::
Home » Verbatim » 2019 » Verbatim Tuesday 15th October, 2019

Verbatim Tuesday 15th October, 2019

NATIONAL ASSEMBLY OF SEYCHELLES

Tuesday 15th October, 2019

The Assembly met at 9am

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bon bonzour tou bann Manm Onorab.  Bonzour tou manm piblik ki a lekout lo radyo, televizyon, rezo sosyal.  Bonzour bann zelev P5, lekol Mont Fleuri Primer ki’n zwenn nou ozordi bomaten.

Fotespere zot pas en bon letan pou zot konpran en pti pe travay Lasanble Nasyonal bomaten.  Byenveni parmi nou.  Bon lo nou Order Paper bomaten parey in ganny sirkile, zot a vwar i pou annan Prezantasyon Papye.  Kestyon pou Repons.  Private Notice Question e pou osi annan 2 Kestyon Irzan.  Apre nou pou annan en Statement lo Plan Konpreansiv pou Lagrikiltir par Minis Charles Bastienne, Minis pou Lapes ek Lagrikiltir.

Sa i pou ganny swivi par bann swivi lo bann Public Bill ki deza devan nou.  Me sa 4 Bill ki devan nou, nou pou zis donn zot en update, parske pou napa Bill vreman ki pou al an deba ozordi.  E finalman nou pou annan bann Mosyon.

E Mosyon i annan 4, 5 Mosyon ki ankor devan nou pou nou fini avek.  So avek sa, avan mon demann Clerk pou fer prezantasyon bann S.Is ki devan nou.  Mon ti a zis kontan dir ki mon pou fer en pti sanzman lo Order Paper, sa i a diskresyon Speaker;- lo item No.6, kot i annan Private Notice Question.  Nou pou anvoy li pou en pti pe pli tar.  Me nou a fer sa Urgent Question, sa 2 Urgent Question i a vin zis apre kestyon pou bann Minis reponn.

Sa i a ganny swivi par PNQ e Statement par Minis.  Set en pti pe koumsa ki nou pou swiv an term nou Order Paper bomaten.  Avek sa mon a demann Madanm Clerk pou fer, pou lir bann Papye ki devan nou.

 

MADAM CLERK

Mersi bokou Mr Speaker.  Bonzour Mr Speaker.  Bonzour tou Manm Onorab e tou nou bann envite ki dan galeri e osi tou dimoun ki a lekout.  Lo papye sa semenn Mr Speaker comme Prezantasyon Papye, nou annan S.I 56 pou 2019.

E sa se Blue Bond 6.5 % Fixed Rates, Senior Partially Guaranteed Notes Debt Order of 2019.  Employment) Regulation, 2019. 

S.I 57 of 2019 Seychelles Ports Authority Debt Guarantee Order, 2019. 

S.I 58 pou 2019.  Coco-de-Mer (Restriction on the Processing, Trade and Export of unprocessed Kernel of Mature Nut) Regulations, 2019.  Mersi Mr Speaker.

 

MR DEPUTY SPEAKER

Mersi Madanm Clerk.  Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker an vi ki Clerk i fek pas lo bann S.I.  Mon ti ava kontan ki S.I 58 ki koz lo Coco-de-Mer Restriction on the processing Trade and Export of unprocessed Kernel of Mature Nut Regulations of 2019.

An vi ki Minis Lanvironnman pou dan Lasanble ozordi.  Mon ti ava kontan si ou allow, ki Minis i donn nou serten lesplikasyon vizavi sa S.I. Akoz i annan omwen 4 Lartik enkli son Schedule ladan, ki mon santi nou Lasanble i merit ganny en pe plis lenformasyon.

Pou nou konnen si nou kapab allow ki S.I i go through son process normal.  Mersi Mr Speaker.

 

MR DEPUTY SPEAKER

Mersi Onorab Henrie.  Bon vi ki Minis pou dan Lasanble ozordi, an prensip mon napa lobzeksyon ki ou demann li serten, oubyen ou prezant li serten konsern ki ou kapab annan vizavi S.I 58.

Me selman strikteman dapre nou Standing Orders nou, nou bezwen donn Minis letan pou li kapab prepar en larepons.  Oubyen kapab konsider bann pwen ki ou’n mete.

Me selman si i santi, ler i vin isi poudir i deza dan en pozisyon pou li kapab donn nou serten lenformasyon lo la.

Mon napa problenm pou demann li si i anvi pran sa letan, vi ki i dan Lasanble, pou li fer sa, si non nou pou bezwen aksepte ki si li i ti a prefere ganny letan prepare i ti a vin, i ti a vin pli tar pou li kapab fer sa.  Me mwan mon napa problenm son prensip ki nou’n prezante.

Mon krwar i rezonnab.  Parske S.I se pou nou ki aprouve, se Lezislasyon ki ou’n donn en delegated authority avek en Minister atraver son Minis pou pase.

Me selman byensir Lasanble i annan oversight lo la.  So Onorab Ramkalawan.

 

HON WAVEL RAMKALAWAN

Mr Speaker bonzour, bonzour bann Manm Onorab.  Bonzour bann teachers ek bann zanfan e tou manm piblik.

Mr Speaker, mon byensir siport sa ki Onorab Henrie pe met devan.  E petet ou’n nonm konsernan letan pou Minis ensidswit.  E la mon ti ava kontan pe, pe partaz en pe sa avek Onorab Leader Gouvernman, biznes Gouvernman, pou li konpran en pti gin ki rezon ki nou pe demande.

Mon pa konnen si i annan sa S.I devan li.  Mr Speaker, par egzanp lo seksyon 5.  Seksyon 5 i nonm en Selection Committee.  E i zis mete ki poudir i pou annan Selection Committee.

Lekel bann dimoun ki pou lo la.  Selman i pa dir lekel ki pou ansarz sa Selection Committee.  Apre sa lo 5, i nonm en Appeals Committee.  Ankor enn fwa i pa dir lekel ki pou ansarz sa Appeals Committee.

Me pli grav ankor, letan ou ariv lo seksyon 7, letan mon ariv lo seksyon 7, i redonn Minis tou pouvwar.  Tou pouvwar kot i dir ‘’Minister may on receipt of the recommendation of the Appeals Committee, deside, confirm, vary or quash the decision of the Selection Committee, and …’’ e apre i kominike.

So deswit la, be si Minis i kapab fer tousala.  Be akfer ou pe met Selection Committee, ou a pe met Appeals Committee.  Si ou annan en Appeals Committee, si ou annan en Lakour D’Apel, par lao Lakour D’Apel, ou pa kapab annan en lot zafer ankor.

 So i annan en konfizyon la.  Apre sa, mon pa konnen si Onorab De Commarmond i kapab ed mwan pou dir mwan konbyen lanmann, dan son S.I.   Ok.  I met S.I 2, nou vwar 2.  Apre nou vwar en pti kare, en 2enm pti kare ki diviz an 3.  En 3enm pti kare.  En 4enm pti kare.  Be mon krwar ki nou koman en Lasanble serye nou pa kapab nek.  Alor 6 pti kare, mon pa konnen i annan, get dan sa ban zafer.  Be Mr Speaker mon krwar ki pou sa bann rezon mon siport sa ki Onorab Henrie pe dir, pou ki Minis i vini i donn nou en bon leksplikasyon.

E nou si nou vwar ki poudir, be Minis in vin par lao Lakour D’Apel.  Be dan sa ka, si fodre quash nou a quash, oubyen nou a dir ek Minis, be repran ou papye.  E donn nou en lot ki bon.  Mersi bokou.

 

MR DEPUTY SPEAKER

Bon, mersi Onorab Ramkalawan.   Onorab LGB.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour tou Manm e tou bann manrmay anler, e tou dimoun ki a lekout.  Mon agree ki i bezwen annan leksplikasyon, no doubts.

Akoz i kler poudir i annan keksoz ki demann en pe plis konprenezon, en pe plis transparans e lesplikasyon.  Me petet selman, zis pou nou fer li kekfwa en pti pe pli formel.  Ti ava kontan Manm ki pou move sa i anvoy keksoz in writing.

E ki ou at least i annan en keksoz lo nou records.  Pa zis letan Minis i vini ki out of the blue nou pou demann li sa kestyon.  Mon pe pans koumsa.  E mon napa problenm otherwise.  Mersi.

 

MR DEPUTY SPEAKER

Mersi Onorab De Commarmond.  Bon mon krwar tou le de kote an prensip i dakor ki i merit annan plis kestyon vizavi sa S.I.  E mon osi dakor avek Onorab LGB ki petet sa konsern i devret ganny eksprimen.

E sa ki Onorab Ramkalawan vreman in eksprimen, ki i kler.  Petet zis en pti note, en let adrese kot Clerk pou pas avek Minis, ki konnen konpran sa tre kler e alor kapab dan en pozisyon pou rann en larepons.  Mon mazinen, mon espere Minis pe ekout nou la bomaten.  E pou’n deza antann sa.  Me selman antretan nou kapab prepar sa pti let pou li.

Bon avek sa nou pou al direkteman lo item No.5, ki bann kestyon ki nou pou prezant avek Minis pou Tourizm, Lavyasyon Sivil, Por e Lamarin –  Mr Didier Dogley.  Mon a demann parliamentary reporter pou silvouple apel Minis Dogley.

Zis pou lenformasyon bann Manm pandan ki nou pe esper Minis, mon ti a kontan sizere ki ler nou pe al pou bann kestyon ki devan nou, i annan 7 kestyon, ki nou al ase vit, e petet enn bann fason pou al ase vit, se mon permet sa loter kestyon avek 2 Manm lo son kote, pou demann kestyon adisyonnel.

E lot kote i a demann 3 kestyon, 3 kestyon sorti lot kote.  Bann Leaders nou kit zot an deor, rezerve pou zot.  E koumsa nou a kapab fer bann kestyon ki ase presi.  E nou ava ekspekte osi ki Minis i a kapab donn bann larepons ase bref.

Bon mon ti a kontan swet labyenveni parmi nou, Minis Didier Dogley, Minis pou Tourizm, Lavyasyon Sivil, Por e Lamarin,  ki ganny akonpannyen par bann zofisye swivan;

Mrs Anne Lafortune ki Sekreter Prensipal pou Departman Tourizm.   Mr Ronny Brutus, CEO Seychelles Port Authority e Kaptenn Joachim Valmont, ki DG Seychelles Maritime Safety Administration. 

Byenveni parmi nou.  E avek sa mon ava demann Onorab Churchill Gill pou prezant premye kestyon.

 

HON CHURCHILL GILL

Mersi Mr Speaker.  Bonzour Mr Speaker, bonzour Minis, ou delegasyon.  Bonzour tou Manm e tou dimoun a lekout.

Mr Speaker kestyon i lir koumsa, eski Minis i kapab enform sa Lasanble, donnen lakantite bato ozordi lo Praslin ek La Digue, ki pe kontinyen ogmante, e mazorite sa bann bato i dan biznes touris –  kan ki SMSA pou etablir en stasyon konplet ki pou ofer tou servis ki
SMSA i devret fer pou en enkilke konfyans dan tou lazans ki vann Sesel, espesyalman sa bann ki vann ekskirsyon?  Mersi.

 

MR DEPUTY SPEAKER

Mersi Onorab Gill.  Minis.

 

MINISTER DIDIER DOGLEY

Mersi Mr Speaker.  Bonzour Mr Speaker e bonzour tou bann Manm Onorab dan Lasanble.  E bonzour tou bann dimoun ki a lekout.  Mr Speaker SMSA i deza an ouver en biro Praslin dan Pension Fund Complex depi mwan Me sa lannen.

E i annan en zofisye ki en lenspekter ki stasyonnen dan sa biro, an permanans.  Sa biro lo Praslin pe ofer lamazorite servis ki SMSA i ofer avek bann zabitan Praslin ek La Digue.  Pou le moman SMSA pa vwar li neseser pou stasyonn en surveyor lo Praslin.

Akoz i deza annan en zofisye surveyor SMSA ki mont Praslin e La Digue tou le mwan, pou fer survey bann bato e i fer an mwayen an 6 a 10 survey par mwan.  Avek sanzman dan Lalwa SMSA pou li sort i koman en Lazans e vin en Lotorite, i pou bezwen anploy en surveyor lo Praslin e en licensing officer.  Akoz zot pe pran bann responsabilite.  Sa i akoz anba sa nouvo Lalwa SMSA pou bezwen anrezistre tou bato par lao 10 met.

E idantifye tou bann bato anba 10 met.  Pou fer sa i pou bezwen annan en zofisye pou anrezistre bann bato e donn license li osi.  Mersi Mr Speaker.

 

MR DEPUTY SPEAKER

Mersi Minis.  Onorab Gill.

 

HON CHURCHILL GILL

Mersi Mr Speaker.  Mr Speaker Minis dan larepons i dir SMSA pe deza ofer tou servis ki devret.  Eski Minis i kapab donn nou lekel sa bann servis ki SMSA pe donnen ozordi Praslin?  Vi ki in dir nou tou servis.  Mersi.

 

MR DEPUTY SPEAKER

Mersi Onorab Minis.

 

MINISTER DIDIER DOGLEY

Mr Speaker sa lenspekter ki deza baze lo Praslin, son louvraz se enspekte bann bato pou fer sir poudir bann kondisyon bato i dapre ki mannyer i ete.

Fer sir poudir zot annan zot certificate;- fer sir poudir bann skipper ouswa bann dimoun ki anmenn bato,  zot bann kalifikasyon i annord.  E fer sir poudir bann safety kondisyon ki normalman tou bann bato i bezwen abide avek, poudir zot pe fer li.

Alor, pou le moman sa travay ki sa lenspekter ki fer.  Prezan pou bann louvraz ki fer.  Prezan pou bann louvraz ki bokou pli konplike pou bann, pou bann bato ki anba flagship Sesel.

Pou sa SMSA i anvoy en surveyor sorti Mahe tou le mwan, pou al fer sir poudir tou sa bann bato i ganny survey, i ganny assess dapre bann bezwen ouswa bann standar ki’n ganny set, ek bann prosedir ki’n ganny set.

E normalman zot fer bann evalyasyon lo kondisyon bato li menm, son masin, son bann lekipman, son bann flez, son bann safety equipment ki i annan lo bato.

E zot fer sir poudir i meet tou bann standar ki annan pou fer avek safety ki bezwen pou bato.  E an menm tan ban kondisyon licensing.  E apre la ki zot ganny issue avek en safety certificate, ki zot pran zot al avek kot licensing.

E zot ganny zot license renouvle, ouswa ganny en nouvo license.  Mersi Mr Speaker.

 

MR DEPUTY SPEAKER

Mersi Minis.  Onorab Gill.

 

HON CHURCHILL GILL

Dapre lesplikasyon Minis i kler ki nou’n koz zis lo bann laspe administrative ki SMSA pe ofer.  E kestyon i al en pe pli lwen ki sa.

Akoz apard ki sa laspe administrative dokimantasyon, ler sa, pou letan sa  i fer toulezan, ler sa in fini fer, donnen sa kantite servis, sa volim servis ki pe ganny fer lo sa 2 zil.

I napa en lenterval kot SMSA i ale, i al fer verifikasyon ki asire ki, be la in ariv 6 mwan depi ler nou’n verifye nou’n donn li tou son go ahead.  Nou pa konnen si dan sa bato li menm, son bann life jacket i ankor menm kantite, son bann lezot keksoz i ankor parey.

So nou napa sa bann swivi pou nou konnen.  E i kapab ariv en sityasyon kot ler, ler nou’n fini donn sa license, apre 6 mwan, en touris pe al en landrwa, en keksoz i arive, dan lenvestigasyon, i ganny drwa ganny vwar poudir be sa bann safety measure’s ki menm si ti’n ganny en go ahead 6 mwan avan, i pa alaoter e nou pou an defo.  So savedir i montre poudir i annan lezot servis ankor ki SMSA i devret pe fer Praslin.  Apre i annan sa lot laspe an mer o tour lakot, Praslin La Digue.  Zisteman akoz parey kestyon i dir, i annan bokou trafik ki pe ganny fer.

E sa ki kestyon pe demande, kan ki nou pou kapab ganny en stasyon Praslin kot tou sa bann keksoz i ganny enkorpor avek kanmarad.  Mersi.

 

MR DEPUTY SPEAKER

Mersi Onorab Gill.  Minis.

 

MINISTER DIDIER DOGLEY

Mersi Mr Speaker.  Si mon’n konpran Onorab byen i pe demande ki i annan plis bann spot checks pandan bann peryod ki pa neseserman kot zot fer bann prosedir administrative.

Kot zot anrezistre bato, ouswa zot fer bann minimonm standar pou fer sir poudir bann operater i pe meet bann standar ki Gouvernman ouswa SMSA in set.  Epi donn zot, zot certificate safety, dan en fason ki nou pou kapab ganny zot license eksetera.

Mon ava vwar avek SMSA ki mannyer ki nou kapab fer sir i annan plis spot check.  Akoz safety i vre poudir i tre enportan.   Nou pa kapab annan en lendistri touris, kot bann viziter pe antre lo bato ki bann bato pa safe ouswa napa bann lekipman ki neseser lo bann bato, dan en fason adekwa.  Me solman osi dan mon 2enm bout, ler mon’n reponn kestyon.  Mon’n dir poudir SMSA nou dan prosesis pou pas nouvo Lalwa, pou SMSA aret fonksyonn konman en Agency.  E i pou vin en Lotorite.  Avek sa sanzman dan Lalwa, i pou annan bokou plis responsabilite.  E dan Bidze ki pe vin isi kot, kot Lasanble Nasyonal, ou pou vwar poudir nou pe rod apepre 8 nouvo travayer ki pou ranforsi sa kad travayer dan SMSA.

E zot, e ladan i pou annan 2 travayer ki pou ganny poste lo Praslin, pou ranforsi sa biro ki nou deza annan lo Praslin.  Avek sa nou ekspekte poudir nou devret vwar en pli bon amelyorasyon dan bann kalite servis ki annan lo Praslin ek La Digue.  Mersi Mr Speaker.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker kestyon mon anvi demann Minis, se ki letan mon pe get kestyon ki in anmennen,  i aparet ki Praslin i konsernen avek lakantite bato ki frekant zot zil.

Rezon mon dir sa se ki an Zilyet le 8 Zilyet sa lannen,  loter kestyon ti table en Mosyon pou demann en pe kontrol pli strik vizavi bann bare boat bann yot, bann keksoz koumsa.

Apre le 26 Zilyet i ti table en kestyon pou Minis Finans, pou rod lakantite reveni ki sa bann bato i zenere.  E lenformasyon ki nou ti gannyen pandan sa dernyen 5an, par Minis Finans, se ki pei pe ganny apepre 30.9milyon avek sa bann bato.

Me zis dan sa dernyen lannen, savedir 2018 ti annan 33.3 milyon.  Savedir i annan en kantite larzan ki pe rantre.  E 2 keksoz la ki bann dimoun Praslin i oule.  Premye Mosyon ti pe demann bann kontrol pli strik.

Ki mon mazinen letan nou’n pa sen Mosyon, i annan en summary ki ganny anvoy kot brans Egzekitiv.  Pou dir la, la ki Lasanble ti ava swete.  Apre nou’n vwar poudir i annan larzan pou fer sa bann swe ki Lasanble i oule.  Me Zilyet, Out, Septanm, nou Oktob la – 3 mwan, vreman eski Gouvernman in tande sa bann keksoz.  E kwa ki’n ganny fer depi Zilyet ziska la?  Apard ki SMSA fek etablir an Mars in dir.  Mersi.

 

MR DEPUTY SPEAKER

Mersi Onorab Henrie.  Minis.

 

MINISTER DIDIER DOGLEY

Mersi Mr Speaker e mersi Onorab pou ou kestyon.  Parey nou’n dir an Me sa lannen apre ki i ti annan bann demann ki ti sorti Praslin e menm Onorab pou Praslin e La Digue, ti fer resorti poudir i annan pa bezwen pou annan en prezans permanan laba lo Praslin avek La Digue.  Pou fer bann swivi lo bato.  E avek bann diskisyon ki nou ti gannyen avek SMSA, nou i fer le neseser pou ouver sa biro e fer sir i annan en dimoun an permanans la.  (1) pa zis pou fer lenspeksyon, me si i annan konplent osi ki arive, ouswa i annan okenn rapor ki antre, ki dimoun pa bezwen nenk call Mahe.

Me solman i ava annan en prezans, i ava annan en landrwa kot zot ava ale, zot a kapab met zot bann konplent ouswa zot bann rekomandasyon avek sa dimoun ki deza prezan lo Praslin.

E pou le moman, dapre bann lenformasyon ki mon’n gannyen avek SMSA.  Zot pa’n vwar li neseser.  Epi zot napa osi sa kantite finansman avek resours pou zot annan permanans dimoun pou asize lo Praslin ki pou focus zis lo la.

Me solman ki zot fer, se ki zot anvoy en surveyor ki ale tou le mwan, pou travay avek sa dimoun ki en lenspekter ki ale tou le mwan, pou travay avek bann, avek sa dimoun ki en lenspekter lo Praslin pou fer sa bann travay.

E ler i annan en nesesite pou anvoy 2 zot pran 2 akoz la Mahe i annan 4, zot pran 2 lo Praslin, lo Mahe, zot anvoy 1 lo Praslin ek en lo La Digue.  Pou fer sir poudir maksimonm travay i ganny fer pou kouver bann travay ki bezwen ganny fer.

Me depi Zilyet, parey ou’n dir, mon krwar sa ki pli enportan se travay ki nou’n fer, se travay ki nou’n fer lo sa Lalwa li menm.  Akoz la SMSA ki nou pe fer, nou pe sey fer mannyer pou transform li pou sorti en Agency pou vin en lotorite dan li menm.

E ki tou bato aprezan bann ki pli gran.  Par egzanp mon dir, bann ki plis ki 10 met longer, zot pou bezwen ganny anrezistre.  Savedir zot pou bezwen antre lo en registrar.

E i pou bezwen annan bann prosesis ki zot pas atraver pou zot kapab ganny anrezistre koman bann flag ship bato pou Sesel.  Apre bann ki mwens ki 10 met.  Zot, zot tou zot pou ganny en limero, zot pou ganny idantifye konman en bato.

So savedir nenport landrwa ki zot pou ale, zot pou dan registrar zot osi.  Savedir sa bann prosedir, sa bann travay in deza ganny konplete, sa draft ouswa sa Bill pou SMSA in fini ganny travay.  I pre pou vin Lasanble.

An plis ki sa, nou’n fer en rekomandasyon atraver Bidze, parey mon fek dir avek Onorab.  Pou nou demann 8 dimoun an plis, pou ranforsi SMSA.  Pou li kapab reponn a sa bann responsabilite ekstra.  Ki I pou bezwen fer, ki la pou le moman i pa pe fer.

Alor, bann, si ou oule i napa en gran louvraz ki’n ganny fer lo teren li menm.  Me bann louvraz preparatwar, tou in fini ganny fer.  Nou pe esper zis, par egzanp sa Lalwa pou vin isi dan sa Lasanble.  E 2enm pou Bidze ganny aprouve pou zot kapab ranforsi zot kapasite pou fer sa bann louvraz.  Mersi Mr Speaker.

 

MR DEPUTY SPEAKER

Mersi Minis.  Onorab Noline Sophola.

 

HON NOLINE SOPHOLA

Mersi Mr Speaker.  Bonzour Minis avek ou delegasyon, tou Manm Onorab, tou etidyan e ansenyan e tou dimoun ki a lekout.  Mr Speaker Minis dan son repons in dir ki i annan en zofisye ki vin Praslin ek La Digue enn fwa par mwan.

Mon ti a voudre konnen si Minis i kapab dir nou si sa zofisye i annan en kalandriye vizit fix pou La Digue?  E si Ladministrasyon Distrik i okouran?

E dezyenmman si i kapab eksplik nou ki prosedir ki bann kliyan lo La Digue i bezwen fer ler zot bezwen lasistans sa zofisye?  Mersi.

 

MR DEPUTY SPEAKER

Mersi Onorab.  Minis.  Alor prosedir en kalandriye, eski i egziste?

 

MINISTER DIDIER DOGLEY

Mersi Mr Speaker e mersi Onorab pou ou kestyon.  Lenformasyon ki mon annan se ki wi i annan en calendar fix.  Me malerezman zot pa ti pe pran kontak avek distrik.  Sa mon ava fer sir poudir zot koriz sa.

Selman lenformasyon ki mon gannyen, se ki normalman zot pibliye kan ki sa zofisye pe vini dan zournal, dan Nasyon, pou tou dimoun konnen.  Epi zot met anler lo zot website.

Me nou ava fer sir poudir from now on poudir bann distrik osi i ganny enformen kan ki zofisye pe monte.  Dan en fason ki zot osi zot okouran.

 

MR DEPUTY SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker. Bonzour Minis.

 

MR DEPUTY SPEAKER

En pti moman Onorab Woodcock.  Klarifikasyon.

 

HON NOLINE SOPHOLA

Mr Speaker be 2enm i pa’n dir mon ki prosedir ki bann dimoun i bezwen fer?  Si zot annan en problenm zot le ganny sa zofisye ki prosedir zot bezwen fer ki bann kontak osi?  Mersi.

 

MR DEPUTY SPEAKER

Minis prosedir mon rapel i ti’n demann sa konman son 2enm.

 

MINISTER DIDIER DOGLEY

Wi mersi Mr Speaker.  Konsernan prosedir ki mannyer mon ganny enformen se ki, normalman sa bann kliyan ouswa sa bann dimoun ki annan bato zot ganny enformen par SMSA davans poudir zofisye pe monte pe vin regard zot bato.  Akoz avan-ler ki zofisye i ganny dispatch lo Mahe i deza konnen egzakteman lekel bato lekel kliyan ki li i pe al survey avan-ler ki i pran bato pou li al Praslin.

Alor definitivman zot an kominikasyon avek kanmarad e normalman ler i vini i ale i al direkteman kot sa bann dimoun i al war zot bann bato.  Mersi Mr Speaker.

 

MR DEPUTY SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Minis pli gro konsern bann Praslinois se kot i konsern safety lo lanmer?  Kot i konsern monitoring bann bato bann bato plezir ekskirsyon ki zot pe swiv bann safety condition e osi zot pe abide par bann Lalwa maritim.  E ozordi lo Zil Pros i annan menm lo Praslin tousel i annan plis ki 200 ekek bato ekskirsyon.

Alor mon kestyon i eski en lenspekter, menm 2 lenspekter i pou ase pou swiv tou sa bann bato, pou fer sir ki zot pe swiv sa ban safety condition ki zot pe kapab monitor sa bann bato pou fer osi ki zot pe abide par bann Lalwa Maritim?  Ouswa Minis ou pa krwar zot bezwen plis ki enn ou 2 lenspekter ki baze lo Inner Island lo Zil Pros?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  E mersi Onorab pou ou kestyon.  Normalman i pa posib pou ou annan en – well i ti a swetab pou annan bokou plis dimoun ki pe fer bann monitoring ki pe fer bann checks regilyerman dan lo sa bann keksoz parey.  Sa i aplik pou Lapolis nenport sistenm enforcement ki ou annan.  Me a lafen dizour kalite abilite pou fer enforcement i annan pou fer avek kalite dimoun ki ou annan – si zot pe fer en bon louvraz.

2enm i annan pou fer avek Lalwa ki ou annan eski sa Lalwa vreman i en deterrent son penalti si en dimoun i ganny atrape i en deterrent dan li menm, ouswa si i tro soft ki dimoun pou zot pa en problenm.  Ouswa si ou zofisye i tro soft ki menm zot pa efektiv bann keksoz koumsa.

Nou definitivman nou ti a swete i bokou plis, me selman lo lot kote ou bezwen mazinen poudir sa bann zofisye SMSA i pa travay tousel.  Zot travay ansanm avek marine police zot travay ansanm avek Coast Guard e i annan si oule sa network ki pli networking ant sa bann diferan Lazans ki travay ansanm.

E sa i enportan akoz pou en pti pei parey Sesel, si nou kontinyen met resours dan zis serten Lotorite, nou pou war poudir bokou dimoun pa neseserman pe ganny servi lo son maximum. E a lafen pe ganny bann dimoun ki pe asize dan biro ki pa neseserman pou fer sa louvraz ki i sipoze pe fer.

Mon krwar sa ki pli enportan se ki i annan bann Lalwa ki vreman efektiv, e nou annan ase dimoun ki efektiv zot osi, ki fer en bon louvraz.  E avek bann networking avek bann lenformasyon akoz mon konnen poudir menm avek SMSA zot travay ansanm avek bann boat owners ki osi zot osi zot pas lenformasyon avek SMSA, si zot war serten keksoz ki pe arive ki pa dan lentere ouswa ki kapab koz serten problenm pou litilizasyon lespas marin isi Sesel.

Alor i annan tou en network ki deza egziste e definitivman nou, nou pou kontinyen ranforsi kot nou war nesesite pou ranforsi.  Mersi Mr Speaker.

 

MR DEPUTY SPEAKER

Mersi Minis.  Onorab Woodcock.

 

HON WAVEL WOODCOCK

Minis ou’n koz lo sa konsern problenm pou ganny bann dimoun bann kalite dimoun parey ou’n dir, me i annan en pratik konmela ki menm a plizyer repriz bann Manm in demande e Lasosyasyon Biznes in demande, kot ozordi bann Lazans ouswa bann Minister pe pran bann dimoun lo Inner Island menm pou train zot pou zot pran bann pozisyon.

Eski napa en posibilite pou pran – I don’t know enn de nou bann dimoun bann zenn lo Praslin, train zot pou zot pran sa bann pozisyon e fer sa bann travay pou travay avek SMSA lo Zil Pros?  Mersi.

 

MR DEPUTY SPEAKER

Mersi.  Kestyon i tre senp eski i annan posibilite wi ou non?

 

MINISTER DIDIER DOGLEY

Larepons i wi e nou ti a swete poudir nou annan bann dimoun sorti Praslin ouswa La Digue.  Akoz definitivman i pou kout Gouvernman bokou pli bonmarse si ou pe pran en dimoun ki la sorti lo sa zil, ki ou pou pran en dimoun sorti Mahe pou al travay Praslin ou annan tou bann lezot kou ki asosye avek.

Larepons Mr Speaker i wi nou ti a swete ki nou ganny bann dimoun sorti Praslin ek La Digue.

 

MR DEPUTY SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Minis avek ou delegasyon.  E tou dimoun ankor bonzour.  Mr Speaker eski Minis i kapab dir nou ki kantite bato par kategori zot annan lo zot rikord ki bezwen tel lenspeksyon lo Praslin ek La Digue?  E an menm tan eski dan zot lenstriksyon ki zot in fer SMSA in fer zot in war okenn travayer legal lo serten sa bann bato?

E finalman ki SMSA pe fer pou travay avek Minister Ledikasyon e lendistri lapes, bato bann dimoun ki annan bato sirtou Praslin/La Digue pou kapab annan en sinerzi en fason organize zisteman, pou kapab train bann dimoun ki – bann zenn ki bezwen petet en tel lanvironnman pou kapab ganny bann fitir maren ;- parey lontan nou ti fer zis ou met zot en pe lo bato.  Ki laranzman ek zefor zot pe fer dan sa direksyon?  Mersi.

 

MR DEPUTY SPEAKER

Mersi Onorab De Commarmond.  Alor 3 kestyon konbyen bato i annan?  Eski i annan dimoun ilegal?  E ki zot pe fer dan domenn training pou liaise ek Minister Ledikasyon?  Minis.

 

MINISTER DIDIER DOGLEY

Mersi Mr Speaker.  E mersi Onorab pou ou kestyon.  konsernan lakantite bato lalis ki mon annan la devan mon an tou i annan 94 bato ki SMSA i travay lo la.  Lo Praslin i annan 26 ki operate anba 2miles – 2 mil, 32 ki operate anba 10mil, 18 i operate anba 60mil.  Lo La Digue i annan 2 ki operate anba 2mil, 11 ki operate anba 10mil e 5 ki operate anba 60mil.

Sa i bann zistans ki zot ganny drwa ale.  Konsernan bann travayer ilegal wi SMSA pe fer en kantite travay pou monitor egzakteman ki pe arive lo bann bato.  E nou travay parey mon dir byen pre avek bann dimoun osi ki operate sa biznes i donn en kantite lenformasyon SMSA e osi Minister e nou deza atrap wi nou deza atrap bann dimoun ki pe fer bann keksoz ilegal, kot SMSA ti pran aksyon menm avek en etranze ki ti pe skipper en bato en yot ki nou ti bezwen fer apre ki nou ti dekouver i ti pe fer bann aktivite.

Konsernan Minister Ledikasyon, mon krwar i annan en travay ki deza pe fer pou idantifye bann zenn pou al kot Seychelles Maritime Academy akoz laba ki train zot tou dan lamarin.  E an menm tan osi i annan loportinite osi pou zot aprann direkteman lo bato.  Mon krwar i annan sa ka ki nou tou nou pou war Mr William Rose i annan en zenn ki pe train avek li lo son bann bato e nou ti a swete ki i annan bokou plis dimoun ki fer parey li ganny enn ou de bann zenn e devlop zot atraver direkteman lo bato, e ganny sa leksperyans pou zot al pli devan.

E definitivman i en keksoz ki mon krwar nou pou bezwen fer plis dan le fitir.  Akoz en pei ki toultan nou pe koz lo Blue Economy nou bezwen gete ki mannyer ki nou kapab ganny plis zenn pou travay dan domenn maritim.  Mersi Mr Speaker.

 

MR DEPUTY SPEAKER

Mersi.  Onorab De Commarmond.

 

HON CHARLES DE COMMARMOND

Mersi Mr Speaker.  Toutaler nou’n ganny dir poudir i annan plis ki 200 bato ekskirsyon lo Praslin, la ou dir nou 94 ki zot pe pas atraver ekskirsyon, eski ou pe dir nou ki tou sa bann bato an plis i pa bann bato lokal Seselwa i bann bato ki an deor nou kontrol?  Konmsi substantiate en pti pe sa bann figures ki’n ganny mansyonnen dan Lasanble bomaten?

E an menm tan sa kestyon training mon ti ava kontan konnen avek bann dimoun parey Mr Rose zisteman, nou felisit li pou sa linisyativ lo son kote e konmsi prezan   ki  bann Lotorite i fer?  Konmsi nou zis priye ki i annan 50 Mr Rose pou kontiny sa ouswa i annan en zefor?  Mon pe rode ki sa zefor from your side, ki pe ganny fer pou kapab increase sa kantite – ankouraz sa tel kalite pratik.

