::
Home » Verbatim » 2019 » Verbatim Monday 11th November, 2019

Verbatim Monday 11th November, 2019

 

NATIONAL ASSEMBLY OF SEYCHELLES

Monday 11th November, 2020

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab e en bonzour spesyal pou Minis responsab pou Finans, Komers, Lenvestisman e Planning Economic Mr Maurice Loustau-Lalanne ki akonpannyen par son lekip ki konpri SS Patrick Payet, Sekreter Prensipal Mr Damien Thesee, Special Advisor, Ms Sitna Cesar e Comptroller General, Ms Irene Croisee.

Minister avek ou lekip bonzour e welcome dan Lasanble.  Mon ti a kontan osi tou swet en bonzour tou bann dimoun ki deor, ki a lekout e ki pe swiv travay Lasanble Nasyonal.  Parey mon tin anonse semenn pase, bomaten nou pou pran repons Minis.  Sa i swivan reaksyon bann Manm sa 3 zour semenn pase e kot Minis pou donn en pti pe bann leklersisman e klarifye serten pwen ki bann Manm in leve.

Apre repons Minis nou pou pran en vot lo merit e prensip zeneral lo sa Bill e apre sa nou pou break, kot ler nou pou antre nou pou komans lo Staz Komite pou nou komans vwar bann diferan heads.

Me avan nou pran nou travay bomaten, mon annan zis en pti kominike ki mon ti a kontan fer e partaz avek Lasanble Nasyonal.  Swivan lansman diksyoner lalang siny Seselwa, Seychellois Sign Language Dictionary ki ti fer Sanmdi pase par Lasosyasyon pou bann Sourd ek bann ki pa Koze,  mon annan loner pou dir ki Lasanble, ki mon ti reprezante.  E monn osi resevwar en kopi sa diksyoner e pour le moman sa kopi i pou mon lofis.  Me Lasanble pou aste ankor 2 kopi ki nou pou depoz dan library pou okenn Manm ki anvi pas ladan, ki anvi vwar sa travay ki’n ganny fer.

E a sa moman la mon ti a kontan felisit sa Lasosyasyon, spesyalman Mrs Anita Gardner ki zot Chair, pou sa travay eksepsyonnel ki’n pran plis ki 10an pou akonpli.

E petet osi mon ti a kontan enform Lasanble ki Lasosyasyon pe lobby pou fer ki lalang siny Seselwa i vin nou katriyenm lalang isi Sesel.

So vwala, en kopi sa diksyoner.  Pour le moman i avek mon lofis e nou ava fer sir ki pandan lasemenn la nou ava ganny ankor 2 kopi ki ava a dispozisyon bann Manm.

Bon avek sa nou pou pran direkteman nou travay e mon ava pas laparol avek Minis Maurice Loustau-Lalanne kot i ava donn son ReplyMinister laparol i pou ou.

 

MINISTER MAURICE LOUSTAU-LALANNE

Mersi Mr Speaker.  Mr Speaker, Onorab Leader Lopozisyon, Onorab Leader Zafer Gouvernman, Manm Onorab Lasanble Nasyonal, ser konpatriyot Seselwa, bonzour.

Pandan sa 3 zour semenn pase mon’n ekout bokou e monn ekout aktivman deba par bann Manm Onorab lo diskour Bidze 2020.  Gouvernman in osi ganny pwennvi difer sekter e dimoun an zeneral.  Mon konstate ki bokou in ganny dir pandan sa bann deba e mon oule asir sa Lasanble ki Gouvernman pou travay pli dir pou fer sir ki sa plan pou Bidze 2020 i ganny realize.

Mr Speaker, permet mwan pou reponn enn de bann size ki bann Manm Onorab in leve pandan sa deba.  Bann lezot pwen pou osi ganny leve pandan staz komite Bidze 2020 e bann Minis konsernen i ava adres zot.

Mr Speaker, parey mon’n dir dan Bidze 2020, Gouvernman i rete angaze pou nou realiz nou target pou redwir nou det par 50 poursan GDP ver 2021.  Sa i en target ki nou bezwen realize ver 2021.

Mr Speaker, Bidze ki’n ganny propoze pou lannen 2020, i pou en sonm R960 milyon.  Ouswa 11.5 pour sa logmantasyon konpare avek revizyon dan depans Bidze 2019 ki ti pou en sonn 8.33 bilyon.  Sa ogmantasyon i pe ganny finansye par en logmantasyon dan sa bann reveni swivan;-

Reveni dan tax in ganny ogmante par R239.6milyon.  Reveni ki pa sorti dan tax in ganny ogmante par R278.3milyon.  Don in ganny ogmante par R502.5milyon.  Alors total koleksyon dan reveni ek don in ganny ogmante par R1milyon.

Mr Speaker, nou balans primer in osi ogmante par 27.3 milyon.  Letan nou get balans primer pou 2020 konpare avek revizyon 2019.

Mr Speaker, Sekter Touris i reste Sekter kle nou lekonomi.  Parey mon’n dir  dan lanons Bidze, letan nou konpar kantite viziter dan trwazyenm kar 2019 avek trwazyenm kar 2018 larive viziter in ogmante par 5.4 poursan.   Me sepandan, depans par sa bann viziter pandan menm peryod in ogmante, sorti 341milyon Ero pou ariv 376 milyon Ero e sa i reprezant en logmantasyon 10.2poursan.  Me letan nou konpar VAT ki SRC in kolekte dan sa sekter pandan menm peryod i selman en ogmantasyon 4milyon ouswa 0.6 poursan.

Mr Speaker, letan nou regard lakantite deviz etranze kin sorti dan pei an Zanvye a Oktob 2019, i pou en valer total 290.1milyon Dolar.  Sa en rediksyon 8.7poursan letan nou konpar li avek menm peryod pou lannen 2018.  Pou peryod 2019, 92 poursan sa bann deviz etranzer ki pe sorti dan pei i sort dan sa bann Sekter swivan;-

Enportater pou aste komodite, 91milyon Dolar ki reprezant 31.4 poursan.

SEYPEC pou aste karbiran, 52.1milyon Dolar ki reprezant 18poursan.

PUC pour son bann proze kapital, 26.6Milyon Dolar ki reprezant 9.2 poursan.

Sekter Telekominikasyon 23.1milyon Dolar ki reprezant 8 poursan.  Bann lakonpannyen Aeryen 20.1milyon Dolar ki reprezant 7poursan.  Bann lakonpannyen ki enport veikil, 15.8milyon Dolar ki reprezant 5.4poursan.  Gouvernman pou bann depans parey lasante, ledikasyon e lezot depans, 14 milyon Dolar ki reprezant 4.8poursan.

Transfer personnel 13 milyon Dolar ki reprezant 4.5poursan.

Lakonpannyen konstriksyon 9.8milyon Dolar ki reprezant 3.4poursan.

Mr Speaker, parey mon’n dir dan lanons Bidze 2019, Gouvernman pe revwar son format lo zesyon depans pou met plis konsantrasyon lo en lankadreman ki baze lo rezilta.

An 2013, Gouvernman ti aprouv Polisi lo Results-Based Management ki konpri 4 pilye.

1) Bidze ki ganny fer lo metod progranm.

2) Strategic planning.

3) Monitoring and evaluation e

4) Performans travayer.  Bokou travay in ganny fer depi sa.

Mr Speaker, sa prosesis pou fer bide lo metod Programme Performance-Based Budgeting ti komanse depi 2015 avek en sistenm pilot pou Minister ki anba portfolio Ledikasyon, Lagrikiltir ek Lapes.  Sa metod ti ganny lanse dan 5 Minister dan Bidze 2017 e ti ganny elarzi pou enkli ankor 3 Minister dan Bidze 2018.  E dan Bidze 2019 e Bidze 2020 tou Minister in ganny enkli.  Alor Mr Speaker, tou Minister, Departman ek Lazans i annan zot endikater lo performans baze lo alokasyon Bidze.

Zis pou nonm enn de, Lazans Swen pour Lasante lo paz 474, liv Bidze,  enn son edikater an 2020 se pou redwir to mortalite dan Lopital Sesel par 0.5poursan.

Departman Ledikasyon lo paz 388 liv Bidze, target pou 2020 se pou fer sir ki 50 poursan etidyan S5 ki fer legzanmen IGCSE Matematik i ganny en grad C ouswa par lao.

Departman Finans lo paz 269 liv Bidze, enn son edikater pou fer sir ki prozeksyon lo real GDP Growth i anba 3poursan.  Departman Imigrasyon ek Stati Sivil lo paz 526 liv Bidze, enn son edikater an 2020 se pou fer sir ki tou aplikasyon pou Passport i ganny fer dan 24 erdtan.

Pilye strategic planning ti ganny mete an mosyon an 2017 avek laprouvasyon en strategic planning policy.  Sa Polisi in fer ki tou bann MDAs i bezwen prepar zot plan stratezik ki konpri zot bann progranm, proze ensi bann edikater pou mezir progre.  Zot plan i osi ganny relye avek zot Bidze atraver zot dokiman MTES.

Avek lansman vizyon 2033 e stratezi devlopman Stratezi Devlopman Nasyonal 2019- 2023, travay pou ganny fer pou konplet bann stratezi sektoral e asire ki zot alinyen avek vizyon Nasyonal.  Nou pou osi fer sir ki Bidze dan tou sekter i ganny alinyen avek Stratezi Devlopman Nasyonal.

Mr Speaker, lot pilye ki nou’n koman pilote i monitoring and evaluation.  Tou bann edikater performans ki ganny mete dan Bidze Nasyonal pou ganny evalye anyelman baze lo bann edikater.  Bann Minister, Departman ek Lazans pou bezwen donn rezon si en edikater i pli ba ki ekspektasyon.

Reform dan sa katriyenm pilye, i osi komans epou annan en lankadreman pou asire ki Gouvernman i kapab delivre, son servis efektivman e avek efikasite.  E sa pou konsern performans travay tou travayer sekter piblik.  Sa bann reform i adres bann konsern ki pe ogmante vizavi performans zesyon servis piblik.

Mr Speaker, Gouvernman i alor lo bon semen pou konplet lenplimantasyon lankadreman result-based management an 2021.

Bann lantrepriz piblik; Air Seychelles.  Mr Speaker, Air Seychelles i rete sa polisi lasirans ki neseser pou sofgard nou Sekter Touris koman pilye nou ekonomi.  Sa lasirans ozordi i vin en pri e nou tou nou pe kontribye pou fer sir ki Air Seychelles i annan sa kapabilite pou fer vol enternasyonal.  Se pour sa rezon ki dan Bidze 2020 i annan R105milyon.

Mr Speaker, SCAA, Air Seychelles e Gouvernman pe sign en Lagreman exclusivity pou Air Seychelles, sa sel lakonpannyen ki annan sa drwa pou kontinyen provide ground handling services.  Sa Lagreman i ekspekte ganny sinyen avan lannen 2019.

Gouvernman i bezwen reste angaze pou fer sir ki Air Seychelles i reste sa sel lakonpannyen ki donn sa servis ground handling.  En lot Lagreman ki pe al ganny sinyen se permi ground handling ki pou ant SCAA e Air Seychelles.  Sa i en lankadreman ki pou fer sir ki tou lede, SAA e Air Seychelles i konn byen zot lekspektasyon dan loperasyon ground handling.

Mr Speaker, mon oule fer resorti ki Etihad i annan 40poursan share dan Air Seychelles, alor endirekteman i annan 40poursan share dan ground handling.  Me mon oule fer resorti osi ki ground handling pa pou ganny servi koman okenn garanti negosyasyon ki ganny finalize.

Mr Speaker, parey mon’n dir dan lanons Bidze, Gouvernman pe finaliz en garanti labank lavaler 30milyon Dolar pour sa sonm ki pou bann preferential shares an faver shareholder Etihad.

Baze lo bann det ki Air Seychelles in akimile vizavi Etihad pandan sa bann dernyen lannen, nou pe fer negosyasyon avek 2 labank e nou espekte finaliz avan Novanm 2019.  Sa labank ki nou finaliz negosyasyon avek pou donn sa garanti Etihad e Gouvernman pou donn en sovereign guaranty sa labank.  Sa se akoz Etihad pa’n aksepte en sovereign guaranty direk avek Gouvernman.

Mr Speaker, pli gran risk ki annan lo Air Seychelles dan mwayen term se son abilite pou re pey sa project box bond ki matire 21.5milyon Dolar le 28 Septanm 2020 e 50milyon Dolar le 01 Zen 2021.  Etihad in garanti sa bond.  Nou pou bezwen rod en solisyon pou re finans project box dan mwayen term.

SCAA;-  Mr Speaker, swivan lentervansyon bann Manm Onorab lo SCAA, ki mon ti mansyon dan Bidze, mon ti a kontan eklersi konm swivan;-  i dan plan SCAA pou refer terminal enternasyonal pou met li lo en pli o standar parey nou’n vwar kot terminal domestik.  Dapre bann analiz ki’n ganny fer i pli fezab pou repar terminal enternasyonal olye al fer en terminal nef ki pou kout anviron 200milyon Dolar.  Sa i baze lo lakantite touris ki nou pe espekte pou sa bann lannen ki pe vini.

Rezon ki SCAA pe fer nouvo head office avan, se pour li kapab tir tou son bann travayer kot son head office aktyel i ete.  Sa i ava permet li ganny lespas pou li agrandi lasal arive kot i pou met en dezyenm karousel bagaz.  Parey nou dir an Angle, conveyor belt.  I pou osi annan plis lespas pou lasal Imigrasyon.

Mr Speaker, sa i pou ede rezourd sa problenm lespas ki annan ozordi.  Apre ki proze lasal arive in konplete, travay pou kontinyen pou agrandi check-in area swivi par lasal depar.  I enportan ki sa bann proze i swiv dan sa lord, lefe ki loperasyon Erport pou kontinyen dan sa letan.

Mr Speaker, mon ti a kontan osi eklersi lo sa size peyan fre navigasyon par bann operater lokal.  Pour lemoman lalwa i fer leksepsyon pour bann vol ki par anba 200 notik avek Praslin ki pa pey fre navigasyon.  Savedir bann vol Air Seychelles, IDC, Zil Air, lo bann zil pros i pa ganny kouver.  Fre navigasyon i aplikab lo bann zil parey Alphonse, Farquhar, Astove ek Assumption.

Loperasyon lo bann zil tel ki Praslin, La Digue, Fregat, Bird Island, Denis Island, Silhouette, Desroches, Coetivy, D’Arros, Marie-Louise, Remire ek Poivre i pa ganny peye.  Ler mon dir fre navigasyon i vedir air navigation charges parey nou dir an Angle.  Selman landing fees i ganny peye.

SCAA i dan prosesis pou sanz Lalwa pou fer ki tou loperasyon i pey fre navigasyon.  Sa i enkli loperasyon anndan 200 notik akoz sa i reprezant en gran poursantaz aktivite trafik dan nou lespas.  I pou ed SCAA fer plis larzan pou li envestir dan son lenfrastriktir navigasyon.

Seychelles Trading Company;-  Mr Speaker, an sa ki konsern middlemen, STC in fer resorti ki pou bann prodwi anba kategori (1), STC i aste direk avek prodikter, e pou bann lezot komodite ki perishables, sa bann i ganny aste avek bann pack houses.  Sa ki konsern diri ek dile sa i ganny aste avek bann lakonpannyen ki process sa bann marsandiz.

Mr Speaker, fodre fer resorti ki tou bann prodwi anba kategori (1) i ganny aste atraver en prosedir tender entern e STC i swazir sa ki ofer pli bon pri e kalite.  Mr Speaker, sa ki konsern branded item parey koman Kerrygold dairy product, Danone Yoghurt, Fan Juices, Ricotta Pasta pou nonm enn de,  sa STC i aste avek prodikter akoz STC ki Lazans e distribiter.  Pareyman i annan lezot enportater ki Lazans e distribiter en brand.  Alors STC i bezwen aste avek zot ler ki konsonmater i demann sa bann prodwi.  Par egzanp dantifris Colgate, prodwi pti baba Johnson & Johnson avek Capital Trading.  Prodwi Nestle avek Sun Shipping.  Regilait avek Vinayaka Impex e prodwi Tulip Pork avek Kannus.

Mr Speaker, ler STC pou fer vini containers avek diferan marsandiz e an vi ki volim pa bokou, dan sa ka STC i pas atraver bann traders.  En legzanp i bann prodwi ki sorti La France tel ki bann brand parey Top Budget, Apta, Label.  En lot legzanp i seafood container sorti kot Mascarene Moris.  En order minimonm pou seafood i an container.  Alors nou bezwen aste avek sa trader ki kapab vann nou en container ki konteni diferan prodwi seafood.  Sa i normal dan sa sekter trading e nou apel li konsolidasyon.

Mr Speaker, fodre ki nou realize ki Sesel i en pti pei e nou demann i pa sitan gro.  Alors nou bezwen servi sa bann traders ki pou ganny economies of scale. 

Ease of doing business!-  Mr Speaker, an sa ki konsern lendeks ‘’Ease of doing business’’, nou soumet avek Labank Mondyal serten sanzman ki’n ganny fer pandan sa dernyen lannen.  Sa bann sanzman ti plito konsern anrezistreman en biznes kot rezistrar, ganny en permi pou konstriksyon e ganny koneksyon elektrisite.  Labank Mondyal lo son kote in verifye sa lenformasyon avek bann azan sekter prive ki normalman servi sa servis e de la si sekter prive i konfirmen ki sa sanzman in ganny pran an kont dan zot evalyasyon.  Par kont si napa sa konfirmasyon par sekter prive, sa lenformasyon pa ganny servi.

An rezilta sa legzersis malgre ki nou’n rekil ankor pour rapor pou 2020 nou’n fer progre dan 3 parmi sa 10 paramet ki’n ganny evalye.  Pou permi konstriksyon nou’n sorti 118 pou vin 106 e dan paramet pou ganny koneksyon elektrisite nou’n sorti 118 pou vin 104.  Nou’n osi vwar en pti amelyorasyon dan enforcing contracts par en plas.  Nou’n sorti 129 pou vin 128.

Malerezman malgre nou’n soumet serten amelyorasyon dan lanrezistreman biznes, sa pa’n ganny konfirmen par bann Lazans sekter prive ki servi sa servis e ki’n raport avek Labank Mondyal, alor sa lenformasyon pa’n ganny pran an kont.

De lot kote, nou’n rekile dan 7 lezot paramet avek pli gro deklinasyon  dan ‘’protecting minority investors’’ sorti 110 pou ariv 143, par 3 plas.  Lot tonbe signifikan i dan ‘’getting credit,’’ kot nou’n tonbe par 10 plas pou vin 140enm.  Pou starting a business, registering property, paying taxes e trading across borders e resolving insolvency.  Nou’n tonbe par 2, 3, 5, 3 e 2 plas respektivman.

Pou ‘’protecting minority investors’’ nou deza annan revizyon Company’s Act ki biro Prokirer Zeneral pe travay lo la.  Enn fwa ki sa in konplete i devret amelyor nou klasman.  Pou getting credit, nou osi annan bann travay ki Ankour avek Labank Santral, biro Prokirer Zeneral e Biro Rezistrar;-  tel ki bann regilasyon anba sa Secure Transaction Act e Collateral Registry ki kapab fasilit akse avek loan.  Malerezman sa travay pa ankor konplete.  I osi annan lezot mezir ki pe ganny fer pou adres bann lezot paramet.

Cable &Wireless;- Mr Speaker, Gouvernman i salye zefor sa group envestiser Seselwa kin aste lakonpannyen Cable & Wireless Seychelles.  Gouvernman i osi ankouraze avek zot prononsman ki zot pou konsantre lo biznes, pou fer sir i kontinyen amelyore e vwar bann lezot loportinite pou fer sir ki i annan lagrandisman dan lonterm.   Zot in osi fer resorti ki zot pou vann par dan lakonpannyen Cable & Wireless avek bann lenstitisyon ek endividi.  Alor mon demann lepep Seselwa pou servi sa loportinite kan i egziste.

Liberty Global ti aste Cable & Wireless an 2016 e ti dwa Gouvernman 16.5milyon Dolar.  Sanksyon lo sa tranzaksyon.  Cable & Wireless in annan 2 propriyete, enn dan Victoria parsel V5326 e lot Bonne Espoir parsel C3003 ki Gouvernman dan son negosyasyon avek Liberty Global ti agree pou aste pou en sonm 2.5milyon Dolar.  Alors sa sonm lo sanksyon ki Liberty Global ti redwir pou vin 14 milyon Dolar.

Dan negosyasyon avek Liberty Global, sa group lenvestiser Seselwa (CWSI) ti agree pou pran sa det avek Liberty Global.  Gouvernman ti ganny konsilte me dan diskisyon en Lagreman triparti novation ti ganny sinyen, agree pou sa det, pou en sonm 14 milyon i ganny peye avan lannen 2019 i konplete.

Mr Speaker, sa nouvo tranzaksyon ant Liberty Global ek sa group lenvestiser Seselwa, pou bezwen pey 5poursan stamp duty lo zot consideration value letan zot finaliz bann dokiman anrezistreman avek Rezistrar Zeneral.

Mr Speaker, lakonpannyen Cable & Wireless Seychelles in reste dan lenvestiser etranze depi son legzistans 125an pase e alors sa konfidans ki nou bann antreprener lokal in demontre ki Sesel i reste koman en pei ki kapab atrakte lenvestisman.  Pou Gouvernman sa i nou swe ki premye gro lenvestisman par nou Seselwa e i annan bokou ankor ki kapab ganny realize si nou kontinyen travay ansanm.

An se moman i annan 19 gid prive ki pe ofer servis gid bann viziter dan Vallee de Mai. En statistik i montre ki ziska mwan Oktob sa lannen, sa 19 gid prive in ofer servis a en total 18poursan bann touris ki vin vizit Vallée de Mai.  28 poursan bann touris ki vin Vallee De Mai i vin atraver bann Lazans Touris ki enkli Maison, Creole, 7 south eksetera e sa bann Lazans i vin ek zot prop gid e reprezantan.

Fondasyon zil Sesel i ofer selman 2 poursan servis gid gratwit bann viziter e sa i ganny ofer 2 fwa par zour a en ler spesifik e sa i 9er bomaten e 2er apre midi.  Sa sif i montre ki selman 48 poursan touris ki vin Vallée de Mai ki pe ganny gide an se moman.  I reste alor 52 poursan viziter ki pa pe resevwar servis gid a se moman e sa i montre ki i annan en gran potansyel biznes pou ofer servis gid an zeneral.

Mr Speaker, nou bezwen en zefor kolektiv, pou tir nou bann zenn dan bann aktivite anti-sosyal e met bann aktivite pou permet zot devlope.  Mon lans en lapel avek sosyete sivil pou zwenn ek Gouvernman pou zwe en rol aktif dan sa prosesis.  Espesyalman pou fer aplikasyon bann Grant pou bann proze kominoter dan sa domenn.  Sepandan i annan bann diferan progranm lazenes e sipor dan Bidze konm swivan;-

R988mil dan Bidze Departman Lazenes ek Spor pou progranm lazenes enternasyonal Integra pou bann zenn laz 4an a 24an pou fer diferan aktivite.  Konsey Nasyonal pou Spor, aktivite rezyonal, R2milyon.  Youth Academy R500milyon;- devlopman pou Lazenes ek Spor, R1.2milyon, Zwe Lespwar pou bann lekol R1.2milyon.  Konpetisyon rezyonal pou Sailing – R360mil.  Konpetisyon rezyonal pou Table Tenis – R400mil.  Olympic Games, R500mil e preparasyon pou Zwe Losean Endyen R957, 700.

Konsey Nasyonal Lazenes in ganny en alokasyon 2milyon pou son diferan aktivite rezyonal, Festival Lazenes, progranm dan vakans ek bann lezot progranm.

Mr Speaker, distrik Anse Boileau in ganny bokou proze dan Bidze 2020 konm swivan;  Reabitasyon stasyon tenny dife, R2 milyon.  Road diversion animation, 5.milyon.  Semen Caiman Estate, 300mil.  Proze Land Bank Grand Bois, 2.9milyon.  Proze miray ek renovasyon kot lekol, R2.38milyon.  Proze konstriksyon Lasal a Manze ek laklas, 3.27 milyon.  18 lakaz ex Cable & Wireless ekspekte ganny donnen avan lannen 2019 i konplete.  I osi annan ankor 24-unit dan proze 3mil lakaz.

Mr Speaker, CINEA ti demann 40milyon dan Bidze pou renovasyon ICCS.  Gouvernman i rekonnet ki ICCS i bezwen renovasyon mazer, me koman en Gouvernman responsab nou bezwen vwar li dan son totalite.  Alor Gouvernman in demann Departman Lenfrastriktir pou zwenn ek CINEA, pou fer en assessment lo son totalite pou vwar konbyen pou koute pou fer sa renovasyon mazer lo ICCS.  Nou espekte sa travay ganny konplete dan premye kar 2020.

Proze pou La Rosiére.  Lekol La Rosiére pe al ganny met lo tender la ki tou laprouvasyon in ganny resevwar.  Mr Speaker, sa proze 3mil lakaz dan 5an pou komanse dan 2020.  Parey mon ti anonse dan Bidze 2019, sa proze 3mil lakaz pou ganny finanse avek en don e en loan sorti kot Gouvernman Endyen dan en special purpose vehicle.  Sa SPV pou kapab re pey son lekor dapre nou estimasyon.  Gouvernman Endyen pe osi finans bann pti proze devlopman dan tou sekter, dapre en Lagreman ki ti ganny sinyen le 25 Zen 2018.  Sa Lagreman i pou 5an e en sonm R35 milyon total i disponib ki nou pa kapab desote a sak moman.  Alor bann Minister, Departman ek Lazans i bezwen fer sir ki nou pran sa loportinite finansman pou fer otan proze ki nou kapab.

Mr Speaker, proze Semen Pasker Praslin, in deza komanse.  Me Gouvernman in met selman R4milyon dan Bidze 2020 pou fer lot faz sa proze e PUC in konfirmen ki design proze Danm ki dan zalantour pe al ganny tender.  Alors Gouvernman i bezwen fer sa Semen Pasker avek kosyon.  Nou bezwen les design danm ganny konplete apre ki nou ava met plis larzan dan Bidze pou konplet sa proze.  PUC i anvizaze ki 17 proze fotovoltaik pou ganny fer lo bann batiman Gouvernman.  14 sa bann proze in fini konplete e sa i enkli batiman Lasanble Nasyonal e osi State House.

Mr Speaker, parey bann Manm pou note, ki Bidze Lofis Prezidan in ganny redwir par R600 mil dan son vot elektrisite avek sa lenstalasyon fotovoltaik.

Mr Speaker, dan Bidze 2019, R20.3milyon ti ganny Bidzete dan Lazans swen Lasante konm swivan;  bann profesyonnel dan allied care, enzenyer biro medikal, Pharmacy, Dokter e Dantis e bann lezot.

Mr Speaker, nou bezwen donn kredi kot fodre donn kredi.  Mon konstate ki Komite Finans e Kont Piblik dan Lasanble in asiste dan travay pou reform Linyon Estate.  Me nou bezwen rekonnet ki sa i apre ki Komisyon ki sirvey bann lantrepriz piblik –  PEMC ti konplet zot evalyasyon lo Linyon Estate.  Alor nou bezwen rekonnet ki sa Komisyon pe osi fer son bon travay avek resours ki i annan.  Mon salye zefor sa bann travayer PEMC.

Mr Speaker, parey mon ti anonse dan Bidze 2019, nou ti komans en reform dan konsolidasyon tou bann reveni ki bann lazans ki ti dan kont Suspense ek Gouvernman pou met zot dan Bidze.  Sa ti aplikab osi pou Fondasyon Nasyonal pou bann Zarden Botanik;-  ki si zot regard byen liv Bidze lannen 2019 lo paz 13, zot ti a vwar ki reveni sa Lazans ti ganny mete dan Bidze.  Sepandan nou’n travay ek sa Lazans pandan 2019 pou vwar sa prozeksyon ki nou ti fer 2018 e nou’n reviz sa prozeksyon pli o.

Mr Speaker, SPTC i deza preske konplet son negosyasyon avek lakonpannyen lasirans, lo sa ka dife.  En sonm ki sonm ki zot in agree i R23milyon.  En premye peyman 10milyon in fini ganny peye e zot in deza agree lo en schedule pou re pey sa balans.  SPTC pou servi sa larzan dan son bann Proze Kapital pandan 2020.

Revizyon dan allowance personnel pou Lapos e Courier ki san tax.  Mr Speaker, mon’n ekout byen tou lede kote latab e menm bann lopinyon piblik lo mon lanons dan Bidze konsernan allowance personnel pou Lapos e Courier.  Rezilta sa i avek konsiltasyon entern, Gouvernman in pran en desizyon pou kit allowance personnel par Lapos e Courier …

 

(APPLAUSE)

 

MINISTER MAURICE LOUSTAU-LALANNE

… par R3 il.  Me fre ladwann pou ganny ogmante pou sorti R50 parey ti ganny anonse dan mon Bidze pou vin R100.  Sa pou pran lefe le 01 Zanvye 2020.  Mr Speaker, i montre ou ki Gouvernman i en Gouvernman ki ekout son pep.

Depi Zanvye ziska Out sa lannen, 94,815mil pake ti ganny enporte par lapos e sa pa enkli bann ki ganny enporte par courier.  Sa i demontre lakantite pake ki ganny enporte e lefe ki i annan lo lekonomi.

Mon oule fer rapel ki napa okenn tax, ni tax ladwann, ni VAT lo bann komodite ki Gouvernman i kategoriz koman esansyel.  Sa i enkli bann prodwi pou pti baba e latizann.  Sa i vedir ki menm si sa allowance personnel par lapos e courier i ganny servi, en lenportasyon sa bann prodwi ki napa tax lo la, i par lao sa allowance, ti pou zis annan peyman fre ladwann.

Sanzman dan striktir tax pou labwason alkolize;-

Dan Diskour 2020 mon ti anonse ki excise tax lo lalkol pou monte par 10 poursan.  Sa mezir in ganny met an plas antretan ki Gouvernman i kapab finaliz bann mezir e provizyon neseser, pou reviz fason takse lalkol parey ti ganny anonse dan Diskour Leta Lanasyon 2019 par Prezidan Larepiblik.

Sepandan en legzersis ki nou kapab fer a se moman, se an relasyon avek Alcopops.  Alcopops ti ganny enkli dan Lalwa Tarif e klasifikasyon pou lavantaz bann labwason alkolize ki deza ganny melanze parey Smirnoff Red e Bacardi Breezer.  E ki annan en ba to lalkol.  Sa kategori bwar i pey en nivo excise tax, R24.50 par lit.

Problenm ki nou e pe rankontre avek serten prodikter lokal, se ki zot klasifye bann ronm ki annan flavored e bann cherry anba sa code pou zot pa pey tax pli o.  Se pour sa rezon ki nou pe reviz limit lo poursantaz lalkol pou alcopops sorti 16poursan pou vin 8 poursan.  Sa pou fer sir ki zis bann labwason ki annan en nivo lalkol ba, ki pou kapab aplik en nivo excise tax ba e bann lalkol ki annan en nivo lalkol pli o –  par egzanp 15 poursan pou ganny takse a en nivo tax pli o.  Dan serten sirkonstans avek sa ogmantasyon 10 poursan, sa lalkol ki’n ganny anonse, bann ronm lokal pou ganny takse 158.40 par lit dan plas 26.95 par lit.  Sa i reflekte en logmantasyon excise tax R45, 94 sou par boutey.

Lo sa menm note mon oule fer resorti, dapre statistik Minister Lasante, konsonmasyon lalkol i kontinyelman reste enn bann fakter mazer, ki kontribye dan nonm ka maladi kardyovaskiler e lezot konplikasyon lasante.

Sa bann lenplikasyon i pa zis poz en presyon lo Bidze Gouvernman, me osi lo lavi sosyal, ki se pour sa rezon ki Prezidan ti anons sanzman lo Polisi Lavant e prodiksyon lalkol dan son Diskour Leta Lanasyon an Fevriye 2019.  Sa 2 sanzman ki’n ganny anonse pou pran lefe le 01 Fevriye 2020.

Revizyon dan taks veikil;-  Dan Diskour Bidze 2020, mon ti anons 3 sanzman ki pou ganny reflekte lo transpor.  Bann Manm Onorab in debat bokou lo sa bann sanzman dan zot larepons Bidze.  Me mon oule fer resorti ki nou angaze pou nou travay avek bann Lazans ki enport veikil da dan pei.

An se ki konsern logmantasyon taks lanvironnman lo veikil komersyal pou aliny li avek sa ki aplikab pou bann veikil prive, rezon akoz ki Gouvernman in pran sa desizyon, se ki lenpak transpor lo lanvironnman i egal, irespektiv si i ganny servi pou rezon prive ou komersyal.

