::
Home » Verbatim » 2020 » Verbatim Tuesday 10th March, 2020

Verbatim Tuesday 10th March, 2020

NATIONAL ASSEMBLY OF SEYCHELLES

Tuesday 10th March, 2020

 The Assembly met at 9am

 National Anthem

 Moment of Reflection

 Mr Speaker is the Chair

 

 

MR SPEAKER

Bonzour tou Manm Onorab.  E bonzour tou bann dimoun ki a lekout e pe swiv travay Lasanble Nasyonal.  Ozordi bomaten nou sesyon i enn ki spesyal akoz konman en Manm Lasosyasyon Parlmanter Commonwealth, nou pe mark Lazournen Commonwealth 2020,  dan en fason spesyal e nou annan nou bann envite dan Gallery ki’n vin swiv sa sesyon en serten pou osi pran par dan sa selebrasyon plitar parey zes senbolik kot nou pou met 3 plant dan later dan zarden.

Therefore, I would to express a warm welcome to his Excellency Mr Patrick Lynch, the British High Commissioner who is also the representative of the Queen the Head of the Commonwealth.  Mr Lynch is accompanied by his Liaison Officer Miss Jasmine Talma, Excellency a very warm welcome to you. 

I would also like to welcome the CEO of  NCC the National Council for Children Mr Jean-Claude Matombe, the CEO of the NYC Ms Penny Belmont, Sir Philip Morel Beau Vallon Secondary School Head Teacher, Sir Marc Bristol Mont Fleuri Secondary School, Head Teacher, and they are accompanying Shayanne Hoareau (who is a bit late she’s stuck in the traffic she will be joining us later on) and Misael Bristol the two students who addressed our house on the occasion of World Children’s Day in 2017 and 2019. 

They have been invited by The Media Youth and Culture Committee of The National Assembly, as an initiative to plant two coconut tree in the garden.  I also welcome their parents their mothers, Ms Patricia Hoareau the mother of Shayanne and Mrs Jennifer Bristol the mother of Misael.  

I would like also to welcome students of the Perseverance Secondary School who are being accompanied by their teachers Ms Nadia Figaro and Ms Hazel Renaud.  Lastly I would like to welcome Members of the Seychelles National Youth Assembly.  You are being accompanied by Ms Jeanita Ally and Ms Marie-Lou Louise.  Most of you are familiar faces here with us at the National Assembly as we have interacted on different occasions during your one year tenure.  

Again a warm welcome to the National Assembly all of you this morning. 

Today the Commonwealth Parliamentary Association celebrates Commonwealth Day 2020 and as its tradition we will read the Queen’s message for this special occasion.  We will then hear a message on the occasion of Women’s Day which we celebrated on Sunday this message will be read by Honorable Noline Sophola a Member the Parliament of the Woman Parliamentary Caucus.  

We will then proceed to the Commonwealth Garden where the British High Commissioner will plant a fruit tree to commemorate Commonwealth Day followed by Shayanne and Misael who will plant two coconut trees as a sign to protect coconut trees which are sadly becoming rare on our main islands.  

After that we will meet for tea in the lobby where Members will have a chance to interact with our visitors.  The Assembly will resume at 10am where we will continue with the work on the Order Paper.  I will now proceed to read the message from the Queen.

 Buckingham Palace. 

On Commonwealth occasions, it is always inspiring to be reminded of the diversity of the people and countries that make up our worldwide family.  We are made aware of the many associations and influences that combine through Commonwealth connection, helping us to imagine and deliver a common future.  This is particularly striking when we see people from nations large and small. gathering for the Commonwealth games. for meetings of Commonwealth Governments and on Commonwealth Day. 

Such a blend of traditions serves to make us stronger individually, and collectively by proving the ingredients needed for social, political and economic resilience. 

Throughout my life, I have had the opportunity to see and hear how Membership of the Commonwealth family means so much to those leaving in all parts of the world,  often in places that are quite remote.  Advances in technology and modern media have now enabled many more people to witness and enjoy – with remarkable immediacy – this experience of Commonwealth connection,  in areas such as in education, medicine and conservation.  

Look into the future, this connectivity means we are also aware, perhaps as never before that wherever we live, our choices and action affect the well-being of people and communities leaving far away, and in very different circumstances. 

For many, this awareness awakens the desire to employ our planet’s natural resources with greater care and it is encouraging to see how the countries of the Commonwealth continue to devise new ways of working together to achieve prosperity, whilst protecting our plannet. 

As Members of this very special community, on this Commonwealth Day I hope the people and countries of the Commonwealth will be inspired by all that we share, and move forward with fresh resolve to enhance the Commonwealth’s influence for good in our world.

 

Elizabeth R.’’

This is a message from the Queen on the occasion of Commonwealth Day 2020. 

 

(APPLAUSE)

 

MR SPEAKER

Bon prezan mon pou donn laparol Onorab Noline Sophola pou lir mesaz a lokazyon Lazournen Madanm, ki nou’n marke Dimans le 8 Mars.  Onorab Sophola.

 

HON NOLINE SOPHOLA

Bonzour e mersi Mr Speaker.  Bonzour tou Manm Onorab tou dimoun prezan e tou ki a lekout.  En bonzour spesyal pou tou bann Madanm Onorab, tou madanm e zenn fiy dan Sesel.

Mr Speaker, le 8 Mars nou ti selebre en zour tre enportan sa ti Lazournen bann Madanm sa lannen anba tenm ‘Each for Equal’.  Savedir nou kapab aktivman swazir pou challenge okenn diskriminasyon e unfairness.   Sa ava amelyor nou persepsyon pou kapab rezourd tou sityasyon e selebre lakonplisman bann madanm.  Kolektivman sakenn de nou, i kapab ede kree en lemonn kot i annan loportinite egal ant fanm ek zonm.

Ozordi i en privilez ki Komite bann Madanm dan Lasanble Nasyonal in donn mwan sa loportinite pou adres bann madanm lo en topik enportan, lo en levennman e lo en mouvman osi enportan.

O fir anmezir ki lenportans mouvman bann madanm in evolye, lenportans son selebrasyon lazournen in osi evolye.  Konman mouvman in pran en laform spesyal e konman en levennman in fer en zefor pou rekonnet e apresye progre ki bann madanm in fer lo nivo politik, ekonomik e sosyal, pandan sa plizyer deseni.  I en realite ki se nou bann madanm ki egalman responsab nou panse e nou aksyon.

Globalman tou bann madanm merit met tou zefor ansanm pou fer efas sa kestyon diskriminasyon.  Annou lit kont tou bann prezidis.  Si nou, bann Madanm nou arive fer sa, nou pou kapab tir sa bann fo konsep parmi popilasyon, e kree en lasosyete kot sa mo ‘egalite’ a ganny aksepte parmi bann  zonm ek fanm.

Kominote Nasyonal ek enternasyonal ti a kapab viv ankor plis dan larmoni.  Ozordi si mon e fer en tel lapel, i senpleman akoz nou rekonnet e krwar ki en loportinite egal ant zonm ek fanm, i esansyel pou ki lakominote Nasyonal ou enternasyonal i kapab prospere ekonomikman.

Ozordi mazorite nou madanm Seselwa pe travay kolektivman pou ed sa minorite madanm ki ankor pe sibir viktimizasyon ou prezidis dan lakour ou menm dan lakominote.

I nou swe pou war ki tou madanm Seselwa nou fer tande nou lavwa e realiz nou rev.  I annan bokou lakonplisman ki’n ganny rekonnet par bann madanm Seselwa byen for.  Tou sa i kapab ganny realize par en Gouvernman ki krwar dan bann madanm.  Akoz in konsider devlopman imen konman primordyal e fer lavwa, e fer Lalwa pou protez dwa bann madanm.

Bann madanm Seselwa ki dan lanplwa, bann ki dan lakour fodre ki toultan nou travay avek sa lespri kolektiv pou ki ansanm nou kapab fer nou kominote, nou landrwa travay e nou pei vin en landrwa pli egal, zis, e prosper.

Mon pou termin mon ladres par demande ki azanda 2020 pou nou bann Madanm i ‘empowerment’ pou ki ansanm nou ava vin pli determinen e realiz sa tenm ‘Each for All’ dan son totalite.

E mazinen ki sa tenm ‘Each for All’ i depan lo fason ki mwan, mon onor e tret mon lekor;- lafason ki ou onor e tret ou lekor, lafason ki nou onor e tret nou lekor avek respe.  Annou fer sa pou nou fitir zenerasyon bonn fet tou madanm.  Mersi pou zot latansyon.  Mersi Mr Speaker.

 

 

   (APPLAUSE)

 

MR SPEAKER

Mersi Onorab Noline Sophola.  Bon parey mon dir nou pou adjourn e nou pou proceed deor kot zarden kot nou pou al fer sa zes senbolik pou komemor Lazournen Commonwealth.

We will adjourn and we’ll proceed to the garden to do, to do the symbolic gesture of planting the three plants.  And I would like to invite Members and also our guest students and Members of the Seychelles Youth Assembly to accompany us to the garden and then we can come back in the lobby for tea.  So, we adjourn and the National Assembly will resume at 10hrs.

 

 

(BREAK)

 

 

MR SPEAKER

Bon nou ava kontinyen nou travay lo nou Order Paper e mon ava pas laparol avek Madanm Deputy Clerk pou Papers Laid.

 

MADAM DEPUTY CLERK

Mersi Mr Speaker.   Bonzour tou bann Manm e tou bann envite dan Galeri e tou bann dimoun ki pe ekout nou kot lakour.  Bann papye ki pe ganny prezante ce matin  i;-

Performance Audit Report by the Office of the Auditor General on Management of the Fuel Incentive Scheme Seychelles Fishing Authority.  Apre nou annan 5 S.I.

 S.I 20  of 2020.  Merchant Shipping (International Ship and Port Facility Security Code) Regulations of 2020.

S.I 21 of 2020 Road Transport (Prohibition of use of buggies and golf carts) Order 2020.

S.I 22 of 2020 Land Reclamation (Retrospective Authority) Order,  2020. 

S.I 23 of 2020 International Business Companies (Amendment of Second Schedule) Regulations 2020.  E dernyen;-

S.I 24 of 2020 Immigration (Amendment) Regulations of 2020.  Mersi Mr Speaker.

 

MR SPEAKER

Mersi Madanm Deputy Clerk.  Nou ava kontinyen lo nou Order Paper nou ava move lo First Reading pour Public Bills.  Ankor Madanm Deputy Clerk.

 

MADAM DEPUTY CLERK

Mersi Mr Speaker.  Premye i;-

 The Anti-Corruption (Amendment) Bill

‘This Act may be cited as The Anti-corruption (Amendment) Act 2020 and shall come into operation on such date as the Minister responsible for Finance may appoint by notice publish in the Gazette’.  

2enm i,

‘The Financial Institutions Amendment Bill;-

‘This Act may be cited as the Financial Institutions (Amendment)  Act 2020 and shall come into operation on such date as the Minister responsible for Finance may appoint by notice publish in the Gazette’.  

3enm i,

The Financial Services Authority (Amendment) Bill,

 ‘This Act may be cited as the Financial Services Authority (Amendment)  Act 2020 and shall come shall come into operation on such date as the Minister responsible for Finance may appoint by notice publish in the Gazette’.  

3enm i Foundations (Amendment)  Bill, 2020,

‘This Act may be cited as the Foundation (Amendment) Act 2020 and shall come into operation on such date as the Minister responsible for Finance may appoint by notice publish in the Gazette’.  

5enm i

International Business Companies (Amendment), Bill ‘This Act may be cited as the International Business Companies (Amendment)  Act 2020 and shall come into operation on such date as the Minister responsible for Finance may appoint by notice publish in the Gazette’. 

Lot i Limited Partnerships (Amendment),  Bill

‘This Act may be cited as the Limited Partnerships (Amendment)  Act 2020 and shall come shall come into operation on such date as the Minister responsible for Finance may appoint by notice publish in the Gazette’. 

Dernyen i

Securities (Amendment) Bill;-

‘This Act may be cited as the Securities (Amendment) Act 2020 and shall come shall come into operation on such date as the Minister responsible for Finance may appoint by notice publish in the Gazette’.  Mersi Mr Speaker.

 

MR SPEAKER

Mersi Deputy Clerk.  Sa bann Bills ki devan nou ki nou’n fer First Reading i bann Consequential Bills ki swiv travay ki nou’n fer semenn pase AML avek BO Bills.

As the Bills have been read for the first time, I order them to be read a Second Time at a date that will be set and so recorded in the Record of Proceedings.  Bon avan mon pran lot prosen biznes ki lo Order Paper mon ava donn laparol Onorab Ramkalawan.

 

HON WAVEL RAMKALAWAN

Mersi bokou Mr Speaker.  E Mr Speaker premyerman permet mon pou ankor enn fwa prezant avek ou mon leskiz pou semenn pase kot mon’n absante parske i annan sa Commission Of Enquiry.  Mr Speaker i annan de pti pwen ki mon ti ava kontan port a ou latansyon pou konsidere.  Premyerman Mr Speaker mon’n ganny aprose par plizyer dimoun lo espesyalman avek sa size COVID-19 ki en size ki annan gran lentere Nasyonal.

E i annan bokou lenkyetid ki pe ganny eksprimen me an menm tan osi parey toultan nou dir dan en moman, kot i annan konsern en pei i vin ansanm pou eksprim solidarite pou nou konman en sel Nasyon fer fas avek bann challenges.  E mon konnen ki poudir la pou le moman nou lafason ki sa de premye semenn;- semenn pase avek sa senmen keksoz in deroule nou’n focus  lo bann Bills ensidswit.

Mon pe zis demande si e ou ava diriz mwan si petet semenn prosenn, mon ti anvi anvoy en PNQ pou ki semenn prosenn nou ti ava kapab envit bann diferan Lazans ki konsernen avek sa par egzanp Lasante, Tourizm, Finans, Komers ek Lagrikiltir, pou zot kapab donn nou en pe sityasyon aktyel pou prezant avek nou zot analiz, stratezi e plis ki sa zot prozeksyon.  Pou ki nou pep i ava ganny byen enformen letan tou sa bann Lazans i ava la pou nou kapab regarde ki mannyer nou ava kapab prepar nou byen menm.  E parske ziska aprezan nou Lasanble Nasyonal nou pa ankor adres sa size  ki sitan enportan e meyer fason se pou nou annan tou sa bann Lazans.

So mwan, mon pe zis met sa a ou latansyon e mon konnen poudir i annan en ABC ki zot ava kapab konsider sa, pou ki semenn prosenn keksoz i ava, nou ava konmsi ganny sa lespas pou nou kapab adres sa.  E nou war ki poudir dan rezyon, dan la rezyon par egzanp Moris  zot in fer egzakteman sa dan zot Parlman semenn pase kot zot in –  Konmsi zis pou ki dimoun i ava edike e alors konman en pep nou ava kapab pli byen montre nou, nou solidarite.  Mr Speaker sa i premye pwen.

2enm pwen ki mon ti a kontan met a ou latansyon parey ou konnen yer mon pa ti asiste Leaders Forum, me selman mon ti anvoy 2 pwen lo pou met lo agenda.  E enn sa bann pwen sete egzakteman parey mon ti’n dir dan Lasanble konsernan sitwayennte Mr El Materi.  E bomaten mon’n antre an kontak avek Mr Mohamed Afif ki Sekreter Leaders Forum e si ou permet mwan, mon ti ava zis lir sa pti bout ki li in dir.  I dir with regard, konmsi zis pou nou put everything to rest in dir;-

‘’With regard to the case of the citizenship of Mr El Materi, the Forum noted that the matter had never been raised in the Forum nor will it be appropriate to do so.

Furthermore the President’s letter to you of 5th April 2018 had confirmed that the President has not at any time discussed the matter with you.’’

 With Kind regards M. Afif

Secretary to the Leaders Forum.

Mon pe met sa ankor Mr speaker e mon ava fer ou ganny en kopi sa, sa text ki Mr Mohamed Afif, Secretary Of State in anvoy kot mwan so that once and for all dan sa Lasanble Nasyonal this matter i ava ganny konsidere konman en matter ki’n mor, e ki i pa ava ganny raise ankor!  Mersi bokou Mr Speaker.

 

MR SPEAKER

Mersi Onorab Ramkalawan.  Bon zis mon a fer en pti komanter lo le de pwen mon a pran a pran dernyen avan.  Swivan mon ruling semenn pase osi tou mon ti’n fini met the matter to rest ok?  E lo sityasyon Coronavirus mon’n osi an kontak avek plizyer Manm dan Gouvernman, me mon’n plizoumwen reste en pti pe a lekar, pou donn sans Lotorite konsernen ki zot in setup bann diferan akter  ki pe fer bann preparasyon pou nou kapab fer sir ki sa viris pa ariv Sesel, oubyen si i ariv Sesel ki mannyer nou pou nou tackle li.

Mon’n plito les zot fer zot travay e ki mon krwar ki en travay ekselan ki zot pe fer ziska maintenant.  Me dan tou sa mon poudir ozordi dan lemonn lapres ki pe fann laterer i pa zis Coronavirus ki pe fann laterer me se lafason ki lapres pe anmenn sa sityasyon e pe raport lo sa sityasyon.  Bomaten mon’n ganny en lenformasyon ki la bomaten Heathrow Airport i parey en ghost townOk?  E sa ankor i swiv bann lartik dan lapres ki pe fer ki dimoun pe panik.  Sesel osi tou mon pe ganny sa bann tandans akoz menm semenn pase i malere me mon pou bezwen partaz sa avek zot.

Semenn pase kot nou ti pe diskit de Prozedlwa ki vreman enportan pou nou pei, mon ti ganny en mesaz sorti kot en sitwayen ti menm demann mwan ki nou pe fer dan Lasanble.  Lasanble i devret lo por anpes en bato krwazyer antre e anpes sa bann dimoun debarke.  So vwala en pti pe fason ki nou spread keksoz par-ler ki nou fer dimoun panik.  Annou pa fer dimoun panik.  Me byensir ou pwen in ganny pran on board nou annan ABC Meeting taler 1er nou ava pran sa onboard.

Me semenn prosenn osi nou ti anvi konsantre lo bann Bills ki nou fer First Reading i plizoumwen bann short amendments avek bann diferan Lalwa ki deza la.  Me nou ava regarde swivan meeting ki nou pou fer toutaler si nou a kapab allow en PNQ kot enn fwa pou tou Lasanble a ganny sans pou li adres sa sityasyon – ok?

Bon nou pou kontinyen avek nou travay.  Nou annan en lot sityasyon ki ankor premye fwa i ariv dan Lasanble Nasyonal dan 3enm Repiblik, e petet parey labitid mon kontan fer serten komanter pou nou edik nou bann dimoun osi tou, ki pe swiv nou lo lafason ki nou pe travay e ki rezon nou pe fer serten travay.

So, mon ti ava kontan enform tou bann Manm e tou dimoun ki pe swiv travay Lasanble Nasyonal, ki nou annan en lot sityasyon parey mon’n dir ki en premye devan nou Lasanble Nasyonal.  Sa i en Lalwa ki Lasanble Nasyonal ti pase lannen pase e ki Prezidan pa’n aprouve oubyen pa’n sinyen sa Lalwa se Physical Planning Act.  Dapre Lartik nou Konstitisyon Lartik 88, ler en tel sityasyon i arive Prezidan i retourn sa Lalwa kot Lofis Speaker e i osi donn son rezon akoz i pa’n sinyen.

Sa alor i konmans sa prosedir konstitisyonnel e apre en peryod 3 mwan apre dat ki Prezidan ti devret sinyen Lasanble Nasyonal par re-notis i aprouv par en vot pa mwens ki 2tyer bann Manm pas en rezolisyon pou sa Lalwa ganny prezante avek Prezidan ankor enn fwa pou li sinyen.  Me si Lasanble pa ganny en vot 2tyer, i vedir ki sa Lalwa i mor.  E dan tou lede ka lofis Speaker i bezwen raport desizyon ki Lasanble Nasyonal i pran ek Prezidan.

Alor vwala sityasyon ki devan nou e parey mon dir i premye nou pe pran li avan ki nou al lo Second Reading Civil Code pou nou kapab dispose of e nou a konsantre nou travay lo Civil Code.  Alor anvi ki nou Standing Orders i silans lo lafason ki nou pou fer li nou pou swiv en pti pe Konstitisyon e avek konsey Onorab Bernard Georges se mon ki pou move sa Notis from the Chair.  E Notis i lir konm swivan:

This Assembly resolves that the Physical Planning Bill 2019 should again be presented for the President’s assent.’’

Alor zis pou nou fer bann prosedir mon ava demann en Manm from the floor to second the Notice.  E si i annan okenn Manm petet mon pa pou allow en gran deba and then nou ava proceed pou nou pran en vot.  Yes Onorab Ferrari.

 

HON JEAN-FRANCOIS FERRARI

Mr Speaker.  Mon ti ava kontan segonn sa Notis.  Mersi.

 

MR SPEAKER

Mersi.  Parey mon dir mon pou allow en short deba si annan okenn Manm ki anvi dir keksoz lo la.  Si non nou pou pran en vot e parey Konstitisyon i stipulate, nou bezwen 2tyer. Okenn Manm i oule dir en pti parol lo la?  Yes Onorab William.

 

HON WAVEN WILLIAM  

Mersi Mr Speaker.  Bonzour tou dimoun ki a lekout.  Mr Speaker lefe ki sa Prozedlwa in ganny diskite en pe letan pase e lefe ki parey ou’n dir ki Prezidan pa’n assent.

E mon pa konnen si Chairperson Bills Committee i annan lenformasyon akoz mon krwar pou piblik i enportan ki nou piblik i azour avek ki pe pase.  So pou donn en pti pe lesplikasyon ki bann pwen kontansyon ki annan akoz i pa zis bon ki nou zis pran en vot.  Me parey mon dir, sa Bill in vin dan sa Lasanble lannen pase e i enportan ki nou kapab met en pti pe azour egzakteman kwa ki an kontansyon.  Mersi Mr Speaker pou donn mwan laparol.

 

MR SPEAKER

Mersi Onorab William.  Mon krwar anvi ou komanter ou’n mansyonn Bills Committee e mon’n angaze osi lo sa size avek Onorab Georges.  Mon ava demann Onorab Georges pou donn en pti lesplikasyon kwa ki rezon, ki rezon ki Prezidan in fer retourn sa Bill kot Lasanble Nasyonal.  Onorab Georges.

 

HON BERNARD GEORGES

Mersi Mr Speaker.   Bonzour tou dimoun.  Mr Speaker rezon Prezidan i in ganny mete an plen dan sa Notis, ki lo Order Paper e sa se tou rezon ki Prezidan in donnen.

Lartik 88 i dir ki ler Prezidan pa pare pou donn son assent a en Bill ki’n pase devan sa Lasanble e i fer retourn dan Lasanble pou fer li ganny en vot 2tyer i bezwen donn son rezon akoz i pa’n assent.  E sa se pou enform e etik Lasanble lo son rezon dan en fason ki Lasanble prezan i kapab an regardan sa bann rezon deside si zot pou vot an faver ou non.  E son rezon avek ou permisyon mon ava lir li i ti an Angle dan son let ki’n adres avek ou.  E ki’n ganny reprodwir an italics dan sa Notis son rezon se sa enn: ‘Section 9 (1) (a) of the Physical Planning Bill there requires that the Chairperson and seven Members of the Board of the Planning Authority be appointed on the recommendation of the Constitutional Appointments Authority’. 

CAA parey nou apel li.  ‘The Members of the Board of the Planning Authority are not Constitutional Appointees.  The appointments are made by the Executive.  The functioning of the Planning Authority is subject to auditing and to such oversight as may be exercised by the Legislature in accordance with the Constitution’.  Pwen.  Sa se rezon Prezidan, in other words ki i pa dakor avek lafason ki bann Manm lo Planning Authority dan sa Bill ti pou ganny selekte setadir par CAA.  E li i trouve ki sa se Egzekitiv ki devret fer avek oversight Lasanble.  Mersi Mr Speaker.

 

MR SPEAKER

Mersi Onorab Georges.  Yes Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker mon ti ava kontan zis met lo rikord ki poudir sa bann rezon ki Prezidan in donnen, i pa vreman valab pou sa bann rezon swivan.

I dir ki Seksyon 9 (1) sa ki ‘’… Chairperson avek Members of the Board shall be appointed under recommendations of the Appointments Authority – CAA.’’  E i dir ki, ‘’the Members of the Board of the Planning Authority are not Constitutional Appointees.’’  Mon ti ava kontan zis note ki poudir nou’n servi, nou’n servi CAA pou dan bann lezot lenstans pou zot fer bann swazir bann dimoun ki pa Constitutional Appointees pou ki Egzekitiv atraver Prezidan apre sa i ganny nonmen.

E la mon ti ava konnen spesifikman mansyonn Truth and National Reconciliation Commission ki sa bann dimoun they are not Constitutional Appointees, me dan Lalwa ki nou ti pase, ki nou konman en Lasanble nou ti pase nou ti mete ki poudir se zot lapwentman bann Manm bann Commissioners pou ganny apwente atraver rekomandasyon CAA. 

So i deza annan presedans kot CAA i swazir bann dimoun ki fer, ki apre zot fer rekomandasyon avek Prezidan e li i fer sa lapwentman final.  Alors sa premye pwen  ki i pe dir la i pa bon. 

2enm pwen ki’n fer resorti i dir ki,

‘‘The functioning of the Planning Authority is subject to auditing and to such oversight as may be exercised by the Legislature in accordance with the Constitution’’.  

Be ankor enn fwa nou war kot dan sa menm Lalwa Truth And National Reconciliation nou’n mete ki poudir ki mannyer zot auditing pou ganny fer e ki zot auditing pou ganny fer par Auditor General.  Savedir ki zis konman zis konman auditing i ganny fer atraver Auditor General i swiv ki Auditor General son rapor i ganny prezante avek Lasanble Nasyonal e se nou ki annan sa oversight atraver FPAC.

So mon anvi dir ki tou lede rezon ki’n donnen, se bann rezon  ki pa debout akoz nou annan bann presedans kot Lasanble Nasyonal in pas serten Lalwa.

E apre li menm li Prezidan e la mon pa pe koz en lot Prezidan, mon pa pe koz en lot Prezidan mon pe koz Prezidan Faure li menm ki’n assent.  E alor mwan, mon war ki poudir i annan son rezon ki in donnen i en pe, i en pe capricious parey nou dir an Angle.  Parske lo en kote – enn – i sinyen i assent e apre i fer son travay me lo lot kote Planning Authority sa i deside pou li pa assent e pou li retourn, retourn Bill kot nou.

Si i ti annan en pozisyon ferm i ti’n devret ki letan nou ti anvoy premye Bill kot li ki ti met CAA ladan i ti’n devret pa assent retourn kot nou.  Me lefe ki, lefe ki  i pa’n fer sa mwan,  mwan mon krwar ki nou Lasanble Nasyonal an swivan nou responsabilite mon krwar e pou bann rezon ki mon’n donnen.  Mon krwar ki nou Lasanble Nasyonal i devret aprouv sa Bill aprouv sa rezolisyon avek en mazorite 2tyer pou ki dan sa fason sa Lalwa ki bokou dimoun pe espere i ava ganny assented to.

E nou ava kapab travay parske Mr Speaker parey ou konnen dan sa Physical Planning Bill i annan kantite keksoz enportan;- par egzanp access to the beach ki i ladan.  Ok  nou pou pran li osi tou dan nou Civil Code  me laba i ganny, i ganny mete dan en fason spesifik.  E an plis ki sa i annan bokou bann lezot eleman ki depas sa de pwen la ki Prezidan in mansyonnen.

Si mon ti ava konpran si Prezidan ti ava dir ki i annan serten pwen dan sa Bill ki li atraver konsiltasyon ek son Attorney Zeneral oubyen avek Lakour Konstitisyonnel in war ki poudir i pa konstitisyonnel.  Si i ti’n met sa konman son rezondet,  la aprezan mon ti ava dir ki Lasanble Nasyonal i devret pran sa pwen sa bann pwen o serye.

