::
Home » Verbatim » 2019 » Verbatim Thursday 10th October, 2019

Verbatim Thursday 10th October, 2019

NATIONAL ASSEMBLY OF SEYCHELLES

Thursday 10th October, 2019

The Assembly met at 9am

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bon bonzour tou bann Manm Onorab.   Dimoun ki pe swiv Lasanble Nasyonal bomaten le 10 Oktob 2019.  Avan mon – nou konmans travay, nou bezwen fer sir nou annan en quorum, ki mon ganny lenpresyon mon napa. Me mon a demann Madam Clerk pou zis verifye.  I annan 14 Manm.  Nou bezwen 17 Manm pou en quorum.  E petet nou a donn detrwa minit pou regarde si i annan lezot Manm ki kapab zenn nou.  Onorab Ferrari? –

E pandan ki nou pe atann pou nou ganny en quorum zis pou enform bann ki pe swiv nou ozordi bomaten  mon dan Chair.  Prensipalman akoz Speaker Onorab Nicholas Prea i lo en Misyon travay IPU.  E alor i an deor pei, in kite depi yer swar.  E nou ti’n komans deba lo en Mosyon ki’n ganny prezante par Onorab Leader of Government Business pou demann en Bidze Siplemanter.  E nou ti’n fer – ti annan plizyer entervansyon e nou ti’n fini avek deba an zeneral lo la.  Me solman nou ti’n deside ki ozordi vi ki ti annan bokou kestyon plito teknik lo bann sonm ki’n ganny met dan sa Bidze Siplemanter, ki nou ti pou envit tou bann Lazans relevan avek zot teknisyen pour ki zot a kapab donn leklersisman neseser pou tou bann Manm.

E bomaten nou ti pou ekspekte ganny en pe leklersisman avek Minister Finans li menm avek zot bann teknisyen.  E osi Lazans pou Proteksyon Sosyal  ki ti’n ganny demande pou vini, Departman Lenfrastriktir e osi PMC ki ti annan en Bidze sibstansyel.  So nou pou ekspekte zot pandan lazournen.  Mon ekspekte ki deba i kapab – kestyon plito dan Staz Komite i kapab al ziska 10.30. Petet i kapab extend.  Si fodre nou break nou ava ale ziska midi.  So vwala en pti pe kot nou ete an term travay.  Onorab De Commarmond.

 

HON CHARLES DE COMMARMOND

Bonzour Mr Speaker.  Wi PMC si mon pa tronpe – bonzour tou Manm osi, Onorab e tou dimoun a lekout.  PMC nou ti dir SS Payet ti dir pa neseser fer zot vini, akoz i annan ase lenformasyon pou donn nou si mon pa tronpe.

 

MR DEPUTY SPEAKER

Ok.  Nou a regarde ki mannyer lenformasyon zot donn nou i ete.

 

HON CHARLES DE COMMARMOND

Solman bann lezot i ava vini pou eklersi nou ava get mannyer i ale.  Mersi.

 

MR DEPUTY SPEAKER

Mersi. Onorab Ferrari.

 

HON JEAN-FRANCOIS FERRARI

Mr Speaker mon krwar nou pou annan en quorum. I zis ki i annan de lensidan la.  Enn lapli, ki pe met retar enn de Manm sorti dan sid.  Me selman mon mazinen poudir dan 5 minit nou ava kapab konmanse.

 

MR DEPUTY SPEAKER

Ok.  Onorab De Commarmond.

 

HON CHARLES DE COMMARMOND

Mr Speaker mon agree avek sa ki pe ganny dir la, akoz nou osi nou’n ganny menm kalite problenm.  Nou annan deza de Manm ki sirtou enn ki vreman lensidan in arive kot li.  E ler mwan mon pe beg avek ou ki kekfwa nou donn en 5 a 10 minit delay akoz etandonnen sa lapli ki’n vini en sel kou granmaten.  Nou repran dan en pti moman.

 

MR DEPUTY SPEAKER

Ok. Mon dakor.  Mon pe mazinen petet si nou konman dizon dan 9. 20, si zot panse petet donn ase letan oubyen 9.30.  9.20. Ok.  Be alor nou ava adjourn ziska 9.20.

 

(Technical break)

 

MR DEPUTY SPEAKER

Bon bonzour tou bann Manm Onorab.  Mon konpran i annan zis 16 Manm pa 17, me selman i annan en dimoun ki deor ki  fek sorti.  So nou pou  annan en quorum.  Alor nou kapab konmans nou travay.  Parey mon ti eksplike nou pou al dan Staz Komite bomaten lo sa Mosyon pa Onorab Leader of Government Business Onorab De Commarmond, pou Lasanble aprouv en Bidze Siplemanter.  E san tarde alors mon ava envit parliamentary clerk pou dir Minis avek son delegasyon pou zot zwenn nou dan Lasanble.

Bon mon ti a kontan swet la byenveni parmi nou Minis Finans, Anbasader Maurice Loustau-Lalanne avek son delegasyon ki konpri bann zofisye Minister Finans, SS Patrick Payet, PS Damien Thesée, PS Yves Choppy ki sorti dan Ministry of Housing Infrastructure and Land Transport.  E nou annan osi Mr Marcus Simeon CEO ASP e Ms Astride Tamatave kot Minister Finans.

Bon avek sa nou ava konmans bann kestyon ki zot annan.  Me avan nou ale mon ava demann Serzan pou met nou dan Staz Komite.  Onorab Pillay in zis alert mon latansyon ki nou bezwen en Mosyon pou move into Committee Stage, so nou a fer li just for the records. Eski i annan en Manm ki kapab propoz  –  Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon oule move ki nou al dan Committee Stage pou ki nou kapab ganny enteraksyon avek bann zofisye Minister Finans e lezot zofisye an se ki konsern Supplementary Estimate.  Mersi.

 

MR DEPUTY SPEAKER

Mosyon i ganny segonde.  Onorab Valmont.

 

HON JUDE VALMONT

Bonzour.  Mosyon i ganny seconded Mr Speaker.

 

MR DEPUTY SPEAKER

Mersi.  Nou a pran en vot lo moving into Committee Stage.

Tou bann ki an faver?

Mersi.  Okenn Manm ki kont?

Madanm Clerk ou a donn nou reading?

 

MADAM CLERK

Mr Speaker 15 Manm in vot an faver e personn kont.  Mersi.

 

MR DEPUTY SPEAKER

15 Manm in vot an faver.  personn kont.  Savedir nou move dan  Staz Komite.  Mon a konmans pran bann kestyon ler nou dan Staz Komite.  Okenn Manm ki annan kestyon?  Onorab Ramkalawan.

 

HON WAVEL RAMKALAWAN

Mr Speaker mersi bokou.  Bonzour tou koleg Onorab e bonzour Minis avek ou delegasyon.  Mr Speaker avan ki – mon ti ava kontan si avan ki nou konmans demann kestyon spesifikman lo bann laliny dan sa Supplementary Budget, si Minis ti ava kapab donn nou rezon det pou sa sirkiler No.8.  Sirkiler No.8 Public Administration ki koz lo ‘’freeze on creation of post and recruitment’’.  Sa sirkiler i date le 26 Out 2019.  Eksplik nou akoz ki an Out lanmwatye lannen kot nou konnen ki poudir recruitment i pa neseser akoz ou annan en Bidze recruitment ki ou i konmans recruit le premye Zanvye.  I annan serten recruitment ki ou fer 2enm parti lannen.  E an plis ki sa vi ki Mid-Year Review se la aprezan ki nou’n ganny li.  I pa mid year sa ki nou’n ganny li.  I three quarter reivew.  Konmsi zis pou eksplik nou an Out kwa ki zot ti pe vwar, ki zot ti pe enpoz avek DPA,  en freeze on creation of post, parski DPA li i pa pran lo li menm pou li freeze.  E lefe ki DPA i tonm direkteman anba Lofis Prezidan, i bezwen ki Prezidan li menm li ki’n bezwen donn  sa direktiv pou sa freeze arive.

Konmsi mwan mon anvi konpran ki ti pe pase anndan.  Parski mon lafreyer se ki zot pa pe regard the big picture me zot pe plito zis regard Bidze.  Koup isi, koup laba,  san pou regarde si mon koup sa latwal en pe pli kourt eski mon pou kapab koud en kannson oubyen koud en rob oubyen en semiz?

So mon ti ava kontan premyerman nou regard rezon det sa sirkiler le 26 Out parski son konmansman i senpleman  dir ‘’with immediate effect.’’  ‘’With immediate effect a freeze has been imposed.’’  Silvouple donn mwan sa leksplikasyon.  Mersi bokou.

 

MR DEPUTY SPEAKER

Mersi Onorab Ramkalawan.  Minis mon donn ou laparol.

 

MINISTER MAURICE LOUSTAU-LALANNE

Mersi Mr Chairman. Bonzour tou Manm Onorab.  Mr Chairman mon pou reponn kestyon Onorab Ramkalawan,  me  si ou a permet mwan,  yer letan mon’n asiz isi mon’n pran bann not apartir lentervansyon Onorab Gill.  E mon ti a kontan kekfwa pas lo detrwa sa bann entervansyon pli spesifik kot kekfwa nou bezwen klarifye.  E letan mon pou fer sa mon ava osi anmenn larepons a sa kestyon ki Onorab Ramkalawan in poz mwan.

Bon si mon konpran in annan en pe diskisyon ki kekfwa Minister Finans i nepli efikas.  Mwan mon pa santi li koumsa ditou.  Senpleman akoz IMF i vin isi de fwa par lannen.  E IMF i fer en revi konplet progranm ki nou annan avek li.  E a sak repriz tou le 6mwan, nou fer en rezimen, en rapor ki ganny pibliye, i ganny met lo website and so on.  E resaman IMF ti dan pei.  Nou pa’n konplet sa legzersis senpleman akoz en nouvo direkter in ganny apwente.  E nou pou finaliz sa rapor Washington semenn prosenn.  Me sa ki mon konnen, se ki toultan nou’n meet nou bann target.  E nou annan nou de ou trwa target ki nou pa kapab sanze ditou.

Premye parey nou dir  i sa 2.5 primary surplus.  Akoz se sa ki permet nou redwir nou det.  E la osi i annan en 2enm target nou ti dir i bezwen vin 50poursan di-si 2021.  So tou sa ki nou fer ek Bidze nou bezwen fer sir ki sa de keksoz i ganny  respekte.  Me an  menm tan ki lekonomi Sesel i kontinyen grandi.  E parey Manm Onorab i konnen nou lekonomi i grandi tou le lannen.  Nou target se 3,9poursan.  E la konmela nou apepre 3,5poursan.  So nou lo bon semen.

Mon ti a kontan ki nou fer en Bidze par lannen e nou pa vin ditou ankor, kot Lasanble Nasyonal pou pas en Bidze Siplemanter.  Sa i osi target ki nou anvi fer.  Me mon santi ki nou pa ankor ariv lo sa nivo, senpleman akoz nou bezwen fer sir ki tou nou bann Minister, nou bann Departman, nou bann Lazans zot respekte zot Bidze.

Ki mon le dir par sa?  Si dan en vot ki Lasanble in aprouve ou annan ou R2milyon pou hire a vehicle.  Ou pa kapab depans R4milyon dan sa vot.  Ou bezwen toultan pe gete si i reste ou larzan dan sa  vot, pou ou al lwe loto.  Ou pa kapab pli tar vini dir be mon’n fini lwe la Bill peye.  I pa mars koumsa.  Me malerezman nou kontinyen vwar sa bann derapaz ki vini.  So se akoz de sa ki nou bezwen port atansyon plis atansyon lo nou Bidze.  E mon fer en lapel tou bann Minister, Departman ek Lazans, pou regard zot Bidze tou le zour.  Si larzan fuel pe fini aret met fuel dan loto.  Ord en lot landrwa,  vire. I annan prosedir ki ou kapab fer.  Ou pa kapab depans plis ki ou annan.

Mr Chairman in annan diskisyon. Mon’n tann zot in dir i annan 6mwan rezerv deviz etranze – i 6mwan lenportasyon dan pei.  Se pa vre.  Son target se 3.7mwan pou le moman.  Me nou’n servi nou de mezir.  I annan mwan lenportasyon ki en premye mezir ki nou servi.  Me i annan en lot mezir ki apel Ara Index.  Mon pa pou anter dan son detay li i pli konplike.  Me an 2018 nou Ara Index li i ti 128poursan.  E pou 2019 nou Ara Index nou target i 125poursan – in bes en pti gin.  Senpleman akoz nou rezerv in osi bese en pti gin.  So a lavenir nou pou servi sa ara index plito ki enportasyon, mwen enportasyon akoz i pli realis.  Sa i en lenformasyon ki mon anvi konfirmen.

Alor lo recruitment sa pwen ki Onorab Gill ti fer, i enportan pou note ki an 2019 dan Bidze 2019 ki nou ti aprouve nou ti annan nou 11, 487 post ki enkli bann post vakan.  Me ki nou’n vwar, ki post vakan kot i annan larzan i 1,136.  E letan nou’n fer nou assessment an Zilyet nou’n vwar ki ti annan ankor 725 post vakan ek larzan ki pa ti ganny ranpli.  E donk nou’n deside met en freeze lo sa recruitment.  Me i pa en total freeze pou tou sa 725 post.  Sa ki nou’n freeze e sa ki nou’n met dan Bidze siplemanter se nou’n met en total freeze lo 3 ekek post.  313 post ki nou’n freeze totalman.  Akoz nou’n dir ki i annan serten Departman, serten Minister, serten Lazans ki esansyel e nou pa pou touse.  Par egzanp Ledikasyon, Lasante, Imigrasyon, MHILT ek Lanplwa.  Sa nou pa pou tous ditou.  Nou’n les zot kontinyen avek zot bann post.

Lo Scheme of Service  pou SRC mon ti a kontan zis konfirmen ki dan Bidze 2019, nou annan nou en sonm R21.37milyon pou sa Scheme of Service SRC.  Zot ava rapel mon predeseser ti’n promet en enhancement Scheme of Service.  Ti annan en sonm R10milyon ki ti ganny mete apre letan mwan mon ti vini nou ti ogmant li pou ariv R17.9milyon.  Me la nou’n finaliz li lo R21.37milyon.

Tou le lannen parey bann Manm Onorab i konnen, tou le lannen nou vin devan avek en Bidze pou revwar serten Scheme of Service.  Nou’n deza diskite isi nou pa kapab donn en revizyon Scheme of Service tou dimoun en sel kou.  Se pou kwa nou fer detrwa a la fwa ki mannyer nou mwayen i permet nou.   E dan Bidze 2019 ti annan plizyer Scheme of Service ki nou ti donn larzan.  E mon kapab re konfirmen osi ki pou Bidze 2020 i annan detrwa ankor Scheme of Service ki nou pe revwar.  Tel ki pou Imigrasyon, pou Lanvironnman e detrwa ankor.

Mr Chairman prezan nou pou koz en kou lo ASP, akoz li in ganny bokou komanter ki’n ganny fer.  E mwan mon ti a kontan donn en pe lenformasyon lo ASP. Mr Simeon i la i ava osi kapab donn zot kekfwa lenformasyon ki pli azour.  Me lenformasyon ki mon kapab donn Manm Lasanble an sa ki konsern ASP e sa Bidze Siplemanter strikteman se comme swivant.

Pou Home Care i annan li de kategori konman zot konnen.  I annan Home Care full time.  I annan Home Care half day. Pou Home Care full time in annan en logmantasyon dan la kantite Home Carer.  An Zilyet par egzanp mwan Zilyet ti annan 2, 912 lo full time.  E lo half time ti annan 744. Ki fer en total 3, 656.  E donk sa i ogmante o fir e an mezir nou fer en previzyon me i ogmante. Si i ogmante nou bezwen take care.  E donk ASP dan son siplemanter ki in demann nou, in demann nou 30milyon. E letan nou nou’n fer nou kalkil nou pa’n akord li 30milyon.  Nou santi i kapab cope avek 28 milyon e se sa ki nou’n met dan Bidze.

Disability i menm zafer. Disability an Zanvye sa lannen ti annan 1,328.  Me an Out i annan 1,505.  Donk in ogmante par 177.  Letan i vini nou pa konnen ki mannyer i pou vini.  Nou bezwen take care.  Zot in demann en siplemanter 20milyon, nou’n akord zot si zot osi zot aprouve 20.79milyon. en pe plis.  E se la menm chose pou Welfare.

Welfare li osi in ogmante.  Zot in demann nou, Bidze 2019 pardon i 40milyon ki Lasanble ti aprouve.     E zot in fer en demann pou ankor R15milyon.  E nou’n akord zot zis R10.7milyon.  Letan nou’n regard sif.  Akoz nou bezwen regard sif pou nou etabli ki mannyer nou pou distribye, sa larzan.

Alor les mon a donn ou detrwa sif.  Sa bann ki anba kategori medical count an Out ti annan 153.  I annan en lot kategori ki apel supplementary count, 1152.  I annan unemployment count e li in bese ki en bon keksoz. In ariv 249 o mwan Out sa lannen.  Apre i annan en one-off e sa one off osi mon vwar in desann sorti 236 in ariv 46 pou le mwan Out.  E mon santi ki avek sa URS Scheme ki’n re vini in annan en lefe kot ou vwar enn i bes en pe e lot i ogmante, akoz nou pe tir dimoun met dimoun dan louvraz olye al lo WelfareSo i annan en improvement an sa ki konsern Welfare.  Taler mon asire ki Mr Simeon i ava kapab donn nou plis detay, met nou plis azour.  Akoz kekfwa son sif i en pe diferan avek mwan.  Alor Mr Hoareau li i ti demann, ti fer en lentervansyon lo poursantaz ki lareg plito zeneral.  Les mon a dir Onorab Hoareau ki wi an 2009 nou ti oule ki 7poursan GDP i dan saler.  E nou ti annan apepre sa konman barenm avek tou Minister Gouvernman.  Me apre  nou’n kree Lazans, nou’n kree lezot keksoz e li in vin anpyet lo la e in reste plito 10poursan GDP.

Me sa ki nou vwar dan Minister Finans se ki i pe ogmante.  I pa en bon keksoz.  La i pros 11poursan GDP nou Bidze e nou bezwen sey tenir li lo 10.  Ok nou les li varye en pti gin me nou bezwen keep an eye.  So ou lentervansyon i enportan.  E zis mon oule konfirmen ki nou pe regarde osi sa barenm.  Onorab Loze in koz lo constitutional bodies e la mon ti a osi kontan zis konfirmen, kot ti annan saving san Wages and Salaries nou’n fer en lazistaz. Me kot goods and services i konsernen pou bann constitutional bodies nou pa’n tous li ditou.  Akoz nou konpran louvraz ki nou fer e lentervansyon Onorab Ramkalawan yer swar i ti koz lo lefikasite Lasanble Nasyonal avek son Bidze.  E wi mon rekonnet ki Lasanble Nasyonal i en Lenstitisyon ki manage son Bidze e nou satisfe.  So se akoz de sa ki nou le ki sa lendepandans sa bann Lazans koumsa nou pa vin enterfer.  Nou donn zot,  zot larzan e nou les zot fer zot travay.   Me nou annan sa oversight e se akoz de sa ki nou deside pa tous li.

Alor Onorab Ferrari in koz en pe akoz reveni in tonbe.  Wi reveni in tonbe.  Mon krwar ki dan  prezantasyon akoz mon’n vwar prezantasyon ki Onorab De Commarmond in fer letan in prezant son Mosyon.  Nou’n donn leksplikasyon kote ki in tonbe.  Mon pa pou repete me zis lo tax in annan en komanter avek SRC.  Wi nou vwar ki business tax i annan en pti drop.  Me i ganny korize atraver VAT so finalman reveni ki nou gannyen atraver tax sorti kot SRC napa gran sanzman.  Me i kapab annan osi en problenm timing, kot dimoun pa ankor peye pou peye pli tar.  Akoz mon annan sif ziska zilyet.  Akoz letan nou ti fer sa legzersis nou ti fer li ziska Zilyet.  Sa osi nou pe gard en lizye lo la.  Me mon santi ki pou le moman mon napa okenn – mon pa pe al pez okenn panic button an sa ki konsern sa.  Nou’n koz ankor lo SRC.  E zis pou re vin ankor lo recruitment  SRC ti annan  problenm mendev.  Nou ti donn li 60 pos siplemanter an2019 pou li anpli.  In seye.  In fer son mye.  In nobou zis ranpli 30.  Akoz i pa kapab gannyen.  So sa i en lot legzanp kot en Departman spesifik kot nou’n donn li larzan, nou’n donn li pos me recruitment in vin en konplikasyon.

PMC wi, rezon in spring up.  I annan in dir by surprise.  I senpleman akoz letan nou ti aprouv Bidze 2019 i pa ti ladan.  Nou’n fer sa laranzman pou PMC apre aprouvasyon Bidze 2019.  So nou bezwen anmenn li ladan.  E taler zot a ganny leksplikasyon pou sa demars.  E parey zot konnen nou’n pran en lot avek Nouvobanq pou 200milyon.  E sa loan se son lentere ki nou met dan Bidze.  Sa 25milyon se lentere pou sa loan ek repeyman ki nou bezwen fer pou PMC.  E taler zot a ganny dir kwa ki sa loan ki nou’n pran ki proze i pe al fer.  Ki renovasyon i pe al fer.  Ki improvements i pe al fer.

In annan diskisyon lo State House.  Wi State House son Bidze i ti annan saving e i ti annan depans.  E nou’n dir li non.  Pey ou bann depans avek ou saving.  Nou pa pou donn ou plis larzan.  E se sa ki’n arive.  Bon lot pwen mon ti a kontan fer resorti se ki e sa se en pwen ki Onorab Ramkalawan in koz lo la.  Letan Cabinet i pran en desizyon lo nenport keksoz, sa desizyon i vin en collective decision. Alor tou Minis, tou Minister i bezwen ralye deryer sa desizyon.  Si nou le sanz sa desizyon i annan en prosedir.

E parey letan nou prezant Bidze 2019 Cabinet, e wi letan nou’n anmenn Bidze Siplemanter 2019 Cabinet in annan bokou diskisyon.  E tou Minis zot annan zot en loportinite a sa moman la.  Si zot annan rezervasyon, si zot le sanze, adisyonnen.  Ed en Minister.  Propoz sanzman, tou sa la i posib.  Me en fwa ki en desizyon i ganny pran nou tou nou responsab.

E se la même chose pour Bidze 2020.  Bidze 2020  in al trwa fwa Cabinet.  E yer si mon’n ariv an retar isi mon apologise se senpleman parske nou ti ankor retenir lao pou nou finaliz Appropriation pou Bidze 2020. E la desizyon in fini pran.   So napa okenn Minister ki kapab dir i pa dakor.  In ganny son sans pou li dir i pa dakor.  Me letan nou pou pibliy Gazet Appropriation Bill e sak bann amounts pou ganny nonmen par diferan Minister eksetera, pa kapab sanze.  Ziska tan ki nou vin isi dan sa Lasanble e nou debat lo Bidze, e sanzman i ganny fer isi.   Mon krwar i enportan mon klarifye sa pwen Mr Chairman akoz responsabilite i kolektiv.

