::
Home » Verbatim » 2020 » Verbatim Wednesday 11th March, 2020

Verbatim Wednesday 11th March, 2020

NATIONAL ASSEMBLY OF SEYCHELLES

Wednesday 11th March, 2020

The Assembly met at 9am

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bon mon ti a kontan swet en bonzour tou bann manm Onorab. Tou bann dimoun ki dan Galeri.  E, ozordi dan galeri nou annan bann partisipan sorti kot SITE. Mon krwar i annan 25 bann dimoun ki laba nou ti a kontan swet zot avek zot lecturer Madanm Cynthia Renaud byenveni dan Lasanble Nasyonal e, fotespere zot ava aprann bokou lo lafason ki nou pe fer nou travay.                      Mon ti a kontan osi swet la byenveni, dir bonzour tou dimoun ki dan Lakour ki pe ekout nou lo radyo, ki pe swiv nou lo radyo, lo televizyon e bann ki pe swiv nou lo rezo sosyal osi. Parey zot konnen ozordi mwan, mon dan Chair parske Onorab Prea i pe vwayaze lo en misyon SADC PF. Alor mon pou dan Chair depi ozordi ziska demen.                     Parey zot konnen nou pe kontiny avek nou travay lo Civil Code nou ti dan Staz Komite lo civil Code e mon ti ava alors, e nou annan nou bann envite ki pe ed nou avek sa travay ki ti enkli Mr Frank Ally koman Attorney Zeneral, Mr Victor Pool Legal Draftsperson, Profeser Angelo ki en konsiltan pou nou avek Zidisyer. E mon krwar yer nou ti annan vis prezidan ki pou osi prezan e mon ava demann parliamentary Reporter pou al apel nou bann dimoun pou vin lo technical panel devan. E nou ava osi, mon osi demann Serzan pou bouz nou dan Staz Komite.                              Mersi Serzan.  Bon nou dan Staz Komite nou ava atann larive nou bann spesyalis. E antretan ma demann Onorab George zis remind nou kot nou’n arive. Konmsi ti dan 1825 nou ti’n arive, non? Pros pou nou ariv ver lafen non?

 

HON BERNARD GEORGES

Bonzour Mr Speaker, bonzour tou dimoun. Wi annefe nou’n ariv 1821. E reste nou apepre 300.

 

MR DEPUTY SPEAKER

Ok, be si napa okenn obsesyon nou kon tir lo 1821. Bon mon ti a kontan swet labyenveni parmi nou Vis-Prezidan Vincent Meriton. Nou ti annan osi Mr Victor Pool ki Senior Legal Draftsperson. And I’d like to welcome also Professor Anthony Angelo in the Chambers.                      E nou pou osi annan en lot dimoun ki pou osi zwenn nou pli tar. Bon san tarde mon a demann, nou dan staz komite deza mon a demann Onorab George pou gid nou pou nou kontiny kot nou ti kite yer.

 

HON BERNARD GEORGES

Mersi Mr Chair. Bonzour Mr Chair, bonzour Vis-Prezidan, Attorney Zeneral, panel, nou bann viziter dan galeri tou manm Onorab e tou dimoun ki pe swiv nou dan Lakour.              Mr Chair, yer ler nou ti’n adjourn yer swar, nou ti pe regard en pti pe modifikasyon ki ti’n ganny fer avek sistenm co- ownership ek sistenm fidisyer. E Attorney General ti’n soulev enn de kestyon lo sa bann reform ki’n ganny fer i ti pe demann nou, eski bann reform pa ti pou anmenn plis problenm dan serten ka? Kot ou ti pou bezwen en fidisyer pou dil avek propriyete. Avek ou permisyon ma fer en pti rekapitilasyon       bomaten pou nou regarde egzakteman ki problenm nou pe fer fas avek.      Avan 1975 ler Profeser Chloros ti entrodwir sistenm fidisyer propriyete, ki ti an co propriyeter, co-ownership;- setadir ler en msye ek en madanm oubyen 3 frer ek ser i annan en later ansanm, sak endividi sak co-owner ti kapab dil avek swa son par, oubyen ansanm avek lezot dil avek tou propriyete an antye.            Donk si pou arive vann en propriyete ki ti annan 3 4 zeritye ki ti co-owners, tou le 3 ou 4 ti pou bezwen siny lavant oubyen enn ti ava siny lavant pou son undivided share, epi en lot ti ava siny sa ki pou li, en 3enm sa ki pou li eksetera, ziska ler sa dimoun ki pou aste ti pou aste tou.  Epi ti annan en problenm si bann zeritye ou bann co-owner’s pa ti anvi diviz zot later, pardon pa ti anvi reste dan lendivizyon parey nou dir. Me ti anvi diviz zot later parmi zot. Ankor enn fwa zot ti pou bezwen zot tou al kot en arpanter pran bann desizyon pou fer sa.                                E Lalwa ti dir si zot pa kapab tonm dakor lo ki mannyer pou divize, zot tou pou al Ankour e Lakour ti ava apwent en arpanter pou fer divizyon. Me si zot pa ti kapab tonm dakor lo ki mannyer pou vann la ti annan en lobstak e unless ki zot tou zot ti dakor later pa ti pou kapab vann.  Mwayenn an ki sakenn ti vann son par.                                             Profeser Chloros ler i ti regard Kod Sivil i ti realize ki i annan de problenm mazer. Pa selman sa enn ki mon’n mansyonnen, me i annan 2 lezot problenm mazer.  1) se lafet ki ti annan en pti git later li in estimen ti annan 2000 arpan later useful later isi Sesel. E ler ou mazinen ki Barbaron Estate li menm li i ti 1000 arpan ou realize ki mannyer later pa ti annan en gran kantite.

E dezyenmman ti annan en high level of immigration, kantite dimoun tin al dan pei deor. E parey mon ti dir yer en bon pe dimoun in al Ostrali e in reste laba sirtou bann dimoun ki annan propriyete e sirtou bann dimoun ki reste en pe dan sid. nou zil kot ti annan bann pli gran later.                              E Profeser Chloros pa ti anvi en sistenm kot later zis i ganny subdivide, subdivide, sub divide e vin pli pti kare e pli pti kare akoz dan son lespri nou lekonomi ti ankor en lekonomi agrikol e, i ti anvi gard bann propriyete ansanm. Olye fer zot kas, kas an pti morso. E pou reponn a tou sa bann legzizans in propoz en sistenm kot co- ownership pou nepli co- ownership dan later, me i pou co-ownership lo pri lavant ler later i ganny vann.                               E i ti fer en sistenm kot sak fwa i annan en co ownership ou bezwen annan en fiduciary. E sa fiduciary son premye rol se pou vann sa later e partaz larzan parmi bann co-owners. An teori sa ti ava en bon sistenm i ti ava gard bann propriyete dan en fason entegral e lagrikiltir ti a kapab kontinyen fer. Me i ti’n bliy 2 keksoz, i ti’n bliye ki Seselwa i kontan son later e ou pa anvi e sirtou zeritye pa anvi vann zot later e partaz larzan zis pou zot ganny problenm pou al rod en lot bout later somewhere else.

E dezyenmman nou ti pe evolye sorti dan en lekonomi agrikol pe al dan en lekonomi tourizm. Donk problenm later pou lagrikiltir ti pou vin de mwens an mwens enportan.                        Lavantaz avek en fiduciary se ki i en one stop shop. Ler i annan en co-ownership ou apwent en fidisyer e parey Attorney Zeneral in dir yer si ou bezwen anmenn en case Ankour se fidisyer ki anmennen.  Si en dimoun i anvi anmenn sa co-ownership Ankour i anmenn fiduciary Ankour. Si i annan pou sub divide sa fiduciary ki fer eksetera. Donk i en sistenm senp.                                   Me problem se sa ti pou selman marse si sak fwa ti annan en co-ownership en fiduciary ti ganny apwente, or akoz ti napa akoz i pa ti mandatwar fiduciary ti ganny apwente selman ler bann co-owners ti anvi fer en keksoz ek later. Parey ipotek later, pran en loan oubyen vann or whatever. E donk sistenm ti komans breakdown pou sa rezon osi.

Sa ki pe ganny propoze prezan se, avan ki mon al lo la enn bann defayans avek fiduciary se ki Profeser Chloros ki anvi en sistenm kot ou pa bezwen sak fwa i annan en keksoz ki pou ganny fer ek sa later fer tou bann zeritye sinyen. Alor i ti anvi zot siny zis en fwa. Zot apwent en fiduciary. Me malerezman mannyer bann case Ankour in evolye, malgre tou mannyer ler pou apwent en fiduciary zot tou zot ti pou bezwen sinyen.      Epi pli tar sak fwa ti annan en keksoz pou ganny fer sa fidisyer ti pou bezwen pran permisyon avek tou bann zeritye ankor donk, i ti defeat the purpose of annan en one stop shop.                              Alors sa ki pe ganny propoze la, se en sistenm ki pa obligatwar me en sistenm ki volonter. Co-ownership i retourn co-ownership dan later in nepli co-ownership lo propriyete lo larzan alors en fiduciary napa en lobligasyon pou vann i ava vann si bann zeritye i dir li vann. I par vann si bann zeritye pa dir li vann. En fiduciary i ava ganny apwente si bann co-owners i anvi, si bann co owner’s pa anvi zot pa pou fer. E en fiduciary i ava ganny apwente ler propriyete pou ganny divize parmi bann zeritye. Olye zot fer zot apwent en fiduciary. E fiduciary i ava al kot arpanter oubyen i ava al Ankour e li i ava fer laranzman pou propriyete ganny divize.                      Lavantaz avek sa se ki par egzanp dan ka kot i annan en msye ek en madanm ki co– propriyeter en later e zot anvi vann, zot nepli bezwen al rod apwent en fiduciary akoz konmela zot tou lede zot bezwen apwent en fiduciary. E dan trwa kar letan zot apwent zot prop lekor koman fiduciary pou zot vann zot prop later. Ki en konplikasyon ki pa neseser. Alor la si i annan 2 dimoun ou 3 ou 6 ou 10 or whatever, e si zot anvi vann zot later zot tou zot ava siny lavant e zot ava vann zot later. Me si zot pa tonm dakor oubyen parey sa legzanp ki monn donnen yer 231 dimoun of which 190 i reste dan bann lezot pei, la i ava enportan pou zot apwent en fidisyer ki ava azir pou zot isi ki ava vin en pti pe parey Onorab Waven William ti demande yer parey en proxy, en Power of Attorney. En pa pou en Power of Attorney i pou en fidisyer ki pou dil avek propriyete an antye.         Donk vwala propozisyon ki pe ganny met devan ozordi. Se en fason pli senp ki les dimoun pran zot responsabilite si zot anvi e reste dan lendivizyon.  Me si zot pa anvi rete dan lendivizyon zot anvi apwent e fiduciary pou azir pou zot, zot kapab fer li. E dan ka Attorney Zeneral in preconize yer kot ou anvi kot en dimoun i anvi anmenn sa co-ownership Ankour akoz kekfwa sa later ki annan co-ownership in encroach lo ou later ou anvi ou anmenn sa co-ownership Ankour. Ou anmenn swa tou bann co-owners me si i annan tro ou al Ankour ou fer Ankour apwent en fiduciary e ou anmenn sa fiduciary Ankour. E sa fiduciary Prezan i reprezant bann lezot.           Donk i en pti pe en konbinezon ant sa de sistenm e nou, nou krwar ki i en konbinezon ki kapab marse e ki pou anmenn bokou plis la souples dan tranzaksyon kot propriyete. E ki annan lavantaz vye sistenm kot napa bokou zeritye ek lavantaz sistenm Profeser Chloros kot i annan en kantite e ou bezwen en fiduciary.          Vwala en pti pe rezonnman deryer sa bann propozisyon.

E mon’n pran en pe letan ye pou koz avek Profeser e pou relir bann lartik akoz mon ti mazinen kekfwa nou ti’n mank en keksoz.  Me mon pa krwar ki nou’n manke. Mwayenn an sa ki panel ava dir nou.

Nou nepli bezwen prezan dir parey Onorab Attorney General ti dir dan lartik 818. ‘’The co-owners shall appoint a fiduciary through whom only they may act.’’ Nepli bezwen sa. They may appoint a fiduciary through whom only they may act but they may deside not to. E dil ek zot later mannyer zot anvi. Mersi Mr Chair.

 

MR DEUPTY SPEAKER

Mersi Onorab Georges. Si napa lezot komanter. Attorney General.

 

THE ATTORNEY GENERAL  MR FRANK ALLY

Mersi Mr Chairman. Mr Chairman baze lo a ki Onorab George in dir petet mon ti a kontan aport en pti pe, en pwen. In fer resorti sa drwa sa ki bann co-owners zot entitle to the proceed of sales for the property.  Wi, me tan ki zot pa dakor napa linanimite oubyen enn pa anvi al fer en lavant par lisitasyon oubyen vann sa propriyete, zot pou reste an co- propriyete. So, the right to the proceed of the sales i ganny triggered ler en co-propriyeter i bezwen deside egzers en drwa ki i annan an relasyon avek sa later.

An plis ki ozordi i annan se ki i annan bann dwa ki en fidisyer i kapab fer an relasyon avek en propriyete. Sa, akoz sa fidisyer i fidisyer administrater en propriyete.  En parcel of land. Now, en fidisyer i pa pou kapab egzers drwa en co propriyeter;- par egzanp en fidisyer pa pou kapab vann par endivi en propriyeter. En fidisyer pa pou kapab al Ankour e demann Lakour pou fer divizyon sa propriyete, akoz sa i drwa en propriyeter. Se en propriyeter ki protez son prop drwa.

E li i al Ankour, e Ankour i reprezant son lekor i protez son lekor e dan sa ki nou apel en appraisement. Ki ganny fer par en appraiser.  So li ki dir ek Lakour mon pa anvi reste dan leta endivi e mon le pran mon par. E la Lakour pou fer en divizyon tou dimoun.              E mon’n seye al Ankour kot en propriyeter i dir mon le zis tir mon par, Lakour in dir non fodre tou propriyeter zot tonm dakor oubyen Lakour then a fer en lord baze lo en divizyon kot tou propriyeter i ganny zot par.

E parey nou konnen la aktyel i si en propriyete i kapab ganny divize conveniently e profitable subdivided Lakour pou dir ou diviz sa propriyete. Pa vann. Se selman ler en propriyete pa kapab ganny conveniently e profitable sub divided ki la Lakour pou ordonn en sale by lisitation.                       E parey  mwan mon mon’n dir boner, sa bann provizyon kot pou annan en lavant i ok li, i fer bokou sans ozordi. Me kwa ki mon war nou pe take away avek sa provizyon from the co-owner se sa dwa pou li ale al apply avek Lakour pou li sub divide son propriyete. Son propriyete i pou li, he has a right to property, now ou pe dir ek li azir through a fiduciary!               E kwa ki mon santi petet i kapab anmenn en pti pe plis lanter dan sa prose, se ki si nou pa bezwen en fiduciary pou vann en later, akfer ki nou bezwen en fiduciary alor pou diviz en later? What is the purpose of the court alor?  So, the court is there to, unless ki nou anvi en fidisyer i vin en, i pran serten rol, me selman mwan, mon the view e petet mon pe zis petet met sa devan se ki, bann Manm petet ava konsidere. Si en fidisyer ki pou apply to the court? Oubyen si the co-owner can apply to court for that sub division.

En keksoz ki nou bezwen pran kont nou annan en Lalwa spesifik pou divizyon later, se Immovable Property Judicial Sales Act. E  la i fer provizyon extensive ki pouvwar en Lakour i annan dan divizyon;- ki mannyer en Lakour i kapab sanz evantyelman sorti dan divizyon later pou al lo en vant par lisitasyon, e osi provide bann kondisyon pou en vant par lisitasyon.                               Bon sa i detrwa pwen ki mon met devan me parey mon’n dir se bann Manm evantyelman ki deside lo la.  Mersi.

 

MR DEPUTY SPEAKER

Mersi AG. Onorab Ramkalawan.

 

HON WAVEL RAMKALAWAN

Mersi bokou Mr Chairman.  Bonzour tou dimoun, bonzour bann koleg Onorab, manm panel, VP avek ou delegasyon e tou bann zenn ki sorti kot SITE nou bann dimoun lo ki nou pe kont bokou pou lavenir nou zanfan. Me Chairman mon anvi vin spesifik mwan, parski sa deba ki nou annan la nou kapab en deba ki trennen dan 6 mwan. Be mon krwar pa sa ki nou devret pe fer la dan Committee Stage.                 Dan Committee Stage nou tou ansanm avek panel pa zis nou koman Lezislater ki pou propoz lamannman nou tou nou kapab fer sa travay e byensir lo kote latab zot kapab fer serten propozisyon spesifik ki nou konsidere. Lo kote Lasanble li menm nou osi tou nou kapab fer bann propozisyon spesifik. Mon’n ariv detrwa minit an retar me ziska prezan mon pa ankor tann okenn, e nou annan nou de bon avoka ki’n koze.

E de bon Avoka ki kapab koz lo en fourmi pandan 12erdtan zot annan sa abilite. Me pa sa ki nou bezwen fer, e pa sa ki pou ed nou pou nou fer sa travay bouz devan. Mon, mon ti ava kontan ki, ki i apel Mr Onorab Bernard Georges, ki i apel Onorab Attorney Zeneral, ki i apel Mr Pool, ki i apel Profeser Angelo zot gid nou spesifik dir avek nou, 815 i annan en problenm avek.  Annou regard en 815. 815 i annan en problenm an relasyon avek 821 annou regarde ki mannyer nou pou soz.     Si nou pou koz lo ki mannyer lekonomi agrikol ti pe transformen, i bon pou nou konnen, me selman i pa pe vin spesifik lo 815. Lo sa ki nou travay ki nou ganny demande pou nou fer i lo bann lartik spesifik. E se sa fason ki i pou ed nou.

Alor Mr Chairman mon ti ava enplor ou endilzans pou ou kit nou on track. Si i annan en problenm fidisyer pa pou kapab separ later, Lakour ki fodre, be annou regarde kote ki dir e la prezan nou ava tonm dakor ki poudir ok fidisyer pa pou kapab separ later e sa bout la, la nou bezwen fer en lamannman.  Si nou dakor ki pou dir ki pouvwar fidisyer anba 815 oubyen 821 wherever nou bezwen ranforsi li, annou ranforsi li.          Me selman mon santi ki poudir si nou kontiny parey nou’n konmanse se pou sa rezon mon’n dir sa boner menm, si nou kontiny parey nou’n komanse letan ariv 5er apre midi nou pou ankor lo co- ownership. E mon pa anvi ki nou fer sa.  E an plis ki sa parey nou’n dir nou ti fer kwen legal letan nou ti zwenn dan kantin, ozordi travay ki nou pe fer se pa kwen legal la nou pe vin spesifik pou nou kapab bouze. E mwan, mon anvi ki nou kapab fer sa travay e nou tou nou konnen kot nou ete.  Mersi bokou Mr Chairman.

 

MR DEPUTY SPEAKER

Mersi Onorab Ramkalawan mon tant pou dakor avek ou. vreman se zot ava donn mwan zot lopinyon. Mon krwar nou lo 821 ozordi me nou annan 2281 Clause pou nou fini e lekspektasyon sete pou fini demen. Epi nou ti a fer Third Reading enn lot zour. I kler pou dir nou pou annan nou pou bezwen byen ekonomik avek nou letan e mon antyerman dakor avek Onorab Ramkalawan ki si i annan propozisyon ki otan ki nou kapab nou fer li kourt, otan ki nou kapab nou met li an ekrir nou dir ki monn sirkil en lamannman pou en Clause.

Par egzanp sa dan 821 i devret 2 ek 3 sou Clause e vwala bann lamannman ki mon propoze ki sa fidisyer li menm i pa ganny sa drwa absoli me bann co-owners osi i kapab vini apply ek Lakour pou ganny sa en legzanp.  So mon konpran sa lide e sa direksyon ki ou ti a kontan ale. Mon a donn laparol Vis-Prezidan avan apre Onorab Andre. Vis-Prezidan.

 

THE VICE-PRESIDENT MR VINCENT MERITON

Mersi Mr Chairman. Bonzour Mr Chairman bonzour tou bann manm Onorab e tou dimoun ki a lekout e bann dimoun dan Gallery. Mr Chairman mon krwar nou tou nou apresye i annan en kantite zefor letan ek lenerzi kin ganny depanse pou anmenn sa versyon Code Civil. Yer diskisyon in montre nou ki nou’n pran en pe letan lo sa kestyon co-ownership e propozisyon ti ganny fer ki nou vin avek bann amannman konkret pou nou kapab bouz devan. Mon krwar bomaten nou’n komanse e annan diskisyon parey pe ganny fer.           Si nou ti kapab tonm dakor nou met sa de kote e permet ki tou lede kote latab avek sipor panel i vin avek serten propozisyon, i pou demann en pe plis diskisyon lo la vin ek en keksoz ki akseptab par tou dimoun pou nou kapab bouze. E si napa okenn retonbe akoz sa co-ownership ya permet nou bouze dousman, dousman.

E yer an diskisyon avek Onorab Georges i pe dir mwan i pa war nou pe fini demen savedir, so pou annan en nesesite pou nou retournen be ki nou pa depans plis letan me nou park sa. Nou permet ki diskisyon i pran par de kote apre nou bouz lo lezot seksyon. Sa ki mon pe propoze Mr Chairman. Mersi.

 

MR DEPUTY SPEAKER

Mersi Vis-Prezidan. Onorab Andre i en pwen lo la? Oubyen i en pwen teknik?

 

HON CLIFFORD ANDRE

I lo la mon pe sey propose  en solisyon pou sa problenm. Si nou met, ‘’where the co-owners of the property do not agree to stay in a tough indivision,(comma) the co-owners or a fiduciary appointed may or shall apply to the court for an order for the property to be divided in kind amongst the co-owners’’. Konmsi mon pe sey rod en solisyon ki ou’n kapab sorti dan sa problenm. Alors mon sizere ki nou met sa. Nou tir 2 (a) e nou fer li vin dan (1) pou li kapab accommodate sa sityasyon.

 

MR DEPUTY SPEAKER

Ok mersi. Sa i en propozisyon savedir 821 (1) i ganny amande e 821 (2) (a) i ale. Oubyen li osi i ganny amande? En propozisyon, petet okenn komanter lo la?  Onorab Georges?

 

HON BERNARD GEORGES

Wi Mr Chair mersi. I en obvious amannman ki swiv sa ki Onorab Attorney General i dir me i pa ed nou. Akoz fodre nou realize akoz ki sa fiduciary pe ganny apwente pou fer sa  subdivision e mon’n highlight son rezon lo screen.  Se ki si en co-owner i demann ek Lakour divize e en lot co-owner pa dakor stalemate. En co-owner i kapab blok en lavant;- en co-owner i kapab blok en divizyon. E ou bezwen al dan lisitasyon. Sa ki nou pe sey rod anpese se ki en later zeritye oubyen en later co-ownership i bezwen al an lisitasyon kot en third party i kapab aste.                           Nou pe sey gard lentegrite sa co-ownership an dizan donn bann co-owner en dwa en premye right pou aste akoz toultan nou war sa. Sa dimoun i vin kot nou i dir entel pe al vann later, eski mon annan en premye drwa pou aste? Ou bezwen dir li non ou napa en premye dwa pou aste. Alor nou pe sey dir atraver en fiduciary pou ki sa fiduciary i ava ofer later avek bann lezot co-owners avan e si zot pa dakor la i ava vann an deor. Olye parey ozordi kot enn i kapab met otaz bann lezot.        Donk ler ou pou zwe ek en pti bout ou pou disturb en lot bout.                             Malgre mon konpran lanvi e swe Onorab Andre pou fer nou bouze. It’s not gonna have the same effect. Sa ki Fodre nou fer fodre nou annan en lot Clause standalone ki pou eksplike ki wi en co-owner i kapab al Ankour, me si problenm i arive lala ki pou arive. Ki Lakour ava ganny en lotorite pou fors en co-owner aste or whatever. Mersi.

 

MR DEPUTY SPEAKER

Mon konnen AG in lev son lanmen, les mon a permet Onorab Pillay, epi Onorab De Commarmond zot a entervenir apre, petet AG i kapab reponn apre mon a tourn lo ou Onorab Andre.

 

HON SEBASTIEN PILLAY

Mersi Mr Chairman. Mr Chairman baze lo en pti resers ki monn sey fer baze lo bann zizman ki Lakour in donnen;- bann prononsman ki bann Ziz in donnen sirtou Ziz Sauzier regarding apwentman fidisyer. Nou konsern i reste eski nou kapab retenir sa registered power pou sa co-owner li menm li al devan Lakour? Eski i pou ede oubyen fer plis konplikasyon si nou servi sa ki tonm dan lartik, dan seksyon 107 ki ti 109 avan? The law exactly is the Judicial Sales Act.    Si nou reprodwir sa, as a subsidiary Clause me, nou avoid nou retir sa bout ki deal avek lisitasyon. Eski sa pou ed nou?  Akoz sa ki nou le se ki sa co-owner li menm i kapab ale. Problenm ki nou annan se ki nou le avoid sa step kot nou al ver lisitasyon direkteman.           E sa ki AG in dir se sa nou bezwen annan en landrwa kot AG sa ki i pe dir avek sa ki Onorab Georges pe dir nou kapab zwenn dan milye. Mon panse sa problenm.  I pa paret ki  i annan lot – akoz mon krwar i bezwen annan en landrwa. Akoz i annan lartik 26 osi ki come into play menm si mon en co-owner mon drwa i reste. So ki mannyer nou kapab prezerv lartik 26 prezerv sa co-owner me selman anpes sa propriyete ki co-ownership pa al dan lisitasyon?

E mon prezimen si nou sey reprodwi sa ki dan Judicial Sales Property Act nou kapab probableman sey ganny en solisyon, an attempt pou nou kapab ganny en solisyon.  Akoz se sa ki Attorney Zeneral in koz lo la vizavi bann sales i kapab ganny fer.

 

MR DEPUTY SPEAKER

Ok, mersi Onorab Pillay. Onorab De Commarmond.

 

HON CHARLES DE COMMARDMOND

Mersi Mr Chair. Bonzour Mr Chair, Bonzour VP ek tou ou delegasyon tou dimoun e tou dimoun ki dan Galeri e tou dimoun ki a lekout. Mr Chair mwan, mon konsernen bokou avek zisteman later zeritye kot en dimoun in build lo later zeritye i le tir son bout prezan akoz bann kankan bann problenm. Epi en dimoun ki annan son par dan later, ki i anvi li bouz devan tir son kare pou li rod son loan fer son devlopman me lezot zeritye par la e me kler li poudir i kapab tire. La konmsi ki mannyer mon pe tande i riske vin bann konplikasyon difisil. E yer letan nou ti ale mon dir ki le de Onorab Georges, Onorab Attorney Zeneral i kapab fasilman akoz zot ki pli doue lo nou lo sa bann zafer        .                       Etandonnen kot sa nen i ete anmenn en propozisyon met devan mon krwar se a ki nou pe dir depi bomaten. Dir nou en keksoz konkret ki mannyer nou sorti dan sa lenpas! Zis dir nou la en propozisyon nou gete si i ok.  Si i ok, nou a bouze nou a ale nou pa pou pran bokou letan nou. So nou kekfwa nou pa doue pou konn sa bann mo teknik spesifik Lalwa. So, sizer something ki nou kapab al lo la an tenir kont sa bann keksoz ki nou pe dir.  Mersi.

 

MR DEPUTY SPEAKER

Mersi Onorab De Commarmond. AG.

 

THE ATTORNEY GENERAL MR FRANK ALLY

Mersi Mr Chairman. Mr Chairman mon krwar sa diskisyon i akoz dan la pratik sa i en keksoz ki either i pou make it or i pou anmenn plis problenm. Mon krwar i enportan pou nou konpran ki ozordi ler i annan en co propriyeter i anvi sa propriyete ganny vann i al Ankour i annan de keksoz ki i fer. Si bann zeritye bann co-propriyeter i aletranze, zot kapab demann Lakour pou dispense avek consent of bann co-propriyeter.          E Provizyon i la me tre souvan swa bann dimoun pa ganny konseye avek bann Avoka pou dir Lakour i annan ultimate rightultimate power to dispense avek konsantman bann co-propriyeter. Sirtou si zot absent from the due restriction. Oubyen Lakour i kapab ordonn en vant par lisitasyon. Bon ler dapre Lalwa ler i annan en vant par lisitasyon ant bann co- propriyeter se selman bann co- propriyeter ki partisip dan sa  lisitasyon.                                       En lisitasyon i en vant a Lankan ki ganny fer at the bar of the court.  Se Lakour ki fer sa auction sale. Kot therefore bann co- propriyeter i vini e zot deside bid for the property. Now Lalwa aktyel, i ki si en co-propriyeter i dir mon ti a kontan bann manm piblik osi i ganny envite for the bidding then Lakour pa pou refiz li e, alor i pou fer en piblikasyon kot bann manm piblik pou vini, pou vin bid for the property.                I annan en lavantaz – i annan en dezavantaz. Dezavantaz nou pe sa propozisyon dan Lalwa e pe fer sir ki nou pou blok bann piblik, sorry nou pou blok sa power ki en co-propriyeter i annan pou envit bann piblik. Me selman manm piblik pou kapab vini si bann co propriyeter dan anba, in the event anba sou section 7 dan evantyalite nou offer is accepted the fiduciary shall proceed for sale for licitaion.                    E la provizyon anba Immovable Property Act pou apply. Now en co-propriyeter i kapab dir be gete mwan wi ou pou reste market value of mon propriyete, me selman mon kapab ganny plis ki market value si mon envit manm piblik. So, mon pou kapab maximize the benefit. Be nou bezwen mazin osi bann co propriyeter.               E alors sa provizyon ki pe ganny propoze, i fair, i rezonnab petet ant bann propriyeter otherwise ou pou defavoriz en co-propriyeter pou li pa kapab aste at a market value of the property.

