::
Home » Verbatim » 2019 » Tuesday 3rd December, 2019

Tuesday 3rd December, 2019

NATIONAL ASSEMBLY OF  SEYCHELLES

Tuesday 3rd December, 2019

 The Assembly met at 9am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab.  Bonzour tou dimoun a lekout e ki pe swiv Lasanble Nasyonal.  parey nou deside yer dan Assembly Business Committee, i annan en sanzman lo nou Order Paper ozordi nou annan en Urgent Question ki pe ganny table par Leader Lopozisyon.  Nou pou pran sa la bomaten between now ziska 10.30 si i annan lezot kestyon siplemanter e apre nou ava kontinyen avek nou travay – sa se deba lo Bidze 2020.  So mon ava demann parliamentary reporter pou fer antre Minis ek son delegasyon pou demann kestyon.

Bon mon ti a kontan dir bonzour e welcome Vis- Prezidan Mr Vincent Meriton ki pe vin dan son kapasite konman Minis ki portfolio DPA i tonm anba Prezidan, me li i pe reprezant Prezidan dan Lasanble Nasyonal e osi tou Minis Loustau-Lalanne Minis responsab pour Finans, Komers, Envestisman e Planning Economic.  Vis- Prezidan ek Minis i ganny asiste par Mr Mohamed Afif Sekreter D’Eta pou zafer Cabinet dan lofis Prezidan Mr Patrick Payet SS Secretary of State pou Finans, Komers, Envestisman e Planning Economic.

Madanm Jessie Esparon ki Chief Secretary pou and Head of the Civil Service dan lofis Prezidan;- Mr Damien Thésée ki PS pou Finans, Komers, Envestisman e Planning Economic.  Vis- Prezidan, Minis Loustau- Lalanne bonzour e welcome dan Lasanble Nasyonal.  Toudswit mon ava pas laparol avek Leader Lopozisyon Onorab Ramkalawan pou li poz son kestyon.  Onorab.

 

HON WAVEL RAMKALAWAN

Mersi bokou Mr Speaker.  Bonzour Mr Speaker bonzour tou bann koleg Onorab, Vis- Prezidan, Minis e avek delegasyon e tou bann dimoun ki pe swiv sa sesyon Lasanble.  Mr Speaker mon kestyon i lir konm swit:

Swivan lanons fer par Prezidan Faure dan son kapasite konman Minis responsab pou Administrasyon Piblik lo size en allowance lo saler tou travayer dan servis piblik ekskli bann dimoun dan pozisyon konstitisyonnel, eski Lasanble i kapab ganny en leksplikasyon kler sorti kot son Minister ek Minister Finans lo :-

  • eski sa allowance i ekivalan lo en ogmantasyon dan saler de-baz bann travayer dan servis piblik?
  • Dan ki Bidze eski sa larzan pou ganny tire?
  • Ki pe arive avek sa lobligasyon pou reviz public service salary grid parey Lalwa i demande i devret ganny fer tou le 5an?

 

E finalman,

 

  • Anba ki provizyon Lalwa ki sa allowance enkli son back pay pe ganny fer? Mersi bokou.

 

MR SPEAKER

Mersi Onorab Ramkalawan.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Bonzour Mr Speaker.  Bonzour tou Manm Onorab e tou dimoun a lekout.  Mr Speaker avek ou permisyon mon ava pran bann kestyon apre si ou permet Minis Finans pou aport en siplemantasyon.

 

MR SPEAKER

Dakor.

 

THE VICE-PRESIDENT MR VINCENT MERITON

Mr Speaker non sa supplementation allowance i pa en logmantasyon lo saler de-baz travayer.  Saler de-baz pou reste parey akoz latab saler pa ankor sanze ler i a sanze sa bann supplementation allowance pou ganny enkorpore dan saler de-baz travayer.

Kestyon 2; larzan supplementation allowance pou sorti dan Bidze ki’n fini ganny aprouve dan Bidze 2019.  Sa 5poursan ti ganny enkli pou finans en logmantasyon lapey travayer baze lo nouvo latab saler ki ti pibliye an Avril 2019, konman regilasyon anba Lalwa Public Service Salary Act 2013 e ki Lasanble ti quash.

An vi desizyon Lakour Konstitisyonnel ki Lasanble pa bezwen donn okenn rezon valab pou anil en regilasyon, sityasyon aktyel latab saler 2014 i reste an fors.  Lapey tou bann Constitutional Appointees i ganny spesifye anba diferan Lalwa.  E dan sak sa bann ka i fer referans avek en band ek en step spesifik dan saler latab.  E vi ki sa latab pa’n ganny amande tou bann Constitutional Appointees pou kontinyen ganny peye dapre latab saler ki an viger.  zot pou bezwen esper adopsyon en nouvo latab saler pou zot benefisye avek en logmantasyon saler.

Constitutional Appointees i enkli Prezidan Vis-Prezidan Minis tou Manm Lasanble Nasyonal, Sef Ziz, Prezidan Lakour D’Appel, bann Ziz Constitutional Appointments Authority, bann  Public Service Appeals Board, Komisyon Elektoral, Ombudsman, Komisyon Kont Koripsyon avek lezot.  Pou bann zofisye piblik ki zot lapey pa ganny spesifye direkteman dan en Lalwa, Egzekitif in touzour annan pouvwar pou donn en ogmantasyon saler bann travayer anba sistenm  bon zesyon resours imen.

Prezidan in servi son pouvwar egzekitif, pou donn en supplementation allowance 5poursan dan servis piblik ki zot lapey dan latab saler i fleksib, e sa i an akor avek en langazman ki ti donnen pli boner sa lannen.  Larzan pou kouver sa allowance parey mon dir, i deza ganny aprouve dan Bidze 2019.  Mr Speaker fodre mon eklersi ki travayer servis piblik pou ganny en supplementation allowance e zot saler de-baz pa pou sanze ziska en nouvo latab saler i ganny adopte.

Kestyon 3 ;- Mr Speaker Gouvernman in egzekit son lobligasyon legal kot i konsern revizyon Lalwa lapey servis piblik atraver piblikasyon amannman dan Lalwa an Fevriye e S.I 18 pou lannen 2019 an Avril.

Mr Speaker kestyon 4 ;- Prezidan i ganny son pouvwar egzekit dan Konstitisyon sa supplementation allowance in toultan en preogratif Egzekitif parey in fer dan bann Scheme of Service e bann logmantasyon dan bann Gouvernman dan sa dernyen 5an i parey in toultan fer.  Mr Speaker Prezidan in award en allowance pou travayer ki  zot saler ki pa dirize par en Lalwa spesifik.  Nou war sa i zistifyab akoz nou pe servi sa larzan pou akonplir menm bi.  E dimoun ki pe benefisye atraver sa desizyon Prezidan, se la gran mazorite travayer servis piblik ki nou frer ek ser Seselwa.  Mersi Mr Speaker.

 

MR SPEAKER

Mersi Vis-Prezidan.  Minis Loustau-Lalanne.

 

MINISTER MAURICE LOUSTAU-LALANNE

Mersi Mr Speaker.  Mr Speaker mon a konmans avek kestyon No. 2 dan ki Bidze eski sa larzan pou ganny tire ?  Mr Speaker son sonm R62milyon i deza dan Bidze pou logmantasyon saler par 5poursan.  Bidze 2019 in fini ganny aprouve e nou pe servi sanmenm sa sonm pou donn sanmenm sa allowance.

Mr Speaker seksyon 9 Prozedlwa ki gouvern zesyon finans piblik, i dir ki Gouvernman pa kapab depans an plis ki sa sonm ki’n ganny bidzete e aprouve par Lasanble Nasyonal.

Gouvernman pa pe kas okenn Lalwa akoz sa sonm i parey ki ti aprouve ki ti en sonm R62milyon.  Mr Speaker si Onorab i krwar ki mon konman Minis Finans mon’n kas okenn Lalwa i annan tou drwa pou anmenn mwan Ankour.

Kestyon 3, Mr Speaker Lalwa pou reviz gid saler servis piblik i deza devan Lasanble. Gouvernman ti piblir sa Bill pou lamannman sa Lalwa le 22 Fevriye 2019.  E First Reading ti ganny pran sa Lasanble konmansman Mars 2019.

Mr Speaker mon osi oule fer resorti ki dan ladres Bidze 2019, Gouvernman ti anonse sa logmantasyon saler 5poursan.  Zis pou mwan lir sa ekstre lanons Bidze 2019.  Mon site  sa ki mon ti dir ;-

 

 

‘’Mr Speaker Prezidan Larepiblik ti apwent en Komite le 5 Zanvye 2018 pou revwar Act Reminerasyon Saler Piblik 2013.  Sa Komite ti propoz en logmantasyon 5poursan lo saler de-baz dapre latab reminerasyon e saler servis piblik.  Gouvernman in aprouv sa nominasyon e sa pou ganny enplimante apartir Zilyet 2019.  En provizyon R42milyon in ganny fer dan Bidze 2019.’’ Fen sitasyon.

Mr Speaker parey tou Seselwa in tande dan reminerasyon Bidze 2019 bann Manm ti fer rekomandasyon ki sa logmantasyon saler, i ganny fer konmansman Zanvye 2019 ouswa avan Avril 2019. Gouvernman ti pran desizyon pou met sonm adisyonnel, pou fer sir ki ogmantasyon saler i konmans apartir Avril 2019.  Sanmenm sa rezon akoz sa sonm ti ganny ogmante pou ariv R62milyon.

Dan deliberasyon Bidze 2019, okenn Manm pa ti fer resorti son rezervasyon lo sa sonm 5poursan.   Alor Bidze 2019 ti ganny aprouve ki enkli sa 5poursan ogmantasyon saler.

Alor Mr Speaker Gouvernman i reste angaze ek son propozisyon pou ogmant gid saler par 5poursan.  Sa Lalwa i devan Lasanble Nasyonal e nou pe esper Lasanble Nasyonal pou pran en desizyon.  Pou nou konman Gouvernman nou fer nou bout pou anmenn lamannman dan Lalwa, me nou ankor pe esper Lasanble Nasyonal pou fer zot bout.

4enm kestyon;- Mr Speaker Lalwa ki gouvern saler grid piblik, i mansyonn selman saler de-baz.  Tou allowance ki ganny mete adisyonnelman dan saler travayer piblik, i prerogatif Gouvernman dapre son bann sistenm ki’n met an plas dan bann diferan kad.  Alor napa Lalwa ki gouvern okenn allowance pou sekter piblik, apard ki bann apwentman Konstitisyonnel ouswa lezot apwentman, ki zot saler i ganny mete dan Lalwa.  Pour sa bann endividi ki zot saler i dan Lalwa, sa nouvo allowance ki in mansyonnen pa pou aplikab.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker premyerman mon ti a kontan dir Minis ki mon pa dir in kas okenn Lalwa, e an plis ki sa mon trouv li drol i pe koz anmenn li Ankour?  Mon pa konnen kote sa i sorti me anyway kekfwa yer swar.  I ok.  Mr Speaker mon anvi premyerman met serten keksoz lo latab.  Zis pou montre ki poudir sa ki pe arive la e sa desizyon ki’n ganny pran ofet, i montre mank senserite lo lapar Gouvernman.  E mon ti ava kontan ki VP i reponn sa.

Ki mon le dir par sa Mr Speaker?  Eski baze sa ki zot in dir, zot realize ki poudir apre ki Lalwa ti ganny mete e nou ti eksprim nou rezerv ;- premyerman ti annan en meeting State House kot nou ti zwenn Prezidan Larepiblik – Mr Afif li osi i ti la – tou lede Mr Afif ;- Onorab Afif avek Mr Afif zot ti la, kot nou ti diskite.  Prezidan Larepiblik ti tonm dakor pou ki i annan en Komite ki ganny setup e sa Komite ti ganny setup avek 5 dimoun la i annan 2 dimoun lo latab ki ti lo sa Komite.

Diskisyon ti ganny fer avek Parti US dirize par Onorab De Commarmond e osi avek LDS dirize par mwan menm.  Sa ziska prezan ti pe montre senserite pou diskite, pou nou ganny en solisyon.

Me zis apre ki Komite in ganny setup  kot in konmans son travay zafer ti al Ankour.  Se la kot i montre mank senserite.  Zafer in al Ankour -in annan 2 ka e Lakour finalman in rann son zizman.  Me antretan se tou sa bann keksoz ti kapab ganny rezourd parske devan Lasanble Nasyonal i ankor annan en Lalwa ki vivan.  Me se zot ki’n defann ki diskisyon i kontinyen akoz anba regilasyon Lasanble Nasyonal, nou pa kapab diskit en keksoz ki subjudice  akoz i Ankour.  So sa i dan zot kare. Konmsi  pa met keksoz dan nou kare poudir i devan Lasanble, Lasanble pa ankor pran  en desizyon !  Lasanble pa’n kapab pran en desizyon akoz Egzekitif ki’n met zafer Ankour.

Be Mr Speaker vi ki Lakour in dir klerman, klerman Lakour in dir, ki Egzekitif avek Lezislatif i bezwen koze, pou nobou trouv en pozisyon pou sa zafer.  Akoz ki L’Egzekitif pa’n swiv konsey ki Lakour Konstitisyonnel devan ki li menm li i ti anmenn son case – akoz zot pan anmenn swiv konsey Lakour Konstitisyonnel pou ki nou kapab asize, parske Komite in setup ;- Komite i ankor vivan ziska aprezan nou pa ankor ganny okenn rapor sorti kot sa Komite depi ki’n ganny setup depi Avril pou nobou adres sa size.

E la Mr Speaker mon anvi dir, napa problenm.  Nou tou nou’n lager pou dimoun ganny larzan.  Zot,       zot pe dir 5poursan ki pou konmans avek R150 pou sa dimoun ki ganny pli ba, e dapre Lalwa Prezidan ki ti pou ganny pre R4000 nou ti a pe dir tou dimoun menm sonm – R450 sakenn.  E an plis ki sa, sa ti pou lo zot lapey de-baz ki ti ava enkli dan zot kalkil 13enm mwan lapey e ki la ozordi sa pa pou arive.

Alor eski Gouvernman i kapab dir avek Lasanble, si zot pare pou zot swiv sa ki Lakour in dir, pou koze pou nobou ganny en solisyon oubyen non?  E mwan lo mon kote mon kapab dir nou pare pou nou asize e pou koze pou nou kapab ganny en solisyon agreab.

2enm kestyon Mr Speaker, eski, eski Minis i kapab fer kler si zot in sanz parske dan zot sirkiler ki zot in pase, zot in dir ki sa supplementation allowance i pou ganny enkli dan kalkil konpansasyon.   Eski Minis i kapab dir avek nou (si) zot kan plito kan eski zot sanz S.I 34 of 1991 ki donn formil pou travay lo konpansasyon?

Eski zot in sanze?  Akoz S.I 34 i fer kler ki poudir i baze lo saler, e saler se sa ki dan public salary grid.  E dan salary grid napa okenn allowance ki ganny enkli alors eksplik nou, eksplik nou byen lo sa size.

Apre sa Mr Speaker mon ti a kontan demande, konman en lot kestyon – vi ki ozordi zot in deside e Prezidan Larepiblik in deside pou donn en supplementation allowance 5poursan, sa i en allowance letan zot pou pran desizyon lo salary grid ki pou arive lo sa supplementation allowance?  Eski sa supplementation allowance pou reste e apre sa i ava annan logmantasyon lo basic salary grid?

Eksplik nou ki pou arive silvouple.  Mersi bokou.

 

MR SPEAKER

Mersi Onorab Ramkalawan.  Vis-Prezidan apre Minis Finans.

 

THE VICE-PRESIDENT MR VINCENT MERITON

Mersi Mr Speaker.  Mr Speaker zour Komite ti ganny apwente swivan meeting High Level ki ti fer tou bann pwen ti met devan e Komite in travay, e Komite in fer in soumet son rapor avek Prezidan Larepiblik;- in rekomann 5poursan ogmantasyon lo saler de-baz.  Mr Speaker in annan senserite all along depi ler nou konmans koze e diskite e a lafen lazournen nou’n ekout rekomandasyon bann eksper, bann teknisyen ki annan en kantite letan servis dan servis piblik e in vin avek en rekomandasyon ki zisteman sa in form parti bann amannman dan Lalwa ki’n met devan.

Mr Speaker mon le osi fer mazinen ki parey Minis in dir ki ti annan en deba an Desanm.

 

 

MR SPEAKER

Mon pa’n anvi kas flow Vis- Prezidan vi ki i ti pe koze me Vis-Prezidan zis sanz mikro pou kapab tann pli byen.  Go ahead Vis-Prezidan.

 

THE VICE-PRESIDENT MR VINCENT MERITON

Non Mr Speaker mon dir nou pa pe vin lager ek personn ozordi mon pe koz lavwa ba akoz pou tou dimoun konpran.

 

 

(laughter)

 

THE VICE-PRESIDENT MR VINCENT MERITON

Byen koze i fer byen konpran mon pa oule okenn –

 

(laughter)

 

 

MR SPEAKER

Kontinyen.

 

THE VICE-PRESIDENT MR VINCENT MERITON

Deba an Desanm Mr Speaker Minis Loustau-Lalanne in fer nou rapel ki ti annan en deba, ti annan en konsansis ki nou tou nou ti dakor avek sa logmantasyon 5poursan.  Onorab in propoze ki annou donn tou dimoun menm sonm, me nou santi mon repete ki sa pou anmenn en de-balans dan latab saler servis piblik e osi i reflekte en mank apresyasyon bann konesans, bann leksperyans konplekse travay si ou pran tel lapros.

Nou santi Mr Speaker kestyon 13enm mwan saler mon krwar in ganny eksplike, ki ler en nouvo latab servis piblik i ava ganny adopte sa supplementation allowance, i a form parti saler de-baz pou kapab compute depi ou 13enm mwan saler depi ou konpansasyon e lezot benefis ki i annan avek sa Mr Speaker.  Prezan mon a pas laparol avek Minis pou li tous bann lezot pwen teknik.

 

MR SPEAKER

Mersi Vis-Prezidan.  Minis Loustau-Lalanne.

 

MINISTER MAURICE LOUSTAU-LALANNE

Mersi Mr Speaker.  Mr Speaker dabor mon ti a anvi anmenn en klarifikasyon mon krwar sa logmantasyon saler i par lao R150 en.  I pou 5poursan lo R5487 – (85) pardon so i pou R274mil. Ki pou arive avek sa salary grid letan zot desizyon definitivman nou pou menm merge avek sa supplementary allowance parey Vis-Prezidan in mansyonnen mon krwar se sa de repons ki mon kapab anmennen la pou le moman Mr Speaker mon ava retourn apre lo sa S.I 34 of 1991.

 

MR SPEAKER

Minister ou’n fini?

 

THE VICE-PRESIDENT MR VINCENT MERITON

Mr Speaker Onorab in fer referans avek S.I 34, 1991 ki koz lo kestyon konpansasyon ;- zis pou note ki servis piblik i ganny egzanpte anba Lalwa lanplwa.  Me Gouvernman li in adopte formil ki donn plis benefis pou bann travayer.  E bann travayer pe ganny meyer konpansasyon.  Mersi Mr Speaker.

 

MR SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Mr Speaker mon kontan ki Vis- Prezidan in dir nou i pe koz lavwa ba me selman personn pa pe vin lager! Se Minis ki premyerman in nonm Lakour e ou, ou’n nonm lager?   Nou, nou  pa pe vin koz lager – nou pe zis vin rod klarifikasyon pou tou dimoun konpran egzakteman kwa ki pe pase!  E nou senpleman anvi bann larepons ki kler pou ki tou dimoun i konnen kote i debout.

S.I 34 premyerman – S.I 34 Minis i dir zot egzanpte me selman nou konnen ki poudir bann dimoun ki pe travay dan Gouvernman, se sa formil ki pe ganny servi pou zot ganny peye zot konpansasyon.  Of course se sa formil ki pe ganny servi.

Alors ki mannyer eski zot kapab pe servi sa formil, e an menm tan vin dir ki ekskli sa bann supplementation allowance, e vin dir ki sa supplementation allowance li i pou vin dan – i pou form parti sa konpitasyon konpansasyon e zot pa ankor kapab dir kler ki poudir sa ki bann dimoun pou gannyen lo zot formil 5poursan sa supplementation allowance letan zot pou ganny zot 13enm mwan boner lannen prosen, sa i pou reflekte zot saler de-baz aktyel e pou napa okenn sanzman lo la?  Sa i enn.

Aprezan zot pa’n osi reponn lo kwa ki Gouvernman i anvi fer ?  Letan mon demann kestyon lo Komite ki’n ganny setup, Vis-Prezidan Mr Speaker in retourn lo Komite ki ti ganny setup boner 2018 High Level Committee!  Se pa High Level Committee ki mon pe koz lo la Mr Speaker.  Mon a pe koz lo sa Komite ki ti ganny setup apre ki Lalwa ti vin devan Lasanble ;- sa High Level Committee ki ti dirize par Mr Mohamed Afif ki ti annan Madanm Jessie Esparon;- ki ti annan Mr Oliver Bastienne ;- ki ti annan Ms Fock Yune avek Madanm Sitna Cesar.  Ti annan en Komite 5 dimoun ki ti ganny etabli par Prezidan Larepiblik pou regard sa size apre ki nou ti konmans apre ki nou pa ti tonm dakor lo la.

Eski sa Komite in donn son rapor ?  Mon pa pe dir retourn lo sa High Level Committee mon parske nou bouze lo High Level Committee.  Kwa ki sa Komite in diskite? Kwa ki zot annan dan zot rapor? akoz ziska aprezan napa okenn rapor ki’n vin Ankour – ki’n vin devan Lasanble pou nou konnen.

E Mr Speaker Minis pa ankor dir avek nou, si Gouvernman i pare pou li asize e koze?  I pa ankor dir nou si zot pare pou koze an swivan desizyon ki Lakour in donnen! Dir nou.  Akoz Mr Speaker mon anvi fer Minis konnen poudir devan Lasanble Nasyonal – mon ava fer li konnen ki i annan devan Lasanble Nasyonal! Devan Lasanble Nasyonal i annan sa Lalwa ki Gouvernman in anmennen avek sa Lalwa ki Gouvernman in anmennen i annan en lamannman ki’n ganny propoze e ki’n swiv tou son lord, me ki ziska aprezan nou pan kapab koz lo la – ok?  Se sa.  E rezon ki nou pan kapab koz lo la se parske Gouvernman in anmenn Lasanble Nasyonal Ankour.  Alor se pou sa nou anvi konnen, eski zot pare pou koze?  Kan eski zot pou koze? me apre Mr Speaker mon anvi demann Minis letan bann dimoun pou ganny zot back pay?  Parske dan sa sirkiler i pa nonm nanryen.

Nou konnen ki poudir ozordi lapey i baze i (ki mannyer i apele sa?)  I progressive.  I progresiv.  Letan bann dimoun pou ganny zot back pay baze lo sa 5poursan definitivman sa dimoun  ki ganny – sa travayer ki pe ganny en logmantasyon R250 letan i pou’n son kantite mwan si son lapey i annan ki pe ganny pres R10,000mil son lapey pou monte li i pou al dan en lot band.

Eski zot pou fer sa bann dimoun pey taks lo sa larzan ki pou azout avek zot lapey, ki pou fer ki zot saler Desanm i pou bokou pli o?  Eski zot pou pey taks oubyen eski pou annan en egzanpsyon?  E si pou annan egzanpsyon anba ki regilasyon ki zot pou fer sa?  E apre sa Mr Speaker, mon ti anvi zis dir avek Minis Finans, ki mon pa pou anmenn li Ankour me lo lot kote zis pou remind li, ki poudir R150 se bann carers ki fer half day ki zot ti pou ganny anviron R150 dan sa logmantasyon.  Mersi bokou.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker lenformasyon e rapor ki mon annan la, se ki in annan konsiltasyon avek Leader Lopozisyon, Leader Zafer Gouvernman dan Lasanble Nasyonal, SCCI e rapor in deza ganny soumet avek Prezidan.  Alor rekomandasyon  Lakour in ganny swiv e rapor i dan posesyon Prezidan.

Mr Speaker mon ti a kontan fer kler, desizyon ki Prezidan in pran napa nanryen mal, napa nanryen imoral, e napa nanryen ilegal apard anbelir lapey atraver sa supplementation allowance tou sa milye travayer servis piblik, swivan rekomandasyon ki’n ganny fer!  Napa nanryen mal ladan.  Mon a retourn lo S.I 34, S.I 34 wi i anba Employment Act – i egzanpte servis piblik, me nou mon dir me nou adopte sa formil.

E Onorab ou’n demande eski la ler 13enm mwan saler pou ganny peye, eski 13enm mwan saler i pou servi konman baz konpitasyon pou enkli sa 5poursan?  Wi ler nou pou ganny en nouvo salary table so si Lasanble i deside aprouv sa lotorite wi otomatikman i pa pou fer okenn problenm an Zanvye ler  zot ganny zot pti larzan baze lo sa 5poursan ogmantasyon.  Mersi.

 

MR SPEAKER

Mersi Vis-Prezidan.  Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker nou pa le polemik sa zafer R150 – R274 me bann carer, zot, zot ti gannyen zot 5poursan ogmantasyon depi Zanvye.  So zot pa pou gannyen la zot.  Pou peryod Avril ziska Novanm, pou napa taks lo sa back pay, me nou pou anmenn en regilasyon pou donn sa pouvwar egzanpsyon e sa nou pe travay avek Attorney Zeneral pou fer le neseser.  Donk i pou inikman aplikab la pou le mwan Desanm.  Mersi Mr Speaker.

 

MR SPEAKER

Mersi Minis.  Bon mon pou ouver en pti pe kestyon avek lalis ki mon annan devan mwan.  Onorab Audrey Vidot.

 

HON AUDREY VIDOT

Mersi Mr Chair Mr Speaker.  Bonzour VP avek ou delegasyon, tou Manm Onorab e bann dimoun ki a lekout.  Mon kestyon pou Minis Finans.  Minis eski ou kapab eklersi nou 2020 konmansman Zanvye, eski sa logmantasyon pou minimonm salary wage i pou parey sa R500 parey i ti ganny prononse?  E si sa allowance ki Vis-Prezidan in anonse i pou afekte sa logmantasyon ki pou konmanse Zanvye lo minimonm salary wage.

Apre osi mon le konnen si Lasanble Nasyonal an son totalite ti vot lo sa 5poursan, eski i vedir ki apard sa logmantasyon 5poursan, bann ki lo minimonm salary grade ki ti pou ganny sa R500 i ti pou ganny plus ki zot pe benefisye avek, ki fer ki 2020 ler zot ti pou ganny zot 13enm mwan saler, osi ki ti pou ankor plis ki zot ti pou gannyen ankor sa lannen?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Wi Onorab i annan de keksoz ;- letan nou donn sa 5poursan i pou sorti minimonm wage 5,004 pou mont 5008 ekek.  So i pou ogmante.   Me sa salary grid table sa Prozedlwa i isi, so nou bezwen esper aprouvasyon sa – akoz nou fer provizyon pou nou étal sa bann salary table  ou konpran? Pou kouver tou dimoun depi pli ba ziska pli o.  So de keksoz la – en ?  So i pou gannyen son 5poursan e i pou ganny son R500 osi ki mon ti mansyonnen dan Bidze.  Fotespere la mon klarifye.  Mersi.

 

MR SPEAKER

Mersi Minis.  Onorab Vidot.

 

HON AUDREY VIDOT

Mersi Mr Speaker.  Savedir Minis ou pe konfirm ek nou la ,ki sa bann dimoun ki ti pou dan servis piblik ki ou’n dir ti pou benefisye sa larzan, zot ti pou ganny plis ki R450 ki a sa letan, letan i ti dan diskisyon 5poursan ki LDS ti propoze pou amande ;- savedir i ti pou plis ankor ki Gouvernman ti pou donnen i ti pou bokou plis ki sa R450?  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Ok mersi Mr Speaker.  Mersi Onorab nou pe konsilte en pti pe la.  Mon krwar i bon note ki zot pou mont lo saler R5807mil.  I salary band 1 step 7ok?  So zot pou ganny osi sa sa salary grid i pou aprouve zot pou ganny 5poursan lo zot saler de-baz – en?  Se sa ki zot pou ganny 5poursan zot lo – e sa pou anmenn zot lo 5807mil.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Wi  Minis bonzour.  Me swivan sa kestyon ki Onorab Vidot in poze la, mon ti a kontan demande me si zot pran sa formil ki nou, nou ti’n propoze be ou a krwar poudir bann dimoun ti pou desot R6mil!  Konmsi pa ti pou ganny plis konmsi?  Be – ?  Anyway.

         Mr Speaker mon sa ki mon ti a kontan dir se ki Minis in fer en teknik ‘’manz bannann e anvoy lapo lo nou’’  i enportan ki nou klarifye sa.  Akoz pa nou – nou pa met dimoun Lakour nou Prezidan Danny Rollen Faure ki met dimoun Lakour !

So, so  (i pe sey) – Minis in vir sa lo nou konmkwa nou pe threaten pou met li Ankour.  Me  an realite i montre lekel ki met dimoun Ankour.  I met ou Lakour Mr Speaker.  So mon krwar i en pwen ki i neseser pou nou fer.  Me selman mon 2enm pwen se lo sa rapor sa Komite.  Me Vis-Prezidan sa Komite ki  mwan mon ti asiz lo la anler dan Speaker’s Conference Room, mon pa’n war en rapor ki in fer mwan! Konmsi zot pe fer parey dan Pension Fund la, konmsi i annan serten dimoun ki ganny rapor?  Bann lezot dimoun ki lo Komite – bann lezot direkter pa gannyen rapor?  Be sa nou fek tande poudir -.  I bann keksoz ki pa legal sa !  Konmsi  mwan ti a kontan vreman si ou kapab dir avek nou, pou lapenn  mwan mon’n mont anler lo sa Komite avek mon bann koleg, donn mwan en kopi sa rapor ki dir avek Prezidan,

‘’Donn malere R274!’’

‘’Donn bann milyonner R4000mil !’’ Montre mwan sa rapor ki dir sa ! Akoz ou’n dir nou se sa ki sa rapor in  vin propoze avek Prezidan.  So donn nou sa !

E mwan mon  ti a kontan ki Minis i kapab dir nou Vis- Prezidan i kapab dir nou klerman ;-  eski wi oubyen non dan sa propozisyon ki zot pe fer i annan ki pou ganny R274 e i annan ki pou ganny R3000mil an montan?

Eski zot in – ?  Akoz i enportan pou lepep Seselwa konnen kote son Gouvernman, son Egzekitif i debout.  Eski wi oubyen non sa ki zot pe propoze pou annan i annan ki pou ganny R274 i annan ki pou ganny R3000mil an montan?

E finalman Mr Speaker mon ti a kontan demann avek Vis-Prezidan be si se sa ki zot anvi e ki zot in deside pou zot pa ekout Lord Lakour, akoz Lakour ki zot menm zot dir poudir i Siprenm e ki nou pa devret enterfer dan Lakour, Lakour in dir zot asize koze, me zot pou bezwen pran responsabilite zot menm!  Akoz nou, nou  pa kontan sa sityasyon kot lelefan pe lager sa malere ki pe ganny kraze.  E i annan 8mwan ki zot pe kraz sa malere, Akoz zot in met keksoz dan kloz zot in blok tou keksoz.  So zot a bezwen mon kar Vis-Prezidan i bezwen kapab dir nou poudir i pare pou li aksepte ki finalman son Gouvernman se enn bann Gouvernman ki pli enzis, ki’n deza egziste dan Sesel akoz zot pe ensiste pou mentenir en gran lenzistis ;- donn sa pli bezwen en pti gin, donn sa ki pa tro bezwen bokou plis.  Mersi.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker zis premye keksoz mon fer sorti – Onorab sa dimoun ki Minis in koz lo la R5807mil la avek sa propozisyon 5poursan, i pou sote R6000mil avek son long service allowance ankor par lao  la.  Mr Speaker Lakour i la pou ganny servi.  I en lenstitisyon ki la dan pei i la pou ganny servi.  Napa nanryen mal si Gouvernman i santi i bezwen servi en tel lenstitisyon, e i pe lager pou byennet son bann travayer!  Pa fer nou krwar poudir isi 274 kont R4000mil.  Sa latab saler i en fason fer ki rekonnet leksperyans, konesans, konpleksite travay bann sityasyon difisil ki bann dimoun in travay ladan.  E si ou pou al donn tou dimoun parey ou pou annan en melimelo dan ou sistenm latab saler servis piblik.

Nenport ki Gouvernman  – malgre apel nou Gouvernman ki pli pir – nenport ki Gouvernman pou bezwen servi sa.  E sa latab servis piblik ler i ti ganny fer la, bann eksper sorti deor ki ti vini, ‘’nul ne prophète chex soi. ’’  Si nou spesyalis nou menm, ti pou dir  pa bon !  Nou pran etranze siporte par Commonwealth, pou vini pou kapab gete ki mannyer nou aranz li, e nou’n aranz li enn fwa pou tou nou met dan Lalwa, ki nou pe swiv dousman, dousman.  E sa dyalog ki pe anmennen ozordi, sa largiman ki pe anmennen ozordi, pa ti anmennen an Desanm sa! Ou  konpran?

‘’Byen koze i fer byen konpran mal koze i fer diskisyon.’’ Ki mannyer an Desanm e la detrwa mwan pli tar ou’n sanz ou pozisyon?  380Degre 180Degre?  Mon pe relax Mr Speaker me selman nou pa kapab apresye sa.  I annan lezot benefis ki bann travayer  ki’n travay lontan e Prezidan in fer ;- dan vizit ki’n al fer e dan bann landrwa ki’n al vizite in met sa devan, in dir  annou konmans li koumsa.  E  en long service allowance in mete ;- i annan sa 5poursan ki’n mete, e ler nou pe lager nou pa pe lager – nou pe diskite pou byennet travayer servis piblik.  Napa nanryen mal, ilegal oubyen moral ek sa.  Kontrer  bon keksoz ki nou pe fer.  Ou  konpran?  Be lekel ki’n bloke?  Pa nou.  Konmsi byen koze i fer byen konpran.  Mersi Mr Speaker.

 

MR SPEAKER

Mersi Vis-Prezidan.  Onorab Ferrari.

 

HON JEAN-FRANCOIS FERRARI

Mr Speaker 2 klarifikasyon.  I esansyel pou nou montre klarifikasyon ;- lekel ki’n bloke?

 

(Interruption)

 

HON JEAN-FRANCOIS FERRARI

Be Mr Speaker.

 

MR SPEAKER

Order!  Order!  Order!  Bon mon annan plizyer Manm lo lalis e mon anvi fini par 10.30 ok?  Mon anvi fini par 10.30 si nou enteronpe, mon pa pou pran break – nou pou ale en sel tre nou ava ale ziska 11er, 11er nou pa pou pran break nou ava fer antre bann heads e nou ava kontinyen nou travay.   Mwan mon pare mon annan tou sa lenerzi pou mon travay sa lazournen antye san break.  Si zot santi zot pou enteronpe e zot pou delay deba,  mwan mon pare pou sa – ok?  Onorab Ferrari.

 

HON JEAN-FRANCOIS FERRARI

Mersi Mr Speaker.  Mon krwar tou dimoun i konnen poudir blokaz in arive ler Prezidan Larepiblik in deside ‘’out of the blue,’’ pou met Lasanble e ou Ankour! Se la kot blokaz in arive!

 

(APPLAUSE)

 

 

HON JEAN-FRANCOIS FERRARI

Mon 2enm pwen – mon 2enm pwen se ki ou menm ou konnen poudir  dernyen back pay ti an ’72 – la gran mersi 15 lo 10 at least mon konnen pou annan dimoun pou ganny en back pay e deza sa i soulaz mon leker.

 

 

(APPLAUSE)

 

 

HON JEAN-FRANCOIS FERRARI

Me selman, me selman Mr Speaker, Vis-Prezidan pa’n reponn mon  kestyon.  Mon’n demann en kestyon tre senp – tre, tre senp ;- eski wi ou non i annan dimoun ki pou ganny li R274, anba son sistenm e i annan lezot ki pou ganny R3000mil an montan?  Se tou ki mon’n demande.  Mersi.

 

MR SPEAKER

Mersi Onorab. Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Onorab baze lo latab saler parey mon’n dir, ki reflekte konpleksite travay lo tou nivo  -depi pli o ziska pli ba, la avek fason ki’n ganny propoze, ou pa kapab donn tou dimoun menm sonm.  Nou pa ti pou en Gouvernman responsab.  Nou pa en Gouvernman ki pe zis get eleksyon, me nou pe get en nou en Gouvernman ki pe get keksoz pou progresyon, pou lot zenerasyon, pou nou popilasyon kapab epanouir se pou sa rezon nou vin avek sa formil.  An Desanm sa deba tou dimoun ti dakor avek.  La ozordi nou pa dakor !

Wi Mr Speaker i annan pou ganny mwens i annan ki pou ganny plis.  Be sa i zis en aksyon dan lezot aksyon ki pe vin ankor lannen prosenn, byensir avek laprouvasyon Lasanble.

Mr Speaker rapor ti ganny propoze avek Prezidan Larepiblik e Prezidan Larepiblik i annan sa preogatif pou gete si nou pou partaz sa rapor parey Onorab ou’n demande.  Mersi Mr Speaker.

 

MR SPEAKER

Mersi Vis-Prezidan.  Onorab Churchill Gill.

 

HON CHURCHILL GILL

Mersi Mr Speaker.  Bonzour VP ek ou delegasyon.  mon annan 2 kestyon ;- enn pou Minis Finans apre enn pou DPA.  Pou Minis Finans, vi ki Bidze 2019 pe ariv a son lafen ki ti pou arive avek sa R62milyon si en desizyon pa ti ganny pran lo pou servi sa larzan pou donn dimoun sa saler?  Ki ti pou arive avek ler ou fini 2019?

Mon 2enm kestyon pou DPA, si keksoz i al parey ki pe ganny propoze, ki pou arive avek bann dimoun – vi ki sa pou pran lefe depi Avril, ki pou arive ek bann dimoun ki Avril zot ti dan lanplwa, me selman Zen, Zilyet oubyen Out zot in sorti dan lanplwa.  Eski sa bann dimoun pou letan Avril zot ti dan lanplwa zot pou benefisye avek sa?  Mersi.

 

MR SPEAKER

Mersi Onorab Churchill Gill.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab larepons i senp, i pou retourn dan Consolidated Fund.  Mersi Mr Speaker.

 

MR SPEAKER

2enm pou kestyon Vis-Prezidan.

 

THE VICE-PRESIDENT MR VINCENT MERITON

En dimoun ki ti la an Avril epi in kite an Out oubyen Septanm i kapab claim sa bout ki i pou  merite.  Wi.

 

MR SPEAKER

Mersi Vis-Prezidan.  Onorab Churchill Gill.

 

HON CHURCHILL GILL

Zis en presizyon si Minis i kapab donn nou ler i dir nou i pe retourn dan Consolidated Fund eski sa i vedir ki basically i pa pe ganny allocate kot i ti ganny vote avan, si i pe retourn dan Consolidated?  As a normal sum?

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi i pou napa en vot kont li.  Mersi.

 

MR SPEAKER

Mersi Minis.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker mon kestyon pou Vis-Prezidan avek Minis i sa enn ;- etandonnen ki sa Lalwa ki ti ganny anmennen par Gouvernman pou sanz sa tarif dan sa schedule i ankor devan nou, avek en lamannman ki’n ganny propoze lo la, sa ki mon ti a kontan konnen konman en Manm Lasanble se si nou kontinyen e nou pas sa Lalwa avek son amannman eski Prezidan pou siny sa Lalwa?  Oubyen eski i pou dir nou, mon pa kapab sinyen, akoz mon’n fini depans sa larzan avek sa supplementation parey zot in eksplike bomaten.  E mon’n fer sa dan en fason ki mwan Prezidan dan legzersis mon pouwar egzekitif mon’n war li bon olye swiv desizyon Lasanble, ki sa sel Lotorite ki annan pouvwar pou aprouv depans larzan piblik?  Eski Prezidan Faure pou pe dir nou ki ‘’son’’ Pouvwar i pli for ki Lakour Siprenm ek Pouvwar Lasanble Nasyonal?  Eski se sa mesaz ki i pou dir nou?

