::
Home » Verbatim » 2019 » Verbatim Tuesday 12th November, 2019

Verbatim Tuesday 12th November, 2019

NATIONAL ASSEMBLY OF SEYCHELLES

Tuesday 12th November, 2019

The Assembly met at  9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab.  E bonzour tou dimoun ki pe swiv travay Lasanble Nasyonal.  Nou pour kontinyen avek nou travay bomaten, dapre nou Order Paper.  Savedir nou pour kontinyen egzamin bann diferan Minister, diferan Departman ki dan Bidze ki pe tous larzan dan Consolidated Fund.

E bomaten la nou pour pran Departman Lapolis premye.  Ki tonm anba Portfolyo Minis Dezinyen.  Mon ava demann parliamentary reporter pour fer rantre delegasyon silvouple.

 

DEPARTMENT OF POLICE

 

MR SPEAKER

Bon mon ti a kontan dir en bonzour spesyal Minis Dezinyen, Minis responsab pour Zafer Entern, ki Departman Lapolis i tonm anba li.  Minis Macsuzy Mondon.  Minister bonzour, e welcome dan Lasanble Nasyonal.  Minis bomaten i ganny akonpannyen par bann teknisyen kot Minister Finans.  Sa se PS pour Finans –  Mr Damien Thesee.  Deputy Comptroller General Ms Astride Tamatave.  E Director Public Budget Management Ms Nellie Coopoosamy.

Lo kote Departman Lapolis nou annan Komisyoner Lapolis Mr Kishnan Labonte,  Asiste par son 2 Deputy Commissioner Mr Romano Songor e Mr Ted Barbe.  Osi prezan nou annan Direkter Zeneral pour Human Resources and Administration, Mrs Angele Lebon.  Mr Danny Labonte, Financial Controller.  E Ms Christine Dogley personal assistant.

Ankor enn fwa Minister avek ou delegasyon, bonzour e welcome dan Lasanble Nasyonal.  Mon ava zis pas la parol avek PS Thesee pour gid nou lo ki paz ki nou pe pran Bidze Lapolis and the amountPS.

 

PS DAMIEN THESEE

Bonzour Mr Speaker, Manm Onorab.  Pour Departman Lapolis i trouve lo paz 120.  E sa i pour en sonm 526.773 milyon. Mersi.

 

 

MR SPEAKER

Mersi PS.  Mon ava zis demann Sarge pour nou move nou Mace pour nou rantre dan Staz Komite.  Bon avek sa mon ouver deba –  Kestyon lo Bidze Lapolis.

Me selman mon ti a kontan averti bann Manm ki mon pour entervenir e koup bann long statement.  Mon ti a kontan zot al direkteman lo zot kestyon.  E osi tou panel, Minister avek ou panel –  repons short and precise.  Nou annan nou en heavy schedule devan nou.  E nou pour bezwen bouze pour nou kapab attend nou lobzektif.  Alor deba i ouver pou kestyon bann Manm.  Okenn Manm ki oule-?  Yes Onorab Afif.

 

HON AHMED AFIF

Mersi Mr Chairman.  Bonzour Minis, Komisyoner e Delegasyon Lapolis e tou bann Manm Onorab ki prezan.  Mon ti a kontan Mr Chairman premyerman demann Minis, oubyen Komisyoner Lapolis,  si i kapab eksplik nou dan son Bidze –  mon vwar, overall i annan en 5poursan vreman logmantasyon si ou tir capital budget ki li menm li i 103.

Si i kapab eksplik mwan alors,  akoz ki son ‘’wages’’ kot pour ‘’wages and salaries’’ in mont par 17poursan?  Vi ki lannen pase 2018 pour 2019 li i ti mont par 16poursan.  E sa lannen ankor 17poursan.

Eski zot pe pran plis Zofisye oubyen staff pour travay?  Oubyen eski sa i zis en salary increase?  Parske zot krwar bann gard pa pe ganny ase byen rémunéré?

E dezyenmman;-  mon ti a kontan demann Komisyoner si i krwar lakantite zonm ki li i annan dan son Lafors i sifizan?  Son Lafors i sifizan pour li kapab deal avek bann ka krim, oubyen bann dimoun ki pe kas Lalwa ozordi?  Oubyen si i bezwen kekfwa en diferans dan kalite bann dimoun ki i annan?  E eski sa Bidze ki devan nou ozordi R527milyon, i en Bidze ki ou, ou krwar i realis pour zwenn bann lekspektasyon pep Seselwa ki vreman se pour atak problenm sekirite dan pei?  E sirtou problenm drog?  Mersi Mr Chairman.

 

MR SPEAKER

Mersi Onorab.  Minister oubyen ComPol.

 

COMMISSIONER OF POLICE MR KISHNAN LABONTE

Mersi Mr Chair.  Mon ava reponn sa kestyon.  I vre ki nou- ‘’wages and salaries’’ in increase par 38 milyon.  Me sa i annan en increase. Akoz an juillet sa lannen ti annan en change in Scheme of Service kot bann inducement allowance ti ganny increase substantiellement.  E zot long service allowance osi in ganny increase.  E zot compensation in ganny increase from – in move from 14percent to 15percent.  E at the end of the day sa i ganny pran kont ler i kalkile including the inducement allowance.  E sa i en increase sibstansyel ki’n arive.

I napa gran keksoz ki nou’n gannyen pour recruitment.   Nou panse avek sa better Scheme of Service, nou a kapab atrakte better candidates to the Force.  Akoz nou osi annan en graduate entry dan nou Scheme.  Kot en dimoun ki annan en Degre i antre direk lo en level, lo en ran.  E nou pous li pour li vin Zofisye.

Konmela dan Lapolis i annan nou manpower i apepre-en pti pe plis ki 1,000;- 1,044.

Mwan toultan mon’n krwar depi ler mon’n vin isi avan,  nou kapab fer mye avek mwens.  Me selman nou pour bezwen annan kalite gard.  Gard ki ler i fer, i fer tou keksoz.

E avek sa Scheme nou krwar nou kapab atrakte better candidates to the Force e donn bon servis.  Me fodre nou atrakte better candidates. En Lafors- Lapolis i ganny marke si son supervisory rank Serzan an montan, Lenspekter, SI i for.

Parey en dimoun si son backbone i for,  i pour reste en dimoun drwat.  Me si ou supervisory rank i fay,  ou Lafors Lapolis pour fay.  E se avek sa bi ki nou pe aim pour pran dimoun lo en pe better academic qualification pour fer zot vin Supervisory Officers avek bagaz pour kapab monitor e supervise lezot dimoun.

Ou pour vwar Mr Chair ki sa increase i en – antye nou Bidze i en total 1.21million.  Pour mwan sa i annan 38 milyon ki’n pran kont avek ‘’salary and wages.’’  E leres increase ki mon apel li virtual currency ki nou’n gannyen.  Sa i dan capital budget.  E ou pour vwar dan nou capital budget nou Grant pour plis Headquarters i 8.6million.

E sa i inflate ou saler, ki napa okenn retonbe lo ou travay operasyonnel.  An prensip si ou pour gete nou travay operasyonnel in ganny redwir.

Apre i annan 2milyon ki nou’n mete pour eleksyon.  E sa figure ki nou’n baze –  nou’n baz li lo eleksyon 2an pase 2016, 3an pase.  E nou konnen ki eleksyon i pa fini zis ek eleksyon.  I annan bann avan e apre eleksyon.  I osi- eleksyon i posibleman ki i kapab dan 2 round.  E i depan osi si pour annan eleksyon Lezislatif.  Kan i pour annan?

E sa la, i annan en 2 milyon ki nou’n mete.  Me nou ti demann en pe plis.  Petet nou’n ganny 2milyon mon krwar.  Me nou a do with what we have. 

 

 

(Off-Mic)

 

COMMISSIONER OF POLICE MR KISHNAN LABONTE

Non, non.  I depan ki pour arive.

 

MR SPEAKER

Mersi Komisyoner.  Onorab Afif.

 

HON AHMED AFIF

Mersi Mr Chairman.  Mr Chairman mon ti a kontan demann Komisyoner,  si i satisfe avek kalite servis ki Lapolis pe donnen vizavi sa Bidze?

E si par egzanp zot annan dan zot servis Lapolis, en Intelligence Unit?  Ki i pour rod lenformasyon.  Parske enn bann gran kritik, se par egzanp drog.  Son network?  Ki mannyer i marse?  Ki mannyer Lotorite i kapab deal avek?  Parske i pa zis al lo semen aret en boug.  Eski ou satisfe ki avek sa Bidze ki la devan nou, ou kapab amelyor kalite servis e lentelizans ki Lapolis i annan pour vreman atak sa problenm drog? Son bann dealer? Son bann distribisyon vreman dan en fason efektiv?  E ki enn fwa pour tou i a met sa sityasyon anba kontrol.  Eski sa Bidze pe donn ou sa resours?

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Now- mersi Mr Chair.  Nou konnen ki drog pa – apard ki kanabis ki plante Sesel –  drog pa fer Sesel.  Nou konnen ki drog i antre.  Pli kantite i antre, par lanmer.  E nou kapasite Maritim Lapolis i vreman feb.

Sel drog ki antre, e nou konnen apard Maritim i antre osi Erport.  E Erport nou- i mank nou serten lekipman pour nou kapab desarz nou responsabilite apard lisyen.   Parey visual;– egzamin bann keksoz ki antre.

Nou napa okenn lekipman sofistike ki ou kapab vwar si i annan drog.  Me sa i mank nou,  nou kapasite.  E mon krwar ki ek sa Bidze i pa-  Mwan mon menm mwan pour mwan  mon krwar i pa ase.  Akoz nou operational cost i o, o, o pour Lapolis.  E nou pa devret get Lapolis parey nou get en lot Minister.  Akoz Lapolis  si i pa reakte,  i pour koz en kriz dan pei.

Ou pa kapab dir ek dimoun ou napa transpor.  Ou pa kapab dir ek dimoun ou napa sa mwayen.  Ou bezwen ler sanmenm sa ou pran petet- rod loto, rod transpor.  E apre ou vwar ou ek en det.  Akoz ou napa larzan, ou rode kot ou pour tire?  Si ou pour tir dan liniform, si ou bezwen tir dan ou lezot lekipman ou pa fer vini pour kapab pey sa bann det ki ou annan.  Operational cost mon krwar i devret monte.  Mersi Mr Chair.

 

MR SPEAKER

Mersi Komisyoner.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair, prenon kont ki Bidze ANB in actually desann.  Ki rezon det ki sa Bidze ANB in actually desann?  E ki sa bann lekipman sofistike spesifikman ki Komisyoner in fer referans avek ki ou kapab donn li;- dir nou egzakteman kwa ki Lapolis i manke?  Mersi Mr Chair.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Mr Chair mon a fer sa dimoun, Deputy Songor reponn kestyon k lo ANB.

 

MR SPEAKER

Mersi.  Deputy Komisyoner Songor.

 

DEPUTY COMMISSIONER MR ROMANO SONGOR

Mersi Mr Chair.  Bonzour Onorab.  Mersi pour ou kestyon.  Mr Chair operasyonnel budget ANB sa ki’n aprouve, se pour nou R800mil pour pey nou License Cellebrite software.  E sa license i valid pour 2an.

I annan en redwir, vi ki letan ANB ti merge ansanm avek Lapolis, i annan serten resours operasyonnel ki nou servi ansanm.

Me parkont letan nou ti submit pour lezot cost pour lentelizans pour osi operasyonnel osi, pour beef up nou marine operation, e sa nou pa’n ganny larzan.  I pa’n ganny fund ladan.  Mersi Mr Chair.

 

MR SPEAKER

Mersi Mr Songor.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker ler mon pe get lo Bidze total ki’n allocate avek program 5,  I zis 52 milyon.  52,222milyon en?

Lannen pase son revise ti- i sipoze 53,720milyon.  Prezan nou’n tann nonm bann lekipman spesifik ki bezwen al lo Erport avek bann lekipman ki ANB i bezwen pour li fer bann seizure lo en pwennvi Maritim.

Akoz Se sa ki bann eksper pe dir nou,  landrwa kot drog i pase.  So mon ti a kontan konnen atraver- petet Minis i kapab reponn sa kestyon.

Ki strategic intent Minister, oubyen Departman pour siport Lapolis dan sa zefor pour ganny sa bann lekipman ki neseser?  E mon ti a kontan ganny presizyon, ki kalite lekipman ki nou pe koz lo la ler, when nou pe dir lekipman sofistike lo Erport?  Oubyen lekipman an se ki konsern bann seizures Maritim pour fer en travay pour Anti-Narcotics?  Mersi Mr Chair.

 

MR SPEAKER

Mersi Onorab.  Deputy Commissioner.

 

DEPUTY COMMISSIONER MR ROMANO SONGOR

Mersi Mr Chair.  Lekipman ki nou- mon pas en pti pe lo la.  Mon pa pour kapab pas dan whole lalis antye.  Akoz i annan serten bann lekipman ki nou konsider li en pti pe high-class;-  I mean classified.

Nou’n koz pour nou rod scanner.  E scanner nou pe rode ansanm avek Custom.  Nou dan process pour acquire.  Nou pe koz GSM listening device.  Telephone tracker, jammer.  Osi byen ki bann body sirveyans cam pour nou bann personnel lo Erport.  Mersi.

 

MR SPEAKER

Mersi Deputy Commissioner.  Onorab Noline Sophola.

 

HON NOLINE SOPHOLA

Mersi Mr Speaker.  Bonzour Mr Speaker.  Bonzour Minis avek ou lekip.  Mr Speaker mon ti a voudre konnen, konbyen larzan ki’n ganny mete dan Bidze pour recruitment plis bann staff?  Pour ki zot kapab ogmant quota lo zil e avek resours osi.

E dezyenmman.  Lo kote Kordgard e lakaz staff,  konbyen ki’n ganny mete pour La Digue?  Mersi.

 

MR SPEAKER

Mersi Onorab.  Komisyoner oubyen PS.

 

COMMISSIONER OF POLICE MR KISHNAN LABONTE

Mersi Mr Chair.  Mon ava fer DG reponn sa kestyon.

 

MR SPEAKER

Mersi.  Mrs Lebon.

 

DIRECTOR GENERAL MRS ANGELE LEBON

Bonzour Mr Speaker.  Bonzour Onorab.  Komisyoner mersi sa loportinite.

Bon recruitment nou fer li selman letan nou pe ranplas staff ki’n exit.  Akoz napa larzan dan ‘’wages and salaries’’ ki ganny donnen pour ou recruit.  Ou recruit pour ou ranplas exiting staff,  irespektiv dan ki manner ki zot exit.

And lo kote- e si nou annan savings.  Nou bezwen demann permisyon an vi sirkiler ki’n sorti lo kote recruitment.

Lo kote La Digue;-   La Digue Police Station –  i annan 6.6milyon ki’n ganny mete anba ‘’capital projects’’ pour La Digue Police Station.  The new La Digue Police Station next year. 

        I annan serten keksoz ki’n komanse sa lannen.  E next year 6.6million pour son kontinyasyon.  Mersi.

 

MR SPEAKER

Mersi Mrs Lebon.  Onorab Sophola.

 

HON NOLINE SOPHOLA

Mersi Mr Chair.  Mr Chair mon ti ava voudre konnen petet it’s the wrong word I’ve used ‘recruitment’.  Me petet mon pe regarde ki zot pe fer pour ogmant staff lo La Digue?  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Mersi Mr Chair.  Pour ogmant staff- pa zis lo La Digue;-  lo Mahe an antye.  Ou bezwen recruit dimoun.  Byen souvan nou pa ganny bokou dimoun ki oule antre an se moman.

Last recruitment ki nou’n fer,  se nou’n ganny mon krwar 6 ou 7.  Me parey DG in dir,  e sa i ranplas bann ki la.  Pa zis La Digue ki mank mendev kale pour kapab fer travay.  Partou i manke.

Par egzanp nou’n fer nouvo Kordgard Takamaka ki nou pa kapab donn li tou son bann mendev ki i bezwen.  An zeneral i mank nou dimoun kalifye, kale pour kapab desarz sa bann travay.  Mersi Mr Chair.

 

MR SPEAKER

Mersi Komisyoner.  Bon mon oule averti Manm poudir mwan pour donn zot enn, petet de sans pour klarifye, ok?  Ale Onorab Sophola.

 

HON NOLINE SOPHOLA

Mersi Mr Chair.  Mr Chair i vre nou napa bokou.  Me selman petet pour mwan i en vre- i en gro konsern lo zil.  Mon ti a voudre konnen,  eski la antet ou kapab dir mwan poudir be dan mwan Avril nou pou’n kapab ganny sa bann staff ki pour donn nou pour mete lo La Digue?

Akoz vreman si nou onnet ek nou lekor, konbyen staff ki nou annan dan kordgard La Digue pour desarz sa popilasyon?  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Mersi Mr Chair.   Lo pour Praslin/ La Digu,  last week nou’n fer 2 Zofisye Senior pour al ansarz La Digue.   Enn i  en Regional Commander, en Sirentandan.  E  en ASP i vin son Depite.

Nou annan lezot dimoun ANB ouswa lezot group dimoun ki monte tanzantan.  E ler i annan bann aktivite lo bann zil,  i annan dimoun ki sorti Mahe ki al Praslin nou fer  regional plan nou anvoy lo zil pour desarz sa bann fonksyon.  Mersi Mr Chair.

 

MR SPEAKER

Mersi Komisyoner.  Onorab Bernard Georges.

 

HON BERNARD GEORGES

Mersi Mr Chair.  Bonzour Komisyoner avek Minis.  Mr Chair, mon kestyon pour Minis Dezinyen avek pour commissaire de police, se sa enn;-

Eksplik nou silvouple Komisyoner,  ki mannyer avek, en mank resours apropriye pour Police Delo Sale kot plis drog i antre, avek en mank lekipman sofistike Erport pour anpes drog antre la;-  avek en mank resours parey ou fek reponn partou dan tou bann distrik e espesyalman Les Mamelles, Corgate Estate, Anse Aux Pins – bann high point kot nou konnen ki drug trafficking on a daily basis i pe arive;-

ki mannyer eski ou pe propoze avek sa Bidze ki i kler pa ase pour sa lannen ki pe vini?  Ki mannyer ou pe propoze tackle sa problenm ki nou pli gro problenm kriminalite dan pei?  Amwens ki plis provizyon i ganny fer pour donn ou imedyatman plis larzan pour tackle sa problenm?  Mersi Mr Chair.

 

MR SPEAKER

Mersi Onorab Georges.  Komisyoner.

 

COMMISSIONER OF POLICE MR KISHNAN LABONTE

Wi mon a- Onorab mon krwar mon siport ou.  Ki pour nou kapab fer en bon travay.  Nou demann- nou devret annan plis resours.  Plis resours a nou dispozisyon.  E sa i vre.  Nou bezwen plis dimoun kale.  Nou bezwen plis materyo sofistike pour nou kapab desarz nou fonksyon.

E nou bezwen osi dimoun ki dedye pour- i pran Lapolis koman en karyer.  Pa zis i vini, i koman en zournen 1an eksetera.  Me i vin la pour li fer en karyer dan Lapolis.  E apre i retire dan Lapolis.

E se sa pour ganny en bon Lafors Lapolis.  Kot si ou striktir Lapolis, ou kandida ki antre i bon;-  ou supervisory rank i bon,  ou pour ganny bon Senior Officers a lavenir.  E bon Commanding Officers partou dan bann stasyon lo zil partou.  Mersi.

 

MR SPEAKER

Mersi Komisyoner.  Onorab Georges.

 

HON BERNARD GEORGES

Small follow up Mr Chair.  Mersi bokou.  Alor si mon konpran ou byen Commissioner.  Sa ki ou pe dir, se donn ou resours pour ou kapab pey sa bann dimoun en saler apropriye pour zot fer en karyer dan Lapolis pour nou vwar Lapolis parey i merit pe operate?

 

MR SPEAKER

Komisyoner.

 

COMMISSIONER OF POLICE MR KISHNAN LABONTE

Mersi Mr Chair.  Mon krwar an se moman, Lapolis i en Departman dan Gouvernman ki ganny en meyer saler.  Sa mon- meyer saler nou Scheme of Service.  Me fodre dimoun i committed.  Fodre ou ganny bon dimoun pour ki ranplase pour kapab- i committed.

Si ou donn bon saler, e sa dimoun pa committed,  ou pour ganny menm rezilta.  E fodre ou look forward, look ahead pour ganny meyer kandida dan Lapolis avek bi pour fer bann bon supervisory rank e bon zofisye a lavenir.  Mersi.

 

MR SPEAKER

Mersi Komisyoner.  Onorab Audrey Vidot.

 

 

HON AUDREY VIDOT

Mersi Mr Chair.  Bonzour.  Bonzour Minis ek ou delegasyon.  Tou Manm Onorab e bann dimoun ki pe ekout nou.

Mr Chair mon kestyon pour Komisyoner avek Depite Komisyoner, dan mon Speech Bidze mon’n mete ki i en konsern sa issue drog parey tou lezot distrik.

Menm si 2019 zot ti ganny zot en Bidze ki pli o ki pour 2020,  still nou’n vwar i annan en abaissement pandan sa dernyen 2an lo lakantite bann lasezi drog ki’n antre oubyen ki pe antre dan pei.

Alors, convince nou bann distrik kwa ki zot dan sa Bidze zot pe anmennen an plis pour ranforsi?  Menm si avek sa ki zot annan, pour entansifye prezans nou bann Lafors dan bann distrik, pour konnen espesyalman bann distrik ki annan sa bann hotspot.  Kot nou konnen toulezour trafik drog pe ganny pase.  Ki zot pour fer pour zot kapab donn en pe lespwar ki nou bann distrik i ava ganny tackle sa bann issue drog silvouple.  Mersi.

 

MR SPEAKER

Mersi Onorab.  Deputy Commissioner.

 

 

DEPUTY COMMISSIONER MR ROMANO SONGOR

Mersi Mr Chair.  Mersi Onorab.  Onorab pandan sa dernyen 2an, nou ti annan nou letan nou ti pran sarz NDEA,  letan ki nou’n fini fer bann assessment.  Nou ti annan apepre 380 hotspot lo Sesel.

Nou’n konbat avek resours ki nou’n annan.  I annan plizyer hotspot ki nou’n kapab sey fermen, malgre bann challenge in, – si oule mon kapab dir, in vreman difisil avek kantite bann Zofisye ki nou ti annan.

Nou’n fer fas avek serten bann Zofisye ki nou’n bezwen terminen.  Oubyen i annan serten ki’n resign.  E dan sa lalit kont drog avek sa resours ki’n annan, nou’n refer en stratezi ki mannyer nou pour konbat lenportasyon drog antre dan pei.

Akoz i vreman difisil pour ou kapab konbat drog letan ki’n fini antre- letan ki’n fini ariv dan bann black spot ou kapab dir.

So pour 2019 nou’n fer en lasezi 2.3kilogranm cocaine.  Nou’n sezi plis ki 500pilil ecstasy.  Nou’n sezi plis ki 6kilo eroin.  E nou annan en abaisse dan kantite plan ki nou’n derasinen.  E sa i 731 plan.    Nou’n osi avek sa Bidze ki nou’n annan 2019,  nou’n etablir ankor plizyer lezot network o nivo Losean Endyen.  E mwan menm mwan personnelman mon’n etablir en network avek L’île Maurice.  E nou pe ganny serten difikilte avek detrwa pei dan Losean Endyen ki mon pa vwar li agreab la pour mon mansyonnen lekel sa bann pei.

E nou’n vwar poudir ki sa kargezon drog ki i antre, kot sa bann pei i ale,  apre i transit ki vin Sesel.  Nou pour kapab revwar osi lekel bann trafiker ki pe finans aktivite drog dan Sesel.  E nou’n kapab aktyelman aret 3 trafiker ki aktyelman dan prizon.  E nou annan process pour sezi zot bann asset. 

Nou’n osi idantifye bann dimoun ki i annan plizyer transpor ki zot in met lo zot bann fanmir, ki pe get involve dan aktivite drog.

I annan bokou aktivite ki’n ganny fer pour nou kapab ede pour nou kapab konbat drog dan pei.

Wi nou konsernen avek aktivite drog ki pe pase o nivo distrik, sirtou dan kominote.  Me avek sa resours imen ki nou annan, avek sa kapasite teknolozi ki vreman minim ki nou annan, i vreman difisil pour nou kapab fer sir ki drog pa antre konpletman dan pei.  So nou rely osi lo nou bann partner enternasyonal ki provide nou avek bann lenformasyon.  E nou osi donn zot bann lenformasyon pour zot kapab at least stop drog antre dan pei Sesel.  Mersi Mr Chair.

 

MR SPEAKER

Mersi Deputy Commissioner.  Onorab Vidot.

 

HON AUDREY VIDOT

Mersi Mr Chair.  Mersi Deputy pour leksplikasyon.  Me selman mon pa ankor satisfe an term kwa ki zot kapab anmennen lo nivo distrik?  Espesyalman zot konnen ki bor bann distrik ki i annan sa bann hotspot pli aktiv ki drog toulezour pe ganny-menm si nou raport avek serten Zofisye dan Lafors,  me selman still ou kapab monte en 5 minit apre,  still aktivite i ankor pe ganny fer.

Konmsi kwa ki nou kapab vizyonnen – vwar?  Ki nou bann piblik i ava dir be at least i annan ankor kouraz pour li raporte poudir i pe vwar i pe ganny deal avek.  Me pa i raporte, me nanryen pa ganny fer.  Mersi.

 

MR SPEAKER

Mersi Onorab.  Deputy Commissioner.

 

DEPUTY COMMISSIONER MR ROMANO SONGOR

Mersi Mr Chair.  Mon pour zis pas en pe- an bref o nivo distrik nou lofis in sey etablir bann konneksyon avek bann MNA.  Osi byen avek serten bann DA pour nou kapab vwar bann propriyete sirtou ki pe own par Gouvernman pour netwaye e tire, debranse.

Me difikilte ki nou gannyen,  se prosedir, process– Komisyoner i kapab koriz mon si mwan mal.  I vreman long.  Si nou pran en legzanp parey Perseverance.  Nou ti’n idantifye 18 black spot lo Perseverance.  E letan Lotorite in netwaye,  zot in kit tou bann pye dibwa lanmenm.  Finalman nou vwar poudir bann dimoun ki sorti lo por zot retourn ankor dan sa bann landrwa.  Zot bann fer bann nik prezan anba la.

So nou ki nou kontinyen fer?  Se ranforsi nou prezans, ranforsi nou patrol.  E servi bann lentelizans ki nou annan la aktyelman pour nou kapab sey etablir met kontrol lo sa bann ‘’black. ‘’ Mersi Mr Chair.

 

MR SPEAKER

Mersi Depite Komisyoner.  Onorab Regina Esparon.

 

HON REGINA ESPARON

Mersi Mr Speaker.  Bonzour tou dimoun.  Mr Speaker mon ti a kontan klarifye anba program 1;-  lo kote ‘’transportation’’ mon vwar i annan en logmantasyon sorti 77mil pour vin 160mil.

Lo kote ‘’hired vehicle’’  – mon vwar poudir i annan en rediksyon sorti 900mil pour vin 500mil.  Mon ti a kontan konnen ki poursantaz transpor lwe Lapolis i ankor pe servi?  Parski tou dernyerman zot in ganny en pe transpor nef?

Lo kote sirveyans;-  mon’n vwar poudir sirveyans CCTV la, camera.  Mon vwar i annan en rediksyon pour maintenance sorti 1.2milyon  pour vin 9mil.

E lo kote akizisyon;-  in desann osi sorti 1.5milyon pour vin 1milyon.

Mon klarifikasyon,  mon ti a kontan konnen, ki Departman Lapolis pe fer pour entansifye sirveyans atraver camera?  An vi ki zot pe dir zot pa pe kapab kouver partou.  Me lo kote camera, eski zot annan en plan desantraliz sa osi?  Pour met dan bann distrik, ki ti ava kapab sirvey kot bann black spot ki nou pe koz lo la.  Ki zot plan?  Eski i annan okenn larzan?  Parski mon vwar poudir in desann la.

Epi Mr Speaker.  Mon ti a kontan demann Komisyoner,  si dan sa Bidze laranzman ki nou pe fer pour nou Kordgard Glaçis i pour annan larzan ladan si tou keksoz i marse sa lannen- lannen prosenn pour nou Kordgard Glaçis?  Mersi.

 

MR SPEAKER

Mersi Onorab.  Komisyoner oubyen Mrs Lebon.

 

DIRECTOR GENERAL MRS ANGELE LEBON

Bonzour Madanm Onorab, mersi.  Lo kote ‘’transportation and travel cost,’’ i annan en decrease, wi.  Me selman sa in vin atraver re alokasyon bann diferan budget activity lines within the same category of transportation and travel cost. 

Kot nou vwar i annan nesesite bouz larzan pour tou bann laliny kapab travay anba ‘’transportation and travel cost.’’  Nou’n fer li.  Nou annan bann efficiency savings ki nou’n fer anba nou ‘’fuel consumption’’ avek ‘’bus fares.’’  E se sa ki montre sa decrease dan sa laliny ek ‘’transportasyon avek travel cost’’.

 

MR SPEAKER

Mersi Mrs Lebon.  Lo quote.  Ki mannyer i ganny son…

 

DIRECTOR GENERAL MRS ANGELE LEBON

Wi.  Car hire pou- mon’n antann-mersi Mr Speaker.  Mon’n atann Onorab i dir koumsa poudir resaman nou’n ganny detrwa loto.  I pa resaman ki nou’n ganny detrwa loto.

Dernyen fwa ki nou ti ganny loto, sete 2016.  Novanm, Desanm 2016 ok?  E toulezan in annan Bidze ‘’virtual’’ dan nou Bidze pour nou ganny loto.  Me nou pa ankor vwar nanryen.  Nou’ n fer serten opsyon nou’n mete pour nou kapab redwir en serten eleman sa kou car hire pour nou kapab annan nou prop transpor.

E nou’n mete serten opsyon avek Gouvernman.  Ankor nou pe pouse.  E swivan meeting ki nou’n gannyen;-  bann deliberasyon ki pe pase,  hopefully sa lannen- dan kour sa lannen i ava materyalize.

I enposib pour Lapolis move away totally from car hire.  Akoz Lapolis son mobilite ver son kominote lo Mahe, Praslin i of paramount importance.  Nou oblize.  Ou konpran?  E bann TATA motors ki nou annan,  zot kas vitman.  Zot pyes i ser.  I pran letan pour nou ganny sa bann pyes pour nou sa.  E antretan nou bezwen resort tou sa ki pli vit.  Ki pli expedient.  E sa se car hire.  E nou napa sa kantite parey zot panse.

Lo kote loperasyon;-  nou annan nou 17.  E sa i partaze lo Mahe dan tou bann distrik.  Tou bann distrik i bezwen annan 4 a 5 – (kordgard) loto.  E sa nou melanz li ant bann gro TATA storme avek bann pli pti loto.  Depan ki zot bezwen déployer.

E nou annan Praslin osi kot nou lwe- e nou depan totalman lo car hire pour nou kapab desarz rezyon Praslin.  E nou ti a kontan move away from car hire.  Me i pa posib.  During the year i annan bann ‘’spate of crimes’’ ki leve.  Nou annan dife, nou annan diferan kalite keksoz ki leve.  E nou pa kapab depan lo 2 loto CID.

Nou bezwen rod additional.  Unmarked cars pour nou bann dimoun bouze, al detekte krim.  So si zot ti kapab ed nou,  nou ti a kontan.  Me pour le moman nou pa vwar nou kapab bouze away from car hire.

 

MR SPEAKER

Mersi Mrs Lebon.  Komisyoner eski Onorab pour ganny son Stasyon Lapolis byento?

 

COMMISSIONER OF POLICE MR KISHNAN LABONTE

Bon avan- Mr Chair thank you.  Avan mon pour al lo son Kordgard Glaçis mon pour koz en pti pe lo car hire.

Mon’n pase sirtou lo bann pei resaman.  Akoz  nou en Manm TAPCO ek SARPCCO.  E ler bann meeting Chief of Police– mon pa’n vwar en Lafors Lapolis kot i ranpli avek car hire.  E sa mon krwar i inik isi Sesel.

Tou Lapolis i annan son fleet police vehicles.  E osi i annan en fleet ki reste dan pool.  Fodre nou mazinen ki travay Lapolis i en travay 24er.  Nou pa parey SPTC kot i ale bos granmaten.  E 8er, 9er bis i met la.  I poze.

Nou, nou en- nou donn servis tou lannwit, tou lazournen.  I annan ki Headquarters i reste la, i poze.  I dan pool.  Me si i ariv en lensidan kot ou bezwen transpor?  I ganny servi li osi.

Me selman i optimum ki si Lapolis a lavenir i ti kapab ganny son own fleet of vehicles kot i annan osi en fleet of vehicles ki dan pool, ki rezerv.  E okenn evantyalite;- i annan en breakdown ouswa ou annan bann dimoun Delegasyon aletranze i vini i servi,  olye ou al lo car hire.  Sa i mon pwennvi lo car hire.

Lo Glaçis mon vreman apresye Onorab ki sa meeting ki nou ti rankontre resaman-mon krwar mwan pase kot ou osi ou’n tonm dakor ki i donn nou sa bout.  E mon ti fer sorti ek ou ki kordgard Glaçis mon krwar i pli Kordgard pli deplorab ki i annan – ki nou annan.

Akoz La Digue li osi deplorab.  Me selman La Digue i dan pipeline kot nou pe al fer rekonstriksyon.  Me lo Glaçis, se ler en transpor i pase, i tranble.  Sa laso i tonbe.  Nou pe sey fer en renovasyon an short term lo Glaçis.  Akoz nou pa pour kapab fer li en gran travay lo Glaçis.  Akoz nou’n komanse lo Glaçis.  Nou’n komanse- semenn pase.  Nou pour komans en travay.  Me nou pa pour kapab fer gran travay Onorab akoz lo PSIP-koriz mwan- mwan krwar nou ganny zis 1milyon pour tou bann u Kordgard.

E R1milyon tou Kordgard,  mon krwar i pa vo lapenn.  Nou u Kordgard  dan nor-nou annan Anse Etoile osi i en pe deplorab.  Nou annan Port Glaud osi.  Anse Etoile mon krwar ennler Health menm ti pe sey kondann li pour pa ouver.

Me selman i montre ou ki kalite- ki mannyer nivo nou leta nou Kordgard i ete.  I paret nou kordgard pa’n ganny gete dan lepase. E ler nou pe sey get la prezan.  Ou vwar en- ou bezwen donn en ta larzan Lapolis.  Sa se le problenm.

E mon pa pe vwar ki ou pour ganny ou nouvo u Kordgard.  Akoz nou pa ankor ni dan konsep plan.  Nou pa ni ankor dan konsep-fodre sa bout later i vin pour Lapolis.  E nou’n tonm dakor ki pour vin pour Lapolis.  E la petet next – lot lannen nou a move forward, nou a fer en konsep plan pour nou ganny en nouvo Kordgard.

Ankor en fwa mon remersye ou pour ou zenerozite pour ou dakor pour donn sa bout later.  Akoz si oule i tir en latet fermal.  Nou ti pe rode kot nou pour al met en nouvo Kordgard.  Mersi Mr Chairman.

 

MR SPEAKER

Mersi Komisyoner.  Onorab Esparon.

 

HON REGINA ESPARON

Mersi Mr Speaker.  Mr Speaker i annan zis en kestyon ki zot pa’n- ki mon’n demande lo CCTV camera.  Si zot annan okenn plan pour desantraliz en pe bann camera sirveyans?  Ki ti ava ede koman bann deterrent osi pour kouver bann black spot ki i annan dan bann distrik.  Mersi.

 

MR SPEAKER

Mersi Onorab.  Deputy Commissioner.

 

DEPUTY COMMISSIONER MR ROMANO SONGOR

Mersi Mr Chair.  Mersi Onorab.  Onorab wi, i dan nou plan pour nou desantraliz CCTV camera.  Me selman nou pour fer li par en link ki pour dan bann distrik.  An menm tan osi nou annan lentansyon pour nou fer en national center pour monitor tou nou bann camera. 

        Survey in fini fer pour La Digue.  Akoz vi ki i dan nou plan pour nou met en Brans La Digue.  Nou’n fini fer survey osi pour Praslin.  Akoz nou annan lentansyon pour fer nouvo Kordgard Baie Ste Anne.

Nou’n fini fer survey dan sid was.  Akoz nou annan lentansyon pour nou met en Brans anler dan nou Kordgard Anse-Aux Pins.

Me selman problenm ki nou pe rankontre avek sid was.  Se osi bann trail.  Akoz i en pe difisil pour nou kapab ganny full detay bann trail ki i annan.  Mersi Mr Chair.

 

 

MR SPEAKER

Mersi Deputy Commissioner.  Onorab Paul Ernesta.

 

HON PAUL ERNESTA

Mersi Mr Speaker.  Mr Speaker, Minis ek ou delegasyon.  E tou bann dimoun a lekout.  Mon bann koleg Onorab e presizeman bann dimoun Takamaka bonzour.

Mr Speaker permet mon zis dir mersi Departman Lapolis pour nou nouvo  Kordgard ki nou’n kapab gannyen, ou’n kapab ekout nou lavwa.

E mon kestyon i baze lo paz 122 lo SP2 ki i annan- ki konsern trafik ki menm ki Onorab avan mon in koz lo la.  Mon vwar i annan zis 2milyon ki zot in ganny mete pour travay- pour aste transpor.  Lo la, konbyen transpor zot antisipe pour zot kapab rode?  122, paz 122 –  Anba ‘’approved Initiatives.’’

Konbyen transpor zot anvi- zot anvizaze pour zot gannyen avek sa larzan ki zot in mete?  E osi, kote zot pour pozisyonn sa bann transpor?

E apre pli boner i annan bann transpor ki’n ganny kraze pandan sa lannen.  Konbyen ladan ki’n ganny kraze?  Si zot bann prosedir reparasyon in fini ganny fer pour- ki bann transpor i kapab retourn lo semen.  Thank you Mr Chair.

 

MR SPEAKER

Mersi Onorab.  Mrs Lebon.

 

DIRECTOR GENERAL MRS ANGELE LEBON

Mersi Mr Speaker.  Mersi Onorab.  Premyerman dan Bidze i annan zis 5.8milyon pour ‘’transpor.’’  E ladan nou opsyon ki nou’n mete.  Nou’n met 2 opsyon.

Nou’n met 1 opsyon ki nou oblize TATA motors an vi i ti en Indian Grant.  Apre 2enm opsyon, nou’n mete pour nou ganny en specialized vehicles.  Apre sa larestan larzan nou kapab aste zis 10- zis 10 loto ki ekivalan parey bann I10 Grant ki ganny fer dan Lenn.

Koumsa zot consumable.  Zot materials and spares, nou kapab fasilman ganny li isi.  E speedup bann reparasyon, bann maintenance;-  bann scheduled maintenance.

Akoz TATA storme i en batay avek li.  Pour maintain li lo en level pour li roule parey Lapolis i roule.  E nou ti a voudre annan larzan pour nou aste bann loto en pe pli kalib.  En pti pe parey bann- apre ladan osi i annan 10.  I annan apepre 6 jeep dan sa larzan.  I annan 10 loto apepre parey bann I10.  Apre 10 en pe parey bann jeep-6 sorry 6.  Apre a specialized vehicle dan sa 5.8.

2enm opsyon;-  premye tou e TATA motors.  E se tou ki nou kapab fer lo larzan ki’n ganny donnen lo baz en lannen, ok?  E sa i ava ed nou No.1 par tir- pa elimin car hire konpletman.  Akoz i annan bann transpor nou anvi met anndan, aranze pour nou retourn li back dan fleet.  E anmezir, prezan nou kapab release en pti pe sa presyon loto lwe.

Me until toulezan;-  nou kapab ganny en renouvelman nou bann fleet kot spares ek bann consumables i fasil gannyen isi lokal.  I pa en dilenm ki nou pour sorti ladan deswit.

 

MR SPEAKER

Mersi Mrs Lebon.

 

MR SPEAKER

Yes.  Onorab Ernesta.

 

HON PAUL ERNESTA

Thank you Mr Chair.  Mon 2enm kestyon i lo kote bann trafik, bann transpor ki’n ganny kraze.

 

DIRECTOR GENERAL MRS ANGELE LEBON

Bann loto gard ki’n ganny aksidan Zanvye ziska la.  Nou annan 39 cases.  E tousala nou annan bann mezir disiplin ki ganny swiv.  E i annan menm ki bezwen al Ankour swivan zot ka ki mannyer i ete.  Ladan nou’n annan 2 write-off.  Sa loto Lapolis.

 

MR SPEAKER

Mersi Mrs Lebon.  Onorab Ernesta.

 

HON PAUL ERNESTA

Thank you Mr Chair.  Mr Chair eski delegasyon i kapab eksplik nou en pe lo kote son maintenance.  Kote ki zot fer zot bann maintenance?  Zot satisfe avek zot servis?

Apre premyerman mon konsernen lo sa I10 ki zot pe al rode.  An prenon kont kalite travay ki zot pe al fer,  si vreman sa i pour worth it pour zot bann investment ki zot pe al fer?

Apre i annan en konsern kot bokou fwa nou’n vwar bann trafik Lapolis ki ganny park lo bor semen.  Zot annan serten aksyon ki zot pour fer pour fer sir- akoz nou konnen aswar transpor Lapolis o bor semen i pa safe ditou pour sa transpor.  Ki zot pe fer pour amelyor sa sityasyon?  Thank you.

 

MR SPEAKER

Mersi Onorab.  ComPol.

 

COMMISSIONER OF POLICE MR KISHNAN LABONTE

Mersi Mr Chair.  Ler ou dir transpor Lapolis Onorab i park dan semen.  I reste la overnight?  Ouswa i-bon i pa devret.

Si sa dimoun napa- i al avek transpor, si i pe travay ziske aswar.  Ouswa i Duty Officer.  Si napa en landrwa, en garaz kot li, en premises,  i pa devret anmenn sa transpor kot li pour kit o bor semen.

I devret fer en dimoun drive li- si sa zofisye i Duty Officer, drive li kot li e retournen.  I pa kapab kit sa transpor lo bor semen.  I pa safe.  Sirtou si i en transpor marked police car, dimoun i kapab fer sabotaz.

Transport Officer i la.  Nou a fer- nou a get ladan.  Petet taler nou a vwar ou.  Nou a konnen kot, ki distrik sa.  Mersi.

 

MR SPEAKER

Mrs Lebon.

 

DIRECTOR GENERAL MRS ANGELE LEBON

Si mon ti kapab reponn ou lot kestyon.  Akoz bann pti loto parey la konmela,  laplipar ki nou pe lwe, i bann I10.  I ganny partaze throughout bann Stations.  Zot ganny servi lo kote Ladministrasyon.  Petet lo CID pour dispatch vitman.

Bezwen mazinen enn ler nou annan bann pti- bann semen segonder kot bann gro loto pa kapab ale. Annandler i annan parey pour servi Somonn.  I annan diferan- ou pa kapab rod zis bann gro, gro transpor.  Ou bezwen melanz ou bann kalite transpor ki ou annan.  E akoz i enportan ou annan sa melanz.  I gard ou en abilite pour ou aste plis.  An menm tan ou spesyaliz dan lezot areas ki bezwen bann ki en pe pli gro ki pli ser.