Sa Bidze siplemanter wi nou’n bezwen donn plis larzan bann Komisyon.  E i annan serten Manm in mansyonn sa bann Komisyon.  Mon pa pou retourn lo la.  Me zis Human Rights Commission mon krwar i enportan mon donn en klarifikasyon akoz nou’n koz lo la spesifikman.  Wi zot annan en biro dan en nouvo batiman e zot annan en sez.  Kekfwa zot pret en computer.  Sa ki’n ganny dir par Onorab Ramkalawan i vre.  Me nou bezwen konpran kote sa Human Rights Commission i sorti.  I ti avek Ombudsman.  Donk nou ti bezwen fer en transfer pou allocate larzan ki ti ek Ombdusman pou Human Right Commission pou al kot li.  E sa detay in pran en pe letan.

Mwan mon’n entervenir personnelman konman Minis Finans pou mon fer zot ganny en larzan atraver en labank konman en loan pou zot kapab fonksyonnen.  E nou’n met  en larzan dan Bidze Siplemanter 2019 pou zot nobou antreprann zot travay ki enportan.  E mon krwar zot konpran ki nou pe sey nou mye pou donn zot resours.

E mannyer mon konpran ki son Chairman in deza pe konmans travay, menm avek sa bann enkonvenyan ki egziste.  Nou pa’n fer ekspre.  Non sa i bann louvraz serye ki pe ganny fer anba Truth and Reconciliation Commission.  Par Human Rights Commission.  E la osi zot ankor zot annan zot lendepandans, mon  repete mon anvi donn zot,  zot larzan.  E an 2020 Bidze 2020 zot a vwar i annan plis larzan pou zot.  Akoz mon anvi zot konplet zot travay.  Nou ferm sa sapit e nou kontinyen.

Ti annan en diskisyon osi lo Health Information System.  Wi mon krwar ki bann komanter ki’n ganny fer i ok. Me sa proze in pran bokou retar. I annan 4an nou pe sey met sa sistenm an plas.  Letan tender ti ganny donnen pli boner sa lannen in annan de Lakonpannyen pa ti dakor ek desizyon, so nou ti pas atraver en sistenm appeal.  E sa in delay sa proze ankor.  Me Minis Lasante ti’n demann mwan pou met en sonm larzan dan Bidze 2019 akoz i ti krwar sa ti pou’n konplete pou nobou konmans sa proze.  E nou’n mete a sonm larzan, me nou konnen ki sa pa pou arive e se akoz de sa ki nou’n fer en  dediksyon.  I pa pou afekte sa proze.  Sa mon garanti zot, sa proze pou go ahead akoz sa i vin anba en line of credit avek Exim Bank L’Inde.  So sa i koumsa senpleman akoz sa retar ki’n arive.

Alor pou Departman Lenfrastriktir mon pa pou koz lo la akoz son PS i la e i ava donn  ou plis leksplikasyon lo sa 12milyon ki zot anvi gannyen.  Mr Chairman mon krwar mon bezwen aret la.  Mon en pti pe tro long me mon krwar in esansyel ki mon’n fer sa bann remark.   Mersi.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon krwar kekfwa i ava bon ki nou pran sa bout ki pli gro avan e ki tou dimoun pe demann kestyon lo la.  So mon ti ava apresye prezans CEO ASP pou li kekfwa donn nou  en pe leksplikasyon la.  Me selman mon ti a kontan partaz avek Minis e avek CEO  ASP, ki i annan bann rezon lezitim akoz nou pe kestyonn sa bann sif.  I pa en lakizasyon lo personn me selman i neseser ki nou kestyonn sa bann sif.

Premyerman  ler mon pran en mwayenn, en average Minis sa 4 sif ki devan nou lo paz 9 anba heading (f),  ler mon azout tou sa bann poursantaz ansanm mon fer mwayenn mon ganny mwan pres 25poursan overall.  Konmsi ou ankor shortfall appel li mannyer ou anvi. E sa i enn bann keksoz ki mon ti a vreman apresye plis leklersisman from CEO  ASP.  Akoz i pa pou mwan e mon servi sa mo i pa akseptab ki nou fer bann kalkilasyon ki sitan off the mark koumsa.

Akoz kekfwa sa ki nou ava pe demande se akoz in annan sa disiplin dan planifikasyon e dan bann antisipasyon ?  Minis in dir avek nou poudir in annan tan an plis dan sa lannen pou tel heading.  Me sa se bann keksoz ki nou kapab prevwar akoz nou annan bann data dan bann lannen ki vini ki mannyer popilasyon pe vin pli vye.  Nou annan bann trends e la i paret man klerman ki sa pa’n ganny servi o konmansman.

2enm pwen Minis avek respe, ler nou get nou sityasyon nou konnen poudir dan lepase larzan Welfare, larzan lasistans sosyal malerezman in ganny servi pou bann lobzektif politik.  E mon krwar napa personn antre nou ki kapab nye ki bann bis sekirite sosyal ki donn larzan ti sorti e ti al dan tou distrik nenport tou ler, e laliny sa ti long.  Bann lake dimoun pe espere dan bann distrik partou avan eleksyon.  Sa i en fe.  E nou enkyet. Mwan personnelman mon enkyet.  Sak lannen eleksyon i aprose nou ganny tou kalite lenformasyon.  Par egzanp la i annan bann lenformasyon e CEO i ava konfirmen oubyen i ava deny, akoz nou la osi pou ed li pou li fer son louvraz.  Nou ganny lenformasyon konmkwa i annan bann pti papye, bann pti bout papye pe sorti Maison Du Peuple oubyen Espace pe ariv anba.  Konmsi bann pti bout – ou vwar Mr Speaker.

 

(laughter)

 

HON JEAN-FRANCOIS FERRARI

Zot riye e pourtan se egzakteman koumsa ki’n arive dan lepase.  En pti papye, en pti not ti vini e la mon dir zot de landrwa.  Espace, Maison Du Peuple me selman i annan dapre lenformasyon plis sa bann pti bout papye ki pe sorti.  E mon ava dir klerman pe sorti kot biro,

 

Off-Mic

 

HON JEAN-FRANCOIS FERRARI

… ekoute, ekoute, ekoute,

mon pe donn zot sa ki bon mwan.  Pe sorti kot biro Vis-Prezidan State HouseOk?  Alor nou enkyet e nou anvi ganny bann leksplikasyon.  Se pou sa nou ki nou’n demann sa payroll.  E mon ti a kontan dir ek sa CEO avek tou respe ki nou annan pou li si nou pa ganny sa payroll, nou pa pou kapab fer en oversight normal lo la. Akoz?  Akoz mwan mon anvi konnen par egzanp, nou anvi konnen si madanm x in ganny en carer.  Si manmzel y se carer madanm x.  Pou mwan kapab dir be manmzel y pe travay dan en laboutik Plaisance e madanm x tou le zour i kot Amusement Centre ! Ou konpran.   I enportan popu nou konnen sa bann keksoz akoz avan eleksyon napa okenn triyaz.  Napa okenn triyaz zis ou vini ou – dan lepase mon pe dir.  Zis ou vini ou desann ou ganny en pti sa i dir mon a met ou lo la.

Mon a met ou lo en pti envalidite pou en pti 10mwan. Apre konman eleksyon i fini koupe.  So sa i mon 2enm pwen.  Nou santi poudir in annan en kantite labi.  E mon pou kontinyen dir in annan en kantite labi akoz ?  Akoz bann dimoun ki pe ganny lasistans zot ti a kontan ganny en pe plis.  Sel fason ki nou kapab donn zot en pe plis, se ki nou prop labi.  Se labi ki pe anpes dimoun annan en meyer sekirite.  Alor sa i bann kestyon ki mon santi kot ASP i donn nou en leklersisman.  E finalman lo sa head mon ti a zis kontan dir avek Minis lafreyer ki mon annan Minis se ki Bidze 2mil e la  ou ava reasir nou kekfwa, Bidze 2020 eski Bidze 2020 i pou an gro Bidze 2019, mon pe koz pou sa bann heads la. An gro i pou Bidze 2019 plis 63milyon?  Si sa i le ka mon pe enkyet akoz finalman i en logmantasyon 25poursan dan e pei kot krwasans i zis 3.8 poursan.  So nou bezwen – ler mon get bann sif i pa azoute Minis.  So mon ti a kontan en pe leklersisman lo sa bann size.  Mersi.

 

MR DEPUTY SPEAKER

Mersi Onorab Ferrari.  Bon ki mon ti a kontan sizere.  Vi ki nou annan en dokiman 9 paz devan nou en Budget Supplementary Estimates ki nou pran li dan en serten lord.  E Onorab Ramkalawan ti konmanse lo kote ‘’wages’’ e Minis in donn en pe leklersisman me Minis in al fer en – in fer plito en rezimen lo sa Bidze siplemanter an zeneral ki byen ki petet mon ti’n devret demann li fer sa avan.  In reponn osi en pti lo sa bann freeze e cuts dan wages.  In donn en pe leksplikasyon.  Mon ti a sizere sa bann pwen ki Onorab Ferrari in souleve i bann ki vin en pe apre.  Swa mon pa konnen ki mannyer Minis ou santi petet annou reponn sa la.  I kouran annou demande i ankor fresh dan lespri dimoun.  Petet ASP i kapab reponn.  Me apre nou konmans paz 2 – lo paz – sa bann  premye i al lo paz 1, i  fini lo paz 3. Kekfwa nou a pran paz 1 ziska paz 3, nou a fini.  Apre nou ava al lo paz 7.  Selman avan nou fer sa nou a demann Minis si nou kapab kriy ASP.  Nou ava deal avek sa sityasyon Home Care e apre nou a pran paz 1 e paz 3 e nou a kontinyen.  Onorab Pillay.

 

HON SEBASTIEN PILLAY

Mersi Mr Speaker, zis baze lo Mr Chairman, baze lo prosedir ki ou’n koz lo la eski sa i vedir ki once nou fini avek ASP nou fini ek ASP?  I pa pou  reponn zis kestyon Onorab Ferrari i pou reponn  tou kestyon ki konsern sa bout. Nou fini avek  ASP then nou go back akoz i pa pou lozik pou ki zis akoz en Manm in demande, nou fer en zofisye vin la apre pou nou retournen.  So plito nou pran sa bout nou fini avek e tou dimoun ki annan bann konsern bann keksoz ki pou zot demande, demande.

 

MR DEPUTY SPEAKER

Sa i fer sans.  Mon dakor avek sa akoz nou annan osi en kontrent letan la, 10er deza.  So annou fini enn par enn topik apre si sa zofisye in ale si i annan en keksoz zot ti’n bliye en dimoun in raise napa problenm selman nou’n ganny lenformasyon de baz e kritik dan sa moman letan. Alor bon. Minis mon krwar ki nou kapab fer petet vi ki ASP i en size ki’n fek monte, si nou kapab deal avek ASP pandan sa prosen 1a 20 minit.  E answit nou ava al lo lezot paz.

Be mon osi konpran avek Madanm Clerk lo kote management letan zot ti a prefere osi vwar Departman Lenfrastriktir kestyon relye avek akoz PS Choppy pe bezwen vwayaze.  E si nou a kapab pran li avan.  Be ki mon ti  a sizere vi ki nou pe koz lo ASP annou fini avek ASP la vitman.  Apre nou ava pran lenfrastriktir apre nou a kontiny dan  lord ki nou ti annan. Zis pou manage en pti pe nou letan.

Minis eski ou bezwen ki Mr Simeon i vin pli pre avek ou ?  Bon nou ava kontinyen.  Onorab Andre ou ti’n lev ou lanmen.  Eski i relye avek ASP osi? Ale mon a permet ou demann sa kestyon e tou lezot Manm ki annan kestyon lo ASP silvouple zis port a mon latansyon. Onorab Ernesta.  Ale Onorab Andre.

 

HON CLIFFORD ANDRE

Mersi Mr Chair.  Mr Chair letan mon pe refer lo Bidze ki Minis ti prezante pou 2019, i ti refer lo paz 32.  Mon pou zis lir sa pou ganny li an konteks Mr Chair.  No.6 lo paz 32.  2019 ‘’Budget for social programIn the 2019 Budget Government will maintain its commitment in finance, social program  targeting the most vulnerable people in society. The Budget for the various programs are as follows. ‘’ Mon pa pou mansyonn tou sa bann Bidze selman i annan 40milyomn pou social safety net by the Agency for Social Protection.  I annan 240milyon pou Home Carer.

Mr Chair mon’n sey fer en kalkilasyon.  Si nou dir poudir bann dimoun pe ganny peye R10mil par mwan akoz i tonm, dan sa kalkilasyon i tonm R20milyon par mwan.  Si zot pe ganny peye 10mil ki zot pa pe ganny peye i tonm ou 2mil dimoun par mwan.  Eski mon ti a kontan en leklersisman akoz sa sif ki Minis in donnen, in donn nou an Zilyet 2019. So sif ki in donn nou full time i  2012 full time.  Savedir zis lo full time i annan en logmantasyon 912.  Sa si zot pe ganny peye R10mil ki zot pa pe gannyen.  Me selman pou nou fer sif en pe pli fasil annou dir 912.

Prezan eski tou sa bann ki ganny provided carer akoz nou konnen kantite i mor.  Akoz konmsi mon oule en leksplikasyon lo konbyen ki’n ale, ki’n kit nou?  Konbyen ki’n desede?  E akoz nou’n annan nou 912 full time– mon pa’n kapab fer en kalkilasyon lo part time me selman ou dir nou i annan 744 half day. So eski sa i reel?  Oubyen i zis en – Mr Speaker i annan Onorab Loze-

 

MR DEPUTY SPEAKER

Non kontinyen ou.  Kontinyen Onorab Andre.

 

HON CLIFFORD ANDRE

Ou les mwan trankil Onorab Vidot.  Mwan ki pe koze.  Ou a koz ler ou tour.  Ase malelve.  Ase malelve.  Wi Mr Chair parey mon pe dir sa 744 ki lo half day mon ti a kontan ganny en leksplikasyon.

 

MR DEPUTY SPEAKER

En pti moman Onorab Andre.  Nou annan en point of order.  Onorab Ramkalawan.  Zis tenny ou mic Onorab Andre.

 

HON WAVEL RAMKALAWAN

Mr Speaker en Point of Order. Nou’n retourn dan sa Lasanble pou nou fer en travay serye.  Gouvernman atraver Onorab De Commarmond ki’n anmenn sa Mosyon.  Mon ti ava kontan demann Onorab De Commarmond pou li fer son bann Manm konport zot akoz sansan nou pou demann en closure lo sa ki nou pe fer.  Nou pou pran en vot e nou pou ale.  Annou fer en travay serye. Annou ekoute letan en Manm pe koze e pour ki nou kapab bouz devan.  Mersi bokou.

 

MR DEPUTY SPEAKER

Mersi Onorab Ramkalawan.  Onorab De Commarmond.

 

HON CHARLES DE COMMARMOND

Wi mersi Mr Speaker.  Mr Speaker ou vwar sa ki pe ganny fer e ki pe ganny dir la i keksoz ki mon pe repete tou le tan dan Lasanble.  Yer mon krwar in ariv en lensidan.  Everyday ki nou zwenn i preski menm soz.  E mon ensiste ki the Speaker the Chair i met lord dan Lasanble.  I fer sir ki sa bann keksoz i pa arive ki letan ler en Manm pe koze lezot i bezwen pe ekoute.  Whatever ki i pe dir i li ki’n ganny drwa e permisyon pou koze.  Leres i bezwen ekoute e apre fer son komanter avek permisyon Mr Speaker.  Mon krwar mwan i bezwen annan en lord ek en  disiplin.  E sa i pa zis aplik lo nou kote latab.  I aplik partou dan nou Lasanble antye.  Mersi e mon ensiste ki Chair ki take lead ladan i pran son responsabilite byen.

 

MR DEPUTY SPEAKER

Bon sertennman mon pran not sa ki’n ganny dir lo tou le de kote latab.  Sa ki mon pou dir se ki mwan mon konpran parler ler Manm i pe koze en lot Manm i annan en reaksyon.  Kekfwa i pa krwar dan sa keksoz i soke eksetera.  I annan en fason ki nou reazir.  I annan en fason ki nou fer li kot nou respe sa lot Manm ki pe koze e i annan en fason ki nou fer li ki nou pa provok sa lot Manm.  E ler Onorab Andre ti pe koze mon’n santi ti annan en serten nivo provokasyon.  Mon’n les pase be in aret de fwa me mon pou ensiste fodre i arete parski parey Onorab Ramkalawan osi in dir lo son kote i pa pou aksepte.  E si sa i arive i a kapab demann adjournment of debate.

E sa Lasanble ki vot lo la.  So annou être presi dan la fason nou demann kestyon an menm tan annou servi langaz ki pa pou provok personn.  Annou dan nou reaksyon azir dan en fason kalm, me a tou moman ki nou pe respe lezot dimoun ki dan Lasanble.  Onorab Hoareau ou ti le en point of order. Oubyen ou ti pe-?  Ok  Onorab Andre kontinyen.

 

HON CLIFFORD ANDRE

Mersi Mr Chair.  Mr Chair i annan pou disability kot Minis in dir nou an Zanvye 2019 ti annan 1328.  Me i pa’n dir nou sif ki ti egzistan an 2018.  Akoz in dir nou i annan en logmantasyon 177 so nou ti a kontan konnen i sorti lo kwa.  E akoz letan zot ti fer parey Onorab Ferrari in dir, letan zot ti fer prediksyon ou ti annan ou deza 1328.  E sa bann ka in ariv dan ki sirkonstans?  Aksidan loto? Ou konpran? Akoz disability pa di zour o lannmen.   So pou nou ganny en leksplikasyon lo sa.

E Welfare kot ou’n dir ou pe demann- kot ou ti annan 40milyon an 2019 kwa ki’n koz Sesel pou li eksperyans en increase.  Kot la nou pe donn en increase 10.7milyon. Kwa ki koz sa dan nou sistenm Welfare ?  Eski napa travay ?  I annan tro bokou labi sibstans?  Ou konpran mwan Minis.  Konmsi akoz en sosyete kot nou tou nou travay pou better the lives of our children of sosyete nou pe  regrese pou annan en logmantasyon dan Welfare parey nou pe vwar la. So akoz sa pe arive dan nou pei?  Mersi.

 

MR DEPUTY SPEAKER

Mersi Onorab Andre.  Onorab Paul Ernesta.

 

HON PAUL ERNESTA

Mersi Mr Chair.  Mr Chair Minis ek delegasyon, tou koleg Onorab, tou dimoun a lekout bonzour.  Mr Chair mon kestyon pou zofisye i baze lo sa demann ki pe fer pou ASP la konpare avek zot Bidze orizinal ki ti fer pou lannen 2019 eski i annan en sanzman that is eski in ogmante?  Or i pe desann?  Enn.

Apre dezyenmman lo Home Care Scheme ki nou vwar i annan sa demann pe demande kot ou’n dir i annan en shortfall dan existing payroll.  Eski ou kapab donn nou en leksplikasyon ki sa i vedir?  Eski i vedir i annan en increase dan saler bann dimoun?  Or en lot keksoz petet i ava eksplik nou osi.  E apre ankor dan menm laliny nou’n vwar osi pou welfare assistance i kapab donn nou en pli bon leksplikasyon lo sa logmantasyon.  Thank you Mr Chair.

 

MR DEPUTY SPEAKER

Mersi Onorab Ernesta.  Bon mon ti a demann osi bann Manm pou pa repet kestyon lezot Manm parski ou’n repet egzakteman kestyon ki Onorab Andre in demande.  So si in ganny demande zis dir be ok mon kestyon ti anliny ek sa ki Onorab Andre in demande e mon ti a kontan plis leksplikasyon.  E nou move on.  Onorab John Hoareau.

 

HON JOHN HOAREAU

Mersi Mr Speaker.  Mr Speaker mon ti oule push the matter en  pti pe pli devan lo sa zafer disability benefits.  Mon oule sey konpran en pti pe lozik ki Minis in eksplike bomaten.  An vi ki in dir nou koumsa ki i annan en logmantasyon dan la kantite kliyan.  Ok.  Dan la kantite dimoun ki pe ganny sa benefis.  Me selman ler nou get lo Bidze li menm ASP ti’n ganny 90milyon ekek pou sa pou lannen 2019 e  zot pe demann ankor 63milyon (sorry) zot pe demann ankor 20milyon.  Me selman ler nou pe get bann forecast pou  2020 pou 2021 ensidswit nou vwar poudir konsiderableman desann pou vin 69milyon. So si trend pe montre poudir i annan plis dimoun eski akoz kontinyelman dan bann forecast i montre poudir i desann a en pwen ki i vin stab?  Mersi.

 

MR DEPUTY SPEAKER

Mersi Onorab Hoareau. Ou’n azout sa eleman ki ler ou get forecast i desann me la i pe monte.  Mersi.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker mon kestyon i annan pou fer ek bann carers.  Apre lo kote medikal.  Premyerman Mr Chair si CEO ti kapab eksplik nou en pti pe lo kote bann carers.  Zot in dir kantite ki i annan and then i osi annan sa bann carers ki bezwen al konze.  And ler zot anploye zot bezwen anploy lot dimoun apepre konbyen dan sa – e sa bann dimoun i bezwen ganny menm saler avek sa carers and then still sa carer li osi i pe ganny son saler. Mon it a voudre konnen depi zanvye ziska Zilyet, ouswa ziska Out ki kantite sa bann carers nou pe kont lo la ki’n al konze ki nou bezwen anploy lot dimoun pou pey zot saler plen?

Apre Mr Speaker i annan pou fer avek kote medikal.  Nou’ aprann dernyerman ki i annan dizon en logmantasyon dan bann nouvo ka kanser. And dapre statistik nou’n vwar depi Zanvye ziska Zilyet i annan 600 nouvo ka.  And nou konnen tou sa bann i dimoun ki lo tretman kanser, bann nouvo cases zot ganny peye zot saler zis 3mwan.  And trwa kar zot, zot bezwen al lo 6mwan, 6mwan konze. And apre sa 6mwan zot bezwen al lo welfare or medikal.   Eski sa osi i konpri ladan? And ki kantite osi ki sa – e si sa osi in kree en lenpak lo sa logmantasyon?  Mersi Mr Speaker.

 

MR DEPUTY SPEAKER

Mersi Onorab Ghislain.  Onorab Stephen Pillay.

 

HON STEPHEN PILLAY

Mersi Mr Speaker.  Bonzour a tous. Mr Speaker kekfwa in ganny demande, zis mon le klarifye Minis ti kapab klarifye e CEO apre.   Sa 28milyon ki pe demande pou expected shortfall.  Si kapab donn nou  en pti pe plis detaye, nou pe koz bann dat whatever, konbyen – kan i pe pran lefe?  Si 6mwan from now from June, September to December konmsi ki nou pe koz lo la pou sa 3, 656 carer?  Ki nou pe koze?  En increase ki short fall in payroll or en increase in numbers of carers pou antre dan sistenm?  Pou konbyen mwan zot pe antre ladan?  Mersi Mr Speaker.

 

MR DEPUTY SPEAKER

Mersi Onorab Pillay.  I reste zis en Manm ki annan kestyon lo ASP, Onorab Henrie.  Apre nou pran larepons ek Minis.

