::
Home » Verbatim » 2020 » Verbatim Thursday 12th March, 2020

Verbatim Thursday 12th March, 2020

NATIONAL ASSEMBLY OF SEYCHELLES

 Thursday 12th March, 2020

The Assembly met at 10:05am

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bonzour tou bann manm Onorab. Tou nou bann envite dan Galeri. Tou dimoun ki pe swiv Lasanble Nasyonal lo radyo, televizyon rezo sosyal bonzour. Nou demann en pti leskiz pou sa pti retar pti problenm teknik pou nou komans an retar ozordi, me nou pou komans toudswit e nou travay byensir i lo Civil Code of Seychelles Bill 2018.         E nou ti pe ganny dirize byen sir par Onorab Bernard Georges e mon a san tarde mon a demann Serzan pou met nou dan Staz Komite.     E nou a demann parliamentary reporter pou envit nou technical panel pou zwenn avek nou. Antre tan Onorab Georges si ou kapab zis remind nou kot nou tin kite yer. Ki bann propozisyon zot ti pou vin avek bomaten. Mersi.

 

HON BERNARD GEORGES

Mersi Mr Chair. Bonzour tou bann manm. Bonzour tou bann dimoun ki pe swiv nou kot zot. Mr Chair nou ti’n komans sa dernyen parti nou Code, sa deryer mil lartik annefe. Me malgre i annan en kantite lartik nou pou al tre vit atraver sa bann lartik akoz en kantite zot se zis prosedir pou swiv se pa bann lartik sibstansyel.                   E an zeneral zot tou zot in, i en reprodiksyon sa ki egziste deza.  Napa gran sanzman. Kot i annan gran sanzman mon ava alert zot e sa i pou dan 2 ou 3 landrwa spesifik. E mon krwar ki si nou travay byen nou a kapab arive konplet nou travay by a lafen ozordi Mr Chair. Mersi.

 

MR DEPUTY SPEAKER

Mersi bokou Onorab Georges esperon ki nou kapab kouver otan ki nou kapab se si posib fini sa bann lezot lartik devan nou.                                                     Mon ti a kontan swet la byenveni parmi nou Vis- Prezidan Vincent Meriton. Nou osi annan Legal Draftsperson Mr Victor Pool. I would also like to say a warm welcome to Professor Angelo who is joining us on the technical panel this morning, for the continuation of our Civil Code of Seychelles, Bill 2018. E mon ti a kontan osi swet la byenveni Attorney Zeneral Mr Frank Ally ki pe zwenn nou la konmela.                    San tarde mon a donn Onorab Georges la parol pou diriz nou.

 

HON BERNARD GEORGES

Mersi Mr Chair. Bonzour Vis- Prezidan. Bonzour Attorney General, Profeser e legal draftsperson Mr Victor Pool.  Mr Chair nou ankor lo Kontra e nou pou an ase vi t lo 2 ou 3 seksyon ki annan pou fer, ki enportan pou bann Manm pou fer avek Kontra.                                Premye se lartik 1119 kot nou ti’n arive avek 1120 ek 1121 ek 22. Sa bann lartik i dir ki en dimoun i kapab ler i antre dan en Kontra, i kapab antre dan en Kontra pou son lekor e osi pou serten lezot dimoun. Donk i kapab stipil dan sa Kontra ki sa Kontra i pa selman pou li, me i pou plizyer lezot dimoun. Se ki nou apel an Franse stipulation pour autrui. Ou pe stipulate pou en lot dimoun. E donk 1119 i dir ou kapab fer sa. 1120 i eksplike ki mannyer sa i arive e 1121 i dir ki ou kapab menm stipulate pou en third party – en lot dimoun, e ki mannyer stipilasyon i ava ganny revoke.                Napa okenn sanzman ki’n arive me mon ti krwar ki i ti enportan pou nou konnen ki sa propozisyon, oubyen sa keksoz i egziste dan nou Lalwa. Stipilasyon antre dan en Kontra pou en lot dimoun.

E la apre sa nou vwar bann prensip ki non vwar ankor en ki ganny repete over and over again. 1123 en dimoun, tou dimoun i kapab antre dan en Kontra unless ki i annan en kapasite legal. Setadir ki swa i en miner or in fini ganny enterdi par Lakour.  E ler sa i arive 1124 i dir lekel ki kapab antre dan sa Kontra pou zot.                   1126 kisisa lobze en Kontra. 1127 posesyon en keksoz i kapab lobze en kontra. E 1128 i enportan zis bann keksoz ki i annan en valer komersyal ki kapab vin lobze en Kontra. Zis keksoz ki annan lobze komersyal. Si en keksoz napa en lobze komersyal i pa kapab form lobze en Kontra ou pa kapab fer en Kontra pou en keksoz ki napa en lobze komersyal i pa kapab from lobze en Kontra. I pa kapab fer en Kontra pou en keksoz ki napa en lobze komersyal. E sa i enn lartik vreman enportan ki bokou dimoun pa toultan apresye.                                              En keksoz ki pou dan fitir i kapab lobze en Kontra, en contract to build par egzanp.  Eden Island par egzanp, ou fer en Kontra ou dir mon pou aste sa lakaz ler i pou fini fer, me ou Kontra ou antre depi avan malgre ki sa keksoz pa egziste. E 1131 ankor enn fwa i repet sa prensip ki en kontra ki unlawful ki pa legal napa okenn lefe legal. E en Kontra i pa legal si son performans i ganny anpese par Lezislasyon oubyen i kont Lord Piblik. Se sa nou vwar repeatedly atraver Code tou bann keksoz ki ilegal oubyen kont Lord Piblik pa kapab ganny aksepte. Se enn bann prensip fondamantal nou Lalwa Sivil.

E la prezan Mr Chair nou’n ariv a lafen sa pti bout e nou pe al lo en lot seksyon kekfwa nou devret pran en vot lo sa premye seksyon.

 

MR DEPUTY SPEAKER

Mersi bokou Onorab Georges. Savedir nou pou pran en vot 1101 ziska 1133;- annefe 1131 parske sa lot 2 seksyon i vacant.  Onorab Ramkalawan.

 

HON WAVEL RAMKALAWAN

Bonzour Mr Chairman. Bonzour tout monde, panel, VP, tou sa bann dimoun ki dan Gallery e osi bann ki a lekout. Mr Chairman mon anvi zis en leklersisman. Letan nou vote, eski menm sa bann ki pou lemoman i vacant eski letan ou propose sa vot mon ti a kontan leklersisman. Eski nou bezwen osi enkli sa bann ki vacant? Parski si ou ariv 1131 apre sa nou pran 1132, 1333 akoz i pou annan en gap. So, mon anvi zis ganny sa kler we vote also for the vacant articles. Just to make sure that it’s complete.

 

MR DEPUTY SPEAKER

Mersi Onorab Ramkalawan. Mon mazinen nou pe vot pou li parey in ganny ekrir including the vacant e mon pa tro asire akoz i annan bann seksyon vacant. Be mon mazinen i reflekte en pti pe Civil Code la fason i ti’n deza ganny drafte. Onorab Georges petet ou kapab klarifye.

 

HON BERNARD GEORGES

Efektivman se sa Mr Chair. Civil Code i la pandan telman lontan ki dimoun in abitye ek bann lartik. Ou konnen ki 1382 i tord, ou konnen ki 1110 i Kontra alor otan ki posib ler ou fer en revizyon en Code ou pa sey sanz sa bann lartik ki dimoun i konnen e ki ou kapab al direkteman dan zirispridans Franse akoz laba osi i annan pou swiv sa. Alors se pou sa rezon ki olye fer li konsekitiv nou gard sa vacant.

 

 E apre i permet nou osi ler ou enport en keksoz dan Code parey nou pe al fer avek  matrimonial causes, act eksetera,   bann keksoz koumsa ou annan bann landrwa kot ou kapab fer sa antre.

 

MR DEPUTY SPEAKER

Mersi bokou Onorab Georges sa i kler. A lor nou pou pran en vot lo seksyon 1101 ziska 1133. Tou Manm ki an faver? Eski i annan okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair.  Bonzour a tous. Mon’n rikord 26 manm ki’n vot an faver e personn kont. Mersi.

 

MR DEPUTY SPEAKER

26 Manm an faver, personn kont.  Ki vedir sa bann seksyon i ganny aprouve par Lasanble Nasyonal. Bon nou pou kontinyen avek lezot seksyon Effect to obligations e mon donn laparol Onorab Georges ankor.

 

HON BERNARD GEORGES

Mersi Mr Chair. Mr Chair sa seksyon i en seksyon tre enportan akoz ki i donn nou en flavor kisisa en Kontra. E i donn nou en road map lo ki mannyer pou enterpret Kontra alor i tre, tre enportan. Pa zis pou avoka me osi pou piblik. 1134 i dir ou ki en Kontra ki’n ganny antre ladan legalman i annan lafors Lalwa pou sa de dimoun oubyen sa trwa dimoun ki’n antre dan sa Kontra. E sa i tre enportan akoz i dir ki en Kontra se en Lalwa prive sa ki nou fer isi se en Lalwa Piblik nou pas en Lalwa piblik.                            Me ler de dimoun i antre dan en Kontra sa lefe ki zot fer i vin en Lalwa prive antre zot. Se pou sa rezon ki dir has the force of law. E nou apel sa the private law of the parties.  Akoz zot in deside ki sa ki zot pe fer zot pe pas en Lalwa atraver en Kontra ki pou bind zis zot de. Zot pa pe pas li pou piblik an zeneral. E fodre, akoz sa nou bezwen tou lede parti pou kas sa Kontra. Ou pa kapab fer li zis enn. E dezyenmman e sa se en overarching principle nou Code. Tou Kontra i bezwen ganny performen in good faith. Ou pa antre dan en Kontra pou ou kas sa Kontra ou antre dan en Kontra pou ou perform sa Kontra ziska son lafen e sa i en Clause tre enportan letan ou arive pou deside ler en dimoun in breach of contract, eski son lentansyon ti en bon lentansyon? Oubyen i ti anvi antre dan en Kontra pou li kas an ba en dimoun. Ou pa kapab fer li akoz sa overarching good faith principle.                                1135 I en provizyon fairness I dir ki sa Kontra e sa se en gran diferans ek Lalwa Angle common law ek Lalwa Franse. Lalwa Angle ou parol ki ou servi dan sa kontra i enportan e ou pa kapab al an deor sa bann parol generally. E se pou sa rezon ki bann kontra Angle I long, akoz zot sey kouver tou bann evantyalite. Kontra Franse I bokou pli kourt akoz sa bann prensip ki nou annan la. Son lenterpretasyon I tre diferan.

E 1135 par egzanp I dir, en Kontra I pa zis sa ki’n ganny express ladan dan son parol ki enportan me tou son konsekans ki lekite, la pratik ek Lalwa I anmennen ladan fodre pran konsiderasyon osi. Alor ler ou enterpret li ou pa zis get son parol me ou get son antite.  Eski I zis sa ki pe ganny fer?  Eski la pratik se koumsa?  Eski ler ou antre dan en Kontra pou fer en lakaz, eski la pratik Sesel I parey I ete oubyen non?

En legzanp se si, la pratik Sesel se ler en kontrakter I antre dan en Kontra I ganny peye par morso. Tan pou fondasyon, tan pou miray, tan pou twatir eksetera. Si all of a sudden ou antre dan en kontra ki dir ki sa kontrakter pou pran tou son larzan avan ki I komans fouy fondasyon e apre I pou rann ou, ou lakaz 3 mwan pli tar.  Ou pou kapab dir ki I pa la pratik, alor sa I en Kontra ki onere parey nou apel li. I fall fawl of 1135 akoz I pa fair, ok?  I pa donn, ou napa en balans, ou napa equality of arms. Se sa bann keksoz ki 1135 I permet.          ‘Oubyen ler 1135 in ganny servi par egzanp ler en labank I dir ki si ou fail pou pey en installment, ou pou fail pou pey en penalty. E sa penalty pou al ziska 20poursan par lao sa 10 ou 12poursan ki ou pe, ki ou bezwen peye anba ou loan. Lakour in dir ki sa i breach 1135 akoz i pa equitable  – i  pa fair. 1135 i rod fairness.  Malgre ki sa de dimoun in antre dan zot Kontra e zot n konnen ki zot pe antre ladan. E zot in fer li e in vin zot Lalwa prive parey 1134 i dir, malgre sa Lakour i kapab antre ladan i dir non, non, non it breaches 1135 akoz ou bezwen annan sa overarching fairness.                   1136 se ki ou bezwen prezerv en keksoz ziska ler ou deliver li e sa i la parey mon’n dir okenn sa bann keksoz pann sanze. Ou bezwen gard en keksoz in reasonable care ziska ler ou delivre li. I annan pou fer avek delivery. Ki mannyer ki arive ler ou deliver sa keksoz. E si ou pa deliver li dan en bon fason I kas sa kontra. Sa se bann keksoz ki pa telman enportan ni enteresan. Ki arive ler i annan en vyolasyon oubyen en breach lo sa delivery.   1145 i dir ki en kontra i kapab, en Kontra pou anpes ou fer en keksoz ki mon pa pou build devan ou lakaz. Ou kapab antre dan en Kontra pou sa eksetera.  E 1146 i en lot bann prensip kle. E sa se ou pa kapab demann en dimoun pey ou domaz tan ki ou pa’n servi en notis lo li pou dir akoz ou’n kas sa kontra ou pasiv pou ou pey domaz. Ou bezwen donn en dimoun en sans pou li repar son breach avan ki ou fer ki pey domaz. E sa i antre dan prensip good faith avek lekite ki nou’n vwar. Alor tan ki ou pa donn en dimoun en notis konmkwa in kas son kontra e donn li en sans pou li repar son breach, ou pa kapab ganny domaz.                  I annan leksepsyon nou ava vwar 1230i en leksepsyon ki nou pou vwar taler. E si I en case komersyal si ant 2 marsan oubyen ant 2 lakonpanni la ou pa bezwen notice. Akoz zot dan sa biznes zot, zot konnen ki arive ler zot breach. Be pou bann dimoun ordiner bann dimoun prive ou bezwen donn en notis.  E parey i dir 1146 (2) ler annan en penalty Clause the kontra ou gard li anba 1230 e nou ava war sa taler.

E si ou pa perform ou lobligasyon i annan en delay e sa i sertennman pou bann kontrakter, ou a bezwen pey domaz pou sa delay. Ou pa kapab claim domaz.            E 1148 (2) i en lot prensip enportan ou plito,1148 (3) en long lartik tre enportan e sa se Chloros, Profeser Chloros ki’n fer antre dan nou Code. i pa egziste dan Code franse. E i dir ki si i annan en sanzman sirkonstans depi ler ou’n antre dan sa Kontra. Ki fer ki sa kontra ou pa kapab perform li parey ou ti’n antisipe letan ou ti’n antre ladan. Lakour i ava kapab sanz sa e modifye li pou ki ou a kapab kontinyen perform san ki ou in breach akoz in ariv en complete change circumstances, ki an deor kontrol bann parti. E ki pa ti dan zot espektasyon ler zot ti antre ladan. I sa ki nou apel the frustration clause.            Sa Kontra in ganny frustrated alor i bezwen ganny re modifye pa Lakour pou li kontinyen. Akoz parey nou’n dir en Kontra i ganny antre ladan pou ganny perform e non pa pou ganny breach.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Mr Chair mersi. Bonzour VP ek ou delegasyon, avek tou dimoun tou bann manm. Lo sa pwen la eski petet Onorab Georges ou kapab eklersi nou, olye al devan Lakour si sa de dimoun in dakor ki i kapab sa sanzman sityasyon e ki konmsi easement of sa contract konmsi. Ki sa contract prezan I vin pli soup ki i ti ete e sa sanzman ki zot pe konsidere i ganny aksepte par both parties. Ki zot merit fer dan sa letan? Eski fodre absoliman al Lakour oubyen en lantant antre zot i sifi? Mersi.

 

MR DEPUTY SPEAKER

Mersi. Onorab Georges.

 

HON BERNARD GEORGE

Mersi Mr Chair. Tre bon kestyon annefe toultan ou komans avek en lantant zot pa kapab al ankour si zot kapab ganny en lantant antre zot. 1134 i dir sa. Si ou retourn lo 1134 zot ava vwar ler ou antre dan en Kontra. 1134 (2) contract cannot be revoke except by mutual consent eksetera. E sa i include osi okenn sanzman ou bezwen fer li mutually. Si tou lede i dakor zot pa bezwen al ankor. E menm ler zot al ankour anba 1148 se pa Lakour ki pou deside, Lakour pou apwent en arbitrator. Anba 4 Lakour pou apwent en dimoun pou fer en adjustment ki ekitab. E anba 5 (a) bann parti i kapab deside si zot p kapab tonm dakor pou apwent en arbit e sa arbit i ava modifye zot kontra pou zot. Akoz Kontra toultan i annan pou fer avek en keksoz spesifik, alors zot swazir en dimoun ki dan sa domenn ki kapab ed zot pou ariv a zot solisyon. Me tou Kontra sa i en tre bon pwen. tou Kontra i kapab ganny modifye a nenport ki moman sirtou ler de parti i dakor. A nenport ki moman. Ou fer en lease agreement pou 1an ler in ariv 11 mwan ou anvi reste tou lede i dakor ou extend li pou en lot lannen ou kapab fer sa at any time. Oubyen ou kapab sanz lokasyon ki ou peye eksetera.                                             1149 ek 1150 i sa de lartik ki annan pou fe avek ki mannyer ou kalkil domaz. E i mars pou Kontra ek pou  délittort. Parey nou pou vwar taler i menm prensip. Ler ou ganny domaz akoz en Kontra in ganny kase Kontrakter pann fer ou lakaz oubyen ler ou ganny domaz akoz ou lipye in ganny kase, akoz en loto in tap avek ou lo semen. Bann prensip i egzakteman parey ki mannyer ou kalkil sa domaz.

E 1149 i dir sa domaz i the loss ki, sa mo creditor fodre nou remarke i napa nanryen pou fer avek loan lo credit ek debit. Creditor i sa enn ki pou ganny sa domaz ki’n sibir sa tort oubyen sa kas kontra e debtor i sa enn ki bezwen pey sa domaz. Se the loss ki sa enn in gannyen. Son lokasyon pa’n ganny peye pou 6 mwan i ava ganny domaz pou sa 6 mwan lokasyon me osi, pou loss of right of personality sa i dir ou, sa se ler ou ganny en aksidan including pain suffering eksetera. Loss of amenities of life.

E osi pou en, i dir ou dan Clause 3 damages i egzakteman parey ou breach of contract e pou konmisyon en deli. Donk se menm prensip ki aplike e domaz i kapab ganny en lump sum  R200 mil domaz oubyen en sonm tale lo en peryod.  E si etale lo en peryod Lakour i kapab annex la lo en cost of living index oubyen okenn lezot index ki apropriye pou fer sir ki sa dimoun ki pe ganny peye pa perdi.