E an menm tan par egzanp parey dan vakans annan en relasyon avek Minister Ledikasyon – bann dimoun ki enterese.  I annan ki enterese pou rod en pti louvraz en isi en laba, pou zot aprann en keksoz.  Konmsi i annan plizyer keksoz.  Lekol maritim direkteman menm an deor konmsi kwa zefor ki pe ganny fer from SMSA side dan sa direksyon?  Ouswa zis zot la zot louvraz i pa dan sa direksyon pa pran okenn linisyativ.  Konmsi fer nou konpran en pti pe pou nou satisfer nou lekor nou Lasanble lo la.  Mersi.

 

MR DEPUTY SPEAKER

Mersi Onorab De Commarmond.  Minis.

 

MINISTER DIDIER DOGLEY

Konsernan progranm pou zot fer plis bann zenn pou al dan kote lamarin, sel progranm pou le moman ki nou, nou annan se progranm kot bann zanfan ki pe train kot lekol otelyer, kot Lakademi Otelyer, i annan ki nou war poudir i annan en mank bann zenn pou travay lo bann yot, pa konman neseserman skipper me osi pou servi bann touris, sirtou bann lo bann luxury yot, akoz ou bezwen annan bann hostess, ou annan bann lezot dimoun ki soz akoz i pa zis en kestyon skipper i annan bann lezot servis ki osi ganny ofer lo bato.

E nou, nou – i annan  en MOU i annan en laranzman ki’n ganny fer ant Lekol Otelyer avek Lekol Maritim pou train bann zenn ki anvi ki pa neseserman anvi travay dan en lotel me kekfwa ti anvi al travay lo en luxury yot –  bann bato ki anmenn touris ki anmenn soz, pou zot osi kapab donn sa kalite servis.  Akoz nou war poudir kalite servis pe ganny ofer lo bann yot normalman nou anploy bann manrmay maritim me zot napa sa training lotelri e i annan en lakin ladan.

Alor kot nou war poudir i annan sa lakin nou antre nou fer le neseser e nou pe adres li.   E konsernan bann lezot training pou le moman nou napa en strategic system, me selman definitivman i en keksoz ki nou ava met lo nou progranm ki nou a travay ek Minister Ledikasyon, pou fer sir poudir nou war plis zenn pe antre dan sa domenn.  Akoz i en domenn ki parey mon dir i depan lo Blue Economy ki annan en kantite lespas en kantite loportinite pou nou bann zenn devlop zot lekor e pou al pli devan.  Sa i pa zis pou garson e i pou bann fiy osi.

Konsernan lakantite bato kaptenn in dir mon ki bann bato ki mon nonmen sa 94 bato la se bann ki’n anrezistre avek SMSA.  I lo lalis SMSA dan zot register.  Now mon pa konnen si Onorab ti pe fer referans avek taxi boat avek sa bann pti bato eksetera, akoz si ou antre dan sa bann definitivman i pou plis ankor.  E sa bann i pa pou lo lalis neseserman avek Kaptenn.  Epi osi kekfwa i war bann yot osi ki sorti Mahe i annan en kantite bato ki bouze, me selman zot pa neseserman stasyonn zot baz i pa neseserman lo Praslin li menm ouswa lo La Digue.  Mersi Mr Speaker.

 

MR DEPUTY SPEAKER

Mersi Minis.  Onorab De Commarmond.

 

HON CHARLES DE COMMARMOND

Dernyen pti pwen Mr Speaker.  be la mon pa konnen kekfwa mon ki pa konn sa zafer ki zot pe fer SMSA laba konmsi i normal sa ki ou Minis ou’n eksplike la i normal ki i annan enta lezot bato pti gran mwayen whatever, ki i pa tonm dan sa lalis ki ou’n capture e ou pa fer nanryen i ok sa?

Eski nou Lasanble konmsi i sa ki nou pe tande e ki i normal konmsi ouswa zot bezwen fer en zefor pou capture sa bann lezot pou met lo zot rikord?  E ki ou pe fer ki zot pe fer konkretman?

 

MR DEPUTY SPEAKER

Mersi Onorab De Commarmond.  Minis i annan konsern lo bann bato ki pa paret anba kontrol e ki zot pe fer lo la?

 

MINISTER DIDIER DOGLEY

Mr Speaker mon fek pe eksplike poudir i annan bann sanzman Lalwa ki fek pe ganny fer.  E Lalwa i pe ganny prepare kot sa bann lezot pti bato ki normalman pa ganny capture pou aprezan pou ganny capture anba sa nouvo sistenm ki pe antre.  Sanmenm sa ki nou pe demande ki SMSA i ganny plis resours plis travayer qualified travayer surveyor eksetera, pou zot osi kapab kouver bann lezot pli pti bato ki avan pa ti pe ganny kouver.  Mersi Mr Speaker.

 

MR DEPUTY SPEAKER

Mersi Minis.  Onorab Gill mon a donn ou dernyen kestyon.  Onorab Churchill Gill.

 

HON CHURCHILL GILL

Mersi Mr Speaker.  Mr Speaker mon le zis reitorate avek Minis konmkwa sa kestyon in vini la, akoz ozordi as we speak napa okenn Lalwa oubyen progranm pou Inner Island konsernan safety, menm si nou annan sa kantite trafik ki pe pase.  Alors sa Lalwa ki ou dir preski finalize pe vini, eski in pran kont ladan sa, sa premye kestyon?

2enm kestyon lo kote resours, fodre pa nou bliye ki Praslin ek La Digue i kontribye dan kof li.  E menm nou annan Vallée De Mai ki fer en kantite larzan lo Praslin mon deza anmennen dan sa Lasanble konmkwa serten poursantaz i devret reste Praslin e la enn rezon akoz si nou anvi fer keksoz pou Praslin, in ler pou nou kapab osi konmans get byen sa zafer resours akoz nou pa krwar sa kantite trafik ki pe arive ozordi e tou lendikasyon i pe ogmante, alors in plis ki ler ki nou bezwen pran sa bann keksoz bokou pli serye?  Alor mon 2 kestyon i sa.  Mersi.

 

MR DEPUTY SPEAKER

Mersi Onorab Gill.  Minis.

 

MINISTER DIDIER DOGLEY

Mr Speaker.  Mon krwar parey mon dir sa Bill byento pou vin dan Lasanble, i pou ganny sans pou ganny debate isi. Alor tou bann Onorab i ava annan en sans pou depouy li, pou war si i annan keksoz ki pe ganny azoute retire e amelyore.  So loportinite i egziste pou nou tou kapab amelyor sa Lalwa ler i vin isi.  Me selman nou fini travay lo la nou pare ler ki nou fer loportinite pou nou vin isi avek e la zot a ganny loportinite pou zot kontribye ladan.

Dezyenmman parey mon dir, poudir Bidze nou fer provizyon pou ranforsi sa lorganizasyon pou li sorti en Agency pou li vin en Lotorite.  Dan li menm sa demars i montre poudir Gouvernman i konsernen avek SMSA pou fer li vin en organizasyon ki pli for ki annan ledan i kapab pran aksyon ki neseser pou li pran.  Now ler Bidze i ava vini, zot a ganny sans ankor pou re verifye Bidze, pou debat lo la pou war si vreman sa ki nou mete ladan, i reflekte sa ki neseser pou fer SMSA pou fer son louvraz. Nou, nou’n fer serten rekomandasyon, e ler i a vini zot a ganny loportinite pou diskit sa.  Mersi Mr Speaker.

 

MR DEPUTY SPEAKER

Mersi Minis.  Nou pou al lo 2enm kestyon.  E sa i poze par Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker anvi sa renovasyon sibstansyel ki pe al annan dan Por Viktoria ki pou fer en kantite problenm pou bann bato lapes, bato komersyal, bato krwazyer ki mezir ki pe ganny met an plas pou limit sa bann lenteripsyon loperasyon lo por?  Mersi.

 

MR DEPUTY SPEAKER

Mersi Onorab Ferrari.  Minis.

 

MINISTER DIDIER DOGLEY

Mersi Mr Speaker.  Sa proze renovasyon e agrandisman por i en gro proze e enn tre enportan pou Sesel.  E i kler ki en tel proze pou anmenn avek li serten difikilte e defi.  Pou asire ki bann difikilte ki kapab koz serten problenm i ganny adrese boner e minimize Lotorite Por pe konmans fer serten travay konsiltasyon e planifikasyon pou met bann mezir neseser an plas.

Bann planifikasyon ki zot pe fer i konm swivan:

Premyerman enn bann latas primordyal sa konsiltan ki’n ganny Kontra pou fer plan detay enplimantasyon lenfrastriktir sa devlopman, se pou fer sir dan tou bann diferan faz konstriksyon, ki letan i pe ganny enplimante i ganny senkronize oubyen armonize, dan en fason ki a minimiz lenteripsyon bann loperasyon normal dan por.  E sa i pou ganny fer par bann konsiltasyon regilye e pandan konstriksyon ant konsiltan e bann partner por.

Dezyenmman ;- travay lo por li menm pou ganny fer an de faz premye faz i pou kote sid kot ex Coast Guard ti été e pandan travay pe ganny fer nou pa espekte pou annan gran difikilte akoz Mahe Quay li menm pou kontinyen donnen parey i pe fer la konmela.

2enm faz i pou lo kote nor lo Mahe Quay li menm ;- savedir sa quay ki egziste la konmela, e sa i pou konmanse ler morso sid i ava’n fini ganny konstri e fonksyonnel.  Aprezan tou bann tranzaksyon bato i a ganny fer laba lo sa nouvo morso lasose dan sid ki’n fini ganny fer.

(3) Mezir ki lanfaz pe ganny mete lo la se en pli bon kordinasyon bann aktivite dan por li menm.  Lotorite Por pe organiz miting konsiltatif avek tou bann partner dan diferan Lazans ;- savedir bann bato lapes, konntener, karbiran, militer, bato krwazyer eksetera.

Ziska aprezan 2 sa bann miting in fini ganny fer.  Bi sa bann miting se pou planifye e kordin ansanm akoz staz partou pou le fitir, baze lo itinerer bann diferan bato ki bann Lazans in deza ganny lenformasyon avek bann propriyeter.

Deza sa bann miting pe prodwir serten rezilta akoz ziska prezan in deza annan plizyer bato krwazyer komersyal ki zot itinerer ti an konfli me avek diskisyon e negosyasyon avek bann propriyeter atraver zot Lazans in posib pou fer bann lazistaz pou evit konfizyon e konzesyon.

(4)  Lotorite Por pe osi etidye bann fasilite por alternativ an se moman lofis Kaptenn Por pe re evalye litilizasyon tou bann lezot lasose ki egziste dan Por Viktoria.  Sa i enkli por lapes endistriyel, Ile Du Port, lasose reparasyon lasenn ek lasose IPHS.  Sa i pou permet plis fleksibilite pou bann lezot bato apard zis bato lapes endistriyel ki normal pe servi sa bann lasose. Diskisyon lo sa size i deza pe ganny fer.

Lotorite Por pe fer le neseser pou fasilite adisyonnel atraver lenstalasyon 3 larbit bollard, lo Ile Du Port ki a permet mouyaz dan basen vizavi kot gard pou bann lezot bato komersyal, krwazyer ou militer ki pa’n ganny plas lo lasose.

(5) Lotorite Por pou osi etabli en plan kominikasyon konpreansiv avek tou bann partner relevan pou kit zot okouran ki tou bann devlopman e bann sanzman pertinan an relasyon avek sa proze ki bann mouvman bato.  Mersi Mr Speaker.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

2 kestyon.  Mersi Minis.  Mon ti a kontan demande si Minis i ti kapab dir nou, si i satisfe ki i annan en sinerzi ant son Minister avek lezot Minister e departman dan pei, pou fer sir ki ler travay i konmanse pou ekstansyon sa por, i annan dan pei tou bann materyo ek tou bann fasilite ek tou bann lekipman neseser pou fer sa travay.  Mon pe demann sa kestyon Minis, akoz nou’n aprann poudir nou kapab pe fer fas avek sa sityasyon kot napa makadanm.  Akoz en – konmsi en quarry pa pou kapab supply.  Pli gro problenm ki nou kapab antisipe, se ki si travay i konmanse apre i aret dan semen.

So Minis eski ou kapab dir avek nou, si zot pou i annan en sinerzi e i annan en komitman dan tou lezot Lazans pou fer sir ki tou sa ki neseser pou fer sa travay i la?  Mon 2enm kestyon ou’n mansyonn bann lezot por, mon ti a kontan demann avek ou, eski Lotorite Por pou kapab demande or pou kapab egzize ki en lasose parey IPHS ki nou konnen i annan en stati pe spesyal – i en pe prive me i annan eksklizivite, eski Minis ou kapab dir nou si Gouvernman pou kapab egzize ki sa fasilite pandan sa peryod kot i annan i kapab annan konzesyon, sa fasilite i ganny met a dispozisyon e a bann pri byensir, a bann kou rezonnab, me selman ki tou sa bann kalite fasilite, i kapab ganny servi dan en fason optimum?  Mersi.

 

MR DEPUTY SPEAKER

Mersi Onorab Ferrari.  Minis.

 

MINISTER DIDIER DOGLEY

Mersi Mr Speaker.  E mersi Onorab pou sa kestyon.  I annan en High Level Committee kot tou bann Lazans i asiz lo la e nou zwenn regilyerman pou diskit egzakteman devlop sa proze son planifikasyon e menm pli tar son egzekisyon.  Planifikasyon pou ale ziska lafen lannen prosen, ler i tender tou sa bann zafer i pou ganny fer.  Savedir nou annan nou apepre 1an devan nou pou fer sir parey ou dir, kal tou keksoz diskit tou keksoz, planifye tou keksoz e pou fer sir bann keksoz parey makadanm, lapousyer ros, ki pou ganny bezwen an gran kantite, nou pa manke.

Akoz sa i parmi bann konsern prensipal ki nou annan devan nou.  Akoz nou fer Lotorite Por in fer bann general assessment avek bann risk ki kapab afekte sa proze dan le fitir.  E zot in war poudir bann basic materyo konstriksyon depi siman, makadanm, lapousyer ros eksetera i kapab vin enn bann fakter ki limit enplimantasyon sa proze.

Alor an vi ki nou deza konsyan poudir i annan sa risk, i annan bann travay ki pou bezwen ganny fer dan mwan ki pe vini, pou fer sir poudir sa bann resours i pa pou vin en fakter ki pou limit enplimantasyon sa proze.  Alor i annan en pe letan devan nou, e nou okouran, nou konsyan poudir i annan problenm, alor definitivman i pou annan i pou bezwen annan bann travay ki pou bezwen ganny fer pou fer sir poudir sa i mars byen.

E an menm tan bann lezot dimoun osi i kapab fonksyonnen ek zot bann lezot  proze.   Konsernan IPHS sa por ki zot, zot operate, i deza annan en kantite lezot bato pa zis bato IPHS akoz ler ti ganny built IPHS i asosye avek serten lakonpannyen, ki zot ti pou sipoze deservi zot bann bato an premye, me ozordi nou war poudir i annan bann lezot bato lapes ki deza pe al laba pou deservi sa por.

E definitivman konman en lakonpannyen prive mon krwar ou bottomline se ki ou anvi fer profi plis bato ki zot kapab vin kot zot e ki zot kapab pran definitivman zot pou enterese pou zot pran.  Me selman at the same time nou bezwen dir ki nou pa ganny nou en serten monopoli kot a lafen sa lakonpannyen nou war li pe sarz tou sort kalite pri ki pa fair.

E mon krwar dan bann Lazans parey Fair Trading Commission, pou bezwen antre e zwe en rol konman primordyal pou fer sir poudir nou pa war nou dan bann dan bann  sityasyon kot sa lorganizasyon pa abiz loportinite ki  li in gannyen kekfwa pou fer en pe larzan.  Me selman nou pa pe fye lo IPHS.  Parey mon’n nonmen dan mon stetment nou pe regard plizyer lezot opsyon ki mannyer nou pou adres sa problenm.  Mersi Mr Speaker.

 

MR DEPUTY SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Speaker.  Bonzour Minis avek ou delegasyon.  Minis baze lo ou bann larepons ki ou’n donnen, e lefe ki dan lepase nou war poudir i annan serten pozisyon dan por ki’n koz bann delays, eski zot annan ou Minister swa atraver Gouvernman zot annan en contingency plan, ki ler sa devlopman i kick full force kot i konsern de komodite sirtou esansyel, karbiran avek kot i konsern nou manze, eski zot annan en contingency plan pou fer ki si demen sityasyon i agrave, nou pou perdi bokou retar eski zot annan en plan pou kapab contain sa sityasyon?

E dezyenmman Minis, ou’n koz en sinerzi travay avek bann lezot operater ki zot pe operate  dan sa lanvironnman dan por, mon ti a kontan demann ou, eski dan sa plan ki zot pe mazin travay lo la zot pe mazin way ahead, pou ki bann progranm bann bato ki pou vini i ganny byen ankadre petet si zot ti pe fer li 3mwan la, zot bezwen fer li petet 6mwan an avans pou fer ki sa bann retar akoz biznes osi pou ganny afekte ki sa bann retar i pa vin en retar ki koz domaz pou nou lekonomi Sesel?   Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  E mersi Onorab.  Mr Speaker Lotorite Por i napa en contingency plan li menm ki’n fini ganny ekri.  Parey mon dir i annan at least ankor 6mwan, 1an pou li kapab fer sa.  Me selman bann eleman pou kapab form par sa contingency plan i sa bann pwen ki mon’n fer resorti.  Se premyerman dan sa plan li menm ler ou pe mazin ler zot pe devlop sa management plan pou enplimant por sa extension of  the port and  renovasyon por i annan en konponan dan sa travay ki pe ganny fer, pou planifye ki mannyer pou minimiz lenpak konstriksyon lo loperasyon por li menm.  Alor i form par sa prosesis.

Dezyenmman i annan dan sa bann konsiltasyon ki’n fini konmanse ant bann diferan akter bann dimoun ki annan en lentere dan por ;- dan en fason ki i annan en pli bon kordinasyon kan ki bann bato i vini way davans e dan en fason ki nou kapab minimiz an konzesyon dan por.  Akoz si en bato i kapab vin 2 zour apre ouswa 1 zour apre, atraver nou konsiltasyon avek bann diferan akter, sa i pou ed nou en kantite e sa i deza pe arive e sa bann konsiltasyon i deza an plas.

Bann alternativ mon koz lo plizyer alternativ ki por pe regarde la konmela me selman i pa ankor finalize i annan ankor en pti pe letan pou li fer li me sa bann keksoz pe ganny war an zeneral.

E konstriksyon li menm pou ganny fer an faz pa pou ganny fer tou keksoz an menm tan.  Alor si oule en plan contingency li menm la konmela i pa egziste me son bann eleman son bann core elements ki pou form par sa plan ki deza pe ganny diskite e apre i a ganny senpleman transformen dan en dokiman ki zot a kapab ganny swiv.

Epi konsernan planifikasyon pli lonterm anler kestyon kan ki bato i vini.  Sa i en keksoz parey mon e dir ki’n deza konmanse e definitivman dan bann letan ki pe vini nou pou fer sir poudir sa i vin pli byen i pli byen ganny kordinen pli byen ganny planifye.  Mersi Mr Speaker.

 

MR DEPUTY SPEAKER

Mersi Minis.  Onorab Johan Loze.

 

HON JOHAN LOZE

Mersi Mr Speaker.  Bonzour tou koleg Onorab.  Bonzour tou dimoun a lekout.  Minis mon annan en kestyon tre senp e tre direk ;- eski sa kestyon devan Lasanble Nasyonal ozordi pou pous ou Minis pran resours Gouvernman pou al donn biznes IPHS?

Akoz Lasanble Nasyonal ozordi pe ganny servi pou lobby biznes pou nou zanmi envestiser etranze.  Mersi.

 

MR DEPUTY SPEAKER

Mersi.  Onorab Loze ou fer en lakizasyon ki en Manm in poz en kestyon akoz en lentere prive, eski sa i leka?

 

HON JOHAN LOZE

Minis nou tou nou’n tann kestyon.  Nou tou nou’n tann kestyon.

 

MR DEPUTY SPEAKER

Non ou pe fer sa alegasyon ?

 

HON JOHAN LOZE

Ki alegasyon egzakteman?  Nou tou nou’n tann kestyon nou tou nou tann Onorab solisit biznes avek Minis,

 

MR DEPUTY SPEAKER

Non mon pa pou allow sa kestyon

 

HON JOHAN LOZE

… mwan mon anvi konnen Minis pou reazir lo la wi ou non.

 

MR DEPUTY SPEAKER

sorry sa kestyon pa pou ganny permete.  Ou pa kapab allege ki Lasanble pe ed en dimoun prive.  Mon pa aksepte sa.  Laparol i pou ou Onorab Ferrari.

 

HON JEAN-FRANCOIS FERRARI

Minis ki’n mansyonn IPHS e apre mwan mon’n revini pou mwan demande vi ki en konpannyen sa ki mannyer zot kapab fer li.  Minis.  Selman Mr Speaker  mwan mon krwar kekfwa ou devret kriy sa Manm par kote en zour e dir li poudir i annan en standar dan sa Lasanble.   Mersi.

 

MR DEPUTY SPEAKER

Mersi Onorab Ferrari.  Mon pa kontan ki okenn Manm i ganny akize.  it’s imputing an improper motive lo lapar en Manm e sa during Question Time ki pe al byen ziska konmela annou pa anmenn sa bann enteripsyon silvouple.  Onorab Sebastien Pillay.

 

HON SEBASTIEN PILLAY

Mersi Mr Speaker.  Bonzour tou koleg Onorab.  Bonzour Minis.  Minis dan ou larepons ou’n dir nou poudir zot pe fer tou pou minimiz lenpak, selman akoz nou bezwen demann ou sa bann kestyon se akoz nou ti ganny preski menm lasirans ler ti annan bann cruise ship ki ti pe vini.  E nou kapab rapel ki ti arive sa letan ler bann cruise ship ti vini ti annan delay pou bann dimoun, tir zot bann containers eksetera.  We had the same assurances.  So sey dir nou kwa ki zot pou fer safwasi akoz cruise ship pou kontinyen vini lo por?  Nou pou still annan sa heavy load ki lo por?  Ou pou still annan dimoun ki bezwen fer antre zot container e zot container pou swa reste lo bato swa reste ater pa ganny tire i pou annan en kou.

En kou pa pou zis bann gro businessman me pou bann businessman ki sey zot mye ki struggle.  So sey dir nou kwa ki por pe fer diferaman safwasi pou asire ki napa sa lenpak lo bann endividi ki obviously prezan ou pas sa lenpak lo bann konsonmater?  So kwa ki zot pe fer diferaman egzakteman?  Akoz 6mwan pou nou prepar en contingency plan nou sipoze annan contingency plan avan.   So sey dir nou kwa ki zot pou fer diferaman egzakteman, pou zot asire ki nou pa ganny sa bann enteripsyon?  Mersi bokou Mr Speaker.

 

MR DEPUTY SPEAKER

Mersi Onorab Pillay.  Zis pou mwan azoute mwan ler mon’n ekout Minis, mon ganny konpran pou napa lenteripsyon.  Parske pou servi sid avan apre pou al servi nor.  Me mon mazinen Onorab Pillay pe demande an ka i ariv en problenm dan sa laranzman, ki zot pou fer pou anpes kou vin lo konsonmater.  Minis.

 

MINISTER DIDIER DOGLEY

Mersi Mr Speaker.  E mersi Onorab pou ou kestyon.  Konsernan bann enteripsyon ki’n annan dan lepase, sa lannen deza in annan bann diskisyon ki’n ganny fer depi byen boner ;- par egzanp nou ti pe les bann cruise ship reste avek por pou 24er savedir non 48er 2 zour.

Nou pran en desizyon depi konmansman lannen ki bann bato krwazyer, pa pou reste 48er akoste avek por.  Unless ki napa okenn bato komersyal ki pe anmenn bann marsandiz ki bezwen ganny akse avek por.  Zot pou ganny selman loportinite pou fer sa ler napa en bezwen konsernan bann zafer container.

Alor priyorite pe ganny donnen pou bann bato komersyal, ki pe anmenn marsandiz dan pei e bann bato krwazyer zot pou vin an 2enm e menm peryod ki zot pou reste parey mon pe dir i ganny limite sa i premye desizyon ki nou ti pran konmansman sa lannen.

E pandan bann peryod aprezan ki nou pe dir dan le fitir, e an menm tan parey mon pe dir i annan tou sa konsiltasyon osi ki pe arive la konmela, pou fer sir poudir napa sa bann clash ki nou ti war dan lepase.  Savedir bann shipping agency ek tou dimoun i deza pe asiz ansanm, pe diskite war pou nou kapab annan en pli bon management of litilizasyon por li menm.  Ler konstriksyon pou’n konmanse, enn bann keksoz ki nou pe regarde, se ki la kot i annan disab la konmela pou konstriksyon ;- savedir ler ou kit IPHS por nou pe regarde si nou kapab met bollards la ki sa bann bato parey bato militer, bato krwazyer, i kapab koste la, ki si fo i koste dan por li menm.  Sa i en alternatif ki nou pe regarde.

I annan osi kot bato ki kot i fix lasenn par egzanp.  Sa osi i en loportinite ki nou kapab i en fasilite ki nou kapab servi pou fer li parey.  Me si nou pa kapab koste avek por li menm, parey dan plizyer pei e menm Sesel dan lepase menm si ti napa por pou sa kalite por pou bato krwazyer koste, bato pou bezwen al mouyaz e nou a servi bann bato ki bann lezot bato ki egziste parey Cat Cocos eksetera, pou tir bann kliyan li ek sa bann bato pran pou met ater dan bann ka kot sityasyon vreman i agrave.

Alor i annan plizyer opsyon ki por pe regarde, pou war ki mannyer ki si nou annan bann sityasyon parey ki mannyer nou adres li. Me  selman the main thing se ki priyorite pou ganny donnen pou bann bato ki pe anmenn marsandiz ouswa karbiran isi Sesel.  Mersi Mr Speaker.

 

MR DEPUTY SPEAKER

Mersi Minis.  Nou pou al lo prosen kestyon.  E sa i ganny poze par Onorab Phillip Arissol.

 

HON PHILLIP ARISSOL

Mersi Mr Speaker.  Eski Minis responsab pou Por e Lamarin i kapab enform sa Lasanble si bann bato krwazyer, yot prive oubyen bato plezir i kontribye finansyerman swa atraver tax oubyen license, pou proteksyon nou lanmer bann fon maren oubyen bann resours losean?

Ki bann mezir ki an plas pou asire tou sa bann bato i respekte tou bann Lalwa Lanvironnman sirtou an sa ki konsern management  bann salte lakwizin ek delo sale?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker.  Isi Sesel anba Habour Dues Regulations i annan sa ki apel Marine Environment Protection Dues ki bann gro bato lapes, bato cargo, tankers ek lezot bato i bezwen peye.  Bann tankers, bato lapes zot bezwen pey pou sak 96erdtan ki zot pase dan por, zot pey zot 15sou par gross tonnage.  Pou bann lezot bato parey bato krwazyer zot pey pou sak 48erdtan zot pey zot 11sou lo zot gross tonnage sa i en tax direk pou proteksyon lanvironnman lamarin.

Depi 2016 Lotorite Por an anmas li R7.8milyon atraver sa Lalwa.  Sa i sel dues ki bann bato i bezwen peye, ki aplik pou lanvironnman li menm pou bann pli pti bato lwazir parey yot napa pou le moman bann dues ki zot bezwen peye pou protez lanvironnman me selman normalman bann bato zot bezwen pey pou servi bann servis ki ganny ofer dan por ;- parey por dues si zot annan salte parey delo sal ou delwil sal zot pou fer retire i annan bann lakonpannyen prive ki pou fer sa servis isi Mahe.

Sa i pou ganny fer ler zot lo mouyaz atraver bann bato ki spesyalize lo koleksyon salte, ou delo sal ou delwil sal ler zot koste avek por atraver bann kanmiyon salte ou bann ki ponp delo sal.

Parkont si zot poz okenn polisyon atraver desarz delo sal ouswa salte dan lanmer ou koz okenn lanvironnman la kot zot antre dan kontrovansyon avek Lalwa Lanvironnman ;- la bann Lotorite responsab i pran aksyon avek zot dapre Lalwa.  Pli gran mezir ki nou annan se bann Lalwa e bann lanmann ase sever.  Si okenn dimoun ouswa bato i ganny atrape ouswa pe koz polisyon dan lanmer.  2enm i annan SMSA Lotorite Por ki travay ansanm avek Minister Lanvironnman e ki partaz lenformasyon lo bann ka parey.

Minister Lanvironnman i annan bann lenspekter ki’n byen kalifye pou adres bann problenm parey.  Sa i osi aplik pou bann rangers ki travay dan bann park ek rezerv maren.  Nou  pli gran problenm i reste deteksyon pour bann lofans koze par bann pti bato, parey bann yot ek bato lwazir.

Akoz lakantite salte e delo sal ki zot annan i limite, e pli difisil pou detekte si zot in okazyonn okenn polisyon, me sa ki nou okouran se ki bokou zot servi bann bin ki annan partou obor lans pou zot zet zot salte.  Mersi Mr Speaker.

 

MR DEPUTY SPEAKER

Mersi.  Onorab Sébastien Pillay.

 

HON SEBASTIEN PILLAY

Mersi Mr Speaker.  Mr Speaker sa size i en size osi ki’n souleve yer pandan en vizit, ki nou ti annan atraver komite zil lo enn bann zil e enn bann propriyeter ti raise sa issue.  E i en size ki nou diskite oparavan.  Malgre ki i annan en fason pou capture sa bann pli gro bato i paret poudir nou annan en defayans serye pou nou capture sa bann pli pti bato, nou pe koz sa bann bato yot sa bann bato lwazir.  Enn bann problenm ki zot koze mon krwar laliny kestyon ki nou pe pran se lefe ki ler zot pran zot anchor zot antre net dan labe e zot anchor lo bann landrwa kot zot annan bann resif koray.  E parey nou konnen lamazorite koray pou Sesel prezan ki pe refer apre lenpak El Nino ek coral bleaching.  E ler zot anchor la sa anchor ler i tonbe i kas sa bann koray sirtou ler zot ankor pe sa.

So prenan kont ki sa i en issue, eski Minister pa pe anvizaze entrodwir sa kondisyon pou sa bann bato operate ki zot pa ganny dwa anchor en serten zistans avek bann labe.  Par egzanp  dan en labe parey Beau Vallon  kot ou napa sa gran relif koray, ou kapab antre pli pre.   Par egzanp  dan bann pti landrwa parey Anse Major, ou pa kapab al tro pre avek bann landrwa koray, akoz bann landrwa i bann nursery.  Minis i konn sa pli byen ki mwan i bann nursery pou bann lespes pwason, ki apre zot al an deor ki kapab ganny atrape.

So kwa ki zot pou fer reelman akoz sa bann problenm i kontinyen recur e nou kontinyen war bann yot kontinyen antre vreman pre ek lakot, ki nou pe fer pou etabli en sistenm swa en kondisyon ki ou pa ganny dwa anchor pou en bato ou pa kapab anchor en tel zistans avek lans, e bann demarkasyon i a ganny mete.  Swa nou annan en nou etabli en sistenm pou nou kapab police sa bann bato.

E Minis mon ava dir ou pa tou landrwa ki annan bin lo lans.  Parfwa i annan i pran sa pti dingy zot desann ater, me parfwa ou pa konnen zot pe zete, so kwa ki zot pe fer reelman pou zot capture sa group bato ki zot pa pe kapab capture ozordi?

E sa pwen 11sou par gross tonnage eski sa i en konvansyon enternasyonal oubyen eski i en keksoz ki lontan in la, me eski ozordi petet prenan  kont konbyen in kout pei, konbyen i kout tax payers konbyen i kout nou tou nou pei an zeneral nou Nasyon, pou mentenir nou lanvironnman eski petet bann dimoun ki pe enjoy sa pe servi sa i pa kapab osi nou pa kapab osi ogmant sa kontribisyon?

Mon napa tou lenformasyon lo la so I stand to be corrected lo sa bout.  Mersi Mr Speaker.

 

MR DEPUTY SPEAKER

Mersi Onorab Pillay.  Minis.

 

MINISTER DIDIER DOGLEY

Mersi Mr Speaker.  Mr Speaker konsernan anchor damage lo bann reef, lo bann ban koray ki nou annan isi Sesel malerezman sa i en problenm ki’n la pou en pe letan.  E mon konnen poudir i annan plizyer demars ki’n ganny fer pou adres sa problenm.  Par egzanp atraver SMSA menm Minister Lanvironnman ti ganny ant antour Mahe, Praslin e La Digue ek bann pti zil ki obor sa bann Inner Island, nou ti’n identify bann egzakt kote ki dimoun i kapab drop zot anchor lank, e dan marine park li i annan bann landrwa spesifik an plis zot annan sa ki nou apel bann mooring buoys ki zot sipoze atas avek.  Malerezman nou annan nou apepre 160 yot ozordi e pa toultan ki zot obzerv sa bann demarkasyon ki deza egziste, kote zot sipoze larg lank.

E normalman sa i sipoze ganny fer dan bann fon blan, ouswa bann fon ki annan bann sea grass zot apel li bann zerb delo sale ki pouse.  E sa pa sipoze ganny fer dan bann landrwa kot i annan ban koray.  Akoz ban koray parey ou’n dir, i en keksoz ki sansib e normalman zot pa sipoze fer li la.

Mon krwar nou pli gro problenm i reste sa policing ek sa enforcement ki reste nou pli gro defi parey mon dir ki annan apepre 160 yot isi Sesel, e pou kapab vreman monitor tousala i pa toultan fasil.  Landrwa kot nou annan bon enforcement se definitivman kot bann marine park akoz la ou annan prezans bann rangers ki la preski a toultan ki fasil pou zot war lekel ki pe kas Lalwa.  Be an deor kot nou napa i toultan vin en defi e i en travay ki ongoing. 

        Konsernan bann zafer salte avek delo sal, i annan en travay ki pe ganny fer ant LWMA avek por ek SMSA pou vin avek en nouvo plan ki mannyer pou adres sirtou bann yot.  Parey ou konnen i annan plizyer lakonpannyen ki annan bann yot, e nou annan bann marinas ki deza egziste. Alor ki nou bezwen annan se bann landrwa kot sa bann yot par egzanp tou sa bann yot i annan sa ki nou apel holding tank i annan de a trwa met kib delo sal ki zot kapab kontenir.

Alor si zot kapab kontenir sa bann delo sal, nou devret annan en landrwa kot zot kapab vini vin anchor e desarz sa delo sal dan sistenm sewage ki deza egziste, ouswa zot ganny ponpe parey Cat Cocos par egzanp pou le moman zot ganny ponpe tou le swar.  Me selman nou pou bezwen design sa bann sistenm gete egzakteman kot pou ganny mete.  I annan kek travay ki pou bezwen ganny fer.