Sa logmantasyon R25mil i form par langazman Gouvernman pou kontinyelman antreprann bann mezir ki kontribye dan proteksyon nou lanvironnman.  Ziska 2018 excise tax lo transport ibrid ti ganny mete a en to 5poursan pou rezon ki sa bann veikil ti ganny persevwar pou annan en lenpak pli favorab lo lanvironnman konpare avek transpor konvansyonnel.

Swivan lobzervasyon Gouvernman lo statistik transpor ibrid ki’n antre swivan aplikasyon taks pli ba lo la kalite transpor, in ganny remarke ki i annan logmantasyon sibstansyel zeneralman lo nonm transpor kin antre dan pei, konpare ek oparavan.  Espesyalman lenportasyon bann veikil ki ibrid par lao 1600 cc.

Sa i vedir ki benefis lanvironnman ki pei ti espekte zwir avek sa rediksyon ki ti ganny fer inisyalman an 2016 in senpleman ganny erode par sa logmantasyon.  Sa logmantasyon dan lenportasyon sa bann transpor in osi annan en lefe lo deviz etranzer ki sorti dan pei ki an retour kontribye pou met presyon lo nou rezim monneter.

Se pour sa rezon ki an 2018, Gouvernman ti revwar taks minimonm lo transpor ibrid pou vin 12.5poursan pou bann transpor avek en kapasite silenn mwens ki 1600, e son taks maksimonm 100poursan pou bann transpor ki annan en kapasite silenn plis 2500.

Vi ki avek plis resers, Gouvernman in etabli ki bann veikil ibrid ki son kapasite silenn i plis ki 1600, i annan mwens benefis lo laspe lanvironnman ek lekonomi ki en transpor konvansyonnel ki son kapasite silenn i mwens ki 1600.  Alor nou’n pran desizyon pou anmenn nivo taks bann veikil ibrid avek en kapasite silenn plis ki 1600, lo menm nivo avek bann veikil konvansyonnel.

Sa 2 sanzman dan Polisi Taks lo veikil, i an giz pou ankouraz dimoun ek biznes pou aste loto ibrid par anba 1600 cc e veikil elektrik ki relye ek Polisi Gouvernman lo proteksyon lanvironnman ek son konba kont sanzman klima.

Sa bann logmantasyon ki’n ganny anonse pa pou afekte moter ek scooter e pou pran lefe le 1I Fevriye, 2020.

Finalman mon ti a voudre konfirmen ki bann dimoun ki’n deza fer deposit oubyen zot in fer peyman antye lo zot loto avan lanons Bidze le 31 Oktob 2019 e ki zot transpor pe arive apre le O1 Fevriye, 2020.  Pou pey taks aplikab avan sa dat.  Zot pou kapab re zwir lo taks aplikab avan le O1 Fevriye 2020, zot bezwen annan laprev ki peyman ti ganny fer avan le 31 Oktob, 2019.

Nouvo kategori permi travay;-  Mr Speaker, bokou in ganny dir lo sa nouvo kategori GOP pou bann travayer ki dan pei pou plis ki 10an.  Sa to GOP pou ogmante sorti R500 pou vin R5000mil par mwan, avek bi pou fer sir ki sa bann travayer etranze pa kalifye pou ganny en permi reste a lonterm dan Sesel e ankouraz anplwayer pou trouv travayer Seselwa pou met dan sa bann pozisyon.

Mr Speaker, zis mon’n donn en legzanp dan Lendistri Tourizm.  Zot dir ki napa Seselwa kalifye me Gouvernman in travay dir pou fer sir ki tou le lannen i annan apepre 12 a 13 zenn ki graduate kot Kolez Shannon.  Me eski sa Lendistri in donn sa bann zenn sa sans pou pran sa bann pozisyon lo nivo management?  Mon poz sa la Mr Speaker.

Se pandan nou pe modifye sa Polisi apre ki nou’n ekout repons Bidze.  Sa bann travay etranze ki travay Sesel pandan 10an pou annan opsyon pou kit pei pandan 1 lannen e si zot retournen zot pou kapab travay avek menm lakonpannyen e komans peyman sa GOP lo R500 par mwan.  Me si sa travayer etranze i reste apre son 10an, san anplwayer pou bezwen pey sa nouvo kategori GOP ki pou R5mil par mwan.

Depans pou bann benefis e progranm Lazans Proteksyon Sosyal.  Mr Speaker, bokou in ganny dir lo Bidze pou bann benefis ek progranm Lazans Proteksyon Sosyal ki pou en total Bidze R1.46bilyon.  Me bann Manm Onorab pan sitan fer resorti ki R770milyon i pou benefis retret pou nou bann dimoun aze ki pe ogmante sorti R5200 pou ariv R5750 par mwan.  Sa Bidze pou sa group benefis retret i reprezant 52.8poursan.  Bann lot pli gro porsyon sa Bidze i konm swivan;-  benefis envalidite, 13.8milyon.  Benefis dezabilite, 103.5 milyon.  E Scheme Home Care 292milyon.

Alor Mr Speaker, sa 4 pli gro depans i reprezant 88 poursan Bidze total pou bann benefis ek progranm Lazans Proteksyon Sosyal, konpare avek Bidze social safety net ki selman R47.8milyon.  Ouswa 3.3poursan Bidze, bann benefis ek progranm sa Lazans.  Nou konstate ki reform i bezwen ganny fer dan sa bann benefis ek progranm, pou fer sir ki depans i ganny targete kot bann lakaz ki pli bezwen. Nou bezwen pran an kont ki nou popilasyon pe vin pli aze.

 

Baze lo statistik ki’n pibliye, selman 10.7poursan nou popilasyon i par lao 65an pour lannen 2019.  Me sa pou ogmante pou vin 15.7poursan an 2035 e 18.1poursan an 2040.

Taks aryeraz;-  Mr Speaker, le 30 Septanm 2020, aryeraz komisyon reveni ki pou en valer R997.8milyon dan sa bann seksyon swivan;-

Taks primer, 517.9milyon e penalti 479.9milyon.  Sepandan sif ki Komisyon Reveni i kapab pourswiv i selman 538.8milyon pou sa bann rezon swivan;-  128.8 milyon i bann ka lobzeksyon ki kot Seksyon Legal kot Komisyon Reveni.

260.3milyon i pe ganny pourswiv.

30.3milyon i bann ka ki pa kapab ganny kolekte akoz bann tax payers in desede ouswa zot biznes in dizourd.  E 39.5milyon i devan kot Tribinal Reveni.

Mr Speaker, mazorite sa bann taks aryeraz i dan bann sekter swivan.  Sekter Retail e Wholesale, 137 ka ki reprezant 26.1poursan sa total.  Sekter Tourizm 104 ka ki reprezant 19.8poursan sa total.  Sekter Konstriksyon, 77 ki reprezant 17.2poursan sa total.  E bann lezot sekter servis 87 ka, ki reprezant 17.9poursan sa total.

Mr Speaker, Komisyon Reveni ti kapab kolekte 379, R5milyon dan sa total aryeraz pou lannen 2018.  Pou lannen 2019, 337.2milyon nouvo aryeraz in ganny etabli.  Dan sa sonm 153milyon i dan taks biznes e 77.9milyon i dapre odit ki’n ganny fer lo VAT.

Mr Speaker, Gouvernman in donn mwan sa manda pou negosye avek Lakonpannyen Ascon pou bann peyman konpansasyon polisyon La Miser.  Mon’n komans diskisyon avek Anbasader UAE ki baze Sesel e mon espekte kontinyen diskisyon dan bann semenn ki pe vini e konklir sa zafer an 2020.

Mr Speaker, i annan bokou ki’n ganny dir pandan sa 3zour, me letan pa permet mwan reponn tou sa kestyon ki’n ganny demande.  Akoz sansan mwan osi mon pou reponn dan 3 zour.  Alor i annan larepons ki mon’n donnen, me lezot pou ganny donnen par mon bann koleg Minis letan zot pou reponn dan Staz Komite.

Mr Speaker, parey mon’n dir dan lanons Bidze, ki realizasyon Bidze 2020 i en travay kolektif.  Alors Gouvernman pou bezwen reste angaze avek son azanda ki monn mansyonnen pou lannen 2020 e pou fer sir ki Bidze 2020 i vin en realite.  Nou pou bezwen travay pli dir koman en Nasyon e fer sir ki nou tou nou vwar nou dan sa lenplimantasyon Bidze 2020 avek tenm ‘Rezilta-Ekitab e Prosperite Partaze’.  Mersi Mr Speaker.

 

(APPLAUSE)

 

MR SPEAKER

Mersi Minis Loustau-Lalanne pou ou repons.  Bon nou ava al lo lot staz.  Sa se nou pou pran en vot lo merit e prensip zeneral Bill ki’n ganny prezante, ki’n ganny debat lo la e osi ozordi nou’n ganny repons Minis.  Alor mon ava demann tou Manm ki an faver.  Nou pe vot parey mon’n dir lo merit en prensip zeneral sa Bill.  Savedir Bidze 2020.

Tou Manm ki an faver? Okenn Manm ki kont?  Madanm Clerk.

 

MADAM CLERK

Mersi Mr Speaker, mon’n rikord 14 Manm ki’n vot an faver e personn kont.  Mersi.

 

MR SPEAKER

Mersi Madanm Clerk.  Mon kapab ganny en Formal Second Reading.

 

MADAM CLERK

Mersi Mr Speaker.  A Bill of an Act to provide for service of the Republic of Seychelles for the year ending December 31st 2020.  Mersi Mr Speaker.

 

MR SPEAKER

Mersi Madanm Clerk.  Bon parey nou’n anonse, nou pou pran en break la e ler nou ava antre, mon sizere nou pou antre 10.30.  Me mon anvi zis fer bann Manm konnen ki 11er nou pou komemor Larmistis ki tonm egzakteman ozordi le 11 Novanm e nou pou fer sa akoz SBC osi tou, Radyo i pe al off pou 1 minit 11er.  Nou pou fer sa an montran solidarite avek tou nou bann veteran isi lokal e menm aletranze.  Par, nou pou debout pou 1 minit e apre sa mon pou fer en pti kominike from the Chair, pou parey nou dir, pou komemor sa lokazyon.

So nou ava break la e nou pou retournen 10.30.

 

(BREAK)

 

 

THE OFFICE OF THE PRESIDENT

 

 

MR SPEAKER

Bon avan nou komans nou travay, mon ti a kontan dir bonzour e welcome Mr Vincent Meriton, Vis-Prezidan ki ganny akonpannyen par Mrs Yvonia Richardson, ki Sekreter Prensipal e Mr Marcus William, ki Financial Controller.  E Vis-Prezidan pou kontinyen ganny lasistans avek PS Thesee, Ms. Croisee e osi tou Ms. Nellie Coopoosamy.

Nou pou antre dan Staz Komite e mon ava demann Sarge pou move Mace pou nou kapab komans travay.

 

MR SPEAKER

Mon ti a osi kontan anonse ki Komite Defans ek Sekirite, Lasanble Nasyonal pou rankontre en delegasyon ki sorti kot SIS, Seychelles Intelligence Service e osi tou the Defense Department pandan lunch break dan Committee Room 3.  Yes, Onorab Ramkalawan.

 

HON WAVEL RAMKALAWAN

Mersi bokou Mr, mon pou adres ou koman Mr Speaker, e mersi pou donn mwan laparol e bonzour tou dimoun, enkli byensir Vis-Prezidan.

Mr Speaker, sa dernyen pwen ki ou’n fer sorti an relasyon avek Defense Committee, lefe ki tou bann Manm Lasanble, nou ki pou finalman aprouv Bidze.  Eski mon kapab konnen si bann Manm Lasanble pou kapab asiste sa meeting pou zot konn detay?  Parski menm parey avek letan nou ti fer FPAC.  Letan nou ti pe regard Bidze apropriyasyon avek bann detay.  Nou ti kapab envit -.  Konmsi ki i ava ouver, i ava extended to Members of the Assembly, but not to the public.

 

MR SPEAKER

Mersi Onorab Ramkalawan.  Mon krwar i napa nanryen mal ladan ki nou fer li en Extended Committee work ant Komite Defans Lasanble avek Departman Defans, avek SIS.  So Members are invited but not members of the public.  Members of the National AssemblyOk?  So vwala ki mannyer nou pou fer sa travay.

Bon, nou’n antre dan Staz Komite e premye departman ki nou pe pran sa se Lofis Prezidan.  Ok?  Nou panel in pare, si i annan okenn Manm ki annan kestyon lo Bidze pou lofis Prezidan.  Yes, Onorab Ahmed Afif.

 

HON AHMED AFIF

Mersi Mr Chairman.  Bonzour Vis-Prezidan e son delegasyon.  Bonzour tou bann Manm Onorab.  Mr Chair, mon ti a kontan si Vis-Prezidan i kapab klarifye pou nou, anba biro Prezidan e dan governance management and administration, son Bidze pou bann saler.  Mon vwar ki basic pay lo paz 1 in sorti 4.6milyon in al 4.9.  I pa’n mont bokou.  Me mon ti a kontan demann li si i kapab donn nou en zistifikasyon akoz ‘’other allowances’’ in mont par plis ki 50poursan.  In sorti 1.15 milyon in ariv 1.85milyon.  Si i kapab donn nou sa.

E dezyenmman, mon remarke ki ‘’goods and services’’ li in tonbe, sorti 40milyon, in ariv 34milyon.  Si i kapab eksplik nou krwar ki zot in fer sirtou lo en item goods and services;-  ‘’Security and enforcement’’ ki lo paz 2 bann detay.  Li in redwir sorti 3.7milyon pou vin 2.2.  Alor kwa ki zot ti pe depanse an 2019, ki in fer li redwir dan sa fason osi sibstansyel?  Mersi.

 

MR SPEAKER

Mersi Onorab Afif.  Petet zis en pti keksoz ki mon’n manke.  Mon pou donn laparol PS Thesee ki akote Vis-Prezidan.  Zis i ava sinyal Lasanble lo ki paz ki nou pe deal avek e ki sa amount dan sa head ki nou pe deal avek.  PS Thesee.

 

PS DAMIEN THESEE

Bonzour Mr Speaker e tou Manm Onorab.  Si nou pran paz 6 PPBB Statements pou Lofis Prezidan pou en sonm R78.8 milyon.  Mersi.

 

MR SPEAKER

Mersi PS.  Bon mon ava donn panel laparol pou reponn premye kestyon poze par Onorab Afif.

 

THE VICE-PRESIDENT MR VINCENT MERITON

Bonzour Mr Speaker.  Bonzour tou Manm Onorab.  Mon annan avek mwan Mrs Yvonia Richardson ki ava ed nou lo laspe teknik, e san pli tarde mon ava pas laparol avek li pou donn leklersisman baze lo bann klarifikasyon ki Onorab Afif in demande.

 

MR SPEAKER

Madame Richardson.

 

PS  YVONIA RICHARDSON

Bonzour Mr Chair e tou Onorab e tou dimoun prezan.  Mon ava eksplik sa ogmantasyon, i annan en ogmantasyon dan saler ki Onorab Afif in demande.  Sa logmantasyon se plito pou bann promosyon ki pou annan.  Bann salary enhancement ek bann lezot allowance.   I annan long service allowance, i annan ogmantasyon dan Scheme of Service.  Apre nou nou’n fer en provizyon pou sa increase dan saler 5poursan.  Sa pou saler.

Lot kestyon sete pou ‘’goods and services.’’  Pou ‘’goods and services’’ lo kote ‘’security and enforcement.’’  Amount in redwir akoz nou ti pe pey sekirite pou Prezidan Rene.  Prezan lefe ki i pa la sa amount i redwir.   Ou war.  Akoz anba ‘’security enforcement’’ nou pe pey sekirite pou Prezidan, Vis-Prezidan, former Prezidan ek former VP.

Ti annan en lot kestyon silvouple?

 

MR SPEAKER

Mersi Madame.  Onorab Afif.

 

HON AHMED AFIF

Eski ou kapab konfirmen alors ki sa Bidze pou ex-President ti tonm direkteman anba ‘’security and enforcement,’’ akoz mon mazinen i ti anba en lot Lalwa li.  Me selman i ti administre direkteman anba sa Bidze.  Eski ou kapab konfirm sa?

 

PS  YVONIA RICHARDSON

Wi, mon konfirmen.  Security enforcement pou zot sekirite i tonm anba programme 1.

 

MR SPEAKER

Mersi Madame Richardson.  Onorab Ferrari.

 

HON JEAN-FRANCOIS FERRARI

Brief man Mr Speaker, mon ti a zis kontan si Mrs Richardson i kapab eksplik nou sekirite pou former President.  Ki mannyer sa bann alokasyon i ganny fer e i ganny peye oubyen i ganny disburse.  Vi ki former President i paret mwan i pa reste Sesel.   So ki mannyer i marse sa?   I ganny en sonm ki li menm li i manage oubyen eski ler i aletranze sa i kout nou plis pou nou asir son sekirite aletranze?  Konmsi ki laranzman zot in annan pou fer sir ki nou reste dan bann alokasyon menm si former President pa reste Sesel?   Mersi.

 

MR SPEAKER

Mersi Onorab.  Madanm Richardson.

 

PS  YVONIA RICHARDSON

Wi, Prezidan dapre regilasyon kin ganny sorti anba Lalwa i sipoze ganny 4 security guard avek en chauffer driven vehicle.  Konmsi i annan 5 dimoun ek li.  E li dapre Lalwa, napa nanryen ki dir ki si par egzanp i pa dan pei.  Nou napa okenn dokiman, okenn let ki’n dir ki Prezidan Michel i pa pe reste dan pei.   Ou war?

So, napa nanryen pou nou koupe pou pa donn li son sekirite.  Nou, nou fer donn sa sekirite e nou peye lafen dimwan pou tou bann.  Napa nanryen ki fer arete.

 

MR SPEAKER

Mersi.  Onorab.

 

HON JEAN-FRANCOISE FERRARI

Mr Speaker, mon krwar nou tou nou ok ki Prezidan i ganny en sekirite.  Former President.  Sa nou napa okenn deba, nou’n vot lo la.  Se bann metod.  Mwan  se ki mon ti a kontan konnen se ki eski se State House, dan sa vot la, ki zot fer bann peyman kot serten dimoun. …?  Oubyen eski sa sonm i ganny donnen avek former President e li i fer son bann peyman li menm?  Konmsi ki mannyer dan en sans nou asire poudir sa sonm ki nou pe peye, i al zisteman anver sekirite sa dimoun e non pa pou en lot purpose.  Mersi.

 

MR SPEAKER

Mersi Onorab.

 

PS YVONIA RICHARDSON

Wi Onorab.  Nou pa peye direkteman former President.  Nou peye, nou bill i sorti kot Komisyoner Lapolis e i anmenn kot nou tou le mwan.  Nou pey Komisyoner Lapolis.

 

MR SPEAKER

Vis-Prezidan.

 

THE VICE-PRESIDENT  MR VINCENT MERITON

Pou konfirmen, wi i al dan zot kont labank, apre napa okenn logmantasyon malgre i Sesel oubyen aletranze.  Mon ti a kontan konfirm sa.

 

MR SPEAKER

Mersi Vis-Prezidan.  Onorab Ferrari.

 

HON JEAN-FRANCOIS FERRARI

Avek ou permisyon Mr Speaker.

 

MR SPEAKER

Yes Onorab.

 

HON JEAN-FRANCOIS FERRARI

Mr Speaker, mon krwar i enportan akoz piblik deor i anvi konn sa.  Mon krwar i enportan ki nou ganny li kler ki sa peyman i ganny fer pou dizon 4 zofisye avek en drayver.  Ok, sa se bann saler.  4 zofisye avek 1 drayver.  E sa 4 zofisye eski zot pe travay dan sekirite;- par egzanp lakaz, fanmirfFormer President?  Oubyen dan en lot keksoz?  Akoz kestyon se ki dizon en dimoun i ganny peye, selman i travay Espace.  I travay sekirite Espace.   I pa byen.  So, ki mannyer ou kapab asir nou poudir sa bann dimoun zot pe travay dan zot rol koman bann security officers e zot pe provide sa sekirite?   Mersi.

 

MR SPEAKER

Mersi Onorab.  Vis-Prezidan.

 

THE VICE-PRESIDENT  MR VINCENT MERITON

Mersi Mr Speaker.  Mr Speaker, otan ki mon konnen.  Akoz ler mon al Espace par ler mon antretyen avek Former President.  Son bann sekirite i kapab avek li e mon pa rapel vwar okenn sekirite aswar ki pe vey Espace.  Mersi Mr Speaker.

 

MR SPEAKER

Mersi Vis-Prezidan.  Onorab Ferrari.

 

HON JEAN-FRANCOIS FERRARI

Eskiz mwan pou ensiste Mr Speaker.  Prezidan pa dan pei.  Ok?  Kekfwa kot i ete laba i annan en sistenm sekirite which is ok.  Oubyen kekfwa i a pran enn oubyen de sa bann zofisye i ava anmenn ek li, me selman Lapolis ki ava peye.  Problenm se ki ler i pa dan pei, nou pa kapab pe pey pou en dimoun ki pe asize.  Nou bezwen pe pey en dimoun ki pe fer en travay sekirite sirveyans lo en keksoz.  Swa lo personn Prezidan, oubyen lo son byen, oubyen son propriyete.  En keksoz koumsa.  Se sa ki nou oule ganny en lasirans lo la.  Mersi.

 

THE VICE-PRESIDENT  MR VINCENT MERITON

Mersi Mr Speaker.  Mr Speaker, parey nou ti aprouve anba Lalwa, mon krwar bann responsabilite pe ganny desarze dapre sa ki nou ti’n dir.  Mon napa lenformasyon lo ki kantite sekirite ki’n voyaz avek Prezidan.  Me selman nou kapab rod sa bann lenformasyon e met available.  Mersi Mr Speaker.

 

MR SPEAKER

Mersi Vis-Prezidan.  Okenn lezot kestyon?   Onorab Stephen Pillay.

 

HON STEPHEN PILLAY

Mersi Mr Speaker.  Bonzour Vis-Prezidan ek ou delegasyon.  Mr Speaker, mon ti a kontan en pti klarifikasyon avek Madanm Richardson, ler in dir sa logmantasyon dan saler i ganny kouver en pe anba sa 5 poursan salary review.  Me vi ki annan sa kontestasyon ki ankor Ankour, eski i pe fer 5poursan pou VP, pou ou –  pou mars koumsa, oubyen nou pou espere letan zot allocate sa larzan?

Epi dan Cabinet Office, mon pe get dan son ‘’salaries and wages,’’ li napa ogmantasyon.  Akoz i napa sa logmantasyon li?  Mersi Mr Speaker.

 

MR SPEAKER

Mersi Onorab.  Madame Richardson.

 

PS YVONIA RICHARDSON

Nou’n bezwen fer provizyon an ka i aprouve.  Par egzanp mon pe fer Bidze la, si an ka mon pa mete -.  Si i aprouve, apre mon pan mete nou pou napa larzan pou nou pey sa increase.  Se sa nou’n fer provizyon.  I provizyon selman sa 5 poursan.  Apre pou Cabinet i napa logmantasyon akoz nou annan en senior driver ki la sa lannen nou pe pey son saler e lannen prosenn.  Nou ti pe peye akoz i pe travay avek Komisyon pou Truth and Reconciliation.  Nou ti pe pey son saler akoz Bidze ki mannyer ti ete.  Lannen prosenn Truth and Reconciliation in fer provizyon pou pey li dan zot Bidze pou li.  Savedir se sa ki nou pan enkli sa.  E akoz i annan sa sanzman i pa montre logmantasyon.

 

MR SPEAKER

Mersi Madanm Richardson.  Onorab Pillay.

 

HON STEPHEN PILLAY

Yes.  Wi mon konpran sa drayver.  Me selman sa 5poursan ki sipoze gannyen, akoz Cabinet’s Office pa pe gannyen li?  Sanmenm sa ki ou pe dir mwan, sa drayver ki pou take up sa 5poursan son post logmantasyon revizyon saler – oubyen?   Konmsi zis lapey sa drayver is equivalent to sa 5poursan increase.  Mersi Mr Speaker.

 

MR SPEAKER

Mersi Onorab.  Mrs Richardson.

 

PS YVONIA RICHARDSON

Laplipar i sa, akoz li pou son saler antye, so nenport logmantasyon ki pou annan dan sa 5poursan i riske pas ladan konmsi.  Akoz la nou pe pey li saler, allowance ek tou sa bann keksoz.  E letan pou Cabinet zot annan menm sonm se akoz sa 5poursan i deza kouver ladan.  Ou war?  Ler nou’n kalkile nou’n vwar i donn menm larzan.

Petet i kapab ti i annan en pti, en bout ki en pti pe over.  Alors i kouver.  Selman sa i sonm ki ler nou’n met menm son 5poursan i donn nou sa sonm e nou’n tir pou sa drayver sa i sa sonm ki i donn nou.  Mersi.

 

MR SPEAKER

Mersi Mrs Richardson.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair, Madame Richardson in dir nou ki logmantasyon dan saler i pran an konsiderasyon revi Scheme of Service avek sa 5poursan.  Me dan speech Minis napa revi Scheme of Service pou President’s Office.  Akoz i annan en disparite la.  Minis i dir nou en keksoz dan son speech.  Mrs Richardson pe dir nou en lot keksoz.  Mersi.

 

MR SPEAKER

Mersi Onorab.  Mrs Richardson.

 

PS YVONIA RICHARDSON

Mersi.  Sa lannen aktyelman in annan en ogmantasyon dan Scheme of Service pou nou bann;- par egzanp bann housekeeper, bann drivers ki travay dan President’s Office.  Me selman letan nou’n pey sa logmantasyon la, ti apre ki nou tin soumet Bidze pou Avril.  Nou’n submit Bidze boner nou an Avril.  Prezan letan nou’n pey sa, i pa pase.  Nou’n bezwen fer antre sa bann peyman ki’n ganny fer apre.  Apre ki nou’n soumet Bidze.  Sa.

Apre i annan sa logmantasyon, i annan osi sa long service allowance osi ki petet mon ti’n oubliye dir.  Konpran mwan?

 

MR SPEAKER

Mersi Mrs Richardson.  Onorab Andre.

 

HON CLIFFORD ANDRE

Sorry, letan ou dir zot soumet Bidze an Avril e Minis Finans fek vin kot Lasanble pou ganny en Bidze Siplemanter, nou prezimen okenn keksoz i a pran konsiderasyon ladan.  Mwan mon pe koz pou 2020, i annan 1, 2, 3, 4, 5, 6, 7, 8 Departman ki tonm anba Minister ki’n ganny dir pou annan bann revi saler.

So, mon pa pe konpran akoz ou logmantasyon dan saler in vin an term revi  of Scheme of Service kan Minis Finans pa’n dir nou sa enn, me selman ou pe dir nou sa i leka.  So, mon oule ganny sa kler la mwan.

 

MR SPEAKER

Mersi Onorab.   PS Thesee.

 

 

PS DAMIEN THESEE

Mersi Mr Speaker.  Petet zis pou kalifye si in fer en scheme dan milye lannen, oubyen Avril, oubyen an Mars 2019,  pou annan reperkisyon prezan lo ou Bidze lannen prosenn 2020.  So, ou annan reperkisyon lo sa bann Scheme ki in fer.  Lo son 2020 pou annan increase.

Apre increases dan saler i annan pou fer avek lenpak long service allowance.  Nou ava rapel long service allowance ti pran lefe milye sa lannen.  Savedir ou annan full effect pou 2020.  Nou annan osi bann staff ki lo PSC.  I annan en sonm R432mil ki pou fer provizyon pou bann increases saler;-   bann staff lo PSC ler zot Kontra i fini.  In cater pou increase si sa 5poursan i pase ladan.  Parey nou’n fer par tou Minister.  Apepre R393mil.

I annan sonm osi pou gratwite ki fall due every 5 years, bann staff ki pa lo PSC.  Apre i annan bann salary enhancement parey ki’n eksplike pou sa bann Scheme e ou annan recruitment pou post office assistant dan seksyon Public Affairs.  Apre nou annan apepre 625mil osi ki form par transfer bann advisor post ki’n vin anba President’s Office.  Akoz advisors are to the Ministers, nou’n tir zot dan bann Departman;- par egzanp Blue Economy.  Nou’n re anvoy li kot son main Minister i ete, ki VP.  sa i en sonm R625mil.  Mersi.

 

MR SPEAKER

Mersi PS.  Onorab Gervais Henrie.

 

HON GERVAIS HENRIE

Mersi Mr Speaker.   Mon premye kestyon i al konsern, nou fek tann Minis dan son summary, dir poudir State House pou annan en lekonomi apepre R600mil ki annan pou fer ek elektrisite.  E sa i vin an gran parti akoz bann Gouvernman Endyen avek sa proze fotovoltaik.  Solman nou konnen poudir sa ladministrasyon, 2an pase, 2017 – Anfet  dan Bidze 2017 ti’n deza fer en langazman pou redwir son bann depans an term;- par egzanp karbiran, telefonn, elektrisite, delo.

Selman letan mon pe get breakdown dan ‘’goods and services’’, mon vwar poudir i pa reflekte sa promes.  Akoz mon vwar bann depans zot pe prevwar i konstan.  Sirtou an term fuel, telefonn,  ki swa lokal ou enternasyonal.  So mon anvi konnen ki zefor zot pe fer ki nou kapab vwar en rediksyon a lavenir.  Sa i premye kestyon.

2enm kestyon, i annan enn bann defi ki zot in met devan, se pour restrikte voyaz malgre sa bann langazman i enportan.  Me akoz kou voyaz i bokou.   Solman mon vwar ki baze lo sif ki ti’n ganny allocate pou 2019, dan son revizyon in annan en logmantasyon pou Biro Prezidan e apre nou vwar poudir demann pou lannen prosenn i desann.  Donk mon anvi konn en pe rezondet la.  Ki pou arive?  Eski nou pou pran sanmenm apre nou pou vin demann en logmantasyon dan revi?   Ki zot pou fer vizavi ‘’travel. ‘’ Mersi.

 

MR SPEAKER

Mersi Onorab.  Mrs Richardson.

 

PS YVONIA RICHARDSON

Mersi Onorab.   Premye kestyon, pou kestyon elektrisite.  I vre i montre en logmantasyon R600mil ki pou redwir lo elektrisite.  Sa i akoz sa fotovoltaik ki nou’n enstale.  Ki pe komanse, nou pou ganny benefis lo la.  Apre, nou’n sey redwir en pe nou lo elektrisite, me selman lo elektrisite nou pa kapab tro, tro kapab desann bokou.  Selman nou’n desann en pe lo par egzanp telefonn, nou’n redwir par 67mil.  Delo nou’n koup en pe,  nou pou desann par 254mil.  Apre printing ek stationary osi nou’n desann en pe.  So sa i en pe bann benefis ki nou’n kapab gannyen lo la.  Nou pou travay menm ankor plis pou nou kapab redwir lo elektrisite, sa ki pli for.

Pou 2enm kestyon, ‘’overseas travel.’’  Wi i enportan parey nou’n dir ki nou kit nou prezans deor, ki nou travel.  Ki i annan sa bann meeting enportan ki bann dimoun, Prezidan, Vis-Prezidan, Minis ek bann PS ek CEO zot attend.  Akoz nou bezwen fer tande nou lavwa.  Nou bezwen fer sir ki Sesel i pa ganny kit deryer.

So, pour sa lannen ou’n vwar en logmantasyon lo sanzman Bidze.   Me selman i zis transfer ki nou’n fer sorti kot en alokasyon anba program 1.  Nou’n met li anba program 2.  Sa se akoz lamazorite letan se akoz annan de ler letan i annan i bann delegasyon prezidansyel, i annan bann PS ek bann CEO ki osi al dan sa bann delegasyon i fer bokou e ler nou tir tousala, dan alokasyon prezidansyel i ogmant bokou.

Prezan nou’n re partaze, tir en pe sa larzan ki anba PS ek CEO.  Nou’n anmenn, nou’n met li anba ‘’presidential’’ pou kouver sa.  Prezan pou 2020 nou’n aziste sa.  Nou’n fer sir ki nou’n aranze, nou pe tir en pe sa larzan anba pou bann PS ek CEO, nou’n kree en vot ki zis pou Vis-Prezidan, nou’n donn 1.5milyon ladan.  Nou’n tir 500 mil ki dan Bidze Cabinet ki pou bann Ministers, nou’n met ansanm en mannyer ki biro Vis Prezidan i pou ganny en Bidze 2 milyon.  Prezidan pou ganny en Bidze 4.5 e bann PS ek CEO pou annan en Bidze 6.5.  Savedir nou pou still reste dan nou 16milyon.  Zis nou’n le partaze akoz pou nou kapab fer sir ki nou bann delegasyon i ganny kouver.  Mersi.

