::
Home » Verbatim » 2019 » Verbatim Monday 25th November, 2019

Verbatim Monday 25th November, 2019

NATIONAL ASSEMBLY OF SEYCHELLES

 Monday 25th November, 2019

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab.  E bonzour tou dimoun a lekout e pe swiv travay Lasanble Nasyonal.  Sa semenn nou pour kontinyen avek nou travay, deba lo Bidze 2020.   E ozordi nou pour pran-pour komanse bomaten, Lazans pour Proteksyon Sosyal.

Zis avan nou apel bann Zofisye dan Lasanble,  mon annan de pti kominikasyon pour mwan fer.  Lo sa size Seychelles Pension Fund, mon’n ganny serten lenformasyon ankor ki’n aparaman i paret ki in sorti kot Liberty Latin America, kot in anons the sale of Cable & Wireless Seychelles. 

I annan en pe lenformasyon ki kontradiktwar, konpare avek serten lenformasyon ki nou’n gannyen Vandredi.  E sa, ler i vin dan mon latansyon pandan wikenn,  mon’n deside bomaten, zis pour mwan dir ki, parey nou’n fer sorti Vandredi, i annan plis travay ankor pour nou fer vizavi sa size.  E sela kot FPAC pour bezwen antre, pour bezwen interacte avek new owners e osi interacte ankor avek Seychelles Pension FundSo vwala en pti pe mon kominikasyon lo la

Now, en lot pti size ki mon oule pran,  e mon ou le fer sorti pour mwan met serten keksoz an plas.

Ler mon pran lalis pour bann Manm entervenir lo tel Budget Head and all that, i annan en moman kot mon ferm lalis.

E menm dan sityasyon Seychelles Pension Fund, i annan en moman kot mon ferm lalis.  Si non, nou pa pour zanmen fini.   I pa normal, e i pa zoli, e set en mank respe ki mwan ler mon dan Chair mon pa anmenn telefonn avek mwan.  Ki ler mon monte- par egzanp Vandredi mon vwar en text ki’n sorti kot en Manm, in rantre 03.06 ki nou ti dan Chamber.  Kot i pe dir in demann sans pour demann kestyon.  In lev son lanmen 3. 06 e mwan koman Speaker, koman the Chair, mon unfair!

Mon’n deza gannyen ankor avan ki mon ‘’bias!’’  Me la, mon dir ankor ozordi ek tou Manm, i annan en moman kot mon bezwen ferm lalis, or else nou pa pour zanmen fini – ok?

Ler mon demann tou Manm ki anvi entervenir, mon vwar en show of hands.  Mon pran bann non.  E apre sa, mon les en 5, 10 minit pour mwan kapab ferm lalis pour nou kapab fer nou travay.

Alor mon pa pe aksepte sa bann komanter, kot mwan mon unfair, oubyen mon bias dan Chair.  Be it mon ki dan Chair, be it Deputy Speaker ki dan Chair.  I pa- i en lack of respectok?   Mon pe dir sa an zeneral, e i aplik pour tou Manm.  Ok?  Avek sa – Yes Onorab Ramkalawan.

 

HON WAVEL RAMKALAWAN

Bonzour Mr Speaker.  Bonzour tou Manm Onorab.  E tou dimoun ki a lekout, e tou sa ki dan Galeri.

Mr Speaker ou premye pwen ki ou’n fer resorti an relasyon avek FPAC;-  koman Chair FPAC, mon krwar mon devret respond.  Si i en responsabilite ki ou pe donn FPAC, mon krwar ki FPAC i ava take up the challenge.  Nou la pour nou fer sa bann travay.

Me selman mon zis anvi- e nou ava komans li o pli vit posib.  Nou ava rankontre pour nou regard en progranm posib.  Parski sa i ava vin anliny avek Lasanble ki mannyer nou pe kontinyen avek Bidze.

Selman Mr Speaker, mon ti ava kontan zis port a ou latansyon, kekfwa pour annan serten eleman ki kapab depas nou.  Lo sa bann eleman forensic si nou bezwen led forensic auditing.

Alors petet mon ti ava demande, ki deza- parski mon konnen Linyon Eropeen pe fer zot bann rankont sa semenn,  alors mon ti ava demande, ki deza dan ou rankont avek bann Anbasader Linyon Eropeen petet ou kapab lev sa size, pour demann zot si nou bezwen en pe sipor.  Ki mannyer zot ava kapab asiste nou?

Mon krwar sa ti ava en bon pwen lo ou azanda avek zot.  Me selman nou pare pour nou take up the issue.  E la espesyalman ki bomaten nou’n vwar plis keksoz ankor pe sorti, diferan avek sa ki ti pase dan Lasanble.

Bomaten Mr Dugasse avek son CEO ti lo ‘’Bonzour Sesel.’’  E zot in dir keksoz ki zot pa’n dir isi dan Lasanble.  E alor-komedi Angle ‘the plot thickens’.  E alor nou koman FPAC, nou ava fer nou travay Mr Speaker.  Mersi bokou.

 

MR SPEAKER

Mersi Onorab Ramkalawan.  Onorab John Hoareau.

 

HON JOHN HOAREAU

Mr Speaker, mon ti oule lev en matter of privilege.  Mon konnen ou pe refer avek sa text ki mon ti anvoy ou.  Mon ti text ou, mon ti dir ou ‘‘You are being unfair!’’

Mr Speaker, ler ou ti vin devan, ou ti dir koumsa poudir ou pour les sa 2 Leaders koze.  E osi ou pour les detrwa Manm koze.  Ou pa ti dir zanmen, si ou annan en lalis ki ou ti’n- ki ti preconceive lo tou bann Manm ki ti pour koze.  Mon ti lev mon lanmen zis o moman apre ki Onorab Wavel Ramkalawan ti’n fer son opening Statement, apre i ti’n demann son kestyon.

Me ou ti-malerezman, ou ti fer koumsa avek mwan.  Vedir ou pa pe mont mon non lo lalis.  E ou ti donn sans tou bann dimoun ki ti lev apre mwan.  Ti annan 5 dimoun lo lot kote ki ti koze.  Sete Onorab Charles De Commarmond, Onorab Sebastien Pillay, Onorab Gill, Onorab Loze.  E Onorab William.

Tandis ki isi ti annan 4 dimoun ki ti koze.  Onorab Ferrari, Onorab ‘LOTO’ Leader Lopozisyon.  Apre Onorab Afif, e Onorab Georges.  Mon pa ti ganny sa sans pour mon koz lo en size ki mwan annan serten dominans lo la.  Akoz an vi ki mon’n fer serten letid lo la.  Mersi.

 

MR SPEAKER

Mersi Onorab.  Bon mon pa pour ouver deba lo la.  Me, parey mon dir, i annan en moman kot lalis i ganny fermen.  E mon krwar ler mon’n ferm mon lalis, mwan pa’n vwar okenn lendikasyon lo ou kote ki ou’n montre ou anvi sa.  E by the time ou lanmen- ou’n montre en show of hands, in tro tar.  Onorab Pillay mon pa pour-pa lo sa size?  Ok, go ahead Onorab Pillay.

 

HON SEBASTIEN PILLAY

Mersi Mr Chairman.  Mr Chairman- Mr Speaker, sorry bomaten ou’n dir nou, ou’n ganny- ou’n resevwar serten lenformasyon.  E mon osi mon’n publie serten lenformasyon, e mon’n ganny lezot lenformasyon regarding bann striktir.  E mon krwar i anliny parey nou ti fer sa semenn pour anvoy sa joint question.  Akoz i en size ki konsern Lasanble an zeneral.  E mon rapel tre byen Leader Lopozisyon in, bann demann in ganny fer- in ganny fer lo non Lasanble, pa lo non okenn kote.  E mon krwar se dan sa laliny ki nou bezwen proceed pour nou kapab fer sir ki nou konn laverite lo sa ki pe pase.

Akoz i enportan ki tou dimoun i ganny the correct information.  Akoz sa i konsern pansyon.  Mon pansyon, ou pansyon, pansyon tou dimoun ki la anndan.  E pansyon tou Seselwa ki kontribye dan Fon pansyon.  Mersi Mr Speaker.

 

AGENCY FOR SOCIAL PROTECTION ‘ASP’

 

MR SPEAKER

Mersi Onorab Pillay.  Bon mon ava demann parliamentary reporter pour fer rantre bann Zofisye.  Mon ava demann Sarge pour li move Mace pour nou al dan Staz Komite.

Bon mon ti a kontan dir bonzour, e welcome Minis responsab pour Zafer Lafanmir.  Minis Mitcy Larue.  Minis i ganny asiste par CEO Mr Marcus Simeon, CEO pour Lazans Proteksyon Sosyal.  Son PS pour Poverty Alleviation, Mr Alvin Laurence.  E Financial Controller, Mrs Lucy Lespoir.  E nou pour osi tou ganny asiste par PS Damien Thesee.  PS responsab pour Finans avek Ms Astride Tamatave ki Deputy Comptroller General.  E Ms Nelly Coopoosamy ki Director Public Budget Management.  Minister avek ou lekip bonzour e welcome dan Lasanble Nasyonal.  Mon ava zisteman donn la parol PS Thesee, pour nou ganny gidans lo budget ki nou pe deal avek bomaten.  PS.

 

PS DAMIEN THESEE

Mersi Mr Chair.  Bonzour Mr Chair, tou Manm Onorab.  Nou pran Bidze pour Benefits and Approved Program of ASP, ki trouve dan Section 2 paz 37.  Mersi.

 

MR SPEAKER

Mersi PS.  Bon mon ava demann bann Manm ki anvi entervenir.  Mon ava komans avek Onorab Sandy Arissol.

 

HON SANDY ARISSOL

Mersi Mr Chair.  Bonzour Mr Chair.  Bonzour Minis avek ou delegasyon.  Mon ti a kontan demann Mr Simeon.  An relasyon avek bann lasistans sosyal dan Bidze ki zot annan.  Mr Simeon ti annan sa lalis ki zot ti partaz avek nou, koman bann Manm Lasanble.  I annan bann lalis ki ti endividyel dan nou distrik.  Mon ti a kontan demann ou an relasyon avek Bidze;-  parkont i annan plizyer dimoun dan distrik ki’n ganny asiste, ki merit lasistans.  Me selman lo lalis ki ou ti donn nou.  I annan bann dimoun ki mon santi- par egzanp dan mon distrik i annan bann dimoun;-  par egzanp bann zonm ki gro parey nou dir an term Kreol ‘gro, for’ ‘kapab travay’,  mon vwar zot, zot ganny lasistans.

E letan mon fer swivi lo zot,  i annan zot ki pe vwayaze pandan lannen.  Me selman i still pa travay.  Akoz i pe ganny serten lasistans avek zot.

Eski bann dimoun ki dan distrik;- par egzanp dan mon distrik spesifikman,  eski bann dimoun ki lo lasistans ki’n vin rod en led.  Eski zot lasistans, pour konbyen letan i ale normalman –  lasistans ler ou asiste en dimoun.

Ou asiste li pour li kapab fer en debrouy ganny en louvraz.  Ou asiste li akoz sa mwan i pa’n kapab, alor zot pe ed li soutenir son lakour.  Konmsi donn nou en pti pe gidans an relasyon avek ou Bidze ki ou annan pour asiste bann dimoun.

Dezyenmman Mr Chair,  mon ti a kontan demann Mr Alvin, ki Mr Laurence ki sipoze responsab pour Lapovrete,  mon ti a kontan demann ou en pti kestyon an relasyon avek bann letid ki ti ganny fer Mr Laurence.  Parske dan mon distrik i annan bann fanmir ki ti ganny vizite.  Ti annan bann serten assessment ki ti ganny fer.

Mon ti a kontan zisteman demann ou,  ki zistans in arive?  Eski sa bann dimoun anba Bidze zot in ganny serten led, zot in ganny serten swivi?  E ki’n arive an relasyon avek letid ki ti ganny fer spesifikman dan mon distrik St Louis?  Mersi bokou Mr Chair.

 

MR SPEAKER

Mersi Onorab Arissol.  Mr Simeon.

 

CEO MARCUS SIMEON

Mersi Mr Speaker.  Bonzour tou dimoun, tou bann Manm Onorab, e tou dimoun ki a lekout.

Mersi Onorab pour ou kestyon.  Sa ki ou pe koz lo la, mon konsey Lasistans Sosyal, sa ki nou apel ‘Lasistans Welfer’.

E parey ou konnen Lasistans Welfer i open.  I en open ended system par son terminolozi i dir sa.  Savedir, en nenport ki dimoun i kapab vin devan, vin fer en laplikasyon.  I annan en Lalwa ki Gouvern li.  E sa Lalwa i senp.  Dan son senplisite i konpar larzan ki antre kot lakour, avek bann mezir ki an plas.

Bokou dan bann ka sa bann dimoun ki ou pe dir, se bann dimoun ki kapab in tanporerman pa dan- in perdi lanplwa, oubyen i pa dan lanplwa.

So, ler dimoun in vini, in fer en laplikasyon koumsa,  zot income of course i zero.  E alor otomatikman zot kalifye.  Me i pa mean ki laport i ouver, ki nek zis larzan i ganny donnen.  Nou link avek Departman Lanplwa pour refer zot case avan ki nou aprouve whether or not pour donn lasistans.

Ler nou dir, nou refer zot case avek lanplwa.  Zot ganny refer pour zot- pour bann dimoun kot-bann Zofisye kot Departman Lanplwa i gete ki- anba ki Scheme ki zot kapab ganny met anba la, pour ganny plase dan lanplwa.  Be it zot ganny plase dan en lanplwa Formel deswit, oubyen atraver bann lezot progranm ki son dernyen bout i Unemployment Relief Scheme

I annan bann ka kot sa lentervansyon Departman Lanplwa i pran en pe letan.  Alor sanmenm sa, sa bann dimoun tanporerman at the most, 2 mwan, zot ganny lasistans baze lo Grants of unemployment.  I pa plis ki sa.  La si zot revini,  ladan nou dir, nou’n donn ou sa bout ki la.  Ou sipoze dan 2 mwan- Sesel i annan plis lanplwa ki dimoun ki pe rode,  ou’n sipoze kapab ganny en lanplwa be it avek led Departman Lanplwa, oubyen non.

Dan lot ka.  I annan bann dimoun ki dan lanplwa, kot sa lakour i zwe dan lanplwa.  Me zot income ki antre, i pli ba, ler nou konpar avek sa bann mezir.

Sa ki la- sa i vre rezon det Lasistans Welfer pour parey nou dir, konble sa diferans pou asire ki dimoun zot ganny en lasistans de baz ki ed zot meet minimum standardSo, sa zot ganny lasistans at the maximum pour 12 mwan.  Apre ki- zot re-apre kwa ki zot revin ankor pour renouvle pour gete si zot pour kalifye ankor en lot fwa.  Mersi.

 

MR SPEAKER

Mersi CEO.  Mr Laurence ou ti pe azout keksoz?  Go ahead.

 

PS ALVIN LAURENCE

Mersi Mr Chair.  Mersi pour kestyon.  Bonzour tou dimoun.  Dan bann distrik e en comptons St Louis, bann letid ki’n ganny fer.  In permet nou konn sityasyon bann fanmir dan diferan dimansyon.  Savedir, lekel ki annan bann problenm monneter, ensifizans larzan pour zot viv.  E osi lekel ki pe ganny touse dan en fason ou en lot par Lapovrete.  Swa par zot lozman, ledikasyon, lasante, ou menm akomodasyon, ou menm bann lezot dimansyon parey akse semen.

I fer ki, pour serten ka, nou kapab entervenir imedyatman.  Par egzanp bann ka kot zot larzan i pa ase.  Bann case i ganny refer kot Lazans proteksyon Sosyal.  E sa bann dimoun i ganny gide lo demars zot, zot bezwen fer pour fer zot demann.  Akoz lo nou kote nou menm nou, nou pa kapab fer en demann lo zot behalf.

Lezot ka, kot ka i ekstrenm, nou’n bouz bann Minister Konsernen pour fer psychoanalysis pour vwar ki mannyer sa bann dimoun i kapab ganny asiste.

Parmi i annan, nou’n senpleman bezwen dir zot, zot bezwen netway zot lakour.  Zot bezwen vwar avek zot fanmir ki mannyer zot pour repar zot lakaz.  E bann lentervansyon ki nou’n bezwen fer nou, se vreman pour bann fanmir ki vilnerab.

Sa i kont pour tou distrik lo Mahe, Praslin avek La Digue.  An menm tan, ler nou annan bann ka ki nou trouve i frekan dan en distrik, oubyen dan lezot, nou prepar bann dokiman neseser avek bann analiz pour nou anvoy en papye kot Cabinet ki fer en lentervansyon Nasyonal.

Nou annan plizyer sa bann papye.  E parmi, i annan kot i konsern lizyenn, akomodasyon, ledikasyon ki an se moman i dan son staz final.

Dan en sans, kot ler nou pran en lapros pour rezourd bann problenm ki pe ed dimoun, ki pe koz dimoun pour tonm dan lapovrete,  i en lapros Nasyonal.

Resours ki nou annan, i enposib pour nou annan bann lentervansyon direk dan tou, e sak fanmir.

Sa ki neseser, e ki nou, nou pa ankor fer ase,  e nou’n komanse,  Se sa ledikasyon pour ed tou fanmir konpran ki i zot responsabilite.  E ki zot bezwen angaz zot bann zanfan anver zot paran, zot vye paran, bann paran anver zot zanfan dan lekol pour ki lapovrete, oubyen bann fleo sosyal i pa ronz zot fanmir.  Nou annan ankor bokou zefor pour fer lo la.

Bann ka ekstrenm kot nou annan bann dimoun vilnerab, sirtou dimoun aze, dimoun avek dezabilite, se la atraver bann diferan Scheme ki egziste ki nou fer en lentervansyon.  Mersi.

 

MR SPEAKER

Mersi Mr Laurence.  Mon ava donn la parol prezan Onorab Waven William.

 

HON WAVEN WILLIAM

Mersi Mr Speaker.  Bonzour tou dimoun ki a lekout.  Bonzour Minis avek tou bann Zofisye lo panel.

Mr Speaker mon ti a kontan demann avek Mr Simeon, si zot annan ase kontrol o nivo distrik vizavi bann Supervisors e lo bann Home Carers?

E an menm tan mon ti a kontan demann Mr CEO pour Departman Vilnerabilite.  Eski zot annan en swivi ase pros avek distrik vizavi bann fanmir ki lo kad vilnerabilite?

E an menm tan ki zot pe mazin fer an plis, dan kad bann mekanizm pour fer sir ki sa larzan i ganny zere byen?  Mersi.

 

MR SPEAKER

Mersi Onorab William.  CEOMinister.

 

MINISTER MITCY LARUE

Mersi Mr Speaker.   Bonzour tou Manm Onorab, e tou dimoun ki a lekout.  Petet mon ava koz en ptigin lo Supervisor kot bann Carer- nou pe koz lo bann Carer.  Mon ava dir poudir an se moman nou napa en Unit ki pour supervise bann Carer.  E se sa ki nou pe angaz nou dan en progranm reform.

Nou’n komans serten travay lo sa sistenm pour reform bann Carer lannen prosenn- apartir lannen prosenn, e pour pran lefe 2021.

Nou’n komans en travay;-  par egzanp kot tou nou bann dimoun ki pe resevwar Carer, nou pe fer en sistenm profiling lo zot tou, pour get en pti pe zot needs, vreman ki zot bezwen.  Nou pe fer training avek nou bann Carer.  Ki nou pour fer sir ki by 2020, tou nou Carer in fini ganny train. 

Apre nou pe fer bann rankont o nivo rezyon avek tou nou bann Carers, pour nou fer zot konpran en pti pe ki reform pour anmennen e les zot donn nou en pti pe zot pwennvi lo la.  E zot osi anmenn serten rekomandasyon ki nou kapab pran an kont.

E pour le moman, savedir-ler nou’n fer reform, definitivman, i pour annan en Unit ki pour konsantre lo monitoring.  Ki pour verifye bann lakour pour gete si bann Carer pe fer zot travay, assess zot.  Akoz nou konnen i annan serten problenm lo sa kote kot bann Carer.  Pa tou ki pe fer zot travay 100poursan byen.  Be nou annan osi lamazorite Carer ki pe fer en bon travay avek zot bann dimoun aze.

So, tousala i bann keksoz ki nou pour pran- antreprann dan nou reform ki nou pour fer apartir lannen prosenn ziska lannen 2021.   Ok?

E petet 2enm pwen osi, se ki bann swivi kot bann lakour.  Sa osi i en travay ki nou’n met-nou’n komans prepare byensir.  Akoz nou anvi- nou ti fer en symposium lo ‘’wellbeing of families. ‘’

E la nou’n tonm lo en desizyon kot nou pe al fer one- to-one coaching, kot sa bann fanmir ki bezwen led, ki bezwen sipor adisyonnel, ki mannyer pour zer zot Bidze, ki mannyer pour zot elve zanfan en pti pe.  Akoz nou annan en bon pe fanmir ki tonm dan bann sityasyon parey.  E se sa ki fer zot en pti pe annan de fwa tonm dan lapovrete.

So demen nou pe lans nou progranm coaching, one-to-one kot nou pour komans al dan bann lakour bann fanmir pour nou fer serten travay avek zot.  Pa zis 1 zour.  Me en travay kontinyel kot nou pour raporte tou le mwan.  E tou le 3 mwan nou fer en assessment pour nou vwar ki mannyer pe ale.  E ziska nou kapab- savedir nou pour akonpanny sa bann fanmir ziska ler zot kapab vreman debout lo zot 2 lipye zot menm.  Vwala en pti pe bann keksoz ki nou pe antreprann.

I pa telman fasil.  Akoz sa one-to-one coaching, nou bezwen al an deor, ganny bann dimoun par egzanp ki’n deza counsellor ki annan serten- ki mannyer ou apel sa?  Serten bagaz pour zot kapab fer en pti pe sa coaching.  Bann ex teachers, ex nurse.  Bann ki’n deza travay pour nou kapab ansanm avek nou- akoz nou menm nou dan Minister, nou pa kapab annan tou dimoun ase, pour nou kapab meet sa bann demann.

E an menm tan lo kote Lazans Proteksyon Sosyal osi.  Ozordi, olye donn fanmir zis larzan pour zot zer zot menm,  nou pe osi donn zot en serten- en kart.  I apel en ‘STC Kart’ pour zot kapab al aste zot bann keksoz de baz, komisyon de baz.  Apre en bout, zot ganny an term larzan.  E menm zot elektrik si pour peye, nou pey direkteman avek PUC.

Zis pour evite ki larzan i ganny depanse, e zanfan oubyen lafanmir i kontinyelman viv dan serten difikilte.  Mersi Mr Speaker.

 

MR SPEAKER

Mersi Minis.  Mon ava zis pran point of order Onorab Ferrari.

 

HON JEAN-FRANÇOIS FERRARI

Yes.  Mersi Mr Speaker.  Mon krwar i bon ki nou sey klarifye en pe ki nou pe pran bomaten la.

 

MR SPEAKER

Ok, dakor.

 

HON JEAN-FRANÇOIS FERRARI

Akoz mon mwan pe vwar lo nou Schedule nou pour pran ASP dan portfolio Minis Lafanmir, ASP, Poverty Alleviation.  Ok.

 

MR SPEAKER

Non, Onorab.  Si ou regard lo pti 37, lo bann paz komansman lo pti 37, i approved programs pour ASP.  Approved programs and –  en moman.

 

HON JEAN-FRANÇOIS FERRARI

So, we will take all of these? 

 

MR SPEAKER

Wi.  Benefits and Approved Programs of ASP. 

 

HON JEAN-FRANÇOIS FERRARI

So, nou pour pran tousala?  Ok.

 

MR SPEAKER

Ok. 

 

HON JEAN-FRANÇOIS FERRARI

That’s right.  Akoz mon pe get Bidze fonksyonnman ASP la pour le moman.

 

MR SPEAKER

Wi, ou pe rod…. Ladministrasyon apre nou ava regard…

 

HON JEAN-FRANÇOIS FERRARI

And then we will look at the programs.

 

MR SPEAKER

Yes.  Mersi, mersi Onorab.  Lo- yes Onorab William.  CEO.  CEO i annan keksoz pour azoute, oubyen PS?  Non.  Onorab.

 

HON WAVEN WILLIAM

Mr Speaker mon ti’n demann en kestyon avek CEO Vilnerabilite.  Vizavi bann dimoun dan distrik ki zot in klasifye koman vilnerab, eski i annan en travay pros e swivi pe ganny fer?   Pour asire ki bann ki vreman merite, ki ganny lasistans.  Mersi.

 

MR SPEAKER

Mersi Onorab.    PS Laurence.

 

PS ALVIN LAURENCE

Mersi bokou Chair.  Mon ava port en larepons.  Dan travay ki nou fer, i en travay an kolaborasyon.  Fodre dir ki i pa neseserman zis en antite tousel ki adres sa bann diferan problenm.

Ler nou koz lo nou bann dimoun avek vilnerabilite,  i kapab annan diferan klasifikasyon.  Alor i annan diferan lentervansyon ki ganny pran.  Par egzanp, si nou pran nou bann dimoun aze,  zot kapab konstate ki avek political willingness ki i annan anba governance, i annan en Lazans ki’n ganny kree, e zot pe adres bann size pour bann dimoun aze.

E Departman e Minister i annan sa rol pour ed e soutenir sa bann Lazans, pour adres sa bann diferan problenm ki sa bann diferan pos dan sosyete i fer fas avek.

Pareyman pour nou bann dimoun avek dezabilite.  Me si nou pran en pli gran group ankor,  nou annan nou bann zanfan osi ki trouv zot dan en sityasyon vilnerab.  Senpleman akoz paran pa pe neseserman byen zwe zot rol.  E la ankor anba Minister Ledikasyon i annan dedicated Fund dan lekol, ki asire ki sa bann zanfan i ganny en swivi, pour ki i pa vin en rezon pour en zanfan mank lekol, si i annan serten mank dan lakour.

Alors, sa lapros pour adres nou bann diferan dimoun avek vilnerabilite,  i enn ki ganny fer an kolaborasyon, atraver zot bann diferan antite ki pe adres zot bezwen.

E Minister Lafanmir in konstate- parey Minis in dir –  mon a elabor en pti gin lo la,  Kk pandan plizyer lannen, tou sa bann zefor in ganny fer, me i pa’n ase.

Par egzanp menm dan bann fanmir vilnerab, kot zot in bezwen ganny en sibvansyon monneter, ozordi nou pe vwar poudir i esansyelman enportan pour nou kapab menm ed zot manage zot Bidze, manage sa larzan.

Se sa, sa psychological support program, one-to-one coaching ki pour anmennen kot, dan en fanmir non selman i ganny lasistans.  I ganny lasistans avek en kondisyon pour li servi sa larzan byen.  E sirtou pour li pa reste lo lasistans pour tou dilon son lavi.

I annan nou bann ka vilnerab, tel ki nou bann dimoun avek dezabilite, tel ki nou bann parante ki aze avek serten kondisyon lasante delika.  Obviously, zot, zot lasistans i pour petet la avek zot pour plizyer lannen ziska ki zot- unfortunately ferm zot lizye.

E sa i annan sa bann swivi atraver bann diferan Minister, diferan Lazans ki ganny fer.  E i annan en nesesite pour ranforsi sa, pour fer li pli byen.  Nou lefektiv human resource ki nou annan, i pa ase.  Se sa rezon akoz nou pe al an deor nou Minister, nou pe bring onboard bann lezot partner tel parey bann ansennyan, bann nurse, bann counsellors, bann dimoun konpetan pour donn en koudmen apre zot ler travay lo sa coaching.  E sa lakonpannyman familyal pour ed nou bann fanmir.  Mersi.

 

MR SPEAKER

Mersi PS.  Onorab Stephen Pillay.

 

HON STEPHEN PILLAY

Mersi Mr Speaker.  Bonzour Minis, e ou delegasyon.  Mr Speaker i annan en pti pwen ki Minis in dir.  Mon ti a kontan en pe klarifikasyon lo sa zafer STC;- bann Kart STC ki zot pe donnen pour bann- or CEO.  Zot pe donnen pour bann dimoun.  Eski zot pran konsiderasyon pour bann dimoun ki reste lwen pour desann pour vin fer shopping anvil, epi pour mont avek?

Akoz zot pa pe sey idantifye dan ou bann distrik, en laboutik omwen ki kapab pran sa bann kart, ki kapab fer zot bann shopping pour ed zot bann dimoun?

Epi mon ti a kontan demann CEO, Speaker,  provizyon dan Bidze pour bann lasistans parey fineray ki i annan en limit lo la ki zot kapab donnen pour bann dimoun ki-sirtou pour bann Trwazyenm- Az, bann vye dimoun ki pe mor.  Konbyen zot lasistans zot donnen, en ceilings si zot annan pour ed sa bann dimoun, lafanmir letan i ariv bann maler?   Mersi Mr Speaker.

 

MR SPEAKER

Mersi Onorab Pillay.  CEO Simeon.

 

CEO  MARCUS SIMEON

Mersi Mr Chair.  Mersi Onorab pour ou kestyon.  Premye, lo kote assistance ‘’in kind’’ e i an de fason.  Swa nou donn ou atraver STC.  Oubyen nou pey direkteman kot PUC pour clear bill, pour donn en kontribisyon kot-anfaver bill delo ek elektrisite tou le mwan.  Pour le moman, sa enn pour STC, i en progranm Gouvernman.  Akoz STC i la, i garanti pri komodite debaz pli bon marse dan pei antye.  E sa i son rezondet par deryer.

Me, alors Gouvernman in vwar li ki i aliny byen avek Lasistans Welfer vi ki i sipoze, vi ki Lasistans Welfer i la pour pour garanti en basic standard of living, pour tou bann sitwayen ki pe tonm pli pa ki sa.

E STC i pa zis anvil.  I distribye, i annan 5 point of– 5 pwen kot dimoun i kapab al aste zot komisyon lo la.  Anvil i annan 2.  Omarion Mall avek Hypermarket, i annan enn Grand Anse.  Apre enn lo Praslin ek enn lo La Digue.

So i en pe distribye.  Vre i pa tro dan distribye.  Me selman, son rezon det se ki li sa landrwa kot i garanti pri komodite de baz pli bon marse pour le moman.  Mersi.

E apre pour ou 2enm kestyon lo kote benefis fineray.  Wi i annan en laliny anba Statutory Benefit ki apel ‘‘Funeral Benefit’’.  E li- nenport ki sitwayen Seselwa ki mor, i ganny lasistans R2, 000 pour ede avek kou lanterman.  E sa in enshrine dan Lalwa.  Mersi.

 

MR SPEAKER

Mersi CEO.  Onorab Pillay.

 

HON STEPHEN PILLAY

Mersi Mr Speaker, well CEO pour larepons.  Fotespere Minis a pran konsiderasyon ek Gouvernman pour-dan sak distrik annan en distribution point dan en- pour kapab sa.  Akoz i enportan la.

Me Mr Speaker lo kote ‘’funeral benefits.’’  Mon ti pe koz espesyalman pour bann Trwazyenm-Az.  Eski Minis or Gouvernman, or CEO i pa realize poudir en kou lanterman pour en Trwazyenm-Az i o?

R2, 000 manrmay pe debourye avek sa minimum wage pe sey azout 2.  Akoz zot pa konsidere parey pour bann Trwazyenm-Az annan en package ki pey tou son funeral cost ki tir sa bann presyon lo lafanmir, lo tou, ki apre- Akoz sa package ki mon pe dir ou la,  dan 3 mwan avek sa savings ki zot in fer dan pansyon sa madanm, sa msye, i ase pour kouver en package kekfwa R15, 000 pour en lanterman direk.  Sa bann dimoun napa okenn latet fermal kou pour anmennen.  Mersi Mr Speaker.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mersi Onorab.  Kot i konsern STC dan bann lezot sa.  I en keksoz ki mon’n note.  Nou ava gete ki nou kapab diskite.

Kot i konsern funeral benefit.  Mon krwar sa i en benefis parmi lezot benefis ki nou annan ki Gouvernman in mete.  Avan ti 1, 500.  Apre la in monte, lannen pase 2, 000.  Sa i en benefis pour soulaz lafanmir.

Akoz toultan nou dir Bidze pour Lazans Proteksyon Sosyal i tro o, pe escalate.  Nou pour napa larzan pour peye.  Nou dir sa toultan, nou tande.  Be la, nou’n donn sa 2, 000.  Prezan nou pe dir ogmante.

Nou ler nou donn sa 2, 000.  I pa vedir en lanterman i kout R2, 000.  Nou konnen sa nou.  Be sa i en sipleman ki Gouvernman i donn lafanmir.

E lafanmir li, i bezwen organiz zot.  Tou fanmir i bezwen kapab sey organiz zot, prepare.  Akoz nou pa konnen ki kapab arive.  Nou bezwen met en pti larzan 2 kote.  Lafanmir i bezwen pran osi serten responsabilite.

Par egzanp nou bann dimoun dan Home.  Nou bann kliyan dan Home.  Zot kontribye en pti larzan tou le mwan.  Zot met 2 kote, ziska ler i ariv tan.  Apre zot aret kontribye pour zot kapab pey zot servis.  Sirtou bann ki napa fanmir.  Nou fer zot fer sa dan Home.  Zot in dakor, zot peye en pti larzan tou le mwan.  E ler i ariv tan kot nou konnen par egzanp en Servis Fineray i ariv R12, 000 let’s say.  Nou fer zot kontribye, zour i ariv 12,000 zot aret kontribye, sa larzan i la.  E ler zot fineray.  Ler i ariv en ka zot mor, prezan sa larzan i pey zot servis.

Si fanmir i vini, i fer.  Alor nou rann sa larzan.  Ou konpran?  I en fason pour nou edik en pti pe la popilasyon osi en pti pe lo zot responsabilite.  Mon krwar sa i pa responsabilite Gouvernman pour fer lanterman tou dimoun.  Me i responsabilite nou fanmir pour ede pour fer nou lanterman.  Ok?  Mersi Mr Speaker.

 

MR SPEAKER

Mersi Minis.  Onorab Johan Loze.

 

HON JOHAN LOZE

Mersi Mr Speaker.  Bonzour Mr Speaker.  Bonzour tou Manm Koleg, e tou dimoun a lekout.  Mr Speaker, kestyon ki pe ganny eksplike avek nou ozordi, i annan bokou a fer avek bann fanmir ki’n fini tonm dan lapovrete.  E bann mezir ki pe ganny fer pour esey tir zot dan sa sityasyon.  E sa ki nou pe realize, se ki i en uphill battle ki i annan bokou pour fer avek ledikasyon e resours ki deza limite.

Mon kestyon;-  eski Minister Lafanmir pe mazin annan en plan an plas, pour idantifye bann fanmir ki vilnerab e ki kapab tonm dan sa lapovrete ekstrenm, evantyelman annan?  E pour komans travay avek zot, avan ki zot tonbe.  Anpes zot tonm dan lapovrete ekstrenm.  Dan en fason ki, louvraz ki zot annan pour fer, i ava mwens ki pour al tyonbo, sey redi la anba kot in tonbe, fer remont anler.  Mersi Mr Speaker.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mersi Onorab.  Mon krwar i en pti pe rezondet akoz nou annan Departman Lapovrete.  Se sa Departman ki bezwen travay lo bann diferan policies pour nou par egzanp regarde lekel bann dimoun ki a risk pour tonm dan lapovrete.

Ler nou’n fer sa bann policy, nou’n met an plas.  Prezan nou annan bann progranm ki parey nou’n dir nou’n mansyonn en pe bann progranm ki nou pe fer.  E se sa bann progranm avek son bann Polisi Nasyonal ki pour ede kapab vreman anpes dimoun.  Akoz prevention is better than cure.

Olye ler en dimoun i tonbe, prezan nou bezwen al ed li dan diferan fason.  So, bann policy nou ti napa.  Dan Departman Lapovrete i en landrwa kot i annan pti gin dimoun.  Mon krwar 3 sepa 4 dimoun se tou.   E zot pe fer en travay vreman formidab.   Zot pe debourye, depi ler SS Esparon ti la.  In met keksoz ater, in met sa fondasyon.  E la avek bann survey ki’n ganny fer.  Nou pe pli konpran lekel sa bann group dimoun.

E la byensir nou a’n met nou policy, nou pe travay lo la pour finaliz serten policies, met bann progranm byensir.  Dan lannen 2020 nou pour vwar en diferan fason travay avek lapovrete ki nou kapab vreman adres sa bann konsern ki ou’n leve, ki mon krwar i tre enportan pour nou anpes dimoun tonm dan lapovrete.  Olye ler zot in tonbe, prezan sey anmase.  Ki kout nou en kantite.

Me an menm tan nou ava dir poudir, Gouvernman li in met en kantite benefis ater.  Sa bann benefis se pour ed dimoun, pour anpes zot al pli lwen, pour tonbe.

Par egzanp ler nou dir bann dezabilite.  Bann dimoun avek dezabilite.  Nou annan dimoun avek dezabilite ki kapab pran lanplwa, pour zot fer zot larzan vin en pe plis pour kapab ede dan fanmir.

So ankor la, i annan bann progranm ki pour ganny met an plas ansanm avek La Reunion.  Nou pe travay pour ed bann- nou bann travayer pour donn zot sa skills neseser pour travay avek bann zanfan, travay avek lanplwa –  tre pros ek lanplwa pour nou kapab met sa bann zanfan dan bann lanplwa.  E la nou ava demann sekter prive pour osi konsidere pour donn sa bann zanfan en sans pour partisip dan zot landrwa travay.

Ok?  Akoz zot kapab devlope e vin bann dimoun responsab ki annan en metye, an menm tan zot pe ganny zot pti larzan benefis.  Ou konpran?

I annan bann zanfan ki pe ganny- bann zanfan lekol- tou zanfan pos-segonder ozordi pe ganny en bursary.  E ler zot ganny sa, sa se pour ed zot pour anpes zot kit lekol e al dan lakour oubyen tonm dan bann problenm sosyal.  Sa larzan i ed zot pour zot fer sir.  Donn zot paran en sipor pour kontinyen lekol, aprann en metye.  Apre kapab debrouye dan lavenir.

Konmsi i annan en kantite progranm.  Dedicated Fund i en lot.  Bann paran ki pli vilnerab.  Zot, zot apply sa avek ledikasyon laba.  Apre nou kot Lazans nou peye, zot ganny zot breakfast, zot ganny zot sak, zot ganny zot uniform.  Tousala i bann mezir ki Gouvernman in mete pour kapab soulaz bann fanmir ki vilnerab.

Bann zanfan ki perdi zot paran.  Enn parmi zot paran, oubyen tou lede paran, zot osi zot ganny asiste avek en allowance.   I pa vedir zot kapab ganny tou avek sa larzan.  Me i toultan en sipor adisyonnel ki Gouvernman in mete pour soulaz bann zanfan avek bann paran.

E si mon kapab nonmen.  I annan telman kantite, telman kantite ki nou ava fer en lazournen pour nou reponn tousala.  Alor i annan – i annan bann benefis ki’n ganny mete.  Epi i annan bann progranm ki pour mars avek sa bann benefis pour kapab- dimoun kapab vreman sorti dan sa ki zot ete ozordi.   Mersi Mr Speaker.

 

MR SPEAKER

Mersi Minis.  Onorab Terence Mondon.

 

HON TERENCE MONDON

Mersi Mr Chairman.  Bonzour Minis avek ou lekip, e tou dimoun ki pe ekout nou.  Mon premye kestyon pour Minis,  mon anvi konnen, eski Lazans in fer en analiz profon lo soustenabilite zot Bidze pour lavenir?

E parey Rapor Labank Mondyal pour 2017, ti fer resorti ki sistenm Proteksyon Sosyal pa neseser soutenab pour lavenir.  Ler ou pran kont bann paramet e bann prozeksyon nou popilasyon.

Mon anvi konnen ki bann opsyon ki zot pe eksplore pour finans, pour kapab kontinyen finans bann Progranm Sosyal?

E dezyenmman;-  parey Rapor in met lanfaz lo prodiktivite.  E dan sa Bidze, ki provizyon adisyonnel zot pe fer pour kapab met lanfaz lo bann lezot segment nou popilasyon, paret lazenes pour kapab anmenn plis prodiktivite?

E larzan i ganny servi pour anmenn prodiktivite, olye zis konsantre lo serten group ki pa neseserman i prodiktiv.  Sa mon kestyon Mr Chairman.  Mersi.

 

MR SPEAKER

Mersi Onorab Mondon.  CEO Simeon.

 

CEO MARCUS SIMEON

Mersi Mr Chair.  Mersi Onorab pour tre mon kestyon.  Soustenabilite Onorab, ozordi dan sa Bidze 1.45bilyon, 75poursan i elderly care.

E sa mon krwar zot kapab konpran akoz, popilasyon pe aze.  Nou annan 10, 000 Pansyoner.  E sa 2 Bidze an tou, Home Carer apre Retirement Benefit i kout pros 1bilyon ladan.

Ler nou azout Dezabilite Benefit, i vin ek en lot bout, en lot porsyon 15poursan.  Sa 2 group ansanm i vo 90poursan sa Bidze.

Welfer li, Lasistans Sosyal ki zot kontan konnen, i 5poursan laba.  Apre sa larestan 19 progranm i share 5poursan sa Bidze ki reste.  Ok?

So the big tier – i 3 progranm.  Retirement Benefit pli gro 800 ekek milyon dan 1.4.  Home Care pres 300milyon.  E Dezabilite Benefit osi pres 200 milyon – ok?

Alors, ou’n koz lo sustainability.  Wi, lot lannen pour annan en bann gran travay ki i annan devan nou.  Deza World Bank in antre atraver Minister Finans pe ed nou avek bann progranm lo ki mannyer nou kapab fer li pli soutenab moving ahead.  Akoz nou fini konnen poudir popilasyon pa pe vin pli zenn, i pour aze.

Alors sa driving force ki pour fer sa Bidze kontinyen monte, se la kantite popilasyon ki par lao laz retret.  Sa i inevitab.

Nou konnen dan ankor 30an, pour annan 3fwa plis Pansyoner ki nou annan ozordi.  So sa i point of reference ki nou bezwen travay towards.  Ki mannyer nou pour fer ki ler nou ariv laba sa zour, i pour soutenab.  E pour annan pansyon pour bann zenerasyon parey mwan, ki pli zenn ozordi ki nou still kapab la.

Sa i en kestyon lo tou latet bann teknisyen, tou bann Minis, tou bann politisyen ozordi zour.  Akoz i vreman- i annan bann keksoz drastik ki bezwen ganny pran.

Nou’n fini koz lo reform Home Care.  Minis in koz lo la.  E sa pe komans- in fini komanse, Cabinet in aprouve an Me.  La nou dan faz konsiltasyon.  Nou pe rod plis pwennvi ankor avek bann Home Carer dan distrik.  E pour bouze pour son lenplimantasyon komanse an 2021.

Pansyon:-  ou konnen  pansyon i vreman politikal.  Ou pa kapab zis ale dir isi, laba,  pansyon. Nou bezwen fer sir ki nou ganny li byen, avan ki ou koz okenn progranm reform lo Pansyon.  Me selman i inevitab en keksoz koumsa pour arive.

E avek led World Bank, nou pe kapab ganny bann analiz konkret kot nou kapab fer bann Polisi baze lo fe pour move forward.  Akoz i kapab mean ki kantmenm popilasyon i increase, lakantite dimoun ki travay osi pe ogmante.  Me tousala sa 2 i bezwen mars ansanm.

Ozordi i annan tou lezot fleo ki pe afekte nou bann zenn.  E si nou bann zenn pa travay, pa pe travay lo sa nivo,  then i pour fer en lot presyon ankor lo nou demen.  So i annan en bann kalkilasyon ki vin an zwe.

Lo kote prodiktivite, nou’n vwar poudir- parey PS Laurence in eksplike, nou pe met plis conditionalité lo Lasistans Welfer sirtou, sa zafer ganny lasistans pour rezon pa travay,  i vreman difisil konmela.

I annan sa Scheme Unemployment Relief Scheme ki’n vin an zwe kot pe fer sir ki dimoun ki pa pe travay pa ganny en rezon pour reste lo Welfer, me al dan en lanplwa.  Wi pour 6 mwan, pour 1an zot lanplwa i ganny peye atraver en progranm Gouvernman.  Me apre sa, sa anplwayer i anploy zot wherever they are.  Zot ganny sa skills neseser.

Minister Lanplwa i annan bann lezot progranm ankor kot nou, Employment Reskilling Program, My First Job Scheme.  Tousala i dan sa Bidze ki la, menm si i ganny administre par Minister Lanplwa ki pe ankouraz bann zenn ki’n tonbe pour en rezon ou en lot, either i pa’n ganny en bon rezilta sorti Lekol Segonder, oubyen pos- segonder.  Akoz i kapab ganny en 2enm sans pour zot- pour re stabilize e ganny en lanplwa ki zot pour kapab viv lo la, lannen vini.  Mersi.

 

 

MR SPEAKER

Mersi CEO.  Minis.

 

MINISTER MITCY LARUE

Petet mon ava azout en pti keksoz lo la.  Ki parey CEO in dir,  lo kote dimoun ki pe pran zot retret.  Nou pe vwar-mon krwar mon ti vin anmenn- mon ti vin donn mon policy lo aging isi, mon ti eksplik zot.  Epi nou plan d’action ki nou pe.  Akoz nou plan d’action li, nou pe anmenn tou sekter ansanm.  Fon Pansyon, Lasante, Ledikasyon.  Tou pe vin ansanm pour nou kapab fer nou plan d’action pour nou- La nou pe fer en assessment kot nou’n arive pour sa lannen ki nou’n fer,  pour nou kapab vwar kote nou pe ale.  Akoz Pansyoner, nou pa kapab met en full stop ek laz.