 

(APPLAUSE)

 

MR SPEAKER

Mersi Onorab Georges.  Vis- Prezidan?

 

THE VICE-PRESIDENT MR VINCENT MERITON

Mersi Mr Speaker.

 

MR SPEAKER

En pti moman Vis-Prezidan.  Onorab Georges ou pe mean Lakour Siprenm – Lakour Konstitisyonnel?

 

HON BERNARD GEORGES

Mersi Mr Speaker.  Mr Speaker Lakour Konstitisyonnel i en brans Lakour Siprenm, se pou sa rezon ki mon’n servi sa.  Me annefe i ti Lakour Konstitisyonnel ki sa case ti devan li.  Mersi.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker fodre mon fer sorti byen kler ki Prezidan Danny Faure i respekte bann lenstitisyon e i en zonm ki’n kree, anbelir e fer sir ki bann lenstitisyon i fonksyonnen san lenterferans.  Zot konnen zot menm ;- bann Minis e les zot delivre pou lepep Seselwa dan en lanvironnman enklisivite

         Ou get dimoun ki kapab travay san get son background politik, sosyal  e relizye e les zot travay baze lo zot konpetans e sa devouman pou Sesel e pou lepep Seselwa.  Prezidan i respekte lendepandans bann lenstitisyon tou le 3 brans Gouvernman.  E Prezidan avan ler in pran en tel desizyon, in dormi lo sa size.  In levé bomaten in kalkile, ‘’ki mon pa kapab les sor de milye travayer servis piblik zis pase koumsa.  Mon bezwen kapab get dan zot welfare.’’ E  se pou sa rezon ki in pran sa desizyon.

E dan sa desizyon i pa’n al an kont okenn desizyon ki en lot brans in pran.  Napa nanryen ki ilegal, imoral oubyen mal ki in fer.  In fer sa ki byen.  Prezidan e se zisteman ki nou pe espekte Onorab pou pas sa Bill e letan i ava assent i a met tou keksoz annord. Tou bann Constitutional Appointees i a ganny zot logmantasyon e i ava en keksoz byen normal pou nou al de lavan.  Mersi Mr Speaker.

 

MR SPEAKER

Mersi Vis-Prezidan.  Onorab Georges.

 

HON BERNARD GEORGES

Mersi Mr Speaker.  Mon’m admir leloz ki Vis-Prezidan in fer pou son Prezidan, me dan sa leloz i pa’n tous mon kestyon ditou!  In kit li ater!

 

(laughter)

 

HON BERNARD GEORGES

Sa ki mwan mon ti a kontan konnen, se si nou pas sa Lalwa avek son lamannman?   E ezon mon demann sa i kler, se ki Prezidan in met en Lalwa devan nou e pandan ki nou pe ankor deliber lo sa ki Lalwa in ale in depans sa larzan dan en fason ki li i war li byen, san esper nou pran en desizyon lo ki mannyer pou depans sa larzan ki li in anvoy kot nou, pou nou pran sa desizyon !

Mwan mon konfize e mon konnen akoz mon konfize !  Se akoz Prezidan dan son desizyon in konfiz e li e pep Seselwa antye!  Se sa premye kestyon mon anvi konnen.  Eski si nou pas sa Lalwa ozordi ki nou annan tou drwa e prerogatif pou fer eski Prezidan pou dir nou, mon pa pou kapab sinyen akoz mon’n fini depans larzan?  Mon’n demann zot aprouv pou mwan depanse, me avan ki zot aprouve mon’n fini taye mon fini depanse !

Eski se sa ki Minis – ki Vis-Prezidan pe dir nou ki sa Prezidan in fer son leloz bomaten in fer avek larzan?  Mersi Mr Speaker.

 

MR SPEAKER

Mersi Onorab Georges. Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mersi Onorab.  Annefe Prezidan pe espere ki sa Lalwa i vin devan li pou li kapab assent pou nou kapab bouz devan.

 

MR SPEAKER

Mersi Vis-Prezidan.  Onorab Simon Gill.

 

HON SIMON GILL

Mersi Mr Speaker.  Bonzour Mr Speaker.  Bonzour tou koleg Onorab, Minis, Vis-Prezidan e tou Manm piblik ki pe ekoute.  Mr Speaker kestyon saler, toultan mon’n koz lo la i en size tre polemik e i en size ki toultan ki i annan politisyen dan nenport ki pei, nou pou fer saler vin en size politik !  E i normal ki LDS i fer kestyon saler en size politik.  I normal annou kontinyen fer li.  I normal.

Me sa ki pa normal  Mr Speaker, se ki lannen 2019 pe fini, e travayer pa pou ganny son logmantasyon ki ti’n prevwar dan Lalwa ki ti’n met devan Lasanble Nasyonal apre ki S.I in ganny pibliye Lasanble Nasyonal LDS mazorite dan sa Lasanble in pran en desizyon pou quash sa S.I !  E se sa ki in fer ki in kre tou sa melimelo ki travayer Seselwa ki’n trouve dan sa pei !

 

(APPLAUSE)

 

HON SIMON GILL

Melimelo lo kestyon logmantasyon 5poursan se LDS ki responsab pa nou United Seychelles! United Seychelles i pare pou bouze ! United Seychelles i pare pou donn travayer zot logmantasyon!  LDS boul i dan zot kort.  Bouze aprouv sa Prozedlwa pou ki tou keksoz i ganny regilarize.  Se sa ki travayer pe espere deor la ;- regilariz sa Prozedlwa par aprouv li.

Me nou konnen akoz politisyen pe fer politik zot oule amann sa Prozedlwa!  Amande vote si zot oule vot lo la, vote epi nou a gete ki i arive.  Si zot oule vot kont sa Prozedlwa ki devan Lasanble, ki donn lefe sa 5poursan saler, vot kont sa Prozedlwa!  Dir travayer poudir nou pa oule sa Prozedlwa ki’n vin la.  Vot kont li!

L’Egzekitif i a pran desizyon ki i fer.  Si zot le amande zot annan mazorite dan sa Lasanble Nasyonal amann sa Prozedlwa vot lo la !  Akoz ki nou trennen e travayer pe asize pe esper zot la deor ?

 

MR SPEAKER

Onorab Vis-Prezidan avek Minis pe atann kestyon.  Kestyon.

 

(APPLAUSE)

 

HON SIMON GILL

Mr Speaker kestyon i senp pou nou Minis Finans avek nou VP reponn.  Premye kestyon eski sa supplementation allowance ki Prezidan Larepiblik Mr Danny Faure, in pronons li lo la, in dir pou donn travayer e back date li depi Avril e ki i pou donn zot sa package lo zot saler Desanm, eski in kas okenn Lalwa?  Eski i vedir ki i pa’n ekout lord ki Lakour in donnen?  Eski i enplike dan sa desizyon ki li in pran?

Eski i vedir sa?  Sa i 2 kestyon ki i enportan nou reponn ozordi bomaten, pou ki lepep la deor i konnen, e i konpran kwa ki’n arive egzakteman.  Mersi bokou.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker mon repet sa ki mon’n dir avan.  Napa nanryen mal, ilegal, oubyen imoral ler Prezidan ti pran son desizyon.  E en larepons kourt – se non,  napa nanryen mal ki nou’n fer o kontrer nou get byennet e fetekoz e sor dan bann milye travayer servis piblik ki pa ti pou fet Nwel ek Lannen byen si Prezidan pa ti pran sa desizyon.  Mersi Mr Speaker.

 

(APPLAUSE)

 

 

MR SPEAKER

Mersi Vis-Prezidan.  Onorab Ahmed Afif.

 

HON AHMED AFIF

Mersi Mr Speaker.  Mr Speaker premyerman konm dir Vis-Prezidan ‘’byen koze i fer byen konpran’’ me mwan  mon pa’n konpran ditou ki pozisyon Gouvernman, vizavi lefe ki zot dir zot pe al pey allowance,   s si Lasanble i aprouv sa public service salary grid parey in ganny mete kote zot pou ganny larzan Prezidan si i pou assent pou bezwen dir pa kapab assent parske larzan in fini depanse?  Sa kestyon pa’n ganny reponn ditou.

Dezyenmman mon ti a kontan fer kler ki ler Lasanble Nasyonal, ti prepar en revised salary grid i ti pou donn tou Seselwa depi Avril,  ti’n pare en logmantasyon R450 apre ki i ti’n tir taks ti’n fini pare se pa kote latab ki ti met retar ek sa prosesis, parske se Gouvernman e Prezidan ki ti deside anil sa prose e al Lakour!

Sa kote latab nou ti’n pare pou fer sir napa dimoun ki ganny R274 e en bann i ganny R3000mil!

 

(APPLAUSE)

 

 

HON AHMED AFIF

Avril 2019 nou ti’n pare avek en propozisyon pou met lo latab, me nou ti bezwen arete akoz Gouvernman ti dir tenir zot, zot pa oule !  Zot anvi en bann i ganny 3000mil en bann pou ganny 274.  Annou fer sa kler.

Mon 3enm pwen se mon ti a kontan si Vis-Prezidan i kapab eksplik nou, sa ki  mwan mon war konman en lenkonsistans, i dir poudir sa salary grid set en keksoz konpleks i enportan, nou’n anmenn eksper sorti Commonwealth,se sa ki gid lafason ki tou dimoun i ganny peye.  Me in pran sa in met de-kote konpletman, pa’n servi ditou, en sel kou tou dimoun in ganny 5poursan! Ki lenportans sa salary grid? Eksplik mwan ki mannyer  zot war sa i marse?

Dernyen kestyon, ler zot dir poudir dan 13enm mwan Gouvernman li i pou enkli sa allowance  ki zot pe propoze, eski sa i pa kont Lalwa Employment Act ki ti ganny amande le 29 Desanm 2016 e ki dir konm swivan anba 46 (c): ‘’‘The amount of the 13th month pay is equivalent to the monthly salary worker excluding any allowance or other monetary benefits forming part of the salary’’.

Eski zot pe dir ek nou ki Gouvernman pou kas Lalwa?  Mersi Mr Speaker.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mon a pran dernyen kestyon avan.  Si nou pas sa Lalwa ki devan nou la, nou enkorpor sa 5poursan ki Prezidan in donn en lord egzekitif pei travayer, nou enkorpor li dan saler de-baz then i ava marse pou 13enm mwan saler, me selman pa depi Zanvye akoz sa depi Avril, so i pou mars son lannen apre.  Ou ganny mwan? Premye.

Dezyenmman ki lenportans ou’n dir sa 5poursan saler ?  Sa 5poursan saler ler Lasanble Nasyonal i aprouv sa case ki devan zot, then i a form parti ou saler de-baz ki pou inbuilt e i pou kapab bouze.  Ou premye kestyon menm zafer, nou pou merge sa 5poursan ki nou’n dir la, ou pou merge ek sa Lalwa, pou kapab fer keksoz marse – flow byen.  So pas sa Lalwa prezan piblik i assent e tou keksoz i tonm annord.  Mr Chairman mersi.

 

MR SPEAKER

Mersi Vis-Prezidan.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab sa R62milyon la nou pa ankor depanse sa.  Nou pa ankor depans.  I la li.  Me parey ou konnen avek sa nouvo lord nou annan bann sistenm administratif, ki pe fer le neseser dan payroll pou peye.  Alor pwen ki mon anvi fer sorti se si zot le regard sa Lalwa ki devan zot, zot pou bezwen fer li sa semenn, akoz payroll i annan en timeline.  Si zot pase la sa semenn nou kapab fer li pas dan payroll e sa problenm i ava rezourd en sel kou.  E mwan anvi osi dir ou ki wi pli ba i 274 e pli o anvi i ekskli bokou bann dimoun Constitutional Appointees and so on, maksimonm apepre pou dan R2700mil ogmantasyon lo sa 5poursan ki reprezant bann saler bann CEO par egzanp so en margin ki 274 ziska 2700 apepre.  Mersi Mr Speaker.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Speaker.  Mr Speaker ler Minis i dir pa ankor depanse, mon pa tro konpran sa pozisyon, parske zot in fini donn lenstriksyon tou bann administrasyon partou atraver zot memo yer, fini prepar payroll i pe ale.  Be eski koumsa ki en Gouvernman i travay?  Zot blok en propozisyon ki ti la, e ler i ariv – ler Lakour i donn en lord pou asize pou koze, zot pa koze, zot pase zot dir la i la nou pe al depans en allowance ki napa nanryen pou fer ek salary grid;- napa nanryen pou fer avek, apre  i dir be annou diskit salary  grid pou demen bomaten akoz Zedi pe al pas payroll.  Sa set en fason travay dezord ki nou lo sa kote latab nou pa abitye avek nou !

 

(APPLAUSE)

 

HON AHMED AFIF

Nou pa abitye ek sa kalite travay nou.  E dezyenmman sa pozisyon lo 13enm mwan, sa ki Vis-Prezidan in fek reponn mwan i sanz zot pozisyon, parske taler zot ti dir sa allowance pou enkli ladan.

 

(Interruption)

 

(APPLAUSE)

 

HON AHMED AFIF

Zot ti dir pou enkli,  be la zot pe sanz pozisyon, so i kler poudir Gouvernman pa konnen ki i pe fer lo sa zafer saler.  Sa i kler pou mwan e mon ti a kontan konnen ki mannyer nou pou al devan.  Minis mon ti a kontan en komitman avek ou osi, ki si Lasanble i aprouv sa public salary grid, parey nou ti propoze ki zot pou assent.

 

MR SPEAKER

Mersi Onorab.   Vis-Prezidan?  Minis?

 

MINISTER MAURICE LOUSTAU-LALANNE

Mersi Mr Speaker.  Mr Speaker zis mon repete sa 62milyon la i committed.  I pou mwens dan en fason, me i committed me i pa ankor depanse.   I pa ankor sorti dan Bidze.  Sa fodre nou fer li kler.  I pa ankor sorti dan Consolidated Fund – mon krwar parey nou dir dan nou larepons Prezidan Larepiblik i pe ekspekte si zot pas sa Prozedlwa parey in ganny propoze.  Si zot fer zot lamannman pou met R450 pou tou dimoun ladan, mon pa kapab koz pou Prezidan Larepiblik – mon pa Prezidan mwan, me mon pa krwar senserman ki Prezidan Larepiblik pou assent R450.  Mersi Mr Speaker.

 

MR SPEAKER

Mersi Minis.  Vis-Prezidan.

 

THE VICE-PRESIDENT MR VINCENT MERITON

Mr Speaker avan mon ale mon  ti a kontan fer kler. Mon’n nonm 13rnm mwan saler, si i ganny enkorpor dan saler de-baz Onorab.   Verbatim pou donn mwan rezon – petet ou ti pe – ou lespri pa ti la, me selman mon pa’n dir.  E si verbatim i montre   mwan mon mal mon resign !

 

MR SPEAKER

Mersi Vis-Prezidan.  Onorab Johan Loze.

 

HON JOHAN LOZE

Mersi Mr Speaker.  Bonzour Mr Speaker le de Minis avek zot delegasyon, tou Manm koleg Onorab e tou dimoun a lekout, bonzour.  Mr Vis- Prezidan – dabor Mr Speaker mon zis anvi an pasan koriz en mansonz ki’n ganny koze la, LDS i pourswiv byen dimoun konman en dimoun ki’n ganny pourswiv pou R1milyon mon konn sa tre byen.  Mon’n ganny pourswiv par Onorab Ramkalawan.

 

MR SPEAKER

Onorab, Onorab  annou poz   lo kestyon.

 

HON JOHAN LOZE

Mon premye kestyon, eski travayer servis piblik zot pou ganny zot larzan cash money, larzan Sesel, avek zot back pay la an Desanm, swivan sa lord ki Prezidan in sinyen sa mon premye kestyon?  Eski travayer servis piblik pou ganny zot larzan?

Mon 2enm kestyon eski sa ki Prezidan in fer i legal, i annord, i an konformite avek the law of the land, kontrerman avek bann mansonz ki’n ganny koze Dimans Beau Vallon?

Mon 3enm kestyon Mr Speaker, eski Prezidan i annan pouvwar pou li fer sa ki in fer la?  Eski i annan sa pouvwar egzekitif pou li pran sa desizyon e fer sa ki’n fer?  Mersi pou le moman Mr Speaker.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab wi Onorab mon kapab konfirmen ki payroll pou mwann Desanm pou konmans peye le 17 Desanm ziska le 20 Desanm.  Parey toultan nou fer nou pey in batches.  So wi nou pou ganny peye le 17 Desanm ziska le 20 Desanm.  E pou 2enm kestyon mon a les Minis Vis-Prezidan reponn avek ou laprouvasyon Mr Speaker.

 

MR SPEAKER

Mersi Minis.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker mon ti a kontan repete sa ki mon’n dir oparavan ;- sa ki Prezidan in fer i annord avek Lalwa, avek prensip  moralite – lobligasyon moral ki Gouvernman i annan pou li get son bann travayer.  E son pouvwar ti dan Konstitisyon.  Son pouvwar ti anba Appropriation Bill, 2019.  Son pouvwar i ti anba Public Service Salary Act.  So napa nanryen mal, ilegal, oubyen imoral ki in pran.   Me le  kontrer se get sor son bann travayer.  Mersi Mr Speaker.

 

MR SPEAKER

Mersi Vis-Prezidan.  Onorab Loze.

 

HON JOHAN LOZE

Mersi Mr Speaker.  Mr Speaker eskiz mwan si mon pe demann laparol, selman larzan lepep Seselwa nou pe koze la, en?  Travayer Gouvernman cash money – larzan Sesel.  Mr Speaker dan meeting Komite ki ti dan anler dan Lasanble la, ki Onorab Ferrari in fer referans lo la, PS Thésée ti warn sa Komite konmkwa  ki taks pou ganny  tire lo back pay.  E la mon’n tann Minis eksplike ki i pa pou tire ant Avril a Novanm.  Pou sa mon krwar lo behalf travayer servis piblik, mon pou fer en remersiman menm si i annan dimoun pe koz mansonz ankor, pe fer krwar zot pa ti konnen – PS Thésée ti dir la anler! Mon ti tande mwan! Mon ti  dan sa miting, kot ti ganny dir sa parol.

Mr Speaker mon le eklersi en senp keksoz avek Minis, pou annan logmantasyon R500 pou saler de-baz ki pran lefe an Zanvye – en logmantasyon R500 lo saler de-baz.  Pou annan en logmantasyon R274 lo 5poursan grid pou bann dimoun ki pe ganny saler de-baz.

As of Zanvye lafen di-mwan Zanvye sa 274 ek sa 500 la konbyen pou fer dimoun pou gannyen?  Sa bann dimoun at the very bottom la, mon le zot round up sa 5poursan avek sa 274 ki mon Prezidan ti anonse le 1 Me, zour Lafet Travayer konm kwa an Zanvye pou annan en logmantasyon R500 lo basic pay pou travayer Seselwa ki eskente ki  nou bezwen donn li son larzan pou li sa – !  Pa pou okenn personn isi anndan!  Pey Seselwa son larzan.  Mersi Mr Speaker.

 

 

(APPLAUSE)

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Speaker.  Mersi Onorab.  Onorab lo wage grid saler konmanse lo wage grid i toultan par lao minimum wage.   So dan sa ka parey mon’n eksplike boner, mon pou fer li monte pou li vin sa 5807.  E nou ankor pe espere sa probasyon sa salary table, sa salary grid, nou ankor pe espere.  So enn fwa ki nou ganny sa, nou ava aziste.

Parey Prezidan in eksplike i merge sa bann zafer pou fer li en salary wage grid amande, pou li reflekte sa bann desizyon ki nou pe pran, oubyen nou pe propoze la.  Mersi Mr Speaker.

 

MR SPEAKER

Mersi Minis.  Vis-Prezidan?  Non?  Mersi.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker mon premye kestyon in annan en larepons ki’n ganny donnen deza, selman pou mwan i still pa kler ;- premyerman mon a dir ki tou lede kote latab pa pe dir pa donn Seselwa larzan.  Tou ede kote latab pe dir donnen, me ladiferans i vin dan sa lakantite an term poursantaz.  Sa ki the main issue.  Aprezan mon kestyon Vis-Prezidan in dir napa nanryen mal, imoral, ilegal dan sa ki Prezidan in fer.  Prezan  mwan mon anvi demande, pou re eksplik mwan ek Lasanble e piblik Seselwa, kote egzakteman sa pouvwar e prerogatif pou Prezidan pran sa desizyon donn en supplementary allowance i sorti anliny avek Sapit 5 Konstitisyon, ki koz lo Lotorite Egzekitif Larepiblik e Sapit 7 ki diriz bann zafer finans e sirtou letan mon lir 13 dan lartik 13 dan Public Service Salary Act 2013 i dir: ‘The Minister may in consultation with the President, make regulations on  consistence with this Act for all matters which by or under this Act, are required or necessary to be provided for in giving effect to the provision of this Act’’.  So mon anvi konnen egzakteman kote ki son pouvwar oubyen son preogratif legal in tire pou li donn sa supplementary allowance.  Egzakteman kote?  Mon premye kestyon Mr Speaker.

Dezyenmman kestyon kekfwa ki Minis Finans i a donn nou en larepons, dan mon konprenezon pou mwan i se ki wi Lasanble ti vote 62milyon dan Bidze.  Napa Manm Lasanble ki avoka Gouvernman la anndan, (Permet bann dimoun ekout mwan aret disturb zot pou donn zot konsey ki pou dir)  Mon kestyon mon mete kestyon limero 2 mon war poudir 62milyon ti’n ganny vote pou sa logmantasyon 5poursan.  Me i ti ganny vote pou en logmantasyon 5poursan, dan basic salary.  La aprezan sa larzan pou al ganny servi pou supplementation allowance.   Mwan mon enterpret li konman en variance nou appel sa non?

Zot pe tir dan en head pe anvoy lo en lot, akoz basic salary avek mon konprenezon pou mwan sorti lo basic pou al lo allowance i de diferan headings, so mon anvi Minis Finans i dir nou si letan sa i arive, nenport Minister i kapab zis fer sa san demann li laprouvasyon an ekri ouswa enform li an ekri poudir i pe al fer e si sa i leka eski Prezidan ti ekri li?

So sa i mon 2enm kestyon.  Dernyen Mr Speaker zot pan koz ditou lo bann lorganizasyon paraetatik, eski zot, zpt pou gannyen sa supplementation allowance ki pe propoze?  Mersi.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker Gouvernman i pey en kantite allowance Onorab 200 Schemes of Service i annan apepre 200 Schemes of Service kot tou le mwan i annan bann peyman ki ganny fer.  Housing allowance tou le mwan i annan en kantite graduate i ganny zot housing allowance.  Sa supplementation ki Prezidan in donnen i enn sa bann allowance Mr Chairman.  So mon redir son pouvwar prezan i derive dan  sans pli abstre, pli larz dan Konstitisyon, dan Bidze 2019 Approporiation Act 2019 avek sa Lalwa Public Service Salary Act Mr Chairman.

So i an akord Prezidan i pan kas okenn Lalwa tou sa ki in fer parey i pe ganny fer atraver servis piblik, sa supplementation allowance i one of them.  Napa nanryen ki’n kase.  Mersi Mr Speaker.

 

MR SPEAKER

Mersi Vis-Prezidan.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab parey Vis- Prezidan in dir allowances la i pa dan okenn Lalwa li.  Le sel se sa base pay pou public servant.  Eski mon annan korespondans avek Prezidan Larepiblik?  Sa sirkiler ki’n ganny sorti ki’n ganny issue se sa kominikasyon kot nou ganny konsilte, e donk sa in fini arive.  Lot keksoz ki mon anvi dir ou se ki sa 62milyon ki ti ganny aprouve dan Bidze 2019, apre sa aprouvasyon, nou, nou’n appropriately anndan ‘’wages and salaries’’ dan tou sa bann Minister ek Departman, i annan en pe isi, en pe laba.  In fini ganny apportion anba sa head’’ wages’’ and salaries.  So pa neseser fer okenn virement si mon ti konpran ou byen, ou pe koz lo virement.  Pa neseser fer okenn akoz in fini ganny redistribye korekteman lo sa head.  Mersi bokou Mr Speaker.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.   Mon premye pwen, sete egzakteman kote in tir son pouvwar e prerogatif pou fer sa?  E larepons pli pir se pli abstre dan Konstitisyon.  Mon pa konpran ditou sa –  pouvwar abstre dan Konstitisyon.  Kekfwa mwan ki  annan en problenm dan sa 33 nou ki annan la anndan konman dimoun ki’n prêt serman, pou defann Konstitisyon, kot ki annan pouvwar abstre – mon pa konnen!

Dezyenmman Minis i dir ek nou poudir  sa kominikasyon in vin dan sirkiler.  Be sirkiler konman mon konpran in sirkile, depi ler Prezidan in  fini pran  en desizyon.  So i pa’n konsilte.  In konfirmen poudir i pa’n konsilte avek li.

E finalman zot pan reponn lo sa zafer paraetatik pou ganny enkli dan sa supplementation allowance.  E mon ti ava kontan si zot re enform nou lo rezondet ki bann Constitutional Appointees p’an ganny enkli akoz santiman deor – repet rezondet akoz santiman deor i se ki fason pou Prezidan vanze ver bann Ziz ki’n donn sa zizman e Lasanble ki pe negosye sa …

 

(Interruption)

 

HON GERVAIS HENRIE

… se ekskli le de.

Alor eksplike latab i pou zot, silvouple eklersi zot pozisyon.  Mersi.

 

(Interruption)

 

MR SPEAKER

Mersi.  Onorab Pillay, Onorab Loze in koze in fer referans avek speech Beau Vallon ;- lot in koze in fer referans avek se pa kwa ankor.  Onorab Henrie in fer referans avek bann Constitutional Appointees,  i pa pe imput okenn improper motives – ok?  Ou non i lo lalis ou ava ganny ou moman pou demann kestyon.  Vis- Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker Prezidan pa pratik vanzans.  Prezidan i en zonm ki pe anmenn linite dan pei.  En zonm ki pe travay pou anmenn enklisivite dan pei.

 

(APPLAUSE)

 

THE VICE-PRESIDENT MR VINCENT MERITON

En zonm ki konn demann pardon, ki  pardonnen Onorab.  Prezidan li menm li i pa pou gannyen e lezot Constitutional Appointees.  Nou aprouv sa Lalwa sa semenn e zot osi zot ganny zot pti zafer.

Mr Speaker i annan en kantite allowance ki ganny peye.  Housing allowance, graduate allowance nou konnen sa?  Ozordi i annan sa supplementation  nou pe kestyonnen. Bann allowance   bann Komite  ki bann dimoun i asiz lo la, nou pa kestyonnen, me tousala bann allowance ki marse pou kapab permet ki Gouvernman i fonksyonnen, pou larou Gouvernman fonksyonnen.  Mr Speaker, mersi.

 

MR SPEAKER

Mersi Vis-Prezidan.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab zis pou mwan klarifye;- efektivman dan Gouvernman avan nou issue en sirkiler, toultan i annan diskisyon ;- toultan i annan konsiltasyon, sirtou avek Minister Finans.  E se nou apre finalman nou dir, be ok proceed.  So in annan sa diskisyon;- in annan sa konsiltasyon avek sa sirkiler ki’n sorti  lo sa particular subject.

Wi parey mon dir dan mon larepons Constitutional Appointees li i annan en lot Lalwa ki dikte ki zot gannyen.  E se akoz sa ki nou eksklir li.  Tan ki zot prezan zot aman sa Lalwa letan zot al ganny sa Prozedlwa devan zot e parey Vis-Prezidan i dir si zot pase zot a ganny sa mwenza.  Mersi Mr Speaker.

 

MR SPEAKER

Minis i annan sa kestyon Paraetatik – travayer paraetatik.

 

MINISTER MAURICE LOUSTAU-LALANNE

Wi mersi Mr Speaker.  Mon pe rod sa sirkiler me mon krwar ki nou dir ki wi i pa pou – i non-binding on public entreprises.  So i antyerman a zot diskresyon.  E mon konnen i annan kekfwa serten osi ki’n deza donnen ;- kekfwa in donn menm plis.  Si zot Bidze i permet se antyerman a zot diskresyon. Nou pa pe enpoz sa lo zot.  Mersi Mr Speaker.

 

MR SPEAKER

Mersi Minis.  Onorab Sébastien Pillay.

 

HON SEBASTIEN PILLAY

Mersi Mr Speaker.  Bonzour Mr Speaker.  Mr Speaker ozordi mon krwar LDS in sey noy en pwason,  me eski ki i kapab – me pwason i reste dan delo, ou pa pou kapab noy en pwason Mr Speaker.  Mr Speaker mon pa konnen lekel ki LDS pa anvi ganny son 5poursan.  So Prezidan in sorti, MNA in sorti, Minis in sorti,  Ziz in sorti – tou bann ki sipoze sa bann i pli gro, tousala in sorti prezan i reste bann kad profesyonnel;- dokter enzenyer, bann ki’n al etidye deor pou zot ganny zot Degre zot avanse dan Gouvernman.  Prezan sa logmantasyon i benefisye sa group dimoun osi.

I nepli benefisye politisyen – i benefisye sa group dimoun.  So lekel sa bann dimoun ki zot pa oule i ganny sa 5poursan – mon pa ganny en konpran.  Akoz se sa ki mon pe sey konpran.  Zot in rod tou largiman pou zot sey atak sa supplementation.  Zot in dir dan zot Rally poudir i kont Lalwa.  Minis in prouve poudir i pa kont Lalwa.  Zot ti dir zot pe vin met en fren avek ler zot in vini zot in war zot fren, zot in regarde poudir be i  pa tro, tro vo lapenn  met en fren avek  met larzan dan pos Seselwa.  Annou sey gete.  Alor zot ale, zot atak konpansasyon, zot dir akoz konpansasyon i servi sa pou kalkile ?

me lekel sa travayer ki pa pou anvi en lot allowance ki i pe gannyen, ki pa enkli lo sa larzan konpansasyon?  Napa en travayer dan son right mind ki poudir ou pa servi bann allowance pou kalkil mon konpansasyon.  So zot bezwen careful LDS!  Aret zis sey vin defann en keksoz.  You were wrong to say that the supplementation is illegal. Annou aksepte and nou move on.

Mr Speaker let’s go back to the question e kestyon in ganny amply answered e  mon enplor ou Mr Speaker, anba 8 nou Standing Orders.  Sa kestyon in ganny reponn e reponn e reponn, and we keep trying to change the subject.  Nou anmenn Lalwa.  The question was eski sa allowance i ekivalan   logmantasyon dan saler bann travayer  servis piblik?  Larepons i non.

Eski kote Bidze pou ganny tire?  Lesplikasyon in ganny donnen kote i pou ganny tire dan Bidze.  Ki pe arive avek lobligasyon pou  … saler?   Lobligasyon i la.  E prezan Mr Chairman, mon ti a kontan demann sa, sa panel ki devan nou, nou dan Lasanble nou ti vot Bidze 2019 an 2018, e dan Bidze 2019 tou bann logmantasyon ti ganny enkli e nou tou nou ti ganny logmantasyon ki sa i 5percent increase dan sa Minister – sa i 5percent increase. 

        Personn lo lote kote latab pa ti dir zot pa dakor ek sa.  Tou zafer ti ok ziska ler Lalwa in vini, mon pa konnen ki’n arive dan deba apre, sityasyon in sanze.  So annou admet poudir sa i pe al met larzan dan pos Seselwa.  E sa ti ek sa kestyon Mr Speaker parey nou Standing Orders in dir in ganny amply answered.  So finalman le sel kestyon ki mon annan mon bezwen retourn back to Minister, eski sa allowance ki pe donnen i kont Lalwa?  Eski i kont Lalwa?

Non – be mon bezwen demande akoz se sa ki nou back on Mr Speaker!  Mon pa konnen akoz lot kote pe ‘’ronfle’’ lo la.

 

(Off-Mic)

 

MR SPEAKER

 

 

Non.  Onorab en moman, en moman.  Mon …

 

(Interruption)

 

MR SPEAKER

Order!  Order!  Order!  Onorab a sak moman ki en Manm LDS in poz son kestyon, ou osi tou ou’n enteronpe – ok?  Mon ti konnen ki ou pou lev sa ki LDS pe enteronp ou ler ou koze pa ti parey pou ou, akoz ou osi a sak moman ou enteronpe.  Now anba Standing Order 8 mon konnen – me an menm tan ki mon donn ou sa sans pou ou poz ou kestyon, i annan ankor 3 Manm ki lo mon lalis avan mon’n fermen, ki zot osi zot  enjoy menm privilez pou demann  lot zot kestyon.  Si par azar prezan zot santi ki zot kestyon ki zot pou koze in fini ganny repons i zot drwa pou zot dir Mr Speaker mon kestyon in ganny reponn, mon pa pou poze.  So alor mon pa retir sa avek lezot Manm.  Fini Onorab Pillay.

 

HON SEBASTIEN PILLAY

Mr Speaker i was wrong to say sa ki mon’n dir – mon mal mon pou admet e mon pou apologies avek ou Mr Speaker.

 

MR SPEAKER

Kontinyen Onorab.

 

HON SEBASTIEN PILLAY

Begging your indulgence Mr Speaker, mon pou kontinyen.  So mon premye kestyon Mr Speaker, i eski sa logmantasyon ki’n ganny donnen, i kont Lalwa parey pe ganny dir?  Sa supplementation allowance i kont Lalwa?

Dezyenmman;- eski travayer servis piblik pou benefisye avek en larzan an plis dan zot pos, avan lafen lannen?

`Trwazyenmman Mr Speaker ok, eski i pou annan en back pay lo sa bann allowances?  Mersi Mr Chairman.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Premye larepons i non.  2enm larepons – wi.  E 3enm larepons – wi.  Mersi.

 

(APPLAUSE)

 

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker vi ki nou etabli ki supplementation allowance i antyerman legal, e ki tou travayer Seselwa ki dan servis piblik pou benefisye avek en back pay avan lafen lannen, e vi ki nou etabli osi ki i annan larzan pou pey sa allowance, alors mon a kapab demann Vis-Prezidan avek Minis pou dir nou, eski zot kapab donn nou en langazman pou kontinyen siport travay ki Prezidan Faure pe fer, pou met larzan dan pos Seselwa?  Mersi Mr Speaker.

 

MR SPEAKER

Vis-Prezidan komanter.

 

THE VICE-PRESIDENT MR VINCENT MERITON

Mr Speaker premye fwa mon ganny en kestyon koumsa.  E nou Gouvernman nou pou kontinyen travay pou amelyor kondisyon lavi lepep Seselwa.  Nou met isi devan Lasanble akoz nou dan en zwe sa.  Sakenn i annan son rol pou zwe, nou met sa dan zot kort nou aprouve keksoz i marse.  Mersi Mr Speaker.

 

MR SPEAKER

Mersi Vis-Prezidan.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker pou mwan servi parol Onorab Ferrari ki’n dir donn Seselwa ki pli annan plis, e donn sa ki pli bezwen mwens, lefe ki sa allowance pa pe enkli bann dimoun dan bann pozisyon Konstitisyonnel, eski sa bann kategori dimoun ki dan pozisyon konstitisyonnel, pe al ganny okenn larzan la Desanm avan Nwel?  E nou pe koz an konbyen apepre e eski alors i pa osi normal ki sa ners, dokter, ansenyan e lezot travayer sekter piblik, ki osi enkli bann travayer DICT ki LDS in refize aprouv zot Bidz,e pou zot osi ki zot travay ki zour e nwit pou deservi i piblik Seselwa, ki osi enkli bann Manm Lasanble, eski i pa normal pou zot osi ganny en mwenza pou Nwel koumsa ‘’pickup back pay’’ i a osi monte se zot osi?  Mersi Mr Speaker.

 

MR SPEAKER

Mersi Onorab.   Minister?

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab parey ou konnen, bann apwentman Konstitisyonnel anba Lalwa, zot pou gannyen en mwenza.  E zot ganny li lafen lannen ki 25poursan Gratwite.  Mersi Mr Speaker.

 

MR SPEAKER

Mersi Minis.  Onorab Ghislain.

 

HON CHANTAL GHISLAIN

Mr Speaker mon ti a kontan Minis tir sa zafer poursantaz, dir nou apepre konbyen i été sa bann larzan apepre ant konbyen an konbyen?

 

MR SPEAKER

Mersi.

 

(Interruption)

 

MR SPEAKER

Order!  Minis.

 

MINISTER MAURICE LOUSTAU-LALANNE

Nou kapab retourn lo la Mr Speaker silvouple, akoz mon bezwen – ? Ok en pti moman i annan en masin la ki pe marse.  Ok i pou varye ant R95,000mil a R250,000mil.  Mersi Mr Speaker.

 

MR SPEAKER

Mersi.

 

(Interruption)

 

MR SPEAKER

Order!  Mersi Minis.  Bon petet zis pou lenformasyon piblik tou bann saler Constitutional Appointees i dan Lalwa, e i deza en public document.  Mon  lofis in deza demande par serten zournal oparavan, pou anba ‘’Access to Information’’ pou donn bann lenformasyon parey, me tou sa bann lenformasyon i dan domenn piblik deza.  Onorab Clifford Andre.

 

HON CLIFFORD ANDRE

Mersi bokou Mr Speaker.  Bonzour tou dimoun.  Mr Speaker mon krwar i enportan pou nou – pou pep Seselwa konnen ki  poudir Lalwa revizyon saler an lakordans avek seksyon 7 ti vin dan Lasanble pou ganny revwar.  E LDS ti fer en propozisyon, e a sa staz letan egzekitif tin anmenn sa propozisyon ki ti pe ganny fer e propozisyon sete pou donn tou Seselwa – tou Seselwa parey, L’Egzekitif ti vin avek en S.I  pou li fer pase 5poursan lo saler de-baz bann dimoun e se sa la kot LDS ti quash sa S.I e Prezidan Larepiblik ti deside – (ou pa ti la) Prezidan Larepiblik ti deside met ou Ankour ler ou ti vini ou ti ganny servi avek somonn pou ou  al Ankour.

E i enportan pou nou fer pep Seselwa konpran, ki poudir sa prosesis in ganny retarde – pa akoz LDS pa’n anvi travay lo sa Lalwa ki ti pe fer rekomandasyon revizyon saler, me set akoz case ti Ankour alors letan i Ankour nou pa’n kapab diskit lo en keksoz ki pe ganny deside par Lakour.  Alors retar i pa lo LDS oubyen lo Lasanble, me retar in lo akoz Prezidan in deside met Lasanble Ankour. Fodre nou fer sa kler akoz nou pa kapab anbet travayer Seselwa pou dir li ki LDS ki pa pe donn zot sa logmantasyon parey Onorab Gill in dir.  E sa i fo! I pa korek!  Mon kestyon Minis se letan ou ti vin kot Lasanble, ou ti demann nou 62milyon ou ti dir avek nou ki sa 62milyon sete pou ogmantasyon dan basic pay ozordi mon fason gete ozordi, sa larzan pe ganny mal servi akoz basic pay nou ankor pe diskite.  La nou war ki poudir sa larzan pe ganny servi pou donn en supplementation allowance.  Pou mwan sa i malonnet akoz letan ou ti vin kot nou Minis Finans, ou ti dir nou klerman sete pou logmantasyon dan saler, an lakordans – e Onorab Hoareau ki ti la sa lepok i ti ankor dan Lasanble sa lepok,  ou ti propoze an Zilyet e i ti fer resorti ki poudir non ou bezwen konmans fer sa depi Avril akoz sansan ou pou an vyolasyon avek Lalwa.  Alors mon pe dir ki poudir sa i en akt ki pa korek – parey Onorab Henrie in dir taler, e ki i neseser ki nou ganny en leksplikasyon, akoz zot sanz sa ki zot anmenn kot nou e ki nou donn nou aprouvasyon.