Me sa ki mon krwar i enportan pou nou, ki nou kapab kas sa bann provizyon. Akoz la prosedir ki pe ganny propoze se ler bann c-o propriyeter i dir nou pa anvi reste e la ki kantite co propriyeter nou bezwen at least one if one co-owner i dir, mon pa anvi reste dan leta endivi e alor pa dwatet annan linanimite.               Because if one co-owner  -akoz konmela Lalwa i koumsa;- If one co-owner dies not i pa anvi reste dan en leta endivi, i lib pou li al Ankour e dir ek Lakour mon le ki sa propriyete i ganny divize. E la parkont  se fidisyer ki pou ale.   Savedir mwan mon, mon pou leve bomaten mon pou dir mon pa anvi reste dan leta en divizyon mon pou al kot en Avoka mon pou dir sa avoka ki mon pa anvi reste dan leta en endivizyon. Sa avoka la i pou dir avek mon be ou bezwen petisyonn Lakour pou apwent en fidisyer.                                        Ou war, i dir ou, ‘’a fiduciary shall be appointed.’’ So la mon pou al Ankour mon pou al rod mwan  -mon pou al lager avek mon bann c-o propriyeter pou si pou apwent en fidisyer oubyen non, because they see the writing on the wall and the writing on the wall is ‘’division in kind!’’ E zot pou lager akoz ozordi ler ou fer en aplikasyon egzekiter kot napa inanimite, i annan en problem.

Then si Lakour i apwent sa fidisyer, anyway Lakour i annan son bann rezon akoz, Lakour pou apwent sa fidisyer e la sa fidisyer prezan li ki pou apply avek Lakour pou dir ek Lakour nou bezwen fer en division in kind. So nou sorti dan en prosedir straight forward, simply, with all the powers of the co-owners, nou al dan enn ki al dan de layers! Akoz parey mon dir pouvwar co-owners i kler li.  Ou pa bezwen fidisyer pou azir lo ou pouvwar propriyete. En fiduciary son pouvwar se en pouvwar.                        Now, the court prezan zour mwan, mon applies nou kapa amande petet si Mr George i dakor. Ou kapab donn sa pouvwar en co-owner pou apply e dan son laplikasyon Lakour will be entitled to appoint a fiduciary e la sa fiduciary a fer sa bann aksyon ki in mete dan bann lezot sou-seksyon. Me, what is the role of the court? The court i la pou donn direktiv e the court can make an order pou dir, dan sa ka propriyete should be valued. The co-owner shall do this this, this, this this! Sa i en lot opsyon. Mon war se de layer petet i kapab anmenn bokou plis.  I kapab clog en sistenm. Mersi Mr Deputy.

 

MR DEPUTY SPEAKER

Mersi AG. I kler pou dir i annan de diferan lines of thought. Be Lasanble i bezwen deside ki direksyon nou pou ale. Si nou pou al dan direksyon pou donn en pti pe plis fleksibilite avek co-owners, oubyen nou al dan sa two step parey AG pe dir atraver fidisyer. Nou, nou bezwen pran en desizyon koman Lasanble. Onorab Ramkalawan ou ti annan en propozisyon?

 

HON WAVEL RAMKALAWAN

Mersi Mr Chairman. Mr Chairman mwan, mon pa en eksper legal, me selman mon tous sa ki pratik. Mon’n deza dan ansyen Lasanble anmenn en mosyon pou demande sa zafer, Onorab De Commarmond ek Onorab William sirman zot ava mazinen, parske sete dan premye Lasanble 1993. Si ou al dan rikord ou pou war. Kot mon ti anmenn en Mosyon pou demann Gouvernman pou vin avek en sityasyon pou kapab rezourd bann problenm – Non, non Onorab VP ti dan 2enm Lasanble li. Pou rezourd problenm later leritaz!

E mon konpran tou sa bann largiman, me selman sa ki mwan, mon pe lir dan 821 mon war li i lozik mwan!                               Mon war li i lozik e ki  i ale e si nou pran nou letan pou nou lir 821?  Set  en sityasyon kot pa fasil bann zafer later leritaz i annan de sityasyon.  I annan en sityasyon kot ou annan serten zeritye ki anvi reste dan en leta divizyon, e souvan fwa sa bann zeritye ki anvi reste dan en leta divizyon, endivizyon, se sa bann ki li i annan en lot later li. Li i pa bezwen sa later li, alors i ganny problenm avek en frer i ganny problenm ek en ser, alors aprezan i pe donn zot hard time. I pa anvi siny papye! I pa anvi fer laba, ensidswit. Sa i en lot sityasyon.

Be la 8 dan en sityasyon kot sa bann dimoun zot pa anvi kontinyen reste dan sa leta divizyon, ok? E alors ki mannyer pou bouz devan? E mwan, mon war ki pou dir sa zafer apwentman en fiduciary, i apply kot Lakour pou diviz sa later. E ki si lafason ki bann divizyon i fer, si pou al lo kote ler en ‘’division in kind cannot be reasonably and practically made, la aprezan i demande, be lekel ant zot ki anvi aste sa propriyete?

E letan pou rode lekel ki anvi aste sa propriyete parski i pli fasil pou partaz larzan ki pou partaz later.  E alors lo 821 (3) la aprezan a demande lekel ki pou anvi. I fer rapor lo valer sa propriyete e si i annan enn ki anvi aste dan lespas 12mwan ensidswit lo 4. 5 nou ale ziska 8 kot tou zafer i pase.                 Mwan Mr Chairman mon ekout tou sa bann soz. Me selman nou war ki, sa i mon fason regarde mon pa pe tenir okenn lo en kote lo en kote mon pe zis regard lo sa kote pratik, mon war ki sa sityasyon la anba 821, i donn nou en way forward ki kler, dan mon lopinyon ki senp, dan en serten fason e ki involve both Lakour avek en fiduciary. Ki konmsi i koumsa.  So mon krwar ki sa i son baz.               Parske i pe dir ek ou ‘’where the co-owners of property do not agree to stay in a state of indivision.’’ Alor, be mon war ki sa ki pe ganny prezante la devan nou i soz  ki – mwan, mon ti ava demande Mr Chairman ki si nou kapab war – ki si nou deba i kapab dir be non pwen 4 pa devret ale. Pwen 4 i devret ganny sanze, pwen 5 i devret ganny sanze annou vin spesifik, si non nou annan nou en resipi kler lo ki mannyer pou fer keksoz bouz devan.              E mwan pou mwan se sa mon krwar ki nou pe sey rode. Ki mannyer pou ed bann dimoun e sa zafer later zeritye Sesel i en problenm, e i annan en kantite gran later gran propriyete ki pa kapab devlope senpleman, akoz i annan bann problenm zeritye. Alors mwan, mon war 821, sorry mwan, mon pare pou vote mwan lo 821.  Mersi bokou.

 

MR DEPUTY SPEAKER

Mersi Onorab Ramkalawan. Zis avan nou al lo en konklizyon lo la mon a donn Onorab Andre laparol.

 

HON CLIFFORD ANDRE

Mon lapratik Mr Speaker, Mr Chair i montre ki pou dir ou devret osi les sa posibilite fer sa bann aksyon avek co-owners. Se sanmenm sa. Mon pa konnen si Onorab Georges in konpran mon proposal ki monn donnen byen e mon pou repas lo mon proposal. Mon proposal in dir,

‘’Where the co-owners of the property do not agree to stay,’’ (sa 821 (1) ‘’so stay in a state of indivision, the co-owners or a fiduciary appointed shall apply to the court for an order for the property to be divided in kind amongst the co-owners.’’

So i pe kit sa premyerman pa avek 3enm parti me avek co-owners. Prezan letan nou pou tir 2(a) nou ava fer 2 (b) vin 2 (a) i ava kontinyen avek lezot sekans ki annan. So i pe donn sa posibilite for the co-owner me osi avek en fiduciary. Pou accommodate tou lede sa sityasyon ki nou pe war en lenpas avek. So, mwan, mon pe propose sa pou 221 (1) e nou tir 221 (2) nou delete li completely e nou fer 221(2) (b) vin 221 (2) (a) e lezot i monte koumsa. Mersi.

 

MR DEPUTY SPEAKER

Mersi Onorab Andre. Ou propozisyon i kler. Onorab Ferrari apre Onorab Georges.

 

HON JEAN-FRANCOIS FERRARI

Tre briyevman Mr Speaker. Mon, mon krwar kot sa ros ki nou pe tap nou lipye avek se kekfwa Attorney Zeneral i anvi donn en drwa absoli en co-owner. En drwa absoli to, akoz he is the owner avek tou bann dwa. Mon ti ava dir ki dan en premye step. Dan en premye pa, sa drwa ki sa co-owner i annan i pa en drwa absoli dan sans ki, si bann coowners i anvi aste premye refusal i pou zot. E se selman apre, se selman apre ki drwa sa co-owner i vini. Konmsi en pe parey Franse i dir Onorab Attorney Zeneral pou konnen empêcher de tourner en rond. I annan enn ladan ki who is a pain.  So mon pe ziz met sa la. Mersi.

 

MR DEPUTY SPEAKER

Mersi Onorab. Zis pou nou bouz devan petet en sizesyon. I annan de fason bouze.  Enn, ki nou gard sa seksyon lo co- ownership parey i ete san okenn amannman, e 2enm  se pran sa amannman ki’n ganny propoze par Onorab Andre. Onorab Georges ki semen ki ou sizere nou pran pou nou fini sa seksyon lo co-ownership?

 

HON BERNARD GEORGES

Me Chair mon bezwen deklar en lentere akoz mon ti en manm komite ki pe propoz lartik 821 e mon partaz lopinyon Leader Lopozisyon ki sa i en feuille de route;. I en roadmap ki senp pou swiv. Problenm avek – mon pa konpran akoz ki en co-owner i devret annan posibilite azir tousel olye azir  atraver en fiduciary. I en largiman wi me i en largiman ki pa sanz rezilta.  Rezilta pou reste egzakteman parey alor nou pe arguer en pti pe san sanz the end object.                 Propozisyon Onorab Andre i byen ziska 821 (2) me apre lekel ki pou ofer later avek bann lezot zeritye?  I pa pou sa co-owner ki o kontrer pe lager avek lezot akoz li i anvi divize e ki lezot pa anvi.  Se pou sa rezon ki nou’n apwent en fiduciary pou ki li i a kapab reprezant tou bann co-owners e negosye an tre zot e fer sir ki lentegrite co ownership i reste. E ki premye dimoun ki kapab aste en later ki pa kapab ganny divize se enn bann co-owners e non pa atraver lisitasyon en manm piblik osi. Se sa lespri deryer 821.  E si nou pa anvi perdi sa lespri nou pa kapab sanz 821.  Mersi.

 

MR DEPUTY SPEAKER

Mersi. Bon i annan 2 propozisyon, si nou le bouz devan mon panse lafason se ki si Onorab Andre ou santi ki sa i en propozisyon ki nou devret pran en pozisyon, Mosyon ou propozisyon i devre ganny segonde nou pran en vot lo la.    Oubyen si ou pa anvi push it that what ou pe plito get en pre konsansis zeneral, nou kapab pran en vot lo sa seksyon co-ownership, enkli 821 e nou bouze.  Me Onorab William avan nou fer sa.

 

HON WAVEN WILLIAM

Mersi Mr Chair. Mersi tou dimoun ki a lekout avek manm lo panel. Mr Chair mon pou refer avek premye komanter ki Leader Lopozisyon in fer. Mon krwar i fer bokou sans. Letan mon pe ekout bann diskisyon ki pe pase mon avek ou nou pa toulezour ki nou Ankour nou. Nou bann layperson. So, mon krwar poudir nou bezwen ganny gide avek Chairperson to Bill Komite avek Attorney, avek bann ki avoka. Akoz sinon parey Leader Lopozisyon pe dir se ki nou pa pou bouz ase vit parey nou anvi.                             So nou bezwen tonm dakor lo serten keksoz. Pou kapab enn bouz devan akoz se zot ki dan sa pratik ki pe face up avek sa bann difikilte Ankour. Akoz nou, nou pa Ankour nou pa konnen ki difikilte pe pase.  So nou pe fye lo zot pou kapab donn nou direksyon.  E mon krwar pou dir nou bezwen annan. Nou bezwen tir en laliny la. Sinon parey nou pre dir se ki nou pou pran en bon pe letan, i pa vedir ki nou pa anvi fer deba, sa Prozedlwa i tre enportan me selman nou bezwen serten gidans avek zot. Mersi bokou.

 

MR DEPUTY SPEAKER

Bon mersi. Onorab Mondon.

 

HON TERENCE MONDON

Mersi Mr Chair.  Mon pe demann en kestyon nou bann expert lo la sa lartik 821. Sa eleman kou ek sa eleman letan. Akoz mwan ler mon pe get par egzanp Takamaka nou bann dimoun ki annan later zeritye. E bokou sa bann dimoun napa gran mwayen. Savedir pou zot go through sa process ki nou pe ganny propoze, mon ti a kontan ganny en lesplikasyon kler. Ki sa ki pe ganny propoze i pou kout an term kou i pou pli bon marse? Akoz ler ou pe apwent en fidisyer definitivman i annan en kou ki vin avek.       Si mon annan en opsyon pou mwan fer li mon menm kekfwa i kout pli bon marse. Petet si zot ti kapab eklersi mon lo sa de eleman, cost avek letan ki i pran pou fer sa prose. Mersi Mr Speaker.

 

MR DEPUTY SPEAKER

Mersi Onorab Mondon. Petet, Onorab Henrie.

 

HON GERVAIS HENRIE

Mersi Mr Chair bonzour tou dimoun. De pwen, premyerman, wi mon osi mon dakor avek propozisyon ki Leader Lopozisyon in fer. Letan mon’n lir mon’n relir mon vwar sa road map e mon dakor ki i annan sa etablir the fairness sirtou dan 21(3) apre 21(7). Mon war sa de provizyon la ki mon kontan.                        Me solman mon ti ava kontan si Onorab Clifford i relir son propozisyon. Akoz letan mwan, mon pe get li mon war 821 konmsi ou pe vin dan en pozisyon i annan en, i annan en tirayman la. Letan i annan en tansyon. Be si i napa en tansyon?  We just want to get rid of the property. Konmsi we just want to divide amikableman, ki propozisyon ki nou par bezwen apwent sa en third party be selman antre nou bann co-owners, nou fer aplikasyon direk avek Lakour pou sub- divide nou propriyete. Si i ti kapab selman relir pou nou ankor enn fwa konpran byen. Mersi.

 

MR DEPUTY SPEAKER

Mersi Onorab Henrie. Mon krwar i tre senp, 821 (1) i dir, ‘’Where the co-owners of the property do not agree to stay in a state of indivision the co-owners or a fiduciary shall be appointed. ‘’Apre in get rid of 2 (a) e sa 2 (b) i form parti 2, oubyen sinon Onorab Andre apre nou a donn AG.

 

HON CLIFFORD ANDRE

Mon proposal pa dir, ‘’fiduciary shall be appointed.’’ Mwan, mon proposal i dir or a fiduciary appointed.’’ So i pa pe fer li mandatwar ki zot apwent en fiduciary. Se sa menm sa ki mon pe dir apply to the court pou lezot, apply to the court for an order for the property to be divided in kind amongst the co-owners.                                    So, mwan, mon pe dir atraver co-owners zot kapab fer en laplikasyon Ankour ou atraver en fidisyer ki’n ganny apwente. So definitivman si in ganny apwente i bezwen in annan konsantman par zot tou oubyen ki mannyer Lalwa pou permet. Mon konpran ki Onorab Georges pe dir me selman mwan, mon pe dir lezot sa bann provizyon ki swiv i kontinyen mannyer i ete e nou – unless in dir mwan dan (3) ki dir, ‘’Where a division in kind cannot be reasonably or practicably made, the fiduciary

Nou kapab dir ‘’the co-owners or the fiduciary,’’ so i a take care of sa sityasyon ki’n pran kont depi dan (1) anler.  Me selman dan (1) anler zot ti demann en Lord avek Lakour. Mersi.

 

MR DEPUTY SPEAKER

Mersi. AG.

 

THE ATTORNEY GENERAL MR  FRANK ALLY

Mersi Mr Speaker, Mr Chairman. Mr Chairman ozordi petet pou reponn kestyon Onorab Mondon. Ozordi si bann e mon krwar Onorab Henrie osi;- ozordi si bann co- propriyeter zot anvi sorti dan en leta endivi zot annan en semen kourt  zot servi. Zot fer en partisyon e zot pa bezwen al Ankour. Zot al kot en surveyor, zot tonm dakor lo zot divizyon lo ki lo, e zot al kot en Avoka e zot fer sa ki nou apel en application for partition, zot sorti. Problenm propriyete parey mon’n dir i pou toultan reste.  Me ki nou bezwen fer se bann dimoun, bann stakeholders i bezwen konsey bann dimoun ki dan en co propriyete how to get out of the co-ownership!                           Now, ler sa dimoun in sort, si sa ki nou pe provide more or less, se bann sityasyon kot i annan en problenm ek bann co-propriyeter pou sort dan sa co-ownership. Mwan mon pe zouir en propriyete;-annou pran en legzanp en lakaz Roche Caiman ki nou paran in mor in kit deryer 4 zanfan, mwan, mon pe reste dan sa lakaz mwan. Me mon trwa frer en ser zot, zot pa pe reste zot. E zot, zot vini zot dir, ‘’be akoz ki ou, ou pe zouir sa lakaz, nou pa pe resevwar okenn lwaye me nou, nou pe lwe lakaz. Sa lakaz i vo en R1milyon, annou partaze nou tou nou a vann nou tou nou a ganny R250. Sa propriyete li by son vre natir i pa pou kapab ganny divize ant bann parti. So i pou bezwen parey in fer provizyon dan sa amannman dan sa Civil Code i pou bezwen ganny vann. E la antre nou parske i en lakaz lafanmir, i pou ganny vann only antre nou. Antre nou 4. So nou pa pou envit bann manm piblik.     So, this is what ki sa lamannman ozordi sa propozisyon i pou anpes manm piblik antre pou vin bid lo at a high price. Sa i fantastic, but the problem that causes is that mwan konman en propriyeter mwan, mon pa kapab al Ankour pou -.  Mon ale mwan, mon ekrir mon frer, mon dir ek li,’’gete i annan sa lakaz  be annou partaze annou vann antre nou. Li i pe zouir i pa dan son lentere pou li fer sa.’’

Now mwan fason ki mannyer nou pe propose se ki 825,

‘’Where the co-owners of the property do not agree to stay in the state of indivision. It should be to some extent where any co-owner of the property does not want to stay in the state of in indivision.’’ Akoz nou pa pou fer linanimite.         Enn ladan pou dir  be mwan mon anvi mon par. So therefore, a fiduciary shall not be appointed per se. Where the person does not want to stay in a state of in division he can apply to the court to do two things;- to sub divide the pro property.

 

(Off-mic)

 

THE ATTORNEY GENERAL MR FRANK ALLY

Yes, if it can be done propozisyon i la dan larestan seksyon.                   Me, an menm tan Lakour prezan  i a donn en lord e dan sa lord Lakour a dir lekel ki pou vin fidisyer pou take care of the rest of the proposition. Lekel ki pou evalye propriyete, lekel ki pou fer isi. Akoz ozordi nou pa bezwen en fidisyer. Akoz what we’re trying to do, bann co-owners i annan en drwa e en powerful right! Me sa anmerder ki Onorab Ferrari in dir, me i annan en drwa li. I bezwen kapab egzers son drwa e I pou upset the rest. This is why you need to have en proteksyon minorite pou anpes en labi mazorite.                                       E baze lo la sa co propriyeter letan i al Ankour i dir ek Lakour vann sa propriyete oubyen diviz sa propriyete, Lakour i ava, akoz ozordi se Lakour ki ordonn en appointment of an appraiser. I supervise the whole process la nou pe fer li ki fidisyer ki fer. Mersi Mr Chair.

 

MR DEPUTY SPEAKER

Mon krwar ou pwen i kler.AG mon krwar i kler. Mon krwar nou bezwen., nou ariv 10.04 mon krwar depi 9er nou pe diskit lo menm pwen. Nou’n tann tou lede kote largiman, me nou bezwen pran en pozisyon. Sansan lo tou pwen nou pou aret koumsa. Alor Onorab Georges ou annan en propozisyon pou nou bouz devan e move on to the next section.

 

HON BERNARD GEORGES

Wi Mr Chair parey mon’n dir vot lo 821 parey i ete la ozordi sa se mon propozisyon. Les mwan reponn enn de kestyon zot a war akoz mon pe kay lo sa. Premyerman 821 i en default provision. 821 pa pe fors person pou fer nanryen. Si ou anvi, si trwa dimoun i anvi diviz zot propriyete zot al kot arpanter zot fer divize. Si tou le trwa i anvi vann zot vann. Personn pa pe fors zot al okenn fidisyer okenn keksoz. Attorney Zeneral i annan rezon lo sa pwen.               Me annou servi son propozisyon Roche Caiman. Ok ki en tre bon legzanp. Tan ki zot dakor, tan ki zot tonm dakor napa problenm. Enn i kapab aste par lezot e oubyen zot kapab vann e partaz larzan. Me si enn pa oule?  Si enn i dir mwan, mon pa enterese ou ava sorti mon anvi mon anvi mon par. Sel keksoz ki zot kapab fer ozordi akoz i pa kapab ganny divize parmi 4. Ou pou bezwen al fer li sitasyon e ler ou al li sitasyon en manm piblik i kapab aste. This is what we’re trying to avoid e personn pa pe vwar.                                 Se sa ki 821 pe fer nou fer.  Dan sa bann sirkonstans ou pa kapab fors en dimoun part avek en co-propriyete ou bezwen li son sans e i ava annan en sans anba 821.  Si i pa pran sa se son zafer.

Dezyenmman i pa byen pou dir ki sa i en 2 stage 821 ki ou bezwen al Ankour pou al demann en – apwent en fiduciary. Akoz 818 i dir ou kler, ‘’a fiduciary may be appointed by agreement of all the parties.’’ Sa i reponn kestyon Onorab Mondon konbyen i pou koute. Me si ou apwent enn devan en noter i pa pou kout – sertennman i pa pou kout bokou larzan. R500, R1000, R2000 or whatever, me ou annan later, you are asset rich and cash poor. Ou bezwen kas ou dizef pou ou ganny ou lonmnet.        Ou war? Alor ou pou bezwen alor fer en pti saving.

Me nanryen ki nou pe dir la, nanryen ki nou pe dir la pa anpes en dimoun, pa anpes bann co-owners subdivide. Zot pa anpes bann co-owners sell. Zot pa anpes enn bann co-owners aste, si zot tonm dakor. 821 i annan sa trwa mo ki’n mon’n highlight lo board. 821 i pa dir ou ‘’where the co-owners of the property no longer wish,’’ i dir ou ‘’do not agree’’. This is where there is a disagreement. Pa ler – i pa fors zot menm ler zot tou zot dakor po al apwent en fidisyer. That they can do.  They have the right to divide it mannyer zot anvi ozordi. This is where there is a failure of agreement.

Sel keksoz ki Onorab, ki mon kapab konsidere se olye met where the co-owners akoz sa ou kapab dir ki fodre zot tou. nou kapab dir, where one co-owner. Me mon krwar this is the intension. Ler napa agreement amongst all of them ou bezwen al Ankour. Whether is one or all. Sel konsesyon ki mon kapab fer Mr Chair. Apart sa mon war 821 i reponn a tou nou lendilzans. Mersi.

 

MR DEPUTY SPEAKER

Ok mwan, mon sizere nou bouz koumsa.  Nou dir pou dir ‘’Where one or more co-owners or property do not agree to stay in a state of indivision, a fiduciary shall be appointed.’’ Si nou dakor avek sa annou pran en vot lo 821.

 

HON WAVEL RAMKALAWAN

Mr Chair you don’t need to put one or more, when you say where the co-owners it includes one. It means, it includes one, so the word as it is, is ok.

 

MR DEPUTY SPEAKER

Ok, mon pe al move pou nou pran en vot lo la zis avan mon fer sa Onorab De Commarmond.

 

HON CHARLES DE COMMARMOND

Wi Mr Chair mon pe al dan menm laliny. Mwan, mon war akoz, dan nou pei nou annan en problem lakaz nou sa problenm lakaz i kontinyen. Sa dimoun letan ou pann vann antre sa bann co-owners la ou’n pran sa ou’n vann ek en dimoun an deor, i met ankor plis problenm lakaz lo Gouvernman. Ou bezwen al rod en lakaz pou al met sa dimoun ladan. Mwan, mon krwar sa ki pe ganny propoze la i bon letan mon’n ekout tou. Mon, mon demande ki nou al lo en vot lo la e nou bouze.

 

MR DEPUTY SPEAKER

Mersi Onorab De Commarmond. Nou pou al pran en vot alors lo 821 as drafted with no amendments. Tou manm ki an faver? Nou bezwen pran li an blok alors nou pou pran. Gid ou Onorab Georges.

 

HON BERNARD GEORGES

Mersi Mr Chair, Mr Chair nou tin deside pou vot par blok avek ou permisyon larestan sa bann lartik pou fer avek fidisyer i procedural. Avek ou permisyon mon ava tay vit mon al lo zot. E apre nou a kapab vot lo sa blok ki ava include 821 osi.

 

MR DEPUTY SPEAKER

Ok proceed.

 

HON GERVAIS HENRIE

Mr Chair mersi. Si nou pou al vot an blok. Akoz yer letan nou ti fini mon ti lev en pwen ki konsern 817 akoz nou pou vot an blok i pou vin ladan. I annan sa size ki bokou bann dimoun dan mon constituency i konsernen, zot in le ki mon lev sa pwen. Kot sa konstriksyon bann homes for the vulnerable, Gouvernman ki pe fer lo bann later zeritye e aprezan ler sa dimoun i mor, ki pou arive?                  Akoz  sa ler Code Civil ti ekri Gouvernman pa ti pe fer lakaz pou dimoun, la i pe fer. E ki lentansyon Gouvernman vizavi  sa bann propriyete enn fwa ki sa bann dimoun aze i ferm zot lizye. E Vis-Prezidan i la mon krwar i kapab donn nou en lo Polisi Gouvernman vizavi sa bann zafer akoz mon war li i afekte co-ownership anba 817.  Lefet ki nou pou vot an blok so mon le konn pozisyon byen kler lo la. Mersi.

 

MR DEPUTY SPEAKER

Mersi Onorab Henrie. Eski i annan okenn klarifikasyon? Vis-Prezidan i le donn nou? AG.

 

THE ATTORNEY GENERAL MR FRANK ALLY

Mersi Mr Chairman. Mon krwar pou reponn Onorab Henrie ler kot Gouvernman i deside fer lakaz lo later zeritye, normalman Gouvernman pou bezwen ganny permisyon sa fizisyer. E this is where i annan en serten requirement pou ou nesesite annan en fidisyer.  I annan en dimoun against whom ou ale, pou ou demann permisyon. Prezan li sa fidisyer li i al rod permisyon avek tou bann lezot zeritye. Alternativman i al Ankour e Lakour i donn sa permisyon.         Now i arive osi bann ka kot sa dimoun i deza annan en lakaz lo sa later, petet sa premye senaryo i more or less ler sa teren i vag, prezan ou pe al konstri. Be si par egzanp i annan en dimoun ki annan en lakaz lo sa later e later i zeritye e i annan en serten drwa petet swa en drwa de siperfisi, swa en right to build, si anba nouvo sistenm oubyen en lease or whatever. Then i kapab egzers sa pouvwar ki i annan, sa right ki i annan e permet Gouvernman build lo son lo sa foot print kot son lakaz i ete. Oubyen amelyor son lakaz.      Me evantyelman si later i ganny divize the laws of division pou apply. Prezan li i ava dir be non ou bezwen sofgard mon drwa akoz mon, mon lakaz in la e monn build mon lakaz la over the years in ganny renouvle. Gouvernman pou li kapab al build lo later zeritye i bezwen respe Lalwa co-propriyete. Ler i mor sa later i ava al pou son, sa right ki i annan lo sa sirfas lo sa dwa de siperfisi i ava al pou son zeritye.                     Me the division i kontinyen. Gouvernman pa pran, Gouvernman pa, does not have the rights of that person unless ki sa dimoun li i dir ek Gouvernman mon pou donn ou mon drwa ki mon annan;- oubyen mon par ki mon annan dan sa later in exchange for you to build this house for me. Then Gouvernman pou vin koman en co propriyeter. Whether it’s sa i lentansyon Gouvernman oubyen pa. Me legalman Gouvernman i step in into the rights of the person and it becomes a co-owner like any other co-owner. I pa ganny ni en preferans an relasyon avek lezot co-owner. Mon pa konnen si mon’n reponn ou kestyon.

