy and paste lo la osi mon pa konnen. Me Deputy Clerk in alert mwan lo la e in deza an kontak avek AG’s Office.  E an vi ki Lalwa in fini pase and all that it’s just a matter mon krwar printing ki mal. E zot pou bezwen re print with the right number of the Act ok.  Ou pa kapab annan de Act at 4 of 2020 and also pou regard dat osi tou ki Prezidan in assent to – ok?

So lofis Deputy Clerk in deza sinyal AG’s Office lo la. Onorab Ramkalawan mersi pou point sa pou nou. I byen ki Lasanble i kontinyen reste alert parey mon ti dir pandan moman avan nou ti pran adjournment. I annan bokou nou pe ganny bonbarde par bokou bann S.Is, bann S.I osi i bann regilasyon ki vini ki sorti dan en Lalwa. Annou kontinyen reste alert tou bann manm pou nou regarde si i annan okenn bann fot oubyen si i annan bann keksoz kontroversyal ki pe vini ki nou koman, ki annan sa pouvwar lezislatif nou kapab fer le neseser.

Bon mon a dir bonzour e welcome Minis Maurice Loustau-Lalanne.  I Minis ki responsab pou Finans, Komers, Envestisman e Planning Ekonomik. Minis i ganny akonpannyen par son Sekreter D’Eta pou Finans Mr Patrick Payet, e Special Advisor to the Minister Ms Sitna Cesar. Minister mon konnen ki pandan sa 3, 4 dernyen semenn ou avek ou lekip ou’n vreman, vreman busy. Mon osi mon an kontak avek plizyer ou bann zofisye e mon’n konn en pti pe sityasyon ki zot ladan.

Me ankor apre sa break mon dir ou mersi pou reponn nou lapel pou premye Minis pou vin dan sa Lasanble pou reponn kestyon bann Manm Lasanble. So Minister ankor enn fwa bonzour e welcome dan Lasanble Nasyonal.  Mon ava toudswit pas la parol avek Leader Lopozisyon Onorab Wavel Ramkalawan pou poz son kestyon. Onorab.

 

HON WAVEL RAMKALAWAN

Mersi bokou Mr Speaker. Bonzour Minis ek ou delegasyon;-

Vi konsern ki pe ganny eksprimen konsernan peyman saler bann travayer dan sekter prive ek dimoun ki self-employed, eski Minis pour Finans i kapab eksplik Lasanble Nasyonal,

1) Konbyen laplikasyon ki zot in resevwar e ki’n ganny aprouve?

2) Donn detay bann aplikan ki’n ganny aprouve avek sonm, parey zot ti anonse zot pou fer?

3) Akoz sa retar e kan eski zot pou ganny, bann biznes pou ganny ek bann dimoun pou ganny peye?

E Kan eski Lasanble pou ganny sa premye rapor lo tou bann peyman ki enkli anba Contingency Fund ki Lasanble ti aprouve?  Mersi bokou.

 

MR SPEAKER

Mersi Onorab Ramkalawan. Minister laparol i pou ou.

 

MINISTER MAURICE LOUSTAU-LALANNE

Mersi Mr Speaker. Mr Speaker, Onorab Leader Lopozisyon, Onorab Leader Zafer Gouvernman dan Lasanble Nasyonal, tou Manm Onorab, tou dimoun ki a lekout bonzour.  Mr Speaker dan son ladres le 20 Mars lo COVID-19 Prezidan ti anonse ki i ti anvi fer kler ki domaz ekonomik an rezilta sa pandemik pou reel e anons serten mezir pou bann biznes prive ki pe eksperyans difikilte pandan sa peryod eksepsyonnel.

Prezidan ti dir ki Gouvernman pou donn zot lasistans finansyel pou pey zot bann anploye pou peryod Avril Me e Zen. Prezidan ti anonse ki en striktir pou etablir pou sa lasistans e nou pou komans fer bann premye peyman apartir milye Avril. Mr Speaker en sonm R1bilyon 90milyon 531mil e 200 ti ganny aprouve dan Bidze 2020 pou garanti sa bann saler de semenn pli tar ki nou ti prevwar. Sa sonm ti pou ganny zere par en Komite ki konpri bann O zofisye dan Gouvernman e pou osi annan reprezantan sekter prive.

Mr Speaker parey Onorab Leader Lopozisyon ti fer resorti dan son Konferans De Pres le 21 Mars 2020 e mon quote ‘’Lasistans finansyel fodre i ganny targete, fair, e efektif. Menm si nou siport ki Gouvernman i bezwen step in pou asiste bann operater ekonomik pou zot reste vyab e ki napa anplwaye ki perdi zot saler. Sa proposal pou okenn bailout fodre ganny byen egzaminen e targete efektivman.

Kategori biznes fodre ganny defini e lasistans ki zot gannyen i diferan. Biznes ki annan gran cash flow holding an rezilta profi dan nou lekonomi pa bezwen menm kantite lasistans parey bann endividi. E self-employed bann pti oubyen mwayen biznes.  E sa lasistans finansyel fodre kordin avek en lobzektif pou lasante. I pou alor pa vo lapenn pou Gouvernman i pey saler pou okenn loperasyon si sa loperasyon i kontinyen avek biznes parey labitid san pran kont okenn sakrifis pou sirmont sa bann challenge lasante. ‘’

Mr Speaker alors sa Komite O zofisye dan Gouvernman in pran tousala an kont e met bann kriter kler pou evalye bann laplikasyon parey Chairman sa Komite ti prezante dan son premye Konferans De Pres le 29 Mars. Mr Speaker ziska Lendi le 4 Me Minister ti’n resevwar 4065 laplikasyon. E ladan 1192 ti’n ganny konsidere e 103 ti’n ganny peye pou en sonm R6.1milyon.

Mr Speaker apartir yer 444 let ti’n fini finalize e sa ki konsern bann sonm sa i ava ganny pibliye dan premye rapor pou mwan Avril ki mon pou fer prosennman. Par kont Komite pou donn lenformasyon piblik toulezour lo leta lavansman zot travay.

Mr Speaker lo kote retar sa in koze par diferan fakter;- par egzanp sa lockdown ki ti an fors sa ti fer ki soumisyon bann laplikasyon ti ganny prolonze ziska le 08 Me.  Mr Speaker ti osi annan bokou ka ki bann laplikasyon ti mank plizyer lenformasyon parey ID card, Bank Statement, payroll, Bank Account, TIN ensidswit. Mr Speaker pou le moman, mon pa kapab dir egzakteman kan ki Lasanble pou ganny sa premye rapor. Be de si to ki nou konplet travay pou mwan Avril nou ava war komans travay lo rapor e ma fer zot gannyen. Mersi Mr Speaker.

 

MR SPEAKER

Mersi Minis Onorab Ramkalawan.

 

HON WAVEL RAMKALAWAN

Mersi Mr Speaker.  Mersi Minis pou sa larepons en pe en pe bref ki napa detay.  Mr Speaker mon kestyon ti vreman enn kot nou pe rod detay, e si Minis in dir avek nou ki zot in fini pey 103, biznes ki’n demann ki’n fer laplikasyon.  E i konn sonm egzakt, savedir sa lenformasyon i la avek li lo en spreadsheet. 

E se sa ki mon pe rode.  Alor mon pou redemann Minis si sa lenformasyon i deza la donn nou silvouple.  E petet mon ti ava demann Minis osi letan donnen ki sa lenformasyon in deza la avek li, si i kapab donn nou donn Lasanble en breakdown ziska aprezan ki pli gro sonm ki zot in donn en biznes e ki pli ba sonm ki zot in don en lot biznes.  E letan donnen ki, ki nou pe osi fonksyon anba Lalwa Lanplwa eski Minis i kapab asir tou bann biznes ki’n fer laplikasyon ki pou dir zot pou resevwar larzan pou zot pey zot bann travayer dan sa bann limit ki Lalwa Lanplwa i donnen?  Mersi bokou.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab mon pou reponn ou kestyon. Me mon ti a zis kontan fer bon lenformasyon.  Vi lakantite laplikasyon ki nou annan Komite ti  vwar li o debi bokou pli enportan pou konsider bann laplikasyon e pa tro fatig li avek bann sa ki mon apel bann statistik.  Alors i akoz sa, ki ou vwar ki se nek Merkredi pase ki mwan mon’n vin devan parey mon’n konmans donn en pe statistik.  So mon ti a kontan met sa konteks akoz zot annan bokou travay pou zot fer, e se en pe pou sa rezon. E i annan telman dimoun ki pe travay ki pe kordinen, ki pe enterakte pou trouv en dimoun zis pou fer statistik.  Pou li ganny sa statistik ki bezwen al osi malerezman pran letan sa bann O zofisye ki pe fer sa bann konsiderasyon sa bann laplikasyon.

Wi mon annan 108 pou R6.1milyon parey mon’n dir e mon annan en lalis devan mwan la.  Pou reponn ou kestyon pli gro ki nou’n peye e sa i bann ki’n ganny peye.  I pou en sonm R3, 7milyon pou en lotel.

E sonm pli pti se sa minimum wage ki letan Komite i pran desizyon kot zot pa kalifye, e sa R5, 804.  E i annan bokou diferan kategori biznes si mon zis regard lo mon lalis e mon desann lo la;- i annan hairdresser, i annan taksi drayver, e annefe i annan 3 taksi drayver ki ti ganny peye Merkredi le 29 Avril.  Menm ki mon tande mon en boug ki mon lalang, e sa ki mon dir pa vre, mon lalis la i mete, ki i annan 3 ki’n ganny peye le 29 Avril.

I annan gid, i annan guest house, i annan professional services, i annan omnibus, car hire, fishing, printing, optometry, specialist clinic, mon pe swazir bann ki diferan pou mon pa repete;- take away, pest control, boat charter, driving instructor, ensidswit.  So sa lalis i la avek mwan.  E mwan mon ti parey nou ti dir nou pou fer rapor, me nou ti a kontan kondans li e apre soumet sa rapor parey nou ti dir nou pou fer.  E osi rapor pou Lazans Proteksyon Sosyal pou mwan Avril mon osi mon kapab donn en pti rapor la konbyen in arive.  Si ou permet mon reponn dan la foule sa kestyon.  Akoz sa osi nou ti dir nou pou fer.  E pou mwan Avril, sa ki enteresan, se sa statistik lo unemployed count;- pou Zanvye, Fevriye, Mars an mwayenn nou ti annan nou 223 dimoun, me nou vwar annan mwan Avril sa sif in ogmante 6 fwa.  In ariv  1,370 dimoun ki’n ganny benefis unemployed, pou en valer 3 milyon.

E anba Dedicated Fund pou sa school programme, nou’n osi pey 2.07milyon, e sa additional allowance pou home carer li osi pou mwan Avril nou’n pey R4.965milyon.  Sa i pou mwan Avril, pou a rapor ASP.

        So vwala Mr Speaker, larepons ki mon kapab donn avek Onorab.  Mon ti a prefere ki olye nou donn sa bann lalis o firanmezir ki nou kondans li a lafen mwan Avril, letan tou aplikasyon in fini ganny konsidere nou fer nou rapor nou soumet.  Me parey mon’n dir tou le zour nou ganny en sif prezan avek Komite ki nou pou met lo medya konbyen aplikasyon i annan, konbyen nou’n trete e konbyen nou’n peye.  Pou ki dimoun i vwar levolisyon travay sa Komite.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker Minis in mank enn bann kestyon ki mon’n demann li;- an relasyon avek Lalwa Lanplwa e dat ki pe dat ki zot pe ganny peye.  Parske par egzanp mon konnen i annan serten dimoun in ganny zot larzan yer, e ki bann travayer zot pa ti ankor zot pa ti ankor ganny zot lapey.  Alors kan eski sa pou arive, e ki mesaz ki son Minister pe pase par egzanp avek bann travayer?  Parske travayer pe atann zot larzan mon konnen ki pou dir i annan serten biznes ki napa sa larzan pou zot pey zot bann travayer.  Alors travayer pe atann, i annan kestyon loan pou zot peye, i annan tou sa bann konplikasyon, alors ki mesaz eski zot pe zot pe donn zot pe anvoye pou sa bann dimoun pou ki keksoz i kler e mon ti pe zis demande kan eski zot krwar ki pou mwan Avril bann dimoun pou ganny pou’n fini ganny zot lapey?  Mersi.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Wi mers Mr Speaker.  Mersi Onorab pou sa kestyon.  Parey mon’n fer resorti oparavan, anplwayer i sipoze pey son anplwayer dapre Lalwa 5 zour apre sa lafen dimwan.  Donk nou ka spesifik la, se ozordi le 5 Me.  E i kler ki  i annan en sityasyon kot Gouvernman pou pey saler.  E la pa bliye si se en anplwayer ki anploy plizyer travayer, Gouvernman i pey dan kont sa anplwayer, sa sonm, ki’n ganny aprouve.   E se sa anplwayer prezan pou li pey saler ekivalan son anplwaye li menm.

So letan nou dir nou fer peyman, nou pa fer peyman sak endividi, nou fer peyman dan kont sa anplwayer.  E nou’n dir ki nou pou pey par le 13 Me letan nou regard bann aplikasyon ki reste pou nou nobou clear.  Sa gidans ki man mon’n gannyen avek Komite ki pe fer konsiderasyon tou bann aplikasyon.

Donk i annan en dele la ant le 5 e le 13.  E i pou kapab osi annan akoz ou’n fer resorti ki bann kondisyon letan ou soumet laplikasyon.  E pa bliye ki nou’n extend dat pou annan resevwar laplikasyon pou mwan Avril ziska le 8 Me akoz in annan sa lockdown. 

        Donk si en dimoun i met son laplikasyon le 8 Me, e lot kriter ki zwe, se Komite i dir si i pou ou i lo form (1) setadir ou en biznes ki anploy dimoun, i annan 10 zour pou konsider sa e donn ou en larepons.  E si ou self-employed, ou en sole trader whatever it is i dir i pou annan ziska 15 zour.  So la ankor definitivman si ou met ou aplikasyon le 8 Me ou pou ganny peye apre sa dat legal.  Me langazman Gouvernman se ki nou pou donn lasistans saler tou biznes ki merite e sa se en commitment ki nou’n fer ki mwan osi mon’n fer, ki Lasanble in fer  an donn son approval pou sa en R1bilyon dan Bidze.  Me nou annan sa retar.

Donk nou pe demande, enplore pou sa bann ki kapab pey zot travayer silvouple pey zot e zot ava ganny ranbourse par Gouvernman letan son aplikasyon i ganny konsidere.  Mersi Mr Speaker.

 

MR SPEAKER

Mersi Minister.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Bonzour Minis.  Minis mon krwar Lasanble ti ava apresye si ou kapab donn nou en portre bann ka ki pa’n ganny aprouve, pou ki dimoun deor i konnen si i annan bokou lekel e ki bann rezon akoz.  I enportan akoz, bokou dimoun anplwayer konman anplwaye zot la zot dan en sityasyon kot zot pa konnen si zot pou gannyen oubyen zot pa pou gannyen.  Konmsi zot dan en pe dan vag zot.  Akoz bann kriter i pa kler.  Alors sey donn nou sey donn nou en picture. 

Mon 2enm pwen ki flow dan sa enn se ki, Prezidan Larepiblik ti dir tou travayer pou ganny peye.  I pou asir lapey tou travayer.  Nou, nou ti konnen sa i pa posib.  Premyerman nou ti konnen pou dir bann etranze, bann sa nou pa ti – nou ti annan kestyon lo tousala.

Me Prezidan in revini ankor in dir nou, non, tou travayer!  Alors mon ti a kontan konman en Manm sa Lasanble ki ou dir avek nou, dan ki ka ki annan ki pa pou ganny peye?  Konmsi i bezwen kler sa.  E problenm se ki pou lemoman i pa kler.  I annan dimoun ki en milyonner ki pe asiz lo R50 milyon, me selman in tann Prezidan dir, son lapey pou ganny peye.  I le konnen ki pe arive.  So eksplik nou konmsi si i annan in annan en lazisteman ok?  Si in annan en klarifikasyon ki merit ganny fer lo sa size.

Mon 3enm kestyon i konsern bann allowances.  Minis nou ti vote dan Bidze allowances pou serten kategori travayer ki nou ti apel zot en pe lo frontline.  E sa si mon pa tronpe zot a koriz mwan, si mon mal, sa ti konsern an trot nurses, Customs officers ki pe travay lo Airport oubyen lo Por.  Port security ek Lapolis.  Ti annan en vot pou allowances.  Eski Minis i kapab dir nou si sa bann allowances pe gannyen peye oubyen la osi i annan serten retar e i pou ganny peye apre?

Mon annan en dernyen kestyon ki’n enkyet en kantite dimoun Minis ler ou’n dir dan en la Konferans Lapres ki i annan en dimoun dan wholesale, retail ki’n ganny peye.  In ganny lasistans.  Be tou dimoun pe kriye, wholesale retail pa’n fermen li, wholesale retail in kontinyen travay, in kontinyen biznes in kontinyen roule.  Konmsi sey donn nou en detay, ki kalite wholesale, retail ki dan problenm faid e ki bezwen e ki pe e ki Gouvernman in vwar li in fact ou ti dir sa, dan premye 6 dan premye 6 peyman ki ou ti fer, la enn ladan ti wholesale, retail.  Konmsi sey eklersi nou lo la akoz, akoz parey sa lotel ki ou fek dir nou, in ganny R3.5milyon la, mon pa pou fors ou pou ou devwal sa bann lenformasyon.  Although si ou anvi dir nou lekel ou ava dir nou.  Me i en i en gro zafer sa.  So sey eksplik nou sa bann keksoz silvouple.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker,  lo premye kestyon bann ka ki pa’n ganny aprouve napa bokou ka dan son lansanm letan ou regarde ki pa’n ganny aprouve.  Me mazorite ka, se bann ki pa’n donn detay ki’n demande, e napa kont labank.

So sa, i sa de keksoz ki fer ki par-ler zot pa ganny sa lasistans.  Nou annan nou bann Lazans ki telefonnen pou demann klarifikasyon, pou demann zot soumet sa bann lenformasyon ki manke, e sa i pran osi letan.

Lo sa 50milyon ou’n fer referans ek en 50milyon.  Definitivman parey nou’n deza dir.  Pou konsyans moral en dimoun ki annan 50milyon dan labank, en konbinezon Roupi deviz, letan i pou fer son laplikasyon, nou pa anpes li fer son laplikasyon letan i fer son laplikasyon, e nou vwar avek bann detay ki’n soumet ki kapab soutenir pou pey saler son travayer pou mwan Avril definitivman Komite pa pou rekomande.

E fodre zot konpran e kekfwa mon pa konnen si taler nou kapab Mr Speaker atraver ou desizyon permet ki Chairman osi i kapab donn plis lenformasyon, kekfwa bann lenformasyon pertinan ki zot, zot pe rode spesifikman.  Akoz mwan mon napa.  Me sa ki mon kapab dir ou sa travay i en travay difisil, me enportan pou fer.  E tou desizyon ki ganny pran i ganny konsidere par plizyer dimoun otour en latab i annan omwen 5 zot, e konman Chairman i bezwen osi arbitre par-ler.

So nou konsyan ki nou bezwen pey dimoun ki dan difikilte dimoun ki bezwen pou ganny peye e bann ki pa kapab pa pou gannyen.  Mon a donn ou en lot legzanp.  Sa peyman 3.7milyon pou sa gro lotel ki Komite in aprouve.  Komite osi in fer dediksyon R600mil lo saler.  Akoz letan i ti soumet son laplikasyon ti annan travayer ki pa dan pei.  Zot ti’n fini ale.  So lo son payroll ti’n met l i plizyer travayer ki an deor pei.  So nou’n deduct 600mil.

Donk sa, sa travay ki sa Komite pe fer.  Akoz nou bezwen fer sir ki nou donn sa lasistans saler korekteman.  Akoz se larzan piblik ki nou pe dish out.  So nou bezwen fer sa legzersis.

Ti annan diskisyon, o depar ki ti dir annou fer self-assessment pou al pli vit.  Me annou pran sa ka spesifik lo self-assessment.  Nou ti’n pey R600mil an plis.  E mwan mon pa pare konman Minis Finans permet en sityasyon koumsa arive.  Mon pa pou permet.  Akoz letan nou pou al rode apre lo sa self-assessment nou dir li rann sa 600mil i pou rann mon pa konnen.  Kekfwa i pou rann.  Kekfwa osi i kapab pa rann.  So nou pa kapab fer sa.

So mwan se en se en lapel ki mon pe fer.  Les sa group dimoun travay.  Annou pa tro deranz zot pou lemoman.  Mwan mon fer mon mye pou mwan pa deranz zot.  Me yer mon’n deranz zot pou mwan vin isi.  Ozordi mon’n deranz zot pou zot vin isi avek mon.  Me the end result mon pe dir zot les ozordi the end result se ki 400 aplikasyon pou an retar.  400 aplikasyon pou an retar.  Me sa kestyon i telman enportan ki Leader Lopozisyon in demande mon’n deside fer  sa e vin isi.  Ou konpran?  Nou osi nou santi ki nou bezwen annan en dyalog fran lo sa size. 

        So les zot travay!  6er edmi diswar, zot bezwen aret travay al se zot.  Ti annan kerfyou.  Me la konmela nepli annan kerfyou.  Zot a travay ziska tan lizour i leve pou nou clear sa backlog, akoz nou determinen pou clear sa backlog!  Zot pa pey overtime sa bann marmay.  Zot travay!  Ou konpran?  So nou pou bezwen konpran sa sityasyon.  I pa ki nou pe dormi whatever it is.  Non, non, non,  non.   Le premye Me zot ti pe travay.  Mwan osi mon’n pas en kou, mon pa’n vin donn zot moral support, mwan osi mon’n vin travay.  So vwala konteks ki nou bezwen konpran.

Prezan pou pran ou lot kestyon lo allowances, wi Komite in pran en desizyon pou li pa regard peyman sa bann allowances atraver Komite.  Akoz sa bann budget heads i avek si ners ek lasante, si ladwann avek SRC whatever it is.  So zot pey against lo heads sa bann allowance.  Apre nou, nou a rekonsilye pou anmenn li anba sa COVID-19 pou fer nou rapor.   Me pou lemoman nou pa oule fer li antre avek Komite pou peye.  So i ganny peye direkteman e fotespere ki’n ganny peye.  Sa mon pa konnen egzakteman si in ganny peye la oubyen i pa’n ganny peye, me mwan espekte in fini ganny peye.  Pou reponn ou kestyon.  So mon ava dir ou, subject pou mon double check me wi zot sipoze ganny peye atraver zot budget heads zot Minister zot Departman oubyen zot Lazans respektif.  Mersi Mr Speaker.

 

MR SPEAKER

Mersi Minis. Onorab John Hoareau.

 

HON JOHN HOAREAU

Mersi Mr Speaker. Mr Speaker mon premye kestyon ki mon ti a kontan Minis donn nou en leklersisman lo la, si par egzanp bann sirtou bann lotel  ki bann multinationals se zot bann headquarters i deor, eski menm kriter pou evalye zot kont i ganny servi, parey ki i ganny servi pou evalye kont oubyen pran lenformasyon lo kont bann ki lokal isi?

Dezyenmman mon ti a kontan konnen ki pou arive apre Zen ler bann si lekonomi pa retourn an fonksyon pa retourn normal.  So ki pou arive avek sa bann lakonpannyen ki pe demann bailout?  E en konsern osi sorti kot en zabitan i le konnen akoz ki i ganny diskriminen pou la senp rezon ki i annan en joint account i self-employed i annan en joint account e son partner pa oule ki reveal son bann detay personnel lo son account?  Mersi.

 

MR SPEAKER

Mersi Onorab.  Minister.  Yes Onorab Simon Gill.

 

HON SIMON GILL

Mersi Mr Speaker.  Bonzour Minis ek tou koleg Onorab.  Mr Speaker mon’n tann Minis fer en submission, i dir probableman pou nou ganny plis detay ti ava voudre ki si Chairperson sa Komite i ganny en sans pou li entervenir.  Lo sa baz mon le move ki nou al dan Committee Stage avek ou permisyon pou kapab annan plis lenformasyon ki Lasanble i gannyen an relasyon avek sa kestyon, devan nou Lasanble. Mersi bokou Mr Speaker.

 

MR SPEAKER

Yes Onorab Sebastien Pillay.

 

HON SEBASTIEN PILLAY

Mersi Mr Speaker.  Mon le segonn sa propozisyon Mosyon.  Mersi.

 

MR SPEAKER

Bon i annan en Mosyon pou Lasanble move dan Staz Komite pou ganny plis klarifikasyon.  E pou ganny enteraksyon avek SS Payet ki Chair Komite.  Eski i annan en konsansis, eski nou kapab pran en vot, Manm ki agree?  Yes tou Manm ki an faver?  Ok okenn Manm ki kont? Non?  Madanm Deputy Clerk

 

MADAM DEPUTY CLERK

Mersi Mr Speaker.  Mon’n rikord 23 Manm ki’n vot an faver e personn kont. Mersi.

 

MR SPEAKER

Dakor, bon Lasanble Nasyonal i ava konstitye li dan Staz Komite, mon ava demann Sergeant pou move Mace e sa i a kapab permet SS Payet osi enterakte avek bann Manm.  Minister laparol i pou ou.

 

MINISTER MAURICE LOUSTAU-LALANNE

Wi mersi Mr Chairman.  Pou reponn premye kestyon, wi tou lotel i ganny evalye lo menm baz lo menm kriter ki nou’n demann zot pou soumet.  So la napa diferans.  E nou demande osi parey ou konnen pou si zot annan bann kont deor osi fodre zot deklare.  E lo sa Form 1 e nou dir osi ki tou lenformasyon ki zot soumet zot bezwen agree ki i kapab ganny servi pou en baz piblik,  akoz nou bezwen fer rapor pou nou soumet.  E si zot pa’n tick, zot pa’n sinyen, nou bezwen retourn kot zot, pou fer sir ki sa lenformasyon zot pe donnen;- enn – i factual, so en deklarasyon factual.  Enn.

2)  nou pou servi sa lenformasyon e nou pou sirkil li letan nou fer nou rapor.  So sa i en garanti ki letan zot fer zot deklarasyon i bezwen korek.

Now lot keksoz mon anvi dir ou, akoz nou’n konmans koz lo lotel, gran lotel.  I annan lezot gran lotel la mon’n mansyonn enn de i annan bann pti guest house and so on. I annan lezot gran lotel miltinasyonal ou’n servi sa term osi ki nou’n dir non outright!  Nou pa’n nou pa pe asiste ditou.  E i annan plis ki enn.  So sa osi i annan.  E parey osi mwan mon’n deza dir ou ki mwan mon’n resevwar en email en lotel ki li i dir i pa pou vini.  Ni pou Avril, ni Me ni Zen i pa pou vini pou tou le 3.  Kekfwa i a vin apre, si sityasyon pa repran.

Parey ou konnen dan Bidze ki nou’n aprouve isi dan Lasanble, nou nou’n fer en provizyon pou kontinyen pey saler, ziska Septanm.  Dan sa 1. 09bilyon ki nou’n aprouve nou krwar ki nou pou kapab stretch li, worst-case scenario akoz nou ti dir Bidze i en worst-case scenario ki tou keksoz pou konmans repran an Oktob, tourism nou dir an Oktob ki nou pou konmans revwar en keksoz.

I vre ki Prezidan Larepiblik in anonse nou pe ouver Airport le premye Zen.  I pa vedir le premye Zen Emirates, British Airways, Air France tousala pe vin apoze.  Sepa sa ki vedir.  I bezwen annan preparasyon, pou ganny fer.  Me solman nou pe anvoy en mesaz pou zot konmans prepare.  E mwan mon kapab dir ou ki Emirates in dir mwan zot anvi tournen an Zilyet.  Me si Emirates i vini an Zilyet e sityasyon annou dir L’Espagne i parey ki i ete ozordi, Emirates pa pou kapab anmenn Espagnole isi.  Akoz si nou fer sa nou pou rod en problenm pou met lo nou parey Onorab Leader Lopozisyon in dir taler.  Nou riske ouver en laport apre nou pa pou kapab bare.  So tousala nou pou fer li in the reverse ki nou ti fer letan nou tipe al lockdown.  So sa i en pwen ki mon anvi fer pou zot byen konpran.

Lo personal account mon krwar i a preferab ki mon demann mon Deputy Minister pou li entervenir lo sa size silvouple.

 

SS PATRICK PAYET

Mersi Mr Chair.  Bonzour tu Manm Onorab e tou dimoun ki a lekout.  I annan plizyer kriter ki nou servi letan nou pe fer bann assessment, me sa biznes i bezwen kapab zistifye son demann ki in fer lo Komite.  Par egzanp si i pe demann R30mil pou li soutenir swa en self-employed ouswa i annan payroll ki i bezwen soutenir sirtou bann self-employed si i kapab montre li lo kantite tax return ki in fer;- par egzanp si i kapab demontre ki letan in deklar son presumptive tax in fer apepre 300mil par lannen as reveni, nou kapab servi sa as en baz.

Me si par egzanp nou vwar ki son tax return i fer zis kekfwa 75mil, me li i pa kapab zistifye avek okenn kont ki larzan pe antre, so definitivman sanmenm sa ki nou kapab servi sa tax return ouswa nou donn li zis minimum wage 5, 804.

So i annan bann diferan fason ki li sa biznes anmenn sa ki lo Form No.2 nou’n les zistifikasyon avek sa biznes pou zistifye sa sonm ki i pe demann Gouvernman.  So menm si i annan joint account avek son madanm, me son madanm pa le i deklar sa.  Me li i bezwen montre en lot fason pou li zistifye sa sonm.  Par egzanp i annan sonm ki nou’n vwar ki en dimoun i deklar kot SRC zis son turnover 2019, R20mil zis R20 mil, me sepandan i annan en payroll R25mil par mwan.  Me letan nou regarde sa pa pe balanse.  I annan en keksoz mal.  Sanmenm sa  ki nou demann en pe plis lenformasyon ki bezwen go back al re-deklar son 2019 reveni ki’n deklare avek SRC.  Avek letan ou regarde si en dimoun i dan biznes i annan zis en saler i sipoze pe fer li apepre 400mil konpare avek sa deklarasyon ki’n fer kot SRC.  So nou pe verifye tou a bann lenformasyon akoz nou annan en database ki nou servi.  Me sepandan i owner sa biznes pou li kapab zistifye sa demann ki pe fer lo Komite.   Mersi Mr Chair.

 

MR SPEAKER

Mersi SS.  Onorab Jany De Letourdie.

 

HON JANY DE LETOURDIE

Mersi Mr Speaker.  Bonzour Mr Speaker.  Bonzour tou dimoun.  Minis an Zen 2006 dan son Ladres pou Zournen Nasyonal, Prezidan James Michel sa letan, i ti fer en Deklarasyon e i ti dir ki i apresye ki i annan bokou mizisyen artis sirtou ki pe fer en perse lo lasenn enternasyonal, e alors pou sa, pou li kontinyelman aport sipor anver zot devlopman, i pou tir tou bann requirement ki zot pou bezwen peye lo tax. 

Apre sa i ti swiv par en lartik dan Nasyon le 14 Zilyet, menm lannen avek tit, TAX REMOVAL, BOOST FOR MUSICIANS

‘’As self-employed Seychellois musicians there is no longer a requirement to pay business tax on profits from such activity.’’ 

        E prezan ki’n arive bann ki ti pe peye oubyen bann ki’n vin dan sa biznes zot osi dan lanmizik zot pa’n peye, mon pa konnen si i annan ki’n kontinyen peye.  E la prezan ki zot dan sityasyon, zot osi zot in fer zot request pou zot bann lasistans led finansyel e bokou zot, zot pe ganny dir pou dir zot dwa tax – ok?

Mwan mon panse ki vi ki in annan petet en mank responsabilite petet lo lapar Gouvernman, anfen permet mwan mon met li koumsa, ki petet in pa’n en keksoz mon pa konnen mon kekfwa en morso Lalwa ki siport sa Deklarasyon ki Prezidan in fer.  E prezan zot vwar zot ozordi pli bezwen plis ki zanmen sa lasistans.

E prezan zot pe ganny demande pou zot pey sa bann aryeraz tax ki zot dwa.  Me ki mannyer zot pou peye?  Akoz parey ou pe vwar la kantmenm in large zot, zot pa ankor kapab al dan lanplwa.  Akoz ou konnen ki biznes zot fer, zot depan bokou lo touris e osi bann spektak bann gran, gran rasanbleman pa ankor kapab fer.

E alors mon pe panse kan ki zot pou kapab ganny en larzan pou zot pou zot kapab boost up sa pou zot ganny lasistans?

Alors mon pe demande ki Minister i pe mazinen i a kapab fer pou soulaz sor sa bann artis?  Akoz depi la ziska mon pa konnen kan ki zot pou napa en larzan dan zot lanmen pou servi.  Mersi.

 

MR SPEAKER

Mersi Onorab.  SS Payet.

 

SS PATRICK PAYET

Mersi Mr Chair.  Mersi Manm Onorab.  Mon krwar sa konsern ti ganny mete par bann artis e nou ti go back pou nou al en pe dan database rasyonal kekfwa 2006, letan Prezidan Michel ti fer sa Deklarasyon.  Me keksoz ki nou’n vwar dan sistenm e dan Lalwa ki ti egziste at the time, avan 2006 ti annan en withholding tax ki ti aplikab ki ti ekivalan 15poursan.  Savedir si en artis ti pe sante dan en lotel en mizisyen, i ti ganny en peyman par egzanp R10 mil par mwan avek en lotel, avan ler sa lotel i pey li i tir withhold 15poursan.  E sa ti ganny retire annan tye apartir 2006 onwards. 

Me sepandan obligasyon pou business tax ti still remain.  Zot ti bezwen still al anrezistre avek SRC pou zot swa dan representative ouswa dan business tax normal.

Me semenn pase mon konnen sa semenn SRC in reouver sirtou akoz koleksyon pou sa semenn.  Depi semenn pase, ki ou ti pe travay avek bann artis, bann mizisyen akoz nou ti’n ganny bokou aplikasyon, pou zot kapab ale anrezistre avek SRC. Zot aplikasyon i more less nou’n fini assess, me once ki zot annan zot TIN nou pou’n fini fer en desizyon.  So pandan sa semenn tou bann case artis ki devan nou, nou pou pran sa TIN ki zot in ki SRC in donn zot, through SRC e ekrir zot offically baze lo zot demann ki zot in soumet.

So sa semenn tou bann artis bann mizisyen, nou espekte donn desizyon zot bann aplikasyon ki’n ganny fer lo Komite.  Mersi.

 

MR SPEAKER

Mersi SS.  Onorab De Letourdie.

 

HON JANY DE LETOURDIE

Pti silvouple.  Eski ou pe dir eski ou konnen anyway ou bezwen konnen, eski i annan mizisyen oubyen group ki’n deza gannyen?

 

MR SPEAKER

Mersi Onorab.  SS.

 

SS PATRICK PAYET

Non ziska prezan tou nou’n bann ki’n vin lo Komite nou’n pran en desizyon. Me selman nou pa ti ankor ekrir zot officially akoz nou ti pe esper TIN avek SRC. 

        I annan ki SRC in konmans donn TIN, me this morning nou ti espekte ganny tou sa bann TIN pou nou kapab konmans demen ekrir zot officially.  Mersi.

 

MR SPEAKER

Mersi SS.  Minister.

 

MINISTER MAURICE LOUSTAU-LALANNE

Wi mersi Mr Chairman.  Zis pou azoute i annan enn ki’n ganny peye le 2 Me.  En mizisyen in ganny peye le 2 Me.  Wi le 2 Me.  Wi, wi, wi zour mon lanniverser.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonzour Minis, tou koleg Onorab e tou dimoun a lekout.  Minis yer le 4 Me ti annan zis an trwa aplikasyon, dan 4065 ki ti’n ganny peye.  E ou ti dir ki by le 13 Me tou aplikasyon pou’n ganny peye.  Eski ou Minister pou ou meet sa deadline?

E dezyenmman Minis lanons ki Prezidan, Faure e ou Minister ti fer, zot ti dir ki bann biznes bann travayer sirtou bann ki dan sekter enformel, bann ki self-employed, ouswa bann sole traders ki pa meet bann criteria ki ganny demande lo form lasistans finansyel parey bann ki napa TIN zot pa anrezistre avek SRC, zot napa payroll, ouswa zot a pey tax.  Zot pou ganny asiste avek en sonm lavaler minimum wage ki R5804 sirtou atraver ASP. 

Me i annan bokou travayer dan sa bann kategori ki mon’n mansyonnen, ki pe ganny bokou pli mwens ki sa minimum wage i menm annan bann ki pe ganny mil R1, pou viv lo la.

E alor mon kestyon i akoz ki plizyer aplikan pe ganny mwens ki sa saler minimum ki zot ti’n promet?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Lo ou premye kestyon, apre konsiltasyon ki mon’n fer avek Komite semenn pase, Komite in asir mwan ki wi deadline  le 13 Me pou sa 4065 aplikasyon ki nou ti annan semenn pase pou ganny deal avek par Komite e peyman pou ganny fer.  So mon mentenir sa deadline.  E mon mentenir sa desizyon.

An sa ki konsern sa bann varyasyon, ki annan mon ava les   Chairman Komite eksplik ou byen akoz i annan sa bann varyasyon.

 

MR SPEAKER

Mersi Minis.  SS.

 

SS PATRICK PAYET

Mersi Mr Chair.  Mersi Onorab.  Kekfwa zis avan mon pas lo sa 2enm kestyon.  Parey zot konnen ki ozordi bann labank komersyal in konmans operate normal.  Savedir ordinerman trezor i fer 3 peyman par zour 10er, mon krwar midi apre 2er edmi.  Via FCFT, so vi ki bann zour avan ti zis apepre zis en fwa zot ti pe fer peyman par zour sa osi kekfwa in kontribye en pti gin.  Me selman nou espekte ozordi ki keksoz i en pe al en pe pli vit, vi ki nou pe fer 3 fwa peyman par zour.

Me osi letan ou get sa kantite aplikasyon 4065 Minis in mansyonnen, zis pou azoute osi ki nou’n vwar en pe lo kote lo Komite ki annan en dimoun ki’n fer 2 fwa aplikasyon.  Savedir sa number osi i kapab en pe on the hindsight akoz menm Komite letan in pas detrwa aplikasyon nou’n vwar ki annan dimoun kekfwa in fer in anvoy en aplikasyon via email apre still in fer en aplikasyon via hard copy. So i annan e nou espekte kekfwa sa number  i pou go down ouswa i pa pou go up significantly. 

        Dezyenmman keksoz ki nou ti dir se lo kote minimum ki Komite i peye se 5804 minimum e maximum i R30milSi lo en Form 2.  Me selman si i annan en payroll sa i kapab go highest. 

        Me tandis ki ASP, ASP in travay lo en striktir in met an plas ki mon krwar zot in anonse, e sa zot in fer  zot assessment dapre zot household income.  So sanmenm sa ki i annan dimoun kekfwa ki pe ganny mil R1, R2 mil ouswa menm ki pe ganny rezete i dapre zot household. 

Me tandis ki li Komite si sa dimoun ouswa sa self-employed swa sa biznes letan i vin fer son aplikasyon i pa kapab zistifye sa sonm pli o ki in demande, la nou baz li lo 5804 ki minimum wage.  Me sa i baze lo Komite.  Savedir Komite se si en dimoun i annan son TIN everything i dan formal.  Me tandis ki if informal sector lanmenm la ki i a kot ASP, ASP li i vwar li dapre sa striktir ki in met an plas.  Mersi.

 

MR SPEAKER

Mersi SS.  Onorab Woodcock.

 

HON WAVEL WOODCOCK

Dernyen kestyon Mr Speaker, sa i en kestyon ki plizyer  Seselwa pe demande, eski Sesel pou annan ase  larzan pou kontinyen donn lasistans finansyel apre Zen?  Mersi.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Mersi Mr Chairman.  Si nou pou annan ase larzan pou pey lasistans sa larzan pou pey lasistans salaryal apre pre Zen?  Wi be nou’n bidzete parey mon’n dir ou pou nou fer sa en R1. 9bilyon ale ziska Septanm.  So nou bezwen port e latansyon serye, nou bezwen partisipasyon tou dimoun pou nou stretch li pou li ariv sa peryod.

E apre nou lekonomi i a keep up la  nou konmans vwar deza depi in ouver ki i annan en pe plis mouvman dan lekonomi.  Dolar mon’n tann koze taler Dolar vre in depresye, Roupi in depresye.  Me sa ki nou santi  in ganny sa, sa sityasyon senpleman  akoz i ti annan en mank Dolar  dan sistenm banker.  Ti annan en backlog enn fwa ki nou’n met  en pe larzan nou’n vwar li prezan in stabilize.  Plizoumwen anfen stabilize kekfwa i en move mo.  Me in plito vwar son, son milye.  Nou pa ti a kontan in mont 20.  Nou ti a kontan i reste dan 17.7 pou en pe letan.  Akoz sa en moman i nou stabiliz li i ava osi ed nou dan diferan lezot domenn.

So nou konmans vwar sa.  So i enportan  ki nou stretch sa   larzan, ziska Septanm e the recovery is on route parey nou ti forecast.   Me nou pou kontinyen regarde e letan nou fini sa loperasyon an Avril, nou pou konnen egzakteman konbyen nou’n depanse apepre an mwan Avril, avek sa bann sipor.  E se pou kwa mon le fini sa legzersis pou nou konnen egzakteman  konbyen i ete.  Mersi Mr Chair.

 

MR SPEAKER

Mersi Minis.  Onorab Ahmed Afif.

 

HON AHMED AFIF

Mersi Mr Chairman.  Mr Chairman mon ti a kontan demann mon ti a montan demann Minis vi ki mon mazinen pandan sa dernyen 10 zour in nobou process anviron in nobou pey apepre 103 aplikan, ki lavites i krwar zot kapab fer par zour.   Parske i annan 4065 e i reste li zis 3900 ekek pou ale pou peye.  Konbyen dimoun ki pe travay dan sa loperasyon?  Parski si zot pe kapab fer mon mazinen zot pe fer apepre 10 par zour ki zot pe konplete ziska peyman.  Be i pou pran zot en bon pe letan borde zot fini si zot pe fer en travay ki vreman detaye. Alor konbyen dimoun ki zot annan?  Eski i krwar zot annan ase resours ki’n met de kote pou fer sa travay zisteman parey i devret ganny fer?

E dezyenmman Minis ler ou ti dan Lasanble le 8 Avril ou ti osi dir ek nou zot pe mazin en zot ti pe mazin lo la en propozisyon kot serten biznes i pa neseserman demann zot, en donasyon, en Grant parey zot pe donnen.  Me plito i al kot son labank e i fer en laplikasyon pou en overdraft ki Gouvernman i donn li en backing.  Sa i redwir sa lour lo ou, i anvoy tou sa kestyon kot labank, e dan sa fason biznes li i swazir i ganny sa fleksibilite pou fer sa bann peyman, ki i bezwen fer e i pou re peye i tir sa lour lo Gouvernman.  Eski sa propozisyon parmi sa bann ki zot in deza konsidere eski sa i form parti ladan?

E mon 3enm kestyon Minis mon konnen par-ler i paret konmsi nou pe met pyon nou pe nou pe deranz zot, dan ot travay.  Me enn zot travay se osi donn lenformasyon e azir dan en fason transparan.  E  enn nou travay se fer sir ki i annan latransparans dan tou sa ki pase e nou, nou fer sa travay oversight.

        Alor mon ti a kontan demann ou ankor parske i enportan sennla;-          wholesale ek retail, set en sekter i nou tou nou konnen in fer tre byen pandan  a lockdown e toultan parske tou dimoun i bezwen manze sirtou.  E i bezwen bann bezwen debaz.  Eksplik nou lo ki rasyonnal okenn dimoun dan wholesale, retail i bezwen ganny son aplikasyon aprouve e si ou kapab dir nou lekel sa dimoun?  parske i en kantite larzan  ki pe ganny verse;- par egzanp 3.7 milyon pou en lotel, i ekivalan Bidze Departman Lendistri.  Ki i vin isi ek son PS, ek tou son bann dimoun pou vin demann zistifikasyon  pou en lannen antye.  E en boug zis en i ganny en tyek R3.7milyon. San okenn verifikasyon par okenn lenstitisyon parey Lasanble Nasyonal an detay.

Alor i enportan pou nou konn sa bann lenformasyon.  Parey nou fer pou en Minister nou konnen lekel nou konnen ki i pe al fer, mon krwar nou konnen akoz ki zistifikasyon wholesale ek retail in ganny en morso dan sa larzan ki sipoze vreman pou bann ka ki merite.   Mersi Mr Chairman.

 

MR SPEAKER

Mersi Onorab. Minis oubyen SS.  SS Payet.

 

MINISTER MAURICE LOUSTAU-LALANNE

Wi mersi Mr Chairman.  Mon a fer en larepons lo de pwen ki Onorab in koze e Mr Payet i ava konplete. Annou pran sa sityasyon 4065 aplikasyon.

Wi nou, nou ti konmans li dousman, dousman.  Wi ti annan serten blokaz.  E o fir anmezir, Komite in revwar e nou’n debloke kot nou’n kapab debloke.  Ozordi mwan mon santi ki nou annan en sistenm an plas ki kapab asire ant sa diferan seksyon ki pe travay lo la, ki napa en bottleneck somewhere.  Ki mon pe dir par sa?  Si Komite i konsider 400 aplikasyon pandan en zour Chairman Komite li i bezwen siny 400 let, ki dir peye.  Oubyen i dir peye me nou’n tir en pe.  Oubyen i dir rezete.  I bezwen siny sa bann let.

