::
Home » Verbatim » 2019 » Verbatim Friday 15th November, 2019

Verbatim Friday 15th November, 2019

NATIONAL ASSEMBLY OF  SEYCHELLES

Friday 15th November, 2019

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab e bonzour tou bann dimoun ki  a lekout e pe swiv travay Lasanble Nasyonal. Nou kontinyen avek nou travay parey nou Order Paper;- savedir nou kontinyen avek deba lo Bidze pou bann diferan Heads.  E bomaten nou up kontinyen avek nou bann portfolio ki tonm anba Biro Vis-Prezidan e premye nou pou pran Industrial Estates Authority. Mon ava demann parliamentary reporter pou apel bann zofisye e an menm tan mon a demann Sergeant pou move Mace, pou nou antre dan Komite.

 

(Off-Mic)

 

MR SPEAKER

Yes Onorab?   Wi nou pa ankor ariv lo la pa trakase Onorab Churchill Gill.

 

INDUSTRIAL ESTATES AUTHORITY

 

MR SPEAKER

Bon mon ti a kontan dir en bonzour e welcome Vis-Prezidan Mr Vincent Meriton ki ganny akonpannyen par bann reprezantan ki pou Industrial Estate Authority, Ms Angelique Antat ki Sekreter Prensipal, Mrs Lucy Athanasius ki CEO, Mr Barry Assary ki Deputy CEO.   E  lo kote Finans nou annan PS Damien Thesee, nou annan Deputy Comptroller General Ms Astrid Tamatave, e Ms Nellie Coopoosamy Director Public Budget Management.  Vis-Prezidan avek ou lekip ankor enn fwa bonzour e welcome dan Lasanble Nasyonal.

Nou pou prezan ouver deba lo Industrial Estates e antretan mon pe  pran lalis mon pou donn laparol Onorab Churchill Gill.

 

 

HON CHURCHILL GILL

Bonzour Mr Chair.  Bonzour Mr Chair bonzour VP avek ou delegasyon e tou Manm, e dimoun a lekout.  Mon premye kestyon se ti annan en lenfrastriktir ki ti pou ganny fer lo Eve Island ti’n fini bidzete ti’n ganny tender ;  mon kestyon se ki zistans in arive sa lenfrastriktir e kan ki i espekte ganny konplete?

Mon 2enm kestyon tender pou bann bidders pou bann plot, mon pe gete ki zistans i ete e kan ki bann bidders i espekte ganny feedback?  Mersi.

 

MR SPEAKER

Mersi Onorab Churchill Gill.  Petet lo panel zis zot ava edike lekel ki pou reponn oubyen mon a donn laparol CEO.  Go ahead CEO. 

 

CEO MRS LUCY ATHANASIUS

Bonzour.  Mersi Chair.  Bonzour tou Onorab.  Bonzour tou dimoun a lekout.  Mon pou reponn sa kestyon Onorab Churchill Gill.  E an menm tan Chair eski i posib pou mon kapab osi pas lo detrwa lezot proze ki mon konnen manm piblik ki pe espere osi kekfwa bann Onorab osi i anvi lesplikasyon lo la, at the same time.  I pou pran zis 8 minit.      E pou reponn kestyon Onorab Churchill Gill osi.  Ek ou permisyon  Mr Chair.

 

MR SPEAKER

Yes go ahead CEO. 

 

CEO MRS LUCY ATHANASIUS

Ok dan sa de lannen  IEA   in fer bokou keksoz.  E premye keksoz ki mon pou koz lo la akoz sa kestyon i violent. Vaillant –  Ok?    IAC  in reisi fer arpante 47 kare later lo Zil Eve later pou Devlopman Lendistri  ki’n kout pou lemoman R213mil zis pou arpanter an 2018.

Proze lenfrastriktir lo Zil Eve in fini ganny fer e aprouve, e tender pou devlopman lenfrastriktir in ganny  fer an juilliet sa lannen, pou ki travay ti espekte konmanse an Septanm sa lannen.   E pou fini an Desanm 2020.  Sa premye faz lenfrastriktir lo Zil Eve.

Malerezman sa pa’n arive akoz in annan en appeal lo sa desizyon tender e IEA pe aprezan esper rezilta sa appeal sorti kot Tender Board. 

IEA ti’n prevwar ki apre 6 mwan ki proze ti lanse, nou ti pou lans tender pou alokasyon later.  E ou menm ou Onorab ek Onorab Woodcock osi i okouran sa stratezi akoz  nou ti vin  Praslin nou ti koz lo la.

Alors sa mon krwar i reponn tou lede kestyon Onorab.  Si mon kapab kontinyen Mr Chair?  Ok, mon pou note ki sa lannen IEA in ganny 5milyon dan Bidze 2019 pou Zil Eve, pou premye faz sa proze.  Ok, en total estimen 15milyon.  Tou zefor in ganny mete pou ki sa proze i ti al lo tender.  E sa malerezman parey mon’n dir i annan en appeal lo sa tender alors i pa’n ale.

 

E sa ki fer ki (1) nou pe ganny an retar e  dezyenmman nou bezwen fer provizyon pou met sa 5milyon ki ti dan sa Bidze pou sa lannen dan Suspense Account kot deza i annan en 4.7milyon anver sa proze.  Ok, apre osi ler nou fini sa premye faz i annan e 2enm faz sa proze ki osi nou’n ganny estimasyon apepre en 15 milyon, pou fer e sa i a fer  en total 30milyon pou Zil Eve lenfrastriktir debaz.  Ok?

Dezyenmman nou a koz lo Providence Construction and Marine Industrial Park   lo zone 20, ki li in fini ganny arpante an 27 kare later, laplipar pou class 2  contractors. E estimasyon pou deblok sa lenfrastriktir debaz pou sa par endistriyel i 32.14milyon.

Nou ti napa finansman dan Bidze sa lannen pou sa.  Me Minister Finans ti’n dir ki zot ti’n met a kote en 12.3 milyon pou sa proze.  Nou ti ekspekte lans sa tender an Septanm sa lannen.  Ok?  I pa’n ganny fer, e selman plan lenfrastriktir i deza kot Lotorite Plan e deswit apre aprouvasyon, si finansman in ganny mete nou pou deswit mobilize pou met plis pou ki napa plis retar.  Ok nou pou lans sa tender. 

Ok, trwazyenmman lo bulk infrastructure on 20 ok, sa pe deroul byen dapre plan.  E osi enkli en lot semen pou trafik sorti dan Providence.  Parey zot tou zot konnen nou’n eksperyans bokou retar sorti Providence e sa travay i  irzan e kontrakter in deza ganny mobilize sa.      Kou total pou devlopman lenfrastriktir Zone 20, enkli sa exit i vin R49 milyon.  IEA in deza depans R13.65milyon;- balans pou pey sa Kontra en 35.3milyon.  Travay i sipoze konplete an Desanm 2020.  E aktyelman nou napa sa finansman pou konplet sa proze ki’n deza konmanse.  E ki pe fer bon progre.

Apre en keksoz ki nou’n osi nou’n nobou fer se ganny aprouvasyon Polisi alokasyon later endistriyel, proze SODOC in ganny aprouve par Cabinet e osi Polisi pou fer alokasyon later par endividi pou reklanmasyon.   E sa pou konmanse ek Zone 18 konman en proze pilot.

Ok, be pou ariv sa IEA osi i annan en plan stratezi ki nou ti’n anmenn PPB, me selman i pa’n ase elarzi, me selman mon krwar i enportan ki pou tou Onorab e manm piblik akoz zot spesyalman bann dimoun ki pe esper later, mon krwar i enportan pou zot konnen.  Ok sa i relasyon ek sa Bidze.  Ki nou pe al fer 2020 si nou annan sa Bidze nou bezwen annan fer en revi direksyon stratezik IEA e met devan rekomandasyon pou amann sa Lalwa kot i neseser.   E sa i enkli osi al autonomous  ok?  Nou pe get dan ver 2021 pou al autonomous, ok akoz nou bezwen aranz nou tou keksoz dan IEA e dan Lalwa.

Nou osi anvi fer lannen prosen lenfrastriktir lorganizasyon e rekrit bann konpetans neseser, pou ki en lotorite parey IEA i kapab fonksyonn dapre son manda, e delivre en servis kalite, de kalite pou tou son bann kliyan e manm piblik an zeneral – ok? 

Malerezman bann lannen ki’n pase, mon annan en ceiling ki nou bezwen operate ladan;- bann post in freeze ki annan e nou napa nou pa’n ganny Bidze pou bann post kle ki nou bezwen.

Osi nou bezwen etabli e mentenir en master list ki nou pe travay lo la e mon ti’n fini donn langazman avek FPAC ki nou pe fer sa – ok?  E a parti Zanvye nou espekte nou annan en keksoz ki nou kapab achieve se en master list.  Ok ? Konmans osi nou bezwen met an plas LAN VIS management system ki efikas i sa computerize software ki nou pe fer fason.  Sa osi mon ti dir FPAC nou pe fer.

Konmansman devlopman lenfrastriktir Zone 6 sa osi nou le fer an 2020.  Selman napa Bidze pou sa.  I malerezman ok ki i pa ti ganny enkli dan Bidze  pou sa lannen kantmenm devlopman Committee ti dir nou zot pou donn nou.  Osi nou pe al konmans devlopman lenfrastriktir lo Zone 6 si i annan larzan ok?   Malerezman pa ti’n ganny   dan Bidze sa lannen kanmenm devlopman Committee ti dir nou zot pou donn nou en 10milyon dan bann diskisyon.

Kou ki’n ganny estime pou sa louvraz Zone 6 ki bokou dimoun pe konplent, akoz i annan bann ki’n pey a one- off payment e zot ti’n ganny dir zot pou ganny lenfrastriktir, ziska ozordi zot pa ankor gannyen.  Kou  in estimen R32.9milyon.  Travay pou met lo tender i pou ganny fer.  Minister Later de ki IEA i annan en Bidze.  Ti travay an 2020 nou espekte ki i ava ganny konplete par 2021 Zen koumsa.

Komans osi lans tender pou alokasyon later   lo Zil Eve ;- mon anvi fer lannen prosenn.  Providence Construction Marine Park Industrial Park sa osi nou anvi fer lannen prosenn.  E pou tender reklanmasyon endividyel Zone 18. 

        Nou osi  nou bezwen relocate tou nou bann taso lo Providence pou kapab pli byen zer e anforsi regilasyon.  Akoz konmela i annan dimoun ki napa taso zot pa konnen kot zot taso i ete.  E nou osi nou bezwen fer sa.  Selman pou fer sa nou pe fye lo MHILT, akoz nou napa sa surveyor ki nou bezwen dan en lorganizasyon tel  konman IEA. 

        Osi nou bezwen re kouver tou larzan bann debtors.  Sa nou bezwen fer lannen prosenn.  Ok nou bezwen pran plis aksyon lo bann breach of lease.  Nou’n fini konmans fer sa, me nou bezwen fer plis ki sa.  Selman pou fer sa nou bezwen mendev ok ?  Nou bezwen osi konmans devlopman bann sant antrepriz anba proze SODOC.  Ki mon konnen ti annan kestyon yer e mon krwar kekfwa taler zot a demann mon.

E mon ti a kontan pran sa lokazyon pou rekonnet ki tou sa zefor ki Minister Later in mete pou ed IEA dan realiz nou  bann proze.  Bann defi mon pe al fini la – bann defi ki IEA pe fer fas avek aktyelman se, mankman mendev kalite.  Mankman finans pou enplimant plizyer nou bann proze an menm tan.  Akoz dan lepase nou’n fer en proze nou’n espere.  Fer lot proze espere.  I annan bokou kontrakter ki kapab fer proze an menm tan ok nou kapab donn travay dimoun.  Solman nou anvi ganny larzan pou kapab fer sa.

Nou realize – Mr Chair i enportan pou note ki IEA ti soumet son propozisyon Bidze an Zen sa lannen kot Minister Finans, me  i malere ki sa pa’n ganny konsidere.  Apre tou nou rol i pou met bann lenfrastriktir debaz en plas pou   lendistri e devlop nou zone endistriyel.

Nou realize ki Minister Finans napa zis IEA pou donn Bidze.  E ki tou Departman i annan zot priyorite.  Me si nou le fasilit e ankouraz devlopman lenfrastriktir Sesel, i enportan ki lenfrastriktir de-baz i ganny met an plas.  E sa i kapab ganny fer si IEA i ganny en Bidze ki pa anmar son lanmen.  Mersi bokou Mr Chair e Onorab Gill.

 

MR SPEAKER

Mersi CEO.  Bon zis mon anvi sinyal bann Manm ki IEA Industrial Estates Authority e son budget i lo paz 80 ziska 84 pou en sonm R12,188 milyon.  Onorab Churchill Gill.

 

HON CHURCHILL GILL

Mersi Mr Chair.  Mersi CEO pou ou larepons tre detaye.  Vi ki sa enfrastriktir i – avan ler pou lezot keksoz kapab bouze fodre sa lenfrastriktir i an plas.

E tender ti fer depi Zilyet, eski IEA i annan okenn lenformasyon ki pe arive sa appeal oubyen kan ki zot espekte petet ki en solisyon i gannyen pou sa proze kapab kontinyen?

Apre mon dernyen kestyon se, parey ou’n fer sorti, IEA i sipoze met lenfrastriktir avan ler ki dimoun i kapab fer zot devlopman.   E pou Zil Eve nou annan bokou dimoun ki’n ganny allocate avek later, lenfrastriktir  pa’n met an plas, e eski sa bann dimoun pou still ganny accountable pou zot siny zot bann lease?  Vi ki i pa zot fot ki zot pa’n kapab devlope, akoz lenfrastriktir ki ti devret ganny mete par IEA pa’n ganny mete.  Mersi.

 

MR SPEAKER

Mersi Onorab.  CEO. 

 

CEO MRS LUCY ATHANASIUS

Mersi Mr Chair.  Mersi Onorab.  Ok sa appeal i kot POU, e nou esper zot selman nou espere nou’n fotespere nou ganny li sa lannen ok, pou nou kapab konmans demare, avek sa 5milyon ki’n deza ki’n ganny met la pou sa Bidze – ok? 

        Apre konsernan donn later san lenfrastriktir, nou vwar deza ki’n arive dan lepase kot bann Zone 20, Zone 6 dimoun in ganny later – zot in devlope selman ek bokou bann difikilte.  Ok par egzanp Zone 20 dimoun in bezwen met rakor sorti Cascade pou al dan delo sale pou ariv kot zot, akoz ti napa delo pou konekte rakor in koupe zot pe pey bil 50mil tou le mwan ki pa bann problenm ki arive asosye.

E nou, nou’n dir ki nou pa kapab donn later ankor koumsa ok?  Nou manda se donn sa lenfrastriktir de-baz.  E pou donn later san bann konvenyans pou kapab fer ou biznes i mal lo nou kote. Ok? Savedir nou pa pou fer sa.  E ler nou konmans donn met sa lenfrastriktir lo Zil Eve e lezot landrwa, apre 6 mwan ki sa devlopman in konmanse, nou pou konmans met alokasyon tender.  Akoz sa tender pou alokasyon, pou ki dimoun pou li kapab prepar zot pou ki ler lenfrastriktir in pare zot antre lo zot later e zot konmans fer zot biznes.      Nou pa oule fer plis retar ki neseser.  Ok.

 

MR SPEAKER

Mersi.  Go ahead. CEO.

 

CEO MRS LUCY ATHANASIUS

Sorry Mr Chair, apre sa bann dimoun ki deza in sign zot lease, wi mon annan sa.   Bann dimoun ki’n deza in siny zot lease – ok malerezman zot in sinyen, zot ti konnen ki zot ti pe antre ladan – ok?   E zot in sinyen.  Zot pa’n ganny dir pey davans pou ganny lenfrastriktir or  anything like this, sof bann lo Zone 6 ek Zone 20 ki’n ganny dir e Zone 18, pey tou ou rent pou sa 60an davans, apre nou ava met lenfrastriktir ok?  Sa bann ki lo Zil Eve ki pa’n ganny sa loportinite pou sa e zot pa’n pey davans.  Malerezman sa lease i legal zot pou bezwen onor sa lease – ok? 

Si zot vwar Zone 18 Providence preski tou dimoun ti’n peye e ti annan larzan pou kapab fer sa devlopman.  Me lezot landrwa sa pa’n arive.  E alors sa bann dimoun in deza siny zot lease, lease i effective akoz zot in devret met en lobzeksyon depi konmansman.  I malere.  Mersi.

 

MR SPEAKER

Mersi CEO.  Onorab Wavel Woodcock.

 

HON WAVEL WOODCOCK

Mersi Speaker.  Bonzour Vis-Prezidan, CEO, tou Manm e tou dimoun a lekout.

Minis mon kestyon i swiv kestyon ki Onorab Gill in demande, regardant Ile Eve.  Dan Bidze 2020 dan son ladres Minis ti anonse ki pou annan en alokasyon R30 milyon dan sa Bidze pou fer sa bann lenfrastriktir lo Ile Eve.  Me selman ler mwan mon get anba PSIP anba Proze Kapital wi i annan en proze ki’n ganny liste la ‘’infrastructure development Eve Island. ‘’ Me er ou pe get ‘’revised budget’’ 2019 mon vwar zis en sonm R4.75milyon e dan Bidze 2020 mon pa vwar en alokasyon.

Alor mon ti kontan konnen lekel ki pe vann sa proze?  Dan meeting avan Bidze nou ti zwenn avek PS Finans e i ti donn langazman pou fer ki pou annan ase alokasyon, pou zot kapab met tou bann lenfrastriktir an plas an 2020, pou zot kapab konmans fer alokasyon sa 47 bout later.

Si IEA pa ganny sa lokasyon, i vedir ki sa bann later pa ganny fer alokasyon lannen prosen, p ou ganny  fer bokou pli tar.   Alor mon ti a kontan ki zot donn mwan en pe detay kote sa larzan pou sorti?   E si vreman pou annan sa R30milyon  pou 2020 pou fini tou sa bann proze ki nou bezwen lo Ile Eve.

Dezyenmman mon kestyon i konsernan pou Bidze 2019 ti annan en konsern ki IEA         pa ti anmas bann peyman bann lease.  Ti annan bokou bann debtors, ti annan  bokou arrears.  Alor mon kestyon i pou sa lannen 2019, eski zot in nobou anmas sa bann det, sa bann peyman lease ki ti an deor ki pa ti ankor ganny peye?  Mersi Mr Speaker.

 

MR SPEAKER

Mersi Onorab.  CEO. 

 

CEO MRS LUCY ATHANASIUS

Mersi Mr Chair.  Mon krwar i enportan kekfwa ki Minis Finans i ka reponn sa zafer Bidze pou Ile Eve kot i ete pou sa lannen ok, akoz sel keksoz ki nou annan se sa 4.7 dan Suspense Account. 

E sa ki nou ti’n gannyen pou sa lannen si ti napa appeal ti’n fini konmans demare ok?  Nou ti espekte sa lannen prosenn ganny leres pou sa premye faz pou Zil Eve.  Ok kekfwa Minis Finans i a reponn sa.  Selman avan mon pas laparol ek PS Thesee ;-  Zafer debtors – ok ?  Wi debtors i ankor en problenm e mon ti’n fini eksplik sa ek FPAC.  Mon’n eksplik zot mon pa ankor komans ranmas tou keksoz ;- nou lalis pa annord, ok?  Ni Minis Finans ki ti vin kot nou pou en 3 mwan ok ti annan apepre en 4,  5 zot pa’n kapab met en lord.  E nou’n donn langazman ek FPAC ki nou pe pran sa dan nou lanmen.  Nou pe sey fer tou keksoz.  E selman nou bezwen  lasistans ek Minis Finans pou en accountant.  

Nou napa personn.  An se moman la mon pe koze, ok e nou bezwen en lasistans pou kapab met sa annord.  Nou pe fer en revi lo tou bann debtors nou pe fer en census  pou konnen lekel ki annan later?  Kan zot lease ti konmanse? Eski zot in peye?  Akoz keksoz pa annord.  E nou ti’n fini fer sa kler.  Ok selman lannen prosenn keksoz ti sipoze annord apartir Zanvye nou pe fer nou mye.  Mersi.

 

MR SPEAKER

Mersi CEO.  PS Thesee.

 

PS DAMIEN THESEE

Bonzour Mr Chair, tou Manm Onorab.  Mersi.  Parey nou konnen en Bidze ler nou vin la, i en Bidze kolektif ki Cabinet  in pran desizyon,  kote i pou al allocate son resours.  So i pa Minister Finans ki’n desid alokasyon resours.

E parey Minis in anonse dan son speech i annan lentansyon an vi nou konnen i annan challenge avek IEA –  pa zis 2019-2020, i go back en bon pe lannen, kot nou pa’n zanmen kapab vreman donn resours neseser pou IEA devlop son bann zone endistriyel.

E an 2017, nou ti konmans fer serten fleksibilite lo nou kote par ouver en Suspense Account. Suspense Account i pa en keksoz ki nou promot li,  me selman nou aziste pou accommodate bann Lazans.  Savedir si ou’n donn li Bidze en lannen i pa depanse la kot nou ouver Suspense akoz nou vwar sityasyon pe kritike, ki zot pa kapab egzekit proze.

So 2018 nou ouver kont dan Suspense avek en 15 milyon.  15milyon ki ti basically pou Zone 20.  E apre lafen lannen 2018 nou ti met en R5.2milyon ankor dan sa Suspense ki ti annan 3.3 dan pou Eve Island e 2.2milyon pou ‘’road improvement.’’ 

Sa in brought forward an 2019 11milyon.  E sa 11 milyon i ankor dan sa Suspense la a sa moman.  Savedir ou vwar ki mannyer  si ou pa egzekit proze la, ki mannyer i akimile, i fer issue. 

Pou Bidze 2019 nu annan apepre nou annan en Bidze 8 milyon pou Zone 20  e to date zot in depans zis 4.7 dan sa Bidze 8milyon pou Zone 20.   Eve Island i annan 5 milyon ki nanryen pa’n ganny depanse.  Road improvement ki i annan 2.2 ki zis 0.3milyon savedir R300mil ki’n ganny depanse.   Savedir ankor la nou pran tou sa larzan met dan Suspense. 

Prezan natirelman 2020 nou pa kapab met Bidze ankor pou Eve Island    or any proze ki nou’n liste la.  Si nou pe brought foward en bon pe larzan dan Suspense nou pe le li fini egzekit sa bann proze depanse.

Savedir abilite en Lazans osi pou egzekit son proze, i annan lenpak lo ki nou pou al allocate li bann lannen avan.  Nou ava donn priyorite bann sekter ki pe bouze.  So nou acknowledge parkont lenportans pou vreman kapab bouze kot IEA, pou donn li resours pou li speed up en pe son bann keksoz.  So sa i en desizyon ki ti ganny pran e Cabinet ti aprouve ki we need to  let go  of  IEA. 

Nou pa pou kapab kontinyen nou model tradisyonnel ki IEA i lo en Bidze i vini, bann dimoun i pey zot bann lease, apre Gouvernman i tarde fer lenfrastriktir, akoz konstren Bide. Konstren Bidze pou touzour la.

So sa ki nou deside pou expedite sa tranzisyon tir IEA lo Bidze, pou li kapab speed up en pe son bann – egzekit en pe son proze.    I pou annan serten challenge wi – akoz parey i dir sa bann file ki pa annord, bann lease ki pa annord.   E sa en keksoz ki nou osi nou’n erite.  I bann keksoz ki IEA osi in erite avek MHILT.  So nou’n donn detrwa resours neseser atraver accounts  staff, pou ede speed up.  Akoz bann lease officers ki ti sipoze responsab zot bann dosye, pou fer siny tou dimoun ki annan en lease, oubyen en propriyete lo bann zone endistriyel,  i zot bann peyman i azour, zot bann  Kontra i azour.

E bokou sa bann file pa azour.  E nou, nou’n asiste ek staff account e revenue management i en keksoz ase nouvo dan Gouvernman ki nou bezwen train.  Nou staff pa reste, i kite, ou  bezwen re kontinyen re recruit, pou motiv zot pou zot reste ladan.  Akoz mannyer sityasyon i ete, file pa annord, staff i démotivé.  So nou osi nou pe sorti en pe an deor nou confort  zone en pe an deor nou rol pou asiste IEA avek  sa.

So sa i en pe kontrent ki annan ki CEO in mete devan.  Me solman  going forward nou bezwen travay pou sa tranzisyon atraver son lotonomi, ki sanmenm sa nou pou fer an 2020, ki target ki ti’n mete dan Budget speech pou mid sa lannen, at least nou ava ganny lendikasyon kote nou pou ete avek son nouvo transformasyon, ki by Zilyet/Desanm i ava kapab tranzisyonn endepandan.  Mersi.

 

MR SPEAKER

Mersi PS Thesee. Onorab Woodcock.

 

HON WAVEL WOODCOCK

Mr Speaker ler mon pe ekout larepons PS i montre ki i annan en kantite dezord dan IEA.  En dezord total Mr Speaker.  PS in dir pou dir ti annan en larzan en R11 milyon dan Suspended Account yet, sa larzan pa ganny servi.

Konmsi ki problenm zot pe gannyen, ki zot pa kapab enplimant sa bann proze?  Sa enn proze i vreman enportan.   Zot dir ok R30milyon me selman ou  dir Ile Eve zis R5 milyon pou sa proze.  E konmsi mon pa ganny en konpran akoz, akoz tou sa bann  retar? Konmsi mon bezwen fer en lapel avek Vis- Prezidan vi ki ou la avek ou Cabinet, konmsi pou zot get en pe dan welfare sa bann konsern ki pe arive Ile Eve.  Akoz tro bokou letan ou pe espere pou ganny en alokasyon later ;- 47 bout later e bann biznes pe espere i annan plizyer lannen.  Konmsi  mon bezwen fer pledwari avek sa Gouvernman pou zot get dan sa size, si IEA i bezwen sipor bezwen led, donn led nou ava met sa bann lenfrastriktir an plas, nou a ganny sa bann later nou ava donn avek businessman Praslin.  Mersi bokou.

 

MR SPEAKER

Mersi Onorab.  PS oubyen VP si oule fer komanter. CEO go ahead. 

 

CEO MRS LUCY ATHANASIUS

Wi en keksoz ki mon le dir, ler zot vwar larzan dan Bidze i fantastik.  Ok selman nou osi nou osi pa kapab zis pey dimoun ki pa ankor fini fer nou louvraz.  Nou bezwen esper bann invoice vini, pou nou kapab pey sa e anmezir sa i ganny fer.

E pou Zil Eve nou pa ankor servi akoz the survey pa ti’n ganny fer, sa ler ti’n ganny fer an 2018.  Apre the planning nou bezwen fer sa desen    nou bezwen met dan planning, ou bezwen met lo tender Board, tou sa i ganny fer.  E la nou zis nou espere.  Si ti napa en appeal Zil Eve ti’n fini komanse apartir Out, e nou ti pe al fini Desanm lannen prosenn, e alokasyon tender alokasyon ti pou al an Zen.  Nou ti’n fini dir sa nou ti’n fini diskite.  Mersi Mr Speaker.

 

MR SPEAKER

Mersi CEO.  Onorab Audrey Vidot.

 

HON AUDREY VIDOT

Mersi Mr Chair.  Mr Chair, mon kestyon pou Mrs Athanasius, petet si i ti kapab eksplik nou Lasanble avek sa Bidze pou 2020, ki zot espekte akonpli lo Zone 20 Providence?  Eski ou pou annan detay le kantite ki zot pe al allocate, konmans allocate pou bann dimoun pou benefisye dan sa bann proze ?  Apre mon pa oule overlap kestyon ki Onorab Lemiel pou vin koz lo la, me plito dir nou zeneralman si zot in finaliz bann – ki priyorite zot pou konsidere lo bann proze swa an 2020 oubyen 2021;-  ki zot pou anvizaze ki bann priyorite zot pou fer pou swazir lekel bann distrik ki zot pou kapab donn sipor pou fer bann devlopman pou bann pti biznes?   Mersi.

 

MR SPEAKER

Mersi Onorab. CEO.

 

CEO MRS LUCY ATHANASIUS

 Ok mersi Mr Chair.  Mersi Onorab.  Ok sa Bidze 2020  ki nou annan nou pa pe espekte kapab fer gran keksoz  pou-. Ler ou pe dir Zone 20 ou pe dir Zone 20 bulk    oubyen ou pe dir sa Construction Marine Industrial Park?  

 

HON AUDREY VIDOT

Sa bann ki zot pe mazin pou bann proze parey, parey garaz oubyen maritim.   Thank you.

 

CEO MRS LUCY ATHANASIUS

Mersi Mr Chair.  Ok pou garaz sa ti ganny – i pa lo sa Zone 20 i annan en lot landrwa ki  ti appel sa ‘’UCPS  Morin Reclamation’’ – ok?  Sa fek fini ganny konble an Septanm sa lannen, ok?  Savedir napa – si ou’n get Bidze  nou napa okenn capital funds, ok for anything mazer dan nou Bidze.    Nou annan zis nou re current budget. 

        E savedir nou pa pou kapab fer nanryen san finansman, sof si nou al ek bann partnership prive, oubyen ek bilateral oubyen si nou bann lamannman ki nou’n anvi fer ek nou Lalwa i permet nou pran loan bann keksoz koumsa.  Ok?  Alors pou le moman  anba sa Bidze ki nou annan devan nou ozordi, napa nanryen nou pou kapab fer pou sa ‘’UCPS     Morin Reclamation.’’ Ok? 

Pou Zone 20 menm zafer ki ou  sipoze pe konplete ek 35 milyon ki reste lo sa Bidze, akoz zot sipoze fini an Desanm, sa osi lo nou, napa.  Ok?  Apre pou zafer bann distrik e si nou kapab dir sa ‘’UCPS  Morin   Reclamation’’ pou mekanisyen ek marine mechanics sa i enportan ok ?  I akoz nou bezwen kapab tir bann dimoun dan bann landrwa rezidansyel – mon konnen sa i en gro problenm.  So sa mon krwar ti a vin en priyorite pou kapab gard finansman.   E nou pou sey get tou bann avenue si  nou pa ganny Gouvernman, si nou pou kapab pran bann mezir dapre en reform nou Lalwa.  Ok?  