 

MR DEPURY SPEAKER

Mersi AG. Onorab Henrie.

 

HON GERVAIS HENRIE

Mersi pou ou lesplikasyon. Me selman mon anvi demann AG. Parske dan SONA Prezidan in dir nou ti annan 157 si mon memwar i servi mwan byen, dan dernyen lannen kantite lakaz ki zot in konstrir dan sa sityasyon ki mon pe dir. E nou ki fek pas Bidze 2020 nou’n vwar ki mannyer i annan diferan alokasyon anba diferan bann Minister, ASP lot, lot Local Government kot zot pe fer sa bann lakaz.                                E further down the road nou pou gannyen sa bann konplikasyon. so, mon anvi konnen si ou biro i satisfe ki poudir Gouvernman pe reste within sa bann limitasyon legal ki ou’n eksplik nou.  Mersi.

 

MR DEPURY SPEAKER

Mersi zis avan mon donn VP laparol petet Onorab Pillay.

 

HON SEBASTIEN PILLAY

Wi Mr Speaker petet Lasanble ti ava kontan konnen ki sa proze Vulnerable Homes ti deza egziste dan laform Pti Payot avan, in deza annan. E en kantite lakaz in ganny konstrir dan bann distrik sirtou kot bann lakaz ki ti delapide in ganny refer, parey AG in donnen. Oubyen en lakaz in ganny konstrir proper. Ler sa lakaz i fini fer unless sa dimoun li i transfer sa drwa ek Gouvernman. Sa lakaz i vin pou son zeritye.  E dan sirkonstans parfwa dan bann vulnerable home, i menm annan manm fanmir ki dakor pou zot, depandan lo design ki Gouvernman i provide sa letan i ti kapab sanz sa design si i anvi. E sa manm fanmir i buy in dan sa loan oubyen dan sa pozisyon konstriksyon.                            So i pou napa en lenstans kot Gouvernman pou vini pou zis repran sa lakaz pou dir lakaz i pou mwan, mwan ki’n fer. That will not be the case toultan i pou bezwen annan en prosedir approval.

 

MR DEPUTY SPEAKER

Ok mon a les VP. Ou ti’n lev ou lanmen?

 

THE VICE-PRESIDENT MR VINCENT MERITON

Mr Chairman ler Gouvernman in pran desizyon pou fer sa bann lakaz mon krwar i pe desarz en responsabilite sosyal e moral avek lentansyon ed sa endividi sa sitwayen. Kot napa bann zafer co-sitwayen, co-ownership pardon, co-ownership then i pa koze en difikilte. Sa dimoun i tonm lo en lagreman e i donn serten permisyon avek Gouvernman pou batir e sa dimoun apre i reste dan sa lakaz.                   Ler i mor byensir sa i reste pou son bann zeritye. ki sa diskisyon pe montre nou ozordi kot i annan co-ownership ki Gouvernman, parey AG in dir i pa pe ler i pe batir sa bann lakaz li i pa pe infringe lo okenn dwa ki sa co-owner i annan lo en propriyete. Sa diskisyon pe permet nou war ki mannyer nou bezwen fer sir nou reget sa bann lagreman byen, ki ler Gouvernman pe desarz sa bann responsabilite sosyal ek moral i pa pe pyetin landrwa sa bann dimoun. E si i annan en nesesite apre re get sa bann lagreman pou fer sir ki tou lede kote i satisfe avek sa lagreman ki nou pe antre ladan, ki i ganny respekte.                          Me selman zis mon ti a kontan met lanfaz ki en desizyon an bonnfwa pou ed sa sitwayen viv dan sa sityasyon konfortab annan en twa lo son latet. Mersi Mr Chairman.

 

MR DEPUTY SPEAKER

Mersi VP.  Onorab Georges petet annou kontinyen.

 

HON BERNARD GEORGES

Mersi Mr Chair. Mr Chair parey mon ti dir larestan sa bann lartik se bann lartik prosedir. 827 i dir ki i donn bann duties en fidisyer ki pou bezwen rann kont regilyerman, i pou responsab pou okenn domaz.  I bezwen care pou sa propriyete, i kapab ganny peye son expenses rezonnab.                          828 i dir ki bann zeritye, bann co-owner i kapab apwent en lot fidisyer si sa enn i mor or i al prizon oubyen i vin bankrupt oubyen i annan en lo enkapasite, oubyen si i resign.            830 i dir ki si en fidisyer i donn en resi, i desarz en det sa i ava by bann co-owners.           831 en fidisyer i pa personnelman responsab pou okenn aksyon ki in pran dan legzersis son fonksyon dan en fason rezonnab. E si i ganny anmenn Ankour bann co-owners i ava, se bann co-owners ki pou responsab me pa li akoz an kelken sort i en mandater pou zot.                   832 fiduciary pa pou responsab pou okenn aksyon, okenn duty, okenn det or whatever lo sa propriyete. Tousala i  li i ava responsab pou peye, me bann zeritye ki pou bezwen ranbourse.                      833 en Lakour i kapab a nenport ki moman ler en co-owner oubyen en lot dimoun i anvi blok en lavant later co- ownership, Lakour i annan toultan sa pouvwar pou anpes sa oubyen pou stay li pou en peryod letan. Ankor enn fwa sa se pou prezerv lentegrite propriyete pa pou les li ganny vann.                                     E 833(2) i enportan ler Lakour pe egzers son diskresyon pou regarde kote sa hardship, kote balans hardship pou ete. Lentansyon se pou anpes en later ganny lisite, ganny vann avek piblik ziska ler ki bann co-owners in ganny tou sans pou zot save zot later.

 

MR DEPUTY SPEAKER

Onorab Georges en pti moman.  Onorab William.

 

HON WAVEN WILLIAM

Mersi Mr Chair.  Mr Chair mon ti anvi ziz raport latansyon 825 (2). Letan mon ekout fonksyon ki en fidisyer i sipoze fer, mon anvi demande akoz nou pa met par egzanp guidelines given to the contract documents of appointment?  Eski sa fiduciary i fer en Kontra letan i ganny apwente? Eski i annan en agreed contract? Akoz well, i pa sorti ase byen. Mon pe zis pe demande. Mon ti a kontan ganny gidans lo la.

 

MR DEPUTY SPEAKER

Mersi. Eski nou kapab ganny klarifikasyon. Onorab Georges. Zis avan Onorab Ramkalawan, ou ti le azout en keksoz  dan kestyon?

 

HON WAVEL RAMKALAWAN

Ok, Mr Chairman, pwen ki mwan, mon anvi en pe, i al en pe avek sa ki Onorab William in demande. Parski bann zafer later zeritye i en problenm, me osi kot fiduciary in ganny apwente mon krwar ki i bezwen annan en limit letan ki i donn li pou li fer son travay oubyen pou li fer en rapor. Petet ki ava bon pou, parski mon konn en fanmir ki tou zafer in fini, i annan 9an ki sa fiduciary, tou larzan i ankor avek li i pa ankor donn bann zeritye.                          Konmsi i bezwen annan en proteksyon pou sa bann zeritye letan en fiduciary, alor mon ti ava kontan si bann eksper la ti ava kapab sey regarde kote nou pou kapab fer en rantre oubyen si i deza annan montre mon silvouple. Nou ti a kapab fer rantre en limit letan oubyen apre ki kantite letan ki tou sa bann zafer i fini pou ki nou ale. Mersi.

 

MR DEPUTY SPEAKER

Mersi. Onorab Georges. Eski ou kapab gid nou lo mon mazinen 821 (1) kan i ganny apwente par Lakour i annan kondisyon?

 

HON BERNARD GEORGES

Wi, se sa, egzakteman sa Mr Chair. Toultan si Lakour i apwent li Lakour pou met serten kondisyon e Lakour ava donn li son letan. Oubyen anba 825 (2) si i ganny apwente by agreement i pou bezwen swiv tou bann lenstriksyon, direksyon ek guideline ki sa i donn li, including ou kapab met en peryod letan. En time limit.          Onorab William wi i en Kontra me i en kontra inilateral. I pa en Kontra ki ganny sinyen par sa fidisyer osi. Se parey en Power of Attorney. Bann co-owners i donn li, li i pa bezwen sinyen konmkwa i aksepte, i en unilateral contract. Son lakseptasyon i vin par lafet ki i azir dan sa manda. Alor document of appointment nou’n anvi met pou montre ki i pa, while i en Kontra annou pa donn lenpresyon ki i en kontra ki bezwen ganny sinyen par li osi, akoz se pa sa. Se pa sa la norm but the point is well made ki i en Kontra.                                Mr Chair mon krwar pwen Onorab Leader Lopozisyon i en pwen tre valab e en pwen ki nou’n bezwen focus lo la bokou ler ki nou ti pe regard egzekiter sirtou, akoz egzekiter i annan bann egzekiter ki’n ganny apwente depi lannen 1980, still pa ankor fini deal avek propriyete.  E se pour kwa rezon ki nou ti anvi propoze ki curator of vacant estates i vin sa point person pou annan en droit de regard lo ladministrasyon bann fiduciary avek bann egzekiter. E sa pou vin dan amannman ki nou pou fer ek Curatelle Act. Donk pou annan en biro somewhere ki pou tanzantan pe dir li anmenn ou kont e fer sir ki travay i ganny fer byen.           But in any event en fidisyer parey mon fek dir i responsab 831pardon, mon fek vwar sa pwen. Viola 827 (2), a fiduciary i responsab okenn domaz oubyen pert ki in sustain par son neglizans.  Alor i toultan reste responsab pou li administre sa propriyete dan en fason korek.  E son sel fason ki i kapab escape liability se, pou montre ki in manage propriyete dan en fason korek. Donk sa, tousala pa pe sanze tousala i dan Code actual. Mon war Attorney Zeneral in lev son lanmen.

 

MR DEPUTY SPEAKER

AG.

 

THE ATTORNEY GENERAL MR FRANK ALLY

Mersi Mr Chairman. Mon ti a kontan petet fer en propozisyon. Mon pa mazinen ki in ganny pran an kont dan sa prozedlwa. i en propozisyon an fet ki monn diskite a en moman pou nou gete si nou kapab met li dan Land Registration Act. Petet ti a bon vi ki pe amann Code pou met li ladan, zis ka ki nou met li dan Land Registration Act. Se ‘’where a fiduciary is appointed and the land is registered in the under the Land Registration Act the Registrar shall insert in the land register ‘’the appointment’’. Akoz ozordi Land Registrar i pe fer sa entry li, selman i pa oblize anba Lalwa or okenn Lalwa pou li fer sa entry. I fer li for convenience.  e si demen Land Registrar i pa met the correct entry ou pa pou kapab pourswiv li akoz i napa lobligasyon.                            Se ou ki bezwen al rode lekel ki fidisyer sa propriyete akoz ler nou’n fer again ler nou’n fer provizyon fiduciary anba Civil Code 76, nou pa’n pran kont ki nou annan en land register e nou annan later ki register under the Land Registration Act. E pou Registrar kit en register of fiduciaries. So, either the Registrar will be obliged to keep a register of fiduciaries or the Registrar will include the fiduciary in the land register oubyen, the fiduciary. The registrar shall publish in the Gazette by way of a notice that a fiduciary has been appointed in respect of a parcel of land. Me i the register is open to public then they can. Mersi.

 

MR DEPUTY SPEAKER

Eski i annan en landrwa dan sa bann seksyon kot nou kapab met sa? Eski nou dakor an prensip ki sa i antre? Si nou dakor an prensip, eski ou kapab gid nou Onorab Georges ki bor nou fer antre ki i fer en koneksyon avek Registration Act.

 

HON BERNARD GEORGES

Mon pe propoze Mr Chair ki nou fer li antre la a lafen sa seksyon 837 akoz nou annan de trwa lartik ki vakant. Alor nou kapab fer li antre san ki nou sanze. Nou a fer li antre koman 837 e avek zot permisyon pandan break nou ava formil en propozisyon apre nou a retourn lo la.

 

MR DEPUTY SPEAKER

Mon dakor. Onorab William.

 

HON WAVEN WILLIAM

Mersi Mr Chair. Mr Chair mon ti a kontan ganny gidans avek panel or Chairman Bills Committee. Mon pe lir 827 e prezan mon pe demande si sa lartik 3, akoz ler mon regarde ki i dir anler avek, prezan 3 mon pe sey demann mon lekor si 3 i devret la. 827 (3). Wi prenon kont ki lartik 1, 2 epi ou al lo 3. Zis mon ti anvi ganny en pti leklersisman lo la.

 

MR DEPUTY SPEAKER

AG.

 

THE ATTORNEY GENERAL MR FRANK ALLY

Sa i pou anpes petet kot i pou annan en fidisyer kot, ki pou fer sir ki en fiduciary i pran responsabilite pou son aksyon e si vreman zot dakor pou ekskli sa responsabilite. Then sa lagreman pa pou valab.  Akoz ou konnen parfwa i kapab annan en fidisyer or en co- propriyeter ki li i dan en kondisyon for e se li ki pou vin fidisyer e prezan i pe dir avek zot non, mon pa pou dakor zot bezwen exclude mon liability. E ou kapab al devan en avoka ki pou dir ou sa i ok. Akoz i pa pou pran kont sa provizyon sa sub article 3.

Me sa fidisyer li i pou azir dan sa fason, me zour ki i pou azir petet dan en fason neglizan oubyen enpridan, me evantyelman i pou antanm son responsabilite. Petet zis pou eksplike ki si en fidisyer i azir avek recklessness dan son, dan legzersis son fonksyon i pou responsab.                    Leader Lopozisyon i fek donn en legzanp kot en fidisyer in vann later 9an larzan i ek li i pa distribye larzan. He is acting with recklessness, and imprudence and negligence. E therefore i pa pou kapab exclude son liability!  Me si i ti annan en lagreman kot i ti’n dir I’m not responsible for anything that I will do this will be null.  So ou pou still kapab met li Ankour e la i pou personally liable. In fact, i annan en case kot en fidisyer ti ganny ordonn-en par Lakour ki i personally liable to pay the proceed of sales ki in mal distribye.

 

MR DEPUTY SPEAKER

Ok mersi AG.  I kler poudir sa in ganny mete pou proteksyon sa fidisyer, me a kondisyon ki i pe fer son travay korekteman e in apwent dimoun korekteman. E annan lasirans ki neseser. Annou kontinyen Onorab Georges. Nou’n preske ariv a lafen. Mon ti a kontan avan 10.30 nou pran en vot lo sa seksyon.

 

HON BERNARD GEORGES

Wi mersi Mr Chair. 835 i en lartik tre enportan akoz sa i donn en drwa de regard par Lakour lo lapwentman, dismissal ek lapwentman en fidisyer oubyen en egzekiter. A nenport ki moman okenn dimoun ki annan en lentere including Attorney Zeneral i kapab apply Ankour pou fer sir ki Lakour i donn serten lord. Including par egzanp sa enn ki Onorab Leader Lopozisyon fek dir kot zot pe trenn zot lipye or whatever. Notwithstanding anything ki kapab ganny mete dan sa agreement.                         So i annan en dwa de regard ki override sa apwentman oubyen son agreement.  Sa se tre enportan akoz i donn parey mon’n dir Lakour posibilite pou enterfer dan travay en fidisyer. Akoz en fidisyer par natir son travay e par son non li menm i annan en relasyon fidisyer avek bann dimoun ki i pe travay, pou lekel i pe travay. E la 836 i en keksoz konpletman diferan sa se en fiduciary fund i en keksoz ki nou’n garde ki Profeser Chloros ti’n propoze e ki zanmen in ganny take up.                         Profeser Chloros dan son lespri ti swete ki ti pou annan en bann biznes ki ti pou setup the fiduciary business e ki ti pou pran larzan en pe parey en hedge fund oubyen en investment fund e ki ti pou pran larzan avek dimoun. Ek bann co-owners par egzanp ki annan R1milyon oubyen whatever e zot anvi envestir. E li i ti ava envestir sa pou zot e ganny the maximum return akoz seta sa, ti ava sa son profesyon e i ti pou kapab fer sa pou plizyer co propriyete. Manage zot shares, zot stock, vann eksetera. Maximize zot larzan e sa ti ava son biznes.                      Personn pa’n take li up ziska prezan, me nou’n gard li akoz kekfwa i en konsern ki kekfwa dimoun i ava anvi take up. I en keksoz ki arive dan bann lezot pei e nou pa vwar akoz ki sa pa ti ava kapab ganny fer isi. Being bann professional fiduciaries ki pou invest propriyete bann co-owners dan en fason pou maximize zot return. E sa lartik i eksplike ki mannyer sa pou ganny fer. Epi vwala Mr Chair nou’n ariv a lafen sa seksyon. Mersi.

 

MR DEPUTY SPEAKER

Mersi. AG.

 

THE  ATTORNEY GENERAL MR FRANK ALLY

Mersi Mr Chairman. Zis pou dir ki fiduciary fund, anfet i ganny servi isi petet mon’n come  across de ou trwa. E alor i bon ki nou gard li. E petet mou ankouraze anfet kot bann paran i kapab met en larzan;- i en mini trust ziska ler ki nou ganny nou adopte en, nou annan en Trust Act then li i more or less en Trust ki ou kapab etablir ou kit en pe larzan avek parey Onorab Georges in fer sorti. Me i annan bann entities isi ki kre sa fiduciary fund pou zot bann travayer. Mersi.

 

MR DEPUTY SPEAKER

Mersi AG. Onorab De Commarmond.

 

HON CHARLES DE COMMARMOND

Wi mon siport sa lide akoz fasilman ou kapab ganny bann fidisyer ki organiz sa bann fon koumsa. E osi bann eksper later ki kapab al dan direksyon the line of business dan sa fason. E mon krwar i en bon keksoz pou nou gard li mersi.

 

MR DEPUTY SPEAKER

Ok. Bon mon krwar nou’n exhaust  deba lo sa seksyon lo co-ownership e alor mon ti a kontan propoze ki nou pou pran en vot lo 815 ziska 836 me avek adisyon 837 ki Onorab Georges pou propoze ki nou pe fer ou konfyans pou drafte e pou fer nou ganny son text. Alor tou bann Manm ki an faver? Eski i annan okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair. Bonzour a tous.  20 Manm Mr Chair in vot an faver e personn kont. Mersi.

 

MR DEPUTY SPEAKER

Mersi. 20 Manm an faver e personn kont savedir Lasanble Nasyonal i aprouv sa seksyon lo Co-Ownership.                            Bon nou ariv 10.34 mon ti a kontan zis remind, avan nou break, sa lanons par Komite pou Communicable Diseases, HIV Aids and SRHR an kolaborasyon avek Minister Lasante, ki annan en immunization program pou tou bann manm e bann staff Lasanble Nasyonal ozordi ant 9er ek 5er apre midi.

Alor pou bann dan LDS Caucus i annan en talk pou zot la dan Speaker’s Conference room. E pou bann US Caucus i 10. 50am.  Me vi ki i 10.35 mon sizere ki nou rekonmanse 11. 05am. E avek sa nou ava adjourned ziska 11.05am.

 

(BREAK)

 

MR DEPUTY SPEAKER

Bon bonzour tou bann detrwa Manm Onorab ki la.  Mon a donn detrwa minit pou bann larestan Manm.

Mon pa konnen, swa zot ankor pe pran pikir, oubyen zot in ganny pikir e zot pe dormi.  Me nou ava atann zot.  Mon krwar zot pou antre Dousman, dousman, nou a donn detrwa minit pou zot antre.

I mank nou 5 Manm, si petet enn o sak kote i kapab zis redi 3 lo sak kote, nou pou ok.  Bon, mon krwar nou kapab konman e, nou annan en quorum i enkli mwan koman en Manm.

Definitivman nou annan, so nou kapab kontinyen.  Onorab Georges petet nou kapab al lo Payment of Debts, 870.

 

HON BERNARD GEORGES

Mersi Mr Chairman.  Mr Chairman egzakteman sa i en pti seksyon ki parey ou’n dir i koz lo bann zeritye i bezwen pey okenn det sa siksesyon an premye.

E 870 i dir ki zot pou fer sa an proporsyon zot par natirelman, sa ki ganny plis, pey plis, sa ki ganny mwens, pey mwens, i pey mwens.  E si i annan egzekiter ki’n ganny apwente.

Akoz swa bann zeritye in kontan pou apwent enn oubyen zot in bezwen fer i akoz i ti annan immovable property.

Se sa egzekiter depar son fonksyon ki pou bezwen pey tou bann det.  E distribye sa ki reste avek bann zeritye, apre ki in siny zot par sa det ki’n peye.

Apre nou vwar 871, en legatee under universal title, setadir en dimoun ki ganny tou tit propriyete,  i ava, i ava li osi kontribye anver okenn det.  872 i koz amenities ki i egzakteman parey.  E 873 i dir ler en siksesyon i annan zis movable property;-  setadir larzan, loto, bato, pake dan lakaz eksetera.  Me pa later.  E en egzekiter pa’n ganny apwente.  Bann zeritye pou ganny direkteman lobligasyon pou pey bann det.  Akoz zot erit direkteman.

Ler i annan en det e ki en kreansye i anvi egzekit sa det, i pou fer i kont sa egzekiter si i annan.  Oubyen si napa egzekiter, direkteman kont bann zeritye.  E sa i pou ganny fer apre ki en notis in ganny donnen, en notis 8 zour.

E 875 bann kreansye en propriyete pa kapab demann separasyon propriyete parmi bann, parmi zot.  Zot pa kapab sezi en byen e garde an dot mo, zot bezwen vann li eksetera.  Zot pa kapab partaz byen en dimoun ki’n mor e ki drwa zot larzan.

Bann, kot i annan en co- propriyete dan movable property.  En partisyon pa kapab ganny fer dan labsans bann creditors pou anpes okenn frod arive.

Epi vwala, se tou.  Sa set en pti seksyon ki zis konsern bann peyman det Mr Chair.  Napa okenn sanzman, se egzakteman parey i ete dan Lalwa konmela.

 

MR DEPUTY SPEAKER

Mersi Onorab Georges.  Ti napa okenn konvansyon lo sa seksyon sorti 870 ziska 876.  AG.

 

THE ATTORNEY GENERAL MR FRANK ALLY

Mersi Mr Chairman.  Mon, petet sa i en pwen ki mon i a zis petet met devan.  I en file dan nou code aktyel.  Me par egzanp kot, e mon ti koz lo la earlier, yer.

Kot ler i annan en leritaz, e sa dese, sa dimoun ki’n mor i annan det.  Akoz nou pe get li lo, vizavi bann kreansye.  So bann kreansye i kapab met bann zeritye Ankour pou zot, pou li ganny peye, e la kot napa later.

Savedir napa egzekiter pou ki ganny apwente.  E bann zeritye zot kapab senpleman pa pey sa det par egzers zot opsyon pou fer lenvanter e renons sa siksesyon.

Savedir si zot pa’n renons siksesyon menm apre avek, apre benefis en levanter, zot pou responsab pou pey sa det sa kreansye.

Now, avek egzekiter, se ki ou pou war ou dan en sityasyon kot sa egzekiter, ou pou bezwen fer ou case kont sa egzekiter.  Me i pou ariv en sityasyon kot sa egzekiter li, ki oblize pey det wi i annan det. Me napa byen pou li realize, pou li vann pou pey sa det.  Alor la ou pou war en egzekiter, en kreansye ki ariv at the end of the road. 

E i napa personn pou li met, pou li sue, pou li ganny son larzan.  E sa mon krwar i en keksoz ki Profeser Chloros ler in fer Civil Code, e in entrodwir egzekiter, i pa’n pran kont, i pa’n realize.

E si nou get par egzanp Lartik, kot ou kapab distribye ou byen an avans,  ou kapab tir dan siksesyon tou sonm extend ou bann byen, partaze, kit en pti bout later me avek en kantite det.

E la ou kapab ‘’to some extend engineer ou … ou impoverishment si mon kapab, ou apovrisman.  E prezan ou fer ki ou bann kreansye napa personn pou li go against.

Mon pa konnen si petet i enportan pou nou kapab annan en, pou servi ekspresyon Onorab Pillay, en gardfou, pou kapab protez bann kreansye, ler i annan en siksesyon ki i annan en egzekiter, e sa egzekiter in fini vann tou pou pey det e i still annan det.  Sa kreansye napa rekour.

Unless ki petet Onorab Georges ki’n petet travay en pti pe plis an pratik, i kapab annan en solisyon kot, kote ki en, anba sa bann provizyon, ki en kreansye i kapab ale pou li ganny rekour.  Mersi.

 

MR DEPUTY SPEAKER

Mersi AG.  Eski Onorab Georges i kapab gid nou si nou annan en fason pou nou ranforsi sa ki nou annan pou donn en pti pe plis bataz sa kreansye?

 

HON BERNARD GEORGES

Mon pa krwar Mr Chair, ki nou annan en provizyon.  Me i annan enn ki kekfwa nou kapab servi.  Akoz nou annan depi 2013 en Insolvency Act.

E sa Insolvency Act i dir ki dan serten ka kot ou kapab montre ki en dimoun in retir son propriyete, met lo en lot non.

Dan en peryod, swa dan en peryod letan avan ki ou deklar li bankrupt.  E ou kapab deklar en siksesyon bankrupt.  Oubyen bann zeritye personnelman.

Okenn byen ki zot in gannyen i kapab retourn pou bann kreansye.  Oubyen si sa in ganny fer avek en bi pou avoid en det, ou kapab fer li swa anba Insolvency Act oubyen swa anba en action paulienne anba Code Civil li menm.

E a kont sa dimoun ki’n ganny sa benefis.  So sa se 2 sel fason kot ou kapab retourn en keksoz ki’n ganny donnen pou avoid en det.

Me dan Code li menm li napa nanryen.  E sa se sel 2 landrwa kot mwan mon ti ava ale, si mon ti fer fas a sa problenm.  Mersi.  Aksyon paulienne li toultan i pou marse li.

Akoz si ou kapab montre ki en dimoun in donnen, oubyen vann son propriyete pou li avoid en det, e Lalwa i ase kler, jurisprudence Franse i ase kler lo la.

Ou kapab al, non selman kont ou kreansye, me kont sa third party ki’n benefisye.  Ki i en aksyon ki ase rar.  Akoz ordinerman ou bezwen al zis kont ou kreansye.

Sa third party buyer toultan i ganny proteze.  Me dan en aksyon polyenn nou kapab al kont li.  Donk sa se 2 fason kot ou ti a kapab annan rekour.

 

MR DEPUTY SPEAKER

Mersi Onorab Georges.  AG.

 

THE ATTORNEY GENERAL MR FRANK ALLY

Petet zis mon a very short.  Wi mon dakor avek Onorab Georges.  Me selman when it comes to action paulienne i kapab koz en problenm.

Akoz sa dimoun ki pe gannyen, si i pa’n act in concert, akoz ou bezwen montre the acting in concert between the seller and the buyer pou ou kapab trigger en action paulienne.  Me selman i 2 sityasyon kot ou kapab.  Mersi.

 

MR DEPUTY SPEAKER

Mersi.  Bon, mon sizere nou pran en vot alor lo seksyon 870 ziska 876.  Tou Manm ki an faver?  Eski i annan okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  20 Manm in vot an faver e personn kont.  Mersi.

 

MR DEPUTY SPEAKER

20 Manm an faver, personn kont.  Savedir sa seksyon lo Payment of Debts i ganny aprouve par Lasanble Nasyonal.  Nou a bouz lo prosen seksyon, Partition of Movables.  Onorab Georges.

 

HON BERNARD GEORGES

Mersi Mr Chairman.  Mr Chairman sa osi zis 5 parti ek dan sa pti seksyon.  E sa i dir ler napa immovable property, napa later.  Me i annan zis en movable dan en siksesyon.  Ler in ganny partaze, sa partaz parmi bann zeritye i kapab ganny set aside si i annan duress, setadir ou’n forse, ou’n menase oubyen frod, oubyen lesion.

Kot enn i ganny mwens ki lanmwatye lavaler son par dan aa partaz.  Enn i pran loto, enn i pran bato epi sa enn ki reste i ganny zis en divider sapili.

Alor ou kapab re aranz bann keksoz pou fer, pou fer tou vin byen.  E sa ki sa seksyon i dir, ou pa kapab demann sa enn, sa bann ki’n ganny plis, azout a siksesyon, konman en sipleman, sa ki ou bezwen fer se kas sa partaz e rekonmans, rekonmanse.

E larestan sa seksyon i annan pou fer avek bann prosedir pou fer sa.  Lakour i kapab aret sa prosedir pou evit en pli gro problenm, en pli gran, en nouvo partisyon ki pa, ki pa pou pli byen ki sa enn premye.

E en zeritye ki’n donnen oubyen vann son par dan sa leritaz pa kapab anmenn en case pou kas sa partaz si in, in fer sa transfer apre ki in konnen ki i ti annan en frod oubyen en duress.

Sa se bann 4, 5 Lartik procedural   zis pou eksplike ki mannyer en partaz movables i kapab ganny set aside si i annan en manboulouk ki relate avek frod oubyen duress.  Mersi.

 

MR DEPUTY SPEAKER

Mersi Onorab Georges.  Si nou napa okenn lezot komanter, mon ti a sizere nou pran en vot lo 887 ziska 892.  Tou bann Manm ki an faver?  Eski i annan okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  19 Manm in vot an faver e personn kont.  Mersi.

