::
Home » Verbatim » 2019 » Verbatim Thursday 14th November, 2019

Verbatim Thursday 14th November, 2019

NATIONAL ASSEMBLY OF SEYCHELLES

Thursday 14th November, 2019

The Assembly met at 9am

National Anthem

Moment of Reflection

Mr Speaker in the Chair

 

DEPARTMENT OF FOREIGN AFFAIRS

MR SPEAKER

Bonzour tou Manm Onorab.   E bonzour tou dimoun ki a lekout e pe swiv travay Lasanble Nasyonal.  Bomaten nou pour kontinyen avek nou travay lo diskisyon lo bann diferan Heads ki dan Bidze 2020.  E ozordi nou pour pran bann Departman ki tonm anba Lofis Vis-Prezidan.  E bomaten nou pour komans avek Departman Foreign Affairs.  Mon ava demann parliamentary reporter pour apel Vis-Prezidan avek son delegasyon, pour fer rantre Vis-Prezidan.

Bon mon ti a kontan zis avan nou komanse.  Mon ava zis demann Sergeant pour move Mace pour nou al dan Staz Komite.  Mersi Sarge.  Mon ti a kontan dir en bonzour e welcome pour Vis-Prezidan, Mr Vincent Meriton ki bomaten i pour parmi nou.  Anfen pandan sa lazournen i pour parmi nou pour nou kapab diskit bann Bidze bann Departman ki tonm anba son portfolyo.

E bomaten nou annan-parey mon’n anonse.  Nou annan Departman pour Zafer Etranzer.  E Vis-Prezidan i ganny akonpannyen par Secrétaire D’état, Anbasader Barry Faure.  Sekreter Prensipal, Dr Marina Confait.  Financial Controller Ms Floria Cesar.  DG, HR e Budget Management e Administration.  Mrs Doreen Gertrude.  Director General for Foreign Policy Division.  Ms Lindy Ernesta.  Mr Jacques Belle ki Direkter pour Protocol, Consular Affairs & Maritime Affairs Division.  E Ms Amanda Padayachy ki DG Internal Corporation Regional Integration Division.

Nou osi tou touzour dan konpannyen Mr Damien Thesee.  Sekreter Prensipal pour Finans, Ms Irene Croisee ki Comptroller General.  E Ms Nellie Coopoosamy ki Director pour Public Budget Management.  Vis-Prezidan avek ou delegasyon ankor enn fwa bonzour e welcome dan Lasanble Nasyonal.

Nou ava komanse toudswit avek bann Manm ki oule poz kestyon pour Departman Zafer Etranzer.  E ankor parey toulezour mon dir annou sey otan posib fer nou kestyon kourt e presi.  E mon ava demann panel osi tou pour donn bann repons ki presi e bref.  Nou ava komans avek Onorab Waven William.

 

HON WAVEN WILLIAM

Bonzour Mr Speaker.  Bonzour Vis-Prezidan avek ou Delegasyon.  Bonzour tou Manm piblik ki a lekout.  Mr Speaker mon 2 kestyon i konm swivan.

Premyerman mon ti a kontan demann Vis-Prezidan, ouswa nenport Manm lo panel.  Pour donn nou rezon det desizyon pour al ouver en nouvo Lanbasad Maurice.

E dezyenmman mon ti a kontan ki zot eksplik nou en pti pe lo latab 4.  An relasyon avek the new Service Scheme pour bann Diplomatic Cadre ki baze ki baze aletranze.  Pour donn nou en pti pe bann detay, pour nou vwar en pti ki vreman bann sanzman ki’n arive, pour asir nou ki sa bann sanzman i pour fer lavi nou bann frer ek ser Seselwa ki travay dan bann Lanbasad Sesel aletranze ki fer zot lavi en pti pe pli eze.  Mersi.

 

MR SPEAKER

Mersi Onorab.  Avan mon donn parol Vis-Prezidan.  Zis pour gid zot.  Nou lo paz 42 ziska 48.  E sonm ki pe ganny allocated pour Departman Foreign Affairs i R115, 662milyon.  Vis-Prezidan la parol i pour ou.

 

THE VICE-PRESIDENT MR VINCENT MERITON

Mersi Mr Chairman.  Mersi tou bann-bonzour tou bann Manm Onorab.  Mr Chairman rezon det pour ouver en Lanbasad Maurice.  I vin avek en nouvo lapros Diplomatik ki nou pe pran.  En lapros pour promouvwar en bon vwazinaz avek bann pei dan larezyon.  Ranforsi nou langazman lo nivo rezyonal e enternasyonal.  E en raprosman avek Maurice.

Mr Speaker sa Misyon Diplomatik pour kouver Madagascar, La Reunion, Comores ki bann pei kominote Frer Komisyon Losean Endyen.

E sa Lanbasad pour osi-fodre fer sorti ki dan Maurice i annan 16 Lanbasad.  E ladan Lanmerik, Australie, Bangladesh, Sid Lafrik, Linyon Eropeen.  E nou prezans ki sak sa bann Lanbasad i ete, i enportan pour ranforsi diskisyon, dyalog.   E lo teren ler i annan bann size kot bann Seselwa i enplike.  Par egzanp bann servis Konsiler e ot.

Nou prezans fizik i a permet ranforsi nou Linyon avek bann Zil dan Larezyon.  E promouvwar ranforsi bann progranm ki nou annan enter rezyonal.  Par egzanp Lalyans Zil Vanille.

Mr Speaker Maurice i en Hub Rezyonal pour plizyer Lorganizasyon la COI ki Sesel i chair.  Pour sa 1an nou pe al rann Prezidans lafen sa lannen.  IORA ki tous 32 pei.  IOM, UNDP, e Commonwealth Climate Access Fund.

Mr Speaker prezans- nou prezans Maurice pour ede kapab ranforsi nou relasyon avek sa bann lorganizasyon.  E permet nou akse plis sipor ki i annan avek sa bann lorganizasyon i donnen.

Dan COI La France, Madagascar i annan Lanbasad.  Tandis ki Comores ek Sesel i annan Konsila.  So nou oule ranforsi nou prezans Maurice.

        IORA;-  I annan plizyer Lanbasad reprezante Maurice tel ki Australie parey mon’n dir.  Lenn, Bangladesh, Sid Lafrik e Madagascar.  E bann pei swivan i annan Konsila;-  Comores, Allemagne, Indonesie, Mozambique, Oman, La Tanzanie,  e byensir nou menm Sesel.

Mr Speaker tou sa bann Lorganizasyon.  E tou sa bann pei ki reprezante- ki prezan Maurice.  E nou pa oule perdi loportinite pour nou kapab asire ki tou bann lof, tou bann diskisyon ki pran plas Maurice, nou pa ganny sans partisipe a plennman pour siport bann delegasyon ki sa sorti isi.  Oubyen kot nou pa kapab ki i annan dimoun on the ground parey nou kapab dir, pour kapab fer sir ki nou avail of tou bann loportinite.

Mr Chairman Lanbasad Maurice– nou Lanbasad Maurice pour kouver ziridiksyon 11 pei.  Comores, Madagascar, Kenya, Tanzania, Maldives, Mozambique, Djibouti, Eritrea, Australie, Somali, Yemen.  Apard ki kouver La Reunion akoz son proksimite menm si nou misyon Paris i pour kontinyen kouver La France an zeneral.  I pour osi akredite avek CEO.  E osi avek IORA.

Nou manda diplomatik i ganny definir pa en rol bilateral, rezyonal e enternasyonal.  E bann proze kle ki joint management area ant Sesel ek Maurice, e Sesel lo Plateau Mascarene.  Sa GMA i kouver en siperfisi 496,000 kilomet kare.  Ek tou bann laranzman ki’n ganny fer legal e enstitisyonnel ant Sesel ek Maurice kot bann diferan kod in ganny aprouve.  Kot travay pe ranforsi;- ki nou kapab komans annan en retonbe pozitiv ekonomik dan sa rezyon,  i enportan ki prezans Sesel i konte Maurice.

Mr Chairman nou annan osi en Konsil Onorer Zeneral Maurice ki Mr Guy Fok ki an servis depi 1991.

Lanbasad Sesel/Maurice pour annan 4 Konsil Onorer Zeneral.  E 4 Konsil Onorer ki pour tonm anba li, e raport avek Anbasader.  Nou annan Comores, nou annan Madagascar, nou annan Kenya, nou annan La Tanzanie, Maldives, La Reunion, La France, Mozambique, Djibouti.

Mr Speaker nou prezans Maurice i ava amelyor nou lorganizasyon e nou lefikasite diplomatik.  E nou ava osi tir presyon lo nou bann Lanbasad ki deza pe soufer parey l’Afrique du Sud, soufer avek resours e resours imen, resours finansyel.  Pour tir presyon lo nou bann Lanbasad dan larezyon tel ki Sid Lafrik, Ethiopie, ArabieUnited Arab Emirates, Lenn, Sri Lanka.  E permet nou mye zer sa bann pei.

Mr Speaker nou pour osi ranforsi nou kapasite.  Swivi bann relasyon Diplomatik e avek aktivite vizavi bann Lorganizasyon e pei ki akredite avek Victoria.  Tel ki parey mon’n dir.  la COI, IORA, UNDP, e osi byen ki Lanmerik, Australie, Bangladesh, Pakistan, Sid Lafrik avek Linyon Eropeen.  Mersi Mr Chairman.

 

MR SPEAKER

Mersi.

 

THE VICE-PRESIDENT MR VINCENT MERITON

2enm kestyon, mon a demann PS pour pran silvouple.

 

MR SPEAKER

Mersi Vis-Prezidan.  PS Confait.

 

PS MARINA CONFAIT

Mersi Mr Chairman.  Onorab, tou dimoun ki a lekout bonzour.  An repons kestyon Onorab lo paz 44 Scheme of Service pour bann Misyon Diplomatik aletranze.  I annan en sonm 1.186 ki’n ganny mete.  E sa i enkli 921,000 pour Misyon Diplomatik.  E 264 pour bann chauffeur Protocol.

Mr Chairman, i annan 3 Scheme of Service dan Departman Zafer Etranzer.  Enn in komans sa lannen an Zilyet.  Sa pour Headquarters.  E sa 2 lezot pour an aplikasyon Zanvye ouswa Zilyet 2020.

An vi ki kestyon ti lo Scheme of Service pour kad diplomatik aletranze.  Sa R921, 000 ki nou’n gannyen avek Finans, nou ankor an diskisyon avek Departman Finans.  E osi Departman Public Administration.  Akoz i annan diferan allowances, nou bezwen partaz sa larzan in such a way ki nou pa desot sa ceiling ki nou’n gannyen pour Bidze.

So mon pa pour kapab donn plis lenformasyon lo la.  Akoz i ankor an diskisyon.  Me selman sa sonm pour amelyor Scheme of Service ki konmela bann Misyon Diplomatik aletranze pe resevwar.  Mersi Mr Chairman.

 

MR SPEAKER

Mersi Dr Confait.  Onorab William.

 

HON WAVEN WILLIAM

Mersi Mr Speaker.  Mr Speaker lo larepons ki Vis-Prezidan in donn lo sa premye kestyon; lefe ki nou deza okouran ki nou bann Misyon deor zot bezwen resours.

E Vis-Prezidan li menm li in admet.  E mon pe demann mon lekor konmsi.  Akoz ki nou pa ranforsi sa bann Misyon?  Olye ki al kre en lot Misyon ki deza Maurice-parey pour Vis-Prezidan in dir.  Ou annan en Konsiler Onorer epi ou annan COI ki deza Sesel pe zwe en rol vreman aktiv, pour kapab fer serten pti laranzman kot sa menm bann ekspektasyon ki Vis-Prezidan in dir ki zot kapab deservi.

E prezan baze lo larepons ki PS in donnen, la ankor mon vwar poudir be akoz ou pe al met en Lanbasad?  Zot pa ankor fini negosye avek Finans pour kapab tonm dakor.  Me nou bann frer e ser Seselwa ki pe travay dan bann Misyon an deor, zot pe soufer.

E pour ilistre sa ki mon pe dir Mr Speaker;-  par egzanp, eski i akseptab pour en fanm en Anbasader ouswa son mari i ganny li €84 Ero par mwan?  E en zanfan pe ganny li €30 Ero par mwan.

E i annan bann lezot ankor ki mon vwar poudir, be zot pe trenn lipye lo la.  Akoz sa bann dimoun laba deor.  zot pe fer fas avek difikilte.

E enn la –  nou pe al met en nouvo Lanbasad,  me solman nou bann dimoun.  E bann Lanbasad ki Vis-Prezidan in admet li menm li, zot dan problenm.  So mon ti a kontan en leksplikasyon lo la.  Mersi.

 

MR SPEAKER

Mersi Onorab.  PS Thesee.

 

PS  DAMIEN THESEE

Mersi Mr Onorab.  E bonzour Mr Speaker e tou Manm Onorab.  An konsern Scheme Foreign Affairs.  I sipoze pran lefe le 01 Zanvye 2020.  Nou’n fer detrwa diskisyon avek Minister Finans, Departman Ladministrasyon Foreign Affairs sa lannen.  E i preski terminen.  Zis detrwa pwen ki nou annan pour nou agree lo la, avan nou issue the final Scheme. 

        Me solman diskisyon ki nou annan, i ase pozitiv pour le moman.  Sa ki ou’n raise sa ki konsern sa allowance €84.  Sa nou an lagreman, ki nou bezwen reviz li.  Espesyalman pour bann spouse ki ti dan Lanplwa avan Sesel.  Ler zot kite zot al deor.  Zot pa neseserman travay laba.

So nou annan en serten lagreman to reviz li.  E sonm inisyal la ki DPA in met a nou a laporte, i en apepre €400 par mwan.  Savedir pour sorti 84 pour monte pour vin €460 par mwan.  Savedir i annan en sonm konsiderab.

Lot pwen ki nou annan pour package bann staff Diplomatik, i lentrodiksyon dan marketable skill allowance ki avan ler zot ti sorti Headquarters zot ti al deor, zot ti perdi.  Savedir pour ganny entrodwir sa avek zot.  I osi annan revizyon lo allowance pour bann staff Diplomatik plis ou mwen.  E osi konsiderasyon pour bann pei ki pa tro an sekirite.  An diskresyon Foreign Affairs, natirelman zot ava dir nou sa enn lekel pei zot vwar zot bezwen beef up en pe laspe sekirite pour staff.

Nou konnen par egzanp i annan Ethiopie, petet Sid Lafrik zot ava expand plis lo la.  Ki nou’n dakor pour provide resours pou Foreign Affairs asir sekirite zot bann personnel.

E bann landrwa pe osi- ki difisil pour zot bann personnel bouze.  Pour konsider donn swa en transpor, swa en allowance pour bann staff ki-akoz nou tou nou konnen parey Lerop i fasil pour bouze.  Lezot pei i pa fasil. Par egzanp Sid Lafrik.

So i ava diskresyon Foreign Affairs pour diskite si i donn en transpor, oubyen qllowance ki a permet sa bann staff bouze.

So i annan- mon mwan krwar i annan bokou zefor ki’n ganny fer pour amelyor en pe sityasyon bann staff.  Mersi.

 

MR SPEAKER

Mersi PS.  Vis-Prezidan.

 

 

THE VICE-PRESIDENT MR VINCENT MERITON

Mersi Mr Chairman.  Mr Chairman wi.  Resours ki nou ti a voudre gannyen,   pa toultan ki nou gannyen.  Mon krwar sa i aparan dan Gouvernman antye.  Akoz tou sa bann progranm, e sa bann langazman e Polisi ki Gouvernman i annan.  Ler ou tradwir li lo nivo operasyonnel, i annan en kantite resours ki ou bezwen.  Lekipman, resours imen, avek resours finansyel.

E sa i aplik osi pour Departman Zafer Etranzer.  Me selman nou annan en move stratezik ki nou oule fer pou ranforsi nou prezans, e nou korperasyon avek Maurice.  Sirtou pour sa bann rezon ki mon’n dir.  Prezans bann lezot Lorganizasyon rezyonal, miltilateral e bann lezot pei.  E sirtou pour nou kapab annan en pli bon lipye kot i konsern nou travay avek Maurice kot i konsern zesyon sa joint management area.

So Rome pa ti ganny fer dan 1 zour.  Nou pe komans li dousman, dousman, pour nou kapab ranforsi bann posibilite benefis ki Sesel i gannyen.  E an menm tan pour kapab ranforsi nou bann kapasite pour nou kapab travay ek bann lezot pei.  Mersi Mr Chair.

 

MR SPEAKER

Mersi Vis-Prezidan.  Onorab Regina Esparon.

 

HON REGINA ESPARON

Mersi Mr Chair.  Bonzour tou dimoun.  Mr Chair mon ti anvi klarifye avek PS.  In dir i annan 3 kalite Scheme of Service.  1 ki pe kouver bann Lanbasader.  Epi i annan sa enn pour Headquarters.

Akoz ki dan sa enn pour Headquarters pa tou dimoun ki’n ganny enkli dan sa Scheme of Service?  Parey bann support staff ki’n ganny eksklir dan sa Scheme of Service?  Mersi.

 

MR SPEAKER

Mersi Onorab.  Dr Confait.

 

PS MARINA CONFAIT

Mersi Mr Chairman.  Mersi Onorab pour ou kestyon.  Dan Headquarters i annan diferan group travayer.  E i annan diferan Scheme.  Sa Scheme i plito pour bann Diplomat.

E lezot support staff ki pa’n ganny en logmantasyon, oubyen ki pa’n ganny konsidere dan sa Scheme of Service, zot annan zot own Scheme of Service.  Se sa rezon ki zot pa’n ganny konsidere anba sa Scheme of Service.

Parkont i annan enn de staff ki’n ganny konsidere.  Parey sekreter ki travay direkteman avek bann Diplomat, zot, zot in ganny en location allowance.  Epi zot in osi ganny benefisye avek uniform.

Me selman an zeneral sak group travayer, i annan son own Scheme of Service, oubyen son own rekonpans ki i gannyen.  Se sa rezon ki zot pa’n ganny konsidere dan sa enn.  Mersi.

 

MR SPEAKER

Mersi Dr Confait.  Onorab Esparon.

 

HON REGINA ESPARON

Mersi Mr Chair.  Mr Chair eski PS i kapab dir nou wi.  Sa Scheme of Service pour sa bann support staff la, eski i osi pour pas dan en revizyon?  Oubyen zot pa pe- zot napa lentansyon reviz sa Scheme of Service pour support staff la an se moman?  Mersi.

 

MR SPEAKER

Mersi Onorab.  PS Thesee.

 

PS  DAMIEN THESEE

Mersi Mr Chair.  Parey mon ti anonse dan Budget Speech.  Nou ti dir ki support cadre in ganny revize 2018.  Me parkont nou pour reviz pour Bidze 2021.  Akoz nou rekonnet en pe sa bann challenge ki ou’n dir.  Savedir lannen prosenn nou a donn DPA ase letan, pour get tou a bann support cadre ki nou annan dan Gouvernman.  E come up avek en proposal an 2021 pour zot.  Mersi.

 

MR SPEAKER

Mersi PS.  Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker mon ti a kontan pran sa- sa premye kestyon.  I pour lo sa propozisyon pour ouver en Lanbasad Maurice.

Mr Speaker enn bann difikilte ki nou koman en Lasanble nou annan,  se pour nou kapab – devlope nou’n seye – pour mentenir en laliny kominikasyon avek Minister Zafer Etranzer,  i vreman difisil.  I vreman difisil.

E nou ti ekspekte vi ki i annan en Komite Zafer Etranzer dan Lasanble.  Minister Zafer Etranzer- Departman Zafer Etranzer ti a vwar li koman en kondwir en semen pour zot kapab fer serten propozisyon.  E pour kapab convince Lasanble tou lede parti dan sa Komite, lo zistifikasyon e bon zizman lo sa bann tel desizyon.  Vis-Prezidan bomaten in eksplik nou rezon akoz zot pe- zot ti a kontan ouver en Lanbasad Maurice.

Malerezman mon mwan dir ki sa bann rezon ki Vis-Prezidan in donnen, i pa convincing.   Mwan mon santi, e mon konnen ki mon bann Koleg lo lot Komite Zafer Etranzer i santi parey – ki nou bezwen annan nou en lot lapros dan fason ki nou devlop nou bann relasyon enternasyonal.  Me sa mon pa pour antre ladan.  Akoz i en pozisyon en lot-posibleman en lot Gouvernman en lot fason manage son bann keksoz.

Problenm se ki, dan en sityasyon kot nou ete, ozordi nou pe dir, nou napa ase resours dan Lanbasad Sid Lafrik.  Lanbasad Addis i anba stress.  Lenn avek Sri Lanka i anba stress.  Be selman nou pe al ouver en lot Lanbasad.

Rasyonnel Mr Speaker, i pa la.  Nou ti devret- e mon kestyon pour Vis-Prezidan.  Se pour demann li.   Eski i pa ti ava pli worthwhile pour nou donn en pe plis resours pour nou fer fonksyonnen sa bann Lanbasad?  Premyerman.

2enm;-  Ki’n arive Vis-Prezidan?  Kekfwa ou pa pour konnen, me SS i ava konnen, avek nou demann Komite Zafer Etranzer, pour nou annan en konversasyon e en lodit lo performans bann Lanbasad Sesel atraver lemonn.  Nou pa kapab donn en nouvo Lanbasad tan ki nou pa konnen si i annan bann outcome dan sa bann Lanbasad ki prodiktif.  Ki bon.  Nou pa konnen!

Zot pe demann nou ouver en lot batiman.  Me selman zot refiz-e.  E la mon dir kareman.  Zot refiz-e angaz avek nou pour zot donn nou bann lenformasyon lo ki mannyer sa bann lezot Lanbasad pe perform atraver lemonn.  Zot rod tou bann leskiz pour zot pa koze, pour zot pa sa.  E mwan koman Chairman sa Komite.  Mon santi poudir mwan pour iresponsab pour mon permet- pour mon donn en vot favorab a sa pwen, tan ki nou pa ankor annan en lodit performans bann Lanbasad Sesel atraver lemonn!

Mon pa enn sa bann kalite dimoun ki vin la pour plezir koupe.  Me selman, mon mwan rekomandasyon Mr Chairman.  I ava ki avan ki nou aprouv sa sonm, nou bezwen annan en konversasyon bokou pli an detay.  Nou bezwen sey konpran en pe mye.  Akoz Maurice Mr Speaker i annan Lanbasad Franse.  I annan tou sa bann Lanbasad ki annan isi.  Plis i annan Lanbasad Linyon Eropeen.  Nou annan en Anbasader Bruxelles.  I annan en Lanbasader Ameriken.  Nou annan en Anbasader Washington nou.  Tousala nou annan nou.

Konmsi sa bann- akfer nou pe al duplicate ankor tou sa bann keksoz, kan nou pa kapab, nou napa bann resours neseser pour fer marse sa ki i annan.

E an plis ki sa,  mon ti a kontan finalman demann avek PS,  sa sonm ki’n ganny mete 1.9 milyon –  pour nou konpran- e nou ti ava konpran si zot ti’n annan sa konversasyon avek nou –  Sa 1.9 milyon mon krwar.  Oubyen (1.65milyon.  Mon pe sey) – 1.9 milyon.  Eski i pour en lannen antye?

Akoz ler mon get cost bann lezot Lanbasad, i kler ki, ler nou pour annan en-lo en building, nou pou’n anploy 2 staff.  Nou pou’n aste en loto.  Nou pour annan enn de bann lezot depans.  Me sa 1.9 milyon pa pour ase pour fer fonksyonnen sa Lanbasad.  Konmsi donn en pe sa bann lenformasyon pour nou kapab konpran ki kalite refleksyon zot, zot in fer pour zot zistifye sa nouvo post?  Mersi.

 

MR SPEAKER

Mersi Onorab.  Mersi Onorab.  Mon ava donn la parol Anbasader Barry Faure.

 

SECRETARY OF STATE MR BARRY FAURE

Bonzour Mr Speaker.  Bonzour tou Manm Onorab.  Pour adres sa kestyon Onorab Jean-François Ferrari lo Lanbasad Maurice, e osi byen ki sa demann pour en rankont avek Departman Zafer Etranzer plito.

Mon ti a kontan dir dabor ki wi in annan en demann, pour en rankont avek Departman Zafer Etranzer.   E ki Departman Zafer Etranzer in akey byen.  E nou’n an kominikasyon avek Sekretarya Lasanble Nasyonal.  E Sekretarya Lasanble Nasyonal i la pour konfirmen ki’n annan lesanz korespondans e konversasyon, ant Egzekitif e Lezislatif lo sa kestyon.  In annan en difikilte pour nou kapab annan sa rankont menm.  Akoz swa Lasanble, Komite i pa’n disponib.  Ouswa Zofisye kot Departman Zafer Etranzer pa’n disponib.

Dernyen dat ki nou ti’n agree, annefe ti pour zwenn Lendi annefe.  Lendi sa semenn.  E malerezman mon krwar dernyen parol ki nou’n gannyen, se ki i pa ti pour fezab.  Me selman depi Oktob nou pe rod dat ki konvenab pour nou kapab zwenn.

Alors i petet- Onorab Jean-François Ferrari pa’n ganny enformen.  Me selman in annan plizyer lesanz korespondans.  E in annan en gran zefor pour ganny fer pour nou zwenn.  E osi pour nou tonm dakor lo ki bann pwen ki nou ti a kontan diskite.  Akoz premye demann ti, nou oule en rankont.

Prezan nou’n pran kontak avek Lasanble, ki nou’n dir be ok.  Ki bann pwen eski Komite Zafer Enternasyonal ti a kontan diskit avek Departman Zafer Etranzer?  Akoz nou osi lo kote Departman Zafer Etranzer, nou bezwen konnen lo ki pwen diskisyon pour baze pour nou kapab prepar nou byen.  E in annan finalman lo kote Komite Zafer Etranzer bann pwen ki ti pe ganny diskite.  Si bann kestyon parey ki nou plan training?   Setadir formasyon.  Ki Scheme of Service e enn de lezot pwen ankor.  Ok?

Savedir nou nou’n prepar nou lo kote Departman pour sa meeting.  E nou’n pare pour meeting.  Me i zis ki nou napa en Lakor ziska prezan lo ki dat.

Ti annan en Lakor dernyerman lo en dat.  Me finalman mon krwar se ki lo kote Lasanble e Sekretarya i dir be non sa dat i nepli fezab.  E nou konpran i nepli fezab.  E nou ava kontinyen rod en moman konvenab pour ki le 2 parti i kapab zwenn pour nou kapab diskite.

Lo kestyon odit performans bann Misyon Diplomatik Sesel.  Sa i en keksoz ki parey nou’n dir dan lepase ki nou fer li.  Nou fer li detanzantan.  E nou fer li prensipalman atraver bann rapor mansyel ki sak Misyon Diplomatik e soumet avek Departman.  Ok?

E sa kapon i ganny analize byen pour vwar ki travay ki pe ganny fer.  Rezon akoz ki nou ti kre en Sekretarya pour siperviz bann Misyon Diplomatik, an 2018, se zisteman pour nou kapab annan en mekanizm pour monitor e evalye performans bann Misyon Diplomatik.  Malerezman o kour- nou’n met li an plas an 2018.  Me an Zanvye 2018 nou ti perdi nou staff tre kalib.  Nou Ms Renette Nicette ki ti ansarz sa Sekretarya.  Ti fer en tre bon travay.  Me selman malerezman in pran son retret – ok?

E nou’n fer demars pour nou rod nouvo staff.   Nou’n met li lo labour market.  Nou’n fer plizyer round pour nou rod dimoun ki kalib pour rantre dan sa post.  Evantyelman nou’n ganny en dimoun an Out.  An Out pour ansarz sa Sekretarya.

E akoz nou ti bezwen dimoun pour ansarz sa Sekretarya?  Se akoz se li ki pour fer marse sa sistenm pour nou kapab byen monitor e evalye, e kapab travay lo sa odit ki nou tou nou bezwen.

Annefe plan, se ki an 2020 pour annan en odit syantifik prezan.  Akoz avan en bann evalyasyon en pe an zeneral.  Ok?

Me nou pour annan en odit syantifik ki pour ganny fer apartir 2020, avek bann metod syantifik ki pour permet nou kapab byen fer en evalyasyon.  Akoz ou pa kapab zis evalye koumsa dan vid, baze lo leksperyans, lo kekfwa en vizit ki pe ganny fer kot sa Lanbasad pour gete ki mannyer travay – mon byen kontan ki Onorab Ferrari par egzanp si al Brussels–  Bruxelles pour ki sa i al zwenn nou bann Diplomat laba.  Anbasader avek sa 2enm Diplomat in koz ek zot.  E i ti dir nou dernyen poudir i trouve poudir zot pe travay byen.  Me selman i mank zot mwayen.  Nou pa kapab- sa i byen.  Me sa pa sifizan.  Ou bezwen bann mwayen syantifik pour ou kapab fer en bon evalyasyon – ok?  Minister Finans osi.  Li osi i al fer bann lodit, bann financial audit.  I al fer bann financial audit bann Lanbasad ok?  Ki sa osi i kapab ede.  Me selman i pa sifizan – ok?  Ou bezwen fer en odit ki konplet.

Mon krwar lo kestyon rezon akoz prezan, nou bezwen ouver en Lanbasad Maurice.  Mon krwar Vis-Prezidan in tre kler lo sa.  Ok?  In tre kler ki nou bezwen annan en Lanbasad Maurice.  Annefe ki nou bezwen fer nou.  Nou bezwen ogmant nou lefikasite Diplomatik e organizasyonnel atraver en prezans Maurice.  Ok?

Nou bezwen devlop en Polisi etranzer de proksimite.  Ou bezwen pli pre ek ou vwazen posib.  E i pa en keksoz ki nouvo sa.  Si ou al dan nou rezyon – ok – si ou al dan Lafrik da les.  Kenya, Tanzania, Uganda,  sakenn sa bann pei lo zis 1erdtan 30 minit par vol pour voyaz sorti en Kapital pour en lot, sorti Kampala pour ou al Dar es Salaam.  Ouswa pour ou al Nairobi, 1erdtan 30minit.  Me selman sakenn sa bann pei i annan en Lanbasad dan zot pei.  Ok, ou al pli lwen.  Ankor dan larezyon si nou al dan Mwayenn Oriyan, UAE, Abu Dhabi e Saudi ArabiaRiyadh Abu Dhabi zis 1erdtan vol.

Me selman sakenn sa bann pei zot annan en Reprezantan Diplomatik.  Selon zot mwayen byensir.  Se pour sa ki nou nou’n krwar poudir i enportan ki nou devlop- nou bezwen devlop en politik etranzer de proksimite.  E sirtou si nou menm permet kapab ouver en Lanbasad Madagascar, nou ti ava fer li.  Ok, me nou mwayen i limite.  E nou bezwen konnen ki mannyer ou servi ou resours pour ou kapab maksimiz ou resours le mye posib.

Mr Speaker mon krwar mon’n al en pti pe tro long ladan petet.  Me ti enportan pour nou kapab montre poudir i enportan pour ouver en Lanbasad Maurice.  E ki nou, nou welcome sa demann pour kapab zwenn avek Komite Zafer Enternasyonal Lasanble Nasyonal.  Ok si Onorab Jean-François Ferrari pa ti konvenki.  Mon espere ki atraver mon larepons mon’n konvenk li ki nou vreman bezwen travay ansanm.  E ki nou enterese pour nou kapab zwenn avek sa Komite.  E mon’n menm deza dir ki nou pe kont lo Komite International Affairs pour kapab fer en proper oversight lo Departman Zafer Etranzer.  Akoz se sa manda sa Komite Zafer Enternasyonal.  Mon pa konnen si nou sipoze…

 

MR SPEAKER

Mersi  Anbasader.  Mon pour-non mon krwar nou annan en sityasyon la kot mon pa anvi ki nou perdi plis letan.  Akoz even mon from the Chair mon santi ki i annan serten keksoz ki pa vreman annan.  Mon a donn sans Chair IAC pour dir en parol.  E apre mon ava regarde ki desizyon nou pour pran.  Onorab Ferrari.

 

HON JEAN-FRANÇOIS FERRARI

Ok mersi Mr Speaker.  Mr Speaker mon pa pour pas komanter lo sa ki SS in dir.  Me selman mon ava kit sa avek bann oditer.  Mon krwar zot in ekoute.  Zot ava fer zot prop lopinyon lo ki direksyon nou politik Zafer Etranzer pe ale.  Me selman mon ti a kontan zis re stress sa pwen;-  ki sa Lasanble i bezwen ganny convinced ki sa i en desizyon neseser.  E ki i pour-i kadre dan devlopman nou stratezi Diplomatik.

Pli boner sa lannen nou’n tann nonm Saudi Arabia.  La nou pa tann nanryen ankor la.  Tanzantan nou tann nonm enn de sa bann keksoz koumsa.  Apre nou konn en lot.

Napa konsistans Mr Speaker.  Alors mon mwan vreman pa vwar ki mannyer nou pour kapab kontinyen angaze dan sa deba.  Akoz SS bann rezon ki in donnen, se zis bann leskiz!  Si i ti anvi angaze avek nou.  I ti fasil pour lev en telefonn.  Sa se en Diskour UN ki’n fer la!` Konmsi pour eksplik tou bann rezon ki pa egziste.

Alors mon mwan mazinen Mr Speaker, ki nou riske pe antre dan en dead end la.  E ki nou pour bezwen rod en fason pour nou kapab deal avek sa vot lo Foreign Affairs.  Mon kit sa dan ou lanmen.  Mon konnen poudir Leader Lopozisyon.  I annan en propozisyon i ti a kontan fer.  Mersi.

 

MR SPEAKER

Bon mersi.  Mon’n anvoy en pti note pour tou lede kote.  E mon santi mon osi tou ki i annan serten keksoz ki pe ganny zet lo Sekretarya Lasanble Nasyonal,  ki pa totalman vre.  Mon anvi fer sorti mon pour plito sizere ki nou pa kontinyen avek sa Head.  E nou donn sans ki en lot meeting i ganny fer irzan.  Petet lazournen menm ozordi.  Avek Komite Zafer Etranzer avan nou kontinyen.  Akoz nou anvi ki tou keksoz i ganny mete o kler.  E nou anvi ki sa Head ki vreman enportan pour nou pei i kapab- son Bidze i kapab pase.

Mon dir sa an tou respe, lo mon kote osi tou, lo kote Sekretarya nou’n anvoy plizyer rapor avek rekomandasyon kot Foreign Affairs.  I annan serten swivi ki mon’n zwenn Anbasader li menm li.  Mon’n koz avek li, i dir mwan i pa okouran.

E bann Manm ki ti al SADC PF an Mozambique nou ti ganny demande koman en champion Lanvironnman- ti annan en Protokol koman enn bann akter vreman for lo batay kont lanvironnman-pour lanvironnman.   E mon ti met sa devan Prezidan, ler mon ti rantre dan mon meeting avek Prezidan   e mon rapor.  Mon ti osi anvoy kot Foreign Affairs.  Mon ti fer en swivi.  Mon ti zwenn Anbasader.  I ti dir mwan i pa aware.  Mon’n take up ankor avek Prezidan.  At least President’s Office i acknowledge receipt of all reports from the Assembly. 

        So i annan en problenm somewhere.  E parey mon pe dir, mon pa anvi ki Lasanble Nasyonal i pran en desizyon pour either pour koup Bidze Foreign Affairs.  Oubyen pour freeze and all that.  So annou regard en proper way forward.  Mon ava donn la parol Onorab Ramkalawan, apre SS Faure.

 

HON WAVEL RAMKALAWAN

Bonzour Mr Speaker.  Bonzour Vis-Prezidan ek ou delegasyon.  E tou bann Manm Onorab, e tou dimoun ki a lekout.

Mr Chairman.  Mon pe ekout sa premye bout.  E mon dakor avek sa desizyon ki ou pe pran.   Parski i annan en kantite konfizyon.  E petet sa Minister Zafer Etranzer in ler pour zot vin en pe pli kler, pour zot koze.

Parski i annan serten keksoz ki menm VP pa konnen.  Ok.  Dan konversasyon in pase.  I annan serten keksoz ki- e menm la sa ki zot in koze.  I annan serten keksoz ki pa kler.  Ki lo sa Scheme of Service-bann- ki mannyer zot pour go about it.  Sa zafer Lanbasad pa kler.  Sa zafer pansyon pour Anbasader.  Lalwa in vini, i pa kler.

E mon dakor antyerman avek ou Mr Chairman ki Minister Zafer Etranzer li menm li, i bezwen met li annord.  Nou pa kapab kontinyen tret bann adilt – bann zonm ek bann fanm kalifye ki pe travay koman Anbasader, ki pe travay dan sa Minister koman zanfan!  Annou annan en plan.  Annou konnen kote nou pe ale.  E nou lo nou kote nou pa pour kapab nek zis siporte, si nou pa konnen kote nou pe ale!  Zis ou antre dan en loto, ou pa konnen kot ou pe ale?  Be fodre nou konnen kot nou pe ale.

E la pour le moman mon sa ptigit ki mon’n tande, mon pa lo Komite zafer Foreign Affairs.  Me selman i kler ki poudir-e Mr-dan son kapasite koman Speaker Lasanble,  Onorab in dir i annan keksoz ki pa it.

Alor mon osi mwan dakor pour nou ganny keksoz byen kler.  Annou adjourn sa deba la lo Foreign Affairs.  Parski sansan wi i pour annan koupe.  I pour annan koupe.  Parski letan nou pour-letan nou ava pe osi koz lo bann staff Mr Chairman, mon krwar ki pour annan keksoz ki pa pour happy.   Parski bann meeting ki zot fer par egzanp avek zot bann staff, kot zot koz lo bann diferan revi.   E apre sa.   Sa ki zot dir, ki DPA i dir alors pa pour kapab fer.  La mon’n tann 2021.  Me apre sa- apre sa i kontinyen, i kontinyen ale.

E mon si mwan ti pour lir sa ki mon annan la avek mwan konsernan sa ki pe pase dan zot Minister li menm.  I ti pour plis rezon ankor pour mon dir nou pa kapab siport sa Bidze.  Alor Mr Chairman sa ki mon ti annan pour mwan dir.   Mersi.

 

MR SPEAKER

Mersi.  SS avan mon donn ou la parol.  Nou ava ekout lot Leader.  Onorab Charles De Commarmond.

 

HON CHARLES DE COMMARMOND

Mersi Mr Chair.  Bonzour Mr Chair.  Bonzour Minis, VP, SS ek lezot delegasyon.  Tou Manm Onorab, e tou dimoun ki a lekout.

Mr Chair mon osi mon pour al lo sa Komite Foreign Affairs.  Me mon’n ekoute bomaten bann keksoz ki i annan ki pe ganny diskite, debat lo la.

Mon mwan pa anvi, e mon pa oule ki sa Head i pa ganny aprouve.  Mon anvi ki i ganny aprouve pour nou Bidze kapab pase.  E mon santi ki i ganny en santiman ki pa tro alez.  E mon krwar sa desizyon si nou zwenn, nou pa zwenn, petet i pour fall antyerman petet lo Foreign Affairs.   Si zot pe ensiste pour nou kontinyen.  Nou kontinyen.  Si zot pare pour zwenn, mon napa problenm osi ek sa.  Si sa i en fason pour nou al devan.

Me selman i annan serten keksoz ki mon osi mon santi i en konsern e ki pa kler.  Par egzanp letan ou pe koz lo Scheme of Service, en bann pour ganny Scheme of Service ki pour komans an Zanvye.  En lot bann-mon annan le ek mon la.  I annan bann drayver Protokol ki pa’n ganny ditou logmantasyon pandan en kantite letan.  La letan zot package pe ganny gete.  I dir pour zot, zot pour ganny an juillet si zot pour gannyen.  I annan problenm.

La letan mon SS, i get mwan.  Konmsi ou a krwar i annan dout, kot ou menm laba ki’n sorti sa bann lenformasyon.   Savedir i montre mwan poudir i annan keksoz ki-annou fer li koeran.  Annou fer li koeran.  E mon mwan krwar sa bann keksoz si ou pe donn logmantasyon, annou nou fer li an Zanvye.  E sa bann dimoun zot osi zot bezwen sa.

Dan bann Lanbasad i annan sa kestyon zot revwar zot saler ki Onorab William in byen, byen poze.  E nou siporte.  Nou siport sa vizyon.  Be sela ankor, letan nou pe koz Lanbasad Maurice.  Mon napa problenm ek Lanbasad Maurice mwan.  Be selman, son rasyonnel i bezwen ganny byen eksplike.

Par egzanp eski i annan en nouvo vizyon?  Etandonnen sityasyon e devlopman larezyon.  E ki sa Lanbasad i Lanbasad Sesel dan Losean Endyen, ki pour baze a Maurice.  I annan fason ki zot get li koumsa, oubyen Lanbasad Sesel Maurice, a Maurice laba.  Ki ler ou fer li Losean Endyen i annan tou sa bann border Losean Endyen ek son bann lezot pei ki sa Lanbasad i kapab kouver.