 

MR SPEAKER

Mersi Mrs Richardson, nou pou retourn lo kestyon apre.  Me zis parey mon ti anonse pou komemor Larmistis ek tou lezot lager ki’n swiv e ki’n kapab ariv son lafen, nou pou pran en moman silans egzakteman 11er e fer en refleksyon kot nou pou mazin nou prop sityasyon isi Sesel.  Kot nou’n antre dan en prosesis laverite e rekonsilyasyon avek bi anmenn linite e mentenir lape dan nou pei.

Annou mazinen osi tou e reflekte lo lezot landrwa atraver lemonn kot lager i kontinyen fer dega.  Bann akt teoriz ki pa swazir viktim.  Ki pran lavi bokou bann inosan.  Annou isi dan sa Lasanble kontinyen pou travay e pou promouvwar lape.  Let us continue to pray for peace in the world.  Nou ava met nou debout e SBC, Radyo osi tou pe tennyen pe pran 1 minit silans.

 

(One minute of silence was observed)

 

MR SPEAKER

Zis pou kontinyen lo sa not, mon anvi zis partaz en pti refleksyon avek Lasanble e osi tou an siny pou kontinyen edik nou dimoun.  An vi ki depi semenn pase plizyer Manm Lasanble in wear en Poppy flower, bokou dimoun pe demande ki sa i signify e yer menm mon’n ganny en zanfan ki’n dir ek mwan, menm mon pe regard bann zwer Premier League, lo zot T-shirt i annan en Poppy flower.  E zisteman yer ler mon’n asiste sa lanmes kot Katedral St. Paul, mon’n ganny en keksoz ki apropriye ki mon kapab partaz avek zot.  Zis pou nou kapab ferm sa pti moman refleksyon ozordi.  E sa i en Poem ki son tit, mon pou lir egzakteman parey ‘The Inquisitive Mind of a Child’ A Poem for Remembrance Day.

‘‘Why are they selling poppies, Mummy?

Selling poppies in town today.

The poppies, child, are flowers of love.

For the men who marched away.

But why have they chosen a poppy, Mummy?

Why not a beautiful rose?

Because my child, men fought and died

In the fields where the poppies grow.

But why are the poppies so red, Mummy?

Why are the poppies so red?

Red is the color of blood, my child.

The blood that our soldiers shed.

The heart of the poppy is black, Mummy.

Why does it have to be black?

Black, my child, is the symbol of grief.

For the men who never came back.

But why, Mummy are you crying so?

Your tears are giving you pain.

My tears, my child are my fears for you.

For the world is forgetting again.’’

Unquote.  Bon nou ava kontinyen avek nou travay prezan e mon ava re pas laparol avek Onorab Henrie.

 

HON GERVAIS HENRIE

Mersi Mr Speaker, mon ti annan en pti follow-up vizavi ‘’overseas travel.’’  Sa ki mon avi demande se ki pou asire ki nou reste dan sa lespas bidzeter ki nou’n gannyen,  ki mannyer sa bann voyaz i ganny planifye.  Eski par egzanp dizon 2020, nou konn bann dizon SOME enportan, Nasyon Ini, SADC, name it ki bann zofisye respektif i bezwen asiste.  E letan i annan en keksoz, enprevi ki vini, ki mannyer nou deside pou ale?  Parski si zis Larisi i deside organiz en SOME e i envit nou.  Konmsi fodre nou ale, ki mannyer nou balanse, lekel ki nou pou absoliman bezwen ale e bann ki enprevi e ki laranzman ki nou tonm dakor, lekel ki pou ale, akoz nou bezwen ale, bann keksoz koumsa?  Mersi.

 

MR SPEAKER

Mersi Onorab, Mrs Richardson.

 

PS YVONIA RICHARDSON

Mersi Mr Speaker.  Normalman nou fer sa  en- nou apel en travel plan ki nou met tou bann travel mandatwar an priyorite.  Pou nou gete avek sa Bidze ki nou gannyen, ki sa ki nou kapab fer avek sa larzan.  Me selman si par egzanp i annan en keksoz ki arive ki prezan i pli enportan ki petet dan sa ki nou’n mete e si i kapab, nou bezwen, i pli enportan ki enn, nou kapab gete, re sanze, tir enn, met lot pou nou kapab ale.

Oubyen menm si nou dir i egalman enportan, alors petet nou ava tir en larzan petet dan sa enn ki pou en Minis oubyen tir dan pou en PS.  Nou a redwir kot pou ale, tir en keksoz ki pa tro enportan pou kapab ale, pou fer sa.  E nou oule esey parey nou fer, esey fer en mannyer reste omwen dan sa sonm ki ganny allocate.  Mersi.

 

MR SPEAKER

Mersi Mrs Richardson.  Onorab Flory Larue.

 

HON FLORY LARUE

Bonzour Mr Chair.  Mersi bokou.  Bonzour Minis ek ou delegasyon.  Mon ti a kontan konnen lo kote ‘’travel’’, lefe ki Onorab Henrie in lev sa e mon vwar dan zot ‘’current challenges’’ zot in dir ki zot annan high travel cost.  Alor mon ti a kontan si zot kapab, si Mrs Richardson i kapab dir nou lekel sa lakonpannyen ki zot servi?  Eski tou zot bann formalite in ganny swiv lo kote procurement procedure?  E eski zot kot avek sa lakonpannyen i annord?  Savedir zot napa okenn det ki outstanding avek sa lakonpannyen lo kote travel?

Parey nou’n dir, Minis dan son larepons in osi koz lo sa saving ki zot pou fer pou lo kote lenerzi e lefe ki pei an zeneral pe met en gro lanfaz lo green energy, mon ti a kontan si zot kapab dir nou kote zot bann pano soler i ete, zot lokasyon egzakt ki sa i ete?  E lefe ki Lanbasader Lenn ti inogir iz nou lansman nou servis nou pano soler letan nou, nou ti fer isi.  Ki ti gannyen fer en Zen 2019, menm si nou ti’n fini enstale depi Desanm 2018.  PUC ti pran 6 mwan pou konekte.  Kan ki pou zot ti ganny fer?  Kan ki Lanbasader Lenn ti vin inogir sa e kan ki in lanse ofisyelman e ki son kapasite?

Eski Mrs Richardson osi i kapab eksplik nou anba ki head State House ki zot ti fer sa progranm pou selebre 3an Mr Faure dan lofis avek SBC e konbyen sa progranm ti koute?

En katriyenm Mr Speaker, si ou permet mwan;-  lo kote sekirite, lefe ki Onorab Ferrari in met lanfaz lo la.  Pou bann ex- Prezidan, lefe ki bil i sorti kot Komisyoner alors State House li i peye, mon ti a kontan konnen si sa bil i enkli parey si sa dimoun i sipoze baz Sesel, akoz sa ki mon konpran i anploy Sesel,  si i bezwen travel avek Prezidan, ex Prezidan, i bezwen ganny son akomodasyon.  Eski tousala i enkli dan bil?  Akoz nou konnen ki ex Prezidan Michel pa viv Sesel.  Mersi.

 

MR SPEAKER

Mersi Onorab.  Mrs Richardson.

 

PS YVONIA RICHARDSON

Mersi Mr Speaker.  Mon a pran premye kestyon.  Wi, pou nou travel, nou al kot bann travel agents.  Nou tyeke ki bann pri, nou rod bann kotasyon e nou pran bann ki, normalman nou pran bann ki pli bonmarse.  Me selman annandler nou bezwen get larout osi tou.  Larout ki pli favorab pou redwir lakantite letan ki deor.  So nou pran sa anba nou konsiderasyon.

Nou annan bokou travel ki nou fer avek SeaShell Travel par egzanp.  Sa i plito letan nou fer bann travel parey pou delegasyon prezidansyel.  I vre pour lemoman nou annan en pe bil ki outstanding, me selman nou pe fer tou le posib pou aziste nou bann kont, pou nou kapab pey tou sa bann bil ki outstanding.  I annan en pe kot SeaShell, i annan en pe kot Ocean Air.  Nou pe fer en mannyer pou nou clear tou sa bann peyman avan lafen lannen.  Nou seye, kote nou kapab vwar savings pou nou redwir, pou nou kapab pey sa, pou nou met nou kont annord.  Sa lo travel.

Lo solar panel, solar panel i lo gymnasium.  Nou’n enstale mon krwar depi Avril, May in fini ganny enstale.  Me selman nou tin ganny dir zot pa pou kapab konekte toultan ki bann louvraz mazer la pa’n fini.  Nou’n swiv depre, e finalman louvraz in fini, bann louvraz pli gro.  Nou’n swiv avek PUC, PUC in finalman in bezwen komans al fer met bann cab, koup semen.  Al fer.  In pran en pe letan pou fer tousala.  La zot in fini, la dan sa mwan, komansman Novanm zot in fini konfirmen ek nou ki in fini enstale.

La ki in fini enstale e nou premye mwan ki nou pou benefisye avek sa rediksyon, se Novanm.  La prezan nou a kapab gete avek Komisyoner Lenn si i annan plan pou met en plak pou fer inogirasyon.  Sa i ava swiv.  Selman nou’n fer bokou zefor pou nou kapab fer li pli avan, nou’n annan retar akoz i deor nou kontrol.

3an servis Prezidan;-  wi nou ti fer legzibisyon ki ti montre, sa.  Nou’n fer pou montre bann gift ki i gannyen letan bann delegasyon i vizite.  Nou’n fer enn de pti bann advert ki nou’n fer.   Sa in ganny peye anba Biro Prezidan.  Me selman la mazorite nou ti fer bann booklets, sa Prezidan in peye li menm.  In pey dan son pos, sa pa’n sorti dan kont Gouvernman.

Security;- ler par egzanp.  Nou, nou pey zis sekirite.  Si zot travel, ki zot fer nou pa antre dan zot depans akomodasyon oubyen zot tiket ou kwa.  Nou, nou pey zis pou pey zot, konmsi zot fees pou vin sa.  Mersi.

 

MR SPEAKER

Mersi Madame.  Onorab Larue.

 

HON FLORY LARUE

Mersi Mr Chair.  Mersi Mrs Richardson.  Me par kont mon ti a kontan en pe plis detay.  Mon ti’n demande si zot pe swiv tou prosedir lo kote procurement letan zot pe rod zot bann kotasyon.  Eski zot swiv tousala?

Me selman ou’n dir nou ki zot annan en outstanding bill, eski ou kapab donn nou en sonm silvouple?  An Roupi, konbyen zot bann outstanding i ete?   E lo kote fotovoltaik, mon’n tann ou dir ki i lo roof gymnasium.  Lefe ki sa i en servis pou State House, akoz nou, pou nou i lo nou roof isi, i pa elsewhere.  Akoz ki gymnasium ki’n ganny servi, eski sa i lo propriyete State House e akoz i pa lo main property?  Akoz si an ka en lot keksoz i arive la kot gymnasium.  Akoz ki zot servis i lo sa roof? 

Apre lo kote selebrasyon, mon krwar ti annan bann progranm televize.  Apre lo kote etik, lefe ki i pe selebre 3an, si Prezidan i kapab pey en advertisement pou son lekor koman Head of State dan son pos.  Eski sa i ethical?  E lo kote bann progranm televize, anba ki heads sa ti sort silvouple e ki sonm?   Mersi.

 

MR SPEAKER

Mersi Onorab.  Mrs Richardson.

 

PS YVONIA RICHARDSON

Mersi Mr Chair. Fotovoltaik premye kestyon.  Wi, akoz i lo gymnasium.  Wi i vre, gymnasium i lo propriyete State House.  Selman letan nou met li lo gymnasium, ou konnen dan biro kot State House i annan en kantite sekirite.  Antre, sorti, met non, fer pas lo sekirite.  Si i annan bann maintenance ki bezwen ganny fer lo la.  Letan i lo gymnasium i pli fasil pou al fer sa bann keksoz.  Se sa rezon ki nou’n vwar, apre i pli gran osi.  Nou’n regarde, nou ti’n idantifye en landrwa lo enn nou bann annex building pou nou met sa.  Me selman nou’n vwar ki kot gymnasium e menm bann teknisyen ki’n fer sa in dir nou i pou pli apropriye la lo gymnasium.  Lefe ki i pre lanmenm e i lo propriyete State House.

Dezyenmman, procurement procedures pou overseas travel, parey mon’n dir nou rode bann kotasyon, 2, 3 kotasyon.  Nou rode ek bann travel agents.  Selman parey mon’n dir osi, nou bezwen get en pe bann diferan larout.  I pa neseserman ki nou pran sa ki pli bonmarse.  E Selman pou bann delegasyon prezidansyel nou al plito avek SeaShell akoz zot servis ki zot donnen i pli fasil pou …  Selman zot get bann diferan pri ki annan, zot donn nou detrwa kotasyon.  Selman nou al avek sa enn pou prezidansyel.

Wi, outstanding bill avek SeaShell, nou’n fer bann dernyen peyman.  Me selman nou annan en statement la ki nou fek gannyen.  Nou ti annan apepre 1.5milyon, selman nou pe re rekonsilye pou nou etabli egzakteman ki son sonm byen ki reste pou nou peye.

Wi Ocean Air osi tou nou annan en pe bill.  Sa mon pa konn son sonm egzakteman konbyen i ete, selman i bokou pli ba.  Sa petet nou kapab donn sa lenformasyon apre si posib.

 

MR SPEAKER

Mersi Madame.  Onorab Waven William.

 

HON WAVEN WILLIAM

Mersi Mr Speaker.  Bonzour Vis- Prezidan avek ou lekip.  Mr Speaker, mon ti a kontan demann Minis, well Vis- Prezidan ouswa Madame Richardson sa bann kestyon swivan;

Premyerman mon anvi demande si Lofis Prezidan,  lefe ki bann dimoun i ekrir let 2 lofis.  Enn President’s Private Office avek President’s Office.  Eski zot ase byen organize?  E eski zot annan ase dimoun pou deal avek sa bann let, akoz i annan serten dimoun ki pe dir mwan ki – enn;- zot ekrir let, me selman zot pa zanmen ganny larepons.

Dezyenmman;- mon pe get lo ‘’current challenges’’  kot zot pe dir ki ‘’submission of papers by MDAs when there has been inadequate consultation.’’ Eski sa i en rezilta ozordi kot nou vwar diferan akter dan lekonomi, pe dir ki i mank ase konsilyasyon?  E ki pe ganny fer pou fer sir ki sa size i ganny adrese?

Epi mon anvi –  mon dernyen kestyon se ki lefe ki zot pe dir ki i annan en high travel cost,  eski bann Lanbasad Sesel deor pe ganny byen servi, kot letan Prezidan, Vis-Prezidan ouswa bann Minis pa kapab voyaz.  Eski bann Lanbasad i ganny servi e eski i annan en transfer larzan.  En tranzaksyon transfer larzan ki ganny fer akoz lefe ki i annan sa high cost?  Mersi.

 

MR SPEAKER

Mersi Onorab.  Vis-Prezidan.

 

THE VICE-PRESIDENT  MR VINCENT MERITON

Mersi Mr Speaker.  Mersi Onorab.  Wi i annan en kante let ki tonm kot Prezidan e tonm kot Biro Vis-Prezidan e ensi ki kot bann Minis.  Nou pe koz en bon nom let.  E wi, ordinerman nou channel sa bann let kot bann Minister konsernen depandan legzizans, depandan size ki ganny souleve.  E osi i annan serten zofisye dan Biro Prezidan avek Biro Vis-Prezidan ki osi fer serten swivi direkteman avek bann Lazans konsernen.  E vreman nou santi en defi e nou ganny overwhelmed.

Se pour sa rezon sa lannen, nou oule vin avek en nouvo lofis pou kapab ede disimil lenformasyon, akoz en kantite let ki ganny ekrir kot Prezidan e kot Biro Vis- Prezidan i montre en linyorans bann servis ki Gouvernman i donnen.  En linyorans bann keksoz ki annan dan Leta, dan pei an zeneral e nou santi i annan en nesesite amelyor travay dan sa sekter la.

Me sak let, sak korespondans ki gannyen, ordinerman koman en lareg,  sak dimoun ki’n ekrir son let oubyen son email for that matter i ganny swa en call oubyen en mail, oubyen en let an ekrir.

E dan bann ka ki bann letan i ganny anvoye kot bann Minister, i demann bann Minister pou kapab fer bann swivi e les sa bann dimoun konnen ki pe arrive avek zot size.  Nou apresye ki pa tou case ki pou vin devan deswit pou annan en solisyon pozitiv, ki Biro Prezidan oubyen Biro Vis-Prezidan pou kapab anmenn sa solisyon.

Se pour sa rezon ki anmenn kot Minister, kot bann Lazans ek bann Departman pou kapab fer en swivi e eksplik sa sitwayen lo son case ki in met devan, pour ki i ganny en lenformasyon e i ganny avize lo leta son size pou ki apre bann swivi i ganny fer.

Kot i konsern bann papye ki ganny soumet avek Biro Cabinet;-  dan bann ka, Onorab ou’n demande ki sa ki pe ganny fer pou adres sa bann size,  dan bann ka ki nou santi ki napa ase konsiltasyon, papye i ganny anvoye kot sa bann Lazans konsernen pou kontinyen fer konsiltasyon.  E pa zis konsiltasyon dan Gouvernman ant bann Lazans, Minister avek bann Departman.  Me osi avek bann lezot dimoun, swa dan sekter prive oubyen sosyete sivil, oubyen avek Lasanble Nasyonal, pour ki ler en desizyon i vin kot Gouvernman i en desizyon ki’n kapab dan son mazorite ka pas atraver tou bann akter, bann stakeholders, bann parti prenan pou ki nou pa bezwen apre retourn deryer e i retard prosesis fer keksoz.

Bann Lanbasad deor –  wi dan bokou ka nou servi bann Lanbasad pou reprezant nou menm ler Prezidan oubyen Minis, oubyen Vis-Prezidan i al voyaz deor kot i annan Lanbasad.  Oubyen kot i annan en misyon i ganny dispatch pou ed sa delegasyon kot sa delegasyon pe fer meeting.  Kot enn nou bann 12 misyon pa sitye.

E osi kot nou pa kapab.  E fodre fer sorti i annan en kantite misyon, kantite lenvitasyon ki ariv Sesel kot pou nou partisip dan bann forum enternasyonal.  Kot nou menm nou swa Prezidan, swa Vis-Prezidan oubyen bann Minis, oubyen PS, oubyen CEO pa kapab partisipe akoz i annan en sitan kantite.  Kot nou donn lenformasyon sifizan, lenformasyon teknik ki nou bann misyon, zot bann staff, bann Anbasader oubyen bann O Komiser i ede partisipe.

Fodre fer sorti ki i annan en kantite sa bann lenvitasyon ki vini akoz ozordi Sesel i bann leader.   I en dirizan dan bokou domenn e Sesel i ganny demande par ler pou vin fer en lektir;-  bann keynote Speaker, vin donn nou leksperyans dan bokou domenn.  Swa lanvironnman, oubyen Lekonomi Ble, oubyen en Gouvernans.  E ki nou pa kapab akoz i port en kou pou Bidze.  Me i annan dan serten ka kot sa bann lorganizasyon i anvoy lenvitasyon e nou defreye de tou.

La kot konsiderasyon i ganny donnen pou ki bann partisipasyon i permet.  Mersi Mr Speaker.

 

MR SPEAKER

Mersi Vis-Prezidan.  Onorab William.

 

HON WAVEN WILLIAM

Mersi Mr Speaker.  Mr Speaker, mon byen apresye larepons ki Vis-Prezidan in donnen.  Me solman letan Vis Prezidan pe dir, bann let i ganny anvoye kot bann line ministries.  Mwan mon anvi konnen, ler sa bann let i ale.  Par egzanp ou’n dir poudir sa monitoring i bezwen ganny fer.  So eski zot annan en dimoun ki monitor pou fer sir ki sa Minister pe delivre dan en letan ki akseptab.

Akoz bokou fwa, letan dimoun pe anvoy son let, zot pe dir ki zot pa vreman ganny sa larepons?  E dezyenmman Vis- Prezidan, sa eleman konsiltasyon.  Akoz nou’n vwar reflekte dan Bidze e nou’n vwar bann diferan groupman dimoun pe koze lo televizyon poudir i annan sa mank konsiltasyon.

Mon pou donn ou en legzanp;-  par egzanp, sa plan stratezi ki Minis Bastienne in vin prezante e sa ki’n ganny dir dan premye meeting ler i ti fer son prezantasyon,  epi letan in vin avek plan stratezik, nou pe vwar poudir bann desizyon ki ganny pran i pa bann desizyon ki avan the final decision i ganny pran, zot in konsilte avek sa bann dimoun ki dan sa bann domenn.

So, mon pe demande si zot pe annan lentansyon pou revwar li akoz osi lontan ki napa sa vre fran konsiltasyon, sa desizyon final Vis-Prezidan, i pa pou ganny aksepte e nou pou perdi plis letan.  Mersi.

 

MR SPEAKER

Mersi Onorab.   Vis-Prezidan.

 

THE VICE-PRESIDENT  MR VINCENT MERITON

Mersi Mr Speaker.  Mr Speaker, nou konsyan ki ozordi ‘’the winner does not take all.’’  Ki nou pe egziste dan en sityasyon gouvernans kot nou bezwen pran an konsiderasyon tou bann pwennvi sorti dan tou bann sekter ler pou pran en desizyon.  E dan bokou ka i annan bonn volonte, la mazorite ka, dan tou ka i annan bonn volonte kot Gouvernman i sorti avek en lide, i anvi ki sa lide i ganny sound avek bann lezot sekter.  Sosyete sivil par egzanp oubyen sekter prive.  Dan sa sekter kot sa size pe ganny antreprann.

E par ler i annan menm detrwa round konsiltasyon ki  pran plas.  E sak Minister i oblize antre dan konsiltasyon, pou kapab fer sir ki nou pa gat letan parey ou’n dir e nou pa fer konmsi nou gat letan, lenerzi e dimoun, ki e larzan osi.

So, dan konsiltasyon pa vedir ki toultan nou pou kapab fer plezir tou bann dimoun.  E sirtou kot bann lide i a kontradiksyon avek kanmarad.  Bann lide i conflicting.  Me sa ki enportan ki nou pe rod en keksoz ki rezonnab, rod en keksoz ki pratik pou kapab met li an aplikasyon.  Akoz en Polisi, oubyen en progranm ki Gouvernman i fer, i ganny enplimante par Gouvernman.  I tous servis la popilasyon oubyen i ganny enplimante par diferan kous.  Swa sosyete sivil, oubyen sekter prive e nou bezwen asire ki zot konfortab e ki i fer en sans e ki i rezonnab avan ler en keksoz i vin an aplikasyon.

So, fodre osi dir Onorab ki i annan serten nivo konsiltasyon e partisipasyon, par bann dimoun an deor Gouvernman lo bann Komite onivo kot par ler malerezman sa bann reprezantan;-  swa sorti sosyete sivil oubyen sekter prive pa vini bann meeting ki ganny fer.  Meeting pa kapab ganny fer, oubyen pwennvi sa bann dimoun pa ganny pran dan en desizyon final.

So, mon krwar i annan en nesesite pou nou tou kapab met nou lakaz annord.  Mon aksepte ki nou bezwen asire ki sa i pran plas avan ler ki Gouvernman i pran en desizyon final.

Kot i konsern monitoring, i annan en kantite let.  E lekspektasyon popilasyon i ekstrememan o.  E mon aksepte ki nou bezwen amelyor fason ki nou monitor.

Par egzanp dan Biro Prezidan i annan 2 zofisye ki adres, pou swiv sa bann dosye.  E osi dan mon biro i annan 2 zofisye ki swiv sa bann dosye.  E ou konnen Onorab, ozordi dimoun ler in ganny ou nimero telefonn.  Mwan mon mobile i sonn 24 lo 24.  Text i antre, WhatsApp i antre e dimoun i dir ou, mon’n anvoy ou en text, ou pa pe lir.  I vwar ler ou pa lir.  So, prezan mon bezwen annan en larme dimoun deryer mwan.  Sa zis sa 2 malere, sa 2 imen ki bezwen swiv sa lizour ek lannwit pou kapab donn en feedback.

So, size i konpleks.  Wi sanmenm mon pe dir i annan bann size ki senp.  Ki nou donn lenformasyon kot nou kapab, me i annan en nesesite sirtou kot i konsern lakaz, kot i konsern lanplwa e lezot size ki vreman bezwen, ki nou bezwen amelyor fason ki mannyer sa line ministry.  E ki feedback, feedback ek feedback i a donnen kot sa dimoun malgre nou pa ankor trouv en solisyon final.  Me ki sa dimoun at least i okouran ki pe arive.

Nou pran ou bann konsern avek tout senserite e nou ava kontinyelman gete ki mannyer nou pou kapab amelyor li.  Mersi Mr Speaker.

 

MR SPEAKER

Mersi Vis-Prezidan.  Onorab Regina Esparon.

 

HON REGINA ESPARON

Mersi Mr Speaker.  Bonzour tou dimoun.  Mr Speaker, taler letan Mrs Richardson ti pe reponn kestyon lo ogmantasyon i ti pe dir poudir sa logmantasyon anba sa head la, pa ti enkli PSC contract.  Me pli ba, anba program 1 i annan anba allowances en logmantasyon presi 1milyon.  Sorti 1, 586milyon pou vin 2,328milyon.  Sa i pou President’s Office.

E egalman anba executive office, la osi i annan en gran logmantasyon preski 1milyon.  Sorti 2,583milyon pou vin, 3,137milyon.  mon ti a kontan ganny en leksplikasyon silvouple.

Epi mon remarke poudir anba ‘’cleaning expenses’’ osi in double.  Sorti 162mil pou vin 300mil en sel kou.  En pti pe zistifikasyon.  Mersi.

 

MR SPEAKER

Mersi Onorab.  Mrs Richardson.

 

PS YVONIA RICHARDSON

Mersi Onorab.  Mon a tyek en pti kou sif ki ou pe dir mwan.  Lo saler ki annan sa logmantasyon?

 

HON REGINA ESPARON

Dan ‘’allowances.’’

 

PS YVONIA RICHARDSON

‘’Allowances.’’  Ou kapab dir mwan sa sonm ankor silvouple?

 

MR SPEAKER

Go ahead Onorab.

 

HON REGINA ESPARON

Mersi Mr Speaker.  Sa premye la, i sa sonm 1, 586milyon.  In ogmante pou vin 2, 328milyon.  Sa i anba programme 1 sa.  E egalman anba programme 2 osi sa i executive office.  In sorti 2, 583milyon.  In vin 3, 157milyon.  I anba 2 head.  Li i anba programme 2 li.  E cleaning expenses i anba programme 1 li.  Mersi.

 

PS YVONIA RICHARDSON

Mersi Onorab.  Pou sa enn dan progranm 1, i annan sa logmantasyon 742mil.  I annan 64 mil ki pou annan plito bann renewal dan PSC contract.  Sa i bann logmantasyon ki annan ler kontra i ganny renouvle e bann performance allowance ki ganny ogmante, ler i fer sa.

I annan 695, i plito pou sa long service allowance ki pou donnen pou bann allowance.  Tou long service allowance pou tonm anba la.  Sanmenm sa ki bokou.  Wi, sa i fer sa 742mil, progranm 1.

Program Egzekitiv, sa R554mil ki ogmantasyon, sa osi tou i annan 133mil, sa i bann lezot allowance ki pou annan renewal contract parey PSC.  Non, pa pou PSC sa enn.  Sa 133 i bann lezot allowance ki annan.  Sa R377mil, sa i pou renewal of contract.  Sa i pou annan logmantasyon ki pou annan dan performance allowance.  Ler Kontra i ganny renouvle, performance allowance i ogmante.

Apre i annan R44mil.  Sa i pou long service allowance osi tou.

 

MR SPEAKER

Mersi Madame.  Onorab Esparon.

 

MR SPEAKER

Mersi Mr Speaker. Mrs Richardson pa’n eksplike lo akoz ‘’cleaning expenses’’ in monte. Me solman an menm tan mon pa tro satisfe ek sa larepons, parski  anba ‘’allowance’’ i  mete i  exclude PSE e ou, ou pe dir mwan ki i  enkli PSE.  Me i pe stipile byen kler ki i exclude PSE.  Savedir PSE pa pe tonm anba la?  Mersi Mr Speaker.

 

MR SPEAKER

Mersi Onorab. Mrs Richardson.

 

PS YVONIA RICHARDSON

Mersi Mr Chair.  Mersi Onorab.   Wi mon’n fer en fot lo sa enn premye letan mon’n dir i enkli PSE.    Sa 133mil i pa kouver PSE li. Sa i bann lezot logmantasyon par egzanp si i annan marketable skills allowance, si i annan transport allowance – bann lezot allowance ki annan ki ganny ogmante.  Apre petet i pou – par egzanp si nou annan nouvo dimoun  sa i bann allowance ki pou zot. Sa enn ki pou PSE i logmantasyon.  Sa i sa 377milyon.

Pou ‘’cleaning expenses’’ i vre nou’n annan en logmantasyon 63mil. Nou depans en kantite lo bann ‘’cleaning materials.’’  Nou pe fer en zefor pou nou kapab redwir. Kantmenm nou’n met sa logmantasyon akoz sa i baze lo nou  konsonpsyon ki nou pe servi.   Menm si nou pe met kontrol e sey sa – nou bezwen netwaye e  pli souvan. Ou konnen  nou annan en kantite  par egzanp bann levennman ki nou  ganny fer.

Kot State House ou konn ki mannyer i ete, ou war nou napa en landrwa kot nou napa par egzanp fer bann event.  Sak fwa ki ou pou war i annan event nou komans tir pake dan en landrwa nou met pou nou komanse;- netwaye, remete – i annan en pe sa bann keksoz koumsa. Nou napa. Si nou ti annan en gran landrwa ki ti zis pou sa  petet ti a redwir en pe nou depans.  Solman nou pe al seye gete ki mannyer nou kapab koup li ankor.  Mersi.

 

MR SPEAKER 

Mersi Mrs Richardson. Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon pe ekout byen bann larepons ki nou pe gannyen e i annan serten keksoz ki mon ti ava kontan plis klarifikasyon.  Par egzanp letan State House i dir ki zot photovoltaic i lo Gymnasium, Gymnasium li osi i en fasilite sportif  li konmsi ou pe dir nou ki sa  photovoltaic lo Gymnasium i pou ganny partaze avek NSC pou letan zot, zot bezwen servi bann fasilite aswar  parski Gymnasium i  sipoze renouvle pou ki i annan plis aktivite.  Eski i pou annan en partaz la?   E petet dan sa konteks mon ti ava zis demande vi ki mon konnen ki sa carpark osi tou i tonm anba State House.

Eski State House pa ti a mazinen ki i fer en Proze Kapital  kot e sa nou war li partou Sid Lafrik, Sid Lafrik espesyalman kot zot kouver sa whole carpark Gymnasium pou li vin en covered parking ki zot kapab ganny en pe plis larzan e son twa i vin antye  photovoltaic. Konmsi pou servi  la dan sa  – parski anmezir ki mon pe regard sa, mon pe regarde ki bann laliny kot nou kapab ale pou nou lekonomi me an menm tan  pou nou vin pli green as possible.  So sa i ki mannyer pou partaze sa laba?

Lo kote procurement e sa ki mon’n antann la Mr Chairman se ki procurement procedures pa pe ganny swiv egzakteman parey i sipoze pou ganny swiv.

E sa mon konsern. Mon konsernen parski letan nou’n antann ki poudir wi fasilite ensidswit, tousala nou tay laba parski i pli fasil, lot, lot, lot mon krwar i annan en problenm la.  E la ankor enn fwa nou demande State House, akoz ozordi – ozordi ok nou konnen poudir bann Lazans vwayaz osi tou i bezwen viv me solman pou en long lorganizasyon parey State House, eski napa fasilite pou zot servi bann mwayen ki pou kout bokou, kot zot pou fer lekonomi atraver internet?  

Ozordi mazorite landrwa pa fer booking avek en travel agent spesyalman letan nou pe koz lo lekonomi.  Nou tou si nou pe vwayaze nou al lo internet nou fer en booking.  E ozordi nou garanti ki poudir pou napa  bann zafer problenm ki  ou pou -.  So sa kalite fasilite.

 Mr Chairman letan mon aprann ki poudir zot annan bills ki outstanding, mon krwar ki la ankor enn fwa zot al kont sa ki Minister Finans in dir – Minis Finans in fek vin dan Lasanble 2semenn pase letan nou ti pe regard sa Supplementary Appropriation e in dir nou klerman ki Gouvernman i bezwen pey tou son bann bills dan pli kourt dele posib. E pli kourt dele posib Minis i dir avek nou 2 semenn, i bezwen peye parski sinon – sinon sekter prive i ganny afekte e apre sa zot ganny en move non.