 

HON GERVAIS HENRIE

Mersi Mr Chair.  Mr Chair mon kestyon i tous lo reform dan Welfare.  E mon krwar bomaten la letan nou pe enterakte mon santi mwan poudir i en size en pe emosyonnel pou politisyen.  E i annan sa tandans ki nou vin avek en fer en nespes senm lafreyer partizan pou dir zot,  zot siporte.  Nou,  nou koupe.  I pa sa li. Problenm se ki akoz Minis ou pou konpran poudir depi sizyenm Lasanble nou’n vwar poudir  Bidze Welfare i kontinyen ogmante.  E nou,  nou santi nou zennen avek sa pou la senp rezon ki akoz i tax payers ki pe kontribye sa.  E en kantite dimoun par egzanp Sesel pa peye tax lo zot saler.  So i zis en pti group ki peye.  So nou  pe demande – mon kestyon alors i reform.  Ki mannyer nou pe – CEO depi ler in pran pozisyon zot pe entrodwi bann reform ki pou promouvwar lanplwa,  ki pou promouvwar ekonomik dimoun, ki ou pa depan poudir it’s a shortcut pou mwan viv.  E pli enportan re priyoritiz bann ki vreman bezwen.  par egzanp carer i annan dimoun ki pa bezwen – i kapab en carer ti pe travay ek trwa dimoun akoz i pas en pti balye.  I kwi son pti manze.  I bouz kot en lot. Petet li i kapab ganny plis.  I kapab ganny 10mil olye ki 5mil selman i travay ek trwa dimoun.  Selman nou’n fer lekonomi olye pez 15mil nou’n pey li 10mil.  So ki mannyer ASP pe mazin tousala ?  Mersi.

 

MR DEPUTY SPEAKER

Mersi  e Minis zis avan ou reponn mwan mon ti annan zis en pti kestyon statistik.  Si ou kapab donn nou konbyen  carer zot ti fer provizyon pou ou dan  2018 ler zot ti pe prepar Bidze 2019.  Konbyen ou pe vwar la konmela an term norm carer pou annan?  E konbyen ou pou annan an 2020, 2021?  Mersi.  Minis ou annan la parol.  E si ou le CEO, nou dan Staz Komite so mon envit CEO osi si ou le dir keksoz.  Mersi.

 

CEO MARCUS SIMEON

Mersi Mr Speaker.  Mersi   tou Manm Onorab e bonzour tou dimoun ki pe ekout kestyon.  Zis avan mon konmanse mon a eksplike sa bann kat vot ki mannyer i marse.  Kot Lazans Proteksyon Sosyal nou pa vreman annan kontrol lo kantite dimoun ki benefisye, kantite carers ki pou annan,  kantite dimoun ki pou vin dan Welfare akoz i bann sistenm ki apel bann open ended system savedir par egzanp Welfare dimoun i al fer zot aplikasyon si zot kalifye atraver – kalifye avek bann mezir ki annan an plas anba en Lalwa.  Then zot kalifye pou lasistans.

Home Care i annan en prosedir Minister Lasante kot en health assessment i ganny fer.  Si sa bann dimoun i bezwen led avek en Home Carer then e zot pas sa bout means testing ki pas kot Lazans e zot ganny sa lasistans.  Ok.  Ler nou fer Bidze nou fer Bidze par egzanp 2018 ler nou ti fer Bidze pou 2019 nou kalkil nou bann figures baze an Me sa lannen.  Savedir nou ti kalkil nou bann figures baze lo Me 2018 level.  Si mon a konmans ek Home Care mon a konmans ek dernyen kestyon ki Mr Speaker in demande.

Sa letan nou ti annan nou 3, 472 Home Carers dan lekel 2, 682 ti fully sa ki nou dir full time.  E 790 ti half day.  E la sa letan ti pe kout nou 18.3milyon par mwan transfer. Ok.  Nou’n fer en forecast baze lo sa figure.  Nou’n dir nou ekspekte sa i pa pou ogmante i pou ariv 3mil 500.  Nou pa kapab avek great certainty konnen vreman ki kantite.  Nou konnen gran presyon lo Home Care se Sesel nou annan en aging population.  I annan 10mil dimoun, 10 mil pansyoner.  Dan  lekel zis 3, 800 ki pou le moman pe benefisye avek en Home Carer.  Ok.  So i  annan en gran lespas ankor la ki demen i kapab fer en gro pozisyon ankor.  Nou’n fini konnen la ozordi poudir ki Home Carers in terms of kantite dimoun ki kapab service sa sekter i vreman limite.  Ozordi dimoun i bezwen en nouvo Home Carer pou vwar li dan difikilte pou vwar li en dimoun pou travay ek li. Ok.

So 2018 nou ti fer en forecast baze lo 3, 472.  E by Out sa lannen nou’n vwar sa figure in monte pres par 200 Home Carers in ariv 651.  E tou lendikasyon pe montre ki i pou kontinyen monte.  Onorab Henrie dernyen dan ou lentervansyon ou’n demande ki bann reform pe fer. I annan en reform ki’n fini aprouve par Cabinet depi Zen sa lannen pou restriktir servis Home Care pou profesyonnalizm sa sekter.  Me i pou kout en pe pli ser pou konmanse akoz ou bezwen etabli bann striktir, bann Lenstitisyon kot ou pou vwar poudir kot en carer – pou le moman ozordi se pa Lazans ki anploy carer.  Se pa Gouvernman ki anploy en carer.  Se sa dimoun ler in ganny dir wi ou bezwen en carer i ale dan son kominote, dan son fanmir.  I idantifye en carer i dir wi mon anvi ou travay ek mwan.  Kot Lazans i anrezistre nou peye.  Ok.  I annan gro problenm monitoring kot nou’n ogmant kantite staff.

Me sa striktir aktyel li menm li i fer ki i sa fanmir ki sipoze monitor pou li.  Me nou, nou anvi profesyonnalizm sa.  Sanmenm sa i annan 2an deza nou’n konmans lo sa progranm training bann carer pou fer monte zot standar servis.  La dezyenm bout anba sa reform ki’n fek ganny aprouve se kot nou pe al – annefe nou pe al konmans premye meeting avek – meeting konsiltasyon dan distrik demen Vandredi kot i pou annan plis detay ki pou sorti, kot nou anvi en landrwa kot i anploy carers e li i fer – li  ki ale dir sa carer ki la baze lo training, baze lo proficiency ou pou atase avek madanm x oubyen madanm y ki son needs i match avek skills set ki ou annan.  E parey ou’n dir i kapab annan en carer ki travay de trwa kat dimoun.  So la kot pou annan sa efficiencyOk.

Me selman i en gran sanzman i en change in mindset e nou bezwen be careful how do we go about pou parey ou dir pa kree panic, pa kree sa – ou pa kapab zis ale en sel kou dir  mon pe al – mon krwar pa si  personn ki la i vini i dir ozordi pou lannmen nou anvi koup 2mil dimoun, 2mil carer ou kapab panse ki mannyer sa i ete.  Sa bann dimoun in abitye annan zot servis e i en imen.  So nou bezwen mannye byen ki mannyer nou fer sa tranzisyon.  E sa nou pe ganny fer an  partnership avek Minister Lafanmir, Minister Lasante.  Tou le de ansanm i kle ladan.  Ok.

Lo kote dezabilite nou ti forecast ti baze an Me.  Sa Me 2018 sa letan nou ti annan nou 1,088dimoun ki ti lo sa benefis.  Nou ti fer en forecast baze lo en figure 1,100dimoun pou lot lannen.  Me nou’n vwar poudir sa la an Oktob in monte in ariv 1609.  E i pa Lazans ki aprouve sa bann dimoun.  Napa personn kot Lazans oubyen okenn landrwa ki dir mon pou donn ou benefis dezabilite.  Anba Lalwa i annan en Board medikal. 5  dokter ki evalye si sa dimoun i nepli kapab travay pou en rezon medikal, dezabilite e tousala.

So ler zot pe nonm  – ou konnen ler zot pe nonm dezabilite  zot pe mazin dezabilite per se me i annan bann dimoun ki ganny parey Onorab Ghislain in mansyonnen bann maladi kronik ki anpes zot travay ozordi.  Bann maladi ki en kek maladi ki en sel kou zot vwar zot sityasyon difisil.  E sa logmantasyon in fer.  Ou’n vwar en logmantasyon la pres 400 dimoun baze lo Me figure ki nou ti fer forecast lo la. E sanmenm sa ki pe koz nou sa problenm.

Lo kote Welfare annefe an gro Welfare in desann li.  Si mon kapab donn zot statistik over the last three years.  An 2017 nou ti depans en pti git par lao 90milyon. Mon krwar Minister Finans i la i kapab konfirmen.  An 2018 70.09milyon.  I en big ask.  Nou pe seye pe fer desann avek bann  lezot reform ki Gouvernman pe fer antre.  Par egzanp i annan Unemployment Scheme, Relief Scheme.  An 2018 nou ti annan nou 1500 dimoun lo Welfare on grounds of unemployment.  Ozordi nou annan nou 411 dimoun.  I pa mean ki 1200 dimoun en sel kou in al anba URS.  Ler ou get URS o kontrer i annan li on average 200, 300 dimoun lo URS.  So ki’n arive avek sa mil ekek dimoun ?  I montre ou ki vre ti annan bann scope la.  Bann dimoun kekfwa tipe vin teste sistenm gete, dir mon pa pe travay la 1mwan ti pe zwenn koumsa.  Me la prezan konman zot vini nou dir non nou annan en kondisyonnalite.  Nou ti napa zouti lontan. La nou’n ganny zouti nou annan kondisyonnalite.  Ou’n  fer en laplikasyon ou dir ou unemployed, nou dir nou pou refer ou avek Lanplwa pou sa pou fer sa, sa, sa.  Prezan si baze lo feedback ki nou gannyen ek Lanplwa la nou a gete si  lasistans pou antre pou 1mwan oubyen si non.

Avan sa ti napa alor ti annan en pe dimoun ti pe bid sistenm la.  So en sel kou mil dimoun in sorti i pa’n al lo URS me zot in sorti.  I annan bann lezot reform osi ki’n antre ki pe fer asire ki sa lasistans ki donnen i pe servi pou meet bezwen de baz en lakour oubyen pou fer sir ki tou bann dimoun ki kot sa lakour sirtou bann depandan, bann zanfan zot ganny nesesite ek sa larzan.

I annan progranm avek PUC ki nou pe travay lo la avek transfer in-kind. Avek STC kot nou pe sorti ek sa donn larzan ki pli likid ki dimoun i kapab pli manipile pou ring-fence ki zot kapab fer avek sa larzan.

Minister Lafanmir pe vini osi byento avek son bann psychosocial support kot ler dimoun i lo Welfare.  Akoz la ki reste bokou lo Welfare la e sa bann low income families, 2, 3, 4 zanfan e zot pou – si ou ferm lizye zot pou kalifye ek Welfare depi la ziska ler ariv laz 63an zot sorti.  Me ou pa kapab fer sa.  I annan lezot progranm psycho sosyal ki nou bezwen travay ek zot pou upgrade zot lekor, akoz zot in tonm dan en sityasyon lavi la me nou pa kapab kit zot la mannyer zot ete.  Ok.  Sa i en pe lo Welfare.

So mon’n koz en pe lo forecast ki nou’n fer akoz nou’n kalkil li lo nivo 2018 e nou’n vwar poudir kantite dimoun ki benefisye in ogmant sharply.  E bokou sa bann Bidze Home Care i baze lo aging population.  I pou kontinyen, nou pou kontinyen vwar sa increase si nou pa antre lo sa progranm  ki nou pe dir.  Lo kote mon pa kapab konfirmen Onorab, sorry bann pti papye mon pa ankor gannyen.  Me selman mon   fer lenvestigasyon internally mon a gete ki pe pase.  Mersi.

 

MR DEPUTY SPEAKER

Mersi. Onorab Adelaide.

 

HON FRANCOIS ADELAIDE

Mersi Mr Speaker.  Mon’n ekout en  pe larepons.  E mon’n osi pare pou donn lanmen Minister Finans pou vreman verifye si sa progranm Welfare pe byen marse. Eski mon kapab ganny detay mon distrik lo tou bann dimoun ki pe ganny sa benefis pou mwan kapab ale al gete? Mersi.

 

MR DEPUTY SPEAKER

Mersi.  Mr Simeon ou konfirmen?

 

CEO MARCUS SIMEON

Wi mon panse sa i en lenformasyon ki nou kapab anvoy atraver zot DAs e tou dimoun ava gannyen.

 

MR DEPUTY SPEAKER

I pe demande ki ou anvoy direkteman kot Lasanble Nasyonal.  So anvoy kot Madanm Clerk kot Lasanble Nasyonal.  Mersi bokou.  Onorab Andre.

 

HON CLIFFORD ANDRE

Mersi Mr Chair.  Mr Chair mon pe sey konpran sa leksplikasyon ki CEO Mr Simeon in donnen an referans avek Welfare.  Kot in dir nou ki i annan ki’n sorti.  Letan nou get i annan en bouze apepre en mil dimoun.  Si mon’n ganny ou leksplikasyon kler, kot in annan en sanzman, kot in annan mil dimoun ki’n sorti ki’n al lo en progranm pa neseserman in al lo URS.  Me mon kestyon se si in annan sa mouvman, akoz nou bezwen larzan an plis?

O kontrer nou ti devret dir parey Minis in dir fer en savings.  A mwen mon pe mal konpran sa ki ou pe dir Mr Simeon, me selman mon’n ekout sa atantivman e se sa ki mon pe sey ganny en konpran kote sa mouvman i annan.  E ou pa’n dir nou – mon kestyon sete spesifikman dan kwa ki’n fer annan en increase dan Welfare?  Eski labi sibstans ?  sibstans i annan drog i annan lalkol.  Konmsi kote in sorti ki nou bezwen pe donn ou ankor R10.7milyon lo sa 40milyon ki ti’n donnen avan?  Mersi.

 

MR DEPUTY SPEAKER

Bon in ariv 10 er 35.  Mon annan de manm ki annan de kestyon adisyonnel.  Mon a pran sa de kestyon e petet mon a kit sa kestyon avek Mr Simeon e sa panel ki devan ki nou a retournen dizon 11 er e nou a ganny bann larepons.  Akoz mon anvi al ase vit lo la.  Me mon a permet Onorab Sebastien Pillay pou ou demann ou kestyon.

 

HON SEBASTIEN PILLAY

Mersi Mr Speaker.  Mr Speaker mon ti a kontan demann panel vi ki Bidze li menm in desann.  Welfare li menm per se in desann me nou vwar poudir disability pe kontinyen ogmante.  Eski i pou annan en lot sistenm ki zot pou met an plas pou fer bann checks?  Pou vwar par egzanp apre ki Board in aprouv en dimoun pou li al disability si sa dimoun i bezwen reste lo sa disability for that duration oubyen i annan bann lezot travay ki Board i fer?  Akoz mon konnen sa se bann dokter ki determinen.  I pa kapab abriter man ganny tire.

Me selman konsern parey ou’n dir vi ki nou annan sa spike sa logmantasyon, i kapab en logmantasyon ki relye avek bann maladi kronik ki pe ganny idantifye dan Minister Lasante oubyen prezan sa bann dimoun pe lo sa bann benefis.  Mon krwar petet, eski i annan en travay ki zot pe fer avek Board pou vwar ki mannyer zot kapab tackle sa sityasyon?

E an se ki konsern Home Care eski dan bann sirkonstans kot bann dimoun pe ganny full time zot pe pran en lapros.  Mon konnen poudir sa i pa popiler ler nou dir, me nou bezwen seye kot bann fanmir ki kapab kontribye ki ozordi en parante pe ganny en full time care i kapab donn en kontribisyon.  Eski i annan en mezir pou fer sa?  Si zot kapab reponn taler Mr Speaker.

 

MR DEPUTY SPEAKER

Mersi.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman en pe dan menm laliny avek Onorab Pillay.  Me mwan mon plis lo Home Care.  Lafason ki in ganny eksplike tousala i ganny anvoye kot ou.  Zis i ganny aprouve pou en dimoun ganny en Home Carer e once ki i ganny aprouve ou,  ou bezwen peye.  Sa ki mon ti ava kontan konnen se sa prosedir pou en dimoun ganny en Home Carer.  Parski mon krwar ki se la kot i kapab annan labi.  Kot en dimoun i byen avek sa sistenm petet eksplik nou sa sistenm lekel ki anvoy sa rekomandasyon kot ou?  E si se la kot en pe politik i kapab antre e kot nou kapab elimin sa politik pou nou fer sir ki bann dimoun ki bezwen en Home Carer i en dimoun ki bezwen en Home Carer.  E non pa akoz nou pe fer kekfwa dan en moman politik pe dir be pa trakase mon a fer ou ganny en Home Carer.  En pti papye laba,  soz ensidswit.  So eksplik nou en pe sa.  Parski mon krwar ki nou bezwen annan en kontrol osi tou.  Mersi.

 

MR DEPUTY SPEAKER

Mersi.  Bon eski nou break la? Mon sizere nou break, nou a tourn 11 er dan 20 minit. E ki nou a kapab ganny bann larepons avek Mr Simeon.  Bon nou ava adjourn ziska 11er.

 

(BREAK)

 

 

MR DEPUTY SPEAKER

Bon bonzour ankor tou bann Manm Onorab.  Nou pour kontinyen avek kestyon e repons dan Staz Komite lo sa Mosyon pour en Bidze Siplemanter.

Zis avan nou ti break, nou ti annan 2 kestyon.  Enn poze par Onorab Pillay.  E lot poze par Leader Lopozisyon, Onorab Ramkalawan.  Mon a permet ki Mr Simeon i a komans donn bann larepons.  E petet ou ti kapab adres bann- from Onorab Pillay avan.  Mr Simeon.

 

CEO MARCUS SIMEON

Mersi Mr Speaker.  Mersi Onorab pour ou kestyon.  Lo kote bann reform ki pe go on anba Welfer, anba Lazans Proteksyon Sosyal.  Lazans Proteksyon Sosyal i ofer part en servis ki i annan pour fer avek sa ki nou apel ‘Social Protection’.

E Social Protection li menm li i pa zis Lazans Proteksyon Sosyal.  I kouver en broad spectrum of lezot Partnerships, ok.

E depi sa lannen- depi lannen pase annefe i annan World Bank ki’n antre, ki pe ed nou pour re striktire, gete mannyer nou fer sa ki nou apel ‘Social Protection’ dan Sesel.  I enkli son Ledikasyon, Minister Lanplwa, Minister Lasante.  Sa whole broad striktir- Minis Finans apre i kapab donn en dernyen gidans lo la.

Me selman an gro, i annan en package ki’n ganny aprouve, pour Gouvernman antre pour komans en semen rout, ki mannyer nou pour arive fer ki Social Protection dan Sesel i vin pli soutenab.

I enkli son pansyon pour dimoun retrete, dezabilite.  Kot nou pe move away from zis- pour le moman ki en health assessment.  Savedir en dokter i dir en dimoun i malad, oubyen i ganny sa impairment, i pa kapab travay.

Me kot nou regete poudir wi in ganny sa.  Me selman kekfwa i ti kapab fer en lot keksoz.  Sa ki nou apel en assessment baze lo son fonksyonnalite away from just- zis pirman health assessment.

So i annan en gro louvraz ki pe ganny fer la an Partnership avek Minister Lafanmir ek Minister Finans konzwentman.  Pour reget Social Protection dan son totalite ki pe arive.

Lo kote Home Care.  Means Testing egzakteman ki mannyer i marse prosedir pour kalifye.  I- Lasistans Home Care i- si mon kapab dir i tou frod pour ou kalifye.  Pour le- premyerman en dimoun i bezwen ganny assessment baze lo ki i kapab fer ek sa ki nou apel ‘in terms of activities of daily living’.  E sa i ganny fer par en Profesyonnel Minister Lasante.  Either sa ners dan distrik, oubyen dokter.

So en dimoun ki santi li i bezwen led ek en Home Care, i pa vin kot Lazans.  I al vwar son Klinik Rezyonal.  Oubyen si dan Lopital zot fer assessment direkteman avan zot sorti la.

La i annan en form ki ganny ranpli.  E baze lo la.  Baze lo- ki ganny ranpli par en assessment si oule ki ganny fer par sa bann Health Professional.  E baze lo la, zot donn li en score.

E sa score pour determinen si i pour bezwen- i kalifye pour lasistans full day, half day, oubyen si pa bezwen okenn lasistans at all.

Baze lo la, then sa- sa i ganny refer avek Lazans Proteksyon Sosyal.  La, la kot sa dimoun i antre.  Nou call-in sa dimoun, zot vin fer en laplikasyon pour Means Test, pour gete kantite if any Government pour peye towards provision of that care.

Si i ganny deem poudir son Minister si i kalifye pour full lasistans.  Then i kalifye pour ganny- pour Gouvernman peye pour sa full lasistans.  Oubyen si i baze lo en poursantaz.  I komans a 80, i desann.  I redwir ziska 20poursan, ok.  Oubyen si pa kalifye ditou.  Nou dir li, malerezman kot lakour ler nou’n determinen ou annan sufficient means pour pey ou prop carer. 

Ler sa desizyon in ganny pran.  Sa dimoun i ale, i a idantifye son carer.  E i vin kot Lazans pour anrezistre.  E la prosedir i komanse.

E sa dan sa reform ki nou pe bouz away from.  Kot sa dimoun ki li menm li i al anploy son carer, i rode to end kot- pour annan en landrwa kot- prezan ler in baze lo son needs ki’n ganny fer dan sa health assessment.  En dimoun ki meet- ki annan sa proficiency i ava ale, i al target- i al travay avek sa dimoun laba.

E sa i pa pour neseserman bezwen lo nivo full day ek half day ki i annan ozordi.  I pour lo diferan kalite.  I annan propozisyon taler ki’n monte ki dir ‘en carer i kapab travay avek 3 dimoun’.  Annefe sa wi.  I pe antre dan progranm reform.  Me i en- i annan en prosedir devan nou ki nou bezwen swiv pour fer sir ki i pa koz bokou- i pa dan en lefe advers lo bann dimoun ki pe benefisye ozordi.

Lo kote dezabilite in monte wi.  E parey nou’n dir, i annan sa bann lezot maladi, bann keksoz- bann maladi kronik ki dimoun i gannyen.  E pa neseserman kot zot reste lo la full time.  I baze lo ki sa Board Medikal ozordi i dir.

E bokou de fwa zot ganny sa lasistans pour 6mwan, pour 1an.  Rar, rar, rar ka kot en dokter i vini, sa bann dokter i sertifye poudir sa dimoun i dezabilite permanan, pour lavi.

Akoz ou pa kapab dir.  Demen teknolozi i vini, kot ou vwar poudir ki sa dimoun ki ti’n ganny deem fully disabled.  Ozordi i kapab fer keksoz, avek nouvo teknolozi.

So i annan periodic reviews ki arive pandan ki sa dimoun pe ganny son benefis pour re gete si vre son sityasyon i ankor parey.  Si pa kapab annan amelyorasyon.

E lo kote Home Care osi.  I pa zis strikteman nou pe pey sa dimoun son saler en home carer pour travay avek.  I annan- ler i pe komans travay, i annan diferan keksoz ki arive.  I annan carer ki pran konze, i annan carer ki pour en rezon ou en lot i dir ‘i pa kapab pran konze.  Me selman i ti a voudre ganny son larzan in ye komedi koze.