Prezan kot i dir peye, i desann dan en lot Departman, e sa Departman li prezan, i met sa dan sistenm.  E se pou kwa nou’n dir i pou pran 10 zour, from the time ki ou soumet sa aplikasyon pou nou fer sa peyman.  Si tou zafer i annord.  Akoz si letan nou pou al fer peyman, akoz pa bliye nou pe travay ek dimoun ki nou pa konnen.  I annan en bon pe sa bann dimoun, zot napa en supplier profile dan sistenm Gouvernman.  Si napa nou bezwen al rode.  I pran en pe letan par-ler from the time ki  nou donn approval e sa peyman i ganny fer.

Me nou’n sanz sistenm pou nou nobou prezan akseler sa.  E tou sa bann Departman  i bezwen travay lo menm speed.  Alor ozordi parey ou’n fer resorti wi zot SS in siny 444 let as from yesterday.  E nou’n pey zis 103.  So i annan 340 ekek ki somewhere.  E ozordi pou mwan i bezwen ale, akoz Trezor avek labank i ouver ziska 2er edmi e nou fer 3 peyman dan en zour.

So mon pe espekte letan mon sorti la, ki omwen 300 peyman in ganny fer.  E apre nou mantain sa menm pace akoz ozordi nou’n deblok en pe bann kontrent ki ti annan.  E wi tou Departman mon Minister pe kolabore pe donn en koudmen.  Nou’n bezwen fer rantre Economic Planning pou vin donn en koudmen nou bezwen fer rantre Departman Trade pou vin donn en koudmen.

So nou pe travay an net wat kolaborasyon  pou nou fer sir ki nou meet sa deadline le 13 Me.  So mon  anvi dir ou sa pou mwan donn ou sa portre ‘ki nou pe travay vreman serye.  Nou pa anvi annan sa bottleneck e nou vreman sorry ki sa sityasyon i ariv koumsa.  Me nou pa kapab fer otreman.  Nou pa kapab fer otreman.

Me parey mon ti dir dan mon press conference osi letan  nou’n osi nou’n en viktim sa COVID.  In sanz tou nou sistenm ki nou ti’n mete.  First in, first out.  Me finalman letan nou’n dan lockdown tou sistenm in saboule.  E menm letan mon get sa peyman la, mon’n fini vwar ki nou annan problenm, ou konpran?   E mon kapab dir ou osi ki par  egzanp nou’n dir ok nou a donn priyorite taksi drayver.  E Komite i pare pou fer sa.

E nou’n clear apepre 70 taksi drayver.  Non pardon 100 taksi drayver.  E ozordi Komite pe al vwar laplikasyon 70 taksi drayver, akoz nou anvi akseler sa pi vit.  Akoz nou santi kekfwa la i annan en nesesite.  So i annan menm en reprioritization dan travay sa Komite.  So we are onnet konmdi Anglais.

Lo wholesale, retail, ok letan mon ti mansyonn sa, e in kre problenm e eskiz mwan Onorab Ferrari mon pa’n reponn ou kestyon mon’n bliye i pa ki mon pa’n anvi reponn sa kestyon.  Mon annan non sa dimoun anfen mon pa pou donn son non, me li i fer bann prodwir pti baba avek tekstil.  E li in ganny minimum.  5,804 minimum, in ganny minimum. 

Donk a mon avi mon pa konnen egzakteman me a mon avi i kapab enn sa bann dimoun ki pey en tiket i al Dubai i aste detrwa pti keksoz i desann avek i met lo e latab i vann, mwan mon pe prezimen.  Ou konpran nou pe rantre dan en bann detay la.  Me vwala sa ki nou’n peye le 29 Me, sorry le 29 Avril, se sa ki  nou’n peye R5, 804 pou sa madanm pou bann zafer pti baba ek tekstil.  Mersi les Mr Payet kekfwa konplet sa larepons.  Mersi Mr Chairman.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Chairman.  Zis mon krwar petet Onorab Mr Payet pe al reponn sa bout lo si laranzman finansman loan oubyen overdraft pe osi ganny konsidere?  Mersi.

 

MR SPEAKER

Mersi Onorab.  SS.

 

SS PATRICK PAYET

Wi Mr Chair kekfwa zis avan, lo kote retail definitivman si en laboutik i kontinyen ouver outright menm si in fer aplikasyon, nou reject.  Mon konnen ti annan en koze deor ki enn de bann boutikye dir zot pe al anvoy zot laplikasyon ozordi.  Si zot in ouver pandan sa bann letan, ki zot ti pe vann food item definitivman zot pa pou ganny Komite pa pou aprouve, akoz nou pe vwar plis laboutik kekfwa ki ti pe vann lenz, akoz zot pandan sa peryod zot pa ti pe fer okenn sales, ouswa bann lezot komodite.

Me plis ki’n vin devan Komite i bann dimoun kekfwa ki pe fer biznes wholesale, retail ki ti pe ale al aste aletranze sirtou bann self-employed apre vini, me letan nou regarde ti annan bokou zot ki zot lenformasyon kot tax ti vreman kler.  So i menm sanmenm sa in fer en pe analiz lo la.

Lo kote biznes, wi mon konnen Labank Santral ti pe finaliz Lagreman akoz yesterday PS Finans ti dan finalizasyon enn de bann provizyon dan sa Lagreman.  Wi i pou annan sa loan pou available avek bann labank sirtou SME premyerman anba 25 milyon so Gouvernman pou garanti 70poursan e zot, zot pou provide en garanti 30poursan.  E nou ti pe finaliz Lagreman pou kapab ofisyelman Labank Santral anonse avek bann commercial bank.

        Apre secondly, en second  component, ki nou ti pe negosye avek Labank Santral ki’n Labank Santral in dir zot pe al ladan me selman pa ti ankor finalize, i pou bann biznes ki pa lao 25milyon ki zot turnover sa i pou napa en garanti par Gouvernman akoz large businesses zot pou annan ase security.  Sa Labank Santral pe finaliz sa funding osi.  So i pou annan de fason funding. Mersi.

 

MR SPEAKER

Mersi SS.  Nou annan ankor 8 Manm lo mon lalis.  E letan pa dan nou faver mon ti a kontan demann bann Manm pou fer zot kestyon presi pa donn lesplikasyon, parfwa nou demann en kestyon.  Me an menm tan nou regarde dan lesplikasyon nou pe sey reponn nou kestyon.

Nou annan en panel ki pou reponn kestyon alor nou fer nou kestyon presi to the panel e panel i ava donn klarifikasyon.  Onorab Waven William.

 

HON WAVEN WILLIAM

Mersi Mr Speaker.  Mon ti a kontan demann Minis ouswa SS pou don sa bann larepons swivan.

Minis lefe ki ou dir ki annan 4065 aplikan.  E 103 in fini ganny deal avek.  Ladan i annan 1092 ki’n ganny vwar e la ou’n donn en target ki by le 13 Me laplipar ou panse pou ganny finalize.

Me mon anvi konnen avek ou eski zot pe ganny tou korporasyon avek bann lakonpannyen?  Par egzanp ozordi ou annan bann travayer ki fristre ki pa ankor ganny en saler.  Nou tou nou konnen letan en saler pa ankor antre dan en fanmir i annan bokou problenm.

So si par egzanp retar i ganny akimile, par anplwayer e se bann travayer ki pou soufer, akoz zot saler pa pe antre.  So ki bann rekour ki annan letan sa ale vini e ale ant Minister ek sa anplwayer me selman li sa travayer dan milye pe espere menm.  Eski zot annan en backup plan pou sa?

        E dezyenmman Minis mon ti a kontan ou dir mon lefe ki la lockdown pe konmans ganny slack, eski sa bann laplikasyon ki’n antre la bann ki pe kapab fer biznes menm si Prezidan n dir pou dir pou garanti saler pou 3 mwan, e la ou’n dir pou dir zot in fer provizyon pou ziska Septanm.  Eski pou annan en scale down, en revizyon lo sa bann laplikasyon ki’n antre ?  Mersi.

 

MR SPEAKER

Mersi Onorab.  SS.

 

SS PATRICK PAYET

Mersi Mr Chair.   Mr Chair premye kestyon Onorab, mon krwar definitivman parey Minis in dir i bezwen annan sa konsyans moral pou osi lo kote sa anplwayer.  Menm si pa ankor ganny peye.  Akoz par egzanp i annan en detrwa biznes ki’n telefonn nou zot dir nou koumsa zot pa peye ziska ler Gouvernman i peye, e mwan menm mon ki mon’n pran telefonn mon’n koz ek sa managing director, akoz leta nou ti get son aplikasyon i ti amann larzan pou li peye.

At least i ti kapab convert en pe sa Ero ki i ti annan convert apre baze lo desizyon, Komite. So in annan enn de bann diskisyon spesyalman bann ki ti annan en pe large en number of large employees ki mon ti pe diskite, me selman mon krwar i dan sa kontrent en pe konsyans en pe moral lo sa anplwayer osi pou li kapab fer pey son travayer ki annan.

I pa zis mete sirkonstans, si i arive i pa ganny en desizyon ki dan son faver letan i sorti lo Komite.  E ki bann prosedir pou li follow pou li al lo kote Appeal Komite.  Sa osi bezwen mazinen so si i annan larzan i bezwen peye, e baze lo bann kriter ki nou met devan i vreman kler.

E secondly nou konnen par egzanp bann aplikasyon ki’n ganny fer pou mwan Avril, i annan sirtou akoz ti annan lockdown mon konnen bokou biznes ti’n fermen;- par egzanp annan get biznes hairdresser avek barber shop, mon konnen bokou zot in fer aplikasyon.  Me selman nou pa espekte annan sa bann kalite biznes ki pou fer aplikasyon pou mwan Me.  Akoz mwan Me everybody is back dan biznes pou sa kategori biznes.

Me tandis ki bann lezot kategori par egzanp lotel taksi drayver sa i en lot konponan.  Me tandis ki bann kategori ki pe ouver pandan sa bann letan nou konpran.  Par egzanp en lot legzanp nou annan tuck shop kot bann lekol, le 18 lekol i konmanse definitivman nou espekte zot kekfwa pou demann partly an Me, me tandis an Zen nou pa espekte zot vin demann laplikasyon.  So tousala i bann diskisyon i nou’n gannyen lo Komite ki nou pou fast track en pe sirtou dan mwan Me bann kategori ki nou vwar on the outset ki definitivman nou bezwen donn zot sipor mwan Me, baze lo zot bann aplikasyon ki zot in fer dan mwan Avril.  Mersi.

 

MR SPEAKER

Mersi SS.  Onorab William.

 

HON WAVEN WILLIAM

Mersi Mr Chair.  Mon ti a kontan demann avek SS nou tou nou konn sirkonstans sityasyon ozordi dan lemonn annantye, e Sesel pa ganny eparnye lo la.

SS nou pa kapab fye lo konsyans sosyal.  I annan en group travayer la deor ti a kontan konnen si the worse come to the worst ki zot fer letan sa va et vient pe ganny deroule ant Minister avek anplwayer?

E dezyenmman lo en kestyon ki Onorab Woodcock i demande.  SS en dimoun ozordi the basic salary 5800mil  – ok?  So sa kalkilasyon la ki ASP pe fer R3mil i pa akseptab.  So lekel ki kapab fer lazisteman akoz se Gouvernman, Prezidan in fer lanons, pou garanti saler.  E prezan sa dimoun ki abitye ganny li 5800mil ou pe dir ki ou pou donn li R3mil, mon krwar i pa akseptab.  Akoz i pa pou fer li kapab zwenn tou son bann neseser ki i ti abitye fer oparavan.

So mon ti a kontan en leklersisman lo la.  Akoz mon krwar pou dir devret annan en koze ant Minister avek ASP pou sey vwar dan bann ka kot i merite, ki sa 5800mil i kapab ganny donnen, ouswa mon konnen si zot maximum i 5mil.  Ti devret kapab ganny konsidere.  Mersi.

 

MR SPEAKER

Mersi Onorab.  SS.

 

SS PATRICK PAYET

Mersi Mr Chair.  Mr Chair tou bann aplikasyon sirtou bann ki anploy travayer ki letan on the outset ki Komite i rezete, nou pe fer lanplwa ganny en kopi ki pou konn tou sa bann anplwayer ki Komite pa’n aprouve.  So definitivman lanplwa i bezwen i pou bezwen zwe en rol, dan sa prosedir si bann travayer pa ganny peye.  So definitivman nou pe travay konzwentman avek Minister Lanplwa lo sa size.  Akoz anplwayer osi i bezwen fer son prosedir konman li ki in anploy tou sa bann dimoun.

Me secondly i en keksoz ki, ki mon anvi mansyonnen sa minimum wage parey mon’n dir. Lo kote Komite, tou travayer, tou self-employed dimoun ki i annan son TIN everything i kler, minimum lo kote Komite 5804, minimum.  Me tandis ki lo kote ASP lanmenm la i fer son kriter baze lo sirkonstans ki’n evalye bann lakour.

So li definitivman i annan son bann kriter ki servi.  Nou kapab revwar reget avek ASP.  Me selman ki nou bezwen mazinen osi sa bann dimoun osi nou’n donn zot ase letan pou zot apre kapab met zot byen formally dan en sistenm. Par egzanp si zot ti konnen zot ti pe operate dan informal sector nou pe ankouraz zot la pou zot al anrezistre avek SRC, al anrezistre konman en biznes ki mwan Me zot kapab fer zot fresh aplikasyon, so sorti dan sa aplikasyon ASP. 

        So tousala i bann diskisyon ki nou’n gannyen e mon konnen i annan bokou dimoun kekfwa ki’n kapab ganny asiste avek ASP e apre akoz kekfwa akoz retar dan zot aplikasyon through the Komite.  Nou’n travay konzwentman avek ASP pou donn zot en pe plis detay lekel bann dimoun ki nou’n aprouve ki zot at least konn en pe sa bann NIN.  So i annan bann diskisyon ki nou pe gannyen on a daily basis avek ASP.  Mersi.

 

MR SPEAKER

Mersi SS.  Onorab Gervais Henrie.

 

HON GERVAIS HENRIE

Mersi Mr Chair.  Mon premye kestyon nou’n nou konnen ki le 20 Mars Prezidan ti dir ki tou travayer dan sekter piblik sekter prive pou ganny asiste avek Gouvernman.  Me selman apre nou’n vwar i annan bann zafer kriter ki’n rantre kot i annan aplikasyon ki’n ganny rezete.

Alors mon premye kestyon se, eski ti amann en direktiv sorti State House pou Minister Finans? Ouswa eski ti annan en direktiv sorti kot biro Minis Finans pou Komite ki’n dir zot pou dir zot kapab etabli bann kriter pou aksepte ou rezete ki fer en depar, from lanons ki tou dimoun pou ganny peye?   Sa i mon premye kestyon.

2enm kestyon nou’n ganny dir ki i annan 4065 aplikasyon e 103 peyman ki’n ganny fer.  Mon oule konnen sa i reprezant total ki kantite travayer?  E si sa sif i an dakor avek par egzanp, peyman ki pa’n ganny fer, pou PIT, avek Fon Pansyon apartir le 21 Avril sa lannen.  Mon 2enm e mon annan en 3enm, e dernyen.

Eski Minister ou Komite i ava konsider en revizyon dan sa capping 30mil an vi ki nou le elarzi sa sonm 1bilyon e plis, pou ziska Septanm?  Mersi.

 

MR SPEAKER

Mersi Onorab.  Minis?  SS.

 

SS PATRICK PAYET

Mersi Mr Chair.  Kekfwa lo kote ki kantite akoz dan database ki nou annan kekfwa once ki nou fini finaliz rapor letan nou’n fini fer tou peyman nou espekte dir zot ki, ki kantite biznes ki’n fer aplikasyon e ki kantite Seselwa avek ki kantite foreigner.  So kekfwa sa detay nou pou napa la, me selman nou espekte once ki nou fini konplet a legzersis, nou kapab fer en detay pli detaye ki nou pou kapab share avek Lasanble.   Ki kantite biznes ki’n vini dan ki sekter e ki kantite lokal travayer lokal e ki kantite foreigner pou sak sa bann kategori, nou espekte share sa avek Lasanble osi.

Lo kote PIT avek SPF definitivman nou, nou pe pey zot gross saler gross salary e nou espekte sa bann biznes pey sa income tax avek Pension Fund contribution pou employees deduct lo zot saler.  E nou espekte  deadline i le 21 Me nou espekte ki zot, zot in fer sa bann peyman once ki nou’n fer peyman.

E ki nou’n vwar selman letan nou pe fer assesement i annan biznes menm si zot ti pe pey saler, zot travayer ki ti par lao threshold,  i annan biznes ki lannen pase pa pe pey pansyon  son travayer.  Savedir zot pe deduct pansyon lo sa bann dimoun selman zot, zot pa pe pey Pension Fund.  Sa assessment akoz bann staff ki pe travay lo la in fer assessment e nou’n vwar lekel sa bann biznes e nou pe donn lalis Fon Pansyon pou zot follow-up avek sa bann biznes.

E ozordi nou ti a kontan demann enplor sa bann biznes si zot pa’n fer li.  Akoz at the end of the day i sa travayer ki pou ganny afekte letan son pension i due. 

        Lo kote Komite nou nou’n diskit lo sa capping 30mil, nou pa ti anvizaze revwar li.  Me selman si i annan en lot deba lo la si zot espekte kekfwa i tro o, mon konnen selman akoz nou’n kapab cap li nou ti’n konmans lo 45mil, me nou’n redwir li lo 30mil nou vwar on average kekfwa sa bann dimoun kekfwa i kapab zot annan en pe depans an plis sirtou lo kote loan, sa bann kategori.  Sirtou letan zot in soumet lo kote self-employed, nou’n vwar bokou zot annan bann loan lakaz konpare kekfwa i pa avek HFC, i avek bann labank komersyal.  So zot kapab pe pey en interest rate en pe pli high konpare avek HFC. 

Me lo kote kriter, sa i en diskisyon ki nou ti’n gannyen at Minister, akoz sirtou letan ou vwar nou anvi ki si nou ou asiste bann biznes apre Zen, Zilyet nou bezwen fer sir ki at least bann biznes ki pli bezwen ki servi la.  Nou konnen kekfwa si keksoz i pli agrave i kapab afekte plis biznes sirtou, menm bann ki nou pa pe asiste pou lemoman.  I kapab kekfwa i annan biznes ki’n ekrir nou ki in dir nou i pa pou bezwen lasistans pou mwan Avril avek Me.   Me tandis ki Zen i pou vin lo kote Komite.  Me zot in fini fer anvoy zot laplikasyon me pou sa bann biznes nou’n kit zot aplikasyon on hold ki nou assess li an Zen.  So tousala i bann osi bann prosedir ki i annan enn de bann  biznes in servi, ki nou osi nou anvi anvizaze kekfwa servi sa larzan kekfwa en pe pli long kekfwa menm Zilyet menm Out apre desizyon Gouvernman.  Mersi.

 

MR SPEAKER

Mersi SS.  Onorab Henrie, vitman.

 

HON GERVAIS HENRIE

Mersi Mr Chair.  Mersi pou larepons.  Zis lo premye ki mon ti demande mon oule plis klarite lo la.  Akoz parey mon’n dir dan son Diskour le 20 Mars Prezidan ti dir pou donn en saler tu travayer dan sekter prive.  Me apre nou’n vwar ki bann kriter in vin dan zwe.

Prezan mon le zot dir nou si i annan en let en keksoz en direktiv an ekrir par la, swa sorti State House, ou Minister Finans ouswa sorti kot biro Minis pou Komite.  Akoz demen nou pa oule en sityasyon kot Prezidan i dir mwan mon ti dir donnen.  Me sa bann boug laba ki pli konnen ki’n deside pou pa donnen.

So eski in annan en direktiv an ekrir ki nou vwar kote sa lotorizasyon in sorti pou entrodwir kriter?  Mersi bokou.

 

MR SPEAKER

Mersi Onorab.  SS. 

 

SS PATRICK PAYET

Mersi Mr Chair.  Mr Chair mon krwar premye fwa ki Komite avan i ti konmans travay i ti zwenn avek Prezidan e menm si ti annan 6 dimoun – 5 dimoun ki sorti dan Gouvernman en dimoun sorti Labank Santral e en dimoun dan sekter prive.  Premye zour sa Komite ti zwenn avek Prezidan e nou ti donn li en pe lo ki fason nou pe al travay, e nou ti met dan diskisyon avek li nou ti diskite i bezwen annan bann kriter.  Akoz nou ti demann li son espektasyon letan i ti pe fer son Diskour ki ti pe espekte.  E i en keksoz ki nou ti diskit ek li se nou pou bezwen met kriter.  So i ti aksepte lo la.  Mersi.

 

MR SPEAKER

Mersi, mersi SS.  Onorab Regina Esparon.

 

HON REGINA ESPARON

Mersi Mr Chairman.  Bonzour Minis ek ou lekip.  Mr Chair mwan mon ti ava kontan demann Minis, baze lo sa larepons ki in donn Onorab William.

Mon pe santi poudir bann dimoun ki pe al kot ASP pe ganny defavorize.  Parski, mon a donn, mon pou donn li en legzanp pou li konpran akoz mon pe dir sa.

En travayer ki pe travay, ki lo probasyon dan en lotel.  Li i ti pe ganny li R8 mil.  Parski i napa en pay slip li, i pe ganny peye avek en cheque, i pa lo payroll sa lotel.  Selman i lo probasyon dan sa lotel li.  Li i ganny R8 mil, me selman letan i al kot ASP i ganny donnen zis R3 mil.

Eski sa pa en sistenm kot sa lotel li i ti kapab submit non sa travayer koman enn son travayer, konmsi lo son lalis ki in anvoy kot Minister Finans.  De lot kote, en lot dimoun li ki li in al kot ASP, in ganny donnen R3900.  Dan sa R3900 in ganny li en koupon, 3400 avek cash R500.

E en keksoz ki nou pe remarke se ki tou koupon ou bezwen al pran konmisyon kot STC.  Lekel ki determinen si ou ganny cash oubyen koupon?  Parski li sa dimoun i reste anler North East Point li.

Sa R500 ki ou’n donn li i bezwen pey en pirat pou ariv kot STC li.  STC i bezwen fer en laliny 3 erdtan avek sa zafer social distancing pou li kapab antre kot STC pou li ganny en konmisyon.

Akoz zis STC ki pe ganny donnen koupon?  Akoz tou dimoun ki ganny koupon i bezwen al kot STC?  Sey eksplik nou en pti pe lo la Minis.  E lot keksoz kekfwa en leklersisman sa enn la.  Sa bann dimoun ki zot, zot case pe ganny rezete, eski i annan en sistenm appeal?  Mersi.

 

MR SPEAKER

Mersi Onorab.  SS.

 

SS PATRICK PAYET

Mersi Mr Chair.  Mersi Onorab.  Mr Chair kekfwa lo kote premye kestyon, definitivman mon konnen sirtou lo kote casual worker i annan bokou lotel ki mon krwar, ouswa bann small establishment kekfwa ki ti kapab annan bann casual worker.

E nou ti ekspekte ki letan zot fer zot aplikasyon zot fer li avek zot casual worker osi.  Menm si kekfwa zot ti annan en payroll apar pou sa bann dimoun.  So kekfwa si i annan detrwa sa non, e nou konnen kote sa bann dimoun i ete, nou kapab follow-up.

Akoz kekfwa sa dimoun kekfwa pa’n fer sa aplikasyon.  Nou kapab demann en pe sa letablisman.  Akoz i annan detrwa small case ki nou’n fini pase, ki’n pase, ki’n pas lo Komite.  E mon konnen ti annan bann full time employment. I annan bann dimoun ki dan full time employment dan sa lotel, dan en pti establishment.

Me i annan bann dimoun ki travay part time osi lo kote sa small establishment.  E zot in donn nou 2 kopi payroll, e Komite in assess zot rekomandasyon.  E si in annan bann non sa bann dimoun i kapab fer follow-up avek sa letablisman.  Lo kote, yes i annan en appeal mekanizm ki’n ganny mete.

Pou le moman nou pa ankor ganny appeal.  Me selman i annan en striktir appeal ki’n ganny met a plas.  E i annan en Sekretarya osi ki pou travay avek Appeal Committee.

Lo kote koupon, anyway sa kekfwa nou ava prevwar avek ASP, kekfwa i bezwen annan en prosedir striktir ki zot in met an plas avek STC.

Mon pa pe okouran, kekfwa desizyon, akoz ASP in pran sa desizyon.  Kekfwa pou li travay konzwentman avek STC, sa nou ava regarde avek li kwa rasyonnel e desizyon.

Kekfwa nou ti pe ekspekte kekfwa zot in, letan zot ti pe lans sa progranm, zot in fer li avek STC.  Selman nou kapab regard li avek ASP rasyonnel deryer sa desizyon ki zot in fer.

 

MR SPEAKER

Mersi SS.  Onorab Esparon.

 

HON REGINA ESPARON

Mersi Mr Speaker.  Mr Speaker zis en pti, pti bout mon ti’n bliye.  Pou demann ek Minis si bann, ESA, bann pti artizan, bann ki dan kyosk la, lesplanad, Bazar Labrin partou.  Epi ou annan bann dimoun ki annan zot pti laboutik souvenir.

Eski ESA in submit en lalis kot zot pou vwar lekel sa bann dimoun ki ti dan sa bann kyosk oubyen ki ti dan bor kot Bazar Labrin?  Ki zot pozisyon?  Akoz i annan dimoun ki’n fer laplikasyon depi le 2 Avril, ziske prezan ni acknowledgement pa ankor gannyen.  Mersi.

 

MR SPEAKER

Mersi Onorab.  SS.

 

SS PATRICK PAYET

Wi Mr Chair.  Mersi Onorab.  Definitivman tou bann pti artizan si zot dan kyosk, tousala zot al Bazar Labrin, i annan ki Komite in fini assess, kekfwa nou ekspekte zot pe ganny zot bann let sa semenn.  Me selman nou annan lalis ki nou pe verifye.  Lalis nou’n ganny li through  ESA.  Mersi.

 

MR SPEAKER

Mersi SS.  Onorab Egbert Aglae.

 

HON EGBERT AGLAE

Mersi Mr Speaker.  Bonzour Minis ek ou delegasyon.  Minis, swa SS, i annan en mo ou’n servi taler koman priyorite ki ou’n fer resorti.  Eski ou kapab eksplik nou petet, ki mannyer petet ou tonm lo en lalis priyorite pou ou fer peyman.  Parske ou’n nonm parey taxi,  ou’n nonm priyorite.  Akoz i annan serten konsern ki, i annan biznes ki’n ganny afekte ek sityasyon COVID, ki deswit in napa reveni.  Me i annan biznes ki reveni in redwir.  So mon ti a kontan konnen baze lo sa, ki mannyer ou klasifye priyorite?

Dezyenmman i byen ki Minis ou’n met sa deadline le 13 a 14 Me.  Ki ou lekip pou fini travay avek bann laplikasyon.  Mon ti a kontan konnen, eski lafen di mwan Me ki vini La.  Akoz ler ou pe koze, i annan biznes ki pou ganny peye la, son peyman lafen dimwan Avril, pou ganny an Me.  Eski prezan, lafen di mwan Me ki pe vini, son bann peyman i pou azour?  Eski zot pou pare, zot pou’n pare osi avek, baze lo resours imen ki zot annan pou zot kapab delivre lo sa nivo.

E dernyerman mon ti a kontan konnen, eski bann biznes ki zot, zot in war poudir zot annan en sonm larzan ki kapab permet zot sirviv pou en pe letan.  Eski i annan sa dyalog kontinyen avek zot, ki zot pe fer.  Akoz nou war poudir, sirtou, parey taler ou’n nonm bann retail sectors, ki avek problenm deviz ki egziste.  E baze rekomandasyon lo sa 3 priyorite ki Minister Finans in mete.  A lavenir sa bann biznes pou napa deviz pou fer lenportasyon serten,  eot pe konsider sa bann biznes dan sa kategori, pou zot osi kapab ganny led kan i neseser, si zot vin devan?  Mersi.

 

MR SPEAKER

Mersi Onorab.  SS.

 

SS PATRICK PAYET

Mersi Mr Chair.  Mr Chair kekfwa lo kote priyorite, napa en lalis priyorite ki nou annan.  Me selman, kekfwa ki Minis in dir, se letan dokiman i vini, tou dokiman i al kot, nou annan apepre 55 staff ki pe fer analiz lo sa bann dokiman.

So dokiman i vini, i annan i al kot Administrasyon, i annan en prosedir administrative ki i ale.  E sa bann staff administrative i annan apepre 11 zot.

Zot, zot klasifye sa bann dokiman, zot anvoy kot sa bann analis ki li i pe fer son bann verifikasyon, regard en pe.  Apre li i anvoy lo Komite.

Me tandis ki drayver taxi, akoz zot par egzanp, drayver taxi pa pey, pa pey tax, i napa en TIN.  So, zot ki nou’n dir zot, letan enn i ganny en aplikasyon, dan plas al kot sa bann analis pou fer analysis lo la, i vin direk lo Komite.  So nou pa gaspiy letan sa bann analis pou al fer sa bann verifikasyon.  Akoz zot, zot bann ka i en pe straight forward.  Ok? sanmenm sa kekfwa i pa nou donn zot priyorite, me sa i sa prosedir ki egziste.

Akoz zot, nou get en pe si zot kapab zistifye zot income dan zot kont Labank.  Si zot kapab verifye si zot pe pey Pension Fund. So i annan zis 3 dokiman ki nou’n demann zot ki zot kapab donn sa bann zistifikasyon.  E i en pe pli straight forward pou zot lo kote sa kategori biznes.  Sanmenm sa kekfwa, pou zot prosedir i en pe pli senp, konpare avek bann lezot biznes.

End of May ki nou anvi anvizaze, se tou bann biznes, sirtou espesyalman dan Sekter Tourizm, zot pou annan zis pou soumet bann ki anplway travayer, zot bank statement for Avril.  Apre secondly zot outcome zot payroll for May.  Apre otomatikman, zis nou verifye si tou zot payroll i ankor baze lo sa payroll Avril ki zot ti anvoye.

Otomatikman i pou zis en fast track process li osi.  So nou espekte sirtou bann dimoun ki dan Sekter Tourizm, Tourism dan mwan Me.  Zot prosedir i osi pou fast track.  So nou anvizaze tou peyman pou sa kategori biznes pou fer avan lafen di mwan Me.  Tandis ki bann dimoun kekfwa ki pe fer nouvo aplikasyon dan mwan Me.  Kekfwa zot prosedir pou en pe pli long, parey nou ti’n mete 10 zour avek sa 15 zour.  Akoz, zot, zot pe fer nouvo aplikasyon.

Ouswa bann dimoun kekfwa ki zot aplikasyon in ganny rezete pou mwan Avril.  Letan zot vini tou bann dokiman pou la.  So zot osi kekfwa zot prosedir pou en pe pli senp konpare avek Avril.  Sanmenm sa ki nou ekspekte pou mwan Me sa kantite letan ki nou’n pran lo bann assessment i pou en pe pli vit.

Lo kote dyalog, nou ava regarde dan ki konteks. Akoz nou dir ki tou biznes i kapab fer aplikasyon.  Nou pa dir ki i annan, napa okenn biznes ki pa kapab fer aplikasyon.  Tou biznes, e nou fer assessment dapre bann kriter ki nou’n mete.

Par egzanp si nou vwar ki zot in, zot biznes in ganny afekte, e ki kantite si pa 25 poursan ouswa sa 50poursan.

E ki kantite bank account osi zot bank balance in ganny redwir.  E tousala i bann fakter ki nou servi.  So okenn biznes i kapab fer son aplikasyon.  E apre li Komite i fer son assessment.  Mersi.

 

MR SPEAKER

Mersi SS.  Onorab Aglae.

 

HON EGBERT AGLAE

SS mersi pou ou larepons.  Mon ti a kontan konnen, baze lo bann larepons ki ou’n donnen la.  Petet si a lavenir nou pa konnen si sityasyon pou kontinyen persiste.  E mon mazinen Komite i annan ban leson ki zot pe retire, baze lo bann travay, petet bann pti, bann lapsus mon kapab dir.

Eski baze lo sa la, an vi ki tou biznes la ozordi pe ganny mete dan en sel, dan en sel basket pou vin dan en sel.  Menm prosedir, form parey.  Eski zot pe mazin senplifikasyon en pe, parey ou’n nonmen, bann taxi ki napa TIN, lot, lot.

Be bann pti biznes ki petet i annan mwens ki 10 travayer, ki mwens ki petet, i pa pou zis 2 ou 3.  Eski zot osi zot pa kapab ganny konsidere konman bann fast track la?  Akoz i annan ki pe espere menm, lontan zot in pare, zot in soumet.  Mersi.

 

MR SPEAKER

Mersi Onorab.  SS.

 

SS PATRICK PAYET

Mersi Mr Chair.  Nou ava regard ladan e diskit ek Komite.  Mersi.

 

MR SPEAKER

Mersi SS.  Onorab Flory Larue.

 

HON FLORY LARUE

Mersi Mr Chair.  Bonzour Minis ke ou delegasyon.  Bonzour tou dimoun.  Minis mon osi mon bezwen retourn lo sa Statement ki ti ganny fer le 20 Mars.  Kot Prezidan ti dir klerman ki i pou pey, i pou garanti tou saler dan sekter prive.

Ou menm ou dan ou prezantasyon ou’n dir nou, parkont ki apre en interview, ou’n tann Onorab Ramkalawan kot in donn serten direktiv.  Nou konnen ki lopozisyon pa’n zanmen ganny enkli dan okenn kominikasyon avek ou Minister ouswa okenn Komite.

Me selman nou vwar ki bokou sa bann direktiv ki’n ganny donnen, i bann ki ou pe servi ozordi.

Alor, eski ou kapab dir nou si Prezidan ti donn pep Seselwa en false hope, avek piblik letan i ti fer sa Statement.  E prezan ou ou’n bezwen servi en pe direktiv pli kler, sorti kot Onorab Ramkalawan pou kapab fer ou travay?

Minis mon ti a kontan osi demand ou, lefe ki ozordi le 5, i reste nou 7 zour avan le 13.  Ou’n donn nou en serten kantite sif, i annan 4055 aplikasyon ziska ozordi, 103 in ganny peye.  I fer ki si sa sif aplikasyon i korek, zot annan apepre 566 peyman pou fer tou le zour pou sa prosen 7 zour pou zot kapab fulfill sa promes.  Eski Mini i krwar ki vreman i pou kapab konplet sa pou tou dimoun?

Mr Speaker mon ti a kontan osi demande ki sa sityasyon sorting, ki’n ganny touse avan.  Akoz i pa en prensip ki Minister ti servi, son presses, i pa en prensip ki Minister pa’n war i obvious pou ganny servi ek sa kantite laplikasyon ki pe antre, ki pe fer one by one situation olye group li pou fer li pli fasil.

Akoz prezan ki zot servi sa sorting system pou kapab analiz bann aplikasyon?  Mersi.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pou ou kestyon.  Onorab mon krwar i annan en diferans fondamantal.  E sa diferans se swivan.  Depi bomaten nou pe koz sa lasistans finansyel ki Prezidan ti dir i pou donnen tou bann konpannyen ki anploy travayer dan sekter prive ki ganny afekte avek COVID-19. 

I pa ti dir ki i garanti tou saler, tou anplwayer dan tou biznes Sesel!  I pa’n dir sa li!  Nou pe koz zis bann konpannyen ki’n ganny afekte avek COVID-19. Ki santi i bezwen en lasistans.  E nou’n dir, nou pou donn sa lasistans.  E parey mon’n fer resorti dan mon statement. 

Nou’n ekout Deklarasyon Leader Lopozisyon dan son press conference.  Kot li osi i ti dir fodre ki sa ki merite i gannyen.  E fodre annan diferans eksetera.  E Komite in, parey SS in eksplik ou, Komite in formil son bann kriter, swit a sa diskisyon ki ti osi gannyen ek Prezidan lo high level economic forum, en pe letan pase.  So nanryen pa’n sanze.  So fotespere ki nou, nou ganny li kler.

An sa ki konsern le 13 Me ek le 14 Me, wi mon konpran, mon tande i annan en boug i dir, sa i ‘’mission impossible.’’ 

Be mwan mon pa defeatist in my approach.  Nou bezwen fer li ‘’mission possible.’’  Se sa nou lobzektif.  Nou bezwen fini sa louvraz.  Akoz nou annan louvraz Me, nou annan louvraz Zen.  E nou bezwen amelyore as we go along.  Parey Onorab William in dir, parey Onorab Aglae in dir.  Kot nou war bann serten keksoz kot nou kapab adapte pou al pli devan.

E delivre en louvraz pli vit.  Akoz nou realize e nou apologies ankor en fwa pou sa retar.  So wi, nou pa kapab sanz kap, mwan mon pa pe sanz kap mwan.  Nou bezwen fini sa louvraz, jour et nuit, nou bezwen travay pou nou fer li.  E mon annan full konfyans avek sa lekip O Nivo ki pe travay lo la.

Annou silvouple, annou pa met en divizyon ant mwan avek SS Payet lo sa travay ki nou bezwen konplete le 13 Me.  Sa 3enm bout mon pou kit avek SS mon krwar.  Akoz mon’n lir en pti gin la.  Mersi.

 

MR SPEAKER

Mersi Minis.  SS.

 

SS PATRICK PAYET

Mersi Mr Chair.  Mersi Onorab.  Toulezour letan Komite pe revwar son travay, i annan bann prosedir ki i mete pou fer sir ki at least nou fast track en pe sa bann sekter.  So par egzanp nou’n konmans avek drayver taxi.  Me nou kapab vwar bann lezot sekter osi ki at least i annan en prosedir en pe pli senp ki fer sir ki letan i vin lo Komite osi ki prosedir i kapab fast track.

Me zis kekfwa pou azout lo sa 4065 aplikasyon, nou pa anvizaze fer 4065 peyman.  Akoz mon dir sa?  I kapab annan en lakonpannyen, bokou lakonpannyen in apply lo Form 1 pou son travayer, sirtou bann pti biznes.

Apre in apply lo Form 2 pou li son lekor.  Me letan nou pou peye nou pou fer en sel peyman Form 1 and Form 2.

So definitivman sa kantite peyman ki nou pou fer i pou redwir.  I pa pou, i kapab al avek sa 4065 aplikasyon baze en pe lo bann, lo sa Form No.1 avek sa Form No. 2 letan nou pran desizyon.  Mersi.

 

MR SPEAKER

Mersi SS.  Onorab Larue.

 

HON FLORY LARUE

Mersi Mr Chair.  Mersi Minis ek SS pou ou larepons.  Minis mon’n garanti ou ki Prezidan ti dir ki i pou garanti tou saler dan sekter prive!

E Minis, se la kot mon kestyon i vini.  En Deklarasyon par en Prezidan i donn direktiv en pei ek bann travayer ek bann anplwayer pou konnen kote zot pe ale.

E nou’n tande ki i annan bokou anplwayer ki dir ki si sa Deklarasyon pa ti’n ganny fer, zot ti ava annan en pli bon propozisyon pou zot kapab planifye zot lekor, me zot pa’n kapab.

E bann direktiv en pe pli kler dan ou Statement, ou’n dir ki bokou sa ban direktiv in sorti kot Onorab Ramkalawan pou sey donn en gidans.

Me apre mon lot kestyon ki ou pa ti reponn, mon ti demann ou ki nou pa ti zanmen ganny anmennen abor pou konsiltasyon propozisyon pou nou sey rod en solisyon ansanm.

So, eklersi nou prezan lo sa bann direktiv kote ti sorti?  Sa ti kestyon orizinal ki Onorab Henrie osi ti pe demande.  Lekel ki ti advise lekel?

Si Prezidan ki ti dir premye pou pey tou, apre ti vin kot zot?  Ouswa si zot ki ti dir li pey tou apre nou a rod en fason?  Sa pa ankor ganny byen reponn.

Apre en lot keksoz ki mon pe vwar bokou dimoun pe konfize, ankor kot napa leklersisman.  Garanti ti ganny fer pou pey saler, zis saler.  Sa package ki nou’n donnen i pa bailout bann lakonpannyen li.

E nou konnen, nou pou annan en problenm ekonomik ki pe vini, kot nou pa pe pran kont overheads bann biznes ki pa pe fer okenn  income. Alor nou pa konfize letan nou servi bailout ek guarantying saler.  E eski Gouvernman i annan okenn plan pou anmenn en keksoz pou bailout?  Mersi.

 

MR SPEAKER

Mersi Onorab.  SS.

 

SS PATRICK PAYET

Mersi Mr Chair.  Mersi Onorab.  Lo kote bailout, parey nou’n dir oparavan, kestyon Onorab Afif i annan bann lezot fon ki pou egziste.  Sa fon ki Labank Santral pe mete avek bann Labank Komersyal.  Parey zot konnen, ki Komite pe kouver zis saler.  Me tandis ki sa fon avek bann Labank Komersyal i pou kouver en pe zot bann lezot fixed cost ki zot annan.

Par egzanp sekirite, rental, bann lezot eleman.  Me i kapab arive osi kekfwa en biznes pa vin demand en, i pa fer son aplikasyon through the Financial Committee, i kapab fer li direk ek Labank.  So sa i en desizyon ki sa biznes li i pran.  Me tandis ki, i annan sa fon ki pou available, ki Labank Santral pou anonse.  In deza anonse, me nou pa ti ankor finaliz lagreman.  The tripartite agreement between Labank Santral, Labank Commercial avek Minister Finans.

E sa semenn i pou finalize.  Ki bann Labank pou asiste bann biznes.  Me an mezir ki keksoz i devlope, tou le mwan nou pe revwar sityasyon kan ki nou ekspekte kekfwa, si Septanm, si Oktob, si nou vwar kekfwa i pli agrave.  Ki nou pa vwar kekfwa by Oktob, sityasyon pou pli agrave kekfwa nek lannen prosen.

I bann desizyon ki nou bezwen pran, bann policydecision ki nou bezwen pran an mezir keksoz i ale.  Mersi.

 

MR SPEAKER

Mersi SS.  Minister.

 

MINISTER MAURICE LOUSTAU-LALANNE

Mersi Mr Chairman.  Ou riye, Onorab mon ti a zis kontan osi azoute ki an sa ki konsern sa loan la.  I annan 2 keksoz.  Lenportans se ki fodre osi nou pa, si nou biznes ti’n deza dan difikilte avan COVID, e i ti pe al li menm arete.  Nou pou war son siny.  E se akoz sa ki nou dir, pou ou nobou benefisye ek sa loan a tou lentere redwir pou ed ou avek utilities ek lezot keksoz ki ou anvi fer, fodre bann loan egzistan ki ou annan i performing.

Setadir ou azour ziska mwan Fevriye.  Akoz COVID ti konmans an Mars.  So sa zot Labank pou regarde sa avan i donn ou akse avek sa loan.  Setadir si ou an aryeraz avek en existing loan, ou annan 6 mwan aryeraz par egzanp.  I bezwen annan en rezon akoz ou annan aryeraz.  Me si ou pa annan aryeraz e tou zafer i korek, ou pou kalifye pou ou ganny sa loan pou ed ou pran sa peryod ki nou ti dir kot nou osi nou defer bann tax eksetera.  Pou en peryod 6 mwan ziska Septanm.

So sa i en keksoz i enportan mon mansyonnen la, letan Labank Santral pe travay avek lezot Labank Komersyal, lo ki mannyer bann kriter pou ganny etablir pou ou ganny access avek sa loan preferansyel.  Mersi.

 

MR SPEAKER

Mersi Minis.  Onorab mon’n donn ou 2 sans.  Ki kestyon ki i pa’n reponn?

 

HON FLORY LARUE

Mr Chair, i annan en kestyon mon’n demann Minis, mon krwar i ase kler.  Akoz sa mess ki nou ladan i lefe ki pei ti napa direksyon, pa ti definir —

 

MR SPEAKER

Ok, mon krwar sa …

 

HON FLORY LARUE

Minis i bezwen dir nou, akoz nou la pou sa.

 

MR SPEAKER

Sa in ganny aborde Onorab.

 

HON FLORY LARUE

Mon pa krwar …

 

MR SPEAKER

… kot SS in dir poudir se zot sa Komite ki’n come up avek bann diferan kriter ki nou pe servi, ok?

Prezidan in fer lanons Komite in met bann kriter lo latab e zot pe swiv bann kriter.  E sa repons ki mon pe konpran ki SS in donnen.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker prenon kont ki Prezidan dan en moman difisil ti bezwen fer en lanons pou ki i reasir lepep Seselwa ki si ou pas dan en problenm …

 

MR SPEAKER

Annou pa retourn lo la Onorab.  Demann ou kestyon.

 

HON SEBASTIEN PILLAY

Ok, mersi.  Mon pa pou retourn lo la Mr Speaker.  Me selman prenon kont i nou ti perdi 7 zour apre ki Lopozisyon ti vwar poudir be Bidze pa ti konstitisyonnel.  Nou’n bezwen retournen apre 7 zour prezan pou nou repran sa Bidze.  E prenon kont ki Lopozisyon an antye pa ti vot an faver pou aprouv sa Bidze …

 

(Off-Mic)

 

 

MR SPEAKER

Order!   Kontinyen Onorab.