Me napa okenn pwen konstitisyonnel e napa nanryen ki diferan avek bann lezot Lalwa.  E alor pou sa bann rezon, mon krwar Mr Speaker anba Lartik 88(2) nou Konstitisyon nou devret konman en Lasanble pran nou responsabilite e vot 2tyer e retourn sa Bill kot Prezidan.

Parske sansan, sansan parey ou’n, ou’n fer mansyon sa Bill i mor! Sa Bill i mor konpletman.  E pou li kapab retourn dan Lasanble i pou bezwen al konmans depi konsepsyon;- i pou bezwen annan en nouvo konsepsyon.

E apre sa pas dan First Reading ganny Gazetted annan sa menm deba ki nou’n fer e annou pa bliye ki poudir nou Konstitisyon e nou Standing Orders i osi koz lo dan bann lenstans parey.  Si i en nouvo soz ki kantite letan apre ki nou pou kapab re-debat ankor lo menm size.  Tousala nou Standing Orders nou bezwen pran an konsiderasyon.  Alor pou tou sa bann rezon mon ti ava dir avek mon bann koleg espesyalman lo lot kote latab annou move forward e annou, annou aprouv sa rezolisyon avek 2tyer.  Mersi bokou Mr Speaker.

 

MR SPEAKER

Mersi Onorab Ramkalawan.  Mon a donn laparol Onorab Sebastien Pillay.

 

HON SEBASTIEN PILLAY

Mersi Mr Speaker.  E bonzour tou koleg Onorab.  Bonzour le de Leaders.  E bonzour tou bann etidyan dan galeri e tou dimoun ki pe ekout nou.  Mr Speaker i enportan pou nou etabli serten eleman fondamantal otour rezondet ki Egzekitiv in war li neseser pou zot pa assent avek sa Lalwa e sa bann rezondet i trouve dan lafason ki sa Lalwa in ganny amande oubyen in ganny sanze.

E sa i relye avek son rol Egzekitiv ki i annan.  Planning Authority i annan en rol pou li egzekite;- savedir bann keksoz annan pou fer ek egzekisyon savedir travay, fer bann aksyon se Egzekitiv ki fer.  Sa se rol Egzekitiv nou pa kapab melanz diven avek delo e konpar Planning Authority avek Truth and Reconciliation i de diferan ambit ;-i de diferan keksoz nou pa kapab konpar Planning Authority avek SBC i de diferan ambit i de diferan keksoz.

Nou pa kapab konpar Planning Authority avek SBC i de diferan ambit i de diferan keksoz.  Tou lede TRNUC e SBC i bezwen annan serten lotonomi serten lendepandans ki ganny egzerse anba lafason ki apwentman i ganny fer pou asire ki persepsyon piblik anver latransparans.  E persepsyon ki sa bann Lotorite konsernen pou fer zot louvraz dan en fason kler i ganny mentenir par lefe ki ou annan en nivo ki ede pou swazir bann dimoun ki form parti sa de antite.

Nou bezwen aksepte osi poudir anba fonksyon Egzekitiv i annan bann antite sa ki ou apel en devolved autonomy savedir lotonomi pou zot fer bann aksyon.  E sela kot CAA i antre pou li ede dan bann lapwentman nou kapab koz lo ACCS, nou kapab koz lo lezot bodies ki annan en fonksyon spesifik me ki pa en fonksyon egzekisyon ki egziste anba rol ki Egzekitiv.

Mon ti a kontan ki Lasanble i not a Lartik 66 nou Konstitisyon.  Lartik 66 nou Konstitisyon i donn Prezidan Larepiblik as Head of State sa rol Egzekitiv.  Sa rol Egzekitiv bezwen ganny egzerse par bann antite ki Prezidan li menm in met an plas pou asire ki i kapab fer en travay ki i fair.

Sa ki’n arive ek sa lamannman ki nou’n propoze dan sa Lalwa i retir sa rol Egzekitiv, i retir sa rol egzekisyon dan Planning Authority par fer ki bann dimoun ki sipoze lo sa Board.  I pa pou kapab vin lo sa Board par le sans ki nou pa’n spesifye lekel sa bann dimoun ki vin lo sa Board parey Lalwa ti pe fer.  E nou les sa dan en fason ouver.

Vi ki nou kontan servi legzanp lezot pei mon ti ava kontan sit de legzanp Mr Speaker de pei ki mon krwar bokou Manm Lasanble pou familye avek zot.  Premye pei se Singapore, Singapore i annan sa ki nou apel Urban Redevelopment Authority.  E li anba seksyon 4 i prevwar ki i annan bann Manm Board e bann dimoun ki sipoze antre lo sa Board.

E tou sa bann Manm Board i ganny apwente par sa Minis ki ansarz Urban Redevelopment Singapore.  Anba son seksyon 1 i fer provizyon ki mannyer sa bann Manm i ganny apwente.  Nowhere eski i dir ki sa bann Manm pou ganny apwente par en lot Lotorite apard ki Lotorite Egzekitiv ki annan rol egzekisyon.  Moris, Moris i annan Planning Commission of Mauritius, the National Planning Commission.

Anba son Seksyon 6 i prevwar ki mannyer sa bann dimoun pou ganny apwente.  E Moris i al pli lwen Moris i spesifye lekel ki devret lo sa Board.  Parey sa Lalwa ti orizinalman fer ti pe spesifye ki bann reprezantasyon lo sa Board ti pou enkli en dimoun sorti kot Departman Labita, en dimoun sorti kot Departman Lanvironnman, en dimoun sorti kot bann lezot Departman Gouvernman ki annan pou fer avek Public Health.  So rezondet sete pou asire ki sa bann dimoun i annan en reprezantasyon.  E Moris Moris i fer kler dan son Lalwa kot i dir ou poudir ‘the Board shall comprise of these Members’ sa bann Manm i bezwen lo sa Board.

Sa ki Lasanble in fer in esansyelman retir sa travay sa provizyon Egzekitiv e les sa dan lanmen en lot Lotorite ki li i napa nanryen pou fer avek egzekisyon.  Sa ki rezon, sa rezon ki Egzekitiv in donnen i kler i net akoz sa rezon ki Egzekitiv in donnen i osi trouve dan nou Konstitisyon par lefe ki Lasanble anba sa Konstitisyon ki dan mon lanmen i annan Legislative oversight lo tou aksyon ki Gouvernman i fer.  So an rezimen Mr Speaker rezon ki’n ganny donnen i en rezon ki valab, i pa en rezon ki kaprisye. Par lefe ki si sa rezon ti en rezon ki kaprisye Prezidan, Prezidan ti ava’n osi akt dan en fason kaprisye ler nou ti servi CAA pou apwent CEO ACCS oubyen ler nou ti servi CAA pou nou apwent TRNUC.

Mon krwar nou bezwen kapab separ le de.  Napa okenn largiman ki pou zistifye.  Malgre ki nou mete dan en lot Clause subsidiary ki i a bezwen pran en dimoun from there nou pe retir, nou pe retir Executive power from sa Lotorite ki Konstitisyon i donn li pouvwar Egzekitiv.  E mon krwar pou sa rezon fondamantal, pou sa rezon fondamantal sa Lalwa i bezwen ganny retournen dan en form ki a permet nou war en Lalwa ki anmenn egzekisyon.  E permet nou zisteman pou fer oversight lo en Lalwa ki pe fer egzekisyon.

Avek sa Mr Speaker mon submit ki Manm Lasanble nou devret seryezman konsider rol ki nou zwe ozordi e konpran lenportans ant lendepandans e trwa brans Gouvernman.  Nou osi konpran lenportans ki annan brans Gouvernman ki bezwen annan sa freedom pou fer egzekisyon.  Mersi Mr Speaker.

 

MR SPEAKER

Mersi Onorab Sebastien Pillay.  Mon a donn laparol Onorab Bernard Georges.

 

HON BERNARD GEORGES

Mersi Mr Speaker.  Mr Speaker mon pa ti anvi pran laparol me mon krwar i annan detrwa keksoz ki  i enportan pou bann Manm konnen avan ki nou proceed to a vote.

E sa se ki, ki lide deryer 88, Lartik 88 nou Konstitisyon e ki i prevwar.  E i al en pti pe pli lwen ki in ganny diskite bomaten.  Premyerman si sa Bill i fail bomaten setadir si i pa ganny 2tyer tou bann keksoz dezirab ladan parey Onorab Leader Lopozisyon in dir pou ganny zete.  Nou pe zet pti baba ansanm avek delo bake tousala pou ale good, the bad, the ugly tou keksoz i ale.  Sa se premye.

E sa Bill pou bezwen parey Onorab fek koz avan mon in dir i bezwen retourn isi from the start e nou ava revwar li e kekfwa sa enn ki ava retourn devan nou i ava annan tou sa bann bon keksoz ladan, me i pa pou sa seksyon ki Prezidan pa dakor avek.

Ler sa i arive sa ki riske arive se ki Lasanble pou trouv li pe fer menm deba ankor enn fwa lo menm pwen e se pou sa rezon ki mon ti anvi koz en pti pe la bomaten.

2enm keksoz ki Lartik i dir nou se ki si ariv, i arive ki nou vot 2 tyer, par 2tyer pou aprouv sa Bill ozordi e al kot Prezidan e Prezidan i still pa assent o bout en serten peryod letan ki 2 semenn i pou ganny deemed konmkwa in assent.  Alor Bill pou vin anfors menm si Prezidan pa assent se pou sa rezon ki ou bezwen rod 2tyer e non pa en senp mazorite lo son 2enm pasaz.  Me mon krwar ki i annan enn de pwen fondamantal e filozofik ki, ki pa’n ganny fer ozordi ki mon ti ava kontan fer;-

Premyerman ler nou ti pe diskit sa Bill e a plizyer repriz isi menm dan sa Lasanble kestyon in ganny leve lo rol CAA.

Eski CAA i devret reste konman en Constitutional Appointment Authority oubyen etandonnen ki dan plizyer Bill Onorab Leader Lopozisyon in mansyonn enn me dan email ki mon’n ekri ou Mr Speaker ler ou ti rod mon konsey mon’n donn en lalis.  I annan senk, sis, set Bill kot CAA in ganny mandate par nou pou apwent bann Manm, bann Manm lo en Board oubyen lo en Komite.

Eski CAA i devret war son rol sanze e vin pli larz e vin en Appointments Authority olye en Constitutional Appointment Authority, akoz i annan deza en bon database bann dimoun ki’n interview eksetera pou bann lezot Lazans kot in apwente?

Sa se en deba pou en lot zour pa ozordi me i en deba ki deryer sa ki, sa ki nou pe fer la.  Dezyenmman i vre ki dan serten lezot pei lalis bann dimoun ki Planning Authority in deza ganny fikse.  E de sa proze ki ti vi devan nou osi sa ti leka e ler, ler deba ti leve lo rol CAA eski CAA ki devret apwente oubyen eski Egzekitiv i devret annan en say?

Sa ki nou’n fer nou’n mete dan sa Bill ki CAA will consult with the Ministry e nou’n met sa kler.  E mwan, mon ti demande si Minister zot in dir non Ministry nou pou konsilte alor CAA pa ti pou azir li tousel li me i ti pou antre dan konsiltasyon avek Minis, Minister pou deside lekel bann dimoun ki Minister ti a kontan war e li prezan i ti ava fer sa travay triyaz e rekomandasyon.

Trwazyenmman se Prezidan ki toultan apwente menm si CAA i swazir se Prezidan ki apwente, akoz se Prezidan ki’n ganny elekte konman Sef Egzekitiv.  Alor i pa byen poudir ki se CAA ki pou apwente CAA son rol i konman en fasilitater selman se Prezidan ki at the end of the day ki annan sel pouvwar apwente.

E finalman 4enm pwen ki mon ti anvi ki nou reflesir lo la se ki Planning Authority i pa en brans Egzekitiv i pa byen sa.  Sa parol mon pa krwar i byen.  I en Lotorite endepandan avek Egzekitiv that’s why it’s the Authority.  I pa en Departman dan Minister Planning.  I en Lotorite endepandan ki pran son desizyon si i ti pou en, si i ti pou en Departman Minister Planning personn pa ti pou kontan akoz i ti pou Departman en Minister politik e i ti pou annan en kantite, kantite issues ler i refiz Planning Permission kot i devret donnen oubyen i donnen kot i devret refize.

Alor se pou sa rezon ki en Lotorite separe se pou sa rezon ki CAA  ti’n ganny mete konman sa Lotorite pou divors, pou divors li e pou met li konman en Lotorite endepandan avek Gouvernman.  Si non parey in ganny dir pa ti pou bezwen en Lalwa.  Donk vwala bann pwen ki, ki i devret, ki nou devret reflesir lo la ozordi avan ki nou proceed a en vot enformen.  Mersi Mr Speaker.

 

MR SPEAKER

Mersi Onorab Georges.  Bon mon ava pran en dernyen entervenan, apre nou ava an menm tan i ava donn zot sans pou reflesir avan nou pran en vot.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour tou Manm Onorab e tou dimoun ki a lekout e tou bann zanfan ki la dan nou Lasanble ozordi.  Mr Speaker mwan, mon’n ekout byen ki pe pase la premyerman mon pa war rezon ki nou ti devret annan en deba lo sa Mosyon.

Sa Mosyon i la devan nou.  I straight forward li anba Lartik nou Konstitisyon e nou Standing Order e i devret ganny vote lo la pou kont e si i pas son 2 tyer i ok si i pa pase i tonbe.  E les li in ariv koumsa i byen.  Mwan, mon krwar ki deba ki devan nou i kler, Prezidan in pran son prerogative anba Lalwa anba Konstitisyon.

E in war rezon e in mete rezon parey ou menm ou’n site, sa ki pe avanse devan Onorab Georges e ensidswit i pa tenir, i pa fer sans.  Zour – mwan, mon krwar mon zour CAA i a son rol zour son rol a sanze filozofikman parey ou servi la le pwen i ava ganny konsidere.  Until then i montre ou poudir nou Lasanble parfwa pa serye Mr Speaker!

Onorab Georges in annan lodas dir nou poudir i annan propozisyon ki’n ganny mete dan Lasanble, pou konsider sa ki CAA ti dir ensidswit e ki la avek lamannman i ti ava ganny konsidere.  Be lekel ki’n propoz sa lamannman? Lekel ki ti segonde?  Lekel e konbyen ki’n vot lo sa lamannman ki ou pe propoze, ki ou dir i ti’n zot ti diskite?   Be si ti diskite be ti a ganny propoze par zot menm zot an mazorite.  Ti a ganny segonde ti a ganny vot lo la.  Then zot ti ava sanz sa ki zot anvi sanze! ou war poudir zot pa’n fer li.  So mwan, mon krwar poudir si zot anvi sa Lalwa i ganny re-amenn dan Lasanble sa bann pwen pozitiv ki zot in mansyonnen i a reste li.

Prezan sa ki fodre sanze i ava sanze, e la sa si i annan en pwen kontansye ki’n ganny leve ki Prezidan i annan rezon, Prezidan i byen ki’n fer.  E mwan, mon siport li e pep Seselwa i bezwen konpran poudir Lasanble i pa kapab zwe rol Egzekitiv dan sa pei.

 

(APPLAUSE)

 

HON CHARLES DE COMMARMOND

Nou annan en separasyon pouvwar, les Egzekitiv zwe son rol!  E se sa rezon ki ou war i annan plizyer retar dan nou Gouvernman ozordi, se akoz lenterferans Lasanble dan travay Egzekitiv i tro bokou!

E la mon demande ki Lasanble i met son lipye ater, e mon lans en lapel pou bann Manm ki lot kote latab pou zot pa aprouv sa Mosyon ki devan nou e siport Prezidan pou fer ki pei i avans pli byen e pli devan dan en fason pli fantastik!

E mwan, mon demande alor ki, mon demande alor ki nou, nou fer tonbe sa e ki fransman les Egzekitiv a moman apropriye, let us kill the Bill now and then amann li plitar.

E la prezan bann lamannman ki zot pe demande zot ava annan lodas e pouvwar e kapasite pou zot propoz devan Lasanble zot mazorite donn zot a fer balye pou ale!   Mersi bokou Mr Speaker.

 

 

(APPLAUSE)

 

 

MR SPEAKER

Mersi.  Yes Onorab Ramkalawan.

 

HON WAVEL RAMKALAWAN 

Mr Speaker.  Mon ti ava kontan zis si ou eklersi nou parske Onorab De Commarmond in dir fodre ki Lezislatif i arete enterfer dan travay Egzekitiv.  Be mon ti ava kontan si ou zis eklersi nou.  Letan, letan sa Bill pa pase par 2tyer i mor pou li repase, eski pa i bezwen retourn ankor dan Lasanble Nasyonal?

 

(laughter)

 

 

HON WAVEL RAMKALAWAN 

Alor ki i a pe sey dir eski i a pe sey dir fodre ki Lasanble Nasyonal i fermen e ki nou retourn dan Parti Inik kot zot ava pran desizyon?  Vreman?  Annou aret ridikil don!

 

(APPLAUSE)

 

 

MR SPEAKER

Mersi.

 

HON CHARLES DE COMMARMOND

Mr Speaker zanmen mon dir sa ki i pe dir.  Ok?

 

(Interruption)

 

MR SPEAKER

Non, non mon pa pou entertain sa deba.  Bon mon krwar nou’n exhaust sa deba lo sa Notice.  Nou’n ariv moman pou nou pran en desizyon pou Lasanble vote lo si pou retourn sa Bill kot Prezidan pou assent to.

E la kot nou bezwen 2 tyer savedir 22 vot e si non.  Onorab 22 vot i form 2tyer Lasanble.  Vot i bezwen konpri tou Manm Lasanble Nasyonal.

I annan 33 Manm savedir 2tyer i 22 vot.  Bon, Onorab two thirds of all Members of the National Assembly ok?  Bon nou pou pran en vot tou Manm ki an faver pou fer Bill pou re-vot sa Bill pou retourn kot Prezidan pou assent to mon ava war en show of hands.  Tou Manm ki an faver?  Ok tou Manm ki kont?  Ok Madanm Deputy Clerk donn nou en count.

 

MADAM DEPUTY CLERK

Mersi Mr Speaker.

 

 

(Interruption)

 

 

MR SPEAKER

Bon, Order! Order!  Madanm Deputy Clerk anons rezilta.

 

MADAM DEPUTY CLERK

Mersi Mr Speaker.  Mon’n rikord 15 Manm ki’n vot an faver.  E 10 Manm ki’n vot kont.  Mersi.

 

MR SPEAKER

Mersi Madanm Deputy Clerk.  Savedir sa Notis in ganny defet.  Sa Bill Physical Planning Bill 2019 in ganny defet.  E nou pe nou servi the term dead,mor’ me zis i en manner of speech ok?  Bon, yes Onorab Clifford Andre.

 

HON CLIFFORD ANDRE

Mersi Mr Speaker.  Bonzour tou Manm Onorab.  Bonzour tou bann envite.  Mr Speaker mon konnen ou’n dir ki 22 Manm.  Me selman mon ti ava kontan atir ou latansyon avek Lartik 96 Konstitisyon ki dir, ‘‘subject to this Constitution questions before meeting of the National Assembly shall be decided in accordance with the majority of Members present and voting’.  Zis mon ti a kontan atir ou latansyon Mr Speaker akoz mon lenterpretasyon sa provizyon Konstitisyon i bezwen prezan e si i prezan ki fer 25, 15 i definitivman vin plis ki 2tyer ki egziste ki la ‘’present and voting. ‘’

 

MR SPEAKER

Mersi Onorab.  Mon pou retourn boul dan kote Onorab Georges i a eksplik nou akoz 88 (2) i fer kler two thirds of the number of Members of the Assembly.  Onorab Georges brefman.

 

HON BERNARD GEORGES.

Mr Chair.  Ou annan rezon two thirds of the Members i 22, 11.  88 i spesifye kler ki se 2tyer bann Manm, e non pa Members present and voting.  E 96 i aplike me ler napa en lot provizyon kontrer avek li.  Mersi.

 

MR SPEAKER

Mersi Onorab Georges.  Bon nou’n put the matter to rest.  Nou ava kontinyen ek travay lo nou Order Paper.  E prosennman nou pou kontinyen avek travay ki nou ti pe fer Second Reading Civil Code.  Mon ava demann parliamentary reporter pou apel Vis-Prezidan avek son delegasyon.  Bon mon ti a kontan osi acknowledge prezans de guest extra dan nou galeri bomaten;- sa de guest ki’n ganny envite par Onorab Bernard Georges se Ms Kontema Simara avek Ms Neesha Aaliyah ankor bonzour e welcome dan Lasanble Nasyonal.

Se de student ki pe fer pupillage avek Chambler Onorab Bernard Georges.

Bon parey labitid osi tou nou pou prozekte Civil Code lo lekran e pou bann Manm ki pe swiv nou ti’n fini Book 1 avek Book 2 e nou pe al pran Book 3.  Yes Onorab Ferrari.

 

HON JEAN-FRANCOIS FERRARI

Zis brefman.  Pou rikord konmsi, eski premye fwa ki en parti ki dan Gouvernman i blok travay Gouvernman, konmsi dan nou Lasanble?

 

MR SPEAKER

Non, non Onorab.  Bon mon ti kontan dir bonzour e welcome Vis-Prezidan Vincent Meriton ki ganny akonpannyen par Attorney General Mr Frank Ally e Senior Legal Draftsperson Mr Victor Pool.  Professor Antonio Angelo osi i around e i pou zwenn nou en pti pe plitar konman the Law Consultant to the Judiciary.  Vis-Prezidan bonzour e welcome dan Lasanble Nasyonal.

Vis-Prezidan pe take over from Minister Adam akoz Minister Adam dernyen fwa ki ti see nou through Book 1 and Book 2.  An vi ki Minster Adam in pran en lot responsabilite Vis Prezidan pou alor avek nou pandan larestan sesyon.  Bon nou ti dan Staz Komite mon ava demann Sergeant pou move Mace pou retourn nou dan Staz Komite.

E Vis-Prezidan oule dir de mo avan nou lanse?  Non?  Dakor.  E mon ava donn laparol Onorab Bernard Georges pou Onorab lead nou dan sa deba.  Yes onorab Ramkalawan.

 

HON WAVEL RAMKALAWAN

Non mon war VP in vin avek en group, eski sa en serkey pou met sa Bill ki’n fek mor ladan sa?

 

 

(laughter)

 

 

MR SPEAKER

Non, non Onorab non, non ok.  Onorab Georges laparol i pou ou.

 

HON BERNARD GEORGES.

Mersi Mr Chair.  Gro bonzour tou dimoun.  E bonzour tou bann dimoun ki pe ekout nou dan lakour.  Bonzour Vis- Prezidan, Attorney General, Mr Pool.  Parey ou’n dir Mr Chair nou konsiltan Professor Angelo in bezwen demann son leskiz pou en pti moman letan in bezwen al kot Supreme Court kot i annan en fonksyon la depi 11er kot i pou ganny onore dapre, dapre sa ki mon konpran Supreme Court pe lans son website – son nouvo website.

E dezyenmman i pe Supreme Court pe inogir Library Supreme Court konman The Andre Sauzier Law Library e ladan i annan reading room ki pe ganny, ki pe ganny dedye as Professor Angelo Reading Room pou son travay ki in fer pou Lakour Siprenm.  Alor se pou sa rezon ki i pa avek nou i pou zwenn nou osito ki i fini.

Mr Chair parey ou ti dir nou’n ariv Book 3 ozordi e zis pou fer en pti rekapitilatif, or something like that.   Nou’n fer Book 1 ek Book 2 deza.  Code Civil i en Code ki annan 3 liv zot apel li Book 1, Book 2 and Book 3.

E i swiv en dimoun depi nesans ziska son lanmor ek tou son bann drwa e obligasyon ki i kapab annan pandan son lavi.  Donk nou’n war nou ti konmans avek nesans, recognition, paternity eksetera nou’n regard maryaz, divors, bann konsekans.  E 2enm liv i lo propriyete – en propriyete ki en dimoun i kapab annan e nou’n regard tou bann aspe sa propriyete e sa ti dan nou dernyen sesyon ziska ler nou ti fini nou ti’n regard bann easements, right of way eksetera sa bann keksoz koumsa e sa nou ti’n ariv la.

Book 3, i pli gran liv dan Code Civil e i al depi Lartik 711 ziska Lartik 2200.  E se sa ki nou travay pou sa 3 zour ki pe vini.  E Book 3 li i son non pa dir ou ditou what it’s about.  Si nou regard lo, lo nou screen nou pou war Book 3 i met Transfer of Ownership.  Me sa se zis en pti bout.  E Book 3 i en pti pe sa ki nou apel en ‘’dustbin category’’.  Tou bann keksoz ki pa, ki pa ti kapab antre dan Book 1 ek Book 2 in al dan Book 3.  E pou annan en pti pe Transfer of Ownership me apre sa nou pou al dan en kantite lezot, en kantite lezot lartik avek bann lezot fonksyon.

Mannyer mon war e mon krwar i swe tou dimoun ki dan sa 3 zour ki devan nou, nou kapab fini avek, avek Civil Code e kekfwa ler nou’n ariv Zedi apre midi nou ava kapab deside ki mannyer nou pou antreprann sa travay toilette juridique ki reste nou pou nou fer.  E nou ava propoz avek Lasanble ki mannyer sa i devret ganny fer me si nou dedye nou lekor pou sa 3 zour e nou pa, nou pa al dan tantasyon.  Fer en kwen legal an mezir ki nou pe ale mon krwar nou ava kapab, nou ava kapab fini sa travay.

E mannyer mon an diskisyon avek nou Konsiltan Professor Angelo yer.  Mannyer nou pe propoze ale se ki ozordi nou fer ki depi Lartik 711 ki pou al dan propriyete ek siksesyon nou fer siksesyon,  nou pou fer Gifts, nou pou fer Wills, e si nou annan letan nou pou fer Preskripsyon.  Donk sa se travay ozordi.

Demen nou pou al dan propriyete li menm, co-ownership apre nou ava regard kontra, bann obligasyon, bann délit e si nou pa’n fer preskripsyon ozordi nou ava fer li demen.  E 3enm zour nou pou fer tou sa ki reste tou bann lezot kalite Kontra ki annan lavant, lokasyon, assignment, partnership, loan tou sa bann, tou sa bann keksoz  e sa i ava amenn nou a lafen nou Code Civil.

Bokou sa ki nou pou fer sirtou lo 3enm zour, 2enm ek 3enm zour i sa ki nou apel Lawyers Law.  Lalwa, prosedir ki konsern plito bann avoka e ki napa en gran lentere piblik an deor.  Alor mon krwar nou kapab al ase vit lo sa bann, lo sa bann Seksyon akoz substantially zot pa’n ganny sanze ditou.  Zot in reste egzakteman parey sof ki zot in ganny reorganize, akoz parey nou ti dir nou pe sey fer sa Code sorti dan sistenm Franse vin dan sistenm Angle kot ou annan sub-sections eksetera.

Alor avek ou permisyon Mr Chair vwala ki mannyer nou pou organiz nou travay ozordi nou a fer siksesyon, Gifts setadir donasyon avek testaman.

E nou konmans avek lartik 711 ki dir ki mannyer propriyete i kapab ganny acquired oubyen transfere.  E sa se par siksesyon ler ou erite par en gift, en donasyon, entre vif, inter vivos pandan sa dimoun i ankor vivan akoz siksesyon se en donasyon ler in mor enn par testaman, par lefe lobligasyon e sa nou ava war en pe plitar kontra bann lezot keksoz koumsa.  E par Lezislasyon i posib ki Lezislasyon i transfer propriyete.

E enn bann fason ki Lezislasyon i fer sa se Acquisition of Land in the Public Interest Act ler Gouvernman i bezwen acquire en morso later donk i vin propriyeter par, par en Lalwa.  Ek ownership i kapab ganny ownership en later (sorry) en propriyete i kapab ganny swa par aksesyon ki nou ti war sa se ler lanmer i pran disab kot ou e i vin met kot mon, oubyen en larivyer par enkorporasyon ler ou build lo later ki pa pou ou, oubyen ou donn en dyanman avek en dimoun ki annan en bag lor e ou fer li vin en bag lor ki annan en dyanman lo la.

