::
Home » Verbatim » 2019 » Monday 18th November, 2019

Monday 18th November, 2019

NATIONAL ASSEMBLY OF SEYCHELLES

Monday 18th November, 2019

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab.  Bonzour tou dimoun ki a lekout, ki pe swiv travay Lasanble Nasyonal.  Nou kontinyen nou travay avek deba lo Bidze.  E ozordi lo progranm nou annan Departman Zidisyer, Lasanble Nasyonal, (Lezislatif), Media Commission, Broadcasting Corporation e Anti-Corruption Commission. 

          Nou pou osi kapab fer nou mye pou nou kapab kouver sa schedule ozordi.  Me zis mon ti a kontan anons en pti pe ler e koman nou pou nou pou fer nou travay ozordi.  Nou pou ale la bomaten ziska petet  12.15 me pli tar  12.30 apre sa nou pou break ziska 3.30.  Sa akoz i annan en servis funèbre ki mon pe attend, e mon krwar i annan laplipar bann Manm  osi ki pe attend.  So nou pou break ler nou break 12.30 nou pou reconvene 3.30.  E 3.30 nou pou ale ziska kekfwa dan pti 6er koumsa,  pou nou kapab kouver otan travay.

Nou pou konmans toudswit avek Zidisyer, mon ava demann parliamentary reporter pou fer bann delegasyon antre.  E mon ava demann Sergeant osi tou pou move Mace pou nou al dan Staz Komite.

Zis avan nou pran nou travay, mon ava donn laparol Madanm Clerk, nou’n ariv devan nou bann Papers ki nou pou fer prezantasyon.  Madanm Clerk.

 

MADAM CLERK

Mersi Mr Speaker.  Bonzour Mr Speaker.  Bonzour tou Manm Onorab, tou dimoun ki a lekout e bann staff kot Zidisyer dan Galeri.

Lo Prezantasyon Papye sa semenn Mr Speaker nou Order Paper nou annan:-

        S.I 62 of 2019 – Employment (National Minimum Wage) (Amendment) Regulations, of 2019.

S.I. 63 of 2019 – Employment (Conditions of Employment) (Amendment) Regulations, of 2019. 

 

        S.I. 64 of 2019 Civil Status (Celebration of Marriage Fees) Regulations, 2019. 

        E finalman nou annan Annual Financial Statements for the Year ended 31st December, 2018, e sa nou’n resevwar from sorti kot Minister Finans.   Mersi Mr Speaker.

 

MR SPEAKER

Mersi Madanm Clerk.  Bon mon ti a kontan dir bonzour, e welcome delegasyon ki avek ou la bomaten.  E delegasyon Finans i ganny lir par PS Mr Damien Thesee, Deputy Comptroller General Ms Astride Tamatave,  e Director Public  for Budget Management Ms Nellie Coopoosamy.

E lo kote Zidisyer mon annan Registrar of Judiciary Mrs Juliana Estico, Financial Controller Mr Ranjana De Silva, Deputy Registrar for Criminal Division Ms. Marie-Angele Barbe, Director of Human Resources Ms Nichole Mathurin, Director for Logistic &  Operation Mr Marcus Labiche.

E anler dan Galeri nou annan Mrs Jeanine Lepathy, Ms. Lathimie Emerite, Ms. Eileen Rouillon, Ms Jane Marguerite, Ms Fadette Amis, Mrs Lena Cedras, Ms Lucile Simeon, Ms  Nichole Cesar, Ms Josianne Medor, e Mr Kevin Cumming.

Bonzour zot tous.welcome dan Lasanble Nasyonal.  Nou pou les mon get si mon’ ganny zot tou.  Mon annan en lot lalis ankor la, Ms Edelcia Esparon, Ms Shaila Barbe, Ms Ingrid Dodin, Ms Charlotte Rabat, Ms Peggy Robert, Ms Joshuanna Sandapin, mon krwar sa lalis i konplet.

Bon mon ava prezan pas laparol avek PS Thesee i ava gid nou lo ki paz e ki amount pou Bidze pou Zidisyer.  PS.

 

 

                                                       JUDICIARY

 

PS DAMIEN THESEE

Bonzour Mr Chair, tou Manm Onorab.  Bidze Zidisyer trouve lo paz 208 pou en sonm R102.033milyon.  Mersi.

 

MR SPEAKER

Mersi PS.  E ankor mon demann bann Manm  pou être presi dan zot kestyon.  Annou pa fer gran. Gran statement.  E mon ava demann panel osi tou pou bref dan zot repons.  Bon lasal i ouver pou kestyon.  Nou a konmans avek Onorab Ahmed Afif.

 

HON AHMED AFIF

Bonzour Mr Chairman.  Bonzour tou bann Manm Onorab, e tou bann dimoun lo panel, bomaten.

Mon ti a kontan ki dabor demann avek petet Rezistrar si i kapab eksplik  nou sa logmantasyon ki sorti dan ‘’wages,’’ sorti 32milyon pou ariv 37milyon en logmantasyon R5milyon ki reprezant 17poursan, logmantasyon.  Vi ki dan Bidze Siplemanter pou 2019, zot ti tir 2.5milyon.  Akoz zot ti dir zot pa’n kapab fer recruitment akoz ti annan en freeze.  Sa i mon premye kestyon.

Mon ti osi kontan demann zot si zot kapab donn nou en rasyonnel, en lesplikasyon, akoz leta, zot batiman i tel parey nou’n vwar li ?  Mon konnen zot annan en Bidze R300 oubyen R400mil pou maintenance, e sa lannen in monte in ariv 650 pou maintenance,e eski sa i en sonm ki sifizan pou zot kapab fer maintenace en building sitan enportan.  Ki ler ou vini ou  vwar li dan sa  leta ki pa tro zoli.

E trwazyenmman;- si zot kapab eksplik nou, ki  rezon zot pa’n kapab enstal en sistenm fotovoltaik lo zot twatir, ki ti’n kapab redwir zot kou elektrisite dan en fason sibstansyel.  E sa osi zot kapab reponn sa 3.  Mersi.

 

MR SPEAKER

Mersi Onorab Afif.  Mrs Esticot.

 

REGISTRAR OF JUDICIARY JULIANA ESTICOT

Mersi Mr Speaker.  Bonzour Mr Speaker.  Bonzour tou Onorab. PS Thesee ek ou delegasyon bonzour.  E bonzour tou dimoun ki a lekout.

Konsernan logmantasyon dan ‘’wages and salaries’’ sa R5milyon ki Onorab pe koz lo la Mr Speaker i enkli sa R3 milyon pou lenplimantasyon service pou staff, Zidisyer ki sipoze konmanse le 01 Avril 2020.

Apre nou annan bann saler housekeepers ek handyman, ki  nou’n tire anba ‘’goods and services’’. E nou’n fer lo payroll e sa i R1.2537 milyon.  Apre nou annan provizyon pou nou fer pou redwir logmantasyon pou 12 mwan pou lannen 2020 ki R611.32mil.  Epi nou annan osi annan long service s allowance ki R108milyon pou    ek     contract.  So an gro sa i fer sa R5.826milyon anba ‘’wages and salaries.’’ 

        Konsernan leta building Mr Speaker, parey zot tou zot in pase zot in vwar, nou ankor pe lager ek sa problenm pizon, nou ankor annan nou building parey mon ti dir toultan ler mon’n vini mon kontinyelman repete, nou annan bokou defi avek nou building.  Me malgre nou kontinyelman – akoz nou’n vwar poudir i demann en major renovation lo nou building ler nou koze.

Me selman i zis ki i pa pe permet nou pou nou kapab fer li baze lo kote finans, e sa i fer ki nou vwar nou toulezan pe kontinyelman met larzan dan Bidze zis pou nou kapab fer bann pti renovasyon pou kapab gard li  ase prezantab, menm si i pa  prezantab, parey nou ti a swete, me ase I prezantab pou nou kapab kontinyen travay dan sa tel batiman.

E apre konsernan PVC, nou annan kominikasyon ki parey mon ti dir dernyen fwa ler nou ti vin dan Lasanble, nou ti sipoze ganny enstale, me, selman zot in vwar pou dir nou’n ganny rapor sorti kot SERVTECH ki i en konpannyen India Private Limited.  E zot ki ti pe travay avek sa sistenm, e zot in enform nou ki lafason gradient ki nou building – main building i ete Palais  Des Justice  building,  i pa posib ki pou zot enstal sa fotovoltaik lo la.  E nou’n sizer avek zot, nou’n propoz ek zot pou met lo Supreme Court Annex ki a kote ki li son gradient i en pti pe pli leze, pli ba.

E  zot in vini zot in fer assessment lo la.  E le problenm se ki nou’n ganny enformen ki sa bann – vi ki sa ti en  Grant sa bann materyo ki ti pou ganny servi pou met lo  building  in fini.  E  prezan it’s like as if nou  dan en queue nou pe atann.  So sa i problenm ki  nou’n fer  fas avek.  Mersi Mr Speaker.

 

MR SPEAKER

Mersi Mrs Esticot.  Onorab Afif.

 

HON AHMED AFIF

Mersi Mr Chairman.  Mon ti a kontan demann Zidisyer si zot in esey regard bann teknik ki’n ganny servi par lezot lorganizasyon pou lager kont pizon, e mon mazinen   zot kapab kontakte lofis Mr Speaker li menm.  E son Sekretarya ki’n fer en travay ase remarkab pou redwir lakantite pizon.

Apre zis pou penn building mon pa pe dir ou bann keksoz striktirel.  Me zis pou penn netwaye,  zot annan en larzan ki mon mazinen akoz zot pa’n kapab servi sa zis pou netwaye, penn.  I pa en keksoz konplike.

Lo kote fotovoltaik, si ou kapab zis donn nou dat, kan ti annan dernyen korespondans ek sa lakonpannyen Indien, ki’n  dir ek zot ki i posib prezan pou zot fer li lo Annex Lakour Siprenm.  Mersi.

 

MR SPEAKER

Mersi Onorab.  Mrs Esticot.

 

REGISTRAR OF JUDICIARY MRS JULIANA ESTICOT

Mersi Mr Speaker.  Lo kote pizon nou’n annan apepre 3 diferan remed ki ou’n servi pou nou sey kapab lager avek sa nou apel li lager si mon pou servi sa mo –  avek sa lespes.  E finalman nou’n – non nou pa’n apros lofis Mr  Speaker direkteman.  Me  mwan  personnelman mon’n ganny sans koz avek detrwa staff e nou ti annan mon ti okouran pou dir ti annan en konpannyen ki ti pe sey elimin sa lespes kot zot.  Zot ti’n vin met  bann pwazon over the weekend.  E apre akoz kot nou ti vwar lo son bomaten Lendi nou ti vwar en kantite ki ti’n mor.

Me selman ki nou’n sey fer nou le  elimin li konpletman sa problenm e ki nou’n fer nou’n sey detrwa metod plizyer metod.  E enn ki  nou’n vwar pou lemoman pe marse, se nou nou’n enstal bann fil ki’n blok sa bann landrwa kot zot antre pou zot, zot kontan vin reste.  E nou’n blok sa bann landrwa e sa i fer ki nou napa lespas pou zot antre pou kapab ganny landrwa pou zot konfortab asize e met zot bann nik eksetera.  Me  selman nou  fek konmanse e nou vwar ki pe marse.  E nou le kontinyen avek sa proze ki  nou kapab met li enn fwa pou tou lo tou nou building nou pou annan sa.  E sa pou fer ki sa bann pizon pa pou kapab rantre.

Me selman  mon zis oule dir ki le problenm avek pizon se ki menm nou pe sey elimin li lo kote kot nou lo lot kote semen nou annan bann Indien ki pe feed zot avek  i donn zot manze.  E sa ki i fer zot kontinyelman peple.

Lo kote pou penn building Mr Speaker;-  wi nou’n esey penn building me selman parey ou konnen oter building ki  i ete.  Nou problenm sa problenm pizon i fer li pli agrave.  Nou bezwen lakantite larzan ki nou ti’n ganny donnen  lannen pase ki pou nou penn building i pa vreman nou’n  servi li zis pou penn building, akoz nou annan lezot issues.  Par egzanp nou ti annan problenm wiring i kontinyelman ogmant nou ti pe kontinyelman gannyen kot even la sa lannen Lakour zis kouran i koupe la kot nou bezwen cancel sesyon.

So nou’n osi servi sa larzan pou lezot keksoz ki nou’n vwar  par egzanp cancel en sesyon Lakour i en pti pe pli priyorite ki nou pa cancel li ki nou servi pou penn, E se pou sa ki annan detrwa virement ki’n ganny fer.

Me selman parey mon pe dir lafason ki building i ete, nou menm nou internally pa posib pou nou fer li avek nou de handyman ki nou  annan.  E sa i en proze kot nou pou bezwen tender, e rod bann lezot konpannyen pou vini pou asiste nou kot nou bezwen pey zot, akoz i anliny nou bezwen scaffholding, eksetera ki nou bezwen bann dimoun an  deor ki annan plis lekspertiz pou kapab fer pou nou se pou sa rezon ki ou vwar  nou pa ankor kapab fer li.

Apre konsernan sa fotovoltaik,  let ki mon  annan rapor ki mon annan i date le 11 Fevriye 2019, kot nou ti ganny sa bann dimoun sorti kot SERVTECH.  Me selman apre sa  nou’n kontinyelman antre an kontak avek Departman PUC, e an Me sa lannen zot ti konfirmen  ki sa bann lekipman, sa bann  materyo in fini.  E   as soon ki  ou gannyen zot  gannyen zot pou kapab asiste  nou.  E nou osi lo nou kote, nou pou  fer li nou devwar pou nou kapab follow-up as soon  ki zot ganny en grant ki  zot kapab asiste nou pou nou kapab met sa bann materyo l o nou building.  Mersi Mr Speaker.

 

MR SPEAKER

Mersi Mrs Esticot.   Onorab Terence Mondon.

 

HON TERENCE MONDON

Mersi  Mr Chair.  Bonzour panel e tou dimoun ki pe ekout nou.  Mr Chair mon kestyon i lo sa size, sa Capita Fund, ki mon vwar an  2018 zot ti deza annan en zot ti ganny 15. 8.  E an 2020 zot pe  ganny 18.3.  Mon ti a kontan konnen ki egzakteman zot pe al fer avek sa Capital Fund? 

E dezyenmman, mon vwar ki dan zot   ki zot in fer pou 2018 – 2019 ki zot in entrodwir database ki pa ankor ganny finalize.  E ankor i ankor en challenge. 

        Eski zot kapab dir nou, ki  kan nou espekte sa sistenm pou vin an plas sa nouvo sistenm legal aid?  E parey zot dir ki en kantite dimoun bann mwen fortinen pa pe ganny akse avek sistenm.  Dir nou kwa ki pe vini an plas ek sa Bidze ki pe ganny aprouv-ize ki i p ou  fer sa sanzman e kan sa i pou arive ?   Mersi Mr Chair.

 

MR SPEAKER

Mersi Onorab Mondon.  Mrs Esticot.

 

REGISTRAR OF JUDICIARY MRS JULIANA ESTICOT

Mersi Mr Speaker.  Mr Speaker konsernan sa anba proze kapital ki Onorab pe refer lo la.  Sa i an total R23, 566milyon pou proze Lakour Mazistra.  E dan s R23,566milyon   i annan R20. 653milyon  ki donasyon ki nou’n ganny avek Gouvernman Indien pou nou fer Lakour Mazistra.  E i annan R2 milyon 213 mil ki   lokal ki Gouvernman i  met dan Bidze ki  osi asiste pou konplet sa proze.

Lo kote sistenm legal aid lasistans legal nou’n annan en databse ki nou pe fer, akoz ki arive dan lepase nou’n vwar pou dir par egzanp zis mon a donn en legzanp bann case murder, avek pirat,   nou annan bann  dimoun ki nou pa oule ki toultan i menm avoka ki ganny sa bann  case akoz zot peyman i en pti pe pli o, zot reminerasyon.  Ki nou fer se ki nou entrodwir  sa sistenm data kot nou met sa bann lenformasyon ladan, e next time ki nou annan en  tel case parey i fasil pou nou konnen kote nou pou allocate ek lekel.  Bann dimoun ki pa ankor gannyen.  E an menm tan lo kote mwen fortinen i osi ed  nou.

Akoz i annan dele letan  ki par egzanp nou annan bann konplent ki vini konmkwa i annan dimoun ki’n demann ki’n  fer laplikasyon.  E zot pa’n ganny aksepte zot laplikasyon pa’n ganny aksepte.  Me ennler selman letan ou regard dan sistenm sa dimoun pa’n vreman fer en laplikasyon.  Petet in ekrir en let Sef Ziz ouswa in ekrir en let  biro Rezistrar, me i pa’n vini pou vin fer son laplikasyon.

E sa i bann letan kot nou ganny sa bann dokimantasyon ki kapab ed nou, pou nou  vwar vreman si sa dimoun in vini, or si in vini ki ti rezilta son laplikasyon ki’n fer;- si in gannyen ouswa si i pa’n gannyen.  Son bann detay par egzanp son bann reveni ki kolekte ki i antre e pou montre nou si sa dimoun i kalifye ouswa non.

So sa sistenm vreman nou pa nou’n mon kapab dir nou almost competed.  E evantyelman by boner premye kar lannen 2020 i pou en sistenm ki pou up and running e la i pou pli fasil pou nou kapab  monitor e osi assess bann lezot dimoun ki vini.  Akoz nou pou met tou bann lezot lenformasyon  ki en[portan ladan.  Mersi Mr Speaker.

 

MR SPEAKER

Mersi Mrs Esticot.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon kestyon i enn kekfwa ki kapab enteres bann staff Zidisyer ki la i osi ozordi akoz mon vwar bokou zot in vini.  E pandan en pe letan in annan lenformasyon ki nou vwar ki mannye allowances i ganny i ganny peye,  i pa toultan mars parey nou ti ava espekte.  Par egzanp en dimoun dan en pos, de dimoun dan menm kalite pos menm si zot kot bann diferan Lakour, zot ganny zot menm allowances. 

Me selman mwan personnelman mon’n ganny lenformasyon ki pa touzour leka.  So mon profit sa lokazyon pou mwan demann avek Registrar si i santi poudir tou keksoz i annord lo sa nivo, e ki tou bann ki sipoze gannyen,  zot gannyen, e tou  zot ganny egalman across the board pou menm pos?  Sa i enn.

2enm mon kestyon i al ver Lakour Mazistra ki pe konstri.  Mon ti a kontan demann Mazistra si i annan aktyelman en  difikilte kot dan sa proze napa okenn alokasyon ki’n ganny fer pou meb.  Pou bann furniture, furnishing eksetera.

        E ki mwan mon ti a kontan lev sa kestyon boner akoz aparaman dan Avril, Me lannen prosenn sa building  sipoze konmans ganny servi.  E fodre nou reget sa kestyon en pe boner pou gete ki mannyer –nou konman en Lasanble nou kapab atak  sa problenm.

E finalman lo bann legal researchers;- mon krwar i enportan akoz mwan mon kon zis enn me selman aparan zot, zot annan 4, koriz mwan.  Koriz mwan si mon  bann figures pa egzakt.  Me selman aparaman zot annan 4 e tousala i etranze.  Ki zefor zot pe fer pou zot kapab lokaliz sa bann pos e ankouraz bann zen avoka, oubyen bann menm bann dimoun ki avek legal background ki pe repran zot retret e ki a kapab kontribye dan sa dan sa area of travay Zidisyer?  Mersi Mr Speaker.

 

MR SPEAKER

Mersi Onorab.  Mrs Esticot.

 

REGISTRAR OF JUDICIARY MRS JULIANA ESTICOT

Mersi Mr Speaker.  Mr Speaker konsernan allowance ki Onorab in koz lo la, nou ti annan en sistenm allowance an plas e nou ti annan diferan kalite allowance parey zot konnen.

Me selman i annan dele letan kot ti annan bann mal konprenezon;- ouswa kot petet si mon pou met li dan sa term koumsa staff pa ti pe byen ganny eksplike or byen konpran ki mannyer pe marse.

So anba nou nouvo Scheme of Service ki   nou’n fer nou’n osi entrodwir lezot allowance pou serten staff ki nou vwar i neseser.  Par egzanp risk allowance, ki nou vwar i annan ser ten staff ki al lo teren  ki zot bezwen.  E menm si i annan ki pa al lo teren me pou natir zot travay zot bezwen sa bann kalite allowance.  So nou’n revwar tou sa bann allowance ki nou ti annan e  nou’n osi  entrodwir bann nouvo ki  nou  santi parey mon pe dir natir travay sa bann staff zot bezwen annan.

E nou’n annan en meeting an zeneral avek tou staff Lakour e nou’n eksplik zot an zeneral zot Scheme of Service.  E la lefet ki  nou ti pe vin kot en Bidze nou en pti pe   tight, me selman la ki  nou  fini Bidze nou promet zot ki nou pou zwenn avek sak seksyon sa bann staff;- savedir sak group ki tonm ansanm e nou pou detay avek zot, zot Scheme ki mannyer i marse zis pou fet ki i arete annan sa mal konprenezon  ouswa sa grens ledan – parey nou kapab dir;- ki zot tou kapab konpran e  konnen ki sa ki zot sipoze gannyen e kwa ki zot pa sipoze gannyen.

E zot pou annan sans pou demann kestyon par egzanp akoz i annan serten ki pe ganny sa e zot, zot pa pe gannyen, parey ou pe dir.  So tou sa bann leklersisman pou ganny donnen avek bann staff, e par group,  par seksyon, savedir zot tou zot pou konnen ki zot devret gannyen finalman konsernan sa bann allowance. 

Apre konsernan Lakour Mazistra meb,   bon konsernan sa  donasyon ki nou ganny donnen i zis pou Lakour, sa building sa batiman li  menm.  Apre bann meb ki fikse, par egzanp Lawyers  bench Judges bench  kot zot asize bann Ziz  eksetera, bann avoka, bann witness box eksetera.  E  pou temwen, pou size.  Me non pa bann meb movable furniture  parey sez latab, eksetera.  Sa pa enkli dan sa  Grant. 

        Me selman nou lo kote Zidisyer ki nou’n prevwar se ki konman sort of en ti solisyon pou sa problenm parey ou pe dir nou sipoze ganny donn Lakour in ganny dir by lafen Mars 2020.  E nou pe mazinen ki i nou  riske si tou keksoz i mars byen,  nou riske annan apepre en savings petet R2 milyon apepre.

E nou konnen i riske pa ase.  Me selman nou pe mazin pran sa savings pou nou aste bann furnitures pou nou met dan batiman, lefet ki nou pa kapab antre menm si Mars 2020 si nou napa  furnitures nou pa pou kapab rantre nou bezwen attend ziska ler nou gannyen, otherwise nou pou bezwen vwar nou vini pou Supplementary Budget an Zilyet.

Me selman nou pe mazin pou servi sa larzan ki nou  sipoze servi pou pay rent.   Vi ki  nou pa pe pay  rent nou  demann permisyon pou fer virement pou nou kapab aste bann meb avek.

Lo kote legal researchers, nou annan.  Nou’n arive Mr Speaker pou sa lannen 2019 nou’n ganny 2 staff lokalman finalman.  Sa avek en kantite avertisman, promosyon eksetera.  So nou’n ariv e ganny 2 staff finalman e nou pe kontinyen pouse pou nou kapab ganny lezot akoz nou ti a swete nou ganny  tou Seselwa.

Me parey ou pe dir parey ou konnen i pa tro fasil.  Me selman at least  nou nobou fer en pti zefor nou’n nobou ganny de lokalman.

Mon krwar se tou Mr Speaker.  Mon reponn tou ou kestyon.

 

MR SPEAKER

Mersi Mrs Esticot.  Onorab Ferrari.  Mersi Mr Chairman.  Mr Chairman swivan larepons ki allowances i mon mazinen ki poudir avan nou konmans  nouvo lannen sa bann lesplikasyon e sa annan leklersisman ki ou’n koz lo la Registrar, sa travay i ava ganny fer avek bann staff pou zot konpran egzakteman ki pe  pase.

So avan lafen lannen.  Me selman mon ti a kontan demande, vi ki lannen pase i enportan ki pou eklersi sa pwen – vi ki lannen pase in annan en pti pe konfizyon;-  eski ou ti  a kapab eksplik avek bann staff si in annan serten allowances – pa’n ganny peye ki ti devret ganny peye, me ki pa’n ganny peye, e si wi mon pa konnen mon si wi eski i reste larzan e si larzan i reste eski i vini en saving dan zot  Bidze akoz zot pa ti ankor fini finaliz tou bann ki sipoze gannyen?  Sa i enn.

Apre 2enm pti kestyon ki vreman enportan akoz nou, ler nou fer ler nou fer nou travay oversight, nou link up avek lezot Lazans.  E enn bann keksoz ki nou pe get en pe pou lemoman akoz i annan en kantite vwayaze dan Gouvernman, nou pe sey rod en fason pou nou verifye ki ler en anplwaye en Lazans oubyen Minister Departman i vwayaze i ganny per diem, pou li pandan son vwayaz, eski i annan bann ka kot i annan bann double per diem ki ganny peye?

Mon pe demann sa kestyon.    E enn bann ka se posibleman ant APDAR avek Lakour, so mon pe demann sa kestyon pou ou pou donn ou lokazyon pou ou dir nou, si in annan bann ka kot  double per diem i ganny peye?  Si sa in ganny rektifye oubyen kekfwa i pa’n annan.  Me selman i enportan ki nou demann sa kestyon dan en fason ki ler nou sorti la nou satisfe ki tou bann keksoz in ganny eklersi.  Mersi.

 

MR SPEAKER

Mersi Onorab.  Mrs Esticot.

 

REGISTRAR OF JUDICIARY MRS JULIANA ESTICOT

Mersi Mr Speaker.  Mr Speaker konsernan sa allowance ki Onorab pe koz lo la as i pe gete si i annan staff ki ti devret gannyen ki pa’n gannyen, or si vre si manti?    

        Nou’n annan zis en case ki’n al devan PSAB.  Unfortunately mon kapab  comment bokou lo la akoz i      prejudice  attack.  Me selman ki i arive se ki i annan en staff ki’n fer konplent e i annan devan PSAB e i annan en desizyon ki’n ganny donnen, e i annan en Judiciary review ki’n ganny fer e  case i devan Lakour.  Me solman nou lo nou kote nou santi poudir pa ti devret annan sa peyman pou sa serten staff e PSAB li in vwar le kontrer.  Se pou sa rezon ki nou’n vwar case kot devan Lakour e nou pe atann rezilta.  E si  Lakour i dir nou, nou bezwen pey sa staff definitivman nou pou pa swa nou pou bezwen pey li.  E si Lakour i vwar ki sa staff pa ti merite then nou pou bezwen according to desizyon Lakour ki’n ganny donnen.

Me selman pou être fran nou pe  atann rezilta Lakour e nou ava gete ki desizyon final ki Lakour i donnen, e nou ava fer le neseser.  Si fodre sa staff i  ganny ranbourse, definitivman nou pou bezwen ranbours li.  Akoz sa i son drwa ki i bezwen.

Apre lo kote per diem, wi i annan en  lenstans kotye annan en mis kalkilasyon enn mon pa konn ki mannyer pou apel li mal konprenezon or ti’n mal kalkile;-  lo kote en deplasman en per diem ki ti’n ganny donnen, e lemoman ki sa i vin a mon latansyon  koman Rezistrar Lakour, mon’n fer le neseser avek  nou financial controller e sa sonm pe ganny ranbourse.  Lo kote sa dimoun ki ganny peye an plis i pe ganny ranbourse.  E mon donn  ou garanti ki by – in fact before of the end this year sa larzan pou retourn dan kont Zidisyer, akoz le neseser in fini ganny fer, in fini ganny kalkile tou keksoz an plas.  I zis reste en matter of disbursement sa larzan  pou retourn dan fon.  Ti zis a matter of ki mannyer pou re peye eksetera. Me  the whole amount will be refunded as  a whole dan kont Zidisyer.  Mersi Mr Speaker.

 

MR SPEAKER

Mersi Mrs Esticot.  Onorab Gervais Henrie.

 

HON GERVAIS HENRIE

Mersi Mr Chair.  Bonzour tou dimoun.  Mr Chair mon kestyon i tourn otour konfidans dan nou sistenm Zidisyer e ki mannyer sa Bidze i siport sa fason ki piblik i regard zot.

Mon pe dir sa akoz letan ou get State House letan ou get Lasanble Nasyonal e anfet semenn  pase Mr Benediste Hoareau ti  dir en keksoz ki  ti byen, konmsi letan ou rantre isi Lasanble Nasyonal ou get sa building ou pe antre dan en landrwa i reprezant sa ki i debout pou ou en.

So mon vwar Zidisyer mwan letan mon vin laba mon pa ganny sa menm santiman ki letan on isi ouswa mon al State House.

        Me nou pe donn zot en Bidze e mon pe espekte pou dir zot kapab fer sa arive.  Akoz letan mon e get zot sa priyorite stratezik zot mete pou upgrade lenfrastriktir ek egzistan.  Kekfwa mon kestyon i pa ava direk pou Mrs. Esticot me petet Minister  Finans.  Eski i annan sa konsern ouswa Gouvernman in tande sa konsern pou vreman donn Zidisyer en larzan enn fwa pou tou i met sa batiman lo sa standar ki  vreman  dwatet reprezante? Akoz ozordi bann pti bout pti bout ki Mrs Esticot  pe dir nou i pa ankor anmenn nou la.

So mon anvi konnen vreman ki menn fwa pou tou lannen apre lannen dan sa Lasanble pandan Bidze nou aret lev sa kestyon.  Sa i mon premye kestyon

E dezyenmman anliny en pe  ek sa ki Onorab Ferrari in leve, lo lokalizasyon bann pos dan Zidisyer.  Ankor enn fwa i en lebra egal avek Gouvernman isi Lasanble  mon krwar pa si i annan  etranze ki’n ganny anploye.  E mon krwar pa  si i annan etranze ki anploy State House.  Konmsi ki nou fer akoz i lebra Gouvernman telman enportan ki tou bann dimoun i zis Seselwa.  Eski i annan en progranm ki sa Bidze i kapab ed zot achieve sa lobzektif?

So 2 kestyon lo kestyon zot building enn fwa pou tou i sort out i ariv lo sa nivo.  Apre dezyenmman i al lokalizasyon bann pos ki nou ava vreman fyer ki ‘’Judiciary you can trust’’ – parey Sef Ziz ti dir le 10 Zanvye 2018.   Mersi.

 

MR SPEAKER

Mersi Onorab.  Mrs Esticot,

 

REGISTRAR OF JUDICIARY MRS JULIANA ESTICOT

Mr Speaker konsernan building mon prezimen Mr Thesee me selman an pasan mon a fer en pti keksoz.  Mwan osi Mr Henrie mon kanmi letan mon rantre dan mon building dan bomaten, akoz i annan serten keksoz ki mon ti a  voudre  I ganny fer or  ki mon santi piblik pa – konmsi parey ou pe dir, ou napa sa feel parey letan ou al dan lezot pei ou antre dan en Lakour Siprenm.

Me solman malerezman mon lanmen  i anmare.  Mon bezwen travay avek en Bidze ki mon ganny donnen.  E ladan letan mon dan bann keksoz priyorite parey taler mon ti pe dir,  wiring, kot mon bezwen cancel sesyon ki i en priyorite.   Nou bezwen fer sesyon, akoz   dimoun manm piblik i bezwen ganny lazistis.

So mwan vwar mon toultan tir ladan pou fer lezot keksoz, me selman par egzanp i annan letan nou fer en kantite saving.  E si nou ganny permet pou nou servi sa bann savings pou nou kapab fer sa  bann  major travay ki nou bezwen,  sa i pou ede soulaz nou en pti pe.  Me selman par egzanp nou annan    pou ou vwar bann tiles ki’n sorti ki dimoun i may ladan detanzantan.  I annan en kantite problenm parey ou konnen.

Si mon konmanse ziska demen bomaten mon ankor pe fer  pe donn lalis problenm.  Me selman mon lanmen i anmare akoz mon bezwen servi zis sa ki mon gannyen.  Mon annan en ceiling pou mon 4travay ladan e i pa permet mwan- E la ki nou annan Lakour Mazistra pe konstri, sa i ganny trouve konman en priyorite pou Gouvernman.  E i tir en pe parey ou pe dir en pe pwa lo lezot landrwa e i anmenn lo la kot pe konsantrasyon i lo la.

Mon zis swete ki petet apre ler nou’n konplet Lakour Mazistra.  So sonm ki nou bezwen i ava redwir anba kapital nou ava kapab ganny en pti pe larzan prezan pou nou kapab fer lezot proze.  E mon osi swete, ki la ki Minister Finans i avek nou petet dan bann savings ki nou fer, petet donn nou en pe permisyon pandan lannen lo  nou annan bann savings, kot nou gannyen ki nou kapab servi li pou sey amelyor  en pti pe nou batiman.  E sa i soulaz nou en pti pe.

Apre lo kote lokalizasyon bann pos, pou lemoman dan sa 175 staff ki nou annan lo payroll nou annan zis 7 ki pa Seselwa.  E nou annan en lafors 96poursan  Seselwa dan Zidisyer.  E nou pe esey gradyelman – parey ou konnen nou pe kontinyelman parey mon’n dir ou la nou pe nobou ganny 2 legal reseachers Seselwa.  E nou annan par egzanp anba pou programmer nou annan en dimoun ki ou ti sipoze recruit e la pos in  freeze.    So ankor nou lanmen i anmare nou pa pe kapab recruit ou konpran so.  Me selman nou pe seye as much as possible pou nou ganny mazorite lafors Seselwa dan Zidisyer.  Mersi Mr Speaker.

 

MR SPEAKER

Mersi Mrs Esticot.  Onorab Henrie.

 

HON GERVAIS HENRIE

Mersi Mr Chair.  Kekfwa mon a zis redemann sa kestyon ankor si ou ti kapab kekfwa PS Thesee ti kapab dir nou.

Zot annan ‘’upgrade existing infrastructure’’ ki tonm dan zot ‘’priyorite stratezik 2020-2022.’’  Eski pou annan en alokasyon?

Akoz dan lepase nou’n vwar dizon par egzanp SPDF Gouvernman ti ale negosye en grant 120milyon pou anvoy Topaz L’Inde pou refurbish.  Si nou santi sa building la kantmenm pou al rode, mon anvi konnen ki plan Gouvernman si sa i en diskisyon in the corridors of power, pou met nou sa building la akote lo sa standar.  Zis sa ki mon anvi konnen.  Si i annan an 2020 a 2022 parey dan dokiman i dir?  Mersi.

 

MR SPEAKER

Mersi Onorab.  PS. 

 

PS DAMIEN THESEE

Mersi Mr Chair.  Parey nou’n vwar in souleve, natirelman ler nou annan nou bann nouvo proze si tant pou pran priyorite sa Magistrate Court.

        E dezyenmman mon pa okouran nou’n ganny okenn Komisyon en plan konpreansiv ki poudir ok sa i bann louvraz ki bezwen ganny fer an totalite e sa i son kou.  I annan bokou diskisyon ki’n ganny fer.  Ok Lakour i bezwen latansyon.  Nou  osi nou okouran.  So sa i bezwen ganny soumet-e.  I ava devan Development Committee, akoz mon pou prezimen sa i pou en travay ase mazer.  Prezan  Development Committee i ava fer son rekomandasyon i ava al kot Cabinet, e la nou, nou a kapab factor li dan Bidze.

So nou bezwen annan en keksoz konkret ki vini pou nou kapab fund  li.  Mersi.

 

MR SPEAKER

Mersi PS.  Onorab Waven William.

 

HON WAVEN WILLIAM

Mersi Mr Speaker.  Bonzour tou dimoun ki a lekout.  Bonzour tou dimoun ki lo panel.  Mon kestyon i comme swivan;-  i baze lo latab (4), ‘’approved new spending initiative.’’  Mon anvi demann avek madanm Registrar, letan nou pe koz to retain qualified staff, mon anvi ou fer nou konpran – enn- konbyen staff ki nou pe koze?

