::
Home » Verbatim » 2019 » Verbatim Tuesday 22nd October, 2019

Verbatim Tuesday 22nd October, 2019

NATIONAL ASSEMBLY OF SEYCHELLES

Tuesday 22nd October, 2019

The Assembly met at 9am

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bon mon ti a kontan dir en bonzour tou bann Manm Onorab.  Tou bann dimoun ki pe swiv Lasanble Nasyonal bomaten lo radyo, televizyon, rezo sosyal kot zot ete.  Ozordi le 22 Oktob 2019.

Mon ti a kontan osi swet la byenveni bann Manm Cancer Concern Association, ki dan Galeri avek nou.  E nou annan ozordi Bishop French Chang-Him, Mrs Patricia Francourt, Ms Gina Laporte, e Mr Jean-Luc Rose.  Byenveni parmi nou dan Lasanble Nasyonal.

Premyerman les mon dir zot ki mon mwan dan Chair ozordi, akoz Speaker, Onorab Prea i Ankour konsernan sa ka ki Gouvernman in mete kont Lasanble Nasyonal vizavi Public Service Salary Grid e quashing en S.I. 

Alor mon mazinen i pour al ase long.  E i pa pour avek nou lazournen antye.

Lo Order Paper bomaten nou annan Prezantasyon Papye.  E sel papye ozordi se S.I. 59, 2019 ki Madanm Deputy Clerk i a lir dan en pti moman.

Answit nou annan 8 kestyon ki pour ganny reponn ozordi par Minis pour Lasante, Minis Jean-Paul Adam ki pour swiv avek en Statement.  En deklarasyon par Minis lo sityasyon kanser dan pei.  E bann stratezi pour amelyor tretman e prevansyon.

Swivan sa nou pour annan en update lo bann Bills ki pending devan Lasanble Nasyonal, swivi par Mosyon.  Alors san plis tarde.  Mon a demann Madanm Deputy Clerk pour prezant nou avek sa S.I.

 

MADAM DEPUTY CLERK

Mersi Mr Speaker.  Bonzour Mr Speaker.  Bonzour tou bann Manm.  E tou dimoun ki a lekout.  I annan- actually Mr Speaker 2 papye ki pe ganny prezante.  I annan S.I 59 of 2019 Public Assembly (Speaker’s Corner) Regulations, 2019.

E apre nou pe prezant osi Report of the Auditor General – 2018.  Mersi.

 

MR DEPUTY SPEAKER

Mersi Madam Deputy Clerk.  Onorab Henrie.

 

HON GERVAIS HENRIE

Bonzour Mr Speaker.  Mr Speaker an vi ki Deputy Clerk fek pas lo sa S.I 59.  Parey mon ti’n endik ou Lofis, mon pe fer bann prosedir pour mwan table en urgent Motion with regards to the S.I 59. 

 

MR DEPUTY SPEAKER

Ok.  Nou’n koze bomaten.  So mon a permet ou table.  Mon mazinen ou’n fini anvoy li kot the Office of the Clerk. 

I paret mwan i annan en pti problenm son dan Lasanble.  Ki Manm pe dir poudir son, son nivo i en pe ba.  Si mon kapab demann IT kot zot ete pour anplifye son en pti gin.  Espéron sa i a ganny regle ase vit.

Onorab Ramkalawan.

 

HON WAVEL RAMKALAWAN

Mersi bokou Mr Speaker. Bonzour tou Manm Onorab.  E byensir bonzour tou bann Manm Cancer Concern Association, espesyalman Archbishop, Emeritus Chang-Him avek son delegasyon.

Mr Speaker zisteman, mon anvi fer en pwen an relasyon avek prezans nou bann viziter dan Lasanble.  Ki mannyer mon ganny en konpran, zot lentere spesifik,   se lo Statement ki Minis pe fer.  E sa, sa Statement lo prevansyon ek tretman kanser.  E an plis ki sa, an relasyon avek Mosyon ki Onorab Ghislain pour prezante lo la par Komite Madanm.

Mon ti pe mazinen, vi ki nou premye parti travay, se bann kestyon zeneral.  E si nou pe regard nou progranm, se 11er ki nou pour ariv kot sa Statement.

Mon ti ava zis kontan zis met sa a ou latansyon pour regarde si nou bann viziter pa ti ava pli bon- pa ti ava meyer pour nou- an relasyon avek zot progranm byensir – zot ganny envite pour ekout Question Time.

Parski pour serten i pour zot premye leksperyans.  Me kekfwa par kourtwazi pour nou bann viziter an relasyon avek zot letan;-  konmsi pour enform zot ki se 11er ki vreman zot bi pour vin dan Lasanble pour ganny akonpli e ki- konmsi zis pour met sa a zot latansyon.  Mon pe met sa atraver ou Mr Speaker e-.  Me selman byensir zot byen ganny envite.  I gou letan i annan bann viziter dan Lasanble.  Me selman se 11er ki nou pour ariv lo zot size ki vreman annan lentere pour zot.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour tou Manm Onorab ki isi prezan.  E nou bann envite dan Gallery, e tou dimoun ki a lekout.

Mr Speaker zisteman mon agree avek sa ki pe ganny propoze.  Menm Onorab Ghislain ki mover sa Mosyon lo kanser, i ti sipoze pran kontak avek Ladministrasyon Lasanble, Clerk ek ou menm yer, pour regarde posibilite.

Akoz lo lalis Mosyon mon vwar pour li i 2enm.  Zisteman koman nou bann envite i la, mon ti ava kontan mwan si ou ti pran- fer en Ruling ki ou annan power pour fer.  Ki nou pran sa Statement Minis premye e nou al Lo Mosyon.  Epi nou fer kestyon apre nou kontinyen ek lezot soz Lasanble.

Konmsi- sansan i pa donn Power sa Theme ki devan nou.  E sirtou la ki nou pe deal avek sa bann zafer kanser.  Mon ti ava vreman swete ki sa i ganny fer.  Mon pa konn ou desizyon.  Mersi.

 

MR DEPUTY SPEAKER

Bon sa pozisyon ki ou’n eksprimen, i en pti pe diferan avek sa ki Leader Lopozisyon in sizere.  Mon napa okenn pwennvi for, vreman.  Me mon ti a kontan si i annan okenn Manm ki panse nou devret petet fer Statement vin premye swivi par sa Mosyon.

Mon ti ganny en kominikasyon avek zisteman Onorab Prea ki dir mon poudir Onorab Ghislain ti pran kontak ek li.  I annan bann fason nou kapab fer sa mon mazinen.  So, Onorab Ramkalawan.

 

HON WAVEL RAMKALAWAN

Mr Speaker.  Minis, i menm Minis ki pour la dan Lasanble.  Nou napa okenn problenm.  Parski lo- I mean nou tou nou konn pozisyon lo- an relasyon avek kanser, avek sa maladi.  E an relasyon avek donn sipor pour tou dimoun ki pe- tou fanmir, tou dimoun ki pe pas dan sa sityasyon, i konsern nou tou ki la.

Parski nou tou nou ganny touse.  E alor mon napa okenn- lo nou kote nou napa okenn problenm pour komans avek Statement ki i ava fer plis sans.  Parski nou bann envite osi zot tou zot la pour sa.  Annou komans avek- annou komans direkteman avek Statement.  E sa i ava swiv par sa Mosyon.

E petet dan sa ka Mr Speaker, etandonnen ki Mosyon – Mosyon nou pa pe anticipate la, nou pe zis koze.  Etann donnen ki Mosyon li menm li i koz- konmsi pe fer sa demann avek Gouvernman pour ranforsi bann striktir ki pour detection avek tretman.  E Statement Minis i osi lo prevansyon avek tretman,  petet sa ki nou ti ava kapab fer.  Byensir avek aprobasyon Lasanble se- petet sa Mosyon i ava vin koman en rezolisyon.

Parski apre ki Minis in fer- apre ki Minis in fer son Statement, mon mazinen i pour koensid en pe avek sa ki Onorab Ghislain pour prezante, pa ti pe koz lo menm size.  I kapab annan serten repetisyon ki sa i ava vin koman en rezolisyon.  I pa a vin koman en deba.  Parski deba atraver bann kestyon ki nou pour demande ki petet nou ti ava kapab sa 2 Manm.  Sennla ki pour prezante, avek sennla ki pour segonde, zot, zot ava koze.  E apre sa nou pran en vot ki 10er edmi, 11 mwen en kar nou’n fini avek sa, pour nou komans Question Time 11er an montan.  Mersi.

 

MR DEPUTY SPEAKER

Mersi Onorab Ramkalawan.  Bon i fer toutafe sans pour nou deal avek en size ki relye avek lot.  Alor mon pare pour mwan servi Order 95 pour mon sanz Order Paper pour ki nou kapab pran sa Statement premye, swivi par sa Mosyon.  Parske zot relye tou lede.  Me nou fer li dan en fason lozik, vit ki nou dispose of sa 2 item ase vit.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker ler ou pe stand in ki ler Minis pour fer son Statement e nou pour demann plizyer kestyon.  Sa Mosyon li i pour permet nou pour al en pti pe pli lwen ki sa Statement i kapab ale.

E dan Lasanble la, nou pour annan Manm ki atraver nou leksperyans personnel, nou’n pas atraver swa en manm fanmir pros – ouswa i annan Manm menm ki’n deza a en moman donnen ganny afekte par kanser.

E mon krwar i enportan ki nou- ki Lasanble i kapab si oule debat lo sa bann leksperyans.  Akoz parfwa lafason probableman ki bann dimoun ki pe travay avek sa dan en fason striktirel, bann dimoun medikal, wi zot fer li avek tou volonte, avek tou zot mwayen, tou zot fakilte entelektyel pour zot deal ek problenm.  Me i osi enportan pour nou ekout en pe from perspektiv parfwa, ki nou bann Manm in gannyen probableman avek zot bann elektora ki’n pas atraver sa bann sityasyon.

Mwan personnelman mwan annan 2 paran ki’n soufer avek sa maladi, ki’n mor ek sa maladi.  Sa Mosyon i en loportinite pour nou osi regard lot kote sa- si ou le sa laglas.  Sa fanmir ki pe soufer.  Sa zanfan ki pe grandi.  Apre ki sa enn ki’n perdi sa manman, oubyen ki’n perdi sa papa.

So mon ti ava swete ki nou allow Lasanble ozordi pour fer en deba lo sa Mosyon, rather than ki nou annan zis en deba si oule, en pe pli kourt pour nou al ver en rezolisyon.

Mon dakor ki sa Mosyon anfen kont in devret vin en rezolisyon Lasanble.  E sa mon siport li 100poursan.  Me mon krwar ti ava meyer dan lideal e dan lespri ki nou annan, nou annan en deba.  Allow bann Manm pour fer serten lekspresyon lo sa Mosyon.  Mersi Mr Speaker.

 

MR DEPUTY SPEAKER

Ok nou ankor lo sa item Order Paper.  Onorab Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker mon krwar nou devret kapab move on.  Nou pa kapab trouv nou dan en sityasyon kot we have the cake and we eat it at the same time. 

        Nou’n dir poudir nou pour sanz Order- lord sa pour nou pran sa Statement.  Si Onorab Pillay i anvi en fully fledged debate apre en full Statement lo menm size, i – kekfwa nou devret retourn lo nou bann kestyonn premye.  Akoz you have to compromise somewhere.  You have to compromise somewhere.  E mwan mon pe demande mon krwar Leader of Government Business, in aksepte poudir nou kapab compromise, move from the Statement.  Move to the Statement to a resolution.  And then we take the questions. 

        Konmsi we can’twe can’t have- we can’t send Question Time for tomorrow for example. 

 

MR DEPUTY SPEAKER

Mon pa oule ouver en deba lo en Order Paper ki devan nou.  Nou pa la pour nou sanz Order Paper.  It’s at the discretion of the Speaker pour sanz the Order Paper.  Mon’n ekout bann pwennvi ki’n ganny eksprimen.  Mon pare pour mwan permet Statement ganny pran premye.  Swivi par sa Mosyon.  Me mon konpran-e mon toutafe konpran sa bann pwennvi ki’n ganny eksprimen par Onorab Pillay, ki kanser i en keksoz ki tromatizan.  Dimoun i annan plizyer leksperyans.

Nou tou nou apresye bezwen pour annan tou kalite tretman, prevansyon eksetera,  me selman mon krwar bokou ladan pour ganny koze dan sa Statement.

Pour annan kestyon ki pour swiv sa.  E alor mon pour preempt sa ki pour arive bomaten.  E an vi ki nou pour vreman koz lo sa size.  A mon avi nou pour vreman tous sa size an detay ozordi.  Pour annan- sa dimoun ki pour prezant sa Mosyon li menm.  I pour koz ankor lo la.  Pour annan en lot dimoun pour segonde, i pour koz ankor lo la.

Mon krwar nou koman en Lasanble, napa personn antre nou ki annan okenn dout lo lenportans sa size.  Be nou kapab pran 2 zour pour koz lo la, i pa pour sanz nanryen.  Mosyon pe demande ki i annan bann- Gouvernman i ranforsi bann striktir ki egziste.  Mon krwar tou dimoun pour dakor lo la.

So mon pour mwan annou fer li dan en fason lozik.  Toute en respectent bann dimoun ki’n soufer, lenportans sa size.  E sa lobligasyon Gouvernman pour fer sir ki i pe pran tou bann swen neseser pour anpes sa maladi propaze.

E mon krwar annou fer li koumsa.  So san plis tarde, mon ti a osi kontan dir ki dan Order Paper mon’n mank en item.  Se First Reading ‘Appropriation Bill 2020.  Sa osi i lo nou Order Paper.  Me selman nou ava ariv lo la kan nou ariv lo sa item lo Order Paper.

Alor san plis tarde.  Nou pour al direkteman lo Statement, par Minis Jean-Paul Adam.  E mon ti a demann-

 

(Off-Mic)

 

MR DEPUTY SPEAKER

Dir mwan ki Order ou pe raise sa anba la.  Onorab Pillay.

 

HON SEBASTIEN PILLAY

Mr Speaker.  Standing Orders anba Order 24, i donn ou provizyon pour varye Lord.  Me i pa donn ou provizyon pour varye lafason ki nou pou entame deba lo en size.  Unless ou donn en Ruling lo la.

Eski mon pe konpran ki ou pe donn en Ruling lo sa size.  E si mon pe konpran Onorab Ferrari byen, mwan mannyer mon konpran li from mon leksperyans personnel, kanser pa en size kot ou kompromize lo la.  Akoz ozordi ou kapab- Minis i kapab fer son Statement.  Me par egzanp mon kapab dir ou fransman Mr Speaker, si en dimoun i ganny dekouver avek en stage 1 cancer, i kapab ganny en gerizon.  I kapab ganny en gerizon.

E se pour sa rezon ki nou, nou bezwen met lanfaz lo depistaz.  E koz lo leksperyans ki dimoun i pas ladan, i klinik i ale vini.

 

MR DEPUTY SPEAKER

Onorab Pillay, annou pa al dan deba.  Mon’n fer en Ruling anba Order 95.  Mon’n fer en Ruling lo la.  nou- in ariv 9.20 nou pa ni ankor komans travay.  This is not the way Lasanble i travay.  Mon mwan pa pe al perdi letan plis ki sa.  Nou annan en papye devan nou.  Nou’n deside ki mannyer nou pour get on with the work.  Annou met lanfaz lo travay.  Mon a demann parliamentary reporter silvouple, apel Minis Adam.  I a fer son deklarasyon.  E answit nou ava pran bann kestyon, swivi par Mosyon.

Bon mon ti a kontan swet la byenveni parmi nou, Minis Jean-Paul Adam ki Minis pour Lasante.  Bomaten i ganny akonpannyen par Dr Loren Reginald, Konseye Spesyal Minis, Dr Danny Louange, ki CEO Health Care Agency.  Dr Meggy Louange Direkter Zeneral Lasante Piblik Acting Public Health Commissioner ozordi.  Mr Marty Vidot ki Personal Assistant Minis.  E Ms Nancy Tomkins ki PR Officer.  San plis tarde, mon ava envit Minis pour fer son deklarasyon.

 

MINISTER JEAN-PAUL ADAM

Mersi bokou Mr Speaker.  Onorab Mr Speaker, Onorab Leader Lopozisyon, Onorab Leader Zafer Gouvernman tou bann Manm Onorab, tou bann dimoun ki pe swiv nou deba ozordi.  E mon ti ava kontan osi akey ankor enn fwa osi bann Manm Lasosyasyon Cancer Concern ki avek nou ozordi.

E mon ti a kontan osi dir en bonzour spesyal pour tou bann dimoun ki’n ganny afekte par kanser dan en fason ou en lot.

Mr Speaker mwan Oktob i sa peryod sak lannen, kot lemonn i zwenn ansanm pour montre solidarite avek bann viktim kanser.  Pour montre sipor pour bann fanmir ki ‘n ganny touse par sa maladi.

E ozordi i fer sans ki mon menm koman Minis, koman en Manm Egzekitiv ansanm nou zwenn ansanm avek Brans Lezislatif.  E ansanm osi avek sa partenarya ki nou annan avek Lasosyete Sivil pour nou dir klerman ki nou annan sa konfyans e sa determinasyon pour nou kapab adres sa fleo kanser dan nou pei.

Mon remersye Lasanble Nasyonal, atraver Biro Mr Speaker, pour ranforsi sa moman solidarite sipor, atraver sa lentervansyon ki nou pe fer ozordi.

Mon eksprim nou lapresyasyon sirtou osi avek Caucus bann Madanm dan Lasanble, anba direksyon Onorab Chantal Ghislain.  Pour met lanfaz lo en lapros inifye dan nou pei pour konbat kanser dan tou son laform.

En diagnose kanser, i anmenn bokou kestyon pour en fanmir.  Malerezman, pa tou sa bann kestyon ki i annan en larepons.  Me sa ki nou kapab vwar, atraver nou zefor konzwent se ki i touzour annan lespwar.  I touzour annan en lalimyer.  I depan lo nou tou pour pran sa letensel, e fer li vin en laflanm.

Nou pe pran sa moman pour nou tou debout ansanm pour nou dir ki kanser pa fer nou per.  Annefe letan nou konpran li, letan nou konpran kisisa kanser?  Ki mannyer pour redwir son risk?  E letan nou konpran ki i kapab ganny trete avek bokou lefikasite.  Nou kapab dir avek konfyans ki nou pour reisir.

Mon lentervansyon i lokazyon pour mon ilistre bann diferan stratezi e linisyativ ki Gouvernman pe met an plas pour nou riz sa laflanm, e donn li ankor plis lanpler.

Mr Speaker, premyerman mon pour donn en rezimen lo nou sityasyon aktyel dan pei.  E i enportan ki nou tou nou konpran kisisa en kanser.

Kanser premyerman i konsern sa krwasans abnormal dan en group selil.  ‘Cell’s parey nou dir an Angle.  Sa bann selil ki egziste dan lekor en dimoun, e ki sa krwasans dan sa bann selil, i pa kapab ganny kontrole dan en fason normal par lekor sa dimoun.

Sa bann selil i kontinyen grandi.  E i sou anform en timer.  Parey nou dir an Angle ‘‘a tumor’’.  E sa timer i kapab anmenn plis konplikasyon.  Akoz parfwa i kapab pa koz problenm.  Me souvan osi i kapab kre bann problenm medikal ki vreman grav, ki menm anmenn lanmor en pasyan.

Sa prosesis kot en timer i propaze dan lekor en dimoun, e i anvair en dimoun.  Se sa ki anmenn en sityasyon kot i kapab okazyonn lanmor sa dimoun.  I enportan pour nou rapel ki kanser napa okenn frontyer, i napa limit.  I kapab tous nenport ki.

E se pour sa ki i telman efreyan.  Akoz nenport ki i kapab ganny afekte.  Me zisteman dan nou pei Sesel, menm si tou dimoun i kapab ganny touse, tou dimoun i kapab ganny trete.

E avek zefor ki ganny fer, sirtou am term prevansyon e pour detection boner.  Nou kapab menm evit lanmor, e asire ki dimoun i viv en lavi prodiktif.

Kanser i reprezant en problenm Global.  Dapre Lorganizasyon Mondyal pour Lasante ‘‘WHO’’’ 12.5poursan lanmor dan lemonn, i an rezilta kanser.

I touy plis dimoun ki sida, malaria ek tibi konbinen.  I en problenm dan pei devlope osi byen ki dan bann pei an devlopman.  Isi Sesel kanser i reprezant 2 lakoz bann ka lanmor apre bann kondisyon kardyovaskiler.  E i reprezant 19poursan bann lanmor ki anrezistre.

Sesel ti etabli son Rezis kanser depi 2009.  E sa Rezis i rikord tou bann ka kanser ki ganny diagnostiquer dan nou pei.  E donn nou en baz enportan pour kapab organiz tretman.  E osi prevansyon dan en fason apropriye.

Nou’n anrezistre 2002 ka kanser ant 2009 ek Zilyet 2019.  Parmi sa bann ka, 912 i konsern bann madanm.  E 1,090 i konsern bann msye.  19 ka in konsern bann zanfan ant laz 0 ziska 14an.

Parmi sa bann kanser ki’n ganny diagnostiquer, parmi bann madanm 399 in okazyonn lanmor.  E kot i konsern bann msye 590 in okazyonn lanmor.

Parmi bann zanfan, 7 kanser in termin avek lanmor sa pasyan.  An 2018 ek Zilyet 2019, nou’n anrezistre 377 nouvo ka avek 251 an 2018.

Parmi sa bann ka kanser, prostat i sa enn ki pli komen.  Byensir sa, i parmi bann zonm.  E nou’n vwar 61 nouvo ka dan sa peryod.  E sa i reprezant 35poursan tou kanser parmi bann zonm.

61 nouvo ka dan sa peryod, in konsern kanser tete.  E sa osi i reprezant 35poursan bann kanser parmi bann madanm.

Bann kanser, sa ki nou apel ‘gro trip’.  An Angle nou dir bann’ colorectal cancers.  In total 60 nouvo ka pour zonm ek madanm.  25 nouvo ka, i konsern bann kanser matris.  E sa i reprezant 14poursan bann kanser parmi bann madanm.  In annan osi 23 nouvo ka kanser poumon dan sa peryod.

An 2018;-  Mon ava zis fer en rezimen, bann kanser pli komen ki’n ganny detekte e ki pli souvan nou pe vwar.

Premye se, kanser prostat avek 61 ka. 2enm kanser tete avek 41 ka.  Bann kanser gro trip 27 ka.  E parmi dan sa 27 ka, i annan 16 zonm ek 11 madanm.  Kanser matris kot i annan 13 ka.  Kanser latet ek likou ki’n annan 13 ka.  E in annan 4 kanser parmi bann zanfan.  E sa i sirtou konsern bann kanser sa ki nou apel bann lymphoma.

Lensidan kanser pe malerezman ogmante dan nou pei,  sorti 2.3 pour sak 1, 000 sitwayen pour ariv 3.3 pour sak 1,000 sitwayen dan dernyen 10an.

Sa i koresponn avek bann fakter risk ki kontinyen ogmante.  Tel ki sa ki otour lobezite, mank legzersis, bann itilizasyon bann move konportman tel ki fimen, lalkol e labi sibstans.

Sa bann statistik i montre sa konsern ki nou tou nou annan.  Me i osi montre en keksoz tre kler.  Dan plis ki 50poursan ka, sa pasyan i sirviv.  E i kontinyen viv en lavi prodiktiv.  Sa i vreman enportan, Mr Speaker e tou dimoun ki pe swiv nou deba.  Akoz bokou fwa nou panse ki kanser i en santans lanmor.

E enn mon bann mesaz kle ozordi ki mwan anvi partaz avek tou dimoun.  Se ki kanser i pa en santans lanmor.  Dan plis ki en lanmwatye ka kot en dimoun i ganny diagnostiquer ek kanser, sa dimoun i kapab re etablir son lekor.

Enn nou bann pli gran defi.  Se ki kanser i tro souvan ganny detekte tar.  Letan en kanser i ganny detekte, bann dokter ki pe tre sa pasyan, i fer serten tes pour determin son staz lavansman.

Sa bann staz i sorti staz 1 ziska staz 4.  Malerezman lamazorite kanser ki pe ganny detekte, i ganny trouve dan staz 3 ek 4.

Me sa ki nou kapab vwar, se en amelyorasyon konstan an term detection kanser a bann staz pli boner dan bann dernyen 4an.

Zis pour montre bann statistik depi 2015.  Nou kapab vwar ki touzour bann kanser staz 3 ek 4 i pli o.  Me nou pe vwar sa bann-staz 3 ek 4 pe redwir.  E nou pe diagnostiquer plis dan staz 1 ek 2.

Alor an 2015.  67poursan bann ka ki ti ganny detekte ti lo staz 3 ek 4.  An 2016 sa in desann 64poursan.  An 2017 sa in desann 63poursan.  E an 2018 in desann 58poursan.

Nou pe met bokou zefor pour kontinyen kapab redwir- pour nou kapab detekte kanser pli boner.  E a en staz ki fer ki son tretman i pli efikas.

Me nou- i fodre ki nou note ki lefe la mazorite bann kanser i ganny detekte dan bann staz avanse.  E ki lakantite pasyan ki pe sirviv i plis ki 50poursan.  I reflekte kalite tretman ki nou pe ofer.  E osi i reflekte devouman bann travayer lasante.

Mon salye ankor zefor sa bann travayer ki permet nou kontinyen amelyore dan nou rezilta lannen- sak lannen.

Mr Speaker Gouvernman an kolaborasyon avek Lorganizasyon Mondyal pour Lasante pe finaliz en stratezi global pour kontrol kanser.  E sa pour ganny finalize lannen prosenn.  Me bokou bann eleman ki mon pour koz lo la, i deza pe ganny fer.  E i anliny avek sa stratezi ki nou pe finalize.

Sa stratezi i met lanfaz lo prevansyon e lo detection pli boner ki posib.  Nou’n deza envestir dan plizyer zefor prevansyon, ki pe anmenn benefis.  E mon pour koz lo serten sa bann lentervansyon.

Premyerman i enportan pour rekonnet ki nou Rezis kanser i la baz nou zefor pour kontrol kanser.  E pour idantifye bann stratezi prevansyon.

I annan bokou pei dan nou rezyon ki pa ankor menm etablir sa rezis.  E pour nou i an plas depi 2009.  E nou pe menm servi sa Rezis pour fer bann resers.  E serten ki’n ganny pibliye menm dan bann piblikasyon enternasyonal.

Enn bann stratezi kle ki nou’n servi pour redwir risk kanser, se atraver en progranm vaksen kont HPV ki pe ganny enplimante dan bann lekol.  E avek en kouvertir tre o.

Sa vaksen i enn bann metod pli efikas pour redwir lensidan kanser koze par HPV.  Ki an Angle nou dir, ‘The Human Papillomavirus’. 

        Nou annan osi plan pour entrodwir sa vaksen pour bann garson evantyelman ki pour osi ede redwir propagasyon sa viris.

Atraver nou stratezi pour kontrol kanser.  Nou pe viz osi ranforsi prosesis referans bann ka sorti dan bann Sant Lasante dan distrik pour vwar spesyalis.

Manm piblik in parfwa partaz zot konsern, oubyen zot fristrasyon ki bann dokter dan bann Sant Lasante pa toultan rekonnet zot konsern boner.

Zot bann sentonm pa toultan ganny asosye avek kanser.  E zot santi en fristrasyon ki zot pa pe ganny sa loportinite pour vwar en spesyalis pli boner.

Nou anvi adres atraver pli bon lenformasyon pour dokter.  Me osi pour pasyan.  Mon anvi osi fer kler ki deza dan nou sistenm aktyel, ki si en pasyan i kontinyen mank- pa pe ganny ofer en konsiltasyon ki satisfer li, ki kapab demann en lot konsiltasyon avek en lot dokter.  Swa avek en lot dokter dan sa menm Sant Lasante kot in prezant son lekor.  Oubyen atraver en lot dokter dan en lot Sant Lasante oubyen dan Lopital Sesel.

Sa demann i kapab ganny fer an personn avek Ners Ansarz dan nenport ki fasilite Lasante.  Oubyen i kapab ganny fer avek nenport ki travayer lasante responsab dan en fasilite lasante.

I kapab ganny fer an ekrir osi.  Ankor enn fwa atraver bann responsab dan bann Sant Lasante.  Oubyen direkteman avek Sef Egzekitif Lazans Swen Lasante.  En pasyan i osi kapab fer sa demann avek servis kliyan dan Lazans Swen Lasante.  E zot kapab telefonn lo nimero lopital pour zot kapab ganny pase avek sa servis.

Nou anvi osi fer kler ki en pasyan i kapab fer en lapwentman pour son tes spesifik atraver son Sant Lasante.

Par egzanp si i annan en tes ki i bezwen fer pour ganny en mammogram.  Oubyen en tel lot tes ki enportan pour screening.

Bann tes de baz pour detekte kanser tete.  E bann tes pap smear i kapab ganny fer atraver ou Sant Lasante.  E sa bann Sant Lasante i kapab osi refer ou pour bann tes pli spesyalize kot lopital parey mammogram oubyen colonoscopy.

Pandan sa mwan Oktob,  nou Sant Dyagnostik avek kolaborasyon Lasosyasyon Cancer Concern pe ofer en plis lokazyon screening pour bann dimoun ki tonm dan bann kategori pli a risk.

Menm si ou dan en kategori mwen a risk.  Ou kapab osi fer ou lapwentman pour pli tar pour sa bann tes.

Nou stratezi i osi prevwar plis formasyon pour nou bann  dokter e lezot profesyonnel dan bann Sant Lasante.  I osi vedir revwar bann gidans pour bann dokter pli byen kapab detekte kanser.

Nou rekonnet ki sa defi ki devan nou, i vedir met bokou lanfaz lo prepar nou bann dokter pour kapab adres sa bann size dan en fason sistematik.

En eleman kle dan sa stratezi.  Se pour annan en spesyalis Seselwa formen dan nou bann Sant Lasante.  E ki kapab asir sa kontinyite servis.  E osi sa leadership.

Mon tre kontan pour vwar ki i annan bokou zenn dokter Seselwa ki pe montre sa lentere pour zot spesyalize dan bann Sekter Medsin Lafanmir oubyen kominoter.

Nou anvi ki nou bann dokter Seselwa i kapab diriz zefor dan prevansyon kanser.  Sa i nesesit spesyalizasyon dokter dan oncologie.  Me i osi vedir pli spesyalis dan medsin lafanmir parey mon’n eksplike.

Pour nou pli byen kapab fer prevansyon kont kanser, nou bezwen osi pli byen konpran bann lakoz kanser.  Lensidan kanser dan nou pei, i pe ogmante lye sirtou avek bann fakter swivan:-

(1);- konsonmasyon taba.

 

(2)  Labi sibstans ki enkli drog ek lalkol.

(3)  Trwazyenmman move ladyet e konsonmasyon bann- bokou bann manze ki nou apel parfwa ‘‘junk food’’.  Oubyen bann manze ki nou apel bann ‘‘processed foods’’.

(4) Lensidan lobezite.

(5) Mank aktivite fizik dan nou popilasyon.

I enportan pour nou konnen osi ki i annan en laspe zenetik.  Me i enportan pour konpran ki menm si en dimoun i annan en risk zenetik, si i evit bann konportman a risk, i kapab redwir son risk konsiderableman.

Bann laspe zenetik globalman, dapre bann letid enternasyonal, i reprezant apepre 10poursan risk pour kanser.

Savedir ki 90poursan bann kanser i konsern bann fakter risk ki bann endividi i kapab modifye omwen an parti.

Me i enportan pour nou note ki Sesel, akoz nou pti popilasyon e bann lyen familyal tre for, nou pe adres laspe zenetik koman en fakter kle pour nou redwir lensidan kanser.

Nou pe enplimant en proze depi 2016 ki vize pour teste bann fanmir bann dimoun ki’n ganny diagnostiquer avek kanser.  E sa i enn bann stratezi prevansyon ki tre enportan pou lavenir nou lalit kont kanser.

Ziska aprezan sa letid ki dirize par Dr  Emelyn Shroff e avek sipor Ms Anne Finesse ki ansarz nou Rezis kanser, in focalise zefor lo kanser tete ek kanser gro trip.

Lo sa kanser gro trip, dan sa letid.  18 pasyan ki ti annan sa kanser in ganny teste.  13 parmi sa 18 in teste pozitiv pour bann mitasyon erediter zenetik asosye avek sa kanser.

Avek lenformasyon zenetik sa 13 pasyan, nou’n kapab tras 78 manm zot fanmir.  E parmi sa bann 78, 28 ant zot in ganny dekouver avek sa menm mitasyon erediter.  Sa i vedir ki sa bann dimoun i ot risk pour devlop kanser baze lo zot sityasyon zenetik.

E lefe ki nou’n kapab idantifye sa bann dimoun, i permet nou fer bann lentervansyon boner avek zot.  E anpes sa bann kanser devlope kot i posib.  Me osi permet sa bann dimoun pran bann desizyon enformen pour zot kapab redwir zot risk.

Bann manm lafanmir ki’n ganny idantifye atraver sa progranm, i ganny referans akseler-e pour bann progranm screening.  Akoz zot sityasyon zenetik i osi kapab met zot a risk, menm pour bann lezot kanser.  Dan sa menm letid.  Dan 16 ka kanser tete ki’n ganny etidye, zis enn ki’n demontre sa mutation zenetik ki relye avek menm kanser.

Alor nou vwar ki bann fakter zenetik, i afekte serten kanser plis ki lezot.  Me fodre nou note ki sa letid pe kontinyen.  E i annan ankor lenformasyon ki nou pour gannyen pli tar anmezir ki nou kontinyen avek sa resers.

Sa letid i permet nou idantifye dan en fason plis sistematik bann dimoun a risk.  E ed nou idantifye bann ka potansyel kanser pli boner.

E alor nou pe- atraver sa letid donn sipor pour bann Manm nou popilasyon ki pli vilnerab e pli a risk.

Nou pe osi fer sir ki detection kanser e rediksyon risk i santral dan bann lezot progranm prevansyon bann diferan Lazans- ki bann diferan Lazans Lasante pe enplimante.

Par egzanp depi lannen pase.  Nou’n komans avek progranm ki nou apel ‘‘Workplace wellbeing.’’  Oubyen ki nou apel ‘‘byennet dan landrwa travay’’.  Pour kapab ofer formasyon pour bann zofisye dan sak landrwa travay pour kapab fer bann screening de baz.  E sa i permet sa bann zofisye dan landrwa travay idantifye bann dimoun ki i annan bann fakter a risk pour kanser.  E osi alor rekomann ki sa bann dimoun i antre dan en progranm screening pli aprofondir.  Nou pour al kontinyen elarzi sa progranm dan lezot landrwa travay an 2020.

Mr Speaker nou pe osi prosennman lans en nouvo progranm konpreansiv pour adres bann maladi non-communicable.

Sa pour en progranm kle pour osi redwir risk kanser atraver idantifikasyon bann fakter a risk boner.  E osi pour fasilit konsiltasyon sa bann popilasyon pli vilnerab atraver Sant Lasante e osi bann lezot progranm.

Mon felisit bann zenn dokter ki enplike dan sa progranm.  E osi bann travayer lasante ki’n donn zot letan souvan an deor ler travay pour nou kapab mont sa progranm.  E pour nou travay avek WHO pour nou enplimant li.

Sa progranm i mars ansanm avek bann stratezi Nasyonal ki redwir osi bann risk fakter-bann fakter risk ki koz kanser.

Par egzanp nou’n servi sa stratezi ki bokou lezot pei in servi pour ogmant bann tax asosye lo lalkol ek lo sigaret.  Malgre ki sa bann tax parfwa i pa popiler, sa bann tax i demontre atraver resers syantifik dan plizyer pei dan lemonn ki i annan en lenpak.

Lenpak sa bann mezir i pa en zour ziska landmen.  I bann keksoz ki pran lefe avek letan.  Sa ki pozitiv, an sa ki konsern par egzanp konsonmasyon sigaret ek taba nou pei.  Se ki nou vwar ki i annan en rediksyon.  Me nou bezwen akseler sa rediksyon.

An se ki konsern konsonmasyon lalkol.  Nou tou nou konsyan ki nou bezwen kontinyen met zefor e double sa bann zefor pour nou redwir konsonmasyon sa bann prodwi.

An 2019 nou’n osi entrodwir sa nouvo tax lo disik dan bann labwason, dan bann limonnad, dan bann juice eksetera.  E sa i en mezir kle pour redwir lobezite ki en fakter kritik dan risk kanser.

Sa tax i osi mars konzwentman avek bann linisyativ sansibilizasyon ki pe ganny fer dan lekol, lo progranm nitrisyon.  E lo bann eleman ki en zanfan i kapab fer pour redwir son risk lobezite.  E osi redwir an konsekans son risk pour li devlop kanser.

An term prevansyon Mr Speaker.  Nou osi kontinyen met bokou lanfaz lo promosyon lasante ek bann bon stil lavi pour redwir bann risk ki asosye avek kanser.

Bann Profesyonnel Lasante in osi dedye en kantite zot letan pour donn lenformasyon lo bann diferan medya.  E en kantite dokter a diferan moman in koz lo bann diferan kanser ki nou vwar dan nou pei.

Me nou bezwen rekonnet ki sa ekosistenm medyatik ki nou annan ozordi, in evolye en kantite.  E nou bezwen annan miltiplikasyon bann fason ki nou tous tou dimoun dan nou sosyete.

Nou pour kontinyen met zefor pour eksplik dimoun bann diferan risk avek kanser.  E osi lo bann fakter kle bann kanser pli komen.

E nou osi anvi travay avek tou partner pour asire ki serten mesaz kle, i pase avek nou popilasyon.

I annan diferan kalite kanser, i annan bokou diferan lenformasyon ki bezwen ganny pase.  Me nou demande an bref ki nou met lanfaz lo 3 laspe kle.

Premyerman nou lasante i nou responsabilite.  E pli bon fason pour redwir risk kanser, se atraver en bon ladyet, legzersis regilye.  E pour redwir oubyen evit bann konportman a risk tel ki fim sigaret, labi sibstans e konsonmasyon lalkol an ekse.

Dezyenmman se pour konn ou lekor.  E vizit ou Sant Lasante ki obzerv bann sanzan dan ou lekor ki abnormal.