Ou par preskripsyon setadir si ou’n reste lo la pou plis ki en peryod letan 20an isi, oubyen par kreasyon propriyete ou Eden Island par egzanp, i pa ti egziste, i egziste ozordi ler ou fer en reclamation.  

Apre 712 ki ti ansanm avek 711 prezan i vakan akoz nou’n, nou’n tir en, en provizyon ladan ki ti dir ki later ki napa met in vin pou lakouronn.  Be  i nepli egziste isi akoz nou nepli annan lakouronn.  E dezyenmman nou nepli annan later ki napa met tou later isi i annan met even if son met se Gouvernman State.

713 – Trezor ler ou war en trezor lo en later i dir ou ki sa propriyeter later lanmwatye sa trezor i pou li e lanmwatye i pou sa dimoun ki trouv sa trezor setadir si sa propriyeter later i trouv sa trezor li menm tou sa trezor i pou li me si en lot dimoun i vin trouv en trezor lo son later zot partaz li lanmwatye sakenn.  E donk vwala kreasyon propriyete fini avek that’s the way property i ganny acquired oubyen i ganny transfere.  Siksesyon prezan la se en lot chapter ki nou pou, ki nou pou antre ladan.

Mon pa konnen Mr Chair ki mannyer mon pa rapel ki mannyer nou ti fer eski nou vot par, par blok oubyen eski nou vot par tit, oubyen par liv?

 

MR SPEAKER

Mersi Onorab Georges.  Eski nou ti vot par Book non?  Book 1, Book 2 non, mon krwar nou ti fer li par blok wi, eski oule petet oule pran si napa okenn deba okenn kestyon lo, nou pran li la oubyen nou kontinyen apre nou pran li ansanm?

 

HON BERNARD GEORGES

Mon krwar ti ava bon nou pran li la apre nou fer en sel vot lo siksesyon Mr Chair.

 

MR SPEAKER

Bon savedir si napa okenn -?  Yes Onorab Henrie.

 

HON GERVAIS HENRIE

Mersi Mr Speaker.  Mon annan zis en pti kestyon lo 713 (1) parske souvandfwa mon’n tann dimoun dir ki letan trezor i ganny dekouver lanmwatye i pou Gouvernman.

Savedir i pa neseserman korek si i lo mon later mon ki war 100poursan pou mwan Gouvernman napa nanryen pou fer avek si lo later Gouvernman then, ok.

 

MR SPEAKER

Mersi Onorab Henrie.  Bon nou ava pran en vot.  Yes Onorab Ernesta.

 

HON PAUL ERNESTA

Mersi Mr Speaker.  Lo menm pwen sirtou Seksyon 13 (2) annefe nou konnen par-ler dimoun i incur serten expenses letan pou zot fer bann fouy trezor eski sa lanmwatye i ganny fer letan in fini tir tou fer depans ou avan bann depans i ganny incurred?  Thank you Mr Chair.

 

MR SPEAKER

Mersi Onorab.  Eski panel i le antre oubyen Onorab Georges i a donn sa lesplikasyon.  Onorab Georges.

 

HON BERNARD GEORGES.

Mersi Mr Chair.  Mr Chair 713 i toultan fer mon mazin en vye proverb Sinwan ki Onorab Valmont i konnen ki dir ‘a fool, a fool is somebody who looks for treasure that was never hidden’.

E donk sa i mon konnen i a reponn en pti pe Onorab Ernesta.  Ou si ou depanse e sa i ava sorti dan ou, ou lanmwatye ou pa pou kapab obliz ki, ki son propriyeter later pou amwen ki li i anvi, amwen ki li i anvi.  E i annan, mwan, mon personnelman mwan, mon’n involve avek en, en lafouy pou en trezor ki zanmen in ganny kasyet e ler in ariv 500, R550,000mil zot in aret fouye.  Akoz zot pa ti pou zanmen trouv, trouv sa trezor.  Yes, Mr Chair kekfwa nou kapab vote.

 

MR SPEAKER

Yes of course.  Bon panel napa non.  Napa komanter panel.  Bon nou ava pran en vot lo 711 Lartik 711 ziska 717 ki Transfer of Ownership lo Book 3 ki form par dan Civil Code.  Tou Manm ki an faver?

Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  22 Manm in vot an faver.  E personn kont.  Mersi.

 

MR SPEAKER

Mersi Madanm Deputy Clerk.  Savedir premye part Book 3  -711 ziska 717 in ganny aprouve par Lasanble Nasyonal.  Onorab Bernard Georges.

 

HON BERNARD GEORGES

Mersi Mr Chair.  Mr Chair prezan nou al dan siksesyon ki en, ki en sapit ki non selman enteresan, me ki pou annan serten lamannman me ki i en sapit ki tre topical akoz mon konnen ki piblik i enterese avek sa.

718 i dir ki en siksesyon i ouver ler en dimoun i mor e sa i enportan bokou dimoun i vini annan de fwa zot dir, be mon papa pe al vann son later si i vann son later mwan, mon pa pou annan nanryen ler i mor.  Be presizeman akoz i 718 ou pou napa nanryen akoz ou drwa vin en zeritye se selman ler ou paran i mor avek propriyete.  Ler zot ankor vivan ou napa okenn drwa ou zot kapab fer sa ki zot anvi avek zot byen.  E se sa ki pou en pe enform nou deba en pe plitar ler nou ariv lo freedom of testation ler nou dir ki menm zafer i devret aplike apre lanmor ki arive pandan en lavi en dimoun.  Alor pou nepli kapab fer parey lekel son garson dan Labib ki ti vann son Droits de nes pou en bol lantir?  Esau. Ou pa kapab fer li akoz ou napa okenn drwa ziska ler ou paran i mor.

718 (2), 718 (2) i en provizyon tre, tre enportan sa siksesyon i ouver kot sa dimoun ti annan son domisil ler i ti mor e zot ava rapel ki domisil napa nanryen pou fer avek rezidans.  Rezidans i en fact mon vizit La Louise i en fact ki kapab ganny prouve, domisil i en konsep legal ki napa nanryen pou anfen ki kapab ganny enfliyanse par ou rezidans be ki pa neseserman sa.

Setadir ki si en dimoun en Seselwa i domisilye Melbourne, Australie ler i mor se Lalwa Leta Victoria, Australie ki pou afekte son siksesyon e non pa Lalwa Sesel.  Lex sa ki nou apel an, an term legal ‘The Lex Situs’ I beg your pardon, ‘The Lex Domicilii’.  Mon fer parantez la akoz pou later isi Sesel i posib ki pou ‘The Lex Situs;- setadir se Lalwa Sesel ki pou afekte siksesyon en later isi Sesel.  Me sa nou ava war li plitar sa ki nou bezwen konpran la pou le moman se siksesyon se Lalwa kot sa dimoun in mor i ti domisilye ler i ti mor ki pou aplike me non pa neseserman Lalwa Sesel.

719 – i dir ki ler 2 dimoun i mor ansanm ki mannyer ou pou deside lekel ki mor avan oubyen ki oubyen si ou pa kapab ou bezwen prezimen ki tou lede in mor ansanm dan en aksidan avyon par egzanp.  E si napa okenn zeritye Curator of Vacant Estates, Curateur de Bien Vacant e nou pou war dan Curator Act ki mannyer sa i arive pou pran posesyon pa ownership me pou pran posesyon sa propriyete e au bout, au bout en letan 1an e i pou vin pou, i pou vin pou Larepiblik.

721;- Ler i annan later dan en siksesyon ou bezwen pas atraver en Executor parey, parey konmela sa se en lentrodiksyon ki Professer Chloros ti fer an ‘76.  Dan nou Code an ‘76 si i annan later en Egzekiter i bezwen ganny apwente e sa later i vest dan sa Egzekiter i pa vin pou sa Egzekiter me Egzekiter i pran posesyon i pran vesting e i transmet sa e i donn sa a bann zeritye selon sa testaman oubyen selon Lalwa lo sa ki arive ler ou pa, ou pa gard en testaman.  Ler en siksesyon napa later i al direkteman pou sa zeritye mwayennan ki sa zeritye i bezwen pey det ki sa dimoun ki i pe erit avek ti annan.

E sa ou pa bezwen pas atraver en Egzekiter si en dimoun i mor i kit zis larzan labank sa larzan pou al direkteman pou son zeritye, mwayennan son bann zeritye bezwen pey son bann det avan ou pa bezwen pas atraver en Egzekiter.

725;- pou kapab erite en zeritye i bezwen annan en personnalite legal setadir in bezwen ganny conceived.  Non pardon i bezwen ne mon krwar tan ki i ankor dan vant son manman i pa ankor ganny personnalite legal, i pou ganny personnalite legal ler i ne.

Me i prezimen ki si i pou ne i kapab i pou eligible to inherit.  I annan serten dimoun i napa drwa erite.  Enn se en dimoun ki’n touy son paran oubyen in sey touy son paran swa konman en principle swa konman en akonplis.  En dimoun ki’n fer en aksyon kriminel ki’n anmenn son paran ki’n amenn lanmor son paran, menm si i ti napa okenn lentansyon touy li, me son aksyon kriminel ti entansyonnel.  Setadir  si ou pe drive avek ou paran dan loto e ou fer en aksidan e i mor sa pa pou include.  Fodre ou ti annan lentansyon komet en aksyon, en aksyon kriminel ki’n rezilte dan son lanmor.  Sa de kategori dimoun pa pa kapab erite.

La in annan en sanzman akoz konmela menm si i annan en 3enm kategori dan nou Lalwa e sa se si ou fer en statement difamatwar kont ou paran  e sa pa permet ou erite.  Setadir ki si ou dir ki mon papa ti en voler la ou pa pou kapab erite sa in ganny tire akoz mon krwar i nepli, i nepli apropriye ozordi dan nou konteks.  E sa dimoun ki pa kapab erite i bezwen retourn okenn propriyete ki in gannyen malapropo.

 

MR SPEAKER

Onorab Georges.  En pti moman mon ava donn sans panelAG, yes AG go ahead.

 

THE ATTORNEY GENERAL MR FRANK ALLY

Mersi Mr Chairman.  Mon krwar i ti a enportan pou nou war sa sanzman lo difamasyon i si ou akiz ou paran pou en lofans ki, parey murder.  

        So mon pa konnen si nou pou gard li ouswa nou, nou pou, pou do away with it.  Akoz si ou akiz ou paran ou dir li in, in komet murder then ou pa worthy pou erit son byen pa nenport ki difamasyon.  Mersi Mr Speaker.

 

MR SPEAKER

Mersi AG.  Onorab Georges.  Yes Onorab Georges.

 

HON BERNARD GEORGES

Mersi Mr Chair.  Mr Chair en kestyon in ganny demande ki mannyer en Egzekiter i ganny apwente?  Taler nou ava war sa eski mwan.  Mon krwar Onorab Pillay in lev son lanmen.

 

MR SPEAKER

Yes mersi Onorab.  Onorab Pillay.

 

HON SEBASTIEN PILLAY

Mersi Mr Chairman.  Mr Chairman si nou pran kont lefe ki nou viv dan en sosyete demokratik e nou annan Lalwa ki gid sa ki nou fer.

Mon pa krwar i fer sans pou ou stand to erit byen en dimoun ki ou par ou aksyon ou’n koz lanmor sa dimoun.  Mon krwar ou perdi sa sans par lefe ki ou’n retir lavi sa dimoun.  E, e mon krwar Lalwa i bezwen fer kler akoz otherwise nou riske pe ouver laport pou en sityasyon mon pa konnen si sa i ganny kouver en lot landrwa.

Nou riske pe ouver laport pou en sityasyon kot en paran oubyen en manm fanmir i kapab konnen lead towards abiz en, en paran lead towards son swa son perdi son lavi oubyen i kapab lead towards li perdi son fakilte mantal.  So, mon krwar i annan en bon rezon ki la i ti ava byen ki nou mentenir li la.  Mon pa konnen si i annan lezot provizyon legal ki kouver sa me sa ki mon pe lir i dir ou ‘attempting murder of the deceased as principle or accomplice’.

 

MR SPEAKER

Mersi Onorab.  Bon avan mon donn laparol VP, I would like to welcome Proffesor Angelo amongst us.  And Proffessor welcome it’s your first time in 2020 but we always look forward for the interaction.  Vis- Prezidan laparol i pou ou.

 

THE VICE-PRESIDENT MR     VINCENT MERITON  

Mersi Mr Chair.  Mr Chairman mon ti a kontan avek ou permisyon retourn 725.  725 (1) i dir pou ou kapab erit propriyete fodre ou annan, fodre ou annan personnalite legal o moman ki sa siksesyon pe pran plas.

I vedir ki pou annan personnalite legal ou’n bezwen ne e akoz alor litilite 725 (2).  Eski i pa otomatikman i vedir sa?  Mersi Mr Chairman.

 

MR SPEAKER

Mersi Vis-Prezidan.  Onorab Georges.

 

HON BERNARD GEORGES

Mersi Mr Chair.  Mr Chair mon, mon pa’n Prezidan in sezi en fot ki mon’n fer i pa ti mon lentansyon dir sa.  En dimoun ki’n ganny konsevwar me ki pa ankor ne.

Me ki subsequently in ne si son paran i mor pandan son konsepsyon avan son nesans i pou still annan legal personality e i pou kapab erite mon pa’n fer mon lekor kler.  Mersi.

 

MR SPEAKER

Mersi.  Mon krwar sa i kler.  Ok nou ava kontinyen ti annan konsern.  Yes.

 

HON BERNARD GEORGES

Wi Mr Chair pou sorry.  Sorry pou lenstan, pou le moman provizyon ki’n ganny tire se ‘‘a person who has made an accusation against the deceased with defamatory nature about a capital offense’’.

Setadir ki si parey Onorab Attorney General in dir si ou akiz ou paran ki zot in komet en murder oubyen treason capital offense se sanmenm sa de ki annan isi ou, ou pa kabab erite.  Ou ganny disallowed from inheriting.  E kestyon se eski nou devret garde oubyen eski nou devret tire?

 

MR SPEAKER

Mersi Onorab Georges.  Yes Onorab Ramkalawan.

 

HON WAVEL RAMKALAWAN

Mr Chairman.  Mon krwar nou kapab kite me an menm tan osi akoz, akoz plitar nou pou al sanze pou nou dir ki en paran I kapab fer son testaman pou li eksklir serten son bann zanfan ladan.

So mon krwar ki nou kapab kit li la pou ki parske si en paran lafason ki nou pou fer lamannman.  Si en paran i fer en testaman pou li dir lekel zanfan ki pou erite e ki move zanfan pa pou erite then li ki pou annan kontrol.  Me parkont si sa paran i pa arive fer en testaman, then mon krwar ki nou bezwen kapab kit serten provizyon, kot si sa paran i mor san en testaman, me selman i annan enn ki’n fer tou sa bann kalite lakizasyon difamatwar ki omwen bann lezot zeritye zot ava kapab envok sa bann lakizasyon, pou ki sa enn la i pa erite.  Mon krwar ki ti pou meyer pou nou kite.

Mon asire Onorab Georges pe konpran mwan.  Mon krwar ti pou meyer pou nou kit sa, kit sa provizyon la an, anmezir ki nou ouver lo lot kote.  Parske nou tou nou konnen ki arive dan bann fanmir.  Mersi bokou.

 

MR SPEAKER

Mersi Onorab.  Onorab Henrie.

 

HON GERVAIS HENRIE

Mersi Mr Chair.  Touzour lo 726, donk mon pe war ki en zanfan i ava ganny ekskli dan siksesyon si pou rezon mert ouswa la tanta mert ouswa en aksyon kriminel, ki evantyelman i okazyonn lanmor son paran.

Kekfwa lepok ki sa ti ganny ekri sa bann krim ti limite lo la me ozordi i bokou pli vast en zanfan par egzanp i kapab vol son paran, i vole.  Me selman son paran i still annan larzan ankor ki kontinyen viv e plitar ki i pou mor.

Me la ozordi in vol 1milyon, 2milyon mon, mon krwar petet a mon avis i merit elarzi e pa zis reste lo sa bann lofans swivan.

 

MR SPEAKER

Mersi Onorab.  Onorab Paul Ernesta.

 

HON PAUL ERNESTA

Mersi Mr Chair.  Mr Chair, dan menm laliny avek Onorab Henrie.  Nou koz osi i annan bann lenstans osi kot bann paran i bat zot bann zanfan i bat zot paran.  Akoz sirtou ozordi dan sa sosyete kot nou pe war i annan sa i vin en pti pe pli, pli komen ki plis petet at times ki ou war en zanfan i bat en paran ziska i mor.

Me selman i mean i kre lanmor son paran me plito i bat sa paran i abiz sa, sa paran fizikman evantyelman ki kapab kree sa lanmor.  Me osi nou war osi kot letan i pe abiz sa paran swa son manman swa son papa i kree serten lefe psikolozi lo, lo sa paran.  Tousala i bann fakter osi ki mon krwar ki nou bezwen pran kont dan sa Clause ki kapab ede kouver tou sa bann laspe.  Mersi Mr Chair.

 

MR SPEAKER

Mersi Onorab.  Onorab William.

 

HON WAVEN WILLIAM

Mersi Mr Speaker.  Mr Speaker mon ti a kontan ganny en pti pe konsey avek panel ouswa avek Onorab Georges.

Mon war poudir sa term ‘unworthy person’.  Eski nou pe mazin well parey bann lezot Onorab in koz lo la bann plizyer kalite keksoz zot kapab kalifye en dimoun konman ‘unworthy’?  Eski nou’n sey mazinen konmsi pou attempt to donn en definisyon pou nou kapab annan en kad letan nou pe koz lo, lo ‘unworthy person’.  Akoz mon, mon war li konmsi en pti pe vague en pti pe konplike konmsi pou nou kapab vreman tonm dakor lo kwa ki nou pe anvi apel en ‘unworthy person’.

So mon ti a kontan ganny en pti pe lespri panel ek Onorab Georges lo la.  Mersi.

 

MR SPEAKER

Mersi Onorab William.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon komanter i dekoul dan laliny sa ki Onorab Ernesta in, in souleve sa ki Onorab, sa ki Onorab William fek souleve.  Ler nou pe regard sa, sa sekans sa ‘unworthy person’ dan sa ka la i sa dimoun ki 726 pe koz lo la koriz mon si mon mal.  Nou pe koz an sekans la so 726 ler i koz sa ‘unworthy person’ i pe koz unworthiness vizavi sa de, sa de eleman ki kapab vin trwa eleman si nou gard sa enn ki nou pe koz lo la ki Onorab Ramkalawan in mansyonnen.

Me pwen ki Onorab Ernesta in souleve mon pa konnen si i ganny captured okenn lezot landrwa.  Akoz la nou’n met sa barenm lo swa akiz sa paran pou en akt mert ouswa koz lanmor sa paran.  So tou lede i annan pou fer avek mert me ou annan sa lot eleman ki vin lo agresyon lo bat sa paran lo fer li martir lo vol li tou bann lezot aksyon ki vin avek.

Eski nou santi poudir Code Civil ozordi la akoz sa travay ki nou bezwen fer, eski nou santi Code Civil ozordi vi ki nou pe koz lo siksesyon.  Akoz ki nou oule fer nou oule ariv a en pwen kot ler nou pe koz testamentary freedom, sa dimoun in ganny testamentary freedom, i real testamentary freedom.  I sa challenge, par egzanp parey nou konnen dan domenn piblik ozordi i annan en challenge en relasyon avek sa konsep annan testamentary freedom.  Savedir mon byen i pou mwan e mon annan drwa donn nenport ki mon anvi donn mon byen.  Me ler nou’n met sa bann kondisyon parey Onorab Henrie in koz lo vole, Onorab Ernesta in koz lo bat sa paran.  So eski i ganny, i ganny encapsulated i ganny pran enlot landrwa vizavi sa dimoun ki pou ganny konsidere ‘unworthy’?

Pa zis ‘unworthy’ dan lesans sa trwa eleman ki la me ‘unworthy’ dan son sans pli larz.  Sa i en keksoz ki mon ti a kontan nou si nou kapab klarifye pou nou kapab bouze akoz i pou ed nou dan largiman si nou oule promot oubyen anmenn sa eleman testamentary freedom.  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Mr Chair, tou sa bann pwen i valab ki’n ganny fermen les mon zis reponn en kestyon Onorab William avan.  ‘As unworthy to succeed’, annefe nou pa bezwen sa fraz sa zis i ti la dan, dan Code Civil Franse e nou’n gard li.

Nou ti kapab zis dir the following persons are excluded from the succession ouswa donn en kategori.  ‘As unworthy to succeed’  i donn en rezon akoz zot pa pe ganny included konman en zeritye akoz zot in fer en keksoz ki’n montre zot unworthiness.  Me nou pa bezwen definir sa mo ‘unworthy’ akoz nou pe donn en kategori limite kisisa ki amount to unworthiness ABC anything else ki kapab unworthy ki tonm andeor sa i pa unworthy sa se, sa se premye pwen.

2enm pwen se 726 i en default provision, sa ki nou pe sey fer dan sa nouvo Code Civil se ankouraz dimoun pou fer en testaman e dan parey Onorab Leader Lopozisyon in dir ler ou fer en testaman si ou piti in vole, oubyen in, in bat ou, oubyen in akiz ou malapropos, oubyen in fer move piti or whatever.

Zis ou tir li dan ou testaman sa ki ou pa kapab fer ozordi ou pa kapab fer sa malgre en piti in fer tou sa bann keksoz ou still bezwen akoz sa rezerv, ou still bezwen les en porsyon propriyete pou li.  Se pou sa rezon ki 726 i la e i limit a, a zis 3 Seksyon bann dimoun ki pa kapab erite.  Akoz, the rule is ki tou zanfan menm si zot in move, menm si zot in dir avek zot paran mon nepli konsider ou konman mon paran, menm si zot in fer tou keksoz pou detri zot paran me zot pa’n touy li oubyen zot pa’n sey touy li oubyen zot pa’n akiz li pou mert zot bezwen ganny zot par.

So nou bezwen regard 726 dan konteks si nou pou aksepte testamentary freedom akoz si nou pou aksepte testamentary freedom 726 i pran en kategori tre restreint si nou pa pou aksepte testamentary freedom parey Onorab Basil Hoareau ti’n propoze nou bezwen extend 726 pou kouver all the range, vole, bate, bann keksoz koumsa.  Alor vwala nou desizyon ki nou bezwen fer e 726 nou desizyon lo la i ava vin an fonksyon sa ki nou fer ler nou ariv lo testamentary freedom.  Mersi Mr Chair.

 

MR SPEAKER

Mersi Onorab Georges.  Onorab Pillay.

 

HON SEBASTIEN PILLAY

Mersi Mr Chair.  Se, se zisteman sa rezon akoz mon’n raise sa pwen.  Akoz esansyelman sa ki ou pe fer ek testamentary freedom se deklar dan en lot fason koze deklar serten dimoun unworthy to inherit. 

Sa ki ou pe fer, me sa ki osi kapab pe arive avek testamentary freedom se ki ou kapab ganny coercion pou en dimoun fer en testaman.  Ou kapab ganny forse pou en dimoun fer en testaman, ou kapab ganny bann kondisyon, bann kondisyon bann pre kondisyon ki kre sityasyon pou sa dimoun fer en testaman an faver kelkonk endividi.  Ki otherwise si Lalwa ti prevwar ti a kapab ganny deklare ‘unworthy’.

E se pou sa rezon ki mon, mon konpran largiman lansyen Onorab Basil Hoareau kot i koz lo elarzi, elarzi sa prese si oule ki koz lo lekel bann dimoun ki pou ‘unworthy to inherit’ rather than si nou pou al direk lo la.  Akoz si nou pa entame sa diskisyon la e nou al direk lo testamentary freedom wi i annan en kantite pwen an faver testamentary freedom.

Enn pli enportan se Lartik 26 Konstitisyon ou drwa pou dispose of sa propriyete eksetera.  Tou bann keksoz ki donn ou konman sa dimoun ki own sa propriyete pou donn sa enn ki ou anvi donnen.  Me i bezwen reste en rezerv oubyen en, en konsern ki nou konsider lefe ki sa testaman enn i kapab ganny fer an bon avek tou bann bon, bon eleman bann bonn fwa.  Tou bann keksoz i reini pou fer ki sa i en bon testaman me ou kapab ganny enn ki ganny fer kot tou bann keksoz pa reini pou fer en bon testaman.  So ki mannyer ou diskalifye sa enn ki li i pa’n fer nanryen pou okip son paran, i pa’n isi laba, i pa’n isi laba ou servi testamentary freedom.  Me lefe pou ou osi deklar li ‘unworthy’ osi i kapab en fason pou ou fer ki sa enn ki pa okip son paran ki pa live up to sa lekspektasyon.

Sa osi i kapab en eleman ki nou kapab konsidere mon krwar nou pou, nou pou al dan bann delo en pti pe difisil ler nou ariv laba so nou ava gete ki mannyer nou etal sa diskisyon.

 

MR SPEAKER

Mersi Onorab.  Onorab Ferrari.

 

HON JEAN-FRANCOIS FERRARI

Mr Speaker.  Mon, mon ti a kontan zis fer en pti pwen mon krwar baz nou, nou refleksyon lo testamentary freedom i devret, i devret lo lefe ki nou devret regard sa dimoun ki pe les en keksoz ki pou li, ki pou li sa paran i pou li e i pe kit deryer.

Se li ki, se li ki ultimately i akoz se li ki propriyeter sa byen se li ki devret kapab deside ki i anvi fer avek sa byen.  Whether i fer li dan en fason honorable, dan en fason zis, dan en fason ki annan en baz moral this should not be our concern.

The concern nou, nou konsern se ki en dimoun i, i ki pros ek en keksoz ler i pe avan i, i desede i annan drwa fer sa ki annan.  Si nou aksepte sa prensip, si nou aksepte sa prensip then nou napa okenn issue pou nou dir eski in mal fer, eski in mal fer pou li dezerit oubyen pa kit nanryen pou en zanfan.  The question does not arise se pou li fer byen, fer mal avek se pou li mon krwar nou bezwen, nou bezwen pran sa konman nou baz si nou aksepte sa konman nou baz e ki nou donn li testamentary freedom then nou napa okenn moral issues lo la.  Sorry, sa se pwen ki mon ti anvi fer.

 

MR SPEAKER

Non si mon pa tronpe enn konsern Onorab Pillay osi kekfwa ler i pe fer sa testaman i kapab under duress i kapab pe, pe ganny menase pou li fer sa testaman.

Menm ki nou ava apel li in fer li tou, tou libreman.  Me selman i kapab annan en, en lafors par deryer ki pe manipil li pou fer sa, mon krwar sa en pti pe konsern Onorab Pillay.  Mon ava donn laparol AG apre Onorab Georges.  AG, Onorab Georges.  Ale Onorab Georges apre nou ava donn AG.

 

HON BERNARD GEORGES

Mersi Mr Chair.  Mr Chair wi sa kestyon pou toultan reste avek nou i pa sa sanzman Lalwa ki pou fer dimoun vin anba duress or non dimoun i anba duress ozordi, menm avek Lalwa Rezerv Noter oubyen Avoka i al lopital pou al fer testaman bann dimoun ki pros pou mor akoz zot anvi oubyen, akoz i annan en zanfan  ki ankouraz sa pratik sepa, sepa sa ki pou anpes, ki pou anpes sa arive e nou’n war, nou’n war sa dan bokou ka.  Sa ki mon pe propoze subject to what AG i ava dir nou se highlight 726 la e nou ava retourn lo la en fwa ki nou’n regard testamentary freedom akoz si nou, si nou pa al lo testamentary freedom nou bezwen retourn la e expand, expand sa enn.

 

MR SPEAKER

Dakor, mersi Onorab Georges.  AG.