E dezyenmman, eski letan zot pe fer revizyon bann Scheme, eski sa bann Scheme ou’n pran en pti pe bann kriter ouswa bann detay ki lezot bann Departman Gouvernman pe servi?

E dernyerman, ou kapab dir nou – mon pa bezwen ou donn nou bann sonm, me ki bann kalite allowance ki ou pe mazinen donnen ?  Epi eski sa bann job description ouswa Kontra ki zot donn bann travayer, i ase kler?  E an menm tan, eski appraisal pe ganny fer toulezan?  Mersi.

 

MR SPEAKER

Mersi Onorab.  Mrs Esticot.

 

REGISTRAR OF JUDICIARY MRS JULIANA ESTICOT

Mersi Mr Speaker.  Lo kote bann staff ki nou le retain, parey mon’n dir 175 staff lo payroll, e nou ti a voudre nou kit zot tou – 175.  Me apre an menm tan nou annan bann staff ki nou pa’n ganny sans pou rekrite pandan lannen.  So an tou o nou pe koz anviron maybe en 200 staff dan Zidisyer ki nou ti a kontan zot  reste.  Me selman sa Scheme ki nou’n sey travay lo la i pa sa Scheme ki nou ti a swete annan, me selman akoz parey ou konnen nou annan en Bidze so nou bezwen balans en pti pe.

Akoz nou pe kontinyelman ganny staff ki pe kite.  Par egzanp zis an pasan, ki pe kit nou ki pe al kot Biro Attorney Zeneral la zot pe reviz zot Scheme, e nou pe annan lafreyer ki nou ban staff pou kontinyelman al laba, zot Scheme i en pti pe pli meyer ki pou nou.  Even nou bann Mazistra nou pe annan lafreyer pou zot nou pou napa.  Mazistra zis zot pe dekouraze.

Me selman nou pe sey nou mye at least pou nou kapab retain lakantite staff ki nou annan.  Nou’n met par egzanp  bann diferan allowance.  Par egzanp nou annan risk allowance, ki bann staff avan sa serten staff ti pe napa.  In fact personn dan Zidisyer ti napa risk allowance.  So la i annan serten group staff court services, avek bann process servers, zot, zot pou annan risk allowance. 

        Apre nou annan performance allowance ki serten staff ti deza pe gannyen, prezan nou’n revize.  E nou osi annan inducement allowance ki nou’n osi revwar.  E ler nou’n revize pou nou fer revizyon sa Scheme parey ou pe demann mon, nou’n re evalye saler debwaz tou staff, epi nou’n fer monte baze lo evalyasyon bann pos ki zot ladan.  Bann diferan kondisyon travay ki zot travay anba la, lanvironnman travay, natir zot travay, e osi nou’n get konpetans ki, ki i bezwen pou zot kapab konplet zot bann task.

So nou’n pran tousala an konsiderasyon e nou’n sa in ed nou ganny en pti pe bagaz pou nou revwar sa Scheme.  Akoz parey ou konnen i annan serten Scheme ki zis Zidisyer ki annan.  Par egzanp bann court services staff napa lezot landrwa ki annan akoz zis nou ki Lakour e zis ou ki annan sa bann staff. 

Par egzanp enterpret, court orderly reporters i pa fasil ganny lezot landrwa, akoz zot napa.  So sa i bann, ki en pti pe process servers i annan detrwa landrwa ki annan.  Me selman nou’n osi balanse.  So sa i en pti pe ki mannyer nou’n fer pou nou, letan nou revwar sa bann sa Scheme avek son bann allowances ki al anba la.

Lo kote appraisal, wi nou ti annan en rapor oditer ki ti dir nou, nou ti pe fer tou e 2an.  E la nou’n fer li en target ki toulezan nou pe fer appraisal.  Me selman parey ou konnen sa lannen lefet ki Scheme of Service i pa ganny enplimante, menm si nou’n fer appraisal, tou dimoun ki pou form parti sa nouvo konmsi zot saler pou ogmante.  Me solman bann lezot lannen nou annan ler nou pou fer appraisal, i pou baze lo zot performance eksetera, so definitivman si ou’n perform ou pou annan ou, ou reminerasyon ki pou al avek.  Mon mazinen mon’n reponn tou ou kestyon.  Mersi Mr Speaker.

 

MR SPEAKER

Mersi Mrs Esticot.  Onorab William.

 

HON WAVEN WILLIAM

Mr Speaker enn ki pa’n reponn se ki zot bann kondisyon e Kontra travay.  Eski bann staff letan zot ganny anploye, zot ganny en dokiman ase kler ki zot kapab swivre pou zot vwar ki bann potansyel progresyon i annan dan sa Departman?   Mersi.

 

MR SPEAKER

Mersi Onorab.  Mrs Esticot.

 

REGISTRAR OF JUDICIARY MRS JULIANA ESTICOT

Mersi Mr Speaker.  Ok bann staff letan ot ganny anploye i annan bann dokiman ki zot gannyen ki eksplik zot, par egzanp zot job description eksetera.

E apre baze lo Scheme, parey mon pe dir la ki nou’n revwar nou Scheme nou’n e nou mo pa konnen si mon pou apel li louvraz in re partaze dan Zidisyer.  E keksoz i en pti pe diferan.  So en pe sa bann responsabilite ki ti anba Rezistrar in sorti.  E i pou pli fasil  prezan pou nou sa bann dimoun konsernen;- par egzanp a lo kote administrasyon sa i son louvraz pou li kapab edik sa bann staff letan zot vini ou konmans lo basic,  e la  ki ou pou gannyen eksetera.  E apre 1an apre ou probasyon ou ganny sa. Sa deza nou pe fer.  Me selman apre progresyon.  So la i pou lo kote administrasyon i pou son devwar pou li asize avek sa nouvo Scheme ki nou’n entrodwir e eksplik sa bann staff ler ou sorti la ou al la.  E la ou potansyel monte e ou ganny drwa ariv ziska la, e  i annan lezot avenues ki ou kapab pran pandan letan ki ou dan lanplwa.

So sa i pou baze anba sa nouvo Scheme, ki si i ganny aprouve nou sipoze konmans fer komans fer li pran lefe apartir Avril 2020.  Me selman staff zot parey mon pe dir pli boner, konmansman Merkredi sa semenn zot sipoze ganny entrodwir avek zot Scheme avek sa bann lezot detay. E la zot pou annan sans pou zot kapab demann kestyon avek administrasyon, pou zot ganny bann larepons pou zot kestyon.  Mersi Mr Speaker.

 

MR SPEAKER

Mersi Mrs Esticot.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Bonzour e bonzour tou bann Manm Onorab, tou staff Zidisyer e osi tou bann ki anler.

Mr Speaker, Mr Chairman mon pe ekoute ziska aprezan e am sorry, mon pa mon pa pe vwar okenn lalimyer.  Mon tann bokou parol, mon pa vwar bokou lalimyer.  E mwan mon pou dir onnetman ki pou dir Zidisyer nepli enspir okenn konfyans.

Zidisyer mon admir bann staff, mon kontan zot pasyans letan mon pas laba mon koz ek plizyer e mon admir zot pasyans, me selman mon krwar zot bezwen retourn ankor dan en sistenm ki donn lazistis.  Pa kapab travay lo diferan lavites.  Pou serten dimoun, letan en case ganny fayle, deswit i ganny anvoye, i ganny papye pou raport Ankour.  Lezot i pran plis letan.

So mwan letan mon pe regard Bidze, nou pe rod en Zidisyer ki solid, en Zidisyer ki parey son non i demande premyerman i aport lazistis.  Sa i mon premye.

Plizyer dimoun in koze, Onorab Henrie tou in mansyonn Leta sa batiman.  E mon kontan ki PS Finans in dir ki be napa gran keksoz ki’n ariv kot li pou li kapab pran aksyon.

E mwan mon krwar pou dir i annan en lesefer, en lese ale ki pe arive kot Zidisyer.  Problenm pizon i en problenm.  Be koup zerb dan otour Lakour?  Mon anvi demande premyerman eski zot annan en maintenance team ?  Parske isi kot Lasanble mon vwar tou le bomaten mon vwar detrwa dimoun ki pe pas pe koup zerb, pe anmas bann fey, pe i menm annan en nursery.  Eski kot Zidisyer i annan en maintenance team? 

        Pizon, pizon pa fer son nik dan enn erdtan li.  Pizon i pran letan pou fer son nik.  Be letan mon pas kot Lakour mon vwar nik pizon.  Mon trouv – I mean maintenance dimoun pou avek en po lapentir pou kontinyelman pe penn sa batiman pou li pa zis annan kaka pizon toultour.

Mon krwar ki sa se bann keksoz de-baz e ki i pa akseptab ki ozordi nou Lakour i sal koumsa.  Ou annan 2 basen;- ou annan 2 basen ki ranpli avek gomon ki ranpli avek delo.   Lotrozour mon vwar de dimoun pe netwaye.  Tousala se pa bann keksoz ekstraordiner ki ou bezwen milyon pou fer!  Ou bezwen travay serye.

Me Mr Speaker, mwan mon ti ava kontan parski Mrs Esticot in dir avek nou ki zot annan de legal researchers.  Mon lenformasyon ki mon’n gannyen i annan zis enn e ki i napa gran zefor pou rod plis Seselwa.  Si i dir nou i annan 2 mon ti ava kontan si petet si pa oule nonm non sa 2 dimoun me i a kapab fer nou gannyen.

Me konsern prensipal;-  konsern prensipal,   ki mwan depi ki mon dan sa Lasanble depi  2016 mon fatige tande se Scheme of Service.  Bidze i prezante;-  Scheme of Service.  Bidze Siplemanter i prezante;- Scheme of Service. 

        E i resanble ki sa bann staff zot zis ganny promet.   Promet apre i ganny en pti bout isi.  Bann ki dan menm pozisyon, enn i ganny en pti bout lot pa gannyen, ensidswit.

Eski ou ti ava kapab ganny en keksoz kler?  E letan mon p koz kler mon a pe osi koze ki olye ki nou al rod Avril, Zen ensidswit,  annou konmans sa an Zanvye le 01 Zanvye!  Akoz ki sa bann staff pe pas dan sa bann kalite latet fermal?  Eski nou pa kapab e Lasanble i la, e mon konnen ki pou dir dan enn bann meeting ki zot in fer avek tou bann staff zot in konmsi i annan sa zwe Mr Speaker ki mwan mon pa kontan.

Bann staff in ganny dir al koz ek zot MNA pou zot Scheme of Service.  MNA pa vin diskit Scheme of Service li.  MNA letan Bidze i prezante e se zot Zidisyer ki sipoze prezant zot Bidze,  MNA konman en Lasanble i la pou li aprouve oubyen pou li pa aprouve.

E letan napa gran keksoz pou nou aprouve, e la mon anvi dir avek sa bann staff k la zot in tande zot menm, mon kontan ki pou dir zot la ozordi pou ki apre pa ganny dir Lasanble;-  Lasanble ki pa pe fer sa.  Nou, nou a pe rode ki zot ganny zot larzan le 01 Zanvye.  Zot scheme i konmans marse le 01 Zanvye olye esper, esper sa bann mwan ki zanmen pa vini.

Alor mon anvi konnen, kisisa ki anpes zot?   E Minister Finans  osi i ava dir nou kisisa i anpes zot?  Parske toultan pe koz lo Scheme of Service, ou tann pe sispann larzan, pe, isi pe laba, ki sa ki anpese pou ki  sa bann travayer ki devret ki rantre dan en landrwa parey Mrs Esticot i osi tou ki pa donn zot okenn lankourazman travay, akoz zot bezwen kalkile kot zot pou pase pangar zot mars dan kaka pizon.  Alor kisisa ki anpese pou nou konmans sa an Zanvye Mr Speaker?  Mersi bokou.

 

MR SPEAKER

Mersi Onorab.  Mrs Esticot.

 

REGISTRAR OF JUDICIARY MRS JULIANA ESTICOT

Mersi Mr Speaker.  Lo kote bann case ki ganny fayle devan Lakour, nou annan sa nouvo sistenm ki management ki’n met an plas ki nou pe servi.  E anba sa nouvo sistenm  i annan en prosedir ki tou bann case ki ganny fayle Ankour i bezwen swiv.

E si ou vwar ki annan de lenstans kot i annan en case ki’n ganny   fayle an dernyen en lot case e i pas avan, sa set akoz sa avoka probableman ler in fer son prodwir son case Ankour.  In met en Mosyon irzan pou sa case ganny pase.  Otherwise nou baz li lo ler nou fer alokasyon avek Ziz, i osi depan lo diary sa Ziz ki nou’n allocate sa case devan li, ki kantite plen ki son diary i plen pou nou kapab squeeze in pou nou met sa bann ka ladan.

Me selman as much as possible, mwan anba mon gidans se letan mon la nou pe sey fer lazistis a tou dimoun.  E nou pe sey balans tou dimoun e nou pe tret tou dimoun ki vin Ankour egalman parey.  Nou pa pe swazir kot ou sorti or ki pozisyon ou ladan.  Me nou pe sey tret tou dimoun parey pou ki zot tou zot ganny lazistis egalman.  Akoz sa i nou vizyon pou Zidisyer.

E konsernan leta  building Mr Speaker zis mon pa’n anmenn avek mon,  mon annan en lalis ki mon rapel an 2018 nou ti submit kot Minister Finans.  E mon pa tro asire fodre mon a fer zot  gannyen.  Akoz mon annan  en lalis, par egzanp kot nou’n liste bann priyorite building.  Kot nou’n met bann diferan keksoz ki pou nou, nou’n vwar i enportan ki i ganny fer.   So mon ava fer Lasanble ganny en kopi sa lalis.

Apre lo kote pou koup zerb;-  nou annan en kontrakter ki pou lemoman i pe fer lo en monthly basis, akoz nou annan zis de handyman.  Parey mon’n toultan mansyonnen.  E zot, zot deal avek lezot pti issues ki annan balye deor eksetera.  So nou annan en kontrakter ki pou lemoman i pe travay avek nou.  E tou lemwan i vini i vin koup zerb.  Me selman Mr Speaker parey ou konnen i annan dele letan ki lapli i tonbe e zerb i pous en pti pe pli vit avan sa en mwan.

Me selman dan lepase wi, akoz nou fek konmanse avek sa kontrakter.  So dan lepase boner sa lannen si ou pou pase ou ti pou vwar pou dir zerb in gran, pli gran ki i devret ete.

Me la si ou pase, par egzanp ozordi si ou pase ou pou vwar pou dir zerb in koupe.  Nou pa’n koup li akoz nou pe vin Lasanble.  Me nou’n koup li akoz i monthly nou fer li.  So zerb in koupe, fler in ganny netwaye.

Nou annan en progranm la nou pe travay avek en kontrakter ki aktyelman pe ed nou pou mentenir en pti  pe nou building lo kote netwayaz.  Me lo kote maintenance sa i pa lekar parey mon pe dir.

Apre lo kote building, i pa pou osi parey mon ti dir pli boner, akoz oter sa building la ki nou pe met sa bann materyo ki, ki pe bloke pe anpes pizon antre pou vin ponn, sa i pou ed nou en pti pe.

Me parey ankor sa nou bezwen rod en kontrakter pou nou fer, akoz nou building ki mannyer i ete, i pa posib pou nou fer nou bann handyman monte akoz ou bezwen met scaffolding eksetera pou al, letan pizon i fini pou fer zot taye eksetera.  Menm si nou ti rod en lekipman ki nou’n sey servi ki  fer tapaz me ou pa tann li ek ou zorey pou ou, me zot, zot tande.  Ou vwar pou dir ki i pa marse, kontrer nou ganny plis pizon ki nou  ti annan.

So i pa’n vreman marse.  Me selman nou pe sey nou mye omwen pou nou kapab fer en pti keksoz pou –  Ou konnen i pa vreman kapab fer tou dimoun kontan.  Me malgre sa nou’n seye e nou osi nou santi pou dir nou pa konfortab travay dan en tel building.  Par egzanp ler ou antre dan Lakour No.(1) ek No. (4) sa loder pizon, son bann plim ki’n tonbe anndan partou parey  ou pe dir bann kaka pizon eksetera, i fatigan.  E nou annan avoka ki’n konplent ek nou ek staff ki ganny asma ki nou bezwen restrikte zot serten landrwa ki pa sipoze arive.  Me selman nou napa swa. So sa i bann keksoz ki nou’n seye me selman nou i pou al e pti pe letan pou nou kapab petet kapab finaliz li.

Apre pou lo kote ponds  ki ou pe dir sa 2 ponds ki nou annan si ou pase ou pou vwar pou dir nou’n enstal bann tiyo ki aprezan ler delo lapli i tonbe i sorti lo twa i desann ladan.  So sa bann tiyo i retir sa delo ki fer akimile, ki fer ganny gomon eksetera, moustik.  So i pe retire.  E sa i faz enn.

E 2nm faz sa msye i sipoze vini.   E i sipoze vin ranpli sa bann pond.  Apre nou kapab gete kwa ki nou pou fer ranpli li avek later eksetera, pou li akoz i en eyesore letan nou pe gete i vilenn.  E Minister Lasante in deza warn nou konsernan sa.  So i zis bann keksoz ki gradyelman nou pe fer pti ta pti, baze avek lakantite larzan ki nou annan dan nou lanmen pou nou kapab fer sa.

Lo kote legal researchers, wi mon kapab dir fransman ki nou annan 2 legal researchers lokal.  E Mr Speaker, mon ava fer le neseser letan mon tourn biro pou ou fer ou ganny detay sa de legal researchers avek zot pozisyon eksetera, zot bann detay saler, whatnot. 

        E osi lo kote Scheme of Service, Mr Speaker les mwan enform Lasanble ki letan nou ti submit nou Scheme of Service avek Minister Finans, nou ti demann orizinalman en sonm R5, 291, 324milyon ki pou 1an.  Me selman letan nou’n annan sa  bann negosyasyon  MTEST emptor eksetera,  nou’n ganny dir ki nou pou selman kapab ganny 3milyon.

E even dan sa 3milyon i mank nou 960mil pou nou konmanse si nou pou konmans le 01Avril 2020.   I sa 3milyon i pa pou ase, i pou still mank nou 960mil pou ariv nou ziska Desanm.

So me selman nou dir ok nou ava get bann savings or whether nou pou al dan Bidze Siplemanter an Zilyet.  Me selman si ou pe demann nou lo kote Zidisyer, nou management nou ti a kontan ki nou Scheme;- e se sa ki nou ti’n demande pou nou Scheme konmans le  01 Zanvye 2020 akoz nou staff mon krwar zot in fatige espere,  parey ou pe dir.

E lannen pase dan Lasanble ler nou ti vini nou ti promet zot ki nou pe travay lo Scheme pou konmanse an 2019, me i pa’n posib.  E la 2019 zot in dir nou, i pa pe posib Minister Finans donn nou apartir Zanvye.  E nou’n vwar nou nou’n bezwen negosye pou konmans le 01 Avril.

Me selman avek tou fransiz, nou ti ava apresye ki si nou ti kapab ganny permisyon pou nou konmans li  le 01 Zanvye 2020 instead of le 01 Avril.  Me parey ou konnen sa i depan tou lo Minister Finans, whether zot annan larzan available pou kapab asiste nou or not.  So sa  nou kit dan lanmen Lasanble avek Minister Finans.  Akoz nou’n fer nou par.  Nou’n sey amelyor sa Scheme, nou’n fer tou sa ki nou’n  kapab e nou met li la.  E lo kote enplimantasyon totalman i an deor nou kontrol.  Mersi Mr Speaker.

 

MR SPEAKER

Mersi Mrs Esticot.  Onorab Ramkalawan.

 

HON WAVEL RAMKALAWAN

Mr Chairman, ou konnen mwan i annan serten keksoz ki bafwe  mwan.  Mon pa kapab ganny en konpran.

Par egzanp letan nou pe koz scaffolding;- scaffolding i annan diferan scaffolding.  Par egzanp mon kapab dir avek ou – mon kapab dir avek zot si zot al kot SEYPEC par egzanp;-  SEYPEC i annan en sistenm scaffolding aliminyonm avek larou ki leze parey en plim, e ki ou  kapab fer letour. Scaffolding  pa vedir ki ou bezwen parey kot Lakour Mazistra i ete.  E si ou annan ou en maintenance team, olye sa bann zafer zis ale rod kon trakter, en  maintenance team, toulezour i pe travay.  Toulezour i a pe fer en pti bout.

Alors mon pa pe ganny en konpran akoz ki akoz ki Zidisyer pa kapab egzakteman parey Lasanble Nasyonal, parey State House annan li son prop maintenance team!  E ozordi nou  annan nou URS nou annan bann diferan bann diferan Schemes ki annan.  E mwan mon krwar ki se sa kot bann landrwa kot nou kapab channel bann zenn pou zot kapab kontinyelman pe fer pe fer en travay.

An plis ki sa, sa leta ki sa batiman i ete ozordi, mon plis ki sir en weekend rantre an kontak avek SPDF fer li donn detrwa zonm;- annan en kolaborasyon, sa batiman i kapab i kapab annan, annan en  gran en gran amelyorasyon.

Me Mr Speaker pou retourn lo sa Scheme.  Eski vreman finans pe dir pa pou kapab donnen sa larzan pou komanse an Zanvye ?  Si nou pe koz an term Midyear Review, nou a pe koz an term Supplementary Appropriation.  Akoz nou pa konmans li an Zanvye e apre sa letan in ariv letan nou ariv pli devan ava fer sir ki i annan sa larestan.  E la dan li menm Mr Chairman si Zidisyer ti’n met son sistenm fotovoltaik menm  letan ki Lasanble ti’n mete, zot ti pou’n fini fer en lekonomi en R1milyon  zis an 2019.  Me se sa ki i arive.  Letan nou pa pran aksyon apre sa i retonm lo, lo tax payers. 

        So annou- Mon ti ava kontan ganny en larepons avek Minister Finans si nou pa kapab fer en keksoz pou ki pou ki sa, sa review i kapab ganny fer.

Apre eski zot ti ava kapab dir avek nou lekel bann o zofisye mon aprann ki pou dir, parske mon’n vwar en vacancy lo Nasyon pou Prezidan Lakour D’Apel eski ou kapab dir avek nou lekel bann o zofisye dan Zidisyer ki pe pran zot retret pou nou kapab regarde si zot in fer si zot in fer provizyon pou konpansasyon apropriye ?

E finalman sa library;-  letan zot ti letan zot ti fer vacancy, sete en post full-time librarian.   Ki mannyer mon konpran i part-time.  Eski nou kapab ganny en leksplikasyon lo la?  Akoz nou, nou enterese avek Roupi avek sou.  Mersi bokou.  Me selman sa Scheme of Service annou konmans li an Zanvye silvouple.  Mersi bokou.

 

MR SPEAKER

Mersi Onorab.  Mrs Esticot.

 

REGISTRAR OF JUDICIARY MRS JULIANA ESTICOT

Mersi Mr Speaker.  Mr Speaker konsernan maintenance team  wi mon agree avek Onorab.  Me le problenm se ki parey mon pe dir, i difisil pou nou ganny en tim dimoun pou nou travay, akoz baze lo lakantite larzan ki nou gannyen.  Nou en pti pe kwense.  Par egzanp nou ti ganny advise ki nou kapab outsource sa.  Se pou sa rezon ki ou vwar nou pran en konpannyen ki pe fer li.

Me selman si ou pe koz lo recruit parey lo kote Lasanble avek State House, wi nou kapab fer provizyon pou sa me selman petet la i annan en i annan en pti pe tro tar lefe ki Bidze in fini ariv devan Lasanble.  E nou pa ti pe mazin apre sa nou ti pe zis mazin en zafer ler nou get leta building zis sey kit kontinyelman kit li ase prop.

Me wi nou kapab dan lefitir met sa an konsiderasyon.  E sey enplimant li depi la nou annan ziske petet next Budget pou nou konmans rod bann detay, konsilte avek par egzanp ek Lasanble ek State House ek lezot landrwa ki bann demann, ki bann kriter ki bann kalite dimoun or ou konnen, bann diferan keksoz koumsa pou nou kapab come up avek en team e nou ava submit li avek Minister Finans provided zot donn nou larzan pou ou kapab restrikte sa bann dimoun.  E sa i ava ede ki on a daily basis nou pou annan dimoun pe pase e pe fer sa bann pti maintenance – sa bann pti netwayaz e sa i ava ed nou en pti pe pou nou anbelir nou building.  Me selman avek tou fransiz nou pa ti’n konsider sa.  E parey ou konnen i toultan pran bon pran advise.  So nou ava pran zot advise parey labitid e nou ava sey travay lo la pou lefitir.

Konsernan pou lyez avek Lafors Defans;- nou annan prizon ki nou ti pe lyez avek, e plizyer repriz dan Sanmdi nou ganny bann prizonnyen bann dimoun ki prizon ki’n vini zot in vin asiste nou avek netwayaz.  Me selman parey ou konnen i pa toultan fasil pou nou ganny zot.  I annan de letan i annan bann lensidan ki arive dan prizon ki zot bloke zot pa kapab discharge zot release zot.

Me selman par egzanp nou ti annan sa team pou nou fer netwayaz zeneral.  E la nou’n ganny detrwa dimoun ki’n asiste nou lo kote prizon ki’n ede.  Osi koupaye, pou netway  deor, koup zerb, netway fler, eksetera.  Avan ler nou ti annan sa kontrakter nou gard prizon ki’n asiste enn de fwa.

Lo kote bann dimoun ki pe pran retret bann dimoun e pti pe o, en pe pli senior.  Pou lannen 2020 nou annan zis Prezidan Lakour D’Apel ki lafen Zanvye i pe pran son retret.  Nou annan en Ziz ki’n fini pran – 2 Ziz ki’n fini ale sa lannen.  Enn Supreme Court avek enn Lakour D’Apel.  Nou annan enn ki pe Prezidan Lakour  D’Apel li i pou ale lafen Zanvye.  So se pou sa rezon ki ou vwar advert in ganny mete.  So that’s  the only person ki pe sipoze pe pran retret pou lannen 2020.

Apre lo kote library part-time.  Nou’n advertise nou’n sey rod dimoun.  E nou’n ganny bann etranze ki’n nou vwar vreman sa ki zot, zot ti pe ofer avek nou sa ki nou ti bezwen, akoz nou bezwen  en Law Library.  E en dimoun ki kapab mentenir nou library en pe pli byen.  Me nou pa’n kapab gannyen.  Sa dimoun ki nou’n gannyen wi i lo en part-time basis.  For the time being nou’n ganny en dimoun ki lo part-time.  E i pe ede pou nou re organiz nou library e met li lo en standar Law library parey i devret ete.  E osi pe ede reorganiz nou arsiv ki ti en pti pe pa tro bon.  I fer li pli prop kont bann pes ki ganny trouve dan bann landrwa parey.  E konmsi i pe ed nou en pti pe.  Me selman i pa’n fasil en full-time.  Nou’n gannyen bann dimoun ki’n vin apply me selman zot in plito travay dan bann library par egzanp Library Nasyonal, konpare avek library en Lakour ki son fonksyon i en pti pe diferan.

Lo kote Scheme of Service ankor parey ou pe dir i lo kote Finans pou zot reponn sa kestyon.  Mersi Mr Speaker.

 

MR SPEAKER

Mersi Mrs Esticot.  PS oule azout keksoz?  PS Thesee ?

 

PS DAMIEN THESEE

Yes.  Mersi Mr Chair.  An  konsernan scheme parey ou konnen nou try and cater en revizyon dan Scheme of Service at least tou le 5an.  Mon krwar pa si Zidisyer ti annan 5an pou fer revizyon Scheme, solman nou ti annan komitman ki 2020 nou pou donn larzan Zidisyer pou fer son revizyon Scheme.

        Nou pa ankor vwar sa Scheme.  Me Zidisyer parey ou konnen i  otononm.  So DPA in ed zot en pe lo ki mannyer formil Scheme.  So petet nou a sizere nou ava asize ek Zidisyer nou ava get sa Scheme.  Akoz ordinerman DPA ki fer sa rol.  Me selman ler i otononm  DPA pa pou antre plizoumwen line by line ek zot.  Zidisyer pou annan serten lotonomi pou come up avek son prop Scheme, ou konpran?   Even si DPA i fer rekomandasyon si Zidisyer i anvi ogmant plis, i kapab ogmant plis.

So petet pou mwan mon konfor mon lekor as Finans annan konstan en Bidze nou ava asiz avek zot, nou ava gete si i rasyonn-al.  E nou pare pou donn komikman si nou vwar i come up avek en Scheme ki fer dan mid-year.  Si i short, nou ava cater.  I pa en issue. 

        Me selman ler ou pe get son Bidze parey nou’n dir i annan sa nouvo Lakour Mazistra ki pe fer i pe prezimen pou fini an Avril.  An Septanm ler nu ti fer review nou’n vwar nou’n fer nou’n 40poursan konplet.  Nou pou annan larzan ki zot pe dir pou kapab aste furniture.  Nou bezwen bear in mind osi ki i annan existing furniture.  So pa vedir akoz zot pe bouz dan en  novo building nou bezwen furniture nef.

So i kapab pran existing furniture, servi.  Depan ki mannyer sa bann furniture si i fit in.  Savedir nou annan scope pou zwe avek larzan to prioritize pou si nou vwar i neseser pou donn Zidisyer plis dan son saler, nou, nou pare pou konsidere.  Mersi.

 

MR SPEAKER

Mersi PS. 

 

HON WAVEL RAMKALAWAN

I annan en revelasyon ekstraordiner ki’n ganny fer la.  PS in dir avek nou Scheme of Service pa ankor ariv kot zot pou zot konsidere!  E nou pe koz lo lapey bann staff promes isi promes laba.  E mon krwar ki pou dir i grav sa!

 

MR SPEAKER

Me PS in aksepte osi tou ki zot bezwen asize koze, pou vwar s bann nouvo Scheme e kan ki zot kapab enplimante.  PS Thesee ou le dir en pti parol?

 

PS DAMIEN THESEE

Wi Mr Chair.   Mersi.  Mon a klarifye.  Parey ou konnen i annan bann landrwa ki annan zot lotonomi.   So zot travay lo zot Scheme.  So nou, nou  donn larzan pou en provizyon.

So prezan ler in konplete, si parey la i pe dir nou pa ase, nou, nou ava rantre pou gete kwa  ki mete.  Akoz DPA i napa  the final say lo la.  Kantmenm in ed zot lo la mon konpran, anvi ki zot otononm.  Ennler demann  plis oubyen zot come up avek bann nouvo allowance ki kekfwa napa dan striktir, DPA pa pou enpoze lo zot.

So nou, nou anvi ou vwar ki nou pe fourni, pou at least konfor nou lekor ki en keksoz realistic.  E parey mon dir ou nou napa okenn lobzeksyon pou finans li an plis si i rezonnab.  Mersi.

 

MR SPEAKER

Mersi PS.  Bon nou’n ariv en posesyon pou nou pran en  vot en desizyon lo Bidze pou Zidisyer.

 

HON JEAN-FRANCOIS FERRARI

(Off-Mic)

 

 

MR SPEAKER

Onorab mon’n fini ariv sa pwen la, nou pou al pran en vot lo Bidze.  Point of order lo kwa Onorab?

 

HON JEAN-FRANCOIS FERRARI

Lo sa bout ki  …    mwan.  Konmsi parey nou ti fer dernyen fwa pou DICT i difisil pou nou pran en vot lo ler nou lo petet.  I en pe difisil.  Konmsi mon anvi zis fer sa pwen ki nou pou nou pou donnen, nou anvi donn Zidisyer son Bidze pou li travay.  I enportan pou zot ganny en Bidze pou zot travay.  Me selman  i toultan difisil.  e i e mesaz ki  mon anvi anvoy kot bann accounting officers, i difisil akoz nou, nou annan en responsabilite pou vot lo keksoz ki nou konnen.  Nou kapab vot lo petet!  I difisil Mr Speaker.   So sa pwen mon krwar i enportan ki mon fer.  Mersi.

 

MR SPEAKER

Mon pa pe entertain okenn point of order ankor.  Mon’n ariv mon’n ariv lo pwen pou nou pran en desizyon pou Bidze Zidisyer.  Bidze ki trouve lo paz 208 ziska 213 a en sonm R102, 033milyon, ki form par sa schedule.  Tou Manm ki a n faver? Okenn Manm ki kont?  Madanm Clerk.

 

MADAM CLERK

Mr Chair 17 Manm in vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pou Zidisyer pou lannen 2020 in ganny aprouve par Lasanble Nasyonal.

E avek sa mon ti a kontan remersi Mrs Esticot avek son lekip, e nou ava eskiz zot parmi nou.

 

 

 

(THE JUDICIARY DELEGATION WAS EXCUSED FROM THE HOUSE)

 

 

MR SPEAKER

E mon ava demann parliamentary reporter pou prepare pou fer rantre bann zofisye pou Lezislatif.

Bon mon ava zis demann PS Thesee pou gid nou pou Bidze pou Lasanble Nasyonal pou Lezislatif.

 

PS DAMIEN THESEE

Mersi Mr Chair.  Pou Lezislatif i trouve lo paz 214 pou en sonm R43.012milyon.  Mersi.

 

MR SPEAKER

Mersi PS.  Yes Onorab.

 

HON WAVEL RAMKALAWAN

Mr Chairman nou pe fer en deba e se nou Manm Lasanble ki at the end of the day i pran en vot.  Sa ki mon pe santi, ki pe arive dan Lasanble, top table li i koz letan i anvi, top table i ganny tou priyorite.

E nou bann Manm letan i annan en pwen ki nou santi i bezwen annan en follow-up serye nou pa pe gannyen sa posibilite pou nou pou nou fouye.  E mon pa  satisfe avek, avek sa sityasyon, akoz top table pe ganny pe ‘’get away with murder’’ – parske zot pe vin prezant nou avek bann –

 

MR SPEAKER

Onorab, Onorab non, non mon krwar sa term mon krwar sa term ‘’get away with murder’’ …

 

HON WAVEL RAMKALAWAN

… be les mwan mon a fini koze!

 

MR SPEAKER

 … ok?  I pa apropriye.  I pa apropriye e mon pa pou aksepte.  Pou mwan as the Chair mwan mon konnen kan en deba in ganny exhausted.  Ou’n ganny ou sans ou’n klarifye.  PS osi tou in rantre lo sirtou lo sa pwen  Scheme of Service. 

        Poudir ki mwan koman the Chair mon pe anpes Manm koze, mon pe anpes Manm demann –  Bomaten mon’n donn 20minit, mon’n ouver mon lalis 20 minit avan mon’n close mon lalis.  E se tou Manm ki ou’n vwar in reakte,  ki’n demann kestyon ki lo mon  lalis ki’n lev lanmen.

Mon’n donn tou Manm posibilite pou reponn kestyon.  E mon pe swiv bann prosedir parey nou’n etablir.  Mon pa santi ki mwan as the Chair mon pe anpes okenn Manm demann kestyon e mon pe donn the top table sa sans.

E pou akiz mwan konman the Chair ki mon pe les the top table get away from murder i pa akseptab.  Ou pe adres mwan konman the Chair!  Ou pe adres mwan konman the Chair, e ler ou servi en term ki mon pe les top table get away from murder, ou pe adres mwan  – ok?  Mon pe …

 

HON WAVEL RAMKALAWAN

Ou pe dir sa, si  ou ou’n konpran li koumsa, mon apologies.  Me sa ki mwan anvi dir ou, mon pa pe akiz ou, konmkwa ou pe let zot get away from murder.  Sa ki mon pe dir, se letan zot vini zot fer serten statement;- par egzanp la finalman nou’n ganny dir napa okenn plan maintenance ki’n ganny prezante avek  -Parske nou, nou pe rode larzan pou zot kapab fer zot travay.