Zour en dimoun i dir ou in ariv son 63an, ou pa kapab dir ek sa dimoun, be non mwan napa larzan pour mwan donn ou.  I son retirement benefit, ou bezwen donn li.  Alor- e sa pe ogmante.  Ou bezwen annan.

Prezan ler ou konsider Carer.  Carer wi, nou pe regarde li osi i pe monte.  Akoz i pe monte?  Akoz li osi pli dimoun i vin pli aze, pli son bezwen pour li ganny lasistans ek swen kot lakour i osi ogmante.  Unless nou pe organiz bann progranm pour gard zot pli healthy pour zot pa tonm –  Akoz nou annan dimoun ozordi ki annan 86an, i napa Carer.

Akoz i mobile, i fer tou son zafer, i dir ou i pa bezwen.  Be i annan dimoun ki pli zenn, i bezwen Carer.  I tou depan zot kondisyon lasante.  So sa bann keksoz lo Carer byensir, nou konpran, i annan serten labi nou kapab dir.  Me tousala atraver reform ki Gouvernman in aprouve, nou pour kapab vwar letan nou fini fer sa profiling, nou’n konn byen demann sak sa bann dimoun.  Me an menm tan nou pa kapab kit personn deryer.

Par egzanp si sa dimoun la ozordi pa ganny Carer, i kapab zis ganny li en latak.  Demen i bezwen Carer.   Nou pa prevwar-e nou pa kapab prevwar.  Nou, nou pa kapab prevwar dan Minister pour nou dir be, nou pour ganny sanmenm sa annan de fwa ler in ariv Septanm.  Nou pe dir napa larzan.  Akoz nou pa’n kapab prevwar.  Nou pa’n kapab prevwar.

Sa dimoun dezabilite.  I annan zanfan i ne avek dezabilite.  Ki mannyer nou anpes sa?  Ou konpran?  I annan travayer lasante pour regarde ki mannyer- nou travay avek bann manman ansent eksetera, bann ki lo drog.

Ozordi i annan en bann progranm ki ganny met an plas.  Konmsi i annan tou sa travay ki pe ganny fer avek tou bann lezot Minister ansanm.  Nou, nou enn.  Me i annan lezot Minister ki bezwen travay ansanm pour nou- nou tou nou konnen nou oule fer sa bann keksoz vin soutenab.  Soutenab, me an menm tan dimoun ki pe travay, se nou ki pe kontribye.  Se nou ki kontribye. Tax payers ki kontribye.  E byensir se koumsa ki i marse.  Sa ki i annan- sa ki kapab i kontribye pour bann ki mwen, mwen kapab.

Akoz disabled, ou kapab ou koman en Onorab ozordi ou byen, ou pe asize.  Demen ou tande ou vin en dimoun avek dezabilite.  Sorry mon pe servi ou.  I kapab mon demen mon mwan osi mon vin en dimoun avek dezabilite ki mon ti byen, en aksidan en keksoz.  Ou konpran?

I bann keksoz- i bann keksoz ki nou pa kapab evite.  Nou pa kapab kontrole.  E nou pa kapab dir i pa kapab arive.  So, sa bann landrwa koumsa i difisil pour nou.

Be ler nou get welfare assistance, nou vwar poudir nou’n vreman desann.  Ler nou pe get 2017 nou sorti 71-80 milyon, ozordi nou’n ariv 47 milyon.  Savedir i montre ou poudir nou’n fer en kantite progre.  Akoz welfer li i diferan ek sa bann lezot benefis ki nou’n mansyonnen.

Akoz sa bann benefis li, i tous depi sa manman ansent, sa pti baba ki ne, ziska ler sa dimoun i al dan son grave.  Koumsa i ete.  Me tandis ki welfer li, mon kapab en dimoun- son lapey pa ase, i bezwen vin rod en pti larzan.  E ou pa kapab.  I vini i annan 5 zanfan, i vini son pti lapey i 5, 000, ki mannyer ou pa ed li?  Dapre kriter- i zwenn kriter, i devret ganny en pti lasistans.  Ki ou fer ek li?  Ou dir li ale?

Konmsi we have to be compassionate at the same time.  An menm tan nou bezwen nou responsabiliz dimoun – ok?  Akoz Gouvernman li, i en Gouvernman, en caring Government ki bezwen- nou bezwen care for the people, nou bezwen care for the vulnerable.  Care pour lasosyete.  Met nou dimoun o sant devlopman.

So vwala en pti pe ki mannyer nou pe ale.  Nou bann zenn, nou pe fer sir.  Nou pour pous zot pour fer zot al travay.  Akoz zot bezwen travay.  Zot bezwen travay pour zot prodwir, pour anmenn plis larises pour pei.  Se sa ki nou dir, donn zot sa allowance pour zot fini zot lekol.  Pa kit dan semen apre demann bann anplwayer osi pour anploy nou bann zenn.  Sekter prive pour fer sir zot anploy nou bann zenn, sirtou bann ki anba URS.

In fer 6mwan.  Pa zis dir li ale, son 6mwan in fini.  Annou demann zot pour zot ede anploy sa dimoun.  Donn li en sans pour li prouv son lekor li osi.  Mon krwar vwala en pti pe sa ki mon ti a kontan azoute.  Mersi Mr Speaker.

 

MR SPEAKER

Mersi Minis.  Onorab Noline Sophola.

 

HON NOLINE SOPHOLA

Mersi e bonzour Mr Chair.  Bonzour Minis avek ou lekip.  Tou Manm Onorab, e tou dimoun ki a lekout.

Premyerman Mr Chair, mon anvi felisit Minis ek son lekip ki zot pe fer en travay pour bann Supervisor pour bann Carer.  Akoz mon krwar sa ti plis ki tan.

Mr Chair premyerman mon kestyon i lo ledikasyon piblik.  Minis ler mon pe regard anba sa progranm, mon vwar en kantite benefis ki i annan.  Me selman pa bokou dimoun dan lakominote ki konnen vreman kisisa ki ou Minister i annan pe ofer.  Ki provizyon dan sa Bidze ki ou Minister pe fer pour anmenn ledikasyon pli pre avek lakominote?

E dezyenmman Minis;-  dernyen fwa mon krwar ki ler ou ti la,  anliny avek bann sanzman ki ou pe anmennen.  Nou ti dir annou revwar sa fiche barthel.  E si nou pe dir nou pe al regard bann Carers eksetera.  Mon krwar nou bezwen annan en fiche ki pli friendly pour bann dimoun travay lo la.  Eski ou kapab dir nou, ki zistans ki ou Minister in arive avek?  Mersi Mr Speaker.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Petet mon ti a reponn ou dernyen- lo kestyon Supervisor, mon krwar sa parey taler mon’n dir nou bezwen dan- avek nou reform pour annan sa Unit kot nou pour bezwen supervise travay.  Travay bann Carers pour fer sir ki zot delivre lo sa ki zot mandate pour zot fer.  Ok?

Lo kestyon barthel, wi.  Akoz parey zot konnen, pour en dimoun ganny Carer, i bezwen Zofisye Medikal ki assess son sityasyon, e i annan en barthel konmela.  Me sa barthel pe ganny revize pour nou zwenn World Health Organization ‘WHO’ sistenm WHO ki in met an plas pour nou regarde ki mannyer nou kapab servi sa nou osi.   E byensir dan konteks Sesel.   Sa i ganny revize.  E menm training ki nou pe fer avek nou bann Carer.  Training pe ganny fer par bann Zofisye Minister Lasante osi.  Savedir nou pe travay an etrwat kolaborasyon avek Minister Lasante.  Mersi.   Apre mon a les CEO reponn lezot kestyon.

 

MR SPEAKER

Mersi Minis.  CEO.

 

CEO MARCUS SIMEON

Mersi Mr Chair.  Mersi Onorab pour ou kestyon.  Kote premye, i tonm anba nou kad, sensitization sorry.

Parey zot konnen sa- komansman sa lannen la, Social Security koman en progranm, in selebre li 40an legzistans.  E pour sa i annan diferan aktivite ki’n ganny fer.  Nou’n menm vin la dan Lasanble fer en Statement lo la.  Me nou pe profit osi sa lokazyon pour fer mass sensitization lo tou bann progranm ki tonm anba Benefis Sekirite Sosyal e bann lezot Scheme ki Lasistans Proteksyon Sosyal i ofer.  Nou’n fer nou prosedir tender.   Tou nou zafer fek fini finalize la.   E nou pour komanse Desanm pour bouze pour lot lannen.

So vre, i annan kestyon ledikasyon.  I annan menm dimoun pa konnen ler zot ariv 63an, ki bor zot vini, ki bor zot ale.  I annan dimoun i vin kot nou la 65an.  I dir prezan mon konnen mwan ti annan sa.  So ou konnen?  So i annan tou sa bann keksoz koumsa ki nou pe fer.  I annan bann dimoun ki al deor ki dir ‘‘mon pa ti konnen si mwan ale apre 6mwan, mon pansyon i koupe’’.  Ou konpran?  Sa i dan Lalwa tousala.  

So i bann ledikasyon, e bann sansibilizasyon ki nou bezwen fer- ki pour al ganny fer lo kote ki mannyer sa bann benefis i aplike pour en dimoun ki zot responsabilite towards sa.  E ki responsabilite sa- ki drwa zot annan anba sa bann Lalwa.  Mersi.

 

MR SPEAKER

Mersi.  Minis.

 

MINISTER MITCY LARUE

Sorry, petet pour azoute, nou pour osi annan bann spots.  Bann pti spots lo televizyon ki nou pour mete, pour ki dimoun i a konnen.  Vwala petet ozordi mon met en spot lo Daycare.  Akoz mon konnen poudir Daycare Allowance bokou paran, zot menm vin kot mwan letan zot vwar mon letan mwan vwar piblik.  Zot pa konnen poudir i annan sa allowance Daycare.  La aprezan ou bezwen dir zot, prezan zot ale, zot in manke tou sa letan.   So sa- tou sa bann zafer nou bezwen- nou bezwen enform nou piblik pour zot konnen.  Akoz i annan en kantite benefis.  Parey mon pe dir ou pour zanfan ler en pti baba i ne, Foster Care Scheme, tou sa bann Scheme i annan.  Nou bezwen vreman anmenn a laporte.

E mon’n menm-mon ti pe dir avek CEO, nou pe diskite.  Ler nou pour fer sa bann- nou pour al dan tou distrik.  Nou pour bouz avek sa bann keksoz.  Legzibisyon, nou bouz sa bann distrik kot tou-nou pa pour bliy Praslin ek La Digue.  Akoz zot osi zot bezwen konnen ki pe pase.  Ki bann lenformasyon i annan pour ki tou dimoun-si i tonm dan kad en benefis, i kapab benefisye.  Ok?  Bann spots la nou pour fer vreman.  Akoz i enportan pour nou met bann spot.  Bann spots ki atir latansyon.  Mersi.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Chair.  Minis mon kontan ki ou dir ki ou pour al dan bann distrik pour al fer sa, fer bann spots.  Me la parey i annan sa Vulnerable Home Repair.  Me bokou dimoun pa konnen.  Zot pa konnen what it entails.  Konmsi petet-anyway la nou Desanm.  Petet komansman janvier byen boner, sa bann keksoz i komans aparet.  Tanzantan nou pran en topik, nou koz lo la.

E mon pour retourn lo sa barthel.  Sa barthel, i vre ki i pe al review an led avek WHO.  Me selman dan limedya- akoz sa pe ganny servi dan distrik.  I ankor still en constraint, i en presyon lo bann dimoun.  I vin kot ou, ou konnen mon manman i 82an, in ale, ler in ranpli i dir li i pour ganny 3erdtan.  I pour ganny 4edrtan.  Pending the time ki sa pe al review, ki ou Minister i kapab fer en keksoz pli senp.  Petet ansanm regarde pour tir sa presyon lo nou dan sa kominote?  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Ou konnen akoz mon fek- 2 semenn pase mon fek rankontre Lasante, nou menm nou kot Home- kot Family Affairs, apre avek Local Government avek NCE,  nou’n rankontre nou’n dir, nou pour bezwen move dan Kominote ansanm.  Konmsi avan, Health i al li tousel.  Prezan nou kapab move ansanm.  Akoz ler nou move ansanm.  Nou vwar vreman bann bezwen sa bann dimoun.  Espesyalman nou kapab komans pran bann dimoun ki deza pe ganny Carer, nou al kot zot nou regarde.  Apre ansanm nou kapab fer bann desizyon.  Nou kapab fer bann desizyon- bann Zofisye i kapab desizyon enformen.

Ok nou pe fer-nou fer profiling, nou preski fini fer.  Nou pour konn en pe.  Prezan nou kapab pran bann desizyon enformen lo-par egzanp si en dimoun i-let’s say i pe reste li tousel.  Li tousel i napa personn, i napa ni fanmir nanryen.  I pe ganny Carer 3erdtan.  Sa ou bezwen regard son sityasyon.

Definitivman petet 3erdtan pour li, li tousel Sanmdi napa, Dimans napa, i vin en problenm.  So sa i bann keksoz ki mon krwar nou bezwen fer li ansanm.  Nou pa pour kapab fer li nou tousel.  Be nou bezwen fer li avek lasante.  Akoz zot ki konn byen bezwen espesyalman lo zot swen lasanteOk?  La nou kapab fer en pti keksoz.

Nou kapab komanse.  Be selman parey ou pe dir, Desanm in fini arive.  Me selman sa i en progranm ki nou pe al met an mars full swing lannen prosenn.  Mersi.

 

MR SPEAKER

Mersi Minis.  Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Minis ek ou delegasyon.  En pti kestyon, plito en leklersisman osi.

Pli boner zot in koz lo bann dimoun ek dezabilite.  Minis in tous en pti gin lo la ki i annan serten dezabilite ki apard sa lasistans ki zot gannyen, zot kapab al fer serten travay pour kapab ed zot anmenn en pti pe plis.

Me parkont i annan- i annan serten dimoun avek dezabilite ki malgre ou pour met zot dan en lanplwa, zot pa pour prodwir nanryen.  Zot fizik marse normal, me selman i zis sa dezabilite mantal.  I pa permet zot fer nanryen.

Ki mon pe gete, souvandfwa sa bann dimoun zot, zot napa fanmir, zot pe reste kot en dimoun.  Konmsi ki pe demande,  akoz ki zot lasistans i sanze detanzantan?  Mon konnen en ka kot sa dimoun ti pe ganny R5, 000.  La i pe ganny R2, 000 ekek.  I ti pe ganny 5, 000 an montan.   E sa i fer ki kot i pe- i kre en de balansman.  Akoz sa dimoun ki’n anmas li, ti pe ganny sa 5, 000 ti pe pey son bann bezwen, apre donn li en pti larzan.  Be ler ou fer li desann, konmsi i afekte en pe sa.  Sanmenm ki ou trouve prezan sa bann dimoun, i pa kapab soutenir sa dimoun.  Ou vwar zot lo semen.  Konmsi dan sa Bidze,  ki zot pe fer pour rektifye en pe sa pou vwar ki bann ki lo sa kote zot, zot kontinyen ganny zot full amount?   Mersi.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab pour ou kestyon, i vreman pertinan.  Benefis lenvalidite oubyen benefis dezabilite, tou lede i menm parey – en?

Mannyer i marse,  se ki pa Lazans ki kontrole lekel ki gannyen, lekel ki pa gannyen.  I annan en Board Medikal ki konpri 5 dokter lo la, ki travay kot Minister Lasante ki fer sa bann assessment.

Dan ka koumsa parey ou pe eksplik mwan, i kapab ki sa dimoun in fer- ler in fer sorti assessment, wi in dir i kalifye, e i donn zot en peryod letan.  Me ler in review, in vwar poudir malerezman poudir i nepli kalifye.  E la kot in sorti lo sa 5, 000 i kapab aprezan tonm lo Welfer Unemployed kot nou tret li kot- konmsi ler mon pe ekout sa-mannyer in tonbe, i kapab en senaryo koumsa.  Akoz benefis lenvalidite son amount i fixed li.  Si ou lo la, ou ganny 5, 000, i pa pour sanze.  Ok? 

So i kapab ki i ti benefisye anba sa.  Apre ler in review, in nepli kalifye pour ganny ankor.  E la kot nou’n vwar li tanporerman bezwen lo Welfer pandan sa peryod tranzisyon.  So sa mon kapab eksplik lo la.

Me moving forward, nou pe osi reget anba World Bank i annan en progranm reform lo kote benefis ki mannyer sa assessment lenvalidite e dezabilite i ganny fer.

Parey mon’n dir, ozordi i pirman en health assessment.  Savedir sa bann dokter i baz lo zot health condition.  So, me, push enternasyonalman- best practice enternasyonalman, se ki i pour bouz away from sa ‘‘health model’’ to enn ki apel ‘‘functional model’’.  I gete ki mannyer sa dimoun i kapab fonksyonnen.

Akoz wi i kapab health wise in improve.  Me selman lo son fonksyonnman i ankor annan en pe limitasyon.  E la, la kot i kapab- i pa neseserman i a ganny menm benefis lo menm oter.  I kapab ganny diferan- konmsi en proportion sa amount.  Ok mersi.

 

MR SPEAKER

Mersi CEO.  Onorab Paul Ernesta.

 

HON PAUL ERNESTA

Mersi Mr Chair.  Mr Chair, Minis ek ou delegasyon, nou bann koleg Onorab, e tou dimoun a lekout, presizeman dimoun Takamaka, bonzour.

Mr Chair, mon premye kestyon, i an se ki konsern si ou le CEO– anba bann proze pour lakaz.  Bann reparasyon lakaz.  Zot in fer sorti bann konsern zot annan.  Napa en Unit pour fer proper monitoring pour sa.  Ki zot pe fer pour fer sir dan sa dan sa Bidze ki la, dezormen i kapab arive?  Akoz nou vwar zot ganny lasistans avek Local Government kapab ed zot dan sa process.  Me an prenon kont lot travay Local Government i anmenn en retardement lo zot proze pour zot.  Ki laranzman zot pour fer, pour fer sir ki sa i ganny deal avek efektivman lannen prosenn?

Apre mon’n vwar en rediksyon lo Bidze pour URS.   In sorti 14 something in desann 10 ki all along i pe mete.  Akoz sa?  Eski zot pe ankouraz met plis bann zenn ozordi in al plis dan lanplwa?  Swa i annan- ki aktivite ki’n arive, ki’n fer sa rediksyon dan zot Bidze?

Apre Mr Chair, nou annan osi nou bann manrmay ki pe lekol.  Minis, pli boner in koz lo la.  In pe donn zot en pti allowance kapab permet zot kontinyen zot letid.  Bann manrmay pos-segonder sa en?  Ozordi mon krwar zot pe ganny zot R800 or something like that.

Ozordi, an prenon kont sityasyon lavi ozordi,  e osi nou annan bokou bann paran, bann manman ki’n retourn-kot dan lekol, e zot ti pe travay.  E apre zot vwar i annan en retonbe dan zot income. 

Eski zot pe annan provizyon pour fer sir ki i annan en logmantasyon ki sa bann manrmay pos-segonder i kapab ganny en increase dan zot allowance, kapab ed zot pour zot byensir-pour zot kapab fini avek zot letid?  Mersi Mr Chair.

 

MR SPEAKER

Mersi Onorab.  CEO.

 

CEO  MARCUS SIMEON

Mersi Mr Chair.  Mersi Onorab pour ou kestyon.  Komans lo sa enn premye lo kote sa bann proze vilnerab en.  Si mon a fer en revi lo sa bann dernyen lannen.  Ziska ozordi nou’n anrezistre nou 763 cases – en,  dan lekel pour sa dernyen lannen nou’n konplet 168 ladan.  E ozordi nou annan 105 ki Kontra in ganny issued.  E en 63 ki pe ganny tender.  Me sa lannen- pour lot lannen nou’n ganny nou en Bidze R10 milyon.  Mon’n eksplike sa kantite ki nou’n tender ok?  E dan lekel ozordi 49 in fini pare.  In fini tender, in fini ganny tou son zafer.  E zot lavaler i R13.6 milyon.  Savedir nou’n deza fully committed pour lot lannen.  Ok?

E sa 49 proze ki mon pe koz lo la, i distribye across Mahe, Praslin e La Digue.  Ok, e nou kapab fer ganny lalis apre sa, si zot anvi.  Ok?

E lo kote monitoring nou’n vwar dan lepase-parey Lazans li, i a koman- son manda i a sa paying AgencySo i a koman sa financing vehicle pour sa bann proze.

Par deryer sa, sa bann proze i ganny enplimante atraver swa Local Government, oubyen MHILT.  Me- e ziska prezan nou ti ganny nou en pe difikilte lo monitoring.  Akoz i annan ler de fwa ou vwar en proze vini.  In sertifye kot distrik ek bann Project Officer wi in konplete.  Me ler ou ale.  Ou vwar i annan detrwa defayans.  Avek nou, nou’n vwar sa.  Akoz nou menm nou lo nou kote, nou pa zis ale peye.  Menm nou 2 Minis nou ale team avek bann lezot dimoun monitoring nou ale nou gete.  Nou vwar proze in kapab konplete 1an.  Sa dimoun pa ankor antre dan lakaz.  Nou’n vwar bann sityasyon koumsa.

E an giz avek sa, atraver Departman Lapovrete, akoz sa proze i link avek en progranm.  Nou pa zis fer lakaz dimoun, pour tir li dan en sityasyon pour improve.

So sa lannen ki pe vini, nou’n ganny 2 pos pour Departman Lapovrete ki pour spesifikman pour monitoring e evaluation ki pour ede fer sir ki sa bann larzan ki nou pe depanse dan sa bann tel progranm pe annan sa lenpak neseser.   Ok?

Lo kote URS;-  nou Bidze sa 10milyon in reste menm level ki i ti ete komansman lannen – sa lannen.  Akoz nou ti fer nou Bidze an Me.  Me ki nou pa ti’n pran kont?  Se ki sa lannen nou’n ganny sa bout siplemanter ki nou ti demann apepre en 5milyon.

So sa ki pe fer sa diferans.  Nou ekspekte sa progranm- akoz la i pe ariv son- i pe matir.  Ler Minister Finans ti devret 10 milyon, nou ti’n fek komanse depi Septanm 2017.  So pa ti tro sa.  Nou pe vwar poudir sa nouvo spending i pour dan sa range 13 a 15milyon.  So nou kapab en pe short lo la.

Akoz sa i son nivo.  Baze lo kantite input ki nou pe gannyen ozordi,  nou pe vwar poudir i pe stabilize lo apepre 250 a 300 dimoun lo la par mwan.  Ok?

Apre ou dernyen pwen i about bann manman ki retourn back lekol.  Mon krwar sa i en keksoz ki fit byen dan ethos Minister.  En keksoz in ariv ou, ou pour kontinyen bouz devan.  E koman Gouvernman atraver Minister, atraver nou tou, nou ankouraze sa.

Wi zot ganny sa allowance, i annan detrwa faz vwar zot difikilte lo la.  Me anba Lalwa Welfer i dir, ‘‘Okenn sitwayen Seselwa ki par lao 18an i kapab apply pour lasistans. ’’

E dan bokou de fwa sa bann tel paran zot apply.  E zot ganny sa lasistans siplemanter pour supplément zot income.  So nou ankouraz- nou ankouraz zot ki pe vwar zot dan sityasyon difisil, pour vin devan fer zot laplikasyon.   E dan bokou de ka zot ganny lasistans.  Mersi.

 

MR SPEAKER

Mersi CEO.   Onorab Ernesta.

 

HON PAUL ERNESTA

Mersi Mr Chair.  Mr Chair mon reponn lo premye- CEO in les nou konpran ki pour lannen prosenn lo kote bann Housing Assistance zot in fini boukte.  E prezan, eski i kapab dir nou baze la zot fini konnen ki zot annan,  e ki zot napa?  Ki bann alternativ opsyon ki bann dimoun pour annan pour zot kapab si oule ede amelyor zot sityasyon?

E dezyenmman;-  eski i pe – CEO pe dir mwan ki wi zot pe rekonnet pour zot kapab ogmant  en pti pe allowance bann dimoun, bann manrmay pos-segonder, ouswa i pour reste parey?  Mersi Mr Chair.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Ok, komans limero 2.  Pour le moman, non.  I- i pa ankor vini dan pipeline pour annan logmantasyon.  Me tou mannyer selman bann logmantasyon i atraver Minister Ledikasyon – ok?  Mon konnen i annan en papye ki zot pe travay lo la.  Me selman i pa ankor vin devan pour le moman.

Ki mon pe dir, se ki sa bann fanmir, sa bann tel paran i kapab ganny en lasistans siplemanter ki a top-up sa bursary ki zot gannyen.

Lo kote ou kestyon premye;-  ki lezot alternativ i annan?  Sa bout ki la kot nou, i en Grant ki Gouvernman;- savedir sa i bann fanmir ki vreman, vreman dan kritik.

Me ki nou pe advise dimoun la.  I annan en ta lezot prodwir ki Gouvernman i annan deor.  En ta prodwir subsidize loans ki i ofer atraver HFC0% loan, Home Improvement Loan, Second Housing LoansSo tou bann prodwir koumsa i annan.   Konmsi avan en dimoun i vin kot nou dan tou sa 49 la, nou’n bezwen fer sir ki zot annan en exhaust tou sa bann lezot alternativ ki available.

E mon mesaz se, nou pe ankouraz bann dimoun pour servi sa bann lezot fasilite ki i annan.  Mersi.

 

MR SPEAKER

Mersi CEO.  Onorab Woodcock.

 

HON WAVEL WOODCOCK

Mersi Mr Speaker.  Bonzour Minis, CEO, tou Manm, tou dimoun a lekout.  Mon kestyon i baze lo Benefits and Approved Programs of ASP. 

Premyerman i annan- mon vwar en increase dan Disability Benefits.  An 2019 ti 69.3milyon, in ogmante pour vin 103.5 pour 2020, eski Minis i kapab donn nou en pe detay- en leksplikasyon akoz sa gran logmantasyon?

Dezyenmman;-  mon 2enm kestyon i kot i konsern lakaz, lasistans lakaz sirtou lo Scheme reparasyon.  Anba Vulnerable Home Repairs, i annan en alokasyon en sonm R10milyon pour 2019.  E pour lannen prosenn i pour menm sonm menm ankor en R10 milyon pour 2020.

Ou fek dir la poudir bann proze in ganny tender, i pour ariv plis ki sa larzan ki pe ganny alokasyon.  Savedir bout proze ki pe komanse, sa alokasyon pour lannen prosen pour kouver en pe sa bann proze pour sa lannen 2019 osi.

Eski sa bann alokasyon ki zot pe gannyen pour sa Vulnerable Home Repair Scheme i ase?  E si zot pa krwar poudir zot merit en pti biznes en pti pe pli élevé? 

Mon konnen i annan en kantite case, i annan en kantite request.  Me selman en lot konsern ki’n ganny leve, se ki i mank enparsyalite avek latransparans dan lafason ki lekel ki ganny awarded sa bann alokasyon?  Lekel ki ganny ede anba sa Vulnerable Home Repairs Scheme?

E mwan  mon kestyon ki mon anvi demande,  par lefe ki Minis MHILT in tonm lo en Lagreman avek Lasanble, ki from now on, se bann MNA ek DA ki pour sign off lo lalis alokasyon lakaz.

E mwan mon santi poudir anba Vulnerable Home Repair Scheme osi, bann MNA osi, i merit annan en say.  Mwan mon’n fer plizyer rekomandasyon dan lepase.

Depi 2017 i annan plizyer lalis bann fanmir ki mon’n anvoye, bann dimoun – dan Bel Air, dan Consolation.  Ziska aprezan mon pa ankor vwar sa bann dimoun ganny okenn lasistans.  E ki nou rekomandasyon, nou bann input, i pa vo nanryen?

Konmsi mwan mon  santi poudir ki MNA osi, i bezwen ganny konsilte.   I bezwen ganny konsilte.  Zot bezwen pran nou bann rekomandasyon- pran kont bann rekomandasyon ki nou fer.  Akoz vreman i annan bokou, bokou mekontantman lo lafason ki sa larzan pe ganny servi.

E sa, i osi konsern Special Housing Poverty Alleviation.  I annan en Bidze anba Housing Management R5milyon.  Tit sa proze i ‘Special Housing Poverty Alleviation’ 5milyon.

La PS pour Poverty Alleviation la devan nou.  Si ou get anba PSIP, paz 34 anba Housing Management i annan en HeadingSpecial Housing Poverty Alleviation’ R5milyon.

Mon pa konnen- kekfwa i pa tonm anba ou Minister.  Me selman i annan sa larzan pour Poverty Alleviation.  E ankor enn fwa, mon santi ki sa bann lakaz ler i ganny fer, pour li ganny- avan ler i ganny allocate, oversee i annan sa Vetting Committee, i annan sa Allocation Committee.  E mon still santi poudir nou osi bann MNAs we should have a say and input lo lekel ki ganny alokasyon sa bann lakaz.  Akoz i kapab annan en labi.

Nou pa anvi vwar en sityasyon ki’n deza arive dan lepase kot zis serten dimoun, ouswa ki siport en serten parti politik ki ganny lasistans.  Nou, nou anvi ki keksoz i ganny fer dan en fason drwat, dan en fason enparsyal kot tou dimoun ki merite i ganny lasistans.  Mersi.

 

(APPLAUSE)

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mr Speaker kot i konsern Vulnerable Housing la en, sa bann- ordinerman nou kot Lazans Proteksyon Sosyal.  Nou, nou peye.  I annan son sistenm ki mannyer sa i marse.

I sorti from District Administration, zot laba ki konn zot distrik, ki vizit zot distrik.  E zot fer rekomandasyon pour serten dimoun.  Zot anvoye, zot anvoy.  Epi i annan ankor lezot prosedir.   Ou bezwen get finans, i bezwen fer scope of work i bezwen desann kot Vetting Committee.  Apre la ler tou keksoz i tender, ou konpran?  Apre la ki keksoz i ganny fer.

Me DA i sipoze at district level i annan son diskisyon ki i fer.  Mon pa konnen avek ki i fer konsilte.  Be selman, mon pa konnen.  Mwan personnelman, toultan mon tann nou dir poudir in ler pour tir politik dan tou sa bann zafer.   Toultan mon tann dir.  In ler pour nou tir politik dan sepaman kwa.  Tir politik isi, tir politik-be la ou a krwar nou pe dir anmenn politik back ankor.

Akoz sa i sorti o nivo distrik.  Distrik i deside vwar son dimoun, DA i marse, i sipoze pe mars dan tou son distrik pe konn son dimoun.  MNA i sipoze pe marse, i sipoze pe travay ansanm – ok?   Savedir si DA in vwar en case, in koz ek son MNA, oubyen son MNA in vwar en case, in koz ek son DA, nou anmenn ansanm.  E nou anmenn sa keksoz devan kot fodre arive.  E nou kot ASP nou peye.  Nou peye selman ler case– ler louvraz in fini fer, i sertifye konmkwa in korek, in fer, vizite tou.  La nou, nou peye.  Ok?

Be nou pour komans anmenn tou dimoun fodre sinyen, tou dimoun- mon pa konnen mwan.  Mon pa konnen kote.  Si nou pour al fer- si nou pour antre ankor- anmenn politik dan tou sa bann zafer.  Si pa pe fer plis birokrasi.  I don’t know!   Sa mon poz sa la pour zot reponn.   Ok.

 

MR SPEAKER

Mersi Minis.  CEO.

 

CEO MARCUS SIMEON

Ok.  Mersi Mr Chair.  Mersi Onorab pour ou kestyon.  Ou premye kestyon konsernan sa logmantasyon.

Parey zot in konnen dan Lanons ki Prezidan ti fer, i annan 3 Benefis ki zot rate in ogmante.  I annan Retirement Benefit ki mars ansanm avek Dezabilite ek Vulnerable Benefit.   Zot Benefis in ogmante par- pour ogmante kan le 01 Zanvye par R500 pour vin R5, 750.  So zis sa increase alone, sanmenm sa ki fer sa logmantasyon sibstansyel.  Lo tou le 3 sa laliny Bidze annefe, ok.  Mersi.

 

MR SPEAKER

Mersi CEO.  Onorab Woodcock.

 

HON WAVEL WOODCOCK

Mr Speaker, pour reponn Minis.  Nou bezwen admet- nou bezwen fer sorti ki in annan politik dan lepase lo bann alokasyon.

DA dan lepase in servi sa bann keksoz pour fer politik avek.  Nou, nou ki nou pe demande, se ki nou, nou- zot bezwen Minister ekout nou rekomandasyon.  Bidze nou ki aprouve.

Sa bann proze i konsern zabitan nou distrik.  Nou ganny elekte dan en distrik, pour nou get konsern nou bann dimoun.  E ler en dimoun i vin kot ou avek en sityasyon, obviously mon pou refer avek DA avek Minister.   Me selman, at least ki nou pe demande, se ki pran nou- pran kont nou rekomandasyon osi.  Pa zis kit nou a lekar.   Akoz i annan bann ka ki nou met devan, i annan keksoz- enn ler nou plis lo teren ki DA.

Nou plis lo teren ki DA, nou vwar plis keksoz ki DA.   Ou vwar dimoun vin kot nou plis ki i al kot DA.  E nou osi- zot bezwen pran kont, zot bezwen ekout nou rekomandasyon.  I enportan ki zot ekoute.  E i enportan ki i annan sa korperasyon ant bann DA avek bann MNA sirtou kot i konsern sa bann gro alokasyon ki al pour fer bann proze lakaz, ouswa reparasyon lo lakaz dan nou distrik.  Sa ki mon pe sey fer sorti Mr Speaker.

 

MR SPEAKER

Mersi Onorab.  Minis.

 

MINISTER MITCY LARUE

Mersi.  Ok, Onorab in dir klerman, lontan ti annan politik, ok?   Ou menm ou, zot in dir tire.  Be la nou dir anmennen.

 

(Interruption)

 

MINISTER MITCY LARUE

Akoz si ou ou’n koz ek ou DA, be ou pa travay avek ou DA dan ou distrik?

 

HON WAVEL RAMKALAWAN

(Off-Mic)

Li menm li pli gran politisyen…

 

MINISTER MITCY LARUE

Lekel?

 

MR SPEAKER

Order!   Order!   Order!   

 

MINISTER MITCY LARUE

Mon pa konnen mwan.

 

HON WAVEL RAMKALAWAN

(Off-Mic)

Be zot pe dir ou.

 

MINISTER MITCY LARUE

Be zot bezwen travay avek zot DA.  Travay avek zot DA ansanm.  Mon pa krwar sa bann zafer.  Akoz si nou pour vini pour nou antre ladan pour nou vin gete lekel ki pe gannyen.  Savedir nou pe rod ankor ‘’’Ek nou, pa ek nou!’’  Nou pe re rod ankor ’’Ek nou, pa ek nou!’’  Sorry mon dir sa.  Mon osi mon en politisyen!  Mersi.

 

MR SPEAKER

Mersi Minis.  Onorab Lemiel.

 

HON SLYVANNE LEMIEL

Mersi Mr Chair.  Bonzour Minis avek ou delegasyon.  Bonzour tou lezot dimoun.  Mr Chair, mon kestyon enn ti konsernan Vulnerable Home Repairs.  Mon krwar Minis in reponn lo la.

Dezyenmman ti annan en lenformasyon petet Mr Chair nou ti a kontan pase.  Sa i an referans avek kestyon ki Onorab Stephen Pillay ti’n poz Minis lo kote STC desantralizasyon pour bann dimoun ki i annan sa kart.  Anse Royale nou ti’n fer en demars pour ki STC i annan en Brans Anse Royale.  Me sa Chairman li menm – Chairman Board STC in fer resorti ki zot pa pe al antre ankor dan lenvestisman supermarket.  So i fer ki ou vwar distrik in seye pour fer en serten demars.  Me i fer ki Board STC li i desid otherwise.

Ler nou tourn lo Bidze.  Specialized Children’s Treatment Scheme, nou vwar i 0poursan pandan lannen pase, detrwa lannen, lannen prosen osi.  Petet mon ti a kontan en leklersisman.  Akoz nou vwar bokou zanfan pe al tretman aletranze.  E mon konnen i annan bokou paran osi ki vin ver Lazans Proteksyon Sosyal dan- anba ki Scheme prezan ki zot pe asiste sa bann zanfan ki al tretman aletranze?

Apre dezyenmman;-  nou vwar Apprenticeship Scheme.  Li in ganny ogmante par R3.9 milyon.  Petet nou ti a kontan ganny en pti leksplikasyon akoz sa logmantasyon.  Mersi Mr Chair.

 

MR SPEAKER

Mersi Onorab.  Minis.

 

MINISTER MICTY LARUE

Mersi Mr Speaker.  Mr Speaker mon’n konpran byen ou pwen lo Board zot pa’n tro dakor pour fer ankor- antre ankor dan bann supermarket.  Selman, still mon konpran ou.  Me selman still nou ava sey regarde ankor ki kapab arive.

Kot i konsern Children’s Overseas Treatment Fund, sa in ganny met anba Minister Lasante.  Akoz nou krwar i pli apropriye akoz zot, zot pe- zot ki dir lekel zanfan pour- alor i apropriye ki sa Fon i al anba zot kot zot kapab zer sa Fon zot menm, olye ki nou ki pe zere.  Ok, prezan mon ava pas avek CEO pour Apprenticeship Scheme. 

 

MR SPEAKER

Mersi Minis.  CEO.

 

CEO MARCUS SIMEON

Mersi Mr Chair.  Mersi Onorab pour ou kestyon.  Lo kote Apprenticeship Scheme, sa i vin dan sa laliny re distribye Bidze towards plis nou bann zenn.  Ok?

Nou konnen, parey lannen pase ti mansyonnen sa- apepre konbyen?  40poursan zenn ti sorti avek en nivo en pe pli ba.  So tou bann zenn ti bezwen bann lasistans.  Pa pour tonm lo Welfer.  Me pour re skill zot, pou re train zot pour zot kapab antre byen dan lemonn lanplwa.   So sanmenm sa, ou vwar sa Bidze laprantisaz i monte akoz sa Apprenticeship Scheme i sa Scheme ki skill up bann zenn ki’n fek sorti dan segonder.  Pa bann zenn pos-segonder, me ki’n sorti dan segonder e ki pa’n ganny sans antre dan en lekol Pos Segonder kot i ede dan sa-kot nou apel sa ‘‘vocational training’’ pour zot ganny en skills.  Mersi.

 

MR SPEAKER

Mersi CEO.  Onorab Lemiel.

 

HON SYLVANNE LEMIEL

En pti leklersisman konsernan tretman pour bann zanfan.  What about paran ki pe al avek sa bann zanfan tretman aletranze?  Zot, mon prezimen, petet Minister Lasante pa pe asiste zot.  Petet sa osi nou ti a kontan konnen, anba ki Scheme zot tire petet pour asiste en paran ki dan bezwen, ki bezwen al ek son zanfan aletranze?

E lo kote sa Apprenticeship Scheme;-  wi nou konnen lakantite zanfan i ogmante.  Eski sa allowance osi pe al ogmante ki zot donn sa bann zanfan?  Ouswa i pe al reste parey?  Mersi.

 

 

MR SPEAKER

Mersi Onorab.  Minis.

 

MINISTER MITCY LARUE

Mersi Onorab.  Mon krwar- lo kestyon zanfan ki anba laz.  Par egzanp zanfan ziska- wi, zot, zot paran i ganny- tou zot keksoz i ganny peye.  Sa mon konnen zot fer.  Fodre a mwen zot in sanze, avan ti fer koumsa.  Kot zot paran i akonpanny zot, zot ganny tou.  Apre- i depan lo ki dokter osi i dir.

Be selman bann zanfan ki anba laz, otomatikman zot ganny- zot paran ti ganny peye pour zot al akonpanny zot zanfan pour zot fer zot treatment.  Mersi.

 

MR SPEAKER

Mersi Minis.  CEO.

 

CEO MARCUS SIMEON

Mersi Mr Chair.  Onorab lo kote aprantisaz parey ou konnen i kas an 2.  I annan eleman ki Gouvernman i donn en bout allowance.  E osi sa anplwayer i share en bout ladan.

Lo kote sa allowance ki Gouvernman i donnen, pour le moman i pour reste parey.  Parey mon dir, i pour osi tonm dan sa lankadreman review ki Minister Ledikasyon pe fer dan Scheme bursary pour pos- segonder.  Me i pa anpese-e la ozordi nou anvoy en mesaz pour bann private sector pour ede.  Si zot vwar sa zanfan pe byen performen, ankouraz li par donn li en pti bout an plis, ki demen li menm li i pour vin en anplwayer pour ou pour sa.  Me selman pour le moman Gouvernman pa ankor fer en revi dan sa rate.  Mersi.

 

MR SPEAKER

Mersi CEO.  Bon avek sa nou ava pran en break, e nou ava retournen 11er.

 

(BREAK)

 

MR SPEAKER

Bon nou kontinyen avek nou travay, kestyon pour Benefis e Approved Programs pour ASP.  Onorab Esparon

Onorab- ok mon konnen.  Ou pa pe al lo kestyon ou.  Me ou tour lo kestyon apre- mon konnen ou annan en pti lanons pour ou fer.  Go ahead, apre ou ava al lo ou kestyon.

 

HON REGINA ESPARON

Mersi Mr Speaker.   Mersi dabor pour donn mon sa loportinite pour dir 2 mo pour zwenn larestan lemonn pandan sa letan kot nou pe obzerv sa sel Zour ki’n ganny marke, pour lit kont vyolans domestik.

Mr Speaker sa sel Zour ki komans ozordi le 25 Novanm ziska le 10 Desanm, i reprezant sa lalit anver vyolans domestik.

Ozordi lemonn pe konsantre son zefor anver bann madanm e zanfan, ki 2 group pli vilnerab.  Me annou pa ferm lizye lo vyolans domestik kont bann msye.  Akoz isi Sesel sa i remarkab.

Dan en survey pibliye par Biro Statistik 2016, in fer resorti ki 62poursan madanm in eksperyans vyolans domestik.  42poursan labi verbal.  27poursan labi fizik ki enkli trangle, koudpye, brile.  E lezot labi ki kit en sikatris lo zot lekor.  11poursan labi seksyel.

Dan en ka en survey fer par Gender Secretariat 2018, 43poursan madanm i sibir labi fizik grav, konpare avek 36poursan msye.

E i bon note ki zis 2018 dan 129 ka labi seksyel ki’n ganny raporte, 85poursan sa kalite labi i viktim anba 16an ki ganny konsidere koman zanfan.

E Minis osi dan son mesaz in fer sa resorti tre for.  En sityasyon ki tris e alarman.  Koman paran, nou la pour sofgard lentere nou zanfan.  Koman en sosyete, nou la pour protez drwa sa zanfan.  Nou bezwen entansifye nou zefor atraver plis progranm edikasyonnel pour ede dan sa lalit.

Zis sa lannen, Zanvye ziska ozordi, 376 ka labi vyolans in ganny raporte.  325 in fini ganny anmenn Ankour.  51 i ankor anba investigation.  E parmi sa 51, i annan ki’n tire.

Nou bezwen ranforsi nou zefor pour annan plis Lenstitisyon pour shelter bann viktim tanporerman letan zot pe pas atraver sa bann sityasyon.

Nou bezwen annan Lalwa ki morde.  E ranforsi bann lenstitisyon ki pe travay ek sa bann viktim.

Mr Speaker sa Prozedlwa ki Gouvernman ti promet pour met an plas dan sa lalit, in ganny Gazete an Out sa lannen.  Cabinet of Minister in fini aprouve.  Me ziska aprezan i pa ankor ariv devan nou Lasanble pour deba e aprouve.

Lo nivo SADC, bokou zefor pe ganny fer pour adres sa sityasyon lo Kontinan Lafrik.  E bann natif ki pe ganny met an plas pour ranforsi zefor bann pei Manm dan sa lalit.  Annou servi sa sel Zour ki ganny dedye pour sa cause pour nou reflesir e rode kwa ki sosyete i kapab fer.  Kwa ki nou bezwen sanze, kwa ki nou bezwen ranforsi pour protez bann viktim.  Annou pa bliye ki bokou sa bann ka i ganny fer anba lenfliyans swa drog, swa lalkol.  I en size ki konsern nou tou.

Ansanm annou kondann bann tel akt.  E annou siport- siporte, donn bann lankourazman Lorganizasyon ki pe lite kont vyolans domestik e travay pour promouvwar byennet nou bann madanm e nou bann zanfan.

Mr Speaker, mon’n fer sa lentervansyon dan mon kapasite koman Manm ki reprezant nou Lasanble Nasyonal lo Komite Gender Equality pour bann pei SADC PF.

E mon demande ki pour nou montre sa solidarite dan sa lalit avek larestan lemonn, ki nou display nou Orange banner dan Lobby Lasanble a parti ozordi pour sa sel zour ziska le 10 Desanm ki sa 16 days of activism for Gender-Based Violence.  Mersi Mr Speaker.

 

(APPLAUSE)

 

MR SPEAKER

Mersi Onorab.  Bon mon krwar sa Bill i deza avek nou kot Lasanble.  I avek Bills Committee.   Nou’n resevwar, me ankor nou pour bezwen regarde ler nou fini Bidze si nou annan ase letan pour nou kapab tackleOk?  So nou’n deza mon krwar byen resevwar sa Bill.  Ok mersi pour sa pti mesaz.  Mon pour profite- Minis ou oule dir 2 pti mo?  Yes, apre nou ava kontinyen avek nou sesyon.  Minister. 