E 1150 ki en kontinyasyon 1149 i dir ki, ou bezwen pey domaz zis domaz ki ou ti kapab foresee oubyen ki ti dan kontanplasyon bann parti ler kontra in fer. Sa i zis pou kontra sa e pou vi ki napa okenn frod.           Ou liable pou ou pey en keksoz dan ou lekspektasyon ki ou ti pou peye si ou ti kas sa Kontra. Ou pa kapab pey en keksoz ki pa ti dan   ou lekspektasyon. E en stipilasyon ki 1150 e nou war li ankor dan 1385. Ou pa kapab antre dan en Kontra pou dir si mon neglizan oubyen si mon fer en frod mon pa pou pey domaz. Ou pa kapab si sa Kontra i annan enn sa cause, sa Clause pa pou ganny aplike par Lalwa. You cannot contract out of negligence in other words, you cannot certainly contract out of fraud. Me sa paragraf pa aplik pou lasirans. Akoz lasirans i en kontra ki spesifikman pey ou ler i annan en neglizans. Ou’n antre dan en Kontra ki dir si mon neglizan e mon kraz loto en lot boug oubyen mon tap dan son miray ou lasirans ou ava pey mwan. Alor i bezwen vin en leksepsyon a sa lareg. Me de dimoun pa kapab antre e dan sa kalite Kontra.                               1151 i extend sa Kontra pou bann ka frod e 1152 i si ou antre dan Kontra pou dir si i annan en breach ou pou pey tan par egzanp dan bann Kontra building contracts i annan liquidated damages.         Pou sak semenn ki ou an retar ou pou    pey tan, si ou’n antre dan en Kontra avek enn sa bann Clause ou pa kapab demann plis ou bezwen ou ganny limit a sa sonm. E sa pa aplike si i annan frod oubyen gross negligent. Dan sa ka ou kapab ganny sa domaz.                            1153 tre enportan. Si pa pey en keksoz a tan. Si ou annan en lobligasyon pou ou ranbours en loan, oubyen pey en dimoun en sonm larzan e ou pa fer li a tan. Sel domaz ki sa dimoun i kapab resevwar se lentere that’s all. I ava ganny lentere lo sa sonm ki ou’n pa’n pey li a tan. I pa kapab ganny domaz par lao sa akoz si i ti’n ganny sa larzan i ti pou’n fer en lakaz i ti pou’n fer en profi, sa pa antre ladan ditou. I ava ganny zis lentere e sa lentere i ganny fikse par Lezislasyon.            Donk si napa en agreement i pou 4 poursan lentere akoz i annan en Lalwa, Interest Act ki dir ki lentere i 4 poursan, in fikse anba Lalwa or commercial practice. Ou kapab dir dan ou Kontra komersyal si i annan en Kontra ou pou pey en lentere 10, 12, 15 poursan or the CBS middle rate or whatever ou kapab tonm dakor e si ou tonm dakor se sa lentere ki pou ganny peye. Parey i dir anba 1153 (2) si ou’n tonm dakor lo ou rate of interest se sa rate ki pou aplikab.

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker Mr Chairman, bonzour tout monde. En kestyon ki preokip bokou nou bann sitwayen se sa kestyon punitive damages ki tanzantan i leve an relasyon avek labank. Ki si ou pa onor en Kontra zot lev en peyman ki en pinisyon ki mon krwar parfwa i pa zis baze lo lentere me i baze lo bann sonm ki pa lentere, ki nou kapab konpran ladan? Mersi.

 

MR DEPUTY SPEAKER

Mersi Onorab. Onorab Georges.

 

HON BERNARD GEORGES

Mersi Mr Chair. Mr Chair sa i tonm anba 1135. Parey nou’n vwar taler si en labank i met en punitive damage i pou fall fowl of lartik 1135. Avek ou permisyon ma retourn lo la vitman. Sa ki nou apel the acuity article of the Code. 1135 i dir ki bann konsekans se bann keksoz ki equity practice of legislation. Equity i sa mo ki pou ganny servi la. I pa ekitab pou met en penalty interest ki pli o. E dan de ka ki mon kapab site ozordi e mon krwar ki mon devret site,                       ler i ti Mazistra, ozordi i Master Lakour Siprenm. Ansyen Onorab Brassel Adeline, ki annou pa bliye ti manm Lasanble pou Les Mamelles. Les Mamelles i produce bann Avoka sanpyon Mr Chair parey ou vwar. I ti’n fer en desizyon pou dir avek en labank isi Sesel ou rate lentere penalty interest i tro o, ou pa kapab sarz 20poursan ou 25 poursan par lao en sonm. E ti annan de dimoun ki ti’n pran 5, enn ti’n pran 4 mil, enn ti’n pran 6 mil avek labank zot pan peye sa i pa akseptab zot pa tin peye. Me avek sa penalty interest sa sonm ti’n sorti 4 mil tin mont 55mil. E sa enn sorti 6 mil ti’n ariv pros 70 mil zis avek penalty interest. I dir non ou pa kapab e in reduce sa penalty interest pou fer li vin 10 poursan ki ti ava pli akseptab.                 E dan Lakour Siprenm se ansyen ziz Bernadin Renaud kin servi sa lartik a plizyer repriz pou koup bann to lentere ki ti tro o sirtou penalty interest ki labank ti pe sarze. Mersi Mr Chair.

 

MR DEPUTY SPEAKER

Mersi.  Onorab Ferrari.

 

HON JEAN-FRANCOIS FERRARI

Zis an pasan akoz i en ka ki monn rankontre bomaten, SRC osi i annan tandans   al en pe dan sa direksyon for sirtou, pour bann peyman an retar. E par ler ou war son, son penalty i de fwa pli gro ki son, son sonm ki ou ti dwa. So eski menm prensip i kapab aplike la?

 

HON BERNARD GEORGE

Elas non Mr chair, sa i zis pou Kontra. Labank ou al siny en Kontra avek labank. Ou loan agreement i en Kontra. E 1135 i deal zis ek Kontra. SRC ou pa antre dan en kontra ek SRC. SRC se en Lalwa ki penaliz ou e se en Lalwa ki nou nou’n pase pour penaliz nou e se zis nou ki kapab sanz sa. Mersi.

 

MR DEPUTY SPEAKER

Mersi Onorab Georges.  Mon a les AG donn fer en komanter.

 

THE ATTORNEY GENERAL MR FRANK ALLY

Mersi Mr Chairman. Mr Chairman mon krwar lo sa ki Onorab Ferrari in koz lo la mon pe sey rode me selman mon pa pe war li. Central Bank anfet, penalty interest par labank in ganny regilarize e   lezifere. Alor en labank pa kapab parey avan sarz penalty interest a en sonm tre o. So in fini cap sa penalty interest ki ozordi i ase, ozordi i rezonnab mon pa kapab mazinen si .5percent or 2 percent me, selman i en sonm ki bokou pli rezonnab.                               Me parey Onorab Georges in dir Lakour i toultan amann sa diskresyon pour li redwir me selman redwir ler i santi pou dir sa penalty interest i o. Mersi Mr Chair.

 

MR DEPUTY SPEAKER

Mersi,. Onorab Churchill Gill.

 

HON CHURCHILL GILL

Mersi Mr Chair, annefe sa ki AG pe dir i annan bann ka la ozordi ki i 18poursan. I annan dimoun ki pe fer fas avek penalty interest avek DBS ziska 18 poursan. E si sa ki Onorab Georges pe dir i stand, mon krwar sa bann dimoun zot tande e zot kapab bouze avek en case pour zot aret pey sa bann sonm egzorbitan ler zot pe sey bouze pour zot fer biznes. Mersi.

 

MR DEPUTY SPEAKER

Mersi Onorab Gill. Onorab Henrie.

 

HON GERVAIS HENRIE

Mersi Mr Chair, bonzour tou dimoun, pour mwan i pa lo penalty interest me selman en kestyon la ki dan mon latet. Akoz nou pe koz lo Kontra mon pe sey esper Onorab George kekfwa nou ti pou ariv lo la. Si i annan, kot i annan bann sosyete ki i annan bann manm piblik i zot reprezant nou. Mon pe mazin Fon Pansyon par egzanp. I antre dan en Kontra avek en kontrakter en biznes, me apre sa Kontra I ariv en problenm dan konstriksyon. Prezan the way zot negosye mon santi ki son bann manm pa’n ganny the best deal ki rekour. La ki annan pour sa manm, parski ou santi pou dir kekfwa wi i pa’n meyer deal ki’n ganny negosye e prezan larzan i pa’n ganny depans dan fason ki ti merit depanse. So, ki, i kouver anba ki Clause sa? Mersi.

 

MR DEPUTY SPEAKER

Mersi onorab Henrie. Mon mazinen sa se drwa bann manm Pansyon ki annan en board ki ganny apwente par Gouvernman ki zot, zot merit anmenn zot konplent ver sa Board.  Mon mazinen se sa, mon pa konnen si Onorab George i partaz menm?

 

HON BERNARD GEORGES

Se presizeman sa Mr Chair, sel rekour se pou pous sa Board. Se pour sanz sa Board e si zot in fer en keksoz ki pa dan lentere bann manm zot annan en fiduciary  duty anver bann manm parey nou’n war yer anver bann manm.  E bann manm i kapab fer zot pey sa lepo  kase ki akoz zot neglizans Bann manm in arive peye.                1119 ek 1120 parey nou’n vwar taler ler en lasosyasyon i antre dan Kontra avek en keksoz, i pe stipil pou son bann manm sanmenm sa stipilasyon fourth way ki nou ti war taler. E donk bann manm i bound par sa ki zot Board i fer. Zot sel rekour se internally anver sa Board. Mersi Mr Chair.

 

MR DEPUTY SPEAKER

Mersi nou kapab kontinyen. Onorab Georges.

 

HON BERNARD GEORGES

Mersi. 1154 i dir kan lentere i komans marse. Ler ou pe pet lentere i konmans marse swa ler ou’n donn li en notis anba 1146 oubyen ler ou’n fayle en case Ankour. 1155, 56, 1156 super, super enportan dan Lalwa Sesel, Kontra i ganny enterprete par referans lo lentansyon komen sa dimoun ki’n antre ladan e non pa par bann literal words ki ganny servi. Ou regard bann mo sa i enportan me pli enportan ankor se, what was their intension?      Ki ti zot lentansyon?  Se sa ki nou rode dan Lalwa Franse. Dan Lalwa Angle i konpletman diferan. Literal words mean everything. Si ou’n mal met ou mo tough. Dann Lalwa franse non se son common intension ki enportan. E me selman ler Lakour pe rode ki sa common intension i pou bezwen regard bann parol pou war ki parol zot in servi e pou ki rezon.                   1157 tou sa la se bann prensip lenterpretasyon. Ler en term i kapab mean de keksoz se sa lenterpretasyon ki pou fer li efektiv, me non pa sa enn ki pou fer li pa efektif ki ganny servi. 1158 parey bann mo anbigi tousala se bann keksoz ki bann avoka i servi dan lenterpretasyon kontra.

1160 si menm napa en keksoz, sanmenm sa bann Kontra Franse i kourt akoz si napa en Clause ki ti devret ladan i pou ganny imply ki sa Clause ti ladan menm si i pa ladan. E pou sa rezon ki bann Franse i kapab kit zot Kontra kourt e nou osi Sesel. E bann Angle si i pa ladan i pa ladan i fatal.                                         Ou bezwen servi parey en konstitisyon, ou servi en Clause pou enterpret en lot eksetera. Tousala se bann keksoz lenterpretasyon Mr Chair avek ou permisyon nou pa bezwen kay lo la.                           1165 en Kontra i annan lefe zis ant sa dimoun ki’n antre ladan e non pa en dimoun ki an deor sa Kontra, apart ki anba lartik 1121 parey nou fek vwar in ganny stipile pou li. I en manm en lasosyasyon or whatever. Assignment, si i en assignment obviously sa dimoun ki’n ganny sa assignment i kapab vini malgre i pa ti en – i kapab servi sa kontra an Angle ki i pa ti en parti dan sa Kontra.                      1166,1167 vwala Mr Chair nou’n ariv a lafen en lot. Sa seksyon lo lenterpretasyon Kontra e ki mannyer domaz i ganny kalkile.  Mersi.

 

MR DEPUTY SPEAKER

Mersi Onorab Georges. Onorab William.

 

HON WAVEN WILLIAM

Mersi Mr Chairman. Mr Chairman, bonzour tou dimoun ki a lekout,       bonzour Vis Prezidan avek Panel. Mr Chairman mon anvi en pti leklersisman avek Onorab Georges. Lefe ki mon santi ki lefe lo bann diskisyon ki ou gannyen avek bann diferan bann kontrakter ek bann lasosyasyon dan pei kot ou vwar ki i annan bann diferan kontra. Me parfwa ou annan tandans krwar ki bann Kontra ki ganny donnen par bann diferan Lazans Gouvernman i annan en tandans kot sa fairness ou santi poudir i pa egziste.  Dan lesans ki keksoz ou a krwar i ganny enpoze san vreman pran kont lanvironnman e kapasite bann diferan parti.

Me selman an menm tan sa bann dimoun parfwa zot ganny ankouraze pou groupe pou form bann lasosyasyon. Be still kantmenm sa i annan serten ki pa pe ganny ekoute baze lo lefe ki zot ki dan sa bann diferan sekter, zot pe fer sorti zot bann problenm. Be bann Kontra i ganny donnen kot ou vwar pou dir zot pa annan sa eleman fairness ladan.              So mwan, mon anvi Onorab George i eksplik nou en pti pe apart, well mon konnen ki dernyen rekour se Lakour, me letan ou napa sa swa, ki rekour ki ou annan?  Par egzanp si ou pran parey LWMA i annan serten Kontra ki i donnen, i donn lo en baz 3 an. E prezan zot pann vreman fer en kalkilasyon akoz letan sa kontrakter li, i pe partisip dan tender i vwar poudir be sa pri avek realite ozordi, kou pou li fer sa travay lo en baz 3 an letan i get sonm ki i arive i per. I bezwen fer desann sa pri zis pou li kapab ganny sa Kontra.          Me sa eleman fairness parey mon dir sa bon kalkilasyon pa pe ganny pran. Me selman lefe ki ou napa swa, ou napa rekour. So ki arive se ki se sa dimoun ki pa ganny son sans la pou li vreman prezant en keksoz ki i krwar poudir i devret, sa pri ki Gouvernman i devret peye me i santi poudir i perdi.  Mersi.

 

MR DEPUTY SPEAKER

Mersi Onorab William. Onorab Georges.

 

HON BERNARD GEORGES

Mersi Mr Chair. Mr Chair i en keksoz enteresan. I enportan e erezman i annan plizyer rekour. Lalwa Franse pa kontan, menm Lalwa Angle in fact, tou bann prensip Lalwa pa konnen ler i annan inequality of arms.  E toultan nou realize ki annan de fwa akoz ou sityasyon, en dimoun malgre ki i pa pe pran okenn, (what’s the word)  lo ou – i pa pe pran okenn lenfliyans lo ou me par son natir i pli for ki ou. Si ou al kot en labank akoz ou dwa zot en larzan e labank i dir ou ok, napa problenm nou ava re schedule me ou pou bezwen pou ou pa perdi ou byen ki ou’n met an lipotek, ou pou bezwen pey tan. Ou pou tante pou sinyen en dokiman, malgre ki ou konnen ki ou annan en gran ris ki ou pa pou kapab perform e se sa ki nou apel equality of arms.             I annan parey CBS in asire ki i annan en prensip ki sa pa devret arive e bann labank pa kapab pran en lenfliyans lo en dimoun ki pli bezwen, pou fer li siny en Kontra ki at the end of the day i pa ekitab. I annan sa, i annan FTC kot ou kapab ale. FTC i la e i fer en bon travay dan sa direksyon pou fer sir ki fairness, pa bliye ki son premye mo ki FTC i fair.

I annan lartik 1135 ki menm kot ou kapab al Ankour e dir ki ti napa equality of arms i pa fair. E I annan lartik 1148 ki nou fek vwar, kot ou kapab sey negosye avek LWMA parey ou fek mansyonnen dan ou ka.  E si i pa marse al Ankour e demann ek Lakour pou apwent en arbit pour sa arbit re negosye sa Kontra akoz i pa pe achieve sa ki i ti sipoze achieve akoz i annan enn ki pou perdi e ki’n an tre dan en Kontra anba serten kontrent. Alors i annan, i annan serten safeguard Onorab, pardon Mr Chair. I annan plizyer safeguards me, son pli gran safeguard se pran konsey avan ki ou antre dan en Kontra e fer sir ki ler ou antre dan en Kontra ou konnen kisisa ki la. Mersi.

 

MR DEPUTY SPEAKER

Mersi.  AG.

 

THE ATTORNEY GENERAL MR FRANK ALLY

Mersi Mr Speaker, Mr Chairman mon krwar Onorab George in bliy en Lalwa ki tre, tre enportan e ki reglemant sa ki Onorab William in dir. Se ki Public Procurement Act. E anba Public Procurement Act i dir tre kler si en zofisye Gouvernman i breach – i pa procure in accordance to the public procurement Act i annan en prezonpsyon ki’n   komet en corruptive practice.               E la i susceptible to be investigated. Now i prezimen bon.

E ler ou antre dan en kontra, ler Gouvernman par egzanp LWMA i pi bliy en lenvitasyon pou tender, i met bann kondisyon.  E la prezan ou pou pran en tender document e ler ou pran sa tender document dan sa tender document, i pou donn ou tou keksoz.  e prezan e ou ki pou get ki ou pou fer. Ou pa kapab servi ou pozisyon akoz ou ti anvi en Kontra 5 an oubyen 10an, akoz i annan en konpetisyon e ou, ou bezwen tender dapre sa ki ou, ou kapab fer e baze lo economies of scale.  E wi i annan bann biznes ki zot dan zot staz an fanten e zot osi zot anvi devlope. Me la ou pou an konpetisyon avek bann lezot biznes ki bokou pli etabli. E whether Gouvernman i pou protez en infant business o detriman en lot ki pa; –  ki’n deza etabli. So sa osi i bann keksoz ki ou’n bezwen konpran akoz i annan en prosedir relativman, petet mon pa pou servi sa mo fair, me legal pou ou kapab deside si ou pou bid oubyen not bid. E la i annan en evalyasyon bid kot zot pou get si vreman ou kapab, how responsive you are to the bid.            E pou ou kapab perform lo sa Kontra akoz se sa ki Gouvernman, Lalwa parfwa ler ou Kontra i come to an end the tender process goes back akoz i annan en queue. There’s a lot of people who wants that business. And therefore you have to perform. E the performance i osi petet enn bann kalifikasyon pou ou kapab be more responsive dan sa tender.  Mersi.

 

MR DEPUTY SPEAKER

Mersi AG.  Bon mon krwar nou pou pran en vot prezan lo sa bann seksyon lo effect of obligations ki on seksyon 1134 ziska 1167.  AG?