2enm keksoz i annan pou fer avek salte li menm.  Parey tou bann lotel i bezwen annan Kontra avek en lakonpannyen pou vin tir son salte la osi nou pou bezwen annan en sistenm an plas ki bann dimoun ki annan bato yot, zot osi zot pou bezwen annan en Kontra avek en lakonpannyen ki a donn zot bann landrwa spesifik kote salte i sipoze ganny mete.

E atraver sistenm parey, avek monitoring ki kapab ganny fer, i ava ase fasil pou nou lekel ki vreman pe kas Lalwa e lekel ki vreman pa pe kas Lalwa. Alor  sa travay ki pe ganny fer.  Konsernan  sa peyman 15sou lo gross tonnage, i annan 15 avek 11sou i annan de kategori – i annan en travay ki pe ganny fer par por.  I annan en konsiltan in fini ganny en Kontra  pou li revwar tou bann fees an zeneral bann Harbour Dues Fees, bann Harbour Dues sorry ki pe ganny sarze konmela dan por, e i pou war ansanm avek bann lezot.  Akoz nou bezwen fer sir poudir bann fees ki nou sarze i pa bokou an deor ki bann lezot por pe sarze.  E lo lot kote nou bezwen regarde poudir nou pa kre en sityasyon kot marsandiz ki antre dan pei i vin bokou pli ser.

So nou bezwen balans tou sa bann keksoz ansanm an menm tan sa travay i pou bezwen ganny fer e apre nou a kapab sorti avek bann nouvo charges azisteman lo bann fees.  Mersi Mr Speaker.

 

MR DEPUTY SPEAKER

Mersi Minis.  Onorab Sebastien Pillay klarifikasyon.

 

HON SEBASTIEN PILLAY

Wi Mr Speaker.  Mr Speaker mon en pti pe konsernen, akoz taler nou ganny sa deba lo sa 200 bato e zot annan 94 zot rikord zot napa sa lot group.  Si zot napa kontrol lo sa lot group e zot pa konnen kot i été ki kalite travay zot pou kapab fer egzakteman?

Eski petet mon ti a kapab demande zot pa pe revwar modalite travay SMSA ki i ava annan en zofisye ki baze Anse Royale, ki fer letour lakot laba en zofisye ki baze Beau Vallon i fer letour lakot laba, Praslin  parey.  Akoz lo bann zil nou vizit de zil ki manage par bann dimoun prive, e zot nobou fer bann dimoun bann plezansye ki vini, zot, zot nobou fer bann dimoun anchor en zistans deor avan ariv lo zil, akoz pou protez zil kont pirat kont lezot keksoz.

So kwa ki fer en Lotorite pa kapab met an plas menm sistenm?  Akoz once ou’n tyonbo enn fer en lofans i pou pase.  E dezyenmman Mr Speaker mon dernyen pwen lefe ki ou annan bare boat charters ou annan bann skippers ki vini, sa dimoun i annan abilite pou anmenn bato, i en etranze i vin kot zot, vi ki ou pa garanti poudir ou konpran parey sa Seselwa ki’n abitye avek sa louvraz, ki pa antre net dan labe Beau Vallon, oubyen  pa antre net dan pti lans Lilot Glacis, so kwa ki zot pe fer pou sa?

Mon krwar petet i bezwen annan en revizyon lafason lo fonksyonnman travay ki SMSA pe fer.  Mersi Mr Speaker.

 

MR DEPUTY SPEAKER

Mersi Onorab Pillay.  Minis.

 

MINISTER DIDIER DOGLEY

Mr Speaker nou ava pran bann rekomandasyon ki Onorab in donnen.  E parey ki mon’n dir i annan serten travay ki pe ganny fer ; – definitivman bann demarkasyon i deza egziste, bann ki deza egziste, selman nou pou bezwen regarde parey mon dir pli gro weakness ki egziste sa sistenm monitoring avek enforcement, e se la kot travay pou bezwen ganny fer pou fer sir poudir compliance pa reste en problenm.  Mersi Mr Speaker.

 

MR DEPUTY SPEAKER

Mersi Minis.  Onorab Clive Roucou.

 

HON CLIVE ROUCOU

Mersi Mr Speaker.  Bonzour tou dimoun.  Mr Speaker mon anvi demann Minis konsernan nou Lalwa Lanvironnman konbyen bato si dan sa statistik ki’n kas nou Lalwa Lanvironnman e ki bann sarz ki’n ganny mete kont zot?  Mersi.

 

MR DEPUTY SPEAKER

Mersi Onorab Roucou.  Kestyon tre direk – konbyen ki’n kas Lalwa? Konbyen ki’n ganny persekiter?

 

MINISTER DIDIER DOGLEY

Mr Speaker malerezman i annan 18mwan depi ler mon’n kite Lanvironnman alor mon pou napa sa bann statistics.  Mon pou bezwen al demann mon koleg pou nou kapab ganny sa lenformasyon epi nou ava fer anvoy kot ou.  Mersi.

 

MR DEPUTY SPEAKER

Mersi Minis.  Onorab Francois Adelaide.

 

HON FRANCOIS ADELAIDE

Mersi Mr Speaker.   Bonzour tou dimoun.  Minis ou konnen poudir nou annan en bato dan labe Baie Lazare, eski ou Minister sirtou atraver SMSA, zot in deza al fer en tyek kot sa bato pe mouye?  Akoz nou annan alegasyon ki i annan bann vye batri, i annan bann vye debri in ganny zete mon deza demann sa kestyon dan Lasanble, eski i annan en vizit ki’n ganny fer?  E ki dernyen fwa zot ti a vizit sa site.  E mon aprann osi ki laba i annan koray ki pe ganny kase akoz sa gran lasenn ki frot partou ki sa bann koray pe kas en zoli reef ki i vreman ris dan bann pwason e bann koray, eski i annan vizit ki ganny fer laba?  Mersi.

 

MR DEPUTY SPEAKER

Mersi Onorab.  Minis eski i annan vizit ki’n ganny fer dan sa labe?

 

MINISTER DIDIER DOGLEY

Mersi Mr Speaker.  Mr Speaker lenformasyon ki mon annan avek Kaptenn, se ki sa bato i pa mouy atraver son lank ;- i napa lank dan delo sale.  I ganny anmare avek en bwe alor i lo mouyaz atraver en bwe.  Alor napa lank ki dan koray anba dan delo sale.

2enm keksoz akoz i pa en flagship  akoz i en bato ki anrezistre isi Sesel, i annan idantite Sesel, la bann lenspekter regilyerman parey Onorab Churchill ti pe demann nou, la nou anvoy bann surveyor tanzantan pou al tyeke, pou fer sir ki i an konformite avek Lalwa Sesel.  Be in view poudir i en bato ki anrezistre an deor Sesel nou bann surveyor i pa survey sa bann bato, parey i ganny fer pou bann bato ki anba paviyon Sesel.  Mersi Mr Speaker.

 

MR DEPUTY SPEAKER

Mersi Minis.  Onorab Adelaide.

 

HON FRANCOIS ADELAIDE

Mersi Mr Speaker.  Minis mon dakor avek poudir zot pa servi sa bato, me selman nou lanvironnman i pou nou so nou ki bezwen sofgard nou lanvironnman.  I annan rapor ki debri enkli ki bann vye batri kip e ganny zete la anba.  So mon krwar i nu devwar konman bann dimoun ki pe sofgard nou teritwar pou nou fer bann check.  E mon ti a demann ou pou silvouple anvoy en lekip atraver SMSA pou nou al get en kou laba e pou nou kapab ganny en rapor.

Mon 2enm pti klarifikasyon, mon pa pe ganny en konpran Minis ki mannyer ou pe dir mon i napa lank, me selman i bezwen annan en sistenm ki ganny mete o fon, pou sa bato mouy avek.  E  mwan sa ki mon konpran i annan – wi i napa lank, me selman i annan landrwa kot i ganny atase o fon lanmer e i annan en gran lasenn.  E sa lasenn i fer letour partou e i kraz tou koray.  E sa se bann plonzer ki’n dir mwan – bann plonzer ki zot anmenn touris al koule laba, eski zot annan rapor poudir i annan koray ki pe ganny kraze?  E ki  zot pe fer pou fer ki nou sofgard nou reef?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  E mersi Onorab.  Onorab mon a fer sir ki sa bann lenformasyon i ava ariv Minister ki responsab pou sofgard nou lanvironnman – se Minister Lanvironnman mon ava koz avek mon koleg Minis, Minis Cosgrow e mon krwar i pe vin isi osi mon krwar apre midi me selman mon a fer sir ki mon pas sa mesaz avek li e ki anvoy bann lenspekter pou tyeke.

Lo lot kote konsernan SMSA la osi mon krwar Kaptenn i la in tann ou e nou ava fer swivi lo sa bann rekomandasyon ki ou’n fer.  Mersi Mr Speaker.

 

MR DEPUTY SPEAKER

Onorab Adelaide.

 

HON FRANCOIS ADELAIDE

Minis eski nou kapab ganny en deadline sirtou kot ou Minister kan nou pou ganny en feedback kot zot in ale e ki bann finding e ki zot plan pou redres sa bann sityasyon?  Mersi.

 

MR DEPUTY SPEAKER

Minis.

 

MINISTER DIDIER DOGLEY

Parey mon dir mon pou bezwen pas avek Minis Cosgrow akoz li ki annan bann lenspekter pa mon, mon napa lenspekter pou sa.   Konsernan SMSA.  Ok Mr Speaker dapre kaptenn akoz i bezwen al rod led avek Coast Guard akoz li i napa bann divers.  I ekspekte dan en semenn a de semenn i ava kapab fer li.  Mersi Mr Speaker.

 

MR DEPUTY SPEAKER

Mersi.  Dernyen kestyon Onorab Ramkalawan.

 

HON WAVEL RAMKALAWAN

Mersi bokou Mr Speaker.  E bonzour Minis avek ou delegasyon.  Mr Speaker premyerman mon anvi deklare mon napa okenn lentere dan okenn lakonpannyen yot dan okenn zil Sesel, e alor mon kestyon i ganny demande san okenn latasman, avan mon ganny akize.

Mr Speaker mon ti ava kontan demann Minis spesifikman an relasyon avek sa bann yot detrwa kestyon ;- premyerman kot mon reste mon regard mon regard Ste Anne e mon war en kantite yot ki’n ankre la devan lo bout sid Ste Anne kot son lasose kantite la e apre sa lo bout nor Ste Anne kantite yot menm.  E la yer swar i menm annan dan milye Ste Anne.  Eski la otour Ste Anne ki dan marine park zot annan okenn sa bann mooring buoys ki sa bann yot i anmar zot bato avek?

E dan sa menm konteks eski sa bann yot avan ki zot zet lank okenn landrwa, eski zot annan okenn sistenm kominikasyon avek por oubyen SMSA pou ki se zot ki donn sa bann yot, sa pozisyon egzakt pou met zot bann bato?  Mon ti ava kontan ki sa i ganny eklersi?

Dezyenmman Mr Speaker nou pe ganny problenm avek yot e Minis ou menm ou’n dir ki i annan en problenm pou fer policing, alor eski zot Minister i annan okenn Polisi pou redwir lakantite yot ki pe fer sa bann biznes, pou met en limit lo sa kantite yot ki pe fer sa bann biznes?

E eski bann deplasman bann yot i bezwen ganny fer an kominikasyon avek SMSA?  Akoz mon pe demann sa si ozordi en Seselwa i anvi pran son bato pou li al nenport zil letan i pe kit por, i bezwen enformen kote i pe ale, be zot sa bann yot eski i annan en sistenm kominikasyon pou ki SMSA a tou moman i konnen kote sa bann yot i été?  Mersi bokou pou le moman Mr Speaker.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  E mersi Onorab pou sa kestyon.  Konsernan Ste Anne, Ste Anne mon okouran laplipar bann marine park mon okouran ki a plizyer repriz zot in met bann mooring bouys pou yot atas avek.  E menm mon krwar resaman pre 2an pase ti annan en lensidan Curieuse kot en bato ti kase ti al tonm lo koray ler i ti son lakord avek sa marine bouys ti kase.

Me selman an zeneral i annan bann mooring bouys dan marine park ki ganny mete spesifikman pou sa.  E dan marine park i annan sa ki nou appel designated area kot si napa mooring bouys kot ou ganny drwa larg lank.   E normalman mon’n eksplike avan, sa bann landrwa ki’n ganny designate pou sa, i normalman bann fon blan – bann landrwa kot napa koray konman pou regarde ou pou war poudir i en fon blan.

E dan sa channel ant Ste Anne e Ile Ronde, Moyenne i enn bann landrwa ki’n ganny designate pou bann bato mouye  la.  E bann lavantaz ki marine park i annan, se ki i annan bann rangers regilyerman ki monitor sa bann soz.  Savedir policing dan marine park li menm apard ki Cap Ternay kot napa en baz fix, i bokou pli meyer ki dan bann lezot landrwa kot napa bann dimoun ki’n ganny donnen sa louvraz spesifik, pou zot police sa bann bato.

Konsernan plan pou redwir lakantite yot, i annan en limit lakantite yot isi Sesel.  Gouvernman in etabli 200 se maximum kantite yot ki annan isi Sesel.  Pou le moman i annan zis 160 yot ki’n ganny license pou operate Sesel e nou pa pe war bann aplikasyon ki pe antre pou le moman pou vreman ogmant sa kantite.

Konsernan mouvman bann yot, normalman okenn bato ki kit por pou al an deor zot bezwen enform Port Authority pou ganny clearance pou zot kapab sorti dan por pou al lezot landrwa.  Zot bezwen enform Port Authority e an menm tan avan-ler ki zot ale i annan en form ki zot bezwen ranpli kot SMSA ki zot donn bann detay kote ki zot pe ale.

Alor ler mon pe koz por zis pou lenformasyon bann Inner Islands tou i tonm within the boundary of the existing por.  Savedir ler nou pe dir i pe kit por savedir i bezwen en bato ki pe kit sa ki nou apel bann Inner Islands i pe al deor sa bann soz.  Mersi Mr Speaker.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon ti ava kontan Minis i dir avek nou konbyen sa bann mooring bouys ki zot in enstale dan bann marine park ki zot in ki Minis in mansyonnen?  Dezyenmman Mr Speaker nou tou nou konnen ki poudir an relasyon avek sa kestyon Onorab Arissol an term larzan ki ganny anmase, tou dimoun i konnen ki poudir atraver sa bann yot Sesel pe perdi en kantite larzan nou konnen sa, Minister Tourizm i konnen nou tou ki la nou konnen.

Alor en fason pou nou kontrole pou ki reveni Gouvernman i ogmante, eski Minis pa krwar ki malgre sa bann yot bokou zot i vir otour Mahe, Praslin, La Digue ensidswit zot al ziska Bird 60 well Bird, Denis laba dan 60km avek Mahe ensidswit, eski Minis pa krwar ki si i annan en regilasyon ki tou mouvman ki zot fer zot bezwen enform SMSA sa i ti ava en fason pou nou konnen lekel ki yot ki pe ganny lwe konbyen pasaze ki zot annan abor e atraver sa pou verifye avek SRC pou zot sa lenformasyon i ava ase pou verifye ki poudir larzan i antre dan kof Gouvernman atraver lwe sa bann yot e ki nou pa kontinyen trouv en trou dan nou reveni kot dimoun i vini zot vin Sesel e zot pas en konze family and friends sa bann zafer san ki zot pey okenn sou dan soz?  Alor Mr Speaker mon pe met lanfaz lo koleksyon reveni, kontrol pou ki nou pei i kapab anmas plis larzan.  Mersi bokou.

 

MR DEPUTY SPEAKER

Mersi Onorab Ramkalawan.  Minis.

 

MINISTER DIDIER DOGLEY

Mersi Mr Speaker.  Mr Speaker bann yot i vre in toultan en konsern pou Gouvernman, e i annan en kantite travay in ganny fer avek Minister pou Imigrasyon ki responsab pou Imigrasyon avek Employment, SMSA me osi bann operater ki dan sa biznes, akoz en kantite Seselwa osi ki dan sa biznes.  E personnelman mon ganny rapor tanzantan sorti kot zot e sa i ed nou pou nou monitor egzakteman ki pe arive dan sa biznes.

E ozordi osi SMSA regilyerman i anvoy bann lenspekter pou regarde akoz nou main issue ti kot Eden Island kot regilyerman prezan bann zofisye i fer lenspeksyon pou fer sir poudir sa problenm i ganny adrese o pli byen posib.  Konsernan son skipper menm akoz i annan bann live on board ki ti anmenn zot sa nou aprezan bann lakonpannyen ki operate bann yot i bezwen enform SMSA ler zot bezwen dimoun pou vin travay lo sa bann yot e sa SMSA se li ki dir avek Employment ouswa avek Imigrasyon si i pou donn GOP ouswa non sa i baze avek availability Seselwa pou fer sa bann kalite louvraz.

Alor i annan bann kontrol ki deza nou pe met an plas ouswa bann prosedir ki nou pe met an plas pou fer sir nou tackle sa bann problenm e atraver sa ki nou kapab osi dekouver serten dimoun ki ti pe fer bann travay ilegal e menm ti annan en ka parey mon pe dir kot nou ti fer en dimoun ale ki ti vini pou travay avek en live on board apre i ti reste pou fer bann lezot travay kot nou ti dekouver li e nou ti fer li kit pei e i vin personn non-gratia pou Sesel.

Konsernan bann kontrol hire craft bann hire craft nou pe travay lo Lalwa Hire Craft Act nou pe reviz li kot nou pou met bann provizyon kot nou pou met tou bann yot aprezan vin bann sa ki nou apel bann flagship;- savedir zot pou operate anba paviyon Sesel.  Pou bann ki tanporerman dan delo Sesel zot pou bezwen anrezistre anba en paviyon en lot pei ouswa pran temporary soz pandan letan ki zot Sesel pandan kantite letan ki zot isi.  E le moman ki zot pou anrezistre definitivman la nou bann surveyors ek nou bann dimoun pou kapab monitor zot bokou pli pre sa i pa leka la an se moman.  So an plis ki bann travay ki nou deza pe fer e ki bann rapor ki zot bezwen ganny fer e lenformasyon ki nou gannyen avek bann operater Seselwa, nou pe osi tackle sa problenm atraver Hire Craft Act.

E bann travay i ase avanse le moman ki nou ava fini avek sa SMSA Bill i enn bann Lalwa ki nou pou anmenn dan Lasanble.  Mersi Mr Speaker.

 

MR DEPUTY SPEAKER

La kantite bwe ki annan dan marine park?

 

MINISTER DIDIER DOGLEY

Eskiz mon konsernan lakantite bwe mon pou bezwen ankor al kot Minister Lanvironnman akoz se zot ki pe met bwe dan marine park avek soz.  Pou SMSA i zis met bann demarkasyon kote ki ou ganny dwa zet lank e kote bann dimoun i ganny dwa naze par egzanp si ou al Beau Vallon ou pou war bann demarcation bouys ki’n ganny mete osi mon krwar Au Cap i annan Anse Royale osi i annan bann demarcation mete par SMSA.

E bann mooring bouys laplipar i ganny mete par SNPA National Park Authority se zot ki met sa bann mooring bouys dan marine park pou bann bato anchor avek.  Mersi.

 

MR DEPUTY SPEAKER

Mersi Minis.  Bon in ariv 10.48 nou pou adjourn e nou a retournen pou kestyon 4 e ziska 7 apartir 11.15.

 

 

(BREAK)

 

MR DEPUTY SPEAKER

Bon bonzour ankor tou bann Manm Onorab, Minis avek son delegasyon ki la pou Question Time.  Nou pou kontiny avek kestyon No.4 ki ganny poze par Onorab Churchill Gill.

 

HON CHURCHILL GILL

Mersi Mr Speaker.  Kestyon i lir koumsa:  Eski Minis i kapab konsider negosye ek Gouvernman pou tir sa moratorium lo zil Praslin vi ki lakantite lasanm in diminyen ler New Emerald Cove, Round Island, La Vanille e Maison De Palme in fermen e i annan bokou demann pou lasanm lo Praslin?

I enportan ki en keksoz i ganny fer akoz bokou zabitan Praslin i depan lo lendistri touris pou zot viv e pou sonny zot fanmir.  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mon ti a voudre enform sa Lasanble ki demars in konmanse pou ki en letid carrying capacity i ganny fer lo Mahe, Praslin ek La Digue pou war si sa moratorium i anfors an se moman, e i devret  ganny mentenir oubyen ganny revwar.

Se selman swivan rekomandasyon sa letid ki i  ekspekte konmanse la an Oktob, e termin boner lannen prosen, ki en desizyon i kapab ganny pran.  Sa letid pou konsider pou bann fakter ki kapab afekte dirabilite sa sekter tel ki lenpak ekonomik sosyal e lanvironnman e i ava permet Gouvernman pran en desizyon pli enformen.

Mr Speaker i enportan pou fer resorti ki moratorium pa aplike pou bann pti lotel ki annan ziska 25 lasanm lo Mahe, Praslin sa i vedir ki en dimoun ki anvi bato en pti lotel lo Mahe ek Praslin pa ganny afekte atraver sa moratwar.  Pou bann ki anvi batir en lotel ki annan plis ki 25 lasanm, la zot pou bezwen war avek Departman Tourizm si i annan bann lasanm pou redistribye.  Parey zot konnen depi ki moratwar ti vin anfors Gouvernman in met an plas en nouvo sistenm kot i repran bann lasanm avek bann devloper, ki pa pe montre lentere pou devlop zot proze.

Sa bann lasanm i ganny redistribye avek bann nouvo lenvestiser ki enterese.  Sa bann lasanm i form par dan kont bann lasanm ki ti fini aprouve e avan moratwar me ki pa’n malerezman pa’n ganny enplimante.

An total i annan 466 lasanm ki’n ganny redistribye avek bann lenvestiser lo Praslin.  Si zot tou zot fer sa ki zot in dir zot pou fer avek sa kont, 187 lasanm Beachcomber lo Praslin, nou espekte pou annan total 653 lasanm dan kategori gran lotel pou vin an plas dan sa bann prosen lannen ki vini.  Mersi Mr Speaker.

 

MR DEPUTY SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Minis rezon det kestyon se pou get Praslin lo en pli gro lanpler.  Akoz ozordi si nou pou get aktivite ekonomik ki annan lo Praslin, si napa keksoz ki ganny fer lo sa moratorium i pou afekte zabitan sa zil en kantite akoz ozordi bann zenn ki vin lekol Mahe tre pe ki tourn Praslin zisteman, akoz napa bann job ki atrakte zot e apre lo kot i konsern aktivite ekonomik si nou fer en tour lorizon nou gete be ki bann biznes Praslin ki pou kapab soutenir zil zabitan for the next 20years, nou pou war poudir i annan tre pe ki nou kapab vreman rely lo la pou sa.  Alors ler ou dir poudir i annan en legzersis pe ganny fer pou revwar mon ti a demann ou eski sa ratio pou 5Star osi i pou ganny revwar ladan?

Akoz ozordi i 8 to 1 e nou krwar ki sa i devret at least 4 to 8 akoz si non parey ou pe dir zis Seselwa i kapab zer bann pti lotel 25 lasanm e sa mazorite fwa i bann fanmir.  So i napa bokou lespas pou bann dimoun vini bann lezot school leavers antre.  Se sa ki mon pe demande sa moratorium i devret ganny revwar e sa ratio i devret ganny revwar li osi, pou sa bann dimoun kapab antre dan sa lendistri.  Alors kestyon zis pou reitorate eski dan sa legzersis revwar sa ratio 8 to 1 pou ganny revwar?

E 2 – e ou’n dir nou 6 lasanm e Beachcomber konbyen letan nou espekte Beachcomber i vin an loperasyon?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker sa bann sa 9 lotel avek ki oubyen sa lenvestiser.  Akoz i annan 9 lenvestiser laplipar i bann envestiser Praslinois menm ki’n apply pou ganny ki zot in apply pou zot fer bann nouvo lotel, ouswa fer expand zot lotel ki deza egziste ki’n fer aplikasyon avek Minister.  E an tou parey mon dir i annan 146 lasanm.  Akoz 146 pou mon i en kantite lasanm si tousala i ganny built e sa i pa vin menm avek moratorium an plas nou kapab servi akoz deza ti annan apepre 3mil lasanm ki ti deza aprouve.  Alor Gouvernman olye reouver ki in pran in pran bann lasanm avek bann lotel avek bann envestiser ki ti donn nou en serten komitman konmkwa zot pou al fer nouvo lotel e apre i pa’n fer.

Alor i dan nou lentere pou servi sa bann proze ki ti deza sa bann lasanm ki ti’n donnen a bann proze ki swadizan i ti pou ganny fer apre i pan ganny fer, e redistribir zot e ozordi ler nou gete i annan  466 lasanm ki’n fini aprouve pou Praslin.

Alor e laplipar bann lotel i pa bann lotel 5 Zetwal.  Tousala i dan 4 e 3 Zetwal sa bann lotel e si zot tou zot ganny built definitivman sa ratio ki ou pe koz lo la 8 lo 1 i pou totalman sanze. I  pou ranverse.  E lo lot kote parey ou’n dir sa bann ki pe built  ziska 25 lasanm zot pa ganny afekte par sa moratwar.  Alor  mwan  personnelman ler mon krwar poudir ler mon get bann figures ki nou annan, mon krwar i annan en kantite lespas pou batir lo Praslin, baze lo kantite lasanm ki’n ganny aprouve.

Konsernan Beachcomber atraver sa moratwar, nou’n kapab met presyon lo Beachcomber e zot in come back sa lannen avek en proze ki zot in fini konsep, la zot pe fer bann detail bann desen detaye ki ekspekte disi boner lannen prosen zot ava submit e ki zot a pas atraver Planning pou kapab devlop sa sit ki zot annan laba Cote D’Or.  Mersi Mr Speaker.

 

MR DEPUTY SPEAKER

Mersi Minis.  Onorab Gill vitman klarifikasyon.

 

HON CHURCHILL GILL

Minis i annan en keksoz fodre nou pran kontM menm si ou dir mon i annan sa kantite lasanm ki pe vini akoz ler ou’n donn repons ou’n dir zot pa 5 Zetwal me nou bezwen prezan get economies of scales akoz si zot pa 5 Zetwal savedir sa bann dimoun ki pe vini zot kategorik zot pe peye i pou bokou pli ba.

So a lafen dizour i pa vreman kantite lasanm ki pe ganny fer, i sa segment ki pe ganny touse, ki sa dan li menm se sa ki mon pe dir dan li menm sa lo lonterm pa pou benefisye dimoun Praslin parey ki nou ti a kontan.  Akoz sa segment ki nou pe koz lo la.  Si ou dir mon poudir i annan detrwa 5 Zetwal alors mon ti a konnen poudir i annan bann pri pli eleve e bokou plis dimoun ti a kapab fer tranzaksyon ek sa bann lotel, pou en pri en pe pli bon ki ekonomikman ti ava pli bon pou zil.

Alors sa osi fodre nou pran kont sa segment ki nou pe dir i annan kantite lasanm.  Apre sa bann proze dan konbyen letan ki nou pe gete menm si ou dir nou sa kantite lasanm be dan 2an ki nou pou war sa dan 3an dan 4an?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Konsernan demann ouswa bann proze ki’n ganny submit, lenformasyon ki nou pe gannyen ozordi se ki i annan en kantite demann pou 4 zetwal avek Upper three  – 3 Star lotel dan Sesel.  5 Zetwal i paret poudir pou le moman demann i pa sitan o, parey i ti été dan lepase.  I paret poudir nou annan ase lotel 5 Zetwal.  Akoz ler ou asize ou diskit avek bann operater – bann gran operater partou deor aletranze ki vann Sesel, zot dir ou poudir demann sorti kot bann viziter ki anvi vizit Sesel, i bokou plis pou fer avek sa segment 4 Zetwal e 5 Zetwal upper 3 Zetwal.  Se la ki vreman i annan en gran demann pou lotel.

E definitivman mon espekte ki sa bann dimoun ki p pe propoz bann proze, zot osi zot bezwen fer bann resers zot in bezwen fer zot analysis e definitivman zot pe viz baze lo sa demann ki egziste e non pa zot pe al dan en segment ki kekfwa i pa tro kler si zot pou kapab ranpli zot lotel apre, akoz konpetisyon i deza prezan.  Akoz Praslin la nou konnen i annan 2 gran  lotel 5 Zetwal deza e Mahe i annan ase – dan bann lezot zil osi i annan.

Alor sa i rezon prensipal akoz sa i pe ganny fer.  Nou osi nou senpleman pas lenformasyon avek bann devloper.  A lafen desizyon kalite lotel ki pou ganny fer i pou depan lo sa devloper.   Mersi Mr Speaker.

 

MR DEPUTY SPEAKER

Mersi Minis.  Onorab Wilbert Herminie.  Si mon ti kapab demann bann Manm pou et ase bref lo zot kestyon e Minis osi pou et ase spesifik e reponn osi bref ki ou kapab dan lentere letan.  Onorab Herminie.

 

HON WILBERT HERMINIE

Mersi Mr Speaker.  Minis zis en kontinyasyon lo kestyon ki Onorab Gill in demande ou’n dir koumsa i annan 466 lasanm ki pe ganny redistribye, eski ki metod ki zot in servi pou redistribye sa bann lasanm?   E lekel sa bann envestiser ki’n ganny sa bann lasanm?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker si i le akoz lalis i ase long apepre 25 mon krwar diferan lotel si mon rappel byen mon kapab donn ou lalis ki ti dan sa lalis bann non.  Now pou Praslin li menm i annan 9 lotel, be selman si nou pran Sesel antye i vreman bokou plis.  Alor nou a kapab donn ou sa lalis bann lotel ki sa –

Wi epi sa 466 prosedir i senp, tou bann envestiser aprezan ki vin fer zot aplikasyon pou al devlop en lotel, ki vin kot Minister, nou donn zot 1an pou fer bann neseser pou met bann konsep, bann travay ki bezwen ganny fer devan.  Alor si apre 1an nou pa war nanryen, kanmenm nou kree nou pa war poudir i annan en lentere ouswa nou pa war okenn devlopman, then otomatikman i parey en pipeline ou war nou retir sa bann lasanm nou redonn en dimoun ki’n pare avek son konsep ek son plan, pou li kontinyen e ou ava al o konmansman ler ou pare ou ava vini.

Alors sistenm i kler akoz ki nou pe rode nou pe rod en lenvestiser ki committed ki anvi vreman fer devlopman Sesel.  Akoz dan lepase nou ganny en kantite dimoun ki’n vin akont nou zistwar apre ler nou regarde nou komit sepa konbyen lasanm apre proze pa ganny fer.  Mersi Mr Speaker.

 

MR DEPUTY SPEAKER

Mersi.  Onorab Herminie.

 

HON WILBERT HERMINIE

Mersi Mr Speaker.  Minis pa’n tro tous en pe mon kestyon li akoz kestyon ki mon ti pe demande se ki prosedir sa bann lasanm i ganny redistribye?  Akoz ler ou dir koumsa i ganny met dan pipeline si mon proze in pare.  Dan lespri fairness si i annan 10 dimoun ki mannyer sa bann lasanm i ganny distribye ant sa 10 konpannyen ki la?  Akoz nou bezwen konn en pe bann prosedir kler pou bann dimoun ki pe ekoute.  Mersi.

 

MR DEPUTY SPEAKER

Mersi Onorab Herminie.  Mon mazinen i pe demande si i first come, first serve ou annan tan lasanm  zis ou join en queue eski i osi senp ki sa?  Minis.

 

MINISTER DIDIER DOGLEY

Egzakteman Mr Speaker i first come, first serve depandan kantite lasanm ki annan i ganny distribye baze lo si i annan sa bann lasanm epi ou ganny 1an pou ou anmenn en konsep, epi montre poudir ou annan finansman banking finansyel pou ou fer ou proze.  E si ou pa kapab la ou retourn dan pipeline.  Mersi.

 

MR SPEAKER

Mersi Minis.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon kestyon i ase senp, Minis in dir ki a serten moman bann lasanm ki pa pe ganny devlope i ganny redistribye, mon ti ava kontan konnen apre konbyen letan ki i ganny redistribye?  E ki lobligasyon i annan lo sa propriyeter ki eski i annan obligasyon lo li pou li re devlope?

Oubyen si Gouvernman i repran sa alokasyon lasanm zis i kit sa rin la, e i pa fer nanryen.   Konmsi ki swivi i annan, oubyen ki balans i annan ant redistribisyon e enforcement pou fer sir ki nou lanvironnman i ganny reabilite?   Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mersi Onorab.  Mon krwar i annan de parti sa group i annan bann envestiser ki vini ki annan en bout later or ki pe rod en morso later pou li devlop en proze.  E i vini avek en konsep i vini i dir Gouvernman i anvi build en lotel e nou dir li i ok i bezwen 150 lasanm ou donn li 150 lasanm, pou komit 150 lasanm i ale, e apre 1an ou pa war nanryen.  Ou ekrir li ou demann li be ki pe arive i pa kapab dir ou, ou ekrir li i dir ou isi laba sepa kwa.

Me avek sa moratwar definitivman nou donn ou 1an pou ou al fer tou ou bann demars, e montre nou poudir i annan en komitman e i annan resours pou ou fer sa proze pou ou al fer.  Now si apre 1an nou ekrir ou, ou pa kapab dir nou kot ou été, then otomatikman nou repran sa bann lasanm e si i annan nouvo dimoun ki’n antre dan sistenm nou ki anvi al fer li e zot pare pou montre nou poudir zot annan finansman then i ganny allocate. 

        Now pou bann site ki deza egziste, ki ti deza annan lotel e ki napa devlopman lo la, la definitivman enn menm sistenm kot nou ekrir zot nou demann zot kan ki zot pou fer devlopman eksetera, e si nou pa war okenn komitman pou le moman nou napa okenn zouti legal pou fer zot devlop sa landrwa.  Me selman nou fer en travay akoz sa i pou 2enm letap ki nou pe soz, kot nou pou nou deza idantifye tou sa bann site ki annan lotel kot nepli operate i annan en lalis ki nou fini travay lo la.  Prezan nou pou regarde ki bann mekanizm ki nou kapab servi pou pous zot, dan en fason sa site i ganny re devlope.

Akoz a lafen sifo rod nouvo site i pli bon ki nou re devlop bann site ki ti deza devlope.  An menm tan nou konsyan poudir i annan kekfwa ki napa lans ki pa neseserman ki  ti the best site e ki sa nou bezwen pran konsiderasyon.  Mersi Mr Speaker.

