::
Home » Verbatim » 2019 » Verbatim Thursday 19th September, 2019

Verbatim Thursday 19th September, 2019

NATIONAL ASSEMBLY OF SEYCHELLES

 Thursday 19th September, 2019

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab.  E bonzour tou manm piblik an deor ki pe ekoute, e ki pe swiv travay Lasanble Nasyonal.

Ozordi nou pour kontinyen nou travay kot nou’n kite yer.   E sa se kontinyasyon debat lo Kod Sivil.  Mon ava demann parliamentary reporter pour fer rantre panel, pou nou kapab kontinyen avek nou travay.

Zis mon- en pti reminder pour bann Manm ki pour partisip dan sa workshop Climate Change.  I still on demen, kot Eden Blue.  E i komans 9er bomaten.  Mon ava demann Sergeant pour move Mace pour nou al dan Staz Komite.

Bon mon ava dir bonzour e welcome nou panelistI’d like to say good morning and welcome the panelist, Minister Jean-Paul Adam, who is accompanied by the Attorney General Mr Frank Ally.  Mr Victor Pool from the Office of the AG.  Professor Angelo.  And the Minister’s personal assistant.  Mr Marty Vidot.  Minister and your panel good morning.  And again a warm welcome to the National Assembly.

Nou pour kontinyen nou travay kot nou’n kite yer.  E mon ava pas la parol avek Onorab Bernard Georges, Chair of Bills Committee.  Onorab Georges.

 

HON BERNARD GEORGES

Mersi Mr Chair.  Bonzour Minis, Attorney General, Legal Draftsperson, Professor, tou bann Manm Onorab isi prezan.  E tou bann dimoun ki pe swiv nou dan lakour.

Mr Chair yer nou ti’n promet nou pour prezant en nouvo draft lartik 554 lo Droit De Superficie.

Mon ti a kontan raport avek Lasanble ki nou ankor pe travay lo sa draft.  Nou pa ankor kapab termin li konpletman.  Me nou ava swete fer li avan lafen lazournen, dan en fason ki si nou pour fini sa Sapit ozordi.  Sa liv ozordi, nou ava kapab osi deal avek li en pe pli tar.

Mr Chair, bann Manm.  I reste nou 3 bout, 3 Sapit dan sa liv lo propriyete avan ki nou fini Book 2.  E sa 3 Sapit se;-  Usufruct, Use and Habitation apre Easements. 

Nou ava komans bomaten avek Usufruct.  Epi Use and Habitation i ava vin- i parey en pti zanfan – Usufruct.

Avek ou permisyon Mr Chair.  Mon ti a kontan sitye sa ki nou apel ‘Usufruct’ dan konteks propriyete.

Dan Lalwa Franse, ki osi nou Lalwa, propriyete i divize dan 2 par.  Ou annan sa par ki tangible.  Setadir son later li menm ki ou kapab fouy en trou ladan, plant en pye dibwa or whatever.  Sa ou apel li ‘the bare ownership oubyen ‘la nue propriété.’

Apre ou annan La Jouissance lo sa later.  Drwa pour ou zwir sa ki i annan lo sa later.  Tir gravye, konble, konstrir en lakaz, plant en pe pye dibwa, ganny- bat kannel, plant legim, fri eksetera, sa se la jouissance.

Ler ou annan 2 tou lede.  Ou kapab dir ou annan la pleine propriété.  Ou annan sa propriyete an antye.  Me dan sistenm Franse, sa 2 keksoz i kapab dan 2 diferan dimoun.  Dan lamazorite ka, sa dimoun ki i annan la nue propriété i annan osi jouissance.  Me i pa neseserman le ka.  Annan de fwa ou kapab ou annan bare ownership, e en lot dimoun annan la jouissance lo propriyete.  E sa i ariv souvandfwa ler en msye dizon i fer en Testaman.  E i dir ‘‘ mon kit tou mon byen pour mwan bann zanfan’’.  Me mon kit la jouissance pour mon madanm’’.

E la sa madanm i ava annan kapasite pour zwir lo sa propriyete, ziska ler i mor.  E ler i mor sa la jouissance i ava reini avek son bare ownership.  E bann zanfan i ava ganny tou keksoz.  Setadir ou kapab annan propriyete san fakilte itiliz li.  E ou kapab annan fakilte itiliz en propriyete san ki sa propriyete i pour ou li menm.  Ler ou annan tou lede, ou annan la pleine propriété.  E dan 99 ka lo 100, sa se le ka.

Usufruct parey zot in fini konpran,  Isi Sesel dan langaz Seselwa, nou apel li ‘’la jouissance.’’  E annefe i en tre bon mo.  Akoz i sinifye egzakteman sa ki ou fer.  Ou zwir lo sa propriyete.

Usufruct’ i en mo Laten.  E zis pour konplet sa pti lentrodiksyon – i annan 3 konsep Laten  dan propriyete.

E sa 3 konsep i apel ‘Usus, Fructus, ek Abusus’Usus se, annan propriyete.  Fructus se enjoy son fri, parey la.  E Abusus, ou kapab vann ou propriyete, ou kapab dispose ou propriyete.  Napa nanryen pour fer avek labi.

Donk ‘Usus’, ‘‘Fructus’’, ‘’Abusus’’- e se sa kot sa mo ‘‘usufruct’’ i sorti.  Akoz i annan 2 dan sa 3 keksoz ki ganny reini, me non pa son 3enm.

Alor avek sa detrwa mo lentrodiksyon Mr Chair.  E avek ou permisyon, nou pas lo lartik 567 ki lo board,  ki defini kisisa en usufruct.  E sa set en Drwa pour en dimoun zwir en propriyete ki propriyeter en lot dimoun.  Dan menm fason ki si i ti pour propriyeter sa byen.  Me avek en lobligasyon.  I bezwen prezerv sa propriyete, i bezwen rann li egzakteman parey ler i ti gannyen.

E en usufruct i ganny kree, swa par Lalwa.  Oubyen par lavolonte en dimoun.  E lavolonte en dimoun i ler swa ou vann ou la jouissance oubyen ou les ou la jouissance dan en Testaman.

E en la jouissance i kapab pran lefe imedyatman.  I kapab ganny kree pour pran lefe imedyatman, oubyen en lot dat, oubyen lo en kondisyon.  Donk ou kapab dir mon ‘vann ou mon la jouissance la.  Oubyen ou kapab dir ‘ou ava ganny mon la jouissance ler mon mor.  Oubyen ou ava- ou la jouissance a komans le 1 Zanvye 2020.

E tou lede kalite propriyete meuble et immeubleMoveable and immoveable.  Ou kapab annan en la jouissance lo la.  Donk mon mwan kapab dir mon met R1 milyon labank.  Me mon donn ou la jouissance lo la.

Savedir ou, ou ava kapab zwir lo sa R1milyon.  Ou a kapab invest li si ou anvi.  Ou a kapab zis kit li la, pran lentere.  Ou sel responsabilite se pour rann mon, mwan R1 milyon ler ou la jouissance in fini.

Bann lefe en dimoun ki’n ganny la jouissance ki nou apel li en ‘‘usufructuary’’ i annan drwa pour li ganny tou bann byen ki sorti avek sa propriyete ki size a sa la jouissance.

E sa drwa i extend pour bann prodwir natirel ek agrikol ki atase avek bann brans.  Oubyen ki pous dan later.  Setadir bann plant e bann frir kan sa la jouissance i komanse.  E i kapab ganny prodwir par sa propriyete.

Mon’n bliye dir ki napa okenn sanzman ant Kod Sivil avek sa nouvo Kod.  I menm lartik ki swiv, e avek menm konteni sa lartik.

E ler la jouissance i terminen, sa keksoz, sa prodwir i pour vin pou propriétaire fond, pour propriyeter of the bare ownership, san ki i bezwen rekonpans l’usufruitier.  Setadir ki si sa dimoun in vini, in plant en karo mai, oubyen en karo patat, oubyen manyok, oubyen in plant en kantite pye fri.  Tousala pour retourn pour sa propriyeter later.  I pa pour pey sa l’usufruitier pour lefe ki in fer sa.

E income ki sorti dan sa la jouissance i reste pour sa l’usufruitier pour la durée son la jouissance.  E sa i ganny acquired zour an zour.

Setadir ki zour l’usufruit i komanse, se sa zour ki i komanse – i komans pran.  E zour ki i fini, se sa zour ki i komans pran.  Pa son lafen di mwan or what– oubyen ler i ava rekolte sa keksoz.

E la i annan en lalis bann keksoz ki kapab ganny konsidere koman income ki sorti dan en l’usufruit.  E i annan en pti lalis lokasyon lakaz, lentere lo larzan.  Arrears lokasyon, dividend lo Shares. E rent ki ganny sorti lo later agrikol ki ou lwe pour dimoun kiltive.  Mon pe zis regarde Mr Chair si sa i sorti dan lartik.  Mon krwar si mon pa tronpe.  Sa i en nouvote kot nou’n definir sa bann keksoz.  E paret mon ki wi.

Wi ti annan zis 2 keksoz dan lartik 586 konmela;  setadir rent from agricultural tendencies as well as rent from houses and other income.  Bann ki’n drafte sa nouvo lartik, in donn en pti pe plis detay.  Rent from agricultural tendencies i la, rent i la from houses.  E apre kot i annan ‘’other income.’’  In ganny spesifye dan ‘’interest arrears of rent’’ e ‘’dividends’’ ki bann prodwir en l’usufruit zeneralman.

587;- nou retourn lo Kod aktyel.  Si en l’usufruitier i bezwen konsonm en keksoz pour li zwir son l’usufruit i kapab fer li lo kondisyon ki a lafen son l’usufruit i retourn sa keksoz.  Swa menm kantite ek kalite, oubyen en keksoz parey dan menm kantite ek kalite.

Par egzanp si ou touy en pti bef oubyen en kabri.  Ou pa pour kapab retourn menm kabri, ou pour bezwen retourn en lot parey apepre menm laz.

The whole idea of usufruct se ki ou servi sa keksoz.  Me ou rann li dan menm leta ki ou’n pran li.  Or better– akoz kot ou’n plante ou pa kapab retire.

En l’usufruit- ler ou ganny l’usufruit lo en life annuity.  Setadir en rente viagère oubyen en lasirans pour lavi.  Ler ou annan en L’usufruit lo la, sa l’usufruitier pandan sa L’usufrui i kapab resevwar okenn aryeraz ki ganny drwa lo sa rente viagère. 

        Par egzanp i annan en konsep isi,  kot olye pey pour en later en sel fwa.  Ou tonm dakor ki ou ava pey R1, 000 dizon, oubyen R500, oubyen R2,000 tou le mwan ziska ler sa dimoun ki’n vann ou sa later i mor.  Nou apel sa en ‘‘rente viagère’’. 

Si donk ou donn en l’usufruit lo sa rente viagère.  E sa dimoun ki sipoze pe peye tou le mwan pa’n pey detrwa mon.  E apre ler i vini i peye, i ava pey avek sa l’usufruitier sa bann arrears.  E l’usufruitier i a kapab kolekte sa bann arrears.  Donk set en benefis ki i gannyen.