 

THE ATTORNEY GENERAL MR FRANK ALLY

Mon ti anvi zis petet fer enn pti pwen lo de seksyon kin petet Onorab George pa’n met, de lartik ki i pan met petet osi aksan. Sa de dernyen 1166 ek 1167. Mon krwar i de lartik vreman enportan zot vreman kourt me zot very far reaching. E Onorab Georges yer in koz lo en aksyon ki apel action paulienne. E action paulienne i dan seksyon 1167. Kot par egzanp si de dimoun i azir an konser pou zot deprive somebody of son drwa, la i sa lartik kot ou servi pou ou kapab annan en aksyon kont sa dimoun, pou ou kapab ganny enclose.                                    1166 i enn kot tre souvan i arive ki nou apel en aksyon oblik, kot en dimoun par egzanp i dwa mwan e en lot dimoun i dwa li. Me li i pa al claim sa det kont sa lot dimoun akoz i konnen poudir zour i claim sa det kont sa lot dimoun sa larzan pou vin dan son patrimwann. E la mwan, mon pou ganny loportinite pou mon sue li. Prezan la i donn mwan loportinite pou mon sue son kreansye pou mwan ganny enclose. I de lartik tre, tre enportan. I pa’n sanze dan Code aktyel me selman zis petet pou, mon anvi zis fer sa pwen akoz yer nou ti refer lo enn dan sa de lartik. Mersi.

 

MR DEPUTY SPEAKER

Mersi AG. Bon nou pou pran en vot lo 1134 ziska 1167. Tou bann Manm ki an faver? Eski I annan okenn Manm ki kont? Madanm Deputy Clerk?

 

MADAM DEPUTY CLERK

Mersi Mr Chair. 23 Manm in vot an faver e personn kont. Mersi.

 

MR DEPUTY SPEAKER

23 Manm an faver e personn kont ki vedir sa bann seksyon i ganny approve par Lasanble Nasyonal. Nou pou kontiny nou travay lo ‘’Different kind of obligations’’, 1168.  Onorab Georges.

 

HON BERNARD GEORGES

Mersi Mr Chair.  Mr Chair e dan sa seksyon ki pou anmenn nou ziska 1235 napa okenn sanzman. Mon ti a kontan zis montre 3 pti keksoz. 1168 an alan i donn ou bann diferan kalite Kontra. Sa se bann avoka ki enjoy met keksoz dan bann pigeon hole. Sa i tel kalite Kontra, sa i tel kalite Kontra eksetera. Me napa gran keksoz ki enportan.                           1169 en contingent contract, ler i ganny depann lo en lasans. Sa se en Kontra par egzanp en Kontra Maz Million. Ou aste en tiket i depann lo en rezilta ou pa konnen, i depann lo en keksoz ki konpletman left to chance.

2enm keksoz ki mon ti a kontan aret lo la se bann kondisyon kontra mon pe regard, mon krwar mon’n al tro lwen. 1181 en Kontra, voila, en Kontra i kapab annan kondisyon. I annan de kalite kondisyon, enn se condition precedent, enn kondisyon sispansiv. Enn se condition subsequent, kondisyon rezolitwar. Ou kapab antre dan en Kontra avek en kondisyon ki sa kontra pa pou pran lefe ziska en serten keksoz pou arive.          Mon ava lwe ou mon lakaz me, oubyen mon ava vann ou mon later me selman ler sanksyon Gouvernman i ganny donnen. Akoz ou en etranze. Sa sete kondisyon sispansiv. Kontra i ganny sispann ziska ki sa keksoz i arive e la Kontra i pran lefe. E en Kontra rezolitwar se egzakteman lopoze e sa se 1184 ki dir ki mon antre dan en Kontra la me sa Kontra pou terminen ler en keksoz i arive.       Mon lwe ou mon lakaz, me sa Kontra pou arete zour ki mon fiy ki pe etidye deor i retournen, akoz i pou bezwen sa lakaz. Sa se en kondisyon rezolitwar.  Kontra i valab ziska ler sa kondisyon i arive. Mon krwar i enportan pou fer mansyonn sa.

1184 i dir ki Lakour i   kapab a nenport ki moman enterfer ankor enn fwa kot i annan en partial performance e fer sir ki Kontra i ganny perform konpletman.            Larestan se parey mon’n dir zis bann lefe bann lobligasyon. Lawyers law nanryen pa’n sanze, text tou mannyer i ete se ki mannyer pou aplik sa bann kondisyon sa bann diferan kalite kontra. Nou ale, nou ale, nou ale, mon ti’n promet zot taler ki nou to pou regard 1230. Sa se the next keksoz ki nou kapab regarde.            1230 taler ler nou ti’n war 1146     kot ou bezwen donn en notice avan ki ou kapab ganny domaz. 1230 i dir ki ler ti annan en time limit dan sa Kontra, sa penalti ki anba sa Kontra parey en kontra pou fer en lakaz i annan en penalty Clause pou sak semenn ki travay pa ganny fer. Sa penalty i selman ganny peyab ler sa dimoun in ganny en notis lo osi. Dan sa ka spesifik ler i annan en penalty Clause. La osi fodre ou donn li notis pou dir ou annan sa penalti si ou pa perform ou pou bezwen pey sa domaz. E voila Mr Chair nou’n ariv 1234.

 

MR DEPUTY SPEAKER

Mersi Onorab Georges. Onorab De Commarmond.

 

HON CHARLES DE COMMARMOND

Mersi Mr Chair. Mr Chair mon pe oule en lesplikasyon ouswa en leklersisman, akoz mon’n ganny de trwa text la ki serten dimoun i dir mwan esey klarifye sa pou zot. SBC or medya, pa SBC spesifikman, en show pe fer or en teat.  En show teatral, en show mizikal, Joseph Sinon ek son tim, e bann medya i vini i filmen e apre i re divize e sa i ale san en Kontra kin ganny fer. E sa i ale, konmela i annan bann zafer YouTube lot, lot, lot. E sa i ale e in ariv dan lezot pei e lezot dimoun in pran e zot in komans vann e zot in komans fer biznes avek, e ki arive dan bann ka koumsa? Ki prezan bann artis oubyen son producer i annan keksoz ki kapab ganny fer? Eski i annan kek dimoun ki pran liability ladan? Eklersi nou en pti gin. Mersi.

 

MR DEPUTY SPEAKER

Onorab Georges.

 

HON BERNARD GEORGES

Yes, Mr Chair mersi. Ler nou pou ariv lo 1370 Onorab nou pou ariv lo la i apel Quasi Kontra. Akoz i annan Kontra ki ou pa antre ladan be ki annan laform en Kontra parey sa enn ki ou fek mansyonnen alor Lalwa i donn en solisyon pou sa. 1300, copyright osi natirelman. Copyright Act i tre performan konmela ou kapab, ou kapab ganny domaz vitman. I annan en prosedir senp pou al Ankour pou ganny domaz. Donk copyright definitivman me, ou kapab imply en Kontra anba Quasi  Kontra 1370 taler ou ava vwar ler nou ariv lo la. Pres pou arive.

 

MR DEPUTY SPEAKER

Mersi. Avek sa mon krwar nou ava pran en vot lo seksyon 1168 ziska 1233.  Tou Manm ki an faver? Eski i annan okenn Manm ki kont? Madanm Deputy Clerk?

 

MADAM DEPUTY CLERK

Mersi Mr Chair, 24 Manm in vot an faver e personn kont. Mersi.

 

MR DEPUTY SPEAKER

24 Manm an faver, personn kont ki vedir sa bann seksyon in ganny approve par Lasanble Nasyonal. Bon nou pou al lo 1234 Discharge of obligations.         Si mon kapab fer en sizesyon zis dan lentere letan mon pa konnen ki zot panse si onorab Georges petet i kapab souliny avek nou bann seksyon kin sanze. Akoz i paret bokou pann sanze be selman ou pe fer en legzersis kot ou pe donn bokou ledikasyon lo bann lezot seksyon malgre, ki i pann sanze in la. Me petet dan lentere letan akoz nou anvi fini sa ozordi si petet lo 2 kondisyon nou a permet ki bann Manm i kapab entervenir.                            1);- si zot annan kestyon lo bann sanzman ki dan sa Civil Code Bill i annan konpare ek existing code. E lot kondisyon se si zot, zot menm zot ti a kontan sanz en nenport Clause pou en rezon spesifik ki zot krwar zot ti a propoze. E dan sa ka nou koup en pe kestyon legal, pwen legal. Mon pe mazin sa zis pirman dan lentere letan, mon pa pe dir ki poudir bann kestyon ki pe ganny demande pa enportan, i enportan byensir parske dimoun i vreman en legzersis ki nou tou nou pe aprann ladan. Be selman pirman dan lentere letan si nou ti kapab al koumsa, mon krwar mon, mon target i sey fini sa ozordi. E si nou pou fini sa ozordi nou pou bezwen fer apepre 150 Clause par erdtan. E nou pa pe ariv sa target la. Si nou al lo sa speed nou pou fini nou me selman avek sa mon a permet Onorab Georges gid nou.

 

HON BERNARD GEORGES

Mersi Mr Chair. Pa per Mr Chair nou travay pou mars byen. Pa traka ou. Sa nouvo seksyon Discharge of Obligation ki pou anmenn nou ziska 1314, napa sanzman ladan e zis i dir ki mannyer en Kontra i ariv a son lafen.

E 1234 nou vwar lalis bann fason   ki mannyer en Kontra i ariv a son lafen. Ler ou pey sa sonm anba sa Kontra oubyen, ler ou antre dan en nouvo Kontra oubyen, ler ou dir ek sa dimoun ou nepli annan en lobligasyon kont mwan, oubyen ler i annan en set off. Mwan, mon dwa ou, ou, ou dwa mwan alor nou set off, oubyen ler i annan en merger, oubyen ler sa keksoz i perdi eksetera, eksetera.  Oubyen ler i annan en kondisyon rezolitwar parey nou’n ganny fer oubyen preskripsyon ler en peryod letan in pase. Tou larestan depi 1235 Mr Chair ziska 1300 whatever ki mon fek dir se bann detay sa lalis. Ki mannyer sa i ganny fer.           Alor nou pa bezwen pas lo la. Akoz i pa’n sanze. E i zis donn bann detay ki mannyer ou fer okenn sa bann keksoz ki dan sa lalis ki nou fek vwar. Donk nou kapab avek ou permisyon al ziska lafen sa seksyon, e unless i annan okenn dimoun ki annan en kestyon nou kapab vot lo sa seksyon.

 

MR DEPUTY SPEAKER

Ki 1381 mon krwar?

 

HON BERNARD GEORGE

Non, 1370. 1369 mon krwar. La 1314. 1314 Mr Chair nou kapab vot lo la.

 

MR DEPUTY SPEAKER

Ok.  Eski i annan okenn manm ki annan okenn lamannman zot ti a kontan propoze vis a vi okenn sa bann seksyon?  Si nou napa lamannman then nou a pran en vot lo seksyon 1234 ziska 1314. Tou Manm ki an faver? Eski i annan okenn Manm ki kont? Madanm Deputy Clerk?

 

MADAM DEPUTY CLERK

Mersi Mr Chair. 17 Manm in vot an faver e personn kont. Mersi.

 

MR DEPUTY SPEAKER

17 Manm an faver personn kont ki vedir sa bann seksyon i ganny approve par Lasanble Nasyonal. Nou pou kontinyen alor.  Onorab Georges.

 

HON BERNARD GEORGES

Mersi Mr Chair. dan sa prosen seksyon Proof of obligations i annan plizyer sanzman ki nou pou pas lo la. Me avan ki nou al lo la. 1315 li menm li i en lartik ki enteresan si ou annan en Kontra e ou dir avek sa dimoun ki’n kas sa Kontra, ou ki bezwen prouve ki in kas sa Kontra. Me anba 1515 (2) si sa dimoun in dir ki in fini perform anba sa Kontra in fer sa ki i ti sipoze fer, in fer ou lakaz in rann ou, ou larzan whatever, li ki bezwen prouve;- pa ou ki bezwen prouv en negatif li ki bezwen prouv en pozitif. Akoz i pa posib pou ou kapab prouve annan de fwa ki ou’n ganny en peyman me i tre senp pou sa dimoun ki dir ki in pey ou pou li prouve ki in pey ou. Akoz i pou annan en resi oubyen en transfer banker or whatever.               E nou al lo 1321  Back letters e la ti annan ase en bon pe deba. Premyerman lo, eski nou devret annan back letters? Oubyen eski nou pa devret? E nou’n sanz 1321 konpletman e 1321 mannyer i ete la i devan i lo Board, i lo screen.  En back letter parey nou konnen i en let ki i dir ki sa tranzaksyon ki’n ganny fer i pa parey i dir me i annan en lot keksoz deryer. I pou last pou en peryod 5an selman. I pa kapab ganny servi kont third parties. Me voila.  Konmela ou bezwen register en back letter pandan en peryod 6 mwan. Which defeats the purpose of the back letter konpletman. Alor nou’n sanze, e nou’n met sa propozisyon ki lo latab. Mersi.

 

MR DEPUTY SPEAKER

Mersi Onorab Georges. Onorab Ramkalawan.

 

HON WAVEL RAMKALAWAN

Mr Chairman nou ava rapel ki pou dir sa ti en pwen ki mwan, mon ti lager for lo la.  Mwan, mon krwar ki poudir nou bezwen retenir sa ki ti dan nou ansyen Code. Parske sa ki nou pe fe la, si deza ki mannyer mon pe ganny en konpran e ki mannyer depi ki nou’n fer nou bann sesyon, en back letter i en kontra dan en serten sans ant de dimoun baze lo en laranzman prive ki zot fer e ki sa dokiman, son dokiman an premye ki piblik li i ganny en nouvo lesplikasyon en nouvo dimansyon.

Savedir mon aste, nou fer en lagreman oubyen nou aste en later, later i ganny mete lo mon non, me selman apre i annan en back letter ki dir sa later i lo non Pyer, Pol. E ki sa back letter sa i ganny, son konesans sa back letter ki mannyer la i pe mete i ant siz sa de dimoun.      I pa ganny anrezistre;-  napa okenn zofisye legal ki konnen ki poudir sa i egziste.                   Mwan, mon war sa koman en keksoz ki spesyalman dan sa moman la kot nou pe dir keksoz i bezwen kler, la transparans, nou bezwen annan, tou keksoz i bezwen above board, mwan, mon krwar ki sa ki pe ganny propoze la sa i dan mon lopinyon i pa bon.  I pa bon. Mwan, mon ti ava ensiste ki nou retourn lo ki mannyer Code ti ete avan. Ki en back letter i bezwen ganny anrezistre. Parske letan sa back letter i ava ganny anrezistre, Rezistrar Zeneral i ava kapab annan konesans e petet i ava annan komanter pou fer pou montre ki mannyer sa back letter, o fet i defet – konmsi i defeat sa ki, sa enn ki ganny anrezistre. Parski nou pa kapab annan de standar la. Nou bezwen tenir lo en standar e ki si i annan keksoz ki pe ganny fer fodre ki sa landrwa kot keksoz i ganny anrezistre i konnen, i konn tou keksoz.                                    So, Mr Chairman lo la mon, mon krwar parski 1321 i dir ek ou klerman. A counter letter has effect only as between the contracting parties. But if, si i ant sa de contracting parties fine, me selman i kapab annan, en lenpak direk lo sa ki pe ganny anrezistre.  E la mon krwar i kapab ouver laport pou frod, i kapab ouver laport pou koripsyon. Sa se sa lafason ki mwan, mon pe war. Parske son dezyenm soz la ki mannyer i ete i dir ek ou, ‘’A counter letter must be in writing and is valid only for a period not exceeding 5 years from the date of the transaction.’’                         La ankor enn fwa Mr Chairman sa ki nou pou war se ki i kapab annan en serten konfizyon lager ant sa de. Parske si keksoz pa mars mal sa de pou, zot kapab lager ek kanmarad me mwan, mon krwar ki poudir i bezwen kapab retourn direkteman kot Registrar.

Parske la mon pe osi mazin bann sityasyon. Kot par egzanp bann etranze ki ti pe sey avoid pey sanksyon. Oubyen avoid fer laplikasyon pou ganny sanksyon. E zot ti pe servi Seselwa. E nou’n war ki poudir in annan serten konfli apre parski sa bann back letters pa ti pe ganny anrezistre li. Parski i ti deza en frod, parski sa etranze i pa ti kapab ganny sa later me in pran sa in met lo Pyer Pol.               Later in anrezistre lo Pyer Pol e apre sa Pyer Pol, in zwe gro lebra akoz i konnen ki sa pa’n ganny anrezistre. Me selman i annan en back letter ki dir ki sa msye Angle la ki in, li i annan tou son levidans li konn kwa kote in tir larzan, kan i ti donn Pyer Pol sa larzan e tousala. Be tousala i dan sa back letter!  E ki apre sa i vin en bann kalite manboulouk.

Alor Mr Speaker mwan, mon krwar Mr Chairman, pou nou evit tou sa bann manboulouk parey, nou bezwen mete ki poudir a back letter, un contre lettre, une contre lettre, to whatever you si i maskilen si i feminen, i bezwen ganny anrezistre, pou li annan lefe legal. Si i pa ganny anrezistre i pa kapab annan lefe legal parski i ape donn, i ape promot en sityasyon koripsyon.  E nou, nou pa kapab permet sa arive. Sa i mon pwen e mon pou ensiste. Mon ava demann tou bann Manm pou nou pran sa serye akoz sa i vin en, i annan en soz ladan.  Mersi bokou Mr Chairman.

 

MR DEPUTY SPEAKER

Mersi Onorab Ramkalawan. Eski ou pe sizere ki sa 4 Clause ki ti anba 1321 dan previous Civil Code i ganny re-mete mo pou mo parey i ti ete. Ki nou, diferan avek sa ki la.

 

HON WAVEL RAMKALAWAN

Wi Mr Chairman mon ti ava kontan konnen egzakteman ki ti son teks dan ansyen Lalwa e dan Code aktyel? Pou nou regarde si nou pa kapab fer li rantre san ki i deranz lord. Mersi bokou.  Parske sa ki mon war la nou pe al dan en sityasyon danzere. Mersi bokou.

 

MR DEPUTY SPEAKER

Mersi Onorab Ramkalawan.  Mon annan en teks ki devan mwan me selman par egzanp lo 1321 (1) sa enn orizinal i dir, ‘’Back letters shall only take effect as between the contracting parties. They shall not be relied upon as regards third parties.’’ Ki’n ganny tire dan sa enn la anler. Be mon a les Onorab Georges reponn sa me zis avan Onorab Ferrari ti’n lev son lanmen.

 

HON JEAN-FRANCOIS FERRARI

Mersi Mr Chairman.  An sipor bann konsern ki Leader lopozisyon in leve mon ti a kontan si AG i kapab kekfwa eklersi nou en pti pe. Nou fek pe diskit an detay, modifye an detay Lalwa AML. Vi ki atraver sa prensip back letter i kapab annan en tranzaksyon cross frontier. En dimoun dan en lot ziridiksyon ki pe tranzakte dan nou ziridiksyon eksetera. Eski si nou si nou pa met sa prensip deklarasyon en pe parey deklarasyon beneficial owners nou pa pou ganny nou, pa pou retrouv nou tre byento ankor lo en, dan en sityasyon kot lemonn pe dir avek nou, nou pe ankouraz sa bann tranzaksyon anba latab oubyen en pe dan kasyet? Mon pe zis poz sa kestyon akoz mon pa konnen si i annan en lyen ant sa de prensip. Mersi.