 

MR DEPUTY SPEAKER

19 an faver, personn kont.  Savedir sa seksyon i ganny aprouve par Lasanble Nasyonal.  Gifts, Inter vivos and Wills.  Onorab Georges, 893.

 

HON BERNARD GORGES

Mersi Mr Chairman.  La nou vin en Lalwa konplike, enteresan up to a point nouvo.  E nou’n fer en separasyon avek bann Lalwa oparavan.

Son heading, Gifts, Inter vivos and Wills, zis pou eksplike,  ler en papa oubyen en manman, oubyen en nenport ki i donn son byen avek son zanfan, i kapab fer li ant enn an 2 fason.

Pandan vivan sa zanfan, oubyen par Testaman apre son lanmor.  Se pou sa rezon ki i dir Gift Inter vivos;-  inter vivos i Laten pou dir entre vivre, antre bann dimoun ki vivan.  Or by will, will natirelman i pran lefe apre en lanmor.

Me nou bezwen konpran son konsep, son konsep se ki ler ou erit en byen avek ou paran i egzakteman parey konmsi ou paran i ti’n donn ou sa byen pandan ki i ti ankor vivan. I annan egzakteman menm lenplikasyon.  I en gift, ou pa merite gannyen, i en keksoz ki ou gannyen akoz, menm si ou pa merite.  Akoz en dimoun in kontan pou donn ou sa.

E sa bann seksyon, sa bann Lartik ki swiv, i komen whether ou ganny sa keksoz pandan lavi, oubyen apre lanmor.

Ler li i ti an 93 i dir ki, sel 2 fason pou en dimoun donn en propriyete, se swa par en gift inter vivos oubyen par en Testaman.

Napa lot fason pou li fer, bezwen fer li dan enn ant sa 2 fason.  En donasyon antre vif, en gift inter vivos, se ler en dimoun i pas propriyete en keksoz an faver en lot dimoun.  E sa lot dimoun i aksepte li.

E zot ava remarke parey nou fek dir taler, ler en zeritye i ganny movable property, i aksepte li direkteman.  Ler i ganny immovable property i aksepte li atraver en egzekiter.  E sa gift ki i irrevocable.  Ou pa kapab vini pli tar e dir, mwan pa, mon oule repran mon later.

Akoz ler mon ti donn ou mon ti annan zis ou.  La ou annan en pti ser ki’n ne, alor mon pou bezwen donn li en bout, ou pa kapab li.  I irrevocable, it’s gone, fini, parey en transfer ater.

Si ou paran in transfer en keksoz lo ou, i pa kapab vini pli tar e dir sorry mon oule re pran mon later.  Amwen ki ou, ou anvi ki i donn, anvi ou donn li.

E en Will i egzakteman parey, me i pou pran lefe o moman ki sa dimoun ki fer li i mor.  En Will napa okenn valer tan ki sa dimoun ki’n fer li pa mor.

I zis ler i mor ki son valer i vini.  E en Will i kapab ganny revoke.  En gift inter vivos pa kapab ganny revoke, me en Will i kapab ganny evoke ziska ler sa dimoun i mor.

I kapab vin kot noter ozordi e fer en Testaman, e les tou keksoz pou son garson Jean-Pierre, e semenn prosenn vini e revoke sa Testaman, e les tou keksoz pou son fiy Julie.  Napa nanryen ki anpes li fer sa.

896 sibstitisyon. Sibstitisyon se ler ou donn en propriyete avek lobligasyon ki sa dimoun ki ou donn i avek pou pas avek en lot, epi pou pas sa avek en lot, epi pou pas sa avek en lot, eksetera.

I en keksoz ase komen.  Bokou dimoun i vini i fer en Testaman i dir mon anvi dan mon Testaman, ki mon zeritye i pas mon later zenerasyon, zenerasyon, sa se zot fraz.

Mon pa anvi ki okenn mon bann zeritye i vann mon byen, akoz sa set en byen fanmir.  I dan nou fanmir depi sent epok.  Mon anvi ki zot gard li e zot pas li zenerasyon, zenerasyon.

Ou pa kapab fer i legalman.  Se pou sa rezon ki bann noter ki fer Testaman i pa met sa koman en kondisyon, akoz i pa kapab.

Me i met sa koman en swe.  Ou kapab fer en swe.  Mon swe se ki ou pa vann.  Me ou zanfan i kapab, enn fwa ki ou’n frenm lizye, pa swiv ou swe.

Me at least se the best that you can do.  Si i annan en provizyon ki dir ki olye en zeritye ganny en byen, sa byen pou al pou en third party.  Sa i ava ganny vwar koman en sibstitisyon.

Koman konmsi ou pe fors sa zeritye pas li a en 3enm dimoun.  E sa i ava, pa valab.  Ou kapab dan en gift inter vivos oubyen dan en Testaman, donn ou propriyete en dimoun, e donn la zwisans en lot.

Sa i valab, e i arive souvan dan bokou ka, sirtou bann msye ler zot, ler zot fer en Testaman e zot propriyeter zot les tou zot byen pou zot zanfan.

Me zot la pwisans pou zot madanm oubyen pou zot partner, pou fer sir ki zanfan pa pou ki kick out zot manman, oubyen zot belmer or whatever pandan son lavi.  Sa i valab.

900;- bann kondisyon ki kont Lalwa, oubyen kot Lord Piblik, i ava ganny ignore, konmsi zot pa ti la.  Alors si ou fer kondisyon dan ou Testaman, ki ou dan ou later ou pe demann ou bann zanfan pou fer en kanabis, sa i pou kont Lord Piblik.

E i pou alor, i pou ganny lir konmkwa sa Clause pa dan ou Testaman.  Larestan i ava reste.

Okenn kondisyon dan en Testaman oubyen dan en gift ki dir ki ou pa kapab vann oubyen ou pa kapab fer nanryen, ou pa kapab alienate, ou pa kapab transfer, ou pa kapab vann en byen.  I pa pou ou valab, amwen ki i annan en zistifikasyon serye ek lezitim.  Mon pa konnen kisisa ki pou kapab fer sa vin serye lezitim.

Me par egzanp ou annan en zeritye ki andikape, e ou dir ki pandan son lavi, sa byen pa pou kapab ganny vann.  Sa i ava en zistifikasyon serye lezitim.

Me pa otherwise.  E i kapab met en kondisyon poudir ki ser, ler sa i arive sa byen i kapab ganny alienated.  En kondisyon ki annan de fwa osi nou vwar dan bann Testaman.

Kot en, sa dimoun ki fer sa Testaman i met en Clause ladan, pou dir si ou al Ankour, pou al konteste sa Testaman, ou napa, ou pa pou ganny nanryen.  Sa i pa byen.

Akoz si i ti byen, si i pa ti void, okenn dimoun ti a kapab kas kontour sirtou ler ou annan rezerv e donn tou keksoz bann dimoun ki pa dan rezerv e dir avek bann ki ou donn mwens ki dan rezerv, si ou al Ankour ou pa pou ganny new rezerv.  Par egzanp, sa set en bann keksoz ki ou pa pou kapab, ou pa pou kapab fer.

901, zis en dimoun ki sain  d’esprit, ki kapab fer en gift oubyen en Testaman normal. E bokou Testaman i ganny kestyonnen, akoz zot in ganny fer par bann dimoun an ekspektasyon zot lanmor.

E  annan de fwa ou vwar i bann zeritye i vin konteste i dir, tou son lavi mon manman in siny avek en lakrwa.  La en sel kou in met pous.

Ou war, bann keksoz koumsa.  Se bann rezon pou dir ki sa dimoun pa ti se lespri.  Tou dimoun i kapab resevwar en gift oubyen en Will, oubyen en gift dan en Will. E en miner pa kapab fer en gift oubyen en Testaman.  Akoz i napa kapasite legal.

906;- pou ou kapab resevwar anba en gift oubyen en gift inter vivos par Testaman, ou bezwen ki ou’n ganny konsevwar ler sa gift in ganny fer, menm si ou pa ankor ne. E pou en, anba en Testaman, fodre ou’n ganny konsevwar o moman kot sa dimoun ki’n fer sa Testaman i mor.  Me solman sa 2 keksoz pa pou pran lefe si ler sa zanfan ki’n ganny konsevwar in ne, i pa vyab;- setadir i mor.  I ne mor dizon, oubyen, oubyen i pa ne.

Sou-lartik 4, si en gift oubyen en gift dan en Testaman in ganny fer pou donn propriyete legal person, setadir en konpanny;-  pa en dimoun, par en dimoun fizik.  E i annan en kondisyon ladan ki dir ki si en tel keksoz i arive, sa propriyete pou pas a en lot dimoun ki pa ti ankor egziste o moman kot sa gift ti ganny fer.

Par egzanp, ou ava, ou ava pas tou ou byen avek tou mon bann zanfan lezitim, ne et  a nãitre  was the phrase ki ou vwar dan bann vye Testaman.

Menm si bann pa ankor, zot pa ankor ne, zot pa ankor konnen si i pou annan, sa kondisyon i ava last pou en peryod 99an selman.  E i pa pou al in perpetuity.

Am I correct here when i say legal person, means a company, or is it, can it also include a physical person?  I am not sure.

 

MR DEPUTY SPEAKER

Professor?  Yes Professor you can.

 

PROFESSOR ANTHONY ANGELO

Mr Chairman, the article three indicates persons  as a natural person.  So where the qualifier is legal, the reference I understand is to an artificial;- a body without a facial legal personality, a company of foundation or the like.  Thank you Mr Chair.

 

MR DEPUTY SPEAKER

Thank you.  Kontinyen Onorab Georges.

 

HON BERNARD GEORGES

Mersi Mr Chair.  Sorry. 

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Chairman.  Mr Chairman when it comes to the, ler i ariv kot Civil Code, the IGPA,  it does not apply? 

So in which case should we, Professor said he thinks –  Is that a confirmation that it means what it says, or, so that it have to be clear.  Because I dont think the IGP applies to the Civil Code. 

 

MR DEPUTY SPEAKER

Mersi.  Professor do you want to elaborate?  Does the IGPA applies to the Civil Code?  Professor whenever you are ready. 

 

PROFESSOR ANTHONY ANGELO

Mr Chair, this probation is a current law given the context to paragraph 4.

 Another, and perhaps more likely, legal reason is the, if there are people still to be born, the distinction would be, perhaps between those with current  legal  personality as distinct from those who are not yet born. 

 And therefore have no legal personality.  Thank you.

 

MR DEPUTY SPEAKER

Thank you Professor.  Eski sa i reponn ou kestyon?  Onorab Pillay.

 

HON SEBASTIEN PILLAY

Thank you Mr Chairman.  Mr Chairman the, our two Lawyers in the Chamber can help me understand this.

 

MR DEPUTY SPEAKER

Petet zis koz en pti pe pli for.  Parske nou pa tann tro byen.

 

HON SEBASTIEN PILLAY

Problenm se mon leren Mr Chairman.

 

MR DEPUTY SPEAKER

Ok, mon konpran ou.

 

HON SEBSTIEN PILLAY

Mr Chairman mon konsern i se ki i annan de lenstans dan lepase kot par egzanp en dimoun in les son propriyete, son keksoz avek legliz, swa en lasosyasyon.

Kestyon ki Onorab Georges ti pe demande, se eski legal person dan sa konteks i mean konpannyen, i mean sa.  Sa ki mon oule konpran se ki i annan en lenterpretasyon legal person anba IGPA.

Eski, mon krwar pa si i aplike la dan sa ka, oubyen eski i aplike la dan sa ka.  What do we mean by a legal person egzakteman la dan sa konteks?

 

MR DEPUTY SPEAKER

Mersi Onorab Pillay.  AG.

 

THE ATTORNEY GENERAL MR FRANK ALLY

Non mon krwar, parey Onorab Pillay in dir e konfirmen par Professor, wi.  IGPA pa apply pou sa code aktyel.  Me i apply only to the Civil Code Act.  Me i annan sa provizyon dan Lartik 4.

Me selman pou reponn ou kestyon legal person,   nou pou refer lo commercial code.  Because commercial code i dekrir lekel sa 4 legal persons.  So nou bezwen servi bann Lalwa ki annan, ki nou dir bann Pari Materia Legislation.

 So i pou annan lasosyasyon, i pou annan en konpanny, i pou annan en partnership.  E anyone, statutory body or whatever. 

So legal person mon krwar i kler;- i pou, a person other than an individual, or a natural person.

 

MR DEPUTY SPEAKER

Ok.  Mersi AG.  Savedir Onorab Georges, ou pozisyon i kler.  Legal persons anba commercial code nou konnen kot i sorti.

 

HON BERNARD GEORGES.

Wi, mon kestyon ti, eski, was this the intention.  Oubyen eski i en keksoz ki Profeser Chloros in mete?  Should it be limited to legal person or not?

E mon’n demann Profeser tyek dan Code Civil pou gete ki son original an Franse ti dir.  Akoz mon pa konpran rezon akoz ki sa pou apply pou zis en legal person e non pa a en personn fizik osi.  That goes my only query. 

 

MR DEPUTY SPEAKER

Mersi Onorab Georges.  Antretan ki zot pe tyek sa, mon a donn Onorab Sandy Arissol laparol.

 

HON SANDY ARISSOL

Mersi Mr Chair.  Mon ti annan zis en pti klarifikasyon Mr Chair, lo pwen 901.  An relasyon avek ‘’only a person of sound mind may make a gift inter vivos or by way’’. 

Eski sa i pe koz pou mwan ki anvi fer sa Will, oubyen sa dimoun kot ou ale, ou fer li er sa Will pou ou?  Par egzanp, eski si demen mwan mon anvi fer mon Will, eski fodre mon ankor for, mon konnen ki mon pe fer, mon’n desann kot sa noter oubyen sa avoka pou li fer sa pou mwan.

Oubyen letan mon lo lili lanmor, zanfan i vini i dir ek ou, dadi be ou ti dir nou fer sa pou ou, alor nou pe demann ou pou sinyen.  So mon ti a kontan en pti pe lesplikasyon lo la, parske mazorite letan, se letan ou lo lili, ou pe ris sa dernyen souf, ki ou gannyen dokiman ki dir ek ou sinyen.  So mon pe zis rod sa pti lesplikasyon an relasyon avek 901.  Mersi.

 

MR DEPUTY SPEAKER

Mersi Onorab.  Onorab George, pandan ki nou pe esper, sa lot seksyon.  Petet ou kapab klarifye sa.

 

HON BERNARD GEORGES

Wi.  Mersi Mr Chair.  Onorab Arissol set en, se sa dimoun ki pe donn sa byen.  Se sa, se sa ki nou apel sa testator.  Se pa sa avoka, oubyen sa noter ki pe fer sa Testaman.  I sa dimoun ki pe donn son byen atraver en Testaman ki fodre is of  sound mind. 

 

MR DEPUTY SPEAKER

Mersi Onorab Georges.  Onorab Hoareau.

 

HON JOHN HOAREAU

Mersi Mr Speaker.  Mr Speaker mon ti kontan si ti annan en leklersisman, lo – ;-par egzanp en dimoun ki ganny en byen atraver en Will.  Me li i napa sa laz legal pou li dispose, pou li fer Will li menm. E i mor avan sa laz legal, ok?  So eski sa propriyete i sivre Lalwa Eritans, i retourn, sepa pou tonton, oubyen tantin, oubyen whatever?  Sey eklersi mwan en pti pe lo la.

 

MR DEPUTY SPEAKER

Mersi.  Onorab Georges eski ou kapab reponn sennla.

 

HON BERNARD GEORGES

Wi Mr Chair.  Si en dimoun i mor pandan son minorite, etandonnen ki i pa kapab fer en Testaman pandan ki en miner, son byen pou devolved atraver bann Lalwa, sa ki nou apel the rules of intestacy.  Setadir sa default ki dan Code Civil.  Si i annan paran, i pou al kot son paran, si i napa paran, i pou al kot son bann siblings.  Si i napa siblings i pou al kot son bann neve nyes, son tonton, tantin, eksetera.

 

MR DEPUTY SPEAKER

Mersi.  Zis avan mon donn AG.  Onorab Mondon eski i lo menm pwen?  Ou annan laparol, Onorab Mondon.  Ok.  AG.

 

THE ATTORNEY GENERAL MR FRANK ALLY

Mersi Mr Chairman.  Mon pou retourn lo Lartik 900.  Mon krwar sa provizyon ki’n mete, akoz ki i annan bann, dan sa provizyon i dir ou ki bann sirkonstans kot ou pa pou kapab fer serten keksoz.

Me i dir avek ou poudir i pa afekte okenn kado, okenn leg ki ganny fer a en legal person.  Let’s say en sosyete, en partnership, en foundation, en konpanny.

Oubyen avek a en dimoun, en endividi.  But they use physical person, anba en lobligasyon pou li set up to the legal person.  Par egzanp mon anvi, mon kit mon propriyete avek Onorab Georges.  Me mon dir ek li koumsa set up a Foundation pou protez lanvironnman.  So sa i pa afekte the legal person.  La mon krwar nou bezwen lir li dan son, o pli wide possible.

I sirtou akoz in servi sa term physical person.  Unless nou sanze, nou met to an individual.  Me selman physical person or endividi i pou mean the same thing.

Anba Interpretation   and General Causes Act, nou servi sa term individual, incudes a natural person – si mon memwar i bon.  Mersi.

 

MR DEPUTY SPEAKER

Mersi AG.  Bon eski nou sanz oubyen nou esper Professor. 

 

PROFESSOR ANTHONY ANGELO

Mr Chair this provision was inserted by Professor Chloros.  So reference to the Code Napoleon, is of now assistance.  The, law that existed till 1976 had only  the paragraph (1).  Not what is here as paragraphs (2) and (3).  Thank you Mr Chair.

 

MR DEPUTY SPEAKER

Thank you Professor.  So tousala i nouvo.  Onorab Georges.

 

HON BERNARD GEORGES

Thank you Mr Chair.  E nou pa’n sanze, nou’n pran li dan Code aktyel pou met li la.  Mersi.

907;- a ward, zot ava rapel nou ti’n vwar ki nou pou nepli servi sa mo minor, nou pou servi sa mo ward, akoz include osi bann dimoun ki’n ganny interdicted, bann adilt.

Me ki anba en lenkonpetans e donk zot in osi ganny enterdi, e lakour in apwent e gardyen pou zot.

Alor enn ant sa 2 dimoun, minor, oubyen bann dimoun ki’n interdicted, pa kapab fer en Testaman oubyen donn zot propriyete a zot gardyen.  Obviously akoz zot gardyen i responsab avek zot.

E si ou ti lese, parey nou tou nou konnen, tou bann propriyete miner ek tou bann propriyete bann dimoun ki’n enterdikte, ti pou ganny donnen avek zot bann gardyen.

E en adilt osi pa kapab fer sa anver en dimoun ki ti son gardyen a en serten moman.  Oubyen si sa, si kont final, son guardianship pa ankor ganny fini.

E sa se pou anpes bann dimoun ki annan en lotorite lo en dimoun pli feb pou egzers sa lotorite kont li.  E nou vwar menm zafer dan lartik 909.

Sa bann dimoun, dokter, sirizyen, health workers, setadir bann ners lopital, farmasi eksetera, ki’n trete en dimoun pandan son dernyen maladi avan i mor.

Oubyen bann pret, oubyen sa avoka ki vin fer sa Testaman lo son lili lanmor, pa kapab erite.  E sa se pou anpes, nou, nou les par antre an tantasyon, ok.  Lala kot i sorti.  Me si zot ganny en larzan pou zot peyman, sa i ok.  I pa kapab les dan ou Testaman oubyen fer en gift.

Okenn dimoun ki Lalwa pa permet li ganny pran anba en Will oubyen en gift, pa kapab ganny li.  Menm si sa i ganny kasyet atraver en Kontra, i ganny degize.  Napa drwa.

 

MR DEPUTY SPEAKER

Onorab Georges zis en moman.  Onorab Pillay.

 

HON SEBASTIEN PILLAY

Mersi Mr Chairman.  2 kestyon, klarifikasyon mon oule klarifye.  903 i dir,’’a minor may not dispose a property.’’  Ok.  I deza dir ou sa.

907 i dir, ‘’A ward may not dispose of property if by Will in favor of the guardian. ‘’ I i dir menm keksoz la non?  Swa akoz nou annan, nou annan, i neseser pou nou annan tou lede ki dir menm keksoz?  Akoz sa ki ou pe sey dir mon se ki 907 i fer, i rekonnet lefe ki i annan en guardian involved.  Is that what you are saying?  Me par egzanp an relasyon avek, avek en carer par egzanp, bann home carer, ki i en nouvo eleman ki’n ganny entrodwi dan nou vokabiler.

Akoz ler sa Lalwa ti an plas, nou ti napa sistenm home carer.  Ozordi nou annan.  So ki nou fer avek sa sityasyon?

 

MR DEPUTY SPEAKER

Mersi.  AG.

 

THE ATTORNEY GENERAL MR FRANK ALLY

Mersi Mr Chairman.  Wi, mon krwar bokou bann, e sirtou si nou pe al, si Lasanble i vot an faver liberte testamanter.

Bokou bann fanmir pou war zot annan serten threats vizavi bann home carers.  Akoz se zot ki look after sa dimoun.  E i annan sa posibilite ki zot kapab ganny sa, zot kapab fer en fason ki sa dimoun i legue  zot bann byen a sa home carer.

Mon krwar si nou fer sa, i pou bezwen en home carer, except where the home carer is is a relative, or is a child. 

Akoz i kapab ou annan en, or nou bezwen met bann degre.  Kot zot kapab annan en home carer ki en relative, me i en, i dan 11enm degre, oubyen dan 25enm degre.

Me selman si ou met li a home carer ki dan en serten degre, ou pa pou kapab legue sa byen.  Petet sa i annan serten valer lo la.  Mersi.

 

MR DEPUTY SPEAKER

Mersi.  Onorab Georges.

 

HON BERNARD GEORGES

Mersi Mr Chair.  Mr Chair pou reponn Onorab premye kestyon Onorab Pillay, 903 minor, mon fek dir ki nou pa pou servi mo minor, nou pou servi mo word.  Epi la nou war i dan 903.  Me i la pou en rezon ekspre.  Se ki sa i le dir ki zis sa minor ki pa kapab fer li.

E sa interdict, sa ward i kapab fer li.  E 907 i dir ki ou pa kapab fer li an faver ou gardyen.  Donk 907 i al dan en lot, i al dan en lot faz premye.  Ou pa kapab fer li ditou, ler ou en miner.  Me si ou en ward, ou pa kapab fer li, an plis an faver ou gardyen.

Mon krwar 907 i focus lo bann dimoun ki kapab resevwar, instead of bann dimoun ki kapab donnen.  Sa set en problenm ki nou vwar bokou dan code.  E nou sey elimin o tan posib sa bann repetisyon.  Akoz ti annan en kantite plis repetisyon, me annan de fwa nou pa kapab fer li e isi la nou’n les li 903 pou, as the general umbrella statement.

E 907 as the statement of en dimoun spesifik ki pa kapab, ki pa kapab ganny propriyete en dimoun ki anba guardianship.

2enm pwen Onorab Pillay, ki Attorney Zeneral in siporte, i vin anba 909.  Kategori dimoun ki pa kapab erite.  Me 909 i zis during the last illness. Ou kapab, mon kapab les tou mon byen pou Dr Jivan ki’n tret mwan tou mon lavi.  Sa ki mon pa kapab fer sa les mon byen pou Dr Jivan ki’n tret mon dan sa dernyen semen avan ki mon mor.

Se sa, se sa mon krwar difikilte ki, difikilte ki nou annan.  So ki mannyer mwan mon toutafe dakor, ki nou bezwen include home carer, akoz i annan en tantasyon.

E nou’n vwar sa in real life ki i annan en tantasyon sirtou pou bann dimoun tousel ki napa bokou zeritye, eksetera.  E nou’n vwar sa tantasyon.  Alor ki mannyer nou pou fer li rantre.  Mon pa krwar ki nou pou kapab fer li antre dan 909(1), ki annan pou fer avek the last illness.  Me nou bezwen fer li koman en leksepsyon, oubyen en adisyon a 909 oubyen a 911.

 

MR DEPUTY SPEAKER

Mersi Onorab Georges.

 

HON BERNARD GEORGES

Oubyen 910.

 

MR DEPUTY SPEAKER

Eski i annan okenn propozisyon dan sa bann seksyon?  Oubyen nou a fer li pli tar?  Onorab Pillay.

 

HON SEBASTIEN PILLAY

Mon ti pe propoze vi ki 910 i vacant, pou ou kapab, akoz sa ki nou pe fer se ki nou pe reponn a en sityasyon ozordi ki egziste.

Akoz i pa zis ki ou annan, ou annan home carer ki pe care.  Ou osi annan en nouvo sistenm ki’n ganny kree.  Kot menm ou annan zanfan ki annan dezabilite, se en manman ki pe okipe.

E sa zanfan i kapab son papa i les li serten byen.  Me akoz i annan serten dezabilite, i annan sa dimoun ki pe care pou li.  So i, nou bezwen prevwar pou sa nouvo konteks ki egzisteSo mon krwar petet si nou met en Clause separe 910, i ava petet reponn a sa sityasyon.

 

MR DEPUTY SPEAKER

Mersi Onorab Pillay.  Petet Onorab Georges i ou kapab.

 

HON BERNARD GEORGES

Yes Mr Chair.  In fact mon ti pou al dir.  I annan enn deza ki Profeser pe drafte.  In demann nou pou li kapab fer li tanto, parey nou ti vwar zis avan break. 

So nou ava demann li fer sa enn osi.  E lentansyon se ki demen avan ki nou break, nou ava retourn lo sa bann nouvo Clause e nou ava vot zot separeman avek ou permisyon e permisyon Vis-Prezidan.

So Professor, 910, will you draft a Clause to prevent home carer from being gifted by inter vivos of by Will.  And will do the same thing as we did, we will look at it tomorrow.  Thank you.

 

MR DEPUTY SPEAKER

Kontinyen Onorab Georges.

 

HON BERNARD GEORGES

Mersi Mr Chairman.  Nou’n ariv 913.  Sa i en, i konpletman diferan.  913 ozordi i en Clause ki i en lartik ki dir ki i en lartik donasyon degize;- annefe, i dir ki ou pa kapab, ou bezwen donn en serten poursantaz oubyen ou bann re, ou bann zeritye rezervater.

Me etandonnen ki nou pe propoze ki nou doorway avek rezerv, 913 in sanz konpletman.  Ozordi, ozordi 913 ki en Lartik ki tou bann Avoka i konnen par ker.  I dir ‘’gifts inter vivos or by Will, shall not exceed one half of the property of the owner.  If he leaves one child, one third if he leaves 2 children.  1 fourth if he leaves 3 or more children. 

Donk sa se lartik rezerv, se Lartik ki donn rezerv. Me nou pe do away avek sa konpletman.  E o kontrer prezan i pe ganny ranplase par en provizyon, akoz napa rezerv, prezan i pe ganny, i pe ganny ranplase par en provizyon.  Akoz napa rezerv.

En provizyon mentenans.  E donk dan 913 i dir, etandonnen ki ou pa bezwen les ou byen avek ou bann zanfan, epi annan rezerv, si, si sa dimoun i mor avek en Testaman, e sa Testaman pa’n fer okenn provizyon pou maintenance, okenn sa bann dimoun dan paragraf (2). Lakour i kapab, si sa dimoun i fer laplikasyon, oubyen si en lot dimoun i fer enn laplikasyon pou zot, fer en provizyon pou sa dimoun atraver sa leritaz.  Ek bann dimoun ki ganny kouver, se survivor of a qualifying relationship;- donk spouse oubyen partner, ek zanfan.  Ek paran sa dimoun ki’n mor.

Donk okenn ant sa 4 kategori dimoun, son spouse, son partner, son zanfan, oubyen son paran ki bezwen en maintenance. E ki pa’n fer okenn provizyon pou zot dan son Testaman, i kapab al ankour e fer Lakour ordonn-en ki zot pou ganny en maintenance.  Sa se sofgard pou re balans provizyon pou pa annan en rezerv.

Si ti annan rezerv ou pa ti pou bezwen fer sa.  Akoz ou ti pou ganny zot rezerv, zot par rezerv.  Ask the question, it’s an important one.

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Mon’n demande why parents of the deceased, surviving spouse and children?  Mon konpran, me can you explain why parents please?

 

MR DEPUTY SPEAKER

Onorab Georges, petet sa zafer the cross and up, non?

 

HON BERNARD GEORGES

Pardon.

 

MR DEPUTY SPEAKER

I annan sa zafer ou al across, anler.

 

HON BERNARD GEORGES

Wi, wi, down, up, across.  Alor ou bezwen kouver tou le 3.  Solman, me se selman bann dimoun who were parey mon’n highlight, wholly or partly dependent on the deceased for maintenance.   Ou war?  Alor en boug i mor, me i ti pe donn en pti pansyon son papa, oubyen son manman.

E san sa pti pansyon, zot pou war zot ankor dan difikilte.  E in les massive property avek pou son menazer.  Or pou parti LDS par egzanp or US.  Oubyen Lanmisyon.  La dan sa ka sa paran pou kapab dir, me gete, donn nou en maintenance back.  Akoz nou bezwen sa pou viv.

Menm zafer pou paran, menm zafer pou zanfan, menm zafer pou spouse, menm zafer pou partner.