San kwa,  si ou aste zis gro loto,  ou pour ganny zis en 6.  Ou konpran?  Pa pour ganny bokou.

 

MR SPEAKER

Mersi Mrs Lebon.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker mon premye kestyon.  Letan mon regard bann defi ki Lapolis pe fer fas avek;-  partikilyerman zot single out Lakademi Lapolis.  E i dir ki latmosfer pa favorab pour laprantisaz.

E laprantisaz dan son lapros i restrictive.  E solman mon’n note ki Lakademi Lapolis i pa ganny vwar koman en priyorite stratezi pour sanze an 2020.

Donk mon anvi demann zot,  akoz i pa en priyorite sirtou, sirtou ler nou konsider sa ki Komisyoner Labonte ti dir nou le 4 Oktob 2007;-  ki son bann priyorite  sete pour re amenn- sa ti le 4 Oktob 2017 pour re anmenn disiplin dan Lapolis;- pour reget sistenm training;-  Fer Lapolis pli vizib e deplwayman efektiv bann resours.

Mon mazinen ki sa Police Academy ti kapab ede anmenn tousala.  So mon anvi konnen akoz ki i pa en priyorite dan zot stratezi?  Sa i mon premye kestyon.

Dezyenmman;-  letan mon pe get bann target ki Lapolis in mete –  akoz sa Bidze ki nou pe donn zot zisteman pour permet zot akonplir sa bann target.

Premyerman mon santi ki zot bann target i pa ase anbisye.  Akoz ler mon get par egzanp pour traffic management –  menm parey avek community avek Airport policing.  Son bann target i presider konsistan.  85percent, 85percent. 

Tandis ki pour emergency services,  i desann li ou a krwar.  So mon anvi konnen si vreman sa Bidze alor pour kapab sanz sa bann- pour kapab ed zot akonplir sa bann target.  Alor ki nou a vwar Lapolis koman en Lafors efektiv.  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Mersi Mr Chair.  Wi Onorab mon mwan ankor krwar dan training.  Pour ou annan en Lafors Lapolis profesyonnel,  fodre sa bann dimoun i train.  Si ou get lannen pase, pour sa lannen,  nou ti ganny nou R1 milyon pour konsep Lakademi.

Nou’n travay lo en konsep pour Lakademi.  Nou’n montre nou kot later i ete.  E koriz mwan petet, Depite Barbe si mon mal.  Mon pa konnen si sa later in fini pas lo- in fini pas lo Lapolis.

Me pour sa lannen nou pa’n ganny nanryen pour Lakademi.  Alor nou bezwen fer- do what with what we have.  Mwan mon problenm se, Lapolis i ganny allocate en ceiling.  You have to work within that ceiling.  Pour mon krwar en Lafors ki donn servis, ou pa kapab restrikte nou avek en ceiling.  Mwan ki mon krwar a mon avi – ( be larzan pa sorti dan mon pos)  E  mwan  mon krwar- ou demann mwan ki mwan plan, mon annan pour Lapolis eksetera?  E mon lobzektif pour next year?  Petet mon partaz mon lobzektif.  And la prezan ou koup latwal ki pour accommodate mon lobzektif.  That is en panse, en mannyer panse ki mon vwar.

Wi mon ankor krwar dan- fodre nou annan en Lafors Disiplin.  Pour fer en Lafors Disiplin, se fodre ou annan en bon Lakademi.  Lakademi kot mon dir toultan fodre kot manrmay i asize, i annan son prop kitchen, son dining area.  Kot i pa neseserman fer dril pour ganny disiplin.

Disiplin i a tou moman dan lavi sa dimoun i bezwen annan disiplin.  Pour ou ganny disiplin fodre sa dimoun ki ou rekrite i annan self-discipline dan Lapolis.  E once ki ou annan dimoun disiplinen,  ou’n train zot byen, i annan bon bagaz.  Gard pour vin visible, i pour lo semen. Akoz sa gard i pour proactive.  I pour konnen ki i pour fer ler i zwenn en sityasyon.  Mon krwar mon’n reponn ou kestyon Onorab.  Thank you.

 

MR SPEAKER

Lo target.  Deputy Commissioner.

 

DIRECTOR GENERAL MRS ANGELE LEBON

Mon krwar ou bezwen lir son contributing indicators. 

 

MR SPEAKER

Yes go ahead. 

 

DEPUTY COMMISSIONER MR ROMANO SONGOR

Mersi Mr Chair.  Mersi Onorab.  Onorab si ou swiv pattern Bidze Lapolis 2018, 2019.  Nou loperasyon in toultan annan serten decrease in terms of funding ki nou’n resevwar.  E letan nou fer analiz nou bezwen met en target ki nou kapab achieve e ki nou kapab-ki reel avek sa Bidze ki nou‘n gannyen.

So this is why ki ou vwar poudir sa pattern i reste preski menm parey.  Akoz nou follow osi sa pattern Bidze ki nou’n gannyen.  Parkont pour ‘’best Police Emergency Services’’;-  Ladan nou annan 2 konponan ki nou annan lentansyon pour amalgamate ansanm.  Setadir Marine Police avek ANB MarineOnce ki bilding i fini fer, i pour vin en konponan.

Apre nou annan Dog Unit ANB avek Dog Unit Lapolis ki nou pour merge ansanm, pour vin en konponan.  E sanmenm sa ki ou vwar sa decrease dan zot operasyonnel.  Eski i kler?

 

MR SPEAKER

Mersi Asistan Komisyoner.  Onorab Henrie.

 

DEPUTY COMMISSIONER MR ROMANO SONGOR

Mersi Mr Chair.

 

HON GERVAIS HENRIE

En quick follow-up.  Mon apresye larepons zot in donn mwan.  Parski mon vwar i annan fransiz dan zot larepons.  E mon santi i annan en leokri la pour en led.  Sirtou, sirtou kot i konsern Lakademi.  Parski Komisyoner ankor, in dir nou dan son larepons ki Lakademi i kle.

Non selman pour bann nouvo dimoun ki pe antre dan Lafors,   nou kapab servi li pour retrain bann existing Officer pour ki sa bann- sa nivo ki nou koman en Lasanble la, nou pe demann Lapolis, zot a kapab achieve.  Alor mon ava dir mon bann koleg poudir be nou bezwen get byen Bidze Lapolis pour ki Lakademi i annan en alokasyon pour ki alor nou ava kapab élève standar nou Lapolis.  I bezwen revwar son Bidze pour Lakademi.  Mersi.

 

MR SPEAKER

Mersi pour ou komanter Onorab.  Onorab Jude Valmont.

 

HON JUDE VALMONT

Bonzour Mr Chair.  Bonzour tou Panelist.  E bonzour tou Koleg MNA.  Mr Speaker mon pour zis anmas lo sa kestyon ki Onorab Henrie in pran oparavan.  Sa i lo Lakademi.

Mon ti a voudre demann Minis e ComPol, si zot okouran i annan en lager pour lespas dan Pointe Larue?  Sirtou kot Lakademi.  Akoz zot osi zot pe ganny dir pour bouze. Alor sa i met plis irzansite lo la.

E osi, 2enm se sa issue CCTV camera.  Lannen pase nou Pointe Larue dan sa menm Lasanble dan sa Bidze, nou ti ganny promete ki camera pe vini sa lannen.  Nou pa ankor vwar.  Alor ki mon mwan mon demande?  Depite Komisyoner in dir ki zot annan- zot in fer survey.  Me zot annan bann challenges ek bann trails and whatnot. 

Be mwan mon demande si zot kapab konsidere at least komans ek en distrik, komans ek Pointe Larue ki zot dir sid was.  Nou, nou dan les aktyelman.  Komans ek li.  Apre zot a kontinyen fer survey.  Nou napa sa kantite santye nou.  Mon krwar pa si i annan sa kantite challenges.  Si zot bezwen led pour survey.  Nou annan dimoun ki kapab ed zot osi.  Mersi.

 

MR SPEAKER

Mersi Onorab Valmont.  Deputy Commissioner.

 

DEPUTY COMMISSIONER MR ROMANO SONGOR

Yes Mr Chair mersi.  Mersi Onorab.  Mon pour zis ranforsi en pti pe lo sa leklersisman Lakademi.  Letan nou ti submit nou bann capital project avek Lotorite avek Minister Finans,  Lakademi ti konpri ladan. I ti enn nou priyorite.  Akoz nou ti realize.  E assessment ki nou’n ti’n vwar poudir sa Lakademi aktyel, i pa pe kapab accommodate bann servis ki nou pe demann li,  pour li kapab donn nou bann staff in service pour either training oubyen bann lezot fasilite osi, menm refresher.  E nou’n vwar poudir sa- parey ou pe dir sa lager lespas Lakademi in vin en bazar.  Setaki i monte desann.  E Lakademi in perdi son valer disiplin.

So, si nou pa’n ganny larzan pour Lakademi,  i pa nou loter.  Akoz nou nou’n submit nou request, nou’n mete.

Dezyenm.;- lo kote sa issue camera.  Mon a zis koriz ou Onorab.  Nou pa ti fer promet pour nou met camera Pointe Larue.  Akoz nou ti ariv bout Providence.  Mon rapel tre byen nou ti ariv Providence.

Pour installation camera Pointe Larue Mr Speaker, i pour antre dan son moman apropriye.  Nou bezwen kouver bann distrik ki nou konsider koman priyorite.  Baze lo bann krim ki arive.  E osi bann lezot aktivite Ekonomik ki i annan dan sa bann distrik.

Me parkont osi Mr Speaker,  nou annan en proze pour nou fer nouvo Kordgard erport ansanm avek SCAA.   E si sa proze i materyalize.  E therefore nou pour annan en brans camera osi la.  Mersi Mr Chair.

 

MR SPEAKER

Mersi Deputy Commissioner.  Onorab Valmont.

 

HON JUDE VALMONT

Mersi Mr Chair.  Mersi Depite ComPol pour ou larepons.  Wi mon osi mwan dakor sa issue Lakademi la.  Mon mwan ti a voudre lans en pledwari avek Minis avek Minister Finans ki i annan zot Reprezantan la, PS i la,  pour at least petet get dan posibilite rod en fason.  Mon pa konnen ki mannyer.  Me selman rod en fason pour at least komans sa Lakademi.  Akoz ComPol in dir.  Zot in demann li ki son plan, in dir.  Formasyon i enportan pour ganny bann Zofisye ki kapab reakte, ki proactive lo teren.  Alor nou bezwen form gard.  Alor sa i en pwen.

E 2enm lo sa issue CCTV cameraWell, mon mwan ti a voudre koriz Depite ComPol.  Pointe Larue- malgre zot in dir i pa en priority area.  Me selman Pointe Larue i sa landrwa kot ki annan Erport.  I annan en kantite mouvman.  E alor mon mwan santi ki i en landrwa ki merit ganny konsidere o pli vit posib pour met camera.  Mersi.

 

MR SPEAKER

Mersi Onorab.  Deputy.

 

DEPUTY COMMISSIONER MR ROMANO SONGOR

Mersi Mr Chair.  Onorab ou pwen i note.  Mersi.

 

MR SPEAKER

Mersi.  Bon i annan en pledwari osi tou, tou lede kote pour regard sityasyon Lakademi.  E mon asire panel in note.  Bon Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker.  Bonzour tou dimoun.  Mon osi mwan ti a kontan remersye tou dimoun pour zot larepons ziska prezan.

Premyerman mon ti a kontan demann en kestyon lo visible Policing.  Mon ti a kontan demande si Komisyoner in fer en refleksyon, oubyen in diskit avek Lotorite lo fason ki bann-son bann Zofisye ki lo static duties pe-en pe waste zot letan ler nou bezwen sa bann dimoun lo visible policing.

Eski napa en lot alternativ pour sa?  Pour nou kapab anmenn tou lebra ki nou kapab annan lo-dan policing, plito ki i annan 200 mon krwar ki zis pe fer gard sekirite?  Konmsi napa en refleksyon ki’n ganny fer kekfwa pour pas travay lo bann militer vi ki Military Police pe devlope?  Sa i mon premye kestyon.

Mon 2enm kestyon se pour Deputy Commissioner Songor;-  nou ti ganny dir-mon krwar Onorab Valmont ki ti sa.  Ki nou ki’n fer, non?  (Non, non pa Onorab Valmont)  Onorab Vidot ki ti dir ki nou ki ti fer ferm NDEA.  E depi ler nou’n fer ferm NDEA, prezan drog in partou dan pei.  Konmsi? Konmsi- kekfwa nou ti a kontan ganny en lasirans.  Akoz nou pa konnen ki nou ki’n fer ferm NDEA e….

 

(Interruption)

 

HON AUDREY VIDOT

(Off-Mic)

Ou asire ou ti tann mon’n dir….

 

MR SPEAKER

Ok. Bon, bon, bon.  Order! Order! Order! Order! Bon, annou, annou viz nou kestyon direkteman lo Bidze.  Order! Order!  Onorab Ferrari, Bidze.

 

HON JEAN-FRANÇOIS FERRARI

Ok, ok.  Non mon ti a zis kontan konnen konmsi si Depite Komisyoner i satisfe ki ANB in kapab take over sa bann responsabilite, e ki zot pe fer li dan en fason ase efikas?

E finalman,  zot in koz lo difikilte pour bann landrwa parey Praslin ek La Digue.  Ki dapre lenformasyon ki mon gannyen, location allowance e bann allowance pour tir en dimoun kot li pour anvoy lo zil, i vreman ba.  E bann kondisyon reste, e bann kondisyon travay i difisil.  So an vi ki La Digue i en landrwa ki pe-nou’n ganny rapor pe devlop koman en bit of a problem area,   ki sipor zot pe gannyen atraver Bidze pour zot kapab remet en pe dinyite dan sa travay?  Ki ler en Zofisye i al La Digue, donn li bann kondisyon normal pour li kapab viv, sonny son fanmir ki reste Mahe.  Akoz i annan 2 lakaz la pour li, 2 depans pour li fer.

So dir nou ki zot pe fer pour lev en pe sa laspe bann Zofisye ki bezwen ganny deplase lo en lot zil?  Mersi Mr Speaker.

 

MR SPEAKER

Mersi Onorab.  Bon i annan detrwa par kestyon.  Komisyoner.

 

COMMISSIONER OF POLICE MR KISHNAN LABONTE

Mon a-premye kestyon mon a reponn.  Apre lo kestyon drog, mwan a fer Depite Songor reponn.  Apre mon a pas an pasan, apre Mrs DG i a koz lo bann allowances pour out, Inner Island. 

Bon, visible policing, static duties.  Mon panse ou pe fer referans avek bann-petet bann response;-  PSSW ki vey static duties.  I annan i vey kot Lanbasad eksetera.

Byen souvan, se sa bann dimoun, se- i bezwen annan en sekirite. Akoz anba Konvansyon Vienne, bann Lanbasad i re ganny proteze.  E mon krwar se gard ki akord zot sa bann proteksyon, pa militer.

Si mon pa tronpe, se gard.  I lobligasyon Gouvernman.  I donn gard.  Mon, si gard- nou kapab fer nou bann gard dan sans kot i vizib, i lo semen.  Pour mon sa i pli enportan.

Gard kantmenm i dan response, i devret versatile.  I kapab fer tou.  Akoz lontan ti-ou bezwen antre response-apre ou ganny train koman en gard.  Ou konn- en gard- akoz ou kapab move from one Stasyon to another and back again to response.

Akoz sa gard i kapab fer tou.  I kapab riot, i kapab fer tou.  E sa ki- ki si nou viz lo la.  I pour pran en ta letan pour nou ariv sa.  Me i annan pozisyon kot sa gard i kapab fer static duties.  Nou pa kapab tire.

Par egzanp ou pour vwar gard pe fer static duties kot mortuary.  E sa i obligasyon kot ou met gard dan en ka kot i annan en krim in arive pour vey sa lekor.

Akoz ou bezwen maintain the integrity of sa levidans.  Demen defans pa vini dir ou sa pa menm lekor.  Ou ki’n antre dan mortuary in koup sa dimoun.  That wasn’t the same injury ki ti arive ler lensidan.  Sa lentegrite levidans i bezwen ganny maintain.  Se sa rezon ou kit gard pour maintain lentegrite levidans.

E lo kestyon ANB.  Mon a-avan mon a donn DG la parol pour allowance pli tar.  Ler bann-lontan- oparavan bann gard ki ti Inner Island Lapolis ti annan son prop lakaz.

Nou konnen dan lepase, sa bann lakaz in ganny pran.  Grand Anse in ganny pran.  Ti annan menm lakaz Lapolis Amitié in ganny pran.  La Digue byento pe al ganny pran.  E laplipar di tan, se nou lwe lakaz pour met nou gard.  Si nou lwe en lakaz 3 lasanm, 2 lasanm.  Nou bezwen met an gard dan sak lasanm.  E sa i problenm.

E lo La Digue lwe lakaz i at a premium price.  E i vreman ser.  E nou larzan i depans ladan.  Nou bezwen met gard, e nou bezwen rod landrwa pour met gard.  E sa i nou problenm.  Allowance i ganny-nou ganny gide par allowance– me par DPA ki ler i fer allowance.  E i dan Scheme.  Petet Mrs DG i a koz lo la apre.  DCP i a koz lo ANB.

 

MR SPEAKER

Mersi Komisyoner.  Mrs Lebon.

 

DIRECTOR GENERAL MRS ANGELE LEBON

Mersi Mr Speaker.  Mersi Mr Onorab.  Bon anba Scheme of Service letan- Mahe is the base.  E letan Zofisye i ganny bouze pour travay Praslin, La Digue,  I annan en ‘’disturbance and island posting allowance’’ ki ganny peye avek tou Zofisye.  E i R1, 500 en one-off ‘’disturbance allowance,’’ R1, 500 ki letan zot- ‘’who are posted to Praslin, La Digue for 3 months above upon transfer and retransferred.’’ 

Sa i zot one-off sa.  Letan zot pe monte pour ed zot ek zot bann bagaz and so on.  Apre zot ganny en ‘’monthly island posting allowance. ‘’ Praslin 400, La Digue and Outer Islands.  La Digue 600, Outer Islands 800.  Sa ki Scheme in sa- in fer provizyon pour zot gannyen.  E letan zot al travay lo- parey 1 mwan.  Dizon i dan 15 Out, nou déploie zot 2 weeks pour zot ale.  Zot ganny zot R600 pour 2 semenn.  Zot ale, epi zot retournen.  Me selman laba pe ganny landrwa reste.  E zot pe gannyen en eleman meals ek delo letan zot pe travay.

 

MR SPEAKER

Mersi.  Mersi Mrs Lebon.  Deputy, ANB.

 

DEPUTY COMMISSIONER MR ROMANO SONGOR

Mersi Mr Chair.  Mersi Onorab pour ou kestyon.  Mr Chair letan desizyon Gouvernman ti ganny pran pour merge NDEA ansanm avek Lapolis, se pour fer sir ki nou kapab at least nou bann Zofisye- sa letan NDEA i empower avek Lalwa koman bann Zofisye Lapolis pour zot kapab desarz zot rol avek zot fonksyon.

E i preski worldwide.  Apard si mon memwar i bon,  ki Lanmerik si oule ki i annan son DA i en pti endepandan.  Me preski partou dan lemonn Drug Enforcement i tonm anba Lofis Komisyoner Lapolis.

E Onorab sa travay avek sa kontrent resours ki nou’n fer si mon pe get nou statistik,  e ou pour vwar poudir nou bann indicators ki nou ti ganny mete pour 2018 nou’n achieve.  Nou ti met 1,000 case.  Nou’n achieve 961 cases.  E ladan nou annan 57 ki ti bann trafficking.  E la from January to October 2019,  nou’n achieve 877 case.  E ladan nou annan 20 case ki trafficking.  E si mon pour kontinyen avek bann lezot statistik, bann kantite cargo ki ganny search.  Bann kantite lezot house ki nou fer search.  Wi nou pe achieve nou bann target.

Me selman i pa pe meet nou lekspektasyon.  Akoz nou lekspektasyon,  se fer sir ki nou annan en kominote ki sen e sof.  E nou annan en kominote ki free of drug.  Mersi Mr Speaker.

 

MR SPEAKER

Mersi Deputy.  Onorab Ferrari.

 

HON JEAN-FRANÇOIS FERRARI

Mersi Mr Speaker.  Mon ti a- dan ‘’strategic priorities’’ pour 2020,  nou’n vwar poudir enn bann lobzektif ki Komisyoner in mete.  Se pour konfiske bann profi.  E servi sa bann larzan pour kapab kontinyen fer bann loperasyon Anti-Narkotik.

Mon ti a kontan demann avek Komisyoner si i satisfe ki Lalwa i permet – oubyen ki Egzekitiv pe permet ki bann resours;- par egzanp bann resours finansye, bann larzan ki zot sezi i kapab ganny servi par Lapolis koman en lankourazman dan zot travay?  Pa pour donn-pa pour partaz antre zot.  Me selman pour servi sa pour kapab fund lezot loperasyon e fer ki zot annan en pe plis lefikasite dan zot travay?  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Mersi Mr Chair.  Petet ozordi mon enform Lasanble ki, mon krwar sa lannen-akoz pour fer bann financial investigation pour sezi asset i pran en pe letan.  E mon krwar nou’n met apepre plis ki 5, 6 case Ankour kot nou’n file anba POCA.  Epi la mon krwar resaman nou’n anvoy en case anba AML kot Attorney Zeneral.

Nou annan en ta keksoz ki nou’n sezi.  Propriyete ki nou’n sezi.  Nou annan case Ankour, nou annan propriyete ki nou’n sezi Eden Island.  Nou annan bato ki nou sezi.  Nou annan bann transpor ki nou’n sezi.  Nou annan case lo later ek lakaz ki nou’n sezi.

Me pour dispose sa bann assets e i bezwen pas swa Ankour, swa tender, mon pa konnen ki soz.  E Lapolis pa kapab servi sa larzan.  Mon’n deza fer en diskisyon avek Prezidan.  Akoz apre ki bann diskisyon ki mon annan avek bann dimoun deor dan L’Angleterre ki vin nou bann partners.  Zeneralman fodre ou annan Lalwa pour fer sa, pour ou kapab partaz asset.

Zeneralman mon krwar 30 a 40poursan i retourn avek Lapolis pour reenergize loperasyon konsernan sa bann keksoz.  E osi mon krwar i annan en 10, 15poursan ki al kot Biro Attorney Zeneral.  Akoz i osi pran letan pour kapab prosekite.  Mon krwar osi en- i annan en pe ki donn lezot landrwa.

Me en keksoz ki ler ou sezi bann asset,  parey lakaz apre ki-avan i al dispose –  enn nou koleg kot nou partners ki nou travay avek i dir ou,  ordinerman L’Angleterre mon krwar zot met en Board parey en name and shame.  Mon met sa Board mon dir that had been commit by plis- as a result of proceeds of crimes eksetera.  So piblik knows.  Pour ou annan sa, fodre ou annan Lezislasyon eksetera.

But these are the things that we are moving ver –  konmsi pour nou kapab soz.  Be selman pour kapab-mon ti a kontan-mon ti a volonte ki nou ganny en pe sa larzan pour nou kapab reenergize nou operasyon.  Akoz an se moman, mon a kapab dir zot ki, nou dimoun pe kot pe fonksyonnen nou team, i napa menm en koneksyon internet kot nou pe sey lager lebra kase pour ganny internet, pou ganny computer.  Mon krwar lofis DM in zenere ki i a gete si napa en savings somewhere ki i kapab donn nou pour aste pour sa bann dimoun.  Me nou menm nou pe scratch the barrel.  E pour nou kapab gete pour kapab ed sa bann fer zot travay.  Mersi Mr Chair.

 

MR SPEAKER

Mersi Komisyoner.  Onorab Egbert Aglae.

 

HON EGBERT AGLAE

Mersi Mr Speaker.  Bonzour Minis, ComPol ek ou delegasyon.  ComPol ler mon pe get dan zot ‘’capital expenditure,’’  mon vwar poudir i annan en quite significant increase.  Mon ti a kontan ganny en leklersisman ki lannen pase sorti 14milyon, ki ozordi in ariv 103milyon.  E mon pe vwar poudir dan ‘’building and infrastructure’’ ki’n ganny met 14milyon ki lannen prosen 97milyon.

Si ou kapab donn leklersisman ki sa pe konpri?  Eski zot pe enkorpor osi bann nouvo lenfrastriktir ki zot anvi antreprann?  Mersi.

 

MR SPEAKER

Mersi Onorab.  Mrs Lebon.

 

DIRECTOR GENERAL MRS ANGELE LEBON

Mersi Mr Speaker.  Anba ‘’capital expenditure’’ nou annan foreign Grant for new Police Headquarters.  Amounting 86.8million.  Nou annan La Digue Police Station ki mon fek dir taler, 6.6 million.

Nou pe reclaim Baie Ste Anne Police Station area pour nou kapab bouz avek 2enm faz batir Stasyon Baie Anne.  E sa i 3milyon.

Apre nou annan zis R1 milyon pour renovasyon bann Police Stations, zot lenfrastriktir an zeneral.  E nou ti submit 3.5.  En sonm ki nou ti mazinen i agreab pour nou kapab bouz avek serten faz travay next year.   Me nou pa’n gannyen 3.5.  Nou’n ganny zis 1million.  E sa i restrikte nou vreman lo nou plan ki nou ti annan pour nou travay 2020 towards bann lenfrastriktir general Police Stations pour met zot dan en leta pli conducive pour gard travay.  Mersi.

 

 

MR SPEAKER

Mersi Mrs Lebon.  Onorab Aglae.

 

HON EGBERT AGLAE

Mersi Mrs Lebon pour ou leksplikasyon.  Baze lo zot bann progranm rekonstriksyon sirtou bann Stasyon Lapolis ki mon vwar i annan kontinyite ladan,   e ou’n nonm en konponan Grant ladan;-  eski ou pe dir nou an vi ki nou dan sa Lasanble nou menm nou’n touzour pe pouse pour annan bann nouvo fasilite Lapolis.  E mon pe vwar poudir osi pour 2021, i annan sonm larzan ki pe ganny mete.  Eski ou kapab dir nou osi la,  ki bann stasyon?  Ou’n nonm La Digue, ou’n nonm Praslin bann lezot demann osi ki pe ganny fer dan bann lezot distrik en pe parey pour Port Glaud osi,  eski a lavenir pe ganny enkorpore dan sa Bidze?  Mersi.

 

MR SPEAKER

Mersi Onorab.  Mrs Lebon.

 

DIRECTOR GENERAL MRS ANGELE LEBON

Sa larzan ki ou’n vwar pour 2020 la,  i pour Headquarters.  I ti zis dir ‘’administrative compound of the Police.’’  I pa en Kordgard ki pe al ganny fer anba sa Indian Grant.  Sel Kordgard ki pour kontinyen dan lannen 2021,  ou pour vwar kontinyasyon konponan La Digue.  Epi ou pour vwar kontinyasyon konponan Baie Ste Anne.

Pour le moman nou napa nanryen on the cards.  Akoz Bidze pa’n endik nou pour nou bouz dan sa direksyon.  Nou ti annan serten plan pour nou refer-renovate and alterations of existing infrastructures ki nou fer li anba sa ‘’capital project PSIP’’ ki pour tou Police Stations.  Me selman i-nou’n ganny zis 1milyon pour next year.  E i redwir bokou nou plan.

So mon pa kapab promet ou le fitir.  Mon kapab zis selman travay avek mon 1 milyon next year.  Ki mon pa tro krwar i pour menm ase pour plan ki nou ti annan pour 2enm faz Central Police StationThat 1million will not be enough.  So nou ti annan lezot.

Nou pe refer en pti pe facelifting avek enn de bann sa.  Me pour nou fer en bon alteration,  Nou bezwen li dan ‘’capital. ‘’

 

MR SPEAKER

Mersi Mrs Lebon.  Onorab John Hoareau.

 

 

HON JOHN HOAREAU

Mersi Mr Chairman.  Bonzour tou dimoun.  Mr Chairman mon annan 3 pti kestyon ase senp.

Premye se ki, eski Komisyoner i kapab konfirmen, si dan son Bidze zot annan provizyon pour en post Lapolis dan sa landrwa Bazar Labrin avek devlopman ki pe al redevlopman ki pe al arive lannen prosen?

Dezyenmman;-  mon ti a kontan konnen ComPol si i annan bann prosedir tender ki pe ganny swivre pour lwe loto pour Lapolis apre servis breakdown e repairs?  An vi ki i annan serten alegasyon –  mon repete ‘’alegasyon’’ ki sa i ganny fer antre zanmi.

Trwazyenmman;-  eski zot annan en progranm localization ki i mars la an se moman?  Pour ranplas bann Sidafriken ki pe ganny gro sonm, gro saler par Seselwa.  Akoz sa i annan en lenplikasyon direk lo zot Bidze?  Mersi.

 

MR SPEAKER

Mersi Onorab.  Komisyoner.  Mrs Lebon.

 

DIRECTOR GENERAL MRS ANGELE LEBON

Mersi Mr Speaker.  Bon mon pour reponn lo car hire tender.  Sa existing fleet of car hire ki nou annan la, i baze lo en tender.  E pour nou kas sa tender al refer en lot,  nou bezwen annan nou, nou fleet of vehicles ki rantre pour nou konnen ler nou fer nou tender,  ki nou pour pe tender out?  Konbyen transpor?  ki kalite?  E ki pour pri ki nou pour ekspekte?

Akoz la si nou al dan en tender,  e loto i antre.  The face of the tender will change.  E en dimoun in ganny tender lo serten kalifikasyon lo serten kriter.  E i kapab met nou dan en pozisyon ki difisil.

En keksoz osi ki nou bezwen mazinen,  sa pri ki nou pe lwe nou bann loto loperasyon la, ok –  i pri 2015.  E nou ankor pe maintain that price of 2015.  So si nou fer nouvo tender, lo market value ki i annan la konmela, eski nou pour kapab retenir sa pri?

So la i la akoz nou’n frennen lo refer tender pour nou ganny nou fleet of cars, pour nou konnen egzakteman nou pour tender out ki kalite loto.

Epi loto ki nou servi bokou,  se letan i annan bann devlopman krim,  ouswa i annan serten aktivite ki require transpor adisyonnel from sa bann ki atase ek loperasyon.

Nou napa letan pour nou al fer tender.  Nou napa menm letan pour nou menm mars an de.  I annan en kantite Car Hire ki refiz-e kategorikman pour lwe loto avek Lapolis.  Prezan sa ki available 4er apre midi pour 4er edmi, i far and few in between.  E ou pe ganny li market price.  Ou pa pour ganny li sa pri ki ou pe pey sa bann lo tenderSo i en issue tre delika.

Lo kote ‘’breakdown, repairs and maintenance,’’ nou travay avek en pool of garaz Seselwa, ok?  Ki pe debourye lo Providence, lo elsewhere.  Zot annan zot pti garaz zot pe sey debourye.  Nou annan nou pool of mechanics ki mwan menm mwan mon’n vin zwenn la dan Lapolis.  You understand?

Nou annan bann dimoun ki respond to breakdowns.  Dan minwi, dan 2er bomaten.  Nou annan detrwa zot ki fer sa.  E travay i vreman partaze.

I annan i very good lo lo body repairs.  I annan i very good lo serten mechanic avek sa bann TATA.  So i bann travay tre spesyalize kot ou pa kapab-epi i loto Lapolis;-  nou annan nou GPS ladan.  Ou pa kapab pran sa zis donn nenport garaz.  Ou bezwen kapab annan en serten eleman of trust, en business ki ou’n batir overtime avek sa pool of garaz ki pe reponn.

Epi pour mon dir ou,  nou’n devlop nou Procurement Policy.  E anba nou Procurement Policy nou annan nou threshold ki nou travay avek.  Nou annan nou bann bidding processes ki nou swiv.  Sa ki anba nou i anba- i pour nou.  Sa ki bezwen al devan Tender Board, devan Procurement, nou swiv tou nou prosedir.

Nou annan nou sistenm réquisition ankor ki tre gide anba bann paramet tre kler.  Ki tou dimoun ki travay i konnen this is the way we operate.  E i anliny avek Procurement process.  E mwan –any keksoz ki ou annan lenformasyon, ki ou annan pour anmennen.  Ou kapab anmennen.  I napa dalon.  I annan dimoun ki nou travay avek ki donn nou servis overtime.  E ki zot in prouv zot reliability ek zot lwayote avek Lapolis.  Mersi.

 

MR SPEAKER

Mersi Mrs Lebon.  Komisyoner.

 

COMMISSIONER OF POLICE MR KISHNAN LABONTE

Lo konsern- Mr Chair konsernan plis pos kot Bazar Labrin, si pour annan enn? The answer i, napa nanryen ki pour annan sa lannen.  Me Bazar Labrin i vre i en hotspot pour Lapolis.   E mon pa pour fer okenn komanter lo Bazar Labrin li menm li.  Solman wi, i en hotspot.

Lo issue localization of post;-  an partikilyerman mon- sa bann Sidafriken- wi in annan 3 understudy pour 3 post.  Me selman par egzanp ‘’Policing’’ nou annan understudy.  ‘’CID’’ nou annan understudy.  E ‘’lisyen’’ nou annan understudy.

Konsernan financial crime investigation;-  sa i en keksoz delika.  Nou annan bann dimoun, bann Zofisye ki pe travay avek.

To be a financial crime investigator, it takes time.  Not in 1 or 2 years.  Be sa bann dimoun i ganny anvoye deor eksetera.   An se moman nou ganny bann kour pour nanryen.  Nou ganny bann kour, nou ganny pasaz avyon zis lo en pti per diem.

Nou’n fek anvoy en dimoun Kenya lo sa bann zafer.  Nou’n ganny nek ofer avek ARINSA.  Bann soz ki sezi assets eksetera ki nou’n en Manm lo on a focal point.  Tanzantan i anvoy bann soz ki nou pe anvoy en dimoun.

Ankor dan sa bann training– nou gannyen sa bann training.  Me pour kapab pran le relev.  Sa bann dimoun i pran letan.  Akoz sa bann dimoun i-ou pour bezwen kalifye pour ou ekrir ou prop affidavit.  It’s not 1 sheet of paper affidavit.  I in pages and pages and pages of affidavit.  E i pran dimoun ki annan en pe pli bon bagaz.  Me selman nou pe train nou bann dimoun.  Nou menm annan dan sa Unit en dimoun Legal ki nou’n rekrite ki annan soz Legal.  E nou pe sey anvoy li.  Akoz sa training ki nou pour sey anvoy li, i konsern bann drafting of affidavit eksetera ki nou oule anvoy li byento Sid Lafrik.  Mon krwar i about 5 days eksetera.

E fodre bann dimoun ki annan konesans i gear zot pour sa bann keksoz.  Wi nou annan en plan lokalizasyon.  Me selman i annan ki ou pour vwar deswit.  Be i annan ki will take time.  Mersi Mr Chair.

 

MR SPEAKER

Mersi Komisyoner.  Onorab Hoareau.

 

HON JOHN HOAREAU

Mersi Mr Chairman.  Mr Chairman zis an pasan.  Larepons ki mon’n gannyen lo kote tender processes- procedures.  Mon oule fer resorti ki parey Leader Lopozisyon i toultan dir.  Ki si sa bann keksoz i ganny fer o komansman lannen, i donn ou sa lespas pour kapab antisipe okenn keksoz ki arive pandan lannen li menm.  Akoz petet si sa madanm pe dir nou there and then ki zot bezwen fer bann prosedir ler-when the need arise?  La i fer ki sa bann prosedir pa kapab ganny follow.  Mersi.

 

MR SPEAKER

Mersi Onorab.  Mrs Lebon.

 

DIRECTOR GENERAL MRS ANGELE LEBON

Mersi Mr Speaker.  Mersi Onorab.  Ler nou Bidze in aprouve isi dan Lasanble.  Procurement Oversight Unit i submit avek tou bann MDAs en request for a Procurement Plan. 

        Tou nou larzan ki dan nou Bidze, nou bezwen submit depi son timeframe.  Akoz nou larzan nou ganny li dan bann quarters en?

So nou bezwen submit nou Procurement Plan per quarter ki mannyer nou pour depans sa larzan.  Ki prosedir tender, procurement nou pour servi pour nou depans sa larzan.  E sa nou Lapolis nou obeisan ek sa nou fer li.

E per quarter nou konnen sa quarter nou annan tel demars pour nou fer ek Procurement.  Nou bouze ladan.  Nou ale koumsa ziske lafen lannen i fini pour nou obeir bann legzizans Procurement, bann legzizans Regilasyon lo lafason ki nou depans nou larzan.  Mersi.

 

MR SPEAKER

Mersi Mrs Lebon.  Bon i reste 9 Manm lo mon lalis.  Nou pour kontinyen depi 11er ziska midi.   Nou pour sey aim pour nou fini par midi.  E ankor mon demann bann Manm pour sey fer zot kestyon ase kourt.  E osi tou Panel pour donn bann repons ase bref.  Nou pour break e nou pour repran nou travay 11er.

 

(BREAK)

 

MR SPEAKER

Bon nou ava kontinyen nou travay.  Mon ava donn la parol Onorab Sylvanne Lemiel.

 

HON SYLVANNE LEMIEL

Mersi Mr Speaker.  Bonzour Minis avek ou Delegasyon.  E tou dimoun ki pe ekoute.  Mr Speaker mon annan de pti kestyon.  Aparaman Anse Royale nou’n anbark lo projet kot pour nou enstal nou bann CCTV cameras dan distrik ansanm avek sekter prive.

So mon pe regarde;-  nou’n ariv preske a lafen.  Mon pe zis regarde an ka- si an ka Bidze Lapolis petet pour permet,  si i arive ki nou bezwen serten pti lasistans.  Mon konnen i annan serten lasistans teknik ki kekfwa ki nou pour bezwen.  Petet i pour involve en pti Bidze.  Mon pe zis regarde si zot pare pour zot soutenir nou pour nou kapab achieve sa proze lannen prosenn.  Sa i enn.

Apre dezyenmman;-  ti dan plan Lapolis pour- zot in ganny allocate avek en nouvo plan-avek plan-en kare later.  Mon ti pe oule regarde akoz,  ti dan plan osi pour nou annan en nouvo Stasyon,  mon pe regarde ki zistans sa in arive.  Akoz i pa paret dan Bidze ditou.  Ni lannen prosenn osi.

So- e an menm tan nou annan proze pour al fer en CID HouseSo ki zistans nou’n arive avek tou sa bann projet si nou pe fer en CID House?  Wi.  Lo ki teren i pour ete?  Si nou pe fer lo sa menm sa teren la?  E si i pa pour en gaspiyaz larzan tan ki nou’n deza ganny en lot teren?  Konmsi ki plan Lapolis la?  Mersi Mr Chair.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Mersi Mr Speaker.  Konsernan camera Anse Royale.  I vre nou’n an dyalog avek bann lezot rezyon zalantour.  Me pour annan camera i ok.  Nou pare pour fer sa.  Me selman ou pour bezwen annan en sant kot tou sa bann landrwa i ganny monitor.  Nou ti pe prevwar kot i ki ou’n apel li CID House.  I ti en vye lakaz kot CID i ete.  Me i annan renovasyon ki nou pe fer sa lannen.  I annan en pti pe larzan isi par laba.  Kot mon krwar konstriksyon nou pe al komans petet- DG i a koz lo la en pe taler.

Konsernan plis sa Regional Headquarters;-  sa later ki ou’n gannyen.  Sa later in ganny allocate avek Lapolis.  E ler mon ti al gete,  mon ti vwar ki pour mwan i pa konvenab.  Zot in pran nou zot in anmenn nou laba kot i annan o bor elektrik i ete, kot Fire Brigade pour ete.

Apre zot in dir ki zot pour fer playground deryer kot en- some sort of a– pour fer keksoz la.  En aktivite- apre pour blok sa semen.  Evantyelman pour blok semen.

I vedir nou gard nou ganny bloke.  Zot pour fer semen.  I pas dan plantasyon en msye.  E mon krwar nou, nou pour get plantasyon.  Me  mwan mon ti vwar Prezidan.  Mon ti dir li sa bann later ki zot allocate pour sekirite –  sa konsilte sekirite i  dir ‘’Gard i pour la.’’  Mon krwar mwan mon pa oule sa landrwa.  Mon ti’n dir li en landrwa kot mon krwar mon kapab sizere- mon ti’n sizere petet dan sa krwaze ek Legliz ek sa kot sa Biro Distrik i ete.  Mon krwar la nou kapab manage.  Si i annan en stop en zour.  Nou kapab kontrol 3 semen.  Me kot zot ti’n met nou.  Zot ti’n met nou dan en cul de sac evantyelman kot gard ti pour dormi menm laba.

Me mon kapab ki soz.  Selman  mwan mon  pa kontan sa landrwa.  Sa lanvironnman kot in allocate.  Zot dir sa pour Lapolis.  Petet lo zafer lakaz ki pour CID.  Mon a les DG Lebon koz lo la.

 

MR SPEAKER

Mrs Lebon.

 

DIRECTOR GENERAL MRS ANGELE LEBON

Mersi Mr Speaker.  Mersi Onorab.  Dan PSIP 2019 spesifikman pour Anse Royale.  Nou ti annan R700mil.  E an vi bann lannen presedan nou ti refer son Kordgard prensipal Anse Royale.  I annan sa vye pti lakaz devan ki bann CID ti asiz ladan.  Enn de areas konmsi.  Ladministrasyon ti asiz ladan.  E in vreman deplorab, i koule.  Prezan- in fact Lendi pe al rekomans en alteration and renovation of this house.  Nou pe bouz bann dimoun.

Nou pe met zot dan bann-bann CID dan bann lezot Kordgard further south.  E, Takamaka an prensip.  E nou- by Lendi kontrakter will be on site.  It will be totally altered.  Renouvle, nouvo, modern, prop.  E an menm tan nou pour profite pour nou level sa deor ki parey laroul, ok?  And fer li deor proper.

So i pa en kestyon gaspiy larzan.  Parske anmezir ki nou kapab rann fonksyonnman pli amenable, pli conducive pour bann dimoun travay, nou fer li.  Anmezir Gouvernman i sers Fon pour fer bann Kordgard dan en baz permanan nouvo – ok?

So nou fer nou mye pour in the immediate pour nou servi maximum nou bann larzan ki nou gannyen dan Bidze pour nou fer nou bann lenfrastriktir ki’n vreman vye.  Mersi.

 

MR SPEAKER

Mersi Mrs Lebon.  Onorab François Adelaide.

 

HON FRANÇOIS ADELAIDE

Mersi Mr Chair.  Bonzour a tous ankor enn fwa.  Mon premye kestyon pour swa Komisyoner, swa son lot Asistan Komisyoner.

Nou annan sa nouvo klinik ki sipoze pe al ganny fer Baie Lazare.  E sa pour pas lo 2 propriyete ki i annan Lakaz Gard lo la pour le moman.  So mon pe gete, eski dan sa demars zot ankouraz gard.  Vi ki en lakaz an menm tan i en lankourazman pour en Zofisye Lapolis,  eski i annan provizyon ki pe ganny fer?  Akoz lot lannen klinik pe al komans fer, lakaz pe al kase pour sa bann gard pour ki zot kapab ganny reallocate dan en lot lakaz.