 

MINISTER MITCY LARUE

Mersi Mr Speaker.  Mersi Onorab pour ou anmenn- akoz bomaten mon ti anvi anmennen, me selman mon pa’n oule retard deba.

Mon krwar ozordi lemonn antye, nou bezwen promouvwar sa lalit kont vyolans dan tou son form.  E ozordi nou devret tou dimoun pe met oranz.  Akoz nou devret penn Sesel oranz pandan sa 18 zour ki nou bezwen selebre.

E nou lo kote Minister, nou pe fer bokou aktivite pandan sa bann letan pour nou kapab anmenn par egzanp bann zenn garson, bann msye, bann madanm ansanm pour nou kapab koz lo vyolans.

Akoz annan de fwa vyolans i reste taboo.  Dimoun pa koz lo la.  Alor i enportan ki dimoun i koz lo vyolans e dir non a nenport ki form vyolans.

Nou’n vwar statistik akoz nou ti fer- o nivo Minister nou ti fer statistik, nou’n vwar kantite dimoun ki’n deza sibir rape, ki’n deza sibir lezot form vyolans.  E nou koman en sosyete, mon krwar nou bezwen lalit tou dimoun ansanm, lalit pour ki sa i arete.  Nou a dir elimin li si i posib, me i pour pran letan.

Kot i konsern Lalwa wi.  Lalwa in fini ganny Gazete.  E byensir lannen prosenn nou pour fer sir ki Lalwa i vin kot Lasanble pour nou- dan form White Paper pour nou diskite avan nou anmenn dan Lasanble pour nou kapab aprouv sa Lalwa.  Akoz i enportan pour annan sa Lalwa.

Epi konsantre osi lo bann striktir ki nou bezwen met an plas pour nou kapab donn sa bann servis.  Parey zot konnen ozordi, i annan sa Home ki bann- ki CEPS pe run, atraver EU.  E nou Gouvernman in pare pour fer en shelter, en one stop shelter kot nou kapab anmenn nou bann madanm ki ganny vyolans domestik.

E yer ti annan en lot rankont avek bann zonm, diferan lorganizasyon travay kot zot ti dir mon, Minis nou krwar pa zis madanm ki pe pas atraver vyolans.  Me i osi bann msye pe pas atraver vyolans.  In ler pour nou get 2 kote, non pa zis 1 kote.  Ki mon krwar mon osi mwan pour agree avek zot.  E nou bezwen get- pa zis get madanm, me get msye.  E se sa ki nou pe anmenn nou bann servis lo tou lede nivo pour nou kapab fer zot realiz bann konsekans vyolans domestik.

Mon krwar mon a demann zot bann Manm Lasanble pour nou travay ansanm pour nou fer sa- a kapab arive dan Sesel.

E oranz ti a byen si tou dimoun ti’n met en pti kouler oranz.   Oubyen en pti keksoz an siny solidarite anver nou bann viktim ki pe pas atraver vyolans.  E mon mon’n met- mon’n fer sir mon mete tou le 25.  Mersi bokou.

 

MR SPEAKER

Mersi Minis.  I ankor annan en bon pe zour devan nou.  Mon krwar Manm Lasanble i respond very well to sa bann lapel parey.  Nou ava vwar bann zour ki pe vini.  Bon nou kontinyen avek nou sesyon.  Onorab Esparon.

 

          AGENCY FOR SOCIAL PROTECTION

 

HON REGINA ESPARON

Mersi Mr Speaker- Mr Chair.  Mr Chair mon ti a voudre demann CEO.  An sa ki konsern- an sa ki konsern benefis pour bann elderly.  Nou konnen poudir bann elderly ki dan bann Home avek parey dan sa ki nou apel ‘Dan Kazern’ ok.  Zot, zot allowance i ganny manage par swa- mon pa konnen mon bann ki dan Home i ganny manage par lekel.  E bann ki dan- mon konnen ki dan Lopital North East Point i ganny manage par Minister Lasante.

Me la, an vi ki sa bann- i annan en logmantasyon.  Mon konnen kot Minister- kot Lopital North East Point– Lopital North East Point, nou apel sa ‘Kazern’.  Kot Kazern ‘Home for the Elderly’ North East Point zot, zot ganny zot R200 par semenn.  Demann ki sa bann dimoun ti pe met devan mon, se ki la an vi ki zot pe al ganny en logmantasyon.  Eski ou Minister- mon pa konnen lekel ki pran sa desizyon ki mannyer pour donn zot mwan.

Eski ou Minister ti a konsidere at least kantmenm donn zot en pti pe an plis?  Ki ti ava tonm en R1,000 par mwan, R250 par semenn ti a tonm R1, 000 par mwan.

Prezan nou annan en lot zafer.  Pour bann dimoun ki dan- tel parey sa ki dan Psychiatric Ward.  Nou annan sa bout Psychiatric tou laba North East Point.  Zot, zot pa ganny nanryen zot.  Me- e parkont bann paran ki vin get zot zanfan, zot bezwen anmenn en kontribisyon pour sa bann zanfan.

I annan en pe paran in dir ek mon- in met a mwan latansyon ki akoz ki pa fer menm sistenm avek parey Home for the Elderly pe fer, ki zot ki annan sa bann dimoun la dan Psychiatric zot osi zot ganny en kontribisyon from sa larzan, sa benefis pour zot kapab letan zot vin kot sa zanfan, anmenn en keksoz pour sa zanfan.   Mersi Mr Speaker.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mersi Onorab.  Onorab mon krwar lo- koman Minis Lafanmir lo nivo nou Minister, nou kapab annan en-akoz sa pa tonm ek mwan.  Nou a kapab annan en dyalog avek Minister Lasante lo ou sizesyon ki ou’n propoze.  Nou a kapab zwenn avek zot e regarde ki mannyer nou kapab pran kont ou sizesyon.

Akoz mon krwar petet wi, lefe ki zot pe al ganny logmantasyon, i devret donn zot en pti pe plis larzan.  E menm bann manrmay kot Psychiatric osi zot devret pe gannyen.  At least zot paran ti kapab pran dan zot plas.  So i en kestyon ki mon ava anmenn devan, nou ava fer diskisyon.  Apre nou a kapab donn en larepons lo la.  Mersi pour ou sizesyon.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Chair.  Mr Chair en lot pti keksoz ki mon ti a kontan demann Minis, mon’n tann li nonm lo zafer training bann Home Carer.  Me selman letan mon pe regard sa graph la kot Home Carer training la, i napa nanryen.  Anba ki Heads sa bann Home Carer pour ganny zot training?

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab pour ou kestyon, ou’n byen vwar.  Inisyalman nou ti’n met sa laliny la dan Social Programs.  Be selman vi ki sa i en recurrent– i en larzan recurrent savedir i en progranm ki tonm anba nou Bidze ‘’goods and services’’ pour run Lasistans Proteksyon Sosyal.  Akoz i en progranm anba striktir operasyonnel.  Pa striktir Progranm Benefis.  Training i pa en Benefis, ouswa sa in ganny tire ladan, in ganny mete anba nou recurrent budget.  Sa ki nou apel nou Bidze normal pour operasyonnel sa 34 milyon- non pa 34, me sa 44milyon.  40.8 milyon pour lot lannen.  Mersi.

 

MR SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chairman bonzour.  Bonzour Minis ek ou delegasyon.  Bonzour tou Koleg Onorab.  E bonzour tou dimoun ki a lekout.

Mr Chairman mon ti a kontan demann Minis.  Eski zot kapab dir nou pandan sa bann dernyen lannen ki mannyer- ki zot in fer pour zot sey redwir Bidze an se ki konsern welfer li menm?  Supplementation of Income. 

Ki zot in fer pour redwir sa Bidze?   Eski sa Bidze in redwir?  Eski zot ekspekte ki lannen prosenn sa Bidze pour redwir ankor?  Prenon konsern ki nou annan lo bann increases? 

Dezyenmman;-  mon ti a kontan demann Minis pour- atraver- ek son delegasyon pour klarifye.  Vi ki nou’n entrodwir tou sa bann benefis anba bann Lalwa, kwa ki zot pe fer pour ki i annan monitoring, pour asire ki par egzanp si en dimoun ki sipoze pe ganny sa benefis, menm si i pe ganny en porsyon in cash e en porsyon in-kind, sa benefis pe ganny servi pour sa- pour soutenir bann bezwen ki bann bezwen ki sa dimoun i annan.  E non pa sa dimoun pa pe servi sa benefis pour li dan tou kwen semen zwe ganny peye pour li bwar, in sou bann keksoz koumsa.  Kwa ki zot pe fer pour anpese ki i annan serten labi?

Akoz se sa konsern primordyal dimoun an deor la ki pe dir, be la nou pe travay, nou pe kontribye.  Bann ki pe travay, e vwar sa dimoun ki li i sipoze pe ganny sa benefis.  Me i pa pe servi li parey i devret.  So, eksplik nou en pti pe ki zot pe fer lo la.  Mersi Mr Chair.

 

MR SPEAKER

Mersi Onorab.  CEO.

 

CEO MARCUS SIMEON

Ok mersi Mr Chair.  Mersi Onorab pour ou kestyon.  Parey ou konnen Lazans Proteksyon Sosyal lo li menm i en Lazans peyman.

Lo li menm nou pa pour kapab fer nanryen pour fer sa bann Bidze redwir.  Akoz li i peye.  Me ki nou’n vwar over the years, Gouvernman in vini entrodwir bann lezot Scheme ki konplemant sa peyman ki nou pour ganny fer.  An izolasyon sa bann larzan ki zot nou pe depanse pa pour zanmen redwir.

So over the years nou’n vwar re lentrodiksyon Unemployed Relief Schemes.  Nou’n vwar plis larzan i al dan progranm training pour bann manrmay.  Nou’n vwar kot lasistans welfer kot i pe nepli ganny peye bokou in cash.  Pe ganny lentrodiksyon peyman in-kind.  Sa pe fer sir ki sa lasistans pe benefisye plis dimoun kot lakour.  E osi nou kapab monitor.

Akoz ler ou antre dan en sistenm parey STC, sa lasistans i ganny atraver zot, ou konnen egzakteman lo ki egzakteman sa bann dimoun pe depanse pour kapab met bann kontrol lo kote laba.

Lo kote- nou’n kre Poverty Alleviation Department ki pe vin avek son bann monitoring and evaluation pour get effectiveness tou sa bann benefis.

I pa pe target- i pa pe al tir dimoun dan lapovrete.  Me gete ki effectiveness ki tou nou bann progranm i annan, pour gete ki bor nou bezwen aranze, ki bor ki pe marse.  So, nou pe nepli ‘’work in the blind’’ komedi koze.  Nou annan en sans of direksyon.  Lo kote Minister i annan sa progranm cycle pou social support ki vreman, vreman enportan.  Akoz up to now, dimoun i ganny lasistans, e zot sort of sey depay zot lo zot menm.

Me in prouve deor, i annan bann model parey model La Chine partou, partou kot i annan sa bann lasistans ki ganny donnen, i annan en lot keksoz ki mars avek pour tir sa bann dimoun dan sa sityasyon kot i ete.

I annan dimoun ki ganny lasistans ozordi ki ler i ti komanse i ti tousel.  E ozordi in vin granmanman.  E son bann zanfan i- nou la.  So bann break- sa bann cycle ki nou bezwen antre ladan pour ranverse, pour fer sir ki i pa ariv ankor.

Lanmenm ler kot nou’n ganny lentrodiksyon Funds for School.  So tou sa bann keksoz- wi i annan apepre 29 progranm la.   Me zot pa mars an izolasyon ek kanmarad.  Zot tou zot konplemant kanmarad.

I annan bann lezot servis an deor Minister Lafanmir, Minister Ledikasyon, Minister Lanplwa ki fer sir kot i annan plis conditionalité lo lasistans.  Mersi.

 

 

MR SPEAKER

Mersi CEO.   Onorab Pillay.

 

HON SEBASTIEN PILLAY

Mersi Mr Chairman.  Mr Chairman plis spesifikman, eski CEO i kapab dir nou, nou konnen bann benefis i bann keksoz statitwar ki ganny prevwar anba en Lalwa.

Sa ki mon ti a kontan ou dir nou, eski par egzanp Bidze pour welfer li menm kot en dimoun i al apply pour en additional source of income, eski sa in redwir?  Sa Bidze ki la, eski sa enn in redwir?  At least nou ava vwar poudir nou pe fer progre dan en area.

Dezyenmman, ou’n dir mwan poudir zot pa mars an izolasyon.  E i pa fasil lo ou kote pour ou fer sa.  Me selman the same time, se zot ki pe manage sa larzan.

So i enportan ki nou bezwen annan en swivi lo lakantite bann dimoun ki pe benefisye.  E si sa bann dimoun i ankor devret pe benefisye avek sa larzan.  Se sa ki vin en konsern ki mwan  mon annan vizavi sa sityasyon ki nou pe al ladan.

Akoz kritik ki nou pour gannyen,  se ki nou pe vot sa Bidze lannen ale, lannen vini.  E eski nou pe benefisye bann dimoun ki devret pe benefisye?  Oubyen eski nou annan dimoun ki li i pe benefisye, me selman ozordi i devret pe kapab pe leve pour li al travay, sirtou bann sirkonstans asize envalidite.

I annan sa bann lezot progranm ki asosye avek bann lezot Departman dan ou Minister Minis.  Par egzanp Orphan Benefit, bann Dependent Benefit bann lezot koumsa; bann Dependent Benefit bann keksoz koumsa.  E tou bann lezot benefis ki asosye ek sa.

Ki ou pe Minister pe fer dan bann lezot Departman pour revwar, oubyen pour travay avek bann paran?  Oubyen bann dimoun ki dan sa bann kondisyon?  Pour fer ki zot pa vin antyerman depandan lo sa resours, oubyen lo sa sipor ki Leta pe donnen?  Me ki zot osi pe fer serten keksoz pour ed zot lekor.  Dan plas zis rely lo sa  ki Leta pe donn zot.

Eski i annan kalite travay ki zot pe fer?  Sey eksplik nou, koumsa nou ava konnen poudir be, dan lonterm nou annan en fason pli sistematik pour manage sa sistenm welfer.  Mon konnen i pa popiler pou dir ki nou bezwen dan serten sirkonstans komans koupe lo lakantite lasistans ki dimoun pe gannyen.  Me i pour enportan pou nou fer li.  Akoz going forward, sa i resours-i en resours minim ki pei i annan.  E nou pa kapab kontinyen zis pe peye.  

So kwa ki Minister pe fer pour li kapab tackle bann keksoz ki bann dimoun i devret fer lo zot menm pour zot kapab vin pli endepandan avek sa sistenm benefis ki Gouvernman i annan an plas.  Mersi Mr Chairman.

 

MR SPEAKER

Mersi Onorab.  CEO.  Minister.

 

MINISTER MITCY LARUE

Mersi Mr Speaker.  Mersi Onorab.  Onorab wi.  Lo sa sistenm welfer, definitivman nou’n- parey bomaten mon’n dir nou’n sorti 80 milyon an 2017.  E lannen pase- sa lannen nou’n 49-55milyon.  E la pour lannen prosenn nou’n prozekte 47milyon.

E nou annan nou en nonm 1,400 dimoun la ki lo welfer.   Savedir nou’n tir en bon pe dimoun lo Welfer.  E lamazorite dimoun kot ti pe ganny welfer, kot lakour kot ti annan serten dimoun adilt ki pa ti pe travay.  E definitivman ou pour bezwen top zot up.

Prezan sa bann dimoun in ganny anba- serten in ganny met anba URS.  E serten en travayan avek Lanplwa in kapab ganny met dan lanplwa, ok.  Apre i annan parey mon’n dir zanfan osi ki’n fer zanfan ankor zenn.  E kot la sa zanfan li osi in al anba Apprenticeship Scheme oubyen My First Job ki prezan in kapab anmenn reveni kot lakour, ki fer zot sorti dan sa sityasyon.

Lezot ka ankor kot lezot Benefis ki nou donnen.  Par egzanp ler nou pran bann Foster Care.  Definitivman ler nou donn Foster Care nou- Sosyal i fer sir ki i vizite, i regarde si sa bann zanfan ki anba sa Foster Care pe ganny- sa lasistans ki zot gannyen, zot pe ganny byen servi.  Akoz i enportan tousala.

Even orfelen, sa bann manrmay osi- se i annan bann sistenm an plas atraver Sosyal ki nou fer bann vizit, nou vwar si bann zanfan pe ganny byen mentenir avek sa pti larzan ki zot pe gannyen atraver bann Benefis.

Nou’n osi met plizyer progranm.   Parey nou’n dir nou annan progranm parenting ki nou pe fer.  Sa i enn ki tre, tre enportan.  Nou fer li parenting avek bann paran ki ape al ganny zanfan.   Me an menm tan nou fer parenting kot lakour, dan bann landrwa travay pour kapab ed bann paran pour zot.  Akoz i annan paran i dir ou ozordi even i annan dedicated fund.  I pa access avek sa li.  I prefere tir larzan donn zanfan a kout 50.  E menm R100 par zanfan.

E sa definitivman i tir larzan dan zot pos pour zot kapab fer zot – donn zot zanfan lezot keksoz ki zot bezwen.  Alors zot bezwen sa parenting sessions pour ed zot ki mannyer zot pour fer zot zanfan konpran.  Mon pa kapab donn ou R100, mon pa kapab donn ou R50, me lekol laba i prodwir ou, i donn ou manze, i donn ou, ou breakfast or whatever.  Nou kapab- sa larzan a ganny servi kot lakour.  So i annan bann diferan progranm.

En lot progranm ki nou pe al met an plas la;-  nou pe al anmenn Cabinet Merkredi pour aprouvasyon,  se en progranm kot nou pour zwenn tou bann fanmir ki pe ganny zot nouvo lakaz.

Byen avan zot ganny lakaz, nou zwenn zot- nou fer ansanm avek PMC avek Local Government, kot nou travay avek sa bann fanmir pour fer zot konnen la zot in ganny en nouvo lakaz.  I annan petet plis presyon pour zot rod keksoz.  Konmsi travay avek zot pour siport zot pour zot kapab zer sa larzan ki zot gannyen.   Ok?

So i annan en kantite progranm.  E lannen prosenn nou pe mazin met plis progranm an plas pour nou kapab target sa bann dimoun pour sorti- pour sorti lo Welfer.

Akoz parey CEO in dir.  Nou annan granmanman ki ti lo Welfer, ozordi manman apre zanfan pe vini lo welferSo nou bezwen tir- kas sa baryer, kas sa trend.  E fer nou bann dimoun pran en pe plis responsabilite.  Me an menm tan nou bezwen fer sir ki nou pa kit personn deryer.  Kot zot bezwen, nou bezwen ed zot.  Ok.  Vwala en pti pe bann keksoz ki nou pe fer.  Mersi.

 

MR SPEAKER

Mersi Minis.  Onorab Jany Letourdie.

 

HON JANY DE LETOURDIE

Mersi Mr Chair.  Bonzour tou dimoun.  Mr Laurence ou’n dir.  Eski mon’n konpran byen?  Eski ou’n dir ki i ankor annan sa legzersis ki pour pe ganny fer vreman pandan bann distrik ki vreman pour al vwar bann dimoun ki vreman bezwen.  E petet i annan dimoun ki santi li vreman- i vilnerab, i pa pe ganny asiste.  Ki petet, menm si i al devan Lotorite Distrik, son ka pa vin ganny anmenn devan.

Par egzanp mon koman en endividi par egzanp- oubyen okenn endividi ki vwar poudir i annan en ka la.  Ki ou konsey- ki konsey ou donnen silvouple?

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab.  Ou kestyon pour permet mon tous serten lezot osi ki’n ganny dir depi bomaten.  Lapovrete nou tou nou a risk lapovrete.  Menm bann ki pe asize la dan sa Lasanble.  E petet serten, zot risk i pli o ki lezot.

Alor legzersis pour nou kontinyen ganny lenformasyon- legzersis pour nou kontinyen konnen lekel ki pli a risk.  I bezwen reste on toultan.

Akoz dan nou travay non selman nou bezwen anpes dimoun- nou bezwen tir dimoun dan lapovrete.  Nou annan en pli gro bout travay pour anpes dimoun tonm dan lapovrete.   Sa i en long term plan pou pei.

Me sa ki pli enportan,  se ki nou bezwen konnen kote nou ganny nou bann diferan sours lenformasyon.  Vizit kontinyel, resers, survey i enn sa bann sours.

Bann lenformasyon i osi vin ler bann MNA i enform nou.  Ler DA i enform nou, ler lekol i alert nou.  Ler dimoun i demann en vizit, ler en dimoun i osi vin kot nou.  I annan plizyer sours lenformasyon.  E pour nou tou sa bann lenformasyon i enportan.

Parkont ler nou met tousala ansanm, i donn nou en portre pli zeneral.  Apard tou sa bann letid ki nou’n fer, nou bann lentervansyon i prezan permet nou reviz nou bann statistik pour vwar kote ki bann lentervansyon i pli efektiv.

E se sa rezon akoz,  wi i reste en manda prensipal nou Departman pour kontinyen anmas lenformasyon ki korek, lenformasyon syantifik pour ki pei i ganny gide kot i pour pli byen al locate son resources pour ki bann lentervansyon i anmenn bann solisyon pour lamazorite dimoun dan pei.

Wi nou tou nou a risk lapovrete.  Serten, zot pli a risk-e nou bann surveys, nou bann letid, nou bann diferan sours lenformasyon, i reste esansyelman enportan pour nou adres problenm.  E prevni problenm ki kapab pli grav pour lavenir.  Mersi.

 

MR SPEAKER

Mersi.  Onorab.  Onorab Letourdie.

 

HON JANY  DE LETOURDIE

Mersi Mr Laurence pour donn mwan sa leksplikasyon.  Me selman parey ou’n dir, i annan dimoun ki annan son ka ki pli vilnerab.  Ou klasifye sa koman ekstrenm.  La a sa pwen, a sa moman la ki i santi li dan sa sityasyon ki i pa pe ganny touse ki Lotorite Distrik petet pa’n ariv kot li.  E kote kot ou, la a sa moman i vreman annan en bezwen ekstrenm,  ki i fer la a sa moman?

 

MR SPEAKER

Mersi Onorab.  CEOPS

 

PS ALVIN LAURENCE

Mersi Mr Chair.  Mersi Onorab.  Alor fodre pa ki en dimoun en- fodre pa ki en dimoun i reste a le kar.  Deswit i bezwen vin devan, e i annan plizyer opsyon kot i ava santi li pli alez.

Ladministrasyon Distrik i enn.  I kapab osi vin kot son MNA si i anvi.  Akoz nou, nou pour akerir, e pour reponn tou MNA osi ki anvoy lenformasyon kot nou.

I kapab vin direkteman kot Biro.  I kapab-i kapab al kot nenport ki lezot channel ki in pase.  Be it atraver Minister Lasante.  Par egzanp si son ka i lye avek medikal.  At the end of the day, bann diferan Lazans e Minister, nou pe fer nou mye pour ki i napa bann overlap letan nou adres bann diferan issue.  E nou, nou annan sa rol kordinasyon pour fer.

Fodre ki nou ankouraz tou dimoun.  E mon profit sa lokazyon pour ki bann dimoun i vin devan, i dir.  Pour ki nou kapab assess e fer pli bon lentervansyon posib.  I annan dimoun ki’n vin vwar nou, nou’n senpleman kapab advise li ki i bezwen fer dan en lespas 24erdtan e re kontakte nou, i dir nou issue in ganny adrese.

Nou tou- i bezwen vin en zefor lo la par nou tou pour nou ed bann dimoun, gid zot.  E nou, nou pe pran sa langazman pour nou anmenn plis lenformasyon kot lezot dimoun atraver tou form medya.  Pour ki zot konnen egzakteman.     Me nou senserman krwar ki tou problenm dan kominote i kapab ganny channel, atraver kominote.  Zot al kot zot Ladministrasyon Distrik.  E laba sa bann diferan Zofisye ki pe resevwar zot i kapab channel zot kot egzakteman pour ale.  Nou krwar solisyon dan kominote, i la dan kominote kot i ganny administre.  Mersi.

 

MR SPEAKER

Mersi PS.  Onorab Aglae.

 

HON EGBERT AGLAE

Mersi Mr Speaker.  Bonzour Minis, le 2 PS, e CEO.  Mon premye kestyon i konsern Dedicated Fund.  Mon’n vwar i annan en logmantasyon ki sorti an 2000, 2.6milyon ki’n mont 4.2milyon.

Mon ti a kontan petet konn en pti pe rezondet sa logmantasyon.  Eski nou pe ganny plis zanfan ki pe al anver sa Fon?  Ouswa i annan lezot mezir ki sa larzan pe ganny servi?

Dezyenmman;-  PS mon pour retourn en pti gin lo sa size Vulnerable House Repair Scheme ki mon vwar poudir i annan rediksyon sorti 15 milyon pour desann 10milyon.  Eski sa pe dir nou baze lo sa progranm lapovrete e survey ki’n ganny fer?

E PS ou’n nonmen ek CEO poudir ou’n fini forecast 63 proze ki pour kout apepre 13 milyon lannen prosen.  Eski sa pe dir poudir nou azour avek sa target ki nou anvi achieve?  An vi ki mon vwar i annan rediksyon.

Ouswa dezyenmman.  Eski zot pe antre dan en lot mekanizm?  Par egzanp pour fer bann fanmir komans kontribye osi dan en fason kot ou responsabiliz zot, pour zot osi annan en kontribisyon ki swa lo en formil 50/50 ouswa 25/75 avek Gouvernman.

E dernyerman;-  mon ti a kontan demande kot i konsern lentrodiksyon ki lannen pase ti ganny anonse, sa STC card avek sa postpaid elektrisite la ki pour ganny donnen,  e eski nou annan en kou ki zot pe mazinen pour kout Gouvernman pour fer sa progranm marse?  Mersi.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Speaker.  Mersi Onorab, bonzour.  Lo kote Dedicated Funds for school Onorab, mon krwar kekfwa ou pe get 2018.  Komansman 2018 ki ti 2.6.  Apre in vin 2019, in mont lo 4.2.  Apre la larestan in reste lo menm nivo.

Ti annan sa increase an 2018 pour vin 2019.  Akoz nou ti rekonnet poudir demann anba la, i bokou plis ki sa Bidze 2018.  So la aprezan in stabilize lo sa rate ki i ete la.

Lo kote Vulnerable Home Repairs Scheme, wi in annan serten desann.  Me Gouvernman pe met plis Bidze lo lezot landrwa lo nou- wi Social Housing, lo lezot prodwir ki pour ankouraz- ki pour fer plis annan sa co-sharing ant sa ki Gouvernman i ofer, e sa ki dimoun osi i met ladan sa.  Pour plis- annan plis sa responsabilite.

E kot nou, nou konsantre lo vreman priority cases kot nou vreman, vreman napa opsyon.  So, Gouvernman in kre bann lezot zouti.  E otan detanzantan enn pe sorti kot HFC kot MHILT ki pour, ki bann dimoun i kapab tap-in ladan.  I pa neseserman kot i donn pour nanryen.  Me kot i annan bann fasilite ki en pe pli favorab pour zot- pour bann dimoun ki en pe pli dan bezwen.

Trwazyenmman lo kote STC lo kote pre-payment meter e tou sa.  I pa neseserman annan en kou.  Akoz sa bann prodwir, sa bann lorganizasyon osi pe servi dan zot day-to-day running of zot lorganizasyon.  I pa zis en keksoz parey STC sa kart i stand-alone zis pour ASP.

Sa menm kart ki zot- sa menm fasilite ki zot in met an plas pour zot Loyalty Card, sanmenm sa ki nou’n tap ladan.  So, i pa vin en kou an plis pour Gouvernman.

E parey PUC osi son pre-payment meter ki zot pe mete, i pa zis pour benefisye dimoun ki lo- dimoun ki pe ganny lasistans avek Lazans.  Me nenport ki dimoun i kapab vini.  So i pa en keksoz ki kapab la zis pour nou prezan kou i pas lo Gouvernman.  Me enn ki ganny servi dan zot day-to-day operasyon osi.

So direkteman pour ou kestyon, non!  I napa en kou separe pour sa.  Mersi.

 

MR SPEAKER

Mersi.  Onorab Aglae.

 

HON EGBERT AGLAE

Mersi CEO pour ou larepons.  Mon ti anvi zis konnen osi.  Anba sa Scheme la, sa kart avek sa laranzman ek PUC, si zot pe met an plas osi en mekanizm monitoring?  Pour fer ki- akoz sityasyon dimoun i kapab sanze – ok?

Akoz ler PUC pou’n met en postpaid meter kot ou, i vedir ou kapab kit sa pour lavi.  Sa ki mon pe fer konpran.  E eski zot pour annan en mekanizm pour zot oversight pour fer sir ki sityasyon dimoun i sanze?  Sa meter i a ganny retire, ouswa si zot pour pass on ek sa dimoun pour dir be vwala ou, ou a kontinyen.  Si ou anvi-mon donn ou, ou kart postpaid ou, ou al laba ou menm ou al peye.  Sa i enn.

E dernyerman dan ou larepons ki ou donnen.  Mon konpran sa sityasyon ki ou’n mansyonnen pour annan bann diferan Lazans osi ki petet pe anpar sa- kot i konsern tackle lapovrete.

Mon ti a kontan konnen dan sa laliny ki ou’n koz lo la CEO,  si bann ka –  akoz nou vwar poudir i annan en bon pe retar dan lenplimantasyon.  Parfwa i pran plis ki 6mwan osi.  Sirtou avek- e kote ASP kot ou nonm vetting.  Local Government li menm li i deza annan ase pour li deal avek.

Eski zot pe mazin en fason pour channel sa bann cases pour fer ki i a ganny en pti pe latansyon en pti pe pli vitman ki i pa bezwen pas dan same procedure parey bann lezot anba Local Government?   Mersi.

 

MR SPEAKER

Mersi Onorab.  CEO.

 

CEO MARCUS SIMEON

Mersi Mr Chair.  Mersi Onorab.  Pour lo kote ou premye kestyon.  Sa bann lasistans ki nou donnen be it STC, be it atraver PUC.  I mars ek en lasistans.  Lasistans welfer normalman.

E zot, sa lasistans i annan en definite peryod.  Kot apre ler i fini, nou bezwen revwar.  So i annan dimoun ler in ariv ler pour revwar, ou vwar poudir sityasyon in sanze, i nepli bezwen sa lasistans.  E parey en pre-payment meter.  I pa en lasistans sa pre-payment meter.  I sa peyman ki nou pe pey- ki nou pe kontribye towards son bill.  I annan dimoun nou kontribye postpaid parey tou meter normal oubyen prepaid.

So si demen ler i renouvle, ou vwar poudir i ok.  Then i zis mean ki Lazans atraver son lasistans ki gannyen, pour nepli ganny peye.  Li i pran son pre-payment card i al fer li menm.  So koumsa i pour marse.  E pour napa okenn diferans si i ti pe pey postpaid oubyen prepaid. 

In terms of rate ki en dimoun i servi par laliny elektrisite, i parey menm tou lede.  Zis enn, se zis ou pa pour kapab les li akimile.  Akoz nou vwar bokou de fwa dimoun i les bill akimile 3 mwan, 4 mwan apre i vin en sel kou ou vwar i pe plennyen manrmay napa nanryen.  Kouran pe al koupe.

So sa i en proteksyon pour fer sir bann dimoun i pran zot responsabilite pour pey zot bill tou le mwan.  Be it through, atraver Lazans.  Be it si atraver zot menm.  So sa i enn.

Apre 2enm lo kote ki mannyer nou anmenn plis efikasite dan sa bann progranm parey Vulnerable Home Repair Scheme.  Annefe tou le de kote kot enplimant nou bann proze MHILT avek Local Government, zot in rod nouvo dimoun la.  I annan nouvo enzenyer ki’n antre, nouvo teknisyen.  So partou in beef up.  Akoz zot ti remarke poudir sa menm group dimoun pe struggle pour fer lezot proze an menm tan avek sa proze ki la.  So nou ekspekte poudir pour annan great improvement moving forward an 2020.  Mersi.

 

MR SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon premye kestyon i konsern sa minimum period ki ou bezwen dan pei pour nou bann dimoun ki pe sorti- ki pe retournen la, ki nou pe ouver lebra ensidswit pour zot nobou ganny zot Sekirite Sosyal.

E, sa i enn bann size ki nou menm dan Lasanble nou’n deza koz lo la.  Onorab Speaker ti anmenn en Mosyon pour demande pour ki- parski apre tou set en Seselwa.

Alor, fer li kler.  Parski la pour le moman i annan en kantite konfizyon.  Par egzanp mon pe mazin Mr Pon–Waye ki ti dan Lapolis koman en lenspekter, ki’n travay dan lapolis pandan 21an.  Ok in travay pandan 21an isi Sesel.

E in retournen.  E zot still pe dir li i pa kalifye.  Mon mazinen in kontribye 21an.  I devret kalifye.  Espesyalman i annan problenm lasante e tou ki nou devret kapab balans sa.  I pa pe demann- i pa pe zis demann lasarite li.  In kontribye dan sa pei.  Sa i enn.

Dezyenmman;-  mon ti atann Minis dan enn son bann reprezantasyon lo nivo UN,  kot in koz direkteman ki laz retirement pe al ogmante sorti-pour li ariv 65an.

Si ou pa’n dir sa.  Ou ava dir nou ki ou ti dir.  Parski nou annan video kot letan ou pe koze. ( Anr ou mazinen prezan)  Ok mon kontan ou’n mazinen.  Kot ou pe dir ki sa pe al arive.

Mwan  mon ti anvi konnen kote sa desizyon in ganny pran?  E si in pas devan Lasanble Nasyonal koman en S.I, en Regilasyon, oubyen si Lalwa in ganny fer?

Definitivman Mr Speaker, mon 3enm pwen i konsern politik.  Mr Chairman, Minis ki la devan nou i en eksper dan politik.  Minis ki la devan nou, i konn tou sa bann zwe politik depi A ziska Z – ok?

Alors letan Minis i vin devan nou e i pe dir, ‘’ be pa ti dir politik retire, la napa politik ladan.’’  Minis mwan mon pa krwar en parol ki ou pe dir, ok?

E Minis i konn byen ki mannyer sa bann keksoz i marse.  Rezon ki Onorab Woodcock e nou lo sa kote nou a pe demande.  Minis be se parski bann DA.  Pa tou DA.  Mazorite DA zot pe fer politik.  E letan en dimoun ki dan sa pozisyon ki sipoze neutral –  letan sa dimoun li menm ki pe mars avek reprezantan ou parti politik ki ape partaz- olye mars avek MNA, ki en pozisyon ofisyel, letan i fer- se sa ki donn sa bann- apel li ‘‘persepsyon’’ apel li sa ki ou anvi.

Mr Chairman letan nou get zis dan sa Lasanble.  Ok i senp.  nou regarde konbyen dimoun ki ti DA?  Apre sa in debout koman kandida.  With all due respect to all the Members, tousala i montre nou keksoz.

Dan lepase osi tou, konbyen ki’n-   Alor ankor enn fwa mon anvi dir.  Mr Chairman sa ki nou, nou pe rode, nou pa pe rod kontrole ki MNA pour vin kontrole.  Nou pe senpleman rod en fason pour ki sa MNA ki’n ganny elekte, e ki letan in ganny elekte, in dir mon pe vin travay pour tou zabitan.  Li osi tou i ganny sa posibilite pour li travay pour tou zabitan.  Ki sa laport MNA i ouver pour tou.

E se pour sa rezon- e i annan serten landrwa ki sa in komans marse.  Local Government ozordi, bann proze kominoter- bann pti proze.  DA avek MNA i bezwen sign off ansanm ki zot in dakor.

La nou’n fek- semenn pase lo nivo Housing, sa point system nou’n tonm dakor ki poudir ankor enn fwa i ava DA avek MNA.  Be nou, nou pe senpleman demande pour ki sa Biro Ladministrasyon Distrik politik i sorti dan sa Ladministrasyon Distrik!  Se tou ki nou pe demande.

E letan nou pe dir sa, nou pa pe dir ki MNA LDS, li i sipoze anmenn politik.  Nou pa pe dir ki MNA US li i sipoze anmenn politik.

Annou silvouple fer ki sa biro i void of politik.  E sa i ava permet pour ki Mr Simeon, Mr Laurence- (Alvin mon tro konn ou non, ki ziska ki mwan bliye)  ki Mr Laurence e tou bann lezot dimoun ki pe travay dan sa eleman sosyal,  zot ava kapab fer zot louvraz libreman.  Se tou ki nou pe rode.

Alor Minis, konpran nou byen, nou pe zis demann sa.  Eski sa i posib?  E si i posib.  Annou fer li.  Mersi bokou.

 

MR SPEAKER

Mersi Onorab.  Mon ava donn la parol Minis, apre CEO.  Minister.

 

MINISTER MITCY LARUE

Mersi Mr Speaker.  Mersi.  Mr Speaker kot i konsern propozisyon 65an la.  I pa en keksoz ki’n finalize sa.  I en propozisyon dan nou- letan nou ti pe koz lo Aging Policy,  i en propozisyon pour fer laz retret vin 65an.  Be pa ankor vin en Regilasyon or whatever.   I ankor bezwen ganny debate, diskite o nivo popilasyon lezot landrwa avan ki i vin- Cabinet i aprouve.  Ok zis en propozisyon.  Savedir pa ankor nanryen finalize sa en?

Kot i konsern pa anmenn politik.  Konmsi mon taler mwan- ki mannyer mon’n dir?  Sa bann zafer pti proze vulnerable la.  Parey mon’n dir, nou kot Lazans Proteksyon Sosyal nou zis peye nou.

Idantifikasyon bann proze, i sorti atraver distrik.  Atraver distrik, DA ki vwar i devret pe travay avek son MNA parey mon’n dir.  DA i travay ansanm avek son MNA.  Epi lo tou lede kote ki annan MNA elekte or whatever zot travay, zot anmenn zot proze devan.  E proze i al dan bann diferan landrwa kot i devret ale.  I al- ziska ler i al kot Vetting Committee apre i lo tender.  Ziska ler i ganny aprouve.  Apre la i ganny fer.

Mwan ki mon’n dir?  Ler zot pe dir donn zot.  Mon napa problenm pour zot sinyen or whatever parey zot pe fer avek Housing ek lot.  Mon napa problenm ek sa mwan.  Me selman zis mon pe remind nou, poudir nou’n toultan koz lo- dan lepase nou’n fer bokou politik ‘’Ek nou, pa ek nou!’’  ‘’Ek nou, pa ek nou’’ zis dimoun ek nou ki ganny lakaz.  Zis dimoun ki ek nou ki ganny loan, eksetera.

Kan mwan pour mwan, mon pou dir i pa neseserman.  Parski si ou pe gete ou pas dan sa bann Housing Estate ozordi, ou vwar en kantite dimoun pe flot paviyon Lopozisyon.  Eski ti ‘’ek nou’’ alor?  ‘’Pa ti ek nou’’ or whatever.

Savedir dimoun ti gannyen.  Dimoun i gannyen keksoz.  Me i pa neseserman ti ‘’ek nou, pa ti ek nou.’’  E mon krwar i devret koumsa.  Zot, zot in dir annou tir ‘’ek nou, pa ek nou.’’  Prezan nou dir be les nou vini, nou antre ladan nou osi nou fer ansanm.  Savedir nou pe retourn menm zafer.  Sa ki mon pe sey dir mwan.

Me si zot, zot krwar li dan en lot laliny.  I devret ganny fer koumsa pour pa anmenn ‘’ek nou, pa ek nou.’’  Mon napa problenm mwan.  Me semen, demen ler dimoun i a dir, i ti ganny debat la dan sa Lasanble.  Ti ganny diskite dan sa Lasanble.

Mwan mon met mon pwennvi sa ki mon mwan mon krwar.  Akoz nou, nou travay tre pros ek DA.  Parske ler nou al fer bann vizit, letan bann pti proze i fini.

Ordinerman nou al fer nou vizit.  Akoz nou ki peye.  Nou al fer vizit nou gete si proze in konplete.  E si pa konplete, byensir nou fer rapor nou anvoye.  Nou dir be sa proze pa ankor konplete.  Ki mannyer nou’n kapab peye?  Me pa ankor konplete.

I bezwen ganny konplete pour sa dimoun ganny sa ki nou pey pour sa.  Ok?  Sa i enn nou travay, se monitoring.  Veye ki keksoz i ganny fer.  Ok, me nou pa dan sa zafer lekel ki pour sinyen. Lekel ki pa pour sinyen nou.  So, vwala en pti pe ki mon pozisyon.  Mersi Mr Speaker.

 

MR SPEAKER

Mersi Minis.  CEO.

 

CEO MARCUS SIMEON

Mersi Mr Speaker.  Mersi Onorab pour en tre bon kestyon.  Permet mwan sa sans pour sansibiliz en pe dimoun osi.  Sa lannen an Out.  En nouvo Lalwa ti ganny Gazete dan Seksyon 41 dan bann Regilasyon Sekirite Sosyal kot i tir sa previous requirement ki apel Citizenship Residency Requirement ki ti annan la oparavan kot ti dir kot pour ou kalifye.  Fodre ki ladan i en 5an- ou’n spend at least 30zour Sesel.  Oubyen si ou fail lo la.  Fodre dan sa dernyen 15an ou pa’n an deor Sesel pour plis ki 5an.

La in retire. In dir ki, ant ler ou ti annan 18an ziska ler ou fer laplikasyon ozordi apre laz 63an of course.  Fodre ki ou’n pas-fodre ki ou’n spend at least 12an in aggregate dan Sesel.

Bokou de fwa ki nou pe vwar dan Sesel ozordi, se sa bann dimoun parey ou kapab dir Mr Pon-Waye.  Bon, mon pa konn son case spesifikman.  Me selman mon’n pas atraver bann lezot case.  Zot vini zot dir wi.  Mon ti travay isi, mon ti travay laba.  Me bokou de fwa sa bann records ti travay dan bann ’77 – ’80.  Nou- zot napa rikord pour substantiate sa.

So demen, akoz ler sa bann keksoz i ganny odite.  Demen ler nou pas dan file.  I dir akoz ou’n donn sa enn?  Oli son laprev konmkwa in met son 12an?  Nou napa.  La kot nou dan problenm la.  Me osi dan sa clause, dan bann ka koumsa kot vreman napa.  In kit sa clause kot i annan ‘’power to waiver by President ‘’ akoz i annan de ka kot vreman ou pour vwar en dimoun i vini.  I vreman bite.  I napa sa opsyon- i dan en sityasyon vreman, vreman dire.  E la, la kot nou servi sa ‘’power of waiver. ‘’

Toultan i annan- i bezwen annan sa fleksibilite dan okenn- so la, la sa eleman ki la.  Me mon a get Mr Pon-Waye.  Me la, la sa bout ledikasyon kot fodre en Seselwa ki’n retournen dan son lavi, in pas at least 12an dan Sesel ant ler i ti annan 18an ziska ozordi ler i fer laplikasyon.

E apre fer krwar i kit pei.  Si i kit pei plis ki 6 mwan, then son pansyon i koupe anba Lalwa.  E sa i standar enternasyonal parey partou.  Me ler i retourn dan pei, otomatikman ganny renouvle.  Pa bezwen pas atraver en prosedir laplikasyon ankor.  Akoz nou sistenm i link avek Imigrasyon.  Mersi.

 

MR SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mr Chairman.  Mersi bokou.  Minis, atraver ou Mr Chairman,  nou pa pe rod re entrodwir politik or whatever.  E letan pe fer sa demann.  Annou pa bliye ki poudir dan sa Lasanble, i pa 26 /0 li.  Oubyen i pa 25/0 li.  I 15 lo 10.

Alors letan nou pe fer sa demann,  i en demann zeneral, pour ki tou bann MNAs ki’n ganny elekte lo sa kote laba, lot kote.  Lo kote isi, zot kapab- zot kapab sign off.

Kisisa ki anpese ki Minis avek son lekip letan zot pe fer vizit dan distrik, zot osi enkli sa MNA?  Parski zot pe al vizit dimoun spesifik.  E mon pa vwar kote ki- apre sa zot ava asize, zot ava balanse.  Espesyalman si zot annan en sistenm syantifik pour zot balans keksoz.

Parski, par egzanp pour donn Carer.  I annan barthel index.  Mon mazinen ki poudir- well dan sistenm lakaz, li osi tou i sipoze annan en sistenm syantifik.

Be mon krwar, ki zot osi tou zot devret devlop en sistenm syantifik, ki sa i ava fer ki sa eleman politik pa ava rantre.  Me ki sa dimoun ki ganny lasistans, i ava- parski se la kot pour annan problenm.

Par egzanp Onorab Arissol i ava mansyonnen ki Anse Boileau letan zot ti fer bann vizit.  Ti menm annan dimoun ki ti ganny promet lakaz.  Be sa dan li menm li i al an deor.  I totalman an deor parski- e sa i en keksoz ki nou’n fer kler lakaz en dimoun i bezwen pas atraver son Minister.  I ava ganny son pwen.  E si son pwen i permet li pour li kalifye, then i ava gannyen.  Napa problenm lo la.

E- so mon mwan krwar parey in ganny eksprimen lo tou lede kote latab mon a kapab dir Mr Chairman, ki poudir i bezwen annan sa pli gran kolaborasyon pour nou kapab bouz dan sa direksyon kot en pe parey ti anonse detrwa lannen pase.  Me ki malerezman apre pa’n arive.

