::
Home » Verbatim » 2019 » Verbatim Friday 22nd November, 2019

Verbatim Friday 22nd November, 2019

NATIONAL ASSEMBLY OF  SEYCHELLES

Friday 22nd November, 2019

 The Assembly met at 9am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab e bonzour tou dimoun ki a lekout e ki pe swiv travay Lasanble Nasyonal.  Bomaten nou pou kontinyen avek nou travay lo Bidze.  E yer konsern ki’n ganny levé yer par Leader Lopozisyon konsernan Pansyon nou pou adres li pli tar pandan lazournen.  Mon’n ganny kontak avek Minister Finans, e lafason ki nou pou travay se ki bomaten la nou pou kontinyen avek nou deba Bidze e nou pe pran Minister pou Lanplwa.  Sa i ava swiv par Seychelles Land Transport  – depan ki mannyer nou pe ale.

Mon anvizaze ki nou pou break ase sharp midi, pou nou donn 1erdtan lunch time e nou pou reconvene 1er. Ant 1er a 2er – 2.30, Minis Finans avek bann zofisye pou vin dan Lasanble kot bann Manm mon pou allow le de Leaders e probableman osi 1 Manm 2 Manm lo sak kote, pou entervin lo sa kestyon lenvestisman Pension Fund dan nouvo konpannyen Cable & Wireless. 

        E apre sa nou pou retourn ankor dan nou travay Bidze pou nou kapab sey fini sa ki lo nou schedule pou ozordi.  I annan demann osi ki’n ganny fer yer with regards to ki mannyer nou pou fer nou travay ozordi, me mon an kontak avek PS Thésée yer swar.  I annan serten keksoz ki an deor nou kontrol.  E mon anvi ki nou met lo rikord Lasanble ki zofisye ki lo medical leave kot Imigrasyon se PS Volcere e i lo en vre en genuine medical leave e nou pa pou kapab ganny li ziska petet lafen nou travay lo Bidze.  Me lezot zofisye dan sa Departman pou available e Minis osi tou pou available pou reponn okenn kestyon.

I napa okenn petet zwe ladan ki i pe pran en medical leave.  Mon okouran ki son medical i en vre medical leave e sityasyon ki li menm li i pa’n prevwar.  So ozordi nou pou tous zis Departman Lanplwa e apre nou ava regard nouvo schedule avek PS Thésée kan nou pou pran imigrasyon me i pou probableman semenn prosenn.  Ok?  Yes Onorab De Commarmond.

 

HON CHARLES DE COMMARMOND

Bonzour Mr Speaker.  Bonzour tou Manm Onorab e tou dimoun ki a lekout.  Mr Speaker wi mon anvi zis konfirmen ki PS Volcere i lo en long medical leave and it is serious en   Lo sa issue Pension Fund la ki ou’n mansyonnen savedir i pou annan en PNQ poudir in ariv devan ou pou li vini?  Ki mannyer avek Standing Order ki mannyer nou pe fer ki Minis i vini?

E eski therefore si Minis i vini, petet ti ava en bon lide ki i vini avek serten zofisye Pension Fund oubyen si i annan lezot dimoun ki oule vini ankor ki konmsi nou al dan en Committee Stage ki a permet pa zis Minis tousel me lezot dimoun avek li partisipe dan deba.  Akoz kekfwa Minis i pa pou privy tou lenformasyon;-  bann lenformasyon entern pou Pension Fund.   Ou konpran ti ava bon petet nou konsider sa ki mon pe sizere si i pou al dan sa direksyon.  Mersi.

 

MR SPEAKER

Wi mersi Onorab.  Si – ale mon ava demann Onorab Ramkalawan laparol.

 

HON WAVEL RAMKALAWAN

Bonzour Mr Speaker.  Mersi bokou.  Bonzour tou Manm Onorab e tou dimoun ki a lekout.  Mr Speaker obviously nou bezwen dir ki nou de Onorab De Commarmond nou’n koze depi bomaten lo sa size.  E nou kontan ki ou’n donn sa lespas pou nou kapab aport sa size.

Mr Speaker mon bezwen dir ki mon ganny inonde avek phone calls lo sa size parske spesyalman apre sa press conference yer e reportaz lo SBC kot i annan bokou kestyon.  Mon kontan sa propozisyon ki nou al dan en Committee Stage kot nou ava kapab demann plis kestyon, e apartir la parske FPAC i toultan dan background konman en Komite Lasanble ki kapab take things up dan en fason pli direk.  Me depandan lo sa Minis i dir.  Par egzanp si Minis i vini i dir ki ok i konsern Lasanble, i demande ki sepa Gouvernman li menm li i ava setup en inquiry then FPAC pa pou kapab fer nanryen.  Me si i pa dir sa then FPAC osi tou i ava kapab take up the issue.

Me selman Mr Speaker sa ki ou’n dir la an relasyon avek the time slot, mon ti ava plede ki i annan bokou fleksibilite parske an mezir ki lenformasyon i sorti- Ou konnen ki mannyer i été parfwa ou krwar i annan zis en pti krose, me letan ou tir sa premye pti lapo apre anba la i al dan tou direksyon, alors mon ti ava plede pou fleksibilite lo ou par.  E mon krwar ki kot nou été la an relasyon avek Bidze mon osi mon ti pe koz avek Mr Thésée – nou pa tro nou behind schedule, me selman pa tro bokou letan.  Ki alors definitivman nou pou kapab by the first week of December at least as a maximum fini avek Bidze, e petet lo nou tou lede kote nou ava demann nou bann Manm pou vin pli spesifik pou nou ganny lenformasyon – konmsi pou nou ganny lenformasyon accurate.  E si bann dimoun osi tou ki pe prezante zot reponn dan en fason pli vit there’s no way ki nou pa pou kapab fer sa travay.

Alor mon kontan mon apresye Mr Speaker mersi ki nou fer sa.  E Onorab De Commarmond in mansyonnen anba ki prosedir  nou fer li?  Si Onorab i santi ki nou devret fer li konman en kestyon e la nou ava rod ou gidans Mr Speaker.  Si Onorab i santi ki nou devret demann en kestyon, oubyen lefe ki nou la dan Lasanble, konmsi ki nou pe demann Minis pou vin eksplik nou sa deal ki’n arive ant Pension Fund avek sa nouvo lakonpannyen nou kapab fer li.

E in fact i kapab menm mon menm propoze ki i kapab vin konman en joint letter from the two Leaders to you.  Nou kapab fer sa imedyatman – a joint letter ki pe demann sa lenformasyon ki sa i ava petet met nou dan konteks nou Standing Orders.  Mersi bokou Mr Speaker.

 

MR SPEAKER

Mersi tou lede Leaders.  Bon Standing Orders i donn mwan sa sans pou mwan kapab fer serten desizyon ki pa ganny provide for.  Sirtou serten bann keksoz ki la pou la me mon ti a kontan mon ti ava apresye parey ou pe dir si mon ganny sa let.  E an menm tan mon kapab kopi osi also to the Minister of Finance pou donn li en lide apepre dan ki direksyon pou ale, ki i kapab prepar li.

PS Thésée in dir mwan bomaten ki Minis osi tou pou regard en pti pe parey Onorab ou’n dir, bann zofisye ki pou akonpanny li.  Definitivman Minis napa tou repons e nou pou bezwen al dan en Staz Komite pou lezot Manm petet Board Pansyon Fon Pansyon kapab reponn.

Me ankor parey mon dir yer i annan en demann ki’n ganny fer atraver mon biro pou nouvo Board – nouvo lakonpannyen Cable & Wireless osi tou meet avek bann Manm Lasanble FPAC, Extended Committee.  Me parey ou’n dir Onorab Ramkalawan ki FPAC i la dan background osi pou kapab kontinyen serten travay – serten investigation annou kit sa laport osi tou ouver.

Lo kote fleksibilite parey mon dir nou pa pou ouver kestyon pou tou Manm, me mon ava ouver kestyon pou enn de Manm ankor lot kote e nou ava regarde how far nou ale, e how far  kot nou poudir be nou arete and FPAC will take up the matter.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker ou war dan sa lespri konmsi dimoun osi i bezwen konpran ki nou pa pe fer sa malisyezman.  Nou pe fer sa pou lenformasyon pou dimoun konpran byen – e mon mazin VP Meriton, ‘’Byen koze i fer byen konpran mal koze i fer diskisyon.’’ Nou pa anvi diskisyon nou anvi kler.

Me selman lefe ki ou pe dir ki i deza annan sa bann request nouvo konpannyen from Pension Fund ensidswit, mon sizere demann ki taler Onorab Ramkalawan in fer, pou ki nou pa zis fer li 1er pou 2.30 i ganny konsidere.   E nou envit sa bann dimoun – sa bann groupman nouvo konpannyen lot, lot ki ti ki zot  in anvi vin zwenn nou, profite fer en sel nou diskit tou – en?  Nou kapab si i annan bann kestyon ki adrese a zot, zot kapab lanmenm la dir tou keksoz.  Mon pa konnen mon pe propoz sa.

 

MR SPEAKER

Mon konpran ou propozisyon pou annan plis klarite, me selman mon krwar la konsern ki’n mainly envestisman Pension Fund – ok?  E se sa mon rapor osi tou avek PS Thésée bomaten i konsern Pension Fund.  Annou pran li dan sa direksyon apre nou ava regarde ki mannyer keksoz i ava ale e parey mon dir FPAC osi tou i kapab fer en live meeting.  Ok,  so si zot pe mazinen poudir pou kapab enterakte avek lodyans deor, nou konnen nou annan sa mwayen pou nou kapab fer bann live interactions avek bann diferan group ki ava vini, e nou a kapab diriz sa tou – ok? 

        So nou ava kontinyen avek nou travay lo Order Paper.  Mon ava demann parliamentary reporter pou fer antre delegasyon e mon ava demann Sergeant pou move Mace pou nou al dan Staz Komite.

 

DEPARTMENT OF EMPLOYMENT

 

MR SPEAKER

Bon mon ti a kontan welcome, dir bonzour e welcome Minis Myriam Telemaque Minis ki responsab pou Lanplwa, Imigrasyon avek Leta Sivil.  Minister i ganny akonpannyen avek son Sekreter Prensipal pou Lanplwa Mr Jules Baker, Special Advisor Ms Veronique Bresson, Chief Policy Analyst Ms Suzanne Morel e son Senior Acountant Ms Tasianna Labrosse.  E nou ganny osi akonpannyen par PS Thésée ki pe reprezant Minister Finans, Deputy Comptroller General Ms Astride Tamatave e Director Budget Management Ms Nelly Coopoosamy.

Minister avek ou delegasyon bonzour e welcome dan Lasanble Nasyonal.  PS Thésée mon ava donn ou laparol pou donn nou gidans lo head ki nou pe pran.

 

PS DAMIEN THESEE

Mersi Mr Chair.  Bonzour Mr Chair, tou Manm Onorab.  Nou pran Bidze Minister Lanplwa, Imigrasyon e Leta Sivil ki trouve lo paz 221 pou en sonm total R89,936milyon me parkont Departman Lanplwa ki trouve lo paz 530 e li son appropriation i pou R28,361milyon.  Mersi.

 

MR SPEAKER

Mersi PS.  Bon mon krwar i kler nou pe pran Departman Lanplwa dan sa Minister.   Okenn Manm ki oule konmanse? Mon kapab ganny   en show of hands  bann Manm ki pou entervenir ?

Ok mon a konmans avek Onorab Ahmed Afif.

 

HON AHMED AFIF

Mersi Mr Chairman.  Bonzour Minis e tou Manm lo panel bonzour tou Manm Onorab tou dimoun a lekout.  Mon ti a kontan tou dabor zis fer en not ki i paret dan zot Bidze in sorti R29milyon an 2019 in vin R28.04milyon an 2020 en rediksyon.  Aktyelman en rediksyon 2poursan an tou lo zot Bidze.  Byensir sa i en keksoz ki nou welcome.  I pa en logmantasyon me plizoumwen preski parey.  Eski zot kapab eksplik nou, si sa i reprezant lefikasite dan zot Minister pou delivre?  E eski sa pa pou afekte dan okenn fason sa travay enportan ki nou pe espekte Minister Lanplwa pe fer, sirtou ler nou pe koz lo bann labi resaman ki nou’n tande dan bann dimoun ekspatriye ki ganny anmennen Sesel, ki pe reste ilegal, ki pe travay san permi.  Nou war detrwa ka frod ki’n arive dan sa bann zafer permi?  E eski ou pou annan ase resours pou delivre an fas avek plizyer kontrent e problenm ki nou pe war dan sekter Lanplwa?  Mersi Mr Chairman.

 

MR SPEAKER

Mersi Onorab Afif.  PS Baker.

 

PS JULES BAKER

Mersi Mr Chair.  Bonzour Mr Speaker bonzour tou Manm Onorab e bonzour tou dimoun ki a lekout.  Mersi Onorab pou ou kestyon wi in annan en rediksyon dan Bidze 2020 pou Departman Lanplwa par R666mil.  E sa i an rezilta R310mil anba ‘‘wages and salaries’’ e R356mil anba ‘‘goods and services.’’  Sa rediksyon R310mil i reprezant en freeze dan recruitment ki Minister Finans in koupe dan nou Bidze.  E sa i reprezant en pos pou Senior Office Assistant ki kout R103mil ;- en pos Senior Statistician  R250mil e 2 pos Senior Employment Officer ki pou ariv R426mil.

Sa ki nou kapab konstate avek Minister Finans dan nou konsiltasyon ki nou annan, i pa pou vreman afekte loperasyon akoz sa bann pos i neseserman i annan pou fer avek serten administrasyon me serten i annan pou fer avek loperasyon.  Sa ki nou konstate avek PS Thésée avek son bann delegasyon, se ki nou pou bezwen re negosye sa pos Senior Statistisyen akoz statistics pou nou i vreman enportan.

E dezyenmman en pos Senior Employment Officer ki tin ganny earmark pou Praslin e sa mon krwar i enportan ki nou beef up sa nou workforce lo Praslin, akoz nou santi poudir i annan nesesite.  Lefe i reste nou war ki Praslin osi i vin en defi pou nou.

Alors Mr Speaker lo sa de pos mon krwar nou bezwen dan nou Midyear Review nou ava rediskit avek Minister Finans pou nou ganny at least pou sa 2 pos.

Lo kote ‘‘goods and services’’ sa bann rediksyon i senpleman annan pou fer avek serten re alinyman nou Bidze baze lo spending.  Pandan tou vot ki nou reisir depans sa larzan e nou santi poudir i pa lavantaz Gouvernman pou aksepte ki zot koup sa bout akoz sa i plito bann depans kot nou krwar nou kapab redwir.

Par egzanp enn de panse en pe pli signifikan i dan ‘’travel cost’’ ki R238mil e normalman Minis avek management nou pa travel bokou dan Departman Lanplwa ;- at least 3 travel i garanti ki Minis avek delegasyon i bezwen travel.  Me tou nou bann travel i annan pou fer avek kapasite devlopman nou bann travayer.  Me nou santi ki avek en rediksyon parey dan ka nou ava re priyoritiz nou bann training en fason ki nou ava kapab meet the demand of nou espektasyon ki Manm piblik i ekspekte de nou.  Mersi Mr Speaker.

 

MR SPEAKER

Mersi PS.  Onorab Afif.

 

HON AHMED AFIF

Mersi Mr Chairman.  Mon ti a kontan demann PS vi ki lo paz 530 dan zot ‘’current challenges’’ i koz bokou lo bann kontrent ki zot pe war dan labor market sirtou avek ekspatriye.  Sa premye.  E 2enm eski zot annan en servis ki zot ofer pou ed bann dimoun ki pe rod en lanplwa pou ganny redeplwaye?

Parske mon konnen dan sekter prive ti annan en lakonpannyen ki ti pe deza ofer sa servis, me selman i pa ti en servis ki pey bokou alor zot pa ti trouv zot soutenab e zot ti pe rod en sipor avek Gouvernman ki paret i pa’n posib, eski dan sa Bidze ou annan resours pou kapab siport dimoun prive, oubyen NGO ki anvi ed zot pran bann manrmay ki pa pe travay ozordi – ki pa konn prosedir i pa konnen kot pou ale kot demann i été, pou zot kapab al ganny en travay?  Eski ou annan sipor dan sa Bidze pou kapab fer sa kalite travay?  Mersi.

 

MR SPEAKER

Mersi Onorab.  PS Baker.

 

PS JULES BAKER

Mersi Mr Chair.  Wi Onorab mersi pou ou kestyon.  Wi premyerman nou annan en servis ki attend pou bann issues regarding expatriate.  Parey ou pou war i annan serten budget line ki’n nou bezwen neseserman increase, pou nou kapab anmenn plis ledikasyon, an sa ki konsern management nou bann travayer etranze.

Fodre realize ki travayer etranze zot osi zot imen e fodre zot ganny gete konman bann dimoun ki zot vin isi dan Sesel pou zot vin asiste nou dan devlopman nou pei.  E alor zot proteksyon i bezwen ganny a tou pri, ganny amenaze dan en fason byen.  E nou, nou pe fer sir ki bann leaflet letan zot debarke lo GOP desk Airport zot ganny sa leaflet e nou annan en welfare officer ki pas dan bann landrwa travay e al verifye zot bann kondisyon.

Of course Minister Onorab nou annan serten defi akoz pa toultan ki nou kapab al tou sa bann landrwa, me wi sa servis i la e nou anvizaze annefe ogmant kantite travayer dan sa seksyon ki apel   Welfare Unit.

2enm kestyon ki regard employment service.   Wi Onorab lannen pase sa Lasanble ti aprouv en Bidze pou nou kapab pey bann private employment agencies.  Inisyalman letan nou ti annan bann servis lanplwa, zot ti pe ganny zot en pti, mon kapab dir en pti nominal fee pou zot kapab asiste nou pou anrezistre pou plas dimoun dan lanplwa.  Apre plizyer demann ki bann private employment agency zot in fer zot in demann nou demann Gouvernman pou rekonsidere pou ogmant sa bann fees.  E Gouvernman in pran kont zot demann e in ogmant sa bann fees dan serten ka par double.

E lannen pase ti aprouv sa Bidze, me selman malerezman se ki letan nou antre dan Kontra avek enn parmi sa bann employment agencies the way nou ti fer procurement, the procurement procedures 3 ladan ti ganny selekte pou vin kot nou pou siny Kontra 2 ti drop out akoz zot napa kapasite imen ;- enn ti succesful, me nou’n toultan demann li pou li vin kot nou pou li vin siny Kontra ziska konmela i pa ankor kapab vin siny Kontra – larzan i la, larzan i available Mr Speaker i zis en matter pou siny Kontra e nou pey zot pou servis.

Annefe ki nou pe fer nou pe al return the procedure ki devan POU already e nou espekte pli boner lannen prosenn, nou kapab ganny en pli gran group bann Lazans ki anvi vin travay pou nou.  Mersi Mr Chair.

 

MR SPEAKER

Mersi PS Baker.  Onorab Lemiel.

 

HON SYLVANNE LEMIEL

Mersi Mr Chair.  Bonzour Minis avek ou delegasyon.  En keksoz ki mon ti ava kontan konnen petet menm dan bann Bidze ki zot in gannyen oparavan, si zot napa si Bidze la i kapab siport zot.   Mr Speaker ozordi letan nou pe gete, mon konstate ki i annan bann profesyonnel ki’n ale, ki’n al deor zot ti dan en lanplwa zot petet ki’n ale zot in al deor zot in tournen, zot pe asize ziska la.  Eski i annan en lyen ant ANHRD avek Minister Lanplwa, pou nou konnen ler nou bann graduates ki tournen, ki bor zot ganny plase dan lanplwa, oubyen ki pa ankor ganny lanplwa, ki petet sistenm ki zot annan an plas pou zot fer sir ki zot track sa dimoun until ki i antre dan en lanplwa?

Akoz petet ler i tournen la en dimoun in fini fill in sa pos ki i ti ladan.  Akoz mon annan ka aktyelman la ki graduate in tournen depi 2009 i pe asize kot li i ankor pe esper en travay.  Zis donn mwan en pti lesplikasyon lo sa.  Mersi.

 

MR SPEAKER

Mersi Onorab.  PS Baker.

 

PS JULES BAKER

Mersi Mr Chair.  Mersi Onorab pou ou kestyon.  Mon ava eksplik en pti pe prosedir vitman se ki normalman letan bann graduate i ganny anvoye anba scholarship Gouvernman, i annan en requirement ki tou graduate i retourn kot ANHRD, letan zot tourn Sesel.  Me malerezman dapre sa ki nou konpran avek Lazans se ki pa tou graduate ki letan i retourn Sesel i al reprezant zot lekor kot biro ANHRD pou enform zot poudir zot in retournen.  E alors i difisil pou capture zot akoz zot pa retournen. Me selman nou annan en mekanizm an plas ki bann ki retournen ki vin kor sa Lazans, sa Lazans i donn nou en lalis lekel bann dimoun ki retournen, e lekel ki enterese.  I donn nou en lalis is one thing be lekel sa bann graduate ki enterese pou employment services ed zot?

Parkont parey sa kestyon ki Onorab Afif in demande, Departman Lanplwa i pa oule pran en servis ki devret ganny fer par Employment Agency akoz nou pe pey zot pou sa – ou konpran?  Si nou ale prezan nou al compete egalman avek zot, zot pou perdi.  So nou bezwen balanse dan ki kalite servis ki nou donnen.  E nou ankouraz zot tou sa bann graduate pou zot al apros bann employment agencies pou zot ganny lasistans lanplwa.  Dan ka kot zot pa kapab therefore nou ava rod fason pou nou kapab asiste.  Si ou annan en case an komen ti a bon ki ou pas avek nou e nou ava donn lasistans sa dimoun an partikilye.  Mersi Mr Chair.

 

MR SPEAKER

Mersi PS Baker.  Onorab Henrie.

 

HON GERVAIS HENRIE

Mersi Mr Chair.  Bonzour tou dimoun.  Mr Chair mon annan en senp kestyon vizavi posibilite pou bann etranze travay Sesel e fasilit bann antreprener Seselwa fer zot biznes.  Enn bann keksoz ki dan diskour Bidze Minis Finans i dir ‘’ease of doing business’’ Sesel nou ranking in desann.  Aprezan ler mon pe get zot bann stratezi priyoriter ouswa menm zot bann current challenges mon pa war –  kekfwa mwan ki pa pe konpran mon pa war en keksoz ki zot in mete direkteman ki zot pou servi sa Bidze ki nou allocate ek zot pou ede improve the rating of ‘’ease of doing business’’ Sesel.  E la mon pe koz sirtou i annan en pe konplent vizavi sa process GOP ant Lanplwa avek Imigrasyon ki i menm Minister, i annan en konplent poudir i annan retar, ouswa i pa pe ariv si vit ki bann anplwayer Seselwa i anvi.  E donk mon ti ava kontan zot dir mon ki mannyer sa Bidze pou adres sa sityasyon e ed nou ‘’ease of doing business’’ amelyore?  Mersi.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mersi Onorab pou ou kestyon en tre bon kestyon annefe en kestyon tre valab me selman nou bezwen pran li dan en fason balanse.  Lo kote ‘’ease of doing business’’ fodre nou kapab konstate ki ease of doing business i annan pou fer avek antreprener Seselwa e osi avek etranze.

E nou ansanm avek Departman Imigrasyon Employment Department ansanm avek Departman Imigrasyon, nou pe sey pou nou kapab redwir lakantite letan i pran pou nou kapab process en aplikasyon pou  en pos  e  en laplikasyon pou en work permit.   Me sa ki ou kapab konstate nou anba en kantite presyon avek bann anplwayer pou redwir sa letan pou vin 5 zour between Minister Lanplwa – Onorab sa i pa posib.

Si oule nou donn en GOP pou en peryod 5 zour, i tre probab i annan bann desizyon ki kapab ganny pran ki pa neseserman nou omit e prezan i vin en sityasyon.

So ki nou pe fer se ki nou pe travay tre pros avek DICT avek en konsiltan lokal atraver bann procurement procedure pou nou met en sistenm online ;- kot letan ou annan en aplikasyon ki nou espekte dan milye lannen prosenn third quarter lannen prosenn, tou dimoun ki anvi anploy en travayer etranze i bezwen submit tou son aplikasyon online.  E i bezwen fer sir ki son bann medical son Kontra tou son keksoz i azour.

E la mon kapab dir nou kapab amelyor sa servis.  Akoz nou santi ki ‘’ease of doing business’’ i enn ki primordyal dan konteks Sesel e mon krwar nou devret ed bann anplwayer pou zot kapab fasilit sa. Me nou osi annan nou bann defi.  E mon krwar sa online system ki ozordi i parey lezot pei kot nou al vizite nou war i pe mars tre byen.  Mersi Mr Chair mon pa konnen si mon reponn ou kestyon.

 

MR SPEAKER

Mersi PS.  Onorab Henrie.

 

HON GERVAIS HENRIE

Ou’n reponn mersi bokou.  Me selman question arising dan ou larepons boner ou’n dir en lekonomi ki zot pe fer i akoz en bann pos ki zot pa kapab recruit.  E mon krwar i premye fwa mon tann en antite dir se Minister Finans in anpes zot fer sa akoz normalman ou tann konplent lo DPA.  So prezan mon pe zis wonder i legal zot kapab fer sa Minister Finans?

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Letan nou fer bann prosedir pou pos DPA i met en freeze lo pos.  Vwala Mr Chair se DPA ki met en freeze e prezan ler i met en freeze lo pos Finans i –

 

MR SPEAKER

Mersi PS.  Onorab Audrey Vidot.

 

HON AUDREY VIDOT

Mersi Mr Chair.  Bonzour Mr Chair, tou Manm Onorab, Minis avek ou delegasyon PS osi parey ek ou delegasyon e tou dimoun ki a lekout.  Mon kestyon pou panel – 2 kestyon premye ki mekanizm Departman Lanplwa i annan pou zot kapab ki zot annan lentansyon pou zot kapab servi an 2020, pou akonpli zot target pou zot stratezi pou point 3 avek 4?  Apre mon 2enm kestyon, eski zot kapab dir nou ki donn nou en kontrandi si sa Scheme URS zot santi i pe mars ase byen, or i annan ankor keksoz ki zot pe war pou improve pou lannen prosenn avek zot Bidze, pou kapab siport bann zenn ki espesyalman ki san lanplwa, e bann osi ki dan sa bann progranm avek APDAR pou ed zot kapab re debout e donn en sipor zot osi pou kapab travay donn en sipor kot zot fanmir.  Mersi.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mersi Onorab pou ou kestyon.  Bullet 3 and 4 si mon konpran ou tre byen ;- bullet 4 i koz lo kapasite enforcement lo teren.  Mon kapab dir ou nou stratezi sete premyerman parey mon dir se ki nou pe travay lo nou lafason ki nou anmas lenformasyon, anba nou Labor Market Information System.  E nou pou fer li dan en fason entegre, kot nou annan real time information dan nou lanmen kot nou kapab pran bann desizyon ek bann lentervansyon, baze lo tou bann module ki nou pe travay lo la.

Dezyenmman Employment Bill ki zot tou zot konnen i outstanding, e i pres pou vin devan National Assembly.  Nou pe asire ki nou entansifye nou zefor lo compliance.  Ou pou war dan nou bann target i pou annan bann travay, nou fek konmans en travay avek World Bank pou met nou konman en pilot lo result-based management e nou bezwen fer sir ki nou meet nou bann target me selman nou bezwen realis.

Nou bezwen realis baze lo resours ki nou annan.  E alor dan Prozedlwa Employment nou pe osi anvizaze ogmant bann penalties ki pou fer sir ki bann anplwayer ki an defo ek Lalwa, i comply. Ozordi nou pou war bann penalti i so low ki anplwayer malgre i annan en penalti zot pa pe comply.  E nou pou ogmant sa penalti signifikaman e prezan en fason ki bann dimoun.  E

menm nou pou entrodwir daily penalties pou sak zour ki en anplwayer i fail pou li kapab comply.

Lo kote ou 4enm bullet mon krwar sa i en nesesite, e i enn dan nou Bidze lo kote ledikasyon travayer. Mmon krwar as we develop koman en Nasyon i annan bokou defi lo labor market e ledikasyon travayer i kle.  Ou pou war dan enn nou bann challenges ki nou war ki tou lazournen nou pe ganny en kantite konplent ki sorti kot travayer par bann anplwayer, ki osi pa pe osi follow Lalwa.

E sa i vin bann challenges ki pa devret ganny arive si tou keksoz pe ganny fer byen.  E alor nou santi ki lannen prosenn nou bezwen kontinyelman met lanfaz lo ledikasyon travayer, ledikasyon anplwayer, drwa responsabilite menm entansifye nou zefor pou al fer bann talks dan bann lekol, pou konmans prepar bann zanfan ki pe sorti dan lekol pou antre dan lemonn travay pou zot konpran ki savedir disiplin – etik tou sa bann size koumsa ki nou bezwen entansifye.

Wi mon dakor nou annan en defi devan nou, e nou pe esey nou mye pou nou kapab achieve sa pou 2020.  Mersi Mr Chair.

 

MR SPEAKER

Mersi PS.  Onorab Vidot.  Yes PS kontinyen.

 

PS JULES BAKER

Sorry Mr Chair mon bliy son 2enm kestyon URS.  Mon krwar wi nou progranm URS nou pe mars tre byen.  Depi ler in konmanse nou annan nou 3,316 dimoun lo URS sa i enkli 1,484 msye e 1,832 madanm ladan 787 in fini ganny lanplwa.  Letan mon dir ou in fini ganny lanplwa savedir i pe secure en lanplwa permanan.  Apre i ankor annan ki lo casual i annan ki part-time.  An tou i annan 1,026 ki nou kapab dir i dan en lanplwa prodiktiv kot i a pe ganny en saler pou li kapab survive.  Nou ankor annan en pe defi avek bann ki parey ou’n dir lo kote metadone detox program ki nou travay tre pre avek APDAR, e mwan osi mon en Manm Board lo APDAR ki mon toultan met devan zot bann challenges ki Employment Department mon fer fas avek e ki fason ki zot kapab ed nou kontrol en pe sa sityasyon.

E dapre statistics ki bann ki lo detox nou annan 274, ki lo detox progranm avek APDAR.  E ki nou pe travay tre pros ki o fil an mezir ki zot sorti lo detox program nou kapab konsilte anplwayer e ankouraz anplwayer pou pran zot.  Mersi Mr Chair.

 

MR SPEAKER

Mersi PS.  Onorab Vidot.

 

HON AUDREY VIDOT

Mersi Mr Chair.  Mersi PS pou ou larepons.  Mon ti annan zis en sizesyon petet letan zot pe i byen zot pe al ranforsi kote kot lekol osi pou edik nou bann zenn, pou konn en pti pe lo zot bann Lalwa, me plito mon ti ava demande osi bann ki petet regard serten lorganizasyon ki petet baze lo bann konplent ki zot pe resevwar, ki petet zot pa pe ganny trete byen, ki zot organize ki zot sansibiliz bann travayer osi lo zot drwa e zot responsabilite, pou ki i ava ed en pti pe sa balans an term bon relasyon travay ant bann travayer e konpannyen.  Mersi.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mon krwar sa i en sizesyon i pa en kestyon vreman, me selman mon kapab met lanfaz;- wi mon krwar i annan nesesite pou nou focus lo bokou bann travayer ban anplwayer sirtou bann repeated employers ki kontinyelman pa follow Lalwa e zot pous travayer swa zis zot pran bann aksyon.  E mon krwar la i annan nesesite pou nou focus en bon pe lo serten sa bann anplwayer.  Mersi Mr Chair.

 

MR SPEAKER

Mersi PS.  Onorab Woodcock.

 

HON WAVEL WOODCOCK

Mersi Mr Speaker.  Bonzour Minis, CEO, PS tou Manm e tou dimoun a lekout.  Mr Speaker mon kestyon i baze lo SP2 sa bout lo’’ Policy Planning and Research’’ mon war en logmantasyon dan Bidze sorti 2.5milyon an 2019 pou vin 3.1milyon an 2020.   PS i kapab donn en pti pe detay kekfwa akoz sa logmantasyon.  E dezyenmman mon kestyon i konsern kot anba ‘’current challenges’’ zot in  dir ki  i annan ‘’compliance to ethical human practices and conducive working environment.’’ E resaman nou war anyway kot sa dernyen 2an i annan bokou bann ka trafik imen.  E mon anvi demann Minis ki zefor ou Minister pe fer pou anmenn Sesel in compliance avek Trafficking Victims Protection Act pou improve nou ranking sorti sa lot Tier 2 pou vin lo Tier 1?  Mersi.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mersi Onorab pou ou kestyon ou premye kestyon i annan pou fer avek SP2. Mon ava eksplike se ki i annan serten en pozisyon ki ti apel en technical advisor anba  Central Administrasyon PS anba administration ki nou reclassify sa pos.  Nou kre en nouvo pos ki apel chief policy analyst e  therefore Minister Finans in advise nou transfer sa pozisyon dan seksyon Policy Planning and Research akoz i pli apropriye.

Prezan sa chief policy analyst li i annan prezan bann nouvo staff anba son ziridiksyon.  Sa i plito zis en re allocation of budget olye en increase in budget.  Si  mon kapab zis met li koumsa.  Apre nou anba sa kod osi nou ti annan bann staff ki ti pe ganny returning graduate.  Dan sa seksyon  ti annan bokou bann staff ki ti pe ganny graduate allowance R4000mil.  E sa alor zot Bidze in ganny transfer anba sorti anba Central Administration in ganny transfer anba PPR, sanmenm sa ki ou war i annan sa logmantasyon R740mil dan Bidze.  I pa en logmantasyon spesifik li menm me plito i en re alokasyon akoz en remaniman lafason ki nou travay dan Departman Lanplwa pou servi bokou plis resours ki nou annan dan en fason bokou pli efikas.

Ou 2enm kestyon tre bon kestyon lo (TVP) mon krwar mon pou profite pou mwan demann Lasanble Nasyonal pou ed Departman Lanplwa pou travay avek nou lo bann defi ki nou kontinyelman fer fas avek.  Mon krwar premye pa ki nou fer se ki nou annan apros Gouvernman Bangladesh pou nou dir li i annan en nesesite pou nou annan en Lagreman Bilateral.

Akoz sa ti enn bann pei kot bann dimoun ti pe ganny en bon pe labi.  E parey nou konnen i annan bann case ki’n fini ganny met Ankour ;- i annan ki’n fini ganny met an santans in fini ganny pase i ankor annan detrwa ki ankor pending devan Lakour.  E mon krwar letan nou asize nou gete.

E sa legzanp ki nou gannyen avek Bangladesh detrwa lezot pei osi in fini konmans apros nou pou demann nou pou annan en Lagreman similer, akoz i annan sa sityasyon potansyel pou annan trafik imen, e sa i ganny depoze dan Sesel e finalman apre i vin en burden pou Gouvernman or tax payers money kot nou bezwen soutenir sa bann dimoun until such time ki zot case i ganny pase.

Wi sa ranking pou Sesel lo kote (TVP) i annan en nesesite ki Sesel pa ganny servi konman ou kapab dir en destinasyon konman pou ankouraz bann dimoun, pou sa ki nou appel modern slavery or trafik imen.  Mon pa konnen si mon’n reponn ou kestyon Onorab.

 

MR SPEAKER

Mersi PS.  Onorab Woodcock.

 

HON WAVEL WOODCOCK

2 pti pwen kestyon Mr Speaker.  Mon krwar ti annan sa issue dan lepase kot mon krwar ti annan en sort of embargo lo pou pran bann expatriate sorti Bangladeshi pou vin travay isi, mon pa konnen si sa i ankor an fors?

E dezyenmman i annan sa zafer ki ou ti anonse mon krwar early this year an regardan parey bann ka kot zot le repatriate zot le fer retournen sa bann etranze, ki pe ganny eksplwate dan pei, ki zot ki ti pe bear sa cost pou airfares, bann akomodasyon bann zafer.  Me selman ti annan en konsern ki se sa i pa sipoze tax payers money ki sipoze pe take up sa bann kou, sa bann depans ler en konpannyen pa pe pran ka avek son staff, me plito i met en lenpozisyon lo sa bann konpannyen pou trouv sa larzan pou fer sa bann travayer.  Konmsi eski sa i pou still dan zot Bidze pou zot deal avek sa bann ka koumsa?  Ouswa eski zot pe pran bann nouvo i annan bann nouvo mezir ki zot pou pran a lavenir ki i pa pou bear sa kou adisyonnel lo Lanplwa?

 

MR SPEAKER

PS.