E mon 2enm pti pwen Mr Chair.  Manda Lapolis se pour etablir lord ek lape.  E mon krwar zot bezwen lakominote pour ed zot dan sa demars.  E nou koman bann Leaders kominote nou fer sir nou fer nou mye.

Me Komisyoner mon mwan dapre mon konpran ki nou’n form en lasosyasyon e solman nou pe ganny targete.  Lasosyasyon Peser Baie Lazare.  Tou keksoz ki nou fer, mon konnen ki poudir i devret annan Lalwa, lord.  Me solman nou ganny bokou bann kontrent ki nou vwar i pa akseptab.  E  eski Lapolis i pare pour ed nou si petet pour fer nou konformite, si zot krwar nou pa tro an konformite?  Pour ki nou osi nou ede anmenn sa enjoyment dan distrik dan en fason ki nou distrer dimoun.  E ki nou pa fer ki nou bann dimoun i-petet ganny enfliyans-e pour al dan drog swa bann lezot keksoz?

E mon dernyen pti pwen;-  Komisyoner mon’n ganny lenstriksyon ki ou’n donn avek SBC newsroom poudir pa pas okenn avertisman ki i annan pour fer avek Lasosyasyon Peser Baie Lazare.  Eski sa i vre?  Mersi.

 

MR SPEAKER

Mersi.

 

COMMISSIONER OF POLICE MR KISHNAN LABONTE

Bon pour reponn ou dernyen kestyon premye.  Mon zanmen mon’n deza donn okenn lenstriksyon pa pas okenn avertisman Lasosyasyon Peser Baie Lazare lo soz.

Mon konnen SBC i annan en Polisi avan i pas en progranm i gete si ou’n ganny laprouvasyon Lapolis.  Sa mon konnen.  Selman mon pa’n donn okenn kominike sorti kot mwan pour al kot zot.

Konsernan klinik, zafer lakaz.  Bon ti annan en meeting avek Lotorite Planning ki ti aviz nou ki ti annan sa konstriksyon klinik Health Center laba Glaçis e ki pour pas lo nou propriyete.  Mon mwan ti met o defi ki i pran nou 2 lakaz.  Me apre nou ti sede ek zot.  Fodre i donn nou 2 lezot lakaz zot, zot fer dan nou 2 lezot lakaz dan distrik pour gard.  E sa ki i- ki nou’n tonm dakor lo la.  Zot pour donn nou 2 lezot lakaz- mon krwar i annan en bout ki pas ladan pour- ki zot pour pran.  Me selman pour rann nou, nou lakaz.  2 lezot lakaz dan distrik pour nou gard.

Konsernan Lasosyasyon Peser;-  Onorab fodre ou konpran nou osi parey- mon a sey eksplik ou.  Bon pour fer zot aktivite,  nou ganny en ta konplent ki zot pe fer.  Nou pa pe target personn nou.

Dapre Lalwa ou devret donn Komisyoner 5 working days’ Notice si i annan en Public Gathering Association of some sort. 

        Mon rapel dernyerman.  Sa dimoun i ekrir Jeudi pour Vandredi.  I anvoy en email.  Ki i annan sa aktivite.  Mon mwan bezwen anvoy sa Anse-Royale pour zot get zot Plan D’action eksetera ki zot kapab.  Ou pa’n donn nou ase letan.

Dezyenmman;-  konplent ki sorti kot sa- ler zot fer zot bann aktivite.  Se ki zot aktivite i plito en bal ki dimoun i devide dan semen.  Transpor i park, i bloke.  Sa se bann konplent ki- mon krwar Regional Commander-mon pa konnen si in met avek sa dimoun ki organiz sa Anse Royale.  Me sa se bann aktivite ki nou gannyen.  E sa i ale over serten letan.  Ki menm konplent i sorti kot bann dimoun dan vwazinaz ki i ale i deborde si ou oule.

Me si ou kapab kontrol sa bann dimoun, petet annan en landrwa kot zot fer, ki pa vin dan semen.  E pour mwan i pour napa problenm sa.

Akoz avan mon donn lotorizasyon.  Mon approval, mwan bezwen anvoy sa kot sa bann rezyon.  Gard pour konnen ki aktivite ki i annan.  Ki zot kapab- annan ase manpower pour contain sa bann sityasyon.  E sa enn de konplent ki nou gannyen sorti vizavi kot bann aktivite ki ganny organize kote- lo kote sa distrik.

Me selman mon pa pe target ou distrik as such.  Mon krwar petet si nou devret mentenir lord e lape dan tou son sans.  Mon krwar sa se tou ki mon kapab eklersi lo la Mr Chair.

 

MR SPEAKER

Mersi Komisyoner.  Onorab Adelaide.

 

HON FRANÇOIS ADELAIDE

Mersi Mr Komisyoner pour konfirm sa avek nou.  Mon krwar tou bann Departman SBC pe tande poudir napa okenn lord ki’n sorti kot Komisyoner poudir pa pas okenn nou lavertisman.  Akoz nou osi nou pe ede pour egey nou bann dimoun.

E Mr Komisyoner mon ti a kontan petet- ou ti a promet nou.  Akoz nou osi nou pe vot pour sa Bidze pour Lapolis.  Ki ler nou fer bann aktivite, ki nou annan bann gard, dan bann Zofisye Lapolis ki fer patrol,  akoz si transpor i pe park lo semen.  Me si nou’n averti ou poudir i annan en aktivite,  so ki ou anvoy Lapolis pour ki nou kapab elimin sa zafer park lo bor semen.  E then nou aktivite i a marse.  E mon krwar tou dimoun i ava satisfe.  Mersi.

 

MR SPEAKER

Mersi Onorab.

 

COMMISSIONER OF POLICE MR KISHNAN LABONTE

Mr Chair.  Bon zeneralman mon mwan prensip se ler ou fer ou aktivite prive.  Mon dir ou, ou rod ou private security, angaz ou private security.  E mwan  mon kontiny mon routine patrol dan soz.  Mon pa kapab paraliz mon Lafors ki an se moman i minim pour donn ou sekirite.  Mon pa pe met okenn dimoun- parey lontan kot ti met kot bal – vey bal mwan.

Mwan ou annan bal.  Mwan mon kontinyen fer mon patrol.  Me mon zet en regar.  Menm zafer i aplik ler dimoun i fer son show lo mini stadium.  Mon dir li fourni mwan en security plan.  I fourni mwan. Mwan mon dir mon okouran.  Mon dir li nou gard i a pase tanzantan, i a zet en regar.  Me nou, nou gard pa pour fer static duty kont okenn fancy fair dimoun.  Mersi Mr Chair.

 

HON FRANÇOIS ADELAIDE

 

(Mic-Off)

…..

 

MR SPEAKER

Non, non, Onorab, Onorab.

 

HON FRANÇOIS ADELAIDE

Mr Speaker.

 

MR SPEAKER

Mon’n donn ou 2enm sans.  Ok manda Lapolis se pour fer son policing work.  Mon krwar ComPol in fer kler sa.  Onorab Waven William.

 

HON WAVEN WILLIAM

Mersi Mr Speaker.  Bonzour Minis Dezinyen, ComPol avek Depite.  E manm piblik ki a lekout.  Mr Speaker mon bann kestyon i konm swivan;-  mon ti a kontan serten leklersisman lo- avek ComPol vizavi si zot in fini ganny tou bann lekipman ki depi oparavan nou’n diskit lo la, zot dir zot pe rode.  Pour bann gard kapab fer zot travay.  Par egzanp nou ti koz lo tors, ASP baton, pepper spray?  E eski zot pe mazin revwar osi bann kalite lenz avek klima ki nou annan?  Sirtou bann gard  ki pe fer bann community policing?

E i annan sa duty allowance zot pe donnen R700.  Eski sa i parey pour tou Zofisye?  Akoz i pa tro kler dan Scheme.  Zot dir R700 pour all Officers.  Eski pour tou bann Zofisye?  Ouswa sa i diferan pour diferan kalite pozisyon dan sa kad servis?

E eski Depite i kapab dir nou- eksplik nou en pe lo Scheme pour bann Zofisye ki dan ANB?

An menm tan Mr Speaker.  Mon ti a kontan demande.  Eski Lapolis zot pe- ki staz zot in arive vizavi servi PSSW avek Lafors Defans pour ed Lapolis regilye?

Par egzanp 1;-  si nou anvi vwar tou- en o standar community policing.  Nou santi poudir Lapolis regilye li tousel pa pour kapab fer sa travay.  Me eski i annan en zefor pour vreman anmenn sa 3 group ansanm pour kapab delivre?

E Mr Speaker mon anvi demann ComPol;-  lefe ki mon konnen ki ti annan en Lagreman ti ganny sinyen avek en Lorganizasyon Lenn, BPRD kot ladan i ti stipulate tou bann kalite lasistans ki Departman Lapolis Sesel ti kapab gannyen.

Eski nouvo Komisyoner in vwar sa Lagreman?  Eski zot pe swivre?  Eski sa Lagreman in lapse?  Akoz mon konnen.  Akoz mon vwar parmi zot bann ‘’current challenges’’, pe ganny problenm avek bann lekipman, avek bann zafer training.

E  mwan mon  konnen akoz mon ti Anbasader dan Lenn.  Mon konnen.  E i annan plizyer bann Minis ki’n monte ki’n diskit lo la.  E mon konnen poudir in annan bann delegasyon ki’n vin Sesel.  Eski i annan en swivi lo la pour nou kapab ganny bann lasistans neseser?

E taler Komisyoner ou’n tous lo Vienna ConventionVienna Convention i mars lo en baz resiprok.  E  mwan mon  anvi demann ou.  Ou pa krwar poudir in ler ki pour Gouvernman retir sa bann sekirite ki zot pe donn bann Lanbasad?  Akoz laplipar bann Lanbasad Sesel deor pa pe gannyen sa kalite sipor parey ou pe dir.

Mwan mon  krwar poudir nou devret kapab tire e les Sekter Prive, bann Firm Prive antre avek sekirite pour kapab ed bann Lanbasad.

E mon 2 dernyen kestyon Mr Speaker;-  mon anvi demann avek Depite, lefe ki nou’n koze lo la,  eski zot in fer progre avek bann propozisyon lamannman lo MODA   ki‘‘Criminal Procedure Code ‘’ pou anvoy kot Attorney Zeneral.  Akoz nou’n ganny dir Ms Sheryl pe travay lo la.  Me en bon pe letan nou’n ganny dir sa.  I annan plis ki 1an.

So mon anvi konnen ki pozisyon zot ete lo la?  Akoz bann gard menm ki pe dir poudir si napa bann amannman –  ou kapab donn nou en ta larzan si oule avek lekipman.  Me sa bann Lalwa pe ganny kontinyelman anmar nou.

Mr Speaker dernyen kestyon se ki;-  Crimes Watch ozordi pe ed Lapolis en kantite.  Eski Departman Lapolis pe vwar ki fason ki zot kapab annan en pli bon korperasyon an term bann proze?  Akoz Komisyoner Lapolis ou’n koz lo defayans avek Lakademi.  E mon mwan konnen poudir Crimes Watch i annan serten dimoun ki ti anvi finans Lakademi Lapolis.  Me ziska aprezan nou santi poudir i annan serten retisans.

Dernyerman Mr Speaker;-  mon anvi demann avek ComPol avek Depite,   i annan bokou alegasyon deor ki i annan koripsyon dan Lafors.  Ki bann mekanizm an plis ki zot pe mete pour kapab dekouraz koripsyon?

Par egzanp, ou annan en senp gard.  Ler ou regard son saler avek son bann incentive,  deor i kapab ganny ofer en R25, 000, i pour pran.  So nou pa krwar poudir nou bezwen- nou devret pe revwar sa Scheme?

Par egzanp sa allowance pour manze Mr Speaker, R700?  Pour en gard byen manze ozordi en bwat manze apepre R70 ki fer li zis 10zour.  Eski zot pe mazin revwar sa?  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Mr Chair parey mon’n dir.  Mon a komans lo allowance.  Tou bann allowance ler nou ti fer bann Scheme.  Allowance ti ganny revwar e aprouve par DPA.  Mon- zot in donn nou sa.  E nou’n pran.  Mon konnen ki mannyer takeaway i vann.  Me selman mon’n donn ou R700.  Mon’n bezwen pran R700.  Sa i lefe.  Si zot krwar ki i devret mont pli o,  mon welcome- mon petet mon pa konnen mwan ek en Mosyon.  Me selman sa ki nou’n gannyen.

Crimes Watch: lo  Crimes Watch ki ou’n dir se, ti annan dimoun ki ti pare pour finans Lakademi.  Sa mon pa okouran.  Be si i annan en dimoun ki pare-mon pa konnen finans an term monneter, ou ki fason –  mon pa konnen- si pour donn lekipman mon pa konnen.

Petet sa dimoun i a get back to– koman dan lekol i a diskite ki keksoz ki petet ki i bezwen.  E nou a – sa i en pwen depar.  Akoz dan lepase Lapolis nou’n deza ganny serten keksoz avek en letablisman sid Mahe.  E Onorab ti zwe son rol ladan.    E ler mon ti dir ek sa dimoun si nou a fer piblisite.  I pa ti oule.  I dir at least anvoy en lettres de gratitude, ki mon ti fer.  Mon ti anvoy kot sa letablisman.

Nou annan sa.  Selman i bezwen pas par proper channel.  Mon pa kapab- i annan en gran- en ta dimoun ki zwe zis dan sa rol.  I pa ant mon ek sa dimoun donn mwan keksoz.  I en pli gran lanpler.

Konsernan si pour tir gard kot bann Lanbasad.  Sa i en desizyon ki mon pa- pa mwan ki kapab reponn sa.  Me ler Lanbasad i kriy Foreign AffairsForeign Affairs i anvoy Lapolis.  E mon konn Vienna Convention.  Alor mon mwan fer dan sa ki mon kapab within my limits pour donn sekirite.  Si i devret tire.  Sa i en lot issue pour mwan.  Mon pa pour rantre dan sa deba.

India dokiman konsernan Lenn;-  Mwan  mon pa’n vwar okenn dokiman.  Me selman mon konnen, sa ki mwan kapab dir.  Ki nou annan en bon relasyon travay avek Gouvernman Endyen, ek Lanbasad Endyen kot zot donn nou en kantite training.

Resaman zot in anvoy en lalis training komans an Novanm.  I ale ziska lot lannen.  E nou, nou pe fer bann nominasyon anvoy kot zot.

Lannen pase mon krwar nou ti kas rikord pour anvoy kantite dimoun menm training.  Mon krwar pli gran kantite dimoun ki nou’n deza anvoy Lenn, nou anvoye.

E i annan sa diskisyon avek Lenn eksetera lo Lapolis.  Me selman an prensip mon pa konnen ki dokiman i annan petet.  Mon pa’n vwar okenn dokiman.  Me selman bon relasyon nou annan.

PSSW avek SPDF pour travay ansanm.  Zeneralman i annan serten travay ki nou fer ansanm ler i annan bann-dan peak season.  Par egzanp ennler dan Christmas, New Year kot nou demann zot, zot lasistans.  Nou fer.  E menm mon konnen, ennler nou rod lasistans Coast Guard kot nou krwar nou annan serten lenformasyon.  Me pour fer travay avek- ek ANB.  Sa i annan.

Ankor lo allowance mon retonm lo allowance.  Allowance in ganny definir par DPA.  Sa- mon ankor krwar Scheme of Service i en bon Scheme.  I napa zis en allowance.  I annan kantite allowance.  Nou annan marketable skill allowance.  Ou annan A’ Level i donn ou allowance.  Si ou annan Degre, ou ganny allowance.  Ou ganny the highest en?

Si ou annan en Masters ou ganny en allowance.  Mon krwar i 2,400.  The high you go, i monte.  Apre tou bann course ki ou ale i kouver.  I annan bann allowance ki ou gannyen.  Ou ganny 1 of allowance ki pour apiy sa course ki pli o.  I annan sa.  Apre nou annan bann proficiency allowance.  Si ou’n ganny sertifika pour skipper, ou ganny allowance.  Si ou ganny pour operate Breathalyzer, ou ganny allowance.

I annan en ta allowances ki i annan.  Apard sa INDUCEMENT ALLOWANCE ki varye lo nivo ran.  En kantite allowance dan Lapolis.  Nou annan dimoun ki si i dan- i pe fer travay Detective dan CID, i ganny allowance.  Nou annan dimoun, si i al lo lanmer, i ganny allowance.

E tou sa bann allowance i annan, in take care.  E parey mon dir.  Mon krwar ki Scheme Lapolis i en Scheme ki vivan, ki en Scheme ki meyer konmela dan bann Civil Service.

Konsernan lekipman.  I vre lekipman nou pa ganny tou lekipman-nou ase-pour nou rod lekipman.  Me selman, kot nou annan mwayen i permet, kot nou annan.  Nou rod lekipman.  An se moman mon krwar i annan en group- lekipman pe antre.  Mon krwar in ariv Erport.  Petet mon a les DG, Admin koz lo lekipman.  Me selman kot nou annan en saving somewhere, nou sey rod lekipman.  I pa ase.  Parey mon dir i pa ase.  Me selman nou fer nou mye.

Mon’n tann ou dir liniform petet i pa bon pour li.  Mon pa konnen ki liniform petet Onorab ou pe dir i pa apropriye.  Petet si petet pli tar ou ti kapab elabore ki liniform ki pa apropriye.

Pour mwan mon  krwar sa i en liniform ki tre vizib.  Liniform blan ek ble in Traditionellement Lafors Lapolis en pe partou dan lemonn.  Me petet ou a elabor lekel sa liniform pa apropriye.  Petet mon a les DG koz lo lekipman ki nou pe fer vini eksetera.

 

DIRECTOR GENERAL MRS ANGELE LEBON

Mersi Mr Speaker.  Mersi ComPol.  Mersi Onorab.  Bon, again lekipman nou kapab selman rod sa ki nou kapab peye, ok.  So letan nou dir nou pour rod lekipman.  Nou bezwen regarde ki nou annan dan nou Bidze.  E lekipman ki ti pli esansyelman pour nou fer vini,  sete bann lekipman pour Response Unit  – ok.

E baze lo Bidze ki nou ti annan, zis R300mil.  Nou’n nobou fer vin en pe utility belts, bann flash lights ek Taser ek enn de lezot ankor lekipman ki nou pe ekspekte clear anytime.

Epi nou’n fer en pe savings anba uniform.  E akoz uniform i vin uniforms and accessories.  E nou regard bann akseswar ki zot mete dan zot utility belts bann gard koman parti uniform.  E atraver bann efficiency savings,  nou’n kwens  lo en Board pour nou ganny en pe tonfa batons ki ou dir Ashton batons.  It is now called tonfa batons.  E nou annan pe rantre pour nou kapab ekip nou bann gard furtherThat is what we have been able to do this year. 

Next year anba PSSW ‘’acquisition of security equipment,’’  nou’n ganny en increase, mersi.  I 2 milyon.  E i annan plan ki nou pour further equip zot ek pour azout lo sa pti morso ki nou’n nobou fer vini this year.  E nou ava kontinyen regard nou bann regular Police ki nou kapab kontinyen ekip avek baze, lo ki bann efficiency savings nou kapab fer dan nou budget line uniforms.  Mersi.

 

MR SPEAKER

Mersi Mrs Lebon.  Yes Deputy Commissioner.

 

DEPUTY COMMISSIONER MR ROMANO SONGOR

Mersi Mr Chair.  Mersi Onorab.  Pour amannman proposal pour amann MODA avek bann lezot Lalwa;-  Mwan pase Oktob nou ti zwenn sa draftsmen from AG’s Office.  E nou’n met nou bann request devan li.  Semenn pase in anvoy nou dat pour nou submit.  E sa i le 25 Novanm.  Apre semenn le 1 ziska le 5 Desanm, nou pour zwenn pour nou kapab fer Cabinet Memorandum.

Lo kote Scheme of Service pour ANB;-  techniqualement letan ti anba NDEA.  Zot ti annan en draft Scheme of Service ki zot ti pe travay lo la.  Me i pa’n zanmen approve.  So letan merger in arive an 2017.  Lotorite ti pran desizyon, se ki saler ki zot pe gannyen, which is R14, 581 pour komansman en Agent.  Zot retain, zot saler.  E zot osi zot ganny sa gross 15percent tou le 2an parey bann Zofisye Lapolis i gannyen.  Mersi Mr Chair.

 

MR SPEAKER

Mersi Deputy Commissioner.  Onorab William.

 

HON WAVEN WILLIAM

Mersi Mr Speaker.  Mr Speaker, taler Komisyoner Lapolis in dir nou poudir Bidze pa ase.  E mon anvi fer konnen Komisyoner ki manze –  se sa ki donn Lafors pour dimoun kapab travay byen.

So si ou pe dir mon poudir sa ki ou’n gannyen, ou pe pran sanmenm.  Mon ti ava demann ou.  Akoz Lasanble i kapab freeze en landrwa, ouswa koup en landrwa.  So ou bezwen dir nou.

Akoz ki arive?  Se ki manze i enportan pour en dimoun ki travay.  So mon mwan pe dir ki sa R700 i reprezant apepre 10zour manze ComPol!  So mon pe demann ou pour revwar sa.

Epi lo keksoz.;- nou pe dir ki nou annan en problenm resours.  E nou annan limitasyon ladan.  Me mon mwan ti ava demann ou –  akoz mon mwan pe dir ki bann Lanbasad Sesel zot bezwen al higher en Private Firm pour donn zot sa sipor sekirite.

So mon mazinen poudir la i en bor kot mon kapab koupe si lezot landrwa priyorite i kapab gannyen.  So mon pe demande ComPol ki ou sey vwar si sa i kapab ganny fer.  Akoz i mars lo en baz resiprok

E mon lot pwen se ki;-  mon’n ganny dir  ki bann car hire ki zot pe lwe bann loto.  Ler i kase.  Sa bann car hire pa ranplas sa bann loto.  Mon demann ComPol pour regard ladan.  Eski sa i vre?  Ouswa non?

E de plis;-  bann Zofisye Detective dan Lapolis.  Zot fer plis travay ki sa Zofisye NDEA ki al fer investigation.  Me Lapolis li.  I ganny mwens koman en allowance ki sa Zofisye ANB.  Pa ti a bon petet zot align sa ki fer ki enn i reflekte sa travay ek sa bann dimoun pe fer?

So, mon dernyen pwen Mr Speaker.  Komisyoner, petet mon pa konnen si bannla in kasyet sa file.  Me mon mwan konnen ki i annan en MOU ki’n ganny sinyen.  Kot ladan-si ou pe dir mon ou pe rod training.  Si ou pe dir mon ou pe rod lekipman.  Mon konnen poudir ladan i ekrir black and white ki bann prosedir i sipoze ganny fer.

So mon pour demann ou.  Akoz mon mwan konnen poudir sa dokiman i egziste.  Mon mwan konnen poudir i annan bann diferan parti ki’n sorti Lenn pour desann.  Me mon-mon’n osi ganny dir ki parfwa retar i lo kote Sesel.  Mersi.

 

MR SPEAKER

Mersi Onorab William.  Komisyoner.

 

COMMISSIONER OF POLICE MR KISHNAN LABONTE

Mersi Mr Chair.  Mon a koz lo allowance ki ou dir ANB i ganny plis ki gard.  Pour mon- mwan ava dir ou petet Onorab ki ANB son saler ti en fixed basic salary.  I pa ti ganny en allowance.

Lapolis i son- son saler i ti pli ba.  Parey DCP Songor in dir ki in dir, mon krwar i 14,000.  Non ANB.  Tandis ki gard ler i antre, i ti mon krwar 8,000.  E prezan sanmenm sa ki Lotorite DPA pa’n oule redwir ANB in kit parey.  E in increase pour Lapolis avek en inducement allowance.  I apepre balanse.

E sanmenm osi ler i kont Gratwite ek compensation of past period of service i konpri the basic plus the inducement ki ou kont ansanm pour son bann benefis a lafen dizour.

Konsernan car hire petet mon a les Mrs DG reponn.  Me mon konsernan ou meal eksetera,  nou  pe take note.  Me mon krwar-akoz ler DPA i donn en allowance, i pa kont zis pour li get an prensip Nasyonal.  I pa get zis Lapolis per se.  I get Nasyonal koman en bann allowance in donnen.

Apre fodre ou mazinen ki en gard pa pe travay 30zour.  I ganny bann day off ki   i  pa pe travay.  E byen souvan osi si i annan bann aktivite Nasyonal,  ouswa i vin granmaten pour travay.  Zot ganny meals.  E si zot ganny meals zot pa- ou pa koupe zot larzan.  E sa i pran kont ladan.  Lo car hire mon a les DG reponn.

 

MR SPEAKER

Mersi ComPol.  Mrs Lebon.

 

DIRECTOR GENERAL MRS ANGELE LEBON

Mersi Mr Speaker.  Onorab sa ki ou’n dir zafer car hire ler i kraze i pa ranplase, i fo.  E i en keksoz ki lontan ki ti mars koumsa.  Konmela pa mars koumsa ditou.  Si sa car hire i annan en breakdown.  Sa dimoun ki- sa car hire i pour li.  I pran son loto i aranze.  E si letan i pe aranz sa loto i plis ki 24er,  i bezwen rann nou enn dan nou poolNot at our costBut i pa mars lo en sistenm loss of use parey lontan ti ete.

Si son loto in antre dan garaz, e i plis ki 24er,  i bezwen rann nou enn dan nou pool, ziska ler i kapab retourn nou enn ki i ti pe lwe.  Mersi.

 

MR SPEAKER

Mersi Mrs Lebon.  Nou kontinyen.  Mon ava donn la parol prezan Onorab Sandy Arissol.

 

HON SANDY ARRISOL

Mersi Mr Speaker.  Bonzour tou dimoun.  Mr Speaker premyerman mon ti a kontan dir ki mon mwan annan en pe dezapwentman avek Lapolis.  Mon annan dezapwentman avek Minis Mondon ki asiz la dan nou Lasanble avek ComPol. 

Parske i annan 2 mwan pase mon ti demann en kestyon an relasyon avek bann saler Sidafriken.  E Minis ti promet nou, mwan, Sekretarya poudir sa lenformasyon pour vin kot Lasanble.  Ozordi 2 mwan pli tar, mon pa ankor ganny okenn lenformasyon.  Prezan mon pe demann mon lekor si mon zabitan laba deor ki rod en lasistans ek Lapolis.  Si i gannyen avek lefikasite?  Mwan mon  pe esper en larepons.  In ariv 2 mwan!

Alor mon premye kestyon ki mon ti a kontan demann Mr ComPol –  si i kapab fer mon ganny bann lenformasyon swivan an sa ki mon ti demande 2 mwan pase.  Saler sa 8 Sidafriken ki travay dan Departman Lapolis Sesel.  Premye kestyon.

2enm kestyon;-  mon ti a kontan demann avek ComPol Mr Speaker,  si zot annan okenn Zofisye Militer ki atase avek Departman Lapolis pour fer travay pour Lapolis e travay rann kont avek Lapolis?  Zofisye Militer dan Lapolis pe fer en travay ek Lapolis.

Mon 3enm kestyon Mr Speaker.  Mon ti a kontan demande,  i annan pour fer avek Marine Police;-  an vi ki i annan en logmantasyon dan Bidze.  Mon pe demande si sa logmantasyon dan Bidze i osi aplik pour bann dimoun, bann Zofisye ki travay avek Marine Police?

Mon pe demann sa Mr Speaker, parske en logmantasyon dan Bidze.  Mon ti a kontan demande si i fer provizyon pour zot bann lekipman pour zot travay avek.  Par egzanp boutey gas, letan zot al plonze parske zot pret sa avek Marine Park Authority bann lekipman.  Transpor pour zot anmenn zot dyezel par egzanp.  Kot zot reste, bann ki transfer Praslin zot reste lwen.  Zot napa radyo zot menm, zot napa televizyon zot menm.  Zot napa fason kominikasyon zot menm.  Menm transpor si zanmen i annan evantyalite Mr Speaker,  zot bezwen swa rod en pirat, swa tyake dan bor semen ki mon krwar i pa ideal pour nou bann Marine Police.

E de plis bann Marine Police sak fwa zot plonze,  zot ganny selman R100.  Me ADPAR li sak fwa son bann Agent i al lo- dan distrik pour fer serten travay.   Zot ganny en R100 pour zot ganny en bwat manze.  Me nou bann Zofisye ki al plonze, zot ganny selman R100 sak fwa zot fer en plonze.  Sa i mon 3enm kestyon.

Mon lot kestyon Mr Speaker i an relasyon avek- mon’n tann koz camera, nouvo transpor, napa Zofisye, black spot.  Be mon ti a kontan demann Komisyoner anba sa gro Bidze ki zot in gannyen pour Lapolis.  Ki plan zot annan pour Lari Bazar?  Lavil Victoria, an relasyon avek sa Bidze ki mon mwan pour al vote pour donn zot ek sa bann dezord ki i annan dan nou Lari Bazar.

Mon dernyen kestyon i ava adrese pour ANB.  Mon ti a kontan demande si sa konpansasyon 2an bann Zofisye ANB oubyen bann travayer ANB ki travay dan lofis partou zot in ganny peye zot konpansasyon?  Mersi bokou Mr Speaker.

 

MR SPEAKER

Mersi Onorab.  Komisyoner.  Nou a komans avek ou apre lezot lo panel i ava take over.  Komisyoner.

 

COMMISSIONER OF POLICE MR KISHNAN LABONTE

Mon a komans avek Military.  Si i annan militer dan Lapolis.  Wi nou annan dimoun ki segonde.  Ki dan militer ki segonde avek Lapolis.

Marine Police dayer.  Mon pa okouran si i annan okenn allowance pour –ki nou donnen pour sak dive ki en Marine i fer.  Me mon konnen i annan allowance sak dimoun ki transfer lo- dan Marine Unit, i ganny en allowance.  Monthly allowance.

Apre i annan bann si zot annan zot bann skills, zot annan koman en sertifika dive master, dive instructor, certificate in diving, advanced open water diving.  Tousala zot ganny allowances.  Maximum i R500 sa bann-pour bann divers.

Apre osi nou annan bann allowances ki nou donnen pour bato.  Bann Coxswain Allowance si zot kapab al serten zistans avek Mahe, zot gannyen serten allowance.

Wi, crew member i ganny allowance.  Tou crew member, tou dimoun ki transfer laba i ganny allowance.

Lo Market Street;-  mwan  osi sa i en konsern Onorab.  Annefe semenn pase mon ti fer en meeting avek Rezyon Santral son- sa ki ansarz  … eksetera.  Mon ti met lanfaz ki Lari Bazar fodre patrole.

Akoz mon krwar i annan en ta gard ki ganny- pa pe ganny servi usefully dan Lapolis,  i devret ganny a tou moman- i devret ganny patrole.

Dimoun i komans vin Lari Bazar sirtou dan Sanmdi ki mon osi mon al laba.  Depi 6er bomaten, 5er bomaten.  E gard pa kapab vin 10er, i komans patrole.

Akoz byen souvan si ou vwar gard parey lontan mon ti vwar eksetera.  Ou vwar gard i Lari Bazar, gard pe al rod dizef.  E  mwan  mon dir gard i devret toultan annan gard Lari Bazar.  E sa pour mwan i en konsern ki gard devret patrol Lari Bazar.  Pa zis Lari Bazar osi.  Me Lari Bazar akoz i en pwen kot dan Sanmdi kot tou dimoun i desann i vin dan Lavil i konvers la.  Me selman pa tou landrwa dan tou distrik gard i devret sorti al montre son prezans.

Konsernan ANB.  I annan okenn kestyon ANB?  Mon a les DCP Songor reponn.

 

MR SPEAKER

Deputy. 

 

DEPUTY COMMISSIONER MR ROMANO SONGOR

Mersi Mr Chair.  Mersi Onorab.  Onorab kote konsernan konpansasyon.  Si ou pe mean Gratwite.  Every 2years.  Yes tou bann Zofisye ki sipoze ganny Gratwite pour gannyen.  E Gratwite sipoze in due le 2.  So in donn nou apepre 30 zour pour nou travay lo la.

Mon zis en pti pe konfize avek sa Marine Police Praslin.  Akoz Zofisye Marine Police Praslin i ganny poste lo en rotasyon.  E refuel i ganny fer kot Kordgard Baie Ste Anne.  E mon pa pe vwar li lozik ki mannyer zot bezwen pran fuel kot Kordgard-I mean, sorry lo Station Baie Ste Anne pour zot al avek kot rezidans.  Kan zot kapab kit li kot kordgard Baie Ste Anne.

E bato i ganny mete- depan ki mannyer lanmer i ete.  La kot Labe dan Baie Ste Anne.  E bann Zofisye zot ganny deployed.  Wi Praslin i annan serten landrwa ou pour kapab ganny radyo.  I annan serten landrwa ou pa pour kapab ganny radyo.  Me selman zot anba Komann e Lotorite sa Regional CommanderOnly zot Ladministrasyon ki pour ganny fer avek lofis isi Mahe.  Mersi Mr Chair.

 

MR SPEAKER

Mersi Deputy.  Mrs Lebon.  Non napa la.  Onorab Arissol.  I annan kestyon ki pa’n reponn.  Minis, Minister.

 

THE DESIGNATED MINISTER MRS MACSUZY MONDON

Mersi Mr Chair. Bonzour. Bonzour tou Manm Onorab. Mr Chair mon ti anvi zis fer en komanter lo kot i konsern lenformasyon pou sa bann lenformasyon ki Onorab Arissol in  demande in dir I pa’n gannyen. Onorab ti napa zis lenformasyon lo saler – wi  ou ti  demann  lo saler me ti annan lezot lenformasyon osi ki ti ganny demande konsernan travay bann Sid Afriken ki pe travay dan Lapolis. Ti annan lenformasyon lo lenpak zot travay, zot saler, seksyon kote zot travay, ki zot pe fer e nou, nou’n santi poudir sa bann lenformasyon nou pa zis anvi met li dan en rapor anvoy kot Lasanble.  Me mon’n fer demann avek Speaker pou ki Lapolis I vin devan Komite Sekirite e ki  i kapab donn zot tou sa bann lenformasyon ki zot pe demande akoz I  annan plizyer sa bann lenformasyon ki ase sansib lo travay ki sa bann dimoun i fer.

An menm tan osi nou annan bon korpereahon Mr Chair avek Lapolis Sid Afriken  me nou pa anvi ki sa I vin en topik diskisyon oubyen met tou sa bann lenformasyon dan domenn piblik. Donk se pour sa ki  mon  pa’n fer sa demann ki sa bann lenformasyon I vin ganny mete  –  ganny donnen avek sa Komite. Mersi Mr Chair.

 

MR SPEAKER

Mersi Minis.  Onorab Arissol.

 

HON SANDY ARISSOL

Mersi Minis, Depite ComPol avek Sirentandan pou zot larepons.  Mr Speaker mon ti a kontan dir ek Minis si sa i lapros ki zot in pran atraver ou biro.   Mon pa konnen si ou okouran konman Speaker, parske nou, nou pa’n ganny dir nanryen an relasyon ek sa.  So si sa i lapros ki zot pe pran, mon napa problenm si i annan keksoz pou fer avek sansibilite.  Napa problenm avek sa selman mwan mon ti a kontan ganny sa lenformasyon parske mon krwar sa i form parti travay ki nou pe fer konman Manm Lasanble parski yer nou’n zwenn finans an relasyon avek nou’n zwenn Defans zisteman an relasyon avek sa size ki nou pe koze.

Dezyenmman mon ti a kontan demann avek ComPol in dir ek nou wi i annan bann zofisye dan Lapolis ki pe fer travay militer pe fer travay avek Lapolis, mon ti a kontan senpleman demann ou konbyen zot annan sa bann zofisye ki pe fer sa travay pou nou konfirm avek Lasanble ou annan dan kot Lapolis ki pe fer sa travay bann Zofisye Militer mon demande an relasyon avek sa?

Mr Speaker mon ti a kontan konnen kekfwa kan ki nou pou ganny sans zwenn avek Lapolis an relasyon sa ek Minis Mondon in dir?  Mersi bokou pou zot larepons.

 

MR SPEAKER

Mersi Onorab.  Mon ava reponn ou premye bout kestyon.  Bon definitivman mon’n ganny en meeting avek Designated, Minister, mon pa ankor kapab pas sa lenformasyon akoz ou’n al direkteman dan Bidze e nou konnen letan i tight. 

        Me i annan plizyer Manm ki’n demann serten lenformasyon isi dan Lasanble e an vi sensitivity serten lenformasyon, sa ban lenformasyon in vin kot mon lofis i ganny delivre par serten Minister ki ti ganny demande.  E mwan apre mon’n enterakte direkteman avek sa Manm, pou an tout konfidansyalite sa Manm e i annan plizyer Manm ki konnen ki mon pe dir,  in ganny kopi sa bann lenformasyon.  Me sa i ava permet zot pou fer zot travay me touzour mentenir serten nivo  konfidansyalite.  Akoz pa tou – zot konn tre byen lafason ki pei i operate nenport Gouvernman and all that pa tou lenformasyon ki nou kapab leak piblikman.

E menm atraver Akt Access to Information i pa tou lenformasyon osi tou ki nou kapab large.

So nou fer nou mye ki Lasanble bann Manm in ganny otan lenformasyon ki permet zot desarz zot responsabilite konman en Manm Lasanble.  E mon pran kont ou demann Onorab.  E nou pou organize ki Komite Sekirite ek Defans e mon krwar ou en Manm lo sa Komite non?

Zot a kapab ganny en meeting avek Departman Lapolis, kot sa bann lenformasyon i a ganny partaze avek zot.  Bon mon ava pas 2enm parti kestyon avek ComPol.

 

COMMISSIONER OF POLICE MR KISHNAN LABONTE

Mersi Mr Chair.    Wi nou annan bann dimoun ki travay avek militer ki travay ek Lapolis.  Mon konnen ki i annan ki travay avek ANB.

Mon konnen i annan ki travay avek NIS mon konnen i annan ki travay avek Dog Unit, e li in fini transfer.  Me Dog Unit li i zot in seconded    ek nou. Selman administrativman SPDF   zafer ‘’manze lisyen’’ ‘’maintenance’’  tou se zot.  ANB ek nou kontrol bann son operational aspect of sa bann dimoun pou detay    zot  kot pou  al fer  zot travay eksetera.  Travay i tonm anba Depite Songor me maintenance zot kennel eksetera compound sa  i tonm avek – i en shared responsiblity    avek SPDF. 

 

MR SPEAKER

Mersi Komisyoner.  Onorab Arissol ou’n fini ganny ou 2enm vwa?  Ok?  Onorab Churchill Gill.

 

HON CHURCHILL GILL

Mersi Mr Chair.  Bonzour Minis avek ou delegasyon.  Bonzour tou Manm.

Mon premye kestyon se ComPol in konfirmen pour ki Inner Island ek Praslin – zot napa sa kantite zofisye ki zot, zot ti ava kontan annan, pou rezon ki zot annan en mankman dan lakantite zofisye.

E sa i fer ki sa bann zofisye ki pe travay Praslin ki baze Praslin – la mon pa pe koz bann ki tanzantan i al Praslin bann ki baze Praslin, i fer ki prezan zot tout fason travay i bezwen ganny fer.  I fer ki zot travay en pe plis.

Mon pe gete si i annan en serten allowance ki zot gannyen, vi ki i annan en shortage of staff e zot, zot bezwen still delivre travay?  Sa i mon premye kestyon.

Apre mon’n ekout byen challenges ki Lapolis i annan e sa kantite lekspektasyon osi ki piblik i annan anver Lapolis, mon santi ki si ComPol i vreman annan en Lafors efikas si ou pou kontinyen ganny Bidze i pou pran bokou lannen.  Akoz ou Bidze i pa baz lo ou needs be i baz lo en ceiling. 

Alors mwan mon ti a sizere petet lo en plan lonterm petet Lapolis i fer road map pou tou son bann keksoz ki i bezwen ;- an menm tan i fer en costing projection ki donn en portre tou sa ki ou pou bezwen pou ou kapab annan en Lafors alaoter, annan ou bann striktir alaoter.  E sa i ganny diskite lo en lot nivo.  Apard ki ou Bidze ki ou pe gannyen toulezan akoz i kler ki sa Bidze ki ou pe gannyen i pou pran ou en kantite lannen avan ler ou pou kapab achieve sa lobzektif.

E mon dernyen se lo kote transpor Inner Island osi zot, zot lwe transpor, mon le zis gete si ou santi pou dir sa kantite transpor ki annan Praslin avek La Digue, ou konfortab pou zofisye kapab desarz zot responsabilite.  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Thank you Mr Chair.  Pou allowances ki ou’n koz lo la spesifikman pou Praslin bann soz –  Onorab konman en Manm FPAC si en allowance pa dan Scheme i pa ganny kouver – Mon pa kapab donnen akoz eventually oditer pou pick sa up.  E pou  query  mwan e ou menm ou konman en Manm Komite FPAC ou pou kraz mwan.  Mon desizyon ki mon pe fer.  Alor si pa dan sa Scheme mon pa kapab kouver.

Konsernan transpor lo Praslin;- lo La Digue mon konnen nou annan drwa nou annan zis en transpor pou La Digue.  E ler nou   an parey bann levennman 15 Out kot ou bezwen anvoy en transpor La Digue nou bezwen fer en let anvoy kot SLA demann permisyon pou en serten letan en semenn – de semenn, ou en mwan anvoy en transpor lo La Digue.

E zeneralman zot permet nou.  E ler nou peryod i ekspire nou bezwen retir nou transpor.  Akoz sa i Polisi lo La Digue.  E 3enm kestyon 3enm  kestyon Onorab si ou ti kapab road map. 

 

MR SPEAKER

En moman, Komisyoner….

 

HON CHURCHILL GILL

Mon a zis repran.  Ki mon’n dir, mon’n dir ou kantite challenges ki ou annan la, pou sa kalite Lafors ki lekspektasyon dimoun ki zot espekte ek Lapolis. E ou konman ansarz sa kalite lafors ki ou, ou ti a kontan vwar ou ki dirize, si ou kontinyen – si ou pou espekte achieve sa atraver Bidze, i pou pran ou bokou lannen.   Akoz ou Bidze i pa baze lo ou needs.  I baze lo en ceiling ki ou gannyen e ou’n eksplik nou tre byen la ki ou ceiling pou sa ceiling ki ou mars anba la i pa pe vreman ed ou pou ou kapab delivre sa oter ki ou le.

Prezan mwan mon ti pe dit ou mon sizere ki petet in ler pou Lapolis fer road map, pou tou son keksoz ki i santi i devret annan.

E an menm tan fer en costing projection ek sa bann needs ki ou, ou santi ou bezwen pou ou kapab,  (1) – meet lekspektasyon piblik.

(2) annan sa Lafors ki ou, ou santi ki adekwa pou Sesel an menm tan avek ou bann lenfrastriktir ki ou santi sa i pou met ou lo en nivo ki Sesel i kapab annan en Lafors Lapolis ki i ideal pou Sesel.  Mersi.

 

MR SPEAKER

Mersi Onorab.  ComPol.  I en kestyon ki long sey rezime dan 2 minit.