E petet sa i en nouvo lapros etann donnen dinamik ki pe arive dan nou rezyon.   Nou’n fek fer extended continental shelf avek Maurice.  I annan tout an kantite keksoz.  Zistans pour al Australie, si zot pe revwar bann zone, kote nou bann Lanbasad pe fonksyonnen.  Ki bann rezon ki pe ganny kouver?  Petet zot pe revwar sa bann rezyon.

Akoz la aktyelman pour kouver Australie petet se Lanbasader ki an Lenn mon krwar.   Oubyen an Sri Lanka.  Konmsi si zot pe revwar tou sa.  i enportan pour fer konpran e fer konnen pour nou kapab vwar sa dinamik.

E an menm tan, eski lezot pei larezyon Losean Endyen i annan Lanbasad Maurice?  Mon pa’n tann personn nonm sa.   E ouswa zis Sesel ki pe fer nouvo lenvansyon la?  Etandonnen nouvo eleksyon ki’n pase Maurice?  Mon pa konnen.  Konmsi tou sa i bann keksoz kekfwa i demann byen eksplike.

E byen eksplike, i kapab montre vreman lenportans en tel Lanbasad Maurice.   E ki nou bezwen move dan sa direksyon.  Akoz sa dinamik.

Mon mwan get li koumsa.  Me selman fodre osi Komite Zafer Etranzer i bezwen a mon avi — akoz letan mon konsilte bann Manm sa Komite, lo nou kote, zot dir mwan osi ki i annan problenm ek sa Komite.

I paret mwan ki i annan dimoun ki diskit keksoz lo li menm.  Lezot Manm pa konnen.  I annan tout en bann keksoz.  Mon demande osi Mr Chair ki sa Komite osi i revwar son lekor byen.   E ki sa lapros i ganny fer byen.  Par egzanp si zot pe fer sa tel demars.  E zot santi pe annan difikilte, mon krwar i devret annan en sinyal, kot le 2 Leaders i ganny enformen, at least ganny pense poudir i annan en keksoz la ki pa pe mars byen, pour nou donn nou sipor.  Pour nou vwar kote nou osi nou kapab zwe en rol pour fer keksoz al pli byen dan sa direksyon.  Mersi Mr Chair.

 

MR SPEAKER

Mersi Onorab De Commarmond.  Mon ava donn la parol SS Faure.

 

SECRETARY OF STATE MR BARRY FAURE

Mersi Speaker.  Mr Speaker mon ti vreman oule zis klarifye sa pwen ki ou menm ou Onorab Speaker in fer, konsernan rapor ki ou’n anvoye.

I vre ki rapor, Onorab Speaker sak fwa in vwayaze in anvoy bann rapor ki’n santi ki i neseser pour anvoy (kot Lasanble)- sorry kot Departman Zafer Etranzer.  E wi nou’n resevwar e mon krwar nou’n menm acknowledge ki nou’n resevwar rapor.

E kot i konsern spesifikman SADC Parliamentary Forum,  mon krwar nou’n osi enform Lasanble ki nou’n siport sa demann ki’n ganny fer par nou Lasanble pour ki SADC li menm li, i rekonnet the SADC Parliamentary Forum.  I donn li en meyer stati.   E sa i en keksoz ki nou, nou pe pouse.  E nou’n menm fer referans avek en demann ki’n ganny fer par nou Lasanble.  E in annan en konversasyon lo sa size osi.

Alors lo nou kote, si petet i annan en Anbasader pa’n konnen, petet akoz, dan Zafer Etranzer la, nou tou nou pe resevwar plis ki 100 email toulezour.  E i pa posib pour ou kapab kapte tou keksoz dan son moman ki i arive.

Email i tonm dan ou inbox.  Me fodre ou ki al tir li dan ou inbox pour ou vwar li.   E se ler keksoz i irzan ki nou pa zis anvoy email.  La nou lev telefonn, nou telefonn sa dimoun.   Nenport ki en.    I pa zis Anbasader la.  Nenport ki dimoun ki travay dan Department of Foreign Affairs,  i dan menm sityasyon.  Plis ki 100 email ki pe antre, toulezour.

La kot mon pe asize la, kekfwa in ariv 50 in tonm dan nou inbox.   Selman nou pe koze.  En keksoz enportan ki nou pe fer – isi.  Alors si i irzan, en dimoun anvoy en WhatsApp message, ouswa i telefonn ou pou dir ou i annan en keksoz in arive.  La ou tyek dan ou inbox pour vwar.  Me selman nou, nou pe fer nou travay.

Mon krwar mon pour les Vis-Prezidan reponn bann lezot pwen ki’n ganny leve Mr Onorab Speaker.  Mersi bokou.

 

MR SPEAKER

Mersi.  Mon krwar Vis-Prezidan mon krwar zis en pti gidans.  Nou annan en desizyon ki le 2 kote aparaman i paret annan en konsansis.  E it’s up to you, ki pe Head sa Departman.  Si ou anvi kontinyen avek deba.  Oubyen si ou anvi adjourn deba lo sa Head, so Lasanble Nasyonal, espesyalman Komite Zafer Etranzer i a ganny en pti pe plis leksplikasyon.  Then nou kapab vwar en way forward.  E antretan nou kapab pran lot Departman ki vin apre.  Me i depan lo ou si ou anvi kontinyen, oubyen si anvi ki nou adjourn deba.  Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  Mr Chairman mon krwar tou lede kote in dakor.  E nou osi nou dakor ki nou zwenn pour kapab thrash out sa bann size.  Mersi Mr Chairman.

 

MR SPEAKER

Mersi Vis-Prezidan.  Yes, Onorab Ferrari.

 

HON JEAN-FRANÇOIS FERRARI

Mr Speaker mon ti a kontan fer en propozisyon pour nou- si i posib.  Pour nou join avek SS oubyen PS lo Komite Zafer Etranzer demen dan lunch break.

 

MR SPEAKER

Dakor.

 

HON JEAN-FRANÇOIS FERRARI

Nou ava gete si nou kapab formil en pti fason travay pour nou kapab move on.  Mersi.

 

MR SPEAKER

Mersi.  Yes Onorab De Commarmond.

 

HON CHARLES DE COMMARMOND

Mon napa problenm ek sa Mr Chair.  Me an menm tan mon oule ki demann par egzanp ki ti ganny fer yer.  I ganny fer osi ozordi.  Ki lezot Manm ki santi zot enterese e konsernen, i kapab osi join meeting.   Savedir fer nou konnen ke ler, pour ki nou ekoute, gete partisipe si neseser, donn kontribisyon pour nou kapab bouz ansanm e rezourd sa problenm.  Mersi.

 

MR SPEAKER

Mersi.   Onorab mon krwar se sa ki mon ti pe al dir.   Nou pour fer li IAC ‘Extended Committee Meeting’.  E mon ti a demann SS pour vin avek son lekip antye pour kapab ganny en pti pe bann enteraksyon avek lezot teknisyen.  E mon sizere nou fer li demen lunchtime.  So demen lunchtime nou pour pran li nou full 2erdtan.   Ki a kapab permet sa meeting pour go ahead.  E avek sa mon ti a kontan eskiz SS Faure avek son delegasyon parmi nou.  E pour nou pran lot Departman ki vin apre.  Yes Onorab Ramkalawan.

 

HON WAVEL RAMKALAWAN

Zis avan zot ale.  Mon ti ava kontan-parski mon osi mwan enterese pour asiste sa meeting.  Si zot ti a kapab osi tou koz avek nou plis lo bann support cadre.  Akoz i resanble ki bokou i ganny dir.  E apre sa support cadre ki fer kantite sa bann travay.  Se zot ki bann dimoun ki pe tay isi, tay laba.  E sa i pa zis kot.  I partou.  Yer mon’n trouv sa osi tou dan-anler kot Minister Lasante.  Me selman zot, toultan keksoz i anvoy pour 2020, 2021, 2000 zanmen!

Alors adres nou osi tou lo kwa ki zot pour fer spesifik pour sa-pour zot support cadre ki kapab sort out en pe sa bann email ki antre bokou?  Mersi.

 

MR SPEAKER

Mersi Onorab.  Bon mon ava eskiz Anbasader Barry Faure avek son delegasyon.

 

 

(AMBASSADOR BARRY FAURE AND HIS DELEGATION WAS EXCUSED FROM THE HOUSE)

 

 

 

 

MR SPEAKER

Yes Onorab Simon Gill. 

 

Hon Simon Gill 

Mersi bokou Mr Speaker. Bonzour. Bonzour tou koleg Onorab.  Mr Speaker mon pa pe koze koman en leader, mon pe koz koman en Manm  Parlman dan sa Lasanble Nasyonal Sesel Mon ti ava voudre ki ler sa meeting i ganny convene ki nou anmenn lenformasyon pou  nou kapab konpran en pe avek presizyon – package sak sa bann dir eran reprezantan Kor Diplomatik Sesel an deor pei.  Mersi bokou.

 

MR SPEAKER

Mersi Onorab point taken.

Zis mon anvi fer sorti ki mon konnen i annan plizyer Manm ti anvi petet reakte lo sa ki ‘n arive, me mon pa kapab donn tou Manm, akoz nou press for time e nou annan en heavy schedule devan nou.  Se sa rezon mon tant pou mwan donn le 2 Leaders e osi tou si I enplik en Komite, at least the Chair of the Committee.

 

DEPARTMENT OF INFORMATION, COMMUNICATION AND TECHNOLOGY  (DICT)

 

MR SPEAKER

Bon mon ti a kontan dir bonzour, e welcome bann Zofisye kot Departman Lenformasyon, Kominikasyon ek Teknolozi.  E sa i Acting Sekreter Prensipal, Mr Jeffrey Dogley.  Direkter Zeneral pour IT Division Mr Hendrick Andre.  Procurement Manager Mr Randy Barra.  E Senior HR & Budget Management Officer Ms Suzy Rosine.  Bonzour e welcome zot tou dan Lasanble Nasyonal.

Mon ava demann bann Manm prezan ki i annan kestyon pour Departman DICT.  Okenn Manm ki annan kestyon pour DICT?  Onorab Churchill Gill.

 

HON CHURCHILL GILL

Mersi Mr Chair.  Bonzour VP ek delegasyon.  Bonzour tou Manm, tou dimoun a lekout.  Mon kestyon pour DICT se;-  koman en Manm FPAC dan bon pe nou bann diskisyon ki nou’n fer,  nou’n vwar en serten defayans kot i konsern backup bann lenstitisyon Gouvernman kot nou’n vwar ki i annan lenstans kot lenformasyon tre enportan, ler nou’n demande, be napa sistenm backup?

E nou’n ganny dir poudir i annan serten backup ki zot annan.  I annan serten ki napa. E parey nou konnen dan bann lenstitisyon Gouvernman, i annan bann lenformasyon tre enportan ki devret ganny garde.  E ki devret annan proper backup?

E mon kestyon se;-  ki zot pe fer pour fer sir ki tou lenstitisyon Gouvernman i annan en proper backup sirtou pour bann dokimantasyon ki devret annan rikord?  Ki pour en rezon ou en lot, si i annan bann retonbe ki bezwen ganny fer, akse i kapab gannyen ek sa bann dokiman?  Mersi.

 

MR SPEAKER

Mersi Onorab.  Mr Dogley oubyen Mr Andre.  Yes go ahead.

 

DIRECTOR GENERAL HENDRICK ANDRE

Bonzour Mr Speaker.  Onorab mersi pour sa kestyon.   Actually one of the mandate of DICT is to consolidate IT resources pour Gouvernman antye.  Sa is from the infrastructure plus bann IT services ki nou osi ofer.

Pour reponn ou kestyon;-  kekfwa nou ti kapab fer en lanons ki bann Departman ki zot konnen zot annan okenn proze, oubyen okenn lenformasyon ki zot bezwen backup,   se apros nou si zot pa’n kapab apros nou.  Akoz we do offer those services and we do consult them on ki mannyer pour go about pour prezerv lenformasyon.  Mersi.

 

MR SPEAKER

Mersi.  Onorab Churchill Gill.

 

HON CHURCHILL GILL

Mr Speaker,   mon en pti pe soke ek sa larepons.  Ou konnen akoz, what si sa Departman pa deside pour li demann lasistans backup?  Ki pour arive ek sa lenstitisyon kot sa Departman pa pe demande ek sa bann lenformasyon?

Mon mwan krwar i devret annan en Polisi an plas ki egzize ki tou sa bann Departman – e ki byen spell out son bann periodic call-periodical letan ki i devret fer backup.  E apre i devret annan swivi pour vwar si tou sa bann backup i ganny fer.  Teste gete si tou sa lenformasyon i la.

Mon pa krwar i en keksoz kot si sa Departman i demann lasistans nou donnen.  Be akoz, si zot pa donnen, then nou pour end up kot nou pour napa backup, si zot pa demande.

So mon krwar i devret annan en Polisi zis pour reiterate, kot backup i form par dan loperasyon sa bann lenstitisyon.  E i annan swivi pour fer sir ki i ganny verifye, i pe ganny fer.  E ki kalite lenformasyon ki pe fer backup i la.  E i annan son fason kot sa bann keksoz i ganny store byen, ki at any given time ki i annan en keksoz ki bezwen ganny verifye, i available pour kapab ganny verifye. Mersi.

 

MR SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  Mr Chairman DICT i donn servis tou bann Departman, Lazans avek bann Minister.   Nou ganny konekte lo en rezo.  I annan sa Gouvernman eportal ki nou servi.  I annan osi en platform ki DICT i travay avek bann lezot Lazans pour etabli.  Akoz ozordi i pa en luxury pour kapab travay ek teknolozi. I en nesesite.

So DICT i travay ek tou bann Lazans pour kapab etabli bann platform baze lo zot bezwen spesifik.  E donn sipor lo ki mannyer pour fasilit zot travay koman en Lazans dan servis ki zot donn piblik.

An menm tan, tou resaman PS DICT ti vin Cabinet, i ti raport lo apepre 17 proze Nasyonal ki pe travay ek bann diferan Lazans ti annan pour bi amelyor servis ki zot delivre.  E osi an menm tan amelyor nou kapasite koman en pei, kot i konsern teknolozi lenformasyon avek telekominikasyon.  E sa bann keksoz in pran plas an diskite avek sa bann diferan Lazans baze lo zot progranm.

E sak Departman, Minister avek Lazans, i annan en konponan ICT dan zot travay ki zot servi, pa kapab napa.  Akoz ozordi DICT i en keksoz ki permet, ki permeate, ki penetre tou bann servis ki nou donnen.

So i annan sa travay kontinyel ki arive.  Me i annan defayans.  Petet sistenm par ler i tonbe.  I annan nesesite amelyor zot server.  Sistenm gard lenformasyon.  Be i annan tousala ki nou travay avek lo nivo Nasyonal pour kapab gard bann lenformasyon ki Gouvernman i zenere.  Pour fer sir si i annan en keksoz ki i arive,  ou annan en backup ki bezwen kapab apre servi.  So petet Hendrick i ava an detay lo sa size ankor.  Mersi.

 

MR SPEAKER

Mersi Vis-Prezidan.  DG.

 

DIRECTOR GENERAL HENDRICK ANDRE

Mersi Mr Speaker.  Actually Onorab nou annan en safeguard regarding spending lo ICT ki impose ICT ki i en Departman pe fer.  Actually i pas through DICT for approval.  So avek sa safeguard i annan sort of a kontrol ki’n asireantreprann ki ou pe fer.  We will have sight of it.  Mersi.

 

MR SPEAKER

Mersi DG.  Onorab Ahmed Afif.

 

HON AHMED AFIF

Mersi Mr Chairman.  Mr Chairman mon ti a kontan si Mr Dogley oubyen son bann Manm lo panel, i kapab dir nou par egzanp.  Konbyen dimoun zot annan ki pe travay DICT ozordi?  E si zot annan en Departman oubyen Unit ki regard en pti pe pri ki telecommunications i ganny vann isi Sesel an konparezon avek sa ki pe ganny vann dan larezyon?

Dan mon entervansyon pour Bidze, ou ava rapel Mr Chairman, mon ti dir poudir Sesel-e mwan mon’n al lo DICT pa DICT.  ITU website, ICT prices.  Mon’n tyeke.  Sesel i 3, 4 fwa pli ser ki menm Lafrik, Kenya ek Tanzania.

Zot pe koz pour met plis kab.  Mon ti a kontan konnen si zot annan en Departman ki vreman regard si Sesel i konpetitiv?   E si i pa konpetitiv, ki mon mwan krwar i pa konpetitiv, ki zot pe fer pour zot kapab remet nou lo en nivo ki a fer tou dimoun kapab aste data a en pri rezonnab?  Eski zot annan en unit dan sa Bidze ki pe regard sa, ki pe fer en odit bann performans bann lakonpannyen telekominikasyon Sesel?

E ki kapab donn nou en lespwar ki avek sa travay atraver sa Bidze ki zot pe al fer, nou pour vwar pri Sesel lo telecoms pe desann?  Sa i enn.

Dezyenmman;-  eski zot annan en unit ki regard ki mannyer pour fer Gouvernman atraver ICT vin pli efikas?  Par egzanp dan Bidze tou le lannen, nou vwar poudir Health Information System in ganny postpone R20 milyon.  Lapolis i aret ou tanzantan pe gete si ou license in expire.  Tou sa bann lenformasyon i la lo en rezo kot Licensing.  I konnen si ou driver’s license in expire, i konnen si ou loto in expire, son road license.

Me selman, tou sa lenformasyon i la lo en rezo.  Nou premye dan Lafrik selman nou! Solman personn pa konnen kote lenformasyon i ete.  Eski zot annan en unit dan sa Bidze ki kapab ed Gouvernman e Lapolis par egzanp, Lasante par egzanp, Imigrasyon par egzanp ki nou’n demann lenformasyon zanmen nou gannyen – ki kapab ed Gouvernman vin pli efikas?  Vin fer desizyon baze lo lenformasyon.  E donn nou en pli bon rannman pour sa larzan dan Bidze ki sibstansyel ki nou pe mete tou le lannen pour DICT.   Alors sa 2 kestyon.  Mersi Mr Chairman.

 

MR SPEAKER

Mersi Onorab.  Mr Dogley.

 

  1. PS JEFFREY DOGLEY

Mersi Mr Chair.  Mersi Onorab pour ou kestyon.  Nou pour pran premye kestyon konsernan pri telekominikasyon.

Mon krwar premye kestyon ou’n demande.  Konbyen travayer nou annan dan Departman DICT?  Nou annan 72 staff.  Huh?

Konsernan pri telekominikasyon.   Sirtou mon krwar ou konsernen avek internet broadband – data ki nou pe koz lo la.

Mon krwar ti a bon fer resorti an premye lye, ki lo kote sa ki nou apel fixed broadband.  Savedir dan lakaz, ok.  Oubyen dan biro ki fixed, pa mobile.  Nou’n vwar pandan sa dernyen-depi ler kab soumaren in ganny etablir, en rediksyon sibstansyel.  E menm ler nou get per GB.  Menm lannen pase apepre sa menm letan ler nou ti vin dan Lasanble, ti pe kout per GB, ti kout apepre R20.  Ok? Ozordi i kout R14.  Me selman.  Osi bann operater nou pour vwar dan kote fix.  Zot pe rule out zot bann lenfrastriktir pour fiber – ok?  Nou’n vwar serten operater ki’n ogmant son speed ki i pe donn kliyan servis.

Par egzanp lannen ti annan- ti pe koz dan 1 to 2 MBPS.  Ozordi bann operater ki pe ofer ou servis 20, 40 up to 100 MBPS.  So sa i en amelyorasyon.  Me selman nou rekonnet ki lo kote mobil, data i ankor sibstansyel.

        E i annan plizyer linisyativ ki nou Departman spesifikman Divizyon Kominikasyon in pran pour kapab redwir e ede pour ankouraz konpetisyon.  E atraver konpetisyon fors bann operater redwir, oubyen pour donn bann pri bokou pli konpetitiv.

Mon a nonm enn de;-  premyerman mon krwar- tou dimoun i konnen avek la ki lannen prosenn nou pour evantyelman ganny en 3enm operater mobile.

Sa definitivman nou krwar pour annan en lefe significant lo market.  E pour annan en lefe lo pri, akoz?  Akoz dek ki ou annan en nouvo operater ki vin lo market, i bezwen diferansye li avek lezot operater egzistan pour li kapab ganny kliyan.   Ok.

E enn bann-2 keksoz ki normalman bann operater i servi pour li kapab diferansye li avek lezot.  Se pri, apre kalite servis.

Dezyenmman;-  la ki nou pour annan- ler sa lot operater ki pour rantre dan provizyon servis konneksyon enternasyonal par kab,  nou pour fer ki nou pour nepli annan en monopoli par  SCS dan provizyon connectivité enternasyonal.  Ankor nou ekspekte ki pri ki pour koneksyon enternasyonal pour annan lefe lo pri ki bann operater apre pour vann avek zot kliyan.

Lezot linisyativ ki nou pe fer apard ki sa bann ki annan pour fer avek konpetisyon direk kot ou annan nouvo operater ki vin dan market.

Lannen pase nou’n entrodwir en Polisi ki an konsernan lantenn, ok?  E pour share bann towers.  E sa nou ekspekte ki i pour fer ki bann operater – lefe ki nou pe ankouraz operater pour partaz sa bann towers,  pour fer ki zot kou pour zot donn servis i devret desann.  E sa nou ekspekte i osi permet ki zot kapab fer desann zot pri.   Nou annan en letid ki an se moman nou pe fer.  Akoz ki SCS, bann operater ki form parti sa Compagnie SCS avek bann ki pa form parti sa Konpannyen.  Zot pey diferan pri.

Sa bann ki pa form parti sa Konpannyen.  Zot pey omwen apepre ziska 30poursan pli ser ki lezot ok?  So nou pe-nou’n inisye en travay, ki en Konsiltan an se moman mon pe travay lo la, pour vwar si sa pratik ki SCS pe fer, i pa anti- konpetitif.

So si sa rezilta sa letid i montre ki i pa dapre Lalwa konpetisyon sa stratezi pricing ki SCS in adopte, then la osi nou a ekspekte ki si bann operater ki pa form par SCSC,  then zot, zot pri a desann.  E sa osi i ava kapab rezilta pri-rediksyon dan pri pour bann kliyan.

Mobile importability;-

En linisyativ ki nou’n komanse lannen pase.  Ki i osi ankor pour anmenn plis konpetisyon dan market kot pour bann operater pour kapab pli byen compete ek kanmarad.  E la osi, ler sa servis pour vin operasyonnel, nou pe ekspekte ki bann operater ankor pour bezwen rod fason pour zot kapab retenir zot kliyan.

E fason ki zot fer sa, parey mon’n dir avan, se konpetisyon ek pri.  Me selman mon pour bezwen enform Lasanble, ki nou’n rankontre serten difikilte avek sa proze.  E ki’n fer ki nou’n ganny serten retar.  Me nou’n fini idantifye solisyon ki mannyer nou pour move de lavan.

Enn lot linisyativ ki nou kapab koz lo la, se promosyon lenvestisman dan Sekter ICT.  Si ozordi ou pour al lo website SIB.  Sekter Telekominikasyon i en sekter ki Sesel pe promote pour anmenn plis lenvestisman.

E plis lenvestisman, vedir plis player dan market.  Ler ou annan plis konpetiter dan market, vedir definitivman nou pour kapab- I mean bann konsonmater pour kapab zwir bann pri pli konpetitif e amelyorasyon dan pri osi.

E finalman;-  i annan Lalwa konsernan kominikasyon;-  New Communication Bill ki nou pe travay lo la.  E ki nou sipoze ki by lannen prosenn-boner lannen prosenn i ava devan Lasanble.   Be la osi, pour annan bann nouvo provizyon ki pour anmennen dan sa Lalwa, ki pour ankouraz konpetisyon met bann nouvo lobligasyon lo bann operater vizavi konpetisyon.  E vizavi proteksyon konsonmater an zeneral.

So i annan plizyer keksoz ki Departman pe fer pour kapab ankouraz, e stimulate konpetisyon kot napa.  Ok, kot oubyen nou pa pe vwar konpetisyon pe osi efektiv parey i ete dan serten parti marse.

Nou’n koz Onorab Afif in koz lo konparezon avek pri dan larezyon.  Fodre pran an kont, ki serten bann pei dan nou rezyon ki petet pri i bokou pli ba ki nou –  sa bann pei dan bokou ka, zot annan omwen 2 kab soumaren.  E sa bann 2 kab soumaren ki konnekte zot enternasyonalman, i ganny zere par de konpannyen diferan.  E ki deza i anmenn konpetisyon an term pri pour ki zot vann avek operater – ok?

E an plis ki sa, plizyer sa bann pei in annan en kab soumaren bokou pli boner ki nou.  Si nou get par egzanp Maurice, Maurice in ganny kab soumaren 2002.  Nou nou’n vin an 2012.  Si nou get par egzanp La Tanzanie oubyen Kenya, zot an 2009.  Ok?  So tousala i bann fakter ki zwe en gran rol dan konbyen pri ki konsonmater a lafen i peye.   Ok?  So mersi Mr Speaker.

 

MR SPEAKER

Mersi Acting PS.   Onorab Afif.

 

HON AHMED AFIF

Mersi Mr Chairman.  Mr Chairman i pa’n reponn sa morso kestyon, lo ki mannyer zot pour fer DICT ed bann lezot Lazans isi Sesel pour vin pli efikas?  Me selman avan mon al lo la.  Mon ti a kontan osi dir avek Mr Dogley.  Sa largiman ki nou pour annan en lot kab, en lot konpannyen,  alor pri pour tonbe.

Mon konpran largiman plis konpetisyon.  Me Mr Dogley ou osi konnen ki dan sa Lakonpannyen soumaren, kab soumaren ozordi.  Se zot.  Gouvernman ki mazoriter ladan.  Zot annan 41poursan.  Se zot ki fer desizyon lo sa Board.  Ou pa bezwen esper ou konpetiter vin fer desann pri ou.  Zot annan 41poursan.  Larestan se Cable ek Airtel.  E zot lo Board, zot dir la, la pri ki nou pe vann.  E i desann.  Pa bezwen okenn lezot kab.

Dezyenmman; mon ti a kontan si ou kapab dir nou ki kapasite lo sa kab zot pe servi ozordi?  Parske mwan mon konpran i en pti kapasite.

E trwazyenmman, ou’n nonm poudir sa bann Lakonpannyen pe – ou aksepte ki zot pe vann nou gigabytes data ser.  Me selman ou’n vwar rediksyon.

Mon ti a kontan dir avek ou.  Ki ou pour fer?  E ki largiman ou kapab anmenn kot sa bann zans pour dir ek zot, ler zot, zot aste data.  Zot pa pey li par gigabytes zot.  Sa lakonpannyen kab soumaren ki nou, ki pli gran shareholder ladan.  Zot pa aste gigabytes zot.  Zot aste zis kapasite son speed.  Savedir lo sa kab, sa lakonpannyen i deal ek lezot operater deor.  I dir be ‘donn mwan en kapasite 40MBPS, ou donn mwan 80.  E se tou ki ou peye ou.

Apre download ki kantite ou anvi, pa kout ou nanryen ekstra.  Be akoz ler zot, zot ganny li koumsa.  Ler zot vann ek mon dan lakour.  Oubyen ou dan lakour, zot pe vann ou par gigabytes?  Zot, zot download ki kantite zot anvi pa kout zot nanryen ekstra.

Be akoz zot pe vann ek Seselwa par gigabyte?  Sa se direkteman lo prosen Board, pour met sa devan.   Ou dir vann ek Seselwa dapre ou speed, pa dapre ou kantite ki ou pe load.   E fer desann sa pri!  Pa ni bezwen esper lot kab vini.  Akoz ou pa kapab enplimant sa toudswit?  E nou pour vwar pli Telekom dan Sesel tonbe en sel kou.  Akoz nou pa kapab fer sa?

E dezyenmman si ou kapab reponn mon lot bout kestyon,  ki mannyer ou pour ed lezot Lazans dan Gouvernman vin pli konpetitiv?  Mersi Mr Chairman.

 

MR SPEAKER

Mersi Onorab.  Acting PS, Mr Dogley.

 

  1. PS JEFFREY DOGLEY

Mersi Chair.  Mersi Onorab pour ou kestyon.  Regarding 2enm kestyon, regarding service, Mr Andre i a reponn.

Regarding SCSC –  mon krwar ki- mon pa pour kapab -mon pa personnelman reprezant Gouvernman lo SCSC.  E mon krwar sa en Lakonpannyen ki annan Partnership Gouvernman ek Prive.

E Departman per se pa pour kapab pronons son lekor regarding stratezi pricing sa konpannyen.  Ok?   Regarding- e osi mon napa lenformasyon regarding sa data, ki zot pe servi pour le moman.  Me solman nou kapab fer zot available.  Nou ava SCS fer sa available. 

Regarding stratezi akoz zot pa sarz on a per gigabyte basis.  Be mon krwar ki lamazorite Konpannyen enternasyonalman si ou pour vwar,  i annan 2 stratezi ki mannyer zot  – bann ki donn servis direk piblik en.  Zot sarze.  Swa per meter broadband ki i annan Sesel.  Savedir kantite data ki ou servi.  Mon sarz ou baze lo ou data ki ou servi.  Oubyen i annan sa ki nou apel unlimited ok?  Me nou vwar dan ka Sesel ozordi, i annan zis en konpannyen ki pe provide unlimited data.  Donn ou en servis unlimited.

Savedir ou kapab download kantite ki oule.  Me selman parey ou pour vwar dan plizyer pei lemonn, menm bann pei avanse –  i annan en Fair Use Policy ki ganny asosye avek.  Nou krwar avek sa plis konpetisyon dan sa marse, evantyelman i pour obliz operater pour donn unlimited packages tou son bann kliyan.  Mon krwar i zis en kestyon letan.  Me selman mon plis ki sir i pour arive.  Se tou ki mon kapab dir pour le moman.  Mon al pas avek mon koleg pour reponn sa 2enm kestyon.  Mon hope ki mon’n satisfer Onorab.

 

MR SPEAKER

Mersi. DG.

 

DIRECTOR GENERAL HENDRICK ANDRE

Mersi Mr Speaker.  An relasyon avek 2enm kestyon pour government vin pli efficient of servi ICTActually nou’n fer en survey komansman lannen par World Bank pour zis pour montre nou bann gap regarding nou implementation of the e-government project.  Keksoz ki’n fer resorti dan nou survey se nou lapros oparavan, se plito entrodwir ICT dan Gouvernman pour fer travay bann staff pli fasil.

E mon krwar direksyon ki kler dan sa report, se pour devlop bann sistenm ki i annan lenpak lo lasosyete.  Setadir ki focus– olye focus lo Gouvernman devlop sistenm pour li.  Se devlop sistenm ki sosyete i kapab servi.  So annefe pli user centric approach – ki lapros ki nou’n pran oparavan.  So nou’n ganny enn de bann gidans rezilta sa survey ki nou pe pran kont pour amelyor the e-government project.  Mersi.

 

MR SPEAKER

Mersi DG.  Vis-Prezidan.

 

THE VICE-PRESIDENT MR VINCENT MERITON

Mersi Mr Chair.  Mr Chair zis pour konpletman sa ki’n ganny dir.  Onorab Afif in koz lo detrwa proze ki i santi pa pe bouze.  En legzanp, se sa Health Information System.  Wi en bon pe lannen depi ler sa proze i Ankour, i an diskisyon.

Be mon kapab raporte ki finalman nou kapab sirmont tou bann defi ki’n annan, tou bann appeal ki ti annan.  E Lakor in ganny sinyen, DICT ansanm avek Minister Lasante in fini anvoy let avek nou partner aletranze.  E nou ekspekte ki nou ganny en feedback pli vit ki posib pour nou kapab bouze.  Akoz nou santi vreman i ava enn bann servis ki pour fasilit servis ki Gouvernman i donn son popilasyon.

Bann lezot servis, Licensing Authority ki liaise avek Imigrasyon – avek Lapolis;- Imigrasyon, i bann servis ki Ankour kot o fir e anmezir ki zot santi ki DICT i ganny demande en sipor, nou donnen.  Akoz nou la pour fasilit zot, pour fasilit lapopilasyon parey ou dir.

Onorab Afif in koz lo sa kestyon fer desann pri.  Onorab ou menm ou, ou ti en- ou advocate ki i bezwen annan konpetisyon pour kapab fer desann pri.   I reste – sa  adage pa’n sanze.  I reste ozordi – menm si ou pa dan Gouvernman ki konpetisyon i fer desann pri.  E se zisteman sa ki nou pe siporte, devret promouvwar avek sa nouvo operater ki pour antre an zwe lannen prosenn.

An menm tan nou oule met en nouvo Lalwa Telekominikasyon anliny avek bann norm enternasyonal, san pyetin lo liberte marse lib.  Me an menm tan annan bann lankadreman ki pou permet ki keksoz i ganny respekte.  E ki dimoun vreman pa ganny vann koman kabri dan sak.

An menm tan Mr Speaker, avek nouvo operater ki pe antre dan zwe,  i pour aziste son servis parey Mr Dogley in dir.  Me osi bann operater ki egzistan, pour li aziste zot fason fer pour kapab fer sir zot reste relevan lo sa marse.

Epi an menm tan Mr Speaker, fodre pa ki nou bliye ki konsonmater i osi annan en rol pour li zwe kot i konsern son servis, kot i santi sa larzan ki in peye, avek sa servis ki pe gannyen, pa an ankor.  I annan bann diferan lenstans si i kapab ekrir.

E tou dernyerman mon’n vwar lasemenn kot detrwa dimoun ki pa satisfe avek servis ki in gannyen, in ekrir DICT.  E DICT in refer zot avek bann lenstans pour kapab adrese.  Mersi Mr Chairman.

 

MR SPEAKER

Mersi Vis-Prezidan.  Bon i reste ankor 5 Manm lo mon lalis ki pour interacte avek Departman DICT.  Nou ava pran en break.  E nou ava retournen 11er pour kontinyasyon.

 

(BREAK)

 

MR SPEAKER

Bon nou ava kontinyen nou travay.  E mon ava donn la parol Onorab Johan Loze.

 

HON JOHAN LOZE

Mersi Mr Speaker.  Bonzour Mr Speaker.  Bonzour tou Manm Onorab ek tou dimoun a lekout.  Mr Speaker mon annan en kestyon pour panel;-  5th Generation Cellular Technology, oubyen koni koman ‘5G’,  resaman i annan bokou keksoz pe ganny dir.  Son lefe-vizavi son lefe lo lasante imen.  Mon kestyon se, eski zot DICT, zot in ziska aprezan ganny sans pour vwar okenn papye syantifik?   E la mon pe koz ‘’Peer reviewed papers’’ ki’n ganny pibliye, ki’n ateste konmkwa sa teknolozi i move pour lasante imen.

Akoz i annan bokou keksoz ki pe fer letour partou, partou.  Be mon mwan oule konnen si i annan- si lasyans mainstream in dokimant okenn keksoz dan sa direksyon?  Mersi Mr Speaker.

 

MR SPEAKER

Mersi Onorab Loze.  Mr Dogley.

 

  1. PS JEFFREY DOGLEY

Mersi Chairperson.  Mersi Onorab pour ou kestyon.  Mon krwar avan nou al lo 5G.  Mon krwar ti a bon mwan mansyonnen ki byen- boner sa lannen Departman ICT ti here-fer en letid an kolaborasyon avek en Konpannyen Sidafriken kot nou ti mezir nivo radyasyon lo bann sit mobile dan Sesel.

Savedir nou pe koz 2G, 3G ek 4G.  E nivo radyasyon ki ti ganny-bann mezir, bann result-rezilta sa letid ti montre ki nou byen anba nivo ki rekomande par ICNIRP ki sa lorganizasyon ki determin- donn gidans lo tou sa ki konsern radyasyon imen atraver bann servis-bann servis telekominikasyon e lezot.  E ki vedir ki dan nou kote Sesel, nou ok.

Lo kote 5G;-  mon ti a kontan mansyonnen ki L’Angleterre;- anfet boner sa lannen, en kestyon similer ti ganny demande dan Parlman L’Angleterre.

E Secrétaire d’États L’Angleterre pour Lasante ti dir ki letid ki’n ganny fer by Lenstitisyon Lasante L’Angleterre ti klerman montre.  Baze lo bann dokiman ki’n ganny ekrir lo sa size.  E bann levidans syantifik ki annan ozordi.  I montre ki 5G pa pour annan- pa sipoze annan okenn lefe advers lo lasante imen.  Secrétaire d’États ti osi rekonnet ki wi pour annan en logmantasyon lo nivo radyasyon en fwa ki bann operater i komans donn servis 5G.

Me sa pti logmantasyon ki sipoze annan,  i pour fer ki zot still dan ka L’Angleterre zot pour par anba nivo ki rekomande par ICNIRP.  E ki ankor dan nou ka Sesel, nou osi nou ekspekte sa konsiltan ti en keksoz ki nou ti dir zot regarde.  E  sa konsiltan ti osi pronons li poudir be ki zot dan ka an vi nivo ki mezire ozordi pour sa bann servis egzistan, pa ekspekte ki nou pour pas par lao nivo ki’n ganny etablir enternasyonalman.

Savedir enternasyonalman osi lontan ki ou reste par anba sa bann nivo ki’n ganny etabli par ICNIRP ki ti a bon note ki i ganny rekonnet, adopte par World Health Organization ‘WHO’ e osi International Telecommunication Union ki sa lorganizasyon enternasyonal ki i annan pour fer ek telekominikasyon,  i montre ki napa lefe advers ozordi, baze lo bann dokiman syantifik.

Mon’n osi mansyonnen ki dan ka Lerop,  sa osi in osi en konsern pour detrwa lannen.  E pour sa rezon Kominote Eropeen ti etabli en Komite ki apel Scientific Committee on emerging and a newly identified health risk, ki li in prodwir plizyer lopinyon.  E dernyen lopinyon ki zot in donnen ti an 2015.  E ankor zot dir, baze lo levidans ki i annan ozordi.  Levidans syantifik resers ki’n montre, napa lefe advers osi lontan ki ou reste par anba sa limit ki’n etablir by ICNIRP. 

So nou pa anticipate ki dan ka Sesel ler pour annan 5G pour ganny rule out.  Fodre pran kont ki 5G pa ankor ganny rule out Sesel.  E me selman dan ka Lerop par egzanp.  Mon kapab dir zot ki plizyer pei ozordi in fini lans 5G dan zot pei, ok?

Nou pe koz L’Angleterre.  Nou pe koz Espagne, nou pe Finland, Italy.  E Roumanie.  Tou sa bann pei i deza in lans servis 5GSo ozordi napa levidans syantifik ki montre ki i annan lefe advers a kondisyon ki sa bann-ler ou pour mezir nivo radyasyon ki piblik i ganny ekspoze avek.  I reste par anba nivo ki’n ganny rekomande par ICNIRP.  Mersi Onorab pour ou kestyon.

 

MR SPEAKER

Mersi Mr Dogley.  Mon ava zis advise ou osi pour fer repons en pti pe pli bref, si posib.  Onorab Loze.

 

HON JOHAN LOZE

Mersi Mr Speaker.  Mr Speaker si nou ti kapab ganny en commitment avek DICT ki zot a kapab kontinyen monitor sa sityasyon, once ki 5G i ganny rolled out.

E letan en lakonpannyen i lanse, konpetisyon dan marse i dikte ki i pour annan en scramble pour bann lezot lakonpannyen osi match.  So mon pa konnen si i pour posib ki zot a trouv en fason petet pour minimiz en pe lakantite emeter ki ganny plas, si i kapab annan bann shared protocols ant sa 3 lakonpannyen.  Or– en fason selman pour zis adres en pe konsern nou pep ki i ava annan mwens radyasyon lo nou pti pei.   Mersi Mr Speaker.

 

MR SPEAKER

Mersi Onorab.  Mr Dogley.

 

  1. PS JEFFREY DOGLEY

Mersi Onorab.  Wi nou pour kontinyen monitor sa issue regarding 5G.  E mon kapab reasir Onorab ki sa Communication Antenna Policy ki mon ti mansyonnen pli boner.  I sa bi.  Se pour annan mwens bann towers dan popilasyon.  E alor ki bann operators i kapab share.  Mersi bokou Onorab.  Mersi Chairman.

 

MR SPEAKER

Mersi, mersi Dogley.  Onorab Flory Larue.

 

HON FLORY LARUE

Bonzour Mr Chair.  Bonzour tou dimoun.  Mon ti a kontan demande follow on lo sa study ki zot menm zot dir zot ti fer lo-pour radio frequency ek electromagnetic field.   Kan ki ti ganny fer egzakteman?  Oli rezilta sa study?  E konbyen ti kout zot pour zot fer sa study?  Sa enn ki ou’n mansyonnen in fer atraver sa lakonpannyen Sidafriken.

E zot in dir nou ki 5G pour ganny roll out Sesel dan speech Bidze Minis ti dir nou koumsa ki i pour ganny roll out o komansman 2020.  Eski sa i certain, e in konfirmen?  Eski nou kapab ganny en dat kan ki zot krwar roll out pour ganny fer isi?