 

PS JULES BAKER

Mersi Mr Chair.  Mersi Onorab pou ou kestyon.  2 kestyon vreman enportan.  Pou ou premye kestyon moratorium in ganny lifted mwan pase e la ozordi tou anplwayer ki anvi anploy travayer Bangladeshi i kapab fer li atraver bann mekanizm ki nou’n met an plas.  E annefe zis pou mwan raporte ki dan premye semenn Desanm pou annan bann delegasyon sorti Bangladesh ki pou fer kozri avek bann anplwayer Sesel, pou kapab fasilit sa prosesis rekritman, en fason tou keksoz i ganny fer dan lord.  E sa Gouvernman Bangladesh i tre apresye ki Sesel i pare pou resevwar zot pou kapab keksoz i pe mars annord.

Lo kote repatriation cost ;- non nou napa en Bidze pou nou rapatriye okenn travayer etranze pou dan ka kot i annan bann ka labi.  Ki arive e ki anplwayer nou demann anplwayer pou repatriate.  Me parkont Minis kekfwa i ava koriz mwan – parkont i annan bann ka ki sitan ekstrenm kot lavi sanmenm sa travayer i an danze e swa i pe met lavi lezot dimoun an danze, kot i annan nesesite pou fer li ale.  E la i annan en prosedir ki ganny etabli pou fer li ale.  Me selman tou kou pou rapatriye se anplwayer ki responsab.  Mersi Mr Chair.

 

MR SPEAKER

Mersi PS.  Onorab Waven William.

 

HON WAVEN WILLIAM

Mersi Mr Speaker.  Bonzour tou dimoun ki a lekout.  Bonzour Minis avek ou lekip.  Mr Speaker mon annan detrwa pti kestyon pou Minis ;- premyerman mon ti a kontan demann Minis lefe ki bann anplwayer ozordi nou koz sekter prive avek sekter piblik, mon anvi demann Minis si zot pe mazin ouswa zot annan en plan pou osi al regard dan sekter piblik, ki bor i annan bann viktimizasyon avek lenzistis, ki nou pa bezwen war ankor bann dimoun pe fer lagrev dan sekter piblik.  E eski zot bann zofisye pe ganny ase byen peye pou zot kapab fer zot travay?

Mon lot kestyon Mr Speaker i annan pou fer avek Tenm Bidze Nasyonal sa se Rezilta-Ekitab avek Prosperite Partaze, Minis etandan ti annan en rezon pou kre bann Lazans Lanplwa prive, ou pa krwar poudir ozordi avek konzanktir devlopman ki nou ladan e bann difikilte ki sa bann Lazans prive pe fer fas avek, ou pa krwar ki in ler ki ou Minister i rekonsider son fason pou fer bann travay ozordi?  Petet retir sa laspe komersyal me konsantre en pti pe plis lo administrasyon avek Polisi kot zot a larg lanmen en pti pe sa bann private employment agency?

Akoz Minis ozordi anba ou Minister ou pe tret bann ka par egzanp ;- ‘’My First Job’’ ‘’URS’’ ‘’Skills Development Program’’ e eski ou kapab dir nou ki kantite ou bann zofisye pe deal avek sa bann diferan Scheme e konbyen larzan sa bann diferan Scheme ozordi zot pe gannyen?

Minis ou pa krwar poudir ozordi in ariv le moman pou outsource sa, bann Scheme avek bann Lazans Lanplwa ki montre lentere e konpetans, akoz sa i an rezilta zot travay ki Gouvernman in swadizan privatize?

Sa i ava asire ki ou Minister i ava konsantre plis lo Polisi e ranforsisman ki pou ede rezourd en kantite sa bann problenm lanplwa ki nou war ozordi. Minis an vi sityasyon ozordi eski ou Minister pa an konpetisyon direk avek sa bann Lazans Lanplwa espesyalman bann ki pe fer tou pou travayer Seselwa?  Mersi.

 

MR SPEAKER

Mersi Onorab.  PS.

 

MINISTER MYRIAM TELEMAQUE

Mr Chair mon a pran sa kestyon.  Bonzour Mr Chair bonzour tou dimoun prezan tou bann Onorab.  Mersi Onorab William pou ou kestyon.  Onorab konsernan viktimizasyon dan sekter piblik ;- i annan en striktir an plas, ‘’PSAB’’ si i annan okenn travayer ki i santi i pe ganny viktimize, oubyen son drwa pe ganny vyole, nou pou kapab met en case kot PSAB e apre PSAB i a kapab donn en ruling lo son case.

Konsernan si i annan nou krwar nou travayer  pe ganny byen peye, larzan toultan dimoun i bezwen bokou.  Nou’n esey nou mye pou nou reviz Scheme  pou employment e nou donn en ogmantasyon o debi sa lannen.  E an vi ki mon Minis pou Imigrasyon osi Imigrasyon osi nou reviz saler, ki pou pran lefe lannen prosen nou a kapab ler imigrasyon i prezant son Bidze nou a koz an detay lo la.

Konsernan PEAs – ILO i demande ki i annan bann private employment agencies e selman konman nou konnen Employment Act i pa obliz en travayer pou zot al kot sa bann Employment Agencies, selman ou propozisyon pou zot bann employment agencies pou regard bann progranm ki nou annan ‘’URS’’ ‘’My First Job’’ and ‘’Skills Development’’ sa i en propozisyon ki deza lo latab dan Minister e nou ankor an diskisyon si nou regarde si nou pou met an aplikasyon oubyen non.  I pa en keksoz ki zis nou met akote.

Ou’n demann mon kestyon konbyen pou bann progranm?  Konbyen nou annan dan Bidze?  Dan Bidze pou ‘’My First Job’’ normalman i annan en Bidze 5milyon.  Pou URS nou annan en Bidze 10milyon apepre. SDP nou annan en Bidze 3milyon. E laplipar di-tan nou servi laplipar sa larzan, akoz nou la pou nou asiste sa bann zenn ki konman nou konnen i drop out dan lekol.  Nou pa kapab kit zot la obor semen.  E nou pran zot nou met zot dan sa Scheme SDP mon kapab at least remersi bann anplwayer ki partner avek nou.  E sa lannen parey nou konnen nou annan 121 bann zenn ki ti lo sa progranm ki’n graduate.  Lannen pase nou ti annan 82 e URS, PS in fini koz lo la e ‘’My First Job’’, i ankadre bann graduates ki sorti dan bann sant profesyonnel e Gouvernman i sibvansyonn sa saler ki ariv ziska R7mil e i en bon progranm e nou krwar sa bann progranm ki’n ede pou fer unemployment rate desann dan Sesel.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mr Speaker baze lo larepons Minis, mon anvi tir latansyon Minis ki malgre ki in dir bann anplwaye ki annan problenm pou vin devan, nou tou nou konnen konmsi letan ou al devan ki arive si ou pa dan en group.  So mon ti a kontan ki Minis i pran sa an kont akoz i annan travayer dan sa pei dan bann Lazans piblik ki pe ganny bann problenm.  E se pou sa mon demande si Minister i pase pou regarde si zot bann job description zot bann Kontra i ok.  Akoz mon war poudir zot pe met focus bokou lo kote prive, me ti a bon ki nou balans sa osi.

Epi Minis lefe ki zot rekonnet ki Lazans prive i annan lenportans, mon anvi konnen si sa bann Lazans prive pe ganny en sibvansyon ouswa en peyman par mwan, e pou kwa?  E mon konnen osi poudir pandan bann deba isi dan sa Lasanble, ti deza annan mansyon pou ogmant sa pti larzan ki zot pe gannyen.  Mon anvi konnen si zot in pran desizyon lo la?

E Minis letan ou pe dir mwan poudir sa zafer URS i ankor lo latab pe ganny diskite, lefe ki sa bann Lazans pe deza rankontre bokou difikilte kantite letan pou pran zot pou finalman pran en desizyon, ki anfen sa bann Lazans prive i a kapab sov en pti pe?  Akoz pou le moman biznes pa tro, tro bon e i annan ki dan problenm e eski i annan la ki zot pa pe peye ouswa i annan bann problenm konfizyon vizavi siny Kontra avek Lagreman.  Si ou kapab dir nou?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mersi Onorab.  Onorab si i annan mon aksepte sa ki ou dir kekfwa i annan travayer piblik i pa santi li konfortab pou vin devan, pou vin fer resorti kek pwen konsernan son kondisyon travay, me selman nou toultan konnen dan Gouvernman, dan sekter piblik nou annan DPA ki la sa body, e si an ka zot annan okenn plent zot kapab liaise  avek DPA ki a kapab regard dan zot ka.  E apre osi nou annan Ombudsman ki la ki’n ganny mete pou li regard dan da bann ka koumsa.

Konsernan bann  (PEAs) i vre i annan en lakonpannyen ki petet ou pe mazinen antet nou’n fer korespondans avek li, e in propoze avek nou ki petet i ganny en monthly sibvansyon ki ava asiste li pou kapab fer marse sa biznes.  Mon krwar nou pou bezwen asize dan Minister evalye son propozisyon, akoz sa kou ki li in devan nou, ki’n met devan avek mwan i en pe o.  E Minister li menm li Departman i pou bezwen pran en desizyon si nou pou aksepte oubyen non.  Selman PS i a kapab donn plis detay lo konsernan Kontra.  Akoz mon konnen i pa ti agree pou li siny okenn Kontra.  Mersi Mr Speaker.

 

MR SPEAKER

Mersi.   PS petet zis pa tro al an detay Kontra ant zot avek sa entity?  Me ale go ahead PS.

 

PS JULES BAKER

Mersi Mr Chair.  Annefe se sa ki mon ti pe al dir Mr Chair, se ki mon pa krwar i apropriye pou diskit sa size, ki en size ase sansib.  Akoz sa i annan en lenpak lo private employment agencies.  Mon krwar sa nou kapab asize ansanm Onorab letan ou annan en moman letan nou a diskite.

Me selman wi parey mon dir taler Gouvernman i annan en Bidze. Ozordi  pou ou plas en job seeker ki nou apel li en normal job seeker ki pe rod en plas travay, ki pe ganny li R150 par dimoun;- R250 i pou en zenn ant 15 a 30an.  (Sorry) pou anrezistre en zenn ant 15 a 30an i ganny R250 par personn.  Pou anrezistre en post-secondary i ganny li R100 pou secure employment pou rod en dimoun secure employment i ganny li R200 par dimoun. Pou secure en zenn ant 15 a 30an i ganny R300 par personn ki i plase, e nou ti’n fer en propozisyon pou pey li en monthly fix rate of R5000mil tou le mwan, baze lo parey Minis in dir baze lo performans lo size pou ed li en pti pe avek grooming referrals bann dimoun ki pa successful letan i fer job counseling.  Mersi Mr Chair.

 

MR SPEAKER

Mersi PS.  Onorab Larue.

 

HON FLORY LARUE

Bonzour Mr Chair.  Bonzour Minis avek ou delegasyon.  Mon ti a kontan konmans avek en persepsyon kekfwa ki en pe piblik i annan avek sa Minister sa Departman.  Piblik i santi ki souvan foreigners i pe ganny en presedans, ouswa plis proteksyon.  Akoz souvan lo televizyon ouswa dan bann rapor ou war ki bann NGOs in dekouver serten malfer ki bann anplwayer pe fer e sa i ganny anmenn devan.  E lot kote ou war ki Seselwa osi i dir ki nou osi nou pe mal pase e nou pa santi ki dimoun pe regard nou.

Alor ki zot pe fer pou zot vin pli prezan dan bann landrwa travay? Akoz kot en dimoun ki pe anploy foreigners zot vini zot fer plito en envestigasyon. Me dan bann landrwa kor i annan en anplwayer Seselwa, souvan travayer i santi ki zot kolabor avek bann anplwayer Seselwa.  Alor kisisa zot kapab fer pou sanze ki Seselwa i santi, ki zot pe ganny menm tretman anba Lalwa parey bann etranze?

En egzanp ki mon kapab donnen i – si ou kapab permet mwan en pti pe Mr Chair – konmsi eksplike ki mannyer zot menm zot kre sa persepsyon.  Zot fer en Kontra travay pou bann etranze ki par zot polisi i bezwen ganny ateste par zot.  Souvan sa Kontra letan i ganny fer en anplwayer pa tro kapab amande.

E bokou travayer i servi sa template ki zot donnen.  Sa template ki zot donnen i menm template ki zot ateste.  I fer sa dimoun peye pou ateste your own template.  Me selman nou war ki i pe fer 22mil ekek Kontra ki pe antre kot zot ki pe ganny ateste bann foreign contracts, me sa pa aplike pou Seselwa.  Kontra Seselwa pa ganny ateste!

Alor e li i pli diferan akoz i pa en standard template.  Alor eski zot pa pe kre zot menm zot plis birokrasi pou zot lekor akoz en Kontra i en legal document.  Si i pa pe meet kriter legal i tonbe.  Si ou template i vin dan Lalwa konman en schedule, li i take presedans.  So mon pa konpran ki mannyer zot pe envestir sitan kantite dan sa atestasyon zot own contract.  

        E an plis ki sa pou en pti kont en pti lakonpannyen, i kre en gro kou.  Si en dimoun i annan 10 dimoun i bezwen ateste tou le 10 Kontra ki menm Kontra – same template.   So, zot kre en kou an plis.  So ki sa ki zot kapab eksplike akoz zot pa ateste Kontra Seselwa akoz usually plis problenm i laba olye kot etranze?  Sa i en kestyon.

Dan Bidze nou war ki i annan en logmantasyon ki pou ganny aplike avek GOP pou bann dimoun ki’n servi en pe plis letan Sesel, i pou annan en increase dan sa bann GOP.   Me nou war ki GOP i pou sekter prive me nou konnen ki Gouvernman osi pe anploy dimoun pou fer plis ki 5an, plis ki 10an ki etranze, ki mannyer sa aplikasyon ki’n ganny dir dan Bidze i aplik pou Gouvernman osi?

Akoz si sekter prive ki pou bear sa cost ki mannyer sa pou aplik pou Gouvernman ?  E si nou kapab ganny en statistik dan sekter prive konbyen sa bann dimoun i annan ?  Akoz zot ki donn GOP zot bezwen konnen konbyen dimoun ki zot sa kantite lannen?  Mersi Mr Chair.

 

MR SPEAKER

Mersi Onorab Larue.  PS.

 

PS JULES BAKER

Mersi Mr Chair.  Mersi Onorab pou ou kestyon.  Onorab Larue ou annan 2 kestyon enn pou Employment enn pou Imigrasyon ;- mon a pran sa enn Employment Minis i a koz lo sa enn pou Imigrasyon si i santi li.  Akoz sa pa  Bidze Imigrasyon i plito Bidze Employment.

En tre bon pwen Onorab regarding atestasyon kontra mon krwar lespri lentansyon sa Lalwa, se ki Sesel ankor mon repete, fodre i pa ganny gete konman en destinasyon pou ankouraz bann dimoun fer bann Kontra an deor Sesel e fer li vin aplikab dan Sesel.  Akoz bokou fwa ou war se ki en saler minimal dan Lenn ouswa Bangladesh ouswa Népal, i pa en saler ki isi Sesel.  Me selman letan ou war sa bann dimoun i agree avek en serten sonm larzan pou li vin travay Sesel, letan i vin Sesel son ekspektasyon ouswa bann kondisyon ki i ganny mete dan sa kontra i pa apropriye.  E alor nou war li neseser ki avan ler li sa dimoun i a moman ki sa dimoun i antre dan pei, ki son Kontra i ganny war si i an konformite avek Lalwa.

Ou kestyon regarding akoz nou pa ateste Kontra Seselwa?  Mon krwar in toultan annan sa tandans ki parey in dir ‘’ease of doing business’’;- taler Onorab Henrie in met ease of doing business, eski Gouvernman pou al antre dan micro manage ant en Kontra ki’n ganny ofer par en Seselwa e en anplwayer Seselwa?  Si sa de dimoun in tonm dakor pou agree pou met dan Lalwa e forseman nou devret ateste Kontra, mon pa poudir mon pa dakor avek ou, me selman mon krwar lo nou kote konman Employment Department nou devret ranforsi! Met plis lanfaz lo ranforsisman Lalwa, pou fer sir ki Kontra Seselwa i azour e i ganny proteze egalman parey etranze.

Me pou al ateste tou kontra Seselwa, mon krwar la nou pou ganny en pe challenge lo kote bann anplwayer.  Me mon santi ki nou devret met plis lanfaz lo ranforsisman, pou fer sir ki tou travay Seselwa i ganny proteze.  E wi nou annan serten mekanizm ki nou met an plas anba nou Labor Migration Policy malgre en bon pe defi avek bann anplwayer – en bon pe challenge avek bann diferan Lasosyasyon Anplwayer.  Nou annan 3 keksoz ki nou pe ofer anba Migration Policy.  I annan HR dan landrwa travay; –  Taler in fer resorti kote disiplin.

Ozordi i annan en bon pe lorganizasyon ki napa en proper HR setup. Akoz?  Sanmenm ki ou war ‘’influx of complaints’’ ki olye sa travayer i al kot son HR swa i al kot son anplwayer, i pa anvi ale al laba. I dir zot in fini  pran aksyon avek mwan alors  mon vin direkteman kot Minister Lanplwa.  E sa bann Migration Policy nou pe dir ki okenn lorganizasyon ki anploy en serten nonm travayer, fodre i annan en HR.

Dezyenmman;- en keksoz ankor ki zot pa kontan ki mon krwar i dan lentere travayer Seselwa, nou pe dir se ki i annan en salary structure  dan tou lorganizasyon prive, ki anploy en serten norm travayer, pou asire nou annan sa prensip ki apel ‘’Equal work for equal value.’’  Si ou anploy en waitress Seselwa ou anploy en waitress etranze i bezwen ganny menm saler de-baz.  Ne of course i pou annan bann package ki pou vin avek sa travayer etranze akoz ou bezwen donn li akomodasyon utilities ek manze nou pa kapab afford fer dimoun sorti pei deor pa donn li manze.

Me tousala i kre dan sa Kontra – ou konpran sa? Me  i enportan ki nou extend nou proteksyon pou nou bann travayer Seselwa.  E mon krwar sa Migration Policy i enn bann lakle kot nou pou met dan Lalwa ki bann anplwayer i met azour zot salary structure ki en fason ki nou pou ankouraz bokou plis Seselwa zwenn nou bann lendistri.  Mersi Mr Chair.

 

MR SPEAKER

Mersi PS.  Minis oule pran sa pti bout ki tous en pti pe lo Imigrasyon.

 

MINISTER MYRIAM TELEMAQUE

Mersi Mr Chair.  Mersi Onorab pou ou kestyon.  Onorab ou’n demande apepre konbyen travayer pou ganny afekte ki pou annan sa 10an oubyen 6an ?  Nou’n fer en pe analiz.  Nou’n rod statistics.  I annan apepre 5000mil travayer ki annan  10an a 6an, ki pe travay dan Sesel – ok?  Sa ou premye kestyon.

Ou 2enm kestyon ou’n koz lo travayer Gouvernman ;- Lalwa Imigrasyon an se moman si travayer ki travay pou Gouvernman pou Lanbasad dan ITZ.  Zot pa pey okenn GOP fees zot exempted.  Savedir ogmantasyon GOP i pa pou aplikab  pou zot.

Selman nou bezwen asize mazinen poudir laplipar etranze ki ganny anploye dan sekter piblik, se zot dan Minister Lasante avek Minister Ledikasyon. 2 Minister ki vreman enportan e ki nou bezwen sa bann dimoun pou zot la dan pei, pou soutenir sa bann Minister.

E alor nou annan diskisyon avek sa bann Minister, pou nou regarde ki pozisyon zot pou pran konsernan sa policy ki nou pe vin avek.  Mersi Mr Speaker.

 

MR SPEAKER

Mersi Minis.  Onorab Larue.

 

HON FLORY LARUE

Mersi Mr Chair.  Mr Chair mon konpran ki PS in dir pou bann zafer Kontra.  Me selman i pa’n reponn kestyon.  Zot annan en template pou foreign workers.  Zot napa en template pou Seselwa.  So deza i pa pe asiste mon pa santi zot pe asiste bann diferan anplwayer Seselwa, par deza donn zot en template ki zot travay avek dan diferan sekter.

So si zot kapab travay lo sa koumsa, i ava kapab ed tou dimoun.  Me selman bann pti kontrakter bann dimoun ki fer vini bann foreign workers ki pe servi menm Kontra ki ou’n donn li pou 10 travayer, eski i byen pou sarz li 10fwa pou ateste?  Akoz son cost i monte pou servi en template.  En template  zot allow pou en dimoun tro amande.

Apre letan nou’n koz lo kantite travayer ki annan ;- enn zot bann defi ki zot in dir i ki i annan en increase in youth unemployment.  E i pe montre osi ki en kantite zenn napa kalifikasyon pou antre dan lanplwa, eski zot pe travay ansanm direkteman avek Minister Ledikasyon, pou sey met lanfaz lo sa dernyen detrwa zan pou manrmay ki pe vini la, pou sey target en pe ki nou pe form dimoun ki kapab antre dan lanplwa.  Akoz mon konnen i en problenm deza.  Mersi.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mersi Onorab pou ou klarifikasyon.  Mon krwar i enportan ki mon klarifye eskiz mon mank sa bout template.  Premyerman mon a koriz ou ki sa template i pa en template ki fors en anplwayer pou li servi.  I en gidans ki bann anplwayer i ganny sans pou li servi.  Si i annan dwa pou li amande provided son amannman i pa an defo avek Lalwa Lanplwa.  Sa i bezwen fer kler.  E prezan napa nanryen ki anpes en anplwayer servi sa template ki menm ki nou  ti pou donn li pou travayer etranze, pou li servi, akoz sa i donn li posibilite pou li negosye salary package sa travayer Seselwa.       So napa nanryen ki dir ki i oblize fer li.

Me selman nou pou pran ou gidans lo sa zafer pran konsiderasyon, pou ki i osi nou a kapab konsider pou travayer lokal. Me selman pou lot kestyon i dir ki  – (mon pan tro rappel ou 2enm bout sorry Mr Chair.)

 

MR SPEAKER

Mersi PS.  Onorab Larue.

 

HON FLORY LARUE

Sa kote attestation;- en attestation Mr Chair i letan en keksoz i bezwen ganny validate.  Ou pran en template ou donn en dimoun ou dir li fer en Kontra avek.  I sinyen i retourn kot ou, ou attest menm keksoz ki ou’n donn li ou sarz li ; – (1)

Deza ou’n sarz li pou sa kontra si i annan 10 dimoun ki’n servi menm template ou sarz li pou attest tou le 10 Kontra, ki menm Kontra ki ou’n donn li !  So there’s – i pe kre birokrasi pe fer monte pri pou sa dimoun pou fer biznes e petet ou pe pran plis letan avek sa formalite.  Mon lot kestyon ti anliny avek zenn Minis.

 

MR SPEAKER

Mersi Onorab.  PS.

 

PS JULES BAKER

Mersi eskiz mon Mr Chair.  Mersi Onorab.  Mon krwar sa ki enportan pou mon fer resorti sa Kontra endividi content i diferan.  Gouvernman i pa dan en biznes anmas larzan pou fer profi li.  Nou, nou bezwen fer sir ki nou protez bann travayer.  Si ou pe anploy en sarpantye avek en mason zot content i diferan.  Si ou pe anploy en profesyonnel en manager son content i pou diferan.  Ou bezwen fer sir ki letan ou asize ou get sa bann Kontra.  E parey ou pe dir birokrasi.

Be i annan en kou ki atase avek so ou bezwen fer sir letan ou pe ateste sa Kontra sak sa bann Kontra ki ou pe ateste i bezwen reflekte sa kondisyon ki ou pe met devan sa travayer.  Me selman pou ou komanter e nou ava pran an konsiderasyon nou ava gete ki mannyer nou kapab amelyore Onorab.  Mon krwar i annan serten sans dan sa ki ou pe dir nou ava gete ki mannyer nou ava amelyore.

Lo kote Minister Ledikasyon la ki nou kapab dir ou sanmenm sa ki Gouvernman in entrodwir en sistenm skills development.  I annan en bon pe anplwayer ki dir ou ki nou pa kapab anploy sa bann zenn akoz zot napa leksperyans.

Nou annan de Scheme prensipal ;- nou annan My First Job Scheme ki ou konnen ki nou asire ki nou bann zenn graduate ki’n successful in konplet son pos-segonder Gouvernman i pey 60poursan, anplwayer i pey 40poursan.  Anba Skills Development Gouvernman i pey 70poursan anplwayer i pey 30poursan.

E sa i sirtou bann zenn ki drop out from school e ki napa ase kapasite pou zot deswit antre dan lemonn travay. E mon krwar la ki nou pe fer nou deza pe travay pros avek Minister Ledikasyon e mon pou admet avek ou, wi i en defi akoz pa toultan ki nou kapab capture sa bann zenn right there and then, letan zot pe kit lekol.  E zot end up posibleman lo labor market hanging around for a while.  E prezan  zis pe esper nou  capture zot.

Me selman ki nou bezwen fer, se ki entansifye nou zefor avek Minister Ledikasyon, ki deswit konman en desizyon i ganny pran pou tir en zanfan dan lekol, let’s say in tonm ansent or en rezon ki’n arive ou en lot,  si i bezwen sorti nou anmas li, nou ed li ganny son baba si dan ka en madanm, e nou ed li osi re entegre dan sistenm ledikasyon letan in fini ganny son baba.  Si i pa anvi ganny re entegre, la nou anmas li nou met li dan employment program.  E sa mon krwar i en tre bon pwen Onorab e nou bezwen kontinyelman met lanfaz lo la.  Mersi.

 

MR SPEAKER

Mersi PS.  Onorab Noline Sophola.

 

HON NOLINE SOPHOLA

Mersi Mr Chair bonzour.  Bonzour Minis avek ou lekip tou dimoun ki a lekout.  PS mon kestyon i vize presizeman  pou La Digue.  Avek logmantasyon biznes lo La Digue e dan lofis, an se moman nou pe annan zis de travayer e mon war ki zot overworked.  Parfwa menm i fer ki i annan zis ler enn i absan, i annan zis enn ki prezan e mon war ki zot ganny difikilte pou zot kapab delivre.  E mon kestyon PS eski ou kapab eksplik sa Lasanble, ki mannyer ki ou Minister pou adres sa sityasyon workforce lo La Digue dan sa nouvo Bidze?

E mon 2enm kestyon se ki mon’n deza fer en demann lo desantralizasyon bann aktivite ki zot fer pandan lannen isi Mahe, kot parfwa bann etidyan, menm bann zenn i ganny akse pou zot war bann diferan travay ki nou kapab ofer dan pei, e osi sa i en fason pou ed bann zenn La Digue pou kapab fer en meyer swa dan zot karyer.

E lannen pase i vre ki ti annan en zefor pou fer keksoz, me mon krwar nou pa ti successful.  Me eski la dan sa Bidze zot pe pran an konsiderasyon pou ki nou kapab fer en keksoz?  Mersi.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mersi Onorab pou ou 2 kestyon.  Premye kestyon i konsern kapasite lo La Digue.  Sa ki nou kapab konstate Onorab, se ki La Digue letan nou get volume nou santi ki i ase sa 2 staff ki annan.  Akoz pa toultan ki ou annan sa volume ki ou pou bezwen neseserman annan 3 staff.  E par lo la ankor Onorab si ou pe al azout ankor en additional staff which means an additional office for 1 staff ki ozordi office rent i vreman koute.  Mon pa anvi al met presyon ankor lo PS Thésée pou demann li en budget pou extra rent, me selman ki nou fer nou fer en lot stratezi nou servi staff Praslin pou mont La Digue pou asiste.

E sanmenm sa ki ou war ki mon bezwen re go back kot Minister Finans pou re negosye sa pos lo Praslin ki mon ti dir sa senior employment officer lo Praslin ki li i ava sa Lazans, sa agent ki  pou pe oversee en pti pe. Tir en pti pe sa presyon lo Direkter Praslin met en pe plis latansyon lo La Digue.  I vre ki lenpresyon biznes lo La Digue in ogmant en kantite, e i annan nesesite pou additional resources.  Me selman pou annan 3 staff permanan, mon krwar i pou en pti pe tro e kou pou élevé, e finalman nou pou bezwen re eksplik ankor Lasanble akoz sa Bidze pe monte.  So alor nou stratezi se servi bokou staff Praslin pou asiste.

Ou 2enm kestyon parey ou konnen Onorab mwan menm mon ti mont Praslin ek La Digue mon ti vin fer meeting avek Lotorite Distrik DA, MNAs tou dimoun ki lo Board pou war ki pli bon fason ki Employment Department i kapab entervenir pou asiste La Digue ek Praslin.   E menm Onorab Woodcock osi nou fer meeting avek li zot in dir nou ki job fair lo Praslin avek La Digue, i pa neseserman en pli bon entervansyon, akoz lo Praslin letan nou pe gete ou annan ou forse zis 26 dimoun 26 job seekers, e La Digue mon napa sa statistics of kont dan mon latet la;- i posib  dan mon bann papye, me solman i pa en volume kot mon kapab dir  nou bezwen fer en  job fair pou depans larzan pou bann dimoun ki travay.  Mon krwar pli enportan nou bezwen kontinyelman nou diskisyon Onorab, ki ou, ou santi e ki Lotorite Distrik La Digue i santi ki pli bon entervansyon  nou kapab tonm dakor lo la, pou ankouraz sa sansibilizasyon bann zenn pou antre dan lemonn travay.  Mersi Mr Chair.

 

MR SPEAKER

Mersi PS.  Onorab Sophola.

 

HON NOLINE SOPHOLA

Mersi PS pou ou lesplikasyon.  PS mon konpran larzan i koute, me mwan osi mon ti a kontan ki mon war mon bann profesyonnel i desann La Digue.  Akoz si zot pa pe fer louvertir nou profesyonnel tou pou reste Mahe.  Nou napa !  E se sa ki mon pe dir, annou kre loportinite ki nou bann profesyonnel Digwa, ek Mahe zot a war ‘’be wi la i annan en trou mon kapab antre.’’ Si non zot pran tou ek mwan, mon napa!  Mon pa kapab travay, mon lanmen i anmare.

E mon 2enm se ki job fair mon pa pe dir fer en job fair parey Mahe i fer lo sa gran lanpler, me ki mon pe demande ki nou war en pe zot prezans.  Met sa de zofisye ki dan distrik La Digue trankil.   Annou war prezans lezot dimoun ki vini pou vin fer sa bann travay lo zil.

E sirtou travay avek nou zenn e avek nou bann etidyan kot lekol.  Se zot ki bezwen.  Akoz annandler  en zanfan ou demann li ‘’be ki ou anvi fer ?’’ ‘’Miss mon anvi vin pilot.’’ Me ler ou regarde sa zanfan i pa pou kapab vin pilot akoz ler ou pe regard son bann size ki i pe fer, i pa li.  Petet i pa’n ni menm koz ek son teacher pou dir sa ki mwan anvi fer.   E apre zot pa pe war louvertir bann travay – bann jobs ki annan.  Zot pe war zis business.  Preski tou  zanfan i  al dan Business Studies.  Akoz?  Zis sa ki zot war devan zot. Se sa ki mon pe demande.  Mersi.

 

MR SPEAKER

Mersi Onorab.  PS Baker.

 

PS JULES BAKER

Mersi Mr Chair.  Mersi Onorab.  Wi mon krwar sa i en sizesyon fer bann profesyonnel La Digue, Digwa tourn La Digue.  Nou ava travay ansanm nou ava get en kou an term statistik konbyen bann ki al dan bann pos-segonder ki reste Mahe.  E nou pou still kapab zwenn en pti pe parey Minis i fer son vizit La Digue Minis fek sorti La Digue ki in al war en pe bann biznes La Digue, pou ankouraz annan en pli bon salary package pou nou bann profesyonnel.  Wi nou ava pran sa an kont, ki nou a diskit ansanm avek ou, ek Lotorite Distrik.

Lo kote prezans ou pou remarke dan nou Bidze ki nou fer en pti logmantasyon dan ‘’local travel fees, ’’ pou nou ogmant nou prezans lo sa de zil.  Akoz nou santi ki i enportan – wi ki nou donn latansyon sa de zil.  E mon kapab garanti ou ki nou fer en pti logmantasyon dan Bidze ki nou bann zofisye i ava antre dan sa zafer ;- ki parey Onorab Woodcock in dir in person ki vreman prominan.

Lo kote openings for jobs ok i vre ki nou pa devret fer en job fair pou La Digue.  me nou a – parey mon pe dir La Digue i annan en kantite loportinite, me eski sa bann zenn La Digue  i anvi -Digwa  zot anvi antre dan en travay formel?  Akoz mon war bokou fwa poudir i annan Maelwa mon krwar i apele i vin travay Praslin, pou kouver demann, akoz supply is limited.  Me selman annou dir egalite loportinite, parey sa prensip i dir egalite loportinite ;- wi nou devret donn tou dimoun ki oule travay La Digue en loportinite.  Nou ava travay ansanm in terms lo kalite openings pou antre plis dan domenn lo labor market.  Mersi Mr Chair.

 

MR SPEAKER

Mersi PS.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mon a sey al en pe vit.  Mr Speaker  mwan mon ti a kontan konsantre en pti pe lo reveni ;- dan bann detay reveni isi mon war ki Departman Imigrasyon sirtou i en very high revenue area e sa i enportan ki i kontinyen koumsa.

Me pou sa bann reveni kontinyen antre i bezwen annan bon enforcement.  Alors mon ti a kontan demann avek Minis avek PS si sa Bidze Departman Lanplwa i donn zot tou bann zouti neseser pou zot enforce bann Lalwa ki annan.  Akoz mon pe demann sa kestyon? Akoz par egzanp en dimoun i deside i pe anploy en Bangladeshi ki pe deza travay Sesel e i ganny dir be non son previous owner pa’n pey son GOP, alors son employer pa’n pey son GOP, alor mon pa pou kapab donn li en lot GOP!

E fodre ou ki peye, pa sa previous owner.  Ou peye ou.  Sa pevious employer (sorry mon servi sa non) ou peye.  Savedir Departman Lanplwa i pa ale kot sa dimoun ki’n fer sa frod, me selman i rod en fason pli fasil pou li anmas sa larzan.   Mwan mon ti a kontan konnen alors si zot annan tou bann zouti enforcement pou fer sir ki sa larzan i devret antre, ki antre.  Sa i enn.

Mon annan kestyon lo marriage fees apre lo citizenship fees.  Nou ava pran apre oubyen – ? Nou ava pran sa avek Imigrasyon?

 

MR SPEAKER

Wi.

 

HON JEAN-FRANCOIS FERRARI

Ok. Zis sa kestyon sa enn la apre mon ava satisfe avek.

Mon ti annan en 2enm kestyon, e sa i konsern sa Lalwa si zot in fer lo bann pri GOP i monte.  Mon ti a kontan ki ler Minis i pran laparol taler kekfwa lo Imigrasyon i vin en pe kler lo la, akoz i paret en sistenm ki bokou dimoun deor i dir ki i pa paret en sistenm ki tro entelizan –  ki tro en akoz finalman kot nou ti kapab ganny en bon travayer etranze, nou riske pa ganny li akoz Lalwa pe fors nou pou pran desarz nou, alor pe fors nou pou nou pran en lot dimoun ki nou pa ni konnen si i bon si i pa sa.

So eski napa en lot metod lo baz sa bann kritik, sa bann lenformasyon ki ganny fer?  Eski zot in reflesir a en lot metod ki ava fer sir ki dan en sityasyon ki nou bezwen sa bann travayer etranze.  Personn pa pe deny sa, i en sistenm konmsi ki donn nou ki permet nou gard sa ki meyer.  Parey tou lezot pei in fer.  Zot sey rod en fason pou zot gard sa ki meyer e shed sa ki pa tro prodiktiv.  Nou i paret mon nou pe fer lenvers.  Mersi.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mersi Onorab.  Me selman mon krwar tou le 3 ou kestyon i viz ver Imigrasyon me selman zis pou donn ou sa garanti, si mon annan ase zouti pou kapab enforce li ;- par egzanp lo kote atestasyon Kontra la  mwan mon war i en area kot i devret annan plis enforcement.  Akoz pa tou anplwayer ki pe submit zot Kontra pou ateste.  E alor la mon krwar dan Bidze nou demann additional post malgre i annan enn de ki’n freeze, me selman nou gannyen detrwa pos.  E nou anvizaze ki by next year nou kapab met en pe plis zefor lo al dan landrwa travay e fer sir bann anplwayer i pran zot responsabilite e met a zour zot bann kondisyon travay.  Mersi Mr Chair.

 

MR SPEAKER

Mersi PS.  Minis.