Trwazyenmman fer zefor pour dekouver si i annan bann ka kanser parmi ou fanmir pros.  E pran sa an kont pour kapab redwir ou risk.

Mr Speaker i annan en kantite mesaz ki nou kapab pase o tour kanser.  Me si nou reste lo bann mesaz senp.  Nou pour permet en pli bon idantifikasyon kanser, en pli bon konsyans dan nou popilasyon lo bann risk kanser.

E sa i pour permet osi atraver bann proze ki nou pe fer dan nou sistenm lasante pour amelyor sistenm referans pour bann ka kanser dan tou son eleman.

Sa i 3 mesaz de baz ki nou tou nou kapab fer zefor pour transmet avek dimoun ki pli pros avek nou.  Annou koz avek nou paran, nou zanmi, nou fanmir.  E annou pas sa bann mesaz dan en fason sistematik.

Mr Speaker,  3enm vole ki mon anvi adrese ozordi, dan nou stratezi, se pour nou adres kestyon tretman ki disponib pour kanser.  Ankor enn fwa mon pour re dir.  ki tretman kanser i annan en lenpak pozitiv.  E dan plis ki lanmwatye bann ka, sa dimoun i rekipere.

I enportan pou nou kontinyen repet sa.  Fodre pa nou langaz lo kanser, i en langaz dezespwar.  I plito en langaz lespwar.  Akoz i annan en kantite ka kot nou’n vwar dimoun i kapab bat sa fleo.

Pour diagnose en kanser, sa tes ki ganny servi.  I varye selon kalite kanser.  Me an zeneral son premye lendikasyon i komans atraver en egzaminasyon fizik par dokter.  Swivi par en tes pli aprofondi ki swa ganny fer dan en masin dyagnostik parey mamogranm pour kanser tete.  Oubyen atraver en tes disan.

Letan sa timer i ganny dekouver, en tes i bezwen ganny fer pour determin si i malign oubyen non.  E souvan sa i ganny fer atraver sa ki nou apel en ‘Biopsy’.

Byensir kot i konsern bann kanser disan.  Sa i pa enplik bann timer.  Me sa tes i ganny fer atraver en tes disan.

Depi 2018 nou’n osi etabli nou Tumor Board, ki revwar tou ka kanser e agree en plan tretman avek tou bann dokter ki enplike dan tretman sa pasyan.  Sa bann metod dyagnostik i standar en pe partou dan lemonn.  Sa bann tes dyagnostik pour souvan ganny fer par spesyalis, apre ki ka in ganny met devan son latansyon.

Sa spesyalis i varye depandan ki kalite kanser ki pe ganny adrese.  Kot i posib, sa kanser pour ganny retire atraver en loperasyon pour redwir volim sa timer, oubyen sa mass ki’n ganny dekouver e ki pe koz problenm.

Dan serten ka, sa kalite lentervansyon pa posib.  Swa akoz sa kanser in propaze dan lezot organ.  Oubyen par natir sa landrwa ki’n ganny afekte.

An gran mazorite, sa bann loperasyon e lentervansyon ki ganny fer.  I ganny fer isi menm Sesel.  Nou annan bann spesyalis ki annan bokou leksperyans pour per sa bann timer dan bann ka konsernan lamazorite bann ka kanser ki nou vwar souvan.  E sa i enkli kanser tete, kanser prostat.  Bann kanser gro trip.  Bann kanser ki konsern bann ka zinekolozik.

E osi resaman nou’n kapab fer bokou plis lentervansyon pour adres bann kanser dan likou ek latet.  I oparavan nou ti bezwen anvoy deor.  E ki aktyelman nou kapab fer sa bann loperasyon isi Sesel.  Apre ki spesyalis e sirizyen in fini fer sa ki zot kapab,  se lekip oncologie.  E sa i vedir bann spesyalis ki adres tretman kanser ki fer tretman sa pasyan an konsiltasyon avek bann lezot spesyalis.

Dan bokou ka, tretman ki atraver chemotherapy i ganny fer.  E nou kapab ofer sa bann tretman isi Sesel.  Tou bann tretman standar i disponib isi Sesel.  E nou bann rezilta parey mon’n deza dir, i ankourazan.

Dan bann ka kot en tretman atraver radyo terapi i neseser.  E sa i dan bann ka kot ou bezwen fer en tretman ki pli sible lo sa timer.

Nou fer provizyon pour refer sa dimoun aletranze pour son tretman.  E sa i dan bann pei sirtou parey Lenn ek Sri Lanka.

Dan serten ka, sa pasyan i ganny osi anvoye pour fer en lentervansyon atraver en loperasyon asosye avek sa tretman.  Me sa i ase rar.  Akoz dan lamazorite ka.  Nou pa kapab fer sa bann loperasyon isi Sesel.

En pwen ki enportan ki nou fer kler pour tou pasyan.  Se ki enn fwa ki en ka kanser in ganny trete, menm si in ganny refer aletranze par egzanp pour radyo terapi, se ki tou bann revi apre sa kanser i kapab ganny fer isi Sesel.  Akoz nou annan sa fasilite dyagnostik apropriye.

Nou annan tou lekipman neseser Sesel pour kapab fer sa bann revi.  Nou osi annan gidans ki nou aplike.  Baze lo bann standar enternasyonal letan en PET Scan i neseser.  E i enportan pour note ki se pa toultan ki en PET Scan i bezwen ganny servi.

Annefe si nou swiv bann gidans enternasyonal, en PET Scan souvan pa itil pour idantifye en lamas letan ou pe rod en kanser dan lekor en dimoun

Alor an zeneral en PET Scan pa toultan ganny servi pour idantifye.  Oubyen pour diagnose en kanser.  E i plito bann lezot lekipman dyagnostik depandan lo sa kalite kanser.

En PET scan i ganny servi pour pli byen idantifye staz en timer, oubyen progresyon en timer ki’n deza ganny idantifye.

Dan serten ka kot i neseser pour en dimoun fer PET Scan, nou fer referans sa pasyan aletranze pour sa scan.  Akoz nou napa sa lekipman isi Sesel.

Me mon oule fer kler ki si tretman en pasyan pe al byen.  Dan lamazorite ka, en PET Scan pa neseser.  I enportan pour mon souliny sa bann kestyon.  Akoz nou annan en kantite pasyan ki osi al lo zot menm.  Par egzanp dan sekter prive.  Oubyen menm al lo etranze lo zot menm, e ki demann sa bann tretman.

E sa ki nou anvi fer kler.  Se ki desizyon lo si en PET Scan i neseser oubyen non.  I en desizyon medikal.  E ki sa i bezwen ganny fer par en profesyonnel ki’n ganny- ki’n egzamin ou.

I enportan pour nou souliny sa.  Akoz- pa zis akoz en lopital i ofer ou en PET Scan ki sa i vedir ki i neseser.  I enportan ki sa i ganny refer, atraver en spesyalis ki’n revwar ou tes pli resan.

Nou pe osi anliny avek nou plan redevlopman lopital revwar lafason ki nou kapab amelyor bann fasilite spesifik pour oncologie.

Dan nou plan redevlopman pour lopital, nou annan bann lasanm spesifik ki’n ganny idantifye, ki pour ganny met a dispozisyon pour bann pasyan, bann pasyan kanser.  Bann pasyan ki sorti dan Unit Oncologie kot zot bezwen pas dan en ladmisyon.  E sa i deza enkorpore dan nou plan redevlopman lopital dan bann nouvo batiman ki pour vini a lavenir.  Pour le moman, bann pasyan kanser e oncologie ki bezwen ganny ladmisyon lopital, o maximum ki posib.  Zot ganny mete dan en lasanm prive.

Parey mon’n dir kot i posib.  Akoz parfwa nou napa ase sa bann lasanm.  Me nou sey o maximum pour nou dres sa.

Nou pe antre dan konversasyon avek Lasosyasyon Cancer Concern.  E osi bann lezot partner.  Pour nou vwar bann posibilite pour nou amelyor bann kondisyon kot bann pasyan oncologie i ganny admit par egzanp lo ward.  E sa i enkli atraver revwar bann- nou bann batiman aktyel.  E kot i annan posibilite pour nou amelyor zot sityasyon letan zot pas pour ladmisyon.

Mon profit sa lokazyon pour remersi ankor enn fwa Lasosyasyon Cancer Concern. Soroptimist, Round Table e osi byensir Gouvernman Sesel ki’n met larzan pour kapab fer renovasyon resan nou sant, nou Unit Oncologie ki pe ofer tretman pour tou bann pasyan ki annan kanser, e ki nesesit pran chemotherapy e lezot tretman.

Anliny avek ranforsman bann tretman ki disponib.  Nou pe kontinyen revwar bann fasilite e formasyon staff pour bann tretman ki nou apel ‘‘palliative care’’.  Ouswa sa swen ki ou ofer bann pasyan ki malerezman dan staz terminal.

Nou Hospice ki baze North East Point i ofer en servis ki adres sa bann bezwen.  E nou pe prevwar pour nou agrandi li atraver proze pour renovasyon nou Sant, nou Lopital North East Point.  Nou osi anvizaze a lavenir pour kapab ofer sa servis lo Praslin dan prosen 3an.

Mr Speaker, Gouvernman pe kontinyelman osi travay pour redwir lakantite ka ki bezwen ganny refer aletranze.  Nou pe pourswiv demars pour idantifye en partner pour devlop sa lopital spesyalize Providence.

Anliny avek letid préfaisabilité ki nou’n deza fer, nou ekspekte ki sa lopital i kapab osi ofer bann servis tretman kanser pli spesyalize. Sa letid préfaisabilité in regard par egzanp posibilite pour met an plas bann servis radyo terapi.

Nou bezwen regard osi sa posibilite anliny avek bann letid ki’n ganny fer resaman par Lazans Enternasyonal pour lenerzi atomik, ki’n met devan serten konsern ki nou bezwen pran an ker kot i konsern zesyon bann materyo radyo aktiv.

Me nou annan konfyans ki atraver sa proze ki nou pe fer, e kot nou pour envit en lenvestiser enternasyonal pour envestir dan en nouvo lopital ki nou pour kapab ofer plis servis spesyalize isi menm Sesel pour bann pasyan ki pe fer fas avek kanser.

Apre vizit ki mon’n fer resaman dan Lenn.  I annan plizyer lopital ki’n pare pour envestir pour met an plas bann fasilite tretman spesyalize.  E sa i enkli bann tretman radyo terapi pour kanser, pour konpleman bann tretman ki nou deza annan isi Sesel.

Lamazorite ka ki pe ganny refer pour tretman aletranze, i bann ka kot zot bezwen fer radyo terapi.  E sa lenvestisman pour permet sa fasilite vin- nou espere ki sa lenvestisman ki en partner i pour kapab fer pour kapab ofer sa servis isi Sesel.   E i pour osi fasilit sa provizyon lekspertiz neseser pour fer fonksyonnen bann tel lekipman dan nou konteks isi Sesel.

Mr Speaker e tou bann Manm Onorab,  pour terminen mon pour remet lanfaz lo sa responsabilite ki nou tou nou partaze pour nou konbat kanser dan nou pei.  Nou annan en kantite pour nou fer.  Me sa latas pa enposib.  O kontrer nou kapab vwar deza ki nou’n kapab akonplir bokou, menm parfwa letan resours i sere.  Nou vwar ki bann kou, bann kou lenvestisman zis lo latizann kanser i kontinyen ogmante.

An 2018 nou’n depans plis ki R10 milyon zis lo sa latizann ki nou servi dan Unit Oncologie.  E sa nou pa pe kont bann tretman ki nou anvoy aletranze.  E sa i reprezant en kou par pasyan ki plis ki R300mil.

Me nou annan menm bann ka kot en kou pour zis en pasyan i kapab o pros pres avek R1milyon.  Sa bann kou i konsekan.  E bann kou pe kontinyen ogmante.  E anmezir ki nou vwar bann nouvo tretman ki vin disponib, nou ekspekte ki sa bann kou pour kontinyen ogmante.

Nou bezwen kler ki pa tou tretman ki posib dan en sistenm servis piblik.  E nou ava note ki i annan bokou Lenstitisyon dan lemonn ki osi pe ofer bann tretman ki eksperimantal oubyen ki pa ankor ganny sertifye dan en lanvironnman lasante piblik.

Nou lapros dan Minister Lasante e dan Lazans Swen Lasante, se pour met lanfaz lo bann tretman ki’n ganny prouve ki i donn en meyer rezilta vizavi bann pasyan ki pe soufer avek kanser.

E nou servi sa bann- e Board Tretman- Board, Tumor Board e osi Board Tretman pour Tretman aletranze zot regard sirtou bann rezilta sa bann diferan tretman, pour kapab fer en desizyon lo ki tretman ki kapab apropriye pour en pasyan.

Mon profit sa lokazyon osi pou dir ki i enportan ki nou ekout bann fanmir ki’n perdi enn son pros avek kanser.  I enportan pour nou partaz zot douler, pour nou partaz zot soufrans.  E pour nou ofer nou sipor e nou solidarite.

E nou zisteman eksprim nou determinasyon pour touzour amelyore e ou fer meyer opsyon posib pour nou popilasyon.

Mon remersye ankor enn fwa tou bann partner Minister Lasante ki kontinyen siport nou dan sa parkour.

Nou remersye sirtou Cancer Concern Association pour zot dinamizm.  E tou son bann volonter ki travay avek nou bann Profesyonnel Lasante.  Nou pe fer en diferans ansanm.  E nou apresye sa sipor.

Nou salye osi tou bann Profesyonnel Lasante ki dedye zot lekor avek sa lalit.  Zot donn en kantite zot prop lekor dan sa travay.

I pa fasil pour ou debout devan en pasyan kanser e koz avek li lo en sityasyon kot i kapab perdi son lavi.  E mon salye ankor sa zefor sa bann travayer e nou remersye zot pour tou sa ki zot fer.

E pour terminen.  Mon remersye Caucus bann Madanm dan Lasanble.  E Lasanble an antye pour zot siport pour nou kontrol kanser dan nou pei.  E pour nou siport tou bann dimoun ki’n ganny afekte.

Nou espere ki sa Mosyon ki pour ganny prezante, prezante prosennman, pour osi permet nou travay ansanm pour kontinyen travay ansanm dan sa lalit kont kanser.  Mersi bokou pour swiv mon lentervansyon.   E ki nou espere ki nou kapab servi sa bann diferan pwen ki nou’n met devan pour mobiliz nou tou dan sa lalit kanser- kont kanser pour nou amelyor prevansyon, pour nou amelyor tretman.  E pour nou tou debout ansanm kont kanser.  Mersi bokou. 

 

MR DEPUTY SPEAKER

Mersi Minis Adam pour ou prezantasyon e ou deklarasyon.  Bon mon pour permet serten kestyon pour ganny pran par bann Manm e bann ki i annan kestyon, mon ava zis pran zot non.  Onorab Ernesta.

 

HON PAUL ERNESTA

Thank you Mr Speaker.  Mr Speaker anba Order 79 mon oule move ki nou move into Committee Stage, ki sa ki i ava permet nou kapab pli byen eksplor sa size e kapab ed nou konpran pli byen lo tou bann laspe ki Minister in prezante dan son Statement ozordi bomaten.  Mersi Mr Speaker.

 

MR DEPUTY SPEAKER

En pti moman.  Onorab Ferrari.

 

HON JEAN-FRANÇOIS FERRARI

Mr Speaker let’s be serious.  Let’s be serious.  Nou- Minis i la.  Ler ou dan Committee Stage– ler ou dan en Statement ou pa ale dan Committee Stage.

 

(Interruption)

 

HON JEAN-FRANÇOIS FERRARI

So annou-

 

(Interruption)

 

HON JEAN-FRANÇOIS FERRARI

Minis in fer son Statement, e Minis i ava donn bann leksplikasyon en pe pli detaye lo sa bann Statement ki in fer.  So mwan mon konsernen par gestion letan pour nou travay pour sa semenn.  So let’s be effective dan nou letan.  Mersi.

 

MR DEPUTY SPEAKER

Mersi Onorab Ferrari.  Onorab Ernesta.

 

HON PAUL ERNERSTA

Mersi Mr Speaker.  Mr Speaker bokou presedans in ganny kree in The House baze lo sa size.  E an menm tan pli boner nou’n ganny koupe par lefe nou ti annan sa sans kot nou ti’n prepare pour nou Mosyon lo sa size,  e ou’n donn en Ruling pour nou kapab al lo Statement.

E baze lo sa Mr Speaker nou tou Manm ki la isi dan sa lasal prezan, nou annan serten lentere an partikilye a ker lo sa size.  E sa i osi ed nou pour nou kapab eksplik nou bann dimoun- ek nou bann dimoun, nou constituent ganny plis lenformasyon lo sa size, kapab ed zot so ou war la Mr Speaker.  Baze lo sa ki mon pour demann ou kind consideration.  Thank you Mr Speaker.

 

MR DEPUTY SPEAKER

Mersi Onorab Ernesta.  Bon i annan en request pour nou al dan Committee Stage.  Eski request i ganny segonde?

 

HON SEBASTIEN PILLAY

Mr Speaker mon segonn sa request pour ki nou kapab allow osi bann eksper medikal pour ed piblik an deor konpran kwa ki pe pase ler zot rankontre serten sityasyon, e konnen ki pour zot fer.

Mr Speaker mon pa konnen akoz Lasanble pe vwar sa koman en gaspiyaz letan.  I pa en-.

 

MR DEPUTY SPEAKER

Annou pa al dan sa bann eleman.  I annan en request pour al into Committee Stage i ganny segonde.  Eski nou kapab pran en vot lo, si nou pour al dan Committee Stage?  Tou Manm ki an faver?  Eski i annan okenn Manm ki kont?  Deputy Clerk ou a donn nou result.

 

MADAM DEPUTY CLERK

Mersi Mr Speaker.  Mon’n rikord 14 Manm ki’n vot an faver.  E 13 ki’n vot kont.  Mersi.

 

 

MR DEPUTY SPEAKER

Repete, 14 Manm.  E- Savedir e 15 kont?  13 kont.  Ok savedir nou pour al dan Staz Komite.

 

(APPLAUSE)

 

MR DEPUTY SPEAKER

Ok.  Mon pe pran bann non pour bann Manm ki pour al- ki ti anvi, okOk.  Mon’n ganny lalis non.  Mon a demann Serzan pour bouz nou dan Committee Stage.  Mersi Serzan.  Onorab Paul Ernesta.

 

HON PAUL ERNESTA

Mersi Mr Speaker.  Mr Speaker permet mon pour demann Minis.  Pli boner in koz lo sirtou bann viktim ki ganny afekte ek kanser.

Nou konnen bokou fwa dan sa fanmir, i annan bann dimoun osi ki anmenn bann sipor dan fanmir kot zot- kot sa viktim in ganny afekte.  Eski zot annan okenn sipor adisyonnel ki zot donnen?

Par egzanp- akoz nou konnen en dimoun ki pa’n prepare in ganny afekte, apre sa fanmir- mete en msye son madanm in ganny afekte ek kanser,  e pour li deal avek sa sityasyon.  I osi for pour li.

I ganny afekte psikolozikman e menm kapab perdi lespwar.  I annan en ta lefe ki i arive ek li.  Si zot annan bann sipor adisyonnel ki zot anmennen pour sa fanmir, pour zot kapab prezan letan i ganny sa sipor pour kapab ed sa manm ki’n ganny afekte.

Akoz si pa ganny en proper sipor avek sa manm fanmir e sa i kapab ede dan detriment– si ou oule akseler son maladi.  Si zot annan sa sipor quelconque.

E apre Minis.  Ou’n dir- ou’n donn en seri.  Mon krwar ou’n nonmen ki lannen pase in annan 300 ekek ka.  Depi 2009 depi ler zot in fer zot lalis, ki peryod ki’n annan plis ka anrezistre?  E osi ki peryod ki zot in annan anrezistre plis ka lanmor baze lo kanser?

E trwazyenmman lo sa laspe zenetik, ki kalite bann kanser- taler ou’n nonm 5 ka en case kot zot in fer bann swivi.  Ki kalite bann kanser ki ganny konsidere koman bann kanser zenetik?  Mersi Mr Chair.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  Nou tre konsyan sa kestyon sipor pour bann manm lafanmir.  E o maximum ki posib, letan par egzanp i annan en konversasyon otour sa diagnose kanser.  Sa an zeneral i ganny fer- sa pasyan i ganny envite pour li anmenn en manm fanmir pour diskit sa size.

E ankor letan pour fer plan tretman, i enportan o maximum ki posib dan serten ka, i annan dimoun ki pa kontan par egzanp koz lo son maladi ek lezot dimoun.  E ki anvi gard li en sekre.

Sa i toultan vin swa sa endividi.  Me mon krwar tou bann dokter poudir ki i touzour dan lentere sa pasyan o maximum pour li annan li en sistenm sipor o tour li.

E o maximum ki nou kapab, bann dokter ki dan lopital, zot esey donn sa konsey avek sa pasyan.  E osi avek son fanmir o tour li pour zot kapab konsey sa fanmir osi ki mannyer zot kapab pli byen siport sa pasyan.

Nou osi ofer servis counselling avek psikolog kot i neseser.  Sa i kapab pour sa pasyan li menm.  I kapab osi pour bann manm lafanmir.  Akoz parfwa bann manm lafanmir osi i ganny afekte.  E sa i kapab pandan sa maladi, pandan sa tretman, oubyen si sa dimoun osi pa’n reisi.  I annan sa servis osi ki disponib.  Nou kapab vwar ki parfwa dimoun i en pe reziste pour servi sa servis.  Akoz dimoun i asosye parfwa, ki si ou pe vwar en psikolog ki sa i en keksoz ki ou- ki fer ou en pe kanmi.  Me nou anvi ankouraz dimoun ki sa i en keksoz ki ou kapab fer, ki ed ou pour adres sa maladi.  Oubyen menm siport ou bann fanmir.

Bann lezot sipor ki nou ofer parfwa, se dan serten ka nou donn referans avek par egzanp servis nitrisyon.  Akoz bann eksper lo nitrisyon i kapab osi gid sa bann pasyan kanser lo ki mannyer zot kapab adres bann problenm manze pandan zot tretman.  Akoz souvan sa i ganny difikilte.

Nou osi travay avek Cancer Concern ki donn zot sipor;-  ki pa kapab refer zot par egzanp avek en dimoun ki’n deza pas dan kanser.  En kanser similer, kapab donn zot konsey.  Kapab gid zot lo bann keksoz ki zot kapab fer.

E i annan diferan stratezi psikolozik ki ganny servi dan Unit Oncologie pour vwar- pour sa pasyan vwar ki li i aktiv dan sa lalit kont sa maladi,  e ki pa zis pasiv.  Ki li menm li i kapab fer en kantite atraver son regar psikolozik pour li konbat sa maladi.

Nou osi ofer atraver bann sipor bann diferan Legliz, bann sipor spirityel.  Referans avek bann per kot i neseser;-  depandan lo swa ki sa pasyan i annan.

An se ki konsern ki lannen kot nou’n vwar plis ka;-  sa ki nou vwar se ki i annan en logmantasyon gradyel.  Savedir sak lannen i annan en pe plis.

Mon pa’n ganny sa lalis sif konplet, pour mwan kapab dir ki lannen total ti annan plis.  Selman mon krwar i probableman 2018.  Sa logmantasyon i gradyel.  I pa bann- en kantite plis ka.

I gradyel e dan mon Statement parey zot in tande.  Mon- nou lensidan kanser in sorti 2.3 pour sak mil dimoun an 2009 pour vin 3. 3 pour sak mil dimoun an 2019 dan en peryod 10an.

Sa logmantasyon i konsekan.  Me i osi koresponn avek- si ou regard bann pei OECD;- par egzanp  bann pei ki i annan bokou bann problenm, bann maladi non-kominikab.  Bann maladi non-transmisib.  Bokou sa bann pei i annan lensidans kanser ki similer.

Pour bokou sa bann pei, zot mezir zot- son lensidans par 100mil dimoun dan plas par mil dimoun,  akoz zot popilasyon li gran.  Me si ou pran legzanp Royaume-Uni, United Kingdom son lensidans si mon pa tronpe i apepre en 300 par 300mil ki koresponn preski parey avek pour nou.

E 300 lo 100mil.  E alor nou vwar ki sa lensidan kanser i kontinyen ogmante, lakantite ka i kontinyen ogmante ptigin par ptigin.

Me nou pe osi amelyore an term lafason- dyagnostik pour kanser.  Alor osi- e menm petet nou ava fer rapel dan letan nou granparan, i annan dimoun ki petet menm ti mor avek kanser san zanmen ganny en dyagnostik kanser.

Osi nou pe vwar dimoun pe viv pli lontan.  E sa i vedir ki sa i osi en fakter dan logmantasyon dan lensidans kanser.

An se ki konsern bann fakter zenetik.  Nou letid deza i montre ki dan kanser gro trip, ‘‘colorectal cancer’’ an Angle, Sesel sa i annan en lensidans vreman kler, en mutation zenetik vreman for.

Alors par egzanp en dimoun ki pe kout nou ozordi, si ou konnen i annan dimoun dan ou fanmir ki’n annan kanser lo- dan gro trip, si zot pa ankor fer screening.  Si zot pa an kontak avek en profesyonnel Medikal, i enportan pour zot annan sa kontak, e pour zot vin devan.  Enternasyonalman i annan bann lyen for osi dan kanser tete.

Sesel parey mon’n dir dan mon lentervansyon.  Pour le moman nou letid in montre zis 1 ka kot sa mitasyon i prezan.  Me sa i pa vedir ki sa i konplet.  Akoz nou letid i kouver zis en serten kantite ka.  E ou bezwen annan lamas sa bann ka pour ou kapab determin a lonterm sa bann rezilta.

Me nou vwar Sesel ki probableman son laspe zenetik i petet i pli prevwayan ki dan lezot pei.  Me fodre toultan nou rapel dimoun ki sa laspe zenetik i mars ansanm avek sa bann risk, ki konsern stil lavi.  E nou tou nou kapab fer en zefor pour redwir sa risk.  Menm si, si ou annan sa fakter zenetik ou kapab redwir ou risk atraver desizyon ki ou pran.  Mon pa konnen si bann dokter i anvi azout lo la.

 

MR DEPUTY SPEAKER

Dr Louange.

 

DR DANNY LOUANGE

Mersi Mr Speaker.  Bonzour tou bann Onorab.  E bonzour bann manm piblik ki pe ekoute.  Mersi Mr Speaker.  Mon pour koz lo an ki konsern zenetik.  Sa 3enm kestyon lo erediter e zenetik.  Parey Minis in dir, Sesel nou pe- nou’n komans en proze ki bor nou pe get bann kanser ki erediter.  E i annan bann sanzman zenetik.  E laplipar bann kanser ki nou’n detekte, i colorectal e bann kanser gro trip.

Nou’n osi vwar en ka dan bann kanser tete ki sa kod zenetik i aparet dan en fanmir.  Me bann lezot ka ki osi i annan en bann kan ki osi klasifye as a en bann kanser erediter, i gastric.  Savedir kanser lestoman.  ‘Gastric’ parey nou dir an Angle.  Kanser tete i osi konsidere koman en kanser erediter.

Apre i annan en bann lezot ki i en pe pli rar.  Parey kanser ronnyon.  En serten kanser ronnyon.  Apre i annan bann kanser dan bann zanfan osi.  Me pour le moman nou pe fer dan kanser gro trip ek kanser tete, e pli tar nou pour move lo fer bann tes dan bann lezot kanser.

E osi lo sa ki konsern trends dan kanser, pandan lannen.  Nou’n vwar i en ogmantasyon avek-toulezan nou vwar en logmantasyon.  Me mon krwar ou kestyon osi ti relye avek si i annan okenn increase dan en parti dan lannen.  Nou’n vwar ki sa trend i apepre parey throughout the yearSo napa en- nou pa’n idantifye en partikilye mwan ki bor kanser i plis.  Mersi Mr Speaker.

 

MR DEPUTY SPEAKER

Mersi.  Onorab Ernesta.

 

HON PAUL ERNESTA

Thank you Mr Chair.  Mr Chair petet Minis zot kapab eksplik nou.  Mon krwar zot- baze zot pe dir ki- eski zot annan kapasite pour kapab deal, pour fer fas avek tou sa bann keksoz zot pe fer-pe deal avek?

E dezyenmman.  Petet sa, pran li koman petet en sizesyon.  Mon konnen i annan bann ka.  Par egzanp bann madanm ansent ki zot fer tou bann tes, komansman pour kapab detekte tou sa.  E sa ki osi kapab ede dan sa petet sa rezolisyon ki nou pour vin avek pli tar.

Why not petet Minister Ouswa si zanmen zot annan, konsidere pour met bann tes obligatwar si oule?  Koman bann dimoun i vini pour nou kapab detekte- e sa i kapab ede pour nou kapab detekte tou sa bann kanser boner.  E deal avek accordinglyThank you Mr Chair.

 

MR DEPUTY SPEAKER

Mersi Mr Chair.  Onorab.  Minis oubyen…?

 

MINISTER JEAN-PAUL ADAM

Mersi bokou Mr Speaker.  An se ki konsern resours neseser.  I annan keksoz ki nou’n byen etabli si nou regarde.  Par egzanp nou’n batir sa kapasite pour tretman dan en fason sistematik.

Nou’n pran en lenvestisman dan bann tretman avanse.  Nou’n amelyor bann lentervansyon ki posib isi Sesel.  Nou’n bouz dan direksyon bann nouvo tretman anmezir ki i ganny sertifye enternasyonalman.

Alor nou’n ogmant nou kapasite dan en fason sistematik.  Resours imen i touzour en kontrent.  Nou bezwen met bokou lanfaz lo resours imen.

Parey mon’n dir nou- e sa i a tou nivo.  E premye nivo- petet nivo pli enportan se a la baz dan kominote.  Dan nou bann Sant Lasante pour nou anmenn dokter spesyalize.  E o maximum ki posib Seselwa.  E nou vizyon se zisteman pour annan plizyer sa bann dokter spesyalize dan medsin lafanmir dan sak Sant Lasante, ki kre en sistenm referans ki pli for ki sa ki nou annan deza.  Sa i en landrwa ki nou kapab idantifye.  Ki i annan serten gaps ki nou bezwen amelyore.  Nou touzour bezwen regard fason pour nou amelyor dyagnostik atraver par egzanp bann lekipman.  E sa i vedir formasyon bann spesyalis dan radyolozi.  Me nou annan deza ki lo formasyon.

Nou annan dokter ki pe spesyaliz dan sa sekter.  E ki pe retourn Sesel prosennman.  E nou pe kontinyen idantifye bann zenn dokter kapab al spesyalize dan sa bann size.

An se ki konsern bann tes obligatwar.  Nou pe etidye lafason ki nou kapab met sa an plas.  I touzour difisil- bokou bann tes pour kanser i bann tes ki vreman invasive.  I pa- i bann tes ki vedir ki sa dimoun i bezwen vreman enplik son lekor a en o nivo.

E- me nou anvi bouz dan en direksyon kot bann dimoun ki dan sa kategori pli a risk.  I annan en- i pa neseserman obligatwar dan Lalwa.  Me i annan sa sans ki tou le lannen ou bezwen fer sa tes.  Akoz zisteman ou tonm dan sa kategori risk.

E si nou regard sa ki no pe deza fer dan sa progranm zenetik.   Nou pe fer li koumsa avek sa bann dimoun.  E pe montre zot atraver sa risk, ki lenportans pour zot fer sa screening.

 

MR DEPUTY SPEAKER

Dokter Reginald.

 

DR LOREN REGINALD

Mr Speaker mersi.  Kanser pa swazir laz.  Kanser i kapab ariv a nenport laz.  I annan en kalite kanser ki apel case kanser testikil.

E kanser testikil dan bann zonm ou kapab prevnir.  Ler en zanfan i ne, i sipoze annan son testikil dan son sak.  Ler en zanfan i ne, son testikil pa dan sak.  Dan premye 8 mwan nou bezwen opere, met li dan sa sak.

Akoz si nou pa opere pour fer li retourn dan son plas.  Definitivman sa dimoun en grandissant i pour ganny en kanser.  Savedir kanser testikil dan bann zonm, i kapab ganny prevnir.

En lot pti keksoz ki mon oule dir, se ki kanser pa fer fermal.  E la lenportans, diagnose li avan nou santi douler.

I annan kanser pancreas.  Kanser pancreas.  Kanser pancreas can be very deadly.  I en kanser ki agresiv.  E bokou fwa i ganny diagnose tar.  Akoz?  Pancreas i par deryer nou ledo.  I pa dan nou vant.  I par deryer.  E souvandfwa ler nou santi li, i bokou tro tar.  Sa bann pti douler ki nou gannyen souvandfwa deryer nou ledo, nou vomi, nou ganny ladyare.  Me nou pa ganny douler.  I enportan ki nou al kot nou bann klinik, nou fer en checkup.

Kanser lefwa.  Kanser lefwa i annan en gran Lasosyasyon avek lalkol.  Ler nou servi bokou lalkol, nou lefwa in ariv en staz i apel cirrhosis.  Savedir i vin en ros. E si nou kapab prevnir sa, nou prevnir kanser lefwa.  Mersi Mr Speaker.

 

MR DEPUTY SPEAKER

Mersi Dokter.  Onorab Clive Roucou.

 

HON CLIVE ROUCOU

Mersi Mr Speaker.  Bonzour tou dimoun ki a lekout dan lakour.  Mr Speaker mon anvi demann Minis, an vi ki in koz lo prevansyon ek tretman.  E in avoue ki staz 3 ek 4 i ankor reste o menm.

Alors mon anvi demann Minis.  Aktyelman konbyen oncologist ki pe travay dan ou Unit.  E konbyen ners ki’n spesyalize dan oncology ankor ki dan sa Unit?  E eski ou Minister p planifye pour annan okenn bann sparesub specialty dan oncology silvouple?

Epi Minis in fer referans avek resers.  Mon anvi demann Minis.  Ki kalite resers ki son Minister in fer?  Kan sa ti ganny fer?  E kan, e kote in ganny pibliye?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Eskiz mon Mr Speaker e Onorab.  Ou pa mind repet dernyen parti ou kestyon?  Mersi.

 

MR DEPUTY SPEAKER

Mersi.  Onorab Roucou.

 

HON CLIVE ROUCOU

Minis wi.  Ou’n fer referans avek resers, mon krwar ki Minister Lasante in fer.  Mon anvi demann ou ki kalite resers ki Minister in fer?  Kote in ganny fer?  E kote in ganny pibliye?  Silvouple.  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  An se ki konsern lakantite oncologist.  Nou annan enn spesyalis oncologist sorti Cuba ki aktyelman konsiltan dan Unit Oncology.  Nou annan osi en dokter Seselwa ki pe viz pour spesyaliz dan Oncologist ki travay dan sa Sekter.

E nou annan plizyer lezot dokter ki travay o tour sa Unit.  Me a la baz nou annan 2 dokter kle ki travay dan sa unit.

I enportan pour nou vwar tretman pour kanser pa koman zis oncologist.  Akoz oncologist i sa Unit ki adres sa kestyon tretman o moman kot ou’n fini fer-si i annan loperasyon pour fer.  E ki ou pe pas dan tretman par egzanp chemotherapy.  E sa moman kot oncology i enplike baze lo desizyon ki’n ganny pran lo Tumor Board, lo ki mannyer pour fer tretman sa pasyan.

Me letan nou pour regard bann resours imen ki nou bezwen o tour tretman kanser.  Nou bezwen prioritise par egzanp bann zefor dan kominote ki mon’n deza koz lo la.

Nou bezwen annan ankor spesyalis ki adres- ki sirtou spesyalize dan bann diferan loperasyon kot i konsern kanser.  E nou annan serten dokter ki pe al spesyalize zisteman pour kapab fer sa bann lentervansyon.  E nou annan- nou bezwen osi annan sa bann oncologist.  E nou bezwen osi bann ners ki spesyalize dan oncology.  E nou annan plizyer bann ners ki pe travay dan sa Unit ki pe fer sa travay deza.  E ki’n ganny serten formasyon vizavi oncology.

An se ki konsern sa resers,  i annan en papye ki’n ganny pibliye.  Mon’n sey rod en pti kou la dan mwan bann papye.  Mon pa pe vwar son lyen.  Me mon ava rod en fason pour met li a dispozisyon.  E petet met li lo medya sosyal.

Akoz nou ti publie sa papye- petet mon ava demann Dr Louange apre pour koz en pti pe lo la.  Akoz i konn plis detay lo sa letid ki’n ganny pibliye.

E sa in ganny pibliye enternasyonalman baze lo nou Rezis kanser.  Nou annan osi sa letid entern ki Dr Shroff pe anmennen.  Ki plizyer moman in fer serten prezantasyon piblik lo rezilta sa resers ki i pe fer.

E sa bann lenformasyon ki nou gannyen atraver sa resers.  I osi ganny pibliye dan Rapor Anyel ki Minister Lasante i fer.

Mon krwar petet, i annan lot bout kestyon ki mon’n manke Onorab.

 

MR DEPUTY SPEAKER

Mon krwar ou’n reponn tou lede kestyon Minis.  Se bann spesyalis.  Konbyen oncologist i annan.  Eski zot spesyalize?  E finalman si i annan okenn papye resers ki’n ganny pibliye?  Kan?

So nou a esper Dr Louange.  Mon pa konnen lekel dokter Louange ki pour reponn.  Msye?  Madanm?  Madanm Louange.  Dr Louange.

 

DR MEGGY LOUANGE

Bonzour Mr Speaker, e mersi.  Bonzour tou Onorab.  Bann resers ki’n fer.  Nou annan sa Cancer Registry ki i annan plis ki 10an.  So i annan piblikasyon.

Off my head, mon pa pour dir egzakteman dan ki zournal.  Me selman mon kapab fer ou an akse avek sa bann piblikasyon Onorab Roucou.

Apre Dr Emelyn Shroff i ape travay an kolaborasyon avek Liniversite Stanford.  Ok.  Mersi.

 

MR DEPUTY SPEAKER

Mersi.  Bon in ariv 10er.  Onorab- pardon Dokter Danny Louange.

 

DR DANNY LOUANGE

Mersi Mr Speaker.  An se ki konsern sa resers ki nou pe fer currently lo genetic testing pour bann endividyel ki high risk of cancer.  Sa i ongoing. 