 

COMMISSIONER OF POLICE MR KISHNAN LABONTE

Mon krwar mon pa pou long Mr Chair, akoz o konmansman mon ti fer le but –  le pwen ki Lapolis pa pou kapab fonksyonnen anba en ceiling, mon ti dir o konmansman.  E mon ti dir, mon ti outline pou mon krwar nou kapab mars devan ariv devan. In  demann mwan mon plan for this year or  next year or three years or five years e i mars koumsa.

E en lot petet ki mon krwar mon a dir ek Lasanble, mon krwar Lapolis i devret ganny Komisyoner i devret ganny gouvernen avek  par Police Authority. 

        Akoz an se moman ozordi mwan Komisyoner demen mon ale lot ki pran.  I kapab mon vizyon ki mon’n trase i    pran I fou au diable  i   met dan bin.  E li i fer son lot soz.  E ler ou annan en Police Authority ki mon responsab ek sa Police Authority i en manm – mon pa konnen lekel selman 3, 4 dimoun.  E a lafen dizour change of Commissioners i pa fer soz – akoz i bezwen   i servi i servi en road map ki’n fini ganny adopte trase.  E mon krwar petet si mon ti kapab met sa imput a lavenir, petet nou  devret konsider   Lapolis. Akoz menm Lapolis deor i annan en Police Authority ki kontrol Komisyoner eksetera.  Mon report to the     Police Authority.   Sa i en sizesyon from me.  Mersi.

 

MR SPEAKER

Mersi Komisyoner.   Onorab Churchill Gill.

 

HON CHURCHILL GILL

Mon ti le zis eklersi sa premye larepons konsernen FPAC.  Mwan ki mon’n dir Komisyoner, mon kestyon ti, pou letan i annan en shortage of staff e servis i bezwen ganny delivre nou fason, alors sa bann dimoun ki laba zot bezwen delivre sa servis kantmenm zot napa sa kantite manpower.

Mon kestyon sete eski sa bann  dimoun pou letan zot pe bezwen delivre kantmenm, ki annan en allowance ki zot gannyen ?  Sa ti mon kestyon.

Lo kote FPAC si napa allowance ou annan zis pou ou rod ek en Lotorite konsernen e zot gannyen.  Then napa problenm ek FPAC.  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Bon mon’n note ou pwen Mr Chair.  Fodre ou mazinen ki sa inducement allowance ki donn Lapolis,  i pran fe kondisyon travay Lapolis.  Akoz Lapolis i pa en travay kot ou 8er – 4er.  Akoz menm dan Police Force Act    Act i dir ou ler i annan travay ou bezwen fer.  It’s not a question of mon’n fini mon travay 8er – 4er mon pack mon bag and go.  Si i ariv en lensidan ki raporte, ou ganny call otomatikman ou bezwen.  E sanmenm sa bann allowance inducement i take care of sa.  Akoz nou allowance i byen souvan i en allowance ki tre o.  Inducement mon pe dir ou apard lezot allowance.  Thank you Mr Chair.

 

MR SPEAKER

Mersi Compol.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonzour Komisyoner ou delegasyon Minis Dezinyen tou Manm e tou dimoun a lekout.  Mon kestyon i kot i konsern allowances.  Anba programme 1, governance management and administration anba ‘’wages and salaries, allowances’’, i annan en logmantasyon sorti R5.3 ilyon pou vin R8.97milyon ki i en logmantasyon R3.5 milyon.

Gratuities osi i annan en logmantasyon significant 14.3 milyon pou vin R25.7milyon ki en logmantasyon R11milyon.  Ankor anba ‘’Community Airport policy’’ allowance in ankor ogmante, sorti R22.8milyon pou vin R40.5milyon ki en logmantasyon anviron R18 milyon.  Anba progranm 3 osi ‘’public security support’’ ankor allowance in ogmante, sorti R10 milyon 2019 pou vin 18.5 milyon pou 2020 ki en logmantasyon anviron R8.5 milyon.

Mon lot kestyon i kot i konsern – Komisyoner in koz lo mankman dan resours imen.  Mon konnen at one point zot ti pe get dan posibilite pou konmans en progranm special constable. 

Zis pou lenformasyon piblik deor pou bann ki pe espere, eski zot in cancel sa progranm?  I pou ganny zis dis- kontinyen.

E osi en kestyon ki’n sorti kot plizyer bann zenn ki’n deza al dan Lafors Lapolis oparavan kekfwa zot in resign, e zot anvi retourn dan Lafors Lapolis.  Ki Polisi Lapolis eski Lapolis pou pare pou repran sa bann zenn back menm kekfwa si zot fodre pas dan en refresher course atraver Lakademi Lapolis?    Eski i annan posibilite pou bann ex- zofisye bann zenn ki’n kite pou zot kapab retourn ankor dan Lafors Lapolis.  Mersi.

 

MR SPEAKER

Mersi Onorab.  Komisyoner.

 

COMMISSIONER OF POLICE MR KISHNAN LABONTE

Mersi Mr Chair.  Mon a koz lo 2enm ek 3enm kestyon, Mrs Lebon i ava koz lo premye kestyon.  Lo 3enm kestyon, wi nou pran bann, dimoun ki’n deza travay dan Lapolis ki’n ale.  Me selman avan i   nou rod son file nou gete ki rezon sa dimoun in ale eksetera apre nou ekri zot i fer interview.

        Lo special constables:- i annan provizyon dan Lalwa dan special constables.  Parey ou konnen Onorab vi ti mon soz pou fer lo Praslin me nou ti’n tom dakor mon ti’n fer vin serten liniform menm bann dimoun ti’n ganny montre sa, me i paret si oule i annan serten keksoz ki’n arive, ler ou fer keksoz pe donn ou   plis larzan, plis allowance eksetera, me an an se moman ki nou pe fer se nou pe kit in abeyance   mon pe gete si avek sa nouvo Scheme of Service nou kapab ganny dimoun me selman special constable i en progranm dan Lapolis.  I dan Lalwa.

Osi ki  nou pe fer se nou annan dan Lalwa i annan cadet constables, kot si ou napa 18an ou kapab antre konman en cadet.   An se moman nou pran bann zenn ki napa 18an nou pa pran bokou me selman akoz sa bann dimoun napa pouvwar gard.     I ganny train i annan en liniform apar ki ou met zot ek bann recuit, zot ganny montre ler zot ganny 18an zot ganny absorb.  I annan de lepase ki’n ganny absorb i start  as cadet.  E cadet i pli soz ou kapab apresye ler avan 18an gete son performans si i pou kapab vin en gard,  disiplin  eksetera, akademik si i kontinyen.   Si i pa kapab akoz i en faz kot i pe aprann i pa kontinyen.  Nou annan sa.  Konsernan bann lezot increase ki ou’n vwar mon a les DG.

 

MR SPEAKER

Mersi ComPol.  Mrs Lebon.

 

DIRECTOR GENERAL MRS ANGELE LEBON

Mersi Mr Chair.  Mersi Onorab.  Bon dan ‘’wages and salaries’’ across to nou bann progranm, ou pou vwar en featuring of increase baze lo plizyer laspe.  Premye landrwa kot i pou montre i montre ou tan allowances.  Akoz anba nouvo Scheme, ki’n pran lefe depi juilliet sa lannen inducement ti en konponan ki ti ganny the major chunk of the new Scheme of Service. 

Prezan sa lannen sa increase ki ou pe vwar, ou pe vwar son konponan over a full year, ou konpran mwan?  So that is why ou vwar sa konponan allowances i monte.  Ou pou vwar osi konponan long service award akoz laplipar nou ban gard i bann dimoun ase ansyen, ki’n transfer en bor a lot.

E sa osi i annan en lenplikasyon lo bann allowances figures ki ler ou feature li lo en forecast 1an.  So across the board dan Lapolis, allowances i montre sa increase because of the Scheme and the long service allowance, e lezot fakter ki ptipti.  Mersi.

 

MR SPEAKER

Mersi  Mrs Lebon.  Onorab ou ok?  Mersi.   Onorab Simon Gill.

 

HON SIMON GILL

Mersi Mr Speaker.  Bonzour Mr Speaker.  Bonzour Minis Dezinyen avek ComPol avek ou delegasyon.  Bonzour tou koleg Onorab e manm piblik.

Mr Speaker krwar nou enteraksyon avek Lapolis i byen e mon vwar nou annan en kontrent letan osi e tout menm mon  a tante   pou mwan fer mon bann pozisyon kler dan mwen dele letan posib.  No.1  mon konpran ki Komisyoner Lapolis in fer  soumisyon avek Minister Finans, pou li kapab ganny bann provizyon bidzeter, pou permet Lafors Lapolis fonksyonn lo en nivo loperasyon pou kapab donn lefikasite efektivite dan son servis, ki i pe ofer lapopilasyon partou kot zot pe operate. 

         Now, mon pa ankor ganny en sif – sa minimum provizyon bidzeter ki Komisyoner avek son lekip i krwar i ti devret pe gannyen, pou li kapab permet sa loperasyon lo sa nivo ki i santi ki zot devret pe operate. 

E nou annan nou reprezantan Minister Finans ki la.  Ki bann challenges ki annan,  ki fer ki Lapolis pa kapab ganny sa minimum Bidze pou li kapab fer sa loperasyon ?  Sa i premye.

Dezyenmman si nou tenir kont sa menm provizyon bidzeter ki Lapolis pe gannyen baze lo plan stratezik ki Lapolis i annan,  dan konbyen letan swa lannen pou pran pou zot pou zot kapab ariv lo sa nivo fonksyonnman optimum ?

        3enm pwen nou koz lo kestyon bidzeter an menm tan nou koz lo kestyon personnel.  So si ou napa Bidze, nou pe konpran ki  ou pa kapab recruit.  Kestyon eski malgre bann challenges dan provizyon bidzeter, eski ou annan bann pos, konbyen pos ki ou annan pou ou kapab recruit ? 

        E si ou’n dir nou ki ou annan enn bann meyer Scheme of Service ozordi dan Sesel, ki progranm recruitment drive ki Lapolis in definir, pou kapab ankouraz bann nouvo dimoun pou rantre dan Lafors Lapolis?  E byensir pas atraver bann prosedir training eksetera, eksetera.

Mon lot pwen – lot pwen i relasyon-nen avek bann segonnman Zofisye Militer pou travay avek Lapolis, eske sa legzersis dan kadreman reorganizasyon militer ki  nou’n tann koz lo la, si i kapab ganny akselere pou ki antretan ki ou pe fer recruitment or ki ou pa kapab fer recruitment nou ganny sa bann Zofisye Militer pou kapab rantre pou kapab adapte avek loperasyon lo nivo Lapolis, dan son bann diferan unit ki i annan?

Mr  Chairman mon ava aret la.  Mon pou prezerv en pe bann kestyon mon pa konnen kan  a kapab rantre lo la, me pou lemoman mon ava aret la.  Mon ava gete ki repons nou gannyen.  Mersi bokou.

 

MR SPEAKER

Mersi.  Zis mon ankor mon aviz  panel avek bann Manm, annou sey fer nou kestyon en pti pe pli bref, pli presif.  Mon anvi ki nou kapab par 12:30 avan mon hand back avek SBC nou’n kapab pran en vot.   I reste mWAn 4 Manm.  Ok so annou sey fer mannyer ki nou kapab fini avan 12.30 pou nou konmans  avek en nouvo departman 2er apre midi.  Komisyoner.

 

COMMISSIONER OF POLICE MR KISHNAN LABONTE

Konsernan Bidze Mr Chair.  Nou ganny nou    en ceiling parey i ete konmela nou’n ganny en ceiling.   Me nou’n travay lo sa ceiling ki’n donn nou i en opsyon (E)).   apre nou ti fer de lezot opsyon (B) ek (C), ti anvoy kot Finans.  Me nou de lezot opsyon in ganny rezete e in adopte opsyon (A) anba sa ceiling.  Nou’n travay anba en ceiling.  Nou annan vacancy dan Lapolis, nou an se moman mon krwar nou annan 90 konstab e lezot ran i en pe pli, pli mwens.   Nou fer job fair nou al kot an se moman nou pe an vizaz-e al kot bann lekol ‘A Level kot bann dimoun Liniversite pou sey ganny zot.  Nou annan sa bann demars ki nou fer.  Nou an menm anvoy bann dimoun Lakademi al laba.  E nou konmans dan enn de dimoun ki i annan Diploma nou remarke resaman ki zot pe vin dan Lapolis.  Me sa se bann keksoz k i nou pe fer.

Lezot kestyon ;-     wi Zofisye Militer pou seconded.  tou sa bann zofisye ki on secondment se mon’n vin zwenn la dan Lapolis.

Sel letan ki bann dimoun i vin kot mwan se sa annan sa transfer ki nou ti fer sa group ki nou apel li pou al train deor ki la.  Sa zot in fini transfer in vin gard.  Me selman parey mon’n ,dir dan lepase ki al pli boner okenn lasistans ki nou bezwen avek militer sirtou dan bann letan festiv zot asiste nou. Mon pa konnen si mon’n reponn  ou kestyon  Onorab?

 

MR SPEAKER

Mersi Komisyoner.  PS ou ti le azout keksoz ?

 

PS DAMIEN THESEE

Mersi Mr Speaker.  Petet i annan detrwa keksoz bezwen klarifye an konsern Bidze Lapolis.  Premyerman bann lekipman ki in demande.

Parey nou konnen i annan sa kont security account ki dan Central Bank.  Sa ti bann larzan ki ti ganny sezi en pe letan ki ti’n ganny met dan sa kont.   Nou’n deza kominik ek Lapolis ki son bann lekipman ki i pe demande pou ganny fourni anba sa kont.

I annan en request R12.4 milyon ki’n soumet avek nou, pou bann  body scanner, server, speed camera, x-ray imager, lekipman pou detekte drog avek bann organik contraband, software pou cyber crime, lekipman pou ANB maritime team, e osi pou training. 

        So Sekreter D’Eta pou Finans mon krwar in deza ekri zot pou dir zot koumsa inisye zot prosedir procurement.  E apre ler sa zot termin sa, provide ek nou pou nou  fer peyman dan sa kont, i R12.4 milyon dapre demann ki ti ganny fer si i annan plis larzan i annan dan kont soumet, nou ava fourni.

Me selman i pou zis lekipman pa pou kou loperasyon.

Dezyenmman, sa ki konsern car hire, nou’n met en provizyon apepre R22milyon pou sa prosen 5an, pa pou car hire me pou loto, en replacement plan pou zot bann veikil Lapolis, atraver sa line of credit ki nou annan avek Gouvernman India. So i apepre R5.9 ilyon tou le lannen ki nou mete.  Nou annan serten delay dan sa proze malerezman. Apre midi la Departman Foreign Affairs avek Lanbasad L’Inde ek Minister Finans pe zwenn,  pou gete lo ki zistans nou ete avek sa proze.  E sa pou osi kouver loto pou Minister Lasante e bann lezot landrwa ki i annan dan Gouvernman.

E an konsern loto, mon’n note ki in dir i annan 39 aksidan ki’n ganny raporte sa lannen – si mon’n tann byen par Lapolis e osi 2 write-off.  Zis pou met devan ki nou pa’n ganny okenn notifikasyon Departman Lapolis ler i annan sa bann ka, akoz atraver nou  Accounting   Manual i dir ki ou bezwen notifye Minister Finans ler i annan bann ka koumsa pou nou swiv en pe ki pe arive avek zot asset e pou fer sir sa bann dimoun i ganny accountable lo la.

Ti annan 35 loto ki ti write-off an 2018.  E dan sa 35 loto ti annan zis 3 5ki nou ti vwar rikord accident report.  E dan lepase e tou sa bann loto ti    resikle bann scrap.  Savedir nou ti’n vwar ti’n ganny cannibalize.  Ou konnen tou bann  spares in sorti ladan.  E nou’n legaliz li nou’n write-off.  So nou’n met konsern devan lo lafason ki Departman Lapolis i zer son bann loto.  Parey  in met devan ou al obor semen ou  al dan car park.  Nou’n ekri zot lo la.

Zot in reasir nou parkont ki sa enn in improve.  So nou pran zot word for it ki zot in improve zot zesyon loto, e napa osi okenn Zofisye Lapolis Sinyor ki pe servi loto personnelman.  Savedir sa i en improvement ki zot met devan nou.  So nou pou aim pou donn li en replacement plan a longer ditan.

I annan osi relye avek loto avek son Bidze;-  i annan sa High Level Committee pou AML Anti-Money Laundering ki zwenn ki Lapolis i asiz lo sa Komite.  I annan en draft AML Lezislasyon ki pe ganny diskite.  E enn ladan se pou allow sa bann ‘’proceeds of crime’’ pou ganny mete dan en fon.  I zis parey sa larzan ki deza la ki nou pou servi pou servi li.  Selman nou pou regilariz li en pti pe pli byen.  Tou larzan pou ganny mete dan sa fon, e sa fon prezan  pou ganny servi pou compensate bann viktim ki annan pou fer avek sa bann ka ki vini.  Pey bann depans ki annan pou fer avek recovery dispozisyon sa bann asset ki ganny sezi.

E osi pey konpansasyon ki Lakour i ordonn-en.  E si pe mank resours ki okenn Law Enforcement Agency or son bann Lazans Supervisory i annan pou fer.  Savedir sa i an diskisyon. E petet byento sa i ava vin an plas.  Savedir i ava asiste zot en pe lo la.

Mon e zis tous en pti pe lo meal allowance.  Meal allowance parey nou dir tou le lannen i pa vedir nou pran  an ven zot   travay, nou pran en kou manze R50 nou fwa li pou ganny meal allowance.  I en lasistans ki ganny donnen on top ki  dan ka ki ou pou ganny enkonvenyan at least ou annan sa allowance la.  Akoz Lapolis osi i  annan en Bidze R5.3 milyon pou ‘’food ration budget.’’  Savedir dan bann levennman ki i pa permet bann zofisye sorti, manze i ganny donnen bann zofisye.  So meal allowance i pa al totalman pou sa.

So lo konsernan dernyen lo sa zafer issue ceiling avek needs nou pou touzour annan en challenge lo ceiling ek needs.   E sa i enn nou defi kot Minister Finans, ki nou’n vwar ki nou pa pe kapab sansibiliz nou bann stakeholders pou konpran konsep Bidze.  Akoz nou pa kapab get li zis en lannen, Bidze pa mars zis en lannen.  E nou get li dan en consolidated approach.  Nou annan nou apepre 100 spending entities, so si nou touzour get entity, entity, entity ki vini, nou pou touzour dir, nou pa kapab fourni li son larzan ki i demande.

So nou pe sey met lanfaz lo en Bidze medium terms.  So si Lapolis i dir i annan son ‘’strategic plan’’ i annan son plan,  nou bezwen gete ki mannyer nou kapab fourni sa plan dan en peryod letan.

E si nou get son capital budget son capital budget sa lannen 2020 nou pe propoz en Bidze R10milyon.  Wi i ti demande larzan pou fer son training academy.  Me selman parkont i ti bezwen larzan pou li kapab konplet Baie Sainte Anne.  Baie Sainte Anne ki nou ti rapel nou ti donn li en larzan supplementary lannen pase,  ki i pa ti servi.  Nou’n met dan Suspense sa larzan i ankor dan Suspense pe esper sa proze konplet.  E la nou annan en larzan 3milyon pou nou donn li pou li kapab fer son reklanmasyon pou konplet sa proze.

Nou osi annan proze La Digue ki i annan Bidze sa lannen ki i pa pou servi.  Posibleman mon pa konnen ki pou arive avek sa larzan.  E nou bezwen remet larzan lannen prosen ankor pou konplet La Digue.

So sa Bidze ki la i ase pou kit li busy sa lannen.  San ki nou donn plis.  Nou konnen kekfwa i annan challenge lo son loto fuel ordinerman.  E si nou get son Bidze ‘’goods,’’ lannen pase ti annan 15milyon ki ti ganny donnen pou Lapolis pou li settle en arrears.  Savedir sa 15 milyon pa pou la sa lannen nou’n zis koup son Bidze ‘’goods’’ par 6milyon  ki nou’n allow li en pe pou tenir son loperasyon plis, e parey in dir 2 milyon pou kouver bann kou eleksyon.

So nou pa’n pran the whole 15 nou’n zis koup 6 milyon.  The bulk of son larzan in al dan son ‘’wages.’’  R38 milyon increase dan wages i sorti 234milyon in ariv 272 milyon.  E  sa i enn touzour nou’n obzerve pandan 10an   ki   mon’n donn Lapolis, ki    mon’n donn Minister Finans preske souvan ou vwar revizyon dan Scheme.  E mon krwar i pou apepre 26milyon son total Scheme Lapolis ler ou pran li faz dan en lannen.  Savedir nou’n don ase resours ki nou’n kapab 2019/ 2020 e nou kontinyen travay avek li pou 2021 pou bann lezot keksoz ki pa’n ganny avek.  Mersi.

 

MR SPEAKER

Mersi PS.  Mon krwar apre sa larepons PS nou kapab ferm deba.  Mon krwar PS in kouver tou lezot keksoz ki’n ki kapab monte e menm en pe bann klarifikasyon bomaten.

So mon annan en limit letan lo mwan.  Mon annan 2 Manm sak kote ki mon’n sakrifye Onorab Loze avek Onorab Stephen Pillay ki lo mon lalis, mon pou donn vitman en dernyen kestyon Onorab Gill, e apre Onorab Ramkalawan pou nou kapab fini.  Ok vwala desizyon ki nou’n pran.  Onorab Gill vit.

 

HON SIMON GILL

Mersi bokou.  Mr Speaker Chairman – en presizyon –

 

MR SPEAKER

… en moman, en moman, en moman.  Onorab Pillay ou pe stage en walkout – non?  Mersi.

 

 

(laughter)

 

MR SPEAKER

Kontinyen Onorab Simon Gill.

 

HON SIMON GILL

Mr Speaker mersi.  En presizyon ki mon krwar i enportan.  Sekreter Prensipal Finans in dir nou poudir apard Bidze ki’n aprouve or pa pou aprouve me Bidze ki’n ki ofisyelman i la isi ziska ler nou pran vot lo la,  i annan en sonm siplemanter ki Lapolis i kapab servi.

Now baze lo sa sonm siplemanter avek provizyon Bidze, presizyon ki mon oule dan ki dele letan nou krwar ki nou kapab anmenn sa Lafors Lapolis all being equal ki nou kapab dizon bon dan 2an dan 3an, 4an nou pou kapab vreman trouv sa Lafors Lapolis in ariv lo sa nivo optimum ki Komisyoner avek son lekip i mazinen  nou kapab vwar ?

An term en lekspektasyon an term en challenge;-   en defi ki ou menm zot tim in set pou zot lekor.  So mon oule vwar sa pou ki piblik i kapab annan en lespwar ki pa trakase ou pe travay lo la.  Bidze i annan en provizyon ki pe ganny fer pou en peryod 3an, 4an e i annan bann lezot siplemanter ki pe vini.  Mersi bokou.

 

MR SPEAKER

Mersi Onorab Gill.  Komisyoner.

 

COMMISSIONER OF POLICE MR KISHNAN LABONTE

Mersi Mr Chair.  Pou être fran Mr Chair, mon ti antre dan Lapolis an 1976.  Lapolis Sesel ti enn bann meyer dan L’Ocean Indien.  E in pran nou en ta letan pou ariv la.  E mon kapab donn nou en sif dan 2an, 3an nou pou remonte.  Me selman i pou pran letan.

Fodre nou konmans fer premye pa.  Fodre ou fer premye pa pou nou mont dan sa direksyon.    Regardlesss of konbyen letan, me annou fer en premye pa.  Si tou le lannen nou fer men pa en pa i annan progresyon i annan progre mon kapab dir Lapolis i monte.  Mersi Mr Chair.

 

MR SPEAKER

Mersi Komisyoner.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker swivan sa statement ki PS Finans in fer, mon kapab konpran, akoz i annan problenm dan Lapolis.  Se parski i annan de fason regard keksoz.  Bezwen ki Lapolis bann profesyonnel Lapolis i dir sa ki nou bezwen finans ki pa dan Lapolis li i dir non ou pa bezwen sa.  Alors sa i fer finalman ki keksoz pa pou kapab marse.  E mwan aprezan mon sityasyon i se ki kestyon ki mon demann mwan e sa i al anliny avek mon prezantasyon lo Bidze,  se eski nou zis kontinyen rod en lafors ki fer maintenance ? 

E si nou tan kontinyen rod en lafors ki fer maintenance, annou konman en pep pa espekte okenn progre dan Lapolis.  Nou pou kontinyen dir Lapolis pa isi Lapolis pa laba Lapolis ki pou blanmen lot, lot, lot.  Nou pa pou fer okenn progre!  Mwan mon krwar ki Lapolis ki ansarz nou sekirite ki nou tou nou call Lapolis me sa ki mon fek tande la napa nanryen ki pou bouze.

Mr Speaker mon ti ava kontan demann serten kestyon e la mon ava dir mwan personnelman sa Bidze ki Lapolis in gannyen si mwan mon ti pou diriz nou lekip isi nou ti pou vot kont sa Bidze.  Nou ti pou vot kont.  Me selman akoz Lapolis i bezwen fonksyonnen, akoz nou bezwen annan sekirite, nou pe dir menm si i pa bon nou bezwen Lapolis i ganny sa larzan.

Mr Speaker border control – Kordgard lo Airport.  Konmsi kote Lapolis i debout ladan?  Eski zot annan okenn -?  Parske sa i main landrwa kot dimoun i rantre Sesel.  Ki zot annan egzakteman lo Airport?  E an relasyon avek sa eski zot annan okenn lekipman?  I mean letan nou regard border control partou kote nou trouv bann pti swab machine sa ki pas dan en valiz, apre sa met laba.  Apre ki zot dekouver ki pou dir be tyonbo en kou, be i annan en tras eroin, i annan en tras cocaine i annan en tras isi en tras laba.

Nou, nou pe koz lo lager kont drog,  eski sa bann Custom Officers ki ouver sak avek sa de zofisye ANB lo Airport zot lizye i en detector zot ?  Oubyen fodre zot vwar keksoz.  E si zot pa vwar sa ki ou pa vwar i pa vedir ki i pa egziste ou kapab pa vwar, me selman letan ou’n pas sa pti  masin ou konnen  poudir dir i annan keksoz la.  Apre sa ou ava fer 2enm step konbyen fwa nou vwar sa?   So border control. 

Camera project, nou vwar en ta camera dan lavil.  Be nou tande pou dir sa msye, malerezman in tonm malad, son garson ti’ vini la mon tande la son garson pa la.  Sey dir nou konmsi how safe nou ete avek tou sa bann camera ki lo tou poto elektrik ou trouv 4 parfwa.  Ou trouv 5 – ou trouv tou sa bann keksoz.

Mr Speaker stasyon Lapolis nou’n tann ok Glacis i annan problenm nanm, nou tann Praslin, La Digue.  Praslin la nou pe tann konblaz pou fer Kordgard.

Me Mr Speaker be mon se la kot mon pa ganny en konpran !  Me pa i annan en bout later PR 5621 zis lanmenm la letan ou pe sorti Baie Ste Anne ou pe al dan direksyon lasose.  Me pa i annan en bout later la ki kot pti lasose.  Be sa akoz pa pran sa bout later ki donn pres 3  kar arpan. 3 kar arpan later ki bann biznesmenn ki’n gannyen, ziska aprezan zot pa ankor, zot pa ankor met en blok lo kanmarad.  3 kar arpan later, akoz pa pran sa met zot Kordgard met ansanm avek zot sekirite bato.  Sa ki nou pe koz bato ensidswit.  Eski sa pa ti ava kapab bouz keksoz ?

Tandis lo sa pti bout later ki la ozordi kot sa Kordgard i ete ki i donn zis 380 met kare,

Mr Speaker mon ti ava kontan konnen bann larzan ki mete pou Kordgard La Digue ki zot in fer egzakteman?  Eski pa i kler ki p ou dir nou tou ki la ou vwar, eski pa i kler ki poudir nou osi ou bezwen en lot landrwa pou fer sa Kordgard, e ki la kot i ete i pa vo lapenn ou al fer en nouvo Kordgard?

Alors Mr Speaker letan mon pe regard tou sa bann keksoz e la lo mon papye i annan tro bokou ‘’Sensitive and strategic building security.’’  I tonm anba Kordgard tou sa  i tonm anba Lapolis.  Eski zot konnen po dir i annan enn zot transpor ki’n park Bel Eau pandan 3 mwan? Ki pou dir i pa pe ganny servi?  Sa jeep silver in la in park e sa dimoun pe servi en lot transpor.  Konmsi Mr Speaker mon pe met – Mr Chairman mon pa vwar ki pou dir konmsi i menm Bidze.  Alors mon ti a kontan ganny en pe ganny en pe lespwar, parski sa ki sa ki nou pe vwar la personnelman moN pa konnen alors mon ti a kontan ganny en pe larepons.  Mersi bokou.

 

MR SPEAKER

Mersi Onorab.  Nou a konmans avek ComPol. 

 

COMMISSIONER OF POLICE MR KISHNAN LABONTE

Mr Chair thank you.   Thank you  Leader Lopozisyon pou ou kestyon konsern.  Bon Airport i vre Airport nou annan en pti trou nennen.  Kot nou dir guard room, e i mank lekipman.  Mwan mon’n fer nou annan en MOU avek SCCA zot pou donn nou en nouvo Kordgard.  Mon’n bezwen al ek zot kot zot ti’n dir pou fer Kordgard sa round about mon dir pa ideal.  Mon’n al montre zot en landrwa mon ti al ek mon de Depite, montre zot en landrwa lo zone selman i kot bann lakaz tol Indien i ete la.  Mon ti montre zot sa landrwa e mon krwar nou’n tonm dakor e la.

An menm tan mon toultan mon konsern i se ki Airport i dan semen.  Nou Airport Sesel i dan semen.  Airport i en stratezik.  Ozordi dimoun i monte, antre Airport konman, konman zis i annan antre Airport.  Napa en Airport dan lemonn kot ou va et vient dan Airport.  Ou antre Airport fodre ou annan en biznes pou ou al fer.

An menm tan ler mon ti’n propoz sa sit mon ti dir zot larantre Airport i annan sa earth road la i ti pou obor nou Kordgard en pe lwen e nou fer diversion dan sa earth road ki ou al Airport direk.  E sa lot semen i al direk dan sid napa akse avek Airport.  

E sa larantre i ganny kontrole manned par Lapolis.  Ou kapab met en  tollgate whatnot not en boug ki antre Airport parey deor i pey – i bour en papye i pey en keksoz e apre i sorti i antre serten reveni.  These are keksoz ki nou’n diskite avek Lotorite Airport, nou bezwen fer en fason restrikte larantre Airport.  Akoz nou pou ganny menm sityasyon.

Lo kote Baie Ste Anne sa later.  I vre sa ki ou pe dir, nou’n  deza osi fer sa sizesyon dan lepase ler mon ti Komisyoner – apwent Komisyoner ler pou al gete sa later akote.  Me, zot ti dir nou ki sa later i en later prive i pou de partners mon krwar ki Gouvernman ti pe sey fer mannyer pou aste. Me i annan diskisyon avek sa de partners  mon krwar zot pa byen eksetera   Sa mon pa kapab konfirmen.

Me sa i problenm ki nou pa kapab al ladan.  E sa i problenm en later prive.  Wi later konble i prive.  Non nou  ti ganny dir pa pou – Non i prive sa bout later.

Lezot pwen camera;- camera sa ou pe kot nou pe rod en lot Kontra   soz pou dil avek akoz nou’n termin son Kontra,  sa dimoun. Nou  pa’n terminen in fini son Kontra annefe.  Nou pe sey rod soz.  Me nou si nou met camera nou le camera ki annan lentelizans   …   intelligence kot ou kapab rekonnet dimoun, ou pou set camera i rekonnet dimoun.  Si en dimoun i wanted, Mr X nou programme li eksetera nou kapab detekte ler i pase, eksetera.  Menm en loto ki i sispe nou kapab detekte.  Sa se bann propozisyon ki nou pe mete.  Camera ki kapab lizour aswar i donn ou bon  portre.   I pa bann greeny pictures ki ou pa kapab servi.

Me selman camera li  menm  i en proze ki  nou pe sey pran  to a large extend lo en nivo Nasyonal.  Mon pa konnen si mon’n mank  sa loto ki ou’n dir  in park Bel Air.  

Ou’n dir strategic sa,  me ordinerman sa dimoun ki ansarz Sensitive Security i  en manm Lapolis, me selman sa transpor i donn par Finans.    Akoz mwan menm mon’n ganny dir sa petet i  en loto Minister Finans – mon pa konnen.  Petet PS Thesee i a koriz mwan – mon pa konnen DG Lebon i dir mwan i a fer serten entervansyon.

 

MR SPEAKER

Mersi Komisyoner.  DG Mrs Lebon.

 

DIRECTOR GENERAL MRS ANGELE LEBON

Mersi Mr Chair.  As far ki mwan mon konnen ler mwan mon ti vin FC dan Lapolis, ti annan en terios sa mon krwar.  En terios ki Minister Finans ti’n donn avek Sensitive Security son latet;- Head of Sensitive Security pou li servi.

E si sa loto ou dir i park in ganny depoze park dan  Bel Air then you will have to answer ki mannyer sa i la.  Because he held the keys avek sa bann loto.

Sa, sa ki mon memwar i dir mwan from letan mon ti FC.  Apre sa in rann sa terios Minister Finans, dapre sa ki li i ti dir.  Parske sa loto pa bon, pa marse whatever.  Ti annan bann major mechanical faults avek e i ti pran 2 car hire pou Sensitive’s Security angiz ki i ti rann sa terios avek Minister Finans.  That’s how as far as mon konnen.  Thank you. 

 

MR SPEAKER

Mersi Mrs Lebon.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman premyerman sa loto i la 3an – en.  3an i la Bel Eau !  3an i la Bel Eau e sa dimoun ki travay i dan en loto lwe.  Konmsi annou get en pe nou bann – ki mannyer – ki mannyer nou depans larzan.

Mr Chairman be zisteman dan sa konteks letan nou pe regard sa Bidze, nou’n tann nouvo batiman ki pe al ganny donnen.  Me petet mon ti a kontan demann Minis, be ki nou pou mete dan sa nouvo batiman, sa nouvo stasyon ?  Ki zot pou mete ladan?   Kan  mon tann problenm internet, problenm isi, problenm laba.  Be laba ki mannyer nou pou gannyen?

Apre sa Mr Speaker mwan mon annan en konsern avek sa bann don ki L’Inde i donnen.  Nou fek atann la ki poudir sa bann transpor i pa bann transpor ideal, kot byensir bezwen aste tou bann pyes L’Inde, bann pyes ki pli ser bann transpor ki pa, menm parey avek SPDF osi tou avek zot Dornier  avek bann keksoz.

Be eski Lapolis e byen Minister Finans, eski i pa kapab regarde ki mannyer pou balans sa bann keksoz, pou ki zot ganny transpor ki pou last zot lontan e transpor ki pou efektiv.

E apre sa osi met en pli gran sans responsabilite!  39 loto ki’n fer aksidan  – serten in write-off tousala mwan mon krwar i  en konsern.

Mr Chairman, allowance – i ganny tax li parske i azoute lo soz e apre i ganny tax lo menm si nou pe koz R700, finalman i annan en gran chunk.

Finalman Mr Chairman, mwan mon anvi – mon anvi ganny sa vreman kler, parski sa i en gro konsern pou mwan.  Sa zafer Zofisye Larme ki ganny segonde avek Lapolis !  Mon pa tro satisfe avek larepons ki mon’n gannyen dan lesans ki serten i avek NIS, be NIS i sipoze i sipoze endepandan li.

Mwan mon anvi konn sa seryezman, akoz i annan en lenpak lo ‘’Bidze Militer.’’  I annan en lenpak lo ‘’Bidze Militer’’ si Mr Chairman ComPol ti ava kapab dir avek nou, egzakteman mon pa pe rod lisyen Lapolis la mwan. Mon pa pe rod bann dog unit.  Mon pe rod eski dir nou bann ran, ran bann zofisye ki atase avek Lapolis ki sorti dan SPDF?  Sa ki mon anvi konnen mwan.   Parski i annan en lenpak direk.  Mersi bokou.

 

MR SPEAKER

Mersi Onorab.  Bon  mon pou les en kestyon antre sorti kot Leader Government Business, pou nou kapab pran ansanm, avek en bi ki nou a kapab terminen.

 

HON CHARLES DE COMMARMOND

Mersi Mr Chair.  Bonzour, bonzour Minis ek ou delegasyon ComPol zot tou.  E tou Manm Onorab, e tou dimoun ki a lekout.

Mon pa pou vin demann okenn kestyon la  Mr Speaker.  Mon anvi zis fer en klarifikasyon, lo sa zafer sa later Praslin, sa lenformasyon ki ComPol in donnen i pa korek ditou!  Napa okenn diskisyon ant sa owner, ou whoever.  Sa ki’n donn ou sa i bat ou latet !  I pa korek.  E sa bann dimoun zot pare depi letan Minis Bastienne ti Minis pou Home Affairs ek Minis pou Land, sa bann dimoun i pare pou sanz sa later Gouvernman akoz zot konpran bezwen Gouvernman, zot pe pare pou konpare se Gouvernman ki pe trenn lipye!  Mersi.

 

MR SPEAKER

Mersi Onorab.  Bon mon ava re donn panel sans pou reponn bann kestyon, e pwen klarifikasyon ComPol.

 

COMMISSIONER OF POLICE MR KISHNAN LABONTE

Mersi Mr Chair.  Konsernan sa later se dimoun, Lotorite Later menm ki nou ti al lo site ki ti dir nou sa later.  Si in lalang in lalang ek mwan. Mon napa rikord, me in dir nou.

Premye kou zot ti propoz sa ek nou.  Apre er nou ti al laba pli tar ti dir nou non.  Sa i annan later prive zot ankor diskisyon – pa’n kapab soz.   Me sa i lenformasyon ki mon’n gannyen.

Bon mon konnen bann dimoun on secondment militer ki’n vin ek nou.  Sa parey mon dir in vin avan mon vini.  NIS i lontan ti special branch.  I pa sa Seychelles Intelligence Agency, i pa li sa. Ya.  Mon konnen pli o ran mon pa konnen si i Mazor ki la ek nou.  Mon krwar i en Mazor mon pa konnen si Kaptenn Mazor pli  o ran ki ek NIS.   I annan 2 ou 3 dimoun ki NIS.  Vreman mwan mon‘n deza vwar 2 la.

Kot ANB ler mon ti vini NDEA, mon konnen ti annan enn en dimoun.   Kot Dog Unit i annan en pe mon pa pou konnen apepre petet Depite Songor i kapab dir ki kantite ki zot ran ki kot Dog Unit. 

        Mon pa konnen ankor landrwa kot i annan militer.  Mon pa krwar i annan lo marine akoz nou napa akoz nou napa akoz zot annan zot    soz.     Nou stand to be corrected me selman mon krwar sa Mr Chair.

 

MR SPEAKER

Mersi Komisyoner.  Eski ou satisfe Onorab avek bann detay?  Oule non?  Wi.

 

HON WAVEL RAMKALAWAN

Mr Chairman i annan i annan de kestyon osi tou e, e mwan mon konsern se ki si napa Tonton Makout ki sorti dan militer ki pe rantre dan Lapolis?  Sa i mon konsern tou mwan.  Ok?

 

MR SPEAKER

Dakor.  Deputy Commissioner. 

 

DEPUTY COMMISSIONER MR ROMANO SONGOR

Mersi Mr Chair.  Mersi Onorab.  Mon kapab konfirmen nou annan de Zofisye Militer ki atase avek Elit sa i en yetnan avek sou yetnan ki lo seconded.

        Apre kot AMB nou annan en Zofisye Militer ki lo nivo MCO e li i ganny poste lo Por.  Apre larestan i bann zofisye ki kot Dog Unit i bann MCO.  Nou napa okenn zofisye sinyor officers ki atase avek AMB ki sorti dan militer.

 

MR SPEAKER

Bon mersi Deputy.  Mon pou mon pou ankouraz ki sa diskisyon i kontinyen dan sa meeting kot Komite Defans ek Sekirite, i ava fer avek Lapolis pli tar.  Akoz petet i annan serten detay ki pa kapab partaz piblikman.   Me sa issue i ava kontinyen ganny adrese.  Wi i annan de lot bout kestyon loto avek bilding.  Bilding pe fer en bilding?  Kwa ki pou ganny bet dan bilding?  Si napa provizyon anba sa Bidze?

 

COMMISSIONER OF POLICE MR KISHNAN LABONTE

Bilding ou pe refer lo bilding?

 

MR SPEAKER

Nouvo bilding.

 

COMMISSIONER OF POLICE MR KISHNAN LABONTE

Headquarters.  Bon Headquarters i pa pou – mon krwar pa si ou (repare) i pou fini lot lannen, i pou pran en pe letan.  E ou met bann furniture eksetera ler bilding pe fini. Be solman mon krwar pa si lot lannen.   I pa en proze ki pou fini dan 1an.

Lo loto mwan osi mon konsernen avek bann aksidan ki Lapolis i fer.  Akoz mwan osi mon dray loto, mon pa tap loto tou lazournen.  Mon drive aswar osi, ler lokazyon i demann mwan, mon al official duty.  Me mwan osi mon pa fer aksidan.

Me selman anba Lapolis i annan en prensip nou fer en lanket, e zot si zot annan tor zot peye.  Nou ziz zot si zot pa oule peye, nou ziz zot.  Akoz ou pa kapab koup larzan amwen zot aksepte.  E nou ziz zot.  I annan menm ka kot nou sispann zot, nou met Ankour si nou vwar gravite i grav, nou met zot Ankour.  E ler nou sispann zot nou donn zot half pay.  Mersi.

 

MR SPEAKER

Mersi Mr Compol.  Bon avan nou pran en vot mon ava donn la parol Minis Dezinyen – Minis ki responsab pou Departman Lapolis pou donn nou en pti brief conclure remark.  Minister.

 

THE DESIGNATED MINISTER MRS MACSUZY MONDON

Mersi Mr Chair.  Mr Chair mon krwar Bidze Lapolis pa pou zanmen ase.   Me nou vwar sa toulezan letan nou vin ou vin fer deba – fer deba fer diskisyon lo Bidze.  E an menm tan nou servi sa lokasyon ki nou ganny donnen.  E mon krwar nou realize an menm tan osi dan serten ka nou sey fer lapel avek nou bann partenaire, oubyen pou nou kapab ganny en pe plis lekipman me en pe plis resours ki parfwa nou pa kapab gannyen dan Bidze.

Nou a realize pou dir Bidze sa lannen avek nouvo Scheme of Service – en bon porsyon in al dan ‘’wages and salaries.’’ E , mon espere ki avek lenplimantasyon Scheme  nou ava vwar en amelyorasyon dan performans nou bann Zofisye Lapolis, kot i neseser e ki sa i ava ede osi dan en fason ou en lot pou donn nou,  nou servis Lapolis i ava kontinyen amelyore.

Mon ti a kontan petet ler nou pe koz lo Scheme of Service Mr Chair, fer en lapel avek  demann bann Onorab pou ankouraz bann zenn dan zot distrik pou zwenn Lafors Lapolis.  Akoz mon krwar pou dir sa Scheme i donn bokou incentives, ki ti napa avan e mon krwar sa i ava en lankourazman, pou zot kapab zwenn sa Lafors e donn en koudmen sa travay ki Lapolis pe fer.  E zisteman bomaten ComPol in koz lo kalite, nou pe rod plis kalite, kandida ki nou anmenn dan Lapolis pou nou kapab zisteman amelyor travay ki nou Lafors pe fer.