3enm pwen se allowance 5poursan pe ganny donnen la, i vin en byen ki en dimoun i gannyen lo son saler.  Apre ki nou’n fini diskit sa Lalwa ki devan Lasanble, ki mannyer logmantasyon i ganny donnen, eski zot poudir avek travayer Seselwa poudir sa 5poursan supplementation allowance ki mon’n donn ou, mon pou repran?  Oubyen zis mon pou tir li konman supplementation allowance, mon pou anvoy li dan ou basic pay?   Eski sa i pa inapropriye, e i pa devret ganny fer dan sa Lalwa travay?  Mon ti a kontan ganny sa bann lesplikasyon.  Mersi Mr Speaker.

 

MR SPEAKER

Mersi Onorab Andre.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab zis mon ti a kontan koriz en keksoz.  Mon dir ki sa ogmantasyon i pou tou Seselwa.  Son presizyon se pou tou serviter piblik, so sa son lenportans ki mon anvi presize.

Dezyenmman ;- pou war bit final i menm zafer.  Son bit se met larzan dan pos serviter piblik.  e zot ti aprouve Bidze zot! Lasanble ti aprouve sa Bidze.  Sa ki zot pa ankor fer zot pa ankor aprouv sa Lalwa.  E sa head i menm head;- ‘’wages and salaries’’ i menm head. E son bit se met larzan dan pos serviter piblik.  Se tou ki mon annan pou mwan dir ou pou le moman.  Mersi Mr Speaker.

 

MR SPEAKER

Mersi Minis.  Onorab Andre.

 

HON CLIFFORD ANDRE

Mersi.  Mon pou agree pou dezagree avek Minis.  Letan dan Bidze ou vini ou demann nou en alokasyon – mon pou donn ou en legzanp la – en alokasyon pou sekirite, ou pa kapab al servi li pou en lot keksoz.  Letan         mwan mon pe get dan head Bidze ki mannyer nou pe pas lo Bidze la,  i annan ‘’wages and salary’’ apre i annan allowance.  I annan tou sort kalite allowance, ki nou mete.  So pou mwan letan ou pe dir mwan ‘’wages and salary’’ savedir akfer ou Minister pe pran letan pou li mete allowance ?  Me pran tou met  dan  ‘’wages and salary’’ koumsa i pou allowance i donn gos, left, right, and center ki mannyer i krwar i apropriye!  Savedir nou pe fer en keksoz – pa an konformite, nou ekri en keksoz me selman letan nou eksplike – nou sey eksplik dimoun kekfwa pa tou dimoun ki ganny sans war, sa ki nou, nou war isi dan Lasanble lo sa bann latab ki zot donn nou.

Pa bezwen nou dir ek dimoun – akoz letan ou ti vini parey mon pe dir, ti spesifikman pou deal avek seksyon 7.  E seksyon 7 Minis i kler ‘‘The salary structure under the Public Salary Table shall be revised and the salary structure’’ pa donnen allowance.  Salary structure i salary structure, sa ki ou pe dir mwan Minis, mon pa pou dakor akoz legalman mon ava anmenn ou Ankour mon ava demann Lakour pou eksplik mwan en enterpretasyon  at least lo sa de size.  Mersi.

 

MR SPEAKER

Mersi Onorab.  Minis.

 

MINISTER MAURICE LOUSTAU-LALANNE

Napa problenm I’ll see you in court.  Mersi Mr Speaker.

 

(APPLAUSE)

 

MR SPEAKER

Mersi Minis.  Vis-Prezidan.

 

THE VICE-PRESIDENT MR VINCENT MERITON

Mr Speaker mon war ki Leader Lopozisyon pa satisfe avek pozisyon ki Onorab Andre in pran, akoz Leader Lopozisyon in dir personn pa enterese anmenn personn Ankour.  Nou bezwen kapab aliny nou bann pozisyon Onorab.

Dezyenmman listwar pou rikord ou ki ou pe dir ki ler nou pe donn sa 5poursan supplementation allowance bann travayer servis piblik pou trimouse, ki malgre gro divan i annan ki pe travay pou fer sir ki servis piblik kontinyen donn en servis ;- depi Erport, depi lopital, ou’n ganny quote  ki sa larzan pe ganny mal servi.   Kan nou ti aprouve an prensip boner  an Desanm.  So Minis in eksplike ki ou kapab sa supplementation allowance enkorpor li dan saler de-baz ler sa salary grid i ganny aprouve Mr Speaker.  Mersi.

 

MR SPEAKER

Mersi Vis-Prezidan.  Onorab Waven William.

 

HON WAVEN WILLIAM

Mersi Mr Speaker.  Bonzour tou dimoun ki a lekout.  Bonzour Vis-Prezidan, Minis avek delegasyon.  Mr Speaker san dout nou anvi eklersi serten keksoz ki konman en Lasanble, nou pa pe dir ki nou pa anvi larzan i ganny met dan pos Seselwa.

Dezyenmman rezon ki nou’n ariv la ozordi se en parkour – en prosesis ki’n devlope depi ler ki sa Prozedlwa in vin devan Lasanble.  E i bon note ki ti annan en lamannman ;- ti annan demann e swe pou diskisyon e mon ti a kontan demann avek Vis-Prezidan ouswa Minis, pou konfirmen ki lefe ki case in ganny mete Lakour ki sa in kre retar akoz tou lede kote pa’n kapab bouze lo la akoz Egzekitif in met Lasanble Ankour.  (1) – Mon  ti a kontan ki zot konfirm sa?

Dezyenmman ;- lefe ki nou pe dir ki Egzekitif i a lekout pep Seselwa e nou pe dir ki nou pare pou travay ansanm, e nou rekonnet ki i annan 3 brans gouvernans sa se Egzekitif, Lezislatif avek Zidisyer, mon anvi met devan Minis avek Vis-Prezidan e pep Seselwa ki Lakour in eksprim son santiman vizavi sa case.  Lakour in eksprim son swe ki sa i en zafer ant Egzekitif avek lezislatif pou kapab antre an diskisyon.  E mon anvi demann avek Vis-Prezidan lo ki baz ki sa case in ganny mete Ankour e lo ki baz ki sa desizyon prezan pe ganny pran, ki  by hook or by crook  nou’n anvoy sa desizyon Lakour merd pou pa antre dan negosyasyon avek diskisyon, akoz Lasanble in anvi annan sa diskisyon.  Lasanble in anvi en fair deal pou pep Seselwa.

E mon santi poudir in manke sa diskisyon.  E parey mon dir se ki i pa byen si mesaz ki ganny anvoye, se ki Lasanble pa anvi ki larzan i ganny mete dan pos Seselwa.  So mon ti a kontan ki Vis- Prezidan avek Minis i konfirm sa.  Mersi.

 

MR SPEAKER

Mersi Onorab William.  Vis- Prezidan.

 

THE VICE-PRESIDENT MR VINCENT MERITON

Mr Speaker mersi.  Nou pa’n anvoy Lakour merd.  Nou respekte Lakour konman en lenstitisyon enportan dan devlopman nou demokrasi.  Si parkont nou santi ki bann swe Lakour nou’n pran konsiderasyon ler ti annan bann konsiltasyon.

Dezyenmman Mr Speaker, Egzekitif in met Lasanble Ankour  akoz Lasanble ti blok nou S.I.  Sa ki sa.  E nou ki pe travay ki keksoz ki nou anvi, se donn bann travayer servis piblik en meyer deal an swivan rekomandasyon Komite ki ti ganny etabli par Prezidan Larepiblik, ki ti vin   en rekomandasyon pou kapab enplimant sa logmantasyon 5poursan.  Mersi Mr Speaker.  Mon pa konnen si Minis i annan keksoz.

 

MR SPEAKER

Mersi Vis-Prezidan.  Onorab William.

 

HON WAVEN WILLIAM

Mersi Mr Speaker.  Mr Speaker mon kontan ki Vis- Prezidan in dir Komite Eksper.  Me sa travay ganny anmennen devan Lasanble li e nou pe esper en  rapor.  E parey mon dir, se swe se annan diskisyon, annan konpromi.  E parey mon dir se ki nou pa anvi ki latansyon i ganny tire lo lesansyel, se lafason fer.  Mersi.

 

MR SPEAKER

Mersi Onorab William.  Vis- Prezidan  ou le fer komanter?

 

THE VICE-PRESIDENT MR VINCENT MERITON

Mersi Mr Speaker.  Mr Speaker, lesansyel se sa desizyon ki Prezidan in fer, pou  kapab donn bann travayer servis piblik, zot 5poursan logmantasyon atraver supplementation allowance, ki apre ler sa Lalwa i ganny aprouve sa Lalwa ki devan Lasanble, i kapab enkorpor zot atraver saler de-baz.  Mersi Mr Speaker.

 

MR SPEAKER

Mersi Vis-Prezidan.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour VP, Minis avek ou delegasyon.  Bonzour tou Manm Onorab tou dimoun ki a lekout.  Mr Speaker sa kestyon ki devan nou Lasanble ozordi i enteresan, akoz i fer osi annan en referans avek Prozedlwa ki mon ti met devan Lasanble.  Premyerman nou pe diskit Bidze la, permet  mwan fer en pti komanter, lefe ki nou pe diskit Bidze, pou nou pa repet bann fot kekfwa ouswa, pou nou vey byen ki nou fer dan laprouvasyon Bidze sa voyaz la.

Akoz lannen pase ki nou fer se ki nou’n aprouv Bidze avek sa logmantasyon 5poursan  – across the board epi nou anmenn en S.I, e nou’n quash  S.I ki anpes sa menm Bidze ki nou’n aprouve la anpes lenplimantasyon sa bout ki konsern sa 5poursan – ok?

E se la ki mon krwar sa i en aksyon malonnet Onorab Andre atraver ou Mr Speaker.  E nou pa kapab kontinyen fer sa bann keksoz koumsa dan nou Lasanble.  E sa i denigre nou Lasanble a mon avi.  Mr Speaker  mwan mon felisit Prezidan pou son sazes, pou son senserite e pou montre vreman ki i annan travayer Seselwa – travayer dan servis piblik a ker, e ler i fer en promes i delivre son promes.  E sa ki Prezidan in fer se egzakteman keksoz ki dan Lalwa.  Lalwa in dir fer.  Prezan Lalwa in vin devan nou Lasanble nou’n diskite nou pa’n tro dakor lo la, nou’n dir ok met en poz ek sa Lalwa, annou fer Komite pou diskite, Komite in fer e prezan Komite son rekomandasyon i kler li, i dir poudir sa Lalwa sa ki i dir i bezwen ganny fer i bezwen ganny enplimante, e Bidze larzan in fini ganny mete ladan.

E prezan letan Lasanble i pa’n le dakor lo la, i still ensiste lo son sanzman ki in anvi sanze, se la kot keksoz in konmans vin en problenm.

E la ler nou’n war poudir in vin en problenm e ki nou bezwen re diskite, si nou pou kontinyen re diskite, nou dir annou tir sa Lalwa.  E la mon ti met Mosyon pou mwan tir Lalwa.  Lasanble pa’n oule.  I dir non ou pa pou tire sa Lalwa i vin propriyete Lasanble nou pou kit li la nou pou kontinyen diskite.  Prezan eskan la sa Lalwa i ankor la.  Prezan ou bezwen dir nou ki pou arive avek li, mon pou redir tir ankor ouswa en lot dimoun ki pou dir tire?  Mon pa konnen.  Lalwa i la, la e prezan si nou vot lo sa Lalwa parey i été avek son 5poursan la ki Lalwa Public Service laba i dir tou le 5an ki  bezwen revwar, si nou fer sa parey Minis in dir sa nesesite pou sa ki Prezidan in dir, i ganny hold akoz sa larzan i la.  Prezan i a pli bon i ava vin lo saler  bann dimoun bann travayer ensidswit.  Me  si nou pa fer sa therefore lanmenm la ki Prezidan i  war poudir  letan pe pase, nou pe ariv lafen lannen,  sa larzan ki’n bidzete si i pa servi nou pou perdi, i pou al dan Consolidated Fund e la travayer pa pou ganny son mwenza.

E se la kot sa ki nou pe koze – sa ki Prezidan in deside pou met sa an aplikasyon touzour an- efe touzour.

Keksoz i senp e i kler ki nou’n war sa.  Napa nanryen kont Lalwa e ki  mwan mon krwar Mr Speaker kantite in ganny eksplik lo la, en ledikasyon in ganny fer tou dimoun i konpran.  Tou dimoun i konpran sa sityasyon, me lefe i reste ki nou bezwen konnen prezan sa Lalwa i devan nou ki nou pou aprouve, ki nou pou fer e  mwan mon ti ava enplor nou Lasanble Mr Speaker, ki nou aprouv sa Lalwa lefe ki i deza la sa ki nou ganny deside nou aprouv sa Lalwa, pou donn sa 5poursan tou bann travayer e ki li i ava vin an efe e ki travayer i a pli benefisye akoz la i a vreman vin legalize sa bann keksoz – legalize dan lesans ki i ava antre lo son saler,  i pa a vin zis en allowance.

Si nou ti kapab fer sa vitman be regilarize – pa legalize sorry regilarize, e si nou ti kapab fer sa vitman ti ava byen.  Me mon le sa.  Alor pou kestyon ki mon annan devan Minis avek VP ki Gouvernman li – konmsi dan ki loptik, dan ki rezon ki li in dir annou al dan sa direksyon.  Ki nou fer la?  Eski vreman in zis anvi donn allowance bann dimoun?  Oubyen i annan en rezon spesifik ki Gouvernman in ariv lo la?

Eski Gouvernman i ti oblize ouswa i ti anvi akoz i pan swazir pou li dir avek Speaker oubyen avek bann Leaders dir vin en kou, tyonbo en kou Lakour laba dan sa desizyon ki in dir;- sa desizyon ki Lakour in dir la i pa’n dir konmsi pa aprouv sa Lalwa ouswa – !  Nou osi nou pa tro kler konmsi kwa ki in dir.  Mon krwar pa si i annan en keksoz spesifik ki in dir donnen pa donnen, ensidswit.   I dir re koze e i oblize re koze ?  Kan ti i ti pou re koze?  Prezan konmsi akoz ki Prezidan, Gouvernman in deside li, la, la la konmela ki’n fek pase, sa semenn, semenn pase pran sa desizyon pou dir donn be donn allowance e pa donn li sa 5poursan parey ki Lalwa i dir konmsi?  Mersi bokou Mr Speaker.

 

MR SPEAKER

Mersi Onorab De Commarmond.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab  mwan mon regard li koumsa ;- ou konnen wi nou esper Lakour. Nou osi dan Egzekitif nou bezwen esper Lakour.  Me nou’n espere, nou’n espere, nou’n espere.  Parey ou’n dir lafen lannen pe vini, nou bezwen pran en aksyon.  Nou bezwen pas a laksyon akoz i pa normal.  Nou bezwen trouv en solisyon. So Prezidan i pa la.  Me Prezidan in fatige espere li osi.  So i pran en desizyon e nou pe diskit sa desizyon.  E parye ou’n dir sa desizyon i en desizyon ki legal.  So mon pa pou al plis ki sa nou bezwen pas a aksyon silvouple.  Mersi Mr Speaker.

 

MR SPEAKER

Mersi Minis.  Vis-Prezidan.

 

THE VICE-PRESIDENT MR VINCENT MERITON

Mr Speaker Onorab in demann ki loptik Gouvernman?  Gouvernman i  ti le mentenir son langazman ki  i ti fer avek  travayer servis piblik ki pou annan sa logmantasyon. E malgre tou sa ki’n arive, nou’n sey retir sa Lalwa pou kontinyen diskisyon. Lakour in pran son letan.  Ou pa kapab tay ek lakour met presyon lo li.  Nou bezwen espere.  E Prezidan in santi ki i bezwen onor langazman ki nou ti annan atraver servis piblik, e se pou sa rezon ki nou met sa supplementation allowance 5poursan.  Mersi Mr Speaker.

 

MR SPEAKER

Mersi Vis-Prezidan.  Onorab De Commarmond.

 

HON CHARLES DE COMMARMOND

En pti kestyon;- eski Vis- Prezidan e Minis i kapab dir nou de pti keksoz la, eski Prezidan i oblize konsilte ler i pe pran sa desizyon avek Lasanble, or avek lezot Lotorite?  E eski i annan okenn lezot Lotorite or lezot brans Gouvernman;- par egzanp kote kot Lasanble  ler Prezidan in anons sa ki’n apros ki’n dir tyonbo en kou Prezidan,  be la ou’n anonse sa annou koze petet nou ti kapab prevwar serten keksoz.  Eski in arive sa?  Mersi.

 

MR SPEAKER

Mersi.  Vis-Prezidan.

 

THE VICE-PRESIDENT MR VINCENT MERITON

Mr Speaker mersi.  Prezidan i kontan konsilte.  Lanvironnman ki nou pe operate ladan ek bon gouvernans, koabitasyon i annan sa kiltir konsiltasyon.  E efektivman Prezidan in konsilte apre desizyon final li ki pran.  Mon krwar se sa ki in fer;- in pran konsiderasyon bann keksoz ki ganny met devan li apre in pran en desizyon.  E sa desizyon – mon repete napa nanryen mal, ilegal, oubyen imoral,  me o kontrer en keksoz ki al lo benefis bann travayer servis piblik.  Se sa ki esansyel ki mon oule dir Mr Speaker.  Mersi.

 

MR SPEAKER

Mersi Vis-Prezidan.

 

HON CHARLES DE COMMARMOND

I pa’n reponn kestyon.

 

HON CHARLES DE COMMARMOND

Yes Onorab De Commarmond.

 

HON CHARLES DE COMMARMOND

… eski i annan lezot antite oubyen lezot dimoun ki’n apros Prezidan, apre sa desizyon apre sa deklarasyon Prezidan poudir tyonbo en kou annou koze, annou revwar keksoz?

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Ou a eskiz mwan Mr Speaker be selman mon pa okouran sa.

 

MR SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Zis pou remind Onorab De Commarmond ki sa desizyon ti pran Sanmdi le 30 e apre son lanmen ti Dimans.  Mr Speaker premyerman mon anvi dir ki mon trouv i vreman drol ki Onorab De Commarmond in deside pou li apel Onorab Andre ‘’malonnet’’ baze lo sa ki Onorab Andre in dir.  E in remind nou ki letan nou aprouv en Bidze fodre nou konnen ki nou pe vote, pou nou apre pa vin sanz nanryen ladan !

Mon trouv i vreman drol ki se Onorab De Commarmond ki pe dir sa! Akoz mon trouv li drol se parske Onorab De Commarmond an Oktob, fek anmenn en Mosyon pou en supplementary appropriation ki dan sa Mosyon, sa ki ti’n aprouve par egzanp nou redwir lapey par 52milyon.  Larzan in ganny pran bor isi,  met bor laba !  In fer tou kalite.  Lekel ki’n anmenn sa?  Me  se Onorab De Commarmond!

Alors eski i ti fer sir ki i ti pe vote lannen pase?  Oubyen eski an mezir ki keksoz i bouze se en Bidze se en dokiman vivan! Bidze i en dokiman vivan li Mr Speaker, alors sa bann zafer pou mwan ava plito dir atraver ou, ki se pa Onorab Andre ki malonnet se li ki malonnet!

 

(APPLAUSE)

 

HON WAVEL RAMKALAWAN

Mr Speaker mon ti ava kontan demann Vis-Prezidan in koze, toultan nou tann bon gouvernans, accountability tou sa bann zafer, be bonn gouvernans eski Vis-Prezidan pa krwar ki poudir sa zonm ki ou pe sant son leloz depi bomaten, mon konpran ou i ou drwa fantastik?  Me an menm tan osi letan ou fer sa bann stetment, i fer nou poz kestyon.  Si ou a pe koz lo ou Prezidan avek tou sa bann leloz, e i koz toultan lo bon gouvernans, ki bonn gouvernans i demande?   Bonn gouvernans ti ava demande ki le 29, Lakour i pran son desizyon bonn gouvernans ti ava demande ki Prezan Larepiblik i tenir en kou. Pause parey nou dir i rankontre – mon pa konnen si li si le 29 mon demann kestyon.

Le 29 eski i ti zwenn son Cabinet of Ministers?  Le 30 eski i ti zwenn son Cabinet of Ministers?  Konmans dan Lakour eski in zwenn zot pou konsilte avek zot pou demann zot ki pou fer bon gouvernans? Eski in sey demande pou fer en miting avek bann Leaders?  i ti sipoze annan en Forum Leaders eski in sey demande en Forum Leaders i enkli Speaker, Onorab De Commarmond avek mwan menm?   E  sa i sipoze reprezant Lasanble Nasyonal. Eski in annan en konsiltasyon?  Se sa bonn gouvernans. Bonn gouvernans  i annan konsiltasyon, e si Minis, si VP pe dir i pa konnen  mwan mon anvi dir avek li  in napa tousala.  Alors annou aret koz bon gouvernans.  E letan nou pe koz respe Lakour –  Lakour Konstitisyonnel ti dir kler, ale koze pou sorti dan sa lenpas.’’ Sa mon anvi demann li premyerman.

E pou nou aret koz lo bon gouvernans sorti kot ou Gouvernman.  Dezyenmman Mr Speaker, Mr Speaker mon bezwen redir ankor parey serten Manm in dir, sa kestyon ki mon demande i napa nanryen pou fer avek personn pa anvi donn larzan kestyon se ki mannyer i ganny fer se sa kestyon apre tou sa bann koze ki nou koze depi bomaten se ki mannyer i ganny fer?

E sa  kestyon.   E  apre tou sa bann koze ki nou’n koze depi bomaten se ki mannyer i ganny fer?  E sa ki nou pe dir i napa konsiltasyon e an fezan sa – par egzanp mon ava repran sa ki Onorab Andre in demande e by the way napa okenn diferans ant sa ki Onorab André in dir avek sa ki mwan  mon’n dir, ou’n sey met en wedge pa marse !

Mr Speaker la pou le moman nou a pe diskit Bidze, Bidze ki zot in taye zot in al anons en allowance e pourtan – allowance e pourtan – eski VP  e Minis Finans i realize ki poudir dan bann dokiman ki zot donn nou, bann detay ki zot donn nou letan nou pe diskit Bidze – mon a donn en legzanp;-  ‘’Wages and salaries’’ i met ;-

1) Basic pay.  Apre sa i met allowances.  Allowances i ganny detaye‘’ public service allowance,’’ ‘’returning graduate allowance,’’ lot bann lezot allowances i ganny detaye dan Bidze.

E  mwan mon anvi demann zot kote dan sa Bidze 2019 ki nou ti aprouve i met ‘’supplementation allowance?’’

 

(APPLAUSE)

 

HON WAVEL RAMKALAWAN

Sey dir mwan kote ki i met ‘’supplementation allowance’’ ladan?  Eksplik mwan.  Sa mon anvi ganny en lesplikasyon.  Mr Speaker zot pe dir LDS ki responsab e nou’n montre ki poudir LDS pa responsab.  E Mr Speaker  ‘’hehehe’’ – nou‘n tande ‘’hehehe.’’   Case Ankour sete ‘Mr Prezidan Danny Faure in his capacity as Minister of Administration versus Hon’ble Nicolas Prea as Speaker as the National Assembly.’’ 

        Lekel ki ti pe pourswiv lekel?  Lekel ki ti konplenan e lekel ki ti defandan? Alor ankor enn fwa parey in dir manz bannann anvoy lapo lo nou be nou pa pou glise lo sa lapo.  Mr Speaker alor zot pe koz 5poursan labous plen, mon ava zis detaye e mon ava demann konfirmasyon avek Minis Finans. Minis Finans bomaten in koriz nou, in dir pli ba ti pou ganny R274.  Annou miltiplir sa R274 par 9 sa pou back pay i tonm 2,466 sa se zot propozisyon.  Se sa ki sa travayer pou gannyen.  Aprezan balans sa avek sa ki LDS ti pe propoze.  LDS ti a pe dir minimonm R450. R450 pou tou dimoun, miltiplir li par 9 ti ava vedir tou dimoun ti a ganny li R4,050 e eski R2,466 i plis ki R4050?  Eski pa nou ki ti a pe rod en keksoz pli bon pou sa pep Seselwa?

 

(APPLAUSE)

 

HON WAVEL RAMKALAWAN

Zot pe koz Nwel eski pa nou ki ti anvi ki nou bann dimoun omwen zot ava kapab antre avek R4000mil?  Tandis ki Mr Speaker anba zot propozisyon i annan serten dimoun – e la nou pe koz sa desizyon ki nou ti koz lo la dan en moman kot tou dimoun ti a pe plenny pri lavi, kot nou dimoun ti a pe soufer anba zot propozisyon, tandis ki sa dimoun ki pe ganny R274 pou ariv pou anmenn dan lakour R2,466 pou annan lezot dimoun ki pou ganny R3000mil e pou zot back pay lafen lannen anba sa lapey ki zot prepare pou anmenn R27,000mil dan lakour.  Eski sanmenm sa ki US pe defann lepep Seselwa?  Eski sanmenm sa ki zot pe koz Seselwa o sant devlopman?

 

 

(APPLAUSE)

 

HON WAVEL RAMKALAWAN

Mr Speaker mon dernyen pwen – mon dernyen pwen, mon’n tann koze.  Vis- Prezidan in dir omwen – omwen 10fwa mon’n marke ‘’pas sa Lalwa’’, ‘’anmenn sa Lalwa’’ ensidswit.

Mr Speaker mon fer en demann avek ou, lefe ki Gouvernman pe dir anmenn sa Lalwa deswit, mon demande ki nou anmenn sa Lalwa apre midi.  Mon demande ki imedyatman nou sanz Order Paper  – mon pe fer sa demann avek ou, annou anmenn Public Service Salary (Amendment) Bill devan Lasanble imedyatman, nou ava pas son lamannman e nou ava fer sir ki tou lepep Seselwa i ava amenn dan lakour pou sa Nwel menm kado savedir sa sonm ki nou ava travay lo la.

E mon espere – e mon espere – mon pou demann Vis- Prezidan ankor parske in dir omwen 10fwa ‘’anmenn sa Lalwa’’ annou anmenn li e mon anvi en commitment from the Vice-President ki poudir si nou anmenn sa Lalwa, nou rezourd tou sa bann zafer i pou demann son Prezidan pou assent to sa Bill e enn fwa pou nou ava pase e tou lepep Seselwa i ava ganny son larzan ki i bezwen!  Mersi bokou Mr Speaker.

 

 

(APPLAUSE)

 

THE VICE-PRESIDENT MR VINCENT MERITON

Mersi Mr Speaker.

 

(Interruption)

 

MR SPEAKER

En moman  – en moman Vis-Prezidan.  Order!   Vis- Prezidan laparol i pou ou.

 

THE VICE-PRESIDENT MR VINCENT MERITON

Mr Speaker si apre midi nou anmenn sa Lalwa as is  nou pase, mon donn garanti ki Prezidan pou assent.  Mr Speaker kote sa larzan i été?  Anba ‘’wages and salaries’’ dan Bidze ki ti ganny aprouve 2019.

Mr Speaker Onorab in reiter  pozisyon sa kote latab ki tou dimoun i bezwen ganny menm sonm.  Me selman si ou gete pran Lasanble a lafen lannen tou dimoun i ganny son benefis pa vre?  Me selman diferan dimoun diferan grad  sa osi nou bezwen sanze?  Tou dimoun i bezwen parey?  I bezwen pran konsiderasyon konpleksite travay, pozisyon ki nou été, saler ki nou annan, nou konesans napa – nanryen nouvo sa.  Tou Gouvernman dan lemonn i mars koumsa.  Ou pa kapab annan en sistenm kot tou dimoun i ganny peye partou.  Pou annan chaos  avek anarchy!

Sistenm ki nou met an plas se ki nou aranze ;- (1) sa ki ganny pli pti git avek sa ki ganny en pe plis.  E nou ti dakor an Desanm sa, me selman along the way zot in sanze.  Me selman nou ki nou pe dir apard ki sa i annan lezot keksoz ki Gouvernman in gete, in santi douler ki sa dimoun ki travay dan Gouvernman i ganny pti git larzan in trimouse, se pou sa rezon i annan bann lezot mezir ki nou mete pou kapab elev e os son nivo saler.

Mr Speaker Onorab in dir basic pay avek allowances e me SS Payet in dir nou se ki Onorab ki’n highlight i bann keksoz  pou 2020 tandis ki sa ki nou’n koz lo la se bann keksoz ki’n aprouve dan ‘’wages and salaries’’ pou 2019.

Mr Speaker rezilta final ki konte.  I kapab annan diferan fason, sak kote i annan son fason ki i mazinen fer li, me selman sa ki enportan sa destinasyon.  Met sa logmantasyon dan pos bann travayer servis piblik, e mon krwar se sa ki pe ganny achieve.

         Respekte Lakour ;- nou respekte Lakour. Prezidan  zanmen in deza mank respe pou Lakour atraver okenn aksyon ki in pran.  Be  selman fodre mazinen Mr Speaker, ki lekel ki pou koz lo Prezidan, si pa mwan son Vis-Prezidan?  Akoz ozordi personn pa koz byen lo Prezidan!  Eski … i koz byen lo Prezidan?  Dan medya ou pa tann Prezidan ganny koze byen lo la.  Ou pe konpran?  So napa nanryen mal, napa nanryen ilegal ki mon’n vin fer si mon koz byen lo mon  Prezidan avek sipor kote United Seychelles !

 

 

(APPLAUSE)

 

THE VICE-PRESIDENT MR VINCENT MERITON

Mon pa vin ponp li mwan! Prezidan i en boug ki pe travay!

 

(APPLAUSE)

 

THE VICE-PRESIDENT MR VINCENT MERITON

E zot tou zot dakor dan fon zot leker, selman nou konnen politik i en keksoz ki nou bezwen fer.  Mr Speaker avan ler mon fer fermen, konmsi mon pa pou war zot avan Nwel annou tonm dakor ki dan nouvo lannen nou pa fer sa kestyon larzan vin politik!  Akoz i annan nou pansyon pou pase, si i annan en pti logmantasyon nou pase annou fini sa aranze ;- ‘’byen koze i fer byen konpran.’’  Nou osi nou bezwen viv annou gete ki mannyer nou aranz sa avek sivilite, konmsi ki nou kapab bouz devan Mr Speaker.  Mersi bokou Sir.

 

MR SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Mr Speaker i kler ki zis dan stetment ki Vis-Prezidan i dir i kler ki zot mank respe pou Lasanble Nasyonal, akoz in vini in dir avek nou, in met en kouto anba nou likou!  Fodre ki nou pas sa Lalwa – fodre nou pas sa Lalwa parey ki zot,  zot in prezante, me nou Lasanble Nasyonal nou napa nou lendepandans pou nou regard keksoz ki mannyer nou anvi?

 

(APPLAUSE)

 

HON WAVEL RAMKALAWAN Sa i montre en mank respe pou Lasanble Nasyonal! Mr Speaker mon’n sey tou sa ki mon kapab – zot pe tenir lo zot pozisyon pourtan i annan en Lalwa devan nou, e Lalwa Manm i kapab fer lamannman lo Standing Orders, i donnen ki mannyer pou fer lamannman.   Mon ankor enn fwa demann Vis-Prezidan atraver ou Mr Speaker, Mr Vis-Prezidan nou pa pe- Ou bezwen remet keksoz an konteks lannen 2019 i en lannen difisil pou lepep Seselwa  an antye.  E mwan lo mon kote letan mon ti koze mon ti fer kler annou dan sa logmantasyon, dan sa legzersis, annou pran sa an konsiderasyon ;- annou pran sa an konsiderasyon.  E annou fer ki tou dimoun i fer menm sakrifis.  Dan moman difisil en fanmir parey mon ti dir yer i koste ansanm, me si nou tou nou pe rekonnet ki poudir nou pe koz lo pri lavi – napa en lannen ki nou koz plis lo pri lavi ki sa lannen!  Be annou fer sa.

E alor Mr Speaker mon re demande ki poudir sa Lalwa i ganny mete imedyatman devan Lasanble lamannman ki Onorab Afif ti prezante annou pa oubliye sete depi Avril – depi Avril 2019 lamannman in vin dan ou biro.

E mon fer en demann avek Gouvernman pou pare pou negosye ;- pare pou koze, nou, nou pare pou koze e annou fer sir ki travayer i ganny zot larzan, zot ganny en pli bon deal e ki non selman ki zot ava ganny en back pay, me ki zot 13enm mwan lapey pou lannen prosenn i ava – en – (i pa pou lannen prosenn  in fact zot ganny peye Zanvye pou lannen 2019, zot ava ganny en keksoz ki ava konfirmen ki ava dan zot 13enm mwan e sa dezormen i ava en donnen dan zot lapey.  Alors Mr Speaker avek sa demann mon dir avek Vis-Prezidan boul i dan ou kort!  Mersi bokou.

 

        (APPLAUSE)

 

MR SPEAKER

Mersi Onorab.  Vis-Prezidan dernyen parol.

 

THE VICE-PRESIDENT MR VINCENT MERITON

Mersi Mr Speaker.  Mr Speaker mon krwar sa kestyon i devan Lasanble e Lasanble mon pa anvi – parey mon ganny akize met kouto devan Lasanble, akoz mon pa fer sa ditou.  The last thing ki mon anvi fer se sa.  E mon krwar nou bezwen pran en desizyon pou nou kapab bouz devan.  Antretan Prezidan in pran en desizyon mon krwar ki al dan faver travayer servis piblik, e mon repete ankor ki napa nanryen mal, imoral oubyen ilegal ladan.  Mersi Mr Speaker.

 

MR SPEAKER

Bon nou’n ariv a lafen sa sesyon kestyon bomaten.  Mon ti a kontan remersi Vis- Prezidan, Minis Finans avek lezot lekip e delegasyon, e mon ava eskiz zot parmi nou.

 

(THE VICE-PRESIDENT AND HIS DELEGATION WAS EXCUSED FROM THE HOUSE)

 

 

MR SPEAKER

Zis mon ava aviz Lasanble poudir nou pou break la nou pou retournen 1er pou nou kontinyen avek Bidze.  Parey mon’n fer sorti yer mon lentansyon ki nou sey fini Bidze sa Zedi  la e apre sa nou pou napa Prozedlwa ki pe sorti dan Bidze, bokou bann amannman ki’n pran kont bann desizyon ki Gouvernman pe pran atraver sa Bidze.

Nou pou bezwen osi tou fer sa prosesis pou aprouv Bidze.  Si non nou pou war nou parey mon pe dir pandan moman Nwel ek Lannen oubyen boner Zanvye, nou pou kontinyen travay akoz pou nou kapab pas bann Bidze pou lannen prosenn.  So nou pou retournen apre midi 1er e kot nou pou konmans avek bann lezot heads.  Mon krwar i Land waste Management apre midi ki tonm anba Minister Lanvironnman, Lenerzi e Sanzman Klima.  Onorab Ferrari.

 

HON JEAN-FRANCOIS FERRARI

Yes Mr Speaker mon ti ava apresye si ou ti annan en pti moman letan pandan break pou war bann Whips akoz i annan en propozisyon pou nou remet sa Lalwa – sa Lalwa Saler lo latab, e nou’n fini fer tou deba lo la i devret ase rapid, so si ou annan en 10minit dan break e nou ti a kapab vin kot ou silvouple?  Mersi.

 

MR SPEAKER

Bon mon konpran demann, me parey mon dir mwan osi tou mon annan en time schedule ok?  Mon pe absante semenn prosenn, mon krwar Bidze in ganny enteronpe en kantite fwa ok? Mon ti a kontan ki nou ti a kapab fini osi travay Bidze si nou kapab fini travay Bidze then nou kapab retourn sa Bill.  Sa Bill i deza la devan Lasanble e nou kapab retourn li devan Lasanble akoz si nou fini Bidze Zedi/ Vandredi nou pa pe sit sa i ava permet Bills Committee e Extended Bills Committee pou nou kapab pas en pti pe dan bann Prozedlwa ki pe vini pou nou pran semenn prosenn.  Wi Onorab Ferrari.

 

HON JEAN-FRANCOIS FERRARI

Wi avek respe Mr Speaker, i annan en irzans akoz Minis in dir nou ki avan Zedi fodre nou deside ki nou annan pou nou fer, so mon ti ava propoze ki akoz payroll pe ganny prepare mon ti ava propoze ki nou ganny … Me deba – tou deba in ganny fini ganny fer.  i devret zis ganny mete

 

(Interruption)

 

HON JEAN-FRANCOIS FERRARI

… lo devan Lasanble.

 

(Interruption)

 

HON JEAN-FRANCOIS FERRARI

Me Mr Speaker mwan

 

(Off-Mic)

 

 

MR SPEAKER

Kontinyen Onorab.

 

 

HON JEAN-FRANCOIS FERRARI

Non, me mon  pe zis anvi dir ou ki i annan en irzans. I annan en lirzan e i nou a travay tar si oule.   Nou konpran poudir ou pou deplase – nou ti a kontan  ou Chair sa deba ziska lafen.  So vreman annou sey gete si nou kapab ganny en konpromi, e met sa parey Minis in dir nou avan Zedi pou en vot dan Lasanble.  Mersi.

 

MR SPEAKER

Bon nou ava mon ava fer le neseser pou nou kapab rankontre ABC kot i konpri  le  2 Whips and all that apre midi, me selman i pa pe sanz progranm apre midi. Mon pa pe met li lo Order Paper apre midi.  Si pou mete a met li lo Order Paper  petet demen.  Desizyon ki ABC i ava pran.  Ok, so nou pou adjourn la e Lasanble i retournen 1er apre midi.

 

 

(BREAK)

 

 

LANDSCAPE & WASTE MANAGEMENT AGENCY

 

MR SPEAKER

Bonn apre midi tou Manm Onorab e bonn apre midi tou dimoun ki a lekout e ki pe swiv travay Lasanble Nasyonal.

Mon ti a kontan dir bon apre midi spesyal pou Minis Wallace Cosgrow, Minis ki responsab pou Lanvironnman, Lenerzi e Sanzman Klima.  Minis i ganny akonpannyen par Sekreter Prensipal, Mr Alain Decomarmond, Mr Flavien Joubert, Mr Rahul Mangroo ki Deputy CEO, Ms Karine Bonnelame Financial Controller, e Mrs Vivianne Chang-Pentive ki Direkter Administrasyon e and Human Resource.

Nou touzour dan konpanni zofisye Minister Finans  PS Damien Thesee, e Ms  Nellie Coopoosamy.  Mon ava demann Sergeant pou move Mace  pou nou al dan Staz Komite.  Nou dan Staz Komite e pou nou kapab pran Bidze pou Landscape and Waste Management Agency.  Mon ava donn laparol PS Finans pou gid nou.

 

 

PS DAMIEN THESEE

Mersi Mr Chair.  Bonn apre midi Mr Chair tou Manm Onorab.  Bidze LWMA trouve lo paz 555 pou en sonm 242,594milyon.  Mersi.

 

MR SPEAKER

Mersi PS Thesee.  Bon nou pou fer parey labitid, mon ava pran bann non bann Manm ki pou entervenir, e ankor mon ensiste mon demann bann Manm an vi ki nou annan en pti kontrent letan, pou nou fer nou kestyon bref to the point e panel osi tou mon ava demann zot pou donn repons bref to the point.  Bon mon ava konmans avek Onorab Ahmed Afif.

 

HON AHMED AFIF

Mersi bokou Mr Chairman.  Bonn apre midi Minis ek tou bann Manm lo panel.  Mon kestyon zot in ganny en Bidze ki preski parey lannen pase sorti R239milyon in ariv R242 milyon en logmantasyon zis en poursan.