 

MR DEPUTY SPEAKER

Mersi Onorab Ferrari.  Onorab Pillay.

 

HON SEBASTIEN PILLAY

Mersi Mr Chair. Mr Chair annefe, se la kot mon krwar nou bezwen etabli kote nou le bouz devan. Ler nou ti annan sa bann diskisyon bann dimoun ti koz lo sa size en donasyon degize. Se ki si par egzanp ou le fer ou annan en manm fanmir ki ou oule donn li en keksoz e ou pa le lezot konnen ou servi en counter letter – contre lettre  pour donn li sa donasyon dan en fason degize.      Me sa premye i dir ki ou’n vann li me sa lot i dir ki ou pa’n vann li esansyelman. Me lefe ki ou annan testamentary freedom ozordi ou pa bezwen fer donasyon degize, akoz ou kapab donn sa enn ki ou anvi ou keksoz ki ou anvi donn li.  Sa i premye pwen  ki mon ti a kontan ki bann avoka i sey klarifye pour nou, ou konpran? So ou kapab straight forward deside pour donn li.    Ou war?

Wi, prezan mon pou vin lo ka en tranzaksyon. Lo ka en tranzaksyon akoz enn bann largiman sete ki si ou anvi donn en manm ou fanmir en keksoz, ki ou pa anvi lezot manm i konnen ou fer li atraver en contre lettr,e akoz ti annan sa size annan rezerv annan tou sa bann keksoz, me la in tonbe!  So ou annan freedom pour ou donn nenport ki, ki ou anvi ou keksoz.

Dezyenm pwen ki enportan i sa pwen ki’n ganny souleve par an relasyon avek AML. Ou kapab annan ou en biznes ki pe ganny vann e sa proceeds mannyer i ganny deklare dan en fason premye lye i ganny deklare dan en serten fason. Me sa back letter li i annan en lot zafer avek. E ler mon pe gete, annefe depi dernyen fwa ler nou ti pe diskit lo AML dan sivil code Franse i annan menm provizyon. Me selman dan zot Tax Code zot in fer ki an ski konsern en back letter i pa pou ganny admi an relasyon avek zot Tax Code.

So si i annan en sales en proceeds from en biznes, sa sales i bezwen ganny deklare parey in ganny arive pour avoid zisteman ki ou annan en attempt pou ou kasyet larzan ki sipoze due swa to tax or larzan ki petet ou’n kapab gannyen atraver fer en lot aktivite kriminel.          Mwan mon krwar nou bezwen be very careful ki mannyer nou met sa prepozisyon. Nou pa kapab pe strengthen lezot Lezislasyon me les en loophole kot keksoz i kapab pase. I think it’s important pou nou deside ki mannyer nou dil ek sa. Bann avoka petet i annan en rezon ki zot le kit sa la me, nou ti a kontan konnen ki what’s the reason behind it?  Mr Chairman, mersi.

 

MR DEPUTY SPEAKER

Mersi.  Zis avan mon donn AG laparol.

 

HON WAVEL RAMKALAWAN

Mr Chairman mon ava donn en legzanp konkret kot mon krwar i kapab annan si pa ganny anrezistre ok.  Lasanble Nasyonal in koz en kantite lo Emerald Holdings. E souden Emerald Holdings ou tande tou bann shares in ganny vann. Be lekel ki dir nou ki lo sirfas wi shares in ganny vann? lekel ki dir nou ki napa en back letter somewhere? E ki se sa bann kalite keksoz ki nou, ki mon krwar fodre nou lo alert.  E se la kot i bezwen annan keksoz konkret, kler.  Egzakteman Onorab Pillay keksoz ki kler keksoz ki transparan pour ki sa bann tranzaksyon anba latab i pa kapab pase. E ki Rezistrar Zeneral i kapab, i kapab swiv.  Tax SRC, i kapab swiv pour fer sir tou keksoz i annord. Mersi bokou.

 

MR DEPUTY SPEAKER

Mersi Onorab Ramkalawan, Onorab Mondon apre AG.

 

HON TERENCE MONDON

Mersi Mr Chair, dan menm laliny Mr Chair mon le dir ki ler nou pe reviz Lalwa nou bezwen pe pran kont nou bann defi konman en sosyete.  E enn nou bann defi zisteman koripsyon anliny parey mon bann koleg in dir nou bezwen met sa size koripsyon. Akoz contre lettre i en fason ki bann dimoun i servi pour kasyet bann byen. E mwan mon anvi demann panel sa kestyon prezan, ler nou pe koz deklarasyon bann byen eski sa ki ganny propoze i pa al kont sa lespri kot tou bann zofisye piblik i deklar zot byen? E la nou pe koz lo bann o zofisye ki i annan en nesesite, ki i kler ki vreman zot byen. E la mannyer i ete i pa pe donn sa latransparans neseser e se sa ki mon pe siport sa pwennvi ki contre lettre i ganny anrezistre, e ki bann dimoun i konnen vreman ki kwa zot byen e osi nou pe lager nou, anliny avek sa lager kont koripsyon. Mersi.

 

MR DEPUTY SPEAKER

Mersi. Onorab Henrie ou osi i lo menm pwen.

 

HON GERVAIS HENRIE

Wi Mr Chair mersi. Pou benefis bann dimoun ki pe ekoute mon zis anvi demann AG, kote dan nou Lalwa ki donn baz legal sa zafer counter letter, back letter? ki permet son common use, pa common use. Ki mannyer akoz sa zis en group dimoun ki servi bann dimoun ki anvi kasyet zot byen? So, mon anvi.   So apard dan Kod Sivil kot in ganny mansyonnen whether i annan en Lalwa spesifik ki donn li the legal power.  Mersi.

 

MR DEPUTY SPEAKER

Mersi.  Onorab Pillay.

 

HON SEBASTIEN PILLAY

En very small point.  Mon krwar mon pou bezwen entervenir lo largiman ki Onorab Mondon in fer avek ou permisyon. Mon krwar sa ki nou pe fer, se ki sa i pa relye avek zis zofisye public servants.                                    Sa i relye avek nenport ki annan en tranzaksyon ki kapab servi sa prosedir pour degiz sa tranzaksyon pour en rezon kel kont. E se sa ki nou le avoid.  Si ou pe vann en konpannyen ou pe aste en keksoz, i pa neseserman en zofisye piblik ki kasyet son byen. I enkli tou keksoz, sa ki nou pe fer la se donn nou en provizyon Lalwa ki pa permet anyone pe enport en zofisye piblik en sitwayen prive pour pa ganny sa loportinite pour kasyet en keksoz dan en fason. Me bann avoka a dir nou, e zis avan ki AG i dir mwan petet mon konfize zis lefe dernyen fwa ki koz donasyon degize i ti koz lo en sale. E zot ti donn serten rezon akoz ou pa pou le si sa sale i ganny vwar koman en sale si ou pe donn ou zanfan. So ti annan sa bann rezon ki zot ti donnen.           So, mon ti a kontan ki bann dimoun ki enterakte ek sa Lalwa i dir nou egzakteman akoz sa provizyon i la?  What is the necessity? E ki nou bezwen fer pou nou swa tir li, swa strengthen li pou en fason ki nou kouver bann loophole ki egziste.  Mersi Mr Chair.

 

MR DEPUTY SPEAKER

Ok, Onorab De Commarmond i lo menm topik?

 

HON CHARLES DE COMMARMOND

Mersi Mr Chair, dan menm laliny, lo menm size Mr Chair. Mon le panel Onorab Georges osi i kapab eklersi nou Lasanble back letter, or contre lettre en swit, swit. Eski i servi zis pou kasyet propriyete e pou fer koripsyon?  Mersi.

 

MR DEPUTY SPEAKER

Mersi. AG.

 

THE ATTORNEY GENERAL MR FRANK ALLY

Mersi Mr Chairmen. Petet ma komans avek sa pwen ki Onorab Henrie Avek Onorab Ramkalawan in raised. More or less kot i annan bann sirkonstans kot bann dimoun i kapab annan sa ki nou apel en back letter.  Bon back letter son provizyon i sa ki permet fer back letter i sa lartik1321. Bon i annan diferan lezot sityasyon kot bann dimoun i kre tou some extend en back letter. E se la rezon pou la kel in annan en Beneficial Ownership Bill ki ti ganny met devan Lasanble. So that ou deklare lekel ki the front e sa ki nou apel en pret non, ki pret son non pou sa tranzaksyon. E sa dimoun ki annan sa benefis, sa ultimate owner or beneficial owner.

Nou Lalwa civil to a large extend i en sistenm ou ki propriyeter. Sa ki sa dimoun, sa ki lo non en dimoun se li ki propriyete. E se sa ki ti annan en pwen ki ti ganny mete par BAR association devan Lasanble, se ki beneficial ownership i en pti pe repugnant to our system, our legal regime.  Akoz nou napa en sistenm trust parey sistenm Angle. Me nou’n entrodwir en sistenm Beneficial Ownership avek nou Companies Act.

E se sa ou pou war en kantite dimoun i propriyeter en par dan en konpani me zot non pa feature lo rezis lakonpanni. E Lalwa konpani i permet en kreasyon ki nou apel en derivative interest.                 Setadir ou siny en par an blan ou donn mwan. Mwan mon annan pouvwar pou mwan konplet sa par e anrezistre sa par. Apre mon vin propriyeter oubyen met lo non en lot dimoun koumsa.  E sa i egziste i permet, i ankor permet menm avek Beneficial Ownership Bill i ankor permet. Me ki Beneficial Ownership Bill pe dir, se ki ou pou bezwen record ou beneficial ownership.  Mon ti pe fer en case avek Onorab Georges zis avan mon kit private practice, kot nou ti pe deal avek beneficial ownership. Kot en dimoun ki’n kre en, i dir mwan mon propriyeter benefisyer sa bann par me sa bann par i lo mon manman, e over a lot of value me Lakour in rezet sa.         Bon sa i bann sirkonstans ki egziste e bokou dimoun i fer contre lettre  ki reprezant en keksoz konpletman diferan ki what is before the public.  Akoz sirtou si ler ou pe donn notis piblik en lanrezistreman transkripsyon oubyen other means. Bon sa poibisyon or restriksyon ki ti annan aktyel i more or less pou anpes bann dimoun fer en tranzaksyon ki i annan en diferan e lot karakter.  E an menm tan pa pey Gouvernman stamp duty ki sipoze peye.  Sa i more or less about ki’n ganny tire. Par egzanp mwan mon vann en bout later en dimoun e mon dir ek li gete mon pou vann ou sa bout later R1milyon me selman nou pou met lo R500mil. Pou nou pey duty lo R500mil. Now sa contre lettre i pou napa valer. E si demen i arive ki mon fer en case kont sa dimoun, sa lagreman sa, la back letter ki nou’n fer i pou null.                                            Me parkont si nou’n anrezistre li within 6 months, then Registrar li Stamp Duty Commissioner i pou vwar poudir i annan en contre lettre e alor i pou sarz ou duty base lo sa contre lettre e non pa lo sa dokiman ki ou anvoy anrezistre. Sa i en pti pe lesansyel. Oubyen parey Onorab Ramkalawan in dir pou dir sa pa pou mwan me i pou ou bann keksoz koumsa. I dan bann sityasyon pratik kot sa i arive.  Me paragraf alinyad 3 ek 4 i more or less pe koz lo, where the real consideration the real price is no – i ganny kasyet e la si ou pa anrezistre ou pa pou kapab enforce sa right because sa Kontra pou null.  Sa back letter pou null.       Setadir nou vann en propriyete pou R 500mil, nou met R500mil lo lavant me selman evantyelman back letter i R1milyon. Zour ou vini ou dir ek mon be non pey mon, mon R1milyon, ou dir non mon pa pou pey ou en R1 milyon mon pou pey ou R500 mil akoz dan sa ki nou’n anrezistre i R500mil. Akoz ou pa’n anrezistre li within 6 months. Sa i en pti pe, i pe protez petet Kof Gouvernman. Mersi.

 

MR DEPUTY SPEAKER

Mersi AG.  Onorab Georges, eski ou ti le fer en komanter lo la?

 

HON BERNARD GEORGES

Wi Mr Chair.  Mr Chair nou pe arguer lo en keksoz ki si nou tir li konpletman dan sa Act naryen pa pou sanze. Whether ou annan 1321 or not dimoun pou still fer contre letter, akoz sa se lanatir imen.  Annefe nou bezwen, nou pa kapab ipokrit. The IBC Act se en lenstitisyon, se en Lalwa in kree en lenstitisyon pou fer bann dimoun ki reste laba deor kasyet zot byen atraver fer en IBC.  Let’s be frank ok, nou we are in the business of doing contre lettre on a legal and institutionalize basis ok? Sa se ki FSA i fer. Mon pa pe dir tou dimoun ki anrezistre en lakonpannyen isi i pe sey kasyet en keksoz. Me i annan bokou ki, e pa neseserman an mal, pa neseserman an mal, pa neseserman pour zot pa pey taks me zot pa anvi ki zot partner oubyen zot fanmir oubyen zot whatever i konnen ki zot annan en byen. Alor zot ferm li dan en lakonpannyen offshore somewhere e zot kasyet li koumsa.                  Sa ki, contre lettre in egziste toultan e in antre dan Code akoz in egziste toultan.

Nou pe sey institutionalize li dan en serten fason akoz i egziste, me si nou tir li konpletman oubyen si nou retourn sa enn ki ti annan avan. Dimoun pour still pa pour fer li. Akoz ki nou’n anvi asouplir sa se akoz sel case e mwan mon konn sa tre byen akoz mwan mon ti dan sa case.

Sel case ki mon konn kot en contre lettre in ganny servi efektivman se en case kot en gran lenzistis in ganny fer.

Akoz ti annan en msye ki ti krwar ki Gouvernman ti pou pran son later. Akoz i ti en etranze pandan dezyenm repiblik e in met sa lo non madanm son bon zanmi i ti en etranze, in met sa lo en madanm Seselwaz ki ti madanm son bon zanmi. E i ti fer en contre lettre ki zot pa ti anrezistre e ler in vini pli tar Gouvernman pan pran son later in dir rann mwan mon later, ki later ou annan? Ou’n fini transfer lo mwan ou, ou’n fini transfer lo mwan. E akoz contre lettre pa ti’n ganny anrezistre sa madanm in end up ek sa lakaz.

Donk nou bezwen regard nou lekor kont en lenzistis, an kre an en lazistis ki nou pa kre en lenzistis somewhere else. Non, problenm se pa anrezistre, problenm se ou pa ti pou kapab anrezistre in any event.  Akoz si i ti’n anrezistre Gouvernman ti pou pran son later akoz i ti pou’n konnen ki i pe fer sa pour avoid ganny pri. So he was stuck between a rock and a hard place.                       War, e pa bliye, pa bliye ki an Frans en contre lettre i kapab oral, i pa bezwen an ekrir.  Nou, nou pe sey met en middle of the road position e nou pe dir annou met li an ekrir, me annou pa bezwen anrezistre li akoz anrezistre li defeats the purpose of the contre lettre, konpletman defeats the purpose e personn pa pou fer li. Annefe mwan pa konn en dimoun ki’n fer en contre lettre depi 1976 ziska ozordi ki’n al anrezistre li.

Akoz personn, ou fer en contre lettre pour dimoun pa konnen. Ou pa fer en contre lettre pour dimoun konnen. Me, si ou fer en contre lettre pour ou kas Lalwa, si ou dir monn vann en later pour R1 milyon me selman nou met R500, R500 mil e, nou met en contre lettre R500mil e ki sa i ganny konnen pli tar, sa lavant pou ganny kase.                    Napa en Lakour ki pou donn okenn valer sa contre lettreSo it’s useless as a piece of paper war?

Si nou’n fer li akoz nou anvi avoid taks, its useless ou pa pou kapab servi li pour sa, pour sa keksoz ki ou anvi servi li. Sel keksoz ki nou, nou pe sey dir, se etandonnen ki i egziste annou trouv en middle of the road, en middle of the road solution  kot nou rekonnet ki i annan contre lettre me nou pa al dan telman dan en direksyon parey Anrezistreman ki personn pa pou swiv li in any event.  Let’s not legislate in vain.                 Alor se pour sa rezon, mwan frankly si nou tir li 1321 mon napa okenn problenm. Akoz tou dimoun pour kontinyen still fer contre lettre dan bann ka ki neseser. Par egzanp, par egzanp ou fer en manman i vann en later son piti i dir, konmela ou pa bezwen akoz napa stamp duty. Me dan lepok kot ou ti bezwen pey stamp duty, i ti pou met R100 mil apre ti pou annan en contre lettre pour dir ki ou pan pey mwan sa R100 mil mon boy. Nou’n zis met sa pour nou pey stamp duty pour fer sa lanrezistreman me, solman i pa pou al, dan ou siksesyon ou pou bezwen rekonnet ki ou’n ganny en bout later ou pa pou kapab ganny ankor akoz monn fer ou kado sa enn. That’s the basis of en contre lettre.

Sa se main rezon ki ou annan en contre lettre, pa pou, pa pou cheat me obviously ler ou fer en keksoz ki byen lezot dimoun pour servi li pour en rezon mal, sa i normal.  Me I pa zis 1321 ki fer sa i tou nou Code an antye. At the end of the day Mr Chair mete pa mete restrikte pa restrikte, dimoun pour fer sa ki zot anvi fer. Alor, whether nou retourn an aryer, whether nou retourn lo sa enn oubyen nou tir li konpletman pa pour fer okenn diferans. Mersi.

 

MR DEPUTY SPEAKER

Mersi Onorab Georges.  Onorab Ramkalawan.

 

HON WAVEL RAMKALAWAN

Mon pe swiv largiman Onorab Georges, me ou konnen mon pe regard sa legzanp ki in servi an relasyon avek IBC offshore. Mwan war li, mwan mon regard li dan en diferan angle parski i annan fason pour regulate.  Nou annan offshore me selman nou’n dir nou annan en regulator ki pour fouye ki i pour bezwen anrezistre normal, la nou’n pas lot Lalwa beneficial ownership pour nou konnen. So, tousala i fer ki menm si i pa 100poursan transparan selman, nou pe al dan sa direksyon kot, kot si i annan keksoz frod ki pase par egzanp lo serten kont i annan posibilite pour sezi ensidswit.

Konmsi i annan bann prosedir e sa ki, sa legzanp ki Onorab Georges in donnen ki i konn zis en case.  Sa petet i en case ki tou dimoun in konnen, me petet i annan bokou parski mwan sa case ki ou’n dir 2enm Repiblik, mwan mon konn en case 3enm repiblik kot ti annan en Alman ki ti’n aste en later me selman i ti’n met li lo en Seselwa e apre sa i ti ganny en bann hard time pour li – e finalman mon pa tro konnen ki mannyer sa zafer in fini. Me selman mon konnen bougla in perdi en pe larzan.                    So, i osi annan sa bann zafer ki pase san rezistrasyon parey ou pe dir.