Me solman lefe ki ou’n koz lo bann rapor ek bann levidans.  FCC ‘Federal Communications Commission’ in dir ki zot pe servi- sa limit ki zot, zot pe servi lo radio frequency radiation exposure limits i date avek en limit ki depi avan 1990.

Bann resers ki ti ganny fer in the 80s and early 2000s.  E ozordi kot nou’n arive, zot pe dir ki zot menm zot, zot bezwen – sa Commission zot bezwen al re get sa limit ki zot pe servi poudir it’s safe.

E ansanm avek sa, nou vwar ki i annan en plea ki’n ganny fer avek European Union par en group syantis avek dokter, sorti dan plis ki 40 pei ki pe sipliye ki 5G pa ganny roll out.  E zot pe anmenn zot own evidence, medical- scientific evidence ki i annan en lefe lo lekor imen.

Alor nou isi –  lefe ki nou’n fer zis en study.  Nou pa kapab halt sa roll out, letan nou pe esper sa bann rezilta.  Akoz these are recent.  I fek arive la sa lannen.  E dernyen appeal zot in fer avek EU, i boner Novanm 2019.

As it is, nou pa ankor kapab byen servi 4G isi Sesel.  Eski i merite pour nou roll out 5GSo mon ti a kontan zot eksplik mwan sa.   I’m sorry Mr Chair.  Lo kote zot manda,  zot dir nou koumsa include implementation of e-government.  E nou konnen time is money.

Kisisa ki zot pe fer pour assess tou Minister?  Ki fer ki bann Minister i servi e-government;– konmsi zot-konmsi   we really become e- government?

E la lo mon kote –  mon pe koz lo Departman Later,  kot Registrar.   Kot sa i kapab ganny enplimante toudswit.  Me solman i pa pe ganny fer.   E nou vwar tou keksoz i manual ler keksoz i tarde.   Mersi.

 

MR SPEAKER

Mersi Onorab.   Mr Dogley.

 

  1. PS JEFFREY DOGLEY

Mersi Onorab pour ou 2 kestyon.  Mon pour reponn premye kestyon.  E mon koleg i a reponn 2enm kestyon.  Ler mon koz ICNIRP.  I sa International Commission Of Non-Ionizing Radiation Protection. 

Sa i en Lorganizasyon Enternasyonal.  Mon pa konnen si sa lorganizasyon ki ou pe refer to dan le ka Lanmerik.  Me selman Lanmerik mon ti a kontan fer sorti, li osi in fini lans 5G, ok?

E kan nou ti fer sa studies?  Studies ti ganny fer an Avril sa lannen.  Kou egzakt nou kapab fer Lasanble gannyen.  Mon napa avek mwan la.

E rezilta, nou ti anfet fer en workshop kot nou ti envit bann operater e osi medya 3 semenn pase kot nou prezant rezilta.  Me selman si Lasanble ti a kontan ganny rezilta.  Nou a kapab fer sa available.

Dat roll out pour 5G.  Mon pa pour kapab donn ou sa lenformasyon.  Akoz sa se operater ki deside egzakteman kan zot pour roll out zot servis.  Nou rol koman Regulator se donn frekans pour permet zot ler zot demann nou.  En operater ki ler i vini, i demann frekans.  Nou, nou make available frekans pour zot roll out zot network. 

Kan egzakteman zot pour- zot fer li arive.  Sa i en desizyon komersyal ki depan lo zot.

Mon ti a kontan mansyonnen ki study ICNIRP ti ganny fer an 1998.  E ti osi ganny revwar an 2009.   E zot in re konfirm study ki zot in fer an 1998.  Mon krwar mon’n reponn tou ou kestyon.  Si i annan okenn kestyon ou ava dir mwan.  Pardon?

 

MR SPEAKER

Mersi Mr Dogley.  DG?  Yes DG, e-government.

 

DIRECTOR GENERAL HENDRICK ANDRE

Ok mersi Mr Speaker.  Mersi Onorab pour ou kestyon.  Regarding e-government projects ki DICT pe enplimante.  Mon pour souliny sa anba bann sistenm ki deza an mars.

I annan 2 kategori of sistenm.  I annan bann ki nou apel line of business.  Setadir sa Departman i servi li pour son day-to-day operation. 

Apre i annan en lot kategori ki nou apel e-services.  Sa bann services ki available online pour dimoun servi.

E as of today, nou annan online business registration ki available.  In terms of tax.  Kot dimoun i kapab anrezistre zot biznes online.

Pour tax nou annan-ou kapab anrezistre ou business annual, business activity statements.  Me la annefe nou pe travay an kolaborasyon avek tax pour nou kapab donn zot sa opsyon pour petet osi kapab pey zot deklarasyon online. 

Nou annan nou e-planning processing system ki online li osi.  Li son diferans se, prosedir an antye ki ganny fer électroniquement.  Setadir o moman ki ou soumet ou laplikasyon, ou peye.  Sistenm-the backing system i process ou laplikasyon electronically.  Desizyon i ganny pran électroniquement there and there.   E i osi kapab sign based lo Act ETA.  Nou fer provizyon kot nou kapab sign digitally.

So sa i en full end to end system kot Gouvernman i annan kot ou kapab process ou bann laplikasyon digitally.

Apre bann lezot sistenm ki mon krwar i worth mansyonnen se, nou annan electronics backing system pour Welfare Land Use Management, Cabinet Office, Methadone Dispensing Management System.  Nou osi devlop en sistenm pour JudiciaryTreasury Information System ki Finans i servi letan zot pe manage zot Bidze.

Nou osi an kolaborasyon avek Minister Employment, pe devlop en Labour Market Information System pour kapab fasilit the matching of lanplwa Sesel.

E bann lezot proze kot i annan devlopman ki pour roll out soon.  E sa pour dan kategori ‘’Ease of doing Business.’’  Nou annefe pe mazin met the collateral registration online osi tou.  Li osi i pour fully electronic. 

Credit Information System;-  sa i en proze ki mon’n fer an kolaborasyon avek CBS.  E any e-services ki i annan pour fer avek lands osi dan sa plan pour met online.  Sa pour an kolaborasyon avek Lofis Rezistrar.

Another critical system ki nou annan en electronics se, nou MPD system.  E annefe nou pe mazin pour even upgrade li pour servi menm bann teknolozi modern parey SMART ID.  Sa annefe bann proze de kle.  Actually i annan 40 plus system ki nou’n devlope.  E 23 e-services dan nou portfolyo.  Solman mon’n tous enn de bann key system. Mersi Mr Speaker.

 

MR SPEAKER

Mersi DG.  Onorab Larue.

 

HON FLORY LARUE

Mersi Mr Chair.  Mr Chair zot pa’n dir mon konbyen sa study ti koute.  E letan nou pe koz lo study, mon krwar nou kapab selective lo rezilta serten study pour nou support bann desizyon ki Gouvernman pe fer.  Me solman mon krwar letan nou pour get li globally, dan lemonn antye, 5G is very controversial.  E eski pei i kapab afford pour les pep Seselwa deal avek konsekans when it is not conclusive?

It is not conclusive.  E i pa en keksoz ki nou bezwen li urgentlySo eski nou kapab met en hold lo roll out?  Ziska ler nou a donn desizyon pli conclusive. E annou pa select study ki benefisye-ki siport desizyon ki zot, zot oule fer.  Annou get an global context ki 5G is not something ki the medical profession pe siporte.

Apre sa rapor.  Mon pa krwar Lasanble ki bezwen.  Nou pour bezwen fer li public.  Espesyalman si i en keksoz ki nou pour debat lo la.

 

MR SPEAKER

Onorab, Onorab.

 

HON FLORY LARUE

fodre bann dimoun ki i annan son field.  I fer li available.

 

MR SPEAKER

… Onorab…

 

HON FLORY LARUE

Yes. 

 

MR SPEAKER

… lo sa rapor mon krwar Ag PS in pronons son lekor.  It went public last week.  E in dir …

 

HON FLORY LARUE

… online!  Public online, pa public dan en dokiman Mr Speaker.

 

 

MR SPEAKER

In dir i pour fer Lasanble Nasyonal osi tou ganny en kopi sa rapor.  Ok?  So mon krwar nou’n egzos sa sityasyon 5GOk?

 

HON FLORY LARUE

Mersi Mr Chair.  Mr Chair mon pe koz online.  Si  DICT.  Nou pa oule en paper document.  Nou oule li online lo zot site.

Apre mon ti a kontan i dir mwan, sa (SEAS), Seychelles East Africa System, lekel ki reprezantan Gouvernman lo kote shareholding?  Kot nou ki annan shares ladan.

Apre DICT i bezwen eksplik nou ki mannyer sa screensaver Mr Faure, ti ganny kordinen dan tou Minister dan Gouvernman Sesel?   E akoz zot vwar ki sa ti en proze vreman enportan?  Mersi.

 

MR SPEAKER

Onorab, mon krwar sa dernyen bout, Lasanble ti deal avek.   E i pa form par dan sa deba Bidze.  Non, non Lasanble ti pran en desizyon.  E aksyon ti ganny pran toudswit apre.  DG avek Ag PS annou brièvement nou pe press en pti pour letan.  Annou donn bann repons presi e bref.

 

  1. PS JEFFREY DOGLEY

Mersi Chairperson.  Mersi Onorab.  Pour kou, parey mon’n dir mon napa sa lenformasyon la.  Nou ava fer Lasanble ganny li.

Regarding rapor.  Wi nou ava fer piblik-akoz dan sa rapor i annan osi serten lenformasyon ki petet sansib pour bann operater.  Nou ava vwar ki bann operater, bann ki annan valer komersyal, ki nou a bezwen retire.  Leres nou ava fer piblik.

Me definitivman rezilta ki mon krwar ki pli enportan pour piblik, nou pour fer available.  Mersi Mr Speaker.

 

MR SPEAKER

Mersi Mr Dogley.  DG, anything?

 

  1. PS JEFFREY DOGLEY

Reprezantan….

 

MR SPEAKER

Wi lo East Africa.

 

  1. PS JEFFREY DOGLEY

Gouvernman lo SCS pour le moman, se Mr Ben Choppy.

 

MR SPEAKER

Mersi Mr Dogley.  Onorab Gervais Henrie.

 

HON GERVAIS HENRIE

Mersi Mr Chair.  Mon annan 2 kestyon pour DICT.   Nou dan en legzersis Bidze.  E pour bokou Manm Lasanble nou ti ava kontan vwar i annan en rediksyon dan depans Gouvernman.  E an menm tan pri lavi pour konsonmater i desann, pour ki evantyelman zot ganny en tax break dan long-term.  So, letan nou pour get en Bidze apepre 9. 29 milyon, mon ti a kontan konnen si zot in deza fer en legzersis pour nou konn the total cost of internet to the Government ki dan sa Bidze.

E atase avek sa, nou konnen poudir i annan apepre 4 operater ki provide internet service dan Sesel.  Cable, Intelvison, Intel, plus Kokonet osi tou mon krwar i fer.

So ki mannyer, Gouvernman zis i pran avek Cable par egzanp?   Eski i annan en tender process pour ki Gouvernman i ganny the best deal?   E ki lefe ki i konsonm osi kantite, i kapab negosye en rate favorab pour li koman Gouvernman?  Sa i premye kestyon.

2enm kestyon konsernan konsonmater,  eski DICT, i satisfe ki konsonmater Seselwa pe pey vre kou internet– pa zis internet, tou bann service cable TV, telefonn, internet, the true fees nou pe peye?  Ou sinon i annan en legzersis ki’n ganny fer pour vwar si napa okenn hidden fees ki konsonmater pe peye san ki zot konnen?  E ki alors zot kapab advise Gouvernman.  Par egzanp pou anmenn en Lezislasyon pour obliz sa bann operater sarz vre pri, e pa kasyet nanryen.  So i annan 2 kestyon la.  Pour Gouvernman pour koup son depans.  E konsonmater pour pey vre pri ki reel.  Mersi bokou.

 

MR SPEAKER

Mersi Onorab.  DG oubyen Ag PS.

 

  1. PS JEFFREY DOGLEY

Mersi Onorab pour ou kestyon.  Pour ou premye kestyon, mon krwar pour le moman lenformasyon ki nou annan,  se sa i ganny negosye avek tou le 4 operater, ok?

Departman i demann sak sa bann operater;- savedir tou operater i provide servis Gouvernman.  E nou negosye pri avek sa operater endividyelman.

Lo 2enm ka kestyon;-  eski nou’n fer odit pour determin vre pri?  Mon ti a kontan fer resorti ki nou dan en marse lib.  E dan en marse lib, se marse ki desid pri ki konsonmater i peye.

Alor mon pa tro konpran koman en legzersis pour determin konbyen i kout operater an vi-vizavi son internet selman.  Sa pour ede pour ou ki konsonmater-si konsonmater pe ganny vre pri.  Akoz malgre si nou determin sa pri, konbyen i kout sa operater pour ganny son servis– I mean de baz, son bandwidth ki i aste.  Me tou i depan lo kou korperasyon sak operater.  Lo son marketing, lo son kantite staff ki i annan, ki kantite efikas i ete.  Eski- se dan en marse lib, se marse ki determinen.  E marse ki mannyer i pour determinen,   se ki bann operater ki pa osi efisyan parey zot devret, zot pour vwar zot tre vit dan problenm.  Akoz zot pa pour kapab match lezot konpetiter.

So mon pa – Kekfwa ou kapab elabor en pti pe plis lo la.  Selman fodre pran kont ki malgre si nou fer en tel audit- odit ki ou pe demann nou,  mon pa tro ganny en konpran ki nou koman Regilater anba Lalwa ki egziste,  e dan lezot pei osi ki mannyer i ganny fer, ou pour kapab fors en pri spesifik lo operater.  Mersi Onorab.

 

MR SPEAKER

Mersi Mr Dogley.  Onorab Henrie.

 

HON GERVAIS HENRIE

Mersi Mr Chair.  Mon pour bezwen dir mwan dezapwente avek larepons ki mon’n gannyen.  Parski Gouvernman i la, pour protez popilasyon.

Premyerman konsonmater.  Gouvernman in ganny en manda pour li asire ki dimoun konmsi i viv konfortableman pli ba.

Premyerman mon krwar Gouvernman i dan en pozisyon pour li kapab negosye en better rate pour li ler i konsonm internet.  Akoz i pe servi bokou.  E mon’n demande ki poursantaz sa Bidze ki zis al dan internet, si nou ti kapab ganny sa lenformasyon.

Dezyenmman;-  sa kestyon konsonmater, mon krwar i tonm dan responsabilite Gouvernman.  Anfet Leta Ini zot in pas en Lezislasyon ki apel ‘The True Fees Act.

Zisteman zot in fer en legzersis akademik, pour regard bann pri e tir tou bann hidden cost ki bann operater i mete e sarz konsonmater.  Si Leta Ini pe fer.  Akoz nou, nou pa kapab fer?

E Gouvernman i la pour donn Seselwa meyer deal posib!  E si nou pa per fer sa.  Akfer nou donn zot en Bidze toulezan?  Akfer zot la?  Mersi.

 

MR SPEAKER

Mersi Onorab.

 

  1. PS JEFFREY DOGLEY

Mersi Onorab pour ou kestyon.  Onorab mon krwar ki si ou get statistik, ou get data, ou pour vwar ki parey mon ti dir lo komansman, servis data, servis telekominikasyon Sesel in desann.

Ler nou gete- ler nou mazinen an 1998 kan Airtel ti antre dan marse- avan Airtel ti antre dan marse pour telefonnen aletranze, Sesel ti kout R25 en call.  Ozordi pour call aletranze, ou kapab pey o ziska R1!

So sa petet i montre akoz nou la.  E mon krwar ki-parey mon’n donn sa bann linisyativ k nou’n donnen.  So i pour- nou definitivman krwar ki sa pour ede dan marse.  Me challenges i kontinyen annan.  E mon krwar ki nou bezwen-nou konsyan- nou konsyan ki piblik Seselwa-pep Seselwa i oule en servis de kalite.  E en servis a en pri ki zot pour kapab peye.  E mon ti ava refer avek ou – refer ou avek piblikasyon ki ITU in fer pour 2017.  2017 or 2018 Sesel ti pei dan Lafrik kot internet pour fix ti ganny vwar koman pli abordab.

Savedir ki nou pa pe pey-baze lo reveni ki nou pep pe gannyen.  I kantmenm kapab- zot kapab pey en serten extent.  Me selman mon pa pe dir ki nou pa pour amelyore.  E ki nou devret amelyore.  E nou pour sey nou mye pour fer sa amelyorasyon.

Konsernan konbyen i kout Gouvernman pour internet?  Nou pe koz 1.7 milyon dan sa Bidze.  Mersi Onorab.

 

MR SPEAKER.

Mersi Mr Dogley.  Onorab Simon Gill.

 

HON SIMON GILL

Mersi Mr Speaker.  Mr Speaker en deba enteresan ki vini, sak Bidze ki ganny prezante dan sa Lasanble.

Bann Manm Parlman pe rod pri pli bon marse ki piblik i kapab pey depi son telefonn, son internet, tou bann servis ki nou konnen sa nouvo revolisyon dan IT in anmennen.  Now i annan en statement ki’n ganny fer ki Gouvernman i annan 40poursan stake dan kab, dan sa konpannyen.

E i annan en propozisyon pou anmenn en nouvo kab.  Now, nou konpran largiman teori market, demann ki pou finalman definir the outcome, the price ki sa konsonmater pou peye.

E dan ou lentervansyon ou pe antisip larantre en nouvo player dan sa market.  Me eski ou kapab dir nou ki vre lefe i kapab annan si Gouvernman i forgo son 40poursan stake ki i annan dan sa konpannyen.  I met li a la porte piblik or a laporte bann lezot konpannyen ki enterese pou aste.

Dan en lot mo, Gouvernman i pull out direkteman ladan e i met sa a laporte piblik biznes?  Eski ou panse, baze lo zot ekspertiz, zot leksperyans ki zot annan, eske i kapab annan en lefe lo final outcome?

Savedir pri ki konsonmater pou pey tou keksoz ki annan pou fer avek telekominikasyon dan sa pei.  Evantyelman nou ava vwar ki bann biznes, bann services i vin pli meyer marse.  Ekse i posib sa?  Sa i premye kestyon.

2enm kestyon, si nou teori ki finalman se marse ki pou determin pri, ki mannyer sa i kontredir 40poursan stake ki Gouvernman i annan dan sa biznes?  Ok?  Sa i 2enm kestyon.  3enm kestyon, akoz nou pe rode ki mannyer nou kapab zistifye zot legzistans.

Si zot legzistans pa kapab prodwi lefe ki piblik pe ekspekte, ki rezon vreman nou kapab adisyonnen, zot kapab adisyonnen pou nou vreman aprouv zot Bidze?  Sa i 3 kestyon ki mon oule poz la.

Mon ava aret la Mr Chairman, si ou pou permet mwan, epi mon annan kestyon ankor mon oule poze.  Pou nou kapab vreman dir avek sa piblik la deor ki bann Manm Parlman pe vreman lager pou ki telekominikasyon, tou keksoz ki annan pou fer avek li i vreman desann dan Sesel.

 

MR SPEAKER

Mersi.

 

HON SIMON GILL

So mon ava atann zot largiman.  Mersi bokou.

 

MR SPEAKER

Mersi Onorab.  Bon zis ankor mon averti Manm, i annan bokou kestyon i overlap, i annan bokou kestyon ki pe rod menm repons.  E sa i pe fer ki nou letan osi tou i prolonze.

Nou annan en schedule pou nou travay lo la, e nou bezwen kapab sey keep sa schedule or else nou pou war nou la ziska lavey Nwel.  Ag PS avek DG, mon konnen zot in abord bokou sa bann, dan kontenir sa 3 kestyon briyevman pou reponn Onorab oubyen VP?

 

THE VICE-PRESIDENT  MR VINCENT MERITON

Mersi Mr Chairman.  Mr Chairman i annan 2 deklarasyon in ganny fer bomaten ki Gouvernman i annan 40 poursan dan SCS.  E ki si Gouvernman li menm li ki annan aksyon mazoriter pa kapab dikte son volonte pou fer desann pri?

Volonte Gouvernman pou fer desann pri an zeneral dan epi i la, e i ganny pratike toulezour atraver son bann progranm ki i deservi.  Kot i konsern SCS, Mr Speaker i pa ositan fasil parey nou krwar.

I annan en Lagreman ki ti ganny fer ant diferan stakeholders, bann partner.  E Lagreman i bezwen ganny respekte, nou bezwen, ti annan en loan ki ti ganny pran, nou bezwen servis nou loan.  Nou bezwen asire ki en kab soumaren i pa vitam aeternam. 

I annan maintenance i bezwen ganny fer.  E obou en serten moman, ou bezwen ranplas li.  So i annan kou ki ale avek sa e Gouvernman pa kapab retir dan sa Lagreman.  Akoz okenn desizyon ki ganny fer lo SCS i bezwen ganny pran par linanimite.  E zot bound par en Lagreman, zot bezwen servi zot loan e asire ki Lagreman ki zot in fer i ganny respekte.

Dezyenmman SCS pa kapab vann okenn servis ek piblik direkteman.  I pas atraver bann operater, e bann operater li i vann sa avek piblik.  So Mr Chairman i en formel konpleks, konplike.  Me selman i annan serten responsabilite lo tou bann dimoun, bann parti prenan depi Gouvernman avek bann operater pou zot kapab respekte.

Si a la moman, i ariv en moman ki loan in fini ganny servis, ki loan i fini ganny peye, ki kou maintenance i pa sitan o,  ki nou santi i annan en nesesite ki Gouvernman i sorti ladan.  E fodre mazinen dayer ki Gouvernman pa ti anvi antre ladan.

Gouvernman ti antre ladan akoz pa ti pou’n arive.  So prezans Gouvernman ozordi in enfliyans-e, ki nou pe ganny sa bann servis, ki nou pe ganny internet a en pri ki nou pe kontinyelman travay pou kapab fer li desann.

Mr Speaker lekspektasyon piblik byensir i tre o, akoz nou oule fer en biznes pli vit, nou oule ganny profi.  E an menm tan popilasyon i oule reste azour avek sa ki pe pase lo nivo lokal, lo nivo enternasyonal.

E nou, nou bezwen annan en fason gete ki mannyer nou kapab, atraver (1), nou’n koz lo la taler, Lalwa Telecommunication Bill.  E 2enm les konpetisyon vreman vin the real lever, pou kapab fer desann pri, fer li vin pli abordab.  Mersi Mr Chairman.

 

MR SPEAKER

Mersi Vis-Prezidan.  Onorab Simon Gill.

 

HON SIMON GILL

Mersi Mr Chairman.  Mr Chairman VP in dir nou poudir finalman, malgre ki marse i zwe en rol pou determin pri, se ki napa nanryen ki garanti, e napa nanryen otomatik.

Now, si sa i konklizyon, nou pou demann en kestyon siplemanter, pou demande eski i annan posibilite donnen nou market space ki nou annan, pou nou ankouraze ki en lot operater i antre dan market Sesel.

Eske i annan sa posibilite? Eski zot pe venture dan sa direksyon?  E si zot in venture dan sa direksyon, ki zistans ki bann negosyasyon in arive e kan evantyelman nou kapab vwar pa 1 me 2?  Avek lekspektasyon byensir ki zot kapab donn nou en better dil.  Mersi bokou.

 

MR SPEAKER

Mersi Onorab.  Vis-Prezidan.

 

THE VICE-PRESIDENT  MR VINCENT MERITON

Vitman Mr Chairman.  Mr Chairman deza i annan prosedir ki pe ganny antreprann, pou ki en 3enm operater i antre dan domenn mobile telefonik.  E nou ekspekte ki le moman ki bann prosedir i ganny swiv, e bann laprouvasyon, bann diferan Lazans i ganny donnen, ki sa operater i kapab rantre e roll out son progranm avek lobzektif fer desann pri.

An menm tan mon’n dir, i annan osi lespas pou si en dimoun i envestir dan en lot kab soumaren, i kapab envestir ankor.  Be nou konnen poudir sa i kout en bon pe milyon Dolar pou kapab fer li marse.  Nou lobzektif se kontinyelman donn piblik Seselwa a better dil pou son larzan.  Mersi Mr Chairman.

 

MR SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman avek larzan ki nou pe donn DICT, mwan mon anvi vot byen, avan nou donn sa larzan ki egzakteman, well i annan serten keksoz la ki mon anvi ganny byen detay.

Eski DICT i kapab rantre dan tou email bann computer ki atase avek Gouvernman?  Konmsi bann email personnel?  Akoz mon anvi konnen.  E parske i annan sa eleman konfidansyalite ki mon ti ava kontan ki i ganny ekspoze.

Akoz mwan mon pa ti pou kontan pe rantre dan, pe finans en lorganizasyon ki vin koman en lorganizasyon lespyon.  E alor mon ti ava kontan ganny byen sa lesplikasyon.  Letan nou pe koz nouvo operater, zis nou’n tann nouvo operater, nouvo operater, nouvo operater – sey dir nou lekel sa nouvo operater?

 

(Off-Mic)

 

HON WAVEL RAMKALAWAN

Mr Speaker mwan ki annan laparol.  Mon ti ava kontan ki letan mwan mon annan laparol, mon pa ganny disturb silvouple.  Mon poz sa la, ok?

 

MR SPEAKER

Kontinyen Onorab.

 

HON WAVEL RAMKALAWAN

Letan ankor enn fwa, nou pe koz lo sa ki pe arive ozordi lo marse.  Nou tou nou konnen ki poudir Airtel avek Cable and Wireless, sa 2 main, pe vol lepep Seselwa.  Akoz zot pe vol lepep Seselwa.

E mwan mon dir li kler, zot kapab ekrir, akoz zot pe vol lepep Seselwa.  Akoz si mon anmas mon telefonn, mon fer en call 5 segonn, zot sarz mwan en minit.  Zot pa pe sarz mwan sa ki mon pe aktyelman servi.  Kwa ki DICT avek Gouvernman pe fer pou asire ki koman en, koman en lorganizasyon ki regard tou sa bann eleman kominikasyon.

Kwa ki zot pe fer pou ensiste ki sa 2 lorganizasyon avek bann lezot lakonpanni zot sarz lepep Seselwa pou sa ki nou servi e non pa sa ki zot, zot anvi?  Sa mon ti ava kontan konnen.

E apre sa Mr Speaker, Mr Chairman, mwan mon ti ava kontan konnen anba ki progranm dan sa Bidze ki zot pe prezante, kot zot kapab, konmsi kot zot depans larzan, ekout mwan byen –  anba ki progranm ki zot depans larzan pou fer bann keksoz parey screensaver?  Mersi bokou.

 

MR SPEAKER

Mersi Onorab.  Sa kestyon i rantre dan en lot fason.  Be mon a permet Mr Dogley pou reponn bann kestyon.  Mr Dogley.

 

  1. PS JEFFREY DOGLEY

Mersi Onorab pou ou kestyon, mersi Chair.  Mon pou reponn serten kestyon e lot mon pou les mon koleg Mr Andre reponn.  Lo ki bann operater pe sarz konsonmater plis ki petet zot devret, lo ki ou kapab fer en call en serten kantite, en serten kantite segonn.  E ki ou ganny sarze pou 1 minit.  Mon kapab fer resorti ki sa propozisyon nou’n deza detrwa lannen pase, en pe lannen pase, anmenn sa a latansyon bann operater.  Ki petet in ler, dan ka Sesel, ki nou adopte en charging mechanism kot basically ou sarz konsonmater pou premye 6 segonn.  E par lao 6 segonn then ou a sarz li baze lo kantite ki i servi.  E en largiman, 2 largiman ti ganny avanse sa lepok.

Se (1) pou determin 6 segonn pou zot definitivman pa fezab.  Akoz zot krwar ki sa pou rezilta en gro perd pou zot konpannyen.  E dezyenmman zot analiz pou donn nou sa bann data pou kapab analize, sa osi in en difikilte ki nou pa’n kapab, zanmen kapab fer ganny li neseser.

Be mon krwar ki i en keksoz, ki definitivman nou kapab re sey li.  Akoz ziska ozordi sa i en keksoz ki vre.  Konpetisyon pa’n kapab fer li arive.  Malgre ki nou, regulatory, nou’n seye.  Me selman mon ti a kontan fer sorti ki i pou difisil, nou kapab seye.

Me i pou difisil, nou ava vwar avek AG.  Me i pou difisil pou nou kapab met dan Lezislasyon pou fer sa arive atraver Lezislasyon.  Premyerman nou pa aware okenn pei ki’n fer sa.

E si zot pe dir nou be petet mezir Lezislasyon pou fer li arive, nou pou bezwen vwar avek AG si sa i en keksoz ki posib pou fer.  Mersi, mon a les Onorab reponn lot kestyon, regarding, wi mersi – screensaver.

 

MR SPEAKER

Mersi Mr Dogley. DG.

 

DIRECTOR GENERAL HENDRICK ANDRE

Mersi Mr Chair, mersi Onorab pou ou kestyon.  Pou premye kestyon regarding access email, well nenport ki dimoun ki annan account dan Gouvernman.  We only access the contents in en lord Lakour.

E prosen monitoring, of any individual, mon kapab garanti ou poudir nou pa pe fer sa ki nou dir – spy.  Sa premye kestyon.  Apre regarding screensaver.  Nou, nou manda koman DICT se donn servis ICT, I mean lenfrastriktir DICT pou Gouvernman i kot DICT e nou ki manage.

So dan lepase nou’n gannyen Departman.  Ki’n demann nou pou zot ganny sa fasilite, pou zot kapab, parey nou dir broadcast lenformasyon.  Mazorite letan i vin par through email.

E resaman nou’n ganny en request ki’n vin par screensaver.  Me selman mon kapab garanti ou ki nou napa nanryen pou fer avek sa content.  Be nou provide the facility pou communicate sa mesaz ki nou manda.

Non, sa i pa kout nou nanryen, akoz i vin nou day-to day operation provide Government avek communication ability.

 

MR SPEAKER

Ok, mersi DG.  Onorab Ramkalawan.

 

HON WAVEL RAMKALAWAN

Mr Chairman, sa ki in sorti klerman la, atraver larepons ki nou gannyen, se ki Gouvernman i konnen ki poudir lepep Seselwa pe ganny vole.  Me ki Gouvernman i napa sa kouraz pou li aktyelman dir avek sa bann lakonpannyen ki a pe vol lepep Seselwa, fodre ki zot arete!

 

(APPLAUSE)

 

HON WAVEL RAMKALAWAN

Sa bann lakonpannyen, letan Gouvernman i koz ek zot, zot dir ek Gouvernman non nou pa kapab isi, difisil tou sa bann zafer!  Sa i zis bann leskiz.  E toulezour, toulezour, lepep Seselwa, ki ozordi nou koze, nou annan mobile phone ensidswit – nou premye dan Lafrik, me ofet nou pe ganny vole!  E sa prezan i anmenn mwan lo mon 2enm kestyon;-  ki sistenm ki zot annan alor koman DICT pou fer sir ki tax ki sa bann lakonpannyen i pey Gouvernman i vreman reel?  Eski zot annan okenn fason pou zot monitor sa?

Oubyen eski sa bann lakonpannyen zot pe fer zot ta bilyon lo ledo lepep Seselwa, e zot pa pe pey sa ki zot devret peye?  Apre finalman Mr Speaker, mwan byensir, tou dimoun i konnen ki poudir mon respekte zot e tou.

Me mwan, mwan personnelman sa eleman fodre i annan lord Lakour, I am sorry, mon pa krwar ladan!  Ou konnen akoz mon pa krwar ladan? Se parski nou, nou telefonn in ganny ase ‘’bug.’’

Sa bann fixed line, kot ti napa okenn lord Lakour, Gouvernman zis ti donn, zis ti donn direktiv, telefonn i ganny ekoute, mail i ganny entersepte.  E pa bliye ki poudir DICT dan enn bann case ki’n pase devan en Tribinal, ki’n fini pase, DICT ti ganny trouve ki ti annan en mail ki ti dan inbox en Ziz, ki ti’n ganny tire.

Be ti napa okenn lord Lakour sa!  Alor mon krwar ki fodre nou veye.  E lefe ki Vis- Prezidan pe donn byen konsey, mon ti ava kontan ki Vis- Prezidan i dir ki Gouvernman ki li i Vis-Prezidan ladan, pou pran en direktiv pou ki lepep Seselwa i aret ganny vole par sa bann lakonpannyen telekominikasyon. E nou ganny en fair deal!  Mersi bokou Mr Chair.

 

(APPLAUSE)

 

 

MR SPEAKER

Mersi Onorab.  Vis-Prezidan.

 

THE VICE-PRESIDENT  MR VINCENT MERITON

Mersi Mr Chairman.  Mr Chairman lenpresyon ki pe ganny donnen, se ki Gouvernman pe fer dil avek sa 2 operater pou vol lepep Seselwa.

Be sa i pa korek!  Mon pa kapab aksepte sa!  E fodre pa ki dimoun deor ki pe ekoute oubyen ki pe gete i krwar sa.

Akoz Gouvernman i pe travay zour e nwit dan en nouvo lanvironnman gouvernans dan pei ki nou menm nou tou nou’n dakor, ki nou menm nou, nou’n dakor nou’n fer Lalwa pou kapab anmenn keksoz lo en level playing field, kot si nou pa dakor, nou diskite kot nou pa kapab anmenn Ankour!

Konbyen fwa ki Gouvernman in anmenn serten operater Ankour, pou kapab met lord dan sa ki nou pe fer?  Konbyen fwa ki Gouvernman in anmenn bann dimoun toultour latab, pou nou rod fason pou trouv solisyon?

So, alors konmsi to be fair, zis e onnet, mon pa kapab aksepte ki Gouvernman pe collude avek operater pou kapab, pou detri son prop pep!  I pa lozik sa!  Ki mannyer en papa ek en manman i kapab asiz ansanm pou detri zot prop piti?

 So mon krwar i annan serten fallacy dan sa largiman, i annan serten bout ki pa pe zwenn.  E zisteman mon pa kapab sorti la, dakor avek sa.  Ou osi ou ava dakor Onorab, ki Gouvernman pe fer tou sa ki i pe fer.

I annan Telecommunications Bill, nou pe vin avek boner sa lannen.  Nou ava gete ansanm.  Nou a tal tou kart lo latab, pou nou kapab adres sa size.  Nou’n dir ki konpetisyon i en eleman ki tou lede kote latab i dakor ki mannyer la ozordi ler nou pe eksplike nou pa aksepte sa e nou pe dir ki Gouvernman pe vole, pe vol ansanm avek sa 2 dimoun? I pa kapab korek sa!

Dezyenmman, ou’n demande Onorab, lekel 3enm operater?  Se IntelvisionSo Mr Speaker, konmsi byen koze i fer byen konpran, mal koze i fer diskisyon e mal koze i kapab kree konfizyon, i kapab konmsi sa move persepsyon ki annan deor.

Mon pa ti a kontan ki nou Lasanble ek diskisyon lo deba ozordi i vin sa sours konfizyon.  E sours sa diskisyon.

Gouvernman i donn son manda e langazman ki kontinyelman travay pou defann lentere lepep Seselwa, dan en lankadreman ki nou menm nou, nou’n tonm dakor pou fer sir ki nou fer zis e square e donn sekter prive ensi ki lepep Seselwa, a better deal pou nou kapab kontinyen progrese.   Mersi Mr Chairman.

 

MR SPEAKER

Mersi.

 

(Off-Mic)

 

MR SPEAKER

Non. Non. Nou pa pou kontinyen.  Non, non, non, non, non.  Non!

 

MR SPEAKER

Order!  Order!  Order!  Order!  Ok?  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair swivan kestyon ki’n ganny poze e deklarasyon ki’n ganny fer, oubyen larepons in ganny donnen.  Mon annan en kestyon senp.

Akoz alor, pou prouv ki Gouvernman pa pe collude dan naryen, i pa pe-  e ki i pe siport lepep Seselwa.  Akoz alor ki DICT avek Minister Finans i pa team up avek FTC pou zot fer en lodit konplet lo bann konpannyen telekominikasyon?

Pa selman dan laspe legal e teknik, me osi dan laspe finansyel e pricing?  Akoz la ki DICT, dapre ki mon’n antann, i mank sa konpetans, then i a ganny sa konpetans lo, avek FTC!  E la osi Finans i ava ladan, dan sa zwe.

Pou li kapab vwar si the correct tax pe ganny peye.  E i pe anmas tax neseser dan, avek sa bann konpannyen telekominikasyon.  E zot ava revwar striktir bann rates ki ganny mete devan.  En fason ki pri telekominikasyon i ava desann dan pei.

Nou a kapab war en lavantaz e en benefis direk pou lepep Seselwa, Gouvernman.  E i ava annan en, plis fairness dan konpetisyon dan sa field.  Mersi.

 

MR SPEAKER

Mersi Onorab de Commarmond.  Mon ava donn laparol PS Thesee.

 

PS DAMIEN THESEE

Mersi Mr Chair.  Zis pou konfirmen bann sekter servis providers dan telekominikasyon i deza ganny sarze the highest band ki nou annan pou tax.

Li avek bann lezot Labank, bann insurances company i ganny sarze 33poursan.  Zot the highest parey mon’n dir.  E bi Gouvernman parey Minis in anonse dan son Budget Speech, even si nou’n anons serten mezir, an konsernan business tax ki nou anvi redwir.

Pou sa band i pou only redwir pli tar ler tou nou bann reform tax in pran mezir.  Akoz sa pert ki nou pou fer avek sa bann sekter i tro konsiderab.  Savedir nou konfirmen ki son rate i deza o a 33poursan.  Mersi.

 

MR SPEAKER

Mersi PS.  En moman Onorab De Commarmond.  Mr Dogley ou oule azout keksoz?  Non.  VP?  Non?  Onorab De Commarmond.

 

HON CHARLES DE COMMARMOND

Mersi.  Mr Chair lo sa propozisyon ki mon’n met devan.  Now how serious sa 3 lorganizasyon ki la?  Depi VP Office ki responsab sa antite, depi DICT, depi Minister Finans, mon anvi antann zot komanter lo sa propozisyon ki mon’n met devan.  Mersi.

 

MR SPEAKER

Mersi.  Vis-Prezidan.

 

THE VICE-PRESIDENT  MR VINCENT MERITON

Mersi Mr Chairman.  Wi nou ava pran sa propozisyon ki Onorab in met devan.  San bliye ki konsonmater i annan en rol osi pou zwe pou sofgard son prop lentere e vin devan e met bann case devan Lotorite.  Be selman nou pran sa, e nou a travay lo la, e nou ava raport avek Lasanble apre enteryerman.

 

MR SPEAKER

Mersi Vis-Prezidan.  Bon avan nou pran en desizyon, mon ava zis demande si Vis- Prezidan i oule 2 pti mo pou dir avan nou pran en desizyon.  Non.  Bon Lasanble Nasyonal, mon pa pe pran okenn kestyon ankor.  Mon pa pe pran okenn kestyon ankor.

Nou’n fini egzos kestyon.

 

(Off-Mic)

 

 

MR SPEAKER

Onorab Larue I am the Chair!  Ok?  Annou annan en pti respe silvouple.  Bon nou’n ariv en pozisyon.  Yes Onorab Ferrari.

 

HON JEAN-FRANCOIS FERRARI

Mr Speaker avek ou permisyon mon ti anvi zis eksplike ki nou pozisyon.  Sete senpleman pou dir ki sete nou’n demann Minis en komitman ki i pou fer tou sa ki neseser pou fer desann pri.  I pa’n donn nou sa komitman.

E i pa kapab ekspekte nou vot an faver ler i pa pe donn nou sa komitman Gouvernman, pou li fer en zefor pou fer desann pri telekominikasyon.  Mon ti a anvi zis fer sa.  Mersi.

 

MR SPEAKER

Onorab, Onorab sa ki mwan mon’n konpran, menm largiman in ganny leve par Onorab De Commarmond.  E Vis-Prezidan in pronons li.  In pronons li ki son Biro DICT avek Fair Trading Commission avek Finans pou asize pou zot diskite pou regard keksoz ankor.

Se sa ki mon’n tande.  Bon napa problenm.  Nou’n ariv en pozisyon pou nou pran en desizyon lo Bidze ki devan nou ki pou DICT.   Bidze ki en sonm R61, 323milyon ki paz, ki trouve lo paz 49 ziska 57.  E ki form par dan sa schedule.

Mon ava demann tou Manm ki an faver?  Okenn Manm ki kont?   Madanm Clerk.

 

MADAM CLERK

Mersi Mr Chair.  Mon’n rikord 13 Manm ki’n vot an faver e 16 Manm ki’n vot kont.  Mersi.

 

MR SPEAKER

Bon, savedir Lasanble Nasyonal pa’n aprouv Bidze pou DICT.   Bon avek sa mon ava remersi bann zofisye pou DICT.   E mon ava remersi Vis- Prezidan ek bann zofisye Finans.  E apre midi, nou pou break, nou pou repran nou travay apre midi e nou pou repran 1er apre midi.