Alor eski avek sa Bidze, i pou permet zot fer tou bann travay netwayaz, semen, larivyer, lans, bann distrik ?  E eski i pou permet zot osi kapab asire ki bann depouy i ganny anmase partou i ganny zere byen lo landfill.  E finalman eski ou kapab eksplik nou akoz ki Kontra pou landfill i kontinyen reste avek en sel lakonpannyen?  Mersi Mr Chair.

 

MR SPEAKER

Mersi Onorab Afif.  Minis.

 

MINISTER WALLACE COSGROW

Mersi Mr Speaker.  Bonn apre midi Mr Speaker.  Bonn apre midi tou manm Onorab.  Bonn apre midi tou dimoun ki pe ekoute.  Mr Speaker dabor wi nou Bidze ki nou’n gannyen i pa napa en gran logmantasyon parey Onorab Afif in fer resorti.

E i annan en kantite louvraz ki ganny met dan responsabilite Lazans LWMA pou kapab antreprann.  Bidze ki annan dan mon pwennvi, i nou kapab servi pou manage bann diferan louvraz ki annan pou fer – bann diferan Kontra ki annan pou  deservi.  I annan bokou keksoz ankor ki nou kapab fer konman Lazans, me pou le moman mon krwar dan bann distrik kot i konsern netwayaz, kot i konsern zesyon salte an zeneral, kot i konsern zesyon landfill, mon krwar sa Bidze i sifizan pu nou kapab fer bann diferan keksoz ki annan pou fer.

Petet mon ava les, CEO elabor e pti pe si i annan okenn keksoz i le elabore.  Me selman an zeneral i kapab plis ;- i kapab plis ki nou ti kapab fer bokou lezot keksoz ankor me selman pou lemoman dan louvraz ki nou annan pou fer mon krwar sa Bidze i kapab fer.  Mersi.

 

MR SPEAKER

Mersi Minis.  CEO.

 

CEO FLAVIEN JOUBERT

Bonn apre midi bann Manm Onorab.  Bonn apre midi tou bann dimoun ki pe ekoute.  Lo nou kote Mr Speaker Mr Chair sa Bide letan nou pe get li LWMA i annan bann plan ki pli tar mon krwar i pou enplik bann demann adisyonnel Gouvernman ;- anmezir ki nou travay i devlope.  Par egzanp zot a remarke ki an Oktob sa lannen, nou’n fek travay lo Minister in travay lo en plan zesyon salte dan plizyer rekomandasyon lenvestisman e osi bann nouvo progranm ki bezwen ganny fer.  Lo kote servis ki pe gannyen donnen, netwayaz sirtou zesyon salte.  I annan bann keksoz ki fer remarke par egzanp  se ki pou nouvo devlopman e nivo lenvestisman ki nou pe fer dan salte, letan ou konpar lezot pei i pa sifizan.  Alor nou pou annan pli tar serten bezwen pou nou aziste nou Bidze pou fer monte kalite servis ki nou pe donnen e osi kalite zesyon salte a lafen letan nou fini anmase.

Me selman nou pa oule zis vini demann en kantite larzan.  Si nou progranm pa ankor pare si nou napa sa kantite kapasite pou nou fer li ganny depanse.

Alor pou nou, nou pe kontinyen avek nou bann progranm regilye, nou pe aziste i annan serten target ki nou’n mete pou lannen prosen.  E byensir dan bann lannen ki pe vini pou annan sa demann ki pou vini pou nou ogmant en pe Bidze, me pou bann ogmantasyon ki pou target bann amelyorasyon spesifik e non pa en gran demann sa ki nou annan en progranm pou nou depans sa ki nou annan en progranm pou depans sa bann larzan.  Mersi Mr Chair.

 

MR SPEAKER

Mersi CEO.  Onorab Afif.

 

HON AHMED AFIF

Mersi Mr Chairman.  Mon ti a kontan zis demann de keksoz;- (1) si sa Bidze i sifizan pou lemoman sa ki zot pe fer, akoz nou’n tann bokou bann kontrakter pe dir ki zot bann zot bann invoice pa pe ganny peye a tan?

E dezyenmman si zot kapab donn nou zis sif reveni ki kontrakter ki lo landfill pe fer. par rapor avek kou ki zot, zot pe peye li pou manage sa landfill? 

E eski sa i  menm i pa pou zistifye ki zot envestir dan en masin ki kapab fer sa,  oubyen tender out pou ganny meyer pri posib pou Gouvernman ?  Mersi.

 

MR SPEAKER

Mersi Onorab.   CEO. 

 

CEO  FLAVIEN JOUBERT

Mersi Mr Chair.  Mersi Onorab pou ou kestyon.  Kot i konsern peyman kontrakter, nou’n fer en gran amelyorasyon lo kote peyman bann kontrakter.  Byensir i annan kontrakter ki zot konplent ennler, zot peyman i ganny fer lafen lemwan bokou zot pe ekspekte par egzanp ki zot ganny larzan pou pey zot ler travayer dan le zis avan lafen di-mwan.

E nou bezwen konpran ki Kontra li menm li, i pou en mwan.  I annan en labitid, ki ti’n devlope kot Kontra kontrakter ti ganny process son larzan,  dan 3enm semenn.  E menm avan finisyon le mwan i ti pe ganny son peyman.  Nou bezwen fer sir ki nou ganny sa kler ki nou nouvo Kontra ki’n met sa byen annord devan bann kontrakter.  Si nou pou fer en sistenm ki mars depi son mwan i konmans avan sa mwan ki pe vini, e i fini avan finisyon sa lot mwan.  Then nou bezwen fer sa zisteman.

E se sa i enn nou bann rezon ki mon krwar nou kontrakter i konplent.  Me pou dir ou fransman ki resaman lo kote peyman kontrakter.  Nou’n fer bann mezir nou’n entrodwir bann mezir internal lo kote Lazans FC i kapab donn zot en pe detay pli tar si zot bezwen lo bann dat ki bann invoice sipoze ganny process e bann dat ki invoice sipoze ariv kot accounts, pou bann peyman ganny fer.  E sa i mars pou tou kontrakter.  Alor nou pa espekte ki i annan bokou konplent lo kote retar.

Pou bann kontrakter ki pe kolekte salte municipal zot mwan i konmans le 01 ziska le 30 e zot invoice konmans ganny process le 30.  An prensip nou annan 30 zour pou pey zot.  Me selman normalman nou fini pey zot, dan premye semenn sa mwan ki swiv.

Kot ri konsern reveni lo landfill zis pou eksplike Zen sa lannen, koleksyon reveni kot landfill Providence ki FC petet apre i ava donn zot en pe plis detay bann lenformasyon detaye lo kantite ki nou’n anmase pou sak peryod.   E alor tou bann tou reveni prezan i dan lanmen Lazans, e sa kontrakter ki lo landfill pa sipoze pe anmas okenn reveni aktyelman.  Son peyman ki pe ganny fer – wi son peyman ki pe fer pou par mwan ki zot pe gannyen apepre enn pwen mon krwar 1.5milyon par mwan.   E sa i reflekte bann peyman ki ti ganny fer ava.  E nou’n zis kontinyen extend sa ziska anler sa nou kapab fini fer  nouvo tendering. 

E zis pou en form zot ki tender pou  compaction landfill in fini ganny fer,  Komite Evalyasyon i pe travay lo son rapor e nou espekte ki nou pe kominik bann rezilta posibleman dan bann semen ki pe vini  dan bann dimoun ki’n apply pou sa tender.   

        Alor nou, dapre nou plan nou merit pe annan en nouvo Kontra pou landfill compaction any time avan lafen lannen pou konfirmen.  E boner lannen prosenn nou pou kapab siny en nouvo Kontra avek nouvo term, nouvo kondisyon.  Mersi Mr Chair.

 

MR SPEAKER

Mersi CEO. Onorab Afif.

 

HON AHMED AFIF

Zis en pti klarifikasyon.  Ler ou dir zot pe pey R1.5milyon tou lemwan, zis dir mwan konbyen reveni zot pe anmase?  Akoz la zot pe manage landfill.  Konbyen reveni zot pe anmase?

Apre si ou kapab donn mwan ki aryeraz ki zot annan a term peyman ek kontrakter?  Ki son aryeraz?  Mersi.

 

MR SPEAKER

Mersi Onorab.  CEO.

 

CEO  FLAVIEN JOUBERT

Mersi Mr Chair.  Mon pou demann FC en pti moman pou pas lo bann figures.  Petet dan detrwa minit i ava donn nou sa figure pou reveni.

Dapre mon lenformasyon ki mwan mon annan, nou napa aryeraz ek kontrakter.  Nou napa okenn aryeraz ek okenn kontrakter.  I annan bann ti annan plizyer kontrakter ki ti annan serten issue avek zot Kontra.  E nou’n rektifye sa nou an 2019.

E mon pa okouran si i annan okenn kontrakter.  Petet si i annan enn an partikilye ou kapab donn nou lenformasyon.  Nou a kapab donn nou en update direkteman lo sa enn  kontrakter ki i annan problenm.   Mersi Mr Chair.

 

MR SPEAKER

Mersi CEO.  Onorab Waven William.

 

HON WAVEN WILLIAM

Mersi Mr Speaker.  Mr Speaker mon ti a kontan demann avek Minis lo sa bann Kontra semen la, petet en pti leklersisman eski sa bann Kontra ki zot pe donnen la i enkli sa bann netwayaz kot lekol tou?   Non ok wi lo kote Kontra semen, mon anvi demann avek zot si zot in reviz en pti pe sa Kontra?  Akoz letan ou pran sa bann kalite dimoun ki nou pe targete pou donn sa bann Kontra,  ou a krwar poudir sa bann dokiman li menm li i gro i konplike.  Akoz zot pa senplifye sa bann Kontra sa bann Seselwa?   Si parey nou dir bann pti dimoun ki pe ganny sa bann Kontra dan distrik  zot lavi i vin pli fasil?

Epi 2enm lo Kontras li menm li;-  akoz ki sa kontrakter i bezwen peye pou li ganny sa dokiman.  Me selman letan i pa ganny sa Kontra pou li al bann vizit    i annan bann depans i annan en kou ki atase avek sa.

Me solman ler i pa ganny sa Kontra, son larzan pa’n ganny refund avek li?  So mon pe demande si zot annan lentansyon revwar sa, akoz mwan mon vwar sa konman en lenzistis, akoz ; – )1) – se ki konman fasilitater, se devwar Gouvernman prepar sa bann dokiman.

Me nou bezwen realize pou dir be sa dimoun li ki pe vin rod en travay i vin parey i vin rod en travay nou pe fer li peye.  Finalman i pa gannyen sa travay, me son larzan pa ganny retournen ouswa serten poursantaz son larzan pa ganny retournen avek li.   Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Chairman.  Mr Chairman konsernan redwir lepeser dokiman, mon krwar Onorab in, refer lo bann bidding document.  E si mon pa tronpe mon kapab ganny korize par Minister Finans ouswa Mr Mangroo ki la ki ti ‘’Head’’ Tender Committee. 

I bann dokiman standar ki Procurement i demande.  E bann lenformasyon standar ki Procurement i demande, alors sa procurement entity pe zis swiv Procurement Act e bann nesesite ki bezwen ganny fulfill. 

Petet si pou redwir dan lefitir, akoz whatever nouvo Kontra ki pou donnen i pou en peryod 3an.  Si i pou redwir dan lefitir i a bezwen annan en diskisyon ant procurement entity avek, avek Minister konsernen pou vwar ki mannyer nou kapab senplifye sa pou sa kalite sa kalite tender.  Petet ti a kapab ganny fer.

An term refund, i en fee ki ganny mete ankor according to bann Lalwa Procurement e i en fee ki pou angaz ban dimoun ki serye.  I pa zis  nenport ki dimoun i vini i   pran en tender document akoz i koute pou fer tender document bidding document sorry.  I en fee ki pou angaz bann dimoun e bann dimoun ki serye ki vini ki pey en pti larzan me prosedir prensip se ki it’s not refundable.  Mersi bokou Mr Speaker.  Si i annan okenn lezot dimoun ki le azoute.

 

MR SPEAKER

Mersi Minis.  CEO.

 

CEO  FLAVIEN JOUBERT

Mersi Mr Chair.  Zis pou retourn lo sa kestyon leve par Onorab Afif pli boner konsernan reveni.  FC in konfirm avek mon ki ziska konmela reveni pou waste i 7.4milyon, an tou.  Mahé, Praslin, La Digue.  Komansman lannen ziska la.

 

MR SPEAKER

Mersi CEO.  Onorab Waven William.

 

HON WAVEN WILLIAM

Mersi Mr Speaker.  Mr Speaker, mon koman letan Minis i dir zot ava revwar.  Mwan mon senserman krwar pou dir zot devret pe revwar li akoz, sa bann nouvo dimoun ledikasyon dan Procurement Unit avek sa bann target ki nou annan lo nouvo distrik, nou pe koz de nivo la.  Alors i annan sa nesesite pou zot revwar sa bann dokiman ki zot donnen.

Epi dezyenmman Minis, ler nou pe koz fairness, nou pe koz biznes.  Letan sa bann dimoun i bezwen aste konmsi zot pe aste sa dokiman, an menm tan ou annan meeting ki zot bezwen vini ;-  an menm tan ou annan site visit zot bezwen vini, i annan en cost to it akoz sa bann dimoun in al refer zot biznes, pou zot kapab vin attend sa meeting ouswa al fer sa bann vizit!  So ki mannyer zot kapab revwar li  ki – (1) sa dimoun osi pa santi li poudir i pe perdi akoz ler ou regarde la, i zis one sided zot ki pe benefisye.  Me selman sa dimoun li finalman i pa gannyen sa Kontra li, me se ou a krwar li ki perdi.

So mon pe demande i an zeneral – akoz mon konnen petet pou dir mon be sa i standar.  Me sa standar i annan en lenzistis ladan ki merit ganny korize.  Mersi.

 

MR SPEAKER

Mersi Onorab.  Yes Mr Mangroo.

 

DEPUTY CEO RAHUL MANGROO

Mersi Mr Chair.  Bonn apre midi Manm Onorab, e tou dimoun a lekout.  Onorab petet pou eksplik en pti pe update ki nou’n gannyen an vi ki la nou pe pas dan faz annefe taskforce in fini antre dan  faz retendering. Sa dokiman ki nou ti annan avan in redwir konsiderableman.  Parkont i annan serten morso ladan sa i nou dir ‘’clause’’ nou pa kapab tire akoz sa i tire direkteman dan Procurement Act. 

        E pou fer li tradwir li an Kreol sa osi i en lot challenge ankor.  Parkont sa ki mon kapab reasir tou Manm e menm bann bidders se ki dan  piblik meeting, ki i en obligatwar anba tou tender nou eksplik zot an Kreol tou bann detay.  Ler nou pe fer dokiman nou’n osi sertifye keksoz ki ou soumet.  So si ou pou vwar nouvo dokiman mon kapab fer zot ganny en kopi osi ;-  I annan de bout.   I annan konteni sa dokiman ki bann Lalwa eksetera, apre  i annan sa ki zot soumet i detase e li i pli senp li.  Sa pou reasir tou Manm.

Apre osi lo kote non- refundable fee i pa Lalwa lo.  sa procurement entty li – sa lorganizasyon ki pe fer sa tender i bear the cost pou transportasyon ariv lo site dan bann site visit.

        So sa larzan a large     part of it i al pou printing apre cater pou sa group dimoun ki pe vini.  Lamazorite tender se sa landrwa ki pou organiz pou transpor.  Unless petet sa tender prosen tender lorganizasyon i en pti pe pli spesifik kot bis pa arive – en  keksoz koumsa, ou konpran?  Selman  the cost is borne   by the sa procurement entity.

 

MR SPEAKER

Mersi Deputy CEO.  Onorab Gervais Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Mr Chair avan mon demann mon kestyon, i annan en pe letan anfet tou Bidze ki depi ler nou’n vini dan 6enm Lasanble, mon’n demann LWMA en lalis bann kontrakter ki annan dan distrik.  For oversight purpose, akoz nou konman MNA souvandfwa dimoun i konplent i dir ou tel semen pa pe netwaye.  Zot ki responsab  pou sa bann Kontra.  En lalis dan mon distrik e tou Manm osi ti ava kontan netway larivyer, lekel ki lav binsite.  Si i annan en problenm mon pa vin kot zot, mon pa al  kot DA mon call sa dimoun direkteman mon dir, ‘’frer pe annan en konplent la lo semen, silvouple rezourd.’’  Anfet de semenn pase, en dimoun fek kriy mwan ek  DA an menm tan kot legliz nou ti pe asiste en lanterman, pou dir nou zisteman ti annan en bout dan Mont Buxton ki ti sal.

Me si mon ti konnen, mon ti ava’n koz ek sa dimoun personnelman.  So silvouple mon enplor zot ankor pou 2016, 17, 18 fer katriyenm fwa la –  Ok, mersi.  Mon kestyon prezan, mon vwar ki zot in met enn zot bann challenges se ‘’lack of adequate landscaping site due to urban developments.’’ 

        Mon kestyon se ki, eski zot pe fer konman en antite pou demande ki vin part of plan letan pe soumet en plan kot Planning, i annan en bout landscaping ki ganny met ladan.  Konmsi nou fer konman en forse basically, sa ki mon pe dir.   Wi – konmsi zot met sa propozisyon devan.  Premye kestyon.

2enm mon vwar ki baze lo zot manda mon krwar enn bann endikater ki zot ti’n merit montre nou, pou dir pou annan en zefor pou redwir salte.  Pou redwir lakantite salte ki nou pe generate dan pei sirtou, sirtou konmans par bann lenstitisyon Gouvernman;- par egzanp lekol.  Me mon vwar dan zot dokiman ki zot in donn nou napa sa.  So mon ti ava propoze ki dan bann lannen ki  vini, zot konsider met sa.

E trwazyenmman enn bann keksoz ki zot oblize fer dapre zot manda se kolekte data zisteman, lo lakantite salte ki nou pe generate.  Me selman mon ankor dan zot dokiman ki zot in donn nou, mon pa vwar prezan pou mwan konnen si vreman konman en Nasyon nou a pe fer zefor pou nou vin en pe pli prop, en pe pli konsyan vizavi lanvironnman.  Sa 3 remark ki mon ti anvi soumet Mr Chair. Mersi.

 

MR SPEAKER

Mersi Onorab.  CEO.

 

CEO  FLAVIEN JOUBERT

Mersi Mr Chair.  Vitman konsernan sa demann ki Onorab Henrie in leve.  Ki ti ganny fer avek nou lannen pase.  Me apepre pa plis ki en semenn pli tar nou ti anvoy en lalis konplet kot Lasanble mon rapel.   Petet mon pa konnen si ou pa’n ganny kopi me selman sa lalis i available e ti ganny transmet.  Mon rapel ou ti ganny reminder, akoz ou ti pe tarde par 3 zour.  Me selman apre nou ti fer li ariv kot Lasanble, deswit apre.

So si ou pa’n gannyen nou ava fer mannyer ki nou ava donn ou en lalis updated.   Mersi.

 

MR SPEAKER

 

PS ALAIN DECOMARMOND

Mersi Mr Chair.  Bonn apre midi tou bann Manm Onorab.  Zis pou tous en pti pe lo zefor ki pe ganny fer an relasyon avek bann lenstitisyon Gouvernman, lekol ensidswit.  Lannen pase Minister ti prezant en papye Cabinet an relasyon avek bann mezir ki within Gouvernman e  bann lenstitisyon Gouvernman enkli edikasyonnel ensidswit, i kapab fer, pou en pti pe pli eco-friendly.  Sa ti tous byensir lo kote salte, rediksyon salte, e osi ti annan bann laspe pou fer avek konservasyon delo lenerzi.

Donk sa ti ganny aprouve e atraver CEOs Forum ki Gouvernman i annan, bann detay ti ganny prezante e gradyelman byensir a diferan nivo, bann diferan Minister bann departman, mn kontan ki Lasanble, in konmans sa parey bann pti mezir, bann pti aksyon ki zot fer.  Zot konmans fer bann diferan aksyon par egzanp pou redwir plastik dan zot loperasyon.  E osi par egzanp an relasyon avek dan Gouvernman li menm, even avan sa papye atraver nou Bidze byensir, nou bezwen fer sir ki napa wastage.  E ler nou pe koz wastage, spesyalman i an relasyon ek stationary, papye, lank ensidswit bann keksoz ki ganny servi konstaman dan Minister.

So sa atraver Minister Finans e osi ou demann bann diferan Minister ban MBAs nou keep a line lo la pou fer sir ki napa wastage an term  ki mannyer bann keksoz debaz i ganny servi.

E osi par egzanp ler nou fer procurement, par egzanp sirtou dan Gouvernman parey ou konnen bann Lotorite, diferan landrwa nou servi bokou sa ki nou pe dir bann appliance elektronik, computer, ensidswit.  Sa osi nou kit en lizye en pti pe pros lo la, akoz deplizanpli sa issue electronic waste i konmans vin en emerging  issue pou nou, an relasyon ek salte.  E nou kit en lizye lo la pou fe sir ki sa ki pe ganny aste i lo en nivo standar.  Par egzanp dan ka pou mwan par egzanp lo mon kote, mon vey byen si i annan serten supplier ki’n supply nou serten keksoz, ki mon vwar detrwa mwan pli tar ki en mwan pli tar en computer i kase ensidswit.

Donk nou veye ki nou pa ganny bann procurement osi ki bas kalite.  Donk i annan bann pti plizyer diferan aktivite ki ganny fer.  Par egzanp dan lekol sa bokou plizyer lannen bann aktivite i ganny fer Minister Ledikasyon, nou seksyon lanvironnman osi, pou travay ek bann lekol.  Parey zot konnen zot in kapab tamed in annan bann konpetisyon eco-school.  Annefe la semenn sa semenn la i annan pri ki pou ganny donnen bann meyer lekol.  E i annan en kantite zefor i bann lekol bann Headteacher, bann zenn, bann zanfan zot mete pou redwir salte, pou met an plas bann mezir konversasyon lenerzi, delo ensidswit.  Donk i dousman, dousman nou pe ale dan sa direksyon.  Me byensir i annan bokou plis ankor ki nou kapab fer.

E sa i en keksoz ki ou pe kontinyelman pe preach avek bann staff, e osi bann heads of section pou port en pti pe plis latansyon.   Espesyalman an relasyon avek kalite keksoz ki nou servi e osi versus   wastage ki byensir i enportan pou nou kontrole.  Mersi Mr Chair.

 

MR SPEAKER

Mersi PS.   Minis.

 

MINISTER WALLACE COSGROW

Mersi Mr Speaker.  Zis pou mwan azout sa ki PS in dir.  Annefe PS in highlight preski tou. Zis pou dir osi ki Cabinet ti pran en desizyon – de Cabinet pase ki from now on dan Gouvernman ler nou fer  nou bann aktivite ofisyel, pou napa balon.  Konmsi nou pa pou met en ta balon partou.  So sa i en sirkiler ki nou pou ki nou pou release tre o byento.  So at least dan bann events ofisyel.

Ankor pou ankouraze pou redwir lakantite salte ki ganny zenere dan bann aktivite gouvernmantal.  Mersi bokou Mr Speaker.  Mon krwar i annan en issue en kestyon landscape, lack of landscaping sites –    sirtou urban development.  Mon krwar sa i en diskisyon ki nou annan.  Akoz nou ganny reprezante lo Planning Board e i en i bann diskisyon ki nou annan sak fwa ler i annan bann plan ki ganny submit, i annan bann requirements ki nou mete.  Nou realize parfwa parey i annan bann landrwa sirtou lo bann areas kot i pa neseserman fasil pou enkorpor – an vi groser teren, pou enkorpor serten landscaping.   Me selman as much as possible, nou rod fason ki mannyer pou fer serten rekomandasyon.  E osi mon konnen Planning i annan serten bann lezot rekomandasyon konsernan greenery. I annan bann rekomandasyon kot i annan bann roof top greenery tousala.  So nou seye.  Nou seye.  It’s a challenge parey ou remarke dan nou dokiman, but  nou seye ki mannyer nou kapab fer antre.  LWMA osi i annan son seksyon landscaping  kot zot, zot osi as much s possible sey landscape lavil, urban areas, e met en pe plis greenery dan lavil.  So sa i larepons.  I annan issue data ki CEO  i ava take up. 

 

MR SPEAKER

Mersi Minis.  CEO. 

 

CEO FLAVIEN JOUBERT

Mersi Mr Chair.  Bref-man kot i konsern landscaping  zis  pou azout en pti pwen osi, se ki mon krwar Manm Lasanble zot konnen ki i annan en plan, ki Minister Land Use in deza met pare.  Nou’n deza ganny en konversasyon mon pou dir preliminer lo la avek zot.  Enn bann keksoz ki nou le mete dan nou bann Plan D’aksyon dan lannen ki vini,  nou pa ankor ganny sans asize avek zot, pou nou defini tou bann landrwa ki merit ganny fer landscaping.  Akoz sa plan i kouver tou sa bann sanzman ki nou vwar pe ganny fer dan lavil ek semen ek round about, eksetera.

E nou, nou le ganny en diskisyon detaye avek zot.  E target serten landrwa dan en fason en pe pli permanan.  Zot a realize ki nou landscaping dan lavil en bon pe landrwa i ganny fer, apre ou vwar i annan serten devlopman  i ganny fer apre nou bezwen tire, re mete, aziste, eksetera.  Alor nou le fer li en pe pli permanan, travay avek MLUH dapre sa plan ki i annan pou lavil e met bann landscaping ki bokou pli permanan e bokou pli dirab, ki an mezir nou ale lavil i ganny sa nivo  sa nivo vezetasyon  ki sipoze annan, olye, ki nou annan bann fler ki  ganny mete partou apre nou bezwen vin tire.

Kot i konsern data Mr Chair, mon krwar i en bon kestyon ki Onorab in leve.  Nou, nou osi rekonnet ki koleksyon lenformasyon i enportan pou nou.     Nou’n aktyelman allocate en staff nou’n aktyelman allocate en staff pou li travay lo konpilasyon bann data ki nou zenere dan Lazans  pour ki nou annan bann lenformasyon ki vre.

Zot a realize ki preski tou bann rapor ki’n ganny fer dan lepase, kot i konsern salte Sesel preski tou i baze lo estimasyon.  E nou, nou krwar ou bezwen pran en  pe plis sa problenm an men.  E vreman annan bann data ki nou konnen nou, nou kapab depan lo la.

Alor ki nou pe fer nou, lo nou kote parey mon’n dir premye keksoz se ki nou annan en staff ki la aktyelman, son louvraz enn bann latas prensipal ki annan se toulezour anmas lenformasyon sorti kot bann diferan landrwa.  Nou’n anba bann larzan ki ou pa’n depanse an 2019 ou’n koz avek Minister Finans, e nou pe acquire  2 weighbridge pou Praslin/La Digue.  Praslin/La Digue nou’n toultan baz li lo estimasyon.  Tou salte i in kot landfill nou senpleman estimen.  E nou pa zanmen konnen kantite ki nou annan dan diferans klas.

Alor nou pe aste, sa 2 weighbridge. Nou’n fini fer laranzman, e nou espekte ki sa 2 way bridge i pou ganny enstale, swa premye kar – swa 2enm kar lannen prosen.  I bezwen ganny enporte sorti Sud Afrique.  Me selman nou’n fini fer laranzman ek POU pou direct bid avek en konpannyen ki  pe fer menm kalite weighbridge  parey nou annan Providence, UCPS, eksetera.  Alor pou nou kapab ganny backup teknik.   E sa nou’n fini fer laranzman e i sipoze ganny met an plas Praslin/ La Digue.  En fason ki  nou ganny  statistik partou ki korek.

E osi mon krwar i plis zis pou bann dimoun akoz bann dimoun i vin kot landfill i pey son salte.  Me selman ou pe baz li lo en estimasyon.  I pa fair pou sa dimoun, akoz sa dimoun i ti a kontan ganny en resi pou dir in zet tel ou tel tonn salte e i kout tel, tel kantite.

Alor lo kote weighbridge lo kote Providence parey mon’n dir LWMA depi le premye Zen in take over larantre weighbridge e i pe fer koleksyon reveni e i pe generate bann statistik.  E nou osi annan en waste classification ki  nou’n travay lo la, nou’n fini met an pas la.  Kot nou pe fer sir ki nou klasifikasyon salte osi i pli annord.  Akoz dan  lepase ou a realize ki salte komersyal avek minisipal ti ganny ranmase ansanm, e nou pa konnen ki kantite ki annan dan sa klas diferan kalite salte.  E sa osi i  koz en bon pe konfizyon.

Alor nou lo nou kote nou ase konfidan ki dan petet dan sa 6 mwan ki’n pase depi Zen ziska la.  E dan 2020 nou pou annan bann statistik ki bokou pli enteresan.  I pou donn nou en pli bon portre vreman ‘ki sityasyon salte Sesel.  E petet i kapab sirprann nou osi lo serten ki nou ti krwar tel sityasyon me i aktyelman pa neseserman vre.

Alor se sa Mr Chair ki nou pe fer pou adres sa size data lo salte.  Mersi.

 

MR SPEAKER

Mersi CEO.   Onorab Henrie.

 

HON GERVAIS HENRIE

Mersi Mr Chair.  Mersi pou ou larepons. E anfet mon’n not desizyon ki Cabinet in pran ki Minis in dir nou.  Mon welcome sa, sa zafer ban balon.  E nou konman en parti politik depi konmansman lannen nou ti’n pran en desizyon nou’n ban the use of balon kot tou nou bann aktivite politik.  E mon krwar la nou ti ava fer en lapel pou piblik  Seselwa aret servi balon dan zot aktivite.  E sirtou, sirtou lo lans.  Akoz zot pe kree en problenm pou nou eco-system.  So pran sa an kont, akoz la i annan legzanp ki’n ganny etabli.

Mr Speaker, zis vitman lefe ki nou pe koz lo zesyon salte.  Petet ti ava byen ki si i tonm kot zot pou donn nou en update lo sa zafer boutey an ver.   Parski nou pe koleksyonn en R2 lo la.  Me apre ki pe arive ek son zesyon.  Mwan vreman i bles mon leker, konmsi zis pou en boutey diven al zis zet parla.  Akoz mon anvi ki i ganny manage byen. So ki pe arive avek sa silvouple?  Mersi.

 

MR SPEAKER

Mersi Onorab. PS Decomarmond.

 

PS ALAIN DECOMARMOND

Mersi Mr Chair.  an relasyon avek sa progranm ki  Gouvernman ti anonse pou resikle bann boutey ver;- prensipalman bann boutey lalkol, depi Oktob lannen pase 2018, Gouvernman in konmans enplimant sa levy collection  kot lo sak boutey ki pe antre dan pei lalkol bann diferan kategori lalkol, parey zot konnen – R2  i  pe ganny kolekte par SRC.  E sa i pe ganny i pe ganny byensir transfer dan        Trezor.

E apre sa larzan evantyelman i ganny transfer dan Waste Management Fund.  Ki pou more or less finans sa redeeming programme kot boner lannen prosenn nou’n aim pou pli tar konmanse ver Mars lannen prosenn;-  piblik pou kapab konmans redeem bann boutey ver dan bann Redeem Centre parey i marse en pti pe avek can e plastic bottle pet,  kot zot kapab ale ,anmennen e zot ganny R1.  E prosedir pou sa progranm li menm, la aktyelman i dan faz evalyasyon bann bid.  Ti fer  en ‘’expression of interest,’’ pou bann biznes ki enterese pou run sa bann Redeem Centre.  Apre en recycling centre baze Providence pou kraz sa ver – sa boutey ver.  E sa ki nou’n  deside pou lemoman pou konmans avek byensir, se ki  sa once i ganny kraze i pou ganny servi pou kouver landfill. 

Parey oui konnen la pou lemoman landfill i ganny kouver avek coral fill ki ganny dredge dan lanmer.

E vi k i son konponan i en pti pe parey, nou’n deside pou servi li konman en landfill cover.  E byensir parey zot konnen  deor e i annan plizyer lezot fason ki ou kapab servi laglas ki’ ganny kraze ;- par egzanp i annan dan pei ki i ganny servi dan koltar, dan baz semen li menm.  Nou’n fer en premye diskisyon avek SLTA pou zot konmans reflesir lo la dan lefitir.

Donk pou lemoman sa i en pti pe plan.  So ver Mars pou annan piblik pe esper avek enpasyans.  I annan en kantite koleksyon pe ganny fer.  Piblik pou al konmans redeem sa bann boutey.  E sa i pou konmansman parey ler nou ti anons sa progranm, nou ti dir nou pou konmans avek boutey lalkol  akoz i en kategori ki pa tous tro bokou sosyalman, rather bann lezot keksoz;- par egzanp boutey ver juice, ki nou pa le i vin en issue kekfwa pou fer monte pri lavi ensidswit.

Donk pou lemoman nou pou roll out avek boutey lalkol e nou pou vwar ansanm avek fon Waste Management ki mannyer i ale, apre nou a regarde si nou pou azout lezot boutey an ver dan sa progranm.  Mersi Mr Chair.

 

MR SPEAKER

Mersi PS.  Onorab Egbert Aglae.

 

HON EGBERT AGLAE

Mersi Mr Speaker.  Bonn apre midi Minis, PS, ek ou delegasyon.  Mon premye kestyon;- eski i annan dan sa Bidze kot i konsern koleksyon municipal waste, eski CEO i kapab eksplik nou konbyen anrisisman pe kout nou la ozordi?    An vi  ki bann Kontra dapre mon konpran in fini.

Dezyenmman, kot i konsern waste   ouswa shredder ki zot sipoze rode pou me lo landfill, eski sa pe materyalize pandan sa Bidze ki pe vini la 2020?

E osi mon ti a kontan demann CEO        kot i Konsern binsite, akoz ozordi i annan en bon pe konplent sirtou avek bann rezidan ki swa ler bi i obor zot.  Eski zot pe mazinen pou annan serten form of regulation, ki a fer ki sa dispit kankan akoz personn pa le sa obor zot ouswa dan zot backyard parey nou dir.  Ki  enn fwa pou tou nou ava kapab annan en solisyon pou nou kapab rezourd sa problenm.

E dernyerman mon ti a kontan demande i annan sa Bidze 40milyon pou ‘’landscaping and beautifcation’’ si ou ti kapab eksplik en pe sa Lasanble ki mannyer sa pe marse ozordi?  Akoz mon rapel lontan ti annan mon vwar zot en pti pe pli aktiv.

Petet sa 40milyon i pou fer kwa sa beautification services?  Eski zis i  dan lavil ouswa bann lezot landrwa ouswa zot pe Kontra avek bann lezot pti kontrakter?  Eksplik nou en ptigin ki mannyer zot zer sa 40 milyon,  silvouple?    Mersi.

 

MR SPEAKER

Mersi Onorab.  CEO.

 

CEO FLAVIEN JOUBERT

Ok mersi Mr Chair.  Mersi Onorab pou ou kestyon.  Kot i konsern municipal waste collection letan mon pe get bann lenformasyon ki mon annan, i pe kout nou apepre R713mil an plis ki avan, avek bann nouvo tender.  Me selman nou ti enform Lasanble ki i annan en kontrakter ki pou out, alors son non pou ganny re tender, sa i sa kontrakter ki fer central least, rezyon Plaisance, Roche Caiman Mont Fleuri osi.

E osi i annan en lot lot, lot Baie Sainte Anne ki li i ankor anba appeal, from sa premye tender e li osi i pa ankor vwar son desizyon.  Alors sa de ki posibleman i pou afekte en pti pe sa figure letan zot rezilta i sorti.

Kot i konsern shredder Mr Chair nou’n fini enport shredder dan pei bann enzenyer sorti L’Allemagne pe arive le 10 Desanm e nou pou asanble li akoz in vin an morso nou pe rasanble li isi Providence le 10Desanm e nou pou fer konnen piblik   byensir i pare.  Me dapre progranm i pou apre 4 zour pou li fini fer sa travay ki Desanm nou fe test run   e nou pou konmans prepar nou pou met li anmars.

Kot i konsern binsite Mr Chair, mon krwar konsern Onorab i zistifye, akoz i annan en kantite en bann konplent kot i annan binsite.  Sa lannen ki’n pase nou’n osi atraver nou Bidze nou’n osi kontribye dan bann binsite e nou’n mon ti a profite la pou kapab rekonnet bann zefor ki mon vwar in ganny fer dan bann distrik avek bann DAs ek Local Government boner dan lannen, e finalman mon vwar ki i annan en bon pe landrwa ki bann binsite pe aktyelman ganny improve. 

Nou lo kote Lazans nou’n travay avek en prive, nou’n fer Marie-Jeanne, nou’n fer Anse La Mouche, nou’n fer kot SBC, Hermitage, nou’n fer Plaisance, Ste Therese. Mon krwar se tou ki nou’n travay lo la.

E nou, nou pe ankouraz bann DA osi pou kontinyen atraver zot Bidze e osi nou kot nou kapab atraver nou Bidze pou nou improve binsite.  Akoz enn bann rezon ki bann dimoun pa oule aksepte annan binsite obor kot zot, se ki sa bann binsite zot leta ki zot ladan i pa contain byen salte.  E osi bann practise ki bann dimoun i fer.

So mon dakor avek ou ki nou bezwen osi annan ban lareg pli for, lo bann dimoun ki kree bann dezord lo binsite  e ki menm met bann salte dezord.  Me nou, nou travay avek bann DA pou nou kapab improve en pe bann sa size,   kalite binsite ki nou annan, containment bann salte.  E fer sir ki i da en pli bonneta.   Lamazorite bann binsite ki nou pe gete zot kapasite pa sifizan.

E osi i annan lezot keksoz ki nou pe gete nou, an term teknolozi parey si ou get dan nouvo plan rekomandasyon se ki, nou bezwen konmans osi mazin nou groser bin ki nou pe servi.  Nou pe servi bann bin 240lit, e i annan serten landrwa mon a pran par egzanp Beau Belle i annan 15bin e pou nou expand nou pou ariv 20- 25 bin i pou vin zis en seri bin a longer semen ki pa  fezab dan lefitir.

Alor nou bezwen re mazin osi lafason ki nou pe contain nou salte, groser kalite, bin ki nou pe servi.  E nou, nou ti a voudre dan   nou Bidze   2020 ki nou osi fer bann lesey avek bann gro bin ;-bann gro bin 600 ouswa mil lit ki nou konnen konminyon ki  adapte i kapab leve,  pou ki nou kapab petet trouv en pe solisyon pou sa bann kalite problenm.

E apre osi dan lefitir nou bann plan parey ou’n dir, dan nou plan lonterm ki apre nou pou retourn ek Gouvernman byensir bann lannen ki vini, pou nou koz lenvestisman, se nou bezwen reget nou sistenm koleksyon.  Akoz i annan en kantite landrwa ki nou pe depan lo en sel binsite, pou  tro bokou lakaz.  E nou bezwen regete ki mannyer nou kapab dispers nou koleksyon atraver tou sa bann lespas ki nou annan, pou ki  i pa en dimoun tousel oubyen en  fanmir tousel, ki sibir problenm lo lapar komite antye.

Alors sa osi nou bezwen mazinen.  Mon ava profite osi pou mansyonnen nou’n fini lans tender pou mil bin pou Perseverance.  Alor nou le aktyelman pe tir tou binsite Perseverance  dan petet  2020    si nou arive  fer li, e fer en trial avek en sistenm koleksyon endividyel kot napa sa problenm binsite;- napa sa bann presyon lo en sel dimoun, ouswa en sel fanmir ki pou ganny sa problenm avek salte.

Alor nou pe bouze da sa direksyon, me mon ti a kontan petet met lanfaz lefe ki i ti a bon nou ganny nou kontinyen ganny sa korperasyon ki nou’n konmans gannyen avek Gouvernman      Lokal pou akonpanny nou lo bann diferan site.  Lo bann refer bann binsite kot i neseser e osi pou bann opsyon kot nou napa.  I annan plizyer landrwa kot dimoun pe demande pou tir tou binsite, e nou’n vwar nou pe ganny difikilte ansanm ek Gouvernman Lokal pou kapab vwar en solisyon pou zot.