 

HON SEBASTIEN PILLAY

Mersi Mr Speaker.  Prenon kont ki zis sa kote latab ki ti vote pou aprouv sa Bidze, eski Minis i santi poudir i annan en attempt pou fer ki Gouvernman pa succeed pou pey bann travayer. Alors kree difikilte pou Minister Finans e kree en moman parey dan pei?  Sa i mon premye kestyon.

Mon 2enm kestyon, kan eski ou Minister pou asire ki dan lafason ki i donn lenformasyon, i fer sir ki tou lenformasyon i ganny donnen dan en fason kler?

Par egzanp, taler ou’n raise en pwen kot ou’n dir en wholesaler.  In kree en pake problenm dan Lasanble.  Apre ler ou’n eksplike i en wholesaler R5800, tou dimoun in ferm labous la anndan.

Ler in koz, ler ou’n koz lo 103 aplikasyon, konbyen dimoun ki involve dan sa 103 aplikasyon?  Dir dimoun, dir nou ava konnen.  Akoz problenm ki pe arive, se ki nou pe war en sityasyon kot si napa lenformasyon, dimoun pe fer en bann konklizyon.

E si nou al lo rezo sosyal, en kantite bann siporter Lopozisyon, lafason ki zot pe tret bann dimoun dan Minister i pa akseptab.  Akoz ou annan en travay pou fer, e mwan mon ti a kontan ki tou Seselwa i kapab ganny son lapey avan le 14 Me.  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi.  Mersi Mr Chairman.  Mersi Onorab.  Onorab si mon santi i annan en attempt pou fer Gouvernman fail, i annan zis 2 keksoz mon anvi dir.  Mon krwar premye keksoz ki mon anvi dir, mon krwar ki nou bezwen onnet ek nou lekor.

Minister Finans i rekonnet ki nou’n annan serten difikilte o depar.  Nou’n re aziste e nou bezwen delivre.  Prezidan ti dir nou delivre le 15 Avril.  15 Avril nou pa’n delivre.  Eski nou ti kapab delivre?  Mon pa krwar nou ti kapab delivre.  Me, me sa ki enportan nou’n ganny sa bann delay ki mon’n eksplike?

E sa osi an deor lanmer Prezidan, sa bann delay.  Prezidan in bezwen met son, pran son bann mezir neseser ki ozordi nou konnen son rezilta.  E ozordi nou’n ouver depi yer e nou pe fer lekonomi re marse a en risk parey mon’n dir.

Me mwan mon krwar letan nou analiz tou bann komanter ki’n ganny fer otour sa problenm, FA4JR ozordi, bokou bann gro, gro komanter, gro lebra, bann gro komanter kot zot pe castigate mon bann anplwaye left right and center.

Si ou’n dir mwan ki sa i en lendikasyon sabotaz mon pou dakor avek ou.  Akoz bokou sa bann dimoun ki fer sa bann komanter, parfwa letan ou regard dan son detay, se zot menm zot ki pa annord.

Mon pa pe blanm personn.  Me annou, e mon pa konnen akoz.  Me nou annan en, 4 mil aplikasyon ki nou bezwen travay avek.  Annou fer sir nou travay byen avek.  Sa ki bezwen lasistans nou pou donn zot.  Dan en tan apropriye le 13 a le 14 Me.  Se tou ki mwan mon anvi dir.

Annou aret bonbard kanmarad parey Onorab Afif taler in dir mon, ok be nou’n vini nou. Nou ti kapab dir ok, annou postpone sa semenn prosenn, akoz nou bizi dan F4TR.  Nou pa’n dir sa, nou’n vini.

Akoz nou oule asim nou responsabilite pou nou delivre pou tou travayer ki ozordi i dan en problenm.  En problenm COVID parey mon pe dir.  So sa mon krwar i en keksoz enportan ki mon bezwen fer resorti.

E par ler ou konnen, ou tir latansyon lo en keksoz, ou kree en nespes chaff laba.  Prezan nou tou nou tay dan chaff.

Fodre nou aret taye dan chaff!

 

(laughter)

 

 

MINISTER MAURICE LOUSTAU-LALANNE

Nou bezwen konsantre lo nou louvraz.  Mersi Mr Chairman.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Non Mr Speaker, ti enportan pou mon bann koleg ki pa’n vot an faver sa Bidze konpran sa.  Ti enportan pou zot konpran sa.  Akoz ..

 

(Interruption)

 

 

MR SPEAKER

Order!  Order!  Bon annou ganny keksoz kler.  Plizyer Manm ki pe fer komanter, ki pe interject zot in ganny sans poz zot kestyon san ki Onorab Pillay in disturb zot. Laparol i pou Onorab Pillay, annou donn li en sans i a poz son kestyon.  Onorab.

 

HON SEBASTIEN PILLAY

Mersi Mr Speaker.  Zot pa kontan mon remind zot ki zot pa ti vote an faver pou lepep Seselwa ganny larzan.  Zot pa ti vote zot!  Zot ti delay sa prosedir.  E se zot, zot osi ki bann aksyon ki zot in fer ki pe kree sa sityasyon!

Mon dernyen pwen Mr Speaker ki Minis pa’n reponn, e ki mon oule SS Payet i karifye. Ler ou dir ek Seselwa ou annan 103 laplikasyon, dir li konbyen dimoun ki pe ganny peye.  Akoz taler Onorab Afif in fer en Statement atraver Mr Speaker.

In dir ou pe donn en boug en tyek R3.7milyon.  Sa bann Statement dimoun i pran la deor, i mars avek.  Sa boug ki pe esper son larzan, i dir ‘’be ki mannyer ou’n donn en boug R3.7 milyon ou pa’n donn mwan nanryen?’’

Zot bezwen Minister Finans, e Minis mon krwar i konpran kot mon pe vini.  Zot bezwen donn sa bann lenformasyon. Onorab Afif ki ti dir i donn en boug en tyek R3.7 milyon.  Pa ankoler Onorab Henrie, ou’n koze ou taler.  Mersi Mr Speaker.

 

MR SPEAKER

Mersi Onorab.  Minis oubyen SSSS.

 

SS PATRICK PAYET

Mersi Mr Chair.  Mr Chair parey mon’n dir pli boner, ki definitivman ozordi letan nou’n vini, kekfwa nou napa sa rapor detaye ki pou dir sak aplikasyon.

Par egzanp konbyen travayer lokal, konbyen travayer etranze.  Par egzanp sirkonstans sa R3.7 milyon ki nou pe dir. I lavaler apepre 400 a 300 travayer.  So pou le moman nou napa sa statistic detaye pou tou sa bann peyman.  Akoz mazinen ki yesterday ki nou ti pe travay lo aplikasyon.  Apre nou’n bezwen travay lo larepons Minis.  So nou’n pran zis detay dan sistenm pou nou vin avek ozordi.  Me nou pa’n kapab travay avek statistic.

Me mon anvi advise Lasanble ki once ki nou konplet sa legzersis, definitivman pou donn zot en rapor en pe pli detaye.  Pou sak sa bann peyman konbyen travayer Seselwa, konbyen travayer etranze.  E lekel ki self- employed e lekel ki anploy travayer pou sak sa bann kategori. E nou pou fer sa available pou Lasanble once ki nou konplet sa exercise.  Mersi.

 

MR SPEAKER

Mersi SS.  Onorab Clifford Andre.

 

HON CLIFFORD ANDRE

Mersi Mr Chair.  Mr chair mon krwar nou Standing Order i fer kler ki poudir letan i annan en mazorite ki vot an faver, savedir sa Bill i pase, sa Mosyon i pase. Oubyen Bill i pase.  E si i pa pase savedir i annan mazorite ki vot kont.  E LDS zanmen in deza vot kont sa Bill pou Bidze ki’n vin devan Lasanble.

I enportan nou fer pep Seselwa kler lo sa.

 

(APPLAUSE)

 

HON CLIFFORD ANDRE

Mon kestyon Mr Speaker i ki, Minis in dir nou ki poudir Lalwa, i fer provizyon ki en dimoun i bezwen ganny peye by le 5 of the current, of the following month en.  E le 5 Avril in pase, i mean le 5 Avril ozordi, 5 Me sorry, i ozordi.  E ki nou annan dimoun ki pa ankor ganny peye.

E mon’n ganny en text ki’n demann ek mwan, be si mon pa ankor ganny peye, eski mon pou al travay?  Oubyen i ava esper le 13 letan i ganny peye pou li rekomans travay.  So mon ti a kontan Minis i eksplik nou kwa ki kapab ganny fer. Akoz sa bann dimoun zot travay lo en Bidze, zot annan en serten sonm larzan ki zot travay lo la.

Prezan i fini, zot esper lot lafen di mwan pou zot kapab surviveSo ki zot pou fer pandan sa letan ki zot napa sa mwayen pou zot kapab sirviv? Sa i enn.

2enm, i annan dimoun ki ti pe travay Beau Vallon Bay Minis konman casual.  E zot pa’n ganny, zot, zot pa pe ganny konsidere okenn par, e zot in al dan distrik.  Zot in fer laplikasyon, e zot dir mwan ki la prezan letan zot call sa limero ki ti donn zot pou call akoz zot pa ankor ganny larzan, sa bann nimero pa reponn.  I sonnen me i pa reponn.

Mon 3enm kestyon, se, vi ki i ti dan sa Bidze kot nou ti diskite allowance pou bann dimoun ki a risk, ti annan sa risk allowance.

Sa garson ki dan karantenn in donn mon permisyon, annefe li ki’n dir mon poz sa kestyon, Jean- Francois.  Napa allowance lo son pay slip, i travay Air Seychelles e in kontrakte COVID.  Napa Allowance, so ki mannyer sa i pe marse?

E mon, e osi bann cleaners kot SCCA, napa allowance lo zot pay slip.  Bann ners pa ankor ganny allowance lo zot payslipSo Minis kekfwa ou kapab enlighten zot lo la.

E eski bann Zofisye Lapolis ki nou tou nou’n fer sa leksperyans pou war zot.  Bann Zofisye Lapolis ki ek zot bann dimoun ki dan sekirite lo Por ensidswit.  Zot in lo semen, e zot osi Minis napa nanryen lo zot pay slip.  Eski ou kapab sey eklersi zot pou zot osi kapab ganny en pti pe konpran vreman ki pe pase.  Mersi.

 

MR SPEAKER

Mersi Onorab Andre.  Minister.

 

MINISTER MAURICE LOUSTAU-LALANNE

Mersi Mr Chairman.  Mon pou reponn 3 kestyon e mon pou kit premye kestyon pou SS.

An sa ki konsern casual, i annan 2 larepons mon pou donn ou.  Spesifikman ek sa ki konsern Beau Vallon Bay e Leader lopozisyon osi in koz lo Beau Vallon Bay.  Mwan mon ankor pe negosye personnelman, akoz sa dosye i lo mon latab avek Beau Vallon Bay pou peyman konmans sant karantenn.

Ti annan en diskisyon ki ti ganny fer par dimoun an deor pou Beau Vallon Bay, konbyen pou pey li.  Annou dir konpansasyon ki nou’n pran son lotel konman en karantenn.

Bann premye diskisyon ti ganny fer avek bann Zofisye Lapolis, avek Prokirer Zeneral.  Avek Minister Tourizm e osi avek propriyeter Beau Vallon Bay avek son General Manager.

Ozordi mwan mon pe, mon’n re pran sa dosye e, akoz sa Bill ki mon’n gannyen pou Mars ek Avril i egzorbitan e mon pa dakor.

Pou premye 9 zour Mars, akoz ti pran lotel le 23 Mars ziska le 31 Mars, i annan en kout ki zot in mete.  E diskisyon kot i vin lo saler, spesifikman i ti’n annan e i ti annan lagreman ki pou sa 9 zour Mars, ki konpansasyon ki nou pou peye, nou pou osi pey saler tou travayer Beau Vallon Bay.

Tou saler, tou travayer, me dan Kontra sa 9 zour Mars.  Alor nou bezwen onor sa, e mon’n bezwen onore. Akoz le 01 Avril i annan en nouvo Scheme ki’n vini, sa Scheme ki nou pe diskite.

E o mwan Avril Beau Vallon Bay in osi enkli saler tou travayer full, e mon’n rezete.  Mon’n dir li non, i annan en Scheme, ou bezwen apply parey tou dimoun.  E mon’n resevwar son aplikasyon yer, par email.  E Komite pou gannyen ozordi.

So mon donn ou sa klarifikasyon pou ou konpran ki pou mwan Mars, si sa casual pa’n ganny peye an mwan Mars, mon pa konnen kan i pa’n ganny peye mwan.

SI i pa’n ganny peye an mwan Mars, i pou bezwen ganny peye, akoz nou pou pey full saler.  Pou mwan Avril, parey SS in eksplike, Beau Vallon Bay i bezwen met sa casual lo son payroll pou Avril, pou konsiderasyon Komite.  Me sa i ankor avek mwan.  So sa larepons pou sa casual.

Lo kote telefonn, wi problenm i annan problenm ek sa telefonn.  Parey mon ti fer resorti dan mon Konferans De Pres.  La mon pe repete, me problenm nou’n rod en nimero telefonn, sa telefonn i en telefonn mobile.  E avek sa konpannyen telekominikasyon, i ti dir nou letan ou call lo sa limero, si i occupied i pou pas lo 4 lezot mobile.  Me apre en bon pe letan nou’n realize ki i pa pe pase.

So la nou bezwen sanze, nou’n rod en lot telecoms provider, nou’n rod en 3 digit kot dimoun pou call e prezan li i pou kapab pase lo ziska 10 mobile.  Pou nou fer sir ki sa kominikasyon, sa bann larepons feedback kot i ete, kot i pa ete, i ava ganny korize. I en fot ki nou’n fer, i annan en fot osi teknik ki ti la e nou pa ti realize.  Me nou’n take care of sa.

 Air Seychelles li, parey nou ti’n vin isi, i ti ganny allocate R109 milyon konman sipor salaryal dan Bidze anba Sibvansyon.

E nou’n pey Air Seychelles R10.9milyon mon krwar pou sa mwan saler.  Zot in fini ganny peye Air Seychelles. 

Prezan ou vin lo kestyon allowance, mannyer mon konpran, the floor, menm from plizyer allowance sa bann diferan travayer pa ankor ganny peye.

Mon ava fer sir ki mon a regard sa deswit konman mon ariv dan mon biro.  Akoz parey nou’n dir, nou, nou’n dir zot pey lo zot Bidze apre nou a rekonsilye li an kont COVID pli tar.  E sa mon mentenir sa pozisyon.  E sa pozisyon ki pozisyon Minister Finans vizavi tou son bann Lazans.  Mersi Mr Chairman.

 

MR SPEAKER

Mersi Minis.  SS.

 

SS PATRICK PAYET

Mr Chair mersi e mersi Onorab.  Lo kote konsern si bann dimoun ki pa ankor ganny peye ozordi le 5 Me, nou ava diskit avek Departman Lanplwa pou fer sir ki prosedir ki egziste dan Lalwa Lanplwa, ki i arive apre sa.

Once ki nou fini ek Lasanble nou ava diskite ki at least Lanplwa i kapab vin devan avek en press release at least pou fer dimoun konnen ki bann prosedir travayer e anplwayer osi.  Mersi.

 

MR SPEAKER

Mersi SS.  Onorab Andre.

 

HON CLIFFORD ANDRE

Mersi Mr Chair.  Mr Chair mon krwar nou bezwen etre fran.  Apre le 5 i apel in kas Lalwa.  So si napa en Lalwa ki, oubyen en Bill ki vini ki dir en sispansyon oubyen ki pe arive, i apel kas Lalwa.  So sa anplwayer an realite pa son fot parey Minis in dir.  En sityasyon COVID, Lalwa in ganny kase.

Me sa Lalwa pa’n ganny kase akoz sa anplwayer deliberately i anvi pa pey son travayer.  Sityasyon.  So parey bann Manm in demande avan, pou onor sa langazman, i ti bezwen annan en pli bon planifikasyon pou nou kapab pa met sa lour lo personn si ou oule.  Ni lo Gouvernman, ni lo sa anplwayer.  So dan konteks la, sa travayer ki pe soufer la.

So mon konsern, mon kestyon ki li in poz mwan, se ki mon fer, ki mannyer mon sirviv pandan sa letan, pandan sa 7 zour depi le 5.  Ki deza in default, me selman nou abitye ganny peye avan le 5, me selman bare ziskan le 5 akoz Lalwa i dir le 5.

Prezan ziskan le 13 ki fer 7 zour.  So ki mannyer li, zot, zot survive sa bann dimoun.  Se sa konsern ki zot pe leve.  Mersi.

 

MR SPEAKER

Mersi Onorab.  Bon, mon anvi zis enform bann Manm poudir SBC pe switch over lo AM Radio pou son progranm normal.

Me an vi ki nou lo televizyon nou lo SBC 2, nou pou kontinyen ankor en pti gin ziskan ler nou a kapab fini, pou nou kapab release Minis avek son lekip, pou zot al fer zot bann travay ankor ki vreman enportan.

Bon, mon ava pas laparol avek Minister oubyen SS pou sey reponn sa dernyen kestyon Onorab Andre.  SS.

 

SS PATRICK PAYET

Mersi Mr Chair.  Mon konnen wi nou ti ekspekte konplet tou peyman nenk Avril.  Me selman sirkonstans ki in arive.  Me osi prenon kont ki i pa’n neseser, i pa neseserman si en anplwayer i fer aplikasyon ki i pe ganny asiste,  Vi ki i annan sa bann kriter ki nou’n met an plas.

So definitivman ki sa anplwayer osi i bezwen zwe son rol.  Akoz bokou ki’n vini lo Komite, nou’n vwar ki vre i napa Roupi.  Dan son kont Roupi kekfwa i reste li minimonm dan son account.  Me selman mazorite sa bann biznes i annan en kont swa Dolar swa an Ero.

E nou lans lapel kekfwa savan, a sa sirkonstans, si zot annan sa bann larzan, zot kapab convert en pe sa bann Ero ki zot annan pou zot kapab pey zot travayer.

Akoz bokou ki nou’n vwar ki i annan kontore.  E letan ou regarde, zi ki Roupi osi in depresye, R14 in ariv R17.

Dan menm 18, menm ki nou pe vwar ki sa R4 an plis ki’n arive zis par sa exchange rate difference ki zot pou kapab pey sa bann travayer menm pou 3 mwan, 4 mwan e menm 6 mwan.

E menm ki nou’n vwar zis lo sa exchange rate zot kapab pey zot travayer pou 2an.  So i montre ou ki si i annan bann anplwayer ki pa pe fer li, definitivman sa nou bezwen prenon kont avek, diskit en pe avek Departman Lanplwa.  Me nou konnen ki konteks kekfwa sa bann travayer osi zot ladan.  Me selman nou, nou prosedir ki at least nou pe fast track en pe tou bann case ki devan nou.  Ki at least sa bann anplwayer i a ganny en desizyon Komite.  Mersi.

 

MR SPEAKER

Mersi SS.  Onorab Simon Gill.

 

HON SIMON GILL

Mersi bokou Mr Speaker.  Ankor enn fwa bonzour tou koleg Onorab.  Nou’n ariv apre midi.  Mr Speaker ou a permet mwan pou demand Minis pou klarifye en keksoz, swa li oubyen SS Payet.  Lobzektif pou fer sir ki saler i ganny peye pou Avril, Me, Zen par sa Statement ki Prezidan in fer,  sete pou asire ki napa travayer ki ti pe travay dan lekonomi Sesel dan moman COVID-19 ki ganny met devan par bann konsekans bann mezir ki’n swiv.

Eski pran en lapros selektif parey zot in fer, eske i donn sa garanti ki napa okenn Seselwa or bann etranze ki ti pe travay ansanm ek bann Seselwa, fer bouze sa lekonomi Sesel ki zot pa ganny met deor dan zot travay. Ki zot annan en reveni, pou zot kapab soutenir zot lekor e soutenir bann dimoun ki ti depann lo zot.  Sa i mon premye kestyon Mr Speaker.

Mon 2enm kestyon i annan pou fer avek dele letan ki ou menm ou Minis ou’n dir pou ou kapab finaliz bann peyman, le 13 Me ou’n dir nou.  Mon’n tann Onorab, pa Onorab, SS Payet in dir nou ki i annan en lekip 65 dimoun, mon pa konnen si mon’n sezi byen.  Konbyen?  42, i 55, ok.  55 dimoun pou permet ou rezourd tou sa bann laplikasyon ki annan par le 13 Me.  Ki posibilite reel ki i annan pou ou ogmant sa tim ki pe travay, pou ou koup sa dele letan par lanmwatye.  Mon pe rod en leklersisman, i annan sa posibilite reel pou nou koup sa dele letan?  Pou nou kapab re asire ki travayer ki pe esper son larzan atraver son bann anplwayer ki zot ganny zot larzan pou zot kapab fer zot bann lezot tranzaksyon ki zot annan pou fer.  E ki zot fer li tou le zour or tou le mwan.

Dernyen kestyon Mr Speaker.  Si tou keksoz i mars byen, eske nou pou kapab donn en lasirans ozordi ki ariv le 25 Me, apard bann nouvo laplikasyon ki ava antre.  Me tou sa bann ki’n deza pas atraver bann prosedir, ki larzan pou mwan Me i ganny transfer a tan bann kont or dan bann landrwa ki zot in ganny dir pou transfer sa bann larzan.  Pou sa bann biznes ankor ki annan bann travayer ki zot bezwen peye.  Sa i mon 3 kestyon Mr Speaker.  Mersi bokou.

 

MR SPEAKER

Mersi Onorab Gill.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab. Onorab mon pou reponn premye kestyon e mon krwar Mr Payet i pli abilite pou regarde si plis dimoun pou fer redwir par lanmwatye sa dele letan i posib, i fezab. Me mwan zis mon ti a kontan dir, si se le ka, nou pou al rode oli sa kantite dimoun ki nou bezwen pou nou redwir sa.  Akoz problenm a fini la, i annan Me, i annan Zen, nou bezwen fer sir nou kapab soutenir e re atrap sa dele ki nou’n gannyen.

25 Me mon a demann ou, be akoz pa le 26, akoz pa whatever, me mon krwar nou gide par Lalwa.  Osi si nou kapab pey avan, nou a fer pou pey avan.  Sa i en komitman nou kapab donn ou.

Me mon pa kapab tro presi pou dir ou wi le 25 Me.  Me mon ti a kontan ki Mr Payet i konplet mon larepons.  Lo ou premye kestyon, wi tou sa ki ou’n dir i korek parey mon’n dir mwan osi.

E Prezidan in al en pe pli lwen, in dir nou pou donn ou sa lasistans finansyel etranze konman Seselwa pou ou pa fer redundancy.  Akoz i bezwen ki tou sa bann biznes letan nou repran i en, i lo en nivo ki i kapab re demare. So sa ti a la baz, e sa se son desizyon lo prensip.

Bon, prezan, parey nou’n deza dir, e mon osi mon ti dir konman mon ti vin isi letan nou ti pe koz lo COVID. Ti annan bann diskisyon lo la.  Nou’n regarde dan nou sistenm konbyen apepre ti pou kout nou letan nou’n get bann tax ki sekter prive i pey nou lo personal income tax.  E ti sa la baz kot nou ti sorti e se sa kot sa R420milyon par mwan ti sorti.  E ti dir pou kout nou R1.2 bilyon.  Ti sorti la.

E nou ti santi a sa lepok ki kekfwa nou kapab fer li al en pe pli lwen.    Letan nou ti balans tou keksoz nou ti anmenn sa lot Bidze.

Akoz nou pa kapab depans plis ki sa R1 bilyon 90 milyon.  Akoz si non nou lekonomi i pou anfonse.  So nou tou nou bezwen fer zefor pou fer sir ki sa lekonomi la, akoz nou pe al 10.8poursan negativ lo GDP, real GDP.

14poursan negativ lo primary balance.  Nou det i soutenab pou 2020.  2021 si i agrave nou pou dan problenm.  So la, la bann keksoz ki mwan mon bezwen regarde.  E mon bezwen fer sir Prezidan i ganny alerte.  Mon pe donn ou sa twist pou ou konpran ki wi sa ki ou’n dir i vre.

E ti sa lentansyon.  Me nou pe sey fer fason manage li, pou ki nou sirviv for the next 5 years.  Akoz i pou pran nou 5an pou nou nobou remet nou lekonomi, redres nou lekonomi e re vin pozitiv lo nou primary balance.  Si nou pa fer sa, nou fouti!

Mr Speaker avek ou permisyon mon ava pas laparol avek Mr Payet pou konplet larepons.

 

MR SPEAKER

Mersi Minis.  SS.

 

SS PATRICK PAYET

Mersi Mr Chair.  Mersi Onorab.  Konmansman yer letan tou keksoz in retourn dan sa ‘’nouvo normal’’ ki nou ladan, nou’n konmans annan 55 staff ki pe fer analis.  E parey ou konnen analiz bann figure i pa tou ofe tou dimoun.  Par egzanp dan Minister Finans nou annan bann dimoun ki’n fer legal, nou annan bann dimoun ki’n fer ekonomis.

In annan bann dimoun ki’n fer accountingSo nou’n fer sir ki at least nou spesyaliz bann dimoun ki kapab analiz en pe bann figuresSo nou’n use zot kapasite.  So nou annan 55 dimoun e target ki nou’n mete avek sak staff par zour zot bezwen konplet 10 aplikasyon.

Letan ou regarde i vin 550 fwa 6.  So nou pe dir ki at least dan sa semenn zot kapab konplet apre 2500 aplikasyon, 2500, 2700 aplikasyon.  Me selman tousala i pou revert back to Komite.  So nou osi nou bezwen find en sistenm ki tou sa prosedir, ki at least nou kapab pran desizyon en pe pli vit, baze lo rekomandasyon sa bann analiz.

Apre an menm tan ki nou annan sa 55 staff, nou annan 11 staff ki pe travay bann lezot prosedir administrative.  Savedir i pou’n dan sistenm fer kopi let apre scan sa bann let pou anvoy kot sa bann applicants ki’n anvoye.  Nou annan dimoun lo hot line, e nou pe ganny asiste avek Departman Lendistri, avek ESA.  Apepre 8 dimoun lo sa hot line.  E osi apre staff dan Accounts avek kot Trezor.

So tousala i, tou sa bann staff ki nou annan, ki pou fer sir ki ou pou konplet exercise.  Si nou met nouvo staff lo analysis. Nou bezwen al re konmans lo training.  Akoz zis pou konmans dir zot en pe sa ban kriter pou zot kapab letan zot fer zot rekomandasyon pou fast track sa prosedir avek Komite.

So nou pa ti anvi kekfwa pran staff la pou al fer training.  Akoz ki nou’n vwar, nou, sirtou letan ou ganny bann nouvo staff, i pran en pe letan pou zot adapte avek sa bann prosedir.  Me tandis ki bann staff ki zot in vini la, zot in konpran byen prosedir.  E nou ekspekte ki by sa semenn, Dimans, Lendi tou bann review pou’n konplete, baze lo sa target ki nou’n mete.  Me la i pou reste zis lo Komite pou li pran son desizyon.  Mersi Mr Chair.

 

MR SPEAKER

Mersi SS.  Onorab Gill.

 

HON SIMON GILL

Mersi Mr Speaker.  Zis en siplemanter silvouple.  Minis eski ou kapab donn nou en garanti ki pou napa okenn redundancy Seselwa pandan sa 3 mwan ki’n ganny dir baze lo sa kriter selektif ki ou Minister e ou tim anba direksyon SS Payet in met an aplikasyon. Eske nou kapab ganny en garanti?  Mersi bokou.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi, mersi Mr Chairman.  Mersi Onorab.  Onorab la senp repons a ou kestyon, se wi.  Akoz se sa labaz nou lentervansyon pou asiste lo peyman saler.

So sa i lo la baz.  E mon krwar ki i annan en Prozedlwa ki pe osi vini byento pou diskisyon isi dan Lasanble Nasyonal an sa ki konsern sa size.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon anvi premyerman, avan mon demand mon dernyen kestyon,

remersi Minis avek PS ek tou ou lekip pou travay ki zot pe fer.  Mon konnen ki poudir sa travay i difisil.  E petet menm letan zot in anbark lo la, petet zot pa’n realiz sa kantite ki ti pou annan pou zot dil avek.

E an menm tan, baze lo sa ki ou’n fer resorti, mon krwar ki, parey ou’n mansyonnen poudir i annan serten aplikasyon ki 600mil ou’n bezwen koupe.

E sa dan li menm i montre ki i annan serten laplikasyon ki’n vin devan zot.  Kot dimoun pa’n senser, dimoun pa’n drwat, dimoun pa’n fran. Dimoun pa’n azir avek lonnekte, lentegrite e lo en baz moral.  E se ladan ki bomaten letan mon’n dir, ki la i pa moman pou nou dir ‘bef dan disab.’’  I moman pou nou travay ansanm, e nou konnen.

E mon kontan ki poudir ou’n ekout byen mon Konferans De Pres, letan mon ti fer sa bann deklarasyon, parski mon ti pe regard lentere Nasyonal.

Nou napa trilyon, bilyon an rezerv pou nou zis partaze.  Me ki ou bezwen fer li dan en fason normal.  E se pou sa rezon osi ki lo nou kote, bomaten mon’n koz ankor lo la transparans.  Lo rann kont, pou nou fer sir ki sa 5 sou ki nou’n mete la.  E ki sa 1. ekek bilyon ki ti dan sa laliny spesyal dan Bidze ki nou tou nou ti vote.

E ou rapel byen, nou tou nou ti vote pou Contingency 30 milyon e lo lot kote pou sa 1.4 ki serten pa’n realize, pa’n mazinen.  Nou, nou anvi zis dir ki nou ti fer sa pou ki keksoz i bouze.

 

(APPLAUSE)

 

HON WAVEL RAMKALAWAN

Alor Mr Speaker mon anvi demand Minis, Mini si en konparezon, Bidze, sa Bidze ki ou ti anmennen ti ganny pase en semenn avan. Olye le 8 Avril, dizon i ti ganny pase le premye Avril.  Eski onnetman ou krwar ki poudir ou ti pou’n kapab zwenn sa dat, da deadline le 16 Avril avek sa ki, avek sa travay ki ou’n gannyen? Eski ou vreman krwar ki poudir sa ti pou’n kapab ganny fer.  E an plis ki, eski ou ava petet profite.

Akoz i annan serten lakizasyon ki’n ganny fer ki poudir sa Bidze, sa Bill ki zot ti anmennen, se mwan ki ti point out ki poudir i annan fot ladan.

E ki sa menm dimoun Onorab Pillay li ki ti bezwen apre anmenn lamannman lo sa Bill letan nou ti pe pase!

 

(APPLAUSE)

 

HON WAVEL RAMKALAWAN

Mr Speaker, eski Minis i kapab dir avek nou, kote bann peser i debout ladan?  Akoz bomaten la nou pa’n tann nonm peser ditou.

E nou konnen poudir i annan bann long liners ki pe asize akoz COVID ensidswit.

E ki zot in spesifikman ganny dir pa bezwen ale, zis bann peser artizanal ki pou ale.  Dir nou ki bor zot debout ladan? E lefe ki dat pou 2enm peyman, tou bann dimoun pe ganny demande pou, zot in set en deadline pou le17 Me.

Konmsi dir nou en pe ki mannyer zot ete?  E ou pa’n dir nou osi konbyen dimoun ki’n ganny rezete?  Ziska aprezan  ou’n donn nou bann dat me selman ou pa’n dir nou konbyen aplikasyon ki’n ganny rezete.

E apre mon en pti gin konsernen Mr Chairman.  Lo larzan, i ganny anvoye direkteman dan kont bann biznes.  E ki si parey mon mansyonnen ki poudir i annan lonnekte, entegrite, ensidswit ki nou pa’n tro. Sa travayer li, ki mannyer i pou konnen ki poudir sa landrwa kot i travay in gannyen sa larzan pou li kapab ganny son lapey?

E finalman Mr Chairman, mon ti ava kontan zis eksprim en konsern kantmenm.  Ki poudir dan bann sif ki Minis in donn nou bomaten, ki i annan 103 laplikasyon ki zot in peye.  E ki sa i tonm en total 6.1 milyon.  Me ki dan sa 6.1 milyon, i annan en lotel ki li in ganny peye 3.7milyon ki ekivalan plis ki 50poursan sa sonm ki zot in peye.

Alors sa mon en pti gin konsernen lo la.  E depandan lo larepons, petet mon a fer en dernyen pti komanter Mr Speaker.  Mersi bokou.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi.  Mersi Mr Chairman.  Mersi Onorab tou dabor pou ou premye deklarasyon, nou apresye fortman, mon krwar i ava donn en bon moral osi nou bann zofisye lo sa o Komite ki pe travay anba en kantite presyon.  E sa 55 travayer ki ozordi pe fer sa travay.  So mersi pou sa.

Mwan mon ti fer remark en pe letan pase letan Lasanble ti walk out letan nou ti pe sey prezant sa premye lese Bidze le 31 Mars.  Dan son apre vizyon ti fer Konferans De Pres.  E mon ti eksplik ki pozisyon nou’n pran.

Nou ti pran sa pozisyon tout an respektan Standing Order sa Lasanble.  Dan le sans ki ou Second Reading, e ankor lo Second Reading nou bezwen esper ankor 1 semenn.

Donk se sa ki’n fer nou dir be ok nou ava espere sa semenn.  E mon ti osi dir, sa lepok. Erezman Bondye in vey mon, Bondye in vey nou tou.  Mon ti dir ki nou pa konnen dan sa semenn ki kapab arive.  Mon ti kapab tyonbo sa kouyonnad e mon ti’n kapab mor.  Zot osi zot ti’n kapab tyonbo sa zafer e zot osi zot ti’n kapab mor.

E la nou i pou annan problenm, ti pou annan gro problenm.  E se sa mon mesaz ki mon ti pase.  Me savedir 1 semenn perdi, se 1 semenn perdi.  Annou pa tro retourn an aryer an sa ki konsern sa.  Me sa deadline 15 Avril parey mon dir, mon krwar ti vreman anbisye.

Be Prezidan Larepiblik i koumsa li, Prezidan Larepiblik i pou donn ou en deadline, e ou, ou bezwen achieve sa deadline. Si ou pa achieve i pou donn ou en remontrans on the second time round and there is no third time round.  I pou pous ou.  So mwan osi mon l’eau qui vivre la, kot mannyer mon ete la dan sa sityasyon.  So this can happened anytime. 

Oli peser?  Lo mon lalis i annan detrwa peser.  Si mon’n konte la i annan 7 ou 8 peser ki lo sa lalis.  Mon pa pou donn ou zot non, me selman zot feature, zot ganny peye.  I annan mon krwar 7 lo sa lalis.  E i annan osi en Fishing Enterprise mon war and so on. So nou pa’n bliy zot.  Lo bann rejected, mon pa konnen, kekfwa tou taler Patrick i ava konplet sa larepons.

E lezot montan ki ou’n fer resorti, wi mon a donn ou en lot legzanp, par egzanp.  I annan en guest house ki li in ganny R88,911 dan sa montan 6.1 la.

Mon pe sey regard ankor, i annan plizyer lezot guest house.  I annan en lot in ganny R12mil.  Guest house menm and so onSo i annan bann lezot montan, i annan 117mil, 175, 800, i annan lezot.  En restoran sennla, en restoran fortman lo touris.

E letan ou pou al reouver byento fotespere son pri pa pou tro ser nou a kapab al manz en steak laba mon pa konnen.  I annan en lot Boat Charter, 57 mil.  Ou war?  So i annan bann montan osi konsekan.  I annan en bon pe dan 5, 804.

Osi mon konnen ou anvi war sa lalis, me Mr Chairman avek sa mon krwar ki mon ti a pas laparol avek Mr Payet avek ou laprouvasyon.

 

MR SPEAKER

Mersi Minis.  SS.

 

SS PATRICK PAYET

Mersi Mr Chair.  Mr Chair lo kot prosedir bann biznes ki’n ganny reject, nou pe anvoy lalis kot Departman Lanplwa.  Spesyalman pou si bann travayer i vwar zot pa ankor ganny peye, mon konnen definitivman zot pou kontakte Departman Lanplwa, e Departman Lanplwa pou annan sa sif bann ki’n ganny rezete e bann ki’n ganny aprouve osi.  Pou kapab advice en pe bann travayer ki call zot.  So nou pou fer zot ganny lalis as soon tou le semenn baze lo bann desizyon Komite.

Pou le moman kekfwa nou napa sa egzakt sif lo bann ki’n ganny rezete.  Me selman i apepre, letan nou ti regarde Vandredi, ti apepre 20 a 25 ka spesifik.

Be selman ti annan 2 gran lotel ladan ki ti’n ganny rezete.  Akoz baze lo zot kont Labank ki zot annan, letan Komite in assess zot in vwar ki zot kapab kouver lapey zot travayer.  Mersi.

 

MR SPEAKER

Mersi SS.  Onorab Ramkalawan.

 

HON WAVEL RAMKALAWAN

Mr Chairman, mon satisfe avek bann larepons.  E parey kestyon pe demande, mon kestyon sete vreman pou nou kapab ganny lenformasyon, eklersi bokou.  E mon kapab dir ki lakantite text ki nou’n gannyen pandan sa peryod ki la, mon sir tou bann Manm osi tou i overwhelming.

Parski dimoun i anvi trouve.  E mon ava, mon ava zis aret la Mr Speaker. Parski mon zis espere ki sa premye mwan ki zot in pas dan bann difikilte, la prezan pou mwan Me i ava, keksoz i ava bokou pli kler.  Me eski Minis pou dernyen kestyon, i kapab dir nou avek nou parey i ti dir dan son Konferans De Pres.  Menm si Lasanble pa ti’n aprouv sa Bidze i ti pou kapab depanse.  Mersi bokou.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mr Chairman wi nou kapab depanse, retournen pli tar pou aziste li, wi mersi.

 

MR SPEAKER

Mersi Minis.  Bon nou’n ariv a lafen Sesyon Kestyon, bann kestyon ki’n leve otour Private Notice Question.  Nou ava, avek sa mon ava remersi Minis Maurice Loustau- Lalanne, SS Patrick Payet avek Advisor to the Minister Ms Sitna Cesar.

Minister nou swet ou tou kouraz e bonn sans avek ou lekip pou kontinyen fer sa travay ki zot in anbark lo la.  Mersi Minis.

 

(MINISTER LOUSTAU-LALANNE AND HIS DELEGATION WAS EXCUSED FROM THE HOUSE)

 

 

MR SPEAKER

Bon nou pou revwar en pti pe nou fason ki nou pou travay pou larestan lazournen.  Me zis avan sa, i annan 2 Komite ki pe zwenn pandan break.

 Bills Committee, Onorab Georges – 1.30 i ok?  Zot oule pran lunch avan apre zot ava meet,  1.30.  E nou pou annan osi Assembly Business Committee.

Mon pou met li 2.15.  Nou pou repran nou travay 3er.  Ok.  3er, ki ava donn sans Manm en pti pe pou, sirtou sa 2 Komite osi pou zot kapab fer zot travay.

E 3er nou pou pran Statement par Minis Bastienne.  E nou pou sey al en sel.  Si nou pa bezwen break nou pa pou bezwen break.  Nou ava ale ziska anver 5.30 – 6er depandan lo kantite kestyon ki Manm i ava annan, ok?

Nou ava zis demann Sarge pou move Mace pou nou sorti dan Committee Stage avan nou adjourn pou nou re pran apre midi.

So nou break e nou re pran nou travay 3er apre midi.  Me prenon kont bann Manm sa 2 Komite, Bills Committee 1.30 Committee Room 3, ABC 2.15 Speaker’s Conference Room.  Mersi.

 

(BREAK)

 

MR SPEAKER

Bonn apre midi tou Manm Onorab, bonn apre midi Minister Charles Bastienne e bonn apre midi Mr Cyril Bonnelame, ki dan sa kapasite koman Acting CEO pou SFA.  Bonn apre midi tou dimoun ki a lekout e pe kontinyen swiv travay Lasanble Nasyonal.

Nou pou kontinyen nou travay apre midi parey nou ti’n dir bomaten avek Statement ki pou ganny fer par Minis Charles Bastienne, sa i lo travay ki sa Komite o nivo pe fer lo sekirite alimanter lo sirveyans sekirite alimanter.

Apre ki Minis i fer son Statement nou ava ouver lasal pou deba, bann Manm i a kapab demann kestyon pou ganny plis klarifikasyon. Avek sa de mo mon ava envit Minis Charles Bastienne pou li fer son Statement. Minister laparol i pou ou.

 

MINISTER CHARLES BASTIENNE

Mr Speaker, tou Manm Onorab e tou dimoun ki a lekout dan lakour bonn apre midi. Dabor Mr Speaker, mon oule remersye ou pou donn mwan permisyon pou fer en Statement lo travay ki High Level Committee on food security surveillance pe fer.

Sa Komite ti ganny met an plas ver lafen Mars par Prezidan Larepiblik, Mr Danny Faure.  Bi sa Komite se pou asir sekirite alimanter e lezot prodwi esansyel pandan sa pandemik COVID-19.

 Sa komite pa la pou pran rol okenn lorganizasyon, me plito travay avek zot pou bon deroulman lo travay dan lentere Pei. Sa Komite i prezide par mwan menm e i konpri Konseye Ekonomik dan biro Prezidan Mr Bertrand Belle, Sekreter Prensipal pou Komers dan Minister Finans Manmzel Cillia Mangroo, Sef Egzekitif SEYPEC Mr Conrad Benoiton, Sef Egzekitiv STC Manmzel Christine Joubert. Chairman en Lasosyasyon Fermye APAS Mr Barry Nourrice, Chairman Lasanm Komers Sesel Mr Oliver Bastienne, Sef Egzekitif par enterim SFA ki mon annan avek mwan la apre midi Mr Cyril Bonnelame.

Travay sa komite ti komans deswit apre son kreasyon.  I ti etabli sityasyon aktyel konsernan tou bann komodite de baz ki annan de pei;- nivo stok petrol ek gaz kot SEYPEC e osi kot nou ete vizavi prodiksyon agrikol ek lapes.

Mr Speaker, premye travay ki komite ti fer se pou etabli stok Nasyonal pou tou komodite esansyel. Sa in komans avek sa 14 item esansyel ki enkli parey nou konnen diri, disel, zonnyon, ponmdeter, lantir, disik, dile, delwil, ponm, zoranz, dile pou pti baba, lafarin, margarin e papye twalet.

STC in prezant avek nou son stok e osi demann lo en baz tou le semenn e osi tou le mwan. Tou le semenn STC i prezant avek Komite son nivo stok. Nou’n osi ganny lalis enportasyon tou bann enportater mazer dan pei pou tou sa bann komodite.

Mon kapab raporte ki stock kot sa 14 item esansyel i konsernen i solid e ki avek bann komodite ki kontinyelman pe antre dan pei, napa rezon pou nou enkyet. Mon osi konfirmen ki ziska ler Gouvernman i pran en desizyon, pri sa 14 komodite pou reste parey malgre devalyasyon Roupi.

Lo kote karbiran kot SEYPEC, stok SEYPEC i koman swivan. Fuel oil ki ganny servi esansyelman par PUC, zot annan stok pou 11 semenn. Pou gaz oil ki nou konn li koman diesel, sa i pou 8 semenn, jet oil evidaman ki pou avyon sa i 106 semenn. Mogass, bennzin i pou 21 semenn, LPG gas ki nou servi pou kwi manze, sa stok i pou 6 mwan. Fodre fer resorti ki SEYPEC i annan en bon sistenm ki garanti replenishment lo en baz regilye.

Nou Komite in osi fer serten travay pour ki sa lalis inisyal ki esansyel i ganny amande oubyen azoute, pour ki lezot komodite enportan i osi kapab ganny azoute lo sa lalis. Sa bann komodite parey dantifris, diapers, lay, cereal, savon, deodoran, bann detergent parmi lezot, i osi ganny konsidere pou ganny priyorite ler nou pe koz kot deviz etranze i konsernen.

Mr Speaker, touzour dan zefor pou asire ki pandan sa lepidemi COVID-19 nou pep pa ganny afekte avek petet mank manze.  Komite High Level ti zwenn avek responsab IOT pou diskit meyer fason ki sa lizin i kapab ede. IOT an prensip ki dakor pou gard en stok o mwen 2 mwan, pou ki si zanmen i annan nesesite zot kapab ed nou pou ganny akse avek sa stok.

E dezyenmman, IOT ti deside pou donn 10poursan rediksyon lo tou bann diferan ton dan bwat ki zot prodwir.  sa i fer avek STC e osi avek lezot retailers. STC a son tour pe pas sa benefis avek konsonmater.

Dan kad nou travay komite ti osi rankontre Fair Trading Commission, FTC parey nou konnen byen boner dan nou bann deliberasyon. Pou nou kapab ganny en persi lo travay ki zot pe fer fas avek devalyasyon Roupi e logmantasyon dan pri komodite.

FTC ti fer kler ki napa pri kontrol dan zot Lalwa e alors zot pa kapab servi sa koman en zouti kont bann marsan.  FTC in plito pran en lapros kot zot in angaz zot avek bann retailers prensipalman atraver Retailer’s Association.

Swivan en legzersis ki nou ki’n fer e FTC in vin avek bann konklizyon swivan;-

1) Se ki bann retailer’s pa neseserman lakoz logmantasyon dan komodite dan pei, malgre ki nou krwar ki zot pri ki zot gannyen avek wholesalers i pri ki zot gannyen zour zot resevwar sa komodite.