 

MINISTER MYRIAM TELEMAQUE

Mersi Mr Chair.  Mr Chair mersi Onorab.  Onorab, wi ou’n fer sorti en pwen ki ler en travayer i reste isi ilegalman e en lot anplwayer i le rod en permi travay pou li, i bezwen sa arrears ki sa anplwaye, i ti bezwen peye ler i ti pe travay isi dan pei.  Sa sistenm nou’n fer li an plas, akoz i vre kot nou monitoring i annan de ka nou pa kapab pick up ler bann travayer pe travay san permi.  E nou’n beef up nou Enforcement Unit e nou’n met pli bokou zofisye pou travay dan  enforcement.

E nou espere ki sa bann ka pa pas dan net e i ava dimini avek letan – ok?  Lo ogmantasyon GOP parey ou’n dir normalman i pou la an se moman i R500 par mwan ki ariv R6000mil apre ou pey R1000 processing fee.  Ek sa nouvo regilasyon ki pe vini ou pou pey R1000mil si ou plis ki 6an dan pei e ou pou pey R5000mil si ou 10an dan pei – ok?

Mr Speaker mon krwar nou pou bezwen get li dan en konteks pli gran, Gouvernman apepre 2an, 3an, 4an in fek siny lo rekritman travayer.  Sa pou ed bann anplwayer dan zot ease of doing business parey Onorab Henrie in dir taler, pou facilitate tou keksoz.  E mon krwar nou ariv en staz pou bezwen prezan dir –‘’ oli ?’’  ‘’Annou tenir en kou.’’ Zot dir bann anplwayer i dir ou napa demann i bokou, nou, nou pa kapab supply.  Gouvernman in train li.  I pe train li pandan sa 3an, 4an i pe train.  Nou pe ganny nou bann graduate ki sorti STA.  Nou pe ganny bann graduate sorti Liniversite Sesel ;- nou pe ganny nou Shannon graduates ; – mazinen zot osi zot la zot pe esper en plas travay pou zot kapab progrese.

E mon krwar prezan nou bezwen mazin en pe nou Seselwa fer sir ki sa anplwayer i pran Seselwa, in donn li sa sans pou li progrese dan sa landrwa travay.  Nou a rann vizit dan bann lotel.  Nou pa manze nou al rann vizit !

Nou al rann vizit dan bann lotel.  Nou koze.  Seselwa i koz ek nou.  I dir nou, mon la 20an, 24an mon ankor pe ganny R6000mil!  Sa mon krwar nou pou redres li dan sa Labor Migration Policy.  Se pou la rezon ki nou met sa salary structure.  Ou antre travay ozordi demen ou konnen dan 2an mon pou ganny en R150, R300.  Dan ankor 2an, mon pou ganny tan.

Oubyen mon sipoze la en assistant dan 2an, 3an mon pou vin en senior.  Konmsi mon a konnen kote mon’n tras mon progresyon. Menm si nou pe ganny en pe difikilte konsernan sa bann anplwayer konsernan sa Polisi.  Be mon krwar pou nou kapab at least get sa konponan travayer etranze nou pa pou kapab pran bann desizyon ki napa lenpak !  I  vre i pou fer nou pa popiler.  I pou fer dimoun pa kontan nou e nou pou bezwen rod en fason met en baraz en landrwa.  akoz Seselwa osi pe rod sa sans osi pou li monte.

Onorab ou konnen ki poudir i annan anplwayer i dir ou outright  mwan mon pa pou donn li sa pos Seselwa, nou. Be akoz ou pa kapab donn li ?  Donn li sa sans li  osi.  Si ou pe donn sa etranze R40,000mil, akoz li i pa kapab ganny R40,000mil?   E prezan nou amenn dan Lalwa.  Ler nou met dan Lalwa, ou a bezwen fer li.  Nou pa kapab.  Konmela nou koz ek ou ler nou koz ek ou, ou pa oule konpran nou, be nou anmenn dan Lalwa prezan.  Ler nou a met dan Lalwa sa konponan Polisi nou a met li dan Employment Act, ou a bezwen fer!

Akoz nou annan Shannon ki sorti deor, nou bann jeunes,  zot dir ou zot oule al travay dan lospitalite, ler zot ariv laba (eskiz mwan) be zot fer lavi sa bann etranze Seselwa difisil!  Fodre ou annan sa!  Fodre ou annan isi ! ou pou travay toultan aswar ! Seselwa ki dir mwan dan lotel.  Mon ekout zot mwan!

Parey sa ka kot sa housekeeping manager ki mon’n bezwen lager pou fer sa Seselwa sa plas. I lo localisation plan mon krwar 3an, me nou bezwen dir sa dimoun ale.  Nou bezwen met nou lipye ater, dir li ale.  Donn sa Seselwa be zot ankor pe fer difisil pou sa Seselwa.  I text mwan li.  Minis zot fer mwan travay ziska minwi.   Mwan mon bezwen dir li pran kouraz tenir, ou’n lager pou ganny sa plas travay, tenir.  Nou’n travay ansanm, nou’n fer sir ki sa etranze i ale.  Be zot fer louvraz –  nou bezwen rod en fason.  I vre parey ou dir i sa 10an apre sa 1an ler pou  zot retournen, kekfwa i pou annan challenge pou Minister me nou a konmans ek sa.

Onorab apre nou bezwen mazinen, dan nou plan Minister pou zerans travayer etranze, sa Polisi i premye.  Nou annan nou Immigration Bill ki pe vini, ladan osi i koz bokou lo travayer etranze ki nou pou mete an plis.  Pou permanent residence bann kriter ;- nou annan citizenship.

Tousala nou pe met – konmsi bann letap ki nou pe al avek, nou pou bezwen travayer etranze nou Onorab.  Toultan Sesel  pou bezwen.  Me nou bezwen fer en fason ki nou abzorb sa Seselwa osi.  Si nou Minister nou pa kapab fer li antre dan en louvraz, lanmenm ler dimoun poudir Minister in fail zot.  Be nou ava fer li dan en lot fason.

Nou a rod lot fason.   Menm si i fer nou pa popiler, so be it.  Apre nou annan nou Employment Bill ki pe vini, tousala i pou zer konsernan bann etranze ki pe travay dan pei.  Konpran mwan byen Onorab, nou pa pe dir nou pa kontan etranze ;- nou pa pe dir nou pa bezwen etranze, me nou bezwen rod en fason osi pou nou dimini, anmenn nou Seselwa dan sa bann pozisyon.  Akoz i annan Seselwa ki ganny train.

        Mon annan ka osi la mon kapab dir ou mon mansyonn ou i annan en jeune fiy ki en HR i en Shannon graduate e i ti tonm malad ;- en malad ki vreman serye, in trete in byen mon anvoy li kot en serten landrwa kot zot pe rod HR be sa HR i rod lipou ek li.

‘’Ki mannyer ou pou kapab fer sa louvraz?

‘’Ou fek malad ou pou kapab?’’

Be ou pran li ou, apre ou a gete si i kapab fer oubyen non.  Si i pa kapab fer ou a dir li sorry mon donn ou en sans ou pa kapab fer li.  Be pran li i en graduate li.  Si ou kapab pran li.  Selman ou pe rod etranze pou vini?  Selman ou pe rod en employment approval pou ou fer vini en etranze?  Be non!

Sa bann keksoz ki se pou la rezon nou’n konmans avek sa GOP fees.  Nou’n konmans avek sa Labor Migration Policy, e nou pou anmenn nou Employment Bill.  Nou pou anmenn nou Immigration Bill omwen dimoun deor piblik Seselwa a konnen, nou pe seye.  Si nou pa kapab oubyen nou pe ganny defi dan semen, nou a rod fason ki mannyer nou pou aranze.  Mersi Mr Chair.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Minis mon apresye sa pasyon ki ou’n koz lo sa size, e mon krwar nou lo egzakteman menm paz.  E sa Lasanble i vreman pe travay pou fer otan ki i kapab pou met Seselwa dan lanplwa.  So lo sa kote ou pou ganny nou sipor konplet.  Sa ki nou anvi met devan zot se nou napa problenm avek kontrol.  Sa ki nou anvi se en sistenm, e kekfwa i ankor i annan en pe lespas pou nou reflesir, en sistenm ki donn priyorite Seselwa, me en sistenm osi ki pa penaliz bann etranze, ki bann bon travayer.  Kekfwa i kapab annan en middle of the road approach kekfwa e mon pe met sa devan zot pou zot gete e rod en fason ki si ou annan sa bon travayer ki i pa pe ganny penalize.

So wi Minis definitivman, nou konnen ki i annan sa bann sa nou ankouraz Minister Lanplwa, pou met an plas bann regilasyon ki pou favoriz Seselwa, e ki pou otan ki posib fer sir ki nou bann frer ek nou bann ser i travay.  EE i ganny promosyon pa ki i reste zis ater li pa ganny drwa parey ou’n dir li i pa ganny dwa ganny R40mil.  I gannyen drwa ganny R40mil so let’s work rowards sa.  Mersi.

 

MR SPEAKER

Mersi Onorab.  PS oubyen Minis.  PS.

 

PS JULES BAKER

Mersi Mr Chair.  Mersi Onorab.  Tre bon parol sorti kot ou.  Mon krwar donn nou sa momentum pou nou bouz ankor en pti pe plis, e pou fer sir ki nou garanti ki nou Seselwa comes first at all times.  Seychelles Seselwa i devret ganny pre trete konman priyorite pou tou louvraz ki annan.

En lot konponan dan employment policy Onorab zis pou lenformasyon Lasanble, se ki sa issue avertisman ;- kot ozordi ou fer en advert 3 zour dan Nasyon apre lannmen bomaten ou war en aplikasyon GOP in fini ganny submit.  Me kan ou ti fer interview?  Ou konpran?  So nou bezwen fer sir ki tou sa bann mezir.  Malgre i en mezir ki i pou en pe strik, me selman nou bezwen fer sir ki donn loportinite Seselwa first.

So nou pe dir ki i pou annan en pe plis letan pou zot  fer advert e avan ler zot submit sa aplikasyon pou demann GOP, zot bezwen fer sir ki zot in teste labor market.  E ki i annan Seselwa ki bezwen submit kot nou prev, ki i annan Seselwa ki in apply pou sa post e zot pa kalifye.  Mersi Mr Chair.

 

MR SPEAKER

Mersi PS.  Onorab Churchill Gill.

 

HON CHURCHILL GILL

Mersi Mr Chair.  Bonzour Minis avek ou delegasyon bonzour tou Manm.  Mon kestyon i zisteman an relasyon avek program 2 proteksyon pou travayer Seselwa PS parey ou konnen zot ganny establishment list ki sorti kot bann landrwa travay ki detay tou bann saler ki pe peye.  E lo la i kler i fasil pou zot war bann disparite ki  annan.  Eski ou kapab dir nou ki pe ganny fer dan sa direksyon, ki zot pe fer pou kapab  – akoz parey ou’n mansyonnen pli boner i annan bann Seselwa ki pe fer ki dan menm pos avek en etranze, me selman etranze pe ganny plis larzan ki sa Seselwa?

So zis ou a donn nou en lide kwa ki ou pe fer dan sa direksyon, pou zot kapab adres sa pou bann Seselwa ki pe ganny peye mwens.  Apre si ou kapab donn nou en lide ou revizyon lo quota ki zistans i été e kan ki ou anvizaze enplimant li ler zot in pran zot desizyon?

Apre mon 3enm ou konnen anplwayer pe konmans vin tre smart.   Ozordi ki pe arive Desanm vi ki 13enm mwan saler i dan Lalwa, zot donn Seselwa 13enm mwan saler e pou etranze zot donn etranze bonus 1.5 oubyen 1.8 zot saler e Seselwa i ganny bonus 0.5.  E prezan largiman ki zot, zot servi se Seselwa i ganny 13enm mwan saler, alors zot bezwen rod en lot fason pou sa etranze benefisye.   Me selman sa lot fason i 1.5 – i 1.8;- savedir i plis ki 13 mwan saler.   So alors mon pe demande ki ou Minister i anvizaze fer dan sa direksyon oubyen si zot in konmanse pou gete dan sa problenm?  Mersi.

 

MR SPEAKER

Mersi Onorab.  PS Baker.

 

PS JULES BAKER

Mersi Mr Chair.   Mersi Onorab pou ou 3 kestyon.  Premye kestyon mon krwar mon ti’n fini reponn nou annan en salary structure ki nou pe al met dan Lalwa Employment Bill ki pou anplwayer, pou fer sir ki i annan en striktir saler ki egal e ki ekitab ant Seselwa avek etranze.  E letan sa Lalwa pou vin an egzistans akoz pou le moman mon pa kapab fors en anplwayer pou mwan dir li koup lapey sa foreigner, donn sa Seselwa.  Me nou pe ankouraz zot Minis dan son bann vizit kot i ale nou toultan zwenn bann GM,  avek management ki nou ankouraz zot pou met saler at par of lokal e etranze.  Me selman ou pa kapab fors zot akoz napa en striktir legal ki pou fors zot fer sa.

Dezyenmman lo kote review quota parey mon’n deza anonse quota pou konstriksyon in fini ganny review baze lo meeting – ki plizyer meeting ki bann pti kontrakter in vin devan nou in konplent in dir poudir bann gro kontrakter i pran tou manze zot napa manze, alors nou donn zot loportinite pou zot kapab ganny en quota pou anploy plis travayer etranze.

Quota dan tourism ;- mon ti a swete lo nou kote tourism i pe demann i ganny redwir, me sa ki nou kapab konstate zot pe kontinyelman demann nou pou ogmant quota dan tourism.  So mon krwar sa ki i enportan pou fer resorti se ki la ki Labor Migration Polisi in fini ganny aprouve, e nou an se moman pe finaliz sa quota sistenm sirtou i annan bokou demann pou bann Inner Island;- bann lotel dan Inner Island ki pe met en kantite presyon lo nou pou increase the quota.

E travay i ongoing e nou espekte ki boner premye kar lannen prosenn nou fini ek sa zafer quota.  E sirtou pou en lot sekter ankor ki met bokou presyon lo nou i retail and commerce bann Lasosyasyon Retail and Commerce i zot pe dir zot devret ganny quota zot pe dir ki ozordi zot napa.

E sa i annan bokou plis wholesale ki Sesel pe ganny anrezistre.  I annan bokou plis laboutik ki ouver e bokou plis Seselwa osi ki pe antre ki nou war bann zenn Seselwa ki pe antre dan bann laboutik anvil ki zot osi zot pe demann nou posibilite pou sa.  So nou pe travay. Nou pe travay  lo sa quota sistenm e nou espekte tre byento ki nou kapab ganny en fason pli zis ki pli ekitab en fason nou annan en sistenm kot letan nou donn pos nou kapab dir nou satisfe avek.

Trwazyenmman lo kote bonus;- wi nou kapab konstate Minis dan son vizit ti kapab konstate ki i annan sa kalite tranzaksyon ki pe pase.  E nou, nou  menm nou konman Departman Lanplwa, lefe i reste ki bonus i pa ganny regulate dan Lalwa, e ozordi so i pou difisil pou mwan dir avek sa bann anplwayer pa pey sa travayer son bonus 1.5.  Me nou konstate sa en legzersis pe al konmanse byento apartir lannen prosen akoz nou ti anvi fini avek sa Polisi Imigrasyon avan apre pou nou atak sa issue 13enm mwan, ansanm avek bonus.

Me selman i pa normal pou kapab regulate bonus si i pa dan Lalwa sorry ou pa kapab enforce bonus si i pa dan Lalwa.  Mersi Mr Chair.

 

MR SPEAKER

Mersi PS.  Onorab Gill.

 

HON CHURCHILL GILL

PS mon konn tre byen, mon konpran sa mwan.   Mwan ki ki mon pe dir ou, sa i en problenm.  Ou prezan ou bezwen al met ou striktir an plas pou ou al deal avek sa bann problenm.  Mon pe basically met devan ou poudir i annan sa bann konsern.  Apre ou salary structure ki ou pe dir mwan la, sa i pou adres bann dimoun ki pou vin dan lanplwa apre ki sa in vin anfors, me lefe i reste ki ozordi dan lanplwa ou annan sa bann problenm.  

        So ou bezwen gete ki mannyer ou tackle sa enn osi, akoz sa i pou adres bann nouvo dimoun ki vin dan lanplwa ler i vin anfors.  Mersi.

 

MR SPEAKER

Mersi Onorab.  PS.

 

PS JULES BAKER

Mersi Onorab.  Sorry mersi Mr Chair mersi Onorab.

Neseserman wi ou pwen i valab e letan ou pas, en Lalwa normalman Lalwa i pou aplik pou tou dimoun.  So sa pou bezwen ganny adrese sa konsern i bezwen ganny adrese wi nou okouran challenge deor e nou pou bezwen fer sir ki laplikasyon i ganny met annord.  But of course nou bezwen donn sa anplwayer en dele letan, pou li kapab aziste son sistenm finansyel, akoz i pa bann keksoz kekfwa ki i ti pou prevwar.

Nou pa pe dir ki demen bomaten le 1 Zanvye 2020 ki tou anplwayer tou travayer pou ganny en logmantasyon dan zot lapey.  Mon krwar i enportan ki zot fer byen konpran poudir i en sistenm legal, dan en fason sistematik lafason ki keksoz pou ganny fer.  Mersi Mr Chair.

 

MR SPEAKER

Mersi PS.  Onorab Aglae.

 

HON EGBERT AGLAE

Mersi Mr Speaker.  Bonzour Minis PS delegasyon PS Finans osi.  PS ou’n koz en pti gin lo My First Job Scheme la, mon ti a kontan konnen ziska prezan konbyen larzan eski Gouvernman in depanse pandan sa Scheme?

Dezyenmman kot i konsern sityasyon Recruitment  travayer etranze sirtou Bangladeshi ki annan lanons ki’n ganny fer resaman kot i pe ankouraz bann kliyan pou pas atraver recruitment recognise agency aletranze, eski zot pe mazinen osi pou extend sa tel servis dan bann lezot pei, parey i annan Lenn nou annan en pe dan Lazi menm kot nou recruit, pou fer ki i annan en standar ki ganny set anba ou Minister laba?  E osi eski zot pe mazin a lavenir vi ki ler ou ti fer ou interview lo televizyon ou pa ti pe forse, me eski a lavenir sa pou vin konman en Polisi ki pou kre en lord e osi pou anpese ki i annan bann trafik imen?

E dernyerman mon ti a kontan konnen dan sa letan ki nou pe viv ladan la, ki zot relasyon avek Workers Union komite ki egziste dan pei?  Mersi.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mersi Onorab.  Lo kote Bidze pou lo My First Job Minister Finans ti allocate ek nou R5milyon e so far nou’n depans nou R4milyon pou sa lannen.

E 2enm kestyon. lo kote Bilateral mon fer resorti taler selman mon ava met plis lanfaz lo la, sa Lagreman ki nou annan avek Gouvernman Bangladesh in envit lezot pei pou apros nou.  Lenn in fini apros nou.  Already in fini drafte –  nou fini fer en draft nou anvoy kot zot pou zot fer en komanter.  Népal in vin kot nou osi zot osi zot ti ava anvi.  Sri Lanka in fini drafte zot dir zot ankor dan prosedir negosyasyon.  E nou annan en lalis annefe Onorab dan mon papye   la si mon kapab get en pti kou.  Nou annan en lalis ki nou kapab share avek ou lekel bann pei.  Annefe ki nou pe dir se ki nou pou met lanfaz ki tou pei kot nou recruit travayer etranze, nou pou bezwen annan en Korperasyon Bilateral pou anpese ki i annan labi, ouswa i annan trafik imen.  Nou annan en lalis apepre en 15enn pei kot nou recruit. Sesel i recruit partou, e nou annan en lalis kot nou anvizaze an fil a mezir ki nou progrese nou siny sa bann Lagreman kot i ava annan sa mutual understanding ki nou ava annan respe pou travayer Seselwa e osi egalman travayer etranze.

3enm kestyon Onorab –  nou relasyon avek Linyon Travayer.  Anba prensip ILO prensip privatiz i enportan ki nou annan tre bon relasyon travay avek anplwayer e osi  travayer – Linyon Travayer.

E nou bezwen osi envit zot lo tou nou bann Komite tripartite ki nou annan internal dan Minister, kot zot osi kapab partisipe, kontribye.

Mon krwar lanfaz se ki i bezwen dan Sesel i annan zis 2 Linyon ki anrezistre so far ;- nou pe antisipe kekfwa i ava ogmante lannen prosen, e i enportan anba nou bann partisipasyon par egzanp dan bann ILO Conference kot nou bezwen anmenn zot onboard.  Akoz sa i en Konvansyon Enternasyonal ki Sesel i en Manm.  E sak fwa ou pe al attend bann Konferans ILO nou bezwen anmenn Linyon, nou bezwen anmenn anplwaye onboard.

E mon krwar lentansite se ki  la i annan pou fer avek ledikasyon osi.  Mon ti a demande, mon ti a swete ki bann Linyon osi zot ed Departman Lanplwa, pou zot edik travayer e osi anplwayer lo ki zot drwa.  Dan ki zot drwa e ki zot responsabilite e sa i kapab tir en pe presyon lo Departman Lanplwa, e nou ava konsantre plis lo Polisi parey Onorab Waven William in dir.  Mon krwar i bann bon sizesyon.  Nou ava met devan e nou ava diskite nou ava progrese pou lannen prosenn.  Mersi Mr Chair.

 

MR SPEAKER

Mersi PS.  Onorab Aglae.

 

HON EGBERT AGLAE

PS mersi pou ou larepons.  Kot i konsern URS, PS, petet ou a koriz mon si mon mal eski ou Minister in etabli en cutoff date kot ler ou plas en dimoun lo URS i pa reste lo la pou en long peryod letan?  Sa i enn.  E dernyerman kot i konsern ou bann complaints officer, ki mon konnen poudir sa lannen, lannen pase osi zot in fer en bon pe travay swivan bann sityasyon lanplwa ki’n arive dan pei, eski zot pe byen ganny gete pou ki zot kapab parey ou’n dir taler, oubyen ou napa ase mendev dan sa laliny me sa pti gin ki ou annan, eski nou pe get zot byen pou ki zot a kontinyen fer zot travay dan en fason lib, zis osi?  Mersi.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Vitman drwa pou reste lo URS i ant 6 a 12mwan.  E nou esey nou mye ki nou pa gard dimoun lo URS pou plis ki 12mwan.  Me parfwa i annan bann ka ki vreman neseser kot sa anplwayer i dir ok mon pare pou mon donn li en 2enm sans donn mon ankor 6mwan.  Sa nou kapab zize lo en case-by- case basis.

Me selman sa ki nou kapab war dapre tandans lamazorite zot i ganny anploye apre en peryod 12mwan.  Or zot sorti lo URS kekfwa i pa dakor dan sa landrwa kot i pe travay i ti a kontan ganny en lot self skills, i sanze.  Me nou pa anvizaze ki en dimoun i reste lo URS pou bokou lannen, akoz sa i pa son lobzektif.  I pou ankouraz bann dimoun ganny en lanplwa e o pli vit posib ;- sirtou en dimoun ki vilnerab.  Akoz sa i en pe pli difisil pou anplwayer anploy zot vitman.

Lo ou 2enm pwen mon krwar ou ti pe koz lo staff dan Minister?  Complainant officer ok mersi Onorab.  Mon krwar lo kote complainant mon kapab dir ou avek konfyans se ki nou annan nou bann zofisye ki solider, ki ankouraze, ki travay bokou.  Menm dan Employment Department lamazorite nou bann staff i reste ziska tar pou kapab delivre, akoz sa volim louvraz ki nou annan.  Pou fer resorti an term statistics nou already desot 50,000mil travayer dan pei annefe 51,000mil ekek travayer dan pei, ki nou bezwen pe deal avek.  E pli ou annan plis travayer ou espekte ki ou defi pou monte.

Me selman mon kapab dir ou se ki nou annan bann travayer nou bann complainant officer ki kouraze.  E en keksoz ki nou fer bokou se osi envestir dan zot kapasite.

Sanmenm sa lannen mon krwar i annan apepre 10 nou bann zofisye konpetan, ki’n al training center Italy, kot nou’n invest en kantite larzan ki nou bezwen peye pou donn zot plis kapasite, donn zot sa lankourazman pou zot kapab devlope e delivre zot servis dan en fason pli efikas.  Mersi Mr Chair.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon dir bonzour Minis avek son delegasyon.  Mon ti ava kontan premyerman ;- tanzantan mon tann sa mo statistik, mon ti ava kontan konnen si zot krwar ki poudir statistik i sitan enportan, dir nou dan sa Bidze ki egzakteman ki zot annan pou zot bann zofisye ki anmas statistik, e an relasyon avek zot Scheme of Service?

Dezyenmman ;- nou’n tann bokou lo understudy vizavi bann etranze, e tou, mon ti a kontan konnen konbyen mon ti ava kontan konnen si zot annan sa statistik konbyen etranze ki’n travay pou plis ki 10an dan Gouvernman e ki kalite understudy ki zot annan pou ranplas sa bann etranze?

E eski i pa en sityasyon kot dan Gouvernman apre ki en etranze in travay pou en pe letan, nou trouv – parey nou trouve anba dan lalis ki Minis li menm ti donn nou, kot bokou sa bann etranze zot ganny nasyonalite.  En dimoun i vin isi i travay dan tea factory e apre sa i ganny nasyonalite.  Eksplik nou en pe sa?

Ki zot fer  an relasyon avek bann lakonpannyen ki renouvle Kontra bann etranze ?   Sa mon krwar sa osi i bezwen vin kot zot sa pou GOP.   Ki renouvle Kontra bann etranze kan i annan bann Seselwa kalifye ki kapab pran sa travay.    La mon kapab donn legzanp Air Seychelles mon konnen zot in fer sa kot i annan Seselwa kalifye, me mon pa trouv nanryen ;- parske mon kontan sa parol.  Mon kontan ki mannyer Minis in koze.  Felisitasyon Minis !  Letan ou pe dir ki Seselwa ki kalifye i bezwen ganny sa bann landrwa.

E  dan sa menm konteks ki zot pe fer pou ki Seselwa ki pe fer menm travay avek etranze, i ganny menm lapey.  La nou pa pe koz lo apard lakaz ensidswit, nou pe koz basic salary.  Parske mon annan legzanp la Minis kot mon madanm in pran retret Fisherman’s Cove e sa etranze ki’n vin dan sa pos kot i ti été i ganny preski 2 fwa lapey ki li i ti pe gannyen.  Alor ki nou pe fer pou ki pou nou ankouraz Seselwa, pou ki Seselwa i ganny menm lapey?

E apre sa mon ti ava kontan demande ki Minister pe fer ?  E la ankor enn fwa Minis mon kontan sa legzanp ki ou’n donnen sa housekeeper ki’n pouse pou li ganny sa pos, e apre sa zot pe rent li pou fer li travay ziska 12minwi.

E ou ava rapel Minis atraver ou Mr Chairman ki Onorab Jany De Letourdie ti anmenn en Mosyon, pou demande ki bann madanm Seselwa otan ki posib dan lotel si zot kapab travay lizour.  E  mwan mon’n pas dan en lotel an partikilye, kot bann travayer Seselwa in konplent ki poudir Seselwa pe ganny demande pou travay aswar, akoz i annan mwens kliyan tandis ki bann etranze ki pe ganny demande pou travay lizour.  Sa i detrwa kestyon.

E apre sa eski en etranze parske la i annan en sityasyon ki mon kapab diskit avek ou, ki pe levé kot en etranze ki en GM kot en lotel i osi annan biznes lokal.  I osi annan biznes e sa pe fer ki bann Seselwa pe ganny afekte espesyalman dan sa lendistri taxi, sa bann kalite lendistri.  Mersi bokou Mr Chairman.

 

MR SPEAKER

Mersi Onorab.  Mon a donn laparol Minis apre PS i ava kontinyen.  Minis.

 

MINISTER MYRIAM TELEMAQUE

Mersi Mr Chair.  Mersi Onorab.  Onorab konsernan Air Seychelles nou travay vreman pros avek zot.  Mon konn byen, akoz mon ti pe swiv sa case vreman   tre pros.  Si mon konpran byen, mon krwar i annan zis 3 etranze at the moment akoz laplipar in ale.  Selman sa bann pozisyon zot in met devan nou ki zot bezwen tenir sa bann etranze. Nou pa konnen si pli tar nou pou kapab met Seselwa nou konnen i annan a young man very aspiring ki dan en pozisyon laba ki petet en zour i a kapab mont pli o.

E sa mon konnen nou anba en kontrol laba Air Seychelles en?  Konsernan bann statistik pou bann etranze ki isi plis ki 10an, ler nou ti fer statistik, nou ti ganny apepre 4000mil ekek.  Prezan sa ti en pe letan.  Kekfwa ler nou ti pe prepar sa Labor Migration Policy i posib kekfwa in ogmante;- i posib i kapab in desann.  Selman that was around the figure ki nou ti annan – ok?

E pozisyon konsernan bann madanm ki travay aswar, nou’n i annan bann madanm ki’n met nou okouran ki poudir sa ki pe arive dan bann lospitalite, ki zot pe ganny demande pou zot travay aswar, espesyalman i annan bann ka ki bann madanm ki fek ganny baba.

 

E zot pe demande, sa i pe met en presyon lo zot, akoz management lotel bann letablisman, pa pe konpran zot sityasyon ki zot bezwen la pou zot reste ek sa baba pou kapab mon pa  konnen – Minister Lasante i ankouraze pou donn tete or whatever.  E nou pe diskite enternman.  Akoz sa mon krwar nou bezwen ganny en diskisyon avek Minis Tourizm pou ki kapab take up avek SHTA pou regarde ki mannyer nou kapab at least tou le de parti, satisfe ek sa propozisyon ki nou pe vin devan.

Akoz i annan propozisyon ki’n ganny met devan ki anvi ki etranze i la, li tousel i annan ki single, akoz nou pa met zot travay aswar?  Tousala in ganny demande selman nou pa ankor pran en desizyon lo okenn propozisyon ki’n ganny mete devan Minis ok?

Flexible hours;- mon krwar ki nou deza seye dan lepase. Vre Onorab Letourdie in deza anmennen.  Nou’n deza eseye, Minister in deza seye.  Nou’n rankontre bokou defi, e mon krwar sitayyson4 ki mannyer i été la konmela, Minis Finans in fer resorti dan son Budget speech ki Gouvernman pou reget ladan konmansman lannen prosen.  E Minister i a kapab konnen apre fer resorti son pozisyon lo flexible hours.  I annan serten kestyon mon krwar PS a reponn.

 

MR SPEAKER

Mersi Minis.  PS.

 

PS JULES BAKER

Mersi Mr Chair.  Mersi Onorab.  Mon pou reponn ou kestyon lo kote statistics officers dan Employment Department;- wi sa i kle.  E parey mon’n dir mon ava sey ankor en kou pou mon al tap laport Mr Thésée pou mwan demann li mon senior statistisyen pou Midyear Review.

Me an sa ki konsern bann saler dan pos statistical officer, mon kapab dir ou se ki zot tonm anba en addendum anba  Scheme of Service ki zot pe benefisye annefe aktyelman en pozisyon SB2 a SB3 i ganny 1500 ;- SB3 a SB4 i ganny 2000 ;- SB4 a inducement allowance en?  SB4 a SB5 i ganny 2500 ;- SB6 a SB7 i ganny 3000.  In addition zot pe osi mazorite sa bann staff dan statistics, they are long service staff e  alor zot pou benefisye avek long service allowance ki Gouvernman in entrodwir.

E de plis ki sa nou’n pran kontak avek DPA, i annan en legzersis ki an progre, pou fer en job reevaluation of tou nou bann statistical officers, pou fer sir ki zot meet sa kriter ki neseser pou zot kapab delivre sa louvraz an sa ki konsern statistical analysis.  E sa ankor i pou osi ed nou beef up nou kapasite pou fer sir nou donn zot Lasanble Nasyonal bann statistik ki reel, ki la ki nou kapab dir ki permet nou pran en desizyon.  Me selman nou pe get dan zot welfare e nou pe get en kou ki mannyer sa job reevaluation i fer e nou ava propoze pou lannen prosenn.  Mersi Mr Chair.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mr Chairman.  Lo kote ‘’equal pay for equal work’’ mon krwar nou pa’n aborde.  E eski Minis sa shift 4000mil eski i a pe dir nou 4000mil etranze an zeneral an tou ki travay dan Gouvernman, e mon ti pe rod bann ki par lao 10an, bann ki  par lao 10an, ki mon’n vreman enterese pou gannyen.  E se sa ki mon ti a pe link li avek nasyonalite, parski anba Lalwa li menm li, si en zanfan  in etidye isi,  ensidswit konmsi i fer ki mon krwar se dan Gouvernman kot nou bezwen fer bokou atansyon.

Parske Lalwa li menm li mon pa konnen letan nou ava sanz Lalwa ki mannyer nou ava abord sa.

Me Lalwa li menm li i kapab ouver semen pou ki sa manrmay ki’n etidye -dizon in ariv isi i annan 7an oubyen i annan 8an, 9an e  apre sa in fer tou son letid then i donn li sa posibilite pou li ganny nasyonalite.  E nou parey ou konnen nou annan  en problenm ek sa zafer donn nasyonalite en pe fasilman, alors konbyen bann dimoun ki bann etranze ki annan plis ki 10an ki dan Gouvernman?  E kwa ki Minister Lanplwa ansanm avek Gouvernman pe fer, pou ki zot ganny ranplase par Seselwa kalifye?  Mersi bokou.

 

MR SPEAKER

Mersi Onorab.  PS Minis.

 

MINISTER MYRIAM TELEMAQUE

Mersi Mr Chair.  Mr Chair mon pa pou kapab konfirmen egzakteman sa 10an.  Selman mon a kapab fer Onorab ganny the right figure akoz kekfwa si mon donn sa figure 4000mil ekek, apre i zis pou prive selman i pa Gouvernman.  Alor I need to give the right information.

Konsernan bann etranze ki travay dan sekter piblik e ki la pou 10an ;- parey mon dir Mr Chairman, nou annan en plan dan Minister e nou konmans li avek Labor Migration Policy.  Dan Immigration Bill i pou redres sa selman ler nou a prezant Bill nou a kapab koz longman lo la.  Mersi Mr Chair.

 

MR SPEAKER

Mersi Minis.  PS.

 

PS JULES BAKER

Mersi Mr Chair.  Mersi Onorab.  Onorab parey mon dir mon pou met lanfaz lo la parey ou’n met lanfaz lo la mon krwar i en konsern pou Gouvernman i en konsern pou Minister. Nou osi nou annan menm lentere ki nou pou bezwen fer sir ki sa prensip ‘’equal work for equal value’’ i ganny enplimante dan Sesel.  Nou konnen, nou apresye ki i annan serten anplwayer ki pe kontinyelman annan sa lenzistis, par favoriz travayer etranze.

Zot in menm vin kot nou parey Minis in dir apre 6an i demande pou li ganny en promosyon ki nou pa aprouve.  I donn promosyon pou li kapab anmenn son fanmir, anmenn son piti.  Nou dir non.  Nou bezwen donn tou loportinite nou Seselwa e mon tou dakor avek ou e nou bezwen fer sir ki letan sa salary structure i vin an zwe, nou pou bezwen rod en mekanizm ki malgre i pou annan lanmertim parey ou konnen pou annan lanmertim me selman bi prensipal Sesel ozordi nou bezwen fer sir ki nou annan en level playong field dan nou labor market. Sa i enn.

Apre mon krwar mon koz lo sa zafer sa GM ki annan biznes, ki mon pa konn sa ka spesifik, me selman ti a bon ki nou a kapab kominike, nou ava kapab investigate, nou a war egzakteman which one.  Me selman sa i enn nou konstate ki posibleman i kapab annan en zwe la ;- kot i annan serten sa bann travayer etranze ki zot fer zot vin Sesel apre zot kit pei zot ale, apre zot re antre dan biznes.  Me selman si i annan enn ki currently lo en GOP ki deza dan en biznes mon krwar sa nou ava investigate nou ava gete.  Mersi Mr Chair.

 

MR SPEAKER

Mersi PS.  Onorab Sébastien Pillay.

 

HON SEBASTIEN PILLAY

Mersi Mr Chair.  Mr Chair mon konnen en kantite in ganny demande so mon pa pou repet sa ki’n ganny demande ;- kestyon straight forward zot in ganny en Bidze pou zot fer en travay lo nivo enforcement lo nivo PR, tou sa bann mezir ki zot pe anonse i pou annan en kantite lenformasyon ki zot pou bezwen donnen – en kantite PR i pou bezwen ganny fer, eski zot annan kapasite pou zot fer li currently pou zot fer sa bann travay?