Kot i konsern beautification mon pa’n koz lo sa Bidze 40milyon. Dan 40milyon beautification i kouver kontrakter;- bann kontrakter fer landscaping.  Par egzanp highway, anvil eksetera.  Praslin/ La Digue osi.

E osi i annan en kantite bann travay ki ou fer.  Par egzanp resaman la nou’n fer travay pou nou reabilit serten dan milye Perseverance.  Nou annan plizyer park ki nou le travay lo la.  Nou annan plizyer bann proze kot nou le fer bann rebwazman ek bann amenazman, kot i demann bokou depans.  Par egzanp nou oule la aktyelman al refer Roche Caiman Park sa nou’n fini konmanse.  E Bois De Rose Avenue nou bezwen remet later antye konble li, aranze, fer li byen normal.

Alor i annan en kantite sa bann keksoz ki nou bezwen fer, anba sa konponan e nou kapab donn ou bann detay, bann breakdown diferan morso anba la, ki pou montre ou kote sa larzan pe ale.  Me mon kapab asir ou Onorab ki sa bann larzan i pa pou ganny gaspiye dan bann proze initil.  I bann keksoz ki nou bezwen fer.  E si ou annan okenn konsern petet a kapab donn nou bann konsern, ouswa lo serten demann pou nou target serten keksoz ki petet ou vwar pe ganny targete.  Mersi Mr Chair.

 

MR SPEAKER

Mersi CEO.  PS.

 

PS ALAIN DECOMARMOND

Mersi Mr Chair zis pou azout en pti pe relasyon avek sa ki CEO in mansyonnen an term presyon ki i annan lo nou sistenm koleksyon apre bann fasilite.  Polisi, lapros Polisi dan sa domenn i se ki nu anvi redwir as much as possible bann diferan kalite salte.  Parey nou dir waste stream ki antre dan sa sistenm par egzanp kot bann binsite e osi even ki antre dan landfill. 

         E enn bann mezir ki nou pe eksplore nou konmans fer serten diskisyon serten kominikasyon lo la.  Hopefully nou kapab konmanse lannen prosen,           Se pou etablir bann sant rezyonal kot sirtou lo kote sa ki nou dir green waste bann zerbaz, bann feyaz bann keksoz bokou dimoun i amenn kot binsite, evantyelman i ranpli binsite vitman.

Donk nou annan diskisyon ek Minister Later e osi evantyelman ek Minister ki responsab pou  Lagrikiltir pou vwar si nou pa kapab etablir serten lespas rezyonal pou kapab etabli bann landrwa kot dimoun i kapab anmenn zot bann green waste.  E sa i kapab ganny prodwir ver compos. 

        I annan deza lentere, par egzanp dan sid.  I annan Lasosyasyon Bann Fermye Anse Boileu ki’n apros Minister zot enterese pou antre dan sa travay.  E nou pe facilitate sa ansanm avek Minister later pou idantifye posibleman serten site kot nou kapab ankouraz sa bann aktivite.

E osi pou ankouraz ankor sa aksyon resiklaz si oule ou Agency   bann kategori keksoz ki pou lemoman nou annan bann progranm resiklaz ;- par egzanp pet, can evantyelman boutey ensidswit.  As of lannen prosenn nou pe envestir dan bann bin resiklaz.  Parey zot konnen, parey zot in vwar dan lemonn antye diferan bin, diferan kouler.  Kot dimoun i kapab depoz pet, depoz can, e ver boutey.  Sa i pou ganny plase an bann landrwa stratezik dan serten distrik pou konmans avek, e osi dan bann landrwa kle par egzanp dan lavil Victoria e bann sant komersyal.

Pou ankouraz en pti pe ki dimoun i partisip plis dan sa separasyon, lo nivo  komersyal e osi dan lakour an relasyon avek serten sa bann kategori salte ki nou pe deal avek.   Donk  sa i zis pou en pti lenformasyon anplis sa zefor ki nou pe mete.  Mersi Mr Chair.

 

MR SPEAKER

Mersi PS.  Minis.

 

MINISTER WALLACE COSGROW

Mersi Mr Chairman.  Mon pa vin prolonz deba lo la, zis konmsi mon pa anvi perdi sa loportinite mon konnen nou dan en diskisyon Bidze.  An mezir ki nou pe koz lo sa zafer binsite,  mon ti a kontan pran sa loportinite ankor pou remind piblik konmsi ki nou servi li en pti pe pli byen, ki ava met less burden lo  LMWA avek son bann kontrakter pou manage sa ban landrwa.  Par egzanp la, nou annan bann nouvo bins  in ganny mete, deza CEO pa’n fer resorti, mon krwar i enportan nou fer resorti.  Nouvo bins in ganny met da serten landrwa dimoun pe vole.  Binsites pe ganny servi byen parey i sipoze ganny servi ki fer ki bokou bann dimoun ki binsite i obor zot lakour zot vwar li en lenkonvenyan.  Ki petet si i ganny servi en pe pli byen, i pa pou sitan en lenkonvenyan pou sa bann dimoun.

So zis mon ti anvi pran sa loportinite Mr Speaker, akoz mon fer sorti sa.  Mersi.

 

MR SPEAKER

Mersi Minis.  Onorab Aglae.

 

HON EGBERT AGLAE

Mersi Minis, CEO pou zot larepons PS.  Zis en pti siplemanter, Minis  swa CEO ou’n fer resorti ki par egzanp Perseverance i ti annan sa proze pilot kot zot ti pe met en skip pou koleksyon salte.

Eski a lavenir zot pa pe mazin osi pou bann landrwa ki problematik avek binsite avek bann housing estate, ki a lavenir ler i annan bann nouvo konstriksyon zot konsider osi pou petet pa met en ta bin.  Petet plasman en  skip.  Akoz nou vwar dan bann bokou pei  zot i annan  en lenterval ki koleksyon salte i ganny fer, dan en fason endikatif osi dimoun i a konpran.  E sa skip osi  i pou ede akoz bin lisyen lot i pase i zet ater.   Li i kapab vin en pti  pe pli dan en fason modern.  E dernyerman Minis mon ti a kontan demann CEO, bann Kontra semen bann alloted lots ki pa ti ankor tender in fini tender.  Mersi.

 

MR SPEAKER

Mersi Onorab.   CEO.

 

CEO  FLAVIEN JOUBERT

Mersi Mr Chair.  Mersi Onorab pou kestyon.  Mon krwar i en bann propozisyon.  Parey ou’n remarke – fer remarke nou’n realize ki Perseverance sipoze al servi plis sa bann pti bin. Nou bezwen amelyor nou fasilite.  E se pou sa rezon nou’n deside pou met sa bann skip.   Ki mon krwar a longer di-tan dimoun i a konmans konpran, lafason ki i ganny fer.

E byensir i napa sa problenm kot zannimo i antre ladan i bann dega partou.  Parey mon’n dir nou, nou pe target evolisyon nou sistenm.  Nou bezwen get byen ki mannyer ou fer evolye nou sistenm.

Resaman enn bann keksoz ki nou’n bann demann ki nou’n gannyen se, ou met bin kot tou bann housing estate ki pe ouver la, e sa i kree en pe problenm osi.  Petet bann dimoun dan distrik pe demann kestyon konsernan bann bin nef.  Nou annan bin nef nou pe distribye aktyelman nou’n acquire en total 850 sa lannen.  E nou pe distribye li,  me selman nou bezwen osi satisfer demann dan bann nou housing estate. 

Me selman lo kote lo kote amelyorasyon sistenm koleksyon byensir, nou, nou pe get bann lezot kalite bin.   E parey mon’n dir nou le get bann bin pli gro 600 lit mil lit eksetera.  E skip osi an konbinezon avek sa e  nou, nou pou fer sir ki anmezir nou ale, nou vin ek bann solisyon ki apropriye.

Sirtou bann landrwa ki i annan for dansite dimoun.  I annan bokou units, bokou apartman, bokou bann diferan block ki pe ganny konstri.  E nou le ki dan sa bann landrwa sirtou, akoz si nou pa fer li nou pou ganny en kantite problenm.  Mon krwar ou’n remarke dan bann landrwa kot i annan en kantite dimoun dan en pti lespas,  zis avek en binsite i pa sifizan.  Nou bezwen vin avek bann lezot solisyon.  E skip  parey ou’n dir enn bann solisyon alor nou, nou pou gete ki  mannyer keksoz i ale.  E byensir nou propoz adisyonnel dan Bidze si nou vwar sa bezwen.

E i osi pou nou, i enteresan pou bann pti dimoun.  Akoz i  en form lenvestisman.  I en form biznes pou bann lezot dimoun ki ti a kontan antre servis skip. E nou, nou krwar i en keksoz ki nou merit ankouraze e dimoun pep Seselwa ki le enterese i osi i kapab apros nou, letan nou fer bann demann.  Li osi kapab ofer son servis skip  pou satisfer bann demann dan bann diferan landrwa.

Alor mwan pou mwan  mon welcome sa propozisyon e nou, nou pou travay dan bann lannen ki pe vini, pou nou amelyor sa bann sistenm  enkorpor sa bann propozisyon ladan.  Mersi.

 

MR SPEAKER

Mersi CEO.  Deputy CEO.

 

DEPUTY CEO RAHUL MANGROO

Mr Chair konsernan retendering. Annefe retendering in fini konmanse depi Novanm nou’n konmans kot in konmans ek lekol, sant lasante, apre netwayaz larivyer.

E la dan Desanm la nou fek konmans lans pou lans.  So mon ti a profit sa lokazyon pou mon enform bann bidders bann kontrakter ki ti anrezistre 2016, apre la ankor Septanm 2019 la i lokazyon pou zot vin aste zot dokiman, zot annan sa semenn pou zot fer li.  E next week nou pou al lo semen konmkwa Desanm – lafen Desanm nou’n fini fer sa prosedir retendering.  Apre rezilta i a sorti.  Mersi.

 

MR SPEAKER

Mersi Deputy CEO.  Onorab Francois Adelaide.

 

HON FRANCOIS ADELAIDE

Mersi Mr Chair.  Bonn apre midi.  Mon kestyon pou panel i lo paz 560 lo progranm (3) mon vwar i annan sa ‘’landscape and  beautification services.’’  Ki mon vwar i pe feauture Anse La Mouche Park.

So mon ti a kontan demann panel vi ki nou pe ganny la aktyelman nou pe ganny bokou bann gro laroul pe mont lo semen ;- e kontrer mersi pou reakte vitman Vandredi/ Sanmdi.  Me  mon’n trouve poudir i annan en defayans, akoz ler sa bann disab i monte i tonm dan bann rigol, apre nou tir zis sa ki lo semen.  Me dan rigol i reste e sa i ede pou fer okazyonn flood par deryer.

So eski nou annan bann lenspekter sirtou dan bann distrik, ki nou kapab kont lo la ki nou kapab call ler ou annan bann problenm koumsa?

Lo kote LWMA la,  nou still annan menm  Anse La Mouche i en landrwa ase touristik.   Mon vwar poudir lannen prosenn pou konpansasyon travayer  pou annan plis ki R14 milyon.

Be mon pe remarke ki  parler nou pa pe ganny valer pou nou larzan, me i annan bann keksoz ki ganny les pase.  Par egzanp i annan sa binsite la Anse La Mouche opposite kot i annan ant Kapatya avek Lobster Bay an menm tan i annan detrwa guest house la.  Nou annan en binsite ki nou annan bin an menm tan nou annan en lespas ki nou kite.  Prezan tou dimoun i vini i met nenport keksoz e sa pa ganny anmase regilyerman e sa i donn en move zimaz lo nou distrik.

Mwan mon pe demande ki  si i annan en pti larzan aktyelman la, ki deswit nou kapab erect a sign pou dir nou kapab zis akoz nou dir dump ki nenport dimoun i vini i  vin dump e then i vin en lenkonvenyan pou nou distrik.

Apre ankor lo   kote konpansasyon travayer.  So dan bann letan kot i annan dezas, i annan bann landrwa ki nou trouve ki pa ti pe manage, me nou’n sey rode e nou’n kapab trouve.  Tel ki par egzanp Valmer opposite sa gran miray la.   E la apre ler ki nou’n debourse en pe letan pase nou vwar ki’n napa swivre lo la, e nou la vwar delo i akimile lo semen.  Tel parey Anse Gaulette.

Mon ti a kontan konnen avek LWMA eski tou semen Baie Lazare nou annan kontrakter?  Be it secondary road, akoz nou’n fer en pe demann dan letan pase, e vi ki Kontra i ankor pe tarde.  Me nou vwar nou pe ganny sa bann problenm.

Eski ou kapab donn mwan en  leklersisman lo ki poursantaz nou distrik i ganny kouver avek bann zofisye ki pe netway – ki pe fer bann Kontra netway semen, netway lanmar avek netway lans?  Mersi.

 

MR SPEAKER

Mersi Onorab. CEO. 

 

CEO  FLAVIEN JOUBERT

Mersi Mr Chair.  Mersi Onorab pou ou kestyon.  Konsernan sa Minis mon krwar i a koz en pe lo sa size disab lo se0men, akoz i konmans vin en problenm ki’n vin ase enportan pou nou en sel group.  Menm si avan sa i ti annan me la i pe vin en pe pli grav.

Lo kote konsern Anse La Mouche binsite, Mr Chair nou’n deza fer kontak avek DA ki ti la oparavan Baie Lazare, e nou’n ganny diskisyon avek li, me apre mon krwar DA in sanze konsernan sa binsite Anse La Mouche akoz nou osi nou’n remark ki i en problenm.  E nou ti a voudre nou ki nou annan lezot landrwa kot dimoun i zet salte dan sa landrwa akoz ou a realize ki apard ki en binsite mon krwar kot lenstiti lagrikiltir nou napa ankor fasilite salte ditou eksepte mon krwar anler Santa Maria apre anba kot lenstiti lagrikiltir, apre nou annan sa enn la.

E i annan en gran popilasyon dan sa estate antye ki pa pe ganny deservi par okenn fasilite.  E nou, nou ti’n fer en diskisyon avek DA avan pou nou kapab trouv en lezot alternativ pou bin dan sa rezyon.  E osi pa anmenn tou salte obor main road akoz sa osi i e problenm.  Se ki nou pa kapab tir tou salte partou.  E anmenn li devan restoran, devan kot touris i sirkile lo bor main road.  Plito kolekte li kot bann lakaz kot i aktyelman i ete.  E nou ti’n menm koz lo opsyon – eksplor opsyon fer koleksyon par lakaz dan estate Anse La Mouche akoz sa osi i en opsyon.

I byen organize en konminyon i fasilman i kapab fer le trou dan estate Anse La Mouche.  Parey i pe fer dan serten landrwa anmas sak salte olye anmas salte dan bin.

Alors sa i enn bann keksoz ki nou’n gete me nou pa ankor ganny lezot opsyon pou a   grandi ouswa fer lezot binsite, fer serten lenformasyon kot i konsern bann later.

Me selman nou a pran sa sizesyon ki ou’n dir lo kote met en sign pou dir ek dimoun lo dumping mon krwar i enportan ki nou met sa.  Pou nou rapel dimoun ki zot pa sipoze pe dump dan sa landrwa.  Me an menm tan,  mon krwar petet nou pou tap laport osi Onorab, pou nou kapab ganny en pli gran en pli bon konversasyon lo kote Baie Lazare ki bann opsyon ki nou kapab anmennen pou sa landrwa, pou ki tou nou salte pa ariv lo bor main road e i pa poz sa lenkonvenyans ki pe kree la ozordi.

Kot i konsern sa kontrakter nou, nou pe travay avek tou nou kontrakter pou fer sir ki zot travay i mars byen.  Lo konmansman byensir tou kontrakter i annan zot bann difikilte.  E nou nou’n travay ek sa kontrakter ki fer dan sid ki kapab amelyor servis.

Dapre mon konpran,  i menm annan en nouvo compactor ki  i pe met lo semen,  mon pa konnen si semenn pase ouswa sa semenn ki pe mete.  Ki’n fer vini fer vini 3enm compactor in ganny bann problenm mechanic parey bann lezot kontrakter.  Me nou, nou pe travay pou ki nou kontrakter zot kapasite pou manage salte i toultan la.

Kot i konsern semen dan distrik nou pa kapab garanti ki tou semen i kouver, me selman nou, nou pe fer sir ki nou kouver maximum ki nou konnen, an kolaborasyon avek DA.

 Resaman la nou’n fer en legzersis avek bann DAs pou nou get tou bann extra semen ki nou annan ki pa ti pe ganny kouver, e petet nou’n remarke dan serten distrik bann semen ki pa ti pe ganny netwaye avan nou pe fer sir nou pe kouver sa bann avek nou larestan Bidze la, pou ki nou donn en fasilite bann dimoun byensir.  Me osi ki letan bann nouvo kontrakter i rantre lo site zot pa bezwen al fer netwayaz mazer lo sa bann site. 

Alor nou pe sey kouver partou.  Me selman si i annan enn oubyen de se en ki pa pe ganny kouver parey nou’n gannyen resaman zot toultan kapab enform Lazans, DA, lofis MNA, ouswa menm piblik i kapab enform nou, parey piblik in konplent dan lepase.  Zot dir nou tel semen pa ganny netwaye.  E nou, nou fer sir ki nou rod en fason avek bann kontrakter ki deza la pou nou fer sir tou bann semen i ganny kouver.  Akoz la prensip merit pe donn en serten minimum netwayaz dan tou semen dan bann distrik.

Mon krwar Minis, mon pa konnen si i annan lezot pwen.  Minis i a koz lo disab.  Mersi.

 

MR SPEAKER

Mersi CEO.  Onorab Adelaide.  Minis.

 

MINISTER WALLACE COSGROW

Mersi Mr Chair.  Mr Chair zis bref-man lo sa zafer disab.  Mon krwar avek sa bann surger laroul ki pe monte la resaman, i annan bokou landrwa lo Mahé, Praslin espesyalman La Digue osi kot disab i  mont lo semen.  I annan serten diskisyon ki nou pe fer avek Minister konsernen Land Transport, pou nou kapab gete ki mannyer nou kapab tackle lo sa pli byen lo lefitir.

Me selman par egzanp  bann disab ki tonm dan rigol, normalman si napa sa bann kantite disab ki mont lo semen parey nou pe rankontre la,  normalman dan bann lakot si disab i annan serten nivo disab ki vin dan semen, sa kontrakter semen ki pe fer sa semen i sipoze  kapab klersi sa bann rigol avek disab.   Mon pa pe koz bann disab ekstraordiner ki konmsi kantite ki vini avek sa bann problenm ki nou pe gannyen avek lanmer.

So an zeneral bann kontrakter devret kapab pe netway sa bann rigol tir sa bann disab.  Mersi Mr Speaker.

 

MR SPEAKER

Mersi Minis.  Onorab Adelaide.

 

HON FRANCOIS ADELAIDE

Mersi,  mersi pou zot lesplikasyon. Mon ti a petet anvi konnen – par egzanp ler ou pe dir nou telefonn sa bann landrwa.  Mwan mon le fer sa akoz Baie Lazare nou ti napa en DA.  So mon’n bezwen fer sir mon proactive,  mon bezwen fer tou sa bann keksoz mwan menm.

E prezan se sa ki arive once ou pas lenformasyon sa lenformasyon i tarde.   I pa ariv kot zot mon pa konnen si pa ariv kot zot ouswa zot ki tarde reakte.  E then dimoun i vin kot nou i trouve ki nou pa pe travay.

So pou sa rezon ki ler ouver sa platform mon bezwen fer sir tou mon lenformasyon pou ki at least mon kapab ganny en solisyon lo what’s the way forward. 

E mon ti a  kontan konnen, eski dan Baie Lazare i annan en lenspekter ki mon kapab call ouswa mon kapab ganny son limero si i annan okenn problenm mon kapab call li?  Mon dir Sir i annan tel problenm nou le en solisyon.  Eski nou annan sa?  Mersi.

 

MR SPEAKER

Mersi Onorab.  CEO.

 

CEO  FLAVIEN JOUBERT

Wi Mr Speaker nou kapab anvoy sa bann lenformasyon kot tou bann Onorab, e zot ava konnen lekel bann dimoun ki dan zot rezyon ki zot kapab call ler i annan okenn problenm.  Mersi Mr Speaker.

 

MR SPEAKER

Mersi CEO.    Onorab Jude Valmont.

 

HON JUDE VALMONT

Bonn apre midi Mr Chair.  Mersi bokou.  Bonn apre midi Minis ek tou bann panellist, tou koleg Onorab e tou manm piblik pe swiv  nou.

Mr Chair pardon eskiz mwan mn si retourn lo en size ki mon’n deza koz lo la oparavan dan Lasanble, ler Road Transport Commissioner ti la.  Mon ti a voudre met sa dan latansyon LWMA osi ;-  ki aksyon bon ki pouvwar zot annan pou pran aksyon lo bann sityasyon kot i annan bann derelict cars lo bor semen?   Ki zot, zot kapab fer?  E eski zot annan en eleman bidzeter la ki nou pou vot lo la ki kapab garanti ki nou kapab deal ek serten sa bann sityasyon?

Parey mon repete Pointe Larue i annan 3an i annan en loto lo bor kot lekol, lekol mon konnen mon’n deza koz ek PS oparavan.  Bokou laranzman in ganny fer, me selman loto i reste la.  Manrmay i mont la paran i express konsern e i en danze.   I en eye sore osi.  E sa pa zis al i annan detrwa landrwa osi.

Mon 2enm kestyon i relye avek sa ki Onorab Adelaide in dir lo kote lenspekter.  Kwa ki kapab ganny fer pou garanti ki sa bann pti kontrakter ki netway sa bann santye ki zot in gannyen sa bann semen la, ki zot fer li lo en baz routin? Akoz ki’n arive dan lepase e aktyelman mwan mon konnen bokou Onorab pou agree ek mon i annan sityasyon ki ou tande i annan pti kontrakter pe netway tel semen, me selman apre ou ganny dimoun i vini i dir ek ou sa dimoun pa’n vini oubyen semen i sal isi laba.  E finalman se LWMA distrik i ganny sa.  Alor  lenspekter ki rol ki i zwe ki frekans ki i gete, ki mannyer ou garanti ki sa bann dimoun pe fer sa bann louvraz.  E si zot pa pe fer kwa ki ganny fer pou fer sir ki zot  fer or zot ganny tire pou lezot dimoun fer sa louvraz e garanti ki nou  distrik  i reste prop?  Mersi.

 

MR SPEAKER

Mersi Onorab.  PS Decomarmond.

 

PS ALAIN DECOMARMOND

Mersi Mr Chair.  Ou pe dir Onorab Valmont an relasyon avek derelict vehicles, Onorab, Mr Chair, i en Lalwa ki devret ganny administre par Lapolis;- kot dizon i annan en senaryo kot i annan enn en   vehicle ki zot vwar ki dan en leta ki ganny konsidere konman derelict, i pa fonksyonnel.  Donk i annan bann prosedir anba zot Lalwa ki zot devret fer pou sey rode lekel propriyeter.  E si zot pa successful anba zot Lalwa zot kapab met en notis lo sa vehicle. E si apre en serten  letan pa marse menm anba zot Lalwa zot kapab pey sa ki nou dir Ayab la i vini  i lev sa vehicle, i anmenn li dan en scrapyard. 

Dan lepase mon konnen akoz byensir i konsern lanvironnman, nou’n lev sa avek Lapolis.  I pa’n mars byen akoz pou rezon resours ki Lapolis pa’n zanmen ganny sa resours pou kapab enplimant sa regilasyon.  E i en keksoz ki nou’n nou pe kontinyen diskite avek zot e raise sa konsern avek zot.

In annan bann lenstans dan lepase, kot i annan bann vehicle, son bann karkas loto ouswa konminyon ki ankor dan bon leta ki nou fer en dyalog avek Lapolis, e apre nou kontakte enn sa bann s bann  scratch metal recyclers bann dimoun ki deal dan metal.  E zot, zot vini zot pran sa karkas e zot resikle.  Me selman sa i bann  i pa en pratik  ki nou fer li tou lazournen.  Me selman i en keksoz ki Lapolis mon konnen zot pe sey vwar ki mannyer zot kapab ganny sa resours alternativman, pou kapab pey sa kontrakter priv epou lev sa karkas pou anmenn li dan en scrapyard.  So sa i issue ki’n ganny face me mon pa konnen si Onorab dan lepase nou annan serten kominikasyon avek Lapolis me selman i en Lalwa ki Lapolis i devret pe regle.

E nou, nou vini pou, pou sey ede, an vi avek problenm lanvironnman kan i posib.  Mersi.

 

MR SPEAKER

Mersi PS.  CEO.

 

CEO  FLAVIEN JOUBERT

Mersi Mr Chair.  Mersi Onorab pou ou kestyon.  Kot i konsern sa 2enm pwen kot i konsern lenspeksyon.  Mon konnen sa kestyon kalite lenspeksyon ti ganny leve lannen pase letan Minis ti vin dan Lasanble.

E nou sa lannen nou’n travay avek nou bann dimoun pou fer sir ki kalite travay ki zot fer nou bann lenspekter i donn plis lenformasyon lo travay ki bann kontrakter pe fer.

E nou’n fer training tou sa lannen.  An Oktob nou’n fer training lo management Kontra  avek kolaborasyon Guy Morel Institute.  Nou’n fer avek 36 staff dan lorganizasyon pou eksplik zot ki mannyer Kontra i ganny manage pou ki zot kapab travay pli byen e  delivre pli byen.  E la ki nou pe fer se travay lo nou bann sistenm rikord ki nou servi pou anmas lenformasyon lo performans kontrakter.

Me bann kontrakter ki pa perform Mr Chair, zis pou fer remarke ki nou pran aksyon avek zot.  Mon a donn zot bann statistik 5pou 2019 nou’n tir 6 kontrakter lo site ki pa’n perform an 2019.  I annan enn Anse Royale, enn Mont Fleuri, enn  Port Glaud, 2 Roche Caiman e enn Praslin Baie Sainte Anne.

E pou nou letan kontrakter pa perform nou donn li bann warning, nou travay avek li nou gete ki son problenm.  Nou siport li kot i neseser byensir nou bezwen imen dan lafason ki nou fer.

Me selman si vreman nou pa ganny rezilta nou bezwen fer en lot dimoun pase fer sa Kontra dan zot plas.  I annan osi bann kontrakter ki dan lemwan zot pa pe konplet zot louvraz e sa bann ka i annan plizyer.  Nou aktyelman anvoy en dimoun lo zot site pou konplet zot louvraz.  E apre nou tir larzan lo zot Kontra pou nou pey sa dimoun ki’n  fer.  E si sa i kontinyen alor zot ganny ranplase.

Alor nou lo nou kote nou pe ranforsi byensir nou sistenm lenspeksyon.  E nou bezwen menm si nou bezwen pran konsiderasyon parey i pe dir po nou bann ptipti kontrakter be selman nou bezwen firm dan la fason ki nou deal avek zot, pour zot zot osi konpran zot pou dir nou pe depans larzan piblik e ki nou bezwen omwen montre en rezilta satisfezan pou sa bann dimoun ki sipoze benefisye.  Mersi Mr Chair.

 

MR SPEAKER

Mersi CEO.  Onorab Valmont.

 

HON JUDE VALMONT

Mersi Mr Chair.  Mersi PS ek CEO pou zot repons.  Mwan mn ti a voudre adres sa enn dernyen kestyon a Minis.  Minis ava mon vot lo sa Bidze mwan mon ti a voudre ganny en komikman lo zot kote, ki at least en konmansman, mon vwar i zot kapab deal avek at least enn sa loto ki trouve dan plato anba Pointe Larue kot lekol.   Akoz i danze.  E dimoun i montre i annan konsern.  Alor mwan mon ti a voudre ganny zot komikman k i at least nou montre en konmansman.  Apre zot, zot a kontiny diskisyon.  Me selman sa ki mon anvi ariv zot se ki tou areas i ganny eksplor, e mon ti a voudre ganny sa komikman lo zot kote avan mon pran dan mon  desizyon pou pas en vot vote lo la.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Chairman mersi, Onorab mersi.  Mon krwar PS pe eksplik prosedir deal avek  derelict vehicle.  Nou, nou rantre ladan konman Departman Lanvironnman akoz it’s insightly.  I pa en zoli keksoz pou nou lanvironnman.   Me selman si mon kapab  reasir ou Onorab nou kapab kontiny nou zefor avek bann Lotorite konsernen fer sir ki nou kontinyen pouse pou  ki sa ban keksoz i ganny deal avek.  Annefe Pointe Larue i enn.  Detrwa semenn pase nou’n ganny en kontak avek  msye Le Niole i dir mwan laba osi i annan de.   Konmsi i annan detrwa landrwa en pe partou.  Nou ava kontinyen pouse avek bann departman konsernen ki swa Lapolis, ki mwan Road Transport Commissioner pou nou kapab fer sir ki nou vwar en amelyorasyon dan bann zafer.  Mersi bokou.

 

MR SPEAKER

Mersi.   Onorab savedir ou pou donn en vot?  Dakor.  Onorab Terence Mondon.

 

HON TERENCE MONDON

Mersi Mr Chair.  Bonn apre midi Minis avek ou lekip.  Mon premye kestyon an prenon kont lakantite dimoun ki’n partisip dan sa dernyen tender pou netwayaz.  Eski zot kapab dir nou si i annan okenn amelyorasyon dan kou bann servis netwayaz par egzanp dan netwayaz lanmar,  netwayaz semen, netwayaz lans, eski sa kou the cost per unit in sanze?  E ki fason i pe sanze ?

E dezyenmman mon anvi demann Minis, panel ki provizyon   zot in fer dan Bidze pou ranforsi lenspeksyon?  CEO fek koz lo la.  E eski zot annan sa kapasite imen neseser pou elev sa nivo lenspeksyon, pou fer sir ki Seselwa i ganny en servis ki alaoter;- ki pe get valer pou larzan?  Mersi Mr Chair.

 

MR SPEAKER

Mersi Onorab.  CEO.

 

CEO  FLAVIEN JOUBERT

Mersi Mr Chair.  Kot i  konsern bann nouvo tender, nou’n aktyelman fer en summary, tou bann rezilta ki nou’n gannyen apre tou bann prozeksyon ki nou’n osi fer pou anmenn tender.  Letan nou met zot a kote kanmarad nou vwar ki zot pou fit within sa demann ki nou’n fer.  I pa pou  neseserman  bokou pli ba me i pou tonm – nou pa pou bezwen okenn larzan an plis dapre sa prozeksyon.  Alor nou pa vwar ki i pou annan en sanzman mazer.  I preski parey.  Nou prozeksyon ek sa ki nou pe gannyen i tonm preski parey.

Alor nou bann rezilta i koumsa. Me selman i kapab fini sa tender konplet nou kapab update Lasanble petet lo vre figure tou bann rezilta ki nou’n gannyen.  Akoz i annan serten landrwa ki pa tou en bon poursantaz ki bezwen re tender.  I annan ki pe re tender 45poursan semen pe ganny re tender.  35poursan kategori twa ki lans avek larivyer ki pe ganny re tender.  E pou kategori kat landscaping 68 poursan pe ganny re tender. 

        Alor nou pa nou pa ankor arive lo en pozisyon pou nou kapab kon egzakt figure.  Me selman nou konn apepre dapre prozeksyon kot i pou tonbe.  E nou’n vwar ki i pa pou kree en problenm pou nou Bidze. Me i osi pa pou neseserman donn nou en gran rediksyon dan nou depans.

Me selman fodre fer remarke Mr Chair ki sa nouvo tender i pou bokou plis kilomet semen.  Alor menm si nou pe koz rediksyon i posib ki rediksyon per unit  i pe arive li.  Me selman nou pe koz bokou plis kilomet semen.  I pou compensate pou sa rediksyon, i pou fer li tonm preski parey aktyelman.

Nivo lenspeksyon byensir nou, nou pe travay avek nou bann staff.  I annan en progranm training ki nou’n met an plas.  Nou’n siny en  pti Lagreman avek Guy Morel Institute pou delivre plizyer,  plizyer topik avek nou bann lenspekter.  An Oktob parey mon’n dir nou’n fer contract management.  la dan Desanm, Zanvye enn bann keksoz ki nou pe travay lo la se health and safety e ler nou fer manual e apre nou le ki nou bann lenspekter i train e zot kapab enspekte bann kontrakter pou fer sir ki zot compliant kot i konsern health and safety.  

Ou a realize ki  bokou bann kontrakter pa pe swiv okenn lareg kot konsern sekirite dan travay, e sekirite propriyete.  E i annan lezot konponan ki nou pou travay avek zot lo la.  E alor nou, nou pe eseye pou nou amelyor nou bann sityasyon travayer.  I osi annan sa fakter imen, ki  nou pe koz ek Minister Finans  sirtou lo kote Scheme of Service, byensir pou nou fer sir nou bann travayer zot kondisyon i favorab e ki zot satisfe.

E zot kapab donn zot  maximum parey nou konnen nou bann travayer zot, travay 7 zour lo 7.  Nou bezwen lenspeksyon, servis salte i bezwen kontinyen, weekend menm zour konze piblik menm nou annan festivite pe vini nou bann lenspekter i still bezwen kouver sa bann zour e fer sir ki servis i ganny maintain.

        Alor nou, nou pe travay lo kondisyon nou travayer, 2020 nou annan review of Scheme of Service ki due.  E lo bann kapsite pou zot delivre e sa bann detay sa bann kapasite amelyorasyon kapasite mon’n prezant avek Board e Board in dakor avek mon lo la.   Lo bann diferan formasyon ki nou bezwen donn nou bann lenspekter  ki zot kapab delivre lo sa nivo.

Landrwa ki nou krwar i pou mank nou en bon pe amelyorasyon osi se lo nou bann laspe teknik.  E la nou annan menm bann formasyon ki nou bann staff in ale, i annan staff ki’n al dan L’Inde, i annan staff ki’n al La Chine.  E le 8 nou annan 2 staff ki pe al La Reunion pou kontinyen fer training.

E lannen prosenn osi,  nou annan training La Reunion pou ki zot kapab ganny ekspoze e konpran bann metod bokou pli solid ki nou kapab servi pou nou fer sir ki nou travay i ganny fer byen.

Alor i annan en bon pe travay ki nou pe fer pou amelyor kapasite nou bann staff  e osi amelyor kondisyon  nou staff.  E an mezir nou ale nou kapab donn plis detay.  An mezir nou devlop bann diferan progranm.  Mersi Mr Chair.

 

MR SPEAKER

Mersi CEO.  Onorab Mondon.

 

HON TERENCE MONDON

Mersi Mr Chair.  Zis en pti kestyon ki swiv;-   mon konpran CEO in koz lo kapasite pou build up kapasite zot staff.  Be eski  nou pe zot pe prevwar en logmantasyon lo lakantite lenspeksyon ki pou bann staff pou fer lannen prosenn?   Mersi.

 

MR SPEAKER

Mersi Onorab.  CEO.

 

CEO  FLAVIEN JOUBERT

Mersi Mr Chair.  Mersi Onorab lakantite lenspeksyon Onorab i pa toultan. I pa   toultan  en kestyon kantite lenspeksyon isi.  I  kestyon kalite travay ki ou fer letan ou al lo site.  E se sa ki  nou pe travay lo nou staff se pou fer sir zot improve.  I en kestyon de kalite lenspeksyon ki zot fer avek sa kontrakter. Par egzanp nou, nou pe demande ki zot fer en minimum en marse avek sa kontrakter lo son site annan tye sak mwan.  I en kestyon kalite rapor osi ki zot prodwir.  Akoz nou bezwen fer sir ki nou annan en bon mezir nou kapab mezir byen sa ki sa kontrakter pe fer akoz pa toultan ki rapor ki nou gannyen i reflekte vreman sa, ki pe arive.  Alor nou pe travay avek nou bann lenspekter pou fer sir ki kalite rapor ki zot donnen ek kalite lenspeksyon ki zot pe fer i amelyore.

Ou a realize ki nou kantite kontrakter pe monte.  Alor nou pa pou kapab senpleman zis ogmant nou kantite lenspeksyon lo site.  Nou bezwen pli smart dan lafason ki nou fer.  Nou bezwen fer sir vreman nou pe kouver letan nou kouver en rezyon nou pe kouver li byen.  Nou pe kouver li dan sa detay ki i neseser e nou pe prodwir en rapor ki letan nou’n archive li nou kapab swiv progre sa Kontrakter.  E si i  annan okenn aksyon pou pran osi, nou annan lenformasyon sifizan ki nou kapab servi pou fer koreksyon lo la.  Mersi Mr Chair.

 

MR SPEAKER

Mersi CEO.  Onorab Noline Sophola.

 

HON NOLINE SOPHOLA

Mersi Mr Chair.  Bonn apre midi Mr Chair, Minis ek ou lekip, ek tou dimoun ki a lekout.

Minis i vre ki taler zot in tous en pti gin lo bin, travay LWMA i fer se sa bann netwayaz anmase.  Me mwan mon pou al en pti pe pli devan.  Parfwa i annan bann dimoun ki pran salte zis i depoze.  E souvandfwa sa i arive lo propriyete Gouvernman.  E sa keksoz i ganny depoze i en hazard to the public prezan.

E sa ou pa konnen kote ou pou taye, lekel ki ou pou dir vin anmase vin tire ;-  ou tap laba i dir ou pa li.   Ou  tap laba i dir pa li.  E mwan mon ti a voudre konnen – akoz sa i en keksoz ki depi lannen des années sa i la.  E mwan mon ti a anvi ki nou vwar ou met en full stop.

Eski Minis i kapab eksplik sa Lasanble ki fason ki son Minister pou kapab adres sa sityasyon dan Bidze 2020 ?

E mon 2enm kestyon ki mon annan se ki an se moman la La Digue i annan bann boutey plastik, mon krwar 12 lit, ki pe trennen.   I vre en kote zot pe anmase, lot kote pe ganny vann.  Me sa vander i pa repran sa boutey apre.  E sa i fannen partou.   E nou’n dir nou menm dan lepase ki landfill pe plen.  E si sa bann boutey pou kontinyelman pran li nou pou al met kot landfill, nou konnen ki pou arive.  Si i kit dan bor bin ou konnen ki pou kapab arive.

E mon pe sey demande la dan sa Bidze, petet ki i annan plis prezans staff lo teren pou kapab vwar sa bann keksoz ki ti pe arive, e apre petet ki mannyer nou kapab adres sa dan Bidze.  Mersi Mr Chair.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Chair.  Mersi Onorab pou ou 2 kestyon.  Annefe konsernan bann dumping lo bann souvandfwa dan bann propriyete piblik, i mars en pe koumsa sa en? .  Si nou annan bann lenspekter ouswa nou annan bann dimoun ki fer bann rapor ki annan bann dumping, definitivman Departman Lanvironnman i kapab rantre pou vin fer serten investigation lekel ki’n zet sa.  Si  i at all posib pou konnen lekel ki’n zete.  E si en dimoun in zet e si nou konnen  lekel ki’n fer sa dumping lo sa propriyete, nou annan posibilite pou nou fine sa dimoun.  But at the same time prezan Departman pou kontakte Lazans pou demann Lazans pou ou rod en kontrakter or sa kontrakter ki fer dan sa landrwa pou vin retir sa salte.  So i mars en pe koumsa.

An term boutey ;- sa bann boutey delo wi i en konsern.  Annefe mon ti personnelman pran kontak avek sa lakonpannyen lorganizasyon e nou sipoze zwenn tre byento pou nou sey diskit lo en solisyon sa bann boutey plastik.  Mersi Onorab.   Mersi Chair.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Chair.  Mersi Minis pou ou repons.  Me selman Minis i vre ou dir konmsi sa keksoz i pou pran letan ler ou pou al rode lekel ki’n vin zete.