 

MR DEPUTY SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Speaker.  Minis eski ou kapab dir avek sa Lasanble anvi ki Praslinois, son core biznes i touristik e ou’n fer resorti poudir i annan en letid carrying capacity ki ou pe fer.  E parey nou pe war i annan en diminyasyon lo kantite lasanm, eski ou Minister pe konsider sa letid ase – en pti pe irzan mon kapab dir, pour  ki Praslinois i ava ganny en sans war petet dan 5an, 10an ki potansyel maksimonm kantite lasanm ki sa zil i kapab tolere, baze lo kantite touris ki arive lo sa zil?  E dezyenmman ki a fer ki Praslinois menm zot kapab planifye?  Akoz bokou envestiser Seselwa ki pe antre me ki Praslinois menm nou pe dir donn Seselwa priyorite kot bann Praslinois zot ava konnen egzakteman mon konnen pou annan Land Use Plan zot ava konnen egzakteman ki lasanm petet ankor the next 10, … years ki zot kapab vin envestir lo zot zil laba.  Mersi.

 

MR DEPUTY SPEAKER

Mersi Onorab Aglae.  Minis.

 

MINISTER DIDIER DOGLEY

Mersi Mr Speaker.  Mr Speaker kekfwa mon pa’n fer mon lekor osi kler.  Bann Praslinois pa bezwen espere ziska ler moratwar i ganny tire.  La konmela si zot annan proze, zot krwar zot pare ek zot bann resours, zot kapab vin kot Minister si zot annan en lotel ki par lao 25 lasanm ki tonm anba moratwar, parey sa 9 lezot devloper ki laplipar i sorti Praslin, i Praslinois zot kapab anmenn zot proze e nou le moman ki annan bann lasanm, akoz i annan en sistenm ki rotate toultan toulezan i annan bann ki annan soz.

Alor definitivman nou annan en pool lasanm e si i annan definitivman nou pou allocate ek zot. Nou  pou donn zot e nou a donn zot 1an pou sa.  Zot pa bezwen esper ler moratwar i ganny tire.

Prezan konsernan moratwar li menm i avek Tender Board tou bann prosesis in ganny fer i annan dimoun ki’n tender pou travay lo la e fer bann rekomandasyon e pou le moman ek Tender Board.  Le moman ki Tender Board i donn zot rekomandasyon, nou ava allocate sa travay pou ganny fer sanmenm sa lannen savedir boner lannen prosen nou espekte sa moratwar i ganny revwar.  Mersi Mr Speaker.

 

MR DEPUTY SPEAKER

Mersi Minis.  Onorab Aglae.

 

HON EGBERT AGLAE

Wi Minis.  Mon konpran ou tre byen eski ou Minister alors, parey mon ti pe dir Praslin i en pti zil li ok lo kantite nonm lasanm ki sa zil li menm pou fer ki nou annan en devlopman soutenab lo sa zil, eski petet ankor dan 10an nou pou kontinyen parey ou pe dir bann pti ki vini pou grandi, be eski mon kapab dir sepa non pou bezwen 6000 i en maksimonm mon pe donn en legzanp kantite ki zil i kapab cope avek, eski zot annan sa sif ki zot pe travay lo la?  Mersi.

 

MR DEPUTY SPEAKER

Mersi.  Ou pe rod en lendikasyon.  Minis.

 

MINISTER DIDIER DOGLEY

Mersi Mr Speaker.  Se egzakteman pou sa rezon pou rezon prensipal pou fer carrying capacity.  Akoz en carrying capacity i pou dir ou egzakteman kantite kliyan ouswa kantite touris ki ou kapab pran lo en zil at any given time, ki ekonomikman i pou fer sans e ki osi lo kestyon dirabilite i pou fer sans.

Alor sa letid li i primordyal akoz li i pou dir ou si sa 600 si nou aprouve deza i tro bokou, ouswa si nou pou bezwen si nou kapab al ankor mon pa konnen ziska 2000 mon pa konnen whatever it is sanmenm sa rezon prensipal akfer nou pe fer sa carrying capacity study.  Mersi Mr Speaker.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Mr Speaker kestyon orizinal pe demande pou Minister negosye ek Gouvernman pou tir sa moratorium dan son larepons Minis pan Praslin Business Association mansyonn noud itou pozisyon ouswa SHTA ki zot bann dimoun ki dwatet annan lenformasyon ase statistik ki kapab enfliyans pozisyon Gouvernman.  So mon anvi konnen ki sa de antite si zot in annan en konversasyon lo sa size avek Gouvernman?  Premyerman.

2enm dan larepons Minis si mon konpran byen par egzanp ler en envestiser in vini e i tarde fer son proze, ozordi nou napa en rekour legal pou obliz li.  Kekfwa mon si mon konpran byen ou’n dir sa.  Akoz mon pe mazin  par egzanp la  Long Island, depi 2005 konstriksyon ki ti konmanse i ti sipoze fini an 2009 e la nou pe koze in fini fer 14an.  Nothing!  Ki arive ki rekour Gouvernman i annan?  Mersi.

 

MR DEPUTY SPEAKER

Mersi Onorab Henrie.  Minis.

 

MINISTER DIDIER DOGLEY

Mersi Mr Speaker.  Mr Speaker nou annan diskisyon avek SHTA avek Praslin Business Association konsernan moratorium e definitivman SHTA – I mean i annan serten diferans dan zot fason panse.  SHTA i plis pou en devlopman dirab lo zil ki fer sans, e ki an zeneral zot napa – mon pa okouran poudir zot annan en problenm avek moratorium pou le moman ki mannyer i été.

Lo kote Praslin Business Association zot a plizyer repriz mon konnen poudir zot Leader in toultan dir nou fodre zot tir moratorium – retir li net.  Me selman ler ou regarde mon krwar sa ki nou bezwen fer se ki nou bezwen pas atraver en prosesis akoz keksoz i bezwen ganny fer dan en fason kot nou swiv bann prosedir nou fer li byen e a lafen desizyon nou ganny pran nou tou nou satisfe avek son rezilta.

Alor se sanmenm sa rezon akoz ki nou pe revwar sa moratwar.  Epi osi sa moratwar ti pou 5an savedir 2015 a 2020, e nou konmans prosedir sa lannen, ki dan en fason ki ler 2020 i arive, nou pou pare pou nou pran en desizyon pou revwar li.  Sa ki mon kapab dir ou konsernan pozisyon sa de lorganizasyon.

Redevlopman bann sit sa i aplik pou diferan staz, akoz i annan bann parey ou dir ki’n fini konmans konstrir apre ki pan fini konstrir.  I annan bann ki’n fini fer plan detaye, i annan bann ki’n fer konsep, i annan bann ki’n fer EIA apre nanryen pa arive.  I annan diferan kalite kategori kalite staz devlopman zot proze.  Me selman pou le moman Lalwa pa permet nou vreman pou antre poudir zot konman Minister Tourizm, mon pe koz pou Minister Tourizm, anba Planning i annan bann lezot Lalwa.  Definitivman si ou en eyesore dan en landrwa ouswa i annan en physical devlopman ki danzere, Planning i kapab antre.  Par egzanp ti annan sa devlopman North East Point ki Planning ti antre ti pran ti fer kase.

Be nou anba konman Minister Tourizm, nou napa Lalwa pou nou kapab pran sa dimoun pou fini son louvraz.  Nou kapab pran kontak ek li e enplor li pou silvouple fini ou proze, be selman si i dir ou i napa larzan i pe sey vann, i pa ankor ganny en buyer eksetera, nou napa bann zouti legal pou fer li fer li.  Mersi Mr Speaker.

 

MR DEPUTY SPEAKER

Mersi Minis.  Onorab Gill.

 

HON CHURCHILL GILL

Dernyen pwen presizyon pou Minis.  Minis pou ou lenformasyon, ozordi Praslin dan sa kantite touris ki vin Sesel nou pe ganny nou zis 17poursan, apre parey ou’n dir moratorium i depi 2015 e prezan sa dan li menm li, li menm ki’n koz sa problenm akoz depi ler sa in vini tou dimoun in met en stop avek tou keksoz.  La prezan ki nou dir nou pe redistribye sa bann lasanm.

E apre en keksoz ki aparan poudir sa moratorium vreman i en problenm, zis ou get sa statistik kantite day trippers ki al Praslin toulezour.  Sa i pou montre ou poudir sa bann dimoun zot ti annan lentere, si ti annan lasanm Praslin pou zot al Praslin.  E dimoun ki pe fer sa bann aktivite ekonomik Praslin ti a benefisye.  So sa rezon konkret akoz in afekte nou e nou ti a sizere ki sa letid ki pe fer parey ou’n rightly said, nou bezwen fer li apre konplet li the sooner ki nou ti kapab fer sa, mon krwar i ti a pli bon.

Dan plas nou pou esper sa 2020, annefe mon pa konnen ki mwan 2020 ki sa moratorium sipoze expire, so petet si pou lafen 2020 ti a bon nou fer en legzersis, en mannyer dan milye 2020 nou a kapab relans sa bann lasanm.  Mersi.

 

MR DEPUTY SPEAKER

Mersi Minis.  Bon Minis mersi Onorab Minis in mon asire in pran not sa ki ou’n dir.  Prosen kestyon Onorab Gill Churchill Gill.

 

HON CHURCHILL GILL

Mersi Mr Speaker.  Eski Minis i kapab dir avek Lasanble ki son Minister i anvizaze fer, avek bann lotel ki’n ganny aste par bann etranze – envestiser etranze lo bann prime land me ki pa pe ganny re devlope zot dan en leta ki pe atrakte bokou konplent negativ lo Trip Advisor ki pa byen pou Sesel?  Mersi.

 

MR DEPUTY SPEAKER

Mersi mon mazinen i pou en pti pe dan laliny dernyen kestyon me mon a les Minis reponn.  Diferan Minis.

 

MINISTER DIDIER DOGLEY

Mersi Mr Speaker.  Departman Tourizm an kolaborasyon avek Board Lenvestisman Sesel, in kontinyelman angaz li a tou repriz avek bann envestiser etranze ki anvizaze fer devlopman touris  isi Sesel pou ki i annan bann vye lotel isi.  Departman dan sa bann ka koumsa i plizoumwen, pou ankouraz sa bann envestiser pou

(1);- respekte bann standar ki’n ganny etabli,

(2);-  re devlop sa bann propriyete o pli vit posib parkont vi ki sa bann propriyete i prive lo nivo Departman Tourizm nou pa kapab fors zot pou antreprann zot bann devlopman pou redevlopman, me sa ki nou fer sir se ki zot lotel i respekte bann minimonm standar ki etabli li nasyonalman.

Le moman ki nou ganny lenformasyon ki annan bann problenm, nou fer sir ki nou anvoy bann lenspekter e ki sa bann problenm i ganny adrese o pli vit posib.  Avek sa nouvo Lalwa Tourism Development Act Minister pou annan bokou plis zouti pou adres sa problenm avek bann mezir legal.

Atraver sa progranm klasifikasyon pou bann lotel, nou pou osi dan en pli bon pozisyon pou adres sa problenm. Akoz atraver klasifikasyon bann kliyan pou deza konnen ki kalite lotel zot pou vin ladan avan menm zot fer rezervasyon.  Si en lotel ki pa alaoter son klas lotel i pou deza dir sa kliyan ki i annan deza plizyer mankman avek sa lotel.

Nou pe osi servi sa moratwar konman en zouti pou osi met presyon lo bann ki pa pe devlop sa bann propriyete, me ki’n ganny permisyon pou zot fer li.  Mersi Mr Speaker.

 

MR DEPUTY SPEAKER

Mersi Minis.  Onorab.

 

HON CHURCHILL GILL

Mersi Mr Speaker.  Minis mon konpran ou larepons me selman nou bezwen konpran poudir sa bann letablisman i Sesel e nou ki bezwen defann nou lentere nou lendistri.  Alors si ozordi nou pa kapab fors zot parey nou dir akoz zot prive, mon krwar nou pou bezwen rod en fason kot nou bezwen fer zot konnen.  Parey ou dir mon zot annan standar me eski nou satisfe ek sa bann standar ki sa bann dimoun i annan ozordi?

Si non nou devret annan en fason donn zot en serten dele letan pou nou war en keksoz.  Mon krwar sa fason ki nou devret apros sa dan plas nou dir poudir zot prive, alors si zot deside zot a fer si zot pa deside nou bezwen viv avek sa.  So mon ti a kontan ganny ou pwennvi lo la si petet nou pa devret annan en keksoz ki pli for ki nou kapab apply pou nou war en rezilta?  Mersi.

 

MR DEPUTY SPEAKER

Mersi Onorab.  Minis.  Eski ou annan en zouti pli for?

 

MINISTER DIDIER DOGLEY

Mon krwar sa bann minimonm standar i deza lakle.  Akoz minimonm standar ou bezwen zwenn ou lotel an prensip i bezwen dan en kondisyon ki akseptab pou ou kapab pran touris ;- savedir ou lasanm ou lakwizin ou restoran ou bann bar i bezwen meet bann minimonm standar ki nou etabli isi Sesel.

E sa bann standar an zeneral pou hygeine eksetera, i ase o pou zot fer, e si ou pa zwenn definitivman nou pou donn ou en minimonm peryod letan between 24erdtan a detrwa semenn pou ou fer sir ou’n fini aranz sa, si non Licensing avek Lasante e lezot zot pou antre pou pran aksyon avek ou.

Now ler nou pe koz serten sa bann lotel, i pa neseserman ki i pa pe zwenn ou minimonm standar.  Son lotel in penn ler ou vini i prop pou ou bezwen bann minimonm hygeine eksetera, eksetera, me selman mon konpran poudir i annan bann lotel ki vye isi Sesel.  In fatige.  E normalman i ti pou annan pli bon reveni avek en lotel parey, si ou kraze e ou refer en lot nef, ouswa ou ranplas li ou fer bann renovasyon ki fer sans.  Be pou nou kapab fer sa si en dimoun si ou ale kanmenm ou  koz ek li e mon konnen poudir i annan serten lotel ki dan sa bann kondisyon, ki Minis Touris in koz ek zot a plizyer repriz lo sa size, me ki zot lakonpannyen pa vreman enterese pou envestir dan an plis ki neseser, ki zot meet minimonm standar pou zot envestir e re devlop sa propriyete se sa ki nou problenm.

E ki nou pou bezwen rod lezot fason pou gete ki mannyer ki nou kapab soz akoz menm nou ofer zot pou vann sa si zot war zot napa larzan then vann li ek en lot dimoun ki annan larzan i ava envestir.  Mersi Mr Speaker.

 

MR DEPUTY SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Minis sa kestyon i adres en size ki dan lepase mon adrese, menm i annan en pe letan, ki mon ti anmenn en size atraver korespondans avek Minis Adam sa letan mon mazinen Madanm Lafortune i okouran, kot i konsern sa bann ex lotel.  Menm annefe lotel ki pe vin in mind la se Maison Des Palmes.

Onorab Gill in koz lo bann envestiser etranze me osi i annan bann envestiser lokal osi ki’n aste bann lotel apre ki i war sa bann lotel i an rin, ouswa i vin dan bann kondisyon enpitwayab, ki ozordi i pe atrakte konplent non selman avek Trip Advisor me i pe atrakte konplent osi avek manm piblik ouswa bann lezot letablisman touristik ki otour sa lotel.

Par egzanp mon servi sa legzanp Maison Des Palmes si mon pa tronpe Mr Ramu ki’n aste sa ex Maison Des Palmes e kot ou war kondisyon leta sa landrwa.  Annefe in fer nespes barikad tol en nespes miray tol ki en eyesore e la resaman la in penn sa tol antye an rouz, ki al kont Lalwa ki deza egziste.  Sa propriyete i dan en leta mon kapab dir en nespes kosonnyen koumsa menm.  I enfeste avek lera.  Mr Speaker i deplorab e i annan restoran obor – i annan laboutik obor – i annan kafe obor e i annan en lot lotel obor Dhevatara kot kliyan dan lasanm anler i pe get anba lo en compound avek en bann building – parey mon dir dan bann kondisyon deplorab ki vreman, vreman vilenn pou nou lendistri tourizm.  Alor mon kestyon Mr Speaker pou Minis e par lefe ki li i pe dir li i pa kapab fer nanryen, me ou bezwen pran kont poudir i annan bann lezot antite Gouvernman ki kapab deal avek sa sityasyon.  Eski i annan sa I don’t know sa sinergy sa kordinasyon ant ou Minister avek bann lezot Lazans, I don’t know Public Health ouswa Lanvironnman – Sanniter pou zot get dan sa sityasyon dan sa bann lotel, dan sa bann kondisyon.  Akoz en keksoz i bezwen ganny fer, sirtou sa ki konsern sa lotel Maison Des Palmes Minis, mon challenge ou pou al gete la, la sa tol antye in penn rouz anndan i vreman sal, lera aswar ou pase dan transpor ou war lera pe koup semen.  Lot kote i annan restoran ;- en lot bor i annan kafe. Konmsi Mr Speaker nou bezwen fer something pou deal avek sa e mon pe challenge Minis pou li fer en keksoz regardan sa lotel.  Mersi Mr Speaker.

 

MR DEPUTY SPEAKER

Mersi Onorab Woodcock.  Minis ki ou kapab fer pou degaz sa lasasen kot Maison Des Palmes ki pe koz en problenm pou bann lotel?

 

MINISTER DIDIER DOGLEY

Mersi Mr Speaker.  Mr Speaker konsernan Maison Des Palmes mon rapel ler mon ti dan Minister Lanvironnman a plizyer repriz nou biro lo Praslin ti pran aksyon avek Maison Des Palmes, pou zot bann sistenm pou zot problenm sanitasyon lapropte delo sal, eksetera.

I deza annan bann Minister – parey mon pe dir ou  mwan mon konnen poudir Minister Lanvironnman ti pe kit en lizye tre pros anler lo sa sit spesifik ki ou pe koz lo la.  E sa osi i aplik pou bann lezot landrwa.  Akoz i annan bann tim bann environmental police ki pase e bann zofisye Lanvironnman e menm sanniter ki pase ki monitor sa bann kalite sit.  E si i annan okenn keksoz ki ou okouran parey ou’n fer monte dan Lasanble, mon krwar zis donn en call Shirley mon krwar laba Praslin, e mon asir ou i pou pran le neseser bann ka neseser avek sa bann ka.

E mwan osi mon ava pran mon responsabilite pou mon enform zot poudir be zet en koudey lo sa bann site spesifik.  Be an menm tan Minister osi pe travay avek SIB Seychelles Investment Bureau pou war ki mannyer ki nou kapab travay ansanm, pou kre sa sinerzi.  Annefe dan lepase ti annan menm diskisyon avek Planning Authority ki mannyer sa 3 lorganizasyon i kapab travay ansanm pou tackle sanmenm sa problenm lo sa bann diferan sites.

 

E sa travay pe kontinyen e mon konpran tre byento zot pou lo Praslin pou al war egzakteman avek bann dimoun ki own sa bann landrwa, bann propriyeter vreman ki mannyer nou pou kapab adres sa bann problenm.  Mersi Mr Speaker.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker sanmenm sa mon krwar ki sa Lalwa Tourism Development Bill la nou ti devret fer li sa obligatwar. Nou’n tro fer li en pti pe – anyway  en lot zafer.  Minis letan nou regard bann devloper Seselwa ki pe devlop bann proze si nou pran par egzanp litoral Beau Vallon antye, sa bann dimoun in depans en kantite, e ou war laplipar bann letablisman i zoli, i konvenab e dimoun i kontan frekante.

Prezan vi ki nou pe met legzizans ek sa bann devloper depi antye la Beau Vallon ziska ou monte North Holme eksetera lotel dan sa bann landrwa, lamazorite i Seselwa.  So kwa ki zot pe fer avek Departman Tourizm poudir si en dimoun in ganny en proze ek SIB in devlop en konsep en lotel, ki kalite lenspeksyon nivo lenspeksyon ki zot fer dan en nivo routin pou asire ki sa bann standar i ganny maintain?  Ki bann penalti ki annan si sa bann standar pa ganny maintain – sirtou par lefe ki nou tourism i baze en kantite baze lo repitasyon, e pou asire ki sa repitasyon sa bann letablisman i ganny maintain?

E ki zot pe fer pou ankouraz bann akter bann parti prenan pou pa pran bann kote ler i annan bann konplent vizavi travay ki Departman Tourism.  Petet mon kestyon i devret mon ava fini la, kwa ki zot asire ki sa bann lenspeksyon i ganny fer dan en fason transparan, pou ki personn pa a dir ki mon pe ganny targete oubyen mon pe ganny sa?

Akoz mon krwar i bezwen annan en zouti ki ou kapab servi.  Mersi Mr Speaker.

 

MR DEPUTY SPEAKER

Mersi Onorab.  Minis.  I pe koz lo bann regilasyon pou fer sir standar i ganny aplike, ki ou kapab dir lo deplis ki annan dan Tourism Development Act?

 

MINISTER DIDIER DOGLEY

Mr Speaker sa ki sa Lalwa pou fer li fer se ki ozordi sa ki nou annan konman Polisi i pou vin Lalwa aprezan.  E le moman ki i vin Lalwa savedir nou annan sa legal zouti, savedir nou annan ledan pou fer li kapab morde.  Se sa lavantaz ki i pou annan.  Sa minimonm standar toulezan i annan bann lenspeksyon routin toulezan ki ganny fer e sa i ganny fer ansanm avek Lasante ek Lanvironnman ek Licensing ki al ansanm konman en tim e zot vizit bann sites.

Si i annan okenn problenm konsernan lizyenn ouswa konsernan maintenance site sa kalite servis ki zot pe ofer, la otomatikman zot ganny donnen en minimonm letan pou zot rezourd sa problenm ;- depandan ki kalite problenm.  I annan problenm  parey mon pe dir i kapab ganny rezourd dan 24erdtan ;- i annan problenm ki kapab ganny rezourd petet dan en semenn.

Alor zot ganny donnen en minimonm letan pou rezourd sa problenm.  Me apre si zot ensiste zot pa oule rezourd, then i annan bann soz ki antre, ziska ler zot kapab perdi zot license.  Zot license i kapab ganny sispann ziska ler in rektifye sa bann problenm la, apre ki zot ganny sa license ankor.  Sa i enn bann mezir pli strik si oule ki nou pran.

Me selman i annan sa routin inspection ki ganny pran e penalti pli soz ki ganny aplike se ki ou ganny ou license a lafen dizour.  Me selman i pa nou aim pou pran license en dimoun.  Nou main target se fer ou konsyan ki i annan sa problenm, e donn ou en minimonm letan pou rezourd ou problenm.  Mersi Mr Speaker.

 

MR DEPUTY SPEAKER

Mersi Minis.  Dernyen kestyon lo sa kestyon Onorab Terence Mondon.

 

HON TERENCE MONDON

Mersi Mr Speaker.  Mr Speaker Minis in dir nou mon krwar i kler ki i dir nou pli boner ki zot napa zouti legal pou fors envestiser pou fer en redevlopman.  Me mon kestyon se akoz?  Kwa ki’n anpes zot tou sa letan pou zot anmenn en morso Lalwa devan Lasanble pou adres sa defayans, kwa ki’n anpes zot?

Akoz ler nou get ka Xanadu par egzanp.  I annan plis ki 10an sa lotel in ganny vann e i la i pa’n zanmen ganny re devlope.  10an in pase akoz zot ti konnen ti annan defayans – akoz in pran zot tou sa letan pou zot anmenn en morso Lalwa pou zot adres sa problenm?  Mersi Mr Speaker.

 

MR DEPUTY SPEAKER

Mersi Onorab Mondon.  Minis.  Akoz i pran letan pou anmenn en Lalwa.

 

MINISTER DIDIER DOGLEY

Mr Speaker i annan bann Lalwa parey Lalwa Planning, Lanvironnman Lasante ki kapab deal avek sa bann problenm.  Kote Tourism normalman ler en dimoun in fer en gran lenvestiser parey nou koze oparavan Xanadu nou koz Surf pa Surf me Long Island ler en dimoun in envestir de milyon  e de milyon  de Dolar dan en proze ki’n preski fini, i tre rar ki ou pou ganny en dimoun ki pou les sa landrwa senpleman tonbe, san ki i sey retir son envestisman dan sa proze ki li in met  son larzan ladan.

Alor nou, nou toultan dan Minister Tourizm servi konsiltasyon konman en zouti, pou ganny bann envestiser pou zot fer le neseser.  Akoz a lafen ler ou pou envestir larzan ou pa pou envestir larzan, si  ou ou’n met ou larzan konman Onorab Mondon dan en lotel, ou pa pou les li pouri ou bezwen rod en fason pou ou reganny ou larzan back.

E definitivman servi bann economic soz nou sey fer mannyer ganny sa dimoun pou rezourd.  Be mon krwar la avek bann diferan mezir pe vin an plas ;- par egzanp la i annan sa tax ki pe vin an plas lo bann zafer propriyete dan lefitir, sa i pou ede osi pou fer dimoun bouze akoz nou kapab met en tax bokou pli o lo bann propriyete ki pa pe pey tax, ki pa pe kontribye dan lekonomi ki ava pous sa bann dimoun ki annan bann propriyete ki a lafen zot bezwen devlop sa bann propriyete.  e nou kote tourizm nou a rod lezot mezir pou kapab deal avek.  Mersi Mr Speaker.

 

MR DEPUTY SPEAKER

Mersi Minis.  Bon nou pou al lo kestyon 6 si mon kapab mon ti a propoze ki nou sanz lafason ki nou tret sa bann kestyon ki mon permet zis 2 kestyon lo sak kote senpleman akoz mon ti a kontan fini sa 7 kestyon by 12.15.  Nou annan 7 kestyon nou tard en pe nou pran en demi erdtan pou reponn en kestyon e i tro lontan.

Alor Onorab Egbert Aglae ou annan kestyon No. 6.

 

HON EGBERT AGLAE

Mersi Mr Speaker.  Kestyon i lir konm swivan: eski Minis i kapab dir ek sa Lasanble, ki plan son Minister pou adres konsern vol e move pratik anver bann etablisman touristik e touris an zeneral?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker sak fwa i annan bann krim ki ganny komet kont en  viziter ouswa en viziter i ganny trete dan en fason ki pa apropriye pandan son vakans isi Sesel, i fer ditor nou lendistri touris, ki nou tou nou depan lo la direkteman ou endirekteman. Sa  slogan ‘’‘We are tourism’’ pa enn ki’n ganny fer dan vid me enn ki’n fer klerman reflekte nou depandans otour touris.

Alor i depan lo lentere nou tou pou defann sa lendistri, ki pli gran pliye nou lekonomi.  Dan Departman Tourizm i annan en seksyon ki apel risk management, e zot deza annan bann progranm an plas ki pe ganny enplimante an kolaborasyon avek Departman Lapolis, pou met an plis bann mezir prevansyon kont krim e lezot move pratik anver tourizm.

Premyerman parmi i enkli aktivite sansibilizasyon, ki ganny fer tel ki bann preparasyon gid touris avek Crime Advisory, ki donn lenformasyon an term tips e konsey lo mezir ki touris i devret pran ler zot pe al vizit bann diferan landrwa.   Sa bann gid and advisories i ganny distribye kot tou letablisman touris, e i responsabilite sa bann letablisman pou fer sir ki zot kliyan i ganny akse avek sa lenformasyon.  Digital copy sa menm gid dan Crime Advisories i osi ganny mete lo  nou sit web avek bann Biro Lenformasyon Touris lo Mahe, Praslin ek La Digue.  Dezyenmman sa seksyon i osi antreprann bann vizit avek Departman Lapolis, kot diferan letablisman touristik e responsab sa letablisman i ganny konsey lo mezir ki zot devret pran pou amelyor sekirite lo zot letablisman.

Trwazyenmman ; assessment lo diferan lans baze lo lenformasyon e konplent ki ganny raporte, i osi ganny fer avek bi pou obzerv bann aktivite legal e fer rapor avek rekomandasyon ek Departman Lapolis, pou ogmant patrol avek sirveyans lo serten sa bann lans.  Kot i neseser rekomandasyon i ganny fer pou ki aksyon legal i ganny pran kont sa bann dimoun ki pe fer sa bann kalite aktivite ilegal.

Katriyenmman ;- baze lo lenformasyon sorti kot Departman Lapolis lo konsantrasyon krim dan serten landrwa, sa seksyon i anvoy sekirite alert kot bann letablisman ki trouve dan sa bann landrwa spesifik pou enform e konsey zot pou ogmant sirveyans e mezir sekirite kont sa bann letablisman, kot sa bann letablisman e osi advise zot kliyan pou pran plis mezir.

Miting ant Lapolis e Departman i osi avek bann letablisman touristik i  osi ganny fer dan diferan rezyon.  Miting ek workshop ant Lapolis avek bann lezot Lotorite tel ki SMSA, SNPA  eksetera, i osi ganny organize, pou ki zofisye Lapolis i ganny met azour avek Lalwa sa bann Lotorite.  Sa seksyon  i osi  annan lezot responsabilite, apard ki sekirite tel ki enplimant bann plan dezas ki spesifik pou sekter tourizm ;- fer en swivi avek Lotorite konsernen avek bann plan e aksyon ki zot pou pran lo konplent tapaz ki disturb touris polisyon avek salte, kot serten latraksyon touristik konplent sanitasyon ek lizyenn, kot serten site touristik mank lalimyer dan serten landrwa.

An zeneral nou annan en problenm ase konpreansiv ki an plas.  E  mwan menm mwan konman Minis e menm PS nou zwenn ek bann o zofisye Lapolis ase souvan.  Mersi Mr Speaker.

 

MR DEPUTY SPEAKER

Mersi.  Onorab Aglae.

 

HON EGBERT AGLAE

Minis mersi.  Minis eski statistikman ouswa bann data ki ou annan la, eski ou satisfe poudir i annan en bes ouswa i annan en logmantasyon dan sa bann ka dan krim ouswa vol ki lye ver sa sekter touris?  E dezyenmman Minis kot i konsern enforcement, mon konnen poudir zot travay ase etrwat kolaborasyon avek Lapolis, me selman enn bann konsern Minis se ki, i annan en mank kad legal, pou sa bann zofisye ki travay dan sa domenn parey bann prison police pou zot kapab pran serten aksyon.

Minis mon dir ou sa akoz dan mon rezyon distrik Port Glaud, nou’n etabli nou en komite ki well aware ki nou travay avek bann partners dan lendistri touris, e enn bann konsern se ki bann tourism police officer zot santi poudir zot napa ase bagaz e Lalwa osi ki la ki zour, i demann revwar pou kapab pran aksyon pou bann ki pe komet lofans dan sa domenn touristik.

E alors, eski Minis ou pe mazin travay an etrwat kolaborasyon avek sa bann partners, pou zot revwar sa kad legal pou ki parey nou pe dir i morde e Lalwa i efektiv?  E dernyerman Minis, eski ou satisfe osi vi ki ou’n mansyonnen ki bann lotel zot menm zot pe pran full responsibility pou zot secure zot propriyete, pou ki zot bann kliyan i reste sen e sof?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker konsernan lakantite aktivite kriminel ouswa krim kont touris, an zeneral nou war en base dan lakantite rapor ki nou’n gannyen.  I kler poudir an zeneral in redwir.  Mon krwar pli ale nou annan plis problenm pou fer avek nwizans, parey tapaz lo lans e bann dimoun ki’n vin vann koko avek touris ler pe sey repoze ouswa pe relax lo lans, kot zot disturb avek dimoun ki sey vann zot keksoz.

Sa i en keksoz ki nou diskit avek lapolis, e ozordi mon byen kontan parey Beau Vallon mon konnen ki poudir serten aksyon pe ganny pran pou redwi sa kalite aktivite pou disturb bann viziter ki ler zot lo lans zot pe relax.  Konsernan enforcement mon pa tro sir poudir napa ase Lalwa adekwa an plas.  Mon konnen anba Civil Code pou bann keksoz parey vol tapaz ekse, nwizans eksetera i annan Lalwa an plas ki kapab ganny servi sa bann keksoz.

Mon krwar ki nou bezwen fer, se ki nou bezwen fer se ki nou bezwen annan kekfwa bann avoka ki konpran sa bann Lalwa ase byen, pou eksplik bann zofisye ki enforce sa bann Lalwa pli byen,  ki mannyer dan ki sirkonstans e ki mannyer ki zot aplik sa bann Lalwa.  Akoz menm si par anba Civil Code konsernan tapaz Lanvironnman osi i annan bann serten Lalwa ki kapab ganny servi.

Be  mwan mon krwar avan-ler ki nou dir napa ase, mon krwar nou bezwen asize avek bann ekspert legal der en bon analysis regarde egzakteman ki annan, e si i annan bann gap la nou ava fer le neseser pou nou viz  e adres sa bann gap.

E mon konpran Civil Code pe ganny revwar la konmela, alor la i letan ki nou bezwen fer sir poudir sa bann keksoz i ganny adrese, e ki antre dan Civil Code enn fwa pou tou, dan en fason ki nou adres bann problenm ki nou annan ozordi.  Konsernan partnership nou travay tre pros an partnership parey mon pe dir ou. Regilyerman nou zwenn avek bann zofisye Lapolis ek bann lezot lorganizasyon ki annan pou fer avek enforcement, ouswa ki soz – enkli bann dimoun ki dan biznes, nou toultan an diskisyon avek zot.

Konsernan bann etablisman, wi nou, nou’n fer resorti a plizyer repriz avek bann biznes, poudir premyerman i zot responsabilite pou secure zot bann site e sanmenm sa mon advisory  ki mon ti pe koz lo la dan mon larepons, ladan i donn zot bann detay e menm  ler Lapolis i vizit zot se zot, avek bann zofisye touris, i donn zot ankor konsey ki mannyer  ki zot pou kapab secure zot landrwa plis ankor.  E Lapolis li i vin konman en back up akoz Lapolis i annan en pli gran louvraz pou secure pei antye, e si i annan en keksoz pe arive bor dan en serten landrwa, then Lapolis i vin en back up me selman responsabilite pou secure ou letablisman i toultan reste avek sa propriyeter an premye.  Mersi Mr Speaker.

 

MR DEPUTY SPEAKER

Mersi.  Nou pou al lo 7enm kestyon Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan demande eski Minis pou touris i kapab eksplik sa Lasanble, ki Polisi ki an plas pou asire ki artis lokal i ganny sans zwe dan bann lotel?  E ki bann tax neseser parey witholding tax, i pe ganny peye par lotel ki anmenn etranze pou vin zwe dan zot etablisman?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Apard ki labote natirel nou pei 2enm pli gran latraksyon ki nou servi pou atrakte e donn bann touris en bon leksperyans ler zot vin Sesel, se nou kiltir e nou leritaz.  2 konponan kle nou kiltir ki nou servi se larises nou lakwizin e nou kiltir ek nou ladans.  Alors entertainment dan bann lotel atraver lanmizik ek ladans, i enn parmi bann servis ki en lotel i ofer son kliyan.  E i osi servi li konman en zouti pou li atrakte bann lezot kliyan domestik ou etranze, pou vin depans larzan dan zot letablisman.