Akoz i pou enpotan ki sa bann anplwayer ki krwar poudir i pou pran etranze i met la, and then Seselwa pa pou kapab antre dan sa pozisyon, i ganny en mesaz kler ki nou oule Seselwa i ganny loportinite pou zot avans devan, parey Onorab Basil Hoareau i kontan dir.  Mon siport sa 200poursan, me lo lot kote charity also starts at home.

Gouvernman osi i bezwen war bann sekter kot i annan bann ka, kot i annan etranze ki pe okip bann pozisyon e Seselwa in al liniversite in train, i kapab pran sa bann pozisyon donn Seselwa osi loportinite pou pran sa bann pozisyon.

So sa osi i vreman enportan.  Se pou sa rezon ki mon demann zot lo nivo enforcement, lo nivo lenformasyon, sa i en keksoz ki bezwen ganny pase.  E mon krwar nou tou Manm Lasanble okenn dimoun ki vin lobby ouswa okenn group ki vin lobby nou a dir zot, gete en Polisi pou nou kapab donn Seselwa loportinite pou zot kapab antre dan bann landrwa travay e fonksyonnen e performen lo nivo zot kapasite.  Mersi Mr Chair.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mersi onorab pou ou 2 kestyon.  Premye kestyon lo kote PR.  Wi sa i en keksoz esansyel ki mon krwar la avek sa bann nouvo polisi Lezislasyon ki pe vin an zwe tre byento, i enportan ki nou fer bokou plis PR, pou donn pep Seselwa fer zot pli konpran ki sa ki Lasanble pe aprouv en Bidze pou donn nou, e ki rezilta ki nou espekte anmennen pou 2020.  E wi mon dakor avek ou se ki nou Bidze pou PR i la.

Nou annan en senior communication officer ki deza an pos e i a pe travay tre pres avek Imigrasyon avek employment pou fer sir ki nou met nou bann proze nou bann plan an zwe, e ki fason i a vin a laporte piblik e ki dimoun i kapab konpetan en pe pli byen ki sa ki nou anvi fer.

Ou 2enm kestyon lo kote Gouvernman,- kad Gouvernman ;- mon krwar sa osi i en size ki nou met en kantite lanfaz lo la, pou fer sir ki kot en Seselwa, me selman malerezman kot sa kantite dimoun ki Gouvernman in sponsor i antre, en bon pe zot i deside al dan sekter prive, me prezan ki i fer, se ki Gouvernman i perdi sa bann kapasite ki i ti’n devret pe servi dan Gouvernman.  Mon kapab dir ou par egzanp mon gannyen difikilte pou mwan kapab vey dan bor politeknik konman manrmay i sorti dan post-secondary  mon pran.  Me selman – ou konpran ou? Manrmay i annan sa swa pou zot deside si zot pou travay dan Gouvernman, ouswa si zot pou travay dan sekter prive.  Me selman mon totalman dakor ek ou – mon siport ou, ki nou osi nou bezwen met lanfaz.   Nou  a travay avek DPA ki mannyer nou devret donn loportinite Seselwa first.  Thank you Mr Speaker.

 

MR SPEAKER

Mersi PS.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon konnen bokou pledwari i ganny fer pou zot travayer, me mon spesifikman pou bann profesyonnel ki vin travay dan Gouvernman devlop en memwar enstitisyonnel, sa ki Gouvernman i bezwen fer annou aret pran tou sa bann dimoun met zot lo en kad.  Si sa dimoun i annan bann abilite spesifik, bann knowledge spesifik, pey li dapre sa knowledge.  So kanmenm i annan en direkter zeneral, ou kapab annan en teknisyen ki devret ganny plis ki li, pey li.  nou tro le met tou dimoun lo kad.  Bann contract of employment i devret reflekte abilite sa bann dimoun.  La kot ou war 2 dimoun ki annan bann kapasite koumsa.  So i bezwen annan sa bann keksoz akoz otherwise, nou perdi zot, that’s what sekter prive.

So i enportan ki dan Gouvernman osi,  ler ou   konmans war sa esansyel, ki si ou annan en teknisyen ki son nivo i en o nivo, asiz ek li regard ki i fer, ki i ofer ou, akoz ler ou anmenn etranze ou bezwen donn li sa ki ou ti kapab donn Seselwa pli o.  So sanmenm sa ki nou pe dir i bezwen annan en balans.  Mersi Mr Chair.

 

MR SPEAKER

Mersi Onorab.  PS.

 

PS JULES BAKER

Mersi Mr Chair.  Mersi Onorab.   I think nou Minister Lanplwa i fully behind you.  Nou ava pran kontak avek PS Thésée avek DPA ki pli bon fason ki nou kapab annan pli bon retention pou bann professionals ki sorti deor ki kapab atrakte zot pou reste e desarz sa responsabilite ki Gouvernman i annan.  Mersi Mr Chair.

 

MR SPEAKER

Mersi PS.  Minis oule dir en dernyen mo, nou pe al pran en vot lo Bidze Minister.

 

MINISTER MYRIAM TELEMAQUE

Bon, bokou in ganny koze mersi Mr Chair.  Mon ti a demann bann Onorab prezan pou donn nou sa sipor, pou vot lo nou Bidze akoz parey nou’n eksplike en bon pe konsernan lokalizasyon bann pozisyon, enforcement e bokou komanter in ganny fer resorti.  Selman dan sa Bidze osi tou, nou bezwen at least i annan provizyon pou nou revamp sityasyon travayer etranze dan Sesel.  E si nou pa ganny nou Bidze, nou pa pou kapab fer sa, e nou pou let down Seselwa konm dir zot menm.  E apre osi nou annan bokou travay ki nou bezwen fer enternman ki piblik i war nou dan en lot lizye.  Mersi Mr Speaker Mr Chair.

 

MR SPEAKER

Mersi Minis.  Bon nou ariv en pozisyon pou Lasanble pran en desizyon, pou pran en vot pou Bidze pou Departman Lanplwa, ki trouve lo paz 530 ziska 536, pou en sonm R28,361milyon.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair.  25 Manm an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pou Departman Lanplwa pou lannen 2020 in ganny aprouve par Lasanble Nasyonal.   Mon ti a kontan remersi Minis Myriam Telemaque remersi PS Jules Baker, Ms Veronique Bresson, Ms Suzanne Morel, Ms Tasianna Labrosse.  E nou pou adjourn ;- nou pou break nou pou retournen 11.35 nou pou pran en bout omwen 25minit SLTA e apre parey nou’n dir bomaten 1er nou pou retournen pou nou enterak avek Minister Finans lo sa size Pension Fund.  Nou break nou retournen 11.35.

 

 

(BREAK)

 

SEYCHELLES LAND TRANSPORT AGENCY

 

 

MR SPEAKER

Bon nou kontinyen nou travay e mon ti a kontan poudir bonzour e welcome Minister Pamela Charlette Minis ki responsab pou Seychelles Land Transport Agency.  Minis i akonpannyen par son CEO Mr Parinda Herath e son Deputy CEO Mr Nicholas Hoareau.  Nou touzour dan konpanni PS Thésée, Ms Tamatave, Ms Coopoosamy e nou annan osi Mr Commettant ok ?  Nou ava al mon ava donn laparol direkteman PS pou dir nou kote nou été, lo ki paz e ki the budget.  PS Thésée.

 

PS DAMIEN THESEE

Mersi Mr Chair paz 440 pou Lazans Transpor lo Later pou en sonm R211,162milyon.  Mersi.

 

MR SPEAKER

Mersi PS Thésée.  Bon nou pou konmans sa travay la e parey mon dir nou pou kontinyen apre midi.  Nou ava konmans avek Onorab Lemiel.

 

HON SYLVANNE LEMIEL

Bonzour Mr Speaker, mersi.  Bonzour Minis avek ou delegasyon.

Premye Mr Chair mon ti a kontan premyerman enn remersi Land Transport pou sa bon travay ki zot pe fer e sirtou dan distrik Anse Royale letan mon konnen i ariv en keksoz konman nou kriy zot nou war zot rann nou lapel.  Mersi pou sa.

2 pti kestyon, nou annan maintenance lo semen, Mont Plaisir ki sa ti ganny schedule depi lannen pase, nou war ki sa pa’n materyalize.  Mon ti a kontan konnen pou ki rezon ki sa travay pa’n materyalize e petet kan ki nou petet pe mazin konmans sa proze?  Semen Grande Rivière i en semen ki India Grant in sponsor.  Petet nou ti a kontan konnen ki zistans zot été avek semen Grande Rivière.  Kot i konsern bann maintenance lo bann pti feeder roads ki nou konnen nou soumet en bon pe avek zot depi sanmenm sa lannen ki zot in sipoze ganny fer ;- i annan serten wi in ganny fer i annan serten pa ankor ganny fer, nou ti a kontan konnen si i pou ganny fer avan sa lannen fini, e si i ankor annan dan proze lannen prosen larzan pou nou kapab kontinyen avek sa bann proze?

Nou war ki PUC i ankor pe fer serten travay lo nou semen Anse Royale, e nou bann drayver pe kriy lasasen akoz semen ki pa bon semen ;- in kase, mon pe regarde si zot in annan en kontak avek PUC pou war kan egzakteman ki i pe fini avek sa travay, ki nou a  war en nouvo faz koltar i ganny mete lo nou semen Mr Speaker?  Sa i enn de pti kestyon.  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Bonzour tou dimoun.  Mon a pran bann kestyon enn par enn.  Regarding maintenance lo semen Mont Plaisir, parey zot konnen i en secondary road.    Mon annan en   annan en gran lalis semen pou nou fer maintenance lo la, e nou annan involve private sector sa lannen.  I annan en kantite kontrakter anviron 15 zot ki pe travay avek nou, e i annan bann travay ki ganny partaze.  E Mont Plaisir i deza lo lalis pou fer sa bann maintenance.  Me  selman parey mon’n dir vi ki lalis i long, nou bezwen travay avek priyorite e nou espekte nou pou ariv Mont Plaisir anviron premye quarter lannen prosen an Fevriye.  Sa i pou bann asphalting works maintenance lo  sa semen.

Mont Plaisir i annan en lot Proze Kapital ki deza nou pe travay lo la, pou fer widen sa semen.  Sa i en Proze Kapital pou fer dan son survey in fini ganny fer.  Nou bann zofisye pe travay lo design sa proze prezan, e nou pou tender li lannen prosen e hopefully by mid next year nou pou konmans sa travay.

Lo proze Grande Rivière wi i en proze ki pe fund par Indian Grant e nou fini fer prosedir tender e nou dan ‘’standstill period’’ annefe, ziska ler nou siny sa Kontra.  Savedir nou espekte nou pou konmans sa proze tre byento, me selman vi ki letan nou dan peryod lapli, menm si nou siny sa Kontra petet i pa pou ideal pou nou konmans sa proze an Desanm. Nou ava esper en pe letan, letan klima i apropriye, nou ava konmans sa proze pli vit posib.

Lo kote feeder roads wi i annan parey mon’n eksplike avan, nou annan en gran lalis.  I annan serten louvraz ki nou’n fini fer, me selman tou bann semen ki zot in anvoye, in ganny enkli dan nou progranm travay asphalting e nou compile sa lalis dapre bann survey ki nou bann zofisye i fer ansanm avek either ou lofis oubyen avek lofis DA e apre sa nou bezwen priyoritiz bann travay dapre priyorite Nasyonal sort of e nou enplimant sa bann proze.

E deza i annan  detrwa parey ou’n mansyonnen ki nou’n deza fer, me selman i annan ankor ki nou pou fer avan lannen fini, e osi pou en travay ki kontinyel pou lannen prosenn.  Nou annan en Bidze pou asphalting works ki nou pou fer sa bann travay anba la.

Lo kote PUC sa proze PUC ki zot pe fer dan sid, mon krwar RTC osi in eksplik en pe yer, me selman nou’n ganny kontak avek zot – wi.  E nou’n konmans travay.  Nou’n fer resurfacing en seksyon Au Capm malerezman nou bezwen aret lanmenm, akoz dapre lenformasyon ki zot in donn nou i annan lezot tes ki zot bezwen fer lo bann kab ki’n deza pase, e rezilta pa 100poursan.  Alors i annan posibilite ki zot pou bezwen re fouy dan serten landrwa.  Alors nou pa oule repran sa risk pou nou al met en nouvo sirfas koltar, apre pou zot retournen pou re fouye, e i pou fer li en louvraz initil e wasteful.

Alors lenformasyon, diskisyon ki nou annan avek zot, nou dir zot fini fer tou zot bann tes, e konfirm avek nou letan travay in fini.  E zot konnen tou keksoz i ok pou nou rekonmanse from Au Cap nou pou repran ziska – well Takamaka dan Baie Lazare e osi serten seksyon Port Glaud osi.

Alors i pou en travay kontinyel.  Me nou pa pe asize esper zot nou annan bokou lezot louvraz dan lezot landrwa ;- par egzanp la an se moman nou pe fer dan rezyon Grand Anse Beoliere, e i en travay ki kontinyel.   Nou pou esper zot konfirmen avan nou kapab kontiny nou resurfacing from Au Cap ziska Takamaka.  Mersi Mr Speaker.

 

MR SPEAKER

Mersi CEO.  Onorab Lemiel.

 

HON SYLVANNE LEMIEL

Mersi Mr Chair.  zis en pti keksoz mon ti’n bliye demande.  CEO parey ou konnen in annan avek sa lanmer monte nou annan Fairyland ki nou’n war kot sa siding ki ganny servi as a bus stop;- i ganny servi as en parking e nou’n war ki sa morso semen petet i kapab ale  nou kapab dir, e i annan serten travay imedya ki ti ganny demande pou fer.  Petet mon ti a kontan konnen si i annan larzan dan Bidze sa lannen, pou kapab akonplir sa proze akoz in ganny mete konman irzan, oubyen si ou pe plan pou fer sa dan Bidze lannen prosen?  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Annefe nou fini konmans sa prosedir sa travay ansanm avek DRDM avek Minister Lanvironnman seksyon CAMS, nou’n vizite e nou fini design sort of ki louvraz ki bezwen ganny fer.   E annefe Lendi prosen sa tender pou kontrakter pou vin lo site pou zot get sa louvraz e pou zot submit en tender.  E osito ki sa i antre e nou ganny approval avek National Tender Board, nou espekte konmans sa travay lo site.  Me selman lo kote Finans nou pou forward sa kot Contigency Fund akoz nou napa en Bidze dedye pou li.

 

 

E osi mon espekte nou pou bezwen fer serten peyman avan lannen prosen.  Mersi.

 

MR SPEAKER

Mersi CEO.  Onorab Valmont.

 

HON JUDE VALMONT

Bonzour mersi Mr Speaker.  Bonzour Minis ek bann panelist tou koleg Onorab e tou manm piblik ki pe swiv nou.  Mon ti a voudre demann sa bann kestyon swivan ;- mon war zot achievements pou 2019 zot in konplete several bus shelters, mon ti a voudre demann zot sa i en demann sorti direkteman ek mon bann dimoun dan kominote Anse Faure, nou konnen Pointe Larue i en landrwa kot i annan bokou trafik, me selman mon ti a voudre demann zot si Gouvernman – si SLTA i kapab annan okenn konsiderasyon pou konstri en bus shelter dan zanmerant Anse Faure dan zanmerant Lakademi.

E konbyen i kapab koute  si zot annan en lide?  E si sa i fezab?  Mon ti a kontan demann zot sa akoz pou mon bann dimoun tande.

2enm se issue 3rd lane.  Nou’n fer bokou konversasyon, diskisyon lo la menm bann MNA larezyon les Anse Aux Pins, Pointe Larue, Cascade, nou’n al vizit.  Sa letan ti annan Council, nou ‘n fer vizit e nou’n diskite.   Mwan mon osi konman MNA Pointe Larue mon’n fer mon share, mon’n diskit avek bann biznes ki  ti trouve dan zanmerant kot lane pou fer.  Nou’n koz avek bann partner parey SCAA, me parey nou konnen nou rankontre ziska prezan – 2 problenm mazer se permisyon pou ganny serten bout later prive e osi avek sityasyon Airport ek ICAO nou pe ganny en manman challenge.

Alor mon pe demande sa 2milyon ki’n  apropriye –  ki’n ganny mete dan Bidze, eski SLTA i kapab Minis  osi, si mon kapab ganny at least ganny en komitman si zot kapab servi sa larzan pou konmans en keksoz fer en pavement.  Akoz nou konnen sityasyon i pou pyeton lo kote road safety i danzere laba.

E i osi en issue ki’n kre trafik bokou dimoun i dir ou, ou bezwen 3rd lane pou relieve  trafik me en keksoz ki fer trafik osi se sa delo monte dan plato Pointe Larue.  Ou bezwen redwir speed, alor i kre trafik.  Alors si zot kapab konsider ek pavement fer en sel fer drenaz.  E petet pli tar avek lide pou fer sa 3rd lane pli tar me pa la?  Sa mon 2enm.

E lo kote mon ti a voudre demann osi sa semen karyol Anse Déjeuneur, what is the latest?  Mon konnen nou al vizit en survey ti pou ganny fer – ti pou fer en  costing, mon war in ganny met en larzan.  Mon ti a voudre war sa i konmanse pli vit posib.  Alor mon ti a voudre konnen ki latest lo la?

Semen Anse François ‘’Anba Fiyapen’’ son 2enm faz, mon pa war in ganny okenn eleman bidzeter, me 2an pase mon rapel dan Bidze ti annan en larzan ki ti pou ganny mete, alor mon ti a voudre konnen ki latest lo la osi?

E 2 dernyen pti kestyon Mr Speaker semen Anse François li menm mon apresye sipor ki  mwan mon’n gannyen avek SLTA avek Minis osi.  Nou’n war ki semen Anse François pe ganny agrandi, me in annan bokou retar.   Mwan mon ti a voudre konnen kote nou été la, akoz in aret en kou.  Mon ti a voudre konnen ki problenm zot pe gannyen e ki zot pe fer pou rezourd sa?  E dernyen zis bear with me, i annan sa semen Nageon Estate Lower nou war ki SLTA in antre atraver bann pti kontrakter prive, pou resurface Nageon Estate faz 2 faz 1, osi in fini fer.  Me nou main issue i reste nou faz Lower konmansman anler kot nou dir ‘’Ros Leker’’, pou desann anba kot lekol.  mon ti a voudre poz sa bann kestyon la pou zot repons?  Mersi.

 

MR SPEAKER

Mersi Onorab Valmont.  CEO.

 

CEO PARINDA HERATH

Mersi Mr Chair.  Ok lo kote bus shelter Onorab kot ou pe mansyonnen obor kot Lakademi malerezman i tonm lo en propriyete prive.  E nou pou bezwen negosye avek sa propriyeter.  E si DA’s office ki normalman fer sa negosyasyon, nou deza pran kontak avek DA’s office, si zot fer sa negosyasyon e nou ganny sa wayleave i pa en proze ki difisil. E as soon as nou ganny sa wayleave nou kapab inisye bann lezot prosedir pou nou enplimant sa proze.

Lo kote 3rd lane Pointe Larue, wi nou’n ganny kantite difikilte ankor avek bokou propriyete ki prive, e osi finalman dan en meeting ki nou ti annan avek SCAA zot in enform nou ki dapre bann standar ki zot pou bezwen mentenir, i pa pou posib pou zot les nou antre dan serten landrwa ki absoliman i neseser pou nou fer sa 3rd lane.

E alors enternman dan bann diskisyon ki nou annan, nou’n deside pou nou put on hold sa proze sort of, e kontinyen avek sa footpath avek sa drenaz, ki ou’n mansyonnen.  Ok lo kote sa proze Anse Déjeuneur, son status i – nou’n fini fer son survey.   Mon krwar ou osi ou’n pas lo sa teren ou’n war poudir i ase challenging e la nou bann zofisye pe design sa semen.  E letan nou’n fini design nou’n ganny en cost estimate, nou ava forward kot Gouvernman pou Gouvernman deside si i pou fezab.  Dan lesans ki lo kote teknik i pou fezab me selman lo kote finans nou bezwen gete si i realistik dapre son kou.

Lo kote Anse François lo  ‘’Anba Friyapen’’ malerezman i pa dan Bidze pou lannen prosen.  I annan bokou travay pou fer nou pa ankor fer en survey eksetera, alors nou anvi fer en survey lannen prosenn, e met li pare pou nou enplimantasyon petet an 2021, si nou ganny Bidze.  Anse François pou sa proze ki ongoing la aktyelman.  Wi nou ganny en kantite delay avek sa proze.  Prensipalman ti annan bokou bann poto utilities pou tire, pou sanz plas eksetera.

E annefe i reste mon kapab dir en poto ki pe donn nou en pe problenm, akoz i tonm lo en propriyete prive ankor.  Alors nou bann zofisye pe fer negosyasyon avek sa dimoun, e as soon as ki sa in ganny sort out mon krwar nou kapab konplet sa proze osi.  Lo kote Nageon Estate Lower wi travay asphalting work.  Parey mon dir i annan bann kontrakter ki pe fer serten louvraz e zot in ganny i en tender ki nou fer pou diferan landrwa.  E parey mon’n eksplike taler, nou lalis i long nou pa kapab fer tou ansanm.  E i bann travay ki kontinyel nou espekte konplet sa bann travay Nageon Estate osi dan premye quater lannen prosen.  Mersi.

 

MR SPEAKER

Mersi CEO.  Onorab Valmont.

 

HON JUDE VALMONT

Mersi CEO pou ou bann larepons.  Mon ti a voudre zis tous lo en bann repons ki ou’n donnen, sa semen Caryole Anse Déjeuneur ;-  mwan mon ti a voudre si petet Minis i anvi lenportans sa semen, mon konnen i annan serten Onorab la sirtou ki travel dan rezyon les, tou le bomaten ki pas dan sa sityasyon trafik mon konnen zot pou siport mwan lo la, pou fer komitman ki petet ansanm ek PS la, ki le neseser i ganny fer pou trouv en pe larzan, at least pou konmans sa proze.

Akoz parey CEO in dir wi ler i ti fer survey, mwan osi mon ti ganny sans monte mon ti war ;- wi i annan son – i annan difikilte, me selman lavantaz ki vin avek mon krwar i pou enorm pou ede deal avek sa sityasyon trafik.  E a fer nou ganny en 3rd lane me selman par anba i a fer nou ganny anler dan montanny.  Mersi.

 

MR SPEAKER

Mersi Onorab.  CEO.

 

MINISTER PAMELA CHARLETTE

Mersi Chair sorry.  Bonzour tou dimoun bonzour tou dimoun a lekout osi.

Vi ki in adres mwan mon ava reponn sa kestyon, ler nou pe get sa semen li menm li, son estimate i kapab ariv nou en pti pe very expensive ;- i pou pran apepre dan plis ki R25milyon son ler nou pe get son grander son tipografi kot i été.  So si nou pou met li nou pou bezwen met li konman en capital project, e sa fodre Finans i kapab ed nou ki mannyer nou pou finans li par faz, so sa i kapab nou a rod en mekanizm avek Finans pou gete ki mannyer pou finans sa proze.  Mersi.

 

MR SPEAKER

Mersi Minis.  CEO.  Non?  Bon parey mon ti dir nou pou break midi sa pou donn letan pou SBC kapab pas son bann progranm dan sa 1erdtan anvi ki nou pe reconvene 1er apre midi.  Mon’n pran lalis tou bann Manm ki’n lev lanmen pou bann kestyon.  E nou pou kontinyen avek SLTA.  Mon ava demann bann zofisye mon ava demann Minis osi tou at omwen pou vin isi kot Lasanble par 2.30 – ok?   Ant 1er a 2.30 nou pou pran en Kestyon Irzan en travay ki’n ganny fer ant le 2 Dirizan pou Minis Finans lo sa size Pension Fund – ok?  So zot ava retourn kot Lasanble ver 2.30 pou nou kapab kontiny nou travay lo Bidze SLTA.  Avek sa mon ti ava kontan remersi panel remersi tou bann Manm e remersi osi nou lodyans deor pou zot konprenezon.

Nou pou adjourn e nou pou repran nou travay 1er apre midi.

 

 

(BREAK)

 

 

 

MR SPEAKER

Bonn apre midi tou Manm Onorab.  En bonn apre midi spesyal pour Minis responsab pour Finans, Komers, e Lenvestisman e Planning Ekonomik, Mr Maurice Loustau-Lalanne.  E Minis i akonpannyen par Mr Patrick Payet, Secretary of State pour Finans.  Mrs Lekha Nair ki CEO Pension Fund.  Mr Davis Laporte Investment Officer Pension Fund.  Mr Jaquelin Dugasse ki Chairman Seychelles Fund.  E byensir, nou annan osi PS Damien Thesee ki parmi nou.  Minister avek ou delegasyon welcome dan Lasanble Nasyonal.

E mon ti a kontan osi tou, dir en bonn apre midi tou bann dimoun a lekout e pe swiv travay Lasanble Nasyonal.  Nou pour reste dan Staz Komite parey demann bomaten ki ti ganny fer, par le 2 Leaders ki nou kapab petet an vi pour nou ganny plis klarifikasyon kot Minis ek son panel i a kapab donn nou klarifikasyon – ok?

Bon mon pour al direkteman kot loter kestyon.  Nou annan en kestyon ki pour déclenche sa enteraksyon.

 

(Off-Mic)

 

 

MR SPEAKER

Mon konnen-wi mon okouran Onorab Pillay.  Se sa rezon mon’n fer sa pti komanter.  Mon ava demann Onorab Ramkalawan direkteman pour déclenche deba lo sa sityasyon ki devan nou.  Onorab Ramkalawan.

 

HON WAVEL RAMKALAWAN

Mersi Mr Chairman.  E mon a dir bonn apre midi Minister Finans avek tou bann dimoun sorti kot son Minister e Seychelles Pension Fund.

Mr Chairman, kestyon ki mon poze, menm si i lo zis mon non, mon bezwen dir ki sa kestyon i- kestyon poze par Onorab De Commarmond dan son kapasite koman Leader of Government Business.  E mwan menm dan sa kapasite koman Leader of the OppositionSo it’s a joint question;-

Eski Minis pour Finans i kapab donn Lasanble, tou detay konsernan sa tranzaksyon biznes ki’n ganny fer ant Seychelles Pension Fund (SPF), e ek nouvo Lakonpannyen Cable & Wireless, enkli kan negosyasyon ti komanse?  E konbyen SPF in peye?  Mersi bokou.

 

MR SPEAKER

Mersi Onorab Ramkalawan.  Minister.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou kestyon.  Onorab osi.  Mr Chairman, vi sa dele ki mon’n gannyen pour mwan vin devan Lasanble,  mon’n met detrwa note la.  I pa dan okenn lord.  Me mon a sey ansennen pour fer sans.  Me mon krwar letan nou pour poz kestyon, e nou ava rod larepons.  I ava pli kler.  E nou la pour nou provide tou leksplikasyon e donn larepons lo bann kestyon ki bann Manm pour poze evantyelman.

Alor, mon sa ki mwan kapab konfirmen,  se ki, reprezantan sa group envestiser Seselwa ki’n aste prezan Cable & Wireless Seychelles, ti apros Pension Fund boner an Septanm sa lannen.

E zot ti swiv sa an en let, kot zot ti fer en propozisyon le 18 Septanm.  E swit a sa,  sa Investment Komite dan Pension Fund,  li in fer 2 rankont.  Son premye rankont ti le 1 Oktob.  E son 2enm e dernyen rankont ti le 15 Oktob.

Apre sa, bann dokiman ti ganny sirkile 1 semenn avan.  meeting Board of Trustees ki ti ganny fer le 19 Novanm.  E dan sa meeting, Board of Trustees ti pran en desizyon pour aste 220mil par ki reprezant 20poursan dan CWSI pour en sonm $24 milyon.  Fodre fer resorti ki inisyalman, lof ki ti lo latab ti pour $26 milyon.

Me an menm tan avek sa desizyon pour aste sa par pour $24 milyon, Pension Fund ti met 4 kondisyon.

Premye kondisyon pour sa lenvestisman ki zot pe fer.  E pour sa shareholding ki zot annan, zot ti oule asire ki i annan en direkter lo Board Lakonpannyen.

2enm, zot in met en exit clause.  E sa, pandan 3an, en peryod 3an kot zot kapab sorti dan sa laranzman, e sorti avek zot $24 milyon ki zot in peye ou plis, depandan kan zot sorti, dan sa laranzman.

E zot in osi dir ki sa $24 milyon ki zot pe peye.  Zot oule ki sa larzan i ganny servi pour redwir det dan sa Konpannyen CWSI.

E son 4enm kondisyon, se ki bann term e kondisyon ki dan Shareholders Agreement, sa bann shareholder orizinal.  Fodre menm Terms & Conditions i aplikab pour Pension Fund koman en shareholder.

E donk vwala sa 4 kondisyon ki’n ganny pran.  E ki’n ganny kominike avek CWSI.  Mersi Mr Chairman.

 

MR SPEAKER

Mersi Minister.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mon ti krwar Minis ti pour en ptigit pli detaye.  Me obviously i pe atann kestyon.

Mr Chairman, definitivman premye kestyon ki mon annan, se pour mwan demann avek Minis;-  si-akoz ki Pension Fund pa ti partisip dan aste bann shares letan sa Lakonpannyen ti pe aste bann shares, depi o komansman?  E si i ti’n fer sa, dir no, ki diferans ki ti pour annan dan pri ki i ti pou’n pey bann shares konpare avek sa ki in evantyelman peye pour sa bann shares?  Sa i mon premye kestyon.

Mon 2enm kestyon;-  se pour demann Minis,  lekel egzakteman – parski Pension Fund in rantre dan en deal, business deal, pour demann li lekel bann dimoun ki deryer sa lakonpanni avek ki zot in aste sa bann shares? 

 

Eski Minis, i kapab konfirmen avek nou, ki sa tranzaksyon in fer san konesans tou bann Manm Board parey ki Mr Dugasse ti eksplike yer swar ki poudir pa tou manm Board ki ti okouran.  Akoz i ti dir, i annan en kestyon konfidansyalite.

E alors, eski Minis i ava osi konfirmen ki, i annan 2 manm Board ki bomaten in prezant zot demisyon.   Zisteman-e mon ava – mon’n-nou’n ganny kopi sa let Mr Chairman,  an relasyon avek sa resignation.  E mon’n demande.  E sa 2 dimoun zot in dir wi –  kapab fer referans avek zot let.  Kot- e Minis si ou ava ekout mwan byen.  I dir, ‘‘We wish to resign from the Board of the Pension Fund for the following reasons;

(1). On November 12th 2019 we were informed that there was a major dealing in an investment in Cable & Wireless.  We were surprised to hear of this deal for the first time, suddenly on November 12th, 2019. 

Whereas we came to know that the deal had already been previously been agreed by the Investment Committee on October 15th 2019.  At the meeting of November 19,th 2019, we were told that detailed and prior information was not provided to us, on the grounds of confidentiality.’’  Sa 2 manm Board sa.  Pa ganny lenformasyon on the ‘’grounds of confidentiality. ‘’

(2). The Oversight role of the critical Audit Committee outsource to KPMG was taken away from the Audit Committee in July 2019. 

        The Chairman informed the Board that this role was given to Management to deal directly with KPMG.  Once the report was finalized, the Chairman circulated it to the Audit Committee. 

        (3). These events and many others have interfered with our role as Trustees of the Board.  They have prevented us from acting in the best interest of the members of the Pension Fund. 

        (4). Despite our constant efforts throughout our tenure, to bring about transparency and accountability, good governance, controls, and proper documentation, these have not been materialized.  We have not received the support of the Chairman and Management.  Hence we wish to tender our resignations with immediate effect.

        An prenon kont sa bann keksoz ki sa 2 manm Board pe in dir dan zot let demisyon, eski Minis i kapab dir avek nou si i annan tou konfyans ki poudir sa tranzaksyon ki’n pase, in vreman en tranzaksyon ki above board?  Kot tou bann manm ki’n ganny swazir pour vin lo sa Board, zot in vreman partisipe?  Oubyen i en tranzaksyon privilezye ki’n ganny fer par serten manm Board dirize par son Chairman e ki – eski Minis i krwar ki poudir sa ki’n arive la, i vreman ethical dan sa latmosfer biznes ki nou pe koz lo la?  Mersi bokou Mr Chairman.

 

MR SPEAKER

Mersi Onorab.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab, tou dabor mon aprann atraver ou, ki i annan 2 manm Board ki’n resign.

Mon pa ti okouran, e mon’n ekoute zot rezon pour demisyonn-en.  E mon ava retourn lo la en pe pli tar.

Bon ou premye kestyon;-  akoz sa group envestiser Seselwa a lepok, pa ti enkli Pension Fund dan demars inisyal?

Mon krwar ki Chairman Board Pension Fund ti reponn sa kestyon.  E mon pa pour repet sa ki in dir.  I la.  Mon ava demann li apre pour li dir Lasanble sa rezon.  Me i annan pour fer avek sa Public Listing Liberty Latin America.  E sa i tre enportan.

Lot kestyon, se kou bann par.  Alor Mr Chairman,  bann par i apepre koumsa.  Permet mon fer en pri résumer.

Zot in pey $107.5milyon pour 1milyon milyon 100mil shares.  E donk sa, i reprezant-si nou servi $1  a R14 dan nou kalkil,  I fer en 1 share R1, 368. 18sou, 1 share.  Sa ki zot, zot in peye.

I annan en lot dokiman, e sa se rapor odit.  2018, Cable & Wireless Seychelles ki dan domenn piblik, e li, letan ou regard sa kont odite, ou kapab osi fer en kalkil lo share value a sa lepok.

E mannyer mon konpran sa, Audit Company Pool & Patel in anvoy en let an Zilyet Rezistrar.  E in dir avek Rezistrar an Zilyet 2019 baze lo kont odite 2018, ki 1 share sa lepok i vo R1, 122 – 1 share. 

Alor Pension Fund li, parey nou konnen in aste 220mil share, e in pey $24milyon.  Donk, sa i fer ki son share pour li in kout li R1, 527 – 1 share. 

I sertennman pli ser.  I pli ser par- get sa arithmetic en kou la –  R150 ekek an plis.  Me parkont, nou konnen ki, an plis ki 107.5milyon, in annan lezot kou ki nou bezwen azoute.  Bann kou tel parey sa stamp duty ki sa nouvo lakonpannyen i bezwen pey Gouvernman lo sa 107.5milyon.  Oubyen en sif ki Rezistrar ava determinen.

E ozordi, i pa ankor determinen sa sif.  I reprezant apepre $5.3milyon an plis, ki Gouvernman pour ganny peye stamp duty.  Ou bezwen azout-akoz kekfwa zot pa okouran,  i annan en kou $14milyon ki sa nouvo lakonpannyen bezwen pey Gouvernman sanction fee ek stamp duty ki ti’n agree avek Liberty Global.

Donk i bezwen peye, 14 milyon.  E letan ou pran lezot fre, bann labank ensidswit, bann konsiltan, bann zonm legal, i ariv $130milyon.  E $130milyon i reprezant R1, 654 – 1 share.

So, sa ki mon kapab konklir,  se ki efektivman, Pension Fund in aste pli ser, wi.  Me in aste avek en negosyasyon, en pri ki’n fer desann sorti 26 milyon pour vin 24.  E in pey 1,527 olye 1,654.

So, pour mon Pension Fund in fer lo zis sa laspe, en bon deal.

Mr Chairman, lekel bann aksyonner?  Parey, li menm li CWSI dan son press conference ti dir.  ‘Tou, aksyonner e Konpannyen i lokal.  Napa okenn zafer etranze ladan’’.  E zot annan en striktir ki zot in soumet avek Rezistrar ki mon annan en kopi.  E letan mon regarde, mon vwar zis Seselwa lo la.  Mon pa vwar etranze lo la.

Mannyer mon konpran, le 19 Novanm, ti annan 2 manm Board of Trustees SPF ki pa ti prezan dan meeting kot sa desizyon ti ganny pran.  So wi, ti annan 2 ki pa ti prezan, ki pa ti partisipe.

Me parey mon ti dir dan mon lentrodiksyon, Investment Committee ti fer sirkile – zot in fer sirkile sa Board paper 1 semenn avan sa meeting le 19 Novanm.  So bann manm ti annan posibilite si zot pa ti kapab vini for whatever reason,  fer zot komanter lo sa, proze ki ti devan zot pour zot pran en desizyon.