E san ki i bezwen rann kont.  Sa i vin pour li.  Akoz i en l’usufruit ki sorti lo en byen ki’n ganny assign.  Si dan sa l’usufruit i annan keksoz ki deteryore anmezir ki ou pe servi li.  Sa l’usufruitier i kapab servi sa bann keksoz pour sa rezon ki zot bezwen ganny servi.  Oubyen pour sa purpose, pour sa bi ki zot ganny servi.  Me i bezwen retourn sa keksoz dan sa kondisyon deteryore.

I kapab rann li dan sa kondisyon deteryore.  I pa bezwen rann new for old, pour vi ki i pa’n détériore li, li menm li an plis ki fo atraver son frod oubyen son neglizans.

Setadir fair wear and tear.  I pour kapab ganny aksepte, e ou rann li dan en kondisyon mwen bon ki sa enn ki ou’n pran, tan ki sa keksoz i any event i ti pour depresye par son lizaz.

Ou pa kapab – ou pa bezwen en l’usufruitier, pa bezwen retourn en keksoz ki mor atraver son lizaz normal.  Setadir ki si ou annan en l’usufruit pour – ki’n extend pour 50an,  e en toro ki ou’n pran ler ou’n pran ou l’usufruit i mor, antretan,  Ou pa bezwen retourn en toro parey.  Akoz si i en toro laferm, i ekspekte ki a en serten moman i pour mor.  Oubyen en pye dibwa ki’n ariv a laz kot i pour mor.  I  mor.

L’usufruitier i kapab rekolte bann keksoz ki zeneralman ganny rekolte.   Dan menm fason ki son propriyeter ti ava kontan ki i ganny fer.  Donk ou pa bezwen- par egzanp en propriyete kannel.  Ou kapab rekolte kannel e les repous kannel vini.  Se koumsa ki ou apel agricultural management.  Ou ganny drwa fer sa.

Me sa ki ou pa ganny drwa fer, se koup tou kannel.  E anpes kannel re bourzonnen pour ou pa rann.  Epi bann pye dibwa ki dan nursery, li osi i kapab ganny tire dan nursery e plante.  Si se sa la pratik normal dan sa kondisyon.

Parey zot ava vwar.  L’usufruit i plito en konsep agrikol dan Kod, malgre ki i pa’n neseserman en konsep agrikol.

Lartik 591 Mr Chair, i annan pour fer avek pye dibwa.  Ki responsabilite en l’usufruitier lo pye dibwa dan fore?

Zeneralman i pa devret enterfer avek pye dibwa dan fore.  Setadir si i annan en pye Bois Noire lo sa propriyete,  ou pa kapab ale koupe.  Akoz sa pye Bois Noire- akoz ou pa pour kapab ranplas li zeneralman.  Sof i annan 2 kondisyon.

Si ou obzerv sezon –  e la ankor nou ava vwar ki sa i sorti dan en klima Eropeen.  E non pa en klima Sesel.   E i annan en kou paz dibwa kontrole;- l’usufruitier i kapab kontinyen fer sa.  Setadir- mon mazinen isi dan nou konteks, i ava kannel.  Ou kapab koup en lafore kannel, akoz i en kou paz kontrole, e i ava repouse.  Ou ava les li repouse.  Dan sa ka ou kapab koupe, dan lezot ka non.  Oubyen sou-lartik 3.  Si anmezir ki l’usufruitier pe fer reparasyon ki neseser, i annan pye dibwa ki ganny aksidantelman kase, oubyen uprooted – desikote,  sa l’usufruitier i kapab koz sa bann pye dibwa pour ganny koupe.

Akoz sa in ariv par aksidan e non pa dan en fason delibere.  Ou pa’n antre lo en propriyete pour ou pran tou bon dibwa.  E apre zis kit rebi deryer.  Se sa lentansyon sa lartik.

Me en l’usufruitier i kapab al pran- al dan fore e pran dibwa pour li crops avek.  Par egzanp banbou pour fer scaffolding, oubyen lezot dibwa pour li met dan plantasyon pour li plant zariko lo la par egzanp.  Sa bann keksoz koumsa i kapab fer.

Parey zot ava vwar,  tousala se bann keksoz normal.  Me annan de fwa Kod i al dan en gran kantite detay lo sa bann keksoz.   Okenn arbre fritye ki’n mor oubyen ki pe mor –  enkli bann ki’n ganny aksidantelman tonbe oubyen kase, i vin propriyete sa enn ki ganny- sa enn ki annan la jouissance.

Me si sa pye dibwa, sa pye fri in mor akoz neglizans sa l’usufruitier, i bezwen natirelman ranplas li.  Si in les li mor akoz i pa’n aroze or whatever, i bezwen ranplase.

L’usufruitier ler ou annan en la jouissance ou kapab swa enjoy ou la jouissance ou menm.  Oubyen vann sa la jouissance – ou ganny drwa vann ou la jouissance, oubyen donn la jouissance en lot dimoun.  Oubyen lwe ou la jouissance pour en fason- pour en rezon agrikol.

Otan- ou kapab fer li otan fwa ki ou anvi.  Sel keksoz ki nou bezwen mazinen, sel ki en la jouissance i mor avek holder premye la jouissance.  Donk si mon mwan annan la jouissance, mon pa kapab vann mon la jouissance avek en pti baba ki fek ne.

Dan en fason ki ler li i ariv 80an i ava vann li avek en pti baba ki fek ne.  E la jouissance ava ale permanan.  Si mon mwan vann mon la jouissance ozordi, e mon mor demen.  Sa enn ki’n aste son la jouissance i fini demen, ok?

Donk ou kapab fer li otan- akoz i en- i pa en lentere dan later li.  I en akseswar, i en morso later.  I en drwa dan later.  Nou pa devret vreman pe servi sa mo drwa Lentere.  Akoz sa se bann konsep Angle.  For one of a better work, mon krwar zot konpran mwan.

En l’usufruitier ki donn an bay, ki lwe son l’usufruit, sa dimoun ki pran, i sizer a menm kondisyon ki sa l’usufruitier.  E si sa i pli long ki 9an, i pour bind sa bare owner, sa propriyeter sa later.

E i pour kontinyen run pour sa peryod 9an.  E i pour menm bind son zeritye.  Donk i pa pour mor, kantmenm sa l’usufruitier i mor.  Sa tenancy ki i donnen pour kontinyen run pour en peryod 9an.  E sa se natirelman pour donn permisyon pou posibilite en dimoun ki pe- ki’n plante, pour li rekolte or ki’n fer en keksoz pour li kapab rekouver son lenvestisman.

E okenn tenancy  ler ou lwe ou l’usufruit pour 9an ou mwens,  ou pa pour lwe li plis ki 3an avan ou la jouissance i fini, dan ka kot ou konnen.  Oubyen 2an- pour plis ki 2an dan ka en lakaz.  Ankor enn fwa si pour pa bind unnecessarily propriyeter later.

Si later i agrandi.  Akoz en larivyer i anmenn en pe later.  E i fer li zwenn avek sa later kot sa dimoun i annan la jouissance,  sa l’usufruitier i ava kapab servi sa morso later.  E osi i ava annan tou drwa ki sorti dan bann servitude, right of way.  Tou bann drwa ki son propriyeter son fond i kapab enjoy dan menm fason ki sa propriyeter.

L’usufruitier i ava annan la jouissance tou bann min oubyen karyer ki an operasyon ler l’usufruit ti komanse.  Si ler ou vini, i annan en landrwa kot ou pe kas ros pour vann avek CCCL oubyen UCPS, l’usufruitier i kapab kontinyen.

I napa drwa li fer en karyer kot ti napa enn avan.  E si sa bann keksoz pa kapab ganny eksplwate san en permi, l’usufruitier pa pour annan drwa eksplwat li san en permi.  Ou bezwen menm permi ki propriyeter son later.

E parey mon dir, i pa kapab- i napa okenn drwa lo okenn min, okenn karyer ki pa ankor eksplwate.  Oubyen okenn- that’s interestingTrésor La Buse si i ganny trouve pandan son la jouissance, i pa vin pour li.  I vin pour propriyeter sa bare- i vin pour sa bare owner.  E non pa pour li.  Menm konsep ki nou ti vwar yer.  Akoz se owner later ki annan lanmwatye e the finder.

Me si sa l’usufruitier, se li ki trouv sa trezor.  Lanmwatye pour vin pour li.  Pa akoz i en l’usufruitier.  Me akoz se akoz li ki’n trouv sa trezor, an konformite avek sa ki nou ti vwar yer.  Oubyen sa ki nou pour vwar taler.  Mon bliye si nou’n pas lo la ankor, oubyen non.

Lartik 599 Mr Chair.  Propriyeter later pa pour enterfer avek sa dimoun ki annan la jouissance dan okenn fason.  Sa dimoun ki i annan la jouissance i kapab zwir mannyer i anvi pandan peryod son la jouissance.

I pa kapab a lafen la jouissance demen demann l’usufruitier- pardon -.  Sa enn ki i annan la jouissance pa kapab demande a lafen son L’usufruit, a fen son la jouissance okenn konpansasyon pour okenn improvement ki in fer lo sa later.  Menm si sa later, son valer in agrandi.

Me parkont zeritye en dimoun ki annan la jouissance, i kapab tir tou bann meuble dan bann pake ki l’usufruitier in anmennen dan sa lakaz.  Pour vi ki i restore lakaz dan son kondisyon avan.

En l’usufruitier i pran bann keksoz dan kondisyon ki zot ete.  Me i bezwen fer en levanter tou sa ki i pran dan prezans propriyeter later apre ki in donn notis.

Setadir pour tou dimoun konnen la, la en konsta parey nou apele.  La, la sa ki mon’n pran.  Lo pli tar napa okenn problenm poudir sa ti la, sa pa ti la.  Sa ti dan tel leta oubyen non.

Si sa levanter pa ganny fer,  i pa oule dir ki l’usufruit pa pran- pa komanse.  L’usufruit pa ganny defet.  Me propriyeter later i kapab demann sa levanter a nenport ki moman Mon kapab dir zot ki isi Sesel, sa lartik zanmen i ganny aplike.  Napa okenn dimoun ki ganny en la jouissance ki fer okenn levanter.  Donk tou dimoun, tou l’usufruitier i an defo lartik 600 as we speak.

Ankor enn fwa en l’usufruitier bezwen provide en sekirite quelconque pour fer sir ki anmezir ki i pe zwir, i pa fer okenn keksoz ki pour devalye sa propriyete.  Ankor enn fwa sa zanmen in ganny fer.  A mwens ki son propriyeter i waive sa kondisyon.

E ankor enn fwa paran ki annan la jouissance lo propriyete zot zanfan.  Zot, zot pa bezwen donn sekirite.  Si sa L’usufruitier pa kapab donn sekirite, sa la jouissance pour ganny konverti dan en bay, en lease ek larzan- okenn larzan ki sizer a sa l’usufruitier, en l’usufruit lo en larzan.  Sa larzan ava ganny envestir, e tou prodwir ki i fer i a ganny vann e ganny envestir.  Me lentere i ava vin pour sa l’usufruitier. 

Setadir ki li i pa pour manage.  En lot dimoun ki pour manage sa pour li.  Akoz i pa’n kapab donn sekirite.