Pou le moman Departman Touris pa’n war li neseser pou annan en polisi an ekrir pou fors bann lotel pou ofer bann artis lokal sans pou zwe dan bann lotel.  Rezon prensipal pou sa, i akoz laplipar lotel pe deza ofer sa loportinite avek bann artis lokal.  Dapre survey ki’n ganny fer konmansman lannen dan 18 medium-sized hotel 15 ti pe deza ofer li.  Dan ka bann gran lotel 19 dan 20 i pran bann artis lokal pou zwe.

Lapros ki nou, nou’n pran pou travay direkteman avek bann managers pou ankouraz zot pou ofer plis bann lanmizik e pla otantik Seselwa dan bann etablisman.  Sa i normalman ganny fer dan plan avek bann sware Kreol ki zot organize dan zot letablisman.  Pou nou i enportan ki bann viziter ki vin Sesel, i ganny sa leksperyans otantik Kreol Seselwa ki sa nou kominik avek bann general manager tre souvan,  apre ki mon ti zwenn ansanm avek bann reprezantan bann artis lokal nou ti propoze, pou nou organiz en miting avek tou bann general managers bann gran lotel, pou nou war ki mannyer nou pou kapab travay ansanm pou donn bann artis lokal plis loportinite pou zwe dan bann lotel.

Sa miting in ganny progranmen pou le 29 Oktob.  Konsernan peyman witholding tax, lenformasyon ki  mwan mon annan sorti kot Seychelles Revenue Commission a lafen 2018 en tarif 5poursan pou witholding tax ti ganny entrodwi atraver regilasyon pou fer bann lotel pey bann witholding tax lo bann artis etranze.

Alors sansibilizasyon neseser pe ganny antreprann pou fer sir ki bann lotel i okouran lo sa tax e fer le neseser pou peye.  Nou aprann  ki konman en mezir Komisyon Reveni Sesel, in fer sorti en sirkiler ki tou letablisman pou enform zot lo sa nouvo tarif.  E responsabilite i reste ankor ek bann letablisman pou zot retenir sa 5poursan, avan zot pey sa artis e answit soumet sa biro reveni Komisyon Reveni Sesel.  Mersi Mr Speaker.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Minis.  Minis de pti kestyon konsernan de kategori dan sa lendistri.  Premyerman si en lotel i deside annan en house band meaning vreman en bon pe letan, eski ou pa krwar i devret Polisi Gouvernman pou sey konn sa boner ler en lotel pe ganny konstri, gid zot dan bann zanr bann stil lanmizik ki Seselwa i kapab provide?

Par egzanp si ti annan mon pa konnen H Hotel i annan zot salsa cuban or Latin American band, me Seselwa i kapab fer country and western en jazz, sa bann keksoz koumsa e menm evantyelman kapab fer latino.  So ki rol Minister Tourizm pou sey gid zot ver sa bann prodwir ki Seselwa i kapab ofer, pou ki sa loportinite at the end of the day i vin pou Seselwa e sa larzan i reste Sesel?

Sa i enn.  Dezyenmman Minis apard bann residence band se bann performers piblik i annan osi plizyer  dimoun ki’n  vin Sesel pou bann fonksyon prive.  So reasir nou ki ler en fanmir, oubyen en group dimoun i vin avek performer swa en mazisyen, swa en entertainer ki zot osi zot tonm anba menm kategori e zot tax i ganny peye, e tou bann permi i ganny donnen an fonksyon si  i annan sa bann dimoun isi oubyen napa pou fer toultan pou sey rode ki mannyer nou kapab ankouraz bann loportinite plis pou Seselwa?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  E mersi Onorab pou ou bann kestyon.  konsernan tourism an zeneral son bann chain, akoz nou ti a voudre poudir larzan ki antre atraver touris, i ganny partaze pa zis bann ki annan lotel annan restoran, me osi bann fermye, bann artizan, bann artis, sa larzan si oule i ganny partaze pli widely, pli posib, e bann artis i parmi bann dimoun ki nou krwar i devret pe benefisye atraver bann aktivite touris.

Alor sa i tonm byen dan bann kestyon ki ou pe demande.  Konsernan H Hotel bann lenformasyon ki mwan mon annan ler mon al rode se ki ler sa Traders Vic i sipoze en franchise.  I mean  i pa sipoze – i en franchise li.  E ler ou pran en franchise definitivman i annan bann kondisyon ki ale avek.

E ler zot ti donn permisyon pou annan lanmizik salsa tou le swar dan sa landrwa, lide sete sa group ler i vini i pou osi apard travay dan sa lotel, me osi travay avek Seselwa atraver Lekol Lanmizik – Konservatwar.  E dan en fason ki eventually ti pou annan Seselwa ki ti pou annan sa kapasite, sa teknik, ek sa soz ki apre i kapab takeover  sa soz.  Me malerezman lenformasyon ki mon annan sa pa’n  vreman arive e sa pou le moman mwan  mon’n ganny dir poudir CINEA i responsab plizoumwen pou sa bann kondisyon pou sa bann dimoun ler zot vini, e  mwan mon’n ganny dir poudir CINEA prezan pou fer sir poudir sa i ganny fer, si non zot pa pe meet zot bann kondisyon then CINEA avek Minister Kiltir pou bezwen pran bann zot mezir pou fer sir en keksoz parey i arive.

2enm keksoz se konsernan bann private performers, sa osi i annan bann nouvo prosedir ki’n fini met an plas, bann aplikasyon i pas atraver CINEA e CINEA ki normalman i deal avek.  E sa bann dimoun i annan zot bezwen GOP pou zot vin fer sa bann keksoz isi.  E i annan bann diferan peyman ki bezwen ganny fer par bann dimoun ki fer zot vini, ki fer serten performance isi Sesel.  Mersi Mr Speaker.

 

MR DEPUTY SPEAKER

Mersi Minis.  Onorab Arissol.

 

HON SANDY ARISSOL

Mersi Mr Speaker.  Mr Speaker mon ti a kontan demann Minis an relasyon avek letan in dir poudir Gouvernman napa son Minister, napa en Polisi an sa ki konsern sa ki Onorab Ferrari in demande,  mon ti a kontan demann Minis be akoz ki letan Minister Tourizm i al aletranze pou vann pei zot kontan al avek en lekip bann zenn Seselwa – mon konnen ki i annan Margaret Vel ki en danser profesyonnel, zot anmenn  bann ladans tradisyonnel laba zot fer promosyon nou kiltir, nou ladans nou manze sa ki nou annan, zot vann sa aletranze, prezan ler sa etranze i vin Sesel i espekte war sa menm promosyon ki nou war laba, me ler i antre dan lotel finalman i war en band pe zwe latino anler H Hotel.

Alor mon anvi demann Minis ki bann Minister pe fer?  Par egzanp bann Minister Tourizm ek Minister Kiltir ki zot pe fer pou zot valoriz en pe sa menm promosyon ki zot al fer, ki zot depans en pe larzan pou zot al fer sa bann promosyon aletranze ki zot Minister pe ou Minister avek kiltir, pou zot valoriz en pe nou kreolite, nou manze, nou ladans, pou ki sa touris ki’n war sa, sa etranze ki’n war sa aletranze sa promosyon i espekte letan i vin Sesel i war sa?

Me i pa pe manz menm manze ki’n manze dan son pei ouswa dans menm ladans ki in danse dan son pei e i vin dans sa dan son pei, ki i pe espekte en keksoz nouvo.  Mersi bokou Mr Speaker.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker zis pou – mon pa konnen petet mon pa’n sitan kler ler nou ti fer survey konmansman lannen, nou ti war ki lamazorite, tre pe bann lotel ki kapab ki annan sa kapasite, akoz pa tou lotel ki annan sa kapasite finansyer, sirtou bann ki annan par anba 25 lasanm, zot napa kapasite pou vreman pey en band en group dimoun pou vini pou entertain.

Be bann medium avek bann gran lotel ki annan larzan ki kapab envestir ladan, nou ti war poudir lamazorite zot deza pe fer li.  E pou mwan sa i normal, akoz en dimoun ki sorti Lerop ler i vin Sesel i anvi dekouver Sesel i anvi eksperyans Sesel e pou en lotel pou pa donn sa kliyan sa loportinite pou li dekouver Sesel, i vedir ou pe deny li sa keksoz ki in vin rode isi.  E si i pa pe ganny li kot ou i pa pou al rod li kot ou vwazen ki kekfwa i li pe ofer.

Alors si nou war ler nou regard bann statistik, i en keksoz ki  montre preski tou gran lotel pe fer li.  Savedir bann ki pa pe fer li nou ava rode akoz ki zot pa pe fer li, e nou ava ankouraz zot pou fer li.  E parey mon ‘n dir nou annan sa miting ki nou pe organize le 29 avek bann Lasosyasyon bann Artis, ansanm avek bann general managers, kot nou ava annan sa de group pou zwenn ansanm e nou a ganny sans diskite e war ki mannyer nou kapab amelyor keksoz bokou pli byen.

Akoz ler nou koz ek bann artis ler mon koz ek bann artis, zot annan zot prop konplent ;- zot annan zot prop keksoz ki zot akont ou e ler ou koz ek bann general managers zot dir ou poudir zot enterese, me selman i annan sa, sa, sa.  Mon krwar pli bon keksoz, nou met tou dimoun dan en sel lasal ki dan en fason tou dimoun i konpran egzakteman kwa ki bezwen ganny fer, pou nou kapab bouz devan avek en tel progranm.  Mersi Mr Speaker.

 

MR DEPUTY SPEAKER

Mersi Minis.   E avek sa nou ariv a lafen tou bann kestyon ki ti rezerve pou Minis pou Tourizm.  Mon ti a kontan remersi Minis avek son delegasyon ki enkli Madanm Lafortune, Mr Brutus e Kaptenn Valmont e nou ava eskiz zot parmi nou.

 

(MINISTER  DOGLEY AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

Bon vi ki nou ariv a lafen sa premye seri kestyon, parey mon ti dir nou pou al apartir apre midi lo de Kestyon Irzan  me premye zis mon pou sanz son lord – premye mon ava envit Minis Wallace Cosgrow Minis Lanvironnman, Lenerzi ek Sanzman Klima parske apre sa lot kestyon pou Minis Bastienne e answit pou annan PNQ pou Mr Bastienne e i pou osi annan stetment alor nou a fer en sel Minis Bastienne pou apre midi.

Zis avan nou adjourn zis pou enform bann Manm ABC ki Komite pou zwenn ozordi 1.15 dan Speaker’s Conference Room.  Nou kapab fer 1.30 me selman nou pou napa bokou letan e mon pa oule tard Lasanble pou nou konmanse petet 1.20?  Ok 1.30 me nou pou annan tre pe letan me nou a fer li ase vit 1.30 me i pre nou pou adjourn ziska 2er.

 

 

(BREAK)

 

MR DEPUTY SPEAKER

Bon, bonn apre midi tou bann Manm Onorab.  Mon a donn ankor detrwa minit pou nou kapab ganny en quorum pou nou komanse.  Me antretan, zis pou lenformasyon piblik ki pe swiv Lasanble Nasyonal.

Lo nou Order Paper nou’n fini bann kestyon ki ti pou ganny reponn par Minis pou Tourizm, Lavyasyon Sivil, Por e Lamarin.  E aprezan i reste nou 3 kestyon esansyelman.  2 Kestyon Irzan, premye poze pou Minis Wallace Cosgrow par Onorab Churchill Gill.

Onorab Gill pe demann en bon pe kestyon ozordi.  Answit en lot Kestyon Dirzans, poze pou Minis Charles Bastienne, par Onorab Clifford Andre.  Sa i pou ganny swivi par en PNQ ki pou ganny poze par Onorab Ramkalawan pou Minis Charles Bastienne.

E san tarde nou ava demann parliamentary reporter pou apel Minis Wallace Cosgrow.  Bon mon ti a kontan swet labyenveni parmi nou Minis Wallace Cosgrow, Minis pou Lanvironnman, Lenerzi e Sanzman Klima ki ganny akonpannyen apre midi par 2 zofisye, Mr Flavien Joubert ki CEO Landscape and Waste Management Agency.  E Mr Rahul Mangroo, Deputy CEO Landscape and Waste Management Agency.  San tarde mon a demann Onorab Gill pou le prezant son kestyon.

 

HON CHURCHILL GILL

Mersi Mr Speaker.  Bonn apre midi Minis ek ou delegasyon.  Bonn apre midi tou Manm, tou dimoun a lekout.  Mr Speaker kestyon i lir koumsa;-

Eski Minis pou Lanvironnman ek Sanzman Klima i kapab dir sa Lasanble, akoz ki i annan sitan difikilte ek konplikasyon dan fason ki bann kontra netway semen, lans, bin ek lanmar e larivyer?  Ki mezir ki ou Minister i anvizaze pran, pou fer sa legzersis pli fasil e pli vyab ekonomikman pou bann dimoun ki ganny kontra?

Akoz dapre lenformasyon i annan dimoun ki’n ganny kontra me sa sonm ki’n ganny aksepte pa pou soutenab.  Lekel ki ti travay lo prozeksyon entern, ki Komite Evalyasyon i servi koman baz pou desid sa bann dimoun ki bid i akseptab?

Eski sa ki’n travay lo sa prozeksyon, in pran kont bann kou adisyonnel ki tronp kontrakter pou bezwen peye, dirasyon zot kontra?  Mersi.

 

MR DEPUTY SPEAKER

Mersi Onorab Gill.  Minis.

 

MINISTER WALLACE COSGROW

Mersi Mr Speaker, bonn apre midi Mr Speaker.  Bonn apre midi tou Manm Onorab, bonn apre midi tou Manm piblik ki pe ekoute.  Mr Speaker mon pou pran kestyon Onorab tou ansanm.

Dabor Mr Speaker mon ti a kontan zis pou mwan pli byen konpran, pli byen kapab reponn kestyon sirtou kestyon No.1.  Mon ti a kontan Mr Onorab Gill i fer kler si i a pe refer lo lakantite letan ki in pran pou donn rezilta anba prosedir tender.

Akoz sa kestyon No.1 i pa tro kler pou mwan.  Si pe refer lo lakantite letan silvouple, mersi.

 

MR DEPUTY SPEAKER

Mersi Minis.  Onorab Gill.

 

HON CHURCHILL GILL

Lakantite letan i 1.  Apre nou annan sityasyon kot dimoun ki ti deza lo Kontra, ki apre zot in vwar zot pa pe ganny Kontra.

Apre i annan bann nouvo dimoun ki’n fer laplikasyon Kontra.  E ki mazorite zot, zot in ganny let konmkwa zot pa pe gannyen.  Konmsi nou oule en pe lesplikasyon sa bann kalite keksoz.  Mersi.

 

MR DEPUTY SPEAKER

Mersi Onorab.  Minis.

 

MINISTER WALLACE COSGROW

Mersi.  Mr Speaker parey mon’n deza soulinyen oparavan dan plizyer repons.  Lo sa menm size pandan lannen, en si byen ki an Desanm 2018,  sa tender netwayaz i enn ki zanmen in deza fer parey in ganny fer dan Sesel avek lakantite dimoun ki’n partisipe e kalifye.

Pou ede pli byen konpran konplikasyon sa tender, ki sa tender i vin avek.  Les mon donn zot en pti legzanp.  Premye batch rezilta ti sorti an Zen sa lannen.  E dernyen batch rezilta i sipoze sort avan lafen Oktob sa mwan.

Ki fer ki 4 a 5 mwan zis pou ganny rezilta.  I annan plizyer fakter mon kapab site pou konplikasyon ek difikilte anba sa prosesis;-  tel ki lakantite kontrakter ki’n anrezistre.  An prenon kont limitasyon zofisye Procurement dan sak Minister ek Lazans.

Resours imen kot POU, pou fasilit sa prosesis, in osi koz en pe retar, en pe retar.  Ti annan 5 Komite Evalyasyon endepandan, enn pou Praslin La Digue e 4 pou Mahe ki’n travay lo sa bann rezilta.  E pou arive ganny en quorum i pa’n en keksoz ki’n fasil.

An prenon kont sa Manm i deza dan en lanplwa, oubyen zot dan zot biznes prive.  Ti osi annan serten problenm lozistik ek administrative ki ti unforeseen.  Akoz zanmen Gouvernman ti’n deza parey mon’n dir, fer en tender lo a tel lanpler.

Ti annan lenstans kot kontrakter ti bezwen ganny apele pou pas devan Komite Evalyasyon, pou re aziste, re ateste pardon.  Ki vre ki zot pou kapab fer serten, fer sa travay baze lo zot bann submission.  Tou avek lide pou asire i sa ki ganny sa kontra i aktyelman kapab delivre.

Me in annan zot ki ti tarde pou vin devan avek zot, vin devan.  E sa ti azout lo sa retar.  Ler Komite i fini travay lo zot seri rekomandasyon e prezant devan National Tender Board, i antre dan menm prosedir aprouvasyon ansanm avek lezot proze par lezot Minister ki napa nanryen pou fer avek bann tender netwayaz.

I napa en sitting spesyal zis pou bann tender netwayaz, ki fer ki fodre ki National Tender Board i fer zot fot ki fodre esper National Tender Board fer zot deliberasyon.  I kapab ase vit, oubyen zot demann pou plis leklersisman.  E la rezilta pou ganny anvoye pou prosen sitting.

E sa i kontinyen a sak fwa.  Mr Speaker i enportan eksplike, fer byen konpran sirtou bann kontrakter ki prosedir tender i pa en keksoz ki nou kapab taye, degaze avek.  Akoz okenn fot ki arive pandan sa prosesis i anmenn en ta reperkisyon e menm i kapab afekte lentegrite sa procuring entity.

Dan ka kot en tender pa’n byen swiv prosedir, i annan en lapel sa tender an antye i kapab ganny kennsel.  Mon oule profite Mr Speaker pou remersye bann kontrakter pou zot pasyans e konprenezon pandan sa prosesis, ziska ki finalman pandan Zen, ziska la Oktob, la mazorite rezilta in ganny anonse.  Fodre dir ki sa 4 Minister ki ti pe partisip anba sa tender kordinen i aktyelman dan serten, dan serten ka, pas dan en staz fer rapel.

E sa i en provizyon obligatwar anba Lalwa Procurement.  Sa peryod rapel i kapab ale ziska 50 zour maksimonm.  Pa tou rezilta ki ti ganny anonse an menm tan, ki fer ki sa prosedir rapel i etale lo plizyer semenn.

An repons 2enm seri kestyon Mr Speaker.  Zisteman an se moman Minister Finans anba direktiv POU pe etablir en database avek led DICT.  Sa database pou konekte avek plizyer lezot Minister ek Lazans ki pou fer sa prosedir lanrezistreman screening e cross check detay ek rikord, kontrakter tel ki tax clearance, bokou pli vit dan le fitir.

Fodre note ki taskforce in fer sorti en seri pwen ki pou bann leson ki nou kapab aprann pou amelyor sa second faz tendering ki apel retendering.  Savedir i annan serten ka kot pe ganny retender.

Komite Evalyasyon pou 2enm faz, in fini ganny set up.  E zot pou travay lo sak dokiman tender an mezir ki i annan, ki i antre avek bi fer rezilta pare bokou pli vit safwasi.  E sa mon pe dir baze lo lenformasyon ki mon’n gannyen.  Mon Minister, well LWMA, napa vreman kontrol lo la.

Sa i a nivo POU.  Lo laspe vyabilite ekonomik pou bann dimoun ki’n ganny Kontra.  I enportan konpran ki dan en prosesis tender se kontrakter ki soumet en pri pou egzekit sa travay.

Pou arive fer sa, zot ganny eksplike tou detay lo en proze enkli son frekans e kantite zour sa servis;-  longer e lokasyon sa landrwa kot sa travay pou fer, detay lo resours materyo ek masin pou fer sa travay.

Ensi ki lezot fre ki enkli lasirans 13enm mwan saler si i aplikab repeyman okenn loan eksetera.  Zot ti osi ganny serten led avek SCCI pou ganny training pou ede kalkil zot bann pri.  Taskforce ti eksplisitman eksplik sa bann fakter ek paramet dan laform en checklist pou zisteman ed zot.

Parkont i ti reste lo sak endividi pou li al rode konbyen pri keksoz lo marse lokal, e osi balans son depans baze lo aktivite son biznes aktyel.  Si i annan en lot Kontra, oubyen deza annan serten resours dan son porte.

Sak Minister, Lazans i prepar en internal cost estimate e sa ti ganny aprouve par POU dapre son bann staff spesyalize dan kalkil cost estimate.  Annefe sa Komite ti scrutinize sa internal cost estimate, e kestyonn li o profon ziska ler zot ti satisfe avek sa sonm par proze.

Komite ti lib pou aziste sa estimasyon si zot ti santi i ti annan merit, tout an prenon kont pri lavi, resours imen ek materyo a sa moman.

En legzanp saler de-baz pou zournalye oubyen travayer a plen tan i en paramet ki gid sa laspe lafors mendev sa servis, ki ti napa konpromi dan sa kote.  Mr Speaker desizyon pou fer tender netwayaz ek lanbelisman lo en nivo kordinen, ti enn aprouve par Gouvernman.

E dan nenport ki tender bi prensipal se ganny valer pou larzan, me osi asire ki servis i abouti.  Si en kontrakter i konfirmen avek Komite, ki I kapab fer sa travay pou tel sonm,  e sa i tonm dan sa range of acceptable bids parey nou dir,  i toutafe annan merit pou selekte sa kontrakter.

Sa ki mon konstate se ki en bon pe kontrakter pe get sa travay Kontra konman en travay a plen tan.  Ki pa neseserman le ka dan serten ka.  Zot persepsyon dapre enteraksyon ki zot in fer avek sa Minister ki zot in tender, se ki zot retisan pou elarzi zot servis e al petet donn zot servis dan lezot landrwa, an menm tan annan en Kontra avek Gouvernman.

Mr Speaker prozeksyon entern parey mon’n eksplik en pti pe taler, pou evalyasyon ti ganny fer par LWMA an servan bann endikater kou ki pe ganny aplike ozordi pou sa kalite travay, prozeksyon in pran kont bann diferan morso sa bann Kontra.  Zot frekans ek zot grander, e osi en eleman profi.  Dan son evalyasyon LWMA ti konsider osi poursantaz par lao e anba sa prozeksyon ki i krwar i kapab ganny aksepte.

Sa bann prozeksyon ti answit ganny transmet kot POU, Komite Evalyasyon.  Sa bann Komite ti diskit lo sa bann valer avek Lazans, e tonm dakor lo zot prop poursantaz ki zot in vwar li akseptab, e ki kapab ganny servi dan evalyasyon.   Sa bann prozeksyon i pran kont tou konponan prensipal sa bann Kontra;-  savedir bann kou lapey –  bann lezot depans.

Sa bann konponan kou Kontra in ganny prezante avek bann kontrakter dan en latab dan dokiman tender ki zot in ranpli, e zot in met zot prop sonm, ki reflekte ki mannyer zot in evalye sak morso.

Bann kontrakter ti ganny sans aprann ki mannyer pou ranpli dokiman, pandan pre bid meeting, ki zot tou zot ti’n attend.  Fodre note ki bann kou Kontra, i pou depan lo lafason ki sak kontrakter i fer son bann louvraz.

Par egzanp pa tou ki fer sa bann kontra plen tan, parey mon’n dir taler.  E pa tou ki anploy travayer.  Alor nou pa kapab dir ki i pa pou soutenab san ki nou konnen an detay ki bann louvraz ki zot pe fer.  Tout fason Mr Speaker, bann dimoun ki’n partisipe, i konn byen ki si en tender ki konpetitiv i baze lo pri, e ki napa nouvo negosyasyon enn fwa ki in sinyen.   Kou, ouswa depans fitir, si i atraver en Lalwa ki ganny entrodwi, ouswa en Polisi – Byensir ki Gouvernman pou bezwen vin avek bann azisteman dan son Kontra.  Me lezot sanzman pa permet pandan sa 3an.  Mr Speaker mersi pou ou latansyon.

 

MR DEPUTY SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Mersi Minis.  Dan ou larepons ou’n dir nou poudir sa bann dimoun ki’n bid pou sa bann Kontra, zot ti ganny training ek en SCCI.  Apre ou dir nou osi poudir sa internal costing in ganny fer par en serten group dimoun.

E an menm tan ou’n dir nou osi poudir i annan bann dimoun, zot bid.  Ler ou pran kont bann proze internal costing ki zot in fer, apre poursantaz ki zot sa bann dimoun, ki’n travay lo internal costing, zot krwar i devret mete par anler, par anba,  eski ou kapab dir nou si sa training ki SCCI in donn zot, ou Minister i annan, i konfidan ladan.  Akoz zot in ganny training.  E ler zot donnen prezan zot pa ganny Kontra.  Sa i enn.  Apre 2enm si ou kapab dir nou, konbyen kontra i annan available pou sa bann bidder gannyen?  E konbyen bidder i annan against sa bann Kontra ki available?

Apre 3enm kestyon, mazorite sa bann dimoun, si pa 3kar, zot ti deza pe fer sa biznes, zot ti deza annan Kontra.  Alors ou Minister i annan zot, zot rikord.  I annan zot abilite pou zot delivre.

E an menm tan Minister i annan rikord konbyen ti pe pey zot pou sa ki zot ti deza pe fer.  E petet ou kapab donn nou en nide si sa internal costing in zwe en rol ki sa bann ki ti deza pe travay, ki ou deza annan tou sa rikord lo zot.  E konnen konbyen ou ti pe pey zot.

E ler sa bann dimoun i re bid, zot in vwar zot, kot zot pa’n gannyen.  Petet si ou ti kapab eksplik nou sa bout la.  Pou dimoun deor ganny en konpran.  ‘’Be mon ti pe travay, ou ti pe pey mwan.  Ou konn mon rikord, mon delivre. ‘Me selman ler mon met tender mon pa gannyen.’’  Si ou ti kapab donn nou at least enn ou de legzanp en dimoun ki deza pe fer.  I ti annan bon rikord, ou ti pe pey li.  E kwa ki in fer ler in met tender prezan i pa gannyen?  Mersi.

 

MR DEPUTY SPEAKER

Mersi Onorab Gill.  Minis.

 

MINISTER WALLACE COSGROW

Mersi bokou Mr Speaker.  Mersi Onorab.  Onorab i annan 3 kestyon, premye kestyon training SCCI.  I bon fer note ki training SCCI i pa ti enn ki, ki ti en obligasyon.  I ti en lof ki SSCI ti fer avek bann dimoun ki pe partisip dan Kontra.

I tre posib ki pa tou dimoun ki’n pran sa lof ki SCCI ti fer.  Mon pa pou konn kontenir sa training ki SCCI ti fer.  Me solman mon prezimen SCCI ti pe ekip zot ki mannyer pou kapab vin pli konpetitiv dan tender.

Zisteman, akoz mon krwar ki petet SCCI ti pran sa lapros, se ki zot ti deza realize ki poudir ti annan en kantite dimoun ki ti pe mazin pou tender pou sa bann lots ki ti available.

Pou 2enm kestyon, lakantite bidders ki’n annan, responsive bidders ti 1,430.  1,430 dimoun ti bid ok.  1,4 30 dimoun da en posibilite 386 Kontra.  So deza ou war i annan zis apepre 26 poursan Kontra ki ti pou available, konpare avek lakantite dimoun ki’n tender.

So sa tender i ti en open tender, public tender.  Kot tou Seselwa, tou dimoun ki santi apard ki serten kriter kot, par egzanp si ou ti pe travay dan Gouvernman, ou pa ti ganny drwa apply, serten lezot pti kriter.

Me lamazorite Seselwa par lao 18an ki annan en drwa travay, ki annan en drwa fer biznes, ti ganny drwa apply.  So 1,430 dimoun in apply.  Annefe ti en pti pe plis ki sa.  Ler in fer serten pti check, 1,430 dimoun ki ti tonm konman kalifye.

Pou en lakantite kontra 386.  Nou kapab zis konpran, mazinen ki poudir ti pou annan apepre, tir 26poursan, ti pou annan apepre 64poursan dimoun ki pa ti pou evantyelman ganny en Kontra, akoz in bokou.

Prezan ou pe koz 3enm bout kestyon.  Ou pe demann mwan lo bann dimoun ki ti deza dan Kontra, zot ti deza pe travay, pe performen.  Zot ti deza annan en sonm ki ti pou ganny peye avek zot tou le mwan.

Eski letan nou’n fer nou bann internal cost estimate, nou’n osi pran kont sa bann fakter?  Parey mon’n eksplike dan mon larepons kestyon orizinal, se ki cost estimate in baze lo en kantite fakter.

In baze lo grander semen, in baze lo kantite travayer petet sa dimoun pou anploye or ki pou bezwen pou travay avek li.  Lo bann lekipman ki i pou bezwen e diferan lezot fakter ankor.

Alors enkli, enkli petet sa ki sa bann dimoun ti deza pe fer.  Alors se sa ki nou’n baz nou internal cost estimate lo la.  Si sa dimoun ti deza pe fer a en serten pri, nou santi ki poudir petet sa pri serten landrwa petet in ganny revize, in agrandi ouswa in koupe.

Nou bezwen re aziste sa estimate.  Akoz sa estimate i ganny fer par met – ok.  Par linear meter, si mon konpran byen.  Alors si landrwa i vin en pti pe pli gran, then nou pou bezwen re evalye sa cost estimate pou sa grander landrwa.

So en pti pe koumsa ki cost estimate in ganny fer.  E ki’n ganny prenon kont pou kapab finalman ganny en sonm, ki kapab ganny servi pou tender sa particular lotSo diferan lot i annan diferan cost estimate baze lo spesifikasyon sa landrwa.  Mersi Mr Speaker.

 

MR DEPUTY SPEAKER

Mersi Minis.  Onorab Gill.

 

HON CHURCHILL GILL

Minister cost estimate avek grander later, si sa dimoun pe bid pou menm grander later, napa nanryen ki sanze, ok.  Fodre amwen cost estimate li la i annan problenm.

Akoz sa dimoun i konnen i ti   sa grander, i pe bid pou sa ki ti deza pe pey li.   Mon pa vwar ki bor i pou fail.  Akoz ou pa’n sanz son grander.  Bann ki ou’n sanz son grander natirelman cost estimate pou sanze.  E sa dimoun osi son cost i bezwen sanze li osi.

So sa bout mon pa vwar rezon akoz zot pa pou gannyen baze lo sa ki ou’n dir mwan.  Apre si ou kapab eklersi sa 20 percent ki ou’n dir la.  Akoz ou’n dir 4 san, konbyen?  Kantite bid, kantite dimoun ki’n bid ou’n dir 4 san, konbyen?  1400 , sorry.

Apre dir 386 lots.  Be ou konnen, mon krwar sa i en problenm kle osi.   Akoz ki nou’n fer nou, ler nou’n vwar poudir i annan 1400 dimoun, nou pa’n kapab fer bann dimoun konpran.  Poudir gete i annan zis 300 zot.  Nou ki nou’n fer nou’n raise lekspektasyon, 1400 dimoun in apply.

E sa dan li menm i kre en fristrasyon.  Akoz sa dimoun pa’n ganny fer konpran poudir be posibilite pou ou gannyen i tre minim.  Akoz i annan zis 386.  E i annan 1400 dimoun ki’n bid.

Ou konpran, so petet sa osi ler nou fer fas ek bann keksoz koumsa, nou bezwen enform dimoun, fer zot konnen.  Koumsa i annan, petet i pa anvi tant son sans.  I a dir be ok, sa kantite dimoun, mon might as well fer en lot deboury.

Be la ki’n arive, tou dimoun in krwar ki zot pe gannyen dan sa, dan sa 386 ler i annan 1400 zot.  E nou vwar aprezan ki mannyer konplikasyon in vini.  So si ou kapab eksplik sa enn premye, ki mon’n demande silvouple.  Mersi.

 

MR DEPUTY SPEAKER

Mersi Onorab Gill.  2 pwen en pe dir.  Lo grander en fason kalkile.  E 2enm lo lekspektasyon.  Minis.

 

MINISTER WALLACE COSGROW

Mersi Mr Speaker.  Mr Speaker wi natirelman sa ki Onorab i bezwen konpran se ki i en competitive tender.  Savedir i kapab ou’n ariv pre avek the cost estimate, me i kapab annan en lot kanmarad ki son bid i pli responsive ki pou ou.  So i pa neseserman otomatik ki akoz ou ti abitye fer li, ki ou pa ti neseserman dan en sityasyon konpetitiv.  Akoz oparavan i pa ti open tender.

I ti plizoumwen en tender, en seleksyon, kot par egzanp nou envit detrwa kontrakter pou vini pou bid.  Si en lot i available.  Alors sa enn ki la i en open tender.  Si, si ozordi in annan detrwa bidders ki pe compete avek ou, i posib ki malgre ou ti abitye fer li, ou bid i pa neseserman as konpetitiv as sa bann bidders.  Fodre nou realize osi ki poudir nou annan en celling kantite larzan ki nou mete pou kapab deservi sa bann kontra.  E bid osi, sorry.

E cost estimate osi i reflekte la pers larzan ki
Gouvernman i annan pou kapab deservi sa bann Kontra.  An prenon kont osi bann lezot fakter ki mon’n nonmen oparavan.

So sa dimoun ki deza dan sa kontra, i annan li en, ki mannyer ou dir sa.  En lavantaz akoz in deza fer li.  Me i pa neseserman garanti ki sa dimoun i pou gannyen akoz i konpetitiv.  I annan lezot dimoun petet kekfwa ki’n vwar son fason operate.

I krwar petet poudir li i kapab fer desann en pti gin pli ba son pri.  E i pou still kapab make it.  So fakter i varye li.  I pa neseserman ki akoz ou’n abitye fer li, ki otomatikman, ki ou pou gannyen, ou konpran?  So se sa ki nou pe vwar, se sa ki nou pe vwar.

I annan dimoun petet zot bid in pli konpetitiv ki petet sa ki ti la avan.  Mersi Mr Speaker.  Ti annan sa.  Apre sa lot kestyon.

 

MR DEPUTY SPEAKER

Lekspektasyon.

 

MINISTER WALLACE COSGROW

Anr lo lakantite lekspektasyon, wi.  Mon krwar tou dimoun ler zot ti vin pre bid meeting, zot ti konnen kantite lots ki ti egziste.  Tou dimoun in vwar lakantite dimoun ki’n vini.  Nou pa kapab konnen kantite dimoun ki pou vini.  Nou konnen kantite lots, kantite kontra i egziste.

E kantite Kontra i egziste in ganny fer sorti.  Mon pe koz dan ka LWMA, mon pa pe koz pou Lasante ouswa Ledikasyon.  Akoz mon pa kapab koz dan zot sa.  Be mwan prezimen ki sa bann antite osi in bezwen fer konpran poudir nou annan tel kantite lots dan lekol, tel kantite lots dan lopital avek klinik.