Parey Dr Louange in dir.  I annan bann piblikasyon lo nou Registry.  Me sa ki pe go on.  Sa ki pe run la.  Sa resers ki pe ganny run, i lo germ cellsgerm line mutation pour bann fanmir ki at high risk of cancer.

So nou’n teste apepre plis ki 100 endividyel.  E in ganny detekte- sa bann endividyel in ganny idantifye, akoz zot relasyon avek en fanmir ki’n ganny kanser.

E parey nou’n fer monte- parey in ganny mansyonnen pli boner.  I plis lo kanser gro trip e kanser tete.

E sa i osi i anliny avek en lot progranm ki nou pe fer, ki apel ‘‘genetic counselling’’.  Ki osi nou pe travay an kolaborasyon- in collaboration avek Stanford University.

In fact semenn prosenn i pour annan en expert lo genetic counselling ki pour vini ankor enn fwa.  Sa son 2enm vizit ki pour advise nou, train.  Apre reviz lo- reviz sa bann- sa progranm ki nou pe fer.  Mersi Mr Speaker.

 

MR DEPUTY SPEAKER

Mersi Dr Louange.  Bon in ariv 10.30.  Mon pour adjourn Lasanble ziska 11er.

 

(BREAK)

 

MR DEPUTY SPEAKER

Bon.  Bonzour ankor tou bann Manm Onorab.  E nou bann viziter ki dan Galeri.  E tou dimoun ki pe swiv Lasanble Nasyonal.  Nou kontinyen avek 2enm parti dan nou Sitting ozordi.  Ki an se moman nou pe tret sa deklarasyon par Minis Jean-Paul Adam lo bann stratezi pour amelyor e anpes kanser.  E osi i pe koz lo tretman.

Nou ti annan plizyer dimoun lo lalis kestyon.   Me prosennman lo mon lalis, mon annan Onorab Sylvanne Lemiel.

 

HON SYLVANNE LEMIEL

Mersi Mr Speaker.  Bonzour Minis avek delegasyon, tou dimoun.  Mr Speaker mon kestyon i al konm swivan;-

Minis. Petet ou’n tande i annan- byento nou pour annan lentrodiksyon 5G isi Sesel.  E nou konnen avek sa zafer 5G i annan bokou dimoun ki pe mazin lo kote radyasyon en pti pe, son lefe lo lasante.   Petet lo nou kote ler nou mazin kanser isi Sesel, petet ti a bon en pti pe leksplikasyon.  Akoz sa mon pe a latansyon Mr Speaker, akoz i deza annan bann dimoun ki pe kontakte nou, ki pe demann nou si i pa pour annan en lefe advers lo lasante imen?

E 2enm i lo kote PET Scan.  Mon ti pe regarde.  Petet Minis in al en pti pe an bref lo PET Scan.  Ti a bon petet i eksplik en pti pe pli an detay.  Kisisa sa PET Scan?  Ki mannyer i ganny fer?  E osi, eski nou pe ankouraz okenn dimoun ki si i anvi al fer en PET Scan, eski nou, nou pe ankouraz dimoun pour al fer sa?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi bokou Onorab pour sa kestyon.  Annefe an se ki konsern sa kestyon o tour 5G e son risk ki i anmennen vizavi kanser;-  mon’n ganny osi serten manm piblik ki’n kontakte mwan lo sa size.  E mon krwar i byen ki nou servi loportinite dan Lasanble pour nou klarifye.

Alor ziska prezan bann- si nou pran legzanp- si nou swiv gidans Lorganizasyon Mondyal Lasante, zot pa montre poudir i annan okenn risk asosye avek 5G konsernan kanser.

Rezon ki- fodre nou rekonnet poudir napa bokou letid ki’n fer dan sa size.  E WHO son lapros se touzour pour regard en lapros syantifik.  E zot pour regard levidans ki devan zot.

Me baze lo levidans ki i annan, akoz sistenm 5G i servi bann menm towers, bann menm tour pour transmet lenformasyon ki bann lezot sistenm oparavan.  Selman i nesesit parfwa en miltiplikasyon sa bann tour, pour kapab pli byen transmet sa sinyal avek son volim lenformasyon.

Me ziska prezan napa okenn letid ki montre poudir i annan en risk partikilye asosye avek 5G, dapre Lorganizasyon Mondyal Lasante.

Serten bann manm piblik ki par egzanp in refer mon avek bann lartik ki’n ganny partaze lo rezo sosyal, eksetera, me letan ou pour- sertennman tou sa ki’n ganny anvoye kot mwan.  Letan ou pour regard sa bann lartik, sa bann lartik i pa baze lo bann letid spesifik.

E fodre nou konsyan ki dan rezo sosyal, kantite fwa dimoun i promot serten pwennvi, parfwa zis pour fer dimoun click lo serten website eksetera.

Me si ou regard sa bann lartik, an zeneral- mon pour dir an zeneral,  akoz avan ki en letid spesifik in ganny fer.  Nou pa pour kapab dir definitivman wi i bon, oubyen wi i pa bon.

Selman bann letid ki’n ganny sertifye par Lorganizasyon Mondyal Lasante, napa ki montre okenn problenm.  E bann Lartik ki’n ganny anvoye kot mwan, si par egzanp ou- e dan sa bann lartik normalman zot pour sit en sours.

E normalman si ou pour al regard sa sours, sa sours i pa bann letid kredib.  Normalman i baze lo bann spekilasyon.  Bann Lartik ki mwan mon’n vwar i baze lo sa ki en dimoun i krwar i kapab arive.  Me i pa baze lo levidans.

E alor i enportan pour dir nou- dan Sekter Medikal bann dokter, tou bann profesyonnel zot toultan regard li lo la baz son levidans.  E bann pei ki’n deza sertifye 5G.  I annan plizyer.  Mon krwar premye sete Sud Corée.  I annan plizyer pei Eropeen ki’n fer li.  E zot, zot in fer serten letid avan ki zot in fer sa desizyon.  Mon pa pour kapab dir ou definitivman.  Akoz toultan keksoz pour kontinyen ganny etidye.  Nou pour toultan baze lo lenformasyon ki disponib.

E baze lo lenformasyon ki disponib ozordi, 5G pa prezant plis risk ki bann sistenm egzistan.

2enm kestyon kot i konsern PET Scan, dan tretman pour bann kanser, i annan bann gidans klinik kote en PET Scan i endike.  E petet Dokter Reginald i ava koz en pti pe.  Oubyen serten bann lezot dokter i a koz en pti pe pli an detay.

Me i enportan pour en pasyan letan i ganny sizere pour li fer en PET Scan ki i kestyonn son lekor, akoz ki bezwen fer en PET Scan. 

Si par egzanp ou kanser in deza ganny diagnostiquer, si ou deza konnen poudir i annan en kanser, sa PET Scan pa pour neseserman donn ou bokou lenformasyon an plis.

Sof dan serten ka ki spesifik, ki bann spesyalis i a kapab- i kapab permet ou vwar lo en baz son bann selil en pti pe pli an detay.  Me ou pa pour fer sa lentervansyon a mwen ki i pour donn ou en lavantaz vizavi ou tretman.

Si par egzanp atraver- si letan ou pour pas dan bann lezot scan.  Ou pour vwar deza poudir ou tretman pe marse.  Savedir sa kanser pe retresi.

Si ou al dan en PET Scan, zis ou pe ekspoz ou lekor avek radyasyon an plis ki pa neseser.  E ki menm petet met ou a risk.

Fodre nou konsyan ki dan en sistenm medikal prive.  I pa pour demann ou konbyen scan ou’n fer oparavan.  Zis i pour demann ou, eski ou anvi fer en scan la?  E si ou annan sa larzan pour fer sa scan.  I pour dir ou fer.  Koumsa en sistenm medikal prive i marse.

E dan en sistenm piblik i annan-dan tou sistenm piblik si ou pran legzanp NHS.  Zot annan en gidans lo kote en PET scan i ganny aplike, oubyen non.

Dan serten ka, nou fer referans en pasyan pour en PET scan.  E nou anvoy zot deor.  Akoz nou napa sa masin isi.  Me sa i sel masin diagnostique ki pa egziste isi.  Akoz zisteman son radyasyon- son nivo radyasyon ki for.  E i pa en keksoz- i pa vedir ki a lavenir petet nou pour napa.  Petet nou pour annan.  Me pour le moman nou napa sa kapasite pour nou fer sa servis isi.  Petet Dr Reginald i a donn plis detay.  Mersi.

 

MR DEPUTY SPEAKER

Dr Reginald.  Mersi Minis.

 

DR LOREN REGINALD

Mersi Mr Speaker.  PET Scan i vedir Positron Emission Tomography.  Ki savedir sa?  Savedir ou servi sa ki nou apel en radioactive ISO type.  Ou met swa dan lavenn, swa ou bwar.

I baze lo en prensip kot ou bann selil i abzorb sa sibstans.  E i montre ou serten zimaz.  Par egzanp kan i ganny servi sa?  Pour nou swa idantifye en kanser.  Swa pour get levolisyon en kanser.  Ouswa pour regarde kot sa kanser in arive.

I osi ganny servi dan leker pour gete ki fonksyonnman leker i annan.  E i osi ganny servi dan lanmwel, dan nou sistenm nerve.

Ki arive?  Kanser- bann selil kanser normalman zot metabolism i pli o- i pli o ki bann selil normal.  So ler en dimoun i ganny kanser, ou servi sa  ISO tube pour ou vwar bann kolorasyon dan  sa organ kot i annan sa kanser.

Me si ou’n fer en CT Scan normal,   ou vwar poudir ou annan en kanser, sa PET Scan pa donn ou lenformasyon adisyonnel.  E an plis ki sa, pa oubliye poudir i radyasyon.  So ou fer li kan i neseser.  Alor ki nou vwar?  Nou vwar bokou fwa bann dimoun zot menm zot, zot pran- kantmenm ou’n dir zot poudir get sa.  Ou konnen ou annan en kanser.  Kanser swa in ariv dan poumon, swa in ariv dan lefwa.  Annou fer tretman avan nou fer en PET Scan.

Zot ale zot pey zot larzan, e zot fer en PET Scan.  E zot pe depans zot larzan pour nanryen.  Akoz?  Avek en CT Scan normal, ou kapab vwar kot sa maladi in arive.  Alor i pa donn ou lenformasyon adisyonnel.

Dan medsin- dan medsin tou keksoz ki ou fer.  Fodre i donn ou en lenformasyon adisyonnel pour ou favoriz malad.  Nou pa fer bann tes ki pa neseser.

E si nou pasyan i merit en PET Scan kot Minister Lasante.  Spesyalis i met li lo Board.  Akoz nou pa fer sa Sesel.  E Board i peye pour sa dimoun al fer sa PET Scan si i annan en lendikasyon medikal.  Mersi.

 

MR DEPUTY SPEAKER

Mersi.  Onorab Regina Esparon.

 

HON REGINA ESPARON

Mersi Mr Speaker.  Mr Speaker mon ti a kontan demann Minis.  Ki son Minister pe fer pour donn training plis ners ek pharmacist pour travay kot Oncology?

E boner Onorab Roucou in demann ou.  Konbyen ners pe travay kot oncology?  Ou pa’n donn en sif egzakt.

E avek sa risk ki tretman chemotherapy i anmennen lo lavi en imen.  Sa preparasyon sa latizann li menm li i annan en risk.

Eski bann dimoun ki pe handle- bann travayer lasante ki pe handle sa latizann dan son preparasyon.  Akoz si ou pa pran prekosyon, ou riske ganny kanser ou osi.

Eski zot ganny kouver anba okenn Lasirans?  E ler mon pe mazin sa, mwan mazin osi bann travayer lasante i ganny ekspoze ek radyasyon.  Parey kot x-ray.  Eski zot ganny kouver anba en Lasirans?

Dezyenmman Minis;-  mon ti a kontan demande.  An vi CAA i en partner dan sa bann zafer kanser,  ki ou Minister oubyen ou Gouvernman pe fer pour ofer zot en morso later ki zot kapab konstrir sa Sant ki zot pe raise fund pour fer la?  Olye lezot kontinyen rod dan prive.

Akoz ki Gouvernman pa pe meet zot halfway?  Ki sa larzan zot pe anmase, zot ava konstrir sa sant.  E Gouvernman ti ava ofer zot en bout later pour fer sa Sant an vi bann servis ki zot ofer.

Epi i annan en zenn garson dan mon distrik Minis.  In dir mon demann ou.  Akoz ki Minister Lasante i koup tretman oubyen pa re anvoy pasyan abor?  Kan letan in anvoy ou tretman deor, laba kot zot in anvoy ou, sa spesyalis i dir fer ou retournen.  Akoz ki letan zot ariv isi, Minister Lasante i koupe, i pa anvoy zot?  Oubyen pa donn zot menm tretman.

Malgre ki sa tretman zot ti pe gannyen laba i spesyalize.  Kan li Minister Lasante i pa pe kapab ofer sa ki sa Sant Spesyalize ti ape ofer.  Mersi.

 

MR DEPUTY SPEAKER

Mersi Onorab Esparon.  Minis.

 

MINISTER JEAN-PAUL ADAM

Mersi bokou Mr Speaker.  An se ki konsern lakantite ners ki pe travay dan Unit Oncology, nou pe rod sa sif, e mon ava donnen en pti kou avek Lasanble.

E an se ki konsern preparasyon bann diferan latizann kot Unit Oncology.  Sa bann travayer zot ganny en formasyon lo ki mannyer pour redwir zot risk.  Zot osi zeneralman parey tou travayer Lasante, zot kouver pa en Lasirans.  Bann ki travay dan bann unit parey.  Zot osi ganny en risk allowance.  Pour bann ki travay dan radyasyon dan Sant Radyolozi, nou annan bann lekipman ki mezir sa radyasyon ki sorti.  E sa i anliny avek bann norm Lorganizasyon Lazans Enternasyonal lo lenerzi atomik ki donn serten standar vizavi ekspozisyon avek radyasyon.  E nou fer sir ki nou mezir sa bann eleman.  Par egzanp kot radyolozi.

Kot i konsern kot Unit Oncology e vizavi bann kemikal ki ganny- e bann latizann ki ganny servi pour chemotherapy si sa gidans preparasyon i ganny swivi byen, sa exposure par sa travayer i devret minim.

Nou konsyan ki sa risk i egziste.  I enportan pour nou kontinyen fer formasyon avek sa bann staff pour kontinyen evite ki zot ekspoz zot lekor.

Dan- lo premye parti sa kestyon an se ki konsern ners.  I annan 6 ners aktyelman ki travay dan Unit Oncology.  Nou pe kontinyen osi rekomande ki bann ners i kapab fer bann formasyon pli spesyalize.

E avek bann amannman ki pe vini dan Lalwa lo Nurses and Midwife Council.  Nou pe fer provizyon pour osi annan bann ners spesyalize par egzanp pour oncology.  E osi bann ners spesyalize dan bann lezot sekter.  E nou pe ankouraz formasyon aprofondi par bann ners ki pe travay dan sa Unit.

An se ki konsern sa konsern spesifik ki’n ganny leve, sa zenn garson ki dir son tretman in ganny enteronpe.  Mon pa konn sa ka spesifik.  E mon ava envit ou Onorab petet pour dir sa garson pour ekrir nou avek detay son ka.

Me dan en fason zeneral.  Letan Gouvernman- nou refer en pasyan deor pour en tretman, nou refer li pour li-normalman si i kanser.  Normalman nou pour anvoy li pour li fer radyo terapi.

E sa radyo terapi normalman i annan son cycle ki ou pour swiv.  E nou, nou pour swiv gidans ki sa dokter laba in anvoy kot nou.  E sa bann cycles i annan-i annan diferan kalite cycles.  Selma i fikse.

Si sa dokter dan lopital kot nou’n refer sa pasyan.  Si nou pran legzanp MIOT dan Lenn.  Sak fwa ki en pasyan in fini son tretman, sa lopital i anvoy nou en rapor poudir sa dimoun in fer tel kantite chemotherapy.

E swivan sa chemotherapy letan i pour tourn Sesel.  Swa i annan en swivi dan serten ka bezwen kontinyen avek petet avek en lot tretman.  Parfwa i bezwen pran chemo.  Parfwa i annan lezot tretman ki bezwen pran.  E nou pour toultan swiv sa ki sa lopital i dir nou fer.

Sa lopital parfwa i pour refer lo en- par egzanp en mark latizann.  E isi Sesel petet i pa sa menm mark.  Me i pour menm latizann.  Akoz nou tretman, nou protokol tretman pour chemotherapy par egzanp i standardize.

Parfwa nou annan bann demann ki en spesyalis laba i ganny fer spesifik.  E sa i ganny konsidere par bann spesyalis isi.  E zot rekomande oubyen non baze lo gidans ki nou deza annan.

Me pour reste anliny avek bann protokol tretman ki nou deza annan an plas.  Mon pa- parey mon’n dir, mon pa konn sa ka spesifik.  Me sa i bann metod ki nou swiv.

I annan bann ka kot en dimoun par egzanp in al lo li menm, in al trete pour li menm. Apre i kontakte nou.  Akoz in dekouver serten keksoz, e i anvi fer son tretman.

Anba bann provizyon Board pour tretman aletranze, si en dimoun pour al fer radyo terapi.  Sa i en keksoz ki tou fason Gouvernman ti pour peye.  E nou kapab, si sa dimoun i kontakte lopital avan i komans son tretman. Nou pour kapab pey sa tretman si nou al dan en lopital ki nou annan en Lagreman avek.  Oubyen menm si nou al dan en lot lopital.  Selman i pour ganny sa larzan selon sa pri ki nou ti pour peye normalman.  Si i pli ser.  I pa pour ganny konpletman sa larzan.

E mon pa konn si dan sa ka petet sa dimoun in al an parti son tretman an prive.  Apre petet i annan en parti ki Gouvernman pe pran.  E petet se sa ki i pe dir.

Me- akoz mon napa detay lo sa ka.  I pour difisil pour mon dir spesifikman.  E mon pour envit ou pour demann sa dimoun pour met an ekrir son bann konsern.  Anvoy son rapor medikal.  ‘

Me mon kapab dir avek bokou lasirans.  Akoz kot Unit Oncology e lo Board pour tretman aletranze.  Zot swiv en lapros ki vreman sistematik.  E zot pour toultan al lo lapros sa tretman ki’n ganny rekomande sorti kot sa dokter aletranze.

Si i annan en sanzman dan sa medikaman spesifik.  I pour en sanzman baze lo bann mark pour disponibilite sa latizann isi, me son lefe pour parey.  Akoz nou tretman ki nou ofer isi, i standardize.  Mersi Mr Speaker e mersi Onorab.

 

MR DEPUTY SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker i annan en bout kestyon ki pa’n reponn lo size morso- Gouvernman pour ofer CAA en morso later.  Mersi.

 

MR DEPUTY SPEAKER

Mersi.  Minis.

 

MINISTER JEAN-PAUL ADAM

Mersi bokou Mr Speaker.  E Manm Onorab.  Lo an zeneral an se ki konsern relasyon ki bann diferan Lorganizasyon non-Gouvernmantal i annan avek Gouvernman.

Nou ava note ki se pa zis Cancer Concern ki pe demann en bout later.  E mon krwar nou tou nou ava realize ki Gouvernman si i pour fer en langazman vizavi sak Lorganizasyon ki dan Lasosyete Sivil,  pour napa ase later pour kouver tou sa bann diferan Lorganizasyon.

Dan Minister Lasante, nou rekonnet sa rol kle ki Cancer Concern i annan.  E nou travay pros avek zot.  E menm par egzanp dan redevlopman lopital, nou kapab regard bann fason ki nou kapab travay avek zot pour nou annan en partenarya kot zot kapab anmenn serten zot servis pli pre avek lopital dan en fason partenarya.

E pour sa kestyon, si zot pour kapab ganny en bout later oubyen non.  Minister Lenfrastriktir ek Later ek Transpor lo Later pour evantyelman pour donn en desizyon si i pour posib oubyen non.

Selman mwan, mon zis mon’n montre sa problenm ki egziste ki, ou pa kapab dir ou pour donn enn.  Apre ou pa pour donn tou.  Ou bezwen annan en serten kriter ki kler

Me Minister Lasante, sa langazman ki nou kapab donnen avek Cancer Concern.  Se ki nou annan en partenarya.  An mezir ki nou pe fer nou plan redevlopman, nou kapab vwar avek zot lafason ki zot proze i kapab ganny enkorpore dan pour nou.  Mersi Mr Speaker e mersi Onorab.

 

MR DEPUTY SPEAKER

Mersi Minis.  Onorab Jude Valmont.

 

HON JUDE VALMONT

Mersi Mr Chair.  Bonzour Minis e delegasyon.  Tou Koleg Onorab.  E tou manm piblik ki pe swiv nou.  Mon ti a voudre demann Minis, swivan son bann repons, e sa statement ki in fer.  Mon mwan ti a voudre demande si-ki zot pozisyon- ki pozisyon Minister Lasante lo bann tretman eksperimantal ki pe ganny pratike o tour lemonn.

Par egzanp nou konnen an Israel ler mon’n fer en pe resers lo sa size.  I annan sa ki zot dir Pro-Sense.  Mon ti a kontan bann expert osi, nou bann dokter i donn nou en pe ki zot konnen lo la.

E mon dezyenm kestyon.  I annan en koze en pe letan deor.  Sa se medical cannabis dan tretman kanser.  Ou pour ede ou kapab dir, ede avek tretman.  Mon ti a kontan konn pozisyon Minister Lasante lo la.  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Onorab.  E mersi bokou Mr Speaker.  E mersi Onorab.  Fodre nou kler ki koman en Gouvernman, koman Lazans Swen Lasante ki en Lenstitisyon Gouvernman, nou bezwen fer sir ki tou tretman ki nou ofer, i vin avek serten garanti vizavi sa pasyan ki sa tretman i pas dan tou son bann tes enternasyonalman.  E ki’n deza ganny sertifye pour litilizasyon par en pasyan.

Nou ankouraze par bokou bann devlopman pozitiv ki pe arive otour lemonn.  I annan bokou diferan pratik ki pe ganny devlope, dan diferan pei otour tretman pour kanser.

Bokou sa bann tretman- ou’n mansyonn sa enn Israel ki o trouv tretman kanser avek- annefe ou pe fer li-ou pe ekspoz li avek bann tanperatir vreman ba pour kapab adres sa kanser.

I ankourazan tou sa bann keksoz ki pe pase.  Me isi Sesel nou bezwen, akoz nou en sistenm lasante piblik.  Nou bezwen reste focaliser lo bann tretman ki’n fini ganny sertifye enternasyonalman.

E nou bezwen osi konsyan kou sa tretman vizavi nou mwayen.  E alor evantyelman si sa tretman par egzanp i pas dan son bann diferan tes, e i ganny sertifye par bann Lorganizasyon Enternasyonal.  Parey Lorganizasyon Mondyal Lasante.  E i komans ganny servi dan bann servis lasante, Sesel nou ava konsidere pour nou enplimant li.

E akoz nou pour touzour regard bann opsyon.  E si ou regard dan tretman pour kanser.  Nou’n kontinyelman gradyelman adopte bann nouvo tretman o fir a mezir ki i vin disponib.  Me nou pa dan en pozisyon.  Nou annan serten pasyan parfwa ki letan in al lo li menm aletranze, kot in ganny ofer.  Akoz parfwa petet i dan en staz terminal.  Parfwa in ganny ofer en tretman ki eksperimantal.

E malerezman nou pa kapab-sirtou letan sa tretman napa en levidans poudir i kapab anmenn en benefis pour pasyan.  Nou bezwen atann ki sa levidans i disponib.

Lapros ki nou pran dan Minister Lasante e dan Lazans Swen Lasante.  Se pour touzour baze lo levidans.  E alors si en tretman in fini ganny sertifye, e i pe ganny servi par egzanp dan bann lopital avanse.  Me ki pa dan faz eksperimantal.  Savedir in fini ganny sertifye pour itilizasyon par pasyan.

Nou annan nou prosedir entern pour nou konsidere si sa tretman i kapab ganny konsidere pour nou pasyan.  E sa i pas- letan i pas lo Tumor Board sa bann diferan spesyalis zot regard sa tretman ki pli apropriye.  E zot fer sa rekomandasyon avek Gouvernman pour kapab met sa tretman a dispozisyon sa pasyan.

An se ki konsern kanabis medikal pour rezon medikal, Gouvernman in travay lo en proze Regilasyon ki pour tonm anba Misuse of Drugs Act ki kouver litilizasyon kanabis dan bann sirkonstans medikal.

Fodre nou kler ki sa- nou pe regard sa bann Regilasyon lo la baz sa ki serten lezot pei in fer, sirtou bann pei Commonwealth.  Bann ki’n deza met an plas bann Regilasyon similer.

Me fodre nou note ki dan konteks sa bann Regilasyon.  Letan nou pe koz lo kanabis medikal, nou pe koz lo zisteman bann latizann ki kapab ganny preskrir.  Nou pa pe koz lo bann sigaret ki pe al ganny fimen.

Nou pe koz lo bann latizann ki kapab benefisye en pasyan.  E dan ka tretman pour kanser, fodre nou kler ki napa okenn levidans ki montre ki kanabis i donn okenn gerizon vizavi kanser.

Serten bann prodwir ki derive avek kanabis.  Parfwa i kapab ganny servi pour adres par egzanp en pasyan ki annan en problenm lapeti akoz son tretman.  E dan serten ka en pe similer.

E alor i annan serten ka kot dan diferan pei, sa i ganny servi pour sa bann rezon.  Me lo nou bann Regilasyon ki pe ganny finalize aktyelman, nou pour regard nou konteks Sesel lo ki mannyer sa bann medikaman i kapab ganny servi dan en fason ki dan benefis pasyan.  Konmsi sa priyorite an term nou bann Regilasyon.  Mon pa konnen si bann dokter i anvi dir en keksoz vitman lo nou tretman eksperimantal.  Ok.  Ok mersi.

 

MR DEPUTY SPEAKER

Ok mersi Minis.  Onorab Norbert Loizeau.

 

HON NORBERT LOIZEAU

Mersi Mr Chair.  Bonzour tou dimoun.  Mr Chair mon annan 3 pti kestyon pour Minis.  Minis premye.  Dan ou prezantasyon ou’n koz pirman lo kanser konman en maladi lo li menm.

Me parkont i annan serten maladi ki kapab lead to kanser.  Ou pa’n koz lo la preski ditou.  Mon ti a kontan Minis ou dir nou, eski bann dimoun ki annan sa bann maladi tel parey dyabet i kapab lead to cancer?  Eski sa bann pasyan dan zot bann travay ki zot fer ek sa- eski zot dir, zot okouran ki i kapab lead to cancer zot maladi.

2enm. Minis in koz lo bann processed food.  Minis ozordi sa bann processed food in flood letazer dan tou magazen.  E laplipar bann dimoun ki pe servi sa bann processed food, se bann dimoun ki nou, nou dir mwen fortinen.  Bann dimoun pe viv anba lapovrete.

Alors Mr Speaker mon anvi demann Minis.  Vi ki ou form ou Minister, form parti Gouvernman aktyel.  Ki ou Gouvernman pe fer pou amelyor sityasyon lavi sa bann dimoun ki lo sa laliny pour ki zot kapab ganny, kapab afford pour ganny en ladyet sen, pour ki zot pa ava tonm dan risk pour ganny kanser?  Sa dezyenm.

Mon 3enm Minis.  Minis ou’n koz lo en Lasirans pour bann travayer Lasante.  Mon ti a kontan Minis ou dir nou lekel sa Konpannyen Lasirans?  Kwa ki ganny kouver anba sa Lasirans?  Akoz bokou bann ners aktyelman, pa okouran.  Pa okouran sa.  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  An se ki konsern bann maladi ki kapab avek son progresyon ogmant risk kanser.  Sa i bann maladi non-kominikab ki mon’n koz en pe lo la dan mon lentervansyon.

Akoz letan ou regard lefe ki si en dimoun i annan en move ladyet.  Si i pe konsonm bann manze ki pa bon pour lasante, an menm tan i pa pe fer legzersis.  E an menm tan i pe konsonm lalkol oubyen sigaret.  Sa i bann fakter ki anmenn par egzanp ver tansyon. E i anmenn osi anver dyabet.  I anmenn ver lezot problenm medikal.  Dokter Reginald par egzanp in sit sa legzanp presi kot i konsern lefwa.

E si en dimoun i ganny cirrhosis of the liver.  E ki evantyelman i kapab vin en kanser.  I lye direkteman a konsonmasyon lalkol.

Alor mon krwar dan mon deklarasyon ki mon’n fer.  Nou’n koz ase longman lo bann maladi non-kominikab.  E sa dan nou konteks Sesel, sa i bann fakter ki pli determinan vizavi kanser.  E annefe dan tou pei dan lemonn.

E serten bann lezot fakter.  Nou’n mansyonn lalkol par egzanp koman sa legzanp an se ki konsern lefwa.

Nou annan HPV.  Ki en viris ki egziste.  Tou fason nou annan en vaksen ki nou donnen kont sa.  Me si en dimoun i ganny sa viris.  Sa i kapab apre antrenn kanser.

Nou annan problenm lobezite.  Ki sa osi i kapab lye a bann kanser pli tar.  Alor tou sa bann eleman bann maladi non-kominikab ki mon’n koz lo la i form parti en stratezi global ki nou pe met an plas, ki viz ranforsi kapasite dan sak Sant Lasante.  Savedir idantifye bann dimoun otour sa bann difikilte, sa bann problenm ki zot gannyen otour stil lavi.  E travay ek sa bann dimoun lo en baz regilye pour zot pran en- fer en zefor zot menm.

Pli bon medikaman se pa pilil.  E sa i en mantalite ki nou bezwen sanze dan nou popilasyon.  Laplipar di-tan pli bon medikaman, se en sanzman dan alimantasyon en- fer legzersis regilyerman, e redwir konsonmasyon lalkol ek sigaret, ek bann lezot sibstans parey.

Akoz sa i bann premye koz ki lye anver kanser. E sa stratezi lo maladi non-kominikab i pour mars ansanm avek stratezi kont kanser.  I pour mars ansanm lo nou paspor ki nou, nou pe met an plas kont dyabet.  Ok nou annan nou proze pilot ki ed bann dimoun ki annan dyabet pour zot pli byen kapab annan zesyon lo zot maladi.

E otour tou sa bann diferan maladi.   I enportan pour dimoun konsyan ki mannyer sa risk i evolye e i marse.  E pour sit serten legzanp.  I annan dimoun menm ki’n anvoy mon text ozordi par egzanp.  I annan ki annan problenm tansyon.  E i annan ki annan problenm dyabet.  Me zot lapros i otour- zot pe pran zot medikaman.  E zot pe pran- e sa i permet par egzanp kontrol zot tansyon si zot pe pran zot latizann pour tansyon.  Zot tansyon i anba kontrol.  Oubyen si zot pe pran zot latizann pour dyabet.  Zot dyabet i anba kontrol.

Me a lonterm dan sa 2 sirkonstans si ou pa sanz ou ladyet, si ou pa fer legzersis, e si ou kontinyen konsonm lalkol.  Sa pilil pa pour mars parey.  E evantyelman i ogmant ou risk pour kanser.  Savedir ou ganny- si ou annan par egzanp dyabet oubyen tansyon e ou pour pran- ou pe pran en pilil, sa pilil i ed ou viv en lavi normal.  Akoz i kontrol ou maladi.

Me pour ou kapab vreman bat sa maladi, e anpes kanser.  Fodre ou osi pe adres bann kestyon otour ladyet.  Otour legzersis.  E otour rediksyon bann risk sirtou bann konportman a risk parey konsonm lalkol e sigaret eksetera.

Mon oule fer kler, nou tou nou konnen sa pa fasil.  Akoz nou tou nou imen.  Nou tou nou annan nou defayans.  Nou tou nou annan nou difikilte parfwa.  Nou kontan petet pran en pti drink lo weekend eksetera.  Me letan ou annan en kondisyon parey tansyon, ou lekor pe dir ou, i pe sonn en alarm.  Tansyon i pa en kondisyon ki pour touy ou dan 1 zour.  Me letan ou ganny tansyon.  I vedir ki ou lekor pe dir ou esper en kou, masin pe sofe la.

E si zis ou pran sa latizann, ou pa pe vreman adres sa problenm avek sa masin.   Ou pe kre sa problenm pour pli tar.  E sa problenm pour vin atraver en kanser.  Oubyen i pour vin atraver en kriz kardyak, oubyen i pour vin atraver en stroke.  Oubyen en lot problenm similer.

Sa 2enm kestyon otour bann manze ki annan bokou- bann bokou bann processed foods.  Sa i en konsern.  E definitivman letan ou vwar- pa zis dan nou pei.  Dan bokou pei letan lekonomi i grandi, ou annan en kantite- ou annan en kantite prodwir ki antre dan sa marse.  E konsonmater i annan bokou swa.

E i vin pli konplike pour en Gouvernman osi kapab met Regilasyon pour kontrol sa bann prodwir.  Akoz nou tou nou konsyan poudir dan lideal- dan lideal, nou ti a dir nou pa vann okenn sa bann prodwir.  Me larealite, se ki sa bann prodwir i egziste dan tou pei dan lemonn.

E i vin en kestyon, en responsabilite endividyel pour konsyan ki lenpak sa bann prodwir i annan.  E ki mannyer pour servi zot dan konteks en ladyet ki balanse.  E mon pour menm dir, sa pa vedir par egzanp pa servi sa bann prodwir ditou.  Akoz parfwa i ok ou.  Ou servi li 1 fwa letan.  Me si- e mon kontan Onorab ou’n sinyale ki parfwa pour rezon lapratik, e osi parfwa sa bann keksoz pa ser, ki dimoun i servi sa koman petet toulezour ki i sela kot problenm i vini.

Si ou pe servi li 1 fwa letan.  I pour- i pa pour neseserman en problenm.  Me si ou pe servi li toulezour.  E i vin ou ladyet, i pour koz problenm a lonterm.

Pour nou- an se ki konsern kou lavi ki asosye avek en bon ladyet.  I enportan ki nou tou nou reflesir byen lo sa size.  E bann keksoz ki nou koman Gouvernman nou’n fer atraver nou progranm nitrisyon dan bann lekol.  Nou annan sa Polisi; par egzanp ki asire ki serten prodwi pa disponib dan en kantin lekol.

Me otour sa, i annan osi en sansibilizasyon avek zanfan lo kwa ki bon pour zot.  E mon mwan annan en paran annefe ki ti koz ek mwan resaman.  I ti dir mon ki son zanfan pe edik li lo ki mannyer- ki bann keksoz ki bon pour li manze, ki bann move keksoz.

E mon ti al dan enn sa bann fun run enn fwa.  En pti garson menm, en pti garson apepre en 10an ti vin vwar mwan.  E i ti dir mwan.  I dir mon Minis be, limonnad fodre ban net dan pei antye.

I dir I mwan in ban dan lekol.  Me la fodre ban dan pei antye.  En zanfan ki’n dir mon sa.  E sa- alor i annan zanfan ki vreman konsyan lo risk ki sa bann keksoz i anmennen pour lasante a lonterm.

E lo sa eleman kou otour sa bann- alor nou annan sa persepsyon ki fri ek legim i pli ser.  I vre parfwa sa bann keksoz i ser.  Me parfwa nou pa realize.  Akoz nou’n telman abitye ki sa bann keksoz i form par nou lavi, nou pa realize ki kou sa bann prodwir ki nou klasifye koman junk food.

Si nou pran en limonnad ki dan en pet.  Sa bann limonnad ki dan en pey i R19 apepre.  Pri i varye konmela.  Me son pri i konsekan.

Si zis ou ranplas sa pet avek delo.  Ou’n fer en lekonomi.  Si ou pran delo tiyo, nou fer en lekonomi R19.  Me menm si ou pe aste delo dan boutey.  I annan ki par anba R10.  Ou pour fer en lekonomi ki konsekan.

Lot eleman nou tant pour konsonm bokou diri Sesel, e bokou plis ki nou bezwen.  E otour sa ledikasyon, sa sansibilizasyon ki nou bezwen fer avek nou popilasyon, se pour konsyan ki parfwa nou tant pour met bokou lanfaz lo konsonm bokou keksoz, kan la

kalite keksoz i pli enportan.

E letan nou met en balans ant fri ek legim.  Avek bann protein e nou pwason lokal i parmi bann meyer protein ki ou kapab annan.  E ou al lo serten lezot prodwir ki- bann prodwir parey lantir ki bann prodwir ki bon pour lasante.  E osi ki disponib lokalman.  Nou kapab vwar ki wi parfwa sa bann prodwir endividyel i kapab kout pli ser parfwa par laparans vizavi serten prodwir bann sosis ki dan bwat.  Oubyen ki’n ganny konzele.

Me letan ou pour fer en ladyet ki pour regard pour redwir ou konsonmasyon bann move prodwir,  a lonterm ou pour vwar ki parfwa, e menm souvan ou pour ekonomiz bokou larzan.

E si an menm tan osi ou pe redwir konsonmasyon lalkol ek sigaret.  Lekonomi i konsekan.  E se pour sa, sa i mars ansanm avek bann stratezi pour met bann tax lo bann prodwir ki pa bon.  E redwir bann tax lo bann prodwir ki de baz e a la baz.  E alors sa en pti pe an gro.

An se ki konsern Lasirans pour nou travayer Lasante.  Nou annan en-parey tou bann landrwa Gouvernman annan sa Lasirans global ki kouver travayer.  E nou’n ganny lasirans ki sa Lasirans i kouver par egzanp tou bann aksidan ki kapab arive dan landrwa travay.

E sa i enkli tou bann lensidan otour okenn problenm medikal ki-akoz tou bann dimoun ki travay lasante, i travay dan en milye medikal.  E sa Lasirans i kouver zot.

Mon konnen ki serten travayer Lasante pe demann en Lasirans ki pli spesifik.  Me ankor nou revin dan nou sistenm Sesel, kot lasante i disponib pour tou.  E i aksesib pour tou.  E enkli bann travayer Lasante.

Rezon sa Lasirans.  Se pa pour adres bann problenm lasante.  Sa Lasirans i adres bann problenm ki kapab vini dan landrwa travay.  E pour asire ki sa bann dimoun i ganny proteze vizavi sa bann lensidan posib.  Mersi Mr Speaker.  E mersi Onorab.

 

MR DEPUTY SPEAKER

Mersi Minis.  Onorab Loizeau.