Me an menm tan osi sa ki’n ganny dir i distort Bidze. Petet la mon anvi klarifikasyon. Parski si par egzanp ou Bidze i 6milyon, be ou annan bills ki ou dwa ki 5milyon, nou pa konnen nou si ou Bidze ou ou’n fini depanse.  Savedir si ou’n fini depans ou R6milyon e ou ankor annan det R5milyon, at the end of the day ou total pou travel i kapab ariv R11milyon.  E sa i distort Bidze pou sa landrwa konpletman.

Alors mon ti ava kontan – petet si mon ti ava kapab konnen dan sa Bidze travelling ki zot annan e la mon kapab dir ki Bidze ‘’travelling State House’’ i anba diferan headings e i tonm en total R16milyon letan ou azoute i R16milyon ki kanmenm i en gro sonm, dir nou an relasyon avek zot Bidze pour sa lannen konbyen eski zot in depanse? Konbyen zot ankor dwa e ki mannyer eski sa pou balanse?

Parski si ou annan larzan – si ou annan larzan napa okenn rezon akoz ou bezwen pey par bout parski ou vini ou, siny en tyek parski la i dan ou Bidze, ou peye. E finalman Mr Speaker, petet sa osi an relasyon ek travelling, eski State House pa krwar ki i bezwen – mon konnen ki poudir letan Prezidan i travel i bezwen dimoun dan son delegasyon.

Me remark ki ganny fer se ki bann delegasyon parfwa i tro gro – i tro gran e se sa ki pe azout lo la.  Prezidan i deplase i deplas avek 2 Sekreter D’Eta.   Me eski vreman i bezwen 2 Sekreter D’Eta?  E  konmsi sa bann keksoz koumsa nou bezwen balanse, parski nou en pti pei.

E finalman lo sa kote sekirite pou ansyen Prezidan,  eski i annan okenn Kontra? Parski tou sa bann keksoz i sipoze annan Kontra parski isi kot Lasanble pou anploy en constituency clerk ou bezwen  en Kontra avek sa dimoun.   Mon ti ava kontan konnen si i  annan  oubyen si State House in war Kontra ki annan pou bann dimoun ki travay  koman sekirite e ki bann keksoz ki dan sa Kontra?  Mersi bokou Mr Chairman.

 

MR SPEAKER      

Mersi Onorab. Mrs Richardson.

 

PS YVONIA RICHARDSON

Mersi Onorab.  Mon a sey komans avek premye.  Wi photovoltaic;-   sa tou sa  benefis ki i pou gannyen avek sa, pou vin direkteman pou State House.  I pa pe  al pou NSC i pou State House.   Ou’n fer bann propozisyon ki ler nou pou fer sa i kout bokou pou sa osi tou. Fodre si nou mazinen petet dan lefitir pou nou kapab fer sa nou a bezwen fer provizyon dan Bidze oubyen nou a bezwen kapab gete si i annan en lorganizasyon ki zenere ki kapab ed nou donn nou. Parey Lenn in ed nou pou sa bann. Nou a gete si nou kapab gannyen.

Sa i annan ler bann Korporasyon ki nou kapab gannyen ek bann lorganizasyon.  Selman pou le moman i  pou State House i pa pou al pou  NSC.  Sa mon’n kouver carpark osi tou.

Procurement procedures;- procurement procedures parey mon’n dir nou fer. Kantmenm nou al kot sa travel agent, sa travel agent i donn nou diferan kotasyon li – diferan kotasyon. Par egzanp ek diferan airline e ki si sa ek diferan larout e prezan nou swazir ladan lekel ki pli bon.

Akoz pa neseserman zis pri parey mon’n dir annandler longer larout, lenkonvenyans;- par egzanp osi tou si par egzanp Prezidan i pe travel pou al tel, tel landrwa prezan i annan en commitment ki swiv zis apre, prezan i bezwen aranze e tanzantan  i bezwen sanze e nou bezwen sanz dat annandler. Me solman annandler konmsi nou kapab ganny sa fleksibilite avek sa Lazans ki annandler nou pa gannyen ek lezot.  So sa i enn bann rezon ki nou fer.  Solman en prensip nou swiv bann prosedir nou rod sa bann kotasyon.

Outstanding bills;– nou peye. Parey ou konnen nou Bidze i anba quarter.  Tou le quarter prezan annandler nou bezwen balans en pti gin ler nou bezwen pey per diem sa bann dimoun ki pe travel nou plito pran;-sa dimoun pe travel la, nou plito pran sa  larzan pey sa bann per diem apre letan nou lot quarter si i annan nou  pey bills ki outstanding.

Annandler osi tou nou pa ganny bann invoice tou ansanm. Bann invoice i en pti pe tarde kanmenm zot anvoy nou.  Enn ler zot anvoy statement ler nou get invoice ki nou’n gannyen nou get nou bann requisition ki nou’n demande nou bann lord booking, nou war konmsi sa pa tro.  Nou bezwen tanzantan al repas lo nou statement gete si sa i byen avan ki nou peye.

E nou bezwen pou nou fer virement parey mon pe dir tir dan en vot met dan lot, pou nou kapab peye e aranze.  Nou’n osi kapab fer  en virement sorti lo lot  vot par egzanp  mon pe  get lo  2019 nou’n bezwen pran en pe larzan dan en lot keksoz nou’n re-priyoritize pou nou kapab pey sa.   Me solman nou pe demann Bidze 2020 zis pou nou fer sir ki nou reste e se sa ki nou’n re-aranze en pti gin lakantite pou nou fer sir ki sa kantite ki nou bezwen pou Prezidan, pou Vis-Presidan pou Minis e PS nou pa bezwen fer bokou sa bann virement.   So sa.   Wi sa i bann rekonsilyasyon ki mon’n  koz lo la.

Kontra: nou annan Kontra avek Lapolis pou Sekirite bann Prezidan, Vis-Prezidan e former Prezidan. Apre osi nou  pe deal direk  sorti kot Komisyoner pou sa former Prezidan.  Nou napa en Kontra tel en  Kontra me solman  nou ganny sa bill tou le mwan pou nou peye e nou peye. Petet pou lannen prosenn ou a fer sir ki nou annan en Kontra osi pou sa enn.  Mersi Mr Chairman.

 

MR SPEAKER

Mersi Madanm.  Onorab Ramkalawan.

 

HON WAVEL RAMKALAWAN

Mr Chairman sa ki premyerman lo sa kote procurement procedures.   Sa ki Mrs Richardson pe dir nou sa menm Lazans li i ava donn zot 3 diferan larout. Me pa sa ki mon pe regarde mwan. Mon pe regarde ki mannyer  zot  kapab annan omwen 3 Lazans ki zot kapab –  I mean swa  konmansman lannen zot etabli lekel sa 3 Lazans baze lo zot needs pour ki  zot konnen  ki poudir zot  deza annan 3 lazans e sa set en keksoz ki FPAC ti koz lo la  letan nou ti pe regard bann diferans MBAs pou nou dir be si ou pa kapab ganny en keksoz deswit la, komansman lannen ou dir ki la i la State House  pe rod Lazans travel ki pou kapab – parski ou’n fini baze lo Bidze ou konnen an prensip kote bann gran assembly pou ete.

Pou annan New York Assembly UN Assembly, pou annan sepa ki lot, lot, lot pou ki aprezan sa 3 Lazans sak fwa ki ou soz sa 3 Lazans i kapab donn ou en kotasyon e ki non pa pou pe al toultan kot sa enn sel oubyen en 2enm.

Se sa ki mon pe koz lo la pou ki State House li osi tou i anliny avek the Procurement procedure e  ki pli enportan ankor ki sa i  ouver laport pou nenport dimoun ki annan son travel agency pou  li osi tou   kapab partisipe parski sinon nou pou war ki i annan en serten preferans pou enn an partikilye.

Mr Speaker lo kote bann det parski Mrs Richardson in dir ek nou ki zot in bezwen fer virement sa ki mwan mon ti ava kontan konnen e sa en kestyon ki mon pe demann tou bann MDAs. Nou’n ariv Novanm lo 11:11:19, eski zot kapab e la nou a kapab ekri State House si zot ti a kapab dir avek nou ki bann outstanding bills ki zot annan overall pou nou gete, si sa ki zot annan  dan zot Bidze well bann depans eski vreman sa larzan ki reste zot dan sa 4th quarter i pou ase pou kouver pou tou bann outstanding bills oubyen eski State House pou trouv li dan en problenm?

Akoz lafason ki i ete la letan nou regard son consolidated position State House pou Bidze 2019 sete  78, 873million e son revized budget i 78, 873 ki  vedir sou pou sou zot sipoze balanse.  Eski vreman avek sa ki ou’n dir nou ki deza zot annan bills la ki zot pa ankor peye e ki zot ankor pe regarde pou kapab tonm koumsa.

E petet mon kontan   Mrs Richardson Mr Chair   pou kontan sa dernyen bout Mr Chairman ki Mrs Richardson in dir konsernan bezwen regarde Kontra, parski an se moman napa okenn Kontra pou ant Lapolis avek Sekirite  ansyen  Prezidan Michel e sa zot an defo.   Mersi bokou.

 

 

MR SPEAKER

Mersi Onorab. Mrs Richardson.

 

PS YVONIA RICHARDSON

Mersi Mr Speaker.   Bann outstanding debt ki nou annan la, avek larzan ki nou annan dan nou Bidze nou pou kapab pey tou bann bill lafen lannen. Sa i ok. Lezot par egzanp Procurement parey ou dir mwan, parey mon’n eksplike nou  fer  –  nou rod kontasyon  ek bann diferan Lazans Ocean Air, Masons ek lot,  SeaShell and lot. Se annandler nou ganny en pe difikilte pou nou kapab asiste sanmenm sa ki nou al kot SeaShell pou plis pou bann presidential travel. Solman leres tou nou swiv, nou rod 3 kotansyon partou.

Sekirite nou pey sa bill ler i vini. Nou ganny sa bill ki sorti kot Komisyoner tou le mwan i vini i donn nou e sa apre ki zot ti dir nou o komansman zis nou napa en return Kontra as such konpare avek ki nou annan;- Kontra pou Prezidan, Vis-Prezidan pou formal VP, nou annan en Kontra ki nou’n sinyen toulezan.  So nou ava fer menm parey pou former Prezidan pou lannen prosen.

 

MR SPEAKER

Mersi Madanm. Onorab Ramkalawan.

 

HON WAVEL RAMKALAWAN

Dernyen  pti  – parski ofet rezon ki no pe demann sa bann kestyon nou pa pe regard personnalite ensidswit nou pe regard sityasyon parske sa legzersis ki nou fer la  nou pa la pou nou vin regard personnalite, me pou nou  regard nou koman en pei – pou regard bann diferan sityasyon.  I fer premye fwa ki nou dan en sitasyon kot en former President pa pe reste Sesel, e alor nou bezwen regarde an relasyon avek sa Lalwa li menm, eski i pou bezwen annan en laranzman dan sa Lalwa parski la par egzanp annou regard Lalwa Sekirite Sosyal ki vin koman en pansyon pou nou bann dimoun ase.

Si nou al deor pou en serten kantite letan – dizon pou plis ki 3mwan Sekirite Sosyal i aktyelman koup ou sekirite.   Sa vye dimoun – sa vye dimoun ki’n travay ki’n donn tou i deside pou li lefe ki i napa gran keksoz  pou li fer dan lakour son fiy oubyen son garson i dir avek li ‘’Be mummy vini nou a pas en bon konze menm, nou a pas en konze 3mwan.’’ L’Angleterre mon krwar i donn 6mwan e zot koup son pti mwenza.        I annan en kantite fwa – mon’n bezwen – lotrozour Mr Durup La Digue in al sers bato, in pran plis ki lakantite letan ki i ti espekte pou li retournen be pov Ton Jeffrey mon ti bezwen lager pou li kapab ganny son pti mwenza. Alor nou bezwen nou osi tou regarde ki mannyer sa nouvo sityasyon nou pran li dan nou konteks pou nou balanse.

Parski parey mon dir i fer premye fwa ki swa en ansyen Prezidan oubyen en ansyen Vis-Prezidan i pa pe reste Sesel.  Mersi bokou Mr Chairman.

 

MR SPEAKER

Mersi Onorab. Vis-Prezidan.

 

THE VICE-PRESIDENT MR VINCENT MERITON

Mersi Mr Chairman. Mr Chairman konsernan sa kestyon lo carpark zis en pti keksoz ki mon ti anvi azoute, nou’n met li lo      Gymnasium Carpark akoz State House i en moniman.  E avan ler ou defigir en Moniman Nasyonal    i annan en bann prosedir  ou bezwen pas atraver.  Epi ler nou’n get Annex napa ase lespas pou mete.  Ou kapab mete i pou pli ptigit.  So se pour sa rezon nou’n met li lo Victoria Gym.

Pa anpese – annefe nou’n deza al en meeting kot diskisyon ti pe ganny met ater ki nou kapab fer en parkade – en parking building parey Maison De Colette in fer. Ou ganny en building e anler ou kapab met tou bann pano photovoltaic ki an menm tan i fer redwir kou e i kapab donn en lot litilite sa buildingSo mon kwari pa en nide etranz;- i pa nouvo ki nou kapab pourswiv gete ki mannyer zot kapab fer li marse.

Kot i konsern bann tiket;- nou apresye  defi ki nou’n met devan Onorab me an menm tan e ou’n dir ou menm ki tou Seselwa i bezwen manze. I annan bann gro e bann ptipti, nou pe rod en fason ki mannyer – (1) dan lankadreman Lalwa me an menm tan permet ki bann dimoun ki dan sa biznes zot osi zot benefisye.   Me solman nou, nou asire ki ler nou pe al rod en keksoz nou demann  3 kontasyon pou nou gete  ki nou pa pe ganny bat latet ki nou ganny the best deal pou nou kapab sorti.

Ou’n koz lo bann delegasyon par-ler ki nou voyaz en Prezidan i tro gran, me ler mon ti al Zapon pou  sa bann zafer … Lanperer  be i annan en pei – i annan li 30dimoun dan son delegasyon. Ler mon ti al la avek  Inogirasyon Prezidan Masisi, Botswana, i annan en avyon ek 50 bonnonm dan son delegasyon. Prezan mwan mon krwar pou nou i gro me ler ou gete i ptipti.  Me selman nou pran an konsiderasyon bann pwen ki met devan, les bann nonm delegasyon reflekte bann size ki pe al ganny diskite e pa fer li egzorbitan.

Dernyen pwen;- ler mon ti vin isi pou aprouv Lalwa  pou bann sekirite bann ansyen Prezidan avek bann ansyen Vis-Prezidan, nou ti tonm dakor ki zot nivo sekirite – nonm sekirite i pou ganny diskite an konsiltasyon avek Komisyoner Lapolis ki pou ziz nivo sekirite dan pei  prezan  a donn li sa kantite nonm. E ki ou pe demande petet se en Kontra ek Lapolis ek sa bann endividi ou?   Ok!

So byensir i devret annan e mon krwar se sa nou take up pou nou kapab al verifye. Me selman Onorab annou apresye – ou dir ou’n lager pou Ton Durup, i annan en kantite;- lotrozour dan nou Lalwa Sekirite Sosyal i annan Seksyon 41  bann dimoun ki’n vin isi i pa’n fer son kantite letan ki in demande pou li kaba zwir pansyon Sekirite Seksyon 41 i permet serten egzanpsyon ki apre nou’n aranze ki permet ozordi. E si ou’n lager ou’n gannyen savedir i annan fleksibilite.

Nou pe koz lo fleksibilite  ki pou permet ki keksoz i marse pou ki  tou dimoun  i santi li napa labi me an menm tan ki nou konpran ler i annan nesesite pou kapab bend en pti git.  Mersi Mr Speaker.

 

MR SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Parey toultan nou kontan dir ‘’byen koze i fer byen konpran. ’’La i la. Fantastik! La nou pe fer byen koze.  E zis mon ti anvi dir avek Vis-Prezidan, ki fodre pa ki nou, nou konpar delegasyon en lot avek pou nou! Fodre ki nou, nou regard lefikasite sa delegasyon.  Parski letan Speaker Angola ti vin asiste en meeting isi, li i ti vin dan son jet prive e sekirite avek bann lezot dimoun pa ti konnen ki pou fer avek;- tandis ki  bann lezot Speaker zot ti vin zot  avek  zot clerk e zot ti osi efektiv. In fact sa delegasyon Angolais li i  ti bezwen  rod tradikter pou tir dan Portugais pou vin dan langaz ki nou tou nou konpran.  ‘’Byen konze, byen konpran.’’ Mersi.

 

MR SPEAKER

Mersi Onorab.   E petet mon pran kot ou’n fini.   Mon krwar delegasyon Lasanble Nasyonal osi i fer byen.  Pa toultan ki nou kapab anmenn en Desk Officer osi avek nou me tapas ki nou bann Manm i fer lo bann Misyon aletranze se sa ki enportan.  E mon konnen VP osi tou  i mazin menm zafer.  2fwa   ki in lo Misyon an Zapon in kontakte mwan e i pe dir mwan poudir in rankontre bann Manm Parlman, Speaker and all that i pe fer en pti pe tapaz ki nou apresye.  Parfwa i pa neseserman groser ou delegasyon, me i kwa ki ou anvi al akonpli e ki ou anvi akonpli a lafen dizour.

Bon in ariv en moman pou nou pran en vot lo Bidze anba President’s Office ki trouve lo paz 6 pou 12 a en sonm R74,884milyon e sa sonm i form par dan sa schedule.  Mon ava demann tou Manm ki an faver?  Okenn Manm ki kont?  Madanm Clerk?

 

MADAM CLERK

Mersi Mr Chair. 14Manm in vot an faver e personn kont.  Mersi.

 

 

MR SPEAKER

Mersi Madanm Clerk.  Bon sa i vedir ki Bidze anba President’s Office pou sa sonm ki mon’n mansyonnen R74,884milyon in ganny aprouve par Lasanble Nasyonal.   Bon nou pou aret nou travay la pou bomaten e parey mon’n anonse, anvi ki Vis-Prezidan i deza la, e i pou form par osi dan sa meeting, mon ti’n ganny en pti note ki meeting pou komans 12.30.  Eski mon kapab ganny en konprenezon ki nou pou konmans meeting deswit anvi ki Vis-Prezidan i la ki i pa bezwen deplase pou li retournen 12.30? Dakor? 12.15?  I a donn zot en pti moman pou zot prepare?  Dakor.

Bon savedir meeting Defence and Security plus lenvitasyon i pou lezot Manm osi tou dan Extended dan Committee Meeting zot pe meet avek bann zofisye SIS avek Departman Lafors Defans dan Committee Room 3 – 12.15 e nou, nou repran nou travay Lasanble – 2er apre midi.  

 

 (BREAK)

 

MR SPEAKER

Bonn apre midi tou Manm Onorab. Bonn apre midi tou dimoun ki a lekout e bonn apre midi spesyal pou nou bann envite ankor touzour anba gidans Mr Vincent Meriton. E apre midi nou pou pran Departman Zafer Legal savedir Biro Attorney General. E avek nou lo panel nou annan Mr Frank Ally ki Attorney General,  Mr David Esparon ki Depite Attorney General, Mrs Karen Hoareau ki  Direkter pou Human Resources  me nou touzour dan konpannyen PS Thesee, Ms Croisee e avek Ms Nellie Coopoosamy.   So nou ava deswit  nou ava komans avek PS Thesee, i ava zis gid nou lo ki seksyon nou pe pran dan Liv Bidze.  PS Thesee.

 

PS DAMIEN THESEE

Mersi Mr Speaker. Nou ava pran paz 21 pou Attorney General’s Chamber pou en sonm R121.06milyon.  Mersi.

 

MR SPEAKER

Mersi PS. Bon nou open pou kestyon okenn Manm ki oule demann kestyon Departman Zafer Legal Onorab Wavel Woodcock.

 

HON WAVEL WOODCOCK

Bonn apre midi Mr Speaker. Bonn apre midi Vis-Prezidan bann staff Biro Attorney Zeneral, tou Manm e tou dimoun a lekout. Mr Speaker ki baze lo latab 3 programme 1’governance and management and administration’’ mon war en significant logmantasyon.  Dan Bidze 2019 ti revized budget ti R13.02milyon e dan 2020 i en logmantasyon konmsi sorti R2milyon pou vin R100.05milyon. Kekfwa Biro Attorney Zeneral i kapab donn en leksplikasyon akoz sa gran logmantasyon?  E osi dan zot ‘’current challenges’’ zot in mete ‘’current challenges’’ – premyerman;- enn   zot bann challenges se ki

(1) ‘’Inability to properly deal with additionally large number of claims for damages due to shortage of staff.’’

(2) ‘’Water contamination claims and power station and power station nuisance. ’’

Annefe dan speech la dan Bidze Minis ti dir ki konpansasyon pou bann zabitan otour power station Baie Ste Anne pou ganny fer dan milye lannen prosenn.

Me Minis Wallace Cosgrow ti dir i pa pou posib akoz Biro Attorney Zeneral i annan plizyer travay ki zot bezwen fer;- ki sa peyman pou ganny fer an 2021. E mon kestyon i  avek sa challenges ki ou   biro pe fer fas avek e kekfwa avek sa logmantasyon dan ladministrasyon kekfwa i ava permet ou pou  fer sa vin en realite. Me eski peyman – ou krwar ki peyman tou bann aktivite ki bezwen ganny fer pou ensure ki peyman i bezwen ganny fer avek sa bann zabitan dan sa rezyon i pou vin en realite dan 2020 dan sa Bidze ki pe vini? Mersi.  

 

MR SPEAKER

Mersi Onorab.  AG oule reponn?  Go ahead AG.

 

ATTORNEY GENERAL FRANK ALLY

Mr Speaker mersi.  Mon krwar sa logmantasyon sibstansyel dan sa Bidze 2020 i an relasyon avek nouvo building an zeneral. Petet si Onorab Woodcock ti le en pti plis lenformasyon lo la then petet mon a kapab demann PS Thesee pou donn lenformasyon lo ki mannyer sa larzan or kou parsyel konstriksyon Biro Attorney Zeneral son nouvo lofis ki pe plan pou ganny fer Ile Du Port akote Annex Lakour Siprenm e apre mwan mon a koz lo sa ‘’current challenge.’’ Mersi Mr Chairman. 

 

MR SPEAKER

Mersi AGPS?

 

PS DAMIEN THESEE

Mersi Mr Chair.  Pou Bidze Attorney Zeneral  i ganny klase koumsa – son total  i 121.06milyon e ladan 23.03 i pou saler – 11.05 i pou ‘’goods and services’’ e 86.08 i pou  non-financial assets. ’’  E pou  2020 pou sa non-financial assets nou’n met en provizyon 4.4 ki pou local financing e sa diferans 82.03milyon i  pou en Grant component.  Parey nou konnen ek bann don Gouvernman i bezwen cater pou son bann prop taxes. Mersi.

 

MR SPEAKER

Mersi PS.  Attorney General oule azout en lot keksoz?

 

ATTORNEY GENERAL FRANK ALLY

Mersi Mr Speaker. Petet efektivman nou Bidze i R34.859milyon ler nou’n tir  sa sif lo capital pou building. Lo kote challenges – sa ‘’current challenges’’ wi nou pe fer fas avek en kantite challenge espesyalman ki mon pa krwar Biro Attorney Zeneral in deza osi kantite claim pou bann domaz lentere.  Nou’n resevwar pa mal claim pandan lannen vizavi;-  par egzanp bann dimoun ki ganny aksidan dan travay; bann dimoun ki claim ki allege ki i annan negligence  – bann keksoz koumsa. So nou ganny en kantite sa – en bon pe sa bann claim.  Me apre sa lensidan ki ti arive La Misere kot Biro Attorney Zeneral ti bezwen process en kantite claim sa ki mon’n konstate ler mon’n diskit avek bann lezot koleg e bann koleg avoka ki ti travay dan     Biro Attorney Zeneral sa letan, ti annan en kantite dimoun ki ti pe donn  sipor Biro Attorney Zeneral pou li kapab process sa bann claim. Me sa fwasi nou’n re-al dan distrik pou nou resevwar bann claim e nou’n ganny en kantite claim.

Nou annan osi claim Baie Ste Anne Praslin pou  bann domaz lentere ki bann dimoun i dir – zot bann domaz, zot pe soufer an relasyon avek power station.  Nou ti al Praslin pou detrwa zour kot  nou ti resevwar bann claim, ranpli bann form e nou ti ganny asiste Divizyon Lanvironnman;- Departman Lanvironnman –  son bann staff. E nou problenm se ki bann staff zot ti fer Komite en group staff ki ti pou process sa bann claim me evantyelman enn par enn zot ti kit Biro Attorney Zeneral zot ti al travay ayer.

E nou’n rekonstitye en nouvo group staff pou travay avek sa bann claim;- annefe  mon ti tre konfidan mon ti krwar nou pou’n kapab fini dan 3mwan avek sa bann staff deal avek sa bann claim, me parey ou konnen nou annan diferan keksoz ;- sa bann staff i annan diferan keksoz  pe fer  an menm moman. E i poz en pti pe en difikilte pou zot konsantre only lo sa bann claim. Me as I speak now, biro Departman Lanvironnman in donn nou serten staff pou anmenn en pe sipor pou nou kapab esey konplet at least serten legzersis vizavi sa claim avan nou kapab asize e egzamin li an pli gran detay.

Akoz nou ti fer en laplikasyon ase detaye when it comes to bann dimoun ki reste obor power station akoz zot dapre zot, zot in reste la en kantite lannen – power station in sorti koman en loperasyon en pti pe mwen konsekan, e evantyelman in agrandi in agrandi kot ozordi zot war poudir i vin difisil pou zot kontinyen reste obor sa power station.

E nou annan lezot claim. Boner  sa lannen nou ti pe deal avek  bann claim Fungus kot Departman Kiltir sa nou’n  kapab fer  – nou ti again nou ti fer  en pti Komite e nou’n t kapab fer li  tre ase vit pou bann dimoun  kapab ganny dedomaze.

Evantyelman i annan lezot claim ankor ki pe antre, so avek sa kantite staff ki nou annan e leksperyans sa bann staff akoz ki arive se ki annan  nou annan en kantite zofisye – mon kapab dir zanmen Biro Attorney Zeneral i annan  osi kantite zofisye anploye;- sirtou Seselwa, me bokou nou bann staff i bann zenn – mon kapab dir avoka, i annan bokou zot  pa ankor fransir  pou zot vin fully fledged legal practioners.  E alor i poz osi pa zis shortage of staff baze lo lakantite claim ki annan me osi experienced staff pou deal avek sa bann keksoz koumsa.   Ok?   Mersi Mr Speaker. 

 

MR SPEAKER

Mersi AG.   Onorab Woodcock.

 

HON WAVEL WOODCOCK

Zis ankor en kestyon follow-up Mr Speaker. Mon ti a kontan demann avek Attorney Zeneral si zot annan en timeframe ki zot pou fini deal avek bann claim bann zabitan kot sa power station? Konmsi zot annan en timeframe?  Kan ki zot ekspekte fini process tou sa bann claims?  Mersi. 

 

MR SPEAKER

Mersi Onorab.   AG.

 

ATTORNEY GENERAL FRANK ALLY

Mr Speaker, nou pe pans en timeframe at least before the end of 3rd quarter of next year.   At least si nou kapab prezan soumet – donn sa rapor avek Departman Lanvironnman prezan Departman Lanvironnman li  i a  ava al kot Finans pou li al rode si i pou ganny larzan pou ki kapab efektivman  compensate sa  bann dimoun.  Mersi.

 

MR SPEAKER

Mersi AG.  Onorab Sylvanne Lemiel.

 

HON SYLVANNE LEMIEL

Mersi Mr Chair. Bonn apre midi tou dimoun.   Mr Chair mon ti a kontan demann Attorney Zeneral, nou konnen ki  i annan en pe letan – e lannen pase  ti pe dir napa ase dimoun dan sa seksyon kot nou war en leokri  dan distrik kot bann dimoun pe konplent zot bann dokiman later ki bezwen al  kot Biro Attorney Zeneral e ki nou war osi enn zot bann challenge ki  zot pe dir ki sa i ankor en problenm pou zot  deal  promptly sirtou avek notarial works ki zot annan pou fer; eski i  annan okenn Bidze  ki’n ganny mete – larzan ki’n ganny mete dan Bidze pou sa lannen pou zot sey rezourd sa problenm?  Mersi. 

 

MR SPEAKER

Mersi Onorab.   AG.

 

ATTORNEY GENERAL FRANK ALLY

Nou pa’n ganny en gran larzan;- nou pa’n ganny gran logmantasyon vreman lo nivo notarial.  At the end notarial i en challenge pou nou akoz bokou bann staff i ale  – i sorti lo  Attorney Zeneral zot kite, ki‘n ganny  en pti pe plis leksperyans  sirtou dan domenn conveyancing pou fer bann dokiman later. E, me selman nou pe seye.  Nou pe sey nou mye e  mon kapab dir nou napa en kantite –  kantite backlog.

Ki nou’n fer se ki mon’n sanz sa sistenm. Avan bann dokiman i vini sorti kot MHILT, kot MLUH kot Minister kot Departman Later e i ganny partaze avek sakenn sa bann noter, asistan notary e sakenn i annan son sekreter.  So ki mon’n fer mon’n fer en sistenm kot tou sa bann file i vin kot mwan apre  mon pas avek 2 support staff e sa support staff i donn enn – i donn parey ki mon’n assigned avek sakenn sa noter. Prezan nou, nou follow-up avek sa noter pou fer sir ki son dokiman i ganny sinyen e apre i ganny anvoy kot Biro Lanrezistreman pou ganny anrezistre.

Me problenm i pa osi antyerman avek Biro Attorney Zeneral. Wi parfwa i annan en delay ek lanrezistreman.   Nou sey nou mye pou nou kapab fer bann dimoun siny zot dokiman as soon – as early as possible.  Parfwa i annan dimoun ki dir zot dokiman i kot nou peter i  pa kot nou, i ankor kot Minister Departman Later;- parfwa i ankor kot      Biro Lanrezistreman. E tre souvan bann dimoun pa pey zot stamp duty punctually ler zot dwatet peye. E la zot dokiman i reste kot Biro Lanrezistreman pou en kantite letan. E parfwa lannen.

E parfwa i ganny retourn kot nou san ki in ganny stanpe akoz Biro Lanrezistreman pa oule gard sa bann dokiman. E parfwa zot menm zot, zot pa vin kolekte zot dokiman ler zot dokiman i vin kot nou.  So mon ti pe zis diskit avek PS Lands avek bann zofisye dan Minister Later kot si i annan en stamp duty pou peye sarz sa bann dimoun stamp duty o moman ki zot vin pey zot purchase price. So that then sa larzan i vin en Gouvernman e prezan Gouvernman i pey sa stamp duty akoz ki nou fer se ki i vin en pti pe modere pou sa bann dimoun.

Zot vini zot al kot Departman Later zot pey zot purchase price then zot ganny anvoye kot Biro Attorney Zeneral zot vini zot siny zot dokiman, then zot ganny called par Departman Legal – presizeman Registration Division pou zot vin pey zot stamp duty e apre zot espere e apre zot ganny called ankor pou vin serse, so i en prosedir ki  i pran en pe letan me parfwa i kapab fer zot fristre.  Oubyen ler zot in ganny zot ‘’notice of first entry’’   zot antre lo zot later i parey mon’n dir i pa antyerman Biro Attorney Zeneral.

Wi i annan en pe blanm lo nou kote, petet nou kapab fer li as early as possible be selman bokou fwa nou sey nou mye pou nou fer bann dimoun egzekit zot dokiman transfer tre vit.  Mersi.

 

 

MR SPEAKER

Mersi AG.  Onorab Lemiel.

 

HON SYLVANNE LEMIEL

Mersi AG pou ou leksplikasyon me selman ozordi osi sa ki nou pe war premyerman enn  – par egzanp letan in aprouve kot zot in sinyen petet ki prosedir zot pe fer  pou enform sa kliyan poudir in sinyen. Eski ler ou anvoy kot MLUH or wherever laba ki zot pou dir?

Dezyenmman i se ki aktyelman sa ki mwan mon okouran Mr Chair, mon annan apepre en 8 dimoun – sa bann dimoun in apply en loan e i paret ki ler zot in apply ek labank, zot later i sipoze ganny met en sort of en lipotek ou en keksoz koumsa lo la. Mon krwar sa dokiman i bezwen vin kot Attorney Zeneral ki zot bezwen endorse zot osi.