E nou kot LWMA, nou konnen nou annan tan kantite lots, pou netway semen.  E annefe sa ki mon konpran se ki bann lots in menm ganny increase, in menm ganny increase.  Larivyer osi, nou ti menm increase serten larivyer.  So nou, nou konnen kantite lots i annan.

Dimoun ti konnen kantite lots.  Akoz ti annan en posibilite pou bid tou lot, tou lot ki egziste.  Zot konnen ki kantite lots ki annan.  Me solman nou, nou pa ti pou zanmen kapab prevwar ki kantite dimoun ki ti pou vini, ou konpran?

E nou pa kapab kontrole.  Akoz i en open tender.  Ou pa kapab dir ek dimoun pa vini, ou konpran?  So sakenn dimoun ti vin tant son sans.  So lekspektasyon, dimoun in vini, in anvi partisipe, dimoun in partisipe.  Me lenportans la ki nou bezwen fer sorti se ki i en competitive process.  Mersi Mr Speaker.

 

MR DEPUTY SPEAKER

Mersi Onorab Gill.  Zis pou fer zot konnen, mon annan 4 dimoun ankor lo sa kote.

 

HON CHURCHILL GILL

Wi, wi dernyen Mr Speaker.

 

MR DEPUTY SPEAKER

E 3 lot kote ki’n demann kestyon lo sa Kestyon Irzans.

 

HON CHURCHILL GILL

Zis si Minis i dir mon zot konnen kantite lot, ki mannyer i konnen i annan 1400?  Dimoun ki’n bid, savedir mwan,  sa ki mon pe dir se ler nou annan sa lenformasyon nou go public.  Nou fer konnen, gete i annan zis so much ki available.

Me la, la kantite dimoun ki’n bidAt least dimoun i konnen, sa ki enterese i kontinyen, me selman i a pe tant son sans.

Apre 2enm, lo sa zafer dimoun ki ti deza annan Kontra, ki Minis i dir mon poudir, be i kapab en dimoun in bid zis en pti gin par anba.  Eski Minis ou pe dir nou sa bann dimoun ki ti donn sa kontra avan sa enn, i pa ti pran, i ti pe pey sa dimoun tro bokou?  Ok.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER WALLACE COSGROW

Mr Speaker parey mon’n fer resorti ankor, si sa dimoun ti pe pey son dimoun tro bokou sa mon pa pou konnen.

I pou en laranzman entern within sa lorganizasyon.  Me solman ler Komite Evalyasyon i evalye sa bann bid ki vin devan li.  Li son manda se pou rod the best bid pou sa louvraz.  Alors zot evalye baze lo bann paramet ki’n ganny met devan sa Komite Evalyasyon, bann diferan paramet.  E zot, zot rod the best bid pou sa louvraz.

E se sa ki bann Komite in fer;- rod the best bid pou sa louvraz baze lo bann paramet, baze lo bann zistans ki nou’n les zot ale anba e anler.  E zis nou rod sa best bid.  E i annan ka, kot zot in par egzanp kriy dimoun e dir be gete, eski ou asire ou pou kapab fer avek sa ki ou’n mete?

Akoz mon pe rod the best bid mwan.  Eski ou pou kapab fer.  Sa dimoun i re asir ou, wi mon pou kapab fer, mannyer mon’n prozekte mon biznes, wi mon pou kapab fer.  So se sa ki sa tender i ganny award.  E lot size lakantite dimoun manage lekspektasyon ankor, tou dimoun ti vin pre bid meeting.  Tou dimoun ti vwar obor li kantite dimoun ti annan dan pre bid meeting.  Nou konnen, tou dimoun ti konnen kantite ti annan.  Me selman tou dimoun ti anvi tant son sans.  Ou konpran?  Tou dimoun ti anvi tant son sans.  Me malerezman i difisil pou nou kapab satisfer ou dimoun baze lo lakantite Kontra ki egziste.  Mersi.

 

MR DEPUTY SPEAKER

Mersi.  Onorab Terence Mondon.

 

HON TERENCE MONDON

Mersi Mr Speaker.  Mr Speaker Minis in koz lo, zot pou prozeksyon.  Petet si i ti a kapab dir nou, ki nivo profi ki zot krwar i akseptab pou sa bann servis ki zot pe ofer?  E dezyenmman lo fakter pou zot cost estimate.  Eski zot pran kont lentansite travay dan bann landrwa?

Par egzanp si ou pran Takamaka konpare avek St Louis.  Takamaka i annan en kantite pye dibwa.  Savedir en dimoun pe travay pe netway semen.  Sa lentansite travay i bokou plis ki ou pe netway semen St Louis.  Eski zot pran kont konman enn bann fakter ler zot pe fer zot cost estimate?  Mersi Mr Speaker.

 

MR DEPUTY SPEAKER

Mersi Onorab Mondon.  Minis.  Minis tant pou kit ou larepons ase kourt.  Parske nou’n ariv 30 minit, nou ankor lo menm kestyon.

 

MINISTER WALLACE COSGROW

Mersi Mr Speaker.  To be very brief, mon pa pou antre lo sa, lo sa bout profi.  Mon pa oule devwal okenn keksoz ki pou donn okenn dimoun lavantaz.  Akoz bear in mind i annan en retender process ki pe arive pou serten lotsSo mon pa pou dir, mon pa pou antre, pangar mon ava donn lezot dimoun lavantaz – en?

An term lentansite, wi lentansite i enn bann fakter ki ganny pran kont dan sa cost estimate, landrwa kot i ete.  Si i en site ki’n deza en site etabli,  so ou zis pe maintain, i ganny pran kont ladan.  Vezetasyon, si i en site kot i pe ganny frekante bokou e i annan bokou littersSo ou bezwen fer de-litters en pe li souvan.  So tousala i ganny pran kont ladan;- tousala i ganny pran kont dan son bann estimate.  Mersi.

 

MR DEPUTY SPEAKER

Mersi Minis.  Prosennman Onorab Pillay.  Zis pou mon demann, pou dir ek bann Manm, si zot santi poudir zot kestyon in fini ganny demande, zis endik mwan, ki mon ava koupe, zis an ka.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker prenon kont ki mon ti zwenn avek serten bann kontrakter dan en miting ansanm avek Onorab Henrie, e Onorab Flory Larue ki pa la, e zot ti eksprim ek nou serten konsern ki zot annan dan sa miting vizavi sa prosedir tender.

E 1 bann konsern ki zot ti annan premyerman, ou’n nonm konsiltan ek sa travay ki SCCI in fer,  sa ki sa bann kontrakter in dir nou, se ki, si zot ti’n servi sa prosedir ki zot ti’n aprann atraver sa workshop, zot pa ti pou gannyen okenn bid, dapre zot.  Akoz zot ti pou’n bid tro o.  So kestyon ki mon pe demande, se ki.  Eski LWMA ek sa Komite ki’n travay lo sa evalyasyon, i pa’n al zis ver en evalyasyon fer, aksepte bann bid ki pli ba dan bann landrwa.

Akoz dapre sa bann kontrakter i annan landrwa kot lezot kontrakter in bid pli ba.  Akoz sa bann landrwa zot pa ti pe ekspekte gannyen, zot in gannyen dan sa bann landrwa.

E dan lamazorite landrwa kot zot ti deza pe travay, pe fer sa travay, kot zot ti pe fer li byen e pe kontinyelman ganny bon rikord avek LWMA.  Zot pa’n ganny okenn Kontra.  E sa i otour Mahe dan plizyer, plizyer landrwa.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab pou premye bout kestyon an term si nou, si LWMA in award Kontra pli ba.  Non, i pa neseserman pli ba.  I annan le ka kot Kontra pli ba, wi in ganny award.  Me selman sa i pa ti en kriter.

Kriter se ki ou bezwen annan the best responsive bid.  I annan ka kot Kontra, kot bann bid i vreman ba.  Kot sa tender i bezwen ganny anile.  Akoz i pa responsive, i pa reflekte sa ki cost estimate pe fer.

E parey mon’n dir oparavan, i annan, ti annan en plus avek en minus ceiling ki’n ganny etablir.  Ki bann Komite ti pou servi koman gidans, zot pa al pli o, zot pa al pli ba.  Dan ka kot bann bids i pli o, or i bokou pli ba, zot annul tender.

So the most responsive bids within sa threshold ki’n ganny set.  Se sa ki Komite ti pe gid pou travay avek e osi baze lo zot bann lezot kriter ki zot ti annan.  Rikord sa kontrakter, mon bezwen dir fran, rikord kontrakter ki ti la avan, i pa’n enn bann kriter dan evalyasyon.  Savedir tou dimoun, akoz ki i arive, si ou met rikord sa kontrakter ki’n la depi 10an, ou elimin otomatikman okenn newcomer ki anvi antre dan sa Kontra.

Konmsi okenn loportinite pou okenn nouvo dimoun, ki osi en zour i pe reve ganny en Kontra pou li kapab vin en kontrakter li osi.  So dek ki ou met en rikord letan, ou’n fini elimin li la, ou’n tir li, i pa kapab compete dan sa kKntra.  Akoz li i pou napa leksperyans li.

Li i pe vin seye pou li kapab, in fer son business projection byen, i krwar i kapab vin konpetitiv.  Be dek koman ou met en kriter letan i ganny eliminen.  So mersi Mr Speaker.  Mersi.

 

MR DEPUTY SPEAKER

Mersi Minis.  Onorab.

 

HON SEBASTIEN PILLAY

Mersi Mr Speaker.  Mr Speaker prenon kont sa larepons ki Minis, e mon’n note ki Minis pa’n fer en komanter lo sa premye pwen, sa training ki SCCI ti donnen.

Akoz sa i sorti direk kot bann kontrakter ki nou ti zwenn, ki ti dir poudir si zot ti’n servi sa ki zot in fer an sa training, zot ti pou bann bids bokou pli o.  E dan la mazorite ka zot pa ti pou reganny ni en bid.

Sa ki sa bann kontrakter ti kominik avek nou, akoz nou ti zwenn e sa bann kontrakter.  E prenon kont ki ou pwen, ki LWMA pe servi ek sa Komite pe servi, se most responsive bid.  Mon ti ava ekspekte ki sa most responsive bid i osi enkli efficiency sa kontrakter pou li delivre, kapasite pou li delivre, pou li annan lekipman.

So sa ki nou pe ganny dir par ban kontrakter i se ki sa i pa neseserman le ka.  So eski in annan vreman en analiz an in-depth ki’n ganny fer dan award sa bann Kontra?

Oubyen, eski in annan en prosesis travay kot LWMA in oule kas sa bann semen, pou li etablir en serten kalite cost efficiency lo son kote, ki only time will tell, vreman pou vin cost efficient.

Akoz si i annan cost overruns then nou Lasanble nou pou dir zot be zot prosesis was flawed the first place.  So ki, eski in annan en analiz pou vwar sa vreman i le ka.  E eski LWMA in angaz li pou li meet avek bann kontrakter pou vwar ki bann keksoz ki pe ganny dir otour sa Kontra.

Akoz Minis la deor la, en kantite keksoz pe ganny dir lo sa bann kKntra.  So mon krwar i enportan pou ki nou pa kree, nou pa kree en dezavantaz pou sa dimoun ki fek ganny sa Kontra.  E osi nou kapab osi reasir bann ki’n la dan lepase, ki zot in bid, me zot in perdi lo en baz konpetitiv.

E non pa lo en baz ki annan lezot keksoz ki zot krwar i annan.  Mon krwar ou konpran mon kot mon pe ale Mr Speaker.  Mersi.

 

MR DEPUTY SPEAKER

Mersi Onorab Pillay.  Minis.

 

MINISTER WALLACE COSGROW

Ok.  Mr Speaker mersi.  Onorab premye bout ou lentervansyon konsernan SCCI ,mon krwar i enportan pou mon fer resorti ki poudir sa ki SCCI ti fer ti plizoumwen lo zot volonte en.  Pa LWMA ki’n demande, pa okenn Procurement entity ki’n demande.  Ti –

 

MR DEPUTY SPEAKER

.. en pti moman Minis.  Point of order Onorab Pillay.

 

HON SEBASTIEN PILLAY

Wi.  Be sanmenm sa ki mon pe dir ou i enportan ki zot zwenn ek sa bann dimoun.  Akoz sa ki sa bann dimoun pe kominik ek nou, se ki zot ti peye pou al sa training.  E i paret zot ti pe ganny ankouraze, Onorab Henrie i kapab either konfirm sa.

Zot ti pe ganny ankouraze, sort of pe ganny dir ale, al fer sa training e zot ti peye pou fer sa.  Se sa ki bann kontrakter in kominik avek nou.  Mersi Mr Chair.

 

MR DEPUTY SPEAKER

Minis ou kapab kontinyen.

 

MINISTER WALLACE COSGROW

Ok.  Non, parey, wi.  Mon pou kontiny ankor dan menm laliny ki mon pe dir.  Konmsi i ti en keksoz volonter lo la baz SCCI, pou zot petet ed zot bann Komite Biznes, ed bann dimoun ki ti pe antre dan biznes.  Si zot ti fer li lo en baz peye, petet sa zot ti, mon panse petet pou zot kouver serten kou ki zot ti pe incur pou sa.

Me selman mon krwar, dan sa ki mwan mon krwar se ki zot in fer li dan tout lavolonte pou kapab ed bann dimoun, bann newcomers ki pe antre.  Pou zot kapab annan en bon cost estimate.  Si sa training, si sa workshop training in ed zot.  Mon pa tro asire.

Mon ti a voudre ki sa training, sa workshop in ed sa bann dimoun pou zot kapab fer bann cost estimate.  E mon pou hope ki sa training pou’n kapab ed zot pou kapab vin responsive dan sa tender.  Apre lo kote bann evalyasyon;-

Ankor mon pou fer resorti ki in annan en lalis kriter ki’n ganny evalye lo la.  En lalis kriter ki’n ganny evalye.  E si, si sa bann dimoun zot bids, e mon konpran, i annan en kantite dimoun deor petet zot ti pe depan li rezilta sa Kontra, pou zot kapab fer serten keksoz.

Me malerezman letan Kontra i konpetitiv, letan bann bid i konpetitiv i the best bidder ankor the best bidder ki win.  Ou konpran?

So mon pou stick lo sa bout kot kriter i ganny set pou evalyasyon.  E Komite i bezwen evalye, i bezwen servi kriter pou evalyasyon.  Mersi Mr Speaker.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonn apre midi tou dimoun.  Mr Speaker mon annan 3, i pa pou 3 kestyon as such.  Me selman 3 sityasyon.  E mon ti ava kontan Minis i defann sa or eksplike.

Premyerman parey Onorab Pillay in dir, semenn pase ti annan 4 kontrakter ki’n vin vwar serten group Manm Lasanble isi e zot in met serten konsern devan.  E parmi, enn premye se ki, i annan zot par egzanp depi 2010 zot dan sa biznes.

E o fi ki lannen in pase.  Kou loperasyon in sanze li.  E Gouvernman all along in konsyan sa.  In toler sa, annou apel li lenflasyon dan pri.  E ozordi i aparet ki Gouvernman i oule rekomans a zero, so  ler la ki bann dimoun ki’n bid en pe pli ba,  in ganny bann Kontra akoz the operation cost pou sa bann dimoun ki nouvo i bokou pli ba.  E zot annan lafreyer ki a lavenir sa bann dimoun pa pou kapab soutenir zot biznes lo sa pri.  So eski sa i vre, ki Gouvernman pe re think of son cost factor? Premye konsern.

2enm parey mon dir, sa bann dimoun lontan in la, i annan depi 2010, zot in agrandi zot biznes, zot in anploy en dimoun, 2 dimoun, 3 dimoun, 4 dimoun.  E la letan zot in perdi Kontra, ou annan ou plizyer lakonpannyen avek apepre 4 dimoun, ki napa travay apartir Zanvye 2020.  So ki ou fer avek sa sityasyon sosyal?  2enm pwen.

3enm e dernyen;-  Dan bann lannen ki’n pase, nou’n vwar poudir konsiderasyon donn kontra, souvandfwa i politize sa prosesis.  Sa dimoun ti anmenn dimoun vote pou nou dan en pikep.

Alor nou ti bezwen donn li en faver, donn li en Kontra.  Ozordi in perdi i pe annan en presyon politik pou ki be ki mannyer ou kit nou dimoun ater?  Ou ti abitye donn li en Kontra.  Be la prezan i vin konpetitiv, i pa gannyen.  Ki mannyer prezan lot kote latab i ale, i defann sa pozisyon?  Mersi bokou.

 

MR DEPUTY SPEAKER

Mersi Onorab Henrie.  Minis.

 

MINISTER WALLACE COSGROW

Ok.  Mersi bokou Mr Speaker.  Mersi Onorab pou ou 2 kestyon avek ou sizesyon No. 3.  Cost factor, cost i reste touzour en fakter.  Cost i reste touzour en fakter.  E nou bezwen admet, onnet ki poudir nou annan en Bidze ki pou operate ladan.

Parey nenport ki Minister, Lazans, Departman i annan en ceiling pou okenn aktivite, okenn progranm ki ou antreprann.  E netwayaz i osi annan en ceiling.  E CEO in enform mwan ki i 2tyer Bidze LWMA.  Ok.

So i annan en ceiling ki ou bezwen operate ladan.  Tout an prenon kont ki i annan nouvo semen ki ouver, i annan nouvo louvraz tanzantan ki bezwen ganny azoute.  And cost ek Bidze pou touzour reste en fakter.

Me solman si ou pe get from 2013 ziska 2016, Gouvernman in a de repriz ogmant the contract sum.  Pou fer monte contract sum.  Akoz ou pou aziste avek bann diferan sityasyon ekonomik.  E ozordi contract sum, baze lo cost estimate, koriz mwan si mon mal.  I pa neseserman pli ba ki i ete, ki bann kontrakter pe servi ozordi.  So i annan landrwa petet in ganny aziste akoz kekfwa i vin pli pti.  Me solman the base of the contract sum i pa neseserman pli ba.

So Gouvernman pa pe retourn a zero.  Kontrer Gouvernman i bezwen fer sir ki i manage the cost e fer sir ki kou i reste within en serten acceptable sum ki nou kapab, ki sa zafer netwayaz semen la, i reste soutenab, ok?

Tout an prenon kont ki dan lefitir i pou annan lezot semen ki pou bezwen ganny ouver.   Lezot loportinite kot nou pou bezwen kapab annan Bidze pou nou kapab met sa bann semen online.  An term social aspect. 

Kot i annan kontrakter ki ozordi pa pe ganny Kontra.  Or ki pa’n ganny Kontra e zot annan anplwaye, travayer.  Mon krwar Gouvernman dan ban sityasyon koumsa, si i annan nesesite pou ede, ede rod bann lanplwa pou sa bann dimoun, nou ava kapab fer li.  Si i annan nesesite osi par egzanp.

Par egzanp i annan dimoun ki pa neseserman, ki kapab travay koman en sub-contractor avek en kontrakter, avek en lezot kontrakter ki’n ganny, ki’n ganny Kontra.  So tousala i bann possibilities.  Zot kapab switch from one kontrakter to another. 

So i annan posibilite ki en sityasyon i dinamik laba deor.  Dimoun i bouze, labour market, labour market i dinamik. Dimoun i bouze.  So i annan posibilite pou bann dimoun ki ozordi ki’n travay ek kontra ki’n perdi ou Kontra, pou li bouz avek en lot kontrakter si i en anplwaye.

Ouswa si i en zournalye pou li bouz ek en lot kontrakter.  E si dan ka kot i vwar li difisil, i annan bann lenstans dan pei ki kapab anmas sa dimoun.  I kapab anmas sa dimoun e rod en fason.  I annan en kantite louvraz dan pei kot sa dimoun i kapab performen.

Apre lo sa size 3enm ki mon’n enterpret li konman en sizesyon, politize mon pa konnen, mon pa’n dan sa bann zafer tender tou sa letan.  So mon pa konnen si i ti en sistenm politize.  Mon konnen in annan bokou ka, i pa ti en open tender avan wi, i pa ti open tender. 

Me dan bokou ka bann kontrakter ki’n ganny Kontra, se bann dimoun petet ki ti perform byen.   Or ki ti annan en semen adjacent avek li.  Kot petet in annan serten azisteman ki’n ganny fer.

Ou, in annan bann pti, bann mini tender nou kapab dir, ki’n ganny fer avek bann dimoun pou partisipe pou kapab pran bann lots ki i annan.  Mon pa pou konfirmen ki poudir ti bann desizyon politize Onorab.  Mersi bokou.

 

MR DEPUTY SPEAKER

Mersi.  Onorab Henrie.

 

HON GERVAIS HENRIE

Mr Speaker mersi.  Pou nou kapab byen konpran sa 3enm pwen la ki mon pe dir.  Se ki Mini sin dir nou i annan 386 Kontra.  Sa in increase from what?  Akoz enn bann kritik ki i annan, se ki par egzanp dizon en dimoun ti pe fer en semen 4.5 yer.  Ozordi zot in koup sa semen an plizyer bout.  Prezan savedir pou ou ariv 386, in increase from what since the last time zot ti donn nou Kontra?  Mersi.

 

MR DEPUTY SPEAKER

Mersi Onorab.  Minis.

 

MINISTER WALLACE COSGROW

Ok.  Mersi Mr Speaker, mersi Onorab.  Ler mon dir ou 386 is the whole coordinated tender en.  Savedir Lasante, Ledikasyon, lanmar, larivyer avek LWMAKot LWMA Deputy CEO i fer mwan konpran poudir nou pe sorti from 250 Kontra pou nou ariv anviron 300 Kontra.

Savedir in annan en increase.  E bokou fwa se bann rekomandasyon distrik ki nou pran ki dir, be ou konnen i annan tel landrwa ki pa ankor ganny kouver.  I enportan i pe deservi en tel kominote.  Alors nou pran en, nou fer li vin koman en Kontra.

So sanmenm sa ki ou vwar i annan bann increase.  I annan landrwa kot ou pe ganny dir i tro gran pou en dimoun, koup li en pti bout akoz i pa pe manage byen donn, annou met en lot Kontra dan sa Kontra, konmsi fer li vin 2.

Akoz i pa pe kapab manage byen.  So se sa ki ou vwar ki nou sorti from sa 250 to apepre 300 Kontra.  Mersi Mr Speaker.

 

MR DEPUTY SPEAKER

Mersi Minis.  Onorab Paul Ernesta.

 

HON PAUL ERNESTA

Mersi Mr Speaker.  Mr Speaker, Minis ek ou delegasyon, tou nou bann koleg Onorab, tou dimoun a lekout bonn apre midi.

Minis pli boner ou’n dir ki i annan gran cost estimate ki’n ganny servi baze lo zistans.  Eski ou kapab eksplike ki mannyer en bout lans ki mezir 1335 met i ganny R8mil.  E enn ki 928 met li i R23mil.  Eksplik nou sa, sa senaryo.  E apre ki bann due diligence ki’n ganny fer.  Nou vwar, kan dan sa dernyen Kontra.

Akoz ou’n dir ki i annan 1400 ekek dimoun ki’n fer laplikasyon, ki’n apply, ki’n pas dan tender.  Me an menm tan ou vwar ki, en lakour, i annan 3 Kontra ki’n ganny award dan sa fanmir, konpare ki bann lezot dimoun pa’n gannyen.  Eski sa bann dimoun in byen ganny verifye pou fer sir ki pa menm dimoun ki pe ganny Kontra.  Mersi Mr Chairman.

 

MR DEPUTY SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Zis pwen klarifikasyon.  Sa figure ki ou’n donnen premye dan nouvo award Kontra, ouswa avan?  Ok, nouvo.  So mon – ok.  Mr Speaker, Onorab mon pe ganny les konpran ki i kapab relye avek frequency.

Me solman si sa i en ka, mon krwar i en ka ki worth, get ladan, investigate.  Me solman nou ava kapab donn Lasanble plis lenformasyon lo la.  Pou mwan lozikman, lozikman i pa lozik.  Me solman mon pa konn detay sa 2, sa 2 lans.  Mon pa konn detay an se moman sa 2 lans la.  Me solman nou ava find out, nou ava gete.

I kapab annan bann lezot fakter ki fer li pli bon marse.  Me solman, si, si tou fakter i parey, si tou fakter i parey Onorab, then pou mwan i pa sipoze annan diferans dan sonm.  An term 3 Kontra dan en sel fanmir, i annan serten konplent lenstans.

Kot dimoun i dir ou poudir i annan dimoun, i annan fanmir ki annan detrwa Kontra.  Mon’n tann fanmir ki i annan detrwa Kontra.  Mon’n tann en detrwa lenstans.  Me par kont mon pa pe defann poudir sa i byen.  Mon pe zis met en sizesyon, pa en sizesyon me en possible rezon devan Lasanble.

Sak dimoun i annan, i annan drwa partisipe.  Sak endividi i annan drwa partisipe pou li ganny award en Kontra.  I posib ki dan sa fanmir sak dimoun, or sa enn ou de fanmir ki petet nou’n tande, sak dimoun in deside partisipe.

E mon pa oule dir koumsa ankor, me selman mon forse dir koumsa.  Petet mannyer lasans in tonbe, zot tou le 3 dimoun dan sa fanmir in gannyen.  Eski i byen?  Eski etnikman i byen?  Sa i en kestyon ki mon kit la.

Me solman an term Lalwa Procurement i pa, zot pa’n kas Lalwa Procurement.  Akoz zot bann endividi.  Zot in submit zot bid, zot in kalifye.  E zot in gannyen.  E si nou pa donn li i riske annan en, well pa nou –

Me selman si i pa ganny award baze lo Lalwa Procurement, i riske annan serten issues konstitisyonnelman.  Me solman i annan bann ka, ki mon osi mon’n tande, i annan bann ka ki nou pe get ladan Mr Speaker, Onorab.  Mersi.

 

MR DEPUTY SPEAKER

Mersi Minis.  Onorab Wilbert Herminie.

 

HON WILBERT HERMINIE

Mersi Mr Speaker.  Bonn apre midi Minis.  Minis kestyon i vreman enportan.  Akoz i annan bokou bann pti kontrakter pe ekoute pou ganny sa bann klarifikasyon.  Mon premye kestyon;-  dan sa 386 lots ki’n tender,  eski Minis i kapab dir nou konbyen sa bann lots ki pe al ganny retender now?   Sa i enn.  Prezan sa bann retender ki pe al ganny fer, eski tou kontrakter dan sa mil 4 san ekek ki’n partisipe pou kapab re partisipe?  Ouswa zis bann ki’n ganny award en lot?  Sa i 2.

Epi 3enm kestyon se, ki rezon prensipal pou zot retender sa bann lots ki pa’n ganny pase?   E dernyen kestyon i regarding lo kote staff kot zot.  Vi ki zot dir ti annan 200 Kontra, la zot annan pres 300, eski zot in increase zot kantite staff ki pe monitor sa bann landrwa, ki fer sir ki sa bann landrwa i ganny netway byen?  Akoz dan lepase ou pase ou vwar en bon pe landrwa ki sipoze ganny netwaye i ankor still sal.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab pou ou bann tre bon kestyon.  Retender, retender, wi i pou ouver, i pou ouver pou tou, i pou reouver.  Me solman pa bann dimoun ki deza annan lot.

Savedir si ou deza annan en lot, ou pa kapab al retender, ou pa kapab antre dan en nouvo tender.  E sa ti enn bann kriter, bann premye kriter ki ti ganny fer.  So sak dimoun en lot, sak sa ki kalifye en lotSo si ou’n deza ganny en lot ou pa kapab al partisip dan retender.

Retender i ouver pou bann dimoun ki ti deza dan sa lot, avek pou lezot dimoun ankor.  Ok?  So sa retender.  Rezon retender se ki parey mon’n dir, bann bids i annan ki pa’n responsive.  So apepre, ok.  Apepre 40 a 45 poursan bann lots pe ganny retender.

So savedir out of sa 380 ekek, apepre 40 a 45 poursan pe ganny retender.  E prezan an term, an term increase dan lakantite staff, tre bon kestyon.  Louvraz i ogmante, i bokou, me solman LWMA i stil annan kontrent staff.

Me solman CEO avek Deputy CEO zot ava fer zot mye pou kapab reponn demann ki legzizans ki sa bann Kontra i donnen avek kantite staff ki nou annan.  Mersi bokou.

 

MR DEPUTY SPEAKER

Klarifikasyon Onorab Herminie.

 

HON WILBERT HERMINIE

Mersi Mr Speaker.  Minis in dir nou koumsa sa bann tender pe al fer open.  Me solman la Minis in donn nou en larepons open ki mon pa tro ganny en konpran.  Ou’n dir ki i pe al fer open solman bann dimoun ki’n deza partisipe pa kapab re partisipe.

Bann ki’n deza ganny en lot pa kapab partisipe.  Be savedir i bezwen vin selective then.  Savedir zot pe select bann dimoun ki’n deza, ki’n partisipe ki pa’n gannyen, ki pou kapab partisipe now.  Sa ki ou pe sey eksplik mwan.

 

MR DEPUTY SPEAKER

Minis.

 

MINISTER WALLACE COSGROW

Non Onorab.  I pa selective li, i ouver, i ouver me solman i annan serten dimoun ki pa pou kapab partisipe akoz kriter, ok?  Menm avan nou ti annan kriter.  Letan i ti ouver nou ti annan en kriter ki dir, si ou travay dan Gouvernman, ou lo payroll Gouvernman ou pa ganny drwa partisipe.

But it was an open tender.  La ki nou pe dir, nou pe re ouver sa bann lot, pou bann dimoun ki ti partisip ladan.  Pou bann dimoun, petet ki pa’n gannyen dan bann lezot lot pou zot partisipe.  Me non pa sa dimoun ki’n ganny en lot.

Akoz i pa pou fair, i pou unfair pou sa dimoun ki’n deza ganny en lot, re partisip dan en lot, reganny en lot, lot.  Akoz de tout fason, o konmansman nou ti dir en lot par kontrakter.  So it is an open tender.

Me solman i annan en restriksyon an term sa dimoun ki’n deza ganny en lot, i pa ganny drwa partisip ankor.  Mersi.

 

MR DEPUTY SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Speaker.  Bonzour Minis ek ou delegasyon CEO.  Minis mwan mon en pe konsernen lo sa zafer, mannyer lafason serten keksoz in marse dan sa prosedir tender dan son totalite.

Ou’n fer resorti dan ou larepons poudir bann ki’n fini tender, malgre ou’n vwar, zot remarke poudir i annan bann bid ki tro ba.  E dan lenplimantasyon sa tender ler i pou ganny kick-start, pou annan ki nou konnen, akoz pa bokou ladan Minis ki konn annan en leksperyans biznes.

Ladan pou annan difikilte.  E ou’n dir poudir bid ki zot in bid i final.  Mon kestyon alors.  Anvi ki se POU, se POU laba, li ki’n asize in get tou sa bann bid, baze lo limero, figures;-

Eski ler pou annan en problenm kot sa kontrakter pou an defo, i pou vin kot LWMA, pou vin claim, swa en logmantasyon li menm.  I pa pou kapab al kot POU, se LWMA ki pou bezwen pe take up sa bann issues ki sa bann kontrakter.

Alors, ki ou pou fer pou ou kapab remedye sa sityasyon?  Eski ou pou pran son Kontra ler i pa’n kapab travay akoz in tender sitan ba? Sa i mon kestyon.  Dezyenmman ou’n fer resorti poudir dan bann kriter ki zot ti pe servi pou donn Kontra, zot pa’n pran okenn leksperyans ditou.

E mwan mon konnen poudir menm dan landrwa travay, ler ou pe rod en vacancy, ler pou annan bann lezot tender ki ganny fer Gouvernman, leksperyans i enn sa fakter, akoz pou get kalite travay osi ki ou pou bezwen gannyen ou outcome valer pou ou larzan.

Mon kestyon, se akoz ki zot pa’n servi leksperyans?  Mon konnen ou pou dir mwan poudir ou pou donn plis.  Me selman Minister, leksperyans i kapab osi ede pou garanti sa meyer outcome.

E mon dernyen kestyon Mr Speaker se, lefe 13enm mwan saler ki pou ganny factor-in,  eski tou sa bann bid, bann kontrakter,  an vi ki ti annan sa bann diskisyon, ou satisfe poudir zot in fer antre zot 13enm mwan saler,  pou kapab ler i ariv 13enm mwan, pou zot kapab pey sa travayer.  Eski ou satisfe?  Akoz dapre mon konpran, i riske annan problenm kot lafen lannen parey i ti ete oparavan, serten kontrakter pou bezwen vin lobbying devan sa Komite pou kapab pey zot.

Eski nou pou vwar nou dan sa Lasanble, pou met en Bidze adisyonnel, pou cater pou sa bann fall short ki pou arive.  Minis?  Mersi.

 

MR DEPUTY SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker, mersi Onorab.  Definitivman se LWMA ki bezwen monitor tou sa bann Kontra, tou sa bann kontrakter, tou sa bann Kontra.  Si i arive ki kontrakter i war li dan en sityasyon i pa pe kapab perform pou whatever rezon, se LWMA ki bezwen dil avek.  E si i annan nesesite pou ranplas kontrakter lo site, se LWMA ki pou bezwen ranplas kontrakter lo siteLWMA sa Lazans in ganny mandate par Gouvernman pou zer sa bann Kontra.

So LWMA pou bezwen kapab pran bann desizyon si i annan nesesite pou pran bann desizyon lo site.  Akoz nou pa’n met leksperyans konman en kriter?  Mon’n eksplik en pti pe oparavan, pou nou, pou mwan mon vwar li koman en de favorizasyon lezot bann nouvo dimoun ki pe sey antre dan sa Kontra.

And pou mwan mon vwar li i fer li pli level pou tou dimoun.  So eski i ti devret annan leksperyans, eski dan next Kontra, nou devret met leksperyans?  Sa i en keksoz ki nou ava asize nou ava diskit lo la.  13enm mwan saler, tou bann bids, bann dimoun ti ganny eksplike ki zot bezwen factor-in tou zot bann kou travayer ki enkli 13enm mwan saler.

Dan bann revizyon 13enm mwan saler ki’n annan, pandan ki Kontra, pandan ki tender ti pe ganny fer, ki factor-in.  Nou pou bezwen kapab factor-in dan Bidze LWMA pou LWMA kapab pey zot.  Akoz sa i statutory.  I par Lalwa, e sa bann dimoun pou bezwen peye.  E nou ki’n donn sa Kontra, nou bezwen fer sir nou factor-in dan son, dan son peyman ler nou donn li.  E dan lefitir osi.  Akoz sa Kontra i pou 3an.