Alor, mon ti a kontan demann ankor, kekfwa Chairman Board of Trustees SPF pour li reponn an sa ki konsern sa bann rezon, akoz sa 2 manm in resign,  e anmenn en pe plis clarté lo la.  Mon krwar ki, si nou kapab konnen lekel,  nou ava konnen si zot ti dan Board, letan desizyon Board ti ganny pran.  Oubyen si zot pa ti la.  Si sa menm sa let ki in resign.  Se sa 2 ki i pa ti la.

Akoz mon mwan konnen lekel sa 2 ki pa ti la.  So i ava enportan pour nou konnen.  Rezon mon dir sa, se ki i enportan, si ou dan en Board e ou pa dakor ek en keksoz, ou dir ou pa dakor.

Mon krwar I – ou annan sa loportinite.  Bon ou dir ou pa dakor.  Ou resign.  Sa osi i en fason fer li.  Me i fason plito, drastik pour fer li koumsa.

Mwan mon santi senserman Mr Chairman, ki sa tranzaksyon biznes i bon pour tou lede konpannyen.  I bon pour Pension Fund, e i bon pour Cable & Wireless Seychelles. 

Nou bezwen mazinen ki i Seselwa i 100poursan Seselwa la.  Fodre nou fer sir nou mentenir sa bon stabilite avek tou sa travayer Seselwa, ek tou sa bann aksyonner.

Nou pe koz aksyonner Seselwa ki’n envestir bokou larzan.  Zot in met zot prop larzan, sa 5 aksyonner dan sa biznes.  $46.3milyon.  Larzan ki zot in trimouse pour zot fer, ki zot in envestir.  Fodre ki nou rekonnet sa.  E an plis zot in al emprunt $70milyon avek TDB.  TDB i pa en labank bonnavini.  I en labank ki i annan en repitasyon.  E TDB li, in fer son due diligence.  I pa’n rantre ladan konmsi i fou.  E i annan lezot Labank Komersyal.  Napa zis TDB dan sa loan.

I annan Barclays Bank Sesel.  I annan Barclays Bank Maurice.  I annan ABC Mauritius.  E an plis i annan nou prop labank Nouvobanq.  Zot osi zot pa fou.  Zot osi zot in fer zot due diligence.

Mr Speaker mon pe debord en pti gin.  Akoz i neseser konmsi nou get li dan konteks.  Sa $107.5milyon in al Lanmerik.  Si sa larzan ti en larzan bonnavini, pa ti pour antre.  Ameriken pa ti pour rantre – pa ti pour les li antre.  Ti pour annan query lo la.

So pour mwan, mon pa vwar nanryen pour le moman ki fer mon anvi al fer en forensic investigation dan sa zafer.  Me annou les letan pase, nou a regarde.  E akoz nou, nou konvenki ki sa se en bon lenvestisman.  I pour anmenn nou benefis.  E sa lakonpannyen pour vin deplizanpli responsab.  E mon pe ekspekte ki plis larzan ava reste Sesel.  Olye zis ganny tire e ganny anvoye aletranze.  Mersi Mr Chairman.  E avek ou permisyon mon ava, Chairman SPF pour reponn sa 2 kestyon ki mon pa’n tous lo la.  Mersi.

 

MR SPEAKER

Mersi Minis.  Mr Dugasse.

 

CHAIRMAN SEYCHELLES PENSION FUND JACQUELIN DUGASSE

Mersi Mr Chairman.   Bonn apre midi tou Manm Onorab.  Bonn apre midi tou dimoun ki a lekout.  Mr Chairman mwan osi, parey Minis mwan-premye fwa ki mon tande ki i annan 2 manm Board ki’n resign.

Mon’n tann li atraver Onorab Ramkalawan.  Mon pa konnen lekel sa 2 manm.  Ti a bon petet nou ganny zot non.  Koumsa nou a kapab verifye.  Parey Minis i dir, si i 2 manm ki pa ti prezan at the Board meeting le 19.  Oubyen i 2 manm ki ti prezan.  Akoz i pour fer en diferans dan larepons ki mon pour donnen.

Si i posib Mr Speaker pour mon ganny non sa 2 dimoun.  Si Onorab Ramkalawan i kapab partaz sa avek nou.  Mersi.

 

MR SPEAKER

Mersi Chairman.  Onorab Ramkalawan.

 

HON WAVEL RAMKALAWAN

Ou ti anvi sa 2 non?

 

MR SPEAKER

Mon pa konnen si ou kapab devwale.  Mon konnen ou’n devwal konteni sa let.

 

HON WAVEL RAMKALAWAN

Pour zot lenformasyon, se Ms Brenda Morin avek Mrs Malika Jivan sa 2 manm ki’n demisyonn-en.  E petet an menm tan osi – mon aret la.  I ava kontinyen.  Ok, epi mon ava kontinyen mon osi.  Ok mersi.

 

MR SPEAKER

Mersi Onorab.  Chairman, Mr Dugasse.

 

CHAIRMAN SEYCHELLES PENSION FUND  JACQUELIN DUGASSE

Mersi Chairman.  Mersi Onorab.  Mon ti a kontan konmanse par dir, ki sa 2 manm an kestyon,  i 2 manm ki ti prezan.  E ti partisipe dan en fason aktiv dan Board meeting le 19, apre ki nou ti pran sa desizyon koman en Board pour nou fer sa lenvestisman.  Sa 2 manm Board ki pa ti la,  se Mrs Marie Claire Marie ki ti donn sa apology.  E apre Mr Ravi Valmont ki ti osi donn son apology.

Zis pour dir Mr Speaker ki, dan Fon Pansyon anba nou sistenm gouvernans.  Ler nou ganny nou en lenvestisman, nou annan en prosedir ki bezwen pas atraver.

Nou annan nou en sou-Komite Board, konpri bann manm Board.  I annan 5 dimoun lo la, Komite Finans anek Lenvestisman.  Zis sa Komite- normalman si i annan en proposal pour lenvestisman, se sa Komite ki konsider, parey nou dir an Kreol ‘‘depouy’’ bann sif sa lenvestisman’.  E finalman fer en rekomandasyon.

Akoz Komite napa pouvwar pour deside.  Me annan pouvwar pour fer bann analiz neseser.  E apre fer rekomandasyon avek Board of Trustees.

Parey Minis in dir,  apre ki nou ti ganny aprose par sa group pour konsider envestir dan Cable & Wireless Seychelles ‘CWI’. 

        Nou ti byensir konvok – Chairman Komite Lenvestisman ki SS Patrick Payet ti konvok en meeting Komite Finans avek Lenvestisman.

Ti annan 2 meeting parey mon dir.  Premye meeting parey Minis in dir, ti le 1, e 2enm meeting le 15 Oktob kot nou ti’n fer bann diferan analiz ki pe ganny fer.  Zot vwar bann diferan forecast.  Zot get bann historical dan lakonpannyen.  Zot konsider rapor due diligence ki’n ganny fer, both internal due diligence report e external due diligence report.

E apre zot in debate byensir.  Zot fer zot rekomandasyon.  E en kopi zot Minutes zot deliberasyon i ganny soumet avek Sekreter Board.   E la byensir papye apropriye, Board paper lo sa size i ganny finalize, konkretize avek tou bann attachment neseser.  E from there sa matter i al lo agenda pour diskisyon at the Board meeting.

Now, kot i konsern sa lenvestisman.  Nou ti bezwen pran en desizyon ase vitman, avan lafen di mwan Novanm.  So i ti neseser pour nou call en Extraordinary Board Meeting ki nou Lalwa i permet nou fer sa.

Akoz nou next schedule Board meeting ti pour pran plas le 28, savedir semenn prosen 28 Novanm.  Akoz nou meet 1 fwa par mwan normalman, regular.  E si i annan okenn matters irzan,  then nou annan sa Pouvwar anba sa Lalwa.  E Chairman i kapab konvok en Extraordinary Meeting;- sa ki nou ti fer pour konsider sa lenvestisman.  E byensir bann dokimantasyon detaye avek tou bann rapor sorti kot Komite Lenvestisman avek Minutes, ti ganny sirkile anliny avek nou internal governance procedure ki Board paper i bezwen ganny sirkile 7 days before the schedule Board meeting. 

Zisteman pour donn Manm sans pour go through bann diferan papye, bann diferan dokiman, fer bann resers neseser, prepar zot lekor.  E vin Board meeting prepare pour aktivman pran par dan deba.  E osi finalman desizyon.

E pour sa Extraordinary Meeting, i pa ti diferan.  Tou bann manm ti vin ganny bann papye.  E byensir nou ti ganny 2 apology parey mon’n dir, pour sa 2 manm Board ki pa ti vini.

E meeting li menm sa zour, ti komans ver midi.  E nou fini anviron 4er apre midi.  Kot nou’n debat, nou’n analize antan ki Board.

E mon kapab dir Lasanble ki sa 2 manm ki’n resign, ti 2 Manm ki ti partisip pli aktivman dan meeting.  Zot in fer sorti plizyer pwen.  Zot in demann kantite kestyon, zot in fer serten sizesyon.  Anfet, pour sa exit clause ki Minis in koz lo la  ti sorti kot Mrs Jivan.  Akoz i ti santi ki sa Konpannyen i ankor nouvo, malgre ki Cable & Wireless i annan en track record plizyer lannen.  Me nouvo owners, malgre ki business i pe kontinyen.  The nouvo owners i new, e i ti- i annan serten konsern ki si sa bann prozeksyon ki’n ganny met devan nou, pa realize,  then nou-then i annan en risk ki nou kapab perdi en parti nou lenvestisman.

So enn son rekomandasyon.  Se ki, nou met sa koman en kondisyon.  So finalman, apre en gran deba;-  normalman dan Board meeting, nou arrive lo bann desizyon by consensus. 

        Malgre ki Lalwa i fer provizyon pour pran en vot lo en matter.  Pandan sa 1an ki mon’n chair, Chairman Board meeting,  nou pa’n zanmen vote lo okenn matter.  Akoz laplipar desizyon i ariv par by consensus.

Nou diriz Board in such en fason ki i annan en consensus within the matter ki nou pa bezwen pran en vot.

E mon kapab asir Lasanble ki lo matter, ti napa en vot ki ti ganny pran.  E desizyon ti unanimous;- unanimous.  Mon ti fer letour- mon ti fer letour avek tou manm, pour demann zot si zot dakor avek rekomandasyon sorti Investment Committee.  E tou dimoun ti dir wi.  Sof, ki i annan serten kondisyon ki nou ti ganny dir mete.  E finalman, se sa 4 kondisyon ki Minis in koz lo la ki’n antre;-  savedir nou’n aprouve subject to sa 4 kondisyon.

E Mrs Brenda Morin avek Mrs Malika Jivan ti napa okenn lobzeksyon.  E nou Board, si i annan dimoun ki annan en lobzeksyon lo en matter, i normalman nou rikord son lobzeksyon.

Me parkont si manm Board i annan serten sizesyon, nou osi rikorde poudir en manm ti fer sorti tel sizesyon pour rikord- e nou Minis i tre detaye.

So vwala prosesis ki ti ganny swazir.  Dapre mwan, i regretab ki sa 2 manm in swazir pour zot resign– enn bann rezon akoz zot pa ti ganny lenformasyon,  i pa korek.  I pa korek.  Mon krwar i en mansonz.  Akoz lenformasyon ki mon kapab prouve, ti ganny sirkile avek zot, ki’n ganny acknowledge par zot.

E zot prezans at the Board meeting, e zot partisipasyon i konfirmen ki zot ti ganny sans pour aktivman partisip dan bann deba lo en fason lib, free’.  E be party to desizyon pour nou proceed avek sa lenvestisman.  Mersi Mr Speaker.

 

MR SPEAKER

Mersi Mr Dugasse.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon premye kestyon;-  vi ki zot, zot in demann mon pour nonm non dimoun.

Mon anvi aprezan ki, zot osi tou zot fer serten deklarasyon fran e onnet.  Yer dan Press Conference, i kler ki poudir Minis Dugasse in dir- ti fer kler ki poudir letan zot ti komans antreprann sa negosyasyon, zot pa ti fer li avek Board an antye, pour rezon konfidansyalite – avek serten mBoard!

Eski i kapab dir avek nou,  lekel sa bann manm Board ki i pa ti annan tou konfyans ladan?   Parski pour mwan, si nou pe koz en Board, ki kapab fer en lenvestisman 24milyon ki tonm anviron R336milyon lo nou larzan pansyon, i bezwen annan konfidansyalite!  I bezwen annan konfyans antre zot!  Sansan son Chairman, son Board antye i devret ganny dizourd!

Parski sa i serye sa ki nou pe koz la.  Ok, si lo sa nivo zot napa konfidansyalite, then zot pa devret la.  Sa i mon premye konklizyon.  Alor dir nou sa bann zafer konfidansyalite.

Dezyenmman;-  eski Minis i kapab – parski i pe kontinyen nonm tou bann manm Board – this is the Board of Trustees ki nou pe koz lo la.

Eski Minis i kapab dir avek nou, si dan zot Board meeting an Oktob, sa tranzaksyon ti ganny mansyonnen devan tou bann manm Board?

Parski, pour ki Investment Committee –  pour ki Investment Committee i kapab ganny en direktiv pour li fer en travay,  sa i bezwen sorti kot Board.  Se sa lafason ki sa bann desizyon parey i ganny pran.

I pa kapab ki en dimoun i dir avek en Chairman Board, oubyen avek en CEO,  i dir avek Investment Committee pour li al fer tou sa bann travay ki ou dir.   I ti bezwen annan en rezolisyon Board.  Alor, eski Minis i kapab montre nou, dan zot Minutes Board meeting an Oktob, sa rezolisyon kot zot ti pran pour donn sa Investment Committee chaired by SS Payet, sa responsabilite pour li al fer sa travay?

Sanksyon;-  sa lakonpannyen Global Latin America – Liberty America se pa ki mannyer i apele,  i ti annan li en sanksyon $14 milyon pour li peye.

Eski Minis Finans i kapab dir avek nou – parski i annan en pe letan la –  depi 2016.  E sa dan li menm li, letan ou kalkil, letan nou pe koz lo reveni.  $14 milyon i workout 14 – plis ki 200 milyon.  Plis ki R200milyon definitivman.  R203milyon ki zot pa’n peye!

E letan nou koz lo reveni ki rantre dan nou pei, la nou bezwen note ki poudir in annan R203milyon ki pa’n antre atraver sa sanksyon.  E alor mon kestyon se, akoz ki se pansyoner- se bann travayer, bann kontribiter, nou tou ki la dan sa Lasanble, tou bann 43,000, akoz ki se nou ki bezwen pey sanksyon ki sa lakonpannyen etranze pa’n peye?  Mon ti ava kontan – mon ti ava kontan ganny en larepons kler lo sa kote.

E an plis ki sa Mr Chairman, mon ti ava kontan ganny leklersisman.  Parski zot, zot in bezwen fer due diligence.  Eski zot kapab dir avek nou, si parmi bann dimoun ki dan sa lakonpannyen, pa koman direkter, me koman bann owners i annan en Ugandan, e apre sa i annan sa Mr ki owner Carrefour. Eski nou kapab ganny en larepons lo sa?

E dan sa deal, eski zot ti apwent en Broker?  E si wi, konbyen zot in pey sa Broker?  Mersi bokou.

 

MR SPEAKER

Mersi Onorab.  Bon mon ava pas la parol avek Chairman SPF.  Mr Dugasse.

 

CHAIRMAN SEYCHELLES PENSION FUND  JACQUELIN DUGASSE

Mersi Mr Chairman.  Mersi Onorab pour ou kestyon.  Mon pour adres sa issue konfidansyalite.  Kestyon Minutes Oktob.  E apre si i annan en rezolisyon pour Investment Committee konsider sa lenvestisman.  Ok mon a koz en pti pe pli for.

Mr Chairman dan Fon Pansyon nou annan nou sa ki nou apel en Board Charter.   En Board Charter i en konsep ki i annan dan plizyer Konpannyen.  In fact lamazorite Konpannyen o monn i annan en Charter ki diriz travay Board.

E byensir nou fer nou travay dan Board anliny avek nou Board Charter.   E en keksoz sa Board Charter i dir, ki nenport lenvestisman ki ganny prezante avek Management – akoz lenvestisman pa vin kot Board,  i pa vin kot Chairman Board, i vin kot Management normalman.

So ler Management i ganny sa bann lenvestisman,  management byensir i annan son prosedir entern kot i get sa bann lenvestisman.  E si i santi i en bon lenvestisman, nou next process.   Me si parfwa ou ganny bann lenvestisman ki pa tro fer sans.

Nou pa oule al gat letan Investment Committee e Board pour al konsider en lenvestisman ki dizon pa pour fer sans.

En legzanp mon kapab donnen;-  par egzanp si ou annan en lenvestisman ki ganny mete devan nou,  letan Management i vin workout son return,  son return i 1poursan.  I pa pour go forward akoz nou’n dir poudir lenvestisman pour ganny konsidere selman si son return i plis ki 3poursan.

So en ka parey pa pour ale devan Board, ni Investment Committee.  I fini at management level.  E Board i ganny enformen by way of information.

So, prezan si en lenvestisman li i kredib, son return i bon.  Then from there, in al ek Board Charter, i pa pour vin lo Board li.  Akoz Board i la pour pran desizyon.  The role of a Board is to decide.  Pran desizyon, konsidere e decide.

Tou bann analiz, normalman i devret ganny fer anliny avek bann bon sistenm gouvernans, i ganny fer par bann Committee of the Board – ok?

E Committee of the Board i ganny made up of Board members.  E en Board member normalman i chair sa Komite.  E at the Board li i raport to the Board desizyon or rekomandasyon ki’n ganny fer dan Board Committees.

So dan sa ka lenvestisman, anliny avek nou Board Charter,  i pa fer sans pour li vin lo Board, to Board pran rezolisyon.  Akoz nou Board Charter in dir, normalman ler nou annan en sort of en investment parey,  i al direkteman lo Investment Committee of the Board. 

Zot fer bann travay neseser e apre from there zot rekomandasyon I ganny mete to the  main Board e the main Board i  konsidere e i pran en desizyon e desizyon i ganny egzekite  par management.   Nou pa pe re-envant larou laSa ki nou pe fer i normal governance procedures ki’n ganny pratike  partou o monn – ok?  E lo nou Charter nou’n fer oli an konsideran plizyer Charter ki  available.   Online ou kapab ale tap Board Charter I pou donn ou en template e ou  re-aranz li ou fer li anliny avek ou spesifisite. So I pa neseser pou ou Board pran en rezolisyon fodre esper pou Investment Committee konsider investment akoz nou Board Charter i kler lo la.  E sa investment in ganny approved by the Board itself e se  nou Labib ki gid nou travay. So   otomatikman en lenvestisman ler i antre I met kriter.  I al Investment Committee ki i pas atraver son due process parey nou dir, e from there it goes up to the Board for a decision. So pou reponn kestyon Onorab I pou napa en rezolisyon ki’n ganny pran pou Investment Committee   konsider sa lenvestisman.  Ok?

Now whether sa lefe ki I annan sa lenvestisman sa proposal whether nou ti met li devan Board?  Non nou pa’n met li.   Akoz in October meeting akoz normalman I pou al lo Investment Committee anliny avek nou internalthe guidelines ki nou Board Charter ki parey mon’n dir Board in aprouve e se sa ki gid nou travay.  So si ou pran Minutes October i pou napa.

Now pou deal avek issue konfidansyalite mon pou admet wi  i annan en major issue of konfidansyalite lo mon Board! Akoz plizyer lokasyon i  annan serten issues i ganny diskite on the Board ki sipoze reste konfidansyel akoz nou Lalwa i annan en clause ki dir poudir bann issues diskite at the Board  should remain confidential!  Nou Board Charter I koz lo confidentiality of Board of Trustees. E  Board of Trustees in sipoze sinyen en dokiman ki zot pou respekte. E tou Board members in sinyen enkli mwan – I annan en sel Board member ki pa’n sinyen.  Ok?  I refize sinyen. Now parey mon’n dir mon annan en problenm confidentiality. I annan plizyer lenstans issue I ganny mansyonnen at the Board, I end up in the public domain I menm end up dan Lasanble isi  – ok?  E mwan dan plizyer lokasyon  I fer li  – I annan 3 lokazyon – in fact 3enm lokasyon ti le 19 – 2 lokasyon dan lepase in ganny minuted dan nou Minutes  ki nou annan en konsern regarding konfidansyalite lo nou Board.

Malerezman malgre serten attempt mon pa’n kapab zanmen ganny laprev. I difisil pou ganny laprev lekel ki leak lenformasyon. Mon annan soupson me mon  pa kapab akiz dimoun lo soupsyon.  Mon bezwen laprev.  Me laprev so far mon pa’n gannyen.  In fact dan meeting le 19 ou pou war lo nou Minutes ki mon ‘n raise sa issue konfidansyalite ankor e mon’n menm sizere ki the next time ki i annan en breach of confidentiality mon pou propoz ek Prezidan ki the whole Board be dissolved! A new Board appointed because si I annan en problenm konfli lentere lo Board  nou pa konnen lekel then the whole Board is responsible! The whole     Board is guilty. So the whole Board must go! E sa in ganny minuted nou’n met li lo Minutes akoz I en issue Board of Trustees. Plizyer fwa – SS Payet I asiz lo Board I kapab konfirm sa ki mon’n dir ki a plizyer lokazyon lenformasyon in leak out dan public domenn ki it should not e sa I danzere pou  en lenstitisyon parey Pension Fund akoz I kapab konpromet e I en major risk.

Me in fact nou annan n ou en  Risk Register dan Fon Pansyon  ki liste tou bann risk e enn nou bann risk ki Fon Pansyon I dir risk se konfidansyalite at the  level of the Board. Nou’n diskite ki mannyer nou pou mitigate sa a plizyer lokasyon me I zis reste difisil. Yes mon annan en problenm konfidansyalite.

Parfwa mon demann mon lekor si sa keksoz I devret pe ganny dir, me pa koumsa ki mwan lafason ki mon travay e omwen lo en Board nou  bezwen kapab trust one another. Sa ki nou diskite nou bezwen fer li libreman dan en fason ouver avek garanti avek sa  ki nou’n diskite I bezwen reste anndan dan Board. Me unfortunately mon dir ankor avek Fon Pansyon that has not been the case.

Menm mon konpran avan mon letan ti annan en problenm konfidansyalite e I ankor pe kontinyen. I en issue ki konsern n ou parey mon’n dir e pou mwan si I ariv ankor enn fwa mon pa pou ezite pou mwan ekri Prezidan akoz li ki apwent the Board, pou dir baze lo lefe ki mon pa kapab trust the Board ki the whole Board be dismissed and a new Board appointed.  Mersi Mr Chairman.

 

MR SPEAKER

Mersi  Mr Dugasse. Minister?

 

MINISTER MAURICE LOUSTAU-LALANNE

Mersi Mr Chairman.  Onorab Ramkalawan nou pou reponn lo sanction fee apre  Ugandan ek Carrefour a  osi lo broker.  Alor lo sanction fee, wi Liberty Global e apre Latin America ti’n ’ sipoze peye – $16.5milyon  ki ti sa sif ki ti ganny aprouve a lepok lafen Me 2016. Me an Fevriye 2017  – le 14 Fevriye 2017 Minister Finans ti resevwar en let sorti kot Departman Legal Liberty  Latin America pou demann serten konfirmasyon lo serten desizyon ki ti’n ganny pran back letan zot ti ‘n fer premye  laplikasyon.

Malerezman sa let pa’n ganny reponn e mwan kan mon’n vin Minis Finans evantyelman mon’n ariv lo file Cable & Wireless mon ti ekri en let Liberty  Latin America an Zilyet 2018 e mon ti dir avek Liberty  Latin America ki i dwa nou$16.5milyon ki i ti merit peye an Me 2016. E mon ti a kontan en tyek toudswit. Bann kondisyon dan sa let 2017 ki zot ti pe klarifye zot ti pe demande ki  zot fer  sa peyman lo en peryod 2an in 4 instalments;- setadir  en peyman tou le quarter. Me parey  mon’n dir i pa’n ganny reponn e sela a sa moman la ki mon’n  komans negosye angaz mwan avek  Liberty Latin America ziska kan nou’n re-negosye sa Lakor konpletman e nou ti’n ganny en Lagreman ver Zilyet 2019.  Ki laranzman nou’n gannyen?

Olye pey nou $16.5milyon  parey ti ete det  lo zot dwa I $14 milyon. Ladan nou’n retir  2 parsel;- nou’n retir parey mon ti dir dan mon larepons Bidze nou’n ti retir parsel  V5326 ki la Le Chantier pou  $2milyon  sa in ganny evalye annefe  zot ti oule tir  $3milyon  pou sa parsel nou’n re-negosye e apre nou’n tonm dakor  lo $2milyon. So noun dedwir sa lo sa $16.5milyon.

E apre Bonne Espoir en gran parsel C3003  kot nou’n repran pli gran parti sa parsel e nou’n les 3 pti morso kot ozordi Cable & Wireless I annan bann lenstalasyon. E la apre evalyasyon nou’n fer en konsiderasyon finansyel $500 mil. So la la kot sa i sorti $16.5 I tonm 14milyon e sa zot devret pey nou. So pou reponn ou kestyon nou pa ankor gannyen peye.

Akoz ki’n arive letan nou dan Minister Finans nou ti’n konplet negosyasyon avek Liberty Latin America prezan sa lakonpannyen li in antre ladan;- sa CWSI  la. Ki mannyer in antre ladan mwan an Out mon tande lo trotwar ki i annan en tim Seselwa i  oule aste sa lakonpannyen. Alor mon’n anvoy en email kot sa dimoun  legal  Liberty Latin America pou mwan demann li be  ki pe pase? Le 13 Out mon dir li  – mon dir  li   i Angle Mr Chair si ou a permet mwan ;-

’Yesterday I was made to understand that there is a local group interested in buying  Cable & Wireless Seychelles are you in the picture?’’ Maurice

5.47am bomaten.

I reponn mwan – 5.18 dan apre midi,; I dir ek mwan,

’’Hi Minister, my apologies but I can’t respond to your question. It is our company’s policy not to comment on rumors or speculations in particular as it relates to mergers and acquisitions.’’

So I met en goal ek mwan.

 

(laughter)

 

MINISTER MAURICE LOUSTAU-LALANNE

Me, me sa ki pli enportan le 27 Out – ekout mwan le 27 Out,  14 zour apre i dir mwan,

‘’ In the meantime  -‘’  (bon i annan lezot keksoz mon pa  pou li I pa relevan ek nou diskisyon) i dir mwan ‘’ in the meantime I understand you have met with Mr Francis Chang-Leng who is representing a group – we have been negotiating with  regarding the Cable & Wireless business.  And you are helping to arrange further meeting on Wednesday.  I appreciate you doing this and  I am supportive of these discussions. I am happy to have a call with you to further progress and  finaliz  everything. ‘’

So a set a sa moman ki mwan mon ganny konfirmasyon ofisyel. Liberty li i  pe vann ou war? So ki nou bezwen fer prezan? Nou bezwen fer sir ki Liberty i transfer sa negosyasyon ki nou ti’n annan – nou’n sinyen nou ki sa  nouvo aster prezan i pey nou. So ansanm avek Attorney Zeneral nou’n siny plizyer Lakor kot prezan sa peyman sa sanction duty in ganny transfer lo sa nouvo konpannyen. Se koumsa ki sa in arive. Se koumsa ki sa in arive.

Mon pa war okenn Ugandan – okenn Carrefour anywhere. Parey mon’n eksplike letan mon regard sa me sa ki enportan pou  mwan fer resorti ozordi  ou annan serten lazans dan Sesel zot bi  avek  Lalwa ki egziste  se efektivman pou tyeke sa bann keksoz. E parey zot konnen beneficial ownership nou’n  deza anmenn en memorandum kot Cabinet – Cabinet in aprouve (apre midi ou byen demen?) Bon depi Zedi i annan konsiltasyon piblik lo sa Beneficial Ownership Law ki nou pe anmenn isi kot Lasanble byento e en fwa ki i pou la si demen I annan en dividend ki ganny fer e ki al kot enn sa bann lakonpannyen lokal – direkter lokal, shareholder lokal apre nou war i ale  nou pou konnen kote i pou ale e nou pou war  lekel son ultimate beneficial ownership. Me pou le moman nou pa kapab fer sa avek Lalwa ki nou annan. Nou   kapab  raporte avek  sa bann lenstitisyon  e zot a fer zot lenvestigasyon e zot ava anmas zot lenformasyon zot a met la.   So sa I enportan pou  mwan  fer sa pwen a sa moman la Mr Chairman.

        E finalman li Pension Fund in servi en   – pa en broker in servi en rapor lo share evaluation ki Cable & Wireless Seychelles in ganny fer par en konpannyen ki apel Delta Partners ki TDB ti servi pou li.  Parey mon’n dir satisfer li avek sa demann pre 70milyon. So akfer al pey ankor $100mil – $150 pou al fer ankor en share evaluation kan i  annan enn ki’n fer endepandaman ki la available? Nou annan rapor 2018 ki nou’n servi, so nou annan en baz pou nou konpran what is the share value, e baze lo la nou pa’n ensiste ki i annan ankor en independent evaluation ganny fer konteni ki nou ti annan enn deza a nou laporte.  Mersi Mr Chairman.

 

MR SPEAKER

Mersi Minis. Onorab Ramkalawan.

 

HON WAVEL RAMKALAWAN

Mersi Mr Chairman. Mr Chairman mon pe ganny en bon pe larepons la ki  – mon ava par egzanp lo sa ki Mr Dugasse in dir lo rol son Board avek son governance soz ki in etabli – mon anvi dir avek li klerman, ki poudir son Lalwa Seksyon 5(2) i dir avek li klerman

’The Board shall subject to the Act be responsible for the overall management of the affairs of the fund including the operation of the fund and  making investment decisions.’’

So i swiv klerman ki poudir se Board ki bezwen dir la I la, I annan en investment possibility e se Board aprezan ki ava si zot pe fer zot sou Komite Lenvestisman pou Board pas sa avek zot Investment Committee. I pa mars lot fason sa. Mon krwar ki lafason zot eksplik sa – e sa se lake ki pe bat lisyen e se pa lisyen ki pe bat  lake!  Sa i premye.

2enm Mr Chairman, eski Minis I kapab konfirmen dan sa tranzaksyon, lafason ki zot pa’n aste avan, zot in aste apre konbyen sonm total ki Pension Fund in perdi? Parski mwan mon kalkil  i dir avek mwan ki dan sa  pti tranzaksyon ki zot in  fer Fon Pansyon  in perdi R100milyon.  Dir mwan si sa ki mon pe dir i bon, oubyen I pa bon. E apre sa letan ou pe koz lo konfidansyalite   mon konnen  poudir Mr Dugasse in pran bokou letan  pou koz lo konfidansyalite, me solman Mr Chairman ou ava dakor avek mwan  si apre tou sa ki Mr Dugasse in dir i  annan mank konfidansyalite;- lo 3 repriz in annan problenm ensidswit, i kler e si ozordi zot pe perdi bann manm lo zot Board I kler pou nou ki poudir sa  Board enkli son Chairman enkli son CEO,  i devret resign!

 

 

(APPLAUSE)

 

HON WAVEL RAMKALAWAN

Mon krwar poudir sa i kler ki poudir zot annan zot en gro problenm konfidansyalite;- zot pa kapab diskit lo zot – zot pa kapab pran desizyon e se zot ki pe manage – Mr Speaker zot pe manage pansyon  tou Seselwa!  E zot pa kapab pran  en desizyon konfidansyalite lo ki  mannyer zot pou fer  lenvestisman.  E la dan li menm li – dan sa lenvestisman nou trouve ki se travayer Seselwa ki pou bezwen al pey sa stamp duty sa sanction fee 14milyon ki Minis in eksplike sorti 16.5milyon.  E anplis ki sa nou pe pey sa e an plis ki sa nou’n perdi plis ki 100milyon ki ti a  kapab fer tou kalite proze  e la  ki nou pe diskite.

Mr Speaker  mon krwar ki – e sa lentere ki nou sipoze gannyen nou pa ankor konnen egzakteman kwa ki nou sipoze gannyen e letan ou konpar sa avek bonds ki Central Bank I donnen ki on average I 7poursan lentere eski  – eski finalman nou pe ganny en bon deal? Eski o mwen nou, pou ganny 7poursan lo sa lenvestisman?  Oubyen eski parey  i pe dir sa dernyen clause sa 4enm kondisyon apre  3an nou pe sorti avek –  nou pou repran nou 24mmilyon san 1sou  lentere?  Me solman antretan nou pou’n perdi nou larzan akoz nou’n aste. Mersi bokou Mr Chairman.  Mon konnen poudir bann lezot dimoun osi I bezwen reponn kestyon e a lafen mon ava annan enn de ankor. Mersi bokou. 

 

MR SPEAKER

Mersi Onorab. Mr Dugasse oule -? Minis?  Mr Dugasse?

 

CHAIRMAN SEYCHELLES PENSION FUND  JACQUELIN DUGASSE

Mersi Mr Chairman. Mersi Onorab. Regarding 5.2  mon krwar sa ti lopinyon Onorab. Mon pa neseserman agree avek li.  Me akoz osi si tou keksoz ti pou al devan Board, avan ki I al kot bann Komite pou al analize, Board ti pou pas son letan zis konsider bann lenvestisman ki frivolous parfwa.  So pou  mwan the proper procedure se ki i vin lo sa Komite akoz Komite, ou bezwen konpran  Komite i konpran.  Sa menm  Board members ki pou pran desizyon evantyelman se li ki lo Komite pou fer bann analiz  so kan nou fer sa se pou pa gaspir letan Board avek bann issues ki pa neseser.  Akoz rol en Board  si ou a get dan nenport literature role a board is to decide. So how do we decide?  Something come  to you it has been analyzed, in ganny  verifye  byen e rekomandasyon I vin  devan  e from there ou pran en desizyon. Ou pran en desizyon. Ou pa kapab zis ale – akoz si Board ti pou pas son letan  analiz tou keksoz, I’m sorry  mon  antyerman  dakor i pa mars koumsa.  Sa i  ou lopinyon. Mwan mon lopinyon se ki I devret al lot fason;- se ki I al Investment Committee, from Investment Committee I mont lo Board e Board I analize I pran en desizyon. Mersi Mr Chairman.  

 

 

MR SPEAKER

Mersi Mr Dugasse. Bon mon a pas laparol Onorab De Commarmond.

 

HON CHARLES DE COMMARMOND

Mersi Mr Chair.  Bonn apre midi Mr  Chair. Bonn apre midi Minis, Mr Dugasse e tou  bann dimoun ki’n akonpanny zot.  E  bonn apre midi bann Manm e tou bann dimoun ki pe ekout nou –   Sesel e aletanze ou konnen sa zafer i ase serye.  Eski Minis e lezot dimoun lo panel e sirtou Pension Fund I kapab dir ek nou Lasanble, enform nou avek ki vreman Pension Fund in aste bann shares? Avek konpannyen, en dimoun?   E an menm tan eski I annan bann shareholders dan sa noUvo lakonpannyen la, ki ti  pe float bann shares dan sa bann letan  e letan pe float sa bann shares konmsi prezan zot, zot in vin aste – ou konpran?

Ou ‘n dir I annan en Board member ki pa’n siny konfidansyalite petet la ou’n komans nonm bann dimoun dir nou  si i annan enn,  lekel li?

Epi ou konnen sa issue  nouvo lo lakonpannyen Cable & Wireless letan ti pe vann mon rapel mwan dan bann deliberasyon  Bidze Mr Chair plizyer Manm in koz lo la – I ti pe dir akoz Fon Pansyon pa aste shares dan sa nouvo antite? Eski alor eski zot santi ki sa ki zot in fer in tonm anliny avek sa ki Lasanble  – bann Manm la  serten ti pe sey dir?

Eski zot krwar  alor  ti en bon deal ki bann Manm ti pe sey dir alor tousala in tonm byen?

Mr Chair akoz ki Fon Pansyon pa ti’n aste sa bann shares avan  oubyen an menm tan ki bann lezot antite  in aste shares dan sa nouvo lakonpannyen? Akoz in esper apre li?

E dernyen kestyon ki mon kapab demande, ki garanti ki avek sa deal ki  Fon Pansyon in fer i pou anmenn en nouvo dimansyon dan konpetisyon dan telekominikasyon dan Sesel, e avek sa i pou fer ki pri telekominikasyon dan Sesel i a desann e vin pli abordab  pou ki pep Seselwa, biznes komen endividi? E ki sa  i en lenvestisman, petet dir nou ki turnover – ki mannyer  nou  pou benefisye ek sa lenvestisman ki mannyer zot pe dir nou I en bon deal si i en bon deal sey dir nou  ki nou konpran  vreman  dan 5an, dan 2an,  dan 3an  dan 10an, nou  Fon Pansyon pou monte?