Finans i dir avek nou napa okenn plan maintenance ki’n ganny prezante avek li.  Dezyenmman finans  in dir avek nou lo kote Scheme of Service ankor enn  fwa napa nanryen ki –  Be  sa ki mon pe dir, letan zot dir nou sa bann keksoz koumsa e apre sa ou, ou dir avek nou ou’n donn nou sans koze e nou pa pou kapab demann ankor  kestyon, nou pa kapab fer sa follow-up.  I aret lanmenm.  I aret lanmenm.

E nou aprezan nou ganny demande pou pran en vot.  E mwan personnelman tantasyon se pou mwan vot kont.  Me mon pa anvi vot kont.  E mon anvi ed zot epou kapab bouz devan.  Se sa ki mon pe dir si  Committee Stage ou ti ava kapab ouver li en pe plis spesyalman letan i annan en issue ki pe anpandan dan ler – ki pe anpandan  dan ler pou nou kapab.  Se sa ki mon pe dir. Mon pa pe akiz ou dan okenn fason.  I pa mon lentansyon sa.  Zis mon pe dir ki  mannyer nou kapab fer sa travay pli byen.  Mersi bokou.

 

MR SPEAKER

Mo konpran ou propozisyon Onorab .  Ou apology accepted.  Mon krwar lo sa 2 sityasyon nou tou nou konpran e entervansyon PS no way nou kapab fer keksoz.  I pa dan Bidze.  Maintenance pa dan Bidze, Scheme of Service i vin nek Avril.

Me parey PS in dir i annan serten komikman pou zot asize pou zot koze.  E mon krwar i ler nou ariv bann sityasyon koumsa osi tou ki bann provizyon pa’n ganny fer dan Bidze FPAC konman sa Komite Finans kot Lasanble i kapab kontinyen son travay e fer  sa bann swivi.

E Zidisyer i en landrwa kot FPAC osi tou i kapab kriy zot, pou regarde ankor.  Parey ou dir nou anvi zot standar i monte.  Nou anvi ki i  delivrezon zot   travay  osi i a en oter.  Ok.

So nou kapab kontinyen dan a larout kot provizyon pa’n ganny fer e nou vwar serten witnesses FPAC ansanm avek nou  partner Finans e avek sa head nou kapab kontinyen sa travay.

 

 

                                             LEGISLATURE

 

 

MR SPEAKER

Bon nou pou kontinyen avek nou travay.  e devan nou, nou annan Lezislatif.  E mon ti a kontan welcome DG Corporate Services Mr  Hermitte, Madanm Clerk osi anba lo panel, Ms Quatre ki Manager Human Resources e Mrs Ghislaine Thelermont Senior Accountant.

                Bon Bidze i trouve lo paz 214 ziska 221 pou en sonm R43, 012milyon.  Okenn Manm ki anvi entervenir lo Bidze Lasanble?  Yes Onorab Ferrari.

 

 

HON JEAN-FRANCOIS FERRARI

Mersi Mr Speaker.  Mr Speaker mon kestyon i arise from sa presedan head ki nou’n diskit lo la.  Mon ti a kontan si Madam Clerk oubyen DG i kapab eksplik nou akoz i pou ed nou ler nou pe scrutinise lezot Departman avek bann Lazans.  Dir avek nou bann Manm ki mannyer zot maintenance i ganny fer?  Konmsi ki,  ki akoz kekfwa dimoun i krwar zot fer mazik, me ki detrwa mo konmsi tou dimoun i dakor pou dir ki Lasanble i ganny well maintained.  Konmsi dir nou ki kwa ki annan ekstraordiner dan zot lorganizasyon ki fer ki sa i marse?  Mersi.

 

MR SPEAKER

Mersi Onorab.   Madanm Clerk.

 

MADAM CLERK

Mersi bokou Onorab Ferrari.  Mersi Mr Speaker.  Mon ava pas avek DG akoz sa unit i tonm anba son sipervizyon e ansanm avek sipervizyon Serzan.  Mersi.

 

MR SPEAKER

Mersi Madanm Clerk.  DG.

 

DIRECTOR GENERAL GODFRA HERMITTE

Mr Speaker bonzour.  Onorab bonzour.  Bonzour tou sa ki pe ekoute.  Lasanble li i annan son prop group maintenance.  Ki konpri 3 ki travay plizoumwen lo building e apre nou annan enn ki li i travay dan zarden.  E anyway i annan de fason ki nou fer li.  i annan enn ki nou tou ki la konman en lekip, nou vwar kwa bann keksoz ki dizon ou vwar en landrwa ou pase ou vwar i annan en serten pti salte i demann touse, so tou dimoun i met sa a latansyon maintenance. Maintenance osi si i vwar en keksoz i arive ki i bezwen ganny travay lo la i travay i fer sa louvraz.  Nenport kwa ki annan pou fer.

E apre nou ti osi dan lepase annan en Kontra ki sa nou’n arete avek.   Si i arive ki apard bann louvraz maintenance toulezour ki nou ki nou fer, pou kit building up- to-date, i annan bann travay ekstra.  Par egzanp dizon in arive kot tiles in pete, swa nou fer prosedir normal nou rod bann kotasyon deor 3  kotasyon a la baz  e nou balanse e administrasyon i pran en desizyon lekel ki nou pou award e li i vini i fer sa travay e  nou pey li.  E sa i go on throughout the year.  So this is why ki nou kapab maintain nou landrwa prop.  Nou pa kit nanryen outstanding as much as possible.  E vwala nou fonksyon konman en lekip.  Mersi Mr Speaker.

 

MR SPEAKER

Mersi DG.  Onorab Ferrari.

 

HON JEAN-FRANCOIS FERRARI

Mersi Mr Chairman.  Mr Chairman mon krwar i ava ed Lasanble piblik ki pe ekout nou si Direkter Zeneral i kapab dir nou lo sak Bidze ki mon vwar an 2019 nou’n sipoze pe depans R1.1milyon zis donn nou ladan bann pli gro bann pli gro cost ki ladan, akoz i ava enteresan pou nou pou nou kapab move on.  Mersi.

 

MR SPEAKER

Mersi Onorab.  DG.

 

DIRECTOR GENERAL GODFRA HERMITTE

Mr Speaker mon pa tro konpran kestyon. petet si ti kapab …?

 

MR SPEAKER

Anba ki sa subhead Onorab?

 

HON JEAN-FRANCOIS FERRARI

DG ler mon get lo ‘’consolidated expenditure estimate’’ pou sa lannen,  mon vwar pou dir anba ‘’use of goods and services’’ i annan en head ki apel ‘’maintenance and repairs’’ ki R1.1milyon.  So sey dir nou dan sa R1.1 milyon ki mannyer ou break li down par bann pli gro konponan silvouple.  Mersi.

 

MR SPEAKER

Mersi Onorab.  DG. 

 

DIRECTOR GENERAL GODFRA HERMITTE

Mr Speaker nou annan nou 700mil ki al pou maintenance building li menm, ki pli gro konponan ladan.  Mr Speaker zis pou kontinyen lo la sa pli gro bout, bann lezot area of maintenance ki nou annan par egzanp si i ariv en IT;- IT i bann konponan maintenance toulezour si oule ki annan, swa radyo, ouswa computer swa i ariv en problenm avek TV, swa nou bezwen i annan en problenm lo laliny nou bezwen sanze.  So tousala bann konponan i annan pou fer avek maintenance.  Aircon par egzanp si i arive ki i kase i ganny repare, me a n menm tan osi nou annan en Kontra tou le de mwan kot sa maintenance i ganny fer kouran lo nou bann aircon pou fer sir ki son lifespan i prolonz plis ki i posib.

 

MR SPEAKER

Mersi.  Mersi DG.  Onorab Audrey Vidot.

 

HON AUDREY VIDOT

Mersi Mr Chair.  Mr Chair bonzour.  Bonzour tou Manm Onorab, bann dimoun ki a lekout, Madanm Clerk ek ou delegasyon.

Mon kestyon pou panel enn, lo progranm (1) mon’n vwar ki i annan zot pe revwar Scheme pou bann pou sekretarya Lasanble.  E pou Parliamentary Unit.  E mon’n vwar zot pe met plis lanfaz lo Parliamentary Unit Reporting.  Mon pe regarde si dan sa Bidze zot in pran konsiderasyon oubyen pou ki rezon petet pou bann travayer Lasanble ki travay pros avek bann Manm Lasanble;- savedir bann clerk avek bann personal assistant ki zot Kontra ti sanze.  E ki  parey nou konnen zot osi ler zot MNA i ale zot osi zot ale.

Ki mannyer sa bann travayer i ganny proteze?  Ti i annan en rezon akoz ki petet lafason zot Kontra ti ete avan, ki’n ganny sanze.  Eski Lasanble i pran konsiderasyon pou reviz zot ankor zot Kontra?  Sa i enn.

Mon 2enm kestyon an referans, mon pou servi en pti kou parol ki Onorab Ferrari i kontan servi depi ler nou’n konmans Bidze, i a pret mwan en pti kou.  Letan nou’n nou pe dir nou reste ferm lo sa size ‘’travel’’, bann lorganizasyon.  Eski ou kapab dir nou lekel bann ki ganny privilez pou travel business class oubyen first class, dan okenn travay ki annan pou fer pou Lasanble ?

Apre eski letan desizyon in ganny pran baze lo Bidze Lasanble, si in ganny pran pou dir be la nou pa kapab travel akoz nou annan serten savings nou pe fer.  Me apre still nou vwar poudir i annan i ensiste pou fer challenge desizyon ki petet management i ganny pran?  Eski nou pa nou pe kontinyen espekte vwar sa 2020?  Sa i enn.

Apre mon ti a kontan ganny zot enform mwan, lo kote dan zot ‘’stratezi 2020 – 2022,’’  mon’n vwar zot in et ranplasman pou 50sez pou 7enm Lasanble.  Alors mon pe demande eski dan Bidze 2020 dan ‘’maintenance’’ Lasanble i kapab pran konsiderasyon dan letan recess revwar sa bann sez ki bann Manm i asiz lo la dan 6enm Lasanble,  ki nou’n deza raporte i annan problenm avek, ki ler ou asiz lo la i zis desann oubyen ler ou  kabannen, ou ale menm.  Si i en provizyon pou zot fer aranze ?  Antretan 7enm i a ganny sa ki nouvo.

Apre mon dernyen i en leklersisman plito;-  dan Bidze lannen pase mon rapel in annan diskisyon konsernan staff konportman lo kote politik ensidswit pa ganny tolere kot Lasanble oubyen  …

Mon ti  le konnen eski Lasanble, zot kler lo zot …?  I annan serten group dimoun ki annan drwa partisipe bann staff dan politik oubyen i annan zis en kategori?  Si sa kapab eklersi sa pou mwan please.  Mersi.

 

MR SPEAKER

Mersi Onorab Vidot.  Madanm Clerk oubyen DG. 

 

DIRECTOR GENERAL GODFRA HERMITTE

Onorab mersi pou ou kestyon.  Mr Speaker premye kestyon 5i in demande se privilez lekel bann ki  ganny privilez pou travel.  Privilez pou travel first class se bann Leaders;- savedir nou pe koz Speaker, Deputy Speaker, LOTO avek LGB yes business class – en

        2enm ki ou’n demande se raise dan saler ou’n fer referans avek Parlmanter avek staff Sekretarya.  Wi pou en bon pe letan nou’n ekoute e nou’n tande nou’n analize nou’n get nou Bidze e nou’ vwar posibilite sa lannen within nou Bidze pou nou kapab donn logmantasyon nou bann staff ki saler i pli ba e ki nou konnen zot pe travay en kantite avek demann ki Lasanble i annan aktyelman.

Kot i konsern bann  lezot staff bann Leaders office, sak fwa ki par egzanp la zot plizoumwen zot Kontra pe ganny renouvle e i depan osi lo sa ki Gouvernman i donnen li menm li ki across the board.   I depan osi rekomandasyon ki sa bann Leaders zot menm zot mete.

E mazorite fwa swa mon mazinen bann Leaders in toultan rekomande ki zot ganny en pti increment ki basically i mont 2 step lo saler.  E sa toultan nou konsidere.  Me nou ti ava welcome osi si i annan okenn lezot sizesyon, ki zot santi i devret ganny met dan Bidze.  Or konsidere la ki Bidze i devan Lasanble nou kapab fer en travay lo la e vwar serten merit pou kapab osi ed zot dan serten direksyon.  E sirtou si mon’n konpran byen, sa eleman kot petet i annan risk zot travay avek bann Leaders e si demen i arive bann Leaders i sorti dan Lasanble, e alor ki zot osi zot annan en rekonpans pou kapab tenir zot.

3enm kestyon, replacement of chairs wi sa osi i en area kot nou’n ganny en pe konplent.  E nou’n vwar nou bann sez in kase, menm reparasyon i lo limit la.  Nou’n demann Finans pou mete dan Bidze pou nou ranplas nou bann sez, malerezman nou pa’n gannyen sa lannen.  Me solman nou touzour kapab konsidere gete ki mannyer nou finansman maintenance i ete pandan lannen e petet tir en konponan ladan e fer bann ranplasman adekwat, pou fer sir ki bann Manm i travay dan konfor.  Mersi Mr Speaker.  Dernyen kestyon mon ava pas avek Clerk.

 

MR SPEAKER

Mersi DG.  Madanm Clerk.

 

MADAM CLERK

Mersi Mr Speaker.  Mersi Onorab pou ou kestyon.  Onorab ou pou agree ek mwan ki dan sa peryod dan sa era parey nou dir ki nou ladan la tou dimoun i annan son drwa a lekspresyon.  Menm si Sekretarya mon konnen nou annan nou Polisi gide par bann strong ethics ki dekouraze ki okenn staff i annan afilyasyon politik.  Nou’n remarke ki sa ti bann keksoz ki ti egziste osi dan 5enm Lasanble, e mon pa konnen ki mannyer ti ganny adrese sa bann letan dan 5enm Lasanble.  Nou sey nou mye pou dekouraze isi dan 6enm Lasanble.  As the Clerk mwan mon dekouraze pou bann staff i involve oubyen i annan okenn  apartenans   politik ki zot display piblikman.  Me otan ki i pa afekte,   mon konpran ou largiman, selman otan ki mon pa ganny konplent ki pe afekte direkteman travay sa staff, an term ki mannyer i pe deliver son servis avek bann Manm Lasanble, i pa vreman en major concern to me.  

Menm si mon konpran ou largiman ki   i pa ethically correct akoz nou sipoze annan en Sekretarya ki enparsyal selman otan ki sa staff pe delivre, i pa pe afekte son travay, then mon parey nou dir an Anglais I rest my case on this, mon pa pou lans mon lekor plis ki sa lo la.  Mersi.

 

MR SPEAKER

Mersi Madanm Clerk.  Onorab Vidot.

 

HON AUDREY VIDOT

Yes mersi pou larepons.  Madanm Clerk parey mon’n dir i normal.  I  espekte pou tou dimoun i bezwen annan son lopinyon politik – sa i kler sa, ou pa kapab anpes li annan.

Me selman mon ti le konnen si i annan en laranzman, ki si zis en group dimoun ki annan drwa montre oubyen i kapab libreman partisipe oubyen non?  Sa mon ti le en leklersisman lo la.

2enm;- letan in koz lo Kontra parey pou bann  clerk ki dir dan Bidze – akoz mon rapel byen letan zot Kontra avan i ganny sanze i ti dan Bidze.  Me selman mwan koman en Manm mon  pa rapel  sa diskisyon akoz ki nou bezwen, kot nou’n asize ansanm konman en Lasanble mon clerk i travay ek mwan, pou nou kapab dir defann   pou ganny en loportinite pou defann;-  akoz Kontra mon clerk i devret reste koumsa e non pa ganny sanze, ki apre i vwar li i perdi.  Akoz ler i pou ale la li osi i parey serten nou.  I annan det pou li peye.  Son bann komikman.

E nou bann Manm Lasanble, nou annan nou privilez ki nou benefisye.  Be li, li ler i pou al  rod en lot louvraz pou li  pey son det e sonny son fanmir.  Sa i enn.  Nou sanze. Nou pa realiz demen.

E  dezyenmman lo size voyaz-e.  E eski bann Manm lezot Manm Lasanble dan ki – i en kriter ki zot tou zot swiv parey bann lezot apard respekte  privilez bann Leaders ki zot travel ekonomik oubyen lezot class ki annan?  Mersi.

 

MR SPEAKER

Mersi Onorab.  DG oubyen Madam Clerk.

 

DIRECTOR GENERAL GODFRA HERMITTE

Onorab mersi ankor pou ou kestyon.   Mr Speaker, wi sa i pou tou bann lezot Manm anba e   as far ki mon konnen tou dimoun i travel dan economy class apard bann Leaders ki mon’n mansyonnen taler.

Petet mon ava dir en pti mo ankor lo sa zafer Kontra pou bann travayer Leaders  avek osi bann constituency clerk.  Annefe i annan en serten review ki nou’n fer lo zot Kontra.  E sak fwa parey zot konnen, major sanzman ki ti annan ti sorti 1an pou vin 2an.  E la  baze lo bann issues ki nou’n konpran in leve, nou’n fer serten revi dan Kontra.  E Kontra toultan i vin kot zot pou sinyen;- kot bann MNA pou zot constituency clerk.  E pou bann ki travay dan lofis bann Leaders i vin kot bann Leaders. 

So sa ki’n annan serten remark pou fer i fer serten remark.  E nou, nou’n pick-up.  Par egzanp le dan sa nouvo Kontra ki nou’n sinyen, en keksoz ki  nou’n vwar se ki  par egzanp ou annan de mwan saler, lo sa de mwan saler i ti tir tax, e nou annan bann bokou bann issues konsernan sa.

Be tan ki nou pou donn ou 2 mwan saler,  tan ki Lalwa i dir fodre nou tir tax.  Apard ou konpansasyon ki ou ganny peye pou sa peryod 2an.  Me sa ki nou’n fer la,   nou’n revwar diskisyon avek DPA e nou’n re-term sa 2 mwan saler pou li vin en lump sum ki prezan zot pou benefisye avek pa tir tax lo la.  Ou konpran mwan.  So i ava en pti in incentive lo kote bann constituency clerk e osi pou bann staff ki travay dan bann Leaders office.  Mersi Mr Speaker.

 

MR SPEAKER

Mersi DG.  Madanm Clerk.

 

MADAM CLERK

Mersi Mr Speaker.  Onorab zis pou ou pou ou premye kestyon konsernan partisipasyon bann staff dan bann aktivite politik.  Si ou annan okenn ka spesifik mon ti a kontan ou elabor lo la.   Me selman si non napa okenn staff ki annan preferans an term zot partisipasyon. So setaki  i free pou li montre son afilyasyon  parey mon dir ou.

Selman mon dekouraze.  Mon dekouraze akoz otan ki i ganny fer an deor Lasanble selman anndan, nou dekouraze such thing as public display of okenn afilyasyon, kouler e sa bann staff i okouran.  Selman an deor mon konnen i annan ki manifeste zot bann afilyasyon par partisip dan bann rally, oubyen mars dan zot triko libreman e sa mon napa okenn lobzeksyon lo la.

 

MR SPEAKER

Mersi Madanm Clerk.  Bon nou pou pran en break.  Ou lo mon lalis Onorab Sophola. Mon annan 9  Manm  lo lalis.  Nou ava kontinyen ler nou rantre. Nou pou retournen 11.10.

 

(BREAK)

 

MR SPEAKER

Bon nou ava kontinyen nou travay. Mon ava donn laparol Onorab Gervais Henrie.

 

HON GERVAIS HENRIE

Mersi Mr Chair.  Bonzour tou dimoun.  Mr Chair, de pti kestyon.  Me avan sa nou napa en lodyans travayer  Lasanble parey Zidisyer ti vini.  Pa problenm.

Leader Lopozisyon lot zour ti demann en kestyon, en antite ki ti vini lo whether i annan okenn keksoz ki sa antite i dwa, ki pa ankor peye ki kapab distort son Bidze.  So mon anvi konnen si Lasanble Nasyonal i dan sa sityasyon? Napa okenn zafer tiket avyon nou pa ankor peye, si napa okenn keksoz ki nou dwa ki kapab distort Bidze Lasanble.   Premye kestyon.

E dezyenmman mon vwar dan ‘’plan stratezik’’ se pou set up Parliamentary Broadcasting Unit, ki koman Chairman Komite Medya dan Lasanble mon vreman welcome sa propozisyon.  Me selman mon pe sey rode,  whether i deza annan en larzan ki’n ganny allocate.  Ou si non si pa ankor ganny allocate pou 2020 ki revizyon bidzeter zot pe mazinen i kapab koute?  Mersi bokou.

 

MR SPEAKER

Mersi Onorab.  Madanm Clerk oubyen DG.  

 

DIRECTOR GENERAL GODFRA HERMITTE

Onorab mersi pou ou kestyon.  Mr Speaker, premye kestyon se okenn pending payment;- non. Sa i en practice ki nou fer sir ki toultan Lasanble napa okenn peyman ki pending. 

        2enm Parliamentary Broadcasting Unit, wi sa i dan nou plan stratezik.  E pou zot lenformasyon nou’n deza fini aste nouvo camera ki  pou konpatib avek sa progranm pou Lasanble.  I pou ariv nenport ki moman la.  E nou annan son 2enm faz ki nou pou annan se pou build son control room li menm.  E sa da lot, Bidze nou ava gete ki nou kapab fer.

Me an menm tan osi si toultan nou kapab vwar serten savings e i nou vwar poudir i efficient pou nou fer en pti bout ladan, nou pou fer as we go along.  Solman i annan lentansyon si ki Lasanble i annan son prop broadcasting unit.  Mersi Mr Speaker.

 

MR SPEAKER

Mersi DG.  Onorab Henrie.

 

HON GERVAIS HENRIE

Mersi pou satisfer mon kiryozite.  Parski son control room pou bezwen build, so ki bor lo precinct  zot ti pe mazin met sa?  Apre ki mannyer SBC ki deza pe servi Members Lounge, ki mannyer i pou ganny enkorpore dan sa plan?  Mersi.

 

MR SPEAKER

Mersi Onorab.  DG. 

 

DIRECTOR GENERAL GODFRA HERMITTE

Mr Speaker, wi tou travay ki nou pe fer dan sa laliny nou pe fer li konzwentman avek SBC.  So definitivman SBC pou ganny relocate.  Pou lemoman nou pa ankor idantifye landrwa, parske nou annan en pti pe limitasyon.  E petet la ki Finans pe tann nou zot ava donn nou sa sipor osi pou nou kapab, annan nou building an deor ki nou’n demande pandan 2 Bidze la ki nou pa’n gannyen pou nou a kapab move serten fasilite ladan e ouver lespas pou nou kapab fer sa unit broadcasting. 

Me selman rest assured nou pe travay ansanm avek SBC pou nou achieve sa proze.   Mersi Mr Speaker.

 

MR SPEAKER

Mersi Onorab.  DG.  Onorab Sylvanne Lemiel.

 

HON SYLVANNE LEMIEL

Mersi Mr Chair.  Bonzour tou dimoun.  Mr Chair 2 pti kestyon.  Lannen pase mon rapel nou ti poz en kestyon avek Lezislatif sa team ki ti la, regarding Scheme of Service pou staff Lasanble.  La nou pa pe get zis Parliamentary Unit la.  Staff Lasanble ki zot ti dir nou zot pe travay lo la.  Mon ti a kontan konnen ki zistans petet in arive ?]

Eski staff Lasanble an zeneral, i annan en Scheme?  Eski zot pe al ganny en pti keksoz dan sa Bidze ki pe vini la pandan lannen prosenn?

2enm i annan bann cleaners isi ki ti ganny transfer avek Cleaners Corporative e ki mon krwar prezan zot pe ganny peye avek Lasanble li menm.

E i annan sa bann cleaners ki annan long lannen servis , petet mon pa konnen si plis ki 9an.  Konmsi avan ki zot in join isi.  So eski zot pe ganny konsidere en long service allowance sa bann cleaners koumsa?

E mon pe al lo kote long service allowance osi pou bann staff ki lo Kontra.  Parey bann ki dan bann biro, le de Leaders zot lo Kontra zot.  I annan ki annan en bon e letan ki zot in la.  E mon konpran zot pa sipoze gannyen long service allowance. 

        Petet nou ti kapab ganny en pti klarifikasyon lo sa kote, eski in ganny rekonsidere?   Akoz mon’n tann Gouvernman in fer en  nouvo lanons ki bann staff ki lo Kontra zot pou gannyen zot  long service prezan.   Eski sa bann staff isi parey zot pou ganny konsidere?  Mersi Mr Chair.

 

MR SPEAKER

Mersi Onorab.  DG.  

 

DIRECTOR GENERAL GODFRA HERMITTE

Onorab mersi bokou pou ou kestyon.  Mr Speaker, premye in demann Scheme of Service pou staff Lasanble.  Wi napa enn nou annan plizyer.  Sak sa bann kad i annan son Scheme of Service.  E Scheme of Service i dapre sa ki DPA pe servi dan Gouvernman.  I annan serten sa bann Scheme ki nou’n fer serten pti amelyorasyon ladan.   Me i annan ki nou’n fer en gran travay par egzanp dizon Parlmanter Parliamentary Unit, li nou’n revwar sa Scheme preski antye.  Ti annan enn avan, me nou’n revwar li pou met li en pe pli azour avek sa kantite travay ki zot annan pou fer.

E la aktyelman nou’n sirkil sa bann Scheme kot tou depi Speaker, bann dimoun responsab dan Lasanble Management Committee pou nou tou fer general review an preparasyon pou 2020 zot ava donn zot input, nou ava amande kot i nou krwar i devret amande.  Tout an prenon kont ki nou bezwen osi as much as possible stick avek gidans  ki DPA i donn nou.  Mon pa le dir poudir nou devret comply totalman, parske nou annan lotonomi administrasyon me osi finansyer me as much as possible nou pa kapab osi kree sa gran diferans ant deor avek Lasanble.

So se lo sa baz zisteman ki zot vwar pou dir i annan serten increment ki’n vini pou Parlmanter.

Me osi lo 2enm kestyon;- housekeeping.  Wi housekeeping sorti dan Korperativ zot in vin kot nou.  Zot ti pe ganny peye anba ‘’goods and services’’, la nou’n move tou zot konponan, zot pou vwar dan Bidze in al anler dan ladministrasyon.  In fer ki nou saler i mont en pti pe en pe pli o.  E zot osi zot form parti sa bann staff ki pe ganny, ganny increment dan sa Bidze la avek zot laprouvasyon.

Long service;- long service nou pe swiv li dapre sa ki DPA in anonse, sirkiler ki’n sorti in annan amannman dan sa sirkiler.  Ki’n entegre lezot konponan osi e okenn staff ki merite anba direksyon sa bann sirkiler, byensir zot pou ganny zot long service allowance.  Mersi Mr Speaker.

 

MR SPEAKER

Mersi DG.  Onorab Lemiel.

 

HON SYLVANNE LEMIEL

Mersi Mr Chair.  DG petet ou pa’n sertifye lo kote cleaners ki annan sa kantite letan depi ler zot i transfer si zot, zot pou gannyen zot osi long service.  Mersi.

 

MR SPEAKER

Mersi Onorab.  DG.

 

DIRECTOR GENERAL GODFRA HERMITTE

Onorab mersi.  Mr Speaker wi be zisteman bomaten i sa kestyon in pas dan nou latet parske nou annan serten staff par egzanp i ti li Kontra, isi ki pou li rantre lo full, par egzanp maintenance dizon lo full lanplwa isi i bezwen break son Kontra.

E i en keksoz ki nou nou’n pans lo la bomaten.  Ki nou bezwen konsidere si nou konsider zot osi konman par egzanp si i annan  5an. 2an lo Kontra e 3an kot nou ki nou konsider li konman 5an.  So i annan sa konsiderasyon ki pe ganny fer la pou le moman, and I hope ki i sorti an pozitivman pou zot.  Mersi Mr Speaker.

 

MR SPEAKER

Mersi DG.  Onorab Terence Mondon.

 

HON TERENCE MONDON

Mersi Mr Chair.  Mr Chair premyerman on anvi dir ki mon rekonnet e apre serten travay, serten zefor ki pe ganny fer pou pli byen manage nou finans, kot nou lenstitisyon i konsernen.  E sepandan, mon annan en kestyon deza vi bann defi ki zot in mete dan zot progranm, e enn ki dir ki ‘’se finansman pou devlopman kapasite’’ enn zot defi.  Finansman pou devlopman kapasite pou bann staff ensi ki bann Manm Lasanble.

E ler mon get zot ‘’priyorite stratezik’’ zot met transpor, en transpor apropriye.  E osi ranforsi Seksyon Resers.  Ki pou nou konman bann Manm Lasanble resers i en seksyon vreman enportan ki bezwen ganny ranforsi.

Me parkont ler mon get zot Bidze bann linisyativ ki’n ganny aprouve, mon pa vwar sa relasyon avek zot bann defi sa priyorite stratezik.  Parkont, mon vwar ban provizyon pou 7enm Lasanble apard ki sa Scheme of Service.  Setadir sa Bidze pa pe reflekte vreman sa ki zot pe konsider konman bann priyorite stratezik.  Mon ti a voudre mon ti ava’n kontan vwar kekfwa serten provizyon ki adres zot bann priyorite.

E mon anvi konnen alor akoz sa mankman ?  Eski se Minister Finans ki enpoz en serten ceiling, ki anpes zot met bann keksoz ki enportan pou Lasanble?  Petet PS Finans i kapab reponn nou lo la.  E si non, akoz?

Mon 2enm kestyon;- ler mon get bann lezot lorganizasyon  an  relasyon avek Bidze Lasanble Nasyonal.  Mon war par egzanp bann antite regilatwar, par egzanp i annan 33 antite ki tonm dan sa kategori regilatwar.  E nou vwar an mwayen zot Bidze in ogmant  par 14poursan.  Ler mon get bann antite piblik i ofer bann servis esansyel, mon vwar ki an mwayen  zot Bidze in ogmant par 12poursan.  i annan 25 idantite, e 12poursan mwayen.

Parkont Bidze, Nasyonal i ogmant par zis 0.3poursan.  Alor mon kestyon se, eski sa Bidze vreman pe fer provizyon pou bann bezwen neseser nou Lasanble ?  Eski i pe fer provizyon pou bann deplasman e  i partisipasyon bann Manm  ek staff anver nou bann lobligasyon enternasyonal ?

E mon demann sa Mr Chair, akoz sa lannen menm nou ti vwar ki ti annan serten mankman dan Bidze kot sa size deplasman e partisipasyon i konsernen.  Mon anvi konnen si zot fer provizyon neseser?  Akoz Bidze i reste parey.  Parske dir 0.4poursan ogmantasyon preski dir i parey.  Me selman nou’n vwar serten mankman sa lannen.

Alor mon anvi konnen ki garanti ki zot pe donn nou ki  nou partisipasyon pa ganny limite dan bann dan pou rezon bidzeter ?  Sa mon 2enm kestyon.  Mersi  Mr Chair.

 

MR SPEAKER

Mersi Onorab Mondon.  DG.

 

DIRECTOR GENERAL GODFRA HERMITTE

Onorab mersi.  Mr Speaker premye in koz lo in mansyonn ceiling;- wi parey zot tou zot konnen, Minister Finans ki donn nou ceiling pou nou kapab travay lo la.  E ceiling avek en senaryo A avek en senaryo B me osi en senaryo C.

        E sa voyaz  dan nou preparasyon Bidze.   Nou’n ale mon krwar ziska C.   Sirtou anliny avek nou bann challenges ki nou gannyen la actually e nou plan stratezik.   Me anfen nou travay byen avek Minister Finans.  Mon pa pe blanm personn, me selman mon bezwen fran osi pou dir kekfwa nou ti’n mazinen sa lannen antisip en pti pe plis avek Finans, pou nou kapab zisteman achieve nou plan stratezik.  Me malerezman nou pa’n kapab ariv sa.  Petet taler PS Thesee i ava donn ou  son lesplikasyon lo la.

E sa i fer ki i annan lenpak lo training.  Nou’n increase en pe pou nou staff  training sa lannen. inisyalman nou ti annan en Bidze apepre 400mil nou ti fer en bon pe training dan 2018, nou’n desann pou nou lo apepre 100 mil  pou 2019 akoz nou ti’n fer bokou training endividyel. Nou ti focus for lo bann group training.  Me la  nou’n remont li R200 ekek mil pou nou kapab ogmant training nou staff. 

Me training i pa zis pou staff me osi pou nou bann Manm.   E la nou annan en pe challenge.  Sa ki nou’n demande pou bann Manm nou pa’n nou pa’n gannyen.  So petet ankor PS Thesee i ava abord sa en pti pe taler.

Increase lo Bidze;- mon pa konnen si mon  devret fer en komanter.   Mwan  osi mon’n konstate dan mon prop resers poudir i annan increase konsiderableman dan lezot Bidze atraver Gouvernman, lezot MDAs me solman Lasanble nou’n vreman sa.  Si  nou fer en konparezon par egzanp 43,074milyon – 2019 ‘’approved budget’’ e la devan zot i annan 43,012 milyon.  Savedir nou less by 62 thousand.  So ki montre nou pa’n – ou konpran?  Nou pe zwe zis en pti pe lo nou baseline lo nou laliny avek enn de keksoz .ki nou’n kapab fer.  E ler ou pe gete i  within, within nou budget sa bann logmantasyon ki nou pe donnen ki mon krwar i byen osi tou dan serten fason.  Mersi Mr Speaker.

 

MR SPEAKER

Mersi DG.  Onorab Mondon.

 

HON TERENCE MONDON

Mersi Mr Chair.  Mon ti pe espekte PS Finans osi i reakte lo la, akoz mon konsernen vwar lezot lenstitisyon i ganny en pli bon Bidze ki nou lenstitisyon ki li  osi i en  3enm brans Gouvernman.

E mon ti a kontan ki par egzanp ki – parey mon’n mansyonnen.  Zot pe aprouv progranm pou 2021  pou 7enm Lasanble.  Me selman zot pa mon pa   vwar nanryen vreman pou 2020,  pou  nou Lasanble.  E mon ti a kontan PS Finans i vreman reakte lo la.  Mersi.

 

MR SPEAKER

Mersi Onorab Mondon.  PS.

 

PS DAMIEN THESEE

Mersi Mr Chair.  Anyway bann rann bann priyorite stratezik ki pou 2020-2022, savedir i en Bidze mwayen term ki mannyer Lasanble pou ariv laba.

E wi nou tou nou konnen ki  Bidze ceiling i en defi.  I en defi ki nou viv avek.  Nou pa kapab plizoumwen satisfe tou antite.  Me selman si nou get Bidze Lasanble Nasyonal, i ti annan li R1.3milyon an 2019 ki pou ganny servi pou pey bann end of contract payment bann staff constituency clerks, ki 2020  pa pou  repete.

I annan osi en rediksyon dan son capital budget pou 2020 konpare avek 2019.  plizoumwen dan son ‘’minor capital outlays’’ – 1.69milyon.  An vi ki sa bann  lekipman ki i pou rode sa lannen i pa pou  repete lannen prosenn.

So annefe sa i fer R3.2 milyon ki ler nou, nou evalye Bidze nou get bann spending ki vir pa neseserman recurring every year.  I bann one-off project i fini.  E nou ordinerman ler nou vwar sa nou tir nou.

So R3.2 milyon ki sipoze ganny tire, me nou’n kit li la ou pa’n tir li 2020, nou’n kit la li ki son nivo Bidze 2019-2020 i parey.  E i servi sa R3.2 milyon ki sa bann proze ki in tonbe, e bann peyman end of contract ki’n tonbe, in kapab servi pou fourni en pe kantmenm pa tou sa bann demann ki in demann nou.