Dan lefitir osi si i annan okenn azisteman 13enm mwan saler, nou pou bezwen kapab fer lazisteman dan sa bann, dan sa bann peyman Kontra.  Mersi bokou Mr Speaker.

 

MR DEPUTY SPEAKER

Mersi Minis.  Bon mon krwar nou’n kouver sa topik ase byen.  Mon krwar bann larepons in ase kler pou bann Manm ki’n demande.  Mon pou profit sa lokazyon, vi ki Onorab Henrie bomaten in poz en kestyon vizavi sa S.I lo Coco-De- Mer, ki S.I 58 of 2019.

E vi ki Minis in ganny sans vwar sa bann konsern ki’n ganny eksprimen, mon a donn laparol Onorab Henrie pou zis poz bann konsern e kestyon avek Minis.  E Minis i dir i pare pou li take up ou larepons toudswit.

 

HON GERVAIS HENRIE

Mersi Mr Speaker.  Bon parey nou ti’n fer resorti bomaten.  E nou’n anvoy en email ki mon mazinen Minis in vwar bann konsern dan sa S.I 58 pou bann dimoun ki pe swiv i konsern, bann restriksyon lo pou, process, fair commerce eksport  nwa coco-de-mer.

E bann konsern ki nou ti annan i partikilyerman clause 5(1),  lo sa Selection Committee.  Lekel ki pou ansarz li.  I osi annan en Appeals Committee, ki fer referans avek lo clause 6(1).  Sa osi nou ti anvi konnen lekel ki pou ansarz.  Lo 7enm clause i koz lo pouvwar Minis.  Nou anvi konnen ki son limitasyon.  E ki zistans ki kapab ale.

Clause 8 i annan sa size son sonm konman en lanmann.  E apre dan second Schedule.  La nou ti annan en konsern vizavi lo enn fwa ki sa, pou annan request for expression of interest. 

Eski pou annan serten kondisyon? Ki bann kondisyon spesifik par egzanp, baze lo leksperyans en biznes ouswa en endividi.  Ki oule antre dan sa biznes e apre anpasan nou ti oule konn touzour lo specific terms and condition;-  Par egzanp eski Lotorite konsernen i kapab enpoz en kota lo lakantite ki i ava eksporte anyelman.  Pou anpes ki i ava annan tantasyon pou poach coco-de-mer.  Mersi.

 

MR DEPUTY SPEAKER

Mersi onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Wi Onorab mon’n resevwar kominikasyon boner avek lofis Madanm Clerk.  An term Seleksyon Komite, regilasyon i fer provizyon pou Minis apwent en Komite.

En Komite, a Selection Committee ki pou selekte bann bids, baze lo bann bids ki vin devan Komite.  So ki nou pou fer, nou pou ouver en expression of interest avek tou piblik.  Tou dimoun ki enterese pou antre dan sa biznes pou process Lalwa Coco-De-Mer.

So expression of interest in ganny eksplike dan Lalwa.  I pe al ganny met dan nasyon, i ganny met piblik.  E dimoun ki enterese zot bezwen submit en proposal.   En plan ki zot pou al fer.  Ki kalite biznes ki zot pou al fer.  E detaye ladan, zot business plan and everything. 

So sa Komite li i pou ganny konstitye baze lo sa ki Lalwa i dir, en reprezantan Minister Lanvironnman, en reprezantan Minister Departman Trade.  En reprezantan Civil Society.  En reprezantan NISTI.

E en reprezantan, en dimoun, en eksper dan field konservasyon.  So Minis, sa lezislasyon i donn Minis sa pouvwar pou selekte sa Komite.  Spesifikman parey in ganny dir dan Lalwa.  Now, Minis napa pouvwar lo sa Komite li.

Sa Komite i pou annan son terms of reference, ki mannyer i pou evalye son bann bid.  E li i pou fer son, i pou anvoy, pa rekomandasyon, me son larepons avek Minis, poudir, nou’n ganny nou tan kantite interest.  Nou’n evalye tan kantite interest.

E baze lo terms of reference e sa ki nou santi dapre nou lekspertiz i devret pase.  La, la ki nou pe aprouve.  Nou pa’n met limit lo lakantite dimoun.  Akoz nou pa anvi, nou pa anvi dir ok, nou annan, nou set 3 or 4, me apre nou annan nou 4, 5, 6  bann bon proze.

So nou pa’n met limit lo la.  Si en dimoun i pa dakor avek sa desizyon Komite, nou ganny bann appeal.  E Lalwa i dir kantite letan ou annan pou ou appeal.  La sa Komite
Appeal i pa en Komite ki i en Standing Committee li.  I en Komite ki ganny fer ad hoc.

Si i annan en nesesite pou appeal.  Si napa appeal, nou pa bezwen fer komite.  Alors nou kree en Komite.  Minis i annan pouvwar pou kree en Komite.  E sa Komite i spesifikman dan Lalwa i dir en dimoun legal sorti kot Legal Affairs.

En dimoun kot Minister Lanvironnman.  E en eksper dan size bann zafer appealSo en dimoun petet ki’n lo en Appeal Board en bon pe letan ki annan en serten lekspertiz ladan.  So sa appeal li osi i pou fer son desizyon, son deliberasyon e i pou anvoy son rezilta kot Minis.

Solman Minis napa kontrol lo sa 2, lo sa 2 bodies ki kapab ganny kree anba Lalwa.  Zot fer zot desizyon, zot deliberasyon enparsyalman, ok?  An term sa i fine.  Sa fine i dan maksimonm ki kapab ganny enpoze, ki R20mil.  I R20mil maksimonm fine.

Me depandan lo gravite lofans ki’n ganny komet, sa fine i kapab pli ba, me solman i pa kapab depas R20mil.  E ankor lo kote Schedule 2, bann kondisyon ki nou’n mete dan Schedule 2, i pa enkli en kota.

Akoz de tout fason sa bann dealers ki ou bezwen al kot en authorized dealer.  Mon ti a kontan authorized dealer ki dan ka Sesel plizoumwen nou annan SIF, nou annan National Park apre nou annan Fond Ferdinand. 

So nou napa en kota vreman lo lakantite.  Mon pe zis konsilte en pti pe mon notesYah, nou napa en kota, nou pa’n met en kota lo lakantite.  Mersi Mr Speaker.

 

MR DEPUTY SPEAKER

Mersi.  Onorab Henrie.

 

HON GERVAIS HENRIE

Wi.  Mersi Mr Speaker.  Sa ki nou ti anvi konnen se ki dan sa Select Committee la, i annan 5 dimoun.  Eski par egzanp i pou annan en Chair?  Akoz lekel ki pou pran responsabilite pou ekrir ouswa pou collective responsibility?  Menm lo sa Appeals Committee.  E apre lo clause 7.  Par lefe ki Minis i annan en pe pouvwar, en pe tro pouvwar.  So si i ti kapab, Minis ti kapab re eklersi sa pou nou.  E letan in dir ek nou poudir bann, sa bann dimoun ki i ava ganny Kontra la, permisyon pou fer sa biznes e dil avek bann licensed dealers, be i annan dimoun ki annan pye coco de mer kot zot par egzanp.  Zot ki mannyer zot vin dan sa senaryo la? Mersi.

 

MR DEPUTY SPEAKER

Mersi.  Petet zis pou nou kapab fini avek sa kestyon.  Parske i pa en kestyon formel ki’n ganny poze.

Me selman i plito konsern ki’n ganny eksprimen lo en S.I.  Mon annan 4 dimoun ki’n lev zot lanmen pou raise, petet zot tou zot kapab poz zot bann kestyon e konsern devan.  Epi Minis i ava reponn.  So mon a demann Onorab Ferrari pou osi poz son bann kestyon.

 

HON JEAN-FRANCOIS FERRARI

Mr Speaker mersi.  Mwan mon ti a kontan ki Minis i re presize.  Lo seksyon 5, Minis ki set up sa Selection Committee.  Savedir Minis ki deside lekel ki pou lo la?  Seksyon 6, Minis ki constitute an Appeals Committee.  So Minis ki deside lekel ki dan Komite.

Be Minis ti dir nou poudir li i napa okenn kontrol lo sa bann Komite.  Come on, konmsi nou bezwen en pe plis, nou bezwen serye nou en pti pe plis.  E lo kestyon 7;-

Finalman ler sa 2 Komite in ganny, in ganny set up, seksyon i dir ou ki ler Minis i ganny rekomandasyon li i kapab anvoy tou dimoun pronmnen li.  Li i kapab, once i ganny rekomandasyon, i kapab ‘’decide, confirm, vary or quash the decision of the Committee.’’

Be it’s not the Minister to decide lo sa bann keksoz.  I devret – nou, nou ti a kontan vwar kot Minis i aplik, i e alor Minis son rol se pou kominik desizyon Appeals Committee.  Because in that case, si nou annan en Appeals Committee, me Minis pou deside ki i anvi fer?  There is no point of having an Appeals Committee or a Selection Committee for that matter.  So mwan mon ti a kontan si Minis i kapab sey konpran nou.

Akoz bokou travay ki nou’n fer dan sa Lasanble se pou nou tir en pe presyon lo bann Minis.  Kot tou keksoz pa vin mor lo sa Minis.  Akoz nou ler nou pou dan Gouvernman, i pou annan bann Minis, i pa byen.  Nou, nou pa krwar poudir i byen ki Minis ki pran tou sa bann desizyon teknik.

Minis i bezwen onor oubyen transmet desizyon ki en Komite Teknik in fer.  Akoz se pa Minis ki teknisyen.  Me Minis i en politisyen.  So lo sa, lo sa 3 pwen Mr Speaker, mon ti a kontan ki Minis i kapab dir nou.

Akoz mwan ki mannyer in ekrir la mon vwar plito nou annan zis en laliny ladan ki dir Minis i ava deside lekel ki i anvi donnen pou process oubyen export kernel (.) Pwen sinyen.  Mersi Mr Speaker.

 

MR DEPUTY SPEAKER

Mersi Onorab Ferrari.  Onorab Wavel Woodcock.

 

HON WAVEL WOODCOCK

Mr Speaker mwan mon annan en pti konsern.  I mean dan lepase ti annan embargo lo leksportasyon kernel.  Mwan mon kestyon ki mon anvi demann Minis, eski sa biznes i sustainable?  Ou konnen, ozordi nou vwar en kantite eksportasyon nou coco-de-mer.

E mon pe mazinen si sa akoz, because of the over exploitation, nou kapab vwar nou dan lefitir annan en problenm kot nou annan, nou coco-de-mer pe kontinyelman diminyen.  Olye ki bann coco-de-mer ki nou pe plante i pe ganny eksplwate pou son kernel ganny eksporte deor.

Konmsi ki retonbe vreman ekonomik i anmennen pou nou pei?  Mersi Mr Speaker.

 

MR DEPUTY SPEAKER

Mersi Onorab Woodcock.  Mon krwar Minis son kestyon i valab definitivman.

Me selman vi bann kontrent letan, nou pe plito met lanfaz lo Lalwa ek prosedir pou le moman.  Me si ou ganny en pti sans, zis met 2 parol lo la.  Mon ok avek sa.  Onorab Churchill Gill.

 

HON CHURCHILL GILL

Mersi Mr Speaker.  Mr Speaker sa S.I 58 i ‘’Restriction on Processing, Trade and Export on         Unprocessed Kernel of Mature Nut.’’  Dapre lenformasyon ki mon annan, par mwan nou ganny nou 125 ki ganny anmase dan tou sa bann Rezerv ki annan.

E ladan 20 poursan i ganny replante.  E lo sa S.I i annan prosedir ki mannyer bann nouvo dimoun i kapab antre dan sa biznes.  E la i deza annan 4 dimoun ki dan sa biznes.  Alors mon ti a dir ek Minis, be ler ki vin donn nou plis detay lo la, fer en resansman lo stok mature nut available. 

Apre tou le mwan konbyen i pou available pou montre nou si nou devret, vi ki nou dir nou pe met restriction –  si vreman nou devret ouver laport pou ankor 4, 5, 6 dimoun vini.

Akoz a lafen dizour mon krwar nou pou vwar postim in ogmante si nou napa sa bon stok pou soutenir tou sa biznes ki nou, sa ki annan ek sa ki nou pe mazin pou antre ladan.  Mersi.

 

MR DEPUTY SPEAKER

Mersi Onorab.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker 2 pwen.  Mon krwar 7 pa devret ganny lir san ki nou lir 4.  Minis i zis kominik desizyon Appeals Committee li.  I pa pou sanz desizyon Appeals Committee. 

I communicate, non i sanz desizyon Selection Committee, not the Appeals Committee.  4 ek 7 i ganny lir ansanm.  Apre mwan mon annan zis en konsern, se lefe ki 8 i fer provizyon pou en fine.  Mon pa konnen, i bezwen annan en problenm dan printing la.

Sa fine pa’n ganny enkli properly, e mon krwar zot in fer en fot.  So eski ou kapab klarifye the fine exactly.  E probableman mon pa konnen si legalman we would have to change the S.I because the fine is not printed correctly.  Thank you.

 

MR DEPUTY SPEAKER

Mersi.  Minis i kler Manm pe demann pouvwar Minis, pe kestyonn en pe pouvwar Minis li menm.  Lekel ki ansarz sa bann Komite?  Eski stok i soutenab?  Eski ou pa pe ouver laport?  E konbyen sa fine i ete?
Minis.

 

MINISTER WALLACE COSGROW

Ok.  Mersi bokou Mr Speaker.  Mr Speaker mon pa krwar Minis i annan pouvwar eksesiv anba sa regilasyon.  Parey mon’n toultan tann dir dan Lasanble par bokou Manm.  Evantyelman the buck stops at the Minister.

Letan i annan bann keksoz pou nou reponn, i annan bann keksoz pou nou vin accountable for, the buck stops at the Minister.  Solman ler nou pe met bann sityasyon dan Lalwa nou oule tir Minis dan picture.

Me si Minis napa kontrol, ki mannyer the buck i kapab stop at the Minister?  Mon pa krwar ladan, mon pa krwar ladan ki Minis i annan excessive kontrol.  Par egzanp Onorab Ferrari, sa Selection Committee, Lalwa i dir representative from tel landrwa.  So nou pa, mon pa pou zis al dan Minister Finans al tir en dimoun Trade dapre sa ki mon volonte mon met la. So mon demann avek sa Minister Finans son reprezantasyon.  E koumsa ki ganny fer.  Parey nenport ki Board.

 

Dan mon Minister mon kapab designate en dimoun.  Akoz i anba mon responsabilite.  Civil society ankor mon pa pou kapab zis al kot CEPS dir CEPS mon oule entel.

CEPS ki pou nomin son dimoun.  So Minis pa deside li.  Minis i konsilte.  Me solman Lalwa i donn li pouvwar pou li fer sa konsiltasyon pou li al kot sa bann body e pou dir sa bann body be donn mwan en dimoun ki ou krwar i kapab, i fit pou fer sa louvraz, sa eksper.

E sa dimoun i vini sa Komite i ganny konstitye.  E sa Komite i ganny konstitye, travay baze lo zot terms of reference.  Now, si en dimoun i santi poudir sa Komite pa’n byen fer son louvraz.  Sa dimoun natirelman i bezwen annan en rezon ouswa en fason pou li appeal.

Lekel ki pou konstitye sa Komite pou li appeal.  Lalwa i bezwen konstitye sa Komite.  But the buck stops at the Minister.  Minister i bezwen kapab konstitye en Komite.  Konstitye en Komite.

E ankor i pa pou al risk sa dimoun legal.  I pa ni pou risk sa dimoun dan expert dan appeal matters li.  I pou konsilte, i pou rod en dimoun pou met lo sa Komite AppealNow ler Komite in donn son desizyon, en keksoz ki ou’n dir, ou’n dir Minis i anvoy pronmnen tou bann desizyon.  Non!  Lalwa i dir ou Minis i kapab konfirmen.  Savedir si i santi poudir i bon i kapab konfirmen.  I kapab evalye sa ouswa i kapab quash sa.  Si i santi poudir sa desizyon pa bon, si i en desizyon petet ki sa Appeals Committee i santi poudir i pa bon.  Then i kapab ede, konmsi pou pran en desizyon.  Me solman mon pa vwar pouvwar eksesiv pou Minis, ok?

Zis pou mon tous en pti pe Mr Speaker, parey ou’n dir mon lo valer azoute.  The embargo egzakteman sete pou, pou fer sir ki nou pa zis eksport coco- de-mer.  Zis eksport coco-demer koumsanmenm parey dan son raw state parey i ete.

Nou ti met embargoes pou nou kapab zisteman apre travay lo bann prosedir sa ki la. Pou nou kapab ankouraz processing, ok?  An term stok, parey Onorab Gill in fer resorti.  Mon krwar son entervansyon ti bon.

I annan tout en management of sa stok ozordi par bann dimoun ki pe, par bann main landrwa ki annan sa stok coco-demer.  Sa expression of interest i pa pou aplik zis pou nouvo dimoun.  Menm sa bann dimoun ki ozordi pe fer sa biznes, zot pou bezwen vin submit.  Akoz zot ti prezant dokiman avek nou 2an pase zot.  Pou dir nou zot pe fer tel devlopman, tel devlopman, tel devlopman.  E si letan nou pe obzerv zot bann, zot bann dokiman, nou vwar ki poudir zot pa’n stick to sa ki zot ti sipoze pe fer.

E i annan bann proposal ki vini nouvo, ki pli bon.  Zot pou bezwen set la plas a bann dimoun ki nouvo ki annan bann pli bon proposalSo sa i tout en fason pou nou kapab valoriz sa resours e fer sir ki nou ganny the best proposal, the best product pou sa prodwi.

Sa resours ki nou annan, ki annan en valer enorm konservasyon, me osi en valer ekonomik.  En pti pe pou tous lo kestyon Onorab Pillay.  Lo propozisyon Onorab Pillay, wi sa fine mon krwar pa pe byen sorti dan sa printing.  Me solman nou’n fini enform Lofis Prokirer Zeneral pou fer en lamannman dan sa bann pti mistake ki i annan.  Mersi bokou Mr Speaker.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon trouv i drol ki Minis pa ankor sezi nou pwen.  Premyerman lekel ki pe chair sa 2 Komite?  Lekel ki chair ou Selection Committee?  Lekel ki chair ou Appeals Committee? 

Either ou Appeals Committee son desizyon i final or there is no Appeals Committee, the person appeals to the Minister.  And the Minister’s decision is final!  Ki mon pe sey dir, annou pran sistenm Lakour.

Appeals Court, ok, Court of Appeal, son desizyon i final, parski li ki reviz sa ki en Lakour Enferyer i pran.  Me tandis ki la, la Minis, ok. Me ‘’on the receipt of the recommendation of the Appeals Committee. ‘’

Li i pe pran en desizyon li, i a pe pran en desizyon lo kwa ki Appeals Committee pe pran en desizyon.  I a pe, apre ki i analiz sa ki Selection Committee in fer, ok?  Li Appeals Committee ki pran, ki regard sa ki Selection Committee in fer.

Me tandis ki ou S.I la, i a pe dir, ou annan ou en appeals body, li aprezan i fer rekomandasyon ek Minis.  E Minis li ki pou quash desizyon Selection Committee.  But oli Appeals Committee?  Kote son ledan i ete li?  Akfer ki in zwenn?

Akfer ki in zwenn, kan si dan, ki mannyer ou pe eksplike, konmsi se desizyon Selection Committee ki Minis i kapab quash, vary ensidswit.  Be what is the role of the Appeals Committee.  Dan sa ka you don’t need an Appeals Committee?

Dan sa ka ou devret dir, the Minister may on receipt of the recommendation of the Selection Committee, decide, confirm, vary or quash.  Be la ou annan ou 2 bodies ki ou pe etablir.

This is why your S.I i annan, ou’n konpran mwan ou?  I konpran byen letan mon koze li.  Minis i konpran mwan byen li.  Ou’n fini konpran mwan.  I rest my case.  Mersi bokou.

 

MR DEPUTY SPEAKER

Minis mon ti pou zis azout en lot pwen ladan.  Par egzanp dan sa Selection Committee, ou annan 5 dimoun.  Me krwar ki constitute en quorum pou zot?  I pa kler.  Pareyman dan sa Appeals Committee i pa kler.  Konbyen fwa zot sipoze zwenn, sa osi i pa kler.  So Onorab
Pillay ou ti oule azout ankor keksoz.

 

HON SEBASTIEN PILLAY

Wi mersi Mr Chair.  2 pwen ki valid se wi i napa en Chairperson for the 2 Committees.  Me selman mon krwar sa ki nou bezwen careful ki nou pa misread.  Minis ou’n ganny pouvwar pou kominik sa desizyon alone ou.

You don’t vary the decision of the Appeals Committee.  Akoz i dir ou the Appeals Committee ki donn son rekomandasyon to quash or vary or anything.  Sa ki ou, ou ganny drwa fer anba sa Lalwa, se zis dir ek sa dimoun Appeals Committee in quash.

Sa ki Appeals Committee napa pouvwar pou fer se li pou li kominik sa desizyon li menm.  That’s the difference between the 2.  Akoz ou pa vary decisions of the Appeals Committee. 

Petet wording legal ki sa drafter in servi pou kominik sa, that’s where you have an issue.  Me selman you are not supposed to have the power to reverse the decision of an Appeals Committee.  So sa ki la pe leave it to interpretation. Me selman i kler. This is read with 4.

So klarifye ou chairpersonAnd then mon krwar lo baz ki ou pa’n met sa fine ladan, ou pa kapab vini now dir nou the fine is 20 thousand or 200 thousand.  Mon krwar it’s better ki ou retir sa S.I.  Zot retir sa S.I e zot bring the one with correctly depicts what you want to do. 

 

MR DEPUTY SPEAKER

Mersi Minis.  Minis mon donn ou laparol.  Zis si ou dakor pou retir sa S.I, re travay lo la baze lo bann pwen ki’n ganny souleve.  Epi mon mazinen ou kapab re-pibliye.

 

MINISTER WALLACE COSGROW

Ok.  Mersi Mr Speaker.  Mr Speaker wi mon ava konsilte avek Biro Prokirer Zeneral pou nou petet met li dan spirit ki nou anvi sa Lalwa i vini, pa dan spirit kot Minis i anvi kontrole.  Minis pa anvi kontrole.  Sirtou mwan en.  Mon pa anvi kontrole.  Mon respekte sa 2 lenstans ki’n ganny kree anba Lalwa.

Me selman petet nou ava met li dan sa langaz ki parey Onorab Pillay in eksplike, ki i a reflekte lefe ki nou annan respe pou sa 2 Komite ki nou’n kree anba sa Lalwa.  Ape nou ava osi get sa zafer chairperson.

Petet si nou fer antre terms of reference dan Lalwa, kot i ava kler.  Si zot select en chairperson amongst themselves or si terms of reference i dir lekel ki pou sa.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

So nou pe tonm dakor ki sa S.I ki’n ganny etabli bomaten i ganny retire epi nou ava atann en lot.  Mersi bokou Mr Speaker.

 

HON DEPUTY SPEAKER

Bon avek sa nou’n ariv a la fen kestyon pou Minis Wallace Cosgrow e nou ava eskiz li avek son delegasyon ki konpri Mr Joubert e Mr Mangroo.  Alor mersi bokou Minis.

 

 

(MINISTER WALLACE COSGROW AND HIS DELEGATION WAS EXCUSED FROM THE HOUSE)

 

HON DEPUTY SPEAKER

Bon i reste nou ankor en Kestyon Irzan e apre en PNQ.

Mon propoze ki nou adjourn e nou repran 4er.  E nou ava pran PNQ avan, apre nou a kontinyen avek sa Kestyon Irzan.  So nou ava adjourn ziska 4er.

 

(BREAK)

 

MR DEPUTY SPEAKER

Bon bonn apre midi ankor enn fwa tou bann Manm Onorab.  Nou kontiny nou travay lo Order Paper ki devan nou.  E parey mon ti’n dir zis avan nou adjourn.   Vi ki i reste nou ankor en pe, 2 kestyon, en Kestyon Irzan ek PNQ.   Me nou a pran sa PNQ koman priyorite.

E alor mon ava envit parliamentary reporter pou silvouple envit Minis Charles Bastienne.  Bon mon ti a kontan swet labyenveni Minis Charles Bastienne, Minis pou Lapes e Lagrikiltir.

I ganny akonpannyen apre midi par son Konsey Spesyal pou Lapes, Mr Roy Clarisse.  E Chief Fisheries Officer Mr Vincent Lucas.  Alor byenveni parmi nou. Mon ava demann Onorab Ramkalawan pou poz son kestyon.

 

HON WAVEL RAMKALAWAN

Mersi bokou Mr Speaker e bonn apre midi Minis avek ou delegasyon.  Mrs Speaker Vi ki, malgre bokou ensistans sorti kot Lasanble Nasyonal pour ki nou lenstitisyon i ganny enkli dan bann negosyasyon pour en nouvo lakor lapes avek Linyon Eropeen, me ki Gouvernman in refiz sa demann, eski Minis responsab pour Lapes i kapab dir avek sa Lasanble si bann pwen swivan in ganny diskite e ki son rezilta?

1)  Eski bann kondisyon lapey pour bann maren Seselwa ki travay lo bann bato Linyon Eropeen, in ganny revwar pou fer ki sa lapey i vin parey tou lezot maren ki fer menm louvraz lo sa bann bato?

(2)  Eski zot in met lo latab negosyasyon lefe ki pandan plizyer lannen, bann maren Seselwa pa’n ganny peye parey dapre zot Kontra e eski zot kapab ekspekte ganny konpansasyon pour sa lenzistis?

(3) Eski Gouvernman in diskit avek Linyon Eropeen posibilite pou kree en fon pansyon pour bann peser kot Linyon Eropeen, ek bann travayer dan sa lendistri zot ava kapab fer kontribisyon pou ganny en benefis ler zot nepli kapab fer sa louvraz?

E finalman dan sa Lakor final, eski Minis i kapab asir sa Lasanble ki Sesel ek Seselwa pou ganny plis benefis finansyel atraver sa nouvo Lagreman ki i pe al ganny sinyen?

 

MR DEPUTY SPEAKER

Mersi Onorab Ramkalawan.  Minis.

 

MINISTER CHARLES BASTIENNE

Mr Speaker, tou Manm Onorab bonn apre midi.  Mr Speaker an vi ki negosyasyon pou en nouvo Lakor lapes pa ankor terminen, mon pa pou kapab a sa moman antre dan tou detay,  mon oule enform sa Lasanble ki Gouvernman in fer konsiltasyon neseser lo sa size avan e pandan negosyasyon, kot mon’n zwenn avek Lazans ki reprezant sa bann bato.

E plizyer maren peser Seselwa ki’n donn mwan tou zot lenformasyon enkli kondisyon lanplwa ek zot lapey.   Mon donn zot sa garanti ki mon delegasyon pou fer sir ki sa size lapey i ganny diskite.

Konsernan 2enm kestyon Mr Speaker, parey mon’n dir negosyasyon i ankor pe kontinyen.  E nou’n enform Linyon Eropeen, ki si i annan lenzistis ki’n arive e ki sa i devret ganny korize.

Trwazyenmman Mr Speaker,  an sa ki konsern pansyon, anvi ki sa Lagreman i ganny kouver anba Lalwa Sesel,  menm ki sa bann bato i anrezistre aletranze,  pansyon pou bann maren Seselwa lo bann bato Linyon Eropeen, i bezwen ganny kouver anba Lalwa Fon Pansyon Sesel.

Mon Minister in fer diskisyon avek plizyer maren peser Seselwa, e bann Lazans Lokal ki reprezant sa bann bato Linyon Eropeen.  E lenformasyon ki mon annan se ki kontribisyon pansyon pe ganny fer avek Fon Pansyon parey i reflekte dan zot Kontra.

Konsernan 4enm kestyon;

I fer premye fwa ki en Minis i partisip dan negosyasyon en Lakor Lapes.  E konman Minis responsab pou lapes, mon fer li mon devwar e responsabilite pou get tou fakter sa negosyasyon;-  enkli finansyel, enstitisyonnel e lanvironnman tal.  Pou fer sir ki s aki nou fer i ganny fer dan en fason soutenab.  Akoz, parey ou’n di Onorab Ramkalawan, sa resours, i resours pou tou Seselwa.  E dan en fason ou lot nou tou nou bezwen santi nou benefisye anba sa lakor.

Parey mon’n dir, osito nou konklir, inisyal text sa Lagreman, avan ki i vin devan Lasanble Nasyonal pou demann ratifikasyon, Mr Speaker mon pou demann ou loportinite pou retourn dan Lasanble,  E pou mwan kapab donn tou detay administrative e finansyel sa nouvo lakor pou benefis tou Seselwa.

Mr Speaker mon ekspekte deplase semenn prosenn e si tou i al byen, mon pou donn tou detay sa Lakor osi to i ganny finalize.  Mersi Mr Speaker.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  E mon rekonnet parey Minis in dir, ki i ankor annan serten negosyasyon ki pe, ki pe go on.  E petet ler, par demann sa kestyon, nou, menm si nou, nou pa’n ganny enkli, me nou a pe met devan Minis bann pwen ki nou ti ava kontan ki zot met lo latab pou negosye.  E sa i ava fasilit sa prosesis ratifikasyon.  Be Mr Speaker, petet mon ti ava kontan demann Minis, pou nou ankor enn fwa ganny keksoz pli kler, dan milye sa bann negosyasyon.

Eski i korek ki se Gouvernman Sesel an konsiltasyon avek Lotorite Lapes, ki’n toultan fikse saler bann maren lo bato Linyon Eropeen, e ki bann propriyeter sa bann bato ti bezwen swiv sa lord.  E si sa i le ka, dir nou akoz.

Dezyenmman si Minis, Mr Speaker ti ava kapab osi konfirmen, si bann propriyeter bato dapre Lagreman ti oblize anploy omwen 2 maren Seselwa lo sak bato.  Me si zot pa ti oule, oubyen zot pa ti ganny sa bann maren, zot ti bezwen pey en sonm avek Gouvernman, pou sak plas ki ti reste vid.  E alor mon anvi demann Minis, kote sa larzan in ale?  E ki mannyer in ganny servi?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker fransman pou dir ou, letan mon’n tyonbo sa not dosye negosyasyon, mon osi mon’n tre sansib e konsernen konsernan nou bann maren peser.

Akoz pandan bann lannen mon’n vwar letan mon’n eksplore, pou vwar ki lakantite maren peser pe kontinyen dimini.  Sirtou bann Seselwa.  Pou reponn ou premye kestyon siplemanter konsernan saler.  Non.

Gouvernman avek SFA, lenformasyon ki mon annan pa’n zanmen set sa saler ki bann maren peser i gannyen.  Me par kont sa ki i annan dan Lagreman, se ki zot devret ganny, at least konman en minimonm saler, sa ki ILO i preskrir, ki mon panse i anviron $543, ok.  E the higher of the 2 –  either a minimonm saler Sesel konman saler de-baz.  Oubyen sa $543.

Dezyenmman Mr Speaker, wi dan Lagreman, dan Protokol annefe i fer provizyon pou anploy 2 maren Seselwa.  E si zanmen napa 2 maren Seselwa.

Wi pou anploy 2 maren Seselwa.  E si zanmen zot pa met 2 maren Seselwa lo la.  Zot bezwen pey nou €20 pou sak fwa par mwan, sorry.  €20 pou sak zour ki zot dan delo Sesel.  So sa i sa kondisyon ki dan protokol.

E trwazyenmman lenformasyon ki mon annan se ki parey zot okouran, se ki avan SFA ti vin en, ti vin otononm parey nou dir.  Tou larzan ti al atraver dan Kof Leta.  Mon panse ki larzan ki ti ganny atraver sa €20, mon panse in al dan Consolidated Fund.  Mersi Mr Speaker.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker letan mon pe vin ankor lo kondisyon sa bann peser maren Seselwa, eski Minis i ava kapab, letan pe negosye, pou regarde pou ki nou bann peser maren, i ganny zot menm kondisyon an, konmsi menm kondisyon pou menm travay.

Parski bann keksoz ki mon’n tande avek bann peser maren, se ki par egzanp en peser Franse par egzanp;-  en peser Franse letan i pran son konze, letan i retourn an France, li i kontinyen ganny peye, i kontinyen ganny en lapey de-baz.

I ganny peye son konze, i ganny peye plizyer lezot keksoz.  Tandis ki en peser maren Seselwa, letan i ganny konze, i pa tous li en sou avek sa bann bato.  I pran son konze i pa ganny nanryen.  E apre sa i rekomans, i ganny peye zis letan i remont lo bato.  Pourtan i sipoze en anplwaye lo sa bato

So eski sa i kapab ganny balanse.  E parske in annan osi bann Linyon, bann Linyon pou bann bato Franse espesyalman,  ki’n vin fer bann resers isi, e zot in menm ekrir lo la.

Zot in fer bann progranm, bann dokimanter, pou montre ki poudir i annan en leksplwatasyon lo bann maren peser.  E an plis ki sa Malgas i ganny en pri, Senegale i ganny en pri, Seselwa i ganny en pri e Franse i ganny en lot pri.  So sa i mon premye.

Apre 2enm Mr Speaker;-  vi ki Minis in dir i krwar ki poudir sa larzan in al dan Consolidated Fund.  Mon pe zis met sa devan Minis.

Premyerman, eski Minis pa krwar ki etandonnen ki deza bann peser Seselwa, bann peser maren ti lo en dezavantaz.  Ki petet sa larzan olye al direkteman dan Consolidated Fund, ti ava kapab ganny servi pou donn nou bann peser maren en rekonpans letan zot, letan zot ti ater lo bato, ok?  E petet mon ti ava osi demande, pou si Minis, menm si, mon pa ekspekte ou annan sa lenformasyon la, pou regarde pandan sa bann peryod lannen, kot zot sipoze peye, konbyen an tou zot in peye?

E si vreman sa bann peyman i up-to-date.  Parski parfwa nou konnen ki mannyer i marse.  Kot, kot sa bann dimoun, si ou, ou pa bouz zot.  Zot, zot pa, zot pa vreman fatig zot.

Be selman mon ti ava kontan konnen, konmsi ganny en keksoz konkret an relasyon as to kote ki sa larzan in rantre?  E konbyen in antre?  Mersi bokou Mr Speaker.

 

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker pou premye kestyon konsernan, pou zot ganny menm kondisyon travay parey bann lezot maren abor bato.  Mon krwar ki sa osi i annan ban keksoz ki nou pe diskite.

Me parey ou konnen, e parey ou’n dir Onorab se ki i pou tou depan kalite travay ki zot pe fer ki i egal.

Dezyenmman konsernan bann benefis, nou dezavantaz ki nou annan, se ki tou nou bann maren pe siny bann Kontra 6 mwan.