Apre pou bann proze dan distrik.  Sa mon krwar ou pe koz bann ‘’One District One Project ‘’sa SOOC.  Ok sa parey zot tou zot okouran nou’n al dan bann distrik, nou’n koze nou pe esey idantifye later, i annan landrwa nou’n gannyen;- nou’n komans fer bann konsep.  Ok sa i pran bokou letan akoz nou bezwen architect, nou bezwen fer costing, nou bezwen surveyor tou sa.  E nou napa sa bann kapasite dan nou lorganizasyon. Nou bezwen fye lo MHILT,  pou kapab asiste nou.  Ok selman nou deza nou pe fer sa, e nou annan 13 proze ki’n deza fini fer konsep of costing tou keksoz – ok? 

E anmezir nou pou fini sa leres ki nou ti pe fer dan bann diferan distrik.  Ok?  Savedir tou bann distrik.  E nou’n koze e bann – sa antrepriz ki nou ti a swete komanse lannen prosenn, sa pou ganny fer par osi  nou pe angaz nou bilateralman pou kapab ganny en asistans, pou kapab ed bann distrik ek bann bezwen ki zot, zot bezwen – ok, pou bann light industries.  Ok, mon krwar mon’n reponn.  Mersi.

 

MR SPEAKER

Mersi CEO.   Onorab Vidot.

 

HON AUDREY VIDOT

Pou CEO menm,   ler mon ti pe mazin priyorite, mon pe mazin si petet bann ki deza zot teren i la, loportinite i vini zot ganny finansman, si zot pe konsider sa, oubyen si bann petet de kalite proze ki zot pe anmennen sa ki petet lo priyorite ki zot pe mazin lo la?

2enm pou VP;- mwan mon pou fer en pledwari avek Gouvernman ki sa bann  proze pou swa lo site 20 Providence, e sa lot ki pou bann garaz i ganny vwar fason ki mannyer nou kapab trouv finansman pou donn sipor sa lorganizasyon.  Akoz i en gro konsern e nou i en keksoz ki nou koz lo la bokou fwa dan Lasanble – mwan menm mwan personnelman, pou bann pti garaz ki dan bann housing estate, ki nou pa anvi zot perdi zot gouse manze, me nou anvi sipor nou bann dimoun ki pe ganny afekte dan bann distrik avek sa bann proze.  Mersi.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Ok mersi Mr Chair.  Konsernan bann priyorite nou, nou pe get dan tou bann distrik ok, kot nou annan kot nou nobou ganny later, nou pe fer bann proze ok napa vreman en lalis priyorite.  Anmezir ki nou pe fer ok, nou pe fer sa-  ok?  E sa kot ou ete.  Mersi.  Nou’n fini fer 13 konsep pou lemoman.

 

MR SPEAKER

Mersi CEO.  Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  Mersi Onorab.  Bonzour tou Manm  Onorab pou bann kestyon ki’n ganny demande.

Mr Chairman IEA i zwe en rol kle dan devlopman bann lantrepriz mikro, ptipti, mwayen e gran.  I en zwe kle dan devlopman ekonomik pei an zeneral.  Yer ler nou ti koz avek ESA nou’n koz lo ki mannyer ESA i siport sa bann lendistri atraver formasyon, atraver finansman, atraver bann diferan progranm servis e ki nou donnen bann after care pou asire ki sa bann antrepriz i reisi.

Me pou fer sa arive, se IEA ki vreman annan en rol kle kot i konsern lenplimantasyon tou sa bann gran Polisi, tou sa bann proze ki nou dir.

E IEA ozordi i dan en crossroad parey Anglais i dir.  Nou bezwen donn li lotonomi, pou li kapab adres defi ki devan li.       E nou’n vwar bann defi ki pa mal, an term finansman, an term nou bann rikord e osi term kapasite, ki mannyer pou kapab progrese.

Me nou santi ki nou kapab fer bokou plis ki sa.  Se pou sa rezon nou’n dir annou pran semen pou kapab ganny lotonomi.  Board in fini diskit lo Lalwa, e propoz serten amannman ki pou fer  dan Lalwa ki pou permet kapab ariv lo leta lotonomi.  Nou pe osi diskit posibilite annan kolaborasyon avek sekter prive, ki dayer in deza en keksoz ki konmans pran plas.  Annan en keksoz striktire pli gro ki sa, e osi i annan serten diskisyon lo nivo bilateral ki pe pran plas, pou kapab reponn tou sa bann bezwen finansman lenfrastriktir ki nou’n met devan.

Me selman nou kapab fer sa, nou le ki IEA i vin autonomous me Gouvernman i pe met i annan en pti larzan ki’n mete  dan Suspense Account  parey PS in dir.  Me selman nou reste angaze pou kapab siport IEA ariv sa nouvo kot i pou ganny son lotonomi, kapab diskit avek sekter prive i ava dan en pli bon pozisyon pou diskit sekter prive e annan bann Lagreman fix dan kadreman PPP, e osi permet Gouvernman anmenn afen bann diskisyon ki pe fer lo nivo Bilateral pou kapab adres tou sa bann bezwen.

Nou realize ki bezwen kantite. Nou realize ki si nou pa adres sa bann defi, nou pa pou kapab koz lo devlopman lantrepriz mikro, ptipti e mwayen.  Si oule sa i enn sa bann lever enn sa bann keksoz ki nou bezwen deklanse, avan ler nou permet tou sa bann devlopman i kapab pran plas.  I annan potansyel pou IEA devlope.  I annan potansyel pou IEA permet bann dimoun ki pe operate bann garaz dan lakour, bann fasilite dan lakour ki pa an konformite avek bann lespas rezidansyel, met zot dan en landrwa pou zot kapab devlope e zwe en rol pli enportan ki bokou dimoun pe espere pou zwe dan pei.  Mersi Mr Chairman.

 

MR SPEAKER

Mersi Vis-Prezidan.  Onorab John Hoareau.

 

HON JOHN HOAREAU

Mersi Mr Chairman.  Bonzour tou dimoun.  Bonzour Minis ek ou lekip.

Mr Chairman mon ti a kontan konnen an vi ki enn zot strategic priority se ‘’identify breach of lease agreement.’’ Mon ti ava kontan konnen konbyen dimoun i annan ki zot in idantifye deza ki‘n breach bann lease agreement zot bann Kontra?  E ki zot pe fer  dan sa atraver sa Bidze pou zot kapab repran sa bann later e re allocate avek bann dimoun ki li lalis ?

E dezyenmman, mon ti a kontan konnen osi ki zot backlog e an vi ki zot dan zot statement la zot in dir zot in devlop 27  plot.  E ki zot backlog e kwa ki zot pe fer dan sa Bidze 3atraver sa Bidze pou redwir sa backlog ?   Mersi.

 

MR SPEAKER

Mersi Onorab.   CEO. 

 

CEO MRS LUCY ATHANASIUS

Mersi Mr Chair.  ok zafer ki kantite breach of lease sorry mon pa’n anmenn file bann figures ek mwan, akoz mon pa ti krwar si relasyon-nen avek sa Bidze la.  But I can get that, mon kapab fer ou gannyen si oule.

Selman parey mon dir mon ti pe ekspekte lo Bidze nou pe al koze.  Kekfwa i relasyon-nen ki kantite nou kolekte si ou le    ladan sanmenm sa nou pa’n anmenn sa dan formasyon.

Ok, apre lot kestyon silvouple eski ou kapab repete akoz mon pa’n i pa’n tro kler.

 

MR SPEAKER

Onorab.

 

HON JOHN HOAREAU

Wi mon ti pe demande ki kantite dimoun ki zot annan lo zot backlog e ki fason atraver sa Bidze zot pou redwir sa backlog?

 

MR SPEAKER

Mersi Onorab.  CEO.

 

CEO MRS LUCY ATHANASIUS

Ok nou annan bokou  lo sa backlog pou later ou pe demande.  Ok mon annan bokou dimoun lo bann backlog, apepre kekfwa en 700 dimoun – (oh non, non, non, that’s on PIE)     I annan nou annan en gro lalis ok – I think it’s about 300 ekek.  700 i lo Providence sorry. 

        300 ekek dimoun pe espere lo sa waiting list.  Ok?  E otan ki nou napa later ok, otan ki nou pou fer bann deroulman pou repran later ki pa’n ganny devlope, bann ‘’breach of lease’’ nou pou later pou donnen.  Ok so nou osi annan bann ka kot deza dimoun ti’n ganny later dan lepase, ki nou osi nou bezwen asiste ki lo sa backlog ok, zot in ganny later, selman ziska ozordi zot pa’n kapab antre lo sa later akoz ti annan scrap metal lo la oubyen en keksoz koumsa.  Ok so nou bezwen   zot in fini pey zot   tou keksoz.  So that’s kot nou ete pou lemoman lo sa backlog.  Mersi.

 

MR SPEAKER

Mersi CEO.   Onorab Hoareau.

 

HON JOHN HOAREAU

Mr Speaker mon tre dezapwente avek sa larepons.  Parske nou pe donn en Bidze pou en antite pou li donn later pou devlopman endistriyel, me i pa pe idantifye bann dimoun ki pe fer spekilasyon  – ki annan plizyer morso, ki pa pe donn ki pa pe onor zot Kontra, e mon vwar difisil pou mwan kapab pronons mwan lo  pran en desizyon lo sa Bidze.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Mon ti a zis anvi klarifye.  Mwan zanmen mon’n dir ki nou pa pe pran ka avek bann dimoun ki pa ankor pey zot lease, oubyen kot zot in breach ki nou pa pe fer zefor pou repran later.   Mon pa’n dir sa.  Mon pa konnen – any way ok?  So ek sa Bidze ki ou vwar devan sa ou ‘’current budget’’ i pa pou ed nou pou fer nanryen dan zafer devlop later, ou lenfrastriktir ok?  So mon pa  konnen kote.  Kekfwa I have missed something ki ou’n dir.  Mersi.

 

MR SPEAKER

Mersi CEO. Onorab Sylvanne Lemiel.

 

HON SYLVANNE LEMIEL

Mersi Mr Chair.  Bonzour tou dimoun.  Aparaman mon ti annan mon kestyon yer ki mon ti’n demande lo kote small enterprise dan bann distrik, pou dir i annan later in ganny idantifye.  Mon konnen Anse Royale i en distrik ki zot in idantifye later.  Mon ti a kontan konnen ki zistans proze pou Anse Royale in arive?  Sa i enn.

Dezyenmman i annan sa bilding ‘’Leve Debourye’’ ki mon konpran i tonm anba IEA.  Mon ti pou kontan konnen eski tou dimoun pe pey zot rent kot’’ Leve Debourye?’’

Eski i ankor annan plas vid laba kot ’’ Leve Debourye?’’  Akoz nou pe ganny en konpran ki i annan dimoun ki zis zot pe servi sa landrwa koman en stor.   Zot pa pe servi sa landrwa parey i ti’n ganny demande pou servi.   So petet ti a bon nou ganny en pti lesplikasyon lo la.

Apre later pou bann pti kontrakter class 3, later pou bann pti kontrakter class 3 mon ti a kontan osi konnen ki zistans petet in arive lo sa kote, eski i deza annan en alokasyon ki’n ganny fer?  Apre mon ti pou kontan petet konnen Mr  Chair, ki mannyer zot priyoritiz bann dimoun pou ganny later kot en zone endistriyel?

Akoz mwan mon konnen i annan dimoun dan mon distrik ki napa  depi ‘ 98 – pa ti ankor zone endistriyel.  Me selman 1998 zot in demann en bout later pou zot etabli zot biznes.  Ki mannyer zot priyoritiz bann dimoun pou ganny later laba?  Mersi Mr Chair.

 

MR SPEAKER

Mersi Onorab Lemiel.  CEO. 

 

CEO MRS LUCY ATHANASIUS

Mersi Mr Chair.  Mersi Onorab.  Pou ou kestyon, ok zafer later Anse Royale pou sa antrepriz ki nou avize fer.  Wi nou’n ale nou’n vizite ansanm ek bann partenaire e nou’n gete ki ti sa landrwa obor lans solman i pa ideal pou sa proze ki nou anvi fer pou kapab ed mekanisyen, tailoring, bann keksoz ki i annan demann dan Anse Royale.  So nou ankor pe reget ankor kot nou kapab plas sa antrepriz ki nou anvi fer, pou bann zabitan dan distrik.

Ok zafer ‘’leve debourye’’, i annan enn en plas ki vid leres in ganny pran.  I annan 35 ki nou pe anmezir pe allocate tou leres in ganny pran.

Zafer si zot pe peye ?  Nou pe gete pou fer sir ki zot pe pey zot rent.  Ok?  Apre bann ki ou dir stor, ok i annan enn de ki zot vii zot fermen pandan lizour aswar zot vin travay.  Ok e osi nou bezwen konpran ki nou pa pe donn landrwa pou en stor.  Selman ennler dimoun i met lo keksoz kote zot pou mete?  Zot dan en pti biznes, kote zot pou stor zot zafer osi?  Swa nou pe ed zot swa nou pe zis ed en ptigit zot biznes.  Nou bezwen get sa ladan.  Selman si i full-time en storage area ok, sa nou bezwen kapab gete akoz i annan bokou dimoun ki pe fer manufacturing oubyen en    value addition ki nou mon krwar zot bezwen ganny priyorite lo sa bann keksoz.  Nou pe get sa nou annan nou bann ekspekte ki pe al partou zot donn zot rapor.  Ok?  Selman pou pran aksyon sa osi i pran letan, sof si ti annan sa pouvwar ou breach contract  nou ale nou pran.  Selman it’s not so simple as that – ok? I wish it was. 

        Apre zafer class 3, contractors, sa parey nou konnen ti annan zis class 3 contractors ki ti ganny nonmen pou sa Providence Constuction and Marine Industrial Park. 

Pou class 3 ler nou annan later ok nou pou met lo tender e zot pou tender.  E nou konnen dimoun i annan bann aplikasyon 20an – 15an zot pe espere ok?  E mannyer nou pou priyorite pou donn later sa bann dimoun, la nou annan sa land allocation system pou lendistri ti ganny aprouve lannen pase par Cabinet e nou pe al servi sa henceforth  ler nou komans donn later.

Nou pou advertise ki bout later ki son grander, e dimoun pou apply pou sa zot pou bezwen met zot proze.  Akoz i pou annan en Komite ki pou get proze dapre bann kriter ki’n ganny etablir.  E dapre sa zot ava ganny pwen e nou pou kapab.  Akoz dan lepase i pa ti fer koumsa – ok ?  Nou, nou le fer en fason ki i kapab transparan – en dimoun i a konnen ki mannyer zot, zot pa’n ganny oubyen entel in  gannyen?  Sanmenm sa allocation policy ti ganny aprouve nou ti soumet pou aprouvasyon Cabinet lannen pase.  Thank you.

 

MR SPEAKER

Mersi CEO.   Onorab Lemiel.

 

HON SYLVANNE LEMIEL

Mersi Mr Chair.  Baze lo larepons CEO lo kote bilding ‘’Leve Debourye’’ ki’n dir petet i annan wi ki pa pe peye zot pe regarde, petet i ti merit me pti pe plis zefor lo la, pou nou ganny en pti kontrandi lekel ki  pa pe peye.  E petet mon krwar aksyon i devret ganny pran ek sa ki pe peye? Akoz si ou annan en lalis long dimoun ki ankor pe espere e mwan mon konnen dan distrik kot mwan i annan en kantite dimoun osi ki pe espere, alors en lot i ganny sa plas ki pare pou peye i ganny sa plas.

E en lot keksoz CEO, mon pe prezimen, i pa pe prezim as such – ou’n  dir ki sa lokasyon ki zot in gannyen i pa ideal.  Wi mwan osi mon pe regarde i pa ideal petet pou sa ki ou, ou ti pe mazin vin fer.

E petet la Mr Chair mwan mon ti a sizer avek ESA menm si ESA in pase yer, prezan i vin en sanzman kot nou kapab ganny kyosk instead of  micro-enterprise pou bann dimoun ki pe espere dan nou distrik si IEA pa pe pran sa landrwa.  Mersi bokou.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Wi nou osi nou pe konsider fer en kekfwa en Craft Village – ok.  Si nou pa ganny en sant antrepriz dan Anse Royale.  Mersi.

 

MR SPEAKER

Mersi CEO.  Onorab Francois Adelaide.

 

HON FRANCOIS ADELAIDE

Mersi Mr Chair.   Bonzour tou dimoun.  Mon kestyon pou panel se ki dan sa Bidze mon vwar i annan 3.8milyon i ‘’compensation.’’  Savedir lapey travayer, ki travay dan sa Departman.

E nou Baie Lazare nou pe kontribye parey mon dir nou bezwen value for money.  Lannen pase dan Bidze ti annan en sonm ti ganny allocate pou devlop en site Baie Lazare.  Nou pa’n vwar IEA ditou.

Eski mon kapab ganny en detay lo ki’n arive avek sa larzan?  E eski zot in vini dan distrik pou zot konmans fer sa progranm preparasyon pou nou kapab ganny pti micro-enterprise? 

Mon 2enm kestyon i vize ver Vis-Prezidan ;-  Vis-Prezidan ‘’byen koze i  fer byen konpran’’ parey ou abitye dir, ‘’mal koze i fer diskisyon.’’

Baie Lazare tou kou nou’n dir nou annan bokou later.  E avek zot current challenges ki zot annan leskiz se zot napa ase later,  me nou Baie Lazare nou pa aksepte sa.   Baie Lazare nou annan ase later.  La mon pou donn 3. T3525 ki kot sant kominoter i ete.  T3822 kot zot in donn en Sud Africain pou plant fler lo la.  T3823 ki annan sa bilding ki zot ti apel zot pti biro MNA. Sa bilding  – tou dimoun ki pe ekout mwan tap sa lo zot GIS zot pou vwar zot met sa  bilding dan milye T3822 – T3823.  Savedir nou annan ase later.

E mon pou demann avek Vis-Prezidan ki ou pou fer ou, konman 2enm ki ansarz, pou retourn nou later ki Parti Lepep in pran avek nou, pou nou met a dispozisyon nou bann antreprener Baie Lazare, pou zot kapab devlope. E ki nou ava annan nou ava arete  sa zafer nou bezwen al mandyan.  Nou annan ase later.  So mon ti a kontan ganny ou pwennvi lo la.

E trwazyenmman Mr Speaker, mon anvi demann avek panel nou annan sa industrial estate zone.  Ki zot pe fer o pli vit posib pou fer sir ki zot fer en evakyasyon, an ka si i annan okenn uncertainty?  Akoz pou lemoman sa ponnyen biznes ki nou annan nou annan zis en sel exit.  Mon oule zis ganny zot komanter lo la.

Apre Mr Speaker zis terminen, zot fek donn nou en pti liv la ki’n ekrir lo la lo paz 22, eski ou annan sa bann karakteristik?  Verifye si ou pran risk oubyen kalkile, pasyonnen e determinen inovativ e kreativ, konfidan e lezot ankor byen konnekte motive, fleksib, annan bon edik travay?

Eski zot kot IEA zot annan tou sa bann kriter pou ki zot kapab vin dan nou distrik e fe nou devlope koman en distrik?  Mersi.

 

 

(APPLAUSE)

 

MR SPEAKER

Mersi Onorab Adelaide.  Mon ava donn laparol CEO apre Vis-Prezidan.

 

CEO MRS LUCY ATHANASIUS

Mersi Mr Chair.  Sorry mon pa konnen ki zot pe gete, akoz mon pa’n ganny en kopi sa.  Mon pa’n ganny en kopi sa. Kwa sa ?  Please eskize mon pa konnen ki sa ki zot in gannyen.

 

MR SPEAKER

CEO mwan osi mon pa’n ganny en kopi.  Petet …?

 

CEO MRS LUCY ATHANASIUS

Selman – ok sa PS  apre IEA zot pe pran Industry zot a demann li.  Silvouple.

 

MR SPEAKER

Avan i sorti kot Departman Lendistri.  So sa enn Onorab Adelaide ou ava anmas sa enn pou PS Antat pli tar i a vin apre, nou ava retir sa enn pou lo CEO.  Ou ava kapab reponn lezot kestyon.

 

 

(Off-Mic)

 

MR SPEAKER

Non, non, non i se Ministry same PS, me selman IEA i en lot Departman  – ok?   PS Antat i ava eksplik sa taler.  Save sa enn Onorab Adelaide.  CEO apre Vis-Prezidan.

 

CEO MRS LUCY ATHANASIUS

Ok thank you Mr Chair.  Ok zafer exit plan – wi nou annan bann landrwa kot si an ka i annan en emergency – i annan bann ros ki nou’n tire ok, pou annan gard keksoz, selman an se moman la nou pe travay parey mon’n dir;-  akoz ler zone endistriyel ti ganny fer.  Mon krwar pa si zot ti pe mazin ki mannyer pou sorti.  Mon ti krwar zis pou rantre apre  anndan zot  fer   en exit.  Selman la nou pe fer en 2enm exit.  Pou tir sa konzesyon trafik ki annan an se moman ki en kosmar.  Ok?  Mwan mon’n viv sa toulezour – tou le erdtan mon bezwen al en meeting, mon pe viv sa.  Mon konn byen tou keksoz pe arive.  Si i annan en emergency la kot nou pou mobilize ek Lapolis pou tir sa bann ros e nou pran bann sidings pou kapab sorti pou al lo highway pou sorti. Ok?   An  konsernan ou premye kestyon, mon krwar ou ti al tro vit. Mon pa’n vreman konpran  or  sezi sa ki  ou’n dir silvouple?  I kapab repete?

 

MR SPEAKER

Go ahead Onorab.

 

HON FRANCOIS ADELAIDE

Mersi Mr Chair.  CEO dan Bidze lannen pase, ti annan en alokasyon ki ti ganny mete e mo ti vot lo la – en larzan ki ti ganny mete pou devlop en sit Baie Lazare pou bann pti e mwayen lantrepriz.

Nou’n deza annan de landrwa, me mon pa’n vwar okenn zot okenn zot zofisye sorti kot zot, pou vini pou vin koz avek Ladministrasyon Distrik kantmenm nou’n envit zot, pou donn nou en nide pa zis donn nou en kontrandi ki pe arive?  Mersi.

 

MR SPEAKER

Mersi Onorab.  CEO. 

 

CEO MRS LUCY ATHANASIUS

Ok, mersi Onorab.  Mersi Mr Chair.  Mersi Onorab.  Ok zafer sa antrepriz Baie Lazare – wi nou’n ale – nou’n ale, nou’ koze ek district administrator, nou’n koze pou get kot nou kapab ganny e kot nou pe al fer sa sant lantrepriz si sa ex- kot Lucy – the late Lucy Hickerson ti été – sa landrwa la, pou vin sa sant lantrepriz.  I dan proze.  Wi, wi definitivman.  E nou’n vin fer konsep osi pou sa.  So sa i bann 13 ki nou’n fini fer konsep ki nou’n ankor pe travay pou leres, pou nou konnen nou pa’n oubliy Baie Lazare.  Mersi.

 

MR SPEAKER

Ok mersi CEO.  Mon ava donn laparol Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  Mr Chairman Onorab mon’n lir serten kalite, serten atribi ki en dimoun i bezwen annan pou antre dan biznes – i korek sa.  I korek an term Polisi.  I korek an term enplimantasyon.  Ki nou pe diskite la, selman lenfrastriktir pou permet sa dimoun ki annan tou sa bann kalite, met sa bann kalite an aplikasyon, pou li kapab devlop en biznes dan en landrwa ki apropriye  avek tou bann sipor ki i bezwen.   So i marse.  I mars pou Minister.  I mars pou bann lezot Lazans osi ki lye.   Be pa li ki’n prodwir sa, me selman son aplikasyon i tonm osi  kot li.

Dezyenmman;- mon’n pran not sa 3 bout later ki ou’n dir e nou a follow-up pou gete ki sa ki arive pou kapab follow up.  Mersi Mr Chairman.

 

MR SPEAKER

Mersi Vis-Prezidan.  Onorab Adelaide.

 

HON FRANCOIS ADELAIDE

Mersi Mr Chair.  Mon pou ensiste avek CEO.  Pou sa lesplikasyon ki ou’n donnen pou dir ki nou annan exit, me selman akoz i annan ros lo la.  Nou bezwen ler i ariv emergency nou bezwen tir ros.  Sa i pa akseptab.   Kote ou pou ganny excavator pou al tir ros si i annan en emergency o pli vit posib?

Apre m ti a kontan ki ou donn mon en deadline, akoz mwan mon kontan si ou dir nou, nou pe travay lo en proze ki nou annan en  deadline kan ki nou pou vwar petet sa bann devlopman i konmanse Baie Lazare.  Kan apepre dan lannen prosen?  Mersi.

 

MR SPEAKER

Mersi Onorab.  CEO. 

 

CEO MRS LUCY ATHANASIUS

Mersi Mr Chair.  Ok Onorab sa bann ros mon pe dir, later i en glasi oubyen i annan bann gro, gro ros.  Nou’n met ros pou ki dimoun pa servi parey entrance/exit – ok?  Sa i fasil  pou zis pran en pti JCB bouz li lo kote.

Nou lo en  zone endistriyel e  nou kapab gannyen.   Wi.  I soz.  Be anuway that’s sa sityasyon ki nou pe viv ladan e nou pe get sa akoz nou konnen en zone endistriyel i kapab annan en leksplozyon nenport ler apre pou annan problenm.   E sa i en priyorite pou nou pou gete ki mannyer nou kapab fer fas avek.  Sanmenm sa, sa exit road isi i en keksoz ki irzan, e nou espekte sa i ganny konplete the latest. Ok?  In   fini demare wi – wi.  In fini demare si ou al – in fini demare, dan milye lannen prosenn ok ?  E sa kot nou ete pou sa.  Mersi.

 

MR SPEAKER

Mersi CEO.  Onorab Bernard Georges.  Onorab Bernard Georges.

 

HON BERNARD GEORGES

Mr Chair mersi bokou.  Mon ti’n sinyal ou kestyon ki mon ti pe al demande i an relasyon sa enn ki Onorab Francois Adelaide in demande, e mon krwar ki in ganny reponn a mon satisfaksyon.  E sa se en plan lonterm.  Mon vwar ki napa larzan dan Bidze sa lannen pou zot fer okenn travay lenfrastriktir, pou zot amelyor sa problenm trafik ek sa problenm exit dan en emergency. 

        E mon ti anvi souliny sa problenm ki zot tou zot tou zot konnen e ankouraz zot pou trouv en solisyon pli vit posib.

 

MR SPEAKER

Mersi Onorab.  Mon krwar CEO in note.  Dabor nou ava move on Onorab Waven William.

 

HON WAVEN WILLIAM

Mersi Mr. Speaker.  Bonzour Vis-Prezidan avek ou lekip.  Bonzour tou dimoun ki a lekout.

Mr Speaker mon ti a kontan premyerman adres mon kestyon avek Vis-Prezidan;- Vis-Prezidan mon anvi met ou okouran ki on anvi  met ou okouran ki i annan en letan kot zot ti pe vi met en bo pe container Grand Anse pou bann dimoun fer biznes ladan.  Sa pa’n arive.

E Prezidan ti fer vizit lo en sit kot Legliz Grand Anse Mahé.  E lannen pase mon rapel mon ti demann en kestyon kot mon ti ganny dir ki i annan en bilding ki pou ganny fer pou bann zabitan ouswa bann dimoun ki enterese fer biznes vin fer en biznes.  Be mon anvi fer konnen pou dir zot pe dir nou ‘’leve debourye’’ be nou pe leve nou pe zis espere !

Mwan mon anvi konnen kan?  Akoz ki arive se ki toultan zot vin dir nou en bann keksoz solman napa en timeline.  So mon ti a kontan konmsi ganny en timeline vizavi sa proze ki pou ganny fer Grand Anse Mah ?

r mon lot pwen se ki mon vwar bann challenges.  Vis-Prezidan mon vwar pou dir zot annan en  bon pe problenm kordinasyon avek kominikasyon antre bann Lazans.

E osi lontan ki zot pa met lord e vreman montre nou pou dir zot vreman anvi fer keksoz lo nivo distrik, akoz nou leokri se desantraliz bann resours ek fasilite!

So mwan mon pe demande konmsi egzakteman ki direksyon nou pe ale vizavi sa?  Akoz mwan ler mon regarde se tro bokou letan nou pe espere.

E nou pa pe ganny lenformasyon avek zot!  So mon ti a kontan ganny en lesplikasyon kan ki sa proze Grand Anse Mahé pou konmanse, akoz lannen pase mon ti ganny dir pou dir sa lannen pou konmanse !  Mersi bokou.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  Mersi Onorab pou ou kestyon.  CEO in brief mwan poudir plan pou sa proze dan distrik Grand Anse Mahé pe ganny desinen la.  In fini fer.  E i enn ant sa bann 13 ki IEA in fini prepar son konsep.  Son kou in fini ganny prepare.  Kestyon i finansman.   Parey nou’n dir pou kapab deklanse en kantite bann proze, nou pe vize pou ki IEA i travay pou li attend son nivo lotonomi.  Lemoman i fer sa, then i a permet ki i kapab antreprann an partenarya avek sekter prive.  Oubyen atraver bann loan e bann lezot mwayen pou kapab antreprann bann proze, enkli sa enn ki pou Grand Anse Mahé, ki la mon vwar in ganny evalye R29 milyon.  Mon pa kapab donn ou en presizyon kot i konsern letan tou pou depan lo prosesis ki mannyer nou antre dan lotonomi.  Apre nou kapab bouze.  Me selman nou toultan nou kapab vin donn lesplikasyon o fir anmezir keksoz i devlope.  Mersi Mr Chairman.

 

MR SPEAKER

Mersi Vis-Prezidan.  Onorab William.

 

HON WAVEN WILLIAM

Vis-Prezidan mersi pou sa larepons.  Me mon ti ava demande ki – enn – zot anvi nou pran ownership.  Zot anvi ki nou partisipe.  Mon ava demande ki sa plan even i vin ganny diskit lo nivo distrik, ki nou osi nou ava annan nou imput.  Akoz bokou fwa – bokou fwa se ki bann plan i ganny fer Santral.  Me selman dan distrik nou pa kapab met nou imput!  E prezan Vis-Prezidan zot dir nou pou dir zot pe konsilte !  Be mon pa pe vwar sa  kalite konsiltasyon ki zot anvi enkli distrik ladan?

So mon ti ava demande ki sa bann plan i ganny vin diskite lo nivo distrik.  E pou  ou lenformasyon se ki napa okenn zofisye dapre Administrasyon Distrik in dir mwan ki’n vin vizit distrik pou get okenn bann landrwa.  So mon a demande ki i annan serten bann komikman serye, avek distrik, pou angaz nou pou nou kapab tonm dakor. Akoz  finalman i pa pou marse si nou pa tonm dakor,  ansanm!  Mersi.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  Onorab mon dakor avek ou si ou pa konsilte lo nivo konsepsyon apre devlopman en proze,  pou garanti ki i pa pou reisi, i pou fail.  E lo sa enn i ti en proze re devlopman en fasilite ki deza egziste.