E parey nou vwar dan saler i annan serten increase ki zot in diskit ek nou pou fer.  serten azistasyon.  I annan serten azistasyon osi ki dan bann committee support, dan allowance bann Manm osi e se sa kote larzan ki’n al ladan ler sa de proze in tonbe.

So nou kontinyen travay avek Lasanble pou 2021-2022.  Nou a gete kwa ankor son bann keksoz ki in demande to build over the years parey nou fer avek lezot Minister.  Mersi.

 

MR SPEAKER

Mersi PS.  Onorab  Mondon.

 

HON TERENCE MONDON

Mersi Mr Chair. Zis mon le fer PS rekonnet ki, ler mon get, par egzanp ler mon get sa bann par egzanp ou dir ok ceiling, i normal  bezwen respekte, nou pa kapab satisfer tou dimoun.

Mon still mon gete, i annan 33 antite regilatwar, zis 2 ladan ki  i annan en rediksyon.  I annan Energy Commission i annan Industrial Estate Authority.  Tou leres in ogmante.  E  parey mon’n dir 14poursan an mwayenn.  E ler nou get bann antite piblik ki pe donn bann servis esansyel, nou vwar ki i an 25 zis 5 ladan ki’n redwir.  Nou pe koz ESA, ANHRD, NSC, Creole Institute.  Pou mwan konmsi pou en lenstitisyon Lasanble mon konn bann travay ki  nou annan ki  devan nou, sirtou lo nivo enternasyonal;- bann lobligasyon ki nou annan ki mon ti a voudre konmsi ki sa Bidze i donn lespas pou nou Lasanble i kontinyen fer plis ankor.  Akoz lo nivo bann lorganizasyon, nou bann Manm pe fer en kantite travay.  Zot pe vreman fer diferans lo sa bann lorganizasyon.

E si nou limit zot ek sa Bidze,  nou pou vwar ankor bann partisipasyon kot, nou devret pe partisipe nou pa pe kapab partisipe.  E mwan mon pe get APDAR i ogmant 54poursan.  LWMA  i   ogmant par 9poursan.  HFC Social Protection i ogmant par 12poursan.  Konmsi pou mwan i en imbalance;- i pa balanse. Zis mon ti anvi fer sa pwen Mr Chair.   Mersi pou donn mwan sa letan.  Mersi.

 

MR SPEAKER

Mersi Onorab.  PS oule dir keksoz?  PS Thesee.

 

PS DAMIEN THESEE

Mersi Mr Chair.  I mean nou rekonnet bann defi ki Onorab in met   devan.   E wi e    nou pa  pou deny it.    Me selman parey mon’n dir nou’n cater at least  menm nivo ki ti annan pou 2019.  Nou pa’n tir sa R3.3milyon ki’n tonbe si nou get Bidze 2019 ziska 2020 nou’n allow li fer sa bann lezot recurring expenditures. 

        Keksoz mazer ki Lasanble pe demann nou, i plizoumwen lo bann Proze Kapital, sa nouvo building, desen, fasilite pou son bann staff   maintenance, son housekeepers. So  sa bann Proze Kapital  ki le moman nou pa kapab rantre ladan, an vi ki nou pe donn priyorite lo bann Sekter Lakaz, Sekter Ledikasyon, Sekter Lasante.  So sanmenm sa ki mon’n dir, annou pa zis get li en lannen ki nou dezapwente akoz en lannen pa’n  donnen.  I annan scope pou dan lefitir osi pou kontinyen travay ek bann landrwa ki pa gannyen dan en lannen bann lannen ki pe vini.

Solman nou’n kit sa Bidze parey i ete pou 2019 azour.   I annan sa larzan parey mon’n dir sa R3.2milyon ki’n ganny reallocate elsewhere, ki’n kapab cater en pe bann par egzanp long service allowance ki bann staff ki parey lannen prosenn kantmenm ki lo Kontra,  kantmenm bann cleaners ki  ti la avan 2010 zot pran zot term servis, pa zis sa 10an.  Bann allowance ki an constituency ki siport en pe bann biro.  So sa i en pe nou defi.  Mersi.

 

 

MR SPEAKER

Mersi PS.  Onorab Jude Valmont.

 

HON JUDE VALMONT

Mersi Mr Chair.  Bonzour, bonzour bann panel ek tou koleg Onorab e tou ki pe swiv nou.  Mon kestyon i  konm swivan;- mon vwar dan ‘’strategic priorities’’ mon vwar paz  215 si ou gete sa bann bullets la premye 3 anler i a annan sa enn 2enm dan milye ‘’purchase of hybrid  vehicles.’’ 

Mwan mon ti a voudre konnen, konbyen hybrid vehicles ki’n  ganny aste?  Konbyen in koute?  E si prosedir tender in ganny fer pou purchase sa bann vehicles? 

E osi bann ki ti la avan  ki prosedir zot in fer pou write-off?  eski sa bann eski i n fer parey tou lezot MDAs pou prosedir pou write-off sa bann vehicle? 

         Mon 2enm kestyon se ki i lo maintenance;-  Bann maintenance ki  ganny fer isi.  Eski zot osi zot pas dan prosedir tender?  En legzanp se maintenance aircon?   Sa i zis en legzanp.

E mon dernyen kestyon se Bidze inisyal ki Lasanble ti demande konpare avek sa ki zot in gannyen, ki diferans ?  Mersi.

 

MR SPEAKER

Mersi Onorab.  DG.

 

DIRECTOR GENERAL MR GODFRA HERMITTE

Onorab mersi pou ou kestyon.   Mr Speaker, nou a konmans avek transpor, li menm li;-  pou lemoman nou annan nou 2 hybrid enn pou Mr Speaker li menm, e apre lot pou well pa pou LGB me  in allocate avek zot i pou Lasanble.  E larestan transpor i  konsonm fuel normal.  I nou lentansyon pou ler i annan nesesite pou ranplas sa bann transpor pou nou kontinyen dan sa direksyon.

Tou bann prosedir in respect of write-off bann transpor, nou fer li avek Finans nou ekrir nou ranpli tou nou bann form ki annan e nou esper zot direktiv ler pou write-off. 

        Parey zot ava konstate deza i annan enn la, ki ranplas loto LGB ki la.  E nou’n ganny let nou’n fer tou bann prosedir.  Ler pou annan auction sale zot ava les nou konnen e sa i ava ganny fer.

Bann lezot, tender pou okenn nou bann travay ki annan pou fer kot Lasanble,  nou fer li parey nenport ki lorganizasyon.  Nou fer sir nou fer li parey nenport ki lorganizasyon.  Parske nou pe lead by example.  Par egzanp sa lannen nou’n annan loto LGB menm ki pe al lo tender.  Nou annan transport services ki ti avek en dimoun, e nou’n al lo tender normal pibliye, e nou’n ganny en lot dimoun ki pe rent sa servis.  Nou annan en tender ki la actually ki pe go on in respect of zafer elektrisite.  E nou lentansyon pou kontinyen avek metod ki Gouvernman i met an plas.

Direkteman respect of maintenance aircon nou pa ti annan maintenance aircon isi.  Ti annan en dimoun ki ti ranplas nou bann aircon ler i kase, fer serten pti travay.  Nou’n koz avek POU.  E zot in advised nou zisteman pou kapab annan sa dimoun.  Nou ti fer en prosedir kot nou ti rod bann costing avek diferan, sa letan ex-Speaker Pillay ki ti la.  E bann diferan costing ti al kot li e li i ti aprouve ki sa enn i pe fer la actually ki ‘n gannyen.

So  nou prosedir internal i mars normal.  E nou fer sa pou tou bann lezot travay ki nou bezwen al an deor;- ki i en pti pe gro pou nou normal maintenance.  E sa i lo rikord.  I annan prosedir anndan i ganny ranpli i ganny anvoy kot Clerk, Deputy avek – 3 sinyatir nou bezwen lo la – en.  Menm si i fer internal isi.

E apre ler i ganny aprouve la sa dimoun i ganny pou li fer, fer sa travay.  So i nou lentansyon pou ou kontinyen avek sa.  Me zis pou azoute sa ki POU in advised nou solman, ki nou pou fer next year, se ki nou merge the aircon itself pou ranplase and the maintenance ansanm, e sa nou pou fer proper tender lot lannen ler i vini.  Mersi Mr Speaker.

 

MR SPEAKER

Mon krwar i annan en pti bout lo budget lo kwa ki Lasanble ti rode e ki diferans ki in fer ki sa enn budget.

 

DIRECTOR GENERAL GODFRA HERMITTE

Wi Mr Speaker, parey mon’n dir ,taler lannen pase approve budget ti 43,074 milyon e la budget ki devan zot i 43,012 milyon.

 

MR SPEAKER

Yes Onorab Valmont.

 

HON JUDE VALMONT

Yes Mr Speaker.  Alor nou ti demann parey Bidze ki ti’n ganny aprouve lannen pase nou demann parey ankor la apre ki’n ganny sa enn la ?

 

MR SPEAKER

 

DIRECTOR GENERAL GODFRA HERMITTE

Non Mr Speaker.  Annefe nou demann en pe plis keksoz nou nou’n demann plis keksoz ki sa.  E parey PS Thesee in eksplike pa tou keksoz ki’n kapab donn ou.  Me i annan en serten larzan ki nou ti servi par egzanp pou pey bann konpansasyon, end of term contract ki’n reste la zot i kite.  In ganny rapatriye dan bann lezot landrwa kot nou’n demande e saler Parlmanter, nou bann housekeeping, enn de bann lezot landrwa.  5poursan Gouvernman.  Tousala in rantre ladan.

So ladiferans ki annan si nou konpar sa 2 Bidze sa enn 2019 avek sa enn 2020 o kontrer i montre en minus 62 thousand.  Mersi Mr Speaker.

 

MR SPEAKER

Mersi DG.  Onorab Valmont.

 

HON JUDE VALMONT

Yes Mr Speaker.  Zis pou dernyen – petet zis dir ou konbyen zot  ti’n demande,  konbyen zot ti’n demande?  Mon konnen konbyen zot in gannyen la  me konbyen zot ti’n demande ?  Mersi.

 

MR SPEAKER

Mersi Onorab.  DG.

 

DIRECTOR GENERAL GODFRA HERMITTE

Mr Speaker nou ava gete en pti moman la nou ava donn nou sa sif egzakt.  Mersi bokou Onorab.

 

MR SPEAKER

Mersi.  Onorab John Hoareau.

 

HON JOHN HOAREAU

Mersi Mr Chairman.  Bonzour Mr Chairman.  Bonzour tou Manm e tou dimoun a lekout.

Mr Chairman mon ti ava kontan demann en pti kestyon lo nou vot pou ‘’overseas travel,’’ mon ti a kontan ki mon ganny en leklersisman lo si i annan en metod en pe plis sistematik, ki ganny fer pou kategoriz bann travel.  Akoz anler ler in ariv nou tou nou bann Komite i annan lobligasyon enternasyonal parey in ganny dir.  Me ler in ariv preski 3kar lannen ou ganny dir ki petet ou’n travel zis en fwa pou sa bann komikman e ou  ganny dir pou dir ou i napa  sa larzan ki la pou sa deplasman.  Alor mon ti a kontan konnen ki fason sa bann keksoz i ganny travay lo la?  Ki kriter i ganny fer i ganny pran?

Dezyenmman Mr Chair;-  mon ti a kontan anba programme kot i annan provizyon pou support bann Members pou law making process, ki mon krwar i  lakle  nou travay.  Mon ti a kontan konnen ki i annan pou bann Manm li menm?  Akoz mon vwar provizyon pou Speaker, pou lofis LGB avek  pou LOTO, me selman pou Manm li menm ki fason nou kapab ganny akse avek sa funding si nou anvi dizon anmenn en Private Member’s Bill.  Mersi.

 

MR SPEAKER

Mersi Onorab.  DG.

 

DIRECTOR GENERAL GODFRA HERMITTE

Onorab mersi pou ou kestyon.  Mr Speaker, ‘’travel  overseas’’ i vre i toultan i en challenge e ankor i  osi nou’n demande dan Bidze la me nou pa’n ganny sa ki nou espekte.

I vre ki’n arive sa lannen kot travel in bokou e mon krwar i annan lenportans sa bann travel pou nou bann Manm attend avek bann supportive staff.  E kot nou’n over pass nou Bidze ki nou bezwen kapab vire dan lezot landrwa pou kouver sa. E mon konman DG mon’n bezwen fransman raise en alert avek Speaker poudir i annan sa issue nou pe tro ale, nou larzan nou pe tro depanse e nou me al dan virement. 

E nou ti konvok en meeting avek ABC kot sa ti ganny diskite.  E nou ti tonm lo en serten laranzman lo en lalis bann ki ti annan to end of December la, lekel sa bann priyorite ki nou pou bezwen attend.  So basically tou lede kote ti agree e nou pe al lo sa lalis.  Me selman ankor mon note poudir nou’n deza fini pas nou Bidze nou bezwen varye apepre en demi milyon pou nou kapab fer sa.

Lapros ki’n ganny met ater bann leaders lo ABC se ki, depi o  konmansman nou met lannmen lo sa bann travel e nou vreman desid lo priyorite e lakantite Manm  ki travel lo sak sa bann demann ki annan deor.

E mon krwar dan sa fason, i ava permet nou pou nou kapab anvoy en pti pe attend tou, me osi anvoy en pe mwens dimoun ki across the board  tou dimoun i ava benefisye e nou ava reste within sa budget ki nou’n – ki zot pou aprouve pou nou.

Lo kote funding pou Private Member’s Bill, mon mazinen si i annan okenn demann pou sa,  Sekretarya i ava met dispozisyon resours finansyer pou siport any Private Member’s Bill.   Thank you.

 

MR SPEAKER

Mersi DG.  Onorab Noline Sophola.

 

HON NOLINE SOPHOLA

Mersi Mr Chair.  Bonzour tou dimoun prezan.  Mr Chair on kestyon ti lo laliny parey pou Onorab Hoareau.  Me selman sa ki reste mon se ki mon en pti pe konfize lo sa zafer travelling. 

        Akoz taler DG in dir i annan Manm anler, Manm anba.  Pou mwan mon pa tro, tro konpran lekel ki anler lekel ki anba.  Petet i kapab eksplik ou sa.

E apre osi ler nou pe regard ‘’travelling’’, petet ti a bon dir nou egzakteman dan Polisi kisisa konmsi egzakteman ki dir dan Polisi lo travelling? Kan ki sa Manm i kapab al asiz dan sa klas?  Kan ki sa Manm i kapab al asiz dan lot klas?   Mersi.

 

MR SPEAKER

Mersi Onorab.  DG.

 

DIRECTOR GENERAL  GODFRA HERMITTE

Onorab mersi pou ou kestyon.  Mr Speaker petet zis pou klarifye on pa’n neseserman servi sa term Manm anler Manm anba.  E mon dir bann Leaders avek bann MNA ki pa tonm dan lofis bann Leaders. 

        Bann Leaders zot,  zot …

 

(Off-Mic)

 

 

DIRECTOR GENERAL  GODFRA HERMITTE

… Onorab i ok. Napa problenm mersi  bokou. I mon devwar pou donn sa lesplikasyon.  Bann Leaders zot, zot ganny sa privilez pou zot travel business class, tandis ki bann lezot Manm zot pa ganny sa privilez.  I pa en keksoz ki nou ki deside lekel.  E nou’n mentenir sa toultan.

 

MR SPEAKER

Yes Onorab Sophola.

 

HON NOLINE SOPHOLA

Mersi Mr Chair.  Mr. Chair koriz  mwan mon’n osi mon’n aprann ler mon’n la poudir si ou pe travel after so many hours, you are entitled to go in the first class.  Sorry dan business class.  Koriz mwan silvouple.  Mersi.

 

MR SPEAKER

Mersi Onorab.  DG.

 

DIRECTOR GENERAL GODFRA HERMITTE

Onorab mersi pou ou kestyon.  Mr Speaker mon kontan ki ou’n soulev sa pwen, mon krwar i enportan en pwen tre enportan ki nou bezwen vwar ladan.  E  lo  nivo Sekretarya nou ava pick sa up.  Nou   ava gete what is the best way forward.  E byensir i parey i normal pase atraver ABC zot bann Leaders, zot a pran en desizyon.  Clerk i lo ABC e li i ava kominike ki desizyon ki zot in pran and we will work on that.  Mersi bokou Mr Speaker.

 

MR SPEAKER

Mersi DG.  Onorab Sandy Arissol.

 

HON SANDY ARISSOL

Mersi Mr Chair.  Bonzour tou Manm.  Bonzour PS avek ou lekip. Madanm Clerk avek ou lekip.

Mr Chair premyerman mon ti  a kontan dir mersi lekip Sekretarya, dirize par ou menm Onorab Speaker Prea, pou travay ki zot pe fer;- Madanm Clerk avek  lezot ou bann staff.  E mon ti a kontan dir zot ki nou apresye travay ki zot fer.  Menm Speaker parfwa ou desizyon i pa neseserman ki nou tou nou kontan lo floor.   Me selman nou anvi dir ou mon pou vot ou Bidze e mon kontan ou Msye Onorab Speaker Prea.

 

(APPLAUSE)

 

HON SANDY ARISSOL

Dezyenmman, mon ti a kontan demann avek Mr Hermitte an vi ki i anvi ki i annan staff ki’n demann an relasyon avek logmantasyon pou nou bann staff an zeneral.  Mon ti a kontan ou re donn nou sa komikman Mr Hermitte an relasyon avek tou staff an zeneral.  Parey taler Mr Thesee ti dir poudir Lakour napa nanryen ki’n ganny anvoye kot li.

Mon ti a kontan demann Mr Thesee si i annan en travay ki pe ganny fer ant ou Minister avek Lasanble Nasyonal an relasyon avek en keksoz pou nou bann staff Lasanble Nasyonal?  Mon pe demann sa, parski annou pa bliye pou dir ozordi Lasanble i nepli sit en zour.  Ozordi nou sit en semenn antye Lasanble!  Savedir bann staff ki la avek nou depi Joan ki fer nou dite laba lot kote, Charles ki vey obor baro, tou lezot staff zot bezwen reste avek nou ziska ler nou fini 6er diswar Lendi pou Vandredi.

Alor mon ti a kontan ganny en konfirmasyon avek Lasanble Nasyonal an vi nou, nou en lenstitisyon ki ou rod welfare tou staff laba deor, eski nou staff pe ganny en keksoz dan Bidze oubyen si i pe ganny travay lo la?  Mon ti a kontan Minis Finans i donn mwan en komikman lo la, silvouple.  Sa i mon premye.

Dezyenmman mon ti a kontan demann avek PS Finans byensir, mon’n tann koz o ceiling, ceiling, ceiling, ceiling.  Mwan  mon ti a kontan demann avek PS Thesee si ceiling Lasanble Nasyonal i ganny determinen par ou, oubyen si i ganny determinen  par nou Speaker i asiz la anler, oubyen si i ganny determinen par Madanm ,Clerk oubyen Mr Hermitte oubyen Mrs Thelermont?

Akoz mon demann sa kestyon, parske ou a krwar nou Lasanble Nasyonal nou’n pri lo sa ceiling nou.  Nou pa monte nou.  Nou nou’n pri la nou.  Nou ganny dir pou dir ou konnen nou bezwen balanse, nou bezwen  get lezot Minister.  Nou, nou en  3enm  dan lebra Gouvernman, Egzekitiv, Zidisyer ek Lezislatif.  Zidisyer i ariv 102milyon.  State House son ceiling li i ale menm.  Nou Lasanble Nasyonal en lenstitisyon ki pe tap tou sa laport laba deor pou retourn larzan, pou anmenn dan Kof Minister Finans, nou, nou ganny dir nou ganny restrikte, an term ceiling?  Mwan mon pa aksepte sa mwan.

Annou pa bliye Mr Speaker Mr Chair letan State House ti vin la zot ti dir ek nou pou dir ozordi Sesel i sanpyon dan lemonn.  Wi Lasanble osi i nou bann sanpyon dan lemonn nou!  Ozordi nou annan nou Manm ki Chair of all chairs dan lemonn! Nou annan nou Manm ki pe travay lo bann model Law pou eleksyon.  Nou Trezorye parmi nou ki nou asiz lo SADC PF.  Nou annan ou menm ou konman Mr Speaker Lasanble ki pe lead delegasyon IPU.   Eski nou pa bann sanpyon dan lemonn konman Manm Lasanble?

E nou pe fer en travay ekselan lokalman.  Alor enternasyonalman osi nou annan plizyer keksoz nou pe fer.  E pa bliye ozordi lemonn in ouver laport ek Sesel.  Nou, nou pe  chair.   Ler nou chair se sanmenm sa ki kekfwa bann dimoun laba deor zot tann nou pe koz  plis voyaz ozordi.  Ler nou pe koz voyaz nou pa pe al fer shopping nou Mr Chair.  Nou pe al fer voyaz pou fer en travay enportan  pou nou pei atraver Lasanble Nasyonal!

Alor mwan mon ti a kontan konnen akoz nou, letan i konsern voyaz nou ganny dir ‘’napa larzan’’, ‘’in restrikte’’, ‘’in isi’’, ‘’in laba’’.  Mwan mon pa dakor ek sa.  Mon pa aksepte! Parske travay ki nou pe fer nasyonalman i sitan enportan ki nou pe fer enternasyonalman.  Akoz i anmenn en lefe adver lo nou pei pou nou pei kapab epanouir parey nou tou nou kontan. Sa i pwen.

Prezan lot pwen ki mon’n tann koz lo la.  Mwan mon pa happy avek larepons ki mon’n gannyen par Mr Hermitte mwan Mr Chair pou dir Lasanble Nasyonal voyaz i annan en kategori group dimoun ki  voyaz en kategori, lot – nou tou dan sa  Lasanble nou Manm Lasanble  Nasyonal.   Si  nou  ganny sans pou nou fer travay pou Lasanble Nasyonal, nou tou nou bezwen ganny menm priyorite, menm  sans!  Parske nou tou ki la enkli mwan, mon pe al vot lo Bidze Lasanble Nasyonal pou nou fer en travay pou nou pei!

Alor si zot anvi ganny mon sipor fodre ki nou tou nou ganny trete parey.  Zis parey nou pe rode pou tou lezot lorganizasyon laba deor.

Letan mon lo sa pwen Mr Speaker, letan nou pe koz voyaz mon redir  ankor bann dimoun laba deor, Lasanble nou pa pe rod plis logmantasyon saler nou.  Nou pa pe rod  en lakaz nou.  Nou pa [pe rod loto nou.  Nou, nou pe rod konfor ek sekirite nou Manm letan nou al fer sa travay  dan  nou pei, osi enternasyonal.

Alor mon ti a kontan ki  nou revwar sa zafer voyaz,  parske mon krwar  i pou dan lavantaz tou dimoun, parske ti ariv en lensidan ki mon ti a kontan partaz avek Thesee Finans ki regle nou ceiling – PS Thesee sorry ki regle nou  ceiling pou dir letan nou ti ganny anvoye group COGA anba sa pti savings Speaker Lasanble – Mr Speaker mersi bokou, pou mazin nou konman COGA nou swete lannen prosen ou get dan  nou  welfare ankor;-  letan nou ti  voyaz-e Mr Thesee, avek COGA, nou ti bezwen al atraver transit atraver Addis Ababa – economy.  Zis mazinen Addis Ababa dan Bole international Airport nou ti annan bann Manm Parlman Madanm avek nou.  Nou ti ganny mete dan en lotel ki k ouran i koup de fwa lannwit nou laport pa take e ou annan bann Manm  Lasanble Madanm pe dormi dan en lotel ki lasanm pa take!  Sa pa akseptab Mr Chair.   Mr. Hermitte, Mr Thesee sa pa akseptab!  E mwan  konman en Manm Lasanble   mon pa kapab tolere sa!

 

 

E nou bezwen  mazin.  Letan nou pe koz pou lezot dimoun la ba deor  nou bezwen get dan nou lakaz,  nou lakaz pou bezwen annord apartir lannen prosen.

E mwan si zot anvi ganny sipor mon Bidze mon anvi zot donn mon bann komikman fran devan, bann komikman serye an relasyon avek travay ki nou, nou pe fer konman bann Manm Lasanble isi dan sa pei! Mersi Bokou Mr Chair.

 

(APPLAUSE)

 

MR SPEAKER

Mersi Onorab Sandy Arissol.  Mon ava donn laparol DG apre PS Thesee si oule azout keksoz.  DG.

 

DIRECTOR GENERAL GODFRA HERMITTE

Onorab mersi.   Mr Speaker mon a konmans avek premye kestyon ki mon’n note la.  Staff an zeneral increment.  An 2018 nou ti fer en review zeneral saler pou bann pou bann staff. 

Mon krwar tou staff ti ganny en logmantasyon ase enportan.  E sa voyaz nou’n deside pou nou vwar nou bann staff ki ganny saler en pe pli ba parey mon’n dir taler.  E sa par egzanp i maintenance, housekeeping, i  annan serten dan lezot lofis osi ki bann staff e osi ler nou pe gete travay par egzanp ki  nou bann sekirite.  Nou sekirite i sorti anba Sensitive.  Zot ganny zot en saler R6mil  ekeK.  E nou, nou bezwen top zot avek en allowance an prenon  kont sa kantite travay ki zot fer.

E nou deside osi sa voyaz pou nou increase zot allowance sa bann sekirite, pou zot  kapab pou li vin en pti pe pli fair.  Deor laba ou travay  2 zour zot al konmsi zot travay 15 zour en mwan 15 zour zot kot zot.  Me i la zot ale menm ziska sepa keler.  So alor i normal pou annan sa diferans e nou kapab fer li selman atraver sa allowance.

        So mon do n ou garanti pou dir si zot aprouv sa Bidze la, sa bann staff ki mon’n mansyonnen zot pou gannyen sa increment an plis ki sa Gouvernman pe donnen.

2enm lekel ki determin nou Bidze?  Finans.   Senp larepons se Finans ki determin nou Bidze.

3enm Members of National Assembly ki travel.   Sa i en sistenm ki nou’n zwenn li la.  Nou pe sivre li.  Me parey mon’n dir taler,  nou ekoute, nou tande e nou nou’n mete dan Bidze sa voyaz  pou konsider ki tou Manm i travel  dan business class.  Me malerezman nou pa’n gannyen sa larzan pou kapab permet sa.

Nou pe get lezot opsyon.  Mon’n deza sey, al fer demars avek serten konpannyen pou ganny bann kart ki kapab ed zot.  Me malerezman zot vreman limite e i pa’n posib pou fer sa arive.  Nou a annan en lot opsyon osi petet pou diskit avek plizyer bann konpannyen travel.  E vwar ki posibilite i annan dan sa direksyon.

Me fason garanti parey zot konnen se ki nou annan sa larzan dan Bidze e ki nou kapab siport zot tou pou travel business class.  E mon espere ki petet bann lannen ki a pe vini.  Nou nou’n fer nou bout nou’n demande.  Me ki Finans osi i ava zwenn baze lo  lapel  Onorab i ava donn sa sipor.  Mersi bokou Mr Speaker.

 

MR SPEAKER

Mersi DG.  PS.

 

PS DAMIEN THESEE

Mersi Mr Chair.  An anyway in fini koz lo Scheme, ki parey in dir ti donnen 2018.   Nou’n still siport sa soumisyon ki’n fer pou increase saler nou’n cater. 

        An ki konsern ceiling alokasyon Bidze, sa i pou touzour en gran deba.  Akoz touzour annan  lenstitisyon pa pou dakor, ki mannyer i ganny fer.  Nou fer the best lo abilite pou nou kapab allocate resours ek tou bann Minister konsernen.  Natirelman nou pa pou   kapab siport oubyen satisfer tou Minister.

Ler nou an Avril nou fer sa ki nou apel MTES – Mid Term Expenditure Strategy.  La nou get plizoumwen bann baseline bann lorganizasyon.  Savedir konbyen i koute pou kapab basically   fund en lorganizasyon dan en lannen.  Baze lo zot bann lannen avan.  Nou get tou son costing mannyer i ete.   Ki savedir i pou koute pou   fund en lorganizasyon  dan en lannen as is? 

Nou fer li lo si soumet son bann nouvo spending priorities, sanmenm sa ki nou nou’n met an senaryo, nou’n senaryo B nou donn senaryo C.  Pou ki kapab allow nou si  nou annan resours pou fund sa bann lezot senaryo ki bann Minister i donnen, nou fund.

        E  sa bann senaryo osi zot soumet li  dapre priyorite.  So ler nou pran tou sa bann  fakter an konsiderasyon nou annan nou 100 tou kou nou dir nou annan nou 100 spending unit.  

Savedir ler nou met tou sa bann Minister sa 3 lebra Gouvernman, ler nou met tou sa bann Lazans ansanm i annan nou 100 spending unit.    Pa bliy sa bann lezot budget line osi ki annan pou fund.  Nou get nou  reveni ki nou anmase dan en lannen.  Nou fer estimasyon.  E la kot prezan i pa vedir ki nou pe fer en louvraz 100poursan byen,  me selman dapre ki nou vwar ki nou kapab fund nou sey nou mye pou fund a least tou lorganizasyon as is. Nou sey fund bann priyorite.

So sa kot ou vwar ceiling i vin an zwe.  E apre nou fer soumisyon avek Cabinet.  I go back.   Nou   negosyasyon ki ganny  fer avek bann lorganizasyon si  zot bezwen come back nou come back.   E nou annan Midyear Review osi dan en lannen ki pa neseserman vedir plis larzan.  Parey nou vwar sa lannen 2019 i pa’n vedir i annan en supplementary  in terms of nouvo larzan.  Me par kou bann landrwa kot nou vwar bann proze pa pe materyalize pou fund lezot priyorite.

So sa i en  pe   nou challenge ki mannyer nou allocate resours.  I pa  pou touzour satisfer tou dimoun.  So  nou sey nou mye.  So parey mon’n dir pou Lasanble nou ti annan li 3.2 ki nou ti kapab tire.   Ler nou’n get nou MTES.   Savedir nou vwar sa 3.2 pa  en keksoz ki  sipoze  annan lannen prosenn.  So nou pa’n koupe nou, nou’n zis kit li parey.   So nou ti a voudre kapab donn plis.  Me vwala.

An sa ki konsern travel, sa nou konnen lo k ote Gouvernman, lebra Gouvernman nu annan sa Polisi pou nou ki zis bann serten zofisye ki travel dan business class. Lo  zot kote nou pa’n vreman met okenn enpozisyon lo zot kote sa ki travel dan business  sa ki pa travel  business.   So nou ava an diskisyon avek Sekretarya si i neseser revwar sa Polisi ki an plas pa’n nou ki’n met an plas.  Nou open to sa.   Mersi.

 

MR SPEAKER

Mersi  PS Thesee.  Onorab Sandy Arissol.

 

HON SANDY ARISSOL

Mersi Mr Chair.   Mon ti a  dir zot  mersi pou zot larepons ki zot i donn nou.  Mon ti a kontan retourn lo dernyen pwen ki PS Thesee in fer resorti Mr Chair an relasyon avek lekel ki deside.

So mon ti a kontan konnen kekfwa si ou konnen lekel ki deside?  Parski ou dir pa zot ki deside.  Parske letan mon get lalis protokol  ki nou  gannyen an term presedans,  mon krwar Manm Lasanble nou, nou  12enm si mon pa tronpe dapre dernyen revi ki ti fer an Zilyet.

So apre i annan bann ki tonm par anba Manm Lasanble.  Me selman parkont bann ki tonm par anba Manm Lasanble  se .zot ki voyaz business class, e nou, nou pri dan sistenm ekonomi.  Kekfwa zot ki konnen.  Dir nou lekel ki desid lo la pou nou kapab konnen.

E  mon redir ankor  bann dimoun  ki laba deor poudir nou pe voyaz-e pa pou  fer shopping me pou  fer en travay Lasanble Nasyonal pou nou pei.  Se pou sa rezon nou pe rod tou  sa bann ki mon pe rode.

Dezyenmman mon ti a kontan demann avek   Mr Hermitte an relasyon avek staff .Mr Hermitte mersi pou sa komikman ki ou donnen an relasyon avek bann staff.  Mon ti a kontan zisteman demann ou letan i annan bann prosedir promosyon ki marse dan nou lenstitisyon Lasanble Nasyonal, letan i annan en post ki vacant par egzanp, eski bann staff ki deza la zot ganny sa posibilite pou zot monte, ki mannyer i mars en pti pe an relasyon avek bann staff?  Mon ti a kontan swete ki tou sa ki nou pe koz o la ozordi i kontinyen annan sa swivi byensir avek gidans Mr Chair, pou nou kapab trouv the way forward.  Mersi bokou pou sa 2 kestyon pou lemoman.  Mersi.

 

MR SPEAKER

Mersi Onorab.  DG.

 

DIRECTOR GENERAL GODFRA HERMITTE

Mersi pou ou dernyen kestyon.  Mr Speaker, wi ler i annan okenn post isi nou advertised parey zot menm zot vwar internally me osi nou advertised li deor.

So okenn dimoun ki santi i kapab desarz sa responsabilite,  ou sa fonksyon dan sa vacancy  ki nou advertised, i lib internally spesifikman pou zot apply.   E interview panel i ava fer le neseser parey in fer avan.  E apwent the best pou sa pozisyon.  Mersi Mr Speaker.

 

MR SPEAKER

Mersi DG.  Onorab Sebastien Pillay.

 

HON SEBASTIEN PILLAY

Mersi Mr Chair.    Bonzour e  bonn apre midi pardon  bonn apre midi tou dimoun ki a lekout.   Mr Chair i enportan letan nou vwar sa pwen kot nou pe diskit Bidze Lasanble ki nou prefas – petet mon sezi loportinite pou mon remind tou dimoun ki pou nou Manm Lasanble,  i toultan en konplikasyon oubyen difikilte pou nou koz lo nenport kwa ki annan pou fer avek  nou menm nou.   E sa i kree bokou lenterpretasyon.  Zis parey kestyon ki mon koleg in demande;-  en kestyon ki fair – ki zistifye.  E bokou lezot kestyon ki mon bann koleg in demande.

E rezon pou sa set akoz lenpresyon ki  nou’n donnen konman en pep.  E mon krwar petet i enportan ki nou vwar sa travay ki Manm Lasanble i fer.  E travay ki nou bezwen fer dan lefitir.  I pa zis pou sa Lasanble ki la, me pou bann Lasanble ki pe vini.  E se sa ki mon ti a kontan mon prefas avek.

E avan mon kontinyen Mr Chair, mon ti a kontan osi remersye Sekretarya pou travay ki zot fer. Staff i toultan tre courtois.  Zanmen ou pou ganny en staff ki pou mal  koz avek  avek mwan konman en Manm.  Tou staff in toultan annan en gran respe pou mwan e mon remersi ou pou petet travay,  e disiplin ki bann staff i annan.  E mon krwar nou konman Manm Lasanble nou  devret acclame sa bann staff Lasanble ki donn nou sa sipor lo en baz regilye, lo nou bann Komite, lo tou bann travay ki nou  fer.  E nou felisit zot pou travay ki zot in fer Mr Speaker.  Mr Chair mersi pou sa.

 

(APPLAUSE)

 

HON SEBASTIEN PILLAY

Prezan Mr Chair mon vin lo mon vin lo, lo de pwen enportan lo m on kestyon.  Mon’n tann DG koz lo nou bann ‘’new spending initiatives.’’  Pou ki rezon anba Bidze Kapital nou pa pe vwar li  neseser pou kapab met en landrwa kot Lasanble kot zot kapab vann bann manze ek bann Manm ki bann Manm pa bezwen sorti.  Akoz i gat letan.  Pou ki rezon ki Minister Finans  pa’n vwar en neseser pou ki nou annan sa move dan sa direksyon?  Mersi Mr Chair.

 

MR SPEAKER

Mersi Onorab Pillay.  DG.