E sa se bann- dan bann lezot kondisyon lo ki pour arive sa propriyete ler napa sekirite.  Ankor enn fwa lentere i vin pour l’usufruitier.  L’usufruitier i kapab al Ankour a nenport ki moman pour li ganny la jouissance okenn morso son l’usufruit.  E Lakour basically i ava ganny drwa fer okenn desizyon ki sanble bon.

604;-  604, l’usufruit i fini 625.  Alor nou napa tro lontan pour ale.  Bann fruits, e sa se pa fri.  Se bann benefis en la jouissance i vin pour l’usufruitier depi le moman ki son l’usufruit i komanse, menm si i pa donn sekirite.

L’usufruitier napa okenn lobligasyon anver propriyeter, apard pour gard son propriyete an bonn eta.   Si i annan okenn reparasyon striktirel ki pour bezwen ganny fer, se propriyeter later ki bezwen ganny fer.  E non pa l’usufruitier unless ki i annan en Kontra ki dir keksoz diferaman.

Ler en reparasyon i vin neseser akoz l’usufruitier pa’n kapab gard sa propriyete an bonn eta,  i bezwen pey lavaler sa reparasyon.  E converse li.  Si propriyeter pa’n gard son byen an bonn eta.  L’usufruitier i kapab li repare, e apre demann propriyeter of the bare ownership, propriyeter later, pey li son kou reparasyon.

E bann reparasyon striktirel se sa bann swivan; miray, fondasyon, bim, kolon, twa, dyke, grogne, wier, retaining wall, fence.  Zis pour gard lentegrite sa striktir.  Okenn reparasyon ki pa en reparasyon striktirel, i en reparasyon maintenance.  E sa i obvious.

607 –  Ni propriyeter later, ni sa enn ki annan la jouissance, napa en responsabilite pour repar oubyen refer sa ki in perir atraver decay oubyen ki’n ganny detrir par en act of God, cas fortuit.  Eg –  en twa i ganny dekouver akoz en siklonn.  Napa ni enn ni lot ki i annan okenn responsabilite pour repar sa keksoz.   L’usufruit kekfwa i ava ariv a en lafen parey nou ava vwar taler.  Okenn depans pour raise income pour sa later, natirelman l’usufruitier i bezwen pey sa li menm.  Akoz se li ki pour ganny benefis.

Son income, tou lezot sarz i pour sa propriyeter later.  E si sa bann sarz pa ganny peye par propriyeter later,  e se l’usufruitier ki peye,  i ava ganny ranbours sa a lafen son la jouissance.

Ler i annan en life annuity, oubyen Maintenance Grant, en Kontra pour en dimoun ganny en serten maintenance oubyen ganny peye en serten sonm parey en rente viagère,  sa i ava ganny peye a sa dimoun ki sa legatee of sa dimoun ki annan la jouissance.

Pa tre komen sa Mr Chair.  Mon kapab menm dir ki dan sa 200 ekek lannen ki nou annan nou Kod, zanmen nou’n al lo sa lartik.

En dimoun ki annan en la jouissance lo en morso- en propriyete spesifik,  Si mon donn ou la jouissance mon loto mon annan drwa servi mon loto.  Me loto i reste pour mwan.  Ou pa ganny- sa dimoun ki i annan la jouissance pa bezwen pey mon det ki mwan mon annan anver en labank or whatever ki mon’n borrow larzan pour aste sa loto.  Se mon responsabilite.  E si labank i tay deryer sa dimoun ki annan la jouissance, e i peye,  i ava claim sa kont mwan sa propriyeter sa byen.

612 – i en lartik teknik Mr Chair.  Ki avek tou respe ki mon annan pour mon prop lekor, mon pa konpran li dan tou son konteks.  Si ou la jouissance i koman en residuary legatee.  Set en dimoun ki’n ganny en byen par Testaman.  E ki li dernyen dan en lalis pour ganny sa keksoz.

Oubyen ki en legatee by universal title.  Setadir ki se sel zeritye.  I bezwen ed propriyeter sa byen pour desarz bann det dan fason swivan;

Lavaler propriyete i ganny kalkile e zot bezwen pey zot par sakenn an proporsyon.  Basically se sa ki 612 i dir.

Si i annan en case Ankour an koneksyon avek sa la jouissance – sa enn ki annan la jouissance i pey selman sa morso fre Lakour, ki annan pour fer avek son la jouissance.  E lezot dimoun i ava pey larestan.

Par egzanp en dimoun i anmenn propriyeter later Ankour, akoz i annan en problenm lo sa later.  Dizon i dir later i pour li.  E non pa pour sa owner, me lo sa later i annan en la jouissanceObviously sa dimoun ki pe konteste sa later pour anmenn tou lede Ankour. I pour anmenn son bare owner.  E pour anmenn son l’usufruitier osi.  Akoz i anvi ganny sa later.

Alor dan sa ka, sa enn ki annan la jouissance i a pey zis son par fre.  E non pa fre konplet.

Ankor enn fwa 614 si i annan encroachmentL’usufruitier i bezwen al raport sa avek propriyeter later.   Akoz later pa pour li.  Li i annan zis la jouissance lo la.  I bezwen al raporte ki en tel in encroach lo ou later.  E si i pa fer li, li sa l’usufruitier i ava responsab vizavi propriyeter later.  Konmsi li menm li in ti’n fer sa- i ti’n komet sa lerer.  E sa i normal.  Akoz se li ki la on the spot.  Se li ki konnen.  E se li konnen, e se li ki annan sa responsabilite.  E si son responsabilite pa ti’n vin la anba 614,  i ti a vin sertennman anba lartik 382.

Si ou annan la jouissance lo en zannimo.  Setadir i mon toro.  Me mon’n donn ou la jouissance – mwan mon gard propriyete.  Me ou kapab enjoy benefis ki sa toro i anmennen.  E sa zannimo i mor san okenn fot lo par sa enn ki i annan la jouissance,  i pa bezwen ranplas sa zannimo, oubyen pey son valer.  Akoz i pa son lafot.

Ki mannyer en la jouissance i ariv a son lafen?  Premyerman ler sa enn ki annan la jouissance i mor.  Oubyen ler in ganny donnen pour en peryod letan ler sa letan i ekspire.  Mon donn ou en la jouissance pour 10an.  Ler 10an i fini ou bezwen ale.

Oubyen ler propriyeter later ek propriyeter la jouissance i vin parey.  Setadir mon aste ou la jouissance avek ou.  Sa 2 i merge.   Alor ou nepli annan la jouissance.  Oubyen ou, ki annan la jouissance ou aste son later.  E donk i vin pour ou.  Oubyen si ou pa servi la jouissance pour plis ki 25an.  Query, why 25?  When the payer of prescription elsewhere is 20?

        Personnelman mon ti a krwar i ti ava pli normal pour nou met 20an.  Akoz tou peryod preskripsyon ki i annan pour fer ek later partou i 20an.  Let’s be consistent.

Oubyen ler sa keksoz lo lekel ou annan la jouissance, i disparet.  Si mon donn ou la jouissance lo mon loto, e loto i kraze, i en write-offLa jouissance natirelman pour terminen a sa moman.

Mon a zis tyeke si 617 i egzakteman parey.  Wi, egzakteman parey dan nou Kod aktyel.  Ou- sa la jouissance e en- osi kapab ganny anile e arete, si sa l’usufruitier i abiz son drwa.  Par egzanp i met en kantite waste lo propriyete.  Oubyen i les sa propriyete tonm into disrepair.

E la enn bann ka- enn bann rar ka kot mwan mon’n involve dan terminasyon en la jouissance,  sete akoz sa l’usufruitier ti’n mont dan bwa e i ti pe koup tou bann bon dibwa.  E sa i ti en labi.  I ti en labi, pa dan enn ant sa 2 ka.  Me i ti kler ki i ti pe abiz son drwa.  Son sel bi, sete pour tir maximum profi dan sa propriyete.  E ki son propriyeter pa ti pour ganny nanryen at the end.  Se sa bann rezon akoz ou kapab- e nou ti extend 618 (1) (b) pou dir ler ou pe koup tou pye dibwa, ou pe allow sa propriyete to fall into disrepair.  Akoz ou pa pour kapab rann li egzakteman parey.

Okenn créancier sa l’usufruitier i kapab a nenport ki moman- si sa l’usufruitier in borrow larzan pour li plante dizon, oubyen pour li fer en keksoz lo laferm ki i annan la jouissance lo la, son créancier, sa labank, i kapab a nenport ki moman enterfer dan okenn case Ankour, pour garanti son drwa pour li re ganny sa larzan ki in invest.  E lakour- ler Lakour pour ekout enn sa bann case, depandan lo gravite sirkonstans, i ava swa cancel sa la jouissance konpletman.  E oubyen fer son propriyeter later al repran son byen, enn ant sa 2 keksoz.  Size natirelman a- en peyman si i annan.

Par egzanp malgre ki en dimoun pe fer en kantite degradasyon lo later, in osi amelyor later dan lot- serten fason.  I ava annan en kont pour balanse.

Si ou donn en la jouissance en lakonpanni par egzanp.  Sa la jouissance pa kapab eksit 30an.  Akoz sansan sa ki ou ti a fer, toultan ou ti a donn en la jouissance en compagnie.  Akoz en compagnie zanmen i mor.  I annan sa ki nou apel Perpetual Succession.

Alor 619 i dir –  si ou donn en la jouissance en compagnie e non pa en personn fizik,  ou pa kapab donn la jouissance pour plis ki 30an.  Si ou donn li pour plis ki 30an, i pour ariv a lafen, ler 30an i arive.

Si ou donn en la jouissance lo kondisyon ki en dimoun i ariv en serten laz,  sa la jouissance pour kontinyen pour sa peryod, menm si sa dimoun i mor avan sa laz.  Si ou dir mon donn ou en la jouissance ziska ou ariv a third party.  Mon a donn ou en la jouissance ziska ki ou dernyen garson i ariv 25an.  Si ou dernyen garson i mor avan 25an, ou la jouissance i ava kontinyen konmsi ziska sa zour ki i ti pou’n ariv 25an.

Si propriyeter later lo lekel i annan en la jouissance, i vann son later a en lot dimoun,  mwan mon propriyeter later, Onorab Afif i annan la jouissance,  Me  mwan mon  vann mon later avek Onorab Phillip Arissol,  la jouissance i kontinyen.

Onorab Afif i ava annan la jouissance lo later Onorab Phillip Arissol.  Se koumsa ki i ete.  I pa tenny la jouissance.

Si en l’usufruitier i waive okenn son drwa, son bann créancier labank ki’n pret li larzan, oubyen sa dimoun pret li larzan, i kapab demann sa waiver ganny anile pour protez zot lentere.  Akoz natirelman-sansan zot pa pour annan okenn rekour.

Si selman en parti en propriyete ki sizer a en la jouissance i ganny detri,  la jouissance pour kontinyen lo sa morso ki reste.  Me si en la jouissance i zis lo en building,  e sa building i ganny detri par dife, aksidan oubyen i kolaps,  l’usufruitier pa kapab reste lo sa morso later ki reste.  I pa pour kapab enjoy sa, son la jouissance i a vin a en lafen.  E si se son neglizans sa dimoun ki i annan la jouissance ki koz sa building pour kolaps,  i ava responsab vizavi sa propriyeter pour sa.