IEA ti antre an kontak avek Lotorite Distrik.  E petet i en nesesite al pli larz ki sa, les lezot les popilasyon konnen, ki bann eleman i annan ladan, ki bann fasilite bann propozisyon ki a permet ou osi ou a vini pou kapab donn pwennvi e ki ler i ariv devan, ki sa i pran plas.

Selman pou le dir dan lamazorite bann lezot proze kot nou’n fek konseptyaliz sa bann lide, sa bann proze, ti annan en konsiltasyon ki ti fer mon krwar ti fer dan distrik Port Glaud si mon pa tronpe.  Kot bann meeting piblik ti pran plas.

So wi mon pran konsiderasyon sa ki ou’n dir nou ava remet li avek Lotorite Distrik i permet piblik ava gete, e donn zot kontribisyon.  Mersi.

 

MR SPEAKER

Mersi Vis-Prezidan.  Onorab Ahmed Afif.

 

HON AHMED AFIF

Mersi Mr Chairman.  Mr Chairman mon ti a kontan fer referans avek paz 81 ek 82 dan liv Bidze.  Kot mon pe get 2 konponan Bidze zot reveni avek zot depans.  E mon vwar ki zot reveni li in ogmante, sorti R12milyon pou vin pou 2020 – R18milyon.  Tandis ki zot depans pou saler avek ‘’good and services’’ in reste preski parey.  Savedir sa pwen ki nou ti fer lannen pase dan Bidze sete ki zot bezwen met bokou plis zefor pou al anmas reveni. E mwan mon ti a kontan felisit zot pou fer sa zefor pou kolekte reveni.  Me selman – me selman mon pa vwar dan sa Bidze e mon pa blanm Industrial Estate Authority,  larzan pou lenfrastriktir ki pou permet zot kapab devlop Industrial Estate Authority pou li kapab vreman ofer landrwa lenfrastriktir pou dimoun devlope.

Savedir dan sa Bidze ou pou anploy menm  kantite dimoun, ou pey elektrik ou pou pey delo, me selman  ou pa pou kapab fer nanryen nouvo !

Prezan  ou pou annan later ki Gouvernman in donn nou, ou pa ni kapab devlope parske ou napa mwayen pou ou fer li.  Savedir mon pran dan  mon distrik par egzanp ;- kot mon vwar bann an montan La Gogue i annan de landrwa kot sa bann dimoun in demann en landrwa lo Industrial Estate pou zot kapab fer garaz par egzanp.  La zot pe park obor laboutik.  Mon pase mon koz ek zot, mon pe sey ed zot, be mon konnen osi ou  annan en kontrent.  Akoz ou pa pe kapab donn en bout later napa lenfrastriktir.  E pareyman anba zot in fer nouvo stad, napa lenfrastriktir pou met okenn industrial development.  Alor i reste koumsa, peser i lanmenm la obor dan kontour la napa nanryen.

E mwan mon krwar anba sa Bidze si vreman nou anvi Industrial Estate ganny sa abilite pou ofer sa servis ki in ganny mandate par Gouvernman, i enportan pou Gouvernman konsider met en alokasyon pou capital budget pou Industrial Estate Authority.  Zot in fer nou sa konfyans ki zot kapab manage larzan, zot kapab kolekte larzan mon asire zot kapab devlop lenfrastriktir donn zot sa Kapital.

Parske Gouvernman pou gannyen sa larzan an retour.  So nou pa pe zis dir zot met larzan pa ganny nanryen, parske ler biznes pou vin an egzistans. Ler i pou fer son loperasyon i pou kolekte reveni.

Alor mon ti a kontan demann PS Finans si i annan okenn rezon an partikilye akoz dan sa Bidzem konpare avek lannen pase kot ti annan R16 milyon pou fer en lenfrastriktir, sa lannen i zero pou 2020 – zero!  Be nou pa anvi devlop bann pti lantrepriz.  E mon ti a vreman kontan ki zot konsider sa e dir nou akoz i  pa dan sa Bidze pou 2020?  Mersi Mr Chairman.

 

MR SPEAKER

Mersi Onorab.  PS Thesee.

 

PS DAMIEN THESEE

Mersi Mr Chair.  Mr Chair mon krwar lo konmansman mon’n adres sa kestyon an totalite akoz napa en Bidze ‘’capital budget’’ pou 2020.

Si nou get nou lapros bann lannen avan, nou’n met en pti sonm tou le lannen en pti sonm tou le lannen, e nou pe compete resours avek lezot sekter, lakaz, ledikasyon, lasante.  Nou vwar ki nou Bidze pa pou permet nou kontinyen kapab sa lapros tou le lannen.

So se pour kwa ki nou’n anonse ki nou anvi tir IEA totalman lo Bidze.  Donn li so lotonomi pou li kapab operate commercially;- ki i kapab ganny bann private commercial funding,  pou li kapab egzekite plis dan sonm proze en pe pli vit.

Akoz si nou gete nou’n donn li 10milyon tou lannen R16   milyon tou le lannen i still pa kapab met azour son bann lenfrastriktir ki i annan pou fer.   Bann dimoun i vini  i pey li davans Gouvernman i pran larzan nou delay pou nou kapab  met lenfrastriktir an plas.

So nou’n sanz lapros, nou’n dir ki IEA nou bezwen innovate – IEA  i bezwen sorti lo Bidze.  Nou’n fourni li son Bidze loperasyon sa lannen ki at least i konnen i annan sipor Gouvernman ki ava soutenir son kou loperasyon.  Prezan nou ava come in avek bann formil finansman, la parey Minis in dir dan son ladres, i en loportinite pou bann labank come in, pou finans sa bann lenfrastriktir.  En keksoz ki kapab ganny fer se pou sa bann later nouvo ki napa devlopman, bann dimoun ki enterese kapab ganny son finansman antyerman, i ava kapab ede pey IEA sa larzan, IEA i ava kapab met an plas sa bann lenfrastriktir en pe pli vit ki oparavan petet ti annan en pti sonm tou le lannen en pti sonm tou le lannen.

So sa i en fason pou nou kapab adres en pe sa bann challenge ki nou annan dan lepase arive e nou model tradisyonnel se ki nou bezwen met tou keksoz lo Bidze.   Nou pa pou kapab kontinyen fann tou keksoz lo Bidze.  I pa soutenab nou en ta priyorite ki an konfli ek kanmarad e ler ou determinen lekel ki pou finanse lekel ki pa finanse e swa bezwen ganny fer.

So pou nou, nou krwar pandan sa lannen parey VP in adrese, Board in deza konmans travay lo zot serten amannman lo Lalwa, pou ed zot al ver sa semen.  E nou pou kontinyen donn sipor lannen pase ki pou ed IEA kapab ganny sa bann finansman avek bann labank komersyal bann operater ki enterese pou vini.  Mersi.

 

MR SPEAKER

Mersi PS.  Onorab Afif.

 

HON AHMED AFIF

Mersi Mr Chairman.  Mr Chairman mon’n ekout byen larepons ki PS  pe donnen, me selman fransman mon pa tro vwar ki mannyer IEA pou kapab depan lo en model koumsa.

Parske li i pe al boug ki i pe al donn en bout later.  Prezan i dir ek sa boug be la, la mon pri pou mon bout later.  Prezan sa bout later i bezwen pli ser ki tou larestan bout later, parske li sa enn la i pe kouver lenfrastriktir osi dan sa landrwa.

Prezan pou konmans ganny tout en konplikasyon lafason  ou lease.   Mwan mon krwar sa lobligasyon kree lenfrastriktir, i devret reste lo Gouvernman, antyerman.

Industrial Eatate Authority li son louvraz se anmas rent;- manage sa landrwa fer si i reste prop e fer sir lanvironnman i bon pou sa bann dimoun operate.  Gouvernman li i met lenfrastriktir e Gouvernman i annan reveni pou lenfrastriktir.  Akoz tax ki sa bann dimoun ki pe peye lo zot biznes i pa ale kot li.  Alors se sa model mwan mon krwar avek respe i devret baze lo Gouvernman met lenfrastriktir les li debourye fer sa.

E si mon ti kapab zis met en pti pwen, ki si nou get dan Bidze ozordi lakantite larzan Gouvernman pe peye zis lo rent.  Nou’n demann en legzersis pou gete konbyen i arive.  Mon mazinen i bezwen dan en R300 – R400milyon, rent. 

Be zot, zot pa pe demann bokou kekfwa en 10milyon, R15milyon.  Lannen pase ti 16.  Sa se en lenvestisman.  Rent pa en lenvestisman sa!  Rent ou pe ed en boug ki pe envestir prive.  Be nou Gouvernman, mon dir nou parske mon konnen nou pou dan Gouvernman byento.  Be sa i devret – i devret en priyorite ;- i devret en priyorite si nou anvi vwar bann  pti lendistri devlope e ki e ki tou dimoun pe vwar en lavenir dan son biznes, dan son zanfan dan lavenir lendistri pou Sesel.  Mersi Mr Chairman.

 

MR SPEAKER

Mersi Onorab.  PS Thesee.

 

PS DAMIEN THESEE

Mersi Mr Chair.  Si petet nou get Ile Soleil, Ile Soleil avek Konpannyen 2020 ki ti ganny create, i ti en model ki ti ganny mete pou basically osi ede tir presyon lo Bidze.   I pa’n ganny vreman Bidze avek Gouvernman pou devlop ‘’2020.’’  Bann lenfrastriktir pe fer in rod son prop finansman, i annan son prop Board son prop konpannyen ki’n create. 

So parey mon’n dir si oule kontinyen met presyon lo Gouvernman, nou donn IEA 10milyon sa 10milyon nou pou still debate, i pa ase.  Akoz i annan  en lot Zone ki pa’n gannyen pou annan en lot distrik ki pa’n gannyen.

Nou pou bezwen tir en kopo somewhere dan en lot alokasyon Minister e sa lot Minister i konplet osi.

So nou pe compete pou resours.  Resours i pa limited so nou pe sey innovate en pe.  E natirelman dan sa bann formil, i ava gete kote bann finansman i kapab vin kot prive.  Dan le fitir osi ler nou vwar bann finansman pe rantre, si Gouvernman fodre rantre donn bann subvention,  nou  fer sa atraver Bidze pou bann SOEs ki nou vwar i bezwen lasistans ;- par egzanp lapos i kontinyelman ganny subvention avek Gouvernman, SPTC i kontinyen ganny subvention avek Gouvernman  i ava annan bann formil pou kapab still ed li si i pa pe kapab finans total an totalite sn bann depans, Gouvernman i antre.  So loportinite i la mon krwar.  Mersi.

 

MR SPEAKER

Mersi PS.  Onorab Wilbert Herminie.

 

HON WILBERT HERMINIE

Mersi Mr Speaker.  Bonzour Minis avek ou delegasyon.  Mon annan en kestyon mon pou kontinyen Onorab Churchill Gill ti’n kite, ler nou pe get lo paz 80 nou pe get zot bann defi ki zot pe fer fas avek.  Zot dir koumsa zot napa ase staff e osi ki i annan napa nouvo later ki zot kapab lease.   

        Me solman pou bann dimoun CEO, pou bann dimoun ki depi lontan  zot in ganny zot later, i annan bann la ki mon pe gete depi 2016, ki pa kapab devlop zot later akoz i annan sa bann  scrap metal donn nou en komikman kan ki sa bann scrap metal pou ganny tire, ki sa bann  dimoun i kapab konmans zot biznes akoz lekipman in fini vini zot anvi konmans  fer en return lo zot investment, be zot pa pe kapab bouze vi ki sa issue scrap metal.   So donn nou en komikman kan sa pou ganny tire lo sa bann later akoz sa depi 2016.

Mon lot kestyon i pou kontiny kot Onorab Vidot in kite.  Pou bann garaz   VP,  si tou sa bann landrwa in fini ganny konble, akoz  nou pa kapab  kree bann lenstriman finansyel, pou ed sa bann dimoun kapab konmans sa bann biznes si semen i ganny mete, sa bann  dimoun – sa bann pti biznesmenn zot kapab pran tap in dan sa bann lenstriman finansyel pou zot kapab bouze. Pou zot kapab konmans fer zot biznes garaz nou anvi ki sa issue garaz dan housing estate i en gro issue.  E nou anvi bouze avek sa.  So VP donn en commitment  pou nou kapab fer sa bann dimoun sorti dan housing estate  pou zot kapab komans zot biznes dan landrwa apropriye.  Mersi.

 

MR SPEAKER

Mersi Onorab. CEO. 

 

CEO MRS LUCY ATHANASIUS

Mersi Mr Chair.  Mersi Onorab pou ou bann kestyon.  Zafer scrap metal  sa ka i al ankor enn fwa i pe al Ankour la akoz sa bann dimoun sa dimoun ti’n ganny donnen 7 zour pou tir tou sa scrap metal ki an montanny lo sa 4 plot ki deza dimoun pe espere pou ale pou fer zot biznes. Ok?

 Nou, nou’n ganny en estimasyon ki ava out nou 3 milyon si nou IEA nou ale nou ale nou tire, nou zete.  Kestyon se kot ou zete?  Akoz sa deza i en montanny.  Sa landrwa i en montanny si nou met lo landfill, eski  mon pou ganny problenm ek lanvironnman, akoz sa pti bout ya i annan sa    kot SAMLO apre i annan sa enn la.  So nou bezwen – nou pe travay la a se moman pros ek bann lanvironnman pou gete kot nou kapab met sa si an ka kan sa ka i fini Ankour.  Akoz avan  sa nou pa pou kapab tous sa bann scrap metal, ziska ler sa  court case i     ganny fer.

Selman antretan pou dir sa, mon’n fini reasir bann sa 4 pti dimoun ki nou pe rod en alternative an menm tan. Whichever comes first, ok?  Akoz nou konnen i annan de ki mon konnen ki’n fini aste zot lekipman e i pe rouye kot i ete.  And pou mwan i pa fair.  I pa normal.  So nou pe fer tou pou kapab donn zot osi ok osito ki nou gannyen e se pou sela nou pe reget nou bann later pou gete kot nou kapab extract ankor bann plot.  Bann bout ki zis idle – nou pe sey gete si nou kapab  amalgamate  pou fer li dan en pe pli gran plot pou kapab donn en dimoun.  Ok?  Akoz i annan en pe wastage si nou gete lo Providence.  Ok?  

Osi kekfwa Perseverance osi nou pe gete kot nou kapab tire pou azoute pou fer en plot pou kapab donn dimoun.   Ok?  Ankor konsernan dan garaz – sa UCPS         pou  ‘’Morin Reclamation’’ ki mon ti koz ava fek ganny ranpli an Septanm.  La nou bezwen esper design kan ki pou sorti lenfrastriktir – non arpante avan apre design lenfrastriktir, apre nou kapab konmans tender out pou met sa lenfrastriktir e allocate sa.  E pou nou i en priyorite e nou ti ava’n swete ki ti’n ganny fer depi Zanvye sa lannen, malerezman in pran letan pou sa en bout kapab konble, be in fek fini ganny fer.  Sa i an deor nou kontrol.

So la  ki’n ganny  fer nou pe esper tou leres steps avan ki nou kapab ganny sa later, pou kapab donn dimoun.  So met garaz ek marine mechanics.  Akoz nou konnen problenm;- nou konnen problenm dan distrik.  Sanmenm sa    ki mon le dir lo la.

Wi avan ki Onorab Herminie ti demann son kestyon mon ti pe zis anvi azoute lo sa ki Onorab Afif ti a pe dir, ki nou, nou bezwen ler nou demann larzan e sa ki nou pe demande pou lannen prosenn en sipor, se si nou  ganny sa nou pa pe vin toulezan  pou demann menm kantite.  The problem i  nou pe ganny 5mil sa lannen, 2mil sa lannen lot e sa i drag on.  Ok?  Anmezir bann proze ki bouze la e pe bouze parey mon’n eksplike dan mon lentrodiksyon.  La ki nou bezwen bann  …    sumEn fwa sa nou pa pe al toulezour kot Finans pou demann larzan but we  need the support now especially for the  capital projects.  E mon annan en pti requirement  ki pou IEA kapab delivre byen dan 2020, mon annan  en lalis si ou permet mon  just run to it.  I lo la – I can just run to it please?  Mr Chair?

 

MR SPEAKER

Yes go ahead. 

 

CEO MRS LUCY ATHANASIUS

Thank you Mr Chair.  Ok nou’n vwar pou sa Bidze la ki devan zot, se nou’ ganny 12.116 milyon.  Selman the additional requirements ki IEA pe  gete se staff requirements.  Nou annan 16 staff la, selman nou bezwen bann staff nou annan en lalis bann staff kle ki pou fer sa lorganizasyon marse.  Akoz nou pa pe marse.  Ok kekfwa nou pe crawl ok?  E sa pou ariv 2 milyon an plis ki sa ki nou’n deza gannyen – 2.03milyon.

Ok lenfrastriktir developments  ki nou bezwen pou sa Providence Construction Marine Industrial Park pou lannen prosenn 16 milyon.  Eve Island Ist phase nou bezwen 11.3milyon ok?

The total estimated cost parey mon ti dir boner ti 15 milyon for the Ist phase.  Nou’n fini tender.  I  annan appeal e si tou keksoz i marse nou pou vwar pran sa lannen si konmans an Desanm e mon pa vreman krwar ok, nou pou demann sa 5milyon ki ti dan Bidze sa lannen pou al dan Suspense  Account  pou  fer ek sa 4.3 pou fer  9.3 milyon dan Suspense  Account. 

Apre nou bezwen the balance.  Akoz si i fini an Desanm lannen prosenn.   15 milyon nou bezwen annan sa larzan pou peye.  E avan en proze i konmanse nou bezwen met apepre en 15poursan down payment of the first cost.  Sanmenm sa nou pe demann sa.

Zone 20 bulk infrastructure nou bezwen pou lannen prosenn just the one-off lannen prosenn 35.350.  Apre sa i pou’n fini.  Ok?  Zone 6 infrastructure, which is long overdue i 10milyon.  ‘’New  spending proposals’’ ankor IEA Headquarters  building.  En Onorab in  fer referans ki nou pe pey en kantite rent, ki vre i vin 1milyon ekek tou le lannen.  Nou pe demann zis 10 milyon pou nou kapab fer nou Headquarters – ok?

Sa enn  entrance    road     mwan ki’n sa akoz IEA i en SMEs nou bezwen kapab donn direksyon byen.  7.3milyon.  Container park and carpark Zone, i annan en gran demann pou parking pou containers  -ok ?  Nou pe ankouraz biznes ok, zot annan zot bann containers nou bezwen kapab asiste zot.  Sa i a vin 5.780 milyon.  Parking facilities pou agrandi, akoz napa parking vreman.  2.5 milyon – street lights, street cameras ki neseser dan Industrial Estate nou pe met 5milyon.  Ok location of all IEA beacons ok bann taso dan zone endistriyel.

420mil fire hydrants si an ka en emergency ok nou bezwen mete nou met 350mil.

Drone and professional portal    pou nou kapab zer byen nou lendistri, gete ki pe arive  e fer bann azisteman i 550mil.

En 4 wheel cab nou annan pou al lo teren e sa enn ki nou annan ki nou’n, gannyen ki in vye pe kase tou le de semenn nou pe met en garaz.

En website development nou met 150mil.  Apre maintenance repairs 1.110 milyon.  Se tou ki nou pe demande i vin en gran total pou donn en prosen 120 milyon, se tou !  Apre sa nou pa pou demann sa.  Apre Me lannen answit nou kapab al autonomous si fodre.  Selman sa ki nou pe sey demann en sipor.  Sa ki bann keksoz ki nou’n vwar ki neseser pou ariv lannen prosenn.  San sa nou pa pe al okenn bor.  Mersi Mr Chair.

 

MR SPEAKER

Mersi CEO. Onorab Wilbert Herminie.

 

HON WILBERT HERMINIE

Mersi CEO pou sa larepons byen detaye.  CEO zis en follow-up ou dir sa proze pou bann later pou garaz in preski fini pe al lo tender.   E si ou kapab dir sa Lasanble ki sistenm zot pou met an plas pou fer sir ki sa proze i tous nou bann pti dimoun dan distrik ki vreman merite e tou distrik i ganny touse pa en sistenm tender open ki epi ou pa konnen lekel ki’n ganny later ?  Sa i enn.

Epi regarding mon premye kestyon ti dir case i Ankour.   Mon pa al dan detay lo case me eski IEA ki’n met case met sa dimoun Ankour?  Si ou kapab donn mon sa pti lenformasyon.  Mersi.

 

MR SPEAKER

Mersi Onorab.  CEO. 

 

CEO MRS LUCY ATHANASIUS

Mersi Mr Chair.  Ok konsernan sa bann mekanisyen ki mannyer nou pou fer sir ki akoz nou pa pe nou pa avize donn later la.  Nou avize konstri bann lenfrastriktir ki zot bezwen. Ok?

 Akoz i annan plen Industrial Estate dan lemonn i bezwen annan bann striktir ok apre dimoun i antre apre zot met zot furnishing oubyen zot lekipman, zot whatever it is zot bezwen    tou keksoz.  Nou, nou met an striktir  …     Parey en bann not a container –  a    prefabricated warehouse ;- par egzanp ki anndan ou kapab partition, apre ou donn dimoun pou allocate bann landrwa.  Se pou bann pti garaz dan distrik ki bezwen landrwa e ki pou napa kekfwa finansman pou devlop zot e later deswit.  Me zot bezwen sorti.  I annan en bann  toulezour zot pe ganny en let sorti kot lanvironnman, al Ankour akoz zot pe kontinyen  ok ? 

E nou annan lalis tou sa bann dimoun enkli  Port Glaud. Ok so that’s the situation an konsernan sa.  Ok ti annan en lot kestyon?

 

MR SPEAKER

Court case.  CEO. 

 

CEO MRS LUCY ATHANASIUS

Sorry.  Mersi Mr Chair.  Zafer Court case nou, nou anmenn nou ka kot AG’s office, AG’s office i anmenn Ankour ok?  Wi pou nou.

 

HON WILBERT HERMINIE

Sorry Mr Speaker.  Savedir zot ki’n anmenn sa case Ankour atraver AG? 

 

MR SPEAKER

CEO.

 

CEO MRS LUCY ATHANASIUS

Yes Mr Chair.

 

MR SPEAKER

Ok mersi.  Bon nou pou pran en break la nou ava retournen 11.10.  I reste ankor 4 Manm lo mon lalis.  Nou pou sey aim osi tou apre pou nou pran Department of Industry Entrepreneurship avek en bi ki nou kapab fini li ver midi 12:15 pou nou kapab reste – nou en pti pe an deor lo schedule e apre midi nou a  kapab pran STB.

        Mon zis anvi enform bann Manm e osi bann zofisye sirtou Finans, ki nou pa pou kapab koup nou break ozordi akoz pandan lunch time, pou annan Extended IAC Committee Meeting avek Foreign Affairs.  Ok so nou pou pran nou full lunch 2erdtan pou nou kapab permet sa meeting take place.   Nou break nou retournen 11.10.

 

(BREAK)

 

MR SPEAKER

Bon nou ava kontinyen nou travay.   E prosennman lo mon lalis mon annan Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon a sey fer li en pe rapidman, Minis CEO enn de fwa in mansyonn reclamation konblaz.  Mon ti a kontan konnen ki Polisi IEA lo lekel ki ganny drwa fer konblaz ki mannyer in pase sa?  Akoz mon konn plizyer dimoun ki’n eksprim lentere pou zot kree.  Oubyen pou zot dan met an valer serten bout later ki en pe sa.  Me selman zot, zot pa pe zot pa pe ganny permisyon.  Me selman ou vwar i annan serten lezot dimoun zot, zot ganny drwa ou vwar zot pe fer pe azout en bout avek kot zot ete.

Konmsi paret en pe i paret en pe dezord e dan sa sityasyon kot i mank later ti ava en probableman enposibilite pou gete si extending detrwa bout ki pa ava permet annan en pe en pe kare later pou bann dimoun ki dezespereman pe esper sa later.

2enm kestyon e la mon bezwen revin lo kestyon ki Onorab John Hoareau in leve pli boner, ki mon osi parey li mon pa kontan sa repons ki CEO in donnen.  Lo Land Allocation Policy e by extension lo ki en dimoun ki’n ganny en kare later i ganny drwa fer ek son later si ganny drwa pas avek e lot dimoun.

Sa CEO mwan mon santi pou dir konman en CEO apard ou rol to manage properly e devlop sa bann essate anba ou responsabilite, ou annan osi en drwa en devwar.  Ou annan osi en devwar pou uphold en prensip lazistis ek fairness, pou ou pa permet – pa permet  ki later endistriyel i ganny servi, i ganny abize,  i ganny servi pou spekilasyon oubyen pou en lot keksoz.  Mwan mon santi pou dir sa i ou responsabilite e se pou sa ki mon ti a kontan konnen si ou kapab dir  nou si i annan en bout later ki ou’n repran avek en dimoun ki’n sey transfer oubyen ki’n transfer ilegalman.  E si ou anpes enn de sa bann keksoz nou anvi konnen si ou’n repran enn de bout ater ki klerman i en labi sa bann later?  Akoz nou,   nou rol nou se pou nou fer sir ki mazorite Seselwa ptipti, mwayen, gro i ganny en plas pou li kapab travay.

E nou pa pou aksepte e nou konnen mon pa la pou mon nonm bann non be nou’n vwar ki mannyer.  E si kekfwa ti ava enteresan pou Lasan ble si ou’n donn nou en lalis, ki mannyer nou pou vwar lo la serten endividi serten konpannyen zot annan plizyer bout later zot i kas kas  sa  par pti bout;- laba pe fer warehouse, laba pe fer hardware, la lot i pe fer sa la i pe fer supermarket.  La lot i annan sa bann keksoz koumsa.  E i pa ti devret.  That was not the aim of the  exercise.

So mon ti a kontan konnen   CEO ler ou reponn sa si ou dir ou napa ase staff mwan mon ti a kontan ki Minister Finans in donn nou de staff, enn en surveyor.  Ou bezwen en surveyor akoz ou dan ou annan en kantite later anba ou responsabilite e ou bezwen konnen egzakteman kote sa bann later i ete ki grander i ete.  Sa so en surveyor pou mwan Vis-Prezidan i absoliman esansyel.  E dezyenmman en Bidze pou ou kapab pey en avoka pou ou kapab retain en avoka.  Mon pe dir sa akoz biro Attorney Zeneral li is overwhelmed;- it’s overwhelmed e mon pa pe blanm li mon pa pe blanm personn  i pou pran en ta letan e nou napa letan pou espere sa dimoun ki pe fer son pti biznes ki pe espere depi 4-5an i napa letan pou li espere.

So enough to get the services of a lawyer, i enportan.  Apre ler ou terminen zis dir nou eski ou annan keksoz pou fer avek Ile Du Port ou?  Akoz la i en lot latet fermal ankor laba.  E kekfwa ou ava dir nou lekel ki pe okip sa pou nou take it up anba en lot sa.

 

MR SPEAKER

Mersi Onorab.  CEO. 

 

CEO MRS LUCY ATHANASIUS

Mersi Mr Chair.  Mersi Onorab pou ou kestyon pou ou  bann kestyon e obzervasyon.  E premyerman mersi bokou pou sa sipor  pou en surveyor ki nou byen bezwen sa vreman.  Apre pou en retainership for a lawyer, sa osi nou byen kontan mersi bokou pou sa sipor.

Ok konsernan policy pou reklanmasyon ok, ki nou pe fer sa Polisi in ganny aprouve pou ki dimoun ki’n napa later, i a  kapab soumet ler nou met    interest deor.  Submit zot tender pou sa bout later ki zot pe al fer.  Nou pou met sa lot larzer ki zot sipoze pe al konble.  Tousala dapre plan ki’n fini ganny defini par MHILT, ok?   E sa ki nou pou fer apre pou annan sa Komite ki pou teknikal ki pou get proze.  Ok?  Akoz dan lepase later in ganny donnen dimoun i dir zot pe al fer sa, selman pa vreman i annan en proze napa okenn keksoz zot in gannyen, zot pa’n devlope, oubyen zot in devlope zot pa’n servi.  I annan en ta issues ki nou pa anvi vwar ankor dan sa bann keksoz ki nou pe al fer dan bann individual reclamation.  Ok savedir sa i pou vin pou bann dimoun ki pa deza annan later.  I sa i normal akoz dimoun ki deza annan zot pe zouir sa later.  E i annan bann osi sa i lo 2enm pwen spekilasyon  – ok? 

Nou’n deza donn later dimoun.   Me i vre dimoun in ale zot in al vann.  Ok?  Spekile zot in ganny en ta larzan lo later  sibsidize Gouvernman.  Ok e nou IEA ok nou pe fer sir ki nou pe sey get sa.  Deza nou’n aret detrwa akoz dimoun i fer sa dan fason transfer of shares.  Zot vini ek en ta pake zistwar zot pe al transfer zot pe al kree en companies and under the Companies Act zot annan drwa transfer zot shares.  Selman nou, nou pe gete nou fer sir ki okenn dimoun ki transfer ki demann transfer shares ki sa dimoun i reste the majority shareholder for the lifetime of the lease agreement.  Ok?  Sa ki nou’n deside dan Board pou kapab  fer, pou fer sir ki napa sa spekilasyon.

Vre i annan ennler dimoun zot ganny e bout later zot bezwen en partner  pou asiste zot.  Selman nou, nou anvi donn later pou dimoun i annan kapab prouve upfront kote zot pou ganny zot finansman.  Ok?  Akoz pou nou kapab evit sa roundabout way pou vann sa later.   Se pou sanmenm sa rezon i annan dimoun ki i annan detrwa kat bout.  I vre i annan lo bann later endistriyel akoz in ganny fer sa.

Be nou la maintenant  ok sirtou mon pe fer sir nou anmenn bann ka kot Board ok e nou pran bann aksyon neseser.  Akoz nou annan bokou –

 

(Off-Mic)

 

CEO MRS LUCY ATHANASIUS

Wi zot pa devret pe vann shares lease in dir, okenn transfer or sale I mean ‘’shares has to be given by the approval of the  IEA,’’ ok?  Which is i en pe an konfli the Companies Act.  Selman nou, nou konnen en ta dimoun pe fer sa zot pe ,fer krwar zot majority  shareholder   and at the end of the  day zot pa majority shareholder.  E nou, nou pe fer sir e nou ale nou diskit sa dan Board e pou evit sa.  Akoz it’s unfair lo bann dimoun ki pe espere depi lontan zot pa ankor ganny en bout later.