Me selman nou. Mwan mon pe regard nou konman en Lasanble an 2020 ki standar ki nou devret mete. Mon krwar ki lobligasyon ki tonm lo nou se pour nou met en standar ki o.  Menm parey nou pe dir, pe anmenn sa legzanp ki Onorab Georges in dir nou kapab servi li lo speed limit. Be pa i annan en speed limit pa gard i atrap dimoun ki pe fer par lao speed limit.  Menm si ou annan en speed limit, dimoun i al par lao sa speed limit, me selman mazorite nou, nou dir tyonbo en kou.  Speed limit i sa e mon kapab ganny, mon kapab ganny atrape alor mon sey fer en fason pour mwan tonm within the law.  E alor, se la ankor enn fwa ki malgre sa ki Onorab Georges in dir, mwan mon krwar ki mesaz ki nou bezwen anvoye se ki nou anvi en keksoz ki annan en standar pli o. Dimoun pour kas Lalwa, toultan dimoun pour kas Lalwa, me selman nou annou rod keksoz pli o pour ki menm sa bann dimoun ki pe fer sa bann contre lettre ensidswit, zot ava kapab, zot ava kapab vreman pe al dan en direksyon ki well. Si mon kapab servi sa term. Ki zot konnen ki pou dir zot pe ganny en serten proteksyon.                                  Mon pa tro, mon pa tro soz.  Be selman finalman si nou pe dir lafason ki Onorab Georges in dir si i la si i pa la dimoun pour kontinyen.  Be dan sa ka nou pa met speed limit osi tou lo semen, parski menm si ou met 40 dimoun pou fer 60, si ou met 90 dimoun pou fer 120.  Be dan sa ka nou pa met okenn speed limit nou dir ek dimoun zis pran zot prekosyon e drive byen. Mon krwar ou full dakor ek mwan.                Non, mwan mon  krwar nou bezwen annan en keksoz e mon krwar ki nou Code aktyel, les li menm si i pa pou full proof. Me selman annou tonm lo en keksoz ki ava meyer ki olye, parski ofet Mr Chairman la fason ki Onorab Georges in koze, la fason ki Onorab Georges in koze 1321 i devret ganny sorti konpletman. E mon trouv i drol ki zot panel ki’n fer sa legzersis pa’n dir tir li konpletman.  Mersi.

 

MR DEPUTY SPEAKER

Mersi Onorab Ramkalawan. Onorab Pillay. Annou move towards the conclusion lo sa matter.

 

HON SEBASTIEN PILLAY

Mersi Mr Chair, so vi ki nou le al towards the conclusion lo sa zafer. Sa ki mon ti a kontan Onorab Georges ouswa Attorney Zeneral I eksplik nou. Ler mwan monn sey fer mon resers pou konpran sa sityasyon en pe plis detay. La France li dan son taks code 1840 li in mete ki Rezistrar pa kapab anrezistre okenn contre lettre ki annan pour fer avek sale bann keksoz koumsa.  Eski nou, nou annan menm provizyon pour close menm loophole? Par egzanp dan sa, dan ka par egzanp en lavant later kot pou annan en sale kot sa stamp duty pour bezwen ganny peye, stamp duty i en tax ki bezwen ganny kolekte, Rezistrar pa pour ganny drwa anrezistre en contre lettre an relasyon ek sa.                Si nou dir pou dir sa provizyon i bezwen ganny garde parey i ete, akoz mon krentif se ki, eski nou annan lezot safeguard dan lezot Lalwa?

Akoz La France esansyelman i servi menm code ki nou, si li in war rezon pour li met en safeguard, dan en lot Lalwa akoz ki nou, nou pa fer menm prosedir vi ki nou annan menm code e met menm safeguard dan lezot Lalwa kot ou ava annan bann consequential amendments.                Zisteman pour anpese, i pa dir ki demen tou dimoun pour al fer contre lettre pour tou tranzaksyon ki zot pe fer mon konpran largiman Onorab Georges. Me ou bezwen prevwar pour sa enn ki pour deside al fer sa ki i pa pour kapab fer. Mon pa konnen si Onorab Georges i kapab sey klarifye sa pour nou. Mersi Mr Chair.

 

MR DEPUTY SPEAKER

Mersi. zis avan mon donn Onorab Georges. Onorab Henrie.

 

HON GERVAIS HENRIE

Mersi Mr Chair.  Pli mon ekoute prezan mon pe komans i annan bann Clauses dan sa Code Civil, mon komans en pe trakase Mr Speaker.  Premyerman mon war li pou dir i pa gender balance i donn plis soz zonm. Preske mazin lepok ki sa in fer. E la touzour dan sa bann zafer counter letter la, bann boug ki ti dan sa bann circle ki ti annan byen, ki ti annan posesyon e ki ti anvi kasyet serten tranzaksyon. Me ozordi 2020 nou pe koz latransparans, bonn sans, bon gouvernans. Lit kont koripsyon nou, nou le set bann standar pou vin premye dan Lafrik. Meyer dan lemonn isi laba. Ki nou koman en pei nou anvi? Nou anvi en pratik kot bann ki annan i kontinyen kasyet pou zot rob leta, pou pa pey lakantite ki zot dwatet peye, pou zot kasyet zot byen e pa pey nou deza pe ganny problenm avek konviksyon taks en SRCThis the practice that we want to keep doing?           So mwan pou mwan, mon pa dakor avek sa zafer counter letter or back letter ki mannyer ou anvi apel li.  Mon ti ava prefere vwar ki apart dan sa Code Civil ki zis de pti laliny, 1321 i annan en Lalwa par egzanp en Contract Act ki presiz bann zafer ki obliz ou par egzanp anrezistre. En counter letter anrezistre.

E pou sa dimoun ki pa anvi anrezistre en fwa ki en msye in ganny vole, de msye in ganny vole, en trwazyenm madanm in ganny vole be zot pou arete fer evantyelman, akoz Lalwa pou obliz ou anrezistre. So, pou mwan si mon pa dakor avek sa zafer, akoz mon, mon pa anvi fer sa down the road.  E mon pa kontan tande en lot dimoun pe fer, pe kasyet son byen. E si fodre mon vot kont sa bann lartik ki sa i ladan mon ava pran en pozisyon koumsa si fodre.  Mersi Mr Chair.

 

MR DEPUTY SPEAKER

Mersi, Onorab Henrie. Onorab Georges, a way forward.

 

HON BERNARD GEORGES

Mr Chairman wi, mon anvi donn en legzanp, si dizon en Mrs i annan 2 zanfan e i anvi donn enn  son garson en byen, me sa garson i reste dan en pei kot tax i worldwide ok, so pou pran konsiderasyon son byen isi Sesel, e i pa anvi sa i arive.  I pa pe kas okenn Lalwa Sesel li.  E i met son propriyete sa later ki lo la e i met lot garson e i fer back letter pou dir li malgre i lo ou non sa i pa pou ou, i pou ou frer laba, akoz ou pou anpes li fer sa?                                              Nou pa pe kas okenn lalwa Sesel nou? Nou pe o kontrer ed en seselwa. Me si nou pa fer sa koman nou fer anrezistre ki pou arive? SRC or RRS laba pou konnen, sirtou ozordi avek bann zafer devwale, ou war?  Fodre pa ki nou toultan krwar ki back letter i pou toultan fer nou sif, annan de fwa i pe fer en keksoz ki byen.  E se pour sa rezon ki mon pa’n anvi tir li net mon’n anvi gard li dan en serten fason ki pou ed bann dimoun ki pe fer bann keksoz ki nob, ki pa pe kas Lalwa Sesel ki kapab fer li.  Mon  donn sa legzanp me fodre nou lir 1321 ansanm avek 1341.

Annou al lo 1341.  Ler ou annan en back letter, pa tou back letter ki ou pou kapab anmenn Ankour montre menm si ou’n anrezistre li, akoz si i relate – si i pou en keksoz ki pou plis ki R50mil, ou pa pou kapab anmenn levidans oral.  Ou ava anmenn levidans ekri ki kontraye sa dokiman ki’n fini ganny anrezistre.  Donk nou bezwen get bann keksoz nou bann avoka nou konn sa.  E zot bann sivilyen zot pa neseserman konn sa, alor fodre nou regard byen bann – avan ki nou touy en keksoz fodre nou balans byen  bann pros and the cons,                            Mr Chair.

Son prensip back letter pa en keksoz ki mon krwar ki nou devret zete,  kekfwa nou devret revwar ki mannyer nou kapab achieve sa balans ki nou anvi ant lo en kote anpes dimoun pa pey tax e pa pey stamp duty, be anmenn tan permet zot dan en ka ki nob kapab servi sa keksoz.  E pou nou pa kay lo la, akoz ki nou pa demann Profeser parey sa detrwa keksoz ki nou sipoze pe fer, pou revwar sa e nou ava retourn lo la ler nou retournen pou fer Third Reading, ansanm avek bann lezot keksoz ki nou’n garde.

 

MR DEPUTY SPEAKER

Mon dakor avek sa sizesyon.  Onorab Ferrari.

 

HON JEAN-FRANCOIS FERRARI

If I may speak in English for the Professor.  When you look at this provision I think it would be a good thing if you bear in mind the changes that we are effecting in our legal system, to meet international standards of disclosure, transparency, because we would not want to see the International Committee coming back to us in a few years’ time saying well now you need to review your Civil Code because it allows for things that are not – ok? Thank you.

 

MR DEPUTY SPEAKER

Mersi. AG.

 

THE ATTORNEY GENERAL MR FRANK ALLY

Mersi Mr Chairman, mon krwar i annan bokou pwen ki’n ganny souleve an relasyon avek back letter avek later sirtou avek etranze e nou annan en Lalwa ki dil avek sa, se Immovable Property Transfer Restrictions Act e Immovable Property Transfer Restrictions Act i kler lo la.  I dir ek ou koumsa en etranze pa kapab annan en propriyeter Sesel san sanksyon, okenn lentere dan en byen imobilye.

E  i servi sa term ‘’ultimate ownership kind of’’;- savedir o moman ki ler ou pou war en etranze ki annan en drwa lo sa propriyete e ki sa drwa i pa anrezistre sirtou en drwa anrezistre, then i contrary to the Immovable Property Transfer Restrictions Act.                          E menm si ou pou annan en back letter.  Akoz ou pou bezwen lir sa back letter an relasyon akoz sa back letter i more or less the general law, me you will have to – ou pou bezwen lir sa specific law e sa specific law li i pou more or less prevail over, because li an plis dan – nou’n koz lo Lord Piblik lo Public Policy sa Lalwa Immovable Property Transfer Restrictions Act li i en Law of Public Policy because it criminalizes  sa Act si ou annan then ou komet en lofans.  So i vin en pti pe koman en safeguard avek Immovable Property Transfer Restrictions Act.  Mersi.

 

MR DEPUTY SPEAKER

Mersi, AG.  Onorab Georges.

 

HON BERNARD GEORGES

Mersi zis pour fini sa Mr Chair mon apresye sa ki AG in dir e annou pa bliye ki lartik 9 nou Kod Sivil ki nou pe regarde i dir ki Lord Piblik, Public Policy pa bezwen ganny eksprimen.  Me i en keksoz ki la dan nou Code e si en keksoz i kont Lord Piblik e se pour sa rezon ki nou’n tir sa bout lo si en keksoz pe rod pou avoid payment of tax oubyen stamp duty,           i pou ilegal, akoz – i pou ilegal in any event akoz i pou al kont Lord Piblik.  Alor nou pa bezwen repet li toultan akoz Lord Piblik i pas atraver akoz lartik 9, ki enn nou premye artik ki kont tou nou rode akoz tou nou keksoz i kont Lord Piblik pou ganny struck down.  Alor i annan sa gardfou.

 

MR DEPUTY SPEAKER

Mersi.  Zis avan nou kontinyen Onorab Pillay, klarifikasyon.

 

HON SEBASTIEN PILLAY

Mersi Mr Chair, prenon kont sa ki Onorab Georges pe dir nou eski AG ek Onorab Georges i kapab dir nou si alors en keksoz i kont Lord Piblik, eski Lord Piblik dan sa ka par egzanp en Lalwa i devret spesifikman li osi dir ki sa keksoz an partikilye i kont Lalwa alors pa devret ganny admit?                          I pa zis en sipozisyon ki kont Lord Piblik alor ou pa fer, me ki dan sa Lalwa osi ki relye avek sa aksyon ki pe ganny fer, i ganny dir klerman.

Mon go back to still to sa legzanp si dan Lalwa Tax nou bezwen dir poudir  ou pa admet sa oubyen i sous entendus i ganny pran konman son lefe i kont Lord Piblik, i kont  Lord Piblik? Sa ki mon oule klarifye.

 

MR DEPUTY SPEAKER

Mersi Onorab Pillay. AG.

 

THE ATTORNEY GENERAL MR FRANK ALLY

Mersi, bon pa neseserman akoz se sa ki ou annan Ziz e Ziz i trans sa bann itiliz koumsa e ziz i legally trained pou li servi the Canons of Interpretations e pou li vwar ki be non sa Lalwa i en Lalwa ki i dan Lord Piblik e therefore i pou prévaut over en lot Lalwa.

So ant bann Lalwa nou annan Konstitisyon konman the Supreme Law.                Tou Lalwa i bezwen an akordans avek Konstitisyon me nou kapab annan bann competing laws.  E la bann Rules of Interpretation i pou dir ou lekel ki pou prevail over the other.  parey Civil Code i kapab dir avek ou ki li i pou prevail over tou lezot Lalwa ki pase avan li.            Me i inconsistent with it dan Civil Code aktyel. So this is where  i pou bezwen fer sa – me o moman ki en Lalwa i dir ou poudir si ou pa fer – si you act in contravention of that law, it is an offence, then li i  of Public Policy.  Akoz Civil Code li bokou dan son bann provizyon i permissive rather than mandatwar.  Ou kapab fer li me pou kapab deside pou pa fer li. Ou war? Mersi.

 

MR DEPUTY SPEAKER

Mersi AG. Mon krwar nou kapab kontiny li bann larestan seksyon nou annan ankor detrwa minit.

 

HON BERNARD GEORGES

Wi, mersi Mr Chair. Mr Chair  larestan ziska 1326 zis pour lentere bann Manm 1326 i en Reconnaissance   de dette Acknowledgement of debt;- i parey en tyek ler en dimoun i drwa ou, ou kapab fer en dokiman anba 1326 kot i ekrir poudir valid for the sum of so and so, bon pour la somme de  temps.   I en rekonesans poudir en dimoun i drwa ou en larzan e sa dokiman si i annan enn sa dokiman ou pa bezwen al Ankour pou prouv sa det. Ou al Ankour ou dir ki lo sa dokiman i drwa ou san ki ou bezwen al deryer pou eksplik rezon akoz in fer sa .

E nou ariv lo lartik 1341 ki the next lartik tousala se bann prosedir ki bezwen ganny swiv, 1341 i en lartik enportan e en lartik levidans sivil.  E lartik 1341 i dir ki si i annan en keksoz ki son valer i plis ki R50mil – ozordi dan Lalwa i met R5mil.  E lamannman ki nou’n fer se pour sorti R5mil pour vin R50mil, akoz R5mil an ‘76 ti en sonm enportan e ozordi i nepli e nou pe propoz R50mil.  Anything ki son valer i plis ki R50mil ou pa kapab donn oral evidence Ankour ou pa kapab ou bezwen en dokiman ou bezwen en laprev ekstra.             E donk se sa lamannman ki nou pe dir.  I annan fason pou kontrol li dan bann lartik ki swiv swa ou annan en komansman de preúve an ekri a beginning of proof in writing – en dokiman swa ou met sa dimoun, ou pran son levidans not under oath e ou fer li aksepte sa keksoz ki ou pe rode i vre ;-swa si en zafer komersyal i en leksepsyon la ou kapab anmenn en oral evidence.  Donk i annan fason pou kontourn sa.  Me sa ki nou pe propoze avek lasanble se pou sorti 5mil pou mont sa floor pou raise li pou fer li vin R50mil.

 

MR DEPUTY SPEAKER

Mersi Onorab Georges. Onorab Hoareau.

 

HON JOHN HOAREAU

Bonzour Mr Chair. Mon ti a kontan ki Mr Georges ti donn en pti klarifikasyon lekel ki determinen valer sa keksoz Ankour?  Mersi.

 

MR DEPUTY SPEAKER

Mersi.  Onorab Georges.

 

HON BERNARD GEORGES

Son case li menm Mr Chair, par egzanp si ou anmenn en case ankour ou dir ou ti vann en picanto avek sa defendant pou R300mil in pey ou zis R100mil e i reste drwa ou R200mil, koman ou pou debout ankour ou pou dir in pey mwan R100mil i ankor reste drwa man R200mil, i pou leve i pou dir pou pa kapab anmenn oral evidence.                                  Akoz i plis ki R50mil alor ou pou bezwen dir be ziste rezon lala en let ki li in ekri mon pou dir mon ki i pa kapab pey sa R200mil akoz son madanm in bezwen al trete deor donn li ankor en pe letan e apre i pa’n pey mwan.  E sa i ava vin en komansman de prêuve an ekri donk sa case itself i ava determin son valer.

 

MR DEPUTY SPEAKER

Mersi Onorab Georges. AG.

 

THE ATTORNEY GENERAL MR FRANK ALLY

Mersi Mr Chairman. Mr Chairman mon krwar lesansyel avek sa lartik ek sa sanzman se pour bann Manm deside si R50mil parey Onorab Georges in dir si R50mil ozordi i reprezant R5mil yer, an ‘76 akoz ler Lalwa ti vini an 76 i ti dir tou keksoz par lao R5mil ou pou bezwen ekri,   ou  bezwen en dokiman. E apre Onorab Georges pou eksplik en pti pe plis kwa sa ekri.   E me ozordi bokou dimoun o perdi zot case akoz in annan en lapse 40an kot bann dimoun in transact pour en valer par lao e zot pa kapab anmenn en case Ankour, zot al kot en avoka e zot in pret en dimoun R40mil, e zot pa pe kapab prouv zot case devan Lakour o moman ki zot ouver zot labous e zot dir monn pret en dimoun R40mil, e avoka i debout i obzekte i dir ou; ‘’oli ou ekri?’’ Ou case i tonbe flat lo son figir.                                             So I think what is important se ki nou bezwen gete what is the value of R5thousand today pou gete si ozordi R50mil i R75mil, R100mil i R25mil? Mon krwar sa i en poursan akoz i annan en kantite lenzistis ki ganny koze to a large extent e nou napa en Small Claims Tribunal, e i annan en politik gouvernmantal pou amenn en Small Claims  Tribunal  kot pou kapab dil avek sa bann sonm dan en fason bokou pli en formel rather than avek bann strict rules of evidence devan Lakour. Mersi.

 

MR DEPUTY SPEAKER

Mersi AG.  Mwan mon sel konsey an ’76 mon rapel  en limonnad ti R1.75 e ozordi apepre R17.  Alor R5mil  i vin R50mil.   Mon war li ase rezonnab.                      In ariv midi mon sizere nou break.  Me gid nou Onorab Georges.