Kot finalman i ava a annan en biro dan distrik ki ava apel Biro MNA.  Tanpi konnen lekel ki ganny elekte.  Sa dimoun ki ganny elekte i ava antre dan sa biro.  E tou dimoun i ava konnen ki poudir sa biro la, i pa ni pour LDS.  I pa ni pour US.  I pa ni pour lekel bann lezot parti ankor ki kapab vini dan lavenir.  Oubyen pour sa kandida endepandan.

Me sa i apel ‘nou biro dan distrik’.  Se sa direksyon ki mon mwan anvi nou bouze kot finalman nou ava’n kapab met sa zafer to rest.  E ki i ava dan sa direksyon.  So sa i mon premye pwen.

Konsernan sa 2enm pwen ki Mr Simeon in mansyonnen.  Be mon krwar ki nou bezwen kapab bouz dan en lot fason.

Par egzanp pour servi Mr Pon-Waye koman en legzanp.  In travay 21an dan lapolis.  Be i senp.  I ti devret kapab annan en sistenm kot i ganny en- 2 dimoun ki’n travay avek li pour testify ki poudir wi, mon ti antre travay avek Mr Pon-Waye.  Oubyen mon’n la dan Lapolis avek Mr Pon-Waye.  Parski mon mwan laz ki mon ete, mon mwan rapel Mr Pon-Waye zis koman gard.  Ok mon’n vwar li dan son uniform avan in ale.  E letan- en fwa letan mon pe pase Heathrow, mon bat avek li pe travay dan sekirite laba.  Selman mon pa’n tro les li vwar mwan.  Mon’n soz.  Selman mon’n vwar li i ape travay koman bann- pe screen dimoun ensidswit.

Alor- konmsi mon ape rod en fason kot konmsi nou kapab osi servi bann sistenm modern, Affidavit, 2 dimoun i testify.  E sa dimoun i kapab ganny- me sa zafer 12an.  En ler mon krwar sa 12an i en pe bokou.  Ki ankor enn fwa nou bezwen kapab- nou bezwen kapab regarde.  Parski parey ti ganny dir letan nou ti pe fer sa deba.  Ou konnen sa dimoun ki al aletranze.  I pa vedir ki letan i al aletranze i pa pe kontribye nanryen dan lekonomi Sesel.  Oubyen pa pe kontribye- I mean nou tou nou konnen ki poudir par egzanp pandan bann kriz deviz.  Ti annan bokou Seselwa ki ti depann lo zot fanmir ki aletranze pour transfer en larzan pour zot ganny en larzan pour zot al zot konze.  Pour zot aste keksoz ki neseser.  Pour biznes kapab kontinyen.

Alor mon mwan krwar ki nou devret- nou devret al pli pre dan sa direksyon, pour nou regarde bann Seselwa ki pe retournen.  Ki kantite letan ki zot dan pei.  Konbyen letan ki zot in grandi isi Sesel, ensidswit.

Parski mazorite bann Seselwa ki pe mazin retournen, se bann dimoun ki’n lekol isi ki’n ganny zot premye travay isi.  E byensir si zot anvi retourn Sesel konpare avek- petet zot zanfan oubyen zot pti zanfan ki’n ne laba.  Ki konsider deor koman zot pei.  Alors mon krwar ki nou bezwen annan en leker bokou pli ouver pour nou kapab balans sa.

E mon ti ava demande ki nou re regard ankor sa bann zafer 12an.  E apre bann lannen.  Parski mon mwan par egzanp mon annan en vwazen ki- ki’n fini re etablir li Sesel.  Me selman tanzantan i al en konze dan pei kot in- kot i ti pe abite.  Me selman zot pe regarde, ah non nou bezwen konnen konbyen letan ki ou spend laba deor, ensidswit.  Be i al zis 1 fwa.  Si i ale, i al maximum 1 mwan.  Alor konmsi pour nou kapab donn nou bann Seselwa ki ape fer en kontribisyon la ozordi en pe plis fleksibilite.  Mersi bokou.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mr Speaker mon krwar lo kestyon travay ansanm pour- parey Onorab in mansyonnen.  Mon krwar petet ti a byen ou anmenn sa pwen letan Local Government i anmenn zot Bidze, zot diskit en pti pe pli a fon lo la en.

Apre taler mon’n dir poudir sa zafer 65an la.  Ki nou’n deza- i dan nou policy.  Me selman i osi ki Prezidan ti anons sa dan son SONA 2018.  I ti dir 5an pour nou kapab prepar nou pour 2023.  Pour sa pran plas i bezwen 2023.  Byensir i a pran son bann lezot keksoz ki i a vin avek.  Ok?

Kot i konsern lezot- lot pwen lo 12an aggregate la.  Mon a les Marcus re donn ankor en pti pe plis lenformasyon lo la.  Mersi.

 

MR SPEAKER

Mersi Minis.  CEO.

 

CEO  MARCUS SIMEON

Mersi Mr Chair.  Mersi Onorab.  … i donn ou en sans pour vreman koz lo en topik ki vreman enportan e afekte tou dimoun a en pwen a en lot kot zot pour ariv laz pansyon zot pour ganny touse par sa.

Parey mon’n dir, sa 12an in aggregate ant ler ou annan 18an ziska ler ou fer laplikasyon.  I pa mean ki ou reste 12an in one go.

E sa osi ti baze lo best practice dan larezyon, Maurice, Sid Lafrik, Australie.  Tousala i parey menm.

E akoz sa?  Akoz nou anvi osi link Pansyon avek en kantite letan ki ou’n travay osi Sesel.  So, la konmela i napa.

Me mon anvi met sa linkage ki ou- pour ou reste Sesel pour ou travay en pe.  12an i tonm ler ou annan 18an.  Savedir i tonm ler ou annan 30an, si ou reste konsekitivman.  So ou mazin en dimoun ki’n la, in lekol- in vin lekol isi.  In travay for the 1st 12years, apre i deside i anvi al émigré deor go to greener pastures.  Nou ankouraze sa.  Akoz i still kontribye dan pei.  Me wi, i pa en keksoz ki reste statik.  Avek evolisyon pei avek nouvo lide ki vini, i dan en Regilasyon.  Savedir i kapab ganny revwar a lavenir.  Mersi Onorab.

 

MR SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Ou vwar, si nou zis baze lo 12an.  Kekfwa nou pour mank- nou pe mank en bon pe keksoz.  Ok, mon a donn ou legzanp.

En dimoun in al aletranze.  En Seselwa in al aletranze.  E in reste laba.  Me aprezan i anvi retourn Sesel.  I depans R1.5 milyon pour li aste en teren.  Ok, i pe met larzan ki in fer deor dan sa- dan Lekonomi Sesel.  I depans 3milyon pour li fer son lakaz.

E kekfwa letan i fer sa 3 milyon pour li fer son lakaz, i osi fer en lot pti bout.  I komans en pti biznes.  I komans en pti biznes kot i ape met larzan dan Lekonomi.  Me akoz lafason ki zot pe mazinen ozordi, zot pe met zis sa eleman 12an aggregate.  Tou sa bann lezot kontribisyon ki in fer, in ganny met 2 kote.  Se sa ki mon pe dir.  Ti ava bon pour re- pour re think– re pans lo tousala pour regarde.

E kekfwa en zot bann kestyon se, ki kalite lenvestisman ki ou’n fer dan pei?   E ki letan ou pour balanse, ou pour vwar ki poudir be sa dimoun in retournen, i napa 12an aggregate.  Me selman i ape donn travay 3 Seselwa.  I ape kontribye- letan ou pe regard son tax returns, i ape kontribye sepa konbyen santenn Roupi, oubyen milyon Roupi dan lekonomi.  E zot konpran mon.  Ki konmsi annou rod en fason pour nou elarzi sa.  Parski finalman sa dimoun, li i pa pe ganny nanryen.  Me selman li i ape kontribye pour ki ou Bidze par lao 1bilyon i ganny peye.  Mersi bokou.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mr Speaker mon’n konpran tre byen sa ki Onorab in dir.  Me, an menm tan ki nou kapab fer ankor bokou plis refleksyon.  Me an menm tan deor osi i annan lot kategori dimoun ki dir ou poudir li osi- nou’n la, nou’n kontribye.  Akoz sa i en pansyon- i en benefis Iniversel sa.  E apard ki dimoun i pey son- dan Fon Pansyon i kontribye pour li ganny son Pansyon.  I en soz Iniversel.

So i annan dimoun osi deor ki dir ou poudir-konmsi ler ou ekout 2 kote.  Mon’n ekout ou kote, prezan mon ekout sa lot kote kot lezot dimoun deor i dir ek ou ki poudir, wi bann dimoun i ale.  Zot spend preske zot letan antye deor.  Apre zot retournen zis bann letan kot zot pe al benefisye zot pansyon.

Prezan zot vini- prezan konmsi zot dir ou be ‘nou ki’n kontribye la.  Nou kontribye nou la, nou pe ganny sa ki nou’n kontribye’.  Be sa bann i pe vini zot kontribye.  E annan de fwa osi i annan menm sa bann dimoun ki sorti deor, zot pe deza ganny en pansyon.  Zot pe deza ganny en pansyon kot zot dan pei kot zot in travay.  Zot vin avek en pansyon.  Akoz nou konn en madanm la ki’n vin avek en pansyon sorti Lanmerik.  E dan son pansyon apre in esper son kantite letan ki fodre pour li ganny son lot pansyon.  Ou konpran?

Konmsi nou bezwen balans keksoz byen.  Nou pa dir, nou pa pour kapab fer nanryen.  Be selman fodre nou asize nou balans- nou met li dan en balans, nou balanse, nou regarde.  E letan nou pe fer nou reform aging, i kapab bann keksoz ki nou pran kont ladan.  Ok?   Mersi.

 

MR SPEAKER

Mersi.  Yes Onorab Ramkalawan.

 

HON WAVEL RAMKALAWAN

Non.  Parski an menm tan osi,  sa dimoun par egzanp ki ou’n dir, i annan en pansyon.  Letan i vin Sesel.  Si i pe ganny Liv Sterlen, Ero oubyen Dolar.  I anmenn isi, i rantre dan nou lekonomi.  I fer nou rezerv grandi.

E tandis ki lo lot kote osi tou –  I mean mon bezwen dir sa.  I annan bann dimoun ki pe ganny pansyon.  Ki si ou ti pour kalkile konbyen letan ki zot aggregate.  Zero.

Parski i annan en kantite dimoun ki osi bann dimoun i konplent poudir tel dimoun zis in pas son lavi, in bwar baka, in asize, in soz ensidswit e i pa’n kontribye nanryen.  E zis koman i ariv 63an i ganny son zafer.  E sa osi tou i annan serten dimoun ki dir ki nou bezwen balanse ki fodre ou kontribye pour ou kapab gannyen.  So?

 

MR SPEAKER

Mersi.  Minis.

 

MINISTER MITCY LARUE

Ok Mr Speaker, petet mon ti a kontan fer en komanter lo sa ki Onorab in dir.  Ou konnen i annan sa kote kot dimoun zanmen in kontribye.

Be nou avek sa kalite sistenm ki nou’n met an plas, ki nou pe swiv depi ’77, nou pa pour zanmen kapab kit sa dimoun ater, ki li zanmen in travay.

Nou pour bezwen fer sir ki li i ganny son benefis parey i devret gannyen Iniversel.  No matter what – ok?  Alor nou ava konsider- parey nou’n dir tou sa bann keksoz.  Be selman annan sa prensip lazistis sosyal.  I enportan.  Solidarite anver nou bann dimoun.  Mersi.

 

 

MR SPEAKER

Wi, i en sityasyon ki ongoing.  Onorab Ferrari.

 

HON JEAN-FRANÇOIS FERRARI

Mersi Mr Speaker.  Wi, zis pour dir avek Minis ki i pa lazistis sa.  I en labi.  Akoz tou dimoun i bezwen-dan Labib- dan Labib i dir ou ‘‘sa ki pa travay, pa merit manze’’.  E byen Onorab Alvin.  Ou, ou konn byen sa bann zafer ou?  Ou’n deza dir laba dan Labib.  Mersi.

Anyway.  Mr Speaker mon ti a-mon annan enn de kestyon.  Premyerman mon ti a zis kontan komanse par dir avek CEO.  Ki mon pa tro kontan ler i ganny trennen dan bann largiman ki pa son domenn.

Me selman, mon ti a kontan zis dir li pour son lenformasyon, STC i pa laboutik pli bon marse dan Sesel.  I enn bann laboutik pli ser dan Sesel.  Sa mon pe mete.  Ok, so annou move on lo la.

Alors, lo sistenm Poverty Alleviation Mr Laurence, mon vwar poudir ’’goods and services’’ in ogmant par 3 milyon.  Kekfwa ou ti a pran lokazyon pour ou dir nou.  Akoz tou lezot heads anba ‘’other goods and services’’ in bese.  Me selman i annan enn ki’n ogmante prezan ki’n ariv 3 milyon.  So sa i premye.

Dezyenmman.  Anba ASP ‘’governance and managements’’, sa premye progranm mon krwar.  Premye challenge, i annan- zot refer sorti lefe ki zot pe sey rod en fason pour deal ek labi.  Labi dan sistenm bann Benefis Sosyal.

Alors mon ti a kontan demann avek CEO, nou’n annan sa deba pandan Supplementary Budget.  E lo sa kote latab nou ti dir, nou vreman an faver pour donn ASP en pe plis larzan.  Me selman, nou ekspekte ki en pe sa larzan i ganny servi dan better monitoring, and better management, and better oversight pour ki i annan plis lefikasite.

Alors, eski ou kapab dir nou, ou ganny en pe logmantasyon si ou annan en progranm pour ou recruit pour serten progranm ki Carer, ki lezot serten dimoun e retourn en pe dan sistenm supervising, monitoring pour ou fer sir ki bann dimoun ki ganny sa benefis oubyen sa servis.  I sa bann dimoun ki merite.

E en 2enm kestyon avek sa ler ou pe reponn CEO,  dir nou- akoz pandan Supplementary Budget ou’n dir avek nou ki ou, ou en Paying Agency.  Ou pa en Agency ki analiz.  E ki pran desizyon lo si en dimoun i merite oubyen pa merite.

Mon’n reflesir bokou lo la.  E mon krwar poudir sa i en weakness.  Alors mon demann avek PS Finans ki la.  Ki depi bomaten nou pa’n disturb li bokou.  Mon demann avek PS Finans pour dir avek nou, si atraver bann Financial Management Mechanisms konmsi zot mete en pe presyon, pour evite ki ASP i zis peye baze lo serten rekomandasyon ki lezot Lazans i fer?  E ki i annan en cross verification pour fer sir ki i annan en sistenm ki elimin bann ki pa sipoze pe gannyen?  E fer rantre bann ki sipoze pe gannyen.  Me ki pa ti pe gannyen.

So– mon krwar sa i en kestyon enportan sirtou dan bann-parey mon’n dir dan progranm Carer dan sa sistenm supervisors dan Supplementary Benefits. 

Dan sa bann progranm kot napa en sonm defini, Disability Benefits i annan burials i annan.  Be i annan ki discretionary’’, ou dakor avek mwan CEO?  I discretionary ou kapab donn R1, 000 oubyen 2, 000, oubyen 3,000.  Where it’s discretionary, kote bann kontrol i antre?

Mon ti a kontan demann ou osi, lo Unemployment Relief Scheme.  Nou’n vwar poudir sa lannen 2019 son depans in ogmant par 4milyon par lao forecast.  So ti 10milyon.  Me selman end of year estimates nou pros R5milyon.

Now, mon vwar ankor ki pour lannen prosenn, se 10 milyon ki’n ganny bidzete.  Me sa i fer mon en pti pe enkyet.  Akoz, ki mannyer nou pour retourn lo 10milyon?  Eski sa pa en problenm striktirel ki nou annan?

Akoz i ti mansyonn mon krwar bann stevedores oubyen bann dimoun ki lye avek lapes ki pa’n ganny en pe louvraz.  E sa problenm riske recur.

So eski la nou pe vot en keksoz ki-en figure ki pa korek?  Ki pa fer sans?  Akoz ou pour bezwen retournen pour ou vin demann nou en pe larzan ankor.  So now is the time pour ou-pour nou koz lo la silvouple.         E mon dernyen pwen lo Program 2, ‘’Human Resources and Admin.’’  Board Allowances-Board Member Allowances.  Anba ‘’goods and services’’ R683, 000 pour sa lannen.

 

MR SPEAKER

Onorab mon krwar ou pe debord en pti pe lo Ladministrasyon ASP.  Nou lo selman bann…

 

HON JEAN-FRANÇOIS FERRARI

Yeah.  

 

MR SPEAKER

Nou-En moman.

 

 

HON JEAN-FRANÇOIS FERRARI

Akoz sa ti mon dernyen kestyon lo…

 

MR SPEAKER

Non, non.  Nou pe- nou selman lo benefis avek bann progranm ki’n ganny aprouve anba ASP, pa lo son Administrasyon.

 

HON JEAN-FRANÇOIS FERRARI

Ah ok.  So.

 

MR SPEAKER

Savedir sa premye ek sa dernyen kestyon i tonbe.

 

HON JEAN-FRANÇOIS FERRARI

Ok.  Ale mersi Mr Speaker.

 

MR SPEAKER

CEO.

 

CEO MARCUS SIMEON

Mersi Mr Chair.  Mersi Onorab.  Discretionary Benefit Onorab en?  Anba reform ki ti komanse Micro Economic reform an 2008.  Tou sa bann Discretionary Benefit payment in sorti.  E tou sa bann in sorti dan en Lalwa ki gid zot.  I dir zot ki rate ki mannyer ou kalifye.

Menm parey pour Welfer osi.  I annan en Lalwa ki dir ki mannyer i marse.  Mon pa kapab antre, en dimoun pa kalifye, dir donn li larzan.  Menm parey si en dimoun in ler son assessment i kalifye R1, 000.  Mon pa kapab dir donn li 2, 000 par mwan.

Sel diskresyon ki i annan anba Lalwa, se sa term ‘‘Mode of Payment’’.  Kot ou vwar en sityasyon ki merit en lasistans, bann dimoun pa kalifye.  Oubyen si i kalifye, i pa kalifye enough.  Ou kapab donn li en peyman 1 fwa.

E menm sa la, avek nouvo Board ki in antre.  Nou’n fer en Polisi lo ki keksoz ki nou kapab aziste anba la.  Akoz avan ti ouver.  Dan Lalwa i ouver.  Me la nou’n fer Polisi ki ringfence li pour apepre zis 5 items.  Led ek lanterman, led ek linet, bann keksoz koumsa.  Zis pour sa.

E menm ladan, si en dimoun i vini i pa mean, ki i dir in demann linet, ou gannyen.  Akoz ou bezwen annan sa vilnerabilite ki vin avek.  E la i annan assessment ki ganny fer lo la.  Ok?

Paying Agency;-  Ler mon pe mean ASP i en Paying Agency Onorab, mon pe mean ki parey Welfer.  Nou peye, parey Pansyon nou peye.  Me ki nou?  Ki next step?  Se ki mannyer ou fer sa bann- ki mannyer ou tir sa bann dimoun?  Oubyen ou fer bann progranm non-financial programs pour link avek sa benefis?  Sa ki nou kot ASP nou pa fer.  Nou manda i aret la kot sa bout.  Nou’n fer ou assessment, nou’n vwar ou vilnerab.  Nou pe donn ou lasistans.

Sanmenm sa ozordi i annan bann landrwa parey Poverty Alleviation anba Biro Minis, bann progranm ki atraver Social Affairs kot- e Departman Lanplwa tousala kot i link sa lasistans finansyel ki ASP i donnen avek bann progranm, bann non-financial programs.  So sa ki nou pe koz lo la.

E World Bank annefe dan zot report in vwar sa kle.  I dir, i bezwen en proper Social Protection System.  E zot pe menm met ASP at the key.  Me selman nou bezwen annan sa ségrégation.  Akoz ou pa kapab peye ou menm, e ou menm ou ki pe fer lasistans.  Sansan demen i pour vin like- konmsi tou keksoz i ganny kontrole par ou.  E there’s no checks and balance on us.  Mersi.

 

MR SPEAKER

Mersi CEO.  I annan sa bout lo URS.

 

CEO MARCUS SIMEON

Sorry Onorab.  Pour lo kote URS wi.  Sa increment nou- URS ti komanse an Septanm 2017.   An 2018 in ganny met an plas.  Ti annan bann teething problems.  In sort of grandi dan 2018.  E dan 2019 ki nou’n vwar stabilizasyon.  E la kot nou’n vwar poudir ki at the maximum sa deservi 250 a 300 dimoun pe kout sa 14milyon.

Me ler nou ti fer sa assessment la, ti resaman.  Ler nou’n fer Bidze pour submit pour Finans ti an Me.   E Finans ti kit nou rate baze lo 2018.  Me selman nou osi nou pour vwar poudir ki nou pou en pe pri 2020.

E sa progranm sa zafer stevedores.  Stevedores ti antre dan Welfer li.   Me pa dan URS.  Wi, wi mersi.

 

MR SPEAKER

Mersi CEO.   PS Laurence.

 

PS ALVIN LAURENCE

Mersi Mr Chair.  Mersi Onorab pour ou kestyon.  Increment anba ‘’Goods and Services’’ i ase senp pour konpran.  Mon predeseser ki la- ki ti la avan. SS Esparon ek son lekip.  In fer en tre bon travay pour etablir bann diferan done syantifik lo kwa ki bezwen ganny fer.

E pandan sa letan osi, in annan bann lentervansyon ki’n bezwen ganny fer ki pa’n kapab espere.  Corgate Estate i en bon legzanp.  Me aprezan nou pe bouz lo en 2enm faz.  Kot avek sa bann rezilta syantifik.  I annan serten servis e progranm ki bezwen vin an plas pour deservi bann dimoun.  Non selman kot zot vin reliance lo lasistans.  Me  ki ekip zot, ki empower zot, ki donn zot sa bagaz neseser pour ki dan lavenir –  e zenerasyon ki swiv zot, i pa depandan lo sistenm,  me plito lo zot lekor.

Sa i annan pour fer ek sa travay prevansyon.  Ek sa travay empowerment, ek sa travay psychological support.  I en gro travay.  I annan en kantite pour fer.

Nou efektiv li menm, i pa ase pour nou fer li nou tousel.  E vwala kot i annan bann lezot dimoun ki pour rantre, nou bann lezot expert.

Se sa rezon.  Akoz aprezan sa travay li menm pour adres lapovrete, i pe bouz dan son 2enm faz.  Mersi.

 

MR SPEAKER

Mersi PS.  Minis.

 

MINISTER MITCY LARUE

Mr Speaker mersi.  Onorab mon pa’n tro kontan sa ki ou’n dir taler, lo sa bann dimoun ki pe fer labi.  Mazin sa bann pov dimoun ki pa pe ganny nanryenSi nou pa donn zot en pti larzan, ki pour arive avek zot?  O komansman ou’n dir sa bann dimoun-konmsi plito bann dimoun ki abize.  Konmsi pa tro get li koumsa.  Get bann dimoun koman bann imen!  Ok.

 

(Interruption)

 

MR SPEAKER

Ok.  Yes en moman, en moman.  Onorab.

 

MINISTER MITCY LARUE

Nou pa pour- nou- akoz nou ti pe koz lo bann dimoun- nou ti pe koz lo sa Benefis Retret nou.  Benefis Retret.  Akoz sa bann dimoun pa’n kontribye dan lasosyete, i vre.  Be selman ou pa kapab konmsi kit zot;-  kit zot ater.  Alor mon krwar i enportan pour nou koman bann Manm Onorab pour nou konpran sa tre byen.  Mersi.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Pwen klarifikasyon.  Ok.  Me selman pour PS Laurence.  Mon ti a kontan si ou ti kapab zis dir mon, the major cost item dan sa R3 milyon pour kwa?  Pour-eski i pour outsourcing services and things like that?  So zis donn mwan sa.

E lo sa pwen ki Minis in fer.  Mon mwan krwar ki- ou vwar nou bezwen sanze e realize poudir, lanfaz i bezwen ganny mete lo travay.

Tandis ki Gouvernman- mon ti pe al dir Gouvernman avan –  akoz- mon ava dir sa lannen prosenn.  La pour le moman, mon pa ava dir.  Me selman Gouvernman aktyel zot lanfaz se, ki mannyer pour donn lasistans?

Nou, nou lanfaz se ki mannyer nou pour ankouraz dimoun pour travay?  E ler zot a travay zot a kapab ed zot lekor.  Alors i annan- i annan…

 

(Interruption)

 

 

MR SPEAKER

Onorab.

 

HON JEAN-FRANÇOIS FERRARI

I annan dimoun- i annan dimoun ki pa- dan menm lozik ki CEO in eksplike, ki ou bezwen travay en pe.  In dir 12an pour ou kapab benefisye.

Be nou bezwen rod en fason pour en dimoun kapab travay en pe.  Kantmenm i pa’n kit Sesel.  Si in reste Sesel, i pa’n travay ditou, i pa benefisye.  I benefisye.  In reste Sesel, i benefisye.

So mwan- nou ki nou anvi dir ou Minis, se ki mannyer nou kapab move dimoun dan Lanplwa?  E pa ankouraz dimoun- e parey ou, ou pe fer pour dir avek zot.  Pa fer nanryen kantmenm ou pa travay, zanmen ou’n travay dan ou lavi.  Nou pa pour kit ou ater.  Akoz ou vilnerab, ou mizer, ou fer lapenn.  Non!

Nou pour rod en fason.  E mon krwar PS Alvin, zot tou.  Tou dimoun i dakor ki nou bezwen move nou thinking ver en lapros bokou pli prodiktif.  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Onorab ou pa pe ganny mwan byen.  Par egzanp sa dimoun letan in ariv son laz retret.  I pa vedir ki i pa’n dan lanplwa ditou li.  In kapab pe fer casual.   In fer bann pti travay li.  I pa neseserman i pa’n travay ditou.  I pa’n kontribye dan sosyete.  Ok?  In travay.  In fer serten travay, in kontribye.  Be nou, nou pa en Gouvernman ki pe anpes dimoun kontribye-travay nou.   Nou anvi dimoun i travay.  Me an menm tan nou bezwen kapab osi ler nou dimoun in ariv son laz retret.  Nou bezwen kapab, pa fer li retourn avan ’77 pour li al mandyan.  Nou oule i ganny lasistans parey tou dimoun retrete.

 

HON JEAN-FRANÇOIS FERRARI

(Off-Mic)

Wi be akoz ou fer sa avek zis serten…

 

(Interruption)

 

 

MR SPEAKER

Onorab.  Onorab.  Minis kontinyen.  Minis kontinyen.  Yes go ahead Minis.

 

MINISTER MITCY LARUE

Mon’n fini Mr Speaker.  Mersi.

 

MR SPEAKER

Mersi.  PS Thesee ou oule azout keksoz? Non.  Go ahead PS.

 

PS DAMIEN THESEE

Mersi Mr Speaker.  Kestyon lo ki Minister Finans i fer a konsern soumisyon Bidze ASP.  Parey tou Minister, i annan size nou travay ek zot pour get zot bann soumisyon an detay.

E ek ASP nou get son bann data.  Savedir nou pe get son bann statistik konbyen dimoun ki pe vin lo sak sa bann kategori.  E si nou pe gete, son Bidze in ogmant par R100 milyon lannen prosenn.  E bokou sa bann budget lines ki pe vin avek, i keksoz ki an deor nou kontrol.  Dan sa R100 milyon increase, i annan 55 milyon ki al Retirement Benefits.  Savedir sa i anliny avek logmantasyon dan retirement age.

E en lot increase, i apepre 20 milyon, e i al dan invalidity avek disability.  Sa i annan pour fer avek increase dan sa R500.

En 23milyon increase i annan pour fer avek Home Carer.  Ankor avek increase dan minimum wage e osi- selman nou konnen i annan serten challenge lo la.   E akoz sa.  Nou challenge ASP bokou de fwa, i son soumisyon pour gete ki i pe fer.  So nou tant pour as much as possible tenir son Bidze Welfer.  E an vi ki i annan bann nouvo Polisi la ki’n vini atraver URS.  E nou fer sir ki ASP pe montre nou kote i pe divert en pe Bidze oubyen lanfaz.

Savedir, al towards URS rather than Welfer.  E nou sipoze annan sa travay ki World Bank pe asiste nou pour get dan Social Protection an zeneral.  Get li, ki bann kriter ki pe ganny servi pour donn lasistans.  Gete bann kriter ki nou annan la, si i realistik, bokou i Iniversel.  Bokou osi i baze lo Means Testing petet an close proximity household. 

Nou bezwen get posibilite ki mannyer nou expand sa pour get lezot fanmir osi ki pa dan household.  Solman ki fanmir avek;- ki mannyer i kapab asiste.

So tousala nou’n deza diskit ek zot.  E pour lo Terms of Reference ler sa revi lo Social Protection i fer, ki nou atann rezilta.  Mersi.

 

MR SPEAKER

Mersi PS.  Bon, in ariv moman pour nou pran en desizyon lo Bidze ki tonm anba Benefits and Approved Programs of ASP.  I trouve lo paz pti limero 37 pour en sonm R1,457, 787milyon.  Mon ava demann tou Manm ki an faver.  Okenn Manm ki kont?  Madanm Clerk.

 

MADAM CLERK

Mr Chair.  24 Manm in vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pour ASP ki tonm anba Benefits and Approved Programs pour lannen 2020, in ganny aprouve par Lasanble Nasyonal.  PS zis ou gidans pour Ladministrasyon ASP.  Nou ava pran pli tar.  Ok?   Nou pour pran pli tar.  Ok ler nou pour retournen la, se sa ki nou pour pran?  Oubyen nou pour kontinyen avek sa schedule? 

 

PS DAMIEN THESEE

Mersi Mr Chair.  Dan sa schedule nou annan Council for the Elderly.  Ler nou fini ek Elderly, nou kapab pran lezot Lazans anba Minister Lafanmir.  Mersi.

 

MR SPEAKER

Bon.  Mersi.  Bon avek sa nou pour pran en break.  E nou pou retournen 1.30.  Ok so nou lunch break i ganny rakoursi par 1erdtan.  Ok.  1.30 nou reconvene.

 

(BREAK)

 

 

NATIONAL COUNCIL FOR THE ELDERLY

 

MR SPEAKER

Bonn apre midi tou Manm Onorab.  Bonn apre midi Minis, e bann Zofisye ki avek ou.  I annan Ms Marie-France Pereira ki CEO pour National Council for the Elderly.  Byensir nou dan- nou touzour dan compagnie PS Thesee.  Ms Coopoosamy e Ms Irene Croisee ki Comptroller General.  Bonn apre midi osi tou dimoun ki a lekout e pe swiv travay Lasanble Nasyonal.

Avan nou pran nou travay.  Mon ava demann PS Thesee pour zis donn nou gidans lo ki paz and the amountPS.

 

PS DAMIEN THESEE

Mersi Mr Chair.  Nou pran paz 598 pour National Council for the Elderly, pour en sonm R11, 509milyon.  Mersi.

 

MR SPEAKER

Mersi PS Thesee.  Bon mon ouver lalis pour bann Manm ki oule entervenir pour National Council for the Elderly.  Nou a komans avek Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker mon kestyon pour Minis.  Minis nou konnen poudir nou annan nou bann vye dimoun aze, sirtou bann ki dan Homes.  Apre bann ki, kekfwa zot reste tousel.  And 3 kar zot kekfwa, zot napa fanmir.  Pa 3 kar, me selman en bon pe zot napa fanmir.

Par egzanp;-  ki arive avek zot par egzanp letan zot mor?  And lefe ki zot napa fanmir pour kapab tip in, konmsi pour ede pour fer sa lanterman ki zot bezwen.  Akoz kekfwa bann servis lanterman i ase ser.  And nou konnen poudir sa bann dimoun i ganny zis R2, 000 still.  E i pa ase parey nou’n dir.  Ki ou Minister i fer dan ka sa bann dimoun parey?  Mersi Mr Speaker.

 

MR SPEAKER

Mersi Onorab Ghislain.  Minis.

 

MINISTER MITCY LARUE

Mersi Mr Speaker.  Mersi Onorab.  Pour nou bann rezidan dan Home.  Bann ki zot napa fanmir.  Konmsi nou ankouraz zot pour fer en kontribisyon.  E zot fer en kontribisyon R500 tou le mwan ziskan ler nou ariv apepre R12, 000.  Akoz i apepre sa, pri en lanterman.

E ler i ariv R12, 000 nou aret pran zot kontribisyon.  Akoz si i ariv en keksoz la.  Nou- se Home ki fer zot lanterman.  Me si par egzanp letan- i annan de fwa osi ki kapab arive kot sa dimoun – suddenly i annan dimoun.  Prezan annan de fwa lanterman i arive.  Me si sa fanmir i vini la.  Definitivman sa larzan i ganny donnen ek sa lafanmir pou li fer son lanterman.  Apre zot al rod zot R2, 000 ki zot gannyen atraver Lazans Proteksyon Sosyal.

Konmsi sa i en keksoz ki nou ankouraz zot pour fer.  Akoz sansan tou lour i reste lo Home ki of the Elderly kot nou napa sa larzan pour nou fer lanterman.

Prezan kot i konsern dan lakominote bann dimoun ki pe reste tousel.  Usually ler i ariv sa bann keksoz koumsa, zot Council i regarde ki mannyer nou kapab trouv bann solisyon.  Nou pa pour les sa dimoun, parey nou dir dan lakaz e nou pa fer son lanterman.

Council i antre ansanm ek Lazans Proteksyon, nou regarde ki mannyer pour asire ki sa dimoun i ganny son lanterman avek dinyite.  Mersi Mr Speaker.

 

MR SPEAKER

Mersi Minis.  Onorab Steve Pillay.  Onorab Stephen Pillay.

 

HON STEPHEN PILLAY

Mersi Mr Speaker.  Mersi Mr Speaker- Mr Chair.  Bonn apre midi a tous.  Mr Speaker, mon ti a kontan ganny en pe detay lo bann Capital Projects sa bann proposed extension to the Elderly Homes R2.9 milyon.

Konbyen Unit zot pe mazinen pour konstrir 2020?  Kote sa bann Unit?  E zot cost ki pe- per Unit ki pe al envestir?  Mersi Mr Speaker.

 

MR SPEAKER

Mersi Onorab Pillay.  Minis.

 

MINISTER MITCY LARUE

Mersi Mr Speaker.  Mr Speaker Home– pour sa larzan ki i annan dan-pour zot proze la,   nou annan Anse Royale Home ki nou bezwen fer 6 Unit.  6 Unit.  E tou keksoz in fini ganny fer.  Plan in aprouve eksetera.  I reste zis- nou ekspekte dan first quarter travay i a demare lo Home for the Elderly Anse Royale.

Me nou annan Home La Rivière Anglaise avek 4 Unit.  Sa nou deza pe fer.  Travay pe al komanse la, an Desanm pour kapab konplete an Me.  E sa son larzan i depi- i lo Bidze pour sa lannen.

Apre nou osi annan renovasyon ki nou pe fer lo preske tou Home.   Espesyalman lo kot i konsern elektrisite.  Akoz nou’n fer en pti survey, en letid pour vwar poudir i annan serten issue of concern ki nou bezwen adrese irzan.  Alor nou pe fer sa lo tou bann Homes atraver pei.

E sa osi i annan deza en travay ki’n  ganny antreprann.  E travay i sipoze komanse la.  Kontra in fini sinyen depi le 29 Out.  Travay in deza komanse.  E nou ekspekte travay i fini boner lannen prosenn ok.

E apre nou annan sewage- travay sewage pour fer lo 3 Home.  La Digue, Pointe Larue avek Anse Royale.  E sa nou’n bezwen en rapor avek PUC.  E PUC in deza donn nou rapor lo 2 Home.  La Digue avek Anse Royale, ki savedir travay nenport ler i kapab komanse.  Me i reste Pointe Larue ki nou pa ankor ganny rapor avek PUC.

So i annan osi lezot travay ki nou pe fer.  Par egzanp walk way Anse Boileau.  Nou vwar i annan en issue kot bann dimoun osi i kapab tonbe.  Sa osi pe al ganny fer.

Savedir otan ki posib i annan travay ki nou pe fer sa lannen pour nou konplete.  I annan security fencing lo 3 Home ki nou bezwen fer li osi avan lannen konplete.  Sa i Home La Retraite, Pointe Larue avek Au Cap.  Akoz zot landrwa i pa telman an sekirite.  E sa i en travay ki nou bezwen fer avan lannen konplete.  Ok?  Vwala en pti pe bann travay ki nou pour fer.  Me obviously apre dan- annan defwa nou ganny osi bann donasyon avek bann lezot dimoun ki ede pour kapab amelyor bann travay.  Epi lannen prosenn pli gro travay ki nou bezwen fer lannen prosenn, se, twalet avek lasanmben.

En bon pe Home zot twalet avek lasanmben pa dan kondisyon ki bon.  Alors sa i en travay priyorite osi ki nou pour fer lannen prosenn.  Mersi Mr Speaker.

 

MR SPEAKER

Mersi Minis.  Onorab Stephen Pillay.

 

HON STEPHEN PILLAY

Mersi Mr Speaker.  Mersi Minis pour ou larepons.  Minis mon pe koz spesifikman lo sa ki zot in mete ‘’proposed expansion to the Elderly Homes.’’  Sewage, electricity, fencing mon konpran i bann maintenance azour ki kontinyen marse.

Ou pe dir nou konmsi ki ou pe fer- dan pour sa R2.9 milyon, ou pe fer zis 6 Unit an plis ki pour Anse Royale.  Me lezot distrik ou pa’n nonm zot plan kot i annan bann Homes parey Au Cap.

Akoz pe depans 483, 000 per Unit, ki lezot distrik pa pe gannyen en expansion as such?  E si i kapab zistifye en pti pe bedsitter, sa R483 Anse Royale, lezot distrik osi ti a kapab ganny en pe ladan.  Mersi Mr Speaker.

 

MR SPEAKER

Mersi Onorab.  Minis.

 

CEO MARIE-FRANCE PEREIRA

Mersi.  Kekfwa mon a reponn en pti pe lo sa kestyon.  Akoz mon pas bokou dan Home.  E mon byen azour mannyer Home i ete.

Parey Minister in fek mansyonnen, lamazorite nou bann Home in ganny fer en bon pe lannen pase 20an, 18an pase.  Kekfwa plis ki 20an pase.  E renovasyon i upkeep sa bann Home.  I pa’n sa standar ki konmsi i devret ete.

Pour sa rezon, nou’n idantifye poudir lasanmben avek lakwizin sa bann Home, i devret refer.  E si ou mazinen, nou annan nou 112 Unit.

E letan ou kalkile son pri konbyen i pour arive pour refer- si nou oule fer 112 Unit, nou pa pour kapab fer avek sa Bidze ki nou’n gannyen pour lannen prosenn.

Alor nou pour swazir, bann ki pli prioritize.  E i riske kekfwa nou ava kapab fer lanmwatye, ouswa 3kar pour komanse.  Ki ant 2021– nou aim kot Council se pour nou fer bon lavi pour nou bann vye dimoun.

E alor nou bann vye dimoun ki dan bann Home, i enportan ki nou fer zot standar akomodasyon monte.  E alors sa larzan ki nou pe gannyen pour lannen prosenn sa Bidze, i menm i devret double sa lakantite.  E pour sa rezon konmsi nou pour fer nou mye pour nou kapab fer sa nouvo Unit.  Plus nou pour bezwen selman upgrade nou bann Home, nou 112 Home ki nou annan.  Mersi.

 

MR SPEAKER

Mersi CEO.  Onorab Noline Sophola.

 

HON NOLINE SOPHOLA

Mersi Mr Chair.  Bonn apre midi Minis avek ou lekip.  Minis 2 mon kestyon ti’n fini reponn- in fini poze par Onorab Pillay sa sewage sirtou.

Mon 2enm pwen se sekirite aswar;-  parfwa  lamazorite de tan se ki kot Home napa sekirite aswar.  E si i ariv en maler pandan lannwit,  tou sa bann dimoun la, zot en pe aze.  Mon pe zis poz mon lekor ki kapab arive?

E alor ki provizyon- ou si ou’n fer provizyon anba Bidze ki sa i kapab ganny rektifye.  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mersi Onorab.  Onorab pour sa lannen nou’n- akoz nou ti annan en pe problenm avek sekirite – ok?  Pour sa lannen nou’n kapab fer sir ki bann Home, tou bann Home zot annan sekirite aswar.  A leksepsyon Praslin ek La Digue ki nou ankor pe fer en travay.  Be nou pour annan larzan pour lannen prosenn definitivman pour nou kapab ensiste ki i annan sekirite.

Akoz nou pa konnen aswar ki kapab arive avek bann dimoun.  Rezidan aswar si i ariv en keksoz, at least sekirite i kapab pran telefonn, i kapab call lanbilans eksetera.

So pour lannen prosenn, definitivman Praslin avek La Digue pour bezwen ganny zot sekirite personnel.  Mersi.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Speaker.  Minis, ler ou pe dir mwan lannen prosenn.  Vedir ou pe dir mon fodre au début lannen, pa dan milye oubyen dan Septanm.  Ok? Mersi.

 

MR SPEAKER

Mersi Onorab.  Minis.

 

MINISTER MITCY LARUE

Wi nou dir au début lannen.  Akoz nou pe fer en travay la pour ki- akoz i ti annan en pe problenm lo Security Firm lo sa bann landrwa pour gannyen.  Sanmenm sa ki in retard en pti.  Me nou pe fer en bann provizyon pour ki zot a kapab gannyen early next year.   Mersi.

 

MR SPEAKER

Mersi Minis.  Onorab Terence Mondon.

 

HON TERENCE MONDON

Mersi Mr Chair.  Mon premye kestyon i lo sa database ki zot entrodwir.  Mon ti a kontan konnen, ki demann pour akomodasyon parmi bann dimoun aze?  Si ou ti kapab donn nou en pe bann sif par rezyon?

Dezyenmman;-  ler mon get zot latab 5.  Bann endikater performans.  Ler mon get zot poursantaz Homes ki zot in dir pour met bann fasilite adekwat.  Mon vwar ki 2018 zot ti met- zot pe target 55poursan.  Me selman aktyelman zot fer zis 30poursan.  E pour 2019 si zot in met li ankor 70poursan.

Mon anvi konnen ki difikilte ki zot rankontre pour zot kapab enplimant sa bann proze lo sa target ki zot in set zot menm?

E finalman;-  mon anvi konnen,  eski zot annan en progranm Public Private Partnership pour- Konsil i annan avek bann sekter prive?

E si wi, ki nivo kontribisyon ki sekter prive i fer dan sa progranm?   Mersi Mr Chair.

 

MR SPEAKER

Mersi Onorab.  Minis oubyen CEO.  CEO.

 

CEO MARIE-FRANCE PEREIRA

Mersi.  Si ou pe regard sa latab ki al ziska 2022 mon believe, i – akoz nou grander Bidze ki nou gannyen,  nou pa kapab fini fer tou sa louvraz deswit within en lannen.

Alor, pour sa rezon ki nou bezwen prioritize.  Apre sa, nou bezwen idantifye kisisa ki nou bezwen pli deswit.  Apre bann ki kapab espere.  Se pour kwa konmsi ou vwar i annan sa, konmsi sa latab ki i donn sa leksplikasyon.

E  mwan  mon konfidan poudir nou pour nobou achieve sa- ki si nou pe get ziskan 2022,  nou pour nobou fini achieve kot standar pou’n byen monte dan sa bann Home ki nou annan pour le moman.

Me lot kestyon ki ou’n demande, i lo nou waiting list.  Lenformasyon ki mon annan, depi komansman lannen nou’n etabli nou en database pour nou konnen dan kominote konbyen dimoun – vye dimoun i annan ki pe oule antre dan nou Home?  Konmsi nou’n etabli sa.

E pour le moman nou annan lo nou lalis 31 dimoun lo nou waiting list.  Selman sa ki nou fer sir lo la.  Se ki napa dimoun ki dan en ka irzan.  Dimoun ki nou prioritize ankor nou waiting list.  Sa ki kapab espere, i esper en pe pli lontan.  Me bann ki nou idantifye koman en priyorite ki en pti pe risky, nou fer zot rantre pli vit.  Nou fer zot jump the queue parey mon kapab eksplike.

E from sa- nou waiting list, from sa database ki nou idantifye the need pour nou konmsi build ankor lezot Unit.  E sanmenm ki ou vwar English River la, nou pe al ganny sa 4 Unit ki pe al ganny refer ready pour dimoun antre.  Apre ki early in the year, nou pour fer Anse Royale.

Be apre i annan ankor lot demann ki mon ti’n met across.  Be selman i pa’n ganny approve en lot 12 Home.  Mersi.

 

MR SPEAKER

Mersi CEO.  Minis.

 

MINISTER MITCY LARUE

Petet, si mon ti ava azoute Mr Speaker.  Par egzanp nou bann Home, la, laplipar i deza plen.  Nou napa ankor lespas.  Apard si i ariv en keksoz kot enn i passed away nou ganny an ranplasman vid.

Me selman anmenmtan ki nou fer?  Lo nivo distrik, i annan en travay osi ki nou fer.  Par egzanp si i annan en dimoun ki bezwen, ki i annan en nesesite pour li ganny en landrwa,  i annan bann pti bedsitter ki ganny konstrir lo propriyete zot fanmir pour kapab accommodate zot.  Ok, sa nou fer atraver osi Local Government avek Lazans Proteksyon Sosyal, kot nou donn zot en bedsitter pour zot kapab reste la o bor zot fanmir.  Konmsi olye zot vin dan Home.

Akoz mon krwar lenportans, se gard bann dimoun aze dan zot kominote otan ki posib, olye anmenn zot dan en Home.  Sa osi i bann travay ki nou fer atraver sa sistenm.  Mersi Mr Speaker.