 

MR DEPUTY SPEAKER

Mersi Onorab Georges.  Bon, vi ki in ariv midi, e i reste nou probableman en 45 Clause pou nou fini sa seksyon.  Mon sizere ki nou aba break e nou ava tourn 2er apre midi.

Me antretan zis en pti lanons, IAC.  Komite IAC pe zwenn midi edmi dan Committee Room 3.  Alor tou bann Manm IAC zot ganny averti.

Osi anndan sa break pou annan plizyer Manm ki pou bezwen al pran zot vaksen kont measles.  Alor pa bliye, i en, mon’n le attend en pti kou sa briefing taler, i pret enportan.

Zot dir ek mwan poudir menm si ou’n deza gannyen, ou pa asize si ou’n gannyen.  Me si ou pran jab ankor, i pa pou fer ou okenn ditor.

Alor mon ankouraz tou bann ki pa ankor pou al fer i.  E avek sa nou ava retourn dan Staz Lasanble avan nou adjourn.  Mersi Serzan.  Be nou ava adjourn alor ziska 2er apre midi.

 

(BREAK)

 

MR DEPUTY SPEAKER

Bonn apre midi  tou dimoun.  E osi SITE ki dan Gallery.  Nou pou kontiny nou travay Lasanble Nasyonal apre midi lo, dan Staz Komite lo Civil Code.

E mon a demann serzan pou silvouple, pou move Mace, pou nou kontiny travay dan Staz Komite.  Mersi bokou Serzan.

Alor nou pou kontiny nou travay.  Me nou mank nou, nou lead Lawyer e Chairman Bills Committee, Onorab Georges ki pa ankor antre.

Mon pe zis mazinen si i annan en lot dimoun, petet si i kapab lo Bills Committee.  Gid travay.  Si non, nou ava, si non nou a donn detrwa minit ankor pou Onorab Georges zwenn nou, e nou a kapab kontiny sa travay. E i mon konpran byen osi nou ti’n ariv lo seksyon 910.  Mon panse bann Manm Bills Committee e sirtou Onorab Pillay si ou la, vi ki ou la.  Eski ou kapab gid nou.

Mon krwar nou ti’n ariv lo seksyon 910.  Me nou kapab kontiny avek bann larestan clause.  E nou kapab si i annan okenn deba lo bann Clause apre sa.

 

HON SEBASTIEN PILLAY

Mersi Mr Chair.  Mr Chair ki nou kapab fer, mon krwar nou kapab pas threw serten bann Lartik.

Selman nou bezwen cognition of the fact ki lefe ki Onorab Georges in form part sa Komite, i annan en pe plis baz lenformasyon ki i kapab share avek nou.

E lafason ki nou fonksyonnen, nou annan, pou le moman nou annan zis en laptop parey ou konnen, ki ou ti ed nou dernyen fwa pou nou scroll down. 

So i posib Onorab.  Mon war lot kote pe envit mwan Mr Chair, e fer 2enm fwa mon ganny sa lenvitasyon.  Mon kapab reste ler mon vini, oubyen mon fer en sel retournen.

Wi.  Anr, zot bezwen mon, zot oule welcome mon lot kote, ok.  Non mon pou reste la pou le moman Mr Chair, mon krwar mon prefere sa kote.

 

MR DEPUTY SPEAKER

Ok.  Ou prefere reste la.

 

HON SEBASTIEN PILLAY

Wi.  Mon lo sa kote mon ok mwan.

 

MR DEPUTY SPEAKER

Napa problenm.

 

HON SEBASTIEN PILLAY

Nou ava kontinyen.

 

MR DEPUTY SPEAKER

Nou a kontinyen.  Mon krwar nou a les scrolling vin apre.

 

HON SEBASTIEN PILLAY

Ok.

 

MR DEPUTY SPEAKER

Pou le moman pa anpes nou al lo bann pwen, enn par enn.  So Mr Chair, mon pou rely en pe plis lo Profeser.

So mon krwar pou benefis Profeser nou kapab kontiny an Angle.

E bann Manm i kapab fer zot bann komanter an Kreol, e nou ava osi demann AG to step in dan bann sirkonstans kot nou bezwen bann serten bann.

 

MR DEPUTY SPEAKER

Ok.

 

HON SEBASTIEN PILLAY

Serten bann klarifikasyon.  Nou ti’n ariv Mr Chairman, lo seksyon 913 annefe, pa 910.  E ler nou ti’n aret lo 913, nou ti pe koz lo, (quand on parle du loup Mr Chair, voila sa queue).

Mon kontinyen?  Wi.  Mr Chair nou kontinyen avek 913.  So  913 i dir nou, where a person dies intestate.  And the Will of that person does not make adequate provisions for the maintenance of a person referred to in paragraph 2, the court may on application made by any such person or by en third party, on behalf of any such persons, make such provision out of the succession of the deceased of the maintenance of any of all those persons as it thinks fit.’’  Wi, zis mon lir.

Sa ki enportan Mr Chair, se ki nou bezwen konnen si sa i en nouvo provizyon anba nouvo code.  Oubyen si i en existing provision. 

Me sa ki osi enportan se pou regarde si 913 as it stands konmela, i ase oubyen is adequate to deal with the provisions or the application of the law as it relates to it.

Bon nou ava demann AG pou fer serten komanter lo la.  Mersi Mr Chair.

 

MR DEPUTY SPEAKER

Ok.  AG mon a les ou.  Apre Onorab Georges in fini arive.  So mon asire i a kapab kontinyen gid nou.  913, AG.

 

THE ATTORNEY GENERAL MR FRANK ALLY

Mersi Mr Chairman.  Mr Chairman an vi ki Onorab Georges in arive, parske 913 i en Lartik ekstrememan enportan pou sa Civil Code.

Mon krwar i enn bann provizyon ki pou, ki Lasanble pe ganny demande pou sanze.  I pou en sanzman drastik if ever it’s passed dan nou, dan fason ki mannyer siksesyon i pou ganny dil avek dan lefitir. So mon krwar Mr Onorab Georges ti’n konmans eksplike.  I en nouvo provizyon.  Mersi.

 

MR DEPUTY SPEAKER

Mersi AG.  Onorab Georges.

 

HON BERNARD GEORGES

Mersi Mr Chair.  Bonn apre midi Mr Chair.  Mr Chair mon ti a kontan prezant mon apology avek ou e avek Lasanble e avek tou bann dimoun ki pe ekout nou dan  lakour.  Including mwan menm.  Mon ti’n pri dan trafik la kot sa pti lekol maternel o bor Petrol Station.  Trafik ti’n bloke, e nou’n pri la pou en kantite letan.

E mon ti pe ekout ou, sey drag it out pou esper mon antre.  E mon kapab dir ou ki ou’n fer en tre bon travay dan sa domenn.

 

MR DEPUTY SPEAKER

Mersi bokou.

 

HON BERNARD GEORGES

Mr Chair parey nou ti’n dir pli boner, parey Attorney General fek fer nou rapel.  913 i en sanzman konplet.  Vye 913 ki goes all the way back to 1804, Code Napoleon, ti annan rezerv.  E sa rezerv ti’n ganny entrodwi parey mon’n eksplike plizyer fwa.  Dan Lalwa konman en sanzman radikal swivan revolisyon Fransez.

Avan, avan revolisyon e avan Code 1804, premye garson to erit tou bann byen.  Sirtou propriyete.  Tou le zot, tou le zot Manm fanmir pa ti ganny nanryen.  E sa ti apel the rule of primogeniture. La   règle de  la primogéniture.

2enm zanfan ti bezwen al antre dan larme, 3enm ti al antre dan legliz, ti vin en per.  4enm ti al rod son, ti al fer son rises dan bann koloni including Sesel.  Tou bann fiy zot, zot ti bezwen marye, e si zot pa ti marye, zot bezwen antre dan en kouvan, se koumsa ki ti ate.

Apre revolisyon ki ti ganny, ki ti ganny fer lo la baz liberte egalite fraternite, liberte, egalite, fraternite, i ti ganny bann revolisyoner.

Gouvernman Franse ti trouve ki primogeniture pa ti byen.  Ou ti bezwen partaz tou keksoz egalman.  E se pou sa ki zot in fer antre rezerv.  Pou fer sir ki tou bann zanfan i ava ganny en ar egal.  E zot ti kit en poursantaz, depandan lo kantite zanfan ki ti annan.  Ki sa dimoun ti kapab fer sa ki i anvi avek.  Swa lanmwatye, swa en tyer, swa en kar.  Depandan lo konbyen zanfan i ti annan.  Me larestan i ti bezwen les pou son zanfan.  E sa sete anba lrtik 913.

Komite pe propoze ki nou sanz sa konpletman.  Sa ki ti bon nou pe sizere an 1804 an France, i nepli annan okenn nesesite an 2020. E nou pe sizere ki olye annan en rezerv, ki nou les en dimoun, tel parey i kapab fer pandan son vivan, fer parey ler i mor.

En dimoun ki annan en later, nou tou isi dan sa Lasanble or whoever, nou kapab fer sa ki nou anvi avek pandan nou vivan.  Nou kapab vann, nou kapab pran tou nou larzan, al depanse lo madanm, lo diven, lo casino, la lanmizik, sa ki nou kapab fer, nou konpletman lib pou fer sa ki nou anvi avek.

Me ler nou mor, nou bezwen les en par pou nou bann zanfan.  Sel zeritye rezervater se zanfan.  Napa okenn lezot.  E nou, nou pe propoze en sanzman radikal, les dimoun, laliberte, freedom of testation.  Liberte Testaman ter pou zot fer sa ki zot anvi avek zot later oubyen zot byen. Apre zot lanmor tel parey zot kapab fer li pandan zot vivan.  E pou fer sa fodre ou tir sa rezerv.  E se sa ki 913 pe fer.  I tir sa rezerv.

Me 913 i dir, si nou pe tir rezerv, nou bezwen provide pou bann dimoun ki ti pe ganny, ki ti depandan lo sa dimoun ki mor, e ki bezwen kontinyen depann lo li apre son lanmor.

E se pou sa rezon ki nou’n dir, dan sa bann ka, zanfan, paran, partner oubyen spouse, zot kapab al Ankour e dir, nou msye oubyen nou madanm ti pe sonny nou, oubyen nou papa.  N bezwen ankor en pe maintenance.  Alor donn nou sa maintenance.  Akoz prezan nou napa rezerv, nou pa kapab fye lo ganny en porsyon propriyete.

Alor nou bezwen en maintenance.  Sa se lespri.  E sa ki nou pe fer la, zis pou met zot dan en serten konteks, in ganny fer dan enn de pei, kot i annan Code Civil.

An partikilye, dan leta Louisiana Lanmerik, zot in move away from rezerv.  Dan, si mon pa tronpe, Canada, dan Province Quebec, Canada ki annan Code Civil, zot in osi sorti lo rezerv.

Rezerv i ankor egziste La France.  Rezerv i ankor egziste Maurice.  Me dan bann lezot pei ki napa Code Civil, tel parey L’’ Angleterre, Lostrali, New Zealand, Lanmerik.  Napa rezerv, i annan testamentary freedom.  Ou kapab fer sa ki ou anvi avek ou propriyete.

E en dernyen parol Mr Chair. E ki nou ti anvi dir avek dimoun, e ki nou toultan remind dimoun.
Se pa akoz ou tir rezerv, ki tou bann dimoun prezan, pa pou zanmen les en par zot propriyete avek zot zanfan.

Opposite tir rezerv se pa ki tou zanfan pou ganny dezeritye.  E tou dimoun dezormen pou les zot bann byen avek tou bann lezot kalite keksoz sof zot zanfan.

 That’s not what’s going to happened.  La mazorite dimoun, menm dan sa bann landrwa kot napa rezerv, kot i annan testamentary freedom.

La gran mazorite dimoun i les zot byen pou zot zeritye, pou zot zanfan.  Akoz se sa la norm ki nou viv avek.  Me i zis ki i permet ou pa les sa.

Ou kapab fer li si ou anvi, me ou pa bezwen fer li.  Oubyen ou kapab swazir parmi ou bann zanfan, ou kapab les en pe plis pou enn en pe mwens pou en lot.

Ki ou pa kapab fer konmela, akoz ou bezwen gard pou, kit, donn zot tou egalman apard sa ki ou kite disponib.  Donk i permet ou swazir ki mannyer ou byen pou ganny distribye apre ou lanmor.

Donn en pe plis sa enn, donn en pe mwens lot, akoz i pa’n care avek ou, lot in.  Oubyen donn tou sa enn ki’n reste avek ou.  Oubyen donn tou sa enn ki napa nanryen li.  I pa’n marye, personn pa’n fer, zanmen in ganny zanfan, in en vyey fiy la avek ou.

Tandis ki tou lezot in marye in fer zot lakaz, zot in borrow zot larzan, zot in ganny loan ek SHTC, whatever.  Zot byen, i permet ou fer sa.

Ki ou napa drwa fer konmela, ou bezwen ozordi les en par egal parey mon dir a tou ou bann zanfan, sa ki i annan ek sa ki napa.

Donk nou ti anvi entrodwi sa konsep plis laliberte, donn dimoun plis posibilite fer sa ki zot anvi apre zot lanmor.  Sa se filozofi deryer sa sanzman Mr Chair.

 

MR DEPUTY SPEAKER

Mersi Onorab Georges.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mwan mon krwar ki sa i enn bann, bann sanzman fondamantal dan nou Civil Code. 

E mwan personnelman mon welcome sa a bra ouver.  Parey ou konnen, mon’n koz lo leksperyans.  E mon krwar ki an menm tan nou bezwen, letan nou pe regard sa,  pou nou letan nou pe koz lo, lo nou fabrik sosyete, pou nou anmenn sa eleman responsabilite.

Zanfan i bezwen konpran ki poudir zot annan en responsabilite anver zot paran.  Mon krwar ki nou tou nou dakor lo la.  Ou pa kapab ou menm ou oule maltrete ou paran, ou pa byen avek ou paran.  Ou menm ou oule met li kazern, ou menm ou, ou oule fer tou sa bann soufrans avek ou paran.

Me selman zour i frenm lizye ou menm ou premye, lekor pa ankor tire dan lo lili lopital pou anmenn lakaz mor, ou’n fini konmans vin rod ou par.  Nou bezwen fer li kler, ki poudir par ou rod letan ou paran i ankor vivan.  E letan ou paran i ankor vivan ou tret li byen.  E la, spesyalman ki nou dan sa sezon karenm. Nou koman kretyen ki pe pas dan karenm, nou konnen ki poudir komannman ki dir avek nou kontan nou paran, kontan nou manman ek nou paran, ek nou papa. I sel konmandman ki i annan en promes atase avek.  Ou ava viv longman lo later.  Ou ava, ou ava konmsi annan benediksyon ki ava verse lo ou.

Alor, mwan mon krwar ki poudir, parey Onorab Georges in dir, sa pa pe koup nanryen avek bann zanfan.  I pe senpleman dir avek bann zanfan, konport ou byen.   Akoz, akoz nou tou ki la ki paran, nou premye, nou premye tandans se pou nou dir, be letan mon mor, mwan anvi mon zanfan erite.

E nou tou nou travay pou nou zanfan.  Menm la, letan ou zanfan i vin kot ou, papa, dadi, donn mwan en tel keksoz, enn ler nou dir nou pe soutire.  Enn ler manman, manman parfwa ki dir ou, aret soutir sa bann, sa bann zanfan.  Me selman leker zonm anver son zanfan i annan en pti soz.  Leker manman osi tou byensir, i en lot leker ki –

Alor otomatikman nou tandans se pou nou, se pou nou al ver nou zanfan.  Pou ki sa ki nou’n travay, nou kree, pou nou donn nou zanfan.

Me, e alor mon krwar ki, mon krwar ki dan bokou lenstans, menm si sa 913 i rantre, pou annan bokou dimoun ki pa ni pou enterese pou al fer en Testaman.

Akoz i pou dir, be letan mon mor, mon annan mon 3 zanfan, letan mon mor, mon 3 zanfan i ava gannyen.

Me selman petet i, i war ki poudir i kapab annan en pti, enn i pou oule en pe plis, lot, lot, lot i a kapab met keksoz annord.  So lefe ki paran, zot premye latasman se anver zot zanfan.

Mon krwar ki i pou ok.  Me la nou bezwen fer kler.  E mon krwar ki dan sa seksyon, sa nouvo seksyon ki nou pe fer antre, sa nouvo lartik ki nou pe fer rantre, fodre an menm tan osi ki bann dimoun deor i konpran ki poudir, si sa i pou vreman annan lefe, fodre ki ou fer ou Testaman.

Si ou annan zanfan ki pa pe okip ou e ki ou pa anvi ki zot ganny naryen avek ou letan zot mor.  Sanmenm sennla ki pe bat ou, sennla ki pe pous ou ensidswit.

Fodre ki ou fer en Testaman.  Si ou pa fer en Testaman, i retourn ankor parey i ete la, e rezerv i pran plas.  Alor, fodre ki ou fer Testaman.

E mon krwar ki avek sa seksyon, sa lartik ki nou pe fer rantre, i pou bezwen osi annan en ledikasyon pou bann dimoun ki annan propriyete ki annan zanfan, ki annan bann byen.

Pou dir avek zot ki sa tandans, sa nouvo tandans i bezwen enn kot dimoun i fer en Testaman.  E an menm tan osi, i mean mwan, tou resaman mon’n osi pas dan serten leksperyans kot, kot en paran i dir avek mwan, mon annan mon zis en pti bout later.  En pti bout later avek en lakaz lo la.

Be mwan divize, akoz mon annan, mon annan plis ki, mon annan 8 zanfan.  Aprezan ki mon pou fer. Aprezan mwan mon’n dir avek li, mon dir, be premye keksoz, regarde ki mannyer, ki sityasyon ou bann zanfan.  I dir avek mwan, be i annan 7 i ok.

7 zot in debourye zot, sakenn in ganny zot later, zot, i annan sa, sa 8enm la.  Prezan mon dir avek li.  Be dan sa ka, be anmas sa ki la pou sa 8enm, konmsi ou ava fer sir ki tou ou bann zanfan i ok.

E mwan mon krwar ki sa bann kalite refleksyon, se bann refleksyon ki nou bann dimoun i bezwen rantre ladan, pou nou fer sir ki apre nou lanmor, bann zanfan i byen pase.  Me an menm tan osi ki bann zanfan ki ozordi zot manman ek zot papa i ankor vivan, ki zot konn tret zot manman avek zot papa.

Pa bezwen negliz zot paran, e apre sa pou taye, pou vin rod ou par.  Akoz si ou pa tret ou paran byen, ou pou napa okenn par pou ou vin rode.

Alor Mr Speaker, Mr Chairman, mwan mon krwar ki sa sanzman lontan ti’n devret arive.  E mwan mon pou siport sa, 100 poursan, e mon pou demann tou dimoun pou siporte.

Akoz nou annan tou posibilite pou nou kapab ganny sa ki nou paran in, i kit pou nou.  Sa i mon pozisyon.  E mon pa pe pran sa lo okenn pozisyon politik.

Sak dimoun dan nou parti i annan sakenn son fason panse.  Parey mon krwar ki lot kote osi tou lo la, sakenn i ava annan son fason panse.

Be sa i panse Wavel John Charles Ramkalawan.  Sitwayen prive dan repiblik Sesel.  Mersi bokou.

 

MR DEPUTY SPEAKER

Mersi Onorab Ramkalawan.

 

HON SEBASTIEN PILLAY

Mersi Mr Chairman.  Mr Chairman sa lamannman i raise en kestyon enportan.  Ozordi vi ki napa testamentary freedom.  Mon’n come across detrwa case kot i annan lenstans kot Ankour.

En dimoun in anmenn en ka, kot en dimoun in ekrir en Will, e sa lot dimoun in demann prodiksyon sa Will pou vwar ki i annan dan sa Testaman.

Akoz sa dimoun in demann, ki’n demann sa prodiksyon i santi poudir ti annan li en biznes ant sa dimoun ki’n fer sa Will avek son paran.

E i posib ki sa lot dimoun pe, atraver son Will, si ou oule, bypass sa lobligasyon biznes ki i ti annan avek sa premye dimoun e i pe fer en lot keksoz.

I kapab sa dimoun ki pe fer sa Will i pe donn en lot dimoun.  Sa i posib, akoz mon prezimen sa dimoun napa, ozordi nou napa testamentary freedom. 

Me ler ou ganny sa, me ler sa i arive par egzanp.  Eski, mon konnen en will i vin aktiv ler en dimoun i mor.  It’s only when you die, that the will becomes activate.

When you are still alive, the Will is not active, because you are still alive, and for all internal purposes whatever you have is still yours. 

Sa ki enportan pou nou eklersi la.  From en pwennvi legal, e nou annan nide Avoka la.  Eski still par egzanp, meton, mwan mon garson Onorab Georges.

E Onorab Georges in fer en will, e Onorab Georges i avek en menazer, in kit mon manman.  Eski mon kapab demann sa noter oubyen sa Avoka, avek anba en laplikasyon devan Lakour, pou ou prodwir sa will.  I pa en kwen legal sa.

Akoz i en pwen ki souleve avek lefe ki la mon annan sa freedom pou fer sa Testaman oubyen sa will.  Si sa pa en problenm, then mon krwar i ok.  Me si sa i enn bann issue ki nou bezwen konsidere, how do we maintain sa lobligasyon ki mon.  Pa lobligasyon, me sa drwa, pa konnen si en drwa, me sa posibilite pou mwan kapab fer sa ozordi.  Mersi Mr Chair.

 

MR DEPUTY SPEAKER

Mersi Onorab Pillay.  Eski i annan panel.  Oubyen Onorab Georges ki kapab reponn sa kestyon.  Onorab Georges.

 

HON BERNARD GEORGES

Mersi Mr Chair.  Mr Chair larepons kourt se non.  Si en Testaman in ganny fer, sa Testaman pa kapab ganny divulge avek okenn dimoun.  Amwen ki sa dimoun ki’n fer sa Testaman i donn permisyon avan son lanmor.  Akoz sa Testaman pou vin, pou pran lefe zis ler i mor.

Donk ou pa pou zanmen konnen.  E menm ler in mor, dimoun i vin kot nou.  E sa se nou prosedir.  E dir, mon papa in mor, in fer en Testaman isi.  E nou regard dan nou database, nou vwar i annan en Testaman.  Nou tir son copy.  E i dir, eski ou kapab dir mwan ki i annan lo sa Testaman.

Nou pa kapab ni dir li, wi i annan, oubyen non, napa en Testaman.  Unless ki in ganny mansyonnen dan sa Testaman.  Akoz ou pa kapab devwal en sekre.

Me si in ganny mansyonnen dan sa Testaman, la nou kapab dir li wi, les en Testaman.  E nou ava kapab dir ou ki i annan ladan, si zis pou li, nou a dir li imedyatman.

Si i annan lezot dimoun, nou ava dir anmenn x, y, z.  E la a sa moman nou ava divulge sa ki i annan dan sa Testaman. Me en Testaman parey nou pou vwar byento, i kapab ganny fer dan lezot kalite fason.  Bokou dimoun, ler zot vin fer en Testaman kot nou, i demann en copy, e ou donn li en copy.

Ou kapab donn li en copy.  E sa copy i kapab montre avek tou son bann zanfan, son fanmir eksetera.  Oubyen i kapab fer en Testaman li menm holograph kot li.

E kit dan en landrwa safe, ki kapab montre son fanmir, whatever.  Dan sa ka zot kapab ganny akse, dan lezot ka zot pa kapab ganny akse.

Sa se repons a Onorab Pillay.  Mon ti’n mank taler efektivman en parol dan mon lapriyer Mr Chair.  E mon ti’n, mon pa ti’n dir ki bann default provisions ki egziste ozordi, i pou kontinyen egzakteman parey.  Si menm nou tir testamentary freedom.

Setadir si en dimoun pa fer en Testaman, son madanm marye oubyen son partner pou ganny lanmwatye.  Son bann zanfan pou ganny lanmwatye.

Egzakteman parey nou ti vwar yer.  E i pou rod anba, i pou rod anba.  sa pou reste, pa pe sanz ditou sa, i reste egzakteman parey tel kel.

E donk, parey Onorab Leader Lopozisyon i dir, si ou anvi ki ou bann zanfan oubyen ou spouse i ganny lanmwatye ek lanmwatye, pa bezwen fer en Testaman. Akoz tou mannyer zot pou gannyen anba Lalwa.  Se si ou pa anvi sa i arive, ki fodre ou fer en Testaman.

Egzakteman parey ozordi, si ou, si ou anvi ki ou madanm i ganny lanmwatye, ou bann zanfan i ganny lanmwatye, ou pa fer en Testaman.  Be si ou anvi ki ou zanfan i ganny i tou, be ou madanm pa ganny nanryen.

Oubyen ou zanfan i ganny bare ownership e ou madanm i ganny la jouissance, la ou bezwen fer en Testaman.  Akoz i pou diferan from the default.  Oubyen si ou anvi en keksoz spesifik.  Ou anvi en bag i al pou ou premye fir, en zano i al pou ou 2enm fiy ek en sennon i al pou ou 3enm fiy, sa ou bezwen met dan ou Testaman.

Akoz sansan personn pa pou konnen.  Ou bezwen alor fer en Testaman.  Donk, menm ozordi i annan rezon akoz dimoun i fer en Testaman.

Sa ki pou arive, se bann rezon pou apply, sof ki prezan si ou pa anvi tou ou zanfan i ganny ou byen parey the default is, ou pou bezwen fer en Testaman.  Swa pou donn enn plis, swa pou donn enn mwens, swa pou pa donn zot ditou.  Mersi Mr Chair.

 

MR DEPUTY SPEAKER

Mersi Onorab Georges.  Onorab Ghislain.

 

HON CHANTAL GHISLAIN

Mersi Mr Speaker.  Mr Speaker mon annan zis en senp pti kestyon.  Mon konpran sizesyon par egzanp kot si sa paran i, sa enn zanfan ki li in okipe, li kekfwa i ava ganny plis. Be nou bliye osi poudir konmela dan nou sosyete, i lavi toulezour.  Kekfwa i annan en manman ki li i annan 4 zanfan, in marye.

Ladan zis enn sa piti ki pou sa zonm marye.  E i annan sa 4 lezot, sa 3 lezot.  And sa 3 lezot pa zanmen ganny, konmsi zot annan toultan sa diskord antre dan bann fanmir.

Prezan ou vwar zis sa enn ki piti sa msye marye ki la toultan.  And sa msye marye li in toultan pe met presyon e se sa, sa enn ki li i annan son piti ki’n fer avek sa msye, se li ki ganny preski dir tou.

E sa 3 pa gannyen.  Ki mannyer sa 3 zot, zot kapab al prouve, poudir but it was sa zonm konmsi ki pe met sa bann kalite presyon.

And zot in toultan annan the discord avek sa ki zot pa’n aksepte zot boper and all.  Bann keksoz koumsa.  Mersi.

 

MR DEPUTY SPEAKER

Mersi Onorab Ghislain.  Mon panse larepons, se ki sa msye i annan drwa pou li deside lekel ki li i anvi donnen.  E sa drwa i reste.  Onorab Georges.

 

HON BERNARD GEORGES

Presizeman Mr Chair.  I annan 2 facet dan sa kestyon.  Enn se ki si sa 3 zanfan pa zanfan, sa msye.  E se sa msye ki i annan byen, zot pa pou erit nanryen.  Unless ki zot papa, sa, pa zot papa, me sa, zot boper i mor avan zot manman.

Akoz ler i mor, zot manman i pou erit lanmwatye dan par zot boper.  Epi zot, zot pou erit dan lanmwatye zot manman. Kekfwa ou ava eksplik mwan, mon pa’n tro konpran, wi.  Byen zot manman, wi.  2enm vole se sa.  Si byen i pou zot manman, tou le 4 i sipoze ganny egzakteman parey.

Me si sa manman i mor avan sa msye, sa msye i pou erit lanmwatye, e ban zanfan i pou erit lot lanmwatye.  Apre ler sa, ler sa msye i mor, la bann zanfan ki pou li i ava erit en par an plis.  E se sa ki nou pe sey, nou pe sey, nou pe sey evite.  Me sa sanzman, pa pou sanz sityasyon kot presyon i ganny mete.  Presyon i ganny mete ozordi e presyon pou ganny mete, presyon ti ganny mete yer.  Toultan ou pou annan dan serten fanmir, enn ki pli for ki lezot.  E  ki sey met en presyon lo, lo lezot.  Me sa, i pa akoz en keksoz in arive ki otomatikman i annan en presyon.

Sa ki ou bezwen fer se ki ou bezwen al prouve ki i ti annan en mannev pou fer en Testaman anba presyon, whatever.  I pa fasil pou prouve.  I vreman pa fasil pou prouve, sirtou si en Testaman oubyen en dokiman in ganny fer devan en Avoka.  Akoz napa Avoka oubyen noter ki pou al fer manboulouk.  Mon pa krwar, i pa egziste.  E donk zot pou, tou keksoz pou depan lo, eski ou kapab prouve ki sa keksoz in arive.

Me parey mon dir, sa sanzman pa pou sanz nanryen.  E i pou arive, oubyen i pa pou arive, depandan lo sityasyon mannyer i ete.  Me sa ki fodre pa nou bliye, se ki nou bezwen donn en posibilite pou sa enn piti ki’n vey son paran, pou li kapab ganny byen son paran.