Si i annan okenn lezot diskisyon, nou ava fer li, zot ava fer li dan break e zot ava raport avek Lasanble apre.  Ok?  Nou break e nou repran travay 1er apre midi.

 

(BREAK)

 

MR SPEAKER

Mersi.  Bon mon a demann en Manm lo sak kote, pou al deor, pou regarde si lezot Manm i lo premises pou fer zot rantre, pou nou kapab kontinyen nou travay.  Nou still mank 4 Manm pou nou kapab quorate, pou nou kontinyen.

Sinon, mon pou bezwen adjourn.  Bon nou pou pran en technical adjournment e nou ava retournen dan en 10, 15 minit.

 

 

(Technical adjournment)

 

 

DEPARTMENT OF INFORMATION

 

MR SPEAKER

Bonn apre midi tou Manm Onorab e bonn apre midi Vis- Prezidan avek ou delegasyon.  Bonn apre midi tou dimoun ki a lekout e pe kontinyen swiv travay Lasanble Nasyonal.  Premyerman mon ti a kontan ofer en leskiz Vis-Prezidan avek son lekip.

Pou, ki nou pa’n kapab konmans atan vi ki nou ti napa en quorum.  E byensir nou’n fer, mon osi ofer leskiz bann dimoun deor ki pe swiv travay Lasanble Nasyonal.  Ankor zis pou ledikasyon, nou pep, Lasanble Nasyonal i bezwen en, omwen lanmwatye nou bann Manm pou nou kapab fer en sitting, e dan nou ka i savedir 17 Manm.

Bon nou pou kontinyen nou travay apre midi.  E apre midi la nou pe pran Departman pou Lenformasyon.  E mon ti a kontan dir en bonzour spesyal e welcome Sekreter Prensipal Mr Denis Rose e Financial Controller Mr Marcus William.  Mon ava aprezan donn, pas laparol avek PS Thesee, pou zis donn nou direksyon lo ki paz e the amountPS.

 

PS DAMIEN THESEE

Mersi Mr Chair.  Departman Lenformasyon i trouve lo paz 58, pou en sonm R4.57milyon.  Mersi.

 

MR SPEAKER

Mersi PS.  Bon okenn Manm ki annan kestyon pou Departman Lenformasyon ek en Bidze R4,575milyon?  Onorab Ahmed Afif.

 

HON AHMED AFIF

Mersi Mr Chairman.  Bonn apre midi Vis-Prezidan e ou delegasyon e tou dimoun a lekout.  Mon ti a kontan tou dabor demann, petet PS pou Lenformasyon, si i kapab eksplik nou, malgre ki sa Bidze i petet zis R4.6milyon.

Akoz ki dan “wages and salaries” i annan en logmantasyon 29poursan?  E zot pe al depans pros R3milyon dan sa Bidze.  Laplipar zot Bidze annefe.  Si i kapab zistifye lekel sa bann lankadreman bann dimoun, parske zot saler par mwayen mon krwar i R23 mil sakenn dan sa 8 dimoun ki zot annan ozordi.

Konbyen ekstra ki zot pe al rode?  E zis pou sa ki pe ekoute, ganny en lide konparezon.  Lasanble Nasyonal ki anploy plis ki 40 dimoun, son “wages” i ariv R11 milyon.

Me pou zot avek 8 dimoun i 3milyon.  Alor eksplik nou kisisa sa, ki kalite travay ki zot pe fer.  Parske ozordi, petet pou piblik deor ki pe ekoute konnen poudir nou annan SBC ki pe manage bokou lenformasyon.  Ou annan Media Commission ki pe manage lenformasyon.

E ou annan DICT ki pe fer en lot rol, i pa tro lenformasyon, ki pou DICT.  Me selman, eski nou pa tro top heavy dan sa domenn?  E
zistifye nou akoz sa logmantasyon sibstansyel i neseser dan sa Bidze.  Mersi.

 

MR SPEAKER

Mersi Onorab.  PS.

 

PS DENIS ROSE

Mersi Mr Speaker.  Mersi Onorab pou ou kestyon.  Bonzour tou dimoun.  Petet ou dernyen bout kestyon i donn mon lokazyon pou mwan eksplik en pti pe an bref travay Departman Lenformasyon, pou ki keksoz i vin kler pou dimoun kapab konpran egzakteman ki nou fer parey ou’n demande.

Parey ou konnen poudir nou konman Departman Lenformasyon, nou parent ministry, bann lezot lorganizasyon ki dil avek lenformasyon.  Sa mon krwar i across the Board dan Gouvernman.  Parent ministry i dil avek bann Lazans ki tonm anba li.  E sa o nivo Polisi.

Par egzanp si i annan en serten Polisi ki zot anvi entrodwir, oubyen i annan Polisi ki Gouvernman i anvi entrodwi ki konsern zot.  Zot link avek Gouvernman se atraver the parent ministry parey i set up dan Gouvernman.

E bann Lazans ki tonm anba nou, anba parasol Departman Lenformasyon, parey ou’n dir taler i annan SBC li menm.  I annan Seychelles Media Commission.  I annan National Information Services Agency – NISA.  Apre i annan Information Commission.  Menm tou sa bann Lazans zot endepandan zot.  Me selman zot parent ministry se nou.  Par egzanp letan nou ganny question to the Minister eksetera, se ki li ki vin reponn on behalf of sa bann lezot Lazans.

Savedir any proposal ki zot annan pou fer avek Polisi eksetera, se nou ki dil avek sa.  E parey zot okouran osi, byento si keksoz i mars byen, Seychelles Youth Agency anba son prop Act osi pou vin en Lazans endepandan anba la.

Akoz parey zot okouran dernyen fwa nou ti dir ki Seychelles Youth Agency i devret fonksyonnen endepandaman.  Savedir nou’n deza fini ekrir Lalwa pou li kapab, nou’n deza propoz Lalwa, pou li kapab fonksyonn endepandaman, dan en fason i a kapab raise son prop fund eksetera, parey ki Lasanble ti propoze.

E sa osi si i vin en Act i pou tonm anba nou.  Savedir sa seksyon Polisi.  E nou’n vin dan Lasanble detrwa fwa avek bann amannman, eksetera ki nou’n fer dan Polisi sa bann Lazans ki tonm anba parasol Lenformasyon.  Sa i en bout travay.

2enm bout travay ki nou fer se sipor ki nou donn bann public bodies pou lenplimantasyon Lalwa Akse a Lenformasyon.  Akse a Lenformasyon i annan son prop Komisyon ki dil avek li.  Selman i konsern tou bann public bodies ki tonm anba Gouvernman.

Alor nou, nou fer sir ki avek bann training eksetera, ki bann public bodies dan Gouvernman, i comply avek requirements access to information.  Akoz sa i en, i nouvo e i ase konplike.  E mon krwar zot okouran i annan en pake travay ki in donn piblisite.

Ki nou koman Departman Lenformasyon ki lead Agency pou fer Gouvernman kapab deliver requirements anba access to information.  Sa i en 2enm vole.  3enm vole louvraz ki nou fer, se sa ki nou apel media avek public affairs.  Sa i 3enm vole ki tonm anba Departman Lenformasyon, fason ki nou striktire.

Sa i bout kot nou travay ant etrwat kolaborasyon avek bann zofisye relasyon piblik, dan Gouvernman avek piblik an zeneral.  Savedir bann zofisye relasyon piblik zot dan en group.  E zot travay dan en serten sans i ganny pa dirize neseserman.

Me sort of sipervize par Departman Lenformasyon dan le sans ki nou donn zot bann leads, nou donn zot bann training kot i neseser, si zot bezwen bann keksoz pou fer zot travay en pe pli byen.  E zot pas atraver Departman Lenformasyon konman sa Departman ki reprezant zot o nivo Gouvernman.

E dan sa Seksyon Medya e zafer piblik osi.  Nou dil avek piblik direkteman dan en sans.  Prezan pou le moman, nou, nou fer sa atraver, piblik i kontakte nou atraver nou website ki deza la.  Se wwwinfo.gov.sc, zot ekrir nou oubyen zot telefonn nou pou serten keksoz ki zot bezwen.

Me selman depi o komansman letan nou ti, nou’n deza sey prezant sa dan lepase, nou’n vwar ki i annan, i mank en nespes, en kontak imen.  Akoz dimoun i vre nou devlope teknolozikman eksetera.  Me selman pou la mazorite Seselwa i bezwen figir, konmsi pou li kapab koz avek.

Nou’n dir koumsa, lefe ki nou deza annan sa seksyon ki apel Media Public Affairs, olye dil zis atraver masin, konmsi nou met dimoun fizikman ki pou kapab resevwar dimoun, diriz zot, donn zot bann lenformasyon ki neseser.

Akoz baze lo feedback ki nou’n gannyen avek bann Minister, avek bann zofisye Gouvernman, i annan en kantite keksoz ki dimoun pe rode.

I sitan straight forward ki i kapab ganny donnen atraver en lorganizasyon ki nou en fason nou organiz Gouvernman, e liber bann Minis avek bann zofisye Gouvernman pou zot kapab fer zot travay en pe plis.  Dan sa ka ki nou ler i annan en biro koumsa, i kapab dil avek sa bann bout.

Prezan lo nivo staff, nou, nou’n propoze dan sa nouvo Bidze, pou nou kapab devlop sa bout.  Akoz parey mon’n eksplike sa striktir, deza la, nou deza pe operate koumsa.  Selman nou oule beef up sa bout kot met dimoun fizik pou kapab dil avek piblik.

En biro parey, en pe parey biro Tourism Information Bureau par egzanp.  Si i annan sa pou touris, nou ti pe ekrir en zafer en pe koumsa.  E in annan, Gouvernman in war i annan en demann pou o nivo dimoun lokal.

E sa increase lo nou Bidze, i senpleman, parey ou a remarke, ou cater for 3 post ki nou pe kree anba la.  Anba sa seksyon Media and Public Affairs.  Sa biro pou tonm anba la pou sa size ki’n deza egziste.  E nou pe recruit 3 dimoun pou nou met anba la.

E sa si nou azout avek nou bann saler, nou bann dimoun ki deza pe travay, e sa i tonm sa logmantasyon ki ou vwar.  An realite nou’n ogmantasyon zeneral i R451mil an tou. Me selman nou “wages and salary” in increase akoz sa 3 post ki nou pe anploye.

Me selman i pa reflekte en kantite dan lesans ki nou’n fer en kantite savings dan ‘’goods and services” kot nou’n abzorb, nou’n kapab aranze pou donn lanmen cater pou sa increase dan “wages and salary”.

 

MR SPEAKER

Mersi PS.  Onorab Afif.

 

HON AHMED AFIF

Mersi Mr Chairman.  Mr Chairman mon ti a kontan zis si petet PS i kapab klarifye pou mwan.  Akoz nou pe pey en larzan pou al, e ou’n dir Gouvernman in pran en desizyon in santi poudir dimoun pe rod sa kalite lenformasyon, se pou sa rezon i pe recruit plis dimoun.

Mon sa ki mwan, sertennman mon kapab dir ou, mon santi dimoun pe rod lenformasyon, plito online ozordi.  Dimoun pe rod bokou keksoz ki zot rode i online.  Dimoun pa pe la dan en biro apard pou la konplent.

Pou dir be mon’n sey kontakte tel dimoun, mon pa’n ganny li, ed mwan.  Sa mon konnen, sa i annan e gran demann.  Me sa pa ou ki pou ede sa, ou pa pou kapab fer nanryen lo la kantmenm i donn ou 3 dimoun ekstra.

So mon pa vreman trouve ki mannyer i zistifye pou azout 3 dimoun, pa ki i pou pran en gran kantite larzan dan sa Bidze.  Me selman sa ki trakasan se ki ou pe war zis logmantasyon me pa plis lefikasite?

So si ou kapab zis dir ek mon ki sa bann dimoun ki la ozordi lo en baz toulezour, ki zot fer egzakteman.  Akoz si ou license en newspaper, oubyen ou ed li ganny en license, e napa bokou sa bann dimoun koumsa.

Si ou ed en dimoun ganny en license radyo, napa bokou sa bann dimoun koumsa.  Be apard sa ed nou ki pa dan ou soulye, pou nou konpran ki sa bann dimoun i fer lo en baz toulezour?  Mersi.

 

MR SPEAKER

Mersi Onorab.  PS.

 

PS DENIS ROSE

Mersi.  Mon krwar mon’n eksplike taler sa 3 seksyon ki annan dan nou Departman. Sa 3 dimoun i travay dan sa bann seksyon.

Parey dan Seksyon Polisi, menm si pa toultan ki annan Polisi pou ekrir, i annan en sipervizyon, i annan en serten kontak, en serten relasyon pou bezwen annan permanantman avek sa bann lezot Lazans ki tonm anba ou.

Prezan dezyenmman dan seksyon kot mon’n dir ki konsern Access to information.  Ou bezwen pe travay an close kolaborasyon permanantman avek bann dimoun anba Information Commission pou fer sir ki Gouvernman pe deliver sa ki Information Commission i demande.

Akoz i annan bann penalties anba sa Lalwa ki si dimoun pa comply.  Prezan lo lot kote, lot bout ki konsern media and public affairs, kot media i annan en monitoring Gouvernman ki pe gete.  Par egzanp si i annan, an zeneral, konmsi monitor media par egzanp an zeneral. Social media eksetera.  Si par egzanp Gouvernman i santi i annan en lackin.  Konmsi pou li kapab improve son service ou bezwen, akoz ou bezwen kapab annan en         lenstitisyon ki pe monitor, ki pe gete kisisa ki piblik pe dir, kisisa ki piblik i anvi eksetera.

Zeneralman apart esper zot demande atraver access to information.  En mannyer ki ou Gouvernman ou kapab improve your service based on what the population is saying.

E pou nou fer sa nou annan nou, pou le moman la nou’n annan nou 5 dimoun ki travay dan sa 3diferan seksyon.  I pa bokou ou war 5 dimoun.  Me selman sa bann dimoun, i annan en bann i annan en kantite lannen leksperyans.  Bann dimoun pe travay pou plizyer lannen.

E sa logmantasyon osi ki la, i osi pou cater pou sa long service allowance ki pe al ganny entrodwi lannen prosen pou menm bann dimoun anba Kontra.  Savedir ou bezwen cater for sa.  Si i annan sa 3 poursan ogmantasyon ki si i pase si i pa pase.

Sa osi ou bezwen cater for sa.  E ladan osi nou annan bann staff ki’n menm separ data PSE contract, in deza ganny son long service allowance lo sa polisi avan.  tou sa package ansanm ki fer sa increase ki nou annan dan nou Bidze.

 

MR SPEAKER

Mersi PS.  Onorab Gervais Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Mr Chair mon’n ekout repons ki PS in donn Onorab Afif.  E mon krwar bann dimoun lo panel zot konn en pe mon pozisyon vizavi sa Departman.

Akoz si nou get byen dokimantasyon Departman Lenformasyon, apre Komisyon Lenformasyon dan dokiman Bidze.  Nou pou santi nou konman Manm Lasanble poudir i annan en problenm.  Son dokimantasyon ki zot in donn nou, i annan duplication between the two antite.

E pou mwan sa i pa kapab, i pa merit le ka.  Parski an menm tan si nou al get website, Departman Lenformasyon ki zot in site koman en akonplisman, ou a dakor ek mwan poudir ki zot in basically fer hijack the access to information process.

Be pou mwan sa i merit reste antyerman avek the Commission.  Pou mwan Departman Lenformasyon li i merit pe vin plito koman dir en Government Information Service.

Sa bann PR dan Gouvernman, i ava fonksyonn preski menm parey Minister Finans i segonn bann dimoun dan Departman Account diferan MDAs, me selman zot bann zofisye Minister Finans.  So ou bann PR i merit, konmsi i merit mars koumsa pou mwan.

Akoz mon war la i annan a conflicting sa, ant Departman Lenformasyon ek Komisyon Lenformasyon.  E si nou pe donn zot larzan, nou, mon santi mwan poudir Lasanble i merit dir avek Departman Lenformasyon vreman sort out son mandate klerman.

Akoz si non mon krwar nou pe zis donn larzan bann dimoun ki 8er, 4er Lendi ziska Vandredi zot pa fer tro gran keksoz.  Solman si zot ti revwar zot manda, sertennman kantite keksoz zot ti kapab fer.

Par egzanp, Mr Speaker mon pa konnen si mon pe al en pe tro long, Gouvernman ozordi pou mwan i bezwen annan en Sant Dokimantasyon.  En landrwa kot piblik i ale, i annan tou bann Gazet Ofisyel ki’n ganny file, tou bann newspaper.

Akoz kote dimoun demen letan bann Lalwa ki nou, nou pase, dimoun pou ganny akse avek, Kote i ale?  Be pou Gouvernman sa, i bezwen annan en Documentation Center, tonbe anba Departman Lenformasyon.  Bezwen annan, physically somewhere dan en building.

So si zot ti pe fer sa, then it would have been different avek zot manda ki mon war i annan en konfli total avek Departman Lenformasyon si zot lir dokiman bann Manm zot pou war ki mon pe dir.  So sa i mon premye kestyon pou dir eklersi nou lo la.

2enm, e mon 2enm kestyon.  Mon pe get zot bann performance indicators.  Akoz zot annan zot en Bidze zisteman pou akonplir serten keksoz.  Mon vwar zot in met bann target pou 2018.  Be son vre rezilta, poursantaz ki zot in akonplir napa.  I vid.

So prezan mon pe mazinen, poudir be ki mannyer mon mezir pou performans?  Apre, ankor dan bann contributing indicators mon war i annan en konfli avek sa ki pou Departman Lenformasyon, akoz zot ki pli kapab mezir sa bann performance indicators ki zot in mete.

I mean Komisyon Lenformasyon as opposed to Departman Lenformasyon.  Ou konpran mwan?  Mwan problenm la i se sa konfli dan rol ek manda.  Mersi.

 

MR SPEAKER

Mersi Onorab.  PS sey donn nou en repons ase bref.

 

PS DENIS ROSE

Mersi bokou Mr Speaker.  Mon krwar i egzakteman, par egzanp sa legzanp Sant Dokimantasyon ki’n donnen la.  Mon krwar i egzakteman, se sanmenm sa ki sa biro i pou fer.

Akoz sa biro apard donn lenformasyon, i pou osi en one stop shop kot tou bann dimoun ki bezwen any kind of information oubyen any kontak avek anything to do with Government, any program i pou vini.  Savedir sa bout la ki ou pe dir i pou ganny enkli dan sa biro.

Savedir i montre ki i annan litilite sa biro.  E, akoz parey mon’n dir taler, pa tou dimoun ki kapab rod sa bann lenformasyon ki bezwen lo internet.  E pa tou dimoun ki konfortab avek sa.

Mr Speaker pou le moman la nou annan, i resanble i annan en konfli ant nou website pou nou avek pou Information Commission, pou la senp rezon ki si ou mazin byen Onorab,  letan ki Lalwa Access to Information ti ganny sinyen li.  Information Commission pa ti ankor set up.

Alor ki nou’n fer nou, nou’n prepar Gouvernman, nou’n prepar piblik pou larive Commission pou ki i annan en smooth transition.  Sa rol nou ti pe fer li pou en pe letan ziska ler ki Commission in set up.  La prezan ki Commission in set up, tou sa bann keksoz pou ganny move avek zot.

Nou ki nou pou fer basically.  Akoz Commission lo li menm, konmsi nou koman Departman Lenformasyon, nou, nou pou annan plis lenfliyans lo bann MDAs ou fer zot comply avek requirements ki Departman Lenformasyon e ki Information Commission i annan.

Information Commission pou demann bann rapor, i pou siperviz ki bann Information Officers pe donn bann lenformasyon neseser.  Me any fason ki Gouvernman i bezwen organize, pou li kapab deliver sa ki access to information i require e sa nou, nou pou take over pou nou kapab fer sir ki Gouvernman i comply.

Savedir sa, savedir i pou nepli annan flue.  La pou le moman i resanble annan en flue pou la senp rezon ki nou ti pe fer sa louvraz an atandan ki Komisyon i ganny set up parey ou’n dir.

E nou bann performance indicators definitely i pou baze lo kot sa bout ki konsern access to information.

Akoz bann MDAs, konmsi ki nou ki pou monitor zot, nou bezwen fer sir ki zot pe ariv sa serten poursantaz neseser parey nou’n mete dan performance indicator la.  Pou ki a la fen dizour baze lo lannen ki nou’n mete, tou bann MDAs i fully compliance pou ki i napa okenn difikilte avek access to information.

Parey ou konnen lenformasyon, si ou bezwen bouze en sosyete ou bezwen, ou bezwen donn lenformasyon ou dimoun pou li kapab partisip dan devlopman son pei.

 

MR SPEAKER

Mersi PS.  Onorab Henrie.

 

HON GERVAIS HENRIE

Ok, vitman Mr Chair.  Si nou pou get ou bann current challenges ki ou’n dir nou, apre letan mon get ou bann priyorite e stratezik, i annan en, en problenm la.  Akoz nou pe donn ou Bidze pou achieve en keksoz pou pei.  Ou oule sa, en landrwa en pe parey Sant dokimantasyon ki mon’n dir.

Solman i pa form parti okenn par dan ou plan stratezik 2020, 2022.  Akoz si ti la, then mon ava satisfe pou mon donn ou en Bidze pou fer en keksoz tanzib ki mon pou vwar avek mon 2 lizye.  Be mon pa war li okenn par.  E weh.

 

MR SPEAKER

Mersi Onorab.  PS.

 

PS DENIS ROSE

Non Onorab.  Petet ou annan en rezon la.  Me selman si ou get anba current challenges en, ou a war ‘’absent of a public information bureau to guide the public and provide assistant on accessing government information government of service.’’

Petet sa i ti devret through an oversight.  I devret tonm anba dan strategic priorities.  Nou kapab fer sa sanzman, ou annan rezon la en.  Petet this is the key, it should have fallen anba ‘’strategic priorities.’’  Mersi bokou.

 

MR SPEAKER

Mersi PS.  Onorab Ferrari.

 

HON JEAN-FRANCOIS FERRARI

Mersi PSPS si ou kapab dir nou en pe briyevman konbyen travayer zot annan, akoz la mon war, akoz mon war zot wage Bill en pe, en pe o.  E ler mon pran bann average salaries en pe lo, lo en nivo en pe o.  Kekfwa ou kapab eksplik sa.  Mon ti a kontan demann ou en kestyon ki flow from bann deba ki nou’n gannyen bomaten.

Enn bann keksoz ti pou, i se ki ou’n dir nou ki ou enn ou manda se pou fer sir ki lenformasyon i sirkile dan pei.  E lenformasyon i sirkil byen.  Eski a okenn moman zot in ganny osi sa manda pou fer sir ki access to communication, to telecommunications i demokratize pou ki dimoun i kapab kominike?

I pa ser parey i ete konmela.  Konmsi eski sa zot annan en overlapping responsabilite avek DICT?  Pou gete si zot pa kapab fer sir ki dimoun i pli fasilman access sa bann kominikasyon.
E finalman mon ti a kontan demann ou.

PS be ler nou pe fer, nou fer savings dan” goods and services” – nou pe fer savings dan, “goods and services,’’ me selman ou pe anforsi lo anplwaye, lo travayer.  Me sa, son net rezilta se pa ki it’s less for the customer and more for the people who are behind the desk.

Konmsi se sa ki nou war li.  E mon pa, mon pa tro konpran ki mannyer dan sa monn kot nou pe move dan bann kominikasyon elektronik ki ou pe advocate ki nou annan bann hard copies tou sa bann dokiman dan en landrwa.

Konmsi eski sa osi ou pa ti pou, ou pa krwar nou devret pe al dan sa direksyon less staff, and more access lo lenformasyon?  Mersi.

 

MR SPEAKER

Mersi Onorab.  PS.

 

PS DENIS ROSE

Mersi Mr Speaker.  Mersi Onorab pou ou bann kestyon.  Si mon pran dernyen premye, i vre ki dan lemonn antye dimoun pe bouz towards annan less paper, less

Be selman pou le moman, preski, par egzanp la sa Public Information Bureau la, si ou gete, preski plen pei malgre zot pli avanse teknolozikman.

Pou le moman pou en kous popilasyon la, you still need to cater for this group.  But eventually you might do away with it.  Me parey mon rapel letan mon ti lekol lontan, en bann letan pase, nou’n deza fer en papye, eski papye pou disparet, konmsi konman liv, konman zournal.

E argimant se ki en bann ti krwar i pou disparet.  Me finalman ziskan ozordi i ankor egziste parey.  Sa osi parey i annan en serten, ou bezwen cater pou tou ou popilasyon.  I annan en bann ki pou kapab pli technologically savvy pou li servi bann lavans dan information technology. 

Be i annan en bann osi ki pa pou kapab fer ki ou pou bezwen cater for li, sansan i pou ganny les, ganny met deor.  E sa biro parey nou dir, i pe ganny kree atraver en demann ki’n ganny vwar, it’s a real need.  Se pou kwa nou’n nabou save.

Well lefe ki nou Departman in la pou en serten kantite letan, i pa neseserman dan ‘’goods and services’’ ki nou’n bezwen bann keksoz ki nou ti pou bezwen avan eksetera.

Sanmenm sa nou’n ganny en pe saving la, nou’n azout en pe kot pou sey recruit sa bann dimoun, pou fer sa biro ki pou le moman dapre bann dimoun kontakte nou, dapre lenformasyon ki nou’n gannyen, dapre ki Gouvernman in dir nou. I annan en need pou annan en biro parey e se pou kwa nou pe, nou’n etablir li la.

Prezan lo nivo relasyon avek DICT, i annan bann serten diskisyon ki nou fer lo serten size, ki DICT osi i bezwen ganny enkli.  Par egzanp mon’n nonmen taler lo nivo Polisi.  Letan nou pe koz, par egzanp i annan en serten Polisi ki par egzanp SBC i anvi Gouvernman i entrodwi ki pas atraver nou.  Prezan petet i annan nesesite ki nou click DICT.  Akoz si sa zafer i konsern en regulatory framework.

Akoz DICT i plito regulatory dan ka lenformasyon kot mwan mon travay.  Savedir i annan serten keksoz avan ler ou ganny entrodwi ou bezwen en kontribisyon regilatwar sorti kot DICT.  Sa ki nou kontak avek li i sa nivo la.

Be obviously osi tou dimoun dan Sesel i kontan letan si i annan servis ki pli bon marse eksetera.  Sa i go without saying.  Be nou relasyon avek DICT se a sa nivo la.  Prezan konbyen travayer pou le moman ou’n dir mwan, nou annan nou 6 travayer nou.

Selman fodre ou realize parey mon’n dir taler.  Sa bann travayer ki la, zot tou ansanm they clock 130an.  Nou annan nou travayer ki annan 41an travay.  Nou annan nou travayer ki annan 32an travay.  Nou annan nou travayer ki annan 22an travay.

Nou annan nou travayer ki annan 30an travay.  I annan ki annan 8an avek 5an.  Sa bann dimoun zot vin travay tou sa bann letan dan Gouvernman e zot in benefisye avek bann Scheme Gouvernman, zot pa’n pran larzan zot menm zot.

Gouvernman in dir la, la en Scheme ki sa bann dimoun in ganny peye.  Prezan sa bann dimoun i travay la avek ou, i bezwen benefisye avek sa ki Gouvernman i ofer koman en lapey.  Savedir i al san dir ki sa bann dimoun zot lapey i varye, depandan lakantite letan ki zot in travay dan Gouvernman kot zot in ganny serten benefis, eksetera.

Prezan letan zot pe travay avek ou, ou pe pey zot, ou pa kapab koup zot lapey akoz i annan en pti group dimoun ki pe travay.  Ou bezwen own-up, akoz nou tou nou pe ankouraz dimoun pou reste lo lwayal, pou travay dan en landrwa en kantite letan.

Savedir letan ou’n abzorb sa bann dimoun, ou absorb zot avek zot saler.  E la si i annan sanzman dan fason ki ou reminer dimoun avek allowance, ou bezwen osi pran sa an konsiderasyon.  Se pou kwa ki nou salary wage i ariv parey i arive.

 

MR SPEAKER

Mersi PS.  Onorab Ferrari.

 

HON JEAN-FRANCOIS FERRARI

Rapidman, e mon war poudir PS i bon lo sa bann zafer kominikasyon.  Akoz mon pa’n zanmen sizere ki ou koup lapey okenn travayer.  Ok, non, non.  Konmsi zis mon bezwen klarifye sa pwen.  E, me selman mon pwen final PS, e se sa ki rezwenn sa ki Onorab Afif ti pe demande pli boner.

Ou’n dir ki enn ou rol se pou fer sir ki lezot Departman Gouvernman i comply avek bann Lalwa, nou regilasyon lo disclosure of information, bann keksoz koumsa.

Me selman PS ki Lotorite ou annan ou?  Ou zis en Departman ou.  Ou zis en PS parmi lezot PS.  Mon ti a mazin, mon mazinen poudir en Commission i annan bann, plis pouvwar, plis Lotorite.  Be ou, ki ou annan?

Menm la, ler SS Faure i ganny li 100 email par zour la.  I par, i pa, si i pa reponn i reponn 50.  Ou pa pou kapab dir li nanryen ou?  Konmsi sey prouv en pe  lo lotorite konmsi ki ou annan.

 

MR SPEAKER

PS go ahead.

 

PS DENIS ROSE

Mr Speaker i annan, Komisyon i annan lotorite pou aplik ‘’access to information, konmsi li ki pe siperviz sa Lalwa, li ki pe fer sir ki sa Lalwa i ganny aplike.  Me sa Lalwa parey mon’n eksplike taler i ganny aplike par bann public bodies ki tonm anba Gouvernman.

Si i annan en requirement Komisyon ki bann public bodies pa pe comply, Komisyon i alert nou.  Nou prezan konman Gouvernman, be mon fer Cabinet paper, mon fer en keksoz, mon anmenn kot Gouvernman, kot Gouvernman i donn en lenstriksyon bann public bodies, pou comply pou bann ki pa pe comply.

La i la, i konmsi i ase straight forward sa, ou konpran?  Akoz mwan mon dan Gouvernman, Commission i endepandan.  Me selman i pe siperviz Gouvernman, the Authority that will make the Government do what the Information Commission requires, i atraver mwan dan le senp rezon ki mwan mon ladan dan sa sistenm e mon kapab fer en Cabinet paper.  Anmennen, dir Gouvernman poudir sa Minister, sa Minister pa pe fer sa.  E en lord i ganny donnen.
Konmsi nou bezwen supervise sa byen.

Akoz sa Lalwa Access to Information la, i ase serye li.  Prezan konmsi ki ou pou bezwen fer sir ki Gouvernman pe comply avek sa bann requirements.  E se koumsa ki mon operate.  Ou konpran?  La i la kot Lotorite i vini la.  Apre sorry, mon pa pe dir ou’n dir koup lapey dimoun mwan.

Kekfwa en fason koze ki mon’n koze.  Konmsi mon pe sey eksplike poudir tousala i en kestyon akimilasyon bon performans dimoun dan Gouvernman ki nou pe ankouraz bann dimoun pou zot travay.  Sorry mon pa’n dir ou ou’n dir koup dimoun.

 

MR SPEAKER

Mersi PS.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker i enportan avan demann mon kestyon, zis pou mon fer en pti presizyon.  Akoz mon bezwen ganny en konpran en keksoz byen.

En bann rezon ki zot anploy sa bann staff ki annan en bon pe letan, senp.  Se akoz sa intuitional memory ki sa bann dimoun i annan, ki zot konpran fonksyonnman bann diferan Departman Gouvernman.  E sa i en lackin ki annan dan bokou Departman ozordi.

Akoz mon pou pran en legzanp resaman kot mon ti vwar par egzanp en dimoun ti pe eksplike ki mannyer in bezwen al rod lenformasyon kot MLUH.  E in al war sa dan bann tin box par egzanp.

Kot in ganny sa lenformasyon par egzanp en vye survey depi lontan.  E sa ti en instruction pou mwan menm.  Akoz i montre ou poudir sa intuitional memory i enportan.  E sa i al en pti pe dan sa laliny sa documentation center, kot sa bann lenformasyon apre i bezwen vin dan sa sant.

Be i pou annan lenformasyon ki bezwen reste kot sa custodial ministry.  Akoz sa i form parti son louvraz.  E i relate avek bann fonksyon ki i bezwen fer.  Me ler ou pou recruit sa bann nouvo staff,  eski ou asire ki zot pou ganny en training dan lafason ki public service i striktire?

Lafason ki bann diferan lenformasyon i ganny plase avek bann, kot i ete dan bann diferan Minister par dapre zot manda.  E ki mannyer prezan piblik i kapab ganny akse ek sa lenformasyon.  Akoz mwan mon vwar ou rol i vreman diferan from Komisyon.

Komisyon li i enforce Lalwa akse a en lenformasyon ki en drwa konstitisyonnel.  Ou, ou rol ou se fer sir Gouvernman i met an plas Polisi e striktir pou ki sa lenformasyon i become available to the publicSo eski sa i en fonksyon ki zot pe rode pou zot fer?

E eski ou pou ganny sa Bidze prezan pou ou kapab annan en proper Public Information Bureau kot dimoun i kapab vini?  Mon konnen poudir mon bezwen lenformasyon par egzanp lo en survey ki’n fer 1949.

En dimoun kot sa Public Information Bureau i kapab direct mon kot mon pou ale, kot MLUH kot mon kapab ganny sa lenformasyon.

Akoz bann lenformasyon i pertinan sirtou si par egzanp en dimoun i annan bann case pou al Ankour.  Oubyen i annan bann lezot lenformasyon ki zot pe rode.  Eski sa Bidze pou permet ou fer sa?  Mersi Mr Chair.

 

MR SPEAKER

Mersi Onorab.  PS.

 

PS DENIS ROSE

Mersi Onorab pou ou kestyon e ou sizesyon osi konsernan zafer institutional memory.  Mon krwar ou’n ganny li byen.  Laplipar bann dimoun letan zot annan en ta letan zot pe travay, zot annan en bon institutional memory.

Selman par egzanp si sa biro i ganny aprouve, Bidze i ganny pase la, sa i komansman.  Prezan letan ki nou annan sa bann dimoun an plas, i deza annan bann serten keksoz de-baz ki zot pou donnen.  But then they will grow as we go along. 

Akoz ou pa kapab, nou pa konnen si Bidze pou aprouve, si i pa pou aprouve.  Nou pe propoz sa, lo nou requirements.  Prezan nou pa’n kapab pou le moman al rod tou bann lezot keksoz ki nou pou kapab mete dan sa biro.

Selman nou konnen pou le moman it is a question of giving the information that a lot of times, the ministers and government officers are bogged down with.  Ki sa ti kapab ganny donnen fasilman par en lot dimoun.

Prezan nou bezwen annan en serten training par egzanp pou kapab vwar ki mannyer ki sa Biro i kapab link up avek bann, akoz sa biro li i pa pou kapab pran bann sant dokimantasyon dan tou Minister anmenn la dan en sel landrwa li.

I bezwen annan e link avek sa landrwa neseser;- konmsi en mannyer ki i fer li fasil pou ki en dimoun letan i vin kot li la, i pa bezwen depans leternite pou konnen kot pou ale, isi laba, pou al rod en keksoz.  Konmsi zis, i kapab ganny directed ase fasilman kot sa landrwa.

Be prezan i pou annan bann general information pamphlets or whatever, video si i neseser, mon pa konnen mwan –  ki kapab ganny garde dan sa landrwa kot finalman sa i pou, konmsi current viewing and usage. 

But then the more in-depth documentation, i pou bezwen reste pou sa bann landrwa.  Akoz mon krwar osi Gouvernman pe travay lo en nouvo Archives Act ki pou vin dan Lasanble byento.

Tousala konmsi i ava annan en linkage ansanm.  Konmsi i a fer dimoun aret gat letan, konmsi, ou konpran mwan ki mon pe sey dir?  Konmsi aret gat letan pou tay, tay isi, tay, tay laba.

 

MR SPEAKER

Mersi PS.  Onorab Pillay.

 

HON SEBASTIEN PILLAY

Mon dernyen kestyon Mr Speaker.  Mon konpran poudir dan sa Bidze e dan ou lentansyon stratezik, ou pa’n koz lo digitalization of lenformasyon.  Me selman sa i en oponan enportan si nou oule move in the next step.

Akoz petet en keksoz ki ou bezwen eksplike PS, se en kantite lenformasyon Sesel i ankor lo bann file e i dan form ekrir.  I pa lo bann, i pa lo en computer ki en dimoun i kapab ganny easy accessNor ki en information officer i kapab ganny easy access avek.

Me prezan nou problenm se lespas archiving sa bann lenformasyon.  E rod en fason pou ki sa bann lenformasyon pa ganny afekte.

So vi ki nou annan en kantite Departman ozordi, ki unlike petet par egzanp, bann landrwa parey Minister Finans kot zot, zot in bouz bokou pli vit e bokou zot lenformasyon i dan en form digital,  ki zot pe fer pou zot fer ki bann diferan Departman Gouvernman i komans bouz dan sa direksyon?  E eski zot plan stratezik dan lefitir se pou vin entrodwi, pou annan serten mezir, pou fer ki bann
Departman i konmans digitalize zot lenformasyon?

Malgre i pou vreman difisil.  Akoz i en prosesis canning eksetera.  Nou’n vwar Lakour in al dan sa prosedir avek son website SeyLIISo eski sa i en keksoz ki zot pe anvizaze fer?  Mersi Mr Chair.

 

MR SPEAKER

Mersi.  PS.

 

PS DENIS ROSE

Mersi Onorab.  Konmsi digitization of government information, konman Departman Lenformasyon nou osi nou form parti sa process.  Selman i pa en keksoz ki pou ganny dirize par nou.  Me nou pou donn nou kontribisyon.

Zis pou dir ou par egzanp, anba access to information, letan ki nou ti pe prepar pou larive Commission, nou’n deza fer training, nou’n ganny lasistans avek bann expert World Bank ki’n vini.

Apart train bann information officers, zot in osi get sa laspe information storage digitization of information, ki mannyer i pou annan sharing of digitize information between the different information officers dan bann Minister, eksetera.  I annan en bon pe travay ki pe ganny fer dan sa seksyon la.

Selman pou le moman sak bann default lenstans Gouvernman, zot pe proceed at their own pace to digitize information mannyer zot kapab.  Me selman anba en gidans zeneral apre ki nou pou kapab link-up tou sa bann zafer pou fer access avek digital information fasil dan Gouvernman.

 

MR SPEAKER

Mersi PS.  Bon nou’n ariv en pozisyon pou nou pran en vot lo Bidze pou Departman Lenformasyon, ki trouve lo paz 58 ziska 60, pou en sonm R4,575,milyon.  E ki form par sa schedule.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair, 10 Manm in vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pou Departman Lenformasyon pou lannen 2020 in ganny aprouve par Lasanble Nasyonal.   Bon avek sa mon ti a kontan remersi PS Rose e Financial Controller, Mr William, e nou ava eskiz zot parmi nou.

E an menm tan mon ava demann parliamentary reporter pou apel next head ki SISPS ou ava PS Thesee ou ava gid nou lo paz dan Budget Book.

 

 

(PS ROSE AND HIS DELEGATION WAS EXCUSED FROM THE HOUSE)

 

 

 

 SEYCHELLES INTELLIGENCE SERVICES (SIS)

 

 

PS DAMIEN THESEE

Mersi Mr Chair.  Pou SIS i trouve lo paz 39, pou en sonm R13.358milyon.  Mersi.

 

MR SPEAKER

Mersi PS.  Bon mon ti a kontan dir bonzour e welcome Mr Benediste Hoareau ki Director General pou Seychelles Intelligence Service.  Nou ava demann okenn Manm ki annan kestyon.  SIS in deza fer en miting avek Komite Defans Lasanble.

E alor i zis pou en word of caution.  Nou viz nou kestyon ver Bidze, me okenn bann lenformasyon ki dan en serten sans i sansib and all that, DG pa pou kapab devwale piblikman.  Ok.  Onorab Afif.

 

HON AHMED AFIF

Mr Chairman.  Bonn apre mid Mr Hoareau e tou dimoun a lekout ankor.  Mr Hoareau ou a rapel atraver ou Mr Speaker, ki dan Staz Komite Defans nou ti anvi konnen en pti pe ki lenformasyon ki SIS i in ranmase,  pou kapab ed nou konpran ki mannyer son travay ki kolekte lentelizans ki ganny fer?   Parske nou konpran poudir i annan plizyer Lazans pe fer travay lentelizans, sa i enkli Militer, i enkli Coast Guard, i enkli Lapolis, i enkli FIU, Labank Santral ek Minister Finans mon mazinen.

Alor nou ti oule ganny en lide vreman ki mannyer li ek son Lazans ti pou marye sa travay. ki ti pou vreman anmenn lefikasite dan pei?  Me i ti kler poudir sa travay petet i ankor tre, tre preliminer ziskan ozordi.  Nou pa’n vreman ganny en laklerte ladan.