E petet sa i a fer osi nou  pansyon monte;- tou  Seselwa ki konmsi  i ganny pansyon. Mersi  bokou Mr Chairman.

 

MR SPEAKER

Mersi Onorab. Mr Dugasse.

 

CHAIRMAN SEYCHELLES PENSION FUND  JACQUELIN DUGASSE

Mersi Mr Chairman. Mersi Onorab pou ou kestyon – bann kestyon.   Bon antan ki nou, nou konsernen nou’n aste shares dan Cable –  CWSI.  CWSI I en konpannyen ki sa consortium  Seselwa I own 57poursan bann shares. E ti reste 43poursan bann shares ki ler bann lenvestiser ti fer zot press conference zot ti anonse ki sa 43poursan pou ganny ofer avek Seselwa ouswa  serten antite Seselwa.  E nou, nou shares ki nou pe ase i sa 20poursan – dan sa 43poursan sa ki nou apel unallotted shares in  CWSI.   Nou pa’n aste shares avek okenn endividi oubyen partner, oubyen shareholder dan CWSI ki’n ofer nou okenn shares.

Menm si zot ti pou ofer nou, nou pa ti pou aste, akoz nou lenvestisman i  devret dan CWSI  sa lakonpannyen ki pe aktyelman own tou bann assets Cable & Wireless Seychelles;- ki dapre striktir in prezant nou e apre due diligence e sa ki’n fer sorti dan due diligence report ki’n ganny fer par sa konpannyen etranze;- ki Minis in koz lo la,  lo ki nou antan ki  Fon Pansyon nou’n rely lo la.  Olye al fer en due diligence report parey Minis in dir  e al pey  ankor $100mil – $150mil nou’n rely lo  la.  e nou’n satisfer nou lekor ki sa ki’n sorti dan sa report I ase pou permet nou antan ki en Board pran en desizyon.

2enm kestyon se lekel sa Board trustee ki pa’n siny sa konfidansyalite annefe I enn ant sa 3 trustee ki ‘n resign –  e sa Mrs Malika Jivan ki’n sistematikman refize malgre diferan attempt par   pou fer li sinyen in refize sinyen;- stating ki i pe esper lopinyon from son lawyer.   Vwala.

3enm kestyon se akoz Fon Pansyon pa ti aste avan? Byensir nou pa ti ganny ofer pou aste avan. Byensir se sa group  akoz consortium lokal ki ti pe lead pou aste sa deal from Liberty e nou pa ti’n ganny aprose a sa pwen pou partisip ladan. Nou ti ganny aprose apre ki deal in ganny konkretize e a sa pwen ki nou, nou’n komans nou bann analiz pou war si vreman sa lenvestisman I en bon lenvestisman. Mersi Mr Chairman.

 

MR SPEAKER

Mersi Mr Dugasse.  Onorab De Commarmond.

 

HON CHARLES DE COMMARMOND

I annan ankor kestyon pa’n reponn!

 

MR SPEAKER

Minister.

 

MINISTER MAURICE LOUSTAU-LALANNE

Mersi Mr Chairman. Zis an pasan mannyer mon konpran ozordi Bond ek Bill zot poursantaz in tonbe in ariv 5poursan e I pa vreman osi available toultan. Donk dan sa business deal la Pension Fund li I pe ekspekte 6poursan return e sa I without capital gain ki sa lakonpannyen I kapab gannyen apre.

An sa ki konsern en bes dan konminikasyon and son on   – definitivman se sa ki mon’n mansyonnen dan mon ladres Bidze  – dan mon larepons. Me pli enportan letan ou regard vye Cable & Wireless Seychelles letan sa konpannyen Ameriken ti proprieter mon kapab konfirmen ki zot pa’n depans bokou pou zot envestir dan lenvestisman pou zot improve zot servis. Zot ti’n annan bokou loportinite me zot pa’n fer me sa ki nou’n war se ki zot in tir bokou larzan zot in anvoy deor. E dan sa striktir ozordi mon  pe ekspekte e mon pou veye ki plis larzan I reste me zot servi pou zot catch up, improve zot servis , improve dan plis lekipman akoz sa I esansyel sinon Cable & Wireless pou ralanti li osi. E mon krwar sa bann novo aksyonner zot konsyan sa. E sa I en keksoz ki mon pou vye si mon ankor la lannen prosenn. Mersi Mr Chairman.

 

MR SPEAKER

Mersi Minis. Onorab De Commarmond

 

HON CHARLES DE COMMARMOND

Mersi Mr Chair.  Nou, nou bezwen travay for Mr Speaker pou fer sir ki Minis I ankor la lannen prosenn e ki sa bann benefis i  ava pas avek Seselwa.

 

(APPLAUSE)

 

HON CHARLES DE COMMARMOND

Mr Chair petet si Minis i kapab oubyen Board member i kapab dir nou, eski lekel ki’n apros zot pou alor aste bann shares? E vi ki I annan   serten Seselwa mon krwar konmsi  ki pe eksprim wish  pou zot aste, eski zot konnen si I annan ankor shares pou vann petet ki lezot osi i a kapab fer sa semen ki zot in fer pou aste bann shares si i  annan?

E an menm tan ki garanti ki konmsi sa mon pa ankor satisfe – garanti – garanti menm ki sa bann stamp duty avek sa  bann sanction  fees konmsi ki  zot pe perdi nou pe pou perdi? E  I pa pou at the cost of nou pansyon  of Pension Fund. E anmenm tan bann travayer dan sa bann tranzaksyon la – ki mannyer zot pou ete – deza ti annan en issue la avan  premye vann Cable & Wireless ti’n arive e  la ek sa donn non en garanti ki pou napa  bann issues pou al fer strike pou al desann anba kot Minister ensidswit, ensidswit ki konmsi ki keksoz pou smoothly pase e ki an menm tan ki tou sa bann benefis ki swa zot pansyon, zot menm ensidswit la in tir  soz – in tir tax lo zot pansyon e tousala  pou pas byen ki pou napa bann ensinifyan. Sorry for the word. Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman. Mersi Onorab.   Onorab parey Chairman Pension Fund in mansyonnen, sa  43poursan ki ti reste unallocated, la Pension Fund in pran 20 I reste 23 me  bann nouvo aksyonner parey mon’n tann zot dir e mon repete, zot ankor pe regard ki meyer fason,  mekanizm pou fer available sa 23poursan ki reste a bann Seselwa.  Zot pe  regarde par egzanp  met en listing lo stock exchange oubyen fer en demann. Parey ou’n war Common Cold Storage in fer – CCCS si ou rapel.  E zot ankor pe regarde. Fodre zot deside enn fwa ki zot deside  nou ava konn plis. Me lentansyon se donn li met li a laporte Seselwa sa 23poursan ki reste.

Pou travayer  mon’n tann zot dan zot press conference zot in reasir  travayer pa zis dan zot press conference me  osi zot in fer bann meeting;- enn fwa ki zot in vin propriyeter zot in fer bann  town hall meeting avek tou staff.  Mannyer mon konpran e sa bann town hall meeting ti ase difisil pou konmanse, akoz I annan serten keksoz ki’n par lepase zot in pas atraver akoz  lakonpannyen in deza ganny aste. I annan en group ki pa tro satisfe. Me sa bann nouvo aksyonner zot okouran tousala e zot an diskisyon avek zot akoz  zot le trouv en diskisyon ã l’amiable pou zot regle sa problenm e mon pa – e mon pe dir avek tou  bann travayer Cable &Wireless menm ki zot pe tann nou la pe diskit lo zot konpannyen silvouple tenir ankor en pe letan  pa les sa fatig zot akoz I enportan ki zot kontinyen travay pou Sesel;- travay pou lekonomi  Seselwa. Mersi Mr Chairman

 

MR SPEAKER

Mersi Minis.  Onorab Bernard Georges.

 

HON BERNARD GEORGES

Mersi Mr Chair.  Mr Chair mon kestyon i an 4 parti.  Me avan sa permet mwan pou met li dan konteks.  Minis personn pa pe renye lefe ki en lenvestisman dan Cable & Wireless i en bon dil.  Sa se pa kestyon.

Annefe i en telman bon dil ki ou ava rapel ki ler mon ti reponn pou Bidze, mon ti demann Gouvernman envestir dan sa.  Akoz i en bon dil.  E nou napa okenn problenm avek sa.

E in fact i en telman bon dil ki mon pa konpran ozordi akoz, avek benefis sa ki mon fek tande la, akoz kekfwa ler ou ti pe negosye ou ti konnen ou pa pe la ganny sa 14 milyon stamp duty, ou pa ti’n dir zot,  me donn nou 15poursan dan sa konpani!  Nou pa pe ganny 14milyon in any event, nou ankor 15 poursan pou Gouvernman!  Ti ava en ekselan dil.  Me ok – sa pa’n arive.

Kestyon se pa ki i en bon di.  kestyon se eski sa pri ki Pension Fund in peye i the optimum price ki i ti’n kapab peye.  Mon krwar se sa kestyon ki devan nou ozordi.

Akoz si i annan en lakaz ki vo R1milyon.  E ou pey li pou R1.1milyon,  i still kapab en bon dil.  Akoz kekfwa ou kapab vann li pou 1.3.  Me i ti ava en meyer dil si ou ti’n pey 1milyon.

E mon krwar se sa lo sa fakter ki mon ti a kontan entrodwi mon kestyon avek.   Be avan ki mon al laba Mr Speaker, Mr Chair avek ou permisyon, i annan en keksoz ki mon war ki mon devret rektifye.

Akoz sa ki nou pe regarde ozordi, se the share value.  E share value, meyer share value ki nou annan devan nou, se sa enn ki oditer sa lakonpannyen Pool & Patel in fer an Zilyet 2019.

R1122 per share.  E i pa posib poudir ki sa i pa pran konsiderasyon sa 14milyon stamp duty ek sanction duty ki pa’ ti’n ganny peye.  E alor pri i devret bokou plis.  Non!  Akoz mon dir sa?

Akoz premyerman Pool & Patel ler in fer son share evaluation, i pou’n pran sa an konsiderasyon konman en actual oubyen en contingent liability, i kler.  I pa pou kapab ignore sa, akoz i en liability ki sa konpanny i annan.

Dezyenmman;- Pension Fund i bezwen pey stamp duty li menm lo sa shares ki i pe al aste.  E trwazyenmman in any event i pe pran 20poursan dan sa det 14 milyon, ler i vin 20 poursan shareholder dan sa lakonpanni.

Alors sa zafer 14 milyon i en neutral factor sa.  The share value is 11.22ok?  Nou aprann ozordi ki Pension Fund in pey R1500.  E se sa ki anmenn mwan lo sa seri kestyon, sa 4 kestyon.

Premyerman, e Onorab De Commarmond in tous lo sa.  Si ou Minis ou ti’n tande lo trotwar an Out ki sa keksoz ti pe al ganny vann, e ki an Septanm Pension Fund ti ganny aprose.  E ki se 2 semenn pase ki the deal was done.  Akoz zot in al lo televizyon.

Akoz? E sa kestyon Onorab de Commarmond, en tre bon kestyon,  akoz ki Pension Fund pa’n demande pou partisip ladan at the time olye esper apre?  Mr Dugasse in dir nou zot pa ti ganny aprose.

Non, zot in ganny aprose an Septanm.  An 18 Septanm, let ti ganny ekrir kot zot.

Me dezyenmman menm si, menm si zot pa ti’n ganny aprose.  Akoz zot menm zot, zot pa ti apros konman en Board ki pe rod lenvestisman, akoz ki zot pa ti apros sa bann zans e dir ‘’nou anvi envestir ladan, nou annan larzan?’’  Eski zot ti demann zot lekor sa kestyon?  Akoz ki en group ki pe aste en lakonpanni –  Minis ou’n dir nou avek zot prop larzan – akoz i en group ki pe envestir dan lakonpanni, ki pe fer en bon dil i pou al rod donn 20poursan avek Pension Fund?  If it’s that good a deal, kit pou zot, akfer zot bezwen al rod vann 20 poursan avek Pension Fund?

 Pension Fund pa’n mazinen i annan en catch la!  E sa catch obviously se sa share, se sa diferans dan sa pri shares, ki zot in zis load pou zot met dan zot lakonpanni.  Si sa i pa le ka, akoz ki Pension Fund pa’n azout en 5enm kondisyon?

Akoz i ti’n dir 4enm kondisyon, ou plito (pardon), 3enm kondisyon se sa $24 milyon ki zot pe peye will go to reduction of loan.  Akoz ki ou pa’n dir?  Etandonnen ki ou pe donn zot larzan, to reduce the loan, nou a pey zot menm pri ki zot, zot in aste?

Akoz zot pa’n, akoz zot pa’n negosye sa?  Akoz zot in bezwen pey en premium?  Si zot ti pe donn larzan pou reduce the loan, ki nou’n aprann i le ka ozordi, that’s what they should have done.  Gro bout ti avek zot la!

E finalman dan tousala, eski en dimoun lo sa panel i kapab aksepte pou dir nou ki, Pension Fund in pey R100 milyon an plis.  E i annan dimoun dan sa consortium –  ou sa consortium li menm in ganny R100milyon lo en dil ki’n fer dan 1semenn?  Mersi Mr Speaker.

 

 

(APPLAUSE)

 

MR SPEAKER

Mersi Onorab Georges.  Mon ava pas laparol avek Minis.  Apre si i annan kestyon an plis pou Chair of Pension Fund azoute, Mr Dugasse.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  I annan detrwa keksoz.  Premye keksoz sa stamp duty ki zot pou bezwen pey nou, sa $5.3milyon.  Zot bezwen pey nou sa, ok?  Li Pension Fund i pa peye stamp duty li.

Dezyenmman, sa $14 milyon ti en negosyasyon parey mon’n dir ou ki nou ti deza konklir avek LibertyLiberty pe vann sa konpannyen, i annan plis ki 2an aparaman.  Nou pa konnen nou, nou zanmen nou’n okouran.

E kantmenm mon’n negosye ek Mr Winter depi 2018 pou konklir an Out 2019, zanmen in oule dir mwan!  Parey mon’n demontre dan mon mail.  So nou pa konnen.  Alors sa consortium li parmi plizyer lezot konpannyen ki ti pe bid pou aste Liberty Latin America.

E nou, nou ti pros pou nou finaliz sa peyman aryeraz sanction fee $16.5milyon.  Alor sa ki nou’n fer, nou’n pran li avek Lakor Liberty.  Nou’n met sa konman en peyman par sa nouvo konpannyen.

So nou pou ganny peye nou larzan nou.  E zot pou pey nou avan le 15 Desanm sa lannen.  Akoz i bezwen antre dan Bidze.  Sa $5.3 milyon i pou ganny peye le moman ki Rezistrar i aksepte evalyasyon.

Akoz ozordi i annan, zot ankor pe regarde, aksepte evalyasyon, i stanpe, konman i stanpe i pey nou.  So mon pe ekspekte ki mon kapab ganny sa larzan byento!

So lo sa kote mon ase secure, mon krwar nou’n nobou finalman ganny sa de peye, e ganny 2 morso later ki nou pou’n nobou servi pou devlope.   Enn – Le Chantier o bor,  Le Chantier Mall avek Grand Kaz, lot kote i la.   Lot bout later.  Apre lot  ki Bonne Espoir zot tou zot konnen,  kote i ete.  E i 2 keksoz valer ki nou’n nobou negosye pou fer antre.  Alor pou ou kestyon 100 milyon ki nou’n perdi, mon pou pas laparol Ms Payet avek ou permisyon, Mr Chairman, pou li eksplike.

Akoz parey osi i asiz lo, lo Chairman sa Investment Committee lo SPF, mon ava donn li sa loportinite pou li eklersi nou tou.  Mersi.

 

MR SPEAKER

Mersi Minis.  SS Payet.

 

SECRETARY OF STATE PATRICK PAYET

Mersi Mr Chair.  Bonn apre dimoun tou Manm Onorab e tou dimoun ki a lekout.  Mr Chair parey Minis in dir dan prezantasyon, e bann diskisyon, letan ou regard sa consortium Seselwa ki’n aste, letan nou ti regard li sa Investment Committee, sa consortium zot group, zot lakonpannyen i SWC Limited.  SWC Limited, apre ou annan en lot lakonpannyen ki CWSI, li ki owe 100 percent Cable & Wireless Seychelles.

Dan sa CWSI sa lakonpannyen, sanmenm sa, sa 57poursan consortium Seselwa ki zot owe 57poursan dan Cable & Wireless.  Apre i annan sa 43 poursan ki the Chair of Pension Fund in dir ki unallocated shares.

Letan nou, nou’n regard li dan lenvestisman, nou’n vwar ki SWC Limited, the purchase price 107.5milyon ki mil – 1.1 share capital ki i annan.  Son – an dolar i vin $97.73 per share.

Ouswa ekivalan letan nou regard li a R14 ki vin R1368.18 per share.  Konpare avek letan ou regard avek sa ki SPF in peye $24milyon, ki pou 20poursan 220mil shares dan sa total ki i pe aste.

E sa i ekivalan 109.09 per share, ouswa 1527.26.  Sa delta ki nou vwar sa diferans si Cable &Wireless i ti en group dan sa SWC Ltd ki the consortium Seselwa, i ti pou’n pey li $97.73, konpare avek 109 ki in peye e la diferans i $11.36.  Letan nou kalkil lo da sa 220 mil shares ki nou’n aste,  son perd ou dir i kapab $2.5 milyon ki ekivalan apepre R34.5 milyon ki an plis.  Konpare si nou ti’n aste li initially.

Dan negosyasyon dan Investment Committee, ti annan prezantasyon ki the Investment Team ti fer.  Apre osi ti annan, nou ti call in bann consortium Seselwa pou zot prezante zot osi.

Akoz ti annan bokou kestyon.  I pa zis dan prezantasyon Investment Committee.  Nou ti donn zot sa prezans at the Board meeting.  Apard ki prezantasyon the Investment Committee, e the Investment team kot Fon Pansyon ti fer prezantasyon,  nou ti allow sa group Seselwa osi pou fer prezantasyon.  E allow bann lezot Board member pou demann kestyon.  Dan investment osi ki nou ti vwar si par egzanp si nou ti an ale pli boner –  e sa en pe bann diskisyon why not akoz nou pa ti dan sa group initial?  Me parey dan diskisyon, i en diskisyon depi 2an negosyasyon ki zot pe fer.

E it was an Septanm letan tou keksoz ti pe finalize ki zot, zot in vin kot nou pou prezant nou avek en loportinite investment.  Me pou nou letan nou’n regard li, vre en opsyon, ou ti kapab ale initially.

Me lot opsyon, nou’n regard li lo kantite return ki nou pou gannyen lo sa lenvestisman e bann risk ki nou ti pe pran baze lo bann, zot bann analiz ki’n ganny fer internally avek the Delta Report.  Letan nou get Delta Report ki ti ganny prezante avek nou, ki ti en very debt analysis ki’n ganny fer. Ti annan bann diferan analiz baze lo debt portfolio, profit forecasting.  Tousala ti’n ganny prezante par TDB baze lo bann analiz.  Zot ti annan 2 fason ki zot ti analiz en pe zot share value.

Ti annan en enterprise value;- i ti anviron $110 a $144 milyon Ameriken.  This the assessment baze lo sa 1.1 share capital.  Ouswa sa equity value, son range i between $113 milyon to a range $147milyon Ameriken.

So lala en pe bann range ki nou ti travay lo la dan negosyasyon.  E parey Minister in dir initially, zot ti apros nou pou $26milyon e nou, nou’n negosye, dan negosyasyon final se $24milyon.

E nou forecast lenvestisman, nou ti pe – en forecast ki letan nou’n get zot bann ‘’profit and loss forecast for the next 10 years’’, nou pe vwar ki nou kapab fer en dividend payment apepre minimonm 6poursan.

Minimonm 6poursan letan i prenon kont sa det ki i annan ozordi.  Me negosyasyon ki nou’n fer avek li se unallocated shares ki pe egziste.  Tou larzan ki zot gannyen i pou servi pou re pey det ki egziste ozordi.

Me i kapab arive ki i annan en det, en bout det ki reste.   Savedir return pou ogmante.  Me osi ki nou vwar li baze lo nou framework investment ki nou’n met an plas, nou pa get zis li dividend ki nou resevwar, nou get lo capital appreciation.

Spesyalman letan ou pe get lo investment dan equity.  Ki nou’n vwar ki on average, baze lo sa assessment Delta Partners ki’n fer son rapor, on average nou investment i kapab on a yearly basis nou ganny en return 14poursan.

So lala en pe desizyon baze lo bann analiz ki nou’n ganny fer apard ki bann lezot kestyon ki Board of members ti demande.  Nou, nou’n pran desizyon baze lo sa return e osi lo sa dividend  yield ki nou pou gannyen.   Mersi Mr Chair.

 

MR SPEAKER

Mersi SS.  Onorab Georges.

 

HON BERNARD GEORGES

Mersi Mr Speaker.  Mr Speaker i annan en kestyon ki personn pa ankor reponn.  Eski dan sa tranzaksyon Pension Fund in pey plis ki i ti merite, still a good dil.  Eski in pey plis ki i ti merite?

E eski sa consortium in ganny en windfall atraver sa tranzaksyon?  Mon krwar se sa ki dimoun i anvi konnen.  Mersi.

 

MR SPEAKER

Mersi Onorab.  Minis oubyen Chair.  Minister.

 

MINISTER MAURICE LOUSTAU-LALANNE

Mr Chairman, mersi Onorab.  Larepons i wi.  R34.5 milyon an plis.  Me solman letan ou ek mwan nou pou al aste, letan sa bann boug in deside ki mannyer pou vann nou, nou pou pey plis ankor.  Mersi Mr Chairman.

 

MR SPEAKER

Mersi.   Onorab Georges.

 

HON BERNARD GEORGES

Lala problenm Mr Speaker.  Si Gouvernman ti’n aste ler nou ti’n dir zot aste, pa ti pou annan problenm, Gouvernman ti ava’n vann tou dimoun a en pri normal!  Mersi.

 

MR SPEAKER

Mersi Onorab.  Onorab Afif.

 

HON AHMED AFIF

Mersi Mr Chairman.  Mr Chairman mwan mon premye kestyon, se eski Minis Finans i kapab zistifye ki mannyer $16.5 milyon stamp duty oubyen sanction fee i pa’n ganny peye, finalman in ganny redwir pou vin $14milyon pandan 3an avek   – eskiz mwan mon servi sa term – me leskiz?

Parske an Fevriye 2017 zot ti’n anvoy en let, nanryen pa’n arive.  Zilyet 2018, 17 mwan pli tar, nanryen pa’n arive.  Ozordi nou Novanm 2019, nanryen pa ankor arive apard en dil lo later.

E selman nou pe tay deryer tou pti Seselwa pou rod larzan tax ki pa’n peye!  Me la ler en sel dimoun i dwa plis ki R203milyon, e si ou met son lentere i pou R28milyon.  R231 milyon, nou pa tay deryer sa bann dimoun!

Me selman nou pe rod tou fason pou koup bann Scheme bann dimoun, pou dir nou pa kapab entrodwi sa Scheme sa lannen akoz napa larzan!  Selman R231milyon en boug i drwa nou, nou pa rode, pandan 3an.

 

(APPLAUSE)

 

 

HON AHMED AFIF

Sa mon premye kestyon, akoz sa i le ka?  Dezyenmman si Minis i kapab dir avek nou, nou konman bann dimoun ki analiz dan en fason senp;-  Oditer in evalye lakonpannyen a $107 milyon.  Sa se oditer dan dernyen lodit.  Se sa labaz ki ou servi pou ou kalkile konman en Fon Pansyon, mon ti a mazinen.  Ki si ou pe antre ladan, ou konnen konbyen ou share value i devret ete.   Me ler zot antre, zot peye, $24milyon, zot in fer sa lo baz lakonpannyen, i vo $120milyon.  Be lo ki baz ki zot kapab zis en sel kou dan lespas en pti gin letan, azout sa kantite larzan ladan?

E mon ti a kontan demande, si Minis i kapab fer nou gannyen.  Parske nou pe koz toultan lo la transparans, ultimate beneficial owner.  Toultan nou koz lo la e pou sa dimoun ki pe ekoute deor, i konnen dan son lespri la, Fon Pansyon i annan 20poursan ladan. Lekel sa 80 poursan?  Lekel sa bann dimoun ultimate beneficial owner?  Parske nou tann CWSI, nou tann SWC.  SWC li menm i annan en bann dimoun par deryer li, unallocated shares.  I konplike, mwan mon pe rod en keksoz senp!

Lekel propriyete sa 80 poursan dan sa lakonpannyen?  Ki li in fer negosyasyon ek Fon Pansyon ki finalman i paret zot pa’n met en sou dan sa dil.  Parske ler mon kalkile zot in pran en loan ki vo $84milyon.  E answit Fon Pansyon in met $24 milyon ladan ki fer $108 milyon, ki apepre sa ki oditer in evalye lakonpannyen.  Alors lekel ki’n aste?  Labank in pret 84, Fon Pansyon in met 24.  Sa bann propriyeter pa’n met nanryen!  Zot pa’n met okenn larzan zot!  E zot, zot mazorite propriyeter dan sa lakonpannyen!

Alors Fon Pansyon, nou bann pansyoner ki pe ganny demande pou travay ankor 2an akoz Fon Pansyon napa larzan.

Selman zot, zot fer kado detrwa propriyeter ki nou pa konnen lekel, pou zot kapab ganny shares mazorite dan lakonpannyen ki pou fer gro profi pandan lannen!  Eski sa i byen?  Mersi Mr Chair.

 

(APPLAUSE)

 

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab parey mon’n eksplik ou, e la mon bezwen aksepte defayans dan Minister Finans depi 2016 lo sa zafer sanction fee R16.5milyon.  Mwan mon’n vin erit sa zafer, e mon’n debourye ek sa.

Mon’n kontinyen negosye avek sa bann dimoun pou mwan rod en solisyon.  E solisyon parey mon’n dir, mon pou repete, nou’n nobou gannyen nou 16.5 milyon.  Nou pa’n oule, e nou ti oule li en sel kou.

E nou’n pran 2 morso later ki pli enportan pou nou ankor, reganny en pe nou teritwar, pou fer pli bon devlopman lo la.  Akoz Cable & Wireless pa ti pe fer nanryen avek.  So wi nou’n pran en pe retar e mon apologise lo la.

Me nou det, nou pe rekiper nou det.  E sa voyaz nou det i pou dan nou faver, e non pa dan faver personn.  I pa 80 poursan ki pou sa bann boug.  57poursan ki pou sa bann boug.

E i annan 43poursan ki reste, 20 poursan i pou Pension Fund.   E 23poursan i kapab vin pou nou tou Seselwa.  E sa i en keksoz ki nou’n demann zot.  Zot in mete larzan parey mon’n dir.  I pa zot pa’n met nanryen, i zot in pret larzan apre zot in ganny larzan ek Pension Fund, non!  Zot in met $46.3milyon.  Zot prop larzan ki zot in mete.  E parey mon’n dir boner, zot in travay dir à la sueur de leur front pou ganny en larzan pou met ladan ki en bon biznes.

Mon ava fer ou gannyen Mr Onorab.  Son striktir, ou ava war lekel sa bann konpannyen, ou ava vwar lekel bann direkter, bann Seselwa, konbyen zot annan.  Sa dokiman i available de tou le fason.  Me avek bokou franchise mon ava donn ou en kopi sa zafer.  Mersi Mr Chairman.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Chair.  Mon premye kestyon mon bann kestyon vize ver ki benefis ki Gouvernman in gannyen ladan?

Mon premye kestyon se, si Minis i kapab konfirmen si i konfortab avek sa evalyasyon shares ki’n ganny fer?  Akoz an 2012 sa stamp duty ek sa sanksyon ti ariv 16.5milyon;- an 2012.

Me selman ou’n dir nou pou dir la dan sa nouvo deal stamp duty i pou 5.3milyon.  So se ki, akoz sa evalyasyon i pou al lo en lenpak direk lo lakantite shares lo lakantite stamp duty, ki ou bezwen anmase.

E prezan ler ou pe ou konpar sa de i donn lenpresyon ki petet sa share in undervalued.  Sa i mon premye kestyon.  Eski ou kapab eklersi sa ?  Si ou konfortab avek.

Epi si sa stamp duty ki sipoze ganny peye lo sa nouvo deal si ou konfortab avek ?

Apre mon 2enm kestyon lo share value.   Ou konnen si en konpannyen pa pe trade lo stock exchange, i en pe difisil pou ou kapab convince ki mannyer sa share value i kapab over few days, i monte.  Si  i lo stock exchange i fasil pou ou konpran.  Be sa petet ti a bon ou donn en pe plis lesplikasyon lo la.

Apre mon 3enm kestyon se eski sa bann shares ki CWSI ti annan ti’n fini ganny anrezistre?  Apre mon lot kestyon sa shares ki SPF in aste, si sa osi in ganny anrezistre, e son stamp duty paid? 

Apre sa 23poursan unallocated shares, mon’n tann ou mansyonnen ki i annan posibilite ki sa pou ganny vann ek piblik.  Eski sa group in donn en nide konbyen ki zot annan anticipated vann par shares?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Wi Onorab lo premye kestyon, sa deal avek sa konpannyen Seselwa, konpannyen lokal, li zis stamp duty ki aplikab.  E i 5poursan.  Ok i 5poursan.  Sa $107.5 milyon.  Ok sa i eksplik sa.

Enkli Liberty Global li i en konpannyen etranze.  Li i bezwen rod dabor approval Cabinet pou sanction.  Apre i annan li sanction fee ek stamp duty pou peye e sa i lo 16.5poursan.  E se akoz de sa  i ti $100milyon a lepok, an 2012.   E se akoz sa ki i $16.5milyon.  Sa son diferans.   Enn i lokal, lot i etranze.

        Lo stock exchange parey mon’n dir e mon pou pran ou dernyen kestyon osi an menm tan,  sa bann aksyonner ozordi, zot pa ankor deside ankor,  Ki mannyer zot pou vann par, sa 23poursan.  Ki formil zot pou servi.  Zot pe regarde si pou mete lo stock exchange.  Sa i pou en posibilite.  Oubyen zot pou vann li parey mon dir ou zot a fer en call, e zot ava regarde ki zot gannyen.  Pri pa ankor fikse.  Akoz zot ankor pe diskite.  E mon napa en timeline kan zot pou pran en desizyon, sa fodre mon ava tyeke avek zot pli tar.  Me mon pa kapab presiz ou en pri .oubyen si zot pou fer enn ouswa lot ou fer tou lede ansanm en konbinezon tou lede.  Sa se a zot a deside.

Non, zot pa ankor peye sa $5.3 milyon, zot stamp duty.  Akoz Rezistrar pa ankor aksepte zot share evaluation.  Zot pe espere pou zot prezan deside konbyen i pou été, ki sonm i pou ete.  Donk zot pe esper en let sorti kot zot, en fwa ki i gannyen zot ava kapab kalkile, zot ava stanpe, zot ava peye e apre nou, nou ava ganny nou de bout later avek sa osi pli tar.  So sa pa ankor ariv, Rezistrar pa ankor pran en desizyon.  Mersi.

 

MR SPEAKER

Mersi Minis.  Onorab Gill.

 

HON CHURCHILL GILL

Lo kote Registrar ou dir poudir Registrar pa ankor tonm dakor lo sa share evaluation.  Eski i annan – konmsi Registrar i pe fer en fason kot i pe crosscheck whether sa value i vreman ok parey i ete?  Sa i premye.

Apre 2enm dan sa group Seselwa  ki dan sa consortium ler mon ti get lo ler mon’n ekoute, i annan en dimoun dan sa group ki li i pe reprezant en lot bann dimoun.  Mon kestyon se si eski i bann Seselwa menm ouswa zot bann dimoun, oubyen si petet  i en etranze?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Onorab parey ou konnen dan domenn piblik i annan de pri ki ou tande.- i annan 107. 5 ki nou pe koz lo la, la.  Sa parey Onorab Afif in dir, sa i pri ki nou merit kalkil sa 5 lo la.  Me Rezistrar in tann en lot li, in tann 130 milyon.  130milyon.  So i bezwen satisfer son lekor lekel.  So in demann sa bann sa konpannyen pou vin eksplike.  Pou li nobou pran en desizyon.  So i pou ant 107. 5 ek 130 – somewhere there.  Se a zot a deside.  E la lot mon’n bliye la.

 

MR SPEAKER

Onorab Gill.

 

MINISTER MAURICE LOUSTAU-LALANNE

An wi Seselwa.  Wi, wi.  Non parey mon’n dir tou Kreol sa.  Si kekfwa ou vwar non en boug son non i Anglais i Kreol li.  Thank you Mr Chairman.

 

MR SPEAKER

Mersi Minis.  Onorab Johan Loze.

 

HON JOHAN LOZE

Mersi Mr Speaker.  Mr Speaker mon premye kestyon se mon anvi demann Minis avek Pension Fund, si i ti posib pou zot, servi zot lenfliyans avek bann lezot aksyonner, ki en blok bann aksyon Cable &  Wireless ava kapab ganny rezerve pou bann mon bann ex koleg, bann travayer Cable & Wireless ki’n oeouvrer pou sa lakonpannyen, ki zot a kapab ganny en loportinite pou aste bann aksyon, a en pri preferansyel, premyerman.  E avek serten lenstriman spesyal ki posibleman ava permet zot pou pey sa bann aksyon lo zot saler tou le mwan.  En fason ki zot ava ganny en loportinite partisip pou ganny ownership dan sa lakonpannyen pou lekel ki zot in travay pandan tou sa bann lannen.

E ki dan en fason ki pa pou disrupt zot Bidze lafen di-mwan, nou tou nou konnen pri lavi Sesel mannyer i ete.  Sa i mon premye kestyon.

2enm mon anvi konnen si i ti pou posib pou Pension Fund koman en major aksyonner, si  ti pou posib pou zot kree en sityasyon kot i annan en lodit dan Cable & Wireless pandan sa bann tranzaksyon shares.  Pou vwar bann diferan lenstriman transfer larzan ki annan dan Cable & Wireless; bann diferan Licenses ki Cable & Wireless i peye aletranze.  Bann loportinite e transfer pricing.  Pou gete si tou sa bann Lagreman, tranzaksyon ki Cable & Wireless i annan avek son bann diferan partenaire partou a letranze, i at current market value.  Satisfer zot lekor byen, byen – pa zis zot, zot ek tou bann lezot aksyonner.  Ki tou keksoz i korek e above board e ki larzan ki pe ganny deklare, se larzan ki pe rantre, e larzan ki pe ganny depanse se aktyelman larzan ki devret pe ganny depanse.

E sa mon krwar Minister Finans osi i devret annan en bon lentere ladan sa ki mon pe dir la.  Aksyon pou Seselwa mon krwar in ganny diskite, in fact petet in ganny talk to death en pti pe.  Mon pa pou al ladan.

Lalwa lo Beneficial Ownership.  Minis  kan ou pou anmennen?  Kan i pou ariv devan nou Lasanble?  Mon krwar nou menm nou, nou pe rekonnet son irzans, e petet fodre Lasanble i osi annan serten komitman ver pas sa Lalwa.  Akoz avek sityasyon dan offshores ozordi ki enportan, ki sa enn i ganny get ladan.

Mon ava les Minis reponn apre mon a gete si mon annan enn siplemanter.  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  wi mon ava fer pase ou rekomandasyon, ki bann travayer i ganny i pa ganny neglize dan sa of aksyon.  Mon krwar i enportan sa ki ou’n dir.  On ava sertennman koz avek zot.

Ou 2enm pwen, wi i en [pwen tre valab.  Mwan mon kapab atir ou ki atraver Seychelles Revenue Commission SRC, nou konsyan sityasyon finansyel Cable & Wireless.  E dan sa ka sa ki konsern bann diferan tax ki i bezwen peye.  Nou  fer bann, bann odit, pou regarde si nou bezwen refund li osi akoz i annan bann prepayment ki osi fer.  So e akoz sa sityasyon resaman nou’n fer enn e atraver Labank Santral, mon konnen, egzakteman konbyen larzan zot in transfer aletranze, par plizyer lannen, ziska Septanm 2019.  E mon kapab konfirm avek ou ki par lepase se bann sonm ase konsiderab, ki pe ale.  E donk tousala nou annan bann Lazans isi ki kapab fer sa louvraz  e kontinyen port pli atansyon.  E la nou ava ganny en aksyonner osi ki comme dir ou menm dan son dan management sa konpannyen i kapab met son input akoz i pou asiz lo sa Board.  i enn bann rekomandasyon ki nou’n mete.