E i annan keksoz ki mon pe dir, mazinen La Digue keksoz i ganny zete dan La Passe, tou kliyan i debark la La Passe.  En keksoz i trennen, pre 3mwan, 6mwan.  Si i ti met sa konman en boul nou koupe nou fer li  vin en bin, la ek gran delo tou sa salte in flote partou.  Konmsi nou ankor pe rode menm pour ki.  Konmsi i napa en fason en pe pli vit ki nou kapab fer.  Sirtou si i lo propriyete Gouvernman.  Si i lo propriyete prive, sa mon konpran.  Me ler i propriyete Gouvernman ki nou bezwen e sirtou i la dan lizye piblik ki nou pe pase toultan.  Mersi.

 

MR SPEAKER

Mersi Onorab.   Minis.

 

MINISTER WALLACE COSGROW

Mersi Mr Chair.  Onorab wi mon dakor avek ou.  Si i annan okenn ka partikilye zofisye LWMA or zofisye  Minister Lanvironnman  ki vwar sa bann ka , zot devret pe raporte e actually devret pe kapab ganny pran.  Dabor pou nou anmas sa bann salte, tir sa bann salte.  2enm apre nou ava esey etablir lekel ki’n zete.

Me solman dimoun i bezwen practice.  Dimoun i ganny peye pou zot fer zot louvraz zot bezwen proactive.  Me si i annan  nesesite pou zot raport serten issues, bezwen raporte.  Nou bezwen pran aksyon lo sa bann  sityasyon.   Konmsi nou pa kapab tou lazournen nou bezwen escalate sa bann zafer kot PS, kot Minis, kot CEO.  Sa bann dimoun on the ground i bezwen kapab pran zot responsabilite Onorab.  Mr Chair, mersi.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Chair.  Bonn apre midi Minis ek ou delegasyon bezwen profit sa lokazyon vi ki tou  dimoun i la.  I annan en konsern dan sa bann dezas ki pe arive konsernan disab lo semen.  I annan en konsern ki annan semen par egzanp dan Baie Ste Anne ki i annan bokou disab.

Prezan dimoun pe demande, eski  piblik i ganny drwa tire sa bann disab oubyen non?  So letan Minister Lanvironnman i la alors mon a met sa pou benefis sa bann dimoun.

Mon lot kestyon se dan ou Bidze ki annan pou zesyon salte lo landfill Praslin?  Akoz depi lannen pase nou’n fer sorti ki Praslin napa spike wheel, napa balans.  Bann keksoz pe ganny fer par estimate.  Eski ou kapab dir nou kwa ki annan dan sa Bidze pou enhance servis laba lo landfill?

        Mon 2enm kestyon i annan kontrakter, pli bonker CEO in dir zot in kapab adres en pe bann peyman an retar.  Me selman i annan kontrakter Praslin ki pe travay avek municipal waste ki zot, zot pe eksperyans serten problenm.  I annan Kontra ki in donnen i annan dimoun ki’n ganny nouvo Kontra e i annan ki ankor lo vye Kontra.  E prezan zot anvi konnen si dan sa Bidze i fer provizyon ki ler si zot switch lo nivo Kontra si pou annan  en back pay pou letan zot in ganny zot in stuck lo vye Kontra ler lezot in ganny nouvo Kontra?

Apre nou rekonnet ki Praslin LWMA pou tender car hire nou vwar pou dir zot les sa loportinite pou bann dimoun Praslin ki byen, e prezan mon pe gete dan sa Bidze si i annan posibilite pou zot fer osi pare avek municipal waste akoz Mahé i annan sa gran loportinite pou bann dimoun Mahé. Me parey zot in fer ek car  hire, eski i annan posibilite ki pou municipal waste osi zot reflesir lo la.  Si sa i en keksoz ki zot kapab fer.

 

MR SPEAKER

Mersi.   Onorab.  PS.

 

PS ALAIN DECOMARMOND

Thank you Mr Chair.  Zis pou klarifye en pti pe an relasyon avek sa zafer disab la.  Zis pou enform zot ban Onorab i kont Lalwa i annan en Lalwa pou disab avek gravye i apel Removal  of Sand and Gravel Act.  E i tou bann aktivite i ganny kontrole par en kontroler ki ganny trouve dan Minister  ki responsab pou later.  E i enportan ki piblik i rekonnet sa.  Kekfwa i kapab ganny vwar konman en keksoz senp me selman i legal anba Lalwa se sa pou lemoman se sa pou rezon akoz ler i annan bann aktivite koumsa i ganny monitor pros e bann kontrakter osi i ganny bann direktiv kler swa par Lazans swa par egzanp konnen i annan sa seksyon     management fer bann travay proteksyon erozyon ensidswit.  Ki pou  fer avek sa disab kot pou bouz li  kot pou mete.

Me selman an prensip okenn mouvman disab gravye i bezwen ganny en permi i bezwen ganny en permi i bezwen ganny donnen.  So i pa posib pou nenport ki zis pran sa.  Byensir par egzanp nou bann peser sa i en laspe kot Lotorite i ferm lizye en pti pe.  Konsern lasomir pa bann gran kantite.   Sel egzanpsyon ki ganny donnen i pou nou bann peser an relasyon   avek lasomir.  Mersi Mr Chair.

 

MR SPEAKER

Mersi PS.  CEO.

 

CEO  FLAVIEN JOUBERT

Mersi Mr Chair.  Pou koz lo sa 2enm pwen konsernan landfill Praslin.  Wi lannen pase nou ti koz lo landfill Praslin me parey mon mete dan nou bann keksoz ki’n konplete an 2019.  Sa lannen nou’n focus en bon pe lo La Digue pou nou kapab konplet en bon pe bann priyorite ki nou ti annan  La  Digue pou nou kapab apre bouz lo Praslin.

Lafen lannen keksoz ki nou pou fer lo landfill Praslin se ki nou pe travay la pou nou amelyor access sa i bann target pou sa mwan pu nou konplete pou nou annan en access ki kapab ganny servi dan letan lapli soley nenport ki kondisyon.

E apre nou pe bouz lo re travay sa landfill e osi konpaksyon.  Dan lannen ki nou’n fer nou’n fer vizit avek bann dimoun drenaz al get sa size deli ki pa pas ki pa traverse anba runway ki poz en lenkonvenyans sa mon krwar bann dimoun drenaz pe adrese lo k ote Minister.

Weigh bridge parey mon’n dir nou pe aste en weigh bridge pou Praslin ek enn pou La Digue, i pe kout 1.06milyon.  E sa in fini ganny konfirmen.  E nou pe espekte dan pei  boner lannen prosen, alor Praslin i pou annan en weigh bridge ki pou ganny mete ;-  swa dan larantre swa dan nouvo pozisyon, akoz enn bann keksoz ki nou’n realize resaman se ki sa ekspansyon ensi Praslin i pou afekte en pe nou boundary landfill, ki nou bezwen petet resanz pozisyon kot nou pou met nou larantre.

E lot keksoz lo kote Praslin ki mon kapab update Onorab, se ki nou’n fini fer tender pou Praslin ek Mahé pou compaction landfill, e nou espekte ki nou pou siny en nouvo Kontra dan sa mwan ki pe vini posibleman Zanvye pou landfill, Praslin e nou pe met nouvo kondisyon kot i konsern masin ki pou bezwen ganny anmennen pou travay sa landfill. 

Mon osi mon pou dakor avek ou ki la pou lemoman sa landfill son kondisyon ki i ladan i pa satisfezan.  E sa bann masin ki  pe ganny servi i napa kapasite pou vreman fer en bon konpaksyon e bon kouvertir.  I annan en masin ki ti pou Gouvernman depi avan me li in dan en leta vreman, vreman pa bon.  E i pou tre difisil pou nou remet, an mars.

Alors sa ki nou pe fer lo kote Praslin me parey mon pe dir ou nou’n konplet en bon pe La Digue.  E prezan nou next landrwa ki nou pou met an latansyon la se Praslin.  E nou swete ki 2020 nou a kapab anmenn sa sanzman lo k ote landfill Praslin parey nou dir.

E osi prepar lespas pou en nouvo landfill.  Akoz enn   dan nou plan pou nou re travay sa landfill me osi  kree lespas pou en nouvo landfill ki bokou pli lo standar ki sa enn ki la.  Mersi.

 

MR SPEAKER

Mersi CEO.  Deputy CEO.

 

DEPUTY CEO RAHUL MANGROO

Mr Chair pou reponn kestyon konsernan back pay pou sa kontrakter ki pe end sa kontrakter municipal;- ou konnen anba en Kontra laranzman se ki nou agree en pri e pri i ganny peye baze lo la.

So nou lo nou kote nou’n annan diskisyon lo Minister Finans e nou’n tonm e zot in approve en serten azistasyon lo son pri Kontra.  E i annan back pay nou’n fer lo tou konponan son Kontra, akoz anba son Kontra i annan 3 konponan mazer e nou’n fer sa travay avek zot.

So le moman ki appeal i sorti rezilta appeal i sorti i pou napa okenn lazistasyon ankor, zis whatever an repons appeal i donnen nou demar li.  So i pou napa sa bout laba akoz nou’n fini settle en bon pe aryeraz pa aryeraz azistasyon ki ti annan avek son aryeraz ki’n vin avek.

Lo kote tender pou rezerv tender pou Praslin ;- as much as possible zis pou petet rezidan Praslin oubyen Pralinwa, nou as much as possible nou fer sa nou.  I annan serten proze akoz son lanpler ou pa pou ganny ase konpetisyon si ou pou fer li zis lo Praslin.  Dan nou bann resers ki nou’n fer diskisyon ki nou’n fer ek Minister Finans ek POU osi, nou’n bezwen ouver landfill compaction avek municipal waste, pou tou.

Be selman si dan lefitir i annan ankor lezot tender depandan lo son lanpler, nou touzour kapab come back to pou nou revwar sa.  Me selman zis pran kont ki si i mank napa ase konpetisyon fer ki sa tender i pou kapab ganny annul, annul akoz petet i desot nou Bidze.  Selman as much as possible nou sey nou mye pou nou prezerv li pou Pralinwa.  Mersi.

 

MR SPEAKER

Mersi Deputy CEO.  Onorab Churchill Gill.

 

HON CHURCHILL GILL

Mersi Mr Chair.  Ou’n mansyonnen ki zot pe al zot in met lot tender Kontra lans.  E dernyen fwa ti annan serten kantite dimoun ki ti pe fer sa bann Kontra.  Eski sa voyaz lakantite tenden ki ti available pou bann dimoun in ganny redwir oubyen i ankor parey?

Apre 2;- parey ou konnen i annan bokou bann landrwa travay kot apre 5an, bann dimoun i ganny serten larzan.  La mon pa pe koz 5poursan mon pe koz konmsi kantite letan dan servis.  Ler zot in fer negosyasyon avek Minis Finans,  pou sa bann dimoun ki lo sa bann Kontra nou konnen poudir sa bann Kontra si zot fer 3 fwa 4 fwa zot pou end up 15 – 20an nou pe fer Kontra.

Eski sa bann dimoun i annan serten konversasyon ki zot in fer ek Minis Finans kot lafen zot Kontra en keksoz i ganny fer?  Mersi Mr Chair.

 

MR SPEAKER

Mersi Onorab.  CEO.  Deputy CEO.

 

DEPUTY CEO RAHUL MANGROO

Mr Chair lo kote.  Lo ou 2enm kestyon lo sa kote i annan diskisyon ki nou ti’n konmanse avek Minister Finans.  Annefe sa i pa zis LWMA.  I annan plizyer lenstitisyon Gouvernman osi.  Me selman nou pa ankor sa rezilta pa ankor ganny sorti.  Parkont sa ki  nou, nou osi nou bezwen konstate ki sa bann dimoun zot pa anplwaye Gouvernman.

It’s a contract for service, and at the end of contract pou ou fini ou servis.  E mon konpran zot konsern, me selman petet Minister Finans i a kapab donn en pli bon i a pronons son lekor lo la.   Lo sa kote ki la.  Mersi bokou.

 

MR SPEAKER

Mersi Deputy CEO.  CEO.

 

CEO  FLAVIEN JOUBERT

Mr Chair mon krwar ti annan en kestyon, kot i konsern kantite – mon krwar petet Onorab i kapab klarifye konbyen lots    pou lans, eski in redwir ouswa in ogmante?  Mwan sa ki mon pe vwar lo nou  rikord pou Praslin/ La Digue pou lans ek larivyer  nou annan 11 Praslin e 6 La Digue ki pe ganny re tender. 

        Me fodre nou a verifye prezan si sa i mwens ki oparavan.  Me selman letan mon’n get bann kantite lans ki ti pe ganny netwaye avan, i paret ki nou pe netway plis lans sa voyaz.  Alors i posib ki nou kantite lans i aktyelman ogmante.  Me selman nou, nou bezwen verifye.   Nou pa pou kapab donn ou en larepons egzakt pou sa.  Mersi.

 

MR SPEAKER

Mersi CEO.  PS Thesee.

 

PS DAMIEN THESEE

Mersi Mr Chair.  On sa ki konsern en keksoz a lafen Kontra parey Deputy CEO in dir ler ou outsource en servis ou pa pe pran li konman travay Gouvernman private sector.  So petet li dan son costing ler i tender out i bezwen pran konsiderasyon tou bann eleman lobligasyon.  Akoz apre 5an private sector ou oblize konpansasyon si ou dimoun i kite ek ou.  Savedir son costig ler i tender out ler i met en bid ek Gouvernman i bezwen pran konsiderasyon sa bann diferan, diferan   eleman e i met en pri devan ki kapab kouver tou son bann evantyalite ki vini.  Akoz Gouvernman pa pou kapab fer okenn scheme li, pou remunerate okenn dimoun private sector.  Mersi.

 

MR SPEAKER

Mersi PS Thesee.    mon krwar Deputy CEO in fer propozisyon e PS Finans osi in fer propozisyon lo la.  Ou’n fer sorti ou’n demande kestyon.  Ou’n ganny lesplikasyon?

 

HON CHURCHILL GILL

PS in dir fodre dan son costing i met sa bann keksoz.  Dernyen fwa ler mon ti demande sa ki ti fer internally valuation, eski zot ti pran kont sa bann keksoz?

Minis ti dir non pa’n pran kont.  Se sa ki parfwa bann dimoun prezan i bezwen konnen pou dir zot devret fer rantre sa bann keksoz ladan.  Se sa ki mon ti le fer sorti.  Mersi.

 

MR SPEAKER

PS Thesee.

 

PS DAMIEN THESEE

Mersi Mr Chair.  Annefe tou Kontra ki ganny tender out swa 2an, swa 3an.  E si i annan okenn lobligasyon Nasyonal parey si ii annan revizyon dan minimum wage ki pran lefe li zot.  Sa otomatikman Gouvernman i come in pandan lannen pou donn bann siplemanter sa bann Lazans, an vi i en lobligasyon Nasyonal.  I pa ti Kontra, sa i dan Lalwa.

Be selman a lafen si i pe kontinyen ganny bann tender tou le lannen non pa tou le lannen tou le 3an, tou le 2an i pe kontinyelman fer, en biznes enn son bi se pou li son growing concern.  Savedir i bezwen konnen ki i anvi sirviv li.  Savedir i bezwen koman dir pran sa bann konsiderasyon pran dan li menm.  Nou,  nou pa kapab fer okenn Scheme ki a lafen nou kit sort of en konpansasyon pou li.  Mersi.

 

MR SPEAKER

Mersi PS.  Onorab Stephen Pillay.

 

HON STEPHEN PILLAY.

Mersi Mr Speaker.  Bon apre midi a tous.  Mr Speaker de pti kestyon lo Bidze.  Premyerman mon ti a kontan demann panel en lesplikasyon lo P253 breakdown the line.  I annan an total mon vwar en decrease 2.95milyon pou bann semen.  Breakdown the line LWMA. 

 

 

MR SPEAKER

Lo ki paz sa Onorab?

 

HON STEPHEN PILLAY.

Transport anba en pti moman.  Waste management services,  ok.  Anba P 2 (5) maintenance and repairs other structures 3 laliny roads

 

MR SPEAKER

Kontinyen Onorab.

 

HON STEPHEN PILLAY

Ok mon vwar en decrease R2.95milyon.  Si i kapab donnen pe detay pou sa decrease.  E an menm laliny lo P 3 (7) ‘’landscape and beautification,’’ mon vwar en increase 1.360 something million.  E si i kapab donn en pe detay lo la?

E pi adisyonnel-man mon le demann en pti lenformasyon lo ‘’other uses good and services’’      ‘’bus shelter cleaning’’.  Eski in enkli bann netwayaz vandaliz ki ganny fer anba bus stop ?  E si wi ki zot reaction time ki zot fer clean up anba sa bus stop?  

        Eski  distrik i okouran ki prosedir pou fer pou reakte ase vit pou lenkonvenyans sirtou si i kapab fer sa 24 erdtan pou reaksyon pou netway sa bann spills whatever vandalism anba bus stop?  Mon a esper repons sa lot kestyon Mr Speaker.

 

MR SPEAKER

Mersi Onorab.  CEO.

 

CEO  FLAVIEN JOUBERT

Mersi Mr Chair.  Nou pe klarifye en pti pe bann pwen la.   i annan en  premye lo paz 559 mon krwar.  Maintenance and repairs, wi, wi maintenance and repairs Mr Chair si mon rapel byen (i anba waste) sa non?  Fodre fer remarke maintenance and repairs la, i pa maintenance batiman.  Mon krwar sa kestyon in deza ganny leve dan lepase.  E dan Lasanble aktyelman i semen sa.   Sa bann travay i ganny mete, anba sa  kod.  Me selman i pa neseserman nou pe al prepar batiman i sa bann maintenance semen sa.    I basically larzan pou  semen.

Ok Mr Chair mon krwar sa in ariv sa rediksyon la akoz nou’n aranz aziste li pou reflekte Budget pou previous year.  Sa vedir i reflekte en pe nou actual.  E prezan nou’n re balans en pe larzan.  Se pou sa rezon ou vwar nou Bidze i pa’n ogmante li, nou’n senpleman tir larzan en bor. depandan nou   actual mannyer i pe fonksyonnen e nou’n transfer li lot bor kot nou bezwen larzan.

Savedir  in reflekte en azisteman baze lo bann  tender ki nou pe prozekte e osi actual ki nou pe gannyen pou sa lannen.   Alor i pa neseserman  ki nou pe koup nou Bidze dan okenn sans li.  Nou pe senpleman aziste anndan nou Bidze.

2enm pwen i konsern progranm 3 ‘’landscape and beautification.’’  Onorab eski ou kapab klarifye petet sa laliny ki ou pe koz lo la ?

 

HON STEPHEN PILLAY

‘’Other use and services’’, service agreement, i annan 3 laliny landscape and beautification services ki an total i ariv en increase mon pe gete si  i normal R5.363 milyon.  (Non de laliny Mr Speaker).

 

CEO FLAVIEN JOUBERT

Mon krwar pe koz lo sa increase 5.3milyon anba ‘’landscape and beautification services.’’  Ok sa i pou reflekte actual san Kontra ki nou annan.  Se bann azisteman ki nou pe fer pou asire ki nou Bidze bann larzan ki nou pe gannyen, i ganny servi dan bann bout ki aktyelman ou pe bezwen  pou nou depanse.

Alor nou’n fer bann azisteman dan sa lannen pou nou kapab reflekte vreman akoz san kwa nou pou annan bann landrwa kot nou annan bann deficit ki apre nou bezwen vini e fer bann azisteman, retir en lot bor met en lot bor.

Alor i bann azisteman ki nou’n fer dan Bidze, pou ki nou kapab kouver bann cost ki nou prozekte pou sa konponan Bidze pou sa lannen ki pe vini.

Apre Mr Chair mon krwar mon pa konnen si mon’n satisfer Onorab sa repons.  3enm pwen .ti konsern bus shelter cleaning, eski sa bann Kontra netwayaz bus shelter i kouver bann vandaliz ki annan anba bus shelter?  

        I annan serten vandaliz sa bann dimoun ki fer bus shelter ti sipoze netway bus shelter, zot sipoze koup okenn boursay ki mont lo bus shelter.  Me zot pa sipoze par egzanp repenn bus shelter.

        Alor i annan serten travay ki konsern vandaliz lo bus shelter ki tonm an deor sa Bidze.  Sa bann dimoun sipoze maintain bus shelter i ete i reste prop.

Me par egzanp si en dimoun i spray in servi spray can in desin lo la kot i bezwen repenn antye.  Ouswa si en dimoun i vini i kas bus shelter sa i an deor sa Bidze.

Me alor nou bezwen nou menm nou dan serten ka kouver me selman pa toultan nou bezwen osi koz ek Land Transport ki zot vin avek bann lezot kontrakter ki fer sa bann koreksyon;- par egzanp sarpantye, mason eksetera.   Mersi.

 

MR SPEAKER

Mersi CEO.  Onorab Pillay.

 

HON STEPHEN PILLAY

Mersi Mr Speaker.  Mersi CEO ek ou lekip pou larepons.  E la mon annan en pti konsern ki leve ler i dir mon sa decrease 2.952 dan netway semen, konmsi i baze lo dan Bidze aktyel ki zot in revwar.

Me mon a pran lokazyon pou fer Minis rapel ti annan en lensidan Au Cap kot disab ti monte lo semen.  Nou ti sey kontakte zot tou dernyen kou ti bezwen tonm kot Minis menm.

E repons ki mon ti gannyen se ki napa larzan pou en lot kontrakter vin tire akoz parey Minis in, dir  akoz sa kontrakter ki netway semen i tir zis bann pti disab lo semen.  Sa gro delo ki monte nou ti ganny dir napa larzan pou netway semen.  Mon krwar mon ti call Minis koze e aksyon ti ganny pran.

Me akoz dan zot Bidze napa larzan, me selman zot Bidze pe baz aktyel, e i pe desann ankor lannen prosen.  Kan pou annan disab monte ankor lo semen semenn   prosenn?  Mersi Mr Speaker.

 

MR SPEAKER

Mersi Onorab.  CEO.

 

CEO  FLAVIEN JOUBERT

Ok Mr Chair parey mon’n dir pli boner, nou Bidze mon krwar Onorab Afif in fer remarke o konmansman ki pe monte par 1poursan.   Nou pe  sanz bann konponan dan Bidze pou reflekte    actuelle.    Me selman keksoz ki nou nou’n fer analiz internal nou vwar ki in annan fleksibilite dan nou Bidze pou kouver bann lensidan pou en serten limit ;- byensir nou pa konnen kantite dezas nou pou gannyen.  Si i vin lo nivo dezas en keksoz ki vreman lo en gran lanpler byensir nou pou bezwen al rod led adisyonnel.

Me selman parey Bidze i ete la aktyelman nou pe kouver par egzanp bann one- off kot nou bezwen bann pti  netwayaz an plis.  Nou pe kouver en pe bann extra roads, e nou pe kouver disab ki pe aktyelman pe tire la detrwa semenn ki pase.

Me selman i pou ariv en limit kot nou pou nepli annan.  Me selman la pou le  moman si lannen prosenn nou pa ganny ekstrenm, nou pou kapab kouver bann depans parey.

Akoz letan nou fer prozeksyon ouswa ki dan Bide nou pou annan en pe fleksibilite pou nou kapab travay lo la sa  bann size.

Me selman si i annan bann lezot bezwen byensir nou pou kontakte Minis e la i pou bezwen fer laranzman lo nivo dezas Nasyonal eksetera pou nou kapab ganny en sipor siplemanter pou kouver bann lezot depans.

Me selman nou ase konfidan ki sa Bidze i annan en pe fleksibilite pou kouver bann regilye.  Mersi

 

MR SPEAKER

Mersi CEO.  Onorab Paul Ernesta.

 

HON PAUL ERNESTA

Mersi Mr Chair.  Mr Chair Minis ek ou delegasyon, nou bann koleg Onorab, tou dimoun a lekout e tou dimoun Takamaka bonn apre midi.

Mr Chair mon premye kestyon i annan en Kontra baze pou bann netwayaz la LWMA ki ti donn zot extension mon krwar 180 zour.  Depi Out 2018 savedir la, si nou gete sa Kontra bann Kontra in ekspire.  Ki pou arive ?

E dezyenmman mon pa’n tann Minis letan zot in koz nenport ki menm CEO pou dir kan sa bann nouvo Kontra, kontrakter i sipoze pran zot nouvo travay bann lo lans, ensidswit?

Apre trwazyenmman dan zot details anba programme 1 anba ‘’professional expenses’’, nou’n vwar ki i annan en increase pou bann Board members, sorti  a 3200mil pou vin 540 mil eski Minis i kapab eksplik nou sa rezondet pou en tel logmantasyon?  E apre petet donn nou bann varyasyon ki pou annan from ozordi ki  bann Board members pe gannyen.  E ki zot pou a pe gannyen 2020?  Thank you Mr Chair.

 

MR SPEAKER

Mersi Onorab.  CEO.

 

CEO FLAVIEN JOUBERT

Mr Chair mon krwar mon ava pas laparol avek Deputy CEO pou li koz en pe lo sa size tendering ek bann nouvo Kontra.   Akoz i plito li ki travay en pe lo la.  Mersi.

 

MR SPEAKER

Mersi CEO.  Deputy CEO. 

 

DEPUTY CEO  RAHUL MANGROO

Mr Chair konsernan bann rezilta tender premye vole, zis pou fer konmsi byen konpran i annan de vole en   tendering avek en retendering.  Bann rezilta tendering nou pe swete konmans li an Zanvye.  Konmkwa 13enm mwan Saler i  a kick-in   an Desanm.   Me selman la pandan Desanm la nou pou zwenn bann dimoun eexisting kontrakter e menm bann ki pe pou join Lazans lannen prosen.  Selman i pou pase konmsi sa premye batch dimoun pou rantre an Zanvye apre retendering nou a gete kan i pou pare pou li rantre pli tar kantmenm Fevriye, boner Mars.

 

MR SPEAKER

Mersi Deputy CEO.  Minis.

 

MINISTER WALLACE COSGROW

Mr Chairman mersi.  Zis vitman lo konsernan Board fess. Board fees sa ogmantasyon ki ou pe vwar mon sipoze i en relasyon avek nouvo guidelines pou bann reminerasyon Board e ki ganny gide par Minister Finans.  Mersi bokou Mr Speaker.

 

MR SPEAKER

Mersi  Minis.  Onorab Ernesta.

 

HON PAUL ERNESTA

Mr Chair mon dir mersi Minis e menm Depite CEO pou zot larepons.  Me selman Minis pa’n reponn mon kestyon.  Wi mon konpran i anliny pou dir nou i anliny.  Mon kestyon se ki konbyen zot pou a pe gannyen;- ki zot pe gannyen e konbyen ki zot  pou a pe gannyen baze lo sa nouvo logmantasyon ki zot pe al fer?

E apre baze lo sa, i pou napa okenn sanzman dan zot loperasyon oubyen dan zot fonksyon ouswa petet adisyonnel plis travay ki pou annan lo zot, swa i pou reste parey?

Apre lo kote bann kontrakter – sa bann nouvo Kontra nou vwar ki i annan pa mal rediksyon si oule dan serten bann pri ki in annan.  Sa kestyon mon krwar in deza ganny petet mon a demann Depite CEO, pou garanti ou ki sa bann travay ki pou al konmanse bann Kontra ki zot pe vreman ganny valer pou zot pou sa pri ki bann Kontra pe annan?  Mersi Mr Chair.

 

MR SPEAKER

Mersi Onorab.  Minis.

 

MINISTER WALLACE COSGROW

Ok mersi Mr Speaker.  Mr Chairman, mersi Onorab.  Onorab wi travay Board i ganny gide par Lalwa.  Savedir zot manda i ganny gide i fikse dan en Lalwa.  Lalwa pa’n sanze.  Alors pou napa okenn sanzman dan responsabilite ki Board members pou annan.

Parkont zot allowance i sanze baze lo nouvo gidans nouvo guideline ki’n ganny etabli pou tou bann Board enkli Board LWMA sorti par egzanp Chairman sorti R3, 800 an se moman pou vin R8 mil.  Members sorti R3, 048 pou vin R5mil.

So se sa ki lenformasyon ki mon annan la.  Mr PS Thesee i ava koriz mwan si mon’n fer en fot.  Me selman i relye avek nouvo guidelines pou Board remenasyon Board avek zot louvraz i relye avek sa ki Lalwa i dir zot fer.   Mersi.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a zis kontan avan mon konmanse pran sa pwen ki Onorab Henrie in fer kot in enplor LWMA pou fer nou ganny bann non, bann kontak, bann kontrakter e bann supervisor. 

        Mon krwar ki kekfwa Minister Lanvironnman pa ankor vwar pou dir nou, nou bann zot partner nou.  Nou, nou zot partner privilezye.  E nou kapab tir en kantite lour lo zot.  By just engaging en pe plis avek nou.  E donn nou en pe lenformasyon lo bann striktir ki egziste e nou kapab mwan mon’n deza dir en de fwa koz avek Mr Joubert lo enn de enn de bann pwen e mon pa ti ava disturb li si nou ti ganny bann lezot lenformasyon bann dimoun ki pe travay.

Ok, mon ti a kontan demann avek Minis oubyen avek panel enn de kestyon.  E  premyerman mon annan en kestyon lo PESTEA, STAR avek WASTEA.  Lenformasyon ki mon annan se ki PESTEA, STAR avek WASTEA mon pa konnen si i en sel konpannyen oubyen 3 konpannyen.  Zot pe refiz-e evakye en propriyete ki enkli biro depi ler zot Kontra in terminen.

E mon konnen sa bann dimoun dan sa konpannyen zot dominer.  Nou konnen zot dominen.  I mean zot annan en tou dimoun i konnen ki zot fer sa ki zot anvi e tou dimoun i per zot.

Alors mwan mon ti a kontan e 2 mwan pase mon konnen ki Board 2 mwan pase ti donn zot 15 zour pou zot evakye.   E zot in still refize evakye.

        E mwan mn konnen pou dir LWMA pe seye fer travay.  E zot bezwen sa bann fasilite e Gouvernman pa pe ed LWMA pou zot rekiper sa bann les[pas ek sa bann biro pou zot kapab fer zot travay.

Alors Minis mwan mon pe demann ou ki ou pou fer pou fer sa bann zans ki pa sipoze la, ki pa pe pey rent ki pa pe pey rent legzanp mon fek dir taler;- legzanp Airport parey.  Menm group dimoun sa zot pran en landrwa avek larme, avek militer zot refiz-e peye rent. 

E la mon vwar ler mon vwar pou dir elektrisite in ariv 2.7milyon mon ti a kontan demann avek CEO oubyen avek madanm, madanm accountant ki la, eski an menm tan ki sa bann dimoun pe refiz-e evakye landrwa, eski nou ki pe pey zot elektrisite?   Nou ki pe pey zot delo?  Konmsi sey donn mwan sa.  Akoz si sa i leka si sa i leka mon bezwen al Ankour met en case kont en dimoun.  Kont Board oubyen mon pa le met kont CEO akoz mon konnen pou dir CEO pe rod sa landrwa pou li travay.

Me selman Minis dir mon ki zot pou fer akoz nou, nou pe sey fer larzan antre pou balans nou Bidze.  E i annan bann dimoun ki pe viv lo larzan piblik.  Alors avan la nou le 3 Desanm  dir nou si by  le 31 Desanm sa bann zans in evakye sa landrwa parey zot in ganny demande?  Mersi sa i premye.

Mn 2enm pwen se osi lo enforcement.  Commercial Contracts mon konnen pou dir i annan bann commercial Contracts partou kot bann komers, bann laboutik, bann pti lizin, bann  pti biznes, zot sipoze zot sipoze kontribye oubyen anmenn zot, zot salte zot lo landfill zot menm.  Bokou pa fer li.  Bokou i vey aswar ler fernwanr i fer zot taye zot zet tou zot salte dan bann municipal bins. 

        CEO ki led ou bezwen pou nou kapab enforce sa bann Kontra?  Akoz mwan mon anvi ki larzan i antre dan kof Gouvernman e si i annan dimoun ki pe abize lo la, mon ti a kontan ki ou dir nou ki mannyer nou kapab nou kapab ede.

Mon lot pwen Mr Speaker se peyman pou bann kontrakter ki’n vin ki toultan annan sa problenm.  Zot toultan konplent ki en pe an retar.  Eski zot pa kapab akoz zot osi zot annan bann anplwaye ki zot bezwen peye.  Eski i pa kapab annan en sistenm kot ou donn zot en dat dizon par egzanp by  le 20 pou zot met zot invoice pou ki by le 28 zot ganny zot larzan zot kapab pey zot travayer zot osi.  Konmsi i annan sa.

 

 

(Off-Mic)

 

 

HON JEAN-FRANCOIS FERRARI

I annan?   Ale sey gete sey dir mwan ki mannyer nou kapab fer sa,  pou fer li mars en pe pli byen.  E vwala, mon bann kestyon pou lemoman.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Chair.   Mr Chair mon pou pran en parti kestyon apre CEO i ava pran larestan.  Dabor mon ti a kontan reasir Onorab ki mwan konman Minis bann lezot zofisye nou konnen lenportans travay avek Manm Onorab, nenport ki Manm Onorab dan distrik ki mannyer fer ou louvraz en pe pli fasil.  So zis met sa enn antet.

Lo kote PESTEA, STAR avek WASTEA annefe ler mon’n vin zwenn en pe dan semen akoz ler mon ti vini 2018 Kontra STAR ti pe wind down or ti’n fini.

So in annan bann negosyasyon.  Kontra STAR ti enn ki ti peryod 20an.  So nou  annan bann diferan negosyasyon lo bann diferan keksoz.  Ti annan diferan issues, bann peyman, outstanding peyman.  Enn bann issue  kontansye ti sa compost plant ki STAR ti’n envestir  ladan.

So in annan bann ale/ vini, bann diferan negosyasyon.  Me napa okenn lenstans kot STAR pe refiz-e sorti lo site Providence.   In annan serten negosyasyon e to the point kot nou’n menm anmenn serten papye Cabinet pou nou kapab pran desizyon ki an relasyon avek sa compost plant.  Ok STAR ti’n fer son serten claim an vi ki i ti’n fer serten lenvestisman ladan.  E ti annan serten understanding dapre sa ki mon konpran.  Dapre zot Lagreman e STAR ti pe fer serten claim, finalman ki Gouvernman in dir nou asize negosye avek STAR, gete ki mannyer nou kapab ganny en konpromi.

So sa i enn probableman only pwen ki reste pou nou kapab fini negosye avek STAR.  E mwan mon‘n commit avek CEO, PS, even the Board Chairman akoz nou zwenn souvandfwa nou zwenn detanzantan preski tou le mwan pou nou kapab diskit lo bann issues.  Sa i enn bann issues ki reste STAR pa’n zanmen refiz-e pa le sorti lo site.

        E once nou’n fini sort sa out bann prosedir pou zot kapab sorti i ava marse.  Nou bezwen note osi Mr      Chairman Onorab ki STAR i ankor anmezir ki nou pe esper rezilta tender.  STAR i ankor pe fer landfill compaction.  So pou dir ki STAR pa le sorti i wrong.  Akoz nou, nou ankor bezwen STAR nou.  Nou ankor pe servi STAR pou landfill compaction ti annan en extention of Kontra.  Anmezir ki wi byensir anmezir ki i pe sorti – sorry anmezir ki sa tender pe ganny deal avek pou fini, nou pe servi li ankor koman kontrakter eksperyanse la pou fer sa bann louvraz en pe compaction.  

        But once sa tennder rezilta tender i fini, then STAR pou fini pou arete.  E nou wish nou hope ki nou kapab fini konklir sa bann negosyasyon pou STAR kapab exit  -konpletman, konpletman site ki LWMA in preski dir pran pandan bann dernyen mwan.

So napa kestyon refiz-e i annan serten negosyasyon.   Me selman napa okenn moman ki STAR in endik  avek mwan ki zot pe refiz-e sorti kategorikman.

So i annan negosyasyon ki pe pase.  Me selman napa okenn refusal pou to leave the site.  Mersi Mr Speaker.

 

MR SPEAKER

Mersi Minis.  CEO. 

 

CEO  FLAVIEN JOUBERT

Mersi Mr Chair.  Kot i konsern enforcement, mon krwar Onorab in touzour en pwen ase enportan commercial waste.  Letan  nou ti fer sanzman commercial waste ki ti le premye Me mon rapel si mon rapel sa lannen.  Nou ti’n lans bann lenformasyon avek bann dimoun ki fer commercial waste e i osi annan apepre 18 ouswa 19 kontrakter ki’n anrezistre pou fer sa bann travay, ki zot oblize annan en Kontra.  E nou pe fer sorti regilasyon pou pa nou ki fer sorti regilasyon, akoz Lazans pa fer regilasyon.  Me nou travay avek Minister pou fer sorti regilasyon pou ki  kontrol sa bann aktivite.

Me malerezman nou’n ganny en pe retar avek sa regilasyon.  Me nou’n fini anvoy Attorney Zeneral atraver Minister Attorney Zeneral in re anvoy kot nou, avek serten kestyon, e nou’n anvoy sa bann repons kot zot.  E nou pe espekte ki byento nou a kapab vwar en regilasyon ki entrodwir bann penalti pou bann komers ki’n napa en Kontra komersyal.  Akoz ki  nou le fer nou se ki en aktivite en biznes komersyal nou pa bezwen vwar li pe zet dan bin.  Nou bezwen zis senpleman konfirmen ki  i pa pe zet son salte lo landfill li menm ouswa atraver en kontrakter.  Alor i annan en problenm.

E nou bezwen kapab met en presyon lo zot pou zot kapab aktyelman met dan bin.  Met zot salte atraver kontrakter ouswa lo landfill. 

E alor nou, nou pe fer nou pe travay lo kote regilatwar, me selman mon ti a kontan enform Onorab osi ki lo kote Mahé, mon pou dir ki apepre en tyer bann dimoun commercial, letan nou’n gete apepre en tyer nou konfidan ki zot compliant.  Me selman  I ankor – i annan apepre 15san zot mon krwar.  Alor i annan en bon pe ki pa ankor kapab annan en Kontra.  E pli an pli nou pe fer bann lenspeksyon.  E nou’n zwenn avek bann lezot Lazans osi pou kapab fer lenspeksyon dan sa bann landrwa.

Me selman lo kote Praslin La Digue mon pou dir ki nou’n ganny en pli bon rezilta. Akoz nou bann staff in kapab vreman fer bann lenspeksyon ki ase detaye  kantite biznes ki annan.  E mon pou dir ki laranzman lo Praslin La Digue i bokou pli i bokou pli konvenab ki nou annan lo Mahé.  Akoz groser market e kantite biznes ki annan

Me selman lo kote Mahé i reste en bon travay pou nou fer, e sa i enn nou bann target pou nou met anba kontrol, tou bann commercial waste e fer sorti sa regilasyon ki i bezwen fer sorti.  Mon krwar i pou vin isi kot Lasanble zot a kapab debat lo la.

Kot i konsern peyman kontrakter – late payments vreman i annan kontrakter ki konplent, me selman parey mon’n dir pli boner nou’n met an plas nou sistenm internal pou dat ki invoice i ganny soumet e dat ki enspekte i fer marse invoice. 

        Parfwa Onorab fodre  fer remarke ki annan kontrakter ki vin kot petet son MNA ouswa fer serten dimoun call nou, menm Minis i call mwan i demann mwan konsernan serten peyman.  Problenm ki nou gannyen se ki pa tou kontrakter ki pe konplet son mwan, son travay ki i sipoze fer dan son mwan.  E alor nou bezwen tenir.  Nou bezwen donn ou en notifikasyon e dir ou fer ou louvraz apre nou a process ou peyman.   E se sa ki problenm ki  nou gannyen avek serten kontrakter.  I annan serten mo krwar isi dan lasal bann Onorab zot konn zot byen.  I annan serten i persiste.   E i menm kontrakter ki pe repete.  I annan serten kontrakter zanmen nou tann zot – en.   Nou pa zanmen ganny okenn problenm avek zot.  Nou pa konn nou pa ni menm abitye    vwar zot figir, akoz sa bann dimoun i met zot invoice e zot travay i ganny fer byen e i ganny konplete dapre progranm.