 

HON BERNARD GEORGES

Wi, Mr Chair, avan nou break mon krwar tou dimoun ti ava kontan konnen, akoz i reste nou zis en apre midi les mon fer dimoun konnen ki nou annan ankor 2 pwen ant la avek 1400.  Ler nou’n ariv 14san ziska lafen napa nanryen.  Alor sa ki mon pe propoze se ki ou pran sa ziska 1400.                          Apre depi 1400 an alan mon pas tre vit ladan pou ki tou dimoun i konnen ki nou pa’n kit nanryen deryer e nou ava eksplik zot, lala Lalwa Sale depi x ziska y, lala Lalwa Lease depi y ziska z.  E zis highlight depi 3 ou 4 lartik ki enportan e enteresan me ant 1400 avek 2,200 i pa pou pran nou plis ki apepre 15 minit pou nou pas atraver sa ou en demi erdtan nou travay se ant la kot nou ete ek lartik 1400. Mersi.

 

MR DEPUTY SPEAKER

Me eski ou pe sizere ki nou aret la selman? Nou aret la? Ok tre byen. Wi, savedir si nou pran ou letan ki ou’n dir 15minit nou miltipliye li par 15 i fer plis ki 2erdtan edmi. Ok, zis en pti lanons avan nou break, Komite COGA pe zwenn 1er apre midi dan Committee Room 3 alor tou bann Manm COGA zot a zwenn.  Avek sa nou ava, adjourn Lasanble ziska 2er apre midi.

 

        (BREAK)

 

MR DEPUTY SPEAKER

Bonn apre midi tou bann Manm Onorab, Bonn apre midi tou bann dimoun ki lo panel e bann ki lo Galeri e tou dimoun ki pe swiv Lasanble Nasyonal lo televizyon, lo radyo ek lo rezo sosyal.                                       Nou kontinyen avek nou travay lo Civil Code of Seychelles Bill 2018.  So Onorab Georges ou ava dir nou seksyon ki nou ti kite e sennla ki nou ti pe al fer dan 15 minit.

 

HON BERNARD GEORGES

Wi Mr Chair, efektivman la nou pe fer 1315 ziska 1369.  E nou’n ariv  1341 apre nou pou fer en lot blok, apre nou pou fer lartik 1400.  E from then on 1401 ziska 2,200, nou pou al tre vit e mon pou zis eksplik bann gran tit akoz i bann detay lo tou sa ki nou’n deza fer.

 

MR DEPUTY SPEAKER

Tre byen Onorab Georges.  Savedir nou pou al lo Proof of obligations la, e apre Obligations that arise without agreement, answit nou pou al lo 1400 e sa bann ki ou’n koz lo la.

 

HON BERNARD GEORGES

Apre nou pou al lo Delicts and Preside delicts apre nou pou l lo 1400.

 

MR DEPUTY SPEAKER

Nou kapab alors kontinyen, so mon a demann ou pou –

 

HON BERNARD GEORGES

Mersi Mr Chair. Mr Chair, ler nou ti break pou nou dezennen mon krwar konsansis Lasanble sete pour raise threshold pou oral evidence pou sorti R5mil roupi pou fer li vin R50mil e sa i sa lamannman ki nou’n fer ek lartik 1341.  E 1343 an alan i bann fason pou kontourn sa laplikasyon          sa lareg ki dir ki ou pa kapab anmenn oral evidence pou en keksoz ki son valer i plis ki R50mil.  Oubyen kot i annan deza en dokiman ki egziste, ou pa kapab anmenn levidans pou kontraye en dokiman ki deza egziste.  Apre i annan bann keksoz ki apel en prezonpsyon kote lalwa i kapab pran en prezonpsyon e dir ki san laprev mon kapab prezimen ki en serten keksoz in arive.  E sa i apre bann admission ki ou kapab fer anndan en case oubyen an deor en case ki i ou fer en admission sa lot parti pa bezwen al prouv sa keksoz akoz ou’n fini admet ki in arive.

Apre Oaths;- judicial oaths ek decisive oaths.   Kot ler vreman ou pa kapab prouv nanryen ou napa ni levidans ou napa ni admission, ou napa ni en dokiman, ou napa ni en temwen, sel keksoz ou kapab fer se pran sa dimoun sa lot parti se met li dan box, dir li pret serman e ekspekte ki i pou dir laverite e ou ava ganny ou case, me si i fer ou perdi ou case ou pa pou kapab fer nanryen plis ki sa.           I en nuclear option ki ou servi basically ler ou napa lezot fason pou prouv en case.

E nou ariv donk lartik 1369 ki lafen sa seksyon, Mr Chair si napa okenn kestyon la i en moman apropriye pou vot lo sa seksyon.

 

MR DEPUTY SPEAKER

Mersi Onorab Georges. I pa paret i annan okenn Manm ki annan okenn lamannman e mon krwar nou pare alor pou nou pran en vot alor lo seksyon 1315 ziska 1369.  Tou bann Manm ki an faver?  Onorab Henrie.

 

HON GERVAIS HENRIE

Mr Chair sa i sa seksyon kot i annan counter letter, mon ti annan en santiman ki ti pou annan en Professor ti pou fer –

 

MR DEPUTY SPEAKER

Wi zisteman nou’n fer konfyans Profeser, Onorab Georges ek son Komite pou zot etidye bann pwennvi ki’n ganny enprimen ozordi avek bi pour trouv en konpromi ki pou reflekte bokou sa ki nou’n koz bokou lo la bomaten. Ki  an menm tan nou bezwen realis e nou bezwen kapab pa les en sityasyon ki pour permet swa blansisaz,  oubyen nou pe permet en sistenm ki les dimoun bat Lalwa oubyen bat tax.                      So zot pou trouv en wording zisteman pour 1321 pou modern ki reflekte en fason pou nou bouz devan.  Alor sa mon krwar ki nou ti’n dakor lo la alor nou pou annan en wording e avan Third Reading nou a ganny loportinite pou nou fer en revi lo la.                     Alor nou a pran en vot lo 1315 ziska 1369 tou bann ki an faver?  Ler mon dir nou pe al vote ou pa kapab enteronp vote 2 fwa. Mon pa’n vwar mon pa’n acknowledge, Onorab Pillay mon a permet ou raise ou point selman annou fer li bref akoz nou pe zis tarde la.

 

HON SEBASTIEN PILLAY

Mr Chair mon konpran ou pe konsider letan e i en komodite enportan pou nou Lasanble ozordi, me selman avek lefe ki sa bann lalwa pou annan en lenportans krisyal ek lafason bann persepsyon ki nou kree pou move forward i enportan ki nou fer sir serten eleman i antre.                                Swivan komanter Onorab Henrie mon ti a kontan ganny en langazman e vi ki mon lo komite Bills Committee, ki nou pou fer antre osi bann referans avek bann nouvo lalwa ki ava fer ki nou a ferm sa loophole counter letter.  E mon oule fer sa ki nou ava kantmenm ganny en langazman Lasanble ki sa i ganny fer akoz si non, then nou pe les nou tro at the mercy of sa lamannman ki pe vini nou bezwen annan en serten buy in dan sa ki pe al ganny mete ladan. Sanmenm sa ki mon ti anvi dir Mr Chair.

 

MR DEPUTY SPEAKER

Mon pa krwar nanryen i sanze akoz de tout fason ler zot pou met sa lamannman devan nou pou annan en sans pou fer en debat lo la e alor so si i pa konplet mon annan drwa defer the vote back again, so annou move on. 1315 ziska 1369 tou bann ki an faver?  Eski i annan okenn Manm ki kont? Madanm Deputy Clerk?

 

MADAM DEPUTY CLERK

Mersi Mr Chair.  Bonn apre midi a tous. 11 Manm in vot an faver e personn kont.  Mersi.

 

MR DEPUTY SPEAKER

11 manm an faver e personn kont savedir sa bann Clause i pase enkli bann ki nou pou rekonsidere after Third Reading. Bon nou pou kontiny nou travay Obligations that arise without agreement – 1370, Onorab Georges.

 

HON BERNARD GEORGES

Mersi Mr Chair. Mr Chair mon krwar zis avan si ou permet mwan, i enportan pou dir ki pa zis 1321 me dan sa 5 ou 6 lezot landrwa kot nou’n dir ki profeser ava travay lo en lamannman ansanm avek legal draftperson, Lasanble i ava ganny en loportinite pou revwar sa bann amannman i pa ki zis zot pe ganny pase san ki nou ava ganny en drwa de regar lo la.  E nou kapab fer sa avan Third Reading akoz i permet pou annan en deba oubyen amannman i ganny fer even at Third Reading stage.               Alor bann Manm pa bezwen pwen pou napa nanryen ki pou al ganny pase san ki zot pou annan en droit de regard lo la.

E dezyenmman pwen Onorab Pillay saying Profeser pou osi fer sir ki dan son draft lo back letters i pou osi fer consequential amendments dan Lalwa Tax pou fer sir ki i annan en cross reference ki si ou pe esey avoid tax by back letter i pa pou valab.        Donk nou ava kouver tou bann posibilite pou pa annan frod.

Mr Chair mon kontinyen 1370 ziska 1381 i en kourt seksyon sa i annan pou fer avek sa ki nou apel Quasi  Kontra i pa bann Kontra ki’n ariv ek en agreement ant 2 dimoun me i bann Kontra ki Lalwa pou impute ki i annan en Kontra malgre ki sa 2 dimoun pa’n tonm dakor.  E sa kalite legzanp napa okenn sanzman me zis pou edik dimoun tre briyevman se ler ou fer en keksoz san permisyon me ou fer li pou byennet en lot dimoun.                      E ler in ale ou war son trwa lakaz pe dekloute, ou ou’n ale ou’n repare, now ou napa en Kontra pou fer sa me si ou fer li in good faith, i ava ganny oblize pou de-domaz ou si ou annan domaz eksetera.  sa se bann keksoz koumsa.  Oubyen en peyman i ganny fer lo ou kont labank san ki ou konnen, e ou bezwen rektifye sa peyman me ou bezwen rektifye sa lartik.            E i reponn en pe sa kestyon Onorab Leader of Government business bomaten ler i annan en show isi e en dimoun i tape sa show i fer larzan avek i posib ki i kapab antre swa konman en Quasi Kontra oubyen koman en deli, parey nou ava vwar taler.  E dernyen pwen lo la se 1381, sa se Lalwa Unjust Enrichment.  Code Civil i dir ki si ou pa kapab anmenn en case anba Lalwa.       Oubyen ou pa kapab anmenn en case anba deli oubyen ou pa kapab anmenn li anba Quasi  Kontra oubyen anba Quasi délit, me i annan ou’n perdi en keksoz me en lot dimoun in ganny en keksoz lo ou, ou kapab anmenn en case anba Unjust enrichment.  Ou fodre ou perdi en keksoz en lot dimoun in gannyen, me fodre pa i tonm anba Kontra oubyen deli, me si i tonm akote tousala me still i annan en lenzistis ki pe ganny fer, Lakour i kapab servi sa provizyon pou fer lazistis.

E ziska ki nou ti adopte sa konsep menaz en pep li boner dan lartik 259 Lakour ti servi sa provizyon pou ler ti annan 2 dimoun ki ti’n reste ansanm epi zot relationship ti kase e tou lede ti invest dan en keksoz, me i ti lo zis en non  Lakour ti servi sa lalwa pou dir ki i annan enn ki’n ganny benefis lot in ganny en apovrisman, alor nou ava fer en lazisteman anba lartik 81.  Me napa okenn sanzman.  E mon’n highlight sa limero 4 akoz nou ti pour servi sa si nou pa ti’n tonm dakor lo bann dimoun ki ler zot relasyon i kase, zot ganny en par lo propriyete  kanmarad malgre ki zot pa’n marye.  Akoz nou’n met sa nou pa bezwen sa alternatif isi ki lo board ki nou ti pou bezwen otherwise.  Donk lala Mr Chair sa se sa pti seksyon.

 

MR DEPUTY SPEAKER

Mersi bokou Onorab Georges, si napa okenn kestyon ou amannman vizavi sa bann, nou pare pou pran en vot?  Ok, alor tou bann ki an faver seksyon 1370 ziska 1381 lev zot lanmen. Eski i annan okenn ki kont? Madanm Deputy Clerk.

 

MADAM DEPUTY CLERK

Mersi Mr Chair, 18 Manm in vot an faver e person kont.  Mersi.

 

 

MR DEPUTY SPEAKER

Mersi bokou 18 an faver e person kont i vedir ki sa seksyon lo Obligations that arise without agreement in ganny pase par Lasanble Nasyonal. Bon, nou pou al lo 1382 Delicts and  Quasi Delicts.  Delicts  ou pronons li?

 

HON BERNARD GEORGES

Delicts wi.  Mersi Mr Chair. Mr Chair sa 1382 ziska 1399 i osi en pti kourt seksyon, me i enn ki tre enportan, e enn kot in annan serten amannman. Delicts savedir, en délit sa ki nou apel an angle en tort, se ler en dimoun i fer ou dimal;- swa entansyonnelman, swa par neglizans swa par aksidan e en dimoun e son konsep i dan 1382(1).  Okenn aksyon en dimoun ki koz domaz avek en lot i fer ki sa dimoun ki’n koz sa domaz i bezwen repare.                   Sa se si ou loto in bat dan miray en dimoun i kase, oubyen ou’n ouver en rigol kot ou e delo i koul kot ou kanmarad, oubyen en loto i tap ou i kas ou lazanm oubyen en difamasyon oubyen okenn keksoz ki fer en domaz kont en lot dimoun. 1382 i sa prensip ki la depi letan, mon ti pe al dir an Erod me depi annefe depi an letan Napoleon, pa’n annan okenn sanzman.

1383 pa’n annan okenn sanzman akoz sa i dir ki swa i ou aksyon.        Swa i ou neglizans ki koz sa tou lede i egzakteman parey.  1384 i fer ki bann dimoun ki responsab pou en lot dimoun zot osi zot responsab pou keksoz ki sa dimoun in fer, donk paran i responsab en zanfan, anplwayer i responsab zot travayer;- teacher i responsab zot zanfan, e vwala sa 3 seksyon, me i sa ki nou apel vicarious liability.                               1385 si ou annan en zannimo en lisyen dizon e i ale i fer en domaz dizon i mord en dimoun propriyeter sa lisyen i responsab.  E 1386 si ou annan en batiman ki ou pa’n antretenir e en dimoun i ganny andomaze akoz sa  batiman ou ki responsab propriyeter sa batiman, tousala pa’n sanze. 1387 i nef e sa se nou’n azout en nouvo délit  pour private life,  délit of privacy ki pa ti egziste ziska prezan en confidential information e sa lakour.            La prezan Lakour i ava kapab ordonn domaz si en dimoun in fer en enterferans avek lavi prive oubyen lenformasyon konfidansyel en lot dimoun, e sa i tre enportan e include dan 1387 (2), okenn mezir pou anpes sa keksoz arive oubyen sezi par egzanp letan en dimoun in tir ou portre, sezi sa camera oubyen stop sa social media or whatever ki pe fer keksoz.                                    E 1387(3) i dir ki sa i kapab fer si urgent menm ex parte ou pa bezwen notifye sa lot dimoun.  Donk sa set en nouvo délit.  1388 i en délit  ki egziste deza e sa se pou bann drivers bann dimoun ki bann drayver en loto i responsab pou okenn domaz ki i komet.  Sa se lentrodiksyon par Professor Chloros.

E 1389 i osi nef i enn nouvo ki pe ganny anmennen la e sa i apel ‘’trouble de voisinage.’’ Si ou enjoyment ou propriyete i ganny enteronp akoz ou neighbor ou vwazen pe exceed son lobligasyon ordiner konman en vwazen, e sa osi i vin en délit  e ou kapab ganny domaz.  E sa se sa enn ki pli enportan ki otan nou pe promet pou anpes dimoun trouble vwazinaz son kanmarad avek lanmizik avek lafimen avek lapousyer, oubyen avek loder.  Sa 4 keksoz. Donk la prezan i annan sa nouvo délit.

E finalman 1390 lalwa lo difamasyon i ava annan en lalwa spesifik.  Ozordi Lalwa difamasyon se Lalwa Angle la nou pe dir ki nou pou annan en lalwa spesifik me i annan dan bann transitional provisions i dir ki ziska ler ki nou annan en nouvo Lalwa.                 Lalwa egzistan i ava aplike set a dir lalwa angle vwala sa seksyon Mr Chair lo delicts.

 

MR DEPUTY SPEAKER

Mersi Onorab Georges.  Eski i annan okenn klarifikasyon? Onorab Henrie.

 

HON GERVAIS HENRIE

Mersi Mr Chair, zisteman lo sa dernyen pwen 1390 letan i pe dir, the civil law on  defamation  is governed by specific legislation;- zisteman koman nou annan Vis-Prezidan la avek nou etandonnen ki i ansarz portfolio lenformasyon parski i annan sa tandans,        Pa tandans me i annan en lakor enternasyonal ki criminal defamation  dezormen fodre i ganny retire.  Mon ti ava kontan i dir nou prezan ki vizavi sa zafer la ki nou a pe amelyor bann kad legal ki pozisyon Gouvernman lo criminal defamation?  Mersi.

 

MR DEPUTY SPEAKER

Mersi Onorab Henrie.  Mon a pran kestyon Onorab Aglae apre nou a reponn. Onorab Aglae.

 

HON EGBERT AGLAE

Mersi Mr Chair.  Mon ti anvi en leklersisman lo 1382 petet Onorab Georges akoz mannyer wording pe dir e legzanp ki li Onorab Georges in donnen swivan sa 1381 se 1382, i dir ou every human act that cause harm to another requires a person by whose fault to harm the harm occurred, to repair it’’, e  ou ou’n fer referans avek parey ler en loto pe dray i tap dan en miray.                                 Me mannyer wording i dir ou ‘’to another’’ eski nou pe koz human being la ouswa nou pe pran relevans ek propriyete tou ansanm? Mon ti a kontan en leklersisman.  Akoz ki mannyer wording i ete la.

 

MR DEPUTY SPEAKER

Mersi Onorab Aglae. Onorab Georges petet avan apre nou avar al lo sa premye kestyon Onorab Henrie.

 

HON BERNARD GEORGES

Yes, Mr Chair.  Tou le de akoz ou kapab koz domaz a en keksoz ki pou en dimoun e sa i ava otomatikman koz li en domaz.  Si ou bat dan son miray ou kraze ou bezwen repar son miray akoz sansan li ki pour bezwen repare alor i ava en domaz ki li i pour sibir.               E sa ki 1382 i dir se ki ou bezwen sibir sa domaz akoz ou ki’n koz sa domaz;- alor swa ou koz en domaz a en dimoun oubyen ou koz en domaz a en propriyete en dimoun dan tou le de ka sa enn ki koz domaz i annan lobligasyon repar sa domaz.  Sa se 1382.

 

MR DEPUTY SPEAKER

Mersi Onorab Georges.  Mon pa konnen si Vis-Prezidan oubyen dimoun lo panel i oule reponn kestyon Onorab Henrie.

 

THE VICE-PRESIDENT MR VINCENT MERITON

Mersi Mr Chairman. Mr Chairman, sa i en keksoz ki anba konsiderasyon ler nou pe amann Kod Penal me Selman i pa tonm dan lankadreman sa travay la me selman i en keksoz ki nou pe konsidere.  Mersi Mr Chairman.