 

DIRECTOR GENERAL GODFRA HERMITTE

Onorab mersi bokou.  Mr Speaker ban keksoz ki nou’n i leve toultan nou’n reflesir lo la pou en bon pe letan.  E me solman ou bezwen pran kont osi poudir lo landrwa kot nou ete fasilite ki nou annan la aktyel, unless ki nou debloke nou annan nouvo building an deor ki nou kapab ganny lespas pou nou kapab fer sa.

Me selman lo lot kot osi nou pe mazinen lot lannen letan i nou tender ankor anba direksyon POU;-  tender par egzanp pou nou snack services enkorpor sa posibilite ladan pou annan bann lezot fasilite parey take-away ki ava vin isi lo site pou fasilit nou bann staff e osi nou bann Manm Lasanble Nasyonal.

Me ankor enn fwa pou ou kapab fer sa ou bezwen annan landrwa apropriye, parske i annan bann kondisyon osi ki al avek ki ganny mete par lezot Minister par egzanp lasante e eksetera.  Mersi Mr Speaker.

 

MR SPEAKER

Mersi DG.  Onorab Pillay.

 

HON SEBASTIEN PILLAY

Mersi Mr Chair.  Rezon mon’n demann sa kestyon i akoz, nou bezwen vwar Lasanble Nasyonal pa zis konman en lenstitisyon ozordi me konman kote nou le anmenn li?

Prezan par egzanp si nou regard Lasanble Nasyonal ozordi, i annan bann areas ki nou bezwen beef up.  Seksyon legal Lasanble Nasyonal i bezwen ganny beef up. 

        Nou annan en FPAC me nou bezwen annan bann accountants i travay avek FPAC.  Nou annan COGA nou bezwen at least bann dimoun ki annan en project … Konmsi rezon pou sa set akoz ou bezwen sa bann support services pou siport travay sa bann Manm.   So eski i  dan plan Lasanble Nasyonal eski zot in submit bann dokiman avek Minister Finans pou ki nou kapab ranforsi sa bann kad ki neseser pou nou kapab travay oversight e scrutiny ki  nou bezwen fer.   Mersi Mr Chair.

 

MR SPEAKER

Mersi Onorab.  DG.

 

DIRECTOR GENERAL GODFRA HERMITTE

Onorab mersi pou ou kestyon.  Mr Speaker wi mon toutafe dakor avek sa ki Onorab in dir.  E nou osi Sekretarya nou’n pans lo la.  E nou le konmans li par annan en Legal Unit isi dan Lasanble parske zot travay avek Lalwa i enportan pou annan sa unit. 

        E apre osi beef up nou research unit ki’n ganny mansyonnen.  So lo la prezan nou ava build up bann lezot travay parey in donn en legzanp FPAC ou bezwen dimoun ki vreman doue dan sa bann zafer accounting and whatnot e lezot Komite ki annan.

Nou pe ale dan sa direksyon, e anmezir ki nou pe met nou plan ater, nou bouze avek sipor finansyer.   La Mr Thesee i la pe tande, nou a kapab fer li dan enn de lannen ki a pe vini.  Mersi Mr Speaker.

 

MR SPEAKER

Mersi DG.  Onorab Flory Larue.

 

HON FLORY LARUE

Bonn Apre midi.  Mersi Mr Chair.  Bonn apre midi tou dimoun.  Mr Chair letan mon a pe get zot bann ‘’strategic priorities’’ mon vwar ki zot mansyonnen ki enn zot bann aims i pou ‘’strives to be the leading institution in environmental sustainability in Seychelles.’’  

        Deza mon konnen ki Lasanble nou tou nou konnen ki Lasanble in fer bokou pa dan sa direksyon.  In met fotovoltaik pou preserve konserv lenerzi;- in fer energy audit pou li vwar ki mannyer keksoz i fonksyonnen internally.  So mon ti a kontan congratulate zot ki zot ankor pe anmenn sa koman enn zot aims dan lefitir.

Letan nou pe koz lo sa, mon ti a kontan demande si zot pe regard zot bann official  gifts consideration ki zot fer akoz nou konnen nou annan en kantite viziter ki vizit Mr Speaker e bann de Leaders.  E souvan i annan bann gifts ki ganny donate sorti kot Lasanble.  Eski Lasanble pe konsidere ki son bann kado i vin pli environmentally friendly rather ki bann lobze an plastik bann keksoz koumsa?

E lefe ki nou’n koz en pe lo nou zarden e nou maintenance,  eski Lasanble pe get plis pou vin en leader ankor pou swazir pou grow bann fruit trees ek bann parey koko rouz ouswa pey gouyav, ouswa sitronnel dan zarden, koumsa nou a kapab vin pli innovative akoz nou vwar dan lavil nou vwar pye palm, nou v war bann keksoz koumsa, e nou pa vwar bann fritye pe ganny azoute.

Lefe ki osi ki zot pe dir ki enn zot bann aims se pou servi bokou teknolozi,  mon ti a kontan si konnen si plis lanfaz pe ganny mete lo sak  kote bann  Departman ki travay avek teknolozi dan nou lenstitisyon spesyalman lo kote  kominikasyon avek piblik.  Nou konnen an zeneral Gouvernman i annan en weakness pou kominik keksoz avek piblik.  So eski nou pe met plis dan sa dan sa kote nou Bidze pou nou  kapab kontinyen devlop sa?

Lo kote ‘’overseas training,’’ mon’n byen kontan ki nou’n pick sa up ki en defi.  Me solman pou nou kapab gid pli for nou bezwen met lanfaz, kantmenm nou fer li through servi teknolozi.  Nou kapab kontakte bann lenstitisyon, servi SKYPE pou nou annan group training  locally without having to travel.  Sa osi i kapab en opsyon.  I  kapab ogmant nou performans sa i en keksoz ki sekretarya i kapab gete ki nou kapab fer training long distance e servi teknolozi pou improve sa?  Mersi.

 

MR SPEAKER

Mersi Onorab.  DG. 

 

DIRECTOR GENERAL GODFRA HERMITTE

Onorab mersi bokou.  Mr Speaker mon’n not 4 la 5 kestyon.   Official gifts mon krwar i en bon sizesyon lo sa Onorab.  Mon krwar mon pwen pou dir gift se zot menm zot ler zot ale ki deside ki gift ki pou anmennen.  E mon krwar ou ava anvoy sa pti boul  kot zot pou dir zot osi lo zot kote zot konsidere ki nou al environmentally friendly lo sa kote e sirman zot pou annan nou sipor.  Parske nou osi nou’n anbark  bar lo sa progranm S4S.

E ou’n mansyonnen         ki nou annan deza sistenm fotovoltaik pe marse.  Nou annan en sistenm composting ki pe marse.  Nou annan sistenm kolekte delo lapli ki pe marse.  Nou pe osi konmans fer par egzanp dir nou fer sa parey elektronikman bann MNA zisteman zot la.  Nou pe travay dan laliny pou kapab byento donn zot, zot laptop ki tou keksoz olye annan en ta papye ki nou print.  Nou deza pe koupe me selman i annan en pe zefor pou ganny fer lo nou  kote me osi lo par bann        MNA pou zot osi vin abitye avek sa kalite sistenm travay anba sa progranm.

E i annan ankor lezot rekomandasyon dan sa rapor ki’n ganny fer par Mrs Purvis avek son lekip ki ti pe travay, travay avek nou.  So mon krwar nou dan bon direksyon ladan.

Maintenance zarden;-   i  nou lentansyon sa lannen ki pe vini  la,  pou nou rod en dimoun an deor ki kapab donn nou en bon pe konsey lo ki mannyer pou aranz nou landrwa, en pe plis bann kouler.  Nou’n fer serten zefor.  Me mon krwar i demann en pti plis lekspertiz dan sa kote.  E mon bezwen mansyonnen pou dir wi  pou plant bann fri i enn nide nou Speaker.  Mon bezwen donn li son kredi  kot i annan.  Nide nou Speaker pou nou kapab plant bann fri en pe partou dan bann landrwa.    So teknolozi toultan;-  depi ler depi ler 6enm Lasanble in vini nou toultan pe improve dan kote teknolozi.  Bann Lasanble avan in anmenn li lo en serten nivo, me nou bezwen pous li pou kapab meet demann ozordi.

E mon kontan anonse poudir ok me selman la aktyelman nou’n deza ganny rekonnet L’Amerique,  facebook, microsoft whatever mon pa tro mazinen la ki’n met nou lo top.  E sa  i pou permet nou pou nou kapab anvoy nou bann lenformasyon nou website en pe partou dan lemonn.  So i montre deza son platform in fini ganny  kree pou nou kapab  fer sa travay.  So nou pe kontinyen dan sa direksyon.

Overseas training, mon krwar Mr Speaker mon’n deza bord en bon pe keksoz lo la.  Me nou pe kontinyen pou nou kapab al dan sa direksyon, e fer sir ki o maximum ki nou kapab asiste  nou bann  Manm pou overseas training en si ki nou staff osi nou fer li.  Mersi Mr Speaker.

 

MR SPEAKER

Mersi DG.  Onorab Larue.

 

HON FLORY LARUE

Mersi Mr Chair.  Mersi DG pou ou larepons.  Lo kote gifts mon krwar ki ti ava en bon nide si sekretarya ti a kapab fer en pe resers pou donn bann sizesyon bann gifts ki apropriye lo sa kote.  Mon konpran ki zot e dir i annan diferan dimoun ki deside. Me selman si ti kapab annan en direktiv, ouswa bann sizesyon what are gifts ki kapab ede. Savedir i annan bann keksoz par egzanp ou kapab aste en koray avek bann group Prezerv Losean.  Kot isi Sesel ou kapab  aste en koray apel li en non apre ou kapab fer sa dimoun kado son sertifika.  Sa i en fason pou nou kapab ede pou promot keksoz ki pe arive otour nou pou promot lanvironnman.

Mon kontan ki nou pe go through a paperless system, sa osi in en gran problenm dan tou kote Gouvernman.  Eski kekfwa nou pe met plis lanfaz lo train Manm to become pli at ease, akoz kekfwa sa ki en problenm.  Letan pou ou adopte en prosesis fer i akoz dimoun napa knowledge, ki mannyer sa keksoz i kapab fasilit zot.  Savedir si sa i enn nou bann bi become paperless nou bezwen create training ki tou dimoun i kapab adopte sa nouvo fason fer.

E lo kote bann lanfaz mete lo teknolozi e internally;-  eski zot kapab konfirmen ki nou’n perdi en staff dan Departman afilye avek teknolozi, akoz nou pa’n kapab ofer li sa package ki li i ti pe demande ki vin avek son kalifikasyon, alor nou’n perdi sa dimoun.  Mersi.

 

MR SPEAKER

Mersi Onorab.  DG.

 

DIRECTOR GENERAL GODFRA HERMITTE

Mr Speaker petet anfen mon pa tro anvi nonm non personn, me selman mon nou pe koz dan IT spesifikman la ki nou’n perdi en staff?  Well as far ki mon konnen se zis dan IT nou’n perdi en staff dan bann zafer teknolozi.  Me ti en desizyon personnel lo li pou li resign.  Si i ti annan whatever reason i pa’n diskit avek nou.  E nou pa  neseserman annan en bon exit interview.  E in anvi ale, in anvi ale.  Me nou toultan nou as much as possible nou fer nou sey nou mye pou nou anpese ki nou staff i ale.  Parske nou envestir en kantite dan zot.

E mon konnen dan sa laliny osi pou dir si nou pe koz lo sa staff dan IT nou ti annan en kantite ofer e nou ti annan plan pou tou dimoun isi atraver training e build up dan ou travay ki ou pe fer.  Me i arive. I arive mon mazinen i pa premye, i pa dernyen osi.  Vwala Mr Speaker.

 

MR SPEAKER

Mersi.

 

DIRECTOR GENERAL GODFRA HERMITTE

Mr Speaker mon pa konnen si ou ava  permet mon petet zis pou tous larepons pou Onorab Valmont?  Lo lakantite ki nou ti demande son term Bidze detay PS Thesee i ava donnen.  Solman nou ti demann 45.5 milyon.  E prey zot vwar nou’n ganny 43,013milyon.  Mersi  Mr Speaker.

 

MR SPEAKER

Mersi DG.    Ou ti’n lev lanmen Onorab William?   Go ahead.

 

HON WAVEN WILLIAM

Mersi Mr Speaker.  Mon ti’n lev mon lanmen mon mazinen ou pa’n ganny sans.  Mr Speaker mon annan detrwa pti kestyon.  Premyerman mon le remersi ou an menm tan felisit ou avek Sekretarya pou travay ki zot bon travay ki zot pe fer.

Mr Speaker mon premye kestyon i konm swivan;-  mon anvi demann avek DG si letan  pou preparasyon Bidze Lasanble Nasyonal, eski sa dele letan i kourt ouswa i annan ase letan pou ganny bann soumisyon sorti kot  sa de Leaders?  Par egzanp nou annan bann nou annan Komite Reform, eski zot pran konsiderasyon bann rekomandasyon Komite Reform i pran.  Malgre pa tou.

An menm tan lefe ki nou annan bann diferan Komite eski sa bann diferan Komite i ganny sans prezant en plan travay avek en costing ki i kapab ed Sekretarya osi tou pou kapab fer en bon preparasyon ki pou en pti pe global travay Lasanble an separasyon avek louvraz administrasyon Lasanble?

Eski sa pe ganny fer?  Petet eski pa ti a bon si pa pe ganny fer eski pa ti a bon ki sa i ganny fer a lavenir ?

Mon 2enm pwen;- o non bonn gouvernans latransparans avek rann kont.  E mon ti a kontan ki nou eksplik manm piblik ki a lekout,  ki bann sipor konstitisyonnel, well pa konstitisyonnel me sipor distrik ki bann Manm Lasanble i gannyen pou zot fer zot travay?

E mon lot kestyon se ki, eski dan konpansasyon lafen sa lannen la, pou donn bann staff, eski i annan desizyon ki’n ganny pran pou pey serten lanmwatye lafen sa lannen depi lanmwatye lot lannen eski i annan sa desizyon ki’n ganny pran?

E mon lot kestyon se mon ti a kontan viz sa kestyon, avek PS Finans;-  PS letan ou dir ki zot pa kapab satisfer tou demann bann Minister.  E prenon kont, travay enportan ki Lasanble Nasyonal i bezwen zwe opre, sirtou lo checks and balances Gouvernman, fer sir ki enn bann fon piblik i ganny byen depanse.  Mon anvi demande ki letan mon regarde demann orizinal se R45.5 milyon.  E  DG  pe dir sa pa’n ganny aprouve.  Letan mon pe regarde i pa sitan bokou.

Alors mon anvi demann ou ki rasyonnal?  Letan ou vwar pou dir pou bann antite Gouvernman in ganny ogmante par 12poursan e bann lezot regilatwar parey in  ganny nonmen, i pa 14poursan.  Lefe ki Lasanble Nasyonal i en   lenstitisyon ase enportan.  Eski petet pa nou ti a bon ki sa menm fason vwar keksoz ki i ganny mete en pti at par  lo kote sa logmantasyon?

E sa ti a fer ki;-enn – nou ti a vwar pou dir be wi, Egzekitiv pe siport sa travay ki Lasanble Nasyonal pe fer.  Me i annan ki osi krwar pou dir e ski sa pa en mannev petet stratezik pou limit, kapasite Lasanble Nasyonal letan nou  pa sey vwar son demann parey   i pe met devan.   Mersi.

 

MR SPEAKER

Mersi Onorab. DG apre PS.

 

DIRECTOR GENERAL GODFRA HERMITTE

Onorab mersi pou ou kestyon.  Mr Speaker mon krwar Onorab in lev enn bann pwen vreman enportan e ankor enn fwa en pwen ki nou pe konsidere anliny avek diferan bann keksoz ki nou’n pick up lo nivo Sekretarya.

Finans i annan son kalandriye diferan letap ki mannyer i fer so prosesis Bidze.  Byen boner dan Avril i konmanse e i donn ou bann dat kan pou soumet, apre nou  retournen bann diferan travay ki annan pou fer.  Mwan mon krwar sa i ok.  

Mon krwar kote ki nou bezwen improve Mr Speaker, se ki nou entern-man ki mannyer nou partisipe dan diskit nou Bidze anliny avek diferan aspirasyon ki annan lo kote Sekretarya e osi bann Manm.

E mwan en keksoz ki mon’n deza dir avek Clerk koman DG se ki sa voyaz mon pou  ensiste, ensiste ki tou bann Komite, tou bann Leaders, ABC whatever, zot vini en moman a en lot e zot vin donn zot input byen boner ler  nou pe konmans  prepar sa premye faz Bidze.  An dizon sa i pa vedir ki zot pa partisipe.  Me mon krwar ki tou dimoun i bezwen konnen poudir tou bann Leaders zot annan zot reprezant.   Epi  lofis Speaker zot annan zot reprezantan ki zot anvoy dan sa – nou apel sa en Budget Team dan sa Budget Team. 

Me nou santi poudir parfwa i pa neseserman reflekte sa ki  nou pe tande demann deor.   Parey la nou dan Lasanble nou’n tann bokou keksoz, ki sa bann reprezantan pa pe anmennen.  Alors nou fer li dan sa fason.  E  mwan mon pou ensiste ki nou fer li dan sa fason.  Prezan personn pa kapab dir pou dir i pa’n involve ladan, in kit ale kar  or whatever bann issues ki ou tande parfwa.  So nou ava al dan sa direksyon e mon krwar i ava marse e tre enportan.

Allowance;-  allowance pou bann Manm, mon annan anba constituency support ok sak Manm i ganny li R17mil.   Sa R17mil i bezwen fer tou son bann depans ki annan pou fer avek son constituency. 

An plis e sa i enkli byensir en clerk e sa clerk i ganny peye atraver Lasanble me okenn sipor ki sa clerk ki gannyen se li ki bezwen provide. So i en depans ase konsiderab.

Apre lo kote ki annan se bann Manm Onorab osi  i ganny en R12mil konman entertainment allowance.  E si i annan okenn aktivite ki pe fer lo nivo son constituency e i ganny sa par lannen.  Sa R12 mil i par lannen i pa par mwan.   I al ladan e fer son bann depas pou li kapab siport son bann aktivite ki  i annan.

Kot i konsern contract payment.  Si mon’n konpran byen sizesyon se ki la i 2an pou constituency clerk ki nou pey li apre  1an, mon pa konnen petet annan konsiderasyon si nou devret retourn 1an.  Me selman as it  is lo 2an mon krwar  pa si nou pou kapab fer li.  Administrativman nou pou bezwen esper son 2an  pou nou kapab donn li son bann merit apard son  saler ki byensir i ganny tou lemwan.  Mon ava pas avek PS Thesee prezan.  Mersi bokou Mr Speaker.

 

MR SPEAKER

Mersi  DG.  PS briyevman.

 

PS DAMIEN THESEE

Mersi Mr Chair.  Si nou get sa lannen par egzanp ler nou fer Midyear Review, ler nou ti reget Bidze lasanble   National nou ti vwar dan plas 43.074 i ti pou fini lannen petet 42.824.  Savedir pa tou son bann larzan ki pou depanse sa lannen.

E osi nou pa’n koupe Bidze ‘’goods’’ pou Lasanble Nasyonal parey nou ti fer pou tou lezot Minister.  E sa nou ti fer pa zis Lasanble Nasyonal me bann antite ki nou konsider konman constitutional bodies.     Zot ase endepandan dan zot manda.

So i annan lespas dan son Bidze 2019 even kantmenm pa en gran en keksoz pou li fer en building.  Me selman pou li kapab reportaz pou fer detrwa pti recurrent spendings avek.  Ti annan apepre 500 mil ki nou krwar i annan dan son ‘’goods’’ ki pa’n depanse.  So sanmenm sa ki prezan nou’n retourn son Bidze 2020 alaoter 2019.

E en lot fason get sa parey mon’n eksplike sa R3.2 milyon ki nou pa’n koupe.  Si par egzanp ti napa sa R3.2 milyon ki bann proze pa ti’n fini 2019, nou ti pou’n azout R3.2 milyon lo sa 42 pou fer vin 45.  Me selman vi ki nou’n vwar proze ki pou terminen sa lannen, sanmenm sa ki  nou pa’n donn li an plis nou’n mentenir sa level.  Akoz i donn li sa espas parey mon’n eksplike pou li fer.

Mon dakor pou dir 43 pou 45 i zis 2milyon, nou ti kapab donnen.  Ou annan parfetman rezon.  Nou ti’n koup somewhere else pou kapab accommodate li.  E pou nou osi ou bezwen realize 2 milyon lafen lannen ler nou pe sey achieve target 2.5 ler nou pe fer Bidze, R2milyon i fer i fer lefe;- en lefe pou nou kapab ariv 2.5 milyon.  2.5poursan nou surplus. 

Si nou short by en 2 milyon pou nou ariv 2.5, nou bezwen al somewhere pou koupe ki nou ariv lo nou target.  So tou pti Roupi pou nou i annan en valer pou ariv lo nou target.

So parey mon’n dir nou rekonnet zot defi ki zot in met devan.  Nou konnen nesesite pou fund Lasanble Nasyonal parey nenport ki antite.  Me solman nou bezwen fer en serten konpromi somewhere en keksoz pa ganny finanse.  Even Bidze Minister Finans Bidze ki nou oule ki nou pe vin avek i pa neseserman dan  Bidze ideal.  Me solman i en Bidze ki at least permet nou fer serten fonksyon.  E sa osi menm prensip ki nou pe sey met devan pou Lasanble Nasyonal – at least i cater i pou zot spending as is.  

Nou’n sey nou mye pou finans serten pti proze parey take care of zot bann staff needs.  Zot bann sipor lo constituency support, zot bann allowance e bann keksoz plizoumwen lo bann level capital project, nou pou bezwen get li e pti pe pli tar malerezman.  Akoz si nou get bann Bidze capital project ki pe vin avek pou Gouvernman plizoumwen bann lekol, renovasyon lopital bann nouvo lenfrastriktir ki nou bezwen.  Menm si sa ki zot pe demande osi nou konpran i enportan.

So i en trade-off dan tou keksoz.  Tou keksoz i annan en opportunity cost.  Ler fund enn ou pa fund dan en lot.  So sa i nou defi parey nou eksplike tou kou.  Mersi.

 

MR SPEAKER

Mersi PS.  Onorab William.

 

HON WAVEN WILLIAM

Mersi Mr Speaker.  Mr Speaker letan mon’n .ekout DG koze, in dir poudir nou ganny 17mil pou fer tou keksoz.  Epi si mon pran sa 12mil ou diviz li par 12 i vin ankor mil Roupi ki fer R18mil.

Eski at this day and age, kot  sa konzonktir politik ki nou ladan e devlopman, lenstitisyon Lasanble Nasyonal, avek travay ki en Manm  Lasanble i annan pou fer onivo distrik;-  la nou pa per rod privilez personnel pou Manm Lasanble la  nou.  Nou pe rod resours pou nou kapab travay avek,  eski i annan okenn improvement lo sa sonm akoz espektasyon travay en Manm Lasanble onivo distrik, e ogmantasyon dan travay Manm Lasanble, opre sa ki louvraz Egzekitiv pe fer onivo distrik,  mon pe demande mon pe propoze, isi nou napa sa mazorite, me mon anvi lans en  lapel lot kote, eski nou pa devret pe vwar ki fason nou kapab ogmant sa sonm?

Parey mon dir pa pe rod privilez personnel la nou.  Pe rod resours pou Manm Lasanble kapab travay avek.  Akoz si ou al kot en lakour, ou pou pran R18mil, ou pou kapab konpare ki fason ki kalite travay ou pou kapab fer avek sa.  Menm ou kapab ganny riye.

Me mon lot kestyon mwan  se ki pou PS.  PS lo sa 2.5poursan la,  ou pa krwar petet Minister Finans i devret ranforsi bann regilasyon ouswa bann mekanizm vizavi ki fason pou koup bann gaspiyaz, onivo bann Departman Gouvernman?

An menm tan, osi ranforsi regilasyon kot koripsyon?   Petet nou ti ava annan en pli bon demaraz pou ariv pou fer siny ki nou al odela sa 2.5.  Akoz ler nou pe konstate konman Manm Lasanble Nasyonal, nou pe vwar pou dir –nou kapab bokou pli byen dan sa de laliny la.  Mersi.

 

MR SPEAKER

Mersi Onorab.  DG apre PS. 

 

DIRECTOR GENERAL GODFRA HERMITTE

Onorab mersi pou ou well pou fer remark.  An menm tan en kestyon.  Mr Speaker mon dakor e mon sipor sa e mon krwar depi ler nou pe donn sa 17mil avek sa 12mil i en bon pe letan, e bokou keksoz in sanze in term of cost.  E i toutafe rezonnab ki  i annan en gete dan sa  direksyon pou kapab donn zot en pti pe plis pou met zot azour avek kou lavi aktyelman.  Mersi Mr Speaker.

 

MR SPEAKER

Mersi DG.  PS.

 

PS DAMIEN THESEE

Mersi Mr Chair.   Mon krwar i en pwen valab ki in me devan ki mannyer nou  kapab  redwir gaspiyaz dan Gouvernman.  Petet ler nou vin pou Bidze Minister Finans Departman Finans, nou kapab donn an detay ki nou pe fer lo la.  Sa Midyear Review ler nou ti fer budget cuts i enn kot nou ti fors Minister pou koup en pe son depans.  E anpes gaspiyaz.  Akoz nou vwar i annan zefor kapab fer.

E sa zefor i pa zis vreman lo li menm, me tou dimoun sa 11mil dimoun ki ganny anplwaye avek Gouvernman i annan en rol kle pou zwe  dan gaspiyaz.  Akoz nou tou nou annan en responsabilite.   Nou tou nou ganny mete asset avek nou, nou ganny mete inventories avek nou.  Ki mannyer nou zer li.  So nou tou nou annan en rol pou zwe ladan osi.  Mersi.

 

MR SPEAKER

Mersi PS.   Mon a donn dernyen pti kestyon Onorab Bernard Georges.

 

HON BERNARD GEORGES

Mersi Mr Chair.   Mersi pou rekonnet mwan.   Mon konnen i tar me mon krwar mon ava servi privilez koman pli vye Manm an term laz dan sa Lasanble pou mwan fer en, en lentervansyon avek ou permisyon;- pa en kestyon.

Mr Chair mon’n ekout atantivman bann kestyon.  I paret mwan ki nou en pe per pou nou a bord en size ki drwat devan ou.   E sa se reminerasyon e kondisyon bann travayer dan Lasanble ek bann Manm Lasanble.

E mon ti a kontan sezi sa loportinite pou nou dir ki fodre pa nou per, menm dan en lannen eleksyon, menm akoz nou konnen ou pou ganny kritike deor,  pou nou regard en pti pe, dan nou prop welfare.  Parey Onorab   Sandy Arissol e Onorab Wave n William in fer resorti e Onorab Sebastien Pillay osi.

Akoz mon krwar ki annan defwa nou vin pli rwayal lis ki lerwa.  Nou pas Bidze e nou defann lentere tou bann Departman dan sa pei.  E  ler i ariv kot nou, nou tir nou kannet trankilman akoz nou per ki nou pou ganny kritike ki nou pe donn lekor okenn lavantaz.  I pa en kestyon lavantaz Mr Speaker.  Nou Konstitisyon i kler.

I annan 3  brans Gouvernman dan sa pei.  Egzekitiv i annan Prezidan, Vis-Prezidan avek bann  Minis.  Zot tou zot ganny en – zot dan en kad byen spesyal.  Zot ganny loto, zot ganny transpor, zot ganny sekirite, eksetera.

Zidisyer i 2enm;- i annan Sef Ziz, son Prezidan Lakour D’Apel ek tou bann Ziz zot tou zot kad i siperyer.  3enm brans se nou.  La i annan ou Mr Speaker, i annan Deputy Speaker apre i annan nou bann Manm.  Se nou  bann Ziz Zidisyer, se nou bann Minis Egzekitiv.   Nou lo menm ran nou lo menm kad.   Me malerezman, in antre en lide ki nou, nou pa kapab met nou lekor lo menm lo menm nivo  ki zot.   Mon pa konnen akoz nou fer otan travay si pa plis.  Akoz non selman nou travay isi nou travay lo Komite, nou travay dan nou distrik.

Me nou ler pou al parad tou le tou le 29 Zen nou, nou ganny par dan en  bwat zonn nou pa al dan bwat rouz nou, nou, nou enferyer.  Nou, nou pa pase VIP, malgre ki mon konnen ki nou pa servi  in any event. Nou napa drwa nou.  Nou dan en kategori apar.  E ler nou, nou pou vwayaze nou pou vwayaz parey dimoun ordiner e non pa parey sa ki nou ete.

E mon ti ava kontan Mr Speaker ki nou tir sa mantalite.  E ki nou regard byen dan lefitir kisisa ki nou Scheme i devret annan.  E mon pa pe koz zis lo Manm, mon pe koz osi pou nou support staff, ki parey in ganny dir set en support staff eksepsyonnel.  Si nou anvi atrakte dimoun pou vin travay dan sa lenstitisyon koman staff oubyen koman Manm, fodre nou met nou lo menm par ki lezot brans Gouvernman ki annan ki egal avek nou.

 

(APPLAUSE)

 

HON BERNARD GEORGES

Si ozordi nou vwar ki Onorab Basil Hoareau i nepli dan sa Lasanble, i annan en parti pou fer avek sa.  Akoz in konnen ki letan i pe pase isi, e ki i ti a kapab pe gannyen dan son profesyon.

Alor Mr Speaker ozordi mon pran laparol pou demann ou antan ki Speaker.  Sa i pa pou vin pou nou sa s6enm Lasanble me at least hopefully 7enm Lasanble ler zot a vini zot ava kapab rantre lo en kad ki pou ki  pou apropriye.  Lo en nivo ki apropriye.   Mon ava demann ou silvouple akoz si nou pa demann Finans zot pa pou donn nou.   Sa i kler, alor mon pe demann ou silvouple ou avek Madanm Clerk ler zot al negosye al lager for pou ki Manm Lasanble avek staff Lasanble i kapab ganny en reminerasyon ek en kondisyon ki nou merite.  Mersi Mr Chair.

 

(APPLAUSE)

 

MR SPEAKER

Mersi Onorab Georges pou sa komanter food for thoughts.  E nou ava regarde ki mannyer nou pou kapab deal avek sa.  Me mon kontan ou’n lev sa.  I pa premye fwa ki sa in ganny leve.  Mon pe regard Onorab De Commarmond si – mon ti pe fer li siny pou petet dir 2 pti mo pou back ou up.  Me i pa’n catch mon lizye – mon regar, akoz li osi i e dimoun ki’n demande ki nou met sa lo latab, e nou konmans en   dyalog ant tou  lede kote e osi tou avek Minister Finans.

Food for thoughts e nou ava take it onboard.   Thank you.   Bon nou’n ariv moman pou nou pran en desizyon pou Bidze pou Lasanble Nasyonal pou 2020.  Bidze ki trouve lo paz 214  ziska 221,  pou en sonm R43,012milyon.  E ki form par sa schedule.  Mon ava demann tou Manm  ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  Mon’n rikord 26 Manm ki’n vot an faver e personn kont.  Mersi.

 

MR SPEAKER

Mersi  Madanm Deputy Clerk.  Savedir Bidze pou  Lasanble Nasyonal pou lannen 2020  in  ganny aprouve par Lasanble.

Bon zis avan mon nou adjourn pou nou repran apre midi.   Mon ti a kontan rekonnet viziter dan Galeri, sa se enn mon koleg lekol ki nou’n lekol ansanm nou’n fer en parkour ansanm Ms Denise Johnstone.  E a sa moman la i pe rezid L’Etat Unis.  I isi pou en vakans.  Welcome Ms Johnstone e apre nou ava ganny en pti lantretyen e byensir i annan lezot Manm osi tou ki ou  byen avek ou ti kapab profite pou dir en pti i bonzour.

Mon ti a kontan remersi panel, Madanm Clerk, DG Mr Hermitte, Mrs Thelermont Senior Accountant and Ms Quatre Human Resources.  E byensir  PS Thesee, Ms Tamatave e Ms Nellie Coopoosamy.  E parey mon ti’n anonse bomaten nou repran nou travay 3. 30.

 

(BREAK)

 

 

SEYCHELLES MEDIA COMMISSION

 

 

MR SPEAKER

Bonn apre midi tou bann Manm Onorab e tou bann dimoun ki pe swiv travay Lasanble Nasyonal. Premyerman mon ti ava kontan prezant en lekskiz pou sa pti retar ki nou’n gannyen.   Nou ti’n dir nou ti pou komans 3.30 me nou’n ganny en pti delay ankor.   Mon prezan en leskiz osi avwe PS e son delegasyon.   Bon nou ava fer antre delegasyon Seychelles Media Commission  pou nou komans nou travay.   PS zis donn nou gidans lo ki paz budget?

 

PS DAMIEN THESEE

Mersi Mr Chair.  Seychelles Media Commission i trouve lo paz 246 pou en sonm R2.986milyon. Mersi.

 

MR SPEAKER

Mersi PS.  Bon mon ti a kontan dir bonn apre midi e welcome Mr Ibrahim Afif ki CEO pou Seychelles Media Commission.  E Mr Afif i ganny akonpannyen par the Media Secretary Ms Tessa Henderson.   Bonn apre midi welcome to the parmi nou dan Lasanble.

Nou pou pran entervansyon lo Bidze pou Seychelles Media Commission okenn Manm ki  pare pou entervenir?  Onorab Sebastien Pillay.

 

 

HON SEBASTIEN PILLAY

Mersi Mr Chairman.  Mr Chairman, ki mon ti a kontan demann Media Commission, lannen ale e lannen vini nou vwar ki zot Bidze pa vreman ogmante vizavi petet zot fonksyon.

E prezan bann sanzman ki pe arive dan lafason ki dimoun i ganny lenformasyon ozordi.  Eski zot pou reste tradisyonnelman  en Komisyon ki pe deal avek medya dan son laform tradisyonnel?  Oubyen eski zot pe rod lezot fason pou zot regard lezot sours medya; par egzanp ozordi kot nou servi  i annan bann social  media platform, eski zot pou osi pe regard dan sa kote?   E eski dan sa Bidze i permet zot pou kapab entame bann si oule bann  travay pou revwar bann protokol oubyen lafason nou e deal avek medya li menm Sesel?  Mersi.

 

MR SPEAKER

Mersi Onorab.  Mon a donn laparol Mr Ibrahim Afif.  CEO.  Mr Afif. 

 

CEO MR IBRAHIM AFIF

Mr Chairman, bann Manm Onorab, mes dames et messieurs;- sa kestyon Onorab i enteresan.  Ziska prezan Komisyon Medya son Board in reste restrikte li lo medya  tradisyonnel.  Setadir prep media e broadcast media

E nou santi ki nou bann koleg dan zot pei pa ankor arive tackle sa problenm social  media.  And nou santi nou bezwen deal avek sa medya ki nou annan la konmela, apre pli tar si nou annan sa resours pou nou kontinyen.

Ou’n demande resours ki nou annan;- parey zot a remarke nou  Bidze pou sa lannen i mwens ki lannen pase.  Ok?  Nou pa’n fer tro tapaz akoz nou konnen petet i annan bann priyorite Nasyonal, e nou osi nou  santi poudir nou ankor bokou pou fer pou nou amelyor lafason ki nou sirvey bann medya ki annan konmela.

Sirtou nou gran swe se ki pou annan en sistenm kot nou kapab rikord tou bann  medya.  Sirtou konmela i annan radyo bann servis radyo.  Nou’n miltipliye;- televizyon osi nou’n miltipliye.   E nou pa kapab tou lazournen al demann diferan  media house donn nou kopi  bann keksoz ki’n broadcast.  