Me nou vwar ki Bidze in sorti 3.5milyon ki ti’n propoze lannen pase.  E la in desot R13 milyon.  E pou nou sa i en pti pe, i en pti pe alarman dan lafason i pe monte.  Me pli alarman se parske ladan i osi annan en kar son Bidze ki 3.4 milyon ki zis pou lwe batiman.  Tandis ki vreman son travay se kolekte lentelizans.

Be en kar dan sa larzan se zis rod en batiman.  E nou pe mazinen poudir avek ou lorganizasyon e bann dimoun ki ou pou bezwen,  i ti pou fer plis sans ekonomik ki larzan i ganny envestir par Gouvernman.

E la se pa ou, se vreman Gouvernman, pou donn ou en fasilite ki a lonterm i pou deservi ou bokou pli byen ki zis tou le lannen nou pe pran en kar ou Bidze, pe met dan rent.  Alor mon ti a kontan demann ou, ki ou kapab dir nou deplis ozordi an term, e dir Lasanble,  ki zot pe fer pou vreman anmenn lefikasite dan lentelizans Sesel atraver sa Bidze?  Ki mannyer 13 milyon nou pe al ganny lefikasite vreman?  E ki ou’n kapab fer an term, an term desizyon pou revwar sa pozisyon rent ki 3.4 milyon?

Ki mwan mon krwar personnelman i bokou tro o dan en Bidze pou en lorganizasyon ki fek komanse e ki pe komans marse.  Mersi Mr Chair.

 

MR SPEAKER

Mersi Onorab.  DG.

 

DIRECTOR GENERAL BENEDISTE HOAREAU

Mersi Chair.  Bonzour tou Onorab.  Bonn apre midi, bonzour tou dimoun a lekout.  Mersi pou ou kestyon Onorab.  Mon krwar SIS ti ganny, son Lalwa ti pase, i ti sinyen an Fevriye sa lannen.

Mon’n ganny apwente an Out sa lannen.  E nou pe konmans keksoz, nou achievement vreman i minimonm.  Akoz nou pe sey met keksoz one step as i devret.  So nou pe focus lo, in facto prongs, nou pe focus lo set up sa servis.

E son backbone sa servis, whether ou pou servi lentelizans;- ou bezwen annan dimoun, ou bezwen ankadre sa bann dimoun.  Ler ou ganny lentelizans, kot ou pou met li ou bezwen secure li.  Kot ou pou fer analiz, ou bezwen annan en plas kot ou pou fer sa analiz.  E ou annan serten amenazman ki ou bezwen fer.

Ou bezwen en landrwa pou ou fer li ladan.  So pou le moman nou ankor a sa staz.  E nou Bidze lannen prosen in baze lo sa stratezi ki by lannen prosen, ansanm avek konsiltasyon avek Minister Finans, avek Council. Ki nou annan nou en sizeable workforce ki nou kapab delivre nou servis.   Sa i enkli kolekte lenformasyon, analiz lenformasyon, avek tou son administrative fasilite ki i annan.

Bon ki nou pe fer konsernen bann Lazans ki egziste;-  at present i annan apepre 6 Lazans ki deza la.  E pou le moman nou napa kontrol lo sa bann Lazans akoz Lalwa i dir tre kler malgre i annan Seychelles Intelligence Service, i pa anpese ki i annan legzistans lezot Lazans.

So lezot Lazans ki pou arive ek zot oubyen ki mannyer zot pou amenaze, or ki mannyer nou entegre, sa i en keksoz ki nou pou konmans travay lo la boner lannen prosen, oubyen late this year.   Nou’n deza konmans koze avek sa bann Lazans.  Me selman nou bezwen entegre byen avek zot.  Nou bezwen annan en sistenm ki mannyer nou pou travay ansanm.  Nou pa kapab zis al taye, pran keksoz met anba nou lezel.  So sa i en parti.

Konsernan building.  Konsernan building mon krwar, mwan mon pa tro direkteman enplike dan building. Mon pe fer li atraver, mannyer i apel?  Office Committee.  Ki zot pe rod en landrwa pou nou.  Parey mon ti fer sorti dernyen fwa.  E mon krwar mon’n ganny en, vi ki ou’n anvoy mon fer sa pti homework, mon’n al fer.

Nou’n sey get partou, nou’n get Pension Fund, nou’n get Pension Fund, nou’n get kot SACOS.  Nou’n get, kote?  I annan en landrwa nou’n gete ankor, zot napa building.  Zot napa lokasyon.  E mon’n koz osi avek PS ki Chair pou Committee, Office Committee.

E bomaten mon’n ganny en email sorti kot, in forward kot mon sorti kot PS, ki ansarz bann zafer later la, Land, PS.

 

MR SPEAKER

Albert, Albert.

 

DIRECTOR GENERAL BENEDISTE HOAREAU

Non, non, non.  Lands, well mon pa mazin sa non.  Me selman sa i dir poudir zot in get tou landrwa e sel landrwa available zot in dir sa ki’n propoze, pa mwan.  So from la mon pa konnen, akoz i dir sa landrwa ki ou ti propoze Onorab.  In deza fini tender out pou en lot proze, tender in fini antre, zot pe fer seleksyon.

So i pe al ganny devlope.   Pou ki, mon pa tro konnen.  So mon back to menm pozisyon ki nou, me selman dan sa 3 zour nou debourye, nou tin menm get en landrwa ki mon konpran i tonm anba Zafer Entern.  E deza in fini ganny, earmark pou en lot proze.

E pou nou al konstri laba nou pou bezwen al konstri from scratch.  Napa en building pou repare.   So  as we speak now, this is where I am dan sa 3 zour ki mon’n kapab sey fer.  Mon pa konnen si mon’n reponn kestyon Onorab.

 

MR SPEAKER

Mersi DG.  Onorab
Afif.

 

HON AHMED AFIF

Mersi Mr Chair.  Mon ti a kontan zis si ou konfirm avek nou, mon’n not byen sa ki ou’n dir lo rent.   Si ou kapab konfirm avek nou ki ozordi sa ki nou apel Seychelles Intelligence Service se li menm li ki pe ranplas sa ki ti al avan ki nou’n tann nonmen National Intelligence Service?  Se li menm li sa.

 

MR SPEAKER

Mersi Onorab.  DG.

 

DIRECTOR GENERAL BENEDISTE HOAREAU

Mersi Mr Speaker.  Wi e non Onorab.  Ler mon pe fer mon pti odit ki ou ti’n dir mwan la, ki nou ti pe get lo la.  Seychelles Intelligent service ti ranplas SBSpecial Branch, non, non, sorry.

 National Intelligence Service ti ranplas Special Branch.  Apre in ganny abzorb somehow anba Lapolis.  E apre in pas whatever ki’n pase in swa dispense swa whatever.  In sanz son non, in vin CI, Criminal Investigation, Criminal Intelligence and VVIP Unit.

So i egziste as Criminal Intelligence and VVIP.  Parey mon ti pe dir ou i annan detrwa entities la ki egziste.  SIS in ganny kree ler mon get son Lalwa i tre kler, is the supreme body that coordinates any other – si i egziste.  Or, akoz i dir ou la, son manda to coordinate and regulate intelligence and preserve the security of Seychelles.  So teknikman dapre sa Lalwa, napa nanryen ki dir nou’n ranplas okenn.

 In fact i annan en clause dan sa Lalwa ki dir ou sa Lalwa i annan provizyon pou lezot Lalwa egziste, lezot lentelizans egziste anba sa Lalwa.  I annan en clause ladan ki dir.  So mon napa lenformasyon pou dir mon pe ranplas SIS.  Be sa ki mon konnen, parey mon’n deza dir ou, Gouvernman at one point pou bezwen fer en desizyon, pa mwan, I mean Gouvernman.  Ki eski nou pou annan bann duplication, kote nou pou kapab synchronize pou streamline li pou nou ganny one.  E sanmenm sa ki nou pe konmans li from the base.

Kree byen sa fondasyon kot nou kapab built lo la, pou nou kapab en keksoz nasyonal.  Mon pa konnen si mon’n reponn ou kestyon.  Selman direkteman mon pa kapab dir ou mon vin ranplas sa enn la at this point in time.  Mersi Onorab.

 

MR SPEAKER

Mersi DG.  Onorab Sebastien Pillay.

 

HON SEBASTIEN PILLAY

Mersi Mr Chair.  DG eski ou kapab eksplik nou, prenon kont ki ou pe al, ou pe konmanse, ou pe set up sa servis.  Eski sa servis pou annan en konotasyon zis Nasyonal, oubyen eski i pou annan en konotasyon enternasyonal?

Dan le sans protez pei dan bann aktivite eksteryer ki kapab annan en lenpak lo swa sekirite, lo swa pei an zeneral?  E in terms of bann lokasyon stratezik ki ou annan,  eski sa landrwa ki ou pe rent i pou en landrwa ideal pou ou kapab servi li dan fonksyon ou travay ki ou pe fer.  Mersi Mr Chair.

 

MR SPEAKER

Mersi Onorab.  DG.

 

DIRECTOR GENERAL BENEDISTE HOAREAU

Mersi Mr Chair.  Onorab mersi pou ou kestyon.  Sa servis i very comprehensive.  Nou annan en manda lokal ek enternasyonal.  So nou coverage i, nou annan osi pou nou provide service intelligence external avek internal.

So i quit vast sa manda.  Konsernen lokasyon sa building or any other building.  Onorab ou bezwen apresye poudir napa en landrwa ki 100 poursan safe or restrict.  Nenport landrwa kot ou pou met en building i pou annan en serten eleman risk avek.

E nou ki nou kapab fer nou, nou kapab redwir sa bann risk by fer bann layers of security;- pran bann mezir prekosyon, tou.  Tout en mezir ki nou pou pran.  Prezan sa landrwa la i stratezikman ideal kot i ete.  Akoz

(I)  i self-contain security.  I annan son premye layers i annan bann sekirite ek ou ki i pou provide.

(2 i pres avek Lasanble si mon bezwen vin kot zot.  I pres avek Lakour, akoz nou annan en eleman investigation avek travay avek Law Enforcement ladan.

So si nou bezwen vin kot Lakour i la.  I pa baze dan sant lavil kot ou annan en konsesyon trafik enorm.  I annan en serten number of, i piblik.  Me selman i annan en degree of privacy also.  So i annan sa balans.  So to that i konsiderableman en, i konsiderableman en bon lokasyon pou nou.

Apre osi son proksimite avek Por i vreman, i one of the best landrwa ki nou ti kapab gannyen.  Mon pa konnen si mon’n reponn ou kestyon Onorab.

 

MR SPEAKER

Mersi DG.   Onorab Pillay.

 

HON SEBASTIEN PILLAY

Mersi Mr Chair.  Mr Chair prenon kont ki sa servis li i pou raport avek, anba oversight Defense and Security Committee Lasanble Nasyonal,  eski Direkter Zeneral i kapab dir nou dan prosesis enplimant sa Bidze, eski ou pou prezant bann rapor peryodikal avek Lasanble Nasyonal, pou ki nou kapab keep at rest bann travay ki pe arive.

Sirtou, pa zis pou donn sipor, me pou osi fer sir ki konfyans piblik dan bann Lazans comme tel i ganny mentenir e i ganny anplifye.  Pou ki ou kapab fer en louvraz onorer ver piblik.  E rann sa servis ki sa Lalwa in design pou ki ou Lazans i rann.  Mersi Mr Chair.

 

MR SPEAKER

Mersi Onorab.  DG.

 

DIRECTOR GENERAL BENEDISTE HOAREAU

Mersi Mr Chair.  Mersi Onorab.  Mon kontan refer sa Lalwa, akoz this is the guiding.  Sa Lalwa i tre, tre kler lo kote oversight.  I annan ase mekanizm pou oversight.  Premye oversight se ki mon raport avek en Council.

2enm oversight se ki mon annan Defense Council Committee, Defense Security Committee.  E li mon bezwen, mon bezwen, i mandatwar ki mon enterakte avek sa Komite akoz zot very important.   Zot annan en very, akoz zot rol pou oversight i tre, tre important, wi.

E mon bezwen donn zot serten rapor peryodik.  Mon bezwen donn zot bann update.  Mon bezwen konsilte zot lo sa bann, lo sa bann, lo mon bann demars.  Apre ou annan Auditor General ki osi provide oversight lo mon kont Finans.  So basically apre i annan Zidisyer.

Zidisyer osi i annan en eleman oversight.  I annan serten keksoz, mon pa kapab fer without the proper procedure and the proper approval of the Judiciary.  So mon krwar i annan ase oversight mechanism. 

E pou sa Lentelizans kapab fonksyonn byen, Lentelizans son komodite li se lenformasyon.  Lenformasyon ou ganny li avek dimoun, ek diferan Antite.  So ou bezwen enterakte avek dimoun, ou bezwen enterakte avek diferan antite.

E wi nou pou gard kolaborasyon avek tou bann Law Enforcement, tou bann partners, tou bann stakeholders at zot nivo pou nou kapab enterakte.  Mon pa konnen si mon’n, mersi Mr Speaker.

 

MR SPEAKER

Mersi DG.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon krwar nou tou, e Mr, e Onorab Afif in fer sa pwen ki sa lorganizasyon pe ne e pe grandi.  E donk nou pa, nou ekspekte ki i annan bann areas ki pa tro kler, ki teething parey nou pe dir.

Me selman i nou devwar nou konman en Lasanble pou nou fer sir ki at the end of the day larzan ki nou vote i al, i vreman dan en landrwa kot i neseser.

Alors mon retourn ankor lo sa kestyon rent.  Lo nou kote, nou ti a kontan sizere ki plis travay i ganny fer ankor, pou nou gete si vreman napa nanryen ki come up, ki pli affordable, ki pli apropriye e ki ganny pran at the right time.

Direkter dan sa rankont ki nou’n gannyen avek li, i ti dir nou poudir i ti pe ekspekte sa landrwa kot in demande pou li, kot in montre lentere pou li lwe, i sipoze pare an Novanm, lafen Novanm.  Me i pa pou pare.  Klerman i pa pou pare, ni Novanm, ni Desanm, ni Zanvye, kekfwa an Fevriye.

Alors, mwan, lo nou kote, kekfwa mon ti a kontan sizere avek PS Finans, avek.  Annou tenir sa sonm anba sipervizyon Minister Finans.  Dan en fason ki Minister Finans zot ava pran kontak avek nou.

Dizon dan lafen Zanvye, an Fevriye, early next year dizon, pou dir avek nou be gete la i la ki bann travay an plis ki’n ganny fer, pou nou gete si nou pa’n ganny en landrwa alternatif.  E osi Minister Finans i ava dir nou.  Me zisteman SIS in konmans recruit, e la nou pa kapab esper pli lontan, akoz zot annan bann dimoun ki pou komanse.  E la sa biro ki Direkter i annan SEYPEC pa pou kapab, pa pou kapab sa e i pe met retar.   Donk sa bann lenformasyon koumsa, i ava vin kot nou o komansman lannen.  E i ava permet nou fer en desizyon enformen lo sa travay.

An menm tan an konklizyon, mon ti a kontan tann pozisyon Vis Prezidan oubyen Direkter lo sa size e menm Finans.  Me selman antretan dan sa lespri ede parey nou ti sizer enn de landrwa, i annan landrwa ki paret pou mwan i en pe ideal.  I lo menm compound ki Lakademi Lapolis.  I en office warehouse ki pe ganny servi par en konpannyen elikopter prive.  Ki dapre lenformasyon, e I stand to be corrected, I stand to be corrected, dapre lenformasyon bon pe lannen pa pe pey rent.

I ti ava enteresan kekfwa la, son lokasyon pre avek Erport avek lezot Lenfrastriktir Law and Order.   Donk nou, nou ava kontinyen dan sa lespri bonn volonte, sizer sa bann posibilite.  At the end of the day si nou pa ganny nanryen ki nou krwar i pli apropriye.

Nou ava retourn lo propozisyon orizinal ki ou’n fer.  Me selman nou anvi vwar sa refleksyon ganny fer.  Mersi Mr Speaker.

 

MR SPEAKER

Mersi Onorab Ferrari. PS Thesee.

 

PS DAMIEN THESEE

Mersi Mr Chair.  Nou aksepte propozisyon.  E annefe nou pe deza pratik sa bann prensip deza dan zesyon Bidze.  I annan serten vot ki touzour Minister Finans i annan kontrol lo la.  Parey vot saler, vot capital Budget, vot utilities, vot rent.  Akoz nou pa oule ki Minister i tire pou depans lo lot keksoz.

Apre i vin demann larzan adisyonnel.  Sa bann vot i deza kontrole.  So even if en landrwa i ganny larzan rent, prezan i tarde antre ladan, oubyen rent i redwir, nou touzour bezwen vin kot nou ava i dir nou ki pe al fer ek sa larzan.  So nou annan kontrol lo la.  Mersi.

 

MR SPEAKER

Mersi PS.  Onorab Sandy Arissol.

 

HON SANDY ARISSOL

Mersi Mr Speaker.  Bonn apre midi a tous.  Mr Chairman nou annan en sityasyon kot Gouvernman in kree en Lazans e prezan Lazans napa landrwa pou li perform son duty.

E Direkter Lazans i dir avek nou Mr Hoareau, pou dir li in bezwen pas enn de landrwa pou get lokasyon.  E mon asire letan ou pase ou bezwen dir avek Mr Arissol ki i annan sa building, pou dir be mon pe gete si ou annan en building, en plas vid, parske mon ti a kontan lwe en landrwa.

Otomatikman i pou demann ou pou fer kwa?  Alor ler ou pou dir li poudir mon pe vin koman en Lazans Sekirite, oubyen en Lazans Lentelizans.  Mon pou dir ek nou, mon pa anvi okenn KGB dan mon building.  Alor i pou vin en problenm.

So mon kestyon ki mon ti a kontan demande Mr Chair,  se eski Gouvernman in fer en assessment par egzanp, in fer en lodit avek bann lezot Lazans Lentelizans ki nou annan dan pei.

Pou nou vwar, si i annan ki bezwen phase out depandan lannen, kapabilite, konpetans, pou zot kapab, pou ou kapab abzorb zot dan sa travay ki ou pe fer an vi ki ou Lalwa i dir ou siprenm?  Premye kestyon.

2enm kestyon mon ti a kontan demann Mr Hoareau, Mr Chair, parey ou Lalwa i dir ek ou poudir ou siprenm an relasyon avek lentelizans.  Eski ou kapab dir ek nou dan sa negosyasyon, dan sa konsiltasyon ansanm avek Finans, si sa landrwa ki zot pe rode pou met ou ladan, konman sa Lazans siprenm, eski zot pe mazin osi enkorpor lezot bann pti Lazans lentelizans dan sanmenm sa building?  Pou fer ki zot ava pe kordinen, nou pa ava annan enn ni en lot landrwa, en lot landrwa.  Pou zot fer en travay ekselan pou sa ki dimoun pe ekspekte de zot?

Mon 3enm e mon dernyen kestyon Mr Speaker,  mon ti a kontan demann Mr Hoareau, san devwal okenn lenformasyon sekre oubyen sansib,  kwa ki lepep Seselwa pe eksepte avek sa lentelizans ki fek ganny kree la? Ki ou pou fer koman sa lentelizans.  Eski ou pou vey mon zaksyon konman Mr Arissol?

Ou pou ekout mon telefonn koman Mr Arissol?  Ou pou lir mon mail?  Ou pou vey mon lavi prive?  Konmsi donn nou en pti pe kontrandi pou sa Bidze nou pe donn ou.  Kwa ki lepep Seselwa ki pe ekoute deor, kwa ki Mr Hoareau pou fer atraver sa lentelizans ki Gouvernman in met an plas? Mersi Mr Chair.

 

MR SPEAKER

Mersi Onorab.  DG.

 

DIRECTOR GENERAL BENEDISTE HOAREAU

Mersi Mr Chair.  Mersi Onorab.  Premye kestyon, absorption of staff.  Mon krwar once ki nou ladministrasyon in set up, nou an konsiltasyon avek Gouvernman ek Council.  Nou a fer the proper prosedir, nou ava recruit parey nou Lalwa i dir nou avek bann staff.  Nou a get e ki mannyer nou pou abzorb, sa ki nou pou abzorb nou abzorb.  Si nou pou devret redeploy, nou redeploy.  Sa en keksoz ki nou a fer a en letan pli tar.  Diskisyon konsernan building an relasyon avek Minister Finans, pou met bann lezot pti Lazans,  mon pa’n fer sa diskisyon avek zot.  Akoz zot deza pe egziste dan en serten landrwa.  E i pa neseserman ki ler nou, parey mon’n deza dir ou, sa Lalwa i dir i pa neseserman ki nou merit ranplas en existing agency or pran li met li anba nou umbrella.

Sa i en keksoz ki nou a kapab diskit lo la as we come along.  Me selman pou le moman, non i pa en co-existing laranzman ki nou anvi fer pou le moman.

Akoz pa bliye poudir nou annan sa legzersis kot nou bezwen vet reget bann dimoun avan ler ou pran pou ou met dan ou sistenm or around ou. Sa i enn.

2enm what is the public to be expecting?  The public i expect ki parey mon kontan fer referans ek mon Lalwa mwan as mwan mon napa okenn pouvwar, mon napa okenn nanryen, parey tou.   Me selman as a DG mon bezwen travay according to sa Lalwa ki mon annan.  Now tou mon power i ganny eple dan seksyon premye;-  dan preliminary.  I dir mon tou bann threat ki i annan pou Sesel ki mon bezwen dil avek.

 E ladan i dir mon tre kler, ‘‘but that does not include any lawful advocacy, protests, decision not performed in conjunction with any activity.’’  Savedir mon Lalwa pa permet mwan pou mon vin vey Onorab Arissol as a politisyen.  Sa mon pa kapab fer e mon krwar pa si mon pou fer osi.  Akoz en politisyen son louvraz se koze.

2enm mon Lalwa i travay an relasyon avek Konstitisyon.  I annan tou bann pli gran lartik dan Konstitisyon enkli freedom of speech, enkli freedom of, tou lezot freedom, of movement and whatnot.

Keler ki sa i vin an kestyon, se ler i vin en threat to the country.  Until that happens, mon servis napa en lentere avek.  Lot keksoz, mon power.  E ankor mon power i ganny spell out tre clearly dan seksyon 5, depi bracket (1) ziske, ziske almost bracket (2).

I dir mon tre kler ki mon kapab fer sa, oubyen mon pa kapab fer sa.  E ler mon fer en keksoz, ki mon limitasyon ki mon fer avek.   So ekspektasyon, mon konnen poudir i annan en pti pe gou pa tro normal, lo sa konotasyon lentelizans ozordi.

E lekspektasyon piblik se ki nou bezwen anmenn sanz sa persepsyon.  Anmenn en servis profesyonnel.  Fer nou travay dan en fason transparan e byen.  Of course to the limit ki nou pa devwal okenn sekre Leta, oubyen nou sekre fonksyon.

E nou bezwen osi annan en zimaz kot i prezantab to the public.  Akoz zimaz i tre, tre enportan dan lentelizans.  Lanmenm ler kot building osi, ou lokasyon, ou building parey mon vin dan Lasanble, ler ou antre dan Lasanble la, dan sa building, Mr Speaker. Ou war, konmsi ou feel ou antre dan en landrwa kot ou kapab annan konfyans, pou annan sa servis, i annan tou sa zafer.  Lentelizans osi i parey.  Ler en dimoun i antre kot nou, swa i pou vini koman en vizit, swa i pe vin fer sa, i bezwen santi poudir sa landrwa i en landrwa ki inspire confidence, i inspire sa lanvi pou li fer.

E lo nou laspe enternasyonal ki Onorab Pillay in demann mwan.  Kontrerman avek mannyer Lentelizans ti ete, nou pe dil en kantite,  nou pe enterakte en kantite avek bann foreign partners.  E sa nou pe koz Anbasader, mon bann koleg, bann envoys, bann Minis, bann Sef, parey bann komodo, bann keksoz koumsa.

So ankor sa zimaz i enportan.  E mon kapab dir ou right now i annan serten partner ki’n deza express, ler zot in war sa Lalwa, nou’n diskite, bann kredib, bann partner kredib,  ki zot montre en konfyans, poudir i kapab annan, konmsi zot kapab travay avek nou konfidans, an konfidans.   Mon pa konnen si in reponn ou kestyon Onorab.  Mersi Mr Speaker.

 

MR SPEAKER

Mersi DG.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  E bonn apre midi Mr Hoareau ek tou dimoun.  Mr Chairman, mwan, spesyalman avek tou sa bann keksoz ki mon pe tande lo televizyon la konmela, mon annan en konsern.

E mon anvi ankor enn fwa apre sa bann propozisyon an relasyon avek son lorganizasyon e avek sa ki Onorab Arissol in dir, larepons Mr Hoareau pou dir en keksoz.  Sa ki dan sa Act parfe li, i bon.  I annan bokou bann lezot Lalwa tou ki bon.

Ou’n deza dan lapolis.  E I am sure ou’n deza ansarz SB, ou konnen ou ki poudir SB ti fer bokou keksoz ki an deor sa ki zot ti sipoze fer.  Letan par egzanp SB ti a pe ekout nou telefonn.  E ki apre sa tanzantan zot ti bezwen pran tou sa bann transcript ki zot in fer al brile.

Tousala ti kont Lalwa.  Parski pou ou ekout en telefonn, ou ti bezwen ganny en Court Order.  E nou’n deza, parey ou konnen, lapolis in deza donn nou sa bann, enn de bann transcript, ti annan enn spesifikman pou Onorab Ferrari letan i ti a pe koze lo telefonn.

Mwan mon anvi ki ou donn nou sa konfyans, pa zis nou me lepep Seselwa.  Sa konfyans ki poudir sa travay ki zot pe vin fer, zot pe vin fer li antyerman anba Lalwa.  E ki ou koman direkter, ou pa pou les okenn Lotorite;- ou pa pou les Prezidan, Vis-Prezidan, Manm Lasanble, whoever,  pou ofer ou avek ou lorganizasyon fer keksoz ki kont zot manda.  Parske sa Bidze parey nou’n dir, nou pe dir, pa zet sa Bidze.  Me selman annou fer sir ki keksoz i pas anba zot Lalwa.

E ki zour ou ganny demande pou ou fer en keksoz ki kont Lalwa, oubyen ki an deor zot Lalwa, ou pou dir msye, whoever ki Prezidan, mersi bokou, be la mon let demisyon, mwan mon pe ale.  Parski sa i pa sipoze koumsa!

Mon pe dir sa Mr Chairman, akoz i enportan pou nou, si nou pe koz rekonsilyasyon laverite, i enportan pou nou koman en pei komans en nouvo, pou nou pran ne nouvo dimansyon, profesyonnalizm, ensidswit.

Se sa ki mon anvi dir koman en parol lankourazman.  Me osi koman en parol ki dir, la nou sorti dan sa bann zafer kot lentelizans i vedir vey telefonn, ekout telefonn, veye kot ti ete, kot pa ti ete, raport sepa kote!  Mersi bokou.

 

MR SPEAKER

Mersi Onorab.  DG.

 

DIRECTOR GENERAL BENEDISTE HOAREAU

Mersi Mr Chairman.  Mersi Onorab pou ou, mon pa kapab dir en komanter, me selman pou ou statement rather.  Mon krwar i valab.  Given as sityasyon as it is, mannyer keksoz ti ete.

Me selman mwan mon annan en prensip toultan mon get lefitir, mon pran lepase koman leksperyans e ou get lefitir.  E donn ou mon garanti, mon donn lepep Seselwa mon garanti, mon donn nenport ki dimoun mon garanti, poudir mwan mon pou fer mon travay dwat, mannyer i devret ganny fre, a la limit ki i devret ganny fer.

So mon pou toultan, mon refer sorti, mon pou toultan an konsiltasyon avek Komite dan Lasanble.  E mon pou, mon annan mon oversight la.  E pa oubliye mon annan, mon osi anba lizye nou bann external ki pe gete.  E zot pa pou enterakte ek nou si keksoz pa tro, tro normal.

 So non, mon donn ou mon garanti, mon donn tou dimoun mon garanti, bann Onorab.  Poudir nou pe vin travay dan en nouvo letap, dan en nouvo dimansyon.  E la ozordi i annan en Lalwa kler.  Sanmenm sa problenm avan i ti en pti pe hazy, la i kler.

E mon konnen ki mon pou fer e mon pa bezwen al dan tou mon bann detay ki mon bann diskisyon avan ler mon ti pran sa postAnd one of the things sa ki konn mon prensip,  i se ki mon kontan fer mon keksoz drwat.  Mersi Onorab.  Mersi Mr Speaker

 

MR SPEAKER

  1. DG. Bon mon ava donn, VP si ou oule fer en komanter final?  Non?  PS Thesee i annan en propozisyon ki ganny fer, zis gid nou ki mannyer nou pou vote, lo ki amount?

 

PS DAMIEN THESEE

Mersi Mr Speaker. Petet mon ava demann en klarite avan.  Nou oule redwir sa Bidze, oubyen nou oule Minister Finans met en lizye lo la.  Lizye nou donn ou komitman nou mete lizye lo la, nou napa problenm.  E nou a raport avek zot lo ki mannyer i devlope lannen prosenn lo la.  Mersi.

 

MR SPEAKER

Mersi.  E Komite Lasanble i ava osi rantre ansanm avek SIS, avek Minister finans pou monitor.  Bon avek sa nou’n ariv en moman pou nou pran en vot lo Bidze pou Seychelles Intelligence Services.

Ki trouve lo paz 39 ziska 40, pou en sonm R13, 358milyon ki form par sa schedule.  Mon ava demann tou Manm ki an faver?  Okenn Manm ki kont?   Madanm Clerk.

 

MADAM CLERK

Mersi Mr Chair.  21 Manm in vot an faver e personn kont.  Mersi.

 

MR SPEAKER

Mersi Madanm Clerk.  Savedir Bidze pou Seychelles Intelligence Services pou lannen 2020 in ganny aprouve par Lasanble Nasyonal.

E avek sa mon ti a kontan remersi Direkter Zeneral Mr Benediste Hoareau e mon ava eskiz li parmi nou.

 

(MR BENEDISTE HOAREAU – DG SIS WAS EXCUSED FROM THE HOUSE)

 

 

 

 

DEPARTMENT OF DEFENCE

 

 

MR SPEAKER

Bon mon ava demann PS, nou pou pran Departman Defans.

 

 

PS DAMIEN THESEE

Mersi Mr Chair Departman Defans i trouve lo paz 32, pou en sonm R330.9 milyon.  Mersi.

 

MR SPEAKER

Mersi PS.  Mon ava demann parliamentary reporter pou apel bann zofisye.  Bon ankor dan menm laliny bann Manm.  Bann area ki nou apel bann area of sensibility, nou pou pran li in-camera, parey nou’n deza fer dan miting.  Si i annan okenn issues.  Me an gro isi nou get Bidze an zeneral ki mannyer i ete.

Bon dan moman ki nou pe atann Vis-Prezidan retournen.  Mon ava swet labyenveni bann zofisye Lafors Defans.  E osi zot Senior Accountant ek zot DG pou HR.  Lo panel nou annan Kolonnel Clifford Roseline ki Chief of Defense Forces.  Kolonnel Michael Rosette ki Chief of Staff.  Mr Paul Dupres ki Senior Accountant.

E Ms Aselma Pilate ki DG pou HR and Admin.  Bonn apre midi e welcome dan Lasanble Nasyonal.  Mon ava zis pran 2 minit pou nou atann VP retournen.  Apre nou ava kontinyen avek nou travay.

Petet zis antretan mon ava demann bann Manm ki pou demann kestyon, mon oule vwar en show of hands pou Lafors Defans.  Ok, mersi.  Bon nou ava konmanse avek kestyon pou Lafors Defans.  E nou ava konmans avek Onorab Terence Mondon.

 

 

MR SPEAKER

 

HON TERENCE MONDON

Mersi Mr Chairman.  Mon kestyon i lo ‘’goods and services’’ e mon war en logmantasyon 2.3milyon pou housing.  Eski panel zot ti kapab eksplik nou kote sa 2.3milyon pe ale silvouple?  Mersi.

 

MR SPEAKER

Mersi Onorab.

 

COLONEL MICHAEL ROSETTE

Bonn apre midi Mr Chair.  Bonn apre midi tou Manm Onorab e tou bann dimoun ki pe ekout nou lo radyo, televizyon e pou kapab donn plis detay lo sa kestyon Onorab Mondon, mon a pas avek Mr Dupres pou donn detay lo kwa ki nou pe al depanse anvi ki nou annan sa logmantasyon dan sa ‘’goods and services’’.

 

MR SPEAKER

Mersi Mr Rosette.  Mr Dupres.

 

SENIOR ACCOUNTANT PAUL DUPRES

Mersi Mr Speaker.  Bonn apre midi tou dimoun.  bon dan housing nou annan nou bann nou annan en ogmantasyon akoz lannen pase nou Bidze ti anba par 2.3milyon.  An realite baze mon pa konnen akoz sa kou ti arive baze lo kantite dimoun ki nou annan ki pe reste dan bann lakaz, i ariv parey sa figure ki egzakteman nou ti bezwen fer virement sa lannen pou nou kapab meet the cost.  Nou annan nou bann zofisye etranze ki pe reste dan sa bann lakaz, sa bann rent depi lannen pase, alor nou’n fer parman nou ganny nou bezwen met sa egzakt figure ki nou pe pey rent pou lannen prosenn.  Mersi Onorab.

Savedir oule konnen kantite zofisye etranze nou annan, kote lakaz nou pe  lwe  nou kapab donn ou.   Nou annan nou 3 dimoun ki nou pe lwe lakaz son total i realite i ti dir  R3.5milyon ki nou peye. Par mwan nou peye R295mil.

 

MR SPEAKER

Onorab Mondon.

 

HON TERENCE MONDON

Mersi Mr Chair.  Mr Chair i pa tro kler pou mon ler nou pe koz lesplikasyon ki mon gannyen i dir i annan 13 zofisye etranze.  Eski e mwan mon  konpare avek ler ti devan FPAC lakantite etranze ki ti annan e ler mon get sa logmantasyon 2.3milyon an plis pou housing, i pa kler akoz sa kantite etranze konpare ek sa ki zot ti annan avan, ki mannyer sa housing i mont sa kantite sa 2.35milyon.  Eski rental in monte?  Mon ti a kontan en pe leksplikasyon en pe pli kler pou kapab zistifye sa gran logmantasyon?  Mersi.

 

 

MR SPEAKER

Mersi Onorab.  Mr Dupres.

 

SENIOR ACCOUNTANT PAUL DUPRES

Mersi Onorab.  Onorab mon fer kler ki nou Bidze lannen pase ti zis R1milyon me selman nou ti pe pey rent R275mil par mwan.  Ti deza R3.4milyon.  Savedir nou Bidze ti short par R2.3milyon lannen pase.  Nou’n bezwen fer virement dan nou bann line items pou nou kapab kouver li.  Rent pan monte, rent in reste parey.  Sel keksoz ki’n arive se ki nou aret en rent avek en endividi nou transfer sa i en dokter, nou’n transfer li dan en lakaz Eden Apartment.  Mersi.  That’s all.

 

MR SPEAKER

Mersi Mr Dupres.  Onorab Waven William.

 

HON WAVEN WILLIAM

Mersi Mr Speaker.  Bonn apre midi tou bann dimoun lo panel.  Mr Speaker mon kestyon bann kestyon i konm swivan ;-  mon ti a kontan apport latansyon panel lo table 5 kot i konsern program ‘maritime operations’’, ‘’air operations’’ avek ‘’service support specialised’’ mon anvi demann sa bann kestyon pou nou ganny en leklersisman egzakteman, konbyen i kout pei?  Letan nou pe koz maritime operations avek sa kalite Bidze la mon pe war 2020, 112milyon ekek e pou air operations ti annan 52milyon.  Si zot kapab dir nou sa i reprezant konbyen loperasyon in terms of the physical – letan zot pe ale/sorti an term koup bato avek avyon ?  E an menm tan mon anvi konnen lefe ki ti annan en progranm anba COI pou sa bann tel operasyon sirveyans eski sa i ankor pe ganny fer?

E eski letan zot anmenn en bato sa bann fre pou zot ale parey pou avyon avek bato, eski zot rekiper sa avek sa Lazans etranze?  Mersi.

 

MR SPEAKER

Mersi Onorab.  Mr Rosette.

 

COLONEL MICHAEL ROSETTE

Mersi Mr Chair.  E mersi Onorab pou ou kestyon.  Onorab an se ki konsern bann loperasyon bato avek avyon, sak sorti ki zot sorti depandan lo groser bato avyon, sakenn i annan son kou.  Depan lakantite zour an mer, kantite ki zot brile.  Nou gard en rikord bann statistik tou le mwan, tou sa bann loperasyon konbyen i arive.  E par egzanp si mon donn ou en legzanp la an se ki konsern par egzanp en bato kontrol – par egzanp bann pti dan kabari par egzanp La Fleche en bato 30met, ler i fer li apepre 2 zour lo lanmer, i pe bril li 3000 lit diesel 10 dimoun abor pou donn manze, avek son sea time allowance ki nou bezwen pey sa bann dimoun bann maren abor.  I ariv apepre 107,000mil pou 2 zour.

Bann pli gro bato parey Topaz, Andromache zot i kout bokou pli ser, i ariv pre 1milyon pou apepre en  7, 8 zour an se ki konsern manze.  Zot annan en lekipaz apepre ant 25 a 30 zonm ki ou bezwen donn manze e kantite fuel ki zot brile avek pri fuel konmela se sa ki arive ki zot apepre 1milyon pou 1 semenn parler ki depandan lo kantite ki zot brile.  Si zot pa brile zot zis petet patrol zot tenir en pe zot konserv en pe fuel napa vreman ase aktivite depandan lo lentelizans ki zot in donnen zot bril mwens depandan lo sa bann patrol.

An se ki konsern bann lezot patrol ki ganny organize anba Fisheries Protection Fish – COI li i ganny kordinen atraver SFA.

Me selman ler i fer se SPDF Coast Guard ki pey sa fuel ek manze, enkli pou bann lenspekter.  Si i en local patrol dan sa ka nou anbark zis lenspekter SFA e nou ki kouver.  Si i en regional patrol dan sa ka i annan bann lezot lenspekter swa ki vini ki sorti dan bann lezot pei COI nou anbark lo la se nou ki kouver zot.  Apre nou fer en claim avek SFA me sa larzan i pa vini dan nou kont.  I antre dan kont Consolidated Fund pou Gouvernman.  Nou pa gannyen sa larzan i antre direkteman dan kont.  Mersi.

 

MR SPEAKER

Mersi Kolonnel Rosette.  Onorab William.

 

HON WAVEN WILLIAM

Mr Speaker mon kestyon siplemanter i konm swivan:  prenan kont ki nou zone ekonomik i 1.3million sq kilometers, eski ou kapab dir nou si baze lo grander nou sirfas delo, eski ou santi poudir  sa Bidze ki zot gannyen i ase?  E eski ou pa krwar poudir sa larzan ki ler zot claim avek SFA a ou avi pa devret retourn kot Lafors Defans pou zot reservi, akoz lefe ki zot ki’n fer sa depans, an term pou sorti e depans fuel ek manze ensidswit?  Mon ti a kontan ganny ou lopinyon lo la akoz, ki arive se ki petet ankor mon ti a kontan ganny ou lopinyon PS Finans, akoz lefe ki nou war poudir i pa sifi.  Me si zot kapab ganny sa larzan mon krwar ti pou bon pou zot.  So mon ti a kontan ki ganny ou komanter an menm tan PS.

 

COLONEL MICHAEL ROSETTE

Mersi Onorab ankor en fwa.  Parey ou’n dir ou menm 1.3milyon kilomet kare lanmer i tre vas e plis ki sa Sesel nou fer de claim lo Extended Continental  Shelf enn ki nou share avek Maurice, e nou annan en lot ki nou gannyen dan Nor.  E sa i bokou pli larz e nou an negosyasyon avek Maurice pou konmans bann patrol dan sa zone dan sid e nou bezwen osi kouver sa zone dan Nor.

Si ou kalkil resours ki ti pou bezwen pou kouver tou sa landrwa sa lanmer, sa ki nou annan i pa ase.  E mon pa krwar ozordi i pou annan menm bann gran pei avanse ki annan bann gran navy i pa pou fasil.  Ti annan en pei petet enn fwa ki ti sey devlop en konsep kot i annan mil korvet pou kapab patrol en serten landrwa, me i pa reisir.  Me nou pa krwar nou dan sa sityasyon pou nou kapab devlop sa pou annan sa kantite vi nou resours imen resours limite an term kapasite bato avyon ki nou annan.

Alors i pou difisil pou nou kapab kouver tou sa zone, me avek sa pti git resours ki nou annan nou sey nou mye pou nou kapab kouver maksimonm baze lenformasyon lentelizans ki i anmase, pou nou konnen kote aktivite ilegal pe pase pou nou entervenir.