So sa mon pe asir ou nou pe fer tou sa ki nou kapab pou evite ki sa i kontinyen.  Akoz as long ki mwan mon la i pa pe arive ok?  E dimoun ler zot ganny zot later i pou spesifik dapre sa landrwa ki zot gannyen.  Ok?

E si zot pa pe fer sa  enn de zot vini en inclusion of use or a change of use to be included to their permisyon.  Si i relasyon-en ek sa ki zot pou fer akoz it is business e business pe agrandi nou konsidere – ok?  Selman it is a total change e i pa sipoze dan sa landrwa nou dir non – ok? 

E i annan dimoun ki deza zot in fer ok e nou pe fer nou dan nou resers la ki nou pe fer ki  mon’n fini dir pli boner ki nou pe reget nou master list, la kot nou pou tyonbo en ta keksoz ki’n mal ki’n ganny mal fer.  So we have to do this exercise pou sa masters konnen lekel non ki lo later, eski zot  annan lease si zot napa en lease, si zot pe pey zot rent, tou sa nou bezwen i pou ganny kaptire par sa master list. 

E si zot in vann osi.  Akoz kekfwa i annan ki’n vann san permisyon.  But without the staff, without the legal powers nou pa kapab vreman fer nanryen.   Sa that’s why our surveyor and a lawyer i kree.  Mersi.   Mon’n krwar mon’n reponn tou kestyon Onorab.  Mersi bokou.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mr Speaker mon ti a kontan ki CEO oubyen Vis-Prezidan li  menm i asir sa Lasanble lo sa pwen ki Onorab Afif in fer.  Nou, nou anvi vwar dimoun antre dan Biznes  dan lanplwa prodiktif – dan lanplwa ki prodiktif.  E se pou sa ki mon sipor sa pwen ki dir  – lenvestisman i bezwen al anver kreasyon larises.  Plito ki al anver maintaining en sistenm.  Lasante i neseser, ledikasyon i neseser me selman nou bezwen mon pa konnen si Vis-prezidan i annan sa dan son biro me dan biro enn de son bann  predeseser ti annan.  Si en dimoun i lafen ou pa bezwen donn li en pwazon donn li en laliny ek en lanmson ale al travay.  I ava kapab sonny son fanmir.  Me selman mon pa konnen kot nou’n al mal?   Kot nou’n a mal?  Plito ki met en pe larzan dan laliny ek lanmson, nou pe met en pe larzan dan pwason.  Annou met en pe plis dan lanmson e dan laliny.  Vis-Prezidan kekfwa  nou’n al mal en pe letan be la ‘’nou ava dres sa Board’’ konmdi Mr Molle e nou ava gete ki mannyer nou kapab kree en pe plis larises e donn sakenn sa bann Seselwa.

E i annan zot ki anvi debourye ki anvi al fer en pti keksoz. En kantite zot!  La nou’n tande sepa konbyen santenn i annan zot.  So annou bouz en pe nou regar atraver sa bann sa laspe nou Bidze silvouple.  Mersi.

 

MR SPEAKER

Mersi Onorab.  Oule fer komanter CEO oubyen non.  Point taken, dakor.   Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair eski CEO IEA i kapab dir nou avek sa 11 milyon ki ou’n gannyen la ki bann conceptualization of proze ki ou pe fer deza la, ki ou kapab depans sa 11 milyon, e pou nou vwar en pti pe proaktivite lo lapar IEA ki serten keksoz pe bouze?    Eski i annan bann travay ki zot in fer preliminer?  Par egzanp bann desen eksetera bann keksoz koumsa?   Eski i annan keksoz ki zot in fer?  Mersi Mr Chair.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Onorab pou ou kestyon.  Tou keksoz i n pare.  Nou’n fer ok sa ki mon annan i reste la selman i pa pou ale pou nou konplete sa ki  nou’n fini antreprann bann proze in antreprann.  Tou keksoz in an plas  parey mon’n dir ou, pou Zone 20, Zone Construction And Marine Industrial Park pou Zil Eve – ok?  Si keksoz ti’n demare dapre nou ti anvi sa larzan ti’n fini e nou ti pe al demann zot.   Me nou ti pou  al demann ankor – ok?  Be pou lemoman this is where we are at ek sa ki nou annan.  Solman tou keksoz i an plas.  Thank you.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mr Chair baze lo mon resers ki mon’n fer, IEA ou annan en proze ki kot Tender Board currently e sa i en  appeal e ou napa lezot proze ki’n ganny submitted for tenders.  So ki mon ti a kontan demann ou se what is the time frame ki ou, ou pou servi pou konmans submit, koriz mwan si mon mal, that’s the information ki mon’n sey kapab sey gather. 

        Eski ou annan lentansyon submit bann proze for tender? Akoz sa ki mwan mon pe enkyet Mr Chair se ki nou’n deza annan 11million la ki dan en account ki pa’n ganny servi, we need to know the timeframe sa 11milyon i ganny servi si nou pou met ankor larzan adisyonnel?  Mon konpran bye largiman  ki nou bezwen met ankor larzan.

Me selman nou bezwen ganny en konpran osi ki nou annan en ceiling kot i konsern capital expenditure.  Si nou pran 120milyon dan capital expenditure  dan sa ceiling nou anvoy lo IEA, i pou 120 milyon ki nou pa pou kapab mete dan bann lezot proze.  Swa kominoter, swa lezot area.  E mon subscribe to sa largiman donn en laliny  pou en dimoun lapes.  Me nou bezwen osi fer  sir sa dimoun i annan en bato pou al lapes ladan, i annan bann lezot eleman ki vin avek.

So annou kapab fer, annou kapab asire ki nou pe kree en veikil ki nou pa desot sa ‘’capital expenditure budget’’ ki nou ki sa ceiling ki nou devret annan dan nou capital expenditure.  Akoz otherwise it means ki 100milyon nou pa pou kapab met dan lakaz.  Nou bezwen met  dan lenfrastriktir.  Mon konpran sa largiman ki nou bezwen  met larzan laba.

So kwa ki nou pou kapab fer e konbyen proze ki’n al tender ?  E within sa process ki nou’n ganny dir ki zot pe ganny serten lotonomi, si zot kapab annan en lapros, ki nou a kapab vwar seren proaktivite happening during the year ki pe vini.  E la nou ava annan plis lankourazman pou rod ankor larzan pou met dan sa bann proze.  Mersi Mr Chair.

 

MR SPEAKER

Mersi Onorab.  CEO. 

 

CEO MRS LUCY ATHANASIUS

Mersi Mr Chair.  Parey mon’n fini dir pli boner bomaten, granmaten, nou annan bann proze ki ongoing – sa Ile Eve.  Bulk infrastructure – ok?    Sa Construction and Marine Industrial Park ok, sa i kot Planning – ok?  Ek ki i vini nou pe al met lo tender – ok?    When you put on tender ok ler en dimoun i gannyen ou bezwen pey en poursantaz davans ki i apepre en 15poursan sonm total – ok ?  Si nou napa sa larzan nou pa pe kapab met donn en tender out – ok?  Apre nou zone Providence Industry Act     apre nou annan sa enn nouvo la.  UCPS/ Morin   ti fek konble la which we  have got to have to look at next year, so swa nou pou esper zour nou vin autonomous pou kapab gannyen. Which is going to  be further delay pou tir sa problenm ki annan dan distrik ek bann garaz ek bann mekanisyen,   marine dan distrik.  So nou pou bezwen.

So omwen pou bann proze ki irzan la ok, ki pa donn nou kontrol la akoz bann ki kot Planning nou pe espere dek ki i sorti nou met lo tender – ok?  De ki i annan en design pou UCPS/ Morin      nou met kot Planning, nou met lo tender – ok?  E tou sa ou espekte pe arive in the first quarter of 2020.

Selman sa i depan si nou annan sa Bidze  – ok?  So sa – Nou annan en ceiling vre ok parey mon’n dir nou konpran Minister Finans napa – i bezwen get tou bann priyorite pei – ok?  Selman sa ceiling ki nou gannyen ok annan de ler ou ganny ceiling ki pa’n ganny konsilte ek nou – ok ?  And that i anmar nou lanmen because   nou, nou konnen ki pe ongoing and when we are going to spend that money. 

        E si nou ganny 5mil isi 2mil laba, 3 mil laba apre nou pa kapab nou pa’n kapab dan lepase now nou bann keksoz i demare;- keksoz i ongoing zot pe bouze, we need to have that support.  Mon krwar mon’n reponn ou kestyon.

Autonomyok.       Mwan mon war 2020 pou lannen  ki nou pe travay lo met tou keksoz an plas, pou ki fotespere  2021, nou pa pe al kot Gouvernman pou demann en Bidze.  Kekfwa zis pou en pti sonm parey en pti soz i vini.  Nou osi kekfwa nou a vini.  Selman nou bezwen fer preparasyon an 2020 pou sa arive.  I pa arive dan 6 mwan ni 3 mwan.   I difisil ok?   Selman kekfwa – mon pa konnen.  Mon krwar mon’n reponn ou kestyon Onorab.  Thank you.

 

MR SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mon pe sey download en dokiman an relasyon avek IEA. 

Mr mon salye ou konman Mr Speaker e Vis-Prezidan, delegasyon tou bann MNA e tou dimoun ki a lekout, spesyalman bann osi ki dan galeri.  Mr Chairman mwan mon annan enn de kestyon e an menm tan enn de klarifikasyon ki mon pe rode.  Mon ensiste lo sa pwen ki’n ganny fer resorti e mon bezwen dir ki mon pa  dakor avek pwennvi Minister Finans.  E mon dir sa akoz IEA i enn sa bann lorganizasyon ki nou lo FPAC nou’n swiv zot pre.  Nou’n travay avek zot.   Lannen pase nou ti freeze  en bout zot Bidze e ou konnen pou dir Mrs Athanasius pa ti tro kontan letan i ti sorti Lasanble.  Mon konn li byen mon ti vwar son figir – i pa ti happy.  E mon kontan ki ozordi poudir ki atraver sa freezing of the budget, nou’n vwar bokou amelyorasyon.  E mon zwenn Onorab Afif pou felisit IEA pou sa zefor ekstraordiner ki zot in fer, felisitasyon Mrs Athanasius avek ou lekip.

E ki nou’n vwar Mr Speaker Mr Chairman ou ava rapel ki nou ti sispann 2.5 milyon an Desanm 2008 e nou ti dir sa sonm  –i ava ganny release a kondisyon ki zot kolekte.  E sa ki nou ti vwar e avan ler travay ki zot ti fer zot ti ale zot ti vwar ki finalman ti annan  anviron en sonm R13 milyon pa ti, ti an dezord, zot ti’n osi ranmas 7.7milyon lo bann sonm ki zot ti devret ranmase lo en total 7.9 milyon pou 2019 ki ti byen.  E ki zot ti’n fer sa zefor.  Alor letan nou konman Lasanble nou enterakte, e nou vwar sa kalite travay dir nou bezwen give credit kot credit i due!

E se la mon pa dakor prensip Minister Finans e mon pou ensiste i sanz son prensip.  Wi zot pe anmas sa bann rent me tou sa ki zot anmase parey in ganny dir, i pa dan zot pos.  I ganny ranmase apre i al dan Consolidated Fund.  Taxes i al dan Consolidated Fund be  mwan mon pe demande akoz ki – ok CEO i demann 120  milyon pou li kapab fer tou sa travay.  Of course nou tou nou bezwen en ambitious, 120  milyon i kapab sa ki zot bezwen me i kapab ganny trouve konman over ambitious.  Me selman omwen pa kapab met en 15milyon, pa kapab met en 20milyon pou zot kapab fer keksoz afen ki Seselwa a kapab ganny en kare later pou li kapab bouze?  Bann later ki Onorab Adelaide in dir i annan Baie Lazare.  Lot tou bann diferan landrwa zot in nonmen dan zot distrik. Be si nou pa kas dizef nou pa pou kapab fer lonmnet.

E parski Mr Chairman letan dan sa Bidze letan nou pe regarde parfwa zis nou vwar bann gro sonm;- Air Seychelles 85milyon, mon pa konnen kot pou sorti zis donnen.  Lot i demann sepa konbyen – zis donnen.

Be eski  nou pou zis donn larzan bann ki gro? Nou pa pou donn larzan bann ki pou ed nou Seselwa pou zot kapab debourye?  Sa i en pwen ki en pwen ki mon met for e la i la sa rapor ki nou ti prezante ki Lasanble ti aprouve.

Mr Speaker nou’n ganny dir la ki i annan serten dimoun ki annan 3/4 bout.  E manke bann bout ki pa ankor devlope.  Mwan mon pe demande eski Gouvernman pa kapab fer en odit – e mon konnen ki poudir IEA in konmanse.  Be li IEA li i ptipti li. IEA i anba presyon kot MHILT, letan i demann soz later anba fodre i demann lo  sa Minister ki tou dimoun i dir i en latet fermal pou li kapab bouze.

Alor eski Gouvernman pa kapab donn sa commitment pou ed IEA pou fer sa odit ki zot in deza konmanse, pou ki bann later bann dimoun pa’n swiv  kondisyon zot lease, tou sa bann later zot in montre nou Gouvernman sa Minister laba ki mannyer, later lo obor STC ki mannyer sa pa ti’n devlope in repran apre in donnen ensidswit.

Be pran tou sa bann later ki bann dimoun pe speculate, repran met en embargo anpese ki zot ganny transfer.  Anpese ki zot kapab ganny vann, retourn li dan pool e donn bann Seselwa ki zot proze in pare e ki kapab debourye.  Koumsa nou ava kapab bouze.  E mwan mon ensiste ki tou sa bann dimoun ki lo spekilasyon ki pa’n devlop zot later apre zot lease, Gouvernman i pran en desizyon legal – parske sa i pa al pou li sa i deza dan zot Kontra, i deza dan zot lease. Be repran tousala, re partaz sa bann later e larg lanmen Seselwa.

Mon annan en zanmi Beaty  Hoareau nou tou nou konn li dan lapes.  Sa boug i ankor pe rod n morso later 500 met kare pou li kapab met en lizin. In fini fer tou demars.  Be i pa pe gannyen. Akoz i pa pe gannyen? Se parski i annan dimoun ki e speculate pou li kapab.

E finalman Mr Chairman ou demande ki sa si nou kapab koup sa zafer speculation – repran.  Nou ava kapab fer redistribisyon, me antretan anpese ki okenn sa bann later i kapab ganny transfer spesyalman, parske sa bann ki annan gro larzan, se zot ki aste plis.  Alors ki enn fwa pou tou nou met en lafen avek sa e nou koz lo fairness.  Fairness i devret nou baz lo ki nou travay, parske sa enn ki gro ozordi yer i ptipti.  Annou  les en lot ki  ptipti ozordi vin gro pou demen.  Mersi bokou Mr Chairman.

 

MR SPEAKER

Mersi Onorab.  CEO.

 

CEO MRS LUCY ATHANASIUS

Mersi Mr Chair.  Mon’n tann byen sa ki Onorab Ramkalawan in dir.  E mon toutafe dakor ok?  Nou bezwen regete, nou bezwen lasistans pou fer sa audit.  E nou bezwen kapab pran bann mezir  dapre Lalwa.  Nou bezwen  pli sever lo bann dimoun ki pe speculate.   Parey  mon’n dir nou pe fer tou e bann means ki nou annan konmela pou kapab aret sa.  Selman si nou ganny led mon krwar travay i ava pli vit e nou kapab re redistribute sa bann later.  Bann dimoun ki pe espere akoz i annan dimoun 20-15an parey mon’n dir pli boner i ankor pe espere.  Ok i annan bann later ki pa ankor devlope ki kapab reget ladan.   Ok mersi bokou.

 

MR SPEAKER

Mersi CEO.  Vis-Prezidan oubyen PS.  Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  Mr Chairman pou fer komanter lo sa ki Onorab Lopozisyon in dir, i annan en travay ki odit in konmanse par IEA.  E mon ti a kontan nou ti pe diskite la ansanm avek PS ki nou ava enplik lezot Lazans dan Gouvernman ki Oditer Zeneral e petet lezot ki enplike pou kapab ranforsi sa zefor pou nou kapab fini sa travay pli vit ki posib, pou ki (1) nou kapab koup sa spekilasyon e permet dimoun ki pe esper en resours ki vreman an demann ki kapab osi benefisye e fer marse lendistri e lekonomi an zeneral.  Mersi Mr Chairman.

 

MR SPEAKER

Mersi Vis-Prezidan.  Onorab Simon Gill.

 

HON SIMON GILL

Bonzour Mr Speaker.  Mersi bokou Mr Speaker VP avek panel Manm Onorab e Manm piblik.  Mr Speaker mon annan detrwa pwen mon ti ava voudre soumet.  Mon krwar kestyon later dan Providence e nou annan later dan lezot parti nou teritwar ki nou osi konble e i en size diskisyon dan nou Lasanble.

I annan en keksoz ki mon krwar nou bezwen veye e sa keksoz se lekel dimoun ki ganny ankor later dan Providence ler in ariv ler pou distribye later?  Nou target ozordi se bann dimoun ki napa ki oule etabli zot biznes bann debitan si mon kapab servi sa term zot oule en lespas pou zot kapab met zot striktir lo la e fer zot biznes.  I annan en gran deba dan sa Lasanble toultan i pase e bann politisyen i fer en kantite diskisyon lo la sa zafer tendering.

Nou bezwen fer atansyon ler nou koz fairness dan tendering process nou pa kapab kontinyen les tender ouver pou tou sa ki oule antre i antre an menm tan ou pe dir ou pe target bann pti e mwayen antreprener ki oule debite dan zot biznes se ki pa ankor kapab ganny en lespas pou zot debite oubyen pou zot etabli zot.

Byensir nou pou ganny kritike ankor nou pou dir ‘’ek nou pa ek nou’’ me nou bezwen asire ki sa eleman fairness i ganny byen met an aplikasyon e ki nou target group i ganny vreman get ladan. I annan en  kantite bann pti antreprener partou dan bann distrik ki pe rod en lespas e sa tender i bezwen focus atraver zot group.  Pa ouver sa tender silvouple pa ouver.   Restrikte li silvouple akoz sansan ki pou arive, nou pou anmas menm sityasyon avek bann tendering process LWMA ki’n deza vin size diskisyon e kontrovers dan sa Lasanble.

Mon krwar i fer 3 lannen konsekitiv mon pe koz lo sa size.  Now lo sanmenm sa baz i enportan ki lafason ki mannyer Gouvernman i war sa group dimoun, ki pe debite dan zot biznes ki mannyer inisyalman Gouvernman i kapab antre e chip in sonm larzan ki i rezonnab pou kapab kre sa baz or sa lenfrastriktir neseser pou permet sa bann dimoun kapab bouze e takeoff dan zot bann landrwa ki zot ava ganny allocate byensir.  Now sa i en fason.

2enm fason se ki si i annan posibilite ki sa bann dimoun ansanm – dizon si ou annan ou 50 kare later, si sa 50 pti antreprener ou mwayen antreprener i zwenn ansanm zot kapab pull zot resours ansanm napa nanryen ki anpes zot pull resours ansanm e fer serten kontribisyon upfront  pou ki i ed Gouvernman osi dan sa sans pou kapab ganny en pe resours, pou fer sa bann devlopman lenfrastriktir.  Sa osi i kapab ganny fer.  Nou pa kapab dir i pa kapab ganny fer akoz mon konnen i kapab ganny fer.  Nou engage zot e nou fer zot vin en partner dan sa prosesis kreasyon lenfrastriktir pou ki evantyelman zot bouze.

Lot eleman ki enportan, Gouvernman i kapab antre touzour an partenarya avek sa group bann pti e mwayen antreprener pou annan lenportasyon bann pre fabricated warehouse or industrial building pou ki finalman sakenn i chip in dapre son mwayen e Gouvernman i ganny ankor resours pou kapab enport sa lenfrastriktir deza e i kapab kre sa bann lespas pou ki zot antre ladan.

Byensir atraver en Kontra, atraver en Lagreman labank i antre sa bann antreprener i antre, e Gouvernman i antre.  Ou annan en package finansman triparti ok?  Ou pe koz lo sa tranzisyon pou ou kapab ganny sa lotonomi.  Ou annan ou en seri propriyete anba ou ziridiksyon – mon war li koumsa napa nanryen ki anpes ou servi bann reveni ki ou pou anmase toulezan or tou le mwan for that matter servi li konman en kolateral pou ou raise sifizaman fon pou ou ede pou finans serten sa bann devlopman ki ou anvi fer dan sa bann diferan lokalite.  Mon war sa i posib.  I ganny fer dan plizyer ziridiksyon mon konnen, akoz Sesel nou pa kapab fer li?  Nou kapab fer li, me nou bezwen asize fer sa bann dimoun antre e met zot ansanm annou bouze.

Lot keksoz dernyen pwen Mr Speaker ki mon krwar i osi enportan;- nou’n koz spekilasyon, nou’m koz dimoun in ganny son kare in pran in vann, i annan en lot eleman, sa lot eleman se litilite ki sa bann fasilite ler i ganny kree laba dan Providence son litilite.  Si mon pou pli konkret par egzanp.  Eski ou kapab fer en barber shop dan Providence?  Eski ou kapab fer en restoran dan Providence? Eski ou kapab fer lezot aktivite biznes dan Providence?

Kwa ki i defini e kwa ki sak sa bann nouvo dimoun ki pe kre sa bann fasilite zot bezwen tenir kont?  Dan lafason mannyer mon’n war bann dokiman, mon’n etidye sa bann dokiman, mon war i annan en pti derapaz avek konsep orizinal avek sa ki egziste ozordi dan Providence.  Me Madanm atraver ou Mr Speaker Mr Chair ou pa kapab si ou donn enn permisyon pou met en barber shop epi detrwa zistans ou pa donn menm lot dimoun fer en barber shop dan son fasilite ki i kree.  Ou pa kapab annan en pwa de mezir.  I pa akseptab sa!

Nou bezwen fer sir ki si nou donn permisyon enn pou fer en aktivite lot lanmenm la dan walking distance i bezwen li osi ganny permisyon pou li fer sa kalite menm aktivite si ou’n donn permisyon en lot.  Byensir tou an respektan bann rekizit me ou bezwen annan en bann rekizit kler ki tou sa bann partner pou anba ou ziridiksyon ki ou pe travay avek i kler lo kwa ki nou kapab fer, lo kwa ki nou pa kapab fer, lo kwa ki nou kapab mete, e lo kwa ki nou pa kapab mete.  Ou pa kapab ankor enn fwa mon pe dir annan en pwa de mezir pou tou bann biznes, menm ki laba anler dan Providence.  I bezwen annan en tretman legal dan lafason ki mannyer nou handle e deal avek sa bann businessman e bann businessman-to-be ler zot antre dan Providence.

Well vwala mon soumisyon Mr Speaker.  Mersi bokou pou donn mwan sa loportinite.

 

MR SPEAKER

Mersi Onorab Gill.  CEO.

 

CEO  MRS LUCY ATHANASIUS

Mersi Mr Chair.  Ok zafer sa en pwa de mezir ;- nou bezwen konnen premyerman nou koz lo barber shop e nou bezwen konnen dan okenn landrwa endistriyel i bezwen annan bann support services pou bann dimoun ki travay dan sa Zone.  Partou dan lemonn ou ale i annan support services.  Barber i support services.  Ouswa en dimoun i bezwen al all the way in town ler i fini 1erdtan dan trafik kot Providence pou sorti pou fer sa, money is lost time is lost – ok?  Sa en keksoz.

Osi nou bezwen annan support services the hairdresser, barber, restoran people has to eat.   I annan take away.  Akfer pa en restoran osi. Annandler ou bezwen annan en miting  pa kapab al anvil pou al en miting.  Ok, pou fer en meeting  apre ou pran en manze lanmenm.  We only have pou le moman zis  enn akfer pa 2?  In each zone?  I enportan pou nou annan bann keksoz koumsa pou support   the population ki travay dan sa bann zone endistriyel.  These are  support services.  Selman keksoz komersyal and whatever  ok nou pa kapab osi annan over saturation of barber shop dan tou kwen Providence ou  annan en  barber shop ok?

Sanmenm sa nou IEA nou pe fer en zoning ki pou vin the commercial area ki annan sa bann barber whatever – whatever ok and then lezot landrwa in vin spesifik industrial factoring – ok?  Nou bezwen annan sa.  Deza nou inherit  depi ki mon’n la  the High Street  – mon apel sa the High Street  is the main Providence, kot i annan lenz, i annan tou kalite – en lepok ti annan lenzri osi – ok dan industrial estate, ki mannyer ou kapab fer sa?   So now nou’n inherit sa,  nou pe fer en zoning ki pou al atraver nou Board, pou ganny aprouve – ok pou li a vin the commercial and support services  zone for the industrial estate. Nou pou bezwen osi annan en fasilite Zone 20.

Zone 20 laba – ok?  Pou le moman zot napa ni en  take away, zot napa en nanryen – ok pou zot  bann support services.  Lapos, labank en pti ATM zot bezwen vin all the way to Providence oubyen al Erport pou ganny sa bann fasilite.   We have to be thinking dan lefitir.  Pa sa ki ti arive dan lepase.   Ok la nou pe al devlop – e sa i en manda IEA e ler ou devlop en landrwa endistriyel ou bezwen annan son support services.  Byensir ok i pou dan sa bann landrwa dezinyen. I pa tou dimoun ki kapab fer barber shop partou kot zot  pou bezwen annan ok?

And also sa ki nou pe gete is  the primary use ki sa dimoun in gannyen pou son propriyete ki’n ganny lwe ok?  What is the primary use?  Sa  nou pe get for la, zot bezwen majority of the activity is the primary use apre zot ava al get sa bann lezot ki zot pou lwe ek dimoun, barber shop bann  pti keksoz koumsa pou ki i kapab ganny reveni pou ed kekfwa zot loan.  Ok,  nou pe get tousala, ok dan en fason konpreansiv, selman nou bezwen annan limit.  E nou pa  pe fer en pwa de mezir, nou pe fer sa ok pou kapab annan kontrol lo sa ki pe arive lo zone endistriyel – ok?  E mon krwar sa i reponn ou kestyon.

Sa bann restrict tender sa mon krwar i dan Act POU mon ava get dan ki sa i dir an profon, akoz mon pa tro o fe ek sa – ok?  Nou bezwen – wi at the end of the day si IEA pa an kontrol son bann later – ok, son bann zone endistriyel what’s the point ?   Sa i enn nou manda to have control sansan tou dimoun i a fer sa ki zot le kot zot le.  Ok?  E sa i defeat the purpose ki nou annan dan lease agreement ‘’permitted use’’ ok?

E sanmenm sa mon dir en pe pli boner ler nou donn en permitted use, si en dimoun i en change of use – en inclusion of use, nou pe gete pou fer sir ki i anliny ek swa sa zone,  sa rezyon kot in ganny demarke pou tel aktivite oubyen non.  Si i en support service par egzanp en laboutik pou vann spare parts sa  i support bann auto mechanic – bann machinery bann keksoz koumsa.   Sa osi  nou bezwen konnen e nou pa kapab fer li partou dan tou kwen.

Selman nou annan en commercial zone we cannot run away from that ;- savedir in fini etabli nou pe zis regilariz li ek en zoning.  E sa i form par dan  enn  sa bann proze ki mon dir nou bezwen fer ;- the road signing, the demarcation of industrial land.  Sanmenm sa nou pe osi get nou bann taso, tou keksoz.

Mersi mon krwar mon reponn tou kestyon Onorab.  Mersi Mr Chair.

 

MR SPEAKER

Mersi CEO.  Onorab Gill.

 

HON SIMON GILL

Mersi Mr Speaker.  Mr Speaker nou’n pran barber shop konman en legzanp, mon pa  bezwen neseserman  pe dwell lo la.  Me pou mwan sa ki pli enportan ki tou, se ler nou pe koz lo bann pti e mwayen businesses ki nou le donn zot lespas dan Providence,  sa ki pli enportan se nou angaz zot e fer zot vin bann partner avek nou.  Fer zot konnen egzakteman ki lekspektasyon IEA avek zot.  Ki biznes zot kapab mete?  Ki biznes zot pa kapab mete.  Nou pa kapab zis les zot fer en bilding epi zot, zot ale zot al mobiliz nenport ki dimoun pou  zot share lespas, pou zot  annan  nenport ki  kalite aktivite dan sa lespas ki zot in gannyen.  I pou ariv sa kalite dezord ki ou menm ou ou’n dir evite annan with respect Madame.

Nou bezwen engage zot.  Donn zot lenformasyon, kwa ki nou kapab fer?  Kwa ki nou pa kapab fer?   E ankor enn fwa mon pe dir sa tendering madanm nou bezwen get byen.  Annou eksklizivman met sa bann dimoun konman nou priyorite.  Annou pa ouver tender pou okenn lezot businessmen ankor dan Providence, si nou oule target  bann pti e mwayen businessmen ki anvi takeoff dan zot biznes ;- bann debitan.  Sa ki enportan.  Pa open up the tender process.  E letan nou pa’n open up, nou’n restrikte li nou et fair, zis.   Annan en  prosesis ki  transparan, ki zot konnen poudir zot pe ganny trete egalman lo en baz fairness, pou ki nou pa tann ‘’ek nou pa ek nou’’ e ki zot well versed dan tou sa bann process ki pe pase.  Mersi bokou.

 

MR SPEAKER

Mersi Onorab.  CEO.

 

CEO  MRS LUCY ATHANASIUS

Mersi Mr Chair.  Ok konsernan bann pti e mwayen antrepriz oubyen bann startups – ok, nou, nou pe sey nou konpran ki bokou zot napa ase mwayen pou zot fer keksoz lo zot menm.  E mon krwar i annan bann lezot Lazans osi ki kapab ed bann dimoun in like-minded antrepriz pou zwenn  ek kanmarad pou swa  fer en partnership, en konpanni pou kapab fer sa lans dan en tender pou ganny en bout later pou konstri sa ki zot bezwen.  An menm tan letan ki IEA pe fer, IEA pe met osi an plas bann workshops  ok ki nou kapab lwe ek sa bann dimoun.