E bann ki pa’n asiste, pou zot pa gannyen, si se swe zot paran.   Ou vwar?  Nou bezwen gard sa antet e donn sa posibilite ki ozordi pa egziste.

Akoz ozordi its rezerv i as good as you are, as bad as you are ou pa kapab sanz nanryen.

 

MR DEPUTY SPEAKER

Mersi Onorab Georges.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon’n not larepons ki Onorab Georges in donn nou vizavi en dimoun i anmenn en aplikasyon devan Lakour, pou demann prodiksyon en Testaman, ki kapab konsern en byen ki li i kapab erite, ki en lot dimoun i kapab atraver en Testaman donn en lot dimoun.  I annan en case ki’n pas devan Lakour Siprenm.  E dan sa case Lakour ti ordonn-en ki sa Testaman i ganny prodwi.

Rezon ki mon pe demann sa kestyon, set akoz ou pou annan ou en kategori bann sityasyon kot en dimoun i kapab pe tenir en byen lo behalf en lot dimoun.

E si i pe tenir sa byen lo behalf sa lot dimoun, i kapab sa byen in gannyen atraver desandans lafanmir, en biznes lafanmir.  E all along laranzman i se ki atraver, e Sesel i annan bokou sa bann ka.

All along se tou dimoun in aksepte pou dir se sa dimoun ki pe prezant lafanmir.  Soudennman en sityasyon i kapab sanze e ou kapab war ou dan en lot sirkonstans.

Dan sa ka partikilye, Lakour ti dir ki sa Will i vin en dokiman legal ler sa dimoun i mor.  Alor sa pa nanryen ki anpes son prodiksyon.

Me enn bann konsiderasyon sete ki napa testamentary freedom.  Me ozordi vi ki i annan, ou konpran?

Ki pou arive dan sa subset bann ka an partikilye?  Pou ou avoid ki si en dimoun pe tenir en byen, eski i pou annan, si annan en rekour anba en lot Lalwa, then i pou napa en problenm.

Be si i napa en rekour anba en lot Lalwa.  Parey taler nou’n koz lo fidisyer ki pran larzan dimoun pou envestir.  Nou’n koz lo fidisyer ki pe gard propriyete dimoun dan en sa.

Nou pe koz nou dimoun ki’n ganny, kot ou’n anmas en larzan oubyen a fen dimoun e sa larzan i sipoze al pou en lot dimoun.

 So i annan tout en seri kategori bann case, ki si ou, ou pe fer en Will, en Testaman pou les sa avek en dimoun.  Ki sa dimoun ki li i en interested party i ladan.

Ki mannyer sa dimoun pou kapab fer sa.  Akoz Lakour letan i donn en desizyon, mon krwar ou bezwen rapel sa desizyon.  Akoz zot ti compel en noter pou provide sa way.  So mon pa konnen ki mannyer nou fer fas ek en tel sityasyon.  Mersi.

 

MR DEPUTY SPEAKER

Mersi.  Onorab Georges.

 

HON BERNARD GEORGES

Mersi Mr.  Mon krwar ki sa case si mon pe refer mwan lo menm case ki Onorab pe koz lo la.

I en Testaman in ganny fer, Lakour in compel sa noter pou anmenn sa Testaman.  Pa akoz sa Testaman, pa akoz pou war ki i ti annan dan sa Testaman.  Me i ti en case kot en dimoun ti’n aste en byen, en etranze ti’n aste en byen e i pa ti anvi pas atraver sanksyon.

Alor in aste sa lo non en pret non, be zis an ka ki sa pret non i mor, in fer sa pret non fer en Testaman dan son faver.  Akoz enn bann, enn bann fason ki ou kapab erite isi Sesel, ler ou, ki ou kapab ganny propriyete isi Sesel, ler ou etranze san sanksyon se si ou erit sa propriyete.

So in the event ki sa dimoun i mor, ti ava annan en Testaman, e i ti ava erit sa propriyete, akoz se li ki’n aste, se li ki’n donn larzan, se li ki’n fer.

Alor pou li, en back letter dan en serten sans.  Me prezan ler in ariv Ankour i ti anvi montre ki that was the arrangement.

I ti bezwen anmenn sa noter pou dir, mon’n fer en seri dokiman.  Mon’n fer en gid of trust ki kantmenm i pa, nou napa trust lo, ou’n fer en beneficial ownership. 

Ou’n dir, propriyete i lo ou me on the beneficial owner.  Mon’n fer en Testaman, mon’n fer plizyer keksoz pou prouve ki that was the arrangement.

E se dan sa konteks ki sa Testaman ti ganny prodwi.  Pa neseserman pou montre ki i ti annan ladan, me montre ki i ti part of a Scheme of arrangement to gather around sanction. 

Sa se, sa se, e sa case i ankor Ankour.  E alor nou pa, nou pa kapab tro koz lo la.  Me se pou sa rezon ki sa ti ganny fer dan sa ka.

 

MR DEPUTY SPEAKER

Mersi Onorab Georges.  Mon krwar kestyon sete eski i pou ganny akse avek sa dokiman?

 

HON SEBASTIEN PILLAY

Mon dernyen pwen, se ki nou bezwen pran konsyans ki sa then therefore i raise issue ki ou pe dir.

Kot en dimoun i kapab servi sa sistenm, kot ou fer en Testaman, ou pa konnen kwa ki i annan ladan.  Zisteman pou legues en byen, ki en dimoun otherwise i pou bezwen pas atraver sanksyon pou li gannyen.  E sa Testaman i permet li pou ganny sa byen.  Sa ki pou pas atraver sanksyon.

So se sa ki mon krwar mon pe regarde si legalman pou byennet pei sa i pa pou afekte nou sityasyon.

 

 

MR DEPUTY SPEAKER

Mersi Onorab Pillay.  Sa i deza le ka.  So mon mazinen nou pa’n sanze.

 

HON BERNARD GEORGES

Pa’n sanze.  Konmela ou kapab fer sa.  Ozordi mwan mon kapab les mon lakaz a en etranze.  Si mon mor demen, i vin pou li.  Sa sanzman pa pou sanz sa dan okenn fason.

 

MR DEPUTY SPEAKER

Ok.  Annou kontinyen.  Onorab Georges.

 

HON BERNARD GEORGES

914;- 914 prezan i montre prosedir pou ler ou fer en gift entre vifs pandan, pa by Will, nou pou war Will taler.

I bezwen, i en dokiman ase spesyal ki bezwen ganny fer devan noter;- noter i bezwen gard en original.  Ou pa kapab exclude sa bann kondisyon, oubyen en gift ou kapab fer li by delivery.  Si mon annan en loto, mon anvi donn ou, mon donn ou.  Ler i vin pou ou, i annan en Lartik Code Civil ki dir, ‘’en fait de meubles, possession vaut titre.’’ Alor ou annan en prezonpsyon, ki sa i pou ou eksetera.

932;- en gift, en gift ki ou’n fer i bind sa dimoun ki donn sa keksoz en fwa ki in ganny aksepte dan en fason express.  E i pran lefe depi sa zour ki sa dimoun ki in donn li sa in aksepte sa gift.

933;- in dir ki sa lakseptasyon i kapab ganny fer par sa dimoun, oubyen par, en power of Attorney ki’n donn en lot dimoun pou fer dan son, lo son behalf.

En gift ki ganny fer avek en ward i ava ganny aksepte par son gardyen e non pa par li.  Akoz li i napa konpetans pou aksepte.

En dimoun ki pa konn ekrir i ava aksepte en gift par, atraver en dimoun ki in apwente pou aksepte.  Gift i fini, i parfe ler in ganny aksepte.

939;- si i annan en mortgage lo sa keksoz ki ganny gifted, dokiman i ava bezwen ganny anrezistre.  Akoz obviously sa lot kote ki’n ganny anrezistre.  Transkripsyon i ava ganny fer par gardyen, si sa gift i pou en ward.  Transkripsyon kot Biro Lanrezistreman setadir.

942;-   wards pa pou kapab claim restriksyon sa gift, si i pa’n ganny, si sa transkripsyon pa’n ganny fer.  En gift ou kapab fer zis avek ou propriyete ki ou annan ozordi.  Ou pa kapab donn en propriyete ki ou pa ankor gannyen.

943(2), si ou dir mon pe donn ou en keksoz ki mon pou gannyen demen, i pa valab.  It’s got to be properties that exist.   Si en gift i ganny donnen avek en kondisyon.

Me se selman sa dimoun ki pe donnen ki kapab fulfill sa kondisyon.  Sa i pa, i null.  Akoz i pa vreman en gift inilateral.  Akoz in fer anba en kondisyon ki selman sa dimoun ki pe donnen i kapab deside si sa kondisyon pou ganny ranpli ou non.  Donk sa i, ankor en fwa i obvious.  Tou sa bann Lartik pa ankor, pa’n sanze sa Mr Chair.

947 i enteresan.  Akoz Lartik 1400 nou’n sanze parey nou pou vwar.  Sa bann Lartik ki nou fek vwar, pa apply pou gifts, si en, sa gift i ganny fer anba Lartik, anba en agreement ki’n ganny fer anba Lartik 1400.

Oubyen ki’n ganny fer pandan en maryaz oubyen en relasyon domestik.  E si nou regard lartik 1400 pou konpran lenpak sa keksoz.

Lartik 1400 i nef, e i ‘’Domestic property contracts’’.  Ok?  Prenuptial contract eksetera.

1400;- pou premye fwa nou pe introduce konsep en premarital or pre relationship contract. 

E nou pe dir ki sa 2 dimoun i marye, oubyen zot reste ansanm anba en rezim separasyon propriyete.

E donk tou sa bann keksoz ki nou fek koz lo la, pa pou apply si pou bann keksoz ki deza dan en prenup, oubyen dan en postnup.

949;- ou kapab ler ou fer en gift donn la jouissance sa keksoz en lot dimoun.

Mon’n donn ou, mon donn ou mon loto, me selman en lot dimoun i kapab servi sa loto pou en peryod 1an oubyen pou son lavi.

E bann lezot Lartik i eksplike ki mannyer sa i arive.  Ou kapab stipulate ki, ki ou, ou annan en drwa retour lo sa gift a en, a lanmor sa dimoun ki ou pe donn li.

Ou kapab dir ler i mor sa gift i ava retourn pou ou, zis 1 fwa, zis back to the owner.  En gift i kapab ganny revoke si i annan en kondisyon, e sa kondisyon pa’n ganny fulfill.

Oubyen pou bann rezon lengratitid.  E la ankor, sete n kestyon an relasyon ant paran ek zanfan.  E i ava retourn dan sa ka kot sa dimoun ki’n donnen.

Konmsi i pa ti’n donnen.  E si in ganny proteze or whatever, i ava ganny donnen free san li pou take.  E lengratitid, en pe parey yer ler nou ti vwar.  En gift pa pou kapab ganny revoke pou lengratitid.  Unless sa dimoun ki pe resevwar sa gift in sey touy sa enn ki pe donn li.

Oubyen in fer cruelty oubyen criminal act or serious wrongs.  Oubyen in refiz-e maintain sa dimoun.  E la kot nou ankor enn fwa, pou obliz bann dimoun ki ganny en keksoz, pran en ka avek sa dimoun ki’n donn zot sa keksoz, zeneralman zot paran.

E ou bezwen al Ankour toultan, ou pa kapab zis fer sa lo ou menm.  Si i annan en lengratitid, oubyen si i annan en kondisyon ki pa’n ganny fulfill ou bezwen al Ankour e fer Lakour fer en deklarasyon ki sa gift i ganny revoke pou sa rezon.

Ankor enn fwa fodre ou fer li dan peryod 5an, ki peryod preskripsyon.  Unless ki later, in which case sa peryod i a vin 20an.  Si i annan en transfer ki’n ganny fer en bonne et du forme, lengratitid i tonbe, ou pa bezwen retourn lo la.  Akoz ou’n fer li dan en lot fason.  Vwala Mr Chair.

Sa se bann prosedir pou fer en gift entre vifs, inter vivos.  E la aprezan nou ti’n vwar ki mannyer i kapab ganny fer par Wills, e la prezan next nou pou al get bann diferan kalite Testaman ki kapab ganny fer.

 

MR DEPUTY SPEAKER

Mersi bokou Onorab Georges.  Savedir nou pou pran en vot lo Gifts, Inter vivos and Wills, ki 893-958.  Nou pou pran en vot lo la.  Me Onorab Larue.

 

HON FLORY LARUE

Mr Chair mon ti a kontan en klarifikasyon lo contesting of Wills.  Si sa i dan pou contest en Will.  Lefe ki nou pe donn en dimoun en pouvwar ki li i kapab fer sa Will dapre son lanvi.

Eski i annan propozisyon to contest.

Akoz ou konnen annan ler, avan nou’n koz lo bann dimoun ki bann carers, bann dimoun ki kapab met en dimoun anba duress pou ekrir en Testaman dan en serten form.

E nou konnen Sesel son grander i annan bokou zanfan kekfwa ki viv deor, ouswa diferan dimoun, apre i annan en dimoun ki reste.  Kekfwa si li in servi serten lenfliyans.  Eski i annan en will i kapab ganny contested?  E si i annan klarifikasyon anba sa seksyon?  Mersi.

 

MR DEPUTY SPEAKER

Mersi Onorab Larue.  Eski nou’n deza kouver sa, oubyen?  Oubyen sa i vin anba wills.  Mon krwar i vin anba Wills.  Me nou pran not ou kestyon, me nou ava pran en vot pou le moman, lo 893.  AG.  Ou ti’n lev ou lanmen?

 

THE ATTORNEY GENERAL MR FRANK ALLY

Mr Chairman mersi.  Mon krwar vi ki sa pwen i pou ganny diskite an relasyon avek Wills.  Me selman nou pou diskit Wills an term son form.

Me la mon krwar sa ki Onorab Larue in raise i lo fon.  E le fon i more or less en pti pe anba 913.  Kot i donn sa pouvwar en dimoun pou li fer en Testaman.

E ou kapab konteste en Testaman lo diferan grounds.  Ozordi ou konteste en Testaman baze lo, ou konteste bann dispozisyon ki’n ganny fer par en Testaman baze lo, i annan en, ou’n donn plis dan rezerv ki ou to dwatet donnen.

Oubyen ou’n donn, oubyen kantite disponib.  E sa ki 913, nou pe abandonnen avek adopsyon 913. So ou pou nepli kapab anmenn en case Ankour, pou dir mon’n ganny mwens ki mon ti dwatet gannyen.  Akoz rezerv nepli annan rezerv pou partaze.

Tou, tou byen dan, dan siksesyon en dimoun i lib pou li donn sa ki fer li plezir.  Ou ava konteste si par egzanp ou tonm anba 913, kot ou subject to maintenance. 

E dan Will i pa’n pran kont maintenance.  Alor la prezan ou ava kapab sey vini, pou ou gete si ou pou kapab ganny maintain par sa paran, sa paran.  Apre i annan kontestasyon Will kot ou pou plito demann pou anil sa Will.  Par egzanp si ou santi poudir i annan duress, in annan frod, sa Will i fo.

La ou pou anil sa Will.  Savedir pou napa Will.  I annan diferans ant anil en Will avek konteste son konteni sa Will.  Sa will pou reste li, akoz in ganny egzekite.  Me la lo kote konteste en Will li menm li.  An term pou fer li ganny anile.  Savedir i pa’n zanmen egziste.

Ou pou kapab fer li, depandan ler nou al lo laform will, si en will ki’n ganny fer devan noter, si sa dimoun in vin devan en noter e in vin dir ki i anvi, son swe.  Then i pou difisil pou ou kapab anil en Will, fer devan en noter.  Akoz sa noter i asiz dan son lofis li.

Se sa dimoun ki vin kot li, oubyen en dimoun i dir ek li, vin kot tel dimoun, tel ler, pou ou fer prepar en Will pou sa dimoun.  En kontestasyon lot mannyer, se ki si ou pe dir dan en Will holograph, sa dimoun pa’n ekrir. I pa son lekritir.  E la ou kapab konteste sa Will, an term pou anil sa Will.  Mersi.

 

MR DEPUTY SPEAKER

Mersi AG.  Zis pou Onorab Larue, zis pou lenformasyon, bomaten si mon pa tronpe, ler nou ti pe pas lo seksyon 909, nou ti osi dir pou annan en nouvo 910 ki pou ganny propoze.

Eski mon byen?  Wi.  E petet sa i a kouver en bout.  Parske i ti mansyonn dan son entervansyon la, ou’n mansyonn carers, presyon ki ganny mete, akoz zot ti la o bor.

E 910 ti pou kouver en pti pe zisteman sa size, me i pa ankor ganny drafte.  Me nou a ganny li probableman demen.  Me, si non, mon krwar nou kapab pran en vot lo sa seksyon,  ki 893 ziska 958.  I korek Onorab Georges?  Yap, ok, nou a pran vot.  Tou bann Manm ki an faver?  Eski i annan okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  Bonn apre midi a tous.  Mon’n rikord 22 Manm ki’n vot an faver e personn kont.  Mersi.

 

MR DEPUTY SPEAKER

22 Manm e personn kont.  Savedir sa seksyon in ganny aprouve par Lasanble Nasyonal.  Bon nou pou kontiny avek lot seksyon, ki lo Wills, 967.  Onorab Georges.

 

HON BERNARD GEORGES

Mr Chair Napoleon Premye Lanperer Premye pe vire dan son tonbo Palais De Invalides Paris, akoz nou fek tir son reserv ki i ti’n mete an 1804.

Wills, la nou pou al koz lo bann diferan kalite Wills e son laform e sa seksyon dernyen seksyon anba siksesyon akoz apre sa nou pe al lo Kontra en kantite bann prosedir ase senp pann ganny preski sanze;- in fact pa’n ganny sanze preske ditou sa seksyon ki nou pe al fer la, alor i texto depi letan Napoleon.

967;- en dimoun I kapab donn son propriyete par Testaman swa par noman en

zeritye oubyen par donn son byen avek bann zeritye ki egziste deza, oubyen dan okenn lezot fason ki I deklar son lentansyon tou sa ki en Wills i ete set en deklarasyon en keksoz ki ou anvi fer en gift a en dimoun.

De dimoun pa kapab fer en sel Will dan menm, dokiman menm si zot pe fer bann donasyon resiprok e toultan nou vwar en msye ek en madanm I vin kot nou  e I dir sa msye  i dir mwan mon anvi ler mon mor tou mon byen I al pou mon Madanm e ler mon  Madanm I dir ler mon mor mon anvi tou mon byen I al pou mon msye, zot pa kapab fer en Testaman ansanm sakenn fodre I fer en Testaman e I donn en mirror image enn avek lot.

960 (9) trwa kalite Testaman olograf, otantik oubyen sekre e bann paragraph ki swiv bann lartik ki swiv I ava dir nou ki mannyer zot ete.

En Testaman olograf I valid selman si in ganny ekri konpletman depi komansman ziska lafen date e sinyen par dan lanmen sa dimoun ki pe fer sa Testaman.  Ou pa kapab tipe, ou pa kapab al lo computer apre zis sinyen,  ou pa kapab annan de temwen parey dan lezot pei, ou bezwen ekri dan ou prop lekritir depi konmansman ziska lafen byen date.  That’s called a draft Will e toutafe valab i napa okenn lot form pou fer.  Senpleman sa .

En lot kalite Will se en Will otantik e sa I ganny fer devan en noter sa I ganny tipe e I ganny sinyen e si sa dimoun ki pe siny sa Will pa konn sinyen I ava annan de temwen pou fer sir ki sa dimoun I konnen I ava met son pous I ava met son lakwa or whatever.  Me li osi I napa okenn lot form se sa de fason ki pli komen pou fer en Testaman

E mon poz la Mr Chair pou mwan ranforsi pwen Attorney General en Testaman I kapab ganny konteste swa akoz sa dimoun pa’n sinyen Testaman I en frod, i en fabrikasyon ki’n ganny fer I arrive annefe demen bomaten devan Lakour Siprenm I annan en case egzakteman lo sa pwen kot en Msye pe konteste  Testaman ki son papa in sipoze fer e pe dir ki sa I en fake e in ganny konpletman fer an frod.  Dezyenm fason se ki Testaman  pa swiv enn ant sa de form.

Ou kapab anil en Testaman I pa swiv enn ant sa de form annan de fwa ou pou war en dimoun in tip en Testaman in sinyen in demann de temwen e i dir sa son Testaman it’s not I pa vo sa morso papye lo lekel in ganny ekri i pa en Testaman donk sa sete dezyenm fason.

E trwazyenm fason until now tan ki ti annan reserve sete pou konteste son konteni akoz sa msye ti’n donn tou keksoz son maitresse I pa’n kit nanryen pou son bann zanfan sa ou nepli kapab prezan akoz I annan prezan la liberte testamanter.

971(2) I dir ou ki si sa dimoun I pa konn sinyen oubyen i pa kapab akoz in ganny en aksidan oubyen i nepli annan en lebra parey I arive, I bezwen de temwen avek sa noter oubyen en dezyenm noter pou fer sir ki la sa ki pe ganny fer I byen e I normal e menm si sa dimoun pa kapab met en mark.

Par egzanp en dimoun I kapab perdi tou le de son lanmen I pa kapab met son pou donk I arrive tousala e Code Civil in prevwar tousala.

E en dimoun I dikte son Testaman se pou sa rezon ki tou Testaman ki noter fer I dir the testator has dictated his or her Will as follows e ou, ou bezwen fer li ou bezwen lir avek li pou fer sir ki I konpran, e ou bezwen mete ladan konmkwa ou’n li avek li e in konpran, e in sinyen devan ou.

E ler en dimoun i dir i pa kapab sinyen sa s ii al ladan fodre ou mete ladan konmkwa I pa kapab sinyen e tou sa la bann prosedir Mr Chair I pa’n sanze e sa bann temwen fodre zot menm zot, zot bezwen kapab sinyen pa vo lapenn ou al rod en temwen ki pa kapab sinyen pou vin sertifye, ki en lot dimoun pa kapab sinyen si li menm li I pa kapab, I bezwen anmen ankor de temwen pou dir e ou pa kapab bann spouses pa kapab vin temwen zot Testaman.

976;- secret Wills sase trwazyenm kalite Wills e pou fer en secret Will fodre sa dimoun I fer obligatwarman ou plito zeneralman ou plito obligatwarman akoz i pa pou en Testaman devan noter akoz I pa pou secret I pou bezwen en Testaman olograf ki sa dimoun In ekri e ki in met dan en lanvlop e I sele byen e I ekri en fason lo sa lanvlop pou ou vwar ki sa lanvlop pa kapab ganny ouver I bezwen siny lo son flap dizan oubyen met en seal, oubyen enn sa bann keksoz,  oubyen met en cellotape or whatever pou fer sir ki i sekre.

E tou sala se bann, si sa Testaman sekre I ganny anmen kot en noter prezan pou Noter sof garde sa Noter I fer en memorandum pou konfirmen ki en Testaman sekre ki lo la in ekri ‘’Ceci est le testament  de Sebastien Pillay Manm Honorable de Glacis, Mahe.  Son dat ou a bezwen met sa non sa memorandum eksetera pou ou konnen ki annan ladan

E memorandum en noter I bezwen en memorandum konseketif ler sa prosedir I komanse noter pa fer nanryen I fer sa prosedir ziska lafen e ziska ki in fini siny son memorandum apre sa I ava war en lot kliyan oubyen I ava pran en telefonn oubyen i ava fer en keksoz pandan ki sa i arive I pa kapab fer okenn keksoz ladan.

977;- bann dimoun pa kapab sinyen.

978;- I stating the obvious en dimoun ki pa kapab lir pa kapab fer en Testaman olograf obviously akoz I pa kapab lir I pa pou konnen ki pe ekri.  Me en dimoun ki kapab koze me I kapab I kapab e la ankor I annan bann prosedir mon krwar pa Mr Chair amwens ki ou anvi ouswa oubyen lasanble I anvi ki nou pas lo sa bann detay.

981;- se bann Testaman ki ganny fer par bann dimoun ki dan militer e zeneralman akoz zot in ganny en aksidan shoot dizan zot an kontanplasyon lanmor zot napa letan pou zot pa kapab ekri akoz zot kondisyon lasante zot pa kapab al devan en noter alors sa zot Testaman I kapab ganny pran par en zofisye siperyer avek bann kondisyon ki la.

 

MR DEPUTY SPEAKER

Onorab Georges esper en pti kou.  Hon Pillay ou ti annan en kestyon?

 

HON SEBASTIEN PILLAY

Mersi Mr Chair, mon tann Onorab koz lo diferan form e lo diferan fason Will I annan en keksoz ki, ki’n vin dan mon lespri, eski en Will I kapab an braille can’t it be in braille as well si en dimoun pa vwar kler kip e fer en Will obviously unless ki pou al teste eski, can’t it be read eski nou Lalwa I permet ki en Will dimoun I erit keksoz e I pas sa leritaz lo son zanfan viv dan en sosyete ki koz lo senklizyon, eski sa I posib?  Mersi Mr Chairman.

 

MR DEPUTY SPEAKER

Mersi Onorab petet zis Onorab Georges petet si ou kapab gid nou, eski nou pe sanz okenn keksoz ki deza dan Civil Code? Non, ok petet Onorab Henrie apre Onorab Georges.

 

HON GERVAIS HENRIE

Mersi Mr Chair pou donn mwan la parol lo menm pwen Mr Chair lemonn i evolye e ozordi avek teknolozi mon kapab filme mon lekor ouswa mon fer en audio e I sertifye.  Mwan  donk petet sa ti en moman pou nou osi bouz lalwa avek evolisyon ki nou pe bouz ladan ozordi Mersi.

 

MR DEPUTY SPEAKER

Mersi Onorab Henrie. Onorab Ramkalawan.

 

HON WAVEL RAMKALAWAN

Non, mon pe swiv sa me mon krwar ki pou le moman mon kontan sa propozisyon ki Onorab Pillay I fer akoz ozordi brail pe ganny pli aksepte atraver lemonn e si nou zisteman pe fer sa,  la mon krwar I donn nou en window, en lafnet la pou nou rantre avek en keksoz modern.  E mon sir ki VP I ava kontan kekfwa Sesel I ava premye pei dan Lafrik ki fer sa

Oubyen premye pei dan lemonn ki mon pa konnen ki mannyer keksoz I ete kot en dimoun ki pa vwar kler e ki annan sa konesans sa langaz braille I ava kapab fer son Will an braille, Non ou pa pou kapab fer en Will an sign language akoz zis koman ou’n fini fer ou soz in vini ale, tandis ki braille, braille I ekivalan ek en keksoz ki blan ek nwanr;- en keksoz ki’n ekri.

So, mon ti ava kontan sa lide.  Mon krwar Onorab Pillay pan ase pous son lide I en bon lide e  mwan mon pe ed ou frer pou pous sa lide pou -. I think mon ti ava kontan ou ti ava kapab fer sa lide antre parske la nou fer provizyon pou dan ka en dimoun ki napa lebra, en dimoun ki pa konn lir, en dimoun ki konversan an braille ti ava bon I kapab fer li. Mon konnen ki Onorab Georges pe regarde kot I kapab met li in fini war kot I pou al fer sa antre.

 

MR DEPUTY SPEAKER

Mersi Onorab Ramkalawan Petet Onorab Georges I kapab gid nou Ki bor sa I kapab antre.  Eski I en pratik ki egziste deza ki nou kapab adopte. Onorab Georges?

 

HON BERNARD GEORGES

Mr Chair mon war en problenm ki nou pa ankor tous lo la e ki nou pou arive en pti pe taler.

Ler en dimoun in mor ki’n fer en Testaman son Testaman I bezwen ganny transkrir kot biro lanrezistreman e ou pa pou by kapab transkrir enn ki an braille ou pou bezwen sorti li braille pou vin Latin script.

Wi anfen mon, mwan mo kontan pare ou konnen tou bann keksoz ki modern ki kapab avans nou Pei e kekfwa al en pe pli lwen ki lezot by all means me  vwala sa ti mon rezervasyon.

 

MR DEPUTY SPEAKER

I paret nou tou nou dakor me nou pa ankor ganny sa wording apropriye.  Mon sizere petet sa I keksoz ki Onorab Georges I kapab si I posib trouv letan.

Attorney General?

 

THE ATTORNEY GENERAL MR FRANK ALLY

Mr Chairman mon krwar si nou anvi fer provizyon pou sa, then nou bezwen annan  serten safeguard pou dir ‘’where a person has – i suffer incapacity ki me selman I kapab lir an konpran braille and the notary I kapab pran  dispozisyon bann neseser pou ekri li an normal ,an laten avek nou normal an Angle whatever, e then fer li ganny  translated into or converted into braille.  Akoz i annan bann software now ki ou kapab zis convert li.  Me solman sa noter li i en unknown pou li son kestyon se eski sa ki an braille ek an Angle e prezan li a gete si sa ki in dir ou I fer sans. Mon pa konnen si me I en keksoz ki a kapab ganny provide for.  Mersi.

 

MR DEPUTY SPEAKER

Mersi, Vis-Prezidan ou ti’n lev lanmen.