 

THE ATTORNEY GENERAL MR FRANK ALLY

Mersi Mr Chairman.  Mon krwar Onorab Leader Lopozisyon in fer sa, in fer lot pwen an relasyon avek sa provizyon.  Dan lesans ki si ou mor san en testaman, then si ou annan ou en, en frer en ser ki’n ‘unworthy to inherit’ anba sa Seksyon 726 then ou kapab anmenn Ankour pou rod en deklarasyon ki i pa sipoze erite akoz napa en testaman.

Me si i annan en testaman then e sa dimoun sa, sa dese li in dir poudir mon pou donn tel zanfan then kestyon se menm si sa zanfan i tonm anba sa bann seksyon.  Eski i pou erite oubyen non akoz la se by son testaman son will ki i anvi donn sa zanfan – ou war?  So mon krwar 726 i more pou pran en lapros si ou mor san en testaman then sa bann dimoun i pa worthy pou zot inherit.   Mon krwar once ki nou fer sa ladiferans ant inheritance under anba intestacy ek lot under a will then nou annan en solisyon.  Mersi.

 

MR SPEAKER

Mersi AG.  Onorab Pillay.

 

HON SEBASTIEN PILLAY

So mon pou annan en dernyen kestyon so baze lo largiman ki ou’n avanse sa ki mon’n tande.  Then si mon, mon fer en testaman admeton ki mon annan en zanfan ki’n, ki’n swa si nou gard keep defamation ki’n defray mwan ok.

Mon fer en testaman e mon oule mon byen pou li, eski sa pa pou an kontradiksyon avek kanmarad par lefe ki enn i donn mwan sa freedom, mon.

Akoz deza la i pe dir ou poudir ‘the following persons are excluded from the succession as unworthy to succeed’.  So eski pou annan en kontradiksyon ki’n ganny kree oubyen, oubyen non?

 

MR SPEAKER

Mersi Onorab.  Onorab Georges.

 

HON BERNARD GEORGES

Non Mr Speaker sa 726  i kouver tou dimoun anba testaman oubyen pa anba testaman you’reunworthy’, you’reunworthy’.  Si ou fer en Testaman e ou les tou keksoz pou ou piti ki’n, ki ‘unworthy’, i ‘unworthy’ i pa pou erite bann lezot i ava kapab al parey Onorab Attorney General in dir al kas sa Testaman plitar.

Me selman ou war nou kapab reste en zournen lo la akoz nou pa pou zanmen ariv okenn par.  Akoz i annan en lot keksoz ki, ki nou bezwen mazinen e sa se sendronm l’enfant prodigue.  Akoz sa osi i arive e se en keksoz ki Ziz Dodin in fer nou rapel ler nou ti fer sa prezantasyon avek Zidisyer.  Se pa toultan sa piti ki’n vey son vye manman e ki’n asize, dormi avek li tou le swar ki pou gannyen.  Se sa enn ki ale in diverti kontan ki retournen e, e i annan de fwa se li, se li ki erite.  Alors zanmen ou pou kapab ariv a en perfection.  Perfection is illusory dan testaman. 

Sel keksoz nou kapab fer anfen sel keksoz nou pe demande fer se parey Onorab Ferrari se donn dimoun plis kontrol lo lekel ki zot anvi erite olye dikte sa atraver en Lalwa pou zot, that’s basically the issue.

 

MR SPEAKER

Mersi Onorab Georges.  Bon nou ava move on.

 

HON BERNARD GEORGES

Nou, nou ti’n ariv 731 Mr Chair.  Nou ankor pe koz lo default provisions la en;- en Testaman ler i ganny fer i pa bezwen swiv okenn sa ki annan la se sa ki pou arive si napa Testaman. 

731, i dir ou ki mannyer en siksesyon pou devolvePremyerman i pou al lo desandans setadir zanfan.  Dezyenmman i pou al lo asandans setadir paran.  E trwazyenmman i pou al lo collateral setadir frer ek ser.  Apre i annan surviving spouse msye oubyen madanm.  Ozordi marye me anba nou provizyon la an menaz osi pou ganny menm, menm konsiderasyon.  E mon kontan dir pou konman pou annan en lide siksesyon i mars koumsa. 

I desann avan i rod zanfan, si napa i monte i rod paran, si napa i al across i rod frer ek ser.  Si napa i rod neve ek nyes, i desann si napa i rod tonton, tantin i monte e al kouzen, kouzin eksetera.  I fer, i fer koumsa i mars desann monte across, down, up, across e toultan ziska 12, ziska 12 degre.  Me la 731 i dir la, la bann dimoun ki kapab erite desandans, asandans, frer ek ser, surviving spouse, partner dan en partner domestik. 

Sa se this is the principle la prezan nou pou al dan son detay.  Lalwa pa regarde kote ou propriyete i sorti, tou siksesyon i ganny divize an de, enn pou al pou bann relatives sorti kote papa, lot pou al kote manman.  Demi frer oubyen demi ser pa ganny, pa ganny ekskli par frer menm papa oubyen menm manman eksepte anba Lartik 752. 

E avek ou permisyon Mr Chair 752 i koz lo paran, wi lo paran;- paran ler en siksesyon i koz lo paran i zis lanmwatye, siksesyon parey nou ava war taler.  E  si zanfan menm papa ek menm manman zot pran atraver tou lede si zot zis zanfan papa zot pran siksesyon papa e si zot zis zanfan manman zot pran siksesyon manman.  Sa se bann degre bann sekans direct line setadir zanfan, pti zanfan, aryer pti zanfan eksetera.  E collateral line se frer, ser eksetera. 

Sak zenerasyon i en degre e se pou sa rezon ki Lalwa i dir apre, apre 12 degre siksesyon i fini si napa personn savedir ki napa personn.  En zanfan i dan premye degre vizavi son paran e dan 2enm degre vizavi son granparan sa i toutafe normal.  Ek frer ek ser ou regard par zenerasyon anmezir ki ou monte. 

739 – reprezantasyon i en, i en konsep tre enportan.  Reprezantasyon i dir si en dimoun i mor e i kit 4 zanfan e dan sa 4 zanfan 1 son zanfan in mor avan li me sa zanfan in les zanfan.  Par sa enn ki’n mor pou al pou son zanfan, setadir zanfan son pti zanfan sa dimoun ki’n mor pa pou perdi zot pou erit par ki zot paran setadir zanfan sa enn ki’n mor ti pou’n gannyen si i pa ti’n mor.  Sa se konsep reprezantasyon alor ou annan 4 zanfan 3 i ankor vivan ler ou mor 1 i mor in kit 2 piti ou siksesyon i diviz an 4 sa 3 ki ankor vivan i gany1 kar sakenn.  Sa 2 zanfan sa 1 ki’n mor i a partaz sa 1kar zot ava ganny en 8enm sakenn.  Vwala reprezantasyon mannyer i ete e 740 i eksplik, i eksplik sa i zis pou zanfan i pa monte sa 1 zis i desann napa okenn reprezantasyon pou paran zot reprezantasyon i zis pou zanfan.  E sak fwa i annan en dimoun ki pli pros i ekskli sa enn ki pli lwen. 

Dan case, dan case kot 1 dimoun i mor i kit zis frer ek ser, reprezantasyon i marse osi pou ki zanfan sa frer oubyen sa ser i kapab antre dan soulye zot paran ki’n mor avan lanmor sa 1 ki pe les sa siksesyon.  Ler reprezantasyon i ganny admet sa mo per Stirpes’ i oule dir sakenn i pran en par egal.  Dan sa legzanp ki mon ti donnen sa 2 zanfan sa enn ki’n mor pou ganny sakenn en par egal. Se sa ki nou apel enper Stirpes.  Ler ou ankor vivan ou pa kapab ganny reprezante fodre, fodre ou’n fini mor.  E si ou’n renons ou siksesyon ou zanfan i still kapab ganny erite par reprezantasyon. 

La prezan nou vin lo ki mannyer partaz i ganny fer 745?  Ler en dimoun i mor e i les zanfan, paran oubyen frer ek ser ziska 3enm degre, oubyen zanfan neve ek nyes, conjoint survivant setadir sa msye oubyen sa madanm oubyen sa partner la ki nou pe azoute dan sa relasyon domestik i pran tou, tou moveable property parey nou ava war dan paragraf 4 e lanmwatye larestan siksesyon.

Ozordi en surviving spouse i ganny tou moveable property ek lanmwatye larestan;- bann zanfan zot pran lot lanmwatye.  Sa ki nou pe fer la se ki nou pe increase sa poudir en partner dan en relasyon domestik osi i pou ganny asimile konmsi i en surviving spouse i pou ganny parey en msye oubyen en madanm marye i pou ganny lanmwatye i pou ganny tou bann i movables plis, plis lanmwatye.

Ler en dimoun i mor ozordi e i les en loto, en bato, en pe lor  en pti larzan Labank, detrwa shares dan Seybrew e en bout later son msye oubyen son madanm marye e la son partner i pran tou sa ki mon fek mansyonnen loto, bato, shares eksetera,  ek lanmwatye sa later ki reste, lot lanmwatye i al pou son bann lezot zeritye son bann zanfan oubyen son paran.  Si i napa testaman.  Ok la nou pe get default provisions la ler en dimoun i mor san testaman.

E paragraf 2 dan 745 i toutafe nouvo, i dir ki ler en dimoun ler i mor i ti marye e an menm tan an menaz, se son surviving spouse, son madanm marye oubyen son msye marye ki pou ganny tou bann movables e non pa son menazer.  E se son madanm marye oubyen son msye marye ki pou ganny lanmwatye dan larestan son siksesyon e pa sa menazer – ok?

Ler zot annan, ler i annan tou lede;- setadir madanm oubyen msye marye i exclude menazer.  Me ler en maryaz e en relasyon domestik pe arive ansanm, setadir sa mye i annan son madanm marye ki i pe okipe i pe reste kot li e i annan en menazer dan en lot lakaz ki i vizite avek zanfan e i pe maintain 2 household an menm tan, se sa menazer ki pou gannyen.  Akoz nou dir menazer ki pou gannyen?  Ler i annan se galan ki pou gannyen.

Ler i annan tou lede an menm tan en maryaz ek en relasyon an menaz e zot pe ariv an menm tan, dan 2 diferan household se sa partner an menaz ki pou gannyen e non pa sa madanm marye.  Mon krwar sa mo se ‘surviving’.

 

MR SPEAKER

Dan sa ‘respective household’.

 

HON BERNARD GEORGES

Oh, sorry absolutely sorry, thank you Mr Speaker.  Absoliman ok wi, ok.  Pou sa respective households, be non i ti devret dir, ti devret dir ‘the surviving spouse and the surviving en ménage partner will take relating to their respective households’’ kekfwa son drafting.

Lentansyon mon mazinen ki sa madanm a ganny sa ki, sa madanm marye a ganny sa ki dan sa lakaz ki li i ladan e sa menazer a ganny dan sa ki pou li.  Me mon pa krwar ki sa i dir, it says that.  Professor does this, does this say (2) 745, 2 (b) what happens to the surviving spouse?  The surviving en ménage partner, should it not be the surviving spouse and the surviving en ménage partner will take the moveable property related to the respective household? It’s like the wife takes what’s in her household and the surviving partner…?

 

MR SPEAKER

Ok.  Onorab Georges kontinyen.

 

HON BERNARD GEORGES

Mersi Mr Chair.  Me Lakour i annan en pouvwar, en residual power si i pou repiny lazistis si sa keksoz pou vreman pa santi bon, pou diviz propriyete dan en diferan fason.

E non pa parey in ganny dir la;- setadir ki  si sa divizyon pou anmenn en lenzistis ki repinyan en dimoun ki pa erite gannyen pe al gannyen, akoz sa provizyon Lakour i kapab kennsel e pa donn li nanryen.

Setadir i annan en, en pouvwar residual dan Lakour pou fer lazistis ler Lalwa pa ti pou fer lazistis, dan en fason repinyan.  Fodre pa zis ki enzis me ki i vreman repiny lord piblik.

 

MR SPEAKER

Onorab Pillay.

 

HON SEBASTIEN PILLAY

Mersi Mr Chair.  Mr Chair  sa provizyon ki la i enn  ki vreman enportan akoz ou kapab ganny ou, nou pa pe fer pwen legal, me i enportan pou nou fer le pwen lo sa provizyon e ki deor dimoun ki pe ekout nou i konpran lenportans sa provizyon.

Akoz ou kapab ganny ou en msye Onorab Georges ki annan en menazer e ki annan son, (mon war Attorney General i riye)  e i maintain en lakour pli byen ki en lot.  So sa enn kot in son madanm marye i reste i les delapide i les an rin, me i still retournen laba.  Me sa lot aswar kot i ale laba tou bann konfor i la e tou bann keksoz i ganny maintain laba.  Mon krwar eski sa Clause la (nou pa pe fer en pwen legal) me mon ti a kontan adres en dout, en konsern ki mon annan eski dan sa konteks la ler nou pe koz’’ the respective households when you talk about the respective household. 

In the event that the person has, has maintain the en ménage household much better that he has maintained the spouse household.  Will it be in, in line with the process of the natural justice to say that they inherit from the respective households or would we be looking at the other Section where the Court will have to make the decision because this repugnant in the interest of justice? 

Does that address perhaps a fear that I have that this might create the situation.  Let’s say the person dies without a Testament, a Will?

 

MR SPEAKER

Mersi Onorab.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair dan menm direksyon selman en lot senaryo, mon ti ava kontan leklersisman par panel oubyen Onorab Georges;-  2 dimoun in marye e zot annan dizon 2 zanfan an maryaz epi zot kite, sa msye i kit sa madanm ek sa 2 zanfan avek propriyete ki zot in annan ansanm lakaz e later, e li i move on, e i reste pou dizon 25an, 30an avek en menazer prezan.

I pa ankor divorse selman in kite, napa okenn relasyon ek madanm marye, me i pa ankor divorse prezan i viv son lavi avek sa menazer i fer 4 zanfan dizon ek sa menazer lo en lot propriyete ki sa madanm marye napa nanryen an realite ladan e tou sa.  Aprezan arive ki sa msye i mor e i annan en sonm larzan en banque ensidswit ek lezot whatever.

Ki mannyer – eski nou pe anmenn en sanzman dan Lalwa? Akoz aktyelman ki mannyer Civil Code i ete se sa madanm marye menm ki i ti napa relasyon ki ganny tou dizon or half parey Lalwa ti dir.  Eski la avek sa lamannman ki nou pe fer ki zistis ki i anmennen?  Mersi.

 

MR SPEAKER

Mersi Onorab De Commarmond.  Onorab Georges.

 

HON BERNARD GEORGES

Yes Mr Chair.  As Onorab De Commarmond in met son ledwa egzakteman lo sa pwen.

Ozordi anba Lalwa si en – dan son legzanp sa msye in kit son madanm marye depi 25an in al fer en lot lavi avek en lot dimoun avek zanfan epi i mor, son madanm marye pou ganny lanmwatye dan pou ganny tou son personal chattels, son loto, son bato plis lanmwatye dan tou son byen ankor.  Sa se anba Lalwa ozordi e i pou parey anba Lalwa demen.

Sof ki la prezan nou pe donn sa menazer osi, la ozordi son, son menazer pou ganny tou, preski akoz in kit lot laba e, e sa enn laba ou pou ganny zis sa ki in kit li avek me son menazer pou ganny dan son, dan son nouvo siksesyon.  Me si nou, nou entrodwir freedom of testation.

Ozordi sel zeritye rezervater se zanfan.  Ou pa kapab ou kapab fer en Testaman ozordi.  Ozordi mannyer Lalwa i ete i pa les nanryen pou madanm marye, les tou keksoz pou menazer, ou kapab fer li akoz i pa en zeritye rezervater.  Se selman si ou mor san Testaman ki i pou ganny lanmwatye.  Dan en Testaman ou kapab tir li konpletman.  Sel, sel keksoz ou pa kapab tire se ou zanfan.  E sa pa pe sanze akoz la prezan si nou entrodwir freedom of testation, menm zafer i aplike.  Akoz ozordi ou kapab cut out ou madanm, ou menazer whatever sa ki nou, sel diferans ki i pou fer si nou anmenn freedom of testation se ki ou kapab koup ou zanfan, ki ou pa kapab fer ozordi.  Ou kapab pa les nanryen pou ou zanfan.

Me parey nou ti dir e parey mon repete toultan, se pa akoz ki ou donn en dimoun sa drwa ki tou dimoun pou koup tou zot zanfan dan zot Testaman toultan – non!  9 dimoun lo 10 pou still les tou zot byen pou zot zanfan, akoz se koumsa ki, ki nou sosyete in evolye.  Me i ava donn pouvwar sa paran ki anvi koup enn son zanfan, akoz sa zanfan in mal azir ou whatever, pou fer li.

 

MR SPEAKER

Mersi Onorab Georges.  Bon nou kapab sey, annou sey fini Lartik 745 apre nou a kapab break.  Yes Onorab De Commarmond.

 

HON CHARLES DE COMMARMOND

Wi mon, mon pa pe kler en pti bout Onorab Georges eskize.  Savedir sa menazer dan sa sans la i pou kapab erit keksoz la?  Non pa’n fer testaman, napa testaman nanryen me…

Konman sa lapartaz pou ete –  en pti pe?

 

MR SPEAKER

Onorab Georges.

 

HON BERNARD GEORGES

Anba, anba 745 (2) sa menazer i  ganny lanmwatye dan sa byen kot i an menaz.  E sa madanm marye i a ganny lanmwatye dan sa byen  kot li i ete.

 

MR SPEAKER

Mersi Onorab.  Annou bouze.

 

HON BERNARD GEORGES

E 745 (3) ler en dimoun i mor e i les deryer li 2 menazer pa en madanm marye safwasi oubyen  en msye marye.  Me i annan 2 relasyon an menaz sa 2 relasyon pou ganny sakenn lanmwatye parey konmsi ti annan.

I vin parey konmsi enn i en madanm marye enn  i en menazer.  Selman mon bezwen dir i pa zis madanm en i aplik pou msye osi.  Msye marye oubyen msye ki en menazer.  Me nou kontan dir madanm akoz se zeneralman koumsa ki i ete.

Prezan kisisa ki sa moveable property ki sa madanm oubyen sa menazer pou gannyen in addition to son half. la, la i dan (4).  Okenn keksoz ki sa dimoun ki’n mor ti pe servi pou son biznes R10,000mil ek okenn sekirite.  (Pardon eskiz mwan), se tou, tou keksoz eksepte son bann keksoz ki i ti pe servi pou son biznes larzan par lao R10,000mil.

Setadir sa menazer oubyen sa madanm marye i ava ganny up to R10,000thousand konman son premye share apre i ava share dan lanmwatye sa ki reste apre okenn securities for money ok, treasury stock, treasury bills eksetera.

 

MR SPEAKER

Yes Attorney General.

 

THE ATTORNEY GENERAL MR FRANK ALLY

Mersi Mr Chairman.  Mon konnen poudir dan sa parey zot in war dan sa Bill nou ankor pe met R10,000mil konman personal chattels.

E an 76 ler Civil Code ti enact i ti R10,000mil still.  So R10,000mil ozordi e parey nou’n war, nou’n pran 50, R5,000mil dan 13 (41) nou’n fer vin R50,000mil, me selman R10,000mil, i ankor R10,000mil.  Years ago ler mon ti pe practice dan private sector mon ti ganny dir poudir ler Gouvernman ti pe pey larzan bann zeritye pou ouswa bann pansyon eksetera,  mon ti tann dir i annan en kantite bann cheque ki bann dimoun pa pe vin kolekte, akoz i annan en kantite zeritye e prezan i pa fer sans pou zot vin kolekte  sa cheque.

Petet R200 or whatever petet mon pa konnen si R10,000mil, zot war R10,000mil i zis ouswa ti dwatet ogmante.  Akoz i pa en kantite larzan ozordi.  Savedir si en dimoun i mor avek R100,000mil oubyen R50,000mil dan Labank i vin bokou pli fasil pou sa surviving spouse ouswa sa en ménage partner pou li ganny sa larzan konman personal chattels. 

E an plis ki i R10,000mil dan antye siksesyon – i pa R10,000mil.  Parey parfwa i arive kot ou kapab annan R5,000mil avek en Labank R15,000mil ek en lot R6,000mil ek en, ek enl ot dimoun.  Me parfwa sa dimoun li i donn ou sa R5,000mil akoz i krwar poudir i less than R10,000mil mon pa konnen.  Anyway sa en pwen ki mon, ki mon ti anvi zis met devan si – vi ki ozordi Lalwa i R10,000mil e sa enn sa Bill, dan sa Bill nou pe mansyonn R10,000mil si nou pou gard R10,000mil oubyen pou annan en logmantasyon konsiderab lo, lo sa sonm.  Mersi.

 

MR SPEAKER

Mersi AG.   Onorab Pillay.

 

HON SEBASTIEN PILLAY

Mersi Mr Chair.  Mr Chair dan menm laliny, akoz mon rapel ler nou ti anndan pe diskit sa nou ti efektivman tous sa provizyon e sa pwen ti releve ankor.  Kot sa content ki egziste ozordi i kapab ganny revwar, vizavi konteks ki nou trouv nou lekor ladan.  Me selman apre ki mon’n ekout Attorney General en lot, en lot keksoz i vin dan mon lespri sa zafer R10,000mil en pti git larzan, en ta larzan, i relative.

Pou en dimoun ki napa nanryen i kapab R10,000mil en ta larzan pou li.  So i, i relatif mon, mon selman mon still krwar ti ava meyer pou nou revwar sa, sa amount.  Mon krwar sa i ava fer plis, plis sans.  E en pwen petet ki mon krwar Onorab Georges petet en pti en, en word of caution menazer i kapab en msye tou en.  Mon krwar sa focus ki nou pe mete lo ankre dan lespri dimoun an deor ki pe ekout nou ki menazer i zis  en madanm.  En menazer i kapab en msye. So the same thing applies pou en madanm ki annan byen ki deside al pran, al pran en menazer.  Just a word of caution.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Wi e, e lentere e, e sa ki enteresan mon pa pe, mon pa pe ouver en deba me. si  i same sex i pa kapab vin en spouse me i kapab vin en menazer.  Ou kapab donk sa i pou enteresan pou premye ka ki pou ariv devan Lakour.

Me lo sa pwen, lo sa pwen Attorney General Mr Chair mon pe propoze kekfwa R50,000mil konman en baz?  Anything above that akoz tou mannyer i pou ganny lanmwatye dan sa ki reste me sa se son premye cut.  Maybe R50,000mil i fer plis sans ozordi?  Mersi.

 

MR SPEAKER

Kontinyen.

 

HON BERNARD GEORGES

Paragraf (5);- 745 (5) ler sa dimoun ki’n mor pa les okenn zeritye, son siksesyon i ava ganny, i ava al pou bann dimoun ki’n ganny mansyonnen dan seksyon 2 ek seksyon 3.  Which is mon krwar sa, mon krwar sa surviving spouse si mon pa oubyen sa surviving partner.

E seksyon 6 i dir ki si ou fer en Testaman tou sa ki nou fek dir la pa aplike e domestic relationship en ménage i parey nou ti, nou ti war dan Lartik 260.  Pou li vin en – i pa zis en, en relasyon tape taye fodre i en relasyon ki’n annan en serten stabilite swa zanfan, swa propriyete ki zot in aste ansanm, swa in last pou plis ki en peryod, en peryod letan.  Fodre i en keksoz ki tangible e non pa zis en, en relasyon a la vol.  Vwala Mr Chair nou’n fini 745.

 

MR SPEAKER

Mersi Onorab Georges.  Yes Onorab Flory Larue.

 

HON FLORY LARUE

Mersi Mr Speaker.  Zis en pwen klarifikasyon, lefe ki 745 (7) i fer referans avek Lartik 259 e dan 259(5) i dir nou ki si en relasyon pa’n kalifye sa peryod 7an ki nou, nou pe propoze ki pou donn li sa stati, sa stati en relasyon permanan en ménagère en relasyon domestik.

Li dan (5), dan 259 (5) i donn bann kalifikasyon ki, ki sa partner si sa relasyon i less ki 7an letan sa dimoun i mor.  Me si an ka zis en klarifikasyon, si an ka en partner en madanm ouswa msye pe mentenir en household ménagère kot sa lot household pa aware ditou ki sa keksoz i egziste.

E sa lot dimoun li i pa travay, me dan sa premye household kontribisyon i ganny fer par tou lede partner ki fer ki si en larzan pe sorti dan sa household indirectly sa unknown sa partner ki pa konnen ki i annan sa lot relasyon i pe maintain sa lakaz ménagère.  Akoz si sa dimoun pa travay ki mannyer nou pran sa an konsiderasyon akoz bokou letan sa dimoun ki ménagère li i konnen ki i annan sa premye relasyon me sa enn ki dan premye relasyon selman pa konnen ki i annan sa enn 2enm.

Ki klarifikasyon i annan dan sa ka?  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

En tre bon kestyon legzanmen pou, pou papye Civil Code sa lannen Mr Chair.  I en kestyon ki mon ti a kontan mon bann etidyan ti ava, ti ava esey reponn.  Me  the issue is ki toultan ler nou pe koz the estate ler nou pe koz en byen ki pou ganny erite se toultan en byen ki net.  After payment of debts.  Dan sa ka i ava bezwen annan en premye consta, ki pou ganny fer kot si en, en madanm marye in invest dan en byen ki pou ganny erite par en lot dimoun, son investment pou bezwen ganny refund li avan out of the estate, e se the net residue ki pou ganny, ki pou ganny divize.  Donk ou pa perdi.  Lalwa i la pou permet sa.

 

MR SPEAKER

Mersi Onorab Georges.  Onorab Larue.

 

HON FLORY LARUE

Mersi Mr Speaker.  Mr Speaker dan 745 (b), (2) (b) letan nou pe klarifye ki sa maryaz ek sa relasyon ménagère letan zot concurrent sa dimoun i pou ganny tou movable property eski napa fason ki ladan nou kapab enkli sa?

Akoz la ou pou bezwen al assess 7an relasyon ou konman sa madanm marye konbyen poursantaz sa asset ki’n sorti dan ou household maryaz pou al laba ménagère.  Akoz i unknown.  Me eski napa en fason ki nou kapab fer li ki si sa premye dimoun i konnen si i annan levidans ki in deza konnen e i pa’n fer nanryen ki sa ménagère i ganny tou son rights.

Me si ou pa konnen, ou drwa i bezwen ganny defann pa bezwen ou ki al prove prezan the cost of your household to sa ménagère akoz la the proof is on you pou ou al prove ki ou det.  E it’s unfair pou ou met sa stress lo en widow ki li in perdi son mari e suddenly i found out i annan en household ménagère e i bezwen al prove konbyen asset ki’n sorti dan son household pou al dan sa enn.

E mon krwar nou bezwen met serten, serten proteksyon lo en unknown relationship.  Unless sa ménagère i kapab prove ki sa fanm marye ti konnen, then maybe she have some recuse.

 

MR SPEAKER

Mersi Onorab.  Onorab Georges.

 

HON BERNARD GEORGES

Yes Mr Chair.  Lalwa i la si ou pa konnen – si zanmen ou konnen ki ou ti annan en ménagère that’s the end of it.  Si pye dibwa i tonbe dan en lafore personn pa war sa pye dibwa tonbe sa pye dibwa pa’n tonbe.  E donk that’s the end of the matter.  Ou pa kapab al pli lwen.

Me si ou konnen, e si ou konnen paragraf (c) ki mon’n, ki mon’n highlight lo board i spesifikman pou sa.  Si i annan en lenzistis ki pou ganny kree Lakour i kapab koriz sa lenzistis.  Me annou pa bliye ki avan menm ki ou ariv laba Egzekiter, Egzekiter ki pou ganny apwente pou distribye sa siksesyon.  Son job se pou al rode si i annan okenn det oubyen si i annan okenn manboulouk ki’n pase, pou al anmenn sa bann, sa bann larzan pou pey bann det e se only the net estate ki pou ganny divize.

 

MR SPEAKER

Mersi Onorab Georges.  Bon mon krwar i en pwen kot nou kapab pran en break.  Zis avan nou pou break mon ti a kontan enform bann Manm Assembly Business Committee ki nou pe meet 1er dan Speaker’s Conference Room.