Mr Chair i reste zis pou mwan remersye tou bann Manm Onorab pou zot konsern ki zot in souleve, zot kontribisyon valab ki zot in fer, serten propozisyon ki nou’n note, e sipor ki zot kontinyelman anmennen pou travay ki Lapolis pe fer.

E mon ti ava demann zot pou donn zot sipor sa Bidze Lapolis pou li kapab kontinyen fer son travay lannen prosenn.  Mersi Mr Speaker.

 

MR SPEAKER

Mersi Minis Dezinyen.  Yes Onorab Ramkalawan.

 

HON WAVEL RAMKALAWAN

Non Mr Speaker.  Ou rapel yer dan deba lo President’s Office, ti annan sa size Kontra.  Kontra sa Zafer Sekirite ansyen Prezidan avek Lapolis.  Konmsi sa procurement procedure si i annan okenn Kontra?  Konmsi zis mon anvi.

 

MR SPEAKER

Annou take it up dan sa meeting ki  Komite Defans ki    Lasanble I ava fer apre.  Ok. 

 

HON WAVEL RAMKALAWAN

Mersi bokou.

 

MR SPEAKER

Ok. Bon nou’n ariv moman pou nou pran en vot – en desizyon lo Bidze pou Departman Lapolis ki  trouve lo paz 120 ziska paz 130, pou en sonm R526, 773milyon, ki form par sa schedule, mon avan demann tou Manm ki an faver? Okenn Manm ki kont?  Madanm Clerk.

 

MADAM CLERK

Mersi Mr Chair.  14  Manm in vot an faver, e personn kont.  Mersi.

 

MR SPEAKER

Mersi Madam Clerk.  Savedir Bidze pou Departman Lapolis in ganny aprouve par Lasanble Nasyonal.  Bon avek sa mon ti a kontan remersi Minis Dezinyen, Komisyoner Lapolis, Mrs Lebon, Deputy Songor, Deputy Ted Barbe, Mr Labonte e Ms Dogley e byensir osi tou lasistans bann teknisyen Minister Finans.

Mon ti a kontan osi tou prezant en leskiz avek SBC byensir e sirtou zot bann oditer deor ki pe esper nou pou kapab rann zot lantern radyo sirtou pou zot bann mesaz avek lanons ki nou’n pran en pti pe zot letan.  Nou pou break la e nou pou repran nou travay 2er apre midi.  E ankor enn fwa mersi.

 

(BREAK)

 

DEPARTMENT OF RISK & DISASTER MANAGEMENT  

 

MR SPEAKER

Bonn apre midi tou Manm Onorab.  Bonn apre midi ek ou delegasyon, e bonn apre midi tou dimoun ki a lekout e pe swiv travay Lasanble Nasyonal.

Premyerman mon ti a kontan prezant en leskiz pou retar ki nou’n gannyen.  Sa se akoz mon ti Ankour, e an case delo kontaminen La Misere.  Se sa rezon ki mon’n ariv an retar.  So alor mon prezant mon leskiz.

Bon nou pou kontinyen avek ou travay apre midi e la nou pou pran Departman Risk ek Dezas, e Minister pe ganny asiste par Sekreter Prensipal pou Departman Risk ek Dezas Mr Paul Labaleine e son asistan zofisye Administrasyon Ms Maggie Dugasse.  E touzour ankor nou dan konpannyen PS Thesee e Ms Tamatave e Ms Coopoosamy.

Bon nou ava pran mon ava demann PS Thesee zis pou gid nou  lo ki paz e the amount pou Departman Risk ek Dezas.  PS Thesee.

 

PS DAMIEN THESEE

Mersi Mr Speaker.  I trouve lo paz 150 pou en sonm R9.862 milyon.  Mersi.

 

MR SPEAKER

Mersi PS.  Okenn Manm ki annan kestyon pou Departman risk ek Dezas.  Ok nou a konmans avek Onorab Afif.  .

 

HON AHMED AFIF

Mersi Mr Chairman.  Bonzour Minis bonn apre midi ankor Minis avek ou delegasyon.

Mon kestyon i baze lo paz 152 e mon pe get sa latab No.2 pou DRDM kot i pe donn breakdown bann progranm ki zot annan ki en total R9.9 milyon.  E sa ki m on vwar se dan nou, nou  konn zeneralman dimoun i konn DRDM konman sa Departman ki pe travay pou redwir bann risk.  Epi zour i annan en dezas, i ede dan management sa dezas.

Me ler nou get bann fon,  ki zot in met dan Bidze pou fer sa travay, i paret ki laplipar bann fon i dan management.  Me tandis kot nou ti espekte vwar travay pe ganny fer, risk reduction ek civil protection, li i pe ganny li zis1.8milyon dan sa preski 10milyon.  Tandis ki Polisi pe ganny 7milyon. Savedir 3 kar larzan i zis pou management.  Me selman son vre travay i ganny mwens ki en kar.

Alors eksplik nou sa balans e dir nou  si zot krwar sa ki zot vreman bezwen, pou kapab fer DRDM efektiv, parske nou konnen poudir se la kot bokou dimoun i rod zot soutyen dan bann moman difisil, kot nou vwar dezas pe ariv  deplizanpli souvan.  Mersi Mr Chairman.

 

MR SPEAKER

Mersi Onorab Afif.  Ankor mon sinyal panel, otan posib nou donn bann repons presi e bref.  Bon lekel ki pou reponn?  PS yes go ahead.

 

PS PAUL LABALEINE

Mersi Mr Speaker.  Mersi bokou Onorab.  Bonn apre midi tou Onorab.   Bonn apre midi Mr Speaker.

Onorab sa ki  nou annan dan Policy Management i annan se pou fer osi avek nou Bidze saler ki  dan nou migration bann staffing.  Zot in met plis staff dan Policy and Management olye ki dan risk reduction.  Sa ki fer sa larzan anler dan policy akoz dan Policy Management i annan apepre 5 a 6 nou     me dan risk    i annan apepre en dizenn 9 technical staff ki fer sa ok sa kantite.

Apre i annan enn nou staff ki’n segonde avek NIS kot reflects  laba.  So prezan lot kestyon se ki wi nou Bidze nou Bidze i p lis pou nou loperasyon toulezour.

Si zanmen i annan okenn keksoz ki arive dan ka kot nou pou bezwen deal avek en emergency, sa i ganny peye anba    Contingency Fund.    Ok? Epi nou annan en lot finansman ki nou annan anba bann lekipman spesyalize ki nou bezwen, pou fer nou travay.  Nou’n ganny enn ki R300mil pou  bann Hazmat   equipment.  Apre akizisyon pou nou fer flood risk mapping avek idantifikasyon bann larivyer and so on – i 350mil.  Apre en lot sa ki nou pe fer bann travay ek bann distrik pou profile bann distrik  an term bann kalite levennman ki kapab annan kot zot, nou’n ganny R250mil.  So sa prezan ansanm ki fer sa sonm ki nou pou bezwen travay avek.  Mon pa konnen si mon’n reponn kestyon.

 

MR SPEAKER

Mersi PS Labaleine.  Onorab Afif.

 

HON AHMED AFIF

Mersi Mr Chairman.  Mr Labaleine savedir ou pe dir nou ki i annan en ‘’mis- clariffication’’ dan lafason zot in pran s bann progranm e larzan ki’n ganny mete sa bann personnel ti devret anba pa anler.  Savedir sa nou konpran.

Bee eski ou kapab dir ek nou sa Bidze ou annan resours ki sifizan olye deal avek bann dezas parey ou konnen sanzman klima i annan bann dezas ki ou bezwen kapab azir dan en fason diferan ek lontan.

E nou vwar ki i annan plizyer fwa ler i ariv sa bann gro lapli kot ou ganny bokou plis delo, dan bokou mwens letan ki pe tonbe, ki i annan serten mezir ki zot devret pran konman risk management avek disaster management;- par egzanp mon pe mazin bann landrwa parey La Digue souvandfwa ou ganny inonde;- la resaman i annan lapli – Pointe Larue, Anse Aux Pins bann landrwa koumsa.

Eski ou annan ase resours dan sa Bidze, pou ed ou idantifye bann risk?   E sertennman fer en swivi ek bann Minister pou fer sir sa bann louvraz risk management ki ou’n fini idantifye i ganny enplimante?  Sankwa pa vo lapenn nou annan en Departman Risk Management ki zis prezant bann risk apre nanryen pa ganny fer.  Eski ou satisfe ki ou Bidze i ase e ki sa zefor ki ou pe fer pou met presyon lo lezot, e resours ki lezot i annan i sifizan?  Mersi.

 

MR SPEAKER

Mersi Onorab.  PS.

 

PS PAUL LABALEINE

Thank you Mr Chair.  Thank you Onorab.  Onorab mon pou dir ou wi ouswa e non.  Nou Bidze parey pou loperasyon toulezour pou fuel and so on, nou kapab debourye avek.

Me prezan ler i ariv pou bann travay idantifikasyon bann eleman ki annan, sa nou pou bezwen en lot larzan akoz i require en kantite lezot travay.  Par egzanp bann si nou pou dir nou pou travay – enn bann problenm actuelle ki nou annan la si oule nou kapasite pou kemikal.

Si nou pou met en travay lo la, i pou kout nou en pe plis larzan ki nou napa dan sa Bidze la.

Dan nou Bidze par egzanp nou pou pey nou internet nou pou pey nou elektrisite nou pou rent landrwa ariv lo site – bann zafer.  Me nou napa mwayen pou nou pou handle en sityasyon par egzanp si nou bezwen fer en containment work  sa.  E sa prezan si nou fer i bezwen al dan Contingency Fund.  Ki nou fer?

Prezan kapabilite pou fer bann travay en pe scientifique bann zafer, sa petet in require en pti pe lazistaz dan sa laliny ki nou pe bezwen.  Ler mon dir scientific, akoz i annan travay assessment bezwen ganny fer, ki ou bezwen bann travay pli teknik, ki ou bezwen petet outsource serten travay.  Mon kapab donn ou en legzanp la par egzanp dan bann district profiling, nou bezwen fer  en geological survey.  Nou annan en geologist kot nou.  Me li tousel  i pa pou ase.  Ou bezwen hire ankor kot la nou pou bezwen sa finansman pou rod bann dimoun fer sa bann travay, akoz otherwise dan 25 distrik si nou le fer li dan 2an, ou bezwen annan en lafors en kapasite ase efikas, e mwayen finansyel par deryer nou ki kapab fer sa travay.  E sa i ava ed nou pou annan bann  lenformasyon apropriye ler nou pe fer devlopman.  Thank you.

 

MR SPEAKER

Mersi PS Labaleine.  Mon ava prezan donn laparol avek Onorab Churchill Gill.

 

HON CHURCHILL GILL

Mersi Mr Chair.   Bonn apre midi PS.  PS eski ou kapab dir nou si dan sa Bidze pou Inner Island i annan posibilite ki Inner Island i kapab ganny en zofisye ki baze Praslin ki a kapab kouver valer La Digue?  Akoz nou annan nou 4 case ki date ase lontan, petet sa bann sa zofisye ti a kapab konmans deal ek sa kot in arive la.  Ti ava konmans deal  avek pou soulaz sa bann dimoun ki ankor pe espere tou sa lannen.  Apre pou ki le fitir ler i av annan en sityasyon.   Konmsi nou a kapab deal avek bokou pli vit.  Mersi.

 

MR SPEAKER

Mersi Onorab.  PS Labaleine.

 

PS PAUL LABALEINE

Mersi Mr Chair.  Mersi Onorab.  Onorab ler  mon ti fek zwenn DRDM ti annan sa lide pou annan en dimoun lo Praslin.  Apre pa’n kontinyen ek sa.

Me selman ki mon panse nou kapab fer a lavenir, solman sa ki nou ti pe anvizaze Praslin ki mon krwar dan en konversasyon nou ti fer se, etabli en sub cordination lo Praslin.    Ki  dan en landrwa kot  Fire Brigade.    

        Me prezan sa nou’n vwar nou dan en sityasyon kot nou pa’n kapab raise ase fund pou fer li.  Epi osi pou aranz li en fwa wi, prezan pou met, en dimoun ladan apre nou bezwen continuously maintain li, akoz internet pou kout nou en pe larzan.  Apre nou bezwen annan pou ganny bann dimoun i pa pou difisil li.  Me pou ou kestyon se annan en dimoun  from DRDM lo Praslin,  nou kapab konsidere.  Me solman kot i konsern bann ka la, i annan plizyer Lazans ki sa bann ka i al i ale avek.

Prezan se pou sa rezon ki Prezidan Larepiblik ti etabli sa    Committee la.   Ki mon  co-Chair lo la avek en lot PS.  E ki annan bann lezot PS lo la pou zot zisteman bouz sa bann ka pli vit.

Me nou pli gran problenm Onorab se finansman par deryer sa bann ka.  Parey nou dir sa bann ka i la ;- par egzanp la nou annan en kantite.  Prezan nou bezwen sa finansman deryer nou parey Onorab i dir konmsi si ti annan posibilite konman en ka i arive nou ganny finansman nou deal avek vitman  sa ti pou sanz fason ki mannyer keksoz i ete konmela la.

Petet mon ti a menm dir ki bann ka ki dam lepase mon krwar Gouvernman pe met lanmen lo la, la actual.  Me selman i enportan ki nou kapab si i posib dan bann lannen ki pe vini annan en  fon ki nou kapab walk backward,  sey rezourd sa bann problenm e an menm tan pa kree bann nouvo problenm osi.  Mersi.

 

MR SPEAKER

Mersi PS.  Onorab Gill.

 

HON CHURCHILL GILL

PS mersi pou ou larepons.  Me selman ler Prezidan Larepiblik in konstitye  sa body la, zot menm lo sa body pou letan zot konnen poudir i annan sa bann pending cases. 

Eski zot in fer en request, omwen zot in met devan Prezidan Larepiblik pou dir be gete nou annan sitan  cases, menm si nou pou fer sa body i pou bezwen annan serten finansman ki ganny mete pou nou kapab at least clear sa bann backlog.  Eski i annan sa konversyon?  Akoz sa bann case parey sa ki mon pe dir ou Praslin i date – i annan plis ki 7an/ 8an.

E ou kapab konnen dezas in arive kot en dimoun apre tou sa lannen sityasyon ki sa dimoun pe viv ladan i pa conducive.  Alors ou a zis les mon konnen si sa konversasyon in annan, pou nou konnen si apre sa body in ganny konstitye, nou espekte vwar en solisyon pou sa bann dimoun.  Mersi.

 

MR SPEAKER

Mersi Onorab.  PS Thesee.

 

PS DAMIEN THESEE

Mersi Mr Chair.  An konsernan bann ka pou basically build back en pe sa bann proze i annan larzan ki ganny mete dan lepase.  Me selman i pa’n ase.

So ki nou’n travay lo la sa lannen,  nou annan nesesite pou nou build en rezerv – en fon,  pou Disaster Management ki annan Lalwa la ki fer provizyon pou sa bann fon.  Me selman son sours finansman napa in touzour fye lo donasyon.  E Bidze pa’n zanmen  permet en alokasyon  tou le lannen.

So ki nou’n basically deside se lafen lannen, anliny avek ou target ki nou pou fer, bann larzan ki nou vwar bann Minister la pe depanse lo Proze Kapital, si nou pa pou ouver Suspense  Account.  Nou pou  al divert larzan dan fon sa bann Proze Kapital anvoy  dan sa dan en fon pou nou akimile tou le lannen.

So nou annan en serten lalis ki bann Minister in donn nou la already;- bann proze ki sipoze pending from  Felleng. So sa nou annan so by lafen lannen nou pou kapab konnen kantite larzan nou annan pou kapab akimile.

E tou le lannen nou ava build sa lo la pou ede tir en pe sa bann backlog ki nou annan.  E dan lefitir sak  fwa i annan en tel levennman en tel kalamite mon a les ou konnen nou annan en landrwa kot nou build larzan ladan tou le lannen.  Mersi.

 

MR SPEAKER

Mersi PS Thesee.  Onorab Regina Esparon.

 

HON REGINA ESPARON

Mersi Mr Speaker.  Bonn apre midi tou dimoun.  Mr Speaker mwan mon ti a kontan ganny en leklersisman anba ‘’minor capital outlays.’’  Lannen pase zot ti demann R100mil pou al aste pou ‘’acquisition of tools.’’  Sa lannen osi zot in demann R100 mil.

Me selman par kont letan DRDM in vin lo site ler i annan en dezas zanmen mon’n vwar zot ek okenn zouti mwan.  En lesplikasyon kalite zouti zot pe aste ?

E pli ba anba ‘’acquisition of other machinery and equipment’’ mon vwar  lannen pase ti napa okenn alokasyon me sa lannen zot in demann en R1milyon.  En pti pe leklersisman ki kalite lekipman ek machinery zot pe al aste?  Parske DRDM li letan i vin lo site i dir ou i pe vin fer assessment li.  I pa vin ek gran kouto, i pa vin ek pti lars, i pa vin avek masin koup dibwa, i napa manpower.   Ki kalite tools zot in depanse avek R100mil e sa lannen osi zot in demann ankor R100mil?  Mersi Mr Speaker.

 

MR SPEAKER

Mersi Onorab.  PS Labaleine.

 

PS PAUL LABALEINE

Mersi Mr Chair.  Mersi Onorab.  Ok lannen pase ler nou vin i annan de fason ki ler nou vin lo teren.  Si nou pe respond to emergencies i depan kalite ki nou vini avek.  Me tan risk assessment parey premye kestyon ki mon’n gannyen, nou pe procure en lekipman ki mezir delo dan later.  Akoz nou napa.  Mon pa tro krwar i annan isi sa.  Akoz ki i arive nou annan en kantite ka kot dimoun i dir nou delo pe monte dan lakaz partou kote.  Ouswa  bann tender  foundation. 

Me prezan the only fason ki nou kapab detekte ki kantite delo i annan dan later, ouswa menm avan konstriksyon  i ganny fer, se annan sa lekipman ki preske sa pri ki mezir sa delo dan later, ki nou konnen poudir ki kantite delo i annan la, si ki kantite fouye ou pou fouye ouswa ki larzer sa delo i été.  Sa i enn.

2enm lekipman ki nou annan parey mon’n dir pli boner, nou kapasite kemikal i tre ba pou nou lit kont bann mwayen   kemikal akoz nou annan bann lendistri en kantite kemikal dan Sesel.  Nou’n aste en lekipman ki mezir ki mezir par egzanp si i annan okenn feed gas or kalite, i mezir sa feed gas ki annan dan ler.  E sa i permet bann dimoun ki pou lit kont sa ki kantite i annan e ki mannyer nou pou kapab operate swa fer evakyasyon ouswa si i kapab contain li ouswa si nou pou bezwen li lot fason.

Apre i annan en lot lekipman ki mezir divan ;- par egzanp ler ou dan sa lokasyon la i mezir divan ki direksyon divan pe vante pou ale pou ou kapab konnen par egzanp parey ou konnen laplipar landrwa kot i annan kemikal i dan lavil.  Pou nou kapab konnen kote ou pou anvoy dimoun evakye or menm ki mannyer emergency responder pou negosyasyon pou bezwen konn sa bann zafer so sa bann lekipman e mon kapab dir sa bann lekipman i kout ase ser li en.

Epi nou bann lekipman osi ki nou rode par egzanp GPS improve nou bann cameras ki nou servi ler nou al lo teren.  Apre osi sa nou pa’n ganny finansman se pou bann lekipman radyo.  Larzan ki nou’n gannyen sa lannen Onorab, parey mon’n dir nou annan pou bann lekipman specialize equipment pou Hazmat ki nou bezwen kontinyelman.  Akoz i pa kout bonmarse ditou.  Avek bann lekipman map bann larivyer idantifikasyon, akoz zisteman si nou pe koz flood risk, pou nou kapab konpran ki mannye flood i vini nou bezwen konnen kote sa bann delo i sorti e map li.  Akoz pa tou larivyer ki’n ganny map dan Sesel ler nou rod bann lenformasyon.

Epi sa R1milyon ki nou pe dir la, annefe nou annan en progranm nou devlop en National plan ki nou annan kopi la nou kapab share avek zot apre ;- National integrated business plan i en plan ki mannyer Gouvernman pou azir kan i annan en emergency.  Prezan en porsyon sa larzan ladan pou nou kapab enplimant li, ladan i pou annan byensir serten lekipman ki bezwen ganny aste ;- training,  e plizyer laspe pou tou bann Departman ki nou annan ki nou bezwen fer formasyon pou zot.  Akoz sa plan prezan nou bezwen re vizit tou lezot plan ki annan dan pei.  Bann Departman ki napa plan asiste zot fer en plan, enkli Lasanble Nasyonal.

Epi nou ti annan en lot progranm zisteman nou bezwen met an plas e emergency management services dan Sesel ki napa.  E 3enm progranm se zisteman sa ki Onorab Churchill Gill in demande se pou lemoman nou bann lenformasyon i eparpiye partou.  Nou bezwen devlop nou en sistenm   management platform, ki nou kapab tou dimoun konekte lo la e rikord tou sa bann lensidan ki arive e met li annord ki pou kapab fer nou bouze pli vit.  Ler i annan en lensidan pou kapab follow-up pou kapab fer si i annan okenn proze zot annan keksoz pou fer.  Vwala kot sa R1milyon  pou al ganny depanse.

 

MR SPEAKER

Mersi PS.  Onorab Esparon.

 

HON REGINA ESPARON

Mr Speaker mersi Mr Labaleine pou ou larepons.  Me selman mon pa convinced.  Mon pa convinced parski ler ou pe get anba sa head ‘’minor capital outlay’’ la ou annan ou  deza acquisition high tech equipment sa i sa lekipman ki ou pe dir mwan i kout ser pou al mezir delo avek.  Ok pli ba ou annan ou ‘’acquisition of tools’’ ok IT equipment ou pe dir mwan bann camera  – bann soz.

Me selman ler ou pe dir mwan sa i tonm anba en progranm ‘’Acquisition of machinery  and equipment’’ mon krwar petet i pa devret la li ou pa’n mal klasifye li ?  Parski si ou pe al konmans en progranm ki kalite machinery and equipment ou pe al servi pou komans sa progranm ?  I pa fer mwan convince ki sa larepons ki ou’n donn mwan i korek Mr Labaleine avek tou respe.  Mersi bokou.

 

MR SPEAKER

Mersi Onorab.  PS. 

 

PS PAUL LABALEINE

Thank you Mr Chair.  Onorab sa lannen nou pa’n gannyen sa bann larzan ki ou pe dir ki nou pe koze.  Sorry Onorab thank you.  Sa 100 mil ki nou pe koze la sanmenm sa bann lekip sa bann larzan ki nou aste pou nouranplas nou bann lekipman parey mon dir ou camera bann zafer GPS ki nou servi.  Apre bann lezot pti lekipman ki  nou seri pou nou kapab fer loperasyon.  Parey mon pe dir ou i annan risk assessment ki ganny fer ki nou servi bann lekipman, apre  ler nou al lo teren petet parey ou pe dir nou, annan en camera ouswa lezot lekipman.  E osi enn lekipman ki nou servi dan ka emergency se nou bann radyo, ki nou bezwen sanz batri tanzantan ki nou bezwen ganny servi pou tousala.

E tou sa bann lekipman kantmenm nou annan R100  mil i pti gin larzan compare to pri sa bann zafer.  I koute, so pou nou loperasyon.  Mersi.

 

MR SPEAKER

Mersi PS.  Ou annan okenn lezot lenformasyon pou donnen PS ? 

 

PS PAUL LABALEINE

Sorry.  Re dir mwan please. 

 

MR SPEAKER

Onorab si i en nouvo non – ale go ahead. 

 

HON REGINA ESPARON

Mersi Mr Speaker.  Mr Speaker sa 1milyon la ki Mr Labaleine pa ankor e kapab klarifye i pa ti lannen pase sa 1milyon.  Me se sa ki ou pa pe kapab convince mwan ki ou pe al fer avek sa 1milyon.  Mersi.

 

MR SPEAKER

Anba ki latab i ete Onorab?

 

PS PAUL LABALEINE

Onorab s ai en nouvo finansman ki nou’n gannyen.  Parey mon pe dir nou annan National plan ki nou bezwen enplimante.  Ladan i annan en plandaksyon ki nou bezwen enplimante.  Par egzanp dan nou National plan prezan      plan ki nou devlope i require ki nou revwar tou bann plan ki egziste dan pei.  Epi tou bann Departman Gouvernman ki napa en plan zot bezwen  fer en plan. 

Prezan anba sa plan avek Lalwa ki egziste, i require tou Departman Gouvernman i annan en sistenm an plas pou nou kapab respond  to emergencies.  Sa ki nou pe dir ladan nou sa, sa plan se ki mannyer Gouvernman ek tou son bann lenstans Gouvernman pou azir kan nou annan en emergency.   Nou pe koz emergency dan  pei – pa  bann ptipti zafer ki pase la dan pei.

E osi avek sa prezan i pou require ki nou annan en pli bon servis ki nou  annan ozordi.  Prezan sa R1milyon ki nou’n demande – annefe nou ti’n demann plis larzan, me selman nou’n ganny sa nou ok ek sa.  Prezan nou pou nou  devlop sa bann progranm – train bann nou bann dimoun  dan Departman Gouvernman.  Prezan nou  bezwen met an plas – akoz ladan i require ki i annan bann koman structure ki in an plas, avek bann lezot Departman.  Par egzanp Departman ki responsab pou li fer bann lenfrastriktir ler i annan emergency assessment, i bezwen annan li en progranm en plan.  Ki  mannyer nou azir e sa plan osi li i pou business     continuity pou Gouvernman.  Se ki mannyer nou bounce back  pli vit ler nou annan en problenm ki annan dan pei ?

Par egzanp SPTC i bezwen annan son progranm ki mannyer i pou bounce back. Minister Ledikasyon ki deza annan son plan – bezwen revize.  E menm parey mon dir Lasanble Nasyonal osi (toulezan) – tou Departman i bezwen annan en plan ki nou dir ki mannyer nou pou retourn lavi normal dan pei ler i annan en problenm.  Ok?  Me sa i require ki sak Departman i bezwen sa.  Prezan nou bezwen nou konman sa Lazans ki lead sa bann zafer nou bezwen donn train bann dimoun, prepar bann plan.  Annefe i annan en kantite travay pou sa prosen lannen ki vini.

Son 2enm letap ladan.  E prezan sa bann servis prezan pou bezwen ganny revwar annan plis kapasite an term konesans;-  formasyon apropriye e osi bann striktir apropriye ki annan dan pei ki nou napa konmela – ok? 

Trwazyenmman ki i pou kout en pe larzan, me selman i pou tre enportan, ki nou  annan en serten  platform nou apel sa en progranm ki devlope, ki mannyer nou rikord tou lensidan – konmela i manual sakenn i en pe pou li –  tou lensidan ki pase.  E ki mannyer sa bann lensidan i refer, i ganny transfer ;- ki  mannyer i ganny kordinen zisteman sa bann problenm ki nou annan ozordi kot lenformasyon i partou kote.  Nou pa konnen lekel ki zot pe fer ki, sa prezan sa bann lenformasyon pou elektronik-man tou dimoun i ava access avek.  Nou ava konnen ler zot pe rod parey ou kapab Baie Ste Anne Praslin ler nou get lo sistenm zot a dir nou sa i dan staz tender, in al fer design, in al tel por.  Sa bann lenformasyon i bezwen ganny anmase byen.  Pou kapab permet pran desizyon.  Mersi Mr Chair.

 

MR SPEAKER

Mersi PS.  Onorab Ernesta.

 

HON PAUL ERNESTA

Thank you Mr Chair.  Mr Chair, Minis ek delegasyon, bann koleg Onorab e tou dimoun a lekout bonn apre midi.

Mr Chair mon le zis en presizyon premyerman letan PS Thesee in mansyonnen, lo laspe tou bann larzan ki pa’n anmase. Savedir i pe dir nou tou sa bann case emergency ki nou annan, akoz Takamaka nou  annan sa bann case emergency – ki bann larzan pe al bann savings la pe al kle sa lannen?  Sa i en konfirmasyon.

Apre dezyenmman i annan bann cases emergency at this with level petet at this point.  Lekel Lazans ouswa lekel lorganizasyon ki deal avek?  Parey mon’n dir pli boner bokou bann cases Takamaka pa ganny deal avek ou vwar prezan ou vwar zis keksoz i tourn an ron e napa solisyon.  Nou ti a kontan konnen lekel Lazans ki deal avek direkteman.

E apre ki son bann mekanizm ki zot annan?  Apre PS lo kote district emergency plan, mon konnen ti annan enn way, way back zot ti’n deza fer mon krwar it’s about time pou fer revizyon.  Mon pa’n vwar okenn mansyon dan Bidze ladan, eski zot pe fer provizyon pou fer sir i annan en revizyon ki ganny fer met li azour, avek sityasyon ozordi?  Mersi Mr Chair.

 

 

MR SPEAKER

Mersi Onorab.  PS. 

 

PS PAUL LABALEINE

Mersi Mr Chair.  Mersi Onorab, mon pran ou dernyen kestyon avan mon al lo sa 2enm.  Normalman bann plan distrik i dan sa progranm ;-  annefe ou ti’n konmanse revize e i annan distrik en pe pli vit i annan distrik ki in al en pe pli slow.  

        Me dan sa progranm la nou annan nou bann partenaire World Bank ki travay ek nou ki pe vini la an Desanm.  Zisteman nou ti annan en sesyon travay avek bann tou bann distrik dan Septanm parla, Septanm kot zot  ti travay lo a pou zot kapab align plan distrik avek sa Nasyonal plan.  So me prezan ler zot pe vini la nou bann zot donn nou sa technical support, nou pe travay avek bann distrik prezan pou nou kapab … Akoz dan sa plan sak departman i annan en rol.   Rol Local Government ek ladministrasyon distrik i ganny defini ladan.  Prezan la kot nou pou konmans travay avek distrik kwa ki zot pou aziste dan zot plan, ki mannyer zot pou met li – ok? 

I pa pou kout en gran larzan li, akoz i en matter of sanz bann text apre met li ansanm.  Me kot i pou annan son larzan kot i pou bezwen annan son bann sesyon ki al dan en zournen, or pou sak petet de fwa dan en mwan ouswa en fwa dan en mwan en sesyon ki al en zournen ouswa plis ki demi zournen kot i annan lezot lozistik ki vin par deryer li ki pa pou sa.

Ou premye kestyon ki nou pe pran li 2enm Onorab;- bann ka ki Local Government ouswa ki pa relye.  Bann ka ki arive parler i eparpiye en pe partou li.  I depan kisisa.  Parey PS Thesee in eksplike, i annan i depan ki kantite larzan, depan lekel Lazans ki pe deal avek.  Koumsa.

Me zisteman parey in dir it’s not sa bann ka ki problenm se si nou kapab ganny sa bann finansman apropriye, ki bann mon sir ki bann ka i a ganny …  Mon pa konnen si PS Thesee i le fer komanter lo la.  Mersi Mr Chair.

 

HON PAUL ERNESTA

 (Off-Mic)

 

PS PAUL LABALEINE

Onorab regarding bann emergency cases a nivo distrik ankor i depan ki kalite.  Nou sey tou ou fason – si oule nou’n amelyor en kantite nou ‘’response time.’’  Par egzanp nou kapab lo en teren kot en landrwa dan plas 10 – 15  minit konmela pou sa.

Prezan i depan kwa.  Ki mannyer nou pou contain en sityasyon.  Par egzanp si ou vwar annan de fwa kot i annan leka nou tir dimoun dan lakaz.  Akoz sityasyon ki arive i pli danzere ki pou kapab – nou bezwen konmsi … ?

Annan letan kot ou pa kapab deal avek sa sityasyon souvandfwa lo lateras tonbe, ros deboule kot in afekte en lakaz or in afekte partly. 

Prezan ki nou fer se nou tir ansanm avek nou bann partenaire Local Government ensidswit, nou rekomande ki sa bann dimoun i sorti pou sa bann zour, eskan ler nou kapab si oule, contain sa sityasyon.  Me laplipar ditan bann sityasyon i contain apre sa nou retourn lavi sa dimoun omwen vitman posib, pli vit posib ki nou kapab normalman.

Si i annan okenn reparasyon reabilitasyon repair, petet i depan akoz i annan osi protokol ki bezwen ganny swiv.  Bann ka ki nou bezwen fer vitman, vitman nou fer.  I  al anba Contingency e procurement i konpran nou akoz nou kapab fer sa vitman.

Be apre ler nou’n fini kot i annan travay proze ki pou fer ki bezwen ganny  fer assessment, ki bezwen fer bann kalkilasyon vin bokou plis, sa i en lot letap ki bezwen pas ladan ankor – ok?  Se sa ki mannyer keksoz i arive. Mersi Mr Chair.

 

 

MR SPEAKER

Mersi PS.  Onorab Ernesta.

 

HON PAUL ERNESTA

Thank you Mr Chair.  Mr Chair mon ti a kontan PS i presize dan term bann protokol, akoz i menm si ou son pou kapab   sa dimoun reetabli mon konpran ou’n dir zot annan en serten limit letan si en zafer vitman, vitman zot fer.  Eski ou pe dir mwan i annan case ki kapab ale ziske 1an ouswa 2an?  Eski zot napa en protokol kler ki ou dir ok, sa sityasyon emergency in arive nou konnen la nou’n 6 mwan pou nou fini – sa dimoun i kapab reganny son lavi normal.  Akoz dimoun pe tour tournale an ron e napa solisyon pou zot problenm.  Thank you Mr Chair.

 

MR SPEAKER

Mersi Onorab.  PS. 

 

PS PAUL LABALEINE

Thank you Mr Chair.  Yes Onorab yes i annan ka ki kapab ale en pli long letan;- par egzanp i annan sa morso containment aranz li vitman si napa nanryen i reste dan son landrwa kot i ete.

Me si i annan bann ka kot i annan danze;- par egzanp bann ka   i annan en kantite keksoz ki ti arive, par egzanp lakantite deboulir later ki’n arive lakantite keksoz, ki prezan i annan landrwa kot bezwen re survey, i annan landrwa ki ou bezwen retender   pou sa.

Me prezan ou kestyon pou reponn li pli vit se, ki mannyer nou kapab organiz li pli vit.  Parey Mr Thesee in dir i kapab bouz vit, me prezan par deryer nou, nou bezwen sa kapasite finansyel – ok?

Bann protokol pou al kot POU bann zafer i kapab fer  vit,  akoz i annan landrwa kot nou fer li  vit.  Me  si napa sa kapasite finansyel par deryer bann Lazans parey kot DRDM bann Lazans ki pou bezwen fer sa bann reparasyon, fer sa bann rebuild i pou i pou tarde ok ? 

Me prezan i annan sa issue  osi an term ki zistans ki nou pou ale, avek bann case.   Se  si Gouvernman pou fer tou or sa me solman  lavites i kapab vini provide li dan sa kapasite par deryer li.  Thank you Mr Chair.

 

MR SPEAKER

Mersi PS.  Onorab John Hoareau.

 

HON JOHN HOAREAU

Mersi Mr Chairman.  Mr Chairman mon annan de pti kestyon pou Mr Labaleine.  Premyerman in koz lo son – i pa’n koze me dan son Bidze i annan programme (2) risk reduction, kot i annan new    pending pou Hazmat.  Mon ti a kontan si i eklersi nou akoz SFRSA – Seychelles Fire Rescue Services Agency osi in fer en demann pou hazmat.  So eski i menm kalite hazardous material ki i pe demande  or i annan en diferans ant sa ki li pe demande, avek sa ki SFRSA pe demande?

Dezyenmman mon ti a kontan konnen, akoz ozordi zour zot  napa en Lalwa ki permet zot annan forced entry lo en private property oubyen evakyasyon lo en private property.  Mon ti a kontan konnen si sa i pa en priyorite pou Mr Labaleine, an vi  ki mon pa’n vwar sa dan son ‘’strategic priorities’’, e si i annan okenn Bidze ki pe mete anver devlopman en framework – en legal framework pou sa?  Mersi.

 

MR SPEAKER

Mersi Onorab.  PS Labaleine.

 

PS PAUL LABALEINE

Mersi Mr Chair.  Onorab SFRSA i en lead corresponder pou kemikal bann zafer pou zot respond.  Me parkont i annan plizyer lezot Lazans ki respond pou kemikal.  Lapolis, Minister Lasante e nou menm.  E nou, nou annan manda pou emergency management dan pei e nou annan nou focal person pou CBRN. Ler mon dir  CBRN – Chemical Biological Radiolocal and Nuclear. 

So savedir  ek bann lezot partenaire EU and so forth. E nou travay ek bann par egzanp fer bann Polisi bann plan and so on pou sa.  Prezan kot nou annan en seksyon zisteman pou sa,  ki ler i ariv en lensidan Fire Service i respond, prezan nou annan osi lezot bann partenaire ki vin lo teren si oule ouswa ki bezwen vini fer investigation, ki nou require serten lekipman ki nou bezwen annan.  Par egzanp employment pe donn nou dosimeter  i met lo ou pou ou konnen kantite ekspoze ou’n ekspoze ek sa bann zafer – sa nou pe gannyen.

Me prezan i require sa bann lekipman parey Fire Service mon panse zot pe rod bann suit – bann helmet, bann keksoz koumsa.  Me nou osi nou bezwen sa bann full face mask akoz nou bezwen ale ladan pou al fer investigation parey Fire Brigade i pou contain.  Prezan bann investigator pou bezwen antre.  Or si i annan dimoun ki’n track i bezwen annan ankor dimoun ki antre dan sa landrwa.

I kapab ariv problenm avek menm sa bann dimoun bann responders osi.  So sa ki nou pe dir la, nou pe sey beef up nou kapasite pou tou bann Lazans nou osi kapab al lo teren osi byen parey sa lot Lazans ki pou rantre.  E sirtou ler ou annan emergency – sa kalite emergency ou bezwen annan en common pos ki osi sa bann dimoun i bezwen byen well suited –  byen ekipe pou zot kapab fer sa loperasyon mars byen.

Akoz nou’n gannyen bann sityasyon Sesel ki’n ase grav ouswa ki’n ase – an dot mo ki’n ase scary.  So nou ti vwar nou ti pa ti ganny okipe.  So se sa ki nou pe dir okip nou byen, apard bann meter bann keksoz ki teste.  Bann lekipman personnel, bann osi bann mwayen pou – akoz nou annan apel sa mon krwar Fire Service in demande nou osi nou’n demann enn ki nou pou rode sa lannen.

Si ou pa kapab koste obor sa keksoz, ou annan ou en sistenm wage…    ki ou pou kapab vwar ki i pou donn ou reading ;- par egzanp si i annan leak lo barik bann keksoz koumsa kote leak pe sorti, avan ou kapab fer loperasyon.

The standard protokol avan ou entervenir, ou bezwen fer sir ki Lalwa i safe.   Mon kapab dir zot pou dir sityasyon kemikal Sesel, i ava grav si nou pa deal ek li la konmela dan lefitir.  Mersi Mr Speaker.  Sorry Onorab ou kapab repet ou 2enm kestyon please?

 

HON JOHN HOAREAU

Wi mon ti pe dir ou koumsa pou dir zot napa en legal framework ki permet zot annan en forced entry lo propriyete prive, oubyen fer evakyasyon lo en propriyete prive.  So mon pa vwar sa appear konman enn zot strategic priorities.  Mon ti a kontan konnen  si zot annan okenn Bidze pou fer sa arive, akoz san  sa zot liable;- zot annan en liability la.  Mersi.

 

MR SPEAKER

Mersi Onorab.  PS.

 

PS PAUL LABALEINE

Mersi Mr Chair.  Mersi Onorab.  Onorab dan sa Lalwa actuelle 2014  la, i donn nou serten pouvwar pou nou rantre lo propriyete si nou vwar pou dir i annan danze ki sa propriété i kapab  poze pou li e pou lezot  dimoun.  Ouswa passers by whatever ki swa nou antre par konsantman sa dimoun, or avek en warant.

Prezan kot i konsern evakyasyon, ouswa nou pe dir si ou pe dir mon petet fors en dimoun pou sorti ;–  anba lot Lalwa ki pe vini nou ti pe diskite dernyen fwa  sa i en kestyon li.  Mon pa konn lezot pei ki nou’n gete si i annan sa forced evacuation;- mon konnen Australie i annan, me selman kestyon i se ki, ki mannyer nou anba Lalwa nou kapab get li nou kapab donn ou warning pou dir be ok ou kapab sorti silvouple, sorti kot ou ete.   In deza ariv nou ka, kot nou’n  demann de dimoun aze pou sorti dan lakaz, zot dir nou non, pa pou sorti ditou.

So dan ka bann gran ka ki kapab arive, anba  nou nouvo Lalwa nou’n met li ki si  ou refuse en lawful order ok la osi i annan i pa tro – i bezwen vin en pti pe pli morde.  Me prezan i reste si sa dimoun i dir ou non akoz even L’Amerique ou konnen i dir ou pa pe sorti.

Me selman  bann rescuer   i dir ‘’ok,  once ki nou’n fini ferm landrwa, si ou reste ladan nou pa kapab vin kot ou.’’  So prezan mon pa konnen i kestyon si vreman nou pou dir ek sa dimoun nou pou lev li nou pou al avek or i bezwen annan en lot fason.  Me selman  i annan si ou dezobeir en lawful order ou pa oule sorti lo ou propriyete mon pa konnen si nou pou kapab tir ou ouswa tir sa dimoun ouswa tir son fanmir.

Me sa ki annan ki  nou pe mete, se ki si apre i annan bann landrwa travay osi  ki kapab refize les tou dimoun ale.  Si parkont ou refize pou larg ou travayer,  me dan ka kot pe ariv en keksoz travayer i ganny en injury la ou responsab.  Likewise dan fanmir si ler nou’n dir evakye ou pa’n evakye si prezan i annan manm fanmir ouswa bann zanfan ki anba laz ki ganny injury akoz sa lensidan, prezan ou a kapab mon pa konnen bann lenstans ava dir be ou pou liable pou ou ganny prosekite or whatver akoz dimal ou’n dezobeir en lawful order akoz ou’n poz dimal.   Me solman kestyon ou pe reste, malgre nou pou mete mon pa konnen si nou pou kapab fer li.  Mersi Mr Chair.

 

MR SPEAKER

Mersi PS.  Onorab Noline Sophola.

 

HON NOLINE SOPHOLA

Mersi Mr Speaker.  Bonn apre midi Minis ek ou lekip.  Minis PS Labaleine in dir kot so lofis si mon’n byen konpran, ki ou annan case file tou bann distrik.   Malgre ki pa tro annord.   Ok byen.

Minis mon krwar ki PS i bezwen konnen, ki i annan bann case ki’n overdue pre 6an.   La Digue nou annan. Eski dan sa Bidze ou’n met keksoz pou nou kapab travay lo sa bann case? 

Dezyenmman ou’n dir ki ou donn training bann travayer kot Gouvernman.  Me ler ou pe regard pozisyon Praslin/ La Digue petet eksplik mon ki mannyer anba sa Bidze bann dimoun  ki la lo La Digue ki ler  bann keksoz i arive, zot ki lo forefront pou zot al tackle. 