E la i annan dimoun i dir ou i annan 4mwan in apply sa loan e ki i pa pe gannyen akoz Biro Attorney Zeneral pa ankor siny sa papye.  So la osi i annan serten problenm ki petet Attorney General i merit get en pti pe ladan.  Mersi.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Mersi Mr Chairman.  Wi parey mon dir i annan serten challenges e parfwa mon santi poudir bann serten keksoz dan lofis nou zofisye zot pa vin en serten travay ki zot ganny demande pou fer promptly, punctually e zot rann lavi bann dimoun en pti pe difisil. E mon dir sa tre fran avek zot.  E mon’n toultan dir – i annan serten staff mon’n dir avek li si ler i al klinik i annan en problenm pa plennyen akoz li osi i pe donn menm difikilte en lot sitwayen.

So i annan sa.  Nou annan sa problenm me parfwa mon  dir si i annan en issue avek lipotek i kapab kot  Biro Lanrezistreman;–  Biro Lanrezistreman  osi pe sey en fason pou li  kapab expedite Lanrezistreman –  stamping dokiman.

I ti pou bon si nou ti kapab annan ase larzan pou nou fer en case management system kot rather tan – e i egziste sa bann sistenm – kot ler nou ganny file sorti kot Biro Later e si nou annan tou bann kordonen sa dimoun, i ganny swa en email, swa en teks message ki dir avek li ou file i kot Biro Attorney Zeneral. E zour ki in pare pou sinyen i konnen poudir nou’n donn li lapwentman pou li vin sinyen tel zour.

E sa i a fer ki sa zofisye i a war li more accountable pou li -.  Akoz i annan serten dokiman later ki ekstraordiner;- pa ekstraordiner  – en pe pli difisil. Me bann dokiman later tre souvan i senp.  Bann avoka i servi – i pas atraver sa ase vit.   E sirtou ler nou annan en template ki nou  servi pou bann dimoun.   Me pou mwan i pa akseptab ler pou konplet sa dokiman i pran bokou letan.  I pa akseptab.   Mersi.

 

MR SPEAKER

Mersi AG.  Onorab Flory Larue.

 

HON FLORY LARUE

Mersi Mr Chair. Mr Chair mon ti ava kontan demann Mr Attorney General silvouple   en feedback lo sa scope of work pou sa nouvo batiman – si nou ti kapab ganny plis detay lo son lokasyon egzakt?  Kote son plot number e son size. Apre si i annan en fason ki nou kapab view en pe sa projected project koman manm piblik e kan ki i krwar sa pou komanse?

Apre osi mon ti a kontan demande lefe  ki zot in dir ki sa lannen zot in deal avek en kantite claims e zot annan en kantite challenge pou zot deal  – additional claims against Gouvernman, eski i kapab dir nou si i annan en  Bidze ki in met akote pou kapab edik bann Minister – bann diferan Minister ki letan Gouvernman i an tor i kout bokou, alor ki zot pe fer enternman pou  fer ki dimoun i accountable – premyerman internally dan Gouvernman e ki bann keksoz ki  pe ganny  met an plas ki bann civil servants i osi konnen ki mannyer  pou protez  kont sa bann kalite claim?  Akoz la parey nou’n war sa lannen i annan 37.05milyon ki pou sorti dan tax payers money akoz bann fot ki Gouvernman in fer atraver diferan bodies.  Mersi.

 

MR SPEAKER

Mersi Onorab. AG.

 

ATTORNEY GENERAL FRANK ALLY

Mersi Mr Chairman.  Kan ti swazir building;- non sa building   pa ankor ganny soumet.  As far as I know i pa ankor ganny soumet kot Planning Authority. Pou le moman ki nou’n fer se nou’n diskit bann detay lo building – bann lakantite space ki nou bezwen – son bann materials and all me solman bann planners zot pe finaliz bann plan pou zot soumet kot Planning Authority as far ki mwan I am aware of.   I kapab ki bann events in overtake mwan e ki in kapab in fini soumet kot Planning Authority.

Building i pou zis akote Supreme Court Annex. La kot Supreme Court Annex i annan 2 plot later ki vacant.  Enn ladan sa enn ki vir avek Supreme Court Annex i pou Police Headquarters, e sa lot akote i pou Biro Attorney Zeneral.  Akoz Biro Attorney Zeneral son lofis  i pou  bokou pli pti.   Me solman i pou annan mon krwar 6 ground plus 5ok?  E me selman i pou link avek Police Headquarters par en platform kot anba i pou annan parking.  Me solman i pou en twin tower, kind of me solman konekte en pti pe.

So la kot sa building i sipoze ete. Sa i pou fasilit nou akoz pou bann zofisye kapab closer access ek Lakour. E apre si i annan lezot lenfrastriktir gouvernmantal lo Ile Du Port, then Attorney Zeneral i ava plito

Obor bann lezot lenfrastriktir e lezot lofis Gouvernman.

Wi pou reponn ou 2enm kestyon wi, i annan en gro problenm petet en gro problenm vizavi how public officers zot war zot dwatet santi zot accountable pou bann kek aksyon ki zot komet e evantyelman Gouvernman i  war li  vicariously responsab pou zot aksyon;- parski tre souvan en dimoun i komet en lofans – i komet en aksyon ki en fot par egzanp e Gouvernman i step in i dedomaz sa viktim, me li i kontinyen travay.  Me sa i en keksoz ki DPA i dwatet adrese avek bann zofisye e osi an konzonksyon avek Biro Attorney Zeneral.  Akoz DPA li i ansarz administrasyon nou, nou kapab donn nou konsey legal lo la.

Mon’n annan en proze petet ki mon anvi enplimante ki mon fer sa ki nou apel en annual Attorney General’s Forum kot pandan sa zournen nou koz avek bann Principal Secretaries, e bann serten dimoun kle dan serten Minister e Departman lo serten issue. Par egzanp enn bann issues ki nou ti anvi koz lo la se  law reform akoz mon’n mete dan enn nou bann plan, me solman nou napa larzan pou mwan enplimant li, me solman nou pou sey enplimant  li. Se   en  Law Reform Unit  avan petet ki nou kapab branse e fer en   Law  Reform Commission.

E enn bann size ki petet mon ti pe  pans lo la,  se parey law reform. Law reform avek bann zofisye Gouvernman. Parey ou’n sizere petet sa osi

 

Petet sa osi i en keksoz ki nou devret adrese avek bann zofisye Gouvernman ki pa akoz ki ou komet en malpractice – ki pa akoz ou komet en fot ki ou pa responsab!

I annan bann ka kot mwan menm mon’n sizere poudir  wi Gouvernman i petet kapab step in e pey  ed en pe sa viktim me selman  sa lorganizasyon travay i pou bezwen ale, al kot sa o zofisye e demann sa  zofisye pou dedomaz  Gouvernman.

Me i pa’n – mon pa kapab dir mon’n fer li as a matter of osi kler – petet dan lofis petet nou’n koz lo la, me solman i en keksoz ki mon krwar nou dwatet enplimante, akoz mon krwar bokou zofisye kekfwa zot krwar zot get away with murder and then Gouvernman zis i step in  i peye and that’s the end zot kontinyen fer travay e zot pa ganny disiplinen!

E disciplinary proceedings i enportan dan public service e mon pa kapab dir poudir i ganny fer oubyen pa ganny fer, me solman i dwatet – when en zofisye i komet en serten fot, aksyon disipliner i bezwen ganny pran kont li. Mersi Mr Chair.

 

MR SPEAKER

Mersi AG.  Onorab Larue.

 

HON FLORY LARUE

Mersi Mr Chair. Mersi AG. Mon ti a kontan demann plis kestyon lo kote sa batiman. Lefe ki ou believe ki plan pe ganny submit, eski i annan okenn enklizyon pou private sector?  Deza letan ou pe get kou sa building si pou annan en bon evalyasyon lo son actual cost ki apre nou pa war nou dan en sityasyon parey Music Stadium.

Apre mon ti a kontan lefe ki ou’n mansyonnen ki i bezwen annan en strict observance of the law par bann public servants, eski ou krwar i pou annan okenn query ki pou ganny fer dan sa lensidan La Misère, pou nou konnen ki bann entities ki ti involve? Si nou kapab trace sa bann public servants akoz zot, zot ankor in-post zot bezwen konnen kote zot ti al mal ek zot desizyon;- ki sa pa  ganny repet ankor.  Akoz nou konnen la ek bann gro lapli i annan en bann delo ki pe ganny kontaminen. I annan diferan keksoz ki  pe ganny arive  ki mon ti  a kontan konnen si pou annan inquiry  pou ganny fer dan sa enn gro lensidan pou prevent lezot?

E lefe ki ou’n koz lo  bann law reforms, ti a bon annan bann nouvo reform ki vini pou reget  nou Lalwa akoz nou konnen i annan en kantite ki pe ganny slack behind,  be ki pe arive ek bann ki’n ganny prezante kot ou Biro  Mr Attorney General parey  Constitutional Review, parey bann lezot review ki’n ganny fer lo bann Lalwa spesifik kot bokou travay in ganny fer pou reform sa bann Lalwa and yet nou war sa bann revizyon pa pe vini sorti lo kote Gouvernman?  Mersi.

 

MR SPEAKER

Mersi Onorab. AG.  Bref.

 

ATTORNEY GENERAL FRANK ALLY

Mersi Mr Chairman.  Lo kote building ler mon’n konstate, sa building i bokou pli gran ki sa ki nou bezwen.  Petet Gouvernman ler sa building i fini i ava deside akoz Biro Attorney Zeneral i pa en antite – en personn moral li.  So  i pou Gouvernman sa building e petet then Gouvernman i a deside si i pou house  –  i pou tanporerman ou permanantman house lezot Departman oubyen  gouvernmantal body dan sa building si i  pou pli gran – son kapasite pou plis ki pou kapasite Biro Attorney Zeneral.

Me selman parey PS Thesee in dir – mon pa konnen si  Onorab Larue in sezi, i pou more or less en Grant ;- i pou en Grant sa building me solman evantyelman  i pou annan en kou akoz Gouvernman pou bezwen peye pou li maintain sa batiman.  So la i pou depan ki laranzman nou pou fer  avek sa konstrikter si i pou maintain sa building me pou annan en peryod letan pou fer oubyen pou annan en lot sosyete ki pou manage sa building me sa i en keksoz ki Gouvernman  – Departman Lenfrastriktir ki pou deside lo la pou fer sir ki demen i pa vin en white elephant ou byen ki vin  difisil parey pou tonm dan labandon.

Me lo kote inquiry malerezman i pa vreman tonm – mon napa pouvwar a sa pwen pou call pou inquiry.  Vi ki ou’n fer sa statement petet whoever ki santi serten inquiry i neseser ladan, petet i ava fer.

Lo kote bann lamannman Konstitisyonnel wi nou nou’n komanse. Ou konnen parfwa keksoz pa ariv dizour o lannmen.  Nou bezwen asize fer en travay.  Wi en Bill i vini i soumet i ganny pibliye e met devan Lasanble Nasyonal. E parey ou war menm Lasanble Nasyonal i pran en kantite letan pou li triy en Bill revwar li eksetera, eksetera.  Me wi nou fer en premye draft Constitutional Amendment. Nou pe pas lo la.  Anfet nou annan lezot keksoz ki nou bezwen met dan sa  Bill e hopefully mon ti a kontan  petet zot  ti  a kapab met li devan Lasanble avan lannen fini, me  si nou pa  kapab met li avan lannen fini akoz  then  nou pou  bezwen met li early next year.

Constitutional Review ler nou’n fini ek sa Bill nou pou bezwen met devan Cabinet – Prezidan avek son Konsey Minis pou zot konsidere e apre pou retourn ankor kot nou pou nou kapab finaliz li pou piblikasyon dan Gazette.

Me as I speak,  nou’n deza fini fer draft nou’n go through it;- anfet enn bann travay ki mwan personnelman mon’n fer se ki pou Constitutional Review mon’n pran  Konstitisyon  e mon’n met  dan sa Konstitisyon li menm li, tou bann lamannman, son  bann definitions, son bann insertions ki ler  nou donn Lasanble sa Bill nou  pe  donn zot en Konstitisyon  avek tousala  in met dan Konstitisyon zot a kapab lir li. E sa mon’n fini fer be solman la i reste pou nou al lo en 3enm draft.  Ok?  Mersi.   

 

MR SPEAKER

Mersi AG.  Onorab Larue.

 

HON FLORY LARUE

Mersi Mr Chair. En pti leksplikasyon. Mon krwar AG pa’n byen konpran mon premye kestyon lo kote planning stage si zot in enkli private sector dan planning stage lefe ki Music Stadium, nou ti war ki poudir a lafen CEO ti pe fer wiring planning – plan wiring li menm akoz pa ti enkli dan planning stage e la kot cost i ganny ebibe, letan i annan en proper plan pou sa building depi komansman.  So mon ti anvi konnen si zot pe engage public sector pou zot ganny en bon plan pou sa groser building ki zot pe al fer.  So mon ti a kontan AG i advise mwan lekel ki annan pouvwar pou kriy en inquiry dan sa sityasyon ki’n arive La Misère silvouple? Mersi.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Mersi  Mr Chairman.   Wi dan building parey mon dir mon krwar pa si in ariv dan sa staz kot nou bezwen engage private sector, in ganny desinen. Son konsep in ganny fer zot pe komans fer bann details, me sa i pe ganny fer par en konpanni ki Gouvernman Endyen in contract avek pou li design e pou li fer tou bann detay.  E apre ler i fini fer sa mon mazinen ki son prosedir se retourn kot nou e apre al kot Planning Authority.

Mon krwar anba Commissions of Inquiry Act se Prezidan Larepiblik ki kapab ordonn en Commission of Inquiry.  Mersi Mr Chair.

 

MR SPEAKER

Mersi AG. Onorab Waven William.

 

HON WAVEN WILLIAM

Bonn apre midi Mr Speaker. Bonn apre midi AG avek ou lekip.  Mr Speaker mon ti ava kontan demann AG premyerman lefe ki sa pti Komite ki enkli mwan menm, Onorab Georges, Onorab Speaker, i annan en let ki mon lofis i sipoze anvoy Ankour e mon rapel dan en meeting ki ou ti dir ou a fer le neseser, mon anvi konnen avek ou kwa ki difisil ki sa let pa ankor ariv Ankour pou sa case polisyon La Misère?

E dezyenmman mon anvi demann ou AG lefe ki 3an pase ki Cable & Wireless ti ganny vann e nou pa’n anmas larzan stamp duty e ki larzan ki sipoze antre dan Kof Gouvernman pa’n antre e la in ganny vann en 2enm fwa, eski sa deal ki’n arive la ou lofis i satisfe ki lefe ki nou pa’n anmas larzan pou sa premye lavant, la en 2enm lavant ti devret anmas plis larzan ki sa ler aktyel?  Mersi.

 

MR SPEAKER

Mersi Onorab. AG.

 

ATTORNEY GENERAL FRANK ALLY

Mr Chairman mersi.  Lo kote let mon pa rapel dir poudir mon pou ekri okenn let Lakour. Mon pa ekri let Lakour.  Si mon pou ekri let mon pou ekri let Rezistrar Lakour mon pa ekri let en Ziz.  E sa case i pending, so mon pa krwar mon poudir en keksoz koumsa e mon pa pou zanmen dir poudir mon pou ekri en Ziz en let. I enposib pour mwan fer li.

E ki petet nou’n kapab koz lo la – mon konnen poudir ant mwan avek Onorab Georges – anfet weekend nou’n esanz serten email an relasyon avek si Gouvernman pou aksepte responsabilite dan case ki pending.  Sa ki petet nou’n diskite.  Me selman mon pa mazinen mon pou mwan ekri okenn let Lakour ki mon’n dir sa.

Lo kote stamp duty, mon krwar   nou deal avek resevwar stamp duties me sa i plito Registrar General ki tonm anba Departman Zafer Legal me solman i pou difisil pou mwan pronons mwan lo stamp duty avek lavant Cable & Wireless akoz mon …

Mon annan serten lenformasyon, me solman petet sa lenformasyon i   ti pou pli bon ki the line Ministry petet ki i donnen ler zot vin devan Lasanble – ki mon mazinen i Finans ouswa MLUH or Land Use.

 

MR SPEAKER

Mersi AG. Onorab William.

 

HON  WAVEN WILLIAM

Mersi Mr Speaker.   Petet dan sa konversasyon la, AG ou  ti dir ou a fasilit sa posibilite.  Letan nou ti pe annan sa diskisyon  ti annan sa kestyon ti ganny leve, ti ganny leve par Onorab Georges e parey mon’n dir petet sitan bokou letan in pase  petet ou pa mazinen. Me mon  anvi demann ou  letan ou pe get bann challenges ki ou lofis pe fer fas avek la annefe ki Gouvernman pe met larzan dan Bidze, eski avek sa bann challenges ki ou annan, eski ou lofis pe fer le neseser ki letan i pare pou fer sa bann disbursement?  Eski ou lofis ou’n fini organiz li pou kapab fer sa bann disbursement baze lo Konpansasyon  La Mísere   ek bann ki’n  ganny afekte.

E  eski ou kapab dir nou lefe ki i annan sitan bokou difikilte ki pe gannyen e retar kot ou lofis, eski ou pe donn nou sa garanti la ki avek sa Bidze ki ou pe gannyen, ki baze  ki bann serten  laplikasyon ki’n ganny fer, lefe ki sa travay fer laplikasyon in fini ganny fer eski sa louvraz i ongoing ouswa  nou pou komans li lannen prosenn? Akoz tou lenformasyon la i kot zot eski sa travay in  ganny met lo poz la ouswa in komanse ouswa i pou komans lannen prosenn ki finalman zot kapab fini fer sa travay e  ganny tou  bann lenformasyon posib?  Mersi.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Mr Chairman non nou pa’n met lo hold. I ongoing. Anfet mon kapab dir it was ongoing me solman nou ti’n met en  poz tanporer sirtou apre  nou ti’n komans zwenn   – ki ti annan meeting La Misère e tou, la nou ti’n met en pti pe lo en poz. Akoz ki nou ti fer nou ti’n komans travay lo tou bann laplikasyon nou’n remet zot lo excel sheet; fer antre tou bann non bann dimoun kategoriz zot lo zot laz, si zot ti student, si zot ti travay eksetera e apre nou’n komans lo kote Pti Barbarons me apre nou’n annan en poz.  Me selman nou pou re kontinyen;- anfet enn sa zofisye ki mwan mon ti’n prezan demann li pou li lead the team mon’n ekspreseman mon ti pe donn li mwens travay pou fer pou li kapab fer sa.

Me selman en lot keksoz ki’n fer poz se ki ti annan detrwa keksoz en  pti pe urgent pou deal avek ki ase sibstansyel ki  in  bezwen met sa pou li kapab deal avek en travay – detrwa louvraz ki ti en pe pli urgent pou fer.  Mersi.

 

MR SPEAKER

Mersi AG.  Onorab Bernard Georges.

 

HON BERNARD GEORGES

Mersi Mr Chair. Mr Chair detrwa pti keksoz avek ou permisyon. Premyerman mon war anba ‘’mandate’’ ki nou apel Biro Attorney Zeneral an Angle ‘’the Attorney General’s Chamber.’’ I pa – Chambers toultan i pran ‘’s’’ napa sengilye.  Mon krwar mon ti fer sa remark lannen pase e sa fot pe kontinyen ganny fer.

Dezyenmman mon ti a kontan nou repran sa ki Onorab Waven William ti dir a propo let ki Attorney Zeneral ti pou ekri ek  Lakour.  Wi annefe i pa vreman en let me set en rekonesans ki Attorney Zeneral ti pou fer ki nou ti pe ekspekte lo responsabilite Gouvernman pou sa lensidan La Misère.  Se sa ki a labaz sa peyman konpansasyon ki’n ganny apropriye dan Bidze 37.05milyon pou sa lannen ek menm sonm lannen prosenn. 

Mon 2 kestyon pou Biro Attorney Zeneral lo nivo zot travay e mon pe demann Attorney Zeneral si  an vi sa bann kontrent  e an vi sa bann challenge ki in met devan nou eski  enn bann fason pou redwir sa challenge, se pa pou donn kote prosekisyon bann case – tire anba Biro Attorney Zeneral anvoy  li dan en  Directorate of Public Prosecutions avek en dimoun pou ki Attorney Zeneral prezan ava kapab konsantre lo son core mandate ki donn advice avek Gouvernman e en 2enm mandate pou drafte Lalwa ziska ler  ki sa Lasanble  i kapab fer  li menm.  E improve quality sa bann draft ki lannen apre lannen nou pe demande li menm li i rekonnet.

Donk mon kestyon se eski avek kontrent mendev ki i pe dir, ki zot annan ki ler ou annan en claim parey La Misère i upset fonksyonnman  Biro Attorney Zeneral konpletman ki … E si en fason ki regle sa se pa pou divors prosekisyon konpletman avek sa Biro e gard sa Biro pou fer sa travay advisory avek drafting bann Lalwa ki pe pran bokou retar.  Mersi.

 

MR SPEAKER

Mersi Onorab.  AG?

 

ATTORNEY GENERAL FRANK ALLY

Mersi Mr Chair. Wi Onorab Georges i korek pou dir ki i sipoze ‘’Attorney General Chambers’’ nou tou nou refer li koumsa sipoze fer li koumsa, me selman parfwa i annan bann dokiman ki ale koman ‘’Chamber.’’ Lo  kote divors, prosekisyon avek  – mon pa kapab dir  traditional Attorney General’s work akoz  Sesel toultan mon krwar Attorney Zeneral  in fer prosekisyon, se ki wi sa i en opsyon mon krwar lannen pase dan Bidze  sa pwen ti ganny releve, mon ti  dir wi;- a en moman donnen nou  kapab  konsider Gouvernman oubyen Lasanble i kapab konsider sa.

Me kontrent pou mwan se bann dimoun La Misère par egzanp i pa ariv tou le lannen, in  arive e an menm tan in ariv en vole claim La Misère, Baie Ste Anne Praslin, Fungus e kontrent i parfwa avek fason osi ki  mannyer nou  deal avek sa bann claim.

Par egzanp osi ler mon ti donn en group –  en Komite pou kapab deal avek case Fungus zot ti deal avek li ase promptly e mon ti pe ekspekte sanmenm avek Baie Ste Anne Praslin ;- malerezman   parey  mon’n dir  i annan bann  kontrent ki staff in ale e  zot pa’n kapab deal  avek li within  akoz  mon ti anvi zot fer li within the 1st quarter of sa lannen. Malerezman nou’n pa’n kapab fer li.

So ler nou get par egzanp divors prosekisyon wi nou annan en kantite case penal pou pourswiv.  Me i kapab i arive ki nou pou napa ase case pou civil oubyen bann konsey legal pou deal avek ek serten kantite zofisye ki nou kapab anploye, oubyen ki nou ti a kontan anploye pou deal avek sa.

Me pou prepar petet sa divors evantyelman ki mwan mon ti mete dan mon concept paper ler nou ti pe fer batiman se annan diviz Departman Legal an petet bann divizyon plito ki seksyon. Se nou pou annan Registration Division then nou ava annan Legislative Drafting, Law Reform and Law Revisions Division then nou ava annan Criminal Prosecution Division e nou ava annan Advise and Civil Litigation Division.  E prezan anba Civil Litigation and lot i ava annan Notarial Sections e apre nou annan AML Section.  So sa i en pti pe fason ki mannyer mwan mon ti a kontan war Biro Attorney Zeneral e sirtou ki mon anvi mon ti a kontan war Biro Attorney Zeneral bokou pli prezan e pli aksesib avek Minister ler zot annan bann Cabinet memorandum zot anvi amann zot Lalwa kot nou, nou al kot zot rather ki zot, zot vin kot nou.

E anfet  nou’n komanse sa legzersis. Mon’n konmans en legzersis nou apel en legislative calendar  kot  pandan sa  dernyen  – mon mazinen 8 semenn nou’n al kot  bann Minister,  bann Departman, kot nou’n koz avek zot, nou’n gete kwa ki zot anvi pou nou kapab komans prepar bann Prozedlwa pou zot  oubyen bann serten amannman ki zot bezwen, oubyen bann serten regilasyon ase boner.  Me nou bezwen ogmant nou kapasite vizavi legislative drafting. Legislative drafting i ankor poz en pti pe en problenm. I difisil pou nou ganny bann legislative drafters me solman parey mon’n dir i pa enposib.

Dan serten pei zot bann legislative drafters zot ganny peye bokou.  I annan serten pei kot nou’n sey rod legislative drafters;- menm bann ki’n retire zot pei i pran zot i anploy zot koman bann konsiltan e zot ganny bokou plis larzan.

So i koute pou ou ganny legislative drafters, nou pe ganny en pe –  nou pe ganny asiste.  Central Bank pou asiste nou avek legislative drafters akoz zot in   pibliy vacancy pou 2 legislative drafters dan zournal e si zot pa ganny person isi, then zot pou advertise li aletranze. FSA osi zot in met devan nou en proze pou nou segonn en legislative drafter kot nou so that then i kapab fer bann drafting pou FSA.

E ant travay sa bann lorganizasyon or bodies zot osi zot kapab ed nou avek legislative drafters.   So e pour sa Bidze en keksoz ki nou’n fer se ki akoz nou pa’n kapab, nou ti’n bidzet plis larzan pou legislative drafters me nou pa’n kapab anploy legislative drafters ki nou’n fer, se ki nou’n demande pou serten sonm larzan ganny met dan consultancy.

E pou nou kapab anploy serten konsiltan pou deal avek serten Lalwa spesifik.

Si an ka nou pa – akoz i ase difisil parfwa pou travay avek konsiltan long range.  Nou’n seye – i vreman challenging. Unless si sa dimoun i vini – in fact ti annan en konsiltan ki ti vini resaman, kot i ti prepar en Lezislasyon in vini in zwenn tou bann stakeholders, in prepar Lalwa in pas avek nou – nou’n fer nou bann komanter in ale in zot in anvoy zot Lalwa, nou, nou’n fer bann amendment neseser ki annan pou fer e nou’n pibliy li.  Zot in al devan Cabinet – sa Minister an partikilye in al devan Cabinet ek Prezidan e Prezidan an konsiltasyon Cabinet nou’n pibliy sa Prozedlwa.

So kot nou kapab nou pou sey gete kot nou kapab anploy en konsiltan pou kapab ed nou kot i vin en pti pe challenging, me solman nou pou sey nou mye.  Sa lannen i pa’n en lannen ki’n fasil e nou ti eksepte poudir nou pou anmenn bokou plis Prozedlwa devan Lasanble Nasyonal pou pibliy bokou plis Prozedlwa malerezman.

Akoz parfwa i  pa osi depan lo nou.  Nou pa konsevwar Lalwa nou.  I toultan annan en Minister, en Departman ki li ki dir avek nou mon oule tel Lalwa.  E prezan li ki al kot Cabinet ek Prezidan pou li ganny approval pou ganny lenstriksyon pou nou prepar Prozedlwa.   E baze lo la, nou, nou prepare en Prozedlwa baze lo zot lenstriksyon. E tan ki lenstriksyon pa vini, oubyen pa ase i difisil pou nou.  Sa i worldwide.     Mon ti dan en Konferans lannen pase e mon ti pe koz lo bann serten keksoz e sa ki ti reprezantan Attorney Zeneral Singapore  i  vire i dir avek mwan, ‘’mwan osi mon ganny menm problenm dan mon pei avek mon bann MBAs.’’

So i en pti pe worldwide e parfwa bann drafters zot bezwen step in zot menm zot e mon kapab dir vin policy makers dan en serten sans pou zot kapab ede pous sa Lalwa – sa Prozedlwa pou kapab fini en ganny met devan pibliye.   So mon krwar Onorab Georges mon’n reponn en pti pe …?

 

MR SPEAKER

Mersi AG.  Onorab Egbert.

 

 

HON EGBERT AGLAE

Mersi Mr Speaker. Bonn apre midi Vis-Prezidan, AG ek ou delegasyon. Mr Speaker, kestyon i lo progranm 2 kot i konsern legal drafting and Law Revision. Nou konnen poudir in  pa mal annan ase retar kot i konsern sa seksyon sirtou kot Lasanble nou’n eksperyans bokou bann … en pe retar avek bann Bills ki’n ganny anvoye  isi kot Lasanble  menm bann S.1 eski sa sonm ki mon war   pe ganny mete,  ki pe bidzete ki 7milyon ki mon pe gete pou lannen 2020, eski Attorney Zeneral i a kapab dir nou poudir sa sonm ki’n annan en pti logmantasyon konpare avek lannen presedans, i pou kapab fer sa  bann travay neseser, an vi ki resours imen ti enn bann fakter rezon pou bann  diferan retar  ki nou ti pe resevwar?

E dezyenmman AG eski ou pou kapab dir nou – ou’n nonmen poudir ou’n etabli en lot sistenm travay la kot ou annan ou bann sekreter ki ou’n mete la e eski sa bann  sekreter zot, zot pe ganny gete avek  en pti latansyon spesyal?  An vi ki i annan ki fer konpran poudir   Scheme ki’n ganny revize i al ver bann avoka, bann prosekiter, bann drafter.  Eski bann sekreter pe ganny pran kont osi pou  annan en Scheme a lavenir ki ase eleve pou sa kantite travay ki zot osi zot pe fer? Mersi.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Ek sa larzan parey mon dir mon krwar poudir  nou kapab respond to the needs of government in terms of legislative drafting akoz nou ti ganny en logmantasyon lannen pase – well pou  sa lannen e nou  pa’n kapab anploy ase dimoun, so mon  krwar avek sa larzan si nou kapab respond demann Gouvernman.

Lapey en legislative drafter Sesel i pa atrakt pou nou ganny en etranze.  Byento avek serten menm Seselwa ki ganny plis leksperyans i pa pou attract li akoz legislative drafters zot bann dimoun rar dan lemonn e mon ti krwar poudir i difisil zis nou ki war difikilte pou ganny zot.  Tou pei i raise menm issue. I dir ou koumsa poudir i tre, tre difisil pou ganny legislative drafters. An Zilyet sa lannen mon ti demann Attorney Zeneral  Cayman Islands akoz mon ti pe rod en pei ki ptipti parey nou ki efficient, e ki nou kapab borrow serten lenspirasyon e legzanp.

E mon ti swazir Cayman Islands e mon ti demann Attorney Zeneral Cayman Islands delegasyon pou vizit Cayman Islands sorti kot  Biro Attorney Zeneral or Departman Legal pou nou  vwar en pti pe tou zot bann fonksyonnman e  i ti al – Depite Attorney Zeneral  en  legal drafter e Registrar General. E anfet FIU osi Direkter FIU osi  ler i ti tande ki nou ti pe al laba li osi i ti – me apre ki pa ti kapab fer sa deplasman.

E laba saler zot napa bokou legislative drafter me zot pey ekstrememan byen e le meyer legislative drafter i vin kot zot e zot prodwir Lezislasyon ki 3 – 4 fwa plis ki nou prodwir akoz se ki zot kapab attract the best.

E lide pou nou se ki la ki nou pe gannyen pti pe plis legislative drafter, nou ‘n anvoy enn nou legislative drafter L’Angleterre pou li fer Master LLM in Legislative Drafting.  E ek sa nou pe ganny sipor ANHRD e posibleman lannen prosen si nou kontinyen nou kapab ganny ankor en pe plis, akoz nou bezwen train.  E ler nou train, nou bezwen osi kapab retain.

Akoz si nou train, sa dimoun i vini i fer son detrwa lannen apre i ale, nou pou komans a zero, e sa problenm Biro Attorney Zeneral! Biro Attorney Zeneral se ki nou ti pou annan en kantite bann dimoun parey Depite Attorney Zeneral ki’n reste la dan sa lofis pou 15an mon krwar – 16an. E si nou ti annan nou 5 – 6 Seselwa ki ti reste me ki nou’n fer nou pa’n retain. E ek sa Scheme of Service par egzanp ki  mon ti  anvi  propoze e ki mon propozisyon se ki zour ki ou enroll koman en avoka, nou donn ou en saler ki Mr Georges – Onorab Georges pa pou kapab pey ou! E ki okenn lezot avoka or firm dan sekter prive. Zot that then nou ganny pou retain – parey mon dir ou kapab reste dan Biro Attorney Zeneral.

E prezan ou fer en karyer dan Biro Attorney Zeneral. Me larzan i  pa donn konpetans. So ou bezwen osi annan serten commitments, serten konpetans e serten zeal pou ou kapab reste dan Biro Attorney Zeneral dan Gouvernman e  kontinyen travay akoz ou kapab donn li en kantite larzan i pa anvi ale, me solman nou bezwen rod en fason pou nou kapab  regard sa zofisye.