Me si sa building i lo zis en parti en bout later,  e sa building i ganny detri,  L’usufruif i kapab kontinyen lo larestan sa later ki pa ganny kouver par sa building ki’n ganny detri.  Vwala Mr Chair.  That’s the end of Usufruct.

 

MR SPEAKER

Mersi Onorab Georges.  Mon ava donn la parol AG ki ti’n endike ki i anvi entervenir.  Mr Ally.

 

ATTORNEY GENERAL MR FRANK ALLY

Non Mr Speaker.  Mon pa’n konpran en pti pe prosedir bomaten.  Me mon ava entervenir ler we go through the articles.

 

MR SPEAKER

Dakor.  Ok dakor AG.  Bon nou ouver deba lo sa Seksyon ki devan nou Usufruct.  E mon ava donn la parol Onorab Jean-François Ferrari.

 

HON JEAN-FRANÇOIS FERRARI

Mersi Mr Speaker.  Bonzour tou dimoun.  Mr Speaker i annan en sel keksoz ki pa tro kler pour mwan.  Nou’n vwar ki mannyer dan sa bann Seksyon Lalwa ki nou fek pas ladan, ki mannyer propriyeter i ganny proteksyon vizavi aksyon ki en l’usufruitier i fer lo propriyete ki li i annan la jouissance.

Mon ti a kontan konpran en pe pli byen ki proteksyon sa l’usufruitier li i annan, si i ranpli tou bann kondisyon ki atase avek son sityasyon koman en l’usufruitier. 

Setadir.  Annou pran legzanp ki i pe okip en later, i pe servi li byen.  Me selman i ariv bann degradasyon, oubyen bann aksidan par dan en fason natirel,  ki prezan, sa i fer ki i pa kapab zouir  sa byen, sa later, oubyen sa building,  akoz in annan serten degradasyon.  Alors i al kot propriyeter i dir avek li ‘be mon pa kapab zouir, akoz sa problenm- eski- mon ti a kontan ki ou rektifye sa problenm.  Akoz sa problenm i ou’ –  ki en miray, ki en fondasyon.

Me sa propriyeter ki li i anvi vwar sa l’usufruitier fristre e ale, e rann li son later dan en fason ki li, i kapab zouir sa later li menm.  I pa ranpli sa bann kondisyon, i pa fer sa bann kondisyon.  Onorab Georges in dir nou ki i annan bann ka kot si miray pe grennen, son propriyeter pa repare, sa l’usufruitier i kapab repare e apre anvoy bill.

Me si i repare, i anvoy sa bill kot sa- e still sa propriyeter ki li- anfen kont i anvi ki sa dimoun ki pe zwir sa propriyete i ale.  I pa entertain okenn sa bann sa, ki proteksyon ki- e ki- i zis pa entertain ziska ler i mor.  E ki finalman i pa zanmen ganny rekonpanse pour sa lobligasyon e sa travay ki in fer.  Ki proteksyon ki sa l’usufruitier i annan dan sa Kontra?  Mersi.

 

MR SPEAKER

Mersi Onorab Ferrari.  Onorab Paul Ernesta.

 

HON PAUL ERNESTA

Mersi Mr Chair.  Mr Chair, Minis, delegasyon e tou bann Koleg Onorab, tou dimoun a lekout bonzour.

Mr Chair mon pour refer lo 579.  Kot i dir ‘en Usufruct i ganny fer par Will or by Law.  Nou konnen lontan sa i en practice ki nou annan.  Lontan bann granmoun paret souvan ti annan bann propriyete isi- be ale be fer ou lakaz la.  Ou konpran, ou viv la.  I vin parey mon krwar dan menm konteks.

Me apre i arive i mor.  Ki arive avek sa dimoun la aprezan ki li i napa okenn nanryen an ekrir, okenn dokiman?  Ki arive dan sa ka?  E ki proteksyon ki li i annan?

E prezan pli tar si nou al lo 596 (2).  Kot la pe dir ki sa dimoun i osi i zwir menm drwa parey sa owner.  E i anvi son access li.  E i napa okenn dokiman.  Ki mannyer i kapab fer pour li kapab osi devlop son access ki i kapab ariv kot li dan sa konteks?  Baze kot i napa nanryen an ekrir.  Menm lo kod lezot devlopman ki ti pour anvi fer, i pa pour kapab fer dan sa direksyon.  Mersi Mr Chair.

 

MR SPEAKER

Mersi Onorab.  Onorab Esparon.

 

HON REGINA ESPARON

Mersi Mr Speaker.  Mr Speaker mon ti ava kontan en leklersisman.  Mon ti a kontan Mr Georges i eklerksi en keksoz.

Si en dimoun i annan la jouissance lo propriyete en miner, i en- detrwa miner.  Li i annan la jouissance pour lavi li.  Me selman ler sa bann miner i vin- i ganny 18an, zot oule partaz sa byen antre zot.  Akoz ki kot Noter i demande ki sa dimoun ki i annan la jouissance pour lavi i retir son la jouissance pour facilitate sa partaz byen.  E once ki i tire, i pa kapab re mete.

Kote anba sa Sivil Kod ki li sa dimoun ki l i annan la jouissance pour lavi i ganny sa proteksyon?  Mersi.

 

MR SPEAKER

Mersi Onorab.  Onorab William.

 

HON WAVEN WILLIAM

Mersi Mr Chairman.  Bonzour Minis avek Attorney.  Bonzour tou manm piblik ki a lekout.  Mr Chairman mon ti a kontan raise en pwen, detrwa pwen.

Enn i lo lartik 599.  Mon ti a kontan si Bills Chairperson ti kapab- akoz letan mon pe lir sa fraz la.  ‘The owner shall not interfere with the rights of the usufructuary in any way.’’  Eski letan nou pe lir bann lezot lartik pa devret subjected to?  Akoz si zis nou met sa fraz, i pa donn serten-mon kapab dir, leeway pour sa owner i kapab enterfer si i annan en problenm.  Si zis nou gard li koumsa.  Mon pa konnen si i devret koumsa ouswa non.

Epi mon 2enm pwen se, letan sa- l’usufruit li i azout valer avek propriyete kot letan sa term i fini, sa dimoun pa pour kapab claim.  Konmsi in terms of fairness avek lazistis, eski nou devret les li parey i ete?

Mr Speaker mon’n perdi mon lot pwen, akoz i annan sitan bokou lartik.  Petet taler mon a ganny sans lev sa lot.  Akoz mon’n vreman- tro bokou pour pas ladan.  Mersi.

 

MR SPEAKER

Mersi Onorab.  Onorab Mondon.

 

HON TERENCE MONDON

Mersi Mr Chairman.  Mr Chairman mon ti a kontan si Onorab Georges ti kapab eklersi mwan en pti pe ankor lo bann kalite proteksyon ki sa propriyeter i annan.  Sirtou lo bann ka kot sa l’usufruitier i pran kredi avek labank.

Si i al default, i pa pe peye.  E definitivman bann créancier pour rod fason pour rod zot larzan.  Eski dan sa Lalwa, dan sa Kod, sa propriyeter i ganny ase proteze?  Akoz pa li ki pran kredi.  Dan bann ka parey kot ou annan en l’usufruitier pa pe vreman pe onor sa.

I annan sa lartik pour li kapab reprocess.  Be selman still i pour annan en det ki reste avek sa labank konsernen.  Eski si i kapab re-.  Direct mwan konmsi kote sa proteksyon vreman i vini?  Mersi Mr Chair.

 

MR SPEAKER

Mersi Onorab.  Onorab De Commarmond.

 

HON CHARLES DE COMMARMOND

Mersi Mr Chair, bonzour.  E bonzour osi Minis ek ou delegasyon.  Tou Manm Onorab ki la.  E tou dimoun ki a lekout.

Mr Chair, eski Onorab Georges i kapab eklersi nou lo 3 keksoz.  (1) eski son met later i kapab vann sa later, en later si i annan la jouissance lo la?

Konmsi en dimoun i annan la jouissance lo en later.  Me parey ou’n dir, later i pour en lot dimoun.  Eski son met i kapab vann sa later, menm si i annan en la jouissance?

2enm keksoz, eski en dimoun ki i annan la jouissance i kapab mortgage sa later, sa propriyete?

E trwazyenmman.  En paran,  dizon en paran i vann enn son zanfan, i annan plizyer zanfan;- savedir,  i vann enn son zanfan son later, ek son lakaz lo la byensir.  Avek bi gard la jouissance pour li.  Me apre, apre 6an, 7an i aprann ki avoka in fer sa transfer e i pa’n gard la jouissance pour li sa paran.  Ki rekour sa paran, sa vye paran ki’n vin vye ozordi i annan, sirtou vizavi- sirtou si zanmen larzan in ganny peye?  Mersi.

 

MR SPEAKER

Mersi Onorab.  Onorab Aglae.

 

HON EGBERT AGLAE

Mersi Mr Speaker.  Bonzour Minis, delegasyon.  Mon oule refer avek lartik 611, kot i fer resorti ki 611 (1).  L’usufruitier li i pa responsab okenn det ki’n arive si ou’n- sa owner in mortgage son propriyete.

E an menm tan (2) i dir- i fer resorti si i ganny arive ki sa l’usufruitier i ganny, pa forse.  Me i bezwen vwar li pe pey sa bann det.  E apre i kapab ganny ranboursman avek sa owner.

Be ki pour arive si sa owner li menm li apre ki sa L’usufruitier in- pe pey sa det i passed away, byensir – e propriyete i ganny pase avek lezot?  E eski i pour kapab annan en fason ki pour rekiper son larzan?

E dezyenmman si mon pa’n tronpe, kler, eski sa la jouissance sa dimoun ki sa owner ti’n donnen i pour kontinyen apre sa?  Mersi.

 

MR SPEAKER

Mersi Onorab.  Mon retourn avek Onorab William.

 

HON WAVEN WILLIAM

Mr Chairman mersi pour donn mwan sa loportinite ankor.  Lo sa pwen ki mon ti anvi leve, se lo lartik 601 (2) avek lot 601.

Mon vwar ki i pa obligasyon sa owner pour li, avan i transfer sa l’usufruit avek sa L’usufruitier, pour fer en levanter.  Eski nou- dan Sivil Kod nou pour gard li koumsa?  Akoz mon mazinen poudir the owner i bezwen enterese avek kwa ki i annan.  Akoz pli tar zot pe dir ki sa owner i kapab demann en levanter nenport ler lo sa propriyete.

Me eski parey i ete la, nou merit gard li?  Ouswa lobligasyon, i devret osi lo sa owner, avan ki i transfer.  Ouswa sa l’usufruit i ganny fer pour donn sa l’usufruitier. 

        So zis mon ti a kontan en pti pe leklersisman lo la.  Akoz mon mwan krwar poudir si mon propriyete i pour mwan.  Mon pe al donn en la jouissance avek en dimoun.  I mon devwar pour mwan kapab fer en levanter.  Koumsa demen bomaten letan mon revin demann en levanter- si dizon pa ti’n fer lo komansman.  Mon kapab manti dir ‘‘be tyonbo en kou.  Mon ti annan tel, tel keksoz.  Mon krwar poudir swa ou’n fer- ou pran ou’n vann’’.  Me si sa levanter ti ganny fer depi o komansman, then petet ti ava evit serten bann- sa bann konfizyon.  Mersi Mr Chairman.