Nou konsyan ki bann marsan pa neseserman gard gran stok komodite e sa osi i lakoz pou annan logmantasyon ase vit dan pri marsandiz.

2) Bann wholesaler in raporte ki ler zot enport en komodite, sa komodite i ganny peye an 3 a 6 mwan apre ki zot in resevwar sa komodite. STC osi in konfirmen ki zot osi fer sa pratik.  Alor malgre ki komodite in fini antre dan pei, pri pou bezwen reflekte sanzman dan deviz etranzer dan serten ka.

Komite High Level in santi ki FTC i annan ankor travay pou fer pou kapab vwar egzakteman kote ki pri pe ganny aziste artifisyelman. Par egzanp

1) Eski wholesalers ki pe profite pou fer pri monte san zistifikasyon. FTC pe rod lenformasyon ansanm avek Departman Komers dan Minister Finans pou ganny ase levidans.

2) Eski bann enportater pe profite pou inflate zot pri atraver transfer pricing, depi kot sa komodite pe vini e ki sa invoice pa pe reflekte vre pri sa komodite. Nou krwar ki sel logmantasyon rezonnab se sa ki annan pou fer direkteman avek deviz oubyen freight, oubyen ankor logmantasyon dan pri dan sa komodite kot sa prodwi i sorti. Ler FTC i konplet sa travay rekomandasyon neseser a ganny fer par Minister Finans e Komers lo lapros ki zot pou pran.

Mr Speaker, pandan sa pandemi Sekter Lapes Artizanal e Semi-Endistriyel in trouv zot dan difikilte pou kapab kontinyen vann zot pwason anvi ki bann marse domestik e enternasyonal pa ti pratikman egziste, e sa ti pe afekte zot loperasyon.

An mwayenn 400 tonn pwason fon i ganny lapes par mwan par nou bann peser artizanal, kot 50poursan ladan i normalman ganny vann avek lotel, restoran e osi leksportasyon e larestan i vize ver konsonmasyon lokal.

Bann peser ki ti reste operasyonnel ti trouv zot dan difikilte pou vann zot pwason e menm zot ti bezwen sibir bann pri ki ti tro ba e ki pa ti soutenir zot kou loperasyon. An konsekans Gouvernman ti antretan an konsiltasyon avek bann processing plant, propriyeter bato, peser e Lasosyasyon Peser.

Bi sa konsiltasyon sete pou vin avek en progranm pou ki peser i kontinyen lapes e vann zot pwason e ganny pri rezonnab.  E lo kote processing plant ki zot reste operasyonnel e pwason i ariv kot konsonmater a en pri afordab.

Detay sa progranm si ou permet mwan Mr Speaker, i comme swivan;-

1) Se ki i mandatwar ki bann propriyeter bato artizanal anrezistre ki anvi partisip dan sa progranm zot anrezistre avek SFA. Sepandan bann ki tradisyonnelman vann zot pwason dan kominote ti ganny ankouraze pou kontinyen avek sa pratik.

2) Pou redwir kou loperasyon tou bann peser Gouvernman ti entervenir pou fer pri labwet vin pli bonmarse. Fodre fer resorti ki avan lentervansyon Gouvernman peser ti pe aste labwet R15 par kilo an mwayenn e dan kad sa plan sa in redwir pou vin R5 en kilo. Gouvernman ti ankor redwi konsesyon lo ice pou ki en bal ice 60 kilo i sorti R30 pou vin R15 e en bal 30 kilo i sorti R15 pou vin R7.

4) En pri standard in ganny etabli par lespes e tou peser ek propriyeter bato ti konnen konbyen zot pou gannyen avek lavant zot pwason menm avan zot ti al lapes. Pri i comme swivan.  Bourzwa i R60 en kilo, eskiz mwan Bourzwa i R65 en kilo, Bordmar R60 en kilo. Zob, Vyey, Kaptenn sa i R45 en kilo, Karang li i R20 en kilo.

Pour le moman i annan 88 propriyeter bato, parmi 5 lo Praslin e enn lo La Digue ki’n anrezistre anba sa progranm. Avan sa progranm laplipar sa bann bato ti pe vann zot pwason avek lotel ek restoran e zis 20 parmi ki pe vann konstaman avek processors.

 An rezilta lentervansyon direk Gouvernman lo kou loperasyon lapes artizanal, in redwi par 40poursan an mwayenn. Anba sa progranm bann processors ki ti oule partisipe ti osi bezwen anrezistre avek SFA lo serten kondisyon tel ki;-

1) Zot bezwen aste pwason avek bato artizanal ki’n anrezistre e dezinyen avek zot lo bann pri ki’n ganny agree. I annan 4 processors ki pe partisip dan sa progranm e enn potansyelman lo Praslin.

2) Bann processor i ganny en margin 40poursan lo zot kou loperasyon pou freeze, process e pou lanbalaz pou sa pwason pou distribisyon avek STC. E STC i responsab pou aste e stok e vann sa bann prodwi dan son laboutik e osi lezot laboutik lo Mahe, Praslin e La Digue.

Lo kote Praslin, sistenm pou aste pwason pe ganny finalize avek en processor.  Antretan bann processors ki partisip dan sa progranm in kapab benefisye avek en loan maximum R1milyon atraver Fisheries Development Fund, ki ganny zere par DBS a en to lentere 1poursan pou ed zot avek zot working capital. Anba sa progranm ziska ler aktyel, 42 tonn pwason in ganny aste avek bann peser e 8.5 tonn in ariv kot STC e lezot magazen.

Pou fer resorti ki byento nou pou antre dan vandswet kot pwason i rar e osi pli ser. Anba sa progranm, pwason ki pe ganny lapes an se moman dan bon sezon pou osi ganny stoke e ganny vann a menm pri dan vandswet.

Lo kote semi-endistriyel an mwayenn 200 tonn ton i ganny lapes par mwan avek 90 poursan ki vize ver leksportasyon.  Avek sityasyon kot bann pei Eropeen ti anba lockdown e se sanmenm sa bann pei ki plizoumwen marse bann pwason semi-endistriyel. Bann bato semi endistriyel ti napa lavant pou zot vann zot pwason aletranze.

An konsekans, Gouvernman an konsiltasyon avek propriyeter bato semi- endistriyel ti pran bann desizyon swivan;-

  • Se ki lapes semi- endistriyel i ganny

sispann ziska sityasyon i amelyore.  Dezyenmman, an vi sa sityasyon Gouvernman ti bezwen entervenir pou aste 23 tonn ton ki serten bato semi endistriyel ti ankor aktiv ti’n lapes e ki bann processors pa ti pe aste. Diskisyon avek bann propriyeter bato lo posibilite pou reparti zot bann travayer etranze, an vi ki nou ti pe osi antre dan sezon vandswet byento ki pou fer ki zot pa pou neseserman operasyonnel pou sa bann mwan dan peryod vann swet.

Apartir yer, tou bann bato semi-endistriyel in kapab rekonmans zot aktivite lapes e nou espekte ki zot in fer zot laranzman pou garanti lavant zot pwason akoz i pou difisil pou Gouvernman de nouvo antre pou aste zot pwason.

Mr Speaker, konsernan lapes Banbara, parey nou konnen lapes Banbara i vize esansyelman ver leksportasyon. Sezon pase en total 265,732mil pyes Banbara ti ganny atrape lo en kota 375mil 000 pyes. Sezon Banbara i ouver depi Oktob ziska Me toulezan.

Anvi ki kota zeneral ki SFA ti’n met a laporte lendistri pa ankor ganny totalman lapes. Gouvernman in alor deside ki eksepsyonnelman i pou enn extend sezon lapes Banbara ziska lafen Zen, olye ferm li lafen Me pou les bann bato Banbara ki anvi, pou kontiny avek zot aktivite e nou pe ekspekte ki zot pou reste dan limit sa kota. Nou osi konnen ki avek vandswet sa aktivite i en pe difisil. Me sa ekstansyon 1mwan i a permet zot pou kapab kontinyen debourye.

2) Gouvernman in deside pou pa ferm sezon Banbara an Oktob sa lannen parey i ti’n anonse, pour ki sa aktivite i kontinyen vin en sours deviz pou pei pandan sa moman difisil. Sa letid ki ti pou ganny fer par SFA  a ganny anvoye pou pli tar, le moman ki sityasyon ekonomik i amelyore.

3) An vi sa desizyon nou pou revwar posibilite pou annan plis processors parey ti ganny anonse an 2018. Tou sa ki mon’n anonse a fer li anba gidans Lotorite Lapes Sesel, SFA kot zot ava kapab donn plis detay pli tar.

Mr Speaker, pou asir sekirite nou bann peser an mer pandan sa pandemi, SFA in amann kondisyon laysenns bann bato pou fer litilizasyon VMS vin mandatwar. Sa i a permet ki SFA ansanm avek lezot lotorite ki angaze dan sekirite maritim, zot konnen a tou moman kote sa bann bato i ete.

Akoz en mankman lakantite VMS ki nou bezwen e en retar avek en serten kantite ki nou ti sipoze resevwar. SFA in bezwen les o mwen en trantenn bato artizanal al lapes me restrikte zot zis lo Mahé plato pou kapab annan serten sirveyans.  Sa i aplikab ziska ler SFA i resevwar nouvo stok disi lafen sa semenn.

Lezot travay ki pe ganny fer.  Premyerman lo kote bato semi endistriyel, parey nou’n deza dir nou ti a swete ki ver lafen 2021 nou double lakantite bato semi endistriyel sorti 54 pou vin omwen 100. Nou konsyan lespas pou met bato lo por e osi pli gran defi se kapasite processing. Gouvernman pe travay lo en plan finansyel pou Seselwa ki enterese envestir dan sa bann bato ki nou ekspekte pou pli modern an sekirite.  Annan plis konfor ki sa bann bato ki annan aktyelman.

Nou pou akseler nou travay ansanm avek Lakademi Maritim Sesel, SMA pou ankadre nou bann zenn Seselwa pou pran lapes semi endistriyel koman en karyer e redwi depandans lo peser etranze dan sa domenn.

2) Dan plan konpreansiv pou lapes nou ti dir ki nou pou fer li mandatwar ki bann bato ton longline endistriyel ki flot paviyon Sesel pou vin dan Port Sesel omwen enn fwa par an.  Sa in komanse depi Zanvye sa lannen.

Nou pe osi entansifye travay pou ki plis sa bann bato i pran zot karbiran avek SEYPEC. Nou pe osi finaliz travay pou develop en plan pou en por pou industrial long liners pou ki nou annan en diversifikasyon dan lapes ton.

3) Travay in osi komanse pou revwar tou license bann bato ton endistriyel ki flot paviyon Sesel, bann purse seiners, support vessel e osi industrial long liner. E osi pou tou lezot bato etranze apard Linyon Eropeen avek bi pou fer monte zot license fee e ogmant reveni ki antre dan pei. Nou pou konplet sa travay ver Zilyet sa lannen.

Mon ti a kontan anonse ki travay pe ganny fer pou evalye an detay posibilite pou Seselwa antre dan industrial longlining. Ki mannyer pou fer sa? Sours finansman, fasilite por, parmi lezot pe ganny evalye. Konmela Sesel pe anmas $24mil par an direkteman avek sak sa 61 bato industrial longline.  Nou bann travay inisyal i montre ki sa sekter i annan en gran potansyel. Gouvernman i a pronons son lekor lo la ver lafen Zilyet sa lannen.

5) Mr Speaker, plizyer seselwa pe demande pandan plizyer lannen akoz ki Gouvernman oubyen Sekter Prive pa angaze dan lapes endistriyel.  Sa ki nou apel purse seine. I annan en pe letan depi ki Minister Lapes pe fer evalyasyon, nou pou kapab fer en lanons lo sa size tre byento.

6) Nou pe travay lo en plan marketing aletranze pou nou pwason, espesyalman ton ek bann lespes parey ton ki nou apel bann tuna like species.  Dan sa prosenn mwan nou pou kapab devwal sa plan apre ki nou’n fini fer bann konsiltasyon neseser.

7) Mr Speaker, nou ekspekte lans nou plan aquaculture avan Zilyet sa lannen enn fwa ki tou kad Lezislasyon i an plas.

Mr Speaker, lo kote Sekter Agrikol Minister ek SAA i kontinyen entansifye zot zefor ver bann target plan konpreansiv pou lagrikiltir. Sa pandemi in montre nou relevans sa plan konpreansiv pou lagrikiltir.  In alor neseser pou nou akseler dan serten domenn.

 Pou anplifye nou demars, byen avan COVID-19 Gouvernman in reste angaze avek tou Lasosyasyon Fermye dan pei atraver plizyer konsiltasyon.  Avek devalyasyon Roupi kont Dolar prensipalman Gouvernman in garanti pri manze zannimo, pri dizef pou eklo, e pti poul a menm pri ki zot ti ete avan sa pandemi.  Sa i fer ki napa rezon pou annan logmantasyon dan pri lavyann poul, lavyann pork ek dizef dan prodiksyon lokal.

Par egzanp en bal manze poul 50 kilo ki ti pe vann R398 avan COVID-19 e ki’n monte apre sa pou vin R460, Gouvernman pe sibvansyonn sa diferans 15poursan ki reprezant R62. Sa pou kout Gouvernman en sif R6.1 milyon depi Avril ziska lafen Zen 2020. Sityasyon pou ganny vwar ver lafen Zen.  A sa pwen nou annan plezir pou dir ki pou premye kar sa lannen prodiksyon pou lavyann in ogmant par 30poursan konpare avek lannen pase. Sa nou koz lo prodiksyon lavyann poul.

E prodiksyon pork in osi ogmante par 31poursan sa lannen konpare avek lannen pase. An plis ki sa, Gouvernman in kontinyen soutenir Sekter Fri ek Legim atraver loan a en to lentere ki ba. Gouvernman in osi plas en moratorium lo peyman loan pou sa prosen 6 mwan pou bann dimoun ki dan Sekter Lagrikiltir.

Swivan lanons Prezidan Faure konsernan debousman pou bann prodwi laferm lokal, nou pe angaz avek STC pou asire ki zot aste otan ki posib sa bann prodwi avek nou fermye dan en fason organize.

Par kont nou konstate ki i annan plizyer lezot debousman avek Sekter Prive atraver linisyativ ki zot in pran. Dan sa moman difisil nou kontinyen vwar fason dan larezyon, pou ki Lazans Lagrikiltir i enport sifizaman langre ek legren pou asire ki prodiksyon lagrikiltir i kontinyen.

Nou konsyan ki malgre tou sa travay ki nou pe fer i kontinyelman annan serten defi kot stok input i konsernen. Antretan Gouvernman pe finaliz plan atraver konsiltasyon lo sa bann propozisyon swivan;-

1) Se ki Gouvernman pe konsider met an plas en wholesale market, pou esansyelman prodwi lokal. Setadir fri ek legim, pwason e lavyann.

Sa proze pou ganny fer par faz e sa i a permet ki STC i a kapab aste an gran kantite bann prodwi lokal e stok zot a bann tanperatir ideal pou kapab annan stok pou pei. Par egzanp zironmon a kapab ganny stoke pou o mwen 3 mwan. Kokonm omwen 2 a 3 semenn, eksetera. Sa fasilite pou evantyelman osi garanti prodwi lokal pou bann lotel ek restoran.

Dan sa konteks, Gouvernman pou tre byento angaz li dan diskisyon avek bann letablisman touristik pou ki nou ganny en Lakor lo valorizasyon prodwi lokal dan zot letablisman.

2) Gouvernman pe akse ler travay pou ki i annan lekipman modern pou travay later. Par egzanp bann power tilers, bann trakter, rotovators.  Sa pou swa ganny vann oubyen met a dispozisyon bann Lasosyasyon Fermye pou zot develop zot laferm pou ogmant prodiksyon lokal. Nou aktyelman dan prosedir rod kotasyon e nou swete aste sa bann lekipman dan sa prosen 3 mwan.

3) Gouvernman pe antreprann en legzersis pou klasifye bann prodikter lokal dapre zot prodiksyon. Kot Gouvernman pou apre vin ek plan lo ki mannyer nou pou ed pli byen bann ki prodiktiv.  I nepli lepok pou nou klasifye fermye dapre poursantaz later ki zot servi, me plito dapre prodiksyon ki sorti lo zot laferm.

4) Pou asir kontinyite e redinamiz lagrikiltir, Gouvernman avek linisyativ lasemans ki pou enplik zenn dan prodiksyon pou anmenn sipor adisyonnel pou siport demars ver meyer nivo sekirite alimanter.

5) Minister ek SAA pe angaze avek Sekter Prive pou kapab fer valer azoute pou bann diferan parts avek lavyann lokal. Par egzanp pork, ribs, chops lo kote pork e lo kote poul pou wings, breast ek drumstick.

Nou pou fini fer nou diskisyon avek nou processors dan bann prosen semenn ki pe vini e apre sa nou a donn detay lo sa plan. Sa nou pe fer li akoz nou konnen ki i annan plis demann pou parts lo kote poul e ki lavant koson i en pe difisil. Me ki pork i vann tre byen.

6) Depi lannen pase Gouvernman ti komans en travay pou amenn lezot nouvo bloodlines pou bef, kabri e mouton.  I ti nou swe pou nou fer li par Zen sa lannen. Me an vi sityasyon san pandemi sa pa pou posib e nou pou fer li pli tar. Sa bann nouvo bloodline i a ed nou diversifye nou portfolio lavyann lokal.

7) Apepre en mwan pase Minister Lagrikiltir avek Lazans Lagrikiltir in zwenn avek Lakonpannyen Devlopman Zil, IDC e zot in prezant avek nou zot plan devlopman pou lagrikiltir lo zil elwanye. Zot ekspekte fer lagrikiltir lo en gran lesel komersyal sirtou pou bann commercial crops. IDC pou donn plis detay lo sa plan byento.

Antretan nou’n diskit posibilite pou annan en parent stock pou poul lo zil elwanye ki ava ede pou koup lenportasyon e garanti bann day old chicks pou nou bann fermye.  Dan tou sa ki nou pe fer, nou fer sir ki bann fermye i prodwi bann prodwi de kalite ki zot marse i garanti, ki zot rannman i rezonnab. E an retour konsonmater i benefisye avek bann prodwi parey mon’n dir de kalite e bann pri abordab.

Dan nou zefor pou asire ki i annan sifizaman resours pou enplimant bann progranm dan Sekter Lagrikiltir, pandan sa prosen 6 mwan Gouvernman in vwar li enportan pou ogmant levy lo lavyann enporte parey in ganny anonse par Minister Finans.

Poul i sorti R5 pou vin R7, pork li i pou sorti R3 pou vin R8. 13sou. Avek sa logmantasyon levy lo kote poul, Gouvernman pou anmas R3.24milyon e R1.04milyon lo kote pork pandan sa prosen 6 mwan.

Mon konnen ki i annan plizyer konsern apropo sa logmantasyon akoz lafreyer se ki avek devalyasyon Roupi vizavi dolar sa pou otomatikman anmenn logmantasyon dan pri lavyann enporte lo marse lokal.  Nou, nou krwar ki sa pa pou neseserman merit arive akoz levidans ki nou annan serten sa bann enportater pe fer plis ki doub profi lo sa bann lavyann.

Mr Speaker, finalman parey zot in konstate Gouvernman pe kontinyelman adapte avek nouvo realite ki nou ladan ozordi.  E sa i fer nou rod tou nouvo fason e alternativ pou ki nou pei i kontinyen fonksyonnen. Nou tre konsyan ki keksoz pa pou fasil e ki i bezwen zefor nou tou san eksepsyon pou sirmont bann defi e an menm tan sezi bann nouvo loportinite ki prezant nou. Mersi Mr Speaker.

 

MR SPEAKER

Mersi Minis Bastienne. Bon prezan deba i ouver okenn Manm ki anvi poz kestyon? Yes, Onorab Phillip Arissol.

 

HON PHILLIP ARRISOL

Mersi Mr Speaker.  Eski Minis i kapab dir Lasanble dan ki staz alokasyon in arive sa 14 morso later ki Prezidan ti dir ek bann fermye? Eski i annan plan enstal tou fasilite tel ki semen, delo ek elektrik avan alokasyon?  Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, parey zot tou zot konnen se ki orizinalman sa 14 morso later ti ganny allocate avek en Lasosyasyon Fermye.  Akoz swivan demann ki zot ti fer se ki zot ti’n pare pou zot monte pou zot al devlope pou komans plante.

E vwala kot sa in sorti, kot nou ti annan nou 19 morso later ki ti available. 5 nou ti pe rezerv pou nou progranm bann zenn e 14 nou ti pe pran pou nou donn avek zot pou zot bouze pou zot al devlope. E parey zot konnen, se ki sa lasosyasyon partikilye in dir konmkwa ki zot pa pou dan en pozisyon pou zot allocate later avek zot bann fermye.

Nou, nou ti panse petet lo nivo lasosyasyon se zot ki ti pou fer sa devlopman. Me anvi sa i leka sa 14 morso later i ankor la, pa ankor ganny allocate, laplipar sa bann later i annan bann lenfrastriktir neseser. Akoz tou sa bann later in ganny pran avek bann dimoun ki pa prodiktiv.

Mon kapab dir se ki i annan en pe plis ankor, me la mon napa figures avek mwan. Nou annan plis ki 14 morso later la ki available pou nou fer le neseser pou nou fer alokasyon e i annan serten evalyasyon de nouvo Lazans Lagrikiltir ki fer alokasyon pou fer rekomandasyon pou alokasyon later lo lekel bann dimoun serye e kapab pou nou proceed pou nou allocate sa bann later avek. Mersi Mr Speaker.

 

MR SPEAKER

Mersi Minis. Onorab Arissol.

 

HON PHILLIP ARISSOL

Savedir Minis, eski ou kapab dir nou ki bann fermye i merit fer pou ganny alokasyon sa bann morso later?

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, depi 2an pase letan nou ti vin avek plan konpreansiv pou lagrikiltir, nou ti deza annan en lalis en pe plis ki 100 bann dimoun ki ti’n fer bann aplikasyon.

E sa 14 morso later in ganny assess pou vwar kote ki ou kapab fer livestock production, kote ki ou kapab fer agrikol.  E lalis pe ganny analize baze lo bann laplikasyon ki ti annan e an menm tan pou komans kriy bann dimoun ki’n deza fer laplikasyon pou nou fer sir ki sa bann dimoun zot ankor enterese e zot serye e zot annan sa abilite pou zot al dan lagrikiltir.

Akoz ki nou’n vwar plizyer fwa dan le pase, se ki en bon pe later lagrikiltir in ganny allocate avek bann dimoun ki pa neseserman pa konnen kote zot pou komanse lo zot later pou zot komans fer prodiksyon.  E la nou oule fer sir ki letan nou bouze, anvi ki parey mon’n eksplike avan, se ki omwen 60 poursan nou bann later lagrikiltir pa pe ganny valorize.

So, nou oule fer sir ki sa i ganny allocate avek bann fermye oubyen bann dimoun potansyel ki swa ki’n lekol lagrikiltir, ki annan lentere dan lagrikiltir, ki sa i ganny allocate avek zot. Mersi Mr Speaker.

 

MR SPEAKER

Mersi Minis. Onorab Sylvanne Lemiel.

 

HON SYLVANNE LEMIEL

Mersi Mr Speaker. Bonn apre midi Minis ek tou dimoun. Minis petet mon ti a kontan konnen lo kote, la zot pe al kegoriz bann diferan laferm. Me ozordi nou annan bokou bann pti fermye ki pe vreman, zot annan sa gran lentere zot. Zot in ganny zot en gran bout later, me selman sa ki zot kapab prodwi li menm i pa ranpli sa later antye.

So, ki vreman zot pe mazin fer koman incentive pou zot kapab donn sa bann pti fermye.  I enteres li pou li prodwi. Pa pran son later ek li pou donnen, me kote ou Minister, ki zot pe fer pou zot ankouraz pti fermye.

Akoz ozordi mon konnen i annan serten incentive ki zot in mete, ou dir sa dimoun ale i a ganny en loan DBS. Mwan mon konn dimoun ki’n vin kot mwan, in ganny son later Val Dan Dor, i pe struggle ozordi ni menm pou li kapab ganny sa loan ek DBS i pa pe kapab gannyen.

Me i anvi plante, i pe plante, i pe seye. Minis ki zot pe fer pou pous sa bann dimoun koumsa, akoz zot ki pe fer bann gro manze, sa ki nou, nou pe mazinen parey la dan sa letan COVID,  ki petet ou pe fer patat, ou pe fer mayok, bannann, ki bon pou nou pei. So, ki zot pe mazinen pou fer pou sa bann pti fermye? Mersi.

 

MR SPEAKER

Mersi onorab. Minis.

 

MINISTER CHARLES BASTIENNE

Mr Speaker, dan nou plan se ki nou oule fer sir poudir avek sa klasifikasyon bann fermye. Akoz i fer omwen 1an depi ler nou pe anmas bann bon data kot tou nou bann fermye pou nou vwar bann prodiksyon ki zot pe ganny fer.

Bon ler nou an klasifye sa bann fermye, i a kapab ed nou pou nou direkteman fer bann entervansyon. Parey ou’n dir Onorab se ki bann pti fermye nou pa kapab pa donn zot sa valer. Zot osi zot enportan malgre ki zot kontribisyon i bokou mwens par laferm konpare ek bann gro laferm. Zot osi zot tre enportan, sirtou en bon pe zot ki pe vann bann prodwi dan bann kominote, nou pa kapab discount sa.

So, vwala kot nou, nou pou kapab vin avek package dan sa bann letan ki nou ladan la, pou nou vin avek en package letan nou’n fer sa klasifikasyon pou target zot, pou donn zot incentive.

Mon konnen anba plan konpreansiv nou ti pe vin plizoumwen vin ek bann loan ki more or less unsecured R350 mil, ou ti zis pledge sa later, donn ou lease. Me mon konsyan difikilte ki annan avek sa, me osi mon konsyan osi Mr Speaker, si ou permet mwan. Se ki en bon pe sa bann fermye, malgre nou anvi ed zot, serten dokiman de baz ki nou fer zot anmennen zot pa neseserman anmennen.  Sanmenm sa ki loan osi pa bouze. Bann dokiman de baz ki ou bezwen avek zot.

Me selman, klasifikasyon pou ed nou kapab konnen e target bann resours.  Par egzanp ki mon kapab dir ou, se ki dan nou diskisyon ki nou pe fer e nou pou kontinyen fer avek lasosyasyon. Nou anvi ki lasosyasyon i zwe en rol pou li kapab vin devan.

Mon zwenn lasosyasyon tou le semen, mon annan meeting avek zot.  Zis semenn pase nou pa’n zwenn. Me omwen pandan sa dernyen 6 semenn nou pe fer li. Vin devan avek tou sa bann konsern sa bann fermye pou nou kapab target resours ki nou pou donnen.

Parey mon’n dir dan mon entervansyon, mon’n dir konmkwa nou pou donn lasistans lekipman. E nou, nou ekspekte ki sa bann lekipman, serten sa bann lekipman i ava al avek lasosyasyon e lasosyasyon a servi sa bann lekipman pou benefis son bann manm dan son kominote. Ok?

Dezyenmman, se ki mon krwar ki bann fermye osi mon krwar se ki, bann pti fermye zot bezwen bokou plis konsey avek nou servis ekstansyon. Mon krwar sa i manke. E sa osi ki pe anpes zot pou zot kapab devlope. So, nou bezwen fer mannyer ki nou donn zot bokou plis latansyon. Akoz i pa nou swe pou nou nek zis vini vin pran later. Non! Prosedir pran later i ase long. Nou donn ou 3 mwan, ou pa prodwi?  Nou donn ou ankor 3 mwan.

Ou konnen i bann ka kot nou pran later, kot i vreman ekstrenm kot nou’n fini vwar poudir lentere dan lagrikiltir sa bann dimoun i nepli annan. Mersi Mr Speaker.

 

MR SPEAKER

Mersi Minis. Onorab Lemiel.

 

HON SYLVANNE LEMIEL

Mersi Mr Speaker.  Minis detrwa sa bann ti ptipti fermye la, petet zot pa form parti sa lasosyasyon zot, en? Petet ki nou pou ankouraz zot la, zot pe ekoute petet.  Ki ou pou ankouraz zot, par egzanp ou’n dir i annan pa ganny sa loan. Sa pti loan R350mil avek DBS pou li kapab aranz son laferm, pou li kapab prodwi. Pete akoz i mank dokiman de baz, zot pa anmennen. Be petet ki fason sa lasosyasyon prezan, sa pti fermye pa form parti sa groupman. Ki fason sa lasosyasyon i kapab al ver sa bann ti pti fermye, travay ek zot?

Petet la ou a ganny li prezan pou li vin dan ou lasosyasyon, pou ou kapab ed li.  I a dir ou son difikilte, i pa pe kapab ganny sa loan ek DBS, lezot problenm ki i annan. Ki mannyer ou pe travay avek sa lasosyasyon pou ankouraz zot pou al tous tou sa bann dimoun. Mersi.

 

MR SPEAKER

Mersi onorab. Minis.

 

MINISTER CHARLES BASTIENNE

Mr Speaker, se esansyelman sa ki nou ekspekte lasosyasyon i fer evantyelman. Kot zot tous tou fermye dan kominote ki i ti pti, ki i gro pou travay avek zot, pou kapab anmenn zot bann konsern devan. Ki swa resours ou kwa.

Ler mon koz ou mankman dokiman la, mon pa pe koz ou bann dokiman konplike. I annan senp legzanp, bann invoices ki ou bezwen, ki zot pa anvoye. Bann proof of address, par ler ou ganny difikilte pou ganny kart idantite, kopi kart idantite, i bann senp dokiman de baz.

Me nou, nou annan en unit nou, si ou pe koz lo loan nou annan en unit ki’n ganny etabli dan SAA ki deal avek tou sa bann loan. Olye al DBS pou ganny difikilte parey dan lepase ti annan, ou vin kot Lazans Lagrikiltir e Lazans Lagrikiltir i annan zofisye ki ganny dedye pou travay avek sa bann fermye konsernan zot loan. Mersi Mr Speaker.

 

MR SPEAKER

Mersi Minis. Onorab Regina Esparon.

 

HON REGINA ESPARON

Mersi Mr Speaker. Bonn apre midi Minis avek ou delegasyon. Mr Speaker, mon ti a kontan konnen, Minis in dir koumsa i annan 20 processors ki’n fini anrezistre pou process pwason. E in fer nou konpran poudir i annan zis 4 ki pe deza vann ek STC. Petet i ti a kapab dir nou lekel sa 4 processors ki pe deza aste avek peser e apre vann avek STC? Mon kestyon i annan detrwa parti. Konbyen ki STC pe peye? Ki poursan markup zot pe mete?

Ozordi en file Bourzwa kot kot Oceana i R270 kilo. Minis ou konnen ou akoz dernyen meeting ki ti annan Mr Songoire ti anmenn ou get sa bann pri. Bourzwa antye R135 kilo. STC li en file i vann R220 kilo bann morso kot zepol R100 kilo. Bann morso milye kot napa tro bokou pikan R120 en kilo.  Ki ou Minister pe fer pou fer sir ki pri i reste afordab e kot peser pa santi zot ki middlemen pe benefisye plis ki zot?

Lo kote IOT, ou’n koz lo prodwi IOT. Ozordi lo marse i annan landrwa ki en bwat ton delo pe vann R15, delwil R16.50. Bann nouvo pti bwat dan plastik i vann R16, i annan landrwa R17. Me i annan magazen pe vann sa ton dan bwat la R18, delwil R19. Bann dan plastik R22 e bann dan plastik delo R22 e delwil R23.50. Ki ou Minister pe fer pou fer sir ki sa bann prodwi osi i reste afordab?

Ozordi Minis, IOT pa pe vann son bann prodwi direkteman avek retailers zot.  Ki ou Minister pou fer, pe fer pou fer sir ki retailers i kapab aste direkteman kot IOT pou fer ki pri i bese? Mersi silvouple.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, dabor petet i annan en pti mal enterpretasyon la. Napa 20 processors, ki mon’n dir se ki i annan 20 sa ban bato ki ti pe vann zot pwason direkteman avek processors ok. E mon’n dir poudir i annan 4 processors ki pe partisip dan sa progranm.  An tou nou annan nou 7 processors e dan sa 7 processors 4 pe partisipe.  ou dir mwan oule konnen lekel sa 4 processors?

Nou annan nou Sea Harvest, nou annan nou Amirante, nou annan Slice Pack ki pou Mr Benoiton, apre nou annan biznes pou Mr William Jacob ok? So, sa i 4, pou ou lenformasyon Oceana pa pe partisipe dan sa progranm.

Bon pri ki ou pou vwar kot Oceana i pa pou reflekte pri ki nou pe promote.  Me ou pe donn serten legzanp kot pri i konsernen. Bon mon’n dir poudir sa bann legzanp ki ou pe donnen mwan, mon pase ou pe koz lo Bourzwa.

Bourzwa li i ganny aste avek bann peser a R65 en kilo. Bann processors i aste sa Bourzwa R65 en kilo parey mon’n dir, se ki zot blast freeze li apre ki in fini blast freeze li zot pou slice li, koup son latet kot Bourzwa i konsernen, vacuum pack li, label li, apre zot distribye avek STC. Sa zot ganny sa 40poursan e sa 40 poursan la ki zot pou gannyen, mon krwar i pou fer li R91 la. Ok?  Ki li i vann avek STC.  STC lo so kote i met 15poursan, 15 poursan lo kote son wholesale, ki apre li i pou kapab distribye swa ek son laboutik oubyen i distribye avek bann lezot marsan.

Ki nou pran? Travay pe ganny fer avek bann lezot retailers dan kominote pou pwason ariv partou. Si ou pran parey Bourzwa, Bourzwa son pri 1 kilo pa devret plis ki R121 en kilo, pou sa steak Bourzwa parey mon’n dir.

E pour ou lenformasyon se ki serten vizit ki mon ti fer kot serten landrwa ki process pwason dan serten landrwa, sa letan, letan mon ti vizite sa steak Bourzwa ti pe vann R240. Anba sa progranm nou, nou pe vann li R121. So, mon krwar ou kapab vwar rezondet par deryer annan en progranm parey.

Dezyenmman, konsernan IOT. IOT wi i vann son bann prodwi avek bann designated ki nou apel bann wholesalers. STC i enn parmi e ler nou’n negosye avek zot pou zot donn en rediksyon, zot in donn en rediksyon 10 poursan.

E avek sa rediksyon 10 poursan ki nou vwar, se ki pri konmela pou aste ton kot STC i pli bonmarse ki letan zot ti pe fer zot road show, ok?  Sa nou’n ganny dir par IOT, pri i pli bonmarse letan zot ti pe fer zot road show. Savedir ou pe vwar sa benefis direk ki nou bann sitwayen pe benefisye.

So, vi ki sa pe ganny fer already atraver bann wholesaler’s mon krwar sistenm i byen, i pe amenn rediksyon, pri i pli ba parey mon’n dir ki letan zot fer zot road show. Mersi Mr Speaker.

 

MR SPEAKER

Mersi Minis. Onorab Paul Ernesta.

 

HON PAUL ERNESTA

Mersi Mr Speaker. Mr Speaker, Minis ek ou delegasyon, tou bann Koleg Onorab, tou dimoun a lekout on apre midi. Mr Speaker, atraver ou Minis boner in koz lo sa size levy lo bann lavyann, ki in dir ki zot, zot pa krwar ki sa pou en gran problenm menm si pou annan logmantasyon dan forex.

Pou mwan sa i pa sifi, akoz mon dir i pa sifi, akoz nou konnen behavior nou bann marsan still zot toultan pas okenn logmantasyon ki annan zot pou pas lo sa konsonmater. Dan sa konteks e ou’n osi dir ki i annan serten travay ki pe ganny fer avek FTC pou vwar en pe lo kote bann pri.

Eski Minis i kapab dir nou apard zis travay, ki bann mezir ki zot pe eksplore swa bann opsyon pou fer sir ki bann pri pa ogmante, i reste afordab pou nou bann konsonmater? Enn.

Apre dezyenmman, Sesel nou en zil, nou en pei ki antoure avek bokou zil e bokou zil ki annan potansyel pou kapab fer bann prodiksyon agrikol. Eski Gouvernman zot pe eksplor bann posibilite pou kapab fer bann prodiksyon lo nou bann zil.  Ki nou asire ki nou annan sa sifizaman, swa nou trou sifizan lo kote bann prodwi alimanter? Mersi Mr Speaker.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, parey mon’n dir boner se ki konsernan ogmantasyon dan pri, travay ki nou pe fer STC fer pou High Level Committee i pou ed nou kapab met lalimyer lo kote bann logmantasyon pe vini.

Parey nou dir se ki eski i vin atraver transfer pricing aletranze, bann inflated prices. Sa FTC i annan serten travay pou li fer lo la e apre parey mon’n dir se ki i pou apropriye ki sa i ganny fer atraver Minister Finans. Me nou, nou pe sey fer mannyer koman High Level Committee, met lalimyer pou vwar kote problenm i ete e pou ki Lotorite Minister apropriye i deal avek sa.

Dezyenmman, konsernan zil elwanye. Konsernan zil elwanye parey mon’n dir, se ki IDC in prezant zot plan avek nou e parmi zot plan ki IDC in prezante avek Minister ek Lazans Lagrikiltir se ki annan posibilite ki byento zot pe al angaz zot avek bann Sekter Prive ki enterese pou zot al fer lagrikiltir lo bann zil.

So, i annan travay, kek model ki IDC pe devlope pou li angaz li avek bann Sekter Prive pou ale pou al fer sa lagrikiltir lo zil elwanye, lo bann commercial crops parey mwan mon’n dir.

 So, se sa i posib, sa enn. E dezyenmman Onorab se ki ler nou get lakantite later ki’n ganny allocate, nou’n komans en travay dan Minister e preliminer nou pe vwar poudir ler nou pe pran sa 402 ektar later, hectares later ki ganny allocate pou lagrikiltir e si nou valoriz tou sa later parey nou devret pa neseserman i annan rezonn pou nou al plant prodwi de baz ki nou bezwen.

Plan konpreansiv ti fer provizyon pou annan 15 item ki nou kapab prodwi lokalman san difikilte dan vandnor ek dan vandswet.  Mon pa bezwen pas lo la, bann keksoz parey bred, leti, kokonm, zironmon brenzel eksetera.

 So, si nou valoriz sa bann later parey travay ki nou pe fer la pou nou kapab speed up e osi parey Onorab Lemiel in demann mwan. Travay avek bann lezot pti fermye pou kontinyen ogmant zot prodiksyon, then nou pou vwar poudir lo Mahe nou kapab plizoumwen ganny lakantite sa bann komodite, sa 15 item ki mon’n dir nou kapab prodwi isi fasilman. Mersi Mr Speaker.

 

MR SPEAKER

Mersi Minis. Onorab Ernesta.

 

HON PAUL ERNESTA

Mersi Mr Speaker. Dan menm laliny Mr Speaker, kot Minis in arete.  Nou konnen osi ki i annan pa mal dimoun, akoz mon konnen i annan dimoun ki lo lalis.  Akoz i annan en zabitan Takamaka in apros mwan, i annan depi 2015 in fer demann pou en morso later pou li kapab prodwi osi. Me selman ziska prezan i pa ankor gannyen. Mon kontan la ki ou’n dir i annan sa 402 ektar later.

Eski dan sa konteks zot pe vwar osi bann dimoun ki ti annan sa lentere pou zot kapab antre, pou zot kapab zot osi ede dan sa konteks prodiksyon? Enn.

Apre dezyenmman, lo kote FTC, kan ki zot ekspekte fini fer sa legzersis? Akoz mon konnen petet la nou ankor ase safe, me apre? Petet apre Zen, 3 mwan, 6 mwan de la ki nou pou komans santi sa lefe. Ki pou fer si ki letan the real effect of sa lefe lekonomi i tap nou, ki nou osi nou deza nou’n fini pare e ki dimoun pa pe neseserman ganny sa kou direk lo bann logmantasyon ki pe arive dan pei. Mersi Mr Chair.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, mon krwar i toultan annan lespas pou antre dan lagrikiltir pou nenport dimoun ki serye. Zot serye, zot vini. Montre sa lentere, motivasyon, zot business plan. Pa neseserman business plan i an roz, me ou vwar sa lentere poudir sa dimoun pou vini, pou vin fer sa prodiksyon, i pou donnen sa rannman ki ou ekspekte de li.

So, i pou toultan annan lespas. E mon kapab dir ou se ki si mon memwar i bon, ki tre bon. Se ki nou annan en pe plis ki 40 later i anba konsiderasyon pou nou repran, 40 morso later. So, ou kapab vwar i pou annan sifizaman later pou dimoun ki enterese.

Dezyenmman, konsernan sa legzersis ki FTC, Fair Trading Commission pe fer se ki nou eksepte ki dan sa prosen 2 a 3 semenn zot kapab anmenn konklizyon avek sa. Akoz nou lo nivo High Level Committee nou anvi levidans. Levidans ki nou oule. Parey zot in fer sa legzersis pou nou lo kote bann retailers i konsernen, nou oule vwar levidans pou zot montre nou kote i ete sa bann labi i ete. E likewise, sa ki nou’n fer zot fer la. Mon ekspekte avan lafen Me, zot kapab fer le neseser pou donn tou sa lenformasyon. Mersi Mr Speaker.

 

MR SPEAKER

Mersi Minis. Onorab Wavel Woodcock.

 

HON WAVEL WOODCOCK

Mersi Mr Speaker. Bonn apre midi Minis, mon kestyon i koman swivan. Minis ou pa’n neseserman reponn kestyon ki Onorab Ernesta in demande kot i konsern sa logmantasyon lo levy pou lavyann koson. ki R3.13 sou e lo lavyann poul in mont par R2.

An vi a sityasyon COVID ki nou pe fer fas avek la, ri lavi pe kontinyen monte, tou komodite, manze tousala pe monte e dolar in ariv R18.

Minis eski ou pa krwar poudir sa levy ki zot in mete a sa pwen la, i pe plito met en fardo lo konsonmater. Par lefe ki nou prodiksyon lavyann poul Sesel i selman 20poursan e nou bezwen depan lo lenportasyon, prodiksyon lavyann koson i selman 30poursan Sesel.  Eski ou pa krwar poudir avek sa poursantaz sa lenportasyon sa 2 lavyann ki ou bezwen vin fer Sesel, eski ou pa krwar ki bann enportater pa pou, obviously pri sa bann lavyann pou ogmante par lefe ki dolar in ogmante.  Me an menm tan i pou ogmante akoz sa nouvo levy ki ou pe enpoz lo sa bann enportater.

Eski ou pa krwar poudir ou pe met en lot fardo lo bann konsonmater, lo lepep Seselwa ki pou fer pri sa bann lavyann vin bokou pli ser lo marse lokal?

Mon lot kestyon Mr Speaker, i konsern store, store Amitie Praslin. Mr Speaker, i annan konsern ki bann fermye Praslin in met devan mwan, dan mon latansyon ki lo store Praslin i annan plizyer bann materyo ki manke.  I napa NPK ek urea fertilizers, napa vertimec pesticide. I mank serten legren parey zironmon, gladiator ek besit. Napa pwazon kourpa e lezot materyo ankor.  Alor mon kestyon i kan bann fermye Praslin pou ekspekte ganny sa bann materyo lo store Praslin, pou zot kapab increase zot prodiksyon?

E osi kot i konsern stokaz pwason, sa i konsern ki bann peser Praslin in met devan mwan. Apre deklarasyon ki ou Minister menm in fer, kot i konsernan stokaz pwason e ki STC pou aste pwason avek bann peser. Eski ou Minister pe konsider enstal 2 ou 3 refrigerated container lo Praslin pou store pwason, dan plas ki peser pou bezwen bril bennzin pou al Mahe pou anmenn pwason pou met dan cold store e osi pou vann zot pwason. E konbyen tonn pwason aktyel la ki STC in aste ziska prezan?

Bann peser pe osi demande, akoz i annan sa konsern osi, ki kalite pwason ki SFA pe pran? Akoz pou lemoman zot pe pran zis bann pwason parey Zob, Bourzwa, Varvara, Karang. Me selman i annan bann pwason ki zot pa konnen si pou ganny aste;- bann pwason parey Kordonnyen Kakatwa, Kalkal eksetera. So, si ou kapab donn en pe detay lo sa bann lezot pwason. Mersi.

 

MR SPEAKER

Mersi Onorab. Bon si ou pa mind debout lanmenm si an ka ou annan siplemanter. Mon ava donn la parol Minis.

 

MINISTER CHARLES BASTIENNE

Mr Speaker, Onorab mersi pou kestyon. Bann pwason i bann pwason ki nou apel bann pwason demersal, bann pwason fon. Savedir bann pwason kazye pa enkli dan progranm li, akoz nou anvi ki nou bann dimoun dan nou bann kominote i kontinyen zwir bann pwason kazye. Hmm?

Konsernan stokaz, wi nou’n fer monte en container Praslin, refrigerated container Praslin ki mon panse in fini arive. E ki la bann, sa 5 peser ki enterese, si keksoz pa marse avek sa processor ki nou pe konsidere then nou pou komans aste, apre la nou fer le neseser pou nou bouz sa bann pwason Mahe.