 

THE VICE-PRESIDENT MR VINCENT MERITON

Wi Mr Chairman, Mr Chair mon krwar nou’n deza pe komans bouz dan sa direksyon akoz ler nou ti konsider lalwa pou akse pou lenformasyon nou’n deza fer referans avek en langaz ki pou kapab ganny lir par en dimoun malgre I annan dezabilite.  Se sa ki nou ti annan koman lentansyon.  e mon krwar nou kapab fer selman osi be I annan bann laspe Teknik, pratik ki bezwen ganny adrese Mersi Mr Chairman

 

MR DEPUTY SPEAKER

Mersi VP. Onorab Pillay apre Onorab Georges.

 

HON SEBASTIEN PILLAY

Mersi Mr Chair. Mr Chair en kantite keksoz ki nou le propoze apre, I bezwen ganny anrezistre.  E mon krwar en keksoz ki nou bezwen pran konsyans se lefe ki ler nou pe sanz konteks testamentory freedom ozordi, bokou zot ki ava dakor ek mwan ki ozordi ki I annan  bokou dimoun ki war zot war zot lekor pe sirkonstans kot dimoun in ganny pe bat latet par en lot dimoun  or advantage taken of.  Ou rankontre bokou serten ka kot en tantin I dir ou sa Msye ti vin kot mwan tel ler, en pti moman in vann en bout son later par anba en pti moman en keksoz in arive

E mon krwar sa ki nou kapab sey fer kot nou kapab fer li annou ferm sa laport pou anpes sa arive.  En dimoun ki pa war kler e pe fer son Testaman I bezwen annan sa loportinite pou kapab lir sa ki’n sipoze son Testaman ki in ekrir

Mon krwar sa I en drwa ki I annan.  So, se pou sa rezon ki mon krwar nou kapab konekte sa transkripsyon avek sa translation into braille ansanm e Rezistrar I ava annan tou le de in storage I ava en fason pou nou revolutionize en pti pe storage of bann dokiman ki ganny anrezistre ki ava ganny anrezistre osi dan en fason ki ava permet bann dimoun ki annan en problem kelkonk pou akse avek sa dokiman – osi ganny akse.

So en dimoun ki pa war kler I kapab ale e fer resers later e vwar serten lenformasyon sa mon pe koz dan long term.  So we can start it now  that’s what mon krwar  I enportan pou nou.

 

MR DEPUTY SPEAKER

Mersi Onorab Pillay. Onorab Georges

 

HON BERNARD GEORGES

Mersi Mr Chair.  Mr Chair si nou pou al dan sa direksyon akoz nou pa osi fer nou lavi senp e dir ki annan e katriyenm fason en Testaman, e sa se en dimoun I fer son Testaman devan de temwen parey tou lezot Pei e that would include in roman script or in braille?

I fer li devan de temwen.  Rezon ki nou’n gard otantik, olograf e Sekre se akoz sa I sorti dan Kod Sivil  me napa okenn rezon pou nou mor avek sa trwa fason.  Nou kapab si nou anvi mansip nou bann dimoun akfer ki fodre  ou fer en Testaman devan noter les en dimoun fer en Testaman download en Testaman lo computer e servi sa koman en template e sinyen devan de temwen.  There’s no problem with that efektivman Annefe sa I pli pratik ki en Testaman olograf ki ou pou ekri depi komansman ziska lafen.

Zis bann Testaman sekre ki aktyelman olograf konmela, akoz en dimoun pa anvi ki ni noter pa konnen ki I pe mete dan son Testaman I anvi gard li sekre.  Otherwise why not allow people to do that dan sa ka si nou pe fer sa nou kapab dir romans script or in braille.  E nou kouver tou lede sof ki I pou bezwen annan de temwen e nou kapab fer en prosedir kot sa Testaman I ava ganny depoze kot en noter ki ava gard li dan son memorandum.

 

MR DEPUTY SPEAKER

Mersi AG.

 

THE ATTORNEY GENERAL MR FRANK ALLY

Mersi Mr Chairman. Mr Chair mwan mon pwen petet avan nou kontinyen lo Will an term form – plis form. Se ki Lo 9743 nou pe dir spouses’ mon war nou pe dir spouses may not be witnesses to the same Will me nou pa eskli bann close relatives.  E mon krwar sa osi e en problenm e sa somebody who’s going to benefit from the Will I pa dwatet en temwen.

E parwa ki arive ki i annan   dimoun I pa pe benefisye anba sa Will li, be son zanfan pou benefisye ouswa li ki pe sponsor kind of the drafting of that Will.  So mon krwar nou devret kit lespri Notaries Act where close relatives should not be a witness.

 E nou ganny sa bokou lo Land Registration Act akoz I pa fer provizyon  Notaries Act pa applies lo Land Registration Act e ou vwar pou dir mon koman en Noter en avoka mon kapab ateste en sinyatir en close relative par egzanp oubyen en manm fanmir pros.  Thank you.

 

MR DEPUTY SPEAKER

Mon krwar sa pwen in deza fer nou’n deza kouver li, me pou nou retourn lo sa size avan eski nou pou bezwen letan pou konsider en diferan draft si Manm I anvi al dan sa direksyon savedir nou sanz sa ki la pou donn lezot opsyon dan prezantasyon  en Will.

 

HON WAVEL RAMKALAWAN

Mr Chairman, mon krwar ki lefe ki nou pe koz lo teknolozi, mon krwar ti ava bon pou nou lefe annou met en pause lo sa ki nou pe koz lo la e parske sa nou kapab fer li koman en amannman dan Civil Code plitar, pou ki nou ava kapab e bann dimoun ki’n fer sa travay zot ava kapab get bann dimoun ki n fer sa travay ava kapab regard tou bann lezot teknolozi modern.

Par egzanp taler Onorab  Henrie I koz lo sign language me  an menm tan osi I annan en lot en video;– mon krwar  Onorab  Henrie menm ki ti mansyonnen en video testament, parske en video testament I posib pou ki ou ava annan dat lo la ou ava annan bann endikasyon.

E  an plis ki sa ou ava annan en video testament I vin pli fasil pou fer avek ou de temwen included dan sa video  tou sa bann keksoz. E dan serten sans I pou vin pli otantik parske ou pou war sa dimoun li menm li pe donn son – So mon krwar I annan bann lezot eleman modernite teknolozik ki ti ava bon plitar nou evoke, pou nou kapab regarde si la pou le moman – ok nou’n eksprim sa bann dezir la pou le moman nou kit li lo sa trwa pou nou kapab bouze dan serten sans.Mon pe propoz sa as a way forward.  Mersi bokou.

E petet Mr Chairman ozordi nou annan en lasosyasyon bann dimoun ki pa war kler dirize par Miss Rosabelle Hoareau kot nou kapab osi demann pou zot pou zot pwennvi pou ki plitar sa I ava kapab ganny enkli ladan, me selman pou le moman annou kit li avek sa trwa. Mersi bokou.

 

MR DEPUTY SPEAKER

Bon dakor. AG ou ti le fer en komanter?

 

THE ATTORNEY GENERAL MR FRANK ALLY

Mersi Mr Chairman, Mr Chairman mon krwar I annan linanimite pou kit li trwa, me selman Onorab Georges ti’n lev en pwen e sirtou sa ki Onorab Ramkalawan in fer resorti about teknolozi.

Lesansyel petet ki an 1800 ti dir i annan trwa form Wills;- enn olograf ou bezwen sinyen, ekri li an antye a la main date sinyen e napa okenn form.  E de en dokiman ki ou fer devan en Noter e lontan se en noter ki ekri pou ou pa ou.

E lot se en Will sekre ozordi avek teknolozi e nou ganny bokou bann sityasyon kot en dimoun I pa anvi ekri, e I annan bokou dimoun ki nepli kapab ekri kind of – zot kapab tipe,  me zot kapab sinyen.

So petet avek teknolozi mon pa konnen si the Assembly I pou mindful pou li ease the process e met parey Onorab Georges in dir e met en katriyenm ki ou kapab fer en Will, ou kapab tipe the whole of your Will me a kondisyon par egzanp ki sak paz I ganny inisyale, ou siny li, ou dat li e ou kit li avek ou.  Akoz lesansyel se ki ou’n sinyen e ou’n dat li akoz dat ki enportan.  Akoz ler Onorab Henrie in fer sa visual e Onorab Ramkalawan the issue I dat akoz avek en Will se dernyen Will  ki valab, so si i annan  kontestasyon ant ler ou fer sa video ou bezwen dir unless  ki annan en kondisyon se ki ou dir ozordi tel dat mon revok tou bann lezot Will ki mon fer ava. n me sa parey Onorab Ramkalawan in dir it’s expedite for the amendment to the Civil Code, ok?  Mersi.

 

MR DEPUTY SPEAKER

Mersi bokou, Onorab Georges gid nou kote nou kontinyen avek sa travay dan sa ka.

 

HON BERNARD GEORGES

Mr Chair, mon krwar sa ki nou ava fer se ki nou ava demann Profeser apre ki nou ava break demen e avan ki nou retournen pou Third Reading or pou kontinyasyon si nou arrive fini demen, I ava kapab propoz sa e nou ava travay lo la e nou kapab pran li avan ki nou fer formal Third Reading, ok?

 

MR DEPUTY SPEAKER

Eski I annan lezot seksyon dan Wills ki ou ti oule kouver?

 

HON BERNARD GEORGES

Wi i annan, e nou pou al vit lo la Mr Chair 980,981 nou ti’n ariv lo la pou bann militer ki zot fer.

982;- bann Will ki ganny fer dan bann arm forces I kontinyen i en prosedir ase regilye e ki dir ki osito ki kominikasyon I ganny re etabli sa Will I ava ganny anmenn kot en Noter I ava fer antre dan son minit

Bann Testaman ki ganny fer, kekfwa la I moman apropriye 985 sa ki lemon pe pas ladan ozordi bann Testaman ki ganny fer dan en landrwa kot tou kominikasyon I ganny enteronp;- akoz I annan en malady kontazyez ki pe fer letour e ki ou pa kapab war en Noter I pa kapab war ou akoz ou annan Coronavirus kote ou pou al fer li .

Testaman I ganny I fer lo en zil ki napa noter si ou Farquhar ou anvi ou Testaman ki mannyer ou kapab fer li ou, kapab fer li devan sa zofisye oubyen sa Manager sa zil.

Si ou fer Testaman 988 abor en baton ou fer li devan Kaptenn oubyen si ou lo en avyon e lide I vini ou bezwen fer en Will lo sa avyon ki mannyer ou pou fer li e la ou fer li dan prezans de temwen ler ou lo en bato naval, 989 – tousala son prosedir ki mannyer I ete.

E ler ou ariv dan premye por sa bato oubyen sa aircraft ki ou bezwen al kot konsil Sesel eksetera.

994;- en Testaman ki in ganny fer obor en avyon oubyen bato I pou valab selman si sa dimoun I mor lo sa bato oubyen sa avyon oubyen 6 mwan avan lafen, akoz ler I debarke fodre I al fer en Testaman parey nou dir an bonne et  du forme sa I zis bann Testaman tanporer akoz en dimoun I bezwen fer en Testaman I napa lot fason pou fer.  Prosedir ankor enn fwa fodre I swiv menm prosedir si pa kapab sinyen ki fodre I fer.

999;- I enportan pou nou popilasyon ki eparpiye eparpiye  en pe partou, en dimoun ki domisilye Sesel me ki i dan en lot pei i kapab fer en Testaman me sous en prive oubyen an akor avek Lalwa sa pei kot i ete.

Donk nou war ki bokou Seselwa ki Australie  or whatever anba Lalwa Australie laba e nou, nou pei parey bokou pei i aksepte ki prensip i a Will validly made in a country will be accepted as valid in Seychelles.  ‘’Alor si in fer selon prosedir laba pa selon prosedir isi I pou ganny aksepte.

Mon pe zis regard 970 -970 ler I met under private signature set en Testaman olograf.

 

MR DEPUTY SPEAKER

Onorab Georges.  AG ti le raise en issue.

 

THE ATTORNEY GENERAL MR FRANK ALLY

Mersi Mr Chairman Mr Chairman mon konnen pou dir lartik 1000 I en lartik ki in poz en pti pe difikilte pou bann dimoun ki enplimant li.

Akoz I annan sa mo declared e normalman I senpleman ganny anrezistre I pa ganny transkrir e ganny pibliye en Will I pa en public document so dan 1000 I dir declared mon pa konnen, so nou pou kontinyen gard sa mo declared?  Or senpleman ler I annan sa Will sa dimoun an posesyon sa Will I present the Will for registration parey tou Will.  Oubyen I bezwen al devan ,akoz nou bezwen konpran en pti pe prosedir.

Si ou annan en olograf Wills ou bezwen prezant li devan en ziz fer en propozisyon dan 107 a judge in chambers rather than a judge  in open court akoz en Will I sekre li I pa  pou tou dimoun war.

E baze lo la sorry en Will olograf ki al devan en Ziz avan.  En Will notarye li sa noter I pran sa Will li menm li I ale I al anrezistre, me en Will ki ganny fer aletranze I dir it shall be only if declared and registered unless ki ou declared I kler pou dir ou zis  deklare;- ou fer en deklarasyon pou dir this Will has been executed out of the country and therefore – mon krwar sa mo ‘’declared ‘’I kapab, needs a bit of clarification pou la pratik.

 

MR DEPUTY SPEAKER

Mersi AG.  Onorab Georges, eski sa I a form parti lamannman ki pe ganny propoze.

 

HON BERNARD GEORGES

Nou a fer li la Mr Chair annefe nou vir bwe nou’n koup 1000 nou kit trwa figures deryer nou pran fer 4the end is in sight Mr Chair. Nou annan zis 1200 lartik devan nou. Nou’n fer 999 wi.  Annou cope deal avek sa la – Wills made abroad, ler ou fer en Testaman deor ki annan ki deal avek propriyete Sesel fodre ou transkrir li kot Biro Lanrezistreman pou zot konnen e fer en note dan sa repertoire ouswa dan sa land register an kestyon.  Mersi.

 

MR DEPUTY SPEAKER

En moman AG ou ti le klarifye?

 

THE ATTORNEY GENERAL MR FRANK ALLY

Onorab Georges I dir transkrir anba MRA Mortgage Registration Act ou anrezistre me ou pa transkrir.  A Will is never transcribed, non.  En will I en secret document I pa for public consumption anba MRA I dir ou en Will has to be registered within three months of the death of the testator. And registered – I ganny met dan rezis me I pa ganny transkrir akoz I pa pou piblik li.  And this is why you have an executor who goes out and be appointed as executor.  Mon konnen pou dir dan le pase nou transkrir Will me ler ou get MRA Mortgage And Registration Act I pa pou transkripsyon. Non Madanm Pierre Registrar General.

 

MR DEPUTY SPEAKER

Mersi Onorab Georges.

 

HON BERNARD GEORGES

Annou pa al, nou pa bezwen al dan transcription Mr Chair me solman mon konpran dakor ki declared and I redundant.  If registered at the office of the Registrar General mon krwar I sifizaman I sifizan following appointment of an executor by the court.  E si sa I ok nou bouze. 1001 –

 

MR DEPUTY SPEAKER

Vi ki nou’n ariv lo 1001 e I 3.28 eski nou kapab petet break nou a tourn 4er? Bon nou ava adjourn e nou a retournen 4er.

 

                     (BREAK)

 

MR DEPUTY SPEAKER

Bonn apre midi tou Manm Onorab.  Bonn apre midi VP e tou bann Manm lo panel tou dimoun ki pe swiv nou, nou kontinyen avek nou travay lo Civil Code.  Nou ankor dan Staz Komite e nou ti’n zis desot seksyon 1000.  Onorab Ramkalawan.

 

HON WAVEL RAMKALAWAN

Mr Speaker avan nou kontinyen mon krwar ki I ti ava vreman apropriye pou nou koman en Lasanble Nasyonal, pou nou anvoy en mesaz solidarite pour tou nou bann Seselwa ki pe viv an Itali lo tou nouvel tou bann endikasyon pe montre nou pou dir Itali I dan en sityasyon lockdown kot bann dimoun pa kapab bouze libreman, e poudir dir I annan en gran lafreyer pou sa coronavirus.

 E nou konnen pou dir an premye lye nou annan en kantite Seselwa ki viv an Itali ki’n etabli an Itali e mesaz ki nou pe gannyen se ki I annan bokou lafreyer parmi zot e menm letan zot pe mazin vizit zot fanmir isi Sesel sa osi tou I vin en problenm

Alors mon krwar ki dan milye tou sa sityasyon kot bann e non selman lo kote tourizm kot nou pei pe ganny afekte pa eski bann touris ki sorti Itali pa pe kapab vin Sesel e sa pou annan en lenpak lo nou lekonomi.

Me pli enportan mon krwar i enportan pou nou koman en  Lasanble Nasyonal atraver ou pou anvoy en mesaz nou annan  en Anbasader ki kouver Lerop e ki alor I kouver Itali ki en mesaz I ava kapab ariv kot nou bann Seselwa an Itali, pou dir ki nou dan Lasanble Nasyonal nou annan en konsern pou zot, e nou debout e solider avek zot.

E la Mr Speaker mon zis mazin letan nou ti annan nou de etidyan ki ti ankor Wuhan nou ti war lenkyetid bann paran nou ti war ki mannyer ti annan n sa solidarite an menm tan.  Alor mon ti ava demande ki nou Lasanble Nasyonal, I pas en mesaz solidarite pou dir ki dan sa moman difisil dan sa moman lenkyetid nou pe mazin zot.  E byensir sa mesaz i ava osi bann Seselwa isi ki annan zot fanmir an Itali zot a kapab tande pou dir nou dan Lasanble pou zot isi ki reste Sesel e ki nou annan en panse pou zot e nou swete e nou priye pou ki sa sityasyon COVID-19 i ava pase o pli vit posib e i ki zot ava kapab repran zot lavi normal. Mersi bokou, Mr Chairman.

 

MR DEPUTY SPEAKER

Mersi Onorab Ramkalawan byensir mon osi mon ti ava kontan lo la par Lasanble Nasyonal dir avek tou bann Seselwa anfen tou dimoun ki Itali e lezot Pei dan lemonn e sirtou nou pe koz lo Itali ki dan lockdown ki nou solider avek zot, nou senpatiz avek zot dan sa moman difisil ki zot pe pase.   E byensir mon ava pas sa mesaz avek nou Anbasader ki reprezant Sesel an Itali e ki byento sityasyon esperon a retourn normal e ki nou osi nou ava kapab resevwar Italyen bann seselwa ki laba e ki Seselwa ki isi i ava kapab voyaz dan sa bann pei dan en fason normal.  Mersi bokou.  Onorab Pillay.

 

HON SEBASTIEN PILLAY

Mersi Mr Chair, nou konnen ki Lendi apre ki nou diskite dan ABC ki ti pou annan sa semen prosenn pou annan sa PNQ ki ti pou zisteman adres serten size otour sa.

Me i enportan vi ki nou’n war serten eskalasyon lo nivo enternasyonal i enportan koman en lasanble e sa ki nou pe fer nou pe lans en mesaz ki nou an solidarite koman en pei, e nou met tou nou bann divizyon tou nou bann diferans de kote pou nou solider ozordi nou pe solider avek nou bann dimoun ki Italy si oule pep Italyen, ki pou nou i annan lenportans ekonomik enportan.

Me osi ou bann frer e ser kouzen, kouzin, tantin ,tonton ki trouv zot lekor L’Angleterre, La France e menm Lanmerik bann lezot Pei kot pe komans annan serten dekalaz, serten lanfaz ganny mete lo serten restriksyon an sa ki konsern sa devlopman ek sa kestyon COVID-19 e nou fer zot konpran ki zot dan nou lapriyer e ki nou swete ki byento avek zefor ki lemonn pe mete e gerizon oubyen en solisyon pou sa problenm i ava kapab trouve e ki nou tou nou ava kapab   met sa deryer nou e kontinyen avek nou lavi. Mersi Mr Speaker.

 

MR DEPUTY SPEAKER

Mersi Onorab Pillay.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker anvi ki ou’n mansyonnen ki i annan enn nou Anbasader Lerop mon ti ava kontan zis met lanfaz lo lefe ki i annan en kominikasyon tou le zour ki pe pran plas ant kapital avek nou bann misyon a aletranze pou kapab reste a zour avek bann devlopman e osi gete ki bann aksyon ki nou kapab fer viz a vi bann Seselwa ki aletranze.

Ler nou ti pe retir nou bann de etidyan Wuhan mon krwar ti annan en travay formidab ki ti ganny fer ant kapital avek Anbasader, nou anbasader la Chine, Beijing avek nou Anbasader Paris ki ti kapab annan en travay 24 lo 24 ki finalman nou de etidyan in tournen.

I osi annan bann kominikasyon ki pe pran plas Minister Ledikasyon partikilyerman ANHRD ki pe regarde ki mannyer nou bann etidyan ki aletranze pe viv e ki mannyer nou kapab donn zot sa soutyen.  E mon krwar sa ki enportan se ki mannyer nou menm nou pran sa responsabilite nou prop lasante atraver egzorsis bann lizyenn de baz ki nou fer toultan e mon krwar i en keksoz ki pe pran plas

Ozordi avan ki monn vin isi dan lasanble monn vwar en lekip lasante ki’n vin anler State House pou donn en kont randi lo bann zefor ki pe ganny fer Nasyonal ki konsern preparasyon kot i konsern sansibilizasyon si nou kontinyen protez nou Seselwa isi aletranze isi lo Gouvernman i lo bann sitwayen e tou bann ki kapab zwe en rol pou kapab adres sa defi Nasyonal ki osi annan en retonbe enternasyonal.

Nou konnen wi ki marse i en gran marse 27000 touris lannen pase, nou ti rikorde so i pou annan en retonbe negativ nou pou rikorde.  E nou aziste e lezot pei osi ne solman nou priye nou osi ki kominote syantifik ek medikal i kapab ansanm avek bann Lotorite i kapab trouv en solisyon pou sa fleo ki menas sirvi lemonn an zeneral ozordi. So  mon kontan ki nou kapab fer entel deklarasyon ki ava nou tou met zepol ansanm protez nou Seselwa isi aletranze. Mersi Mr Speaker.

 

MR DEPUTY SPEAKER

Mersi bokou VP Meriton. Bon nou ava kontinyen avek nou travay Onorab Georges si ou ava gid nou.

 

HON BERNARD GEORGES

Mersi Mr Speaker. Mr speaker nou ti’n fini avek lartik 1000 e nou pran 1001 ki reprodwi en lide ki nou pe regarde depi taler se ta dir ki en Testaman ki pa comply avek sa bann form ki nou mansyonnen i napa okenn valer.

Apre 1002 i komans koz lo ki si sa ki en dimoun i kapab dispoze i kapab, son dispozisyon i kapab iniversel setadir i donn tou sa ki annan oubyen par tit iniversel setadir bann keksoz, tou sa ki annan me i annan en tit.

Ou byen par, i donn en par i pa bezwen donn tou, son byen i kapab donn zis en par Testaman me zeneralman i donn tou.

Me i annan i posib ki en dimoun i vin kot ou e i fer en Testaman i les tou son keksoz dapre lalwa dapre Code Civil by intestacy e son Testaman i zis dir ki mon anvi dir ki mon bag maryaz i al pou mon premye fiy mon sennon avek meday la Ste Vierge i al pou mon dezyenm fiy ek en zano i al pou en trwazyenm, se tou.  I les larestan e sa sete en legacy by particular legacies.  Alors i les le res pou ganny dispoze dapre Lalwa napa nanryen ki anpes li fer sa

1007 parey in ganny dir taler en Olograf Will  setadir enn ki’n ganny ekri konpletman par sa dimoun avan ki i pran lefe avan i ganny egzekite i bezwen ganny amenn devan lakour en ziz lakour e sa Ziz si sa Testaman i dan en lanvlop i ouver li e i ava fer en rapor pou eksplike ki annan  ladan e i fer en memorándum e i ava  deside kote sa Testaman pou depoze.

E i fer sa Mr Speaker sa i neseser pou fer sir ki sa Testaman ki ganny ekri e i pa en Testaman devan noter ou pa konn son provenans ou pan konn son lotantikite, alor sa se pou en ziz kapab donn the stamp of approval poudir mon’n vwar sa Testaman i byen, i paret normal e i ganny depoze dan bann archive tel ou tel noter.

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Chair.  Mr Chair i annan en pwen ki ti ganny souleve taler  kot i koz whether to judge in open court or judge in chambers.  Sirtou an ki konsern en secret Will, so eski nou bezwen fer sa la oubyen nou fer li -? Mersi Mr Chair.

 

MR DEPUTY SPEAKER

Mersi.  Onorab Georges.

 

HON BERNARD GEORGES

Nou’n fini fer Mr Chair, nou’n  met li lo board  annefe Onorab Attorney Zeneral ti annan rezon in any event i ganny fer par judge in chambers – malgre ki Lalwa toultan i dir judge in court i toultan ganny pran in Chambers.  Alor mon krwar pa i annan okenn problenm pou nou met by judge in Chambers e sa se pou inikman Testaman olograf.

Sa bann lartik ki swiv pann annan gran sanzman e napa gran lenplikasyon so avek zot permisyon mon pou al tre vit lo la e sa i dir ki mannyer ou pou pey bann det, ki sis a en legacy by universal title, e se bann keksoz nou’n deza vwar ki si sa ki en testator i kapab donnen ler i annan zis moveable property, zot pran li as of right parey  nou pe vwar depi en pe letan.  Me ler i annan moveable or immovable property 10, 11 (2) ou bezwen apwent ou bezwen apwent en egzekiter.

Pure and simple legacy i donn sa dimoun draw propriyete tou sa la se bann keksoz obvious be ki ganny met dan lalwa pou ki dimoun i konn egzakteman ki zot drwa ki zot devwar, me napa nanryen la ki’n sanze e napa nanryen frankly ki konsern en endividi other than bann avoka bann Ziz ki pe travay dan sa zafer siksesyon napa okenn lentere piblik e napa okenn lentere legal non pli akoz se bann lareg sikses oral.

Mon pe al ladan pou mwan ariv lartik 1025 ki enportan, 1025 se en lentrodiksyon Profeser Chloros  ler i annan en immoveable property ki ganny lese swa atraver en Testaman oubyen a atraver Lalwa  Intestacy en Egzekiter  i bezwen ganny apwente e lartik 1025 i dir ki en dimoun ki pe les en byen deryer pou son zeritye i kapab apwent enn, de, oubyen trwa  egzekiter  e sa egzekiter  i bezwen swiv serten lareg e nou ava war lo board sa i pou dan curaterlac pe ganny amande e son pouvwar ek son responsabilite i personnel i pa kapab transmet li. Si i pa anvi azir en lot Egzekiter  i bezwen ganny apwente dan son plas.

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Chair, Mr Chair ti annan en lot pwen ki ti komans time diskisyon lo la sa dimoun ki ganny apwente koman Egzekiter so i annan so piblikasyon e apre i annan fer ki sa dimoun i apwent en Egzekiter i anrezistre sa se si par egzanp sa Egzekiter ki pe deal avek en propriyete ki obor pou mwan, i pli fasil pou mwan konnen kot mon pou ale si konsern en pye dibwa or whatever keksoz.  So eski sa i en keksoz ki nou kapab entrodwi la as well pou fer ki Rezistrar Lakour Siprenm i fer ki i ava annan en lanrezistreman kot Registrar Zeneral ki montre lekel sa Egzekiter ava ganny pibliye dan official gazette konmkwa sa dimoun i egzekiter pou tel estate or i pe fer en sel fonksyon. Mersi Mr Chairman.

 

MR DEPUTY SPEAKER

Mersi Onorab Georges.

 

HON BERNARD GEORGES

Mersi Mr Chair efektivman Attorney General ti’n soulev sa e i en tre bon propozisyon pou ki tou dimoun i konnen lekel bann Egzekiter  ki sa dan en serten fason i ganny pibliye e i ganny gazete eski avek ou permisyon eski mon kapab anvoy sa boul lo Professor?  Professor Attorney General propose I think it has universal acceptance, that the executor when appointed will be registered and the registration gazetted so that there is wide dissemination of appointments ,do we enter this here or will be this in the Curatelle Act?

 

MR DEPUTY SPEAKER

Professor.

 

PROFESSOR  ANTHONY ANGELO

My understanding was that it will be it would be an addition in the current at the relevant point, that was what I was planning to prepare but it could be in either. Thank you, Mr Chair.

 

MR DEPUTY SPEAKER

Thank you.  Onorab Georges.

 

HON BERNARD GEORGES

Mersi Mr Chair e alor Profeser i ava fer en draft e i ava fer li antre e nou ava regard li ler nou retournen lo, pou Third Reading. Mersi.

Lartik 1027 an alan atribisyon ek bann pouvwar Egzekiter.   E 1027(i) i enportan en egzekiter   i bezwen fer en lenvanter siksesyon i bezwen pey det siksesyon, i bezwen distribye sa ki reste apre ki in pey bann det an akor avek swa Code Civil the rule of intestacy or sa will ki dir li ki fodre fer e sa se en lartik tre enportan ki texto dan nou code ozordi e ki entrodiksyon Professor Chloros e i donn  egzakteman ki pouvwar en egzekiter  i bezwen fer.

E tou egzekiter  i bezwen swiv sa trwa keksoz.  I fer en levanter, i pey bann det e tou sa ki reste i distribye swa an akor avek sa Testaman e si napa Testaman an akor avek bann rules isi;- lanmwatye pou spouse – lanmwatye pou bann zanfan parey nou ti vwar yer.