 

MR SPEAKER

Mersi Onorab.  Nou ava pran en dernyen.  Onorab Pillay.  Onorab Sebastien Pillay.

 

HON SEBASTIEN PILLAY

Mersi Mr Chairman.  Bonzour tou koleg Onorab.  E bonzour Minis ek ou delegasyon, e tou dimoun ki a lekout.

Mr Chair mon ti a kontan demann Onorab Georges, si bann sanzman ki nou’n fer relasyon avek Usufruct dan Sivil Kod, i pa nesesit okenn sanzman seksyon 20, 20 (d) Land and Registration Act?  Si sa pa ganny afekte?  I reste parey.

Dezyenmman;-  mon ti a kontan klarifye en keksoz.  Baze lo sa ki nou pe dir ozordi dan usufruct,  eski si par egzanp en dimoun ki i en l’usufruitier lo en later, e sa owner i vann sa later pour mwens ki son valer.  Dizon mwens ki lanmwatye.  Eski i a sa l’usufruitier li annan en gain cause legal pour li kre, par egzanp al anba lartik 16 (74) as it is dan Sivil Kod pour li dir lésion par lefe ki sa later in ganny vann pour mwens ki son valer.  E alors deklar sa sale null.

Eski li i pour annan sa Drwa?  Oubyen fodre absoliman en lot dimoun ki annan part of sa bare ownership? 

Prezan mon demann sa, se akoz souvandfwa ou vwar poudir bann vye paran, pour par lefe ki swa zot in pran en loan, swa en keksoz zot pa’n kapab fini re pey sa later,  zot in transfer sa later lo en pti zanfan, oubyen en lot zanfan, pour ki sa i kapab- sa zanfan pe travay, pe re peye.  Me zot, zot kapab gard la jouissance.

Me parfwa i ariv bann sanzman.  E la nou vwar poudir propriyeter i ganny vann.  So, eski zot pour annan drwa as usufructuary?  Oubyen eski zot in fini abandonn okenn drwa ki zot annan?  Mersi Mr Chair.

 

MR SPEAKER

Mersi Onorab Pillay.  Bon mon ava donn parol AG lo panel.  Apre nou ava pas avek Onorab Georges.  Mr Ally.

 

ATTORNEY GENERAL MR FRANK ALLY

Mersi Mr Speaker.  Mr Speaker mon pa oule reponn sa bann kestyon.  Me petet ki mwan anvi zis fer se, met serten keksoz ki petet ki a fasilit en pti pe bann deba.  Menm si sa Bill i sorti kot Gouvernman.

Mon krwar ki Onorab Georges i bezwen touse.  Nou bezwen konpran, se ki la jouissance i kapab en later, me i kapab en building osi.  I kapab en later san en building.  E en dimoun ki annan la jouissance i kapab servi son la jouissance pour li konstrir lo sa later.

E se sa petet ki ler nou koz lo improvements, mon pa konnen improvement is- i ase- i anglob en konstriksyon osi.  En nouvo konstriksyon pour ki- e son konsekans- akoz si par egzanp mon donn mon zanfan en- mon zanfan i donn mwan en la jouissance parey Onorab Esparon in koz lo la; –  en miner i annan en later.  Me i annan en paran ki annan la jouissance lo son later.  E sa paran i deside pour li konstrir en lakaz lo sa later.

E ler sa paran i mor, pour ki sa lakaz i ale?  Kod i fer provizyon.  Akoz i pour amount to an improvement.  E tre souvan problenm ki nou vwar,  se ki Planning pa apresye afon en drwa en l’usufruitier.  Akoz i kapab dir avek ou, non be si- ou annan en la jouissance, i anrezistre i droit réel.  Me selman, eski mon-pour ou konstrir, fodre ou ganny permisyon sa propriyeter?  E ler sa propriyeter- sa l’usufruitier i mor, e in konstrir en batiman ki i annan valer, ki sor sa batiman?

Lalwa i fer provizyon pour sa.  E mon krwar sa i enportan pour nou konpran striktir, pour nou konpran en later ki ganny donnen koman la jouissance.

Onorab Ferrari in koz lo en sityasyon par egzanp kot i annan en degradasyon natirel.  E ki arive?  Ki rekour sa dimoun?  Eski- so sa i bann keksoz mon krwar ki nou bezwen petet Onorab Georges petet i kapab met en pe leklersisman lo la pour kapab donn en pe plis konfor petet Lasanble.

Apre parey nou’n servi sa mo ‘produce’.  Me avan nou ti servi ‘produce and income’.  Me la nou pe servi ‘produce’.  Savedir i pour bezwen anglob osi ‘income’.  Akoz ler sa dimoun ki- ou donn li- let’s say mon donn en dimoun en la jouissance.  E tre souvan i arive ki nou pa konpran konsekans en la jouissance.

En paran i donn son zanfan la jouissance.  Oubyen en zanfan i donn visversa.  E sa propriyete pe ganny lwe.  E i annan en income ki pe gannyen.  E sa income i al pour sa dimoun ki pe ganny- ki annan sa la jouissance.  Me pa sa propriyeter.  So sa i bann keksoz mon krwar ki nou bezwen kler lo la pour kapab en desizyon byen eklere.  Mersi Mr Speaker.

 

MR SPEAKER

Mersi AG.  Mon ava pas la parol avek Onorab Georges.

 

HON BERNARD GEORGES

Mersi Mr Chair.  Mr Chair mon ti a- mon ti ava kontan kekfwa AG i kontinyen son thought process.  Akoz i tre enportan.

In dir nou a 3 repriz, sa i ganny kouver par Kod.  E mon krwar Manm i ava enterese ou konnen.  Akoz mon konnen ki Onorab- Attorney Zeneral in etidye anba Kod Franse Maurice.

Son Kod orizinal tel dan son texte Franse.  Alor i ti ava bon si i ti kapab en respondent sa- apre mon mwan ava vin lo bann detay ki’n ganny demande.;  en respondent sa Lespri ki in met devan nou ozordi.  Ler l’usufruit i ariv a lafen, ki arive avek bann improvement ki’n ganny fer lo later?  Pour ki sa i ale?  Eski sa l’usufruitier ki’n konstrir i kapab claim son improvement kont sa bare owner?  Oubyen eski sa i ganny-i al dan bagaz improvement lo sa later?

 

MR SPEAKER

Mersi Onorab Georges.  AG mon a redonn ou la parol pour eksplik nou.

 

ATTORNEY GENERAL MR FRANK ALLY

Mr Speaker parey lartik 599, i fer provizyon.  Se ki- non, non 599 se en pwen ki’n ganny leve par Onorab William.  Me parkont sa i pour lartik-

. 599Sorry dan son Alinea 2.  Ki – sorry Mr Speaker akoz mon pe pran- mon pe servi mwan vye Kod, me avek bann sanzman ki mon’n raporte.

Se Alinea 2, 599 ki dir ki ‘‘the usufructuary pa pour kapab demann lo terminasyon l’usufruit okenn endemnite pour bann improvements ki’n ganny fer par sa l’usufruitier menm si valer sa propriyete in ganny increase.’’

Bon i enportan pour nou konpran improvements.  E sa osi pour depann lo ki kalite byen ki’n ganny donnen koman en L’usufruit? 

Eski mon’n donn ou en later ki san okenn- ki vakan?  Savedir san okenn batiman lo la.  Oubyen mon’n donn ou en later ki avek en batiman?  So si ou fer okenn improvements avek sa batiman.  Ou pour napa en Droit de Recours pour ou ganny konpansasyon Oubyen indemnity.

Me parkont si ou’n konstrir, ou’n ganny en la jouissance.  E Onorab Georges in fer kler.  Akoz parfwa i annan bann dimoun zot kapab transfer zot la jouissance.  Me ou pa kapab transfer en drwa plis sa ki ou annan.

So si ou annan en la jouissance ki dir ou ziska ou lavi.  Zour ou transfer sa la jouissance avek en lot dimoun.  sa lot dimoun pour ganny sa la jouissance.  Me son la jouissance i pour match avek ou lavi.  Zour ou mor, son la jouissance osi i ariv lo en fen.

So mon krwar sa ki petet i en keksoz ki nou bezwen apporte en pti pe plis clarté ladan lo kote- .Akoz pandan sa ekspektasyon ki bokou dimoun i krwar poudir improvements – . petet en improvements ki miner –  me pa en improvement ki vreman improve substantiellement sa propriyete.  Mersi Mr Speaker.

 

MR SPEAKER

Mersi.  Wi.

 

ATTORNEY GENERAL MR FRANK ALLY

Mon pa konnen si mon’n- ouswa Onorab Georges i anvi mon dir plis.  Me, mon krwar sa i reponn en pti pe.

 

MR SPEAKER

Mersi AG.  Onorab Georges.

 

HON BERNARD GEORGES

Mersi Mr Chair.  Set egzakteman sa ki ti anvi AG i kontinyen e fini son deliberasyon.  Akoz la i vin egzakteman responsabilite en l’usufruitier. 

Dan Lespri en l’usufruit ou pran en byen, ou manage li.  Ou ganny tou income.  Ou fer okenn reparasyon, ou ranplas bann keksoz ki mor.  E ou rann li at the end of the day dan menm lespri.  Sa se en l’usufruit texto. 

Me i annan parey AG in fer nou konpran, i annan varyasyon ladan.  I annan, annan de fwa kot ou pa rann li dan menm leta.  E la ou bezwen pey en endemnite.  Oubyen ou rann li dan en bokou meyer leta.  Ou’n pran en byen ki napa en building lo la, ou’n fer en building.  E ler ou rann li, eski sa konsep 599 lo improvements, 599 lartik 2, sou-lartik 2.  Eski improvements i include en substantial improvement?  E la sela kot tou conteste pour arive.  Sa ki nou pa fer osi isi dan nou konteks Seselwa.  Se donn okenn kondisyon pour en la jouissance ki nou kapab fer.

Sak fwa i annan i annan en grant of usufruct isi, zis nou dir- swa dan lavant ‘‘sell my property retaining the usufruct for my life’’ san plis.  Oubyen ‘‘I so and so in consideration of R1 transfer the usufruct to so and so.’’  San plis.

E alor- nou ti kapab dir; ‘’Mon transfer la jouissance en bout later ki napa nanryen lo la pour ou, avek kondisyon ki ou kapab build.  E ki si ou build, sa ki ou’n fer i ava vin pour mwan a lafen la jouissance.  Oubyen sa ki ou’n build mon ava pey ou konpansasyon at the end of la jouissance.’’  Ou kapab fer tousala.  Me nou pa fer.

Sa ki nou- sel keksoz ki nou annan dan Lalwa, se sa ki dan Lalwa.  Se in default ler ou pa’n fer en desizyon ler ou pa’n antre dan en Kontra.  Ler ou pa’n donn kondisyon ou la jouissance, kisisa ki pour arive ler la jouissance i terminen?