Parey nou annan nou PIE, nou annan  ‘’Leve Debourye’’  ok. I annan kot Anse Boileau parey bann landrwa ki nou, nou  pou fer se bann keksoz ki nou pou ki functional – ok?  Akoz i annan bann landrwa ki’n ganny konstri, ki i pa vreman functional selman ki ou a fer i la e ou  bezwen servi zot.  So  nou pe seye akoz nou  konpran bann restriksyon bann pti e mwayen antrepriz ki zot konsernan finansman  pou kapab etabli zot.  Selman mon konpran ou lide e  pou fer bann clusters – bann pti antrepriz, mon krwar ki en keksoz ki enportan, oubyen korperativ, kot zot vini zot fer en demann lo en tender pou kapab fer en keksoz, si zot napa ase finansman.

Akoz dan sa tender process en keksoz enportan  i eski zot annan finansman pou devlop en bout later si an ka zot gannyen?  E sa i en keksoz ki enportan.  Akoz sa Komite ki pou gete, i pou bezwen gete wi akoz dan lepase later in ganny donnen.  E dimoun napa sa finansman.  E sanmenm sa kekfwa ti annan spekilasyon ok, i annan diferan rezon. Selman nou bezwen fer sir ok, eski zot annan sa mwayen?  Si zot napa, la ou’n dir mon krwar zot pe ekoute selman i a bon ler nou pe fer en sensitisation avan ki nou lans sa tender  ki zot  kapab fer zot groupings parey ou’n dir – ki  en ase bon lide, pou zot met zot larzan ansanm pou fer zot partnership oubyen whatever it is, pou kapab met en tender as a group pou devlop zot.

Mon konpran sa byen e nou pran notes kot IEA.  Akoz nou la pou fasilit bann pti e mwayen antrepriz, pa zis bann gran antrepriz.  Selman tou lendistri ptipti oubyen gran,  nou la pou kapab asiste, pou asiste e donn bann servis e fasilite  neseser pou zot kapab agrandi e fer zot biznes soutenab e sa  i enportan.    Mersi Mr Chair.

 

MR SPEAKER

Mersi CEO.  Vis-Prezidan okenn keksoz.

 

THE VICE-PRESIDENT MR VINCENT MERITON

Mersi Mr Chairman.  Mr Chairman mon ti a anvi remersi tou dimoun ki’n partisip dan sa diskisyon avek bann propozisyon, bann sizesyon ki Gouvernman i kapab pran an konsiderasyon.  I annan en kantite lide ki’n ganny flote.  Lenstriman finansyel – mon rapel Onorab Herminie in koz lo la, ranforsi lodit Onorab Ramkalawan in koz lo la – focus sipor pou bann debitan bann first time owners Onorab Gill in koz lo la ;- met lord bann backlog i annan lalis ki nou pou fer aret transfer bann dimoun ki – anpes dimoun transfer e petet i pa ankor devlope.  E osi get fason ki mannyer nou kapab travay avek IEA pou devlop son kapasite finansyel, pou li kapab raise larzan, tout an preparan an – prepar li pou vin lotonomi.  Nou dir larzan ki Gouvernman i kapab vote ;- bann lenstriman finansyel ki nou kapab pran.  PPP e osi lezot ; ki  zefor ki Gouvernman pe fer pou kapab donn IEA sa loportinite pou li zwe sa rol enportan dan devlopman ekonomik.  Mersi Mr Chairman.

 

MR SPEAKER

Mersi Vis-Prezidan.  Bon in ariv moman pou nou pran  en desizyon, pou nou pran en vot lo Bidze pou Industrial Estates Authority ki trouve lo paz 80 ziska paz 84 a en sonm R12,188milyon ki form par dan sa schedule.  Mon ava demann tou Manm ki an faver?   Okenn Manm ki kont?  Madanm Clerk.

 

MADAM CLERK

Mersi Mr Chair.  26 Manm in vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pou Industrial Estates Authority IEA pou lannen 2020 in ganny aprouve par Lasanble Nasyonal.  Bon mon ti a kontan remersi Madanm Athanasius, PS Ms Angelique Antat, Deputy CEO Mr Barry Assary e HR ki’n zwenn nou en pti pe tar Ms Cecile Fred.  Mon ti a kontan remersi zot pou pas bomaten avek nou.  Mon krwar it was worth it e nou’n  ganny en bon enteraksyon avek bann Manm e mon ti a kontan remersi Vis-Prezidan, PS Thésée avek son lekip osi.

Nou pou pran break la e nou pou repran nou travay 2er apre midi, kot nou pou pran Departman Lendistri avek Entrepreneurship e mon zis  anvi enform bann Manm ki sa Extended IAC  Meeting pou pran plas dan Committee Room 3 avek bann zofisye Departman Foreign Affairs  toudswit apre ki nou pran break la ki nou adjourn la.  Ok?  So nou repran nou travay 2er apre midi.

 

 

(BREAK)

 

 

MR SPEAKER

Bonn apre midi tou Manm Onorab.  E bonn apre midi tou dimoun ki a lekout e pe swiv travay Lasanble Nasyonal.  Mon’n ganny averti ki nou pou pran Departman Foreign Affairs instead of Departman Lendistri, Entrepreneurship.

 PS Thesee?  Akoz mon ti’n anonse avan break.  So nou confirm nou pe pran Departman Foreign Affairs.

 

PS DAMIEN THESEE

Mersi Mr Speaker.  Korek, nou pran Foreign Affairs ki trouve lo paz 42.

 

MR SPEAKER

Ok, mersi PS.  Bon les mon ava welcome Anbasader Barry Faure ki Sekreter Deta dan Departman Zafer Etranzer.  Sekreter Prensipal Dr Marina Confait.  Financial controller Ms Floria Cesar.

DG, HR, Budget Management and Administration, Ms Doreen Gertrude.  E Director General for Foreign Policy Division, Ms Lindy Ernesta e DG Protocol, Consular Affairs and Maritime Affairs Division, Mr Jacques Belle.

E nou touzour dan konpannyen Vis Prezidan.  Mr Meriton e PS Damien Thesee.  E lo kote lezot sport staff from Finance, Ms Tamatave e Ms Nellie Coopoosamy.  Mon ava donn laparol Onorab Ramkalawan.

 

HON WAVEL RAMKALAWAN

Bonn apre midi Mr, mon pe adres ou dan ou kapasite koman Speaker Mr Speaker.  Mr Speaker mon pe lev en matter of privilege an relasyon avek travay ki nou pe fer.

E mon krwar ki koman en Lasanble a tou moman fodre ki nou donn lenformasyon ki korek e an plis ki sa, an relasyon avek nou piblik, fodre ki zot kapab pe swiv sa ki pe arive dan Lasanble.  I annan serten desizyon ki pase pandan en deliberasyon lo Bidze.

Tel ki parfwa i annan serten sonm ki nou, ki nou deside freeze.  I annan serten sonm ki nou koupe.  I annan serten sonm ki Minister li menm li apre i demann bann Minis i deside, apre i demann bann Manm, zot kapab increase kontrerman avek sa ki nou, nou kapab fer.

E i osi annan plizyer lokazyon ki’n arive dan lepase.  E yer in ariv en lokazyon kot nou pa’n vot an faver en head.  E letan nou pa vot an faver en head i enportan pou piblik e pli spesifikman pou travayer konnen ki poudir i annan en issue.

E letan i annan en issue, sa i reganny anmenn devan Lasanble e apre sa, sa i ganny sorted out.  In deza arive, par egzanp avek STA, Seychelles Tourism Authority, STB sorry.  Kot, kot nou ti sispann.  Mr Speaker, apre sa ki’n arive yer.

Kot en head pa’n ganny voted.  In deza konmans annan diskisyon ant Vis Prezidan avek mwan personnelman at least.  E avek plizyer Manm kot nou pe rod the way forward.

E i enportan pou nou eklersi sa.  Ki poudir there will be a way forward.  E ki letan Manm Lasanble zot menm zot fer per bann travayer poudir an Zanvye zot pa pou ganny peye, an Zanvye zot pa, i think sa i pa byen!  Parski i afekte lafason ki sa Lasanble i fer son travay.

Alor mon ti ava kontan osi Mr Speaker, letan mon pe adres sa pwen pou klarifye sa, pou fer tou dimoun konnen.  Parski par egzanp mon konnen ki bomaten VP in fini fer en miting avek DICT.

E laba kot DICT i byen sa ki VP in fer, parski in al reasir zot ki poudir i annan en way forward ki nou pe diskite!  Me letan Manm Lasanble i pran en pozisyon ki kontrer avek sa ki Vis-Prezidan li menm li i pe pran.  Mon krwar ki i anmenn konfizyon.

E mwan Mr Speaker, mon parey ou konnen, mwan mon debout lo kote laklarte, pou ki a tou moman dimoun i konnen kot zot debout.  E mon ti ava kontan osi si apard ou Mr Speaker,  si letan Vis-Prezidan ki la avek nou i konmans koze, i kapab redonn sa lasirans ki ava reaffirm sa ki mon osi mon pe met devan.  Annou koz kler, annou koz laverite, parski se sanmenm sa ki pou liber nou.  Mersi bokou Mr Speaker.

 

(APPLAUSE)

 

 

HON SEBASTIEN PILLAY

 

(Off-Mic)

 

 

MR SPEAKER

Onorab mon pa ankor ganny sans koze.  Mon – in lev en matter of privilege.  Ou pe al fer en point of order lo son matter of privilege?

 

HON SEBASTIEN PILLAY

 

(Off-Mic)

 

MR SPEAKER

Mon pa ankor konnen sa mwan! Mon pa ankor konnen.  Donn mon en sans koze!

Donn mwan en sans mon a kapab fer ruling.  Mon pa ankor ganny sans, ok?  Mersi.  Bon, Onorab mon pa okouran such, ok?  So mon pa pou kapab pran en desizyon right now pou mon fer en ruling, amwen ki mon vwar, mon ganny serten levidans e then mon kapab pran en pozisyon.

Me swivan sa ki’n arive yer, mwan mon’n an kontak avek Onorab Georges, mon’n an kontak avek legal counsel and all that.  Pou nou regarde ki sityasyon, ki pozisyon nou ladan.  E apre sa mon’n an kontak avek PS Damien Thesee.

E mon krwar PS i ava, i ava acknowledge poudir mon’n call li yer e an menm tan parey nou pe dir, pou nou regard en way forward.  Akoz DICT an Zanvye, nou bezwen reasir bann staff poudir there is a way forward parey nou pe dir, ok?

I pa vedir it’s the end.  I pa vedir zot pou napa en Bidze and all that.  Me mwan avek bann dimoun ki mon ti’n koz avek, espesyalman avek PS Thesee, nou’n kapab konmans vwar en pe laklerte, ki mannyer nou pou kapab adres sa issue

Me lo okenn post ki’n ganny fer, mon pa lo rezo sosyal. – okenn post ki’n ganny fer, kapab anmenn devan mon latansyon e apre mon ava fer en ruling lo la.  Mon’n depi o komansman sa process.  Nou’n os oter.

Menm bann repons ki’n ganny fer sa enn fwa si lo prezantasyon Bidze ki ti ganny fer par Minis Finans,  nou’n vwar en serten oter, serten amelyorasyon dan nou bann repons and all that.

E atraver sa deba osi tou, nou, bann Manm pe demontre sa.  Annou kontinyen dan sa larout.  Annou pa fer ki, desizyon ki nou pran la anndan i en desizyon of the whole House.  Whether 10 Manm i vote, 15 Manm pa vote, i abstain, at the end of the day it’s the decision of the National Assembly – ok?  E ler mwan mon dir ki Lasanble in aprouv en Bidze, i pa en matter of 12 Manm, 13 Manm, 10 Manm.  Me it’s a matter of ki Lasanble Nasyonal ki’n aprouv sa Bidze finalman, ok?

So mon pou regarde, mon ava regard levidans before mwan mon fer en ruling lo la.  Yes Onorab Pillay.

 

HON SEBASTIEN PILLAY

Mersi Mr Speaker.  Mr Speaker mwan mon oule raise en matter of privilege ki fek arise la.

Ler en Manm Lasanble oubyen en group Manm Lasanble i deside fer en vot dan laliny Bidze, nou, nou pa’n ganny sans eksprim nou pozisyon, e lot kote in servi en matter of privilege pou eksplik basically zot pozisyon ki zot in pran lo sa Bidze.

Me i enportan pou nou koman Lasanble mazinen;-  sak laliny dan Bidze i en laliny dan en Lalwa.  E ler nou vot sa laliny out, nou pe vot basically Bidze sa antite out ki enkli tou son bann eleman.

So avan nou pran sa desizyon pou nou vot en line out, annou fer sir poudir nou pa fer bann konklizyon hâte lo bann sityasyon ki’n ganny raise.

Mwan osi Mr Speaker, mon kapab dir poudir mon privilez pou en Manm in ganny afekte, akoz a sa moman ki nou ti pe pran sa vot, mwan mon krwar poudir sa bann zofisye DICT ti’n acquit themselves in terms of reponn bann kestyon ki ti’n ganny met devan zot, zot ti’n fer li byen.  Me zot ti’n ganny kestyon ki i tonm an deor zot remit koman en regilater pou zot fer serten travay ki zot pe ganny demande pou fer.  E se sa ki’n anmenn nou dan sa desizyon.

E mon krwar yer nou ti pres pou ariv lo preski menm sityasyon avek en lot Bidze, en lo head.  So mon krwar i enportan ki mwan mon ti a kontan kosyonn Lasanble Mr Chair, ki avan ki nou krwar poudir nou pou al lo en desizyon kot nou pou annan en lenpas, rather nou demann en technical adjournment oubyen nou pa fer en desizyon pou nou vot kont en line dan Bidze.  Akoz apre i anmenn avek li en konplikasyon ki pa neseser!

And in this case Mr Chair, mwan mon pou toultan siport okenn travayer, okenn Bidze Gouvernman, oubyen travayer Gouvernman ki bezwen ganny zot lanplwa, i bezwen gard zot lanplwa.

Me selman mon krwar nou, nou bezwen serye, e fer sir koman Lasanble avan nou vot ‘’kont.’’  Annou pa fer li lo en baz, bann eleman ki manke.  Me annou fer li lo en baz sa prezantasyon – sa bann kestyon ki’n ganny reponn devan nou dan Lasanble Nasyonal.  Mersi Mr Chair.

 

MR SPEAKER

Bon.   Mon krwar ou’n go, ou’n go way, away from the point, ok?  Mon pa antyerman dakor avek ou pozisyon Onorab Pillay.  Mon krwar ou’n go way, away.  Lasanble si i pa’n ganny – annou pran legzanp STB.

Ler vot STB osi tou ti ganny turned down.  Ti annan en way out.  Ti annan en way out.  E Bidze ti retournen e i ti ganny aprouve, STB ti kapab fonksyonnen.  Ler en vot, en head oubyen en line, en sub- head i ganny voted down, i pa vedir ki it’s the end. 

I pa vedir ki nou’n write-off bann travayer and all that, ok?  I vedir poudir i annan serten keksoz ki pa’n klarifye.  E nou’n ariv moman kot Lasanble in rise pou li pran en desizyon.  Serten Manm pa’n dakor.

E se sa rezon enn ler ki nou annan sa drwa, e nou Standing Orders i permet ki swa nou vot an faver, swa nou abstain, swa nou vot kont.  Ok?  Sa i kler dan nou rules of procedures, ok?  Me i pa vedir en vot ki ler i pa’n ganny klarifikasyon, en vot ki vin negativ, it’s the end

I pa vedir ki sa Departman i frenmen and all thatOr else, or else STB i ti ava’n pas parey!  STB ti ava’n pas parey.  E nou ti pou war nou petet dan en pozisyon kot nou Tourism Industry i ganny afekte.  Me i pa’n pas, i pa’n arive sa.

Keksoz in kontinyen.  E sa sityasyon, e ankor parey mon dir, ban diskisyon ki mon’n gannyen yer, ok, sa sityasyon i annan en way forward, e i kapab ganny resolve, ok.  Wi dan sa Appropriation it’s not being appropriated now, i pou ganny minus.

Me nou annan en fason kot nou kapab anmenn li.

 

HON JOHAN LOZE

(Off-Mic)

 

MR SPEAKER

Onorab Loze mon pa pe pran, mon pa pe ouver deba lo sa sityasyon.  Non, Onorab Loze mon pa pe ouver deba lo sa sityasyon.  Mon’n donn sans Onorab Pillay, ok?

Though mon pa tro, mon pa toutafe dakor avek son propozisyon.  Mon’n ganny sans, mon’n donn li sans enn bann Leaders lo zot kote pou eksprim li.  Les mon ava donn laparol Vis Prezidan.

 

THE VICE-PRESIDENT MR VINCENT MERITON

Mersi Mr Chairman.  Mr Chairman sa ki’n arive in arive, i regretab.  Me selman mwan osi ler mon’n sorti isi, mon pa’n santi mwan byen.  Mon’n bezwen pran en lot pilil tansyon.

E pourtan bomaten ler nou ti pe fer ‘’moman refleksyon’’ mon’n dir Senyer donn nou lasazes pou nou pran bann bon desizyon, ki nou sorti avek bann keksoz pou lentere tou dimoun.  Mon tansyon in monte yer swar.

Be mon’n konsilte Prezidan Larepiblik e in dir mwan, the best thing, zwenn bann travayer, reasir zot ki ariv le 01 Zanvye, zot pou kontinyen dan zot travay.  E ki nou bezwen rod a way forward.

E vre ki Mr Speaker ti koz avek PS Thesee, e i vre ki Onorab Lopozisyon in koz avek mwan.  Mon santi ki i annan en mouvman pou rod en solisyon pou sorti dan sa lenpas.  Akoz i fer premye fwa ki en Bidze i ganny voted down e under my watch! 

Konpran ou sa lour lo mon zepol, ki mannyer ou kapab al dormi avek sor  172 travayer ek zot fanmir.  So ou konpran ler mon dir mon ganny tansyon, ou ganny bann kosmar aswar;-mon  pa donn zot detay kosmar.

Me selman i bann keksoz ki nou pas ladan ler nou pe koz sor dimoun. Me selman mon santi i annan en lanvi pou trouv en solisyon.  E i en diferan opsyon ki lo latab.  Be mon krwar nou devret kontinyen anba bon gidans, lasazes pou kapab trouv en solisyon.  Mersi Mr Chairman.

 

MR SPEAKER

Mersi Vis-Prezidan.  Me petet Prezidan pa ti merit les ou dormi ek en kosmar yer swar.  Akoz pli boner, pli boner mon ti ganny sans rankontre Prezidan.  E nou’n osi abord sa diskisyon with regards to Bidze DICT.

E nou’n ki lo en lantant ki there is a way forward.  Bon mon’n ganny, mon pou dil avek sa matter of privilege ki’n ganny leve.  Mon’n ganny levidans devan mwan.  Mon krwar i annan en serten konfizyon osi tou ladan, ok?

Sa in ganny poste par Onorab Chantal Maureen Ghislain.  Mon pa vwar dan diskisyon yer kote ‘’kontan’’ oubyen ‘’pa kontan’’ nouvo owner Cable & Wireless in rantre dan sa diskisyon yer.

Mon krwar diskisyon ti pirman lo tou le de kote latab in leve, bann kou ki bann operater in, i pe sarz bann kliyan.  Tou lede kote latab ti adaman lo la pou fer sir pou demann DICT konman regilater pou rantre, pou sey regarde si nou kapab redwir bann kou, ok?

I annan lezot laspe ki’n leve ki’n relye direkteman avek DICT.  Par egzanp si bann mails pe ganny sirveye, si bann telefonn pe ganny ekoute.  Spesyalman dan public service and all that, se sa bann keksoz ki’n leve.

Pou mwan ler mon war en post koumsa, ki relye avek en nouvo ownership en lakonpannyen, ki pa ankor ni fini sort out.  E an menm tan sa i ganny relye avek sa vot ki’n ganny pran pou Bidze DICT e poudir pa koup zot saler pou 2020.

Mon pa krwar sa i en post ki apropriye.  E mon pa krwar ki i fer dibyen nou Lasanble Nasyonal.  So mon pou demann ou pou retir sa post ASAP e pou prezant en apology to the House.  Onorab Ghislain.

 

HON CHANTAL GHISLAIN

Yes.  Mersi Mr Speaker.  Mr Speaker be selman mwan mon ti a voudre konnen ki relasyon sa post i annan avek Lasanble Nasyonal?  1?  E apre mon ti a voudre PS i eksplik nou lefet ki sa Bidze in ganny voted out, eski i pou dan Bidze 2020 ouswa non?

 

MR SPEAKER

Mersi.

 

HON CHANTAL GHISLAIN

Sa ki mon anvi konnen.

 

MR SPEAKER

Mersi Onorab.  Mon fek, an repondan Onorab Pillay, mon fek pe dir poudir sa Bidze, sa bout Bidze i sorti dan sa Appropriation Bill.  Ok, in fini ganny voted out of the Appropriation Bill.

Me nou annan en lot fason ki nou kapab pran li, ok?  Nou annan en lot fason.  Ok?  Me si ou demann mwan, si ou demann mwan ki sa post i annan pou fer, sa post i annan tou, i dir tou.  I kler poudir sa post ou pe mean desizyon ki’n ganny pran par Lasanble Nasyonal yer.

Me parey mon dir, 10 Manm i vote pou aprouv en Bidze, larestan i abstain, se i en desizyon Lasanble Nasyonal.  Ok?  15 Manm i vote pou pa les en Bidze go through, i ankor desizyon Lasanble Nasyonal.

E ler ou dir poudir desizyon in ganny pran pou pini travayer DICT, byensir ou pe refer desizyon ki Lasanble Nasyonal in pran yer.  Se sa, se sa kot ou post i afekte travay sa lenstitisyon.  And you are a Member, and you form part of this Institution Onorab.

Se sa ki mon pe dir, mon ti a kontan ki sa post i ganny retire e ou prezant en apology to the House, then nou a kapab kontinyen nou travay.  Onorab Ghislain.

 

HON CHANTAL GHISLAIN

Mr Speaker i annan en kestyon ki mon’n demann PS pa’n ganny reponn.  Eski lefet ki sa Bidze in ganny voted out, eski i dan Bidze 2020 ouswa non?

 

MR SPEAKER

Ok.  Onorab?

 

HON CHANTAL GHISLAIN

Eski i annan saler ladan ouswa non?

 

MR SPEAKER

Annou dil avek …

 

HON CHANTAL GHISLAIN

Akoz i annan referans avek DICT, sanmenm sa ki mon ti pe demande.

 

MR SPEAKER

Annou fini ek sa matter.

 

HON CHANTAL GHISLAIN

…. sa osi mon krwar i enportan pou nou eklersi li Mr Speaker.

 

MR SPEAKER

Annou fini ek sa matter apre mon ava donn laparol PS.

 

HON CHANTAL GHISLAIN

… akoz en keksoz ki’n ganny pran dan Lasanble …

 

MR SPEAKER

Onorab.

 

HON CHANTAL GHISLAIN

… tyonbo, en desizyon ki’n ganny pran dan Lasanble, en desizyon ki’n ganny pran dan Lasanble, ler in ganny voted out apre nou pou al par deryer pou nou al revote, konmsi nou pe undermined Lasanble Nasyonal.  Sa i dapre mon lopinyon.

 

MR SPEAKER

Non.

 

HON CHANTAL GHISLAIN

… e mon anvi Mr Speaker ki PS i eksplik mwan, i eksplik mwan lefe ki la, ki larzan saler bann manm, bann travayer DICT in ganny retire dan Bidze 2020;-  savedir i zot pa pe gannyen saler 2020.

Unless nou bezwen annan en lot fason fer.  Sa ki mon anvi konnen Mr Speaker.

 

MR SPEAKER

Onorab mersi.  Eski ou pe dir, diskisyon ki mon’n gannyen yer avek PS, avek Prezidan mwan mon pe al deryer pou mwan fer en lot keksoz?  Eski sa ki ou pe dir?  Eski ou pe dir ki diskisyon ki Leader Lopozisyon in gannyen avek Vis-Prezidan e ki Vis-Prezidan in koz avek Prezidan.  E in al reasir bann travayer ozordi, nou pe al deryer ledo bann Manm?  Eski sa ki ou pe …?

 

HON CHANTAL GHISLAIN

Yes, Mr Speaker.  Mon santi i koumsa.  Parske nou tou nou ti devret form parti sa.

 

MR SPEAKER

Non, non i pa koumsa.  Nou dan nou pozisyon e mon lofis, nou bezwen toultan rod a way out.  Nou bezwen rod en solisyon.  Nou pa kapab anmar pei.  Nou pa kapab anmar lanmen Gouvernman.  We are not doing that. 

Se sa rezon, e se sa dan sa lespri ki menm VP in dir in al ozordi bomaten al meet avek bann staff DICT pou reasir zot, ok?  Se sa, se nou koman bann Leaders, nou bezwen rod en solisyon.  E nou koman bann Leaders, nou bezwen fer sir nou pe anvoy …

 

(Off-Mic)

 

MR SPEAKER

… Onorab mon’n les ou koze, mon annan laparol, ok?  Se sa rezon ki nou, nou toultan dir, nou bezwen anvoy, nou bezwen anvoy the right message out there, not konfizyon.  I arive, i arive dan plizyer pei osi tou kot serten Bidze pa pase.  Ok?

Sel landrwa ki mon konnen ki in annan en sel met, se mon krwar Leta Ini.  Ok?  Me dan lezot pei toultan i rod en solisyon.  E bokou pei, bokou pei ki mwan mon okouran ki nou angaze avek,  kot i gannyen en solisyon, ki son bann public service, services i kontinyen fonksyonnen.   Se sa ki nou pe rode.  Onorab Simon Gill, mon pa pe donn ou laparol lo sa matter ki devan nou.

Mon pe esper en apology avek Onorab Chantal Ghislain avek en garanti ki sa post pou al ganny retire lo medya sosyal.  Onorab Ghislain.  Apre mon ava donn laparol PS Thesee.

 

 

HON CHANTAL GHISLAIN

Mr Speaker anyway I will apologize because of you Mr Speaker!  And I respect you as the Speaker of the National Assembly!  But selman si LDS ti, pa ti vot kont sa Bidze, ti pou napa tousala …

 

MR SPEAKER

… non, non, non, non.

 

HON CHANTAL GHISLAIN

… e ozordi nou ti pou napa sa diskisyon Mr Speaker!

 

(Off-Mic)

 

MR SPEAKER

Non, non, non.  Onorab.  Onorab Loze, silvouple mon donn ou en warning, ok?  Onorab Ghislain ou apology to the House, pa atas okenn kondisyon avek, ok?  Annou fer li kler, annou apologise, annou retir sa, and we can move on!  Mon re donn ou laparol.

 

HON CHANTAL GHISLAIN

I apologise to the House Mr Speaker. 

 

MR SPEAKER

Ale, mersi.  It’s an apology to the House.  Onorab Simon Gill mon pa pe donn ou laparol.  Mon pa pe ouver sa deba ankor.  Mon a donn laparol PS Thesee.  PS Thesee eksplik en pti pe Lasanble avek bann Manm piblik deor, kwa ki nou pou fer with regards to budget pou DICT.

 

PS DAMIEN THESEE

Well, mersi Mr Speaker.  Natirelman si en head pa ganny vote, a lafen nou bezwen tir sa sonm dan sa AppropriationSo i napa en Bidze pou li.  Me solman parey ou’n konfirmen.  Nou pe sey diskisyon pou nou konnen what is the way ahead.  Mersi.

 

MR SPEAKER

Mersi PS Thesee.  I kler.  I kler e se sa konversasyon ki nou’n fer yer.  That budget is not in the Appropriation Bill.  Me i pa vedir poudir zot napa en sans pou ganny en budget ki pou sa.

 

DEPARTMENT OF FOREIGN AFFAIRS

 

MR SPEAKER

Bon nou pou, nou pou kontinyen nou travay, ok.  E swivan miting ki IAC e lezot Manm in gannyen avek Departman Foreign Affairs, petet mon ava donn laparol Chair IAC.

I ava zis donn nou briyevman the outcome of the miting.  E apre nou ava regarde ki mannyer nou pou bouze.  Onorab Ferrari.

 

HON JEAN-FRANCOIS FERRARI

Mersi Mr Speaker.   Mr Speaker mon ti a kontan raporte ki nou’n annan en bon miting avek Departman Zafer Etranzer.

E bann Manm IAC in ganny posibilite demann plizyer leklersisman lo sirtou 2 vot dan sa Bidze.  Enn i lo vot pou en nouvo louvertir, en nouvo Lanbasad Sesel Maurice.  E 2enm i bann modifikasyon dan bann saler bann protocol chauffeurs, bann diplomatic staff e osi enn de travayer dan general cadre.

Mr Speaker lo premye pwen:  SS in donn nou en rasyonal lo rezon akoz Gouvernman i ouver, i oule ouver sa Lanbasad.  E menm si endividyelman nou napa, nou pa endividyelman dakor pou nou aksepte sa rasyonal ki SS in fer avek nou,  nou bezwen respekte ki sa i lopinyon L’ Egzekitif.  E sa se zot fason ki zot, zot krwar zot devret pe devlop nou bann Relasyon Enternasyonal.  E SS in a plizyer repriz eksplike ki poudir sa ti en desizyon ki ti ganny anonse par Prezidan Larepiblik deza an 2018 mon krwar.

Nou lo sa kote latab, e byensir lo sa panel, ti annan Manm lo tou lede kote.  E mon mazinen poudir bann pwennvi i pou diverse.  Nou lo sa kote latab, nou’n demann en lodit bann post Diplomatik ki Sesel i annan aletranze.

Sa i pa neseserman en lodit finansyel.  Although i en performans finansyel e kou sa bann post aletranze i tre enportan pou nou.  Me i sirtou en lodit performans.  Sa demann ti deza ganny fer depi pli boner sa lannen an Out,  atraver en kominikasyon ki nou’n annan avek, ki nou International Affairs Committee nou’n annan avek Departman Zafer Etranzer

Akoz i annan en pe letan ki nou, nou anvi kapab raport avek lepep Seselwa.  Ki nou santi ki larzan ki pe ganny depanse dan bann Lanbasad Sesel aletranze – bann post Diplomatik.  Akoz mon krwar i annan 11 Lanbasad.

E 1 post Diplomatik i en post plito Konsiler ki an Genève, La Suisse.  Nou’n anvi raport avek lepep Seselwa ki Lasanble i santi ki en travay evalyasyon lo bann depans e lo performans sa bann post in ganny fer.  E ki nou kapab satisfe, nou kapab raport dan en fason ki nou satisfe, oubyen nou pa satisfe ki larzan pou sa bann depans in ganny byen servi.

Lo sa kote latab Mr Speaker, nou ankor enn fwa regrete ki sa lodit pa’n ganny fer.  Me i annan bann siny ankourazan.  E sa mon bezwen raport avek Lasanble.  I annan bann siny ankourazan ki Departman Zafer Etranzer in met devan nou.