E se tou mon napa okenn lezot Komite ki pe rankontre la dan break.  So nou ava retournen e nou ava resume nou travay 2er kot nou ava kontinyen avek deba lo Code Civil.

 

 

(BREAK)

 

 

MR SPEAKER

Bonn apre midi tou Manm Onorab.  Bonn apre midi Vis- Prezidan avek ou delegasyon.  E bonn apre midi tou dimoun ki a lekout e pe swiv travay Lasanble Nasyonal.

Mon zis prezant en pti leskiz pou sa pti retar ki nou’n gannyen an vi ki nou ti annan en Komite ki ti ankor pe meet.  Nou pou kontinyen nou travay e nou pou pran kot nou’n arete.  Sa se Lartik 746.  Onorab Georges.

 

HON BERNARD GEORGES

Mersi Mr Chair.  Bonn apre midi tou Manm.  Bonn apre midi panel, Vis-Prezidan e tou dimoun ki pe swiv nou.  Mr Chair efektivman nou’n ariv Lartik 746 ki dir ki si en spouse oubyen en partner pa’n ganny okenn benefis anba 745 i kapab ganny maintenance avek siksesyon son partner oubyen son spouse ki’n mor.

Me i bezwen fer sa dan en peryod 1an depi lanmor oubyen avan ki son estate in fini ganny distribye.  Mon bezwen poz en kestyon avek panel, akoz nou annan sa pozisyon la?  Mon pa tro sir.  Ki mannyer dan ki ka ki en spouse pa pou ganny, pa pou benefisye si otomatikman i pou ganny en lanmwatye en siksesyon son spouse en partner parey?

Unless ki sa ki nou pe sey dir se en partner ki pa ankor achieve son 7an e donk i pa ankor vin en, en partner ki kapab erite.  And if that is the case kekfwa nou devret presiz sa.

 

MR SPEAKER

Mersi Onorab.  Panel.

 

PROFESSOR ANTHONY ANGELO

Thank you Mr Chair.  The provision  it is in fact a little hard to envisage the circumstance. Hypothetically maybe I guess  a person in a de facto relationship may not have been benefited but they wouldn’t have a qualifying they’d have to have a non-qualifying relationship. 

I suspect that the intention here where the provisions has come from is to cover – was to cover originally spouses period between the death and the distribution.  That’s not exactly how the wording appears.  But it was for an interim maintenance till distribution.  If that is the intention wanted, then the word in needs to be adapted. 

Another aspect of this is well depend on the Assembly’s decision on Article 913 which is the situation of a dependent whose left without maintenance. 

And perhaps those two should be considered together when the decision is being taken about, basically about testamentary freedom.  But my understanding the original intention of 746 was for maintenance pending distribution of property.  Thank you Mr Chair.

 

MR SPEAKER

Thank you Professor.  Onorab Georges.

 

HON BERNARD GEORGES

Mersi Mr Chair.  Mon ava zis highlight li e ler nou ariv lo 913 nou ava regard li ankor.  E pou lenstan avek konkirans Lasanble mon ava azout ‘pending the distribution’ pou fer kler ki sa i en interim maintenance e non pa en ‘maintenance in lieu of succession’.

747 nou sorti lo sa ki en surviving spouse oubyen en surviving partner i kapab gannyen e nou al lo zanfan prezan.  Zanfan ek zot desandan i erite san distenksyon gender oubyen primogeniture;- setadir son limero zanfan si premye oubyen dernyen zanfan zot tou zot ganny parey menm si zot in ne dan plizyer diferan maryaz.  E mon mazinen kekfwa ‘’marriages’’ nou devret azout ‘’relationships’’ osi akoz -.

E zot pran egalman per head e zot erit direkteman ler zot zanfan e zot erit atraver reprezantasyon ler zot paran in mor avan zot gran paran.  E la parey mon ti eksplike taler, zot share dan sa share ki zot paran ti pou’n gannyen.  E sa enn ki pli pros natirelman, i tou bann zeritye pli obor zot exclude bann zeritye ki pli lwen.

748;- la nou deal avek zanfan prezan nou al lo asandan.  Ler en dimoun i mor e i pa kit okenn zanfan, oubyen pti zanfan e okenn siblings frer ek ser,  ou desandan bann siblings son siksesyon i ganny diviz an 2.  En lanmwatye i al kot son kote son manman en, en lanmwatye i al kot son, kote son papa.  E ankor enn fwa tou dimoun i erit par latet per capita.

Ler bann paran i mor e ki sa dimoun pardon.  Ler ki sa dimoun i mor e i pa kit okenn paran oubyen okenn zanfan, me si in kit ser ek frer oubyen desandans frer ek ser, son siksesyon pou ganny diviz an 2 en lanmwatye i al pou son paran be son paran in mor san paran li.  (I annan en problenm la) si i annan paran lanmwatye i al pou son paran lot lanmwatye i al pou son frer ek ser, sa i normal.

When the parents of a person who died without living descendants or survived the deceased (ok I’m sorry eskiz mon Mr Chair  i byen.  Ler en dimoun i mor e i kit paran epi frer ek ser lanmwatye i al pou son paran lot lanmwatye i al pou son frer ek ser.  Sa i byen.  Ler en dimoun i mor e i pa kit zanfan me i kit frer ek ser oubyen zanfan son frer ek ser ek en sel paran olye 2 sa porsyon ki ti pou al pou son paran i ava ganny azoute akoz sa enn paran in mor, i ava azoute avek sa par ki al pou zot frer ek ser.

E ler paran in mor e sa dimoun ki’n mor napa zanfan son frer ek ser pou ganny tou son byen tou keksoz i al pou son frer ek ser.  So si i napa zanfan i napa paran tou keksoz i al pou son frer ek ser.  Si in kit zis en paran en kar i al pou sa paran trwa kar i al pou son frer ek ser parey nou’n fek war dan 750.

E si paran i egziste  i ankor annan paran son bann frer ek ser pou ganny zis lanmwatye.  E parey mon’n dir si zis en paran zot ganny trwa kar.  I annan en pe repetisyon la parey nou war dan bokou ka dan Code Civil.

E tou bann zanfan anba 753 pou ganny menm share, pardon tou bann frer ek ser pou ganny menm share si zot sorti dan menm parante, menm maryaz oubyen dan menm domestic relationship.  Setadir menm papa, menm manman.  Me si zot napa menm papa ek menm manman 753 (2) i pou ganny divize an de e zot pou erit zis dan sa par kot zot annan en paran e zot pa pou erit dan sa lot par parey nou ti war taler. Me zanfan of full blood.  Setadir ki annan menm papa menm manman i ganny dan tou lede, dan tou lede laliny.  E bann ki zis en lanmwatye i ganny dan zis sa laliny kot zot belong.  E si i annan zanfan ki sorti dan zis en laliny tou sa bann zanfan pou ganny tou e okenn lezot dimoun ki pli lwen pa pou ganny nanryen.

Setadir si i annan neve ek nyes, oubyen kouzen, kouzin zot pa pou gannyen.  Zanfan ki sorti dan zis en laliny pou ganny tou e zot exclude menm bann dimoun dan lot laliny.  Alor si en msye ek en madanm sorry, si i annan en msye, si en dimoun i mor e i les, en demi frer epi nyes, neve ek kouzen son demi frer pou ganny tou e i pou exclude tou lezot.

Si tou dimoun dan en laliny in mor, setadir napa paran i napa frer ek ser dan en laliny me i antre dan lot laliny sa lot laliny pou ganny, pou ganny tou keksoz.  Otherwise i pou half, half e tou collaterals setadir tou frer ek ser tou bann siblings pou ganny menm par.

E apre 12 degre personn pa erite.  La prezan nou vin lo prezan ki nou’n war lekel ki pou erite si en dimoun i mor san Testaman natirelman akoz nou ankor pe regard bann default provisions la prezan nou regard ki mannyer siksesyon i ganny fer ler i annan zis movable property.

 

MR SPEAKER

Onorab Georges en moman.  Yes mon a donn laparol Attorney General.

 

THE ATTORNEY GENERAL THE FRANK ALLY

Mersi Mr Chairman.  Petet mon – sa i zis en, en statement ki mon anvi fer akoz an, antretan parfwa mon go through the existing provision e bann provizyon ki pe ganny propoze.

E parey nou tou nou konnen Onorab Georges ti enn bann dimoun lo sa Komite Civil Code.  Ozordi  bann konzwen sirvivan e bann zanfan – mon konnen Code pa pe fer diferans ant bann zanfan lezitim to a large extent.

Me selman ozordi dan Code bann konzwen sirvivan i annan en drwa, pou zot deside ki byen zot anvi pran dan siksesyon.  Mon pa pe war si nou’n, nou’n gard sa drwa ki dan lartik (771), 761 kot si par egzanp en konzwen sirvivan son konzwen i mor e i war li vizavi bann zeritye son konzwen ki vin dan siksesyon.  Alor la i annan sa drwa pou li swazir ki byen ki i anvi garde e donn e fer en cash adjustment pou benefis sa bann zeritye.

En legzanp klasik ki e ki mon krwar rezon akoz i ti ganny mete dan, dan Civil Code ‘76 se ki si par egzanp i annan en konzwen ki li i dan lakaz matrimonial lakaz fanmir.  E i war bann zanfan ki pa i swiv dan son maryaz vin ver li pou vin rod sa byen, e li i kapab dir avek zot mon, mon ti a kontan gard lakaz fanmir me mon ava pey ou, ou par ki ou annan dan valer sa lakaz.

Egalman parey si bann zanfan isi dan sa maryaz ki pe ki’n grandi dan sa lakaz e la zot kapab dir avek sa bann lezot zanfan ki sorti an deor maryaz, mon ava pey ou, ou par baze lo valer sa propriyete.  Mon krwar sa, sa whilst nou, nou i kapab ganny kouver anba sa propozisyon dan Lakour Siprenm, i kapab fer lazistis.

Me selman lekspresyon ki nou’n servi se ki ‘’the Court may in exceptional circumstances’’ so whether sa i pou en exceptional circumstances oubyen non.  I kapab ki Lakour i refize servi sa pouvwar akoz i poudir ou exceptional is exceptional, me mon, mon pa konnen si  i en propozisyon ki i vo lapenn garde oubyen nou les ale.  Unless ki Professor i kapab petet donn nou si in gard li somewhere.  Mersi.

 

MR SPEAKER

Mersi AG.  Onorab Georges.

 

HON BERNARD GEORGES

Yes Mr Chair.  Mon konpran pwen Attorney General e si mon kapab dir nou’n deside pa mete pou enn de rezon ki nou ti krwar ti bann bon rezon.

Me obviously se pa Civil Code Reform Committee ki Lezislater se nou isi, e se nou ki pou deside ozordi kisisa ki nou anvi pou nou pei e pou nou Code.  Rezon ki nou ti’n dir sa se ki nou’n tire en fwa pou tou diferans ant zanfan lezitim ek zanfan ilezitim;- ant bann ki’n ne anndan e bann ki’n ne deor.  E sa sa ti en throwback akoz se bann zanfan ki anndan ki ti kapab dir avek sa bann deor non, non nou, nou anvi gard sa, sa byen.

Me en fwa ki ou dir ki se zot tou ki annan menm drwa i ti nepli, i ti nepli byen pou les an bann annan en drwa en pti pe plis ki, ki lezot.  Premye pwen.  2enm pwen of course se Egzekiter e toultan dan sa bann ka tou keksoz pou ganny fer ziskan Egzekiter.  E tou bann zanfan anndan deor surviving spouse or not pou bezwen travay avek Egzekiter pou fer lazistis pou gete lekel ki pou ganny kwa.

E nou ti krwar ki se dan sa konteks ki sa bann problenm ava kapab ganny rezourd.  E i annan en 3enm vole ki nou pa’n al ladan e ki en zour kekfwa nou ava al ladan e sa sete pou ranplas Lakour konman sa Lotorite ki apwent Egzekiter par en, par Curator of Vacant, en Curateur.  Mon krwar ki nou’n fer si mon pa tronpe oubyen nou annan lentansyon fer.  Se fer Curator vin ‘The Curator of all property including Estates’.  Alor li i ava  en kind of public trustee parey i annan dan bann pei Commonwealth, common law e li i ava kapab diriz ki mannyer siksesyon i ava ganny.

Ou plito pa dirize bann zeritye ki ava dirize me li i ava kapab vin en arbit en quelque sorte pou fer sir ki siksesyon i ganny deroule dan fason pli juste ki posib.  La, la rezon akoz ki nou pa’n include li Mr Chair.

 

MR SPEAKER

Mersi Onorab.  Attorney General.

 

THE ATTORNEY GENERAL MR FRANK ALLY

Mersi Mr Chairman.  Mon, mon’n fer sa pwen dan, dan sa konteks kot sirtou, petet nou kapab konpran ler i annan bann zanfan me selman sirtou ler i annan bann zanfan miner, e zot in reste dan sa lakaz familyal e la zot war bann lezot zanfan ki pa isi dan menm, ek menm en paran par egzanp.

E i vin, i become entitled lo sa propriyete.  Me lesansyel i plito avek bann konzwen sirvivan.  Mon konnen Moris konzwen sirvivan i annan en drwa – sa ki nou apel en lazwisans lo matrimonial home oubyen family home.  Me la ou pou war  dan ka pratik e in arive souvan kot sa konzwen  i pe jouir sa lakaz familyal me all of a sudden i napa. I  vin an konpetisyon avek bann zeritye ki sorti and eor son maryaz oubyen son relasyon dan sa ka pou zot vin fer vann sa propriyete.

E i pa toultan nou Lalwa pa osi kler an relasyon avek rol Egzekiter, akoz Lakour a plizyer moman in dir in order pou Egzekiter kapab azir an partikilye vizavi bann byen imobilye, zot  bezwen ganny konsantman tou bann zeritye.  Alors si tou bann zeritye a linanimite pa dakor lo en partaz ki let’s say sa konzwen sirvivan pou ganny sa lakaz lafanmir, therefore sa propriyete pou al pou tou dimoun e la i pou kick- in bann, bann Lalwa lo, lo co-ownership e la anyone i kapab fer sa propriyete ganny vann alankan.  Mersi.

 

MR SPEAKER

Mersi AG.  Onorab Pillay.

 

HON SEBASTIEN PILLAY

Mersi Mr Chair.  Mon kestyon alors ki swiv se ki si par egzanp nou, nou pe retir sa provizyon dan Code parey i pe ganny propoze si mon pe konpran byen.

E en dimoun i konmans en aksyon Ankour anba Code aktyel.  Ki pou arive ler akoz sa Code nou pou pas li, ki pou arive eski sa aksyon ki’n ganny konmanse devan Lakour i pou kontinyen anba vye Code oubyen i pou kontinyen anba nouvo Code?

 

MR SPEAKER

Mersi Onorab.  AG.

 

THE ATTORNEY GENERAL MR FRANK ALLY

Non mon a – Onorab Georges.  Akoz diskit sa anfet me as far as I know i annan bann provizyon pou take care of this bann transitional provision.

 

MR SPEAKER

Mersi AG.  Onorab Georges.

 

HON BERNARD GEORGES

Mon ti pe al dir Mr Chair.  Pou annan bann, bann provizyon tranzitwar ki pou cater pou bann keksoz ki Ankour.  Pa Ankour, Ankour but ki pe ganny fer along the way.

E ki poudir ki sa ki tonm anba vye, ki sa ki tonm anba nouvo Code e sa nou ankor pe travay lo la.

 

MR SPEAKER

Mersi.  Onorab Pillay.

 

HON SEBASTIEN PILLAY

Zis, zis pou alleviate mon konsern, so admeton ki si i annan en desizyon ki’n ganny pran sirtou vi ki nou pe koz bann propriyete imobilye, ki’n ganny pran anba vye Code e en appeal in ganny lanse, eski sa appeal pou ganny konsidere lo provizyon vye Code ki’n egziste?

Oubyen i pou ganny konsidere si sa bann provizyon tranzitwar ki ou pe koz lo la eski i pou pran konsiderasyon sa konmansman sa appeal?  E i pou ganny pran as having happened anba vye Code e ou pe konsider bann baz ki’n ganny etabli anba vye Code e non pa nouvo Code?

 

MR SPEAKER

Mersi Onorab.

 

HON SEBASTIEN PILLAY

Osi tou par lefe ki nou pe dir en zanfan  ki  sa size ki ou’n koz lo la zisteman i lezitimite versus ilezitimite, sa mon ti a kontan ganny en klarifikasyon lo la.

 

MR SPEAKER

Mersi Onorab.  Onorab Georges.

 

HON BERNARD GEORGES

Mon pa konmen Mr Chair.  Akoz transitional provisions i annan en kantite. E  mon ava rod larepons e nou ava, nou ava donn Onorab, mon pa konnen si Profeser i annan, me mon krwar nou ankor pe travay lo bann transitional provisions depandan lo kisisa ki nou deside isi.

Sa set en pwen enportan akoz i annan plizyer reperkisyon.  Enn bann keksoz ki sa Code poudir ki propoze se ki ‘’rêcherche de paternitê’’ ki konmela i limite pou 1an apre lanmor papa i pou open.  E la i pou vin en kestyon fondamantal ki nou bezwen deside, eski ou pou les en dimoun 20an plitar vini e reouver en siksesyon ki’n fermen?  Or eski ou pou les li prouv son paternite san ki i annan en lefe lo siksesyon ki’n fermen?

Sa se bann propozisyon. Akoz paternite i en keksoz tre enportan.  Ou pa anvi limit en dimoun pou prouve lekel ki son papa.  Me kekfwa ou ava dir kantmenm i ava prouv son paternite i pa pou share dan siksesyon si 1an in fini pase or 2an whatever it is ki nou tonm dakor.

Alor sa i ava enn bann, enn bann keksoz ki nou pou, ki nou pou bezwen regarde.  E apre annou pa bliye dan sak ka ki Onorab Attorney General i mansyonnen, konman ou erite konman ou vin en zeritye ou erite ou vin en co-owner mortis causa;- ou vin en co-owner by reason of en lanmor akoz ou’n vin  en zeritye.

E  sa bann zanfan ki anndan maryaz avek zot, avek zot manman ki konzwen sirvivan ki annan sa lakaz zot pou otomatikman e obligatwarman vin en co-owner avek bann lezot zanfan an deor ki’n erit en par zot osi.  E se Lawa co-ownership prezan ki pou antre e non pli Lalwa siksesyon.  Si se Lalwa co-ownership;- Lalwa co-ownership anba nou, anba nou Lalwa i, i donn en serten, serten drwa serten fason pou move forward.  E serten desizyon ki Lakour i kapab pran fas a en desizyon pou vann en propriyete.  E donk Lakour i a kapab step in e dir non, non dan sa ka nou pa pou les vann akoz se sa madanm avek son bann zanfan ki pe itilize.

Alor i annan mon krwar sifizaman sofgard ki nou ki pa ti la dan vye Code.  Akoz sa provizyon i en provizyon depi Code Franse, i en provizyon depi Code Franse ki ti’n devret kekfwa li osi ale ler nou ti fer co-ownership dan Code dan an 1975.

Akoz nou’n, nou’n sanz, nou’n sanz tou keksoz.  E  enlot, en lot keksoz ki’n sanze depi 1964 se ki en surviving spouse nepli annan en lizifri lo byen son msye, ler son msye i mor;- ler sa surviving spouse i en madanm.  An 64 mon’n tir sa e nou’n donn li kareman lanmwatye tou bann byen alor sa osi fodre nou pran dan konteks.

 

MR SPEAKER

Mersi Onorab Georges.  Onorab Larue.

 

HON FLORY LARUE

Mersi Mr Speaker.  Mon ti a kontan AG eksplik nou pli further akoz ki i santi – lefe ki Onorab Georges, in dir nou i annan other lezot Lalwa ki kapab siport sa, sa sityasyon ki Attorney General in met devan nou akoz ki i santi kekfwa dan Civil Code ti ava pli bon?

Akoz en keksoz ki nou bezwen realize i ki Lalwa i la pou fer lavi pli pratik e isi Sesel sa bann sityasyon ki nou pe koz lo la i kapab arive en, en pe souvan, alor akoz i krwar kekfwa i pli pratik pou nou enkli include li dan Civil Code?  Mersi.

 

MR SPEAKER

Mersi Onorab.  AG.

 

THE ATTORNEY GENERAL MR FRANK ALLY

Mersi Mr Chairman.  Mr Chairman mon, menm si nou pou fer en diferans ant zanfan lezitim l’enfant, zanfan natirel nou pa pou fer sa diferans, me i reste ki nou annan en zanfan ki ne grandi dan en fanmir avek 2 paran.  Or  e i annan en zanfan ki li i annan sa.  I share menm paran ek sa zanfan ki annan ki, ki’n ne dan, dan sa fanmir.  Me ler ki ariv en lanmor enn sa paran ki swa i co-own oubyen i own sa propriyete i kapab war ki sirtou serten propriyete e an partikilye the family home i kapab ganny taken away from him.  

E pareyman en konzwen sirvivan i war poudir be mon’n reste dan sa lakaz tou dilon mon lavi, me la sa lakaz mon bezwen al partaz li avek en zanfan ki li i pa mon zanfan, me i zanfan mon konzwen ki’n mor.  Now si ou’n donn pouvwar sa konzwen sirvivan ouswa sa zanfan sa drwa pou li dir mon ti a kontan gard sa byen ki mon annan sa finite avek, me mon pou pey ou mwan.  Mon pou compensate ou mwan, mon pou donn ou, ou par dan valer sa byen.  E mwan, mon’n rankontre sa tre souvan an pratik kot i annan bann zeritye si nou pou servi sa term parey Lalwa ozordi i dir bann zanfan natirel.  Ki zot, zot vini e zot dir non, non mon oule mon par mon oule mon par dan sa lakaz mon.

E la parey Onorab Georges in dir evantyelman i vin en co-owner e co-ownership Sesel i ase, i ase penib akoz at any point in time one co-owner can go to Court e i dir ek Lakour, mon oule vann sa propriyete e ou pa pou kapab refize amwen ki petet Lakour i servi son pouvwar pou li dir i annan hardship.  Me Lakour pou bezwen balans sa hardship of one against the other, akoz li osi i bezwen realiz son valer sa propriyete.  Alor la ou war li i ganny vann alankan e zot sorti avek larzan dan zot lanmen e san propriyete e propriyete i al dan lot lanmen.

Now Lalwa i fer provizyon ki ler i annan en vant alankan ant bann co-owners se sa lavan i ganny fer normalman at the bar of the Court ant bann co-owners only.  Setadir sel bann co-owners ki pou bid for the property.  Me si enn antre zot i dir poudir nou ti a kontan envit Manm piblik, Lakour pou napa swa me envit Manm piblik pou fer sa lavant alankan.

So i annan  i kapab annan en lefe ase lour  lo sirtou en konzwen sirvivan ki li petet e i depan i kapab i ariv en laz kot i ase aze, kot i pa pou kapab menm si i ganny sa larzan i pa pou kapab al rod en lot lakaz.  Me parkont i kapab raise funds pou li pey sa zanfan  ki vin dan sa siksesyon son par dan sa propriyete.

So sa en pti pe petet ki mon ti a kontan zis met devan.  Me it’s, se bann Manm ki deside parey Onorab Georges in dir si i en pwen ki fodre garde oubyen non.  E parey Onorab Georges in dir i vre ki bann konzwen sirvivan in ganny lanmwatye me lanmwatye se ki me selman i kapab osi annan en reperkisyon kot sa i kapab trigger en lavant.

 

MR SPEAKER

Mersi AG.  Onorab Georges.

 

HON BERNARD GEORGES

Mersi Mr Chairman.  Mr Chairman wi annefe sa se en sityasyon ki pa devret nou pa devret pe, pe les arive.  E mon krwar si bann Manm i regard Lartik 821 dan nou bann pti liv, zot ava war ki mannyer nou’n sey fer fason pou evit sa.

Ler dimoun i erit en propriyete zot vin co-owners, nou tou nou dakor lo la. e 821 konmela co-ownership i ase konplike parey Attorney Zeneral in dir.  Me nou’n sanze sa nou oule fer li vin pli senp.

Konmela ler i annan en co-ownership ou bezwen vann propriyete akoz Chloros, Professor Chloros ti dir ki co-ownership pa zis co-ownership dan later oubyen dan building i co-ownership dan larzan in the proceeds of sale.  I ti anvi ki sak fwa i annan en co-ownership ou vann sa byen en dimoun i aste e bann zeritye i partaz larzan.  Dan sa ka Professor Chloros pa ti’n realize ki mannyer Seselwa i atase avek zot later avek zot lakaz.  E donk in pas a kote.  E zanmen sa in ganny anfen sa otan posib bann avoka in sey kontournen akoz bann dimoun pa ti kontan.

La nou’n sanze e dan 821 nou’n dir ki ler i annan co-ownership e zot pa anvi reste dan lendivizyon en Zidisyer i ava ganny apwente, e sa fiduciary i ava apply Ankour pou li diviz propriyete parmi bann co-owners.  So dan sa ka kot i annan bann lakaz kot madanm avek son bann zanfan in reste epi i annan en piti deor ki vini i reklanm son par,  me Lakour ava deside tir son par donn li.  Me si i pa kapab tir son par akoz sa lakaz ek son later lo la pa kapab ganny sub-divide, ki pou arive si i kapab ganny sub-divide e ki bann valer  i pa parey i ava ganny adjusted in cash parey nou war dan 2 (b).  Me ler i pa kapab ganny divize dan 821(3) (a) sa fiduciaire i ava demann bann co-owners eski okenn zot, zot anvi aste sa landrwa?

E obviously sa madanm ek son zanfan i ava dir yes, akoz nou annan pli gro mazorite par nou a pey sa, nou a pey sa piti.  E i ava ganny 12 mwan pou li fer sa anba 821(4).  E apre propriyete ava ganny vann avek sa co-owner ki anvi aste.  Donk sa madanm i ava ganny, ava kapab protez son, son byen dan sa ka.  E dan tou lezot ka osi kot pou annan en posibilite nou pou, nou pou nepli bezwen al fer li sitasyon Ankour parey vann a la bar kot piblik i kapab vini e outbid bann co-owners e kick zot out.

Zot bann co-owners prezan ki pou annan premye memiz  lo propriyete. Donk nou kapab sap sa pyez ki konmela nou tonm ladan.

 

MR SPEAKER

Mersi Onorab Georges.  Onorab Larue.

 

HON FLORY LARUE

Mersi Mr Chair.  Mon pe zis regarde si AG i kapab ed mon ankor enpe, sa ki mon pe sey konpran ki AG pe advise nou i ki pou avoid konpletman sa step kot sa zanfan eksteryer li i vin en co-owner of the family home. 

So kantmenm son drwa of a share i la, me it doesn’t come through ownership of the household;- ki fer ki nou evit sa bann lezot extended keksoz ki sa fanmir i bezwen fer and go through apre en lanmor.  So si sa i fer li pli fasil pou kalifye valer sa share so  sanmenm sa ki mon pe sey klarifye, eski sa i vedir ki si nou met sa ladan i vin en keksoz pli kler, ki i vin en financial value e non pa en physical share dan sa lakaz? Mersi.

 

MR SPEAKER

Mersi Onorab.  AG.

 

THE ATTORNEY GENERAL MR FRANK ALLY

Mersi Mr Chairman.  Wi dan en sertan sans ler parey ler  sa paran i mor sa zanfan li i entitled – i become eligible to get a share  of sa propriyete.

Me selman ki arive se ki i pa gannyen sa share an term fizik of the property, me i ganny a share in the value of the property, in terms of money – ok?  E me la ki lartik 761 aktyel i pe ganny fer se ki i pe met de lavan en surviving spouse.  Akoz i dir ou.  ‘The surviving spouse shall be preferred,’’ so therefore i donn en drwa, en preferans to the to that property, to the surviving spouse.  Savedir sa surviving spouse i annan en preferans.