 

HON NORBERT LOIZEAU

Minis en- mersi Mr Chair.  En dernyen pti keksoz.  Ler- en keksoz in pas dan mon lespri la, ler mon’n tann ou koz lo delo.  Servi sa boutey limonnad pour ranpli delo.

Vi ki laplipar lakour ozordi pe delo desalinasyon.  Eski i bon sa?  Eski i annan en letid pe fer pour vwar si sa delo vreman i bon pour bwar?  Si i pa i osi pe konplik keksoz lo nivo kanser?  Mersi.

 

MR DEPUTY SPEAKER

Mersi Onorab Minis.

 

MINISTER JEAN-PAUL ADAM

Mersi Mr Speaker.  E mersi Onorab.  Delo PUC i ganny teste regilyerman par Lotorite Lasante Piblik.  E sa i enkli bann delo ki sorti dan desalinasyon.  E ki ganny- dan nou konteks Sesel, sa delo i ganny melanze avek lezot delo.  E napa okenn lendikasyon ki sa i port okenn risk pour lasante dimoun.

E menm sa delo i konsidere koman bon pour lasante.  E ou kapab konsonm li san okenn konsern.  Sak dimoun byensir kot son lakour i bezwen konsyan son tiyo.  Ki son tiyo i prop.  I pa dan en landrwa ki kapab ganny kontaminen.  Me sa delo li menm li ki ganny prodwir par PUC i en delo ki totalman an konformite ki bon pour lasante dimoun.  Petet Dr Louange i a azout de pti pwen lo la.

 

MR DEPUTY SPEAKER

Mersi.  Dokter Meggy Louange.

 

DR MEGGY LOUANGE

Mersi Mr Speaker.  Parey Minister i dir Onorab.  Sa delo i ganny trete.  Enn par PUC li menm.  Apre par Laboratwar Lasante Piblik.

Me selman i enportan pour nou fer resorti poudir ou stokaz delo dan lakour i enportan.  Si ou pe pran delo PUC ki ou oule bwar.  It’s better, i pli bon ki ou pran li direkteman dan tiyo.  Ki olye fer li pas par ou basen.

Akoz annan de fwa basen pa ganny netwaye.  E menm si in met klorin ladan, lefe klorin i sorti letan delo i pas par ou basen.  Sa i en premye keksoz.

Si mon kapab retourn lo kestyon Onorab Loizeau regarding bann maladi ki kapab anmenn kanser.  Parey Minis in fer referans pour plizyer fwa pour sa viris HPV ‘‘Human Papillomavirus’’ ki aktyelman la.  Nou vaksin bann zenn fir.  E sa se- sa vaksen nou pour vwar lefe ankor dan detrwa lannen.  Akoz li i protez sa bann zenn fir kont bann kanser kolmatris.  Savedir ou pa pe vwar direkteman sa lefe la.  Me dan detrwa lannen.

E an plis ki sa nou osi konnen poudir HPV i koz kanser labous, lalang, tonsilsSo evantyelman nou bezwen konsidere osi pour vaksin nou bann zenn garson.

Nou osi annan dan nou sistenm immunization vaksen kont Hepatitis B.  E nou konnen ki lenfeksyon avek Hepatitis B ki afekte lefwa, i kapab anmenn kanser pour lefwa.

Nou annan osi bann Hepatitis C ki aktyelman nou pe gannyen dan pei, akoz nou sityasyon drog.  Hepatitis pour le moman in- pour le moman nou napa vaksen.  Me selman nou annan tretman ki nou pe komans donn bann dimoun ki enfekte avek Hepatitis C.  Mersi Mr Speaker.

 

MR DEPUTY SPEAKER

Mersi Dr Louange.  Onorab Audrey Vidot.

 

HON AUDREY VIDOT

Mersi Mr Speaker.  Mr Speaker mon bann kestyon pour Minis ek son delegasyon.  Eski dan sa bann batch dokter ki’n tournen i annan ki kapab ganny antase avek Unit Oncology?   Normalman konbyen letan letid zot bezwen swiv petet pour deservi dan sa unit spesifik swa dokter, oubyen ners.

E Minis zis pour ranforsi lo kestyon Onorab Esparon.  Eski ou pe asir nou bann pasyan ki oubyen bann dimoun ki petet pour ganny kapab ganny pli tar ganny diagnose avek kanser, ki nou sistenm chemo i bon, petet pour zot ezit-e krwar poudir aletranze i pli meyer ki pour nou.

E dernyerman.  En konsern ki i annan detrwa dimoun in eksprimen, i dir zot konpran presyon ki bann dokter i rankontre.  Akoz zot annan bokou pasyan.  Petet bann espesyalman ki bezwen swiv bann ladyet spesifik.  Si i posib pour dir bann dokter petet careful lafason ki zot fer counselling.

Akoz parfwa i annan keksoz ki zot dir, i kapab demoraliz ou self-esteem en pti pe.  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Onorab Speaker.  E mersi Onorab.  An se ki konsern formasyon pour bann dokter.  Tou zenn dokter letan i tourn dan pei apre ki in fer son premye- son Degre dan medsin.  I fer en peryod rotasyon 1an, kot i pas tou.  Dan tou bann diferan Departman.  E apre sa peryod depandan lo spesyalizasyon ki i anvi fer.  I ganny atase avek en unit.

E alor par egzanp bann ki’n retourn lannen pase.  Zot pe ariv a lafen zot rotasyon.  E zot pour swazir en- i annan ki’n fini swazir.  Akoz depandan letan ki zot in antre dan servis.  E i annan pour swazir zot spesyalizasyon.

Nou annan- nou pe sey o maximum pour nou anvoy sa bann dokter pour fer spesyalizasyon dan diferan sekter.  Oncology i enn parmi bann priyorite ki nou pe ankouraz zot pour nou- pour fer.

Me ankor mon pou dir ki tretman kanser pa pour depan zis lo oncology.  Oncology i en fakter ladan.  E alor nou anvi sa bann dokter osi i fer spesyalizasyon dan bann lezot sekter kle.  Nou annan bokou kanser prostat par egzanp.  Alor nou bezwen urologist, urologue.  E nou annan en dokter aktyelman ki pe etidye Cuba pour spesyalize pour vin urologue.  E nou anvi kontinyen met lanfaz lo la, pour sa bann dokter al fer zot letid.  I en gran sakrifis.  Fodre nou mazinen ki en dokter, zis pour li vin en dokter avek sa ki nou apel en ‘GP’ en Dokter Généraliste i pran li 7an letid pour li ariv lo sa staz.  Apre kot i tourn dan son pei.

Apre sa pour li fer spesyalizasyon isi.  Nou pran legzanp oncology, ou bezwen fer en spesyalizasyon avan 4an dan internal medicine.  E apre avek en ankor en spesyalizasyon oncologie ki kapab 1an a 2an siplemanter.

Alor zot kapab mazinen ki en dimoun ki’n vin en spesyalis, enn nou bann dokter Seselwa pour li kapab etidye, in kapab etidye ziska 13an dan son lavi.  E i vreman- fodre ou determinen pour ou kapab fer sa.

Sa ki vreman ankourazan,  nou bann zenn dokter ki’n vini.  Zot annan sa laswaf pour zot fer en diferans.  Zot vreman lantouzyazm e zot pe travay pros avek bann ki la depi avan.  E nou annan dokter ki pe regard sa spesyalizasyon koman en priyorite.

Vizavi –  mon ava les bann dokter osi azout en pe.  Me vizavi osi counselling e sipor ki kapab donn en dimoun lo ladyet.  Nou konsey tou nou bann dokter pour fer sir ki zot koz dan en fason ki respekte dinyite sa bann endividi.  Bann dokter wi parfwa i fer fot.  E mon pour dir avek sa bann pasyan, kot zot santi poudir en dokter pa’n apropriye, oubyen ki’n depas sa ki i devret, fodre pa zot ezit-e pour met sa pwen pli devan.  Swa atraver en lot dokter.  Swa atraver sa ners ansarz dan sa unit, oubyen dan sa Sant Lasante.  Oubyen atraver nou servis kliyan ki baze kot lopital dan-anba Twa Rouz, ki kapab osi pran zot konsern e anmenn li pli devan.

E sa ki mon konnen avek bann dokter.  I vre pa tou dokter ki’n ganny formen parey.  E depandan ki formasyon zot annan.  Pa tou dokter ki osi annan mon kapab dir sa bagaz pour fer-pour kapab adres counselling, oubyen pour adres sa bann eleman psikolozik.

Nou rekonnet osi ki nou annan en sistenm kot nou annan dokter sorti dan plizyer Nasyon avek diferan Langaz de baz.  E parfwa sa i osi parfwa kre bann malantandi ek bann mankman kominikasyon.

Lo sa kestyon spesifik ladyet, nou osi dan plizyer ka, nou fer referans sa pasyan avek servis nitrisyon ki osi kapab donn zot gidans lo lafason ki zot kapab amelyor, ou sanz zot alimantasyon vizavi risk ki zot fer fas avek.  Mon pa konnen si okenn dokter i oule dir adisyonnel.

 

MR DEPUTY SPEAKER

Dr Louange.

 

DR DANNY LOUANGE

Mersi Mr Chairman.  Mersi Onorab pour sa bann kestyon.  mon pour tous training, bann dokter- bann zenn dokter.

Parey Minis in dir – wi pour lager, oubyen pour konbat sa kondisyon kanser, i enportan ki i pa zis oncologist ki nou bezwen.  Nou bezwen vwar li globalman.

E an term dokter, nou oule vwar ki i annan dokter ki kapab ede pour nou prévenu kanser.  E osi tret kanser.  Parey ou’n fer sorti, oncology- oncologist i enportan.  Me osi pour tret kanser nou bezwen bann sirizyen osi ki kapab deal avek kanser.

E nou annan parey Minis- i annan bann dokter ki pe ganny formen pour-koman bann sirizyen.

E pour form en dokter, menm koman en sirizyen, fer sa letid spesifik pour sa spesyalizasyon.  Apre i bezwen fer bann fellowship, oubyen bann letid pli avanse pour deal avek kanser.  Sa bann letid i long, e i pa enposib.  E nou pe travay lo en plan pour nou kapab achieve sa.

Ou’n mansyonn chemotherapy apre sa.  Wi pour chemotherapy, Minis in fer sorti dan son statement ki kou chemotherapy pe ogmante.  Letan nou get nou statistics, dan 2015, letan ou’n komans apre ou 2015, i apepre- nou ti spend-nou ti pe depans 5, apepre R5milyon zis lo chemo.  An 2016 apepre 6milyon.  2017, 7 milyon.  2018 in mont en pe plis.  La 2019 i pe sot- nou vwar ki sa trend pe sot 10milyon.

Rezon akoz sa, i akoz letan nou fer tretman pour bann pasyan ki annan kanser.  Nou servi bann chemo, oubyen bann tretman ki standar.

E nou ankouraz nou oncology team ki zot annan en konversasyon avek sant,  parey La Reunion, apre bann lezot Sant ki bor nou anvoy nou pasyan pour gete ki bann tretman ki pli bon pour kanser ki zot pe trete.

E osi nou annan- nou’n devlop sa- nou’n etabli sa Tumor Board ki osi ede pour nou fer sa desizyon.

Alor mon kapab dir ki sa bann chemo ki nou pour servi.  I bann chemo ki standar.  Mersi Mr Speaker.

 

MR DEPUTY SPEAKER

Dr Reginald

 

DR LOREN REGINALD

Seselwa an zeneral, pasyan i per kanser.  E pa zis pasyan.  Dimoun an zeneral, Seselwa i per kanser.

E souvandfwa nou bann dokter aswar nou pa dormi ler nou konnen poudir landmen bomaten nou bezwen zwenn en pasyan, zwenn son fanmir, counsel li, pour dir li poudir i ganny kanser.

Premyerman nou bezwen fer li dan en fason kot nou met nou dan plas sa malad.  Ki mannyer mwan, si demen mon ganny kanser, mon ti a kontan en dokter i dir mwan.  Se sa en keksoz ki ekstrememan enportan.

Akoz si dan sa moman, ki ou pe koz ek sa pasyan, ou pe dir li, i ganny kanser.  I perdi sa konfyans, ou pa pour kapab tret li.

E si en pasyan napa konfyans ek ou.  Ou pa pour kapab tret li byen.  Alor mon pe sey dir sa.  Akoz nou Seselwa koman en Nasyon, nou annan en kantite myth otour kanser.  En serten keksoz ki napa fondasyon.  Par egzanp en kantite Seselwa i krwar poudir si mon pis disan, ou ganny kanser.  I pa vre sa.  I fo.  Ou kapab pis disan pour diferan rezon.  Pour en lenfeksyon, pour en pyer dan ronnyon, pour en tape ki ou pa’n remarke.  Alor pis disan i pa vedir ou ganny kanser.  E menm si ou ganny kanser, ou pe pis disan.  I pa vedir ki dernyen staz ou lavi.

Alor, lenportans kanser, se konn nou lekor.  Annou konn nou lekor pour- dan en fason kot koman en pti keksoz i al mal, nou rekonnet poudir mon lekor pa normal la.  I annan en keksoz ki pa byen.

Nou zanfan- ler nou benny nou zanfan.  Annou regarde, okenn bos lo en zanfan, i pa normal.  I annan en maladi ki nou vwar dan zanfan.  En kalite kanser ki nou vwar dan zanfan, ki apel lymphoma.  E lymphoma, souvandfwa i en bos.

Savedir ler nou pe donn nou ben nou bann zanfan, annou regard byen son lekor pour si nou vwar en keksoz ki nou pa-i pa’n ne avek.  Anmenn li kot dokter pli vit posib.  Mersi Mr Speaker.

 

MR DEPUTY SPEAKER

Mersi.  Onorab Vidot.

 

HON AUDREY VIDOT

Mersi Mr Speaker.  zis en pti follow-up. Prenon kont ki Minis in dir nou poudir sa kantite letan ki pran pour train dokter dan sa unit.  Ek sa bann kantite ka ki statistik ki ou’n donnen bomaten, eski ou krwar poudir-oubyen ki plan Minister pour ranforsi petet an term resours imen petet pour deal avek sa kantite case?   Pour bann dokter pa santi zot tiring, knowing poudir nou bezwen zot nou.

So, si zot napa sa lenerzi.  Zot napa sipor, kwa ki zot pe fer?  Thank you.  Mersi.

 

MR DEPUTY SPEAKER

Mersi.  Minis.  E si ou kapab et bref dan bann larepons.  Akoz ziska konmela nou’n fer forse 4 kestyon avek bann Manm Onorab.  E sak larepons in pran apepre 10 a 15minit.

Kestyon la i tre senp.  Ki ou pe fer pour ogmant lakantite spesyalis dan oncology pour ed sa bann ki deza la?  Eski i annan en zefor pour fer sa?  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  E mon eskiz mon lekor ki parfwa akoz mwan annan bokou pasyon pour sa size.  Mon krwar bokou dimoun i annan osi.  E alor petet mon koz bokou lo la.

Pour formasyon bann dokter, sa i priyorite.  E sirtou oncology i parmi bann priyorite pour bann dimoun al spesyalize.  Me osi bann lezot spesyalizasyon ki otour tretman kanser.

E nou pe kontinyen tou le lannen envestir pour dokter al fer zot premye Degre.  Nou pe envestir pour zot al fer zot spesyalizasyon.  E sirtou dan sa bann sekter.  Nou pe osi atraver rekritman- nou napa bokou pos.  Me nou pe regarde atraver rekritman pour nou anmenn nouvo dokter kot i neseser pour kapab adres sa bann tretman.  Mersi Mr Speaker.  E mersi Onorab.

 

MR DEPUTY SPEAKER

Mersi Minis.  Sa ti tre bref.  Tre presi.  Mersi.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman premyerman, definitivman nou rekonnet travay e profesyonnalizm nou bann dimoun dan Minister Lasante.  Nou rekonnet bann dimoun ki fer tretman prive.  E osi byensir parey nou bann zanmi la sorti Cancer Concern Association zot lentere.  E zot zefor ki zot mete kot i annan bokou counselling.  Sa mon ti ava kontan met lo rikord.

Me selman Mr Chairman mon anvi premyerman dir ki, i byen tou bann parol ki nou’n tande depi bomaten.  Me leksperyans nou Seselwa deor, souvandfwa i diferan avek sa nou’n antann.

Lafason ki zot in koze depi bomaten, ou a krwar keksoz ki poudir vre parey Minis in dir, kanser pa devret ganny trete koman en death sentence.  Me malerezman pour bokou Seselwa, it is a death sentence.

Dr Reginald i dir avek nou, regard nou lekor.  Konn nou lekor, fantastik!  Konbyen Seselwa ki regard zot lekor?  Ki vwar bann sanzman, ki monte desann kot klinik.  Klinik dokter i dir avek zot, napa problenm.  Pran sa ou pour ok.

Pour vwar en spesyalis, i pran en kantite letan.  E finalman, letan zot ganny sa diagnose final, se kanser lo son dernyen staz.  E apre 2mwan, 3mwan nou pe tann- konmela nepli dir ‘’Paran zanmi e konesans.’’  Zot sanz li lot fason.  Nou tande ki poudir nou bienaimé in mor.  Mr Chairman, mon mwan kapab koz koumsa.  Akoz mon deal avek kanser lo en daily basis.

Mon zwenn fanmir, mon fer lanterman.  E souvandfwa se sa larealite ki dimoun i pas ladan.  So mwan mon  senpleman anvi demande ki-konmsi ki nou kapab fer pli senp posib?

Letan MIOT avek bann lezot i fer bann cancer camps.  Eski i pa posib pour Minister osi tou rantre ladan e fer en pe sa bann camps?

Parski letan i fer kot bann dokter prive.  I ser.  Nou bann dimoun ki annan mwens larzan, zot pa kapab al partisipe dan sa bann zafer.

Mwan mon  anvi konnen ki Minister pe fer pour asire ki, etann donnen ki kanser i No. 2 dan nou pei an term lakantite lanmor;-  La ziska prezan zot in detekte 377 nouvo ka,  ki vreman zot pe fer pour atak sa sityasyon?

Kanser lontan ti ganny konsidere koman en maladi sa ki ris.  Kanser ti ganny konsidere-in fact dan nou letan, letan nou ti pe grandi.  Kanser sete gran blan ki ti ganny kanser.

E Seselwa, son ordiner wi.  Bann ki pli zenn, kekfwa zot ava- zot pa pour konnen sa.  Ok?  Alor eski letan nou pe koz lo resers, eski vreman zot in regarde ki relasyon bann pestisid?  Lafason ki sa bann pestisid i ganny servi.  Bann keksoz ki nou pe enporte dan nou pei.  Bann manze ki pe donnen.  Eski vreman nou pe al dan sa direksyon?

Nou koz lo sa ki nou pe manze.  Be sa bann poul Brazil la.  Nou kontinyen zis vwar zot, zot rantre dan pei nenport ki fason!  Eski Gouvernman pe dir, sa i en problenm, alor nou bezwen serten aksyon konkret?

Alor Mr Speaker, bann koneksyon.  E annou pa bliye ki poudir i annan serten pei, parey Germany ki’ n fer resers.  E en resers lo pork, lo koson.  Ki montre ki poudir, si bann koson pa ti ganny touye a laz ki zot ganny touye,  zot tou zot ti pour mor avek kanser.  Alor ki relasyon eski sa i annan avek sa ki nou, nou pe manze?

Mr Speaker nou’n tann koz lo PET, CT Scan.  Konnen ki poudir i ser, e ki i pa pour detekte tou keksoz ki i annan pour fer avek kanser.  Me selman, nou konnen ki poudir i pour osi detekte bann lezot maladi.  E i pou kapab osi montre serten keksoz ki i annan pour fer avek kanser.

Mr Speaker letan nou pe regard tretman apre ki en dimoun in sorti, sa size in monte.  Minister Lasante i anvoy en dimoun Lenn pour al fer tretman.  Savedir isi, zot in dekouver ki poudir zot napa sa abilite pour zot tret sa dimoun.  Sa dimoun i al Lenn.  Apre sa dokter laba Lenn, spesyalis i dir.  Ou bezwen retournen dan 6mwan.  Minister Lasante i dir non!

I annan dimoun ki ankor pe atann plis ki 1an.  Zot pa ankor kapab retournen.  Laba spesyalis in donn zot latizann.  Letan zot retourn Sesel, apre ki zot premye preskripsyon i fini, Minister Lasante ki pa ti kapab in the first place tret sa dimoun.  I komans sanz zot latizann.  Eksplik nou en pe sa bann keksoz koumsa, pour donn dimoun-pour fer zot vwar ki poudir it’s not a death sentence.

Prezan Mr Speaker, letan nou pe koz lo bann hours ensidswit ki zot donn tretman, eski sa Departman Oncology i 24 lo 24?  Ki mannyer ete?  Eksplik nou en pe sa.  Parski sa dimoun ki sorti dan Departman Oncology ki mannyer mon konpran, apre i bezwen ganny mete lo ward.

Alor ki posibilite pour nou- si kanser i sitan enportan.  Ki degre lenportans ki nou, nou pe mete pour ki i annan en progranm konplet ki son aftercare– son- pandan son tretman osi tou, sa dimoun i ganny tou sa ki maximum? 

Mr Speaker mon’n osi ganny en let, ki malerezman dokter pa ankor ganny repons.  kot sa klinik ki zot ti pe fer pour mammogram, ki zot ti pe donnen.

Kot en madanm in anvoy mon en mesaz ki dir.  Ti annan zis en teknisyen zonm la.  E nou konnen ki poudir, this is not the standard practice.  I bezwen annan en madanm osi tou la aprezan.

E an plis ki sa, non selman ki sa madanm in santi li anbarase.  Me sa teknisyen in osi fer komanter an relasyon avek son anatomi ki’n fer li pli anbarase.  E in ekrir Minister Lasante.  E ziska aprezan i pa ankor ganny en larepons.

Tousala se bann keksoz ki enportan pour nou, si nou pe tackle sa issue kanser pour nou donn dimoun tou sa sipor.  Pour nou regard tousala.

An relasyon avek Praslin avek La Digue.  Ki mannyer zot bann visits pe fer?  Pour ki sa fasilite mammogram par egzanp, i ava available pour bann dimoun Praslin e osi La Digue.  So Mr Speaker, parey ou pe vwar ki mannyer mon pe koze, mwan personnelman, mwan vwar ki –  napa ase zefor.  Napa ase focus ki pe ganny mete lo sa size kanser.

Menm parey osi, mon ava dir, napa ase zefor ki pe ganny mete lo sa dezyenm maladi ki touy plis nou bann dimoun, bann maladi cardiologie.

Kot konmsi mon mwan ti ava dir Mr Speaker, kan eski Minister Lasante pour annan li en proper Oncology Department?  Pour ki en dimoun ki ganny kanser, ki ape swiv tretman;-  oubyen en dimoun ki i annan cardiology problems, pour ki letan i pa santi li byen.  I pa bezwen vin kot casualty i espere.  Kot i soz, rod son file I ….

Me kot i al direkteman kot sa landrwa kot dimoun i konnen ki pour fer.  E mon toultan- mon’n deza dir sa dan sa Lasanble, mon manman ki ti annan en problenm cardiologie, si ti annan en proper Cardiology Department, i pa ti pour bezwen esper 3erdtan dan casualty.  I ti’n ava’n al direkteman kot en casualty cardiology, e deswit zot ti pou’n donn li- zot ti pou’n fer sa ki neseser.  E avek La Gras, petet i ti ava ankor vivan.  Alor pour tou nou bann dimoun ki ganny kanser, eski pa ankor ler pour nou annan en keksoz konplet?

E lefe ki i annan Cancer Care Association, ki pe montre ki parfwa zot raise funds, zot fer bann donasyon tousala.  Annou pa zis regard zot koman en nenport lezot lasosyasyon prive.  Me annou donn zot lenportans, pour ki nou a konnen- tou dimoun i a konnen ki poudir sa eleman kanser, nou pe pran li serye koman en pei.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Minis oubyen…

 

MINISTER JEAN-PAUL ADAM

Mersi bokou Mr Speaker.  E mersi Onorab.  An se ki konsern- mon krwar bann dokter pour petet osi anvi entervenir zis apre.  Me selman mon ava kouver detrwa pwen.

Premyerman Leader Lopozisyon in koz lo en leksperyans ki diferan.  Mr Speaker, e tou dimoun ki pe swiv nou.  Si ou’n ekout byen mon deklarasyon, mon pa’n vin dir ki nou annan en sistenm ki parfe.  Mon pa’n vin dir ki tou keksoz i mars parfe.  Mon’n rekonnet osi ki i annan parfwa sa bann fristrasyon.  E mon menm mwan pour dir ozordi ki si en dimoun- mon’n eksplike dan mon lentervansyon ki si en dimoun letan in demann en lopinyon lo son maladi.  Si menm dokter i kontinyen dir li menm zafer.  I pa pe santi poudir sa dokter pe adres son size.

Dan nou sistenm nou annan en Polisi ki permet sa dimoun demann en lot lopinyon a en lot referans.  E mon pa pour al- re al lo la.  Akoz dan mon deklarasyon mon’n eksplike ki mannyer en dimoun i kapab fer sa.

Zot kapab kontakte zot Ners Ansarz pour zot kapab fer sa referans avek en spesyalis.  E oubyen pour- avek en lot dokter avan, apre avek en spesyalis pour zot kapab ganny zot konsern adrese.

Mr Speaker selman i enportan nou donn rekonesans nou bann travayer lasante.  E nou ekout zot.  Mon konnen petet ti annan serten retisans pour fer nou bann dokter koze ozordi.  Me i enportan ki nou ekout sa ki bann teknisyen ki enplike dan tretman kanser zot annan pour dir lo sa bann tretman.

E an rekonesan ki i annan parfwa serten bann problenm an term referral sorti dan bann klinik pour ariv dan Lopital Santral pour revi.  Eski nou pe demann nou lekor- eski sa bann problenm i inik avek Sesel?  E larepons i non!

E si nou regard avek nou sistenm- an se ki konsern survival rate.  Si nou regard lakantite kanser.  Mon’n sit sa sif, lakantite kanser ki’n ganny diagnostiquer depi 2009.   Dan sa peryod depi nou annan Rezis kanser, nou annan 50poursan dimoun ki’n ganny- plis ki 50poursan sa bann dimoun ki’n ganny diagnostiquer ki’n kapab sirviv.  Akoz nou’n kapab ofer zot en tretman ki apropriye.

Mon envit tou dimoun ki pe swiv nou deba.  Al lo sit web Cancer Research UK.  E mon oule zot regard bann statistik ki ganny pibliye par Cancer Research UK lo survival rate dan bann dimoun L’Angleterre.

E zot pour vwar ki survival rate UK i 50poursan.  So Sesel, wi nou annan kontrent resours.  Wi nou osi annan bann sityasyon kot i annan endividi ki pa ganny son kanser detekte a en moman ki i devret ganny detekte.  Nou rekonnet sa.

Me annou donn respe nou bann profesyonnel Lasante pour nou rekonnet poudir sa ki zot ki zot kapab fer pou tret sa bann dimoun.  Zot pe fer en diferans.  E osi ki sa bann travayer lasante atraver zot zefor, zot pe sov lavi dimoun.  E annou osi dir ek sa pasyan deor ki ou annan en sans, ki ou annan lespwar, ki kanser pa en santans lanmor.  Akoz si- si nou pa dir ki L’Angleterre kanser i en santans lanmor.  Nou pa devret dir ki Sesel i en santans lanmor akoz nou statistik i montre poudir ki lamazorite dimoun i sirviv letan zot ganny kanser.

An se ki konsern bann camps pour kanser.  Nou-dan Minister Lasante par egzanp si nou regard sa travay ki nou pe fer avek Cancer Concern lye avek sa mwan Oktob, nou pe entansifye sa bann screenings ki nou pe fer.  E nou pe envit dimoun pour vin pli devan.

Nenport ki dokter prive i kapab fer bann camps.  Nou pa anpese.  E menm nou ankouraze.  Me annou rapel ki la gran mazorite bann ka kanser ki ganny detekte dan sa pei,  i ganny detekte dan Lopital Sesel.

E sa i akoz malgre ki nou bann defayans.  Nou pa parfe.  Me nou annan en sistenm ki baze lo larealite sityasyon ki nou annan.

Dan mon lentervansyon, mon’n koze lo bann landrwa kle pour nou ranforsi.  E landrwa kle pour nou ranforsi pour asire ki nou annan plis leadership dan nou bann Sant Lasante ki asire ki sa referral i ganny fer byen.  Sa pa mwan ki’n evant sa stratezi.  Mon demann zot tou ozordi, demann en dokter.  Ki zot santi?  Kote nou devret met nou zefor?

E sa bann dokter pour dir ou, nou met nou zefor la.  Nou osi bezwen byensir.  E nou bezwen pli spesyalis.  Nou bezwen adres tou sa bann eleman.  E nou pe fer li.

Me nou bezwen osi regard lakle pour nou adres sa.  E si nou komans tonm dan en latrap pour nou dir ki nou pour vwar tou ka kanser, i pa pour fezab.

Ankor mon pour demann zot al regard Cancer Research UK.  E zot pour vwar ki an 2019, i annan 115, 000 dimoun ki son kanser in ganny detekte lo staz 3 ek 4, parey Sesel ki nou annan sa problenm.  Ok?

E problenm avek detekte kanser, i miltip.  Akoz napa en stratezi ki marse.  I bezwen tou bann diferan stratezi, letan pou’n met ansanm ki pour kre sa lenpak ki neseser.

Ou bezwen annan en bon sistenm referral, sorti dan ou Sant Lasante.  Mon’n koze lo serten defayans ki nou annan dan sa bann sistenm.  Me mon’n osi koze lo bann mezir ki nou pe pran pour nou adres sa.

Me si ankor nou pran leksperyans L’Angleterre.  Zot problenm se akoz mank lenformasyon dan popilasyon parey kot nou.

E alor nou tou osi annou pran sa zefor parey Dr Reginald in dir, konn ou lekor.  E annou tou fer sa zefor pour fer sir ki sa dimoun ki bezwen latansyon i ganny latansyon.

Onorab Leader Lopozisyon in osi koz lo bann lyen ekstern ki kapab- bann fakter ekstern ki kapab kontribye anver kanser.

An se ki konsern pestisid.  Pour le moman dan Sesel, nou annan en Lalwa ki vreman sever, konpare ek lezot pei.  An se ki konsern lenportasyon pestisid.  E i annan en kantite pestisid menm ki pa ganny drwa enporte Sesel.  E dan lamazorite bann ka, bann pestisid ki nou enporte i pa bann pestisid ki lye avek bann ka kanser.  Nou rekonnet ki i enportan si i annan okenn doutans ki i annan okenn konsern otour bann ka.

Par egzanp en dimoun i ganny kanser, si in ganny ekspoze avek en keksoz ki kapab koz lo la.  E mon konnen ki Onorab- Manm pour La Digue in met serten pwen devan nou lo serten ka La Digue ki zot annan soupson lo la.  E nou pe regarde.  Me nou bezwen baz li lo levidans.  Nou pa kapab zis dir poudir sa dimoun in ganny sa akoz sa.  Nou bezwen baz li lo levidans lo bann ka konkret kot i konsern en lyen ant en pestisid oubyen en lot keksoz, ki fer en lenpak.

Lo- an se ki konsern lenportasyon lavyann;-  kot Lotorite Lasante Piblik, zot fer bann tes ansanm avek Servis Lagrikiltir lo bann lavyann enporte.  E nou servi bann standar pour nou vwar kwa ki kapab ganny enporte, e kwa ki pa kapab ganny enporte.

Bann konsern ki Onorab Leader Lopozisyon in met devan.  I bann konsern ki global.  E nou, letan nou pe teste sa bann prodwir.  Lo son bann nor, de baz, sa bann prodwir i antre dan sa bann kriter.

Selman parey in dir, mon osi mon’n get sa menm video ki li in gete.  Ki montre ki prodiksyon laba Brazil.  Be sa bann menm prodwir sorti Brazil pa pe al vin zis isi.  I pe al partou.

Si nou pour anpes li vini.  Si nou pour anpes li vini.  Nou bezwen baz li lo en letid ki demontre klerman sa risk otour sa.

E an se ki konsern sa bann prodwir, enn bann keksoz ki nou tou nou kapab fer.  Se nou kapab konsonm prodwir lokal.  Akoz en keksoz ki mon kapab konfirmen.  Se atraver bann tes ki Lotorite Lasante Piblik in fer, se ki nou bann prodwir lokal i annan bokou mwens.  E napa preski ditou bann ormonn par egzanp.  Ok.

Sa ki nou napa ase lenformasyon pour nou dir.  Se sa lyen par egzanp ant bann ormonn ki dan bann lavyann enporte avek kanser.  Nou napa sa levidans ase for pour nou kapab dir, sa i en rezon pour nou anpes lenportasyon.

Mon krwar ki nou tou letan nou konsyan sa risk.  Nou bezwen pran bann desizyon enformen.  E letan plis lenformasyon i vin a nou dispozisyon, mwan mon pour premye dan laliny poudir, annou anpes lenportasyon.  Serten sa bann prodwir ki sorti- ki ganny prodwir an mas e ki ganny distribye partou dan lemonn.  E menm si zot antre dan kriter an zeneral, ki nou annan konsern lo lafason ki sa bann keksoz i ganny prodwir.

E an se ki konsern en dimoun- lot eleman ki Leader Lopozisyon in koz lo la, se lo PET Scan. E si mon swiv lozik ki in servi.  I pe dir ki si en dimoun pe demann en PET Scan, nou donn li en PET Scan.  Me dan Minister Lasante, dan Lazans Swen Lasante se pa mon ki dir koman Minis lekel ki pour pran PET Scan. 

Se pa okenn politisyen ki pour dir lekel ki pour pran PET Scan.  E i pa devret.  Kestyon si ou pour pran en PET Scan, i devret en kestyon- i bezwen en desizyon medikal.  E i bezwen en desizyon medikal ki baze lo sityasyon aktyel dan sa moman sa pasyan.

E mon krwar i enportan ankor pour nou diskit- pour nou koz avek sa bann dokter, ekout zot bann perspektiv lo zot bann pasyan ki zot in vwar.

Rezon ki mon’n mansyonn sa dan mon deklarasyon Mr Speaker, se ki letan en dimoun i al trete aletranze, menm letan Gouvernman i anvoy li, oubyen letan i al lo li menm, sa bann lopital malgre ki nou dir zot ki nou annan nou kriter.  Nou menm montre zot nou kriter pour referral pour PET Scan.  Sa bann lopital i anvoy menm rapor, si en dimoun in al pour kanser.  Menm rapor pour tou- i annan serten keksoz ki dan tou rapor.  Zot dir review in 6months PET scan – ok?  Me zot menm zot, letan ou pour demann zot sa dokter, zot pour dir ou the decision on a PET Scan will be taken when we have the results of the tests.  Sa ki sa bann dokter i dir laba, ok.

E sa ki nou fer isi.  Sa bann dokter letan en pasyan i vini, avek son rapor sorti dan sa lopital.  Nou fer bann tes pour fer son swivi.  Si sa bann tes i montre rezilta ki pozitiv.  Nou pa bezwen refer li avek PET scan.

E mon mwan lopinyon Mr Speaker, ki mon pour defann tre for avek bann profesyonnel medikal, se poudir nou bezwen fer sir ki se profesyonnel medikal ki pran sa bann desizyon.

E nou bezwen prioritise sa ki nou bann dokter isi Sesel pe dir vizavi tretman sa pasyan.  E nou bezwen respekte bann protokol, e bann provizyon pour referans pour tretman ki ganny fer par bann dokter Seselwa.

Dan sa menm Lasanble isi.  Nou’n pas en Lalwa lannen pase lo tretman dimoun aletranze.  E dan sa Lalwa, nou’n met klerman bann kriter ki mannyer en dimoun i ganny son referans pour li al trete aletranze.

I pa Minis, e i pa okenn politisyen ki enplike ladan.  Sa bann eleman i ganny fer par bann dokter.  E mon felisit sa bann dokter.  Akoz sa louvraz i vreman enorm.  Board lo- Board ki regard tretman aletranze, zot zwenn tou le semenn.  E lakantite ka ki devan, i bokou.  E zot fer en travay entans pour zot adres sak ka lo son merit.  E baze lo sa ki dan Lalwa, e baze lo merit medikal ki devan zot.

E mon demande Mr Speaker ki nou tou nou ranforsi nou sipor pour lentegrite sa bann profesyonnel medikal dan zot travay.

An se ki konsern bann preskripsyon ki letan i fini e i ganny ranplase.  Mon koz anba kontrol bann dokter ki swiv sa.  Me parfwa, wi en medikaman son mark pour sanze.  Me son tretman i standar.  Dan tretman pour kanser, tretman ki nou donnen isi Sesel, i standar.  E nou kapab defann sa, atraver levidans otour sa bann tretman ki nou servi ki baze lo bann letid ki’n fer dan diferan pei.  E ki baze lo larealite.

An se ki konsern Unit Oncologie, son ler louvertir i pa disponib 24 lo 24.  Akoz nou unit i ganny konsidere koman en 2 unit.  Savedir bann dimoun i vini pour lazournen, pran zot tretman, apre zot al se zot.

Parey mon’n eksplike dan mon deklarasyon, letan en dimoun i bezwen en ladmisyon pour en tretman pli aprofondi.  E ki sa dimoun i annan kanser.  Nou fer provizyon o maximum ki posib pour sa dimoun ganny en lasanm prive pour son tretman.

E parey mon’n osi dir dan mon deklarasyon.  Nou pe- nou dan konversasyon avek Cancer Concern Association, pour nou vwar lafason ki nou kapab amelyor standar servis pour sa bann dimoun enkli atraver amelyorasyon bann fasilite ki i annan dan lopital.

Dan plan devlopman lopital.  Nou’n prevwar bann lasanm dedye pour bann pasyan ki pe soufer avek kanser.  Mon totalman avek Leader Lopozisyon an se ki konsern en teknisyen msye ki’n bezwen- ki’n fer en travay avek en madanm. E mon pour- mon pa’n vwar sa let.  Petet pa’n adres lo mwan.  Nou ava revwar avek Lazans Lotorite Lasante lekel ki’n resevwar sa let.  E nou ava donn sa dimoun en larepons.