Lo size sekreter, nou, nou fer  bann propozisyon akoz nou Scheme of Service pou bann prosekiter, pour bann counsels e bann legislative drafters   zot plito – i manage par DPA, me selman nou, nou fer bann propozisyon avek DPA.  Me pour bann sekreter i en wide Scheme of Service. I pou public service an antye ou war? E alor nou napa en Scheme of Service legal secretaries oubyen en Scheme of Service Secretaries or Support Staff Biro Attorney Zeneral li tousel.  So any lamannman – any lankourazman i bezwen ganny fer par DPA.  Ou war e pou sa lannen nou’n demann en pe larzan akoz nou pa’n reviz Scheme of Service pou bann public prosecutors ki bann zofisye ki zot, zot napa strikteman en background legal training zot. Zot fer bann prosekisyon dan bann Magistrates Court;- nou anploy zot parey bann ex officers, bann dimoun ki travay Ankour, zot minimum qualifications i en level dan  Angle e zot, zot  pourswiv bann case devan Lakour Mazistra.

Pou sa lannen nou’n demann en serten son larzan pou nou kapab reviz zot Scheme of Service e nou le fer li en pti pe pli vit petet ki nou’n fer pou bann counsel ek legislative drafters.  Mersi.

 

MR SPEAKER

Mersi AG. Onorab Aglae.

 

HON EGBERT AGLAE

AG mersi.  Mon satisfe avek ou larepons.  Lo kote legal drafters ki ou’n fer sorti poudir i en komodite rar partou dan lemonn.  Eski ou’n annan, entame en diskisyon, sirtou la ki Minister Finans i la, pou ki sa ki ou pe demande, ou ava kapab resevwar pou kapab renimer bann legal drafters e retain them, kantite letan ki ou anvi.   Pou ki ou lofis i ava annan kontinite.  E sa travay ki ou anvi fer, i kapab ganny akonplir.

Eski ou’n propoze serten propozisyon devan Gouvernman, lo baze lo ki kantite larzan ou ti a kontan reminer zot?  Eski Minis Finans pe ekout ou,  pou kapab donn ou sa koudmen dan sa travay dir ki ou annan pou fer?  Mersi.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Mersi Mr Chair.  Bon, nou plan se sa Scheme of Service ki nou’n fer la, i en provisional.  E mon ti fer kler avek DPA poudir akoz nou bezwen fer en keksoz dirzans, annou annan en provisional Scheme of Service.  Me mwan, mon ti’n mandat en Komite.  Akoz ler mon anvi bann zofisye zot partisip dan zot prop lepanouisman lofis, dan chambers. 

E mon ti’n fer en Komite pou en Scheme of Service Committee, kot mon ti’n dir avek bann zofisye propoz en Scheme of Service pou zot.  Asize get bann previous Scheme of Service.  Get louvraz ki nou fer;-  ki kapab donn plis lankourazman.  E malerezman mon pa ankor ganny li.  Mon pe fer en swivi.  Evantyelman mon’n bezwen asize e propoz en provisional Scheme of Service to DPA e ki DPA evantyelman Department Public Administration in donn son laprouvasyon.

Me i reste tanporer.  So mon oule ki mon Scheme of Service Committee i travay lo en Scheme of Service ki nou kapab met devan DPA.  Mon pa pou dir dan le pli bref dele, me petet dan 3mwan, dan 4mwan, dan 6 mwan.  Pa plis ki 6 mwan disi.  E prezan DPA i ava konsidere pou nou kapab parey ou dir, nou gete si nou kapab retain bann dimoun.  E osi ankouraz dimoun pou vini, pou vin travay isi, sirtou dan legislative drafting. 

Akoz parey nou’n dir, pou le moman i pou en ti pe difisil pou nou kontinyen, pou nou ganny en legislative drafter lokal pou travay.  Me pou mwan Departman Seksyon Legislative Drafting, i ankourazan.

Akoz nou annan en group Seselwa, ki mon war zot enterese.  Mon war zot, zot donn en kantite -;- zot seye, zot travay.  Me zot bezwen plis exposure.  Zot bezwen training.  E lontan Commonwealth par egzanp ti fer certificate in Legislative Drafting. 

Me in arete fer, i ti fer. Lontan i ti fer mon krwar Bangladesh, in fer enn de lezot landrwa.  E resaman i ti pe fer Ghana.  Me en profeser, enn bann pli gran, bann pli gran profeser dan Legislative Drafting, malerezman in desede.

E alor mon pa konnen si sa, oubyen si kou ki fer Commonwealth pa fer.  Me selman a tou moman ki nou ganny en lokazyon, nou sey rod en training pou zot.  Nou ti ganny en zofisye Commonwealth ki ti vini 2 zour.

I ti vin fer en training avek bann zenn zofisye.  E parey mon dir, i ase prometan, me selman i pou pran letan.  Ok?  Mersi.

 

MR SPEAKER

Mersi AG.  Onorab Ahmed Afif.

 

HON AHMED AFIF

Mersi Mr Chairman.  Mr Chairman mon ti a kontan demann petet Minister Finans, olye Biro Attorney Zeneral.  Me selman lo Bidze, Biro Attorney Zeneral.  Mon vwar ki zot in met R87milyon koman capital expenditure an 2020.

E si ou pran pou 2021 ansanm i pou ariv R168 milyon pou fer en batiman dan 2an.  Eksplik nou ki mannyer zot trouv sa fezab,  etan ki La Digue Police Station, ki R19 milyon, pe pran 3an pou fer?  Eksplik nou ki mannyer zot pou annan kapasite pou zot kapab enplimant sa.

E dezyenmman plito en kestyon teknik lo sa building li menm, R168milyon.  Mon pe konpar sa avek building ki Gouvernman, oubyen son parastatal in deza fer SEYPEC.  In deza fer en building ground avek 4 letaz an vit, ek car park, ek tou son fasilite, ti ariv R53 milyon, 2500 met kare.

I paret mwan avek sa sif 168milyon, nou pou annan en batiman 3 fwa grander SEYPEC ground plus 4.  Ki mannyer zot in ariv lo sa sif?  Parske si mon travay lo en baz R20 mil par met kare,  ki ti building cost pou sa kalite building, sa letan nou pe ganny nou en building preski 8400 met kare?  Alor eksplik nou en pti pe ki mannyer zot in ariv lo sa kalkilasyon.  Mersi.

 

MR SPEAKER

Mersi Onorab.  PS Thesee.

 

PS DAMIEN THESEE

Mersi Mr Chair.  Lenformasyon ki nou, nou annan, in ganny travay avek MHILT, avek zofisye Land zot menm.  So sa figure ki nou nou’n servi pou met dan Bidze.

E sa ki nou konnen in soumet plan avek bann Lotorite Land, e nou pe esper repons avek zot si zot dakor avek sa plan.  So nou, nou pe sey expedite en pe sa bann plan ki Gouvernman i annan in terms of office accommodation.

Akoz ou konnen kontrent ki i annan, bokou landrwa pou kapab recruit.  So nou’n met sa provizyon la.  E sa i en Grant ki parey ou konnen Gouvernman Lenn pe donnen.  Alor sa i en provision figure ki nou pe mete.

So natirelman nou annan scope pou nou amande dan lefitir si egzekisyon pa ganny fer parey avan, konpare avek Kordgard La Digue par egzanp ki ti napa provizyon.  Sete la ki nou’n donn Bidze plizoumwen.

E nou ekspekte ki i ava terminen lannen prosenn.  Alor nou, nou pe baz lo bann serten assumptions;-  an vi ki tou keksoz pa ankor fini plizoumwen finalize en Bidze i allow ou pou met serten provizyon ler pa tou keksoz ki la.  Mersi.

 

MR SPEAKER

Mersi PS.  Onorab Afif.

 

HON AHMED AFIF

Mersi Mr Chair.  Mr Chair mon pe zis esey konpran.  Sa lesplikasyon pa’n ed mwan konpran.  Dizon dan evantyalite kot Gouvernman Lenn i dir be mon pe donn ou larzan le 01 Zanvye 2020, ou pou ganny tou sa ki ou bezwen.

Akoz ki i posib pou fer sa batiman sa grander dan 2an, ki pou fer renovasyon lo Kordgard La Digue, ki zis R19milyon i pran 3an?  Eksplik mon konmsi, i menm larzan, i antre dan kof Gouvernman, akoz Gouvernman i pran 3an pou fer en pti proze, me en gro proze dan 2an?  Ki rasyonal par deryer sa?

 

MR SPEAKER

Mersi Onorab.  PS.

 

PS DAMIEN THESEE

Mersi Mr Speaker.  Sanmenm sa ki mon dir, i enportan ki nou separ sa 2 case.  Lo La Digue ti napa funding dan lepase li.

E sa ki nou konnen sa lannen, Kordgard La Digue i annan Lapos e i annan en lot lofis ankor.  E sete bann diskisyon ki ti pe ganny fer pou tir sa 2 lezot lofis ki dan Kordgard La Digue, ki’n osi pran en pe letan.

So mon konnen MHILT osi i en pe overloaded avek proze.  So nou annan sa bann konstrent ki nou admet wi.  Me solman zot in sipoze fini analize.  E ler MHILT i vin la, petet i ava kapab donn en pe plis lesplikasyon lo sa bann proze ki anba zot responsabilite, zot pou vini.

Me solman ankor parey mon’n dir, nou, nou pe pran figure ki MHILT in donn nou.  Ler in fer son provisional costing lo sa batiman, son groser.  In soumet avek Land.  E tou son bann Proze Kapital ki nou annan avek Land, zot ki donn the final say.

 So nou, nou pe more or less, cater en pe sa provizyon.  Akoz dan lepase nou pa ti mete bann Bidze Grant as such dan a Bidze.  So nou pe become en pe plis transparan, nou pe fer bann provizyon.  So i pa definir.

Me selman at least i annan en pe plis transparans, ler ou war sa bann proze.  Ki donn ou en lendikasyon at least ki sa bann plan ki Gouvernman i annan, son bann proze ki pe vini.

Nou ti a swete ti’n fini finalize, ou ti ava’n annan kontra, nou ti ava met keksoz final, me nou napa sa.  Me selman nou annan sa komitman, e sa ki nou, nou mete.  Mersi.

 

MR SPEAKER

Mersi PS.  Onorab Afif.

 

HON AHMED AFIF

Zis en dernyen pwen.  Mon pa pe blanm okenn zofisye kot Minister Finans, mon konpran zot, zot in ganny demande met sa sif.  Me mon pa vwar li realis ditou.  Sirtou lefe ki zis pou met fotovoltaik lo State House, ki en pti proze, R2milyon probableman, i pa ankor ganny fer apre plis ki 1an.  Mersi.

 

MR SPEAKER

Mersi Onorab.  Onorab Churchill Gill.

 

HON CHURCHILL GILL

Mersi Mr Chair.  So bonn apre midi tou dimoun lo panel.  Mon premye kestyon se en presizyon pou Attorney Zeneral avek PS.  Vi ki sa size konsernan Baie Ste Anne Praslin i dan domenn piblik.

Nou tou nou konnen in annan bann miting ki’n ganny fer.  E Attorney Zeneral i dir nou inisyalman akoz sa depi 2017 in ganny met lo latab.  In dir poudir dan larepons ki’n donn lezot Manm, in dir ki zot ti’n anticipate ki premye ka sa lannen ki nou la 2019. Zot ti pou’n fini dil avek sa.  Me selman unfortunately, pou workforce ki i annan dan son biro,  e sa in fer ki sa in delay.  E la i pe anticipate lannen prosen, premye kar.

Si mon’n konpran li byen dan sa lesplikasyon, savedir pou sa bann dimoun ki pe ekoute, sa case ti pou’n fini dil avek si ti napa sa problenm mendev.  So savedir i napa nanryen pou fer ek 2020.

E la mannyer nou’n ganny lesplikasyon, savedir 2020.  Pardon, i napa nanryen pou fer ek 2021.  Me selman 2020, dapre son lesplikasyon, sa case nou sipoze kapab fini dil avek, pou ki sa bann dimoun Baie Ste Anne i a kapab war en solisyon.

Mon ti oule ki Attorney Zeneral i eklersi sa.  Donn nou sa commitment.  Apre lo kote Bidze, mon’n tann nonm Bidze lo pou konpansasyon lo Bidze Attorney Zeneral.  Mon konnen i pa devret la.  Akoz Biro Attorney Zeneral i zis process.  E, so i normal si i pa la.

Me pou sa process, mon konnen osi poudir tou lenformasyon in fini ganny anmase.  So zis konfirm ek nou.  Premye kar lannen 2020, ou ekspekte ki sa case nou kapab war pres son lafen.  Si pa son lafen.  Sa i mon premye kestyon.

2enm;-pou anba “goods and services,” pou 2019 napa okenn alokasyon.  Me selman pou 2020,’21, ‘22, i annan 1.5 milyon ki’n ganny mete koman “foreign consultancy fees,” sa i lo detay.  Me anba sa menm “professional fees” i annan en 500mil ankor par lao.

Ankor i mete anba “foreign consultancy fees”.  Ki an tou i fer 2milyon.  Si sa i relye avek sa larepons ki ou’n donnen pli boner, konmkwa zot pe anticipate rod bann konsiltan deor, pou kapab speed up en pe bann travay kot ou lofis.  Mersi.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Mersi Mr Chairman.  Mon krwar i enportan pou mwan fer resorti, poudir kontrerman avek konpansasyon La Misère, kot, let ‘s say, ler nou’n fer premye lenvanter, nou’n anvoy en rapor kot Minister finans.  E nou’n dir ke Minister finans, baze lo sa, sa, sa, sa, sa,  i annan tel sonm ki ou pou peye, e Minister Finans li in reget son, nou kalkil e in ariv lo en sonm.  Problenm avek Praslin i pli konplike ki sa.  Akoz li i napa zis en konpansasyon monneter.

I annan osi en konpansasyon an nespes kind of – relocation bann dimoun, bann keksoz koumsa.  So, e nou pe fer li more.  Pa konman Biro Attorney Zeneral per se, me nou pe donn sipor Minister Lanvironnman ki parent Ministry PUC. 

So nou legzersis nou ki nou’n fer se ki nou ti, petet ti a bon mon repete –  nou’n prepar en form kot nou’n met more or less, one to measure, pou fer sir ki nou ganny tou lenformasyon neseser lo tou dimoun.

Par egzanp konbyen letan ou’n reste?  Kote ou ti travay?  Ler ou ti travay keler ou ti travay? Si ou ti travay shift oubyen ou ti travay 8er – 4er.  Keler ki ou kot lakaz?  Bann keksoz koumsa pou nou kapab konpran en pti pe.

Par egzanp bann manrmay ki, bann dimoun ki ozordi i adilt, kote zot ti lekol, all this ou kapab dir nou’n fer en form ase sibstansyel pou nou kapab capture as much information.  Prezan ki nou’n fer, se ki nou’n fer en gran excel sheet.  E prezan nou’n met tou sa bann lenformasyon lo la.

E sanmenm sa bann lenformasyon ki nou ankor pe mete.  Ler nou pou fini ek sa lenformasyon, nou pou kapab dir avek ek Departman Lanvironnman roughly kwa ki nou, nou santi bann dimoun zot in ganny, zot in soufer,  an term domaz e pou nou met en sif avek bann lenformasyon ki nou’n kolekte.  Sa parey mon dir, mon ti anvi fer li depi premye quarter.  Malerezman i pa’n posib.  Mwan menm mwan mon ti desann Praslin mon ti ale.

Koman en Pralinwa mon ti santi poudir i neseser pou mwan ale, pou mwan donn en pe sipor mon bann zofisye.   E mon ti ale, mon to seye mwan osi pou mon kapab.  Malerezman i pa’n posib pou nou fre li dan first quarter.

Me ler nou pou fini sa legzersis prezan, i pou depan lo Minister Lanvironnman pou li kapab prezan dir ek bann dimoun.  Be ok, ou, fer sa bann lof e apre war si i annan bann dimoun ki pou ganny relocated, kote zot pou ganny relocated, ki kalite lakaz zot pou gannyen, eksetera, eksetera.

So i annan, i en pti pe pli –  Then mon kapab servi sa term, pli konplike oubyen pa osi straight forward ki lot kote, ki La Misère e lezot par egzanp fungus.  Me nou pou sey nou mye pou nou kapab target first quarter.  Pou nou kapab fer our part of the bargain.  Whether nou pou met li lo son la fen, i pa pou depan lo nou me i pou depan lo Minister Lanvironnman.

When it comes to “goods and services” – wi. Akoz ki i arive, se ki mon ti’n koze lo la, ki nou’n tir en pe larzan, ki ti, Lasanble ti’n Bidzete, ki ti’n aprouve pou nou lo legislative drafting pou nou anploy legislative drafter.  Pou nou kapab met dan consultancy.

Rezon akoz se ki parfwa nou pe get sa opsyon pou nou annan larzan dan ‘’consultancy’’ si an ka nou anvi retain en dimoun pou fer en Lalwa pou nou.

Akoz parfwa i kapab, let’s say mon pe zis pran en legzanp.  Let’s say i pran 2 mwan pou en zofisye fer en Lalwa.  I vre ki sa menm zofisye ou kapab servi li pou fer bann pti regilasyon, pou fer bann notices.  Pou fer en advice.

E i pran 2 mwan li, pou fer sa Lalwa.  Me when it comes to en konsiltan,  i kapab vini fer 1 mwan, oubyen ou pey li lavaler 1 mwan, sa zofisye, oubyen 2 mwan.  E i donn ou en Lalwa i fini.  E ou, ou ale ou pibliye, i al devan Lasanble.

Me problenm parfwa se ki i annan ler ki bann konsiltan zot, zot vini zot fer en Lalwa, apre zot ale.  E prezan nou wrestle deryer ler Lasanble i annan serten amannman, i pou bezwen toultan annan en zofisye ki-

Sityasyon ideal se annan en legislative drafter anploye ek Biro Attorney Zeneral.  Me nou’n met sa larzan dan consultancy.  Nou’n transfer, anvoy dan “goods and services”, pou nou if ever nou kapab donn nou en leeway pou nou anploy en konsiltan.

Be si nou ganny sans pou nou kapab anploy en legislative drafter,  then nou pou demann en virement pou nou kapab anvoy sa larzan dan “wages”, pou nou kapab pey en legislative drafter.  Mersi.

 

MR SPEAKER

Mersi AG.  Onorab Churchill Gill.

 

HON CHURCHILL GILL

Bon mersi AG pou sa klarifikasyon konmkwa bout ki konsern nou lofis dan premye kar, e ou pe anticipate ki premye kar ou a kapab fini.  Sa bann lezot ki konsern relocation, sa bann lezot Minister konsernen zot deza pe dil avek.

Savedir keksoz i on track pou 2020.  Mersi.

 

MR SPEAKER

Mersi Onorab.   Onorab Stephen Pillay.

 

HON STEPHEN PILLAY

Mersi Mr Speaker.  Bonn apre midi tou dimoun.  Mr Speaker mon annan en pti kestyon klarifikasyon kekfwa kot Attorney General.

Se ki lo program 1, dan zot Bidze pou “salaries and wages in cash”  mon war en pti rediksyon R250 par mwan.  So ou kapab donn nou en pti detay akoz zot in redwir sa, oubyen sa 250 ki dan zafer sa 5 poursan en dimoun ki pa pou gannyen dan salary amendment.

E dezyenmman lo program 2. Akoz ki Attorney General son Bidze lannen pase ti 5.149million, e la zot in revize lafen 2019 pou vin 3.6, en rediksyon 1.5milyon.  Epi 2020 zot remonte pou al 5 milyon.   Eski nouvo staff ki pe vini?

Mon konnen dan zot ‘’approved new spending’’ i annan pou P3.  Me sa P2, lekel sa bann nouvo cash ki pe vini, ki staff or whatever ki pou gannyen.  E ki sa osi i enkli son 5poursan, enkli parey dan programme 3, ki sa ‘’new spending’’ i ariv 1.794milyon, e zot annan en diferans 3 milyon from 2020 ek 2019.

Sa 1.3milyon diferans, kote i pe ale, si i pe al dan sa wages increase ki pou gannyen 5poursan or nouvo Lalwa ki pou pase?  Mersi Mr Speaker.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Mr Chair, mon pa’n sezi okenn pwen, mon pa’n sezi li byen, okenn pwen ki Onorab Pillay in fer.  Mon pa konnen si i ti ava donn mwan sa – willing to, fer sa pwen petet enn par enn, e petet mon ava kapab reponn.  Mon pa’n sezi premye, 2enm e 3enm byen.  Mon apologies pou sa.

Mon krwar ler mon pe, an menm tan ki mon pe rode.  Mon pe sey ekout ou.  Yah.

 

MR SPEAKER

Eski PS ou pou kapab reponn sa?  Non.  Onorab Pillay fer ou kestyon kler, enn par enn.  Enn poz, fer 2enm poz, pa anmenn tou ansanm, ok.

 

HON STEPHEN PILLAY

Non, konmsi mon pou demann 3 kestyon diferaman Mr Speaker.

 

MR SPEAKER

Wi, poz ou 3 kestyon, me mwan osi mon’n war ou’n al enn dan lot, mwan osi mon pa’n ganny en konpran.

 

HON STEPHEN PILLAY

Mr Speaker mersi.  Lo progranm 1, i annan rediksyon R250 par mwan lo zot “salaries and wages” from 2019 pou 2020, par mwan, i pou tonm apepre R3mil par an.  Premye kestyon.

 

MR SPEAKER

AG, nou ava les li pran sa 2 lot, ou’n note.  Ale Onorab Pillay.

 

HON STEPHEN PILLAY

Mersi Mr Speaker.  2enm se lo progranm 2,  akoz ki zot pa’n servi zot Bidze 5.149 milyon ki in fer en rediksyon 1.5 milyon dan revised budget.  E la zot pe redemann ankor pou retourn apepre parey lo 1.42 milyon.  I fer 5.017milyon.  Eski i enkli zot 5 mwan saler, oubyen i annan nouvo Scheme of Service ki pe ladan.

 

MR SPEAKER

3enm kestyon.

 

HON STEPHEN PILLAY

Mr Speaker lo progranm 3, ankor lo “wages and salaries”.  I annan 1.794 milyon ki pou bann new Scheme of Service dan ‘’approved new spending,’’   ki reste en diferans ant 2000, sa diferans 3milyon ki annan 1.3milyon kote pe ale dan zot “wages and salaries”.  Mersi.

 

MR SPEAKER

Mersi Onorab.   PS Thesee.

 

PS DAMIEN THESEE

Mersi Mr Chair.  Anba progranm 1 mon pe sey rod sa 250mil mon pa war.  Akoz Bidze 2019 pou progranm 1 anba “wages” ti 4.157, pou 2020 i 4.154.  Petet klarifye sa 250mil silvouple.

 

HON STEPHEN PILLAY

Mr Speaker i R250 par mwan, akoz sa rediksyon?  Apepre, si ou balans sa diferans ant 4157 avek 4154, i pou tonm par mwan R250.  Si mon konte i bon, mon pa konnen si -.

 

MR SPEAKER

PS.

 

PS DAMIEN THESEE

Mersi.  Savedir R3mil par lannen.  Akoz ler nou fer Bidze nou plizoumwen fer ‘’MBE’’ exercise.  Savedir nou pou get actual saler lo en payroll.  Savedir i pou sa kou payroll pou sa bann dimoun ki la, si i napa nouvo pozisyon ki ou’n cater.

 

MR SPEAKER

2enm kestyon.

 

HON STEPHEN PILLAY

Mr Speaker lo sa ki PS pe dir, be tou lezot landrwa bomaten kot Vis-Prezidan in vini, in annan 5poursan logmantasyon lo saler.  Be ou pa pe gannyen la lo sa progranm 1.  Mersi.

 

PS DAMIEN THESEE

Mersi.  Petet nou, nou pa’n fer kalkilasyon progranm par progranm.  Nou’n vin avek zeneral increase ki i annan dan saler.  Savedir overall pou saler nou annan en increase 1.48 milyon.

Sa pou divize ant sa 3 progranm.  I annan sa 3 progranm, saler mannyer i ete, in increase par 174mil pou bann non, long service allowance.  In increase par R180mil pou bann PSE holders ler i reviz sa Scheme of Service.  Nou annan 287mil pou wage grid increase.

Nou annan 200mil increase dan Gratwite.  Nou annan 700mil increase pou bann ITECH consultant ki pe vini lannen prosenn.  Nou annan staff ki pe sorti anba ‘’consultancy’’ ki pe vin anba payroll, pou en sonm R505mil.

Apre nou annan bann ‘’new spending proposal.’’  Bann nouvo recruitment ki zot pou fer.  Ou annan Senior State Consult, en State Consult e osi nou annan bann rediksyon ki parey AG in eksplike, in al anba ‘’consultancy.’’

Savedir overall dan sa 3 progranm, nou pa’n fer li par 3 progranm.  Me solman nou’n consolidate li ansanm.  Si i ou get li an zeneral pou saler, nou annan sa increase 1.48.

Savedir bann diferans ler nou fer MBE, savedir pou staff ki lo payroll azout bann nouvo dimoun ki vini, azout bann amannman lo saler an term, PSE Allowance, Long Service Allowance wage grid.  An total sa i son lefe.  Mersi.

 

MR SPEAKER

AG.

 

ATTORNEY GENERAL FRANK ALLY

Mr Chair mon krwar pou progranm 2, pou “legislative drafting”, sa diferans i ganny, i lo, i an rezilta parey ki mon ti’n dir, nou ti’n tir larzan, akoz nou pa ti kapab servi tou larzan sa lannen, pou “legislative drafting”. 

E nou’n demann pou nou transfer en pe larzan sorti, pou al dan ‘’consultancy.’’  Sa enn bann rezon ki i annan en sanzman ase konsiderab.  Mersi.

 

MR SPEAKER

Mersi AG.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker kestyon.

 

MR SPEAKER

Non, non, non, non, non, Onorab.  Mon go back to – Mon prezant mon leskiz.  I annan 2 Onorab Pillay.  Onorab Stephen Pillay i kler ou 3 kestyon?  2, 3enm.  3enm part kestyon?  PS oubyen AG.  Repet ankor Onorab Stephen Pillay.

 

HON STEPHEN PILLAY

Mersi Mr Speaker.  3enm kestyon ankor  i menm Mr Chair, i anliny ankor avek sa diferans 2020 pou 2019 avek sa “approved new spending measure” ki annan pou R1.794 milyon.

Me ler ou pe get ladiferans, ou pou reste ou apepre en balans R1.3milyon, si i pe al ankor dan sa bann consultancies, dan bann.  Mannyer ou dir?  Allowances oubyen bann, sa benefis 5 poursan ki nou sipoze gannyen ler zafer i pase.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Mersi Mr Chair.  Onorab Pillay in lev sa sonm ki i annan diferans dan progranm 3.  Dan progranm 3 par egzanp, nou’n annan en sonm ase konsiderab ki nou’n transfer.  Akoz nou ti annan en foreign consultancy.

Ti annan en dimoun ki ti pe travay kot nou koman en foreign consultant.  Me mon ti santi poudir i pa dwatet en consultant akoz fason ki mannyer, i ti dwatet en officer.

So ki nou’n fer se ki nou’n transfer son larzan e son post sorti Legal Consultant, nou’n met li en Assistant Principal State Council.  E sa en sonm ase konsiderab.  En sonm R505 mil.  Apre ki nou’n fer se ki nou pe etablir en Anti-Money Laundering Section.

E  nou pe rod anploy 3 zofisye.  E sa Finans in dakor avek nou.  Pou nou kapab donn plis sipor lo kote anti-money laundering.  Nou annan Biro Attorney Zeneral, enn nou, en pli gro challenge, enn bann gro challenge ki nou annan, se pou respond to bann neutral legal request from legal neutral assistance. 

Ki arive, se ki Sesel parey ou konnen i en ziridiksyon international business.  E i annan en kantite dimoun ki annan bann konpani isi.  I annan bann dimoun ki parfwa, i hold bann larzan oubyen zot transfer larzan.

E nou ganny bokou demann par bann Enforcement Agencies, bann Authorities aletranze, ki demann nou pou provide zot avek lenformasyon.  E nou, i en louvraz adisyon lo nou bann State Councils.

E prezan nou anvi, pou nou kapab respond, akoz apre sa neutral evaluation report, avek sa national risk assessment report, in rate nou en pti pe ba.  Baze lo fason ki mannyer nou respond avek bann Authorities.

E nou osi konman en, Central Authority – Biro Attorney Zeneral i Central Authority,  si demen par egzanp Anti-Corruption Commission oubyen lapolis or whoever,  i anvi ganny serten lenformasyon avek en Central Authority dan en lot pei pou rezon en lanket ki pe ganny fer Sesel.  Nou bezwen fer en demann pou sa Enforcement Agency.  In arive bann ka kot nou’n fer.  Me nou bezwen annan en seksyon ki more dedicated.

E i annan bann pei ki ozordi zot pe fer bann pti seksyon oubyen bann Departman, ki dedicated to anti-money laundering.  E sa i enn bann larzan.  Sorry mon’n en pti pe pli go an detay.  I enn bann seksyon ki nou pe kree.  E pou nou kapab fer sa, kot nou pou annan nou en minimonm 2 zofisye, or at the most 3 zofisye.  E zot ki pou la Ankour pou liaise avek Financial Crimes Investigation Unit avek Lapolis pou zot fer bann proceeds of crime, fer bann sezi, konfiske bann larzan.

Pou nou osi fre bann ekstradiksyon si i annan, bann mutual  legal assistance e bann prosekisyon pou anti-money laundering.  Sa i enn bann depans ekstra.  Mersi.

 

MR SPEAKER

Mersi AG.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mon pou fer en kestyon tre senp.  Avek ou Bidze ou dir nou ou pe fer “restructuring. ”  Enn bann keksoz ki mon ti a kontan klarifye avek Attorney Zeneral, vi ki i la, bann diferan Legal Advisors dan bann diferan Departman Gouvernman.

Eski zot annan, eski zot bann secondment from Lofis Attorney Zeneral?  Oubyen eski zot anploye direkteman par sa bann lofis?  Akoz sa parfwa i kree en pti pe difikilte sirtou ler nou pe diskit bann travay, swa bann Lalwa.

Kan Lalwa i ganny drafted by the Attorney General’s Office.  Me ou annan en Legal Advisor dan sa Minister.  So klarifye whether or not i dan plan Gouvernman pou anmenn sa bann dimoun anba lofis Biro Attorney Zeneral.

Oubyen si zot pe allow serten lendepandans pou bann diferan antite, recruit zot prop Legal Advisors.  Mersi Mr Speaker.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Mersi Mr Chair.  Pou le moman mon pa ankor annan okenn – Mon pa krwar i annan okenn desizyon pou fer bann legal officers dan bann lezot Departman Gouvernman, dan Gouvernman zeneralman.  Vi ki nou anba AG’s Office, e ganny segonde, mon pa konnen si Gouvernman i pou al ziska sa zistans.

Mwan ler mon ti ganny apwente, mon ti demann DPA petet pou nou ganny lalis tou bann legal officers dan Gouvernman an antye.  E lide se ki pou nou kapab zwenn zot petet e montre zot,  ki zot pa tousel.

E sirtou si en Legal Advisor i li tousel dan en Minister.  Ki i annan Biro Attorney Zeneral, e kot nou kapab travay more or less konman en tim, menm si nou pa fizikman on site.

Wi i kapab en, i kapab en bon propozisyon, kot tou bann legal officers i bezwen first of all, i bezwen en zofisye biro attorney Zeneral.  E apre i ganny seconded, ou deputized dan bann serten Departman Gouvernman.

Me sa i pou en policy decision ki Gouvernman i pou pran.  Me mon pa krwar poudir ziska ler, menm si mon’n deza fer mansyon.  Me nou’n vreman konsider li a fon.  Akoz i kapab ki i annan bann dimoun pa pou konfortab avek sa.  Me i annan dimoun pou i pou ekstrememan konfortab.  Mersi.

 

MR SPEAKER

Mersi AG.  Onorab Henrie.

 

HON GERVAIS HENRIE

Mersi Mr Speaker.  Mon kestyon i baze lo abilite AG’s Office pou delivre sa ki ekspekte avek zot, kwa.  Parski dan son larepons AG in dir nou ki i service delivery, i reste zot priyorite.

E in reasir nou ki zot pou kapab response to the need of the Government legislative need.  Be solman an menm tan, nou vwar poudir, i annan en mank kapasite, ki swa akoz sa resours imen pa available.  Ouswa akoz larzan pa available.

So mon anvi zis demann li, kwa ki i kapab dir nou, pou nou vreman satisfer nou lekor, poudir nou pe donn zot en alokasyon Bidze, ki pou zot pou kapab fer sa travay avek?    E pou donn en legzanp, lakantite Lalwa ki ti’n prevwar pou pas devan Lasanble.