Nou pe ganny bokou sa bann ka koumsa.  E sanmenm sa ki pe ede pour fer sa Bidze.  Akoz ler carer i pran konze, bezwen pey en lot carer pour vini pour travay.  Ou bezwen pey 2 carer for the same person annefe.  So sa i en pe.

Apre dernyen kestyon, ti annan sa kestyon.  Si in desann par 1, 000?  Si in desann par 1,000?  Akoz i ogmante?

Ki mon laliny largiman?  Sete an 2017, Bidze Welfare nou’n depans 80milyon.  2018 sa ti ariv 70.09 milyon.  La an 2019, nou pe prozekte ki nou depans 200 a 50 ekek milyon.  So i still– i pe desann li over the years.  Me zis, nou Bidze ki nou’n gannyen pour komans avek, ti en pe tro ba.  Pour sorti 70 pour koupe par 30 milyon pour tonm 40milyon.  Ti en pe tro ba.

Nou ti’n ekspekte kekfwa nou ti kapab fer bann reform ki ti pe arive, ti pour kouver sa 30 milyon.  Me i pa neseserman le ka.  In vreman difisil.  Nou’n tire bokou bann dimoun ki unemployed tousala.  Me selman in still reste ki over the 3years in desann,  sorti 80milyon an 2018 pour vin la 55milyon an 2019.  Mersi.

 

 

MR DEPUTY SPEAKER

Onorab Ferrari.

 

CEO  MARCUS SIMEON

Ah sorry.

 

HON JEAN-FRANÇOIS FERRARI

Mersi Mr Speaker.  En pti presizyon Mr Chairman.  Mon ti a kontan demann CEO.  Ou’n dir nou poudir i annan en dimoun i anpli an form.  Mon krwar i apel ‘the Barthel Index’ sa non?

En dimoun- dizon en Senior Nurse, oubyen en Senior Executive dan sa.  1 dimoun an en team.  Ok once sa in ganny fer.  I bezwen ganny verifye down the road, poudir i bezwen annan checks and balances.  So eski i annan sa bann checks and balances, avan ki sa desizyon i ganny pran?

Akoz- e la mon ti a kontan dir,  i annan bann ki pa gannyen, ki mazinen zot devret gannyen.  E i annan bann ki gannyen, ki kekfwa dimoun i mazinen zot pa devret gannyen.  Akoz zot pa- zot napa sa nesesite.

Donk en kontrol avan award sa carerPost award.  Eski ou ti promet nou CEO, ki nou pour annan en pe plis supervision?  Akoz bann sistenm supervisor’s dan bann carer ti’n konpletman disparet, pa ti egziste.  Ki ou’n fer pour ou annan en kontrol apre?  Pour fer sir poudir sa dimoun pour ki en carer pe ganny peye, sa carer i travay.

Akoz mon mwan konn dimoun ki dir ‘mon krwar mwan carer pe ganny peye, e mon pa ankor li depi 3mwan’.  So se sa bann keksoz ki nou koman en Lasanble responsab nou bezwen konnen.

Onorab Pillay pe riye.  Akoz i krwar konmsi nou pe-konmsi, ou konpran?  Me selman,  me selman i bann kestyon ki enportan ki nou, nou konnen avan nou donn en lopinyon lo sa alokasyon.  Mersi.

 

MR DEPUTY SPEAKER

Mersi.  Onorab Ghislain.

 

HON CHANTAL GHISLAIN

Yes Mr Speaker.  Mr Speaker ti annan en kestyon mon ti’n demande- mon ti’n demann CEO pour donn nou si i annan sa lenformasyon avek li.  Ki kantite bann carers depi Zanvye ziska juillet or Out ki’n al konze?

E letan zot pe bezwen pey sa nouvo carer pour vini.  Ki kantite ki pe kout son Departman pour kapab pey sa bann nouvo carers silvouple?  Si i annan sa sif avek li please.

 

MR DEPUTY SPEAKER

Mersi Onorab Ghislain.  Onorab Larue.

 

HON FLORY LARUE

Mersi Mr Chair.  Bonzour Minis ek ou Panel.  Mr Speaker mon byen apresye en kantite bann larepons ki Msye Simeon pe donn nou.  Me selman mon krwar, nou legzersis ki nou pe fer la, i pour kapab eksplik sa bann sif avek statistik e avek figures.   Pa Polisi.

Lefe ki sa bann figures i vreman alarman.  Sanmenm sa ki nou pe demann sa bann kestyon.  Ki en Bidze parey pour disability benefits i mont par 30poursan.  Sa enn pour home carer i mont par 12poursan.  E sa social safety net i mont par 25poursan.  Nou pe rod statistik kler.  E mon krwar nou’n demande ki nou- enn bann kestyon ki ou ou’n demande, i ki i montre nou sa increase by figures.

E sa zafer letan dimoun pe al konze,  sa si ou anploy dimoun, ou bezwen konnen si en dimoun in fer 12 mwan.  Actually per month ou konnen konbyen ou owe sa dimoun for leave.  So sa i pa en larzan ki ou pa kapab konte.

Ou bezwen konnen si en dimoun in travay 6 mwan, how much you owe them in monetary terms.  Savedir sa i pa kapab zis distort from 1 year to the next.  Mersi.

 

MR DEPUTY SPEAKER

Mersi.  Mr Simeon.

 

CEO MARCUS SIMEON

Mersi Mr Speaker.  So mon ava komans avek en pe lo kote carers lo mannyer laplikasyon i marse.

Sa i en prosedir entern kot Minister Lasante.  So zot annan zot checks and balance ki zot fer laba.  E kontrer la dan reform, nou pe beef up sa.  Akoz pour le moman ou vwar kot ler dimoun pa kalifye, i tourn back dan sa menm distrik pour dir ki ‘mon pa’n kalifye, mon pe gete akoz’.

So i sort of trangle sa menm ners ki’n fer sa- bokou de fwa ou vwar kot desizyon i sanze la.  So internally atraver Minis Lasante, nou pe etablir en Appeal Board kot i ava endepandan avek sa dimoun ki’n fer sa initial assessment-sa team ki’n fer initial assessment pour gete si en dimoun i kalifye pour carer.  So sa pe antre ladan.

Lo kote bann carer- ah sorry.  Apre an 2017 ler nou ti komanse, nou ti annan nou 10 dimoun dan sa Seksyon.  8 dimoun annefe dan sa Seksyon ki ti apel bann ‘Monitoring Officers’.  E dan Bidze 2019, nou’n ganny nou ankor pour 5.  E nou’n ranpli nou post 5.  E nou pe- i pe ogmante lakantite monitoring nou pe fer.

Me selman ou kapab panse poudir 3, 628 carers pour monitor sa 15 staff.  I still vreman limite.  Akoz rezon det se ki, se lafanmir ki sipoze monitor sa servis ki pe pase.

Sanmenm sa anba sa reform pe bouz away from lafanmir, anploy carer through en Lazans anploy carer.  E dan Bidze lot lannen, nou’n mete pour nou ganny plis sa bann supervisors o nivo distrik.  En pe parey ti ete oparavan kot i a pli pre avek kot servis pe ganny delivre, kot nou ava vwar en vre sanzman dan kote dimoun vreman pe delivre en pli bon servis.  So sa pe ariv lo la.

Lo kote number of carers ki’n pran leave.  Onorab mon a fer ou ganny sa lenformasyon.  Mon napa la ek mwan la.  Me selman mon kapab fer ou ganny sa lenformasyon pandan lazournen.

E in terms of distortion.  I pa’n- problenm se ki pa Lazans ki anploye carer.  So nou napa en landrwa kot dir nou annan en payroll per se pour care.  En human resource function ki pour carers kot ou dir ‘ou ava konnen poudir zot pe al pran leave, zot pa pe al pran leave’.

Ou Bidzete lo baze lo numbers of carers ki i annan. Ou met en estimasyon lo kantite zot ki pour kapab ganny leave.

Me bokou de fwa ou vwar poudir sa figure i pli ba ki arive on- konmsi dan sa laliny li menm li.

Nou pe ekspekte avek sa restriktirasyon kot pour annan nouvo Lenstitisyon ki pour anploy carers direkteman.  Tou sa bann lenformasyon ki human resource information i ava ganny pli byen-ki pli byen administre.  Akoz i pour nepli lo nivo lafanmir.  I pour bouz back lo kote Gouvernman pour anploy sa bann carers.

E lo kote bann forecast.  Mon krwar nou ti eksplike depi boner kot nou- ler nou’n forecast, nou’n baz li lo en figure ki ti Me lannen pase.  Me over the months, sa increase sharply.

 

HON FLORY LARUE

(Off-Mic)

 

CEO MARCUS SIMEON

Ti mansyonnen figure.

MR DEPUTY SPEAKER

Ok mon annan- nou a pran ankor 2 dernyen kestyon lo size ASP.  Enn Onorab Loizeau avek Onorab Clifford Andre.  Onorab Loizeau.

 

HON NORBERT LOIZEAU

Mersi Mr Speaker.  Bonzour tou dimoun.  Mr Speaker mon mwan anvi zis en pti leklersisman lo sa benefit dezabilite la.  Ler ou’n eksplike.  Ou’n koz plito lo bann dezabilite fizik, apre bann malad kanser ki Board Medikal i aprouve pour sa dimoun gannyen.

Mon mwan oule konnen, kote lo kote autism.  Mon pa pe tann zot pe tro, tro tous lo la.  Vi ki autism avan ou kapab detekte ki en zanfan i otizm.  Dapre lenformasyon mon pe gannyen ek serten paran, i pour apepre 1an e plis.

E pandan sa bann letan, sa bann zanfan pa ganny nanryen.  E menm sa paran, ki’n bezwen kit son travay pour reste ek sa zanfan.  I bezwen esper tou sa letan avan ki zot- ki i kapab- ki zot donn sa zanfan- eski zot pour benefisye?  Eski zot in pran kont sa?  Pour ki sa bann zanfan en attendant ki zot sertifye, e sa paran osi a benefisye anba la.  Akoz i pran telman letan.  Mersi.

 

MR DEPUTY SPEAKER

Mersi Onorab Loizeau.  Onorab Andre.

 

HON CLIFFORD ANDRE

Mersi Mr Chair.  Mr Chair letan mon pe ekout CEO, kot i dir poudir i pran- zot pe al-zot pe move towards an Agency for carer.

Dan Bidze Siplemanter ki pe ganny demande,  i annan en sif R37.5 milyon ki Lazans Proteksyon Sosyal i tonm anba la pour en purchase of a new server, ok. 

Me si zot pe bouz par zot aktivite, away from zot core function ki Gouvernman in mandate zot pour fer.  Eski sa server i pour vin relevan?  E konbyen i koute sa server?  E ki kantite ladan zot pour pran dan sa 37. 5 milyon?  Mersi.

 

MR DEPUTY SPEAKER

Mersi.  Mr Simeon.

 

CEO MARCUS SIMEON

Mersi Deputy Speaker- mersi Mr Chairman.  Lo kote disability benefit Onorab.  I annan en plethora of underlying circumstances ki en dimoun i ganny benefis.  Nou pe vwar pri.  Nou’n mansyonn bann logmantasyon.  Nou’n vwar logmantasyon lo kanser.  Nou pe vwar osi logmantasyon dan bann zanfan ki pe ne avek dezabilite atraver bann paran ki kekfwa pe abiz sibstans.  Bann keksoz nou pe vwar bokou bann ka koumsa.  Autism osi tou i annan bann ka kot bokou ka nou pe vwar bann zanfan pe vin devan ki pe kalifye, ki pe ganny sa benefis.

Me mon- mannyer Lalwa i ete.  Ou pa kapab donn benefis tan ki pa’n ganny sertifye.  Sa proze sertifikasyon kekfwa atraver Minister Lasante ki sa i ava en lot keksoz.

Kot nou Lazans nou pa kapab ale, donn ou- donn lasistans, i pour vin en kontrovansyon ek Lalwa la.  Ou napa- ou pa ankor ganny sertifikasyon atraver Board Medikal, ni menm atraver prosedir Minister Lasante pour dir ki sa dimoun i annan sa.

So kekfwa i tard en pe.  Me selman sa i ava en kestyon pour plis pour Minister Lasante mon krwar, ok.

Lo kote sa server Onorab.  Ou’n byen vwar.  Parey ou konnen okenn- ou kapab dir Fon- okenn landrwa ki provide Social Security benefit dan okenn pe,  i en landrwa kot i annan en pli gro database li menm li.

So nou pe koz database ki administre, ki i annan non bann pansyoner, tou sa bann dimoun ki ganny bann benefis.  Tousala.  E nou server nou ti annan, i over 25years old nou en.  Me i pe konmans donn nou en pe problenm la.  Ou kapab konpran si demen sa i tonbe, ki problenm nou ladan.  So sa i nou backup server internally.  Apre nou annan nou bout avek DICT ki administre tou sa bann lenformasyon.

Sa bann lenformasyon krisyal lo bann lenformasyon ki date back 20an, 30an pase.  Demen si i demann nou en kestyon, tou nou lenformasyon i la.  I allow nou pour nou kontinyen osi delivre nou servis lo nivo ki nou ete la.  So in vye.

Sa ki ou’n vwar dan Bidze i 800- si mon kapab konfirmen i 800, 000.  800 ekek.  803mil.  814 mil i pour al aste pour sa nouvo server.

E i en masin, bann pli gro IT server ki i annan dan pei.  Apard from DICT, Central Bank.  So pour contain tou sa lenformasyon ki nou bezwen anmase, pour fer sir ki nou kapab delivre nou servis.

E i pour allow- i pour sa platform ki pour allow nou pour devlop new- pour annan plis capabilities demen.

Ozordi parey ou pe vwar.  Nou pa bezwen vin la pour dir ou tande retirement benefit i dan problenm.  Akoz nou kapab vreman forecast aktivman konbyen dimoun month and month ki pour turn 63.  I pa ti en legzersis fasil detrwa lannen pase sa en.  Kantmenm nou ti annan tou sa bann teknolozi.  Me avek devlopman, nou’n empty li, nou’n annan bann linkages ki nou kapab fer.  Nou bann servis pa ti link oparavan.  Me la pli ale i pe vin pli link kot nou kapab efektivman konnen lot mwan kantite nouvo pansyoner pour vini.  Sanmenm sa ou vwar dan sa 3 lalis napa retirement benefit ditou.   Mersi.

 

MR DEPUTY SPEAKER

Klarifikasyon Onorab Andre.

 

HON CLIFFORD ANDRE

Wi.  Mersi.  Mon kestyon, i annan en bout- en parti kestyon ki ou pa’n reponn CEO.  Se par lefe ki ou pe tir en pe sa core functions avek ASP.  E ou pe met li anba en AgencySo mon en pti pe konsernen ki sak fwa en eleksyon i vini i annan en Agency ki ganny kree pour en pe larzan ganny enzekte ladan.  E ki mannyer i ganny servi sa a reste a vwar.

I osi i pour annan en lot server ki pour bezwen aste 814 mil?  Ankor ki nou pour bezwen donn li pour aste?  Konmsi mon oule konpran byen sa pti bout la.  Mersi.

 

MR DEPUTY SPEAKER

Mr Simeon.

 

CEO MARCUS SIMEON

Non mon-i pa pour le ka.  Sa gro server, sa i pour Lazans Proteksyon Sosyal, pour administre tou sa bann 30 ekek benefis.  Home care i zis en pti benefis, en pti pou- konmsi ler ou gete, i en progranm dan sa 30.  Nou bezwen store data pour 20mil,  30mil dimoun.  Home Care nou pe koz zis 3mil ekek dimoun.

Kekfwa si li i bezwen en pti sistenm. I pa pour lo sa nivo.  Me selman tou mannyer dan reform, sa landrwa pour administre Home Care.  Peyman i kapab still pe ganny fer kot Lazans.  So sa server pour go still kontinyen pe ganny servi for the purpose.  Mersi.

 

MR DEPUTY SPEAKER

Bon ok.  Mersi bokou Msye Simeon.  Mon krwar nou’n demann ase.  Nou’n egzos sa size sifizaman.  E mon sizere nou kontiny…

 

HON JEAN-FRANÇOIS FERRARI

Mr Chairman mon krwar nou pour bezwen pran en Infrastructure.  Akoz Mr Choppy pe deplase.

 

MR DEPUTY SPEAKER

Ok se sa ki mon ti pe al sizere.  So nou ava al lo sa bann sif ki’n ganny mete pour Lenfrastriktir.  Mon ti a demann- mon ti a permet zot sanz plas.  E remersye Msye Simeon pour son bann klarifikasyon.  Mersi.  Onorab Ferrari.

 

HON JEAN-FRANÇOIS FERRARI

Yes Mr Chairman.  An menm tan ki Mr Choppy pe pran son plas.  Mon krwar ki i annan 2 sif la ki nou pe-nou ti a pli kontan gannyen.  Leksplikasyon lo la.

Enn se lo paz 7.  41 milyon ‘’shortfall and under Ministries PSIP allocation. ‘’ And e mon mazinen vi ki PS pour Lenfrastriktir i la,  nou ti a an menm tan kapab ganny en lenformasyon lo sa 26 milyon sa loan la, pour nou ganny en – si PS ti kapab eksplik nou.  Mersi.

 

 

MR DEPUTY SPEAKER

Mersi Onorab Ferrari.  Mon a donn la parol PS Choppy.

 

PS YVES CHOPPY

Mersi Mr Chair.  Bonzour tou Manm Onorab.  E tou dimoun ki a lekout.  Petet si mon komans avek sa 26milyon ki pe re pey loan, ki PMC in pran,

sa bann loans se bann loan ki’n pran pour finans bann proze konstriksyon lakaz,  ek lezot proze ki relye avek donn dimoun lasistans lakaz.

So si mon komans par fer en pti bilan bann proze ki pe ganny finanse anba sa loan.  E mon krwar PS Finans i- mon byen sa 26milyon i pour re pey sa loan 200milyon avek Nouvobanq.

E dan sa Fon ti annan 2 loan ki’n pran.  Enn ki ti avan, ki ti 150milyon avek Fon Pansyon i 2enm 200milyon avek Nouvobanq.

E sa 2 loan ansanm, bann proze ki pe ganny finanse sorti dan sa sours.  I annan konstriksyon 409 lakaz ki form par nou bann proze 24/24 dan bann distrik.  E kou total pour sa bann 409 lakaz i anviron 468milyon.

I annan lezot proze lakaz ki pa ti dan Bidze Kapital 2017-2018.  Spesifikman parey ti annan 100 younit lakaz Perseverance.  Ti annan 42 younit lakaz tranzitwar Barbarons.  E lezot pti proze lakaz ki Gouvernman ti annan komitman par egzanp pour re konstrir serten ka bann lakaz brile.  Or bann lakaz ki ti annan problenm striktirel ki Gouvernman ti’n konstrir dan lepase.

E sa bann kategori sa bann proze li, i ariv anviron 89 milyon an tou.  E lezot kou operasyonnel osi ki nou’n finanse atraver sa sours finansman, ti annan serten proze ki nou ti bezwen aste later.  E i annan 18.2milyon ki ti ganny servi pour pey an parti later ki ti ganny aste avek SACOS.  E 1.6milyon pour bann lezot kou;-  par egzanp survey, netway teren pour fer bann survey, eksetera.

E osi ti annan 9 proze land bank ki nou ti’n mete pour nou finanse anba sa sours finansman.  Zot, zot ti ariv anviron 43.6milyon.  Donk si ou gete an tou, sa bann proze si nou azout tousala ansanm.  I fer en total kou anviron 620milyon.

E 2 loan ki nou ti’n gannyen ti ariv nou anviron 350milyon.  Nou ti ganny en finansman anviron 5milyon from CSR 2018.   E  apre nou’n kouver serten bann depans dan sa bann proze atraver serten savings ki nou’n annan lo nou Bidze Kapital 2017 ek 2018.

An 2017 nou ti servi anviron 21milyon, ki nou ti al atraver peyman pour sa bann proze.  E 2019 ti annan anviron 15milyon ki nou ti servi.

So si nou get tousala sa kou total ek bann sours finansman ki’n antre pour nou finanse,  nou a vwar poudir i annan en mank anviron 230 milyon pour konplet tou sa bann proze dan sa lalis.

E so  sa i an gro detay lo sa 26milyon ki pe re pey sa loan ki avek Nouvobanq.   Selman mon’n met li tou ansanm- tou proze ki pa’n ganny dan sa sours finansman.

Donk ler nou fer nou prozeksyon cash flow ver en pti pe avan milye lannen sa lannen, nou’n vwar poudir sa loan  – sa 200milyon in preske exhausted li.

Mon krwar a se moman, nou’n depans preski 190 milyon.  E se pour sa rezon ki i annan sa demann R40.9 milyon adisyonnel pour nou- pour bann proze ki an mars pour nou kapab fini- ki zot annan depans ki’n progranmen pour fer ant la ek lafen lannen.

E annefe si mon get bann depans ki nou pe fer lo bann proze ki nou ekspekte konplete avan lafen lannen, nou annan nou anviron 67 milyon pour peye.  E avek sa 40.9milyon plus bann serten proze dan nou Bidze Kapital ki nou vwar zot progresyon i en pti pe pli dousman –  ler nou met sa bann- sa 2 sours- sa Siplemanter 40milyon ek serten savings dan nou Kapital,  nou ekspekte kapab kouver bann depans ki nou annan pour nou fini sa bann proze.  Mersi Mr Chair.

 

MR DEPUTY SPEAKER

Mersi Mr Choppy.  Onorab Ferrari.

 

HON JEAN-FRANÇOIS FERRARI

Zis en pti kestyon.  Kekfwa Minis ki a kapab reponn sa enn;-  mon krwar pour lentere piblik.  Eski i normal ki se PMC ki pran loan.  Me selman se Gouvernman ki re peye?  Ki pey son Kapital ek son lentere?  Konmsi eksplik sa.

Akoz nou, nou ti- mon dan mwan lespri sete ki PMC i en- i Otononm, i resevwar reveni.  E se atraver son reveni ki i pour re pey sa bann loan.  So donn nou en leklersisman silvouple.

 

MR DEPUTY SPEAKER

Mersi Onorab Ferrari.  Petet- mon osi mwan ti pour azout pour Minis Finans, vi ki zot ti publie en S.I ler zot PMC ti pran sa loan, 200milyon.  Mon krwar ti avek Nouvobanq.  E klerman dan S.I demande.  Lekel ki pe prete?  Ki kondisyon?  E lekel ki garanti?

Garanti ti Gouvernman Sesel.  Ki vedir i pa sipoze re peye.  Se PMC ki sipoze re peye.  Alor, kwa ki’n al mal, ki prezan sa lour repeyman pe re tonm lo Gouvernman Sesel?

Set en pti pe sa.  Me petet mon a les Minis reponn sa, avan nou al lo lezot kestyon.

 

MINISTER MAURICE LOUSTAU- LALANNE

Mersi Mr Chairman.  Mr Chairman se pour rezon mank kapasite ki PMC pa kapab servis sa loan.  Me de tout le fason, nou ti’n deside ki nou ti pour pran sa lo Bidze.  So se akoz koumsa ki sa sityasyon i koumsa.  Napa lot fason pour nou fer li.  Mersi Mr Speaker.