 

MR SPEAKER

Mersi Minis.  Onorab Mondon.

 

HON TERENCE MONDON

Mersi Mr Chair.  Minis pa’n reponn mon lo sa lot progranm Public Private Partnership.  Si zot annan en progranm?  E ki nivo kontribisyon ki sekter prive i fer?  Mersi.

 

CEO MARIE-FRANCE PEREIRA

Parey nou tou nou konnen.  Dan lemonn antye sa group laz dimoun ki aze, i pe increase.  E sa i aplike pour Sesel osi.

Parey nou konnen, la pour le moman nou annan nou 11, 700 dimoun 63 years and over isi pour Sesel.  E nou pe predict in- e dan 30an i pour triple sa lakantite.

E alor sa i en gran nonm ki pe vin dan nou popilasyon, ki nou bezwen pe take care of- of zot bann servis ki -. Avek sa gran nonm dimoun, pour bezwen annan servis pour deservi sa bann dimoun.

E for that reason, en lot bout ankor ki’n ganny-konmsi idantifye, se sa ki nou dir ‘‘sustainability pour human resource avek finansyelman’’  ki mannyer sa pour kontinyen?  Ki si ki i annan pli bokou dimoun aze ki i annan dimoun paret dan nou workforce?  Sa i bann diskisyon ki lemonn antye pe come across ki tou bann pei pe sey travay lo la pour konn son larepons.

E Sesel i pa diferan.  Alor Gouvernman in idantifye sa.  E in vwar poudir there is a need ki pa zis Gouvernman ki pour take care of dimoun 63an and over.  E ki mannyer nou pour fer pour dimoun mentenir zot lasante ki ou vyei an bonn sante, ki ou pa pe bezwen servi en kantite services?

E alor tousala Council sa lannen in fer bokou louvraz, in regards pour mentenir bon lavi pour nou bann vye dimoun aze Seselwa.

Alor ou kestyon i privatization ki pe arive lo la?  Alor, sa bout in arive la- konmsi sa lannen i annan louvraz ki’n ganny fer kot Gouvernman in open lebra pour komans ganny private sectors pour komans antre dan sa domenn konmsi, en?

E dan fason ki li in ganny-ki sa in ganny fer, in the Cabinet Meeting ki ti ganny 2an pase, zot in fini komans desid- there is a need pour kapab ouver-sa louvertir arive.  And desizyon, se ki nou ouver Nursing Home – ouver Nursing Home, Daycare avek Retirement Homes ki private sector pour come into it, participate ladan.

E i annan bann incentives ki’n ganny met deor.  E parey zot in kapab tande dan in- i annan lavertisman ki’n sorti, i annan tendering phase ki’n arive sa lannen.  Ki i annan 4 plot of land ki’n ganny allocated;-  3 lo Mahe, 1 lo Praslin pour fer sa louvertir komans arive.  E we’re at the stage kot in annan expression of interest.  E ansanm- Council ansanm avek bann partners parey SIB, ASP bann teknisyen kot Finans tousala i annan en Komite ki travay lo la, ki it’s at the stage kot pour desid- pour swazir from the expression of interest sa 4 Konpannyen or 4 dimoun ki pour konmsi move to that next stage, wi.  Mersi.

 

MR SPEAKER

Mersi CEO.  Minis.

 

MINISTER MITCY LARUE

Petet mon ava zis azout keksoz.  Sa 4 plot later, i annan 1 i Perseverance, 1 Beau Vallon, 1 Grand Anse Mahe avek enn Marie-Jeanne Estate.  Sa i 4 plot ki-fodre fer remarke ki it’s not only Cabinet ki ti aprouv sa.  It was dan SONA Prezidan ki ti dir poudir i bezwen anmenn sekter prive onboard pour donn en koudmen.

Akoz lefe ki pour annan en popilasyon ki pe vyei.  Alor nou pour bezwen annan bann landrwa kot zot kapab zwenn ansanm fer bann keksoz ki nou lo kote Gouvernman nou pa kapab provide sa bann servis.

So vwala letan kot sa in arive.  E nou ti vin dan COGA nou ti vin donn lenformasyon lo kote nou’n arive avek sa.  Mon ti anvoy- nou team ti vin dan COGA pour vin donn zot en pe lenformasyon kote ti ete.

E nou pe al lo bon semen.  Savedir, ler sa i a kapab vin anmars.  Definitivman i ava kapab ed en pe, i a tir en pe presyon lo Gouvernman pour kapab donn servis sa bann kalite servis.

Apre i annan osi Maison 3enm Age ankor en lot fasilite ki la ki pour kapab anmenn bann ki ankor en pe pli kapab ansanm.  Akoz nou vwar bann dimoun dan Lasosyasyon 3enm Az, zot vreman aktiv.  I bon sa pour gard zot zenn- touzour zenn.

E alor zot ava annan zot Maison kot zot kapab fer diferan keksoz, diferan aktivite pour keep zot young.  Pour anpes zot tonbe, kot nou bezwen donn zot Carer eksetera.  I ava en fason kot zot age healthily.  Vwala.  E sa osi in ariv dan en staz tre final.  E nou krwar by lannen prosenn dan premye term lannen prosenn, travay i a komanse lo sa Maison de 3enm Age.  E sa son later in fini ganny idantifye e Perseverance as well.

Apre nou annan lezot keksoz ki bann prive i antre ladan.  Sa se bann lezot sponsorship kot zot vin pas en zournen avek bann dimoun aze dan Home.  Kot zot anmenn serten donasyon rafal Nwel, rafal Lannen.  Bann lezot pti letan kot zot pe selebre zot sepa 20an depi ler zot Home i an egzistans.

I bann pti kontribisyon ki zot vin anmennen pour bann- pour montre sa lapresyasyon bann dimoun ki’n donn bokou dan sosyete dan lepase.

E nou menm annan SNYC ki vin fer serten travay kot nou pe anmenn sa enter zenerasyon zenn.  E nou annan en progranm vreman entansif lannen prosenn pour nou anmenn plis zenn, zwenn ek bann dimoun pour zot-.   Ou konnen ganny en pti pe sa bann valer ki nou’n perdi.  Aprann nou Kiltir ki zot-nou pe bliye eksetera, kwi manze.  Bann aktivite kot i pour rann lavi bann dimoun konmsi pli happy kot zot ete.

E an menm tan edik en pti pe nou lazenes lo ki mannyer nou devret pe bouze dan sa sosyete.  Vwala en pti pe bann keksoz ki pe pase.  Mersi Mr Speaker.

 

 

MR SPEAKER

Mersi Minis.  Onorab Waven Wiliam.

 

HON WAVEN WILLIAM

Mersi Mr Speaker.  Bonn apre midi Minis.  Minis mon’n tann ou nonm- donn en lenformasyon lo kote Grand Anse Mahe.  E mon anvi demann avek ou, si- letan zot pe konsevwar bann proze ouswa desid lo bann sit,  eski parmi bann Minis, letan zot pe get proze Nasyonal ki konsern distrik, zot asize pour kordin lo kote itilizasyon bann sit?

E mon anvi demann ou si sa sit ki ou pe nonmen Grand Anse la, eski sanmenm sa enn ki ou ti vizite?  E si wi, mon ti ava demande ki i annan en re assessment.  Akoz vizavi devlopman ki pe arive, petet dan lavenir i pa pour en sit ideal.  So mon a demann ou pour konsider sa.

Epi mon ti a kontan demann ou vizavi zot bann performans.  Sa Konsey.  Eski ou kapab dir nou- akoz mon pa vwar okenn landrwa ki input in terms of Grants zot gannyen nasyonalman?  Si i annan.  E osi avek bann partner etranze?  Akoz nou pa vwar sa.  Me nou tann nonmen.

Par egzanp nou konnen poudir letan bato Ladefans diferan pei i rantre, zot fer serten bann kontribisyon, eski sa i ganny factor-in dan Bidze?  Ouswa non.  Eski i annan bann Don in-kind or in cash ki nou pa konnen?

Epi lo kote zot gran plan pour lavenir.  Eski zot plan pour met en Home dan sak distrik ouswa i pour reste bann lideal rezyonal?

Rezon ki mon pe demann sa, se ki mwan pa vreman vwar sa konsiltasyon letan i annan en plasman pour fer.

Par egzanp si mon pe koz Anse Boileau ki pli pre avek mon distrik, ki lontan nou ti ganny dir poudir sa i en Home Rezyonal.

Me solman letan bann lespas, nou pa vwar vreman sa konsiltasyon pe ganny fer poudir ‘be regarde, sepa Port Glaud, Grand Anse, Anse Boileau i annan plas.  Eski i annan serten diskisyon avek bann diferan Komite pour kapab deside egzakteman lekel ki ganny anvoye laba?  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mr Speaker mon krwar bann sit ler ti ganny konsevwar pour fer bann Home,  ti annan- mon krwar- mwan plis ou mwen krwar ki ti annan konsiltasyon avek – mwan personnelman nou ti zwenn, zour mon ti al lo site avek ou.  Ki nou ti regard sa landrwa kot ti pour donnen sa zour.

E ki nou ti pour pran pour fer sa Home ki nou ti diskite lo la.  Me apre lezot landrwa ler mon ti ale, ti napa- vreman ti napa MNA definitivman.  Petet MHILT mon pa konnen si ti’n zwenn.  Be avek ou nou ti zwen.

So petet wi, i devret annan en pe plis konsiltasyon avek distrik pou kapab konnen egzakteman.  Petet zot ti annan lot nide pour fer tel keksoz.  Me selman an menm tan, i annan serten nivo konsiltasyon.  Me petet i pa al ase lwen.  Alors sa i ava ganny pran an konsiderasyon.

E lo kestyon Grant Enternasyonal, usually nou pa ganny kot bann Home.  Nou pa vreman ganny bann gro larzan.  Me nou ganny an term, par egzanp sponsor ou en dezennen.  I sponsor ou bann keksoz- en pe dra, en pe- Ou konnen bann keksoz koumsa ki nou ganny sponsor avek bann dimoun enternasyonal si i annan.  Me- even avek sekter lokal osi.  Nou ganny en pe sa bann sponsor parey koumsa.  Ok?

Lo kestyon ki nou plan?  Par egzanp nou annan 1, kot ozordi dan Home nou annan nou en pe bann- akoz dan Home usually nou pran bann dimoun ki ankor endepandan.  Ok zot endepandan.  Ou met zot dan Home.   Akoz dan Home nou annan Carer ki travay, me pa pour fer parey en dimoun ki depandan.

Me selman i arive kot dimoun.  I annan dimoun dan Home ki annan 30an i dan Home.  E sa 30an pour li, sa landrwa in fini vin son Home parey ou dir.

E ler in vin depandan prezan pour ou tir li, pour met li en lot landrwa, i en gro problenm.  Akoz se la son Home.  Se la kot li i konnen.  Akoz nou ti annan en case sa kot nou dir nou ava al met li dan Regional Home, i pa ti oule.  I dir i pa anvi, se la son Home.  Ou konpran?

Me selman Home li menm li nou pran bann dimoun ki endepandan, ki kapab fer serten keksoz zot menm.  Me an menm tan nou annan Carer ki anmenn sa- premyerman i fer sa gran netwayaz pour zot.  Netway sirtou zot bann lasanmben, zot bann lakwizin ki pli enportan.  Me lezot keksoz zot fer zot menm pour kit zot en pti pe mobil.  Prezan ki nou pe fer,  lefe ki nou annan apepre detrwa dimoun ki depandan.  Nou pe fer en serten konsiltasyon avek Home North East Point ansanm avek Minister Lasante,  bann Lazans Swen Lasante, spesifik, pour nou vwar ki mannyer nou kapab – sa bann ki depandan ozordi ki dan Home, si nou kapab annan en plas dan North East Point Home kot laba i annan servis medikal, i annan tou, Carer la lizour koman aswar.  Nou fer exchange bann ki endepandan.

Nou kapab anmenn dan plas sa bann ki depandan, nou met laba pour zot kapab ganny sa swen neseser ki zot pa kapab gannyen ler zot dan Home.  Me sa i en travay ki nou pe fer- en travay konsiltasyon ki nou pe fer avek Minister Lasante pour vwar the best way forward.

Me selman nou bezwen tenir kont ler en dimoun in lontan dan en landrwa, sa i Home.  Pa fasil pour ou zis tir li met li en landrwa.  Ok?

Apre keksoz pli enportan ki nou pe mazin fer,  se nou pe mazin, devlop nou en progranm konpreansiv lo swen bann dimoun ki dan Home.  Me an menm tan o nivo kominote.   Nou bezwen devlop nou en progranm tre konpreansiv ansanm avek lasante.

Mon ti koz en pti gin bomaten lo la,  kot nou kapab travay ansanm pour nou kapab vwar bezwen bann dimoun aze.  Akoz nou pa kapab- Council pa kapab konsantre zis ek Home.  Council i bezwen konsantre avek tou bann aze dan pei.

Home i en bout.  Me i annan tou sa bann aze dan pei.  Nou bezwen annan en Rezis kot nou annan tou nou bann aze avek zot bann needs.  Apre nou fer nou en plan tre konpreansiv ki mannyer nou pour adres bann issues byensir, avek nou bann partner.

Akoz bann dimoun ki pe travay kot Council, i pa sifi.  Nou bezwen travay avek Social Worker, travay avek lafanmir, travay ek lasante eksetera.  Avek distrik, avek Local Government eksetera.

Apre nou pe mazin osi fer en framework Nasyonal lo aksyon pour vyeisman an bonn sante.  Sa nou bezwen fer nou en framework lo bann aksyon ki nou bezwen pran pour dimoun vyei an bonn sante

E sa dan nou Polisi for Aging, i annan bann pwen stratezi ki nou bezwen adrese.  Tousala pour rantre dan sa framework pour nou kapab travay lo la pour nou bann dimoun.   Parey nou dir ‘zot vyei e zot viv pli lontan’.  E nou bezwen nou met keksoz an plas pour fer zot vyei an bonn sante.  E non pa zis zot vyei lo lili pa kapab marseUnless zot kondisyon medikal pa permet.  Be selman nou pe sey nou sey nou mye pour nou kapab fer sa.

E menm dan Home, nou pe anmenn Yoga.  Nou annan team Yoga ki pour komans al dan Home.  Pa pour fer parey nou bann pli zenn i fer.  Me i annan zot Yoga ki al ek laz sa bann dimoun.  Konmsi pour kapab anmenn sa e fer dimoun- akoz Yoga nou konnen i anmenn en kantite benefis pour en dimoun.  Alor nou pe fer sa.  Nou pe fer sistenm, lezot progranm an plas pour nou kapab tir dimoun.  Akoz annan de fwa dimoun ler i dan Home.  Zot kontan dan zot pti lasanm trankil.   Sa i zot.

Me nou, nou anvi tir zot zis dan sa pti lasanm.  Fer lezot aktivite pour ki zot reste an bonn sante.  Ok?  Akoz nou bi kot Minister se donn zot tou sa ki zot neseser, tou sa ki zot bezwen.  Akoz zot- se zot ki’n kontribye pour sosyete.  Ozordi nou bezwen nou menm prezan anmenn kot zot e fer zot partisip avek nou, pour ki zot reste pli lontan.  Viv pli lontan e an dinyite.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Minis, sa landrwa kot zot pe swazir la, mon ti a kontan ki ou konfirmen ki pa distrik ki’n swazir sa landrwa.  Malgre si mon ti ganny envite pour fer sa vizit.

E dezyenmman Minis;-  avek kalite devlopman ki pe arive,  Yoga pa pour kapab ganny fer la.  Akoz problenm lizyenn, i annan inondasyon.

E parey mon’n dir, se ki mwan ti ava demann ou pour rekonsider sa.  Akoz mon pa konnen si en prive ki pour pran la, ouswa Gouvernman ki pour fer.  Mon pran li koman en gaspiyaz larzan.  E sa biznes i pour ganny problenm akoz, ek devlopman ki pe arive ozordi ek sityasyon aktyel la,  mon pe zis met devan ou poudir ti a bon zot rekonsider sa propozisyon.  Akoz i annan bann lezot sit ideal ki distrik kapab propoz avek zot.  Si ou kapab konsidere Minis.  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Ok Mr Speaker.  Pwen note.  Akoz sa pa mon ki pran desizyon final.  Nou ava take note.  Mersi.

 

MR SPEAKER

Mersi Minis.  Onorab Regina Esparon.

 

HON REGINA ESPARON

Mersi Mr Chairman.  Mr Chairman mon ti ava kontan demann Minis premyerman – i annan   en dimoun i anvoy en text.  Mon konnen ou’n reponn sa kestyon lo ki mannyer larzan i ganny depanse pour lanterman.

Sa dimoun i dir mwan, demann Minis kot Regional Home lekel ki responsab lanterman?  Akoz fanmir i ganny zis en bouke fler. Enn ler pa ganny ditou.  Ou ava elabor lo la Minis silvouple – en?”

I annan sa R400 ki lontan ti tire lo bann dimoun ki dan Regional Home la pour elektrisite ek delo.  Ki prezan zot dir pe servi pour entertainment.  Parski bill elektrisite avek delo pe ganny peye anba Bidze Council.  Ki kalite Home entertainment ki i annan dan bann Home?

Lo kote North East Point li menm Minis, mon konnen i- sa Regional Home i sitye dan en Letablisman Minister Lasante.  Alor zot aktivite i ganny kordinen par Minister Lasante.  lo sa kote laba  I pa parey sa bann 9 Home ki i sitye dan kominote.  Pour li i en pti pe diferan.

Ok.  Me selman pour bann ki sitye Kominote, ki kalite progranm rekreasyonnel ki i annan, pour sa bann dimoun?

Lo kote Daycare.  I annan sa bout la kot nou apel sa ‘right wing’ kot Lopital North East Point la.  Ler mon ti kestyonn Minis, ti dir koumsa zot pour osi servi en bout ladan pour fer Daycare.

Eski ou Minister, i network avek Minister Lasante lo sa bann progranm?  Parey si ou pe fer en Daycare la.  I pour tonm anba Minister Lasante?  I pour tonm anba ou Minister?  En pti pe leklersisman.

Minis mon ava kit sa avek ou la.  Apre ler mon a pran mwan 2enm sa, mon a donn ou lezot.  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mersi Onorab.  Regional Home, mon pa pour kapab reponn ki mannyer zot sistenm lanterman ki mannyer zot fer.  Akoz sa i tonm direkteman anba Health Care AgencyOk.  Nou napa nanryen pour fer avek letan dimoun i dan Regional Home.  Akoz Regional Home li, i tonm anba Health Care Agency.  Even son-okenn larzan ki zot anmase.  Mon pa pour kapab donn ou bann detay lo la.

E lo kestyon entertainment.  Parey kot nou R400 wi.  I ganny anmase avek nou bann rezidan tou le mwan.  Sa R400 li i ganny anmase pour- avan sa zot ti dir pour pey elektrik, pri delo.  Nou ti dir non.  Akoz elektrik, delo i tonm anba Bidze Council.

Me sa i kapab, akoz i annan en kantite aktivite ki fer dan Home.  I annan plizyer aktivite i fer o nivo Home li menm, sak Home.  Apre i annan aktivite ki ganny fer an deor Home.

Par egzanp i annan Bal Kreol ki zot fer an deor Home.  I annan piknik ki zot al fer.  Alors sa pti larzan i ganny antre pour fer sa bann depans koumsa.  Ok?  Vwala en pti pe ki mannyer i marse.  Mon krwar mon’n reponn…

 

HON REGINA ESPARON

(Off-Mic)

Daycare. 

 

MINISTER MITCY LARUE

Daycare non.  Sa osi pa pe tonm anba nou.  Sa pour tonm anba Lasante.  Mersi.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Chair.  Mr Chair en- mon vwar la anba Strategic Priority pour 2020-2022.  I annan en landrwa ki met ‘developer or register for domiciliary care.’’  Koman 1 zot strategy pour 2020-2022.

Mon kestyon se, eski zot annan en team ki pe fer home visit?  Parski domiciliary care pe donnen dan lakour.  Eski Council li menm li i annan en group dimoun ki pe fer Home visit pour regarde ki mannyer care pe gannyen- pe ganny donnen dan lakour?

E si i anna sa networking, parski bann Carers ki donn care kot lakour zot tonm anba ‘ASP’.  Zot tonm anba Minister Lafanmir anba Carer.  Eski i annan sa network ant Council for the Elderly avek kot Unit Carer anba Minister Lafanmir?

Epi Minis mon vwar la.  Mon konnen ou’n dir mwan i pa pour tonm anba kot ou.  Mon vwar la pour Pest Control i annan zis- lannen pase zot ti ganny R3, 000.  E la ou’n ganny R2,000.  Ankor i fer mon anmenn sa zafer lera.  Be kekfwa sa i pa pour tonm anba ou Minister.  Parski Regional Home for the Elderly i tonm anba Minister Lasante.  Mersi Mr Speaker.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Parey mon’n dir, domiciliary care i pa pour zis dan Home, me i pour atraver pei.  Prezan nou avek- kot ASP laba.  Nou bann travayer Lazans Proteksyon Sosyal, nou travay tre pros an kolaborasyon- akoz Lazans Proteksyon Sosyal i tonm anba Minister.  Council i tonm anba Minister.

E mon dan Minister nou fer sir ki tou nou bann Antite, otan ki posib nou travay ansanm ler fodre travay ansanm.

Prezan nou’n deza fer en meeting avek Lazans Swen Lasante.  Council for the Elderly, Proteksyon Sosyal avek nou menm nou kot lafanmir avek Sosyal nou’n fer meeting ansanm pour nou vwar ki mannyer sa bann vizit i bezwen ganny fer.

Akoz parey ou konnen bann health nurse i ale i al fer bann vizit, oubyen ek dokter.  Annan de fwa zot al zot tousel.  Be nou, nou anvi fer en travay kot nou travay ansanm pour nou kapab vwar- par egzanp in ariv kot sa dimoun kot li.  Ler nou vini, nou vwar sa dimoun i bezwen en lili.  Personn pa’n dir nou, nou pa konnen.

Ler nou ariv la ansanm,  nou kapab vwar poudir vwala problenm sa dimoun.  I pe ganny son Carer wi.  Me i bezwen medical bed osi.  Oubyen i bezwen okenn lezot aids pour kapab ed li.  I pa pe gannyen.  Alor la le moman kot nou kapab kordinen lekel ki fer sa, lekel ki fer sa pour nou kapab fer keksoz bouze.  Oubyen si petet sa dimoun i bezwen ners pour pans li tou le semenn, i pa pe gannyen ners pour pans li.

La i en moman kot nou deside fer nou progranm, sa dimoun i ganny son pansman enn fwa par semenn e nou monitor.

Nou pour annan en team ki pour fer sa monitoring.  Konmsi nou pe rod en fason ki mannyer nou kapab travay ansanm pour nou, ler nou pe fer vizit nou kapab vwar diferan problenm at the same time.  Akoz si lasante i ale li i fer son bout.  I ale li.  Carer i reste li tousel laba.  Personn pa pe vin dir li nanryen ki i pe fer son louvraz byen, ou pa pe fer li byen.

Alor ler nou’n fer nou tou ansanm.  An menm tan Carer i la, nou kapab kordin pli byen ki mannyer sa bann dimoun- pour ki zot ganny en meyer swen kot lakour.  Vwala en pti pe ki mannyer nou anvi adres sa.  Ok.  Mersi bokou.

 

MR SPEAKER

Mersi Minis.  Onorab Audrey Vidot.

 

HON AUDREY VIDOT

Mersi Mr Chair.  Bonn apre midi Minis avek ou Delegasyon.  Bann Manm Onorab e bann dimoun ki a lekout.

Mr Chair mon kestyon pour Minis, letan mon pe regard zot priyorite, bann stratezi ant 2020 a 2022, mon vwar sa bout kot i met ‘‘development standards of care to be adopted in residential and in community care for elders’’.

Mon pe regarde, eski i dan zot plan petet lannen ki vini la,  baze lo zot stratezi la, pour zot travay en pti for avek Gouvernman Lokal pour vwar ki mannyer zot kapab annan bann outreach programs pour sansibiliz en pti pe bann lakour kot i annan bann dimoun aze?  Petet ki bann pli bon fason petet nou bann dimoun i devret byen okipe baze lo zot standar ki zot pe devlope?

Apre petet pour osi regarde ki mannyer Departman Sosyal osi, i kapab antre pour regard bann ka kot nou vwar vreman kot nou bann dimoun aze pa pe vreman ganny byen okipe.

E osi pour sansibiliz nou bann dimoun aze dan sa bann outreach program, en pti pe lo bann risk.  Akoz i annan de fwa kot nou vwar i annan bann dimoun aze parfwa zot vann zot lakaz avek etranze, apre pour okip zot swadizan ziske zot dernyen zour.

Me apre ou vwar zot landrwa i abandonnen, i pa ganny byen okipe, apre i retourn back kot nou vwar i demann Gouvernman pour rantre pour vin donn koudmen.

Petet ou kapab reponn mon lo la.

Apre 2enm;-  mon ti oule zis konnen si in annan prosedir procurement pour servis security? E si zot annan lentansyon pour anmenn okenn nouvo prosedir tender anytime soon lannen prosenn or sa?  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Kot i konsern standar, wi nou’n fini.  Nou ti pe travay lo la.  Akoz in pran en pe letan pour nou annan lezot partner pou travay ansanm.  Nou’n fini arive la.  E Merkredi nou pe al pas sa lo Cabinet pour laprouvasyon.  Pour ki prezan tou dimoun nou konnen la, la standar ki parey en pti pe parey IECD in fer avek bann Daycare CentersOk? Akoz sa standar pour ganny fer sir ki bann Home, bann Daycare ki pe al ganny fer.  Zot osi zot meet sa bann standar pour zot kapab zot License.  Ok?  E sa standar i pour ede pour lev nivo bann landrwa pour sekirite nou bann dimoun.

Apre letan nou fini fer standar.  Byensir nou pour annan bann regilasyon ki vin avek.  Akoz i pour vin son bann regilasyon.  E definitivman nou bezwen fer en bon pe progranm ledikasyon.  Nou pour fer.  Akoz nou annan bann spot.  E deza kot Council in deza pe komans fer bann visits, bann leaflets ki zot in fer pour donn dimoun pour konn en pti pe ki mannyer bann dimoun i a risk pour-dizon par egzanp a risk kot zot vann- nou annan dimoun ki zot fanmir in pran zot landrwa in vann.  Prezan in pran zot fanmir in met dan Home.  Akoz zot napa landrwa.

I annan en kantite sa bann keksoz ki pe pase.  Alor nou, nou bezwen raise awareness parmi nou bann dimoun aze.   E an menm tan avek lafanmir pour zot konmsi pran swen avek zot paran.  Olye pran later vann.  Pran zot later petet fer en pti lakaz kot zot.  Ou kapab vann.  Me fer en pti lakaz a kote kot zot pour keep zot dimoun ansanm avek zot.  Ou konpran?  Olye zis ou vann, apre ou pran larzan, sa bann dimoun i ganny met dan Home.  Zot fer lapenn, zot santi zot mizerab.  Zot santi zot abandonnen.

Alor mon krwar i enportan pour bann fanmir komans fer serten refleksyon serye lo sa sityasyon.  Akoz zot pa pe krwar poudir i zis Gouvernman ki pour anmas bann dimoun aze.

Zot bezwen zot osi konman fanmir, komans zwe zot rol pour fer sir- akoz sa manman ki vye ozordi, se li menm li ki’n met ou la.  Ok?   Ou bezwen prezan ou soutenir li.  Akoz demen si ou, ou pa soutenir li.  Ou zanfan osi pour fer parey avek ou.  Akoz i en serk sa.  Sa ki ou fer avek ou paran ozordi, demen ou zanfan i fer avek ou.

Alor i enportan ki nou bann dimoun dan lakour i konpran sa.  Unless vreman nou pa kapab kit nou dimoun kot nou.  Nou met dan en Home.  Me otan ki posib si nou kapab gard nou dimoun dan nou lanvironnman kot nou, kot nou anmenn sa lanmour, sa konpasyon.  Tou sa ki in donn nou letan nou ti ankor pti.  Ozordi nou bezwen rann li.  Mon krwar sa i en pe.

Be selman nou’n komanse fer bann leaflet.  E nou pour annan bann spots ki nou pour met lo televizyon.  Ankor en challenge, se nou bezwen peye pour nou met tou sa bann spots lo televizyon.  E nou napa en kantite larzan pour nou met sa bann spots lo televizyon.

Me selman nou pe fer bann spots lo otan ki nou kapab pour nou, ler nou lanse lannen prosenn, nou pour met en kantite spots tanzantan fer plis ledikasyon,  fer plis progranm pour ki dimoun i pli konpran ki pe arive dan sosyete.  Ok?

Lo kestyon procurement wi.  Definitivman nou’n fer.  Nou’n pas atraver sistenm.  Akoz sa bann zot fek, wi, zis sa bann nouvo ki nou pour fer.  Mersi.

 

MR SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Mon annan detrwa pti pwen, me ki mwan krwar larepons i dwatet ase straight forward.

Premyerman i kot kestyon travel.  Mon note ki zot alokasyon ti apepre 104, 000 apre selman in annan en- zot pour fini lannen avek en logmantasyon 209,000.

Donk mon ti ava kontan konnen ki rezon sa logmantasyon dan travel allocation?

Dezyenmman konsernan alokasyon ouswa rent.  Mon vwar poudir zot rent i apepre par lao 500,000 par an.

Prezan dan plan pour devlop Maison de Troisième Age.  Mon anvi konnen si dan zot panse ki sa batiman i a kapab osi enkorpor headquarters ou lofis Council for the Elderly ki alor i ti kapab tir sa burden rent lo Bidze lannen ale, lannen vini.

Trwazyenmman lo kestyon sekirite.  Mon vwar ki zot pe depans par lao 2.5 milyon par an.  E mon anvi konnen si i dan zot panse ki ozordi avek teknolozi i annan mwayen ki ou enstal camera e en Lakonpannyen Sekirite i ganny en Kontra i monitor ou propriyete from a distance.

I annan rapid response.  E ki alor ou kapab met zis en dimoun overnight.  So i ti kapab redwir kou a lonterm.  Sa i fer 3.

Katriyenmman;-  mon vwar en alokasyon public beaches dan program 2. 7 anba ‘’other use of goods and services.’’  I napa en alokasyon sa lannen, ouswa lannen prosen.  Me selman a parti 2021 avek 22, i annan en alokasyon public beaches.  E mon ti ava kontan konnen kisisa sa?

Finalman Mr Chair, mon krwar pwen ki Onorab Pillay in leve lo kestyon expansion avek renovasyon.  I pa’n sorti telman byen.

Akoz ler ou pe regard lakantite larzan ki zot in mete pour ‘’proposed expansion to the Elderly Homes,’’ apre renovasyon-solman apre dan zot stratezi, zot pe anvi fer 22 Unit ant 2020 a 2022.  Solman letan ou get zot maintenance allocation i- zot pa pe met larzan vreman dan maintenance pour antretenir sa bann propriyete ki alor ou napa sa bann gro alokasyon en sel kou.

Mon krwar sa pwen la, i demann ankor en pe leksplikasyon lo kestyon larzan ki zot pour depanse dan ‘’proposed expansion avek renovation.’’  Akoz pour mwan, mwan pa neseserman konvenki poudir mon’n konpran vreman ki mannyer zot pe al depans sa bann larzan ki pe al ganny allocate.  Mersi bokou.

 

MR SPEAKER

Mersi Onorab.  Minis.

 

CEO MARIE-FRANCE PEREIRA

Mersi.  I riske mon pour demann ou repet ankor ou kestyon.  Akoz ou’n koz en pti pe vitman pour mwan.  Wi.  In regards to rental kot nou Home;-  mon krwar in pase kot dimoun.  Zot in increase zot rental.  Sa lannen sanmenm sa ki’n arive avek nou kot Council.

I annan 2 keksoz;-  rental in ganny increase, ki nou, nou pa ti’n Bidze for.  Apre en lot bout, nou ti annan nou zis en biro ki apre nou’n- avek letan nou’n etabli Council.  Secretariat Council, nou’n increase from– ti annan 2 dimoun dan biro.  Nou annan nou 10 dimoun la pour le moman pour akonplir louvraz ki pe bezwen ganny fer.

So, alor nou’n bezwen bouz-sorti ek zis 1 biro.  Nou annan 3 biro la -nou’n increase.  Alors sa, sa leksplikasyon rental.

En bon keksoz ki mon ti a kontan partaz avek ou.  Se, once nou fini fer Maison Troisième Age, nou pour annan en- nou rental– nou pour annan space kot fotespere nou pa pour bezwen pey okenn rental anymore.  Akoz i a form part of Council Management of sa landrwa.  E that will be the benefit ki overall Council pour gannyen.  So

Travel;-  nou ti napa loto.  Nou ti napa en loto.  Nou ti ganny idantifye poudir nou bezwen ganny en transpor sa lannen.  E alor, la i la kot larzan Bidze in antre pour nou ganny en loto.  Akoz pour nou kapab fer louvraz marse.  Sa rezon ki ou’n vwar i annan sa increase lo zafer transpor pour sa lannen.  Ki mon krwar pa ti’n ganny byen bidzete, si mon pa tronpe.

 

MR SPEAKER

Mersi CEO.  Minis.

 

MINISTER MITCY LARUE

Petet- mon pa konnen Onorab petet ou ti devret spesifye, ler ou pe mean’’ travel’’ oubyen ou pe mean– mon krwar CEO petet i pa’n ganny li byen.  Ti kapab petet donn li- demann en pti pe plis silvouple…

 

MR SPEAKER

Ok.  Dakor Minis.  Onorab.

 

HON GERVAIS HENRIE

Wi i ‘’travel.’’  Mon pe sey retourn lo sa alokasyon kot mon’n vwar.  I pa pour lontan.  Solman mon krwar it’s for ‘’travel’’ as in voyaz.  So in monte from, mon krwar 104 milyon ti zot alokasyon inisyal.  Me apre zot pour fini lannen avek R209, 000.  So i annan en R100,000 an plis mon mazinen.  Mon ti anvi konnen, akoz sa in ogmante?

 

MR SPEAKER

Mersi Onorab.  PS Thesee.

 

PS DAMIEN THESEE

Mersi Mr Chair.  Petet spesifye dan ki progranm sa?  Akoz nou pa pe ganny en konpran sa bann sonm.

 

HON GERVAIS HENRIE

(Off-Mic)

La mon’n sey rode.  Me solman mon pa pe vwar li.  Me si mon vwar, mwan ava retournen….

 

 

MR SPEAKER

Mersi Onorab.  Bon nou ava kontinyen.  Yes Onorab Henrie.

 

HON GERVAIS HENRIE

Ok sa zafer mon ti’n lev 5 pti pwen.  Headquarters mon’n konpran egzakteman, sanmenm sa ki mon ti pe demande pour zot bouz dan Maison 3enm Age.

Mon ti anvi en keksoz lo sekirite.  Whether i pa dan zot panse pour redwir kou sekirite a lonterm, petet met camera ki zot kapab ganny monitor from a far. 

Apre sa-public beach dan program 2 anba Home for the Elderly.  Dan bann- dan breakdown ‘’goods and services’’ sa en.   Dan program 7, ‘’other use of goods and services.’’  I annan en alokasyon public beaches.  I napa alokasyon pour 2019-2020.  Solman a parti 2021 ek 2022 zot ganny en larzan.  So mon anvi konnen kisisa sa?  Silvouple.

 

MR SPEAKER

Mersi Onorab.  CEO.

 

CEO MARIE-FRANCE PEREIRA

Mersi.  Mon a reponn ou lo zafer sekirite.  Ti annan en legzersis ki ti ganny fer beginning of sa 1st quarter of the year.  Dan sa legzersis i ti ganny idantifye poudir i pa en gran diferans si ou fer an teknolozi kot zis ou- rather than ki ou annan en dimoun la, ki la toultan ki nou konnen poudir endirekteman akoz nou napa staff dan sa landrwa,  si i ariv en ka, zot kapab telefonn en lanbilans pour dimoun aze dan Home.

So konparezon ti ganny fer ant si nou met bann teknolozi kot pour napa dimoun stasyonnen, pour napa en sekirite stasyonnen, an konparezon avek si ou annan dimoun stasyonnen, i ti balans out.  Nou ti fer sa legzersis.  Alor nou’n deside i pli vo mye nou annan en dimoun la stasyonnen.

Wi.  Me going into the future, nou annan- nou kontinyen eksplore dan sa area.  Mersi.

 

MR SPEAKER

Mersi CEO.  PS Thesee.

 

PS DAMIEN THESEE

Mersi Mr Chair.  Pour 2021 sa public beach pe feature.  Sa mon krwar i en fot ler pe work tool sa.  2021 ki pe montre sa’’ public beach.’’  I en fot.  Mersi.

 

 

HON GERVAIS HENRIE

(Off-Mic)

Napa sa lo la?

 

PS DAMIEN THESEE

Non pa sipoze annan.

 

HON GERVAIS HENRIE

Ok. 

 

MR SPEAKER

Mersi PS.  Yes Onorab Henrie.

 

HON GERVAIS HENRIE

Sa transportation and travel cost.  Kekfwa la, akoz i met transportation.  Kekfwa alor, vre sanmenm sa zafer loto.

I dan latab 2, Consolidated Expenditure Estimates.  So 2019 104 pour ariv 206.  Sanmenm sa zafer loto?  Dan latab 2 dan…

 

MR SPEAKER

I pa Bidze 2020 sa.  I Bidze 2019 en overspentYesPS Thesee.

 

PS DAMIEN THESEE

Mersi Mr Chair.  En increase apepre R100, 000 ki basically 2019 i ti napa ‘’airfares.’’  In met larzan dan son ‘’airfares’’.  Apre natirelman son subsistence increase pour son ‘’travel.’’  Petet ti ava tyeke ki misyon i annan lannen prosenn.

 

MR SPEAKER

CEO. 

 

CEO MARIE-FRANCE PEREIRA

Mersi.  So, ki ti- nou ti al United Nation.  Akoz parey nou konnen Sesel i form part of the region Lafrik.  E alor Sesel i bezwen participate enternasyonalman in regards to age care ki avek nouvo manda ki’n komanse depi 2018.   Ki nou, nou oule be part of sa mouvman ki pe arive dan lemonn.  Ki nou, nou kontinyen pe bouz at sa level ki larestan high standard lemonn pe fer.

Alor pour nou kapab fer sa.  Nou bezwen partisip dan ki United Nation pe gid the rest of the world en regardent age care.  E sa ti en Konferans ki mon ti attend.  Mersi.

 

MR SPEAKER

Mersi CEO.  Onorab Sylvanne Lemiel.

 

HON SYLVANNE LEMIEL

Mersi Mr Chair.  Bonn apre midi tou dimoun.  Mr Chair 2 pti zafer.  Anyway, pour lenformasyon mon krwar i fer 3an depi ler Anse Royale nou ti pe demande pour annan en renovasyon lo sa Home.  Akoz nou konnen i en pli vye Home.  I en premye Home ki ti ouver dan pei mon kapab dirSo, mersi pour konsider en extension zot pe fer.  E osi mon pe mazinen, i ava annan serten renovasyon osi ki pour lo la.  Me selman sa ki mon en pti pe sagren Mr Chair,  i se ki, menm si nou lo kote Lotorite Distrik nou’n demande – nou’n fer en lapel avek Council pour annan sa renovasyon.  Me selman i fer ki nou pa’n ganny sans vwar zot plan ki mannyer sa renovasyon li menm pe al ganny fer.

Akoz nou konnen nou ti demann en doctors room.  Akoz la aktyelman sa pti lasanm ki ti pe servi, dokter i kapab servi.  Pe ganny servi koman an office.  So nou bezwen en landrwa pour ki dokter i vwar nou bann rezidan letan i vini, en proper room, consultation room.  E mon panse ki zot ava met sa dan zot bann fitir plan ki zot pe mazin fer.

Kot sa Home i ete.  I en landrwa ki flood.  I en landrwa ki sak fwa lapli i tonbe.  I annan en kantite delo.  Bann dimoun pa kapab sorti.  So eski i dan zot plan osi pour zot fer serten travay mitigation la dan sa landrwa?  kot i konsern delo letan lapli i tonbe.  Ki zot pe mazin fer?  Eski i dan plan la letan zot pe vin fer sa extension? 

STP;-  zot in koz lo la.  Mon pa konnen si zot pe liaise avek MHILT.  Akoz i sipoze annan en projet STP.  Eski i pour neseser fer doub depans pour al fer en STP pour Home li menm?  Kan petet zot ti kapab konnekte avek sa enn ki pe al fer- ki Bamboo Estate, ek Remise i kapab benefisye ladan?  Sa i zis en pti kestyon petet ki zot ti a kapab get ladan.

Board of Trustees;-  how effective is the Board of Trustees?  Nou konnen i annan en Board, sak sa bann Home i anna en Board.  Mon konnen zot pa pe ganny en allowance.  Me eski Minister or Council, zot vwar ki sa Board i efektiv dan travay ki zot pe fer?  Mersi Mr Chair.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mersi Onorab.  Wi, definitivman se MHILT ki pe travay lo tou nou bann proze.  Zot ki travay lo la.  E savedir zot pour vwar tou sa bann keksoz ki neseser pour fer li ansanm.

Ok lo STP, si fodre konekte avek sa STP oubyen si i annan keksoz pour fer.  Zot ki- akoz nou napa kapasite pour fer sa bann keksoz.   Se zot ki pran tou nou bann travay, se zot ki antreprann.

Lo kestyon consultation room.  Sa bann zafer nou a pran an konsiderasyon parey ou pe dir.  Letan nou pe fer tou sa bann renovasyon a extension, nou ava vwar ki mannyer nou kapab reorganiz en pti pe landrwa.

Kot i konsern BOT.  Nou-konmsi ler in vini.  Nou menm nou kot Minister Lafanmir nou’n- sa ‘’BOT’’ ti egziste.  Sa Board of Trustees in egziste kot sak Home i annan li en Board of Trustees. 

Egzakteman i annan parey nou dir- i annan sanmenm sa R400 tou le mwan kot bann kliyan i kontribye.  E i sipoze al dan Fon sa Board of Trustees.  E nou personnelman kot Minister, nou pe regarde ansanm avek Council avek son Board pour zot vwar konmsi en pti pe travay ‘’BOT.’’ Vwar en pti pe zot rezondet pour zot manda ki zot annan.  E regarde si vreman i neseser kwa ki zot pe fer.

Akoz nou- zot en Board volonter.  Zot volonter plito.  Si nou bezwen vreman zot led eksetera sa ki zot pe fer.  I anmenn bokou dibyen pour bann Homes.  Nou pour call en meeting pli tar ansanm avek zot Board, CEO avek bann BOT Members pour nou asize pour nou vwar en pti pe ki mannyer sa travay i ganny fer.  Si i ok, si i annan latransparans, si i annan accountability.  Akoz i enportan parski sa se larzan nou bann kliyan.

So nou pour fer sa travay apre nou ava vwar si i neseser annan en Board of Trustees pour sa Home.  Oubyen i pa neseser.  I pour tou depan ki mannyer keksoz i ale.  Apre nou ava pran desizyon ki mannyer nou pour bouz de lavan.  Mersi.

 

MR SPEAKER

Mersi Minis.  Onorab Lemiel.

 

HON SYLVANNE LEMIEL

Mr Chair, en pti keksoz mon ti’n bliye pour demann Minister.  Dernyen fwa letan ou ti meet avek COGA Minis, ou ti- letan nou ti pe koz lo sa 4 morso later ki i annan ‘’expression of interest’’ pour fer bann Daycare and lezot Home.  Mon ti demann ou en kestyon lo kote par egzanp.  Si en dimoun i eksprim son lentere pour pran en Home ki deza egziste.  Mon ti pran legzanp Home Anse Royale lo la.

Eski zot ti pour pare pour zot konmsi les en prive vin pran sa Home re aranz li, e re met li as en project?  Non kantmenm pa ou Minister.  Me selman mon krwar PS William Melanie ti vini, CEO ti la li osi, kot zot ti dir mon wi.

Prezan mwan pour regarde-mon pe regarde si in annan en-okenn ‘’lekspresyon’’- kekfwa lentere ki’n vin devan?  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Onorab.  Pour le moman, nou napa okenn dimoun ki’n montre okenn lentere pour zot vin pran en Home.  Me selman anmenmtan nou pa tro krwar pour le moman nou pour pran en Home pour nou- akoz nou deza annan dimoun ki pe espere.

Nou annan dimoun-parey CEO taler in dir.  Nou annan en bon pe dimoun pe espere.  E si nou pran Home nou donn li- an deor konmsi i pour vin difisil.  Petet nou ava ankor, si i annan lezot dimoun ki enterese;-  parey Prezidan ti dir,  si i annan ankor lezot dimoun ki enterese pour ganny en bout later pour zot fer en Home parey nou’n dir, Daycare or whatever,  Definitivman Gouvernman i ava konsidere.  Oubyen si i annan dimoun ki vwar en landrwa parla.  En lakaz ideal pour kapab fer en Home kot i kapab ganny dimoun dan lazournen.  Tousala i bann posibilite ki egziste.  Akoz nou anvi travay an partenarya avek. 

Me selman pour pran Home as such, pour le moman, lefe ki nou napa ase.  Mon pa krwar i telman ideal.

Lo kestyon ‘’BOT’’ an menm tan, parey mon’n dir.  Nou pour revwar.  Me selman an menm tan nou bezwen dir mersi sa bann dimoun osi pour sa bann letan.  Bann letan ki zot in la, zot in donn zot letan volonterman pour zot travay avek sa bann Home.  Menm ki i annan avek son bann pti kontrent.