Me parkont si nou al lo sa bann Lartik par egzanp ki nou’n Onorab Georges in fek pas lo la, tou bann co-owners i annan sa drwa.  E kestyon now se ki ler i annan detrwa co-owners ki egzers zot drwa pou zot aste, ki mannyer la ou pou bezwen al lo en lot Lalwa pou ou al war, eski nou pou vin lo first come first serve basis or whatSo this is where  i donn bokou plis proteksyon en dimoun ki dwatet enjoy en proteksyon.

I kapab ki i annan i kapab abize evantyelman, akoz i kapab be an konpetisyon avek en zanfan ki pli dan bezwen.  Me selman i en Lartik petet ki ti a bon nou regard li en pe seryezman.  Mersi.

 

MR SPEAKER

Mersi AG.  Onorab Georges.

 

HON BERNARD GEORGES

Mr Chair.  Wi Lasanble, Lasanble i ava deside.  Lartik 761 dan Code aktyel i la pou prezerv lenstitisyon maryaz.  E i fer en diskriminasyon kont zanfan an deor.  E se sa egzakteman sa ki nou ti anvi sanze dan sa Code.  Akoz i pa fer fas a larealite dan nou pei ozordi.  Akoz si nou lir 761 i dir ou sa, ‘‘The surviving spouse of the children’’ spouse premyerman maryaz.

‘‘All the children of his or her marriage, if they demand that any distribution of property they, they be preferred, in the award of certain specific items of the succession, the natural children’’ savedir bann zanfan an deor ‘shall not be entitled to refuse’.  Alor 761 pe prezerv madanm marye ou msye marye, avek zanfan ki’n ne dan maryaz kont en zanfan an deor.  Si nou anvi ki se sa ki mannyer nou kontinyen.

E i pa pou vin konman okenn sirpriz parmi okenn zot isi ki mon pa partaz sa lopinyon.  Si se sa ki nou anvi, then so be it.  Nou pe fer en distenksyon ant madanm ek msye marye ek zanfan ki’n ne dan maryaz e kont bann zanfan ki deor that’s what 761 says.

I  pa dir ki serten dimoun i kapab annan en serten preferans.  Sa preferans i pou madanm marye, msye marye ek zanfan ki’n ne dan en maryaz kont zanfan an deor.  E mwan, mon krwar ki si nou pe obliterate distenksyon ant zanfan anndan ek zanfan deor, nou pa kapab annan sa provizyon.  Nou bezwen met zot tou lo en baz egal kot zot tou zot a ganny menm sans.  E parey mon’n dir, anba Lalwa Co-ownership the majority will always win. 

E sa madanm marye avek son bann zanfan, pou toultan annan plis drwa.  Pa akoz zot in marye oubyen  zot zanfan lezitim me akoz i annan plis zot ki sa bann deor.  Be non, madanm i ganny lanmwatye in any event so fodre ou annan en bon pe zanfan deor pou ou balans madanm.  Zanmen ou pou kapab balanse akoz madanm toultan pou ganny lanmwatye e tou leres i bezwen partaz lot lanmwatye.  Donk i donn deza en lavantaz lo kote madanm.

 

MR SPEAKER

Mersi Onorab Georges.  Bon, eski nou’n epwiz deba lo, lo sa size?  Nou move on?  Mon krwar nou, nou pou kontinyen en cross argument, mon krwar nou bezwen move on.  Ok.  Onorab Georges nou bouze.

 

HON BERNARD GEORGES

Mersi Mr Chair.  Mr Chair avan nou bouze, zot ava eskiz mwan, mon’n mank en keksoz dan Lartik 746 e avek ou permisyon mon ava zis retourn en pti kou lo 746.

Ler nou ti’n fer nou meeting dan Members Lounge, bann Manm ti’n propoze ki nou azout paragraf 3 a 746 pou include Lartik 205 ki dan Code aktyel.  E mon krwar, mon krwar sa se Onorab Hoareau ki ti fer sa pwen.  E lartik 205 aktyel i dir, ‘‘the maintenance, such maintenance’ ki sa surviving spouse oubyen sa madanm menaz oubyen sa msye menaz pou gannyen, ‘‘shall be a prior charge upon the Estate’’.  Alor setadir ki i pou vin an premye.  Donk i en fason pou garanti ki i pou gannyen.  Mon krwar sa ti en bon propozisyon.

E  mon rekomann li, mon rekomann li a Lasanble.  So i vin en first charge lo sa distribisyon, mon pe mete.

 

MR SPEAKER

Go ahead Onorab.

 

HON BERNARD GEORGES

Apre nou ava amann li, akoz i long.

 

MR SPEAKER

Kontinyen.

 

HON BERNARD GEORGES

Ok.  Alor nou retourn lo 756, nou ti lo 756 la nou, sorry.  555, e la nou pe al lo 774.  E la prezan nou pe regard lo propriyete ler the Estate, ler sa byen i zis moveable property.

Zeritye  i parey mon ti dir taler, zeritye i erit li direkteman, i pa bezwen pas atraver Egzekiter, sof ki anba 774 (b) zot kapab, zeritye i kapab si zot tou zot dakor apwent en Egzekiter, akoz i vin pli fasil pou zis revizyon.  Me zot pa bezwen e zot ganny sa byen direkteman.  E Lalwa i donn sa zeritye en, en drwa pou li aksepte sa byen oubyen aksepte li avek benefis en levanter.  Donk i ava dir gete mon pa, mon pa ankor deside si mon pou pran mon oule en levanter i ganny fer avan.

E personn anba 775 pa kapab ganny forse pou aksepte en siksesyon movable property selman.  E rezon i senp, akoz ou bezwen konnen ki sa ki ou pe al aksepte akoz si ou aksepte en byen e i annan en det lo la ou ki vin responsab pou pey sa det.  The problem doesn’t arise ler i immovable property akoz i annan Egzekiter, Egzekiter i fer levanter i pe det apre sa ki reste i, i distribye.  Me ler i moveable e i vin direkteman lo ou, ou kapab refize, si i annan plis det ki byen.  Oubyen ou kapab dir mon oule en levanter i ganny fer avan apre mon a deside si mon pou aksepte en fwa ki ou konnen kisisa ki i annan dan siksesyon oubyen ki kantite det ki i annan.  E 777 i dir sa, it goes all the way back pou ler i siksesyon i ouver.

Ou bezwen aksepte li dan en fason express oubyen dan en fason implied.  Si ou pe zis aksepte en byen pou ou prezerv li;- dizon i en bef ki dan siksesyon ou pran li pou ou gard li akoz sansan i pou mor, napa personn.  Sa i pa oule dir ki ou’n aksepte eksetera.  Sa se bann, bann detay.

Renonsyasyon;- ou kapab renonse, ler ou renonse fodre ou fer li dan en serten fason anba 780.  781 se si ou mor avan sa tousala pa’n sanz ditou nou pa bezwen al dan soz.

Renonsyasyon bezwen express.  E i bezwen ganny fer a registry of the Court in a special register ki pa egziste.  Akoz napa zanmen en dimoun ki’n renons en siksesyon  otan ki nou, otan ki nou konnen.  E si ou renons ou siksesyon  ou pa’n zanmen en zeritye.

E si ou pa’n vin Sesel.  Ou pa ou pa kapab annan reprezantasyon en zeritye ki’n renonse akoz i pa ti zanmen en zeritye.  Bann creditors, en dimoun ki renons en siksesyon i kapab ganny otorize pou deal avek sa siksesyon.

Sa se bann parey mon’n apele taler bann Lawyers Law bann prosedir ki pa vreman zanmen ganny servi me i la zis o ka ou.  Ou pa kapab esper plis ki peryod preskripsyon 2262 setadir 5an apre sa ou nepli kapab renonse.

 

MR SPEAKER

Onorab Georges en moman.  Onorab William.

 

HON WAVEN WILLIAM

Mersi Mr Speaker.  Mr Speaker mon pe refer avek 774 (b).  Si ou get anler i dir ‘where a succession consist of movable property only’.  Me selman anba (b) dernyen laliny immovable mon trouv in met en pti remark.

Mon anvi demande si, lefe nou’n servi sa term ‘only’ pou movables, why ki nou pe prezan enkli immovables avek?  Zis en pti leklersisman lo la.  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

I en tre bon pwen drafting Mr Chair.  I en, i en pwen drafting point Onorab i annan rezon.  Mon krwar sa ki (b) and (c) i oule dir se ki malgre ki si siksesyon i zis pou movables ou pa bezwen, ou pa bezwen Egzekiter.  Still si i annan osi immovables ou kapab apwent en Egzekiter or in any event menm si i napa immovables ou kapab apwent en Egzekiter.

(b) i dir ki menm si i zis movables ou kapab apwent en Egzekiter e sa Egzekiter son duties pou parey konmsi ti annan immovable property.  Donk i bezwen swiv bann lareg apwentman Egzekiter ler i annan immovable property.  Akoz se zis ler i annan immovable property ki ou oblize apwent Egzekiter.

 

MR SPEAKER

Mersi Onorab Georges.  AG.

 

THE ATTORNEY GENERAL MR FRANK ALLY

Mersi Mr Chairman.   An relasyon avek seksyon 774 (b) parey in provide ki ou kapab apwent par lagreman.  Mon leksperyans se ki in annan en pti pe akoz  i nou rarman servi sa mod apwentman.

E  , mon leksperyans se ki menm Biro, Biro Lanrezistreman in war li difisil pou li anrezistre en lapwentman par lagreman, ler mwan, mon’n seye dan lepase.  Mon krwar petet ti a bon si nou kalifye, ki kalite lagreman.  Si i pou en lagreman egzekite devan noter si i pou en lagreman sours an prive e si i bezwen ganny anrezistre.

Mon krwar sa i enportan pou nou kalifye, pou ki i vin bokou pli senp.  E definitivman kan nou dir en lagreman i pou bezwen sinyen par tou bann parti, tou bann zeritye.  Me mon krwar i deserve pou li ganny kalifye.  E petet sa i en legzersis ki nou kapab fer evantyelman ler nou zwenn pou do the, si Onorab Georges i dakor avek sa pwen ki mon pe raise.

Akoz i tir en kantite dout dan lapratik.  Then bann dimoun i konnen poudir sa lagreman i pou ganny defer devan en Noter i pou ganny anrezistre.

 

MR SPEAKER

Mersi.

 

THE ATTORNEY GENERAL MR FRANK ALLY

E petet enn bann, bann keksoz ki osi evantyelman mon oule diskit avek Mr Georges ek Profeser se ki si i pa’n vin, vin neseser pou henceforth ki bann apwentman Egzekiter osi i ganny pibliye dan Gazette e dan zournal.

Akoz in ariv bokou fwa kot i annan 2 Egzekiter pou menm siksesyon, akoz Lakour pa’n, napa en sistenm an plas pou li konnen e 2 Ziz diferan i apwent 2 Egzekiter pou menm siksesyon.  Mersi.

 

MR SPEAKER

Mersi AG.  Onorab Ramkalawan.

 

HON WAVEL RAMKALAWAN

Mr Chairman lo sa pwen la, si sa zafer par lagreman, parey mon pe ekoute i en problenm.  E zisteman si i par lagreman, si tou dimoun in dakor, i pou pli fasil pou lapwentman en Egzekiter devan Lakour.  Akoz dan sa ka pou fasilit keksoz nou pa tir sa ‘by agreement’, e nou mete tou senpleman ‘the heirs and legatees may appoint an Executor’’. 

Why do we, konmsi pou nou evit sa sityasyon kot pe dir, be nou’n agree me selman nou pa’n al Ankour pou ki in, in pas normal.  Be ki zisteman, si zot tou zot dakor zot ava al kot zot ava al kot en, en avoka e i ava en ex parte soz parey i ganny fer la konmela.

Kot, kot tel dimoun i ava, i ava annan sinyatir tou sa bann zeritye.  E zot ava ale.  Parske zot deza dakor.  So formaliz li by going to Court and getting an official soz from the Court.  Mersi.

 

MR SPEAKER

Mersi Onorab.  AG.

 

THE ATTORNEY GENERAL MR FRANK ALLY

Wi mon dakor, parske.  Me selman parfwa i arive kot si nou pou tonm dakor ki  i pa dwatet en lagreman notaye.  Akoz parfwa i annan bann, bann sonm tre, tre, pa vreman sibstansyel ki dan sa siksesyon.  In ariv bann ka par egzanp kot en dimoun i kit deryer en bank account avek R1000.  E bann zeritye i torn between nou al Ankour nou al i kout nou bokou plis ouswa nou kit sa R1000 avek Labank?  Akoz Labank pa pe donn zot sa larzan si zot tou zot pa tonm dakor pou zot vin devan e vin pran sa larzan.  

So ou pou war en kantite bann siksesyon  ki pa vreman ganny distribye akoz sa.  Petet sa i en fason bokou mwen, bokou pli senp pou zot kapab ganny akse avek sa larzan.  Me se sa pozisyon ki mon ti pe fer.  Se ki ozordi nou napa en rezis, en proper registrar of Executors.  E nou napa en fason pou nou piblikman konnen lekel ki Egzekiter tel siksesyon.  E sa i en problenm avek bann kreansye.  Akoz en dimoun in mor i drwa mwan, e mon pa konnen lekel ki mon pou al kot li.  Ver lekel ki mon pou ale.  E anfet mon pa oule pran bokou letan, me selman i en kestyon osi ki nou bezwen deside.

Akoz ler Chloros ti fer Code Civil i annan en keksoz ki i pa’n zanmen realize.  Se ki in fer bann zeritye reponn det zot, zot sa dimoun ki zot pe erit from.  Me selman Egzekiter ki reponn det.  Me ler, si napa ase propriyete pou reponn sa det, i fini lanmenm.  Savedir ou pou war en sityasyon.  Akoz parfwa nou pe get li dan konteks senpleman sa siksesyon.  Me nou bezwen osi get li dan konteks sa kreansye.

Akoz si en dimoun i drwa mwan, in pran larzan avek mon, i mor, i kit deryer serten propriyete, e son propriyete i pa ase pou reponn son bann det.  Me parkont son zanfan in deza ganny en byen depi lontan e zot aksepte siksesyon.  E mon napa personn pou mon al rod mon larzan.  So mon det i termin avek ler sa siksesyon i ganny wind up.  So i en keksoz osi ki nou dwatet regarde.  Akoz mwan, mon krwar personnelman poudir Chloros i pa’n pran konsiderasyon sa.  Mersi.

 

MR SPEAKER

Mersi AG.  Onorab Georges.

 

HON BERNARD GEORGES

Mr Chair.  2 keksoz;- premyerman 774 pa’n ganny sanze, that’s how it is anba Code Chloros, zis nou’n kas li an ABC.

Me mon krwar ki, mon krwar ki pou reponn sa konsern ki, ki Attorney General in souleve e ki mwan, mon pa ti’n come across, akoz zanmen mon sey fer appointment of Executor by agreement for movable property, pou bann rezon ki zanmen in, zanmen in ariv dan mon lespri ki sa sete en fason pou fer.  Toultan mon’n prefere al Ankour ler i neseser oubyen let it be ler i pati.

Akoz nou pa zis swiv konsiny ou propozisyon Leader Lopozisyon e take away by agreement.  E fors dan tou ka swa bann zeritye, al Ankour al rod enn menm si i zis movables.  Or an interested person, party anba 774 (c) which would be a creditor par egzanp si bann zeritye pa fer.  Mwan, mon konnen Attorney Zeneral pe fer en figir avek mwan, e i annan rezon.  Akoz i pran kantite letan, i pran letan, i pran larzan.  E konmela ou pou al Ankour ou pou al apwent en Egzekiter fodre ou resit tou zistwar sa dimoun.

Tou son bann piti;- si i annan en Testaman fodre ou fer anrezistre avan eksetera and it takes forever and a day.  Me until ki nou annan en Curator ki kapab fer sa bann keksoz vit, we’re stuck with it.

 

MR SPEAKER

Mersi Onorab Georges.  AG.

 

THE ATTORNEY GENERAL MR FRANK ALLY

Petet pou ki nou kapab konsidere se fer en lagreman dapre en form ki nou kapab preskri.  Akoz dan lesans ki lesansyel i ganny mete.  Akoz ler ou pou fer en lagreman ou bezwen fer en recital.  Ou bezwen dir poudir tel dimoun in mor, in kit deryer tel dimoun konman son zeritye, zot sel zeritye, i napa propriyete.  E la aprezan zot apwent en tel dimoun konman zot Egzekiter

Sort of lesansyel i ganny preskri, me selman mon mazinen i annan en rezon petet akoz zot in fer bann lagreman pou only movable property.  Akoz tre souvan i arive ki dan sa siksesyon i annan movable property oubyen money ki i pa bokou.  E prezan i kout zot bokou pli ser pou zot al Ankour, pou zot pey en avoka, pou zot pey fre Lakour pou ganny, pou ganny en Egzekiter ganny apwente pou, pou distribye en siksesyon.

E zot kapab fer li by agreement antre zot.  So long as dan zot lagreman zot met tou lesansyel pou demontre poudir they are the only heirs.  E ki zot fer en deklarasyon.  Akoz sa ki mon krwar i enportan.  Otherwise zot pou fer, otherwise i pou frauduleux.  Mersi.

 

MR SPEAKER

Mersi AG.  Onorab William.

 

HON WAVEN WILLIAM

Mersi Mr Speaker.  Mr Speaker mon, mon pe anvi en pti leklersisman avek.  784 (3) anliny avek 787, 784 (3) i koz lo power of Attorney.  Mon anvi refer sa avek 787 letan i pe dir ‘a person shall not inherit by representation’.

Me ki bor power  of Attorney i pa kapab antre la?  Dizon nou pe koz miner.  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Wi Mr Chair.  Non Onorab mon krwar pa, power of Attorney.  Akoz war e, eskiz mwan pou al en pti pe an aryer.  Chloros, Profeser Chloros sa ki i ti anvi fer se senplifye sityasyon ki ti egziste avan, kot ler en dimoun ti mor ti bezwen annan en konsey de fanmir.  En subroge a la succession, en subroge-tuteur, tousala, ki e, e in ranplas li par Egzekiter ki’n anmenn nou dan menm, menm problenm.

Ou still bezwen annan en konsey dan fanmir.  Ou still bezwen fer tou dimoun siny en konsantman konmkwa zot, zot aksepte  ki entel i ganny apwente Egzekiter.  E sa Egzekiter i bezwen en fwa ki in ganny apwente nou nepli bezwen power of Attorney.  Appoint power of Attorney pou donn en dimoun apwent Egzekiter.  But that’s as far as it goes.  Alor annefe nou’n fer en gran letour pou nou tourn egzakteman kot nou ti ete avan ki Profeser Chloros in sanz sa.  Sa se premye pwen.

2enm pwen se ki i annan de lenstans kot dimoun i ganny problenm.  Enn se ler i annan en larzan Labank.  Premyerman – premyerman ler en dimoun i mor, son zeritye i al Labank i dir, eski papa ti annan en kont la.  Zot dir nou pa kapab dir ou al apwent en Egzekiter apre nou a dir ou.  Ler ou apwent en Egzekiter, Ziz i dir ou, al rod en papye Labank poudir ki ou papa ti annan en kont Labank, sansan nou pa pou kapab apwent ou Egzekiter.  Donk catch 22 ou fer letour.

So enn se Labank, lot se Licensing Authority.  Pou ou transfer loto ou papa ler in mor, Licensing Authority i dir ou, ou bezwen en apwentman Egzekiter.  Alor ou bezwen al fer enn malgre ki Lalwa i dir ou, movable property ou pa bezwen en Egzekiter.  Donk se pou sa rezon ki 774 (b), i byen ki ou annan en posibilite pou fer en keksoz.  Sef Ziz resaman in rann en zizman poudir at least as far as Labank   konsernen aret donn dimoun poum si i annan larzan Labank e napa lezot byen, en afidavit i devret sifizan donn sa bann dimoun zot larzan, pa al rod okenn Egzekiter avek zot.

Felisitasyon  in degaz en pe lasasen.  Me still i annan, i annan Labank ki pe demann ou al apwent en Egzekiter.  Alor mwan, mon propoze as an interim measure ki nou, ki nou dir parey Attorney General in demande, ki bann zeritye i kapab par notarial agreement, kot i annan zis immovable, kot i annan zis movable property, apwent en Egzekiter.  E si sa i pase, i posib, i tre probab ki Labank avek Licensing ava ok.

E ler i annan later obviously ou pou, ou pou bezwen al Ankour.  But si in any event i les ou, si ou pa anvi fer li by notarial agreement ou still kapab al Ankour even if it’s only for en movable.

 

MR SPEAKER

Mersi Onorab Georges.  Yes Onorab Ramkalawan.

 

HON WAVEL RAMKALAWAN

Mr Chairman.  Mon ti ava kontan ganny en pti leklersisman la.  Parske, e spesyalman ek bann ki pli konnen ki mwan byensir.  Dan sa sityasyon la i osi annan sa zafer transmission by death.

Mon mazinen ki i antre somewhere la.  Parske en dimoun in mor e son bann dimoun  i dakor.  Sorry, parske mon pwen ki mon ti pe vin lo la be mon ti ava kontan.  Be si i arive ki, parey Attorney General in dir pli boner, lefe ki napa en rezis Egzekiter, ki konmsi ou pa tro konnen lekel ki pe ansarz lot.  Be sa transmisyon osi tou i kapab arive ki serten dimoun i vini, i ale i ganny tou bann dokiman.  E i donn lenpresyon ki poudir be la i la sa set zeritye.  Kan ofet sa ki i a pe donnen la i en mansonz.  E ki i annan en lot set zeritye.  Be sa lot set zeritye zot pa pou konnen zot, ki poudir sa dimoun in ale in fer tou sa bann zafer.

E en bo zour zis i pe asize Dimans apre midi, e vwala ki en set zeritye i vini i dir be, anmas ou pake ale, parske la i la nou annan nou papye la ki sa later i pou nou.  E konmsi mon pe regarde ki mannyer sa sityasyon osi tou i kapab ganny eklersi.  E parske i annan.  I mean mwan, mon ladan mon lespri i annan case in point ki, ki aprezan I mean mon konsey ki mon’n donnen se pa bezwen per, reste lanmenm.  E dir ek sa dimoun si i vin ankor Sanmdi apre midi, I mean dir li al fer en lot keksoz.

Parske mon pa pe sorti dan sa lakaz, akoz mwan osi tou mon en zeritye e mon ki pe reste dan sa lakaz al fer en lot deboury.  E ziska prezan in mars tre byen.  Be selman legalman konmsi, ki mannyer la ki nou pe balans sa ki, i pa antre par la sa?  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Mr Chair wi.  Sistenm afidavit kont transmission by death i en sistenm kot ou kapab transmet en immovable property ki lo land register.  E sa se tou propriyete Mahe preske tou propriyete Praslin e en bon pe propriyete La Digue.  E byento tou propriyete lo sa 3 zil.

Tou propriyete Amirante, tou propriyete Ile Aux Cerf, ou preske.  Donk byento nou pou annan en sistenm kot ler en dimoun i mor e ki’n kit en propriyete lo land register.  Ou kapab zis fer en affidavit of transmission e transmet sa propriyete par sa afidavit sorti lo sa dimoun ki’n mor e met lo non son bann zeritye.  I annan de keksoz ki arise la.  Enn se lekel ki pou fer sa affidavit of transmission?

Lalwa Land Registration Act i dir ou, okenn zeritye i kapab fer li.  Me i pa’n pran konsiderasyon Egzekiter akoz in ganny pase an 1975 ou 67, ou 65, anyway right about then.  E avan Chloros in introduce Egzekiter.  Mwan, mon pran konman mon pozisyon ki sel dimoun ki kapab siny affidavit of transmission by death se en Egzekiter ki’n ganny apwente.  Akoz Code Civil i the umbrella Code.  Donk ou pa kapab annan de sityasyon;- enn antanmen avek lot.  Me still ozordi si en zeritye i fer kot Lanrezistreman, kot Biro Lanrezistreman, zot pou, zot pou stanp en affidavit of transmission, menm si se pa Egzekiter ki fer.  E zot pou transmet sa byen.  Sa donk premye problenm.

2enm problenm se ki, parey Onorab Leader Lopozisyon in dir, si dan afidavit ou manti e ou met zis 6 zeritye ler i ti annan 7.  Registrar pou anrezistre 6 li.  E se sa 7enm plitar ki pou konnen.  Menm zafer i arive ler ou apwent en Egzekiter.  Si ou al Ankour e ou dir ti annan zis 6 zeritye, e ou inyor sa 7enm, akoz li in kit Sesel depi lontan i Melbourne, personn pa pou konnen ou inyor li.  Ou pou ganny apwente Egzekiter.  E akoz Lakour pa konnen li napa en fason pou  en Ziz oubyen Registrar konnen egzakteman si sa ki i met dan sa afidavit oubyen dan sa aplikasyon i vre oubyen si i fo.

E dan bokou ka i – anfen dan bokou ka.  Dan plizyer ka ki nou, nou konnen i fo.  Plitar nou’n war ki dimoun i pa’n mansyonn tou bann zeritye dan zot appointment of Executor.  Oubyen pa’n mansyonn tou bann zeritye dan zot affidavit of transmission.  Me sa i annan en fason pou korize, me ou bezwen koriz li after the event.

Donk napa en certainété dan either sa de provizyon pou fer ki ou sir kisisa ki ou pe mete.  E napa okenn certainété anywhereEn France se noter ki fer, ki rediz en siksesyon.  E noter parey en avoka, ler ou fer en afidavit ou fer en afidavit lo labaz sa ki’n ganny dir.

Si ou pa ganny dir en keksoz, ou pa pou konnen ou.  Unless ki ou, ou annan sa konesans personnelman.  So it’s not a foolproof system.  Be i en pe parey demokrasi, unless ki en lot sistenm i ganny evante ki mye.  This is the best that we have. 

 

MR SPEAKER

Mersi Onorab.  Eski nou kapab bouze?

 

HON BERNARD GEORGES

Mr Chair.  774 eski nou gard sa nosyon en ‘notarial agreement’ at least nou konnen ki ava en agreement  ki en pti pe pli, pli serye ki en agreement sours en prive ki 2 dimoun ki pe asize, mon ti pe al dir Takamaka, eskiz mwan Onorab.

Mamelles, e anba en laboutik pe fer en dokiman, at least i ava annan en pti pe plis, en pti pe plis gravitas.  Ek nou a pran onboard propozisyon pou advertise apwentman Egzekiter.  Sef Ziz in konmanse depi, depi detrwa letan pase pou advertise bann dimoun ki ganny enterdi.

Pou ki tou dimoun, tou bann avoka i konnen ki sa i en dimoun ki anba enterdiksyon, alor pa fer en dokiman si i vin kot ou, pa fer akoz i pa kapab sinyen i napa drwa.  Alor kekfwa ti ava en bon keksoz pou fer  en rezis pou sa.

 

MR SPEAKER

Mersi Onorab Georges.  Nou kontinyen.

 

HON BERNARD GEORGES

Kote nou, kote nou ti’n arive Mr Chair?  Mon ti’n en pe bliye.  700, wi.  Wi sa 796 eksetera i koz ou lo bann perishable goods ki dan en siksesyon ki fodre fer.  Sa se bann detay ki pa’n sanz ditou, napa okenn sanzman ki’n arive.

En lenvanter ki pou ganny fer.  Sekirite ki en zeritye i bezwen mete si i pou pran serten keksoz.  Creditors rights, bann fre, lekel ki pou peye.  E nou ariv Co-ownership 815.

 

MR SPEAKER

Bon, okenn komanter lo bann lartik ki ziska 814?

Si napa nou ava, nou ava pran en vot lo sa part lo Siksesyon, Lartik 718 ziska 814 ok.  E ki form par nou Civil Code.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  16 Manm in vot an faver.  E personn kont.  Mersi.

 

MR SPEAKER

Mersi Madam Deputy Clerk.  Savedir Lasanble in aprouv as amended Lartik 718 ziska 814.  Nou pe move lo Co-ownership 815.  Me mon sizere nou pran en break, nou ava retournen 4er pou nou kontinyen avek Co-ownership.