E mon oule asir tou dimoun, ki letan nou annan bann lensidan parey, nou annan en prensip latransparans ek rann kont.  E nou fer sir ki nou adres sa bann konsern dan en fason sistematik ki kot i neseser, mezir disipliner i ganny pran.

E pour konklir Mr Speaker.  Mon krwar ki- i annan bokou keksoz ki nou bezwen pour fer isi Sesel.  I annan bokou keksoz ki nou bezwen envestir ladan.  Me mon krwar i pa korek poudir ki napa zefor.

Zefor ki ganny fer dan sa pei, i enorm.  Zefor premyerman, par bann travayer lasante zot menm.  Ki vreman dedye en kantite pour zot kapab fer en travay ki vreman difisil.

Dezyenmman par bann dimoun ki dan Lasosyete Sivil.  Mon pour mansyonn Cancer Concern.  Me osi bann lezot ki zot vreman fer en travay remarkab.  E tou bann dimoun ki volonter otour pour siport bann dimoun ki pe ganny tretman oubyen ki pe viv avek kanser.  Mersi bokou Mr Speaker.  Mon krwar mon’n kouver laplipar bann pwen.  Mersi.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker, premyerman mon ti a kontan dir Minis, mon konnen i en bon politisyen.  E ki koman en bon politisyen.  Zis koman ou demann kestyon ki apropriye.  I pour zwe lo staff.  Montre respe pour dokter, pour bann profesyonnel.

`       Mr Speaker, nou annan tou respe pour bann profesyonnel.  Pa bezwen vin zwe sa kart avek nou dan sa Lasanble.  Parski sa i en vye kart!  Sa premyerman.

Mr Speaker, letan nou pe koz lo kanser, nou pe koz lo ki mannyer koman en pei- parski sa i pa zis en konsern pour Minis avek son Gouvernman.  Sa i en konsern pour nou tou Seselwa ki i annan nou fanmir ki’n mor avek kanser.  Ki i annan ki nou pa konnen ki kapab arive.

Letan nou koz lo- letan mon’n demann, Minis deswit in anvoy nou deor.  Deswit in dir avek nou al get bann lezot pei.  Be Minis, se parski rezon ki mon bezwen poz sa bann kalite kestyon, se parski mon fatige tann ou menm ou dir, Sesel i premye dan Lafrik, Sesel i premye, isi Sesel premye laba!

E alors mwan, mon anvi ki nou tenir sa pozisyon premye!  E letan nou pe konpar nou avek L’Angleterre, annou fer en konparezon ki reel.  Sesel nou annan nou en pti popilasyon.  E ziska aprezan, ou’n mansyonn- ziska la, nou’n dekouver 377 ka.  Byensir sa bann statistik ki ou pe dir, nou ti ava kontan demann ou.  Be laba L’Angleterre, konbyen milyon ka, oubyen konbyen ka ki nou pe koz lo la?  Alor. Si nou pe dekouver 377 nouvo ka,   mwan mon  pe senpleman dir,  be eski nou pa kapab met en pli gran zefor?

Ou’n koz lo Bidze pli boner.  Nou konnen sa Bidze. Parski Bidze i ganny aprouve isi dan sa Lasanble.  Be ki mannyer eski sa Bidze pe ganny mete dan en fason pour ki, lefe ki kanser i kapab vin en death sentence, si i pa ganny- son tretman i pa ganny detekte boner.

Nou tou nou konnen lakle se early detection.  Si i pa ganny detekte boner.  Si i pa ganny sa tretman apropriye.  Alor, mwan mon anvi konnen kwa ki bann zefor ekstra ki parey ennler nou dir, deklar en lannen, ‘’Lannen Travay Dir.’’

Eski Minis pa krwar ki avek sa sityasyon kanser, nou devret petet atase avek nou lasante, deklar en lannen kot nou pour met lanfaz koman en pei lo kanser!  Kot nou pour demann bann dimoun ki zot sistenm tax la – CSR mon krwar i apele – pour met dan bann masin ki nou bezwen.  Pour nou ranforsi nou detection, pour nou annan nou en Oncology Department ki pa zis vin en Day Care, en Day Unit.  Me ki nou kapab build en nouvo Oncology Unit pour ki nou ava annan plis ki 7 ners.   Parski sa bann ners la Mr Speaker, nou kontan zot en kantite. Akoz zot pe fer en kantite travay ek zot bann dokter.

Me zot in fini- i deza epwize.  Zot overstretched.  Minis i konn byen sa li.  E alor, se sa ki nou pe-nou pe vreman- nou pe vreman rode.

E mon anvi dir ek Minis, pa servi sa kart travayer.  Akoz- e letan ou pe dir profesyonnel.  Wi nou tou konnen sa koze, se zis bann profesyonnel.

Me selman letan bann ki pa profesyonnel i anvoy bann pti let pour ganny carer,  mon krwar ki pour demann bann ners ki fer Barthel Index pour sanz zot score ki zot in donnen.  E mon krwar ki poudir tousala, se bann keksoz ki nou bezwen regarde.

Alor ankor enn fwa Mr Speaker, mon mwan anvi ki- mon anvi osi- mon anvi osi ki Minis i dir avek nou lekel ki lo sa Board, sa Tumor Board la poudir dimoun fer en appeal.  Akoz ki mannyer mon konpran, i pa neseserman, i pa neseserman- bann dimoun ki fer en appeal la, an relasyon avek- espesyalman avek relasyon avek kanser, zot pa toultan reisir.

E pour terminen Mr Speaker.  Mon anvi zis nek dir Minis ki, mon mwan ti MIOT Hospital letan frer Onorab Sandy Arissol, en zenn garson ti mor.  Mon ti al kot li.

E sa oncologist, ki ti ape tret li, ti dir detrwa keksoz ki mon krwar i enportan.  Ti dir, Sesel premyerman, petet nou bezwen upgrade nou lab, pour ki bann rezilta ki ganny donnen, zot accurate. 

Parski avek rezilta lab, parfwa zot fer loperasyon ki zot pa devret fer.  Oubyen zot pa fer loperasyon ki zot devret fer.  Sa i enn.

Dezyenmman, sa oncologist ti dir, ‘’Sesel parfwa zot anvoy pasyan tro tar.  E letan zot anvoy pasyan tro tar, pasyan i mor.’’  E nou’n annan plizyer sa bann ka.

E mon plis ki sir ki Onorab De Commarmond tou pour konn sa bann sityasyon.  Parski li osi tou in al MIOT.  So, sa se pour sa rezon ki mon pe poz sa bann kestyon.

E bann spesyalis i konn byen, si en dimoun i ganny leukemia.  Initil ou anvoy li fer tretman, apre detrwa semenn or whatever.  Espesyalman bann leukemia ki agresiv.

Me alor, Mr Speaker mon dernyen parol,  Se, Lasanble Nasyonal i pare pour donn tou sipor.  Zot Bidze, Bidze pe vini la.  Mon ankouraz Minis, met plis larzan pour tretman kanser, detection kanser, prevansyon kanser.  E Minis mon kapab dir avek ou, lo nou kote dan sa Lasanble, ou pour ganny full sipor.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Minis nou pour al ziska 12.30.  Ou annan 4 minit pour ou reponn sa bann pwen ki’n souleve.

 

MINISTER JEAN-PAUL ADAM

Mersi bokou Mr Speaker.  E mersi Onorab.  E mon pour sey en pe kourt.  Akoz mon krwar i enportan pour nou antann osi bann spesyalis pour koz en pti pe lo sa size avan nou terminen.

E lo- mon oule fer kler avek tou bann dimoun ki pe ekoute, letan mon koz lo lenportans nou bann travayer, e bann profesyonnel Lasante.  Se zisteman akoz, se sa la baz tou lentervansyon ki nou pe fer.

E mon- avek respe mon pour dir, mon krwar ki Onorab Leader Lopozisyon i bezwen reflesir en pti pe plis lo sa stratezi kanser.  Akoz son premye refleks, se pour koz lo batiman, se pour koz lo lekipman, se pour koz lo bann keksoz koumsa.  E lenportans, se zisteman pour annan en sistenm.  E sistenm i batir lo bann Profesyonnel ki kapab donn sa tretman.  E si ou ekout bann profesyonnel Lasante.  Zot pour dir ou lenportans lo detection boner.  E sa i vin atraver ranforsman dan nou bann Sant Lasante.  E se zisteman sa ki mon’n dir.

Vizavi bann nouvo lekipman.  Lekipman i annan la.  Nou annan bann lekipman dyagnostik.  Petet i annan 1 ou 2 ki nou bezwen ranforsi.  I annan 1 ou 2 ki nou bezwen adrese.  Me nou bezwen osi, sirtou form bann dimoun pour kapab enterpret rezilta ki nou gannyen lo sa bann kestyon.

E sa zefor an plis.  Sa zefor ekstra.  Leader Lopozisyon in propoze ki nou annan en Tenm en Lannen.  E mon toutafe siport sa.  Me i fasil koze lo kanser.  I fasil dir sa bann zafer. Me i enportan pour dir, nou met resours zisteman kot la i pour fer en diferans.  E sa i komans dan nou Sant Lasante.  I komans avek formasyon e ranforsman kapasite nou bann travayer.

E bann lezot pwen ki petet mon ava tous lo la,  se- in tous lo Board- in mansyonn Tumor Board.  Selman mon krwar i pe vedir, Overseas Treatment Board.  Akoz Tumor Board i bann groupman spesyalis ki desid lo tretman ki en pasyan pour fer.  Overseas Treatment Board i deside si sa pasyan pour ganny référé aletranze.  E sa Board i zwenn tou le Merkredi.  E apre i annan en Appeals Board.

Pour sa Overseas Treatment Board i ganny- son Chairman se Dr Telemaque, Henry Telemaque.  E pour sa Appeals Board, son Chairperson, son Chairman i Mr- i Dr Mickey Noel, ok.  E bann menm dokter pa lo tou lede Board.  Savedir sa 2 Board i regard zot bann size separeman.

Mon pa’n tro kler lo kwa ki Leader Lopozisyon ti pe vedir, letan in koz lo pour sanz Barthel Index.  Akoz pour mwan,  mwan letan i annan bann ka ki ganny anmenn devan mwan,  letan bann travayer lasante i fer assessment pour carer, Zot fer zot vizit, e zot fer zot rapor, apre zot anvoy kot Lazans Proteksyon Sosyal.  E mon pa konnen ki sey fer referans lo la.

An se ki konsern-

 

(Interruption)

 

MINISTER JEAN-PAUL ADAM

… mon konpran- mon konpran konsern ki Leader Lopozisyon in eksprimen letan in koz lo en ka ki’n tous li personnelman, ka frer Onorab Arissol.  E mon osi mwan profite Onorab Arissol pour mon eksprim nou sipor, nou solidarite avek sa sityasyon difisil.

Me mon pour dir Onorab ki, i enportan ki nou pa zanmen pran en desizyon baze lo en lensidan.  Akoz wi, si mon pran sa legzanp.  Ou dir mon pasyan in ganny anvoye tro tar.

E nou statistik ki mon’n site dan deklarasyon, nou- dan 58poursan dan sif pour 2018, 58poursan i ganny dekouver an staz 3 ek staz 4.

E wi sa i pli tar ki nou ti ava swete.  Annou met zefor pour nou depiste pli boner.  Me bokou bann keksoz ki ou’n koz lo la Leader Lopozisyon, pa pour permet nou depiste pli boner.  Nou bezwen met lanfaz dan kominote pour nou kapab depiste sa bann keksoz.  E asire ki nou annan sa sistenm referral.

E sa bann kestyon otour accuracy of lab results eksetera, i otour formasyon e sipor ki nou donn nou travayer lasante.

E an se ki konsern resours, resours ki dan Bidze, tou le lannen, parey mon’n site dan mon deklarasyon, tou le lannen Bidze i ogmante pour tretman kanser.  Sa i enkli tretman ki nou fer isi, enkli tretman ki nou anvoy aletranze.  E enkli osi zefor ki nou mete atraver bann diferan proze- proze lo non-kominikab diseases, proze lo paspor dyabet.  Tou sa bann proze promosyon ek ki nou fer dan bann Sant Lasante, e osi dan medya.  Sa bann Bidze i kontinyen ogmante lannen- tou le lannen.  E mon remersye tou Manm Lasanble pour zot sipor pour sa.

E Onorab Leader Lopozisyon in dir, eski nou devret konpar nou lekor avek aletranze?  Premyerman nou bezwen regard kote nou kapab amelyore.  E letan mon’n prezant stratezi.  Mon krwar nou’n kler lo kote nou bezwen sa bann zefor.   E bokou sa bann zefor, mon’n diskit avek Cancer Association, Cancer Care Association.  Nou ti zwenn Vandredi, e nou’n agree la kot bann priyorite, kot nou bezwen fer zefor pour adres sa.

Pour- si nou regard L’Angleterre in dir, konbyen milyon ka?  Mon ankor, mwan pour dir dimoun al lo Cancer Research UK son website.  I montre ou poudir ki i annan 115,000 ka ki’n ganny diagnostiquer dan staz 3 ek 4.  Lo en total par lannen 300mil.

Savedir 40poursan zot bann ka pe ganny diagnose dan- i ganny konsidere koman i ganny diagnose tar.  Zot diagnose– zot moman kot zot diagnose i en pe pli bon ki pour nou.  Me zot survival rate, i pa tro lwen ek pour nou.

E mon pe konpar nou lekor avek bann pei etranze.  Zisteman pour nou vwar kote nou kapab amelyore.

E si ou regard ankor sa ki L’Angleterre pe fer, me serten lezot pei, ou pour vwar ki lanfaz sa zefor i ganny mete lo prevansyon, lo depiste pli byen, e asire ki i annan sistenm an plas, pour asire ki i ganny depiste byen.  Mersi Mr Speaker.  Mon ava demande si bann dokter i annan detrwa pti pwen pour azoute.  Mersi.

 

MR DEPUTY SPEAKER

Dr Louange.

 

DR DANNY LOUANGE

Mersi Mr Speaker.  E mersi Onorab Leader pour Lopozisyon pour sa bann kestyon.  E sa bann kestyon Mr Speaker, i- mon krwar Mr- Onorab Leader Lopozisyon in fer son travay byen.  I koz lo prevansyon, early detection, early intervention, tretman ek follow-up.

Dan Lazans Swen Lasante, nou tou nou pe travay for pour nou kapab amelyor sa sistenm ki nou annan.  Sistenm lasante ki nou annan.  E nou’n aprann en kantite leson.  Nou’n aprann atraver bann konplent ki nou’n gannyen, atraver bann leksperyans ki nou’n osi gannyen.  E osi bann expert ki’n vini, ki nou’n envite pour nou kapab amelyor sistenm.

E i annan en ta striktir ki nou’n mete an plas.  Sirtou an se ki konsern kanser.  E menm i annan bann striktir ki nou’n restriktire, pour nou kapab adres sa kestyon tretman kanser.

E en premye pwen ki ou’n fer sorti, i an referans avek referral system.  Ki mannyer nou refer pasyan.  Nou- e sa i en challenge global.  E i en challenge osi ki Sesel nou’n face– nou pe face en kantite.  E ou ganny- e ou vwar par sa bann konplent ki i arive.  E menm nou bann statistik i montre sa.

Me dan Lazans Swen Lasante, nou pe kontinyen fer fason ki sa referral system i amelyore, ki bor letan en pasyan in ganny detekte avek en kondisyon, i ganny vwar, i ganny refer, or i ganny vwar par en spesyalis o pli vit posib.

E napa okenn spesyalis dan Lazans Swen Lasante ki pa pour vwar en pasyan ki annan en kondisyon ki bor zot sispe i kanser.  E zot pour fer zot mye pour vwar sa pasyan o pli vit posib.  E nou pe kontinyen- nou kontinyen monitor.  Me menm Minis in koz NHS an ‘L’Angleterre.  E NHS, e laplipar pei modernize i swiv closely bann waiting time of referral times.

E osi, nou pe sey met sa an plas konmkwa ki nou kapab sey detekte ki mannyer nou kapab improve nou referral system.

E Leader Lopozisyon- Onorab Leader Lopozisyon osi in koz lo ladmisyon kanser;-  bann pasyan kanser.  E Minis in tous lo la osi.

Ki nou’n fer pour servis kanser lo Lopital Sesel?  Nou’n- i ti annan en plan devlopman- en Master Plan pour Seychelles Hospital.  E letan ti an devlopman, nou’n realize ki Cancer Center i enn bann fasilite ki nou ti pour bezwen tackle, menm avan esper letan sa plan in fini.

E sa enn bann fakter ki montre ki tretman kanser i priyorite pour nou.  E nou’n, avek nou bann partners, e Cancer Concern Association ki zot la prezan.  Nou’n vin ansanm avek detrwa lezot sponsors.  Nou’n fer en fason ki bor nou’n re- nou’n met en Cancer Unit an plas, e i pe fonksyonn- i pe fonksyonn byen.  E i pa vedir ki nou napa okenn challenges.  Nou still challenge ki nou pe kontinyen avek nou bann partners pour nou kontinyen adrese.

Me sa-an se ki konsern ladmisyon.  Letan nou get figures pour le moman, nou figures i ba pour nou kapab build en fasilite zis pour accommodate oncology patients, bann pasyan ek kanser pour ladmisyon.

Laplipar bann pasyan ki bezwen tretman i on a day basis.  Ki bor zot vini, zot ganny zot tretman, apre zot al dan lakour.  Me i annan parkont bann pasyan ki bezwen reste overnight pour zot tretman.  Oubyen i annan bann pasyan ki letan zot lo tretman, zot bezwen ladmisyon pour en lot- pour en ka en pe diferan, oubyen asosye avek zot tretman ki zot bezwen ladmisyon.

Letan sa i arive,  nou donn zot priyorite pour zot ganny en single room.  E sa i standar.  E parkont, si i annan plis pasyan ki nou pa kapab accommodate, then nou fer en fason spesyal pour zot.

Apre ou’n koz lo bann pasyan ki’n sorti aletranze.  E letan zot tournen avek zot plan follow-up sorti dan sa Sant ki bor zot in ganny trete.  Nou annan- parey Minis in fer sorti- nou ti annan deza en striktir e nou’n re met bann lezot bodies an plas.  Parey Tumor Board.  E nou’n re vizit Overseas Treatment Board and met Appeals Board pour nou kapab ankadre sa bann keksoz.

E letan en pasyan i tournen avek son follow-up orders par sa specialist lopital, sa i ganny vwar par sa spesyalis ki’n anvoy li overseas.  E si sa spesyalis i re vizit sa bann tretman oubyen sa follow-up plan, e si i vwar ki i annan en nesesite pour sa pasyan ganny anvoye,  I pour prezant sa lo Tumor Board, e prezant sa lo Overseas Treatment Board.  E pour approval.

Me parkont si sa pasyan, oubyen sa spesyalis pa’n-pa- i pa vwar nesesite pour anvoy sa pasyan overseas pour sa follow- up,  sa pasyan i annan drwa pour ekrir Appeals Board pour demann-pour appeal pour son case.  E sa i ganny pran an konsiderasyon, akoz nou annan striktir an plas.  E mon krwar se tou ki mon ti oule koz lo la Mr Speaker.

 

MR DEPUTY SPEAKER

In ariv 12.40.  Zis 2 minit silvouple, Dr Reginald.

 

DR LOREN REGINALD

I enportan ki nou konpran ki malgre Oncology Unit i en Day Unit, servis lopital i 24er.  Savedir si en dimoun i annan kanser, i pe ganny konplikasyon kanser.  Swa i pe sennyen, swa i pe vomi en kantite, nou la 24er pour zot.  E nou la pour ed zot 24er.

Si en dimoun in al dan klinik i santi poudir i malad,  i pa kontan son larepons ki i pe gannyen dan klinik,  i anvi vwar en spesyalis,  Silvouple,  ozordi i annan en kantite dimoun ki kapab ed zot lopital.  Nou annan Dr Kenneth Henriette, Direkter Lopital, Dr Robert Michel, i Chief Medical Officer.  Dr Danny Louange i CEO.  E  mwan mon menm Dr Reginald.  Call nou, nou la pour ed zot.

E kanser i kapab geri.  Annou met sa dan nou latet Seselwa.  Kanser i kapab geri.  Lenportans se early diagnosis.  Mersi.

 

MR DEPUTY SPEAKER

Mersi Dokter.  Bon i reste ankor 8 dimoun ki’n lev lanmen pour demann kestyon.  Be nou ava kontiny sa 2er apre midi.

 

(BREAK)

 

 

MR DEPUTY SPEAKER

Bon bonn apre midi tou bann Manm Onorab, tou dimoun ki pe swiv Lasanble Nasyonal ozordi Mardi le 22 Oktob, 2019 nou lo sa Item lo Order Paper ki apel Statement, Deklarasyon par Minis  lo bann stratezi pou amelyor prevention avek tretman kanser e mon ti annan en lalis dimoun ki ti’n demann pou entervenir. E lo mon lalis Onorab William Herminie –  Wilbert Herminie – pardon.

 

HON WILBERT HERMINIE

Ou donn mwan en nouvo tit mersi Mr Speaker.  Bonn apre midi Minis avek ou delegasyon. Minis en bon Statement bomaten.  Dan ou Statement ou dir Gouvernman dizour in depans preski R10 latizann sa ti tonm apepre RI00mil par personn, mon kestyon se ki proporsyon Bidze aktyel Minister Lasante ki al dan tretman kanser total? Zis pou nou kapab ganny en view apepre konbyen I koute pou tret en dimoun pou sa staz ki i pe pran tretman kanser? Sa i enn.  Minis osi ou’n dir koumsa sa bann mini labs, eski i pou rantab pou antre dan sa bann medium lab e met zot dan bann sant rezyonal pou kapab tret avek tretman preliminer pou detekte kanser eski sa i dan zot plan or eski i pli rantab pou fer li lo nivo santral?

Epi Minis en lot kestyon sa i sorti kot en zabitan, i ti pe demande pou bann pasyon ki sorti tretman an MIOT i annan zot bill ki sorti laba a aletranze ki ganny anvoye Sesel pou Minster Lasante peye me sa bann pasyan zot menm zot pa sinyen sa bann dokiman konmkwa pou sertifye konmkwa tretman ki’n ganny anvoye Sesel dapre sa bill i parey tretman ki zot in gannyen laba MIOT?

Ki striktir  ki zot i annan an plas pou verifye ki sa bann dokiman ki MIOT i anvoy Sesel i larealite i sa tretman menm ki sa bann pasyan laba in servi?  Mersi.

 

MR DEPUTY SPEAKER

Mersi Onorab. Minis 3 bon kestyon in kit avek ou.

 

MINISTER JEAN-PAUL ADAM

Mersi bokou Mr Speaker e mersi Onorab. An sa ki konsern kou pou tretman kanser, mon napa en sif global me petet en keksoz ki nou kapab travay lo la pou kapab donn zot par egzanp dan konversasyon ki nou pou annan lo Bidze.  Me mon kapab donn ou serten lendikasyon ki op diriz dan sa direksyon. Alor sa sif ki mon’n site R10milyon sa i kouver zis sa kou sa bann medikaman spesifik pou  Unit Onkolozi. An plis ki sa ou annan kou tretman ki letan nou refer en pasyan deor, par egzanp pou li fer radyo terapi oubyen bann lezot tretman otour kanser e sa i an mwayenn  $10 a $15 par personn.   E nou Bidze total par lannen pou tretman aletranze i apepre en R40milyon e apepre 2tyer ladan I dedye a bann ka kanser akoz i lamazorite. Bann lezot kou ki mon pou napa bann sif imedya me ki mon kontan gard antet se tou bann diferan tes ki ou fer pou detekte kanser;- sa i enkli bann tes atraver masin. Nou annan sa bann kou endividyel par egzanp par egzanp letan ou  fer mammogram oubyen ler ou fer en tes  en kloronoskopi  eksetera, nou annan sa bann diferan kou ki dan lopital e nou kapab regard sa a lavenir ki mannyer nou  montre sa bann kou. Apre ou annan byensir bann kou travayer bann staff cost ki otour bann dimoun ki fer tretman avek kanser.

        Sa  ou propozisyon kot I konsern ban mini labs  – bann pti laboratwar dan bann sant lasante ki kapab fer serten tes pou depiste kanser, nou seye o maksimonm k nou kapab met met bann tes a dispozisyon dan bann sant lasante  e i annan  par egzanp bann sant rezyonal ki serten tes de-baz i kapab ganny fer bann ki rezyonal   me a lavenir letan loportinite i monte  pou nou kapab met plis sa bann tes laba,  me i pou toultan depan lo  parey nou dir an Angle lo Economies of scale e sa i vedir ki si sa tes I kout nou bokou  plis  pou ou fer li dan sa sant rezyonal, i pa pou fer sans.  Me par kont si lavantaz ki ou  se sa konversasyon en pe pli imedya I direk avek sa profesyonnel lasante ki permet ou fer en referral ki pli bon e  ki pli vit alor sertennman nou pe gard ranforsi sa kapasite dyagnostik dan  nou bann sant lasante enkli  atraver bann tes debaz ki kapab disponib laba. Me serten bann lekipman dyagnostik pli avanse I pa pou tro fer sans pou fer li dan sant rezyonal.  Sa byensir kot I konsern bann masin parey mamogranm evantyelman nou ti ava kontan annan enn Praslin me byensir I pa pou en keksoz ki nou kapab met dan sak distrik.

Apre kot sa kestyon otour bann bill sorti kot MIOT serten pasyan in deza lev sa konsern avek mwan e avek diferan dimoun kot Minister, lo bann ka endividyel ki’n met devan nou nou’n fer en serten verifikasyon. Pou le moman nou pa’n vwar okenn ka ki montre en konsern.  Sa I pa vedir ki nou pran sa a la lezer nou bezwen reste vizilan nou pe pran ankont ou sizesyon bann mezir ki nou kapab fer pou verifye pli an detay.

Zis pou eksplik ki avan ki en pasyan I ale son plan tretman i ganny propoze par en dokter isi Sesel e i ganny anvoye kot sa lopital   avek ki referans i fer.  Sa lopital vizavi sa plan tretman si i agree ek sa bann tretman ki souvandfwa i le ka i prezan anvoy en kotasyon baze lo sa plan tretman.  Si sa pasyan I ale son plan tretman I egzakteman parey sa kotasyon napa okenn sanzman  peyman I ganny fer koumsa. Si dokter laba  i war poudir I annan  en keksoz ki  bezwen pran kont  ki nesesit en sanzman dan plan tretman sa dokter  pou mete an ekri  pou eksplike ki   par egzanp prosedir i  pe rekomande pou fer;- ki adisyonnel oubyen diferan avek sa plan orizin e sa i   bezwen ganny  sertifye par Board Tretman aletranze  isi.   Alor nou verifikasyon I koumsa napa okenn tretman ki ganny fer laba san ki I ganny sertifye isi.  E sa bann dokiman I  ganny fer koumsa e I annan a lafen  sa tretman en rapor final ki Lazans Swen Lasante I gannyen sorti kot sa dokter dan  sa lenstitisyon kot I fer en somer  sa tretman ki’n ganny fer.

Enn bann keksoz ki sertifye pasyon in demande zot ti a kontan vwar zot dokiman e I vre ki petet parfwa sa pa ganny fer toultan, dan  serten ka pasyan I  ganny sans vwar sa dokiman e nou ava pran an kont;-  nou ava regard sa posibilite ki pasyan I kapab vwar sak fwa. E si I neseser menm petet siny en dokiman dan lentere latransparans. 

Lot keksoz ki nou pe etidye se posibilite evantyelman pour nou annan – akoz nou annan bann ners ki ale detanzantan avek pasyan par egzanp. E pour nou fer en verifikasyon pli aprofondi par bann travayer lasante ki ganny anvoye ansanm avek pasyan, ok?  Mersi bokou Onorab.  Mersi Mr Speaker.

 

MR DEPUTY SPEAKER

Mersi Minis. Onorab Herminie.

 

HON WILBERT HERMINIE

Mersi Minis pour ou larepons. Minis ou dir serten ka, i annan ners ki al avek sa bann pasyan. I pa dan tou le ka sa? Tou caseOk? Be sanmenm sa ki mon pe stress lo sa pwen ki pou annan sa sistenm verifikasyon met an plas, akoz i kapab annan serten mankman ki kapab arive, e sa i kapab kout Gouvernman lo kou peyman pou tretman. Mersi Mr Speaker.

 

MR DEPUTY SPEAKER

Mersi mon asire Minis in note. Onorab Jany De Letourdie.

 

HON JANY DE LETOURDIE

Mersi Mr Chair.  Bonn apre midi.  Mersi pou donn mwan sa sans pour – akoz lo enn bann Komite ki mon deservi  e lo sa Komite i annan  tou lede Manm tou lede kote latab Mr Chair, e nou’n fer fas avek bann pasyan kanser ki Dr Louange osi  i konnen ki mon pe koz lo la. Kestyon ki mon pe demande se eski petet Minister   I pe tret bann ka spesifik avek bann ka spesifik?  Par egzanp i annan en imsye li ki ganny kanser lezo. E son loperasyon in arive ki prezan son lipye en kote i pli o ki lot akoz i kontinyelman koupe, e aprezan i pe servi bekir.  E li i reste ase lwen e li i pe demande akoz i napa en carer, e i ganny en pti lasistans finansyel.  Alors so, zot pe demande. Apre osi i annan bann dimoun osi ki zot reste andeor Mahe, savedir zot pe fer en kantite depans pou zot deplase. Kestyon ki zot pe demande, eski Minister i ava konsidere pou donn zot en lasistans finansyel en pti pe eleve? E si petet zot annan, zot entitle pour zot annan carer dan lenstans sa msye i bezwen desann toulezour lo sa bekir e i pran bis pou li vini, so i war ki i bezwen en kantite lasistans. Mersi.

 

MR DEPUTY SPEAKER

Mersi Onorab. Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  An se ki konsern bann pasyan ki annan en dezabilite oubyen en difikilte mobilite swivan en tretman avek kanser. Pour nou kler Minister Lasante oubyen Lazans Swen Lasante, napa okenn rol lo determin lo pou donn sa dimoun larzan.  I annan sa parti travay ki konsern assessment sa ka kot baze lo en rapor dokter si sa pasyan i annan sa difikilte, sa rapor dokter i kapab ganny soumet avek Board ki  konsider benefis dezabilite.  E si sa dimoun i sertifye konmkwa son kapasite pour li siport son lekor akoz son kondisyon, i kapab ganny sa benefis ki apel disability benefit. E osi dapre assessment ki ganny fer par travayer lasante dan bann sant lasante, zot kapab rekomande baze lo tes ki zot fer si sa dimoun i pou antre dan kriter pour li kapab ganny en carer.

E apre sa rekomandasyon i ganny anvoye kot Lazans Proteksyon Sosyal pou kapab adres sa size.  Alors petet dan ka sa imsye ki ou’n site lakle se pou konnen si in deza ganny son assessment e si in deza annan son rapor, e si sa i leka nou kapab verifye pou dir in ganny soumet avek Board neseser pour verifye si i antre dan kriter.  Mersi Onorab.

 

MR DEPUTY SPEAKER

Mersi Minis. Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker Kestyon pou Minis an 2014 Minister Lasante mon aprann ti pe fer en letid pou teste bann lavyann enporte e osi lokal pou kapab konnen si ladan i annan hormone e antibiotics ki konman prevansyon kanser. Eski Minis i kapab dir ek sa Lasanble ki zistans sa letid in arive e si i annan bann rezilta preliminer ki’n sorti ladan? Apre osi lefet ki kot Unit Oncology pou bann pasyan kapab ganny akse avek i annan bokou sa bann pasyan ki zot staz kanser i telman avanse and trwa kar zot pa kapab marse lo zot menm. Mon pe demann Minis and sa bann dimoun ki vin avek zot trwa kar letan se zot menm ki dray transpor pou anmennen apre zot lev sa pasyan zot menm anmenn anndan pou fer zot tretman. Eski Minis, mon pe demande eski Minis kot Minister Lasante kot Lopital Victoria i kapab rezerv 2 parking. Pa pou park met selman pou drop-off pou bann pasyan kanser i a ganny drop-off la apre sa, sa dimoun i ava al anmenn son pasyan anndan li i ava al rod son lot landrwa pou li park. E osi en demann pou en porter ki atase spesifikman avek Oncology Unit pou kapab ed sa bann pasyan ki kapab, ki pa mobil lo zot menm;- ki byensir bezwen vin lo stretcher oubyen dan wheelchair and all.

Minis apre osi, eski Minis i kapab osi koz en pti pe or enn bann zofisye lasante bann dokter, i kapab koz en pti pe sa bann myth otour kanser. Parske ki rate sa kanser ki pa swiv zot tretman ki prefer al vwar en lot dimoun par egzanp bonnonm dibwa oubyen en dimoun ki zot, zot santi poudir i pe fer zot krwar ki pou dir i kapab tret zot kanser kan pa neseserman ki vre. Eski zot annan bann ka konmsa?  Akoz mwan aprann en kantite dimoun ki fer sa bann keksoz e by the time zot retournen zot kanser in telman avanse e zot pa kapab fer preski nanryen.

E apre Minis statistic ki ou’n donnen kantite kanser. Eski sa statistik i vedir ki kanser pe vreman ogmante Sesel ouswa sa bann ka ti deza la. E lefet ki annan plis screening prezan ki zot pe dekouver pli bokou ka?  And si i annan bokou lis screening nou riske vwar bokou ka osi ki monte. Mersi Mr Speaker.

 

MR DEPUTY SPEAKER

Mersi Onorab Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  An se ki konsern sa letid lo bann hormone dan lavyann Lotorite Lasante Piblik in fer serten tes e pe kontinyen fer bann tes lo serten lavyann ki’n ganny enporte e sa ki zot ti war se ki bann hormone dan bann lavyann enporte i bokou pli o, ki bann lavyann lokal. Annefe bann lavyann lokal an zeneral napa ditou bann hormone ki ganny azoute petet i annan zis latras me napa bokou. E sa i en keksoz ki pozitiv pou nou prop lagrikiltir.   I annan bann resers enternasyonal ki i annan bann hormone dan bann lavyann i annan bann lefe negativ pou lasante, enkli serten resers ki montre petet ki annan en lyen avek kanser.  Me sa bann reser i pa definitif e bann hormone i permet dan bann lavyann. E i en kestyon sa nivo.

Me konsey ki par egzanp bann dokter bann profesyonnel medikal pou donnen vizavi hormone ek lavyann, se o maksimonm ki ou kapab evite servi bann prodwi ki riske annan bann hormone.  Akoz menm si bann letid pa definitive lo sa size, me i montre ki annan serten risk e dan sa lapros prekosyon si ou annan en opsyon pou konsonm en hormone i meyer.  E nou ava rapel ki lavyann lokal i mye plase an sa konteks, akoz i napa sa bann hormone.

E se ki konsern akse avek Unit Onkolozi, nou pran note pozitivman sa sizesyon pour nou regard bann parking ki kapab ganny reserve pour bann pasyan onkolozi ki annan bann problenm mobilite. Nou konnen ki bann problenm parking antye dan lopital i en gran defi aktyelman.  E nou ava regard sa anliny ek bann travay ki nou fer. E zisteman serten bann proze ki nou pe konmans fer dan lannen prosenn si mon pa tronpe, i konsern pou amelyor sirkilasyon otour lopital Sesel.

An se ki konsern bann myth otour kanser mon konnen bann dokter pou le koz en pti pe plis lo la, me menm mwan menm konman Minis parfwa mon war bann pasyan me i konsernan ki dan nou pei parfwa dimoun pa pe met zot lasante premye pa rekonnet valer en tretman medikal ki baze lo resers enternasyonal e ki rekonnet otour lemonn. Akoz sa bann tretman ki nou donnen, bann statistik ki montre se pli bon sans pou en dimoun bat kanser. Malerezman i ankor annan dimoun ki krwar ki sa manifestasyon sa  kanser i baze lo lezot fakter.  E sa ki enkyetan se bann dimoun dan pozisyon lotorite i osi ankouraz sa dimoun pou al dan sa direksyon.  E sa ki pli danzere dan sa sirkonstans, se letan zot dir sa dimoun aret son tretman par egzanp aret son chemo kont kanser.

Akoz rezilta syantifik i montre lefikasite chemotherapy vizavi tretman kanser ansanm avek lezot tretman. E i enportan ki bann dimoun i pran sa an kont.

I annan en kantite bann remed tradisyonnel ki pozitif ki pa pou neseserman, pa pou geri ou kanser, me i kapab ed ou dan ou etablisman. Nou konn ‘’roz anmer’’ par egzanp, nou konn bann lezot bann tretman tradisyonnel ki dimoun i kapab servi ki annan bann properties ki ede pour bann anti-oksidan i ranforsi sistenm iminiter en endividi.   I enportan pou note ki o maksimonm pou konsonm sa bann keksoz regilyerman me pa zis letan ou annan en kondisyon otour kanser.

Apre dernyen kestyon kot i konsern bann ka ki pe ogmante Sesel e eski nou pe detekte plis e eski nou pe mont plis?  Larepons an zeneral se tou lede laspe. Lensidans kanser in ogmante dan dernyen 10an sorti 2.3 pou sak mil sitwayen an 2009 e an 2019 i 3.3 par mil sitwayen. Savedir lakantite kanser ki pe ganny dekouver i kontinyen ogmante. Me definitivman i annan kanser ki pe ganny dekouver plis akoz i annan screening i annan plis verifikasyon.

i annan osi plis metod ki  par egzanp konpare avek 2009 nou bann  kapasite pou detekte kanser in amelyore. E parey mon’n dir osi ler mon’n montre bann sif lo staz ki en kanser in ganny dekouver. Nou touzour annan tro bokou kanser pe ganny dekouver dan staz 3 ek 4, me nou pe war ki sa dekouvert pe konnyen amelyore dan bann dernyen 4an, kot nou pe war lakantite kanser ki nou pe tyonbo li pli boner, pe ogmante.