Me selman i annan serten kontrakter ki osi annan problenm e zot osi annan sa bann dimoun ki konplent bokou ki zot peyman i a retar.  Me peyman i an retar parfwa nou kapab dir nou lafot me selman parey mon pe dir nou’n redwir en bon pe.  Nou kapab donn zot en pe statistik  lo nou  bann –  En pe lenformasyon lo nou bann dat ki nou set internally e lamazorite nou bann peyman ke ler pe ale.  Me i annan osi problenm lo kote site.

Me solman nou lo nou kote nou bezwen kontinyen amelyor nou sistenm e war kote ki i annan bann pti problenm  ki pe anpes  invoice pase;- entrodwir bann mezir avek bann  lenspekter osi ki zot fer pase 100poursan invoice dan zot lanmen lafen di-mwan, whether or not  i annan en problenm.   Akoz  si i annan en problenm  olye ki nou esper sa travay ganny konplete pou nou al fer  son peyman an antye nou pey ou sa bout ki ou’n fer e ou ava anmas larestan pli tar.

Alor se sa lapros ki nou pe pran pou nou kapab vreman akseler en pe peyman.  Akoz nou konnen bann dimoun i bezwen larzan pou zot saler me i annan de ka kot pa toultan ki nou kapab. I En keksoz ki mars de-kote.  Zot osi zot bezwen perform, nou osi nou bezwen amelyor nou performans  lo kote peyman.  Mersi.

 

 

MR SPEAKER

Mersi CEO.  Onorab Ferrari.

 

HON JEAN-FRANÇOIS FERARRI

Zisteman-mersi Mr Speaker.  I annan enn de kontrakter ki napa Kontra avek LWMA.  Mon konn enn de zot bann bon travayer;- zot travay granmaten.   E 6er zot in fini ariv kot landfill.  E i paret ki zot ganny pini, zot ganny fer espere.  Les bann ki i annan Kontra avek LWMA pas avan.

Konmsi mon ti a kontan en pti lasirans lo la, ki mon annan tor.  Si mon annan tor, mwan pare pour mon aksepte.  Me selman i enn bann keksoz ki nou tande tanzantan.

Mrs Accountant.  Mon ti a kontan konnen, ki nou pe peye?  Kalite utilities nou pe peye pour STAR, PESTEA avek lot?  Akoz mannyer mon konpran zot, zot pa oule pey nou.

Minis, sa bann dimoun la,  lannen prosenn zot pour ankor la.  Erport i annan 3an pe sey tir en msye dan en langar, militer sa.  Zot annan kannon, zot annan fizi, zot sa.  Pa kapab fer bouze!

Minis, LWMA i bezwen sa bann fasilite pour zot travay.  Mwan mon konnen mwan.  Zot bezwen sa bann fasilite.  Nou bezwen- mwan mon  pa- mon pa satisfe ki tou le lannen nou pe negosye, nou pe negosye, nou pe negosye.  Board in dir in donn li 15 zour pour li evakye.  Zot anvoy Board pronmnen.  Akoz zot, zot kontak i pli o Minis.

Mwan  mon anvi ou dir avek nou poudir ou pe al pran en ka avek sa bann dimoun.  Menm si zot pli powerful dan pei!  Ou bezwen pran en ka avek zot.  Ok?

E finalman, madanm mon ti a kontan zis- Mon pa konnen si Mr CEO i kapab dir mwan.  I annan bann dimoun Morne Blanc ki pe konplent en kantite.  Akoz i annan en nespes polisyon ki pe antre dan zot basen delo laba anler.  Mon pa konnen si zot- si ou’n ganny sinyale bann salte ki ganny zete laba anler dan Morne Blanc.

Me selman si ou pa’n ganny sinyale,  mon pa ti a mind ou pran sa lokazyon pour ou verifye.  Me selman la dir mon la Minis.  Ki ou pour fer, pour fer- pour sa bann-pour LWMA reganny son bann fasilite pour li travay?  E madanm accountant dir mwan, Mrs Karine.  Akoz mon vwar i annan R2.7milyon elektrisite.  LWMA napa en incinerator li.  Mon pa vwar kote i depanse R2.7milyon.  Savedir i annan landrwa kot i bezwen pe depanse.  E mon per ki dan sa landrwa zisteman kot nou, nou pe donn pour nanryen.  Selman nou pe pey sa bann keksoz.  Mersi.

 

MR SPEAKER

Mersi.  Mersi Onorab.  Minis.

 

MINISTER WALLACE COSGROW

Mersi Mr Chairman.  Mr Chairman ankor mon pour repet avek Onorab ki, a sak repriz ki mwan mon’n zwenn avek reprezantan STAR,  mon pa’n vwar okenn rezon pour mwan doute ki STAR pa oule sorti lo site.

Mon’n ganny en bon pe meeting avek Reprezantan STAR.  STAR in met zot pozisyon.  STAR in la pour 20an.  Nou bezwen aksepte STAR in la pour 20an.

STAR in fer en kantite travay an term waste management.  I annan serten defi. I annan serten landrwa petet ki zot pa’n meet zot target, parey nou ti ava voudre.  Me solman nou bezwen aksepte ki poudir Landscape Waste Management in sanze konsiderableman pandan sa 20an.  So natirelman STAR in la.  E i annan en huge demobilization ki bezwen fer.  I pa ariv dizour a landmen.  E dan diferan negosyasyon ki nou’n gannyen,  STAR zanmen in deza dir mwan, or montre avek mwan.  Or petet dir serten keksoz ki pour fer mwan krwar ki poudir STAR pa anvi sorti.

STAR in dir i annan serten issues.  Annou sort out sa bann issues.  And then nou bouze.  E mwan mon garanti ou, ki lot lannen STAR pour sorti lo site.  Mersi bokou Mr Speaker.

 

MR SPEAKER

Mersi Minis.  Financial controller.  Ms Karine.

 

FINANCIAL CONTROLLER- KARINE BONNELAME

Mersi Mr Chair.  Mersi Onorab pour ou kestyon.  With regards to sa R2.7milyon ki zot pe vwar anba elektrisite.  Sa i basically pour pey elektrisite pour sa leachate plant.  Sa ki marse laba dan Providence.

Me selman actually,  nou pe pey less.  En pti pe less.  Akoz sa leachate plant pa pe mars a tou moman.

Apre ou lot kestyon konsernan utilities pour WASTEA, PESTEA, STAR,  nou pa pe pey anything,  with regards to that.  Zot ki pe pey tou zot bann utilities.   Mersi.

 

MR SPEAKER

Mersi financial controllerCEO.

 

CEO  FLAVIEN JOUBERT

Mr Chair, zis pour kontinyen.  Kestyon sorti kot Onorab ti konsern Morne Blanc.  Eski i annan en problenm Morne Blanc?  Nou pa tro okouran.  Me selman nou a pran en pe detay avek li.  E apre sesyon nou ava vwar egzakteman kwa.  E lekel ki sipoze pe entervenir pour korize, si i annan problenm.  Mersi.

 

MR SPEAKER

Mersi CEO.  Onorab Sylvanne Lemiel.

 

HON SYLVANNE LEMIEL

Mersi Mr Chair.  Bonn apre midi tou dimoun.  2 mon kestyon ti konsernan STAR mwan osi.  Mon krwar Minis in reponn.  Me selman sa ki mon ti a kontan ganny eklersi.  Otan ki STAR pe prolonz son letan,  eski i annan en nouvo lease ki’n ganny fer avek STAR pour zot reste lo site pour ankor en pti pe plis letan?

Apre dezyenmman;-  mon ti vwar en sonm en pti pe plis ki R2.6milyon anba ‘’goods and services.’’  Mon ti pour kontan konnen pour kwa sa increase?

Landfill Anse-Royale;-  mon krwar lannen pase ti anba en lot Management.  Nou ti koz lo la, kot nou ti demande pour amelyor sa fence.  Aranz sa fencing otour landfill.  Ki nou ti ganny dir wi.

Zot ti pe mazin sa lannen zot pour fer en keksoz.  Me ziska ozordi, nou ankor vwar sa landrwa i ankor parey.  Eski zot pe mazin dan Bidze lannen prosen pour zot kapab aranz en pti pe sa fencing?  Or met en nouvo fencing avek sa landrwa?  Mersi Mr Chair.

 

MR SPEAKER

Mersi Onorab.  CEO.

 

CEO  FLAVIEN JOUBERT

Mersi Mr Chair.  Kot i konsern STAR;-  zis pour eksplike ki nou relasyon avek STAR la aktyelman.  Nou ti’n fer en bann extension letters.  E sa extension letters i akonpanny son prezans lo sit.  Letan nou pe servi son servis.

Me selman nou pa trouv nesesite pour al dan bann zafer lease.  Parey Minis in dir, i annan en bann kontansyon ek en bann keksoz ki’n-ki dan lanmen Minis.  E nou pa trouv li neseser pour nou antre dan bann relasyon lease ankor.  Akoz sirtou avek sa depar ki Onorab in koz lo la byensir.

Kot i konsern 2.6milyon ‘’goods and services.’’  Letan mon pe gete, i bann logmantasyon ki i annan pour fer ek ‘’wages and salaries, ‘’transportasyon, ‘’maintenance and repairs’’ pour batiman.

Bann diferan keksoz ki i annan pour fer avek ladministrasyon ek sipor pour fer fonksyonnen Lazans.  E sa parey mon’n eksplike pli boner,  i en legzersis ki FC in fer,  se, nou’n pran en bon pe nou bann depans ki nou pe fer ozordi.  E nou’n aziste nou Bidze baze lo nou bann actual depans ki nou pe fer 2019,  pour nou kapab konnen egzakteman kwa ki nou sipoze pe depanse, lo lekel ki- ki konponan Bidze.

Alor i en legzersis ki nou’n fer pour nou re balans en pe nou bann cost anndan nou Bidze;- pa deside pase.

Anse Royale Landfill;-  wi fencing ti en pwen ki ti leve lannen pase.  Sa lannen 2019 kote nou’n fer fencing.  Nou’n fer en nouvo baro Providence.  Nou’n fer fencing lo kote La Digue Scrapyard.  Nou’n fer en lot fencing kot landfill La Digue.  Me nou pa’n arive fer en pli gro proze pour Anse Royale Landfill ranplasman fence.

Anse Royale  enn bann keksoz ki nou- mon krwar pa si nou pour ganny sans fer li lafen lannen la, ki nou ti oule fer avan nou fer sa fencing.  Se nou bezwen fer en pe tree felling.  Nou bezwen tir en pe pye dibwa.  Akoz parey ou remarke, i annan en kantite pye dibwa lo bor.  E sa resaman in tonbe, in kraz fence.  E avan ki nou fer sa proze fencing,  nou bezwen lans nou dan en proze tir pye dibwa letour fence Anse Royale landfill.  Me selman avek bann proze ki pe vini:

Par egzanp PS Lanvironnman in koz en pe lo proze ki i annan pour fer avek glass.  Kot nou bezwen fer lenstalasyon Anse-Royale.  Nou pour lans ladan potentiellement ansanm en servant bann fon ki nou, nou annan, si nou kapab.  Ouswa en servant bann fon ki nou pour rode petet atraver Minister Lanvironnman.

Me selman pour fer remarke ki napa en alokasyon spesifik, anba nou Bidze ki nou’n forecast pour landfill.  Si nou ti mete, i ti pour aktyelman depas sa ceiling ki Minister Finans ti donn nou letan i pe prepar Bidze.

En bon pe bann konponan ki nou ti kapab fer, idealman nou pa pe kapab fer li.  Senpleman pour sa rezon.  Akoz nou bezwen osi satisfer bann ceiling ki Minister Finans i donn nou letan nou pe prepar Bidze, pour ki nou kapab tonm anliny avek zot bann plan lo kote Bidze pour diferan Departman Minister.  Mersi.

 

MR SPEAKER

Mersi CEO.  Onorab Lemiel.

 

HON SYLVANNE LEMIEL

Mersi Mr Chair.  Mersi CEO pour ou larepons.  Zis en lot pti adisyonnel.  Mon’n tann dir poudir i annan nouvo consignment bins ki zot pe fer vini.

Akoz Anse Royale mon konnen i en distrik kot nou’n target fer en bon pe binsite, kot nou’n agrandi nou’n fer li vin pli gran kot ti pe pran 4 bin pour cater 8 oubyen pli bins.

E nou’n vwar i annan bokou sa bann site ki pa ankor ganny met bins ladan.  So eski zot pe mazin sa bann bins i ganny mete avan sa lannen fini?  Oubyen dan sa consignment ki pe vini pour lannen prosen?  Mersi.

 

MR SPEAKER

Mersi Onorab.  CEO.

 

CEO FLAVIEN JOUBERT

Mersi Mr Chair.  Tre vitman – nou’n parey mon’n dir, sa lannen nou’n acquire-nou’n aste 850 bin.  E sel problenm ki nou’n gannyen, se ki nou’n ganny problenm avek markaz.  Akoz nou ti pe rod en dimoun ki kapab mark nou bann bin pour ki i difisil pour en dimoun vole, apre pran dan landrwa prive.  Alor nou ganny en pe retar ek sa.

Me selman sa dimoun ki pe fer bann markaz  lo bin i pe deza release bin.  Parey zot a remarke dan rezyon santral nou’n fer li.  Nou’n anvoy bin Praslin.  Nou’n anvoy bin La Digue.  E nou pe aktyelman la si mon rapel byen dan sa semenn ki pe vini,  nou krwar nou kapab target nor.  E nou pe distribye dan tou distrik bann bin.  Alor nou krwar ki avan lafen Desanm nou pou’n arive Anse Royale avek en serten kantite bin.

Me selman i pa pour antyerman sa bezwen ki nou annan Anse-Royale.  Alor parey mon’n dir,  anba sa Bidze ki la, i annan 2milyon pour bin.  E nou, nou oule acquire ankor ant 1,000 a 1,500 nouvo bin lannen prosen, pour nou azout avek sa stok ki nou’n fini met dan bann binsite la.  Pour nou kapab kontinyen ranpli bann binsite.  E fer sir ki tou landrwa enkli bann additional.

Akoz parey mon’n dir bann housing estate pe kre en gro demann lo nou.  Kot nou bezwen met en bon pe additional bins dan bann housing estate ki pe ouver partou dan bann distrik.  E alor nou krwar ant 1,000 a 1,500 bin i a kapab ed nou pour nou vreman fer en diferans lo kote bin.

Alor nou pe ekspekte ki, la ziska Desanm, nou pour annan en serten kantite ki pour ganny release.

E apre lannen prosenn nou pour osi annan ankor en nouvo batch kot nou a kapab fer sak distrik ganny ankor en bon pe bin.  Mersi Mr Chair.

 

MR SPEAKER

Mersi Mr Joubert, CEO.  Bon nou’n ariv en moman pour nou pran en desizyon pour nou pran en vot lo Bidze pour Landscape and Waste Management Agency ki trouve lo paz 555 ziska paz 561 pour en sonm R242, 594milyon ki form par sa schedule.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair.  27 Manm in vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pour Landscape and Waste Management Agency pour lannen 2020 in ganny aprouve par Lasanble Nasyonal.

Bon avek sa mon ti a kontan remersi CEO, Deputy CEO, Financial Controller.  E osi tou Director pour Administration and Human Resource.  Nou pour retournen-nou pour pran en break la.  Nou pour retournen 4er pour nou kontinyen avek the next Head.  Ki National Botanical Garden Foundation.  E nou pour ankor dan compagnie Minis Cosgrow avek PS De Commarmond.  Nou ava break, e nou ava retournen 4er.

 

(BREAK)

 

 

NATIONAL BOTANICAL GARDEN FOUNDATION

 

MR SPEAKER

Bon nou ava kontinyen nou travay.  E mon ti a kontan welcome Mr Raymond Brioche, CEO.  E osi Mr Nigel Chang-Him, Accountant Assistant,  ki sorti kot National Botanical Gardens Foundation.  E touzour dan prezans Minis Wallace Cosgrow, ki Minis responsab pour Lanvironnman.  E Mr Alain De Commarmond PS responsab pour Lanvironnman.  PS Thesee nou ava ganny gidans lo paz, e lo Bidze pour National Botanical Gardens Foundation. 

 

PS DAMIEN THESEE

Mersi Mr Chair.  Paz 562.  Pour National Botanical Garden Foundation pour en sonm R14, 159milyon.  Mersi.

 

MR SPEAKER

Mersi PS Thesee.  Mon ava ganny en show of hands pour bann Manm ki oule entervenir.  Onorab Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker avan ki mon al lo bann figures Bidze,  mon ti a kontan ganny en gidans.  Oditer Zeneral in met devan nou en Rapor, en lodit ki’n ganny fer lo National Botanical Garden Foundation.

E sa i en Rapor ki ti ganny demande par FPAC.  E Mr Speaker, sa i enn bann Rapor pli move ki mwan personnelman mon’n vwar depi ler lo FPAC.

E sa Rapor i enplik loss of plizyer milyon Roupi larzan piblik.  Alors mon pa konnen ki mannyer nou pour kapab avanse.  Akoz, i kler ki, pandan plizyer lannen, plizyer milyon Roupi pa’n ganny bank  e ki pa’n ganny met dan Labank.  Sa bann larzan in disparet.  I annan bann tiket doub.  In annan bann rikord ki’n ganny detri dan dife.  Ki Oditer Zeneral i krwar ki sa dife ti ganny mete par ekspre.

E sa i kouver bann lannen 2017 e 2018.  Oditer Zeneral i mazinen ki i ti kapab annan pandan sa 2 lannen,  reveni an ekse a R10milyon, ok pour sa 2 lannen.

Me, dan bann sif,  i annan zis R1.2milyon ki ti pe ganny anmase.  E ki ti pe ganny met dan kont an sa ki konsern bann entrance fee pour Zarden Botanik.

Alors Mr Speaker mon personnelman mwan pa konnen ki mannyer mon pour kapab avanse.  Akoz sa i gran frod Mr Speaker.  I en gran frod.  Mon pa pe-at this point mon pa pe akiz personn.  Eksepte ki mon pe vwar poudir sa dimoun ki pe ganny akize dan sa Rapor, ki pe ganny akize pour tou sa bann keksoz ki’n ganny fer,  Sa bann malversation, se accountant a sa lepok.

Alors Mr Speaker,  pour mon, mwan ti a swete ki Minis avan ki nou kapab avanse.  I kapab dir nou ki bann mezir ki’n ganny met an plas?  E ki bann mezir ki’n ganny pran pour met sa case Ankour?  E ki bann progre ki pe ganny fer lo sa lanket?  Akoz mon mazinen Gouvernman in ganny en kopi sa Rapor.  E ki bann nouvo mezir ki’n ganny met an plas pour anpese ki sa frod i ariv ankor?

Mon mazinen poudir nou bezwen en statement avek Minis la.  Avan ki nou kapab avanse.  Akoz i- sinon mon pour bezwen al an detay enn par enn lo sa bann lakizasyon.  E mon pa krwar it’s the right time to do it.  So avek ou permisyon, kekfwa Minis ti ava kontan donn nou en rapor lo ki Gouvernman i santi lo sa sityasyon.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mr Speaker, wi in annan en Rapor Oditer Zeneral, en odit byen detaye ki’n ganny fer lo National Botanical Gardens Foundation.  E Rapor Odit i piblik, kot tou dimoun i annan akse avek.

I annan serten highlights ki Oditer Zeneral or Lofis Oditer Zeneral in highlight ki i annan posibilite kot serten fon in disparet si mon kapab dir.  Or i pa’n ganny rikorde parey i sipoze ganny rikorde.  I annan serten prosedir petet ki pa’n ganny swiv dapre lenstriksyon finansyel ki Minister Finans i donnen.

So mwan osi, ler Rapor in ganny fer.  Or ler Rapor ti pe ganny fer,  mwan  ansanm avek PS, ansanm avek CEO Lazans-sorry Fondasyon National Botanical Gardens Foundation,  nou’n angaz en kantite avek Oditer Zeneral avek son biro.

In annan bann ale/vini.  In annan bann kestyon, in annan bann larepons ki’n ganny donnen.  E sa i sorti kler dan Rapor Oditer Zeneral.

Rapor Oditer Zeneral in ganny prezante avek Lasanble.  Minister Finans i osi annan en kopi Rapor Oditer Zeneral.  E Minister Finans i annan serten aksyon ki zot in pran lo zot kote, pour adres serten konsern ki ti dan sa Rapor Oditer Zeneral.

Mr Speaker, wi i en konsern.  Me apre tou sa bann pwen ki’n ganny highlight par Lofis Oditer Zeneral, in annan en kantite travay ki’n ganny fer internally, par Fondasyon pour si oule met azour serten prosedir, pour fer sir ki bann reveni-akoz ti annan serten lapse dan bann fason ki reveni i ganny kolekte pour fer sir ki bann reveni ki sipoze ganny kolekte par sa Fondasyon.  I ganny kolekte apropriyeman.  I annan bokou, bokou zefor ki’n ganny fer par Fondasyon, par CEO, par accountant, par bann staff pour fer sir ki i annan bann tight control kot i konsern reveni.  E osi spendings.  Spending  pa ti vreman-pa’n vreman en issue dan Rapor Oditer Zeneral.  Me plito reveni ki antre.

Petet pli tar Minister Finans i kapab elabor en pti pe lo ki bann aksyon ki zot, zot pe pran lo zot kote.

Mon santi Mr Chairman ki i annan en kantite travay ki’n ganny fer.  En kantite zefor, e sa i reflekte lo lakantite reveni ki’n ganny anmase this far.

So National Botanical Gardens i reste en Fondasyon tre enportan pour zer nou bann Zarden Botanik, enkli Sant Biodiversite Barbarons kot nou fer serten travay avek bann lespes andemik Sesel.

Alors mon santi ki nou devret proceed avek sa Bidze.  Nou devret get li.   Akoz i annan en kantite staff laba, ki travay laba.  En kantite staff devoue.  I annan en bann keksoz ki nou’n fer.  Sirtou pour staff dan Bidze.  Ki zot pour vwar,  kot Fondasyon i bezwen bouze.

Alors nou rekonnet Rapor Oditer Zeneral.  Nou rekonnet bann defayans ki’n annan dan lepase.  E nou rekonnet zefor ki Minister Finans ansanm avek Lazans, ansanm avek Minister nou’n fer pour remedye bann sityasyon.  E mon kapab-mon konfidan Mr Chairman ki bann travay ki nou’n fer, i pour asir bon gouvernans, bon zesyon reveni dan Lazans-sorry dan Botanical Gardens Foundation.

So mon krwar avek sa ki mon’n dir la.  Si i annan pour azoute, apre mon ava azoute.  Mon krwar nou kapab proceed avek-mon pa pe donn lord.  Be mon krwar nou kapab proceed avek diskisyon Bidze sa Fondasyon.

E si i annan bann kestyon, CEO i ava kapab eklersi bann Manm Lasanble, eklersi piblik lo sa size.  Mersi Mr Speaker.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker mon kapab dir san okenn ezitasyon ki mwan vreman dezapwente avek larepons Minis.  Mon vreman dezapwente.  Akoz Minis pa’n dir nou, ki bann aksyon Legal ki’n ganny pran.  E Minis pa’n dir nou si okenn dimoun dan sa Departman is being held accountable.

Mr Speaker mon pour mank a mon devwar koman en MNA, si mon les pase sa.

Nou nou’n dir pandan plizyer letan dan sa Lasanble ki people have to be held accountable and responsible.  Nou’n dir a plizyer repriz.  Nou’n pran legzanp, ki si en tren i kit ray L’Angleterre,  sa Minis Transpor i pran responsabilite pour sa bann keksoz koumsa.

Isi Sesel nou pa pran okenn responsabilite!  Mwan mon ti a kontan-  Mwan  mon vreman, vreman dezapwente.  Mon anvi konnen lekel ki’n ganny met Ankour?  Si i annan en case Lapolis?  Lekel bann dimoun ki’n ganny sispann?  E san okenn latak personnel oubyen whatever.

Mr Speaker ler nou lir ladan, poudir ‘’the CEO’’ ki dir a plizyer repriz ki pa ti okouran tou bann keksoz.  I byen posib.  Mon aksepte sa.  Mon pa pe dir poudir CEO pa pe dir laverite.  Mon pe dir ki en CEO ki pandan 2an i annan bann frod ki pase ler li i CEO.  E i pa vwar?   I pa devret CEO!  Se tou!  I bezwen annan en sanksyon kek landrwa.

Akoz ler ou ganny mete dan en landrwa.  Ou responsab, e ou ganny peye pour sa travay pour ou pran sa responsabilite.  Ou ganny peye pour ou konnen kwa ki pe pase.  Mon pa ti konnen.  Mon pa pe dir si Rwanda –  Rwanda si ou dir avek Paul Kagame, Prezidan Kagame ou pa ti konnen,  problenm!  Mon pa pou akonte ki pour arive avek ou!  Ou napa drwa pa konnen!

Mr Speaker i bezwen annan bann sanksyon ki arive.  I bezwen annan keksoz ki arive.  Swa sa Board ki ti la, mon pa konnen kot ki Board ki ti la. Kan ki zot ganny renouvle?  Lekel CEO? Lekel sa accountant?   Be i bezwen ariv keksoz.

Mwan personnelman Mr Speaker, mwan mon pe-mon konpran Minis.  Mon konpran ki i annan travayer.  Me selman travayer li,  li prezan i pe ganny vwar koman li ki voler ok?   Wi, wi!  Wi, wi akoz mwan mon  vwazen avek Zarden Botanik mwan.  Bann dimoun laba zot, zot santi poudir finalman dimoun i krwar poudir zot ki voler!  Kan pa zot ki voler.  Kan pa zot ki’n fer frod!  Frod in ganny fer en lot landrwa!

So nou bezwen annan en determinasyon, nou bezwen annan en process ki deroule pour fer sir ki sa enn ki’n vole,  i ganny met dan lanmen Lapolis.  Sa enn ki pa’n kapab assume son duties parey i devret assume son duties –  parey i ganny peye pour li assume son duties, i devret pey le konsekans Mr Speaker!  I kapab nenport dimoun,  konsekans i bezwen ganny peye!  Mersi.

 

MR SPEAKER

Mersi.  Mersi Onorab.  Minis avan mon donn ou la parol.  Mon ava donn la parol Onorab De Commarmond.

 

HON CHARLES DE COMMARMOND

Mersi Mr Chair.  Bonn apre midi Mr Chair.  Bonn apre midi Minis ek ou delegasyon.  E tou Manm Onorab.  E tou dimoun ki a lekout.

Mr Chair mon ti oule zis dir en keksoz en pe dan sa direksyon ki Onorab Ferrari in avanse.  Se ki konmsi mon ti anvi ki sa Bidze ki devan nou, nou ti kapab diskit lo li ase vitman.  E ki i pase.  Si – akoz i kler.  Sa ti pas dan FPAC, ti demann en lanket ganny fer.  Sa investigation in ganny fer.  Nou, nou pa la pour nou aksyon lo investigation dan sa moman la dan Lasanble.  Ti ava dan en lot moman.

E petet Minis osi i annan serten detay ki kekfwa Onorab pe demande ki pa neseserman la, ou pour donn tou sa detay.  I pa landrwa apropriye.  Me selman ki sa ki mon krwar a mon avi,  i enportan pour vwar sa depart from then and now.  Konmsi pour nou kapab vwar e fer konfyans Minister, fer konfyans lorganizasyon ki devan nou poudir i annan en improvement ki’n ganny fer.  I annan pli bon zesyon finans, kontrol, bann- ti annan serten sizesyon par egzanp ki ti ganny mete.  Si sa bann sizesyon in ganny pran an konsiderasyon.  Konmsi donn nou sa bann diferan move.

E pretan-e prezan osi baze lo sa Rapor ki zot in gannyen.  Si i annan serten move ki zot, zot in fer, ou konpran?  Mon krwar i fer en- i fer sans ki i annan serten keksoz ki ganny met devan, pour nou kapab vwar sa diferans pour donn nou konfyans pour nou kapab siport sa Bidze.  Sa ki mon pe feel la.  E ki mon krwar konmsi pour nou kapab bouz ase vitman.  Ti kapab al vitman, si nou vwar sa.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Chairman.  Mr Chairman set egzakteman dan sa menm laliny ki Onorab De Commarmond in vin avek, ki mon ti pe sizere.  Mon’n fer kler dan mon larepons ki i annan serten keksoz ki osi Minister Finans i kapab adrese lo bann mezir.  Akoz i konsern reveni.  Alors Minister Finans i kapab adrese lo bann mezir ki zot in pran pour tighten bann landrwa or Regilasyon ki i annan pour fer avek reveni-management of reveni.

So mon pa’n-konmsi mon pa’n zis fini koumsanmenm e pour kit Onorab or Lasanble dan vid.  Minister Finans i annan bann bout ki kapab azoute.  Me at the same time nou bezwen get sa Bidze koman-konmsi lo son merit li menm sa Bidze.  Merit sa Fondasyon, legzistans sa Fondasyon.  Akoz i bezwen en Bidze.

Lezot issues ki konsern Rapor Oditer Zeneral can be dealt with.  I enportan i ganny deal avek.  Me solman nou bezwen osi get sa Bidze koman en Bidze.  Koman en Bidze en Fondasyon ki bezwen fonksyonnen, ki bezwen kapab fer serten loperasyon kot i konsern nou bann Botanical Gardens, enkli nou Sant Biodiversite Barbarons.

Petet a sa pwen Mr Speaker, si ou allow, si i posib Mr Chairman si ou allow, si posib, Minister Finans osi i kapab donn en pti pe leklersisman kwa ki zot in fer ansanm avek Fondasyon pour met keksoz drwat.  Mersi.

 

MR SPEAKER

Mersi Minis.  PS Thesee ou oule fer komanter?

 

PS DAMIEN THESEE

Mersi Mr Chair.  An ki konsern prosedir ler i annan okenn investigation, oubyen rapor Odit ki vini espesyalman sa enn in ganny fer par Oditer Zeneral, e pa nou prop Internal Audit.  Nou’n zwenn osi pandan lannen avek Oditer Zeneral as Minister Finans pour go over sa case.  Rapor in sorti, nou’n ganny en kopi.  E nou nou’n deza pran mezir disipliner avek staff konsernen.  An vi ki ti en staff Minister Finans.

So sa nou’n fini pran aksyon avek.  Akoz baze lo audit report in zis annan mansyon avek selman 1 staff.  I pa’n enplik en group staff, oubyen lezot dimoun.  So nou’n go according to the audit report,  ler nou’n analize.  So nou’n fer nou aksyon disipliner.

An retour osi ler i ariv bann ka koumsa, nou pran rapor odit, nou soumet avek Lapolis ordinerman.  Solman depi avek kreasyon Anti-Corruption Commission,  ler i annan bann ka koumsa.  An vi ki i kouver anba zot manda.  Nou forward case kot Anti-Corruption Commission.  So zot deza annan kopi sa rapor.  E la nou, nou pe esper zot investigate further.  Akoz sa bann rapor odit ordinerman, i zis etablir the financial irregularities. 

Savedir ki in vwar in arive an term defayans avek nou Lalwa PFM.  Prezan pour ou fer bann lezot prosedir an plis, an vi ki rapor odit i dir nou bezwen initiate criminal proceedings.  La i annan en lot prosedir ki swa Lapolis, swa Anti-Corruption i fer,  pour ou kapab etablir si i annan cause pour bring Ankour.  So nou, nou’n fini soumet en rapor.  E alor nou ava atann Anti-Corruption pour come back.

E depi lannen 2018 an vi ki sa reveni an kestyon la –  avan sa ti pe ganny met anba Suspense Account.  E nou an 2018 nou ti deza an diskisyon avek bann lorganizasyon ki ti ankor tenir Suspense Accounts pour bank reveni ladan.  Pour nou aret aboli sa sistenm.

So si ou get Bidze 2019 nou ti’n fini komans met koleksyon bann fees pour Botanical Gardens dan reveni.  So sa i en lot mezir ankor ki nou’n fer pour koup bann loopholes kot sa bann lorganizasyon i servi reveni, pa antre dan Consolidated Fund.  Me zot servi sa larzan pour supplément zot bann aktivite ki fer ki ou vwar i annan defayans.  Akoz ou pa pe kapab scrutinize byen lo en monthly basis ler nou fer fiscal report, pour nou kapab vwar ki bann performans along bann diferan revenue line.

So sa depi 2019 nou’n fer antre dan Bidze.  So la i pli transparan pour avoid sa bann Suspense Account.  Alors sa i en pe lo bann mezir ki nou’n pran.  Mersi.

 

MR SPEAKER

Mersi PS Thesee.  Bon mon kapab donn en konsey ki FPAC i kontinyen swiv sa sityasyon de pros.  E rapor Oditer i la pour gid nou.  E mon ti a swete ki FPAC i ava pran sa onboard, ok?  Okenn Manm i oule kestyonn-nou pour kontinyen avek deba lo Bidze National Botanical Garden’s Foundation.  Okenn Manm apard Onorab Ferrari?  I annan konsern pour leve lo Bidze, oubyen kestyon.  Onorab Waven William.

 

HON WAVEN WILLIAM

Mersi Mr Speaker.  Mr Speaker swivan larepons ki Minis in donnen,  mon anvi demande,  ki bann mezir an plis?  Ki bann mezir an plis on the ground ki zot pe fer, ou mete, ou pe mazin fer pour anpes, ouswa kontrol konfli lentere, labi, e ankor enn fwa sa tantasyon koripsyon?

Minis mon mwan pe dir sa avek tou senserite.  Akoz, parey in ganny dir,  parfwa se bann travayer anba ki kapab ganny blanmen ki pa dan management.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mr Speaker mon pe sey konpran kestyon Onorab.  Mon pa okouran okenn lenstans konfli lentere.  Si Onorab i kapab en pe pli kler.  Pa sipoze annan okenn konfli lentere.  Tou dimoun i bezwen fer zot travay dapre zot job description.  E dapre sa ki sa travay i demann pour fer.  E personnel- keksoz personnel ouswa keksoz ki personnel pa sipoze antre dan travay sa Fondasyon.

So si i annan okenn petet keksoz pli kler ki ou ti a kontan petet fer mon konnen or fer-konmsi pour eklersi.  Akoz- me solman i pa sipoze annan okenn konfli lentere dan fonksyon okenn travayer NBGF avek zot louvraz dan Fondasyon.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Zis pour fer en pti pe pli kler pour Minis.  Well mon pa konnen ki mannyer bann prosedir i ete.  Eski bann zofisye i deklar zot lentere?  Par egzanp dan sa bann kalite biznes ki zot fer.  Ki kapab antre an konfli.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok.  Mersi Mr Speaker.  Mr Speaker,  dan sekter piblik en serten nivo kategori anplwaye sekter piblik i bezwen deklar tou zot bann lentere,  parey nou konnen avek Public Ethics Commission.  Sa i ganny deklare tou le lannen si mon pa tronpe.  E i ganny-deklarasyon i ganny fer.  E Public Ethics Commission i hold zot deklarasyon.  E si i annan en nesesite pour ouver zot deklarasyon pour gete, kwa ki zot ti deklare koman zot lentere, an relasyon ek zot travay,  sa i kapab ganny fer.  Me solman sa i a en serten nivo, parey ou konnen.  Serten lezot travayer pli ba nivo.  Pa neseserman bezwen deklar zot lentere.  So si i annan en nesesite- si nou santi ki poudir i annan konfli lentere dan Fondasyon avek dimoun ki travay dan Fondasyon.  Mon krwar Public Ethics Commission i devret, or sa-somebody i devret pe-konmsi invoke sa bout dan Lalwa kot nou fer nou fer nou investigation nou gete.

Me solman an se moman, mon pa-mon pa ankor ganny okenn konplent.  Mon pa konn lo kote Board si zot in ganny konplent.  Zot pa’n endik ek mwan okenn konfli lentere ziska prezan.  Onorab, mon hope mon’n kapab reponn ou kestyon, eklersi.  Mersi.

 

MR SPEAKER

Mersi Minis.  Onorab Clifford Andre.

 

HON CLIFFORD ANDRE

Mersi Mr Chair.  Mr Chair letan mon pe get program 1 ‘’governance, management, and administration,’’  i annan li 5.3milyon.  Progranm 2 i annan li ‘’key operation, conservation and Propagation,’’ i annan li 8.8 milyon.  E ladan progranm 1, son konpansasyon ki vedir son bann wages1.9.  Tandis ki son ‘’use-of goods and services’’ i 3.3.  Vis versa progranm 2, ‘’compensation of employees’’ i 7.4 milyon,  me son ‘’use of goods and services’’i 1.3.

Letan nou desann lo son bann detay ki in donn nou.  progranm 2, son aktivite ki li i fer, se manage– annefe progranm 2 i dir ‘‘The purpose of the program is to provide for the day to day operation of Statehouse Garden,  The Botanical Garden, Biodiversity Center, the running of the main laboratory for the propagation of endemics plants’’. 

        Ki mon oule demande mwan?  Se ki, Statehouse in annan en Bidze pour Statehouse.  President’s Office i annan en Bidze pour Statehouse.  Ki mannyer la ozordi nou pe gete, kot dimoun pe ganny peye- nou pe koz nou apepre- ki pe ganny peye 7.4milyon e par zot travay, se pour okip zarden?  I napa en konfli, kot nou pe get sa 2 aktivite?  Oubyen i-eski i pe okip Zarden an referans avek bann Moniman oubyen bann lezot keksoz?  Mersi.

 

MR SPEAKER

Mersi Onorab.  Minis.  CEO.

 

CEO RAYMOND BRIOCHE

Bonn apre midi Mr Chair.  Tou bann Manm Onorab.  E bann dimoun a lekout.  Mersi Mr Chair.  Pour an se ki konsern sa akoz Zarden Statehouse i ladan?  Wi nou annan nou 2 progranm.

E Zarden Statehouse i tonm parey en Zarden Leritaz.  E pour mon Zarden Statehouse i en vye Zarden.  E sa bann kalite plant ki nou annan dan Zarden Statehouse i annan serten ki petet- nou annan zis en spesimenn parey Zarden Botanik i annan.

E nou, nou vwar sa konmkwa nou bezwen proteze sa bann plant koman en Leritaz. E alor se-nou annan staff Statehouse, 9 staff.  E nou annan 15 Biodiversite.  E nou 13 staff Botanik.  Sa prensipalman zis pour Zarden.  Pa pour-akoz se lafason nou manage Zarden.  Nou fer sir ki i ganny garde si oule anliny avek prensip Zarden Botanik.  Akoz pour son lannen-kantite lannen ki i ete, i istorik.  I pa zis en Zarden ordiner.

 

MR SPEAKER

Minister.  Minis go ahead.

 

MINISTER WALLACE COSGROW

Mr Chairman Mersi.  Brièvement, zis pour dir Onorab- zis petet pour eklersi Onorab.  CEO in eksplik en pe lenportans Zarden Statehouse.  Konmsi sa Zarden i enportan ki i ganny maintain par bann dimoun ki annan lekspertiz e leksperyans an vi bann kalite plant parey CEO in eksplike.  Se sa pour le moman ki National Botanical Gardens i maintain sa Zarden.

I ti kapab annan en outsourcing avek en lot Zarden.  Me leritaz- an term leritaz, an term lenportans Zarden Statehouse, i enportan ki i ganny maintain par en Antite parey NBGFSo se sa ki i enportan sa upkeep of Zarden Statehouse parey NBGF.  Mersi.

 

MR SPEAKER

Mersi Minis.  Onorab Andre.