E enn pli gran siny lankourazman, se ki Departman Zafer Etranzer, pli boner sa lannen in rekrit en travayer spesyalize dan monitoring and evaluation avek en manda ase presi  – ase presi,  pou kapab fer en lodit e  en levalyasyon sa bann post Diplomatik Sesel aletranze.

Sa madanm in fini rantre dan son post e i pe, in eksplik nou ki i pe met aktyelman an plas en metod travay ki a kapab donn nou en evalyasyon baze lo bann kriter verifiable e obzektif.

Akoz pou le moman, levalyasyon in ganny fer plizoumwen lo baz bann rapor ki bann Lanbasad e bann reprezantan Diplomatik dan sa bann Lanbasad, zot, zot anvoy Sesel.  Sa ki zot evalyasyon zot prop lekor, e zot prop servis.  E alors i neseser annan en evalyasyon ekstern parey bann oditer i kontan dir – external audit.  Nou byen apresye sa move.  E nou krwar poudir i pou anmenn en – i devret anmenn leklersisman dan sa sityasyon.

Lo nou kote, nou santi ki i enportan ki sa lodit i ganny fer avan ki nou antreprann en lot demars pou ouver en lot post Diplomatik.  Minister, Departman in ensiste ki poudir sa 2 keksoz i devret ganny separe.  Nou, nou santi poudir i pa devret ganny separe.  Dan Bidze pou 2020 i annan en provizyon pou R1.914milyon ki pe ganny allouer – allocated pou sa purpose ouver sa Lanbasad Maurice.  Sa i pou bann striktir fix;- bann lofis, transpor eksetera.  E tou bann goods and services e i pa konpri saler Anbasader.

Nou pozisyon se ki nou anvi ankouraz Departman Zafer Etranzer pou fer sa lodit o pli vit posib.  E alors nou sizesyon se ki nou pa release sa R1.914milyon toudswit.

Nou demann avek Departman Zafer Etranzer pou akseler sa travay lodit.  E o pli vit, o pli vit ki Departman i kapab raport avek Lasanble lo bann progre ki zot in fer lo sa lodit.   E mon ti ava menm dir –  akoz i se en Lenstitisyon enportan dan pei.  Mon ti ava menm dir ki si Departman ti kapab o pli vit posib vin avek en rapor preliminer,  ki kapab rekonfort Lasanble e asir Lasanble poudir travay pe ganny fer e napa nanryen ki’n ganny vwar, ki sibstansyelman pa bon,  oubyen negatif.  Nou koman en Komite dan Lasanble nou pare pou nou angaz avek Departman Zafer Etranzer, pou atraver Minister  Finans, pou release sa bann sonm, pou zot kapab go ahead. 

Mwan mon pa vwar li vreman en problenm.  Sa proze ti ganny deside an 2018 an Desanm.  In ganny delay par 1an.  Si i ganny delay par ankor 6mwan, mon krwar nou bann partner Maurice i a konpran byen kwa ki pe arive laba Maurice.

Me selman sa lodit i ava donn nou plizyer keksoz pou nou deside, si at the end of the day se vreman en Lanbasad Maurice ki nou bezwen ouver.  Oubyen eski nou bezwen fer en travay konsolidasyon dan nou, dan nou Headquarters isi Mahe.

Oubyen eski i annan lezot post Diplomatik ki devret reste, oubyen ki devret ganny devlope, oubyen ki devret frenmen!  Tousala se ki i enportan ki nou annan sa bann lenformasyon.  Alors Mr Speaker lo sa premye pwen, la i la ki mannyer nou lo sa kote latab nou pe santi.

Lo 2enm pwen, mon ti a kontan angaz Sekreter Prensipal pou li dir nou an bref ki bann prosedir, ki bann sanzman ki pe arive o nivo bann saler, allowances pou sa bann group travayer ki mon’n mansyonnen.

Mon pa krwar ki poudir lo nou kote, nou pou annan en gran deba lo la.  Akoz nou’n vwar poudir la osi i annan en evolisyon pozitif.  E i pe pran kont bann demann ki bann staf zot menm in rekomande.  E alors i pe al dan en bon direksyon.

Me selman mon krwar i enportan ki PS pou Zafer Etranzer i donn en pe detay lo sa size.  Mersi.

 

MR SPEAKER

Mersi Onorab Ferrari.  PS Dr Confait

 

PS  MARINA CONFAIT

Mersi Mr Chairman.  Bonn apre midi tou Manm Onorab e bann ki a lekout.

Bon, i annan R921mil in ganny aprouve pou sa Scheme of Service, pou bann Misyon Diplomatik overseas.  E ladan i pou annan en logmantasyon konsiderab pou sa bann Anbasader e osi bann Diplomat ki travay dan Lanbasad.

Par egzanp pou annan logmantasyon dan allowance pou legal spouse.  E sa pou tou lede pou legal spouse Anbasader.  E osi legal spouse bann lezot Diplomat ki travay dan Lanbasad.

Mon pa pou quote sif egzakt akoz pou le moman nou ankor an diskisyon avek DPA e Departman Finans.  Me selman mon kapab asir tou bann dimoun ki sa logmantasyon i konsiderab e i pou ede soulaz kondisyon travay sa bann dimoun ki travay dan Lanbasad.

E osi ti annan en demann pou marketable skills allowance pou bann travayer, pou bann Diplomat ki dan Lanbasad.   E sa osi pe ganny konsidere favorableman.  E sa i ava ede pou ogmant saler bann Diplomat.

E basically letan tou sa bann allowances in ganny azoute ansanm, i ava ede pou improve kondisyon travay bann Diplomat ki dan Lanbasad.  E nou pe espere ki sa Scheme of Service i pran lefe an Zanvye 2020.  Mersi Mr Speaker.  Mr Chairman.

 

MR SPEAKER

Mersi, wi Dr Confait, i annan ankor ki ou pe al azoute?

 

PS MARINA CONFAIT

Wi Onorab.  Akoz ou ti’n demann mwan zis pou Diplomat.  Mon a kontinyen.  I annan osi en lot Scheme of

Service pou bann drayver, pa drayver me chauffeur nou apel zot.

E sa enn Scheme of Service, nou ti demann R745 mil pou donn en logmantasyon significant dan saler bann chauffeur.  Me malerezman nou pa’n ganny tou sa larzan.  Nou’n ganny R264mil.  Alor nou pou vwar saler sa bann chauffeur, e i pou annan logmantasyon dan zot saler basic.

E i pou osi annan logmantasyon dan bann allowances ki zot gannyen.  E nou espere ki sa logmantasyon i pou en pe plis, i ava around R3 a 4mil.  Nou ti a swete ki zot ganny plis ki sa, me selman i pa permet.  Akoz sa ki nou’n gannyen dan Bidze.

Nou pe travay avek Departman Ladministrasyon.  E se sa ki mon pa pou al an detay, pou quote sif pou sak allowance.  Me selman sa bann allowance i konpri allowance pou overtime, pou manze e osi duty allowance.

E osi i kapab annan en inducement allowance.  Me mon pa pou al an detay lo konbyen egzakteman.  Me selman i pou dan sa Bidze 264mil ki’n ganny allocate dan Bidze Departman Zafer Etranzer.  E bann chauffeur i okouran, nou an diskisyon avek zot.

E nou’n deside ki nou pou komans sa Scheme of Service.  I ava pran lefe an juillet.  Akoz si sa Scheme of Service i pran lefe an janvier, sa logmantasyon ki zot gannyen i pou en pti pe mwens.  Therefore si zot pran li an juillet, zot logmantasyon i ava en pti pe plis.

E bann chauffeur i an kontak direk avek nou, nou an diskisyon e zot dakor avek sa laranzman.  Mon ti a kontan osi koz en pti pe lo en lot Scheme of Service pou Headquarters.

E sa in pran lefe an juillet sa lannen.   E sa enn i R2.4milyon.  E sa in komanse depi juillet. E lannen prosenn i pou spill over lannen prosenn, ki pou vin 2 fwa, 2.4.  Savedir R4.8 milyon.

E allowance, sa bann staff dan Headquarters in ogmante, i annan en bon logmantasyon significant.  E ki vedir sa in fini pran lefe.  E parkont ler mon’n koz lo sa 3 Scheme of Service Headquarters, bann Diplomat, chauffeur e osi bann Misyon Diplomatik aletranze, i reste en pti group staff, bann support staff. 

Ki zot osi zot travay i significant, zot travay i ansanm avek bann Diplomat.  Zot donn servis ki neseser dan Departman.  E zot osi zot devret ganny en logmantasyon.

Me selman ler nou’n an diskisyon avek Departman Ladministrasyon, nou aprann ki zot osi sakenn zot annan zot Scheme of Service.  Par egzanp HR i annan son Scheme of Service, drayver i annan son Scheme of Service.  Ladministrasyon i annan son Scheme of Service. Store i annan son Scheme of Service.

Alor sa bann dimoun, zot, zot pou ganny konsidere, sa bann staff zot pou ganny konsidere dan sa bann Scheme of Service, ki spesifikman pou zot.

So a lafen dizour tou dimoun dan Departman Zafer Etranzer, pou war en logmantasyon.  I annan ki’n deza war sa logmantasyon an juillet.  An 2020 tou dimoun pou vwar en logmantasyon.  E en pli bon kondisyon travay.  Mersi.

 

MR SPEAKER

Mersi PS.  Bon, petet zis pou nou regard the way forward.  Mon konnen zot in fer sa meeting and all that.  Eski nou pou reouver kestyon lo sa.  Oubyen mon’n vwar, mon’n vwar enn bann Leader lo kote US in lev lanmen.

Mon krwar i toutafe normal ki mon ava donn li en sans pou li koze.  Me nou pa pe reouver deba.  Se sa ki mon pe konpran.  Tou bann kestyon in ganny leve, e tou bann Manm ti ganny envite, pou enterakte avek Foreign Affairs.

Mon’n donn Chair sans pou eksplik Lasanble.  Mon ava donn lo kote US en sans pou eksprim zot.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon’n kontan tann PS koz lo bann demars ki zot pe fer in regards tou bann diferan kad Departman Foreign Affairs.

Mon krwar i enportan ki zot kontinyen sa legzersis.  Sa legzersis pa vin, pa vin en sityasyon kot i pran tro bokou letan avan nou revwar sityasyon ki sa bann dimoun pe travay ladan.

Mon krwar i enportan i enportan ki nou soulinyen avek piblik an deor, ki Foreign Affairs i fonksyonnen.  Nou annan nou bann Anbasader, oubyen nou annan en group dimoun dan Foreign Affairs ki form par striktir Foreign Affairs.  E se zot ki fer marse sa Departman.

Se zot ki fer en kantite travay.  E i enportan ki zot ganny remunerated byen, ki zot ganny gete byen.  Mon krwar sa i enportan ki nou tackle li dan long run. 

Me en keksoz enportan osi ki Foreign Affairs i bezwen vwar, se ki pou li atrakte profesyonnel sorti dan lezot field osi.  Nou bezwen osi vwar en pti pe lapros ki nou pran si nou ganny lezot profesyonnel ki antre dan Foreign Affairs.  Vi ki zot napa serten rekizit kalifikasyon, dan Foreign Affairs.  Me zot kapab anmenn avek zot bagaz from lezot areas, ki ava benefisye Foreign Affairs.

E mon krwar se sa ki nou bezwen vin en pti pe pli fleksib dan Foreign Affairs, avek lafason ki nou regard bann lezot profesyonnel sorti dan lezot areas ki kapab ofer sipor e travay dan Foreign Affairs.

Lo sa pwen, lo sa pwen Lanbasad Maurice Mr Speaker.  Mwan mon ti a kontan demann Lasanble pou nou egzers serten kosyon; serten kosyon lo nivo ki, ou konnen Lasanble nou annan en rol oversight.

E la basically nou pe sanz lapros en desizyon policy ki Gouvernman pe fer.  E nou pa pe zis fer oversight, be nou pou vin part and parcel of sa decision-making process prezan.

E ki mannyer prezan nou pou fer sa oversight lo en desizyon ki nou menm nou, nou’n pran demen, si sa desizyon i pa marse oubyen i marse?

Mon krwar sa ki enportan, se ki nou bezwen respekte lefe ki L’ Egzekitif, se li ki annan drwa laksyon.  Se li ki bezwen pran aksyon baze lo bann demann.  E lo bann riger ki i annan dan sa letan pou zot kapab reponn legzizans sa Sekter.

Mon krwar ki lefe ki nou annan lodit, e mon krwar nou’n vwar sa plizyer fwa dan Finans –  e nou’n vwar sa avek en Antite yer, kot en odit i kapab go on, e i kapab ganny fer, i annan en commitment pou sa odit ganny fer.

Me mon krwar nou pa devret retard loportinite pou nou kapab konmans angaz nou lo en baz Diplomatik dan en lot pei.  Tout an prenon kont ki i annan bann kontrol e bann riger neseser ki nou bezwen met an plas, pou ki nou bezwen swiv.

E sa i enportan Mr Chair.  I enportan akoz nou bezwen idantifye byen ki mannyer sa i kapab compromise sa rol oversight ki nou annan pou nou fer dan lefitir.

E pou mwan mon konsernen avek sa.  Akoz ler mon vin parti prenon desizyon i fer, mon pa kapab probableman demann menm kestyon ki mon ti pou demande si mon pa ti’n parti prenon desizyon.  Me sa ki mon kapab demande,  se sa ki nou met a dispozisyon Foreign Affairs i ganny servi pli byen, i ganny servi dan en fason pli drwat, pli kler, kot i neseser si i annan nesesite.  E mon krwar se sa ki nou bezwen retourn lo la.  E en keksoz ki mon oule remind Lasanble – se ki konman en Lasanble, nou bezwen regard osi ki mannyer nou ed sa Gouvernman achieve son lobzektif.  Nou pa la pou nou anpes Gouvernman achieve son lobzektif.  Akoz nou form parti sa Gouvernman anfendkont.

Akoz gouvernans i annan 3 brans;-  i annan L’ Egzekitif, Lezislatif ki nou form par e Zidisyer.  E sa ki enportan dan sa konteks, dan sa nou bezwen get byen kwa ki nou pe fer.  Alors i enportan ki dan desizyon ki nou pou pran,  annou baz nou desizyon, pa lo lapros ki nou’n pran lo konmansman.  Akoz krentif ki mon annan Mr Chair – e Mr Chair mon pou et fran;-  parfwa nou penn nou lekor dan en corner par pran serten pozisyon.  Mon pa pou single out Lonorab Chair IAC.

Me mon santi parfwa nou penn nou lekor dan en pozisyon kot nou’n fini pran en lapros petet plito negativ lo en keksoz.  E sa i met nou dan en corner.  E ler i pou nou retournen, konman politisyen nou pou war li difisil pou nou retournen.

So i enportan ki nou regard sa desizyon dan en fason lozik, dan en fason mannyer i pe ganny prezante devan nou.  E mwan mon krwar ki nou napa en mazorite lo sa kote latab Mr Chair.  Mwan mon ti a kontan siport, mon ti ava siport both, en revwar lankadreman saler pou bann travayer, bann kad dan Foreign Affairs.

E mon ti a kontan vwar Foreign Affairs kapab ouver Lanbasad Maurice.  Akoz nou annan en kantite Seselwa ki al Maurice.  Lontan ti’n ler pou nou annan en Lanbasad Maurice.  Lontan ti’n ler!

Ou konnen i petet in pran letan, me ozordi ou la, sa moman kot nou santi desizyon i kapab ganny pran la.  So nou ki pe fer desizyon la.  Mon pa kapab koz pou lepase, mon la ozordi pe fer sa desizyon.  E mwan mon pare pou fer sa.

Mon pa konnen ki plis ki nou kapab dir.  Prenon kont lakantite Seselwa ki i annan Maurice.  Prenon kont lakantite relasyon ki nou annan.  These are things ki koz pou zot lekor.

Me mon konnen parfwa nou’n fini   fer serten prononsman lo en keksoz, e nou pri dan sa bann prononsman ki nou’n fer.  So prezan nou bezwen rod serten fason pou nou accommodate!  Mr Chair mon santi poudir Foreign Affairs in montre nou poudir in annan en improvement dan lafason ki keksoz i ganny fer.

Nou, nou pou ankouraz Foreign Affairs ki zot pou bezwen kontinyen angaz ek Komite Lasanble, Komite IAC, lo tou nivo;- pa zis lo nivo regard bann konsep Diplomatik, me osi regard bann fonksyonnman, lafason ki keksoz pe ganny organize.

Akoz tousala i bezwen marye ansanm.  E Lasanble Nasyonal i annan en rol pou li zwen ladan dan lonterm.  Mersi Mr Chair.

 

MR SPEAKER

Mersi Onorab Pillay.  Onorab Simon Gill.

 

HON SIMON GILL

Bonn apre midi Mr Speaker.  Bonn apre midi VP, avek panel, SS e tou Manm Onorab, manm piblik.

Mr Chairman mon’n ganny en sans swiv diskisyon apre midi avek bann, ek reprezantan Foreign Affairs e group Komite, International Relation dan Lasanble Nasyonal.  Mon krwar si i annan en keksoz ki nou bezwen note.

Se ki nou bezwen trouv sa lenstitisyon ki apel Minister Zafer Etranzer or Foreign Affairs pe mars byen.  Pe mars avek en lefikasite pou satisfer reprezantasyon Sesel dan tou kwen lemonn.

E sa reprezantasyon i bezwen en reprezantasyon ki byen, en reprezantasyon kot sa bann zonm/fanm ki pe reprezant larepiblik Sesel kot zot ete, toulezour ler zot leve zot annan en lantouzyazm ekstraordiner dan zot, eksepsyonnel e ki donn zot sa gou, sa lanvi pou zot vreman fer tou sa ki dan zot kapasite, zot potansyel pou fer non Sesel, pou fer lepep Seselwa ganny tande partou dan lemonn.

E par laswit, fer konpran lemonn, ki Sesel i bezwen lemonn; i bezwen son sipor partou kot zot ete.  E si nou bezwen bann zonm, fanm ki annan en lantouzyazm e lenerzi sak zour zot leve,  nou bezwen fer zot kontan;- nou bezwen fer zot happy.

Zot bezwen bann dimoun ki byen ganny gete.  E si i annan okenn posibilite pou nou koman en Lasanble, kontribye pou nou fer nou bann reprezantan Diplomatik happy, nou bezwen fer li.  Akoz i annan en nesesite fer li.

E ler mon’n ekout bann soumisyon ki’n ganny fer dan meeting, mon’n vwar ki i annan serten konsiderasyon pozitiv.  Pozitiv pou kapab fer nou bann reprezantan Diplomatik ganny sa lanvi, sa lenerzi, sa lantouzyazm, pou zot reprezant Sesel byen e mobiliz resours par la swit, pou kapab anmenn dan nou pei. Pou nou kapab fer bann diferan travay ki nou bezwen fer isi ek bann resours ki nou gannyen sorti deor.

Me mon krwar ki sa bann sif ki’n ganny nonmen dan meeting e ki la nou’n zis pas en revi lo la, mwan mon lanaliz, mon konklizyon, se ki nou a soumet avek VP, ki li ki annan sa portfolio responsabilite pou nou Foreign Affairs.  Probableman en lespas letan 2 a 3mwan, kot nou bezwen kapab vin avek en package konpreansiv e kler,  pou nou kapab dir avek nou bann reprezantan Diplomatik deor, vwala sa package, in finalize, e vwala mannyer nou krwar a sa moman pei i kapab rekonpans zot, oubyen siport zot finansyerman pou sa travay ki nou bezwen zot fer lo non Sesel.

Sa i mon premye vole Mr Chairman.  2enm eleman …

 

MR SPEAKER

Onorab, Onorab annou sey fer li en pe bref.  Akoz nou pa pe fer en gran deba lo la.  Apre pou nou kapab pran en desizyon.  Go ahead.

 

HON SIMON GILL

Ok Mr Speaker, mon konpran ou tre byen.  Tre byen Mr Speaker.  2enm vole mon lentervansyon Mr Speaker i repoz lo bann staff ki pe travay isi dan Foreign Affairs, ki osi in size diskisyon dan meeting.

La osi mon krwar, e nou ava soumet avek bann reprezantan ki isi devan,  pou zot osi travay avek DPA pou ki nou kapab revwar sa bann package, met li o kler, angaz bann travayer, tou bann travayer dan sa bann diskisyon.  Espesyalman sekter ou seksyon or Departman ki santi zot e pti pe ganny kit deryer, e ki pa pe byen ganny reminere pou travay ki zot pe fer.  Lot eleman, 3enm pwen Mr Speaker lo kestyon Lanbasad,  ki in osi in size diskisyon.

E mwan mon salye largiman e pozisyon ki in ganny pran par nou bann reprezantan isi.   Me ou konnen i annan en realite ki nou bezwen viv avek.  Sa realite ki nou bezwen viv avek Mr Speaker,  ki mon krwar byento i ava annan en leklersisman ki Lakour pou donnen, se ki Lasanble Nasyonal in war li, in plonz li e pe definir rol Egzekitiv dan sa pei.  Zis par rapor – akoz ozordi nou annan nou en lopozisyon ki an mazorite dan Lasanble Nasyonal.  E nou vwar sa rol, sa dual role ki nou pe zwe; kot nou definir ki mannyer L’ Egzekitif i enplimant or egzekit son plan, son platform ki’n al dan en eleksyon ladan.  Zis parey nou’n anpes Egzekitif form son Cabinet, pou li kapab deservi lepep dan sa pei!

Epi nou dir avek lepep ki Gouvernman pa pe marse, Gouvernman pa pe fonksyonnen.  Me si ou pa donn Gouvernman son lakantite Leaders ki i bezwen or Minis ki i bezwen pou form son Cabinet, pou li kapab egzekit son plan travay, ki mannyer ou ekspekte sa Gouvernman i delivre?

 

 

(APPLAUSE)

 

HON SIMON GILL

E la ozordi nou pe met otaz kreasyon ou formasyon en Lanbasad ki Gouvernman Egzekitif in vwar li neseser.  E nou met en kondisyon, fodre ou al fer en evalyasyon tou bann Lanbasad atraver lemonn, avan ler nou donn ou lotorite pou ou kree en Lanbasad!

Sa, se sa ki mwan mon vwar, sa dual role ki Lasanble Nasyonal pe zwe.  I pran en pe rol Egzekitif e i pran en pe son rol, i pran i fer en nespes melimelo avek! Epi nou dir sa i desizyon Lasanble Nasyonal.

Mr Speaker sa i desizyon parti mazorite dan Lasanble Nasyonal! Pa parti minoriter dan sa Lasanble Nasyonal!

 

 

(APPLAUSE)

 

HON SIMON GILL

Tel parey nou’n vot kont Bidze DICT, sa i vot parti mazorite dan Lasanble Nasyonal, ki LDS!

Ki pa vot parti minoriter dan sa Lasanble Nasyonal.  Akoz nou parti minoriter ti vot an faver Bidze DICT!

 

 

(APPLAUSE)

 

MR SPEAKER

Onorab, Onorab.

 

HON SIMON GILL

E nou pa pran responsabilite si DICT …!

 

MR SPEAKER

Onorab en moman.

Mon’n deside pou donn ou laparol pou fer en entervansyon lo sa head ki devan nou, lo sa Bidze ki devan nou.  Mon pa pe donn en sans pou nou re ouver en deba lo en size ki mwan, Vis- Prezidan e even PS Thesee nou’n adrese, ok?

E nou’n fini poz laba.  Mon pou donn ou en dernyen minit pou ou wrap-up lo head Departman Zafer Etranzer ki la devan nou, ki nou pou bezwen pran en desizyon.   Go ahead.

 

HON SIMON GILL

Mr Speaker, mersi bokou.  Mon pou vot an faver Bidze Foreign Affairs.   Mersi bokou.

 

(APPLAUSE)

 

 

MR SPEAKER

Mersi bokou Onorab.  Onorab Ramkalawan en pti bref.

 

HON WAVEL RAMKALAWAN

Mr Chairman mersi bokou.  E mwan mon pa pou al antre dan okenn polemik.  Mr Chairman mon krwar ki i kler, e nou bezwen aksepte ki nou Lasanble Nasyonal i annan sa oversight role.  E nou Konstitisyon i fer kler ki i bezwen annan checks and balances. 

E L’ Egzekitiv son balans se Lasanble Nasyonal.  I pa akoz i L’ Egzekitiv ki i ganny drwa fer sa ki i anvi.  E nou Konstitisyon i fer sa kler.

Se pou sa rezon ki nou Konstitisyon i demande ki pou serten lapwentman, sa dimoun apre ki L’ Egzekitif dan reprezante par Prezidan Larepiblik, i pran serten desizyon, ki Lasanble Nasyonal i bezwen aprouv serten nominasyon.

E sa pa nou ki’n envante lo kote LDS.  Set en Konstitisyon ki ti ganny adopte le 18 Zen 1993 ki dir sa.  E alor letan Lasanble i egzekit son rol oversight, e i pran son desizyon, napa nanryen pou fer avek dominer, napa nanryen pou fer avek pe pran plis responsabilite, pe minorite, mazorite – sa bann zafer. Se senpleman Lasanble Nasyonal ki pe zwe son rol an tout serye.  Selman mon konpran Mr Chairman.  Ki sa bann keksoz la i nouvo.  Parski depi 1993 premye Lasanble, in annan en parti ki toultan annan mazorite. E alors sa bann keksoz pa’n gannyen challenged.

En Bidze Mr Chairman ou konn byen ou, ou’n dan Lasanble en pti gin mwens letan ki mwan;-  en Bidze Nasyonal dan sa bann lezot Lasanble ti ganny aprouve dan 1 zour!   Dan 1 zour zot ti aprouv en Bidze Nasyonal.  VP li osi tou in dan Lasanble Nasyonal, Anbasader Faure li osi tou in dan Lasanble Nasyonal.  E ansanm nou konnen.

I am sure ki VP avek Anbasader Faure i rapel letan Bidze ti ganny aprouve dan mwens ki 30 minit.

 

(Off-Mic)

 

HON WAVEL RAMKALAWAN

Ti annan 1 zour Mr Chairman, Mr Chairman ou ava rapel, en  zour nou it desann, nou ti tarde monte. Letan nou ti tarde monte, letan nou ti retournen Bidze ti’n fini aprouve!

 

(Off-Mic)

 

HON WAVEL RAMKALAWAN

E Mr VP i konn sa tre byen ki mannyer ti pase.  Alor, alor annou reste kalm.  Premyerman Mr Chairman, i annan size lapey pou bann travayer ki mon ti ava kontan adrese.

Ou konnen toultan mon konsernen avek, avek mwan ki nou komans, mwan ki nou donn travayer sa increment.  Akoz i annan en lenpak direk lo zot benefis 13enm mwan.  I annan en lenpak direk.

Espesyalman ki mannyer mon ganny en konpran, ki mannyer mon ganny en konpran, ki zot in tonm dakor dan sa miting ki sa logmantasyon, oubyen allowance, whatever i pou rantre dan zot basic salary.  Parski pou 13enm mwan, se basic salary ki konte pou 13enm mwan.

E ki alor si par egzanp ou pe konmans donn bann travayer sa logmantasyon an Zilyet;-  parski parey PS in eksplike, zot sipoze ganny, zot ava pli benefisye.  Selman wi zot pou pli benefisye lo en kote.  Selman letan pou work out, zot 13ennm mwan, ki mannyer i pou marse?

Eski i pou ok?   Si i pou ok, si i pou ok mon napa okenn problenm, ok?  Parski if it is based on the last salary, ki si pou zot ganny zot 13enm mwan baze lo zot lapey Desanm, then mon napa problenm.

So zis mon ti anvi met sa, mon ti anvi met a pou nou asire ki sa i ganny pran an konsiderasyon.  Mr Chairman i kler ki poudir Minister Zafer Etranzer i en Minister ki pe pas dan en evolisyon.  E Minister Zafer Etranzer i annan bokou challenges.

E letan mon regard zot bann ‘’current challenges’’ dan liv Bidze, mon trouv en kantite challenges, kantite challenges.  E letan mon regard zot bann ‘’strategic priorities, 2020- 2022,’’ ankor enn fwa mon war bokou bann challenges.

Me mon ava eksplike akoz ki letan nou pe koz lo sa size Lanbasad, i enportan pou nou pause en pe lespri kalm pou nou reflesir.  Isi dan sa Lasanble nou’n tann diferan keksoz.  E se la kot Sesel parfwa i tro zis reazir.

Isi dan sa Lasanble, nou’n tande ki Sesel i pou ouver en Lanbasad South Arabia.  E nou konnen ki poudir i annan demars ki’n konmans ganny fer.  Ki ti’n konmans ganny fer, ensidswit lekel ki ti pou ale pou sey fer bann kontak.

Apre sa zis nou pa’n tann plis ki sa.  E VP avan yer in dir avek nou ki konmsi keksoz pa tro, pa tro sir.  Apre sa la zis nou’n antann, ok – Lanbasad Maurice.  E se pou sa rezon ki nou pe demande ki poudir i annan en audit.

Avan yer mon’n fer en deklarasyon.  Mon’n dir annou trete bann Anbasader avek plis respe.  E letan mon pe dir sa, mon pa pe dir sa zis akoz mon anvi dir li.  Mon pe dir sa akoz napa ase konsiltasyon ant Head Office avek bann Anbasader.  I senp. osi senp ki sa.

E par egzanp from sa ki, from sa ki mwan mon, lenformasyon ki mwan mon gannyen – akoz mon osi mon koz avek bann Anbasader.  Parfwa i annan keksoz ki zot tann, zot tann lo radyo.  Parfwa i annan keksoz zot  tann through the internet.

La sa zafer, la sa zafer nouvo Scheme Pansyon pou Anbasader.  Mon ava dir zot ki bann Anbasader i upset, akoz sa Lalwa in sorti e zot zanmen zot in deza ganny okenn konsiltasyon.  Be se sa ki apel tret zot koman bann adilt.

Si i annan en keksoz ki pou afekte Anbasader, be koz avek zot.  Bounce-off!  E apre sa zot ava, zot ava kapab tonm lo en keksoz.  Letan nou koz lo sa relasyon ant Minister Foreign Affairs avek International Affairs Committee –  mwan pou mwan mon pa lo sa Komite, me selman mon krwar ki poudir i annan en mank kominikasyon.  Onorab Speaker menm ti fer resorti sa avan yer, letan i ti a pe koz lo sa eleman SADC PF.