E mon krwar si nou ganny resours an term monneter i ava ed nou pou nou ogmant kantite frekans patrol, dan nou lanmer e sa i ava anmennen, ki nou fer plis arestasyon e deterrence dan nou zone.  Sa lannen nou sey met maksimonm, sey aforsi nou patrol e nou war nou ganny serten rezilta an plis.  Ziska prezan nou aret nou 7 bato lapes ilegal zis pandan sa lannen.  E nou krwar i ankor annan bann lezot aktivite ilegal tel ki konsern polisyon maritim, drog i ankor pe pase en kantite.  Nou war petet avek bann rezilta ki’n achieve avek bann lezot Lafors etranze ki menm si direkteman nou pa’n travay involve dan larestasyon, me nou’n anmenn serten kontribisyon pou sa bann lafors etranze kapab fer arestasyon.

Nou annan en zofisye ki baze dan en sant a leksteryer ki li osi pe travay avek sa bann Lafors etranze pou anmenn serten kontribisyon.  Alors bann partner enternasyonal ki pe ed nou osi dan sa bann patrol i anmenn zot kontribisyon.  Me definitivman si nou ganny en pe plis larzan par egzanp parey ou’n dir sa larzan ki COI i pey nou i ava ranforsi nou kapasite.  Mersi.

 

MR SPEAKER

Mersi Kolonnel Rosette.  Onorab Gervais Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Mr Chair mon kestyon i tourn otour en pti pe pwen ki mon ti fer dan mon repons Bidze, lo prodiktivite Larme.  Nou annan en Larme, son kou pou pei i bokou par egzanp de keksoz la ki trakas mon se pwen ki Onorab Mondon in fer renting.  Zot rent en kantite larzan i al dan renting, pourtan pa tro lontan nou fer en nouvo Baz Gard Lakot e probableman i en keksoz pou pei Gouvernman ti kapab negosye ki part of the structure ti ava annan  en bann apartman, ki bann zofisye ti ava reste anndan.

 

Ouswa nou war poudir zot pe depans apepre R12milyon ek manze.  Si zanmen dan sa 12milyon nou ti pran en bout sa larzan e envestir dan lakwizin modern somewhere lo en kan, e zot manze dezormen i konmans kwi la, eski sa i ti pou ed zot depans lo pei a lavenir?  Sa i enn kestyon ki mon anvi demann zot.

E dezyenmman mon war dan zot rol, se ki zot ed sivilyen dan en bann sityasyon.  Mon anvi konnen si vreman zot fer sa?  Akoz at the end of the day i dimoun ki pe ekout nou la deor ki nou reprezante ki pe ekoute, e pou satisfer poudir i vre zot vini letan nou dan bezwen.  Mon anvi konnen ki bann aktivite vreman ki zot in fer ki’n anmenn en soutyen pou popilasyon resaman?  Mersi.

 

MR SPEAKER

Mersi Onorab.  Kolonnel Rosette.

 

COLONEL MICHAEL ROSETTE

Mersi Onorab.  Definitivman ou bann pwen ki ou’n anmennen i valab.  Si nou ti ganny bann lakaz pou nou menm ki pou SPDF, i ti pou save nou en kantite kou.  E sa i en lide ki nou deza diskite avan e i en desizyon ki petet nou bezwen anmenn devan kot egzekitiv kot Gouvernman pou si dan sa menm rezyon kot Coast Guard i pros la nou annan bann fasilite.  I ava sov nou en kantite larzan i ava redwir sa kou.  Sa nou ava gete pou le fitir nou kapab anmenn sa pwen devan pou diskite.

An se ki konsern manze osi, o konmansman Larme Militer ler i ti konmanse ti konmans kwi manze apre en letan ti arete. Ti  arete akoz, akoz ti annan serten problenm ki’n pase ti annan defayans dan sistenm kontrol.  Ladan ti annan labi e ti arete e ti outsource li deor.  Mon krwar a sa moman la kot nou pe reser en pe keksoz pe met tou keksoz konmsi en pe pli drwat nou kapab refer sa travay e refer en revwar bann lakwizin i deza egziste, i demann renovate bann unit.  Nou bezwen fer en travay revwar si sa i pou anmenn en benefis pou nou, e si nou kapab refer marse sa bann lakwizin ti ava dan nou bann benefis, akoz i ti ava kout nou mwens pou transportasyon pou al sers manze.

E mwen risk pou annan osi en polisyon en pwazon pou ganny anpwazonnen par manze letan pou transporte sorti lwen pou anmenn dan bann unit.  Mon krwar sa bann pwen nou bezwen pran li serye lannen prosenn.  Esey tackle sa.

E an se ki konsern led ki nou donn bann sivilyen, petet nou pa fer ase piblisite lo la.  Nou ale nou ede kantite landrwa.  Nou ed lekol nou penn.  Nou ede netway lekol.  I annan bann Old People Home ;- nou ale tanzantan nou koupay zot landrwa, met prop, akoz nou konnen i annan enn bezwen dan sa bann landrwa.  Letan i fer beach cleaning osi nou ale nou fer beach cleaning.  Lannen pase letan ti pe fer sa proze pou netway Aldabra, nou ti pran linisyativ nou ti pran en bato laba avek en tim zonm pou asiste pou netway Aldabra;-  akoz nou krwar i enportan Aldabra konman en Patrimwann Mondyal i reste prop e seren.  I reste dan son-

So sa i bann aktivite ki nou fer e la nou pou annan nou zournen Lafors Defans pe vini nou pou kontinyen ankor.  Dan Perseverance ankor menm kote isi nou pou vini nou pou asiste lekol bann manrmay menm bann vilaz nou pou pase sey ede pou asiste.  Petet mon krwar nou pa fer bokou piblisite.

Ki nou fer resaman osi mon’n re upgrade nou website ki egziste.  E la tou bann aktivite ki nou pe fer mon pe remet li lo sa website pou redonn li piblisite, pou ki piblik i war Lafors Defans i pa en Lafors ki zis la pe asize nanryen fer dan en barak pe manze pe konsonmen;- ki nou osi nou kontribye a devlopman sa pei devlopman nou zenn pou fer sir ki zot kontinyen epanouir e grandi.  Mersi.

 

MR SPEAKER

Mersi Kolonnel.  Onorab Ahmed Afif.

 

HON AHMED AFIF

Mersi Mr Chairman.  Mr Chairman zis mon a re-tap vitman lo bann pwen ki nou pas en pti pe dan Staz Komite me selman san devwal okenn keksoz ki sansib.  Esansyelman en pwen ki ti sorti se lefe ki ozordi SPDF i ankor pe operate 2 Kan Militer Barbarons ek Legzil e tou lede nou konnen ti annan 2 ansyen Prezidan ki nepli dan sa bann Kan.

Nou ti espekte war en rediksyon dan groser Bidze SPDF.  Me an term ‘’goods and services’’ aktyelman in monte par 19poursan.  E an term wages in desann par 2poursan.  Alor i pa vreman sa ki nou ti pe espekte, me zot osi eksplik nou ki zot in deplway en kantite zonm ozordi ki pe fer en travay lo sirveyans e sirtou dan lanmer e Coast Guard.

E alor mon ti a kontan demann zot lo sa size en pti anliny sa ki Onorab Henrie osi  in demande, ki zot in fer swivan nou diskisyon, pou zot redonn nou en lasirans ki zot pe fer tou sa ki neseser avek sa Bidze, pou ganny plis lefikasite dan SPDF? Ki vreman sa larzan nou pe depanse i pou sirveyans ki nou vreman bezwen, olye annan solda lo en Kan? Ki zot pe fer pou zot kapab mye servi larzan pou redwir ;- par egzanp zot kou ‘’goods and services?’’

E ankor la nou pe retourn lo manze, mon ti a kontan demann PS Finans parske mon war korespondans ki devan nou kot Finans atraver Procurement Unit, i pe ankouraz SPDF pou extend bann Kontra ki egziste, pou aste manze ziska Desanm.  E zot pe konmans demann – Zot ki  pe demann SPDF! SPDF in fer son bout li!

Me Finans pe dir ek SPDF ou konnen i annan en eleman sansib ladan.  Lo catering alor extend ziska Desanm akoz nou, nou pa ankor pare avek- Annefe Mr Speaker mon a lir li, ‘’We are still trying to find the most feasible transparent and workable option with regards to the treatment of catering contracts pou SPDF.’’

Kwa ki sitan konplike pou order en pe take away?  Mon pa konpran mwan?  E akoz finalman – fianalman zot dir ek SPDF akoz i sitan – nou pe donn ou permisyon – ‘’the adoption of the open bidding method will not be ideal and therefore the SPDF can request for approval of the adoption of a limited bidding method.’’ 

        Konmsi i dir ek li pa bezwen al fer open bidding pou les nenport ki anvi vann bwat manze ek zot, limit li.  Mon pa konpran!  Mon konnen i annan en sansibilite pou dimoun konpran kwa ki Militer i fer be pou prodwir manze pou donn militer napa nanryen sansib ladan.  Napa sansib.

Konmsi mon pa konpran sa akoz sa i la.  Eski i en lendikasyon ki serten dimoun pe ganny proteze?  Eski sa i leka e si i leka eksplik nou.  E se pou sa rezon ki nou pa pe war sa’’ goods and services’’ pou desann pou sa ki nou ti a voudre war.

E dezyenmman – sa alor sa mon premye lesplikasyon mon ti a kontan.  Dezyenmman lo kote sekirite, mon ti a kontan zot asir nou ki within SPDF ozordi zot napa zofisye ki pe fer travay ki napa nanryen pou fer ek SPDF.  Sa i enportan pou nou konnen, parske se larzan ki nou pe al vote, me selman sa bann dimoun pa pe fer okenn travay ki annan pou fer avek SPDF.  Si zot kapab asir nou dan Komite nou koz lo 2 dimoun an partikilye – mon pa pou nonm li la, zot kapab asir nou poudir sa 2 dimoun i pa travay, parske i napa nanryen pou fer ek SPDF zot pa travay pou SPDF.  Si ou kapab konfirm sa?

E finalman lo kote presidential security.  Nou ti pas en Lalwa an 2018 ki ti fer provizyon pou donn 4 – 4 security personnel pou Prezidan ex President e 1 security pou en ex Vice-President.  Konfirm avek nou poudir sa bann personnel ki sipoze report ek Lapolis?   I pa bann personnel ki SPDF pe peye anba son Bidze, me ki napa nanryen pou fer ek SPDF eksplik nou sa mekanizm ki egziste?  Mersi Mr Chairman.

 

MR SPEAKER

Mersi Onorab.  Kolonnel.  Kolonnel Rosette ou kapab reponn.

 

COLONEL MICHAEL ROSETTE

Mersi Mr Chair.  Lo sa ogmantasyon lo ‘’goods and services’’ Mr Dupres i ava eksplike apre.

 

MR SPEAKER

Wi dakor.

 

COLONEL MICHAEL ROSETTE

Me bann mezir ki nou pran pou kontrol en pe, se depi sa lannen nou’n re fer en vizit lo tou bann store;- fason ki keksoz i ganny aste.  Nou’n re-vizit tou sa e nou’n re-vizit ankor tou sistenm procurement ki mannyer i ganny fer – Gouvernman in fer e nou sey ser li en pe e asire ki tou bann prosedir in ganny respekte.

Nou’n sey nou mye.   I ankor annan en pti pe – me nou pe seye ankor pou ser li fer sir ki i tonm byen an plas.  E nou donn lasirans sa Lasanble, ki nou pou fer nou mye ankor lannen prosenn pou asire ki sa i ganny sere, e ki bann depans si i annan okenn depans initil an plis ki pe fer ki sa i ganny koupe.  E ki zis sa ki nou bezwen aste sa ki neseser ki ganny aste.

An se ki konsern bann dimoun avek SPDF sa ki nou diskite pandan Komite i annan de dimoun ki i annan ki pa ankor lo payroll SPDF, me zot pe fer bann travay ki pa direkteman link avek SPDF e zot pe fer bann travay an deor ki zot raport direkteman avek Lapolis avek nou.

Nou annan enn de ankor ki lo secondment ki avek Lapolis lo menm kondisyon.  Me zot lapey pou le moman i ankor ek SPDF.  Me parey nou fer sorti nou ankor dan en faz kot nou pe re-aziste restriktire, e pou annan en moman ou en lot ou bezwen pran en desizyon ki nou pou fer avek sa bann dimoun ki pe ganny ler zot Kontra i fini, nou ava deside pou kapab phase out e pou fer sir ki i pa aparet ankor lo payroll SPDF.

An se ki konsern bann sekirite ex Prezidan;- parey zot Lalwa ki ti pase sa bann dimoun i direkteman tonm anba Lapolis.  I vre ki i annan ki i bann Manm SPDF me zot segonde avek Lapolis, e Lapolis ki kouver zot saler.  Menm si SPDF Lapolis i reimburse sa saler ki i peye.  Alors i pa fer okenn diferans lo la.  Selman zot pa raport ek nou zot raport direkteman kot Lapolis.

Mon ava pas laparol avek Mr Dupres ki i kapab donn bann detay lo bann depans.

 

MR SPEAKER

Mersi Kolonnel.  Mr Dupres.

 

SENIOR ACCOUNTANT PAUL DUPRES

Mersi Onorab.  Mersi Mr Chairman.  Nou ‘’goods and services’’ in ogmante par R23milyon.  E nou ti eksplike dan sa Komite.  Plizoumwen akoz nou fer maintenance lo avyon Dornier ki al toulezan i al refill in India.  Avan sa nou ti ganny Grant ek India ki ti pe refill sa bann avyon.  Mon krwar  depi lannen pase nou sipoze pey (dan nou pos) – dan nou Bidze.

E lannen pase nou ti kapab fer ;- pou sa lannen nou ti kapab fer li akoz nou fer savings dan bann line items e nou’n fer virement nou’n kapab pey pou sa lannen.  Me nou pa ankor fini peye nou pe rod ankor en pti larzan pou nou kapab peye.  Sa pou repair avyon, ki i ariv apepre R13milyon – sote R13milyon.  Repair, maintenance of aircraft.

Lot sonm ki’n monte ankor ki nou ti dwa ki nou  pa ankor peye se dry docking of ship.  Dry docking of ship i annan nou  pa ti ganny larzan lannen pase.  Ankor nou bezwen fer savings, demann en pe larzan nou’n kapab fer dry docking sa lannen.  E pou lannen prosenn nou met larzan pou fer monte dan ‘’repair maintenance’’ bato.

Lot se dan nou ‘’minor capital. ‘’  Sa lannen osi i annan en louvraz ki nou fer lo bann bato pou netway li toulezour, sak fwa i sorti dan lo soz, e lo delo.

 

E nou ‘’minor capital’’ osi in monte par R6milyon akoz mainly nou upgrading of patrol of gro vessels, i ankor ti ganny funded par Endyen letan nou ti ganny bato.  La aprezan nou bezwen pey nou menm.  Sa i en Kontra ki nou annan ek en lakonpannyen mon krwar  deor.  Sanmenm sa ki fer nou ‘’goods and services’’ monte.  Sansan si nou ti napa sa 2 nou ‘’goods and services’’  osi ti pou reduce.

 

MR SPEAKER

Mersi Mr Dupres.  Onorab Afif.

 

HON AHMED AFIF

Mersi Mr Chairman.  Mr Chairman mon ti pou retourn – avan mon pran mon esper larepons sorti Finans lo kote procurement, mon ti pou poz detrwa kestyon adisyonnel avek SPDF lo ‘’goods and services. ‘’

        E zisteman lo sa pwen ki Mr Dupres in koz lo la lo avyon ki Dornier ki i dir i bezwen, depans R13milyon pou retourn dan Lenn pou al fer reparasyon oubyen bann checks, e isi nou konnen si ou ti kapab zis dir avek Lasanble akoz ki Air Seychelles par egzanp ki annan 5 Twin Otter si mon pa tronpe IDC ki annan beachcaft ki annan Y10 zot fer tou zot maintenance isi e en Dornier i en egzakteman parey en Twin Otter son masin ek son bann maintenance akoz sa pa posib pou ganny fer isi?  E kot i neseser annan en lekspertiz spesyalize, ou a ganny en enzenyer petet pou vin supervise en louvraz isi lekipman bann bout pyes ki enporte, akoz zot pa kapab fer sa?

E lo kote ‘’goods and services’’ ankor, enn bann konponan enportan lo sirveyans ki nou war dan Bidze, sete transportasyon jet fuel lo zil elwanye.  E nou ti diskit dan Komite fason ki SPDF pou revwar sa bann transportasyon.  Pa bezwen zis depan parey lo IDC me zot ti pou revwar posibilite  par egzanp ki zot rod container ki pou zot, alor zot  met ladan e anvoy li lo zil.  E ou a pey zis fre sa bato.  Oubyen bann lezot – bann container ki servi one-off ki zot servi met jet fuel ladan, ki zot aste zot menm zot pa bezwen depan lo personn pou fer pou zot, parske zot annan en Bidze.

E ki ou kapab update nou ki zot in fer dan sa bann zour depi ki nou’n zwenn, ki kapab donn nou sa lasirans ki vreman sa Bidze R331milyon ki nou pe donnen, pou anmenn plis lefikasite dan SPDF pou zot fer sa ki nou espekte zot pe fer;- sirvey nou lanmer, sirvey nou teritwar.  E dan en fason pli efikas kot pep Seselwa i asire poudir nou pa pe ganny dimoun pou lapes ilegal, e vreman nou bann bato, nou bann avyon pe ganny servi dan meyer fason posib, pou ki vreman i annan en rannman pou larzan.  Mersi Mr Speaker.

 

MR SPEAKER

Mersi Onorab.  Kolonnel.

 

COLONEL MICHAEL ROSETTE

Mersi Onorab pou ou kestyon.  parey ou menm ou’n fer sorti nou deza tous sa bann pwen dan Komite Defans.  An se ki konsern maintenance Dornier nou annan 2 Dornier en Twin Otter ek en Y12.  E sa 2 Dornier toulezan enn i al fer maintenance dan Lenn.  Sa i ti en pti pe an deor nou kontrol letan ti fer bann Lagreman pou ganny sa Dornier.  E nou war ki i vreman i en burden lo nou akoz o konmansman ti pe ganny finanse par Lenn.  Mon krwar letan avyon ti ankor still anba garanti la.  E la prezan nou pe war sa ki pe pass on lo nou SPDF e i en gro kou.

E si nou anvi kontinyen fer marse sa 2 avyon nou menm, nou’n war nou bezwen devlop nou kapasite pou nou kapab fer bann servis lokalman parey ou’n  dir IDC pe fer.

        An se moman nou pe train.  Nou annan en enzenyer ki’n fini ganny train Scotland e i annan trwa an se moman ki pe train e o fil an mezir ki nou devlope nou devlop nou kapasite.  Workshop ganny bann spares  nou ava kapab fer bann maintenance locally parey IDC.

Nou swete ki sa i ganny fer dan en minimonm letan pou koup sa kou toulezan al dan Lenn fer sa  maintenance,  ou war i ava redwir nou kou al fer maintenance laba.  E an se ki konsern jet fuel i vre ki sa kou ki nou pe ganny sarze ozordi, pou transport nou stok fuel pou avyon pou mete lo zil i tre ser ;- depi son container son freight pou transport li lo zil i a en kou tre élevé.  E nou pe sey revwar.

I annan plizyer fason nou pe sey revwar;- swa nou negosye avek IDC konmela pe transporte pou li kapab sey gete pou redwir en kou, me ideal se ki nou kapab transport li nou menm.  Nou pe fer bann travay preliminer pou war si nou transport li nou menm, nou annan nou prop container ki nou kapab reservi ler nou transport li.

I pa en container ki konman ou anmenn li laba apre sa container pa kapab servi ankor.  Nou pe sey revwar si nou kapab servi parey ou dir bann container ki kapab reservi ankor.

E si nou annan nou prop bato a lavenir, nou pe sey fer lide ki mannyer nou kapab ganny en bato ki kapab fer sa pou nou.  E nou krwar dan sa ka i pou vreman redwir nou kou pou fer sa transportasyon lo zil.  Mersi sa i nou lide ek nou plan ki nou pe sey travay lo la.

 

MR SPEAKER

Mersi Kolonnel.  PS.

 

PS DAMIEN THESEE

Mersi Mr Chair.  parey nou konnen procurement i operate anba Procurement Act 2018 ;- savedir Departman Finans napa okenn lenfliyans lo laspe procurement.  

        Swivan meeting Lendi mon ti ganny kontak avek Direkter Procurement li ki’n brief mwan lo sa issue se ki, ki sa laspe sekirite i still ankor an zwe.  So Procurement Act i osi accommodate bezwen en lorganizasyon.  So si i still pe dir nou i annan serten eleman sekirite, alor i annan bann provizyon dan Procurement Act ki cater pou sa demann.  Dapre mon konpran i annan miting ki’n ganny fer detrwa fwa sa lannen ant Procurement avek SPDF ;- ti annan en tender ki ti ganny initiate apre kennsel, akoz pa ti kapab etabli en lalis kredib of caterers.  So natirelman si SPDF  i met sa konsern devan Procurement pou advise li ok nou a defer sa tender e i pou allow li pou li extend son Kontra pou en serten peryod letan ziska ler i kapab rezourd sa bann defi.

So dernyen lenformasyon osi ki mon annan se ki, alor  vi ki sa bann challenge i pa pou kapab fer open tender.  So natirelman prezan procurement pou advise li pou fer limited tender.  Me selman pou li kapab fer limited tender i pou bezwen annan due delligence lo bann caterers ki i krwar i pou meet son needs an term laspe sekirite osi.  Ler i fini sa i annan pou soumet avek Procurement pou Procurement evalye rezon swazir lekel sa bann lalis caterers dan sa bann seleksyon ki zot in soumet, lekel ki kapab plizoumwen meet zot needs.  Mersi.

 

MR SPEAKER

Mersi PS.  Onorab Johan Loze.

 

HON JOHAN LOZE

Mersi Mr Speaker.  Bonn apre midi tou koleg e tou dimoun a lekout.  Mr Speaker mon pe resers en senp leklersisman avek Minister Finans e mon pe lev sa kestyon akoz in monte dan Bidze lo deba lo merit.  I annan en sonm ki LDS i ensiste repetitivman ki zot ti tire dan Bidze en sonm R100ekek milyon.  Mwan ki mon le Finans i eksplike, si ti annan sa larzan dan Bidze pou ganny tire wi ou non?  Ouswa mon’n tann Lapolis in servis en term larzan vertil – si ti en larzan vertil ki ti ladan pou repar Topaz?  E mon ti a kontan Minister Finans eksplik sa avek Seselwa, en fwa pou tou ki nou ava aret tann sa zistwar monte dan sa Lasanble.  Mersi Mr Speaker.

 

MR SPEAKER

Mersi Onorab.  PS.

 

PS DAMIEN THESEE

Ok. Mon kapab sizere Mr Speaker les nou tyek sa bann lenformasyon Grant pou bann lannen avan nou ava get back en pti kou.  Mersi.

 

MR SPEAKER

Mersi PS.  Ou ava rod sa lenformasyon, me antretan nou ava pran prosen Manm ki lo mon lalis.  Onorab Ferrari.

 

HON JEAN-FRANCOIS FERRARI

Mersi Mr Chairman.  Parey zot fer dan Kongre Lanmerik la i annan zofisye militer, mersi msye pou zot servis.  De pti pwen mon ti a kontan ki zot dir nou ki zot pou piblikman ki zot pou angaz avek IDC pou rod antretan ki zot rod en solisyon pou transport fuel, zot pou angaz avek IDC pou ganny en meyer rate.  E Vis-Prezidan i ava ed zot ladan pou fer sir ki sa i arive.  Vi ki Vis-Prezidan ki mon krwar ki okip bann zil bann keksoz koumsa,  akoz sa i en responsabilite partaze sirveyans nou bann teritwar.

Dezyenmman i fer mon krwar 2enm – ou 3enm lannen ki mon lev sa pwen avek bann zofisye  militer ki la;- SPDF i annan en langar kot Lakademi Ladefans ki pe ganny servi koriz mwan si mon mal par en lakonpannyen elikopter prive.  Mon’n pas dan Bidze dan tou bann receipts – sel receipts ki mon war pou SPDF se 5milyon par lannen for the provision of security services.  Sa mon krwar ler zot anvoy bann zofisye Militer lo bann bato.  Mon pa war okenn reveni dan kont Gouvernman pou sa langar.

Silvouple msye si sa langar i pou nou, pou lepep Seselwa, annou fer mannyer ki sa dimoun ki pe okip sa – sirtou si i en biznes prive i peye!  Akoz nou pa la pou nou subsidise bann biznes prive silvouple .  Mwan mon anvi ed zot pou zot ganny en pe larzan an plis, e annou konmans par la.  Sa i mon 2enm pwen.

E mon 3enm pwen mon ti a kontan si Lyetnan Kolonnel i kapab dir avek nou, ki laranzman avek sa group  oubyen sa lakonpannyen enzenyer Sri Lankan mon krwar, ki zot ti pe fer en Lagreman pou fer travay maintenance lo zot bann bato naval, eski in annan en parey oubyen in annan en sanzman?  E eski zot pe zot satisfe avek sa?  Eski zot pe pou zot pe regard lavenir en lot fason ki mannyer pou fer sa?  Akoz mon krwar sa osi i en kou ase sibstansyel lo bann depans Bidze Defans?

E finalman pou benefis bann lezot Manm Lasanble sa 2 zofisye ki sipoze nou ganny dir de zofisye lentelizans, Lapolis at least enn ladan Lapolis pa konnen nou.   Pa konnen akoz i pa raport ni avek SPDF, ni avek Lapolis.  Mon pa konnen si i raport avek en lot Lazans, me selman ek sa 2 la i pa raporte, me selman sa 2 zofisye zot lapey i plis ki okenn sa bann Manm isi dan sa Lasanble.  So i sibstansyel.

Alors mon ti a kontan demann bann zofisye Lafors Defans pou finalman pran en desizyon lo la.  Pran en desizyon lo la si Kontra pe al fini imedyatman.  Nou pa zanmen rekomann kas Kontra en dimoun;- si Kontra i dan lonterm gete ki mannyer sa i kapab retournen.  Akoz i fermal ler nou ale nou al lager R200mil avek en lot Minister – en lot Departman ki ptipti be selman nou war sa R200mil pe ganny pe pas dan en pannyen lot kote.  R600mil i fer sak lannen pou sa.

        So silvouple asir nou ki zot pou fer li as en matter of urgency, pou fer sir ki nou aret sa sennyen ki pe sennyen, e ki an tou ka Bidze personnel pou Lafors Defans i ava annan omwen R600mil an plis ki zot kapab anploy en dimoun.  Mersi.

 

MR SPEAKER

Mersi Onorab.  Ok Kolonnel Roseline.

 

COLONEL CLIFFORD ROSELINE

Bonn apre midi Mr Chairman.  Bonn apre midi bann Onorab.  Onorab lo sa ki konsern sa de zofisye nou ti koze dan Defence and Security Committee ki zot Kontra i fini boner lannen prosenn.  E dan bann legzersis ki nou’n fini fer zot sipoze pe al lo retirement zot osi.  Alors zot Kontra pa pou ganny renouvle.  Mersi.

 

MR SPEAKER

Mersi Kolonnel Roseline.  Kolonnel Rosette.

 

COLONEL MICHAEL ROSETTE

Mersi Mr Chair.  Mersi Onorab pou ou kestyon.  e parey nou dir nou ti donn langazman deza lo Komite ki e atraver biro Vis- Prezidan ki IDC i responsab zil, nou pou angaz IDC pou fer nou mye, ki nou negosye e ariv a en pri rezonnab, an atandan ki nou trouv en lot solisyon pou nou menm.

An sa ki konsern sa langar Airforce, i vre parey detrwa lannen in fer sorti sa langar, me nou konman SPDF par egzanp sa langar e sa later i pa direkteman.  Menm si i ti allocate avek nou i pa pou nou direkteman. I  traver pou Gouvernman.  E nou’n met sa pwen a latansyon Gouvernman.  E sa ki nou konpran i annan serten negosyasyon ki pe pase.  Nou pa ankor ganny brief lo la ki nivo ki zistans in arive, e nou pe kit sa dan lanmenm Gouvernman nou fer konfyans ki zot pe at least tackle sa issue, ki i a rezourd enn fwa pou tou ki nou, nou ava kontinyen benefisye sa bout ki la, ki deza la ki nou ti pe servi avan.  Me de ki nou ganny okenn update lo negosyasyon lo ki mannyer pe ale, definitivman nou pou kit Komite okouran ki pe pase lo sa negosyasyon.  Nou konnen nou pe perdi lo la, me selman nou ti a swete ki nou reganny sa langar lo la.

E an sa ki konsern sa lot sa lakonpannyen Sri Lankan ki apel Avangarde son Kontra i fini an Out lannen prosenn.  E resaman mon ti demann Coast Guard pou fer evalyasyon lo zot travay e nou pas lo zot Kontra ki zot devret fer.  Zot devret provide en servis, maintain bann bato Coast Guard e asire ki bann bato i reste dan en leta normal, sors bann pyes pou Coast Guard, asire ki bann pyes i ganny aste e mentenir sa bann bato e an menm tan zot sipoze train dimoun.

Ki nou konklir dan sa rapor, sa konpannyen pe donnen en bon servis.  Ki difikilte ki nou pe fer fas avek, se parler bann Seselwa ki ganny train.  Militer toultan nou fer sa, nou ganny sa menm problenm – nou train, nou train, nou train, bann dimoun ler in ariv en nivo profesyonnel, i war en lot dyob deor ki pli atiran, i kite i ale.  Pandan sa letan ki zot la bann Sri Lankan in train en bon pe Seselwa – bann zenn, i annan en bon pe ki’n war lezot travay dan bann lezot workshop ki pli atiran.  E nou kontinyen train.

E la mon demann Coast Guard nou bezwen revwar ki mannyer nou kapab retenir sa bann dimoun ki nou train.  Nou’n seye parey ou war nou’n sey ogmant saler;- nou’n sey donn zot bann incentive.  Parler i marse – parler pa marse.  Nou bezwen sey ankor, re brainstorm, sey revwar ki mannyer nou kapab sey mentenir en dimoun at least lo en Kontra i fer 15an – 20an avek nou.  Menm si i vin en profesyonnel apre 15an i still kapab al travay en lot landrwa ganny en bon louvraz, en bon saler deor, me at least deservi son pei;- deservi- Donn nou en rannman pou bann training ki nou’n donn lo la.  Mersi.

 

MR SPEAKER

Mersi Kolonnel.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a zis kontan ki Lasanble i pran not, ki i annan 1an i parey en dimoun pe reste dan ou lakaz, selman i pa oule pey ou, ou pa kapab fer nanryen avek li – i pa byen! Ou pe negosye avek li.  I reste dan lakaz i pa le sorti, ni rent i pa le peye!  So sa i en keksoz ki nou bezwen rezourd.  Mon rapel ler Onorab Afif ti dir ki Prezidan Rene ti dir avek li i pe anvoy brigadye avek son rivolver.

 

MR SPEAKER

Ok.  Onorab!

 

HON JEAN-FRANCOIS FERRARI

Kolonnel Roseline?

 

MR SPEAKER

… point taken.

 

HON JEAN-FRANCOIS FERRARI

Kolonnel?

 

MR SPEAKER

… point taken.

 

HON JEAN-FRANCOIS FERRARI

Non mon a zis kontan zis dir.

 

MR SPEAKER

Kolonnel Rosette in dir i dan lanmen Gouvernman.  I nepli dan lanmen SPDF.  I dan lanmen Lotorite Gouvernman pou negosye e nou a kapab take it up apre pli tar avek Lotorite konsernen.

 

HON JEAN-FRANCOIS FERRARI

Wi me zot kapab fer li sorti.

 

MR SPEAKER

Bon PS. Eski ou’n pare avek repons pou Onorab Loze?  Non pa ankor?  Dakor Onorab Sébastien Pillay.

 

HON SEBASTIEN PILLAY

Mersi Mr Speaker.   E bonzour tou bann dimoun dan delegasyon Vis-Prezidan, Kolonnel Roseline e Kolonnel Rosette.   Mr Speaker mon ti a kontan demann kestyon tre senp – prenan kont ki bann konsern ki bann solda ki’n termin zot Kontra in eksprimen, se ki i pran letan pou pey zot konpansasyon bann dues, eski ozordi Lafors Defans i azour avek bann peyman konpansasyon pou bann solda?

E ki zot pe fer pou beef up en pti pe sistenm an plas pou asire ki sa i ganny fer lo en dele letan rezonnab?  E mon 2enm kestyon Mr Chair se ki,  ki plan Lafors Defans avek sa bann Bidze ki nou pe donn zot pou zot vin en Lafors pli profesyonnel, pou zot re oriyant zot lekor ver bann aktivite defans ki relye en pti pe avek zeografi pei?  Konmsi dan lonterm ki zot plan?

San ki zot al dan bokou detay,  me nou pe donn zot en gro Bidze, i enportan ki nou donn konfidans  nou Seselwa la deor, ki i annan en keksoz lo lorizon ki pe vini, pou nou ankouraz bann zenn pou zwenn Lafors Defans.  Mersi Mr Speaker.

 

MR SPEAKER

Mersi Onorab.  Kolonnel Rosette bref en pti pe lo plan.

 

COLONEL MICHAEL ROSETTE

Mersi Onorab pou ou kestyon.  E an se ki konsern peyman konpansasyon e Gratwite, nou’n redwir bann aryeraz ki ti annan  parey oparavan.  Parey nou ti fer sorti en fwa ki nou’n beef up nou sistenm an term dimoun resours imen, dan administrasyon ki travay lo bann peyman konpansasyon.  Ozordi nou kapab dir nou i en dele letan akseptab pou nou, me nou krwar nou kapab redwir ankor en pe.  E nou pe an menm tan moderniz nou sistenm IT, pou ki tou sa bann lenformasyon ki ti bezwen avan, ki nou ti pe fer partly manually partly elektronik, nou pe seye  ki lannen prosen  at least mazorite i vin dan en fason elektronik e sa i a redwir en pe letan lo letan.

Ozordi nou 1mwan i petet maksimonm ki en dimoun i espere pou li gannyen sa.  Avan ti annan dimoun in esper 3mwan – 4mwan e sa nou vreman koupe.  An se ki konsern nou bann plan pou SPDF, se sa lannen nou’n travay en pe lo plan – nou’n fer sorti en nouvo Polisi.  Nou’n travay lo en nouvo doktrin.  Savedir en nouvo doktrin i gid nou ki mannyer nou fer loperasyon a lavenir.

E nou’n idantifye bann landrwa kot nou bezwen annan prezans militer, e se sa ki nou pou deploy prezan – fer deployment dan  bann landrwa kot i annan en nesesite.  E parey mon dir dan bann lezot keksoz nou’n aranz nou training.  Nou training i plis oriyante ver Lafors Maritim e aryen  depi konmansman sa lannen.

Sa nouvo batch recruit ki’n konmanse sa lannen, nou’n fer sa nouvo training, e in mars byen.  E rezilta ki nou pe gannyen nou satisfe avek, menm si i annan bann pti amelyorasyon toultan pou kapab fer e nou pou kontinyen avek sa training e amelyor li  o fir a mezir i ale.

E sa i lakle.  Si ou annan en bon training definitivman ou pou ganny bon solda an retour ki pou kapab travay pou nou, pou-. E nou’n osi ogmant bann lezot kapasite.  Nou annan 2 bato ki sorti Sri Lanka ki pou arive byento e nou pou ogmante pou get nou bann zil.

An term personnel osi nou pe seye parey nou dir pou phase out bann dimoun ki’n ariv laz retirement, ki plizoumwen zot rannman an term kontribisyon dan Lafors pe diminyen.  E nou santi ki a en moman Lafors i bezwen reste zenn  toultan, pou zonm ki dinamik  pou kontinyen travay.  E sa i pou ankouraz bann zenn.

Nou’n fer bann progranm.  Mon krwar lo televizyon ou’n war en progranm ki nou fer sa ki nou apel battlefield.  Nou zis pou kapab montre en pe bann zenn kisisa militer.   Kwa militer.  I pa zis nou tande deor militer i la pou fer lezot keksoz ki anti-sosyal.  Nou la pou anmenn bann zenn pou fer bann travay ki pou ed pei, an menm tan kontribye ladefans nou pei asire ki nou pei i reste secure and safe, tou an respektan bann regilasyon Lalwa ki anfors isi Sesel.  Mersi.

 

MR SPEAKER

Mersi Kolonnel Rosette.  Vis- Prezidan.

 

THE VICE-PRESIDENT MR VINCENT MERITON

Mr Chairman mersi.  Mon krwar se en sans apreansyon ki nou war ki sa kestyon ki Onorab Ferrari ti demande lannen pase, i re aparet ozordi.  E mon ti a kontan donn langazman ki nou pou fer tou sa ki neseser pou entame  bann diskisyon i kapab rezourd sa.  Ensi ki diskit ansanm avek SPDF e avek IDC, pou war ki mannyer nou kapab ganny en pli bon valer pou larzan, kot i konsern transportasyon fuel.  So nou lannen prosen ler nou vini pou Bidze, sa zafer pou’n fini ganny adrese.  Mersi Mr Chairman.

 

MR SPEAKER

Mersi Vis-Prezidan.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman sa dernyen parol la, i dir lannen prosen letan i vini.  Be an prensip i pa sipoze vini lannen prosen.

 

(APPLAUSE)

 

HON WAVEL RAMKALAWAN

Mr Chairman mon annan detrwa konsern.  E somehow nou’n swiv SPDF atraver FPAC nou’n demann plizyer kestyon.  E definitivman i annan serten keksoz ki pe bouze.  Me selman mon bezwen dir onnetman, ou a krwar i annan serten keksoz ki pa pe bouz ase vit.  Premye pwen ;-

Reform: in annan lanons ki zot in fer konsernan reform dan SPDF.  E sa i en pwen ki mwan menm mwan  mon’n pran lo plizyer repriz.  Me i resanble ki pa ankor arive sa reform.  Eski nou kapab ganny en lendikasyon ki kalite reform ki pe arive la pou le moman, dan SPDF?  Parske letan nou pe koz reform nou pe osi koze pou regarde ki mannyer nou servi nou resours byen, e alors ki mannyer nou kapab ekonomize?

2enm kestyon ;- letan nou ti ganny plan kot Coast Guard base kot apre Lapolis ti vin fer gran envestigasyon anler Arpents Vert   nou ti war ki dan sa plan, ti annan en gran lakwizin kot Coast Guard, e Coast Guard i ankor en fasilite ki ankor nef.  Zot ti annan tou zot fasilite, tou keksoz ti annan la.  Ki pozisyon sa gran lakwizin ki Coast Guard zot annan?  Sa gran lakwizin nef, stainless steel partou, eski sa pa kapab ganny servi pou kwi manze pou militer, olye depans bokou plis larzan an relasyon avek sa bann lezot?

Airforce pou le moman kan eski zot eski zot annan plan pou zot konstri bann dortwar?  Parske la pou le moman zot  bann solda pe dormi ater lo en matla.  Zot bann soz Airforce parske mon krwar i enportan pou annan proper facilities, espesyalman ki Airforce i enn bann landrwa ki enn bann landrwa ki nou konsider konman vreman enportan?

Mr Chairman enn bann kestyon ki monte tanzantan letan nou pe ekout Truth and National Réconciliation, se bann dokiman Larme SPDF, eski nou kapab konnen eski zot annan en proper archives, parske zot en Lafors Militer, e  an menm tan osi en Lafors Disipliner.  Archives i enn bann keksoz enportan.  Eski nou kapab ganny en larepons kler e pa dir nou kote zot archives i été sa zot ava dir Komisyon laba, me donn nou konfyans ki poudir zot annan bann archives depi ki SPLA ti formen back dan 1977/ ’78?  Mersi bokou.

 

MR SPEAKER

Mersi Onorab.  PS Thésée.

 

PS DAMIEN THESEE

Mersi Mr Chair.  An se ki konsern Grant dernyen amount ki nou annan se pou 2016.  An 2017 mon krwar sa amount ti ganny koupe dan Bidze, e SPDF ti fer depans dan son prop Bidze.  I ti sey rod refund avek Gouvernman Lenn me selman Gouvernman Lenn pa ti oule refund, an vi ki nou ti pey dan nou prop Bidze.   Mersi.

 

MR SPEAKER

Mersi PS.  Kolonnel Rosette – kestyon Onorab Ramkalawan.

 

COLLONEL MICHAEL ROSETTE

Mersi Mr Chair.  E mersi Onorab pou kestyon.  Mon a konmans par archive SPDF wi nou annan archive e mazorite bann dokiman i la.  An se moman depi en pe letan i annan plis ki 1an edmi  – 2an nou pe remet annord nou archive.  E si ou rapel byen resaman ti annan en legzersis kot bann ansyen solda ti annan en serten larzan konpansasyon pou pey zot.

E si nou ti napa sa bann dokiman bann fayle,  bann archive, nou pa ti pou kapab pey zot.  E mazorite dokiman osi ki pe ganny demande, nou kapab pe prodwir avek sa Komisyon ozordi.   E nou pe rode osi,  bann.  I annan enn de ki manke pou en serten rezon ou en lot, nou pa war, me nou pe sey nou mye pou retrace kote i été proper document li, e met li dan en archive proper, ki nou deza annan.  Ok?