Anmezir ki popilasyon i vyei lensidans kanser pou ogmante osi, akoz pli en dimoun i vi pli lontan ou pou annan serten kanser ki pou pli prevalan.  Sa i enkli parmi par egzanp kanser prostat e petet bann dokter pou koz en pti pe pli an detay lo la.  Me an bref lo sa pwen se ki lensidans kanser savedir lakantite kanser i pe ogmante me osi nou pe dekouver plis kanser.  I annan kanser ki pe ganny detekte ki petet zot paran pa ti pe ganny detekte e alor tou lede eleman i la. Mersi.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE    

Mersi Mr Speaker. Bonn apre midi tou dimoun. Mr Speaker mon kestyon i ase straight forward. Ou ava zis permet mwan mon a lir 2 text, tou lede i menm size e i en kestyon direk pou Minis. Ok, dabor premye text i al koumsa;- ki bann Polisi bann landrwa travay zot pe mazin met an plas, pou siport bann pasyan kanser? I pran bokou zefor e pou leve bomaten pou leve pou al travay parfwa pa fasil.  Me sa ki fer mwan ankoler se ler ou landrwa travay sirtou en Minister ki pa supportive at all. Pa Minister Lasante, en text pa sorti kot Minister Lasante. Zot pa konpran ki zefor ou fer pou vreman vini, ler ou dir ou pa kapab or santi ou pa byen zot dir ou pe donn poum e zwe malad tou lazournen.  Sanmenm sa kalite after care ki mon pe gannyen pou fight the fight ki bokou pa make it. ‘’ En lot menm size me selman sa voyaz sorti kot en dimoun ki dan Minister Lasante i dir ‘’ask about workers who have been through cancer and is still working. When they are not understood by their bosses; when they go through some deficiencies at work due to the effect of cancer treatment and surgery upon their body. We are contributing to the economy.  I am a cancer patient many thanks.’’ A health worker.’ So i menm size so siport sirtou, sirtou dan servis piblik pou zot konpran bann dimoun ki’n pas atraver sa e pe pran zot letan pou zot rekipere. Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  Dan en fason zeneral nou, fodre nou tou nou konpran ki ler en dimoun i annan kanser sa dimoun i maladi.  E zisteman parey bann polisi Gouvernman i demontre letan en dimoun i malad, sa dimoun i annan son drwa vizavi letan i malad pou ganny respekte.  Dan plizyer ka, en dimoun ki pe fer tretman kanser bann ki’n ganny afekte severman zot ganny, zot ganny bann extended medical leave. Savedir zot ganny pou en peryod ki long.  E sa i en keksoz ki ganny diskite avek dokter akoz sak ka kanser i diferan.

Dan serten ka par egzanp si sa dimoun i annan en risk lenfeksyon sever, pa dan tou ka ki pou koumsa. Me si dan serten ka si en dimoun i annan en risk sever, ki si i kontinyen dan son louvraz sa pou afekte son kapasite pou li refer lekor. Dokter pou annan sa konversasyon avek sa dimoun e pou vwar si pou neseser pou met sa dimoun lo en extended medical leave.

Byensir apre en serten letan sa anplwayer nou pa pe koz dan sekter piblik, me dan sekter prive osi sa anplwayer apre en serten letan i annan drwa demann pour en retirement lo en medical grounds si sa dimoun pe mank en kantite letan travay, me dan mon leksperyans sa maksimonm sirtou dan servis piblik letan en dimoun i annan sa maladi e ki i pe mank travay sa i baze lo en konze medikal, ki i devret annan en serten fleksibilite vizavi sityasyon sa dimoun. Sa ka ki ou’n lir sa text, akoz mon pe regard en ka en pe spesifik. E si sa dimoun par egzanp in pa’n ganny konze avek son dokter. Me i santi ki i pa kapab travay, i en keksoz ki i kapab diskit avek son dokter e son dokter baze lo son kondisyon i kapab ekrir son anplwaye avek en rapor pli detaye ki kapab petet fer sa anplwaye pli konsyan lo son sityasyon.

I annan dimoun ki letan zot annan kanser zot plifere kontiny zot lavi o maksimonm ki posib lo en fason ki normal. E dan bokou ka sa i en keksoz pozitif. Akoz nou lapros vizavi lalit kont kanser se pou montre bann pasyan pou dir ki ou aktiv dan ou lalit kont sa kanser ou pa pasiv. E sa i enkli kot ou kapab viv en lavi normal.  E mwan mon konn serten pasyan kanser ki si sa dimoun pa ti dir ou pou dir i pe ganny tretman pou kanser ou preski ou pa pou konnen, akoz sa dimoun i pe fer sa lalit avek bokou kouraz e i pe sey viv son lavi normalman.  Me sa bann eleman otour ki kantite travay ki degre ou devret pous ou lekor i en kestyon ki devret diskite endividyelman avek sa dokter.  Alor lo sa baz mon ti pou sizere ki sa travayer a petet a annan en konversasyon ankor ek son dokter, e kot i neseser i ava ekrir en rapor pli detaye.

Apre menm keksoz en pti pe aplike pou sa travayer ki dan Minister, oubyen ki dan sekter lasante ki pe touzour travay e ki’n travay pandan ki in malad.  E ankor parey mon’n dir I depan en pti pe lo – sak kanser i en pe diferan. I annan kanser kot  i pou difisil pou fer sa, me i annan kanser kot ou pou kapab fer sa travay e menm i kapab ed ou dan ou rekiperasyon. E polisi zeneral Gouvernman an vizavi bann dimoun ki malad, ki avek diferan kalite maladi, se pou siport dimoun dan son landrwa travay, e pou donn li sa sipor neseser.  Si  i annan bann supervisor spesifik ki pa pe konpran eksetera, i kapab annan, i kapab annan en bann dokiman ki ganny fer par bann profesyonnel lasante pou eksplik sa sityasyon.  Me ankor i mars dan konfidansyalite e i depan lo osi sa endividi.  Akoz mon konn serten dimoun ki osi pa anvi son anplwayer i konn tou detay lo son ka. Me sa en kestyon i baze lo sa endividi. Ok, mersi Mr Speaker.  Mersi Onorab.

 

MR DEPUTY SPEAKER

Mersi Minis, Onorab.  Dr Reginald ou ti le azout keksoz?

 

DR LOREN REGINALD

Enn bann need ki souvan nou ganny avek pasyan kot i konsern kanser se kot, se dokter mon ganny kanser la eski mon pou kapab travay ankor? Nide tret kanser, mon repete pou dimoun ki pe ekoute konpran sa.  Lide tret kanser se ki ou kapab retourn dan ou lavi itil. Nou oper ou nou donn ou latizann pou ou kapab retourn kot ou fanmir byen e retourn dan ou travay. I petet ki sa travay ki ou ti pe fer avan ou pa pou kapab refer li.  Me ou kapab fer en lot keksoz ou kapab fonksyonnen.  Konmela lo kriter travay se fonksyonnman – kantite ou kapab fonksyonnen. Petet mon pa pou kapab fer mason ankor akoz ou ti en mason me mon kapab fer en lot keksoz. Akoz sa loperasyon ki ou’n fer petet i pa pou permet mwan lev bann gro keksoz.  Me mon kapab kontinyen travayer, mon kapab kontiny sonny mon fanmir dan en lot keksoz.

Apre i annan kanser kot nou annan bann organ ki pert. Souvandfwa nou annan bann dimoun i ganny kanser par egzanp i ganny kanser ronnyon. I vini i, ‘’dokter la ou pe tir mon ronnyon sa vedir mon’n fini.’’  Ou pa’n fini ou, tou organ ronnyon, poumon lanmwatye ou lefwa ki si ou tir enn la lot i ankor bon i pran sa fonksyon.  I vin pli gro e i pran sa fonksyon e ou kapab retourn dan ou lavi travay normal.

Byensir avek ou swivi apre ou tretman. En lot keksoz mon le dir de mo lo sa zafer disan. Sesel nou annan en kantite problenm disan anmezir ki nou fer medsin Sesel nou konmans dekouver plis problem dan disan ki nou ti krwar nou annan. Ozordi nou annan spesyalis disan Sesel e nou annan bann tes ki nou pe fer ki montre nou Sesel ki nou annan en kantite defisyan. Mon pa konnen si nou’n realize ozordi nou pe war sa ki nou apel embolism, bokou embolism nou pe war.  I akoz nou disan nou Seselwa i annan serten problenm.

Mon leksperyans i montre mwan en Seselwa ki annan li pli ki 50an i vini i ganny en embolism dan son lipye, i en zonm rode, kanser prostat.  Akoz i komen Sesel.  E mon repet ankor pli bon ou diagnoz kanser avan ou gannyen e ou tret li avan i tar.    E si ou ganny kanser e ou’n ganny trete ou kapab retourn dan ou travay.  Mersi.

 

MR DEPUTY SPEAKER

Mersi.   Tou bann dokter  ki le koze.  Dr Louange?

 

DR MEGGY LOUANGE

Bonn apre midi zot tou.  Mersi Mr Speaker. Zis en pti keksoz mon ti a fodre met a zot latansyon.  Nou, nou pe travay avek sa bann pasyan kanser, so pour nou sa bann lenformasyon i paret normal.  Me petet pou zot i annan keksoz ki annan defwa nou kapab azoute, pou fer zot pli byen konpran sa sityasyon.  E pou en dimoun ki’n gannyen en kanser letan ki minimonm ki i bezwen off work, minimonm i 6 mwan. Si i en dimoun ki bezwen pran son chemotheraphy, apre i bezwen swiv par son radyo.

En chemotheraphy i pour pran apepre kekfwa en – si i sick e nou konnen ki arive ek sa bann letan en dimoun i pran chemotheraphy.  I santi li malad, i bezwen sipor i bezwen swen.  E menm letan i fini pran sa chemo i pran en bon pe letan, en bon pe mwan, avan ki lefe sa chemo i sorti lo li.  E pareyman pou bann dimoun ki fer radyo. So ou bezwen mazinen poudir ou annan en maladi ki li menm li ki i kapab touye.  Prezan pou ou kapab konbat sa maladi, ou bezwen bann tretman ki li menm li i tre serye.  Alor i met sa bann pasyan vreman dan en leta sistenm defans kot i vreman limite.  E pour zot kapab retourn travay i pran en pe letan so, zot bezwen en kantite lankourazman. E nou ankouraze pasyan pou retourn travay.

Akoz travay i form parti letan ou annan en lavi normal. And the sonner ki en pasyan i kapab retourn dan son lavi normal, the better ki son prognosis i kapab osi vini. Akoz i pe retourn dan son leta normal e i pe kontiny tou son aktivite son fanmir son travay and everything.  Mersi.

 

MR DEPUTY SPEAKER

Mersi Dr Louange.  Onorab Noline Sophola.

 

HON NOLINE SOPHOLA

Mersi Mr Speaker.  Bonn apre midi Minis ek lekip.  Mr Chair depi bomaten nou tann bokou pli ale lalis in vin kourt, me selman i reste mwan 2 kestyon apre ki bann pasyan Praslin, La Digue in fer sa long traverse pou vin Mahe pou zot tretman, eski Minis i kapab eksplik sa Lasanble, ki kalite sipor zot donn sa bann pasyan apre ki zot in fini fer sa tretman chemo, avan ki zot al retourn se zot?  Minis i annan bokou malantandi lo sa pti kestyon ki mon’n poze.

E dezyenmman avek bi desantraliz servis ki ou Minister pe ofer, mon ti pe mazinen si ti posib pou ofer masin, tes mamogranm an permanans lo Praslin, me ou’n fini dir ki i pa posib pou le moman, me la ki mon pe demande, eski bann oncologist e zot tim i fer vizit lo sa 2 zil pou apport sipor pou bann pasyan sirtou bann ki pa kapab deplase?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  E mon rekonnet Onorab e ou menm ou plizyer fwa e osi bann Onorab sorti Praslin in deza met devan mwan konsern pasyan ki pe swiv tretman pou kanser letan zot bezwen deplase sorti Praslin oubyen La Digue pou vin Mahe.  Nou annan posibilite dan serten ka si sa pasyan akoz i vre ki chemo parfwa ou annan serten reaksyon oubyen ou pa santi ou byen, nou annan sa posibilite dan serten ka kot sa dimoun i kapab ganny admit 1nwit si sa i ed li.

Nou konnen dan serten ka sa pasyan i plifere retourn se li, plito ki reste lopital, e sa i mezir ki nou annan an plas aktyelman.  Avek travay ki nou pe fer lo amelyor fasilite Unit Oncology nou espere ki nou kapab amelyor sa sistenm.  E nou pou osi diskit pli detaye avek bann oncologist lo ki meyer fason nou kapab adres sa bann konsern, akoz mon konnen i enn ki bann dimoun ki sorti lo zil i vreman santi zot in ganny afekte, enormeman.

An se ki konsern bann mamogranm ki ou’n  mansyonnen, pou le moman zot napa sa mwayen pou nou mete me nou konmans serten demars nou pe travay avek bann partner serten ki’n pare pou fer serten donasyon pou nou kapab ogmant lakantite mamogranm ki nou bezwen nou bezwen – ankor menm pou Mahe, me evantyelman mon krwar i pou enportan pou nou met enn lo Praslin.  Me dan limedya i vre ki i pa imedyatman fezab.  An se ki konsern oncologist pou vizit Praslin pou le moman sa pa ganny fer akoz pou le moman a la baz en oncologist i ansarz sa tretman o moman plito sa pasyan kanser i deza ganny dyagnoze, i pe antre dan son tretman.

Nou pe plito me sa ki nou pe fer nou pe anvoy bann lezot spesyalis – sirtou kot i konsern dyagnostik kanser ki vizit Praslin regilyerman, e i annan serten ki al osi La Digue e ki se sa bann spesyalis ki travay sirtou otour idantifye bann ka potansyel risk kanser, e fer zot referans avek bann dokter spesyalize lo Mahe – ok?  Mersi bokou Mr Speaker.  Mersi Onorab.

 

MR  DEPUTY SPEAKER

Mersi.  Onorab Sophola.

 

HON NOLINE SOPHOLA

Thank you.  Minis mersi pou repons.   E mon ti a swete ki lo sa lalis parmi bann spesyalis zot ti kapab anvoy psikolog.  Akoz nou konnen lo La Digue napa ditou.  Si nou ti kapab dir kot ledikasyon nou ti kapab annan enn bann dimoun me nou napa.  E sa bann pasyan sirtou bann ki lo zot lili ki pa deplase.  Parfwa zot bezwen serten led.  Mersi.

 

MR DEPUTY SPEAKER

Mersi Onorab Sophola.  Mon asire Minis in note.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker de pti kestyon ;- premyerman vi ki Minis in rekonnet ki i neseser pou annan evantyelman en fasilite post treatment.  Setadir kekfwa post operatwar si i  annan  en loperasyon oubyen post dan tretman chemo ou keksoz koumsa.

Minis in rekonnet ki i annan en nesesite pou li pran kont sa dan tretman, me Minis pan kapab dir ek sa Lasanble, kan e kote i pou provide sa lespas pou kapab e ofer sa servis.  E i annan plizyer dimoun ki apre ki zot in pran zot tretman, oubyen parey Onorab ki’n koze avan mwan in dir en dimoun ki sorti lo zil en keksoz koumsa, ki bezwen en retrouv li dan en kad pli sekirize kot i ganny en pe konsey e non pa lo en ward.

Nou’n byen tande poudir Minister Lopital Viktoria i ofer posibilite al dan en private room si sa i arive.  Me selman eski – e sa mon konnen poudir i en demann lo bann lorganizasyon tel ki Cancer Concern, Soroptimist ki pare pou zot peye pou zot kapab menm meet bann saler, bann staff en pe psikolog en pe bann dimoun pou akonpanny sa bann pasyan.

So eski Minis i kapab dir nou si i pa kapab reget ankor posibilite pou annan en lasal pran 2 pasyan adjacent to the day unit or whatever, kot zot kapab osi akonpanny sa pasyan.  Akoz bokou dimoun i santi poudir se sa lakonpannyman ki manke.  Akoz kanser i efreyan e dimoun i bezwen konmsi – ler ou tousel kot ou apre ki ou’n pran en pe chimo ou napa sa lakonpannyman.  So mon ti a kontan demann avek Minis si i posib pou reget sa posibilite, e kontinyen diskit avek sa bann lorganizasyon ki pare pou kontribye ver miz anrout sa fasilite?   Sa enn.

2enm, enn bann keksoz ki mon krwar nou pa devret pran li lightly e Minis parler en pti pe ankoler ler nou demann sa bann kestyon i dir nou mank respe, me selman i pa en kestyon mank respe – i en kestyon ki nou demann Minis pou kapab dir nou response time ant moman kot sa pasyan i fer son premye vizit dan kominote kot dokter dan kominote, e moman ki i ganny dyagnoztike avek en kanser, se la kot bann pasyan i pli fristre. Ok?  Se nou’n konpran ki zot in dir zot in demande ki pasyan i pran ansarz zot sa, me selman souvan en dimoun i vin kot ou i dir ou be mwan  premyer fwa mon ti al kot dokter Corgate Estate oubyen Anse Royale, ti apepre 3an pase avek en douler lo mon ledo, e la suddenly la zot dir mwan, mon annan en kanser pancreas or whatever.  Se sa response time ki mon ti a kontan bann spesyalis i kapab dir nou, ant premye vizit e premye dyagnostik.  Se la ki bann pasyan ki nou santi nou kapab ferm sa gap en pe ok?

E la zot ava pli satisfe akoz la zot ava annan bann pasyan ki in early stages e bokou pli fasil pou trete donk mon ti a kontan en repons lo la?

E mon dernyen pwen mon ti a kontan demann Minis, eski i annan an plas en protokol pou – pa pou screening me pou sa dokter i fer son premye konsiltasyon avek en dimoun, ki fors li dan en sans oubyen sa protokol i donn sa bann gran laliny poudir egzaminasyon i bezwen fizik.  Nou dan en sityasyon Sesel kot e nou bezwen dir keksoz mannyer i été.  I annan bokou dokter ki pa oule fer sa egzaminasyon fizik.  I pa oule met son ledwa – par egzanp pou get en prostat i pa oule get ant de ledwa lipye – i pa – e bokou pasyan i dir ou ‘’be dokter pa ni get mon anfen in tous me i pa ni get mwan, mon dir li dokter la, i get mwan laba – lwen laba’’.

Eski i annan en protokol ok pou dyagnoz?  Pou kapab ede pou dekouver sa problenm, parey protokol i annan pou dyabet, oubyen bann keksoz koumsa?  E akoz mon pe demann sa kestyon Mr Speaker, akoz aparaman pou dyabet i annan dokter Amoy  ti sizere annan sa,  me administrasyon i dir non, non, non pa met tro bokou presyon lo dokter konmsi dokter pa pou kontan konmsi ou pe verifye li, ou pe cross check si i pe fer si i pa pe fer bann keksoz koumsa,  mwan mon pe demande si i annan bann lobligasyon osi ki bann lord – ban konsiltasyon fizik i ganny fer early ?  Mersi Mr Speaker.

 

MR DEPUTY SPEAKER

Mersi Onorab Ferrari.  3 kestyon vreman post treatment ki zot kapab fer pre diagnosis ki zot kapab fer ?  Eski i annan en protokol pou bann dokter adopte ler pasyan i vin kot zot?  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  Mon ava tous an parti sa bann kestyon e bann dokter petet i ava azoute kot i neseser.  An se ki konsern tretman apre en loperasyon, oubyen dan bann ka kot zot annan en bezwen kot zot bezwen reste dan lopital.  Parey ou’n dir e parey mon’n deza eksplike, aktyelman nou donn sa servis kot i posib pou zot kapab ganny akse avek en lasanm.  Dan redevlopman lopital, letan nou pou fer bann nouvo ward ek nouvo blok, pou annan bann lasanm dedye pou bann pasyan kanser.  Nou’n ganny en konversasyon – nou konmans en konversasyon avek Cancer Concern lo lide pou nou annan en ekspansyon ki permet nou regard bezwen bann pasyan, ki pou bezwen reste lannwit ;- par egzanp dan serten ka.

E nou pa kont pou nou kler nou pa kont sa sizesyon me i annan en kantite eleman pratik ki Lazans Swen Lasante i bezwen get dan son spesifisite avan ki i pran en desizyon final.

Akoz par egzanp enn bann rezon ki en pasyan i ganny mete dan en lasanm ki lo ward zot dan en lasanm zot, me selman zot dan ward, se ki souvan si ou pe admit ou pe i annan en kantite bann lezot keksoz ki pe bezwen ganny swiv, souvan ou annan en lot problenm medikal ki ou bezwen swivi meton ou annan dyabet meton ou annan e souvan ou pe kre bann lezot problenm medikal pou ou.

E si nou dan en senaryo akoz dan en senaryo i ki nou konmans diskisyon, se ki nou annan en ward oncology kot ou annan en ners ki i pe  plizoumwen fer sa menm travay ki i abitye fer me i fer li aswar.  Me si nou pe al dan en sirkonstans ki nou annan en ward konplet, ki pou fer bann servis pli aprofondi, danze se ki nou tir staff lo en ward pou kapab met lo sa enn, e ki nou touzour anvi nouvo staff nou touzour bezwen rod nouvo staff.  E nou plan se pou nou kontinyelman rekrit plis staff me nou pa anvi osi kree en sityasyon kot staff i ganny tire lo en unit pou met lo en lot e ki a lafen dizour nou pa neseserman amelyor sa kalite servis.

Alor pou nou kler nou konmans en konversasyon avek Cancer Concern lo sa size.  Nou’n fer en proze mon krwar vreman enteresan ansanm letan nou re devlop Unit Oncology e nou pou kontiny sa konversasyon avek zot lo ki mannyer nou kapab amelyor sa lankadreman sa landrwa, vizavi en pasyan letan i ganny son ladmisyon.  E nou bezwen get tou eleman – enkli son eleman staff – enkli son batiman, son eleman ki pou kapab ganny enkorpore dan nou sistenm.  An se ki konsern Onorab Ferrari in apel sa response time, zisteman se la kot nou pe met lanfaz dan nou stratezi, dan lalit kont kanser, se akoz tou i konmans dan sa referans sorti kot en dokter dan nou kominote.  Parey Onorab in dir, ou annan parey nou annan dan en sant lasante ou annan en kantite diferan pasyan ki pe vini e en kantite diferan rezon.

I annan bann set kriter ki ganny met devan lo lafason ki en pasyan i ganny refer avek en servis santralize, oubyen avek spesyalis, me i vre ki parfwa si sa dokter li menm i pa’n rekonnet sa bann red flags, sa bann issue letan i leve, sa referans pa pou ganny fer dan en fason apropriye.

Se pou sa osi tou ki mon met lanfaz si en pasyan pa santi li satisfe, i kapab redemann pou war en lot dokter e eksplike osi akoz ki i santi ki son sityasyon pa ankor ganny byen regarde, oubyen ganny adrese.  E sa kestyon en referans anver par egzanp en spesyalis, problenm ankor i vini lo letan ou pou idantifye sa risk kanser o depar, e dan bann ka kot bann risk kanser in idantifye depi dan son sant lasante sa referral avek en spesyalis dan lamazorite ka i ganny fer ase vit.

Parfwa en referral letan i ganny fer i pa forseman ganny fer avek lide ki annan kanser petet en referral avek en spesyalis pou en lot keksoz e se apre pli tar kot sa dyagnoz kanser i ganny dekouver.  E dan nou stratezi lo kanser kot nou ranforsi kapasite, dan bann sant lasante dan larezyon, lideal se ki ou ranforsi sa kapasite depar, pou ou kapab idantifye kanser e refer sa dimoun avek en spesyalis dan en letan ki apropriye.

Bokou lezot pei zot annan bann letan referans zot dir ki dan serten kanser ou bezwen ganny war dan tan kantite letan eksetera,  eksetera.  Sesel nou pa ankor etabli sa referans letan, me atraver sa travay ki nou pe fer avek WHO, sa i enn bann bi ki nou annan pou nou etabli en standar atraver response time, letan en dimoun i ganny sispekte en kanser son referans avek en spesyalis, e osi pou li ganny sa revi atraver bann dyagnostik pli avanse.  E sa i anliny osi avek bann kestyon protokol bann protokol bann diferan sant lasante e dan lopital ki nou pe mansyonnen.

E mon sirprann ki ou dir ki Dr Amoy i dir ki son bann rekomandasyon pa ganny konsidere, akoz  mwan mon’n war Dr Amoy pe fer training pou bann dokter ek bann ners lo dyabet zisteman dan distrik.  So si nou pa’n aksepte son bann rekomandasyon an tou ka i pe fer sa bann formasyon.

E mon konnen i en dimoun ki partaz en kantite son bann lide e i en Manm lo Board Lazans Swen Lasante, e mon konnen son bann sizesyon i ganny byensir set en deba i annan touzour en deba lo lafason ki ou pou enplimant li, me mwan dapre mon konpran lo Board Lazans Swen Lasante, zot pe bouz dan  direksyon otour son bann diferan  sizesyon zisteman e ki anliny avek sa stratezi ki nou pe diskite avek WHO pou fer sir ki i annan en protokol pou sak kanser.  Savedir letan en dimoun pe ganny en referral dan bann sant lasante, depandan osi lo bann sentonm, ou pou kapab war ki labaz ki i pou ganny en referral avek en spesyalis oubyen pou en tes pli avanse.

Mon pa konnen si bann lezot dokter i le azout en keksoz.

 

MR DEPUTY SPEAKER

Dr Danny Louange.

 

DR DANNY LOUANGE

Mersi Mr Speaker.  Mersi Onorab pou sa kestyon.  Mon fer referans lo pwen lo kestyon response time.  Mon krwar i enportan ki dan en sistenm lasante nou annan primary care – nou annan bann klinik, bann sant lasante ki referral, ki pou kapab detekte bann maladi.  Apre sa i ganny refer ek bann spesyalis.

E i enportan pou pasyan swiv sa sistenm.  Akoz dan bann sant lasante, bann dokter zot sipoze egzamin oubyen assess pasyan an zeneral.  Apre de ki zot in detekte en problenm zot refer sa pasyan avek letan spesyalis ki zot in detekte.  Me parler ki nou war paysan i le war spesyalis.  E letan zot war spesyalis – spesyalis dan en field, i  pou tant pou konsantre lo en particular sistenm.  So la ki nou war ki bor ki en kondisyon i ganny manke.  be Minis in dir, nou ankor pe travay lo sa sistenm referans ;- ki bor nou pe improve kapasite mon krwar i enportan.  Kapasite i enportan.

Me letan nou dan sant lasante, tou bann dokter letan zot in ganny formen, zot in ganny formen dan en fason ki mannyer nou panse i en fason protokol deza.  E ki bor ou fer ou assessment i konmans avek en interview.  I konmans avek egzaminasyon fizik, apre ek bann tes.  Sa i enportan.

Oun koz lo ki protokol nou kapab met an plas, sa  deza i en protokol ki in built dan ledikasyon medicine.  Me kwa ki mon krwar i enportan se sa bann red flags ki Minis in tous lo la.  Parey si en pasyan i annan bann siny oubyen bann sentonm ki lead  oubyen ki endik sa dokter, ki i annan en posibilite kanser, sa i enportan.  E sa nou annan en sistenm training oubyen en  continuous education nou fer tou le Vandredi.  E tou le Vandredi i annan bann topik ki bann dokter  i prezante,  oubyen bann spesyalis, oubyen bann lezot travayer lasante i prezant bann topik ki  bann dokter i attend e bann lezot travayer lasante i kapab attend – tou le Vandredi e pou diferan topik.

E sa  i   osi permet nou pou pas sa mesaz.  E nou organiz en fason ki bor bann spesyalis ki vin koze oubyen bann dokter ki travay dan bann area spesyalize, i prezant bann ka.  E par prezant bann ka nou osi describe prezant bann lenformasyon ki enportan pou tou dokter konnen.  E sa red flags osi en kantite fwa i ganny highlighted dan bann ledikasyon, oubyen dan bann training parey.

E i en pwen ki ou’n fer sorti lo kestyon dyabet e protokol, i drol ki e mwan  osi i drol  mon tann sa, akoz la resaman nou osi come up avek en protokol pou dyabet.  Nou’n met an plas dan 2 sant lasante e nou anvizaze propaz sa dan bann lezot sant lasante.  Mersi Mr Speaker.

 

MR DEPUTY SPEAKER

Mersi.  Onorab Ferrari.

 

HON JEAN-FRANCOIS FERRARI

Mr Speaker, i fer mon gran plezir pou antann Minis avek sa ki Dr Louange in dir, akoz efektivman sa i en konversasyon ki nou annan apepre 3an pase, lo difikilte lo pou zot aksepte serten protokol.  Me selman mon ti a kontan demann zot, eski zot rekonnet ki sa pratik i ase kouran kot en dokter i get en pasyan, mwan ler mon vin kot ou Dr Louange ou get mon zenou  – mannyer ou pez mon zenou mon oule taye.  So ou fer sa egzaminasyon.  Mwan mon ti a kontan – konmsi si zot a dir mwan si zot okouran poudir i annan sa konplent.

E si i annan sa konplent, eski zot ava adres li en zour Vandredi pou gete ki mannyer evantyelman  i ede pou dyagnoz  bann problenm kanser e ot  en pe pli boner?  Mersi.

 

MR DEPUTY SPEAKER

Mersi.  Alor Dr Louange, eski ou okouran poudir i annan en problenm?  E eski i kapab pase en zour Vandredi?  Zis de larepons.

 

DR DANNY LOUANGE

Wi mersi Mr Speaker.  I kapab pase en zour Vandredi li osi.  Mersi.  Me Mr Speaker i osi enportan ki nou kontiny sa deba akoz nou pe rod en fason – menm nou konmans avek sa bann protokol ki nou pe mete an plas ;- nou’n konmans avek dyabet tansyon.  e nou anvizaze al en pe pli profon.  I annan en letid ki’n fek ganny fer lo kanser e nou ankor pe esper rapor.  E sa i nou 3enm step.  Nou pou entrodwir protokol pou deteksyon kanser e 3enm i pou bann maladi respiratwar.  Mersi Mr Speaker.

 

MR DEPUTY SPEAKER

Mersi Dr Louange.  Nou annan zis 4 entervenan ki pou demann kestyon ankor annou fer li bref.  Onorab Johan Loze.

 

HON JOHAN LOZE

Mersi Mr Chair.  Minis fo lenformasyon avek larantre enternet dan nou sosyete sa fenomenn fo lenformasyon pe konmans repann en pe partou.  Semenn pase nou annan enn kip e sirkile ki pe dir Gouvernman Zaponnen pe get rid of microwave oven akoz i koz kanser.

Nou osi annan sa mouvman Anti-Vaxxers anti vaksinasyon konmans fer son larantre Sesel ki zot dapre zot claim se vaksen ki koz kanser.  I menm annan serten cercle relizyez Sesel ki konmans profet bann tel panse.  Ki mon ti a kontan Minis, depi bomaten human papillomavirus in ganny mansyonnen an 3 repriz.  Mon ti a swete ki en Manm panel ouswa ou menm, zot eksplik, profit sa moman ki zot la  lo televizyon, eksplik HPV dan nesesite son vaksen dan sa Kreol ka dan tou son detay, tou son lanpler e akoz sa vaksen pe ganny donnen avek bann zanfan a en serten laz dan lekol?

Once and for all sey fer bann paran konpran, akoz i annan en kantite fo lenformasyon deor, e i annan paran ki pa ankor konpran.  Akoz mon annan teks la 2 an partikilye lo sa size.  Mon ti a kontan zot profite pou eksplik sa.  Sa i mon premye pwen.  2enm sigaret premye sibstans ki in ganny prouve konman ka sinozenn enn bann premye sibstans lyen direk etabli avek kanser.  Mon ti a kontan si Direkter Lasante Piblik i ti ava eksplik nou en pe sa bann Polisi ki tanzantan Minister Lasante pe anmennen atraver lezislasyon bann S.I.  Konmsi nou ganny akize de fwa ki nou fer keksoz peacemeal mon konpran.  Ki son rol dan lalit kont kanser ?  Ki son rol dan soz enternasyonal vreman, akoz nou anmenn Lezislasyon ki dimoun pa fimen dan landrwa piblik, anba twa.  Nou kontrol lavant sigaret an detay tanzantan i annan taksasyon ki ganny enpoze lo sigaret be a kwa i servi sa bann keksoz?

E mon ti a kontan profite la kan direkter piblik i la ozordi sey profite pou li eksplike si i posib.  E dernyen Minis sa enn direkteman pou ou menm what is the way forward?  En kantite keksoz in sorti bomaten la en kantite pwen an faver, kontansye me selman vreman what is the way forward pou nou pei lo sa size spesifikman?  Mersi Mr Chair.

 

MR  DEPUTY SPEAKER

Mersi Onorab.  Minis si ou kapab reponn.  Annou sey fer li dan 5minit i annan 3 kestyon, me selman mon krwar nou kapab fer li.  Move lenformasyon.  Mezir ki zot pe met an plas e ki rol zot zwe dan sa bann mezir ki ganny met an plas kont sigaret eksetera? E what’s the way forward?   Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  Nou tou nou konsernen avek fo lenformasyon e pou met li tre bref vaksen i sov lavi.  E si nou regard HPV annefe ou’n koz i annan dimoun ki’n dir be akoz napa en vaksen pou kanser?  I napa en vaksen pou tou kanser me pou serten sa enn ki pou anpes dimoun ganny kanser gras a HPV i egziste.  E si pou annan en vaksen, sa i tretman pli – sa prevansyon pli efektiv ki’n deza egziste dan listwar limanite, se atraver vaksen.

E ozordi isi Sesel i annan serten maladi nou bliye kisisa.  Nou’n bliye kisisa, akoz vaksen larouzol nepli egziste isi Sesel. Nou pe sertifye la avek WHO.  Me larouzol in revini dan bann pei Eropeen – par egzanp bann touris ki vin isi, e nou’n ganny enn de ka isi par la, akoz sa bann sityasyon.  e nou annan en progranm nasyonal la ki nou pe fer la pou nou vaksin dimoun pou fer vaksen pou tou dimoun an se ki konsern larouzol e parey nou dir an Angle measles.

E i annan sa bann maladi ki nou bliye akoz vaksen i pe marse.  Si en dimoun i bezwen laprev, i bezwen demande akoz sa bann maladi i nepli la.  I nepli la akoz nou servi bann progranm vaksen.  E zisteman parey nou ti ava espekte ki nou zanfan pa ganny afekte avek HPV, ou swete ki ou pa war ou zanfan en zour avek kanser, pli bon fason se pou dir annou donn li sa vaksen HPV.

Sa progranm pe mars byen ki malgre sa progranm HPV i annan serten group i annan serten endividi ki kontinyen propaz fo lenformasyon, ki malerezman pa kredib.  E mon pou demann tou dimoun vreman si ou war en lenformasyon fodre nou konpran ki lo bann rezo sosyal e lo enternet, i annan en kantite lenformasyon ki ganny mete zis pou fer ou click sa link, avek bi pou ganny ou lenformasyon avek diferan bi, me finalman sa resers i enportan pou demande ki resers ki’n servi pou defini si sa i kredib oubyen non.

E tou bann resers ki montre ki vaksen i marse.  I ou pou kapab ranpli sa lasal avek kantite resers ki’n ganny pibliye ki montre ki vaksen i marse, e sirtou sa ki konsern HPV, mon asire Dr Louange i kapab donn en pe plis detay lo la.  An se ki konsern sigaret mon panse ki si en dimoun i fimen i santi poudir sa Lezislasyon i fatig li, me i sipoze fer sa akoz i santi ki sa bi sa bann Lezislasyon se pou redwir konsonmasyon sigaret i sipoze fer akse avek sigaret pli difisil.  I annan serten eleman ki par egzanp nou adrese dan Tobacco Control Act i annan serten eleman ki nou pan adrese la akoz serten rezon e par egzanp vann sigaret an detay i en keksoz ki’n persiste dan nou lapros dan nou kiltir, me letid ki nou’n fer par egzanp letid 2015 i montre zanfan lekol fason ki pli mye pou zot ganny akse avek sigaret, se ganny sigaret an detay.

Letan ou frenm sa laport, ou pe fer li pli difisil pou en zanfan ganny akse avek sigaret.  Ou pa pou neseserman elimin sa akoz i pou annan zanfan ki determinen, me ou fer li pli difisil pou en dimoun ganny akse avek en prodwi, ki finalman pe touy li.  Si ou ti pou lans bann sigaret ozordi, bann imen pe fim sigaret avek bann prodwir taba avan ki nou konnen, me si ou ti pou entrodwir sa ozordi, ou pa ti pou fer li legal me lefe ki i legal se pou met bann mezir ki i redwir akse avek sa sibstans.

Way forward lo kanser, lakle se pou nou regard kanser dan son totalite dan tretman donn tou bann pasyan e devlopman bann profesyonnel.  An gro nou bezwen fokaliz nou zefor lo depi staz kanser a la baz, e sa i konmans dan ou sant lasante.  Wi i enportan parfwa letan ou annan sa bann pou fer bann tes pli avanse me i konmans dan sa sant lasante, e se la vreman kot nou bezwen met zefor atraver formasyon nou bann staff profesyonnel pou zot kapab annan sa kapasite pou zot asir en sistenm referans ki marse e ki efikas e ki nou depiste bann kanser pli boner, letan dimoun i konmans ganny bann problenm oubyen osi letan zot popilasyon i  kle.

Bokou sa bann eleman nou konmans met an plas.  Sa proze ki nou pe fer dan zenetik i dan sa laliny proze lo bann maladi non-kominikab pou idantifye bann dimoun ki pli a risk e pou nou kapab ofer zot sa tretman e pou nou met nou zefor dan sa direksyon.  Nou bezwen osi annan sa promosyon lasante – nou lasante i nou responsabilite.  Pou nou mazinen fer dimoun prevansyon ver kanser se legzersis bon ladyet evit konsonm kantite sigaret e lalkol.

E sa i bann mesaz tre senp ki nou bezwen met avek tou nou popilasyon e konn ou lekor si ou war i annan diferans war en profesyonnel lasante.  Lo mon kote ava aret lanmenm e mon ava gete si en dokter i anvi azout en keksoz.

 

MR DEPUTY SPEAKER

Non mon krwar i ase kler pou le moman.  Onorab Waven William.

 

HON WAVEN WILLIAM

Mersi Mr Speaker.  Bonn apre midi Minis avek ou lekip e tou Manm piblik ki a lekout.  Minis mon anvi demann ou sa bann kestyon swivan, e eski ou kapab enform sa Lasanble an relasyon avek delo polisyon La Misere eski ou Minister i annan statistik konbyen dimoun La Misere ki’n ganny dyagnoz avek kanser e konbyen ki’n fini mor pandan sa dernyen 10an?  Si Minis i kapab donn kategori bann ka kanser?