 

MR DEPUTY SPEAKER

Mersi Vis-Prezidan.  Bon nou’n ariv sa moman pou nou pran en vot lo 1382 ziska 1390, tou Manm ki an faver?  Eski i annan okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair, 17 Manm in vot an faver e personn kont.  Mersi.

 

MR DEPUTY SPEAKER

17 Manm in vot an faver ki vedir sa seksyon in ganny aprouve par Lasanble Nasyonal.  Nou kontinyen avek 1400 anba ou gidans Onorab Georges.

 

HON BERNARD GEORGES

Mersi Mr Chair.  Mr Chair 1400 i en seksyon li tousel.  I annan zis en lartik ladan e sa, set en nouvo lartik ki pou premye fwa dan Code Civil i dir ki en prenup oubyen en Kontra prenup i kapab ganny fer me nou kapab extend li osi akoz Code Civil prezan i rekonnet bann partnership an menaz up to a point;- setadir en propriyete, alor etandonnen ki en prenup i al lo zis lo kestyon propriyete kekfwa zanfan eksetera.  Me sirtou propriyete.

1400 i en nouvo lartik ki pe ganny entrodwir poudir en nouvo dimoun ki pe al marye oubyen 2 dimoun ki pe al reste ansanm, i kapab antre dan en Kontra pou dir kisisa ki pe al arive ler zot separe oubyen ler zot divorse, e sa dokiman i en Kontra ki bezwen ganny fer devan noter.                                    E si i en maryaz i pou ganny rikorde avek Leta Sivil dan ou sertifika maryaz ou pou deklar li lo ou sertifika maryaz, poudir ki mon’n antre dan en Kontra.  E donk  akoz parey nou konnen isi Sesel rezim maryaz i separation de bien, si ou’n antre dan en prenup pou dir ki oule kominote de bien oubyen oule al dan en lot direksyon, ou bezwen fer sa antre lo ou sertifika maryaz.        Me pour bann dimoun ki pa pe marye pe zis antre dan en relasyon an deor maryaz zot kapab fer sa ki nou apel en pre-relationship contract, osi pou dir ki pou arive si en zour zot separe ki pou arive ek zot lakaz ek zot loto eksetera e sa i ava ganny rikorde kot Leta Sivil osi me dan en rezis spesifik pou sa bann Kontra.  Vwala sa set en nouvo propozisyon Mr Chair, pou esey – en pti pe parey PMC pe fer ozordi oubyen HFC, pe dir avan ki ou siny en         Kontra avek zot siny en affidavit pou dir ki si demen zot separe lekel ki pou annan lakaz?                            Akoz nou ganny tro problenm dan lepase kot 2 dimoun ki pa’n marye apre en pe letan zot relasyon i kase e zot dir ki mon oule tir non mon Mr oubyen mon msye oubyen mon madanm lo papye.  Ou pa kapab akoz zot in antre dan en Kontra ansanm.  Sa i permet en pti pe parey i pe ganny fer par HFC prezan. I  permet dimoun pran zot responsabilite o konmansman e fer en Kontra pou eksplike ki pou arive si demen zot maryaz oubyen zot relasyon i kase.  Mersi Mr Chair.

 

MR DEPUTY SPEAKER

Mersi. Onorab Georges, eski i annan ankor okenn lezot …? AG.

 

THE ATTORNEY GENERAL MR FRANK ALLY

Mersi Mr Chairman. Mr Chairman mon anvi zis petet demann Onorab Georges vi ki i ti lo sa Komite i koz lo pre-marital and pre-relationship. Now petet en kestyon ki bann Manm ti a kontan koze se ki si sa bann Manm li par egzanp let’s say i dan en relasyon, lalwa pa ti an viger e i deza dan en fully fledged relationship, oubyen dan en maryaz kot i pa’n pran konsiderasyon sa bann konsekans Lalwa alor in fini bato in fini kit por depi 1990 so i war li ek en lalwa ki konmans an viger e i pa pou kapab tourn back pou dir be annou fer en pre-marital or a  pre-relationship contract.           Eski i annan sa posibilite ki from now ki bann dimoun i kapab fer en lagreman, pou zot kapab dir be non nou pou bezwen annan en separasyon de bien la, plito ki Lalwa pou … Lot pwen petet mon add sa pwen, ‘’must be notarized.’’ Mon konnen poudir dan lemonn legal nou pour enterpret li dan diferan fason.  Mon krwar petet ti a bon met en presizyon swa ‘’it should be drawn up by a notary or it should be signed before notary by the party.’’ Something to that effect maybe rather than ‘’notarized.’’ Zot a krwar taler zis authenticity of.  Mersi.

 

MR DEPUTY SPEAKER

Mersi AG.  Onorab Georges.

 

HON BERNARD GEORGES

Mersi Mr Chair.  2 bon pwen ki AG in fer.  A nenport ki moman menm ozordi 2 parti i kapab antre dan menm sa ki nou apel en postnup.  Bato in kit por zot in fini antre dan zot relasyon, e zot fer en Kontra, me sa i vin en kontra normal anba lartik 1100.  I zis ki i ganny fer apre zot deside ki nou anvi etabli aprezan ki pou arive nou relasyon pa pe al tro byen, nou anvi fer sir me nou ankor ase byen pou nou antre dan en Kontra sa se zot kapab fer li e i ava tonm anba rezim normal. Sa ki 1400 pe dir se menm 2 dimoun ki an menaz, zot an menaz anba rezim separation de bien.  Si zot pa anvi separation de bien fodre zot fer en prenup oubyen en postnup.  E nou ti anvi met aksan lo prenup akoz parey mon’n dir an postnup ou kapab fer li a nenport ki moman e menm sanz ou rezim matrimonial si ou anvi akoz sa Kontra i vin Lalwa prive ant sa 2 parti. An sa ki konsern ‘’notarized’’ wi i kler ki sa draft pa dir sa ki i devret pe dir.  Mon krwar lentansyon se ki i devret ganny fer devan en noter akoz i ase enportan sa i en rezim ase enportan sa ki ou pe dir, alor shall be drawn up before a  notary  mon krwar would be the best way. 

 

MR DEPUTY SPEAKER

Mersi Onorab Georges. Onorab Henrie.

 

HON GERVAIS HENRIE

Zis en pwen klarifikasyon Mr Chair.  Par lefet ki s i en nouvo Kod Sivil mon oule zis konnen mannyer i pou marse, so demen letan mon al kot pou al marye kot Civil Status, so konmsi zofisye laba pou dir mwan  be i annan sa opsyon la so koumsa i pou marse.  Zot pou ofer mwan e la mon pou swazir pou annan en prenup or not.  Ki mannyer sa i pou marse?

 

MR DEPUTY SPEAKER

Mersi.  Onorab Georges.

 

HON BERNARD GEORGES

Ozordi zot dir ou.  Ozordi ler ou al marye Leta Sivil i dir ou zot pou marye anba rezim separation de bien eski zot dakor oubyen eski zot anvi marye anba en lot rezim?  I bezwen dir ou sa akoz lo ou sertifika maryaz in ekri ki zot in opt pou marye anba separasyon de byen, oubyen si ou’n opt pou en lot, zot pou koupe, alor sa i the default alor in print lo form, me otherwise zot koupe zot dir I’ve opted for a community or property oubyen they have opted to enter into a prenuptial agreement.  Tousala i mete.

 

MR DEPUTY SPEAKER

Mersi Onorab Georges. Savedir sa i kler, i zis sa seksyon ki nou pe pran alor nou a vot lo la.  Alor tou bann Manm ki an faver seksyon 1400 parey in ganny propoze zot pe vwar li lo lekran lev zot lanmen?  Eski i annan okenn Manm ki kont?   Madanm Deputy Clerk.

 

MADAM DEPUTY CLERK

Mersi Mr Chair.  19 Manm in vot an faver e personn kont.  Mersi.

 

MR DEPUTY SPEAKER

19 an faver.  Savedir sa seksyon in ganny aprouve par Lasanble Nasyonal. Onorab Georges ou a gid nou lo mon krwar nou’n ariv sa staz kot nou fer 15 minit la.

 

HON BERNARD GEORGES

Wi, Mr Chair, efektivman mon’n promet zot ki sa next morso nou pou fer li dan 15 minit e zis pou mwan eksplik avek bann Manm ek bann dimoun ki pe ekout nou, from now on ziska ler nou ariv kot preskripsyon sel keksoz ki Code i fer se ki i donn bann prosedir legal ki bezwen ganny swiv pour tou sa bann seri Kontra ki pe swiv e nou konmans avek sale, e parey nou’n tonm dakor napa okenn sanzman from now on.  Donk nou pa bezwen tousala se texto parey i ete dan Code aktyel mon ava zis highlight avek ou permisyon dan sa 15minit.       Ki mon annan bann lartik pli enportan par egzanp premye se sale en keksoz ki bokou dimoun pa konnen se 1583.  A sale is complete en lavant in fini ganny konplete ek ownership, sa keksoz in fini pase sorti kot sa dimoun ki pe vann  in  vin kot sa dimoun ki pe aste osi to ki pri in fini tonm dakor lo la, menm si sa keksoz pa’n ganny deliver e menm si pri pa’n peye.  Donk si mon dir avek Onorab Lemiel,    mon oule aste ou picante roz pou R100mil e i dir mwan dakor, picanto in fini vin pour mwan.  I ankor anba son garaz mon pa ankor pey li be mwan mon propriyeter sa picanto.   Mwan prezan mon bezwen anmenn li Ankour prezan pou fer li delivre e li i bezwen anmenn mwan Ankour pou fer mon peye si mon pa peye.  Me picanto in fini pou mwan.  Sa se nou Lalwa ki mannyer i ete se Lalwa Franse.    1589 en promise of sale en promesse de vente i ekivalan a en sale.  Promesse de vente vaux vente, parey i mete dan son text Franse pou menm rezon akoz nou’n fini tonm dakor lo pri alor koman nou tonm dakor lo en promise of sale ki mon pou aste son loto pou R100mil sa in fini fer en lavant.  E apre sa nou kapab enforce sa promise of sale konmsi i ti en lavant ki ti’n fini ganny fer.  I pa bezwen ni an ekri i kapab oralman. Mr Chair mersi.

Sa se donk lavant apre sa nou al dan tou bann konsekans lavant lekel ki pou sinyen, ki mannyer ou pou deliver sa keksoz ki mannyer ou pou bann defo dan sa keksoz i kapab arive;- si i annan en defo dan sa loto ki mon pa ti’n war tousala, Mr Chair se dan bann keksoz ki annan pou fer avek lavant.

E nou taye nou al 1674 avek ou permisyon, mon war i annan en dimoun ki’n lev son lanmen Mr Chair.

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Chair zis en klarifikasyon lo 1583 kot i dir,’’ a set is complete within parties and ownership passes as of right, even if the thing has not yet been delivered or the price paid, Konmsi la ki nou pe dir la nou pe dir ki kantmenm ou pa ankor peye i vin pour mwan?

 

HON BERNARD GEORGES

Efektivman Mr Chair, akoz osi to ki en lavant in fini i annan 2 lobligasyon ki arise;-enn se obligation to deliver, alor Onorab Lemiel i bezwen delivre mwan sa loto ki mon’n fini aste ki’n vin pou mwan ek en lobligasyon pou pey pri.            E mwan mon annan en lobligasyon pou pey li son pri.  Si i pa delivre mon anmenn li Ankour poudir nou’n fini tonm dakor, deliver mwan loto e si mon pa pey li i anmenn mon ankour poudir nou’n fini tonm dakor, pey mwan mon pri.

 

MR DEPUTY SPEAKER

E sa i Lalwa ki egziste ozordi.

 

HON BERNARD GEORGES

Wi, egzakteman nou pa’n sanze.

 

MR DEPUTY SPEAKER

Mon krwar ki Onorab Lemiel i a bezwen deklare ki sa loto in perdi, i pa war. Wi sa picanto roz.  Kontinyen Onorab Georges.

 

HON BERNARD GEORGES

E mwan mon ava dir li son larzan ti dan en lanvlop gri lo son sit deryer i pa’n remarke. (laughter)   I annan bokou konplikasyon dan sa Lalwa. 1674 mon pe zis highlight akoz ler nou ti regard 1118 nou ti war lo lezyon  e ti annan en cross reference avek 1674 poudir ki si ou’n pey mwens ki lanmwatye valer en  keksoz, sa dimoun ki’n vann ou i kapab demann restitisyon  son byen e demann ou larzan oubyen ou bezwen pey li sa ki i vo.  Mon zis bezwen highlight sa akoz nou ti mansyonn li yer Mr Chair.  E donk pardon avan ki nou ti ariv la nou ti merit vot ziska 1673.

 

MR DEPUTY SPEAKER

Savedir nou pou pran en vot lo 1582, mon mazinen nou kontinyen.

 

HON BERNARD GEORGES

Alright, donk 1674 lezyon nou’n fini avek. 1689 an alan se assignment ler ou pas ou drwa en lot dimoun en lot kalite Kontra.

E 1702 se en lot kalite kontra ankor ki exchange ankor ki ler enn i donn en keksoz, lot i donn li en lot keksoz.E nou ariv 1708 e sa se higher ki basically 2 keksoz.                           One is higher of services, employment ki prezan i ganny anba Employment Act e lot se higher of things ki basically en lease.  E la ankor napa nanryen ki’n sanze tou sa long seksyon 1700 an alan i annan pou fer avek bann bay bann diferan kalite by bann responsabilite sa enn ki lwe ek sa enn ki propriyeter.  Nanryen pa’n sanze e napa nanryen vreman ki nou pa’n deza pas lo la ler nou ti fer nou sesyon dan Members Lounge.                    Mr Chair nou al ziska lis i ale menm ziska 1831.  E 1831 Lalwa i konmans avek en lot Kontra set en kontra partnership e partnership nou vwar li dan Code Civil en seri partnership.  E dan Code de Commerce, en commercial partnership tou le de i annan preski menm atribisyon.  E ankor menm fwa, nanryen pa’n sanze, e sa se si ou anvi fer en partnership sa se bann atribisyon;- lekel ki responsab bann partners eksetera tou lede  -oubyen plizyer partners sakenn i responsab fully  pou tou bann keksoz.

E nou ariv 1874.      E sa se Kontra loan, ler en dimoun i pret larzan avek en lot oubyen en labank or whatever, ankor enn fwa tou son bann atribisyon, tou son bann kondisyon, en loan, lentere eksetera tousala nou ti’n vwar dan Members Lounge.

1915 deposit and receivership ler ou depoz en keksoz;- par egzanp ler ou check-in dan en lotel ou depoz ou bann valuables avek concierge eksetera… lekel ki responsab?  Ankor enn fwa napa nanryen ki nouvo e li i ale ziska 1963.

 

MR DEPUTY SPEAKER

En pti moman Onorab Georges, Onorab Pillay.

 

HON SEBASTIEN PILLAY

Mersi Mr Chair.  Mr Chair mon ti a kontan demann avek Onorab Georges si 1831 ozordi from when it was written, mon’n swiv ou ziska 1963, me ler mon lizye in tap lo 1831. Mon’n mazinen i ti ganny ekri dan sa letan, 1831.

 

MR DEPUTY SPEAKER

When one or more cows are delivered?

 

HON SEBASTIEN PILLAY

Wi sanmenm sa.  Kestyon ki mon pe demande se ki why does it relate to only one type of livestock and not all the types of livestock?

 

HON BERNARD GEORGES

1831 i en vye Kontra lagreman de mwatye ti apele.  Mwan mon donn ou mon bef   pou  ou angres li, bef i reste pou mwan malgre i avek ou me ou kapab gard okenn piti ki ne.  Wi 1804 La France, Agrikol.                         Mr Chair mon krwar mon ti’n dir sa avan ler komite ti arive pou revise sa Lalwa nou ti servi plizyer prensip ki nou’n mete dan rapor e enn bann prensip sete unless i annan en bon rezon pou tir li oubyen pou sanze, annou gard li. Kantmenm i outdated,  outmoded me annou gard li in abundance of caution.  Mersi.

 

 

MR DEPUTY SPEAKER

Mersi Onorab Georges.  Onorab Ferrari.

 

HON JEAN-FRANCOIS FERRARI

Mon krwar mon dakor avek Onorab Georges, akoz Linyon Estate se sa ki i ti pe fer ziska enn de dernyen lannen.  Sel diferans se ki ler the owner ti vini ti pran bef, ti pran fimyen, ti pran piti, ti pran tou i ti al avek!  La aprezan i annan en lot kalite arrangement.  So i ankor relevan dan sa sans?  Mersi.

 

MR DEPUTY SPEAKER

Mersi Onorab Ferrari.  Onorab Pillay.

 

HON SEBASTIEN PILLAY

Mersi Mr Chair.  Mon kontan pou tande Onorab lot kote in devlop en pasyon pou laferm osi, i montre poudir i pe improve dan son kapasite.  I kapab manage en laferm tou.     Kestyon mon pe demann Onorab Georges se, akoz just cows?  Akoz ozordi par egzanp si nou pran sa Clause nou aplik li pou ozordi, why doesn’t it apply for other livestock?  Akoz i pa apply for pigs ? For – akoz i annan mouton, kabri, why doesn’t it apply to that?  Akoz i en Clause ki sipoze ed – par egzanp akoz i annan bokou tranzaksyon ant fermye ozordi osi.  Bann lesanz laferm – (koriz mwan si mon mal), should it apply to that as well or, eski nou kit li parey i ete because akoz i pa pe fer okenn dimal nou kit li lanmenm.   But si ou annan en sirkonstans koumsa then sa bann lezot i al lo en lot Kontra, it’s what I’m trying to figure out ozordi.  Mersi Mr Chair.

 

MR DEPUTY SPEAKER

Eski mon kapab sizere sa i en pwen ki petet panel i kapab konsidere?  E ler zot vin avek final draft e en keksoz ki mon pe mazin toudswit se ler one or more animals.  Petet sa i kouver sa me les zot petet sizer en keksoz ki kapab petet fer nou bouz devan.  AG.

 

THE ATTORNEY GENERAL MR FRANK ALLY

Mersi Mr Chairman. Mr Chairman mon konnen petet bann kestyon parfwa ki mon demande, should be to the panel rather that to the House?  Me petet akoz Onorab Georges in dan Komite.  Partnership mon konnen poudir lontan nou’n wrestle bann practitioners Lotorite an zeneral, Tax,        SRC i wrestle avek sa konsep partnership.  Nou annan en konsep partnership ki ankor ansyen e sa ki mon swete avek sa Code ler bann Manm ti -. Nou moderniz.

Akoz parey L’Angleterre i annan bann limited liability partnerships.  E mwan mon sizere, mon ti a kontan petet demann bann Manm pou konsidere plito ki en partnership i ganny kree by oral agreement it should be in writing.  Rezon akoz se ki ozordi nou napa – akoz par en partnership nou kre bann entities.  E ozordi nou napa en register of partnerships.  Ki nou annan dan nou Lalwa nou annan en registration of business names.                        E tre souvan menm bann praktisyen, menm bann Ziz zot konfonn registration of business name avek partnership.  Kestyon ki poze toultan se ki kan en partnership i ne, kan sa entity, sa body corporate i ne par provizyon 1834, i ganny ne ler bann partners i agree to come together.   But at what point in time you agree to come together ler i oral?