So avek sa mon kapab konfirm ek ou, parey mon’n dir boner nou pe fer konsiltasyon lo sa Lalwa Beneficial Ownership.  E mwan mon ti krwar ozordi Mardi akoz mon dan Lasanble, be ozordi i Vandredi.  Alor Lendi nou ava sirkil sa draft avek Manm Lasanble.  Akoz in pare li.  Nou pe konplet nou public consultation.  Mon ava sirkil li Lendi avek Manm Lasanble.  Mersi Mr Chairman.

 

MR SPEAKER

Mersi Minis.  Onorab Loze.

 

HON JOHAN LOZE

Mersi Mr Speaker.  Mr Speaker, taler i annan en kestyon ki’n ganny frame lo vi ki Pension Fund in fer son due diligence deza.  Mon le frame mon kestyon otour sa mwan osi.

Eski i annan lezot bann gro biznes ki pe sey antre dan sa deal zot osi an se moman la ki nou pe diskite ki kapab petet pe call en pe sa bann keksoz otour sa tranzaksyon Pension Fund, bann lezot gro biznes Seselwa ouswa etranze ki kapab pe sey get in on the action zot osi?  Mon krwar ti a byen pou lepep Seselwa konnen.

Apre i annan bann gro, gro sonm ki’n ganny mansyonnen konmkwa ki Pension Fund in perdi tan in perdi tan, e sa bann gro sonm in ganny  dir e repete e repete.  E letan SS Payet in koze dan son lavwa kalm comme d’habitude mon krwar in nonm en sonm 36 ok, mon krwar petet sa ki SS Payet in dir, in perdi sa;- in perdi sa ki SS  Payet in dir sa ki Seselwa pe tande, se ki Pension Fund in fer en move lenvestisman, e i annan en manque ã gagner enorm sa bann gro sif ki’n ganny bandied around e mwan mon ti pou advise zot very strongly, sorti al lo medya transmet sa lenformasyon ki SS Payet in dir dan son lavwa tre timid, byen poli comme d’habitude pou tou Seselwa tande, zis parey nou’n tann sa ki bann ‘’gro bra’’ in annan pou dir.  Mersi Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi nou’n note Mr Chairman.  Mersi.

 

MR SPEAKER

Mersi.  I annan kestyon lo eski i annan bann gro biznes bann gro lakonpannyen ki pe rantre pou sey pran bann aksyon and all that?

 

MINISTER MAURICE LOUSTAU-LALANNE

An wi, pardon Mr Chairman.  Mon pa okouran ditou si i annan ki pe spekile mon pa okouran.  Mersi.

 

MR SPEAKER

Mersi Minis.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker, dan en lentervansyon ki, Leader Lopozisyon i fer dan Lasanble in sit Lalwa ki gouvern Fon Pansyon.  E ladan i dir klerman ki the Board of Directors i responsab pou lenvestisman.

Mr Dugasse li in dir ki, bann desizyon lenvestisman pa bezwen vin anler kot Board. i kapab ganny deal avek anba lo management. 

 

(Off-Mic)

 

HON JEAN-FRANCOIS FERRARI

Me se sa ki in dir!   I dir pa kapab get tou bann,

 

(Off-Mic)

 

HON JEAN-FRANCOIS FERRARI

… (ok mon pa fatig mwan ek sa bann zans) Wi.  E ki Mr Dugasse i ava reponn apre.  In dir ki finalman i kapab ganny deal avek anba, ok akoz zot pa kapab vwar tou bann pti investment en poursan, return eksetera, eksetera.

Donk basically management i deal avek sa, e i deside si i bon si i pa bon.   Si se sa, lenterpretasyon Lalwa ki gouvern SBC Seychelles Pension Fund, enterprete par son Chairman, mon krwar la i en lot rezon si napa ase rezon pou ki sa Chairman i resign, akoz si i pa konn son rol, e i pa konnen pou dir tou pe fer sa bann desizyon i bezwen ganny go to the Board and then be referred down, then that’s sa i en rezon pou li fer the right thing and resign!

 

(APPLAUSE) 

       

HON JEAN-FRANCOIS FERRARI

Mon 2enm pwen se, mon ti a kontan ki tou, tou bann prosedir  due diligence lo, non selman lakonpannyen Liberty, Liberty Latin America, me lo tou bann partners ki involve dan sa deal, si sa in ganny fer par en Lotorite endepandan, pou fer sir ki Pension Fund ki pou lepep Seselwa i asosye li avek bann dimoun ki of good repute.  E osi si Chairman Pension Fund i kapab dir avek nou, in dir nou in rely lo en evalyasyon of that  deal ki’n ganny fer par TDB Bank.  Sa i en Lazans finansyel.  Eski okenn evalyasyon par bann en accountancy firm spesyalize dan ‘’mergers and acquisition’’ in ganny fer endepandaman avek sa Lazans ki pe finanse?  Akoz sa Lazans ki pe finanse, li i pou rod en fason pou li donn ou larzan li !  Ou bezwen rod en lot dimoun ki kapab dir prezan be mwan mon krwar pou dir la en lot Lazans ki’n fer sa evalyasyon lo sa lo valer sa konpannyen.

Mr Speaker  nou’n ganny dir, ki Pension Fund in ganny ofer 20poursan, dan parmi bann  unallocated or  unallotted shares, tre byen.

Mwan mon annan devan mwan Mr Speaker,  en rezolisyon Board of Directors CWSI, ki sipoze, ki sipoze, zot ki pou owner sa konpannyen.  Lo pwen (2) zot dir dan en tit ‘’allotment of unissued shares.’’ 

2.1  It was resolved by CWSI that the following allotment of shares be approved, and should be credited to the allottee.  The shares 1thousand shares allotted to SWC, ok?  CWSI ki allot to SWC.  Alors mwan mon kestyon i senp.  E nou pa ankor ganny en repons ;-  Pension Fund in aste sa bann shares, avek lekel?  Avek CWSI oubyen avek SWC? 

Mon pa konnen.  Akoz i bezwen kler sa.  Sa bann shares ti ganny transfer, ti ganny allotted, le 14 Out, 2019, le 14 Out.  Nou fek pran la nou.  Nou pa kapab retourn an aryer le 14 Out.  E sa de direkter, dan CWS se Mr Francis Chang-Leng e Mr Jean-Marie Moutia.

Mwan mon ti a kontan  konnen,  eski  Pension Fund, in aste sa bann shares avek Mr Francis Chag-Leng ki en director e Jean-Marie Moutia ki en director?  Sa mon pa konnen.  Me selman mon ava dir avek zot pou dir, pou dir SWC nou retourn lo sa ankor, non sa de msye i directors, me zot osi, zot  osi, shareholders.     E la shareholder dan CWS ki pe siny pou CWS se Mr Francis Chang-Leng ek son madanm, Mrs Danielle Chang-Leng.  Zot they are the proprietors and the shareholders.  Mwan mon anvi konnen, eski nou pe aste avek sa de dimoun oubyen non?   Se sa ki enportan.

Prezan mon lot kestyon i koumsa, zot in dir nou poudir zot pa kapab donn nou lenformasyon lekel bann lezot dimoun ki dan sa deal e alors nou a bezwen espere ziska ler Lalwa i sanze.

Be mwan mon ava ed zot mon.  Mon ava ed zot, alors i annan Mr Joe Albert, JFA Group sa nou konnen Anse Dejeuner Mahé.  Alors la mon pe donn zot la, note ;-  si zot al first floor Allied Plaza Francis Rachel Street zot pou vwar,     TD Investment Limited, al gete zot ava vwar lekel ki    TD Investment Limited.  Lekel MS Investment Limited, menm ladres Allied Plaza.  Lekel  … J Capital First Floor Allied Plaza.  Lekel … J Finance & Investment Allied Plaza? 

        Si mwan mon kapab ganny sa  lenformasyon  Minis, si mwan, en senp sitwayen mon kapab ganny sa lenformasyon mon espekte ki ou konman Minis, ou kapab gannyen sa bann lenformasyon, zis par al laba kot sa bann msye e dir zot, la i la  donn mwan lekel bann ek bann beneficial owners !

        E Lalwa i permet ozordi e nou, konman en  Komite Lasanble nou’n fer li dan lepase ler bann Irish ti pe zwe met lanmen dan nou larzan, nou ti ekrir e nou ti gannyen.  E labank ti donn nou.  So silvouple annou pa bezwen kasyet sa bann keksoz avek lepep Seselwa!

Now mwan mon kestyon final – well de pti kestyon ankor ki reste.  Isi Sesel dan Lalwa registration of transfers, si ou anrezistre en transfer e ou pa pey  son sanction fee, son transfer fee, pou plis lontan ki en mwan, si mwan oubyen si ti Pol Leternit i al anrezistre en lavant e  i pa pey son fre, pou plis ki en mwan, sa fre i double.  Pa  mwan ki’n e vante sa.  Pa mwan!  Mr Dugasse, i bezwen konnen akoz i ti deza  Minis dan Gouvernman.  I double.

Alors mwan mon ti a kontan dir avek Minis, sa bann zans ki’n owned Cable & Wireless ozordi, zot pa’n pey nou, nou 16.5milyon.  Nou ankor pe espere nou.  E nou e ou Minis, ou ganny anploye pou rod nou larzan.  Ou pa’n succeed.  E pourtan sa larzan i drwa par bann dimoun ki annan assets Sesel.  Par bann dimoun ki tou le lannen pe transfer 2 milyon Dolar aletranze.  Zot pe transfer 2

$milyon aletranze.  Selman zot pa kapab pey zot det Sesel?   E  ou konman Minis ou pa kapab ale al pran sa asset  e ou a  vwar si zot pa pou pey nou?

 

(APPLAUSE) 

       

HON JEAN-FRANCOIS FERRARI

E ki mannyer  Minis ou kapab dir nou ki la zot pe al  peye,  oli lentere?   Oli ki’n double lo la?  Oli tou sa bann keksoz?  Minis Mon vreman sorry mon krwar la ou’n vreman fail lepep Seselwa konman the custodian of son larzan ou’n fail zot ok?  E  mon pa pou dir ou ki ou annan pou fer,  me selman mon annan en sel keksoz mon krwar devret  fer le ou sorti la ler ou al dan ou biro.  Mon krwar sa i kler.

Mon dernyen kestyon i koumsa;-  mon dernyen kestyon i koumsa, zot in dir nou ki sa konpannyen, in borrow 70 milyon avek TDB Bank.  Minis in dir avek nou ki i annan 4 labank ankor ki’n involve dan sa deal.  Enkli Nouvobanq.

Alors mwan dapre mon bann lanket, mon’n vwar ki sa bann konpannyen ler Fon Pansyon pe met 20milyon, $24 milyon  sa bann lezot investors  zot, zot in met apepre 2.5, ki fer an tou ansanm i fer ankor en $12 milyon.  Ki zot in prete zot.  Minis i pa sa hard earned money ki ou pe dir!  Sel konpannyen – sel entity ki’n met cash dan sa deal se Pension Fund !  E nou pa dakor avek sa !

 

(APPLAUSE) 

       

HON JEAN-FRANCOIS FERRARI

Nou pa dakor avek sa Mr Speaker!  Akoz ler ou fer long term investment ou pa pran cash pou ou met ladan, pou ou donn sa ban dimoun ki zot, zot pa pe pran risk zot.  Zot, zot n al labank zot in pret zot larzan e cash lepep Seselwa ki’n ganny mete dan sa deal, e nou, nou pa dakor avek sa!  Nou – Mr Dugasse in dir boner  ki enn   dan sa 4 kondisyon,  se ki tou zot ganny konsidere konman egzakteman parey lezot investors.  Selman lezot investors i al pran loan labank?  Nou, nou bezwen met cash?  E nou, nou bezwen met cash pou retire zot loan?  

        Mr Speaker, mwan mon krwar poudir la kot nou’n arive la, Mr Speaker mwan mon krwar kekfwa nou pe ariv a lafen sa.  Me selman i annan dimoun ki pou bezwen rann kont.  E i annan dimoun ki pou bezwen al ekrir en let e resign!  Akoz ou pa posib pou fer sa ek larzan lepep Seselwa.  Mersi Mr Speaker.

 

(APPLAUSE) 

 

MR SPEAKER

Mersi Onorab.  Mon a donn sans Minis pou klarifye bann kestyon.  Minister.

 

MINISTER MAURICE LOUSTAU-LALANNE

Wi mersi Mr Chairman.  Mwan mon pa pe al ekrir okenn let mwan !  Mon a les Chairman koz pou li menm.  Non parey mon’n  mansyonnen mon pa santi a ler aktyel i neseser, pou mwan fer antre en forensic auditor pou al regard sa.

Me parkont nou kapab regarde pou nou fer  en due diligence lo tou sa bann konpannyen.  E parey mon’n dir, apre ki Mr Onorab Afif ti koz ek mwan, in demann kestyon, mon pare pou mon sirkil en dokiman ki mon annan pou zot tou vwar.  E lo la zot ava vwar lekel sa konpannyen, lekel ki direkter and so on. 

Par egzanp ou demann mon … J  Finance lekel?   Ou ava vwar son poursantaz ki i annan.  E lekel son direkter.  Mon ava fer sir zot ganny sa.  Donk tou sa ki mon annan la lo sa dokiman mon ava partaz avek zot.  So sa mon ti’n deza fer sa commitment ki mon pou donn zot tou sa lenformasyon ki mon annan. E zis pou re konfirmen, Pension Fund in aste avek CWSI.  Mersi pou lemoman Mr Chairman.

 

MR SPEAKER

Mersi Minis.  Mr Dugasse.

 

CHAIRMAN SEYCHELLES PENSION FUND JAQUELIN DUGASSE

Mersi Mr Chairman.  Mr Chairman mon ti a kontan konmanse par, dir avek Onorab Ferrari ki mwan zanmen  mon’n dir, ou kapab tyek verbatim, ki desizyon pou invest i ganny pran par Investment Committee or management Fon Pansyon.  Zanmen mon’n dir sa mwan!

Sa ki mon’n dir, e mon repete dan en Kreol tre senp, se ki nou gide par nou Board Charter ki Board in aprouv bann prosedir ek bann processes pou deal avek lenvestisman dan Fon Pansyon.

E nou process i dir si nou ganny en proposal pou lenvestisman i ganny mete devan Investment Committee of the Board pou lenformasyon manm – i enkli 5 Board members – 5 Board of Trustees members chaired by SS Payet.

E sa Komite i analiz bann investment, due diligence report e finalman zot fer en rekomandasyon to invest or not to invest, e sa i ganny mete devan Board of Trustees ki anba Lalwa parey met Onorab Ferrari in dir, i mandate pou pran desizyon lo -.  I pran investment decision. 

Mon repete ankor se the Board ki decide!  Komite does not decide!  Komite i recommend  and the Board i deside.  Sa pratik ki’n ganny pratike pandan sa 1an ki mon’n Chairman Board e pratik ki pou kontinyen.  E parey mon’n dir i pa en pratik ki nou ki pe evante, i en pratik ki ganny pratike dan laplipar lakonpannyen.  I annan en kantite Onorab mon panse ki i annan konpannyen ki lo Board, zot konnen mannyer i ganny fer.  Mon anvi klarifye sa.  E fer li kler ki Investment Committee or nenport Komite pa pran desizyon.   Desizyon i ganny pran par Board of Trustees. 

        Dezyenmman, due diligence ;- normalman ler nou fer lenvestisman nou Polisi entern, i dir ki ou bezwen fer en due  diligence.  Si sa konpannyen i nouvo nou bezwen fer en due diligence endepandan.

Si konpannyen i annan en track record, nou Polisi i dir,’’ may do a due diligence.’’  Dan sa ka sa lenvestisman ki la, nou ti kapab pa fer due diligence akoz i annan en track record, i annan – Cable & Wireless has been trading for years and years.  Me nou, nou’n  deside ki prenon kont level lenvestisman nou bezwen fer en due diligence report. 

        Nou ti pou al deor, nou ti pou contract avek  tender pou fer en due  diligence report.  Me lefe ki ti deza annan enn ki’n ganny komisyon-nen par TDB ;- pa TDB Onorab Jean-Francois Ferrari ki’n fer due diligence.  In ganny fer par en konpannyen endepandan ki spesyalize dan fer due diligence e sa se Delta Partners son report i avek nou la,  ki nou servi parey zis parey zot in dir, pou nou fer ou bann analiz ladan.

So mon repete ankor pa TDB ki’n fer.  TDB in komisyon-en sa due diligence ganny fer pou ed zot kapab pran en desizyon whether pou donn en loan sa consortium.  E nou lefe ki ti ana sa rapor olye al depans ankor $100 mil a $150mil  pou fer en lot due diligence report nou’n vwar li fit pou nou rely lo sa report ki’n ganny fer by Delta e se sa ki’n gid nou.

In addition to sa, nou Departman Lenvestisman dan Fon Pansyon in fer zot prop due diligence.  Ki i osi si oule son result i anliny avek sa ki Delta in fer.

So baze lo internal due diligence ki  nou’n fer, e due diligence ki Delta Partners in fer ki’n ganny servi par DB pou donn en loan $70milyon sa consortium, nou’n servi menm rapor pou nou deside si nou pou invest $24milyon an term equity dan CWSI. 

        Regarding bann ownership, nou’n fer sa ki Onorab Ferrari in dir nou’n fer egzakteman sa nou osi.  Nou’n fer nou bann resers, nou al kot company Registrar;- nou’n pran bann dokiman nou’n verifye ek sa ki bann ki bann Manm consortium in donn nou, e le de i parey 100poursan.  Nou konnen egzakteman lekel ki own SWC, nou annan details tou so bann breakdown, son bann shares son bann poursantaz number of shares involve.  Nou konnen lekel son bann direkter, e sa in ganny fer.  Nou’n lift the corporate veil pou nou vwar lekel ki deryer sa bann konpannyen e parey Minis in dir  mon a fer li    available, i ava share avek Manm Lasanble.

E sa i form parti nou due diligence ki nou fer.  I annan due diligence finansyel, apre i annan due diligence lo ownership structure.  E si nou bezwen lift the corporate veil of the konpannyen  pou pou vwar lekel ki the ultimate beneficial ownership of sa bann konpannyen.  Me nou pou fer li  Nou’n toultan fer –  e nou pou kontinyen fer.

Ankor en fwa Minis in dir mon repete ankor, ki nou pa pe aste share avek okenn endividi oubyen okenn shareholder ki deza own shares dan SWC. 

Nou pe al aste shares 20poursan dan sa 43poursan shares ki remain unallocated ki ler nou pou’n ganny 20poursan nou pou’n peye i pou reste 23 e parey Minis in eksplike i pou ganny servi, i pou ganny flow atraver bann kondisyon pou ki Seselwa e lezot dimoun parey Onorab Loze in dir, ki i enterese aste, i a ganny sans aste a sa pwen.

E finalman mon oule osi dir ek Lasanble mon’n ganny apwente konman Chairman Board Fon Pansyon – i annan 1an dan mon manda, i reste mwan ankor 2an.  Mon lentansyon servi mon manda ziska ler i fini.  Mersi.

 

(APPLAUSE)

 

MR SPEAKER

Mersi Mr Dugasse.  Onorab Ferrari.

 

HON JEAN-FRANCOIS FERRARI

Mr Speaker avek ou permisyon mon ti a kontan sirkil sa dokiman, sa rezolisyon Board CWSI kot bann shares pe ganny allocated  avek  sa lot konpannyen la ki apel SWC – ok?  Kekfwa mon pa tro, tro konn lir, me selman at least sa    i la.

Mwan mon ti a kontan Mr Dugasse ou kapab dir nou sa ;-   lekel ki, donn lenstriksyon Investment Committee pou konsider en investment proposal?   Lekel ki donn lekel ki-? Ki mannyer i ariv kot Investment Committee sa?  Lekel ki donn li sa travay pou li fer?  Sa i enportan.

Lefet ki Mr Dugasse, ou’n antre dan en negosyasyon ;- ou’n antre dan negosyasyon, avek en potential investment partner, Cable & Wireless – CWSI, san, san konesans tou ou bann manm Board, akoz ou’n dir ou menm ou,  ou pa’n kapab koz avek zot.  Akoz i annan confidentiality issue! Ou’n antre dan en negosyasyon san ki ou’n enform ou Board an antye – ok.  E ki ou’n pran en desizyon lo ou menm – lo detrwa zot mon pa konnen konbyen zot i annan ki ti reste ki konfidansyel, zot in pran sa desizyon ansanm, kontrerman avek Lalwa, Lalwa Fon Pansyon, ki dir anba 5 (2) ki ‘’ the mandate of the Board extends to investment.’’  Ou pa’n  fer li.  Lefet ki ou pa’n fer li,  eski ou ava aksepte, ki desizyon Pension Fund baze lo lefet ki ou pa’n fer sa prosedir, e ou pa’n involve bann dimoun ki Lalwa i dir ou involve –  sa desizyon I null and void,  e ki ou you are liable to a criminal offence, for having not involve the members of the Board, whatever the reason Mr Dugasse – whatever the reason, whatever the reason …

 

(Interruption)

 

 

HON JEAN-FRANCOIS FERRARI

…  ou pa’n involve … Ou’n dir nou ou menm, akoz ou ti napa konfyans dan zot, ou pa’n involve  zot – i fer ki sa desizyon …

 

(Interruption)

 

MR SPEAKER

Order!

 

HON JEAN-FRANCOIS FERRARI

… ki sa desizyon i null and void!  E  e ki nou konman bann manm pou Fon Pansyon, nou kapab nou kapab e nou pou, si zot pa pran bann desizyon pou rektifye la, nou pou challenge li Ankour, akoz ou desizyon, the Board was not properly constituted when you took that decision!  Ki ou reaksyon lo la?  Mersi.

 

(APPLAUSE)

 

(Interruption)

 

MR SPEAKER

Mersi.  Order! Order! Order! Onorab.   Wi Mr Dugasse.

 

CHAIRMAN SEYCHELLES PENSION FUND JACQUELIN DUGASSE

Mersi Mr Chairman.  Mr Chairman i sanble mwan ki Onorab pe distort the facts. 

 

(Off-Mic)

Yes!

 

(APPLAUSE)

 

 

CHAIRMAN SEYCHELLES PENSION FUND JACQUELIN DUGASSE

Mon pa konnen akoz Onorab i anvi fer sa.   Mon doute akoz.   Me i pe distort the facts. I enportan ki piblik deor i konnen ki Onorab pe distort the facts. 

Mon repete ankor, pou lenformasyon dimoun ki pe ekout nou ;-  mon pa’n pran okenn desizyon lo mwan menm!  Mon pa kapab pran desizyon  lenvestisman lo mwan.   Mon napa drwa fer li!  Si mon fer i pou ilegal.  Mon konn tre kler sa mwan.

Desizyon in vin -. Bann analiz in ganny fer par Investment Committee, anliny avek mon  Board Charter i ganny aprouve par mon Board, ok ?  Komite anba chairmanship SS Payet, in analize, in debate.  E in fer en rekomandasyon devan main Board.  E  7 zour avan, 7 zour avan, le 12 Novanm nou’n sirkil Board pack – Board paper, lo sa lenvestisman avek Board anliny avek nou internal procedures e anliny avek mon Lalwa.

E Board – i full Board in  annan 7 zour pou analiz sa papye, prepar zot avan vi devan Bard pou pran en desizyon.  E le 19 Novanm dan 12 manm Board, 10 ti prezan.  2 pti absan avek  en apology ki normal.  Zot in comply avek nou internal procedure pou donn en apology ler zot pa kapab attend, e anliny avek nou Lalwa.

E Board  depi midi ziska 4er nou’n delibere lo sa issue.   E a lafen dizour Board in pran en desizyon!  So pa Jaquelin Dugasse ki’n pran desizyon Onorab!  Se Board of Trustees enkli sa de manm ki’n resign!  Fodre dimoun i konnen deor  ki sa 2 manm ki’n resign zot ti form parti sa desizyon !

So sa zafer ki mwan mon’n pran desizyon Onorab, mon pa aksepte e mon rezete dan en fason tre, tre for!  Mersi Mr Speaker.

 

(APPLAUSE)

 

MR SPEAKER

Mersi Mr Dugasse.  Onorab Sebastien Pillay.

 

HON SEBASTIEN PILLAY

Mersi Mr Chairman.  Mr Chairman dan tou keksoz ki nou fer parfwa nou konman Manm Lasanble, annou mazinen poudir nou bezwen get byen.  Akoz ler nou’n dir keksoz dan lepase anver en dimoun dan nou bann speech avan e  nou vin dan Lasanble, nou vin  perdi nou sanfwa –

 

MR SPEAKER

Onorab, Onorab, Onorab.

 

HON SEBASTIEN PILLAY

… e nou atak en dimoun.  Politik!

 

HON SYLVANNE LEMIEL

(Off-Mic)

Ou’n ganny sans, dir li !

 

 

MR SPEAKER

Onorab, Onorab en moman Onorab mon’n donn ou sans pou poz ou kestyon – Onorab Ferrari ti annan menm sans avek ou e mon’n donn sans Mr Dugasse pou reponn  kestyon. Ok?

 

HON SEBASTIEN PILLAY

Mersi Mr Chair.

 

MR SPEAKER

Kestyon.

 

HON SEBASTIEN PILLAY

Mr Chairman avan mon demann mon kestyon mon pou efraz li byen avek Lalwa Pension Fund e sa ki nou dan sa Lasanble nou ti demande, apre ki nou ti raise kestyon an se ki konsern lenvestisman Pension Fund lo Pirates Arm.  Nou ti demande ki dezormen i bezwen annan en Investment Committee e sa ti pas dan bann deba dan Lasanble.  CEO  ou a rapel e lot kote latab ki ti demande ki i annan en Investment Committee e mon rppel …

 

MR SPEAKER

… Onorab, Onorab personn pa’n kestyonn …

 

HON SEBASTIEN PILLAY

… non Mr Chair mon  montre …

 

MR SPEAKER

… legzistans Investment Committee.  Personn pa’n kestyonnen! Al direk.  Ou pa bezwen al remind Lasanble ki desizyon ki Lasanble in fer ! Mon  okouran  sa desizyon ki Lasanble in fer, e ziska prezan personn pa’n kestyonn legzistans the Investment Committee.

 

HON SEBASTIEN PILLAY

Mr Chair ki mon pe sey, mon pe sey  fer …

 

MR SPEAKER

Demann ou kestyon.

 

HON SEBASTIEN PILLAY

… mon pe sey montre ki mannyer ler nou dir poudir Chairman in pran en desizyon lo litousel e li i pe sey dir nou ki in pas atraver Investment Committee  – kote sa in sorti.

 

MR SPEAKER

Demann ou kestyon.

 

HON SEBASTIEN PILLAY

E seksyon 50 ou Lalwa i dir ou koumsa poudir, ou annan investment guidelines.  Sa seksyon i mars ansanm avek seksyon 5 i bezwen ganny li ansanm.  So Mr Chair mon ti a kontan demann Minis Finans, PS Payet e Chairman Board pou al an kontrovansyon avek ou Lalwa, fodre ou annan kontrovansyon avek seksyon 50 ou Lalwa ! I dir klerman ki ou bezwen fer.  Eski Board Fon Pansyon in al an kontrovansyon avek seksyon 50 ou Lalwa?   Dir nou si wi oubyen non?

Dezyenmman Mr Chairman dan tou sa bann kestyon ki’n demande, personn pa’n demann nou konbyen larzan Pension Fund pou fer avek sa lenvestisman ki la.  Pa donn nou poursantaz.  Dir nou egzakteman konbyen reveni Pension Fund i espekte kolekte lo sa lenvestisman ki’n fer la?  Sa mon ti a kontan ganny li kler.

Mon 3enm bout mon kestyon Mr Chairman, an se ki konsern bann kondisyon ki’n ganny enpoze avek sa Lagreman, i annan tou sa bann dimoun ki’n sipoze form par sa lakonpannyen, eski Minis Finans i kapab koriz mwan ozordi Lalwa i permet nou pou ganny direkter lakonpannyen me Lalwa pa permet nou pou ganny beneficial owners sa konpannyen.

Mon pa konnen lekel,  me kote ki sa in arive ki nou’n ganny beneficial owners?  Akoz Lalwa pou amann ‘’beneficial ownership’’ pa ankor arive an se ki konsern Companies Act 1972.  I pa ankor arive.  So mon ti a kontan demann Minis anba ki Lalwa alors, ki ou ale pou ganny bann beneficial owners en lakonpannyen?  Akoz ozordi dan sekter Offshore nou pa kapab ganny beneficial owners unless nou al kot FSA oubyen competent authority. So mon ti a kontan klarifye sa de pwen avan mon demann mon lot kestyon.  Mersi Mr Chair.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Wi ou annan parfetman rezon.  Se pour kwa ki nou mansyonnen letan nou ava anmenn sa Lalwa, nou a nobou ale to the ultimate beneficial owner.  E akoz ozordi i pa permet.  Zis nou kapab anmas lenformasyon, gard li met li la.  So sa pe vini.  Lendi zot a ganny sa draft e apre nou ava vini nou ava deba dan Lasanble fotespere nou ganny sipor e nou kapab pas sa Lalwa.  Mersi Mr Chairman.

 

MR SPEAKER

Mersi Minis.  Mr Dugasse.

 

CHAIRMAN SEYCHELLES PENSION FUND  JACQUELIN DUGASSE

Mersi Mr Chairman.  Pou reponn kestyon Onorab a sa ki mwan mon  konsernen antan ki Chairman Board Trustees Fon Pansyon, mon pa’n vyol seksyon 50 mon Lalwa.  E mon pa’n vyol okenn seksyon mon Lalwa as far ki mon konsernen.  E tou sa ki nou fer, nou’n fer li an konformite avek Lalwa  seksyon 50 e i dir ki the Fund i devret annan investment guideline.  E se zisteman ki nou annan.  I fer referans osi dan nou Board Charter. E nou annan ozordi investment guidelines ki mannyer ler en investment i antre i ganny prezante, the process ki i go through ziska ler evantyelman i ariv devan Board of Trustees, pou Board pran en desizyon.  E mon presize ankor ki desizyon i ganny pran par Board as a body me pa Jacquelin Dugasse konman Chairman Board of Trustee !

An sa ki konsern return byensir dan Delta Report dan analiz ki nou fer dan Delta Report zot in get bann flows ki sa konpannyen pou anmase an term zot reveni, an term zot Ebitda;- an term capital expenditure ;- an term zot free cash flow ki available e osi bann depans operasyonnel toulezour.  E nou, nou’n fer en analiz aprofon.  Investment Committee in analiz sa rapor o profon.  E nou’n osi satisfer nou lekor ki provizyon in ganny fer pou servi sa det $70milyon ki sa konpannyen in pran avek TDB e  e nou’n war ki apre sa even after servicing of the debt menm si nou pa akseler repayment of the debt, provizyon in ganny fer pou ki konpannyen i pey – i nobou deklar en dividend $8milyon apartir lannen 2020 payable lannen 2021.

E baze lo nou poursantaz 20poursan $8milyon nou pou anmas nou $1.6milyon lo sa lenvestisman.  E ler mon pe get nou rikord i pou biggest dividend inflow, si i materyalize byensir ki nou pou gannyen dan nenport equity investment ki nou fer.

E sa i pou donn nou en return 6poursan ki plis ki nou minimonm 3poursan ki nou pe gannyen.  Lot kote nou ti’n kapab pran  sa R340milyon ki nou pe al envestir dan equity nou ti kapab kit li anba matla e pa ganny nanryen lo la.

Lot kote nou ti kapab met li dan Treasury Bills ki nou pe fer ozordi, kot nou ti ganny nou anviron 5poursan, me ler nou gete nou war ki  envestir sa larzan dan Cable & Wireless, nou pou ganny nou 6poursan as a minimum.  Me si sa konpannyen i nobou akseler repayment of debt, avek kondisyon ki nou mete ki sa $24milyon ki nou, nou peye pou aste 20poursan i ganny servi pou retire debt sa konpannyen, i kler ki  zot debt servicing pour san dout.   Akoz  nou prozeksyon i lo service debt $70milyon, me ler ou tir $24milyon ou pe service debt lo en lower value ;- ki vedir ou annan plis cash flow ki pou free pou sa konpannyen either envestir or redistribute avek son bann shareholders !

E mon krwar sa bann dimoun ki’n envestir sa bann aksyonner Seselwa, byensir lo Board pou pouse ki si i annan additional free cash flows ki zot ganny en higher return!  E nou dapre nou prozeksyon entern, nou santi ki nou return i pou plis ki 6poursan – si tou bann forecast ki’n ganny fer i ganny materyalize ;- bann risk ki’n ganny idantifye i ganny minimize, nou krwar nou pou fer pli byen ki 6poursan.

Me osi i annan sa kestyon parey Minis in dir taler, capital appreciation, ler ou envestir dan en konpannyen son pri si lakonpannyen i fer byen, son pri per share i monte.  I posib sa pri ki nou peye ozordi dan detrwa zan si konpannyen i kontinyen fer profi, e i fer byen sa cost per share will increase.  E la ou ganny sa ki ou apel capital appreciation.

E ler ou pe work out ou return normalman ou get ou return lo dividend me ou osi pou ganny ou total return ou pran ou return lo capital ou add ansanm.  E nou, nou pe forecast baze lo evalyasyon konpannyen parey SS Payet in koz lo la taler – i anviron $148milyon.  Si i annan takers for sa 23poursan shares ki pou ganny float, i annan en gran probabilite ki share value pou monte e nou pe estime ki nou capital gain would be around 14percent in the next couple of years.

Sa provided everything ki’n ganny prozekte i marse ;- bann risk ki’n ganny idantifye mitigated.  E nou krwar baze lo la Investment Committee ti krwar baze lo sa bann prozeksyon ki the decision to invest was the right decision, in the best interest of sa 43,000mil manm Fon Pansyon.  E se lo sa baz ki zot ti fer  rekomandasyon avek Board of Trustees pou pran en desizyon pou invest.  E zisteman se egzakteman ki Board of Trustees in fer e ankor se Board of Trustees ki’n pran desizyon se pa Jacquelin Dugasse Chairman of the Board !  Mersi.

 

MR SPEAKER

Mersi Mr Dugasse.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon ti a kontan demann Minis ek manm Board Fon Pansyon la, sa legzersis ki Lasanble Nasyonal pe fer, i enn enportan akoz lepep Seselwa an gran mazorite, bann  acquirer Fon Pansyon.  Nou bann dimoun ki annan en right dan Fon Pansyon i enportan pou nou konnen.  Mwan mon pran li dan en fason.  Lezot dimoun i pran li dan en fason.   I enportan ki selman nou regard sa ki devan nou.  Eski zot kapab dir nou ozordi, ki pozisyon finansyel Fon Pansyon in terms tou son lenvestisman?  What is the value of Fon Pansyon ozordi  in terms of lenvestisman?

E prezan sa i a montre nou si konman en Board konman, bann dimoun ki  manage sa fon, zot pe fer bann desizyon ki sound, pou nou kapab konpran si sa enn desizyon ki zot in pran i en osi en desizyon ki sound, akoz nou pe tann diferan largiman?  Me i enportan dan sa bann largiman – mon pa pe dir pa devret annan, me sa bann largiman i devret reste lo bann fe, e non pa al lo bann endividi.  Si i annan kestyon bann endividi i a reponn zot kestyon according to Lalwa, e nou reste lo bann fe.  

        So donn nou pozisyon fiskal Fon Pansyon kote i stand ozordi?  Ki bann assets e bann keksoz ki zot annan?  E ki prozeksyon Minister Finans i annan lo viabilité Fon Pansyon?  Akoz ozordi en kantite dimoun Mr Chair pe fer kontribisyon volonter dan Fon Pansyon, e zot pe espekte ler zot retire demen zot kapab ganny sa larzan ek zot retirement pou zot servi?  Mersi Mr Chairman.

 

MR SPEAKER

Mersi Onorab Pillay.  Mr Dugasse.

 

CHAIRMAN SEYCHELLES PENSION FUND JACQUELIN DUGASSE

Mersi Mr Chairman.  Mersi Onorab pou ou kestyon.  bon lasante finansyel Fon Pansyon i en issue ki basically tou le mwan sak fwa ki Board i meet, i ganny prezante avek Board.  E lo en baz tou le kar – tou le quarter i annan en rapor detaye ki ganny prezant devan Board, pou Board apresye sityasyon leta lasante Fon Pansyon.

Ozordi Fon Pansyon son valer ki i annan ozordi i R3.2bilyon R3.2milyar – bilyon Roupi.   E ladan  anviron 2.5milyar in ganny mete, envesti dan bann lenvestisman – lenstriman.  Nou pe koz real estate, bann propriyete parey bann batiman ki nou annan partou, ki nou pe lwe.