Target zot in achieve zis 45 poursan.  Me solman zot anbisye pou anmenn 70 poursan lannen prosen;-  ki mon pa neseserman krwar zot pou kapab.  E menm nou vwar dan bann challenges ki Biro Prezidan in met devan, drafting of Laws zot in highlight sa.

So mon anvi ou dir nou en keksoz, vreman kwa ki kapab reasir nou poudir vreman ou pou kapab fer sa ki ou merit fer avek larzan ki nou pou donn ou?   Mersi.

 

MR SPEAKER

Mersi Onorab.  AG.

 

ATTORNEY GENERAL FRANK ALLY

Mersi Mr Chair.  Mr Chair “legislative drafting” parey mon dir i pa zis Biro Attorney Zeneral.  Nou drafte Lalwa pou bann Departman Gouvernman.  E nou kapab annan sa will, nou kapab annan sa legislative drafter, let’s say ki available.

Me selman si nou napa sa drafting instructions, e sufficient drafting instructions, i pou poz en problenm.  Mon pe sey pous zofisye pou become more engaged in the drafting.  E shape en pti pe Polisi.  Me parfwa i pa fasil.

So, petet avek sa kantite zofisye ki nou annan, nou pou sey nou mye.  Me nou annan en kantite Lalwa pou, ki pe ganny drafte pou anti-money laundering.  E sa i pou poz en pti pe difikilte lo serten nou bann drafters.

En kontrent ki pou petet fer zot pa perform dan bann lezot area.  Me mon’n demann dan dernyen EU, political dialogue, nou ti demann avek Linyon Eropeen pou ed nou avek 2 keksoz.

En avoka pou kapab ed nou avek anti-money laundering e bann lezot lofans parey.  E osi en legislative drafter.  Erezman zot in kapab donn nou en konsiltan.  I pa ankor vini, i sipoze vini, me mon ekspekte ki i pou la, swa enn pou la ase permanan.

Kot nou anvi servi li pou dil avek serten nou bann Lalwa.  Nou annan en kantite Lalwa ki nou pou bezwen dil avek.  Nou bann meeting avek bann Departman Gouvernman nou’n konstate poudir bokou zot, zot annan bann serten keksoz, bann Lalwa ki zot anvi anmennen.

E nou pou sey nou mye.  E se sa ki mwan bi se dan last quarter of every year, nou fer en pti pe parey legzersis Bidze,  nou al kot bann Minister, bann Departman e nou egzamin zot meansThen nou kapab table en Papye devan Cabinet,  pou nou dir be gete, la i la en lalis Lalwa.  E priorities sa bann Lalwa.  E on the first quarter onwards of the year nou konmans anmenn Lalwa, e nou rezerv en pti pe the last quarter pou nou pa anmenn Lalwa. Nou’n fer li en pti pe diferaman, kot last quarter nou anvi anmenn bokou Lalwa.

E Lasanble parey nou vwar i santi zot en pti anmare akoz i annan Bidze pou zot deal avek.  So i pou reste en problenm kapasite.  Parey mon dir,  si Cayman Island ler mon get parey from debriefing ki mon’n gannyen, se ki the legislative drafter laba zot ganny peye byen.  E zot delivre.  Mwan par egzanp ler mon pou anploy mon en Legislative Drafter, lanmen i anmare.  Akoz DPA pou dir avek ou, ou bezwen anploy within ou Scheme of Service.  E ler sa legislative drafter ou vini ou dir ek li sa saler ki ou pe donn li.

I pa donn li okenn lankourazman.  Se sa enn bann – Me selman an menm tan ou ale, ou dir be ou al lo consultancy.  Me selman ou pa pou kapab tro donn en dimoun en kantite larzan lo consultancy, akoz nou pou ganny kritike.

Sa legislative drafter ki pe travay dan lofis pou vire, pou dir avek mwan, ‘’be plito mon kite, mon ale, mon al vin en konsiltan mon a ganny plis larzan. ‘’ Menm si i pa pou vin dan en fason konstan.  So i i annan touzour sa difikilte.

Me avek logmantasyon Legislative Drafter ki nou annan, ki nou’n gannyen sa lannen, mon krwar nou a kapab perform pli byen.    Ou konnen, pa akoz ki nou pa’n anmenn bokou Lalwa devan, pibliy Lalwa, ki vedir ki nou pa pe travay.

Nou’n avek par egzanp Immoveable Property Tax Act, nou’n annan en kantite miting.  Nou’n fer en kantite konsiltasyon entern, review Lalwa, pou nou kapab ganny en Bill ki nou met dan, ki kapab al konsiltasyon.  Nou pe fer par egzanp Communications Bill. I en gro Lezislasyon, en kantite travay, en kantite enteraksyon avek Departman Lenformasyon e Kominikasyon.  So i annan en kantite louvraz ki ganny fer.

Nou annan par egzanp Financial Consumer Protection, i annan en kantite Lalwa ki pe ganny fer.  They are works in progress. 

Me i pa ankor pare pou ganny pibliye, pou senp, pou en pti keksoz, ouswa parfwa bann gro keksoz.  Nou annan par egzanp Nature Conservancy, there is a lot of laws dan bann lofis Biro Attorney Zeneral plito, ki pe ganny drafte an konzonksyon avek zot bann
Minister, zot bann line or instructing Ministry.

Me zot pa ankor pare pou nou met devan Lasanble Nasyonal.  Parey mon dir i pa depan, senpleman lo Biro Attorney Zeneral.  Si ou pou dir avek nou koumsa, asize fer en Lalwa, petet wi nou pou fer en Lalwa.

Nou pou met devan Lasanble Nasyonal.  Me i pa vedir ki sa Lalwa, sa Minister.  Akoz nou, nou bezwen esper lenstriksyon.  E lenstriksyon dapre PSO i sipoze lenstriksyon detaye.  Akoz i annan 2 kalite drafter.

I annan bann legislative drafter i vini i dir ek ou koumsa, ou vini avek tou ou papye, dan ou layman’s terms donn mwan, mwan mon a drafte pou ou, mon a met li dan langaz legal e ou pou ganny ou Lalwa.  Me si ou lenstriksyon pa bon, mon pa la pou vin donn ou Polisi – ok?

Me i annan par kont, ki petet nou pe sey ankouraze.  Akoz nou en ziridiksyon ki ptipti.  E nou napa ase kapasite dan bann Minister.  Pa tou Minister ek Departman ki annan en legal officer, Advisor ki kapab asize e donn lenstriksyon.

Oubyen bann policy, bann zofisye ki dil avek policy.  Ki pou kapab fer sa.  So se la rezon akoz ki nou’n deside fer sa legislative, fer sa bann meeting avek bann Departman, pou nou montre zot poudir non, rather than ou annan difikilte e ou pa konnen kote ou pou ale, nou, nou vin kot ou.

So nou’n fer bann miting avek zot pou nou kapab sey zot means.  E parey mon dir ou i en task ki gro.  Mon pou donn ou en legzanp.  Mon konnen poudir in annan, mon pa konnen si, mon krwar dan Lasanble zot in raise sa issue.

Nou annan Lalwa la Defans.  Ankor i en pe ‘’works in progress.’’  E nou bezwen lenstriksyon.  Nou pa pou kapab konsevwar en Lalwa lo Lafors Defans, sa Lafors Defans donn nou clear lenstriksyon lo la.  Nou pa pou kapab fer sa.   So nou bezwen travay an konzonksyon avek sa Departman Gouvernman, pou li kapab donn nou sa lenstriksyon, e dir nou ki li i anvi dan sa Lalwa.  Prezan sa Legislative Drafter li i fer sa Lalwa.   E i pran bokou letan.

Ou konnen, nou ti fer par egzanp regilasyon Stevedores.  Ti pran nou en kantite letan pou nou fer.   Nou ti zwenn bann stevedores, nou ti asize, nou ti pran lenstriksyon avek zot.

Nou’n fer miting apre miting, pou nou kapab evantyelman ganny en regilasyon ki’n fer en pe linanimite parmi tou bann akter.

E zot ti happy, akoz zot ti vwar poudir zanmen zot in ganny sans asize avek tou bann stakeholders e vreman diskit en keksoz e ganny en prodwi fini.  Ou vwar?  So i quite time consuming.  Mersi.

 

MR SPEAKER

Mersi AG.  Bon, mon krwar Onorab Henrie AG in reponn ou kestyon.  Bon nou’n ariv a lafen lo Bidze Lofis Attorney Zeneral.   PS in sinyal mwan ki nou pou pran Bidze, nou pou vot en sel ansanm avek Bidze lo Registrar Division.

Ki pou li en sonm R18, 635milyon.  Ki fer en total R140, 318milyon.  So nou pou pran en vot lo Departman Legal Affairs ki konpri AG’s Office;-  ki lo paz 21 ziska 26, pou en sonm R121, 683milyon avek Registration Division ki lo paz 27 ziska paz 31.  Pou en sonm R18, 635milyon, ki fer en sonm total R140, 318milyon e ki form par sa schedule.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  24 Manm in vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pou Legal Affairs Department, in ganny aprouve par Lasanble Nasyonal.  Bon avek sa mon pou remersi bann zofisye dan AG’s Office;- Mr Ally, AG li menm.  Mr Esparon e Mrs Karen Hoareau.

Mersi bokou e nou ava eskiz zot parmi nou.

 

(AG AND HIS DELEGATION WAS EXCUSED FROM THE HOUSE)

 

MR SPEAKER

Bon nou pou pran Departman Public Administration.  Me mon sizere ki nou pran en pti break avan.  E mon sizer, eski nou pran en demi erdtan oubyen eski nou pran 20 minit?

Mon konnen i annan Manm ki’n sorti dan en miting apre in sot direk dan Lasanble.  20 minit i sifi.  Ok, dakor, savedir nou retournen 5er mwen 25.  Alright, so nou break nou retournen 5er mwen 25.

 

(BREAK)

 

DEPARTMENT OF PUBLIC ADMINISTRATION

 

MR SPEAKER

Bon nou ava kontinyen nou travay.  E mon ti a kontan dir en bonzour e welcome Ms Jessie Esparon ki Chief Secretary pou Departman Administrasyon Piblik.  E Ms Esparon i ganny akonpannyen par Mrs Marie Annette Rosalie ki Financial Controller.

Nou touzour ankor dan prezans e konpani Vis-Prezidan PS Thesee, Ms Coopoosamy e Ms Croisee.  Bon okenn Manm ki annan kestyon pou DPA, Departman Administrasyon Piblik?  Zis petet PS gid nou lo paz e lo Bidze.

 

PS DAMIEN THESEE

Mersi Mr Speaker,  paz 13 pou Departman Ladministrasyon Piblik, pou en sonm R22.347milyon.  Mersi.

 

MR SPEAKER

Mersi.  Pou bann Manm i lo paz 13, ziska 20.  Okenn Manm ki annan kestyon pou DPA?  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker i ase rar ki nou ganny Ms Esparon konmela.  So nou ava demann li enn de ti kestyon.  Me 2 keksoz ki mon santi i vreman enportan;-  mon ti a kontan demann Ms Esparon akoz, akoz DPA pa kapab annan, pa kapab permet en pe fleksibilite dan rekritman.  Akoz nou tann tro souvan.  So i en lot lokazyon konmsi pou ou, pou eksplike.

Nou’n annan en long rankont avek kot lekol Maritime.  E parey, Vis- Prezidan i ava apresye.  Bann tutors, bann lecturers dan lekol Maritime, sa bann kaptenn,  se bann dimoun ki pe R50, R60, R75, R100mil par mwan.

E lekol pa kapab ganny rekonnet.  Akoz zot napa sa bann teachers, sa bann lecturers, sa bann lecturers, akoz nou pa ganny permisyon pou nou recruit zot.  E right through the system i annan sa blokaz.

E mon asire, Ms Esparon, ou’n antann AG osi pe eksplik son bann challenge ki i annan osi dan son Departman.  E sey dir nou ankor ki zefor ki zot pe sey fer pou zot kapab ofer en pe fleksibilite, pou kapab annan en pe plis lefikasite dan output bann Minister, bann Departman.  Mersi.

 

MR SPEAKER

Mersi Onorab.  Ms Esparon.  Ok, en moman Ms Esparon.  Ou dan menm laliny Onorab De Commarmond.  Ale go ahead.

 

HON CHARLES DE COMMARMOND

Mersi Mr Chair.  Mr Chair Bonn apre midi, bonn apre midi VP, Ms Esparon ek zot delegasyon. E tou Manm Onorab ek tou dimoun ki a lekout.

Mr Chair dan menm laliny petet si Ms Esparon ti kapab pronons li osi lo bann diferan Scheme of Service.  Akoz sa osi toultan nou war en kantite Scheme of Service.  E prezan o firamezir Departman i demande, lot Minister i demande. E sa i ale, i ale, i ale.

Konmsi, eski DPA i annan en vizyon e en konverzans dan en serten fason pou tyek nou public service an zeneral, dan en fason long term pou kapab osi anmenn performans dan tou sa pou donn en pli bon … fer Gouvernman vin pli efikas;- dan e pli efektiv.  Mersi.

 

MR SPEAKER

Mersi Onorab De Commarmond.  Ms Esparon bear with us.   I annan ankor en Manm pe sinyal mwan pou, pandan menm laliny.  Onorab Jude Valmont.

 

HON JUDE VALMONT

Bonn apre midi, mersi Mr Chair.  Bonn apre midi a tous lo panel.  Petet zis pou met en kap lo sa ki sa 2 Onorab avan mwan in dir.  Zis petet nou’n tande Minis Finans ti fer son prononsman, ti dir pou fer en reform.  Alors si Ms Esparon i kapab koz en pe lo sa reform.  Mersi.

 

MR SPEAKER

Mersi.  Ms Esparon laparol i pou ou.

 

CHIEF SECRETARY JESSIE ESPARON

Mersi Mr Speaker.  Bonswar tou, Mr Speaker e tou Manm Onorab e bann dimoun a lekout.  Onorab Ferrari in demann kestyon lo fleksibilite.  Be dan servis piblik i annan en kantite delegation of authority pou dimoun recruit, selman en serten nivo.

En lot serten nivo i bezwen vin kot DPA dapre PSO, dapre framework.  Ou’n koz lo kaptenn dan Minister Ledikasyon dan lekol MaritimeDPA zanmen in ganny okenn request sorti kot Minister Ledikasyon pou recruit sa bann etranze kot lekol Maritime.

Zanmen in deza gannyen.  Si son request i vini, nou ava gete ki i a pe demande.  E si bann demann ki tonm dan sa lankadreman, ki i annan recruitment pou fer.

Kot AG’s Office, dimoun normalman i ganny recruited atraver Scheme of – zot annan zot Scheme of Service.  E mon konnen poudir kot AG’s Office, kekfwa i kapab annan enn de sityasyon ki annan serten derogasyon ki kapab pran dimoun lo consultancy,  kot i santi i bezwen pey en dimoun en pe plis.  Be DPA i pa pou blok apwentman personn, oubyen blok donn larzan.  Sa dimoun i a ganny peye, i bezwen ganny peye dapre en striktir, dapre framework e non pa dapre nenport kwa.

E i osi dapre son Bidze ek son larzan ki i gannyen.  Nou, nou travay ansanm ek Minister Finans, nou annan en commitment pou nou osi kontrol en pe sa Wage Bill.  Me selman si i annan bann sityasyon spesyal.   Nou touzour kapab get ladan.  Mon rapel en letan kot, mon pa konnen si kot, mon krwar kot Por or SMSA, ti annan bann sityasyon spesyal kot zot ti bezwen recruit bann surveyors.

Be nou ti fer bann laranzman, in fact nou ki ti rekomande kot Minister Finans ki sa bann dimoun an vi ki zot pa kapab antre dan framework, larzan i ptigin.  Zot la lo en fason, en consultancy.

In deza annan, be selman apre dan bann zafer tir bann consultancy i dir fodre al fer procurement,  sa sityasyon in ranverse in fer en Scheme, in aranz zot.  Annan de fwa probableman dimoun pa ganny lesplikasyon li ki mannyer keksoz i ete.

Apre zis zot ale, zot dir be sa larzan ki sa bann dimoun pe demande, si i pe demann mon R100mil tro gro, DPA pa pou aprouve.  Me selman nou, nou pa pou kapab aprouv en keksoz ki pa dan framework.  Be selman petet i annan en lot fason pou anmenn sa bann dimoun.

Sa mon larepons lo sa 2.  Onorab Leader of Government Business in koz lo Scheme.  Wi Scheme nou annan en kantite.  E nou kont i 151 aprouve.  Sa ki’n aprouve, sa ki’n ganny revize.

Apre i annan bann framework kot ou napa en kantite kad, me petet ou annan 1 post ki nou fer en framework ki mannyer pou sa bann dimoun ganny en pti pe plis larzan.  Me selman ki nou war, nou war i pe vin bann sityasyon ou a dire i annan en pe paryaz, pou mwan fran.  Ou fer en Scheme la, lot laba i gete, i dir be laba pe ganny plis.  Konmsi i vin en nespes parey en konpetisyon.

Bomaten mon’n byen kontan tann Minis anonse ki dan kad RBM, Reserved-Based Management nou annan sa bout PMS, Performance Management System ki nou’n fek in fact lanse.

E se li sa pilye RBM ki pou get performans dimoun dan landrwa travay e fason ki mannyer pou ou rekonpans sa bann dimoun.  Pou le moman nou pa ankor deside ki mannyer ou pou rekonpanse.

Akoz ou bezwen kree incentive.  Konmela mannyer mon pe war, nou annan kantite incentive.  Nou annan Scheme, nou annan bann Allowance dan Scheme.  Nou annan long service allowance. 

Prezan nou bezwen mazinen dan en fason inovativ kwa incentive ki nou pou annan ankor a lavenir pou rekonpans dimoun ler nou entrodwi sa performance management.  Akoz la deza nou pe ganny en kantite, nou pe donn en kantite incentive.

Prezan nou bezwen mazin a lavenir ki kalite incentive nou pou donnen, pou motiv dimoun plis.  Me selman  i tous lo performans endividyel.  E dimoun i bezwen konmans mazinen depi konmela, ou pou bezwen delivre, pou ou ganny peye.

E non pa zis ganny allowance anba Scheme.   E rekomandasyon osi ki nou pe gannyen avek nou bann dimoun ki vin ed nou World Bank.  Reget fason ki mannyer pou fer sa bann Scheme, si pou fer, si pou kategoriz zot.

Akoz i annan en kantite pou administre.  E sa bann 151 Scheme la, in ganny fer ant 2010 letan nou it fer sa salary review ki Commonwealth ti vini, ziske la.  In ganny fer over time, e mon konnen Minister Finans i depans en kantite larzan pou enplimant bann Scheme.

Apre mon’n mansyonn sa performance management ki Minis pe dir nou oule kick-in 2021.  So nou pe travay, mon annan zis 1 dimoun pou fer sa louvraz. E nou ti recruit li an 2018.   Sa lannen i fer son 2enm lannen.  Me pou nou fer sa travay nou bezwen dimoun pou travay.

Kantmenm mon dan DPA, mon pa kree post pou mon prop lekor mwan, mon bezwen larzan pou mwan kapab kree post, pou mwan recruit dimoun.  So sa i en defayans, ki menm parey sa lannen nou pa’n kapab ganny larzan dan Bidze pou nou kapab recruit additional pou sa PMS.

Me mon krwar Minister Finans an vi ki Minis in anonse nou bezwen kick sa 2021, then zot ava senpatik anver nou demann, zot a donn nou, nou funds.  Mersi.

 

MR SPEAKER

Mersi Ms Esparon.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair 2 keksoz.

(1) Si nou krwar alor, sa travay, sa vizyon ki i annan, ki Minis in nonmen bomaten i en keksoz enportan ki zot devret al lo la, akfer bezwen esper 2021?  Mwan mon krwar i devret ganny gete la dan sa Bidze.  Si non pli tar dan Midyear Review.  Sa i devret ganny gete.  Akoz pou mwan sa mon krwar i enportan en kantite.   E i bezwen ganny en serten priyorite.

Dezyenmman, i annan sa kestyon long service.  E mon krwar mon pa’n tann nonm lo la ziska la.

  I annan dimoun ki’n travay plis ki 40an.  Ki mannyer sa pa a ganny gete.  Mon krwar i devret, nou devret get tou dimoun.

E la ozordi sirtou tou dimoun pe demann tou sa bann keksoz.  Mon krwar annou pa fer keksoz par piecemeal.  Annou get dan en fason zis, en fason pli fair, pou enkli bann dimoun.  E mon krwar pa si i annan bokou.

La i vin menm parey avek sa bann zafer pansyon ki la, mon war in adrese.  In deza ganny leve avan.  Me sa bann zafer long service, mon krwar zot devret pa kit personn deor ladan.  Mersi.

 

MR SPEAKER

Mersi Onorab.  Ms Esparon.

 

CHIEF SECRETARY JESSIE ESPARON

Ok, mersi Mr Speaker.  Mersi Onorab pou ou propozisyon;-  long service allowance ti ganny, parey zot konnen ti ganny anonse en pe letan pase par Minister Finans e Minis La Rose ti ankor la.  E cap ki ti ganny mete se 40an servis.  Nou’n swiv menm Polisi.  Me si Gouvernman i pare pou finans pou dimoun par lao 40an servis, nou a rode ki kantite dimoun i annan, e nou a donn Minister Finans, i a budget e nou a get dan sa bann dimoun.  Mon pa war okenn problenm avek sa.  Mersi.

 

MR SPEAKER

Mersi Ms Esparon.  Yes Onorab De Commarmond.

 

HON CHARLES DE COMMARMOND

Eskize Mr Chair.  Be petet lefe ki Vis-Prezidan i la, li ki Minis pou Ladministrasyon Piblik, eski i kapab donn nou serten commitment lo sa 2 pwen ki nou’n leve la, sa kestyon pou revwar ki sa bann Scheme i fer en sel revwar lafason public service i pe marse la.  E an menm tan sa zafer long service ki nou’n nonmen.

 

MR SPEAKER

Mersi Onorab.

 

THE VICE-PRESIDENT MR VINCENT MERITON

Mersi Mr Speaker.  Mr Speaker pa mwan ki Minis Responsab Administrasyon.  Amwen ou pe donn mwan sa promosyon la.  Me solman sa i prerogativ Prezidan.  Wi parey CS in dir, mon krwar nou devret fleksib.

Mon pa krwar i annan en kantite dimoun ki’n travay plis ki 40an.  So nou kapab remove sa cap e konsidere.  Mon krwar PS Finans i la pou nou kapab get sa.  So mon pe donn langazman ki nou kapab get sa, fer sa legzersis.  Mersi Mr Speaker.

 

MR SPEAKER

Mersi Vis-Prezidan.  Onorab Jude Valmont.

 

HON JUDE VALMONT

Mersi Mr chair.  Mon kestyon pa’n ganny reform, reponn, sorry.  Lo sa zafer reform la.

 

MR SPEAKER

Repoz ou kestyon Onorab.

 

HON JUDE VALMONT

Non, mon ti’n dir zis anliny avek sa 2 kestyon avan.  Zis pou tous en pe lo sa reform ki Minis in enformen dan son speech Bidze.  Mersi.

 

MR SPEAKER

Mersi Onorab.  Ms Esparon.

 

CHIEF SECRETARY JESSIE ESPARON

Mersi Mr Speaker.  Bomaten mon pa’n ganny sans ekout Minis, mon’n tann zis par pti bout parske mon ti busy.  Sa ki mon’n tande se i pe dir i ti dir ki in koz lo RDM bann appealers ki ti konmans PPBB, PMNA ki DPA pe travay lo la ki annan bann pilot pe travay avek.

Apre i annan strategic planning Minister Finans.  Apre mon’n tann li dir dan sa reform antye, meaning sa bann 4 pillars ek son PMS pou lanse;-  konmsi tou i ava ansanm an 2021.   Mon oule fer resorti avek Onorab ki’n koz lo sa PMS.  Se ki PMS i en travay spesyalize ki fek komanse.

Nou pe travay, nou pe ganny lasistans World Bank pou fer sa.  Sanmenm sa ki i pa pou posib pou ou konmans lans li la sa lannen.  Nou bezwen en pe letan pou travay lo la.  Parey mon’n dir ou, mon’n annan zis en dimoun.  E sa i tous partou dan bann lorganizasyon.  Nou pou komans kot nou DPA konman en pilot, apre nou roll- out dan bann lezot lorganizasyon.  E i annan kantite travay pou fer sansibiliz ban HR, sansibiliz bann dimoun ki ansarz organizasyon.

Akoz bokou fwa sa bann travay – sa bann RBM pillars ki nou pe fer, i vin travay an plis lo dimoun.  Mon krwar, mon kapab apresye zot fatige.  E i bann travay tre spesyalize sa PMNA, avek sa PMS pou fer.  Konmsi nou pa kapab tay avek ozordi la pou demen.  Thank you.

 

MR SPEAKER

Mersi Ms Esparon.  Onorab Gervais Henrie.

 

HON GERVAIS HENRIE

Mersi Mr Speaker.  Mr Speaker mon kestyon i tourn o tour enn bann target ki PDA in mete, pou mezir son performans dan Bidze ki nou donn li.  Sa i lo latab 5.  E, o mwen mwan ki pe mal konpran.

Me solman mon war li en pe, mon pa konnen si sagrinan ouswa si i fer riye.  Letan nou pe koz non-compliance, bann MDAs ki pa pe comply avek Public Service ouswa Salary Act.  Ouswa Public Service Orders and Employment Act.  Ouswa bann Lezislasyon konsern resours imen e bann Administrative Orders. 

Kan an premye lye Gouvernman son Lalwa pou li se li i merit lead by example.  Apre i a tay deryer sekter prive.  So prezan mon anvi konnen, ki pe arive ki fer ki i annan sa bann non-compliance.

Eski nou pe anploy bann dimoun ki pa pe aware of sa bann keksoz?  Ouswa the DPA napa kapasite pou fer ase training parmi bann Zofisye Gouvernman, pou fer sir ki zot konn tou bann Lalwa ki zot merit pe travay anba la?  Mersi.

 

MR SPEAKER

Mersi Onorab.  Ms Esparon.

 

CHIEF SECRETARY JESSIE ESPARON

Mersi Mr Speaker.  Mersi Onorab pou ou kestyon.  Anyway dan Gouvernman nou annan bann regilasyon, nou annan PSO ki egziste en kantite letan.  E sa bann keksoz i kler.

E ki arive enn ler, ou vwar ki dimoun i pa konsilte sa bann dokimantasyon.  Menm Lalwa travay, nou pa administre Lalwa travay nou.  Selman nou annan en par ladan.  Parske nou toultan fer sir nou anmenn, letan nou fer PSO, nou anmenn sa bann regilasyon ki dan Lalwa travay pou public service konnen, konmsi comply avek.  Nou war dan bann organizasyon defayans ki i annan.

Petet dimoun pa gete byen zot bann framework ki i annan.   Oubyen ki zot krwar, se ki nenport keksoz ki zot pou anvoy kot DPA, DPA pou aprouve.  Be nou pa kapab aprouv nenport keksoz nou.

Nou bezwen aprouv keksoz ki dan sa regilasyon, ki dan sa framework ki’n ganny etabli.  Parske demen si nou’n aprouv en keksoz ki pa li, oditer i query poudir, be ou ki sipoze pe aprouve, ou ki sipoze pe administre.

Me ki mannyer ou donn approval pou en keksoz ki pa devret donnen.  Bokou fwa nou ganny sityasyon avek bann organizasyon akoz i anvi ou dir li, i anvi ou dir li sa ki i anvi tande.

Be malerezman parfwa nou pa kapab dir ek dimoun, oubyen sa ki i anvi tande, oubyen fer sa ki li i anvi nou fer.  Nou bezwen get mannyer regilasyon i dir.  Wi Onorab i annan en problenm kapasite dan bann organizasyon.

Parske nou annan problenm resours imen ki ler ou recruit dimoun, annan ler, ler, si ou fer en bon recruitment ou a ganny ou bon service delivery.  Si ou fer recruitment kot dimoun pa tro, tro ofe ek keksoz, ou pou ganny sa sityasyon.

DPA li i pa train dimoun.  I pa train public service.  Nou annan en organizasyon ki apel TGMI, ki devret kapab pou public service training.  Parske i en Public Service Organization.

Mon konnen poudir TGMI, i osi zot, i annan, petet i annan son limitasyon.  Zot fer serten training.  Zot fer par egzanp bann Diploma in Management, bann Certificate in Management or Human Resource Management.

Selman sa  Certificate ek sa Diploma, i en kote, me en lot kote se la pratik.  Epi osi sa kiltir dan sa lorganizasyon, sa leadership dan sa lorganizasyon ki devret pe fer sir ki son dimoun i comply avek bann regilasyon ki Gouvernman in met an plas.

Pou mwan i en kestyon, annan sa volonte, sa  komitman pou ou fer keksoz marse parey i devret.  Mon pa dir i pa devret annan fleksibilite.  Pou le moman PSO i administrative.

Zour nou fer li vin en Lalwa, i pou pli sever ki administrative enn ler nou kapab dir be ok, nou a fleksib, mon a get sa koumsa.  Be zour i vin en Lalwa tit for tat parey sa Lalwa i dir.

 

MR SPEAKER

Mersi Ms Esparon.  Onorab Henrie.

 

HON GERVAIS HENRIE

Zis en pti follow-up.  Donk mon anvi konnen si in annan en konversasyon dan ou Gouvernman, pou zot kapab evalye lenpak sa bann non-compliance ki pe annan lo performans servis piblik.

Sirtou, sirtou pou achieve bann target ki Bidze i sipoze achieve.  Sa bann non-compliance, mersi.  Ki mannyer i afekte zot.  Mersi.

 

MR SPEAKER

Mersi Onorab.  Ms Esparon.

 

CHIEF SECRETARY JESSIE ESPARON

Mersi Mr Speaker.  Mr Speaker sa i pou vin atraver nou Performance Monitoring and Evaluation.  Sa pilye konmsi ki nou pe travay lo la, ki bann organizasyon i raport lo sa ki zot in fer.  Konmsi i annan en template ki zot, zot  pou raport lo la.

E nou osi sa feedback ki nou gannyen, nou pou konnen bann -.  Pou le moman nou konnen bann organizasyon.  Zot donn nou bann rikord.  Me selman i pou ganny raporte dan en fason atraver sa Performance Monitoring and Evaluation ki nou, nou pou fer, nou pou vwar sa bann defayans, pli kler.  Ou pou war li lo en paz plito ki ou pe al feyte plizyer paz.

 

MR SPEAKER

Mersi Ms Esparon.  Onorab Churchill Gill.

 

HON CHURCHILL GILL

Mersi Mr Chair.  Mr Chair, Ms Esparon in dir nou poudir i ganny gide par PSO.  Mon kestyon se ki dernyen fwa ki sa PSO ti ganny fer en revizyon konpreansiv avek?  Pou nou vwar, pou nou konnen si pe reponn bezwen ozordi?  Mersi.

 

MR SPEAKER

Mersi Onorab.  Ms Esparon.

 

CHIEF SECRETARY JESSIE ESPARON

Mersi Mr Speaker.  Mersi Onorab.  2011 dernyen fwa nou ti revize, e nou pe travay lo en revizyon.  I annan 2 nou pe travay lo la.  Nou pa rod consultancy pou fer.  Akoz sa bann dimoun pou sorti deor i pa pou konn tou sa bann keksoz ki’n ganny amande.

Par egzanp i annan bann sirkiler, bann keksoz, nouvo Polisi, nou ki travay ladan, nou konnen, nou pran nou azoute.  Be nou pe travay lo la.  Nou oule sey fer mannyer pou nou fer sorti lannen prosen.

Sa lannen nou’n ganny en pe retar, akoz nou ti pe esper revi Lalwa Travay.  Akoz i annan en lenpak lo la.  Me selman lefe ki nou pa war konmsi sa revi pe vini sitan vit parey nou ti ekspekte,  nou, nou ava fer nou amannman ki nou annan pou nou fer.  Apre si i annan okenn keksoz nou ava kapab azoute.  Mersi.

 

MR SPEAKER

Mersi Ms Esparon.  Onorab Churchill Gill.

 

HON CHURCHILL GILL

Wi.  Petet zis ou ti a donn nou en garanti ki zot in fini evalye tou bann issues ki i annan ozordi, ki bann diferan Departman i met devan DPA, depi 2011, ziske la.

Petet ou a zis donn nou en garanti ki tou bann keksoz ki’n ganny met devan zot, ki zot santi i pou amelyor servis delivery, oubyen meet demann bann diferan post.  Akoz nou’n tann dir par egzanp i annan bann post ki, i annan dimoun, me selman sa bann saler pa atrakte zot.