Mr Chair brièvement pour anmenn nou ler dite, mon ava pran detrwa.  Anfen nou a pran sa bann kestyon ki’n ganny demande.

Onorab Ferrari premyerman i dir;-  Si en l’usufruitier in travay e in repar bann keksoz ki en propriyeter, ki en lobligasyon propriyeter,  Epi propriyeter pa pey li,  ki son droit de recours?

E son droit de recours i toultan la.  Anba 605 (4);-  si en propriétaire du fond par fer en travay ki i sipoze pour repar okenn keksoz lo sa later,  sa l’usufruitier li i kapab fer li.  E recover the cost from the owner.

Onorab Ferrari i dir ou.  Be si owner pa peye, ki ou fer?  l’usufruitier i dan en tre bon pozisyon akoz owner i toultan owner of the fond.  Alor si i pa fer.  Ou al Ankour e ou sezi son fond.  Ou vann son fond pou  rekouver ou propriyete.  Donk ou annan touzour en posibilite de recours.

Akoz ou l’usufruitier lo en keksoz ki egziste.  Donk i annan toultan- i annan en keksoz kont lekel ou kapab al avek.  Unless of course ki in mortgage up to the hilt.  E dan sa ka ou bloke.

Mon vwar Onorab- AG i anvi entervenir.

 

MR SPEAKER

Mersi Onorab.  AG.

 

ATTORNEY GENERAL MR FRANK ALLY

Mr Speaker, sorry mon pa oule tro entervenir.  Me selman lo sa pwen e sa pwen avan.  Vi ki- in fact sa pwen ki mon ti anvi fer,  se ki- ler par egzanp i annan en l’usufruit kot ou’n donn en dimoun en later.  E i ale i build lo la.

E parey Onorab Georges dir entre bann pratiquant ou pour vwar poudir bann dokiman ki zot fer pour en kliyan.  se ki toultan zot zis dir ‘‘Mon donn ou en la jouissance’’ e zot pa met bann kondisyon.

Par egzanp, bann legzanp ki Onorab Georges in dir.  Me ler ki mon donn ou en later- Si nou pour get enterpretasyon Kod, se ki si mon donn ou en later koman la jouissance, ou build lo la.  E then i annan problenm avek striktir, ou pour vin tap mon laport, e ou pour vin dir ek mwan aranz mon striktir.  Akoz sa propriyete pour vin ou pli tar.

Now, petet ti en keksoz ki nou kapab apporte en tanperaman pour dir ‘‘dan ka kot en dimoun in ganny en la jouissance, e li ki’n fer sa konstriksyon a son fre, striktir i bezwen vin son responsabilite.  Pa zis bann reparasyon, locatif oubyen bann lezot reparasyon miner.  Sa i en keksoz ki nou kapab- nou bezwen mazin lo la.  Akoz sa i evolisyon ki pe arive.  E sirtou i annan en kantite bann dimoun par egzanp;- let’s say mon-  well si en dimoun i mor, e dan son Testaman i pour dir ‘‘Mon donn la jouissance mwan lakaz, mon madanm or mon epou.  E mon donn nue propriété, mon zanfan.’’  E sa zanfan i miner li.

E si ou pour al- ou pour fer sa zanfan miner- e sirtou let’s say i en bout later e  prezan sa dimoun pe al konstrir.  I pour manz dan la patrimwann sa miner.

E tre souvan Attorney Zeneral koman Minister Piblik, kot i reprezant bann lentere bann miner.  Nou ganny bann laplikasyon par egzanp kot i annan en miner i annan en later,  e sa paran i vin demann permisyon avek Lakour pour konstrir lo later sa miner.

E parfwa i annan serten retisans.  Akoz ou pe take away son drwa.  Ok i pa vreman la jouissance.  Me i osi evantyelman en ‘’permission to build’’ parey Onorab Ernesta in dir to some extent.  Me sa i en keksoz ki nou bezwen pans lo la.  Me lo kote Onorab Ferrari mon krwar osi ou kapab demann en injunction si sa dimoun pa pe fer.  Or pour li fer lo la.  Mersi Mr Speaker.

 

MR SPEAKER

Mersi.  Onorab Georges.

 

HON BERNARD GEORGES

Mersi Mr Chair.   Mr Chair mon-wi-e pour sa pwen ki Onorab- Attorney Zeneral in mansyonnen, i en pe kouver dan 605 Alinea (a) 3 ‘‘Where structure repairs have become necessary because of the failure of the usufructuary to keep the property in good repair.  The usufructuary is liable for those. 

        Alor i pa pour kapab al kot propriétaire du fond menm si se li ki responsab pour sa move striktir ki li menm li in konstrir.  Donk i en pe kouver la.

Onorab Ernesta i dir,  en dimoun i fer en lakaz lo kwen en propriyete eksetera.  Sa i pa vin- i pa ganny en la jouissance li.  I pa ganny la jouissance. 

En la jouissance set en la jouissance ki ganny donnen dan en fason pa oral.  I bezwen ganny fer dan en fason an ekrir.  Swa par en Kontra, swa par en Testaman.  I- mon mazinen napa nanryen ki dir ki i pa devret- i pa kapab oral.  Me dan nou striktir i pa pour kapab.  I pa pour vin en la jouissance.  I ava vin enn ant bann swa en Droit de Superficie si i annan sa drwa.  Oubyen i ava vin, i ava tonm anba lartik 555, kot swa i kapab ganny demande pour ale si in ganny met la pour en peryod letan defini.  Ouswa i ava bezwen ganny pey en konpansasyon si zot dir li tir son lakaz ale.  Oubyen kit son lakaz deryer e ale.

Parkont dezyenm kestyon Onorab Ernesta, i enn ki ekstrememan enportan.  E sa se, si en propriyeter later i ganny drwa demann en right of way dizon pour vin lo son later.

Eski en dimoun ki annan selman en la jouissance, me non pa sa later li menm- eski li i kapab demann en right of way pour leksplwatasyon sa byen?  Akoz se li ki la.

Napa nanryen dan nou Kod ki dir, wi oubyen non.  E mon pour al out on a limb la.  E mon pour dir ki wi, i bezwen kapab.  Akoz i en propriyeter li osi. I en owner li osi.  I en owner akoz mon’n dir taler, ou annan bare ownership epi ou annan usufruct.  Tou lede i Owner later.  Sakenn i annan son morso.

Ki mannyer sa pour arive solman?  What if the bare owner pa oule en right of way, me en l’usufruitier i anvi?  Oubyen visversa?  That is a question ki mon bezwen re anvoy a lasal.  Akoz son repons pa- apard sa ki mon fek dir, son repons pa pe kler.  E si Attorney General i annan en lide lo la.  E mon ti ava welcome li.

Onorab Esparon in dir en keksoz ki vre a 75poursan.  Si i annan en la jouissance lo en later.  E propriyeter later i anvi diviz zot later, sa l’usufruit i bezwen ganny kennsel avan, pour sa divizyon ganny fer.  E li in dir- e apre sa l’usufruit pa kapab ganny re mete.  Non Onorab.

Mon krwar si sa i arive i mal.  Akoz wi, en divizyon later i bezwen en divizyon dan son lentegralite.  Se pour rezon ki ou pa kapab diviz the bare ownership e gard la jouissance an ler, akoz i pour flot lo kwa?  I pour bezwen flot lo tou le 3 oubyen tou le 4 sa subdivision.  Alor se pour sa rezon ki ou merge li, ou subdivide.  Apre ou re donn en la jouissance lo sa bann morso, akoz?  Akoz son nimero later i sanze ler ou’n subdivide.

Avan sa ou ti annan en la jouissance lo parcel V1234.  La aprezan ou annan lo lezot parcel.  Personn pa kapab dir ‘‘Non!  Nou pa pour donn ou la jouissance.’’  I pour bezwen vin otomatik.  Si ou merge ou la jouissance pour permet en subdivision, ou bezwen re ganny ou la jouissance lo the subdivided parcels. 

Onorab Waven William in demann 2 kestyon.  Premye mon pa’n sezi Onorab.  Mon a reponn ou 2enm.  E apre nou a kapab retourn lo sa enn premye.

E li i pe dir si ou azout en valer,  si ou azout en valer a en byen ler ou en l’usufruitier,  e anba lartik ki nou fek vwar, ou pa kapab reklanm en konpansasyon at the end of the usufruct,  eski sa i fair?   Oubyen eski nou pe devret sanz Lalwa mannyer i ete konmela?  E fer li vin ki ler en la jouissance i fini, okenn improvement, sa bare owner i bezwen pey sa l’usufruitier pour okenn pli valer ki’n vini dan son propriyete.  Sa set en kestyon ki en kestyon de fond.  En kestyon ki nou koman en Lasanble nou pour bezwen grapple.  Ozordi ou pa kapab.  Sof dan serten ka.

Son kestyon se, eski nou devret pe fer li?  E son 2enm kestyon se.  Eski nou devret les l’usufruitier avek bare owner ou l’usufruitier pa fer en levanter?  Oubyen eski nou devret obliz li pour fer en levanter?  E sel fason mon mazinen ki si nou pour deside pour obliz li,  se pour dir ki si i pa fer en levanter, l’usufruit i tonbe.  l’usufruit i void Ab Initio.  Sa osi set en kestyon ki nou pour bezwen focus lo la koman en Lasanble, deside si nou pour sanz Lalwa mannyer i ete konmela.

Onorab Mondon i dir, ki mannyer ou pour protez sa l’usufruitier kont det son fond?  Ki mannyer i pour ganny- si l’usufruit- si par egzanp l’usufruit i ale, i borrow larzan.  Epi i pa kapab re peye.  Ki mannyer sa propriyeter later ki sizer a en l’usufruit pour sorti dan sa problenm?  Akoz det pour retonm lo li.

En quelque sorte det pa pour re tonm lo li.  Akoz si nou regard konsep propriyete ki l’usufruit avek bare ownership i diferan.  Si sa l’usufruitier in ale in borrow larzan avek labank, e in ipotek son l’usufruit.  E apre i pa kapab peye.  Labank ava sezi sa l’usufruit.  E i ava vann sa l’usufruit toute en gardent son bare ownership.

E sa bare owner zanmen pour bezwen pey det son l’usufruitier.  Akoz sel keksoz ki i pour annan, se ler i ti krwar ki sete Terence Mondon ki ti son l’usufruitier, prezan Terence Mondon in ganny sezi, e l’usufruitier in ganny vann, e se Charles De Commarmond prezan ki’n aste sa l’usufruit, in pey det.  E se li donk ki’n vin l’usufruitier.  Donk sa i toutafe posib.  E i pa- nou pa vwar li bokou.  Me i toutafe posib legalman.

Onorab De Commarmond anfen li in demann sa kestyon, eski ou kapab ipotek ou l’usufruit?  Larepons se wi.  Ou kapab si i annan en labank ki pare pour pret ou larzan kont ou la jouissance.  Ou kapab ipoteke, e raise larzan pour fer marse sa l’usufruit. 