 

MR DEPUTY SPEAKER

Onorab Ramkalawan.  Swivi.

 

HON WAVEL RAMKALAWAN

Mr Speaker mon pa- mwan krwar sa larepons i pa akseptab.  Parski napa okenn landrwa ki’n- letan nou ti pe diskit Bidze pour 2019,  mon pa rapel- a mwen koriz mon, koriz mon memwar.  Mon pa rapel okenn par kot sa lobligasyon PMC ti pour ganny pase avek Gouvernman.

E mon krwar ki dan son S.I, ki Lasanble pa’n fer nanryen avek pour quash ensidswit.  Dan son S.I i ti donn tou lendikasyon ki mannyer i pour peye.

E nou lekspektasyon se ki letan PMC in fer- in asize in fer son kalkil, i konnen egzakteman ki mannyer i pour pey sa loan egzakteman parey nenport dimoun ki pran en loan.  I konnen ki mannyer i pour re pey sa loan.

So mwan personnelman.  Mwan krwar ki poudir i annan en keksoz la ki’n al teribleman mal.  E ki sa larepons ki Minis in donnen, i pa vreman zistifye.

Parski nou pa kapab annan- ale pran loan.  E apre sa letan zot- letan zot pa fer zot- parey ou’n dir mank kapasite.  E apre zis fer sa tonm lo tax payers.

Parski PMC li.  I pe pran bann dimoun ki annan lakaz.  Zot pe re peye zot.  E ofet en Seselwa ozordi ki ganny en lakaz,  letan i re pey son lakaz,  i re pey 3 lakaz.   E alor mon pa trouv li zistifyab ki sa i bezwen tonm lo – i bezwen tonm lo lepep Seselwa.  Mon ti ava kontan ganny en pli bon leksplikasyon lo la Mr Chairman.  Parski an menm tan osi.  I annan- Lenfrastriktir i annan en gro problenm.

E ofet Mr Chairman menm sa chiffres la lo paz 7 la.  sa 40 milyon.  Sa 40 milyon an relasyon avek proze 24/24, sa in sipoze bann proze ki pas atraver tender process.  Savedir dan Bidze.

Dan Bidze tou sa bann keksoz i sipoze annord.  Zot konnen ki mannyer i pour arive.  E sa zafer la pe fer mon mazin Music Stadium ki ti komans 11 milyon.  Non, non i ti komans 5milyon.  E finalman in ariv plis ki 25 milyon.

E Mr Speaker mon krwar- Mr Chairman mon krwar ki nou bezwen en pe plis leksplikasyon.  Akoz sa bann tender process- espesyalman tanzantan nou vwar menm Lakonpannyen ki involve.  Mon ti ava kontan ganny plis leksplikasyon.  Akoz i pa bon sa ki nou pe gannyen la.  Mersi.

 

MR DEPUTY SPEAKER

Mersi Onorab Ramkalawan.  Mon a permet Minis reponn.

 

MINISTER MAURICE LOUSTAU-LALANNE

Mersi Mr Chairman.  Mr Chairman mon pe regard Bidze 2019 anba Development Grant to PEs.  E i annan en sonm la ki nou ti mete pour PMC,  R24.8 milyon.

Avek sa, mon ti a kontan demann- avek ou permisyon, PS Finans pour donn en pe plis leksplikasyon.  Mersi.

 

MR DEPUTY SPEAKER

Mersi.  PS Finans.

 

PS  DAMIEN THESEE

Mersi Mr Chair.  Bonzour tou Manm Onorab.  Petet pour eksplike akoz nou ti pran sa loan.  E nou ti basically offload li lo PMC.

Parey nou konnen, Departman Lenfrastriktir,  li ki responsab pour fer tou bann proze lenfrastriktir espesyalman lakaz.

E apre i handover sa bann stock lakaz avek PMC pour li manage.  E la PMC li i kolekte rent.  Tou son bann tenants i ganny Means Test mon krwar.  E zot fer en kontribisyon.

So ler bann demann Bidze in vini pandan sa 2 dernyen lannen, nou’n vwar presyon avek Departman Lenfrastriktir avek lezot Minister.  So si nou ti donn Departman Lenfrastriktir sa kantite larzan ki i ti pe donnen from the Budget ki PS Lenfrastriktir in fer sorti apepre 400milyon, i sitan bokou ki i pour priv lezot Minister.  So ki nou ti deza deside fer, en fason ase inovatif e osi ki ase prop, se ou pran sa loan avek backing Gouvernman ek PMC.  Prezan nou, nou donn sa lasistans atraver Development Grant.  Nou donn PMC sa larzan pour li re peye.

Sa ki i fer, ki i tir presyon pour ou donn gro larzan Departman Lenfrastriktir.  E ou kapab fer bann repeyman en pe pli ptipti.  Selman krwar i dan plas kekfwa nou ti pour donn li 400milyon dan en lannen.  Si nou get nou Domestic Financing Budget pour Gouvernman, i apepre 500milyon tou le lannen.  E sa i divize ant plizoumwen Minister Lenfrastriktir, SLTA, Ledikasyon ek Lasante.  Sa ki pli gro.

So dan plas donn li 400, 300milyon dan en lannen,  i fer ki nou re pey sa loan over en peryod letan.  E sa enn ki nou’n pran la avek Nouvobanq, i pour 10an.  Ti en sonm ase rezonnab, ler nou get son lentere ki nou pe gannyen lo average 6poursan.  I ase ba.  So i allow nou to akseler en pe nou bann proze lenfrastriktir ki i annan.  So se sa nou kapab fer tou sa bann proze land bank, 24/24 dan distrik e lezot.  So sa i en pe loptik ki mannyer nou ti pran sa loan.  Mersi.

 

MR DEPUTY SPEAKER

PS Choppy.

 

PS YVES CHOPPY

Mersi Mr Chair.  Mon ti a kontan tous 3 pwen ki Onorab Ramkalawan in fer sorti.  Premyerman zis pour evit annan konfizyon poudir sa 40 milyon i pa pe reprezant en cost overrun lo bann Kontra ki nou’n donnen.  I bann- i larzan ki nou bezwen dapre nou bann Kontra, ki nou Bidze i mwens.

So pour konpar li avek Music Stadium,  i petet kapab anmenn en pti pe konfizyon.  Mon ti a kapab donn ou detay lo sa bann proze ki ladan.  Bann ki nou annan cost overruns apre.

E osi mon ti a kontan tous lo pwen- tou sa bann proze la, i pas anba prosedir Tender Procurement Act.

E trwazyenmman.  Mon krwar ou’n mansyonn ki bann dimoun ki ganny lakaz ek Gouvernman i pey lakaz 3 fwa.

Mon krwar petet i bon fer sorti poudir sa pri ki PMC i donn bann dimoun pour peye, the sale price, i pa kou ki’n kout Gouvernman pour konstrir sa lakaz.  Akoz i annan en serten subsidy ki antre.  Akoz si nou ti pour pas whole kou konstriksyon lakaz avek bann dimoun, petet mazorite bann dimoun ki nou pe target, pa ti pour kapab afford pour re pey sa lakaz lo term ki PMC i donnen.

So annefe si ou get kou bann lakaz ek sale price ki bann dimoun i gannyen, ou a vwar poudir i annan subsidy ki varye from 9poursan ziska petet 40poursan dan serten ka, depandan lo kou ki koute pour konstrir lakaz dapre landrwa spesifik kot i ete.

Si ou permet mon petet Mr Speaker, mon ti a kontan pas en pe lo bann proze ki nou’n annan serten overrun lo la;-  dan sa bann ki tonm dan sa bann proze ki pe finans anba sa sours.

Bann ki’n annan overrun significant;-  par egzanp nou ti annan proze land bank Grand Anse Mahe.  Li ti annan en overrun ase gro –  5.3 milyon ki ti arive, akoz ti annan en fot dan mezir dan BQ.  Nou ti annan proze Bel Ombre.  Li i annan 260mil ki an vi kondisyon teren.  Sa i reprezant 1.6poursan of son inisyal kou.  Ex Cable nou ti adisyonn miray ek substitution elektrik. En kou 1.7 i reprezant 15poursan increase.  Baie Lazare i annan en ogmantasyon 1.4.  Li osi nou ti annan adisyon boundary wall ek kas ros ki nou pa ti’n prevwar.

Lakaz tranzitwar.  Nou annan anviron 1.2 milyon, ki reprezant 6.5poursan son kou inisyal.  Akoz ti annan sanzman pour accommodate bann photovoltaique e osi pour adaptasyon avek topographie teren.

Ex Onezime nou konnen nou pour annan en adisyonnel pour bann drenaz, an vi sityasyon drenaz.  Me selman sa, nou pa ankor determinen.

Pascal Village nou ti annan 910mil ki reprezant 3poursan son kou inisyal.  Sa ti pour sanzman dan kondisyon teren, drenaz, retaining wall ki nou ki nou’n fer sanzman pandan konstriksyon.

Cascade kot Ex PSSW.  Pour le moman nou annan en varyasyon 400mil an vi fence ek lezot keksoz ki nou’n bezwen fer pour konpromet lefe ki i annan fasilite Lapolis i ankor pe operate.

Au Cap nou pour annan en adisyonnel.  Akoz nou’n azout en boundary wall pour permet serten vwazen ganny en akse semen.  Selman nou pa ankor determinen egzakteman sa konbyen i pour arive.  E en proze ki nou’n annan en gran varyasyon,  se sa proze Pointe Larue Ex Albert, kot li nou annan en varyasyon anviron 7.8milyon ki reprezant 36poursan son kou inisyal.

Li akoz, kondisyon teren nou’n bezwen fer en kantite sanzman ler nou’n komans konstriksyon.  E in annan earthworks, kas ros, a retaining wall ki’n fer sa.

E Les Mamelles 8 younit.  Nou annan en varyasyon 1.4.  ki reprezant 24poursan lo sa proz.  E li an vi, nou’n bezwen fer en kantite ground improvement pour fondasyon.

So ler mon get an total,  sa bann proze ki vo en valer anviron 600milyon,  sa total varyasyon i anviron 21 milyon.  Ki reprezant 3.6poursan, ki mon krwar i en keksoz ki ase-ki pa tro egzorbitan ler nou kont sityasyon nou bann teren ki nou annan.  Mersi Mr Chair.

 

MR DEPUTY SPEAKER

Mersi Mr Choppy.  Bon lo mon lalis mon annan Onorab Andre.

 

HON CLIFFORD ANDRE

Mersi Mr Chair.  Mr Chair mon’n ekout PS letan in reponn sa kalkilasyon 1 pour 3.  In dir si sif ki zot ti donn dimoun pour re peye, i ti pour pli ser.  Be si deza pe pey 3 fwa sa sif ki ou donn li, i deza pe pey pli ser.

So i annan en sityasyon kalkilasyon ki pa korek.  Letan in dir poudir Gouvernman pe subsidize.  Si letan ou pe fer subsidy, me sa dimoun lo sa subsidize rate i pe pey 3 fwa sa subsidize rate.  So definitivman i pey the price of the house ek en ptigin an plis lo la.  Sa i mon premye issue lo sa ki in dir.

2enm;- Dan sa dokiman Midyear Economic and Fiscal Outlook, lo paz 26.  I annan 24 younit housing project at Ex Onezime.  Mon oule ki PS i konfirm avek mwan, si Anse Aux Pins i annan 24 younit ki pe ganny fer.

Apre sa bann project overrun ki zot pe eksperyanse-ou’n dir Ex Onezime i drenaz, ki pa ankor ganny determinen.

Mon ti vin isi dan sa Lasanble.  Mwan ti dir avek zot ki poudir Planning, letan i donn permisyon en dimoun pour bous larivyer ki pas par lao kot Onezime Estate, pour annan problenm anba.  Personn pa ti enterese.  E lezot ti riye.

Ozordi larzan tax payers pe ganny pran.  Akoz zot realize poudir pour annan en problenm over flooding avek drenaz dan sa landrwa.  Se anler par lao kot Alone ki bouse.  A plizyer repriz mon’n anmenn sa.  Mr Joseph François in vin gete.  Zot kontinyen les fer en sityasyon par lao.  Apre demen nou larzan ki ganny pran pour esey rektifye en problenm ki ti’n kapab ganny anpese arive.

E mon mwan vreman konsernen lo sa kalite travay Minis.  Akoz, pa kapab pran- anpes arive en problenm.  Nou pa kapab pran larzan, apre pour al rektifye en problenm ki dimoun in dir anpes arive.  So sa i mon konsern lo kote lenfrastriktir.

Avan mon demann mon kestyon lo sa sityasyon 24/24.  Mon ti a kontan kekfwa Mr Chair, si PS i konfirmen si i annan 24/24 Ex Onezime.

 

MR DEPUTY SPEAKER

PS, eski ou kapab konfirmen si i annan 24/24 Ex Onezime?

 

PS YVES CHOPPY

Pour le moman nou pour konstrir.  Nou annan 18 younit ki’n fini dan Kontra ki pe enplimante.  Selman nou pour bezwen fini konstriksyon sa 12 lo sa site kot nou pe fer, pour nou ganny plas kot sa bann emergency pour nou fer ankor 6.

Nou annan en lot faz proze ki nou- ki i pa form part of sa Kontra ki i pa ankor konmanse.  Mr Chair mon kapab kontinyen avek larestan pwen?

 

MR DEPUTY SPEAKER

Wi, si ou pe reponn larestan kestyon ki in demande.

 

PS YVES CHOPPY

Wi ok.  So pour sa issue pey lakaz 3 fwa lo pri ki nou donnen,  mon krwar petet ou pa pe pran kont ki ler ou’n ganny en sale price pour en lakaz,  prezan ou pe pey li over 23an oubyen 30an a en lentere 5poursan.   Byensir ler ou pe pey li over 30an, ou pa pour pey pri sa lakaz.

Akoz lentere i add up lo la baze lo peryod letan.   So i pa vre ki ou pe dir, i pe pet 3 lakaz.  Ou pe pey pri sa lakaz over en peryod 30an.  Alor ou get the time value of money ek lentere,   byensir i akimile.  Ok.

 

HON WAVEL RAMKALAWAN

(Off-Mic)

 

PS YVES CHOPPY

Be non selman ou pa pey li ozordi.

 

MR DEPUTY SPEAKER

Kontinyen avek larestan larepons.

 

PS YVES CHOPPY

Ok.  Lo issue drenaz.  Lefe ki nou, nou proze i anba.  E nou bezwen get sa proze dan zanmirant ki mannyer i pe afekte- ki mannyer, ki lenpak i kapab annan?  E lefe ki nou Gouvernman nou pe fer en proze la.  E nou vwar poudir a sa moman la, i annan serten keksoz konsern drenaz ki kapab ganny fer pour improve sityasyon.  Alor nou santi nou-i nou devwar pour nou pran kont sa.

Mon pa konn detay egzakteman sa case kot Onorab Andre pe fer.  Me selman mon kapab koz lo lefe ki nou proze i downstream of sa, nou, nou bezwen fer en keksoz lo nou kote.  Mersi.

 

MR DEPUTY SPEAKER

Ok mersi.  Onorab Andre.

 

HON CLIFFORD ANDRE

Mersi Mr Chair.  Mr Chair mon oule zis osi konfirmen.  Akoz dan sa Midyear Economic and Fiscal Outlook pour 2019-2020.  In fini dir nou poudir Kontra 24/24 kot Ex Onezime in fini peye.  Fodre- mon oule ganny sa kler.  Koumsa demen nou pa vin ankor pour demann sa peyman lo sa 6.  Akoz mon mon’n al gete parey ou’n dir.  Sa mon konfirmen, i 18.  Savedir 6 i outstanding.

 

 

So si in fini peye dan sa Kontra 24.  Savedir pa pour ganny peye letan i fini fer son konstriksyon sa 18 pour tire kot sa bann emergency housing i ete, pour met sa lot 6.  Mon oule zis konfirm sa avek ou la PS.  Mersi.

 

MR DEPUTY SPEAKER

Mersi.  PS.

 

PS YVES CHOPPY

Wi sa Kontra i pour 18 younit.  12 lo site kot i pour konstrir.  Apre 6 lo site faz 1.  Selman sa Kontra i enkli sa 18.  I pa enkli 24.

 

MR DEPUTY SPEAKER

Ok.  Onorab Andre.

 

HON CLIFFORD ANDRE

Be mon annan en konsern lo la mwan Mr Chairman.  Akoz dan sa outlook i koz lo sa siplemanter pour sa 24 younit.  Mon konsernen la.  Akoz si ou pe dir mon poudir zis 18 ki’n ganny peye.  Apre nou pour al lo sa 6.  Kan dan sa dokiman i met 24.  Savedir nou pour pey 6 an plis- 2 fwa nou pour pey 6.  Mon oule klarifikasyon, e sa i enportan pour pep Seselwa ki i annan son larzan ki pe ganny depanse.  Mersi.

 

MR DEPUTY SPEAKER

Mersi.  Mon a permet PS Finans pour donn klarifikasyon.  Mr Thesee.

 

PS DAMIEN THESEE

Mersi Mr Chair.  Ki sa dokiman i dir?  ‘A number of projects remains ongoing including’.  I nonm detrwa.  Apre i fer referans 24units housing projects at Ex Onezime.  Savedir i pa pe fer relevans- nou pa’n fer referans ek peyman nou.  Nou’n dir ki second outlook-outlook for second half of the year, ou annan sa bann proze ki ongoing.  Savedir son proze ki’n eksplike sa 12- lezot 12 ek sa 6 i form par ladan.  Mersi.

 

MR DEPUTY SPEAKER

Ok i kler sa ki i pe dir, poudir i pa neseserman sa 24.  I pou fer 18.  Sa 6 i a vin dan en Bidze pli tar.  Annou pa prolong sa deba lo la.  Parske i annan 25 distrik, si tou dimoun i al lo zot 24, nou pa pour fini ozordi.  So, Onorab Pillay.

 

HON SEBASTIEN PILLAY

Mersi Mr Chairman.  Onorab Ferrari i dir mon hurry up Mr Chair.  Mon pa konnen kan in ganny nouvo fonksyon.

Mr Chairman mon mwan ti a kontan demann en klarifikasyon Minis pour ki nou pa retourn dan menm problenm moving forward.

Mon krwar zot pour bezwen regarding sa peyman pour atraver PMC, vi ki zot pe servi PMC koman veikil pour fer en repeyman sa loan,  eski zot pe dir nou poudir once tou lakaz i fini ganny fer, sa i ganny vest ek PMC?  Alors sanmenm sa rezon zot in servi PMC pour li fer sa bann disbursement e non pa sa zafer kapasite?

Me plito relate avek- ou bezwen servi PMC, akoz tou sa lakaz i vin pour li apre.  I pa vin pour li, i vin pour PMC pour li manage.  That’s the rezon det behind this. 

        E prezan mon lot kestyon an se ki konsern sa 40 million.  PS savedir sa ki ou pe dir nou menm parey avek sa ki SP in dir nou;-  sa 40 million i en shortfall dan ou Bidze ki ou ti gannyen, non pa dan ou forecast.  So ou pe pran sa additional pour ou kontinyen fer sa bann proze.

So eski ou pe garanti nou poudir ou delivery rate lo sa bann proze pour 100poursan baze lo bann commitments ki’n ganny fer dan Budget Book for 2020-2019?  Mersi.

 

MR DEPUTY SPEAKER

Mersi Onorab Pillay.  PS oubyen PS Finans, oubyen PS Lenfrastriktir.

 

PS YVES CHOPPY

Petet si mon al avan.  Akoz pour mwan petet pour pli kourt.

 

MR DEPUTY SPEAKER

Ok. 

 

PS YVES CHOPPY

Wi.  Sa 30 milyon ek mon bann proze ki ongoing.  E lefe ki nou pe vin dan bann staz finisyon pour en bon pe nou bann proze.  E so la ki bann peyman pe antre pour sa bann proze.  Me selman nou proze i annan serten proze ki pour bezwen kontinyen lannen prosen.  E sa i bidzete apar.

 

MR DEPUTY SPEAKER

Mersi PS Choppy.  E petet pour PS Finans zis pour klarifikasyon lo PMC loan.  E petet zis mon ava azout en morso lo la.  Si ou kapab klarifye.

Vi ki ler zot ti fer sorti sa S.I.  E menm dan zot leksplikasyon lo paz 10.  Zot dir ‘‘PMC has signed 2 loans’’.  Savedir PMC ki’n sinyen.  Si mon pa tronpe dan sa S.I ki zot ti fer sorti.  Ti dir klerman ki se PMC ki pour peye, me guarantor, se Gouvernman Sesel.  Eski alor kondisyon in sanze kot Gouvernman- kot PMC pe default?  E alor sa lobligasyon pe tonm prezan lo Gouvernman ki ti en keksoz ki sertennman Lasanble a sa staz ler ti ganny prezante, pa ti’n prevwar.

 

PS DAMIEN THESEE

Mersi Mr Chair.  Minis in reponn korekteman ler in dir PMC napa kapasite pour peye.  Akoz li i pour napa sa larzan pour li kapab re pey en loan li.

So sanmenm sa ki nou’n come up avek sa laranzman ki nou provide sa sort of development Budget – Subvention pour li kapab re pey sa loan avek Nouvobanq.

So ki in mete dan S.I?  Labank li pe fer tranzaksyon direk avek PMC.  E Gouvernman i dan garanti.

Solman atraver Bidze.  Nou donn sa sibvansyon PMC pour li re pey sa loan direk avek Nouvobanq. 

So labank li i pe- i normal li.  I pe protez son investment ki i pe fer avek PMCSo se pour kwa i pour touzour demann en collateral.

En private company ti pour demann li en collateral.  Be vi ki i en Lakonpannyen Gouvernman.  I pour touzour fall back on the main Government pour li rod sa soutyen,  in case PMC pa pe kapab soutenir sa loan.

So nou nou’n come in atraver Bidze.  Nou pa’n go side track laranzman nou.  Nou’n zis donn PMC sa larzan pour li re pey sa loan.

E Nouvobanq li i konn li ek PMC.  Selman i konnen i annan sa soutyen Gouvernman in case PMC i default.  I touzour kapab come back lo Gouvernman.

Selman atraver Bidze nou.  I kler ki nou pe donn sibvansyon PMC.  Mersi.

 

MR DEPUTY SPEAKER

Onorab Ferrari.

 

HON JEAN-FRANÇOIS FERRARI

Si ou pa mind osi lo sa pwen PS.  Sey dir nou.  Be par egzanp bann larzan rent ki PMC i anmase,  konbyen zot apepre zot anmase dan lannen?  E kot i ale?  Akoz mon pa- mon’n sey pase dan mon dokiman la.  Mon pa’n vwar.  Sa i en pti kestyon.          E 2enm kestyon.  an pasan kekfwa PS Choppy i kapab prepare pour li donn nou lo Ex Albert ki annan 7 milyon overrun.  Ou kapab dir nou lekel kontrakter e konbyen son kou final pour sa proze silvouple?  Estimate.  Mersi.

 

MR DEPUTY SPEAKER

Mersi.  PS Finans e PS Choppy.