Me selman zot in fer en travay formidab.  Ler nou, nou vini zot ti deza la pe- e zot menm anvi administre sa bann Home si ou pe get zot.  Anmenn serten aktivite, zot vin vizit bann dimoun dan Home.  I annan en bann bon, bon- mon pa pour dir ki zot pa pe fer en bon travay.  Zot pe fer en bon travay ki nou apresye.  Me an menm tan nou bezwen regard en pti pe dan tou, e fer li vin pli si i neseser.  Mersi.

 

MR SPEAKER

Mersi Minis.  Onorab.

 

HON SYLVANNE LEMIEL

Mr Chair.

 

MR SPEAKER

Yes Onorab Lemiel.

 

HON SYLVANNE LEMIEL

Non.  Petet zis mon ti a kontan port latansyon.  Akoz koman en Manm COGA, mon krwar dan COGA nou ganny en serten lenformasyon.  Par egzanp letan ti annan sa- sa ti televize sa sesyon.

So deor dimoun in ganny en serten lenformasyon ki Zofisye in vini, in dir wi.  Ozordi Minis i klarifye dan en lot fason.  I dir non.  So we have to be careful kekfwa sa bann lenformasyon ki nou pe vin avek, ki nou donnen.

So mon satisfe avek sa ki Minis in dir ozordi.  Akoz mon ti pe mazinen mwan osi en Home ki ou’n deza pran.  Ki mannyer?  Me selman ler nou’n demann kestyon laba.  Mon krwar Mr Chair i osi i mazin byen ki zot ti dir wi.  I kapab ganny fer.  Mersi.

 

MR SPEAKER. 

Mersi note.  Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker.  Mon pour napa en gran kestyon.  Premyerman mon ti a kontan remersye Mrs Pereira oubyen 1 son staff pour fasilit en landrwa pour Mrs Cedras, ki mon krwar pe al Praslin.

E nou byen remersi zot sa.  E mon ti napa nanryen pour fer ladan mwan.  I’m not claiming any credit.  Me DA ti fer sa demann.  In arive.  So mersi bokou.

Mon ti a zis kontan ganny en presizyon.  Mon koman en MNA mwan pa’n- mon kapab dir poudir mwan pa’n zanmen tro ganny byen welcome dan bann Homes for the Elderly. 

Konmsi ou a krwar konmsi se en landrwa konmsi kot nou lo sa kote latab nou pa tro, tro ganny welcome.

Me, eski i annan Board of Trustees per Home?  E eski i korek ki i annan serten MNA ki lo sa bann Board of Trustees, si zot dan sa distrik, me serten pa lo la?

Me selman mon ti a zis kontan- akoz mon’n- mon pe rod en fason pour nou kapab angaz avek zot.  Akoz nou annan kontribisyon pour nou fer, tou dimoun.  Lo tou lede kote latab.  I annan kontribisyon pour nou fer.  E kekfwa ou ti a kapab reasir nou poudir i annan en volonte pour annan sa korperasyon.  Mersi.

 

MR SPEAKER

Mersi Onorab.  CEO.

 

CEO MARIE-FRANCE PEREIRA

Mersi pour kestyon.  Pour le moman- napa MNA ki lo sa- sa ki nou apel ‘BOT’ Komite.  Sa ki mon konnen i annan.  I annan DA.  DA, akoz sa historically in koumsa.  Be ki Minis in fek- i anba review.  Nou pe anba review la.

In regards to si Home i ouver, laport i ouver.  Laport Home i ouver pour tou dimoun.  Akoz nou ki nou anvi.  Nou- Home i form par lakominote.  E nou oule enteraksyon avek lakominote.  Both kot nou Home, ou pa vin konmsi ou pe vin dan en prizon letan ou antre dan Home.

E osi tou, sa Home i kapab lead age care ki pe arive dan lakominote.  I kapab koumsa en?   E- selman sel keksoz ki nou demande.  Pa dimoun zis antre, sorti dan Home.  Nou bezwen annan en fason konmsi kot nou annan sekirite.  Nou konnen ki mannyer konmsi keksoz pe marse dan tou nou bann e form.  So labitid i vin en- zot fer en demann avek nou dan Head Office.  Fer nou konnen ki pe arive.  Apre nou, nou Direkter of Home ki alert nou Administrater.  E- konmsi nou fer bann keksoz ki egeyan, bann keksoz ki bon.  I pa pour- toultan laport i ouver.   Mersi.

 

MR SPEAKER

Mersi CEO.  Onorab Ferrari.

 

HON JEAN-FRANÇOIS FERRARI

Mon dernyen pti kestyon se, dan proze redevlopman, i annan enn ki pe-mazer ki pe deroule dan Mont Fleuri,  nou’n fer bann sizesyon ki dan sa redevlopman oubyen dan en konstriksyon en blok apartman oubyen en nouvo vilaz, i annan enn de pti Units ki ganny konstrir on the ground floor pour accommodate bann dimoun aze.

Bann ptipti Units.  Sirtou bann dimoun ki tousel, ki napa sa.  Me selman i pa ankor arive.  So, eski Gouvernman i pe ensiste lo la?  I  pe apiye pour ki sa kalite fasilite i ganny devlope pour ki bann- parey zot in dir,  bann dimoun aze i kapab reste osi lontan ki zot kapab dan kominote dan en fason endepandan?  Mersi.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.   Onorab mon pa tro okouran sa enn kot- dan bann blok konmsi pour kit Unit.  Mon pa’n ganny sa-okouran sa en?

Be selman parey mon pe dir, mon konnen poudir o nivo kominote;-  parey mon ti dir taler, o nivo kominote si i annan dimoun konmsi ki son paran- son fanmir i annan en pti bout later ki ti a kontan fer en pti zafer pour son dimoun.  Kekfwa kot li i overcrowded i napa landrwa, olye anvoy dan en Home, nou fer en pti bedsitter, li i reste ladan.

Me selman o nivo bann housing ki pe konstrir la pour kit en pti – 1 oubyen 2 Units.  Sa mon pa pe tro panse.  Me selman nou kapab diskite e regarde.  Ok mersi.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonn apre midi.  E bonn apre midi tou dimoun.  Mr Chair sa Konsey i enn sa bann Lazans ki deplizanpli pe komans vin pli enportan par lefe ki nou pe dir nou annan en aging population.  E son rol ki i bezwen zwe vizavi bann dimoun aze.  E sipor ki i bezwen donnen.

So, sa ki enportan an se ki travay sa Konsey, se ki, eski Minister avek Konsey i annan plan pour revwar en pti pe in terms of pa zis budgeting.  Me in terms of sipor e kalite travay ki Konsey i bezwen fer? Pour li kapab anmenn en pe plis sipor pour bann rezidan ki dan bann Home.

E la mon pe koz lo nivo bann travay ki bezwen ganny fer lo nivo bann reparasyon eksetera.  Mon konnen ou koz lo la, me en pti pe striktirelman, sey sez en pti pe striktir e rol sa Konsey dan- akoz avan nou pa- mon santi poudir i ti la.  Me i pa’n vreman annan sa proéminence ki devret annan.  I devret ganny en pe plis proéminence.  Parey nou annan Konsey Lazenes, sa osi i Konsey pour the elderly.  I enportan.  Sa mon premye kestyon.

Mon 2enm pwen Minis.  Se ki, ankouraz bann dimoun pour fer sa bann pti bedsitter lo zot later.  I annan en lavantaz.  Me i annan en dezavantaz.  Akoz ou vwar le sirkonstans osi kot menm ler Gouvernman in antre, in ede pour fer sa bedsitter lo sa later.  Sa dimoun, sa fanmir pa mete sa dimoun aze ladan.  I pran i lwe.

Ou konpran?  Nou rankontre sa bann sityasyon.  E sa i go back to en pwen ki ou’n koz lo la.  Se ki nou responsabilite ki nou, nou bezwen pran.

Ou konnen bomaten nou’n get Bidze bann Benefis.  E nou’n vwar par egzanp bann bursary pour bann zanfan lekol.

Ou konnen mon krwar nou koman en Nasyon, nou bezwen responsabiliz nou lekor.  E pran bann responsabilite kot i neseser.  Si ou en etidyan dan lekol, ou al lekol.  Si ou en dimoun ki lo Welfer, ou bezwen sey debourye pour ou al travay.  I en bann responsabilite ki nou bezwen pran.

So an ankourazan bann dimoun pour fer sa.  Eski i dan plan Minister pour osi vwar nesesite pour angaz bann paran, oubyen bann parante ki konnekte avek en dimoun ki pe al dan Home;-  bann parante sirtou ki konnekte ek en dimoun ki al dan Home pour get ki kalite kontribisyon, frekans vizit eksetera.  Eski i annan sa kalite sipor ki nou bezwen sey donnen?

Akoz pa zis pran sa dimoun met Home, apre nou bliy li.  E apre la i vin Gouvernman ki bezwen maintain li.  So eski i annan sa travay swivi ki kontinyen fer avek sa bann fanmir?  Eski Konsey i annan sa resours pour li kapab fer sa travay swivi?  Mersi Mr Chair.

 

MR SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mersi Onorab.  Parey ou pe dir kot letan nou fer bann pti bedsitter.  I vre nou fer.  Me selman parey ou’n dir.  In arive enn de ka kot paran zot servi sa zot.

Zot servi sa landrwa pour zot pa met sa vye dimoun.  Be nou, ler nou’n konnen i annan sa in arive.  Nou’n fer sir ki paran in ganny dir poudir sa i pa pour zot, i pour sa dimoun.  E nou fer sir ki sa dimoun i antre ladan.

E nou fer vizit nou vwar ki keksoz i pe al parey i devret ete.  Akoz si zot, zot ti anvi sa bedsitter.  Mon krwar zot ti a fer zot bedsitter zot.  Zot a rod en pti loan.  Fer zot pti bedsitter.  Responsabiliz zot lekor.

Me lefe ki Gouvernman in donn sa vye dimoun, alor- zot kapab- zot kapab ed li.  Netwaye, fer bann keksoz.  Me pa pour pran li pour zot.  E sa dimoun napa.

Akoz sete sa le but oparavan,  se pour ed sa dimoun ki pli vilnerab pour fer li son pti bedsitter.  Me nou paran, nou accommodate, nou ede, nou netwaye, nou gard li toultan prop.

E sa i bann travay ki nou bezwen fer avek bann fanmir, pour fer zot konpran poudir, ler Gouvernman in donn sa nou, nou fer nou bout ekstra pour nou fer sir.

Ok sa i en travay ki nou bezwen kontinyelman fer, monitor.  Akoz nou ganny- akoz koman nou konnen dimoun poudir dimoun i dir pa reste.  Nou organize.  Nou fer, fer vizit pour vwar ki mannyer sa i ete, definitivman.

E menm lo kote bursary.  Bann zanfan ki ganny bursary, sa osi nou monitor.  Akoz nou bezwen konnen si sa zanfan pe ganny larzan.  Me an menm tan i pa pe al lekol.  Ou konpran?   Ou bezwen monitor.

Akoz sa larzan in donn ou pour ou al lekol, pour ou fini ou ledikasyon, pour ou ganny en lanplwa demen.  Me pa zis pour ou pran al fer lezot keksoz.  Al dan bann lezot problenm.  Ou konpran?  Alor i annan;- tousala i bann mekanizm ki nou bezwen met an plas pour fer sir ki sa i ale.

Me ankor, resours.  Sa resours imen, sa pti gin ki nou annan, nou pe sey nou mye.  E se sa ki nou bezwen bann volonter pour donn nou en pti pe sa travay.  Pour donn nou lanmen pour fer.

E konsernan Home.  Nou vwar ozordi bokou plis paran i vizit Home, ki dan lepase.  Lontan ou pa ti vwar zot preske ditou.  E menm- sanmenm sa, zot zanfan sorry– zanfan i vin vizit zot paran dan Home.  Dan lepase ou pa ti vwar sa.

Zot zis met dan Home.  E mon mwan ti vwar sa byen, ler mon ti kot Lasante kot North East Point.  Paran i met zanfan la North East Point.  Apre pa vwar zot ankor.  Ou vwar zot zis ler i annan kado sorti State House.  Ler ti donn basket, ou vwar zot vini, zot pran basket.  I annan ale avek.  Me ou pa vwar li ankor.  Konmsi i pa ti normal, i pa gou, i pa zoli.

Me ozordi mon pour dir dan Home, nou kapab vwar en pe zanfan ki pe vin vizit.  E la mon pe ankouraz lezot pour zot vini.  Parey en pti wikenn, vin penny en pti gin, fer en pti pe hairdressing.  Nou ganny bann manrmay SNYC ki vin bokou ki vin fer zong, ki vin fer seve.  I vin aranz en pti pe bann dimoun.  Konmsi i bann bon keksoz ki nou bezwen fer kontinyelman promote dan lasosyete.  E a la mon a lans lapel avek bann zanfan ki zot paran i dan Home, pour aprose vin donn sa pti sipor adisyonnel.  Mersi bokou.

 

MR SPEAKER

Mersi Minis.  Bon nou’n  ariv en moman pour nou pran en desizyon pour nou pran en vot lo Bidze pour National Council for the Elderly ki trouve lo paz 598 ziska paz 602 pour en sonm R11,509milyon.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair.  25 Manm an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pour The National Council for the Elderly pour lannen 2020 in ganny aprouve par Lasanble Nasyonal.

Bon PS Thesee gid nou en pti pe lo bann lezot portfolio anba Minister Lafanmir.

 

MINISTRY OF FAMILY AFFAIRS

 

PS DAMIEN THESEE

Mersi Mr Chair.  Nou pran premye Ministry of Family Affairs lo paz 574.  Pour en sonm 73, 843 milyon.  Mersi.

 

MR SPEAKER

Bon nou pour pran en vot lo Bidze pour Ministry of Family Affairs.  Sa se zot Ladministrasyon.  Non i- sa i lo-trouve lo paz 574 ziska paz  585 pour en sonm R73, 843milyon.  Bidze pour Ministry of Family Affairs.  Tou Manm ki an faver?  Okenn Manm ki kont?  Mrs Clerk.

 

MADAM CLERK

Mr Chair.  Mon rikord 17 Manm ki’n vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pour Ministry of Family Affairs pour lannen 2020 in ganny aprouve par Lasanble Nasyonal.  PS.

 

 

AGENCY FOR SOCIAL PROTECTION

 

PS DAMIEN THESEE

Mersi Mr Chair.  Paz 586 pour Lazans Proteksyon Sosyal.  R40, 804milyon.  Mersi.

 

MR SPEAKER

Mersi PS.  Bon nou pour pran en vot lo ankor Administrasyon pour Agency for Social Protection ki trouve lo paz 586 ziska paz 592.  Pour en sonm R40, 804milyon e ki form par sa schedule.  Okenn- tou Manm ki an faver.   Okenn Manm ki kont?  Madanm Clerk.

 

MADAM CLERK

Mersi Mr Chair.  22 Manm an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pour Agency for Social Protection pour lannen 2020 in ganny aprouve par Lasanble Nasyonal.  PS.

 

NATIONAL COUNCIL FOR CHILDREN

 

PS DAMIEN THESEE

Mersi Mr Chair.  Paz 593 National Council for Children pour en sonm 14, 810milyon.  Mersi.

 

MR SPEAKER

Bon nou pour pran en vot pour Bidze pour National Council for Children.   Ki trouve lo paz 593 ziska paz 597 pour en sonm R14, 810mil e ki form par sa schedule.  Tou Manm ki an faver?   Okenn Manm ki kont?  Madanm Clerk.

 

MADAM CLERK

Mr Chair 26 Manm an faver.  Personn kont.  Mersi.

 

MR SPEAKER

Mersi Madanm Clerk.  Savedir Bidze pour National Council for Children pour lannen 2020 in ganny aprouve par Lasanble Nasyonal.  PS.

 

NATIONAL COUNCIL FOR THE DISABLED

 

PS DAMIEN THESEE

Mersi Mr Chair.  Paz 603.  Pour National Council for the Disabled, pour en sonm R5, 656milyon.

 

MR SPEAKER

Mersi PS.  Bon nou pour pran en vot lo Bidze pour National Council for the Disabled, paz 603 ziska 607 pour en sonm R5, 656milyon.  E ki form par dan sa schedule.  Tou Manm ki an faver?  Yes Onorab Pillay.

 

HON SEBASTIEN PILLAY

Is the amount correct?  5 milyon or not 3 million? 

 

MR SPEAKER

Mon annan 5milyon.  PS Thesee the amount.  Ok Sonm ki pe vot lo la.  I R5, 656milyon.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair 25 Manm an faver.  E personn kont.  Mersi.

 

MR SPEAKER

Mersi Madanm Clerk.

 

HON WAVEL RAMKALAWAN

(Off-Mic)

 

MR SPEAKER

Mon ava fini sa prosedir, apre mwan ava donn ou la parol.   Savedir Bidze pour National Council for the Disabled pour lannen 2020 in ganny aprouve par Lasanble Nasyonal.  Yes Onorab Ramkalawan.

 

HON WAVEL RAMKALAWAN

Mr Chairman.  Zis avan ki Minis i ale.  Ou konnen zis lo sa Council for the Disabled ki nou pa’n ganny sans pour nou demann kestyon lo la.

Sete zis en pwen ki 1 bann Chairman in demann mwan pour zis port a latansyon Minis, ki poudir oparavan zot ti donn bann larzan en R1,000 mon krwar tou le mwan oubyen tou le 3 mwan direkteman avek bann diferan group ki ti pe look after the disabled. 

Me ki la aprezan ki mannyer i ete, sa larzan i al kot DA.  E ki zot ganny serten difikilte.  Alors kekfwa si zis– I am sure ou konnen ki mwan pe dir ou.  Zis konmsi ti kapab regarde pour zot kapab fasilit sa larzan ki al direk kot sa bann dimoun ki fer sa travay avek bann disabled, konmsi bann aktivite ensidswit.

Zis mon anvi port sa a ou latansyon.  Konmsi pour regarde ki mannyer zot ganny ede direkteman.  E  I am sure, ou kapab koz avek zot, zot pare pour zot take sa up.  Mersi bokou.

 

 

 

MR SPEAKER

Mersi Onorab. Minis.  Yes Minis.

 

MINISTER MITCY LARUE

Ok mon pa tro okouran.  Mon ava – mon’n take note.  Mersi en.

 

MR SPEAKER

Mersi Minis.  PS Thesee.

 

 

SOCIAL WORKERS COUNCIL

 

PS DAMIEN THESEE

Mersi Mr Chair.  Dernyen pour sa portfolyo lo paz 608.  Social Workers Council pour en sonm R1,011milyon.  Mersi.

 

MR SPEAKER

Mersi PS.  Bon nou pou pran en vot lo Bidze pour Social Workers Council ki trouve lo paz 608 ziska 609.  Pour en sonm R1,011milyon ki form par sa schedule.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair, 24 Manm in vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pour Social Workers Council pour lannen 2020 in ganny aprouve par Lasanble Nasyonal.  PS nou’n fini?

Bon avek sa, mon ti a kontan remersi Minis Mitcy Larue e Ms Marie-France Pereira ki CEO pour National Council for the ElderlyMinister mersi bokou.  E ou bann Bidze ki tonm anba ou portfolio, in ganny aprouve par Lasanble Nasyonal.  Nou ava eskiz ou parmi nou.

 

(MINISTER LARUE AND HER DELEGATION WAS EXCUSED FROM THE HOUSE)

 

 

MR SPEAKER

Bon mon sizere ki nou pran en break.  Nou ava retournen 3.30.  Pour nou pran Departman Imigrasyon avek Leta Sivil.  Si sa i ok avek bann- le 2 Leaders.  Ok?  So nou break, nou retournen 3.30.

 

 

(BREAK)

 

 

DEPARTMENT EMPLOYMENT IMMIGRATION & CIVIL STATUS

 

MR SPEAKER

Bon mon ti a kontan welcome Minis responsab pour Lanplwa, Imigrasyon e Leta Sivil, Mrs Myriam Telemaque.

Minister i akonpannyen par son Special Advisor, Mr Michel Marie.  Chief Immigration Officer, Mr Michel Elizabeth.  E Financial Controller, Ms Bessy Banane.  E nou toujours a konpanny PS Thesee, Ms Croisee e Ms Coopoosamy.  E apre midi la nou pour pran Bidze pour Imigrasyon e Leta Sivil.  PS Thesee.

 

PS DAMIEN THESEE

Mersi Mr Chair.  Son Bidze Departman Imigrasyon e Leta Sivil i trouve lo paz 522.  Pour en sonm R61,575milyon.  Mersi.

 

MR SPEAKER

Mersi PS.  Bon mon ava pran bann Manm ki oule interacte.  Mon ava komans avek Onorab Audrey Vidot.

 

HON AUDREY VIDOT

Mersi Mr Chair.  Mr Chair mon kestyon pour Minis.  Minis mon pour pran avek-i annan en travay ki zot pe fer ansanm avek DICT.  E pour konplemant- mon konpran zot pe refer zot whole system IT kot Imigrasyon.

Alors mon pe demann ou Minis, avek sa Bidze ki la.  Prenon kont sa travay ki zot pe- si zot pe mazin fer avek DICT.  Si ou kapab donn nou en pti leklersisman, petet egzakteman petet ki bann lenportans ki zot vwar poudir i enportan pour refer zot sistenm IT kot Imigrasyon.  E kan ki zot ekspekte petet sa tel legzersis pour konplete?

Apre pli enportan, ki rezondet konmsi ki fortman nou kapab dir i par deryer petet pour ranforsi zot sistenm Imigrasyon atraver en tel legzersis?  Mersi bokou Mr Speaker.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Chair.  Bonn apre midi tou bann Manm Onorab prezan.  Mr Chair, i annan en travay ki nou pe fer avek DICT ki en pti pe letan ki nou pe fer sa travay.   I annan serten nouvo prosedir ki nou’n met an plas.

E enn sa bann prosedir, se ki nou annan en alert lo nou sistenm konmela, ki tou le semenn i donn nou tou bann GOP ki pe al expire within the– sak mwan ki pe vini.  E prezan Imigrasyon, son Departman i fer le neseser.  I ekrir sa bann dimoun, i dir ou GOP pe al expire dan sa kantite letan.  Si ou kapab fer laranzman pour vin renouvle.

E nou osi annan en defayans, konsernan nou PI listPI list savedir bann dimoun ki nou’n deklare, ki nou’n deporte sorti Sesel.  E nou annan en ka la espesyalman- ki ler sa dimoun i retournen si i servi en lot paspor,  son non pa pick up lo sistenm.

E nou, nou pe travay avek DICT pour li kapab met en sistenm an plas, ki ler sa dimoun i retournen,  sa alert i come up kantmenm in annan en nouvo paspor.  Sa bann ki nou pe travay avek DICT.

Nou osi pe travay avek DICT konsernan paspor biometrik.  Mr Marie i a kapab donn en pti pe leksplikasyon lo la, pour nou kapab at least lans sa paspor.   E nou’n fini komans met en Komite an mars.  E tender i deor.  Mr Marie i a kapab donn plis leksplikasyon lo la.

Mr Chair, sa sistenm DICT la, sa sistenm ki nou, nou annan,   bokou travay pour bezwen ganny fer lo la.  Akoz zour an zour nek ou vwar en defayans.  With due respect avek DICT.  Selman nou pe travay vreman pros avek zot.

Nou annan bann ka osi, ki ler en dimoun i ganny en permi.  E i sipoze otomatikman sorti dan sa permi ki i ti ete aktyel pour li kapab antre dan en Permi Rezidan.  Nou ankor pe travay avek DICT pour zot kapab fer sistenm ki otomatik- fer parey en dimoun in antre lo Permi Viziter.  Otomatikman letan i ganny en GOP i dwatet ganny- mon kapab dir anmase.  Fer li antre dan status Rezidan.

Sa nou ankor pe travay lo DICT.  In avanse bokou lo la.  E mon krwar début lannen prosen, nou a kapab at least ganny en keksoz ki en pli konkret.

E nou pe travay osi lo DICT-ek DICT pour nou fer nou ganny koneksyon ansanm ek Lapolis pour ganny koneksyon avek Interpol.  Akoz la pour le moman ki i arive?  Lapolis i mete.  E non.  Nou bezwen fer diligence avek Lapolis.  Me nou, nou oule ganny koneksyon avek sa database.  Ki prezan nou menm nou, nou a kapab fer sa travay.  Mersi Mr Chair.

 

MR SPEAKER

Mersi Minister.  Onorab Vidot.

 

HON AUDREY VIDOT

Mersi Mr Chair.  Zis 2 kestyon adisyonnel.  Minis premyerman ou pa’n dir mon apepre konbyen letan zot pe mazinen anvizaze pour konplet sa-konmsi ant Imigrasyon avek DICT, si zot in set at least en dele letan pour zot progranm sa?

Ler ou’n mansyonn en-petet en keksoz- en defayans ki ou’n mansyonnen la,  petet  kwa ki’n fer zot-?  Konbyen letan petet in pran zot, baze lo zot sistenm aktyel la ki’n fer zot detekte en tel?  ki petet i ava vwar akoz ki nou bezwen ranforsi pour fer sir ki sa i pa- lannen prosen- si pour for- by lannen prosen at least boner lannen prosenn nou’n nobou kapab rektifye zot plan pour konsernan pour IT.   Thank you.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Chair.  Mr Chair nou ekspekte début lannen prosen, premye quarter nou kapab at least rektifye bann problenm ki nou pe rankontre lo size ek DICT.

E in pran nou en pe letan pour sa case kot nou vwar ki i annan en defayans, ler en dimoun i rantre in ganny deklare PI.  Prezan i re antre lo en lot paspor.

Akoz nou’n vwar apre nou menm dan biro, ler nou’n al verifye lo nou lalis.  Nou vwar poudir sa dimoun ti ganny deklare PI tel letan.

E nou’n fer en pe resers.  Nou fer envestigasyon.  E nou’n vwar poudir ler nou konsilte DICT.  DICT menm ki’n fer nou konnen poudir i annan sa defayans ki in antre lo en lot paspor.  Mersi Mr Chair.  Mon a pas sa avek Mr Elizabeth pour koz lo paspor biometrik.

 

MR SPEAKER

Mersi Minis.  Mr Elizabeth.

 

CHIEF IMMIGRATION OFFICER MICHEL ELIZABETH

Mersi Mr Chairman.  Sa sistenm biometrik ki nou’n fek-.  Annefe son tender in fini lanse.  E tender pour fermen le 6 Desanm – ok?

Nou pe panse avek lentrodiksyon sa paspor biometrik ki pour ed nou met nou azour avek bann teknolozi modern dan sistenm paspor.

E osi i pour permet nou pour annan plis sekirite dan nou paspor kont frod, bann identity theft.

Mon mazinen osi, i ava fasilit mouvman nou bann dimoun ki pe apply pour en Visa aletranze.  E sa sistenm biometrik, i pour fer nou vin ICAO compliance.  Annefe nou- lo biometric nou sipoze vin ICAO compliance lannen 2022.  E nou, nou mazinen ki nou sistenm biometric pour pare an 2021.

Dan bann tender ki’n ganny fer, nou’n ganny nou 33 bidders enternasyonal e 2 lokal.  Mersi Mr Chairman.

 

MR SPEAKER

Mersi Mr Elizabeth.  Onorab Vidot.

 

HON AUDREY VIDOT

One last one.  Mersi Mr Chair en.  Mr- petet Minis oubyen PS.  Savedir sa ki ou pe dir nou, se ki si-by Desanm zot sipoze konplet tender pour sa proze.  E ki mannyer zot pe dir nou sa- zot sistenm, se ki okenn etranze ki vin Sesel;-  be it in deza vini avan, in sanz son paspor oubyen dokimantasyon, zot pour annan en fason sistenm pour track pour konnen si vreman sa dimoun i annan okenn petet kontrent ki petet Imigrasyon dan lepase in fer anver sa dimoun, pour zot kapab pli byen ranforsi zot sistenm border pour Sesel.  Eski se sa ki zot pe konfirmen?  Mersi.

 

MR SPEAKER

Mersi.

 

CHIEF IMMIGRATION OFFICER MICHEL ELIZABETH

Mr Chair sa sistenm biometric, i en proze lo li menm li.  Lo kote management pour bann PI list,  sa i en lot sistenm ki konsern DICT.  Nou apel sa ‘Immigration Moduleok.  Sa sistenm paspor, li i pour li tousel li, pour dan prodiksyon paspor biometrik.  Mersi.

 

MR SPEAKER

Mersi Mr Elizabeth.  Bon ti annan en pti bout lo paspor ki Mr Michel Marie mon krwar ti pour azoute – non?  Oubyen Mr Michel Elizabeth?  Yes.  In fini.  Ok dakor.  Onorab Sandy Arissol.

 

HON SANDY ARISSOL

Mersi Mr Chair.  Bonn apre midi Minis avek ou Delegasyon.  Mr Chair mon ti anvi zis demann Minis oubyen PS an relasyon avek P2 ‘’Citizens Affair Services’’ ki i annan dan zot Liv Bidze.

Mon ti a kontan demann Minis, zisteman, ki ou Minister i annan pour sa group travayer ki travay anba Seksyon Citizenship and Permanent Residence Permit an relasyon avek zot load travay, zot kondisyon travay?  E kantite load ki zot annan pour fer dan lofis konpare avek bann ki travay lo Erport kekfwa?

Dezyenm kestyon  mon ti a kontan demann Minis,  letan Chief Immigration Officer pa dan pei oubyen malad, e PS i overseas oubyen li osi i malad,  Lekel ki siny bann permi ki i annan kot zot biro?

E dernyen kestyon, mon ti a kontan demann Minis, se an relasyon avek en taskforce.  Si mon pa tronpe Minis ti deza mansyon pour etabli en taskforce an relasyon avek-pour zisteman oversee en pe bann Lalwa Imigrasyon pour fer sir bann dimoun ki dan pei lo Permi an relasyon avek tou bann dokiman, i azour.

So mon ti a kontan demann Minis la zisteman avek Bidze ki ou’n gannyen Minis,  ki zistans in arive avek sa ki ou ti dir ou pour met an fors zisteman pour fer sir ki bann Regilasyon ek tou bann keksoz an relasyon avek Citizenship and Permanent Resident Permit i azour avek Lalwa oubyen avek pei an zeneral?  Mersi bokou.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Chair mersi bokou.  Pour sa premye kestyon konsernan Citizens Affairs.  Sa Citizens Affairs sa progranm i annan 2 Sou Seksyon.  I annan Processing avek Records Management.  E sa bann Zofisye ki travay dan- sa group Zofisye ki travay dan Processing ek Records Management, i annan en nouvo Scheme ki’n ganny aprouve pour zot.

E zot pour- sa Scheme pour pran lefe le 1 Zanvye 2020.  E nou’n diskit avek bann travayer, zot okouran konbyen logmantasyon zot pour gannyen.  E bann inducement ki zot pour ganny ogmante,  commuted overtime ki nou’n donn zot.

E mon krwar nou’n fer meeting avek zot.  Mon krwar 2 semenn pase.  Menm si i annan ki dir ou i ti a kontan en pti pe pli bokou.  Me selman la pour le moman nou’n kapab at least fer zot ganny sa logmantasyon.

Dan sa Seksyon osi, i annan bann-i annan Senior Officers ki tonm dan Border Control ki nou 3enm program.  Zot osi annan en nouvo Scheme ki’n ganny aprouve pour zot.  I pour pran lefe le 01 Zanvye.  E i annan en logmantasyon depi 3,000 ziska R5,000.

E nou’n diskite osi ek sa bann group travayer.  Zot in vwar kote zot tonbe dan sa Scheme.  E komedi zot menm, i akseptab.  Sa i mo ki zot ti servi.  ‘I akseptab’.

Mon krwar la rezon ki nou ti fer revizyon saler avek en nouvo Scheme, se pour nou retenir bann travayer.  Akoz nou turn over ti vreman o.  E nou- se pour la rezon ki nou’n reviz saler pour nou kapab retenir zot.

E pour nou kapab at least bann ki annan leksperyans pour reste dan lanplwa.  E osi pour atrakte bann jeunes ki fek pe graduate pour zot kapab zwenn Departman Imigrasyon.

Konsernan 2enm kestyon Mr Chair.  Lekel ki siny Permi dan labsans-?  Normalman i PS avek Chief Immigration Officer ki siny Permi.  Dan labsans ki tou lede pa la.  Nou annan nou PIO ki sinyen.  E nou osi annan nou Special Advisor ki si an ka PIO pa la, li i siny bann ki very urgent.

Lo size task force Mr Chair.  I vre nou’n mansyonnen pour met en taskforce.  Me selman nou’n fer li en pe pli konkret.  Nou annan nou Enforcement Unit ki nou’n ouver- ki nou’n formen.  E nou’n rekrit bann Zofisye ki sorti l’aéroport ki tonm dan sa seksyon, zot al fer bann vizit.

E baze lo bann lenformasyon ki zot gannyen par nou hotline,  zot al fer bann vizit.  E apre zot annan en progranm osi ki zot fer vizit Regilyerman pour al vizit bann travayer ki isi pour vwar si zot permi i valab.  E si zot an konformite avek Lalwa Imigrasyon.  Mersi Mr Chair.

 

MR SPEAKER

Mersi Minis.  Onorab Johan Loze.

 

HON JOHAN LOZE

Mersi Mr Speaker.  Bonn apre midi Mr Speaker.  Bonn apre midi tou koleg Onorab e tou dimoun a lekout.  Minis mon premye kestyon i enn tre senp.  Oli file Mr Al Materi silvouple.  Kote i ete?

 

MR SPEAKER

Non Onorab.  Onorab Sa pa dan Bidze.  Annou poz nou kestyon direkteman lo Bidze.

 

HON JOHAN LOZE

Nou pa pour koze lo la sa enn?

 

MR SPEAKER

Annou viz nou kestyon lo Bidze ki devan nou.  Mon krwar Minis in deza vin reponn sa kestyon.  E i annan serten lenformasyon ki Minis in partaz avek mwan biro.  E pour le moman i an konfidansyel ziska moman kot Minis i a kapab vin donn sa lenformasyon piblikman dan Lasanble.  So alor annou viz nou kestyon lo Bidze.

 

HON JOHAN LOZE

Mon annan zis 1 kestyon alors Mr Speaker.

 

MR SPEAKER

Yes go ahead Onorab.

 

HON JOHAN LOZE

Minis.  Eski ou ti prezan dan Leaders Forum kot ti pran desizyon pour don sitwayennte Mr Al Materi?  Mersi Mr Speaker.

 

MR SPEAKER

Onorab mon krwar sa ankor i pa- i an deor, i an deor, i an deor scope.   I an deor scope.   Ok annou move on.  Onorab Terence Mondon.

 

HON TERENCE MONDON

Mersi Mr Chairman.  Mon premye kestyon;-  an vi ki dan zot Bidze, zot in fer resorti ki enn zot bann defi se, kot sa kapasite resours imen.  E zot pe met lanfaz lo la pour sa bann lannen ki pe vini.

Mon anvi konnen.  Konbyen travayer an plis ki zot Departman i bezwen?  E konbyen ki zot in gannyen, in ganny aprouve par Minister Finans pour sa lannen ki vini?

E mon 2enm kestyon.  Ler mon get zot latab lo reveni ki zot kolekte, 88poursan bann reveni i sorti atraver- i vin atraver Immigration fees.

E ler mon get zot sif pour lannen 2019, sorti lannen 2018 pour vin 2019 in mont par 5.7 milyon, sa Immigration fees.

Parkont pour lannen 2020, i pe mont par 28milyon.  Alor mon ti a kontan konnen lo kwa ki zot pe baz sa logmantasyon?  I en gran logmantasyon 28milyon.  Mon ti a kontan konnen, lo kwa zot baz sa logmantasyon?  Mersi Mr Chairman.

 

MR SPEAKER

Mersi Onorab Mondon.  Minis.

 

MINISTER MYRIAM TELEMAQUE

Mersi Mr Chair.  Mr Chair pour bann post.  Imigrasyon pa’n tonm dan sa freeze ki Minister- ki DPA in mete konmkwa pour li recruit.

Nou, nou enn bann Departman ki vreman esansyel.  Alor nou kapab recruit si i annan posibilite pour recruit.

Nou anvizaze lannen prosenn, nou pour pran at least ankor 5 travayer.  Selman nou pour re diskite avek DPA si nou kapab at least ganny ankor en pe plis post.  Sa mon pe koz pour 3enm progranm Border Control.  Ok.

Konsernan logmantasyon Immigration fees.  Nou anvizaze avek sa logmantasyon GOP ki reveni pour remonte en pe pli bokou.  Mersi Mr Chair.

 

MR SPEAKER

Mersi Minis.  Yes Onorab Mondon.

 

HON TERENCE MONDON

En pti leklersisman Mr Chairman.  Par konbyen zot pe ekspekte sa logmantasyon GOP?   Si ou kapab donn nou sa sif silvouple.  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Chair mersi bokou.  Logmantasyon i parey Minis Finans in mansyonnen.  Si ou isi plis ki 6an, ou GOP i sorti 500 i vin R1, 000.  Plis ki 10an i sorti 500 i vin R5,000 par mwan.  Mersi Mr Chair.

 

MR SPEAKER

Mersi Minis.  Onorab Larue.

 

HON FLORY LARUE

Mersi Mr Chair.  Bonn apre midi tou dimoun.  Anba Bidze DICT zot ti’n met aside en progranm kot zot ti pour dedicate en dimoun ki ti pour

donn IT support Imigrasyon lo son kote entry at ports.  So seaport and airport.  So mon ti a kontan konnen si zot ti- si zot in gannyen sa lasistans?

Si i an plas la?  Ouswa si i en keksoz ki nouvo?

Apre letan nou pe regard zot performance.  Letan zot koz lo teknolozi.  Enn zot bann defayans ki zot mansyonnen, i en ‘’underperforming of technological system which slows down processes.’’ 

        Nou konnen ki an zeneral piblik i vwar ki servis i tarde en kantite.  Souvan dimoun pa ganny bon lenformasyon.  Zot ale vini.  Akoz i pa kler lalis requirements.  Parey si en dimoun pe naturalize, ouswa pe fer en application pour paspor.  Souvan dimoun i ale vini.

Eski zot annan lanfaz pour mete lo kote IT lo zot website ki tou lenformasyon i dan en sel landrwa.  Dimoun i konnen konbyen i koute.  Ki dokiman ki bezwen.  E i up to date.  Ki lanfaz ki zot pe mete lo sa pour ed piblik?

E anba receipts, nou vwar i annan en amount pour- citizenship fees, ki’n desann o bor sa ki pour lannen pase.

Eski Minis i kapab donn nou en breakdown, konbyen nou’n resevwar pour dimoun ki’n apply pour passport?  Ki la prezan la nou vwar i annan sa decrease.  Konmsi ki sa diferans ki nou’n project en decrease?  Eski i kapab donn nou en update?  Depi dernyen fwa ki i ti la, i ti donn nou en update lo ou 5(1) bann dimoun ki’n ganny paspor anba 5(1).  Konbyen ki nou’n gannyen sa lannen?  Mersi.

 

MR SPEAKER

Bon ankor si ou pe vin lo kote receipt, lo kote income, wi.  Me si ou pe al dan en lot direksyon.  Income?  Ok dakor.  Minis.

 

MINISTER MYRIAM TELEMAQUE

Mersi Mr Chair.  Mr Chair pour konsernan sa post System Support Officer ki anba DICT, normalman sa dimoun i baze kot DICT.  I pa pour baze Imigrasyon.  Zot ki donn nou sa sipor.

Selman sa dimoun i atase avek Imigrasyon.  Apre i fer lezot louvraz DICT.  I pa vini anba- lo nou payroll.  Savedir i pa pour tonm kote kot nou.  I tonm kot DICT.  Ok?

Konsernan passport fees.  I annan en decrease.  Se akoz i annan less demands pour paspor.  Akoz dan lepase, sa 2 dernyen lannen nou’n issue bokou paspor.  Nou mazinen kekfwa zot paspor i ankor valab.  Akoz paspor i pour 5an.  E se pour la rezon ki nou’n vwar en decrease.  Me selman Mr Chair, nou annan ziska lafen lannen.  E nou konnen Seselwa i kontan travel dan vakans.  Posibilite i pick up i la.  Ok?

Lo size website.  Nou’n update nou website.  E mon mazinen tou lenformasyon i lo la Mr Chair.  Akoz nou fer sir nou nouvo Information Officer-Senior Information Officer Corporation ki nou’n apwente, son premye louvraz sete pour update the website.  E tou lenformasyon in pran in update.  Ok?

In relation to fees.  To Section 5 – Sou-seksyon 1,  napa fees anba sa Seksyon.  Normalman i pa peye.  Mersi Mr Chair.

 

MR SPEAKER

Mersi Minister.  Mr Elizabeth.

 

CHIEF IMMIGRATION OFFICER MICHEL ELIZABETH

Mr Chair, pour azout sa ki Minis in dir lo sa decrease dan demann lo paspor.  E mon mazinen sa decrease in vin an rezilta napa bokou promosyon ki airline pe donnen sa lannen.  E ler i annan bokou promosyon, e dimoun i tant pour apply bokou paspor li.  Mersi.

 

MR SPEAKER

Mersi Mr Elizabeth.  Onorab Larue.

 

HON FLORY LARUE

Mersi Mr Chair.  Mersi Minis ek ou Delegasyon pour zot larepons.  Spesifikman, enn zot bann current challenges, is inadequate technical capacity to deal with challenges linked to increase number of customers. 

Letan mon ti pe koz lo technological systems ki dir i slow down zot processes.  Mon annan detrwa case ki dimoun in apros mon lo la.  Me 1 spesifikman, kot 1 dimoun pe fer naturalization pour en pti baba 2 paran.  1 i Seselwa, lot i etranze.  Baba in ne aletranze.  Me solman sa dimoun in al 4, 5 fwa kot Imigrasyon.  E sak fwa i ale, zot annan en diferan dokimantasyon ki zot demande.

E i pa anliny avek sa ki lo zot website.  So deza sa dimoun ki i pe zwenn- sa ki lo zot site e fees associated avek pa lo menm landrwa.  Konmsi dan diferan landrwa.  Sa lenformasyon pa ase spesifik.

Alor dimoun i ale, vini.  Sanmenm sa mon ti pe demande si zot annan plis travay pour zot fer lo zot website pour update ki i pli customer friendly.  E tou lenformasyon i kapab ganny trouve ansanm.

Me solman, eski Minis i kapab dir nou, konbyen nouvo paspor ki’n ganny donnen anba 5 (1)?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Chair, nou pe dir bann dimoun ki ganny nasyonalite?  Akoz paspor nou pe koz nasyonalite.  Nou pour al kot nasyonalite.  Akoz nou ava fer…

 

MR SPEAKER

Onorab.

 

HON FLORY LARUE

Wi Mr Chair, 5 (1) en dimoun ki’n ganny Nasyonalite.

 

MR SPEAKER

Nasyonalite.  Anba 5 (1) pour lannen 2019.  Ok.

 

HON FLORY LARUE

Wi Mr Chair depi dernyen update ki Minis ti donn nou ziska la.  Mersi.

 

MR SPEAKER

Wi.  Mersi.  Minis.  Si ou annan en dernyen update Minis.  Apre an term resi.  In receipt common

 

 

MINISTER MYRIAM TELEMAQUE

Mr Chair mersi.  An plis ki lalis ki nou ti donnen dernyen fwa,  i annan Dokter Pablo ki zot okouran ki’n ganny anba sa seksyon.

Nou osi annan Pret Laparwas Baie Ste Anne.  Li osi in ganny anba sa seksyon.  Nou annan en Nurse.  Ki’n isi depi zenes.  In lekol isi, i travay Minister Lasante.  Li osi in gannyen.

Nou annan en lot dokter ki travay kot Oncology.  Li osi tou in gannyen.  E nou annan en lot Dokter Mrs Chrystold Chetty, li osi in gannyen.

E nou annan Mrs Sydney Radney, en teacher ki’n isi en bon pe letan.  Li osi in gannyen.  E nou annan en Mr Al Samadi.  Mari en Seselwa ki viv aletranze i annan 40 ekek lannen in marye.  Li osi tou in gannyen.  Mersi Mr Chair.

 

MR SPEAKER

Mersi.  Onorab mon krwar ou kestyon ti anliny avek receipt lo la.  Anba 5 (1) eski non?  Napa nanryen ki ganny peye anba 5 (1).  Ok?  Yes Onorab Larue.

 

HON FLORY LARUE

Mersi Mr Chair.  Wi mon ti pe demann Minis si i annan en income ki i antre lo la.  Mon krwar i ti’n dir nou ki these are free.  So napa okenn income.

Me solman mon ti’n demann li kestyon lo income.  Me solman mon ti’n demann li kestyon in line avek priyorite ki zot pe donnen pour update zot website.  E pour travay en pe on the technological system ki zot annan pour improve zot performans.  Akoz i annan en kantite defayans dan sa kote.   Mersi.

 

MR SPEAKER

Mersi Onorab.  Mr Elizabeth.

 

CHIEF IMMIGRATION OFFICER MICHEL ELIZABETH

Mersi Mr Chair.  Onorab ou pe koz lo kote bann dimoun ki demann-ki ganny otomatik citizenship.  Par egzanp ler- dizon ou annan zanfan ki’n ne aletranze.  E zot pe claim nasyonalite lo zot paran.

E mon pour dakor ek ou, vre napa okenn literatir lo nou website.  E nou pe mazinen pour ou- pour fer rantre pandan sa bann letan ki pe vini.  Mersi.

 

MR SPEAKER

Mersi Mr Elizabeth.  Vitman Onorab Larue.