        E i demande si en avoka-   li osi in demann en kestyon malerezman ki mon pa’n sezi.  E kekfwa i ava fer mwan rapel.  I demande si en dimoun i al kot en avoka e i dir ‘‘Mon oule transfer mon later lo mwan zanfan, me mon mwan oule gard la jouissance. ’’  E apre pli tar i vwar ki sa avoka pa’n met sa ladan.  Ki arive?  Sa avoka i toultan responsab pour son fot.  Tel parey okenn lezot dimoun ki komet en fot, i responsab vizavi sa dimoun ki i pa’n swiv son lenstriksyon.  Sa avoka i fotif e i a bezwen pey li domaz pour son pert ki in sibir akoz sa avoka pa’n swiv son lenstriksyon.  Me natirelman tousala i subject to evidence.  Ou bezwen kapab prouve ki sa ki ou ti’n dir, avoka pa’n swiv.

Osi i annan en lot keksoz.  Si ou kapab prouve ki ou lentansyon sete pa pour vann tou ou propriyete.  Me sete pour vann selman bare ownership e gard la jouissance.  E ki en mistake in arive ki sa in ganny fer, anba Lalwa sa i kapab ganny rektifye, si ou kapab prouve ki sa in ganny fer par fot, oubyen par frod, oubyen par duress.

Sa Kontra Lavant i kapab ganny kase e en sibstitye par en kontra parey ti zot lentansyon, vann bare ownership avek zanfan e gard la jouissance.

Onorab Aglae i demande anba lartik 611, ki mannyer i pour- sa dimoun pour recover son det?  En l’usufruitier ki son fond i annan det.  E sa det pa pour atas kot l’usufruitier. 

        Ki mannyer sa dimoun pour recover son det?  I pour recover li dan menm fason ki i ti pour fer li si i ti propriyeter tou lede.

E Onorab Aglae i osi demande,  eski sa la jouissance pour kontinyen?   Wi.  Si labank i sezi bare ownership akoz sa bare owner i annan en det ek labank.  Menm keksoz pour arive.  Sa bare ownership i riske ganny vann.  En lot dimoun i ganny- i vin propriyeter sa Fond.  Me la jouissance, l’usufruit i reste egzakteman parey ti ete, sof ki i vin en l’usufruit lo en later ki prezan son owner i diferan.

Sa i konpletman posib pour li arive.  Akoz parey Onorab-Attorney Zeneral in dir.  En l’usufruit i en real right, i pa en personal right.  I en real right, so it attaches to the land.  Parey en ipotek.  Donk i bouze, menm si propriyeter i sanze.  Li reste texto.

Onorab Pillay finalman in demann en kestyon ki mon pa’n malerezman konpran lo seksyon 20.   Me mon  ava retourn lo la.

Me lo son kestyon Lésion i demande,  eski en dimoun ki annan en l’usufruit lo en later, si son bare owner i ale prezan i vann son later avek en Third Party pour en valer tre ba, ki ti a kapab ganny kennsel par lesion,  eski sa l’usufruitier i annan en drwa entervenir?  Larepons se non.

Se selman bann dimoun ki annan drwa lo son bare ownership, ki kapab entervenir dan sa lavant ki kapab ganny tainted par lésion, pa l’usufruitier.  L’usufruitier.  l’usufruitier li son l’usufruit pour kontinyen irrespective ki sa ki arive avek propriyeter son fond.

Donk Mr Chair mersi.  I annan 3 kestyon ki mon pa’n reponn.  1 se Onorab Waven William son premye kestyon.  Dezyenmman se premye Onorab De Commarmond.  E trwazyenmman se sa kestyon ki i annan pour fer avek seksyon 20 ki Onorab Pillay ti demande, ki mon pa’n ganny sans.

 

MR SPEAKER

Mersi Onorab Georges.  Bon zis pa pour – pour pa tro enteronp nou tea break.  E mon osi tou mwan annan en komitman ki mon ti’n donn parol pandan tea break.  Mon sizere ki nou pran en break la.  E nou retournen 11.15, kot mon konnen i ankor annan 2 Manm ki’n lev lanmen.  Nou kapab pran klarifikasyon pour sa 2 Manm.  E mon ava donn osi tou AG la parol.  Apre nou ava dan en pozisyon pour nou pran en desizyon lo sa seksyonOk so nou ava break.  E nou retournen 11.15.

 

(BREAK)

 

 

MR SPEAKER

Bon mon’n prezant en pti leskiz pour sa pti retar.  E nou ava kontinyen toudswit avek nou travay kot nou ti kite.  Nou pe koz lo sa Seksyon Usufruct.  E mon annan Onorab William, Onorab Pillay e Onorab Esparon ki’n entervenir.   Mon a komans avek Onorab William.

 

HON WAVEN WILLIAM

Mersi Mr Chairman.  Mr Chairman mon anvi zis lo sa 2 pwen ki mon’n leve avek Onorab Georges vizavi lefe ki ti a bon ki nou revwar ansanm.  Mon ti a kontan go back to pwen lartik 578.  Non, non 579, si Onorab Georges i kapab swivre mwan.

Akoz letan nou pe dir Usufruct is created by Law or by the will of the parties.  Petet mon santi poudir petet lo- dan sa lartik zot ti devret petet azout osi swa sa eleman annan kondisyon,  aksepte par le de parti.

Akoz then par anba sa pwen ki mon’n leve, petet i kapab ganny kouver.   Akoz mon santi poudir i bezwen annan Kontra, ki mon’n tonm dakor avek Onorab Georges, kot sa 2 parti devret annan Kontra ki ganny agree par tou lede.   Koumsa ki fer keksoz fasil, letan i annan bann sityasyon ki leve.  E mon lot pwen ki petet ki, mon santi ki pa’n ganny aborde, se kot nou pe dir ki sa owner i napa drwa-

Wi kot 599 pe dir, ‘‘the owner shall not interfere with the rights of the usufructuary in any way.’’  Ki a mon avi mon santi poudir la ankor, lafason in ganny ekrir petet sa eleman Kontra e kondisyon i devret antre, pour donn sa eleman fairness dan lavenir.  Mon ava aret la.  Mersi.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon ti pe demann Onorab Georges pour klarifye.  Akoz vi ki anba Land Registration Act Seksyon 20, i fer referans ek sa mo ‘Usufruct’.  Eski si i annan- eski i annan okenn sanzman ki nou pour bezwen fer regarding Land Registration Act, an se ki konsern Usufruct?  Mersi Mr Chair.

 

MR SPEAKER

Mersi Onorab.  Onorab Esparon.

 

HON REGINA ESPARON

Mersi Mr Chair.  Mr Chair mon pour re demann Onorab Georges pour eksplike.  Sa sityasyon mon ti pe dir li taler, sa madanm dan break in dir ek mon demann- i byen konpran ki Mr Georges in dir.

Me selman i pe demande ki si i annan en lartik dan Sivil Kod, ki protez sa Droit la jouissance?  Parski li son 4 zanfan ki ti miner, in partaz zot later an 4,  e personn pa’n redonn li la jouissance.

E Onorab Georges i dir sa i antre otomatik.  Be i pe dir poudir i pa konpran, parski i pa’n antre otomatik.  E napa okenn son zanfan ki’n re donn li sa la jouissance.  Petet en pe leklersisman pour regarde anba ki lartik ki sa i antre?  E si son drwa pe ganny proteze.  Son la jouissance i ganny proteze anba Sil Kod?   Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Mr Chair mon ava komans avek kestyon ki Onorab William in demande.   E sa se, ki nou bezwen fer sir somewhere.   Well let- nou bezwen fer sir somewhere ki nou prevwar ki en l’usufruit ler i ganny kree par lavolonte sa 2 parti, i kapab size a en serten nonm kondisyon.  E avek ou permisyon mon ava kontinyen an Angle pour benefis Profeser.

579 Professor, ‘’Honorable William would prefer in light of what the Attorney General and I have said earlier.  That we insert ‘‘a provision that where the usufruct is created by the will of the parties, it may contain such conditions as are agreeable  by the parties in terms of which the usufruct will be enjoyed.  In order to tempt persons creating usufructs, or granting usufructs, to actually specify in the usufructuary- in the grant of the usufruct itself,  those conditions in addition to the legal conditions by which it will be governed. 

        And I suggest that if we agree to go that way, subject to what he will say, that we’ll have to split 579 into 2. 

        The first part being 579 (1) the current part.  And 579 (2) where usufruct is created by the will of the parties.  It may contain conditions under which it is to be enjoyed or something to that effect.  Would you like to comment now or later? 

 

MR SPEAKER

Mr Pool or Professor.

 

PROFESSOR ANGELO ANTHONY

Thank you Mr Chair.  Good morning everybody.   That seems perfectly reasonable suggestion.  And it would be subject that only then to in any peremptory conditions that are otherwise in the law.  To the extent that it wouldn’t inform the parties of what – about what they’re engaging in, that is probably a useful addition.  Of course not precluded by the present rule.  Thank you Mr Chair. 

 

MR SPEAKER

Thank you Professor.  Onorab Georges.

 

HON BERNARD GEORGES

Mersi Mr Chair.  Onorab Pillay i demann nou si nou pour bezwen modifye Land Registration Act an konsekans?  E la i en kestyon tre valab.  E larepons kourt se, non.  Me les mon a eksplike akoz.

Usufruct i en kreasyon Lalwa Franse.  Land Registration Act i en Lalwa pirman Angle, ki sorti dan The Law of Property Act 1925 L’Angleterre ki ti set up sa sistenm Lanrezistreman L’Angleterre.  E ki nou, nou’n adopte an 1965 si mon pa- si mon memwar i bon.  E nou’n adopte egzakteman menm sistenm.  E tou nou bann later ki ti pe ganny anrezistre lo bann Regis Franse, sa ki nou apel ‘the old Register’ isi, i bouze in vin lo New Register.

Me L’Angleterre napa konsep la jouissance.  Alor nou’n bezwen kree dan nou Land Registration Act en par spesyal pour lanrezistreman en la jouissance.

E donk ou kapab anrezistre, tel parey ou kapab anrezistre en lease lo en propriyete, ou kapab- ou en easement.  Ou kapab osi anrezistre en la jouissance, donk pour fer li vin lo register pour ki tou dimoun i konnen lekel ki bare owner, lekel ki annan la jouissance.  Donk dan sa konteks, non!

Mon krwar pa nou bezwen sanze.  Akoz sa ti ganny prevwar ler Land Registration Act ti vin an fors.  Parkont, si nou bezwen fer en sanzman.  Nou bezwen fer en sanzman lo son non.  E mon ava eksplik zot akoz.

Dan Droit Franse,  dan Lalwa Franse e Lalwa Sesel lo later,  swa ou propriyeter later, swa ou pa.  Napa bann lentere miner dan later – sa ki-  L’Angleterre i apel bann ‘interest’.  Isi napa sa.  Sa dimoun ki propriyeter later, i propriyeter later.  Sa ki propriyeter bare ownership, pour propriyeter bare ownership, sa ki propriyeter usufruct, i propriyeter usufruct.

Alor ki L’Angleterre, zis Lakouronn ki propriyeter later.  E tou dimoun i annan en lentere dan sa later.  Ler ou annan freehold, later i pour Lakouronn.  I pa pour ou, menm si ou annan freehold.  Me ou, ou annan drwa servi sa later konmsi i pour ou.