E lot kestyon Minis i konm swivan ;- ki son Minister in fer pou swiv tou dimoun ki’n ganny afekte si ti annan sa bann dyagnoz pou redwir risk devlop kanser pou fer mazinen Minis ki klinik La Misere ki ti ganny kree apre ki Minis ti’n ganny miting avek sa 2 Komite ki ti fer resorti ki nivo kanser dan La Misere pou ogmante an rezilta sa problenm polisyon?

So Minis i annan sa de kestyon epi an menm tan mon anvi demann ou i annan alegasyon avek ki pe sorti avek lefe ki round up dan later ki bann planter pe servi, i annan serten bann rezidi ki osi kontribye lo bann ka kanser.  E finalman Mr Speaker mon anvi demann Minis, eski baze ki Minister Lagrikiltir i okouran poudir i annan serten bann laferm, ki zot nivo kemikal ek langre  ki zot pe servi i annan serten lefe, eski zot annan en progranm ouswa en stratezi, ki mannyer pou monitor e teste sa bann prodwir lo laferm ouswa later?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker.  E mersi Onorab.  Bon premyerman nou napa sa formasyon imedyatman, an se ki konsern par egzanp bann dimoun ki’n ganny afekte La Misere e ki lensidan, oubyen ki relasyon ki lyen zot annan avek lensidan kanser.  Me dan en fason zeneral baze lo levidans medikal zeneral, probabilite lyen avek kanser i vreman ba, akoz mazorite dimoun ki ti ganny afekte ti ganny afekte avek en problenm dan zot lentesten otour mikrob dyadya.

E sa mikrob lefe ki i annan lefe ase konsekan lo  en endividi e osi i kapab dire dan ou sistenm, napa okenn literatir ki montre poudir i annan en lyen vizavi avek kanser dan endividi oubyen dan okenn dimoun.  Alor se nou kapab fer en pti pe bann travay pli detaye, pou fer en pti pe dan dimoun La Misere vizavi  zot sityasyon lasante pou nou konn en pti pe plis, me napa okenn levidans medikal poudir i annan en lyen ant en tel kalite polisyon e avek kanser.

An se ki konsern pestisidm kontrol lo lenportasyon pestisid i ganny fer par en Board.  I annan en Pesticide Board ki etabli anba en Lalwa, e zot nou Lalwa Sesel konpare avek bokou lezot pei nou Lalwa i ase sever.  Nou annan ase. Nou annan  bokou restriksyon par rapor nou annan pestisid ki permet dan lezot pei, ki Sesel nou pa permet.  Mon pa konn dan lezot sirkonstans round up si sa i permi oubyen non, i pou bezwen mon ava akoz sa i en mark i pou depan lo son konfigerasyon kemikal e nou ava kapab verifye si sa pe ganny servi oubyen non.

An se ki konsern bann tes, lasante piblik i fer bann tes parey nou dir at random parfwa pou verifye, e nou pa’n ganny e nou osi fer lenspeksyon lot ou bann stores, kot tou bann kemikal i ganny garde, pou asire ki zot bann kondisyon i ganny respekte.  E sa i ganny fer ansanm avek Lazans lo lagrikiltir.  Mon pa konnen si Dr Louange oule dir en pti pe plis lo la.  Mersi.

 

MR DEPUTY SPEAKER

Mersi.  Dr Meggy Louange.

 

DR MEGGY LOUANGE

Mersi Mr Speaker.  E mersi Onorab pou sa kestyon.  Depi bomaten la nou tann plizyer fwa plizyer Onorab in mansyonnen about testing of foods.  Sa i en konsern ki lasante piblik osi i pe pran an kont e se pou sela ki nou pe met dan laboratwar nou annan en masin ki pe vini byento LCMS pou nou kapab konmans fer serten tes.

Actually nou pe fer tes lo  nou lavyann, pou antibiotics avek hormones.  Nou ti a voudre osi kapab fer pou pestisid.  Me pou ou kapab set up sa bann tes, i kout i ekstrememan ser akoz once ou set up ou bezwen fer sir ki ou kapab sustain li.  So nou bezwen al en pti pe lantman me sirman.  Mersi.

 

MR DEPUTY SPEAKER

Mersi Dokter.  Onorab William.

 

HON WAVEN WILLIAM

Mersi Mr Speaker.  Mr Speaker mon anvi demann avek Minis son lopinyon lo la, lefe ki sa lenformasyon in sorti kot en zofisye well ler ou pe dir dokter profesyonnel lasante.  So si sa lenformasyon in ganny donnen avek en Komite e mon mazinen poudir i fonde lo son leksperyans avek son konesans.  So mon ti a kontan ki sa lenformasyon i kapab mon konnen petet la ou napa, me selman si nou kapab ganny en pe sa bann lenformasyon, akoz in ganny dir poudir bann dimoun ki petet kapab annan konmansman – mon’n tann koz lo zafer zenetik e i annan posibilite petet.  Akoz dimoun i anvi konnen poudir eski son lasante ozordi malgre petet serten lot in pran li alalezer, lasante i enportan lavi i enn menm e nou ti a kontan ganny sa lenformasyon eski zot annan lenformasyon lo sa bann diagnoz  osi ki’n ganny fer?

Akoz si sa lenformasyon in ganny sorti i bezwen i fonde.  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker.  E mersi Onorab.  Sertennman baze osi lo sa ki Dr Louange in dir i en demars ki’n konmanse pou nou kapab teste sa bann prodwir pli aprofondi.  Parey mon ti dir – i annan bann tes zeneral me parey dokter in konfirmen poudir pou pestisid sa en keksoz ki nou bezwen adrese.  E nou bezwen ranforsi sa kapasite pou nou kapab fer sa sistenm soutenab, me nou pe bouz dan sa direksyon baze lo sa ki i pe dir.

Akoz bokou sa bann Board i ganny etabli anba Lalwa e letan nou regard sa bann kapasite ki nou bezwen ranforsi, nou fer le neseser pou fer li arive.

 

MR DEPUTY SPEAKER

Mersi.  Dr Meggy Louange.

 

DR MEGGY LOUANGE

Mon la konman en teknisyen me selman adres li dan en fason teknik.  Mon pe sey konpran konsern Onorab Waven William regarding kontaminasyon delo.  Kontaminasyon delo i ti delo desarz me as far as teknikman nou konnen napa en link avek son parazit ek kanser ;- medically nou pa ankor konnen.

Me selman parey Minis in dir petet i ava get dan tou konteks ki mannyer sa in monte.

 

MR DEPUTY SPEAKER

Petet Onorab William i kapab donn ou bann detay pli tar me selman nou pa bezwen neseserman pran li la.  e alor mon ava al lo prosen kestyon par Onorab Sebastien Pillay.  Si nou kapab fer en kestyon 1minit en kestyon 4minit en larepons nou fini sa 3 ki reste 3.30.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon ti a kontan demann Minis mon war evolisyon sistenm tretman mon krwar depi 1991 ler mon manman ti ganny kanser, e up to 2009 ler mon papa ti ganny kanser.  Prezan sa ki mon realize se ki i annan en keksoz dan zot prizansarz ki manke, e sa ki mannyer zot prezant zot pran prizansarz avek fanmir sa dimoun ki pe soufer – sirtou si i annan zanfan anba laz,  ki bezwen ganny antretenir dan ganny maintain e ki mannyer i annan en swivi ki ganny fer dan sa nivo regarding sa.

E prezan en keksoz ki vreman enportan la, se ki lapros ki nou konman Seselwa nou annan anver dokter dan distrik.  Ou konnen nou annan en zenerasyon ki annan en gran respe pou dokter e sa ki ou pe dir, sa challenge sa dokter ler i fer desizyon i pa arive.

So eski prenan kont bann protokol ki zot in etabli, i annan serten keksoz ki vin normal.  Par egzanp en zonm ki annan 40an a 45an – 40 a 50an i konmans soufer douler dan vant bann keksoz koumsa ou regard diverticulosis oubyen i bezwen annan en propozisyon pou li al fer en koloskopi.

Si i pe prezant serten sentonm nou pa kapab espere, e dir sa i en problenm gastrik – en problenm koumsa ou bezwen rod sa akoz sa privalans i dan sa age range parey Dokter Reginald in dir.  En madanm ki’n deza ganny kanser tete ki reprezant serten sentonm, ki kapab retournen konman en kanser cervix sa osi ou bezwen annan en prizansarz.  So eski nou pe train bann dokter sirtou bann dokter etranze ki sorti dan en lot konteks, pou zot konpran ki en pasyan i kapab challenge zot desizyon ler sa pasyan i vin dan klinik, e non pa ki sa pasyan i bezwen zis aksepte sa dyagnostik.  E akoz i annan zot i vin ofanse i ankoler ler sa pasyan i konmans demann zot kestyon lo la?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  Nou dakor lo sa pwen an se ki konsern swivi.  E nou fer serten zefor lo nou kote pou nou met plis zefor lo sipor ki nou donn bann pasyan ki’n ganny en dyagnoz kanser enkli avek fanmir.  Nou sey enplik fanmir dan sa lalit, dan sa tretman kanser e nou sey fer li dan en fason pli sistematik, e donn sa fanmir en mekanizm bann sipor, sipor sosyal,  bann sipor psikolozik atraver osi travay ki kapab ganny fer avek par egzanp psikolog, pou siport bann dimoun ki dan bann sirkonstans parey.

Nou travay osi avek Cancer Concern Association e lezot osi.  Akoz i annan lezot lorganizasyon ki parfwa ofer zot sipor pou ed bann fanmir ki pe pas dan bann moman difisil.  Akoz souvandfwa lenportans se sirtou pou koz ek en dimoun ki’n deza pas dan en tel sirkonstans, e donn enn de bann pti konsey e pou zot kapab pli byen viv sa leksperyans.

An se ki konsern referans pou en dimoun letan i pe prezan serten konsern.  Letan i pou prezant serten sentonm e pou asire ki i pas devan en spesyalis apropriye, e ki dan sa sant lasante zot kapab rekonnet sa bann sentonm pou fer en referans a moman apropriye.

Parey ou’n fer sorti e serten lezot Manm in fer sorti, sa i enn bann defi ki annan la aktyelman pou fer sir ki sa i ganny fer dan en fason osi vit ki posib, dan en fason osi ki sistematik.  I annan serten gidans ki nou deza annan dan nou sistenm, sa ki nou apel bann protokol, me nou bezwen ranforsi sa bann protokol, e sa i anliny avek sa stratezi ki nou pe fer avek WHO ki pou zisteman met sa bann gidans pli klerman.

Nou annan travay formasyon ki ganny fer avek bann dokter ki pe vizite, e sa i enkli Dr Louange in mansyonn bann formasyon ki ganny fer dan Vandredi.  Sa bann dokter ki sorti aletranze zot bezwen partisip dan sa bann formasyon zot osi, zot enplike dan nou sistenm lasante.  Me i vre tou bann Manm Onorab ki letan en dokter pe vin isi pou travay, sa kantite letan ki ou pe kapab fer formasyon aprofondi i limite.

 

E pou ou kapab osi donn sa dokter en apersi pli afon avek nou bann lekspektasyon bann latant bann pasyan nou pei, akoz dan serten pei i vre ki i diferan.

E se pou sa lanfaz osi ki nou pe mete se leadership dan bann sant lasante.  E ozordi pa tou sant lasante par egzanp ki annan en dokter Seselwa senior ki la depi en pe letan e nou stratezi se otour asire ki nou annan sa leadership lo nivo medikal dan bann sant lasante.

Mon ti a kontan dir ki sa leadership selman i pa zis dan lanmen dokter.  Sa leadership i otour tou bann profesyonnel lasante ki enplike dan dyagnoz e tret kanser, e ozordi dan nou sant lasante sa dimoun ki ansarz zesyon sa sant lasante, se sa nurse manager oubyen sa ners ansarz.

E ozordi sa bann dimoun par egzanp mon konnen mon konn bokou legzanp kot sa ners ansarz in fer en travay advocacy ;- in fer bokou travay lo sa pasyan, pou fer sir ki sa pasyan i ganny war sa dokter.  E an mezir ki nou ranforsi nou bann protokol, nou pe dir avek nou sitwayen ki pa ezite pou met sa bann pwen devan si zot pa pe ganny sa konsern adrese, dan en premye tan.

 

E avek sa ranforsman sa leadership dan sa sant lasante i atraver bann dokter spesyalize, atraver ;- par egzanp bann ners ansarz me i osi atraver bann lezot travayer ki kapab nou pe koz travayer laboratwar.  Bann travayer dan biomedical akoz zot tou zot annan en rol pou zwe dan sa lyen kot i konsern dyagnoz e tret kanser.

E fodre nou fer sir poudir nou annan bann leaders ki for dan tou sa bann eleman.  Nou deza annan bokou me atraver bann formasyon e ranforsman kapasite nou kapab amelyor sa ankor plis.  Mersi Onorab e mersi Mr Speaker.

 

MR DEPUTY SPEAKER

Mersi.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker  mwan mon krwar ki i pa en kestyon ki nou bezwen train sa bann dimoun.  Mon krwar en kestyon ki e nou pa kapab rely lo WHO akoz li i vin avek en keksoz ki zenerik.  Nou bezwen pran en keksoz ki pran konteks nou pei.  Par egzanp kanser kolorektal kanser kolonn kot bann dimoun i al koup trip.  I prevalan dan bann zonm Seselwa.  En kantite zonm Seselwa i ganny sa, e zot konmans ganny sa e zot dir ou son laz ki fer son depistaz i around 40an 45an an montan la ki ou konmans fer depistaz.

So ou pa kapab i bezwen annan en keksoz spesifik ki nou dir poudir si en zonm si nou Sesel, en zonm Seselwa i prezant son lekor dan en sant lasante, e i annan e i reprezant serten sentonm ki relye ek son trip ou bezwen al rod kanser kolonn premye keksoz ki ou bezwen fer.

E ou bezwen annan fason ki en dimoun i bezwen al fer swa koloskopi swa serten tes.  Mon konnen petet mon pe koz baze lo emosyon, sa ki  mwan mon’n pas atraver, me selman i enportan sa Mr Speaker.  Akoz sa bokou pei ozordi par egzanp Lanmerik, Lanmerik in entrodwir en sistenm kot tes i fer a 40an.  So eski nou pa kapab regard Protokol WHO e regard en protokol spesifik pou nou pei ki deal ek bann keksoz ki nou war – pa dir andemik me bann keksoz ki pe ariv prevalans o nivo Sesel?  Mersi Mr Speaker

 

MR DEPUTY SPEAKER

Mersi Onorab.  Dr Reginald.

 

DR  LOREN REGINALD

Konnen pou ou kapab diagnoz fodre ou egzamin sa malad.  Cornerstone  diagnosis en maladi si ou egzamin li, depi ler i antre dan konsiltasyon ou pe regard li, ou ekout li, ou met ou lanmen lo li i pou kapab dyagnoze.  E si i annan plis ki 45an i en zonm fodre ou rod swa kanser prostat swa kanser trip.  E dan en madanm fodre ou rod kanser tete.  Prezan lo konsern tes ki  nou ganny fer.  I annan tes ki fasil Sesel ;- ki fasil e ki pa kout nanryen ok?  Se occult blood dan lentesten dan lasel.  Si nou fer sa i pozitiv i annan gran sans ki sa dimoun i ganny kanser trip, pa bezwen ou al fer bann gran tes depans en kantite larzan e sa nou kapab fer li dan en klinik.

So deteksyon kanser i merit konmans dan klinik, e fodre nou bann zenn dokter, sirtou nou bann dokter Seselwa, i aprann e i konpran poudir egzaminasyon  ou malad i donn ou 60 a 70poursan diagnosis.  Mersi.

 

MR DEPUTY SPEAKER

Mersi.  Onorab John Hoareau.

 

HON JOHN HOAREAU

Mersi Mr Speaker.  Bonn apre midi Minis avek ou delegasyon.  Bon apre midi bann ki pe ekoute.  Mr Speaker Minis bomaten dan son lentervansyon, in nonm an pasan sa lopital ki ti pe ganny fer Roche Caiman, ki i dir ki son Minister zot in aste sa landrwa e zot pe al fer redevlopman sa landrwa.  Eski nou pu war dan sa landrwa parey ou’n dir pou annan bann servis spesyalize, eski i pou annan en nouvo sant oubyen unit pou anchology?

Dezyenmman ki progranm capacity building, oubyen mentenans ki ou pe anmennen pou amelyor lefikasite bann masin, oubyen bann tes diagnostic ki zot fer – dizon avek bann mamograph?  Eski zot annan en progranm ki zot maintain sa bann keksoz a-ler ?  Akoz bokou konplent i vin lo ler dimoun i vini apre zot ganny dir poudir masin pa pe marse?

3enm kestyon Mr Speaker, ki Polisi Minister Lasante, lo size bann dimoun ki pare pou pey zot latizann pou kanser?  Eski Minis i kapab dir nou si i annan en serten sonm ki zot kapab ed sa bann dimoun ki le kontribye towards aste zot prop latizann e ki zot Polisi lo la?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  Zis mon le tre briyevman zis dir – akoz nou pa’n touse lo sa ki Onorab Pillay in dir ki akoz lide pou nou annan en protokol domestik, se zisteman sa ki nou pe fer avek WHO pou nou annan en protokol domestik.  An se ki konsern kestyon otour sa lopital spesyalize ki pou fer Providence, alor sa lopital lide se ki Gouvernman i fer sa pou vann lenvestiser ki enterese, pou zot kapab ofer en servis bann tretman spesyalize ki pou kouver plizyer sekter, avek rekonesans ki premye tretman ki Seselwa nou anvoy deor pou tretman ozordi, se pou radyo terapi.

Definitivman sa i parmi bann tretman ki mon kapab dir i primordyal pou entel lopital.  Me fodre nou konpran ki tre byensir nou pe demann sekter prive pou envestir.  Nou’n fer en previzibilite nou fer en letid pou previzibilite ki letan nou pare letan nou fer sa colourful proposals, sa fezabilite pou ganny partaze avek bann lezot envestiser potansyel.   Sa bann lenvestiser pou prezant zot plan.  Sa fezabilite pou regard sa kestyon disponibilite tretman radyo terapi pou kanser e bokou lezot ankor enkli bann tretman par egzanp kardyolozi bann loperasyon otour bann problenm kardyak, eksetera.

Me sa desizyon finalman lo sa bann lo sa bann tretman ki pou disponib, pou depan lo kwa ki sa lenvestiser i pare pou envestir.  Me lozikman letan ou regard profil sa ki annan Sesel, sa servis i devret ganny konsidere par bann premye servis pou ganny konsidere.  E osi letan ou pou regard sa bann tit fezabilite, i demontre ki en tel lopital pou li marse i pou bezwen osi apir son lekor lo tourizm medikal.  E se la ki i annan loportinite pou ofer bann servis radyo terapi, par egzanp pou bann lezot pei kot napa sa bann servis.

E pou fer parey lezot pei in deza fer.  Moris nou konnen in deza etabli en servis – en sekter tourizm medikal e sa rapor prefezabilite i regard dan sa direksyon.

An se ki konsern lefikasite bann masin nou envestir en kantite pou formasyon nou bann travayer dan seksyon biomedikal, e nou annan en progranm entansif pou verifye ki sa bann masin i ganny swiv de pre.  e sa i enkli alor nou bann travayer ki ganny formen isi menm e bann travayer ki pe travay dan nou seksyon.  Bokou sa bann masin sa i enkli mamogranm osi, an plis ki sa servis ki ganny fer par bann travayer dan seksyon biomedical, i osi annan en Kontra avek en konpannyen enternasyonal ki donn son servis.

Malerezman akoz nou annan zis en masin mamogranm letan i ariv en problenm avek byensir tou dimoun i konsernen akoz letan i annan en problenm avek nou napa en 2enm.  E sa ki fer ki parfwa ou annan konplent letan i pa pe marse me nou progranm avek Unit Biomedikal i vedir ki menm letan i pa pe marse nou kapab repar li ase rapidman me nou rekonnet ki parfwa sa i kree serten fristrasyon parmi bann dimoun ki pe espere pou ganny zot lapwentman e an zeneral nou pe kapab repar li ase vitman enn de semenn me i annan bann moman kot in pran en pti pe plis letan ki sa.          e nou annan lentansyon pou nou kapab rod en lot mamogranm a lavenir ki pou osi pli byen pozisyonn nou pou adres sa bann konsern.  Mersi bokou Mr Speaker e mersi Onorab.

 

MR DEPUTY SPEAKER

Mersi.  Onorab.  Ou ti annan morso son kestyon ki bann pasyan ti pou pey zot menm mon krwar ou pa ti’n reponn.  Minis.

 

MINISTER JEAN-PAUL ADAM

Mersi Mr Speaker.  E mersi Onorab.  Sa bann desizyon otour tretman aktyelman i ganny fer par Board pou tretman aletranze akoz nou sityasyon isi Sesel se ki nou ofer tou bann tretman dan nou servis lasante pou bann ka kanser i annan bann dimoun ki par egzanp in al deor in al fer en konsiltasyon in ganny en rekomandasyon pou en tretman;- par egzanp pou chemo e isi nou ofer sa tretman chemo me petet li in kontan sa mark oubyen sa brand ki ou’n donnen laba, nou permet ki si sa dimoun pe anvi fer vin son latizann li menm, e i ganny administre isi Sesel me i bezwen ganny pase atraver bann profesyonnel medikal.

An se ki konsern kontribisyon ki Gouvernman i kapab fer, ankor sa i tonm anba responsabilite Board pou tretman aletranze.  Alor si en dimoun i al lo li menm par egzanp pou radyo terapi, si in al lo li menm e apre i demann en ranboursman si sa radyo terapi ti antre dan kriter tretman pou kanser i pou gannyen son ranboursman, akoz radyo terapi toutfason nou anvoy aletranze.

Me pou sa chemo akoz sa chemo i disponib isi Sesel.  Alor i pa forseman ki ou pou ganny en ranboursman, me parkont si ou anvi vin avek ou tretman pou vin fer li isi, pou li ganny administre isi sa i fezab.  Mersi Mr Speaker e mersi Onorab.

 

MR DEPUTY SPEAKER

Mersi.  I reste zis de Manm ki pou demann kestyon.  Mon sizere nou ava ale ziska 3.40 nou a break nou a retourn 4er nou a fini sa Mosyon i reste.  So de kestyon ankor annou fer li kourt silvouple Onorab Egbert Aglae.

 

HON EGBERT AGLAE

Mersi Mr Speaker.  Bonn apre midi Minis ek ou delegasyon e tou Manm a lekout.  Minis mon premye kestyon i konsern statistik prezante pandan sa dernyen 3an la kot nou war poudir i annan landrwa apepre 2000 ekek diagnosis pou kanser e ladan nou war poudir 912 i fanm larestan 1090 i bann msye.

Mon ti a kontan konnen anvi ki sa to prevalans dan zonm i pli o, ki bann mezir ki zot pe mazin pran e osi sansibilizasyon, pou ki bann zonm i kapab vin devan pou fer bann tes a en ler ase pli boner, pou kapab fer bann deteksyon.  An vi ki nou krwar poudir bann zonm pa neseserman kontan al lopital be esper bann dernyen minit?

Dezyenmman Minis, kot i konsern levolisyon sa unit kot oncology li menm li kot i konsern palliative care, eski a lavenir anvi ki sa seksyon i pti li menm eski a lavenir nou pe war ki sa seksyon oncology parey dan bann lezot pei kot zot kapab devlop bann progranm edikasyonnel e sansibilizasyon dan sa seksyon li menm?  Eski nou pe mazin agrandi en pe responsabilite sa seksyon osi pou zot kapab devlop serten progranm?

E dernyerman Minis, anvi ki mwan osi mon travay avek sa Unit Oncology pandan sa dernyen 3an Minis, mon bann koleg pe fer en pledwari pe dir ki i annan 3an ki zot pe esper zot allowance re-konstitisyon laba cytotostic ki ou Minister i kapab get dan zot welfare zot travay dir lakantite pasyan in ogmante e nou konnen poudir i annan lefe advers dan sa travay ki zot fer?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi Onorab.  E ou kestyon lo prevelans parmi bann zonm i bokou pli o, mon pou dan tou sa bann kestyon petet mon a demann Dr Reginald pou koz lo la, akoz sa i son lekspertiz.  Me zis pou presize ki sa sonm total 2002 ka i pandan 10an.  E pa lo 3an zis pou nou fer sir ki nou pa tronp sa sonm.  e sa kestyon an term palliative care, avek lorganizasyon lopital anba son Plan Devlopman, nou anvi o maksimonm posib nou pou agrandi bann servis ki disponib pou oncologie.  E letan ou pou servi servis pou oncologie ou pou osi annan posibilite pou ou fer plis palliative care, dan sa unit.  Me nou annan parey ou konnen nou annan sa Unit Palliative Care,  ki osi baze dan Ospis North East Point.  Byensir sa i pa konsern zis kanser, me i konsern bann ka kot en dimoun petet i dan en maladi terminal, oubyen i annan en sityasyon difisil.  Me nou pe met bokou lanfaz otour bann palliative care.  Sa lannen 2019 nou mark pou premye fwa World Palliative Care Day e nou fer plizyer linisyativ pou nou sansibiliz dimoun lo lenportans sa size.  E a lonterm nou pe osi regard pou nou ofer bann servis palliative care, care lo Praslin akoz sa i en keksoz ki manke.

An se ki konsern bann allowance pou bann travayer, mon ava get en pti pe pli an detay.  Nou ti adrese en kestyon allowance.  Si i ankor annan ki zot pe reklanmen nou ava organize ki en reprezantan dan Minister i ava rezwenn avek zot e ava ekout zot pou nou ganny klerman ki sa eleman ki zot santi touzour i pa ankor ganny adrese.  Akoz mon konnen zot in gannyen serten amelyorasyon dan Scheme of Service 2019, me nou ava war spesifikman bann allowance ki zot santi i pa ankor ganny adrese.  Mersi Mr Speaker e mersi Onorab.  Mon ava demann Dr Reginald pou koz lo sa kestyon men’s health.

 

MR DEPUTY SPEAKER

Mersi.  Dr Reginald.

 

DR LOREN REGINALD

Kanser zonm pli konmen Sesel se kanser prostat.  Keksoz ki enteresan avek kanser prostat Sesel se ki bokou bann zonm pou mor avek kanser prostat rather than from it.  Ki mon pe sey dir par sa?  I annan en kantite dimoun par lao 70an apepre 80poursan dimoun par lao 80am 80poursan dimoun par lao 70an pou annan kanser prostat.  Si ou fer biopsie i pou annan, me i pa pou zanmen ganny sa maladi.  Se sa rezon ki nou lopital ler en dimoun i ganny 75an si i pa ganny sentonm nou pa trete.  Ok?  Nou konnen poudir sa dimoun i ganny kanser prostat ler i mor i pou en latak leker me pou en lot koz nou fer letopsi lo latab morgani dan lakaz mor, nou war poudir i ganny kanser prostat.

So tousala i bann keksoz ki nou pran an konsiderasyon o moman pou nou  tret  en maladi.  Akoz parfwa ler ou tann en dimoun i ganny kanser prostat la son adverse effects i bokou plis ki sa maladi li menm.  So sa i en keksoz ki nou pran an konsiderasyon pou nou tret en dimoun ek kanser prostat.  Wi i o son prevalans me kan ou trete i osi enportan.  Mersi.

 

MR DEPUTY SPEAKER

Onorab Aglae.

 

HON EGBERT AGLAE

Mersi pou ou larepons dokter e Minis.  Minis zis an pasan kot i konsern sa bann teknisyen mon krwar i annan zis 2 or 3 zot ki pe fer sa travay.  E Minis i annan osi serten konsern ki serten dimoun i met devan sirtou bann pasyan kanser ki al overseas treatment kot zot reste enta letan deor.

E zot annan en akonpanyater ki al ek zot, e souvandfwa ler zot pe sot petet 1mwan, i annan sa akonpanyater ki bezwen desann.  E pou ou ranplas sa lot i annan en pti pe konplikasyon kot zot gannyen pou pas atraver.  Eski ou Minister i kapab petet revwar en pti gin pou ki sa protokol ki atase avek, pou fer ki ler zot ranplase i vin en pti pe pli fasil pou zot Manm fanmir swa zanmi monte?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mersi Onorab.  Nou ava regard en pti pe pli an detay allowance.  An se ki konsern bann akonpanyater konsern ki akoz sa mon krwar i ganny deside par Board pou tretman aletranze.  E Board in al dan direksyon ki mon krwar i enportan akoz lakantite larzan ki nou depanse lo zis tiket avyon par egzanp i bokou e zot in pran en lapros ki finansman sipor i vin pou 1 dimoun ki ganny anvoye konman en akonpanyater.  E o maksimonm zot sey konsey sa dimoun ki fer sir si ou kapab pran sa kantite letan akoz i enportan ki ler sa dimoun i ale akoz finalman letan ou bezwen anvoy en 2enm dimoun i en 2enm depans.

E i vin en kou adisyonnel e se dan sa konteks ki Board i tant pou dir non.  Akoz zot in aprouv 1fwa e pou zot aprouv en 2enm fwa.  Finalman nou tou tax payers ki pey sa larzan.  E sa mon pe eksplik sa konman sa rasyonnel ki Board i servi, byensir baze lo sa konsern ki ou’n met devan, mon ava annan en konversasyon avek zot, pou war si zot kapab adres sa me finalman zot pou fer li baze lo zot Bidze ki mon konnen i vreman sere aktyelman.  E i en keksoz ki nou pe kontinyen depans plis e nou anvi met lanfaz ki i enportan ki lamazorite sa resours i al dan tretman plito ki dan bann kou parey tiket avyon eksetera.  Mersi Mr Speaker e mersi Onorab.

 

MR DEPUTY SPEAKER

Mersi Minis.  Bon in ariv 3.38 nou pou adjourn nou fini aktyelman deba nou fini demann kestyon lo sa –

 

HON CHARLES DE COMMARMOND

Non Mr Speaker.  Mon lev lanmen depi boner ou ti donn mon siny ki ou’n note ki mannyer la ou pa pe demann mwan – ou pa pe les mwan demann kestyon?

 

MR DEPUTY SPEAKER

Onorab De Commarmond pou bann Leaders mon a fer en ka spesyal, mon a les ou demann kestyon.  Me selman nou fini ferm lalis.  Me selman mon a permet me selman annou fer li vit pou nou ale.  Vit silvouple.  Mon pe donn laparol Onorab De Commarmond, Onorab De Commarmond silvouple ou kapab poz ou kestyon.

 

HON CHARLES DE COMMARMOND

Mersi Mr Speaker.  Mr Speaker mon konman en pasyan kanser ki’n ganny kanser mon premyerman mon bezwen remersi Minister Lasante e Unit Oncology pou sipor ki zot in donn mon e ki zot pe kontinyen donn mon pou mon pa retourn dan sa sityasyon.  An menm tan mon bezwen fer sir remersi Dr Gedeon ki in fer zisteman sa ki’n ganny dir ozordi ki’n kapab war mon e detekte vitman ki i annan sa bann sentonm.  E in pran aksyon vitman pou anvoy mon trete e mon vreman rekonesan e remersi zot bokou pou sa travay dir ki zot pe fer e pe kontinyen fer pou amelyor sistenm lasante.

Mr Speaker Sesel in avans en kantite pandan sa dernyen 40an dan domenn lasante, e ozordi en kantite lekipman modern nou annan pou detekte plizyer maladi ;- espesyalman la nou pe koz kanser.  Kantite lekipman you name it depi x-ray, mamogranm, MRI, CT Scan ensidswit.  Ozordi kantite lekipman in ganny mansyonnen.

Me i enportan annan bann profesyonnel ki kapab lir e enterpret sa ki bann masin i dir e montre.  E alor mon anvi ki Minis i konfirm ek nou la, kwa ki Minister Lasante pe fer konkretman, pou amelyor sa area pou fer ki i ava ed bokou dan early detection, si sa bann lenformasyon i ganny lir e analize korekteman?

An menm tan i enportan, en kantite koze osi i ganny koze sirtou ler nou get dan social media en kantite prodwir dimoun i propaze, e dir ki sa i bon pou kanser ;- par egzanp korsol, bred mouroum, kreson you name it en kantite keksoz dimoun i dir.   Ki advice Minister Lasante i annan lo sa bann keksoz koumsa?  E sirtou lo medsin tradisyonnel i annan serten dimoun i dir serten lafresisan i bon ensidswit pou prevansyon e tretman maladi kanser ki egziste dan Sesel?

E an menm tan petet dir nou Bidze oncology konkretman bomaten in ganny mansyonnen ki nou pare pou aprouve, kwa ki zot pe gete ki fondamantal e enportan aktyelman, pou  zot kapab ogmant Bidze Oncology Unit pou kapab beef up dan zot fason ki zot pe fonksyonnen e an menm tan lo kote laboratwar pou analiz bann keksoz korekteman?

E an menm tan i enportan konman en lankourazman, eski Minister Lasante pe diskit ek bann landrwa travay akoz la nou pe koz en pe lo reach out pou zot kapab analiz bann keksoz boner e detekte boner ;- parey lot zour zot in vin fer avek Lasanble Nasyonal avek HIV ou rappel Mr Speaker, ki zot pe fer avek bann landrwa travay bann Minister, bann lakonpannyen, ki zot kapab ankouraze pou ki ler en dimoun i ganny anploye pou travay sa bann landrwa dan zot Kontra travay zot enkli tes medical tes espesyalman tes pou kanser ki zot kapab donn sa tes free of charge, akoz i pou form par zot progranm prevansyon e deteksyon.  Ki par egzanp i kapab annan tes disan en pe detaye ki ganny fer, ki ou kapab dekouver tou bann problenm relye avek kanser at an early stage.  E sa i ava ede pou nou kapab al petet pli devan.

E dernyerman Mr Speaker si Minis i kapab dir nou ki bann prevalans en pti pe ki annan ki i pa’n koz lo la ozordi ;- par egzanp dan zot resers lo kanser.  Par egzanp dan ki rezyon lo Mahe e dan Sesel, ki zot pe war – (Onorab Ferrari ase malelve mon frer) !

 

(Interruption)

 

HON CHARLES DE COMMARMOND

Mr Speaker i pa kapab kontinyen bann keksoz koumsa letan en dimoun pe koze.

 

MR DEPUTY SPEAKER

Be ou demann ou kestyon.

 

HON CHARLES DE COMMARMOND

Si Cascade i ava dir Cascade be ou reste trankil ekoute pa ou ki dokter.  So dan ki rezyon Mahe oubyen lezot landrwa dan Sesel?  E osi petet ki prevalans dan serten metye?  Eski ou war i annan serten prevalans dan zot resers.  Si napa eski petet dan zot resers a lavenir zot kapab tenir kont les sa pou kapab ede pou osi early detection e pou kapab annan en kontrol lo la?  Mersi.

 

MR DEPUTY SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker.  E mon remersi Onorab Leader Zafer Gouvernman pou son lentervansyon e pou lefe ki mon krwar bokou dimoun ozordi in koze lo zot leksperyans swa zot leksperyans personnel swa lezot dimoun ki zot konnen i zot fanmir.  E mon krwar i sa ki motiv nou osi dan nou travay pou nou fer sir ki nou kapab fer le meyer posib pou amelyor bann kondisyon tretman.

An se ki konsern ranforsi kapasite pou lir bann scan pou kapab adres kestyon deteksyon boner pou kanser nou pe kontinyen ranforsi kapasite nou bann travayer lasante pou kapab pli byen fer sa travay.  Sa i enkli bann travayer plis spesyalizasyon pou bann dokter par egzanp, pou fer spesyalizasyon dan radyolozi ;- i baze osi dan par egzanp bann fellowships ki nou kapab ofer zot avek bann lopital avanse.  E sa i enn bann size kle ki mon ti diskite resaman letan mon ti fer vizit dan Lenn e i enn bann keksoz ki nou pe devlope.

I osi otour devlopman nou bann lezot travayer ki annan en rol kle dan sa semen pou dyagnoz kanser e sa i enkli bann travayer laboratwar – sa i enkli bann dimoun ki travay dan Biomedical Unit otour bann lekipman, pou fer sir ki nou annan sa sipor konplet pou kapab detekte kanser pli boner.

Sa formasyon ki nou anvi ranforsi i osi otour sa plan stratezi ki nou pe met an plas, pou kontrol kanser.  Akoz sa plan stratezik i ranforsi kapasite a nivo sa sant lasante dan sa rezyon dan sa distrik.  E pou nou fer sa byensir i vedir i bezwen annan formasyon sirplas dan sa bann sant lasante, pou nou pli byen adres sa bann size e sa i pou mars ansanm avek bann proze parey nou proze lo maladi non- kominikab.

Onorab in osi mansyonn bann kestyon otour bann prodwir bann prodwir lokal ki par egzanp i kapab ede pou redwir risk kanser.  I enportan pou nou presize ki si en dimoun i dir ou i pou geri kanser ek en keksoz sa dimoun pe egzazere.  Akoz pou me sa bann prodwir parey korsol bred mouroum parey serten nou bann plant medisinal, zot annan en lenpak pozitiv akoz zot annan en anti-oksidan e ki zot ranforsi ou sistenm iminite.  E finalman letan ou annan kanser se sa ki ganny afekte se kapasite ou lekor iminite ou lekor kapasite ou lekor pou adres bann lenfeksyon e pou adres bann latak par bann maladi.

Alor letan ou ranforsi sa sistenm iminiter atraver bann prodwir ki annan bokou bann anti-oksidan ou pe redwir ou risk anver kanser.  E an menm tan i mars ansanm avek bokou lezot parti.  Ou bezwen pe fer legzersis ou pa kapab dir ou’n manz par egzanp pork toulezour dan  lasemenn  ek zis bacon, apre ou dir ou bwar dite korsol, i pa pou marse.  Ou bezwen fer sir ki ou annan en ladyet ki balanse.

E zisteman osi kot nou bezwen fer met lanfaz, se letan pou servi sa bann prodwir fri ek bann legim parey bred mouroum eksetera, se ki ou bezwen servi bann prodwir fre o maksimonm.  Savedir ou servi sa fri li menm e pa zis konmela ou pou war i pou annan dite ki met korsol lo la, me kantite korosol vreman  i annan ladan? nou bezwen demann nou lekor  sa bann kestyon.