Nou ti fer sa lo komansman pou nou fer avek lakor. Serten sa bann peser ki ti lo progranm pou zot vin Mahe. Parey ou konnen i annan ki al, ti al lapes dan zanmerant Amirante. E ler ou al Amirante, normalman ou pase Mahe avan ler ou al Praslin. So, nou ti ekspekte konmkwa ki i pli pre ek Mahe, petet zot ti a pas dan Mahe avan ler zot ava al Praslin, me i pa neseserman le ka.

Me selman la avek refrigerated container ki’n ariv lo Praslin, mon ekspekte poudir SFA i ava pran kontak avek sa 5 peser pou fer le neseser.  Sa lo kote, wi apre ou annan kestyon konsernan ki kantite STC in aste? Mon krwar mon’n dir poudir 8tonn en 8.5 tonn STC in fini aste.

E processing i ankor pe antre. As ozordi mon aprann poudir omwen 4 tonn ou 5 tonn pe ganny delivre kot STC. So, anmezir ki zot process. E en bon pe sa bann bato, mon’n dir an tou i annan 88 bato ki pe partisip dan sa progranm e nou ekspekte ki laplipar sa bann bato in komans antre. In komans antre oubyen pe kontinyelman antre a sa moman la.

Konsernan lo store lagrikiltir, wi in annan en gran demann lo kote bann prodwi.  Nou ti pe met en pe lanfaz lo bann prodwi bio ki nou ti annan. Me sa osi nou vwar li pe al pli vit ki nou ti eksepte akoz serten bann lezot fermye i tradisyonnelman zot ti enport zot menm, la zot pe vwar zot dan en sityasyon difisil kot zot, zot pe aste lo store lagrikiltir.

Me mon kapab konfirm avek sa Lasanble konmkwa ki MPK avek urea i deza lo delo sorti Moris. E nou ekspekte bato i arive Merkredi prosen. In kit laba le 2 le 3 Me. Nou a ganny li Merkredi prosen. E vwala kot nou a ganny omwen 25, 30 tonn nitrofosca e omwen 12 a 13 tonn urea.

 Lo kote legren sa osi nou pe met presyon pou nou kapab gannyen. En bon pe legren in pri avek nou main supplier pandan ki ti napa sa bann vol ki ti pe ganny fer, en bon pe in pri. Ki swa Sid Afrik oubyen atraver Non-Yew ki mon krwar i baze Taiwan. Me nou nou’n fer li atraver La Frans, ki nou annan serten consignment ki nou ekspekte gannyen tre byento pou bann legren. Sa lo kote bann legren ki nou konnen bann fermye i bezwen.

Me selman osi mon konsyan ki nou bann fermye tradisyonnelman zot abitye ek en serten varyete. E si zot abitye avek en serten varyete i pa fasil pou zot sanze. Me nou bezwen fer mannyer ki nou donn zot sa ki manke lo kote store lagrikiltir konsernen.

Mr Speaker, Onorab in dir mwan mon pa’n neseserman reponn kestyon ki Onorab Takamaka in demande. Mon pa konnen mannyer oule mon reponn, me selman mon ava reponn li dan en lot fason. Mon a reponn li en lot fason. Mon annan avek mwan 3 dokiman enportasyon pou en serten enportater ok. Sa enportater an partikilye in fer vin frozen chicken whole leg ki mon krwar nou pe koz lo bann quarter leg ki nou apel li.

In fer vin en container ki 27 tonn, 810 savedir 27 mil kilo, 810. Son invoice pou sa 27 tonn CFR, savedir cost plus freight an US dollar e pou lenformasyon ti fer sa vini le 17 Mars 2020, in kout li $6 mil 535.35 pou 27 tonn poul. Ler ou convert sa an Roupi ou vwar sa $6 mil 535.35 a en to lentere ki pa ti ankor bouze sa letan 14.21, i vin R92,922. Pou en container.

Vwar la dokiman ki in donn custom, tou zafer sa. Pou frozen chicken whole leg sa. Dokiman ofisyel en? Prezan napa VAT lo la, i annan custom duty 15 poursan.  I pey R13,  938mil Apre i pey sa levy baze lo sa 27, 810mil kilo, levy i tir R5.92 e i pey li R164, 635.20mil  pou levy.  E an tou sa custom duty ek sa levy i fer li R178, 573mil, azout son kou ki R92, 922mil. Ler ou diviz li par 27, 810mil kilo, isi, arive tou, peye. I sipoze ariv li R9.76 sou en kilo lavyann.

Konbyen vann sa? Mon krwar zot konn sa pli byen ki mwan, si i vann R30 si i vann R33. Ler mon dir i annan lespas, mon pe koz lo levidans.

Mr Speaker, mon a donnen en lot legzanp. Akoz mon krwar i enportan pou nou dimoun konnen. En lot legzanp ankor. En dimoun in fer vini, mon’n donn en legzanp poul, mon a servi en legzanp pork.  In fer vini frozen karkas ek half karkas of swine.  Swine savedir mon konnen zot konnen pork. Frozen pork side, li in fer vin 25, 993milkilo, savedir 25 tonn pork.

Dapre invoice la, original invoice ki’n ganny sertifye la. Pey li U$5, 588.62. I pou al koup sa lavyann apre li, pou fer bann part, bann ribs, chops eksetera. Sa U$5, 588.62 i vin lo en rate 14.21 e sa ti ganny taks le 7 Avril 2020. I ariv R79, 461mil, sa $5, 588. Napa VAT lo la.  Savedir i pey 15poursan custom duty ki ariv 11, 919, apre i pey son levy lo sa 25, 993 mil kilo  ki levy ti R3.  Evidaman i pey R77, 979.

Me ler ou pran sa ou azout avek son pri k in peye, R79,461, R6.51 kilo. Konbyen i vann apre ki in koupe? Mon krwar zot vwar laboutik, dizon si al fer ribs. Sa i bann karkas, mon prezimen antye. Si i al fer ribs, si i ale i al fer chops, i al fer eksetera. Mon krwar mon’n deza dir, i vann o mwen R90, R100 en kilo.

Sa ki’n disclose avek Trade. Se sa lenformasyon ki mon annan, ki mon bann zofisye in donn mwan ler nou pe fer sa analiz. So, letan nou dir poudir i annan ase lespas.  Mon krwar i annan plis ki lespas. Mon krwar mon rest mon case. Mersi Mr Speaker.

 

MR SPEAKER

Mersi Minis. Onorab Woodcock.

 

HON WAVEL WOODCOCK

Ok, Speaker mon kestyon follow up i kot i konsern sa size container.  Ou’n dir ki pou annan en container byento ki pou ariv Praslin. Me pou lakantite tonn pwason ki bann peser Praslin i lapes, eski en container i pou ase? Par lefe ou bezwen mazinen ki sak lavant ki ganny fer container pou ouver, fermen. Eski pou annan ase letan pou defreeze sa bann pwason, ou eski nou pa bezwen more than one container olye zis en container?

Apre mon lot kestyon i, Minis ou Minister in fer provizyon R1milyon lo 1poursan lentere koman cash flow pou bann processors kapab aste pwason avek bann demersal fisherman. Avek kondisyon ki zot pou vann STC, pou asire ki i annan pwason lokalman a en pri abordab pou konsonmater aste.

Me i annan konsern, ki plizyer sa bann processors olye vann pwason avek STC zot pe vann pwason dan zot prop laboutik, lo en pli gro markup. E mon kestyon i ki zot pou fer pou monitor e anpes sa arive?

E finalman kot i konsern labwet, ti annan zisteman, ti annan en pe letan la ti annan en problenm mankman labwet. I osi annan en konsern ki en serten processor pe ganny by catch ek bann bato ton pou nanryen. At one-point ti pe ganny bann pwason bycatch pou nanryen, apre ki Gouvernman ti donn direktiv bann bato pou donn sa serten processor sa bann bycatch. Me selman sa processor pe swa vann labwet a en pri egzorbitan ouswa i pe enport sa bann pwason bycatch ki i pe gannyen. Pa zis bonit, i pe ganny bann lezot pwason e i pe fer en gro profi at the expense of bann lezot processors.

Akoz ki zis en processor ki’n ganny sa benefis e ki mannyer zot pou rektifye sa sityasyon?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, mon a pran son dernyen pwen Onorab Woodcock premye. Konsernan labwet. Nou, nou’n anvi fer desann pri labwet, bann menm processor ki ti pe vann sa bann la bwet R15, R16 en kilo, ki nou’n nabou fer desann labwet.

Akoz nou ti’n pran desizyon ki SFA ti pou al dan sa zafer pou vann labwet. Me le moman ki nou’n dir ki labwet pou vin R5, serten processor i dir li i annan son sistenm an plas, lozistik i an plas eksetera. E i pare pou li takeover sa responsabilite.

Lobzektif se ki nou peser i ganny labwet pou R5. Nou attend sa lobzektif, si i annan okenn lezot ki anvi antre dan sa zafer labwet pou li vann labwet R5, zot welcome. Whoever ki anvi fer li, e pete osi mon ti ava kontan remersi bann purse seiner ki letan nou’n koz avek zot, zot pe dakor pou zot donn nou sa bann bycatch labwet, sirtou Bonit pou nanryen. Pa pe peye.

E sa bann processor evidaman zot bezwen stoke, servi kouran e tou pou zot kapab refrigerate sa bann labwet. So, sa leklersisman konsernan sa.

Dezyenmman sa bann processors, processors kondisyon i kler. Pou antre dan sa progranm, ou anrezistre pou vin dan sa progranm pou process sa bann pwason ki mon mansyonnen boner, pou kapab vann avek nou bann piblik. Nou konsyan pou dir i annan 1 oubyen 2 ladan ki zot deza annan zot bann outlet. Me zot kapab vann zot pwason, me pa pli ser ki sa final retail price. Se sa i nou, nou anvi.

Nou pa oule ki personn i desot sa final retail price ki nou nou’n set anba sa progranm. Akoz lobzektif pe attend, pwason pe ariv kot nou bann konsonmater.

Konsernan container Mr Speaker, se ki container nou annan enn, si i annan nesesite. Nou ti anvi mont ek enn 40 pye, me i pa posib akoz bato pa pran. Me anmezir nou ale, anmezir lavant i ale, swa pwason i desann, swa nou anmenn en lot container pou Praslin. Mersi Mr Speaker.

 

MR SPEAKER

Mersi Minis. Onorab Churchill Gill

 

HON CHURCHILL GILL

Mersi Mr Speaker. Bonn apre midi Minis ek ou delegasyon, bonn apre midi tou Manm e tou dimoun ki a lekout.

Minister ler ou ti zwenn Minister lagrikiltir, ou ti komans avek en plan konpreansiv e la ou pe akseler sa bann progranm.

Mon premye kestyon se eski ou pe anvizaze revwar serten Polisi ki egziste pou lagrikiltir, osi lapes. Akoz i annan en pe letan depi ler nou e koz lo sa 2 sekter. Me selman si nou pou take stock ki zistans ki nou’n arive nou pou vwar poudir nou ankor annan en pe zistans pou ale. E serten rezon ladan se i annan serten Polisi ki petet ozordi i pa relevans fason ki keksoz i bezwen ganny fer.

So, mon kestyon se eski ou pe osi mazinen pou revwar serten Polisi, pou met anliny pou ou kapab zisteman enplimant sa ki ou’n vin eksplik nou la bomaten?

Mon dezyenm kestyon se, lo bann fasilite ki ou met pou, fasilite finansman ki ou’n met devan pou fermye avek peser. I annan konsern ki menm si zot la, tre pe peser oubyen fermye i ganny akse menm apre ki zot fer prosedir. Enn problenm se konmela bann lease i pe ganny revwar pou 10an, me selman par egzanp loan ADF son dirasyon i pou 12an.

So, sa osi. Se sa ki mon’n mont sa kestyon Polisi avan, pou montre poudir i annan serten defayans ki nou bezwen re aziste, pou zisteman fer ou progranm kapab marse.

Apre an menm tan, sa problenm akse ek sa bann loan i en problenm ki en pe letan i la. Eski ou Minister i annan bann manpower adekwat ozordi, baze lo sa akselerasyon ki ou pe fer dan sa lendistri, pou zot kapab zisteman fer bouze ek sa speed ki popilasyon i bezwen?

Mon lot kestyon se, mon fek tann ou koz lo labwet e parey ou konnen Praslin ek La Digue osi i annan peser, eski ou kapab les nou konnen si labwet osi pou ganny fer available pou bann peser Praslin ek la Digue?

Dan sa fasilite ADF, ou Minister in donn bann fermye tou bann detay ki devret. Kwa ki fer zot kalifye pou zot gannyen? E i annan fermye ki zot in donn mwan bann detay kot zot in montre mwan tou bann dokiman ki zot in submit. Me selman apre zot in ganny larepons ki zot pa kalifye.  La mon pe koz lo sa loan R1 milyon e detay i kler kwa ki ou fer avek sa milyon Roupi e ki egzakteman ki sa fermye in met devan SAA.

Eski ou kapab donn nou en rezon si annan en devyasyon ladan oubyen sa i ankor parey ki ler i ti ganny distribye ek bann fermye?

Rezon ki en fermye i rod sa loan 1milyon, akoz parey nou konnen i annan bann dimoun ki fer zot prodwi, apre i annan bann dimoun ki pas deryer aswar i vin i vol sa bann prodwi i al vann. E enn bann rezon k i sa loan ADB i siport byen bann fermye se zot kapab secure zot landrwa an menm tan fer lezot keksoz ki byen detaye ladan.

So, mon ti a kontan ou eksplike pou benefis sa bann fermye deor, pou zot konpran si i annan okenn azisteman ki’n fer ek sa oubyen si i ankor egzakteman parey. E si i annan serten retar, petet ou ava donn lespwar ki fason ki ou pou deal avek pou zot kapab bouze, zisteman pou fer ou progranm marse.

E pou lagrikiltir parey ou konnen, biro pou Praslin pou en bon pe letan in mars avek sa menm kantite manpower. Me selman sa kantite keksoz ki pe al ganny fer la, mon santi ki sa biro Praslin i bezwen step up pou kapab annan en diskisyon pli regilye an menm tan bann enteraksyon ki bann peser a santi ki ler i annan en problenm i kapab ganny deal avek dan en fason bokou pli vit, pou zot kapab vwar rezilta. Mersi Mr Speaker.

 

MR SPEAKER

Mersi Onorab Churchill Gill. Minister.

 

MINISTER CHARLES BASTIENNE

Mr Speaker, konsernan Polisi pou lapes ek lagrikiltir, mon krwar nou pe kontinyelman revwar nou bann Polisi pou met azour avek sityasyon aktyel.

Parey nou pe vwar, se ki i annan serten keksoz ki dan sa letan ki nou ladan la, sa letan san presedan, pandemi la. Nou pe revwar plizyer lezot Polisi, la fason ki nou fer keksoz. E osi i annan en seri travay ki nou pe fer la right now, ki mon dir nou pe involve bann konsiltasyon ki mon donn bann gran liny, ki pou involves osi revwar nou bann Polisi.

Konsernan bann zafer lease, mon krwar nou fini, nou ti fer travay anba plan konpreansiv ki detaye lo ki aktivite ki ou pe fer e ki longer ou lease pou ete. Par egzanp mon krwar se ki si ou pe fer bann prodwi agrikol ek fri ou lease i 10an. Ok.  Si ou pe fer livestock ou lease i kapab arive ziske 30an, akoz nivo envestisman ki ou pe fer lo ou laferm.

Lo kote loan mon krwar se ki sistenm ki nou’n met an plas, mon krwar i ase bon.  Akoz dernyen fwa mon ti asiz avek Lazans Lagrikiltir pou revwar bann kontrent kot i annan, mon pe vwar e mon plizoumwen satisfer mon lekor poudir i annan en bon pe pou fer avek bann dokimantasyon parey mon dir avek Onorab Lemiel ki bann fermye pa ti pe donnen. Ok.

Me pou sa ka an partikilye ki ou pe dir mwan, se ki si en loan in dir ou pou ou kalifye pou sa loan ou bezwen en seri requirement e ou meet sa seri requirement, mon pa vwar en rezon akoz ki ou pa kapab ganny sa loan. E si ou pa pe ganny li, i bezwen donn ou en rezon akoz. Mon pa krwar poudir ou kapab zis refiz en dimoun en loan san donn li en leksplikasyon akoz son loan in ganny refize, ok?

Konsernan lofis Praslin, wi mon krwar se ki nou a kontinyen fer nou travay e mon krwar se ki nou konn tre byen parey serten fermye Mahe, nou vwar poudir Praslin bann fermye i ase i vreman prodiktiv serten zot, e mon ti ava kontan felisit zot pou sa. Baze lo lenformasyon ki nou’n   anmase lo zot prodiksyon. Me nou krwar poudir anmezir nou bouze, si i annan nesesite pou ogmant resours lo nou lofis Praslin, nou ava fer li. E konsernan labwet, mon’n aprann avek CEO SFA konmkwa ki Praslin zot pli ou mwen servi makro pou zot fer zot lapes.  E dan nou progranm nou nou’n pli plizoumwen, pou al lo sa ki la mazorite i servi ki Bonit, ok. Se pour sa rezon petet Praslin, akoz nou ti pe diskite ki mannyer nou pou fer labwet mont Praslin, nou aprann poudir i annan sa lenformasyon ki CEO in pas avek mwan. Mersi Mr Speaker.

 

MR SPEAKER

Mersi Minis. Onorab Churchill Gill

 

HON CHURCHILL GILL

Zis pou fer Minis konpran, Makro i seasonal, ou pa ganny li year around.  So, menm si i annan serten letan zot ganny Makro, pete nou bezwen panse osi poudir i annan serten letan kot napa Makro.

E mon dernyen kestyon se lo kote ou Polisi ankor, akoz ozordi eski la prezan ler en dimoun i ganny later, ou pou revwar pou fer sir i annan akse semen, i annan tou bann lezot lenfrastriktir ki bezwen de baz avan ler ki sa dimoun i ganny sa later.  Oubyen si sa dimoun in ganny sa later avan, zot deza lo la ozordi, avek sa lapros ki ou pe pran la pou bouz sa sekter, eski osi ou pou panse ki donn lasistans sa bann dimoun pou sa bann lenfrastriktir de baz pou zot kapab kontinyen bouze? Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, konsernan labwet then si SFA i tann ou, zot ava vwar ki mannyer zot pou kapab siport bann peser Praslin.

Konsernan later lagrikiltir, nou annan en Polisi an plas, se ki nou pa allocate okenn later nouvo san lenfrastriktir lo la. Mersi Mr Speaker.

 

MR SPEAKER

Mersi Minis. Onorab Clifford Andre.

 

HON CLIFFORD ANDRE

Mersi Mr Speaker.  Mr Speaker, mon kestyon i swivan sa ki Onorab Woodcock in dir.  Mon ti a kontan demann Minis ki, si sa negosyasyon pou ganny sa bann bycatch avek bato ton in ganny fer par SFA oubyen par sa lakonpannyen zot menm?

E akoz ki si SFA ki’n fer sa, i pa pran sa biznes e vann peser a en pri pli ba ki R5, ki aktyelman la zot pe vann, ki sa lakonpannyen pe vann.  Dan plas R15, wi i normal in desann, me zot ti ava ganny sa benefis ki sa negosyasyon, ki dapre mwan mon konpran ki SFA ki’n fer? E akoz ki SFA ki fer, me en lakonpannyen prive ki pe zwir sa benefis la. Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, konsernan sa zafer labwet la, sa biznes an partikilye la i ti pe deza deal dan bann zafer bycatch oparavan li, ok?  Deza i annan mon krwar 2 ou 3 zot, zot ki pe fer sa aktivite.  So, zot lib pou antre nenport ki, ki anvi pou kontinyen.  Me nou ki nou’n anvi nou, se ki nou, nou pa bezwen sa ton.  Ou pa pou kapab servi ton dapre sa ki mon konpran avek bann teknisyen SFA, ou pa kapab servi sa ton koman labwet. E ler sa purse seiner i donn ou sa bycatch, i donn li avek sa ton.  Ou bezwen al sort out ou, bezwen al triye tir sa ton en kote, tir son dorad en kote, tir son kingfish en kote, pou ou ganny sa labwet, sa bonit.  Ok, pli ou mwen.  Apre ou bezwen ale al store li, ou bezwen refrigerate li pou garanti son longévité.

Me mon krwar ki parey mon’n dir boner letan mon’n reponn kestyon Onorab Woodcock, si i annan okenn dimoun i santi i annan okenn grievance la dan okenn fason, be zot kapab antre. Zot kapab koz avek SFA, SFA at least nou ava fer sir poudir i annan plizyer dimoun ki dan sa Scheme, nou anvi ki tou seselwa i viv nou osi nou.

I ava antre ladan e pou zot osi kapab donn sa servis nou bann peser. Si zot anvi fer zot lib pou fer li. I annan sa enn an partikilye akoz li in enterese pou li antre.  E letan ti pe diskit lo la konsernan lanons, letan nou ti pe diskit avek bann processors avan ler nou fer piblik, sa processor an partikilye i dir li i enterese.

E ti annan lezot la, personn pa’n dir si zot enterese. I ti deza dan sa biznes. So, zot lib pou fer li, napa. Petet ou pe al dan direksyon petet i annan lapreferans. Mon pa pe neseserman vwar, i lib pou nenport ki antre ladan e sorti si ou deza dan sa biznes, si ou annan sa kapasite pou fer li.  E nou ti a swete fer labwet vin pli ba ki sa R5, me selman tou keksoz i annan en kou. Parey mon’n eksplik ou, son sorting e tou bann lezot travay ki annan avek pou fer.  Mersi Mr Speaker.

 

MR SPEAKER

Mersi Minis.  Onorab Andre.

 

HON CLIFFORD ANDRE

Mersi Mr Speaker.  Mr Speaker, mon pe met sa dan konteks parey taler Minis ler ou’n eksplik sa 2 dokiman ki ou ti annan e ou’n dir poudir letan lavyann i ariv Sesel i R60.  Non i pa R60 sorry, i R6 me selman i pe ganny vann R33 par kilo.  So, letan ou pe gete kekfwa sa profi ki ganny fer lo la.

So, si nou pe ganny e ou pa’n kalifye ki poudir i annan refrigeration i annan staff, i annan bann overheads ki enkli ladan, ki kekfwa dimoun letan i pe ekoute i pou mazin sa dan en konteks R6 pou R33 i lwen.

Be se sa ki mwan mon pe dir. Si i pe ganny labwet pou nanryen e sa ki mwan mon pe ganny en konpran ki ou’n dir la. Pou nanryen e ou pe vann R5, savedir i fer 500poursan profi. Ou konpran ou? Oubyen, ou pe ganny mwan ki mon pe sey dir Minis. Akoz mwan mon pe dir ou akoz i pa ganny konmsi pran kekfwa letan SFA pe ganny pou nanryen, si li ki pe fer, i vann ek peser kekfwa i a vann R1.50 i a vann R2.  Ankor i vin pli bon, pli bonmarse pou zot, kot kapab fer en profi lo zot pwason oubyen parey nou pe tann dir, ki pwason i pe monte. Kekfwa pwason i a desann akoz labwet i pou mwen ser.

Se sa ki mwan mon pe sey dir, i pa sa konteks lekel ki pou al dan sa biznes oubyen en lot dimoun ki bezwen al ladan.  Non, non, pa sa. Far from it Minister ki mon pe sey dir. Mersi.

 

MR SPEAKER

Mersi Onorab. Minis

 

MINISTER CHARLES BASTIENNE

Mr Speaker, mon konpran tre byen Onorab. Me selman parey mon dir ou se ki, ok lide inisyal nou sete SFA vann labwet e pou SFA vann labwet i pou bezwen annan li staff, apropriye i pou bezwen rod li refrigerated container, i pou bezwen annan son bill elektrik pou li peye, pou li kapab stok sa bann labwet e tousala. Nou letan nou’n mazin pou tou sa lozistik ki in involve avek sa.  E vi ki annan sekter ki pe deza fer li, why not les li fer sa.

Ou dir eski pou vann R1.50, mon pa konnen. SFA mon krwar petet i ava apropriye pou zot al fer en proper costing pou vwar si zot ti pou al dan sa direksyon, konbyen ti pou kout zot, dabor zot kou e apre pou zot kapab vann sa labwet a en pri pli ba si posib. Akoz tou sa ki nou fer, SFA pou fer li at cost.

 So, it’s best mon krwar kestyon Onorab i valab, al fer en travay, apre nou ava regarde ki direksyon ki nou pou pran.  Si nou al dan menm direksyon oubyen petet nou pou revwar. Mon krwar i annan merit pou nou regard sa. Mersi Mr Speaker.   

 

MR SPEAKER

Mersi Minis.  Onorab Chantal Ghislain.

 

HON CHANTAL GHISLAIN

Mersi Mr Speaker. Mr Speaker, mon ti annan en follow-up an se ki konsern sa zafer labwet. Kekfwa i annan en group dimoun kekfwa ki nou pe miss out dan sa zafer labwet.  Pou tir labwet lo bann bato ton se bann stevedores ki tire.  And mon ti aprann osi ki avan ler zot ti pe vann labwet, zot ti pe vann R2 mon krwar e stevedores ti pe ganny R1 lo la. Me la lefet ki zot pa pe ganny, sa bann labwet pe donn pou nanryen. ki sa bann stevedores i gannyen lo la, akoz se zot ki bezwen tire?

And eski i vre osi ki yer ti annan en kantite labwet ki ti’n ganny tire and pa’n vin serse and in bezwen al donn kot IOT pou fer manze zannimo? Mersi Mr Speaker.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, mon krwar se ki nou a get en pe plis an detay sa ki Onorab in dir nou. Me solman en keksoz ki nou bezwen konpran, se ki pa tou sa bann bycatch ki neseserman and up avek SFA pou li triye pou li fer labwet. I annan ki deza sirtou pou bann bycatch, ki petet processors pa neseserman pran, i al end up kot IOT pou bann lezot resours ki zot servi li. Delwil pwason oubyen pou manze zannimo.

Me selman ki i fer, se ki lo kote SFA mon pa pou kapab donn ou detay lo konbyen zot ti pe gannyen avan sa bann stevedores, ki la zot pa pe gannyen anvi ki sa labwet pe donn avek SFA. Ok.

So, petet i annan laranzman, me selman mwan mon konnen dapre en trail of email ki mwan mon’n vwar avek serten amater bato.  Se ki zot in donn serten labwet avek SFA pou free a kondisyon ki SFA i fer le neseser pou vin kolekte tou sa bann labwet ki zot, zot met available.  So, bann lezot detay mon pa pou konnen la Onorab, me selman mon krwar SFA i la avek mwan, zot ava fer zot rod zot lenformasyon apropriye. Mersi Mr Speaker.

 

MR SPEAKER

Mersi Minis i annan i annan sa bout, eski yer labwet pa ti ganny kolekte ti bezwen retourn avek IOT.

 

MINISTER CHARLES BASTIENNE

Mr Speaker, SFA i dir mwan nou pa pou konnen. Me parey mon’n dir nou ava verifye.  Si i labwet oubyen i ti bann lezot bycatch. Sa en keksoz ki nou pou bezwen vwar. Akoz nou, nou bezwen otan labwet ki posib parey nou nou’n diskite.

 

MR SPEAKER

Mersi Minis. Onorab Jean-Francois Ferrari.

 

HON JEAN-FRANCOIS FERARRI

Mersi Mr Speaker. Mr Speaker, premyerman mon ti a kontan demann Minis en kestyon ki li avek son plan konpreansiv. Mon ti a kontan konnen Minis, bann proze dan distrik pou lapes, eski i pe avanse oubyen i pa pe avanse?  Akoz mwan pas Ans Aux Pins toulezour, mon get borlanmer e i fer lapenn.  I pa zoli pou nou kit sa bann peser Ans Aux Pins dan en leta koumsa. Konmsi mon pa konpran ki mannyer keksoz i kapab ganny pran kit dan semen. Alor sey dir mwan sa bann proze la, sey donn nou en nide si i annan enn de ki pe marse? Akoz la depi ler ou’n lans ou plan konpreansiv, depi sa lannen mon pa ankor vwar nanryen ki pe marse.

So, kekfwa koriz mwan, kekfwa mwan ki mal.  Ou ava dir mwan poudir i annan enn de proze ki pe marse. Mersi, sa i premye kestyon.

Dezyenm kestyon Mr Speaker, mon ti ava kontan demann Minis ki’n dir poudir i dan plan Gouvernman pou double la kantite bato semi endistriyel.  Ler mon lir dan son plan konpreansiv, mon vwar poudir i mete, mon quote ‘‘due to non performing of the Fisheries Development Fund loans in 2015, SFA decided to suspend the offering of loans, of loans for long liners.’

Ki in arive? Akoz mwan lenformasyon ki mon annan se ki i annan en 20enn long liners ki’n anmare ek lasose. Ladan kekfwa i annan enn, mon krwar sa enn i pou Mr Beatty Hoareau ki pey son loan byen. Lezot tousala i dan problenm.

Konmsi ki son rasyonal dan sa ki ou pe dir nou, poudir nou pe al ogmant sa e anmenn tan ou admet poudir napa market pou pwason semi endistriyel?

Konmsi mon pe sey azout de bout ansanm e vreman mon pa vwar. E la mon bezwen demann nou Minis, akoz ou en politisyen osi parey mwan. Ler mon get ou bann statistik, dan bann lannen avan eleksyon toultan bann loan i ogmante. 2014, 10milyon. 2015, 14 milyon, 2016, 24milyon. Tousala pou bann loan pou lapes sa. Apre ler eleksyon i fini i tonm 5milyon, 5milyon. La eleksyon i vini, nou ganny ankor en lanons poudir larzan pou donnen e kantite bato pou ogmante.

Konmsi mon ti ava kontan Minis, si ou dir avek nou fransman ki pe arive e eski sa i zis bann promes dan en plan konpreansiv ki nou pa ni vwar ni son komansman ni son lafen?  Oubyen eski i annan en realite avek sa? Sa i mon dezyenm kestyon.

Finalman mon ti a kontan demann ou, bokou peser i ankoler akoz zot in dir zot pe met sa kondisyon VMS. Pa akoz zot pa anvi met VMS lo bato zot, akoz SFA pa kapab garanti servis VMS e SFA pa kapab garanti availability lekipman VMS dan pei. Konmsi mwan mon anvi konpran ki mannyer nou kapab pe kontinyen anmar lanmen e fer lavi sa bann peser ki deza zot lavi i tre difisil, pli difisil ankor.

E la mon ti a kontan demande, si Minis i kapab dir avek nou dan en fason tre kler, dan sa peryod COVID la akoz nou pe koz dan COVID. Eski bann peser artizanal, eski zot kalifye pou okenn lasistans si zot pa pe al lapes? Eski bann peser artizanal Praslin ki pe ganny dir pa bezwen ale, ki zot pe ganny dir pa bezwen ale. Eski i korek ki zot pa merit ale? Akoz napa market pou zot pwason e si zot pa pe ale eski zot pou gannyen lasistans? Konmsi eklersi en pe sa bann keksoz ki dan lespri dimoun. Mersi Mr Speaker, si ou pa mind mon ava debout la mon ava esper Minis silvouple.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, mon pe rod en papye pou semi-endistriyel la. Ok, mon ava pran lezot avan. Konsernan proze dan distrik Mr Speaker, mon krwar ki anvi nou ti dan peryod partial lockdown restriction, then bann kontrakter pa’n kapab bouze.

Lo Anse Aux Pins, an partikilye ou’n nonm mwan Anse Aux Pins.  Anse Aux Pins nou’n ganny en pe retar ankor, rezon prensipal se akoz diskisyon ki nou ti pe fer avek 2020, konsernan reazisteman lalinyman semen pou al lo Ile Soleil. Ok? E nou annan nou plan final, plan final nou’n fini annan e la mon eksepte poudir nou pou ganny en larepons final avek 2020, avan ler nou kapab demare.  E fer le neseser pou nou kapab tender e award sa proze Anse Aux Pins.

Ou’n demann mwan si i annan proze pe bouze. Nou annan proze La Retraite ki pe bouze. Nou ti annan proze Glacis ki nou ti anvi demare sa lannen, me in ganny serten retar akoz Minister Lanvironnman. I annan serten keksoz ki nou pe espere me ki Minister Lanvironnman pa ankor totalman release sa proze.

Ni Glacis pou nou kabab ale evidaman i annan pou fer avek vi ki late last year e boner sa lannen nou’n annan bann gran mare ki in inond totalman bann landrwa kot fasilite ti pou vini sa mon krwar petet lanvironnman i annan serten rezervasyon lo la ki nou pe atann pou nou kapab bouze lo la.

Pou sa bann proze ki nou mansyonnen apre tou lot keksoz ankor Mr Speaker pou bann pontoon mon okouran pou dir SFA in fini order, e peye pou plizyer pontoon ki pou ala ganny mete dan plizyer landrwa.

Mon krwar i annan Anse Aux Pins, i annan La Retraite e dapre lenformasyon ki mwan mon annan se ki sa bann pontoon i sipoze arive dan Pei dan mwan Me. So, si sa bann pontoon i arive dan mwan May then nou pou annan bann travay vizib ki pou arive lo teren ok.

Konsernan Fisheries Development Fund FDF, mon krwar petet Onorab se ki ou pe lye lefe ki bann la sa bann dimoun ki’n pran loan anba Fisheries Development Fund pa pe pey zot loan konmkwa sa lendistri pa rantab.  I pa le ka li, i pa le ka nou’n fer serten travay noun vwar ki sa sekter i byen rantab ou’n dir mwan i annan enn pe pey son loan i pe pey son loan akoz in vwar i rantab li.

Ekoute napa enn lo karant napa karant loan ki nou’n donnen anba la. Nou annan o mwen 18 loan anba la, anba sa Scheme me solman ki mwan mon kapab dir ou se ki si i annan lespas pou nou kapab agrandi nou sekter lapes se dan semi-endistriyel.  Akoz?

Akoz semi-endistriyel pa pou met presyon lo nou bann stok demersal. Lo Mahe plato e tou akoz semi-endistriyel i target prensipalman ton e nou anvi ki nou kontinyen agrandi nou lendistri sirtou kot nou konnen pa pou met presyon lo nou sekter.

Napa lot ankor, nou konplent letan bann bato etranze pe lapes dan nou delo be nou anvi ki nou dousman, dousman nou ava agrandi nou kapasite nou ava al dan semi- industrial ogmant kapasite bondye pitye nou ava ganny finansman nou ava bouz dan longlining e evidaman nou ava vwar ki pou arive se sa ki pou devlop sekter lapes.

Nou pa pou kapab kontinyen reste kot nou ete so pou mwan kapab reponn ou, ou’n dir mwan zafer napa market. Be market in toultan annan pou bann semi endistriyel pou bann tuna like species. La ki napa market akoz partou Lerop in fermen e osi mon annan problenm lanmerik. Lanmerik ti en market prensipal kot zot ti pe vann bann fresh tuna on ice so market i annan.

Konsernan VMS Mr Speaker VMS i annan 285 VMS, Vessel Monitoring System ki’n ganny enstale lo bann bato. I annan 30 ki pe atann pou lenstalasyon e mon’n dir taler se ki sa trantenn ki annan nou ekspekte ver sanmdi pli tar mon’n ganny dir nou pou annan nou consignment ki pou vini sorti Oland e sa i ava ed nou pou nou kapab fer enstalasyon semenn prosen.

Konsernan bann bato artizanal Mr Speaker sa i an deor mon purview i annan en High Level Committee ki travay lo assessment pou bann dimoun bann peser sirtou. Si zot pou kalifye oubyen non i annan serten kriter ki zot pe zot in travay lo la.

Konsernan Praslin mon pa okouran nou’n anpes personn Praslin al lapes nou. O kontrer nou’n dir zot anrezistre pou vin partisip dan Scheme e ziska ler prezan mon dir ou i annan senk ki’n anrezistre pou partisip dan Scheme.

Nou pan anpes personn al lapes nou, o kontrer si ou’n ekout mwan throughout sa ki monn dir mon ti fer press conference ansanm avek CEO ansanm avek Mr Hoareau nou ti dir al lapes maximum ki zot kapab lapes. Akoz nou bezwen pwason pou nou stoke pou okenn evantyalite e pli ou mwen nou bezwen stoke pou vann swet ki pe vini. Mersi Mr Speaker.

 

MR SPEAKER

Mersi Minis.

 

HON JEAN-FRANCOIS FERARRI

Mersi Mr Speaker finalman de pti kestyon. Minis in mont avek de proze enteresan e mon felisit li pou sa. En proze ki mwan lontan mon pe demande en Wholesale buying and distribution center e en proze ki Onorab Adelaide in inisye dan son distrik en machinery pou lagrikiltir kapab lwe i kapab partaze avek lezot dimoun.

De proze enteresan mon ti ava zis kontan si Minis i kapab dir nou ki i pa son lentansyon pou li fer Gouvernman fer sa bann proze. E ki i pou sey gete si sekter prive pa kapab zot menm zot antre dan sa bann proze plito ki nou retourn dan bann Sistenm Kominis kot nou sey fer tou keksoz nou menm? Sa i mon kestyon.

E mon kontan tande Mr Speaker, ki sa lannen pou napa byen, byen louvertir pon avek semen pou annan louvertir pontoon. Akoz en bon pe pontoon ki pe arive avan eleksyon nou ava fer louvertir pontoon. Mersi.

 

MR SPEAKER

Mersi Onorab. Minis komanter.

 

MINISTER CHARLES BASTIENNE

Mr Speaker wholesale market nou orizinalman lide se ki STC i ava fer marse sa fasilite. Apre konsernan mechanization si Onorab Adelaide zot pe fer li dan distrik Baie Lazare felisitasyon, mon krwar nenport ki zefor ki nou pou vin avek i ava anplifye i ava fer keksoz bouz en pe pli vit. Mersi Mr Speaker.

 

MR SPEAKER

Mersi Minister. Onorab Wilbert Herminie.

 

 

HON WILBERT HERMINIE

Mersi Mr Speaker. Minis ou’n tous en bon pe mon bann pwen. Me selman i annan en keksoz ou’n touse, ou’n dir pandan vandswet ankouraz bann peser pou al lapes pou stokaz pandan vandswet. Me eski ou kapab dir nou zot fasilite stokaz i pou konbyen mwan? Konbyen kapasite zot kapab an term zour e mwan zot kapab stok? Mersi

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, i pou tou depan dan ki konteks ki Onorab pe demann mon. Eski nou pe demann li lo pwennvi kote STC oubyen lo en baz Nasyonal? Lo en baz nasyonal Mr Speaker, si nou pran tou sa bann processors, zot stock, storage capacity ki zot annan i anviron 1500 tonn ki zot kapab stoke. E personn pa zanmen ranpli zot bann stok, zot bann storage facilities ki zot annan. E sa lenformasyon nou’n gannyen letan nou ti pe travay lo sa plan dirzans pou lapes. Mersi Mr Speaker.

 

MR SPEAKER

Mersi Minis. Onorab Herminie.

 

HON WILBERT HERMINIE

Yes, mersi Minis. Minis eski ou kapab donn nou sa an term mwan? Akoz bokou dimoun pe ekoute la pa konpran ou term sa kantite, ou’n donn li an kib. Be donn nou an mwan konbyen sa lavaler i ete an mwan. Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker, mon’n dir ki lo kote lapes artizanal nou bann peser i atrap apepre 400 tonn pwason par mwan, ok.  E ladan 200 tonn i more or less servi pou domestik, kominote e partou. 200 ti pe al kot bann lotel avek bann restoran. So, si ou pou pran li then i pou at least sa bann storage capacity omwen pou 4 mwan nou kapab dir. Apart ki bann ki esansyelman i vann dan kominote, ki pou agrandi sa kapasite letan storage pou bokou plis letan. Mersi Mr Speaker.

 

MR SPEAKER

Meri Minis. Onorab Gervais Henrie.

 

HON GERVAIS HENRIE

Mersi Mr Speaker. Bonn apre midi tou dimoun. Mr Speaker, mon premye kestyon. Letan Minis ti donn son press conference le 30 Mars. Mon ti swiv e pou dir ou laverite I was excited about, konmsi sa kriz ti’n anmenn bann stakeholders ansanm pou fer en keksoz vizavi sekirite alimanter dan Sesel.

Me swivan ou entervansyon apre midi, mon santi poudir i annan en mank sinerzi parla. 14 plots later pa ankor kapab devlope. Peser pe konplent serten keksoz, bann fermye pe konplent serten keksoz. So, mon anvi, mon premye kestyon, ou dir nou kwa ankor ki manke pou anmenn sa sinerzi pour ki Sesel i benefisye? Vreman bann stakeholders i met latet ansanm pou fer en sanzman. Mon premye kestyon.

Dezyenm kestyon, Minis in donn nou en senaryo ki a mon avi i ekspoz en krim kont bann konsonmater Seselwa vizavi sa bill enportasyon ki in donn nou bann detay. Akoz pou mwan lo en kote i montre swa sa enportater pe under declare pou li rezon pey mwens taks. E lo lot kote i kapab i pe over charge konsonmater Seselwa enn fwa ki son prodwi i ariv dan magazen.

Be pourtan mon tann FTC ouswa SRC ankor pe dir zot mank kapasite, zot ankor pe bezwen etidye sa sityasyon pou ki zot reazir.  An menm tan ki dimoun i dir Lasanble Nasyonal pa pe fer ase pou redres pri lavi. So, ou koman Minis Lagrikiltir e koman Chairperson sa High Level Committee, mon anvi demann ou.  Donn nou en lesplikasyon vreman kwa ki zot kapab fer pou asire ki konsonmater Seselwa pa pey pri an plis ki i dwatet pe peye, sirtou la dan sa moman ki nou ladan? Mon dezyenm kestyon.

E trwazyenm pwen e dernyen Mr Speaker. Mon konstate ki sa Komite i en pe top heavy, akoz ou ganny bann CEO, PS ki lo la. Be apre ler zot fini fer zot meeting zot ale zot al busy avek bann lezot keksoz. So, mon anvi konnen kwa ki i annan avek sa Komite pou asir swivi e ki travay i vreman annan rezilta. Pou donn ou en legzanp, bomaten Minis Finans in vini e i annan sa komite la ki pe dil avek bann aplikasyon pou sekter prive ganny lasistans finansyel saler. Be i annan 55 travayer dan Minister Finans ki pe vreman fer sa louvraz. So, pou sa komite mon anvi konnen lekel bann foot soldiers ki la pou asire ki sak sa bann pwen i ganny, i annan en swivi? Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker mon krwar ki premye kestyon i en bon kestyon, ki nou merit pe fer pou nou kapab anmenn sa sinerzi, sa kolaborasyon pou ki sa bann plan ki nou’n vin avek i vreman marse. Mon krwar si nou get lo kote lagrikiltir, mon krwar se sa motivasyon de la par sa fermye pou zot kapab pran lo zot menm pou zot ale pou zot devlop zot later. Se sa, i dan zot sa.  I dan zot pou zot fer li.

Mon konsyan ki i mank zot zouti. Mon konsyan ki i mank zot petet serten lespri atraver parey mon’n dir boner atraver Extension Officers ki devret donn zot sa lasistans sa gidans. Mon konsyan pou dir nou annan serten mankman lo nou store lagrikiltir ki nou bezwen fer sir poudir vitman nou replenish ki nou pou kapab fer li by semenn prose parey mon’n dir.

E ler nou’n fer sa nou’n met a zot laporte, mon konsyan avan ler mon al pli lwen. Mon konsyan pou dir i annan en mankman an term debousman pou zot marse. Me mon kontan poudir lo kote lagrikiltir nou pe vwar poudir napa neseserman fermye ki pa pe kapab vann naryen dan sa lepok la. La i en lepok ki annan gran demann pou bann prodwi lokal. E alors i enportan ki lo kote lagrikiltir bann fermye sezi sa loportinite, sezi sa lokazyon pou zot kapab met zot maximum prodiksyon dan benefis nou pei. E tout an prenon kont ki letan nou vann li, nou vann li a bann pri rezonnab.  Ki nou pep i a war sa refleksyon dan sa bann entervansyon ki Gouvernman pe fer.

Lo kote, Mr Speaker lo kote bann over charging, over pricing ou petet inflated invoices e tou. Parey mon’n dir se ki Fair Trade Commission pe fer en travay. E nou nou’n demann avek Fair Trade Commission lo High Level Committee pou zot ale, al fer sa bann investigation. Sa ki mon mon’n aport zot latansyon la ozordi lo en ka an partikilye. Sa i pou form parti sa travay ki Fair Trade Commission pou fer. Pou zot kapab vwar sours kot i vini, bann konparezon ki zot, zot pou fer lo zot kote.

Komite top heavy. Mr Speaker nou High Level Committee parey mon’n dir dan mon lentervansyon se ki nou, nou pa le antre pou pran okenn rol, okenn Lotorite, okenn Minister. Nou, nou rol se pou fer sir i annan bon kordinasyon lo sirveyans kot sekirite alimanter i konsernen. E pou nou kapab fer sa nou servi san menm sa bann lorganizasyon. Parey mon donn ou en legzanp FTC, nou servi FTC, Fair Trade Commission kot i annan pou fer avek bann lezot keksoz ki konsern STC. Se STC i servi son lekip pou li kapab travay, pou li kapab donn nou bann keksoz ki nou, nou bezwen e likewise avek ban lezot Lazans.