 

 

(BREAK)

 

 

MR SPEAKER

Bon nou ava kontinyen nou travay.  E mon ava pas laparol avek Onorab Georges.

Nou pe al pran Seksyon ki kouver Co-ownership.  Onorab Georges.

 

HON BERNARD GEORGES

Mersi Mr Chair.  Mr chair nou ariv parey ou’n dir lo sa Seksyon Co-ownership.  Co-ownership i ler de ou plis dimoun i annan en propriyete ansanm.  Meyer legzanp se ler en msye ek son madanm i aste en morso later.  Oubyen ler en dimoun i mor, e 4, 5 son bann zanfan i erit son propriyete.  Dan co-ownership i ariv dan enn ou ant de fason.

Enn se inter vivos, annan vivan ler ou aste, e lot se mortis causa, apre en lanmor ler ou erite.  Sa se de fason kot ou vin en co-owner dan en propriyete.  E tou Lalwa including Code Civil i bezwen pran ka avek Co-ownership, akoz i annan serten atribisyon ki diferan ler en propriyete i konzwentman owned olye own par zis en dimoun.

Avan 1995, avan Code Chloros, co-ownership ki ti enn oubyen lot, ki ti antre vif, oubyen apre lanmor ti ase konplike akoz ou ti bezwen parey mon ti eksplike taler, annan toultan bann konsey, tou bann zeritye, ou bann co-owners ti bezwen siny tou bann dokiman e sa ti fer li ase difisil.

Sirtou pou bann, pou bann dimoun isi Sesel.

Akoz parey nou konnen, dan bann lannen ‘30 e ‘40, bokou Seselwa ti al travay Lafrik.  E dan bann lannen ‘50 e ‘60 bokou ti emigre ti al Lostrali.  E ti napa email, fax eksetera sa lepok.  Alor i ti ase difisil pou ganny kontak avek sa bann dimoun ler ou ti bezwen siny bann dokiman.  E sa ki Profeser Chloros in propoze se ki ler en co-ownership i arise atraver leritaz, en Egzekiter i ganny apwente pou pran sarz sa co-ownership.

Me ler i arise dan en lot fason, pa par leritaz, en fiduciary i ganny apwente pou li pran sarz sa co-ownership.  E dan en serten fason pou li manage sa, sa co-ownership e fer tou bann keksoz ki neseser, olye al tay deryer en kantite dimoun.  Malerezman in annan serten defayans avek sa, avek sa sistenm.  E par egzanp parey mon ti dir taler pou Executor, ler pou ou apwent en Egzekiter still ou ti bezwen permisyon tou bann zeritye pou apwentman ganny fer.

Alor ou ti still bezwen a en serten moman sinyatir tou sa bann dimoun.  E ler ou pou apwent en fiduciary dan en co-ownership menm zafer.  Ou ti bezwen tou sinyatir tou bann dimoun.  Alor sa in defet en pti pe sa lespri annan en, en sityasyon senplifye.  Me i still en sityasyon ki pli senplifye, akoz i bezwen sinyatir zis en fwa e non pa sak fwa ki i annan en dokiman ki arive.

Sityasyon in konplik en pe pli, en pe plis ankor en pe plitar par en zizman Lakour dan case siksesyon Mr Julien Parcou,  kot Lakour in dir, a sak fwa ki ou fer en transfer propriyete of a co-ownership, tou bann zeritye i bezwen siny en konsantman.

E malgre ki sa Egzekiter oubyen sa fiduciary in ganny apwente spesifikman pou li deal avek sa propriyete, still i bezwen retourn ver bann zeritye oubyen bann co-owners e ganny zot permisyon.  Donk sa in donn nou posibilite ler Komite in arive pou revwar Code Civil pou sey senplifye sa sityasyon ki ti’n retourn dan son konpleksite oparavan.

vek sa detrwa mo lentrodiksyon Mr Chair, parey nou war dan Lartik 815 co-ownership i ler de ou plis dimoun i annan en propriyete ansanm.  E si napa okenn levidans o kontrer i prezimen ki zot annan sa propriyete egalman.  Donk si ou al kot Biro Lanrezistreman e ou regard lekel ki propriyeter parcel V1234, e ou war i Mr John Alcindor ek Mrs Marie-Therese Alcindor se tou.  Ou kapab prezimen ki sakenn i annan lanmwatye.  Me dan bokou ka, Lanrezistreman ler zot fer antre anba land register, zot met son, zot actually met half si i dan sa ka.  Oubyen si i en ka kot i annan bokou, bokou plis zeritye, zot ava met en 6enm, en 12enm, 14, 38enm eksetera, donk ou konn tre byen.  E i toultan en fraction, i pa en poursantaz, i toultan en fraction ki ou par dan sa co-ownership ki’n ganny anrezistre.

816 i koz lo siksesyon.  Ler en co-ownership i ariv atraver siksesyon e ki annan en Egzekiter.  E sa, sa co-ownership i egziste selman ler later i dan lendivi.  Oubyen parey bokou dimoun i kontan dir, later i dan endividi.  Me indivision, ok.  Tan, le moman ki later nepli dan lendivi, e ki sak zeritye in fini ganny son par, obviously napa okenn co-ownership.  I zis ler i annan en co-ownership indivision parey ou apel sa oubyen ou annan en undivided share.

E zis o ka ki nou pa pas ladan, en fiduciary, en fiduciaire i bezwen, ler ou pou deal avek sa propriyete an antye.  Ou pa bezwen enn ler sak corner pe deal avek son par.  Donk si de dimoun i annan en propriyete, en msye ek en madanm i annan en propriyete, e zot anvi pran en loan ek Labank e mortgage zot propriyete, zot pou bezwen en fiduciary pou siny dokiman.  Akoz zot pe mortgage tou sa propriyete.  Oubyen si zot oule vann tou sa propriyete, zot pou bezwen en fiduciary pou vann.  Me si sakenn i anvi deal avek son par, setadir ki zot anvi dizon divize, al rod en Arpanter fer li koup an de, sakenn pran son par.

Zot pa bezwen en fiduciary, akoz sakenn zot, zot pe deal avek zot par spesifik e non pa the co-ownership as a whole.  Donk sa set en keksoz ki nou bezwen konpran, konpran tre byen.  817 i en drwa ki nou apel en drwa rétrocession.  Si en co-owner i vann son par, e i kapab vann son par.  Akoz i pa pe deal avek the whole.  Si en co-owner i vann son undivided half share oubyen son undivided 1/3 share i kapab fer li.  I vann avek en lot dimoun, sa lot dimoun i ava vin en co-owner dan son plas.

Dan lendivi avek bann lezot.  Me Lartik 817 i donn en drwa preanpsyon.  E i dir ki si en co-owner i vann son later an deor co-ownership;- donk si Onorab De Commarmond, Onorab Pillay avek mwan nou co-owners dan en morso later sakenn 1tyer e mwan, mon pran mon en tyer e mon vann avek Onorab Lemiel,  817 i dir sa de lezot co-owners Onorab De Commarmond ek Onorab Pillay, i kapab fors Onorab Lemiel vann zot sa par ki mon’n vann.  Akoz mon’n vann li an deor sa co-ownership.  E rezon se pou anpes en dimoun leve en bomaten e war ki i dan co-ownership avek en dimoun ki i pa ti konnen.  Donk i annan drwa re-aste sa par pou menm pri ki sa lot, sa dimoun an deor in aste li.

Donk pou gard the co-ownership ansanm konman en, konman en antite ou napa drwa vann an deor,  bann co-owners.  Mon bezwen presize la ki i annan en case ki’n al devan Court of Appeal, ki’n dir ki dan sa ka ki mon’n, ki mon fek mansyonnen Onorab De Commarmond, Onorab Pillay ek mon nou annan sakenn en tyer dan en later ansanm dan lendivi.

E olye vann avek Onorab Lemiel, mon vann li avek Onorab, avek zanfan Onorab de Commarmond, ki pa en co-owner, akoz se nou 3 ki en co-owner,  Lakour in dir ki sa pa pou annan en drwa retrosesyon.  Akoz i still dan fanmir as it were.  I  en zizman Lakour D’Apel ki nou bezwen aksepte.  Me mon war ki i al an deor – andeor Lalwa.  Mr Chair mon krwar Attorney General i anvi fer en pwen.

 

MR SPEAKER

Mersi Onorab Georges.  AG.

 

THE ATTORNEY GENERAL MR FRANK ALLY

Mersi Mr Chairman.  Ankor si nou pou get, e sirtou lo sa ki Onorab Georges fek dir.  Akoz 834 dan son form aktyel i koz lo a sale.

Me parkont dan 817, i koz lo transfer.  So i annan en diferans ant transfer and a saleA sale is effected by way of a transfer.  But a transfer can be, may not be a sale.  Akoz si mwan, mon en co-owner, e mon anvi donn mon zanfan, e mon fer li par en akt en donasyon sa retrosesyon pa pou aplike.  Me parkont si mon vann, then i pou aplike

So this is where I don’t know whether this is done by design.  So that i pou vin pli, i pou pli wide ki sa ki i annan an se moman.  Mersi.

 

MR SPEAKER

Mersi AG.  Onorab Georges.

 

HON BERNARD GEORGES

Subject to sa ki Profeser poudir, mon krwar nou’n servi sa mo ‘transferred’ to mean ‘sale’.  Me mwan, mon konpran lenkyetid Attorney General.  Akoz ‘sale’ se sa mo ki nou ti servi pou bann lavant anba transkripsyon.  Tandis ki transfer is the word ki nou servi anba Land Registration Act.

Me subject to what the Professor has to say,  mon krwar i pa ti annan en lentansyon to move away from the concept of sale.  Me mon pa konnen ki Profeser pou annan poudir lo la.

 

MR SPEAKER

Thank you Honorable Georges.  Professor Angelo.

 

PROFESSOR ANTHONY ANGELO

Thank you Mr Chairman.  The, focus in the Committee was on the apparent contradiction between statement that only a fiduciary could transfer an interest in co-ownership and the present 834, which indicated that a co-owner could deal independently with their interest. 

My memory is that the Committees concern was that in particularly after the change proposed in the new Code, was that the integrity of the original co-ownership would typically be family should be maintained. 

And I do not remember any specific concern about sale, but rather the ability to reintegrate  the property into  the family setting.

 

MR SPEAKER

Thank you Professor.   AG.

 

THE ATTORNEY GENERAL MR FRANK ALLY

Mon krwar, Mr Chairman mersi.  Mon krwar from sa ki Profeser in dir, petet ti a pli bon safer nou servi sa mo ‘sale’ then, non?  Akoz anba an ba lezot sistenm bann kot propriyeter zot annan sa ki nou apel en droit de preemption.  So ou pa pou vann tan ki ou pa first offer sa share to me.  Or en retro sectional pou bann dimoun ki   i en byen  ki bann dimoun in erite.  Me Profeser Chloros li an ‘76 ki in fer se ki in anmenn 834 kot in les ou vann li.

Me selman pandan 10an la in, in redwir pou 5an ou kapab vin aste.  Now, ou kapab vin aste me sa dimoun i kapab in devlop sa propriyete.  So si ou mon, mon vann en later, mon vann en par ki mon annan dan en later, evantyelman mon, nou devlop sa later.  Sa co– propriyeter, sa bann co- propriyeter i kapab vin aste avek sa, sa co-propriyeter ki incoming owner, co-owner.  Me mon krwar si lentansyon se ki nou pou les bann Manm lafanmir antre dan sa co– propriyete.

Petet sale would have been better, so la si i annan en lavant.  Me si i annan en transfer an term par egzanp en donasyon, then i pa pou enkli.  Petet sa rezondet sa zizman ki Lakour D’Apel pe dir.  Mersi.

 

MR SPEAKER

Mersi AG.  Onorab Pillay.

 

HON SEBASTIEN PILLAY

Mr Chair.  Following on lo sa ki Attorney General in dir.  Me ki mannyer ou, ou si ou servi ‘sale’ ou pou pran zis en eleman, which is the sale?  Me mon pou pran sa 2enm eleman ki ou’n koz lo la, si mon pe transfer li par egzanp lo mon zanfan.  So ou bezwen kapab enkorpor tou lede.

So ki mannyer ou pou enkorpor tou lede dan sa konteks si sa i leka?

 

MR SPEAKER

Mersi Onorab.  AG.

 

THE ATTORNEY GENERAL MR FRANK ALLY

Non ki nou pe sey dir, se ki si ou, i annan en lavant.  Let’s say parey Onorab Georges, i annan 4 dimoun, e enn ladan i vann avek en, en tyer personn.  Sa existing co-owners zot kapab buy back from sa dimoun ki’n antre.  Me parkont si let’s say i annan 4 frer ki zot, zot co– propriyeter sa propriyete.  Me enn ladan i dir be ok mon, mon ti a kontan donn mon zanfan sa propriyete, mon par.  I pa oule ki son 3 lezot frer i vini i buy back from son zanfan.

Akoz son lentansyon sete pa pou vann son zanfan, son lentansyon sete pou donn en kado son zanfan son par e kontiny sa, sa ownership par lafanmir.  Me si ou met transfer then I will have to transfer, I’ve transferred,  with  zero consideration with.  E as a result mon 3 lezot frer pou vini pou buy back from mon zanfan.  So alor i pou defeat the whole purpose of donn mon zanfan.  Akoz i annan bann co propriyeter ki veye, zot lo alert zot.

O moman ki en co– propriyeter i transfer zot par, zot vini zot aste.  E you have 5 years to do so.  Mersi.

 

MR SPEAKER

Mersi AG.  Onorab Pillay.

 

HON SEBASTIEN PILLAY

Ok, be then si lentansyon i pou fer ki ler ou annan sa bann co-owners, e si transfer oubyen sale pe ganny fer avek en dimoun ki en desandans dan sa fanmir, swa en zanfan enn sa bann co-owner, swa en nyes.  E ou lentansyon se prezerv propriyete lafanmir.  Ki mannyer ou achieve sa avek sa, avek sa Clause ki currently la?  Akoz sa Clause son target se si sa bann co-owners in vann sa avek parey ou’n dir, en dimoun ki an deor sa fanmir.

So le, kwa, kwa ki nou oule, be sanmenm sa.  So, so eski nou pe dir ki menm dan konteks kot sa propriyete in ganny vann, in ganny transfer avek en Manm fanmir.  Akoz sa ki nou bezwen, nou bezwen konpran Mr Chair, i annan propriyete ki lontan mannyer bann Planning Laws ti ete, propriyete i ptipti.  I pa bann gran propriyete kot ou annan ou parey ozordi Planning pe dir fodre i annan 400 met kar e pou li kapab anrezistre.

E dan bokou sou-distrik ou pou war sa dan bann distrik kot propriyete i pti, pti.  Ou annan 3, 4, 3 lakaz lo la, ou konpran?   So i deza annan bann landrwa sa bann lakaz in fini ganny fer, i annan fanmir ki’n fonn zot fwaye ladan eksetera.  I kapab en, en nyes in fer lakaz obor en tonton.  So sa ki oule fer, ou pa oule sityasyon ki ganny souleve demen, kot avek par egzanp sa size Permission to build, ou konpran.  Ek sa (separation) to build, e nou’n fer sa fasilite available avek HFC.  Taler nou ti pe koz sa an deor avek, avek Onorab Henrie.  En dimoun in fer son lakaz zisteman apre ki in travay.  E pandan en peryod 5an, then ou war poudir i annan sa posibilite.

So eski nou pa ti ava anvi protez sa eleman kot en manm fanmir an bonn fwa, e avek bon, bonn avek genn koz, in ganny sa permisyon, in fer son lakaz lo propriyete lo co-owned propriyete, pou ou kapab protez sa?   I napa en fason pou nou, pou nou protez sa?  Pa ki mon lentansyon se poudir pe protez sa, sa pou disregard drwa lezot dimoun, me ki mannyer ou protez sa.

 

MR SPEAKER

Mersi Onorab.  AG.

 

THE ATTORNEY GENERAL FRANK ALLY

Mr Chairman.  Mon krwar Onorab Pillay pe al en pe pli lwen ki sa.  I pe kree lezot, i pe kree par egzanp en drwa ki en dimoun i annan, en dimoun in build lo en propriyete, en co-owned property. 

Me nou, nou pe get esansyelman en sityasyon kot i annan 4 dimoun ki annan en propriyete.  Enn ladan i vann son par avek en diferans.  Akoz ozordi nou bezwen get what, sa ki nou annan aktyel, ek sa ki nou pe propoze.  Ok? Sa ki nou annan aktyel se 4 dimoun, zot propriyeter, zot co-propriyeter bout later par egzanp, e enn ladan i vann son par sa 3 lezot dimoun, zot kapab aste sa par avek sa etranze.

Ler mon dir etranze i pa en non-Seselwa sa 3enm, third party ki purchase the share of sa outgoing co-ownerNow si parkont sa outgoing, sa outgoing co-owner i pa’n vann li, me in transfer.  E transfer it may not be for en konsiderasyon as such.  So let’s say i donn son madanm or son msye, oubyen i donn son zanfan.  Then sa bann dimoun petet pa pou war zot kapab al egzers sa drwa retrosesyon.

Me fason ki mannyer i ekrir ozordi, si ou transfer, by way of transmission par egzanp to en third party,  sa 3 lezot dimoun pou vini pou vin call up the retrosesyonSa i fason ki mannyer mon, mon war li.

 

MR SPEAKER

Mersi AG.  Onorab Georges.

 

HON BERNARD GEORGES

Mersi Mr Chair.  Mr Chair mon konpran AG.  Me mon krwar lo la mon pli in line avek kestyon Onorab Pillay.

Akoz si Profeser i dir nou ki the aim se pou prezerv lentegrite of the co-ownership, ou bezwen prezerv sa lentegrite anver e  contre tou bann lezot dimoun ki kapab antre ladan.  The idea is ou pa kapab leve en bomaten e ou war ki ou en co-owner avek en dimoun ki ou pa ti konnen.  E si ou leve ou war ki ou ti en co-owner avek en dimoun ki ou pa ti konnen ou annan drwa aste.  Ou, ou si se sa lide pou prezerv lentegrite, mon krwar fodre sa mo ‘sale’ i ganny broaden e transfer i kouver tou bann evantyalite.

Me si se inikman pou anpes en co-owner vann pou en profi an deor sa co-ownership e non pa neseserman pou gard, pou anpes li fer sa.  E non pa neseserman pou gard lentegrite en co-ownership, la dan sa ka ‘sale’ i ava en meyer, en meyer mo pou nou servi.  Me, personnelman mwan, mon ti toultan lir 834 e la ozordi in vin 817 konman en, en sistenm preske preanpsyon.

Setadir fer sir ki sa bann co-owners pa kapab annan en dimoun pe antre avek zot dan en propriyete, san ki zot kapab pous li.  E sel fason pou pous li se re-aste son par.  E se pou sa rezon ki mon prefer 5an a 10an.  Akoz 10an was a really long period of time.  Donk mwan, mon pli in tune avek ‘transferred’ olye ‘sale’.

E mon, e se pou sa rezon ki mon ti dir taler, mon pa krwar ki sa zizman Lakour D’Apel ki’n dir ki en zanfan en co-owner  – i en co-owner pou sa, pou sa rezon.  Akoz Lalwa i kler, 834 i kler, i dir ‘other than a co-owner’.  Donk i bezwen zis sa bann co-owners ki kapab prezerv zot lekor, e non pa en dimoun an deor, menm si i en piti en co-owner, e menm si i en piti sa lot co-owner an menm tan, oubyen en neve or whatever. 

Mon krwar lentegrite se lentegrite sa co-ownership.  Donk si se sa leka, ‘transferred’ is a better word.  Si se pa sa leka, ‘sale’ is good.  E parey mon dir, se Lasanble ki pou deside mon, mon pa war ki i annan bokou pou gannyen ou perdi dan enn ou lot.  Lide se pou anpes dimoun antre dan en co-ownership malapropo.

 

MR SPEAKER

Mersi Onorab Georges.  AG.

 

THE ATTORNEY GENERAL MR FRANK ALLY

Mersi Mr Chairman.  Mon krwar Mr Onorab Georges i dir antre dan en co-ownership malapropo.  Ou pa kapab antre dan en co-ownership malapropo.  Petet ou kree serten nwizans pou ou lezot co-owners.

Petet zis pou eksplik en pti pe dan an lapratik ki i arive tre souvan.  Se ki mon, mon’n aste en par e all of a sudden mon en pti pe the rebel co-owner.  E mon anvi an rezilta sa propoz en lavant sa propriyete alankan.  So alor ki bann existing co-owners i fer  to check mon out zot, zot demande pou buy back mon, mon par.  E ler zot demann mon pou demann pou buy back mon par, propriyete pa pou kapab ganny vann.

Akoz i annan en, en proceedings to buy back.  The question, sa i en proteksyon pou bann co-owners.  Pou zot anpes zot ganny afekte par en incoming co-owner.  Me again the question is la i redwir pou pandan, pou sorti 10an, pou vin 5an.  Akoz parey Onorab Georges, li i ti en long peryod.  E dan lensertitid osi.  Kot petet antre  zot pa pe kapab agree pou zot devlop sa propriyete.  So i annan en lavantaz lo kote bann existing co-owners, me i osi annan en dezavantaz lo sa dimoun, sa co-owner ki incoming.  Akoz, e sirtou si i annan en lyen fanmir, parey Onorab Georges in dir.  Ou leve bomaten, ou pa ti anvi ou neve, ou co-owner.  E petet i pa sa dimoun ki ou anvi ou co-ownerSo i en pti pe sa ki mon krwar.

Me an menm tan si nou anvi, Onorab Georges in dir poudir nou, sa Code i anvi protez drwa propriyete en co-owner, e pa fer son drwa vin en parey nou dir en  juscredit, a right to the proceeds of the sale.  Whether this provizyon i relevan ozordi oubyen non.  Setadir si ou drwa, ou anvi mentenir ou drwa propriyete.  En fwa ki annan menm attempt to challenge the continuality of this. 

Because la ou pe fer mon drwa propriyete vin en drwa to get money.  But not an actual share in the property.  Mersi.

 

MR SPEAKER

Mersi AG.  Eski nou’n war a way forward?  Onorab Georges.

 

HON BERNARD GEORGES

Mon, mon krwar ki si mon konpran Attorney General byen,  in ariv plito lo nou, lo nou bor e, e i napa gran problenm avek ‘transferred’ si mon konpran li byen?  I napa gran problenm avek ‘transferred’ reste.

 

THE ATTORNEY GENERAL MR FRANK ALLY

Mr Chairman mon pe met sa bann pwen devan senpleman pou montre, pou anmenn en, en pti pe klarite, e lot kote pou, pou bann Manm kapab apresye the ambit of the provision.  Akoz i pou annan en lefe an pratik evantyelman.  Mersi.

 

MR SPEAKER

Mersi AG.  Onorab Georges.

 

HON BERNARD GEORGES

En lot lefe pratik Mr Chair, se ler en msye ek en madanm i annan en later, zot annan zanfan ki ase gran, zot divorse dan en fason ase difisil.  E enn ant sa de i dir les mon aranz ou e i pas son par lo en piti ki i konnen pa kontan son manman oubyen pa kontan son papa.  E i dir la prezan, la prezan donn bal, e i pou arive.   E nou’n war i arive deza.

817 ;- i permet sa enn pey, pey sa enn ki pe antre.  Me dan sa ka, si nou pe dir transferred, pa include sale, nou pou end up avek, nou kapab end up avek en sityasyon kot i pa kapab exclude sa co-owner ki pe antre.

Mon krwar i bezwen annan en posibilite toultan pou en remaining co-owner exclude en incoming co-owner.  E mon krwar sete sa lide deryer 834.  E si, si napa okenn gran diverzans nou kapab bouze.

 

MR SPEAKER

Mersi.  Kontinyen Onorab.

 

HON BERNARD GEORGES

Mersi Mr Chairman.  Lartik 818 se, avan sa ou plito Code ki mannyer i ete ozordi, i dir ki ler i annan en co-ownership en fiduciary must be appointed, ok. 

Sa i kler, akoz ozordi Profeser Chloros ti dir i pa enterese ek co-ownership li.  Sa ki i anvi se ki ler i annan en co-ownership, apwent en fiduciary, sa fiduciary i annan en job.  Vann sa propriyete e partaz larzan parmi bann co-owners.  Sete sa, en trust for sale parey i egziste dan bann pei common law.  Sete sa son lentansyon.  Ou napa nanryen, ou en co-owner, not of property, but of the use credity parey Attorney General in dir, of the money, the proceeds of sale.  Nou, nou pe sanz sa, akoz i pa’n marse.  E Seselwa i kontan son later, Seselwa pa anvi ganny forse pou vann son later.  Alor prezan nou’n dir, ‘’when a property is co-owned, a fiduciary may be appointed.’’  Nou nepli fors sa lapwentman.

E dan 818 (2), nou dir ki mannyer i pou ganny apwente, swa by agreement of all the co-owners.  En appointment of fiduciary parey nou fer.  Or en Court Order.  E si ou pe fer li par en agreement, by agreement i pou en authenticated notarial document.  Fodre i en dokiman notaye ki’n ganny fer devan Noter.  E ki i pou annan bann kondisyon, the terms of the appointment.  Fiduciary pou ganny peye tan par mwan.  Oubyen i pa pou ganny pey ditou, fiduciary pa pou kapab vann amwen eski i ganny permisyon.

Oubyen fiduciary i kapab vann, okenn sa bann keksoz i ava antre dan sa dokiman.  Zeneralman napa kondisyon ki ganny mete.  Me menm anba Code konmela, ou kapab met sa bann, met sa bann kondisyon. Ou kapab apwent up to 3 fiduciaries ki pou act jointly oubyen tousel, depandan lo ki mannyer sa agreement in drafte.  E si napa okenn provizyon ki dir ki zot kapab act tousel, prezonpsyon se ki zot bezwen act ansanm.  E si napa en provizyon kont sa, dan sa apwentman, en fiduciare i kapab apwent lezot pou ranplas sa bann ki nepli kapab azir.

821 parey nou’n war taler, ler, e sa i diferan avek ozordi.  Ler bann propriyeter, bann co-owners i anvi diviz sa propriyete antre zot, zot a fer li atraver en fiduciary.  Ozordi i pa leka.  Ozordi swa zot bezwen al Ankour, e demann, swa zot bezwen fer li by agreement parmi zot si zot kapab.  Si zot pa kapab al Ankour, fer Lakour apwent en surveyor pou fer en Scheme of sub-division.  Oubyen si zot pa kapab, oubyen sa propriyete pa kapab ganny divize, akoz i zis en lakaz ek en bout later e i annan 5 co-owners.  Zot bezwen al Ankour e fer sa ki nou apel enn licitation e vann li a labar to anybody who comes.  E zot pa kapab anpes en outsider vin aste zot, zot byen.

La nou pe sanz tousala, e nou pe propoze ki si an, si an i annan en swe parmi bann co-owners pou zot diviz propriyete parmi zot.  Zot ava apwent en fiduciary, e sa fiduciary i ava fer parey mon fek dir, i ava apply avek Lakour pou sa propriyete ganny divize.  E si sa propriyete i ganny divize, me pa tou par ki egal, akoz kekfwa en bann i annan lakaz lo la, en bann napa.  Oubyen sa mannyer pou ganny divize ou pa kapab i fer li egalman,  i ava annan en adjustment in cash, sa enn ki ganny plis later oubyen en later ki pli valab, ganny sa bout bor lanmer i ava fer en adjustment in cash pou sa enn ki pa gannyen eksetera.

Sa se ler divizyon i kapab ganny fer.  Ler divizyon pa kapab ganny fer, e se la kot i annan en sanzman radikal.  Ou nepli vann li prezan, e partaz larzan,  sa fiduciare i ava donn bann co-owners parmi zot en, en drwa preferans pou zot aste olye vann an deor co-ownership, i ava vann anndan the co-ownership first, ok?

E i ava donn 12 mwan pou sa bann co-owners fer en lof e i ava vann avek sa co-owner ki vann li, ki make ki fer sa best offer.  Provided ki sa offer i pa mwens ki current market value, ki en valuer pou’n met lo sa later.