E a la baz si ou anvi ganny sa benefis sa iminite ki sa bann prodwir i kapab donn ou, ou pran sa prodwir sa prodwir fre sa prodwir a la baz pou amelyor ou ladyet.  Bidze oncologie mon a dir Mr Speaker e Onorab pli bon fason pou siport Bidze oncologie Bidze Kanser, se siport lasante akoz i global.  Pou nou adres kestyon kanser i dan sak eleman nou sistenm lasante.  Nou annan Bidze ki spesifik pou oncologie ek pou tretman kanser me si nou pa anforsi Bidze dan sak sant lasante, si nou pa ranforsi pou rekritman, e tou sa bann eleman i prevwar pou Bidze 2020, e se koumsa ki nou pou pli byen adres sipor pou bann kestyon otour tretman kanser.

An se ki konsern landrwa travay, sa i en linisyativ mon krwar tre pozitiv.  E en sizesyon ki Onorab in fer se ki nou regard pou nou fer en lyen ant en tes medikal ;- e par egzanp Kontra en travayer sertennman dan Gouvernman mon krwar nou devret etidye fason pou nou fer sa e ankouraz sekter prive pou al dan sa menm laliny kot en tes medikal i mars ansanm avek ou lanplwa dan servis piblik.

E sa i pou mars ansanm osi avek nou progranm byennet dan lanplwa ‘’Workplace Wellbeing Program’’ kot nou pe fer o maksimonm screening osi dan landrwa travay.  An se ki konsern prevalans kanser par rezyon lenformasyon ki nou annan se ki i en pti pe partou dan nou pe.  Napa vreman en landrwa ou rezyon i annan en pe plis byensir dan landrwa, alor si ou regard par egzanp bann sant ki annan kot dyagnoz en pe pli o par egzanp dan sant dan rezyon santral, akoz i annan plis dimoun ki reste.  Me i pa napa vreman en landrwa kot i frapan kot ou annan an kantite ka kanser plis ki lezot.  Ou annan enn de ki en pe plis ki lot me i pa forseman en lendikasyon poudir i annan en lyen ant sa landrwa kot ou reste pou le moman avek privalans kanser pou le moman.  Me sa en keksoz petet nou kapab fer en pe plis letid a lavenir pou nou konn plis.

Pou konklir Mr Speaker e Onorab mon ti a remersi zot tou pou zot kontribisyon e ki’n ganny fortman apresye e i donn nou bokou lankourazman pou nou kontrol sa travay pou lalit pou nou kontrol kanser ansanm avek bann Manm Lasanble avek nou bann partner parey Cancer Concern, e mon krwar nou tou ansanm nou kapab fer en diferans pou nou adres sa fleo.

Alor mersi bokou Mr Speaker e mersi tou bann Manm Onorab.

 

MR DEPUTY SPEAKER

Mersi Minis.  Bon nou ariv a lafen sa stetment e bann kestyon ki bann Manm i demande lo la.  Mon ti a kontan remersi Minis avek son delegasyon ki enkli Dr Danny Louange, Dr Meggy Louange e Dr Reginald ki parmi nou e nou osi annan Mr Marthy Vidot Personal Assistant to Minister e Ms Nancy Tomkins ki avek nou, nou ti a kontan remersi zot e nou ava eskiz zot parmi nou.

 

 

(MINISTER ADAM AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

Bon aprezan mon a demann Serzan pou retourn nou dan Staz Lasanble.  Mersi nou dan Staz Lasanble prezan.  So in ariv preski 4er e nou plan travay sete pou fini avek sa Mosyon ki’n ganny poze par Onorab Chantal Ghislain.  Mon vreman ouver avek bann Manm nou kapab eski zot ti a prefere nou fer li demen oubyen nou pran en tea break nou tournen mon ouver ek sizesyon.  Onorab Ferrari.

 

HON JEAN-FRANCOIS FERRARI

Mr Speaker parey nou ti dir selman mon krwar ki i pou osi rezonnab pou nou realis sa plis ki en demi zournen ki nou’n thrash- out sa bann issues, ti ava enportan deza nou pan pran kestyon ti ava enportan ki ler nou retournen Mosyon i ganny prezante i ganny segonde, mon krwar nou tou nou’n dakor avek, ki nou e nou a kapab fini avek ozordi.  Si non i pou konplike.  E mon pa pe donn okenn lord mon pe zis sizere ki mannyer nou a kapab konplet sa travay.  Mersi.

 

MR DEPUTY SPEAKER

Bon Onorab Ghislain.

 

HON CHANTAL GHISLAIN

Mersi Mr Speaker.  Mr Speaker eski Onorab Ferrari pe sey dir mon ki sa Mosyon i telman pa enportan ki i bezwen zis segonde and then vot lo la.

 

MR DEPUTY SPEAKER

Non i pa pe dir sa.  Bomaten in fact avan i konmanse nou ti prevwar sa sityasyon.  Nou ti dir ozordi i pou en lazournen byen sarze avek kestyon zisteman lo kanser zisteman ;- annefe ou Mosyon ti ganny prezante avan sa stetment ti vin lo Order Paper.  Be alor vi ki sa stetment i vin lo Order Paper – vi ki nou annan bokou diskisyon lo sa sityasyon kanser, e vi ki Minis i donn bokou lesplikasyon lo ki mannyer zisteman pou adres bann konsern ki dan ou Mosyon ki mannyer kanser i detekte boner tretman ;- i ganny inisye, sanmenm ki nou koz lo la apre midi bokou kestyon in lo la.

Vi ki sa in ariv sa eski nou pou pran ankor en lot demi zournen pou fer deba lo en keksoz ki vin prezan pou Lasanble repetitive?  So se pou sa rezon ki mon demann sizesyon.  Onorab Ferrari in dir sa an bon fwa zis in dir i krwar e mon osi mon tant pou dakor poudir nou vreman nou koz an detay lo la.  Mon krwar sa topik in vreman ede pou donn lenformasyon avek bokou dimoun.  E mon pa konnen ki benefis adisyonnel apard montre nou sipor pou bann dimoun ki pe soufer ek sa maladi ki pou annan ki nou kontinyen koz lo menm topik.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker mon konpran ou tre byen e vre nou’n pas en lazournen nou koz lo la nou poz enta kestyon Minis.  Mon pa pou dir nou exhaust debate be i pa ti en debate as such, me selman mon panse si nou pran li a fresh demen i pou en pli bon keksoz e pa neseserman ki nou al lazournen antye demen.

Me  pa zis en dimoun koze osi, akoz nou bezwen osi donn sa lenportans.  Petet ou ava deside or sa ki pou dan Chair detrwa dimoun koze pa bokou e mon krwar akoz i kapab dan serten pwen ki kekfwa pan ganny adrese ozordi, i ava ganny adrese demen.  Epi nou pase nou ale akoz kanser i en keksoz serye mon krwar nou war atraver deba ozordi, be i annan ankor keksoz poudir petet ki ava pe pran sizesyon mon pe pans koumsa nou kapab pran li a fresh demen.  Mersi.  E nou pa dwell lo la pou demen.

 

MR DEPUTY SPEAKER

Mersi Onorab De Commarmond.  Onorab Ramkalawan.

 

 

HON WAVEL RAMKALAWAN

Mr Speaker mon krwar ki nou pa pe azir dan en fason rezonnab. E fodre ki nou vin rezonnab.

Sa ki sa statement ki nou’n antann depi 9 er bomaten par Minis ti lo ‘’on cancer situation in Seychelles and strategies to improve prevention and treatment.’’ Mosyon Onorab Ghislain i koz lo;- ‘’Sa Lasanble i demann Gouvernman atraver Minister Lasante pour ranforsi bann striktir ki egziste, pour ki bann ka kanser i ganny detekte boner e tretman i ganny inisye.’’  Enn  i an Angle lot i an Kreol. ‘’Prevansyon e tretman’’, ‘’prevention and treatment. ’’ Menm zafer.

Mr Speaker en Mosyon i demann Gouvernman. Se sa ki Mosyon i dir;- ‘’Demann Gouvernman.’’ Be li Gouvernman bomaten depi 9 er bomaten ziske 4er apre midi in vin dir ki i pe fer dan prevansyon ek tretman.  Pa sanmenm sa ki nou’n tande depi bomaten?  E alor ki vedir sa Mosyon in fini ganny reponn.  E se sa kot mwan mon pe dir annou rezonnab.

Nou’n fini lo la, be parey mon ti dir bomaten nou pran li koman en rezolisyon kot Onorab Ghislain i ganny son sans pour li koze, pour li prezant son Mosyon e lo zot Komite zot ti’n fini tonm dakor ki poudir Onorab Esparon koman Vis-Chairperson sa komite i koze apre nou fini.

Parski Mr Speaker si sa pa arive, be mwan osi mon pour claim mon privilez koman en Manm.  Akoz mwan osi tou mon pe mon pe dir ok nou pe koz lo kanser depi bomaten tousala e mon pe parski mon Mosyon ki sipoze avan Mosyon Onorab Ghislain. Se sa mon privilez mwan. Mon privilez se ki Order Paper i met mon Mosyon avan Onorab Ghislain e ki mwan mon osi tou mon a pe les mon privilez pase, akoz nou’n koz lo kanser ok?   E alor mon krwar ki Onorab Ghislain li osi tou i bezwen rezonnab. E son Leader in koz byen e Mr Speaker si nou pare pour li retournen pour li koze pour lot kote osi tou koze e pour nou vote, e pour nou pran en vote inanim lo la mon krwar se sa ki i rezonnab. Mersi bokou Mr Speaker.

 

MR DEPUTY SPEAKER

Mersi Onorab Ramkalawan. Mon al antyerman lo baz annou et rezonnab. Mon pa vwar diferans ant sa ki’n ganny diskite bomaten e lentansyon Gouvernman ki’n ganny eksprimen klerman sitan si long mon bezwen tanzantan dir ek Minis, Minis fer li kourt. Mon’n menm les lezot dimoun ki pa ti’n lev zot lanmen azoute, pour koz eskan nou’n ale ziska la 3 – Nou sipoze pran en break 3.30 in ariv 4er nou pa ankor break. Nou’n koz lo menm size.

Mon pa krwar i annan okenn diskisyon dan sa Lasanble. Eski sa size i enportan nou tou nou respe drwa tou dimoun pour koze me mwan pe kestyon si nou pour annan okenn efikasite pour kontinyen koze? Alor mon ti a sizere annou break nou a tournen 4.15, 4.15 Onorab Chantal Ghislain a poz i a prezant son Mosyon. I a ganny segonde, nou ava ale ziska 5er nou a pran en vote lo la. So nou ava adjourn ziska 4.15.

 

(BREAK)

 

 

MR DEPUTY SPEAKER

Bonn bon apre midi tou bann Manm Onorab.  E parey nou ti’n tonm dakor nou pou al nou pou sanz lord lo Order Paper  nou pou donn priyorite Mosyon ki’n ganny prezante par Onorab Chantal Ghislain Mosyon No.3 e zis pou kalifikasyon bann Manm Kestyon pou bann Minis nou ava pran li demen.  So san plis tarde mon ava demann Onorab Chantal Ghislain pou prezant son Mosyon.

 

HON CHANTAL GHISLAIN

Mersi Mr Speaker. Me Speaker mon pou komans mon Mosyon avek en pti quote ki  pe sirkile partou lo bann  rezo sosyal ;-  ‘’They say that after treatment of chimo, and radiation it is true that it takes days until you feel alive. With the side effects of chemo an radiation you will never be 100% because your immune system is weak and at that most difficult moment you know who your real friends are or people who appreciate you.’’

Mr Speaker mon’n komans koumsa set akoz dan bann moman parey ki nou konn vreman nou bann zanmi ouswa nou menm koman bann Leaders dan Lasanble, ki nou devret fer bokou plis pou kapab ede e donn sipor bann dimoun, akoz tou sa bann dimoun ki ganny afekte avek kanser, se bann dimoun ki sorti dan nou kominote – ki sorti dan kominote sakenn de nou isi dan sa Lasanble.  E se nou ki bezwen anmenn zot lavwa devan e se nou ki bezwen anmenn zot bann konsern devan.

Sa mwan Oktob,  mye koni koman ‘’Pink October,’’ i en mwan dedye a sansibilizasyon  lo maladi kanser.   E lefe ki kanser i en size ki konsern tou Seselwa, i rol e devwar Lasanble Nasyonal pou diskit sa size ki tous popilasyon e ki en konsern Nasyonal.

Nou’n tann dir ki annou dedye en lannen pou nou koz lo kanser pou nou kapab fer en keksoz   ki annan pou fer avek kanser. Me ler nou’n koz  ozordi lo en lazournen  i paret pou bokou ou a krwar i en pe fatigan.

Sak Sesel i devret santi li konsernen par sa maladi. Sa ki napa sa maladi ozordi swa i annan enn manm son fanmir ki pe soufer avek kanser, oubyen i annan en zanmi, ouswa i konn n dimoun ki annan sa maladi kanser. Ozordi nou byen, demen nou  kapab  pa byen ;- ozordi nou pe debout, nou pe debat, nou pe koze, tousala i kapab ariv a lafen e nou pa pou kontinyen fer li  si demen nou  ganny dekouver avek kanser. So i enportan ki nou koz lo la.

Sa 5 Madanm dan Lasanble ki form pari Caucus bann Madanm, i  fer bann desizyon brav pou sa  mwan Oktob pou nou partner ansanm avek Minister Lasante, Cancer Concern Association,   National Seychelles  Sports  Council, Seychelles Women’s Sports Association (SWASA), Ladies Circle ek Sylvie kot K-Radio, kot nou’n anbark lo sa 1mwan sansibilizasyon lo kanser.   Nou ‘n esey nou mye pou esey fer dimoun konn keksoz pou annan pou fer avek kanser ;- koz lo la, organiz bann dimoun aktivite ki annan pou fer avek kanser. Sa bann aktivite ti  annan pou bi donn Seselwa antye loportinite konn diferan laspe kanser, tel ki prevansyon lefe ki kanser i annan lo kominote  lafors  determinasyon ek rezilyans bann sirvivan, e tou bann diferan servis  ki annan Sesel pou  bann pasyon e fanmir.  Nou bezwen kontinyelman  koz lo la e zanmen arete koz lo la, akoz i dir ou  pli ou koz lo en keksoz pli i antre dan lespri en dimoun e  i fer nou  vin pli konpran sa keksoz e fer nou plis enterese avek.

So se pou a rezon ki nou devret kontinyen koz lo kanser.  E sa Mosyon i form parti sa zefors pou  sansibiliz maksimonm dimoun ki annan lo kanser. E pou sa nou’n servi tou mwayen kominikasyon posib ki  swa  dan radyo,  televizyon, zournal, legliz, klinik lopital e menm sports, pou anmenn plis sansibilizasyon  e lenportans  deteksyon kanser boner.  E parey  bokou lezot dimoun osi  partou atraver lemonn  dan sa mwan Oktob nou‘n fer li an loner en manm fandiy oubyen en zanmi ki’n mor avek kanser oubyen en zanmi ki’n mor avek  kanser ;-  oubyen  ki ankor pe an menm en batay kont  kanser, oubyen menm enn ki pe viv avek kanser.

E lefe ki kanser napa balizaz i pa gete ki parti politik ou siporte. Pe enport ou laz – ou kouler lapo, ou relizyon.  I pa gete si ou ris ouswa ou  mizer.  E byensir i pa get ki ou stati dan sosyete.  Kanser i afekte nou tou.

Mr Speaker lefe ki  kanser napa balizaz, sa se madanm ki form parti  Caucus Madanm dan Lasanble in zwenn ansanm pou koz avek en sel lavwal lo sa Mosyon ki lir koumsa ;- Lasanble i demann Gouvernman atraver Minister Lasante pou  ranforsi  bann striktir ki egziste, pou detekte kanser  i ganny detekte boner e tretman i ganny inisye. ‘’

Mr Speaker kanser i enn bann maladi ki tre agresif  e i ganny konsidere koman lennmi pli destriktif nou prop lekor.  Menm apre ki en dimoun i aret tretman pou kanser, lekor sa dimoun i kas kase. Menm ler nou lekor pe sey repar domaz ki sa tretman in fer pou sey konbat kanser, i en prosesis ki long e douloure.

Kanser i pa afekte zis en dimoun  i afekte tou dimoun ki konn sa pasyan ki annan kanser. I pa konn okenn balizaz parey mon’n dir, e i vreman pran en kominote antye ou menm en pei antye pou konbat kanser.  Kanser i enn bann  maladi pli triker.

 

Zis sa mo kanser i envok en lafreyer terib.  E  pou sa  rezon ki in ganny dekrir koman en silent killer.  I zis atak ou san montre okenn siny.  E dimoun i kapab viv avek en kanser pandan 5an, san ki in ganny dekouver senpleman akoz i pa  prezant okenn douler e by the time  ler i ganny dekouver  in fini tro tar.  Dan bokou ka osi, menm si i ganny dekouver a son 3enm ouswa 4enm staz, napa okenn siny  sa dimoun in gannyen.

E mon konn en dimoun personnelman in vin tou son lavi zis i deside ozordi  lannmen bomaten i leve, i zis vwar en bos lo son likou, in al fer biopsie e dan lespas 3mwan apenn, sa dimoun in mor avek kanser. Pourtan ti napa okenn siny – okenn sinyen i pa’n montre. Kanser i enpakte negativman pa zis lo sa pasyan, me lo sa fanmir antye  finansyerman.   Sa lavites ki i vin avek, i anmenn en konsekans sosyal ekonomik  ki for e sa i fer ki sa pasyon i epwize moralman e fizikman.

An Zanvye 2019 Cecile en Madanm ki mon ti konn li, ti ganny dyagnoz avek enn sa bann kalite kanser pli agresiv dan lemonn  kanser.  Cecile in travay dan Gouvernman pou 30an – 30an Mr Speaker  pa 30 zour.  Zanvye i ganny debouryer Cecile i swiv son tretman pandan 3 mwan. 3 mwan in ganny peye son saler, me zis  apre lot 3 mwan i bezwen kontiny son tretman ankor en prosen 3 mwan ki fer li 6 mwan.   Lavi sa madanm i ganny brize akoz lefet ki letan i pe sey konbat son maladi son saler in ganny koupe – i bezwen al parey nenport ki lezot maladi i al laba  kot Welfare e pou li ganny sa saler ki i pe gannyen, i pa vo lapenn.  Parski  ok, tou sa letan i pe tous – zis mazinen en dimoun ki pe tous R15mil tou le mwan apre 3 mwan ki’n ganny dyagnoz avek kanser son lot 3 mwan i vwar  prezan i pe tous zis R5050mil.   I pa fasil ditou.  So mon pe demande ozordi ki nou Lasanble i fer en zefor spesyal pou met keksoz.  Fer ki Gouvernman i kapab met bann sizesyon devan pou ede ki sa bann dimoun i omwen ganny en saler ki pou kapab  match  zot saler avan.  Parske ou bezwen mazinen trwa kar sa bann dimoun kekfwa zot ankor annan loan pou zot peye;  zot annan zot bann depans ki  zot in progranmen e tousala i ganny koupe en sel kou.

Mr Speaker mon’n dir i pa fasil i anmenn en burden finansyel senpleman akoz sa. So mon pe sizere ki Gouvernman petet i ava li pou son bann travayer pou li met de-kote ne larzan ki kapab sibvansyonn  lezot sa bann travayer pou zot kontinyen ganny zot saler. Tandis ki  pou bann ki dan sekter prive zot ava kapab pe demande e ki zot isi zot, zot kapab servi en parti zot CSR par egzanp pou kapab kontinyelman pey saler sa dimoun.  Sa i bann sizesyon. Mr Speaker malgre ki sa destriksyon i fer per, anmenn lafreyer souvandfwa premye keksoz ou mazin lanmor i touzour annan lespwar.   Lespwar ki gerizon i la, lespwar ki ou ganny dyagnoz a-tan e tretman pou efektiv.

Statistik  kanser isi Seselwa li osi i fer per. Mr Speaker se pou sa rezon ki ledikasyon lo maladi kanser i devret vize  ver prevansyon deteksyon boner ek dyanostik.  E lesansyel sa Mosyon se pour nou koman bann Lezislater anmenn devan konsern dimoun dan nou kominote. Kwa ki pe afekte zot e ki fason  nou kapab nou tou koman en Nasyon konbat kanser.  I enportan alors pou edik piblik lo sa maladi ki appel kanser, prevalans sa maladi, ensi ki fer piblik konpran bann program prevansyon parey nou dir lakle pou gerizon kanser se defeksyon boner depi  dan son premye staz.

Deteksyon boner i annan li 2 konponan mazer e sa i ledikasyon lo dyagnoz kanser boner e osi screening.  Si selman bann dokter, ners  e piblik an zeneral i konn rekonnet ouswa konn bann siny kanser sa pou anemonn en gran lenpak  lo sa maladi.  Pou bokou letan  en dimoun in monte desann kot dokter  avek en serten sentonm ki swa en lebra fermal en latet ki irite e grate detanzantan kot i irite n grate e douler kekpar ki pa al ditou malgre ki tou latizann me zis apre ou tande ki sa dimoun i ganny kanser.

Mr Speaker mon pe demande atraver sa Mosyon ki Minister Lassante i sorti avek en protokol kler dan bann diferan sant lasante atraver pei lo ki  sa dokter,  ners ouswa menm sa pasyan li menm i devret fer pou aprofondi lo son kondisyon.   La nou pe demande ki omwen apre 3 vizit dokter pou menm kondisyon  sa i devret  en siny konsern ki sa pasyan i bezwen annan en kondisyon lasante pli grav menm ki  pa dan tou ka ki sa i devret otomatikman vedir kanser ;-omwen sa pasyan a i  ava ganny egzamin a profon.  Sa i  devret kler i devret sorti byen kler i e i devret poste dan tou bann sant lasante e tou ban ners, dokter  e menm pasyan i devret konnen.

Mr Speaker antretan  i enportan ki omwen tou dimoun i konn  omwen bann siny kanser.  Mon pa pou pas lo la, parski  nou’n pas longman lo la.  E tou sa bann siny i devret  en pwen konsern pou tou dimoun  e sa pasyan i devret ensiste ki letid aprofondi i ganny fer pou konn son lakoz.  Tou sa bann siny i devret form parti sa protokol ki Minister Lasante ti devret met an plas pou tou  dokter, ners en pasyan i devret swiv. Si sa protokol i  ganny servi byen  bann kalite kanser ki tre komen isi Sesel tek ki kanser tete kanser kol matris, kanser labous,  kanser lagorz, kanser trip, e kanser lapo i a kapab ganny detekte boner  tretman apropriye i a ganny inisye boner pou nou sov lavi dimoun.

Mr Speaker parey in ganny dir i enportan ki nou vreman  konn nou lekor e par konn nou lekor i pou pli fasil remark sa bann siny.  Me fodre note ki zis konn nou lekor  i pa sifi. Senpleman akoz dan 3 ka kanser pa vreman montre okenn siny e sentonm. Donk se pou sa rezon  ki screening ouswa tes kanser i devret apropriye e i devret priyorite No.1. Bann tes pou kanser i kapab ede war kanser dan en dimoun byen boner;- menm ava bann sentonm i aparet.   Screening ouswa tes kanser i senpleman bann tes ki ganny fer lo popilasyon ki an bonn sante avek bi dekouver pasyon ki malad ki napa okenn sentonm.  Lefe ki kanser i selman bann selil ki ou lekor  koman imen i   nou prodwir sa i vedir ki tou dimoun i kapab devlop kanser.  Donk i neseser ki koman en pei nou envesti plis dan e  plis bann resours tel ki bann lekipman  e plis dimoun kalifye.   Mon demann ozordi se  pou Minister Lasante i envesti plis dan laboratwar ki ava ganny plase dan bann sant lasante atraver pei.  Bann pti laboratwar ki laplipar di-tan pa bezwen bokou gran lekipman. En legzanp tre tipik enn sa bann pti laboratwar ki mon’n war se dan  klinik Future Care. I pa bezwen gran lespas. Mon’n vizite mon’n vwar.  Forse la anndan dan sa lasal  i annan en computer e lezot pti lekipman ki servi pou fer bann tes disan lirin en lasel e sa bann rezilta ou ganny li dan zis en lazournen selman. Eksepte si i annan bann lezot tes aprofondi la i al dan laboratwar etranze kot zot vini.   Nou osi Sesel nou kapab fer parey. Bann senp tes i  kapab ganny fer lo nivo bann sant lasante e sa i ava  retir presyon lo laboratwar Lopital Sesel ki  li i ava  konsantre lo bann tes aprofondi, tes pou bann pasyan ki admet lopital e lezot.

Pasyan i ava aret konplet  ki zot rezilta i perdi. Sa tou bann lezot konplent osi i ava ganny redwir.

Mr Speaker, mon krwar nou koman sa Lasanble nou devret met nou zefors  pou omwen demann Minister Lasante pou rode konbyen enn oubyen 2  sa bann masin i koute pou nou kana demande ki sa bann larzan i ganny mete dan Bidze pou kapab gannyen.  Pou nou kapab ganny sa bann pti laboratwar  zis parey nou ti fer lannen pase avek masin tenny dife kot Lazans Tenny Dife. Nou ti fer li koman Manm Lasanble e nou kapab fer li osi pou  Minister Lasante.

Mr Speaker nou demande osi pou klinik Oncologie i ava annan osi son prop laboratwar ki ava atase avek sa unit.   Akoz ler nou ti vizit laba, nou ti  war ki bokou tes i bezwen al ganny fer dan  main laboratwar e i pran bokou letan and lezot osi i annan avek presyon pou bann lezot tes klinik,  ki sorti dan bann lezot klinik e menm dan  lopital li menm, sa i fer ki i annan telman bokou lezot tes pou ganny fer.  By annan zot prop laboratwar kot Oncology Unit sa i ava osi redwir presyon

Lo laboratwar santral.

Mr Speaker bokou plis i merit ganny fer pou sansibiliz popilasyon lo kanser ; bann fakter risk, lenpak ki sa i ava osi annan lo popilasyon     e lo nou  lekol.   In ler pou nou osi koman en pei pran bann desizyon ki brav. Komans mazin  dan bann demars pou ban serten prodwi isi tel ki prodwi ki annan trans fat ladan akoz resers i montre trans fat i enn bann lakoz kanser ki mazer atraver lemonn. E bokou pei in komans ban sa bann prodwi e zot pe dir bann prodwi ki annan trans fat ladan i  kapab ale ziska 0.5poursan. Nou osi koman en pei nou devret kapab fer sa, permet ki bann enportater i kapab rod sa bann prodwi ki annan mwens trans fat ladan.

Mr Speaker nou’n war osi nou pe koz lo labi lalkol ek drog. Mn ti koz lo la dan mon Mosyon sa bann labyer  ki annan 18poursan and son pri i telman ba and dimoun i  ganny akse avek toulezour. In ler pou nou komans fer en zefors pou nou kapab omwen menm si i pa bann sa bann labyer me ogmant son tax  lo  la pou ki lefe ki si i ariv 18poursan vedir deza son poursantaz lalkol ladan i devret – i menm kantite avek  bann lezot spirit. I pa kapab kontinyelman ganny konsidere koman labyer.

An terminan Mr Speaker, sa kanpanny sansibilizasyon ti en bon loportinite pou nou demontre nou komitman anver sa koz e in donn nou  sans montre nou sipor anver nou kominote.  Ti moman pou nou mazin nou bann zenn frer e ser, manman papa e zanmi ki’n perdi batay kont sa maladi; bann ki ankor pe anmenn sa batay e   bann ki fini perdi lespwar.

E la mon le espesyalman remersi Mr Speaker Nicholas Prea ki’n donn nou son sipor kontinyel.  In la o kour trwa kar nou bann aktivite ki nou’n fer konman sa Lasanble konman nou Komite Madanm.  Donk mon le dir ou mersi. Mersi osi pou Sekretarya Lasanble atraver Madanm Clerk pou zot osi ede avek bann aktivite.

Mr Speaker I beg to move my Motion.  Mersi.

 

(APPLAUSE)

 

MR DEPUTY SPEAKER

Mersi Onorab Ghislain.  Eski Mosyon i ganny segonde?  Onorab Esparon.

 

HON REGINA ESPARON

Mersi Mr Speaker.  Sa Mosyon ki’n ganny inisye par Komite Madanm Lasanble Nasyonal ki mon pe segonde, i enn ki mon pe demann Gouvernman atraver Lasanble pou ranfors bann striktir ki egziste pou ki bann ka kanser i ganny detekte boner e tretman i ganny inisye.

Mr Speaker sa Mosyon i enn ki ti pe pouse – ki pe pouse pou Gouvernman realize ki kanser i en maladi, ki a se moman pe kout lavi en kantite dimoun.  I pa pe tri laz – i pa pe tri kouler.  E parey nou’n konstate atraver bann statistik ki kontinyen ogmante e Minis li menm in site – in sit bann sif tre alarman bomaten.

Nou osi war bann defi ou defayans ki egziste an se moman kot Minister Lasante ;-  pasyan ki letan zot pe swiv chemo ki’n ganny met ansanm avek lezot pasyan dan ward, e Minis in zistifye ki ler i posib zot ganny met dan en lasanm prive.  Sa i pa ase zefor i bezwen ganny fer pou ki Minister Lasante i idantifye en landrwa pou sa bann pasyan akoz souvandfwa sa i arive ki ler pasyan pan fini zot tretman kot unit swen ki kot Unit Oncology e Unit Oncology i bezwen fermen oubyen zot annan lezot kondisyon zot bezwen ganny transfer lo ward.  Nou bezwen osi regarde dan ler ki sa unit i fonksyonnen eski i pa ti pou bon annan 2 shift?  Ozordi bann pasyan ki lo Praslin i bezwen monte desann pou zot tretman la osi ti pou bon si sa servis ti kapab ganny ofer lo Praslin pou bann pasyan Zil Pros.  En size ki CCA i avoue ti pou dan benefis tou bann pasyan Zil Pros.

An vi sa retar tromatize ki en dimoun i pas ladan letan i ganny anonse son dyagnostik, i annan sa nesesite pou li ganny plis counselling pou lev en pe son moral.  E pou li asimil son sityasyon.  Dan sa ka la i ti pou meyer si unit Oncology i annan en counsellor ki’n ganny train pou atase ek sa unit pou soulaz bann pasyan moralman.  E avek counsellor ki sirplas, pasyan pou santi zot en pe plis soulaze e pou rod konsey ek leklersisman pli souvan.

Mr Speaker nou bezwen donn plis lankourazman staff ki pe travay kot oncology e train plis ners pou travay ek sa unit.  Alor en bon retirement package ti pou ankourazan pou ki plis dimoun ti a oule vin travay ek sa unit.  Akoz plis ki i annan paysan ki pe ganny dyagnoz e ki bezwen tretman,  plis i  pou annan demann pou mendev.  E sa 6 a 7 ners pa ase pou sa workload dan sa unit.  Zot deza epwize.  E la si nou pe dir ofer de shift olye 8er 4er parey i été ozordi, definitivman pou bezwen plis dimoun kalifye pou fer marse sa unit.  I osi bon fer resorti ki apre ki Komite Madanm ti vizit Unit Oncology ansanm avek Manm CCA, en lot keksoz ki ti evidan se ki zot a osi swete ki Minister Lasante i train plis pharmacist dan preparasyon bann latizann.  Akoz avan ki en dimoun i ganny sa chemo, i annan en preparasyon spesyal ki ganny fer pou sa latizann.  Akoz i tre enportan ki sa pasyan i ganny son doz apropriye ki souvan baze lo son rezilta disan.

Mr Speaker ti osi bon mansyonnen ki bann travayer kot oncology zot osi at risk ek exposure kot sa bann latizann ki ganny servi ler i ganny prepare dan li menm li, si ou pan pe handle li ase byen li osi i port risk kanser.  Ozordi sa bann travayer pa pe ganny kouver anba okenn Lasirans. Minis i dir zot gannyen, me zot fer resorti ki zot pa tro konnen ki pe arive.  Alor i neseser ki Minister i eklersi e met keksoz drwat.  Oubyen donn bann lezot incentive pou ankouraze ki ners i war li enteresan pou vin travay kot oncology, akoz letan nou ti fer nou vizit laba ners i dir poudir i annan ners i refize pou vin travay kot oncology akoz sa risk exposure avek chemotherapy.  Mr Speaker i osi enportan ki Minister Lasante i fer en letid a profon pou rode ki bann keksoz ki trigger kanser dan imen i annan ki dir ki delo ek sa zafer chlorine ladan, i kapab en lakoz.  I annan ki dir bann keksoz parey desalinasyon, asbestos si i ganny brile, mosquito coil, insecticides, sigaret bann lavyann enporte konm dir zot menm bann poul Brazil, legim ki’n mal lave apre ki in ganny spray ek insecticide, welding, carbon sorti dan bann transpor kot led fuel ler i sorti dan exhaust i vin cancerous, delwil rafinen ki si ou fri pwason detrwa fwa ladan i prodwir en chemical ki cancerous.

Sa bann keksoz ki dimoun i spekile e napa en letid profon ki’n ganny fer pou prouve.  Ki Minister Lasante pe fer dan sa direksyon?  Dan larepons Minis i pa’n tro konvenk mwan ki Minister Lasante in deza fer en letid dan sa direksyon e in pibliye.  Sa ki pli aze i dir ou lontan ti napa sa kalite ka zot ti manz zot gro manze zot ti bwar zot dile bef zot ti servi delwil koko, zot ti mars apye e sa ti en legzersis dan li menm.  Zot pwason ti boukannen pa ti met dan deep ;- zot ti pize tou le 3mwan zot a akont ou ki mannyer sa sinapodyonm la zot ti bezwen al bwar kot kordgard.  Zot pti dite feyaz tanzantan e zot ti viv pli lontan.  Zot ti servi sa ki zot ti prodwir zot menm ki ti bon pou lasante.  Mr Speaker dan tousala annou pa bliye ki i annan bann ka ki erediter, kot nou war bann ka kanser ki repete dan fanmir.  Mon konn omwen en fanmir kot papa in mor ek kanser prostat, sa in swiv 2an par en garson avek kanser trip – en fiy avek kanser poumon e manman in mor avek kanser kol matris, e la lot garson lannen pase in fek ganny dyagnoz avek kanser lapo.

E lezot manm fanmir pa ankor ganny okenn swivi.  La kot ou war dan sa fanmir kot kanser i erediter.  Kestyon ki kalite progranm screening ki Minister Lasante pe ofer bann lezot manm sa fanmir, pou detekte si dan zot lekor napa sa selil ki konmans devlop an kanser, e ofer zot tretman boner.  E pou bann ki lo border line e ofer zot en swivi regilye.

Lanfaz i devret ganny mete lo deteksyon boner, kot ou kapab sov lavi sa dimoun ozordi nou annan PET scan ki nou’n koz lo la e dokter in eksplike bomaten.  En dimoun i dir  mwan dir dokter ki i annan kanser ki ganny manifeste ek douler ek bann groser ki fermal, apre ou war ki i vin en kanser.  Pa tou kanser ki sideline.  Mr Speaker nou ti a osi demande ki parey Euromedical pe ofer screening dan bann progranm ki zot apel A to Z an kolaborasyon avek lopital MIOT ki li osi Minister Lasante i anbark lo enn sa progranm parey kot i ti a kapab ofer sa screening kot Minister Lasante kantmenm de a trwa fwa par lannen.

Ozordi i annan sa tes ki appel tumor marker kot en santiyon disan i kapab ganny analize pou detekte kanser zover dan bann madanm ki annan risk.  Kot si i par lao 225 i montre sa risk, sa dimoun i kapab annan sa kalite kanser e lezot tes i ganny swiv pou plis klarifikasyon.

Nou annan PSA pou bann msye pou kanser prostat.  Eski tousala pe ganny fer?  Malgre tou sa Mr Speaker nou rekonnet zefor bann travayer oncology ki malgre parfwa pe travay dan bann sityasyon difisil.  Atraver sa Mosyon nou pe osi rod meyer fasilite pou zot kontinyen ofer sa servis zot ganny byen apresye ek zot bann pasyan alor pa dekouraze.

E nou dir avek CCA Cancer Concern Association kontinyen donn sa sipor e ed bann viktim kot zot kapab.  Mon konnen ki zot pe donn en kantite soutyen bann viktim atraver counselling e zot menm pe ofer bann viktim ki koup tete bann tete artifisyel pou bann madanm ki seve i grennen zot pe ofer bann fos seve, mon dir zot kontinyen dan sa direksyon.  Pou ou ki pe soufer ek sa maladi, mon dir ou kouraz malgre ki i pa fasil e i demann bokou pou sirmont sa sityasyon.  Swiv byen ou tretman vin pli for dan ou lafwa e les tou dan lanmen sa ki pli gran ki nou.

Avek sa de mo Mr Speaker mon remersi ou.

 

(APPLAUSE)

 

MR DEPUTY SPEAKER

Bon mersi bokou Onorab Esparon.  In ariv ler pou nou pran en vot lo sa Mosyon.  Mon pa war i vo en Right of Reply en Right of Reply usually se en kantite dimoun in koze e ou pe fer en kontrandi lo tou sa ki lot pe dir.  Mon krwar kot in arive i 5er mwen 10 annou pran en vot lo la.  I kler poudir across this hall tou dimoun i dakor avek sa Mosyon.  Napa personn ki kont sa.

So  mwan mon ti a demande ki nou pran en vot lo sa Mosyon ki devan nou e Mosyon i lir konm swivan:  Sa Lasanble i demann Gouvernman atraver Minister Lasante, pou ranforsi bann striktir ki egziste pou ki bann ka kanser i ganny detekte boner e tretman i ganny inisye.

Tou Manm an faver?  Eski i annan okenn Manm ki kont? Madanm Deputy Clerk.

 

MADAM DEPUTY  CLERK

Mersi Mr Speaker.  Tou le 25 Manm prezan in vot an faver sa Mosyon.  Mersi.

 

MR DEPUTY SPEAKER

Ok 25 Manm in vot an faver.  Savedir sa Mosyon par Onorab Chantal Ghislain i ganny pase inanimite par Lasanble Nasyonal.  Bon avek sa nou ariv a lafen nou travay pou ozordi Mardi le 22 Oktob.  Mon krwar mannyer letan i été nou ava anvoy lezot travay pou demen.  E avek sa nou ava adjourn Lasanble ki pou repran demen matin anba Speakership Onorab Prea apartir 9er bomaten.

 

 

 (ADJOURNMENT)