E mwan mon ava dir Mr Chairman, ki poudir par egzanp nou bann Manm ki lo SADC PF, nou’n fer tou sa travay pou sa transformasyon SADC PF dan en SADC Regional Parliament.  E ou menm ou Mr Speaker ou’n annan diskisyon privilezye avek Prezidan Larepiblik. In annan tou bann diferan demars, me selman apre Lasanble Nasyonal pa’n ganny sipor L’ Egzekitiv letan in annan, letan in annan rankont Heads of State bann pei SADC, kot zot in soz lo sa.  E ozordi nou trouv nou back to square one.  Ki konmsi tousala se bann dekourazman.

Alor, alor Mr Chairman mwan mon krwar ki poudir i bezwen annan, Minister Zafer Etranzer i bezwen once and for all etablir egzakteman ki son relasyon ki i anvi annan avek International Affairs Committee, Lasanble Nasyonal.  This is one.

E mon plis ki sir, si sa konversasyon, si sa konversasyon ti’n komanse depi avan, ozordi nou ti ava’n fini aprouv Bidze Minister Zafer Etranzer.  Si zot pe deside pou zot ouver en Lanbasad, kwa ki ti pou koute, kwa ki ti pou koute, pou ki i annan en rankont avek IAC, pou zot asize met tou keksoz, tal tou keksoz ater?  Olye pou nou fer li pandan lunch break? 

So Mr Chair, mwan mon pe senpleman dir i bezwen annan en pli gran korperasyon, en pli gran kominikasyon ant Ministry of Foreign Affairs avek IAC.

E la mon ava dir, dan menm fason Mr Speaker –  e la mon salye PS Thesee avek son lekip kot Minister Finans, parski i annan en rapor etrwat;- i annan en kominikasyon konstan ant Minister Finans avek Public Accounts Committee.

Be akoz ki zot osi tou zot pa kapab devlop sa menm rapor?  Letan Minister Finans i dir avek nou, zot anvi zwenn nou, zwenn zot menm si i pa neseserman straight away, me i annan en pe, nou zwenn zot.

Letan nou, nou oule zwenn Minister Finans, nou kriy zot, zot vini.  E la letan nou pou annan, letan nou pou annan bann hearings lo rapor Oditer Zeneral, Minister Finans pou fer sir ki i anvway en dimoun la ki pous swiv e apre nou pou koze.

E se sa Mr
Chairman ki permet ki lo kote accountability finansyel in annan en gran progre.  Akoz FPAC avek Minister Finans pe koze.  Be zot osi tou koze.  La par egzanp i annan, i annan miting, pou annan meeting bann Anbasader an Desanm, mon demann mwan ki involvement International Affairs Committee?  Mon ti ava kontan konnen ki zot involvement.  Akoz ki mannyer mon konpran, ti lo lalis, apre sa in tir zot lo lalis.  Be pa serye.

or mwan Mr Chairman, mon senpleman anvi dir, parey Onorab Ferrari in pronons li.  Annou lo sa size, lo sa size Lanbasad Maurice O Komisarya, Maurice, sa Bidze li menm li i pa konplent.  Nou tou nou konnen ki poudir sa Bidze pa konplent.

Sa heading ki zot in mete pou depans pou sa, O Komisarya i pa konplet.  Alors mon demande ki nou pran en pe letan, annou fer sa odit parey nou’n dir.  Apre sa nou retourn isi, Lasanble napa lentansyon zwe rol L’ Egzekitiv.

Me Lasanble Nasyonal Mr Chairman pou zwe son rol a plen.  E kontan, pa kontan, tan ki nou, nou dan sa Lasanble, nou pou fer sir ki Lasanble i zwe son rol oversight, i demann kestyon kot fodre demann kestyon.  I aprouve kot fodre aprouve.  I rezet kot fodre rezete.  E a tou moman nou pou reste rezonnab, efikas e rod sa ki meyer pou nou pei Sesel.  Mersi bokou Mr Chairman.

 

(APPLAUSE)

 

MR SPEAKER

Mersi Onorab Ramkalawan.  Bon mon ava donn VP oubyen SS Faure en sans pou dir 2 mo.  Apre PS ou ava gid nou spre lo vot ki nou pou pran.  SS Faure, Anbasader.

 

SECRETARY OF STATE BARRY FAURE

Mersi Mr Speaker.  Mr Speaker mon ti a kontan mon osi dir ki sa meeting ki nou’n gannyen apre midi avek bann Manm Lasanble, sirtou avek bann Manm Komite Zafer Enternasyonal Lasanble Nasyonal,  in enn ki ti pozitif.  E nou’n, tou sa letan pou diskit 3 pwen;

Kestyon ‘’Kominikasyon ‘’ ki pe ganny aborde par Onorab Leader Lopozisyon.

Kestyon ‘’Zistifikasyon pou en Lanbasad
Maurice.’’

E trwazyenmman bann kestyon, ‘’Bann term ek kondisyon servis  bann diferan kategori anplwayer kot Departman Zafer Etranzer.’’

Mon ti a kontan adres sa kestyon’’ kominikasyon’’  Lo sa kestyon kominikasyon in ganny etablir kler e net avek levidans ki mon’n fek prezant avek Clerk Lasanble Nasyonal la Mr Speaker,  ki in annan lesanz kominikasyon ant Departman Zafer Etranzer avek Komite
Zafer Enternasyonal, pou nou fer en rankont.  E Onorab Chairman sa Komite in aksepte ki wi, in annan plizyer zefor pou nou zwenn e pou nou diskit lo en agenda.

Me malerezman pou en rezon en lot, ki pa’n, ouswa en lot I pa’n posib pou nou kapab tonm dakor lo en dat e lo en ler.  Parfwa kote Departman Zafer Etranze in propoz bann dat e bann ler, ki malerezman pa’n konvenab pou bann Manm.

E parfwa Lasanble in propoz dat ki malerezman apre pa’n konvenab, ki’n bezwen re aranze.  Nou’n rod 2 dat an Oktob, nou’n rod 2 dat Novanm.

Me i pa’n posib finalman, me in annan esanz korespondans direk ant Onorab Jean-Francois Ferrari e mwan menm mwan, ki ti ganny mandate par Vis-Prezidan pou organiz sa rankont e nou’n fer li.

Me a lavenir nou bezwen, wi nou aksepte nou bezwen rod fason pou nou amelyor sa kominikasyon.  Me in napa en mank volonte pou rankontre.

2enm pwen anba kominikasyon ki nou’n fer, lo sa kestyon SADC Parliamentary Forum, pou transform li dan en regional parliament. 

Mr Speaker mon fek prezant levidans avek Clerk Lasanble Nasyonal la, ki montre klerman ki Lasanble Nasyonal in siport demann fer par Lasanble Nasyonal Sesel avek SADC pou transform SADC Parliamentary Forum dan regional parliament.

Sa in ganny fer an ekrir, in annan korespondans ant mwan avek Speaker Lasanble Nasyonal.  E mon ti a kontan la Mr Speaker osi, prezant menm file avek Onorab Leader Lopozisyon, pou li osi vwar.

Alors nou ti a kontan donn sa, e menm Dar es Salaam, annefe dan sa Some Dar es Salaam, nou’n dir dan en korespondans kot nou’n adres Speaker, ki nou’n osi siporte Dar es Salaam.

E PS ki ti la, ti form par sa delegasyon, e i kapab konfirmen poudir Sesel ti siport demann fer e nou’n ekrir direkteman , mwan Oktob, le 14 Oktob, nou’n ekrir Sekreter Zeneral SADC, Mrs Tax pou enform li ki nou siport demann fer par Lasanble Nasyonal, pou transform SADC Parliamentary Forum dan en Regional Parliament.

E sa in ganny mete an ekrir.  Nou’n soumet sa levidans avek Clerk Lasanble Nasyonal la apre midi Mr Speaker.

 

(APPLAUSE)

 

SECRETARY OF STATE BARRY FAURE

Mr Speaker napa okenn dout, napa okenn dout, ki nou travay pros avek Lasanble Nasyonal.

Ler bann Manm Lasanble Nasyonal i fer bann vizit deor, nou donn bann Manm Lasanble Nasyonal, menm en aide mémoire pou zot ganny byen prepare.  Par egzanp ler bann Manm Lasanble Nasyonal ti al La Russie.  Nou ti donn bann Manm Lasanble Nasyonal.

Mr Leader Lopozisyon, Onorab Leader Lopozisyon, Onorab Leader of Government Business.  E ti annan en lot, en 3enm Manm.  Onorab Ahmed Afif, en aide mémoire pou zot kapab antreprann zot vizit aletranze.

Sak fwa Lasanble Nasyonal i demann nou en lenformasyon, nou donn zot sa lenformasyon.  Alors mwan mon oule zis fer en pwen mwan.  Mon pa oule etidye, mon oule zis fer en pwen.

Akoz i annan plizyer staff Lasanble Nasyonal, i annan plizyer staff Mr Speaker i annan plizyer staff dan nou Departman ki travay,  enn ler at very short notice pou prodwir bann brief, bann aide mémoire pou Lasanble Nasyonal.

E nou menm annan en Lakor,  en MOU ki’n ganny sinyen ant Lasanble Nasyonal avek Departman Zafer Etranzer pou kolabor avek Departman, avek Zafer, avek Lasanble Nasyonal pou asiste Lasanble Nasyonal avek lenformasyon ler sa i neseser e i ganny demande.

Alor sa i en pwen lo kominikasyon, e nou pran sa vreman aker, akoz nou oule devlop en relasyon pros dan travay avek Lasanble Nasyonal.  Akoz nou krwar ki dan nou relasyon piblik la, i enportan ki Lasanble Nasyonal i konpran nou travay.

Nou ti’n menm annan en let, Onorab i konnen, nou ti ekrir 2018 pou demann en miting.  E apre zanmen nou’n kapab fer sa miting.  Depi lannen pase, e nou ti dir sa dan en miting isi devan Lasanble.

Bon annou met sa deryer nou.  E bouz lo sa pwen, lo nesesite pou annan en Lanbasad Maurice.  Mon pa oule al repet bann pwen ki ti ganny fer dan miting apre midi lo nesesite.

Akoz nou’n prouve san okenn dout ki i annan en nesesite pou nou ouver en Lanbasad Maurice.   Ok?  E napa okenn Manm Komite Zafer Enternasyonal pandan miting ki’n kapab demanti sa.  Alors nou pa pou repet sa.

Me selman i annan sa pwen lo South Arabia.  Lo kote South Arabia, ler ti kler ki ti pou difisil pou kapab egzekit plan ki ti ganny anonse depi Desanm 2018, pou fer retournen nou Lanbasader ki ti’n deor depi 2011 isi Sesel, pou bann rezon ki nou’n konpran baze lo bann fakter imen lo bann grounds, lo bann baz konpasyon,  nou ti bezwen alors postpone son rotation.  E nou’n bezwen tenir avek lezot apwentman.

E sa vizit South Arabia ki ti ganny planifye depi Zilyet 2018, me ki’n materyaliz nek an Mars 2019,  in permet nou kapab dan sa 2 Sef D’Eta diskit lo bann relasyon Diplomatik ki mannyer nou pou kapab fer en raprosman.  E nou’n vwar poudir ok, en fason pou nou fer sa se pou ouver bann Lanbasad dan sak pei.

E se vre, i vre ki sa in vin konman en lopsyon.  Me selman swivan sa i annan bann demars i vre.  Me selman in kler ki i pa pou arive an 2019, i pou pran en pe letan.

E lanmenm la kot nou’n realize ki i meyer nou dan Zafer Etranzer nou propoz dan Bidze 2020 louvertir Lanbasad Maurice.  Akoz nou’n etidye e nou’n prezant en dosye annefe pandan meeting apre midi nou’n prezant en dosye avek bann Manm Komite Zafer Enternasyonal.  I montre i kler, ok, akoz nou vreman bezwen ouver en Lanbasad Maurice.  Mon pa pou al retourn dan son bann rezon.  Tousala i dan dosye e nou’n prezant sak Manm Lasanble ozordi apre midi – i annan devan zot plizyer dokiman ki demontre akoz i neseser prouve avek sif.

1.9milyon ou’n mete Maurice, an retour pou annan plizyer milyon Roupi retourn Sesel.  Zis dan sa dernyen 5an, Maurice in fer en lenvestisman plis ki R2.6bilyon Sesel, mon donn zis en sif – ok?

Lo sa kestyon Constitutional Appointees (Amendment) Bill ki Leader Lopozisyon in fer monte, mon krwar i en pwen ki in fer monte.  E sa en kestyon ki’n ganny leve, mon ava dir la, in ganny leve pandan meeting Komite Zafer Enternasyonal.

E ki Leader sa Komite, Chairman sa Komite, mon war i pa pe ekout mwan la.  Mon pe esper li ekout mwan.  Chairman Komite i kapab konfirmen ki sa pwen lo Constitutional Appointees (Amendment) Bill, Ki Chairman ti oule ki i ganny diskite dan sa Komite.

Me selman nou tonm dakor pou nou pa diskit li.  Akoz nou bezwen annan plis lenformasyon lo nou kote pou nou kapab fre li.  Alors nou pe repet menm zafer la.

Ki nou bezwen nou lo kote Departman Zafer Etranzer annan plis lenformasyon lo la, nou menm nou avan ler nou kapab satisfer en demann fer par Komite Zafer Enternasyonal pou diskit lo sa size.

E mon’n aprann an tou leka ki sa, sa Bill pa ankor ni menm fer First Reading lo la devan sa Lasanble.  Me wi  me selman nou’n tonm dakor ki nou pou zwenn, tre byento apre sa Bidze, pou nou diskit lo sa pwen.

Onorab in fer sorti sa kestyon Ambassadors Retreat.  Progranm Ambassadors Retreat i ankor pe ganny travay lo la.  Nou pa ankor finaliz li.  Nou fek dir Komite Zafer Enternasyonal sa.  E nou ankor pe travay pou get dan posibilite ki mannyer sa i kapab ganny fer.  Mr Speaker mon ti oule adres sa bann pwen ozordi apre midi.

E mon a les kestyon ki lapros nou pou servi lo Bidze avek nou Minis Zafer Etranzer Vis-Prezidan pou li adrese.  Mersi bokou Mr Speaker.

 

MR SPEAKER

Mersi Anbasader Faure.  Petet nou pou annan zis en pti koreksyon, mon ti ankor pe esper Clerk ek Deputy Clerk confirm serten keksoz.  Anbasader zis pou met keksoz drwat.

An juillet swivan plenyer SADC PF, mon ti revwar mon kot Prezidan, kot mon ti bref li avan i ti al submit meeting Tanzania.  E rapor ki mon’n gannyen avek SADC PF, se reprezantan Sesel avan Head of State Meeting, pa ti fer okenn entervansyon lo sityasyon Sesel, langazman ki wi ou ti fer an 2018,  kot pou prepar bann Heads of States.  E dan meeting Heads of States an vi ki Prezidan pa ti’n ganny prepare, nou ti napa okenn mansyon de lapar Sesel.  E Sesel ti sorti komann enn bann pei ki ti pe ganny regarde,  eski vreman son sipor pou sa transformasyon i ankor 100 poursan?  Se sa en pti pe ki mon’n gannyen.  E la mon vwar i annan en korespondans pou nou anvoy kot Sekretarya SADC PF.  E sa i date Oktob, mwan pase.

Sa osi tou mon lofis oubyen menm desk officer pou SADC PF kot Lasanble Nasyonal nou pa in copy.  So nou pa konnen vreman kwa ki i pe arive.  I annan en prosen SADC PF Plenyer ki pe fer an Desanm, ki’n fini ganny konfirmen.

So nou pou war nou whoever ki ale, ki al reprezant Lasanble Nasyonal ankor, ki nou pa vreman konnen ki pozisyon.  Se sa ki mon pe sey fer kler la.  Akoz mon annan kopi ou let la, Anbasader, date le 14 Oktob, ki fer referans avek en lot let ki’n sorti depi li 8 Fevriye 2019.

Me mon napa.  I am not in copy, mon kapab confirm sa.  Aparaman ou annan 2 korespondans.  E eski Lasanble ti ganny copy sa?  Wi, ok nou ava sey fer en swivi, me mon pa okouran, ok?

Me, non, nou pou, mon krwar nou pou bouze, nou pou bouze, i annan serten keksoz ki nou bezwen fer, nou ava fer swivi apre ant mon Lofis avek Lofis Anbasader Faure.  E lo kote IAC osi tou nou ava fer swivi.  Zis nou ava fer sir ki sa laliny kominikasyon i kapab ganny mentenir.  E nou kapab bouze.

Akoz definitivman enn i ed lot.  E nou bann MNAs ler nou bouze, nou al lo Misyon, nou bezwen sipor Foreign Affairs.  E nou bezwen parey Anbasader i dir, nou bezwen en aide mémoire.  Mon al IPU Serbia, mon pa’n gannyen en aide mémoire.  Me granmersi mon pa’n rantre dan en sityasyon anbarase.

Deputy Clerk ti akonpanny mwan, e granmersi pa mwan ki’n konmans konversasyon.  Me Speaker Serbia, e mon’n zis – wi.  Mon pa konnen si request ti’n vini.  Me, ok, me petet ou devret, nou devret anvoy en request, nou devret anvoy en request.

Me mon pa pou la dan plis detay.  Be nou ava sey fer mannyer parey mon dir, nou kit sa laliny kominikasyon ouver ant Lasanble avek Foreign Affairs.  Yes, Onorab Ferrari.

 

HON JEAN-FRANCOIS FERRARI

Mr Speaker unless VP ti annan keksoz pou li dir, mon ti a kontan fer proposal for  a vote.

 

MR SPEAKER

Non.  Go ahead.

 

HON JEAN-FRANCOIS FERRARI

Oubyen mon a les laparol avek VP apre mon ava fer en proposal for a vote.  Pou nou pran en vot.  Ki ou mazinen?

 

MR SPEAKER

Non, be fer ou proposal, VP pou zis dir 2 pti mo avan nou pran  head  of sa Departman.

 

HON JEAN-FRANCOIS FERRARI

Ok, mersi.  Mr Speaker mon ti a kontan ki nou pran en vot pou nou apropriye la sonm pou Departman Foreign Affairs, pou en sonm R115,662milyon minus R1.9.14 ki ganny sispann e ganny tenir anba gidans PS Finans, pou nou an atandan en audit, performans audit lo bann Lanbasad Sesel aletranze.  Mersi Mr Speaker.

 

MR SPEAKER

Eski ou pe dir nou freeze sa amount?

 

HON JEAN-FRANCOIS FERRARI

Yes sir.

 

MR SPEAKER

Nou freeze sa 1.9 ki – ? Ok?

 

HON JEAN-FRANCOIS FERRARI

Yes Sir.  Mersi.

 

MR SPEAKER

Until audit i -?  Dakor?   VP.  Vis-Prezidan laparol i pou ou.

 

THE VICE-PRESIDENT  MR VINCENT MERITON

Mr Chairman mersi.  Mwan mon ti oule zis montre lapresyasyon ki deba Bidze in permet kapab akoursi en ta zistans ki’n annan.  E sa meeting midi in permet tou lede kote kapab vin ansanm.  E tonm lo serten lagreman pou nou kapab bouz devan.

Tou lede kote latab in met bann pwen ki valab.  Nesesite i la, mon pa oule repas lo la.  Me nou aksepte propozisyon en lodit.  E en rapor preliminer.   E avan ler nou pran en vot, mon ti a kontan ki si nou pran sa propozisyon ki ou’n dir, me nou pa freeze li, nou les sa lodit ganny fer.

E the first quarter nou vini avek en rapor pou nou konsider tou sa ki’n ganny fer, pou nou kapab apre bouz devan.  Mon krwar i ava en sans pou nou kapab bouz devan, ki tou lede kote i sorti win-win – i happy.  Mersi Mr Chairman.

 

MR SPEAKER

Yes Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon krwar dan lentere oversight –  e mon ti fer sa pwen dan meeting ki par ler nou anba presyon, nou bouz en pe pli byen, en pe pli vit.  So mwan mon ava mentenir ki nou ti a kontan ki sa porsyon R1.91.4 milyon i ganny frozen.

E i la li.  Personn pa ganny tante pou al fer okenn keksoz avek.  Minister Departman i imedyatman kick-off o pli vit posib sa lodit.  The earlier nou’n fini, the better it is for everyone.  E Lasanble i ava’n fer son travay formidab, oversight.  Mersi Mr Speaker.

 

MR SPEAKER

Mersi.  Onorab ou’n ganny en sans pou koze – okVP, propozisyon?  Freezing i pa vedir ki sa Bidze i ganny voted down – sa amount.  Nou’n vwar plizyer Bidze ki ti ganny freeze, plizyer part budgets ki ti ganny freeze, e FPAC in release pandan lannen.

VPIt’s a way forward.  1.9million i tenir anba sipervizyon Minister Finans until the audit.    Apre Lasanble i repran en desizyon.  Sa i ganny pran, Vis-Prezidan pou ou lenformasyon, i ganny pran dan en meeting FPAC avek Finans.   E apre FPAC i raport avek Lasanble Nasyonal.  Pou dir sa amount i ganny unfreeze.  Vis- Prezidan.

 

THE VICE-PRESIDENT MR VINCENT MERITON

Mr Chairman mersi.  E mon krwar en propozisyon in ganny met lo latab.   Mon’n met en counter proposal.   Be selman mon’n war ki i annan serten lensistans.  E annou sey travay dan sa lankadreman la ki pe ganny dir.

Nou annan tou volonte pou kapab fer sir ki sa ki nou pe fer i byen.  Nou napa nanryen pou kasyet.  E nou ava proceed.  Mon ti ava’n prefere, sa opsyon ki mon ti’n dir be selman annou gete ki nou kapab fer.  Mersi Mr Chairman.

 

MR SPEAKER

Ok.  Pou segonn sa- ok? Onorab Afif,

 

HON AHMED AFIF

Mersi Mr Chairman.  Mr Chairman mon ti a kontan segonn sa propozisyon ki’n ganny mete, ki sa Bidze Minister Zafer etranzer ki R115, 662milyon, i ganny redwir par 1,914milyon ki pou fer ki nou pou aprouv, 113, 748 pou spending me selman larestan i egalman aprouve, me frozen.

 

MR SPEAKER

Mersi Onorab Afif.  Bon nou pou pran –

 

(Off-Mic)

 

MR SPEAKER

Onorab ou’n ganny sans koze.  Nou pe la pran en vot, mon pa pe rantre dan deba ankor.

 

(Off-Mic)

 

MR SPEAKER

It’s not a Motion.  It’s not a Motion.  In segonn en propozisyon, en propozisyon ki’n ganny fer avek sa budget head, ki nou pe vot lo sa amount mwens 1.9milyon ki ganny tenir parey nou’n fer avek lezot budget lannen pase.  I pa pe retire sa amountYes Onorab Pillay.

 

HON SEBASTIEN PILLAY

Mr Chair avek tou respe pou bann koleg lo lot kote, ler ou pe retir sa sonm and you are voting on a final total, that’s what the line gets.  I pa gannyen sa sonm an plis.

So si ou pe dir ou oule sispann, you have to vote on the whole budget e la Finans i donn en undertaking pou fer li.  Otherwise si nou pou according to sa ki zot pe propoze, the line itself i reste zis avek sa sonm ki reste.  E no matter sa ki Onorab pou al dir, whether i krwar poudir this will change it.

Dan lepase nou pa’n fer sa.  We voted the whole lineAnd then zot ti dir poudir zot in freeze the sum.  Safwasi i pe dir minus that sum.  So the line is changed.  So mon krwar petet, les Finans eksplik ou Mr Chair, because I am pretty sure I am right lo la.  Mersi.

 

MR SPEAKER

Onorab Ramkalawan.

 

HON WAVEL RAMKALAWAN

Mr Chairman.  Nou pou vot lo sa sonm parey i ete dan Bidze.  Me sa sonm ki’n ganny mete pou Lanbasad Maurice i ganny sispann.  Be sispann sanmenm sa frozen!

 

(laughter)

 

 

HON WAVEL RAMKALAWAN

Ok.   Mwan letan mon koz kreol, mon koz Kreol.  Mr Speaker, Mr Chairman be sa i pa fer premye fwa, mon trouv i drol ki konmsi zot pe azir ki konmsi premye fwa nou fer!

Letan Lasanble i vote, i fer kler avek Minister Finans ki poudir ‘’this amount is frozen!’’  I ganny sispann an Kreol.  Savedir i pa pou ganny depanse, i pa pou ganny depanse.  Pou li kapab ganny depanse, fodre ki zot retourn Minister Finans avek Minister Zafer Etranzer, i vin devan FPAC, nou ganny sa dyalog.  Wi nou vin devan FPAC, nou ganny sa dyalog.  E aprezan se FPAC ki met sa rekomandasyon devan Lasanble Nasyonal pou ki sa sonm i kapab ganny depanse.  Se sa ki nou fer.  I senp.

 

MR SPEAKER

Mersi.  Bon nou pou pran en desizyon.  PS Thesee mon krwar ou’n abitye dan sa sityasyon kot ou freeze serten amount and all that,  nou pou pran en desizyon lo Bidze ki devan nou.  Sa se Bidze R115, 662milyon.

E dan sa amount i annan sa R1.9milyon ki reste anba sipervizyon, ki reste parey in ganny dir, sispann until le 2 Departman, Finans avek Foreign Affairs i retourn devan FPAC e desizyon i ganny pran apre i ganny anmennen dan Lasanble pou release sa amount.  Ok, PS ou ok ek sa?   PS Thesee.

 

PS DAMIEN THESEE

Mersi Mr Chair.  Wi mon konpran.  Mersi.

 

MR SPEAKER

Wi, mersi.  Bon Lasanble Nasyonal in ariv dan en pozisyon pou pran en desizyon lo Bidze pou Departman Zafer Etranzer ki trouve lo paz 42 ziska paz 48, pou en sonm R115, 662milyon.

Me avek en kondisyon ki sa 1.9 milyon ki an zwe, ki pou sa Lanbasad, louvertir Anbasader lanbasad Maurice i ganny, pou donn freeze or what, i ganny freeze until further notice, I would say, ok?  E sa sonm i form par nou Schedule, sa Schedule.

E mon ava demann tou Manm ki an faver?  Okenn Manm ki kont?   Madanm Clerk.

 

MADAM CLERK

Mersi Mr Chair.  Mon’n rikord 29 Manm ki’n vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pou Departman Zafer Etranzer avek kondisyon ki’n ganny pran atraver sa vot in ganny aprouve par Lasanble Nasyonal.  Bon avek sa mon ti a kontan remersi Anbasader Faure, Sekreter Prensipal Dr Confait.  Ms Cesar, Mrs Gertrude, Ms Ernesta, Mr Jacques Belle e osi dan tou sa bann konfizyon mon’n oubliy bann lezot zofisye ki ti anler dan Galeri.  E i annan Ms Amanda Padayachy, ki Direkter Zeneral pou International pou Corporation and Regional Integration.  Ms Pamela Payet, Technical Advisor to the Secretary of State.  Ms Myrna Hoareau Principal Counsellor Public Diplomacy.  E Ms Jemma Simeon Principal Counsellor.  Mersi bokou.  Non mon pa’n ganny son tit. Me mon respekte si son tit i Doctor.  Mon prezant mon leskiz.  Mon ti a kontan remersi zot, e nou ti ava eskiz zot osi parmi nou.  SS ankor enn fwa mersi bokou.

 

(SS BARRY FAURE AND HIS DELEGATION WAS EXCUSED FROM THE HOUSE)

 

MR SPEAKER

Bon nou ava kontinyen nou travay avek prosen head ki deza la pe espere.  Sa se Departman pou Lendistri Lantreprenarya. Eski Vis- Prezidan, PS zot oule en pti break 15 minit?  PS?  Mon konnen PS i en pti pe parey mon li, nou kapab travay 24 lo 24 non?

Ok, bon nou pran en break, nou ava retournen 4.30.

 

(BREAK)

 

 

DEPARTMENT OF INDUSTRY AND ENTREPRENEURSHIP DEVELOPMENT

 

 

MR SPEAKER

Bon nou ava kontinyen nou travay devan nou annan Department of Industry and Entrepreneurship Development.  PS zis gid nou lo price and budget amount.

 

PS DAMIEN THESEE

Mersi Mr Chair.  Pou Departman Lendistri e Devlopman Lantreprenarya i lo paz 66 pou en sonm R4.4milyon.  Mersi.

 

MR SPEAKER

Mersi PS.  Bon mon ti a kontan zis dir bon apre midi e welcome PS Ms Angelique Antat, Ms Stephanie Larue ki i Policy Analyst, Ms Aisha De Comarmond ki Senior Monitoring and Evaluation Officer, Ms Camilla Hoareau ki Administrative Assistant yes mon krwar setou e nou touzour dan konpanny Vis- Prezidan, PS Thésée, Ms Tamatave e Ms Coopoosamy.  Okenn Manm ki oule?  Yes nou ava konmans avek Onorab Loze.

 

HON JOHAN LOZE

Mersi Mr Speaker.  Mr Speaker mon ti pe zis rod en leklersisman lo en keksoz ki nou fek fer.  Mon annan Public Management Act devan mwan.  At some point  diran deba Bidze, mon ti a kontan si PS ti a kapab eklersi mwan egzakteman ki bor dan sa akt sa zafer freeze i trouve ?

 

MR SPEAKER

Non, non Onorab. Onorab.  Sorry out.  Out.

 

HON JOHAN LOZE

Mon zis anvi asir mon lekor ki mon pa pe fer en keksoz  ilegal.

 

MR SPEAKER

Non sorry –  i out –   I out ok.  Petet Onorab si ou ti’n swiv travay Lasanble menm  depi 2016, i drwa i responsabilite Lasanble pou li analiz bann budget heads e i kapab. Nou servi sa term ‘’freeze’’ zot kapab fer sa e sa in ganny aksepte depi 2016.  E sa i ganny fer i pa anpes sa Minister travay, me serten part zot Bidze i ganny tenir.  Nenport mo ou kapab servi freeze, hold, sispann and so on i ganny fer e an mezir ki letan i ale rankont i ganny fer avek sa Departman oubyen sa Minister avek Komite Zafer Finans dan Lasanble ek Minister Finans e bann desizyon i ganny pran fir  an mezir.  Ok?  Nou pa pe kontinyen dan sa laliny ok?  Kestyon pou Departman Lendistri.  Ok nou a konmans avek Onorab Egbert Aglae.