 

PS DAMIEN THESEE

Mersi Mr Chair.  Mon pour napa lenformasyon lo kantite PMC pe kolekte.  Si zot oule nou kapab fer zot ganny lenformasyon.  Nou a demann PMC.  Me solman tou son koleksyon.  Akoz PMC i pa lo Bidze li.  I sa ki nou apel en ‘Subtenant Enterprise’.  Nou annan bann Corporations, oubyen nou annan bann Companies.  Li PMC i en- parey nou konn son non i Property Management CorporationSo i kit son larzan.  I annan en Board of Directors ki zer li.

So sanmenm ou pa pour vwar li lo Bidze.  Selman parey nou vwar- si nou get dan Bidze, nou vwar bann lasistans ki nou donn en pe bann SOE’s ki pa pe neseserman fer larzan.

Si nou get parey Post Office.  Nou pour vwar i annan sibvansyon ki ou donn li.  So i pa son full operational cost.  Me i lasistans ki ou pe donn li pour serten progranm.  Oubyen pour serten deficit ki i annan lo son Bidze, pour pa fer li vin lo Bidze.

Even SPTC ou vwar li.  Even PUC osi ou vwar li lo bann loan osi ki nou pran.  Ki kekfwa sa bann labank, oubyen sa bann Bailleur de Fonds pa anvi fer tranzaksyon direk avek PUC.  Me li i anvi fer avek The StateSo nou pas sa atraver en net lending arrangement kot i neseser.  Mersi.

 

MR DEPUTY SPEAKER

Mersi.  PS Choppy.

 

PS YVES CHOPPY

SABS Construction Company.  Son total pour anviron 30 milyon, total cost.  Mersi.

 

MR DEPUTY SPEAKER

Mersi.  Onorab Ramkalawan.

 

HON WAVEL RAMKALAWAN

Mr Chairman mon mwan mon pa’n tro konpran sa leksplikasyon ki PS in donnen.  Parski mon trouv PS Finans- parski sa leksplikasyon ki in donnen la konmsi mon trouv en ptigit, konmsi pa tro normal.

Parski ou’n dir ki Gouvernman i konnen ki PMC pa pour kapab peye sa loan.  Me selman letan ou fer sorti ou S.I, e letan zot al negosye avek labank,  S.I, i se ki PMC ki pour re peye.  Gouvernman parey Onorab Speaker in dir,  i pour guarantor.  So eski napa en pe non-transparans dan sa bann dealings koumsa.

Dan sa ka plito Gouvernman ki ti’n pran sa loan.  Parey letan i raise Treasury Bills, se ki Gouvernman ki annan sa full responsabilite.

Konmsi la mon vwar i annan en keksoz la ki pa kler.  Zot konnen.  Me selman zot ale zot siny bann dokiman konm kwa PMC ki pour peye.  E apre sa fall back lo Gouvernman e vin dan Bidze.  Pour mwan pa normal sa.

 

MR DEPUTY SPEAKER

Mersi Onorab Ramkalawan.  Onorab Gill ti’n demann en- ti’n lev son lanmen pli boner.  Mon mazinen i lo la.  Mon a permet ou prezant ou kestyon an menm tan ki PS i prepar son larepons.

 

HON CHURCHILL GILL

Mersi Mr Chair.  Mon kestyon pour PS  –  Well PS Finans apre PS Lenfrastriktir.  Mon konpran sa legzersis mannyer i deroule.  Akoz PMC li, son bann kliyan sa to repeyman ki zot pey pour sa bann lakaz.  I tre ba.  I en keksoz lonterm.

Me selman mon kestyon se ki,  eski Gouvernman pa fer en laranzman ek PMC ki, ler PMC li in kapab rekiper?  Mon konnen i pour pran en pe letan.  Akoz son bann kliyan i 25 a 30an.

Me selman apre en serten letan,  PMC pou’n kapab akimil en bon pe larzan.  Eski i annan en laranzman ki ler nou ariv sa pwen, kot PMC i fer serten peyman dan Kof Gouvernman zisteman pour en- i parey koman ou pe- i pe ranbours sa ki Gouvernman in pey li ler li i pa ti kapab pey sa loan.  Akoz zisteman son kliyantel i baze lo lonterm.

Eski nou kapab ganny en leksplikasyon si i annan sa apre en serten letan?  Mersi.

 

MR DEPUTY SPEAKER

Mersi Onorab Gill.  Bon i annan 2 kestyon.

(1) Onorab Ramkalawan pe anvi konpran plis detay lo ki mannyer sa loan ti ganny striktire?  E Onorab Gill pe demande si i annan en mekanizm ki kapab met an plas pour ed Finans kapab re peye?  PS Finans.

 

PS DAMIEN THESEE

Mersi Mr Chair.  I annan diferan fason pour kapab petet finans sa bann kalite proze koumsa.  En lot opsyon sete sa- nou pran sa loan direk as Gouvernman.  E parey mon’n eksplike avan, alor sa full loan 200milyon i antre lo Bidze.  Apre nou, nou pran nou donn Lenfrastriktir pour fer sa proze.

Si nou ti annan larzan nou menm Gouvernman nou ti ser lezot sekter.  Nou zis met li lo nou prop domestic financing.  E sa gro 200 milyon i antre i squeeze out lezot.

Me ler nou fer sa 2 opsyon, nou vwar ki i fer en lefe, ah i squeeze nou, pour nou kapab fer bann lezot proze, bann lezot progranm Gouvernman.

So sa  3enm opsyon,  dan plas pas atraver Bidze direk.  Oubyen dan plas pas atraver net lending ki nou ti pour fer ler si nou ti fer sa loan direk Nouvobanq ek Gouvernman,  se nou fer li atraver direkteman avek PMC.

Nou, nou donn dan backing dan guarantee ki prezan sa threshold dan plas 300milyon at one go la, i vin 25 milyon parey nou vwar son repeyman ki nou pour fer dan en lannen.  Son actual repayment mon krwar i apepre 27milyon, si mon pa tronpe.

So i donn-i cushion nou pour nou kapab akseler proze Departman Lenfrastriktir.  E pa negliz larestan sekter.  Akoz nou Bidze parey nou konnen, i annan en serten limitasyon.  So i bann opsyon ki available ki direk dan Bidze ki nou vwar.  So, sanmenm sa ki nou fer.   Nou, nou pa vwar okenn keksoz mal avek.

E dezyenmman;-  Lo 2enm kestyon,  si en lantrepriz petet napa sa abilite pour li fer profi.  Akoz sirtou PMC, i annan en ta depans lo renovasyon son bann lakaz.  En bon pe lakaz i an varye.

E parey en lantrepriz li si i ti fer profi.  I ti pour donn Gouvernman en dividend.  Nou pa pran dividend ek PMC an vi ki i napa sa kantite profi pour li kapab donn nou.

So nou les- kit li ek son larzan pour li soutenir son lekor.  So an vi Polisi Gouvernman deza se pour sa bann social housing ki pe ganny fer, pe ganny subsidize.  Nou pa vwar li i fer sans pour nou demann li pour nou re pey nou.

So nou kontinyen aste li avek sa bann mechanism.  Ki kantmenm zot pe pran sa bann det i still ganny kontrole lo nou total debt stock pour fer sir nou debt stock to GDP i ariv son serten limit by 2021.

So nou pe borrow responsab osi, responsibly osi ler nou pe fer sa bann keksoz koumsa.  So si PMC i ti profitab, nou ti pe vann sa bann lakaz at cost plus a profit, okthen wi PMC si pour kapab debout lo son lekor, fer en profi.  E sa i come back Gouvernman pour nou as a external dividend.

Akoz mazinen nou.  Gouvernman i build.  Ler i build sa Bidze ek Departman Lenfrastriktir, nou donn li an totalite san en kou ki PMC i aste sa lakaz li.  I zis handover to PMC, to PMC manage– zer en larzan rent ki deza subsidize pour ede more or less ede renovate sa bann lakaz.  Mersi.

 

MR DEPUTY SPEAKER

Mersi.  Onorab Ramkalawan.

 

HON WAVEL RAMKALAWAN

Mr Chairman.  Mon konpran sa ki PS Finans in eksplike.  Me selman i annan en keksoz ki pa normal an term latransparans.

An term latransparans, sa ki nou Lasanble nou gannyen koman en S.I, i pa mansyonnen ki poudir Gouvernman ki pour peye.  Ou S.I letan i sorti, se ki PMC ki pour re pey son loan.

Savedir PMC li, li i tonm an deor Bidze li.  Li i al tonm anba PMC koman monitoring body pour tou sa bann Lazans.  Sa ki mwan koman en Manm Lasanble mwan konplent,  se ki ou ale ou pran ou loan, negosye loan.  Nou koman en Lasanble nou trouv en S.I.  Dan sa S.I napa lendikasyon ki poudir Bidze pei ki pour peye.

E letan nou debat lo Bidze.  Zot pa dir nou ki ‘get sa PMC pour pran en loan.  E alor, swa dan Contingency oubyen dan lot zafer nou pour vwar en larzan- kot nou bezwen vwar en larzan’.  Gouvernman pa dir nou nanryen!

Me la ozordi- ok sa 24/24/24.  Sa napa problenm.  Akoz nou vwar li dan Bidze.  Me sa bout la kot (u) ‘‘PMC has signed 2 loans ‘’ensidswit.  Sa pa zanmen pas devan nou.  E la ozordi Lasanble pe ganny demande pour li- pour premye fwa Lasanble pe ganny demande pour li pey loan 25milyon ki PMC in pran.

Mon espere Mr Speaker ki sa pwen ki mwan pe fer- eklersi mwan.  Parski tan ki mon pa ganny en bon leklersisman.  I vedir ki i annan en problenm kot latransparans i konsernen.  Parski zot zafer in vin atraver en S.I.  Napa nanryen pour fer avek Lasanble.  Napa nanryen pour fer avek Bidze.

Be la PMCPMC i vin nou pti baba.  Kan PMC i annan son prop sistenm.  Mersi bokou Mr Chairman.

 

 

MR DEPUTY SPEAKER

Mersi Onorab Ramkalawan.  Onorab Johan Loze.

 

HON JOHAN LOZE

Mersi Mr Speaker.  Mr Speaker mon pe rod en leklersisman.  Dan Midyear Economic and Fiscal Outlook 2019 lo paz 25, anba Development Grants i dir klerman.  ‘‘The Budget of Seychelles Rupees 123 million for Development Grants for 2019 has been revised’’ – … of words.  Apre i kontinyen i dir ‘‘the increases is mainly under PMC which is related to the SPF and Nouvobanq loan’’. 

Mon kestyon ki mon anvi demande mwan,  since i pe dir sa ‘Grant has been revised upwards’.  E dir ‘Budget  2019’.’

Now mon anvi zot eklersi mwan si sa ti pas devan Lasanble?  E ti ganny aprouve par Lasanble as a Development Grant pour PMC dan Bidze 2019 inisyalman?  Mon pour annan en follow-up si- mon zis anvi konn sa.  Mersi.

 

MR DEPUTY SPEAKER

Mersi Onorab.  PS.

 

PS DAMIEN THESEE

Mersi Mr Chair.  Ki nou ti vin avek pour Bidze 2019?  Nou ti annan en sonm R24.8 milyon anba PMC koman Development Grant.  E sa ti pour inisyalman pour sa loan Pension Fund ki nou ti pran 50 milyon- 150 milyon ki nou ti pran.  E i ti pour menm fason veikil ki nou ti’n fer.  E nou ti’n deza eksplike lafason ki nou ti pe fer sa.

Solman ki ti -mon konpran pwennvi Onorab Ramkalawan.  Nou ganny advise AG’s Office ki mannyer sa bann S.I i ganny pibliye.  Kekfwa from now on, vi ki i annan sa konsern.  Nou ava fer resorti dan sa bann S.I ki even though it is guaranteed by Government, pour annan en eleman peyman.

Solman akoz nou ler nou ti’n fer negosyasyon avek Nouvobanq.  Nou ti’n apros li lafason ki nou ti anvi fer sa.  I ti’n kler ek nou.

Nou ti’n fer li atraver PMC.  E nou ti donn li nou backing ki nou pour donn li sa larzan dan Bidze.  Kekfwa nou a rod en fason avek AG’s Office ki mannyer nou amann sa bann S.I ler en keksoz koumsa pour fer sorti sa bann laliny.

Akoz pour nou- pour nou, nou ti petet ase konfortab ki there was the Government backing.  E i ti ok.  Me si Lasanble i oule plis lenformasyon.  Nou ava reviz sa bann S.I ki i ava mete even if it’s a- en garanti.  Me i annan eleman peyman.  Sa ki mon propoze petet.  Mersi.

 

HON WAVEL RAMKALAWAN

I mean mon dakor avek sa ki ou ape dir pour ki menm avan zot al finaliz tou bann zafer.  Ki Lasanble Nasyonal i konnen ki poudir ‘be regarde, la i la i annan sa larzan ki- pour ki finalman nou konn tou keksoz letan pe- letan Bidze pe ganny diskite.  Kwa ki nou ekspekte?  Ki kalite det ki pour rantre ladan?

Me selman an menm tan osi la.  Be dir mwan,  eski nou pe dir ki PMC konmsi i pa pe nobou sustain son lekor?  Konmsi pa pe kapab sustain son lekor?  Se sa ki mon pe demande si nou pour vwar li konmsi re antre koman en budget dependent body? 

 

MR DEPUTY SPEAKER

Mersi Onorab Ramkalawan.  Onorab Loze.  En klarifikasyon apre PS a reponn.

 

HON JOHAN LOZE

Mersi Mr Speaker.  Mr Speaker si mon pe konpran byen pozisyon Onorab Ramkalawan.  Se ki sa Lenstriman Legal ki zot in servi pour raise sa loan ki fotif dan son lenformasyon ki in kontenir.  Si mon pe osi konpran.  Se ki lo zot par.  Zot in napa lentansyon- okenn move lentansyon.  Zot pa ti pe kasyet ki en premye trans sa in aparet dan Bidze 2019.  In aktyelman fer son laparisyon.  E in ganny aprouve.

Me sa enn ti pour sa loan Pension Fund.  E non pa pour sa loan Nouvobanq.  E la zot in bundle tou lede ansanm.  Zot in dir Seychelles Pension Fund and Nouvobanq loan.

Sa Pension Fund la, i ti annan en Lenstriman Legal ki ti ganny raise li?  I ti annan en S.I ki ti ganny raised?    I parey?  Ok.  Mersi Mr Speaker.

 

MR DEPUTY SPEAKER

Mersi.  2 kestyon.  Minis.

 

MINISTER MAURICE LOUSTAU-LALANNE

Wi mersi Mr Chairman.  Wi mon krwar ki pour sa loan ek Pension Fund,  li i ti ganny mete dan Bidze.  Mon ti annan menm en kestyon in Question Time ki mon ti vin reponn lo la spesifikman.

So kekfwa nou’n assume ki sa i ok.  Me mon krwar solisyon ki nou pe propoze, i bon solisyon.  Nou ava azout en paragraf, e vin konsilte next timeSo mon demann en leskiz si sa langaz in en pe misleading.  Me pour Pension Fund mon konnen nou’n swiv tou zafer annord.  E nou, nou ti krwar i ok pour nou carry on.

Me PMC li mannyer mon konpran,  I fer en pti profi R4. detrwa milyon Roupi kekfwa pour 2019 i a fini avek R4.5 milyon.  So i en pti profi.  Pour bann rezon ki nou’n eksplike isi.

So– e ou- parey ou vwar avek sa, i pa kapab sustain sa loan Nouvobanq lo 10an – 200 milyon.  Mersi Mr Chairman.

 

MR DEPUTY SPEAKER

Mersi Minis.  Minis, mon krwar le pwen ki ti pe ganny fer,  se ki dan diskisyon Bidze lannen pase- mon rapel sa kestyon PMC  ti monte.  Akoz nou napa en Bidze pour Housing?

E rezon nou ti ganny donnen.  Pour napa en Bidze pour Housing.  Se zisteman parske PMC i off-budget.

Setadir off-budget.  Nou pa pour vwar li dan Bidze an 2019.  Sa ti an Desanm 2018.  La en sel kou i aparet lo Bidze.  E se sa issue latransparans ki nou pe koz lo la.  Nou ti’n devret ganny dir, pour le moman i off-budget, me nou pe aranz en finansman ki i ava permet ki zis bann bout konponan repeyman ki pour aparet a lavenir.  Me sa pa ti ganny dir.  E ozordi nou trouv nou, be bezwen aprouv en sonm ki Manm pa ti’n prevwar.  Parske nou ti krwar i pour tenir son lekor avek son bann repeyman.  So set en pti pe sa.  Onorab Henrie.

 

HON GERVAIS HENRIE

Mersi Mr Chair.  E si zis mon kapab zis azout en pti bout vitman lo le pwen la ki nou ti pe fer pour piblik deor se vreman Lasanble Nasyonal pe fer son rol oversight.

E letan sa S.I ti sorti.  Nou ti vwar nou, nou Caucus LDS.   Nou ti pe anvi anmenn menm en kestyon pour anmenn Minis pour vin eksplike.

Be solman, akoz si ti annan sa lenformasyon kot konmkwa Lasanble ti pour bezwen aprouv son repeyman.  I ti ava’n vini.  Nou ti krwar poudir ti pour napa nanryen pour fer avek nou.  So nou’n les pase.

E ler la nou’n vwar.  So i byen lo nou kote vreman nou pe anmenn sa dan latansyon piblik Seselwa.  E mon krwar dimoun pour apresye poudir vreman zot in fer en bon swa dan Eleksyon 2016.

Prezan mon kestyon ki mon anvi demann Minis Me Chair.  Yer dan mon prezantasyon, mon ti fer sorti le pwen ki, ler nou donn Brans Egzekitiv en Bidze;-  Enn – se ki zot bezwen reponn a lekspektasyon sosyete.  E apre servi sa Bidze pour kree prosperite dan pei.  Malerezman Minis pa ti la.  Donk i pa’n kekfwa tann sa ki mon’n dir.

Prezan lo sa headings ki nou pe koz lo la, la.  En keksoz ki lye direkteman avek ou Minister.  Parski nou vwar poudir Nouvobanq, en loan 200milyon in ganny pran avek li, ki pour ganny rann dan 10an avek en to lentere 6.86.

E taler mon fek dir.  I annan en pti group dimoun Sesel ki pey tax.  Nou menm nou ki pour pe rann sa larzan.  Solman ki mannyer nou kapab benefisye?

Ti deza annan en plan pour ki Gouvernman i vann par dan Nouvobanq.  Vann par.  So si mon la koman en taxpayers mon pe re pey sa loan.  Solman mon ti annan loportinite aste par.  Mon ti a’n re ganny en keksoz endirekteman.

So menm si i pa dan sa.  Be solman koman ou la Minis Finans.  Ki the latest?  Non, non mon pe liaise mon keksoz byen mwan si ou’n ekout mwan.  Si ou konpran ki mon pe dir.  So what is the latest lo sa plan pour vann par dan Nouvobanq?  Mersi.

 

MR DEPUTY SPEAKER

Ok nou’n sot en pti pe an deor.  En pti pe an deor.  Me selman mon a permet.  Vi ki i annan en koneksyon avek Fon Piblik.  I annan en koneksyon ek Fon Piblik.  Mon a permet Minis, vi ki i la.  pour li reponn.

 

MINISTER MAURICE LOUSTAU-LALANNE

Wi mersi Mr Chairman.  Wi, mon konpran ou kestyon.  I vre osi ki, dan Bidze lannen pase mon pa’n koz ditou lo sa bann vann par Gouvernman dan bann Sosyete.

I en travay nou bezwen fer letan nou regard 2 keksoz.  Premye keksoz.  Nou annan touzour sa risk ki nou napa correspondent banking.  E si sa i arive,  nou pour dan difikilte vreman enorm.

So premye keksoz nou bezwen fer.  Se protez sa correspondent banking.  E letan nou fer sa, nou pour bezwen anmenn Lalwa isi lo nou AML/CFT.

E nou’n deza montre sa kalandriye Lezislatif ki nou pour servi.  E nou oule anmenn li isi avan Desanm.  I pe al Cabinet mon krwar dan detrwa semenn.

Akoz sa i enportan.  Akoz si nou komans ganny tarnish avek sa.  Nou pour perdi sa correspondent banking.  So i bon nou annan sa Lezislasyon an plas.

Dezyenmman;-  Lo ka Nouvobanq direkteman.  Parey ou konnen son partner ki ek li i Standard Chartered Bank.  E sa i plis ou mwen konfirmen, e asire ki i annan en correspondent banking relationship.

So nou bezwen fer sa avan.  Apre nou pour re vizit.  E se lentansyon efektivman pour vann en pe par dan le fitir, enn fwa ki nou’n fini sa travay.  Mersi Mr Chairman.

 

MR DEPUTY SPEAKER

Mersi Minis.  Bon in ariv 12:18.  Mon ti a kontan en gidans avek Lasanble.  Nou pa ankor fini sa Supplementary Estimate e detay ladan.

Eski zot pour dakor ki nou retourn apre midi pour nou fini larestan travay ki reste lo sa papye?  Oubyen nou adjourn pour semenn prosenn?  Onorab Pillay.

 

HON SEBASTIEN PILLAY

Mersi Mr Chairman.  Mr Chairman mon swiv lo bann diskisyon ki nou’n gannyen yer lo Bidze.  Minis in reponn lamazorite bann kestyon ki’n ganny raise bomaten dan son lentrodiksyon vizavi bann kestyon ki i ti oule souleve lo koupir, lo bann freeze Bidze, e lo bann sanzman dan goods and services.

Apre si nou swiv byen bann lentansyon bann deba yer, bann focus ti lo sa bann pli gro Heads ki nou’n ozordi trete.  Prezan mon krwar i pa reste nou bokou konsern.  Akoz nou pa’n vwar larestan size bann kestyon souleve.  Si non Minis ti ava’n reponn li.

Si nou bezwen retourn apre midi.  Mon krwar nou devret retourn apre midi.  Akoz i pa reste nou bokou travay pour fer.  E bann lenformasyon ki ti’n ganny demande, CEO ASP osi in fini provide.  E in dakor pour li provide bann payrolls atraver bann Lasanble pour bann MNA’s parey Onorab Adelaide in demande pour son distrik, pour li konnen.

So mon krwar, vi ki nou’n ariv a sa pwen.  Mon pa konnen ki lot kote i panse.  Be nou kapab swa pran en vot lo sa Mosyon.  Ouswa nou retourn apre midi si bann Manm i ankor annan bann konsern.  Be selman nou pa repet bann konsern ki nou’n fini raise.  E lamazorite konsern ki Minis i fini adrese dan son Ladres.  Mersi Mr Chair.

 

MR DEPUTY SPEAKER

Ok.  Mersi.  Mon konpran poudir i annan en lot kontrent.  Parske Minis e son delegasyon pa pour la semenn prosenn.  Zot pe vwayaze.  E osi ozordi apre midi nou ti annan Bills Committee 2er.   Sa osi i en keksoz ki’n ganny planifye.  Me mon mazinen sa i kapab ganny bouze.  Ki konsansis zeneral pour nou kontiny travay apre midi?  Menm ki i pa al antye apre midi.  Me i a komans 2er e nou ava get ki dire nou ava ale.  Onorab Ferrari.