 

HON FLORY LARUE

Mersi.  Si ou ti zis kapab sizere pour met tou bann fees associated with it.  Akoz sa i enn bann issue ki nou’n gannyen.  Deza i en income.  Savedir en dimoun pe apply pour en keksoz.  I bezwen konn tou sa fees depi laplikasyon, processing.  All the cost.  Sa passport cost li menm.

Akoz letan nou met li diferan landrwa.  I-letan i pe al apply sa paspor ki i konnen i annan en cost.  I pa konnen ki anba application pour citizenship i annan sa cost.  Paspor i en lot cost.

So if you can put all the cost for all processes together ki vin pli fasil pour sa sitwayen.  Mersi.

 

MR SPEAKER

E petet osi tou bann dokimantasyon neseser ki sa dimoun i bezwen vin avek.  Mr Elizabeth.

 

CHIEF IMMIGRATION OFFICER MICHEL ELIZABETH

Mersi Mr Chair.  Annefe i deza lo nou website.  Me selman i eparpiye en pe partou anba diferan seksyon.  E ki nou kapab fer?  nou kapab fer en schedule of fees pour tou bann parey paspor, citizenship anba tel, tel seksyon.  Laplikasyon anba tel, tel seksyon ki nou kapab met annord.  Mersi.

 

MR SPEAKER

Mersi Mr Elizabeth.  Onorab Waven William.

 

HON WAVEN WILLIAM

Mersi Mr Speaker.  Bonn apre midi Minis avek ou delegasyon.  Mr Speaker lentandan ki Minis semenn pase.  E ki la mon ti dakor avek li ki fodre nou get nou Seselwa.  E i ti dir ki, si bann anplwayer ler pa fer li, zot pour met li dan Lalwa.

Dan sa menm Laliny Mr Speaker, an relasyon avek nouvo Lalwa pour Devlopman Tourizm.  E osi bann loportinite ki pe ganny kree dan pei avek bann nouvo avyon, pe anmenn viziter dan nou pei.

E mon pe refer sa an relasyon avek bann challenges.  Mon pe koz 3enm bullet point, ‘’shortages of qualified staff affecting the services of delivery of Immigration and citizen services.’’ 

E mon pe relye sa osi avek premye bullet point anba ‘’major achievements.’’  So, mon anvi demann Minis.  Lefe ki nou pe get nou Seselwa.  Mon anvi demann Minis si petet pa ti a bon osi ki zot amann Lalwa pour enkli bann Private Marriage Celebrants?

Rezon mon pe dir sa.  Akoz i annan 3 staff kalifye, eksperyanse ki pe anvi al dan sa sekter pour kapab ofer sa servis koman Private Marriage Celebrant.

E mon 2enm kestyon.  Se ki Minis mon anvi konnen-akoz mon dan Lasanble nou’n deza diskit lo la.  Kan eski nou pour komans publie bann portre bann etranze ki pe anvi natiralize ouswa pran nou paspor?

E mon lot pwen se ki.  Eski zot pe mazin dan lavenir osi lo kote GOP?  Akoz nou santi poudir border control avek labi ki pe arive.  Pa zis Sesel.  Me mondyalman.  Petet i annan sa nesesite pour regard dan sa bann direksyon.  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Chair.  Mr Chair konsernan pour privatiz Maryaz Celebrants.  Koman ou konnen, maryaz i ganny kouver anba en Lalwa Civil Status.

E i bezwen ganny regulate par Biro Civil Status.  Mon pa forsi ki an se moman si, ki nou pour mazinen pour privatiz sa domenn.  Mon pa pe dir non, zanmen.  Me selman, mwan pa pe mazinen la an se moman si pour nou fer sa.

Konsernan 2enm kestyon.  Publish photos of citizenship applicants.  I en keksoz ki nou kapab mazin lo la ler nou pe reviz Lalwa Sitwayennte.  Nou a kapab pran kont pour nou kapab at least met sa antet.  Mersi.

Apre konsernan border control.  Konsernan border control, Onorab ou pe dir pour portre?   Ok?

Konsernan pour border control.  Dan nou Immigration Bill, nou’n fer provizyon, pour nepli annan GOP paper-based.  Nou’n fer provizyon pour tou etranze ki travay Sesel i a ganny en Work Permit Card.

Lo sa Work Permit Card pour annan ou portre.  Ou detay, e landrwa kot ou pour travay, validite ou GOP.  Mon mazinen sa i ava asiste nou lo border control.

E osi parey mon’n mansyonnen konsernan Interpol, sa osi tou i pour ed nou pour nou kapab at least ranforsi nou border control a l’aéroport.  Mersi.

 

MR SPEAKER

Mersi Minis.  Onorab William.

 

 

HON WAVEN WILLIAM

Mersi Mr Speaker.  Mr Speaker mon pour ankor retourn lo mon premye kestyon.  Lefe ki zot pe dir ki zot annan shortages of qualified staff.  E zot in avoue zot menm ki zot in recruit bann part time Marriage Celebrants.

Epi Minis, lefe ki Gouvernman i koz li koman fasilitater e ki i bezwen sorti dan-mon kapab dir dan bann biznes fer larzan.

E mon mwan pe demann Minis si i kapab rekonsidere.  Akoz ou annan ou 3 staff ki eksperyanse ki baze lo negosyasyon ki pa’n marse.

E lo ou bann baz kot bann serten pwen ki zot in met devan,  Minister ozordi in al fer serten keksoz ki sa bann travayer ti pe demande,  Alor mon pe demann ou Minis pour si ou kapab rekonsider ou pwen lo la.  Ki nou a kapab vwar sa bann dimoun dan lavenir i kapab pe antre dan sa servis?

Akoz Minister Tourism li menm, zot in rekonnet poudir wi, i annan sa bezwen pour sa servis e zot-in ankouraz zot.

Sel problenm la ki i reste.  Se ki kot ou Minister ki ankor pe revwar.  Alor dan laliny, regard Seselwa-mon ti a demann ou Minis pour silvouple konsidere.  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Chair konsernan nou challenges pour qualified staff.  Nou ti pe viz li plis lo border control.  E pour se la rezon ki nou’n come up with a new Scheme.

Me sa pa savedir poudir bann travayer dan Processing osi i pa bezwen lasistans.  Nou’n ogmant nou travayer kot Customer Care lo ground floor Independence House.

E nou annan- nou’n vwar poudir sa i en bon keksoz.  E i en bon aktivite ki nou’n fer akoz bokou kliyan i servi sa landrwa.  E nou’n vwar i annan- nou bezwen agrandi.

E lannen prosen dan nou plan.  Se nou pour agrandi sa landrwa.  Alor nou pour bezwen plis travayer.

Be selman lo- konsernan ka sa 3 travayer.  Onorab parey ou okouran, zot annan en case kot PSAB.  E nou a esper PSAB donn son Ruling lo zot case.  Apre nou a kapab fer en komanter lo sa ki ou pe dir.  Mersi Mr Speaker.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonn apre midi Minis, ou delegasyon.  Mon kestyon i comme swivan.  Mon kestyon i annan pour fer avek bann staff Imigrasyon.  Sirtou bann staff ki’n travay Erport ouswa ki’n travay shift pour plizyer lannen.

Ler zot ganny promosyon, ouswa apre plizyer lannen ki zot in travay shift, zot ganny transfer pour travay permanan lofis.

Me konsern ki zot in souleve, se ki zot perdi zot bann allowance ki zot ti pe gannyen ler zot ti pe travay Erport.  E zot income i vin bokou pli ba.

Alor lafason ki mon pe get sa mwan Mr Speaker- Mr Chair mon pa vwar i fair lo sa bann travayer ki’n donn plizyer lannen servis Imigrasyon ki ler zot ganny en transfer, ouswa zot ganny promosyon, zot perdi sa allowance.

Alor ki ou menm ou Minister i anvizaze fer pour get dan welfer sa bann staff atraver sa Bidze?  Mersi.

 

MR SPEAKER

Mersi Onorab.  Mr Elizabeth.

 

CHIEF IMMIGRATION OFFICER  MICHEL ELIZABETH

Mersi Mr Chairman.  Onorab nou annan 2 Scheme of Service dan Imigrasyon.  Nou annan Scheme of Service Border Control Officer.  Apre nou annan Scheme Processing.

Processing, savedir ou travay 8er-4er.  Ok?  Ou pa travay shift ditou ou.  E lo kot l’aéroport ou travay shift.

E ler ou travay shift i annan bokou benefis ki en Zofisye i gannyen Erport, ki i pe gannyen dan biro 8er-4er.

Prezan sa largiman ki- i annan bann Zofisye ki oule transfer biro.  Annefe konmela nou pa pe ganny transfer dan biro ditou.  Akoz i annan vacancy ki ankor vacant, ki personn pa oule transfer.  Akoz zot dir zot perdi.

Wi.  Be zot perdi akoz ou ganny- akoz i pa menm kondisyon.  I pa menm kondisyon.  Akoz ou annan en Scheme Erport.  Ou annan en Scheme biro.  Mersi Mr Chairman.

 

MR SPEAKER

Mersi Mr Elizabeth.  Onorab Woodcock.

 

HON WAVEL WOODCOCK

Wi zisteman.  Apre ki mon pe ekout larepons Senior Immigration Officer.  Ou pozisyon wi.  Yes.  Non, be i montre i annan en defayans la.  Par lefe ki ou pe ganny difikilte pour ganny bann staff eksperyanse pour vin travay biro.  I montre poudir kekfwa sa Scheme ki zot pe fer biro, i pa en Scheme ki pe atrakte sa bann travayer.

Kekfwa- maybe zot merit rekonsider re get sa Scheme ki zot pe ofer pour sa bann travay biro.  Pour ankouraz plis sa bann travayer pour zot ganny sa lanvi.  Sa- mannyer ou kapab dir sa?   Sa incentive pour zot travay biro.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Chair ler nou ti prezant sa Scheme of Service avek bann Border Control Officers ek nou management, sa kestyon ti ganny releve Mr Chair.

Mr Chair, bann Senior Officers ki baze dan lofis Independence House, laplipar zot i lo Kontra.  Tou i lo Kontra.

Ok zot lo Kontra.  Zot ganny zot Gratwite tou le-zot ganny 5percent Salary Gratuity mon krwar tou le an.

Zot ganny zot End of Contract payment tou le 2an.  An Zanvye zot pour ganny zot long service allowance. 

E ler nou’n negosye avek DPA,  in port nou latansyon poudir zot pe travay 8er-4er.  E sa bann Zofisye ki travay l’aéroport i annan serten allowance ki zot gannyen.  Ki ou pa pour kapab met an aplikasyon ler ou travay 8er-4er.

Nou pa pour kapab donn ou meal allowance, nou pa kapab donn ou shift allowance, nou pa kapab donn ou location.  Akoz ou baze dan en landrwa fix.  Se pour la rezon ki i annan sa defayans.  Nou’n eksplik zot.  Zot in met devan nou.  Nou’n dir zot nou ava travay avek zot.  Nou a regarde pli tar, si nou kapab fer laranzman.

Nou pa kapab fer okenn commitment, akoz Scheme fek aprouve.  An Janvier ki Scheme pour marse.  E la apre pli tar nou a kapab regarde ki mannyer nou kapab aranze.  Mersi Mr Chair.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Chair.  Minis pour le moman Praslin pe ofer en servis tre basic.  Eski ou kapab dir nou dan sa Bidze ki i annan pour biro Praslin?  Eski zot pe mazinen lo en plan lonterm kwa ki zot anvi fer pour Praslin?  Akoz sa dimoun ki dan biro Praslin ozordi si napa en career path properly laid down, i pa vwar kote i pe ale.

So ti a bon Minis ou eksplik nou si dan sa Bidze zot pe mazinen lonterm pran sa biro Praslin, pour fer keksoz ki sa travayer i a santi poudir i annan potansyel pour li osi devlope?

An menm tan donnen lakantite GOP ki Praslin- dimoun i fer laplikasyon lo Praslin ek La Digue,  petet dir nou osi si ou pe mazinen pour élève kalite servis ki pe ganny fer dan Praslin ozordi, pour fer keksoz bokou pli fasil, ki i a tonm en pe dan desantralizasyon.  Mersi.

 

MR SPEAKER

Mersi Onorab.  Minis.  Mr Michel Marie.

 

SPECIAL ADVISOR  MICHEL MARIE

Imigrasyon i annan en plan anbisye pour Praslin.  Premye keksoz ki nou pe fer a parti Zanvye.  Nou pe santraliz tou servis Imigrasyon lo Praslin.  Savedir sa servis ki kot distrik Baie Ste Anne pe move dan nou lofis Grand Anse.  Kot nou pour annan en replica servis ki nou annan Mahe.

E lot keksoz anbisye,  se ki, ou kart idantite osi pour ganny fer Praslin.  Dan plas ki ou pour monte tou le mwan pour fer sa servis.

E si ou vizit nou biro, ou ava vwar ki travay an se moman i anba konstriksyon, pour annan en Customer Care, i pour annan tou le zot servis.

Praslin nou’n ganny en lofis adisyonnel pour ki nou 2enm lofis Imigrasyon ki pour enportan, i pour ganny fer Grand Anse Praslin.  Mersi.

E lo kote karyer, bann staff osi, i ganny enkli dan sa nouvo Scheme of Service.  E i pour annan bann lenformasyon ki byento nou pour donn zot.  Selman zot form par dan kad.  E zot annan en- si oule en career path parey lo Mahe.  Mersi.

 

MR SPEAKER

Mersi Mr Marie.  Onorab Gill.

 

HON CHURCHILL GILL

Eski Special Advisor i kapab dir nou si pour letan la, ou plan se pour met sa ki ou pe dir nou-natirelman sa dimoun ki lo Praslin i bezwen ganny en sort of a promotion.

Eski la ler sa bann travay pe ganny fer, i annan serten training ki sa bann dimoun ki dan biro la pe ganny fer?  En mannyer ler ou’n fini pare, ou lans dan tou sa bann lezot servis ki ou oule ofer.   Sa dimoun i ava sa dimoun potansyel ki i a kapab pran lead dan sa lofis.

Apre 2enm;-  i annan bokou konsern konsernan refund GOP.  I annan bokou letablisman ki i dir ki zot pran- pour zot ganny zot refund, i pran zot bokou letan.  Eski ou kapab eksplik Lasanble ki pe arive avek silvouple?

 

MR SPEAKER

Mersi Onorab.  Mr Marie.

 

SPECIAL ADVISOR  MICHEL MARIE

La i annan training.  Training in deza komanse.  E training i en keksoz ki kontinyel.  E mon aprann ki i annan 1 staff Praslin pe vin fer son letid 2an dan Immigration Decree.

Epi konsernan refund;-  wi nou annan en challenge.  E nou annan en dimoun maintenant ki a plen tan pe deal ek tou refund.  E nou swete ki by Desanm nou’n kapab met sa kestyon refund anba kontrol.

Akoz nou anvizaze ki dan nouvo propozisyon dan nouvo Lalwa, sa problenm refund pour ganny aboli enn fwa pour tou.  Akoz bann nouvo proposal ki nou pe anmennen.  Mersi.

 

MR SPEAKER

Mersi Mr Marie.  Onorab Clifford Andre.

 

HON CLIFFORD ANDRE

Mersi Mr Chairman.  Mr Chairman letan mon pe get Bidze pour Departman Imigrasyon in sorti 41milyon lannen pase dan revised.  E in mont 61milyon.

Me letan nou pe get Bidze 2018.  I ti 31 milyon.  Savedir in annan en logmantasyon 30 milyon.  Mon ti a kontan demann Minis avek son lekip, pour dir nou ki kantite dimoun an plis zot in anploye ki’n fer ki zot Bidze i mont significant?

Mon lot kestyon se ki, letan nou pe gete, mon konnen Minis Finans in dir dan son Ladres Bidze ki pour annan en nouvo Scheme of Service pour Imigrasyon.

E letan mon pe gete la, i annan en logmantasyon 9 milyon dan Compensation.  Eski sa i étale lo tou kad Imigrasyon?  Oubyen i zis serten kad?

Lot kestyon se Immigration fees;- the receipts ki zot in gannyen.  Immigration fees pour lannen 2019 i 154milyon.  Me letan nou pe get pour lannen 2020, i 104, 82milyon.  Eski sa i en lendikasyon ki nou pour annan plis dimoun ki pe antre dan pei anba GOP?  Oubyen ki mannyer i ganny klasifye sa servis?

Mon dernyen pwen se, letan nou al lo ‘’minor capital outlays’’  i annan en logmantasyon R11milyon.  Pour kwa sa?  E si sa pa ti kapab ganny refer?  Oubyen étaler lo en pe plis long letan?

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Chair.  Mr Chair bann logmantasyon ki nou annan dan nou Bidze, i biometric passport ki 16milyon.  E nou Bidze parey nou’n mansyonnen, i kouver bokou pour Scheme of Service.  E sa i kouver tou lede programs Processing avek Border Control. 

Sel seksyon ki pa enkli ladan, se Civil Status.  Akoz Civil Status ti annan en nouvo Scheme lannen pase.  Zot pa’n ganny enkli ladan.  Zot annan zot Scheme pour zot separeman.

E konsernan Immigration fees;-  mon’n donn en pe leksplikasyon oparavan, ki nou anvizaze avek sa logmantasyon GOP fees.  Sa target ki Minister in mete.  I posib nou pa meet sa target.  Me selman that’s the target ki nou nou’n mete pour 2020.  Mersi.

 

MR SPEAKER

Mersi Minis.  Onorab Andre.

 

HON CLIFFORD ANDRE

Mersi Mr Chair.  Mr Chair be mwan mon vwar la- mon pa ti la semenn pase.  Me selman mon’n ganny sans ekout Minis letan i ti Lasanble.  Mon vwar la mwan pe ganny bann mesaz kontradiktwar.

Akoz si nou pe dir, nou pe prevwar ki GOP pour monte.  Savedir nou pour annan plis etranze ki pe vini.  E nou Seselwa pa pour kapab ganny sa bann pozisyon.

Akoz nou pa fer en zefor ekstra spesyal, pour nou kapab fer sa bann pozisyon ganny lokalize?  Dan plas letan nou pe prevwar ki pour annan en logmantasyon dan GOP?  Mon konsern i la.  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Chair, Onorab pe konfiz nou la!  Onorab GOP fees ki pour monte.  GOP fees in fini dir- Minis Finans in dir i annan en logmantasyon.  E ou bezwen fer sa antre dan ou Bidze.  Ou pour bezwen fer prevwar ki ou pour fer rantre.  Ou pa- nou pa pe dir pour annan plis etranze.

Be nou Minister nou pe lager pour Seselwa antre dan bann pozisyon, prezan nou ava fer-nou a fasilit facilitator bann etranze pour vini.  Mon pa dir ankor, poudir nou pa oule etranze i vini.

Me selman, lenpresyon ou pe donnen i pa korek.  Ou konpran mwan?  Mersi.

 

MR SPEAKER

Mersi Minis.  Wi Onorab Andre.  Vitman.

 

HON CLIFFORD ANDRE

Mersi.  Minis ou pe donn nou lenpresyon ki sa ki Minis Finans in dir, sa logmantasyon i 30milyon?  Zis lo GOP ki nou annan konmela?

Mon ti a kontan konnen konbyen GOP nou annan, pour mwan fer sa kalkilasyon, pour mon gete si i vo lapenn 30 milyon?  Oubyen pour annan ankor etranze ki pour rantre dan sa pei?  Mersi.

 

MR SPEAKER

Mersi Onorab.  Bon, Minis nou ava- mon kapab donn ou bann teknisyen en pe letan?  Oubyen Financial Controller ou pare pour reponn?  Go ahead.

 

FINANCIAL CONTROLLER MS BESSY BANANE

Mersi Onorab.  Zis mon a reponn ou lo- i baze lo nou actual spending to date, ki nou’n fer sa forecast.  I – parey nou’n anticipate, an 2020 nou sipoze pe kolekte 182milyon.

 

HON CLIFFORD ANDRE

(Off-Mic)

Pa sa ki mon pe dir.  Mon’n konpran ki ou….

 

MR SPEAKER

Yes Onorab.

 

FINANCIAL CONTROLLER  BESSY BANANE

Mersi.

 

HON CLIFFORD ANDRE

Mr Speaker mon’n vwar.  I mete 182milyon.  Mon’n vwar sa.  Mon ki mwan pe dir, se ki i R30 milyon an plis.  Prezan si Departman Imigrasyon ti kapab donn nou sif, kantite dimoun-kantite GOP i annan ozordi avek sa sif ki Minis in donn- ki Minis Finans in donnen, mwan a kalkile pour gete si vre nou pour ganny 30milyon lo zis sa sif ki nou annan.  Oubyen nou pour annan logmantasyon pour mwan kapab dir Minis, mon pa pe sey konfiz zot mwan.  Mon pe sey rod klarifikasyon.  Akoz mwan osi mon krwar ou ape konfiz mwan la.  Mersi.

 

MR SPEAKER

Mersi Onorab.  Minis, si ou pa ankor ganny sa lenformasyon nou kapab- Mr Elizabeth zot annan sa lenformasyon?  Si non, nou kapab pas lo lot kestyon.  Apre nou ava retourn lo la.

 

CHIEF IMMIGRATION OFFICER MICHEL ELIZABETH

Onorab up-to-date, nou’n issue nou 21,693 permi.

 

MR SPEAKER

Ok. 

 

CHIEF IMMIGRATION OFFICER MICHEL ELIZABETH

Permi travay en.  21,693.

 

MR SPEAKER

Ok mersi Mr Elizabeth.  Onorab Aglae.

 

HON EGBERT AGLAE

Mersi Mr Speaker.  Bonn apre midi Minis ek ou delegasyon.  Minis mon premye kestyon, dan zot strategic priorities zot in fer resorti poudir zot bezwen etabli zot en advance passenger information system.

Mon ti a kontan konnen, si zot in fer pti pe resers lo la?  E konbyen i reste kot Gouvernman pour kapab enplimante?  Akoz bokou pei ozordi pe servi sa dan zot sistenm ler ou al kot Imigrasyon.

Dezyenmman;-  Minis i annan sa debarkation form ki ou bezwen soumet avek Imigrasyon ler ou debarke.  E tou resaman osi zot in entrodwir en lot form ki atase avek.

Mon ti a kontan demann Minis si avek modernite, zot pe mazinen pour petet enkorpor serten lenformasyon ki i a fer ki dan plas servi 2 sa debarkation card ki ou bezwen ranpli la.  Si zot kapab servi 1?

Akoz nou vwar poudir lo sa enn premye, i annan serten- petet lenformasyon ki nou santi avek letan ki nou ladan i en pti irrelevant.

Me selman, nou pe vwar poudir dan sa lot ki zot pe- ki zot in mete osi, i annan petet en pti pe diplikasyon ladan.  Pour fer li fasil ki ler en dimoun i debarke, i pe ranpli zis 1 kart, i pe sorti.  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Chair.  Mr Chair mon a pran kestyon disembarkation card.  I vre i annan en lot porsyon sa disembarkation card ki bezwen ganny ranpli.

Me selman, si ou vwar byen, en bon pe sa bann lenformasyon i pour lezot Lotorite, espesyalman pour bann Law Enforcement.

E nou asiste pour nou kapab at least sa lenformasyon i ganny capture la kot Imigrasyon.  E nou a kapab fer diskisyon avek zot baze lo sa komanter ki ou ou’n fer la pour ozordi.  Nou a kapab anmenn pli devan, e fer zot konpran ki si napa en lot fason ki nou kapab capture sa lenformasyon.  Akoz zot osi, zot baze l’aéroport.

Konsernan nou lenformasyon- Chief Immigration Officer a pran sa lot kestyon.  Mersi.

 

MR SPEAKER

Mersi Minis.  Mr Elizabeth.

 

CHIEF IMMIGRATION OFFICER MICHEL ELIZABETH

Mersi Mr Chair.  Sa- Onorab sa Advanced Passenger System ki ou pe koz lo la, a nou’n- ti annan diskisyon en bon pe letan avek en Lakonpannyen ki ti’n vin ofer nou pour donn nou sa servis.  E apre en bon pe diskisyon, nou pa’n abouti dan nanryen.  E nou ankor pe re get lezot bann supplier dan sa domenn, ki pour kapab fer sa pour nou.  Annefe sa Advanced Passenger System li, i en sistenm ki konnekte ou avek bann airline.

E ki ou gannyen avek sa?  Se ki avan sa- ler en avyon i airborne, ou ganny lalis tou sa pasaze ki i annan lo sa avyon.

E pour le moman ki nou pe-sa lalis nou pe ganny li manually avek bann airline.  E nou, nou ti a kontan annan nou prop sistenm ki nou kapab fer nou diligence avan pasaze i debark Sesel.  Mersi.

 

MR SPEAKER

Mersi Mr Elizabeth.  Onorab Aglae.

 

HON EGBERT AGLAE

Yes.  Minis mersi pour ou larepons e msye.  Mon ti a kontan petet demann Minis en swivi kot i konsern sa kart menm la, kart lanbarkasyon la.  Akoz ler ou pe get sa-lo lenformasyon ki zot pe demande li menm li, ozordi, petet napa nimero kontak, ouswa email address ki ganny demande lo sa form.  E si nou pe reakte vitman- nou anvi reakte vitman avek en lensidan, ouswa sityasyon ki i arive.  Mon krwar sa ti pour ede osi pour kapab fer keksoz mars en pti pe pli vit.  Dan plas al rode petet kot sa etranze in ale?  Ouswa kot sa endividi in ale?   Kot in al reste pour ou komans fer bann tracing.   Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Bon, nou’n pran note bann komanter ki Onorab in mont avek Mr Chair.  Nou ava diskit avek sa Lotorite.  Mersi.

 

MR SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Chairman.  Bonn apre midi Minis ek ou delegasyon.  Bonn apre midi tou dimoun.  Mr Chairman mon kestyon i en pti pe baze lo en kontinyasyon ki Onorab William in demande.

An vi ki nou pe forsi- zot pe forsi en increase sorti 2.1 pour vin 4.2milyon, in terms of receipt dan latab 2 pour marriage fees.  Eski i annan okenn demars ki zot pe fer pour agrandi sa pool dimoun?  Oubyen sa lakantite dimoun ki anrezistre koman célébrant?  Si i annan okenn training ki zot pe donnen ensidswit?

Mon 2enm kestyon i baze lo human trafficking.  Mon ti a kontan konnen kote ki sa bann dimoun i ganny mete once ki zot-en case i vin devan Labor, apre i vin devan zot?

Si sa bann dimoun i ganny- i pe al re ganny rapatriye apre?  Souvandfwa i annan en cost to it.  Lekel ki bear sa cost si sa dimoun ki’n fer vini sa bann travayer oubyen ki pe tret sa bann travayer?  Oubyen si zot ki bear sa cost?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Chair.   Mr Chair pour le moman nou pa ankor mazinen si nou pour increase the Marriage Celebrants.  Akoz nou pe recruit- ranpli sa bann pozisyon ki sa bann Civil Status Officers in ale.  E nou pour annan travayer dan biro ki pour ogmante.   Prosedir i an mars.  E nou pe fer le neseser.

Konsernan human trafficking;-  Bidze human trafficking ti tonm anba nou Minister.  In ganny move avek Home Affairs prezan.  I nepli ek Imigrasyon.

Avan nou ti annan en progranm ki ti ganny kouver anba la anba Border Control.  Selman mon kapab fer resorti poudir si i annan okenn nesesite ki sa bann dimoun i annan en ka ki zot en viktim.  I annan ki pe ganny detenir kot Bois De Rose, kot CID laba.  Si i annan okenn case ki’n ganny mete devan Lakour.

E mon konnen ti annan, kot shelter.  Me selman mon krwar in retir zot.  E wi, se tou ki i annan.  Mersi Mr Chair.

 

MR SPEAKER

Onorab Hoareau.

 

HON JOHN HOAREAU

Ok zis pour klarifye, se ki Home Affairs i bear the cost pour mentenir sa bann dimoun?

 

MR SPEAKER

Mersi Onorab.  Minis.  Mr Elizabeth.

 

CHIEF IMMIGRATION OFFICER MICHEL ELIZABETH

Mr Chair, i annan diferan kategori bann dimoun-bann ki bezwen ganny repatriation- bezwen ganny fer repatriation en.

I annan bann dimoun ki vin-i annan dispute ant bann travayer avek anplwayer.  I annan ka ki anplwayer i pey tiket sa dimoun pour li ale.  Sa dimoun pa ale.  I lans en grievance avek Biro Lanplwa.  E prezan sa dimoun ler nou pe negosye pour li ale.  Anplwayer i dir ou koumsa i pa pour pey son tiket.

I pa pour pey son tiket-i pa pour pey son landrwa reste.  La Imigrasyon i antre ladan, i bezwen fer sa dimoun ale.  E pour- pandan sa lannen mon mazinen nou’n fer-nou’n servi nou Fon Repatriation preski 3-4 fwa pour nou fer sa bann dimoun ale.

In annan menm en ka ki’n kout nou R213,000 repatriate en dimoun Bangladesh.  Ou bezwen anvoy- ler ou pe anvoy li Bangladesh, ou pa kapab anvoy li tousel.  I en risk pour sa airline.  Airline i demann escort.  I annan airline i demann ou en escort.   I annan i demann ou 2, i annan i demann ou 3!  E i vreman koute pour repatriate bann travayer ler i annan bann dispute.  Mersi.

 

MR SPEAKER

Mersi Mr Elizabeth.  Onorab Esparon.

 

HON REGINA ESPARON

Mersi Mr Chair.   Mr Chair mon pe regard progranm 2 anba Citizen Affairs Services.  Mon vwar ki i annan en –other allowance la, ki pa ti la lannen pase en alokasyon R386mil.  Eski mon ti kapab ganny en leksplikasyon pour sa?  Si i pour bann nouvo staff oubyen kwa?

Dezyenmman lo kote kart idantite;-  eski Minis i kapab dir nou kan sa Lalwa pour Kart Idantite pour ganny revize?  Pour met li an lakor avek sityasyon aktyel.

Parski an se moman, i annan Seselwa ki aletranze ki ler i rantre dan pei pour li ganny en kart idantite printed.  I bezwen- ganny dir fodre reste 3mwan isi.  E pour li travel-pour li-parey i al kot- lo Cat Cocos sa pti papye ki zot donn li, i pa ganny rekonnet.

Me tan ki en etranze ki lo GOP, li i annan sa kart idantite.  E li i enjoy tou sa benefis ki sa Seselwa ki’n born Sesel pa pe kapab enjoy.

Dezyenmman;-  eski i annan provizyon pour ki kart idantite bann dimoun ki lo GOP i ganny differentiate avek kart idantite en dimoun ki’n ne Sesel?  Eski i annan en provizyon dan sa Bidze pour kapab fer sa?

Eden Island;-  ki kalite Progranm Enforcement i annan?  Pour vwar ki si sa bann etranze Eden Island sirtou bann ki pe travay lo bann bato lwazir.  I annan i GOP, me zot pa zis pe travay ilegal isi.  Mersi Mr Speaker.

 

MR SPEAKER

Mersi Onorab.  Minis oubyen Mr Elizabeth.

 

SPECIAL ADVISOR MICHEL MARIE

Mr Chair konsernan kart idantite wi.  Nou dan demars pour revwar Lalwa.  Nou pe fer enn a la fwa.  Nou’n fini avek Lalwa Imigrasyon.  Epi lot Lalwa ki nou pour konsidere, se kart idantite.

2enm regarding etranze.  Wi avek kart GOP- Working Permit kart ki nou pour entrodwir.  Dezormen etranze ki travay Sesel pour napa kart idantite.  Zot pour annan en kart- en limero ki pour apel ‘Foreign Identity Number’.

E zot pour annan zot- i pour baze lo zot Work Permit Card.  So pour napa okenn etranze dezormen ki pour travay Sesel- sa se si sa Lalwa i ganny aprouve, sa ki nou pe anmennen.  I pour annan en kart travay.  I pour napa kart idantite.

 

MR SPEAKER

Mersi.

 

SPECIAL ADVISOR  MICHEL MARIE

Konsernan bann dimoun ki travay lo bato.  Wi nou pe fer bann vizit.   Ler nou ganny rapor nou ale.  Nou annan en biro ki nou’n ouver lo por osi pour zisteman pour asiste nou dan sa demars.

 

MR SPEAKER

Mersi Mr Marie.  Onorab Esparon.

 

HON REGINA ESPARON

Mersi Mr Speaker.  Mr Speaker mon dezapwente avek sa larepons ki PS in donn mwan.  Pa bezwen esper rapor vini.  Parski, Eden Island etranze i antre, sorti tou le tan.  Kekfwa i annan dimoun pa pour raporte.  I devret annan en -mon’n demande si i annan en sistenm regilye pour fer Enforcement?  Ki progranm Enforcement ki sipoze pe fer regilyerman.

Mon a profite koman mwan annan mikro, mon ava demann mon 2 lot kestyon.

Mr Chair, ki kriter pe ganny servi pour promosyon kot Minister dan Civil Status?  Sirtou pour Senior?  Parski parfwa i annan bann dimoun ki’n fail dan en Seksyon.  Me ou zis vwar li in ganny promosyon pour ganny promote dan en lot Seksyon pour al ansarz.

Menm zafer ankor, ou annan travayer ki Senior Immigration Officer ki sipoze lo Kontra.  Me zot, zot pa lo Kontra.  Konmsi ki kriter ki i annan kot zot Minister pour fer sir ki tou travayer ki merit lo en Kontra i al lo en Kontra, e non pa nou swazir lekel ki al lo Kontra?  Mersi Mr Speaker.

 

MR SPEAKER

Mersi Onorab.

 

HON REGINA ESPARON

Onorab konsernan promosyon.  Ti annan en post Principal Immigration Officer.  Mon pa konnen si ou pe refer ek sa?   E sa post ti annan en dependent panel ki ti fer en interview.   Li ki ti swazir lekel sa dimoun ki’n ganny first choice.   E sa dimoun i dan pozisyon la.  I pe fer en bon louvraz.  Ok?

Konsernan kot Civil Status;-  Civil Status koman nou konnen nou annan 3 travayer ki’n resign, ki’n ale.  E biro i bezwen kontinyen travay;-  bezwen kontinyen ouver e donn servis.  E nou annan ankor lezot travayer ki ti la, ki annan 30an servis.  Otomatikman nou bezwen konsider sa dimoun pour li kapab ganny en sans pour progrese dan son karyer li osi.  Mersi Mr Chair.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Chair.  Zis en ptipti kestyon an pasan pour demann avek Minis,  lo Bidze sekirite pour lofis.  Mon konnen dernyerman ti annan en break in.  konmsi- eski ou santi ou annan ase Bidze pour sekirite kot lofis?

Pangar taler nou a tande masin kart idantite in perdi.  Nou annan eleksyon ki pe vini.  Nou a tande poudir i annan kart idantite pe ganny fer an deor zot lofis.  Mersi Mr Speaker.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Chair normalman sekirite lofis nou subcontract avek en Lakonpannyen.  Zot ki vey lofis.  E tou larzan i ganny kite dan safe– si mon pa tronpe dan en safe.  E Finans i la, i kapab konfirmen.  E mon pa vwar okenn rezon ki i pour perdi kart idantite.  Selman parey ou dir, in arive sa lensidan.  E nou annan camera tou.

Lapolis in pran bann shots ki in gannyen.  Si ti annan.  Mon pa konnen.  E i ava investigate, i a regarde si i en louvraz ki’n ganny fer eternelman.   Oubyen si i annan dimoun deor ki’n kase.  Be selman pour nou konnen, nou ti annan zis 1 microwave ki ti ganny pran.  Mersi Mr Chair.

 

MR SPEAKER

Minis, pa tro pronons ou la.  Si i en- i ankor police case.  So ou pa bezwen neseserman pronons ou lo la.  Bon Onorab Sebastien Pillay.

 

HON SEBASTIEN PILLAY

Mersi Mr Chairman.  Mr Chairman premyerman mon kestyon i vin lo nivo enforcement.  Dan ou Bidze sa lannen, ki kantite ou Bidze ou pe dedicate pour fer enforcement an se ki konsern border control?

Ou konnen sa kestyon in leve avan.  Me selman eski zot pe revwar stratezi enforcement ki zot pe fer pour border control?  Tout an prenon kont ki i annan sa sistenm enformatik ki zot bezwen re devlope ki match– taler ou’n dir nou ki i match paspor- nimero paspor.

Be i pa kapab en sistenm ki match sinyatir oubyen non sa dimoun, koumsa ler i antre ou pick li up.  Eski sa i en keksoz ki zot pe travay lo la?

Prezan dezyenmman;-  prenon kont ki sa sistenm zot bezwen travay avek -avek DICT.  E nou konnen la DICT i annan-ti annan son Bidze ki pa’n aprouve par Lasanble.  Akoz DICT i annan en rol enportan pour li zwe dan tou bann lezot Departman.  E next time mon a aviz Lasanble pour nou vey byen ler nou fer bann desizyon avek bann Departman kle koumsa.

Eski zot pe rod sipor adisyonnel avek zot bann Partner, aletranze pour travay lo sa sistenm ki zot bezwen met an plas?  Akoz Sesel nou annan pa mal dimoun ki pe rantre pour travay an se moman.   Mon a demann mwan lot kestyon apre Mr Chairman.  Mersi.

 

MR SPEAKER

Mersi Onorab.  Mr Marie.

 

SPECIAL ADVISOR MICHEL MARIE

Konsernan Enforcement.  Nou annan sa Unit e nou annan 3 staff ki ladan.  E nou ekspekte osi ganny en transpor adisyonnel atraver nou Nasyon ki Minister Finans in enform nou.  Sa pour dan nou kapasite pour nou bouz en pe pli vit.

Lo kestyon border control zeneral avek lentrodiksyon biometric passport.  Tou nou lezot sistenm pour tonm an plas.  Fodre re dres en kantite keksoz.  E nou annan kontak avek ICAO osi ki pe gid nou lo serten demars pour ranforsi nou kapasite.

E nou optimis avek biometric, nou operation Erport.  E osi si nou ganny koneksyon avek Interpol direk lo Erport.  I pour vreman ranforsi nou kapasite sekirite lo Erport ki si oule sa nou premye target.  Se sa nou manda primordyal.  Se sekirite lo nou bann border.   Mersi.

 

MR SPEAKER

Mersi Mr Marie.  Onorab Pillay.

 

HON SEBASTIEN PILLAY

Mersi Mr Chairman.  Mr Chairman prezan mon vin lo en kestyon reveni ki in ganny raise dan speech Bidze.  E mezir ki Departman Imigrasyon-Gouvernman pe met an plas konsernan sa sistenm GOP ki pour sanze si nou reste plis ki 6an, i a vin R1, 000.  E si ou’n reste plis ki 10an.  I ava vin R5,000.

Mon mwan annan en konsern mwan.  Dan bann-dan sekter ki zot oule targete spesifikman, sirtou domenn hébergement. 

Ki pour arive par egzanp- eski zot in pran konsiderasyon par egzanp kot en dimoun i kapab dan pei pour 10an, e exit pei par egzanp pour 1an, me ler i retournen, i pe retourn lo zero.  Mon krwar sa ki nou bezwen fer, se ki sa 10an i bezwen vin sa letan ki capture li.

So, si ou’n travay 10an pour Sesel anba en GOP, pe enport si ou’n antre, si ou’n sorti, i devret konte.  Akoz otherwise ler nou pe defeat the whole purpose.  Akoz mannyer mon pe gete, si sa dimoun in dan Sesel pandan 10an e in ganny tou sa leksperyans pandan 10an dan nou sistenm dan sa domenn dan Sesel.  I fer li annan en lavantaz adisyonnel lo en aplikan Seselwa ki pour apply pour en lot louvraz.

So, zot pa kapab par egzanp fer sir ki par egzanp swa i vin contract based osi, me ki sa dimoun pa zis sorti e re antre?  Akoz mon kapab annan en lotel, i dir ek sa dimoun, be pran en sabbatical apre ou retournen, or something like that.  Sa i en keksoz ki mon konsernen avek.

Apre dezyenmman;-  mon mwan siport sa mezir akoz nou bezwen rod fason pour nou fer bann- fer lokaliz bann post Seselwa.

Me sa mezir i bezwen aplik osi pour Gouvernman.  Dan bann biro Gouvernman, bann etranze ki occupied bann pozisyon ki PUC, ki en lot landrwa.   Sa bann pozisyon osi i bezwen ganny lokalize.  Parey nou pe koz pour sekter prive, li osi i bezwen Gouvernman.  Akoz mon krwar charity starts at home.

So, dan sa mezir, mon ti a kontan demande ki sa osi i ganny pran an konsiderasyon as en propozisyon ki nou fer menm parey avek Gouvernman a leksepsyon bann sekter parey Ledikasyon kot teachers i teachers.  Kot ou tande i annan mankman teachers, si ou pa kapab ranplase, si ou pa kapab ranplase.

Me dan bann domenn kot nou annan dimoun, Financial Controller, Accountant, Managers, Senior Technicians eksetera, kot nou kapab ranplas sa bann dimoun, nou fer li par Seselwa.  Sa ti en pwen pti ki mon ti oule souleve.

E mon dernyen pwen Mr Chairman, mon konnen osi lo lot kote i pour annan serten konsern egzerse par bann diferan Seselwa ki dan bann domenn kot zot rely lo bann etranze pour fer zot biznes.  E mon pa ti a voudre met zot a-dan en pozisyon difisil pour compete.  Akoz probableman zot abilite pour pey sa GOP, i pa pour parey abilite en gro Konpannyen.

Reasir nou Minis ki par egzanp dan bann Sekter parey konstriksyon, lamazorite dimoun pa reste pour plis ki 5an, oubyen 10an.  Koumsa i pa ava en unfair advantage ki nou pe donn bann gro Konpannyen ki i annan plis mwayen pour zot pey sa bann GOP pour zot bann travayer.

Mon konnen mon’n debord en pti pe Mr Chairman.  Me selman i enportan.  Akoz sa Polisi in ganny mansyonnen dan speech Bidze.   Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Chair.   Mr Chair nou’n fini komans en-fer kontak avek DPA, pour nou regarde lo size bann travayer Gouvernman ki isi plis ki 10an.

Nou- en diskisyon in komanse, mon kapab dir koumsanmenm.  Selman nou pa ankor pran okenn desizyon konkret.  Savedir i la.  E nou pe al diskite.

En lot-konsernan dan konstriksyon Onorab.  Ki nou vwar pe arive dan konstriksyon?   Se ki ler bann travayer i la pour en bon letan,  zot ouver bann ptipti lakonpannyen.  E sa bann ptipti lakonpannyen i al compete avek nou bann Seselwa.  Se sanmenm sa ki ou vwar bann pti Kontrakter ti dir mon la poudir zot, zot pa pe kapab compete avek sa bann lezot Kontrakter ki i en pe pli o.

Se pour la rezon osi tou-tousala nou’n pran kont ler nou’n fer sa proposal avek Gouvernman.

Bann lezot komanter ki ou’n fer koman-si en dimoun apre 10an i kapab vin lo Kontra?  Kekfwa pour en serten peryod letan.  I en sizesyon ki valab.  Nou a kapab mazin lo la, koz lo la.

Me selman en lot pti keksoz, mon ti a kontan fer resorti Mr Chair,  se ler sa Polisi in ganny fer sorti, i annan dimoun ki’n telefonn nou biro, telefonn mwan osi tou ki zot dir apre 10an konmsi in fini.  In fini travay pour 10an, sa dimoun i devret ale permanan.

Me selman nou, nou pa’n fer sa kot Minister.  Nou’n ekout bann travayer, bann anplwayer ler nou fer konsiltasyon.  Nou’n dir ok, les zot 1an zot ava al an deor pei.  Apre ler zot a retournen, zot a re komanse lo R500.

Tousala se pour asiste zot menm.  E pour konpran zot sityasyon ki zot ladan.  Mersi Mr Chair.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Chairman.  Mr Chairman mon oule fer presizyon ek Minis ki mwan pa’n dir ki zot al lo Kontra.  Ki mon’n dir?  Se ki ou’n fer 10an.

Mannyer ou ti pe- mannyer Finans in dir nou.  Zot sorti, zot retournen, zot komans lo zero.  Savedir zot re komans pey R500.

Sa ki mon mwan pe dir.  Se ki si ou’n fer 10an oubyen 2 Kontra travay.  Me selman sa 10an ki enportan, ou pa kapab retournen komans lo zero. Absoliman si ou oule retourn travay Sesel, ou pour bezwen travay e ou GOP pour vin R5,000.  This is what I want.

E sa ki sa bann dimoun in dir ki zot pa retournen.  Sa osi i en mezir ki Imigrasyon i devret fer.  Me esansyelman fodre pa donn okenn loportinite en dimoun ki’n ganny sans travay pour 10an ki’n ganny sans ganny en ta leksperyans.  Akoz i antre-i pour- prezan i pour vin pli unfair lo en Seselwa ki pe monte.

So fodre nou ferm sa laport.  E mon mwan siport sa mezir Mr Chairman.  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Chair.  Onorab nou pran tou ou propozisyon nou ava diskite.  Mersi.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker mwan mon kestyon pour osi dan direksyon Enforcement.  Akoz mon krwar Minis e son delegasyon zot ava rekonnet ki sa i enn bann area kot i annan toultan kestyon, i ankor annan en pe kestyon.

Parkont mon felisit zot pour the front of office-travay ki zot in fer, your window is very good.  Me selman nou santi poudir lo kote Enforcement nou pa- i pa ankor la.  Alors mon ti a kontan demann zot lo- avek sa 38poursan in wages.   Forget about pour le moman bann computer systems eksetera.  Sa i pour vini.  Me avek logmantasyon lapey ki Minis mon krwar in dir nou poudir ladan i enkli enn de travayer an plis e meyer kondisyon.