I annan teknolozi  konmela kot nou kapab aste en masin ki nou kapab rikord zot tou.  E nou, nou kapab verifye nenport ki moman en    partikilye pou nou gete kwa ki’n ganny dir ladan. Akoz souvandfwa nou ganny demande par dimoun pa an ekrir;- laplipar di tan bann konplent konmela i vini par telefonn.  Zot telefonn ou zot dir ou pou dir entel in dir en tel zafer lo  tel radyo.  Me nou osi i menm mon i pa i  enposib pou nou pe ekout tou stasyon, ok?  

        Alor nou, nou bezwen fer fason pou nou arive rezourd sa problenm.  Avan nou tackle bann keksoz pli difisil.

 

MR SPEAKER

Mersi CEO.   Onorab Pillay.

 

HON SEBASTIEN PILLAY

Mersi Mr Chair.  Mr Chair zis mon ava mon ava fer en pti en pti presizyon.   Ler CEO in dir problenm social media, i pa’n mean social  media i en problenm.   Sa ki  in  mean se ki pou medya li menm i en Komisyon i en issue pou zot kapab manage social  media.  I pa neseserman mean ki social media i en problenm.  That’s  what you meant mon krwar, se sa ki ou ti pe dir.  Me mon kontan ou’n koz lo sa size recording, bann keksoz ki ganny dir ki mannyer ou tackle sa bann konplent ler i vini.

Depi zot kreasyon i annan en kantite evolisyon,   dan lafason ki medya i ganny broadcast.  E sa ki  mon  ti le konnen akoz sa ki mon konsernen avek se lefe ki,  si  ou pa pe ganny sa kalite larzan ou osi pou kapab vin  innovative,  pou ou kapab put in place bann striktir en pe pli inovatif.   I pou difisil pou ou kapab fer li.

Mon apresye byen sa komanter ki  ou’n dir ki i annan bann lezot priyorite.  Me sa osi i en priyorite akoz dissémination lenformasyon i osi enportan.  E nou konnen i annan Departman Lenformasyon ki li ki annan en rol p ou li zwe vizavi dissémine sa lenformasyon.   Me si oule Media Commission i la osi pou asire ki sa i ganny fer dan en  striktir dan en kad,  ki toultan respekte bann si oule  bann baz, ki’n ganny etablir ki zot pa profesyonnel dan medya zot konn tre byen.

        So ki dan lefitir ki ou plan konmsi pou regard sa?   What are your short term objectives par egzanp pou entrodwir bann nouvo inovasyon ki pe ganny entrodwir – bann nouvo keksoz pe fer dan short term la?

Akoz sa ki  mon  santi petet i  manke se, par egzanp i mank en pe plis par egzanp investigative journalism.  Ki mannyer pou ankouraz bann media  houses pou konmans fer en pe plis investigative journalism pran en size pa tret li zis lo sa face value ki  ou gannyen me pou investigate, fer bann analiz lo  tou sa.

So mon konnen sa petet i pa neseserman tipikman zot rol.  Me petet zot kapab etablir bann broad guidelines.  Dan ki mannyer sa i kapab ganny fer, pou ankouraz bann media houses pou zot behave  as such?  

        So eski i annan  zot annan plan pou zot fer sa?   E mon konnen ou en dimoun tre eksperyanse dan sa domenn.  E ou,  ou’n vwar  sa revolisyon dan tou son assets so, pou ou menm ou personnelman mon pa le demann en lopinyon,   me ki mannyer ou vwar medya pe involve dan Sesel zis i la petet ankor 10an e ki rol Media Commission ladan?  Mersi Mr Chairman.

 

MR SPEAKER

Mersi Onorab.  CEO.

 

CEO MR IBRAHIM AFIF

Mersi Mr Speaker.  Annefe Komisyon Medya in konmans en survey pou get  an kapasite,  nou’n fer deza sa lannen en survey  pou get bann kapasite zournalis ki nou annan isi Sesel.

En problenm ki nou annan, se ki i annan bokou  training ki’n ganny donnen.  Me parey dan bokou lezot profesyon dimoun ki’n train ki’n ganny kalite dan medya zot sorti dan sa sekter, i al lo en lot sekter.  Ki fer ki tou lazournen nou pe fer fas avek lezot sityasyon kot napa dimoun ase konpetan, kalifye, kalib, pou fer sa kalite louvraz.

Ou’n mansyonn sa zafer investigative journalism.  Me i pa nou rol.  Nou pa vwar li koman  nou rol pou enpoz lo okenn keksoz.  Se bann media houses ki sipoze antre zot montre ki zot pou fer investigative journalism e les piblik vwar pou dir zot kalite reportaz, zot kalite travay i alaoter ki  demande dan zournalis.

Nou, nou rol prensipalman i pou veye pou dir ki zot pa deborde;- zot pa infringe bann Laws ki annan.  E se sa ki zot respekte sa Kod Kondwit ki nou annan.   Sa se nou rol.  Nou pa la pou al dir zot pou dir frer entel progranm fer tel progranm i pa nou rol sa.  Nou pa santi nou, nou  Act i pa dan nou sa pouvwar.  E menm  pou nou akt definir ki kalite medya ki nou monitor.  Vwala.

 

MR SPEAKER

Mersi CEO.  Onorab Gervais Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Mon premye kestyon Mr Chair, i annan pou fer avek bann, bann target ouswa bann priyorite stratezi Media Commission apartir lannen prosen ziska 2022.

Zot in koz lo akreditasyon zournalis.  Donk mon anvi konnen ki mekanizm ki zot pou servi?   E ki provizyon Bidze si i annan spesifikman pou lannen prosen, pou ede demar sa prosesis premye akreditasyon zournalis?

Dezyenmman, zot koz lo training e zot dir training dan bann areas ki i annan en irzans pou bann media practitioners ganny training ladan.

E target 2019 ti enn lannen prosen i zis 2.   So mon anvi konnen lekel par egzanp sa lannen lekel sa area  e lannen prosen lekel sa de area ki zot pe mazinen.  2 ?

Trwazyenm i dernyen, i annan sa propozisyon pou anmenn reform dan Lawa ki  ouver diformasyon.  En size ki mon annan  lentere partikilye ladan Mr Chair.  Parske mon propriyeter e editer en zournal.  So i enteres mwan en kantite.

Sa lannen anfet i fer 28an depi ki ti annan VENDO Declaration ki ti pe ankouraz bann pei Africain ki ti pe transform zot sistenm politik pou vin miltiparti.   Pou zot reform sa Lalwa ki i en  Lalwa lepok  kolonyal.

Donk dan konteks Sesel  mon anvi konnen kwa  ki’n anpes   Media Commission pouse pou sa en pe pli boner, ki kapab  konvenk mwan  alor  pou dir Bidze ki nou pe al donn zot la i pou permet zot achieve sa, avan 2022 parey zot in met l i dan zot ‘’priyorite stratezik.’’  Mersi bokou.

 

MR SPEAKER

Mersi Onorab Henrie.   CEO Afif.

 

CEO MR IBRAHIM AFIF

Mersi bokou premye kestyon accreditation of journalist.  Sa se en tel size ki nou’n diskite o nivo  Konsey Medya.  E nou nou’n santi nou’n ganny konsey osi  i pa merit nou rol pou pran sa.  Sa i merit rol si ou anvi Departman Lenformasyon.   I pa Departman Media Commission akoz Media Commission i veye.  Ou pa kapab judge and jury at the same time.  Alor  nou, nou anvi evite pou pran sa  responsabilite pou accreditation.

2enm  kestyon lo training;- ki lot training ki nou pe anvizaze?  Nou annan eleksyon ki pe vini lannen prosenn.  E nou deza an kontak  avek Electoral Commission.  Nou’n  briyevman diskite nou pe fer plan, nou’n pran kontak avek serten dimoun  ki kapab vin donn nou sa formasyon ki mannyer pou gouvern eleksyon, eksetera.  Akoz zanmen nou’n fer sa. We have done it ear so to   speak.  E la nou anvi fer li byen.  Nou espere premye lanmwatye lannen oubyen premye kar lannen nou pou fer training pou eleksyon.

3enm  pwen;- wi sa i depan bokou lo mon krwar Biro Attorney Zeneral akoz nou nou’n deza demande ki sa Lalwa i ganny tire.  E repeal.   Sa Lalwa diformasyon i ganny repeal.  Me zis aprezan nou pa ankor tann nanryen pozitiv lo la.  E sa in ganny leve dan bann forum.  E menm kan nou ti annan en rankont avek Prezidan sa osi mon krwar byen ti ganny leve sa kestyon.

 

MR SPEAKER

Mersi CEO.  Onorab Henrie.

 

HON GERVAIS HENRIE

Mersi Mr Chair.  Donk si mon konpran savedir akreditasyon pa zot ki pou fer?  Then probableman sa i merit ganny sorti dan zot enn konman zot bann stratezi priyoriter pou 2020-2022 i merit sorti.

Secondly  mon vwar pou dir zot mon pe sey rod  li la;- konmsi larzan pou training pou zot in redwir konpare avek sa lannen  la;- 125mil mon krwar zot ti gannyen pou sa lannen  me lannen prosen pe desann zis 50mil.  Donk ki  mannyer sa i pou kapab ed zot avek sa training lo  eleksyon?  Akoz mon mazinen partikilyerman probableman zot pou ganny en dimoun from overseas. 

E lot i pa en kestyon Mr Speaker petet i en sizesyon.  Konman Komite Medya Kiltir, e lefet ki nou annan rol Lezislasyon, nou Komite i enterese pou fer serten travay avek Komisyon sirtou an relasyon avek revizyon bann Lalwa.  Me sa  i ava en keksoz  ki nou ava diskite dan nouvo lannen.  Solman sa  nou enterese pou come up avek en proze konzwent avek Komisyon  lo la.   Mersi.

 

MR SPEAKER

Mersi Onorab.

 

CEO MR IBRAHIM AFIF

Mersi bokou.  Annefe nou dernyen sizesyon ki nou welcome.  Akoz nou anvi partner avek nenport dimoun, parey mon’n koz avek Electoral Commission,  medya avek eleksyon i al ansanm.  E i annan bokou issues ki leve.  Dernyen fwa parey zot rapel ti annan en meeting avek Electoral Commission avek bann media houses.  Malerezman Media Commission pa ti ganny envite.  E i fer en 2enm fwa ki sa in arive.  Premye fwa i ti ariv avan e mon ti demande, silvouple fer nou konnen e ankor kekpar in annan en miscommunication nou pa’n ganny advised.  

        La annefe akoz mon ti telefonn Electoral Commission, ozordi menm bomaten,  pou dir mon asire sa pou monte ki mannyer nou pa ti la.  E in donn mwan en lasirans ki i pou fer sir.  Li in dir pou dir i ti fer sir demann son Sekretarya pou kontakte nou pou fer nou vini, me somehow the communication never reached us.  We checked all our emails we have nothing.  But we hope there will  be an improvement in  because we need to be talking to each other. 

        Lo kestyon funding for training ok, souvan nou rod lasistans UNESCO oubyen en lot lorganizasyon e deza nou annan en larzan in Suspense Account ki nou kapab resort to.  So nou pa demande dan Bidze si nou annan en lot sours kot nou pou ganny sa larzan.  Mersi.

 

MR SPEAKER

Mersi CEO.  Onorab Egbert Aglae.

 

HON EGBERT AGLAE

Bonn apre midi Mr Chair.  Bonn apre midi CEO PS ek ou delegasyon.   Premye kestyon;- mon pe vwar pou dir dan ou medya achievement ou’n fer resorti ki nou’n kapab review sa Media Commission Act.  Me selman dan ou ki ou’n fer resorti osi,  ki  ou bezwen annan en strong Commission Act,  eski ou pe dir nou pou dir sa existing Act i ankor annan defayans ladan?  Sa i enn.  Me ki ou pe sey fer pou ou amelyor li met li azour avek standar  ozordi?

Dezyenmman, konman en Commission e ozordi nou konnen pou dir medya sirtou medya sosyal,  i en lafors pou dimoun ganny lenformasyon be it bon ouswa move.

Alors mwan mon santi pou dir ki Media Commission i annan en rol lendikasyon i bezwen fer.  Alors premyerman ki zot pe sey fer an plis pou kapab endik sirtou pep, konsernan rol e servi  medya konman en zouti enformatik e pou lavansman lepanouisman zenerasyon li menm.

E dezyenmman, akoz ki parfwa nou tann bann diferan, keksoz ki pase ki konsern medya, ki swa dan en fason i pa tre pozitiv.  Me selman ou vwar poudir Media Commission li menm li, akoz dan ou manda ou mete poudir ou pe protez lentegrite anpes diskriminasyon, fairness dan li menm kot konsern medya.

Akoz zot pa sorti ennler osi pou pronons zot lekor lo serten fason fer, e etik ki parfwa nou vwar bann medya i tant pou al en pti pe an deor.  Akoz zot reste zot trankil akoz mwan mon pa’n zanmen vwar zot sorti pou pronons zot lekor lo okenn keksoz?  Mon ti a kontan konnen.   Mersi.

 

MR SPEAKER

Mersi Onorab. CEO.

 

CEO MR IBRAHIM AFIF

Mersi Mr Speaker.  i toutafe vre ki mon a fer tapaz bokou.  Nou les li travay en pe dan background parfwa.  Ennler ler ou sorti dan medya, ou fer en problenm vin si ou kapab fer li,  i vin pli grav ki i ete.  Mon a donn ou en legzanp ;-  petet zot in remarke tou dernyen omwen depi lannen pase ziska petet bomaten,  SBC ti’n aret zwe Lim Nasyonal lo radyo avek televizyon, ok? 

        Ler sa in arive nou, nou premye pa sete bon nou’n koz avek Departman Lenformasyon, Departman Lenformasyon in ekrir SBC, poudir eskize akoz zot pe aret Lim Nasyonal?  Nou pa vwar en rezon fer li.  E SBC in ganny larepons sorti kot Departman Lenformasyon ti ganny larepons sorti kot radyo ek televizyon, poudir zot pa kapab, zot napa letan eksetera, eksetera.

Bon si ou anvi mon ti a SBC pe vini apre e dir koumsa the National Anthem negatively impacts SBC scheduling.  And more importantly     devalues National Anthem itself.  The     adage familiarity breeds contempt could well    apply in both respects.  Alor zot ti pe dir nou pou dir pa bon zwe Lim Nasyonal tro souvan, fodre i dan bann lokazyon spesyal.  Ok, sa ti larepons SBC.  Departman Lenformasyon in pas sa kot nou – ok? 

        Nou, nou lapros sete ki al vwar SBC.  Nou ti al vwar SBC an Novanm lannen pase.  Konman Media Commission nou’n rankontre zot, nou’n koz ek zot, nou’n dir nou krwar  – apre ennler konmsi  ou  al  dir  zot ;- donn en lord !  I pa marse.  Mon leksperyans pou mwan i pli o koz avek en dimoun konvenk  sa dimoun, sanze.  I pa’n marse.  Nou’n ganny promet, ‘’nou pou get ladan.’’ Ok?   

E dernyerman mon krwar an Septanm, nou ti ekrir SBC.  E nou’n donn rezon akoz nou krwar Lim Nasyonal i enportan.  E sa ki mon kontan, se ki apepre en mwan pase, zot in komans zwe Lim Nasyonal lo radyo, dan bomaten.  E mon krwar bomaten, bomaten,  zot in konmans zwe Lim Nasyonal lo televizyon – ok?  keksoz ki zot ti pe reziste pou en rezon ki pa’n tro konpran, me i pe arive.

E sa i montre konmsi ler si nou ti vin public, apre nou dir nou condemn this with it this, ou konnen ou pou ofans dimoun.  E pou annan plis rezistans pou fer sa ki nou’n demande.

Alor sa en pe en legzanp bann keksoz koumsa.  Nou koz avek bann dimoun, nou kriy zot, nou koz avek dimoun – ok?  Ennler i marse.  Apre osi ou kestyon ou’n konmans avek si nou, nou napa ledan.  E mon kapab konpran akoz ki malgre ki nou’n demann Gouvernman pou ranforsi pouvwar Komisyon Medya, i pa ankor ganny fer.  Mon konpran largiman lot kote, se ki si ou fer li pou annan en serten lakizasyon konmkwa ki nou pe anvi sansir medya.  Nou anvi harass, medya.  Alor Gouvernman pa oule sa.  Konmsi i annan en bon  pe    ki pe harass on behalf  …         zot pa anvi fer sa.  Alors nou’n toultan esey go through the media   channel to resolve problem.   E i annan bann ptipti problenm ki nou’n rezourd.   I annan bann dimoun isi menm ki pou konnen poudir nou’n entervenir avek zot e zot in nobou tonm dakor avek nou.  E rezoud problenm san ki i vin     on air.

Petet ou annan rezon si petet nou fer tapaz osi i kapab en fason pou fer lezot dimoun konnen ‘’anr la i la  li, li i vin koze.’’  Me selman mon krwar Komisyon Medya  I  pran son konvenk       ki i fer tapaz.  E en bon fason pou rezourd problenm.

 

MR SPEAKER

Mersi CEO.  Onorab Aglae.

 

HON EGBERT AGLAE

Mersi CEO,  pou ou larepons.  CEO mwan mon krwar pou dir sa ki ou pe fer sorti i byen,   me selman mon krwar pou dir annan en stronger Media Commission avek sa leta ki nou ladan, i pou ede pou balans en pe, sa ki mon pe dir sa  freedom of expression kot i ava annan en konmansman ek en finisyon en limit dan fason fer.

E dezyenmman mon ti a kontan demann ou, eski zot annan en lyen avek Liniversite Sesel etandonnen ki nou pe vwar bokou bann zenn ki enterese pou zot zwenn medya pou konman en profesyon, eski zot annan en lyen pou travay avek Liniversite pou etablir en kour pou zot atak sa bann zenn pou kapab zwenn e fer zot fer en Degre ?  Mersi.

 

MR SPEAKER

Mersi Onorab. CEO.

 

 

CEO MR IBRAHIM AFIF

Mersi Mr Speaker.  Pa zis konman en lyen, nou’n deza annan plizyer meeting avek Liniversite Sesel, pou konmans en kour zournalis.  E sa kour ti’n ganny devlope, e si mon konmans dan lepase me selman ti napa ase dimoun enterese pou partisipe.  E mon krwar osi sa pri ki ti pe demande ti en pe tro o.  la prezan mon aprann poudir pri in desann in swete ki pou annan bokou plis zenn ki pou zwenn sa profesyon.

Sa ki enteresan ozordi, se ki parey mon’n dir oparavan,  i annan bokou dimoun ki’n ganny train.  Me sa bann dimoun ki’n ganny train ennler zot sorti dan field ki zot in train i al dan en lot field.   En field ki  mwan mon vwar byen drol,  i annan dimoun ki’n ganny train koman en zournalis, apre kot zot ale, vin PR.  PR is the opposite of journalism.  Ler ou PR ou al protez en lorganizasyon ou donn son limaz, eksetera, eksetera.  Zournalis i la pou al fournen.  Pou nou fer sorti bann keksoz.  Alors sa i de diferan drol, me malerezman ki arive se ki bann dimoun ki’n ganny formen konman zournalis, i end up avek lezot lorganizasyon, ki vwar bezwen annan dimoun avek skill kominikasyon ki antre avek zot.  Pa neseserman pou fer PR neseserman but skills kominikasyon.  Sa se en keksoz.

Alor pou reponn Media Commission avek Liniversite Sesel nou ti annan en joint Commission, si ou anvi pou etabli sa kour lekel bann size ki pou ganny entrodwir dan laklas.  E sa  in deza sa louvraz ki’ vini fer, solman i pa ankor konmanse pou mon krwar sa lannen Liniversite pou ouver sa kour. Mersi.

 

MR SPEAKER

Mersi CEO.  Onorab Flory Larue.

 

HON FLORY LARUE

Mersi Mr Chair.  Mr Chair mon ti a kontan demann CEO lo kote enn zot bann challenges i pou zot kapab monitor output bann various broadcasters e seeing – nou vwar ki i annan zournal ki annan nouvo stasyon radyo, i annan nouvo channel SBC ki  pe vini,   ki mannyer zot krwar zot pou kapab overcome sa?  Ki sa ki zot pou fer pou zot kapab overcome sa  challenge pou zot kapab monitor sa ki bann broadcasters pe output, lefe ki zot dir zot manda i ‘’to maintain  a high standard integrity and good taste.’’ Akoz i annan serten broadcasters ki pe servi langaz en pe endesan.  So ki zot pe fer pou sa?

Mon vwar zot website i pa updated, e mon konnen zot in  mete ki zot anvi finalise      MSC website so kan ki zot pou fer li?  Akoz this is en fason ki dimoun i kapab ganny lenformasyon pli vit avek zot.

E lo kote  zot paz facebook, mon vwar zot dernyen update i an Me 2019 e, eski i annan en  problenm ki zot pa kapab update sa?

Apre si zot ti kapab la ki zot in ganny sa platform si zot ti kapab dir piblik en pe kote zot ete si zot full-time, ki mannyer dimoun i kapab ganny akse avek zot?  Mersi.

 

CEO MR IBRAHIM AFIF

Mr Speaker, pou    sa kestyon mon krwar mon ti’n fer en referans o konmansman.   Nou anvi acquire en lekipman ki pou ed, nou anrezistre tou output tou radyo, tou televizyon dan en fason ki nou annan sa lo rikord nou kapab fer referans avek pou nou deal avek.   Sa i nou swe.   Toulezan nou met li dan Bidze,  i ganny tire par Minister Finans.  E nou pa ankor arive gannyen.  Me mon espere ki a lavenir Minister Finans osi  i ava konpran pou dir sa ki nou pe demande en demann lezitim ki fodre nou akorde.  Akoz i pou ed nou en kantite.

Lo kestyon langaz vilger.  I vre, ennler mon krwar petet mon en pe deborde, akoz ler mon tann lo radyo pe demann en pti deba, en pti kestyon phone call ki dir, ‘’Do you like to go out with married men or not married men?’’  Bann keksoz koumsa mwan dan mon liv its no!   Ok? 

Me selman en bann i dir ou pou dir sa i freedom of expression, ki ou pe enterfer ladan?  Ok?  Mwan mon krwar pou dir fodre set en     standar eksetera e nou’n koze avek sa bann dimoun ki fer sa kalite progranm.   Akoz nou krwar poudir i pa i pa donn en bon legzanp kiltir Seselwa.  Mon pa krwar poudir kiltir Seselwa i pou toler sa bann keksoz.  Petet lezot sosyete sa i kapab tolere.   Me mon krwar nou merit kantmenm sofgard en pti pe nou bann valer.

E an se ki konsern website eksetera;;-  ozordi mon krwar ti dernyen zour pou tender.  Sorry Vandredi dernyen zour tender nou’n tender out pou improve nou website.  E mon pa  konnen konbyen tenders ki’n antre.  I annan 5 ki’n antre nou’n evalye pou nou kapab devlop  sistenm fer li pli bon.    Akoz i donn en problenm ki nou bezwen arete.  E nou pe travay lo la.

 

MR SPEAKER

Mersi CEO.  Onorab Larue.

 

HON FLORY LARUE

Mersi Mr Chair.  Mersi CEO.  Me  i annan de kestyon ki ou pa’n reponn, facebook, zot dernyen pos i date le 22 Me.  Apre kote zot ete zot prezans, zot bann ler, ki mannyer dimoun i kapab kontakte zot lefe ki zot napa en website. 

        Me selman ou’n dir nou anba    lekipman ki’n met aside pou plizyer repriz par Minister Finans, si ou kapab dir nou apepre konbyen sa lekipman i koute, e kekfwa si PS ti kapab dir nou akoz sa i ganny retire?  Mersi.

 

MR SPEAKER

Mersi Onorab.  CEO. 

 

CEO MR IBRAHIM AFIF

Sa lekipman i apel en media logger – ok?  O depar sa ti tre o.  Ti pe kout anviron R400 mil.  Me ozordi sa pri pe desann, me selman nou bezwen get spesifikasyon ankor e nou swete ki nou kapab ganny li petet sa lannen ki pe vini nou a demann en donor pou asiste nou si i posib.  Sa se nou, nou apros li nou pa gannyen atraver Bidze.  E si fodre, nou ava rod en pti gin Bidze pou met ansanm avek sa ki donor pou donn nou pou nou kapab ganny  sa lekipman.

`

MR SPEAKER

Mersi CEO.  Ms Tessa.

 

MS TESSA HENDERSON

Mersi Mr Chair.  Ler nou ti pe pou nou design nou paz nou website nou sit web, nou ti  ganny kominikasyon avek DICT pou dir ou bezwen annan ou en Social  Media Policy an plas.   Ki fer ki nou’n pou nou pa met okenn keksoz lo nou paz facebook, ziska ler ki nou actually  drafte  en Polisi pou social  media ki gouvern tou lede website avek nou paz  facebook. 

        Now kot i konsern paz facebook, si ou pe annan ou en social media page, i bezwen annan lenteraksyon;- ou bezwen annan ou bann pos ki frekan.  Lo kote Media Commission nou pa neseserman annan en kantite aktivite per se parey serten bann lezot lorganizasyon i organize.

Alors i neseser ki nou’n met ansanm en Komite en Media subcommittee pou diskit en pti pe bann diferan  opsyon,  bann kalite lenformasyon ki nou mete, frekans ki nou met lo nou lo nou paz facebook.   Akoz avek en social media page, we can’t have it dormant;- met en lenformasyon zis once a week par egzanp.  E  i neseser ki annan lenteraksyon.  Alors nou’n deside pou dir be nou zis poz pou lemoman. Nou fini drafte sa policy ki anfet i ganny in ganny aprouve par the Media Subcommittee e  Board SMC   pou nou kapab tender nou pou nou website.   

        E nou bezwen rod fason osi pou nou marye lenformasyon ki nou met lo nou website ansanm avek nou paz facebook ki napa repetisyon.

Alors i en legzersis kontinyel.  Annefe nou annan nou bann portre bann aktivite resan,  ki dan bann semenn ki vini ou ava vwar lo nou paz facebook.  Me i enportan ki  nou ti met an plas sa Social Media Policy ki  ganny aprouve par nou par nou Board.  In another words nou ti pe run en  paz facebook san vreman annan en Polisi an plas.  Mersi.

 

MR SPEAKER

Mersi.

 

CEO MR IBRAHIM AFIF

Mersi Chairman.  Well en lot keksoz ki mon anvi fer resorti mon anvi ki  i pa nou misyon pou nou annan en  news page pou donn nouvel.   Nou krwar pou dir sa se responsabilite lezot media houses pou zot annan zot page update nouvel, nouvel  comme tel.    .

Byensir nouvel lo Komisyon li menm,  sa i pou napa parey in dir en kantite nou pou  kapab mete.  Bann desizyon ki nou pran ler  met en meeting eksetera.   Sa nou kapab fer li.

Me nou, nou  pa’n zanmen aim nou konmsi annan en news page ki pou donn tou nouvel.   Konmsi Media Commission is not a news outlet – ok?  Mersi.

 

MR SPEAKER

Mersi CEO.  Onorab Larue.

 

HON FLORY LARUE

Mersi Mr Chair.  Mr Chair si mon ti’n demann CEO pou si i kapab donn nou en pti pe breakdown, kote zot ete si zot  full-time?  Bann keksoz koumsa;- konmsi dimoun a kapab konnen.  Mon konpran  very well they don’t give out the news, ki zot pa fer medya.   Me selman lefe ki zot annan en kantite problenm, en kantite Lalwa zot anvi gete,  en kantite keksoz zot kapab met deor pou piblik kapab ganny en feedbcack.

        La parey Lim Nasyonal  mon pa ti konnen mwan.  E ti ava bon si zot ti ava’n konnen ki piblik i panse lo la.  pa neseserman ganny enfliyans-e par sa me en feedback sorti k ot piblik ti a kapab fer zot fonksyonn pli byen, e kapab devlop pli byen.   Kantmenm nou pe koz ou pe dir ou demode.  I pa neseserman.  Si sosyete ti reflekte ou panse,  ou ti a kapab fer en pli bon desizyon baze avek Lalwa e osi annan en pulse lo ki sosyete pe panse letan zot kapab kominike.  Si zot kapab dir nou en pe plis lo zot lekor.  Mersi.

 

MR SPEAKER

Mersi Onorab.

 

CEO MR IBRAHIM AFIF

Mr Chairman mon pran konsiderasyon bann komanter Onorab.  E nou pou fer sir ki nou pou esey enkorpor sa dan nou devlopman nou website.  Mersi.

 

MR SPEAKER

Mersi CEO.   Onorab Johan Loze.

 

HON JOHAN LOZE

Mersi Mr Speaker.  Bonn apre midi Mr Speaker, tou Manm koleg, Komisyon e tou dimoun a lekout.

Mr Speaker, mon kestyon i pran en pe kot pou Onorab Gervais Henrie in kite.  Mon anvi demann Komisyon, si zot ganny sipor finansyel, zot ganny tou sipor resours esansyelman an plas, eski zot ti pou kapab entame en refleksyon lo sa kestyon litigation an relasyon avek difamasyon, e ki de-koul from sa Lalwa difamasyon Sesel?

Nou konman en Nasyon nou pe konmans vin very litigious.  Zis nou pe anmenn bokou case Ankour.  Si zot ti kapab entame en refleksyon petet kot ti ava annan en way forward kot posibleman, dimoun ti ava plito antre an negosyasyon, find other avenues avan  ki nou esansyelman al met en case Ankour;- pourswiv kanmarad pou gro, gro sonm larzan ki i pa neseserman ankouraz linite dan fabrik en sosyete li menm.

So mon ti pe zis wonder si zot, zot ti kapab entame en refleksyon posibleman put up en paper ki Gouvernman ouswa Judiciary ti ava konsidere.  Mon pe dir sa pa akoz mon per case Ankour mwan.  In fact mon ale.  I annan cette apre midi la i annan en case frivolous kont mon ki’n ganny dismiss.  Selman prezan mon pe kalkil the greater good of nou sosyete li menm.  Mersi Mr Speaker.

 

MR SPEAKER

Mersi Onorab.  CEO.

 

CEO MR IBRAHIM AFIF

Mr Chairman, mersi bokou.  Rol met Komisyon Medya, dabor setup zisteman pou fer sir ki nou pa nou pa antre dan bann expensive court cases ki dimoun ordiner si i annan en problenm i pa bezwen anmenn en dimoun Ankour espere, lontan, eksetera.

Lord Komisyon i reste zisteman pou fer sir ki nou ouver fasilite, san en gran kou, pou nou kapab rezourd sa  bann problenm.  Mon dakor konmsi petet nou kapab  fer en ledikasyon.   Me selman mon krwar pou dir sa i pou nou kapab nou  menm nou ankouraz lezot media houses petet, pou debat sa bann kestyon.

Akoz nou menm nou, nou napa en fason fer li nou menm.   I kapab atraver bann radyo ki la,  televizyon, bann progranm diskisyon nou kapab demann zot antanm sa kalite diskisyon ki ou anvi.  Mersi.

 

MR SPEAKER

Mersi CEO.   Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker 2 pti kestyon lo Bidze pou Media Commission. 

        Mon ti a kontan anvi ki lannen prosenn  i en lannen eleksyon,  si CEO i dir nou ki in pran sa an kont?  E ki demann lo sipervizyon, lo verifikasyon bann mesaz i kapab en pe en pe ogmante.  Eski in pran an kont sa pou zot kapasite, pou zot pou zot kapab fer en good monitoring of the campaign lo son kote lo son kote lenformasyon?

E dezyenmman, mon ti a kontan demann avek CEO si vi  ki  zot Lalwa i osi da en serten fason lye avek serten lezot Lalwa    Licensing Authority.  Par egzanp zot, zot pe verifye i en zournal in byen – en radyo in piblir en keksoz ki korek, ki difamatwar oubyen ki whatever.

        Me selman eski zot annan posibilite pou zot egzize ki zot konnen ki sa zournal oubyen, sa radyo ki properly licensed, ou konnen?  Akoz mon pe demann sa akoz i, avek tou sa ban lannen i annan sistenm miltiparti i annan par egzanp i annan bann zournal ki’n konmanse apre ki’n zis disparet.   Me selman i reaparet oubyen parti politik i disparet, i  reaparet i sanz son non -. I konmsi, how ki mannyer zot, zot annan sa posibilite pou zot link up, pou zot fer sir ki sa ki zot pe sipervize i an realite en antite legal  ki  annan drwa fer sa travay lenformasyon?   Mersi.

 

MR SPEAKER

Mersi Onorab.  CEO. 

 

CEO MR IBRAHIM AFIF

Mersi Mr Speaker.  Mersi Onorab.  Sa dernyen kestyon ki ou’n demande zafer si nou annan en rol dan Lalwa lekel ki ganny license, eksetera?

Annefe lafason ki marse konmela se ki en dimoun ki anvi invest dan en media, dan en newspaper, oubyen i bezwen demann SIB mon krwar premye.  E SIB i anvoy sa laplikasyon partou kote, enkli kot nou Media Commission. 

        E nou, nou demande me lekel ki pou travay laba;- ki bann kalifikasyon ki zot annan  eksetera, eksetera.  Zeneralman napa en n ki nou’n dir non, ziska prezan.  Me problenm i arive se ki si e media house i pa obeir sa bann kondisyon,  lekel ki pou ferm li?  Media Commission napa sa pouvwar – ok.

        Licensing petet i annan pouvwar.  Me selman li pou dir ou, ou konnen li i donn license i depan lo lezot dimoun sa, alor i annan n konplikasyon la ki nou bezwen rezourd – ok. 

E konmela i annan serten zournalis ki konn, konn lavantaz sa sityasyon.  E i konnen i pou difisil pou atrape, lafason ki i Lalwa i ete konmela.   Alor ou kapab servi serten fraz ki en lot fason pou dir ou en voler, me san dir ou en voler.   Ou fer kontour me selman en dimoun ki entelizan i ekoute i konnen pou dir sa ki  ou’n dir.  Me selman ou pa kapab pin li down. 

        And we met with Licensing to try under resolve this issue.  But they said at that time there was a… en pti negosyasyon konsiltasyon pe vini avek en expert pou tir en pe Lalwa avek Licensing – responsabilite ki pou retourn kot par egzanp Media Commission pou regle tou keksoz ki konsern medya, en lot … ou konnen olye ki Licensing, is a one stop shop.  Alor this is work in progress.

        Monitoring elections;  Mon koleg mon rapel pou eleksyon Anse Boileau.  Par egzanp nou dir nou ti annan en pe monitoring nou menm pou gete si keksoz pe mars parey i merit marse  from the media point of view.  E ti ok.   Well we need more trained people, but we need to also team up with other players to be able to do that . Observers and support. 

 

MR SPEAKER

Mersi CEO.  Bon nou’n ariv moman pou nou pran  en desizyon lo Bidze pou Seychelles Media Commission ki trouve lo paz 246 ziska 248.  En sonm R2,986milyon e ki form par sa schedule.  Mon ava demann tou Manm ki an faver? okenn Manm ki kont?  Madanm Clerk.

 

MADAM CLERK

Mersi Mr Chair.  Mon’n rikord 26 Manm ki’n vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pou Seychelles Media Commission pou lannen 2020 in ganny aprouve par Lasanble Nasyonal.   Avek sa mon ti a kontan remersi CEO Mr Ibrahim Afif e Media Secretary Ms Tessa Anderson e nou ava eskiz zot parmi nou.  Mersi bokou

 

 

CEO MR IBRAHIM AFIF

Mersi Mr Speaker.  Mersi the House.  

 

( SEYCHELLES MEDIA COMMISSION DELEGATION WAS EXCUSED FROM THE HOUSE)

 

 

MR SPEAKER

Mon ava demann parliamentary reporter pou fer rantre delegasyon SBC. 

 

SEYCHELLES BROADCASTING CORPORATION

 

MR SPEAKER

PS ou ava gid Lasanble lo paz and the Budget amount.  

 

PS DAMIEN THESEE

Mersi Mr Chair.  SBC trouve lo paz 249 pou en sonm R261.767 milyon.  Mersi.