 

HON JEAN-FRANÇOIS FERRARI

Mr Speaker mon a sey fer en propozisyon.  Nou- an tou ka nou 2 LOTO nou annan en commitment apre midi.  Nou’n pran 3 Headings pli enportan.  Leader Lopozisyon in koz lo bann saler ki’n ganny frozen.  Nou’n koz lo ASP.  Nou’n koz avek lo Lenfrastriktir.

Ti annan en kestyon ki ti-ki tou bann Manm ti annan en konsern lo la ki kalite lenpak ki pe annan?  Se lo bann proze distrik.  Konmsi nou ti anvi- nou ti anvi konnen akoz zot- akoz nou retrouv nou dan sa sityasyon ozordi?

Si nou kapab deal avek sa.  Mon mazinen- an tou ka lo nou kote nou fini avek sa.  Me mon pa anvi koup deba.  Me selman mon lo mwan kote mon vwar sa- si nou kapab deal avek sa.  Then nou fini.

 

MR DEPUTY SPEAKER

Ok tre byen.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon krwar si lo lot kote i dakor ki nou fer sa.  Then i- nou ava pran the next half hour nou ava deal ek sa bout

And then nou ava kapab move.  E nou ava release bann zofisye Minister Finans.  Akoz nou konnen zot annan lezot travay.  E bann Manm osi mon konnen ozordi zot pour annan lezot bann commitments.  And then nou ava kapab retournen pour nou attend sa Bills Committee.  Akoz nou pe get Bill SFA, so i ava enportan osi ki nou ganny sans fer li.  So nou dakor ek sa propozisyon konmsi.

 

MR DEPUTY SPEAKER

Dakor mon mazinen nou kapab ale ziska petet 12.45.  Si nou a kouver lezot topik.  Onorab- Choppy mon krwar ou’n fini.  So nou ava eskiz ou parmi nou.

 

(PS CHOPPY WAS EXCUSED FROM THE HOUSE)

 

MR DEPUTY SPEAKER

Bon nou a kontinyen avek lezot kestyon ki nou annan lo sa papye Bidze Siplemanter.  Onorab Adelaide.

 

HON FRANÇOIS ADELAIDE

Mersi Mr Speaker.  Mr Speaker, bomaten ler Minis ti pe donn leklersisman lo sa bann post ki koupe- sa bann rekritman ki pa’n aboutir.  In fer nou konpran poudir i annan ki zot ti bezwen vreman koupe.

Me mwan mon konnen atraver bann dimoun ki mon koz avek dan diferan Minister,  mon konnen poudir zot pe travay ekstra – tro bokou.  E sanmenm sa ki ou ti tann mon fer referans en masin ki mars lo 2 piston olye 4 piston.  So i annan sa deor dan bann Minister.

E vi ki Minister Finans- Minis ou, ou responsab.  Ou responsab en Minister ki vreman, vreman enportan.  Akoz ou konnen, pour ou annan prodiktivite ou bezwen annan en Lafors ki pe travay.  Ok, en Lafors ki pe travay.  I pour anmenn plis larises.  An menm tan pour annan satisfaksyon.

E nou Konstitisyon Lartik 35(2) i dir ki ‘‘en dimoun i devret travay.’’  Me son kantite travay ki i devret fer, i devret regulate.

So mon pe demann ou koman Minis Finans,  ki koze ki ou pe anmenn kot Cabinet pour fer sir ki nou travay en Seselwa pa ganny ize pour tro bokou letan- pa ize- pa travay an ekse?  Mon dakor ou bezwen koupe.  Me solman an menm tan ou kapab met sa burden dan plas 3 dimoun, ou bezwen met 1 dimoun.

Ki bann koze ki ou pe fer kot- lo Cabinet pour ki sa bann keksoz i aranze.  E nou travayer Seselwa pa kontinyen konplent poudir zot pe fer 3 travay, dan plas 1 travay?  Mersi.

 

MR DEPUTY SPEAKER

Mersi Onorab Adelaide.  Minis.

 

MINISTER MAURICE LOUSTAU-LALANNE

Mersi Onorab.  Mersi Mr Chairman.  Onorab letan mon’n mansyonnen pli boner.  E mon krwar yer- non kekfwa bomaten.

Mwan sa ki mwan resanti.  Sak fwa nou anvoy bann sirkiler lo Bidze- parey pa bliye osi nou konmela lo PPB nou demann avek bann Minister, bann Departman, bann Lazans.  Fer en travay aprofondi.  Ki mannyer zot kapab vin pli efikas avek sa Bidze ki nou donn zot?

Me sa ki nou vwar.  Letan zot anvoy zot demann.  Serten i fer serten refleksyon.  Zot donn training.  Zot donn plis lekipman, zot travay dan en lot fason.  Me i annan mazorite, zis zot demann plis, zot demann plis, zot demann plis.  E parey mon’n dir, nou’n remarke.  Par egzanp nou ti dir annou pa rekrit plis dimoun.  Nou ti’n deza dir.  Me ki nou vwar?  Nou’n ganny nou en demann pour 1, 200 an plis dan- lo Bidze ki nou’n bezwen met ater.

Pour Bidze 2020 par egzanp.  Nou’n bezwen cater pour bann- sa ki nou apel bann ‘spill over’.  New spending Bidze i tight.  Nou’n bezwen vreman koup li plis ankor.

Mon dir ou sa,  akoz mon santi bann Minister pa ankor fer sa louvraz detaye, determinen pour regarde ki mannyer zot kapab pli efektiv avek zot travayer ozordi.

Nou, nou pare pour re miner zot, atraver sa bann Revi Scheme ki nou’n fer.  E nou vwar.  Sak fwa nou re revise en Scheme e DPA i fer en evalyasyon en post.  Son salary band i sanze.  Akoz sityasyon in sanze?

Me nou bezwen annan plis prodiktivite.  Se sa mesaz ki mon pe pase.   I pa ki nou pa oule donn lanplwa dimoun.  Non! Se pa sa!  Lekonomi i grandi- letan Lekonomi i grandi, Bidze osi i grandi.  E ou pour vwar.

2020 Bidze in grandi.  I pli gro ki 2019.  Me nou bezwen target li dan en fason ki nou kre sa larises.  So vwala si oule bann refleksyon ki nou annan.

E lapel mon pe fer.  Se ki annou travay pli prodiktif.  Letan nou antre dan biro.  Nou travay pour nou travay.  Nou pa pas nou letan fer lezot keksoz.

Taler mon’n koz par egzanp lo veikil lo Bidze.  Sa osi i vin en konsern.  Akoz mon vwar tro bokou.  Zot pa port atansyon lo zot Bidze.  Apre zot vin met presyon.  Apre zot dir Minister Finans pa bon.  Minis Lalanne isi, laba and so on.

Mon pa anvi fer bann keksoz koumsa.  Be zot fors mwan!  Zot dir nou pa’n konsilte.  I pa vre.  Nou’n anvoy kot zot, nou dir zot.  Apre letan zot demann plis.  Nou, nou bezwen koupe.   Ki ou ekspekte mon fer?  Letan nou koupe, la nou vwar en move boug, nou en move Minister eksetera.  Se pa sa mon lentansyon.  Pa ditou.

Si ou montre mon ki ou pe travay byen, ou pe anmenn plis larises, ou pe anmenn plis reveni.  Mon napa problenm.  Anmenn plis reveni.  Nou’n dir.  I annan bann fees ki Gouvernman i sarze.  I egziste depi 1976, ’78, ’80.  Ozordi nou’n ariv 2019.  Reviz en pe sa bann fees.  Ou a toutafe dakor avek mwan?  Se sa bann travay prodiktif mon pe demande pour nou fer.  Vwala Mr Chairman.  Mersi.

 

MR DEPUTY SPEAKER

Mersi Minis.  Onorab Henrie.  En swivi lo la.  Apre annou al direkteman lo sa size Local Government. 

 

HON GERVAIS HENRIE

Wi en swivi lo la.  Parske Minis, atraver ou Mr Chair.  I osi annan sizesyon parmi bann Public Servant poudir, zot vwar en kantite bann gro pozisyon.

Par egzanp ou tir en dimoun PS.  Apre ou’ met li en Special Advisor to the PS ki ranplas li.  Prezan the thing is.  Se ki sa bann freeze i cater pour the big salaries dan Public Service.  Me selman zot public servants zot pe fer 1 dimoun louvraz 3 dimoun.  Sa osi in ganny kominike avek mwan. So ki mannyer Gouvernman i zistifye sa?

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Chairman.  Mersi Onorab.  Onorab mon osi mon’n regarde sa size.  Letan mon ti pe regard Bidze 2020.  Ozordi nou annan nou 14 sa bann Special Advisor.  Pa 1, 14.  Letan mon get son kou bidzeter, i enportan.

Me lenportans sa bann Special Advisor la.  Zot travay pour en dimoun.  Nou bezwen servi konpetans nou bann Special Advisor.  Nou bezwen fer zot travay.  Pa kit zot dan en biro, pa fer nanryen.

Se sa ki nou merit fer.  Ou vwar nou bezwen fer li travay.  Mon mwan Special Advisor, mon fer li travay.  Akoz i annan en louvraz pour li fer.  Bokou mon bann travay avek Lasanble Nasyonal, se li ki fer.  So sakenn de nou, nou bezwen pran nou responsabilite.

Alor pour reponn ou kestyon, sa 14 Special Advisor napa problenm.  Zot kapab pour le moman reste.  Nou a regarde an 2020- mon Lapel se fer zot travay.  Zot kapab travay e kontribye.  Zot annan konpetans.  Mersi Mr Chairman.

 

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Chairman mwan mon ti yer letan mon ti koze mon ti mansyonn Intelligence Agency.  Kot Minister Finans ki pe oversee sa budget.  Mon’n osi ganny konplent avek serten  bann Minister ek bann Lazans kot in annan sa 11poursan budget cut.  Zot pe koze an term kekfwa i annan serten keksoz ki zot ti’n planifye ki pa pou kapab arive.  Sa ki mon ti anvi met devan Minister Finans se sa.

Dan zot let zot in dir zot pou annan en 11percent budget cut kot goods and services.  Eski i annan okenn posibilite pou Minister Finans olye al direk lo sa 11poursan budget cut pou reduce li, reduce sa percentage cut.  Me an menm tan annan en nouvo dyalog avek sa bann diferan landrwa ki pe ganny sa koupir pou regarde si i annan  bann nesesite imedyat ant la avek Desanm e ki enportan osi tou mon antyerman avek sa dyalog ki ou pe tenir Minis pour ki si sa – si zot annan en keksoz ki pou vreman esansyel, enportan pou zot gannyen sa lannen aprezan, Minister Finans dan sa dyalog avek zot i donn zot.  I pa neseserman zis koupe. Nou dir nou la nou’n koupe, nou’n fini koupe.

Se sa ki mon pe met devan Minis Mr Chairman.  Pour ki an menm tan osi petet sa i ava take care of bann proze dan distrik.  Sa 12milyon ki bokou bann ki annan distrik ki zot pe koz lo la, pou ki i ava regarde si i annan en posibilite pou Gouvernman Lokal par egzanp  an kolaborasyon avek zot MNAs pou regarde be  ok, la i annan sa larzan ensidswit.  Lekel bann proze ki nou pou kapab fer e ki pou ed kominote pour ki sa 11poursan i pa vin cast in stone, me ki nou redwir li.

E aprezan konmsi i ava annan sa fleksibilite pou permet serten keksoz arive.  Se sa ki mon pe met devan Minis pou konsiderasyon.  E mwan mon krwar ki baze lo larepons Minis, sa i ava kapab ed nou pou nou bouze pou nou fini avek sa travay.  Mersi bokou.

 

MR DEPUTY SPEAKER

Mersi Onorab Ramkalawan.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab Ramkalawan pou ou kontribisyon.  Wi i vre ki nou ti demann sa 11percent budget cut, me larealite se ki nou’n touzour fleksib.  Larealite se ki dan sa Bidze Siplemanter nou pe montre, nou’n nobou zis achieve 4poursan, sa 11poursan.  So nou’n reste fleksib akoz kot nou vwar nou kapab reward sa ki pe fer pli byen. E apre regard kritikman akoz serten keksoz pa pe ganny fer.

Si nou anmenn en saving net 125milyon se akoz serten nou bann Minister, nou bann departman, nou bann  Lazans zot pa kapab delivre.  Zot pa ankor kapab depans sa larzan ki nou’n donn zot.  Be ou bezwen regard li kritikman pou regarde kwa e nou ki nou’n fer ?

Ozordi tou le trwa mwan non- nou’n sanze tou le mwan prezan.  Nou anmenn en papye Cabinet ki montre poursantaz ki tou bann Minister ki annan  capital project pe accomplish.  E ki nou’n vwar?  O konmansman ti very poor.  La pou mwan Out par egzanp, lafen  mwan Out 2019 mon pou donn zot sa bann sif akoz i enportan osi ki lezot dimoun i konnen.  Mon pa pe donn sa bann sif akoz mon anvi kritik en Minister oubyen departman.  Non.

Minister Ledikasyon i annan en gro Bidze ek Apex li.  I annan en kantite travay i bezwen fer, renovasyon, lekol, bann maintenance, bann nouvo lekol eksetera.  En gro Bidze.  Li ziska lafen Out 2019 in konplet 42.5poursan.  E i No.1.

Departman Lenfrastriktir, son Sekreter Prensipal fek sorti la.  Li osi i  fer en kantite devlopman 40.5poursan.

Health Care Agency li osi i annan sa tourism– pardon, tourism i lo mon lespri.  I annan sa Health Master Plan sa Victoria Master Plan ki i pe fer.  Li 8.1poursan.  La i annan zefor pou fer.  Ou ava dakor avek mwan.

Minister Lanvironnman, Lenerzi e Sanzman Klimatik 0.33poursan a lafen Out.

Gouvernman Lokal 11poursan.

SLTA li i dan mon lizye partou kot nou marse i la li.  38.4poursan.  Me mon kapab dir ou ki sa la i en gran improvement konpare avek oparavan.  

So nou tou le mwan nou pe tyeke e nou bezwen donn mendev siplemanter serten  sa bann Minister pou fer sa bann proze avanse.  E ki nou’n vwar par egzanp kot ledikasyon nou’n vwar en gran amelyorasyon.  E nou pe repet menm zafer avek Lenfrastriktir e lezot bann departman ki mon’n mansyonnen.

So nou, nou la pou fer zisteman sa sityasyon amelyore parey mon’n dir pou no kree sa larises.  Alor sa 12 milyon ki nou’n koupe i en pti pe parler an relasyon avek kapasite pou nobou fer.  Me si ou dir mon regard Bidze, wi i annan en  CEO in ekrir mwan en let in dir mwan mon’n koup li R119mil, la son Lazans pe al fermen, pe al an katastrof.  Be Senyer mon manman.  R119mil ou al an katastrof?  Me vwala bann refleksyon ki mon pe dir ou.  So son konsern i genuine li.  I genuine.  Be mwan letan mon regard the bigger picture ou konpran.  Be mon bezwen tenir kont son let.  So i en pti pe sa mon krwar ki ou pe demann mwan.  E mon ava regarde ki mannyer nou kapab regard sityasyon en pe sa bann endividi ki vreman kekfwa i bezwen R119mil.  Mon a demann avek ou permisyon Mr Chairman pas laparol a Mr Payet pou li koz en pe lo sa 12milyon.  Mersi.

 

MR DEPUTY SPEAKER

Mersi Minis.  Mr Payet.

 

SS PATRICK PAYET

Thank you Mr Chair, e bonn apre midi tou Manm Onorab.  Sa ki konsern Departman kominoter, Departman Community Development son Bidze total ti R51.1milyon.  Me as detay ki nou annan as le 01 Out ki’n depanse selman R9.17milyon.  So i reste li en Bidze total R42.95milyon pou depanse.

Kekfwa si nou al en pe lo bann district small projects, in konplet 21 pti proze ki pou en lavaler R1.5milyon.  I dan progre pou konplet 55 bann lezot pti proze pou en lavaler R8.6milyon.  In siny Kontra adisyonnel pou 57 proze R7.9milyon.  E i pe fer evalyasyon pou 41 pti proze ki pou en lavaler R8.7milyon.  I annan 20 pti proze ki dan staz tender pou en lavaler R3.8milyon.  E osi i annan bann lenformasyon adisyonnel ki bezwen donnen dan Vetting committee pou 52 pti proze ki pou en valer R6.4milyon.

So an total sa lannen i pe anvizaze fer 246 pti proze ki pou en total R37milyon.  So pou nou letan nou regard li dan konteks Minister Finans nou bezwen regarde si by le 31 Desanm nou pou’n kapab fer peyman.  Sa ki nou regarde.  So sanmenm sa ki nou met li dan sa total nou vwar ki menm si i annan sa kantite proze peyman pa pou kapab fini fer by le 31 Desanm.  

So i annan peyman ki pou bezwen ganny fer lannen 2020, akoz staz kot nou ete e kantite depans ki’n fer an se moman.  Me nou a travay avek sa Departman osi pou regarde baze lo rekomandasyon ki bann Onorab in mete ozordi.  E osi nou annan bann proze dan bann distrik.  Sa nou a kapab anvoy kot Clerk pou zot vwar sak distrik kote sa bann proze i été, akoz dan tou distrik son totalite kote sa bann proze i ete.  So zot kapab ganny en overall view dan zot distrik respektivman.  Mersi.

 

MR DEPUTY SPEAKER

Mersi SS.  Onorab Adelaide.

 

HON FRANCOIS ADELAIDE

Mersi Mr Speaker.  Petet Mr Chair, petet mon pe al en pti pe tro vit.  Me solman mon ti a kontan adres sa avan ler ki Minis i ale.  Nou annan sa- lo paz 9 mon pa konnen si ou permet mwan.  Nou annan sa ‘’social program of Government.’’ Kot nou annan sa Home Improvement Relief Scheme pou bann pansyoner.

Mr Chair petet mon ti a kontan ki swa PS, swa SS, swa Minis i donn mwan en pti detay lo la.  Akoz Baie Lazare mon annan bokou bann pansyoner ki’n apply pou kouver zot lakaz.  Me zot dir mwan file in desann me la mon vwar zot in koup 4milyon.  So donn mwan en pti leklersisman akoz sa bann tantin, tonton zot en pe dousman zot.  Be solman zot kontan zot progranm i ganny fer, zot ganny zot tol i ganny met lo zot lakaz.  Mersi.

 

MR DEPUTY SPEAKER

Mersi Onorab.  Onorab Aglae.

 

HON EGBERT AGLAE

Mersi Mr Chair.  Minis baze lo larepons ki’n fer resorti kot i konsern Local Government e bann leksplikasyon ki SS osi in donnen e PS, eski zot pe mazinen akoz tou distrik i a annan son proze e tou distrik i anvi konplet son proze.  I pa fer premye lannen ki nou vin dan sa Lasanble nou diskit lo bann retar ki egziste lo kote spending.  E baze lo sa, eski zot pe mazin pou revwar en pe lafason ki Gouvernman Lokal  zot pe rate son prop business ?  Akoz souvandfwa retar, i annan  bokou bann retar lo lenplimantasyon akoz layers ki egziste ki bann prosedir ki bezwen pas atraver, ki fer ki en cycle ki en proze i bezwen pas atraver pou fer, i riske pran li apepre 3mwan, 4mwan, depi ler lannen bidzeter i ganny release. Eski zot pe mazin vwar en pe sa pou ease en pe sa bann dekalaz letan ki koz retar? Akoz i pa neseserman pou fer avek staffing sa mon konnen.

E dezyenmman Minis, eski osi zot pa pe mazin revwar osi akoz nou koz bokou lo desantralizasyon e lotonomi.  Dan direksyon avek gouvernans lokal nou vwar poudir i annan  serten fason fer ki kapab ganny fer, ki kapab tir en pe presyon lo gouvernans lokal.  E kot distrik atraver son ladministrasyon.  E si demen pou annan bann konsey distrik i kapab pran bann desizyon kot i konsern lenplimantasyon serten zot bann pti proze, san ki i bezwen pas dan sa bann gro prosedir ki en Proze Kapital par lao 150mil, i bezwen pas atraver.  Eski si zot konsider sa i pa pou ede osi pou redwir sa problenm delivery dan sa Minister?  Mersi.

 

MR DEPUTY SPEAKER

Mersi Onorab Aglae.  Minis.  Oubyen PS.

 

PS YVES CHOPPY

Mersi Mr Chair.  Konsernan sa Bidze Home Improvement Scheme son Bidze 2019 li ti 18milyon.  E so far parey nou’n vwar as of Out nou’n depans only 1.5milyon.  So nou pe kit aktyelman en bon sonm apepre over 10milyon dan sa kont still pou espere kekfwa ziska la Desanm ziska Desanm i annan bann claim ki vini.  Nou pe koup zis selman 4milyon dan sa 18. E bear in mind ki only 1.5 ki’n ganny depanse.

E sa Bidze li i zis pou kouver en  Polisi Gouvernman i met an plas pou subsidise sa lentere ki bann elderly plizoumwen i pou peye ler  pran en loan. E sa i plizoumwen avek HFC. Ok savedir pou annan en gro sonm larzan ki pou reste, 10milyon.  E nou a espere ki sa bann claim i vini la pou peye.

Lo 2enm kestyon lo capital projects, challenge ki nou vwar akoz tou le lannen nou met R30milyon dan districts regional projects.  Ki nou pa pe realize sa i en ta pti proze, i annan bokou ki par anba R100mil pou tou distrik.  Tou distrik i gannyR1.2milyon.  So si nou  ti pe allow en prose kot Minister i vini, tou son bann  distrik i soumet son bann proze avek Local Government.  I ganny vet.  I pas atraver prosedir procurement, la apre ou award tender ou fer li.  E ou annan en cycle.   Sanmenm sa ki ou apel en cycle.  Si ou pa pou fini dan sa lannen i al dan Bidze lannen prosenn ou sipoze pey li dan Bidze lannen prosenn.  So i tro bokou proze ki tou le lannen nou anmenn sa bann nouvo proze in.  Nou pa oule allow it to follow the budget cycle. Akoz tou le lannen nou pe met en bon pe proze in and out, in and out.

So pou sort of asiste avek sa, nou’n donn 4 expatriate sa lannen pou ed Local Government accelerate en pe sa bann proze ki annan.  Akoz ler i annan backlog e i annan – nou pe dan process ankor pou ed li pou rod 4 nouvo staff project officers pou vini lannen prosenn lo bann Kontra short term pou ed zot ek sa backlog.  So ennler parey mon’n dir nou bezwen bear in mind lafason ki nou pe zer sa bann pti proze.  I tro bokou dan mon lopinyon pou Departman Local Government zer tousala, 30milyon tou le lannen.

Akoz sa trend i pa nanryen nouvo li. Tou le lannen i pa pe fini kapab depans son bann proze.

So nou bezwen petet atraver bann MNA ek bann DAs office revwar sa fason ki nou pe allocate 30milyon to le lannen. Allow sa project to go through a cycle.  Ou pa fini li sa lannen.  Ou pey li dan Bidze lannen prosenn.  E la nouvo proze i ava antre ler ou’n fini ek en proze.  Me si nou kontinyelman tou le lannen met nouvo proze natirelman nou pa pou fini kapab bear sa sonm tou le lannen.  Sa i mon lopinyon lo sa.  Mersi.