Ki zot kapab dir avek sa Lasanble?  Ki mannyer zot kapab reasir nou ki Lalwa Imigrasyon pour kapab ganny enforce en pe pli seryezman?

E sirtou la mon annan-mon annan 2 area.  Enn premye ki Onorab Esparon in leve, yachting.  Ki zot in fer depi dernyen fwa nou’n annan en konversasyon dan Lasanble?  Pour zot fer sir ki tou sa bann etranze ki vin Sesel, swa pour travay koman bann yachties bann skippers.  Ouswa pour zot menm zot pour al lo sa bann bato pour zot fer biznes.  Ki zot pe track sa bann keksoz dan en fason bokou pli efikas e ki- e pour- ok fer larzan antre, byensir i annan Kof Leta.

Me selman pour pa permet en unfair competition avek bann Seselwa ki pe sey fer sa metye.  E i metye ki vreman enportan pour Sesel.  Alors, silvouple dir nou ki bann synchronisation ki zot in met an plas avek lezot Lazans?  E ki nepli annan en sistenm kot en dimoun i debarke Erport i dir, ki ler ou demann li son ladres i dir Eden Island.

Eden Island ou pa konnen si i annan en lakaz, si pe reste ladan.  Si i pe lwe en lakaz, si i pe lwe en bato, si pe travay lo sa bato, si i pe dormi lo sa bato, li menm li ki pe netway sa bato.  Konmsi ki mannyer zot pe progrese dan sa domenn.

2enm area ki mon ti a kontan demann Minis en pe lasirans se, self-compliance.  Minis ou’n dir avek nou poudir zot annan en meyer sistenm ozordi ki permet zot konnen ler GOP pe fini, pe al fini.  Zot kapab enform bann- zot bann kliyan lo sa sityasyon pour ki zot vin regilarize.

Me ki zistans- eski zot pa krwar ki zot osi devret kapab al dan en direksyon kot i annan self-compliance?  E ki si en anplwayer i pa respekte Lalwa Imigrasyon, i ganny sanksyonnen!

E se sa enn bann keksoz ki nou santi i pli- kot i annan plis defayans dan zot sistenm.  Akoz personnelman, mwan mon  konn dimoun ki’n kas Lalwa.  E nanryen pa’n arive avek li.

O kontrer sa lot dimoun ki’n vin apre ki li ki’n ganny bezwen al pey le konsekans pour sa enn ki’n kas Lalwa o komansman.  So reasir nou poudir dan sa 2 domenn i annan en pe progre ki pe ganny fer.   Mersi Mr Speaker.

 

MR SPEAKER

Mersi Onorab.   Mr Elizabeth.

 

CHIEF IMMIGRATION OFFICER MICHEL ELIZABETH

Mersi Mr Chairman.  Mon a reponn ou kestyon lo kote Enforcement pour komanse.  Sa Seksyon Enforcement i en nouvo seksyon ki nou ti entrodwir lannen pase.  E i ankor- nou ankor pe fine tune li.          Annefe enn ler nou ti annan detrwa travayer.  Nou’n perdi travayer osi ladan.  E nou’n bezwen demann lasistans avek border bontrol pour nou konplimant nou bann patrol ki nou fer.  Ok?

Dan por, nou pe travay a konzwentman avek SMSA.  Ok? Nou annan nou bann routine check ki nou fer.  E annefe Erport konmela nou donn restricted stay pour bann dimoun ki pe vin lo yacht.  Ouswa ki pe vin fer krwar i pe vin vizit.

Nou donn zot en restricted stay.  E nou monitor zot.  Apre en pe letan ou vwar zot, zot vin renouvle.  Nou fer manrmay al fer investigation.  Si i- si nou vwar ki sa dimoun son vizit i genuine, nou extend.

Lo kote pour enforce GOP,  Nou’n pran en bon pe mezir lo konsernan bann dimoun ki kas Lalwa ki ler zot Permi Travay i fini, swa zot ankor la.  Ouswa zot zis sorti dan pei pour nou pa vwar zot.  Ok.

Lo kote bann mezir ki nou’n pran.  Par egzanp en dimoun ki pe demann en permi travay.  Nou fer sir ki nou al get son establishment list, si tou son permi i annord.

Si ou pe demann en Permi Travay, nou al gete lo ou Establishment si tou ou permi i valab.  Si ou permi pa valab, ou pour ganny demande pour ou renouvle ou bann permi avan ou ganny sa bann ki nouvo.

Dan ka bann dimoun ki zot dimoun i ganny PI Erport.  I annan bann Konpannyen ki pa pran sa o serye li.  I kit sa dimoun dan pei.  E sa dimoun ler i sorti, i ganny en PI.

Mezir ki nou’n pran la an se moman.  Se ki, si ou dimoun in ganny en PI.   Sa Konpannyen i pour bezwen vin pey son arrears pour sa kantite letan ki sa travayer in dan pei.

E prezan si ou pa vin peye.  Nou blacklist ou.  Sa Konpannyen par pour kapab recruit okenn travayer etranze, toultan i pa pey sa larzan ki  i dwa nou.  E- mersi Mr Chairman.

 

MR SPEAKER

Mersi Mr Elizabeth.  Minis.

 

MINISTER MYRIAM TELEMAQUE

An plis ki sa Mr Chairman.  Konsernan lo size yachting.  Nou’n fer meeting avek-ansanm ek Minis Tourizm avek Lasosyasyon Skippers kot nou’n diskit avek zot bann defi ki zot annan.  E bann problenm ki zot rankontre.

E la pour le moman-an se moman.  Se ki si i annan okenn lakonpannyen ki demann post pour okenn dimoun pour travay lo yacht.  Sa bann laplikasyon i ganny refer avek SMSA pour zot donn zot pwennvi avan, apre la ki lanplwa i a kapab donn en desizyon lo sa laplikasyon.  Mersi Mr Chair.

 

MR SPEAKER

Mersi Minis.  Onorab Ramkalawan

 

HON WAVEL RAMKALAWAN

Mersi bokou Mr Chairman.  Mr Chairman mon annan enn de bann konsern ki mon ti ava kontan rod leklersisman.

Premyerman;-  lo sa size GOP, eski zot annan en laz limit ki zot pe donn en etranze pour li ganny en GOP?

Dezyenmman;-  bann paspor.  Eski i ankor annan paspor ki pe ganny vann?  E si i annan paspor ki pe ganny vann, ki bann prosedir ki zot pe servi pour vann sa bann paspor?

E sa bann paspor ki ti ganny vann dan lepase, eski zot ankor pe ganny renouvle?  Espesyalman pour sa bann dimoun ki zanmen in deza met lipye Sesel.

Konbyen viziter ilegal ki zot annan dan pei a ler aktyel?  Ki rol ki Imigrasyon i zwe pour fer sir ki bann Konsiltan etranze ki vin travay isi avan ki zot kit pei zot pey withholding tax?    En kantite zot i vin isi zot ale san ki zot pey zot withholding tax.  E tou sa se reveni ki pei pa zanmen ranmase.

Enn bann konsern;-  i annan- mon konn omwen msye Angle ki isi Sesel i annan en Court Case.  Be sa msye Angle i napa okenn larzan.  E i reste – (zot konnen lekel li)

I ale, i reste dan bann diferan guesthouse Seselwa.  Bann hardworking Seychellois.  Apre sa i ganny tou tretman, zot tret li koman en bon kliyan.  Apre sa letan in arive-letan zot demann li larzan, i sant tou kalite zistwar.  Apre i kit zis bann gro bills partou kote.  Lapolis i aret li pour 1 zour.  Apre sa zot larg li.  Be sa bann Seselwa, ki rekour ki zot annan?

E la pour le moman i ankor Sesel.  Lotrozour in ganny tyonbo STC.  2 fwa in ganny tyonbo pe vol boutey sprite.  Be eski Imigrasyon pa pran aksyon kont sa msye?  Pour met li lo en avyon pour li kit nou pei.  E pour li aret fatig bann hardworking Seychellois?

Apre sa;-  kan eski zot annan lentansyon pour prodwir en- mon konnen poudir la pour le moman bann zafer Registration ou bezwen en ID pour ou kapab anrezistre koman en voter.

Me antretan, ki zot annan lentansyon fer pour bann Seselwa ki vin isi lo konze pour nobou ganny en form ID?  Pour ki sa bann Seselwa ki nou tou nou konnen zot Seselwa, zot kapab- me ki petet zot napa en paspor avek zot.  Oubyen pour anmenn en paspor, i en lot kalite dokiman.  Pour ki li letan zot al pey zot pasaz lo Cat Cocos pour al Praslin, zot kapab servi sa ID.  Pour zot antre Botanik, pour zot rantre Vallée de Mai san ki zot pas atraver tou sa bann diferan hassle.

E finalman Mr Chairman, eski zot kapab dir nou, si sa bann zafer PI lo Erport zot bann Zofisye Imigrasyon- eski zot bann Zofisye letan zot tap non en dimoun, oubyen son nimero paspor.  Eski napa nanryen ki ganny flagged pour montre ki poudir tel dimoun i en PI?  E alors pour li pa ganny permisyon pour li rantre.  Oubyen pour zot publie en lalis- en lalis bann dimoun ki’n ganny en PI pour ki at least zot Zofisye i kapab ankor enn fwa regard lo zot dokiman.  Pour nou anpese ki en dimoun letan in ganny en PI i kapab re antre dan pei.

E nou bann Zofisye Imigrasyon,  zot- sak fwa mon pase mon regard zot dan bomaten ou pe al Sid Lafrik, ou regard zot figir, zot fatige.  Prezan ou demann zot, be keler ou la?  Zot dir sepa zot la depi sepa keler granmaten.  Keler ou pe al kot ou?  Sepa keler.

Eski dan sa Bidze zot pour regard Scheme sa bann Zofisye pour donn zot en pti keksoz an plis?  Akoz sa bann travayer i fa..ti..ge.  Mersi bokou Mr Chairman.

 

MR SPEAKER

Mersi bokou Onorab.  Minis.

 

MINISTER MYRIAM TELEMAQUE

Mr Chair mon a pran detrwa kestyon.  Apre mon ava pas avek Chief Immigration Officer.  Konsernan GOP, wi i annan en laz.  63an parey isi.  E si ou oule anploy sa dimoun par lao 63an.  Ou bezwen fer laplikasyon avek Employment ki pour donn ou permisyon pour sa dimoun travay isi par lao 63an.  Sa.

Konsernan nou bann Zofisye l’aéroport, mon’n mansyonnen Onorab poudir nou’n ganny en Scheme pour zot an janvier.  Nou’n diskit avek zot.  Zot dir zot aksepte.  Akoz nou ti ganny 5.2milyon avek Finans pour nou Scheme.  E zot pour ganny en nouvo Scheme an janvier.  E sa logmantasyon ki zot pour gannyen, i apepre 35poursan zot saler.  Ok?

Konsernan PI list l’aéroport.  Sa i- nou pe travay avek DICT parey mon’n mansyonnen.  E DICT menm ki’n dir nou poudir si ou sanz en paspor, i pa pour-alert pa pour monte.

E nou nou’n travay avek li- avek DICT pour nou dir li ‘‘be fer li mont son non avek nenport paspor ki la’’.  Ki i arive?  Petet mon a donn ou en pti leksplikasyon konsernan sa sistenm.

Mr Chair parey si Myriam Telemaque i lo PI list.  En lot dimoun ki al lo en lot non, en Myriam Robertson i come up.  Tou sa Myriam pour come up lo sa alert.  Be kekfwa annan de ler i mont 20.  Be prezan pour en Zofisye al regarde pa sa enn, pa sa enn.  I pran en pe letan.  I delay the processing of sa viziter ki pe vini.

Nou nou’n diskit avek DICT.   Nou’n dir li be fer li lo non ek surname, ki prezan ler sa dimoun i vini l’aéroport.   Oubyen ler ou bezwen fer okenn permi,  i a come up.

Konmsi donn 2 non.  Ou surname and your name,  ki prezan ek son passport number ki prezan i ava reflekte, i a monte.  Zot pe travay lo la, la en se moman si.  Ok?

Konsernan ID card. ID card mon krwar nou pour bezwen diskite, regarde.  Akoz napa opsyon- Lalwa pa donn ou sa louvertir.  Apart ki fodre ou’n reste isi en pe letan.  Mon krwar i 90days pour ou kapab ganny en kart idantite.

E parey nou’n mansyonnen taler,  nou anvizaze reviz Lalwa.  E nou a regarde ki mannyer nou kapab lannen prosen, si nou kapab at least revize.  Mr, Chief Immigration Officer i ava koz lo lezot kestyon.  Mersi.

 

MR SPEAKER

Mr Elizabeth.

 

CHIEF IMMIGRATION OFFICER MICHEL ELIZABETH

Mersi Mr Chairman.  Mon pour reponn ou kestyon lo sa ka partikilye ki ou’n mansyonnen Onorab.

Annefe sa msye i ti deza marye avek en Madanm Seselwa.  Ok, annefe i ti’n marye avek en Madanm Seselwa, i ti’n fer problenm.  E i ti’n ganny en PI.

Sa msye ti ekrir, i ti demann permisyon pour li ganny en Temporary Permit.  Ler ou ganny en PI, ou kapab demann permisyon pour ou re antre, pour ou kekfwa pour vin fer en biznes Sesel.

E sa msye ti fer laplikasyon pour li ganny en Temporary Permit.  E i ti antre, i ti vin attend son bann Court Case.

E la pour le moman nou kapab fer li ale.  Akoz nou annan en Court Order pour gard li Sesel.  Ziska ler nou ganny sa Court Order ki dir nou in fini conduct business.  La i pour bezwen retourn parey i ti ete avan koman en PI.  Mersi.

 

MR SPEAKER

Mersi Mr Elizabeth.  Yes Onorab Ramkalawan.

 

HON WAVEL RAMKALAWAN

Mr Chairman Mon annan en kestyon lo number of illegal visitors, consultants.  Pa ankor reponn.

 

MR SPEAKER

Mersi.

 

HON WAVEL RAMKALAWAN

Apre paspor ki vann, pa vann.

 

MR SPEAKER

Mersi.  Mr Elizabeth.

 

CHIEF IMMIGRATION OFFICER MICHEL ELIZABETH

Mersi Mr Chairman.  Pour le moman nou napa okenn Scheme ki mon mwan konnen ki vann paspor.

Lo konsernan bann visitors ilegal.  Nou figure pour le moman, i stand 1, 121.  Me sa nou apel li bann ‘overstay’.  Me selman dan sa overstay, 1121 dimoun ki nou annan ki’n overstay, i annan en bon pe bann cruise ship ki’n rantre, ki nou pa ankor fer data conversion.

Apre i annan en pe defayans lo kote nou sistenm DICT ki – par egzanp ler en dimoun in antre lo en permi;-  par egzanp dizon en dimoun in marye ek en Seselwa, i antre dan Sesel, i ti lo en Permi Viziter.  Sa dimoun i apply en Dependent Permit.

Be si ou pa tir li a tan, i reste dan Permi Viziter.  E menm parey lezot dimoun letan i ganny en Permi Travay, i ganny Permi Rezidan, i ganny en Permanent Residence.  Si ou pa tir li a tan, i pour tonm dan sa overstay.  Me the big bulk sa overstay ki nou annan, i bann cruise ship ki’n antre, e ki nou pa ankor kapab fer data conversion.  Mersi.

 

HON WAVEL RAMKALAWAN

(Off-Mic)

Consultant. 

 

MINISTER MYRIAM TELEMAQUE

Konsernan consultant, nou pe konsilte Finans msye, en pti moman.

 

PS DAMIEN THESEE

Mersi Mr Chair.  An se ki konsern withholding tax, i responsabilite sa resident entity.  Savedir sa lakonpannyen oubyen sa lorganizasyon ki pe anploy sa Foreign Konsiltan pour li withhold sa tax lo sa remuneration ki i pe donn sa etranze ki pe vin fer sa louvraz la.

Me parkont, mon kapab konpran kestyon, nou annan serten defayans petet dan lafason pour asire ki sa dimoun in peye son withholding tax.

Akoz nou napa sa sistenm ki nou coordinate ant SRC oubyen Imigrasyon pour kapab asire ki sa withholding tax i ganny peye.

Se selman apre ki odit in ganny fer pli tar, ki la SRC pour vwar ki ti annan en entitlement.  So sa i en bann defi kekfwa ki nou bezwen travay lo la pour met an plas kordinasyon ant SRC ek Minister Finans avek Imigrasyon pour asire ki sa bann taxes i ganny peye.

Me selman parkont, i responsabilite sa lorganizasyon.  Solman-savedir SRC li i pour al kot sa lorganizasyon pour li al rod sa larzan in the end li.  Even if sa dimoun in peye, in sorti avek.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chairman, mwan mon annan en problenm avek- par egzanp sa ka sa msye.  I kapab annan en-Lakour in kapab donn en Lord pour li reste Sesel.  Me sa pa vedir ki i ganny dwa komet lofans.  E alor, mon pa pe ganny en konpran la, akoz ki Imigrasyon- ok Imigrasyon i siny son papye pour li kontinyen reste isi.  Me ki Lapolis pa pran ka avek li.

Parski-ofet i dwa- mon konn en landrwa ki i dwa plis ki R50,000.  En lot landrwa Mont Fleuri ki i dwa plis ki R50, 000,  avek bann lofans ki i pe komet.  Mwan mon kestyon se, akoz ki aksyon pa ganny pran kont li pour anmenn li Ankour?  Met en sarz kont li. E si i ganny trouve koupab, al dan prizon.

Parske antretan i ape- antretan  i ape afekte Seselwa ki travay.  E ki sa bann Seselwa i santi ki lazistis pa ganny fer.

Eski nou ti kapab demann Imigrasyon pour- parski mon konnen in annan bokou rapor ki’n vin kot zot.  Pour ki Imigrasyon i step-up vizavi Lapolis pour ki sa bann dimoun dan en ka partikilye koumsa- parski son Avoka i devret pe pran swen avek li.  E ki si i ape komet sa bann lofans.  I devret-Lalwa i devret aplik pour li osi.

Mr Speaker mon krwar ki nou Departman Imigrasyon pe anpes Seselwa kapab ganny en lavantaz vizavi Lanmerik.

Anbasader- mon ava eksplik zot.  Ou konnen sa larepons ki zot in donnen konsernan zot lalis pa up-to-date, zot pa tro kapab konnen, zot pa ankor update lo lakantite etranze, cruise ship ensidswit.

Ou konnen ki sa pe fer?  I ape fer ki, Gouvernman Lanmerik pe refiz-e pour donn Sesel sa menm privilez avek bokou lezot pei pour nou kapab servi nou paspor pour rantre Lanmerik san en Visa.  Anbasader Ameriken in koz sa avek mwan.

Parski nou Imigrasyon i an dezord.  E akoz i an dezord sa liv- sanmenm sa ki mon’n demande an relasyon avek paspor.  Sa bann paspor ki nou ti vann dan lepase la,  tousala pe met nou retar, ki ozordi prezan, en Seselwa i bezwen pey en tiket al Maurice, fer son interview, retourn- parfwa ganny refiz-e osi tou,  retourn isi, e apre sa al Lanmerik.

Tousala Mr Chairman, mon bezwen dir avek Minis, tousala se bann keksoz ki pe met nou retar.  Eski nou kapab kont lo nou Imigrasyon pour zot met tou sa bann keksoz annord?

E la mon ti ava dir, mon pa konnen mwan ki mannyer zot pour fer li.   Mwan mon konnen ki mannyer mon pour fer li mwan.  Pour tou sa bann paspor ki’n ganny vann avek bann Sinwan, Hong Kong avek bann Ikrenyen, avek bann dimoun ki’n fer krim lo nou paspor, pour cancel tou sa bann paspor, pour nou kapab vin prop, pour ki letan en dimoun i annan en paspor Seselwa, partou kote i a konnen ki poudir sa paspor i pa en paspor ki’n ganny aste.  I pa en paspor ki’n annan kek trik avek.  Me ki i en paspor ki prop.  E sa i ava donn nou sa laport ouver kot nou ava ale.

Eski sa Bidze pour permet nou pour nou kapab ganny sa avek nou Departman Imigrasyon?  Mersi bokou Mr Chairman.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Chair.  Mersi Onorab osi pour son komanter,  e sa ki in fer resorti.

Mr Chair, nou pe viz tousala dan nou biometric passport.  Se pour la rezon ki nou pe pouse pour nou kapab anmenn sa biometric passport.  I pour ed nou enormeman.

E nou’n deza ganny en meeting avek Lanbasad.  E nou ti bring up kestyon biometric.  I ti dir nou, sa pour en gran lavantaz.  Mon mazinen kekfwa i a fer refleksyon ler nou’n fini met li an aplikasyon.  Mersi Mr Chair.

 

MR SPEAKER

Mersi Minis.

 

HON WAVEL RAMKALAWAN

(Off-Mic)

….

 

MR SPEAKER

Mersi.   Minis.

 

MINISTER MYRIAM TELEMAQUE

Mr Chair konsernan sa msye ki nou’n koz lo la.  E mon krwar ki nou pour bezwen pran en desizyon.  Akoz si fodre nou remet li Ankour nou menm nou.  E Lapolis i tande la, zot- nou ava ganny kontak avek zot.

Akoz nou ganny bokou calls.  E mon krwar enn fwa pour tou, nou bezwen sort sa out before the end of the year.  Mersi Mr Chair.

 

MR SPEAKER

Mersi.  Mersi Minis.  Yes Onorab.

 

HON WAVEL RAMKALAWAN

Mr Chairman, mon kontan sa ki Minis in dir, ki dan sa dyalog, avek Lanbasad Ameriken, ki poudir sa biometrics i ava kapab ede.  Me mon anvi dir Minis, atansyon!  Parski lenformasyon-sanmenm sa mon’n demann sa kestyon lo vann paspor.

I annan 2 pwen la.  I annan money laundering avek vann paspor.  Gouvernman Ameriken, zot State Department i still annan zot lentelizans.  Mwan mon pa konn zot lentelizans, ki poudir paspor Seselwa i ankor pe ganny vann.  E sa i kapab vin en problenm- en problenm pour Sesel.

E dezyenmman;-  letan nou pe refer sa bann paspor- sa bann paspor.  Eski enn fwa pour tou, nou kapab osi cancel tou sa bann paspor ki ti vann e bann dimoun pa’n zanmen vin Sesel?

I annan dimoun ki’n aste Nasyonalite, e ki’n etabli zot Sesel, e zot in azir koman bann bon sitwayen.  E sa bann bon sitwayen, nou tir sapo avek zot.  Parske nou zwenn zot toulezour.

Be sa bann ki zanmen in vin Sesel.  E nou, nou pour annan rikord si zot in deza vin Sesel.  E ki zot pe servi nou paspor pour bann rezon ki nou, nou pa konnen.

Eski nou pa ti ava kapab letan zot fer sa nouvo paspor biometrics, enn fwa pour tou cancel tou sa bann paspor?  Amwen ki sa bann dimoun zot kapab vin isi montre ki poudir zot annan en lentere?  Silvouple annou fer sa.  Mersi bokou.

 

MR SPEAKER

Mersi Onorab.  Mr Marie.

 

SPECIAL ADVISOR  MICHEL MARIE

Mr Chair nou’n dir ki biometric pour ed nou, i enn.  Premyerman nou sistenm-sa bann dimoun pour otomatikman bezwen vin Sesel pour fer tou zot biometric details.  E si zot pa vini, napa paspor.  Sa i enn.  I pour tonbe natirel.

Dezyenm;-  pour nou kapab pran paspor, nou bezwen annan en sanzman dan Lalwa pour nou kapab deprive zot of citizenship.  So nou ekspekte ki ansanm, nou a kapab fer sa.  Mersi.

 

MR SPEAKER

Mersi.  Zis avan mon donn la parol.  Onorab De Commarmond, petet dan menm laliny, mon’n zwenn 2 Seselwa.  Minis, mon’n zwenn 2 Seselwa ki’n marye pour plis ki 20an.  Zot in ganny dir- zot in retourn dan pei.  Zot in ganny dir pour zot spouse ganny sitwayennte, zot bezwen reste dan pei 5an.  E referans ki zot in fer avek mwan, se dan menm direksyon, sa bann dimoun ki’n ganny sitwayennte ki’n paspor ki aletranze ki zanmen in vin Sesel, zot, zot ok.  Me zot, zot annan en sound marriage, zot annan en fanmir tou.  Me zot-Imigrasyon pe ensiste ki zot bezwen reste dan pei 5an.  Tandis ki lezot pa’n zanmen vin Sesel.  I annan pa ni menm konnen kote Sesel i ete lo map lemonn.  E zot in ganny en paspor, zot in ganny sitwayennte.

So petet Minis, eski zot pour bezwen revwar sa Lalwa kot en maryaz ki for, en maryaz ki solid, ki en fanmir in ganny fonde lo la- eski sa Lalwa 5an ki ou bezwen réside pour ganny revwar?  Se sa ki mon pe ganny dir.  Minister.

 

MINISTER MYRIAM TELEMAQUE

Mr Chair mersi.  Mr Chair, dan ka parey ou’n dir konsernan paspor ki Onorab in koz lo la, zot in ganny sa bann paspor anba en Scheme.  Sa Scheme ti la.  I nepli egziste.

Me dan ka bann koup ki’n marye pour 20an.  E ki zot bezwen reste 5an dan pei.  Sa kriter ki ganny demande.  Otomatikman ler i pour al prezant son laplikasyon devan Komite,  Komite pour demann li tou sa ban detay.  Si fodre nou a revize, bann kriter ki i voudre pour apply nasyonalite.  Nou ava fer li an revizyon-an konsiderasyon ler nou pe reviz Lalwa Sitwayennte.  Mersi Mr Chair.

 

MR SPEAKER

Mers Minis.  Onorab De Commarmond.

 

HON CHARLES DE COMMARMOND

Mersi Mr Chair.  Bonn apre midi Mr Chair.  Bonn apre midi Minis avek ou delegasyon, tou Manm Onorab, tou dimoun ki a lekout.

Mr Chair, mon kontan mwan pour aprann e pour swiv devlopman ki pe arive kot Departman Imigrasyon.  Mon bezwen dir ki zot pe ekoute.  E en kantite progre pe ganny fer.

Ler ou pe koz mon lo sa nouvo sistenm biometric ki anmenmtan ler mon ti zwenn Lanbasader Ameriken- e ou annan rezon, Onorab Ramkalawan in dir, e vreman in lev sa pwen osi avek mwan.  E ki mon ti koz avek osi Lotorite.

E anmenmtan i ti dir mon poudir pe zwenn zot.  E mon kontan konmsi i annan en zefor, en keksoz konkret ki pe ganny fer.  Be selman anmenmtan DICT i pour zwe en rol kle ladan.  Be DICT, li avan-avan ti annan en depans dan Bidze, pa letan Mrs Telemaque ti Minis,  me petet avan menm.  E ki ti sipoze annan en nouvo sistenm.

Mon pe panse ki nou pa fer.  Mon pa dir en fot.  Me selman nou depart from that.  Nou fer en keksoz ki vreman- i pour vreman ed nou.  I pour vreman bon.

Dan sa lespri la,  mon annan en konsern mwan avek en dimoun ki ganny PI, e ki re antre dan pei.  Parey ou’n eksplike avek en nouvo paspor.

Ki sa i vedir sa?  In annan en nouvo paspor dan sa sans en nouvo nasyonalite?  Oubyen en nouvo paspor, in al renew son paspor kot li menm li laba?  Prezan in ganny en nouvo limero.

E prezan letan in donn sa nouvo limero, ki sa i pa’n match avek sistenm ki egziste DICT pa kapab trace, pa kapab konnen?  E ki ou- nou Zofisye Imigrasyon i pa kapab konnen.

E garanti nou ki sa nouvo sanzman, sa nouvo sistenm ki ou pe sey al mete, i pour fer nou kapab vreman konnen sa dimoun ki in ganny en PI ki i pa pe kapab antre.  Oubyen for that matter any other person ki pa kapab rantre, ouswa ki ou annan, ki ou pe ede ek bann lezot sistenm ki egziste ki konmsi vreman nou on top of things lo sa.  Mon krwar ou donn nou en garanti dan sa konteks.

E lo lot kote, mon bezwen dir ki bann Zofisye Imigrasyon sirtou lo Erport zot in koz ek mon a diferan moman.  E mon’n diskit avek ou Minis.

Mon kontan tande ki i annan en improvement lo zot Scheme of Service.  Me selman pour mwan, i pa ase.  I pa ase.  Akoz zot kondisyon travay lo Erport- e mon asire lo port e lo lezot port of entry osi parey.  Zot kondisyon, zot sityasyon i pa- i mank keksoz.

E  mwan mon  ti ava kontan vwar en progre osi dan sa direksyon.  Eski ou kapab garanti nou ki anba Bidze i kapab annan en pti bout kot ou kapab amelyor zot kondisyon?

Akoz zot fer long hours shift, ensidswit.  Petet pour zot repoze antretan, met latet ater byen.  E ki letan nouvo avyon i vini, nouvo vol i rantre,  zot kapab pli byen si ou oule dir- pli vizilan pour zot kapab desarz en pli bon responsabilite.

Dan sa sans la,  eski i annan en enteraksyon avek SCAA e lezot Departman konsernan, pour kapab vwar en progre dan sa direksyon?  Ou vwar?  Akoz lo Erport zot pa travay zot tousel.  Zot travay an korperasyon avek zot Lazans ki la.

SCAA pe sey vwar lo kestyon sekirite sa bann dimoun ki travay lo sekirite kot SCAA,  Me an menm tan, Imigrasyon i annan en rol de kle.  E alor an menm tan i bezwen annan sa lesanz pour ankouraz zot pour annan en moral pli o letan zot pe fer sa travay avek plis vizilans.

An menm tan mon ti anvi osi en leklersisman.  E petet en desizyon.  Sa ki Onorab Ramkalawan in leve konsernan sa etranze ki annan Court Case ensidswit,  me ki pe pas partou fer bann ensinifyan;-  enn mon demande ki, sa bann dimoun osi ki pe ganny afekte,  zot met en case kont li.  Be si in mete par fer nanryen.  La i annan en problenm enorm.

E mon krwar mwan, nou bezwen komans ‘’name and shame’’ dan bann ka koumsa.  Bezwen annan en lanons lo radyo, lo televizyon ki dir vey en tel.  Pa welcome li, pa donn li kredi.  Pa isi, pa laba.

Nou bezwen kapab.  Akoz sansan en dimoun pour vini pou abize lo nou pei koumsa.  Pour mon mwan pa vwar li i normal.  E mon oule azout en keksoz ladan.  Mon oule azout en keksoz, dan lesans ki i annan dimoun ki fer osi- ki lo GOP petet, e ki fer aksidan.  E ki zot annan tor.  Lakour in prouve ki zot annan tor.  E prezan rod zot pour kapab rekiper, repar zot domaz.  Oubyen pey sa bann dimoun sa bann culprit Seselwa.  E ou pa vwar zot.

Mon ti ava kontan ganny en gidans avek Minis la.  Ki nou kapab fer konmsi?  Ed nou.  Akoz parfwa menm bann Avoka, i kapab dir ou file in perdi.  Me letan nou annan bann rikord, ki mannyer nou kapab ganny ede avek Imigrasyon – si i posib pour bann dimoun ki ganny afekte, vwar en rekiperasyon lo zot bann problenm.

Mr Chair, petet pour fini.  Avan mon terminen,  mon oule osi met en lanfaz lo sa kestyon, travayer ki dan sekter piblik.  Konmsi ki dan bann Minister e Departman, travayer etranze mon pe koze la.  Ki nou bezwen ranplase.  Sa bann understudy la.

Nou bezwen met en lanfaz lo la.  Pour ki-mon konnen direkteman i pa tonm ek ou.  Me selman, la in debord en ptigin.  Me selman pour ki nou swiv sa zafer ki nou pe dir apre 6an, apre 10an ensidswit ki bezwen ale.  La nou- bezwen annan en travay serye avek Gouvernman pour kapab vwar ki mannyer nou Seselwa i kapab-i bezwen annan en bann progranm, bann travay dan sa direksyon pour ranplas otan ki posib bann etranze.

E dernyerman letan en dimoun i ganny en PI  –  en etranze, ler i ganny en PI.  Pa neseserman sa travayer ki annan tor.  Me selman li ki ganny pini souvandfwa or tou le moman.

Me i kapab li, i pa’n ale akoz son dokiman pa ek li.  Son anplwayer in gard son paspor.  Petet pa’n pey li son bann dues.  E li i pa kapab ale, i pe espere.

Antretan in fini mank son pasaz.  E i pe reste ilegalman dan pei.  Alor, olye ki sa dimoun ki ganny pini, sa travayer ki ganny pini,  ki mannyer ki ganny sa PI?  Ki mannyer sa bann anplwayer zot, zot ganny osi reprimande, e deal avek appropriement dan sa bann sirkonstans koumsa?

E petet pa neseserman nou devret pini sa etranze.  Akoz petet i pa an tor li.  Mersi bokou Mr Chair.

 

MR SPEAKER

Mersi Onorab. Minis.

 

MINISTER MYRIAM TELEMAQUE

Mersi Mr Chair.  Mr Chair premye kestyon pour sa PI.  Sityasyon, se ki sa dimoun in al rod en nouvo paspor avek menm nasyonalite.  E se pour la rezon ki DICT in port a nou latansyon ki i pa’n flagged ler in antre dan pei.  Ok?

Konsernan nou Zofisye Imigrasyon ki travay l’aéroport koman nou menm nou dir, nou bann Border Control Officers.

I vre ki ler avyon i arive, nou konn byen nou tou espesyalman bann dimoun ki’n travay l’aéroport.  Avyon i ariv nenport ler.  E an se moman nou annan 3 shift.

Se pour la rezon ki avek sa nouvo Scheme ki nou pe anmennen,  i ava atrakte lezot, bann jeunes pour zot kapab zwenn nou Departman ki provizyon kapab ganny fer pour nou kapab fer li en 4 shift l’aéroport

E sa i diminyen petet bann-diminyen bann erdtan ki Zofisye i travay.  E ki zot a kapab ganny en pti pe plis- en pe plis rest days.  Ok?

Lo size bann anplwayer- bann dimoun ki fer aksidan, ki apre i kit pei, e si zot kapab ganny lasistans Imigrasyon l’aéroport pa kapab anpes okenn personn kit pei san ganny en Court Order.  Si napa Court Order sorti kot Lakour, Zofisye pa pour kapab anpes okenn dimoun kit pei.  Fodre absoliman i annan sa Court Order.  Ok?

Konsernan anplwayer.  Ki hold on paspor avek apre sa anplwaye ki ganny penalize l’aéroport. 

Dan nouvo Immigration Bill, i annan provizyon pour fine bann anplwayer.  Akoz dan sa enn napa.  Nou’n fer laranzman, nou’n mete dan nouvo Immigration Bill, ki bann anplwayer pour ganny fine.

Apre mon oule al en pti pe pli lwen Mr Chair.  Mr Chair, se pour la rezon ki ou vwar nou pe fer Lagreman avek bann lezot pei.  Akoz dan sa bann Lagreman la, i pour ganny reflekte konmkwa bann dimoun-bann travayer ki vin travay Sesel, fodre zot konn en pti pe basic English.  Pour zot kapab konnen kan zot Kontra i fini.  Kan zot permi i fini.  Pour zot kapab at least konnen poudir be deryer sa Work Permit Card i pour dir ou, ler ou permi i fini, raport kot Imigrasyon.  i pour annan en limero hotline.  Pour ou kapab at least vini vin dir.  Mon permi in fini.  Mon anplwayer pa pe fer le neseser pour renouvle.  Sa i ava ed zot dan en fason.  Akoz la ki i arive?  Anplwayer i pran tou keksoz dapre-parey ou’n dir.  Aprezan sa anplwaye i santi li kwense, i pa konnen kote i pour ale.

Be selman si i annan ka.  Lanplwa i la li, Imigrasyon i la.  Raporte, vini, vin dir.  Anplwayer pa oule renouvle.  Pa pe renouvle mon Permi.  E ler mon pour ale, l’aéroport mon konnen mwan pour ganny en PI.

E apre osi, mon ti a kontan fer en lanons la.  Lo- an vi ki nou lo medya osi.  Bann anplwayer renouvle Permi zot bann travayer.  Si ou konnen ou’n anmenn en dimoun isi dan pei pour travay pour ou,  be fer li reste anreg.

Akoz otomatikman i annan an Lalwa dan pei.  E Lalwa i demann ou-fodre ou reste legalman lo en permi pour ou travay.  Annou pa azir malonnet.

I annan zot la deor.  Zot azir malonnet.  Zot konnen zot poudir sa travayer pour ganny PI lo Erport.  Zot fer ekspre, zot les sa travayer ale l’aéroport.  Apre zot dir ler i ale, i a ganny PI i a fini avek.  Be i pa byen sa.  Annou azir onnet.

Be selman nou, Departman Imigrasyon, i la pour anforsi Lalwa li.  I pa kapab fer lotreman.  I bezwen fer son travay L’aéroport.  Mersi Mr Chair.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Chair.  Pti klarifikasyon Minister.  Sa bann dimoun pa ankor kit pei.  Sa ki dizon in fer aksidan, pa pe-kantmenm i kondannen pa ankor peye.  Me i la Sesel, dan sa pti Sesel zot in perdi.  Pe rod zot, pa vwar kot zot ete.

Sela ki mon ape sey demande, konmsi ki mannyer zot kapab ede pour trace bann dimoun?  Zot ankor isi, pa ankor sorti, pa ankor ale.

Mr Chair mon pa kapab fini san dir en mo felisitasyon a tou bann travayer Civil Status e Imigrasyon;-  espesyalman Imigrasyon pour travay- sa devouman ki zot donnen.

Fransman anba sityasyon difisil ki zot ladan, me zot fer zot best and very best.  Mon dir ou fransman sak fwa ou pase, ki ou pe pas dan zot lanmen.   Zis met li koumsa.  Toultan i annan en sourir.  Toultan zot friendly, very friendly.  Mon asire nou tou nou’n fer sa remark.  E mon ankouraz zot pour kontinyen dan sa direksyon.  E kontinyen os sa Departman e sa Minister pour sa bon travay.

Ou konnen Imigrasyon i premye ki en touris i vini i zwenn lo Erport, bann port of entry, espesyalman lo nou Erport.  E sa travay fransman i kapab pous sa touris oubyen sa lafason ki zot resevwar i kapab osi anmenn sa touris- e fer sa touris pas en letan agreab.  Kontinyen sa bon travay.

E an menm tan Minister mon swete ou kontinyen get zot.  Mersi.

 

MR SPEAKER

Mersi Onorab De Commarmond.  Yes Onorab Ferrari.  Vitman.

 

HON JEAN-FRANÇOIS FERRARI

Mersi Mr Speaker.  Vreman friendly.  Mon mwan en zanmi Departman Imigrasyon.  Alors mon ti a kontan dir ek Minis.  Minis i annan en sityasyon ki pe- ki kapab devlop dan en pe en skandal Kempinski.

Silvouple- mon pe zis poz sa la lo- dan bor ou.  Gete ki mannyer ou kapab regarde.  Akoz i annan en problenm laba.  Mersi.

 

MR SPEAKER

Mersi Onorab.  Bon mon a donn en dernyen mo Minis avan nou pran en vot.  Minister.

 

MINISTER MYRIAM TELEMAQUE

Bon mersi Mr Chair.  Bokou komanter in ganny pase Mr Chair.  Espesyalman konsernan nou sistenm elektronik ki nou annan, ki nou pe travay vreman pros avek DICT.

Mon espere lannen prosen ki at least-nou kapab at least ler nou vin Bidze, nou’n kapab met en sistenm ki vreman robust, ki pour kapab at least sa bann defayans- pran ka avek sa bann defayans ki nou annan.

E nou osi tou lo nou enforcement.  Mon aksepte ki i annan en pti pe defayans.  Nou pour bezwen beef up nou enforcement pour nou kapab at least sorti pli souvan lo teren.

E i pa fasil.  Be selman nou pour bezwen rod fason pour nou kapab al lo teren en pe pli bokou.  Akoz konsernan enforcement ou pour bezwen boukte transpor, regarde si i annan transpor ki available.  Konmsi i annan en bann prosedir ki bezwen ganny fer.  Tousala nou bezwen re gete.

E nou mazinen ki- nou anvizaze ki nou pour annan nou biometric passport kekfwa by lannen 2022.  Akoz ICAO in demande ki tou bann pei i at least annan biometric passport by then.  E Imigrasyon pour bezwen li osi zwe son rol.  E pour Sesel ganny rekonnet konmkwa i annan biometric passport.

Apre osi Mr Chair, mon ti a kontan remersye tou lekip dan mon Minister ki’n prepar Bidze.  Ki’n donn mon sa sipor pour prepar Bidze.  Sa mon enkli Departman Lanplwa.  E kot Imigrasyon i pa’n- i en letan ki vreman busy.  Nou bezwen rod bann statistics, rode, travay bokou.  E mon dir zot mersi.

E mon krwar nou pa pour kapab bliy nou bann travayer l’aéroport ki pe fer en bon travay l’aéroport.  E mon pa pour kapab oubliy bann Processing.  Akoz zot dir mon apre toultan mon bliy zot.  Mon koz zis l’aéroport.  Zot osi zot travay bokou.  Akoz nou fer bokou GOP.  E zot la, zot reste apre ler.  Zot wikenn.  Alor mersi bokou osi pour zot menm.

E kot Lanplwa osi kontinyen avek sa bon travay.  Mersi Mr Chair.

 

MR SPEAKER

Mersi Minis.  Bon nou’n ariv en moman pour nou pran en vot lo Bidze pour Departman Imigrasyon avek Leta Sivil ki trouve lo paz 522 ziska 529 pour en sonm R61, 575milyon e ki form par dan Schedule.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair, 13 Manm in vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pour Imigrasyon e Leta Sivil pour lannen 2020 in ganny aprouve par Lasanble Nasyonal.

Yes PS Thesee.  Go ahead PS.

 

PS DAMIEN THESEE

Mersi Mr Chair.  Zis pour enformen.  Parey pour MHILT, Minister Labita, nou pour bezwen pran en vot total prezan pour sa Minister Lanplwa, Imigrasyon e Leta Sivil parey i trouve dan Appropriation Bill.

E son sonm total, li i en sonm 89, 936milyon.  Savedir sa 2 Departman ansanm as en vot.  Mersi.

 

MR SPEAKER

Mersi PS.  zis mon ava ganny mwan Bill en pti moman.  Bon nou pour pran en vot lo Bidze total Lanplwa, Imigrasyon, ek Leta Sivil pour sonm R89,936 milyon.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair, 15 Manm in vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pour Minister Lanplwa, Imigrasyon e Leta Sivil parey dan Appropriation Bill pour lannen 2020 in ganny aprouve par Lasanble Nasyonal.   Ok, PS nou ok la?

Mon ti a kontan remersi Minis Myriam Telemaque.  Minis responsab pour Lanplwa, Imigrasyon avek Leta Sivil.  Mon ti a kontan osi remersi son bann Teknisyen Mr Michel Marie, Special Advisor.  Mr Michel Elizabeth, Chief Immigration Officer.  E Ms Bessy Banane ki Financial Controller.  Minister avek ou lekip mersi.  E nou ti ava eskiz zot dan Lasanble.  PS Thesee, gidans pour demen.

 

(MINISTER TELEMAQUE AND HER DELEGATION WAS EXCUSED FROM THE HOUSE)

 

PS DAMIEN THESEE

Mersi Mr Chair.  Pour demen, Mardi le 26 Novanm nou annan 9er a midi Seychelles Land Transport Agency.  Apre midi Seychelles Tourism Board avek Anti-Corruption Commission.  Mersi.

 

MR SPEAKER

Mersi PS Thesee.  Mon ti a kontan profite, nou annan de pti housekeeping ki nou pour fer apre.  Mon ava profite, mon a remersi ou PS pour pas ankor en lazournen avek nou.  Avek ou 2 Zofisye Ms Coopoosamy e Ms Croisee.  E mon ava eskiz zot parmi nou.

 

 

(PS THESEE AND HIS DELEGATION WAS EXCUSED FROM THE HOUSE)

 

 

MR SPEAKER

Mon a demann Sarge pour li move Mace.  Bon bomaten ler Onorab Esparon in fer-in lir son pti mesaz, in mansyonn Domestic Violence Bill.  E Minis pa ti tro sir ki pozisyon sa Bill i ete.

Mon kapab konfirmen poudir sa Bill in ariv kot Lasanble.  I avek Bills Committee.  Me nou pa ankor fer First Reading.  Akoz nou pa ankor ganny sans pour nou pas ladan.  So Bill i deza la.  Ok?  Sa i enn.

Dezyenmman;-  demen mon pe Chair Komite all Chairs.  Savedir all Chairs of all Committees of the Assembly.  Nou pour meet 12.15 dan Speaker’s Conference Room.  Ok? I pour en meeting kekfwa apepre 30 minit.

Demen osi-demain matin Deputy Speaker i pour Chair Lasanble.  Akoz mon pour bezwen rann lapel kot Lakour demen bomaten pour zizman dan sa case ki mon devan Lakour.

E pour fini, mon ti a zis kontan remersi bann Manm, tou lodyans.  Tou dimoun ki’n ekout nou e ki’n swiv travay Lasanble Nasyonal.  E byensir mon ti a kontan remersi tou bann staff SBC pour ed nou kapab difiz nou travay an direk.  Avek sa Lasanble i adjourn e nou repran nou travay demen 9er bomaten.

 

     (ADJOURNMENT)