E an se ki konsern lakwizin kot Coast Guard, lakwizin i la.  I ankor operasyonnel, me nou pa pe servi li pou kwi manze pou le moman.  E parey nou’n fer sorti pli boner enn bann opsyon nou deza annan fasilite, enn bann opsyon se fer li marse e kwi manze ladan, e nou ava parey nou fer sorti nou ava fer sir ki sa lannen nou fer sa travay lo la, pou kapab asire ki sa lakwizin in ganny servi.

        E an se ki konsern reform.  Non mon ava al lo Airforce avan dortwar ;- Airforce letan  fer sa langar i vre pa ti planifye dan sa langar, ki la actually pou met avyon, pou cater pou sa kantite dimoun ki  zot in gannyen ozordi.  I enn nou brans Lafors ki pe grandi pli vit.  E nou war i annan en nesesite ki nou annan proper dortwar.

Dan en limedya ki nou ti fer se lot kote runway pou al an ankouri Ile Du Swet i annan bann fasilite ki  ti ex SDA ki nou oule renovate, pou kapab donn bann dortwar bann airmen kot Airforce.  Nou’n fini fer proze, nou’n fini prepare tou, me difikilte ki nou gannyen se pou kapab cross runway avek Lavyasyon Sivil ek zot bann Lalwa, regilasyon, zot in demann serten kondisyon pou kapab pas en materyo konstriksyon, pou zis al lot kote.  E nou  ti bezwen refer en lot semen par deryer, e la ek letan lapli i ankor pe ganny retar.  Nou ti espekte sa bann dortwar ti a pare la si tou ti mars byen, nou pa ti ganny sa bann kontrent negosye avek zot pou kapab refer en semen deryer runway pou ariv laba.

E la zot in ganny approval e prezan letan lapli pe retard UCPS pou kapab fini konplet sa semen.  Me de ki i konplet sa nou pou al fer sa bann nou pou renovate sa bann dortwar, e bann airmen i ava ganny bann fasilite pou zot konfortableman pou zot kapab repoze e dormi laba.  Nou espekte i ava fini swa boner sa lannen oubyen boner lannen prosen ;- pli tar sa lannen oubyen boner lannen prosenn.

An se ki konsern reform ;- i vre nou’n annons reform e nou santi osi mon personnelman mon santi ki reform petet in slack en pti git.  I pa’n al sa vites ki nou ti le ale.  Pou en serten rezon ou en lot i pa’n ale, me bann reform parey nou dir se ;- premyerman konmans de-baz menm.  Training sa nou’n reisi.  Sanz mantalite – mindset nouvo dimoun bann zenn antre, gid zot ver en Lafors oriyante maritim, pou kapab desarz sa responsabilite lo kote maritim.  Sa nou pe travay lo la.  Me bann lezot keksoz fondamantal an term striktir, nouvo lekipman ki pou anmenn bann reform, sa nou’n gannyen, be mon krwar nou bezwen bouz en pe pli vit sey en pe pli vit pou kapab sey fer li ale, pou kapab anmenn sa reform ideal ki nou ti espekte an term zonm, zofisye, kalite zofisye, sa i bann keksoz.

Me an term nou bann dokimantasyon ki nou bezwen pou sa bann reform – parey mon dir, nou’n travay lo en bon pe.  Nou’n fer Polisi, nou doktrin e nou bann ki mannyer nou pou conduct nou bann loperasyon ki nou pe fer.

Nou’n osi pe upgrade nou IT.  In kout nou en bon pe larzan.  IT mon pa ti espekte  mon menm si i kout sa kantite ler nou upgrade ou IT bann software ki ou pou bezwen, kou ki ou bezwen toulezan upgrade sa bann software, kou neseser, i kout nou en kantite.  Me selman nou pe travay lo la.  Parler ou ganny difikilte parey mon dir, en kantite difikilte ki an deor nou kontrol ler ou pe fer sa.  Ou war i arive e sa i frenm nou en pe – i met nou en pe retar, me selman nou pe sey nou mye, pou nou kapab anmenn sa reform ideal ki nou ti anvi.  Mersi.

 

MR SPEAKER

Mersi Kolonnel.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman an relasyon avek enn de bann larepons ki’n ganny donnen, i kler alor ki poudir i annan serten zefor ki kapab ganny fer, pou nobou koup bann kou.  E si sa i leka then  mwan mon ti ava dir ki petet dan apre 3mwan – dan premye quarter, i devret annan en rankont avek Komite Defans, pou regarde ki mannyer keksoz pe ale.  Sa i enn.

Dezyenmman; En lot landrwa ki definitivman konnen in ganny mansyonnen, se an relasyon avek Dornier e sa mon krwar nou bezwen balans li byen.  E i vre sa ki Kolonnel in dir an relasyon avek sa kou pou ganny en avyon – avan pa ti pe ganny peye laba, me la aprezan nou ki bezwen peye.  Me selman parey nou ti –  mwan mon ti enn ki ti fer sorti sa pwen – ou konnen fodre nou fer atansyon avek bann kado.  Fodre nou fer atansyon ek bann kado.

E si mon pe dir sa, en Dornier $6milyon apre sa pou ou anvoy li servicing $1milyon toulezan, me dan 6an ou’n pey ou zafer ou menm.  E alor mon krwar ki  se la kot i vin kestyon kwa ki nou – ?  Letan bann pei pe donn nou kado, nou ti annan enn eski sa enn ki nou ti annan i ti sifizan pou nou fer travay? Eski nou ti kapab diviz nou travay ki mannyer  pou fer?   Me apre i donn ou en 2enm.

Me i donn ou en 2enm  me li i pe vann son zafer li!  Li i a pe vann sa ki i prodwir, i dir ou kado, apre sa selman ou a pe peye, e apre nou trouv nou dan Bidze sepa 13ekek milyon zis pou al fer en servicing.  Alors spesifikman lo sa pwen, lo sa pwen, mon pou repet sa ki mon’n dir, avan ki nou depans sa 13milyon pou al fer sa servicing, eski mon pa ti ava kapab demande ki SPDF i re analiz tou bann keksoz;- re balans tou bann keksoz pou regarde kwa ki kapab ganny fer isi.  Parske isi nou annan enzenyer Air Seychelles.  Nou annan enzenyer IDC tou sa bann enzenyer zot in al fer training Lacoste.   E alor zot kapab deal avek sa masin, akoz Dornier son masin se egzakteman masin Twin Otter ok?  Menm model.

So annou regarde kwa ki nou kapab fer isi e lo lot kote regarde kwa ki nou pa kapab fer isi.  Parske si  – parske i computer ladan sa zafer.  E computer ou rod en dimoun ou rod en Kontra, oubyen ou rod en pou – letan i annan en issue avek en masin spesifik pou nobou repar li.  E mon krwar senserman ki poudir avek nou bann dimoun ki pe fer sa daily maintenance, pe regard sa avyon  avan i take-off, pe regard sa avyon avan in land sa daily maintenance ki i pe gannyen e apre sa, sa gro maintenance ki petet nou bezwen I’m sure nou kapab fer lekonomi la.  Alor  mwan mon pou ankouraz SPDF pou al ver lekonomi, olye ki nou zis akoz nou zanmi in donn nou e apre sa nou zis pe depanse kan ofet nou pa devret.  Mersi bokou.

 

MR SPEAKER

Mersi Onorab.  Kolonnel Rosette.

 

COLONEL MICHAEL ROSETTE

Mersi Mr Chair.  Mersi Onorab.  Definitivman Onorab ou kontribisyon i tre valab.  E nou ava met sa konman enn nou konsiderasyon pou lannen prosenn.  E nou a fer en travay lo la e o fil an mezir ki nou avanse lo la nou ava kit Komite enformen lo la.  Mersi.

 

MR SPEAKER

Mersi Kolonnel Rosette.  Onorab Charles De Commarmond.

 

HON CHARLES DE COMMARMOND

Mersi Mr Chair.  Bonn apre midi Mr Chair.  Bonn apre midi VP, Kolonnel e tou delegasyon e tou Manm isi prezan e tou dimoun ki a lekout.  Mr Chair premyerman les mwan dir ki nou Lasanble dan 3 Komite, nou an relasyon oubyen kominikasyon konstan avek Lafors Defans pep Sesel.  Sa i atraver FPAC, atraver Komite Defans li menm, e osi Komite Zil kot nou’n partisip avek zot, letan zot ti siport nou dan bann misyon ki nou osi Komite in annan.  E petet sa i pou sorti dan rapor petet ler Komite Zil i ava prezant son rapor.

E ladan nou war osi konpetans e profesyonnalizm SPDF.  E mon le profite ozordi pou nou remersi Lafors Defans dan son travay enportan, dan son zefor dan son rol pou kontinyen sirvey nou teritwar.  I very porous parey nou konnen.  E an menm tan e i pa en travay fasil e an menm tan mentenir lape ek sekirite pou nou pei.

Mr Speaker de pwen de kestyon ki mon ti anvi met devan;- enn zisteman avek sa dernyen pwen ki’n ganny avanse konsernan Dornier, konsernan Airwing nou annan aktyelman serten zenn pilot ki’n ganny train e ki pa pe travay.  Lot fwa ler nou al meeting avek diskisyon avek Air Seychelles nou’n war poudir Air Seychelles pe sey son best pou sey donn koudmen ladan, me i annan still sa problenm ki kontinyen.

Dan sa lespri kot serten keksoz i kapab reste lokal, dan kestyon lavyasyon dan SPDF olye to al aletranze, ki mannyer zot kapab abzorb sa bann pilot Seselwa enformen, ki pa pe travay, dan en fason imedya pou zot kapab understudy par en etranze ki la, oubyen menm aprann e reste an kontak, an relasyon dan devlopman zot travay, pou zot pa perdi zot bann hours – flying hours e pou kapab petet re angaz zot.  Serten petet kapab dan Lafors Defans, oubyen me selman donn zot en sipor pou zot pa perdi.  Akoz zot osi zot bann zenn Seselwa ki annan potansyel.  Sa i en pwen.  Petet dan sa sans la Minis, nou VP ti kapab regarde ekANHRD si i ti kapab annan sa komitman pou pouse, pou ki sa i kapab ganny realize.

2enm keksoz Mr Speaker se, nou’n antann osi formasyon  en Komite – Komite bann former soldiers  – ex solda Lafors Defans e menm sa Komite letan in formen zot in zwenn Prezidan Larepiblik e kot zot in met devan serten issues – serten konsern e menm kot i konsern serten benefis ki zot krwar zot devret gannyen.  E an menm tan lo kestyon zot pansyon, Pansyon Larme parey nou dir.  E eski dan Bidze okenn landrwa i annan kot provizyon in ganny fer pou sa demann sa Komite?  E ti ava bon nou ganny leklersisman lo la e war avek Ladefans e osi avek Finans si napa alors ki pou annan.

Finalman Mr Speaker sa issue rezwenn avek SPDF ki mon toutafe dakor avek Komite Ladefans i bezwen rezwenn, petet olye dan 3mwan petet mon ti pe mazinen avan Mid-Year  Review – o mwen avan Mid-Year  Review nou bezwen i annan sa enteraksyon pou war progre ki’n ganny fer dan lafason ki nou’n diskite ozordi.  Mersi bokou.

 

MR SPEAKER

Mersi Onorab.  Kolonnel Rosette.

 

COLONEL MICHAEL ROSETTE

Mersi Mr Chair.  Mersi Onorab pou ou kestyon.  Mon a konmans avek sa ex-servicemen sa Lasosyasyon Ex-Servicemen in kree, e nou SPDF pou fasilit zot ki nou’n fer se nou nominate en zofisye konman en liaison avek zot.  E nou rekonnet zot servis konman bann ex- servicemen ki’n kontribye dan SPDF e alors nou pe donn zot serten lasistans.  Me an se ki konsern zot pansyon, SPDF ozordi menm son pansyon i pa vin dan Bidze SPDF.  I al dan Pension Fund.  Sa ki fodre a en moman ou en lot, sa Lasosyasyon petet an partenarya an korperasyon avek SPDF, i apros Pension Fund pou war ki mannyer lekel ki entitled, lekel ki kapab ganny sa pansyon?  Si i annan.  ki mannyer nou pou fer.

E sa nou ava ankouraz zot Lasosyasyon.  Zot en Asosyasyon.  Zot in deza anrezistre konman en Asosyasyon.  Mon krwar ki zot kapab.  Zot annan zot Komite, zot Chair, zot bann Manm.  Zot kapab deboury lo zot, pou kapab fer sa demars, me nou a soutenir zot.

An se ki konsern bann zenn pilot, mazorite bann zenn pilot menm si zot in al ek Air Seychelles zot in fer en training de-baz avek SPDF.  Mazorite zot i fer en training de-baz avek SPDF.  Alor zot deza annan en bagaz militer.  E si i annan ki nou pa konnen si i annan parey ou’n dir, ki pa pe travay an se moman, i krwar petet i annan serten kontribisyon i kapab fer pou Lafors Defans, pou Airforce i kapab apros nou SPDF e la nou ava war si i annan posibilite pou recruit zot pou rezwenn Lafors lo la.  Mersi. En lot kestyon mon krwar ti pou VP.  Mersi Onorab.

 

MR SPEAKER

Mersi Kolonnel.  Ok Onorab De Commarmond i ok?  Yes.

 

HON CHARLES DE COMMARMOND

Mon panse i ok akoz Vis- Prezidan ou agree ek sa bann pwen ki Kolonnel in reponn.  Petet dan sa lespri si Kolonnel ti a kapab dir nou dan sa kestyon Pansyon la, eski an zeneral zot pe revwar pansyon  SPDF e i ki sa issue  i kapab petet ganny enkorpore ladan dan sa legzersis?

 

MR SPEAKER

Ok.  Mersi.

 

COLONEL MICHAEL ROSETTE

Mersi Onorab.  Mersi Mr Chair.  Onorab pou le moman nou pa pe negosye okenn laranzman dan pansyon ki egziste an se moman.  Me si Lasosyasyon mon krwar li i vin avek en propozisyon ki i krwar i annan serten Manm i devret benefisye avek sa pansyon, zot fer zot rekomandasyon zot anmenn devan, e sa i ava al kot Fon Pansyon i ava ganny diskite pou kapab reponn.  Mersi.

 

MR SPEAKER

PS Thésée.

 

PS DAMIEN THESEE

Mersi Mr Chair.  Mon pe sey rod en pe klarifye lo pansyon, akoz zot konnen Lalwa Pansyon i an zeneral.  Me selman parey nou konnen i annan en special pension osi ki Prezidan ti anonse pou en serten kategori spesifik Ners, Teachers e mon krwar bann Defans osi i tonm ladan.  Zot ganny R1000mil over and above bann normal pension ki annan.  Mersi.

 

MR SPEAKER

Mersi PS.  Selman toultan i annan en catch dan sa Lalwa.  Dan sa Lalwa i annan en catch si ou’n deza pe tous en lot pti pansyon avek Gouvernman, ou pa gannyen.  I annan plizyer Teachers ki’n ganny atrape dan sa pti catch e zot pa pe benefisye sa R1000mil.  Gran lafanfar i ganny fer pou sa R1000mil me pa bokou ki pe benefisye.  Anfen the House  en zour petet zot a kapab war – revwar sa Lalwa.

Bon in ariv moman pou nou pran en desizyon – en vot lo Bidze pou Lafors Defans, sa i pou en sonm R330,909milyon ki trouve lo paz 30 ziska paz 38 e ki form par sa schedule.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  18 Manm in vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pou Lafors Defans pou lannen 2020, in ganny aprouve par Lasanble Nasyonal.  Bon avek sa mon ti a kontan remersi Kolonnel Rosette, Kolonnel Roseline, Mr Dupres e Ms Pilate ki’n vini apre midi pou nou kapab fer sa travay.  Nou pou pran en break la e nou pou retournen 4.30 pou nou pran lezot mon krwar nou annan ankor 2 Departman devan nou Blue Economy avek ESAOk nou ava break nou retournen 4.30.

 

 

(BREAK)

 

 

 

 

 

DEPARTMENT OF BLUE ECONOMY

 

MR SPEAKER

Bonn apre midi spesyal pou delegasyon ki devan nou SS Barry Faure, Sekreter Prensipal Mr Racombo, Direkter pou Human Resource Ms Peggy Freminot e financial controller Mr Marcus William.  Bon zis i annan i annan en en pti pe en klarifikasyon ki mon anvi fer la, mon war Mr William i appear 2 fwa Department of Information and Department of Blue Economy?  PS?

 

PS DAMIEN THESEE

Mersi Mr Speaker.  Parey ou  konnen bann staff Accounts i tonm anba Finans e nou allocate zot par portfolio as much as possible.  So tou bann portfolio President’s Office nou annan en financial controller atase avek.  Mersi.

 

MR SPEAKER

Ok dakor.  Ok zis mon ti krwar petet i en konfizyon.  Ok,  nou touzour avek Vis-Prezidan e nou pe pran Departman lo Blue Economy e mon ava zis donn laparol PS pou gid nou.

 

PS DAMIEN THESEE

Mersi Mr Chair.  Pou Departman Lekonomi Ble i trouve lo paz 61 pou en sonm R81.2milyon.  Mersi.

 

MR SPEAKER

Mersi PS.  Bon okenn Manm ki le entervenir pou Departman Lekonomi Ble?   Onorab Afif.

 

HON AHMED AFIF

Mersi Mr Chairman.  Mr Chairman dan sa Bidze nou pe al vot R11milyon pou zot Departman e petet si zot kapab dir nou e nou pe rod efikasite la – kwa ki sa Departman pe fer pou kapab vreman ed Lekonomi Ble, ki pou laplipar dimoun ki pa konpran – pa tro, tro  konpran sa konsep, apard lefe se en lekonomi ki fonksyonn dan tou keksoz ki ble –  ki nou lanmer.  Savedir tou sa ki pase lo nou lanmer ki ble, i apel Lekonomi Ble.  Alor dir nou ki zot pe fer?  Parske dan Sesel nou annan SFA, SFA li son travay se vey nou bann resours lanmer, fer resers lo la, fer sir i ganny eksplwate.  Prezan zot, zot en Departman Lekonomi Ble, ki zot pe fer pou kapab dir nou ki sa larzan ki zot pe depanse, i pou vreman ede anmenn lefikasite dan plizyer landrwa kot ozordi  nou war i annan problenm?

Par egzanp peser pou  dir ou i annan en kantite ice plant i kase toulezour – pa marse.  Zot pou dir ou i annan problenm dan stok pwason.  Zot pou dir ou i annan problenm ler  pou al vann eksetera, eski sa larzan ki nou pou al vote R11milyon i pe al ede pou fer sa sekter ki apel Lekonomi Ble fonksyonnen?  E si non, kwa egzakteman ki i pe al fer?  Mersi Mr Speaker.

 

MR SPEAKER

Mersi Onorab Afif.  Lo panel lekel ki pou reponn?  Mr Racombo.  PS.

 

PS KENNETH RACOMBO

Bon apre midi Mr Chair.  Bon apre midi bann MNA.  Annefe pou reponn kestyon MNA ler ou get Departman parey Departman ki ansarz pou lapes, son main focus i pou fer plis aktivite lekonomi pou donn en pli gran retonbe.  Departman Lekonomi Ble i ensure ki tou sa bann Departman ki nou pe link avek, ler zot pe fer zot bann economic activities, zot fer li dan en fason soutenab.

Prezan si mon go back lo sa konsep Lekonomi Ble, ennler i annan en mis-konsepsyon ki Lekonomi Ble i focus zis lo lapes.  Nou as en Departman nou bezwen rod bann lezot biznes ki kapab enhance sa sector.  Par egzanp nou bezwen promouvwar bokou resers ki en keksoz ki nou fer dan Departman. So etabli bann partnership ki nou kapab kontribye pou – dan en lesans par egzanp eksplore why not nou invest dan pharmaceutical?  Dan cosmetic?

E sa de legzanp ki nou dan Departman inside nou pe promouvwar.  Me selman apard sa parey ou konnen Departman nou annan en Divizyon ki deal with ocean management.  Savedir li prensipalman son focus la i pou manage bann extended continental shelf ki nou deza annan.  E enn proze ki quite sibstansyel i pou deal avek sa proze ki nou annan joint management avek Maurice.  Mersi.

 

MR SPEAKER

Mersi PS.  Onorab Afif.

 

HON AHMED AFIF

Mersi Mr Chairman.  Si ou kapab dir ek nou konbyen dimoun ou annan dan ou lorganizasyon?  E  mwan mon konpran i annan apepre 12 dimoun e si zot pe al ogmant sa akoz zot Bidze pa’n sanz bokou.  E kwa ki sa bann dimoun i fer egzakteman?  Mersi.

 

MR SPEAKER

Mersi Onorab.  PS.

 

PS KENNETH RACOMBO

Mersi Onorab Afif.  Dan nou Departman i annan 10 dimoun pou le moman.  Mon annan mwan 2 Divizyon – en Divizyon i deal avek Polisi Planning and Research.  Epi lot Divizyon i deal with Ocean Management.  Sa Divizyon ki deal avek ocean management li i deal avek bann issues ki regard with maritime boundary delimitation.  I deal with bann matters ki relate to extended continental shelf ki nou annan.  Pou le moman parey ou konnen nou annan enn dan kot northern plato e nou annan Mascarene  Plateau ki nou jointly manage avek Maurice.

E lezot – well sa i en Divizyon.  E sa Divizyon ki deal with Polisi Progranm and Management li i devise.  One of son bann key role i travay lo bann plan ki mannyer nou pou pous Lekonomi Ble devan.  Savedir li i travay lo bann plan;- i ensure ki i annan proper monotoring and evaluation.  I ede pou kre sa sansibilizasyon round sa konsep, e osi i responsab pou fer monitoring and evaluation.  Mersi.

 

MR SPEAKER

Mersi PS.  Onorab Waven William.

 

HON WAVEN WILLIAM

Mersi Mr Speaker.  Bonn apre midi tou dimoun.  Mr Speaker mon kestyon i konm swivan:  mon pe get anba ‘’strategic priorities 2022’’ mon pe koz bullet point number 1. ‘‘Facilitate and promote innovation and economic opportunities in the Blue Economy’’.  Mon anvi demann avek PS si i kapab donn nou en kontrandi vizavi sa pwen, kwa egzakteman ki the Department in kapab arive fer eskan ler in ganny met an plas?

E an menm tan ki egzakteman zot pe fer, pou ankouraz nou bann Seselwa – bann antreprener Seselwa, pou vreman antre – mon mazinen zot in fini idantifye konmela bann lespes delo sale oubyen bann diferan area  anba Blue Economy ki Seselwa investors i kapab antre ladan, swa an partnership ouswa zot tousel?  Mersi.

 

MR SPEAKER

Mersi Onorab.  PS Racombo.

 

PS KENNETH RACOMBO

Mr Chairman mon pa’n tro tann sa premye bout kestyon si i posib pou repete ?

 

MR SPEAKER

En moman dakor.  Onorab William.

 

HON WAVEN WILLIAM

Mon’n demann ou si par egzanp depi ler zot in kre sa Divizyon ki bann target ki zot in meet?  E an menm tan nou pe koz investment promotion innovation avek economic opportunities?

So dan sa parasol Blue Economy la,  mon mazinen bann diferan konponan ki tonm anba la, e kwa ki zot in war poudir Seselwa swa i li tousel, swa partnership avek bann etranze, zot kapab kapitaliz lo la pou envestir?  Akoz mon mazinen poudir sa Departman in ganny kre pou pran en pti pe tousala.  So ki demars e ki pozisyon nou été vizavi sa?  Mersi.

 

MR SPEAKER

Mersi Onorab.  PS.

 

PS KENNETH RACOMBO

Mersi Mr Onorab.  Onorab premyerman enn bann plas ki nou ti inisye at the very start, ler mon ti join Divizyon, i ‘’annou mobiliz resours pou nou kapab undertake a study’’ actually en feasibility study pou idantifye ki bann sekter nou kapab devlope apard ki lapes pou Blue Economy?  That is No.1.

Epi No. 2 nou’n fer en stocktaking excersise ki bann current businesses in operation ki pe practice Blue Economy, e idantifye zot bann problenm.  E par sa ki nou fer spesifikman i annan en Komite ki nou’n set up ki nou zwenn tou le Lendi, so nou adres bann challenges.  Akoz ti annan bann challenges avek bann businesses avek antreprener ki pe deal dan sekter Blue Economy.

Epi nou pe travay konzwentman avek  ESA – Departman Industry and Entrepreneurial Development pou nou go out there e idantifye ki mannyer nou kapab kontinyen rod ankor bann – e sensitise bann investor, pou zot konmsi pa ‘’do business as usual’’ me selman go into or envestir dan sekter Blue Economy.  Mersi.

 

MR SPEAKER

Mersi PS.  Onorab William.

 

HON WAVEN WILLIAM

Mr Speaker swivan sa larepons, mon anvi demann avek PS ler zot al dan bann diferan miting aletranze, eski zot touzour pe ankouraz bann partisipan dan sekter prive, pou join zot tim pou ale, pou kapab enterakte avek bann foreign partners, ki annan bann ekspertiz? Akoz  parey ou konnen Sesel nou limite.  Nou napa bokou lekspertiz.  Eski nou ankouraz sekter prive pou join avek zot tim letan zot ale, konman egzekitiv pou kapab vreman donn dividend dan sa sekter?  Mersi.

 

MR SPEAKER

Mersi Onorab.  PS?  SS Faure.

 

SECRETARY OF STATE BARRY FAURE

Mersi Mr Speaker.  Mon krwar sa i en bon kestyon.  Wi i toultan vizyon Gouvernman pou enkli bann operater dan sekter prive, pou entegre bann delegasyon ki ganny fer pou partisip dan bann vizit ki  ganny fer aletranze.  E i pa en keksoz ki nou fer ki ganny fer resaman.  En keksoz ki’n konmans fer istorikman.  E i annan moman kot Lasanm Komers li menm li i ganny finanse menm pou li partisip dan bann vizit aletranze, kot i reprezant sekter prive.  I en moman kot i ganny envite pou li servi son prop mwayen pou li fer li.  E nou annan plizyer legzanp. Ler par egzanp ti annan sa Konferans global lo Lekonomi Ble ki ti ganny fer Nairobi, Kenya, ti annan en reprezantasyon sekter prive osi dan delegasyon Sesel ki ti partisip dan sa gran Konferans.  Ti fer an Novanm 2018.

Donk sa en legzanp tre konkret zis limite  a Lekonomi Ble.  Me i annan osi bann trade fair, bann egzibisyon, ki ganny fer aletranze, kot i annan partisipasyon ki nou fer par bann operater prive, osi byen ki Lasanm Komers.  Resaman ti annan Lasin – ti annan osi dan en serten provens Lasin dan mwan Septanm ti annan en bon pe ;-ti annan dan sa legzibisyon bann operater prive osi ki ti ganny envite pou partisipe.

Alors wi nou lans lankourazman.  e parfwa i annan finansman ki kapab ganny sorti dan trezorye Gouvernman e parfwa nou fer  li nou fer lenvitasyon ouver, e i depan lo mwayen ki nou bann operater prive i annan ouswa Lasanm Komers i annan pou partisipe.   Mersi Mr Speaker.

 

MR SPEAKER

Mersi SS.  Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Minis avek ou delegasyon de pti kestyon senp vi ki dan larepons mon donn Onorab William, zot in koz lo plito lo bann envestiser konmsi ki mon anvi ki bann envestiser in koz lo bann gro envestiser ;- ki kalite envestiser nou pe koz lo la?  Apre ki nou pe fer, ki ou Departman pe fer pou angaz bann pti biznes? Mon dir pti biznes  akoz mon war zot pe promouvwar bokou pti biznes, ki zot langazman pti biznes pou pran pou antre dan biznes Lekonomi Ble?  Apre en lot kestyon, ki bann Departman ki zot pe travay avek  pou promouvwar Lekonomi Ble dan pei, e dan ki fason ki zot pe travay ek sa bann Departman?

E dernyen Mr Speaker, mon anvi konmsi zot eksplik byen, la ki sa zafer Lekonomi Ble, nou pe tann zis Lekonomi Ble, me bokou Seselwa deor zot pa pe konpran sa konsep Lekonomi Ble, konmsi mon ti ava kontan sey donn nou ek leksplikasyon pou dimoun deor dan en fason fasil konmsi pou dimoun konpran kwa Lekonomi Ble?  Mersi.

 

MR SPEAKER

Mersi Onorab.  PS Racombo me ou deskripsyon lo Lekonomi Ble annou kit li bref nou pa al dan tou detay.

 

PS KENNETH RACOMBO

Mersi Onorab.  Si mon kapab konmans avek ou dernyen kestyon. So lesplikasyon Lekonomi Ble an prensip ler ou get Sesel nou annan en pei nou en pti pei, me selman ou kapab dir nou en gran pei ler ou pe get nou resours maritim – ok.  E pou sa rezon nou deza pe fer fisheries avek tourism ki ler ou get li dan en fason ou pe deza pe practice ocean economy.  Now prezan ler ou pe dir Lekonomi Ble, savedir ou pe practice soutenabilité e ou pe practice osi value addition avek diversification dan ou konteks ler ou pe enplimant ou economic activity.  That is one.

Epi lo kestyon lo ki nou Departman pe fer pou promot bann pti envestiser ;- parey mon pe dir ou, nou’n annan en diskisyon avek ADB pou nou kapab met en fon available pou bann pti e sa ki nou apel micro antrepriz pou zot antre dan sa sekter me pa zis pou zot antre dan sa sekter.  Me selman nou osi pe fer en odit avek analiz, lo kwa bann potansyel ki zot kapab antre ladan.

Ou pou remarke dan mon capital budget i annan en increase 70thousand70million eskize, e ladan apepre US$800thousand ki ler ou convert li i tonm apepre 15milyon i pou target micro avek small antrepriz.  E sa larzan nou kapab mobilize avek ADB pou bann pti micro antreprener ki anvi antre dan sekter Lekonomi Ble.  Mersi.

 

MR SPEAKER

Mersi PS.  Onorab Terence Mondon.

 

HON TERENCE MONDON

Mersi Mr Chairman.  Mr Chairman mon kestyon ;- mon anvi konnen an vi ki deza i annan bann pratik ki pe met an danze nou bann resours maritim, eski – e parmi zot bann travay se pou osi protez sa bann resours pou nou kapab kontinyen envestir ladan, eski zot in fer okenn entervansyon dan sa domenn ziska prezan?  Eski zot konnen bann pratik? Eski zot fer bann entervansyon e ki rezilta zot in gannyen?

E ou’n osi dir nou ki enn bann travay se pou mobiliz bann resours, eski i annan bann donater fon, oubyen bann envestiser deza ki’n montre lentere pou sa lannen ki pe vini apart ki sa Fon ki nou ti gannyen apartir lannen pase, ou 2018, eski i annan ankor ki pare pou met resours a dispozisyon sa Departman, pou kapab fer sa bann travay e resers ki ou pe koz lo la?  Mersi Mr Chairman.

 

MR SPEAKER

Mersi Onorab.  PS Racombo.

 

PS KENNETH RACOMBO

Mersi Mr Chair.  Mr Chair pou mwan reponn sa kestyon – wi annefe Linyon Eropeen i tre enterese avek devlopman Lekonomi Ble Sesel.  E nou deza an diskisyon ki zot pe konsider earmark quite a lump sum of funds anba zot Europeen Development Fund, pou devlopman sa sekter.  Nou’n osi an diskisyon avek RURA anba zot special fund, pou devlop sa sekter me selman zot area of intervention zot i plito sensitisation.  So RURA i enn ki nou pe negosye.  Epi anba avek COMESA nou osi pe diskite ki mannyer zot kapab ed nou through zot pou kapab tap plis resours pou devlopman sa sekter.  Mersi.

 

MR SPEAKER

Mersi PS.  Onorab Mondon.

 

HON TERENCE MONDON

Mersi Mr Chair.  Zisteman dan zot prozeksyon pou sa prosen 2an/3an ki zot pe espekte anmennen pou Sesel atraver sa travay zot pe fer?

 

MR SPEAKER

PS.

 

PS KENNETH RACOMBO

Mersi Mr Chair.  Basically Onorab parey ou konnen nou fer en lo nou marine special plan lo nou EEZ – lo the whole  nou EEZ e sa legzersis in more or less konplete.  E dan sa proze ki nou’n fer nou’n deza idantifye 30poursan as en ‘’no take. ’’ Konmsi nou pa pou kapab fer okenn aktivite ekonomik ladan, akoz nou pou konserv li nou pou ede pou fer bann reprodiksyon, me selman sa lot 70percent nou pe fer bann management plan ki pou target sa bann 70percent of nou bann EEZ pou gete ki kalite ekonomik aktivite nou kapab fer dan each and every area ki in ganny earmark.  Mersi.

 

MR SPEAKER

Mersi PS.  Onorab Sebastien Pillay.

 

HON SEBASTIEN PILLAY

Thank you Mr Chair bonn apre midi.  Bonn apre midi tou dimoun.  Mr Chair mon ti a kontan demann serten klarifikasyon vizavi serten sonm ki mon pe regarde dan Bidze ;- premyerman mon war sa increase sibstansyel dan ‘’Board members allowance’’s pe sorti R43mil pou vin R984mil.  Petet Minister Finans i kapab klarifye sa pou nou?  Apre sa size office building rent mon war i annan en logmantasyon dan rent sibstansyelman – eski Minister Finans si vizavi parey nou pe koz lo tou bann lezot antite, zot pe fer serten travay pou fer sir ki sa bann antite i reste within en ceiling an se ki konsern bann rent e nou pa les li ogmante?

And then anba sa ‘’other service agreements’’ mon war sa R720mil?  Si ou ti kapab donn mwan klarifikasyon lo sa 3 size?  Mersi Mr Chair.

 

MR SPEAKER

Mersi Onorab.  PS.

 

PS KENNETH RACOMBO

Mersi Mr Chair.  Mr Chair annefe rent well wi i pe reflekte en increase, me selman i pan vreman increase, akoz i ti ganny mis calculated pou lannen 2019.  Savedir sa ki reflekte pou 2020 i deza sa ki nou pe peye pou 2019, nou’n fer en virement pou nou last nou until end of  the year. It was just a mis calculation. 

        Board fee prezan parey ou konnen e mon’n dir avan nou annan en joint management area ki nou jointly manage avek Maurice  e sa laranzman i ganny determinen anba en Trete ki Sesel in sinyen.  E anba provizyon Lartik 4 (c) i stipulate ki i devret annan en Komisyon lo sak kote, ki ler zot met ansanm i apel en Joint Commission with equal members ok?  So prezan oparavan ti sa bann Board members ki – well sa bann Committee Members vi ki deza zot ganny ti ganny setup by an Act zot sipoze annefe pe operate parey en Board e zot sipoze pe ganny remunarate.  So sa remunaration ti arete lannen 2018 avek lannen 2019, me i annan en request from sa bann Committee Members pou zot reganny en serten monthly allowance or peyman.  E ler nou’n negosye avek – well ler nou’n diskite avek Minister Finans zot in reflekte anba ki article i tonbe e dapre ki Polisi e obviously sa i reflekter zot Board fees.

E anba sa same Treaty i stipulate ki there’s a setting up of a Designated Authority pou manage sa area.  E sa Authority obviously pou annan en CEO e kot ou war sa service agreement li i pou saler sa CEO avek en housing allowance pou li.  E ki mannyer i marse Maurice  i kontribye lanmwatye e Sesel i kontribye the same lanmwatye li osi.  Mersi.

 

MR SPEAKER

Mersi PS Racombo.  Onorab Pillay.

 

HON SEBASTIEN PILLAY

Mersi Mr Chair.  Mr Chair sa joint management area i apepre dapre bann lenformasyon i 400mil kilomet kare. Am I correctOk?  So vi ki nou annan en kantite depans otour li ki pe ganny share  ant nou avek Maurice, eski ou kapab eksplik nou ki egzakteman ki nou kapab benefisye avek sa area?

Kwa ki nou pe benefisye ek sa area ki fer ki nou bezwen annan sa lenvestisman ki nou pe met ladan?  E ki fer ki probableman nou bezwen annan bann closer ties avek Maurice  dan lonterm, akoz vi ki zot osi zot parti prenan sa 400mil kilomet kare, ki fer ki nou si i annan resours, eski nou pe koz lo resours maritim?  Resours anba lanmer?  Sey fer nou konpran akoz nou pe depans pa mal larzan pou sa.  Mersi Mr Chair.

 

MR SPEAKER

Mersi Onorab.  PS Racombo.

 

PS KENNETH RACOMBO

Mersi.  Onorab zis pou mwan illustrate en legzanp.  Lannen 2019 alone nou’n annan 3 intense resers ki’n ganny fer dan sa area.  So prezan i en proze ki’n ganny siporte osi par UNDP.  E basically i pou a mon avi mon war poudir i pou en proze ki pou ed nou pou eksplore ki i annan konmsi lo nou seabed e ki bann sign so far i en pe pozitiv.  E obviously i some sort of investment ki nou devret engage nou ladan pou lonterm.

So mon war sa ki pe al towards sa ki nou pe kontribye towards nou Bidze.  Si nou get nou strategy right a lonterm son reveni ekonomik i pou way surpass nou investment in my view.  Thank you.

 

MR SPEAKER

Mersi PS Racombo.  Onorab Ferrari.

 

HON JEAN-FRANCOIS FERRARI

Mersi Mr Speaker.  Avek ou permisyon enn 2 pti kestyon.  Premyerman Mr Speaker mon ti a kontan demann avek PS pou eksplik nou en keksoz ki Vis- Prezidan in dir nou pli boner, ki la ou’n dir nou en lenformasyon en pe diferan.  Vis-Prezidan ti pe dir nou poudir enn bann rezon ki nou bezwen Lanbasad Maurice  se akoz i annan joint management program konmsi Maurice.  Be la ou’n dir nou poudir sa biro i sipoze Sesel avek en dimoun – mon pa konnen kot i pou sorti, si Maurice – si kwa ki nou pey 2 nou.  Konmsi zis konfirm sa  avek nou poudir konmsi lekel ki korek dan sa  lenformasyon?   Sa i enn?

Dezyenmman ;- mon ti a kontan CEO si ou kapab dir nou ki mannyer dan sa Departman, son running cost i apepre R11milyon, me selman mon war plis ki 10poursan sa Bidze i go towards ‘’overseas travel and overseas subsistence allowance.’’ I mean sa i en domenn ki nou pe scrutinize right across the budget – ok?  Alors i enportan pou nou konnen poudir sa bann deplasman i absoliman neseser.   Sa i 2enm.

3enm ;- eksplik nou en pe sa ki mannyer ou staff i partaze ant Polisi Planning and Research e Maritime Boundary Limitation.  I enportan pou nou konpran ki mannyer zot partaz sa de, akoz nou pou bezwen sey zistifye en pe bann staff cost ki pou 10 staff (avek respe CEO – PS) nou war li en pe elve.  Alors sa 3 kestyon si ou kapab reponn mwan silvouple.  Mersi.

 

MR SPEAKER

Mersi Onorab.  PS Racombo.

 

PS KENNETH RACOMBO

Mersi Mr Chair.  Onorab pou reponn ou premye kestyon in regards to GMA the joint area between the extended continental shelf between Sesel avek Maurice nou pe setup en Designated Authority.  In a sense sa Authority i pour run the Administration of sa 400mil met kare only.  Anything ki pas let’s say mon servi sa mo ziridiksyon.  Sa mon premye kestyon.

2enm kestyon Onorab si ou pou get byen mon Bidze ‘’the travelling vote’’ in koupe par 300mil anba prensipal mon de progranm.  Son total ‘’travelling vote’’ in koupe.  Me selman anba mon Bidze osi i feature Bidze pou bann lezot Committee Members ki lo sa progranm GMA ;- ki lo sa Komite GMA.  Savedir ki lo sa Joint Commission.  Savedir ou annan reprezantan Lanvironnman – ou annan reprezantan PetroSeychelles;- ou annan de ansyen travayer Gouvernman ki la in retire, zot ankor lo sa Komite.  So basically laranzman ki nou annan, nou annan 4 meeting par lannen 2 i fer Sesel 2 i fer Maurice.

In regards to aproporsyon sa 2 Divizyon, i annan en pti challenge ki mannyer i ganny reflekte la, akoz mon sa de Divizyon i pa tro aproportionate egal.  In fact i annan en Divizyon i annan zis en dimoun, me selman ki mannyer i feature dan MBE ou pou war plis ki en dimoun, e sa Divizyon i sa Divizyon ki ou pe refer as the maritime boundary delimitation, me selman ler mon vini nou resanz son non i apel Ocean Management Division.  E sa lot Divizyon i annan li 7 staff.  Selman Onorab i pa afekte total Bidze.  Konmsi zis si en staff i feature la met li anba sa lot progranm.  Mersi.

 

MR SPEAKER

Mersi PS.  Onorab Ferrari.