Konmsi ki lantrennman ki zot, zot in gannyen si i annan keksoz dan Bidze pou sa lannen oule fer diferaman ki dan lepase nou ti pe fer?  Mersi.

 

MR SPEAKER

Mersi Onorab.  PS.

 

PS PAUL LABALEINE

Thank you Mr Chair.  Thank you Onorab.  Onorab bann case overdue, parey PS  Thesee in eksplike, nou pe rod sa finansman apropriye pou nou kapab travay lo sa bann case overdue ki annan La Digue.

Annefe nou pa tou case file ki kot nou.  I depan lekel Laans ki’n pran.  Me selman nou vedir prezan ki nou pe sey fer, nou pe sey met tou sa bann lenformasyon ansanm pou nou kapab swiv ki pe pase, lekel ki pe bezwen ganny fer an priyorite and so on.

Parey PS Thesee in dir, nou pou kapab nou pou sey fer fason adres sa bann zafer, once ki nou kapab ganny sa finansman apropriye.  Now lo bann ka formasyon ki  nou pe donnen,  parey nou pe dir nou napa en gran larzan.  Me selman nou pou bezwen debourye.  Akoz ki arive nou annan en progranm community outreach ki  nou lanse lannen prosenn.  Prezan enn nou bann partenaire kle se Ladministrasyon Distrik.   Se pou nou kapab train bann lenstans dan kominote sirtou Praslin/ La Digue. Akoz even Mahé si i ariv en keksoz kot nou kot ranforsman pa kapab vini lo en por ;- en por nou bezwen debout lo nou lipye ziskan ler at least sa premye de twaz erdtan i enportan.

Nou pou sey devlop  kapasite bann zil Praslin/ La Digue.  Pou nou kapab donn zot sa bagaz apropriye.  E ou osi annan en progranm pou nou re organiz, revwar Emergency Brigade dan distrik pou donn sa sipor.  So parey mon’n dir da komansman lannen 2020, nou pou sey fer fason pou nou kapab met lanfaz lo travay dan kominote, ensidswit.

Me prezan nou pou annan sipor teknik.  Nou pou annan en progranm training of trainers ki nou pou avek Fire Service SFRSA, Lapolis ek bann dimoun ki kapab train bann lezot dimoun ki annan dan kominote.

Si tou keksoz i mars byen, ver Fevriye/Mars nou pou konmanse pou sa.  Me sa ki i enportan Onorab, fodre ki ou deza ale lo bann lo Praslin La Digue, nou pa ti ganny reprezantan.  Fodre ki ler nou vini nou espekte nou ganny sa bann dimoun pou ganny sa formasyon apropriye.  Ki nou donnen, apre sa bann formasyon i ganny pase.  So nou pou sey tou nou mye pou  nou kapab fer sa.  Mersi.

 

MR SPEAKER

Mersi PS.  Onorab Sophola.

 

HON NOLINE SOPHOLA

Mersi Mr Speaker.  Mr Labaleine,  si ou’n vini ou pa’n gannyen i posib osi lafason ki zot ti’n fer, e si nou dir La Digue dimoun ozordi pou  demen, ou pa pou ganny personn.  Nou bezwen donn zot en dele letan eksplik zot rezondet akoz nou bezwen vini.

Me selman ankor mon retourn lo sa bann overdue cases,  mwan mon krwar si en case in pas 6an in plis lontan annou sey donn li priyorite sa lannen silvouple.  Annou sey travay lo la.  Mersi.

 

MR SPEAKER

Mersi  Onorab.  PS. 

 

PS PAUL LABALEINE

Wi Onorab.  Nou pou sey nou mye.  E osi ler nou ti vini nou ti ganny envite pou nou vin fer sa training.  Ler maler i arive ti napa –    It doesn’t matter.  Nou pou  donn zot en kalandriye.  E parey mon’n dir nou pou sey nou mye pou nou delivre.  Mersi bokou.

 

MR SPEAKER

Mersi PS.   Onorab Sylvanne Lemiel.

 

HON SYLVANNE LEMIEL

Mersi Mr Chair.  Mon ti a kontan demann Minis PS aparaman, mon konnen lontan ti annan bann progranm ki zot ti fer lo televizyon, pou sansibiliz dimoun, an menm tan pou dir ki zot rol, ki zot fer kot pou call.  Me mon war ki sa in i nepli.   Prezan dimoun pe krwar ki zot rol se enplimant sa bann proze osi.  Parey mwan mon annan bann case depi Zanvye, miray grennen, later grennen sa bann dimoun i ankor pe espere.  I krwar DRDM ki pe in fer sa.

        So ti a bon petet mn pe regarde dan sa Bidze la sa lannen ki pe vini, eski i annan en larzan ki’n ganny mete pou zot al en pti pe lo medya pou fer en  pti pe sansibilizasyon.  Donn dimoun en pti pe plis lenformasyon.  Ki zot rol –  ok ? Mon konnen i annan dimoun i konnen.  Be still i annan dimoun ou bezwen toultan pe repete ki ou rol,  ki ou fer?   Letan en case in vin kot ou kote ki ou pe transfer sa case lekel ki deal ek sa case.  

        Dezyenmman zot rol se rediksyon risk, konbyen ka risk – la nou pa pe koz dezas ki’n arive la.  Bann potential risk ki nou  annan dan pei, dan bann diferan distrik.  Eski zot in zot annan en rikord petet, apepre ki kantite bann ka risk or  bann landrwa ki zot in idantifye konman bann risk areas?  Si wi eski zot in fer en Bidze en travay pou met avek konbyen apepre pou koute pou rezourd sa bann problenm?  E da sa bann kalite risk osi ki petet si zot in fini fer sa travay, eski zot in mete avek dan zot plan lekel sa Minister ki sipoze pe al enplimant sa proze pou minimiz sa risk?  Mersi Mr Chair.

 

MR SPEAKER

Mersi Onorab.  PS. 

 

PS PAUL LABALEINE

Mersi Mr Chair.   Mersi Onorab.   Onorab nou progranm education awareness malerezman nou pa’n ganny finansman.  Me solman nou’n SBC nou’n ganny en koze pou nou travay serten progranm avek zot, pou nou zisteman parey   bann zafer pou nou kapab fer sa bann progranm.

Epi nou’n konmans devlop bann pti – annefe nou pe anvoy en pe kot  Lasanble Nasyonal   bann pti kalandriye, bann pti keksoz ki kapab dan lizye dimoun toulezour.  Pou zot kapab lir e vwar ki  mannyer keksoz  pe fer.  Prezan dan nou progranm  osi -. Apre osi i annan keksoz pou fer ek kapasite imen ki  nou annan dan DRDM, nou pe ganny ankor staff si oule nou pe ganny led la pou kapab zisteman travay lo sa bann progranm ;- devlop sa bann progranm e education awareness.  Apre nou bezwen train translate an Kreol akoz i annan serten teknik ki napa an Kreol ki nou bezwen al rod en fason ki mannyer nou pou ek li.   Me wi nou pou – lannen prosenn nou pou annan en bon pe progranm ki nou pou fer sorti and so on.  Sirtou avek SBC ouswa bann atraver leaflet and so on.  Apre nou pe devlop nou website – Facebook, apre osi nou posters ki nou annan detrwa la nou kapab anvoye.

Ou 2enm kestyon Onorab bann area.  Sa dokiman ki ek mwan la ki  nou fek fini travay kot bann common  hazards in the Seychelles.  Nou pe analiz pou travay lo li pou gete apre nou pou pibliy li, apre nou pou fer bann diferan travay avek diferan Lazans.  Epi i annan en lot travay ki ti ganny fer avek sipor teknik World Bank ti release an 2017 se bann profiling lo bann natural hazards, earthquakes, siklonn, sounami e osi dife lafore.

So zot ti’n donn nou lenformasyon ki nou pe travay lo la pou nou kapab pibliy li apre nou met li dan en plan.  Se pou sa rezon ki nou pe fer apropriye ki pou nou fer fas sa bann sityasyon.  Me osi sa ki nou trouve atraver bann lensidan ki’n pase la, sa ki  nou’n trouve e se ki bann lensidan ki’n arive i annan plis keksoz pou fer avek lafason ki nou devlop later, pou konstri.  Sa i mazorite problenm ki nou annan.  Savedir siklonn whatever ki i annan ki vini li,  i pou la i pou annan nou prepar pou li.

Me laplipar bann problenm ki nou pe gannyen la i lye avek bann devlopman lafason ki pe ganny fer – sa ki nou pou bezwen rezourd li.  E nou’n konmanse pou nou sansibiliz nou partenaire ki mannyer permisyon and so on ki mannyer zot devlop later, fer konstriksyon pou anpese annan sa bann problenm.  Mersi Mr Chair.

 

MR SPEAKER

Mersi PS.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mo ti annan de kestyon bref e mon ti a presye en larepons en pe bref.  Bokou Seselwa fa avek en dezas  premye kestyon zot demande oli DRDM? 

Alors mon ti a kontan demande si i pa’n ler si CEO DRDM pa santi ki’n ler PS ki zot annan en basic response team.  E ki omwen zot bann first risk responders i kapab parey lontan mon’n travay fore se zot ki ti bann first responders.  Konmsi ki zot at least lepep Seselwa ki nou, nou pe vot sa larzan lo zot behalf zot ava vwar pou dir nou pa pe met sa larzan zis dan bann travay biro.  Me ou pe met sa larzan dan rezilta – ok ? 

E si PS pa santi pou dir sa i meyer fason ;- kekfwa i annan en fason pou ou osi kapab reponn dan bann sityasyon dezas dan en fason bokou pli proactif.

Mon 2enm kestyon se pou mwan osi demann ek PS pou li ekler nou lo son pouvwar ? Akoz tanzantan dimoun i war en lateras pe ganny koupe, en lot i annan en lateras pe ganny koupe i tonm delo danm i rouz.     Helvetia i annan enn par lwen avek kot   ou pe ganny koupe delo ziska kot Ile Au Vache i rouz.

Konmsi ler sa bann keksoz i arive dimoun i demande be DRDM i napa en power li? I napa en Lotorite?  Konmsi pou li pran en aksyon dan bann keksoz koumsa?  Konmsi de keksoz mon pe demann ou PS ;-  

1) pou Lotorite, akoz  piblik i anvi vwar en Lotorite e,

2) aksyon ler i ganny dan en sityasyon kot in ariv en dezas.  Mersi.

 

MR SPEAKER

Mersi Onorab.  PS.

 

PS PAUL LABALEINE

Mersi Mr Chair.  Mersi Onorab.  Onorab zisteman ti annan en kestyon ou’n demann nou pli boner dan sa R1milyon ki nou le fer.  Zisteman parey ou premye kestyon se nou etablir sa servis pou respond bokou pli vit.  Akoz ki arive la ler nou pe respond.  Par egzanp Dimans pase ti annan en pye dibwa ti tonbe Bel Ombre, me ti pran en bon pe letan pou al tir li dan semen.  Akoz ou bezwen al rod en kontrakter ler i pare, sirtou Dimans.

So ki nou pe sey etablir bann rapid response parey ou pe dir keksoz i arive i reponn la i deal avek i fini – ok ?  Se sa ki nou pe sey etablir ou menm parey ou pe  dir, me selman parey ou pe dir i pou pran nou en pe letan akoz nou bezwen build  up train and so on.  E osi nou bezwen lespas.  Akoz kot  nou ete nou pe lwe, en bon pe  nou larzan  pa al dan lwe.  Prezan nou bezwen build nou lofis kot en landrwa kot dimoun i kapab baze e proper gear  -transpor, reponn vitman, akoz mannyer nou reponn i ete i vit li.  Me selman prezan the doing of the thing prezan ou bezwen al rod en lot dimoun pou vini ok ? So mon ti ava dakor avek ou mon anvi fer sa.  Se sa ki  nou pe dir nou bezwen kapasite finansyel osi, pou nou kapab recuit dimoun e met sa keksoz an plas.

2enm kestyon ;- in annan moman kot nou’n entervenir nou’n issue red card  –  ok ?  Me i annan de fwa ler keksoz in arive parfwa ler ou pe vwar nou pas li avek Planning ouswa bann Lazans ki pou vini pou vin fer sa enforcement. 

        Wi nou annan serten pouvwar pou nou enforce, si  nou ale lo teren nou vwar definitivman nou dir tyonbo en kou lanmenm la ok?   Me i annan de fwa laplipar ditan ler i arive sa bann keksoz, in fini arive – ler ou ganny lenformasyon in fini  arive.  Me solman i annan ki nou dir be arete la ki ou pe fer.  I annan de moman ki’n arive arete pa kontinyen fer bann travay apropriye.  Solman wi nou annan.  Be dan nou nouvo Lalwa nou le ganny en pti pe plis – pa neseserman pou nou aret tou keksoz.  Me comme dir ou menm  i annan en moman kot ou bezwen azir,  sirtou kot i annan moman kot i bezwen si oule par egzanp letan gro lapli and so on, kot nou bezwen dir be aret travay en kou bann keksoz koumsa.

Wi nou annan, me selman nou le aranz li en pti pe pli organiz koumsa.  Mersi Mr Chair.

 

MR SPEAKER

Mersi PS.   Onorab Ferrari.

 

HON JEAN-FRANCOIS FERRARI

Mr Speaker mon ti anvi zis sizere la Minis i la,  ki i annan plizyer landrwa dan nou pei plizyer, bilding plizyer  letablisman.  DRDM sa ki i bezwen li, se en bon mannyer langar en bon mannyer keksoz konmsi kot i kapab met en pe keksoz, i kapab met enn de lekipman.  Nou parler nou pe rod tro bokou bann keksoz biro, bann keksoz  koumsa.

Kot Lakademi i annan en langar  nef, lenformasyon ki mon gannyen Zil Air pa pey en sou militer.

 

MR SPEAKER

Onorab, Onorab …

 

HON JEAN-FRANCOIS FERRARI

Mon pe dir!

 

MR SPEAKER

… annou vin spesifikman lo Bidze DRDM.

 

HON JEAN-FRANCOIS FERRARI

I annan en lot la kot La Pointe Larue kot i annan bann dezas e Onorab Valmont pou dakor, sa landrwa kot ti annan FoodPro i annan biro i annan tou kek konmsi, mwan mon pa ganny en konpran konmsi Mr Speaker ki mannyer nou’n ariv dan en sityasyon kot nou les nou bann lenfrastriktir degrade konpletman, oubyen nou donn pou nanryen.  Me selman nou annan telman Lazans telman departman ki bezwen lenfrastriktir.

Konmsi silvouple  ed sa pei konmsi pou li servi son larzan en  pe pli byen?  Se sa ki mwan mon pe demande.  Konmsi mon lans en lapel kekfwa Minis Dezinyen i tande, kekfwa next time ler sa bann desizyon i ganny pran,  nou ava dir be annou  regard en kou otour nou la nou ti pe rod en landrwa pou met bann lentelizans.  Me i annan en landrwa kot CID kot i ete la  nou pa kapab met zot la Konmsi annou get en kou otour nou.  Annou make use of     the assets that we have!  Sa se mon  lapriyer Mr Speaker ozordi.  Mersi.

 

MR SPEAKER

Point taken.   Minis donn ou en pti sans fer en pti summary apre.  Onorab Waven William.

 

HON WAVEN WILLIAM

Mersi Mr Speaker.  Mr Speaker mon pa konnen mon krwar mon pou adres sa kestyon avek Minis Designated Minister epi petet PS i kapab rantre.

Mon pe go back in history.  Mon pe regarde toutfason DRDM ti ganny kree de mwan apre sounami.  En lepok de mwan avan sounami;-  an 2006-2008 ti tonm anba Lanvironnman, la i anba Internal Affairs. 

        Mwan mon anvi demann avek Minis si vreman Gouvernman ozordi, lefe ki nou pe koz sanzman klimatik e risk reduction mitigation avek adaptasyon i an vog e zot pe donn li plis prominans?  Eski zot krwar pou dir lafason ki DRDM ozordi i ganny plase ouswa lafason son fonksyon i ete –   e mon pe vwar ki i napa ase pouvwar pou kapab vreman fer sa ki i petet i demann ganny fer, vizavi en Comprehensive National Development Plan letan ou pe regard bann risk dan pei.

Mr Speaker mon pe koz lo mon distrik e mwan mon santi poudir i annan en bon pe keksoz ki ti’n kapab ganny fer akoz mon krwar la DRDM i a fer li 6an depi ler i egziste.  E eski nou konnen egzakteman kwa ki’n pase?  Kwa ki’n pe ganny  fer?  Akoz mwan mon pa pe vwar.  Baze lo bann sensitive area akoz zot in fer en assessment baze lo bann sensitive area nou pa ankor vwar en progranm pou dir be regarde dan tel distrik sa i bann priyorite landrwa ki nou bezwen konmans fer en aksyon.

So mwan mon anvi konnen ki egzakteman zot anvi fer.  Mr Speaker mon lot pwen se ki mwan mon anvi konnen a ki moman ki DRDM i respond lo emergency?  E ki moman ki i divert risk assessment? 

En lot keksoz Mr Speaker, letan ou pe koz lo bonn gouvernans, la transparans avek rann kont, mwan mon vwar en bann trou vid kot distrik pa pe ganny enkli pou vwar e pou swivre egzakteman kwa ki pe arive.  E nou vwar poudir i annan en ta keksoz ki merit ganny fer ki a ler aktyel lo kote Grand Anse Mahé nou pa satisfe.

Mr Speaker mon ti a kontan met lo rikord ki, si mon pou vot lo sa Bidze se akoz lo  lapey bann travayer.  Me mon santi poudir zot bezwen revwar e reorganize.  Mersi.

 

MR SPEAKER

Mersi Onorab.  PS Labaleine.

 

PS PAUL LABALEINE

Thank you.  Mersi Mr Chair mersi Onorab.  Onorab mon krwar ou ti’n adres premye kestyon avek Minis.  Me selman ou pe dir Departman Risk ek   Dezas ti ganny kree an 2006 e nou annan 13an i vre nou’n sanz lanmen, e mon’n selman vin Direkter Zeneral 2010 e la Sekreter Prensipal.  Me selman mon kapab dir ou, dan Departman Risk ek    Dezas si oule in ganny kantite sipor lokal apre osi enternasyonal.

Now me selman nou’n bezwen build up nou kapasite entern.  Par egzanp sa travay ki nou fer i pa en travay akoz ou’n  demann keler nou  fer travay assessment e keler nou respond to emergencies.   Now nou travay risk assessment toulezour.  Nou annan en statistik ler i montre nou kot nou’n, nou’n access anviron 200 ekek ka ki’n vin kot nou – bann demann ki annan pou fer apre bann demann Gouvernman pou access later tout sord kalite.

Epi i annan travay ki nou’n fer avek World Bank pou avek SWIO-RAFI   sa nou apel li South West Indian Ocean ki’n profil Sesel.  Avek sa enn ki nou’n fer la ki prezan nou pe, travay analis avek li ler mon pe dir.  Me solman sa ki enportan se ki kapasite DRDM pou li travay, nou ti bezwen train nou bann dimoun.  Akoz i pa zis kot ou vini an term sa akoz nou bezwen sa bann kalite ki annan bann;- par egzanp geologist bann geologist bann keksoz koumsa ki al travay.

Now me selman mon kapab dir kot nou ete la nou pli byen kapab ki nou ti ete petet 5an pase.  Avek  bann sipor nou bann partenaire enternasyonal ek lokal nou’n nobou  fer bann risk assessment, ki permet nou la kapab  devlop sa plan e  devlop bann mwayen pou nou kapab respond to emergencies.  Akoz emergency response i baze lo risk assessment.  Par egzanp ki mannyer nou pou handle en sityasyon kot siklonn and so on – bann zafer.  Ki bann preparasyon ki nou bezwen fer.

Me an menm tan ek sa bann leson ki nou’n aprann baze lo bann lensidan and so on ki nou’n fer, prezan nou’n vwar nou pe devlop sa bann progranm – pou nou kapab pli byen zer, ouswa pli byen mobiliz popilasyon pou zwenn nou.

Par egzanp nou pe devlop en National Disaster Risk Strategic Plan.   Sa i en requirement UN ki by 2020 tou pei i bezwen annan son plan stratezik.  E i osi nou annan en progranm ‘’Prepare youth for the future.  Building resilience to climate change, disaster reduction through engagement of youth.’’ 

‘’Cultural heritage building resilience through cultural heritage’’ partner avek bann lezot avek Departman Kiltir.  Community outreach programme, ‘’Enabling empower community to develop a culture of resilience.  ‘’

        Apre nou annan en progranm ICE.  ‘’In Case Of Emergency,’’ ki nou pe sey fer nou pe travay avek bann household nou pe target bann landrwa kot i annan bann flat pou lemoman, kot nou pou train bann dimoun demann zot apre de dimoun dan sak lakour pou train, pou prepar zot an ka i annan serten emergency dan sa landrwa.   Nou annan bann partenaire.

        Apre nou annan en progranm de-risking.   Apre assessment ki ti fer lavil apre dife SPTC kot ou ti fer en sweeping lavil nou  ti vwar kot i annan i annan serten problenm ki nou bezwen regle.  Me nou pa pou zis ale zis tir tou keksoz nou annan en progranm de-risking ki nou’n mete ki mannyer nou pou de risk Victoria.

Par egzanp i annan serten keksoz ki nou vwar poudir be i bezwen sorti  lavil. Annan en lot a lekar or i annan sa.  Nou pou annan en progranm ki nou pou travay la.  E zisteman nou pou anmenn sa ziska nivo distrik, kot nou pou annan bann de-risking programme ki nou pe dir ki;- par egzanp dan bann  land use plan kot ou pa kapab met i annan lanmenm  kot  nou pe dir, ou pa kapab met en lendistri an menm tan ou met en lekol, ouswa ou met en Old People’s Home en keksoz koumsa – ok?  Apre klasifikasyon bann critical infrastructure;- proteksyon.

        Apre nou annan osi bann progranm ki nou annan;- proteksyon bann  dimoun vilnerab parey zanfan, dan letan emergency bann dimoun dezabilite ;- apre bann elderlies bann sinyor ;-  bann specialized emergency management    unit ki nou pou annan parey hazmat    incident investigation, bann levennman spesyal, ler i annan bann gran levennman ki mannyer nou pou respond to emergencies;-  search and rescue, e nou konnen nou annan en bon pe touris tanzantan ki  perdi, perdi ki nou bezwen al donn koudmen rode.  Apre disaster medical operation. 

Ki nou pe sey dir nou warning  and alert system ki nou le mete ki nou le improve.  Nou annan app ki nou pe devlope pou kapab, alert popilasyon.  Nou pou re etablir sa texting – mass texting ki nou ti fer avek sa de konpannyen telefonn.

Apre nou annan en progranm Training,   Education, Awareness and Communication.  Training of trainers    programme.  Training of community emergency respond team, household bann dimoun dan lakour ki mannyer zot pou prepar zot.  Apre nou annan lezot progranm ki nou annan pou nou fer pou nou kapab zisteman – aApard ki mobiliz kominote be osi an menm tan osi build  up kapasite pei pou fer fas a nenport ki sityasyon ki devlope si zanmen en zour i arive.  Mon pa konnen si mon’n -?  Mersi Mr Chair.

 

MR SPEAKER

Mersi PS.  Onorab  William.

 

MR SPEAKER

Mersi.  Onorab William.

 

HON WAVEN WILLIAM

Mr Speaker zisteman de-risking mon anvi met devan PS ki en dimoun ozordi letan i pran son transpor i sorti Grand Anse Mahe pou li desann anvil, letan nou konnen poudir ti annan en gran deboulir lateras i annan bann pti pye albizia ki ozordi pe vin gran pye dibwa, mon pa konnen kan i kapab deboule tonbe, ouswa ros i tonbe, se sa ki nou pe rode Mr Speaker,  se ki eski zot annan en plan stratezik short term, medium term, long term pou adres sa bann problenm?

Akoz nou pa pe war li pe arive !  E se sa nou problenm la se sa nou pli gro problenm se ki nou pa pe war sa !

 

 

(APPLAUSE)

 

HON WAVEN WILLIAM

Alors mon ti ava demande ki zot senplifye zot fason war keksoz ; ki sa Seselwa ozordi i war !  Akoz ki arive nou pou nou pe plenny kou lavi ou propriyete prive ou pe monte ou pe – konmsi menm pou ou ganny ou konpansasyon apre ki en pye dibwa ros in deboul lo ou, Mr Speaker i pran en bann letan.

So mon ti a demande zot senplifye zot fason war e fer keksoz, koumsa ki nou kapab deal avek sa sityasyon.  Akoz la ozordi Mr Speaker mon pa satisfe avek sityasyon letan mon sorti Grand Anse mon pe mont La Misere, mon pe desann anvil i annan en ta risk.  Me selman nou ganny dir poudir – enn – i annan bann landrwa sansib zot deza evalye, me selman nou pa pe war lo teren egzakteman progresivman war louvraz pe ganny fer!  Mersi bokou.

 

MR SPEAKER

Mersi Onorab.  PS brefman.

 

PS PAUL LABALEINE

Mersi Mr Chair.  Onorab si ou pe refer dibwa La Misère avek Beau Vallon pe al ganny koupe probableman dan sa bann semenn ki pe vini.  E annefe pa DRDM ki koupe, nou pe supervise.  I pou anba direksyon Departman Lanvironnman, me selman i pou al ganny koupe.  Epi dan nou stratezi se nou pou bezwen war fason e finansman deryer sa Lazans ki responsab pou annan en buffer zone ek semen – at least 2met kot i kapab ;- kot napa gro pye dibwa (napa) be la ankor prezan i annan sa konpetisyon ant  bann dimoun ki krwar dan lanvironnman ki dir ou pa tir pye dibwa, avek menas ki annan.  Prezan pye dibwa ler ou tire i vin ek son ros ek tou son bann later.

So nou lapros se sa ki nou pe dir fodre semen – 2met ek semen i annan en buffer ki napa okenn danze.  Antan ki posib.  Me nou konnen loto pou Sesel pa toultan posib pou fer sa, me selman nou pou seye.  E nou konnen osi i annan landrwa kot i annan en bon pe propriyete prive obor, me selman sa ki nou pe dir prezan par deryer at least tou le 2an, i ava annan sa bann maintenance.  Ouswa ler ou tir sa bann gro pye dibwa koumsa  i ava annan en lot keksoz ki  ou ranplase, ou pa pou kapab les li bare koumsa menm.  I bezwen ganny ranplase par en lot vezetasyon ;- savedir i bezwen annan en finansman par deryer sa loperasyon ki pou tir sa bann danze e reabilit li avek bann mwayen ki pa pou koz danze.  Mersi Mr Chair.

 

MR SPEAKER

Mersi PS.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair rezon akoz DRDM i avek Departman Local Government, se akoz i annan de primary responders ki la avek zot i annan Administrasyon Distrik e i annan SFRSA ki tonm anba en Departman e Lapolis i la, so zot sipoze cordinate mechanism.  Mon problenm mwan se ki kwa ki nou pe fer pou nou adres sa bann sityasyon ler i leve, e rikord ki nou garde lo tou sa bann case?  Nou pe donn ou larzan pou met an plas bann sistenm.

Dan ou sistenm ou bezwen kapab dir par egzanp ozordi along litoral Anse Aux Pins ki bord ek lakot, ou annan depi kot lafanmir Lau-Tee onwards laroul nek  i monte la, konmsi bann landrwa ki zot pan ganny sans adrese konmsi, ki zot pe fer pou zot adres sa bann diferan problenm ki zot annan?

Fodre nou aret konsantre en pti pe lo tro sa bann plan stratezi e tackle bann fizik, ki nou ale nou fer bann louvraz e fini fer li.  Akoz mon problenm si ou pe dir mon DA i en primary responder, i bezwen annan en folder, en file dan tou distrik lo sa bann problenm.  So premyerman eski ou annan en katalog  lo tou case mitigasyon dezas dan pei?  Eski ou annan sa katalog?

Ki mannyer prezan atraver sa Minister zot met an plas sa finansman pou zot tackle tou sa bann ka?  Sa size koup pye dibwa i pa vedir ki nou koup pye dibwa Beau Vallon, La Misère eksetera.  Rezon se akoz sa kestyon i vin dan fason ki nou pou fer pou nou adres sa bann problenm ki pou lonterm?

E PS Finans i dir nou napa larzan.  So nou bezwen annan.  Sa i vin parey en mini capital expenditure li menm kot i annan en costing.  Bel Ombre si lateras in grennen i bezwen annan en costing pou sa miray ki  pou ganny fer. I bezwen annan en planifikasyon ek sa bann plan e pe ganny adrese o fil letan.  Se sa ki fer mitigasyon.

So kestyon ozordi mon demann ou se, eski ou annan en katalog of cases?  Eski ou annan en costing pou sa catalogue of cases ?  E prezan ki ou fer prezan pou ou koup lakantite letan ki i pran between vetting, procurement lot, lot pou ki en proze ki relye avek dezas, i ganny fer dan en dele letan ki rezonnab ;- swa en proze rehabilitation par egzanp kot ros in grenn lakour en dimoun kot i pou ganny fer dan en dele rezonnab.

Mon konn tre byen i annan bann case ki plizyer fwa mon come back to zot.  So kwa ki zot pe fer e ki mannyer zot pe restriktir keksoz?  Akoz mon war keksoz pe ganny fer tro an teori annou regard la pratik ki nou bezwen fer.  Mersi Mr Chair.

 

MR SPEAKER

Mersi Onorab.  PS.

 

PS PAUL LABALEINE

Mersi Mr Chair.  Mersi Onorab.  Onorab devan mwan la i annan tou sa bann lalis bann ka depi i sorti kot depi 2013, 2019 sa i sorti kot Departman Lanvironnman drenaz and so on.  I annan MHILT tou bann sa i plizoumwen tou bann ka ki pou fer avek lakour prive. Apre pou Local Government i pa ladan, i avek li.  Apre sa pou Land Transport nou annan  embankment ki  la obor semen bann miray, drenaz, ki bezwen ganny fer, pou tenir semen and so on – bann zafer.  Prezan in addition to that, i annan bann costing ki’n fini met avek i annan bann – mon kapab fer zot gannyen;- par egzanp dan status i met ‘’ongoing‘,’  ‘‘’ongoing ‘’ bann ki’n al estimate, tendering, design tousala pe pas dan bann faz.

Now ou kestyon ki pli vit ler in ariv en lensidan ou kapab vitman.  Now mwan osi mon ti demann sa kestyon akoz dernyen fwa avek POU nou ti dir zot i dir nou DRDM i kapab ariv seksyon 65, ler nou bezwen fer keksoz vitman nou ti fer sa pou Praslin – semen Praslin ki ti kase;- nou pe fer sa Anse Royale, apre nou ti fer sa en ka Anse Aux Pins.  Vitman i marse.

Be prezan i annan parfwa dan bann problenm teknik ki annan, par egzanp si i ariv en lensidan ki ou pa kapab tous li or pou serten rezon ki ou bezwen dir ok nou pa pou kapab fer nanryen la pou le moman, eski ler letan  i sek.   Esper isi.  Ouswa i depan kwa.  I kapab sityasyon lapli, i kapab pye dibwa i tonbe, now prezan nou’n propoze avek bann dan Lalwa POU ouswa nou pe dir ok si sa lensidan in ariv ozordi prezan nou pa pou kapab deal ek li up to petet 3/ 4 semenn or pou serten rezon akoz ki Lalwa pa fer li donn sa Lazans konmsi pouvwar pou fer li ki mannyer i apele selective bidding.    vitman ki kont li konman emergency.

Akoz toultan ki nou, nou pa sa lakour, ouswa sa propriyete i pa ganny repare i still kout Gouvernman larzan akoz nou pe kit li dan en guest house  or somewhere parla kot i pe tous nou larzan.

So si nou kont li konman son rekonstriksyon i still en emergency kot menm apre 2mwan nou kapab fer li dan servi selective bidding, olye al atraver tou sa bann process ki pran en pe letan sa ti ava ede en kantite konpran.  Akoz i annan sa containment dan regilasyon ki  nou fer vitman apre once ki i al dan en proze, i bezwen  al swiv tou sa bann prosesis project management.  Mersi.

 

MR SPEAKER

Mersi PS.  Onorab Pillay.

 

HON SEBASTIEN PILLAY

Mersi Mr Chair.  Mr Chair mont i a kontan ki sa lalis i ganny fer available ki nou bann Manm i kapab follow-up lo sa bann cases.  E prezan ou konnen Mr PS e Madanm Minis problenm i vin koumsa li dimoun pe krwar poudir se ou ki bezwen fer sa bann keksoz, akoz se ou ki ariv premyerman lo scene.  Be nou problenm ki nou, nou annan se ki souvandfwa nou pa war en follow-up ki pe ganny fer apre ki ou zofisye in vini.

So ki nou pe demann ou prezan dan sa striktir dan sa larzan ki nou pe met an plas pou sa mitigation plan, ki zot pe travay lo la, lekel ki sipoze fer sa follow-up?  Lekel ki sipoze asire ki par egzanp en pye dibwa i devret ganny koupe Anse Etoile?  Lekel ki sipoze asire ki en miray i devret ganny fer Anse Aux Pins ?   Lekel ki devret asire ki embankment i devret aranze Anse Royale?   Lekel ki sipoze fer sa?

Who is suppose to be doing that?  Eski ki DRDM, i sa respective Agency? E si nou annan en problenm lo sa nivo follow-up then mon krwar i bezwen annan en rapor peryodikal ki ou bezwen submit avek ou Minis e ki ou Minis i bezwen submit lo nivo Cabinet pou fer konnen poudir la bann diferan entities, lala ki zot sipoze pe take up.

Akoz otherwise malgre nou annan sa sityasyon, nou pou war dimoun pe ganny serten fristrasyon anver ou Departman.  E se pou sa rezon ki bann Manm pe reakte dan sa fason.  E pe demann ou serten kestyon pou nou ganny serten klarifikasyon.  So kwa ki ou annan lentansyon fer pou retir sa lenpresyon dan lespri dimoun ki se ou ki sipoze pe fer sa bann keksoz?  Oubyen eski ou annan lentansyon fer serten first response ou menm?  Sey dir nou en pti pe avek sa larzan ki nou pe donn ou dan Bidze ki mannyer ou pou deal ek sa sityasyon?  Mersi Mr Chair.

 

MR SPEAKER

Mersi Onorab.  PS.

 

PS PAUL LABALEINE

Mersi Mr Chair.  Mersi Onorab.  Onorab normalman ler DRDM in ale in asses i refer the case avek en Lazans.  Prezan i responsabilite sa Lazans pou li enplimant sa proze.  Now be prezan nou espekte ki sa Lazans i bouze i bouz devan.  Be prezan avek setting up sa  Steering Committee, i annan de co-Chair ki prezan in met lo responsabilite tou sa PS ki annan keksoz pou fer avek sa bann reabilitasyon la,  zot lo la.

Prezan nou zwenn tou le mwan, e la nou pe zwenn le 23 pou zisteman bouz keksoz pli vit.  I annan keksoz ki’n marse  bokou pli vit – ok?  I marse pli vit e prezan nou sa de co-Chair toulezour nou pe telefonnen nou pe bouz keksoz pli vit so.  E prezan tou le nou protokol ki an plas every quarter nou bezwen raport ek Cabinet poudir la i la keksoz ki’n arive, mannyer keksoz i été and so on.

Me toudmenm annan de fwa DRDM osi i bouze.  E dir zot ok nou tel keksoz nou pa ankor tande nou bouze and so on bann zafer.  Now i vre pa nou ki fer sa bann zafer dimoun i krwar, me selman nou ganny kantite call pe dir nou mon case pa ankor bouze – pa ankor bouze, me nou sey fer fason pou nou bouze nou.

Me sa Steering Committee mon krwar i pou ede pou rezourd sa bann problenm.  Me la fondamantal i reste si i annan back up finansman keksoz pou bouz bokou pli vit, nou pa pou annan sa bann konversasyon.  Mersi Mr Chair.

 

MR SPEAKER

Mersi PS.  Bon mon pou allow ankor 2 Manm se ordinerman le 2 Leaders Onorab De Commarmond in sinyal mwan ki in pas son drwa avek Onorab Simon Gill.  Nou ava apre mon ava donn laparol Onorab Simon Gill.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman i kler ki poudir sa kozri sa bann kestyon ki’n ganny demande apre midi annou aksepte ki poudir level konfyans dan DRDM i tre feb.  Nou’n tann en kantite koze – kantite koze.  E la apre midi osi tou mon tann en kantite koze, me selman aksyon pa pe swiv – aksyon pa pe swiv.  Mr Chairman PS i koz de-risking mon ti ava kontan ler i desann sorti isi kot Lasanble zis obzerv byen – mon envit li pou li pran larout sorti kot Lasanble ziska kot ron pwen se tou, e letan ou pou ariv kot ron pwen ou pou war en stasyon petrol – vizavi sa stasyon petrol en lekol primer obor sa lekol primer, ou pou war batiman Helena  – ou konnen ki i annan dan batiman Helena?  I annan archives.   Obor sa stasyon petrol i annan depo bis SPTC !  Ki nou koz lo la de-risking?  pa ganny en konpran mwan !   Mwan mon krwar ki poudir sa pa derisking sa !   Sa i apel  risking exercise ki nou met an aplikasyon !

Lottro zour ankor enn fwa ti pran en dife laba lo por, apre sa ti fer en gro miting – DRDM tou ti ladan, ki mannyer pou re-balanse stasyon Fire Brigade ki sipoze li premye pou reponn lapel e tou ti rekonnet ki poudir premye ki ti pou kapab ganny detri sete stasyon fire brigade.

Apre sa ti dir pou fer plan.  Fini ganny 1an la non?  Pa ankor ganny 1an?  Fini ganny 1an e ziska aprezan nou pa ankor tann nanryen.  Nou pa ankor tann nanryen e partou kot ou ale sa bann pwen ki Onorab William in leve, tou pou nou koze nou poudir pye albizia i konmans konman en pti lagrenn, ki flote apre sa i vin en manman pye.  E konmsi mon pa war ki kalite plan konkret ki zot pe met devan Seselwa poudir la nou pe pran – nou, nou pe pran.

E tou bann konplent i kontinyen repete. Au Cap toultan nou annan menm zafer.  Pointe Larue Onorab Valmont zis konman lapli i tonbe i dir avek ou zot pe naze – ok?  be konmsi mon ti ava kontan konnen be pe ganny Bidze ankor e an plis ki sa nou bezwen osi rekonnet ki poudir sa Departman DRDM ozordi in pran en lot dimansyon.

Avan sa ou ti CEO oubyen Direkter ok? La ozordi i lo nivo PS savedir in ganny in mont pli o li ankor li – in ganny upgraded be konmsi, mon krwar ou’n fini konpran mwan ou mon konnen ou’n konpran mwan ou.  E letan nou pe regard toultour nou bann keksoz ki nou pa ti abitye war.  La yer swar PUC i dir avek nou danm Rochon i abitye vin rouz.  Mon pa konnen lekel ki’n abitye war danm Rochon rouz.  Mwan premye fwa mon war danm Rochon rouz mwan!

Aprezan nou taye nou met en bann zafer ladan, aprezan bann pov malere pwason ki dan sa danm, zot ki pe flote – ok?  Mr Speaker mon dakor avek Onorab William mon si i ti lo mwan menm mwan, mon ti pou vot kont sa Bidze, me selman nou annan travayer e la mon pe demann Minis konmsi ki zot pe fer pou regarde pou ki lepep Seselwa i ganny keksoz ki bon ?  Lorganizasyon ki i konnen i kapab apele.  Mon konnen poudir pli boner Onorab Afif in koz lo La Digue, mon mazinen Onorab Sophola osi tou in mansyonnen.  Tou sa bann problenm delo ki’n monte la, bann dimoun La Digue pe kriy lasasen!  Zot tou zot pe rod DRDM ki plan ki isi ki laba ? ‘’ Nil by mouth.’’ ‘’Nil by mouth.’’

Mr Chairman eski Mr Labaleine i kapab donn nou en pe konfyans silvouple?  Give us hope! Lanmerik i annan Bob Hope si ou annan?

 

MR SPEAKER

Mersi Onorab.  PS Labaleine.

 

PS PAUL LABALEINE

Thank you Mr Chair.  Mersi Onorab.  Premye La Digue.  Napa rapor ofisyel ki ti vini kot nou ki dir i annan La Digue la recently la.

 

(Off-Mic)

 

PS PAUL LABALEINE

Pardon?  Non  mon dir  ti napa okenn … Mon a verifye selman ti napa demann ti napa okenn rapor ofisyel ki La Digue ti pe flood.  Mon war li lo …

 (Off-Mic)

 

MR SPEAKER

Bon ok.

 

PS PAUL LABALEINE

Well kekfwa i kot en lot Lazans.  Anvway annou pa sa me selman …  Now Onorab mon tann byen ki ou’n dir me selman dan sa biznes de-risking i annan plizyer partner sa ki fer drenaz, sa ki fer lezot keksoz laba e nou, nou’n delivre serten travay kot i konsern risk assessment.  Parey zis zot pe dir kot SPTC kot SHELL bann zafer i bann –  Pli boner mon’n nonm land use plan ki mannyer keksoz i marse.

Now si nou pou delivre sa kalite louvraz  ki mon krwar nou kapab, nou annan  sa kapabilite me i enportan ki nou met serten keksoz kler ater.  Par egzanp kot i konsern de-risking.  I pa neseserman ki ou fer en batiman keksoz koumsa, but i enportan ki nou pli byen kapab ogmant nou kapasite dimoun dan travay, pou nou kapab respond to sa bann bezwen.

 

(Off-Mic)

 

 

PS PAUL LABALEINE

Mon pa konnen si mon pou dir li koumsa, i pa tro nou lafot akoz si nou pe dir sa ti devret koumsa – lot fason, apre par egzanp sa ki Lotorite ki pran desizyon.  Par egzanp si nou dir mon pa oule al dir en lot keksoz ki en lot Departman i devret reponn sa kestyon, me solman i annan moman kot nou, nou dir nou le fer li lot fason fer – zot koumsa me malerezman bann Board bann sa  ki pran desizyon i pran li lot fason.  Nou pa kapab fer nanryen ladan.

Me selman  mon krwar nou ranking devan piblik ti ase o li.  I depan ki nou pe gete, akoz tou dimoun ki’n demann nou pou asiste kot zot, akoz nou annan nou plis ki 200ekek ka kot nou deal avek.  Nou’n fer pase bann dimoun ki nou koz avek, me parey mon’n dir dan sa biznes la i annan plizyer partner nou en partner.  Mon rekonnet ki nou annan serten febles wi, me nou le devlop ouswa travay lo sa febles pou nou vin en pe pli efikas dan le fitir.

Se pou sa rezon ki nou, nou pe dir revwar lafason ki nou pe travay ;- devlop bann plan apropriye, fer bann formasyon apropriye e met an plas bann striktir apropriye a nivo distrik, pou nou kapab rezourd bann problenm ki i annan.  Me still i reste, anything ki ou pou fer ou bezwen kapasite finansyel avek kapasite imen par deryer nou, ki i kapab permet nou avans pli devan.