 

MR SPEAKER

Mersi PS.  Bonn mon ti a kontan dir bonn apre midi e welcome dan Lasanble Nasyonal, CEO pou SBC Mr Berard Dupres, son Financial Controller Ms  Denise Horace, e son Head of Human Resources and Administration Mrs Marie-Agnes Brioche.  CEO avek ou lekip welcome dan Lasanble Nasyonal.  Bon nou ava komans avek bann Manm pou entervenir mon ava donn ou laparol Onorab Phillip Arissol.

 

HON PHILLIP ARISSOL

Mersi Mr Chair.  Bonn apre midi panel SBC.  Eski panel i kapab dir sa Lasanble, kan ki SBC ti fer son dernyen revi lo Scheme of Service?  E kan anvizaze revwar sa Scheme?  Ki bann  kontrent ki SBC i gannyen pou fer bann prodiksyon lokal?  Mersi.

 

MR SPEAKER

Mersi Onorab Arissol.  CEO. 

 

CEO MR BERARD DUPRES

Mersi Mr Speaker.  Bonn apre midi Mr Speaker ek tou Manm Onorab, ek tou bann ki pe ekoute lo nou bann platform SBC. 

        Pou sa premye kestyon mon ava refer avek nou Head of Human Resources apre mon a come back to bann defi dan prodiksyon.  Mersi.

 

MR SPEAKER

Mersi CEO.  Mrs Brioche.

 

HEAD  HR & ADMIN MARIE-AGNES BRIOCHE

Mersi Mr Speaker.  pou reponn ou kestyon dernyen fwa ki nou ti revised nou Scheme of Service sa ti Oktob 2015.  Mersi.

 

MR SPEAKER

Mersi Mrs Brioche.  Onorab Phillip Arissol.

 

HON PHILLIP ARISSOL

Mersi Mr Chair.  Eski ou kapab dir nou kan zot ti pou espekte reviz sa Scheme of Service ?  Apre ki travay ki SBC pe fer osi pou upgrade son website ?

 

MR SPEAKER

Mersi Onorab.  Mrs Brioche.

 

HEAD  HR & ADMIN MARIE-AGNES BRIOCHE

Mersi Mr Speaker.   Depi lannen pase in en legzersis ki SBC ti anvi konmanse pou nou revwar bann Scheme of Service dan SBC.  I en legzersis ki nou’n eseye pou nou rod en konsiltan endepandan, pou fer sa legzersis pou nou pou li kapab benchmark avek bann lezot medya petet oubyen bann lezot lorganizasyon pou nou kapab regard nou saler ki nou pe pey nou bann dimoun.

I en keksoz ki nou le kontinyen avek.  Unfortunately nou pa’n kapab ganny laprouvasyon neseser pou nou kapab proceed avek sa legzersis.  I en keksoz i  nou pe seye ankor.  Nou ti a voudre ki akoz parey Minister Finans in deza dir dan lepase, at least tou le 5an en Scheme of Service devret pe ganny pe revwar.  So i nou lentansyon pou nou at least lannen prosenn nou’n kapab revwar nou Scheme of Service.  Mersi.

 

MR SPEAKER

Mersi Mrs Brioche.  Website CEO. 

 

CEO  MR BERARD DUPRES

Mersi pou ou kestyon Onorab.  Website i up to date.  As far nou konsernen nou’n fer en envestisman i annan plis ki 1an e i en modern website, konpare  ek sa ki ti ete avan.  Si Onorab i annan konsern avek kekfwa feedback ki nou’n kapab improve nou ti ava kontan gannyen.  Annefe si nou pe gete konman en broadcaster pou son website  avan, nou ti napa bann promos – what’s going on, what’s  on, bann ki montre nou konteni ki nou annan akoz se sa nou biznes.

Nou pe nou’n konmanse.  E parey ou pe sa, sa bon ki lo radio app  osi pou vwar nou pe promos nou bann konteni ki nou fer dan pozisyon ki  nou a reponn ou lo la en pe nou bann defi.  E byento  – tre byento pou annan en full levantay tou bann konteni ki SBC i  prodwir lo nou website osi konman en menu of nou bann keksoz ki nou fer.  Lo nou website i annan nou bann  schedules ki nou annan;- i annan nou bann dokiman statitwar ou kapab dir, SBC  Act, SBC strategic plan,  nou bann Polisi on airtime ek lezot dokiman ki up to date. So annefe mon pou  war nou ankouraze annefe mon a profite pou dir lo la i annan en fasilite pou fer konplent lo SBC.  I annan en lalis levantay ban konplent e i al dan diferan landrwa kot i devret pe ale.  So  that is an up- to-date website, i en website modern.

Lo kote bann defi prodiksyon i annan bokou.  Si oule increase prodiksyon i pa zis ki ou increase staff,  ou bezwen annan camera, ou bezwen annan lekipman pou ou kapab run-up bann progranm pou editors, pou kapab met progranm ansanm.

SBC pou lemoman i annan en backlog, bann keksoz ki’n al an deor sirtou outside broadcast, pou li kapab bring in to edit e met back o air pou sa rezon fodre  sourcing.   Nou annan defi teknolozik, nou’n bouz SD nou pe al HD, me nou sistenm computer ki fer graphics parey Onorab i okouran nou’n improve sa enn.  Me pou lezot ki  fer bann editing ankor en pe    e nou pe sey annan limit ki resours i permet nou envestir ladan pou donn sa bann sipor nou bann travayer ki dan  prodiksyon pou fer bann progranm de kalite.

 

Me i annan ankor ki nou’n vin avek sa lannen i ankor ki nou pou vin avek lannen prosenn.  Mersi Onorab.

 

MR SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chair, bonn .apre midi.  Bonn apre midi tou bann staff SBC  ki la.   Mon ti a kontan demann CEO, enn bann target ki SBC i annan se pou prezant en unbiased picture of the news da lepase?

Eski si ou resanti pou dir eski in annan okenn konplent ki SBC pa reprezant unbiased of the news?  Resaman nou’n vwar mon konnen personnelman zot in refiz-e par egzanp pas press release sorti kot, kot Parti United Seychelles.  So petet mon ti a kontan konnen ki mannyer zot ziz ki kalite zizman zot servi pou donn content ?   Eski dan Bidze ki zot in gannyen pandan sa lannen zot pe travay towards improving, zot bann sistenm lentegrite ki zot annan within SBC?  E si sa i nouvo lapros ki zot pe pran avek sa nouvo Bidze pou zot vin en media house ki pli ki pli open, e ki pli balanse dan lafason ki zot prezant zot bann progranm?

Akoz en lobzervasyon ki mon’n fer par egzanp si SBC i anmenn en raportaz lo en size;- par egzanp lo en progranm Gouvernman, sa ki mon vwar – se ki mon vwar tou kou sa dimoun ki pe kritik sa progranm Gouvernman.  Mon pa vwar personnelman petet ou a koriz mwan si mon mal.  It could be I am wrong.  Mon pa vwar sa lot dimoun ki li pe vin koz, pou eksplik sa progranm.

So vi ki ou rol se donn se donn se donn lenformasyon lo sa ki pe pase, eski ou pa krwar pou dir the best approach ti pou devret anmenn tou lede group anndan;- swa fer panel  discussion, parey bann lezot media houses nou vwar otour lemonn i fer?

So given ki nou pe donn ou en Bidze sa lannen, eski ou Board oubyen SBC in konsider revwar lapros sirtou dan     konzanktir politik ki nou trouv nou ozordi oubyen dan konzanktir ti sosyal trouve ozordi, pou revwar lapros lafason ki zot ki zot pe travay e pe prezant bann keksoz ki pe pase?  Kot zis par egzanp sa size pa zwe Lim Nasyonal dan bomaten nou fek tande la.  Akoz sa i pou demean Lim Nasyonal.  Mon pa konnen si sa desizyon Board SBC.  Me mon vwar li en pti pe drol kan nou, nou pe travay pou promot civic education e Lasanble Nasyonal i zwe Lim Nasyonal tou le bomaten avan nou konmans nou sesyon.

Mon krwar i enportan pou remind, remind lazenes Seselwa, e pou Seselwa an zeneral, ki sa se nou Lim Nasyonal.  So petet eksplik nou en pti pe ki bann sanzman ki pe arive dan SBC ki pe fer li vin en media house pli modern  ouswa  pli balanse?  Mersi Mr Chair.

 

MR SPEAKER

Mersi Onorab.  CEO.

 

CEO MR BERARD DUPRES

Mersi Onorab pou ou kestyon.  I pa premye fwa e mon pe prezimen i pa pou dernyen fwa osi ki SBC like i ganny akize, about bias.  Mon  kestyon se bias anver ki?  Ler nou ganny kritik sorti par egzanp kote isi ki nou pe kasyet lenformasyon apartir konsernan;- par egzanp si ou ti anmenn reconciliation partou mon ganny kritike ki nou pe sey kasyet dan sa konteks.

Ler nou lo sa bout progranm pou kritik progranm ki Gouvernman e an zeneral in term of bias  ki SBC swadizan i annan sa mon pa pou entertain akoz mon pa vwar mon pa en napa okenn institutional bias dan SBC. 

Si mon kapab vin lo sa de legzanp akoz nou bezwen servi legzanp pou sa bann persepsyon, bann summary konklizyon ki pe ganny pran.  Ou’n pran 2, ou’n met 2 legzanp Onorab. Enn  sa enn press release pou United Seychelles, apre  pa zwe Lim Nasyonal apre kritik Gouvernman.

Mon a konmans sa enn press release.   Mwan mon pa ti okouran until mon ti ganny met alert poudir ti annan en press release ki ti sorti kot US ki pa’n ganny fer.  E mon’n demann lesplikasyon.  Akoz mwan mon  on a day to day basis  mon pa enterfer dan Newsroom   e i pa devret mon job pou dir ki pou pase – ki pa pou pase, ki pou edit.  I annan en hierarchy of leadership e ladan i annan bann dimoun konpetan ki ti pe travay dan SBC bokou plis lannen – bokou lannen.  I annan en Chief Editor, par lao li i annan en Head of News, ‘’current affairs,’’ apre i annan en Deputy CEO.

        So si nou le fer kler ki mannyer keksoz i marse issues i vin kot mon pou deal avek.  Me lo nou tou lede basis nou pe rely lo sa bann profesyonnel pou fer sa desizyon.  So larepons pou sa US akoz i ganny mete konman en legzanp nou pe eksplik bias.

Avan mon al lo sa enn la zis mon anvi soz pou dir par egzanp, si ki SBC pe fer it’s allowing the journalist to  do their job as they are  supposed to be doing.  Parey zot sipoze fer.  Apre ki ti annan Budget speech, by Minister for Finance nou ti demann Leader Lopozisyon son reaksyon, i ti donn nou.  Nou ti demann Leader of Government Business kategorikman refiz-e pou interview ek SBC. 

        Nou, nou bezwen balanse nou.  Si ou, ou pa anvi or whoever pa anvi donn nou sa balans, nou pou raport sa ki nou gannyen,  pou nou sey li fer li still balanse.  Mon met sa konman en legzanp, as ki nou, nou pe strive apre menm stakeholder i dir ou pa bias.  Sa i pa premye legzanp.

2enm, lo kote press release – sa press release si mon ti kapab come back to, Head of News in donn mwan en lesplikasyon,  i dir mon sa press release is about keksoz ki’n pase dan Lasanble.  E si nou pran li nou pase ki’n deza pase pou US, around  sa desizyon on non-approval of DICTs Budget nou pe pran sa ki dan Lasanble, nou pe re anmenn li.  Demen LDS i annan drwa vini dir nou be la, la nou larepons pou sa press release. 

        Sa ki sorti dan Lasanble i vin lo platform, broadcast enternasyonal konman en tit for tat.  Onorab s i enn rezon nou pa’n pas sa.

Ti a bon, avan i vini fer sa bann kritik koumsa pou demann nou.  I byen ou’n demann mon la ozordi mon kapab reponn ou la.  Nou’n ganny nou press release sorti kot zot sa lannen, 11 oubyen 15.  Nou’n pas – mon’n demann lenformasyon nou pas 4 nou’n pas 11.  Mon pe rod statistik pou balans en pe pou konbyen pou LDS nou’n gannyen ki nou pa’n pase konbyen ki nou’n gannyen in pase.

Nou’n mete nou ‘’strategic plan’’ poudir, nou konvenki e nou garanti ek tou nou bann stakeholder poudir SBC son Board ek son management i anvi run an korporasyon National broadcaster, ki pa bias, objective and fair dan son reporting.  Kot i annan ka ki nou pa pe fer,  i pou ed nou pou nou ganny en konplent ki formel pou ed nou dan sa demars.

Lo kote Lim Nasyonal, i en legzanp kot parey Mr Afif earlier, en dyalog, ki’n fer nou ariv la pou nou kapab fer li pli byen ki nou ti pe fer li avan.  E sa i sa kalite kolaborasyon ki nou apresye pou nou kapab bouz keksoz devan.  Mersi Onorab.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mon apresye larepons CEO.  E mon remersi li pou sa larepons.  Me selman zis mon ava remind CEO ki mwan osi mon annan legzanp, kot ou’n pran, SBC in pran sa ki pas dan Lasanble ou’n pas raportaz lo la san ki ou’ n demann en lot kote son lopinyon.

Par egzanp ler Lopozisyon ti vot down Lalwa Referendum, ou ti  fer menm parey.  Ou ti vini ou ti interview Lopozisyon, me ou pa ti interview okenn lezot dimoun.

So si ou pe dir mon pou dir mwan  poudir i amann en    tit or tat savedir tit for tat i mars lo en kote.  Me en lot kote i pa marse.   So ou konpran? Se sa persepsyon ki mwan mon pe gannyen.  Ou’n servi legzanp  Truth and Reconciliation Commission, sa Komisyon i annan son manda, i annan son mandate li.

So si i annan son mandate e ou bezwen pas son progranm;- ou pas sa ki pase.  Si i annan sa keksoz ki sa Komisyon i dir ou pa pase ou bezwen swiv zot bann zot manda.   Akoz se zot ki deside kwa ki zot sa.  Akoz zot annan en manda anba Lalwa, e mwan mon respekte sa manda.

Me sa ki mwan mon ti pe vin kot ou avek se ki, si nou ti napa Media Commission dan sa lenstans kot ou pou’n aret zwe Lim Nasyonal.  E Onorab Larue taler i ti dir i pa’n personn pa’n konnen, Lasanble pa’n konnen Media Commission pa’n fer li –   mon’n konpran son pwen ki ti pe ki ti pe dir.  Me si ti napa Media Commission, SBC ti pou’n zis pran sa desizyon kategorikman e li i ti right dan son desizyon.

So sa ki mon pe met devan ou se ki nou pe donn ou en Bidze nou, nou pe donn ou en Bidze e nou pe met en sonm konsiderab pre egzanp the Board allowances bann Board members SBC.  E nou espekte poudir pa si keksoz  ki ti ganny fer dan en fason dan lepase, ki nou repet sa ki’n ganny fer dan  lepase.   Sa ki mwan mon pe dir se ki nou bezwen bouz devan.  E sa ki mon pe mazinen mon pe met devan CEO se ki vi ki nou annan en Bidze ki nou’n  mete la,  e nou anvi update SBC, mwan mon anvi.  Mon en dimoun ki pare pou siport SBC dan tou bann endeavors ki i fer akoz mon krwar i enportan.   SBC i annan en rol enportan pou li zwe.

So within sa Bidze ki nou’n gannyen la, e ki swiv laliny mon bann kestyon,  eski nou pe nou pe provide nou kantite pou nou donn training par egzanp dan plis dan investigative journalism, pou nou bann zournalis, pou zot kapab fer bann raportaz, dan diferan fason.  Zisteman parey ou’n dir sa bann zournalis travay.  E dan sa konteks nou ti a kontan petet nou klarifye.  Eski tou zournalis i annan drwa fer zot travay dan sa fason, oubyen zis serten zournalis ki annan drwa fer zot travay  dan sa fason?   Ou konnen i enportan pou nou klarifye sa bann persepsyon.  Mon pe donn ou loportinite ozordi pou ou pou eksplik sa.

Bann kestyon lo Scheme in monte mon pa pou repet sa bann kestyon ou’n deza reponn.   E mon asire bann lezot Manm pou raise sa bann size.

Me en dernyen pwen ki  mo ti a kontan petet ou klarifye pou mon CEO, SBC i zener en serten kantite reveni.  Eksplik nou en pti pe, akoz Bidze nou toultan koz lo larzan ki nou pe al donn SBC, me lo size sa reveni ki SBC i gannyen, kwa  ki zot pe fer sa reveni?  Ki plan ki zot annan pou zot envestir sa reveni.  Akoz par egzanp nou konnen poudir media house i en Grant  e menm son bann meb, son bann keksoz pe ganny kouver anba la.

So vi ki SBC i annan sa bann reveni, kwa ki zot pe envestir ladan?  Eski ou pe envestir dan retention staff sirtou bann staff ki en pe pli vye kot SBC?  Akoz la osi mon’n tann serten, serten konplent konmkwa bann staff ki en pe pli vye pe sorti, pe ganny dir arete.  Ou konpran?  I enportan ki nou klarifye sa bann persepsyon, akoz nou pe vot en Bidze pou en lenstitisyon ki ekstrememan enportan e ki mon apresye travay ki zot fer,  ki mon ti a kontan ki zot kapab fer sa travay dan tout laliberte.  Me avek resours ki zot bezwen pou zot kapab zot travay.  Mersi Mr Chairman.

 

MR SPEAKER

Mersi Onorab CEO.

 

CEO MR BERARD DUPRES

Mersi Mr Speaker.  Mersi Onorab.  In fact mon pa pran ou bann kestyon an lanvers  akoz  i pli    .   Lo kote retention ek staff been told to stop, arete;- sa mon pa okouran.  Mon pa vwar as far i am aware      SBC i bezwen tou staff ki kapab dan sa very – ou kapab dir lasesres zournalis ek tou bann kad ki nou bezwen pou run  en korporasyon.

In terms of retention nou pa kapab servi nou reveni pou fer retention.  Nou pou ganny problenm avek Minister Finans ,parey nou’n gannyen la sa lannen.   Nou’n seye;- nou’n pou vin avek devan zot avek en wages and salaries review 2.7 milyon additional expenditure pou 2019.  E ladan in mete i dir ‘’to cater for the deficits and the salary due to recruitment    outside of approved MBE.’’

        I pa zis sa, ladan dan sa 2.7milyon nou’n seye aziste saler according to the Scheme of Service ki egziste pou nou retain and bann staff or at least incentive a ed zot.  Nou bann staff ti pe travay avek en commuted overtime ki zot, zot  menm zot in dir i pa zistifye sa kantite hours ki zot pe fer.  Nou’n ale nou’n pran, dan nou revenue pou nou kapab sibvansyonn zot si zot travay 6enm ek 7enm zour – sa larzan incentives sa.   E ladan ki nou vwar ki sertennman i bezwen retourn dan Bidze anba Trezor ki saler i manage akoz i demen raporte pou sa, ki ganny  fer ki i sanble ler i ganny mete 2.7milyon ki nou’n  go above ki nou sipoze;- i pa zis pou additional staff sa, i pou incentivizes nou bann staff ki egziste osi.

Lo kote nou reveni;- par egzanp si ou pran sa legzanp 2. 7milyon ki  nou’n fer pou lo kote staffing ki nou’n servi sa lannen an ekstra.  Zis en legzanp pou Zwe De Zil.  Si ou ti i  ti ganny funded separeman,  konman en event ki happen toulezan ki pa pran nou staffing cost,  nou ti kapab annan en pti pe plis pou donn staff dan sa ki nou’n ganny allocate pou incentive kapab ed zot.  Sa i en legzanp.

Nou 15milyon in exhausted nou sorry nou revenue exhausted sa lannen.   In exhausted last year.  Akoz Bidze ki i ganny donnen pou SBC i annan en shortfall ladan.  Si ou pe gete lannen pase nou’n ganny nou zis mon krwar zis 2milyon pou fer   lo kote progranm.  Akoz larestan parey in mete dan nou strategic plan in al pou cater for lezot depans ki Zwe De Zil.  Akoz i vin dan ceiling tousala.  En sel ceiling 30milyon toulezan for the past 4 years lo kote ‘’goods and services’’ apepre 60milyon on  average pou staff, ki pa’n mont preski ditou eksepte pou cater for bann increases pou sa.

So sa 15 sa milyon nou pe sey toulezan in monte 12, 11, 12 sa lannen nou pe forecast 15milyon.   In  preski fini pou nou kapab meet en pe tou bann lezot keksoz ki  nou krwar nou bezwen pou nou kapab anmenn sa broadcaster en pe pli devan.

Nou pe aste nou 2 milyon PCs ek  par egzanp pou staff pou staff gannyen bann vye lekipman ki ti annan nou’n ganny soz avek     nou ti annan.

Par egzanp nou’n aste nou 4milyon  worth of    equipment pou Zwe De Zil, pou nou kapab fer multi different light an menm tan pou kapab annan camera ki kapab fer li   sa lekipman pou kapab fer li.   Tousala ek en lalis ankor i sorti dan revenue, ki nou, nou gannyen.

E i enportan pou dir ki Bidze parey i ete la is enough to sustain as is, pa inovasyon.   I annan en lalis si ou pou gete lo  paz mon krwar 250 dan sa – ve ki annan bann ‘’new spending initiatives’’ napa enn ki funded ladan sa lannen.  Napa enn.  Plito i annan en lot lalis pli gran ankor li osi i pa dan en funded ankor ladan.

E se sa enn bann rezon pou nou reveni.   Apre pou nou aste progranm  pou nou pey pou progranm pou konteni.  Sa   hope i reponn lo sa bout  pou konteni.    Lo Scheme of Service ou’n koze, mon mazinen mon pa’n reponn enn ou kestyon Onorab.  Mon apologise osi si ou ti kapab repete oubyen remind mwan?   Thank you. 

 

MR SPEAKER

Mersi CEO.  Yes Onorab Pillay.

 

HON SEBASTIEN PILLAY

Mersi Mr Chair for  your leniency.  E mon kestyon ti zis pe reflekte lo sa tit for tat ki ou’n dir nou, e ki kot nou, nou’n realize pou dir i annan sityasyon kot, ler par egzanp Lopozisyon ti vot kont Lalwa Referendum SBC li i ti vini i ti interview Lopozisyon, me i pa ti interview en lot kote.  Me ler en kote i annan son lopinyon,  en desizyon ki Lopozisyon in pran par egzanp lo vot down Bidze DICT, SBC pa’n pas sa press release.  So ou’n donn mwan mon osi mon pe donn ou bann legzanp, so ki pe fer ou vwar pou dir i annan en  climate ki egziste la, e i enportan ki SBC i do something about it to show, ki i annan en keksoz bezwen ganny fer.  Swa son persepsyon ki mal, swa persepsyon ki mal ouswa i annan bann keksoz ki pe pase ki pe fer dimoun kree sa bann persepsyon.  So i enportan.  Ou osi ou annan legzanp, mon osi mon annan legzanp.  Mersi Mr Chair.

 

MR SPEAKER

Mersi Onorab.

 

CEO MR BERARD DUPRES

Mersi Onorab pou sa.  Sa i pou ed en kantite dan prosesis pou nu vin en broadcaster ki enparsyal.     Ler nou ganny sa bann feedback dan en  fason     timely e formel,.  Sa ki  ou’n eksplik  mwan  la mon pa’n aware e nou’n investigate sak fwa nou ganny en konplent.  Sa enn ki mon’n gannyen – pa sorti kot zot direkteman lo kote sa press release mon’n demann en lesplikasyon mon’n gannyen.  Akoz i enportan ki nou balanse.  E fer keksoz dan en fason fer.

Ler ti annan en broadcast ki ti pase;- par egzanp zis pou donn en lot legzanp akoz mon osi pou pas pou Presidential 3an an lofis avek Mr Faure.  Nou ti ganny en kritik.  E mon pou servi li konman en legzanp ki mannyer mon war nou, nou dan milye.

Nou ti ganny demande an ekrir, par Parti LDS akoz nou bezwen pas sa progranm?  Akoz nou pas sa progranm?  Nou’n ekrir zot nou’n eksplik,  zot nou’n donn zot larepons akoz nou’n pas sa progranm.  Sa i ti en fason formel.  Mon pa konnen petet pa toutafe satisfe ek sa larepons. Me nou’M donn zot sa larepons.  E sa ki mwan mon ti vwar ki mannyer mon krwar dan mon pwennvi ki mannyer sa diskisyon i ti devret ganny arive,  ti  ler Electoral Commission ti zwenn avek bann parti politik.

E Onorab Gill ki pa la lo zot kote, ti lev sa pwen ankor.  Ti dir be  mwan mon demann mon lekor akoz ki ‘’SBC li i bezwen ganny peye pou pas en progranm lo Prezidan?’’

So la kot sa challenge i vini.  I annan en the ekstrenm –    enn – akoz nou bezwen pey ou pou pas en progranm lo Prezidans?  E lot i dir be akoz Prezidan i bezwen pran larzan Leta pou spend pas en progranm lo sa.

Nou, nou la nou’n pase. Nou’n pase dan kad en Polisi kler ki open ki transparan.  E se sa ki nou pe anmennen dan SBC pou nou kapab fer ki ler i annan sa bann challenge.  E mwan mon konnen pou kontinyen mont plis dan sa bann mwan e lannen ki pe vini, pou nou kapab reponn li dan en fason ki byen, ki formel.

E nou, nou ankouraze si i annan   – I napa   ki krwar ki nou pe mal fer lo kote bias enn ou lot, ekrir nou, nou a met an ekrir e apre a ganny en challenge.  Mersi.

 

MR SPEAKER

Mersi CEO.  Onorab Charles De Commarmond.

 

HON CHARLES DE COMMARMOND

Mersi Mr Chair.  Bonn apre midi  Mr Chair.  Bonn apre midi CEO ek ou delegasyon tou Manm Onorab, Minister Finans PS ek ou delegasyon e tou dimoun ki a lekout bonn apre midi.   Mr Chair,  dapre ti anvi ki CEO i eklersi nou i eksplik nou, nou Lasanble dapre sa Bidze ki plan training pou SBC train zot bann zournalis pou son target bias.  Par egzanp e mwan mon donn de legzanp  konkret;- par egzanp sa ki ou’n dir.  Apre speech Bidze par egzanp, SBC ti vin kot mwan pou demann mon en interview.  E mon dir zot wi, napa problenm mon pare pou donn en interview. 

        En pe letan apre zot re vin kot mon zournalis i dir mon sorry nou pa pou kapab fer interview akoz LOTO pa pe donn en interview.  Mon pe dir ou pou montre ou.  E prezan apre nou speech nou deliberasyon, zot vin kot mon pou en interview.  Mon dir zot be mon’n fek fer mon deliberasyon.    Mon krwar ladan menm ladan ou a fer ou interview.     Be zot in ale zot fer interview ek LOTO , mwan  i ok mon pa donnen akoz mon’n dir ou.  Be premye fwa ou letan, letan Minis in donn son speech akoz ou pa ti pas mon interview letan  mon ti pare pou fer, akoz pa ti fer ek mwan?  Mon  montre ou sa en legzanp.

Dezyenm legzanp konkret mon  montre ou.   Zour ti annan gro lapli lotrozour, la SBC i ale in interview en fanmir afekte.  Sa fanmir afekte i dir poudir wi personn pa’n vin kot nou, personn pa’n donn nou lasistans ensidswit.  SBC i pas sa.  Si ti en zournalis avek en lentelizans;- en zournalis ki annan en soz balanse, i ale i al get sa Lotorite i demande, I dir akoz ki ou pa’n vin kot sa fanmir ki’n ganny afekte.  E i dir personn pa’n vin kot li.  Konmsi ou ale ou tyeke.  Eski i vre ouswa sa fanmir pe donn ou en keksoz ki  pa korek?

E ler nou’n al tyeke, nou letan nou’n tann sa pase ou’n  war pou dir sa dimoun i demann nou leskiz i dir sorry i pa koumsa ki i ti pe dir sa zournalis.  Zis pou montre ou konkretman ki mannyer keksoz i ete.

Alors ankor enn fwa anba sa Bidze kwa ki eski sa larzan i ase premyerman pou fer ou training pou anpes sa bianess ?  E eski ki plan ou lorganizasyon pou fer sir ki bann training i alaoter e ki i a espektasyon lepep Seselwa?  Mersi bokou.

 

MR SPEAKER

Mersi Onorab De Commarmond.  CEO. 

 

CEO MR BERARD DUPRES

Mersi Onorab pou sa bann legzanp ankor   vreman oubyen si ti’n ganny formelman    pou kapab ganny investigate ladan.  E i annan en ta ka mon pa pe zis dir sa enn. I annan en ta ka kot nou ale nou demann Lotorite, pou donn zot pwennvi e zot refiz-e pou fer li dan en    timeline -ok.

        Si sa enn pa li si pa’n ganny demande,   Nou pou bezwen investigate akoz nou bezwen ganny demande.  I lozik i normal. It’s journalism fullstop.  So si pa’n ganny fer i byen in vin devan mwan.  Nou ti a kontan ganny bokou legzanp.  Mwan ki mon pou ankouraze.  Nou annan nou diferan fason ki sa bann konplent or  issues i kapab met devan pou ede bouz sa lorganizasyon, sa korperasyon devan.     Training i enn;-  Me training dan li menm i pa pou si i vre i annan bias ki mon parey nou pe koz    journalist, i pa pou   dir re tire neseserman.  I bezwen ki ou annan ou en striktir management ek gouvernans ki an plas ki  fer sir ki sa i retire.

Wi nou annan Bidze pou training.  Nou’n ganny en lasistans avek ANHRD me sa lannen nou  Bidze training  i bezwen ganny redwir akoz  nou ceiling ki nou’n gannyen in reste preski menm parey nou bezwen koup en kote pou donn lot.  Mon pa konnen si FC i kapab konfirmen. Konpare ek lannen pase mon krwar nou’n redwir  another four hundred thousand e en four hundred thousand i en kantite pou training.  

 

SBC i fer en kantite training nou ganny en ta lorganizasyon ki pare pou ed nou ki nou ladan ki pou ed nou lo k ote sa reporting bias investigative, journalism, eksetera.

So any led ki nou gannyen pou ede pou ranforsi nou kapasite nou apresye.  E nou pou kontinyen fer li.  Be legzanp lensidans of bias ler i ganny met devan nou formelman, i en gran led, pou ede pou improve nou organizasyon.  E sa ki mon pe demande ki’n ganny fer en fason en pe pli  formel, en pe pli timely, koumsa nou  kapab deal avek.  E zot annan en larepons tre konkret as the result of nou bann    investigation ki nou ferMersi.

 

MR SPEAKER

Mersi CEO.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair petet avek bann legzanp konkret ki ou’n donnen ki aksyon ki CEO pou mazinen al pran, pou kal rektifye sa bann keksoz anpes kontinyen arive?

E dezyenmman, konkretman ki son plan training?  Son term training petet pou met tou bann zournalis a laoter pou kapab konmsi mitigate e   anpes sa bann keksoz kontinyen arive.  Mersi.

 

MR SPEAKER

Mersi Onorab.  CEO. 

 

CEO MR BERARD DUPRES

Bon sak konplent ki vini formelman kot nou’n investigate.  E  sa enn la nou bezwen al fouy ladan.  E nou ava provide ou ek larepons ek bann konsernen i kapab gannyen.  Ler i ganny mete formelman.  Lo kote training, mon napa nou train plan.

 i annan en sesyon ki pe ganny plan to elevate the standard of  news avek nou zournalis, ki nou pe tou kou nou bouze, akoz nou pa kapab ganny zot tou ansanm akoz nou pe travay on a daily basis –   sa i par egzanp enn.  Me i annan en ta sa bann lenstitisyon ki ed nou.  Nou napa en lalis avek nou.  Be an zeneral osi.  Most  of nou bann zournalis in ganny train.  Sa zot training. 

E zot, zot bezwen aplik li.  E nou management si nou vwar poudir zot pa pe aplike, nou ava vini, nou ava demann zot kestyon accountable.  E the whole hierarchy of leadership.  Mersi.

 

MR SPEAKER

Mersi CEO.  Onorab Gervais Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Mr Chair lefet ki mon’n travay avek SBC pou 14an,  mon e zanmi SBC mon reste en zanmi en SBC e mon swiv en kantite bann progranm lo radyo e menm FM mon get televizyon.  E mon vwar  mwan poudir in annan en kantite amelyorasyon.  E mon felisit bann staff pou sa.  Enkli management ek Board.  Mon konsyan bann kontrent ki zot annan e nou, nou la konman en Lasanble pou ed zot ankor amelyor plis;- serten keksoz ki nou dir i pa neseserman ki nou pe kritike ou toler zot mon ava servi toler olye  siporte, i zis pou nou amelyore pou Sesel – pou Sesel.

Donk mon premye pwen i retourn lo pwen ki Onorab Arissol in leve lo kestyon Scheme of Service;-  sa enn ki  pli obor mwan.  Mon’n note ki Mrs Brioche in dir ki dernyen revizyon ti Oktob 2015.  Donk si nou pou tonm dakor lo 5an;-   Savedir apartir lannen prosen i bezwen annan en revizyon.

E sa ki mon ti ava dir zot,  petet pran konsiderasyon, i annan kestyon saler de-baz bann staff, vizavi reminerasyon, ki manm Board i gannyen.  E i annan en pe reminerasyon lo sa size.

An menm tan i annan bann staff ki travay en kantite dan SBC – long hours.  Zot pou la ziska 6er la.  Long  hours e weekend;- sa ki mon anvi dir se ki lakantite travay ki zot fer zot bezwen ganny peye ‘’equal work equal pay. Hmm.? 

        E apre i annan staff turnover dan SBC.  E ki suddenly prezan i annan  bann staff i vwar zot pe fer bann travay an  plis.  Kekfwa i en producer, prezan an menm tan i bezwen vin fer kontrol  – mon pa konnen mannyer i apele sa louvraz ki zot fer spesifikman.  Apre i bezwen al fer AOB.  So tousala zot duplication of work en sel travayer,  solman son saler i reste parey.   Ouswa bann dimoun ki zot Gratwite in due – tarde peye.

So tousala i fer annan i annan dimoun ki Gratwite in due depi Out par egzanp.  So pa ankor gannyen.  So tousala i tonm dan Scheme of Service mon anvi ki management i vin en pe pli atantif avek sa sityasyon.  Sa i mon premye pwen.

2enm pwen;- i en kestyon dyalog ek staff.  Vis-Prezidan i kontan dir nou, ‘’byen koze i fer byen konpran, mal koze i fer diskisyon.’’  Mon’n vwar zot ti’n konmans sa zafer parey en annual meeting ek staff.  i annan en manm staff ki lo Board.  Konmsi kit sa laport konversyon ouver.  Les staff konnen ki pe arive, e i ti pou redwir en kantite bann issues ki ariv kot nou pou nou leve vizavi SBC apre i ganny vwar konman lenterferans politik dan zot travay.  Mwan mon enkonfortab avek sa bann zafer koumsa.

E dernyen pwen, Mr Chair;-  se par lefe ki SBC i pli gro media house dan Sesel, e ozordi nou dan en krwaze semen pou sanz landscape media.          zis avan zot vini Media Commission ki ti la nou ti pe fer konversasyon avek zot.  En kantite keksoz ki nou anvi vwar nou bezwen SBC pou donn nou en koudmen.  So wi zot annan content pou fer, zot reste public broadcaster, zot annan en kantite responsabilite.  Me mon krwar zot osi zot annan en responsabilite egalman enportan, pou don en koudmen  bann lezot pti players, prive ou lot ,pou nou kapab pouse pou annan bann sanzman bann reform progresiv dan lendistri.