 

HON JEAN-FRANCOIS FERRARI

Wi alors PS mon mazinen poudir sa 835 pou 2019 836,000mil e pou 2020 1.47milyon in terms of compensation employees in MBD does not mean payment for one staffIt’s not the amount of money paying to one staff?  Se sa ki ti fer mon en pe enkyet ler mon ti war sa.  Is that correct?

 

MR SPEAKER

Mersi Onorab.  PS.

 

PS KENNETH RACOMBO

Onorab non pa enkyet akoz i pa peyman zis pou en staff.  Mersi.

 

MR SPEAKER

Mersi.   Onorab Ferrari.

 

HON JEAN-FRANCOIS FERRARI

E me selman PS mon pa anvi met ou parey nou manrmay, i dir mon pa anvi zet ou anba en bis, me selman mon anvi, konmsi mon ti a kontan ki konpran si lo sa kestyon reprezant Sesel Joint Management Authority will be in Seychelles?  Se sa repons ki mon ti le.  E si i pou la Sesel mon ti anvi ki ou konfirmen ki Vis-Prezidan kekfwa in mal eksplik mwan pli boner.  Ok mon ava pran konmkwa mon pa’n tro byen konpran, me selman kekfwa ou kapab dir mwan poudir sa Lanbasad ki  nou pe al ouver Maurice – ki Vis- Prezidan i anvi ouver Maurice napa nanryen pou fer  Joint Management of our continental shelf akoz sa i pou baze Sesel.  Se sa ki mon ti anvi konnen.  Mersi.

 

MR SPEAKER

Mersi Onorab.  PS.

 

PS KENNETH RACOMBO

Mr Chair.  Mon only kapab konfirmen ki sa Designated Authority ki nou pou ouver ki pou baze Sesel ki pu annan en CEO Mauricien i pou deal avek GMA related matters e interest in the GMA related  matters e interest in the GMA related issues.  Mersi.

 

MR SPEAKER

Mersi PS.  VP.

 

THE VICE-PRESIDENT MR VINCENT MERITON

Mersi Mr Chairman.  Mr Chairman ( eskiz mwan mon pe koz ek lavwa ba) sa ki in dir i korek e sa ki mon’n dir bomaten i osi korek.  Joint management area i en lespas 496mil kilomet kare.  En ta pei Eropeen i antre ladan.  Nou lentere se ki nou kapab annan en relasyon pros avek Maurice e mazinen sel joint management area ki’n ganny anrezistre anba UN ki egziste.  E  the Designated Authority nou’n pran  nou en kantite letan pou diskite avek Maurice pou fer Sesel?  Pou fer Maurice?  Nou ti tonm nou pou rotate.  Me ler ou fer rotasyon i pa konfortab.

Annefe nou’n dir annou konmans Sesel avek prensip ki si i baze Sesel, sa Direkter, sa CEO i a sorti Maurice.  Si i ti pou baze Maurice sa Direkter ti pou sorti Sesel.  Me sa pa vedir ki i anpes – sa ki mon dir i pa vedir i anpes en nesesite ki Sesel ek Maurice i annan en reprezantasyon en misyon spesifik lo teren parey nou pe anvizaze fer.  Nou’n deza fer demann avek Maurice e i annan en lendikasyon – en lendikasyon ki Maurice osi i anvi  fer li reciprocal.

So annan en Designated Authority isi Sesel pa anpese ki Sesel i annan en Lanbasad Maurice pou lezot lobzektif – lezot rezon ki mon’n donnen bomaten ki GMA being one of them.   Konmsi  zis mon le   konmsi  byen kler donn  en lesplikasyon lo la.  Mersi Mr Chairman.

 

MR SPEAKER

Mersi Vis-Prezidan.  Bon nou’n ariv en moman pou nou pran en desizyon, pou nou pran en vot lo Bidze pou Departman Lekonomi Ble, ki trouve lo paz 61 ziska paz 65, pou en sonm R81,208milyon ki form par sa schedule.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  Mon’n rikord 20 Manm ki’n vot an faver.  E personn kont.  Mersi.

 

MR SPEAKER

Mersi Madanm Clerk.  Savedir Bidze pou Departman Lekonomi Ble pou lannen 2020 in ganny aprouve par Lasanble Nasyonal.   Bon avek sa mon ti a kontan remersye e ekskiz SS Barry Faure, PS Racombo e Mr Marcus William financial controller e Ms Peggy Freminot parmi nou.  Mersi.

 

(THE BLUE ECONOMY DELEGATION WAS EXCUSED FROM THE HOUSE)

 

 

ENTERPRISE SEYCHELLES AGENCY – ESA

 

MR SPEAKER

Bon nou pou pran dernyen Departman ki lo nou lalis ozordi sa se ESA – Enterprise Seychelles Agency mon ava demann parliamentary reporter pou fer antre bann zofisye.  PS Thésée gid nou.

 

PS DAMIEN THESEE

Mersi Mr Chair.   Pou Enterprise Seychelles Agency i trouve lo paz 69 pou en sonm R12.5milyon.  Mersi.

 

MR SPEAKER

Mersi PS Thésée.  Bon mon ti a kontan dir bonn apre midi e welcome Ms Angelique Antat ki Sekreter Prensipal pou ESA, Ms Angelic Appoo ki Sef Egzekitif Zofisye Egzekitiv CEO e Ms Ursula Marengo ki accountant.  Bonn apre midi e welcome dan Lasanble Nasyonal.   Wi nou touzour an konpannyen PS Thésée avek son de zofisye e avek zot osi tou VP akoz sa Departman i tonm anba son portfolio.

Bon nou ava pran bann Manm.  Nou a konmans avek Onorab John Hoareau – bann Manm ki pou demann kestyon ki pou lo Bidze ESA.  Onorab John Hoareau.

 

HON JOHN HOAREAU

Mersi Mr Chair.  Mr Chair dan Bidze ESA, mon war i annan 166mil pou ‘’training fees ‘’mon ti a kontan konnen si sa ki capacity building pou son bann travayer, oubyen si sa i pou aftercare pou son bann small business ki zot donn training incubation pou fer grandi biznes?   So si i kapab klarifye si sa 66,000mil i pou son travayer, oubyen si i pou bann pti biznes ki zot donn aftercare?

Dezyenmman Mr Chair, mon ti a kontan konnen osi si akoz Minis Finans dan son ladres Bidze, i ti anonse poudir avek redevlopman Bazar Labrin Beau Vallon, i pou annan nouvo kyosk ki pou ganny konstrir, mon ti ava kontan konnen si ESA in ganny sa manda pou konstrir sa bann nouvo kyosk?  Si i annan larzan dan Bidze pou konstrir nouvo kyosk e konbyen nouvo kyosk ki pou ganny konstrir?  Mersi.

 

MR SPEAKER

Mersi Onorab.   PS oubyen CEO.

 

CEO ANGELIC APPOO

Bonn apre midi Chair.  Bonn apre midi tou Manm Onorab.  Mersi pou ou kestyon Onorab.  Premye kestyon lo training 166mil i pou tou lede.  I konpri staff e osi i pou bann SMEs akoz nou annan en training department ;- apre osi nou HR li i ansarz training pou staff internally.  So nou annan en training plan pou staff ki konpri training locally and internationally, kot nou vwar loportinite.  E osi nou SMEs training, sa i plito locally – bann training ki Enterprise Seychelles Agency i fer.

2enm kestyon lo Bazar Labrin as of today ESA in gannyen sa manda pou li manage Bazar Labrin, me selman i pa ankor ganny en lease agreement avek SSI.  Akoz depi ler SSI in aste later, nou pe atann sa lease agreement, ki ankor pe ganny negosye, so nou pa ankor ganny nou tou nou pouwar ki nou pou bezwen, pou nou konmans nou proze Bazar Labrin.

In terms of kyosk, wi i annan kyosk ki pou ganny mete nou annan 35 kyosk dapre plan ki’n ganny prepare ant SSI avek Seychelles Planning Authority.  Nou pou annan 16 food kyosk nou pou annan 4 beverage kyosk ;- nou pou annan 6 snack kyosk avek food kyosk pou annan 9.

Bidze ;- nou’n ganny nou 1.5milyon sa lannen dan Supplementary Budget, me sa Bidze i pa pou ase pou nou aste tou sa kyosk.  Akoz letan Lotorite in prepar cost estimate pou bann kyosk, ki bann kyosk in ganny desinen pou meet standar Public Health en food kyosk i kout 119mil – en snack and beverage kyosk i kout 92thousamd e en kyosk ki artizanal i kout 53mil.

So definitivman sa Bidze ki nou annan pa pou ase pou tousala.  So nou pe regarde avek tou nou bann cost estimate ki nou annan, pou paving pou toilets, ki nou kapab obtenir anba sa 1.5milyon.  Mersi.

 

MR SPEAKER

Mersi CEO.  Onorab Hoareau.

 

HON JOHN HOAREAU

Wi mon ti a kontan konnen si sa bann kyosk ler i pou ganny konstri, si i pou ganny tender out parey bann prosedir Finans i demande, oubyen si zot deza pou zis ale pou al aste sa bann kyosk pre fabricated from en firm?  Mersi.

 

MR SPEAKER

Mersi Onorab.  CEO.

 

CEO ANGELIC APPOO

Nou get tou lede loportinite.  Nou’n sey rod en dimoun ki kapab provide nou avek fabricated kyosk, ki nou pe panse i ava kout nou pli meyer marse, me nou pa pe ganny personn an se moman ki kapab donn nou en kyosk ki pe meet sa standar.  So nou pe regard tou lede posibilite whether nou ganny en supplier ki kapab provide nou ek kyosk ki’n fini pare, zis nou fer monte or whether nou pou al konstrir.  Mersi.

 

MR SPEAKER

Mersi CEO.  Onorab Sylvanne Lemiel.

 

HON SYLVANNE LEMIEL

Mersi Mr Chair.  Bonn apre midi tou dimoun.  Mon kestyon  i se ki, mon konnen pandan lannen pase – sa lannen osi, zot in pas dan mazorite distrik e zot ti pe idantifye later kot pou zot kapab fer bann micro enterprise building.  Anse Royale i enn sa bann distrik kot zot in pase, zot in idantifye en morso later ki mon ganny en konpran, i sipoze ganny allocate avek zot, mon pe regarde osi dan sa lannen ki pe vini, eski i annan keksoz ki pou ganny fer Anse Royale dan zot Bidze? Ki staz petet zot in arive eski i annan plan ki’n ganny konsevwar e konbyen petet sa building osi pou arive?  Mersi.

 

MR SPEAKER

Mersi Onorab.  CEO.

 

CEO ANGELIC APPOO

Mersi Onorab.   I annan sa proze ‘’One District One Project’’ ki parey ou ti pe nonmen, me selman sa pa tonm anba Enterprise Seychelles Agency.  I tonm plito anba IEA – Industrial Estates Authority, me selman PS petet i kapab donn en apersi lo la.  Mersi.

 

MR SPEAKER

Mersi CEO.  PS.

 

PS ANGELIQUE ANTAT

Bonzour tou dimoun.  Mr Chair mersi.  Mersi Onorab pou ou kestyon.  Demen bomaten nou pou ganny IEA kot zot pou pas plis an detay lo bann proz proze ‘’One District One Project’’ so si ou kapab tenir sa kestyon pou demen bomaten kot CEO IEA i a kapab donn ou en pe plis detay lo size Anse Royale micro enterprise center.  Mersi.

 

MR SPEAKER

Mersi PS.  Onorab Wavel Woodcock.

 

HON WAVEL WOODCOCK

Mersi Mr Speaker.  Mon kestyon i baze lo bann Proze Kapital.  Avan anba SENPA la ESA, dan lepase in menm feature dan bann Bidze dan lepase, e kot i konsern bann etablisman ouswa etabli bann kyosk lo Praslin.  Annefe ti annan en landrwa ki ti ganny earmark dan lepase Amitie kot vizavi Erport me selman sa zanmen in materyalize.  Me selman ler ou pe get dan Bidze tou le lannen, ou war bann proze parey la nou pe war proze Kyosk Bois De Rose e proze kot Regatta site, me selman kot i konsern Praslin ou pa war bann proze ki pou ede epanouir bann pti biznes lo Praslin?  Mersi.

 

MR SPEAKER

Mersi Onorab.  CEO.

 

CEO ANGELIC APPOO

Mersi Onorab.  Lo Praslin i vre ki nou pa ankor materyaliz en proze, akoz nou ankor pe idantifye landrwa pou mete.  Kantmenm ou’n nonm Amitie nou ankor pe sey idantifye kote nou pou kapab met sa bann kyosk e osi pou nou kapab seek the appropriate Bidze pou nou kapab konmans en proze lo Praslin.  Me an se moman nou pa ankor kapab ganny sa funding osi.

 

MR SPEAKER

Mersi CEO.  Onorab Audrey Vidot.

 

HON AUDREY VIDOT

Mersi Mr Chair.  Mr Chair mon kestyon pou panel, prenan kont bann kantite issues ki’n leve an referans avek  bann landrwa kot bann dimoun pe rod fasilite pou zot kapab ganny en landrwa ;- kot zot dan semen partou pou zot kapab vann zot bann prodwir, petet avek sa Bidze ki la pou 2020, kwa ki bann dimoun petet i kapab garanti sipor kekfwa en li bon venue dan lavil pou zot kapab deservi?

E dezyenmman, nou pe promot lo desantralizasyon petet kwa ki zot kapab atraver sa Bidze petet oubyen pou vizyon pli tar lot ki pou vini, kwa ki petet eski zot annan travay ki zot pe fer pou war ki mannyer zot kapab si zot pa pe war landrwa lespas dan lavil petet regard bann distrik ki bord avek lavil, ki zot kapab ki annan teren ki zot kapab anmenn loportinite pou bann dimoun ki annan zot pe rod lespas pou fer zot aktivite, akoz zot napa sa lenfrastriktir ki zot kapab antre pou fasilite?  Mersi.

 

MR SPEAKER

Mersi Onorab.  CEO.

 

CEO ANGELIC APPOO

Mersi Onorab.  Sa i en travay ki nou deza konmanse sa lannen, akoz nou’n war poudir dan lavil napa sitan landrwa ki nou ti a kontan, pou met tou sa bann vendors.  Me selman an se moman nou annan sa proze ex Playground.  Pou street vendors sa lannen nou pe fer vini 15 kyosk, ki nou pou nobou plas bann street vendors e i pou ganny plase da ex Playground.  Sa bann kyosk i ekspekte arive 2enm semenn Desanm e nou pou fer bann alokasyon.

Me osi an term desantralizasyon nou konmans en travay sirtou avek bann Regional Councils;- Regional Council Central i enn ki’n apros nou deza kot nou diskit lo en landrwa Roche Caiman menm, kot nou’n idantifye ki nou kapab fer sa materyalize nou idantifye landrwa kot nou kapab met detrwa street vendors me selman nou bezwen antre an diskisyon avek sa owner pou nou ganny permisyon.  Mersi.

 

MR SPEAKER

Mersi CEO.  PS.

 

PS ANGELIQUE ANTAT

Zis pou azoute i osi annan travay kot nou pe lavil, i annan detrwa later ki nou idantifye ki pou tonm anba sa proze ‘’One District One Project’’ e demen IEA i a kapab donn en pti plis detay lo sa bann zot bann proze.  E nou lo nou kote konman Departman nou fer bokou resers e nou war bann fasilite oubyen bann striktir ki nou konman Gouvernman nou kapab konstri, ki dan plas benefisye zis 1 dimoun nou kapab benefisye 20 dimoun.

Aletranze sa bann kalite proze i apel carbotextures kot ou servi bann container dan en fason soutenab e ou batir en striktir ki pou benefisye bokou antreprener.  So sa i en keksoz ki nou pe fer resers lo la e nou pou gete si nou kapab fit li dan Sesel.  Mersi.

 

MR SPEAKER

Mersi PS.  Onorab Vidot.

 

HON AUDREY VIDOT

Yes zis en siplemanter dernyen.  Eski zot osi pe fer provizyon pou gete pou protez en pti pe osi bann ki petet i dan en landrwa stab, ki zot petet pe vann zot prodwir?  Mon pe mazin parey bann pti bis take away konmela e nou konnen poudir i annan presyon kot zot war zot an konpetisyon ;- petet i annan bann ki letan zot in war zot dimoun zot in zot pa’n zanmen ganny problenm dan sa lanvironnman kot zot ti été, me letan i annan en lot biznes ki antre ki pli gro, eski zot pe protez sa bann pti pou anpes li pa perdi son plas, oubyen son loportinite pou li kapab kontinyelman war son biznes marse.  Eski zot  pe fer sa?

 

MR SPEAKER

Mersi Onorab.  CEO.

 

CEO ANGELIC APPOO

Wi Onorab nou sey tou fason.  Me selman parey ou konnen konpetisyon i bokou partou kot ou gete konmela.  Me selman nou, nou la pou regarde ansanm avek tou Lotorite konsernen si sa van en legzanp i la i pe operate byen, i napa okenn problenm, alors why not i secure son plas e i kontiny son biznes?

 

MR SPEAKER

Mersi CEO.  Onorab Gervais Henrie.

 

HON GERVAIS HENRIE

Mersi Mr Chair.  Bonn apre midi tou dimoun.  Mon annan de pti kestyon ;- premyerman ler mon pe get zot bann target ki zot in mete, poursantaz bann training ki zot pou fer pou bann pti biznes konmanse, mon santi ti ava osi enteresan ki zot annan en target, pou anpese bann pti biznes fermen.  Parske tou dimoun i al fer biznes without knowing how difficult i ede laba deor, apre zot pa reisi.  E mon krwar zot annan en responsabilite pou asire ki sa bann pti biznes i reste ouver flote e grandi.  Sa i premye.

2enm mon annan en kestyon vizavi zot rol ennler parske mon santi pou annan bann sityasyon kot i annan bann antite i mont lo lipye kanmarad.  Mon pe dir sa akoz lot zour mon war ESA al L’Angleterre dan en zafer fashion kan mon panse CINEA ti merit ale.  Ouswa mon war SNYC pe fer training pou young entrepreneur kan mon panse zot ki ti merit fer.  I annan konmsi en konfizyon kot parfwa bann antite Gouvernman in mont lo lipye kanmarad e mon ti oule zot eklersi sa pou mwan.

E Mr Speaker an pasan mon pa kapab mank sa, parske mon’n antann CEO koz lo ex Playground bann kyosk pou vini, now enn bann konsern ki bann vendors anvil in dir, zot pa mind al laba, me parske napa bann lezot aktivite ki siport ou ankouraz piblik sorti Lari Bazar vin dan sa direksyon, zot pou ganny problenm apre nou MNA ki pou bezwen al sort out, mon ti ava kontan ou dir nou krwar ki zot pou fer pou ki sa bann dimoun i pa dan izolasyon laba konmsi zot dan en dezer apartir Desanm?  Mersi bokou.

 

MR SPEAKER

Mersi Onorab.  CEO.

 

CEO ANGELIC APPOO

Mersi Onorab.  Mersi pou ou premye rekomandasyon.  Definitivman nou set en target pou kit  biznes  afloat.  E nou osi annan bokou successful stories ki nou kapab servi konman legzanp ;- en legzanp nou annan parey Mr ek Mrs Sullivan Beau Vallon zot ti konmans depi 2005 avek sa letan SENPA, zot in grandi zot biznes ozordi zot annan zot prop outlet e ESA – SENPA in toultan la deryer zot, donn zot sa bann bon advice.  Nou annan bann kliyan ki’n benefisye ek seed capital parey laundry Bel Ombre, in benefisye e in kontinyen avek ESA – SENPA tou sa letan.  Zot ankor vin kot nou, nou donn zot advice donn zot sipor.  Nou annan Mr ek Mrs Payet osi ki dan handicraft e zot ankor la.  So sa i enn de nou bann success stories ki nou kontinyen servi zot konman legzanp pou osi promouvwar bann lezot antreprener.

Roles an term duplicatio ;-n non nou pa santi ki i annan dan Lazans duplication or  pe mont lo lipye kanmarad akoz nou tou nou travay an kolaborasyon.  E nou santi sa ki nou fer ek sa ki zot fer, nou konplimant kanmarad.  E alor nou tou nou pe travay pou menm goal.  Si SNYC i fer pou young entrepreneurs, nou entrepreneur ki pe benefisye.  Letan ESA i fer pou Fashion Week nou lendistri kiltir ki benefisye.  So i pa pou nou me i pou plito pou sa bann antreprener benefisye.

Ex Playground wi – nou osi nou’n gannyen sa bann konplent oparavan avek bann street vendors, ki zot in dir ki zot ti pe ganny en pti pe dezerte zot pa vann byen, me selman nou annan en progranm kot nou pou fer plis aktivite lo ex Playground, me selman i konpri osi met ex Playground en pti pe pli – par egzanp son resurfacing ;- en pti pe travay pou nou fer pou ki nou atrakte bokou plis aktivite lo ex Playground pou elev zot e osi permet zot vann en pti pe plis.  Mersi.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

Mersi Mr Chair.  Bonn apre midi tou dimoun lo panel mon annan de kestyon.  Enn biro ESA Praslin i annan en pe konsern pou zot kapab al fer bann vizit mon pe gete si dan sa Bidze i annan keksoz pou ki adres sa?

Apre mon 2enm kestyon se lo size kyosk ;- tradisyonnelman tou bann kyosk ki’n ganny fer i ou bann vander, me i annan en emerging business lo Praslin kote Cote D’Or kot i annan bokou bann dimoun ki fer ekskirsyon e zot bann SME zot.  Me selman mon pe gete si ESA pa kapab dan son bann progranm osi ler zot pe idantifye landrwa, sey idantifye enn Cote D’Or kot laba osi i a kapab ganny fer e sa bann dimoun i a kapab lease sa bann kyosk, dan plas pou zot al lo lans pou zot al disturb kliyan pou rod biznes ekskirsyon?  Mersi.

 

MR SPEAKER

Mersi Onorab.  CEO.

 

CEO ANGELIC APPOO

Mersi Onorab.  An term nou lofis Praslin – wi an se moman parfwa zot rankontre difikilte pou al fer vizit, me nou fer fasilite transpor pou zot akoz Praslin nou napa en transpor kot nou lofis.  Me selman nou permet zot ganny en transport allowance kot nou pey en transpor pou permet zot al lo site.  Akoz parfwa i annan menm bann sites ki en pti pe lwen or en pti pe apik kot zot pa kapab al dan bis, alor zot bezwen transpor me zot gannyen sa fasilite.

An term kyosk Cote D’Or nou ava pran an konsiderasyon ou propozisyon an plas, akoz bann ekskirsyon tou sa bann dimoun ki pe fer sa pti biznes zot osi tonm dan kategori bann SMEs.  Mersi.

 

MR SPEAKER

Mersi CEO.  Onorab Ahmed Afif.

 

HON AHMED AFIF

Mersi Mr Chairman.  Mr Chairman mon ti a kontan demann CEO oubyen PS petet si kapab eksplik nou akoz zot Bidze in sorti pou ‘’wages’’ 4.1milyon in ariv R5milyon en logmantasyon 22poursan.  Nou pe koz lefikasite la nou.  Eski zot santi ki si zot pe ogmant zis saler oubyen travayer, sa pou anmenn plis lefikasite e donn nou en zistifikasyon pou sa?  Mersi.

 

MR SPEAKER

Mersi Onorab.  CEO.

 

CEO ANGELIC APPOO

Mersi Onorab.  Nou Bidze pou ‘’wages and salaries’’ in mont par 1.2milyon.  Ladan nou annan 2 nouvo Scheme of Service ki’n vin an plas sa lannen depi Zilyet 2019.  Alors i annan 436 Scheme of Service.  Recruitment nou annan 223mil ki konpri 2 nouvo staff mon annan en nouvo Deputy CEO ki’n konmanse apartir Out apre en Manager pou Business Development.  Apre nou annan bann staff ki ti anba Kontra DPA ki aprezan in bouz avek Agency contract.  Nou annan long service allowance 144mil.  Nou annan upgrading of post dapre nouvo Scheme HR ki’n fek sorti.  Apre nou annan sa 5poursan salary increase e osi Gratwite.

An term efficacy wi nou santi ki nou bann staff pe delivre to the maksimonm.  Nou napa bokou lo new recruitment nou.  I pa kestyon quantity of staff me plito quality of staff.  Akoz la nou pe donn tou nou bann staff training opportunities pou devlop zot kapasite e pou zot kapab donn en pli bon servis.  Mersi.

 

MR SPEAKER

Mersi CEO.   PS Antat.

 

PS ANGELIQUE ANTAT

Zis pou azoute, ler nou get total biznes ki annan dan pei e an term mikro, pti. e mwayen antrepriz ki SENPA ti pe deal avek apepre 3mil biznes oparavan, la nou pe get ki ESA pe deal avek 3kar 14mil biznes dan pei.  Alors son manda in agrandi e malgre son staff in reste more or less parey, i pe deal avek plis biznes e sa ki fer ki i definitivman son valer, son saler pou monte.  Mersi.

 

MR SPEAKER

Mersi PS Antat.  Bon nou’n ariv moman pou nou pran en – Petet zis avan VP oule azout okenn-?  Vis-Prezidan oule azout okenn keksoz lo sa ki CEO PS in dir?  Non.

Bon nou’n ariv moman pou nou pran en vot lo Bidze ESA ok? E Bidze ESA i trouve lo paz –

 

(Off-Mic)

 

MR SPEAKER

Onorab mon pa’n war ou lev lanmen.  Mon’n demann Manm pou lev lanmen pou mwan anrezistre mon pa’n war ou lev lanmen.

 

(Off-Mic)

 

MR SPEAKER

Dakor mon’n mank sa, go ahead mon ava donn ou laparol.

 

HON JEAN-FRANCOIS FERRARI

Mersi Mr Speaker.  Mon a fer li vit.  Enportan – kan mon ti a kontan konnen maybe PS will be able to tell us that, kan zot dernyen certified accounts either ESA or SENPA?  Konmsi mon ti a i enportan pou nou konnen poudir zot bann kont i annord, alors sey donn mwan kan dernyen zot in fer?

Mon war poudir i annan en kantite lenvestisman piblik dan bann fasilite outlets – bann shops e bann workshops eksetera, me selman nou ti pe hope ki ESA i vin self-financing apre en serten moman, akoz Gouvernman pe met en kantite larzan.  Me selman mon war poudir zot still zot reveni i still 5.8milyon only 50percent of your running cost.  Konmsi mon ti a kontan Minis ti kapab dir nou ki i kapab fer lo la?

E enn bann Minis or  PS e enn bann kestyon ki al avek sa se, zot donn bann landrwa bann pti biznes – pti  mwayen pou devlope, apre sa biznes i vin en biznes tre profitab tre gro, me selman i still reste la dan bann fasilite.  Par egzanp napa nanryen kont sa lakonpannyen me selman dimoun i dir mon Kreolor ki’n vin en very high profitable business, i ankor pe benefisye dan en pti landrwa kot en lot dimoun ki ti kapab pe konmanse pou li kapab ganny sa.  So dir mwan ki zot fer lo la?

E finalman eski zot ganny konsilte?  Mon krwar i enportan konman en Lazans.  Par egzanp ler Tourism i vini i dir i pa byen ki en dimoun pe fer en biznes renting beach chairs, i pa byen.  Tou dimoun i monte i dir la zot pe fer bazar, dezord se pa isi se pa kwa, eski ESA at that point eski i ganny konsilte poudir be ok, annou sey gete ki mannyer nou kapab ankadre sa nouvo linisyativ ki pe arive, pou nou gete ki mannyer nou kapab fer li byen, e an menm tan ankouraz linisyativ?  Oubyen zis en lot Lazans Gouvernman  zis i vini en gran koudpye ladan e tou dimoun i antre dan en depresyon?  That’s my sa.  Mersi bokou Mr Speaker.

 

MR SPEAKER

Mersi Onorab.  CEO.

 

CEO ANGELIC APPOO

Mersi Onorab.  Nou dernyen certified accounts ti 2015 e i apre dernyen rapor Oditer Zeneral an 2017, odit pa ti kapab fini fer son audit of SENPA sa letan.  E dapre sa ki’n mete dan rapor sete akoz bann dokiman ki pa ti telman annord.  Me selman la depi ler mon vin lofis mon ti ekri Oditer Zeneral pou demande ki nou ganny audit e audit i an se moman kot nou, me selman zot in dir mwan zot kapab fer audit only from SENPA ler i ti konmanse an 2018 ziska Out 2019 zot pe fer la.  In dir  mwan pa pe kapab.  E sa   mon annan an ekrir from Lofis Oditer Zeneral ok?

An term Kreolor wi nou gannyen sa bann konsern oparavan, me selman an se moman nou ankor pe devlop en Polisi ki pou permet nou servi nou bann office space en pti pe pli meyer e ki tou artizan i kapab benefisye.  Si nou war poudir – Akoz nou limit la SMEs i up to 25million  – konpran?

So nou seek legal advice from office of Auditor General osi, e in advise nou ki as long ki Kreolor Ltd i ankor egziste par egzanp, as long ki i par anba sa threshold – i pa ankor desot  en MSME.  Me selman nou internally ansanm avek mon Board nou pe fer en Polisi pou allocation of office space e nou pe set bann term e kondisyon lo ki baz ou ganny allocate office space e a ki repriz ki ou bezwen bouze e donn loportinite en lot dimoun.

An term konsiltasyon – wi nou annan bann konsiltasyon avek bann stakeholders definitivman.  E nou osi kot nou santi ki nou bezwen donn nou lopinyon ;- en legzanp pou sa legzanp beach bed si nou annan nou lopinyon kot nou ankouraze nouvo biznes e nou pe demande ki an se moman wi Polisi i dir ou pa permet, me selman pou nou ankouraz biznes dan pei, nou bezwen aranz nou  bann Polisi, aranz nou bann Lalwa pou nou promouvwar lantreprenarya dan pei.

 

MR SPEAKER

Mersi CEO.  PS oule azout keksoz?  Go ahead.

 

PS ANGELIQUE ANTAT

Pou reponn 2enm kestyon ki konsern more or less lotonomi of ESA konmsi pou separ li avek Gouvernman, i en diskisyon ki’n deza konmanse e mon mazinen ki ESA vi ki vreman nouvo e nou pou bezwen met an plas bann striktir kot i pou kapab sustain son lekor e enn parmi i sa zafer rent kot at the moment i very concessionary.  So mon mazinen ki Board i ava fer en pe plis travay lo la e apre nou a kapab prezant avek Konsey Minis en propozisyon.

 

MR SPEAKER

Mersi PS.  Onorab Ferrari.

 

HON JEAN-FRANCOIS FERRARI

Mr Speaker ou ava permet mwan e Vis-Prezidan i ava permet mwan vreman i en problenm  pou mwan.  Mon pa pou koz pou lezot, me pou mwan e mon konnen mon bann koleg obor mwan i en problenm ler en Lazans pa fer son kont.  Alors  mwan mon ti a kontan demande kekfwa Minister Finans i kapab dir nou within sa 1 semenn ki annan, si bann oditer i on the job?

Konmsi donn nou en preliminary pou nou konnen poudir nou pa pe pas lo en sityasyon ki pa normal.   Akoz to be very honest, e mon pa anvi akiz personn – to be very honest zisteman nou lenformasyon ki nou gannyen, se ki in annan serten difikilte mazer dan sa peryod zis avan tranzisyon SENPA to ESA.

So  mwan mon ti a kontan kekfwa PS i kapab reasir nou e dir nou.  E  mwan mon ti ava dir – i parey zot ti fer pou Botanik e Botanik nou’n war poudir keksoz in rezourd.  So  mwan mon ti a kontan si PS i kapab dir nou si nou kapab hold sa vot lo la.  Nou’n fini  kriy –  nou i’n fini –

 

(Off-Mic)

 

MR SPEAKER

Be les mwan fini koze silvouple! Nou’n fini pran tou bann detay lo la. Nou pa bezwen revwar ni PS ni CEO.  Nou pa bezwen revwar zot.  Nou’n fini ariv lo tou sa.  En lasirans sorti kot Minister Finans poudir by  and large Minister Finans in pran in tyeke avek Oditer things are falling into place, nou pran en vot lo la.  E si Minister Finans i vini i dir nou i annan bann problenm mazer, nou a bezwen espere.  So sa i mon propozisyon.  Mon pa konnen ki PS Finans i annan pou dir.  Mersi.

 

MR SPEAKER

Bon ou konsern mon krwar i konsern kont lepase.  Me ESA son Bidze ki i pe prezante ki nou pe kestyonn son Bidze la pou lavenir, so –

 

(Off-Mic)

 

MR SPEAKER

… be vwala se sa.  Mon ava donn laparol PS Thesee.  PS go ahead.

 

PS DAMIEN THESEE

Mersi Mr Chair.  Issue avek kont ESA sete ti annan son prop account staff ki ti fer kont.  Me selman in raise issue avek the quality of kont ki in fer.  Prezan i kre en backlog.  Akoz si ou rapel en letan ti annan en bon pe kont ki ti annan backlog, nou ti clear tou.

Selman Oditer Zeneral i annan en lapros li, ler i annan en bon pe backlog i pa le al go back en bon pe letan pou li odite.  Sanmenm sa ki i dir i pou pran sa 2 and half years.  Selman nou ensiste ki nou kont i bezwen ganny fer, akoz nou annan en tim Liberty House Minister Finans, ki al dan Minister pou asiste ek sa bann issue koumsa.  So nou, nou  pou touzour go out kot i annan issue pou nou met kont annord.  Akoz si i annan issue ek bann kont  dan lepase i pou afekte kont sa 2 lannen.

I pou ganny pick up at some point.  Savedir nou bezwen fer sir ki tou nou kont i azour pou sa 2an ki ler odit i vini prezan sa bann forward balance i balanse.  Savedir i pou tally up li.

So nou, nou pou kapab donn komitman ki nou ava follow-up status kot in arive ek bann update sa bann kont ki pe ganny fer, pou adres sa issue quality.  Met li azour.  Met li o standar dapre ki nou sipoze fer e ki ava permet odit fer son louvraz.  E nou, nou ti ava kontan ki i go back from the last audit ki i ti fer – pa zis the last 2 years akoz nou bezwen konnen ki’n arive dan sa bann lannen osi.  Mersi.

 

MR SPEAKER

Mersi.  Vis-Prezidan.

 

THE VICE-PRESIDENT MR VINCENT MERITON

Mersi Mr Chairman.  Mon kontan ki mannyer CEO in donn son bann larepons.  In fran in onnet e in donn tou lenformasyon.  E mon kontan ki i dir ler in antre in envit lodit pou vini pou vin get son kont e sa i Ankour.  E mon krwar sa i montre bonn volonte. E  en lanvi pou asire ki tou keksoz i above board e i transparan.

E se lo sa baz ki mon krwar nou kapab byensir les pase sa mon pe demande ki zot konsidere, les sa pase – sa Bidze pase.  E apre nou ava atraver bann mekanizm ki nou annan vini nou a revwar nou travay ki an progre dizon travay lodit ki permet ki i al devan.

Epi en dernyen pwen Mr Chairman, mon krwar bann nouvo aktivite ki parler i pran plas, i bezwen pran plas dan lankadreman legal – dan lankadreman bann Polisi ki egziste e asire ki ler nou konmans en biznes nou pa pe pyetin lo serten laliberte lo serten lespas.  Sa beach bed ki ou’n nonmen la, mon krwar lotrozour ti annan en reportaz, ki montre ki tou bann parti i anvi met sa lo latab asize diskite gete ki mannyer i kapab annan son plas;- ki bann demarkasyon?  Ki bann keksoz ki nou bezwen fer ki tou bann dimoun i a santi li konfortab avek.  Se sa ki mon ti le azoute ladan.  Mersi Mr Chairman.

 

MR SPEAKER

Bon mon krwar sityasyon ki devan nou, nou kapab les FPAC i a kapab fer swivi lo la.  Onorab Ramkalawan.

 

HON WAVEL RAMKALAWAN

Mr Chairman,  mon konpran sa ki pe ganny dir, me enn bann keksoz ki nou bezwen port atansyon lo la, se ki bann fot ki ganny fer apre sa letan zot ganny dekouver napa okenn aksyon ki arive.  Apre sa nou move forward.  Nou annan legzanp Linyon Estate devan nou.   I ankor annan en gran gap la ! Selman ozordi akoz sa travay ki FPAC in fer nou koz an term zot pe rikord profitabilité, me selman i annan larzan ki’n manke avan.  Menm parey avek Botanik ki Onorab Ferrari in mansyonnen.  Income i sorti lo sa Bidze ki nou annan la devan nou la.  Income ki zot  ti sipoze ranmase i 1.2milyon.  Expected income apre ki nou’n fer travay ansanm avek Minister Finans, i 6.5milyon.

Me  i napa en trou?  Nou’n koz osi lo konpansasyon.  Lo responsabilite.  Lekel ki responsab?  Apre sa zis i vin isi dan Lasanble i demann sepa konbyen milyon.  Nou pe koz lo accountability.  E la i kler CEO in eksplik byen, PS osi tou in eksplik byen napa problenm.  Me selman sa ki nou a pe dir i annan en trou!  I annan en problenm.  E antretan sa CEO ki ti la Lazans in sanz non, lot zafer in arive, e konmsi nou fini efas tousala.  Me sa larzan lepep Seselwa?  Se sa ki nou pe-.     E souvandfwa Mr Chairman se letan nou dir tyonbo en kou se la prezan ki keksoz i ale.  Tan ki nou pa dir ‘’tyonbo en kou’’ tou keksoz i pase business as usual.  Se sa pwen ki nou pe met devan e ki nou bezwen – nou pa kapab zis taye lo sa.

 

MR SPEAKER

Mersi Onorab.  Bon mon krwar case i kler.  Case i kler.  I en case ki FPAC i bezwen kontinyen swiv de tre, tre pros.  CEO avek VP i dir ek nou, poudir Oditer i pe fer en travay ;- zot deza swiv pe fer en travay.  E relasyon FPAC avek lofis Oditer Zeneral i tre pros e nou a kapab fer sa swivi e ansanm avek kolaborasyon ESA – ok?  So this is the way forward e-

 

(Off-Mic)

 

MR SPEAKER

Non mon krwar nou kapab.  Next week i pa pou fer en diferans.  Oditer pe fer en travay la, mon pa war ki Oditer i kapab donn nou en feedback dan 1 semenn. Mwan  mon krwar pli boner se the 1st quarter next year, nou a kapab ganny en feedback avek Oditer.  Annou et rezonnab – ok?   Nou pou pran en vot lo Bidze pou ESA pou 2020, e Bidze i trouve lo paz 69 ziska 73 a en sonm R12,502milyon ki form par sa schedule.

Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Chair.  13 Manm an faver.  E personn kont.  Mersi.

 

MR SPEAKER

Mersi Madanm Clerk.  Bidze ESA pou lannen 2020 in ganny aprouve par Lasanble Nasyonal.

 

HON JEAN-FRANCOIS FERRARI

Ou permisyon Mr Speaker zis pou ganny li kler.

 

(Interruption)

 

MR SPEAKER

En moman – en moman.  Ale Onorab Ferrari.

 

HON JEAN-FRANCOIS FERRARI

Mersi. Zis  pou nou ganny li kler pou PS CEO i la PS Finans 1st quarter 2020 or earlier as soon at the accounts are ready, nou, nou pare pou nou rankontre avek zot pou nou gete.  E nou swete ki sa bann accounts i ok.  Me selman nou bezwen i nou rol pou nou revwar li, so as fast as you can fer nou ganny sa bann accounts.  Mersi bokou.  Pa pli tar ki Zanvye.

 

MR SPEAKER

Mersi Onorab.  Mon krwar i annan lantandi avek ESA.   Avek sa mon ava remersi PS Ms Antat, CEO Ms Appoo e Ms Marengo konman accountant.  E byensir Vis-Prezidan konman Minister pou sa portfolio.  PS Thésée zis gid nou briyevman pou demen PS Thésée.

 

PS DAMIEN THESEE

Mersi Mr Chair.  Pou demen nou pou annan IEA – Industrial Estate Authority.  Nou pou annan Departman Lendistri ek Devlopman Lantreprenarya ;- nou pou annan STB.  Nou’n dakor 12midi pou nou vin pran Departman Foreign Affairs.  Apre midi pou swivi avek Lazans Proteksyon Sosyal avek son bann ‘’Approved programs and benefits’’ ki trouv anba li osi e pou terminen avek National Council for the Elderly.  Mersi.

 

MR SPEAKER

Bon PS mon krwar sa pwen heavy day demen.  Me nou ava regarde konman nou kapab navige.  Bon mon ti a kontan mon ava demann Sarge pou move Mace – Committee of the whole House.  An menm tan ankor enn fwa mon ti a kontan remersi Vis-Prezidan pou fer en whole lazournen avek nou avek Lasanble.  PS Thésée, Ms Croisee ek Ms Coopoosamy mon remersi tou bann Manm e byensir SBC e tou dimoun a lekout.

Lasanble i adjourn e nou repran nou travay demen 9er bomaten.

 

 

(ADJOURNMENT)