E si i napa okenn dimoun ki anvi aste, la prezan ou ava bezwen fer li par licitation e bann, en dimoun en, en third party i kapab aste.  E a sa moman drwa bann co-owners i ganny transfere dan en use credit, a share in the proceeds of sale of the property. 

 

MR SPEAKER

Mersi Onorab Georges.  Onorab Pillay.

 

HON SEBASTIEN PILLAY

Mersi Mr Chair.  Mr Chair mwan, mon annan en kestyon si ou oule.  Mon ti oule ganny en, en lesplikasyon ki mannyer nou’n, nou’n ariv li 12 mwan?  Rezon pou sa i akoz si nou konsider sityasyon, e i byen ki sa nou pe sanz li la.  Akoz enn bann sityasyon ki nou pe rankontre, se zisteman lefe ki ou annan ou bann, bann later ki pa gran.  Me ki 30an, 40an pase sa bann dimoun in fer zot lakaz.  I pa bann gran lakaz.  E lefe ki later i ptipti i vin en problenm apre kot i annan en kontestasyon lo pratikalite pou diviz sa later.

So i tre byen ki nou annan sa provizyon ki fer ki prezan ou pa al ver sa, sa ultimate phase se vann.  Me lot issue ki vini ki antre ladan, se ki mannyer nou kapab – enn – eski sa 12 mwan i en, i en peryod lozik, realistik?  Pou asire ki sa bann co-owners i kapab, whoever ki anvi aste par egzanp sa fanmir ki annan son lakaz la, sa ser ki’n fini fer son lakaz, sa frer ki pe fer son lakaz, i kapab reini sa kalite sonm, given valer later ouswa en pti lakaz.

Apre dezyenmman an se ki konsern praktikalite.  Akoz i annan case  ki dimoun in koz lo la, in pas Ankour.  Kot Lakour ki fer determinasyon ki malgre sa later i pa sitan gran, me sa plot kot son lakaz i asize i ganny konsidere konman sa bout ki sa co-owner i own.

So eski nou pe les sa up to the judgment of the Court, oubyen eski nou oule met serten klarite oubyen finalite ladan?  Oubyen eski nou devret les li pou ganny determinen on a, on a case-by-case basis?  Mon konsern i se ki si de case i prezant menm sityasyon, i al devan de diferan, i al devan de diferan reprezantasyon Ankour, ou kapab ganny de diferan desizyon pou menm case.  Enlighten mwan si sa i kapab arive?

 

MR SPEAKER

Mersi Onorab.  Onorab Georges.

 

HON BERNARD GEORGES

Mon krwar Mr Chair ki nou pou bezwen les li a lapresyasyon sa fiduciare, sa surveyor e Lakour.  Akoz pa tou, pa tou ka ki pou parey.  I ava annan later ki kapab ganny divize akoz i ase gran.

E kekfwa napa, napa building lo la.  I ava annan later ki pa kapab ganny divize akoz i zis en lakaz lo en 800 square meters of land ki ou pa pou kapab ganny, oubyen 400 met kare later ou pa pou kapab ganny fason divize.

E i ava annan serten sityasyon kot pa tou dimoun ki pou ganny egal.  I annan en ka la ki nou pe fer, devan Lakour, kot bann zeritye in konstri en pe partou lo en later zeritye.  E ler i pou ariv pou divize, bann ki pa’n konstri, nepli annan sifizaman later pou zot gannyen.  Alor zot a bezwen ganny en adjustment in cash.  Mon krwar the vaguer it is the better it is.  Akoz i les sa, sa problenm a lapresyasyon sa trwa fonksyon.

 

MR SPEAKER

Mersi Onorab Georges.  AG.

 

THE ATTORNEY GENERAL MR FRANK ALLY

Mersi Mr Chairman.  Mon ti a kontan senpleman petet an adisyon sa ki Onorab Georges in koz lo la lo sityasyon aktyel.  Me selman mon santi poudir Onorab Georges in koz lo la only en laspe oubyen en perspektiv.

I pa’n koz lo laspe the third party ki pe deal avek bann co-owners.  Now, par egzanp, si i annan en later ki i annan 10 propriyeter, e i annan en encroachment lo mon propriyete.  Mon pou bezwen al pourswiv tou le 10 co- propriyeter.  Si enn i Lostrali, enn i Canada, enn, 10, 5 i Sesel, mon bezwen al rod zot kot zot ete pou mwan pourswiv zot.

Me avek sityasyon aktyel ki nou annan ou pa bezwen al rod sa bann dimoun partou kot zot ete.  Zot annan en fiduciareSo fiduciare i pa zis about selling a property.  It’s about administering a property.  E nou’n gard sa dan Lartik 825 ‘‘the function of a Fiduciary is to hold, manage and administer the property diligently and in a businesslike manner as agent of the co-owners’’.  

Now an pratik ozordi ki nou annan, depi 76 ler nou’n adopte sistenm fiduciare, se ki 2 dimoun ou plis i vin aste, i aste en later, i al kot en avoka oubyen en noter, e sa avoka ek sa noter otomatikman i poudir ek zot, be la zot bezwen apwent enn antre zot oubyen 2 antre zot, oubyen 3 antre zot konman fiduciare.  So zot, zot siny en dokiman kot zot ganny apwente fiduciare.  E la tou dimoun i konnen lekel ki zot pou deal avek.  E pareyman si zot pe la mortgage sa propriyete an faver Labank, sa fiduciare i a siny sa dokiman.  E si i annan okenn dimoun ki bezwen sue an relasyon avek sa later, i sue the fiduciary.  E fason ki mannyer nou’n, 818 orizinal in ekrir i kler.

I dir ‘‘if the property subject to co-ownership is immovable, the rights of the co-owners shall be held on there behalf by a fiduciary, through whom only they may act’.  Setadir ou pa pou al kot sa co-propriyeter ki Lostrali, me ou pou al kot sa Fiduciary ki reste Anse Aux Pins si i reste Anse Aux Pins.  E dan sa ka, ou annan ou en dimoun ki i ganny idantifye.  E petet ki nou ti dwatet ale pli devan, ki nou dwatet konsidere pli devan poudir sa fiduciare son non i dwatet ganny mete dan, dan land register. 

So that it’s cleared for everyone lekel.  Akoz fason ki mannyer mwan, mon lir 818 aktyel, se i pa dir ou en a fiduciary of co-own property per seBut it is of the property.  So menm si i annan detrwa dimoun ki co-own an undivided share, there should be a fiduciary of that property.  Ki la ki administrater sa propriyete.

E si, e si fason ki mannyer ki nou, nou pe, pe bouz dan en sityasyon, kot ou pou aste en later, ko propriyeter, ou pa pou bezwen apwent en fiduciare en reprezantan, or en agent.  E alor pou annan en kantite later Sesel ki pou zis an co-owner, co-ownership.  Ou pou bezwen al sue bann, bann co-propriyeter.

E en lord petet ki nou ti pe etabli avek fiduciare mwan, mon war li i kapab vin en pti pe en dezord.  Akoz si nou tou nou dakor pou nou vann sa propriyete, nou pa bezwen apwent en fiduciare.  Akoz nou kapab agree antre nou.  Me si nou, si i annan diferans ki la Lakour i apwent en fiduciare, e la sa fiduciare  i accountable to the heirs pou li kapab  e render accounts to the heirs.  So ler mon get 821, kot i dir ou ‘‘where the co-owners do not agree to stay in the state of in division, a Fiduciary shall be appointed’.

Ozordi ler nou pa anvi reste dan state of in division nou pa anvi, nou pa bezwen apwent en fiduciare.  Nou al direk Ankour, i senp.  Nou al Ankour, nou dir ek Lakour nou ko propriyeter, mon pa anvi reste dan letan en divizyon, e Lakour i apwent en Appraiser i dir evalye sa propriyete, e fer en partaz.  So nou pe met en lot, pa lobstak, me en lot prosedir dan ant sa bann dimoun.  Akoz la prezan nou pou al lager Ankour.

Si pou apwent en Fiduciare oubyen non, e lekel ki pou ganny apwente.  Whereas la nou annan nou drwa.  Akoz ou bezwen, nou bezwen fer la diferans ant en drwa ki en Fiduciare i annan, ek en drwa ki en, en co-propriyeter i annan.

Sa drwa ko propriyeter i, ou pa pou kapab anpes li si i anvi al Ankour pou li al apwent en fiduciare, en, en pou li fer en, en laplikasyon, pou division in kind parey nou dir.  Mon krwar sa ki i en keksoz ki nou bezwen gete.  E sirtou an relasyon avek en, en third party.  Because otherwise a sak fwa ki mon pou annan en case ki mon pou fer kot en later napa en fiduciare.  Mon pou bezwen al Ankour konman en interested party e dir ek Lakour apwent en fiduciare.

E nou napa bann professional fiduciary isi Sesel.  E la prezan mon a rode lekel ki mon pou, mon pou al sue.

E mon, mon war li i kapab anmenn bokou plis lanter dan deal avek bann cases ki i annan pou fer avek co propriyete.  Sa mon en, en pwennvi petet ki mon kapab met devan pou konsiderasyon.  Mersi.

 

MR SPEAKER

Onorab Georges.

 

HON BERNARD GEORGES

Mersi Mr Chair.  Mon ti war Onorab Pillay lev son lanmen, mon annan en repons pou fer avek Attorney Zeneral, mon pa konnen si i ti anvi lev en pwen avan.

 

MR SPEAKER

Onorab Pillay.

 

HON SEBASTIEN PILLAY

Mersi, mersi Mr Chair.  Mr Chair mon krwar i annan en keksoz ki nou bezwen apresye ozordi dan larealite dan nou pei.  Menm Gouvernman in war en, en kantite problenm kot pou li antre dan serten landrwa, pou li kapab ed bann fanmir pou repar zot lakour ki pa kapab repar zot lakour zisteman akoz sa size co-ownership propriyete.

Lekel ki pou sinyen pou anmenn reparasyon lakaz.  En kantite sa bann problenm in arive.  E mon krwar sa, sa additional layer, san ki ou bezwen al kot Lakour pou li fer sa partaz, swa pou apwent Assessor pou diviz propriyete, i enn ki enportan pou nou ozordi.  I annan case ki –  mon’n rankontre en dimoun ki’n pas dan menm sityasyon, kot Lakour ki ti bezwen determinen poudir sa pti lakaz ki sa dimoun in fer i son byen konman en co-owner.  Akoz i en dimoun ki vilnerab, e pou li kapab ganny led sete sa ki i ti bezwen fer.  So nou konpran poudir i pou annan diferans, en kantite sityasyon ki sa i leka.

Nou pa pe koz bann later ki 10,000mil, 15,000mil met kare la.  Nou pe koz bann later ki 700 met kare, kot ler sa bann dimoun ti fer zot lakaz.  Praktikalite ozordi avek Planning pou kapab fer sa divizyon, i pa neseserman leka.  Mon konsern mon konpran se ki si ou pou al sue sa bann dimoun ki’n encroach kot ou.  Be ler nou weigh-in the balance, petet, bann ki, ki’n frekant sa, sa sekter legal, zot ava dir nou ki kantite case ki i annan kot ou pe sue co-owners.

E kantite case kot i annan kot bann dimoun pe rod lafason pou zot ganny sa kare later kot sa lakaz in ganny built, swa par zot paran, swa par zot menm ler propriyete ti ankor co-own.  Mon krwar se sa ki nou bezwen, ki nou bezwen focus lo la.  Mon konsern se ki  si sa i pa kler, si sa i pa kler, mon pa oule kree en lot problenm pou dimoun ki pou trouv zot dan en fason pli vilnerab pou al rod bann Avoka, ki bann case i pran sepa konbyen letan, zot depans sepa konbyen larzan ki zot napa.  E apre sa bann dimoun pa neseserman kapab ganny rezilta.  Mon pa pe blanm bann Avoka, konpran Mr Speaker.  Me selman mon krwar ki i enportan ki nou sey rod en solisyon pou sa sityasyon, kot mon pous sa sitasyon kote i annan co-ownership.

Akoz sa i en gro problenm pou nou ozordi.  Menm bann ki, ki’n realize ler i pe pran sa dimoun kot i konsern way leave, en kantite sityasyon koumsa.  Mersi Mr Chairman.

 

MR SPEAKER

Mersi Onorab.  AG.

 

THE ATTORNEY GENERAL MR FRANK ALLY

Mersi Mr Chairman.  Mon krwar Onorab Pillay i en pti pe konfize lo, lo purport of sa de set of provizyon.  Sa bann nouvo provizyon pa pou solve sa problenm ki ou ou pe dir.  Sa problenm pou reste.

Akoz ou pa pou kapab fors en dimoun, e sa bann provizyon i pa pou fors en dimoun donn en semen, diviz en later si i pa anvi divize.  Ou pou al Ankour e ozordi divizyon later i ganny fer si i pa alamyab, Ankour.  E sa bann provizyon osi i reste parey.  Ou pou bezwen al Ankour.  Akoz se Lakour ki ambit dan bann sityasyon parey.  Mon konnen poudir bokou dimoun i santi poudir co-ownership i en problenm.  Wi, co-ownership i en problenm e i pou reste en problenm.  I pou sorti lo en later 10arpan, i pou vin lo en later 400 met kare.

E nou annan, nou annan provizyon dan Lalwa pou deal avek co-ownership.  Nou problenm se ki bann co-owners pa pe al Ankour pou deal avek co-ownership properly.  Oubyen zot pa pe ganny konseye properly as to how to deal with co-own land.  Lalwa i la, i pa pe sanz gran keksoz li.  Me ki i pe dir ou se ki ler Lalwa, ler later i an co-owner, an co-ownership, i annan en dimoun ki bann co-owners i apwente ki reprezant sa co-ownership, ki pou administre sa co-ownership.  Ki pou donn en, en wayleave, ki pou donn en permission to build.

E si zot bann co-owners pa dakor antre zot as to lekel ki pou fiduciary then zot al Ankour.  E Lakour pou apwent sa Fiduciary.  E sa, sel keksoz ki pe sanze dan en, dan en sans se ki ozordi i annan en lobligasyon pou annan en Fiduciary, i mandatwar pou annan en Fiduciary to co-own property.  E sa Fiduciary i la pou administre sa propriyete, pou fer sir ki bann co-owners ki, ki sa propriyete i ganny administre dan benefis bann co-owners.  Me ki sa, sa bann lamannman pe anmennen, se ki i pou nepli en lobligasyon pou ou annan en fiduciary.

Me si mon konman en co-owner mon anvi annan en Fiduciary, e tou bann lezot co-owners pa dakor, then mon kapab al Ankour e demann Lakour pou apwent en fiduciary.  E la Lakour i pou apwent en fiduciarySo i napa vreman bokou sanzman an relasyon.  E anfet sa ki Onorab Pillay pe, pe sey dir se ki ozordi mon konman en co-owner, menm si mon annan en 8enm oubyen en 20enm.  Mon laport, laport Lakour i ouver pou mon antre Ankour e demann Lakour pou diviz sa later pou waon ganny, en 20enm.

In fact the power of a co-owner whatever be son share, son undivided share in land is very, very strong.  Akoz i kapab provok en division in kind.  E sa problenm se pa en problenm Lalwa as such.  En problenm enplimantasyon Lalwa ki egziste.  Mersi Mr Speaker.

 

MR SEPAKER

Mersi AG.  Onorab Georges eski nou, nou annan apepre 10 Lartik pou nou co-ownership.  Eski nou kapab fini kekfwa dan 5.15?  Ziska petet 5.15?

 

HON BERNARD GEORGES

Mr Chair mon annan de pti problenm.  Mon pa konnen si nou pou kapab fini, en lot se ki, depi 4.30 mon sipoze pe teach en leson avek bann bar bann, bann etidyan Bar ki pe esper mon.

Me wi, si nou kapab fini co-ownership, by all means annou seye.  Me mon, mon pa sir.  Me les mon sey, les mon sey depay sa, sa problenm.  Dan lespri Profeser Chloros, e se pou sa rezon ki in met Lartik 800, pardon.  818, ‘if, if the property, property subject to the co-ownership immovable, the rights to the co-owner shall be held on their behalf by a Fiduciary’.  

‘Shall be held on their behalf by a Fiduciary through whom only they may act’’.  Dan son lespri sete le moman ki i annan en co-ownership, ki se antre vif oubyen apre lanmor, en fiduciary pou ganny apwente e pou ganny anrezistre.  Premye defayans sa pa’n arive.  Si sa ti’n arive, tou problenm ki Attorney General fek dir nou, pa ti pou egziste.  Akoz le moman ki ou ti bezwen fer en keksoz ek sa later, ou ti ava al kot Biro Lanrezistreman ou ti ava gete, ou ti ava war this is the Fiduciary.  Sa ki’n arive, se ki dimoun i apwent en Fiduciary selman ler zot bezwen, ler zot bezwen vann oubyen ler zot bezwen ipotek oubyen ler zot bezwen fer en keksoz.  So sa pa’n arive.  E se an rekonesans ki sa lobligasyon pa’n arive.

E menm si i ti arive, menm si dizon Registrar ti kapab fors konman i annan en co-ownership, fors sa bann co-owners apwent en Fiduciary.  Menm si i ti kapab fer li, e mon pa konnen ki mannyer i ti pou kapab fer li.  Otherwise and by saying si ou pa fer li dan 6 mwan nou pou pran ou later nou pou donn leta pou fer zot fer li.  Si, menm si i ti fer li ler enn sa bann Fiduciary ti mor oubyen i ti al deor, personn pa ti pou konnen ki mannyer ou ti pou kapab follow up e fer sir ki toultan ti annan Fiduciary ki ti isi Sesel, apwente willing and able to act.

E donk se pou sa rezon ki nou’n dir, be si en, en keksoz mandatwar ki pa pe marse annou fer li vin volonter.  E nou a fer en apwentman fiduciary selman ler enn i pou, ou pou ganny bezwen.  Because this is how it’s happening anyway.  E parey Attorney General in dir, yer, ozordi e demen apre ki sa Lalwa in pase, problenm co-ownership pou still reste isi Sesel.  Akoz toultan ou pou annan enn ki pou met lobstak, oubyen enn ki pa pou an, anvi get involved.  E toultan ou pou annan, ou pou annan sa problenm, nou bezwen viv avek.

Sel keksoz nou pe sey, nou bezwen fer se trouv en fason en pe pli souple pou nou kapab deal avek sa problenm san ki sa problenm i vin nou problenm.  Ler ou bezwen anmenn en co-ownership Ankour, ou al kot Biro Lanrezistreman e ou war i annan de dimoun ki propriyeter sa later oubyen 10 dimoun, oubyen dan ka en case la konmela ki Ankour.

231 co-owners dan lekel apepre 190 i reste Lostrali, Lanmerik, L’Angleterre, Sid Lafrik, Zimbabwe e bann lezot pei including Wuhan.  Ki ou pou fer?  Ki ou pou fer?  Ou pa pou kapab deal.  Sel keksoz ki sa provizyon i donn ou permisyon fer, se en interested party ler ou anvi sue sa co-ownership, ou al Ankour ou dir avek Lakour mon pa kapab rod tou sa bann dimoun Seloner.

Apwent en dimoun pou reprezant zot, apwent Curator of Vacant Estate or whatever, en dimoun ki responsab pou defann sa case.  Mon krwar alor i annan bann semen pou nou pase dan sa provizyon parey i annan dan provizyon aktyel.  E mon krwar ki it’s the best we can do Mr Chair.

 

MR SPEAKER

Mersi Onorab Georges.  Onorab Ramkalawan.

 

HON WAVEL RAMKALAWAN

Be zisteman Mr Chairman.  Nou’n asize nou’n ekout tou sa bann diferan largiman.  E sa ki mwan, mon pe antann ki sa problenm i en problenm eternel.  E ki alor nou pa pou kapab trouv en solisyon.  Me an menm tan osi lo lot kote, Lakour i la toultan li pou li ofer solisyon.  E mwan, mon ti ava propoze ki latab e bann, bann dimoun ki pe adres sa size, si nou war ki poudir sa ki nou annan la, enn si i meyer ki i ti annan oparavan, atraver bann lamannman ki’n ganny fer.

E ki si nou, dezyenmman si nou kapab viv avek sa ki i annan la, menm si i pa parfe.  Parske menm sa ki i ti annan avan pa ti parfe, ti annan tou son bann problenm avek li.  Mon Mr Chairman mon ti ava propoze ki amwen.  Parske mon pa ankor tann okenn dimoun fer lamannman.  Propoz lamannman dan sa 5, parske la i annan zis 5 la.  5 Lartik ki, ki devan nou mon pa ankor tann okenn propozisyon lamannman.  Alor mwan, mon ti ava move ki nou adopte li parey i ete.  Parske napa okenn propozisyon lamannman as such.

E ki nou’n osi propoz bann in, in fini ganny propoz bann aveni ki en dimoun i kapab pran pou, pou ki si i annan okenn konplikasyon.  Mwan, mon ti ava dir, be annou adopte li parey i ete la.  E nou ava bouz devan.  Mon pe met sa lo latab Mr Chairman akoz mon, mon napa okenn propozisyon diferan pou mon met devan.  Mon’n plito sezi sa konplikasyon.  E lefe ki i pou reste konplike, menm si nou reste la ziska le 31 Desanm, i pou annan menm problenm.

Alor annou bouze nou ava kapab, nou ava kapab avanse.  Mersi bokou Mr Chairman.

 

MR SPEAKER

Mersi Onorab.  Eski nou annan en konsansis, nou bouze?  Si non, nou pou reste lo la, nou’n fer mon krwar apepre 30 minit zis lo menm size, lo menm pwen.  AG.

 

THE ATTORNEY GENERAL MR FRANK ALLY

Mersi Mr Chair.  Mr Chair, mwan parey ou konnen, mon napa pouvwar Lezislatif, mon la zis petet pou met serten pwen devan.  Me parey Onorab Ramkalawan in dir, se ki wi i en problenm, co-ownership i reste en problenm.  Onorab Georges in, in dir menm zafer.

Me selman nou, nou petet i ti a bon.  I en, i en set provizyon ki petet ti a bon Onorab Georges avek detrwa Manm i regete.  Akoz par egzanp kot i dir ou 821, i dir ou ‘‘where the co-owners of a property do not agree to stay in a state of indivision, a fiduciary shall be appointed’.  ‘Shall be appointed’’.  So now nou pe tir the right of a co-owner to go to CourtTo ask for, to be out of that state of indivision.  E la i pou bezwen al Ankour avan, e rod, dir avek Lakour apwent en fiduciary.

E la se sa fiduciary ki pou al Ankour.  Ki pou reprezant li Ankour.  Akoz ki en Fiduciary ki pou reprezant li Ankour, ki li i pa kapab reprezant son lekor Ankour.  E enter a petition Ankour poudir ek Lakour apwent en Appraiser, mon oule.  And this is what it is today.  And petet e from what Onorab Pillay pe dir, ki i annan bann i problenm.  Mon war sa petet i kapab parey mon dir, anmenn plis lanter dan sa bann prosedir.  E, non mon pe zis met devan pou, pou to give food for thought.

Akoz evantyelman se bann Avoka, bann piblik ki pou viv avek sa bann sa, sa.  E i pe anmenn serten sanzman ki ase konsiderab dan lavi bann dimoun ki bann, dan co- propriyete.  Mersi.

 

MR SPEAKER

Mersi AG.  Onorab Georges.

 

HON BERNARD GEORGES

Mr Chair.  Mon si mon pou reponn Attorney General nou pou la 5.30.  Alor mon konpran, mon konpran sa ki i pe dir me i annan, i annan en repons.  E sa repons se sa enn.  Konmela en co-owner i kapab al Ankour i demann en division in kind.

Sa ki nou pe fer la, se ki nou pe dir, se pa en co-owner ki pou al Ankour, se the fiduciary ki pou al Ankour.  Pa akoz i pou annan zis en division in kind.  Me akoz nou pe prevwar pou sa, pou sa ka kot later pa kapab ganny divize, e anba (4) en co-owner pou ganny ofer pou aste the co-ownership.  Ki konmela pa kapab arive.  Konmela ler ou al Ankour, si i pa kapab ganny divize, i bezwen ganny fer licitation e licitation third party i kapab vin aste, e nou pe sey avoid sa.

Nou pe sey gard the integrity of the co-ownership.  Nou pe sey gard sa later dan sa fanmir olye, olye fors li ganny vann parey Profeser Chloros.  Kekfwa nou napa gran keksoz pou fer Mr Chair pou fer lo fiduciary.

Me kekfwa sa i ava en bon moman, e mon konsyan ki mon annan detrwa etidyan ki pe esper mon pou mon al pas, including de ki pe asize la anler.  Akoz mon pe la, mon pe al teach zot en lot, en lot keksoz ozordi.  Akoz nou pa zis pause la, e demen bomaten nou kapab repran sa e fini.  Akoz larestan anba Fiduciary pa’n ganny sanze.  I zis ki mannyer fiduciare i administre son bann byen.

 

MR SPEAKER

Mersi Onorab Georges.  Onorab De Commarmond ou segonn sa propozisyon.

 

HON CHARLES DE COMMARMOND

Mon segonn sa propozisyon Mr Chair.  E an menm tan selman mon ti anvi, sirtou bann Onorab Georges e Onorab Pillay, AG.  Reflesir lo sa pwen ki’n avanse, pou anmenn en solisyon pou tou lede issue.

Onorab Georges ou pe ekoute.  Mon pe segonn ou propozisyon me an menm tan mon pe dir ki zot ki, ki konpran sa sityasyon byen, ki metriz byen sa.

Anmenn en propozisyon pou nou Lasanble demen, pou adres tou lede pwen ki’n ganny releve, ki’n nou war en way forward, ki tou lede i ganny adrese e nou anmenn en solisyon.  Mersi.

 

MR SPEAKER

Mersi Onorab De Commarmond.  Onorab Georges.

 

HON BERNARD GEORGES

Wi, Mr Speaker.  Mon pa pou antre, mon pa pou antre dan tantasyon dir avek Onorab Leader of Government Business ki annan lodas demann mon al fer en propozisyon tanto.

Me mon ava swiv son konsiny e mon ava byen erezman avek, avek en bon lavolonte fer sa, fer sa ki i demann mwan fer.  Mersi.

 

MR SPEAKER

Mersi Onorab Georges.  Yes Onorab Henrie.

 

HON GERVAIS HENRIE

Wi, Mr Chair mersi.  Mon ti annan zis en pti konsern ki kekfwa osi nou kapab reflesir lo la.  Akoz i pe annan sa bann sityasyon konmela la kot Gouvernman pe konstri home for the vulnerables.

E parfwa zot pe fer li lo bann later zeritye.  E i annan en tandans ki dimoun i krwar poudir Gouvernman pou pran sa propriyete enn fwa ki sa dimoun ti gannyen i mor.  Me dan sa ka osi ki i arive?  Akoz i –

 

MR SPEAKER

Mersi Onorab.  Bon mon krwar nou’n ariv en pozisyon kot nou pou, nou pou adjourn.  Me avan nou adjourn mon ti a kontan remersi tou bann Manm.  E byensir en remersi spesyal pou Vis-Prezidan avek son lekip, AG, Mr Pool, Professor.  E mon ti a osi kontan remersye tou manm piblik ki’n a lekout e osi pe swiv sa deba.  Bann ki pe osi tou ganny kontak avek bann Manm pou fer bann propozisyon.  Byensir mon ti a kontan remersi SBC osi.

Demen Deputy Speaker will be in the Chair pou kontinyen sa deba.  E mon pou absante lo, mon pe al asiste meeting Executive Committee SADC-PF.  E mon pou absante depi demen ziska Dimans.  Mon ava demann Sarge pou move Mace pou nou reconstitute dan Lasanble avan nou adjourn.

So demen Lasanble i ava kontinyen avek travay kot nou’n arete ozordi.  E mon swet zot tou bonn sans pou sa 2 zour.  E fotespere ki zot kapab termin deba lo Code Civil.  Lasanble i adjourn e i repran travay demen 9er bomaten.

 

 

(ADJOURNMENT)