Rezon se ki ler ou met R50mil avan ti R5mil on the basis of Lalwa Prev pou ou kapab prouve poudir i annan en partnership, se ki ou kapab prouv ek li par tou mwayen.      E nou ti  extend dan sa case ki Onorab Georges in fer sorti kot  Lakour ti pe sey extend e servi en pti pe pou bann société de fait pou li kapab montre bann menazer, ki zot annan en serten lyen legal, Lakour ti sey pran en konsiderasyon or kre en konsep société de fait.  Me mwan mon krwar en commercial partnership, pe enport son  – setadir ou kapab  kit en civil partnership ki kapab oral, me en commercial partnership once its object is to carry on business, it should be in writing and then you go to the Registrar of companies ou deliver ou business name.       e as  part of the deliverables, ki ou deliver  kot Registrar, ou deliver  osi ou partnership agreement.  

It can be one under private signature si oule oubyen i kapab. E i kapab zis 2 laliny zis pou ou dir poudir nou pou annan 50/50.  Akoz i anpes osi bann litiz kot bann dimoun i al Ankour zot al lager ki shares ki zot annan eksetera, eksetera.  E i an menm tan i ed  Tax ;-i ed bon gouvernans mon krwar.  Petet sa i en keksoz ki nou ti kapab konsidere me selman ankor avek civil partnership nou’n bouz dan direksyon parey bann parti politik.  Nou’n bouz bann parti politik.  Nou’n bouz dan direksyon annan en Political Parties Registration Act.       Maurice par egzanp ki share en pe menm Lalwa avek nou lo partnership, Lakour i dir nou koumsa o moman 2 dimoun i come together, zot create en partnership.

E parey ou kapab al fer en parti politik, whereas nou annan bann Lalwa nou’n met en pe lord dan nou pei ,kot pou nou al fer en parti politik ou anrezistre – i annan en  Registrar.  E alor sa bann entities.  E partnership i ankor enn sa bann entity ki ankor en pti pe loose, ki nou pa ankor kapab met en lord.                             E ler ou pou fer en statistic ou pou vwar ki pou dir i annan en kantite 2 dimoun ki’n anrezistre en business name, e zot menm zot pa konnen si zot dan en partnership.  Ou war?  E ki zot en separate legal entity.  So mon krwar sa en propozisyon mon mazinen i kapab ganny konsidere.  At least for commercial ones.  Mersi.

 

MR DEPUTY SPEAKER

Mersi AG.  Mon pa’n tro asire si ou ti pe sizer amannman anba sa seksyon oubyen ou ti pe sizer ki i bezwen annan en kot lalwa tel ki en Partnership Act or something ki li i pou pran ka ek tou sa bann bezwen ki ou pe site.

 

THE ATTORNEY GENERAL MR FRANK ALLY

Mersi Mr Chairman, mon ti pe sizere wi petet a en moman, wi nou kapab annan bann limited partnerships, oubyen Partnership Act me Selman pou le moman mon ti pe anvi sizere si nou enkli pou dir ‘’where a partnership  the lawful object is to carry out a business, then it has to be in writing.’’ Akoz zot pe al anrezistre en business name zot.  akoz dan Business Name  Act i annan en provizyon ki dir ou  koumsa si ou pe servi ou non de famille  ou kapab servi ou non.                    Me ou pa bezwen anrezistre sa business name.  So parey mon dir i annan sa konfizyon e i enportan petet pou nou konnen ki bann entities.  Akoz menm i annan en zizman (Onorab Georges petet i okouran son tit) kot menm en Ziz mon krwar in konfiz son lekor poudir ki mon pa ti ekspekte, i konfiz li, pou dir ler ou anrezistre en business name, sa business name ki sa partnership is a business name.  So whereas the partnership is when the contractor is executed amongst the parties.  Mersi.

 

MR DEPUTY SPEAKER

Zis en propozisyon.  Petet dan bann lamannman ki zot pe sizere, e mon pa krwar i en gran lamannman ladan, petet dan 1833, i annan kek landrwa ki zot kapab fer antre pou met li an ekri?  Onorab Georges.

 

HON BERNARD GEORGES

Fini fer Mr Chair i lo screen.  1834 ‘’a partnership agreement must be drawn up in writing when the object is commercial in nature, or exceeds the value of R50thousand.’’ Par egzanp.

Me mwan ti pe al propoz en lot keksoz, me nou kapab fer tou le de.  Ler nou ti increase threshold pou R50mil li menm li, dan en serten fason i ti pe dir ki anything below that i pa pou zeneralman komersyal;- bann partnership ki komersyal, son valer pou in any event more than R50thousand, alor ou pou bezwen fer li an ekri,  me nanryen pa anpes nou fer sa.

E mon ti pe al propoze ki kekfwa olye annan en Lalwa Partnership akoz Profeser Angelo zot rapel ler nou ti pe koz lo pye dibwa abor balizaz ki overhang ki bezwen koupe, i ti’n propoz bann tree maintenance regulations anba Code Civil e donk nou ti ava kapab fer en partnership regulations osi anba Code Civil for the time being ki pou donn bann kontribisyon anba code civil e fer en sel anrezistre li dan en serten landrwa.                                        Donk nou ti ava kapab san prolonz deba demann avek panel, pou etidye sa posibilite as a first step.  Olye al dan en Partnership Act fer bann partnership regulations anba la  ki pour dir lala sa ki ou bezwen fer ler ou fer en partnership, donn egzakteman ki ou pou bezwen fer anrezistre and so on.   E donk sa i kapab vin en regulations anba Civil Code for the time being.

 

MR DEPUTY SPEAKER

Mersi.  AG.

 

THE ATTORNEY GENERAL  MR FRANK ALLY

Anfet Onorab Georges in raise en issue ki mon ti annan at the back of my mind, me mon‘n oubliye, e mersi pou sa, e petet mon ti a kontan propoze ki the partnership agreement register i pa pour donn piblisite;- piblik pa pou annan akse avek sa dokiman.  Me sa dokiman i anrezistre, i donn sa dimoun son dokiman.                   Onorab Georges petet i a koriz mwan si mon mal, la diferans ki nou annan ant diferan – Mr Chairman si petet ou permet mwan pou eksplike se ki, i annan lanrezistreman avek transkripsyon, transkripsyon se piblisite;- se donn, se pibliye.  So ler i dir ou koumsa ou anrezistre e ou transkrir savedir ou bezwen donn notice to the world, e an menm tan dan ou konteni akoz ou pe pibliy ou dokiman.  Me i annan bokou bann dokiman parey mon ti’n fer resorti yer – Wills.                                        Wills i anrezistre e ler ou fer en lagreman, sou en prive oubyen menm notarye, sa dokiman i ganny anrezistre.  Biro Lanrezistreman, pa gard en kopi.  What it does i senpleman annan en rezis ki i  ekri ‘’agreement between x and y’’ e i met the object of the agreement dan sa rezis.  Nou apel sa en extract.                     So ou kontenir en lagreman ki anrezistre ki piblik pa ganny akse avek.  E Biro Lanrezistreman pa annan drwa donn en lot dimoun akse, avek akoz i en dokiman ki ant ou avek sa lot dimoun.  ou anrezistre li senpleman.  So the same can be done for a partnership where it is registered.  Mersi.

 

MR DEPUTY SPEAKER

Mersi, AG.   Onorab Pillay, ou ti’n lev ou lanmen.

 

HON SEBASTIEN PILLAY

Mr Chair, be i kler sa ki Onorab Georges i propoze i rezourd sa problenm. So mon krwar nou kapab bouze.

 

MR DEPUTY SPEAKER

Ok, mon krwar mon dakor.  Onorab Ferrari.

 

HON JEAN-FRANCOIS FERRARI

Eskiz mwan Mr Chair, me pa en bon legzanp pou nou dir anrezistre back letters?  And it’s not public, i anrezistre.  And ler i annan en kestyon legal, en case Ankour en Lotorite ki demann sa dokiman it is disclosed. Konmsi mon pa tro war diferans ant enn ek lot.  Mersi.

 

THE ATTORNEY GENERAL MR FRANK ALLY

Mon pa oule long, wi Mr Chairman, parey Onorab in dir wi ou anrezistre, me selman si bann dokiman i anba Land Registered Act, Lanrezistreman i pa, ou ganny akse avek sa dokiman. Se ler Lanrezistreman i ganny fer anba Civil Code oubyen anba Mortgage and Registration Act, me ler ou fer bann transfer of land, mortgages eksetera, li i dan file ou ganny akse avek.  Mersi.

 

 

MR DEPUTY SPEAKER

Ok.  Mon krwar nou’n ganny en solisyon pou sa ki mon pe vwar lo lagreman alor mon krwar ki mou kapab bouze. Onorab Georges, ou ti’n ariv dan 1965 konmsi non?

 

HON BERNARD GEORGES

Nou ti’n ariv 1963 Mr Speaker, en bon lannen Beetles ti No.1 1’Angletêrre pou premye fwa en tre bon lannen;- 1964 Beetles ti ankor No.1 sa se bann contingent contract ki nou ti war pli boner, ler son rezilta ou pa konnen, e nou ti war sa en ti pe Kontra e nou ti war sa enn bann lartik i donn son bann atribisyon ki mannyer i pou ganny ekri ki mannyer i pou ganny fer.                       Agency 1984 – the Georgia World Article 1984 power of Attorney basically.  Sa i dil avek ki mannyer power of Attorney pou gannyen ki responsabilite sa enn ki donnen, responsabilite sa enn ki pran.   Ki responsabilite en 3rd party ki azir lo baz en power of Attorney.

Suretyship nou ti war e nou ti debat bokou lo la sa se guaranty, ler ou sir en guaranty avek labank lekel ki responsab? Eski labank i devret tay deryer principle debtor oubyen guarantor eksetera. Si i annan plizyer guarantors, tou sa bann keksoz nou ti’n deza revwar e napa okenn sanzman.

Compromise 2044 sa se ler i annan en disagreement i annan en judgment by consent oubyen en Clause Compromissoire swar se en Clause – Arbitration Clause dan en Kontra ki dir ou pa pou al ankour me ou pou sort out ou diferans  en lot fason.                   2071 an montan – Pledges and Floating Charges;- ki plito ozordi en domenn company law me ou still kapab fer en floating charge, en pledge menm anba Lalwa Sivil.

 Anti-… eksetera ,… ziska nou ariv 2091 sa se tou sa bann diferan Kontra ki ganny eksplike dan tou son bann detay,

2092 Privileges and Mortgages i pli lipotek me Lalwa i dir 2101 ki i annan serten privilez ki pou rank avan menm an mortgage oubyen en floating charge.                                     E sa i donn ou lalis sa bann keksoz;- par egzanp 2 101 (2) employers wages  par egzanp – employers wages  sa toultan i vin par lao.  Oubyen 2102 – rent, toultan  i vin premye en lalis bann privilez bann keksoz ki pou rank ahead of en security.

E nou ale menm napa okenn sanzman, tousala i egzakteman parey.  Ler i annan plizyer mortgage ki ganny anrezistre lekel ki pou vin premye, lekel ki pou vin dezyenm, eksetera. Tousala i ganny eksplike dan sa seksyon.

Nou’n ariv 2131 e nou dan extra time la Mr Chair, me solman nou pe al fini;-i ankor enn fwa tou bann mortgage nou ale, ki mannyer pou enskri en mortgage, ou bezwen enskri li kot Biro Lanrezistreman tousala se bann detay ki bann avoka ek bann noter i bezwen;- ki mannyer pou tir en lipotek ler loan in fini ganny peye, eksetera.

E nou ariv 2203;- priyorite ki mannyer bann si i annan plizyer pretansye ler i annan en lavant a lankan, akoz en lipotek en later in ganny sezi akoz sa dimoun pa’n peye ki mannyer sa bann creditors i rent lekel ki vin premye, eksetera, tousala se bann keksoz ki bann Ziz i servi plito.

Ankor enn fwa Lawyers Law napa nanryen ki’n sanze e nou ariv 2219, dernyen morso preskripsyon.   Preskripsyon se ler ou perdi ou drwa pou al ankour apre en serten lapse letan apre ler ou’n build lo later en dimoun e apre en serten letan ou kapab claim son later par preskripsyon.

2219 prescription involves ‘’the loss of rights through failure to act,’’ me solman 2219 (2) ‘’it is a means whereby after a period of time rights may be acquired,’’ donk ou annan extinctive prescription ler ou annan ou drwa ek acquisitive prescription ler ou ganny en drwa, e tou lede ordinerman i vin ansanm ler ou perdi enn, en lot i gannyen.                             Si mon perdi mon later se akoz en lot in preskri li, akoz in la pou plis ki 20an e si mon les en lot pase, mon pa pou kapab anmenn en case Ankour sa enn ki mon ti sipoze anmennen, i gannyen – i ganny sa benefis i acquire en benefis.  Mwan  mon perdi enn.

E i annan tout en seri drwa preskripsyon;- ki mannyer preskripsyon i ganny enteronp parfwa oubyen  ki mannyer ou kapab kontourn li, me bann keksoz ki mon krwar ki enportan pou lezot retenir  e  pou nou tou retenir koman rezis later se artik 2262 ek 2265.

2262 i dir ki tou case konsernan later oubyen en drwa dan later i ganny preskri apre 20an.  So i pran 20an pou ou reste lo later en dimoun pou ou gannyen oubyen i pran 20an si ou anvi claim en keksoz pou ou kapab fer li.  Oubyen si pou anmenn en tit 2262(a) si ou annan en tit sa peryod i redwi pour vin 10an.  Si dizon ou’n pey en later me ou pa ankor ganny transfer lo ou e anrezistre e ou kapab prouve ki ou’n fini peye e lo sa resi i dir price of parcel whatever.       E ou’n reste lo la ou kapab claim preskripsyon pou zis 10an ou pa bezwen esper 20an.

E 2265, oops nou’n sanze me lot period preskripsyon ki the general one li 5an.  Mon pa war li i ti 2265 me akoz nou’n sanz enn de lartik;- me basically -.  71?

Mersi 2271 tou leres right of action i ganny preskri o bou apre 5an, apard sa 2. Epi i annan enn de lezot ki bann peryod en pti pe pli kourt, epi lala Mr Speaker nou’n ariv a lafen. Promesse tenue. Mersi.

 

(APPLAUSE)

 

MR DEPUTY SPEAKER

Mersi bokou Onorab Georges.  Mon krwar bann leksplikasyon i kler malgre ki nou’n al ase vit lo sa bann seksyon.  Me parey nou ti dir rezon ki nou’n al ase vit lo la se parske ti napa sanzman dan okenn fason konpare avek Civil Code ki egziste ozordi.  Alor nou devret pran en vot a sa staz mon mazinen lo seksyon 1582 ziska 2281. Eski sa i korek?

 

HON BERNARD GEORGES

Mr Chair eskiz mwan 2281 i nef, anba vye Code.  Me Prezidan i kapab fer okenn regulations. E si i annan okenn sa bann regulations partnership, trees eksetera, se Prezidan ki pour fer.  Mersi.

 

MR DEPUTY SPEAKER

Mersi savedir i korek ki nou kapab pran en vot aprezan lo 1582 – Sale ziska 2281.  Alor tou Manm ki an faver? Eski i annan okenn Manm ki kont? Madanm Deputy Clerk?

 

MADAM DEPUTY CLERK

Mersi Mr Chair, 20 Manm in vot an faver e personn kont.  Mersi.

 

MR DEPUTY SPEAKER

20 Manm in vot an faver, personn kont, savedir sa bann seksyon i ganny aprouve par Lasanble Nasyonal. Bon, a sa staz mon mazinen nou’n fini Staz Komite lo sa Bill.  Onorab Ferrari.

 

HON JEAN-FRANCOIS FERRARI

Mon konnen i pa pou paret tro relevan me mon’n ganny en dimoun ki’n apros mwan e in demann mon sa dan en fason en pe an riyan, si ler nou’n fini fer tou sa travay lo sa Code si sa Code pou aplike lo bann zil IDC?  Konmsi ti en kestyon demi serye konmsi –  si IDC pou aplike lo bann zil IDC, akoz lo Mahe, Praslin, La Digue lot zil nou konnen, me lo zil IDC sa nou pa konnen.

 

(Interruption)

 

MR DEPUTY SPEAKER

Ok.  mon krwar sa nou pa bezwen en larepons ozordi sa i kler sa i se Civil Code of Seychelles 2018.  Vi ki nou’n fini pran en vot lo la mon a demann Serzan pou retourn nou dan staz Lasanble.                     Nou pa pou pran Third Reading ozordi alors nou pa pou pran en Mosyon e nou pou atann alor ki Bills Committee an kolaborasyon avek sa technical panel pou prezant nou avek en draft avek tou bann amannman enkli bann nouvo provizyon ki’n ganny diskite.  E mon pa konn time frame.  Onorab Georges petet ou kapab zis gid nou an term time frame.

 

HON BERNARD GEORGES

Yes, mersi Mr Chair, nou ti pe propoze ki sa i ava ganny fer dan recess Lasanble Avril e nou ava kapab fer Third Reading an Me. That’s the plan.

 

MR DEPUTY SPEAKER

Mersi bokou.  Bon be nou’n ariv a lafen nou progranm travay pou sa semenn ki ti pou’n vreman pou nou konsider bann provizyon anba Civil Code of Seychelles Bill 2018, mon ti a kontan remersye tou bann Manm byensir ki’n fer tou bann kontribisyon parey zot konnen nou ti komans sa an deor sesyon normal.                    Me nou ti fer en fason ki bokou sa bann pwen ki ti pe ganny diskite an deor Lasanble me live lo televizyon pou piblik kapab donn zot kontribisyon.  E mon konnen menm avan sa prosesis ti komanse ti annan en ser konsiltasyon ki’n ganny fer partou. Mon kontan ozordi nou’n kapab ariv sa staz kot nou pe prepar en final Bill for Third Reading e mon ti a kontan remersi tou bann Manm sirtou Onorab Georges ki’n fer en gran zefor ansanm avek ou Komite ek tou lezot Manm pou anmenn nou ziska sa staz kot nou ete pou nou kapab annan en meyer Civil Code Act pou Sesel.         Maybe just a few words for Professor Angelo we would like to thank you for the invaluable work that you have done in respect of producing the Civil Code of Seychelles Bill 2018 and for guiding us throughout the different stages.

 And as you know where we’ve reached now is that we would leave a lot of the work I suspect very much on your shoulder, and that you will then produce the final draft that will be presented to the Assembly for Third Reading.  

So thank you very much for your effort and we wish you a safe entry back into New Zealand.   

E avek sa mon ti ava eskiz bann Manm lo panel, Vis- Prezidan Meriton, Attorney General Frank Ally, Senior legal draftsperson Mr Victor Pool and Professor Angelo. Thank you very much.

 

(THE VICE-PRESIDENT AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon i reste zis pou mon remersye zot e pou remind zot ki semen prosenn nou pou resume Mardi e i pou anba Speakership Onorab Nicholas Prea, ki pou’n tournen sortan son vizit ofisyel 2 meeting dan SADC PF.  Alor Lasanble pou adjourn ziska Mardi 9er bomaten.

 

 

 (ADJOURNMENT)