Mon kapab dir osi poudir nou’n fer serten travay avek NISTI pou ki NISTI osi i antre dan en baz teknolozi pou travay avek lagrikiltir, pou travay avek Sekter Lapes. Pou anmenn plis teknolozi, inovasyon dan lafason ki nou anmas data e tou. So nou, nou pa pou bezwen annan biro, mon biro, serten staff ki mon annan, 2 ou 3 staff ki travay pre avek sa High Level Committee, pou fer sa kordinasyon pou ganny tou sa lenformasyon ki nou bezwen avek bann Lazans ek Lotel konsernen ki egziste. E apre la nou, nou anmenn tou sa lenformasyon ansanm. Asiz lo sa Komite pou nou kapab fer rekomandasyon avek Gouvernman. Mersi Mr Speaker.

 

MR SPEAKER

Mersi Minis. Onorab Henrie.

 

HON GERVAIS HENRIE

Zis en, Mersi Mr Chair. Zis en kestyon siplemanter kekfwa pou anmar sa trwa kestyon ki mon’n demande ansanm. Minis in koz ek nou bokou lo bann plan, enkli lo plan IDC pou ouver zil elwanye avek bann planter ki ava enterese ki pa oule devlop sa 14 bout isi. Kekfwa zot ava al devlop lo zil elwanye.

Me eski Minis i kapab don nou en pe plis statistik apart sa 8.6 tonn pwason ki STC in aste? Pou ki nou koman en Lasanble nou satisfe poudir ok le 30 Mars ti annan en plan ki ti ganny unveil, viola serten rezilta ki ou High Level Committee in ramase e zot kapab prouve poudir vreman in annan en amelyorasyon sirtou kot i konsern prodiksyon Lokal. Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker mon pou kapab fer Lasanble a ganny sa lenformasyon enn fwa mon ganny sa bann lenformasyon avek STC ki normalman i prezante avek nou Komite lo en baz tou le semenn. Me pou la pou lemoman la mon pou napa avek sa. Mon’n donn statistik pou pwason ki mon ti annan. Mersi Mr Speaker.

 

MR SPEAKER

Mersi Minis. Onorab Noline Sophola.

 

HON NOLINE SOPHOLA

Mersi Mr Speaker. Mr Speaker mon kestyon ki mon pe al touse i vre ki i annan mon krwar 4 Onorab ki’n koz lo la. Me selman mon osi mon annan en bout ki mon anvi konplemant lo la. E sa se levy lo lavyann poul ek pork. Minis mon ankor trakase ki mwan mon dir ki sa pou annan en kou lo lavi.  Kou lavi pou annan ogmantasyon.

Mon dir sa akoz ler mon pe regard apre sa ki tou bann Onorab in dir mwan mon pe dir ler mon get marsan Praslin, La Digue zot annan transportasyon bato, zot annan transportasyon lanmer. Lo sa 2 kou ki zot in mete kote, lekel ki pou pey sa?  Se konsonmater ki pou peye. E la mon fini war ki sa fanmir Praslin, La Digue i pou soufer plis. Sirtou la levy pa ankor komans monte, pa ankor komans mete, me pri lo lavyann in deza monte lo La Digue. E sa mon pe dir ou akoz mon annan laprev.

E Minis ou’n dir ki FTC pe fer en travay. Ki kantite travay ki FTC pou kapab fer kan nou’n dir nou konnen ki napa pri kontrol? E souvandfwa kantmenm nou dir, i annan dimoun pou pase pou gete me napa personn ki pase dan magazen pou vin verifye ki pe vreman arive. Ler nou ganny en ka vedir 12, 13, 14 dimoun in fini soufer menm plis dan sa keksoz.  Me mon, mon pe demande ki en bon analiz i ganny fer pou ki nou bann fanmir pa soufer sirtou ler nou get sa bann pti latet devan nou. Ler nou get nou dan letan COVID ki nou ladan la nou bezwen reflesir avan ki nou travay lo la.

Mon dezyenm kestyon ankor mon krwar in ganny touse. Se sa Wholesale Market Outlet, nou’n koz lo la. Minis ler mon pe, dan mon mazinasyon mon pe war li i en bon keksoz. Me selman mon ti a kontan ki ou ti a petet dir nou, ou’n dir ou annan Mahe, kote Mahe pou ete egzakteman? Eski ou anvi spread it out? Oubyen i pou zis dan en landrwa santral? E lo Praslin, La Digue osi si pou annan? E ma les mon lot kestyon pou swiv. Mersi Mr Speaker.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker lo kote Praslin ek La Digue dan tou sa ki nou fer nou fer sir poudir zot pa ganny kit deryer parey nou dir. Lo kote Praslin ek La Digue mon kapab dir ou se ki swivan diskisyon ki nou nou’n fer avek lasosyasyon bann fermye kot tou bann Chairman Lasosyasyon i zwenn avek nou.  Praslin ek La Digue in anmenn devan nou in regards to kou prodiksyon lokal an term transportasyon.

E Gouvernman in pran en desizyon konmkwa ki sa kou an plis ki zot, zot pe peye konpare avek sa ki nou incur lo Mahe sa i ava ganny abzorb anba Life Stock Trust Fund.  E sa nou pe esper bann detay final sorti kot bann lasosyasyon. Annefe Lasosyasyon La Digue avek Lasosyasyon Praslin pou nou kapab etabli sa kou. Akoz an prensip mon krwar it’s only fair ki kou adisyonnel ki zot incur plis ou mwen pou manze zannimo. Pou bann day old chicken eksetera. Sa i a ganny abzorb.

Dezyenmman konsernan travay ki FTC pe fer, mon krwar ki FTC malgre tou difikilte ki i pe fer fas avek se ki zot pe fer en bon travay. Akoz? Akoz FTC dapre diskisyon ki nou’n fer se ki otan ki posib zot fer bann vizit kot bann magazen pou vwar kot i annan bann practice ki bann marsan pe fer i pa neseserman a la oter. Oubyen bann konplent ki zot pe gannyen FTC i fer sir i angaz li direkteman avek sa bann marsan. E FTC parey mon’n dir se ki lapros ki li in servi e dayer dapre lenformasyon ki nou annan e ki zot in ganny plizyer sikse. Par egzanp kot bann marsan pe over charge oubyen the over price, zot angaz zot avek lasosyasyon. Prezan i ganny mete lo sa bann retailer apropriye pou fer desann zot pri.

E STC in konfirm avek nou poudir ki annan plizyer bann ka kot pri in re ganny aziste kot i annan zistifikasyon kot zot in fer monte malgre ki pa neseserman annan pri kontrol. So i en travay ki FTC i bezwen kontinyen fer. Angaze avek nou bann marsan pou fer sir poudir bann pratik ki pe arive petet avek sa bann minorite i arete, i arete enn fwa pour tou.

Me an menm tan ler sa in ganny fer, Parey mon’n dir se ki nou pa pou kapab pronons nou lekor lo ki pou arive vizavi, eski nou pou fer retourn en pri kontrol? Eski nou pou adopte lezot mezir? Mon krwar se ki annou esper levidans, annou esper FTC fini fer sa travay. Apre ki zot in fer sa travay nou a konnen egzakteman dan sa lasenn prodwir letan i vin Mahe avan i ariv Mahe ki i pas ladan pou nou vwar kote problenm i ete. So nou, nou pe fer sir Onorab mon donn ou sa garanti pou dir whatever ki nou, nou fer, Praslin ek La Digue i bezwen fer sir poudir zot pa soufer en fason ki zot ganny bann pri bokou an plis ki parey nou lo Mahe nou pe zwir. Mersi Mr Speaker.

 

MR SPEAKER

Mersi Minis. Onorab Sophola.

 

HON NOLINE SOPHOLA

Mersi Mr Speaker. Minis ou pa’n touse bann outlet ki nou’n koz lo la. Apre pou mon pwen siplemanter, mon ti pe regarde, eski sa levy la i vreman enportan la dan sa moman ki nou ete? Si non annou pa mete. Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker konsernan outlet se ki nou pe mazinen pou nou annan en outlet ki most likely i ava Providence. En landrwa santral. E apre se ki sistenm pa ankor tro fini ganny met an plas akoz i annan serten diskisyon pou nou fer avek bann Lasosyasyon Fermye ki nou pa ankor konplete. Nou le konplet sa bann diskisyon avek zot osi. Enn fwa sa i a ganny fer then nou ava rode ki mannyer pou vini pou fer, ki mannyer sa sistenm pou marse pou fer sir ki bann prodwi ki ganny prodwi par nou bann fermye ki swa Praslin, la Digue oubyen Mahe i ava ariv dan sa fasilite.

Levy, eski fodre met levy oubyen non? Onorab mon krwar petet avek mon lenformasyon ki mon mon’n donnen boner baze lo legzanp, mon dir nou a ziz-e pou nou menm, eski nou devret met levy oubyen non. E prenon kont lo nivo profi ki serten sa bann enportater pe fer. Mon krwar i kler. Mersi Mr Speaker.

 

MR SPEAKER

Mersi Minis. Onorab Norbert Loizeau.

 

HON NORBERT LOIZEAU

Mersi Mr Speaker. Bonzour Minis. Bonzour tou dimoun. Mr Speaker 3 pti kestyon pou Minis. Minis vi ki ou’n dir i annan anviron 8 processors, mon byen?  7, ladan i annan zis 4 ki’n korper ek zot dan sa progranm. Dapre lenformasyon kot por lapes Providence SFA i annan li anviron 9 processing plant ki anba zot kontrol, me selman ladan i annan zis 3 ki pe fonksyonnen. Si i vre Minis, ki rezon ki sa lot 6 pa pe fonksyonnen? Donn nou detay.

Apre Mr Speaker mon anvi demann Minis vi ki dan en statement ki Prezidan ti’n fer, i ti promet bann fermye ki tou zot bann prodwi pou ganny aste par STC. E nou’n vwar lo televizyon fermye Praslin, La Digue partou li Mahe ti pe konplent konmkwa STC pa pe pran naryen ek zot. Vi ki la CEO STC i lo sa Komite o nivo ki ou pe Chair, eski zot in adres sa sityasyon pou ki bann fermye i a kapab vann zot prodwi avek STC?

En lot pti kestyon, Minis pli boner dan ou statement ou’n dir ki byen avan COVID-19 zot in zwenn avek serten bann lasosyasyon. Mon ti a kontan konnen dir nou lekel sa bann lasosyasyon ki zot in zwenn avan COVID-19? Donn nou sa bann detay? Apre mon anvi demann Minis, vi ki i annan sa processor ki pe ganny labwet avek bann bato ton e pe vann peser, mon anvi Minis i dir mon kwa ki pe gannyen koman labwet? Zis bonit ouswa i pe ganny bycatch antye avek sa bann bato? Apre mon a demann li mon lot kestyon. Mersi.

 

MR SPEAKER

Meri Onorab. Minis.

 

MINISTER CHARLES BASTIENNE

Mr Speaker mon krwar dernyen kestyon mon krwar mon’n aborde boner, kot mon’n dir se ki i annan lezot by catch ki normalman sa bann by catch processors zot ti pe gannyen avek sa bann, avek sa bann purse seiners ok. E ki ladan zot fer bann sorting pou zot tir bann bonit, ki bonit nou pou servi koman labwet. So i annan lezot pou reponn ou kestyon wi i annan lezot pwason ki’n andomaze oubyen bann sa ki nou dir bann dorad oubyen bann lezot king fish e tou.

Mr Speaker konsernan Lasosyasyon Fermye i annan 7

Lasosyasyon Fermye 7, 7, Lasosyasyon fermye e mon fer li mon devwar pou mon zwenn avek zot omwen en fwa par semenn. E zot tou zot vin prezant avek nou tou bann diferan laspirasyon ki zot annan an term devlopman lagrikiltir. E mon kapab dir zot se ki en bon pe plan, en bon pe plan ki nou vin avek, se ki i vin atraver bann konsiltasyon ki nou, nou fer avek sa bann lasosyasyon – ok?

Konsernan STC pou aste bann prodwi mon krwar sa i pe arive. Me selman sa ki enportan wi Prezidan in anonse konmkwa ki STC pou aste bann prodwi ki sorti lo bann laferm me sa i bezwen ganny fer dan en fason organize. What I mean, ki mon pe dir par organize se ki nou krwar e nou espekte avek sa wholesale market ki pe mazin pou met an plas. Se ki keksoz i ganny fer dapre en sistenm pli ou mwen Kontra. 7 a dir ou prodwir dapre demann marse, ok?

Si par e egzanp demann marse i dir ou par mwan fodre 1000 pye leti, 2000 pye leti, 1000 pye bred eksetera. Demann i ganny fer, prodiksyon i ganny fer dapre demann pou marse.  So i pa pou pratik pou nou dir ki STC i ava aste nenport kwa ki fermye i vin vann avek li. I devret fer li dan en fason organize.

Ou’n koz ek mon lo Praslin, Praslin se ki i pa neseserman annan problenm pou lavant Praslin. Mon kapab dir ou se ki tou sa bann lenformasyon ki nou’n vwar lo medya sosyal e tou menm dan nouvel nou’n fer follow-up lo la e sa bann prodwir menm zour oubyen lannmen ti nepli annan pou vann ok. I annan ki’n fini ganny vann byen avan ok.

 So nou lo kote Minister nou annan nou dimoun ki swiv byen sa bann keksoz de pre. Akoz se akoz nou annan en Marketing Unit dan lazans lagrikiltir. E sa Marketing Unit dan lazans lagrikiltir in ganny met an plas e tou lasosyasyon i konnen. E mon ti fer piblik osi atraver plan konpreansiv pou lagrikiltir ki si zot pe ganny difikilte pou vann zot prodwi kontakte sa Marketing Unit dan lazans lagrikiltir, prezan li atraver serten mekaniz i ava rod bann debousman neseser.

Processing plant Providence. Processing Plant Providence ou lenformasyon i bon Onorab, ladan i annan zis 3 ki operasyonnel. I annan lezot 6 ki’n deza ganny allocate avek bann processors pou plizyer rezon i annan pa ankor bouze pou zot kapab fer zot aktivite. I annan evidaman i annan issue pou fer avek finansman, ti annan issue pou fer avek lease me selman mon krwar, wi lo kote ti annan en issue pou fer avek lease ki mon, mon krwar sa in fini deryer nou. Me solman pli ou mwen ki nou, nou okouran.

Akoz rezon mon dir sa Mr Speaker se akoz an Zanvye sa lannen mon ti fer SFA fer legzersis pou nou, pou Minister, pou nou konnen ki rezon ki nou annan tou sa bann later ki nou’n allocate Providence avek Ile Du Port, ki pa pe ganny devlope. E mon’n ganny rapor avek SFA i annan miltitid fakter ki pe fer sa bann devloper pa bouze. Ti annan issue lease, enn de lease i ankor annan issue ek serten bann leases, mon pa pou dir non. Me selman nou’n donn zot early entry malgre sa. I annan serten ti annan devlopman pon ki ti pe fer Providence sa osi in met zot en pe retar avek zot proze.

Me osi mon konsyan poudir lannen pase letan nou ti pe travay lo plan konpreansiv pou lapes, nou ti met on hold sa bann later ziske ler nou get tou sa bann later dan son totalite, e sa nou’n fer.  Me ki nou pe vwar se ki i annan serten sa bann devloper ki ankor pe struggle pou zot kapab ganny resours neseser pou zot kapab bouze. Se sa ki nou, nou kapab etabli. So i annan processing plant;- i annan ki’n fer bann dimoun ki’n ganny allocate avek me i annan plizyer kontrent.

Mon pa dir tou, i annan enn ou de petet a kapab bouze me lamazorite i annan plizyer bann defi ki zot pe fer fas avek. SFA in zwenn avek zot tou enn par enn. Enn par enn, in zwenn avek zot pandan sa dernyen 2 mwan edmi pou nou kapab formel sa rapor ki finalman mon ganny sa rapor sa semenn avek SFA, pou nou konnen kot nou ete lo tou sa bann propriyete ki ganny allocate. Ki zistans zot ete. Mersi Mr Speaker.

 

MR SPEAKER

Mersi Minis. Onorab Loizeau.

 

HON NORBERT LOIZEAU

Mr Speaker mersi. Mr Speaker lo kote sa bann processing plant ki ou’n dir zot pe diskit ek sa bann dimoun. Eski avan zot ti deside donn sa bann dimoun sa bann plant, eski zot ti asses sa bann dimoun pou vwar si vreman zot annan? Aparaman ou sipoze fer sa, ou pa kapab zis vini donn en dimoun en keksoz apre pou deside pou war ki napa finansman keksoz i dormi. Kan i annan ki petet ki mon konnen ti anvi kapab ganny sa privilez pou li kapab fer sa kalite biznes, li in ganny kit deryer e retar.

E konsernan sa bann lasosyasyon ki ou’n dir mwan, eski zot tou zot anrezistre aktiv? Sa bann Lasosyasyon Fermye la? Ki ou’n dir nou. Apre konsernan labwet ek bycatch, mon’n demann ou sa kestyon senpleman akoz mon, mon kontan koz lo fairness lo keksoz. Vi ki ou pe ganny sa by catch antye, e zis bonit ki servi konman labwet. E ou sa processor ou pe servi larestan pou fer smoke fish, tuna cubes, e menm i annan dorad ki zot pe servi. E zot pe vann e en bout sa smoke fish i bokou ser. Eski i fair apre ki sa processor i pe benefisye ek tou sa bann lezot keksoz, i pe vann sa labwet avek peser R5? Sa mon pwen. Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Bon Mr Speaker konsernan sa issue by catch, CEO pe dir mon pratik ki ti egziste avan, mon krwar zot ti pe aste sa bann by catch avek sa bann bato. E ki la prezan dan en fason selektif sa bann bato i donn zot sa bann by catch. Serten sa bann bycatch. E mon pa konnen si i pe donn zot konpare ki zot ti pe aste avan menm kalite bycatch parey zot pe gannyen.

Akoz nou nou’n fer kler avek sa bann purse seiners nou enterese avek labwet prensipalman avek bonit ok. Ki volim dan sa bann ki i donn zot ki i servi pou lezot aktivite mon krwar ki, pa zis ou ki’n lev sa la Onorab apre midi i annan plizyer zot. Ki enportan SFA i a fer assessment pou nou vwar, dizon i donn li 10 tonn bycatch, konbyen ladan ki i kapab servi? Konbyen ki al dan labwet? Konbyen ki i servi pou li kapab ganny bann lezot reveni avek? Mon krwar sa i en keksoz ki SFA i ava fer e nou a kapab ganny en nide lo si egzakteman i annan bokou profi ki li i pe tire ladan ok?

Konsernan lasosyasyon wi, lenformasyon ki mon annan se ki sa bann Lasosyasyon Fermye zot anrezistre ok?  Apre konsernan, eski ti fer en assessment avan ler ti fer alokasyon bann processing plant? Onorab mon krwar ki nou tou nou konn tre byen i annan en kantite keksoz ki nou’n fer, nou’n fer li avek bonn volonte, bonn fwa. Nou espekte ki en dimoun ler in prezant nou avek bann nide ki i met lo son plan ki evidaman i en business plan, ki i keksoz ki i pou fer arive.

E nou, nou konnen bann diferan difikilte ki dimoun i rankontre dan semen. Petet in mazinen pou annan serten partner. Serten partner ki i ti pe al partner avek pa’n materyalize. Sa i partou. I vin parey tou sa bann later lagrikiltir ki nou nou’n pran nou’n donn avek bann fermye ki ozordi nou war nou, nou pe retract. Se zisteman akoz ler zot in vin kot Minister, ler zot in vin kot Lazans zot in vin avek bann bon lentansyon pou fer bann bon prodiksyon. Me finalman nou pe vwar poudir zot pa pe kapab fer, en keksoz ki zot mazinen pou zot fer e pou aktyelman fer zot pa pe kapab fer li.

E mon krwar poudir definitivman mwan, mon konnen dapre dosye ki mon’n vwar ti annan serten assessment ki ti ganny fer avek bann dimoun letan zot ti ganny allocate bann unit pou sa bann processing plant Providence. Mersi Mr Speaker.

 

MR SPEAKER

Mersi Minis. Onorab Francois Adelaide.

 

HON FRANCOIS ADELAIDE

Mersi Mr Speaker e bonn apre midi a tous. Minis mon premye kestyon i swivan kestyon Onorab Loizeau. Parey zot konsilte Lasosyasyon Fermye, eski Lasosyasyon Peser osi toultour Mahe i ganny konsilte parey ler zot pran bann desizyon? E konbyen Lasosyasyon Peser zot pe travay avek?

Mon dezyenm kestyon se pandan sa moman COVID-19 in annan pa mal problenm avek bann peser, bann fermye lo zot mouvman. E ziska ozordi i annan bann ki pa ankor ganny zot pass avek Lotorite konsernen.  Ki zot Minister pe fer pou fer sir ki si i ariv en lot evantyalite koumsa, ki bann peser avek bann fermye zot kapab bouze konfortableman san ganny okenn harassment e ki zot kapab pourswit zot travay?

Mon trwazyenm pti kestyon se mon’n tann i annan 12 sepa 14 bout later. Minis eski ou ti a kapab dir mon kote sa bann bout later i ete?

E mon dernyen kestyon se ki, la an se moman nou pe dir Seselwa pou reget zot bann travay. E dan kote lagrikiltir, lapes i bann landrwa kot Seselwa i kapab eksplwate pou zot kapab re ganny en lot travay. Eski Gouvernman i pro aktiv? Akoz nou pa war en kanpanny agresiv pou ki i annan sifizaman lenformasyon pou ki sa bann dimoun, bann Seselwa ki santi petet lo kote tourism zot pa pe kapab ganny en karyer, pou ki zot a ganny bouze pou zot al dan bann travay parey fermye avek lapes. Eski i annan sa pro aktivite dan Gouvernman pou ki Seselwa i war sa loportinite? Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker konsernan lasosyasyon se ki konsiltasyon prensipal ki nou, nou ti pe fer nou se ki dan nou bann demars e avek FBOA ok. Nou santi, mon realize, mon’n realize poudir ti annan en nesesite pou nou kapab war lezot bann Lorganizasyon, bann lezot lasosyasyon serye. Parey mon konnen Baie Lazare i annan enn, mon konnen Glacis i annan enn, Bel Ombre i annan enn, pou ki nou kapab fer menm travay parey nou pe fer avek lagrikiltir. Sa mon konnen i annan en mankman, mon admet i annan serten travay pou nou fer konsernan bann lasosyasyon.

Dezyenmman Mr Speaker se ki si zanmen i annan okenn sityasyon ki leve bann fermye ek bann peser pa pe kapab mouvmante. Me ki nou ti’n fer se ki Lazans Lagrikiltir ti’n kontakte tou bann fermye e SFA ti’n pran kontak avek bann peser osi bann boat owners pou zot servi zot bann pas ek zot kart anrezistre pou zot kapab sirkile. Mon okouran e enn de bann ka izole in arive kot serten fermye in ganny difikilte, me an grand mazorite lenformasyon ki mon annan avek SAA pa’n neseserman en problenm pou zot kapab mouvmante.

Mr Speaker konsernan sa famous 14 morso later. Mon pa’n anmenn avek mwan kote zot ete me, mon promet Lasanble poudir pli tar demen ma fer sir mon Lofis i ava anvoy zot sa lalis sa 14 morso later kote zot ete ok. Mon pa, mon konnen serten kot i ete, mon pa oule ki mon mank lezot ankor ok.

Konsernan travay pou ganny, travayer pou ganny reallocate wi, loportinite dan lapes ek lagrikiltir i enorm. E lenformasyon ki mon annan se ki i annan plizyer bann dimoun ki ti involve, bann Seselwa, bann Seselwa debrouyer ki ti aktiv dan Lendistri Touris ki ti pe fer serten aktivite pou anmenn bann pti ekskirsyon e tou. Zot in apros SFA pou zot ganny, pou fer prosedir pou ganny zot license pou ki zot osi zot kapab al lapes. Pou zot kapab re aziste zot lavi.

Me SFA pe anmas tou sa lenformasyon la pou nou war ki kantite ki i annan akoz i annan en bon pe deza ki’n pran kontak avek SFA. Prenon kont osi, nou pa pe dir zot non me sa i en keksoz ki mon pou bezwen anmenn kot Gouvernman pou nou al diskite. Prenon kont limitasyon osi atraver letid ki’n montre ki presyon i annan lo stok pwason. Si i annan en balans ki pou bezwen fer dan sa domenn. E nou, nou espekte ki atraver Minister, SFA nou ava donn zot bann gidans apropriye lo ki mannyer ki nou pou kapab petet asiste zot.  Me solman, sa i lo kote artizanal sa.

Me solman parey mon’n dir taler se ki loportinite nou konnen i egziste dan semi endistriyel. I annan en kantite loportinite ladan malgre petet Onorab Ferrari pa le krwar. Me selman i en travay ki nou, nou pou bezwen fer kot pou viz nou bann dimoun dan bann direksyon kot nou krwar i annan loportinite. Mersi Mr Speaker.

 

MR SPEAKER

Mersi Minis. Onorab Adelaide.

 

HON FRANCOIS ADELAIDE

Mersi Mr Speaker. Minis petet atraver ou Minister avek Minister Ledikasyon, vi ki parey ou pe dir i annan imans travay dan sa de kote. Eski i annan travay ki zot pe fer ansanm an kolaborasyon pou ki nou ava ganny plis zelev ki kapab antre dan sa de domenn konmansman depi lekol?  Akoz i enportan si ou Minister avek Minister Ledikasyon i travay ansanm. Petet ti motiv plis bann zenes pou kapab antre ladan e menm antre dan bann science of Agriculture and Fisheries.

Apre mon dernyen pti lazout e se nou annan sa later Anse La Mouche la, vi ki nou ti pe al fer lotel. E la vi ki nou’n trouve ki lotel nou en pe dan problenm, e sa later i gran i plat, kot ti pe al fer lotel Qatar la. Eski petet ou Minister pa pe mazinen pou koz ek Gouvernman petet pou re balans sa later petet pou tourn avek bann dimoun lagrikiltir? Akoz i fasil, teren i plat, i annan semen i annan tou zafer. Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker konsernan premye kestyon se ki otan ki posib nou le ki nou bann zenn i angaz zot dan lagrikiltir ek lapes. E mon kapab dir avek sa Lasanble se ki dan plan konpreansiv nou ti dir nou pou travay avek Lekol Maritim pou ki nou bann zenn, i devlop plis nou bann zenn pou zot al fer bann kors.  I annan serten kors ki Minister, SFA in travay avek Lekol Maritim e nou espekte ki tre byento nou pou kapab lans sa bann diferan courses, ki pou allow nou bann Seselwa pou kapab at least antre plis dan Sekter Lapes olye ki nou pou depan lo bann etranze.

Par egzanp lo kote semi- endistriyel nou pe vwar ki laplipar sa bann peser se bann peser etranze ki ladan e nou, nou ti a swete ki nou Seselwa i take over sa.  E vwala kot i annan bann training ki nou pe fer atraver Lekol Maritim pou fer sa arive.

Mon krwar ki ou kestyon konsernan sa later Anse La Mouche mon krwar sa i en keksoz ki i en later prive. I en keksoz ki mon a sey met devan. Mersi Mr Speaker.

 

MR SPEAKER

Mersi Minis. Onorab Waven William.

 

HON WAVEN WILLIAM

Mersi Mr Speaker. Bonn apre midi Minis avek ou lekip. Mr Speaker mon annan de trwa pti kestyon pou Minis.  Premyerman Minis mon ti a kontan vin lo sa 2 legzanp ki ou’n donnen vizavi enportater e byen koze i fer byen konpran. Minis ou konnen poudir ler ou antre dan biznes san ki mon pe ganny vwar ki mon pe defann sa 2 enportater. Sa bann sif ki ou’n donnen se letan container in ariv lo lasose, i korek sa? E ou pa’n pran kont 1. Poudir i annan refrizerasyon, i annan ban utilities, i annan loan, i annan travayer.

So letan ou’n fakter tou sa la ansanm, eski i annan en travay ki’n ganny fer pou vwar en pti pe sa lespas parey ou pe dir ki sa bann dimoun pou zot kapab soutenir zot biznes? Mon pe dir sa zis pou pa donn konmsi fo expectation ouswa gran espektasyon akoz parfwa letan nou pa eksplik keksoz byen dimoun i krwar en lot fason.

E mon lot kestyon Minis se ki ou’n donn en lalis 14 komodite ki pri pa pou sanze. Sa osi ti a bon ou eksplik Seselwa lekel sa bann komodite. E dezyenmman eski avek sa lefe COVID, eski nou pou annan lezot komodite ki nou krwar ozordi i esansyel ki Gouvernman pou petet travay lo la ki pri osi i kapab ganny afekte? Akoz mon santi poudir bann ki ganny mwen peye pe ganny pli afekte la konmela avek sa sityasyon COVID-19.

E lot kestyon Mr Speaker, Minis mon ti a kontan ou eksplik mon sa rasyonnel.  Bann bato semi endistriyel ti’n anmare obor lasose e pa ti pe al lapes prezan la ou’n larg zot. Me solman sa ki mon pa ganny en konpran, si mon’n konpran ou byen, ou pe dir zot poudir ler zot al lapes zot pou bezwen garanti zot market. Me Gouvernman koman fasilitater e regulator, lefe ki nou dan en sityasyon difisil sa bann dimoun ti’n ganny dir anmas zot bato, zot pa al lapes. Ou pa ti a krwar petet koman fasilitater Gouvernman ti devret war tou bann opsyon ki fason pou kapab fer lavi sa bann owners sa bann bato semi-endistriyel pou zot kapab annan en debousman?

E de lot kote, ansanm avek sa. An menm tan ou osi ou’n dir ki napa ase bann processors osi tou. So i annan en difikilte. So mon anvi konnen poudir Gouvernman koman fasilitater kwa an plis ki nou kapab fer? Mr Speaker lot kestyon se ki lefe ki i annan, nou dan en sityasyon vreman difisil APAS zot bezwen travay pou zot kre zot larzan. Me mon santi ki annan en load of work la ki pe vin lo zot. Ki ou pa krwar petet Minister i devret kre en pti sibvansyon pou zot? Akoz i pa pe fasil pou serten zot pou al fer, al rod serten bann data ki Minister i devret pe rode pou donn zot pou zot kapab travay avek. Me mon santi poudir i annan en kou adisyonnel ouswa en peryod letan pou zot si serten sipor pa vini.

Mr Speaker si ou permet mwan ankor. Minis mon ti kontan ou eksplike. Sa wholesale market la, eski Gouvernman tousel ki pou al anbark lo sa proze ouswa i pou enkli osi bann fermye? Konmsi ki sa benefis i pa vin zis pou Gouvernman, me ki osi i ava benefisye bann fermye.

Minis de lot kote ofisyelman dan en meeting zot in tonm dakor poudir baze lo legzersis zot in fer pou prodwi en dizef i pe kout ant R1.80 a R2. E mwan, mon anvi konnen avek ou ki pri ozordi dizef i devret ete? Akoz i annan en tonbe kot pri i vin R1, eski ou pa vwar en senaryo pli tar kot akoz ban lotel in fermen avek bann restoran pa pe fonksyonnen ki sa pri pou re monte. Akoz petet bann prodikter pou deside pa fer gran prodiksyon akoz i pou kout zot pli ser? Mon ava aret la Mr Speaker mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker mon a komans ek dizef. Ou pe dir mon dizef poul ou? Ok Onorab wi konsernan table eggs son kou prodiksyon ki ler Minister in travay lo la, prenon kont en pti poul i pran li omwen 5 mwan 5 mwan edmi pou li komans ponn. I pou ponn ziske petet 18 mwan koumsa. E Minister ler in fer kalkilasyon nou war pou dir an mwayenn en dizef son kou prodiksyon i apepre R1.71 pou prodwi en dizef ok? E konbyen zot devret vann sa i depan lo sa prodikter osi. Fakter osi ki antre ladan sa nou ti fer nou kalkilasyon baze lo 10,000 poul en. I depan lo ki kantite poul ki sa prodikter i annan, pli i annan plis evidaman son fix cost marginal contribution e tou.

Me konbyen i devret pe vann sa i pou depan lo li. Me selman ki mon kapab dir Onorab ler nou’n aprann ki i annan sa problenm kot i annan en kantite dizef poul lo market. Mon ti zwenn avek serten bann prodikter dizef e nou’n vwar avek zot ki bann major problenm zot pe rankontre. Me surprisingly zot apre nou ti kontinyen fer legzersis pandan son weekend an swit nou zofisye nou’n war poudir la mazorite zot dan sa 23 prodikter ofisyel ki nou annan dan pei, pa neseserman pe ganny problenm pou zot vann zot bann dizef. Pa ti neseserman en problenm.

I annan enn ou de an partikilye ki ti annan serten difikilte e nou nou’n sey rod market pou zot lo kote Marketing Unit Lazans Lagrikiltir ok. Dezyenm keksoz Mr Speaker parey mon’n dir se ki sa wholesale market nou le i vin en lye kot bann prodikter i a kapab anmenn tou zot bann prodwir pou vann. Model egzakteman nou’n mansyonn STC, mon’n mansyonn STC me model egzakteman sa i en refleksyon ki nou pou bezwen fer ki model nou pou adopte vis a vi sa. Nou’n anmenn sa dan High Level Committee, nou’n komans koz lo la. Me i annan serten keksoz en pe dan laliny parey ou’n dir mon Onorab ki nou bezwen regarde ki mannyer nou pou navige.  Ok serten rekomandasyon in vini.

Mr Speaker mon pa’n tro kler lo sa zafer APAS travay data ki nou’n fer zot fer.  Nou a vin lo la en pti moman. Ma pran sa issue konsernan 14 item. 14 item Mr Speaker parey mon’n dir boner sa i enkli diri, disel, zonnyon, ponmdeter, Lantir, disik, dile, delwil, ponm, zoranz, dile pti baba, lafarin, margarin, ek papye twalet. Mon’n osi dir poudir Komite i annan serten travay ki pe fer pou ki sa lalis esansyel i ganny revwar en pe. Akoz nou konnen poudir foreign exchange pe ganny allocate baze lo sa 14 item esansyel. Nou osi pe revwar pou ki serten lezot item serten parmi sa ki mon pou nonmen la. Parey dantifris, diapers, sereal, savon, deodoran, bann detergents pou lave e tou. Sa osi i ganny enkli pou ki zot osi zot a ganny sa priyorite kot deviz etranzer i konsernen.

Mr Speaker lo kote semi- endistriyel. Onorab mon’n dir ki lamazorite, 90poursan tou sa ki bann bato lapes semi endistriyel i lapes i ganny eksporte ok. I depan prensipalman parey mon’n dir lo bann pei Eropeen, Lanmerik osi. E ki market in fermen. Pou lemoman serten marse i ankor fermen. Mwan mon’n dir dan mon entervansyon se ki mon espekte poudir sa bann bato avan zot bouze zot pli ou mwen garanti atraver zot processor, pou ki zot processor pou aste sa pwason pou eksporte.

Akoz sistenm ki annan an plas la se ki sa 36 or so bato ki operasyonnel zot vann pwason avek bann processors ki zot annan lakor avek ok. Mon okouran poudir semenn pase, menm semenn dis zour pase i annan en serten processor ti oule bouze fer 10 diferan bato al lapes pou anmenn pwason pou li eksporte ok. Me nou, nou ti dir zot poudir laplipar market kot ou pou al eksport ou pwason i fermen. E nou pa krwar i realistik pou zot bouze.

Be apartir yer si zot le al lapes zot kapab al lapes zot. E vi ki akoz sa Public Health regilasyon Polisi ki ti annan an plas in tonbe e zot kapab al lapes. Artizanal pa ti ganny afekte. So vwala kot nou nou’n dir se ki zot bezwen garanti zot market, pa Gouvernman ki pou garanti zot market. Zot, zot garanti zot market atraver bann processors. Sinon ki pou arive Onorab se ki Gouvernman pou war li bezwen pe met an plas en sistenm pou li kapab eksport sa pwason. Eksport sa pwason sa kantite ton ki sa bann semi- endistriyel zot, zot lapes.

Petet Mr Speaker si Onorab ti kapab klarifye sa issue konsernan lapas e data, konsernan sibvansyon ki in mansyonnen. Mersi Mr Speaker.

 

MR SPEAKER

Mersi Minis. Onorab William.

 

HON WAVEN WILLIAM

Mersi Mr Speaker. Mr Speaker vis a vi APAS i annan, par egzanp letan Minis ti pe koz sa 14 bout later e mon konnen poudir avek lefe COVID i pa’n fasil pou fer bann meeting.  So i annan nesesite pou siport zot pou kapab ganny landrwa pou kapab gard sa social distancing pou kapab fer bann meeting. So mazin en pti pe ladan epi i annan serten bann lenformasyon ki mon santi pou dir Minister menm avek son kapasite. Bann teknisyen, bann extention officer zot bezwen fourni lenformasyon APAS pou li   kapab fer serten travay.  So sa i lo kote sipor.

Si ou permet mon Mr Speaker mon a pran mon bann kestyon siplemanter. Minis mwan, mon anvi ou dir avek sa Lasanble lefe ki extension officer pe pas lo teren, konbyen ka rapor ou’n gannyen kot bann fermye zot in demann sipor?  Si ou annan en lalis. Konbyen bann fermye e bann ki pe ganny problenm lavant?  Akoz mwan, mon konnen i annan serten ki’n apros mwan ki zot in war li vreman difisil pou zot kapab vann zot bann prodwi.

Epi mwan anvi konnen avek ou lefe ki Praslin nou konnen i annan en Msye ki pe prodwir bann fertilizer bio mon krwar Sea Weed Company. Eski Minister pe aste en pe sa bann prodwi ouswa pe ankouraz bann fermye pou aste en pe sa bann prodwi? Akoz si nou annan en prodikter lokal ki pe kapab ede i tou zes ki nou kapab ed li. Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker konsernan sa issue lasistans pou sa lasosyasyon partikilye mon krwar i en keksoz ki mon ava bring up dan mon next meeting ki mon fer avek zot pou nou vwar bann lasosyasyon spesifik ki zot, zot bezwen. Mr Speaker konsernan lenformasyon ki nou bann extension officers i anmase wi zot anmas plizyer lenformasyon. Bann kontrent ki bann fermye i rankontre. E se atraver sa ki nou vini nou vin formil oubyen amann bann Polisi ki nou, nou vin avek.

Mon konnen wi Onorab i annan plizyer ki ti pe ganny difikilte pou vann zot prodwir. Me mon konnen osi poudir ou okouran poudir i annan serten endividi prive ki’n met an plas en serten sistenm kot i permet bann fermye pou zot kapab vann zot prodwir avek sa bann dimoun prive ki pe angaz zot ladan.  Ki mon krwar i en tre bon keksoz. I vin, e mon’n war zot pri. Serten dimoun in prezant nou avek zot pri ki zot pe war. Mon war pri ki sa bann dimoun ki pe angaz zot deza privately mon krwar pri i ase rezonnab osi. E konparab avek sa ki STC pe ofer.

Konsernan bio product see weed ki pe prodwir. Mr Speaker i annan travay ki seksyon resers dan Minister Lagrikiltir dan Lazans Lagrikiltir in fer lo sea weed. Wi sea weed i en bon prodwir me selman sa sea weed i bezwen ganny servi an konbinasyon avek en lot baz. en? Parey ou konnen Onorab se ki sa sea weed i pli ou mwen liquid e ler ou pou aplik li i pou ale si i napa en lot baz parey fimyen poul oubyen bann lezot keksoz ansanm.

An konbinasyon letan resers in ganny fer se ki i pou marse, i byen, i pou annan rannman. Eski nou pe aste sa bann prodwi?  Mon krwar ki pou lemoman nou pe les sa prodikter fer son prop marketing vi ki i pe travay ek bann Kominote Fermye pou ki bann Kominote Fermye i ava aste sa prodwi.  Akoz si pou nou aste apre re vann kan li i la i kapab vann sa direk. Mon krwar petet i plis dan son lavantaz e petet son benefis osi. Mersi Mr Speaker.

 

MR SPEAKER

Mersi Minis. Onorab Flory Larue.

 

HON FLORY LARUE

Mersi Mr Speaker. Bon apre midi Minis. Minis mon ti a kontan tous lo en kestyon ki Onorab Norbert Loizeau in deza demann en proporsyon lo la.  An Out 2014 sa proze pou Fish  Processing plant Providence ti pou kout R32 milyon a en joint proze avek Sesel avek EU. Dan bann menm letan nou vwar ki ti annan en proze ki ti pou arive Bel Ombre ki ti pou osi anmenn 4 nouvo unit processing plant dan pool.  Li i ti pou kout R4 milyon. E nou vwar an 2015 Minis Cosgrow ti anmenn Prezidan Michel vizit sa sit.

Mon ti a kontan Minis ki ou eksplik nou, ozordi ki nou pe met sitan lanfaz lo devlopman entern, akoz ki nou annan tou sa bann retar? Mon pe dir ou 2014 pou sa proze Providence e 2015 pou sa proze Bel Ombre. E get sa bann larzan ki nou’n met ladan e la ou pe dir, ou’n dir Onorab Loizeau ki dan sa 9, 6 pa ankor ganny servi ditou. Depi 2015, depi ler in fer. So mon krwar nou bezwen en bon lesplikasyon pou konnen akoz sa bann proze pe pran retar.

Minis mon ti a kontan osi demann ou lefe ki ou’n koz lo en wholesale market, eski ou kapab dir nou egzakteman kote? Si i annan en lokasyon. Eski zot pe koz lo la ouswa zot in identify en location pou sa landrwa? E ki timeline zot pe mete pou zot kapab fer li fonksyonnel? E dapre mon pe konpran i centralize. Eski Minister i annan plan pou regard zot lezot propozisyon? Tel ki bann farmers market ki kapab pase dan bann weekend, ki desantraliz mouvman.

Akoz nou annan osi sa kote COVID pa tou dimoun ki al anvil.  Pou get bann parking parey kot Liniversite Sesel, parey Takamaka kot zot fer bann provizyon delo. Ki dimoun, en fermye i kapab vin vann son prodwi dan kominote olye toultan al anvil. Konmsi met bann lezot opsyon, eski zot annan sa dan zot plan?

Mon ti a kontan osi demande lo kote soutenir prodiksyon life stock, mon krwar nou bezwen annan manze.  Manze pou zannimo. Eski i dan plan lagrikiltir i annan sa opsyon pou fermye devlop bann grains pou asiste prodiksyon life stock osi? Akoz letan nou tann nonm IDC, eski sa i pa bann sityasyon ideal pou kapab plant bann manze pou ede avek prodiksyon lavyann?

Mr Speaker letan nou vwar ki Minis i dir nou ki pou annan en levy lo lavyann ki pou ganny mete. In tous lo la letan in donn nou bann legzanp konbyen dimoun i fer vini. Eski i kapab dir nou konbyen tan sa levy pou egziste? Si i annan en timeline? E konbyen si i annan en timeline, konbyen tan zot espekte, konbyen larzan zot espekte kolekte avek sa levy? E lefe ki’n donn nou legzanp costing e STC mon krwar i annan en Departman Wholesale ki aste lavyann. Akoz ki sa pri ki ou’n donn nou pa reflekte kot STC li. Akoz sa i en global example, eksplik nou akoz STC li i pa pe follow sa bann legzanp ki ou’n donnen?

Minis in dir nou koumsa ki i annan en Life Stock Trust Fund, eski i kapab dir nou konbyen i annan ladan? Lekel ki deside ki mannyer sa pou ganny servi? Eski i annan en reprezantan Lasosyasyon Fermye lo sa kominote? Avek lo kote depans larzan, Minis in deza koz lo subsidy pou animal feed pou Sekter Life Stock, konbyen sa subsidy pou kout Gouvernman? E kote sa larzan pou sorti Minis. Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker konsernan sa subsidy pou manze zannimo parey mon’n dir se ki i pou en peryod 3 mwan. I sipoze kout nou anviron R6.9 milyon ok  lo kote manze zannimo.

Dezyenmman lo kote Life Stock Trust Fund, Mr Speaker mon napa sa figure avek mon me mon ava fer Lasanble gannyen. Akoz mon konnen i annan de konponan. I annan enn sa ki larzan pe kontinyelman pe ganny anmase apre i annan en serten larzan ki dan en Suspense Account. So mon pa le komet mon lekor akoz mon pa tro sir konbyen larzan ki annan dan sa Suspense Account ki pou Life Stock Trust Fund. Ok?  So mon ava fer Lasanble ganny sa lenformasyon.

Lekel ki deside? Mr Speaker avan ti annan en life stock, non avan ti annan en Komite pou Life Stock Trust Fund. Me mon krwar se ki lentansyon Gouvernman 7e pou olye annan 2 Komite ki dil avek sa, se pou pran sa pou transfer avek Lazans Lagrikiltir si mon pa tronpe. Me solman mon krwar poudir i annan serten mal antandi ki petet mon pa konnen, kot sa in ganny fer atraver Minister ki sipoze anba Lazans Lagrikiltir. E se Board SAA ki pou handle sa Life Stock Trust Fund.  Se sa mon krwar ki keksoz pe ganny fer pou amande.

Trwazyenmman Mr Speaker konsernan pri mon pa pou kapab fer komanter lo STC. Sak sa bann enportater zot source pou zot lavyann zot menm lo en baz endividi. Levy Mr Speaker i sipoze pou en peryod 6 mwan. En parey mon’n dir boner anba levy nou espekte anmas R3.24milyon lo kote poul e 1.04milyon lo kote pork pou sa prosen 6 mwan.