So zis donn nou sa garanti ki tousala pe ganny pran kont.  Ki ler sa legzersis i fini, i pou ed nou pou rektifye en bon pe sa bann problenm ki nou pe eksperyanse ozordi.  Mersi.

 

MR SPEAKER

Mersi Onorab.  Ms Esparon.

 

CHIEF SECRETARY JESSIE ESPARON

Mersi Mr Speaker.  Mersi Onorab.  Avan nou ti konmans reviz PSO, nou demann bann organizasyon zot pwennvi lo la.  Malerezman ou pa ganny bokou feedback.  Selman i annan en forum ki nou ganny feedback lo la byen.

Se sa nou annan en, en HR Forum ki nou fer tou le 6 semenn or parfwa tou le 8 semenn.  E sa bann dimoun zot bann practitioners zot.  Zot, ou pou ganny plis lenformasyon ek zot ki ou pou ganny ek bann CEOs par egzanp.

Zot pou dir ou, sa nou abitye administre koumsa, nou war sa problenm.  Prezan nou, nou anmase sa bann lenformasyon.  Nou sey fer mannyer letan nou aranz PSO, nou.  E nou osi tou dan lapratik nou, nou war.  Epi nou war ler bann rikord i vini, nou war bann sityasyon ki bann dimoun in fer fas avek.

Nou sey met sa ansanm.  In fact nou de Ms Richardson ki pe travay lo la, lo sa revizyon PSO nou’n preski fini.  Vwala bann basically ki nou pe fer.  Selman sa ki konsern larzan, sa i ava en lot, i en lot keksoz.

Akoz amannman PSO pa pou donn nou larzan li.  En lot keksoz petet ki pou donn nou larzan.  Thank you.

 

MR SPEAKER

Mersi Ms Esparon.  Onorab John Hoareau.

 

HON JOHN HOAREAU

Mersi Mr Chairman.  Mr Chairman mon kestyon i vize en pti pe anliny avek sa ki Onorab Gervais Henrie in kestyonnen.  Lo size MNE.  E mwan mon ti oule demande, akoz i annan en increase apepre 1milyon.  Mon ti oule demande lo kote progranm “SP1” ek “SP2”.

Mon ti pe sey demande si sa i akoz zot pe fer nouvo rekritman.  Oubyen zis i plis compensation pou bann employees?  Mersi.

 

MR SPEAKER

Mersi Onorab.  Ms Esparon.

 

CHIEF SECRETARY JESSIE ESPARON

Mersi Mr Speaker.  Mersi Onorab pou ou kestyon.  Nou annan zis 2 post nou’n gannyen sa lannen fundedIn fact nou pos ti la, selman nou pa ti ganny funding en pe letan pase, sa i 2 Head of division.  Apre dan sa lannen nou’n recruit en pe dimoun, nou.

Nou ti annan enn de post nou’n sey recruit en pe dimoun.  Me pou lannen prosen nou annan zis 2 pos ki nou’n gannyen.  E 2 pos Direkter Zeneral pou sa.  Nou annan 2 technical division, nou napa dimoun pou ansarz.  Se tou sa 2 pos ki nou’n gannyen.

Me bann post Direkter Zeneral i pa arive R1milyon.  I ariv mwens.  Me selman petet sa R1 milyon i ou pe dir ogmantasyon i kapab i annan lezot recruitment ki nou’n fer sa lannen, ki fer sa cost monte.  Mersi.

 

MR SPEAKER

Mersi Ms Esparon.  Onorab Waven William.

 

HON WAVEN WILLIAM

Mersi Mr Speaker.  Mon ti a kontan demann Sekreter D’Eta,  lefe ki, letan mon pe regard anba zot ‘’current challenges,’’ an menm tan mon pe regard bann achievements,  mon anvi demann Sekreter D’Eta,  eski vreman, eski vreman zot annan ase kapasite resours imen pou fer sa travay lo espektasyon piblik?  Rezon mon pe demann sa se ki bokou travayer i anvi konnen ozordi, zot ganny demande pou fer job evaluation.  Si mon pa tronpe, i en fwa par an.

Sa bann rezilta ki bor i al?  E eski letan en travayer in fer byen, eski i annan en pti incentives i vin avek?  Sa i mon premye kestyon.  Mon 2enm kestyon, se eski zot pe mazin revwar sa sistenm overtime?  La mon pe koz pou bann drivers.

Ki ler ou regarde i annan sa nesesite pou annan serten alignment.  Eski zot pe mazin revwar li?  Akoz i annan bokou konplent deor par bann drivers dan bann Departman Gouvernman, ki pa kontan lafason ki zot peyman pe ganny fer.

Akoz zot pe dir ki zot pe travay vreman tro bokou an deor sa capping ki’n ganny fer.  Epi dernyerman SS,  mon anvi konnen,  dan en Departman travay Gouvernman,  ki zefor ou Departman pe fer, pou fer sir ki (1) bann dimoun ki ansarz pe vreman donn lenformasyon personnel sa travayer?

Eski bann travayer ozordi, zot, zot okouran zot bann drwa?  E lekel vreman, si pa ou lofis ki lyezon ou lofis i annan avek dan Departman Travayer, pou fer sir ki travayer i ganny lenformasyon.

Akoz i resanble mwan parfwa bann travayer ki par anba, mon krwar lenformasyon i ganny kasyet avek zot vizavi zot bann benefis.  Mersi.

 

MR SPEAKER

Mersi Onorab.  Ms Esparon.

 

CHIEF SECRETARY JESSIE ESPARON

Mersi Mr Speaker.  Mersi Onorab pou ou bann kestyon.  Ou’n koz lo evalyasyon toulezan.  Mon krwar ou pe koz lo appraisal non?  Akoz pa job evaluation, i en lot keksoz job evaluation.  Appraisal i fer dan en landrwa travay.

I en responsabilite management pou fer appraisal.  I annan lorganizasyon zot fer zot appraisal, i annan dimoun i ganny promosyon out of it.  I annan dimoun si i napa promosyon, i annan zot budget pou zot donn zot dimoun ki nou, nou apel sa salary progression – i ganny increment detrwa step.

E en organizasyon ki fer sa byen se kot Lasante ki mon vwar.  Me selman fodre i budget, fodre i konnen ki kantite son dimoun ki the best of the best pou li ganny son incentives.

Touzour i annan incentives.  I annan promosyon, i annan, apre donn increment.  Apre incentive osi i annan bann keksoz parey training, sa osi incentive.  Pa zis larzan ki incentives.  Sa osi ki nou war.  Epi appraisal son bi se pa pou donn dimoun larzan.

Se pou gete ki sa dimoun son pwen for, kot ou kapab servi li dan son pwen for.  E son pwen feb, kote ou pou al donn li son training pou fer li osi vin alaoter ki i devret.  Pa zis larzan appraisal ek evalyasyon lafen lannen.

Prezan i annan sa size overtime.  Detrwa fwa mon’n tann ou koz lo la.  Mon kontan mon’n ganny en sans pou mwan reponn ou sa kestyon.  Overtime i en labour issue.  I pa en issue Public Administration sa.  Overtime i ganny cap dan Lalwa Travay.

Mon konnen akoz mon ti deza PS Lanplwa.  So mon kapab eksplik ou byen lo la, san ki bann dimoun kot Lanplwa i krwar petet mon pe mars lo zot lipye.  Limit ki Lalwa travay i mete, se en 60erdtan overtime ki en dimoun i fer, i devret pe fer par mwan.

Oubyen aggregate, 15erdtan par semenn.  Si ou al plis ki sa, savedir i ilegal.  Organizasyon ki fer dimoun travay plis ki sa, vedir i a pe fer keksoz ilegal.  E pe itiliz sa dimoun plis ki i devret.  I pa korek pou li fer sa.

I devret annan son limit overtime.  Prezan, mon’n deza tann ou dan Lasanble dir ok, sa dimoun in fer overtime plis ki 60 erdtan alors sa ki reste anvoy li lo lot mwan.  Konmsi ou kapab space out si in fer 80, la ou a pey li 60, apre lot mwan, dizon ou a pey li leres.  I pa mars koumsa.  Akoz i dir ou overtime i ganny limite, in any period of 1 month i devret 60 erdtan.  Prezan si ou pou fer okenn peyman beyond sa.  1 sa dimoun in ganny.  Sa lorganizasyon in les li travay ilegalman.

2enm ou pe fer en peyman ki ilegal.  Pou si en lorganizasyon par egzanp i santi poudir natir son travay mannyer i ete, son dimoun pou travay plis ki sa,  i devret konnen sa davans li.  Al kot Minister Lanplwa, al rod en exemption order.

Par egzanp dan bann servis esansyel.  Pran ou, ou war ou i annan en sityasyon ki annan bann sirveyans maladi pou fer.  Dizon.  Nou end up ek en sityasyon, dizon i annan sirveyans maladi pou fer.

Sa bann dimoun i pou bezwen travay en kantite plis ki 60 erdtan.  I bezwen prevwar sa li, sa lorganizasyon.  Pa fer sa bann dimoun travay.  Apre ler in ariv 100 erdtan i vini i vin rod kot DPA i vin rod approval i dir peye.

Byensir nou pa pou antre ladan, akoz sa i en labour issue.  I annan en lenplikasyon legal.  Li i devret al kot Lanplwa, dir mon pe prevwar poudir la ek sa sityasyon, mon dimoun pou travay plis ki sa.  Donn mwan en exemption, dan en mannyer ki mon pa tonm dan sa 60 erdtan.  Mon ava fer li, i ava kapab unlimited, ziske ler sa sityasyon difisil lo mon lanmen i sorti.  It’s a labour issue, i pa pou DPA.  Definitivman nou, nou pa pe, pou kapab antre ladan pou pey beyond.

Apre ou’n demann en kestyon lo zefor ki pe ganny fer par organizasyon pou zot donn lenformasyon zot bann travayer.  Be sa akfer en dimoun i ansarz?  Pou li fer sir i okip byen son travayer.

Tou sirkiler ki nou issue, PSO ki nou issue, framework ki nou issue, nou ekspekte ki organizasyon i les son travayer ganny access avek.  Sa i nou lekspektasyon.   Pa konnen si pe pase dan landrwa travay.   Mersi Mr Speaker.

 

MR SPEAKER

Mersi Ms Esparon.  Onorab William.

 

HON WAVEN WILLIAM

Mersi Mr Speaker.  Mon anvi demann SS, an relasyon avek salary grid.  Letan sa dimoun in fini annan son bann kalite training, eski pa i move lo bann step?  Letan sa travayer in fer son bann training.  E dapre salary grid, i sipoze bouze.

E parey ou’n dir taler.  Se ki sa bann dimoun in ganny mete dan zot plas pou zot fer zot travay.  Be nou pe vwar poudir i annan problenm.  Finalman nou pe demann nou lekor, poudir be ok, lekel finalman ki al kot sa bann diferan Departman, pou dir, ‘’be regarde, travayer pe konplent.  Eski nou pou ankouraz travayer al lo semen ouswa nou pou rezourd problenm?  Mersi.

 

MR SPEAKER

Mersi Onorab.  Mrs Esparon.

 

CHIEF SECRETARY JESSIE ESPARON

Mersi Mr Speaker.  Mersi Onorab.  Pou, letan en dimoun i fer en training.  Laplipar dimoun i dan kad konmela.  Nou pa pou zis ganny en increment.

Petet i annan posibilite pou li ganny en promosyon, pou li mont pli o.  Akoz sa Scheme of Service la, i pa zis en keksoz larzan li.  I devlopman premye.  I montre ou kot ou komanse.  I tras ou karyer ziska kote ou pou arive.  E ki ou bezwen pou ou ariv la, pou ou ariv la, pou ou ariv la.

Ler in fer son training, i posib i ava bezwen ganny en promosyon.  Annan de ka in fini ariv dan sa pozisyon pou sa training ki in fer.  Alors la i a pe zis ranforsi sa kapasite.  Sa bann step la lo salary grid i plito son prensip se pou donn dimoun ogmantasyon ler zot pe fer en bon travay.

Parey ou pe dir appraisal ler i fer appraisal.  Vre nou pa dir appraisal i asosye ek larzan.  Me selman i osi form parti sa incentive pou ou donn en dimoun.  Ou fer li fer son training.  I form parti ler ou pe fer son appraisal, ou’n get son febles, son pwen for.

E osi ou donn li, ler performans i bon.  Dimoun i ekspekte letan son performans i bon i ganny en pti keksoz.  Sa bann step se zisteman pou donn zot increase pou zot performans.  Ok.

 

MR SPEAKER

Mersi Ms Esparon.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  E bonn apre midi Ms Esparon avek ou lekip.  Mwan mon annan en senp kestyon ki baze en pe lo prensip.  Mr Chairman mon ti ava kontan konnen lekel ki annan lotorite?

Parski Minister parfwa i dir avek ou li i anvi fer, DPA pa oule.  DPA i dir avek ou Minister in ganny dir fer, me napa nanryen ki arive.  E la mon anvi met en ka spesifik.  E en ka ki mon’n telefonn ou lo la, mon’n koz ek ou lo la.

Bann teachers komansman sa lannen, ki Minister Ledikasyon, olye met zot dat of, (ti lannen pase) sorry  Olye met zot dat, zot lapwentman pou pran lefe le 01 Zanvye.  Me selman in fini dir avek zot, zot pou vin travay.

E letan larantre i komanse pli tar dan Zanvye –  akoz larantre lekol pa konmans le 01 Zanvye.  Sa bann teachers pa’n ganny peye zot 13enm mwan.  Letan mon ti koz avek, ou dir avek mwan, Minister i devret re issue en let pou fer zot lapwentman pran lefe le 01 Zanvye.  E apre sa pey zot.

Mr Chairman ozordi nou le 11enm mwan lannen 2019.  Sa bann teachers pa ankor ganny zot 13enm mwan!  Ou’n dir sa, Minister Ledikasyon, mon’n re kominik avek zot.  Zot dir DPA.

Be antretan sa bann pov malere ki’n konmans travay an Zanvye, ki sa dat napa nanryen pou fer avek zot, e pourtan zot pa’n travay okenn lezot landrwa.  Akoz zot pa’n al travay okenn lezot landrwa.  Parski zot ti konnen ki poudir zot pe al travay Minister Ledikasyon.

Lekel ki ansarz la?  Ed mwan silvouple.  Mersi.  E ed sa bann teachers, sa bann teachers ki’n fidel, ki ankor pe travay.  E ki i annan en 13enm mwan ki zot ti devret gannyen, ki zot santi zot ti devret gannyen.

E pa bliye, sa pa zis enkli bann vye teachers.  I osi enkli bann nouvo teachers ki’n kalifye.  Bann nouvo teachers tou ki’n kalifye, ki’ pe pas ladan.  Mersi bokou.

 

MR SPEAKER

Mersi Onorab.  Ms Esparon.

 

CHIEF SECRETARY JESSIE ESPARON

Ok.  Mersi Mr Speaker.   Mersi Onorab.  Wi ou’n deza koz ek mon lo la.  Pou mwan, mwan mon ti’n deza dir kot Minister Ledikasyon ki zot ti devret mindful pou issue sa let komansman.

Akoz bann lepase, mwan mon’n vwar bann vye rikord lepase.  Kot teachers lontan in deza ganny anploye le 01 Zanvye.  Be toultan nou konnen, le 01 Zanvye zour lannen, konmsi ou konnen.

Selman ou war zot rikord ti ganny le, anploye le 01 Zanvye.  Pa zis teachers, en pe partou dan servis piblik, letan kolonyal, letan lepok lontan.  Sa case, bann teachers ti ganny anploye anba delegated authority, mon ava dir.  I pa vin kot DPA sa.

Minister Ledikasyon, li ki ti devret mindful of sa sityasyon.  Selman mwan ler mon ti war en email pase ant Ledikasyon ek Minister Finans, mon ti dir ki Minister Ledikasyon ti devret mindful pou fer sa.

Prezan in a way sa bann dimoun in perdi zot sans.  DPA zanmen in dir non sa li.  Zanmen e zanmen en case in vin kot DPA. Minister Ledikasyon i konn byen!

Selman mon krwar i ti annan  en issue Budget, 2 ti annan en issue ki si zot konmans fer sa i kapab kree en move presedans, ki i annan lezot landrwa ki dimoun in konmans osi en pti pe dan milye Zanvye, lezot dimoun i kapab osi vini, vin  dir be mwan osi mon parey akoz zis teachers. Ou konpran?

Mon pa konnen ki komitman Minister Ledikasyon ti’ n fer avek sa bann teachers.

Selman mon asir ou ki zanmen mon’n ganny okenn let sorti Minister Ledikasyon ki’n dir ‘’mon pe rod ou approval pou sa bann dimoun, met zot letter of appointment le premye.’’  Akoz premyerman i pa bezwen approval DPA.  I ti ganny fer anba delegated authority.  Vwala.

 

MR SPEAKER

Mersi Mrs Esparon.  Onorab Ramkalawan.

 

HON WAVEL RAMKALAWAN

Mr Chairman, be mon krwar ki Vis-Prezidan konman sa enn ki pe reprezante, ki pe reprezant Prezidan la, i bezwen take sa up.  Akoz Minister Ledikasyon – e letan mon ti koz avek ou Ms Esparon, sete parski mon ti’n sey take li up avek Minister Ledikasyon avan.

Be Minister Ledikasyon in koz manti avek sa bann – In koz manti avek mwan.  Ki mon pa dakor ditou, zot vin koz manti avek mwan.  Parski zot in anvoy sa lo DPA.  E teachers i diferan li.

Akoz teachers depi son lannen avan zot in fini ganny dir ki zot pou raport travay larantre.  Be zanmen larantre i le 01 Zanvye.  Alors otomatikman, zot, zot pou konmans ganny, zot pou la konmans travay letan larantre.  Ki larantre i le 13, ki larantre i le 15 ensidswit.

Be Mr Speaker, mwan mon krwar ki sa i en size lenzistis.  E Vis-Prezidan ou bezwen dakor avek mwan.  Sa i en lenzistis.  Ki poudir Minister Ledikasyon i fer son fot.  I konnen ki poudir sa bann dimoun pe vin anploye plen tan.

Me selman i pa’n fer zot, pou fer zot kapab kalifye pou zot 13enm mwan.  Alor mon ti ava kontan demande Mr Chairman, ki Vis-Prezidan i annan pou li dir, pou ki sa lenzistis i ganny korize avan lafen sa lannen.  Pou ki sa bann dimoun i gannyen zot 13enm mwan.

Parski i kler ki poudir i en lenzistis.  Met nou, met nou dan sa pozisyon.  Um?  Vis-Prezidan si ou ti dan sa pozisyon,  kot ou konnen ki poudir se zis en let.  Parski ou ti’n fini ganny dir lannen avan ki poudir ou pe konmans travay larantre.

E ki ou’n met ou l’etat d’esprit tousala pou ou konmanse.  Mon krwar ki Gouvernman i bezwen koriz sa lenzistis pou sa bann teachers.  E mon espere, mon pou fer en follow-up.  Mon espere ki poudir sa i ganny taken up.

E mon espere ki Vis- Prezidan i ava donn zot en bon parol.  Parski nou pa pe koz 200 teachers la.  Nou pa ni pe koz 50 teachers.  Nou pe koz mwens ki 25 teachers.

Alor, nou pa kapab koriz sa lenzistis la?  Parski pou sa lannen la zot in fini.  Parski le 01 Zanvye zot ti, zot ti ofisyelman pe travay menm si i ti, menm si i ti vakans.

Me selman, lefe ki Minister Ledikasyon i pa’n azir onnet avek sa bann teachers, zis pou sanz sa dat, mon krwar Mr Chairman mon annord pou dir avek Vis-Prezidan silvouple koriz sa lenzistis e nou ava kapab bouze.  Mersi bokou Mr Chairman.

 

MR SPEAKER

Mersi Onorab Ramkalawan.  Eski Vis- Prezidan i oule pran sa kestyon, sa klarifikasyon.

 

THE VICE-PRESIDENT MR VINCENT MERITON

Mersi Mr Chairman.  Mr Chairman si i annan en promes ki’n ganny fer avek bann ansenyan, poudir zot pe ganny peye zot 13enm mwan saler,  an prenon kont ki zot komans travay swa le 10 oubyen le 15 Zanvye.

I en fot erer de zizman.  Pa nou tou ki dan bann pozisyon responsab.  Nou bezwen asire ki ler ou ouver nou labous oubyen nou ekrir en let, nou pe met bann fe ater.  Akoz ozordi letan ou met en fe ater ou responsab pou sa, i annan konsekans ki ou bezwen viv avek.

 So nou bezwen gete parey CS in dir,  get bann fe, Onorab ou dir ki Minister Ledikasyon in donn ou en langazman ki sa bann dimoun i sipoze ganny peye ki DPA i bloke.  Nou bezwen get sa ki Minister Ledikasyon i dir, get Lalwa ki egziste.  E get bann fe lo latab pou nou kapab pran en desizyon.  Mon ti en zofisye Trade Union, byen lontan.  E mon bann premye letan dan politik sete defann drwa travayer.   E pou nou kapab defann en drwa fodre nou case i solid.  E nou bezwen get bann fe.

E mon donn en langazman ozordi ki ansanm ek Minister Ledikasyon, nou pou tal sa bann kart lo latab, pou kapab fer sir pou ki si i annan en lenzistis, sa lenzistis i ganny korize.  Mon pa kapab pronons mon lekor plis ki sa.  Akoz mon pa konn bann swe.  Mersi Mr Chairman.

 

MR SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Mr Chairman mon krwar Vis-Prezidan i annan 2 keksoz la ki ou pa’n sezi konpletman.  Minister Ledikasyon letan mon ti koz avek li, i ti dir mon kler ki poudir problenm i vin avek dat ki zot in met sa let koman zot dat ki zot komans travay.

Me dat ki ou konmans travay, zot in met li an relasyon avek larantre lekol.  Be sa i mal.  Parski ou’n fini, sa dimoun in fini ganny sa commitment li depi son lannen avan, ki poudir i pe vin travay koman en teacher.

E in travay depi Zanvye li.  In travay depi Zanvye ziska Desanm.  E Minister Ledikasyon ti dir avek mwan klerman – parski mwan, mon’n ganny sa, mwan mon’n kontakte Ms Esparon mwan, pou mwan demann li.

E Ms Esparon in dir egzakteman sa ki in dir la.  E parol Ms Esparon napa okenn 2 parol ladan.  In dir avek mwan Minister Ledikasyon i kapab sanz sa dat.

I kapab sanz sa dat akoz i konnen ki poudir teachers, nouvo teachers ki ou anploye i pa konmans travay, parske i konmans travay zour larantre.  I pa kapab al kot lekol le 3 Zanvye, pou li raport for duty.

Alors sa ki Ms Esparon in dir mwan i egzakteman.  Me mwan sa pwen la ki mon pa dakor avek Minister Ledikasyon,  se ki letan mon’n get back to Minister Ledikasyon, in dir avek mwan ki zot annan en korespondans avek DPA.

E la Mrs Esparon pe dir, zanmen in deza annan en korespondans avek DPA.  E se sa ki mon krwar i devret ganny korize.  Parski Ms Esparon pe dir klerman, ki poudir sa i en keksoz ki Minister Ledikasyon ti kapab fer lo li menm.  E sa Mr Chairman mon krwar ki i osi eksplik en kantite keksoz.  E Ms Esparon in deza dir sa oparavan.

Parfwa Minister pa fer son travay e letan zot pa fer zot travay, pli gro ledo se pou zot zis vini dir ‘’DPA’’, ‘’DPA’’.  Konbyen fwa nou’n tann DPA dan FPAC, ‘’DPA.’’

E apre letan DPA i vini, i dir be, be sa case zanmen in deza vin kot nou.  Alors fodre an menm tan zot aret zwe avek travayer.  E Minister Lasante osi tou i annan serten game ki i zwe lo bann Scheme.  E in ler pou nou aret zwe.  Mersi bokou Mr Chairman.

 

MR SPEAKER

Mersi Onorab Ramkalawan.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair sa ki pe ganny koze la, i annan osi en lenplikasyon finansyel, e Minister Finans i la, ti a bon ki i dir en keksoz dan sa direksyon.  Me an menm tan nou a pe koz menm Gouvernman la.

Napa en Gouvernman pou Minister Ledikasyon, en Gouvernman pou DPA e en lot Gouvernman pou Finans.  Nou pe koz menm Gouvernman anba menm Ladministrasyon Piblik.  Now, sa zafer shift nou burden i pa akseptab pou nou.  E mwan mon pa dakor avek sa.

Si Minister Ledikasyon par egzanp in fer en fot lo dat ouswa i ti’n met, devret met en lot dat.  Me ki en dimoun, son Minis, oubyen dan Cabinet;-  sa i pa fek leve ozordi sa.  I annan 1an la mon krwar.

Be tou sa letan in bezwen annan en dimoun ki’n donn en direktiv, depi son Minister Ledikasyon, depi son DPA si DPA i involve;-  depi son Minister Finans.  Depi kote ki i annan en advice ki bezwen ganny donnen, i devret pe ganny donnen e desizyon i ganny pran.  Sa bann issues i arete.  Pa kapab en keksoz koumsa i kontinyen pou mwan sa bann zafer koumsa ki fer dimoun fristre.  Epi ou krwar, oubyen i vre oubyen non, ki i annan problenm dan ladministrasyon Gouvernman Mr Faure, nou Prezidan.

Be la alor, vi ki, VP i la pe reprezant le Minis, savedir Prezidan li menm, i bezwen sa i ganny rezourd.  Pa kapab i vin ankor demen.  E mazin byen Minister Ledikasyon pou vin demann Lasanble li.  Son HR, konmsi kote sa in ganny pase? Lekel ki’n donn sa lenformasyon? Lekel ki’n issue sa bann let?  Anba ki direktiv?  Ou konpran?

Tou sa bann pti kestyon la, i bezwen kler.  Akoz sa bann kalite zafer la i pa ariv zis Minister Ledikasyon, i ariv ek lezot Departman, lezot Minister e ou a krwar i kontinyen, personn pa pe pran en ka avek.

Mon demande ki en commitment i ganny fer dan nou Lasanble ozordi,  pou met sa en stop.  Si en problenm bidzeter e ki ganny dir, e ki la ki nou pe koz lo Bidze.  Ki zot sort out sa.  Akoz i pou annan en lenplikasyon.  Si ou ti dir ou pou pey li apartir le 15, me oule prezan back date pou vin le premye, i annan en lenplikasyon Bidze, finans.  So en keksoz i ganny fer.  E si zot pa pou donnen osi, zot dir non, me ki sa i ganny kominike.

Ki kantite teachers nou a pe koze la.  Ou konpran?  So annou serye, e annou pran en desizyon e fer en commitment e annou rezourd sa enn fwa pou tou!  Mersi.

 

MR SPEAKER

Mersi Onorab de Commarmond.  Mon ava donn dernyen parol Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  Mr Chairman mon apresye sa konpasyon e sa lantouzyazm, me sa determinasyon ki tou lede Leaders in eksprim zot lekor avek.   Selman malere dan Gouvernman nou pass the buck parey Angle i dir.

E par ler nou per pran en desizyon;- nou per fer sa ki byen, nou per analiz en sityasyon e rekomann serten opsyon kot nou santi i annan en nesesite i kapab asize diskite, pran en desizyon.  I malere sa, apre nou blanm kanmarad.

Me selman ozordi ki mon pe dir, nou bezwen tal tou kart lo latab.  Annou ganny bann fe.  Akoz pli ou detere, pli nouvo keksoz i sorti.  Parey taler nou’n fer apre midi.  E in ariv ler pou nou kapab dan bann diferan pozisyon kot nou asize dan Gouvernman – sanmenm ozordi ou vwar i annan poursantaz compliance avek bann lareg depi Employment Act depi PSO, depi Lalwa Saler.  I ozordi, i sitan ba ki ou bezwen met en standar pou ou kapab achieve, kan ti devret 100 poursan.  So i annan en nesesite ki bann dimoun ki zot, zot menm responsab pou diriz lezot.

Zot menm zot, zot kapab ganny taken to task.  Akoz sankwa nou pa pe donn valer sa travayer ki nou depan lo la pou kapab delivre en servis.  Lotrozour ler ti annan sa marsyer Erport,  mon ti monte, mon dir lo televizyon. Fodre ki bann Leaders, bann Dirizan dan bann landrwa travay i respekte travayer.  Ki fodre travayer i organize ki nou kapab asize ganny enplike dan bann diskisyon ki ler nou ariv lo en desizyon, sa desizyon i ganny respekte. Set egzakteman sa ki pe arive ozordi.  I onte ki in pran nou 1an pou nou kapab pran en desizyon e pou nou kapab finalize.

So langazman ki mwan mon pe donnen, se ki nou pou met tou bann kart lo latab.  Ale vwar tou bann fe pou kapab pran en desizyon.

Byensir mon konsilte mon supervisor, mon sef Prezidan Larepiblik, pou fer sir ki sa ki nou fer i annakor avek Lalwa.  I reflekte tou bann fe ki devan nou.  E fer sir ki i annan lazistis, si i annan lenzistis ki’n ganny kree.  Mersi Mr Chairman.

 

MR SPEAKER

Mersi Vis-Prezidan.  Bon nou’n ariv en pozisyon pou nou kapab pran en desizyon lo Bidze pou DPA, ki trouve lo paz 13 ziska paz 20 dan nou liv Budget, pou en sonm R22, 347mil, ki form par sa schedule.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  22 Manm an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pou DPA, pou 2020 in ganny aprouve par Lasanble Nasyonal.  Yes Onorab Ramkalawan.

 

HON WAVEL RAMKALAWAN

Mr Chairman, petet an menm tan mon ti ava zis dan sa, dan sa demars la, zis pou VP kapab regarde si sa bann dimoun ti ganny peye zot mwan antye, Zanvye.  Parske mon krwar kekfwa sa osi tou i ava enportan.

 

MR SPEAKER

Mersi Onorab.  VP pou avek nou ankor pandan lasemenn, ver lafen lasemenn.  So mon krwar i a kapab annan en pe nouvo lenformasyon ki i ava partaz ek Lasanble.  Avek sa mon ti a kontan, wi – mon ti a kontan remersye Mrs Esparon avek Mrs Rosalie parmi nou.

Mon a demann VP pou reste en pti moman avek PS, zis pou nou regard schedule pou demen.  Ms Esparon mersi avek Mrs Rosalie.  E nou ava eskiz zot parmi nou.  Mersi bokou.

 

 

 

 

(MRS ESPARON AND DELEGATION WAS EXCUSED FROM THE HOUSE)

 

MR SPEAKER

Mon ava demann Sarge pou retourn Mace dan Committee of the Whole House.

Bon pou demen mon ava zis donn laparol PS Thesee, zis pou li gid nou pou demen.  Ki bann Departman ki nou pe pran.  PS?

 

PS DAMIEN THESEE

Mersi Mr Speaker.  Demen nou pou pran bann portfolio anba responsabilite Minis Dezinyen.  Nou komanse avek Departman Lapolis 9er.  Apre nou pran Departman Risk e Zesyon Dezas, (DRDM.)  Seychelles National Youth Council, (SNYC).

Swivi par Arts Council, NAC avek National Sports Council.  Mersi.

 

MR SPEAKER

Mersi PS.  Parey zot vwar schedule in met ki nou pou break midi, nou pou repran 1er.  I pa pou posib ankor demen.  Akoz mon pou bezwen aparet devan Sef Ziz demen 1.30 lo case La Misère.

E ankor i bann lanpannyman ki arive, ki mon pou bezwen war mwan demen -.  Nou’n ganny bon korperasyon Sef Ziz.  Mon ti sipoze 9er bomaten devan Lakour.  Me in deside pou fer li 1.30 zis pou pa disrupt travay.

So demen nou pou pran nou normal lunch break.  Savedir midi, depan midi, midi en kar keler nou fini.  Apre nou pou repran 2er zis pou kapab permet mwan pou mon al avek mon avoka, Onorab Georges Ankour.  So vwala ozordi nou travay.

E mon ti a kontan remersi Vis-Prezidan ki’n fer lazournen avek nou.  PS Thesee, Ms Croisee e Ms Coopoosamy.  E byensir tou bann Manm osi tou kot nou’n travay vreman fantastik pou sa premye zour.  E mon ti a swete ki nou kontinyen ankor dan menm latmosfer.

Mon ti a kontan remersi tou dimoun ki’n a lekout, ki’n swiv nou travay ozordi.  E byensir mon remersi bann teknisyen SBC.  Lasanble i adjourn e nou repran nou travay demen 9er bomaten.

 

(ADJOURNMENT)