 

HON EGBERT AGLAE

Mr Speaker.  Bonn apre midi Minis avek ou delegasyon devan.  Mon premye kestyon i konsern anvi ki Bidze pou Lendistri i en pti Bidze, me selman dan zot manda ler mon pe gete i annan en gran rol en katalis pou promosyon bann lendistri ek bann pri entrepreneurship mon ti a kontan demande an vi ki zot bann achievement ki zot in fer resorti kot i konsern bann incentive sa bann entrepreneurship  la, ki zot pe fer en  pti pe an plis?  Akoz ozordi bann zenn entrepreneur i war zot dan bann difikilte, sirtou pou zot kapab sustain epanouisman zot biznes e menm ganny akse avek kapital pou zot grosi.

Alor mon ti a kontan konnen ki zot pou fer an plis ankor, pou kapab sipor  sa bann lendistri, bann zenn antreprener ki debourye?  Mersi.

 

MR SPEAKER

Mersi Onorab Aglae.  PS Antat.

 

PS ANGELIQUE ANTAT

Mersi Onorab pou ou kestyon.  Mon ti a kontan dir tou dimoun a lekout bonn apre midi.  Petet si zot a permet mwan, mon a donn zot en pe background lo ki roll Departman e ki nou pe fer e ki nou anvizaze fer.  Bon Departman Lendistri ek Lantreprenarya i responsab pou met an plas en lankadreman zeneral, ki ogmant kapasite prodiktivite diversifikasyon e standar biznes Seselwa spesyalman bann ki pti.  Tre resaman  zot ti prezant ek sa Lasanble en Prozedlwa pou etabli Lazans Antrepriz Sesel ouswa ESA en Lazans gouvernmantal ki enplimant Polisi nou Departman kot i konsern provizyon servis devlopman pou bann mikro pti e mwayen antrepriz.  Zot ava rapel ki atraver sa Prozedlwa nou ti met an plas en definisyon pou mikro pti e mwayen antrepriz.

Parey i le ka avek ESA  e lezot Polisi lezot Polisi Scheme ouswa Lalwa ki nou met an plas i ganny  enplimante par Lazans ki relevan avek sa Polisi tel ki Biro Standar Sesel ouswa Industrial Estates Authority.  I enportan note ki nou Departman i asire ki tou nou Polisi i pas atraver en sistenm swivi, pou mezir zot lefikasite pou ki nou kapab pran aksyon kot i neseser.

Lo kote Polisi Lendistri nou pe met plis lanfaz lo prodiksyon ouswa valer azoute ki ganny fer lokalman, e pou ede ki nou biznes lokal i bouz rezyonal ouswa enternasyonal.  Aktyelman nou pe finaliz Polisi Seychelles Made  ki ava donn nou prodwir lokal dan sak sekter nou lekonomi son valer ki i merite avek en label ki pou kapab idantifye zot parmi bann prodwir enporte oubyen menm aletranze.  Nou’n osi drafte en Scheme ki pou ede promouvwar lavant nou prodwir lokal aletranze.

Nou propozisyon ki’n ganny fer an konsiltasyon avek sekter prive, in ganny soumet kot Departman Finans e Departman Komers pou zot komanter.

Souvandfwa nou koz lo bann defi ki nou pei i pas ladan.  En antreprener i ganny dekrir konman en dimoun ki rezourd sa bann defi ;- ki swa dan son kominote dan pei ouswa dan lemonn.  Lamazorite bann antreprener zot anmenn bann biznes ki pa ankor deza ganny entrodwir.  E parey ou’n dir sa i normalman i sorti kot bann zenn, akoz zot nou konsider zot konman bann dimoun ki pli inovatif ki bann dimoun ki la tradisyonnelman pe fer biznes.

E zot ava dakor ki i vreman krisyel, vreman enportan ki nou siport sa bann biznes inovatif, akoz i zot ki anmenn rannman plis rannman dan pei.  Konman Departman ki get dan devlopman lantreprenarya nou formil bann Polisi ki promouvwar lantreprenarya.  Parey zot in war sa pti booklet i enn nou konmansman pou konmans enkilke en kiltir lantreprenarya espesyalman dan nou bann zenn.  Nou anvi ki nou pep antye i swiv zot pasyon, devlop zot konfyans e determinasyon ek perseverans pou etabli e mentenir zot biznes, spesyalman bann zenn.

E nou pe get plis bann ki inovatif e ki pou adres en mankman dan pei.  Nou’n fini demar en kolaborasyon avek Nasyon Ini pou nou devlop en kad lantreprenarya ki ava ed nou devlop en lanvironnman ideal pou bann lantreprener.  Sa pou enkli revwar nou sistenm permisyon pou bann biznes inovatif, revwar nou sistenm ledikasyon pou pran kont lantreprenarya, entrodwir incubators e lentrodiksyon nouvo kalite form finansman tel ki ;- Angel Investment, Venture Capitalist pou bann biznes inovatif ki laplipar labank tradisyonnel pa pe ofer akoz nivo risk ki i vin avek en biznes inovatif.

An se moman nou dan staz personnaz avek sekter piblik prive e academia lo sityasyon lantreprenarya dan pei.  Sa lannen osi swivan en demann sorti kot nou Departman, Nasyon Ini in aprouve pou prodwir enn zot bann progranm ranforsisman kapasite.  I apel EMPRETEC e ki pe fer sikse globalman.  Sa progranm i baze lo servi konportman en endividi pou devlop son potansyel lantreprenarya.

Nou napa dout ki sak Seselwa i annan en talan, e parkont bokou zot, zot pa konnen zot annan sa talan, oubyen zot pa konnen ki mannyer pou devlop sa talan.  E sa i parmi bann zenn.  Alor sa progranm i ava ed zot pou vin antreprener e an retour ed nou pei redwir sityasyon petet lasistans sosyal.

I pli difisil pou sanz mindset en dimoun ki deza dan biznes, ki enn ki pe al antre biznes e la nou pe get plis bann zenn ki nou pe get bann ki deza dan biznes.  Me nou Departman i kontinyelman rod fason pou sansibiliz tou Seselwa san eksepsyon.  Nou le profit sa lokazyon pou felisit Mr Peter Roselie ki avek son lekip pe fer en louvraz fantastik kot i konsern met en revolisyon dan lantreprenarya dan pei e osi bann lezot asosyasyon bann zenn espesyalman parey SIAD ki pe fer bokou pou fer ki nou bann zenn i antre dan lantreprenarya.

Nou pe met plis lanfaz parey ou’n war lo bann zenn anvi ki zot pe pran labar biznes dan lefitir.  Se pou sa rezon ki sa lannen nou entrodwir en konpetisyon lantreprenarya o nivo lekol.  Nou konfidan ki sa linisyativ i ava ed sa bann partisipan ensi ki zot koleg lekol, pou konmans annan sa labitid lantreprenarya tre boner.

Nou bann lezot progranm sansibilizasyon pou demare pandan lasemenn global pou lantreprenarya semenn prosenn, e nou konsantrasyon pou plis lo promouvwar bann lantreprenarya e diferans ant en dimoun ki pe antre dan biznes e en antreprener.  Zot ava war dan sa booklet sa bann keksoz ki nou pe koz lo la.  I annan bokou lezot Polisi ki nou Departman pe travay lo la e nou travay lo la tel ki alokasyon later ansanm avek IEA, nou’n osi pibliy bann booklet ‘’5 Steps  to starting your business,’’  pou fer li en pe pli senp, pli fasil pou dimoun konpran bann prosedir.

Nou’n pibliy en booklet lo tou bann incentives ki pou bann mikro, pti e mwayen antrepriz.  Tousala nou’n fer an kolaborasyon avek Lazans Antrepriz Sesel.  E parey mon ti mansyonnen yer pandan deba Enterprise Seychelles Agency, nou pe konmans travay lo en stratezi kot dan plas donn en dimoun en sel bout later pou li tousel, nou ava met bann striktir batir bann striktir parey bann containers kot nou kapab benefisye 15 a 20 dimoun.  mon krwar mon reponn kestyon Onorab.  Mersi.

 

MR SPEAKER

Mersi PS.  Onorab Aglae.

 

HON EGBERT AGLAE

Mersi mon krwar ou’n elabor ase profon.  En konsern ki mon krwar lemonn osi pe fer fas avek se ki,  bann konsern lide inovatif e kot nou’n war osi bann zenn ki’n eksplik sa bann konsern, ki dir poudir zot mank serten proteksyon ;- ler zot vin ek serten lide zot napa resours i tarde pou devlope, zot kapab menm in soumet devan serten Lotorite, me apre zot lide i ganny pran.  So zot napa en proteksyon.  Parey sa ki nou apel ‘’Debutant Right’’ eski nou kapab at least pou sa bann zenn sirtou ki pe ekoute, ki mannyer zot kapab fer pou en lide ki bon – zot pe vin avek devan me ki resours pa ankor antre, pou zot ganny serten proteksyon ki lot pa pas deryer pou pran sa lide li son rev i ganny brize.  Mersi.

 

MR SPEAKER

Mersi Onorab.  PS.

 

PS ANGELIQUE ANTAT

Mersi Mr Chair.  Mersi Onorab pou ou kestyon.  Sa i vreman enpotan akoz nou ganny bokou zenn antreprener ki’n antre dan lofis kot nou.  E zot in eksprim sanmenm sa bann konsern avek nou.  Nou le zis enform zot ki nou lo sa Komite Intellectual Property Rights Committee ki pe ganny lead par Departman Komers e sa bann konsern in fini met dan latansyon.  E nou pe rod fason pou ki nou kapab rod en solisyon pou ki zot kapab at least ganny sa larzan pou kapab secure zot lide.  E sa i en travay ki ongoing e mon ava update zot next time kote nou arive ek sa travay.  Mersi.

 

MR SPEAKER

Mersi PS.  Onorab Gervais Henrie.

 

HON GERVAIS HENRIE

Mersi Mr Chair.  Mon pou demann en kestyon ki spesifikman annan pou fer avek Bidze, pou nou pa gaspiy tro bokou letan.  Lo latab 3 bann endikater performans mon war poudir mank en pe lanbisyon la – parske kantite biznes ki pou servi sa label ’Made in Seychelles’’ nek 2021 (10) i mank en pe lanbisyon e apre li menm li sa Polisi mon war konmsi in pran en pe tro lontan pou aprouve, akoz si nou pe donn zot en Bidze nou pe espekte zot anmenn bann rezilta pli performan, dan en dele letan pli kourt.  Nek 2020 ki i pou ganny aprouve.  Malgre PS i dan son pozisyon depi an Zanvye 2019 e nek 2021 ki pou ganny enplimante.

So mon oule i eksplik nou en pti pe rezondet  zot latab 3?  Menm ler nou pe get kestyon reveni ki nou ekspekte avek eksportasyon, nou war poudir i konstan 406milyon.  Nek 2021 ankor ki zot pe espekte en logmantasyon.  Donk si i kapab donn nou en leksplikasyon sa, si vreman zot annan kapasite pou fer sanzman pou Sesel?  Mersi.

 

MR SPEAKER

Mersi Onorab.  PS.

 

PS ANGELIQUE ANTAT

Mersi Onorab pou ou kestyon.  Ler nou get sa Polisi ‘’Seychelles Made’’ i plis en Polisi ki en pti pe plis patriyotizm ki i en Polisi ki fer reveni.  Akoz nou pe rekonnet, apresye bann prodwir ki ganny fer lokalman.  Me avan ki nou menm kapab vann sa label dan sa fason ki nou anvi vann li, nou bezwen kre en lidantite pou li.  Nou’n al devan Konsey Minis avek nou bann propozisyon, e zot in aprouve ki nou al dan domenn piblik, pou ganny zot komanter lo la.

So nou ganny nou 3mwan avek manm piblik, sekter prive pou donn nou komanter, e le 31 Oktob ti dernyen zour fer komanter. E la nou next step ki nou’n pran swivan komanter eksteryer, nou’n demann avek bann parti prenan pou donn nou zot road map.

Nou annan Enterprise Seychelles Agency;-  nou annan Biro Standar Sesel, nou annan SIB ;- nou annan STB, zot tou zot pou annan en rol pou zwe ladan.  E alors nou le konnen ki zot road map pou ‘’Seychelles Made’’.  E la kot nou pe koze la nou osi pe fer konpetisyon pou idantifye sa logo pou ‘’Seychelles Made’’  e li osi i pou pran li en lot mwan ziska ler nou kapab idantifye.  Mon kapab dir zot poudir nou ganny 32 aplikasyon e la mazorite i bann zenn, e nou mazinen ki an Zanvye 2020 – boner Zanvye 2020 avek komanter sekter prive – sekter piblik avek road map sa bann dimoun bann stakeholders avek sa label nou pe prezant avek Konsey Minis en Polisi en pti pe pli konpreansiv pou zot konpran kote nou pe ale avek ‘’Seychelles Made.’’

Me once  ki i lanse nou kapab dir Polisi i aprouve  an 2020, i pou tou en travay pou met en lidantite deryer sa label li menm.  Savedir nou bezwen konmans fer Seselwa abitye avek sa label – fer etranze abitye avek sa label.  E an menm moman nou pou bezwen travay lo son lankadreman legal, ki mannyer nou pou partaz sa label avek sa dimoun ki sipoze ganny sa label pou li servi.  So i pou en travay ki nou pou bezwen pran letan avek pou ki nou ganny li byen.  E sanmenm sa nou dir plito i pli safe 2021 ki nou konmans donn dimoun sa means pou zot anrezistre, me selman konpanny i konmans an 2020.  Mersi.

Lo size eksport, i annan bokou pou diskite lo la akoz anvi ki pou afekte Bidze reveni, alors sirtou en konsiltasyon ki nou pe fer avek Minister Finans, alors i nou pe konsilte e nou pe met li tentative li an 2021, akoz nou konnen i pou annan en lenpak lo Bidze.  So sanmenm ou war li 2021.  Mersi.

 

MR SPEAKER

Mersi PS.  Onorab Henrie.

 

HON GERVAIS HENRIE

Vitman.  Mersi pou ou lesplikasyon.  Pou with regards to sa ‘’Made in Seychelles’’ label, mon pa konnen si mon war keksoz tro senp, me letan tou sa bann lezot antite pe antre ladan, konmsi mon war li vin en pe tro i konplike, ouswa i pou retard.  Me la letan ou pe koz ek  mwan, mon pe mazinen nou annan 3 prodwir ki demen bomaten nou ti kapab met sa label lo la akoz lemonn i konn zot.

Takamaka Bay si ou pou konmans ek St Andre par egzanp ;- Seybrew ou pe vann dan duty free – departure e nou ton ki pe vann aletranze.  Sa i 3 prodwir ki ou konmans avek e apre ou kapab set up en konpetisyon Nasyonal ki bann lezot prosedir i vini.  I annan en panel ki zize ki dir ‘’ok you’re worth that label’’ nou ale.  2020 roll out.  Mwan mon pe war li osi senp ki sa, me kekfwa zot pe mazin en lot fason.  Mersi.

 

MR SPEAKER

Mersi Onorab.  PS.

 

PS ANGELIQUE ANTAT

Mersi Mr Chair.  Mersi Onorab.  Nou a pran sa an kont ler nou pe finaliz nou Polisi.  Mersi.

 

MR SPEAKER

Mersi PS.  Onorab Waven William.

 

HON WAVEN WILLIAM

Mersi Mr Speaker.  Bon apre midi tou bann dimoun lo panel.  Mr Speaker mon kestyon i konm swivan ;- mon anvi adres sa avek PS Finans an menm tan, avek lot PS mon anvi konpran en pti rasyonnel?  Letan mon pe regard latab 2 mon pe war ki an 2019 the actual budget was 5.88million e the actual was 5,235 e epi in fer en revision ki’n tonm dan 4milyon.

E  mwan mon anvi konnen, akoz ki lannen ki nou pe bidzete nou pa osi petet Minister Finans konsidere fer Lasanble ouswa donn sa lenformasyon konbyen bann diferan Departman ti met devan Minister Finans, an term kwa ki zot pe bezwen an term alokasyon, ki a donn nou en lide pou war e zistifye parfwa bann depans ki ganny fer ?  Akoz ki arive lo latab dan tou bann Departman ki nou’n war pou 2020 zot pa mete  konmsi vreman kwa ki sa bann diferan Departman in mete.  Zis zot mete poudir be sa i budget, me epi nou war lot lannen poudir i annan sa bann revision.

So pou nou i pou bon konnen, akoz parfwa dan zot bann challenges zot dir zot pa’n ganny ase finansman, me selman nou pa vreman konnen konbyen zot ti pe demande.  So sa i pa ganny reflekte.  So mon ti a kontan si PS i kapab donn nou en pti leksplikasyon lo la.  Mersi.

 

MR SPEAKER

Mersi Onorab.  PS.

 

PS DAMIEN THESEE

Mersi Mr Chair.  Si nou a rapel 2018 ti annan serten restriktirasyon ti ganny fer dan Gouvernman, e la,  la Departman Lenvestisman ti retournen  anba en – . I ti fer en PS pou li menm.  So nou ti annan enn sa PS ki ti sorti anba sa Departman la, i ti al dan li menm, e ti annan bann Direkter osi ki ti sorti, ti al anba Lenvestisman.

So basically sa ki’n fer sa rediksyon, akoz reorganizasyon staff dan zot Minister.

Me selman parkont ler mon pe get Bidze, in osi mon krwar in cater pou bann pos evalyasyon – bann pos Direkter e osi bann pos Acting positions pou HR officers, ki ti napa.  So sa i plizoumwen eksplike akoz i annan sa rediksyon ki ou war.  Mersi.

 

MR SPEAKER

Mersi PS Thésée.  Onorab William.

 

HON WAVEN WILLIAM

Mr Speaker mon lot kestyon i en pti pe dan laliny ki Onorab Henrie ti pe fer sorti.  Anba latab 3 program 4 ‘’peformance’’ mon anvi demann avek PS Lendistri konmsi sa target 21, lefe ki mon mazinen zot in zot deza konnen ki bann kalite bann lantrepriz ki pe devlope ouswa bann diferan nivo ki’n arive, e eski ozordi la zot latansyon la zot focus i zis lo 10?  Akoz ler ou pran kont konmsi Mahe, Praslin, La Digue konmsi  mwan parey Onorab Henrie pe dir, konmsi mon war li en pti pe under par konmsi.  Mersi.

 

MR SPEAKER

Mersi Onorab.  PS.

 

PS ANGELIQUE ANTAT

Mersi Mr Chair.  Mersi Onorab pou kestyon.  Ler nou get lafason ki nou pou mezir en dimoun pout  ki nou determin li pou vin ‘’Seychelles Made’’ nou pe dir ki fodre 50poursan son process.  Sa i nou propozisyon ki 50poursan son process i ganny fer lokalman.  I annan bokou lantrepriz ki petet i pa pe meet sa requirement la, so nou pa kapab dir vreman la, kantite ki 50poursan son process i ganny fer lokalman.  Akoz bokou fwa oubyen souvandfwa, nou war ki ler i vin isi zis en pti printing ki ganny fer lo la, and apre zot vann.

So sa i en keksoz ki nou bezwen port latansyon lo la, ler nou pe efektye sa Polisi e se pou sa rezon ki nou met li.  E bann parey Takamaka Bay parey Seybrew nou konnen sa i kapab dir, be larestan nou pou bezwen-.   I tout en seri vizit ki nou pou bezwen al gete pou nou konnen vreman si vre zot pe fer 50poursan zot process dan pei menm.  Mersi.

 

MR SPEAKER

Mersi PS.  Onorab Paul Ernesta.

 

HON PAUL ERNESTA

Mersi Mr Chair.  Mr Chair VP e ou delegasyon e tou Manm koleg Onorab e tou dimoun a lekout bonn apre midi.  Mr Chair letan mon get bann challenges ki bann Departman pe fer fas avek, i annan enn kot i koz basically lo bann difikilte pou ganny bann partner pou kolabor avek bann SMEs.   E nou konnen osi actually avek klima biznes ozordi, bann antreprener ki in konmanse e zot ganny bokou bann konpetisyon.  And then par egzanp mon annan en zenn – en madanm ki dan tekstil ki’n fer vini en gro masin pou li kapab koud ensidswit, me i pa kapab fer perse akoz i annan bann lezot konpetiter ki’n fini etabli e sa i afekte li.

Dan sa konteks ki zot pe fer pou kapab ankouraz sa bann dimoun pou zot kapab kontinyen e reisi dan zot biznes?  Apre boner ou’n koz lo sa size bann zenn.  Nou konnen ozordi bann zenn pou konmans en biznes i bezwen pas partou dan diferan landrwa ki zot anvi initiate en biznes.  Napa en mwayen swa dan zot propozisyon dan lonterm, ki zot pe mazinen ki kapab annan en one stop shop kot sa zenn i vini, i konnen la i vini i fer tou son prosedir e son biznes i konmanse ?

E apre trwazyenmman lo kote sansibilizasyon;- nou mon pa war much ladan ki’n ganny mete atraver kapab zwenn bann antreprener al dan distrik zwenn bann antreprener pou war zot konsern.  Dan plas ki zot reste anba dan biro, pou kapab gid zot dan sa domenn konn zot bann konsern.  E osi sa bann booklet ki zot dir zot annan, akoz pa anvoy en pe dan distrik, ki kapab donn bann administrater ek bann dimoun i gannyen dan distrik?  Mersi Mr Chair.

 

MR SPEAKER

Mersi Onorab.  PS.

 

PS ANGELIQUE ANTAT

Mersi Mr Chair.  Mersi Onorab pou kestyon.  Isi Sesel nou remark en keksoz nou Departman ki i annan menm kalite biznes.  Ouswa i annan bokou, bokou biznes ki pe fer biznes zis pou zot sirviv.  Nou appel sa survivorship e pa entrepreneurship.  Ler nou, nou pe lir  bann literatir lo lantreprenarya, i annan diferan definisyon ;- napa en sel definisyon pou lantreprenarya.  Lantreprenarya son definisyon i sanze baze lo konteks sa pei.

Me ler mon get konteks Sesel, ler nou Departman pe get konteks Sesel, nou war ki vi ki nou tou nou konstaman nou pe koz lo problenm, en antreprener i kapab en dimoun pou kre en biznes pou rezourd en problenm.  E dezyenmman vi ki nou war menm kalite biznes dan pei, en antreprener i kapab ganny war konman en biznes inovatif e i kre en prodwir oubyen en servis ki i pa deza annan dan pei e ki annan en vre demann pou sa prodwir oubyen servis.

Ler mon koz avek bann zenn lo konpetisyon, mon toultan dir zot ‘’there’s no such thing as konpetisyon !’’  Akoz ? Ler ou  diferan avek lezot ou napa konpetisyon.  E sa i lesansyel lantreprenarya.  Akoz ler ou en lantreprener you’re in a league of your own.  Ou kre ou marse, ou pa zwenn marse.  Sa ki enportan.  E sa ki ler nou pe met bann booklet devan bann zenn, dan latansyon bann zenn, nou pe sey ed zot konpran ki ler ou vin en antreprener ou vin diferan, e ou kre ou prop marse ki lezot dimoun pa ladan ;-  pou adres ou kestyon No.1.

No. 2 – one stop shop ;- i vre ki i annan bokou baryer mon krwar Minis Finans in koz lo la dan son repons, kot ‘’Doing business report’’ i pa’n sorti tro byen pou Sesel, me nou parey zot war obor mwan i annan de zenn fiy e larestan mon Departman antye i zis zenn.  Mon krwar laz maksimonm i 34an e zenn i up to 35years of age, so, so nou konnen ki problenm zenn e nou rod fason pou adres problenm zenn.  So sa i dan nou bann aktivite ki nou pe fer.

 

3enm – sansibilizasyon ;-  nou pe travay an se moman lo en stratezi sansibilizasyon.  Akoz ki nou’n remarke zenn pa ekoute radyo.  Zenn pa gete televizyon.  Alors nou bezwen servi bann platform ki zot abitye avek tel ki Facebook.  Parey zot a war nou pas Facebook i vreman aktiv e osi nou servi Whatsapp.  Akoz nou santi ki zenn pa pou al print en gro dokiman pou zot lir.  Zot a prefere lir lo zot telefonn.  Nou servi Instagram.  So nou annan bann fason kominikasyon avek bann zenn ki pou ed zot lir nou bann konteni ki nou annan pou zot lir.  E sa nou fer li pou diferan laz.  I pa zis bann zenn kot i bezwen al lo radyo, i al lo radyo ;- kot i bezwen al lo televizyon i al lo televizyon ;- kot i bezwen al dan ‘’NASYON’’ i al dan ‘’NASYON‘’ or ‘’TODAY.’’  So nou adres pou tou laz dimoun.

4enm – booklet ;- nou pe al fer li i zis ki nou bezwen print ankor en pti pe plis booklet akoz pou le moman nou print zis 500.  So alors nou bezwen print plis.  E i bon ki nou fer li an Kreol e an Angle kot dimoun i a kapab pli byen abzorb sa bann lenformasyon ki nou pe met dan sa booklet.  Mersi.

 

MR SPEAKER

Mersi PS.  Bon nou napa ankor okenn lezot Manm ki pe entervenir, nou’n ariv en pozisyon pou nou pran en vot lo Bidze pou Departman Lendistri Lantreprenarya ki trouve lo paz 66 ziska paz 68 pou en sonm R4,490milyon ki form par sa schedule.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  21 Manm in vot an faver.  E personn kont.  Mersi.

 

MR SPEAKER

Mersi savedir Bidze pou Department of Industry and Entrepreneurship Development pou lannen 2020 in ganny aprouve par Lasanble Nasyonal.  E mon ti a kontan dir mersi e eskiz PS Antat, Ms Larue, Ms De Comarmond e Ms Hoareau parmi nou.

 

 

(THE  DOIED DELEGATION WAS EXCUSED FROM THE HOUSE)

 

MR SPEAKER

Nou pou kontinyen nou travay pou regard lezot portfolio lezot heads ki anba VP’s office pou ki nou pa pe enterakte avek pou nou pran bann desizyon.

Bon nou ava ganny gidans avek PS Thésée.  PS.

 

PS DAMIEN THESEE

Mersi Mr Chair.  Nou annan 3 lezot Departman osi Lazans ki pa’n ganny kriye pou anba VP’s portfolio pou vin devan Lasanble, so mon pe demande pou pran en vot pou sa 3 lezot Lazans.  Mersi.

 

MR SPEAKER

PS zis donn nou enn par enn please.  Si ou kapab donn mwan osi tou bann paz ki zot lo la, konmansman ziska finisyon apre the amount.

 

        NATIONAL INSTITUTE OF SCIENCE TECHNOLOGY AND INNOVATION – (NISTI)

 

 

PS DAMIEN THESEE

Premyerman nou annan National Institute of Science Technology and Innovation – NISTI lo paz 74 pou en sonm R9,342milyon.  Mersi.

 

MR SPEAKER

9,342milyon ok?  Bon nou Lasanble pou pran en desizyon lo vot pou NISTI – National Institute of Technology and Innovation ki trouve lo paz 74 pou en sonm R9.342milyon e ki form par sa schedule.  Mon a demann bann Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair.  19 Manm in vot an faver.  E personn kont.  Mersi.

 

MR SPEAKER

Mersi Madanm Clerk savedir vot pou NISTI pou lannen 2020 in ganny aprouve par Lasanble Nasyonal.  PS Thésée.

 

 

 THE BUREAU OF STANDARDS SEYCHELLES – (SBS)

 

PS DAMIEN THESEE

Mersi Mr Chair.  paz 85 pou Biro Standar Sesel – SBS pou en sonm R22,441milyon.  Mersi.

 

MR SPEAKER

Mersi PS.  Bon nou pou pran en vot lo Bidze pou Biro Standar Sesel.

 

PS DAMIEN THESEE

Eskize Mr Speaker.  i 24,441.  Mersi.

 

MR SPEAKER

Mersi PS.  Bon nou pran en vot pou Biro Standar Sesel ki trouve lo paz 85 pou en sonm R24,441,000milyon e ki form par sa schedule.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair.  19 Manm an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pou Biro Standar Sesel pou lannen 2020 in ganny aprouve par Lasanble Nasyonal.  PS.

 

 

INFORMATION COMMISSION

 

PS DAMIEN THESEE

Mersi Mr Speaker.  Dernyen lo paz 92 Information Commission pou en sonm R3.764milyon.

 

MR SPEAKER

3.784?

 

PS DAMIEN THESEE

3.764.

 

MR SPEAKER

Bon nou ava pran en vot pou Information Commission pou son Bidze ki trouve lo paz 92 en sonm 3,764milyon e ki form par sa schedule.  Mon a demann tou Manm ki an faver?  Okenn Manm ki kont? Madanm Clerk.

 

MADAM CLERK

Mersi Mr Chair.  19 Manm an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pou Information Commission pou lannen 2020 in ganny aprouve par Lasanble Nasyonal.  Ok PS nou’n fini avek tou bann heads anba portfolio VP apard DICT ki nou ava kontinyen koze pou nou regarde ki mannyer nou pou bouze avek.

Bon avek sa mon ti a kontan remersi premyerman Vis-Prezidan pou vin pas sa detrwa zour avek nou sa semenn, pou nou kapab diskit bann Bidze ki tonm anba ou responsabilite.

PS Damien Thésée, Ms Tamatave, Ms Coopoosamy e byensir mon remersi tou bann Manm Lasanble, tou bann dimoun ki’n swiv travay Lasanble pandan sa semenn e ankor en gro mersi pou SBC pou ed nou pou kapab transmet sa travay.  Mon a dir osi tou mersi Sekretarya Lasanble, pou donn nou sa sipor.  Me avan nou adjourn nou pou retourn Mace dan plas pou nou al dan Committee of the whole House.

Lasanble Nasyonal pou kontinyen son travay Lendi, Mardi.  Merkredi le 20 nou pou annan en pti enteripsyon bomaten i pou the ‘’International Day of the Child’’ kot parey nou deza fer en fwa dan lepase pou annan en zanfan ki pou vin dan Lasanble ki pou vin asize devan e ki pou vin fer en pti ladres avek Lasanble Nasyonal.  Probableman en 20 minit en 30 minit. me apre nou ava kontinyen avek nou travay.

E avan nou adjourn mon ava donn laparol PS zis pou donn nou en pti update lo bann heads ki nou pou pran Lendi.  PS.

 

PS DAMIEN THESEE

Mersi Mr Chair.  Lendi nou annan Zidisyer, Lezislatif, Seychelles Media Commission, Seychelles Broadcasting Corporation avek Anti- Corruption Commission.  Mersi.

 

MR SPEAKER

Mersi PS.  E ankor enn fwa mont i a kontan remersi tou dimoun.

E Lasanble i adjourn e nou repran nou travay Lendi 9er bomaten.

 

 

(ADJOURNMENT)