E lot keksoz DRDM pa la pou li anpes devlopman li.  Nou le fer li pli byen aranz li pli byen, donn koudmen fer devlopman vin bokou pli byen.  Me bokou sa bann problenm ki arive, i al dan bann landrwa prive kot zisteman dan konstriksyon i annan keksoz ki pa’n al tro byen.  Plizyer fason.  E nou ki nou anvi trouve se ki si fodre nou revwar land use plan nou  revwar – nou rod en fason ki sa bann progranm de-risking kot nou pa pe met si oule met SHELL obor lekol parey mon’n dir ouswa ou pe met en lot batiman ki pa konpatib avek sa enn avek en lot.  Be i pou require en review to the whole  of land use plan.  Epi osi napa lespas byen, byen me selman i pa vedir ki nou pa kapab fer li pli byen ki nou’n fer dan lepase.

Me selman mon konnen i annan moman, i annan bann plan ki’n ganny re-think – regete.  Nou osi nou ti annan konsern with regard kot SHELL ti été avek lekol ek lot la,  me pa pou fer keksoz pli long, me selman nou pou sey fer tou nou fason nou pa la pou anpes devlopman Onorab, me ki mannyer nou kapab fer keksoz bokou pli byen ki i été konmela dan le fitir.

Me an menm tan, me selman i reste nou bezwen devlope.  Nou bezwen lendistri.  Nou bezwen fer lakaz e napa bokou later dan plato ki reste, me prezan nou bezwen mont pli o.  E la kot nou pou bezwen annan mwayen bann lorganizasyon ki donn permisyon bann lorganizasyon ki donn mwayen pou zot lo teren e konsilte e konsey bann dimoun lafason ki i pe devlope, pou nou pa ganny sa bann problenm ki nou pe gannyen la konmela.  Sa ki nou pe dir.

Bann fason ki nou devlope avan, parey dan Pointe Larue and so on i annan fason mitigate sa bann delo, me still nou pou bezwen depans larzan pou nou fer bann corrective measures.  E bann fason ki nou devlope en bon pe letan pase plis ki 200an pase, nou pou bezwen sey viv avek me an menm tan sey rod fason ki nou fer bann corrective measures ki rezourd serten problenm.

Me dan le fitir, annou sey war ansanm ki mannyer nou kapab pa kontinyen pou kree problenm.  Mersi Mr Chair.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman en premye pwen ki mon ti ava kontan Mr Labaleine i eksplik nou, in mansyonn en keksoz ki reel i dir li i la konman DRDM me i annan bann lezot li i kapab propoz keksoz bann lezot i kapab fou kalot ladan basically.  Me lefe ki zot ki Departman Risk avek Dezas, se zot ki sipoze pe donn lalimyer lo ki mannyer pou manage dezas avek risk !

Eski ou ti a kapab dir avek nou be dan sa Hiérarchie la, zot kote zot tonbe?  Lekel ki premye anler e zot konmsi  i ant zero avek 10 kot zot tonbe zot?  E dezyenmman Mr Chairman mon demann mwan lo kote trafik dan lavil, si i ariv en dezas dan lavil?  Dizon i ariv en leksplozyon?  En kanmiyon petrol pep ase i eksploze avek sa pozisyon trafik ki nou annan ozordi – sa konzesyon 4er apre midi, eski zot annan en plan lo ki mannyer pou empty, pou fer Victoria vid avek tou bann trafik pou zot kapab handle sa.  Eski vreman zot annan en plan?  Mersi bokou.

 

MR SPEAKER

Mersi Onorab.  PS.

 

PS PAUL LABALEINE

Mersi Mr Chair.  Mersi Onorab.  Onorab with regard to heirarchy normalman sirtou tou – si oule devlopman i ganny aprouve par Planning Authority, ok?  Nou, nou annan en dimoun ki lo sa sub-Committee e ler bann rekomandasyon i ganny fer apre i tou depan dan Board pou gete whether i aksepte ouswa si non. Ok? 

Me parkont baze lo leson ki nou aprann, bann keksoz ki nou’n trouve nou pe sey re aranz sa Lalwa ki ler petet i vin isi, e nou demande ki nou annan sesyon avek zisteman enn de progranm ki nou pe sey propoze lannen prosenn boner an deor Lasanble lo plan Nasyonal.  Dan nou assessment ki nou’n fer dan nou Lalwa ki nou le met li, ki nou pe dir si en assessment in ganny fer i rank 4 – 3 an montan, permisyon pa kapab donnen, unless i annan bann kondisyon ki ganny   meet.

Pou le moman napa sa la.  I difisil  prezan pou deal akoz si nou’n fer  en assessment nou dir be ok ou pa kapab fer  en keksoz koumsa  nou kapab ganny sued akoz napa en meziraz ki kapab ganny mezire.  Nou kapab devlop en regilasyon si oule la, me selman an menm tan nou pa oule anmar lanmen ok?  Me ler i pe dir nouvo Lalwa i vini nou pe dir si bann assessment i ganny fer en devlopman ki pe ganny fer ouswa whatever ki ou pe fer, konstrir i dir ou poudir sa risk i o, ouswa si oule met en en lendistri, oule met en isi ou laba koumsa, risk i o ki in rank 3 an montan, ou pa pou kapab donn – Konmsi personn pa kapab donn sa permisyon, akoz unless ki sa  bann condition i ganny meet.  I pou dir selman, i pou dir akoz ou kapab pa pe avans en devlopman pou serten rezon, me solman si ou pe dir  ou pa kapab compromise safety  ek sekirite therefore nou bezwen reste lo sa laliny, kot ou pa kapab donn en permisyon si i pa’n ganny clearance par sa Departman  responsab or sa group dimoun ki responsab pou risk management dan pei – ok?

E si sa i ganny aprouve, then nou a kapab rezourd sa bann problenm ouswa anpese dan lefitir.  Now ler nou ti pe koz progranm de-risking nou, i annan serten keksoz ki kapab aranze la, me selman ler nou konstate osi sirtou dan lavil ouswa partou, en bon pe i bann biznes ki bann dimoun i depan lo la.  Prezan nou pa pou kapab ale zis dir avek sa dimoun dir ok  as now from now on ou sorti, nou bezwen rod en fason, en progranm ki mannyer nou tir sa bann danze dan lavil.  E akoz laplipar sa bann si oule bann danze  ki nou annan petet take away ouswa bann restoran, ouswa bann lezot aktivite ki pe fer zot osi zot economic activities ki i annan en dimoun, i annan fanmir deryer.

Prezan nou  bezwen annan en progranm byen defini, byen prepare, si pou nou annan mwayen pou rode ki mannyer  nou pou sanz pozisyon, tir en pe bann ki nou apel sa bann hot wire ki annan dan lavil.  So -.

Epi traffic management ki nou annan Onorab, sa i en gro challenge – i en gro defi.  Par egzanp sa lane retour an montan Francis Rachel.  Akoz tou trafik konmela kanmenm oule al Mont Fleuri ou sorti isi menm  ou  bezwen pas anvil me sa lane letour ti pou ede – ok?

Apre dan nou plan zisteman ler nou pe koz training lannen prosen sa se, ki mannyer nou tir trafik pli vit posib dan lavil an servan  lot semen ki kapab -.  Me solman si ou pou retourn Mont Fleuri i annan zis  de landrwa  ou kapab ale ;- swa par 5th June ouswa par pa bezwen mont par Bel Eau.  Be dan milye lavil i bloke nou pou bezwen travay avek Lapolis, se ki mannyer – en plan ki mannyer nou tir trafik depandan ki mannyer keksoz i été, pou tir trafik dan lavil pli vot posib ki nou kapab.  Me selman i kler ki i bezwen annan en fason ki si ou sorti stad popiler ou pa pe bezwen al anvil, ou pa  bezwen al anvil.  Konmsi ou  rod en lot fason sorti pli vit posib.  Sa i en challenge pou nou.   Mersi Mr Chair.

 

MR SPEAKER

Mersi PS.  Onorab Simon Gill.

 

HON SIMON GILL

Mersi Mr Chairman.  E bon apre midi Minis PS koleg Onorab e Manm piblik.  Mr Chairman mon tante pou mon demann Mr Labaleine atraver ou e Minis ki la, konbyen letan nou pou bezwen, pou nou revwar e repozisyonn DRDM dan Sesel?  E dan sa laliny eski i pou viab pou fer DRDM vin sa Lotorite otononm ki annan pouvwar defini atraver lankadreman legal konpreansiv, kot nou donn li son resours e kot i pa zis ale al fer letour, fer rapor, me kot i ale i fer letour i fer son rapor baze lo bann assessment – bann teknisyen i la, epi i ganny en lekip tim si fodre ou annan 1 or en 5, ki annan sa pouvwar anba zot direksyon pou egzekite?

 

Si i annan en lensidan emergency;- par egzanp inondasyon ou annan en koleksyon 16 ka, nou konsider sa konman en ka emergency ki’n arive e DRDM i ganny son full Lotorite avek son resours e bann tim, nou ale nou egzekite, nou elimin sa bann problenm, ki’n ganny okazyonnen par en sityasyon enprevi ;-mon pe dir nou deklar konman ‘’en leta dirzans. ‘’

E nou annan en peryod letan defini pou nou reazir e rezourd problenm;- met sityasyon anba kontrol fer lavi retourn normal.  Eski i annan en risk think dan sa laliny pans dan sa direksyon e fer DRDM vin sa Lotorite avek pouvwar egzekisyon.  Mon konpran nou pran en mezir tanporer fer en Komite Enterministeryel;- bann PS eksetera, pou sey kontinyen war bann issues ki ankor outstanding.

Me sa ki kler e sa ki pa akseptab i pa kapab annan en sityasyon ki’n arive depi ler dezas Felleng ziska ozordi – pa ankor kapab donn en solisyon!  I pa rezonnab e i pa akseptab dan sa Sesel ozordi ki nou pe viv! Pa akseptab!

Mon krwar nou bezwen pli smart ki sa e kapab donn Lotorite kot i merit donn Lotorite e nou bouze;- nou egzekite!  E mon ava demande mon ava enplor zot pou sey panse, pran en konsiderasyon avek sa ki nou pe dir la, pa ki nou bann eksper be pran konsiderasyon dan sa laliny ki nou pe dir, donn zot pouvwar pou egzekite.  Pa zis rod nou teori –  teori nou anvoy plan, plan i parpiy dan 10 Minister avek sakenn sa Minister avek zot priyorite, e sa ka ki nou konsider li konman en ‘’leta dirzans’’, ki’n arive dan bann letan dirzans, i pas laba an 2enm plan – an 3enm plan e nou trouv solisyon.  Pa fini nou trennen, trennen, trennen.  I annan bann ka depi Bidze 2017, 2018, 2019, 2020?  Mon’n tande dan sa Lasanble – nou ankor la avek.   Please! Silvouple annou bouze.  SMART Government let us be smart.

Annou bouze avek sa bann zafer.  Mon konpran tou bann largiman ki zot in mansyonnen an term kapasite finansyel or resours finansyel kapasite imen, me mon krwar ler i annan en sityasyon ki arive enprevi, ki ganny okazyonnen par en inondasyon, eksetera eksetera, nou bezwen donn sa sityasyon en priyorite Nasyonal ek tou bann dimoun ki ganny afekte.  I bezwen dan en fason ou en lot ganny adrese son size, son konsern.

Mon pa pou tous okenn bann lezot size ankor, malgre mon ti ava voudre tous en kantite size lo sa kestyon de-risking ki nou’n koz lo la, me mon pou limit mwan la akoz mon krwar dan sa nouvo fason panse, nouvo fason war keksoz i ava permet nou pou nou pli smart dan lafason ki mannyer nou adres bann keksoz ki arive.

Sanzman klima i en realite ozordi e nou bezwen prepar nou pou nou deal avek lefe e mitigate tou bann keksoz ki arive avek lefe sanzman klima.  Personn napa kontrol lo sanzman klima e son lefe lenpak lo nenport ki pei.  Alor Lasanble Nasyonal ki annan en rol pou zwe lo ler i konsern provizyon resours finansyel, an depandan sityasyon pei kondisyon pei, Lasanble dan son reasonableness nou ava endorse okenn demann ki vini, akoz i en leta dirzans e nou ava adres li e donn li son merit.

Byensir sa ki annan mazorite i ava deside ki direksyon ki nou pran, epi nou ava pran responsabilite nou ava met kot i merit été.  Mersi bokou Mr Chairman.

 

MR SPEAKER

Mersi Onorab.  PS komanter.

 

PS PAUL LABALEINE

Mersi Mr Chair.  Mersi Onorab.  Onorab si mon konpran ou byen ou pe dir ki nou revolisyonn nou, nou met nou dan en pozisyon kot pou nou si oule (1) rod en fason protez Sesel pli byen ki nou été konmela.  E osi deal avek sa bann sityasyon dan en fason pli efikas pli vit.  

        Now mon antyerman dakor avek ou e an menm tan parey mon pe dir i annan bann konsiderasyon ki nou bezwen ganny fer. Nou rod nou plis dimoun e lot landrwa kot nou pe operate la.  Me  i annan de fason nou kapab fer  – nou annan  1 Lalwa la e en lot nou pe travay lo la  – enn fason pli vit se nou met en amannman dan sa enn ki la pending ki sa lot Lalwa ki pe revize ki annan apepre 100seksyon ki mon krwar Onorab Pillay in ganny sans war li avek Onorab Hoareau, ki nou ti pe travay lo la.

So ki donn sa – pa neseserman pouvwar be selman donn nou sa abilite, sa fason pou nou azir kan i neseser e osi pou nou annan kapabilite parey Onorab Ramkalawan i dir, pou nou kapab dir pa fer koumsa fer lot fason – ok?  Nou pe sey dir.  So mon ok mon napa problenm avek sa, me selman parey mon dir nou annan de fason nou kapab fer li vit, avek en lamannman ladan.  Or nou nouvo Lalwa ki vini ankor dan 2mwan i kapab vin la, kot i  a kapab donn nou sa mwayen pou nou kapab fer tou sa ki annan pou nou fer.

Me i reste Onorab se ki, bann ka ki bezwen ganny fer rekonstri reabilite, i pou bezwen annan bann lezot Lazans ki involve, akoz i ler i annan bann morso teknik engineering and so on ki al laba, me selman si DRDM i annan sa mwayen, sa posibilite pouvwar pou nou fer speed keksoz bokou pli vit mon ok ek sa mon napa problenm ek sa.  E se sa ki mon ti a kontan war.  Konmsi   parey mon pe dir depi 2013 6an – 7an vre i pa akseptab e i pa fer  nou konfortab ek sa osi ditou.

E sirtou pa neseserman ki nou  ki responsab pou sa prezan  nou’n dan milye.  Me mon ti a swete si nou ti kapab dezormen (sezon lapli pe vini la) si i annan ka ki vini la, les donn nou mwayen lezot partner Gouvernman pou nou deal ek sa vitman, rekonstri, re-aranze o pli vit posib ki nou kapab, apre nou a work backward.  Mersi Mr Chair.

 

MR SPEAKER

Mersi PS.  Bon zis avan mon donn parol Minis en pti sans pou fer en pti rezime PS mon annan de pti kestyon lo mon par ;-  Premyerman ti annan en legzersis enpe lannen pase pou fer mapping bann risk areas eski sa in ganny fer?  Eski sa bann mapping work son rezilta i available?

Dezyenmman;- an Septanm 2018 lannen pase en gro ros en boulder ti sorti lo later Gouvernman later Leta ti mank touy Paul avek Sheila Bel Ombre 14mwan pli tar sa ros i ankor asize dan milye zot lakaz eski DRDM in fer en rapor?  E si ou kapab dir nou kote ki keksoz in bloke?

An Zanvye sa lannen miray Mrs Agathine Beau Belle ti ganny grennen avek gro lapli e nou antre mon kapab dir 11mwan pli tar, nou antre dan sezon lapli ankor e nou pe ganny gro lapli e Biro Meteorolozi pe deza averti ki lapli pou kontinyen ogmante deza in fini raport en rikord pou Oktob.

So 2enm miray pe ale pe ganny menase e son lakaz pou ale.  I annan plizyer vizit ki’n ganny fer – si ou kapab dir nou ankor si i lo ou lalis Mr Labaleine e kote in bloke?  Se sa de pti bout ki mon oule met avek ou.

 

PS PAUL LABALEINE

Mersi Mr Chair.  Premye ou dir mwan Bel Ombre ros dan lakaz …

 

MR SPEAKER

Paul avek Sheila.

 

PS PAUL LABALEINE

Sheila ek Paul?

 

MR SPEAKER

Wi Paul Bistoquet, Sheila Panagary.

 

PS PAUL LABALEINE

Ok Mr Speaker.  Mon annan en lalis la ki mon bezwen gete avek MLUH kote i été, pou mwan kapab ganny kopi sa.

 

MR SPEAKER

PS sa i en gro case mon pou war i drol ki zot pe mank sa, sa i en gro case akoz sa de dimoun ti mank averti zot lavi e zot pe reste dan en guest house 14mwan pli tar zot ankor dan en guest house.

 

PS PAUL LABALEINE

Mr Speaker mon war en Adriana Victor pa li?  Bel Ombre.  Sorry Mr Chair mon pa war li lo sa lalis la me mon kapab tyek ek Local Government ou rapel ki lannen ti arive Mr Chair?

 

MR SPEAKER

Septanm 2018 ;- 14mwan pase.

 

PS PAUL LABALEINE

Mr Chair mon kapab verifye apre mon ava fer ou konnen ?

 

MR SPEAKER

Dakor PS.  2enm ka Mrs Agathine Beau Belle – Mrs Danese Agathine.

 

PS PAUL LABALEINE

Agathine, Agathine Beau Belle.  Mon napa bokou Bel Ombre lo sa lalis sa lalis ki ek mwan.  Sa lalis ki kot MLUH mon pou bezwen tyek avek Local Government.  Pardon non i pa avek mwan la.  Mon a kapab verifye apre mon ava les ou konnen Mr Speaker ?

 

MR SPEAKER

Dakor PS.  Bon nou bezwen move on mon ava donn Minis laparol poudir de pti mo avan nou pran en vot lo Bidze DRDM.  Minister.

 

DESIGNATED MINISTER MRS MACSUZY MONDON

Mersi Mr Chair.  Mr Chair mon krwar i annan en kantite keksoz in ganny dir apre midi avek DRDM kot i konsern son travay, son loperasyon, son pouvwar ki i annan.  E la fason ki petet i reazir dan bann letan dezas.  An menm tan osi bann travay prevansyon kot i konsern rediksyon bann risk ki i annan.

Mon krwar DRDM in evolye en bon pe konpare avek ler i ti konmanse 6an pase me nou osi realize ki i ankor annan en kantite travay pou fer.  In fer resorti konmkwa ki i bezwen plis lespas sa i vre, akoz kot i pe operate an se moman lakantite servis ki i anvi donnen, i pa permet li petet pou fer li fer sa travay oubyen demann sa servis dan lafason ki li i ti a kontan fer.

Nou konnen ki nou idantifye en morso later pou DRDM pou li kapab fer son nouvo bilding be antretan mon krwar nou pou bezwen fer en fason pou war, kote ki nou kapab idantifye serten lespas antretan ki i espere, ki i ganny finansman pou kapab konstri son nouvo bilding.

In ganny dir ki petet wi konfyans dan DRDM i feb akoz mon krwar poudir dimoun i espekte bokou avek DRDM e nou tou ki ganny frape par en dezas byensir nou anvi ki led i vini pli vit posib, pou kapab tir nou dan sa sityasyon ki nou été e sa i bann petet i bann travay ki DRDM pou bezwen revwar.  Mon konnen i annan bann protokol an plas ou bezwen travay avek bokou bann lezot sekter tel ki Local Government MHILT pou li kapab fer sa bann travay ki i annan pou fer.

Me mon panse ki akoz DRDM pa kapab fonksyonn li tousel dan sa travay ki i bezwen fer.  I bezwen korperasyon tou bann sekter pou li kapab arive pran sa bann aksyon neseser ki i bezwen fer.  Sa legzersis sa risk assessment ki’n fer sa i ava permet nou zisteman pou revwar en pe bann devlopman ki annan.  E a lavenir ki mannyer ki pei pou kapab tackle sa bann keksoz ki’n deza devlope ki’n deza la avek me ki nou santi ki i pe poz en serten risk.

Nou rekonnet bann konsern ki’n ganny souleve avek bann diferan Manm Onorab la apre midi me en bon pe sa bann konsern sa osi to ki DRDM i konplet sa travay ki i pe fer lo son legal framework kot sa i ava dir  klerman pouvwar ki i annan.  E i ava osi defini pouvwar tou bann sekter, nou tou nou ava konnen letan i annan en dezas ki nou rol, e ki travay nou annan pou nou fer dan sa national response;- ki rol ki nou bezwen zwe.

Mon krwar a lavenir sa i ava zisteman petet anmenn bann aksyon en pe pli vit, letan nou war nou pe fer fas avek sa bann tel ka.

Mr Chair Bidze DRDM i pa bokou.  I en pti Bidze e mon ti ava demann bann Manm pou donn nou sipor pou nou kapab ganny sa Bidze pou DRDM i kapab kontinyen son travay.  Mersi Mr Chair.

 

MR SPEAKER

Mersi Minis.  Bon nou ariv en pozisyon pou Lasanble Nasyonal pou pran en vot lo Bidze pou DRDM Departman Risk e Amenazman Dezas pou en sonm R9,862milyon ki trouve lo paz 166 ziska paz 170 e ki form par dan sa schedule.  Mon ava demann tou Manm ki an faver?  Okenn Manm ki kont?   Madanm Clerk.

 

MADAM CLERK

Mr Chair.  15 Manm i an faver.  Personn kont.  Mersi.

 

MR SPEAKER

Bon savedir Bidze pou Departman Risk e Amenazman Dezas i ganny aprouve par Lasanble Nasyonal.  Avek sa mon ti a kontan remersi PS Paul Labaleine e son asistan zofisye administrasyon Ms Maggie Dugasse e byensir Minister osi pou asiste nou.  Mersi bokou.

Nou pou pran en pti break 15minit nou pou retournen 4.45 e nou pou kontinyen nou travay avek SNYCOk?  So nou ava break nou retournen 4.45.

 

 

(BREAK)

 

SEYCHELLES NATIONAL YOUTH COUNCIL  

 

Bon avan nou kontinyen nou travay mon ti a zis kontan welcome bann nouvo envite parmi nou pou diskit Bidze Seychelles National Youth Council e sa se Special Advisor pou Youth Mr Kevin Vidot, CEO SNYC Ms Penny Belmont, Deputy CEO Ms Ghislaine Belmont e Accountant Miss Natasha Bonne.

E ankor nou touzour dan prezans Minis Dezinyen Madanm Mondon ki Minis responsab pou SNYC e byensir PS Thésée Ms Tamatave e Ms Coopoosamy.  PS zis gid nou lo page number avek the amount.

 

PS DAMIEN THESEE

Mersi Mr Chair.  Paz 166 pou SNYC pou en sonm R28.198milyon.  Mersi.

 

MR SPEAKER

Mersi PS.  Bon okenn Manm ki annan kestyon.  Nou konmans avek Onorab Audrey Vidot.

 

HON AUDREY VIDOT

Mersi Mr Chair.  Bonn apre midi Minis ankor en fwa avek ou delegasyon.  Mon kestyon pou SNYC letan mon pe regard zot bann ‘’challenges’’ avek zot ‘’strategic priorities’’ mon santi ki i annan serten keksoz ki dan zot challenges petet zot pan anforsi dan zot ‘’strategic priorities’’ petet ki kwa ki petet zot kapab avek Bidze ki zot annan, pou revwar ki mannyer zot kapab tackle especially sa issue ‘’recruitment of qualified personnel’’ knowing ki nou pe regarde poudir youth worker tanzantan pe sanze.  Petet si CEO ti kapab dir nou petet kantite apepre zot annan bann staff ki lontan i la, ki ankor pe loyal avek sa Council?  E petet ki bann konsern ki zot santi apard ki petet ziska ler ki petet zot pa ankor ganny nouvo dimoun? Thank you.

 

MR SPEAKER

Mersi Onorab Vidot.  Eski CEO i le reponn? Go ahead zis en pti konsey annou fer nou repons to the point e bref.  Go ahead CEO.

 

CEO PENNY BELMONT

Mersi Chair.  Mersi Onorab.  Bonswar tou dimoun.  I annan en Scheme of Service in ganny war pou bann youth worker e sa ti ganny fer 2017 e ti ganny enplimante 2018.  Me selman ler mon’n fek konmanse sa lannen mon war, i pa anliny avek sa travay ki bann youth worker pe fer.  Zot pa pe ganny valorize zot travay.  Epi ler osi ki zot travay.  So ki nou fer nou an negosyasyon avek DPA pou nou revwar ki zot saler i ganny refer.  Me dapre sa ki nou’n konpran epi baze lo nou ceiling sa lannen nou napa pou sa 2020 so in dir nou i pe met lo 2021. 

        So ki nou, nou’n fer nou come up avek en pe incentives ki pou ed nou bann youth worker ki la.   Par egzanp zot travay bokou apre ler dan Sanmdi/Dimans so dan bomaten dan plas nou konmans travay 8er bomaten so nou pe regarde en pti pe.  Apre osi en lot rezon ki nou pa pe ganny sa kalite se ankor low salary e osi bann training ki i sipoze ganny fer konman youth worker.

Ou konnen i annan bokou training ki ganny met an faz pou diferan parey sosyal, oubyen pou bann diferan antreprener, me pou youth worker nou pa’n zanmen met lanfaz poudir nou annan bezwen train zot.  Se pa ler zot fini lekol en serten laz pou zot kapab fini lekol pou zot kapab ganny zot.  Parey ou pou war en Onorab poudir i annan 2 work worker dan son distrik ki’n arete wi se zot rezon i zot kontan zot travay, me selman zot pa kapab tenir avek sa saler ki sa Scheme of Service in ganny met an plas pou zot.

 

MR SPEAKER

Mersi CEO.  Onorab Vidot ok.  Onorab Stephen Pillay.

 

HON STEPHEN PILLAY

Mersi Mr Chair.  Bonn apre midi Minis avek ou delegasyon Madanm Penny.  Mon kestyon i lo program 1. epi lo breakdown ‘’of other use and services’’ No, 7  ek 7.6 eski CEO i kapab donn mwan  en lesplikasyon – donn nou akoz sa ogmantasyon sorti  1.2milyon pou vin 8.2milyon dan ‘’office building rent’’ ki i annan sanzman ladan?  Mersi Mr Speaker.

 

MR SPEAKER

Mersi Onorab.  CEO.

 

CEO PENNY BELMONT

Mersi Onorab.  Mersi Chair.  Mon pa konbyen zot ti deza pas kot youth center sa ki ti été avan kot Orion Mall dan sa pti landrwa la – mon krwar i annan 2, Onorab.  Apre i annan 2 ki pe travay avek nou dan sa nouvo batiman sa landrwa ki youth worker ti pe SNYC ti pe servi kot Orion Mall ti en pti landrwa kot ti annan 78 travayer e nou ti annan nou zis 2 toilet pou tou sa travayer e an plis tou zenn ki vin fer aktivite.  E landrwa pa ti apropriye; manrmay ti lo kanmarad nou ti asiz ansanm e i pa ti favorab.

Nou pe koz lo lazenes Sesel.  Nou bezwen annan en pe sanzman dan mantalite, dan latitid e dan fason fer keksoz osi.  E ler nou pe koz osi lo travayer, ou bezwen parey in dir travayer nou deza dir zot saler i ba, me nou bezwen donn zot en landrwa favorab pou zot travay ladan ;- en landrwa ki zot kapab zwenn ek zenn.

E kot nou’n bouze wi nou pran en gran lespas, me nou pe servi li to the maximum kot nou annan aktivite everyday depi apre ler  – Sanmdi osi Dimans osi kot nou annan workshop nou annan training.  E la for once nou annan nou en proper training room kot bann youth worker i ganny sa proper training ;- either in house or ek bann lezot dimoun ki pe vin servi.

E an plis sa bann training room i pe servi bann lezot asosyasyon.  Parey zot konnen SNYC i annan 40 affiliated members ek diferan ; kot nou fer swa zot fer leson apre ler.  Bann tim foutbol i vin ek zot zanfan ek zot montre akademikman lezot keksoz ki bezwen aprann.  So wi nou servi nou bouz dan en pti lespas nou pou nou kapab sey donn zenn sa sipor ek sa ki i bezwen, e osi son travayer.  E sa se rezon ki nou sorti dan en pti lespas ki nou’n move dan en pli gran lespas.

 

MR SPEAKER

Mersi CEO.  Onorab Pillay.

 

HON STEPHEN PILLAY

Mersi Mr Speaker.  Kekfwa pou PS Finans ;- eski ler ou pe get sa lespas ki zot pe lwe Orion Mall zot zistifye sa 582 pros R600mil increase ki eski i zistifyab zot bann lo lot nivo sq meter ki – is it konpetitiv pou sa lespas?  Mersi Mr Speaker.

 

MR SPEAKER

Mersi Onorab.  PS Thésée.

 

PS DAMIEN THESEE

Mersi Mr Chair.  Floor ki pe ganny occupy i 1500 met pou en kou R385 per sq meters.  So i deza basically ase ba konpare avek bann lezot lofis ki Gouvernman i annan dan lavil ki plizoumwen R400 koumsa.  Mersi.

 

MR SPEAKER

Mersi PS.  Onorab Paul Ernesta.

 

HON PAUL ERNESTA

Mersi Mr Chair.  CEO, Special Advisor, delegasyon bonn apre midi.  Mon kestyon mon war osi lo program 2 lo kote bann progranm bann aktivite lo nivo distrik mon pe war i annan en mankman, ki zot pe fer pou ankouraz plis sa ki ganny fer dan lannen prosenn?  Apre  ou koman CEO ou’n dir lo kote bann staffing bann lezot pti incentive pe sey mete an plas nou konnen baze lo fleksibilite natir travay bann youth worker, i annan sa bann group manrmay ki zot osi zot ankadre lo nivo lekol, ki mannyer zot pou fer pou ankouraz sa bann manrmay pou zot fer sir zot delivre e zwenn sa bann zenn lo nivo lekol e egalman osi lo nivo distrik?  Mersi Mr Chair.

 

MR SPEAKER

Mersi Onorab.  CEO.

 

CEO PENNY BELMONT

Mersi Mr Chair.  Mersi Onorab.  Ou konnen progranm lo distrik ki kalite progranm ki nou ti pe fer, nou’n bezwen revwar.  Nou  pe konsantre plis lo kalite progranm dan plas kantite progranm.  Apre fodre pran kont osi i annan bokou progranm ki ganny fer ansanm avek distrik.  E nou osi annan sa progranm desantralizasyon ki pe ganny kordinen ansanm avek Local Government.  E sa an prensip ki nou pe sey fer.

Apre osi lontan nou pe sey izolasyon, tousel me la nou pe parey ou pou war dan nou strategic plan, nou pe travay ansanm avek lezot Lazans.  Par egzanp SNYC – Lar pou nou kapab fer bann progranm ki kordinen ansanm avek lezot dimoun, lezot group, koumsa pa fer tou aktivite zis SNYC tousel.

E pou ou 2enm pwen konsern youth work;- dan enn nou progranm ki nou pe fer nou pe donn valer ankor nou bann youth worker, ki nou selebre tou lannen.  E sa lannen i enn ki nou pe fer nou pe fer en outreach program kot nou pe al sansibiliz dan distrik tou dimoun bann lezot zenn kisisa en youth worker    Kwa ki i fer e ki bann benefis ki i vin avek ?  E sa mon krwar i ava donn en pti pe lentere ek lezot zenn ki zot kapab pran sa konman en karyer.  Me  an kont osi come up avek son pwen training akademikman, incentive kwa ki ou benefisye konman youth worker e ki sa ki nou annan an plas.  E sa ki nou annan an prensipalman avek bann zenn pou lannen prosen.  Mersi Chair.

 

MR SPEAKER

Mersi CEO.  Onorab Ernesta.

 

HON PAUL ERNESTA

Thank you Chair.  CEO ou konnen en lepok ti annan nou koz dan kad training ti annan training dan bann youth workers ti fer avek Liniversite, eski sa zot osi pe kontinyen avek sa lannen ;- zot annan provizyon osi tou pou kapab fer sir parey mon pe dir dan kalifikasyon bann zenn, zot osi zot ganny sa kalifikasyon neseser pou sa travay?  Mersi.

 

MR SPEAKER

Mersi Onorab.  CEO.

 

CEO PENNY BELMONT

Mersi Chair.  Mersi Onorab.  Nou bezwen revwar en pti pe sa training youth worker akoz zot ti pe al direk dan Diploma e nou’n war poudir ti annan ki ti pe struggle.  Akoz ler ou get youth worker vir ek son saler ba e tou sa, ou ti pe ganny bann dimoun ki annandeler school leavers ki pa ti pe fer bann basic So nou’n asize avek TGMI nou revwar zot training e ki fason nou pe enn ki Foundation – en Certificate en Diploma.

Apre osi nou annan bann pti kour ki zot ganny an deor ;- ki sometimes nou kapab tap-in ladan ki nou pe ankouraz bann youth worker pou fer.  Thank you.

 

MR SPEAKER

Mersi CEO.  Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Minis avek ou delegasyon.  Mr Speaker mon annan en pti kestyon konsernan bann youth worker ki’n zot in koz lo la pli boner ;- si mon konpran byen i annan bann progranm ki bann youth worker i sipoze fer dan distrik, ok ?  I annan en Bidze ki zot gannyen tou le mwan pou zot kapab fer sa bann aktivite.  Eski CEO ou kapab donn nou en breakdown lo konbyen zot gannyen par mwan pou zot fer sa bann aktivite?

Apre mon annan enn de pti kestyon ki swiv avek.  Mersi.

 

MR SPEAKER

Mersi Onorab.  CEO.

 

CEO PENNY BELMONT

Mersi Chair.  Mersi Onorab.  Anba Local Government i annan en Bidze ki R400mil ki pou tou youth worker ki zot sipoze fer zot aktivite.  So basically en youth worker i annan li R1000 par mwan R1200 par mwan e parey ou konnen i pa fasil fer aktivite ek R1000?  So ki zot sey fer epi zot proposal i annan aktivite ki i fer direkteman avek SNYC, sa i tonm dan nou Bidze me sa enn lo tonm anba Local Government ki mon konn nen egzakteman ki ou pe koz lo la, se i fer li ansanm avek DA.  So ki zot fer zot prepar zot proposal epi zot submit e i ganny aprouve i ganny zot ganny zot Bidze pou zot fer sa.

Me ki nou pe war la depi ler nou mon konmans avek SNYC, nou ‘n realize poudir nou pa kapab fer en progranm avek R1000 so kwa ki nou pe fer swa nou merge avek lezot distrik parey nou pa fer aktivite 3/4 distrik oubyen annan de ler zot kapab fer li par mwan zot fer li tou le 3mwan ki prezan sa Bidze i kapab tenir lo sa R3000 for example pou en aktivite.

Me parkont nou annan lezot aktivite ki i ganny fund dan SNYC ki bann youth worker i fer, me sa enn sa spesifikman i R1000 par mwan.

 

MR SPEAKER

Mersi CEO.  Onorab Loizeau.

 

HON NORBERT LOIZEAU

Mersi Mr Speaker.  CEO in reponn sa kestyon ki mon ti pe al demann li konsernan R1000 par ase alors mon pa pou al lo la.  Mon anvi demann Minis eski konman sa lorganizasyon lazenes eski zot liaise ek bann lezot Departman dan bann Minister kot ki konsern lazenes parey, en legzanp Lekol Ladans, eski i annan dan Bidze si i arive en keksoz avek Lekol Ladans?  Parey nou konnen CINEA ler i annan Biennale zot depans larzan zot kout tou bann dimoun ki sorti deor partou, free of charge zot vini zot donn bal zot fer sa ki zot annan pou fer.  Me selman sa bann zenn zot pou zot al en pti workshop L’Angleterre paran i bezwen trouve dan zot pos pou zot peye pou zot zanfan al sa, me selman nou war ki lezot keksoz lezot ki kapab afford parey bann stilis ti ganny peye, zot ti ale zot free of charge – an menm tan ek sa bann manrmay ti ale.

Mon pe demann ou sa si i annan keksoz anba zot Bidze pou petet ler i annan bann aktivite koumsa ki an deor zot lorganizasyon – si zot ede?  Akoz i annan paran ok ki vreman napa pou anvoy zot piti. I fer lapenn.  Mersi.

 

MR SPEAKER

Mersi Onorab.  Minister oubyen CEO si zot kapab reponn.

 

CEO PENNY BELMONT

Mersi Chair.  Mersi Onorab.  Mon ler mon ti konmanse mon ti dir zot nou annan nou 40 affiliated members pou ou vin en afiliated members ou bezwen anrezistre ou lorganizasyon dizon ou pe koz lo Lekol Ladans oubyen en segondary school oubyen Scout par egzanp – ou fini afilye avek SNYC.  E ou form par dan nou progranm dan nou kalandriye pandan lannen.  So si ou konnen poudir next year ou’n fini progranm ou annan en group zenn 10 zenn ki pe al deor ki pe al pran par dan en aktivite, definitivman premye laport ou sipoze tape se SNYC.

E zis pou fer zot okouran nou ed bokou lasosyasyon, nou ed bokou nou ek pou tou dimoun sey group ansanm.  Parey Onorab ou konnen pandan National Day nou ti menm pran tou manrmay ladans bann diferan lorganizasyon, ki ant nou pa tonm dan nou Bidze, me selman nou ganny dan en lot Bidze pou nou kapab ed sa bann zenn.  Wi nou sey ede ek as much as we can.

 

MR SPEAKER

Mersi.  Onorab in fini reponn ou kestyon.  Mon donn ou 2 sans ok ?  Onorab Aglae.

 

HON EGBERT AGLAE

Mersi Mr Speaker.  Bonn apre midi CEO ek ou delegasyon.  CEO ler mon pe get ou Bidze R28milyon mon war poudir ladan 51poursan ou Bidze i al dan management avek administrasyon, 49poursan li i pe al ver devlopman progranm.  Mon premye kestyon, eski ou satisfe avek en Bidze R13milyon pou kapab travay pou enplimant progranm lazenes?

Dezyenmman ou’n nonmen poudir sa Scheme of Service pou bann youth worker i enn ki en pe defayan eski ou’n met bann propozisyon kler devan avek Gouvernman sirtou avek Minister Finans, ki zot la obor ou pou ki sa Scheme i ava ganny materyalize dan en dele letan ase rezonnab pou benefisye e atrakte plis travayer lazenes?

E dernyerman CEO i annan en desizyon ou’n nonm travay etrwat kolaboratman avek Local Government ki mon napa problenm ek sa me selman ti annan desizyon ki ti ganny pran kot sa larzan ki ou’n nonmen, ti ganny sorti avek SNYC ti al avek Local Government, ki fer ki i pa’n neseserman marse nou rankontre bokou problenm i annan defwa youth worker preski pa kapab fer okenn progranm.

Eski ou dan en pozisyon pou kapab lobby pou ki sa larzan i sorti kot Local Government, ki Local Government i a konsantre son biznes dan devlopman kominoter ki deza i annan serten defayans ki sa larzan sa vot i retourn kot SNYC e zot a kapab servi li parey i sipoze pe ganny fer?  Mersi.

 

MR SPEAKER

Mersi Onorab.  CEO.

 

CEO PENNY BELMONT

Mersi Chair.  Mersi Onorab.  Ler nou gard statistics avek efikasite e ki mannyer nou bann progranm i marse, mon konnen i annan bokou zot i konnen poudir i annan zot progranm poudir zot ti a kontan marse dan distrik avek DA, avek bann MNA pa pe marse akoz sa konsernan sa zafer sa larzan ki’n al kot Local Government.

Lide avan ler Local Government ti pran ti fer vin kot zot, sete petet pou travay en pti pe plis an kolaborasyon.  Epi pou organiz zot aktivite better. me wi baze lo statistik nou’n war poudir i pa pe marse.  I pa sitan fasil ki ler ou’n fini prepar en youth worker in prepar son progranm, i anmenn anba nou fini verifye, i anmenn kot distrik i esper en ta letan e  sa bann konplent mon konnen i pe pas bokou zot pe esper enta letan ;- swa by the time i ganny aprouve zot aktivite in fini fer ouswa zot bezwen al rod en lot sponsor oubyen i pa’n ganny aprouve atan e zot pa’n ganny sa Bidze.

E sa mon konnen ki pe kre en bon pe fristrasyon ki zot bann aktivite pa pe ganny fer ek sa R1000.  Me parkont lo lot kote distrik i sipoze zot annan en Bidze zot pou distrik.  So si annan de ler i annan sa amount pa ase zot sipoze tonm en pe lo zot, ki mon krwar pou le moman i pa pe marse.  E sanmenm sa ki nou annan bokou problenm ki youth worker i oule zot larzan i retourn kot SNYC so it is better and more control.

 

MR SPEAKER

Mersi CEO.  Onorab Aglae.

 

HON EGBERT AGLAE

Mersi mon tin tous lo Scheme of Service tou ki ou’n nonmen si nou pa devret met zot, me selman mon a profite Mr Speaker permet mon pou demann mon siplemanter, i ava en sel reponn.  Antretan ki Minis Dezinyen i la ki li i al dan Cabinet e PS Finans i la e mon krwar nou konsernen bann distrik avek aktivite lazenes se pa ki mon pe demann annan en sipor osi lo tou lede kote latab ki sa larzan PS Finans, ou ava reponn nou lo la i kapab retourn kot i ti sorti e fer zistis SNYC pou li kapab fer son progranm marse.  Mersi.

 

MR SPEAKER

Mersi Onorab.  PS Finans oule pran sa kestyon.

 

THE DESIGNATED MINISTER MRS MACSUZY MONDON

Mersi Mr Chair.  Mr Chair mon krwar ti annan en rezon akoz sa larzan ti ganny transfer ok akoz sa larzan sete pou fer ansanm avek bann progranm desantralizasyon dan kominote o nivo distrik.  Si nou santi poudir i annan serten keksoz ki pa’n marse, mon konnen i annan serten distrik ki’n mars tre byen, zot in submit zot proze zot in ganny funding, e zot pa’n ganny zis R1000 si zot proze in ariv R3000 oubyen plis, zot in ganny sa larzan baze lo sa proze ki zot in submit  – ok?

Nou pa’n zis donn tou bann youth worker R1000 tou le mwan.  Me nou donn sans bann ki fer bon proze anvoye menm si zot proze i kout R4000 – R5000 nou’n fund zot proze.

Donk mon krwar si i annan serten difikilte avek, serten problenm.  Nou kapab regarde kote problenm i été, me si ou pa anvoy ou proze ou pa ganny larzan.  Parske sa ki nou ti anvi war finalman, ki mannyer sa larzan i ganny servi o nivo distrik.  E se pou sa rezon ki sa larzan ti ganny santralize, pou nou met li avek bann progranm ki nou pe fer o nivo desantralizasyon, ki nou a ganny sans koz lo la Mr Chair letan nou vin koz lo Bidze Local Government. E mon krwar bann dimoun tou bann Onorab i ava ganny en bon lide ki mannyer sa larzan i pe ganny servi o nivo distrik.