 

MR DEPUTY SPEAKER

Mersi zis en dernyen – pardon – Minis ou ti le azoute.

 

MINISTER MAURICE LOUSTAU- LALANNE

Mersi Mr Chairman.  Zis mon ti a kontan fer de komanter.  Premyerman lo kote distrik mwan mon krwar ki lenportans se ki nou met plis lanfaz lo planifikasyon.  Sa ki enportan.  Letan Bidze i vini nou’n planifye deza, avan menm Zanvye 2020 i vini nou konnen apepre konbyen larzan zot pou gannyen akoz sa bann Minister at Cabinet level letan nou nou’n agree, zot konnen.  So konmans planifye proze boner. Pa esper Bidze lanse apre konmanse eksetera.  Sanmenm sa ki pran sa bann retar, e nou vwar menm trend i recur.  Sa i premye pwen.

Me nou osi konsyan ki lo bann procurement levels parey ou konnen premye level i ziska R150mil.  Nou’n fer en travay e nou oule sanz sa level.  Nou oule tir li 150 met 300.  So  dan sa premye batch ou bezwen zis annan 3 quotation avek ou komite lokal seleksyon.  Apre ou selekte ou ale.  So nou le raise sa threshold sorti 150 al ziska R300mil. Sa i en keksoz ki nou’n konsidere.  Me pou nou nobou fer sa i annan de fason.  En nou bezwen anmenn en amannman Lalwa isi pou nou fer sa.  Oubyen mon pe regarde la si nou kapab met li dan en Schedule, mon pa ankor ganny ki mannyer – rekomandasyon Attorney Zeneral ki mannyer nou pou fer li korekteman.

So sa i en dezyenm keksoz ki nou le fer an 2020 pou nou kekfwa fasilit en pe sa bann – delivre sa bann pti proze dan distrik.  Mersi Mr Chair.

 

MR DEPUTY SPEAKER

Mersi Minis.  Zis en dernyen klarifikasyon apre nou pou sum-up.  Onorab Adelaide.

 

HON FRANCOIS ADELAIDE

Mersi Mr Chair pou permet mwan.  PS si mon konpran ki ou’n dir mwan, koriz mwan si mon mal.  Ou dir mwan dan sa Scheme zot in servi 1.5milyon.  Ok.  Savedir ler mon pe get si nou pe koz en re roofing apepre R150mil, savedir mon pe kalkile poudir apepre 30 aplikan.  Me selman la ou pe dir mwan poudir zot kit apepre 10milyon pou kontinyen ede avek sa Scheme.  Ler nou pe gete i pou kapab benefisye 200 aplikan. Eski zot lo kote Minster, par egzanp ler zot vwar en keksoz i annan larzan, ler nou pe pase nou pe gete i annan demann pou re roofing me solman zot vwar ki demann pa pe vini e larzan pa pe ganny depanse.

Eski zot fer en legzersis mete zot demann Minister zot be arive i annan larzan la.  Me selman sa pa pe depanse.  Eski i annan bann tyeke ki zot tyeke pou ki sa larzan ki ganny mete i ganny depanse akoz i annan demann?  Mersi.

 

MR DEPUTY SPEAKER

Mersi Onorab Adelaide.  Minis eski ou annan en larepons?  Eski zot verifye bann Bidze pe ganny servi korekteman a ler?

 

PS YVES CHOPPY

Mersi Mr Speaker.  Lo konsernan verifikasyon Bidze sanmenm sa ki nou fer Budget Review pou nou koz ek bann Minister.  Pou nou get zot bann progre e sanmenm ki parey mon’n dir nou’n kit sa sonm larzan ki nou ekspekte li fini depanse pandan lannen fini.  Solman sa Bidze la i pou subsidise lentere avek HFCHFC ki donn loan bann dimoun, bann pansyoner.  E Gouvernman i annan sa Polisi ki i subsidise sa lentere pou sa bann pansyoner.  So sa i pa al direkteman pou sa bann pansyoner pran loan avek Gouvernman li.  I subsidise sa lentere.  So natirelman ki nou’n vwar kot HFC li nou’n vwar bann laplikasyon pe redwir over lannen ler nou ti konmans entrodwir loan.  I annan sa.

Apre ou bezwen bear in mind osi HFC son abilite osi pou li kapab donn loan.  Sa osi mon krwar i en konsern mazer ennler. I annan diferan prodwi alor i bezwen ennler gete si i annan sa kantite larzan pou li loan out. Sa osi i kapab enn bann kriter ki ede pou annan sa bann slow execution ennler.  So nou reste konfidan ki kekfwa by lafen lannen i a fini kapab depans sa R10milyon.  E nou ava kontinyen angaz ek li pou li gete ki challenge i annan.  Mersi.

 

MR DEPUTY SPEAKER

Ok, mersi PS.  Bon nou ankor dan Staz Komite.  Eski nou pou retourn prezan dan Lasanble e mon a donn en summing-up LGB.  Oubyen LGB dir mwan.

HON CHARLES DE COMMARMOND

Mon ti annan en pwen mwan.  Mon’n lev mon lanmen lontan.  Mon annan en pwen pour mwan- lo Staz Komite menm pour Minis eklersi.  Apre nou kapab al dan sanmenm.  Akoz si mon fer summing-up la, i pa pour ganny sans pour eklersi.  Sa ki mon pour dir.

Non, mon ekout bokou.  E mon pe panse sirtou letan mon ekout- ti annan en Mosyon Onorab Regina ti anmennen 2 semenn pase.  E tou sa ki’n ganny dir la, i vir lo 3, 4 keksoz.  Ki petet ti bon Minis i adres nou Lasanble, i fer commitments seryezman lo la.

Enn ;-  I en kestyon- akoz sansan toulezan menm keksoz pour repete.  Nou pour napa en lavansman konkret.

Enn se prosedir.  Sa threshold ki ou’n dir i enteresan la.  I enportan.  Me ki garanti?  E ki lavites ou bezwen anmenn sa amannman Lalwa?  Pour nou kapab bouze.  Sa ki ou pa anmennen, sa i reste koumsanmenm.  Alor donn nou en garanti ki pli vit.  Sa i vin devan nou Lasanble pour nou kapab bouze lo la.  Savedir la POU.  Akoz tousala i vir lo POUPOU prezan tou sa proze depi 50sou ziska sepaman konbyen.  Tousala i bezwen pas atraver en prosedir.  I vin en problenm.

En mon mon’n liaise ek tou sa bann Departman Gouvernman.  E se la problenm.  Sa i enn.

2enm problenm se peyman.  Letan proze in fini fer pour peye.  I pran 50an.  Prezan nou bezwen rod en fason kote ki problenm i ete pour peyman.  Eski dan Younit- Project Younit dan bann Minister, Departman?  Eski kot son Accounts Section i ete?  Eski i kot Minister Finans?  Se sa prezan sa ale vini.

I dir ou Minister Finans ki problenm, pa oule peye.  E zot in anvoy dokiman kot Minister Finans.  Eski i vre?  Parski tou sa i fer ki sa larzan, proze in fer.  i pa pe bouze.  I pa pe, i pa pe mouvmante.

E ou, ou krwar poudir larzan i reste la e oule servi.  Ou oule bloke, ou oule anpes sa larzan debloke depanse.  E ou met li dan sa Bidze Siplemanter dan sa fason ki nou pe fer.  So sa i en lot pwen.

Apre ler ou vwar i annan kapasite pour pa delivre.  Ki zot fer koman Minister Finans?  Ou ki Bidze in sorti kot ou.  Ou ki’n allocate ek bann Minister.  Akoz letan Minister in demann ou serten kantite ou’n koupe.

Prezan la ou vwar ki ou’n donn li.  I pa pe servi.  I bezwen annan en problenm.  sa problenm parfwa i lye ek DPA tou.  Ki zot, zot fer, pour amelyor sa sityasyon?  Akoz nou avek bann relasyon ki nou annan ek sa Minister, e departman.  Souvandfwa zot dir DPA.

E dernyerman.  Alor sa kestyon Scheme travayer menm ki nou’n fini pas lo la.  Me selman zot osi konplent ki sa larzan si ou pa ti pe depanse dan sa bann proze.  Akoz keksoz pe tarde?  Donnen, i ava amelyor lavi zot travayer.  E lo la, ki kantite laverite i annan?

Alor finalman.  Lekel ki responsab pour tou sa?  Eski Minister Finans i anmenn sa dan Cabinet.  E dan Cabinet ki bezwen dir kwa ki pour fer.  Oubyen Minister Finans i donn direktiv direk sa bann Minister kwa ki i pour fer?

Oubyen Minister Finans atraver son dimoun ki i annan dan sak Minister e departman.  I annan- dan FPAC nou’n vwar i annan bann dimoun Finans ki atase laba.  Eski zot ki sipoze fer sa sipervizyon?  E pour swiv ki pour arive.  Eski ki sa bann Minis li menm direkteman?  Eski PS li menm direkteman?  Eski sa bann dimoun dan Project Younit?  Tell us where exactly is the problems or are the problems?  So that nou osi nou a kapab mazin pli devan pour donn koudmen Gouvernman pour delivre pli byen.  Mersi.

 

MR DEPUTY SPEAKER

Mersi Onorab.  Bon mon konnen kestyon i en pe sarze.  Mon pa konnen si pour annan letan la pour nou al dan tou sa bann detay lo solisyon ki Minis ti pe propoze.  Parske sa ki devan nou, se en Mosyon pour en Bidze Siplemanter.  So Minis mon a permet ou petet 1 minit, zis pour reponn an bref sa kestyon.  Parske i deza tar.  Nou ti pour al ziska 12.45 i 1er la.  Zis an bref.  Avan nou retourn dan Staz komite.

 

MINISTER MAURICE LOUSTAU-LALANNE

Mersi Mr Chairman.  Lo kote POU lo sa threshold ki mon’n eksplike, zot pe fer konsiltasyon la avek tou bann Stakeholders.  E mon ava konnen byento.  Akoz mon oule konnen pour mon Bidze 2020.  E mon mwan oule ki sa threshold i ogmante.  Me solman, nou pa kapab osi vin donn bal dan sa 300,000.  Fodre nou Sanksyonn bann ki donn bal.

Akoz nou antisipe nou pour ganny sa problenm.  So nou pour larg lanmen.  Nou pour annan prosedir.  E nou pour fer li le pli vit posib.

Lo kote peyman.  Gouvernman son target.  Nou pa kapab annan aryeraz.  Gouvernman pa kapab dwa dimoun.  Gouvernman pa kapab dwa personn.  Si nou annan, fodre nou clear, nou peye.

Me nou konnen osi ki serten Minister- en bill telefonn depi mwan Me, la nou’n ariv mwan Oktob, pa ankor peye.  Be mon pa konnen akoz.  Mon mwan pe dir ou.  Akoz zot call mwan, sa Telecommunication’s Company i call mwan i dir mwan ‘be ki pe arive?’’

Apre mon bezwen al find out mon menm.  So fodre nou pli serye.  Akoz nou pa kapab annan arrears.  Gouvernman nou a- pa kapab dwa dimoun.

E solisyon parey mon’n eksplike, nou’n remarke.  Letan nou’n re recruit project officers.  nou’n met dan Ledikasyon.  Nou’n met ek Departman Lenfrastriktir, keksoz in avanse.  Keksoz in marse.  Donk se sa ki nou pe fer.  Nou oule met ankor plis project officers.  Peyman, si tou dokimantasyon i annord.  I ganny anvoye kot Finans.  Nou, nou peye, parey mon’n deza dir.  mon repete.

Si i vin bomaten, tou zafer i annord.  Nou, nou kapab peye apre midi dan Trezor.  Si i vin Trezor apre midi.  Nou kapab peye son landmen.  Me tou keksoz fodre i annord.

Ou pa kapab anmenn en invoice ki annord pour en baro R90mil.  Apre letan nou al tyeke, i vo R7mil.  So la i pour pran en retar.  I bezwen pran en retar.  Akoz nou, nou zanmen nou pour peye.  Nou pour bloke, ziska tan nou konn egzakteman ki kalite baro.

So si i annan retar.  Retar i akoz sa.  Si tou papye i annord mon donn zot- mwan repete, menm zour si i vin bomaten, nou pey apre midi.  Oubyen the other way round.  Mersi Mr Chairman.

 

MR DEPUTY SPEAKER

Mersi.  Mersi bokou Minis.  Bon nou’n ariv ler pour nou retourn dan nou Staz Komite.  Alor mon a demann Sarge pour retourn Mace.  E nou retourn dan Staz Lasanble.

Bon la nou dan Staz Lasanble.  Mon a donn Onorab De Commarmond en right pour fer en summing-up, lo ou Mosyon.

 

HON CHARLES DE COMMARMOND

Mersi Mr Speaker.  Mr Speaker vitman.  Akoz bokou in ganny dir.  Bokou in ganny eksplike.  Mon krwar sa bann leksplikasyon ki ti neseser.  Ti neseser, Tre neseser.  Tre neseser.  I vin en ledikasyon pour nou.  In vin leklersisman.  E piblik ki’n ekout nou in konpran pli byen.

Mon asire osi Minister, bann Minister, Departman Gouvernman in konpran pli byen zot rol.  Akoz i annan bout ki zot bezwen improve pour kapab ede pour fer ki Bidze Gouvernman i mars pli byen dan son totalite ek zot bann proze i ganny akseler-e.

E nou’n vwar kote osi Minister Finans in promet nou- i ava annan amelyorasyon tre byento zisteman avan Bidze i vini.

E nou vwar alor ki sa Bidze Siplemanter ki pe ganny propoze, i fer bokou sans.  I enn dan son premye fwa i arive dan sa fason koumsa.  E mon krwar ki i pour byen.  I pour byen ki nou bouz dan sa direksyon.   E tou dimoun dan- e tou Departman, enkli nou Lasanble Nasyonal.   E i devret petet swiv byen kwa ki’n arive.  E osi mwan mon a apresye.  Mon pour dir la mon apresye mannyer dan Lasanble nou, dan ABC meeting nou’n diskit lo serten issue ki ti arive an konsern Bidze Siplemanter, bann presyon ki Minister Finans in mete, e travay ki Lasanble li n fer.

I enportan note sa.  Mon rekonnet sa.  E dan sa fason la, i vin osi koman en legzanp.  Mon asire i annan lezot Minister ek Departman osi ki’n egzanpler.

E lot fwa dan FPAC,  nou’n dir avek bann Minister ek departman ki la.  E Minister Finans osi i dir zot ‘fer sa legzersis sharing.  Kot si i annan bann departman ek Minister ki fer byen ek bann Lazans ki’n reisi, ki’n vin egzanpler.  Zot devret pass on sa lenformasyon, sa fason ki zot in fer keksoz avek lezot pour ed lezot improve.

E mon remet ankor sa lanfaz lo la.  Annou bouze dan sa bann legzersis parey.   E alor avek sa mon pour demande ki nou Lasanble i rekonnet sa travay ki’n ganny fer.   I rekonnet osi bann progre ek bann lenformasyon ki’n ganny anmenn devan.   E lezot lenformasyon ki reste- mon konnen Minis in promet serten lenformasyon.  I ava donnen diran semenn ki vini.

E i ava enportan pour nou.

Mwan pour mwan pour nou pa delay bann keksoz,  epi Bill pour vini komansman lannen definitivman.  E alor mon demann tou Manm Lasanble pour siport sa Mosyon pour sa Bidze Siplemanter ki devan nou Lasanble.  Mersi.

 

MR DEPUTY SPEAKER

Mersi Onorab LGB.  Onorab Ramkalawan, ou ti oule-?

 

HON WAVEL RAMKALAWAN

Mr Speaker mon realize ki poudir LGB in fer son summing- up.  Me selman mon mwan pe plizoumwen lo prosedir, ki mannyer nou pour ale?

Premyerman Mr Speaker, nou’n ganny promet serten lenformasyon enportan.   ASP i sipoze donn nou dokiman.  Son CEO in dir i ava anvoy sa pli vit posib kot Lasanble.

Local Government ki ti en lot konsern.  SS Payet in dir avek nou i ava fer nou ganny sa detay, pour nou kapab vwar byen ki mannyer keksoz i ete.

Minis in donn nou en lalis bann- ki mannyer bann performans pe pase dan bann diferan Minister.   E nou kapab tonm lo en dediksyon from sa ki in dir.  Ki probableman pour annan ankor plis lekonomi.   Parski lo sa rate of performance implementation.  I for posib ki letan ou’n ariv le 31 Desanm i pour reste,   ankor. Parski mon pa vwar ki mannyer Minister ki’n- ki lo 10poursan i pou’n kapab ariv menm 50poursan.

Alors i for posib ki ou outlook, ou pour annan plis lekonomi ki pou’n fer.  So sa.

Nou ti pou’n postpone sa deba.  Lasanble in zwenn ozordi, senpleman akoz semenn prosenn Minis pa pour dan pei.

Alor eski Mr Chairman- Mr Speaker sorry, i pa pour bon pour nou koman en Lasanble ganny sa bann dokiman dan nou lanmen?  E apre sa Mardi prosen premye keksoz nou pran en vot lo sa Mosyon.

Mon mwan ti ava dir annou- e pli vit ki zot donn nou bann lenformasyon enportan, nou ava kapab fer li.

E petet Mr Speaker pour Minis konpran en pe nou lozik tou.  Ou konnen Mr Speaker nou ganny promet bokou dokiman dan sa Lasanble.  Bokou dokiman nou ganny promet.  I annan dokiman la, ki annan plis ki 2 mwan nou ankor pe espere.  Pa neseserman from Minister Finans.

Par egzanp nou ankor pe esper from lapolis.  Nou ankor pe esper en dokiman, lo konbyen bann etranze i ganny peye.

Semenn pase nou fek ganny promet ankor sa dokiman.  Mon kapab nonm en lalis bann dokiman.  E alor petet lo nou kote nou, nou ti ava kontan ganny sa bann dokiman dan nou lanmen.  E sel fason pour zot kapab al en pe pli vit,  se letan nou aprann ki poudir be semenn prosenn ki nou ava pran en vot lo la.  E alor zot ava met en pe lavi.

Alor Mr Speaker.  Mon propoze ki nou- i byen bann leksplikasyon ki nou’n gannyen.  Mon krwar ki nou lespri i bokou pli kler.  Lasanble in fer son travay oversight.  Me annou ganny sa bann dernyen dokiman.  E apre sa nou ava pran en vot semenn prosenn.  Mersi bokou.

Sa mon pe move- mon pe move sa dan en serten sans koman en postponement.  Mersi bokou Mr Speaker.  E mon remarke ki Onorab Pillay pe al segonn sa Mosyon.  Alors nou a kapab pran en vot.  Mersi bokou.

 

MR DEPUTY SPEAKER

Mersi Onorab Ramkalawan. Eski-Onorab Pillay eski ou pe segonn sa Mosyon?

 

HON SEBASTIEN PILLAY

Mersi, mersi Mr Speaker.  Mon pa pe neseserman segonn sa Mosyon.  Me mon ti a kontan….

 

(Interruption)

 

MR DEPUTY SPEAKER

Be?

 

HON SEBASTIEN PILLAY

Mon ti a kontan demann ou permisyon pour ki PS Finans oubyen Minister Finans i dir nou –  mon konpran demann ki Onorab Ramkalawan in fer.  E byensir nou napa lamazorite vot lo nou kote.  So nou konpran sa demann ki’n ganny fer.  Me selman mon ti a kontan ki nou ganny serten presizyon petet.

Premyerman;-  eski par egzanp sa en delay lo sa vot i an okenn fason afekte zot lenplimantasyon oubyen commitment ki serten bann Departman i annan?  I enportan pour nou klarifye sa.

Annefe mon pa krwar i pour afekte.  Me selman i enportan nou ganny sa presizyon.

E dezyenmman – annou osi agree pour ki si nou pour ganny sa bann dokiman, nou pa pe al re ouver deba lo sa size.  Me demann ki Leader Lopozisyon in fer, i fer sans.  Akoz si bann Minister i fer bann commitment pour donn bann lenformasyon dan Lasanble, zot bezwen donn li sa letan dan sa time frame ki nou’n dakor.  So napa problenm ek sa.  Me zis si nou kapab ganny sa presizyon.

 

(Interruption)

 

HON SEBASTIEN PILLAY

Mr Speaker mon pe koze.

 

MR DEPUTY SPEAKER

Non, non.  I kler sa ki ou pe- sa ki ou pe dir i kler.   I kler i pa pour afekte loperasyon Minister Finans.  E dezyenmman zot a donn nou lenformasyon pour next week.  Nou pa pour ouver deba.  Nou pour pran en vot.

 

HON SEBASTIEN PILLAY

Me Mr Speaker les Minister Finans dir nou.  Annou les Minister Finans dir nou.  Annou les Minister Finans dir nou Mr Speaker.  Silvouple.  Mersi.

 

MR DEPUTY SPEAKER

Minister Finans mon’n vwar zot pe nod ler Onorab Ramkalawan ti pe koze.  Savedir i ok.  Me solman Minis, zis dir nou wi ou non si ou kapab donn nou dokiman pour nou pran en desizyon Mardi.   Minis.

 

MINISTER MAURICE LOUSTAU LALANNE

Wi mersi Mr Speaker.  Wi nou kapab espere ziska Mardi.  Me solman lenportans mon bezwen sinyale ki Truth and Reconciliation Commission, Anti-Corruption Commission zot byen bezwen sa larzan.  Akoz sa Madanm Lakour drayater dan Human Rights Commission i annan lanmwatye en sez, in pret en computer, e i bezwen sa larzan pli vit posib.  Mersi Mr Speaker.

 

MR DEPUTY SPEAKER

Mersi Minis.  Eski- Onorab Andre ou pe segonn Mosyon Onorab Ramkalawan.

 

HON CLIFFORD ANDRE

Wi mon pe segonn sa Mosyon.

 

MR DEPUTY SPEAKER

Ok.  So i annan en Mosyon devan nou pour nou adjourn deba.  Anfen adjourn sa vot lo sa deba ziska Mardi prosen.  Annou pran en vot.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Speaker 12 Manm in vot an faver.  E personn kont.  Mersi.

 

MR DEPUTY SPEAKER

Savedir 12 Manm in vot an faver.  Nou pe adjourn deba lo la ziska Mardi prosen le 15 Oktob.  So sa deba i adjourn.

Bon avek sa mon ti a kontan eskiz Minis avek PS Thesee, SS Payet e Ms Tamatave parmi nou.  E remersye zot pour zot letan ki zot in la pour bann klarifikasyon.

 

(MINISTER LOUSTAU-LALANNE AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon i reste zis pour mon remind zot ki 2er ti’n progranm en meeting avek Bills Committee.  Mon krwar lo SFA Bills, pour bann Manm ki Bills Committee e bann lezot Manm ki enterese.  I kapab zwenn dan Committee Room 3.  E nou pour kontiny avek Sesyon Lasanble Nasyonal, Mardi le 15 Oktob 9er bomaten.  Avek sa nou adjourn Lasanble pour ozordi.

 

(ADJOURNMENT)