I bezwen pey tou bann det sa siksesyon e en egzekiter parey en fidisyer i en egzekiter i annan menm pouvwar ki en fidisyer i bezwen manage sa propriyete dan en fason prop e business like.

I bezwen swiv bann direksyon bann zeritye e annou pa bliye en Egzekiter i azir ler i annan zeritye ler i annan co– propriyete akoz en dimoun in mor e en fidisyer i kot propriyete avan ki en dimoun i mor i bezwen donn, rann kont e i bezwen reprezant sa siksesyon ankour si i annan okenn keksoz e ankor enn fwa si i annan en stipilasyon dan sa lapwentman pou exclude okenn sa bann lobligasyon sa i pou null. 1029 en egzekiter i kapab donn en resi.

 

MR DEPUTY SPEAKER

En pti moman Onorab Georges.  Onorab Larue.

 

HON FLORY LARUE

Mersi Mr Chair, Mr Chair in relation to 1027, enn letan i dir ki en egzekiter i bezwen fer levanter bann keksoz ki i bezwen fer eski i annan en time delay lefe ki i annan serten keksoz ki time bar parey ki time bar parey ler en dimoun i al rod son sikseyon leritaz, i bezwen within en period of time vini fer serten keksoz eski li sa egzekiter li i annan en time limit ki i bezwen ranpli son responsabilite. Mersi.

 

MR DEPUTY SPEAKER

Mersi.  Onorab Georges, eski i ganny kouver anba 1028 petet?

 

HON BERNARD GEORGES

Yes and no.  I menm problenm avek fidisyer si i tro tarde i annan en pouvwar ki ban zeritye i kapab tir li e apwent en loz egzekiter oubyen si i tro tarde e i fer ki siksesyon i perdi en keksoz i personnelman responsab.  Alor ou kapab fer li peye pou son mankman i reste koman i annan en responsabilite anver bann zeritye.

Me napa en time limit fix e sa se en keksoz ki nou pe regarde atraver lamannman Curatelle Act pou fer sir ki Curator of Vacant Estate ki pou ganny apwente pou annan en droit de regard lo co-ownership e osi lo zeritye i ava kapab enpoz en serten time limits.

Nou tin mazinen ler nou ti pe revwar pou dir let’s do it within two years at least ou konnen i bezwen fini dan 2an me i annan serten ki ou pa pou kapab fini dan 2an, akoz i tro konpleks ou bezwen al rod zeritye en pe partou or whatever, alors me noun prefere les li pli vag me annan sa droit de regard par curator of vacant estates lo sa lofis egzekiter.

 

MR DEPUTY SPEAKER

Onorab Pillay.

 

HON SEBASTIEN PILLAY

Me en pwen ki’n ganny souleve se ki ou’n dir ki si sa egzekiter pa fer son louvraz oubyen i pou vin liaible pou okenn loss, pert ki sa, enn sa zeritye i gannyen

Admeton ki enn sa egzekiter i pa form parti sa siksesyon i en dimoun an deor ki kapab ganny apwente, e i zisteman fer sa me i en dimoun ki deklar son lekor insolvent apre.  So ki mannyer sa dimoun ki li ki’n perdi atraver sa siksesyon pou kapab recoup sa ki in perdi?  Unless i annan en proviso ki kouver sa eleman eski sa ki nou pou fer dan Curatelle Act  pou ase pou kouver sa oubyen an pratik ki mannyer i arive sa? Mersi.

 

MR DEPUTY SPEAKER

Mersi Onorab Pillay. Eski nou anvi al dan Curatelle Act  la oubyen annan ou sey adres li pou gete sa ki egziste ozordi avek sa ki nou prepoze i annan okenn amelyorasyon, setou. Onorab Georges.

 

HON BERNARD GEORGES

Mr Chair ankor enn fwa wi e non.  Si nou regard lartik 1030 ki lo board, ki lo screen  1030(1)i dir tan ki en egzekiter  i azir dan fason proper, i pa pou kapab ganny i pa pou responsab  pou okenn pert me 1030(4) i difisil pou responsab pou okenn domaz, okenn loss unless i kapab montre ki in azir with reasonable care pran en lasirans pou kouver li. Donk  i annan en lobligasyon lo egzekiter pa la son job i ase enportan, e i annan en responsabilite vizavi sa bann dimoun ki reprezante pou fer sir zot pa perdi.  O kontrer  ki bezwen maximize zot lentere.

Donk se pou sa rezon ki annan en provizyon pou dir ki egzekiter  i kapab ganny peye pou son travay, akoz i pa en travay fasil dan bokou ka, me tan ki ou kapab montre ki  si in ariv en insolvency parey Onorab Pillay i demande e ou montre ki i ti en keksoz ki ti inevitab e ki ou pa’n kapab avoid egzekiter  pa pou responsab, me si i ti en en keksoz ki i ti’n devret prevwar e i tin kapab avoid, la i pou responsab anver sa bann zeritye pou son mankman.

 

MR DEPUTY SPEAKER

Onorab Larue.

 

HON FLORY LARUE

Mr Chair en klarifikasyon mon pa konnen ki seksyon i ete solman at the beginning en zanfan ki pe claim leritaz i annan li en peryod letan ki bezwen vin claim son leritaz;- mon krwar letan i 1an something like that lefe ki en zanfan i ganny time bar pou li vin claim sa akoz ki li en egzekiter li i napa en time bar?

Konmsi lezot keksoz ki restrikte en dimoun pou li ganny akse ek en keksoz ki legally his i ganny mete koman en restriksyon dan Civil Code me selman en egzekiter ki bezwen egzekit en travay pou en group dimoun i napa en terminan letan ki fer ki bezwen konplet sa travay sa ki fer mon pe sey regarde.  Mersi.

 

 

MR DEPUTY SPEAKER

Onorab Georges, eski i annan okenn rezon prensipal.

 

HON BERNARD GEORGES

Wi i annan en rezon prensipal efektivman en period 1an i ganny mete pou ou vin claim ou paternite, akoz pou la senp rezon ki ou bezwen apre ki en dimoun in mor egzekit son siksesyon, pas son byen avek son bann zeritye e

E se pou sa rezon ki donk i annan en peryod 1an pou gete si annan okenn lezot zeritye ki pou pop up ki en zanfan ki i pa ti’n deklare i bezwen al an kour pou fer son lekor fer en recherche de paternite, alor i bezwen ase kourt akoz sansan i bezwen en sisksesyon zanmen pou fermen ou bezwen gard en posibilite ki en zour en zeritye i kapab pop up e dir mwan mon piti entel alors mon bezwen mon par siksesyon alor i ganny limite a 1an.

Par kont egzekisyon en siksesyon napa en one size fits all.  I annan kit tre senp.  En dimoun i kit en zanfan i napa Testaman i annan en lakaz egzekiter  i ganny apwente i fer en affidavit of transmission by death goodbye so long fini son travay.  I annan ki difisil i annan ki tre, tre konplike akoz bann zeritye zot menm zot pa kapab tonm dakor lo ki pou fer. Egzekiter i bezwen kontinyelman travay avek zot oubyen i annan en problenm dan Testaman ki bezwen ganny rezourd avan ki egzekiter i  komanse alor i pou difisil pou met en time limit. Se pour sa rezon  ki apre bokou deliberasyon nou’n prefere pa mete.

Akoz i annan touzour sa pouvwar residual power bann zeritye si en egzekiter pa pe fer son travay pou al Ankour pou dir tir li, i pa travay ase byen annou met en lot.  Donk there is always that residual power alors pou sa rezon nou’ prefere gard li pli loose.

 

MR DEPUTY SPEAKER

Nou kontinyen.  Mersi Onorab.

 

HON BERNARD GEORGES

1033, Si i annan plis ki en egzekiter ki ganny apwente, enn tousel i i kapab azir si lezot i fail pou azir. E tou bann egzekiter i pou toultan jointly and severally liable;- seta dir sakenn zot pou responsab an antye pou responsabilite including sa responsabilite sa de lezot e an menm tan ki zot tou le trwa zot pou responsab.

Setadir si ou pa kapab si annan de zot egzekiter ki napa okenn larzan e ki annan zis enn ki annan e ki tou le trwa i responsab sa enn ki annan ki pou bezwen peye.

1034;- Cost incurred i ava bind the succession setadir se egzekiter pa pe depans son prop larzan i ava redwi sa dan sa estate.

1035;- i si i annan revokasyon en Testaman i pou revok okenn sanzman lentansyon, alor, eskiz mwan la nou pe sorti lo egzekiter e nou pe retourn lo Testaman e sa se en pti pe problenm avek Civil Code i en pti pe all over the place, e nou nou’n sey met tou keksoz parey ansanm me nou pan toultan arive fer li – la set en legzanp.  Nou’n fini avek egzekiter nou retourn lo Testaman.

En Testaman i ganny revoke par en Testaman ki ganny fer pli tar e sa i en keksoz ki kou ti pe  diskite taler ler nou ti pe pran dan nou break Mr Chair si ler en dimoun i fer Testaman i annan toultan drwa sanz sa Testaman

E i kapab sanz li dan nenport ki fason en dimoun i kapab vin fer en Testaman devan noter A, e apre al sanz li dan en an devan noter B, oubyen i kapab fer en Testaman olograf e sanz li par en Testaman otantik devan noter ou vis versa.

I fer en Testaman otantik devan noter e i retourn kot li e i mazinen pou dir mon pa kontan sa i fer en Testaman olograf toultan sa dernyen Testaman whether i dir or not i revoke sa enn avan the latter Will, will always revoke the previous Will e  se sa ki lartik 35 i dir .  E sak fwa ki nou bann noter nou fer en Testaman pou en dimoun nou bezwen dir li, i nou lobligasyon pou dir li, sa Testaman ou kapab ou e kapab sanze e ou kapab sanze si ou al devan en lot noter ou pa bezwen retourn isi oubyen ou kapab fer en Testaman olograf pou sanz  sa Testaman.

Nou bezwen donn li sa konsiny pou li konnen ki sa se son drwa.  Me si en subsequent Will pa  revok sa enn pli boner, i pou selman revok bann dispozisyon ki diferan setadir zeneralman tou bann Testaman i dir pou komanse an dizan i hereby revoke the former Will I may have made sa i revoke sa enn avan.  Me si I pa fer li otomatikman i pou revok sa enn avan me solman lo bann konteni ki enkonpatib.  Si dan sa premye Will i ti in donn son lakaz son Madanm e dan sa dezyenm e pri i ti donn en kantite lezot keksoz e dan sa dezyenm Will i donn son lakaz son piti e i kit tou lezot keksoz parey zis sa bout     ki pou ganny sanze akoz se zis sa bout ki’n ganny revoked par en dispozisyon ki enkonpatib avek sa enn avan.

Si apre ki en dimoun ti’n fer en Testaman i fer en transfer en propriyete ki ti’n mansyonnen dan son Testaman sa pou sanz sa bout sa Testaman otomatikman par egzanp ou kit ou later V1234 pou ou Madanm e apre ou ale ou vann sa later plitar avek en lot dimoun ler Testaman i ouver i mete ladan ki ou’n V1234 pou ou Madanm ou Madanm pa kapab al claim   sa byen kont sa dimoun ki aste an dizan be mon’n ganny  Testaman e mon Testaman i donn mwan sa ki arive se ki sa bout Testaman pou ganny tire akoz sa byen nepli egziste pou sa testator zour ki i mor.  Se sa ki lartik 1038 i dir.

E 1039 si en dimoun i kit en keksoz i kit en byen pou en lot dimoun e sa lot dimoun i mor avan, sa dispozisyon napa valer i retourn pou bann lezot zeritye.  Menm zafer ki nou vwar taler si en dispozisyon i kondisyonnel e sa kondisyon pa arive oubyen sa zeritye i mor avan sa kondisyon sa keksoz i tonbe.

1041;- si o kontrer olye kennsel i zis postpone, sa pa anpes sa dimoun erite si antretan sa byen ki’n ganny kite i mor, sa porsyon sa Testaman i tonbe.  Si mon annan en bef, en toro par egzanp la Digue, mon annan en toro avek en saret mon kit sa toro ek sa reg pou en dimoun e antretan toro i mor, sa dimoun pou ganny zis sa saret i pa pou ganny sa toro.

1043;- en dispozisyon pa pou annan okenn valer si sa zeritye i repudiated   si pa anvi. Si ou kit en keksoz pou en dimoun e i pa anvi i dir mon pa anvi ki annan drwa, sa dispozisyon i tonbe e sa keksoz i retourn pou  bann lezot zeritye.  E si keksoz i ganny lese pou enn ou trwa dimoun e enn i dir i pa oule, larestan sa de lezot sa trwa lezot ava pran son par.

1052 – 1053 Mr Chair se ankor bann sityasyon ase teknik pou bann ki pe ganny en byen ki napa nanryen ki nouvo la tou bann keksoz i ka deza se bann prosedir ase detaye ki pa telman enteresan.

1058;- Gift offer mon kit sa pou ou e larestan pou en lot dimoun. ;-1060 Lenvanter 10 61,62,63 menm zafer zannimo ek bann zouti agrikol.

1064;- Evalyasyon e estimasyon valer si ou ganny les en keksoz avek lobligasyon pou transmet li ou bezwen invest li.

1065 -1066 parey sa se ban kondisyon ki mannyer ou pou fer sa.

1069 parey 1070 menm zafer si ou pa fer sa bann keksoz ki pou arive 1072, 1073, 1075 menm zafer.

 

MR DEPUTY SPEAKER

Mon krwar i annan en pti konfizyon par- ler ou dir dis san mon krwar i devret 1071,1072 pa dis san 71. Kontinyen Onorab Georges. Me solman nou konpran ou.

 

HON BERNARD GEORGES

1075, Mon pled koupab, Seloner, me solman mitigation mon dir i 4.37.

1075;- ki mannyer pou partaz bann propriyete parmi bann zeritye ler zot ganny en propriety in bulk.

1078 parey e that’s it nou ariv a lafen sa seksyon lo siksesyon.  Next i vin Kontra.

 

DEPUTY SPEAKER

So, lot seksyon se lo Kontra Book 3 non?

 

HON BERNARD GEORGES

Mr Chair nou still lo Book 3 me nou pe al lo seksyon konpletman diferan e avek ou permisyon zis pou avan ki nou vot lo la zis pou nou konnen ki sa ki devan nou akoz nou ankor annan en pe letan.

Nou annan  from now   ziska lafen la mazorite sa ki nou pe al regarde se bann keksoz parey nou fek vwar la sa detrwa dernyen lartik bann lartik legal ki pe eksplik bann concepts alors sa ki nou pou fer avek ou permisyon demen oubyen la ozordi nou pou fer the broad concept an detay apre nou pou al vit lo bann prosedir akoz zot pa vreman enteres piblik. E nou pou annan donk Kontra, nou pou annan delix, e la nou pou bezwen pas en pti git letan pou vwar trouble  de voisinage. Nou pou annan batch  letters, contre letter;- nou pou annan levidans oral lartik 1041, epi nou pou annan Lavant, lease avek Preskripsyon.

Si nou manage byen nou travay nou kapab fer sa, akoz zot akoz napa okenn gran sanzman apard ki troubles de voisinage, apard enn de lezot pti keksoz;- black letter par egzanp;- la mazorite se texto parey nou annan, e la mazorite sa bann lartik se bann prosedir detaye parey nou fek vwar, ki zis donn ou prosedir koman pou ki mannyer pou enterpret sa bann konsep.

 

MR DEPUTY SPEAKER

Mersi Onorab Georges mon sizere alor ki nou pran en vot lo sa seksyon lo wills ki depi 967 ziska 1078. I korek ok en pti klarifikasyon.  Onorab Pillay.

 

HON SEBASTIEN PILLAY

Klarifikasyon lo en mo at the instance of their children or the descendants?  That’s correct.

 

MR DEPUTY SPEAKER

Ok, dan sa ka nou ava pran en vot bann seksyon ziska 967 ziska 1078, avek bann amanman ki nou pe atann nou fer zot konfyans lo la dan sa seksyon. Tou manm ki an faver? Eski i annan okenn Manm ki kont?  Deputy Clerk.

 

MR DEPUTY CLERK

Mersi Mr Chair 26 manm in vot an faver e personn kont.  Mersi.

 

MR DEPUTY SPEAKER

26 manm an faver e person kont sa vedir sa seksyon lo Wills as amended i pase par Lasanble Nasyonal.   Nou ankor annan letan Onorab Georges  gid nou lo parti nou travay.

 

HON BERNARD GEORGES

Mersi Mr Chair avek ou permisyon mon rod Book 3 part (2) vwala.  La prezan la restan code nou’n fini avek lafanmir nou’n fini avek siksesyon la prezan nou pou al lo keksoz ki en dimoun i fer dan son lavi e nou pou komans avek en seksyon ki apel obligasyon e i annan de kalite obligasyon enn se kontra, enn se deli.

E nou pou komans avek kontra, en Kontra se en agreement kot enn ou plizyer dimoun  i angaz zot lekor pou donn, ou fer oubyen pou pa fer en serten keksoz.  I bilateral ler i annan de kote e i  ilateral ler en dimoun i pran en langazman anver en lot oubyen anver plizyer.

I komitatif ler de dimoun i pran bann obligasyon ki al dan de diferan sans, kot i annan en lekivalans.  I, gratwi ler napa okenn peyman ki ganny fer e ,i onere ler sakenn i pran en lobligasyon pou donn oubyen pran  en keksoz.

Tou kontra i size a en prosedir ki ganny fer nou pou vwar ant 1101 e 1369 me serten Kontra spesifik i annan serten lareg spesifik ki determin zot pare en Kontra lasirans, serten lareg spesifik en kontra lokasyon en lakaz i annan serten laspe spesifik ki nou pou vwar dan sa seksyon

Kontra komersyal i size a en lot code ki apel Code komers e vi annan Kontra sa ki nou apel bann standard type contracts e en Kontra lasirans par egzanp i en standard type contract;-  sak fwa ou pe al asir ou loto zot pa pou fer en Kontra nef, pou ou zot pou zis pran enn e zot pou zis sanz detrwa keksoz ladan.

Kondisyon pou etabli en kontra i annan kat konsantman, kapasite, en lobze avek lefet ki sa kontra pa kapab kont Lalwa, oubyen kont Lord Piblik. Sa se son kat.  Si sa kat keksoz i reini i kapab annan en Kontra. E napa konsantman. E  premye kondisyon se i annan konsantman, napa konsantman s i annan en mistake, oubyen duress, oubyen frod, obviously.  Si ou krwar ou pe al aste en vivio ble e finalman ou aste en picanto roz i annan en mistake.  Si en dimoun i fors ou pou ou vann son later sa i duress. Oubyen si ou war ki ler en dimoun in fini aste ou later ou get lavant e ou war ki ou pan sinyen, me ou sinyatir in ganny forse sa se frod.  Sa trwa keksoz i dir ki napa okenn konsantman.

En Kontra i annan son konsantman i annan en lesanz;- en offer ek en acceptance fodre ou annan sa ou pa kapab annan en Kontra,  tan ki sa de parti sa enn ki pe ofer ek sa enn ki pe aksepte i annan lentansyon pou antre dan en Kontra legal e non pa zis en keksoz ki napa okenn legalite ki pa bezwen ilegal me ki napa okenn valer legal.

En ofer i kapab ganny fer to the public at large.  Ou kapab dir mon annan en teren ki mon pe vann pou R300,000 offer it to the, en tender i offer to the public it at large

En invitation to treat i pa ganny konverti dan en kontra menm si ou aksepte e sa i en konsept ase enteresan.  Ler i annan en bwat bef kot STC e i met R100 lo la oubyen en bwat dile Nido i met R100 lola, STC pa pe ofer ou sa keksoz pou sa pri.

I pe envit ou vin ofer li pou ou aste, e ler ou ariv lo lakes i dir ok mon aksepte la ou donn ou larzan. Ou pa kapab zis, me nou ava vwar taler ler nou ariv lartik 1589 nou ava war akoz sa i leka.

 So anything which is on display with en pri i en invitation to treat. I en  lenvitasyon pou ou vin fer en offer pou ou aste e si sa boutikye i dakor i pran ou larzan la ki ou annan la ki Kontra i ganny fer prezan.

The display of goods with the price attached is only an invitation to treat, i pa en offer. zot kapab dir se pou sa rezon ki STC ouswa nenport ki boutikye i kapab dir ou mon pa pe vann ou sa keksoz, akoz mon pa oule vann ou.  I annan sa drwa contractuelle i kapab pe komet en lot lofans anba en lot lalwa me contractually i kapab i pa forse pou vann ou sa keksoz.

 

MR DEPUTY SPEAKER

Onorab Pillay.

 

HON SEBASTIEN PILLAY

Sa i raise en pwen enportan mon pa konnen si i aplikab dan sa ka be si pa egzanp invitation to treat i baze lo en pri advertise, advertise mon antre dan STC mon war en sa bwat dile Nido oubyen mon antre Home To Office mon office mon war en fan se pa konbyen i vann si ler mon antre mon war sa mwan sa bwat dile Nido STC i vin i dir mwan marsan i vini dir mon non pa sa pri – pri i sipoze R400 dan plas R300, eski par egzanp son invitation to treat, i ganny konsidere koman i mal? Akoz mon konnen i annan Fair  Trading Act osi me lo en pwennvi en lesanz eski pou ganny drwa dir mon pa sa pri ki mon pe vann sa Mersi.

 

HON BERNARD GEORGES

Yes, Mr Chair set egzakteman sa i annan drwa dir ou , i annan drwa dir w ii R300 sa fan me mon pa pe vann ou akoz mon fini promet sa Vis Prezidan Meriton taler i  ti la taler  i dir mo gard sa pou li e mon pa pe vann ou war se pou sa rezon ki i en invitation to treat ou pa kapab fors li pou vann ou ni a sa pri ni lo en lot pri, li i ava deside si i anvi vann ou, i annan  lezot landrwa kot ou kapab konplent me sa se the simple contract.  Wi egzakteman.

En Kontra i ganny konklir imedyatman ki lakseptasyon i ariv kot sa dimoun ki’n ofer. Le moman ki ou dir li mon aksepte the contract is concluded. Ou pa bezwen prouve ki ou lakseptasyon in ariv kot li me si ou kapab assume in ariv kot li ou’n anvoy li en email, whatever or en let anrezistre or whatever e si i annan en time limit sa i binding si sa offer i dir ou, ou bezwen reponn within x days e ou reponn within x plus i pa bind li me si ou reponn within that time i bind li.  Silans i pa en lakseptasyon ou pa kapab dir mon pann dir ou non alors savedir mon ti dir ou wi sa se pa le ka.

Dan en vant a lankan en auction sale, koman sa marto i tonbe savedir sa ofer ki sa dimoun in lev son lanmen in aksepte. E dan en self-service shop STC par egzanp sa ofer i ganny aksepte ler cashier i aksepte ou larzan, savedir ou pe dir li mon pe ofer, pou aste ou bwat Nido R100 ki sa pri ki lo la koman i pran ou R100 savedir ki’n aksepte.

Sa se son bann eleman konsantman Kontra .Mistake ler i annan en mistake as to the essence of the thing son sibstans ki lobze sa kontra si sa sibstans i en picanto roz kouler roz e pi pli tar ler keksoz i arrive ou vwar i en vivio ble, i annan en mistake as to the substance.  Nou ti pe koz across purposes alor napa Kontra. E  en Kontra ki annan en fot ki annan en mistake as to the substance i null and void si sa mistake i annan pou fer avek sa dimoun osi e  non pa zis sa keksoz me solman it must be  substance;- la substance menm of the thing.

Duress   1112 – ankor enn fwa si ou pe ganny met anba duress    pou ou kapab fer en keksoz ou ganny forse mon war en kantite sa sirtou lavant later kot en dimoun i al kot en vye Msye ki reste anler dan Bougainville dan bwa, whatever i met li anba en pe presyon pou li vann son later sa kontra pa pou annan okenn lefe si kapab prouve ki ler in sinyen i siny li anba duress.

Duress anba 1113 i enn ki anba e reasonable dimoun ti ava ganny met anba fear ki annan en harm pou arrive s ii pa swa avek li swa avek son propriyete swa avek son nearest and dearest. Ok  bann dimoun obor li e ler ou pe get duress    ou bezwen regard laz ek lasante sa dimoun ki’n ganny afekte.

Duress    pa pou en ground of nullity si sa duress    napa nanryen pou fer avek sa keksoz oubyen si en promes i eksesiv ler ou regard tou bann konsiderasyon.

En Kontra pa kapab ganny challenge pou duress    si tro letan in pase akoz sa dimoun i bezwen azir ase vit sansan lakour pou conclude ki pa ti annan duress    e finalman fraud ler en keksoz i ganny pratike lo en lot dimoun dan en tel fason k ii evidan sis a keksoz pa ti ganny pratike lo li pa ti pou’n antre dan sa Kontra sa i en frod.

I bezwen entansyonnel me i pa bezwen sorti enn ant sa de dimoun i kapab en frod ki sorti kot en lot dimoun frod zanmen i ganny preziman toultan i bezwen ganny prouve.  E i annan en lot kondisyon ki pala me ki en kondisyon iniversel e sa se fraud unravels everythings.  Si i annan en frod i pou unraveles tou keksoz ki’n arive apre sa frod including en lavant later ki’n swiv sa.

E en Kontra ki annan mistake duress    oubyen frod i pa null ek void ipso facto.  Ou bezwen al ankour pou Lakour deklare ki i void e sa i enportan ou pa kapab dir sa Kontra i null and void san ki ou al ankour e en ziz i pronons son lekor lo la e nou ava war taler ki mannyer sa i ganny fer.

Epi i annan en katriyenm fason ki en Kontra i kapab null and void e sa si ki nou apel lezyon.

Lezyon i en kontra ki valab e ki ou’n antre ladan ki ou konnen ki annan tou bann kondisyon me kot sa vander i ganny mwens ki lanmwatye valer sa keksoz e ki in vann sa akoz i annan en lavantaz ki pa fer i annan lo li.

Alors si en dimoun i vann an tout konesans de cause i vann son later pou R100,000 apre son bann zanfan i vin i dir be papa akoz ou’n vann sa later R100,000 sa later i vo 1milyon roupi or dizon R250,000, en pti pe plis ki defwa plis sa dimoun i dir be mon piti mon pa ti konnen sa msye in vin i dir mwan sa later pa ni vo R100,000.  Alor mon monn krwar li mon pran li e mon’n vann li ou kapab set li aside i pa mistake i pa duress i pa amount to duress.   me si ou kapab prouve ki ou’n vann en keksoz ki mwens ki lanmwatye son valer e ou pa ti pou’n fer li unless ti annan en keksoz ki tin arrive kin fer ou fer li dan sa ka sa lavant sa kontra pou ganny set aside anba lezyon.

E ankor enn fwa lezyon ou bezwen al Ankour pou ou kapab kas sa Kontra, napa lyezon ler i dan en ka forgery.  En act of God par egzanp sa i pa antre ladan.

E nou ava vwar lyezon ou pa bezwen kas sa Kontra ler i annan lezyon sa dimoun kin aste i annan drwa pou dir dakor mo ava pey ou la diferans mon ava pey ou sa R150,000 an plis e mon ava gard sa propriyete ,i annan sa posibilite;- sa buyer i annan posibilite gard sa keksoz me pey sa pri ki diferan .

E nou ava vwar lartik 1674 ziska 1683 i annan sa konsep lezyon dan lavant later e sa nou ava vwar li ler nou ariv lo sale ki dan sa bann lartik ki mon fek mansyonnen.

Mr Speaker mon krwar nou ariv lo en bon moman la akoz la nou pe al lo stipilasyon pou vot kot en lot morso dan Kontra e zis pou mwan oubyen si nou anvi nou kapab al ziska 1150 akoz sa se bann gran konsept zeneral, oubyen  eski zot anvi fer sa demen bomaten ler nou pli fre?  E apre sa nou pou al tre vit atraver lezot.

 

MR DEPUTY SPEAKER

Mon sizere nou fer sa demen maten nou pli fresh nou pou al vit tou fason. E esperon nou kapab kouver larestan travay ki annan pandan lazournen demen Onorab Georges.

 

HON BERNARD GEORGES

Mr Chair mon annan en problenm personnel demen mon bezwen Ankour 9er demen bomaten alors mon pa pou kapab isi akoz demen mon ti annan en case e bann dimoun ki pe vini sorti deor.  Erezman ki case pa pou kontinyen i pou settle me mon pou still bezwen absant mon lekor pou en demi erdtan ant 9er a 9.30 pou al organiz sa settlement.

 

MR DEPUTY SPEAKER

Eski ou asire ou pou la 09.30 oubyen ou ti ava sizer en lot -?

 

HON BERNARD GEORGES

Sertennman 10er me mon ava sey ariv pli vit posib.  Dan sa ki si zot dakor nou ava komans 10er bomaten fodre amwen i annan en lot dimoun ki kapab lead nou from 09.30 ouswa from 900 si i posib.  Si non nou a komans 10er,  dan sa ka nou pou adjourn Lasanble pou ozordi, me avan nou adjourn nou ava retourn nou dan Staz Lasanble.  Mon demann Serzan pou move nou Mersi bokou e avek sa nou dan Staz Lasanble nou pe al adjourn e nou pou repran nou travay demen le 12 Mars apartir 10er bomaten.

 

(ADJOURNMENT)