An menm tan bann progranm ki nou pe fer la nou pe sey fer bann progranm i pa zis ou annan R1000 ou fer nenport ki aktivite.  Tou bann progranm ki nou pe fer o nivo desantralizasyon pe ganny fer avek Departman Kiltir, National Arts Council e NSC par egzanp pou nou fer sir ki sa bann progranm i bann progranm ki focus e i pe kouver tou bann diferan dimansyon ki nou anvi kouver o nivo distrik.  Mersi Mr Chair.

 

MR SPEAKER

Mersi Minis.  Onorab Clifford Andre.

 

HON CLIFFORD ANDRE

Thank you Mr Speaker.  Bon apre tou dimoun.  Letan mon pe get Bidze pou SNYC i montre poudir i annan en logmantasyon anviron R4milyon e sa gran parti sa logmantasyon sorti R14milyon pou vin R17milyon i dan ‘’goods and services’’ ki ganny kategorize sorti R7milyon pou vin R11milyon anba ‘’other uses of goods and services. ’’ Mon ti a kontan ganny en leksplikasyon. Sa i enn.

Dezyenmman menm si PS avek CEO zot in dir ki sorti dan ansyen bilding pou vin dan nouvo bilding i pli bon me SRC ti laba li letan SRC i sorti youth worker National Youth Council in pran sa bout ankor kot SRC ti été.  So alors i en pti pe difisil pou nou konpran oubyen war ki sa kantite staff SRC ki ti laba ti pe servi zis 2 toile.  Mon krwar sa i demann klarifikasyon.

Lot pwen e annefe sa rent i 8fwa plis ki zot ti pe peye avan dapre statistik.  3enm Mr Speaker mon ti a kontan CEO i konfirmen si SNYC i annan en kont ki kot Commercial Bank larzan ki  dish out bann Grant avek bann manrmay pou bann proze e konbyen sa bann larzan in ganny dish  out?        Konbyen sa bann proze i ankor lo lipye?        Konbyen ki nepli annan e akoz ki i annan serten zenn sirtou si zot afilye ek bann dimoun ki travay labank tel ki kordinater ensidswit, zot in ganny en pe plis larzan anviron R350mil?

E annefe zot pa’n konmans okenn proze. Mon ti a kontan CEO i eklersi nou akoz nou bezwen fer sir ki larzan Leta i ganny byen zere.  E sa bann zenn ki ganny sa larzan eski zot undergo okenn training pou fer sir ki zot kapab manage sa biznes ki zot ladan?

E katriyenmman akoz letan SNYC pe fer en aktivite i pa pran bann zenn kekfwa ki annan konpetans oubyen ki i annan son pti biznes ki i pe fer pou zot fer zot bann dekorasyon snack, transpor kontrerman zot pran bann- .  Annefe kekfwa staff i annan ki annan sa bann pti biznes ki ganny sa ti a bon nou ed nou bann zenn pou zot empower zot lekor demen pou zot kapab vin bann antreprener ek bann businessman avek woman ki efikas.  Mersi.

 

MR SPEAKER

Mersi Onorab.  CEO.

 

CEO PENNY BELMONT

Mersi Chair.  Mersi Onorab.  Premye mon krwar ou konfiz en pti pe sa zafer kot SRC in sorti.  Kot nou été actually kot SRC i été e de floor kot nou été SRC i ankor pe servi, so kot nou move actually i kot zot été.  So kot nou ti été avan ti Orion Mall ti dan Orion Mall zis obor kot pharmacy obor kot ou pas dan sa pti kwen ou mont anler la ?  Nou ‘n sorti la nou vin kot Sacos Tower be kot Sacos Tower nou pe partaze osi avek SRC.  So i diferan floor so i pa menm landrwa kot zot in move you understand my pointOk? Sa premye.

Apre ou 2enm ou’n demann lo konsernan en kont Savings Bank non nou napa en kont Savings Bank pou bann antreprener me parkont nou annan en kont ki dan kont Gouvernman ki pas par through system Trezor parey tou bann kont ;- ki wi nou annan en lasistans ki nou donn bann zenn antreprener.  E sa ou bezwen en zenn ki fek konmanse e less than 3years e ou annan ant 18an a 30an e sa ankor i en Board ki  ou’n prezant ou fer ou laplikasyon ou annan en form ki ou anpli sa Board i ekout ou pitch in – ou pitch your business apre vizit i ganny fer.

Me avan ki ou ganny sa lasistans i annan en training spesifik ki ou bezwen fer annefe i annan 2 Grant ki nou annan nou annan sa enn ki tonm anba YEB apre lot ki nou tonm anba PERGE –  CONFEJES e sa ki ou pitch ou proze i al deor.  E pou sa lannen premye fwa 5 zenn in gannyen.  Lannen avan zis nou ganny enn de and this is the premye fwa isi nou ganny 5 zenn ki ganny ki’n ganny aprouve zot proze anba sa enn progranm.  Me parkont sa lot nou annan zis R1milyon kot la zenn i gannyen.

Me ler nou dir en zenn i ganny son proze i aprouve, i vin avek en kantite keksoz sa.  Nou pa donn ou sa larzan dan ou lanmen pou ou al konmans ou pti biznes.  Nou ed nou avek swa ou bann materyo ki ou bezwen, oubyen lekipman ki ou bezwen e la sa voyaz la ki nou deside Board in deside poudir i pou asiste bann zenn, ki pe pran bann loan avek labank e ki bezwen collateral pou zot met en deposit.

         And this is en keksoz ki Board in fek dakor sa lannen ki kapab ed en zenn pran sa larzan pou li pran son deposit pou li ganny son loan oubyen son bann prosedir parey dizon i pe al konmans en pti bilding kot i bezwen led larsitek bann keksoz koumsa.

Me selman i spesifik.  E i annan en spesifik kriter ki ganny servi e napa zis nenport ki dimoun ki zis anvi en larzan ki gannyen.

 

MR SPEAKER

Mersi CEO.  Onorab Andre.

 

HON CLIFFORD ANDRE

Dan mon premye batch kestyon i pan reponn enn konsernan bann dekorasyon snacks akoz mon annan ankor mon annan siplemanter, so si i a fini sa apre mon a demann siplemanter.

 

MR SPEAKER

Met tou ansanm Onorab.

 

HON CLIFFORD ANDRE

Met tou ansanm. Ok so savedir ou annan sa 3enm kestyon pou reponn, apre lo sa Grant ki zot donnen mon ti dir ou dir nou kantite ki’n gannyen ?  E ki sa minimum oubyen maximum plito pou sa Grant?  Mersi.

 

MR SPEAKER

Mersi Onorab.  CEO.

 

CEO PENNY BELMONT

Premye sa enn kestyon ki ou’n demande konsernan pti biznes pou nou donnen ;- en keksoz ki nou fer ler nou donn ou en Grant  la nou bezwen swiv ou for the next 3years.  Nou bezwen monitor ou.  E prezan ler nou annan bann pti biznes parey catering, dekorasyon nou tant pou donn par egzanp osi bann DJ nou tant pou donn sa bann ki fek ganny Grant pou nou kapab pous ou pou ou vin better.

E sa ankor nou fer li pa zis nenport ki ozordi, ou vini ou gannyen me selman nou sey donn sans tou bann zenn pou zot kapab avanse dan zot biznes.  E parey ou pou war dan bann levennman ki’n pase la sa lannen Youth Festival e tou sa ou pou war 3kar ;- swa bann travayer youth worker zot menm pe travay e bann zenn ki vini avek zot bann dekorasyon.

Thank you.  I reste zis en pti moman mon ava rod sa detay egzakteman ki kategori biznes e ki kantite nou depanse pou sa lannen, mon a donn ou Onorab.

 

MR SPEAKER

Onorab se sa.  Mon krwar lenformasyon ki CEO pe rode pou donn ou.

 

HON CLIFFORD ANDRE

Mr Speaker la i pe rod ki kantite an term Grant, zot donn bann zenn?  Ki maksimonm?   Selman sa kestyon ki mon ti demann li lo son lo zot Bidze ki zot sorti 24 pou 28milyon ladan ki 14.17milyon i’’ goods and services’’ me ladan menm i dir ou ‘’other uses of goods and services’’ sorti 7milyon i mont 11milyon so se sa ki i pa ankor reponn mwan ditou lo la.

 

MR SPEAKER

Mersi.  CEO.

 

CEO PENNY BELMONT

Onorab ler mon eksplik ou ‘’goods and service’’s sa menm sa rent ki’n increase sanmenm sa kantite larzan ki’n al ladan.  Nou napa an plis dan’’ goods and services’’ ki’n al lo sa.  E sanmenm sa mon eksplik ou poudir nou sorti dan en landrwa pli pti ki nou move dan en landrwa pli gran;- kot sa landrwa ki ou pe dir i ti dan Orion Mall  nou’n  move dan Sacos Tower.  Which is two different places.

 

MR SPEAKER

Mersi lo Grant.

 

CEO PENNY BELMONT

Onorab ou kapab donn mon detrwa pti minit e ler nou a pas lo lezot kestyon eskan ler mon ava ganny son amount of e mon ava donn Onorab silvouple.  Thank you.

 

MR SPEAKER

Mersi CEO.  Onorab Sylvianne Lemiel.

 

HON SYLVIANNE LEMIEL

Mersi Mr Chair.  Mon ti a kontan demann CEO premyerman enn petet ki striktir ki annan an plas, pou aprouv sa bann proze nou bann zenn lo kote distrik?  Akoz mon osi youth worker dan nou distrik mazorite son bann proze pa’n ganny fer sa lannen akoz i dir ou son bann proze pa’n ganny aprouve.  Ki striktir ki an plas ki zot servi pou aprouv sa ?  Eski i aprouv lo nivo distrik? oubyen i aprouv lo nivo Sekretarya ;- enn.

Dezyenmman;- lannen pase nou ti koz lo laptop pou bann youth worker pa’n gannyen ti’n dir  pou fer provizyon.  Eski zot Bidze sa lannen pe fer provizyon pou donn sak youth worker en laptop oubyen menm kekfwa annan en Scheme ki bann youth worker i kapab aste laptop ase bon marse pou zot kapab fer zot travay?  Mersi.

 

MR SPEAKER

Mersi Onorab.  CEO.

 

CEO PENNY BELMONT

Mersi Onorab.  Sa avan mon al Onorab Lemiel mon a reponn ou kestyon la mon’n war.  Pou sa lannen nou annan nou 18 proze ki’n ganny aprouve apard ki sa lot 5 ki apar e sa amount pou la ziska la i ariv nou 761.972 ;- savedir 760mil e pli ba i 25mil ki pou ki’n tonm dan lagrikiltir e sa ki pli o sete en mobile app ki’n ariv 70 e sa i en group zenn ki zot in come up avek zot proze.

So ou annan diferan amount parey:

Dekorasyon – 35mil,

Lagrikiltir – 25,

Fotografi – 24mil

Tailoring – 15mil

Kontrakter 22mil

        Artis – 50. 

Mon annan ‘’catering,’’ mon annan ‘’snack preparation,’’ mon annan ‘’entertainment,’’mon annan ‘’wedding planner’’, ‘’graphic designer’’ ankor lagrikiltir, ‘’electrical technician,’’ mon annan bann ‘’handycraft,’’ ou annan fotografi ankor, so e menm bann barbye.

So nou annan diferan aktivite diferan proze ki vini me tou depan lo sa zenn ki zot vin avek.

E 2enm Onorab Lemiel wi sa bann proze i ganny war avek zot kordinater me selman zot proze i ganny aprouve avek Local Government.  Se zot DA ansanm ki fer sa zot fer zot progranm apre i pas par kot zot i ganny aprouve.

E 2enm konsernan laptop wi ler mon fek konmanse sa lannen, so lannen pase mon pa ti la ler zot ti prezant zot Bidze.  E sa lannen ler mon ti vini mon ti war ki nou napa laptop pou bann youth worker, e a i en gran defi akoz zot pa kapab – enn – anmas zot statistik ki mon pe demande.  Tou aktivite tou le semenn zot sipoze konbyen zenn ki zot in zwenn ki bann issues ki bann aktivite ki zot pe fer.

E wi nou pan annan sa lannen me parkont ki nou fer nou ti zwenn avek Procurement e mon’n demande pou nou kapab fer en fason pou nou kapab ganny sa bann laptop e nou ganny avek La Reunion Mr Perge ki’n dakor pou ed nou pou nou ganny sa bann laptop en pe pli meyer marse, ki koumsa nou bann youth worker swa zot kapab aste pou zot menm oubyen nou, nou donn zot.

Me selman ki nou ti mazinen ler en zenn pe travay ek nou, nou bezwen donn li zouti pou li kapab travay, pou li kapab anvoy email.  Akoz issue ki mon ti pe war ler mon ti  vini tou bann youth worker i bezwen desann tou le semenn avek zot bout papye, ki zot in prepar progranm pou zot vin anba pou zot vin tipe prezan oubyen pou submit.  E se sa ki nou pe fer le neseser pou zot kapab ganny akse avek internet, avek computer.  E osi konmela zot annan zot mobile ki nou’n come up avek en package ki zot ganny zot data lo la pou zot kapab anvoy zot bann lenformasyon e ki zot pa bezwen desann anba oubyen esper Vandredi pou zot submit.  Mersi bokou.

 

MR SPEAKER

Mersi CEO.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker bonn apre midi tou dimoun.  Mwan mon en pti pe ankoler akoz zot in pran mon youth worker, me selman mon kontan war li i pas plis son letan dan distrik e ki mon kontan.  E se pou sa ki mon ti a kontan war li kontinyen travay plis dan son distrik e pas son letan war bann manrmay.  Mwan mon kestyon Mr Speaker mon ti a kontan demann avek CEO,  si  CEO – si ou ti ganny en posibilite si Minis ti dir ou, ou pou pey nou pou koup ou rent ou pou pey zis lanmwatye ou rent, me sa larzan ki ou’n save dan rent ou gannyen pou ou fer progranm avek, eski ou ti a kontan sa?

Mon pe demann sa kestyon akoz mon annan toultan difikilte avek larzan ki al dan rent.  Konmsi mon ti a mon enplor mon dir taler sorry Minis mon repet ankor, mon enplor Gouvernman pou sey gete ki mannyer i kapab cut back en pe lo rent.  E mon profit sa lokazyon pou mon demann PS ki nou ti demande lannen pase me selman apre nou bliye follow-up si PS ti donn nou konman en Lasanble the whole rent budget of the Government mon asire nou tou ki la nou pou ganny sok pou war sitan kantite larzan ki pe al dan rent.

So mon ti a kontan ki si ou kapab dir mon si zot pe eksplor bann posibilite ankor pou zot cut down lo sa rent budget, pou zot gete ki mannyer plis zot larzan i al dan progranm?  E an pasan mon enn sa bann dimoun ki pa tro aksepte ki ler rent i ganny konpare avek commercial rent, rent Gouvernman, Gouvernman is the biggest renter of space so Gouvernman calls the shots!   Pa market ki dictate Gouvernman ki dictate, because they should get better rent! They should get better rent! E mon ava zet en challenge devan ou ki pou lannen prosenn ler ou vini ou dir nou poudir ou’n ganny en better rent laba kot Sacos.  Mersi.

 

MR SPEAKER

Mersi Onorab.  CEO.

 

CEO PENNY BELMONT

Mersi Chair.  Mersi Onorab.  I drol ou dir mon ou youth worker in ganny pran parske i ankor Mont Fleuri li.  Ok petet rezon ki nou anmenn li anba i annan 3semenn la semenn pase nou ti dan distrik kot ou nou pe revwar en pti pe nou bann travay youth worker e bann training ki zot pe fer.  So basically detrwa zour nou pe ganny call back akoz i annan serten training ki zot bezwen swiv – zot bezwen fer.  Oubyen parey li i enn bann youth worker ki travay dir e i annan bann zenn ki’n fek vini ki nou bezwen met zot atase ansanm pou zot aprann.

Mon ti vin nou konmans fer en travay dan tou distrik ;- depi de semenn la nou pe pase pou nou war avek bann DA, pou nou war kwa ki byen kwa ki mal e ou enn bann distrik ki enn bann Onorab ki travay dir ansanm avek mon distrik avek DA;- konpare i annan ki pa donn okenn sipor e pa vin bann aktivite oubyen i pa donn sipor sa youth worker.  E sa i annan en keksoz ki mon bezwen demann zot ozordi,  mon ti a kontan si bann lezot Onorab bann zot ti kapab travay en pti pe pli byen avek nou youth worker sirtou ler zot fer zot bann progranm pou …

 

(Off-Mic)

 

MR SPEAKER

Mersi CEO.  Petet mon konn enn de sityasyon kot enn de bann MNA i selman ganny anmennen onboard ler sa youth worker pe rod en pti finans pou siport en progranm.  E mon’n pas ladan mon osi tou lannen pase mon krwar sa lannen osi en fwa.  Apard sa progranm i ganny fer aktivite i ganny fer me mon pa ganny envite.  Me ler zot pe tap laport zot pe rod en pti finans en pti led plizyer nou Onorab nou ganny sa – wi.

Dakor bon sa zis an pasan CEO.  Onorab Noline Sophola.

 

HON NOLINE SOPHOLA

Mersi Mr Chair.  Mr Chair preski tou mon kestyon in ganny demande, me selman i annan enn kot CEO in dir i empower bann zanfan – bann zenn isi preski tou le Sanmdi.  Mon ti a voudre konnen be nou Praslin La Digue ki loportinite empowerment ki nou gannyen?  Mersi.

 

MR SPEAKER

Mersi Onorab.  CEO.

 

CEO PENNY BELMONT

Mersi Onorab.  Nou pe ganny pa mal Praslin in amelyor en pti pe akoz nou annan sesyon ladans laklas ek bann aktivite ki nou pe fer ki zot vini.  Me parkont La Digue nou ganny pa mal problenm.  Akoz menm si ou pe pey sa bann laklas mazinen nou pe tir bann youth worker oubyen bann teachers sorti Mahe pou vin La Digue pou vin fer serten spesifik aktivite, e ler zot fer anrezistre ou annan ou en lalis 50 dimoun, e zour ou’n fer deplasman pey avyon pey bato ariv La Digue ou annan ou 2 zenn oubyen 3 zenn.

So ki nou pe fer nou pe revwar aktivite La Digue ek Praslin, e zot ler zot timing, akoz mon krwar sa i en problenm pou zot avek paran e keler apre lekol.  So basically wi nou ti annan en defi kot La Digue ek Praslin me nou pe revwar la.  E menm parey ou pou war dan National Day sa lannen nou ti enkli La Digue ek Praslin kot group La Digue ki ti vin pous dife ek bisiklet osi.

So nou pe sey enkli tou dimoun dan lezot distrik nou pe sey met tou dimoun ansanm pou travay ansanm.  Mersi.

 

MR SPEAKER

Mersi CEO.  Onorab Sophola.

 

HON NOLINE SOPHOLA

Mersi Mr Chair.  Be CEO osi ler ou pe nonm National Day petet annou fer atansyon sak fwa National Day nou ralye tou nou bann zenn lo La Digue, mont avek Mahe, prezan dan distrik kan ou anvi fer en keksoz ou napa !  Be petet annou mazinen ki mannyer nou organize ki nou tou nou ganny menm sans loportinite pou nou partisipe.  Mersi.

 

MR SPEAKER

Mersi Onorab.  CEO.

 

CEO PENNY BELMONT

Mersi bokou.  Nou note, nou ava pran kont pwen.

 

MR SPEAKER

Mersi CEO.   Onorab Ahmed Afif.

 

HON AHMED AFIF

Mersi Mr Chairman.  Mr Chairman mon bezwen retourn lo sa kestyon rent e petet kestyon i plis pou Minister Finans.  Avan dan sak R1000 ki nou ti donn SNYC zot ti pran 50 zot ti pey rent avek ozordi dan sak R1000 ki nou pe donn zot, zot pe pran 300 zot pe pey rent.

Mon ti a konpran landrwa i pti olye pey R50 rent dan R1000 rent zot ti a pey 100 oubyen 150 me pa 300.  Onorab Lemiel in fek demande si i kapab ganny en pe laptop.  Be si ou ti olye pey R8milyon ou ti pe pey R4milyon rent avek R4milyon saving zis dan 1an ou ti ganny 10fwa plis laptop ki ou bezwen.

So mon pe zis demann Minister Finans si dan zot progranm pou kapab ed sa bann lorganizasyon desarz zot responsabilite, akoz sa zot anvi enterese ek zenn byensir zot bezwen batiman, eski Minister Finans i pe regard seryezman lo lafason ki kantite nou pe depanse dan rent parske R8milyon tou le lannen dan 5an i R4milyon ou ti kapab fer en bilding R3milyon e finans li avek lentere fasilman avek sa e i vin pou ou.

So Minister Finans silvouple dir nou ki zot pe fer pou regard dan sa sityasyon rent ki tro o e ki pe afekte progranm lazenes?  Mersi.

 

MR SPEAKER

Mersi Onorab.  PS?  CEO.

 

CEO PENNY BELMONT

Onorab.  Mersi Chair.  Onorab mon bezwen fer en pti pwen konte la sorti en – sa landrwa ki nou pe servi la nou pa pe servi li zis pou rent lofis nou toulezour.  Nou annan tou sa aktivite zenn.  Mon ti a demann zot en zour 4er – 4.30 zis travers en kou kot sa bilding lo sak floor en bout ou war en band pe zwe.

Anler pe fer Christmas carol.  Nou pe fer special program avek TeleSesel la nou pe fer shooting anler.  En lot landrwa nou pe fer progranm diferan so sa floor i pa zis pe ganny servi during the day ki nou pe fer servi pou lofis.  Akoz  pou lofis nou ti kapab servi en open plan asiz obor kanmarad nou napa problenm ek sa nou.  Akoz 3kar ditan nou lo teren pou al travay nou youth worker.  Nou vin anndan zis pou fer training oubyen bann group me selman nou bezwen landrwa pou nou fer nou aktivite – this is the thing.

Prezan nou koup en pe lo nou rental kot nou bezwen al lwe avek lezot landrwa pou nou fer aktivite pou zenn.  Nou problenm ki nou pa realize la nou pe rod lokipasyon pou nou donn zenn Sesel, e lokipasyon nou bezwen dan en landrwa santralize kot nou kapab fer aktivite pou  donn zot.

Akoz right now nou pe fer prevention.  Nou pa kapab rod tou lazournen   lo cure.  nou bezwen si nou ti annan en lot landrwa ki nou kapab fer bann aktive nou napa problenm, me par egzanp anvil i santralize ou pe servi diferan distrik zenn i sorti diferan landrwa pou desann la!  Mersi.

 

MR SPEAKER

Mersi CEO.   Onorab Afif.

 

HON AHMED AFIF

Wi zis en sizesyon.  Nou annan bokou sant kominoter e vi ki bann aktivite zenn mon mazinen i pe fer apre 4er parey ou’n dir akoz par egzanp Anse Etoile Community Center ;- par egzanp i vid lekol tousala i vid me sa pou Gouvernman tousala akfer nou pe al pey landrwa R8milyon dan en lannen, kan nou pe kapab servi bann landrwa ki deza lib?  Se sa ki nou pe dir e sa bann manrmay pou dan zot kominote.  Mersi.

 

MR SPEAKER

Mersi Onorab.  CEO.

 

CEO PENNY BELMONT

Mersi Onorab.  Onorab nou fer bokou aktivite SNYC e i annan en keksoz ki pran en gran chunk nou larzan se lozistik ek transpor e pou nou desantraliz aktivite nou fer li dan distrik.  Parey dan lekol nou servi kan vakans, nou servi distrik bann letan vakans nou bann aktivite nou fer dan distrik, me selman i annan main activities i annan prensipal kot nou practice anvil dan plas al dan distrik.

Akoz sak rezyon i annan sa ki pou li me.  Me  prezan dizon nou servi Anse Etoile, Anse Etoile ler ou pou pran si parey demen mon ganny envite sa pti Bayan Princess kot pou nou pran tou sa bann lezot distrik pou nou anmenn laba nou bezwen youth worker, nou bezwen transpor, nou bezwen en pti snacks pou  donn zot,  i vin ek en kantite kou – ok? 

        So pou nou tire pou nou al met dan lezot distrik, fantastik poudir me selman i dir ou santral i pli fasil pou en paran vini pou anmas son zanfan 4er  – ki par egzanp lontan nou pa ti ganny lekol prive ki ti pran par dan aktivite SNYC.  Me apre National Day nou annan tousala.

So zot vini zot larg zot zanfan la 2.30 pran par dan aktivite 4er zot pase zot anmase oubyen 5er.  so la nou pou bezwen al rod en lot chunk larzan pou nou met dan lozistik petet nou a koup ladan ki nou bezwen transpor pou anmenn zot, akoz nou bezwen fer sir sa zenn i ariv se li sen e sof apre sak aktivite.  Mersi.

 

MR SPEAKER

Mersi CEO.  Onorab Simon Gill.

 

HON SIMON GILL

Mersi Mr Speaker.  Mr Speaker mon krwar pwen ki’n ganny souleve i kler e mon le aport mon sipor pou koz avek Minis avek nou CEO SNYC la pou demande ki nou al re negosye sa rent ;- nou al re negosye sa rent e nou annan reprezantan Minister Finans la i donn nou undertaking ki sa rent i ganny re negosye pou ki nou fer en pe savings e pran tou sa bann savings anvoy lo progranm pou lepanouisman e devlopman lazenes.

 

(APPLAUSE)

 

HON SIMON GILL

E tou leres ki entervenir dan sa domenn.  Tou bann enplikasyon ki’n ganny donnen nou konpran me i reste dan bottom line sa rent is excessive pa akseptab renegosye e nou espekte ganny en repons lo la.  Mersi bokou Mr Speaker.

 

MR SPEAKER

Mersi Onorab Gill.  PS Thésée.

 

PS DAMIEN THESEE

Mersi Mr Chair.  Plan Gouvernman an sa se ki konsern rent se i Government Building Government House sa i osi en proze ki nou pe fer avek Gouvernman Lenn ansanm avek AG’s Office, Police Headquaters ki pe donn en don ki pe tir bokou Minister ki nou pe rent avek ki pou al ladan so sa i pou redwir en bon pe nou bann rent dan bann medium term.

Me parkont nou war ki i pou still annan serten Departman oubyen Lazans ki nou pou still bezwen rent akoz mon pa pou kapab build tou i annan lezot plan osi par egzanp pou dan Minister Finans, nou annan bann serten Divizyon ki an deor ki pa dan Liberty House e sa osi nou annan plan avek Pension Fund ler i fer son bilding ki i tarde ki nou pou sorti sa bann landrwa komersyal pou nou antre dan Pension Fund building.

Me selman nou osi bezwen realize ki as much as possible rent i ganny negosye me selman nou napa kontrol lo pri ki sekter prive i sarz son rent nou negosye as much e i tre konpetitiv sa bann lespas i ganny – son demann i tre o.  Bokou fwa ou war ou bezwen kekfwa sibir avek sa bann landlord pou konsider donn ou sa bann alokasyon akoz i al tre vit.

E lespas i annan menm lofis Gouvernman ki bezwen bouz an deor lavil ;- par egzanp si nou war son fonksyon pa nou bouz zot an deor si nou get par egzanp Public Enterprise Monitoring Commission in sorti dan lavil i Providence akoz issue lespas Orion Mall pa tir vreman en landrwa soutenab oubyen ki kapab accomodate son bezwen.

Ou annan bann lofis parey APDAR osi ki Providence so kot nou kapab nou outreach as far out of time pou nou, out of town pou nou kapab ganny bann rent rezonnab.

Me selman si zot ensiste nou still kapab re go back to sa host sey pled ek zot sipliy Gouvernman pe fer en plea ek zot pou reviz rent.  Me selman ennler pa depan lo nou sa, sa konpannyen prive li osi i annan en return lo zot investment ki li i anvi fer sirtou lo bann nouvo bilding ennler in fini konn son kou, i anvi kapab recoupe son investment ki’n fer dan sa landrwa so nou bezwen bear osi sa in mind.

So nou pa pou zanmen kapab fully accomodate tou lofis Gouvernman dan son gro building e pou i fasil fer dir me selman osi ler nou fer sa nou pou annan challenge dan bann lannen ki vini pou nou maintain nou bann prop lofis.  Sa osi nou bezwen bear  in mind ki pou dan problenm.

Si nou get parey Independence House pou le moman nou pe renovate li over 5an akoz son bann lofis i annan bokou ki’n avarye so i annan en balans ant rent out i annan en balans osi ant bann lofis ki Gouvernman i ownSo nou willing si zot ensiste pou nou go back nou a negosye.  Mersi.

 

MR SPEAKER

Mersi PS.  PS zis en pti kestyon lo sanmenm sa size sorti lo mon kote.  Kan ou’n deza fini dir la ki Pension Fund Building i deza annan retar Government House li osi in ganny retar i annan 3an ki nou tann nonm Government House kan apepre nou konmans petet premye pyer mete konstriksyon in konmanse?

 

PS DAMIEN THESEE

Mersi Mr Chair.  Sa ki mon okouran lo Government House se ki bann plan in ganny fini fer bann officer requirement – space requirement pou tou sa bann Minister oubyen Departman ki sipoze al ladan in ganny fer parey MHILT.  E nou’n soumet avek Gouvernman Lenn so nou pe esper zot feedback lo la si zot dakor avek sa bann plan ki nou’n donn zot.  E zot ordinerman zot come back avek en design prezan ki zot soumet ek nou, pou gete si nou aksepte dapre demann lespas ki nou’n mete.  Mersi.

 

MR SPEAKER

Mersi PS.  Bon dernyen entervenan Onorab Waven William.

 

HON WAVEN WILLIAM

Mersi Mr Speaker.  Bonn apre midi CEO.  Mr Speaker mon ti a kontan demann sa detrwa kestyon swivan o non gouvernans – bon gouvernans latransparans avek rann kont mon anvi demann avek CEO si lefe ki la i annan alegasyon ki dan sa bann zafer pti biznes alokasyon pti biznes la, i annan en zafer dalon avek Manm fanmir ki bann mekanizm ki annan an plas, i vreman kapab montre piblik ki napa sa bann problenm ki zafer dalon avek Manm fanmir pe ganny anpaye pou donn sa bann zafer pti biznes?

E mon let kestyon se ki mon krwar ki wi ki sa rent i devret ganny revwar lefe ki ozordi la en youth worker ki fer plis ki 12an son allowance ek son saler i pa ariv plis ki R10mil, so mon kestyon se ki eski ou kapab donn nou bann benefis ki en youth worker i gannyen enn ki fek antre avek enn ki mon kapab dir i annan en pe leksperyans e letan servis dan sa Departman?

Epi kot i konsern distrik vreman lekel ki donn sipervizyon youth worker e ki pou fer sir ki bann target pe ganny zwenn?  Akoz a mon leksperyans se ki mon pa pe vreman war egzakteman sa bann mekanizm pe marse o nivo distrik.  E mon lot dernyen kestyon Mr Speaker se ki ou’n dir ki zot pou revwar lakantite aktivite ou pou revwar kantite kalite olye ki kantite lekel vreman ki partisip dan sa bann desizyon pou swazir kalite olye kantite?

Prenan kont ki dan Gouvernman, nou annan en problenm ozordi nou tant pou met tou dimoun dan en sel sak an krwayan ki tou dimoun pe pans parey, me zot pa pe get bann spesifisite sak distrik.  Mr Speaker mersi.

 

MR SPEAKER

Mersi Onorab.  CEO.

 

CEO PENNY BELMONT

Mersi Chair.  Mersi Onorab.  Premye ou’n koz lo antreprener sa Grant ki donnen i en Board ki napa nanryen pou fer avek sa Board ki SNYC i lo la so i en Board ki i ti ganny apwente e i annan bann dimoun bann endividi ki deor, ki pa bann travayer savedir apard ki en travayer ki en zofisye SNYC ki li i pran Minutes, schedule vizit prepar bann dokiman ou napa okenn afilyasyon per se avek SNYC.

So ou annan ou en Chair ki en dimoun par egzanp ki en letan i sorti labank ou annan ou bann zofisye enn ki dan antreprener li menm en lot ki sorti dan SCAA for example.  So i sorti dan diferan lorganizasyon ki make up of sa group of sa Board e sa Board i annan en manda spesifik.  E zot annan en kriter spesifik ki mannyer zot fer zot laplikasyon ;- par egzanp i annan en form ki ou anpli ler pou ou apply pou ou biznes e ou ganny en let ki dir ou nou ganny ou form e donn ou ki zour ki dat ki ou pou vini pou vin fer ou pitch in.

So ler ou vini i toultan i annan sa 4 Manm oubyen sa 5 Manm ki la kot ou pitch avek e i ganny rikorde ki kalite biznes and whatnot.  Parkont wi mon pou dir ou avan mon ti konmanse avan mon pa konnen mannyer zot ti keksoz ti fer, me selman la nou fer nou met tou nou prosedir an plas.  So i fran egal.   Ou war?  Latransparans.  Ou a vini ou a demann mwan, file msye madanm entel – ou pou war depi zour i ti apply ki zour i ti e ki Board meeting ki ti ganny fer ek nimerote ek sa dimoun e konbyen i ti ganny aprouve pou son biznes.

Me parkont petet i ou pou war zour i ti anmenn son invoice i ti demann nou en sez ki koup seve lo la ti kout li R7800 by the time son zafer ti ganny aprouve i ale son sez i ariv R8000, me prezan ki nou bezwen re-aziste son invoice i annan bann pti keksoz koumsa.

Me selman parkont napa dalon napa fanmir ler mon vini dan lalis ki mon ‘n war mon’n war par egzanp en fiy ki siny Belmont me i pa related ek mwan ki son proze ti aprouv depi lannen pase, so in ganny peye dan bann Zanvye ki napa nanryen avek nou.  So basically it is not something to do ek fanmir ek dalon.

Parkont en zanmi ler in vini in apply in gannyen li i ale i al dir son dalon wi e sa lot i vini i apply e nou pa kapab anpese sa as long ki i en zenn e son biznes i pase son kriter i meet all the criteria, i ganny son biznes nou bezwen sey ed tou zenn.  Premye.

Apre 2enm ;- ou’n demann mon konsernan bann diferan pos ki sistenm ki an plas pou fer monitoring.  Par egzanp taler mon fek eksplik Onorab nou pe fer letour pou nou zwenn avek bann DA akoz avan mon vin SNYC the full purpose sete bann youth worker sete DA ki ti pe regard zot.  Keler zot vini?  Zot progranm travay zot ti pe diskit avek DA.

Me parkont la nou sanz en pe laliny nou ti realize poudir zot ti en pti pe perdi konman youth worker zot tousel e sanmenm sa ki nou kre bann kordinater.

par egzanp dan ou distrik i annan sa en dimoun ki ansarz ou distrik i osi ansarz Port Glaud Grand Anse La Misère i annan li 4 distrik, so ou annan ou en kordinater pou 4 distrik pou li supervise e osi nou pa ti annan en director pou community services ki prezan la ki nou upgrade en pos, pou nou kapab ganny en director, akoz sa director ti kite pou rezon lasante e nou ti napa en dimoun ki per se ki ti pe fer sa.

E nou revwar ki mannyer nou monitor nou bann youth worker ;- ki mannyer nou donn zot valer.  E osi nou’n fer en schème pou lannen prosen ki zot kapab ganny best youth worker of the year bann pti keksoz ki pou donn zot sa lankourazman aprose ek zot bann proze.  Thank you so much.

Apre ou ti demann mon sa package youth worker ok dapre sa SOS sa youth worker ler i konmanse, i konmans lo band 2 SB 3, apre Senior i al lo B3 – B4 step 10 en Principal Youth Worker i 4 to 5 ankor step 7 so i annan en gradually zot pa pou konnen sa saler.

Mon eksplik ou pos youth worker son  saler ler i konmanse i konmans avek R6325 e son allowance i R1200.

En Senior Youth Worker i konmans avek R7946 e son allowance i R1400;- en Principal Youth Worker i konmans avek R8905 e son allowance i R1600 e en Coordinator i konmans avek R11186 e son allowance i R2000.

 

MR SPEAKER

Mersi CEO.  Onorab William.

 

HON WAVEN WILLIAM

Mersi Mr Speaker.  Mr Speaker mon kontan ki nou ganny sa detay me mon krwar si mon tann ou byen ou’n dir nou ki ou pe al revwar zot job description la me la pou le moman zot napa en job description?   E mon parey mon dir mon pou redir ki sa rent ki zot pe depanse la mon krwar i pli bon nou get dan welfare sa bann youth worker.  Akoz letan mon pe get dimansyon travay ki annan pou fer lo nivo distrik.  E mon pe demann mon lekor en kestyon se ki eski sa i rezonnab eski nou pe pey sa bann dimoun lo en baz fairness letan ki lo administrasyon nou pe fer ekstravagans?  Mersi.

 

MR SPEAKER

Mersi Onorab.  CEO.

 

CEO PENNY BELMONT

Depi ler mon konmanse mon dir zot rezon ki nou bezwen revwar saler e war kisisa en youth worker actually li menm ki son rol ki i fer tou youth worker i annan en job description akoz demen pa kan ou vini i donn ou en job description me ou saler sa Scheme of Service ki ti vin avek ki mon dir ou zot ti konmans enplimante 2018 ki nou pe revwar se sa rezon, akoz nou pe sey donn en pti pe plis valer youth worker.

Me parkont i annan bann diferan training ki anplas.  En youth worker i kapab avanse plis ki sa allowance li me selman annandler i tou depan lo endividi nou kapab met pli bon sistenm.  Me selman i annan ki pa le fer training pa oule avanse.  So wi nou pe revwar wi nou realize sa kalite travay e keler osi Sanmdi Dimans nou bezwen donn zot me selman at the same time nou bezwen prepar zot pou kapab vin donn sa bon servis osi lakominote.  Mersi.

 

HON WAVEN WILLIAM

Mr Speaker zis en pti leklersisman silvouple.  Lo sa allowance la i en inducement allowance oubyen i en duty allowance konmsi nou anvi byen konpran sa akoz i annan bann diferan Departman ki annan risk allowance i annan isi i annan laba eski sa i en fiks allowance ki zot gannyen?  Mersi.

 

MR SPEAKER

Mersi.  CEO.

 

CEO PENNY BELMONT

Pou nou i en inducement allowance. Me annefe sa negosyasyon ki nou pe fer nou pe demande osi pou risk allowance.  Akoz nou bezwen pran kont ennler youth worker i vini i al anmenn en manrmay Takamaka 8er diswar 9er diswar apre ki i pe retourn se li sa zistans ki i pe ale .   So dan nou negosyasyon pou nou revwar nou saler e nou SOS pou nou kapab revwar risk allowance oubyen duty allowance parey zot pe demande.  Thank you.

 

MR SPEAKER

Mersi CEO.  Mon ava demann Minis pou fer en pti summary avan Lasanble Nasyonal i pran en vot.  Minister.

 

THE DESIGNATED MINISTER MRS MACSUZY MONDON

Mersi Mr Chair.  Mr Chair nou war poudir SNYC pe revwar son fonksyonnman enkli tou son bann progranm, pou li kapab amelyor lo kalite aktivite e osi kalite progranm ki pe ofer nou lazenes.  I vre ki letan nou regard sa rent  ki  i pe peye nou santi poudir petet ti ava pli bon si menm lanmwatye sa larzan ti pe al dan bann progranm, ki nou anvi fer pou nou bann zenn dan pei.  Me mon krwar petet etandonnen bann komanter ki bann Onorab in fer lo la, ki nou tonm dakor poudir nou regard sa konman en laranzman tanporer e ki an menm tan nou sey retournen kot nou al re-negosye si i posib sa range pou nou kapab fer desann sa sonm ki nou pe peye.

Byensir i ti pou pli rantab parey nou dir ti pou pli byen si sa larzan ti kapab osi al dan bann diferan proze, progranm ki nou annan pou nou lazenes.  E mon panse osi pou get nou plan a lavenir, se pou annan en sant apropriye, kot nou kapab ofer nou bann servis bann progranm ki nou anvi ofer nou bann zenn.  E sa nou pe regarde konman en plan a long term.

Avek sa enn de mo Mr Chair mon ti a demann bann remersi dabor bann Onorab pou zot komanter ki zot in fer bann propozisyon ki nou note e bann konsern SNYC i a tenir an kont.  E mon ti a remersi zot pou sa lentere ki zot pe montre dan nou lazenes e pou sa sipor ki zot donn nou pou nou kapab fer ankor pli byen a lavenir e demann zot pou vot pou sa Bidze SNYC pou lannen prosenn.  Mersi Mr Chair.

 

MR SPEAKER

Mersi Minis.  Bon nou pou pran non mon fini ferm deba lo la Onorab non annou a pran en vot apre mon ava donn ou laparol.

 

HON JEAN-FRANCOIS FERRARI

Mon ti a zis note ki mon pou vot e bokou bann Manm pou vot an faver on the basis la  sa propozisyon ki’n ganny fer nou fer li, e nou pou stand par nou parol.  Si i annan okenn lekonomi nou pare pou nou fer sa at Budget Review  re antre dan kont progranm SNYC.  Mersi.

 

MR SPEAKER

Dakor.  Mon krwar panel in aksepte sa Minis PS osi CEO in aksepte.  Bon nou ariv en moman pou nou pran en vot lo Bidze SNYC Seychelles National Youth Council pou en sonm R28,198milyon ki trouve lo paz 166 ziska paz 170, e ki form par sa schedule, mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair 24 Manm an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pou SNYC Seychelles National Youth Council pou lannen 2020 in ganny aprouve par Lasanble Nasyonal.  Bon zis avan nou adjourn, mon ganny en pti lenformasyon with regards to sityasyon Paul Bistoquet ek Sheila e Sheila osi in kontakte mwan pandan break aparaman in repran son maiden name Sheila Nicole e Minis in donn mwan lenformasyon ki i ti pe ganny par Minister Litilizasyon Later ek Labita, anvi ki zot sityasyon zot case i par lao sa R50mil.

Case in deza ganny tendered e Sheila ki’n koz ek mwan pandan break osi tou in dir mwan ki kontrakter  – plizyer kontrakter in fini mont lo site, so bann prosedir i pe avanse.   E lafanmir osi tou lafen di mwan pe bouze from the guest house zot pe al Barbarons dan emergency housing.  Savedir i annan en keksoz ki pe bouze e mon anvi zis prezant lenformasyon ki byen, ki korek avek Lasanble.  Mwab osi tou mon’n ganny avize ki nou pa kapab la prevwar ki nou pou pran demen – ki head ki nou pou pran demen si sa de ki nou pa’n fer ozordi.  Me deswit ki PS ek bann zofisye Finans i ariv dan biro zot ava fer kontak avek nou atraver lofis Clerk e nou ava aviz zot kwa ki pou lo progranm demen maten.

Bon mon ti a kontan demann Sergeant  pou move Mace pou nou go back to the Committee of the whole House.  E la mon ti a kontan remersi Minis Dezinyen ki’n avek nou depi bomaten bann zofisye SNYC e byensir bann zofisye Finans ki ganny lead par PS Thésée.  Mon ti a kontan remersi tou bann Manm byensir SBC pou overlap en bon pe ozordi, me nou prezant sa leskiz nou ti anvi kapab fini omwen sa dernyen e byensir mon anvi remersi tou dimoun a lekout e ki’n swiv Lasanble Nasyonal ozordi.

Lasanble i adjourn e nou repran nou travay demen 9er bomaten.

 

 

(ADJOURNMENT)