Apre trwazyenmman Mr Speaker lo kote pou devlop prodwir bann legren, bann komodite ki bezwen pou fer manze zannimo, mon krwar sa i en keksoz ki petet IDC i ava pronons son lekor lo la pou aktikalite sa. Apre lot keksoz Mr Speaker konsernan Farmers Market dan kominote, mon krwar sa i deza pe arive. Nou war poudir tanzantan nou war enn ki monte, nou’n war enn in monte Roche Caiman.

E tanzantan nou war bann market i monte depandan lo demann. E dan bann kominote dan Sid nou annan li plizyer landrwa. Ek Was i egziste plizyer landrwa. Si i annan nesesite pou fer li lo en baz rezyonal mon krwar i byen. Me solman annou konpran nide par deryer sa wholesale market. Nide par deryer sa wholesale market se pou fer sir poudir nou kapab stok sifizaman e otan ki posib nou bann prodwi lokal.  Nou pa oule ki en fermye letan i prodwi an gran kantite sa ki nou pa kapab servi ozordi oubyen demen i ganny zete.

Parkont nou oule ki sa i a vin en bank pou nou bann prodwi lokal kot i kapab ganny stoke pou en peryod letan anba bann kondisyon ideal. Kote sa landrwa pou ete? Mr Speaker nou pa ankor fer desizyon final me solman nou pe konsidere poudir i ava Providence. E nou konsyan poudir SFA i annan en warehouse laba, ki deza annan serten keksoz ki’n ganny stoke. E nou’n dir lo en gradyel si tou keksoz i al byen nou panse poudir sa i en landrwa potansyel.  Akoz son foot print si mon pa tronpe i en pe plis ki 3500 met kare sa landrwa.

Trwazyenm, dernyen Mr Speaker konsernan bann processing plant.  Mon’n eksplike boner bann realite, difikilte ki serten bann processors pe fer fas avek akoz zot pa’n bouze. E osi mon konsyan poudir ti annan serten defayans avek sa bann building osi letan ti ganny konstri. Zot bann drenaz, zot flooring e tou, ti annan serten defayans avek. Lo kote Bel Ombre sa 4 processing plant ki i annan, lenformasyon ki mon annan se ki 3 i fini ganny tender e 4enm mon krwar ti bezwen re tender pou serten lezot rezon.

E akoz sa bann dimoun pa ankor antre? Mr Speaker sa mon pou napa lenformasyon lo Bel Ombre. Me mon, mon konsyan atraver lenformasyon ki mo ti gannyen avek SFA konmkwa ti’n deza ganny tender. Mersi Mr Speaker.

 

MR SPEAKER

Mersi Minis. Onorab Larue.

 

HON FLORY LARUE

Mersi Minis pou larepons. Mersi Mr Speaker. Mr Speaker ankor nou annan en legzanp kler kot bann desizyon ki an retar i met pei retar. Akoz la ozordi nou pe koz lo processing pwason ek kapasite, abilite pou process pwason ki annan i limite akoz Gouvernman in trenn son lipye plis ki 5 an pou fer proze fonksyonnen. Sa i en levidans kler.

Mr Speaker ler mon’n dir Minis lo kote farmers market. Sa ki Minis in reponn savedir mon pe konpran ki i ok pou en dimoun met en stand obor semen nenport landrwa. Konmsi son High Level Committee pa pe gete dan abilite pou rod bann lokasyon pou desantraliz sa centralization. Akoz nou annan 2 problenm la, nou annan COVID-19 apre nou annan sa akse pou dimoun ganny manze.

COVID-19 i dir nou, nou bezwen annan social distancing. Zot pe met nou dan en sistenm centralize. Me eski zot pe osi get dan bann landrwa ki kapab vin disponib pou dimoun vin ansanm avek en pick-up de trwa pick-up pou vann pou dimoun pa vin anvil? Sa ki mon pe mansyonnen. Bann keksoz koumsa. Ouswa eski i ok ki zis en dimoun i met son pick-up obor semen i mont son latant i vann son legim? Eski Minis i kapab klarifye?

E lefe ki i dir nou koumsa nou bezwen esper plan IDC. Mon bezwen demann li konfirmen si li ek son High Level Committee zot in met devan IDC sa requirement pou fer manze zannimo? Akoz avek COVID-19 nou napa foreign exchange. Ek letan nou pou napa kekfwa sa kantite pou nou fer vini manze e kou pou monte. Eski nou pe focus lo cost in the long run pou nou kapab enplimant en sistenm pou nou kapab fer manze zannimo lokal? Akoz i annan sa maladi deor ki pe fer nou get sa ozordi. E letan ou dir mon napa sa bout kordinasyon lo kote manze pou zannimo pou nou fer li lokal mwan mon en pe worried.

Mr Speaker Minis in vini in lir nou 2 invoice klerman lo kou lavyann, kou in donn ou klerman. Mon pa konpran si bi sa High Level Committee i pou fer manze vin pli abordab ki zot pa ankor kapab kriy STC ki zot bezwen konnen i annan en wholesale section, pou demann li ki mannyer li sa pa ganny reflekte.  I pa en keksoz prive ki Gouvernman pa kapab get involve.  Akoz zot bi se fer desann pri lavi. Alors mon ti a kontan demande, akoz ki Minis ek son High Level Committee pa ankor fer sa?

Minis letan ou’n dir mon Life Stock Trust Fund ou pa konnen konbyen i annan ladan sa osi i fer mon worry. Akoz mon krwar ti bezwen lo latab by now, pou zot konnen ki annan dan sa fund, ki zot pe al fer avek, ki son konsiderasyon pou fer li enkli pou nou kapab bouz devan. E Mr Speaker Minis pa’n dir mwan sa 6.1milyon kote pou sorti pou subsidy pou animal feed pou Sekter Life Stock?  Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker konsernan Gouvernman trenn lipye, Providence i annan 9 processing plant. 3 sekter prive i operasyonnel pe fer zot aktivite lo zot menm. Pa Gouvernman ki pe fer biznes. Zot ki pe fer zot aktivite. So mon krwar i pa korek pou nou dir poudir Gouvernman pe trenn lipye lo la malgre ki mon’n dir ou i annan enn ou de defayans ki sa 3 processor zot ti adres li zot menm ok. Anba gidans SFA serten laranzman in tonm dakor lo la.

Dezyenmman Mr Speaker konsernan animal feed, eski IDC pou anbark li dan prodiksyon bann prodwi pou fer animal feed? Mon’n dir dan mon entervansyon la mon’n dir ki tre byento IDC pou vin donn plis lenformasyon lo son plan pou devlop bann zil elwanye kot Sekter Lagrikiltir i konsernen. Petet en pti pe pasyans i ava peye pou atann IDC pronons zot lekor lo la. Mon ti a prefere zot fer li zot menm olye mon vin donn detay ki IDC pe al fer lo bann zil  –ok.

Mr Speaker lot konsern se konsernan Life Stock Trust Fund. Life Stock Trust Fund mon dir ou i annan de fon. Me sa lot fon la mon napa son sif egzakt konbyen i annan. Me mon a kapab donn ou anba fon, anba sa Suspense Account, anba en kont Life Stock Trust Fund i annan omwen R45 a R48 milyon dan sa fon, pou sa enn ok. Me i annan sa lot fon ki zot pe anmas ban larzan kouran e ki osi al anba Life Stock Trust Fund ok?  Sa sanmenm sa mon pa’n le fer commitment lo la me at least ou’n ganny en lendikasyon la.  Akoz nou konnen ki nou pe fer baze lo larzan i available.

Sa R6.1milyon i pou sorti dan sa fon ki mon mon’n mansyonnen. Mon krwar, apre ou kestyon konsernan sa bann invoices ki mon’n donn ou.  Mon dir ou poudir sa lenformasyon i en lenformasyon ki fek vin dan mon latansyon e evidaman nou pou pran pou met dan lanmen Fair Trade Commission. Fair Trade commission i a fer sa travay parey mon’n dir ki avan lafen Me nou a kapab vwar ki mannyer keksoz i ete e kote si zanmen i annan bann keksoz, bann pratik ki pa apropriye ki pe pase. Se sa ki mon’n dir boner e mon pe repet ankor. Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker mon apresye vwar ki i annan plizyer lenformasyon ki Minis in share avek nou e mon kontan ki Gouvernman pa ti pran sa desizyon lo komansman petet 2016, non 2017 pou ferm STC parey serten ti pe demande. Ki ozordi nou pe vwar lesansyel ki i annan STC e ki rol i bezwen zwe.

Sa ki enportan pou mon konpran Mr Speaker, Mr Chairman se mon pe war i annan demann sorti dan de fason kot nou pe re demann Gouvernman pou re antre dan sa bann sekter. Par egzanp labwet, nou pe re demann SFA pou li al fer labwet kan i deza dan sekter prive ki pe fer.  E i pe vann li pli ba. Mon rapel Mr Bonnelame ti eksplike byen lo televizyon akoz ki i pe espekte baze lo sa bann diferan dinamik pri pwason i desann.

Nou war osi lo lot kote nou pe dir Gouvernman pa bezwen antre pou ou al fer sa wholesale market, donn li sekter prive. Sa menm sekter prive ki pe fer vini lavyann pli bon marse, pe vann li pli ser, e ki nou prop dimoun sitwayen an deor, lo rezo sosyal partou i tay deryer tou komanter ki sa bann menm dimoun ki pe vann zot sa bann keksoz pli ser. Sa nou Seselwa ki fer koumsa sa.

So eski Minis i kapab dir nou dan la fason ki zot pe fon figir sa wholesale market? Akoz i pou enportan sa wholesale market. Very important. Eski nou kapab garanti ki Gouvernman i ava annan en buy in lo komansman pou fer sir i komans byen?  Apre la zot ava larg li e i ava donn li sekter prive whoever ki le vin fer li. Sa i mon premye kestyon. Eski zot in met en striktir an plas pou annan son management?

Mon dezyenm kestyon i konsern SFA. Mon kontan i annan CEO SFA la. Be CEO SFA i bezwen realize poudir en pake nou gannyen avek SFA pou fer monitoring kantmenm Gouvernman i dir pe fer sa, pe fer sa, pe fer sa. Me apre SFA pa delivre lo la. Pa ou CEO mon konnen ou fek vini e ou annan en kantite pou fer.   Mon’n apresye lafason ki ou’n atab ou travay Mr Bonnelame.

Me i neseser, par egzanp mon, mon ti ganny en peser ki call mwan, i dir mwan i pa kapab al lapes son VMS pa bon in dir SFA son VMS pa bon depi en pe letan me la prezan akoz en fot ki pa pou li, li i pa kapab ale. Lekel ki bezwen fer sa monitoring lo sa nivo pou asire ki sa bann bout? E pti pe dan laliny kestyon ki en Onorab ti demande o paravan. Pou asire ki sa bann mekanizm i ganny enplimante e i ganny fer?

Nou’n koz lo sa bann proze ki SFA i annan dan bann distrik. Minis ou’n byen fer ou, proze in ganny byen e tale. Me lekel ki bezwen fer monitoring pou fer li materyalize? Nou’n koz lo La Retraite.  La Retraite in pran en pake letan zis pou nou fer sa bout armoring. Nou ankor pe sey lev sa bazar pou sa bann peser kapab vann sa bann pwason. So ki mannyer zot pe organiz zot pou ki i annan en, si ou le en lanfaz ki ganny mete pou asire ki nou vinabou sa bann mezir ki pou annan en benefis pou nou pep pou nou nasyon e ki bezwen ganny enplimante byen?

Mon lot pwen Mr Speaker ki mon ti a kontan Minis i koz lo la. SBC Mr Speaker i vini i pas en news item dan nouvel kot i montre fermye pa pe kapab vann prodwi Praslin. I montre li. Mon fek ganny en mesaz sorti kot en fermye ki dir mon li i ti kontakte sa bann fermye, Mr Gefroid i dir mon, mon kapab nonm son non, e apre i ti vwar ki pa vre ditou. Sa news item pa ti koresponn avek larealite ler li i ti call. Me SBC li pa’n fer naryen pou koriz sa news item ki’n pase pou donn Lepep Seselwa ki donn larzan tax payers pou asir son legzistans.

So eski ou komite prezan i pe rod en mekanizm pou asire ki piblik, dimoun an zeneral i ganny lenformasyon lo sa ki pe pase kot bann laferm kot i annan viv pou dimoun kapab aste? Kote dimoun i kapab ale pou fer sa? Eski zot pe fer sa? Sa osi i pou enportan pou dimoun konnen ki pe pase. Akoz ki dimoun pe fer dimoun pe war en posting lo rezo sosyal tou dimoun i tay deryer i maltrete, i balbise san realize ki sanmenm dimoun ki’n fer sa posting, li menm li ki’n kre sa problenm in the first place. E sa ka SBC la i sa akoz sa news item in sirkile partou dan tou medya.  So eski i annan en mezir ki zot pe pran pou zot annan en fason pou donn lenformasyon dimoun lo sa ki pe pase?

E mon dernyen pwen i vin lo sa size peser avek lavant pwason. Mr Speaker avan COVID-19 mon konnen i annan peser pa pou kontan. I annan ban peser ki vann zot pwason byen. Be avan COVID-19 i annan dimoun ti pe vann en pti zob pa ni menm 50 santimet R250.  En dimoun ler i vin aste ler i fek antre. E i annan nou, nou swazir sa size pou nou vin fer en ta tapaz, vin fer politik koz lo isi, koz lo laba san realize poudir be i annan dimoun ki bezwen al aste sa pwason e bokou Seselwa i ankoler.

Me i annan peser ki fer li byen. Bann peser La Retraite zanmen zot pwason i reste lo bazar. Glacis la semenn pase i annan en peser pe vann son pake pwason R150.  I annan peser ki pe fer li byen, me zanmen nou tande sa bann bon bout zistwar. So i enportan prezan pou nou vwar ki mannyer atraver sa Komite e travay ki lenstitisyon i bezwen fer pou zot anmenn bann lenformasyon. Anmenn sa bann keksoz a la porte piblik an zeneral pou dimoun kapab ganny akse avek. Se sa ki dimoun pe rode. Mersi Mr Speaker.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker ma pran dernyen pwen Onorab ki annan pou fer avek kominikasyon. Definitivman kominikasyon travay ki nou pe fer, parey mon pe fer ozordi la. Se pou vin enform Manm Lasanble an menm tan enform nou bann piblik travay ki Komite pe fer. E ki sa i en travay ki kontinyel. Etandonnen ki mon osi Minis pou Lagrikiltir avek Lapes then i tonm byen. Kot la nou pe koz sekirite alimanter, nou pe koz nesesite pou annan plis prodiksyon, nou pe koz lo bann pri abordab. I bann keksoz fondamantal pou fer sir poudir nou pep, nou bann dimoun i ganny bann lenformasyon ki korek a tou moman.

Konsernan sa wholesale market Mr Speaker, mon’n dir boner se ki lentansyon se ki STC i fer sa marse. In annan kestyon poudir akoz nou pa anmenn sekter prive ladan osi? Mon mon’n dir poudir sa i en keksoz ki nou, nou pou diskite akoz nou annan nide kote nou anvi sa wholesale market i ete. Fasilite ki deza more or less egziste. Lenfrastriktir pa pou kout nou telman pou nou  annan sa konversyon.

Me solman anfen kont ki nou, nou le? Nou, nou le fer sir poudir fermye ler i prodwir i prodwir dan en fason byen kalkile byen organize pou ki pei a tou moman i annan tou sa fri, tou sa legim ki nou kapab prodwi lokalman available. Sa wholesale market i ava garanti sa. Ou konnen Mr Speaker se ki plizyer fwa nou tann bann letablisman touristik dir nou poudir laplipar dir tan zot pa kapab garanti sa supply of nou bann prodwi lokal, akoz napa sa consistency de la par nou bann fermye pou fer li. Ou pa pou kapab fer li si ou napa en fasilite ki pe stok ou bann item pou en peryod letan. E sa fasilite pou allow nou pou fer li e avek mekaniz ki a ganny met an plas then i ava allow fer provizyon pou annan bann distribisyon.

Pa neseserman annan bann bazar en pe partou dan kominote ki byen. Me osi annan bann distribisyon atraver bann super market e tou ki zot ava met an plas.  Dayer i annan Sekter Prive ki deza pe fer sa. E mon, mon felisit zot parey mon’n dir pou sa. E osi i ava ede pou nou kapab garanti pri pou fer sir poudir nou napa bann pri ki parey nou pe war lo rezo sosyal kot nou vwar poudir zironmon in ariv R60, R65 kilo e tou. Ki nou pa krwar i rezonnab. Nou dan Minister Lagrikiltir avek Lazans otan ki posib nou le fer pri desann lo en nivo ki nou krwar poudir nou pep i pou benefisye, fermye osi i benefisye.

Konsernan Onorab Konsernan SFA. SFA i annan en kantite travay pou nou fer se pou sa rezon ki an en moman donnen nou ti oule ki separ SFA. Fer FSA konsantre lo resours management konsantre lo bann sirveyans ki i annan pou fer. Bann monitoring ki i annan pou fer e osi pou fer resers. Nou ti anvi SFA i fer sa. Konsantre lo son manda ki i ti gannyen depi 1983 mon panse. Me nou’n vwar poudir nou bezwen retourn lo nou plan akoz nou’n vwar pou dir pa neseserman ki nou tou nou pe get keksoz parey.

E ki nou bezwen re vwar sa plan kot pou fer SFA konsantre lo sa ki i devret. Si SFA i konsantre lo sa ki i devret konsantre lo la, SFA pa al dan ice, SFA pa al dan labwet, SFA pa al dan bann lezot keksoz ki annan pou fer avek bann lezot envestisman. SFA pou fer son louvraz byen, pou fer sir poudir nou sirvey nou bann resours ki nou annan ansanm avek son bann partner parey Coast Guard dan fason apropriye.  Se sa kot defi i ete la SFA, akoz nou annan SFA ki diversifye ki pe al dan direksyon kot pa neseserman pe fer travay ki devret pe fer.

So malgre sa, malgre sa nou annan konfidan, nou annan en CEO par enterim la. Na regarde ki pou arive pli tar. Nou bezwen fer mannyer no matter what SFA bouze e fer son travay parey i devret pe fer. I devret annan bann kler, bann target. I bezwen fer sir poudir pou met VMS i bezwen annan bon monitoring. Nou bezwen fer sir ki otan ki posib nou dil an en fason efikas ek bann lapes ilegal ki pe arive dan nou delo. Tousala i bann travay ki mon krwar ki SFA dan bann semenn, mwan ki devan nou zot bezwen angaz zot avek. Mersi Mr Speaker.

 

MR SPEAKER

Mersi Minis. Onorab Pillay.

 

HON SEBASTIEN PILLAY

Mersi Mr Speaker. Mr Speaker nou’n tous en kantite lo sa de laspe lapes ek lagrikiltir. Prezan vi ki ou konmite i dil avek food security i osi konsern sa ki dil avek bann Retail Sector osi as well. Akoz FTC i onboard avek ou Komite.  Nou’n remarke pandan sa letan COVID-19 kot dimoun pe poste plizyer posting kot bann keksoz dan laboutik en sel kou bann pri pe sanze eksetera.

Ki ou Komite pe fer reelman avek FTC? Akoz la napa leskiz la, nou napa letan pou nou rod en leskiz ki mon pa kapab fer sa, pa kapab isi, pa kapab laba. Ki Komite pe fer reelman pou fer sir ki i annan boots on the ground, kot si i annan en rapor tanzib pa tanzib lo en laboutik nou ale nou gete? Ki i pou kout nou pou al dan sa laboutik pou vwar si vre sa bwat dile in ariv sa pri? E kan sa stok ti antre. E ou pran aksyon. Ki pou kout nou? Eski nou bezwen fer en let ganny ekrir en konplent formel ganny fer.  La nou’n dir nou dan en letan en ‘’nouvo normal.’’

So si nou dan en ‘’nouvo normal’’ nou reakte according to sa bann sityasyon. Koman en konplent i leve. Once ki nou’n pran aksyon avek enn mesaz pou ganny pase ek tou.  E sa i ava rezourd sa problenm ki nou annan. Akoz nou koman bann Manm Lasanble parfwa mon lo sa kote latab isi, nou parti i ganny akize akoz nou ki dan Gouvernman. Akoz nou pa pe fer naryen, e nou pa pe isi nou pa pe laba.  Me parfwa i linaksyon osi lo lapar sa bann Lotorite oubyen serten keksoz ki zot pa fer pou zot al gete ki pe pase.  E apre nou, nou bezwen pey lepo kase isi dan sa Lasanble pou nou kapab vin eksplik sa bann keksoz.

Mon pa blanm personn Mr Speaker. Sa ki mon pe dir tou senpleman se ki i bezwen annan en lapros diferan ki ganny pran vis a vi sityasyon ki devan nou. Akoz sinon apre nou pou ganny akize koman kominis ler nou pou dir Gouvernman be antre fer bann keksoz ou menm. Re entrodwir pri lavi. Malgre bann ki ti demann liberalizasyon ozordi pe konplent pe dir nou devret re fer bann antite Gouvernman retourn dan sa bann biznes. Ou konpran?

So mon krwar i enportan ki ou kapab dir mwan la ozordi. Eski zot re travay lo progranm, lo en progranm ki ava annan en monitoring pli pre lo sa ki pe pase dan Retail Sector pou asire ki pri ki dimoun pe peye i pri zot pe peye?  Mersi Mr Speaker.

 

MR SPEAKER

Mersi Onorab Pillay. Minis.

 

MINISTER CHARLES BASTIENNE

Mr Speaker konfirmasyon ki nou’n gannyen avek Fair Trading Commission se ki they are on the ground. Zot lo on the ground. E parey mon’n eksplike boner se ki zot lapros travay se ki zot FTC pe travay pros avek Retailers Association. Ler zot annan bann ka kot serten zot bann marsan pe petet dan en fason, si i annan pe fer bann over pricing parey nou dir. Then zot travay avek Retailers Association. E parey mon’n dir zot in ganny serten sikse kot bann retailers in fer desann zot bann pri kot zot pa kapab zistifye. So i bann travay ki zot, zot pe fer.

Kestyon ki reste se ki, eski nou bezwen anmenn en Lalwa en, eski nou bezwen anmenn en Lalwa ki prezan ki pou permet nou kapab morde dan en fason apropriye? E sa Lalwa i a vin atraver pri kontrol oubyen bann lezot Lalwa apropriye.  Ki mon mon’n dir Mr Speaker annou les FTC Fair Trading Commission fini fer son travay ki High Level Committee in dir li fer. Pou nou vwar obtain evidence. Akoz tou keksoz needs to be evidence-based.

Wi nou kapab annan bann keksoz lo rezo sosyal, FTC i anmase tousala.  Zot ale zot al fizikman verifye osi tou ok. Dan en fason evidential pou gather tou sa lenformasyon pou nou vwar egzakteman kote sours sa bann over pricing i annan. Si i annan pe arive pou ki nou dil avek dan en fason apropriye. Eski petet i pa’n ler apart pri kontrol, en lower level pou met bann maximum retail price? Eski ou pa bezwen annan bann lezot mekanizm ki nou bezwen etidye?

Tou sa bann keksoz i bann keksoz ki nou’n diskite pou nou vwar bann lezot opsyon a lavenir ki kapab ganny konsidere. E avan nou bouze annou les anmas tou bann levidans neseser. Travay ki Fair Trading Commission pe fer e apre nou ava dan en pli bon desizyon to do a very inform decision. Mersi Mr Speaker.

 

MR SPEAKER

Mersi Minis. Onorab Jude Valmont.

 

HON JUDE VALMONT

Bonswar Mr Speaker, tou koleg Onorab, Minis e panel. Mr Speaker aktyelman kestyon ki mon ti pe al demande ti’n tous en pti gin me selman mon a zis repas lo la. Minis mon konnen dan ou plan konpreansiv ou ti’n mansyonn Sant Lagrikiltir avek Sant Maritim, Lekol Maritim sa 2 lekol koman 2 eleman kle ki pou ede konsolid, mannyer mon kapab dir. Pou lagrikiltir e fisheries.

E anvi ki sa travay ki zot in fer sa High Level Committee, mwan, mon anvi demande ki eski sa rol ki ou ti’n, zot in idantifye dan sa stratezi ki ou ti’n dir oparavan ki ou ti’n prezant nou, eski zot pe zwe sa rol la?  E eski zot pou kapab zwe sa rol dan le fitir ler zot in fer sa louvraz? Mon pa’n tann ou mansyonnen. Ou ti’n tous en pe ler Onorab Adelaide in koze. Eski zot pe zwe sa rol ki ou ti’n idantifye zot pou zwe? Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker Onorab wi mon krwar mon’n abord sa boner kot mon’n dir poudir lo kote lapes, nou bezwen sirtou lo semi endistriyel kot nou le promote. Progranm ganny devlope avek Lekol Maritim pou ki nou bann zenn oubyen bann lezot dimoun ki le ganny retrain, i kapab al ganny retrain laba kot Maritime Academy.  La ki nou’n fer, nou’n fini travay lo la i annan zis en dernyen keksoz pou nou fer. Pou nou fer MOU ant Minister, nou Minister atraver SFA avek Minister Ledikasyon ek Lakademi pou fer sir poudir sa i vin en realite.

Annefe i annan bann lezot short courses ki nou pa’n koz lo la boner parey STCW e tou. Tousala in fini an plas pou nou kapab fer keksoz arive on the ground. E ki Lekol Maritim i komans fer bann training neseser.

Lo kote lagrikiltir wi nou pe travay etrwatman avek Lekol Lagrikiltir pou ki nou kapab annan, prodwi plis bann zenn pli o nivo pou nou kapab ganny nou bann dimoun pli kalifye. E osi otan ki nou bezwen bann farm hands nou osi kontinyelman bezwen bann dimoun kalifye dan lagrikiltir.  Mersi Mr Speaker.

 

MR SPEAKER

Mersi Minis. Onorab Egbert Aglae.

 

HON EGBERT AGLAE

Mersi Mr Speaker. Bonswar Minis ek CEO. Minis premye kestyon mon ti a kontan aborde.  Premyerman ou’n koz lo sa 14 komodite esansyel ki anba sa plan la pou garanti sekirite, vant alimanter nou pep. Eski ou Departman in pran kont osi bann lezot komodite? Akoz i annan evolisyon dan lavi. E eski ou Departman pe pran kont serten bann komodite par egzanp prodwir sirtou pou bann manman, bann pti baba ki i riske annan en mankman lo marse? Eski ou pe met en site list petet pou kapab vwar serten sa ban komodite?

Dezyenmman kot i konsern lo laliny bato la. Shipping cargo. Eski i annan bann koze avek bann shipping handler lokalman pou fer ki bann cargo i ariv on time? Akoz in annan serten lensidan ki’n arive in ganny retar e in arive ki’n annan mankman. Eski nou pe garanti nou bann kargo pou ariv a ler?

Trwazyenmman Minis ou’n fer referans bokou avek FTC koman sa travay ki i pe fer pou kapab vwar kote ki i annan bann high king prices. Eski dan sa ‘’nouvo normal’’, mon krwar nou bezwen mazin en pti pe pli devan ki COVID.  Akoz keksoz pa pou fini koumsa, pa pou fini la osi. Eski FTC pe travay kolaboratman avek SRC e Customs depi komansman kot bann pri pe ganny deklare, bann invoice pe ganny mete? E la i ava petet facilitate.

Parey ou’n vin avek en invoice la, ki FTC i ava ganny akse ek sa bann dokiman an premye lyen pou kapab konpare ziska ler sa komodite li menm i ganny mete dan en laboutik lo en letazer. Akoz tou resaman la en dimoun fek anvoy mon en portre WhatsApp. I montre mwan en bwat ton pe kout R46, mon soke kot en laboutik ki’n aste Plaisance. So mon krwar travay i neseser depi lo komansman kot keksoz i antre.

E Minis dernyerman kot i konsern bann materyo debaz. Vi ki nou pou annan sa problenm deviz. Ki garanti ki nou pou gannyen ki sirtou bann fermye kot i konsern animal feed ki tou sa bann materyo neseser, raw materials i annan larzan pou kapab enporte pou ki ava asire ki manze zannimo i annan lo marse?  Mersi.

 

MR SPEAKER

Mersi Onorab.  Minis.

 

MINISTER CHARLES BASTIENNE

Mr Speaker konsernan premye kestyon.  Lezot item esansyel, mon krwar ki mon’n pas lo serten lezot ki mon krwar ki Komite ti pe santi konmkwa ki i devret ganny konsidere.  E sa ki mon’n mansyonnen parey dantifris, diapers, cereal, savon, deodoran i serten parmi ban lezot lalis adisyonnel ki nou krwar i devret ganny konsidere Onorab. I annan serten travay e SCCI i onboard, Chamber of Commerce i onboard pe travay ansanm avek nou. Pou nou kapab war bann keksoz ki nou konnen ki dimoun i bezwen bokou plis.

Konsernan garanti bann shipping cargo. Mon kapab dir ou dan bann letan ki’n pli difisil sirtou lo komansman avek COVID-19 i pa’n neseserman en problenm. Bann shipping line in kontinyen operate malgre lo komansman in annan serten pei dan la rezyon ti tenir serten bato pou omwen 14 zour avan ler zot kapab bouze. Me sa pratik in ganny arete.

La kot nou vwar poudir keksoz in retourn normal. Zot kapab bouze. So ti annan serten retar, delay lo komansman. Me la nou konstate e nou pe vwar. Par egzanp STC e bann lezot enportater zot pe ganny zot bann prodwi ase byen lo en baz tou le semenn si i neseser. Si nou napa krentif kot sa i konsernen.

FTC definitivman i pa kapab travay li tousel. In link up avek Departman Trade ki an retour li in link up avek SRC pou zot kapab fer sa travay parey ki mon’n koz lo la boner. Parey mon’n dir se ki nou a espekte nou a ganny rezilta ver lafen sa mwan.

Konsernan can tuna Onorab mon kapab dir ou presizeman avek sa se ki STC si pa ankor fer i sipoze fer. I sipoze pe pi bliy bann pri pou bann can tuna ki i pe vann, en mannyer pou piblik kapab konnen. Mon krwar sa i a kapab ganny servi koman en zouti lo bann publish items ki nou, nou konnen petet i kapab annan egzazerasyon lo la.  So STC atraver li oubyen petet atraver Fair trade commission. Si dan son manda osi i a kapab fer serten travay pou annan serten published prices pou bann diferan komodite.

Mr Speaker konsernan animal feed nou pa espekte konmkwa nou pou ganny okenn mankman. Akoz dabor 1. Nou annan nou lizin lokal ki prodwi. E zot in asir nou lo en baz tou le mwan zot annan bann diferan container ki pe antre ki swa mai, ki swa soya with brand, bann lezot keksoz ki servi dan prodiksyon lagrikiltir. Dan prodiksyon pou manze pou zannimo. E an plis ki sa nou osi annan 2 enportater Morisyen ki baze Sesel ki zot, zot pe fer sir ki bato tou le semenn letan i vini i annan availability of bann feed pou nou bann zannimo. Mersi Mr Speaker.

 

MR SPEAKER

Mersi Minis. Onorab Aglae.

 

HON EGBERT AGLAE

Minis mersi pou ou bann larepons. Minis mon ti a kontan demann ou vi ki koz bokou lo valer azoute, nou met bokou lanfaz avek Sekter Lapes. Me nou konnen poudir osi Sekter Lagrikiltir i annan bann lavenir pou annan serten valer azoute avek. E nou pe dir fermye plante, si tou fermye i kapab pous prodiksyon 80poursan parey nou pe dir. E nou pou war poudir nou annan sirplis lo marse e ou’n menm dir nou pa anvi fer gaspiyaz.

Alors avek sa sityasyon ‘’nouvo normal’’ ki nou ladan, eski ou departman pe met en tim pou etidye, an menm tan envesti dan bann pratik kot ava ankouraz bann fermye ouswa nenport ki pti biznes ki anvi antre dan fer valer azoute avek bann sirplis? Ki sa osi i a vin en sours reveni, why not? Avek proper lenportasyon, marketing nou kapab enporte osi e i ava vin en sours reveni deviz etranzer. Mersi.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker tre bon kestyon. Letan nou pe travay lo plan pou sa wholesale market evidaman avek li pou bezwen vin son laspe valer azoute. Akoz i pou stok gran kantite bann prodwi lokal. Evidaman i pou annan bann management system ki met an plas. Pou fer sir ki nanryen pa go to waste.  Antretan evidaman Onorab parey ou’n dir si i annan okenn Sekter Prive i anvi antre tout fwa, anytime zot kapab antre dan bann processing ki i annan pou fer avek nou bann prodwi lokal.

Ki mon kapab dir ou se ki atase avek sa wholesale market i annan pou ki valer azoute osi i ava antre. E ki mannyer pou marse sa en keksoz ki nou ava pronons nou lo la tre byento.  Mersi Mr Speaker.

 

MR SPEAKER

Mersi Minis. Onorab Ahmed Afif.

 

HON AHMED AFIF

Mersi Mr Speaker. Mr Speaker mon premye kestyon. Ler mon ti vin MNA an 2016 mon rapel La Retraite en peser ti dir ek mwan, ou fek vin MNA ti annan en JCB ki ti la pe fouy dan lapas nou pa war li la. Nou pou re war en lot JCB dan 2020.  E la Minis ou pas dan sa semen toulezour, vre. Mon pa ti krwar mwan. I dir mwan 2020 ou pou war en gro JCB ankor la in met detrwa ros. Ti’n fouy en pti gin selman naryen apart sa ou pa pou war!

Be mon ti a kontan demann Minis vi ki nou’n annan ou mwen 2 meeting avek Minis Lapes. Enn ti avek mon ti ekrir Minis Benstrong apre mon’n fer meeting avek Minis Charlette sa letan. Mon’n fer meeting avek peser dan son prezans. Meeting kominoter. Kot zot in eksplik plan ki bor, mannyer lapas pou ganny kase, pontoon pou ganny mete, ice plant pou la, elektrik, delo tou zafer zoli plan. Prezan ler nou sorti meeting, peser i dir ek mwan, mon pou dir ou, ou pou war sa JCB an 2020. JCB la an 2020 i la.

Alor mon kestyon, eski Minis i kapab dir nou sirtou pou bann peser La Retraite me i annan ankor lezot peser Anse Etoile, eski Minis i kapab dir nou kan zot kapab met omwen en pontoon dan La Retraite avek en fasilite delo, ek elektrik ek en pe lalimyer? Ice plant i kapab vin pli tar. Me ki a fasilit travay bann peser ler zot arive, zot antre avek zot pwason. Pou debarke pou anmenn li obor semen menm ki napa en pti bazar apropriye pou lemoman. Kan eski sa i kapab arive?

Mon dezyenm kestyon Minis i lo Lapes ilegal. Lapes ilegal mon konpran poudir resaman peser sorti Madagascar in antre Cosmoledo pou zot lapes banbara. E zot pe fer sa dan en fason byensir ilegal. Mon ti kontan demann Minis ki nou, nou pe fer? Nou pe met restriksyon lo nou bann peser lokal. Nou pe sey promouvwar nou bann resours lokal. Me antretan mon pa konnen si akoz COVID dimoun pe pas dan nou teritwar pe pran tou sa ki nou annan. E nou konnen sa bann keksoz i pou fini si nou pa veye.

Ki Gouvernman pe fer pou protez nou resours e sirtou bann ki en pe pli lwen? E menm nou’n ganny bann rapor bann Sri Lankan ki pe lapes ilegal. Mon war portre varvara e plizyer lezot pwason ki zot pe lapes. Ki nou pe fer pou protez sa bann resours e alors gard sa resours pou nou peser Seselwa kapab gannyen e menm posibleman eksporte? Mersi Mr Speaker.

 

MR SPEAKER

Mersi Onorab. Minis.

 

MINISTER CHARLES BASTIENNE

Mr Speaker konsernan lapes ilegal se ki mon konnen poudir Coast Guard, National Information Sharing Coordination Committee i annan travay ki zot pe fer pou fer sir poudir sa rezyon kot ou pe koze anba laba i annan serten travay ki mon konnen ki pe ganny fer lo sa.  Sa bann bato portre ki ti pe sirkile konsernan bann babara sa i bann portre vreman ansyen. Akoz ladan i annan enn sa bann bato in deza dan nou posesyon depi en pe letan pou lapes ilegal menm. So i bann portre ki petet mon ganny loportinite pou mon kapab klarifye poudir sa i en bann keksoz ki depi en pe letan sa.

La Retraite mon krwar pa si nou bezwen esper 2020 pou nou bouze Onorab. Ou konn tre byen poudir travay La Retraite i annan en pe letan depi ler nou pe fer.  Dabor travay in bouz dan direksyon baze lo demann ki bann peser ti annan. Premyerman ti annan pou ouver sa landrwa kot zot mouye. Apre ti annan issue avek lapas, in bezwen agrandi lapas. So i vin dan 2 diferan proze sa.

E la ki nou’n vwar nou se ki mon konsyan ki letan mon’n vin Minis Lagrikiltir, sorry Minis Lapes dan sa kad. Se ki ti annan en plan e nou nou’n travay pou nou re modifye sa plan. E mon rapel mon ti fer meeting ansanm avek bann peser La Retraite e zot satisfe avek sa plan ki’n met ater la mon kapab dir ou. Konsiltasyon in ganny fer ek zot.

Bon nou’n dir poudir pe pran tou sa letan pou bouze. Mon, mon kapab dir ou se ki par egzanp ice plant, nou pou met en ice plant pou La Retraite. Sa ice plant La Retraite son platform in fini fer.  Ice plant nenport ki moman pe al monte la ok. So ice plant pou La Retraite nenport ki moman. Gear store in fini tender, in fini award. Mon pa konnen pou ki rezon mobilizasyon pa’n ganny fer pou zot bouze pou zot fer sa proze.

Market paret ou’n vwar ti’n ale malgre en serten retar. E nou espekte petet dan mwan Me sa kontrakter i ava petet kapab, i a kapab konplet sa market kot dimoun i ava aret vann ater lo sa bann plans parey zot pe vann la pou lemoman. En siding i dan plan. Mon okouran poudir SFA in fini tender e ki mon krwar i dan en matter pou zot award dan nenport ki moman. E sa siding i ganny fer pou kapab redwir trafik dan sa letan dan sa landrwa laba.

Konpare avek petet koze ki ou’n fer ek ou bann peser, be koze ki mon’n fer ek sa bann peser sa bann landrwa se ki la zot e war keksoz pe bouze. Zot pe war keksoz pe arive. Zot pe war poudir lo teren keksoz pe arive dan zot faver. Konpare avek petet ki zis nou pe koze. Nou pa pe koze nou, pe fer laba.

Konsernan pontoon mon’n dir boner poudir depi Desanm, Novanm, Desanm peyman in ganny fer pou bann pontoon e nou ti espekte ki i pou arive ver Me sa mwan. Mon pa konnen si pou ganny retar. Me SFA i ava donn nou klarifikasyon kan nou espekte i ava arive.  Be all in all Onorab se ki pou La Retraite mon war poudir proze dousman, dousman pe tonm an plas. Bann peser i vwar poudir keksoz pe arive malgre in pran en pe letan. E mon pa war okenn rezon petet pou nou etre pessimist.  Mersi Mr Speaker.

 

MR SPEAKER

Mersi Minis. Onorab Simon Gill.

 

MR SPEAKER

Mersi Minis. Onorab Simon Gill.

 

HON SIMON GILL

Mersi Mr Speaker.  Mr Speaker ou’n ekout byen Minis avek son prezantasyon e mon krwar i annan detrwa eleman e mon ti ava swete nou ti a met li an perspektiv, mon krwar i en pe tar pou nou fer polemic, me probableman nou napa tro gran swa, ki nou fer avek nou group peser ki nou annan, avek nou group fermye ki nou annan dan sa moman kot Sesel pe redefinir ki mannyer i kapab soutenir son pep.

An term garanti ki si avyon pa apoze, si bato pa antre dan por pou anmenn tou bann komodite de baz ki nou servi, Petet diri, nou pa’n koz lo la sa diri ki mannyer nou annan en alternativ lokal si napa diri ki vini, si napa lezot komodite, mon pa pou al dan tou sa bann detay, ki vini ki mannyer nou annan en alternatif lokal touris pa vini ki mannyer nou ganny deviz etranzer pou nou met dan nou sistenm pou ki si enn de bato i kapab rantre pou nou kontinyen enport serten komodite pou nou kapab fer isi Sesel, tousala i montre ki mannyer sa nouvo konteks istorik ki nou ladan, nou pe sey fer fason atraver ou Minis  avek ou lekip, ou Komite spesyal or o nivo pou redevenir nou menm nou e soutenir nou pep, i annan plizyer eleman ki’n ganny anmennen.

Enn bann eleman kle se pri sa komodite enporte, swa sa komodite lokal ki nou bezwen met li dan konteks sa sityasyon ozordi la e ozordi nou pe vwar  Minis, ki marse lib pa regle sa zafer pri komodite, market forces pa kapab determin pri sa bann komodite malgre nou pe pran tou sa responsabilite ozordi prezan ler nou’n dir les market forces determin pri, ozordi ler market forces in fail pou determin pri nou pe ensiste ki Gouvernman i antre i regle pri komodite ki Seselwa i konsonmen ouswa i aste pou konsonmen kot li, tou kalite keksoz, nou tret sa responsabilite lo Gouvernman e sa dan li menm li in vin en polemic, i annan en kantite nou isi dan sa Lasanble ki bann akter prensipal dan les market forces determin pri komodite, me ozordi nou pe dir Gouvernman i responsab pou fer sir ki pri komodite i ganny regle.

E Minis dan nou lentervansyon ou’n dir nou ki  Fair Trading Commission pe fer travay lo teren pou finalman donn ou bann lenformasyon pou zot pran desizyon pou gete kwa ki nou fer pou ki seselwa i aret ganny abize ziska serten degre, par serten bann akter dan nou lekonomi, ki kontan vwar li pe fer lezot keksoz le kontrer avek le normal.

Now, kestyon ki Onorab Loizeau pe rode avek bann lezot Onorab dan LDS pe rode kestyon i annan tro bokou kestyon probableman zot a vin devan zot a donn lanmen reponn, Mr Speaker mwan mon ava dir avek Minis dan en fason tre e respe tou dimoun annou fini avek sa lalis adisyonnel, avek komodite ki nou dir esansyel oubyen premye kategori esansyel annou legislate sa, mon tann Onorab Pillay pe dir met li dan en regilasyon.

E nou a gete ki bann politisyen ki pe dir annou regilariz annou regle pri bann komodite i fer ler nou’n anmenn en regilasyon atraver en S.1  si  zot nou apel li koumsa nou pibliye.  Nou a gete si ler i vini si nou a quash li!  Annou anmennen.  Sa i premye konsiderasyon, dezyenm konsiderasyon Onorab Gervais Henrie i ti a voudre i pe koze ankor la Mr Speaker , Minis i dir nou zot in etidye zot in fer tou resers zot annan tou lenformasyon Onorab Ferrari in ensiste letan in fer son lentervansyon pli boner ki i pa oule okenn bann stil Kominis ankor.

Now, dir mon Minis ki mannyer ki si Gouvernman i santi poudir kot nou’n arive la ozordi serten konponan dizon dan lapes ki i bezwen antre e anmenn sekter prive ansanm, pou ki nou kapab arive si mon ava fer en statement la, nou sekter lapes se li ki vin nou premye sours pou anmenn deviz etranzer dan Sesel;- ki mannyer  lo nivo ou komite ou pe antisip en korperasyon Gouvernman pou demare avek sekter prive, pou ki nou kapab vreman montre ki sekter lapes avek tou resers zot in fer i annan potansyel?  E ki mannyer tou bann akter potansyel dan prive i kapab montre ansanm pou ki nou kapab achieve sa target?  E ki dernyen dele letan ou krwar nou kapab achieve sa target?

Sa i lo kote lapes.

Dezyenmman nou’n koz li kote processing, mon pour azout mon kontribisyon avek serten query ki’n ganny fer avek fasilite ki la depi en pe letan ki’n dir ki i disponib pou processing e ou’n dir ki i annan serten alokasyon ki’n ganny fer e pa ankor marse, pa ankor vin an aplikasyon, eski i pou en lenstitisyon? Eski i pou en fason ki mal pou ki si Gouvernman i antre e idantifye bann dimoun ki’n deza ganny allocate sa bann landrwa i team up ek zot, i met en dimoun ki annan leksperyans ek zot, e Gouvernman i antre i fer sir ki i  kick start sa process, i monitor, i fer sir ki i ariv en nivo prodiksyon kot i pe process or i pe supply marse lokal, apre Gouvernman i sorti;- antretan byensir ki i pe fer sa i pran bann dimoun i build up zot kapasite apre Gouvernman i sorti i les zot.

Mon swete ki sa Onorab Ferrari pa pou dir ki i en stil Kominis akoz nou oule ki sa sekter processing tou nou bann peser ki pe lapes i santi poudir i annan en landrwa i annan en lespas ki nou kapab anmenn son pwason, e i garanti ki i ganny aste e nou process li or nou vann li fer lokalman atraver bann dimoun ki pe process i fer.

Dernyen eleman, Mr Speaker ou a permet mwan lo kote lagrikiltir nou konnen ou menm ou ou’n dir, i deza annan en ta later, i annan en karantenn plant, ou dir ou pou al redonn dimoun ki enterese now, eski nou kapab pa redonn dimoun ki enterese or ki zot krwar i enterese? Si nou fer lekontrer sa bann menm dimoun ki’n la si zot ankor lo sa later eske sa legzersis ki zot in fer zot in gete si vreman sa bann dimoun pa enterese ankor pou atraver bann incentive bann sipor parey mon pe dir?