E sa i enn sa bann keksoz ki nou osi pe regarde.  E akoz dan Protokol i annan serten keksoz ki Linyon Eropeen i kapab fer.  Me i annan serten keksoz ki lo legzizans sa ship owner, ok?  So i enn bann keksoz ki nou deza pe koz lo la.  Sa zafer 6 mwan Kontra.  Akoz i pa kapab 1an.

Akoz ki i annan serten lezot petet zot ganny bann Kontra 2an e tou.  So sa i bann keksoz ki nou pe, nou pe vwar Onorab.  E mon vwar poudir, petet kot nou pe vwar dezavantaz se zisteman akoz nou, nou bann maren peser zot pe al lo Kontra 6 mwan.

Me pou reponn ou lo la, se ki, nou annan levidans ki konze ti pe gannyen peye, i annan sirkonstans kot.  Well nou’n vwar, bann pay slip kot zot ganny zot konze, kot zot ganny rann serten Dimans.  Kot zot in travay, sa bann keksoz koumsa i pe deza ganny kalkile.

Apre konsernan sa €20 ki’n al dan Consolidated Fund, eski i pa kapab ganny servi dan en lot fason.  Mon ti ava swet e Onorab, ki nou a konklir negosyasyon, nou ava vwar ki nou kapab gannyen out of it pou nou bann maren peser apre nou ava take it from there.  Ti ava pli bon.  Mersi Mr Speaker.

 

MR DEPUTY SPEAKER

Mersi Minis.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Minis 2 kestyon silvouple.  Minis vi ki nou konnen poudir lapes ton i ganny reglemante pou le moman par kota.  E ki i posib ki sa se en keksoz ki pou reste pou ankor plizyer lannen.  E kota i kapab vedir, anfen kont lapes mwens tonaz.

E vi ki bann maren zot ganny en basic pay avek en bonus lo tonaz.  E si nou pe antisipe ki tonaz i kapab bese.  Akoz stok I anba presyon.   Eski sa laspe pe ganny tenir kont dan negosyasyon pou fer sir ki  bann lapey, package ki en maren peser i gannyen i pa fer, i pa dekouraz li ankor plis a lavenir pou li pa zwenn sa lendistri.

Deza ki napa bokou incentives pou le moman.  E sa i kapab dekouraz li.  Alors eski sa pe ganny pran an konsiderasyon?

Minis mon annan osi en kestyon vi ki Lendistri Lapes ton in in komanse Sesel depi 1984, e ki i annan bokou maren peser ki’n, ki’n, serten maren peser ki’n involve dan sa metye depi sa lepok.

E sa lepok ti napa Fon Pansyon.  E ki sanmenm sa bann dimoun ki’n retire avan ki Fon Pansyon i sa.  E ki zot, zot pa pe, zot pe tonm an deor sa pannyen pansyon.  Eski dan sa negosyasyon, oubyen an paralel an sa negosyasyon Gouvernman i regard ka sa bann dimoun e gete ki mannyer zot kapab ganny re anmase pou zot retret?   Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker tou sa bann pwen ki Onorab ou’n dir la, nou’n touse tou sa bann size, nou’n touse sa issue ki nou apel sa prim, sa bonus ki zot gannyen.  Nou pe touse pou nou kapab diskite avek zot.  Pa ankor tonm dakor lo en desizyon final lo la.

Nou pe diskit sa pri, nou konsyan poudir avek kota lo yellowfin i annan en lenpak zeneral lo lapes.  E i posib, malgre ki nou’n vwar en logmantasyon, nou pa konnen ki pou arive a lavenir.  Petet i ava annan en rediksyon.  E ou 2enm kestyon Onorab, Mr Speaker sa osi en keksoz ki nou’n met ater, pou nou vwar.  Parey mon’n dir letan mon’n reponn kestyon pou Onorab Ramkalawan., mon’n dir ki si zanmen i annan okenn lenzistis, nou bezwen fer mannyer nou a rod fason pou nou korize.

E sa osi petet i ava tonm ladan letan nou pou fer nou bann diskisyon.  E si i pa pe abouti dan nanryen, evidaman nou ava sey rod en solisyon.  Mersi Mr Speaker.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker 2 pti kestyon lo laliny bann ki’n ganny demande.  Premyerman ki Minister pe fer pou asire ki, apre ki’n annan bann negosyasyon pou ki i annan, pou ki zot annan en fason transparan pou kominik bann desizyon mazer?

Akoz nou konnen i annan plis lentere dan asire ki nou ganny valer pou resours, vi ki ton i resours ki nou pe konsidere.

E dezyenmman eski Minis osi dan sa bann Lagreman ki nou pe sinyen, nou pe osi regard lo nivo sipor sektoryel ki al ver lapes artizanal.

Pou fer ki bann montan ki nou mete pou lapes artizanal.  E la nou pe koz pou bann, lo bann sipor pou fer bann bazar slipway, bann lezot keksoz.  Akoz sa i vin en sipor adisyonnel atraver sa progranm, ki al ver sa bann peser.  Sa osi pe ganny enkli.  Akoz i annan bann demann an plis konmela.  Nou pe koz lo bann ice plants.  I annan bann nesesite, rock armoring, prepar bann lapas.  En proze an kestyon par egzanp si proze Glacis.

Mon pa pe koz lo proze spesifik, me selman mon pe koz lo zeneralman.  Eski zot pe revwar modality sipor osi pou sa bann progranm anba negosyasyon ki zot pe fer?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr speaker parey mon’n dir, se ki enn fwa ki nou termin negosyasyon, nou pou fer demann avek ou Mr Speaker, pou ki mon kapab vin donn full detay lo kontrandi, lo laspe administrative e finansyel ki i annan pou fer avek sa Lagreman ek Protokol.

En fason i a vin en bon fason pou nou kapab edik nou bann, nou pep Seselwa lo ki nou’n nabou gannyen vizavi nou resours.  E dezyenmman konsernan sector of support.  Parey letan nou ti lans Plan Konpreansiv pou Lapes, nou’n fer en fason ki sectorial support i al direkteman as much as possible pou nou al ed nou bann lapes artizanal.

So nou pe deza konmans sa.  Nou’n konmans li la, anba sa Protokol ki pe fini.  Kot nou nabou al re negosye serten konponan pou nou servi serten kantite larzan, ki nou pe deza fer.

E prezan ki nou ava fer, nou ekspekte poudir baze lo lezot proze, an vi ki plan konpreansiv i pou 3an.  I pou annan larzan osi ki pou bezwen sorti dan sa nouvo Protokol, enn fwa nou’n tonm dakor pou nou kapab servi, pou nou kapab kontinyen enplimant sa bann proze, ki nou’n dir nou pou fer anba Plan Konpreansiv.  Mersi Mr Speaker.

 

MR DEPUTY SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker.  Bonn apre midi Mr Speaker.  Bonn apre midi Minis.  Bonn apre midi tou dimoun ki pe ekoute.  Mr Speaker mon ti a kontan demann Minis, mon pe refer avek lannen 1987 kot Linyon Eropeen ti pe pey €1 par tonn pou sak maren peser.

Avek letan in annan devalyasyon Roupi, notaman 2008 ler IMF ti vini.  I annan bokou konplent ki bann peser pa’n ganny en azisteman baze lo devalyasyon Roupi par tonaz ki zot in lapes.

Eski sa bann peser i annan en ka lenzistis la ki zot kapab fer en claim avek Minister, enkli zot saler de-baz osi ki zot pe dir pa’n ganny revize accordingly?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker parey mon’n dir, se ki si zanmen i annan okenn lenzistis, nou pou fer mannyer nou pou adres li.  Ki swa lo nivo pansyon, ki swa lo nivo prim ki zot devret ganny peye pou tonaz;- ki swa lo nivo saler, ou kwa.

Tou sa bann laspe ki i annan pou fer avek zot benefis Mr Speaker.  E nou pe fer mannyer pou nou kapab touse.  E apre mon ava vin donn zot en kontrandi, kwa ki posib, kwa ki pa posib, apre nou ava regarde from there.  Mersi Mr Speaker.

 

MR DEPUTY SPEAKER

Mersi Minis.  Onorab Clifford Andre.

 

HON CLIFFORD ANDRE

Mersi Mr Speaker.  Mr Speaker mon premye kestyon se, Minis in dir nou poudir i annan en peyman €20 par zour letan napa, en peyman €20 par zour oubyen par mwan, koriz mwan Minis ki ganny fer.

Letan pa pe met peser Seselwa lo bato.  Eski Minis i kapab dir nou, par lefe ki nou annan en serten nonm bato.  Ki kantite bato nou annan, ki anba sa Lagreman, e konbyen ki napa maren peser lo la? Pou nou kapab kalkile, si i kapab donn nou sa sif pou mwan, si SFA i bezwen annan.  Sif lo konbyen larzan ki nou’n anmase?  Posibleman pou sa dernyen 10an.  At least nou kapab konnen.

2enm kestyon se, eski Gouvernman Sesel ansanm avek Maritime School, pe prepar bann zenn pou zot ganny mete lo sa bann bato?  Pou ki i a fer pou ki nou ava annan en rediksyon dan sa ki ganny peye, sa larzan ki ganny peye avek nou.  Olye nou ava annan peser, maren peser ki la lo la.  Lot kestyon, mon konnen Minis ki ou’n dir ki dan kad negosyasyon ou pa kapab devwal tou, sa i korek, i normal.

Me mon ti a kontan dir ou, pran konsiderasyon negosye lo bann casual labour ki travay avek bato.  Si i annan serten laranzman i kapab ganny fer letan i low        season.  Akoz zot depan lo sa bato letan i vin isi pou zot livelihood.

Pou ki zot ava kapab annan en larzan ki zot kontinyen gannyen.  Apre sa lot ou’n tous lo la, Onorab Ramkalawan in tous lo la.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker mon konnen poudir nou annan 27 bato EU ki lapes dan nou delo.  Me solman lenformasyon ki Onorab in demande konsernan sa €20 par zour ki sipoze ganny peye pandan en dernyen 10an.  Mon pou napa lenformasyon avek mwan Onorab.

E sa i pou baze osi lo ki kantite maren peser ki anbark lo sa bann bato.  E mon kapab dir ou ozordi i se ki nou napa sifizaman maren peser pou anbark lo tou sa bato.  En bon pe sa bann bato, nou pa pe ganny Seselwa pou anbark lo la.

E se pou sa rezon ki nou osi nou’n fini konmans diskisyon avek Maritime
School
pou nou konmans train nou bann dimoun,  ki en fason ki enn fwa Bondye pitye, nou kapab ganny en bon Lagreman avek EU ki pou ankouraz nou bann zenn dimoun.  Sirtou pou nou kapab kree en nouvo zenerasyon maren peser.

Konsernan casual labour Mr Speaker, mon krwar sa i annan pou fer avek bann Lazans Lokal, Hunt Deltel ek Mahe Shipping.  I pa neseserman tonm anba sa Protokol.

Akoz nou i plizoumwen en Protokol, kot pou donn Linyon Eropeen akse pou zot lapes dan nou delo.  I pa extend to the, kot nou pou ariv ziske kot bann stevedores i konsernen.  Mersi Mr Speaker.

 

MR DEPUTY SPEAKER

Mersi Onorab.  Onorab Churchill Gill.

 

HON CHURCHILL GILL

Mersi Mr Speaker.  Minis mon oule zis met dan ou latansyon ki i enportan nou fer antre konponan lasirans pou nou bann maren ki travay lo la.  E sa i twofold.

Enn ler i ariv en aksidan kot zot kapab sonnyen, geri retournen.  Apre enn si i ariv aksidan kot zot envalid.  E sa osi mon krwar i devret ganny enkorpor.  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Wi Mr Speaker, lasirans i deza enn bann eleman ki dan Protokol.  E zis i annan serten travay pou nou fer lo kwa ki ti pe ganny ofer avan, avek sa ki petet nou krwar i devret ase rezonnab.  Mersi Mr Speaker.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker mon premye pwen ki pou konklir dan en kestyon.  Se, en pe bann konsern ki nou pe mete, an menm tan osi.  Parske nou anvi partisipe ladan.  E petet mon ti ava dir avek Minis ki i kapab servi sa bann pwen an relasyon ek Lasanble.

Konmsi menm pou ede pou met en pe presyon lo bann Eropeen.  Pou dir avek zot be, sa en pe bann keksoz ki Lasanble Nasyonal pe demande.  Parski apre tou sa Lagreman i pou vin isi devan nou.  E si nou vwar poudir nou bann maren peser pa pe ganny zot, nou kapab demande ki keksoz i ganny fer diferaman.  Alor pou pran sa an konsiderasyon.

r Speaker i annan en pwen mon konnen ki sansib.  E sa se sa zafer double charter.  Kot mon konnen ki bann bato ton zot pe rode sa.  E sa basically kot zot annan en kota Sesel, Sesel li i annan en kota.

E Madagascar osi tou i annan en kota li.  Me Sesel li, bannla pe lapes, e zot pou ariv zot kota.  Tandis ki Madagascar li zot kota i pa ankor, i pa pe, zot pa pe servi li avek menm lavites.  E ki letan sezon pou fini, letan sezon pou fini.

Madagascar li son kota, kekfwa i pou’n servi zis 30 poursan son kota, oubyen 40 poursan son kota.  E aprezan bann bato ki pe lapes isi, letan zot kota pou fini, zot pou anmar bato.  Napa lapes ankor pou zot fer.

Parski zot in epwiz zot kota.  E letan bato i anmare isi Sesel, nou ki end up avek bann problenm.  Parski nou bann, nou bann stevedores, nou bann dimoun, zot pa pe ganny travay.  Akoz bato pa pe anmenn ton ater.

E alors nou rantre dan plizyer bann problenm, bann problenm sosyal ou kapab apel li.  Ki posibilite, kekfwa sa i en pti gin an deor, an deor nou kestyon.  Me solman lo sa, ki posibilite pou Gouvernman Sesel rantre an kontak, e fer en negosyasyon diplomatik avek Madagascar par egzanp,  pou ki sa bann bato, bann tonnye Eropeen, Letan zot kota pe fini Sesel,  zot ava kapab al anba kota Madagascar.  E ki mannyer mon konpran, Maurice osi tou.  Zot, zot ti ava kontan, parske si i pe lapes anba zot kota, zot pou ganny en keksoz zot.  Tandis ki la zot pa pe ganny nanryen.

Zot pa pe ganny nanryen, pou ki zot ava lapes anba kota Madagascar.  E zot ava kapab anmenn zot pwason isi.  Parski Sesel i reste zot por prefere.  E atraver sa, nou bann Sesel i ava benefisye lo tonaz ki ganny debarke isi.  E an plis ki sa bann lezot servis, ship handling, stevedoring ek tou bann lezot zot ava kapab benefisye.

Konmsi mon pe demann sa Mr Speaker, pou regarde ki mannyer Sesel i ava kapab benefisye dan tou fason.  Parski sa i en size enportan. Me apre mon dernyen kestyon i konsern sa eleman training.  Nou konnen ki poudir, pou train en dimoun ki pou li kapab al travay lo, lo bato ton koman en peser maren, i annan, i annan en course 3 mwan.

Ok, i annan e course 3 mwan ki zot kapab fer Sid Lafrik.  E lefe ki nou, nou Lekol Maritim i pa lo sa nivo pou le moman, pou li anvoy nou bann zenn train, eski Mini si ava osi konsidere, e sa i vin pirman lo nou kote.

Pou ki Sesel, par egzanp i kapab fer en Lapel d’offre or whatever you want to call it.  Kot ankouraz nou bann zenn, pou dir ek nou bann zenn, Gouvernman Sesel i annan lentansyon fer sa course 3 mwan, Sid Lafrik.  Bann zenn anvway zot, fer zot laplikasyon.

E apre sa nou anvway en 20tenn zenn, 20tenn zenn zot fer tou bann diferan Lagreman, zot pou fer en kontribisyon, ki mannyer i ete.  E ou pran 20 zenn ou anvoy zot train Sid Lafrik 3 mwan.  E deza la ou annan ou en group zenn ki kapab al lo bato.

E la olye ki Sesel i ganny €20 par zour, sa fanmir, sa zenn i pou ganny li bokou plis ki, bokou plis ki sa larzan.  E Sesel i benefisye ankor.  Mon pe met sa ankor devan ou Minis.  Mersi bokou Mr Speaker.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker mon ava pran sa dernyen pwen premye.  Nou pa pou bezwen al Sid Lafrik pou sa.  Annefe lenformasyon ki nou annan se ki nou Lekol Maritim i kapab ofer sa course STCW 2010 si mon pa tronpe, wi.  E ki anba Protokol, mon konn sa tre byen.

Akoz mon pe partisipe.  Nou pe vwar enn bann requirements se ki nou pe dir fodre i annan sa STCW, fodre zot annan pou bann zafer fire fighting, safety, plizyer lezot keksoz ki atase avek.  Me sa nou kapab fer li isi.  Set egzakteman sa nou plan.  Nou plan se pou nou otan ki posib, apre ki nou’n kapab organiz kondisyon nou bann mare peser, then pou nou kapab kree, ouver   sa laport pou ki nou zenn i ava anvi al lo bato.  Me la an se moman mannyer sityasyon i ete, baze lo ou kestyon orizinal, mon panse kot direksyon ti pe ale, se ki kondisyon pa neseserman akseptab.

So ler nou ava’n kapab atraver sa Protokol, negosyasyon improve lo nou bann kondisyon pou nou bann mare peser, then i pou annan incentives pou nou bann zenn ale.  E alor vwala kot nou osi an menm tan nou fer bann negosyasyon.

Parey anba nou Plan Konpreansiv Lapes i dir, nou fer travay avek Lekol Maritim, pou nou kapab donn zot o tan sipor ki nou kapab.  Si non pa, vin lo preski lo menm lanpler parey i pe fer avek SEYPEC, pou ki nou kapab devlop nou sekter Maritim.

Se sa ki nou pe fer avek Lekol Maritim an se moman.  So nou kapab fer sa Sesel.  Nou pa pou bezwen anvoy Sid Lafrik.  Konsernan sa issue, mon krwar ki i annan pou fer avek charter.

Ou konnen, pa tro lontan, apepre en 6 mwan pase ti annan en request pou menm keksoz parey ou pe dir mwan la.  Akoz i annan serten, en serten pei dan larezyon ki ti anvi petet pou serten bato ki dan sa ka i flag paviyon Sesel.  Pou li osi, pou li de flag, pou li ale al lapes Madagascar.

Me solman nou. Nou pa ti tonm dakor lo la, pou rezon akoz i annan en kondisyon anba IOTC ki fer provizyon konmkwa ki otan ki posib nou devret pe ankouraz bann, bann coastal states pou zot kapab devlop zot lapes ansanm avek enn bann pei ki pli avanse.

Par egzanp, par egzanp nou annan Japon ki pe ed Sid Lafrik.  Sa i pou ok, akoz i pe ed Sid Lafrik pou devlop son sekter lapes.  Me lo nou kote nou ti pe vwar poudir sa i ti pe bypass sa rezolisyon IOTC.  Alor nou pa ti pe neseserman tonm dakor lo la.  Me pou reponn ou kestyon direkteman, se ki sak pei i ganny zot kota.  Pou le moman lenformasyon ki nou annan, se ki Madagascar pa neseserman annan en kota.  Akoz pou ou ganny ou kota, fodre ou ti pe lapes plis ki 5mil tonn yellowfin, ok. 

E zot napa en kota.  Me solman zot pa ganny drwa lapes plis ki 5mil tonn yellow fin.  Nou lo nou kote nou, nou kota mon krwar i anviron 32 ou 33mil tonn ton yellowfinSo nou ok.  Now si baze lo largiman kestyon ki ou pe met devan i annan pou fer ek Linyon Eropeen, Linyon Eropeen i annan son kota.

E baze lo kestyon orizinal, diskisyon nou pe frer avek EU, e EU li ki pou fer avek son bato, vi ki i pe flot paviyon EU, se li ki ava deside kote i pou plas son bann bato.  Me nou, nou konnen nou annan en Lakor avek li pou en serten kantite bato.

E li upfront i pe pey nou access fee baze lo sa serten kantite bato.  Si demen  i deside dan plas 27, pou li annan 26 ou 25.  Sa li i organize lo son kote.  E li i manage son kota as a blockThat is the difference.  Mersi Mr Speaker.

E dernyen pwen petet Mr Speaker.   Sa bann pwen ki zot pe donn nou la apre midi.  Mon remersye zot pou sa.  Me mon kapab dir zot osi, preski tou sa bann pwen, tou sa bann pwen i deza anba konsiderasyon, nou ti’n pran kont.  Akoz nou, nou tre sansib kot nou bann maren peser i konsernen.

Akoz parey nou dir 20 poursan lakantite ton ki atrape dan sid was Losean Endyen, i atrape dan nou delo.  E nou bezwen fre en fason ki nou Seselwa i benefisye o maksimonm.  Mersi Mr Speaker.

 

MR DEPUTY SPEAKER

Mersi Minis.  Bon mon krwar nou’n fini avek sa PNQ prezan.  Nou ava al, nou ava al alors lo sa Kestyon Dirzans.  Ki pou menm Minis me poze par Onorab Clifford Andre.

 

HON CLIFFORD ANDRE

Mersi Mr Speaker.  Mr Speaker kestyon pou Minis i lir koumsa. La ki Kontrakter.

 

MR DEPUTY SPEAKER

Zis avan ou ale Onorab Andre.  Minis ou’n sinyal mwan, ou ti oule -?  I ok, kontinyen Onorab
Andre.

 

HON CLIFFORD ANDRE

Mersi Mr Speaker.  Kestyon i lir koumsa La ki kontrakter in resaman konmans serten travay an relasyon avek proze re devlopman bazar e fasilite pour peser Anse Aux Pins, eski Minis responsab pour Lapes i kapab enform sa Lasanble lo sa bann detay swivan. Premye;

  • Anvi ki dan miting avek

bann peser sa distrik dan prezans MNA Anse Aux Pins ek Aux Cap. Minis ti asir tou dimoun ki se proze son Minister ki pou ansarz sa devlopman e non pa Lakonpannyen 2020, kan e akoz sa desizyon in sanze?

(2) Eski Minis i kapab dir Lasanble si i vre ki Konsey Minis in donn son laprouvasyon pour tou lede proze, enn par 2020 e enn par Minister Responsab pour Lapes?

(3) Eski Minis i kapab donn en leksplikasyon lo ki mannyer bann laranzman pou bazar pwason ek stor peser pou ete ler louvraz i deroule?

(4)  Eski Minis i kapab donn detay finansman sa proze?  Mersi.

 

MR DEPUTY SPEAKER

Mersi Onorab Andre.  Minis.

 

MINISTER CHARLES BASTIENNE

Mr Speaker wi mon ti fer miting ek peser Anse Aux Pins e Au Cap, dan prezans MNA Anse Aux Pins.  Evidaman osi avek prezans MNA pou Au Cap.

Proze re devlopman bazar e fasilite pou peser Anse Aux Pins i konpri 2 konponan.  En konponan i annan pou fer avek re aliman semen dan krwaze devan larantre pon, ki al Ile Soleil e proze lenfrastriktir pou lapes ki pou ganny konstri lo sa morso later kot bazar aktyel e kot stor i ete.

Sa plan proze lenfrastriktir i proze Minister Lapes ek SFA e non pa 2020.  Sa ki konsern 2020 se re aliman semen aktyel pou kapab konstri semen apropriye pou antre Ile Soleil.

Konsernan 2enm kestyon, konsep proze 2020 ti ganny aprouve par Planning Authority an 2013 ki ti enkli semen e osi serten lenfrastriktir de-baz.

Baze lo nouvo konsep e bann lenfrastriktir pou lapes ki Minister in diskit ek bann peser sa 2 distrik, konsernan zot bezwen.  I  pou donn lenportans sa sekter e valoriz sa landrwa en pe pli byen.  Prenon kont ki napa bokou later dan sa distrik pou fer devlopman pou lapes, Minister ti vwar li neseser pou reviz sa plan devlopman.

Ler nou ti pe devlop Plan Konpreansiv pou lapes, nou’n zwenn a 2 repriz avek 2020.  E Minister Labita, Lenfrastriktir ek Transpor lo Later ek son bann Lazans konsernen pou tonm dakor lo sa nouvo propozisyon.

An prensip ti napa okenn lobzeksyon.   E lo sa baz ki sa plan ti ganny aprouve par konsey Minis, prenon kont nesesite semen pou 2020 al Ile Soleil.  Alor pou reponn ou kestyon Onorab, napa 2 diferan plan ki konsey Minis in aprouve.

Me i en plan ki reflekte bezwen ek realite sa sekter ozordi.

Mr Speaker 2020 in bouz avek zot proze.  Akoz legzizans pou zot ganny zot semen pou al Ile Soleil.  Vi ki devlopman lo sa zil i ase avanse.  E an menm tan nou ti pe fer le neseser pou ganny aprouvasyon Planning pou sa proze lenfrastriktir pou bann peser.

Konsernan 3enm kestyon, Mr Speaker i annan 2 opsyon tanporer pou laranzman pou bazar pwason.
Enn;- i pou zot bouz kot bazar legim i ete.

E 2enm opsyon se pou bouz kot langar domino i ete parey mon ti diskit avek bann peser.  Tou lede opsyon i ankor ouver.  E nou pare pou bouz lo sa ki peser dan direksyon ki peser ti ava prefere.

An sa ki konsern stor.  Aktyelman i annan zis 4 peser ki pe servi sa fasilite egzistan.  E laranzman in ganny fer atraver DA, kot SFA in plas en container, ki annan 4 separasyon ladan, kot sa 4 peser konsernen a kapab servi tanporerman pou lock zot lekipman.

E konsernan 4enm kestyon, finansman pou proze semen pe ganny fer par 2020.

E finansman lenfrastriktir, setadir sa bann fasilite i responsabilite SFA anba finansman sorti dan Sectorial Support Fund, anba Lakor Lapes ki nou annan avek Linyon Eropeen.  Mersi Mr Speaker.

 

MR DEPUTY SPEAKER

Mersi Minis.  Onorab Andre.

 

HON CLIFFORD ANDRE

Mersi Mr Speaker.  Mersi Minis.  Minis ou’n dir ki apre ki ti’n ganny diskisyon avek bann peser, ti an en revizyon sa plan, si mon ganny li korek.  Ti annan en revizyon sa plan ki ti ganny diskite avek nou dan miting.

Ki’n al kot Minister Lenfrastriktir avek Minister Lapes, sorryPlanning
Authority
ki zot pa’n vwar okenn issues avek.  Alors sa pe ganny enplimante.  Eski sa revised plan i kapab ganny port a latansyon bann peser?  Pou zot kapab gete, e- Parske dan miting Minis, ti dir ki poudir sa i sa ki final ki nou pe al fer.

So mon osi mon pa konn okenn revizyon ki pe ganny fer.  Ti a bon ki sa i ganny met a nou latansyon pou nou kapab vwar en pti pe, ekler nou kontribisyon si i neseser.

Dezyenmman, Minis, kot Lofis Ladministrasyon Distrik i ete, i lot kote semen.  E menm si, menm si i ti annan en peser ki ti pe servi sa fasilite storage.  I en serten lenkonvenyans, sirtou dan bomaten ek sa volim trafik ki pe desann sorti dan Sid, pou zot koup semen avek masin.  Sorti kot Lofis DA pou zot al bor lanmer.  Mon krwar kekfwa nou bezwen revwar en pti pe sa storage facilities.  Ki ava menm kote avek kot zot kit zot bato pou fasilit sa deplasman.

Lot kestyon Minis, se ki, eski, as it is now, tou lede devlopman pe al pran plas.  I pa zis semen ki 2020 pe fer apre.  Pou fer lo zot tou lede pe, i on going zot tou lede.

So ki bann peser i ava ganny sa kler.  E lot se ki kot bazar Minis, kot ou pe demann zot pou bouze.  I napa fasilite delo.  Eski tou sa bann fasilite pou ganny enstale?  Akoz i pa pou normal pou peser al dan en landrwa kot i ti pe annan en fasilite delo.

Be laba kot i pe ale, napa fasilite delo.  So eski sa bann fasilite pou ganny met an plas.  Ou’n dir sa i ankor lo latab pou diskisyon.  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker mon pa okouran si i annan en plan revize Onorab.  Plan ki nou annan se sa plan ki nou ti prezant avek ou ansanm avek Onorab Pillay.  Sel sanzman ki nou pou annan dan sa plan, ki nou ankor pe esper Minister Labita, se konsernan sa magazen si i pou bouze, ok.

Akoz si magazen i bouze.  Then ti annan plan pou nou met en fish store parey nou dir en fish shop, en fish shop outlet.  Me si magazen i bouze, nou ava kapab met sa fish outlet.  Sa magazen pa bouze then nou pa pou kapab met sa fish outlet.  Me tou lezot fasilite ki peser nou ti promet zot, zot pou gannyen, i parey.  Se sa ki kot nou ete lo la.

Apre dezyenmman Onorab.  Si mon pa tronpe, I stand to be corrected, sa container i lo kote bor lanmer.  Mon pans pa si i lo kote kot DA.  Ok, i lo kote bor lanmer.

Nou a verifye sa en.  Si mon pa tronpe i bor lanmer, so napa issue koup semen.  Apre eski tou lede devlopman pou ganny fer an menm tan?  2020 in award Kontra pou proze semen ki pou, fer semen neseser ki pou ariv, pou al lo Ile Soleil.

Nou espekte la ki nou’n fini sort out enn de bann, bann diferans ki nou ti annan konsernan re alinyman semen ansanm, avek 2020, ki by Vandredi nou ava ganny sa plan final.

E ki la prezan nou dan en pozisyon pou nou ganny laprouvasyon avek Lotorite Plan pou nou kapab proceed avek sa proze ki an prensip ti napa gran lobzeksyon.  Ti napa neseserman lobzeksyon lo la, ok?

Apre fasilite delo i pou tou depan.  Parey mon’n dir se ki mon zofisye i ava koz avek peser Anse Aux Pins.  Nou ava regarde lekel ant sa 2 fasilite ki nou pou okipe.  E nou a fer provizyon par sa ki ti annan kot sa bazar ki ti egziste la, menm keksoz i pou annan.  Napa nanryen ki pou sanze, ki mon ti diskit avek zot, konpare letan mon ti vin fer zot miting avek zot kot lekol Anse Aux Pins.  Mersi Mr Speaker.

 

MR DEPUTY SPEAKER

Mersi Minis.  Onorab Andre.

 

HON CLIFFORD ANDRE

Minis ou’n dir nou en pti i annan, zot find out bann diferans ki zot ti annan avek 2020 an referans avek lalinyman semen, e by Vandredi ou’n dir sa pou ganny soumet.  Eski nou kapab ganny en kopi, antretan ki zot pe soumet.  Konmsi letan zot fini fer sa bann plan, eski nou kapab ganny en kopi?

Akoz lendikasyon ki mwan mon’n gannyen avek bann peser, mon krwar, mon pa konnen si zot in vwar sa plan.  Zot annan serten rezervasyon.  So avan ki kekfwa i ganny met anndan apre nou bezwen resanze whatever.

Konmsi si i ti a posib pou nou kapab gannyen pti kou sa, pou kapab gete ki zot konsern zot annan avek.  Mersi.

 

MR DEPUTY SPEAKER

Minis.

 

MINISTER CHARLES BASTIENNE

Mr Speaker tou sa ki nou’n fer lo sa proze, o tan ki posib nou’n konsilte.  Pa pou en problenm pou nou diskite.

Me solman lendikasyon ki nou’n gannyen se ki, pa neseserman annan okenn sanzman ou gran sanzman.  I zis ki i annan en de pti modifikasyon pou fer avek re alinyman semen.  Otherwise keksoz i sipoze reste parey.  Mersi Mr Speaker.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker letan mon pe ekout sa konversasyon.  Gouvernman, 2020 ensidswit.  Mon annan en konsern mwan.  Parski i resanble ki vizavi 2020 i annan serten, i annan serten konfizyon ki pe arive.

E se sa kot mon ti ava kontan ganny en konfirmasyon, en pe parey sa ki, sa kestyon Onorab Andre in vize.  2020 i ankor annan en problenm pou li rezourd dan Anse Aux Pins.  E la i annan tou sa bann lakaz ki’n, ki letan zot ti pe fer piling, bann lakaz ki’n claim, ki poudir zot in ganny afekte.

E ziska aprezan, depi ler, pa ou Minis.  Depi ler en lot Minis ti vin dan Lasanble, e ziske la napa nanryen ki’n bouze.  Napa nanryen, whatsoever ki’n bouze.  Nou ti ganny promet en miting avek tou bann, tou sa bann rezidan, napa nanryen ki’n ganny fer.

Mon ti ava kontan Minis.  Mon mazinen ou’n fer li dan en serten fason.  Me selman ou pou donn nou sa, sa konfyans, ki poudir sa issue i pa pou vin enn kot nou pou trouv nou dan en pozisyon, kot enn pou dir.  Li ki ti sipoze fer, li i sipoze fer sa bout.  Mwan mon sipoze fer lot bout.  E apre lot ti dir be non, mwan mon pa sipoze fer sa, li ki ti sipoze fer sa.  Konmsi ki konfyans e garanti ki ou kapab donn nou?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, nou annan miting ase regilye ki nou ti’n prize ansanm avek 2020, i fer ansanm avek SLTA.  Pou nou fer sir poudir dabor 2020 son proze i realize.  Setadir pou li kapab fer semen apropriye dapre standar.

E demann ki Land Transport Department i demann li.  Me nou lo nou kote nou, nou anvi ki nou enplimant sa proze, en proze ase lo standar, modern pou nou bann peser.  So, mon pa pou vwar okenn problenm.  Okenn rezon akoz ki tou lede proze pa kapab ganny enplimante.

Mon napa kontrol lo 2020.  Me solman sa ki mon konnen se ki mon’n ganny dir avek zot poudir zot deza annan, zot annan finansman pou egzekit proze pou kapab fer semen pou al lo Ile Soleil.

E nou lo nou kote, parey mon’n konfirmen, nou annan nou finansman pou nou enplimant proze pou bann peser Anse Aux Pins avek Au Cap.  Vwala, mersi Mr Speaker.

 

MR DEPUTY SPEAKER

Mersi Minis.  Bon nou’n ariv a la fen bann kestyon pou ozordi enkli PNQ.  Lo nou Order Paper nou ti osi annan en Statement par Minis.  Me vi ki in ariv 5er mwen 5, mwan mon pou sizere ki nou adjourn pou ozordi e nou a kontiny demen bomaten avek sa Statement ki a swiv par bann kestyon lo tou lede kote.

E nou a kontiny larestan travay ki i annan demen.  Alor avek sa nou pou adjourn Lasanble ziska demen bomaten 9er.

 

(ADJOURNMENT)