Akreditasyon zournalis; training ki zournalis i zwenn lasosyasyon, ki ava annan sa fraternite;- ki bann Lalwa ki pe anmar nou – difamasyon i ganny reform.  Zot bezwen vin en player osi aktiv, dan sa bann dyalog ki nou pe  fer.  So mon pa konnen sa i mon soumisyon.  Si zot ti ava annan komanter lo sa pwen dir en keksoz lo la.  Mersi bokou.

 

MR SPEAKER

Mersi Onorab.  CEO. 

 

CEO MR BERARD DUPRES

Mersi Onorab  pou ou kontribisyon.  Lo si mon ti kapab pran li an reverse la.     Being an acting player;- SBC, i sertennman even menm dan on Lalwa i mete, ou bezwen zwe en rol enportan dan development broadcasting. 

Me SBC si nou pran li perspektiv, i pe pas dan en tranzisyon li, i bezwen aranz son lakaz avan.  I bezwen met li annord.  Sa bann tirbilans ki ou pe koz  avek lo kot staffing i part of aranz sa lakaz li,  pou li kapab met li en pe pli bon pou li kapab kontribye better in the National discourse  parey ou pe dir Onorab.

In terms of sa bann kominikasyon dyalog avek staff; Onorab mon pou assert ki nou pe fer sa ki nou kapab, pou nou kapab engage e communicate avek staff.  Lannen pase ou pe demann menm kestyon around this issue, e mon oule donn detrwa legzanp, si ou permet mwan.  Nou annan nou en staff Newsletter letter ki nou issue regularly about tou desizyon Board, bann keksoz ki pertinan ek lezot lenformasyon pou pas avek staff. 

Mon zwenn diferan seksyon dan staff dan bann – olye fer bann gran staff meeting nou fer enn sa lannen nou ti anvi fer enn avan lannen fini, me loperasyon petet pa permet nou.   Ne nou annan  lentansyon fer staff meeting. General staff meeting.  Me nou fer avek seksyon.  E nou zwenn e nou ganny the feedback e nou pe fer li dan en fason feedback e nou pe fer dan en fason action based  on issues ki vini.

Staff representative i byen e pa nou ki ti’n mete sa.  Ti ganny endorse dan SBC Act 2017 e prensipalman rezon mon pe prezimen poudir ti annan deza avan, bann issue with representation of staff within zot lavwa, zot bann konsern before sa bann sanzman ki’n fer ki nou la ozordi.

So i pre egziste bann issues, around staffing.  E nou, nou’n ganny anploye on early basis to manage this.  E pou nou adrese.  Ankor parey zafer bias politik.  Parey ou’n dir Onorab ki i vin kot ou apre ki ou met la devan,  i ti pou very helpful,  si nou ti ganny li dan en fason timely poudir ou annan en problenm tel, tel la ki nou pa kapab donn ou en larepons, ki i ava ed ou dan ou fe oubyen ou persepsyon or pe donn nou  en pli bon apersi.  E pli enportan ki nou, nou pe fer oubyen non lo en size partikilye.

Scheme of Service;-  nou konmanse nou advert nou demann HR Consultant pou vini pou fer lannen pase sorry 2018 sa?  POU i dir nou non, retourn kot DPA.  I annan 1an.  Nou’n engage avek DPA pou fer en review.  Be la ziska konmela nou nowhere.  Ki nou pe fer.  Annefe i annan sa Board in deside pou dir be nou pou move avek ankor sa dan en fason sistematik.  Nou pou met ankor advert e sa voyaz nou pou dir   DPA eskize nou bezwen move avek sa.

E nou pe travay pou nou rode pou premyerman    nou saler fer revi nou Scheme of Service ki long overdue.  Me Scheme of Service overdue pa donn ou larzan.  Ou kapab fer tou ou Scheme of Service review;- nou bezwen a finansman, funding i vini par sa appropriation.  Avek sa ki Minister Finans i kapab donn nou.  Mon krwar nou bezwen fer kler sa.  I napa okenn – si nou ti annan e nou go beyond lo la avek sa extra ki nou’n vin demann zot dan Bidze adisyonnel sa lannen.

Nou seye, e mon koleg PS obor mon i ava dir nou kantite kominikasyon kantite almost   dir ou pa devret fer sa nou pa devret fer sa , nou pe seye.  Si la e mon oule fer kler ki nou logmantasyon lo Bidze, ki  nou’n gannyen parey in mete la,  i sanble i kapab donn en    reminerasyon ki kekfwa i pase i byen.  I annan 4.8milyon adisyonnel nou’n gannyen pou staffing,     pe vini.  Ki ava ede en ptigin – en ptigin.  E mon ava eksplik ou akoz i en ptigin.   I ankouraze i ede, me pa pase pou fund the Scheme of Service review sa.

Sa i la pou fund long service.  bann additional staff ki nou bezwen dan bann pos ki nou byen bezwen pou kapab moderniz nou pou kapab maintain en serten output. E bann alignment here and  there.  So pou nou kapab sustain ler nou’n fer sa legzersis pou ganny fer sa Scheme of Service, then the  money should come to then  feed into that Scheme of Service.  I hope sa mon krwar nou tou nou konpran.  I byen enportan pou manage espektasyon, pou dir en Scheme of Service otomatikman donn larzan and then of a sudden tou keksoz i pou sanze.  Nou pe seye nou, nou montre levidans ki nou pe seye pou nou aranze.  E nou pou kontinyen.

Parey mon’n dir lo kote long hours i pa zis bann staff ki la, la nou rekonnet e sa ki mon hope osi sa bann ki donn nou finansman e rekonnet, SBC i en lorganizasyon ki travay 24 lo 24.  Parey ou’n dir i annan staff ki travay 6 zour – par ler 7 zour.  E se sa ki nou’n fe ki nou dir be sa commuted overtime pa ase.

Nou bezwen donnen  en bor  tire kot nou kapab antre, rise anmennen, pou donn zot 6 days and 7 days working allowances.  Mon pe donn ou zis detrwa legzanp kot nou pe sey pou meet en pe sa bann konsern ki ou’n mete Onorab.  Me no funding pa permet nou pou fer li ki mannyer nou ti a anvi.  Mersi.

 

MR SPEAKER

Mersi CEO.  Onorab Henrie.

 

HON GERVAIS HENRIE

Mersi Mr Chair.  Parey mon’n dir mon reste en zanmi SBC e anfet then bann keksoz ki mon fer bokou staff i koz ek mon e zot,  letan zot lebra i tonbe, mon ankouraz zot pou dir get sa reste, akoz SBC i en lorganizasyon ki pou la pou lontan.  I annan prospect ou annan loportinite training, aprann diferan keksoz alor reste.  Dan sa bann e semenn mon’n koz amwen avek 4 tou staff ki zot in dir mon mersi pou konsey ki mon’n donn zot.

Prezan, mon bann kestyon zisteman sete pou ki management ek Board i konpran sa zot.  Zot annan en group dimoun ki, valer pou pei akoz louvraz ki zot fer konman public broadcaster.  So mon pledwari avek zot, se ki zot vin pli atantif avek lemosyon sa bann dimoun.  Wi i pa fasil. E kekfwa enn bann zot target reveni, fer konmsi travay konman en tim ogmant reveni.  E lefe ki zot in tir sa commuted overtime, demann Minister Finans pou dir be kantmenm en pti poursantaz dan sa reveni zot ava partaz li konman en bonus.  I ava vin en incentives pou sa bann dimoun mon personnelman mon napa difikilte avek sa.  E mon ti ava swete ki bann dimoun ki pran desizyon lo kestyon finans i konpran sa osi.  Mersi.

 

MR SPEAKER

Mersi Onorab.  CEO.

 

CEO MR BERARD DUPRES

Mersi Onorab pou ou kontribisyon e ou sipor pou sa.  Mon krwar pa si ti en kestyon ti en statement.  So thank you for the feedback. 

 

MR SPEAKER

Mersi CEO.  Onorab Sylvanne Lemiel.

 

HON SYLVANNE LEMIEL

Mersi Mr Chair.  Bonn apre midi CEO avek ou delegasyon, bonn apre midi tou dimoun.  CEO mwan mon pou met plis lanfaz ankor kot i konsern staff.  Akoz si nou annan en lorganizasyon nou le nou lorganizasyon i marse i bouze, i bezwen annan sa konprenezon ant management avek bann staff. 

        So mwan mon pe regarde par egzanp dan ka ou annan bann staff ki annan en kantite leksperyans.  E sa staff  ou vwar i pe ale.   E ou lorganizasyon ou bezwen sa bann staff ki annan leksperyans.  E mon konpran exit interview i annan dele letan ki pa ganny fer.  Petet ou bezwen nou bezwen vwar ganny rezon petet pou vwar akoz ki sa staff eksperyanse pe ale, e ki mon konpran apre sa bann  staff zot menm ki eksperyanse zot ganny ranplase par bann dimoun ki napa eksperyans pe vin aprann on the job.

So lo sa kote petet nou pou bezwen revwar pou regarde, ki mannyer nou zwenn ek staff.  Wi ou’n dir ou kominik avek staff, me selman kekfwa i annan serten pti azisteman petet ki merit ganny fer pou aranz lo sa kote.

Pou rein ankor lo kote Scheme of Service, ou’n dir i zot in R4.883milyon anba ‘’compensation of employees.’’  E apre mon vwar R2milyon osi ki‘n gannyen an plis anba ‘’goods and service’’  petet ti a bon en pti lesplikasyon sa R2 milyon an plis anba ‘’goods and services’’ ki zot pe al fer avek, sa 2milyon an plis ki zot in gannyen?

E la mon pou vin lo petet Mr Chair permet mon bann staff ki par egzanp zot vin travay isi kot Lasanble bann staff teknik plizoumwen.  Petet mon konpran Scheme of Service pa ankor pare, petet lo kote Scheme of Service sa mon pa konnen si zot ti pe koz enn an zeneral pou tou staff, or si zot pe koz Scheme of Service par  Departman?   Akoz    nou annan seksyon teknik, seksyon broadcasting.  Konmsi ki Scheme of Service ki zot pa ankor kapab met an plas la?

Akoz petet seksyon teknik zot menm, nou pe vwar ki petet i annan allowance ki zot ti’n ganny promet e apre la zot i dir zot pa pou kapab gannyen sa allowance.  Petet CEO i ava klarifye if it is true.  Zot pa pe kapab gannyen sa allowance akoz napa larzan – ok? 

Nou vwar ki sa bann dimoun i bann dimoun ki vreman devoue, e petet zot bezwen ganny serten pti incentive pou kontinyelman ankouraz zot pou zot fer  bon sa travay.

Nou pe vwar osi ki DPA – aparaman menm nou la, internet pe marse Mr Chair.  nou’n ganny kontak e DPA.  DPA in dir nou ki zot, zot fully autonomous e zot pa fer Scheme of Service SBC.  Sa ki nou’n ganny dir avek bann dimoun ki ansarz laba kot DPA.  Petet sa osi ti a bon nou ganny en pti klarifikasyon lo la akoz la i vin DPA versus SBC ok?. 

        So staff ki’n akimil konze;- sirtou bann staff teknik ki’n akimil konze.  Lannen pase ti annan en very good incentives CEO, zot ti ganny en pti larzan ki ti apel extended leave en pti zafer ti donn zot.  Mon konpran sa lannen i annan zot staff ki’n akimil konze, petet i pe difisil pou zot pran konze, me zot pa pe ganny en pti larzan kekfwa pou dir ou pey en pti pe sa konze pou zot ki ti en pti pe ki an menm tan Nwel osi pe vini ki zot en pti keksoz.   Me selman nou pe vwar sa bann staf pa pe kapab gannyen sa larzan.  Me selman mon konpran Board fees in ganny en ogmantasyon.  Petet sa osi i vin parey Onorab Henrie ti pe dir, i vin serten mirmirasyon antre staff.  Mersi Mr Chair.

 

MR SPEAKER

Mersi Onorab Lemiel.  CEO.

 

CEO MR BERARD DUPRES

Onorab mersi pou lev sa issue of allowance ki pa’n ganny peye nou ti a kontan ganny detay pou sa, akoz dan menm konteks of accumulated leave tou dues ki en staff i due i entitled i bezwen gannyen.

So ti ava bon ganny en legzanp spesifik pou konnen ki zot pa’n gannyen e akoz.   Me mon ava eksplik  sa zafer accumulated leave.  Ler administrasyon ki a ti  pran ti annan en backlog of PH, avek leave annual leave ki staff ti annan.  In year lannen pase Desanm e lot Desanm avan nou’n fer en fason pou sey clear sa backlog akoz zot entitled pou zot sa.  I zot rikord sa.  E pa parey ou’n fer resorti vre i akimile akoz ou pe travay – zot pe travay ou pa kapab pran zot leave e napa nanryen ki pou ganny tire lo zot leave si zot annan 40, 30 i bezwen la.

Me ki nou fer a la limit ki nou annan larzan, revenue ki nou annan, nou pey zot en ptigin, en ptigin, en ptigin.   Sa lannen in vreman difisil pou nou.  Akoz nou anvi i annan PH avek annual leave nou anvi fer parey.  Me nou bezwen vin kot zot demann zot an plis lo larzan.  Si nou ti annan ki nu ti deza annan nou ti pou fer li nou commuted pou fer li ler nou ganny larzan.

Petet pou get en pe dan sa larzan ki nou pe resevwar, pou nou kapab pey sa ki ou’n dir koman en legzanp.

Lo kote sa bout DPA versus SBC mon krwar i vre i en pwen valid.  Nou pa pou fer gran pou limit lo la.  I byen  mon kontan poudir nou autonomous, next time nou ava demann HR en tender pou en ki pe vini la.   Nou pa ava ganny dir retourn kot DPA e nou ava proceed avek sa prosesis pou nou get well ki zot  in demann nou sooner.  Mersi.

 

MR SPEAKER

Mersi CEO.  Onorab Lemiel.

 

HON SYLVANNE LEMIEL

Mersi Mr Chair.  Zis en senp pti zafer.   Petet CEO eski ou kapab asir ou bann staff ki annan sa bann accumulated leave ki zot pa pou perdi zot konze?  Zot pa pe ganny peye wi, me selman eski ou asire ki zot pa pou perdi sa?  Akoz dapre Lalwa ou sipoze forfeit apre 42 zour pa pran.  Eski ou garanti zot ki zot konze pou la.  Mersi.

 

MR SPEAKER

Mersi Onorab.  CEO.

 

CEO MR BERARD DUPRES

Mersi Onorab tre valid pwen en.  Akoz ler nou ti konmans sa legzersis nou, nou ti ekrir staff nou ti dir koumsa si ou leave ki ou pa’n pran is due to operational reason savedir ou pa’n kapab akoz kantmenm  ou ti pou mete ou pa ti pou kapab ale.   Ou pa kapab ou pa fer i pa moralman i pa legalman byen osi pou nou tire.

So lamazorite nou ankouraze mon pe demande pou sa bann ki  kapab fer li.  Me parey ou konnen in ganny mete la staff i travay kot SBC.  E zot pa kapab pran leave.  So i pou bezwen reste, i ti legal and moral rights ki i reste.  Si i annan okenn ka mon demann zot pou vin demann zot menm oubyen si zot pa kapab vin kot nou vin kot zot fer, fer sorti.  Mersi.  Mon’n reponn tou ou kestyon?   Mersi.

 

MR SPEAKER

Mersi CEO.  Onorab Regina Esparon.

 

HON REGINA ESPARON

Mersi Mr Chairman.  Mon ti ava anvi en pti klarifikasyon letan mon pe ge anba consumable elektrisite sirtou, mon vwar en logmantasyon par pros 2.4milyon.  Petet en klarifikasyon.  E mon ti ava anvi demann CEO si SBC a lavenir, i pe osi mazinen pou koup en pe lo depans elektrisite envestir dan fotovoltaik?

Dezyenmman mon vwar enn anba enn son bann challenges, enn bann current challenges i mete ‘’limited ability to enable or sustain SBC digital transmission.  Pou increase quality progranm. ‘’

Mon ti a kontan demann CEO dan sa Bidze ki ou’n gannyen ou’n mete poudir ou annan ‘’due to    inadequate funding’’ –  eski i annan larzan ki’n ganny mete pou kapab pou kapab rektifye sa problenm digital transmission?  Mon konnen poudir bokou dimoun pe ganny  pa mal problenm ek sa bann pti set top box.   Sirtou sa bann ki ti ganny donnen oparavan.  Me mannyer mon pe konpran se ki sa enn nouvo ki ou kapab aste R400 i pe pli reliable konpare ek sa bann ki ou ti gannyen oparavan.   Ki demars zot pe fer pou kapab rektifye sa problem pou ki nou ganny bann bon transmisyon? Ki larzan ou annan dan ou Bidze?  Mersi.

 

MR SPEAKER

Mersi Onorab.  CEO.

 

CEO MR BERARD DUPRES

Onorab larepons senp;- preski nanryen nou napa.  So pou rektifye bann issues DTT par egzanp kot napa sinyal, nou bezwen met gap fillers, nou napa larzan pou envestir dan gap fillers. 

        Lo k ote sa bann STBs – vre nou annan problenm ek sa bann orizinal.  Ki zot pa perform parey zot sipoze fer.  e se pou sa rezon nou’n aste nou pou nou sa bann pli ptipti ki free to air ki perform byen.   E nou ki mon ti kapab profite pou lans en lapel avek tou nou bann telespektater, ki pe ganny problenm avek sa bann set top box nou, nou’n clear en gran backlog of issues around DTT.  E laplipar ti dan lenstalasyon domestik kot dimoun i ete.  Ki mannyer zot konnekte zot bann sistenm e ultimately e nou’n sanz en ta set top box osi.

So nou kontinyen ankouraz zot pou call konplent, dan diferan fason  nou annan nou limero telefonn nou annan email, pou dir nou kot zot ete, e ki problenm zot pe gannyen pou nou kapab rezourd sa bann problenm sirtou ki annan avek sa STBs oubyen zot enstalasyon kot zot domestik.

SBC i provide en servis pou vin sort out sa bann problenm DTT kot bann –  menm si napa finans, nou pe pey staff overtime additional pou ale pou fer li.  So la ki kot nou ete la,  akoz nou napa bokou lo nou leave backlog.  So si i annan bann zabitan ki pa pe ganny ki’n call SBC ou’n demande pou ed zot, zot pa pe nou ti a kontan konnen pou nou kapab vin kot zot pou kapab rektifye zot problem.

DTT, menm si nou pa’n ganny increase dan Bidze, i deza annan en kou enorm lo nou ki Bidze i reste parey.  So pou reponn en pe larepons Onorab Lemiel, sa 2milyon ki nou’n gannyen, ler ou konpar li avek kou DTT direk lo SBC, ki nou’n kalkile i ariv apepre 4.2 milyon kou direk sa.

E ler mon pe koz kou direk, i enkli tou sa bann License ki nou bezwen peye pou fer sa DTT marse. Sa sistenm li menm ou bezwen pey en license toulezan.  E pou sa bann set top box pou fer zot activate eksetera toulezan.  Apre nou scheduling software.  Sa i 3.18milyon par an ki la toulezan  bezwen fer.

E azout avek mersi Onorab wi lo total azout avek sa,  sa link ki nou bezwen anmennen kot bann site ki nou pey en third party  via fiber optic ki li i ariv 900mil par an.  I ariv 4.15milyon.  Sa extra si ou gete 4an 30milyon, 30 milyon, 30milyon, 2 milyon pa fer nanryen.   Sa i zis kou direk sa.

Kou endirek ki ou annan ou de channel pou met progranm lo la.  Lo tou le de channel parey mon rapel Onorab ti dir bann progranm ki nou’n mete     pa bon eksetera.   Onorab pou nou ganny sa ki bon nou bezwen annan larzan pou aste.  E ler nou ceiling i mete pou nou kontinyen soutenir korporasyon parey I ete e dan ou Bidze ou annan ou zis  en milyon pou ou progranm, ou annan en problenm.  In dir ou koumsa al rod dan reveni.  Be ler  dan ou reveni ou bezwen tire envestir pou kapab kit ou modern, parey nou pe koze lo kote deliver en better Indian Ocean island games e tou lezot e nou pare pou provide Lasanble tou depans ki nou fer anba nou reveni.  Napa nanryen ki kasyet.  Nou open.  Pou zot konpran ki  nou pe spend lo la.

Me si Onorab si ou get lo sa paz ki avek zot si mon kapab al en pe pli lwen – sa paz ki dir ‘’not funded’’ – ‘’not funded,’’ mon ava donn en pe detrwa legzanp bann keksoz kritik.  Digital archiving and storage, microwave network ki ou pou save nou larzan.  La nou bezwen pran, pran en milyon dan sa 2milyon, met akote pou digital    archive.

E lot sey fer fason pou nou kapab aranz en pe or fund en pe nouvo set top boxes, kekfwa i ava rann ou sa larzan tou akoz nou bezwen vann prezan.  Pou nou kapab kontinyen adres sa sitasyon.

So the funding pou reponn ou kestyon is not enough to sustain sa DTT ki li in vini e vwar Bidze li menm an zeneral ki preski parey.  Sa mon reponn ou kestyon Onorab.

 

MR SPEAKER

Mersi CEO.  onorab Esparon.

 

HON REGINA ESPARON

Mersi Mr Chairman.  CEO pa’n reponn si zot annan lentansyon pou envestir dan fotovoltaik a lavenir pou redwir sa kou elektrisite.  An menm tan ki mon’n ganny laparol CEO mon ti ava kontan demann ou en kestyon mon ti poz ou lannen pase, pou bann dimoun teknisyen ki travay lo lema, eski zot pe gannyen en risk allowance?  Mon rapel mon ti poz ou sa kestyon lannen pase e la dan sa Bidze ki’n ganny fer pou lannen prosenn, eski sa i ganny enkli ladan?  Mersi.

 

MR SPEAKER

Mersi Onorab.  CEO. 

 

CEO MR BERARD DUPRES

Onorab mon pa pou reponn ou spesifikman si i annan allowance pou risk pou sa, nou respekte pou dir pou riggers  ki bann dimoun ki travay ek lema nou’n revwar en pe sa bann ki nou’n incur   bann cost ekstra ki dir nou pe sa pou get en pe zot band kot zot ete, akoz nou premyerman nou vwar li difisil pou recruit bann riggers.  Akoz i en travay parey ou’n dir i en travay danzere.  So nou’n re aziste en ptigin pou fer li incentivize    akoz nou pa ti pe gannyen.  Sa i ede pou donn zot en pti gin incentives pou kapab fer sa travay.

I annan allowance pou riggers ki vin dan zot package of allowances.  Ou kapab apel li diferan non, me selman is part of the    mon pa konnen si i apel duty or –   inducement allowance, ki part of i reflekte sa travay ki zot pe fer.   Eski nou ti kapab donn plis?  Wi me nou napa larzan pou met lo la.

Lo kote fotovoltaik ek going green, parey ou okouran nou pe hopefully 2021 al dan nouvo SBC House.  Enn bann    de rekomandasyon keksoz ki nou ti ava anvi se annan fotovoltaik lo sa building.  Me li demann capital investment in the first place, petet nou ava sanse nou ava ganny en Grant parey Lasanble Nasyonal,  pou nou kapab ede redwir nou kou lo nou building.  Me lo nou bann out station ki zot bann transmiter ki zot, zot pe servi bokou kouran zot osi, nou annan en proze pou enstal fotovoltaik ki pa pou donn tou sa power me i ava redwir en pe nou sa.  Nou deza annan i deza an mars sa proze pou nou kapab bouz avek.  Me nou ganny en pe an retar lo la avek nou bann issues DTT ki nou’n bezwen adres avan.

So sertennman i devret, e i dan nou lentansyon pou nou kapab redwir nou kou elektrisite akoz li menm li parey ou’n dir i en kou enorm.  Si FC mon krwar i kapab konfirm avek nou sa 2.4 milyon la ki’n monte parey lannen pase, se akoz nou’n mal forecast pou sa lannen ki nou ladan.  Sanmenm sa i montre pou dir i e 2.4.  Annefe nou sa lannen ki nou ladan 2019 nou bezwen nou’n under nou’n under forecast li en par en fot.  Prezan sa figure ki reflekte dan Bidze 2020, i the right figure. 

Nou pe hope ki 2020 nou decommission nou analogue transmission services.  Nou pa’n kapab fer li, la sa lannen akoz nou bann issues ki nou ti pe deal avek, avek DTT pou nou kapab fer li pli stab.  E ler nou a decommission nou analogue i pa pou donn nou en gran, me anything ki nou anything ki i kapab donn nou i pou ede pou redwir nou kou elektrisite ki deza ete.  Mersi Onorab.

 

MR SPEAKER

Mersi CEO.  Onorab Paul Ernesta.

 

HON PAUL ERNESTA

Mersi Mr Chair.  Mr Chair, CEO, PS ek delegasyon, nou ban koleg Onorab ek tou dimoun a lekout bonn apre midi.

Mr Chair mon premye pwen pou CEO, nou konnen bann Board members SBC, i enn parmi bann Board members ki byen ganny renimere.  Eski an menm tan ti annan konsern pou zot kapab sey revwar zot sa sin pou sey met li a avek bann lezot Board Komite ki annan dan pei.  Eski sa legzersis i ganny fer?   Si wi e konbyen ozordi bann Board members pe gannyen?

E dezyenmman i annan osi mon vwar lo zot ‘’funding initiative’’ i annan bann towers.  Kot  zot sipoze pou mete la mon vwar ki 2021 ki zot pou al enstale.  E en konsern mon ti met devan DICT letan mon ti koz ek zot pou regarding bann sinyal pou dan distrik Takamaka.  Zot ti dir mon ki SBC zot ti sipoze pe al enstal n tower dan Bougainville somewhere dan rezyon ki pou kapab ede rezourd sa problenm, ki pou arive avek sa ek sa bout si sa bout that is the case? 

        Apre CEO en lot konsern ki pe annan parmi bann travayer i annan bann ki  apre zot 40an, zot pe ganny zot petet konman en pti incentives en ver konman en souvenir swa en boutey diven.  Zot pa pe mazin annan nouvo linisyativ pou kapab compensate sa bann dimoun ki’n donn 40an servis annefe mon pa espekte pou annan bokou zot mon krwar ti kapab fer bokou pli byen.  Thank you Mr Chair.

 

MR SPEAKER

Mersi Onorab.  CEO. 

 

CEO MR BERARD DUPRES

Mersi Onorab, mon ava koz lo sa issue of long service allowance and award.  SBC in entrodwir ou’n rapel boutey diven, e ban i pa napa diven ladan i annan diferan grad ki ou ganny en momento ki mete kantite lannen pou’n annan dan SBC as en momento. Sa i en recognition. 

Apre i annan sa bout reward ki ou’n leve.  Premyerman pou ou kapab fer   fodre ou annan sa finans e sa pou soutenir li.  Me ler nou pe gete la a sa staz, ki mannyer i ganny rekonnet dan en fason moniter long service?  Sa lannen Gouvernman in entrodwir en long service allowance premyerman.

Dezyenmman ler bann staff i annan sa gratuity  payment i apele?  Ki ler zot ariv en milestone, 5, 10, 15 k i applicable via PSO zot ganny en larzan pou sa.  So i annan deza adequate recognition for long service.  Nou nou’n anmenn sa bout ki apard ki ou larzan ou depanse ou annan en pti keksoz ou met lo sa.  Mon krwar i ase zoli.   E i pa parey staff ti dir nou dan staff survey ki nou ti fer poudir nou pa oule ‘’perspect’’   ankor. 

Nou’n aste i ase annan en valer as we move foward ki mon hope e mon krwar lamazorite staff i apresye sa bout finans donn larzan monniter i en issue;- i en issue of funding availability e en issue ki deza i annan sa incentives.

Lo kote towers, en lot legzanp kot nou bezwen servi nou reveni pou anpes en dezas arive.  Nou fer li Anse Faure an kolaborasyon parey bann lezot partner parey Airtel.  Nou pe fer li Fairyland ;-  kot nou pran nou reveni, pou nou anpes nou bann lekipman, lekipman lezot tonbe.

So nou pe kontinyen seye dan tou pou triyange pou fer ki bann risk i ganny adrese dan tou son lanpler, kot nou kapab pou nou limite arive.

Lo kote nou annan en progranm nou’n mete.  Parey ou vwar i pa’n aprouve, me nou pou seye rode kot nou krwar i annan risk nou bezwen pran.  Sanmenm la en pe bann lezot keksoz i ganny afekte.  Akoz nou annan en limit as to ki nou annan available to spend on. 

        Lo kote pou Board members;-  ki’n arive depi lannen pase, ti annan en ou kapab dir en lenpas lo ki kot dan ki kad ki Board members fees pou gannyen si pou ganny regulate par regilasyon ki Minister pou anmennen.  Ki’n annan since mon krwar PS Thesee i kapab  eksplik en pe –   in annan en notice ki’n ganny sorti ki eksplike tou Board fees, ki zot level eksetera e kote Board fees for independent bodies parey SBC i ete.  I ganny deside.  E si mon pa tronpe mon krwar i ganny deside dan en fason ki bann independent bodies zot fees i ganny deside par independent bodies themselves.  Petet PS i ava kontan ti ava profite pou donn klarite lo sa size, akoz mon pa tro –  petet mon kapab misrepresent  sa ki’n ganny deside lo la.  Mersi.

 

MR SPEAKER

Mersi CEO.   PS Thesee oule reponn    kestyon.  Go ahead.

 

PS DAMIEN THESEE

Mersi Mr Chair. wi nou annan Polisi pou Remuneration  Policy 2015 ki set tou Board allowance pou tou antite ki depan lo  en Bidze.  Premye ti ganny set an  2015 mon krwar nou tou konnen issue ki ti annan around sa.  SBC pa ti swiv.  Revizyon ki ti fer pou lannen sa lannen aktyelman pou pran  lefe lannen prosenn,  Se ki an vi i annan sa issue nou’n zis tir li ladan.   Akoz zot pa pe swiv Polisi anyway. 

        Me solman i sipoze go to zot parent Ministry.  Akoz mon krwar mon pa pe rapel kot peyman kwa ki ti kwa ki provizyon i annan, zot ti sipoze go to the parent Ministry pou zot agree lo en sonm reminerasyon.  So mon pa konnen si sa in ganny fer.  Solman zot pa pe swiv   Remuneration Policy e prezan nou, nou exclude zot ladan akoz zot pa pe swiv.  Mersi.

 

MR SPEAKER

Mersi PS.  Onorab Ernesta.

 

HON PAUL ERNESTA

Mersi Mr Chair.  Mr Chair, petet mon premye kestyon letan mon demann sa premye kestyon mon ti demande konbyen, mon ti a kontan ganny en larepons.

E letan PS in dir ki SBC pa pe pa pe swiv.   Ki merit fer?  Swa ki nou bezwen ganny fer pou ki parey akoz si i annan en Lalwa ki ganny mete nasyonalman pou tou bann antite mon krwar i enportan sirtou letan nou pe koz lo laspe finansman ki nou tou nou tou nou swiv, pou fer sir ki tou keksoz i mars byen.

E kwa ki zot bezwen met an plas, pou fer sir bann regilasyon pou fer sir ki SBC i ganny fer –  i ganny pran.  E osi  si i annan    CEO, eski ou santi par rapor bann sa reminerasyon ki Board members pe gannyen, eski ou santi baze lo workload travay ki bann staff SBC zot menm i annan si ou santi apard sa swa si par annan serten iregaliite.  Thank you Mr Chair.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair. parey nou’n dir ou’n exclude li dan sa Polisi prezan, sa lannen.  An vi ki sipoze annan bann revizyon dan fees lannen prosenn.  So li prezan i pou bezwen al avek sn parent Ministry pou li formaliz sa reminerasyon.  Akoz mon krwar sipoze annan en regilasyon bezwen met an plas pou zot dan sa ka, si zot pa oule swiv Polisi.  So nou’n exclude zot kote Gouvernman in zis exclude zot lo sa kote swiv Polisi.  Mersi.

 

MR SPEAKER

Mersi PS.  Bon i reste ankor 7 Manm lo lalis.  Mon ti pe sey regarde si nou kapab fini avan 6er be napa fason ki nou kapab fini.  Mon ti a kontan demann CEO avek son lekip si i posib demen maten pou retournen, mon swete a 10er nou ava’n fini bomaten nou a kapab release ou.  Mon a demann PS Thesee si i ok si nou kapab?  PS i ava ok.  Ok so nou ava kontinyen avek SBC demen bomaten.  Onorab Ernesta.

 

HON PAUL ERNESTA

Than you Mr Chair.   Mr Chair petet permet mwan akoz CEO pa ti ankor fini reponn kestyon apre ki ou kapab proceed.        Thank you.

 

MR SPEAKER

ok dakor.  Annou CEO.  Ou a donn li repons pou e kestyon ki ou pa ankor reponn.

 

CEO MR BERARD DUPRES

Mersi Mr Speaker, Onorab i le mon met en lopinyon.  Onorab Board ki deside son fees.  Mwan mon pa annan okenn say ladan mwan.  Ou’n demann mwan si relative avek sa ki Board pe gannyen avek sa ki staff pe gannyen i en ou pe fer i en zeneralizasyon akoz i annan en range of saler dan SBC.  Annou get sa de problenm en pti pe distinct si nou krwar nou santi pou dir staff i  bezwen ganny plis, donn nou plis  nou a pey plis staff.  I senp, nou pa’n ganny plis pou staff, pou nou met – Lo kote Egzekitiv ek management, nou, nou deal avek the staffing issue.  E nou pe kontinyelman lager e demande.   Nou’n demann bokou plis pou sa Bidze ki nou’n gannyen.  E i still within ceiling apard sa 4.8 milyon ki pe aziste.

So as far as pou met li dan ki petet management pe get dan kote Board oubyen lo kote staff, i pa dan nou pou nou, nou bezwen get dan kote staff.  E sey request toulezan tanzantan get e ki nou’n kapab fer pou staff parey sa bann legzanp mon’n donn ou.

        So ou’n demande konbyen si petet 1.4milyon par an for Board fees per year 1.4 million relative to a staffing cost ki la e dan bann – 60milyon PS?  60.2 milyon.

 

MR SPEAKER

Mersi, petet si CEO pa kapab reponn, nou a kapab ganny sans apre ler Minister Finans i vini bann tel kestyon par egzanp pou bann Board – ki bann Board fees zot pe gannyen.  Si zot kapab petet save sa petet – CEO. 

 

CEO MR BERARD DUPRES

Mwan mon pe demann ek mon ti le konnen mon’n dir konbyen met Board in ganny 1.4milyon par an, ki sa … ki else ki mon devret konnen?

 

MR SPEAKER

Ok, Onorab Ernesta.

 

HON PAUL ERNESTA

Thank you Chair.  Chair pou mon apresye ki CEO in donn nou dan lump sum konbyen in annan pa pou nou kapab, akoz kestyon inisyal it was konbyen the Board members i gannyen.   Me pou kapab permet nou kapab konn sa si ou konn si nou kapab konnen kantite manm i annan then petet nou kapab fer the maths.  Thank you.

 

MR SPEAKER

Mersi Onorab.  CEO si ou annan sa lenformasyon.

 

CEO MR BERARD DUPRES

Mon demann FC i dir mon napa, napa okenn lentansyon pou kasyet sa.  Nou ava anmennen demen nou ava donn zot.

 

MR SPEAKER

Dakor.

 

CEO MR BERARD DUPRES

Mersi.

 

MR SPEAKER

Mersi CEO.  Bon mon ava demann Sarge pou move Mace pou nou al dan Committee of the whole House avan nou adjourn.  Mon ti a kontan remersi panel, spesyalman PS Finans avek son 2 teknisyen e byensir SBC osi.

Mon remersi tou bann Manm e tou dimoun ki a lekout e byensir mon remersi nou bann koleg SBC ki’n la pandan en lazournen.   Lasanble i adjourn e nou repran nou travay demen 9er bomaten.

 

(ADJOURNMENT)