Si Gouvernman i antre i idantifye bann dimoun, i join forces ansanm, i met lo sa bout later oubyen i met lo sa 2 bout later, i build up kapasite kolektiv e i enzekte swa teknolozi oubyen i enzekte byensir i bezwen enzekte finans teknolozi, e i fer mannyer i kick start sa process  e dan la mezir ki i kick start li i build up kapasite bann dimoun e i ariv lo en nivo prodiksyon byensir ki koresponn avek bann paramet bann direktiv e bann prodwi ki’n ganny byen definir par Minister Finans poudir bon la lo sa 2 arpan later or 3 arpan, or 4 arpan later, vwala sa ki ou oule i ganny prodwi.

E dan sa lot arpan later laba vwala sa ki nou oule i ganny prodwi pour ki pa tou fermye ki prodwi tou keksoz lo bann arpan later alafwa e ki sa dan lesansyel i regle posibilite ki ou annan menm prodwi lokal lo market, epi son lespas pou ganny abzorbe i vedir dimoun pou aste i napa e ou annan en gaspiyaz.

So mon ti ava voudre si ou ti kapab dedye letan pou donn sa leksplikasyon pou ki nou kapab trouv en sans direksyon en sans vizyon, e atraver en lespas letan tre defini e tre konkret pou kapab finalman nou achieve sa ki nou anvi achieve.

Mon ava aret la, mon ti annan ankor 3 pwen pou mon, mon konpran letan me mon pa pou fer li la a sa staz me mon a les ou lo la me probableman sa kestyon levy (Onorab Ferrari avek Onorab Gervais Henrie i anvi antre pou vin reponn sa kestyon Minis probableman ou a donn zot laplas zot ava reponn) ok.

Mr Speaker sa kestyon levy, eski dan sa moman presi dan sa konzontye aktyel la ki lenpak ki annan si nou tir net sa levy ki ou pe koz lo la e sa levy nou konnen nou in ganny metye avek bi pou anmas serten reveni an menm tan pou etabli en nouvo dinamik dan pri komodite enporte avek lokal eske nou pe achieve sa, e ou’n donn mon en lenpresyon ki non ou pa pe achieve nanryen dan sa direksyon me an menm tan nou pa kapab ban lenportasyon sa bann prodwi.

Si nou pa kapab ban lenportasyon sa bann prodwi, ki mezir alternatif ki ou annan pou met an plas san neseserman met levy sa bann larzan ki ou ti pou anmase? Ki mannyer i kapab permet ou ki ou pa pe ganny sa sours levy annan en substitution pou ou kapab konble sa mankman ki pou annan e baze lo ou plan? Ki mannyer ou ti pou servi sa levy pou ou finans serten lezot keksoz ki mannyer sa i kapab ganny organize? Mersi bokou Mr Speaker, eskize si mon’n pran tro bokou letan e mon’n deranz Onorab Ferrari ek Onorab Gervais Henrie, Mersi bokou.

 

MR SPEAKER

Mersi Onorab Simon Gill, Minister.

 

MINISTER CHARLES BASTIENNE

Bon pe disturbance Mr Speaker, pe sey ekoute me solman mon pran en pe sa bann larepons ki serten bann refleksyon ase profon ki Onorab Gill in fer ki mon krwar i ase relevan. Mr Speaker si nou pran lo kote levy, mon krwar ki prodiksyon lokal pa ankor neseserman kapab satisfer market lokal mon kapab dir zot sa, me sa ki enportan osi se ki nou bezwen konstaman poudir nou Livestock Trust Fund i annan sifizaman reveni pou nou kapab donn plis incentives benefits nou bann fermye, ki swa livestock ki swa bann prodikter legim, larzan i bezwen sorti somewhere e atraver sa Livestock Trust Fund sa i permet ou pou kapab fer li.

Osi mon’n demontre Mr Speaker atraver serten legzanp ki mon’n donnen i annan serten lezot legzanp ankor se ki lespas pou bann enportater kapab at least koup en pe lo zot profi ki egziste si pou fer ou 100, 200 poursan profi lo enportasyon ki ou pe  anmennen mon krwar avek sa levy ki nou, nou pe anmennen,  si serten sa bann enportater zot onnet ek zot lekor mon krwar poudir fasilman zot kapab abzorb sa ki an retour sa benefis i vin pou nou bann prodikter lokal, Mr Speaker Onorab Gill in koz lo sa zafer sa lalis segonder whether i ganny legislate or not, sa nou ava esper sa bann levidans antre apre nou ava regarde ki direksyon nou pou pran konsernan sa.

Mr Speaker lo kote analiz ki Mr Gill in fer konsernan peser avek fermye pou ki nou kapab kontinyen soutenir nou pep avek manze, alternativ eksetera mon krwar premye keksoz ki Seselwa ki vin dan zot latet se ki akoz nou pa plant mayok, plant patat eksetera, mon krwar ki sa bann mayok, patat nou bezwen li, i ede pou supplement en pe nou ladyet definitivman i bezwen, petet osi nou bezwen rod fason pou nou kapab prodwi plis akoz nou annan bann lezot valer azoute ki nou kapab gannyen avek parey galet oubyen bann lezot keksoz ankor.

Mr Speaker konsernan later lagrikiltir, later lagrikiltir, Onorab ou’n dir eski Gouvernman pa kapab antre an partenarya avek bann dimoun ki ti deza lo sa later, ki mon kapab dir ou se ki dapre lenformasyon ki mon annan avek lazans lagrikiltir, ler nou fini epwiz tou opsyon lanmenm ler ki sa later i ganny pran, ou pe vwar ki sa bann dimoun la pa neseserman pou kapab bouze pou zot kapab devlop sa later lagrikiltir pou plizyer rezon, mon’n koz lo la boner.  Me lo sa ki ou’n mansyonnen la i met nou pre avek en progranm ki nou annan Youth Farming Enterprise, ki nou apel li lasemans.

E sa in permet Gouvernman antre lo later lagrikiltir konstrir park koson, konstrir kazo poul, devlop later e fermye, sa bann zenn i antre zis i fer son prodiksyon li se sa kot direksyon nou pe ale lo Youth Farming Enterprise, i annan en kantite zenn ki’n pas atraver lekol lagrikiltir ki pou serten rezon zot in dekouraze zot pa ale, e sa progranm i apropriye pour zot e nou anvi komanse sa lannen.  I annan komite ki’n ganny, ete an plas ki chair par PS pou Lagrikiltir Mr Moustache, nou annan PS pou Lazenes lo sa Komite e plizyer lezot ki lo la pou nou kapab swazir bann zenn pou nou kapab bouze dan sa direksyon.

Nou anvi ki by Zen, Zilyet sa lannen nou annan sa bann laferm ki’n komans pare pou nou allocate avek nou bann zenn kot zot pey en nominal list pou sa fasilite, demann zot pa performen zot ale, en lot zenn i vini i pran sa fasilit pou zot kapab fer  prodiksyon.

Onorab Gill letan ou’n koz lo sekter lapes, ou’n demande eski Gouvernman pa kapab antre pour ki nou kapab fer keksoz bouze, mon krwar, mon pa konnen si ou ti la dan sa sesyon letan nou ti prezant plan konpreansiv pou lapes, kot nou ti vin avek en proposal pour ki Gouvernman i antre pou kapab deblok sa sekter semi-endistriyel ki pe fer fas avek en kantite problenm, notaman processing, si ou pa met an plas en bon system processing pou semi endistriyel, bliye pa pou bouze.  Sa i enn.

Dezyenmman nou ti oule antre ki ou ti pe al fer li deza, parey mon dir dan mon entervansyon pou nou annan en bon system marketing ou nou pwason aletranze, nou pa kapab ozordi ale al compete avek serten pei ki zot grat pwason pa neseserman ala oter parey pou nou.

Label Sesel i en label ki well sought after atraver lemonn, so we need to bring that back, me solman parey mon’n dir ou se ki nou’n sorti nou Gouvernman in dir be ok sekter prive antre pou zot kapab fer le neseser pou devlop sa sekter semi endistriyel lo kote processing i konsernen me pa neseserman pe bouze nou’n donn 1an, ki mon ti monte mon ti eksplike dan nouvel pou eksplike pou dir nou’n donn 1an pou zot bouze, COVID pa ti ankor vini COVID-19, e la avek COVID-19 ki’n arive mon krwar i en keksoz ki nou bezwen re anmenn kot Gouvernman pou nou revwar ki mannyer nou pou fer sa bouze, sinon si nou pou asize nou pou espere la nou pa pou war sa progre dan sekter lapes parey nou ti pou anvi vwar.

Mr Speaker, Onorab Gill mon krwar monn fer ki zistis pou mon kapab reponn tou ou bann kestyon.  Mersi Mr Speaker.

 

MR SPEAKER

Mersi Minis, Onorab Wavel Ramkalawan.

 

HON WAVEL RAMKALAWAN

Mr Speaker, mersi bokou in en long sesyon, alors mon pou ase bref, mon anvi zis demann en kestyon, akoz ki apre tou sa bann lannen parey ou konnen mwan, mon enn parmi bann pli vye Manm dan Lasanble sak fwa nou koz lo lapes ek lagrikiltir comme dit Angle it’s like starting over again, konmsi  toultan nou komanse apre sa nou arete nou rekomans ankor nou vin ek bann nouvo plan.  E ki apre midi tou sa letan ki nou’n pase ankor enn fwa ou a krwar prezan ki Sesel pe rantre dan lagrikiltir, prezan ki Sesel pe rantre dan lapes, konmsi letan nou pe koz lo napa nitrofosca, pe vini pou ganny pour stok pour 6mwan legren tou nou pe gannyen, ice plant nou pou al re regarde Minis, konpran mwan ou a krwar konmsi pran ki nou pe al ladan.

E letan mon pe regarde avek tou respe ki mon annan pou mon koleg lekol Mr Bonnelame, regard nou sityasyon ozordi, lannen pase chairman SFA i demisyonnen,  la 2020, Mr Bonnelame i ganny apwente Chairman SFA board an menm tan i Acting CEO, be konmsi i annan en problenm la.  Letan nou pe regard lekol Maritime, mon ganny en mesaz la lekol Maritime i dir nou dan en fernwanr, pa kapab anvoy bann manrmay pou train dan bann serten lapes endistriyel par egzanp ki nou pe koz lo la senpleman akoz skipper bato pa son spesyalite alors, menm parey si ou amenn en purse seiner, ozordi si sa kaptenn pa’n train dan purse seining ki mannyer i pou al atak sa.

I pa pou ganny naryen Spirit of Kosher ti en pe sa leksperyans ki nou ti fer.  So Mr Speaker mon anvi demann Minis akoz konmsi ou a krwar nou pe rekomanse e depi ki nou la dan sa sizyenm Lasanble nou’n komans avek Minis Benstrong, nou’n sey donn li tou lankourazman nou’n sey koz lo Mozambique Protocol pour lagrikiltir e Maputo Declaration plito, e nou pa’n ariv lwen, sorti dan Minis Benstrong nou’n al avek Minis Charlette e mon pa tro konnen ki’n arive laba ki ou’n fer apre ou’n ganny tire kot ou ti pe debourye.

Ou en debouryer ou Minis, nou apresye ou lantouzyazm, ou lenerzi, e la ou trouv ou pe lans dan lagrikiltir, pe lans isi, pe lans laba.  Konmsi sa i mon premye konsern e sa konsern mon ava zis donn ou en legzanp, ou konnen nou komite zil e la mon annan en kestyon, nou annan en komite zil, e ler ou pe koz lo IDC Komite zil ti vizit Coetivy e mon’n tande sa progranm ki IDC in fer sa semenn ki’n pase, pour koz lo ki mannyer keksoz pou ete ki mannyer zot pou al re-sonny denn, zot pou al re-sonny isi, re-sonny laba pou fer tou sa bann kalite keksoz.

Komite zil in prezant plizyer rapor li, e enn nou rapor ki ti ganny prezante le 30 Me 2017, Minis la i la ki nou ti dir 2017 sa, avan ou letan, ‘’Zil Coetivy i annan en gran potansyel pour lagrikiltir avek tou dimoun ki nou’n koze e avek tou dimoun ki nou’n koze, e baze lo sa ki nou’n war i kler ki bokou diferan plant i kapab ganny kiltive.  Parmi bann ki’n ganny mansyonnen i sou, tomat, brenzel, zironmon, zonnyon, lay, zenzanm, ponmdeter, piman ensidswit, lo en lot nivo, napa okenn rezon akoz sa zil pa kapab osi al dan prodiksyon zannimo tel ki koson, bef, poul, denn e kabri, alor Komite pe demande ki deswit Minister Lagrikiltir avek IDC i fer en plan detaye lo ki mannyer pou diviz sa zil.’’ (e pa bliye ki poudir nou a pe koz lo 402ektar later lagrikiltir._

Coetivy i annan mil ektar later, mil ektar later ki kapab ganny servi pou lagrikiltir, e ki avek tousala konmsi sa zil Coetivy i kapab fer nou zil koste pli pre avek loto sifizan dan plizyer domenn lagrikiltir e ki nou war ozordi?  Mr Speaker  tou ti vin avek nou Coetivy, nou ti war Onorab De Commarmond byensir ki Depite Chair lo Komite Zil ki nou war ozordi Gouvernman pa ankor apre tou sa bann lannen Gouvernman pa ankor konnen si i pou donn IDC zil Coetivy, ki i pou fer ek zil Coetivy.  Parski zil Coetivy i enn sa bann zil ki pa anba enn sa bann zil ki IDC i organize.  Konmsi mwan Mr Speaker mon zis konmsi pa pe war sa fason ki nou pe bouze.

Lapes;- apre tou sa bann lannen ki nou dan lapes, ozordi apre nou fer tou sa bann diferan proze Sey Fish, ou ti vin prezant proze Sey Fish apre sa nou retournen nou pa konnen.  E nou demann nou eski vreman Gouvernman i devret antre dan lapes?  E mwan si ou demann mon, mon pou dir ki ou Gouvernman e la mon dakor ki SFA i devret retourn lo son rol orizinal pou li oversee donn direksyon ensidswit e les sa sekter prive rantre, parske sa sekter prive pe ganny li ou sa bann kalite problenm.

E Mr Speaker mon vreman anvi dir ki wi, lagrikiltir, lapes i kler devan nou ki poudir se sa direksyon ki nou devret pe ale. Me Minis eski ou vreman krwar ki poudir ou pe ganny tou sa sipor neseser?  Konmsi dir nou onnetman eski ou santi ki ou pe ganny tou sa sipor neseser pou ou koman Minis e byensir travay pre avek SFA avek 7 diferan Lasosyasyon Fermye pou nou kapab war en diferans dan sa ki nou pe koz lo la.

E parey nou pe dir ou’n donn bann invoice,  e pourtan STC i reste sa quarter leg ki ou pe dir ki ou ti’n donn legzanp, mon’n demann kestyon mon’n gannyen, laba li i pe vann pres R50 en kilo, e pourtan li i sipoze ed ou parski i sipoze lo ou komite ki i sipoze ede pour fer sir ki pri lavi i desann.  E alor mon napa, anyway ou’n fini konpran ki ou konpran mon letan mon koze, mon pe dekouraze an menm tan i annan bann siny lankourazman e an plis ki sa i annan bokou bann dimoun letan zot koz lo zil zot krwar ki poudir sa.

Dimoun i koze i dir 115 zil ki pour prodwir, 115 zil Sesel pa kapab prodwir, me bann ki abor nou Silhouette, mon ti demande, eski i pou kontinyen zis en zoli portre pour en zoli ankadreman pou nou tir portre soley kouse? Oubyen eski nou pou osi gete ki nou kapab fer laba? Mr Gilmer Corgat in koz lo later li osi, bann lezot fermye tel ki Jean-Paul Gefroid, Dr Nourrice, Jean-Pierre Morin, tousala se bann dimoun ki anvi bouze, e alor ki mannyer eski nou met divan dan lavwal sa bann dimoun e sa livestock fund, olye pou nou al rod zis bann ptipti keksoz.

Eski sa Livestock Fund pa kapab ganny servi pou nobou ankouraz bann fermye ki annan sa abilite e ki anvi en loan ki pou vreman sibstansyel e ki pou nobou permet li pour li lanse?  Parske mon krwar ki parfwa e Labib i dir avek nou pli ou annan pli ou pou ganny plis, e akoz se parski ou deza, ou thinking i deza diferan an mezir ki bann lezot i pe grandi pou nou nobou al dan prodiksyon lo en pli gran kad letan nou pe koz animal feed kot nou pou bezwen – I mean si Farquhar ti kapab prodwi 200 tonn mai, sepa ki kantite letan pase, Poivre depi dan letan Mr Bonnelame ti a pe fer en kantite bann prodiksyon pwason sale ensidswit.

Ozordi mon ava zis dir ou Minis apre siklonn Fantala lo Farquhar, ou konnen lekel en zannimo ki’n sirviv Farquhar?  Denn.  Lo Farquhar i ankor annan en popilasyon plis ki 100 denn, Fantala in tape in detri tou pye koko, denn i ankor la, alors eski nou kapab regarde ki mannyer vreman nou kapab lans nou e silvouple eski nou kapab pran bann desizyon konkret pou nou kapab bouze.

Fishmeal, IOT i prodwi fishmeal i eksporte, e nou animal feed factory nou enporte oubyen mon sipoze in aste avek IOT, be ki mannyer mon kapab ozordi ler nou pe koz lo parent stock pou poul be ti annan parent stock  farm Pointe-Larue kot nou ti prodwi dizef pou poul ki ponn, e poul lavyann be napa ozordi, konmsi ki’n arive?

Mr Speaker mon kapab koz en kantite, me Minis mon krwar in konpran mon, e mon bezwen re afirmen ki parey Minis ou’n koze bomaten e parey sa bann lenformasyon ki ou’n donn nou apre midi, parey sa bann lenformasyon ki ou’n donn nou lo ou resers, nou osi tou nou’n fer nou prop resers koz ek bann dimoun ou bann lenformasyon 100poursan korek.

E nou osi tou nou krwar e nou toultan donn lankourazman pour ki lapes lagrikiltir i vin sa 2 pilye enportan e letan nou pe koz lo illegal fishing e mon’n deza koz sa avek Mr Bonnelame mwan, mon krwar ki poudir ki Sesel nou pe tro soft mon krwar nou devret pran en lapros bokou pli serye, annou al dan en direksyon parey Australie letan sa bann bato lapes ilegal i ganny trouve dan zot lanmer.

Zot sezi sa bann bato, bann bato ki en pe pli vye zot brile, e la zot dir ki zot pa pou kapab karantenn sa bann bato e mon, mon krwar ki si 4 sa bann bato Sri lankan ti parey sa enn la dernyen la, krwar mon si ti’n bril li depi dan kannal nou ti’n sov sa bann dimoun laba Negombo, mesaz ti pou’n ganny pase ki poudir tyonbo en kou Sesel i serye, in ler Minis pou nou koman en pei vin serye protez nou resours e nou ava kapab bouz devan, mersi bokou Mr Speaker .

 

MR SPEAKER

Mersi Onorab. Minister, komanter.

 

MINISTER CHARLES BASTIENNE

Mr Speaker, Onorab mersi pou ou bann pwen e osi ou bann sizesyon, apre en illegal fishing dan plan konpreansiv pou lapes, enn ladan in dir se ki bann bato ki ganny atrape pe lapes ilegal nou pour koul sa bann bato apre ki nou’n fer prosedir legal konplete e nou ti oule bouze lo la me nou’n ganny dir avek biro Attorney Zeneral konmkwa ki kad legal fodre i annord ki i pa annord.

So nou bezwen esper kad legal pare avan ler nou kapab dil ek sa, otan ki wi mon asire ki lamazorite Seselwa, tou dimoun ki nou anvi ki enn fwa pour tou nou anvoy mesaz tre for pour ki sa bann aktivite illegal fishing dan nou delo i arete enn fwa pour tou, e sel fason pou fer li se atraver bann mezir strik ki parey mon’n dir ou in deza ganny adrese dan plan konpreansiv pour lapes.

Mr Speaker petet mon a komans avek sa size lagrikiltir, Onorab nou pa pe rekomanse, we’re not starting all over again, rezon i senp kot Lagrikiltir ti ete 2, 3 an pase nou’n fer en bon pe progre, mon’n raport lo la nou’n vin ek plan konpreansiv 1an pli tar ki nou’n fer zis petet pou nou kapab liste sa avek statistik, nou’n war par egzanp ki prodiksyon poul lannen pase antye in monte par omwen 9 a 10 poursan, prodiksyon pork lannen pase in mont par omwen 12 poursan.

E la ozordi mon’n dir pou premye kar lannen 2020, prodiksyon poul in mont par 30poursan, prodiksyon pork in mont par 31poursan, progre pe arive lo konsernan prodiksyon agricole nou pa ti pe neseserman ganny bann lenformasyon ki accurate akoz pa tou fermye ki ti pe donn nou.

Me la avek travay ki nou’n fer, avek laplipar bann prodikter mazer agrikol nou pe war sa trend kot prodiksyon i ete, kot nou pe vwar ki poudir omwen en 25, 30 fermye pe prodwi li an mwayen 100 tonn legim par mwan.

I ase sibstansyel i annan mwan i 90 tonn, i annan mwan in ariv ziske 150 tonn, legim i ganny prodwi, la nou pe anmas sa bann legim nou pe vwar larealite nou kapab vwar si vreman nou ankor menm landrwa, mwan mon pe dir ou nou’n bouze nou’n fer en bon pe progre e sa bann statistik ki nou pe koze lo lagrikiltir i koz pour li menm.

Lo zil Mr Speaker mon krwar ki mon’n dir se annou esper IDC, mon konnen poudir komite zil Lasanble Nasyonal ti fer vizit lo bann zil e zot ti fer plizyer rekomandasyon.  Mon asire ki IDC in pran sa an kont pour ki zot kapab met dan sa plan ki zot kapab devwal byento me selman an menm tan nou bezwen i konsyan pour dir whatever ki nou fer lo en gran lesyel lo zil elwanye nou bezwen fer sir ki i pa afekte soustenabilite lagrikiltir isi lo Mahe.

So nou bezwen balans sa 2, pangar i kapab detrir tou bann diferan fermye bann viv ki nou bann fermye i viv lo la. Mr Speaker, mon krwar ki ou’n koz lo fishmeal IOT mon krwar ki Ferox, mon krwar ki serten lakonpannyen pe servi sa fason me pa gran kantite akoz lenformasyon ki nou annan se ki lo prodiksyon pour manze poul pa neseserman ki bann konsonmater i agree avek fishmeal letan i al ladan pou plizyer rezon.

Mr Speaker eski Minister pe ganny sipor neseser, wi mon kapab dir ou poudir depi ler mon Minis Lagrikiltir whatever sipor ki nou bezwen pou fer bouze sa sekter nou gannyen, e ki sipor i la, e sipor osi atraver bann fermye depi ler mon’n vin Minis mon’n vizit mon omwen 352 Fermye Mahe, Praslin, e La Digue.

Mon’n pas kot zot tou pou mon apresye travay ki zot pe fer, remersye zot e an menm tan osi rode ki mannyer Gouvernman i kapab ed zot, ler nou fer s mon’n vwar poudir sa gran sipor kominote Fermye i annan avek travay ki nou pe fer, e nou pa ankor arive kot nou oule arive nou, nou swe se ki omwen by lannen prosenn parey plan konpreansiv i dir poudir sa 15 item lagrikiltir ki nou’n layout bred, leti, kokonm, eksetera.

Nou kapab prodwi omwen, i annan nou pe deza prodwi omwen 90poursan sepa 95poursan me lezot omwen 50poursan, lo kote poul nou bezwen ariv 50poursan, lo kote pork nou bezwen ariv 50poursan, pork letan nou ti komanse an 2018 sorry, poul ler nou ti komanse an 2018. Nou ti lo 14poursan nou pe espekte ki by lafen sa lannen si nou pa ganny bokou disruption an rezilta COVID-19, nou kapab ariv omwen 25poursan.

Aprezan nou pe war poudir prodiksyon pe akseler pli vit ki avan akoz labaz i la, ler labaz pa i la i ti pran letan pou li kapab pick up, so we are getting there.

Onorab mon pa krwar nou devret pe penn en portre vreman pessimist otour Lagrikiltir akoz Gouvernman pe donn son maksimonm sipor pou fer sa sekter bouze.

Par egzanp letan nou’n vwar pri manz zannimo pe monte, mon’n dir taler, Gouvernman ki in fer, Gouvernman in antre in dir pri ki bann fermye ti pe peye pou manze zannimo avan COVID-19 avan ki foreign exchange Roupi i devalye, zot pour pe parey malgre i annan logmantasyon set akoz nou oule don sipor sekter lagrikiltir sinon nou pou vwar poudir parey ti arive an 2010, nou pou vwar kot sekter lagrikiltir nenk zis i pou crash.

sS vwala i bann travay ki pe ganny fer par Gouvernman pou relev sekter lagrikiltir pou relev Mr Speaker poudir i annan bokou plis pou fer, mwan mon kapab dir ou ozordi poudir sekter lapes i vreman, vreman challenging an term pou nou kapab ganny sekter prouve ki vreman serye pou zot kapab antre pou nou ganny sa model processing right sirtou pou semen endistriyel.

Si nou pa ganny sa model processing right pou semen endistriyel nou pa pou arive kot nou oule arive.  Akoz potansyel mon’n dir i enorm lo kote sekter artizanal nou pa worry about it akoz nou konnen poudir nou pep pe gannyen nou pe gannyen nou nouritir atraver lapes atraver lapes lo kote demersal me lo kote semi endistriyel se la i nou annan en gro travay pou nou fer.

The right model nou’n vini konsernan sey fish, me Gouvernman in dir annou re diskite i normal i byen nou rediskite me mon krwar ki tre byento nou bezwen fer serten desizyon sinon nou pou vwar parey mon ti dir, parey mon ti dir an Out, an Zilyet lannen pase nou pou war nou sekter semi-endistriyel lo kote lapes i pou collapse, i pou collapse kolaps si nanryen pa ganny fer lo kote processing.  Mersi Mr Speaker.

 

MR SPEAKER

Mersi Minis.  Onorab Charles de Commarmond.

 

HON CHARLES DE COMMARMOND

Mersi Mr Speaker, bonswar Mr Minis e Mr Bonnelame, tou bann Manm Onorab e tou dimoun ki pe ekoute, mon’n take note ler ki i ete I’ll try to be brief, me selman avan ki mon met mon bann kestyon ki mon ti annan zis petet avek bann diferan text ki mon’n gannyen mon olye met zis detrwa pti keksoz an perspektiv par egzanp sa kestyon loan ki nou’n gannyen pli boner ki konmkwa Mr Hoareau petet i le sel peser or biznes dan lapes ki pe pey byen son loan.  Mon’n ganny dir ki i annan lezot peser ki pe osi pey byen zot loan, sa kestyon mon annan en leklersisman.

Minis petet sa zafer ki ou’n dekouver la, konmkwa bann invoice ki ou dir ki konmsi bann dimoun i pe fer vini bann enportater zot pri ler ou kalkile i vreman ba, mon oule demande en lot leklersisman avan mon poz mon lot kestyon kan ou’n dekouver sa?  E eski i sel enportater lavyann ki pri i koumsa ouswa ou’n tyeke ki tou dimoun ki pe enport lavyann zot osi zot pri i parey or i dan sa tape, konfirm sa en pti kou ek nou.  E sa kestyon levy lo lavyann ki ou’n dir eski sa i pe vin ou met li konmsi formelman koman en SI pou vin devan nou sa? Mon panse zis klarifye sa pou nou avan mon demann mon lot kestyon.

 

MR SPEAKER

Mersi Onorab, Minis.

 

MINISTER CHARLES BASTIENNE

Mr Speaker mon panse levy i pou vin koman en S.I li ok? Sa i enn, dezyenmman sa enportasyon Mr Speaker se ki lenformasyon ki mwan mon annan mon ti annan plizyer ki mon bann zofisye i donn mon i annan ki zot pri i en pe o, i annan ki zot pri ki mwayenn e apre i annan sa enn ki mon annan an partikilye son pri i ba pou poul pou pork ok?

I annan ki pri i pa tro lwen avek sa enn si tou ok, me i annan pri ki en pe o, ki ler ou kalkile li osi i al de kote sa ler ou regarde i annan serten pri ki vreman o, ki letan ou war ki pri ki zot pe vann, room ki zot pe mete pou zot annan zot market i minim.

La ankor parey mon pe dir se ki bann travay ki STC i bezwen fer, petet i annan serten travay ki zot, zot pe fer avek zot bann landrwa ki zot pe aste zot keksoz ki sa pri i vin dan sa fason ki i ete i tou le de kote.  Nou annan ki en pe o, nou annan ki mwayenn, nou annan ki ba parey sa, e nou annan enn de ankor ki li osi i ase pros avek sa ki mon’n mansyonnen boner. Sa lenformasyon Mr Speaker letan mon ti pe fer serten travay pou mon fer serten konparezon lo levy, letan ti pe prepare pou Lasanble sa semenn ki mon’n ganny sa lenformasyon.

 

MR SPEAKER

Mersi Onorab De Commarmond.

 

HON CHARLES DE COMMARMOND

Mersi Mr Speaker.  Mon krwar ki Minis si i pe anmenn sa pli devan, petet dan cabinet oubyen dan ou Lotorite pli o, mon krwar ki aksyon vitman i devret ganny pran lo la, pour ki serten desizyon i ganny fer e i kler i pa zis en dimoun parey mon ti krwar i plizyer ki pe fer sa.

Savedir Gouvernman si i vreman en Gouvernman responsab e i anvi fer ki P Seselwa i pa ganny trise epi pa ganny abize;- path way lo pri  par bann dimoun i enporte i bezwen pran en desizyon vitman lo la e nou ti a kontan pli vit posib en desizyon i ganny pran pour ki sa kalite pratik i arete.

Akoz sa i al an deor free market an deor liberalizasyon, i en labi sa bann zafer koumsa letan nou war li dan sa fason ki pe ganny fer;- swa direkteman lo pri swa lo kote taks.

Sa kestyon S.I. mon ti ava sizere re mazinen remet ankor devan Lotorite Gouvernman akoz mon pa tro sir ki sa S.I letan i pou vin dan nou Lasanble la nou pou tro happy, e sa mon krwar mon pe koz lo tou le de kote latab nou pou reflesir e nou pou pran serten desizyon petet i pa pou al annakor avek sa ki Gouvernman pe propoze so mon demande pou zot re mazin lo la, Mr Speaker sa kestyon meeting oubyen travay avek IDC ki Minis in met devan eski Minis i kapab donn nou en fason pli serye e pli konkret, ki pli vit ou kapab anmenn IDC e ou bezwen la.Lagrikiltir i bezwen la parey la ou’n vini lo lapes, ou vini avek IDC a ou vini pou nou koz en kou sa plan, pa an mal mon pe dir sa.

I byen zot vizyon me i annan letan e la ki nou pe koze nou dan sa letan en ‘’nouvo normal’’ e ou Komite i crucial dan ed pep Seselwa.  E le et ki ou crucial ou pa kapab annan letan pou ou etidye isi, etidye laba diskit gran, gran komite fer isi, fer laba, ou bezwen annan letan pou ou aksyonn-en e aksyonn vitman.

E nou, nou pou don ou koudmen letan nou war poudir i annan aksyon vitman ki’n ganny fer. E alor donn nou pli konkret sa travay ek lagrikiltir i kapab vin la avek IDC i kapab vin la ansanm pou nou kapab, nou a vin dan Committee Stage a permet IDC osi partisipe, e nou a vwar ansanm ki mannyer nou kapab annan sa pli bon vizyon pou pep Seselwa pou nou kapab bouz pli vit pour nou devlop nou lagrikiltir avek nou lapes.  Akoz i annan en kantite keksoz mon pa oule al dan detay ozordi lo la, me i annan en kantite keksoz ki mon krwar i kapab anmenn improvement.

Pwen pli fondamantal ki mon ti anvi met devan Mr Speaker se kestyon marketing, eski Minis ou kapab dir nou Lasanble ki kantite larzan dan bidze ki nou fek aprouve la ki ou Minister i annan pour ed fermye avek peser dan zot marketing?  Sirtou peser kot i konsern zot eksportasyon ensidswit akoz tourism, tourism i enn si oule sirtou avek STB en kantite larzan Gouvernman in mete avek tourism ok?  La ozordi napa en touris.

Be annou met en pti pe larzan dan marketing pwason.  Pwason nou war poudir, e nou ava dir osi lagrikiltir si nou envant prodiksyon i kapab anmenn forex, e pwason li i pli vitman i kapab anmenn forex, mon war i drol nou fer aret lapes ton kan nou annan lendistri ton isi.  Ki IOT pe fer pou ed Gouvernman li dan  seksyon marketing?  Akoz li i pe ogmant son prodiksyon la, la ki nou ladan la in pran 100 travayer lotel in ogmant son kapasite i pe prodwi plis e i pe eksport plis, ki mannyer ki li i kapab eksport plis, napa en fason ki i kapab ed nou, eski nou’n diskit avek li?

Sa i bann kestyon, nou koz lo manze zannimo, abaz pwason, kwa ki nou’n travay avek li pou li kapab ed nou pour ki sa manze ti ava la nou ti ava rode ki mannyer pou improve li me nou fermye ti a kapab benefisye.  E avek ogmantasyon e mon, mon krwar la subsidy la Gouvernman i bezwen antre ek subsidy ou pe donn manze zannimo ou’n re stabiliz pri pou 3 mwan, non be kontinyen, kontinyen, si fodre fer desann sa pri, sa nou bezwen kapab abzorbe i ava form par dan ou larzan Gouvernman dan lagrikiltir dan food security, e ki swa dan son marketing area ki swa dan subsidy pou manze zannimo pou legren e langre.

Sa  nou bezwen subsidies, nou pa kapab kontinyen avek pri sa bann keksoz ki o, e i pou definitivman fer ki prodiksyon i monte.  Alor sa i bann keksoz e sa pa kout much sa, konmsi i pa nou, pran letan pou zot desid lo la, mon krwar mwan, i bezwen annan en zefor vitman ki ganny fer pou kapab ed bann fermye, ler zot prodiksyon in monte, nou ganny plis, e ki ou menm kapab al ver leksportasyon la ou a met subsidy lo soz, la ou a met levy plito, la ou a met levy lo lenportasyon sa bann pri tan ki ou prodiksyon lokal pa’n monte ou pou zis si ou met levy laba ou pou fer ki pri sa ki’n enporte pou still monte, prezan nou dimoun la ki deza i pe ganny afekte i pa pou kapab aste son manze.  Alor mon krwar ki i annan en travay la ki bezwen ganny fer e dan sa marketing ki mon’n dir pour pwason.

Nou pe koz depi son bycatch depi son semi -endistriyel, nou bezwen fer nouvo prodwi e ed sa bann dimoun pour eksporte.  Nou bezwen kapab.  Mon konnen ou pe dir mon Lanmerik, sepa in ferm border – wi, me i annan lezot ki border pa’n fermen.  I annan lezot ki  – lo L’Afrique la, lo L’Afrique sak fwa nou bann Manm Lasanble i al deor bann zanmi ki laba sirtou dan milye L’Afrique ki napa delo sale pe dir be sa pwason Sesel kan nou pou ganny en pe?  So i annan landrwa nou bezwen kapab travay ekstra pou nou kapab vann nou bann prodwi.

E la mon krwar pou dir Minister i bezwen kapab i bezwen annan fon pou ede pour ed bann peser.  E peser pe demann mon i dir met devan kan ki zot kapab ganny en loan akoz la Labank Devlopman pa pe donn zot loan pou zot kapab devlope avek lentere ba.

I dir be zot in demande pa pe gannyen ouswa i pe pran tro bokou letan sa bann keksoz i bezwen kapab bouz vitman, pour ki bann peser bann dimoun ki dan biznes lapes i kapab bouz pli vit pou zot kapab sorti dan sa sityasyon e kapab ed pei pou anmenn plis forex.  Akoz nou bezwen zot la plis ki zanmen pou forex, mersi bokou, eksplik nou en pe lo sa bann keksoz.  Mersi bokou. eksplik nou en pe  lo sa bann keksoz.

 

MR SPEAKER

Mersi Onorab De Commarmond. Minister.

 

MINISTER CHARLES BASTIENNE

Mr Speaker, mon krwar wi parey mon’n dir ou se ki prey mon’n dir ou se ki nou’n komans angaze avek IDC e mon krwar propozisyon i bon nou ava diskit avek Vis-Prezidan ki i annan portfolyo pour zil elwanye, posibilite pou nou al dan sa direksyon en pe vit.  Onorab mon dakor avek ou.

Konsernan marketing konbyen larzan i annan. Mr Speaker pou lapes nou bann refleksyon pou anmenn nou parey mon’n dir se ki dan mon entervansyon pou nou annan en marketing unit ki pou dil avek sekter lapes parey nou annan nou STB pou tourism e nou, nou pe planifye pour ki bidze pour sa nou ava fer li atraver, apre ki nou’n ganny approval atraver EU sectoral support.

I pa pou en larzan ki pou neseserman sorti dan nou bidze be nou ava servi sectoral support pou fer promosyon pou nou lendistri lapes avek larzan linyon eropeen so sa i ban keksoz ki nou pe fer bann demars pou nou kapab bouz lo sa.

E mwan, mon pe ekspekte sa pou arive tre, tre byento.  I en keksoz ki Onorab si tou keksoz i al byen at least by Zen pli tar nou kapab vwar sa arive.

Dezyenmman Mr Speaker lo kote IOT i annan serten restriksyon pou nou kapab vann bann pwason semi endistriyel avek IOT i annan 2 eleman.  Lenformasyon ki nou, nou annan akoz ler ti annan sa 23 tonn ton ki bann peser semi- endistriyel pa ti kapab vann premye landrwa ki nou, nou’n regarde se avek IOT pou zot kapab abzorb sa, me zot, zot pa’n kapab process sa akoz i annan plizyer regilasyon ki zot bezwen swiv vizavi bann pwason ki ganny atrape swa atraver semi-endistriyel oubyen purse seiner me zot dil plis ek bann pwason purse seiner ki zot pe ganny sertifye pou zot kapab fer zot bann processing.  I enn.

Apre dezyenmman se pri ki petet zot, zot ti pou peye ti pou en pri ki ti pou bokou enferyer.  Akoz zot ti pou pey ou pri ki zot pe aste ton lo nivo mondyal en frozen ti mon krwar €2300 pou en yellowfin ok, e ki vin €2. 30 par kilo, kan zot, zot ti pe vann an mwayenn depandan grade, me dizon pou en mwayenn $4 a $5 en kilo. So i posib ki la ti annan en difikilte kot pri in konsernen akoz sa i enn bann premye keksoz ki nou’n regarde.

Lo kote subsidy Onorab se ki already Gouvernman atraver LTF pe donn subsidy lo prodiksyon poul, R2.30 par kilo apre lo kote pork pe donn R6.30 par kilo.  So i deza pe donn sa subsidy direkteman avek bann fermye apard ki sa entervansyon ki Gouvernman pe fer lo kote bann feed pou le moman.  Mon dakor avek ou Onorab se ki nou bezwen vwar lezot subsidy atraver legren, langre, sirtou dan sa bann letan pou nou fer sir pou nou kapab fer desann cost of production lo bann fermye.

Lo kote loan Onorab se ki problenm ki nou annan avek DBS lo kote Fisheries Development Fund se ki nou pa ti pe donn loan pou nivo bato, akoz mon rapel ti annan en issue kapasite ki swallow fish 3 ti’n etabli lo Mahe plato so bato artizanal nou pe ti pe donn loan pou nou atraver.

Akoz i ti pou kontradir sa ki nou ti oule achieve avek sa, se pour sa rezon, me solman parey mon’n dir lo kote  semi- endistriyel nou pe travay lo en plan finansman ki mannyer nou pou ankouraz dimoun al ladan enn fwa nou kapab rezourd nou bann problenm processing. Mersi Mr Speaker.

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

Mr Speaker eski Minis i kapab dir nou dan sa sans la, mon ti pe koz pa neseserman vann ton avek IOT me IOT li ki dan son marketing li, ed Sesel pou vann son ton aletranze, sa mon ti pe mazinen.  E an menm tan ki nou pe fer akoz la nou bezwen met en akselerasyon lo kestyon lapes, e ki nou pe fer alor pou nou annan lezot lizin pwason, ton oubyen lezot pwason par seselwa, par bann Seselwa bann envestiser Seselwa oubyen lezot envestiser me apard zis IOT i kapab annan, mon krwar i annan plas pour kantmenm lo en pti nivo, me ki mon asire i kapab anmenn en lavantaz pour nou lo kestyon forex.  E an menm tan zaponnen, zaponnen i pare pou ed Sesel bokou plis ki i pe ede konmela.

Ki zefor an plis ki minister e SFA pe fer pou kapab ganny plis help e osi travay konzwent kot Zapon i kapab envestir ansanm avek seselwa dan serten domenn lapes pour valoriz plis nou valer pwason e eksport plis? Par egzanp eksport ton fre, Zapon kot pri i bokou plis, i annan tout en bann dinamik ki kapab ganny diskite e ki mon santi, e mon atraver koze avek Anbasader Zapon, nou’n war osi ki pa pe ganny fer ase, e ase vit nou pe gete alor ki mannyer zot pe antann sa Mr Minis, mersi.

 

MR SPEAKER

Mersi Onorab, Minis.

 

MINISTER CHARLES BASTIENNE

Mr Speaker enn fwa nou met an plas nou sistenm marketing, parey ou pe koz avek Anbasader zaponnen nou osi nou annan plizyer konversasyon nou ki pe fer, sanmenm sa ki mon’n dir ou pli boner poudir industrial longlining i annan en kantite potansyel, espesyalman avek marse Zaponnen.  E ki mannyer nou pou fer sa koneksyon sa i bann travay ki nou, nou pe fer la right now, me selman wi mon konpran ou sa zafer IOT pou servi platform IOT pou marketing sa i en pe sa bann opsyon ki nou kapab vin avek. Me mon krwar ki nou’n benefisye, Gouvernman in benefisye a plizyer repriz avek Gouvernman Zaponnen atraver nou por lapes, nou por semi- endistriyel Providence, se zot ki’n finanse.

E nou ankor pe rode ki bann lezot fason atraver swa JICA oubyen lezot Lasosyasyon Zaponnen ki annan pou zot kapab ed nou, pou nou kapab devlop nou sekter lapes.  En keksoz ki nou oule pouse nou Onorab se ki nou anvi pouse ki nou kapab annan en por pou nou industrial fishing, industrial long liner, ki en mannyer ki sa bann industrial long liner i a kapab vin dan nou por isi.  Diskisyon lo nivo Gouvernman pe deza ganny fer, in ganny fer depi letan nou ti pe travay lo plan konpreansiv pour lapes ki sa 61 omwen sa 61 bato ki flot paviyon Sesel bann industrial long liner, they do make port calls here, ki en mannyer ki nou annan bann lenfrastriktir apropriye, olye pour nou anmas en license ki $24mil par an nou a kapab ganny bokou plis bann   retonbe ki vini avek olye depan zis lo purse seiners.

 

HON CHARLES DE COMMARMOND

Ki sa ki pe fer zot tard sa?

 

MINISTER CHARLES BASTIENNE

Non, nou ongoing avek nou plan nou la ki nou’n fer se ki nou lo staz pou nou ganny indorsement Gouvernman konsernan sa, prensip nou ok lo la nou, tou dimoun i ok lo la idantifikasyon kote pou fer nou’n more or less etabli.

Me la ki i reste pour vwar la se ki pou nou etabli son finansman la kot nou dir si nou al atraver Zaponnen zot annan en sistenm ki vreman long osi zot ki pran bokou letan.  E nou, nou pe vwar lezot alternativ ki nou kapab vin avek pou nou kapab annan en por pou nou bann industrial long liner.  Mersi Mr Speaker.

 

MR SPEAKER

Mersi Minis.  Bon avek sa nou’n termin sa Sesyon kot Minis in vin prezant son statement kot travay lo High Level Committee lo Food Security Surveillance pe fer dan Sesel e mon ti a kontan remersi Minis pour sa letan ki in pase avek nou e byensir remersi Acting CEO SFA Mr Cyril Bonnelame, avek sa Minister mon ti ava dir ou mersi e mon ti ava eskiz zot parmi nou.

 

 

(MINISTER BASTIENNE AND HIS DELEGATION WAS EXCUSED FROM THE HOUSE)

 

 

MR SPEAKER

Bon mon zis averti bann manm ki nou annan en Revised Order Paper pou demen.  E demen bomaten nou pou demar avek Second Reading, 2 Bills, Notaries (Amendment) Bill, 2020 apre Suspension of Prescription and Time Limitation Period, Bill, 2020, apre sa nou ava pran Mosyon.  I annan 2 Mosyon lo Order Paper avek en bi ki nou a kapab fini nou travay demen lo Order Paper.

Avek sa mon ti a kontan remersi tou Manm e tou dimoun ki a lekout.  E byensir mon ti a kontan remersi SBC ki’n avek nou ki’n ed nou pou transmet sesyon ozordi malgre ki nou’n travay ziska en pe tar, me sa se nou responsabilite koman Lasanble, pou kapab fer serten travay pou pei bouz devan.  Ankor enn fwa mersi bokou e Lasanble i adjourn, nou repran nou travay demen bomaten 9er.

 

            (ADJOURNMENT)