E byensir nou annan lenvestisman dan equities parey dan Al Salam Bank, dan Seychelles  Commercial Bank ;- dan Sacos dan Seybrew, CCS.   Apre  sa i lo nou bann assets si oule – nou bann e-liquid investment.  I less liquid.  E ler nou tir tousala liquid fund ki nou annan ozordi as I speak i R740milyon ki’n ganny envestir dan bann diferan lenstriman finansyel e nou pe koz la bonds, nou pe koz Treasury Bills, nou pe koz bank deposit, fixed deposit and normal deposit i R740milyon.

E ladan byensir nou pou tir 340milyon ler bann Bills  – espesyalman bann Teasury Bills i mature olye roll it over nou pou retire pou nou pey nou lenvestisman dan CWSI.  E apre sa i pou reste nou anviron R400milyon.  Si ozordi nou ti pou pey tou nou 340milyon ozordi, pou reste nou 400milyon.

Me tou le mwan nou pe fer nou en sirplis lo diferans –  dan kontribisyon ki antre avek sa ki nou peye – ok?  Nou pe pey nou anviron 30milyon tou le mwan diferan kalite pansyon, e nou pe anmas nou anviron R40milyon kontribisyon ki pe antre sorti kot bann kontribiter.

So nou pe fer nou en sirplis roughly 10milyon tou le mwan, e sa i pou translate anviron preski 100milyon lafen lannen prozekte.  So ver lafen lannen nou pou annan nou apepre 400 ekek milyon  ki pou reste apre ki nou’n tir sa lenvestisman.  Lannen prosenn nou pe forecast en sirplis anviron 100milyon diferans benefis avek peyman, so nou pou annan nou ankor 100milyon available ki nou pou add avek sa ki nou annan ozordi.  Me apre nou annan osi bann sirplis, bann returns ki antre lo nou bann lenvestisman, ki sa osi i pou antre, so by this time next year by November next year, nou pou posibleman back  to sa  R700 a R800milyon liquid cash dan nou lanmen.

So vwala en pti pe leta finansyel.  E byensir an term nou asset allocation nou alokasyon asset ozordi, i preski 50poursan dan real estate.  E tou bann study ki’n ganny fer – tou bann expert ki’n vini even  nou Actuary in dir ek nou,

‘’Look 50poursan investment dan real estate you are over exposed in real estate – ou bezwen rod fason pou diversify .’’

E nou, non annan en plan ki sa Board anba mon direksyon, in travay lo la kot nou annan nou en short term, medium term and long term diversification strategy.  Ki mannyer nou pou reduce nou real estate and so on e nou deside konbyen nou pou annan real estate, konbyen dan equities, konbyen dan fixed income, e nou annan en short term.

E nou plan se in medium term nou le ki nou investment dan real estate – dan (pardon) equity i vin anviron 29 a 30poursan.  Dan equities anviron 45poursan e balans  i dan fixed income.  E nou ti’n prevwar ki sa i pou ariv dan sa prosen 3an, me si nou proceed pou nou  – parey nou pou envestir dan Cable & Wireless Seychelles, i vedir nou pou shift R340milyon from fixed income into equities, ki pou donn nou basically dividend evantyelman.

So nou pou kapab ler nou konplet sa tranzaksyon achieve sa ki nou earmark pou achieve dan medium term nou pou achieve li sa lannen.  E sa i a met nou anliny avek bann diferan Fon Pansyon otour lemonn, kot ou napa en over konsantrasyon pou bann asset dan real estate akoz real estate i ganny konsidere konman e-liquid.  I difisil. Ou bezwen  al rod en buyer and so forth – ok?

E dan tou sa ki nou fer pou koz lo leta lasante Fon Pansyon, nou Polisi entern se ki at any point in time, nou bezwen annan nou coverage pou pey nou pansyon pou 3mwan. Savedir nou bezwen annan R90milyon available in cash at any point in time, pou nou kapab finans nou repeyman pansyon.  E nou fer sir ki sa i ganny monitored, lo en sistenm rizid par nou Board, par diferan Komite dan Fon Pansyon, pou fer sir ki nou kontinyen reste dan en bon leta sante.  Mersi Mr Chairman.

 

MR SPEAKER

Mersi Mr Dugasse.  Onorab Pillay.

 

HON SEBASTIEN PILLAY

Mersi Mr Chairman.  So nou’n etabli ki it’s not investment that is the issue.  Then therefore it comes to le pwen ki nou bezwen klarifye – nou bezwen tyonbo.  Pwen se ki eski ou pe over pay pou sa bann shares ki devan ou?  That’s the point.  I pa kestyon personnalite.  I en kestyon, eski dan sa lenvestisman ou’n over pay e par ekstansyon by over paying eski i annan dimoun ki’n benefisye down the line?   Sa ava en legzersis pou Minister Finans determinen, me eski ou’n over pay pou sa bann shares?

Si i avere ki sa bann shares there i ganny met vann ek sa bann unallotted shares ki pou al ganny vann, i ganny vann mwens, ki sa ki ou’n peye, ki move ki Gouvernman pou pran, Fon Pansyon pou pran, Minister Finans pou pran, avek sa group ki’n vann zot sa bann shares, pou dir be gete ler  mwan mon’n vin kot ou ti vann mwan sa bann shares pou $109 (mon krwar109 ki ou’n dir non)?  109 be la ou pe vann li pou $125 ;- mon pa dakor ou’n vann mwan pou $109.

Eski i annan en move ki ou kapab fer lo sa baz, si nou pran ki tou keksoz in mars above board?   Ou konpran ?  Sa ki mon ti a kontan ou klarifye pou mwan.

Prezan zis en dernyen pti pwen final Mr Chair, dan sa 23poursan prezan dan sa 23poursan ki ou’n aste, sa bann shares ki reste lo sa 34.5milyon ki nou pe koz lo la i fer apepre mon krwar si mon pa tronpe around – nou pe koz around 15mil shares apepre adisyonelman ?  So dir nou en pti pe ki arive avek sa lot bout shares ki reste, akoz 23poursan i tonm 253mil shares ki reste pou vann.  So sey dir nou en pti pe ki pase lo la?  Mersi Mr Speaker.

 

MR SPEAKER

Mersi Onorab.  Mr Dugasse.

 

CHAIRMAN SEYCHELLES PENSION FUND JACQUELIN DUGASSE

Mersi Mr Chairman.  Mersi Onorab pou ou kestyon.  Si mon konpran Onorab byen i pe dir nou si letan sa konpannyen i deside pou vann sa 23poursan shares ki reste, e si i arive ki the share i ganny taken up at $125 as opposed  sa ki nou Fon Pansyon nou’n peye ki basically nou pou fer ?

Now pou mwan i kler ;-  si nou, nou’n pey 109 i finalman i annan lapeti lo market pou pey 125, then i pou konfirmen ki desizyon pou envestir was the right decision!  I vedir ki nou pou ganny nou en capital appreciation sorti $109   per share to 125.  So otomatikman nou pou fer nou en gain.

E dan nou liv, anliny avek ‘’generally accepted accounting policies’’ nou, at the end of the year ler nou pe finaliz nou bann kont konfidansyel nou bezwen value nou bann shares at the market value.  So dan nou liv nou fer antre 109 ozordi me si lannen prosenn sa share i flot 125 nou pou value  li  125 e nou pou ganny nou en capital appreciation lo value sa share.  Mersi Mr Chairman.

 

MR SPEAKER

Mersi Mr Dugasse.  Minister?   Bon, mon krwar ou’n anpay ou en pti pe.  Mon’n war ou lapros   yer sa…  me mon krwar ou ti pe mean ozordi SPF in aste a $109 si larestan shares i vann demen i  pli bon marse, se sa ki ou pe … ?  Yes.

 

HON SEBASTIEN PILLAY

Mr Chairman ki mon ti le fer, mon ti le ki piblik Seselwa i ganny war tou lede senaryo ;- en senaryo kot si share value i monte what it means to Pension Fund?  E si share value prezan i desann what that means?  Ki zot pou fer?  So i enportan nou pe edik piblik lo la.  Mersi Mr Chairman.

 

MR SPEAKER

Mr Dugasse.

 

CHAIRMAN SEYCHELLES PENSION FUND JACQUELIN DUGASSE

Mersi Mr Chairman.  Mersi Onorab.  Wi mon krwar i enportan ki nou ganny tou lede perspektiv.  E mon’n donn perspektiv si i pli o, me si i pli ba e sa i ariv within 3 years, e nou pou  egzers nou exit clause.  Se pour sa rezon  ki enn bann kondisyon ki nou mete dan sa 4 kondisyon ki Minis in eksplike, se en kondisyon se ki i annan exit clause, ki dir ki si the nou santi ki sa lenvestisman pa pe diriz lafason ki nou ti oule, e share value i tonbe, then nou pou exercise  nou exit clause pou nou get out.  Either fully  tou nou 20poursan, or en serten  poursantaz.

E baze lo sa exit clause nou pou ganny peye nou share  -nou pou ofer nou share avek existing shareholders ok, under the agreement e nou pey nou the price ki nou ti peye pou sa share!  Now dan sa ka si the price has come down – dizon in vin $80 nou pa pou aksepte 80 i bezwen pey nou back 109.  Mersi.

 

MR SPEAKER

Mersi Mr Dugasse.  Onorab Waven William.

 

HON WAVEN WILLIAM

Mersi Mr Speaker.  Bon apre midi Minis avek bann manm lo panel.  Mr Speaker ou ava rapel ki mon ti anmenn en kestyon le 7 Oktob pou rod en leklersisman lo sa R16.5milyon stamp duty.  Mr Speaker granmoun Leo i dir,

‘’Mon seve krepi i tord, me mon lespri i drwat.’’

Mr Speaker dan lespri tenm Bidze ‘’Rezilta-Ekitab Prosperite Partaze’’ mon ti a kontan demann Minis, Minis eski ou kapab eksplik nou depi ler ki ou’n antre, ki bann defayans dapre ou, ki’n fer ki Gouvernman pa’n kapab anmas sa $16.5milyon?

Dezyenmman ou’n dir taler ki osi lontan ki ou la, ou pou  fer sir ki sa larzan i antre, e mwan mon anvi demann ou, ki garanti ou donn lepep Seselwa, akoz pou 3an nou pa’n kapab anmase, la nou’n ganny zis 2 bout later, ki garanti ki ou donn nou ki  – (1) sa larzan pou antre dan kof Gouvernman pep Seselwa?

Minis eski sa lakonpannyen – sa nouvo lakonpannyen, eski i annord?  Eski in anrezistre?  Akoz dapre lenformasyon se ki si ou pa’n anrezistre ou pa kapab vann  bann shares.   Eski sa lakonpannyen  – nouvo lakonpannyen i annord avek Lalwa?

Eski sa lakonpannyen dapre lenformasyon se ki i annan en problenm cash flow e eski se pou sa rezon ki Pension Fund la i pe bail li out?

E mon anvi demann en kestyon avek Chairman Board mon anvi demann ou, lefe ki ou menm ou la ou’n vin dir nou, ki i annan en gro problenm konfidansyalite dan Board Pension Fund e sa dapre ou in ale pou en bon pe letan e ki si i ariv ankor ou pou ekri en let Prezidan, pou demann li pou dizourd sa Board.  E  mwan mon anvi demann avek ou lefe ki sa i en gro problenm, ou pa krwar ki sa let i devret ganny ekri, ki sa Board i devret ganny dizourd?

Akoz ki konfyans ki pep Seselwa pou atase la avek sa Board, lefe ki ou annan sa problenm konfidansyalite?  E ki garanti ki ou pou donn nou ki  – (1) sa problenm pou ganny deal avek?  Mersi Mr Speaker.

 

MR SPEAKER

Mersi Onorab.  Mon ava donn laparol Minis avan apre Mr Dugasse konman Chair Board.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  Onorab lo ou premye pwen mon’n deza koz lo la. Mwan mon’n vin zwenn sa problenm la.  E parey mon’n dir ou an Zilyet 2018 mon’n konmans demars pou mwan fer antre.  I pa’n fasil e apre nou ganny en enteripsyon ant  sa negosyasyon par sa group Seselwa pou vin aste lakonpannyen, ki li pandan 2an i liste pou vann.  E se akoz sa mon krwar – mon pa pe eskiz mon blanm, se ki se akoz sa zot in kas kontour avek nou.   Zot in zwe ek nou demen/tanto eksetera,  eksetera.  Mon donn ou garanti le moman ki Rezistrar i dakor lo share evaluation, si se Lendi bomaten i stanp son share transfe,r nou pou ganny 5.3 oubyen plis lo sa share – lo sa larzan ki in deside lo la.  Sa i kapab antre deswit.  Akoz se sa kondisyon. Fodre  i antre deswit.  Sa 14milyon li i bezwen antre dat final se le 15 Desanm 2019, akoz i bezwen osi antre dan Bidze 2019.

Mwan mon pa konnen si i korek poudir ki Cable & Wireless Seychelles ozordi i annan en problenm cash flow.  Mwan mon krwar se le kontrer.  I annan li en ta larzan !  Se lenvers.  Akoz tou le fason ou krwar ki sa bann labank ti pou al prêt li larzan $70milyon si i ti napa larzan?  Mon poz sa la.  Mersi Mr Chairman mon pas laparol.

 

MR SPEAKER

Mersi Minis.  Mr Dugasse.

 

CHAIRMAN SEYCHELLES PENSION FUND JACQUELIN DUGASSE

Mersi Mr Chairman.  Mersi Onorab.  Regarding sa kestyon konfidansyalite, mon ti a kontan zis share ek  Lasanble, ler nou ti konmans diskisyon lo sa lenvestisman dan Cable & Wireless byensir bokou lenformasyon konfidansyel ti ganny partaze avek Investment Committee, ki konpri 5 Board of Trustees members. E nou napa okenn levidans ki okenn lenformasyon ki nou’n entrust avek sa group 5 Board of Trustees lenformasyon in sorti an deor.  I vedir ki problenm konfidansyalite i reste avek petet avek sa lezot 7 Board members.

Annefe ki nou annan 2 Board members ki’n ale, ki’n resign, nou ava espere nou ava gete si sa problenm konfidansyalite. E si i kontinyen e si i kontinyen mon pou definitivman konsider ekri sa let.  Me si i pa kontinyen then petet pou napa nesesite pou ekri sa let.  So mon poz sa la.

 

MR SPEAKER

Mersi Mr Dugasse.  Onorab William.

 

HON WAVEN WILLIAM

Mersi Mr Speaker.  Mr Speaker lefe ki sa lakonpannyen in Sesel en pe letan pase e nou, nou konnen, Seselwa i konnen poudir bann dimoun dan Lotorite parey nou dir i rub shoulders avek CEO e Minis pou vin dir nou, ki ou’n tann sa lo koltar sa lenformasyon ki pe – lakonpannyen pe al ganny vann konmsi i pa tro, tro sorti byen.  E mon anvi demann ou, lefe parey mon dir ki Sesel i ptipti e lenformasyon i sorti, akoz ki Fon Pansyon an premye lye ;- akoz mon pa aksepte ki Fon Pansyon pa ti okouran poudir sa lakonpannyen ti pe al ganny vann, e ki ti annan loportinite pou kapab aste sa bann shares lo en pri pli ba.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab.  La ki Liberty Latin America in ale, mon kapab konfirmen ki pandan sa peryod letan ki mwan mon ti pe negosye direkteman avek zot, Mr John Winter, sa dimoun ki mon ti pe negosye avek, ki ansarz zot Departman Legal i ti dir mwan kontak se li e mwan.  Donk in kennsel tou kontak avek CEO Cable & Wireless Mr Hammond.  So i pa’n konn nanryen ki pe pase avek sa diskisyon ki nou’n annan.

E letan nou ti konmans demars pou fer transfer later, se la ki in konmans get involve.  Me avek negosyasyon avan nou ti ariv lo en Lagreman i ti konpletman shut out.  So i pa ti konnen  me i malere.  E mwan osi mon pa’n kapab dir li.  Si son konpannyen in dir li ou non, sa li ki ava reponn.  Mersi Mr Chairman.

 

MR SPEAKER

Mersi Minis.  Mon ava donn dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman pandan sa moman ki nou pase ansanm depi 1er apre midi a plizyer lenstans in annan lesey pou sey noy sa pwason.  Annou pa sey noy sa pwason ! The issue ki devan nou, se lefe ki Fon Pansyon ki larzan lepep Seselwa in fer en lenvestisman, ki a sa moman kot in fer li in perdi larzan!  Zis konman in met son larzan in perdi larzan ! 35milyon 100milyon in perdi larzan !  Alors annou pa sey rod tou kalite leskiz.

E an plis ki sa, i kler ki poudir i pa en desizyon ki depi son konmansman in ganny fer par the Board of Trustees.  Sa i kler sa !  Se sa bann keksoz ki nou kapab retire dan sa moman ki nou pase.   Mwan mon anvi demande – parske sa in ganny dir, kisisa ki ti sitan konfidansyel? Kisisa ki ti sitan konfidasyel dan sa tranzaksyon ki zot pa ti kapab diskit sa avek tou manm zot Board?

Kisisa ki ti annan pou kasyet ladan?  Kisisa ki ti annan pou kasyet ladan?  E ziska aprezan mon pa ankor gannyen sa larepons.  Mr Chairman  mwan mon ti ava kontan ; – an menm tan mon pa konnen ki lot step ki nou pou fer, mon pou fer en propozisyon  mwan mon war ki poudir i annan serten – i annan bokou bann kas kontour dan sa deal.  

        Letan Mr Dugasse i dir avek nou ki son Charter i par lao Lalwa.   Mwan mon anvi demann li be sa Charter la kan ti ganny fer sa?  Sey donn nou en lide parske ou’n dir avek nou sa i konman zot Labib.  I en nouvo Labib ?  I en Labib 2019 ? I en Labib 2018?  I en Labib – ? Ki lannen sa Labib la?  E si en dimoun i anvi – ?  Si zot Charter eski zot in fer demars pou anrezistre zot Charter pou zot pou ki konmsi tou dimoun i konnen kwa ki zot Charter ?

Mr Chairman Minis in dir vey bann lezot dimoun ki pou vin aste konbyen zot pou aste.  Avek tou respe pou Minis mon anvi dir avek li – Minis  mwan mon pa enterese avek konbyen lezot dimoun pou vin aste ;- si zot pou aste li pou 1milyon – si zot pou aste li pou 2milyon.  Mwan  sa ki mon enterese avek se konbyen sa lakonpannyen ki toulezan sa lorganizasyon ki toulezan i anvoy mwan en pti let i dir avek mwan ou annan tan dan sa fon.

Si ou pou ganny en pansyon – si ou pa pou gannyen, se sa ki mon enterese avek.  Mon pa enterese avek lezot dimoun.  Alor letan sa lorganizasyon ki mon en manm i pran en desizyon kot i perdi larzan, se sa ki konsern mwan.  E alor mon krwar ki a sa moman  mwan mon ti pou propoze vi ki nou koz for lo tou, ‘’lakonpannyen Seselwa !’’ ‘’Sa lakonpannyen i pe ede.’’ Mwan mon anvi ki i annan en nouvo negosyasyon ;- parske keksoz pa ankor anrezistre – se sa ki mon’n antann isi dan sa Lasanble.  Mon pe demande premyerman, ki i annan en nouvo negosyasyon ant Fon Pansyon avek sa lorganizasyon Seselwa, ki kontan Seselwa, ki’n dir zot in fer Cable & Wireless retourn pou Seselwa, annan en nouvo negosyasyon avek zot, pou dir avek zot annou regard sa bann shares son pri.  Vann sa bann shares fer Pension Fund pey sa bann shares menm pri ki zot, zot ti aste laba!

 

 

(APPLAUSE)

 

HON WAVEL RAMKALAWAN

Mon pa war nanryen mal ladan e si Pension Fund i kapab rekiper swa 350milyon swa 100milyon mon krwar i ava bon pou nou tou Seselwa, bann ki pe ganny pansyon e bann ki pou ganny pansyon ! Alor mon demann sa.  E si Fon Pansyon depandan lo son larepons ki zot depandan lo larepons ki zot pe donnen, si zot pa kapab fer sa ;- parske an prensip la zot pa ankor pey nanryen.  An prensip tou larzan i ankor dan Fon Pansyon e ki i dan fixed deposit ki mannyer Mr Dugasse in dir.  E fixed deposit mon trouv i drol sa sonm ki ou’n donnen, akoz letan mon pe regard bann keksoz i tonm 6.18 ;- konmsi en pe par lao sa ki ou’n dir.

Lefe ki tou larzan Fon Pansyon i ankor entak e ki sa Lagreman parey ou’n dir i annan en exit clause ki sa de dimoun ki malerezman mon pou dir malerezman ou’n akiz zot pou sa mank konfidansyalite, parske ou’n dir la ki sa de in ale ou espere ki – konmsi konfidansyalite i en problenm ki ale ;- savedir endirekteman ou’n akiz zot pou konfidansyalite – sa mon pa konnen ki mannyer ou ava poz li la.

Me lefe ki nou annan exit clause ;- tou nou larzan i ankor avek nou, mon bezwen dir nou akoz mwan osi mon annan par ladan – ok?  Ou osi ou annan par ladan – nou tou nou annan par ladan ok?  Be negosye ankor.  Mon met sa responsabilite lo Fon Pansyon.  Parske parey Onorab Georges in dir, i ti propoze ki poudir Fon Pansyon i regard sa laveni konman en form lenvestisman.  Alor dir nou kwa ki anpes Fon Pansyon baze lo tou sa ki nou ganny dir la apre midi, pou re negosye e pou fer sir ki nou napa en sou ki nou perdi, me ki nou vin at par.  Parske apre tou Mr Chairman Mr Dugasse pou vin en manm lo Board sa nouvo lakonpannyen Cable &Wireless.  

        Nou tande ki poudir ou’n vin en  manm Board, sa napa nanryen  konfidansyalite, me sa i soz.  Ou pou vin en manm Board me annou alor fer tou keksoz normal e annou negosye pou nou kapab ganny meyer keksoz.

Me an menm tan osi, lo lot kote, mwan  mon krwar ki si sa dout pa ganny retire dan nou lespri, si Fon Pansyon dan zot next meeting lo Board of Trustees avan ki en sou i sorti lo zot fon, zot pa pare pou fer sa, mon krwar i nou devwar konman bann manm responsab pou nou konnen be akoz zot pa pe fer sa? E akoz ki tou keksoz in pas vit?

E la mon ti ava propoze ki swa FPAC i pran sa konman son responsabilite pou fer en investigation, pou fer en hearing pou anmenn tou bann dimoun ki kapab konn keksoz devan nou;- oubyen en lot lorganizasyon kekfwa la mon pe mazin PEMC ki i annan en oversight lo bann lezot lakonpannyen, oubyen anba Standing Orders Lasanble i kapab fer ki poudir i annan en investigation.

Parske si tou nou keksoz i ankor avek nou, e nou kapab negosye e nou annan exit clause, be annou fer li.  E si nou pa fer li savedir nou pe pare pou nou donn en dimoun 35milyon.  Letan nou koz 35milyon konmsi Onorab Pillay konmsi in donn lenpresyon ki poudir konmsi en pti sonm ki nou’n perdi !

Non mon pa pe koz pti sonm la, nou pe koz milyon ki’n perdi – milyon ki pe ale.  Alors annou regard li byen an menm tan – an menm tan parey nou pe dir Mr Chairman, ou annan sa papye lo sa bann sonm ki pa pe lo sa bann shares ki unalloted shares ki nou’n montre klerman, dan bann papye ki poudir ti napa okenn unalloted shares!

Parske si ti annan unalloted shares petet, i ti ava pli fasil pou ou al retourn laba kot Global Americana poudir oli sa bann shares la ki pa ankor ganny alloted, be vann nou.  Be  si ou pa kapab retourn kot Americana savedir sa bann unalloted shares i dan non en dimoun li !  I dan non en dimoun – en lakonpannyen ki annan kontrol lo sa bann unalloted shares. 

        E ki sa i fer ki finalman zot pa bann unalloted shares! Parske swa en madanm i an vwad fanmir swa i pa an vwad fanmir!  I pa kapab en pti gin an vwad fanmir !  So Mr Chair  mwan mon pe met sa e mon ava ekout sa ki panel i dir pou nou kapab tonm lo en bon konklizyon.  Se sa ki nou pe rode nou lentere bann dimoun ki kontribye dan Fon Pansyon ;- bon lenvestisman lo lapar Fon Pansyon, pou ki nou osi tou letan nou ariv sa laz sa pli zenn Manm Lasanble ki Onorab Vidot, ki poudir sa pli zenn Manm Lasanble letan i ava ariv son laz, li osi tou i ava ganny son pansyon parey sa zenn ozordi ki annan 18an ki pe konmans kontribye.  Mersi bokou Mr Chairman.

 

(APPLAUSE)

 

MR SPEAKER

Mersi Onorab.  Mon pe –

 

(Off-Mic)

 

MR SPEAKER

Hear me first.  Avan mon donn panel sans pou klarifye bann pwen ki Onorab Ramkalawan in fer resorit, mon ava donn laparol Onorab Pillay pou fer en klarifikasyon.  Onorab Pillay.

 

HON SEBASTIEN PILLAY

Mersi Mr Chairman.  Mr Chairman mon koleg Onorab Ramkalawan an tou bon politisyen in servi mwan as a preferans dan son largiman ;- all is fair in love and war dan Lasanble Nasyonal nou politisyen nou konpran sa, me selman sa fwa si mon pa’n dir 35milyon i en pti amount.  Mersi Mr Chairman.

 

MR SPEAKER

Dakor, dakor.  Se sa ki mon ti pe sey fer Onorab Pillay ;- pou mon donn ou sans pou kapab fer sa klarifikasyon.  Bon mon ava donn laparol Mr Dugasse apre Minis Finans.  Mr Dugasse.

 

CHAIRMAN SEYCHELLES PENSION FUND  JACQUELINE DUGASSE

Mersi Mr Chairman.  Mersi Onorab Ramkalawan.  Mon ti a kontan konmans avek sa Board Charter Mr Chairman.  mon pa’n dir ki nou Board Charter i supreme to our Law.  Mon tre konsyan ki Lalwa i supreme every thing i below. E  nou  Board Charter byensir in pran son cue from the Law.  Mon ti anvi presiz sa.  E Board Charter in toultan la.   In toultan li.  Depi 2006 mon’n ganny dir i la me i en dokiman ki evolve over time.  I pa reste statik li, i evolve over time – i kontinyen evolve.  E sa dernyen revizyon  nou’n fer mon krwar ti sa lannen around Me sa lannen.   Mon pa tro rapel, nou ti fer en revizyon pou met li azour avek realite dizour ok?  So mon ti anvi klarifye sa pwen.

Now regarding re negosyasyon, mwan antan ki Chairman Board Fon Pansyon mon welcome  ou proposal.  Mon krwar nou’n deza negosye petet nou pa’n negosye ase for.  Petet apre tou sa ki’n ganny dir apre midi, mon panse ki sa bann lenvestiser osi pe swiv sa ki pe pase.  Petet i annan en scope ;- i donn nou  scope pou nou re angaze – re negosye e avek bi pou nou ganny sa bann shares at the price, ki zot in peye.  109 mon krwar price ki’n ganny quoted.  Mon konfirmen ki mon napa problenm avek sa.   Fon Pansyon i napa problenm avek sa.

Si i en fason pou nou move forward pou nou kapab at en sipor Lasanble,  mon krwar i enportan pou sa demars ki nou pe fer.  After all  nou lobzektif i komen.  Nou bi se annan bann prudent investment pou fer sir ki Fon i soutenab, e ki ler mon  bann pti zanfan i ariv mon bann pti zanfan i ariv laz retret, zot osi zot pou annan en pansyon.

E se pou sa zisteman ki nou pa zis rely lo kontribisyon, nou osi envesti sa surplus ant kontribisyon avek benefis ki nou peye, zisteman fer sa gato vin pli gro.  Akoz nou konnen ki en dimoun ki par egzanp in konmans travay ozordi, i pey li dizon on average son tann servis ;- en cleaner par egzanp i ganny li anviron R10,000 on average pandan 40an ki in travay, ler i ariv laz retret dapre kalkil ki Fon Pansyon in fer, i pou ganny li en pansyon anviron R6500mil.

Me si ou pou konpar sa avek sa ki’n kontribye dan son letan travay nou estimen ler nou pou fer sa kalkil apre midi i anviron R100mil.  Me sa dimoun li i pou ganny li en pansyon R6500mil e dan 2an i pou’n consume atraver pansyon ki ou’n pey li tou sa ki’n peye pandan tou son working life.  E sa dimoun si i retire 63an akoz by 65an in consume tou sa ki’n peye, si i viv 75an.  Dan ka en madanm life expectancy ou bezwen pey li pou ankor 10an.  So kote ou pou ganny li in kontribye selman 100mil?

Zisteman se atraver bann lenvestisman ki nou pe fer over the years dan bann diferan asset class, ki pou garanti li sa pansyon ziska ler i kit nou, e posibleman garanti en pansyon son spouse – si i annan en spouse ziska lanmor son spouse.

So koumsa ki keksoz i ganny fer – pou fer si ki nou kontinyen rod nouvo keksoz lenvestisman.  E byensir fer bann lenvestisman ki pridan – pridan zisteman, parey mon’n dir anliny avek nou lentere komen, pou fer sir ki Fon i reste soutenab.

So mon napa okenn problenm Chairman Speaker pou nou re antre an negosyasyon.  Parey Onorab in dir nou pa ankor transfer okenn larzan, nou senpleman eksprim nou approval pou nou proceed, me mon krwar i reste scope apre sa ki nou’n tande apre midi, sa deba ki nou’n annan apre midi e mon krwar i donn nou nouvo scope pou nou re negosye e sorti avek en better deal.  Mersi Mr Chairman.

 

MR SPEAKER

Mersi Mr Dugasse.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pou ou propozisyon.  Mon’n ekout atantivman mwan osi deba e mon ti pe diskite avek mon Deputy Minister ki la obor mwan posibilite lo sa zafer due deligence.  Posibilite mon pa kapab promet akoz mon pa ankor diskite, koze.  I annan de eksper isi enn i avek nou i en resident advisor i Ameriken e apre i annan en lot ki’n ganny mete par Linyon Eropeen zot annan en pe skill dan sa zafer, demann zot si zot dakor pou regard en pe sa dosye ki nou pe diskite la.  Fotespere i pa kout mon en sou, me mon ava poz zot.  So sa i en premye remark ki mon oule fer, akoz mon santi kekfwa annou itiliz lekspertiz sa de dimoun.  E finalman Mr Speaker mon servi sa loportinite pou mwan formelman demann Fon Pansyon pou re negosye sa zafer.  Mersi Mr Chairman.

 

 

(APPLAUSE)

 

MR SPEAKER

Mersi Minis.  En moman Onorab De Commarmond.

 

HON CHARLES DE COMMARMOND

Zis en pti kestyon Mr Speaker selman originally sorti kot nou ;- zis  en pti pwen dan sa laliny ki in ganny met devan, e ki letan mon ekout Mr Dugasse eksplike ki transfer pa ankor ganny fer – i paret mwan osi ki sinyatir pa ankor ganny fer.  Alor si sa si sinyatir osi pa ankor ganny fer, i pli fasil ankor pou kapab re antre dan negosyasyon.  E letan nou re antre an menm tan get osi bann shares ki reste, si i pa posib si deal i bon pou ogmant lakantite ki zot pe aste.  E an menm tan bann travayer Cable &Wireless mon krwar en pwen ki’n sorti par Onorab Loze mon krwar ki i fer sans ;- regard posibilite pou zot osi ganny en deal dan sa deal.  Mersi bokou Mr Chair.

 

MR SPEAKER

Mersi Onorab.  Onorab Ramkalawan en dernyen mo.

 

HON WAVEL RAMKALAWAN

Mersi bokou Mr Chairman.  Mr Chairman mon welcome sa latitid, sa lespri ki mon propozisyon in ganny resevwar.  E ofet  mwan mon anvi dir avek Fon Pansyon e osi avek Minis ki  si entel keksoz i arive, zot kapab kont lo nou konman en Lasanble pou donn zot tou sa sipor.  I enportan pou nou kapab donn zot sa sipor, pou nou kapab al pli lwen.  E mwan personnelman mon ti ava kontan konmsi si i vin konman en rezolisyon Lasanble Nasyonal, pou osi fer en lapel direk avek sa nouvo lakonpannyen, pou nou dir avek zot konpran nou e ekout nou. Nou,  nou pe reprezant lavwa lepep Seselwa.  E pou zot resevwar sa re negosyasyon avek en lespri ouver e en lespri pozitiv, pou ki nou ava kapab ariv lo sa pwen.

Parske apre tou sa negosyasyon ki nou pou fer, sa income ki nou pou gannyen from lenvestisman, se  zot osi zot travayer ki pou gannyen ;- se zot osi tou ki pou ganny en benefis ladan, alor mon anvi ki konmsi i vin konman en rezolisyon, ki nou kapab termin lo en ton pozitiv ;- ki non selman ki nou pe demann Fon Pansyon pou al negosye, me ki lo lot kote osi parske se Seselwa ki pe negosye avek Seselwa.  Alor konman Seselwa pou benefis Seselwa !

E konman en dernyen parol Mr Chairman petet Minis i ava kapab konsider sa ki pou bann lakonpannyen lasirans nou annan en regulator, me eski i pa ler pou Fon Pansyon li osi tou annan en regulator?  Pou avoid ki sa bann keksoz koumsa i ganny fer e si zot annan en regulator, ki alor zot ava kapab olye ki Lasanble ki bezwen fer sa kalite deba parey nou’n fer la apre midi, ki zot ava annan zot prop regulator avek ki zot kapab bounce serten desizyon.

Me Mr Speaker mon krwar mon pa pou kapab terminen san remersye ou pou lapenn ki ou’n les en size sitan enportan kapab ganny diskite dan nou Lasanble.  E apre midi ankor enn fwa nou Lasanble in montre ki poudir nou lentere se lentere lepep Seselwa, e ki nou anvi keksoz ki meyer e se sa ki nou pe rode.  E alor mersi bokou pou permet en tel deba pran plas ;- parske mon krwar ki poudir in tre pozitiv e nou ava atann avek Fon Pansyon pou zot retourn ankor kot nou pou dir nou, ki mannyer zot pe pase dan sa bann negosyasyon.  E nou sa ki nou ti ava kontan konnen se ki shares ki Fon Pansyon i aste, i menm pri ki sa bann Seselwa in aste.  Mersi bokou Mr Chairman.

 

(APPLAUSE)

 

MR SPEAKER

Mersi Onorab mon krwar i annan zis sa pti kestyon lo regulator mon war Minis avek SS in fer en pti siny kanmarad.  Minis si oule zis pran sa pti bout, zis pou – Mon pa konnen si zot in deza annan regulator petet zot le adres sa.  Minister?

 

MINISTER MAURICE LOUSTAU-LALANNE

Wi mersi Mr Chairman.  Mersi Onorab pou sa sizesyon.  Efektivman nou pe anmenn sa propozisyon devan.  Nou an diskisyon avek FSA osi e ou a war bann sanzman ki nou pou anmennen an sa ki konsern sa regulator.  Mersi bokou.

 

MR SPEAKER

Mersi Minister.  Bon mon ti a kontan zis avan nou close for the day mon ti ava demann Sarge pou move Mace.  Mon ti a kontan remersi tou bann zofisye ki’n vin devan Lasanble apre midi Minis Maurice Loustau-Lalanne ou menm konman dan ou kapasite konman Minis Finans, Sekreter D’Eta Mr Patrick Payet, CEO Pension Fund Mrs Lekha Nair, Mr Davis Laporte konman Investment Officer e byensir Mr Jaquelin Dugasse konman Chairman Seychelles Pension Fund e byensir PS Thésée.  Mon remersi zot e mon remersi tou bann Manm osi tou mon konnen nou’n fer en maraton apre midi – nou’n al en sel tre san pran en break.  Me nou pou adjourn la ozordi nou pa pou kontinyen travay Lasanble lo deba Bidze.  Nou pou kontinyen Lendi me otan posib tou bann letan perdi, semenn Lendi semenn Lendi   nou pou otan posib nou pou manz 1erdtan dan nou lunch break e pou nou kapab sey rekiper en pti pe letan ki nou’n perdi.

Avek sa mon ti ava kontan remersi Minis ek son panel tou bann Manm e tou dimoun ki’n a lekout e ki swiv deba Lasanble apre midi.  E byensir mon ti a kontan remersi SBC.  Lasanble i adjourn e nou repran nou travay Lendi 9er bomaten.

 

 

(ADJOURNMENT)