 

HON CLIFFORD ANDRE

Mersi Mr Chair.  Mr Chair mon pe zis demann avek Minis avek CEO si –par lefe ki sa bann Zarden i annan bann valer o,  eski bann touris, letan i vin vizite, eski zot peye?  E si zot pey larzan, konbyen larzan ki nou fer an term receipts?  Akoz mon pa vwar.  Mon vwar zis ‘’Botanical Garden’’ ‘’entrance’’ ‘’kiosk.’’  Mon vwar ‘’tortoise’’, mon vwar ‘’restaurant,’’ ‘’receipt’’, ‘’sale of plants.’’  Apre mon vwar ‘’wedding ceremony dan receipts.’’

Eski i annan en larzan ki nou gannyen atraver bann dimoun ki vin vizit sa bann Zarden, ki nou pe okipe, ki nou pe donn larzan pour okipe?  Mersi.

 

MR SPEAKER

Mersi Onorab.  CEO.

 

CEO RAYMOND BRIOCHE

An se ki konsern Zarden Botanik,  wi bann dimoun i peye pour antre.  E Sant Biodiversite li, pa ankor vreman anmase.  Pa ankor lo en lanpler kot nou kapab anmas otan reveni ki zot ti a kontan ranmase.

E pour Statehouse nou pa vreman fer dimoun peye pour al vizite.  Akoz i en Zarden State li parey mon dir.  I State li.  Me selman akoz i annan sa valer-mon krwar pour pei Nasyonalman.  I annan sa valer ki ou bezwen gard li vye parey i ete.  I pa en zafer kot konmsi kot nou, nou pran li konmkwa i annan valer an se ki konsern Biodiversity.  En valer vreman enportan.  E se pour kwa ki nou gard li anba Fondasyon, ki nou manage li parey en Zarden Botanik.  E non pa zis parey en Zarden piblik.

 

MR SPEAKER

Mersi CEO.  Onorab Andre.

 

HON CLIFFORD ANDRE

Mersi Mr Chair.  Mr Chair mon krwar se la kot nou, nou devret pli proactive.  Bokou nou, nou’n al dan bann pei, kot- mon mon’n al vizit Ofisyel La Chine.  Kot ou vwar ou pe al get en waterfall.  I annan en entrance fee.  Ok, bannla i peye pour nou, wi.  Nou, nou pa peye.

Me mon krwar si nou pe envestir, sa kantite larzan.  7.4 milyon, dan saler travayer ki pour okip –  ou dir i annan 9 zot ki okip Statehouse.  Mon krwar si touris pe vin gete.  Nou bezwen kapab fer pey en pti larzan.  Akoz ou dir nou, pe okip li parey en Zarden Botanik.

If it is a Botanical Garden,  let us make some money out of it.  Mon krwar nou bezwen komans la.  Nou bezwen komans ganny en larzan pour nou kapab fer sa.  Mersi.

 

MR SPEAKER

Mersi Onorab.  CEO.

 

CEO RAYMOND BRIOCHE

Mersi Mr Chair.  Letan mon mansyonn valer Zarden Botanik.  I pa neseserman ki mon- ki i vedir ki sa Zarden i bezwen parey nou an term Kreol nou dir ‘i bezwen zoli, i annan zoli plan ladan.’

Mon mwan pe dir ki i annan valer.  Son valer ki-lo kote Biodiversity ki enportan.  E se pour kwa ki nou gard li koumsa.  Parski parey mon dir, i annan serten plant ki laba i annan zis en plant.  E sa bann plant i ganny- ti ganny anmennen plis ki 100an pase.  E nou dan sa konteks ki nou vwar li i enportan.

Parski Zarden Botanik i pa neseserman zis en Zarden ki ou ale ou vizite.  Me i annan son valer syantifik ki byen, byen enportan pour en pei.  E nou, nou regard.  Nou pe regard sa kote lasyans osi an menm tan avek sa lot kote ki anmenn reveni.  I annan tout en balans ki nou regarde ladan.

 

MR SPEAKER

Mersi CEO.  Minis.

 

MINISTER WALLACE COSGROW

Mersi Mr Chairman.  Zis pour azoute ki dan Lalwa NBGF, ki manage bann Zarden.  Zarden dan son definisyon ‘it includes any other Gardens or areas of important Botanical Value.’’  So, se sa ki i vwar sa Zarden i annan sote 100an.   E i annan bann plant Botanical Value.  Alors i ganny manage par dimoun ki konpran ki mannyer pour manage sa.  I ok.    Solman ou pe dir ki, petet nou devret en pti feeOk, be sa i en keksoz ki kapab ganny konsidere.  Mon konpran ou Onorab.  Ok?

 

MR SPEAKER

Mersi Minis.  Minis, mon krwar lentansyon Onorab se ki- si nou kapab ranmas en pti reveni.  E sirtou Zarden Statehouse i bann vizit ki ganny organize byen.  An vi ki sekirite tou sa.  E si sa bann vizit i ganny organize par bann group,  i pli fasil ankor pour kapab ranmas reveni, anmas receipt.  PS.

 

PS ALAIN DE COMMARMOND

Mersi Mr Chair.  Anliny avek sa ki ou fek dir.  Zis pour enform tou bann Manm Onorab, si zot rappeler,   i annan bann vizit ki Statehouse i organize, ansanm avek Minister Kiltir, ouswa Heritage Foundation.

Prosedir se ki i bezwen annan en serten kantite dimoun ki express lentere.  E apre once, zot a bezwen en serten quota.  La zot organiz vizit.  Donk anliny avek bann diskisyon ki mon krwar ki, par egzanp Onorab in mansyonnen.  Nou kapab regarde ansanm avek kad Leritaz.  Ansanm avek President’s Office, ki mannyer nou kekfwa nou kapab al dan sa direksyon pour le fitir.  Mersi pour ou kontribisyon Onorab.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman, mon swiv sa sizesyon ki ou’n fer konsernan FPAC.  E byensir FPAC lannen pase-well sa lannen nou ti komans regard size Botanik.  E mon bezwen dir ki, se apre ki FPAC ti fer serten travay li menm,  avek bann travayer lo gate.  E apre sa avek bann Lakonpannyen Touris, bann DM’s ki ti annan en gro lalimyer.  E sela kot lakantite larzan ki ranmase in ogmante.   E sa ki dan Bidze pour sa lannen.  Koleksyon 6.8 milyon.

E sa ki zot ti’n prozekte, ti 1.2 milyon.  E byensir, zot in bezwen kit sa enn 1.2 milyon dan liv.  Akoz sa 1.2 milyon zot ti’n met li depi lannen pase.  Zot pa’n kapab sanz sa sif.

Se sa Mr Chairman, mon krwar ki i enportan.  I enportan ki i annan-e definitivman letan nou ava take sa up, nou ava pe fer nou Hearing koman FPAC.  Nou pour bezwen lev sa bann size ankor.  Me selman,  i annan serten keksoz ki vreman trakasan ki nou bezwen fouye.  Par egzanp letan nou pe regard dan Rapor Oditer ki nou ti fer travay lo la sa lannen.  Larzan ki, unbanked ki letan Oditer Zeneral ti vizite.;- unbanked ti 2.036 milyon.  Ok.  Sa sete a 2015.

E i plis ou mwen balanse, avek larzan ki zot ti ranmase.  Ok larzan ki zot in ranmase 2.3 milyon.  Larzan unbanked 2.036.

An 2016 larzan-larzan ki zot ranmase, i zis 2.8milyon.  Ok zis 2.8milyon.  An 2017 lannen ki dife ti pran-lannen ki dife ti pran.  Zot ti ranmas 6.958.

 

HON JEAN-FRANÇOIS FERRARI

(Off-Mic)

That’s the grand total.

 

HON WAVEL RAMKALAWAN

Non, non.  Zot ti ranmas selman 1.7milyon.  Konmsi Mr Chairman, mon anvi konmsi dir ki letan nou pe koze la.  Nou pa pe zis koze akoz nou anvi akiz okenn dimoun.  I pa nou lentansyon akiz okenn dimoun.  Me selman, letan nou ape pe koz sa bann gro sif.  Ok 1.7milyon.  Selman ki ou anmase an 2017.  E ozordi nou pe koz ranmas 6.8 milyon.  E menm larzan ki’n ranmase an 2018.

Larzan ki’n ranmase an 2018 letan nou, nou ti fer nou kalkil.  Sa ki zot ti pe deklare avek sa ki-2018 ti napa dife li.  Sa ki zot ti pe deklare avek sa ki bann DMCs ti dir nou ki zot in peye baze lo lakantite touris ki zot fer-ki zot fer vizit Botanik.  Larzan ki ti pe anmase lo gate.

E lo gate Mr Chairman-mon bezwen zis dir sa.  Lo gate sa ki ti enteresan;-  pour nou kapab ganny serten direksyon, se ki bann manrmay ki travay lo gate, zot ti pe gard en rikord, san ki bann sef anler-pa ti konnen.

Zot, zot ti pe gard zot rikord konbyen zot in anmase toulezour.  Alor, annou ganny li byen.  I annan larzan ki’n ganny-ki’n disparet.  Sa i kler.  I annan larzan ki’n disparet.

Mon kontan ki Minis- ki Minister Finans i dir, zot in pran serten aksyon.  Me selman Mr Chairman,  mon anvi dir ki, tro souvan, aksyon i tro tarde, i trennen.  Depi le 31 Zilyet 2017, sa in arive.

Ozordi nou Desanm 2019.  E  e mon ti a kontan demann avek Minister Finans.  Sa zot zofisye la, eski i ankor pe travay avek zot?  Eski i ankor pe travay avek zot?  Oubyen eski in ariv-ki savedir aksyon disipliner?  Ki savedir aksyon disipliner?  Parski nou konsernen avek sa.  E sa ki nou pe vwar la.  E mon ti mansyonnen, i en refleksyon egzakteman L’Union Estate.

L’Union Estate pa ti pe fer profi.  Ziska ki FPAC ti fer son travay.  E pandan 2an la, parey Minis i konn tre byen.  L’Union Estate in deklar en profi plis ki R10milyon pour sak lannen.

Be alor, letan nou regard an aryer,  konbyen larzan ki nou’n perdi?  Konbyen larzan ki’n kas kontour ki’n ale?  E nou, letan nou pe fer sa scrutiny lo Bidze.  I nou responsabilite.  E mon plis ki sir ki zot realize ki zot konsernen.  E Mr Brioche i konn byen ki poudir letan FPAC ti zwenn avek son lorganizasyon, nou ti menm pe donn zot serten konsey lo ki mannyer pour fer serten keksoz.

Parske Mr Speaker, mon a donn ou en legzanp.  E ki zot ava reazir lo la.  En touris, pour ou rantre, si ou pey an Roupi i R100, R100.  Si ou pey an Dolar, ou pey $10.  Be, sa dan li menm si ou pey an Ero €, i €10 menm mon krwar.  En zafer koumsa.  Dolar mon mazinen, $10.  Ok.  Be i fasil.

E se sa kot mon rekomann bann manrmay, bann travayer ki lo gate.  Parski i ti pour fasil pour zot pran Dolar, $10, sanz li.  Zot ganny R140, e apre sa met R100 dan bwat.  Konmsi bann senp pti keksoz koumsa- bann senp pti keksoz koumsa, nou ti koz lo la.

E, Mr Chairman si mon pe dir sa.  Mon anvi vreman konnen, ki bann mezir ki’n ganny pran pour nou regard sa gate, regarde ki mannyer i ete?

E la petet Mr Chairman.  Mon ti ava kontan petet sey propoz serten keksoz.  Ou konnen, i annan en zanmi ki ti ape avek mwan lo en pei.  Mon’n bliye ki pei egzakteman.  Kot i annan bann larantre ki ou bezwen peye.  Isi Sesel nou annan prensipalman Zarden Botanik, Vallee de Mai, Fond Ferdinand, apre bann Marine-Parks prensipalman.

Akoz ki olye pour deal avek cash, parey nou pe deal.  E ki apre sa larzan i disparet.   A mwen ki bann-parey bann DMCs ki pey avek en cheques.  Ki konmsi nou napa en kart spesyal.  Mon pe zis met sa devan zot koman en propozisyon.  En kart ki en touris i aste.  E i konnen ki poudir sa kart, i pour permet li vizit sa bann landrwa.  E kot sa kart i ava kout whatever larzan, ki i swipe li.  E ki larzan i al direk dan-letan zot aste sa kart, larzan i al direk dan zot kont.  E zot ava regarde.  Petet i ava annan bann fason poudir be a- be sa in antre Botanik, alors sa larzan i al pour Botanik.  Sa i antre Vallee de Mai, alors i al pour SIF.  Sa in antre pour National Park, alors i al pour National Parks Authority. 

Mon ti ava demann zot pour konsider sa pour nou kapab-pour nou kapab modernize.  E pour nou kapab avans devan.   Me selman, mon ti ava kontan lo sa pwen la.  Bon mon pa anvi antisip okenn travay ki FPAC pour fer.  Me selman pour demande egzakteman ki aksyon disipliner?  Akoz nou konsernen avek reveni, menm si Bidze i konsantre lo depans.  Me selman pour ki ou annan depans, i bezwen annan reveni.  Mersi bokou Mr Speaker.

 

MR SPEAKER

Mersi Onorab.  PS Thesee.

 

PS DAMIEN THESEE

Mersi Mr Chair.  Aksyon ki nou ti pran, ler rapor ti vini.  Nou ti fer diskisyon avek staff konsernen.  In ganny loportinite pour li-e fer son statement pour met son pozisyon osi lo latab.  Sa in ganny pran osi, in ganny donnen avek Anti-Corruption.  Staff ti ganny met lo sispansyon.  E la tel sispansyon in fini actually, en pe letan.  Nou dan prosedir for termination.  Mersi.  Termination.

 

MR SPEAKER

Mersi PS.  Minis.

 

MINISTER WALLACE COSGROW

Mersi bokou Mr Chairman.  Mr Chairman mon pour zis adres sa advise kart en.  Parey Onorab in dir i 4 Lenstitisyon separe en.  4 Lenstitisyon separe.  NBGF– pa NBGF, SNPA i annan son sistenm peyman, entrance fee ki pe osi i pe modernize.  Kapab ganny peye online.  SIF i en Lorganizasyon separe.  So i annan son sistenm peyman, enkli Fond Ferdinand, enkli li.

Now, ki kapab arive?  Mon okouran mon osi, ki dan serten pei, ou kapab servi en pass for diferan Parks, or diferan sa.  Ki petet i bezwen arive.  Mon konnen i en advise ki ou pe donn nou.  Petet sa bann antite i kapab koz ansanm petet ki zot kapab annan en sistenm peyman pour tou.  So it’s a good idea ki nou kapab petet vwar dan le fitir ki mannyer i marse.  Petet CEO ti ava eksplik en pti pe, ki zot in met an plas la, sirtou lo gate pour kapab reasir bann Manm Lasanble an term reveni kolekte, e fer sir ki i ganny accounted for byen.  Mersi.

 

MR SPEAKER

Mersi Minis.  CEO.

 

CEO RAYMOND BRIOCHE

Mersi Mr Chair.  Wi, an se ki konsern ramansman avek banking, se, toulezour prezan nou fer sir ki toulezour larzan i ganny ranmase, i ganny bank.

Nou’n osi met en sistenm an plas, avek advice Lasanble ki nou ti pase avek FPAC.  Kot nou’n fer sir ki nou pe servi en POS Machine lo baro.  Nou’n entrodwir sa osi, zis apre sa lensidan.  Kot nou pe servi sa an menm tan kot Kafe osi nou pe servi en POS machine.  E parey mon dir, banking, toulezour pe ganny fer.  E nou’n osi- Minister Finans osi in asiste nou avek en lot staff, ki prezan i annan separation of duty.  Kot enn i ranmase, enn i kolekte, enn i al bank.  E nou pe fer sir osi ki nou pe kolekte data from- statistic from entrance.  Sa osi mon okouran.

I vre Mr Chair ki nou pa ti pe ganny sa-annefe mon pa ti okouran osi poudir ti annan sa- ki ti pe annan data e statistik lo baro depi ler mon’n vin laba.

Me selman la, nou’n fer sir-mon fer sir prezan ki nou pe ganny sa statistics preski tou le mwan.  Annefe pa preski tou le mwan.  E Accounts prezan pe fer sir ki preski toulezour i pe ganny lenformasyon lo ki kantite dimoun pe rantre at the entrance.

Osi, mon’n anmenn kot new Board, Board NBGF en propozisyon dan next meeting kot petet nou arete servi.  Nou arete pran forex.  Nou servi zis Roupi.  Petet nou aksepte zis Roupi.  Vi ki nou annan POS machine.  E sa osi i ava en fason osi pour redwir sa tandans ki-kot larzan pa pe rantre byen.  I a entrodwir en pli bon kontrol an sort.  E nou’n anmenn sa.

E lot mezir osi ki-mon pe menm regard osi posibilite pour petet annan menm en lasirans pour nou safe aswar.  Parske larzan i reste overnight.  Tou sa, se bann posibilite ki mon pe regarde ki mannyer nou pour kapab met an plas ansanm, ki mon bezwen fer diskisyon avek Minister Finans si fodre oubyen met larzan dan night safe.  Sa set en diskisyon ki mon bezwen fer avek-ansanm avek Minister Finans lo la.

E an se ki konsern prezan DMCs, as and when viziter i rantre.  Invoice i ganny dispatched.  Savedir i annan en pli bon kontrol.  E larzan pe ganny ranmase bokou pli vit.  E pli on time.

E petet fodre mon dir osi la.  Ki nou ti annan en backlog kot, sa- kot pa ti pe ranmase depi 2017.  Ki la nou annan en pti poursantaz nou’n ranmas nou dan sa backlog ki ti annan ki pa ti pe ranmase.  Nou’n anmas nou preske 2milyon.  E la, i reste nou zis 176mil ki nou pa ankor ranmase depi- sa depi Oktob mon pe koz lo la.  Bann larzan ki pa ti ankor anmas depi 2017.

Savedir nou’n fini preski anmas son larzan.  E la prezan, tou bann invoice pe ganny mete on time.  Mersi Mr Speaker.

 

MR SPEAKER

Mersi CEO.  PS Thesee.

 

PS DAMIEN THESEE

Mersi Mr Chair.  An se ki konsern bann aksyon osi ki nou’n fer.  Nou annan bann Regilasyon, nou annan PFM Act, nou annan nou PFM Law.  E sa lannen nou launch the accounting manualSo an term prosedir- prosedir i la pour etablir tou bann zofisye, ki zot rol.  Be it son accounting officer.  E dan nou Regulations osi i osi mete responsabilite bann Head of Accounts.  E responsabilite i osi kler, kote ou delegate ki responsabilite ki still reste.

So sa bann responsabilite i touzour la.  Me solman en zofisye i deside breach li, sa i an deor nou kontrol.  E nou’n touzour dir ki nou annan lapse lo nou bann revenue outlets.  Akoz tou kou lanfaz in touzour lo depans.  Savedir depans Bidze, depans Bidze.

So, sa dernyen 3an nou’n travay basically pour met an plas bann sistenm pour improve revenue management lo bann landrwa ki pa taxnon –tax revenues’. 

Nou’n entrodwir cashier module dan detrwa Minister.  So nou pe-so nou’n entrodwir li par egzanp kot Imigrasyon.  Kot MLUH, kot EIA.  E nou pe kontinyen deploy li dan bann lezot landrwa pou ede kapab.  Akoz la problenm touzour ki pour annan sistenm ki manual- e sirtou parey kot Botanical, ok i show zis tiket.  Son risk annan defayans, i pour touzour gran.

Ou’n nonm L’Union Estate.  L’Union Estate osi ti touzour pe issue tiket.  En mezir ki’n ganny pran, se la i automate.  Savedir zis en sistenm ki pe issue tiket.  Savedir i redwir ou bann risk lo bann stasyon ki nou annan.  E i annan landrwa osi kot nou’n met camera, kot revenue outlets ki nou-kot nou kapab met camera, nou met camera.  Ki nou annan en rikord ki pe arive lo bann lakes.

E osi Minister Finans nou’n sa lannen reviz nou striktir, ki nou’n recruit oditer.  Nou annan en defayans pour nou kapab ganny Oditer lokal.  Nou’n bezwen al deor, rod bann expatriate auditors ki nou pe komans plas dan bann Sectors, ki pe ede improve en pe lo bann defayans enkli lo revenue managements.  So savedir sa i pe ed en pe.

E dernyerman nou’n osi entrodwir POS sa lannen.  Savedir kot Botanical, viziter i kapab pey en entrance fee avek son kart labank, ki osi ede redwir likid cash dan bann landrwa.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon ti a kontan demann, avek delegasyon la.  Mon pa konnen lekel pour reponn;-  konbyen larzan eski zot ti ranmase an 2018?  E konbyen larzan zot in ranmase ziska prezan an 2019?  E sa Board an 2017, letan dife ti pran, eski li menm li Board ki ankor la?  E mon anvi demande.  Sa Board ozordi, konbyen fwa i zwenn-ki regilarite son bann rankont?  Mersi.

 

MR SPEAKER

Mersi Onorab.  Minis, oubyen CEO.

 

CEO RAYMOND BRIOCHE

Mersi Mr Chair.  An 2019, reveni ki nou’n ranmase ziska Novanm, i R4.911milyon.  Sa se zis lo kote entrance fees.

pour 2018, Mr Chair mon a bezwen anvoy sa lenformasyon.  I pa avek mon isi.  Ok, ok mon’n ganny dir la ki, R5.7milyon, 2018.

E bann aryeraz ki nou’n ranmase, pour 2019 la.  An Fevriye nou’n anmas nou 1.529milyon.  Sa ankor, sete bann depi 2017 ki pa ti ankor fini ranmase.

E Mars 31.  An Avril nou’n anmas 16.  En lot amount anmase an Me se 217.  E sa an tou la nou’n ranmas nou R1.794milyon ziska Novanm sa lannen.  Sa se bann aryeraz ki nou ti annan.  I reste nou deor, 1-sorry 176 ki pa ankor peye.  Me tou larestan reveni nou’n fini ranmase bann aryeraz ki ti annan.  E mon krwar mwan kontan pou dir ki, Mr Chair ki bann peyman i paret pli on time prezan, pli regilye.  Parske nou pe anvoy bann invoice bokou pli regilyerman.  Koman i pe rantre, nou pe fer ale.  E pe ganny swiv pli pre lafason peyman pe ganny fer.

E an se ki konsern Board.   Nou annan en lot Board.  En nouvo Board ki la i pa menm Board ki letan dife ti arive.  E i en nouvo Board ki la, an se moman Mr Chair.

E konbyen fwa nou zwenn- Board i zwenn?   Se prensipalman tou le mwan.  1 fwa par mwan.  E par ler i annan bann pti envoyé, depan lo sirkonstans.  Me selman prensipalman tou le mwan msye.  Mersi Mr Chair.

 

 

MR SPEAKER

Mersi.  Mersi CEO.

 

 

MR SPEAKER

Onorab Sebastien Pillay.

 

HON SEBASTIEN PILLAY

Mersi Mr Chairman.  Mon pa pour long.  Minis in kouver mon kestyon lo sa size POS.  Mon ti a kontan demann Minis, avan nou pran en vot lo sa Bidze.  Konbyen travayer an tou i annan dan National Botanical Gardens FoundationOk.

E an se ki konsern nouvo Scheme pour bann horticultural cadre ti sipoze entrodwir en nouvo Scheme pour bann dimoun ki travay dan domenn ortikiltir.  Akoz nou napa.  Nou pe perdi bann dimoun ki annan sa leksperyans e sa talan.  Bokou nou, nou take for granted, nou pas o bor Zarden Botanik nou vwar sa bann plant, e nou dir sa in pous li menm.  Be i annan en travay ki ganny fer.

So, eski sa nouvo Scheme pe ganny entrodwir sa lannen, ki pe vini pour sa bann dimoun, i kapab benefisye avek sa logmantasyon?

E going back to sa sizesyon pour fer Zarden Statehouse vin available to the public.  Mon konnen i annan tout en eleman sekirite.  Me selman eski zot in konsider par egzanp menm lapros ki bokou lezot landrwa i fer kot i annan bann guided tours kot bann dimoun i ganny vetted avan zot vini?  E zot allow.

E sa guided tours– e sa i ava en lot revenue stream ki i ava ede pour zisteman maintain sa Zarden Statehouse.  E ki i ava fer ki zot a servi zot bann revenue stream dan lezot areas pour zot maintain bann lezot Zarden.  E pour kwa pa regard bann lezot landrwa dan Lavil Victoria si oule, par egzanp Esplanade kot nou annan bann pye dibwa, bann plant ki pa neseserman andemik, me ki rar  ki zot kapab fer serten travay from maintenance on it.  Mersi Mr Chairman.

 

MR SPEAKER

Mersi Onorab.  CEO.

 

CEO RAYMOND BRIOCHE

Mersi Mr Chairman.  An se ki konsern Scheme.  Wi, nou’n revwar nou Schemesorry cadrecadre horticulture.  E ankor nou’n bezwen fer sa la, pour nou kapab retenir nou bann travayer ki’n ganny train, nou bann travayer ki annan leksperyans ladan pour kapab okip zarden kot nou pa-e san sa cadre, avan sa ki nou ti pe ganny bokou turn over.  Staff i rantre 1 semenn, 2 semenn i ale.  Me la ki nou vwar?  La nou pe swete avek sa nouvo cadre ki nou’n fer.  I ase attractive, e nou a kapab atrakte bann etidyan menm sorti Lekol Lagrikiltir, e menm lezot etidyan ki santi i anvi fer en karyer dan horticulture. 

Parski la ki nou pe fer?  Nou pe-sa cadre i montre si oule.  I pli ouver, pour montre sa kote lasyans ladan.  I pa zis en zafer vini, netway Zarden, netwaye met prop.  I ale ziska- i pran konsiderasyon menm dimoun ki annan Degre e pour al fer zot Masters tou.  Savedir i tousala.

E an menm tan osi, pour fer resorti.  Wi dan Bidze la, i feature en 1.5 million ki nou pe demande pour kapab enplimant sa pour lannen prosenn.  E mon krwar fodre mon dir ki sa cadre in fini komans pran lefe depi la.  Kot bann staff pe rantre lo la, la dan sa mwan.

An se ki konsern prezan pour Zarden Statehouse.  Mon krwar sa lide in ganny resorti taler tou.  I en bon lide, kot nou kapab organize e diskit avek bann parti konsernen pli tar pour vwar-. Petet  mwan mon ti pour vwar li i enteresan kot nou fer en sistenm guided tour lo en nivo byen Profesyonnel pour bann dimoun ki konpran tre byen bann plan ki prezan nou kapab met li ansanm avek tou Zarden Botanik.  Ki fer li donn en valer bokou plis-pli enportan ki an menm tan i donn niche, dan  sistenm market pour sa kalite vizit lanatir ki nou annan.  Mersi Mr Speaker.

 

MR SPEAKER

Mersi CEO.  Minis.

 

MINISTER WALLACE COSGROW

Sorry Mr Speaker, ti annan en kestyon lo lakantite staff ki annan ki CEO petet pa ankor reponn.  Mersi.

 

MR SPEAKER

Wi.  Go ahead CEO.

 

CEO RAYMOND BRIOCHE

Mersi Mr Speaker.  Sorry for that.  Nou annan an tou 54 staff.  Anba progranm 1, nou annan 13 staff.  E anba progranm 2 nou annan 41 staff.  Botanik i annan 13.  Anba Zarden Statehouse nou annan 9.  Sant Biodiversite i annan 15.  E apre bann servis an deor nou annan 4 dimoun.  An tou i fer 54 staff.  Mersi Mr Speaker

 

MR SPEAKER

Mersi.  Mersi CEO.  Yes Onorab Ferrari.  Ou-yes.

 

HON JEAN-FRANÇOIS FERRARI

Enportan Mr Speaker.  Mon ti a zis kontan demann avek PS Finans si sa former accountant ki aparaman i lo sispann.  Zot in anploy li en landrwa, kwa?  Konmsi i- akoz i arive souvan sa.  En dimoun i fer en zes en pe malonnet dan en landrwa, apre i ganny transfer dan en lot landrwa.  Konmsi dir nou.  Akoz i ti en staff Minister Finans.  Mon ti a kontan konmsi konnen poudir in al direkteman lo sispann ler in antre.

Me la, eski in ganny-akoz aparaman in al prizon, in al travay dan lezot Departman.  Reasir nou Mr PS.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Staff ti’n fini ganny transfer aktyelman avan ki sa lensidan ti arive.  So sete apre ki lensidan in vini.  I ti’n fini sorti Botanical.  E sispansyon in pran lefe kot sa landrwa ki i ete pour sa case. Wi pour sa case la.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Yeah.  Mr Chairman mon zis anvi demann CEO en kestyon.  Ok touris i vin- i peye pour li rantre Botanik, pour li vwar tou sa ki la.  Me selman letan i rantre, pour li tous en torti.  Fodre i pey en nouvo larzan.  Be eski, sa kontrol la, larzan pour pey torti i pey en lot tiket?  Ki mannyer i marse sa?  Parske mon ti ava mazinen ki parey en pe parey L’Union Estate, sa touris i pey lo gate.  E apre sa i rantre, o kontrer zot donn li manze pour li donn manze sa torti.  Be akoz Zarden Botanik i diferan li?

 

MR SPEAKER

Mersi Onorab.  CEO.

 

CEO RAYMOND BRIOCHE

Mersi Mr Chair.  Rezon det deryer sa laspe torti dan Zarden Botanik la.  Pour nou-ok 2 laspe la.  Mon pour koz lo la, la.  Fodre an premye repons se.  Wi touris i fer en kontribisyon.  Nou apel sa en ‘conservation fee’ ki i fer pour R50.

E Mr Chair mon krwar fodre mon dir la osi ki sa osi i en pwen ki nou pe al diskite avek Board pour nou revwar nou entrance fee osi, pour nou kapab enkli li dan entrance fee, evantyelman sa.  Savedir i pour sorti evantyelman.  Fodre nou annan better control Onorab, lo kote ranmas larzan.

Me rezon, rezon akoz nou fer- nou ti fer-nou’n fer sa.  Se nou’n-nou, nou fer touris ganny en leksperyans.  I pa zis pase donn manze.  Me i ganny en leksperyans letan i vizit, touris.  Parey i fer- parey ou fer letan ou al dan en Zoo deor.

Me nou, akoz sa i nou ‘’icon’’ isi, nou fer sir ki ler i vini, i rantre, i ganny en leksperyans avek torti.  Kot i ganny en pti leksplikasyon osi, kapab regarde si torti i en mal.  Konmsi i pas en letan ek torti anndan.  I pa zis donn manze torti, apre i ale.

Nou annan osi bann- nou apel sa-nou apel sa nou bann guide.  Nou bann rangers la, ki osi antre avek zot anndan dan park torti.  E nou’n fer sir ki apre sa osi-akoz torti, mon krwar sa ki nou pa ti realize.  Lontan nou ti annan sa laspe kot nou kapab ale, asiz lo torti, nou dir sa ti gou.  Nou osi, nou tou nou fer sa.  E nou ti grat dan son lakok, nou fer marse lontan.  Be sa i en keksoz ki nou’n realize ki ou pa kapab fer.  E nou sa, an se moman, se pour kwa nou fer bann-nou bann asistan antre avek bann viziter anndan dan park torti- zot anvi touris i vizite.  Pour fer sir ki sa pa ganny fer.

I annan bokou touris i anvi fer sa, osi bann zanfan lokal.  Be nou dir zot non!  E la nou eksplike akoz ou pa kapab fer sa.  Ou pa kapab asiz lo sa.  Me selman ou kapab enterakte.  E nou pour nou, se sa leksperyans ki enportan pour nou.

Apre ledikasyon Mr Chair.  Nou’n vwar osi ki parey pour nou bann zanfan.  Preske toulezour nou annan bann vizit par bann group lekol ki vin vizit Zarden Botanik.  E pour lokal, sa i free of charge.  Parske sa i en laspe ledikasyon osi ki nou vwar li.

E an menm tan osi, se la kot nou eksplik osi valer konservasyon.  Parske torti i enn ant nou 2 icon ki nou annan Sesel apard Coco de Mer.  Mersi Mr Chair.

 

MR SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mr Chairman mon zis anvi-ou konnen mwan kontinyen eblouir.  Parski dan zot eleman reveni.  Pour torti, zot in met R12, 000.  Ok that’s a Budget pour 2019.  Sete pour kolekte R12, 000.  E son actual, se 126,000.  Se sa 126,000.  E apre sa pour forecast pour 2020.  Zot retonm lo 12, 000.  Konmsi ed mwan.  Mwan pa ganny en konpran.

E wi mon dakor avek ou, sa bann zafer grat lo ledo torti, tousala.  Me selman ankor enn fwa, Sesel i pa sel landrwa ki annan park torti.  Maurice i annan, Rodrigues i annan.

Be, I mean zot- letan dimoun i rantre i dir zot, Kwa ki zot pa devret fer.  E nou vwar ki poudir, set egzakteman sa ki arive.  Eski nou torti Seselwa …?

 

MR SPEAKER

Mersi Onorab.  Sa disparite CEO.

 

CEO RAYMOND BRIOCHE

Ok mon krwar sa 12, i sipoze reflekte pour le mwan.  Mon krwar i annan en fot ki’n arive ladan sa.

E an menm tan, mon krwar fodre mwan fer remarke ki-Mr Chair ki, pa tou viziter letan zot rantre dan Zarden ki al vizit torti.  Osito ki zot ariv kot- zot kapab arive antre anba Kiosk Lenformasyon.  Zot regard torti anndan.  Me zot osi ganny dir ki zot bezwen fer en kontribisyon laspe konservasyon.  Zot pa kontan.

Akoz zot krwar sa, zot pe peye.  E-me la nou efektivman nou eksplik zot akoz.  E mon krwar petet mon fer remarke osi i- mon’n deza vwar mwan menm, enterakte avek en fanmir Seselwa ki ti vini, etranze ki’n viv lontan deor.  E zot pa ti menm konnen poudir nou pe fer sa.

E ler in arive ki zot kontan pour vwar poudir ou pe donn valer.  Nou pe donn valer nou ‘’icon’’.  E Mr Chair petet ki mon ti a kontan dir osi?  Se, i vre ki torti i pa zis isi.  Maurice osi i annan torti.  Me selman mon ti a kontan petet dir a sa staz, se mon krwar in ler- nou bezwen donn valer a tou repriz torti zean.

Parski i enn ant nou 2 ‘’icon’’ ki mon mwan vwar mon, nou Coco de Mer avek torti.  E tou sa torti ki menm dan larezyon ki i annan Maurice, ki annan Zanzibar, ki annan dan lezot landrwa.  Se desandans torti Sesel.  Ok?

E sa- annefe mon’n fek ganny dir osi la, ki sa i le ka.  E mon mwan ti a kontan si nou kapab finalman koman en pei, nou donn sa valer torti zean, zis parey nou fer avek Coco de Mer.   Mersi Mr Chair.

 

MR SPEAKER

Mersi CEO.

.

 

MR SPEAKER

Bon nou’n ariv moman pour nou pran en desizyon, pour nou pran en vot lo Bidze National Botanical Gardens Foundation ki trouve lo paz 562 ziska paz 567 pour en sonm R14, 159milyon e ki form par sa schedule.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair, 13 Manm in vot in faver.  E personn kont.  Mersi.

 

MR SPEAKER

Mersi Madanm Clerk. Savedir Bidze pour National Botanical Gardens Foundation pour lannen 2020, in ganny aprouve par Lasanble Nasyonal.  Bon avan mon Minis avek son delegasyon,  PS Thesee nou annan en lot vot pour nou pran, ki tonm anba Minister Lanvironnman.

 

MINISTRY OF ENVIRONMENT, ENERGY & CLIMATE CHANGE

 

 

PS DAMIEN THESEE

Mersi Mr Chair.  Lo paz 538 pour Minister Lanvironnman, Lenerzi ek Sanzman Klima pour en sonm R90, 040milyon.  Mersi.

 

MR SPEAKER

Re donn mon son page number Minis-PS.

 

PS DAMIEN THESEE

Paz 538.

 

MR SPEAKER

Bon nou pour pran en vot pour Ministry of Environment, Energy and Climate Change.  Sa se son Ladministrasyon pour Minister.  Bidze ki trouve lo paz 538 ziska paz 548 pour en sonm R90, 040milyon e ki form par sa schedule.  Tou Manm ki an faver?  Okenn Manm ki kont?   Madanm Clerk.

 

MADAM CLERK

Mr Chair 19 Manm in vot an faver.  E personn kont.  Mersi.

 

MR SPEAKER

Mersi Madam Clerk.  Savedir Bidze pour Ministry of Environment, Energy and Climate Change pour lannen 2020 in ganny aprouve par Lasanble Nasyonal.  PS.

 

SEYCHELLES ENERGY COMMISSION

 

PS DAMIEN THESEE

Mersi Mr Chair.  Paz 549 pour Seychelles Energy Commission pour en sonm R6, 859milyon.  Mersi.

 

MR SPEAKER

Mersi PS.  Bon nou pour pran en vot pour Bidze Seychelles Energy Commission, ki trouve lo paz 549 ziska paz 554 pour en sonm R6, 859milyon ki form par sa schedule.  Tou Manm ki an faver.  Okenn Manm ki kont?  Madanm Clerk.

 

MADAM CLERK

Mr Chair, 21 Manm in vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pour Seychelles Energy Commission pour lannen 2020 in ganny aprouve par Lasanble Nasyonal.  PS.

 

SEYCHELLES METEOROLOGICAL AUTHORITY

 

PS DAMIEN THESEE

Mersi Mr Chair.  Dernyen anba Portfolyo i paz 568 pour Seychelles Meteorological Authority pour en sonm R16, 588milyon.  Mersi.

 

MR SPEAKER

Mersi PS.  Bon nou pour pran en vot pour Bidze pour Seychelles Meteorological Authority ki trouve lo paz 568 ziska 572 e ki form par sa schedule.   Sa i sonm R16, 588milyon.  Tou Manm ki an faver.  Okenn Manm ki kont?  Madanm Clerk.

 

MADAM CLERK

Mr Chair 28 Manm in vot an faver, e personn kont.  Mersi.

 

MR SPEAKER

Mersi Madanm Clerk.  Savedir Bidze pour Seychelles Meteorological Authority pour lannen 2020 in ganny aprouve par Lasanble Nasyonal.  Nou’n fini PS?  Ok mersi.

Bon mon ti a kontan remersi Minis responsab pour Lanvironnman, Lenerzi e Sanzman Klimatik, Minis Wallace Cosgrow.  E Sekreter Prensipal, Mr Alain De Commarmond.  CEO Mr Raymond Brioche.  E Account Assistant Mr Nigel Chang-Him.  Bon mon ti ava eskiz zot parmi nou.  E petet osi mon ti ava eskiz PS Thesee osi, avek Ms Coopoosamy.  Mersi bokou.

 

 

 

 

 (MINISTER COSGROW  AND HIS DELEGATION WAS EXCUSED FROM THE HOUSE)

 

 

MR SPEAKER

Mon ava demann Sergeant pour move Mace.  Mon annan zis en pti lanons avan nou adjourn.

Bon zis mon anvi enform tou Manm, e osi bann dimoun ki a lekout ki pe swiv nou travay.  Ki demen bomaten Public Service Salary (Amendment) Bill, 2019 pe retourn lo Order Paper.  Sa i vin swivan Court Case ki’n fini Vandredi.  E osi tou deba ki’n swiv bomaten.  So nou pour dispose of the Bill demen bomaten.  E mon pe allocate letan ant 9er a 10.30.  11er nou pour retourn lo nou travay deba- kontinyasyon deba lo Bidze 2020.

So vwala en pti pe nou travay pour demen.  E avek sa mon ava adjourn Lasanble pour nou repran demen bomaten 9er.

 

 

(ADJOURNMENT)