E donk tou dimoun L’Angleterre i annan en lentere greater or lesser dan later.  Ler zot arive pour sanz Land Registration Act isi Sesel, i ti bann legal draftsman Angle.  Akoz nou ti ankor en Koloni Angle.

Bann draftsman ki ti Angle in- i pa’n fer la diferans ant sa 2 konsep.   E zot in apel li dan Land Registration Act Usufructuary Interest which is a wrong appellation.  Akoz i pa en lentere.

Me pour zot ki ti abitye avek lentere, anything that wasn’t property, in their minds was ‘an Interest’.  Alor zot in apel li ‘a usufructuary interest’.  E si nou pour sanz Land Registration Act, that’s where we need to change it.  Tir sa mo ‘Interest’ because it’s not usufructuary interest.  Leasehold osi parey.  Zot in dir li en leasehold interestIt’s not a leasehold interest.  It’s a leasehold.  E se sa problenm.

Be la nou pe focus lo usufruct.  Alor si nou pour sanz seksyon 20.  Nou pa bezwen sanz li sur le fond.  Me nou bezwen sanz li sur la forme, si nou bezwen fer sa.  Eskiz mon pour sa pti lecture.

Onorab Esparon finalman,  avan ki nou retourn lo Onorab Waven William.  Onorab Esparon finalman.  Annefe Onorab, Lalwa i al- i pa protez ou kliyan.  I al egzakteman kont ou kliyan.

Akoz si nou regard lartik 617 (b).  617 (b) ou ava vwar ki en la jouissance i ariv a son lafen (b) – pardon (c) i ariv a son lafen, ler i annan ‘’the merger or union in the same person of the usufructuary and ownership rights, i lo board.

E set egzakteman sa ki’n arive.  Ler ou anvi diviz en later, ou bezwen merge son la jouissance avek son later, pour ou kapab divize.

E donk at that point ou la jouissance i terminen.  The problem is, dan Lalwa i selman siport sa lanmwatye sa bout semen.  Lot lanmwatye bout semen kot ou demerge e ou retourn ankor lo sistenm avan, i pa dan Lalwa.  Me anba Land Registration Act i se akoz- se anba Land Registration ek Land Survey Act, ki ou bezwen subdivide en title an antye.  E non pa bare ownership oubyen usufruct.

Se anba sa Lalwa, kot i devret kler.  E la mon pa pour kapab rann ou en repons, akoz mon napa li devan mwan.  Me mon sir ki i la, kot i devre kler,  ki ler ou merge anba 717 (c) pou kapab fer en subdivision, otomatikman osito ki sa subdivision in ganny fer, i bezwen unmerge.  E ou la jouissance i bezwen retourn lo ou.

Si sa pa’n arive, i devret arive.  E dan ou ka, unless ki ti annan en lentansyon pour pa unmerge, en laplikasyon i kapab ganny fer kot Land Registrar.  E Land Registrar i ava remet keksoz dan lord.  I pa propriyeter later ki pour deside, i Land Registrar ki pour deside pour zot.  E mon ava sizer avek ou kliyan ki i al tap lo laport laba.

E finalman Mr Chair, nou reste lo sa 2 pwen ki Onorab Waven William ti leve pli boner.  E ki in demann nou konsidere.  Eski nou devret gard sa 2 provizyon mannyer zot ete konmela, (i) 599 Alinea 2 ki a lafen en la jouissance sa l’usufruitier pa kapab demann en konpansasyon pour son improvement.  Oubyen eski nou devret fer ki i kapab?

E dezyenmman eski dan lartik 600, nou devret les sa l’usufruit reste valab, menm si en levanter pa’n ganny fer?  Oubyen eski nou devret obliz en levanter ganny fer as en kondisyon preliminary condition?  Ki si i pa ganny fer, sa la jouissance pa pran lefe.  Sa se sa 2 kestyon ki Onorab Waven William in met devan nou pour nou konsiderasyon.

 

MR SPEAKER

Onorab William.

 

HON WAVEN WILLIAM

Mersi Mr Chair.  Mr Chair zisteman lo lartik 599.  Mon anvi ki the panel avek Chairperson Bills Committee, i konsider ki nou fer antre, mon pa konnen si nou- dan sa wording pour ok ‘‘in breach of 579 (2).’’  Akoz si nou pe mazin fer sa amannman dan 579, pour enkli tou sa ki ladan ki nou’n propoze boner, ki sa osi i antre la.  Akoz nou bezwen donn en pti pe sa leeway, sa owner.

E mon fermeman krwar poudir sa levanter devret vin parmi kondisyon.  Akoz parey mon dir, se ki si sa pa ganny fer,  tou lede parti, eksepte si dizon parey in ganny ekrir la ki, a nenport ki moman, sa owner i kapab demande ki en levanter i ganny fer.  Me si i pa’n ganny fer oparavan, e i dir bann keksoz ki petet sa l’usufruitier i pa’n pran- tenir kont poudir vre ti annan tel keksoz.  Me the owner pe ensiste.  Then i fer keksoz difisil pour tou lede dimoun.  So ti a bon ki Komite Lasanble i konsider sa.  Akoz pour nou evit bann problenm pli tar.  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Mr Chair mon krwar sa ki Onorab pe demande,  se dan lartik 599 (d) ki lo board,  i ti a kontan insère sa bann mo swivan;- o komansman sa Alinea, ‘‘Unless it has been agreed in writing by the parties to the Country (‘,) comma,  the usufructuary may not demand,’’ eksetera.

Donk sa i ava les sa 2 parti laliberte dan zot Kontra kot zot etabli en la jouissance pour dir,  ler i ariv a lafen, mon ava ganny compenser.

E the default will be– si zot pa’n tonm dakor, pour napa konpansasyon.  Akoz se sa Lalwa mannyer i ete.  Mon demann mwan si Onorab i dakor avek sa?

 

MR SPEAKER

Ok.  Onorab William i dakor.   E mon krwar se sa ki nou pe sey fer sorti ki otan posib, dezormen bann laranzman parey i ganny fer an ekrir,  dapre Lalwa and all that ki i protez tou lede parti osi.

Bon nou’n ariv en moman pour- non pa ti ankor.  Onorab Georges.

 

HON BERNARD GEORGES

I ankor annan enn Mr Chair.  Onorab William i anvi nou regard osi levanter.

 

MR SPEAKER

Wi.

 

HON BERNARD GEORGES

Dan 600.  E mon krwar Profeser oubyen panel.  I ava bezwen reazir lo sa propozisyon ki lo 599(d).  E apre i annan sa propozisyon lo 600,  eski nou pour fer en levanter vin mandatwar?  E koman en kondisyon suspensif ki tan ki i pa’n ganny fer, la jouissance pa pran lefe?  E kekfwa nou bezwen annan en pti deba lo la.

 

MR SPEAKER

Mersi Onorab.  PanelAny comments from either Professor or Mr Pool?  Or any other member would like to comment on this proposition for amendment?   Minister.

 

MINISTER JEAN-PAUL ADAM

Mersi bokou Mr Speaker.  E bonzour Mr Speaker, e tou bann Onorab.  E tou bann dimoun ki pe swiv nou deba.  Mon pa anvi prolonz deba.  E zis pour dir ki sa lamannman ki pe ganny propoze i anliny avek sa ki avek Polisi Gouvernman.  Mersi Mr Speaker.

 

MR SPEAKER

Mersi Minis.  Ankor i vin en pti pe dan sa konteks kot ankor ou pe protez tou lede parti, ki i pe rantre dan sa laranzman.  Napa lot komanter?   Onorab Georges.

 

HON BERNARD GEORGES

600 Mr Chair, Oubyen? 599 mon krwar mwan ti a kontan-anfen si panel i dakor, nou napa okenn problenm.  E 600, mon pa konnen ki mannyer nou pour fer sa.

Pour ozordi si- sa problenm levanter si mon kapab go back a step.  I en problenm ki nou bezwen fer fas avek.  Akoz pli boner nou ti vwar detrwa zour pase, ler en guardian i ganny apwente, including en paran, son zanfan, i annan en lobligasyon pour li fer en levanter lo byen ki son zanfan i annan.  E sa it’s good practice.

Me malerezman i pa ganny fer zanmen.  E panel pe met- pour met en propozisyon devan a en serten moman ler nou ariv a lafen,  pour dir ki, lobligasyon pour fer en levanter, dan konteks paran,  pa pour aplike a mwens ki propriyete zanfan i plis ki X.  Ok dizon R100, 000 or whatever.  E la ou annan en lobligasyon fer en levanter.  La osi prezan nou annan en lot lobligasyon fer en levanter.  E levanter dan en la jouissance is good practice.  E se pour sa rezon ki Kod Sivil i ensiste ki i annan enn.  Akoz ou bezwen konnen ki sa ki ou pe pran dan ou l’usufruit.  Pour ki pli tar sirtou si i ariv en kestyon konpansasyon, ou konnen ki sa ki ti annan la, e ki sa ki ou’n azoute.

Kestyon se,  eski nou pour sanz sa Lalwa?   Ozordi i dir ou, si ou pa fer en levanter, sa L’usufruit i komanse.  Me sa propriyeter i kapab demann en levanter a any time.  Si i pa demande, tough.

Onorab William i anvi fer ki en levanter i bezwen ganny fer.  E pour napa okenn failure.  I ava mete dan 600 (2) ‘‘failure of the usufructuary top of inventory, will mean that the usufruct does not take effect.’’  Me i pa dan sa bann mo.  Me se sa son swe.

E mon krwar nou bezwen annan en konsansis lo la.  Si nou annan, panel ava fer en lamannman apropriye.

 

MR SPEAKER

Mersi Onorab Georges.  Onorab William.

 

HON WAVEN WILLIAM

Mr Chairman mersi.  Zis ankor pour ranforsi mon pwen.  E swivan sa ki Onorab Georges in dir, sa owner i kapab demann en levanter i ganny fer, nenport kwa.

So si sa owner ti’n deza fer en levanter,  okenn nouvo keksoz ki pour dekouver anba sa, letan i demann sa nouvo levanter, dan nenport ki moman ki i anvi,  so i a fer ki sa eleman konpansasyon parey sa amannman ki nou’n anmennen pli boner, i ava konmsi dovetail each other, ki i fer keksoz pli fasil.  So sa i en lot adisyon ki mon anvi mete pour siport sa pwen ki mon pe anmenn devan.  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Yes mersi Mr Chair.  Si Lasanble i dakor.  Nou ava demann panel zot reaksyon.  E si zot reaksyon i pozitif, nou a demann zot propoz en draft.

 

MR SPEAKER

Wi.  Mersi Onorab.  Panel.  Mr Pool or Professor.  If you want to propose a draft. 

 

PROFESSOR ANTHONY ANGELO

Thank you Mr Chair.  I’m not totally clear that I’ve understood what is wanted.  But I- possibility, would be, to require the parties.  In other words, it’s a joint responsibility to draw up the inventory at the beginning of the usufruct.  It would be a bit like a standard lease, where the fittings and so on are listed. 

        Then in paragraph 2, the failure to draw up the inventory doesn’t prevent the operation of the usufruct.   But the question then becomes where the burden does falls if there’s a dispute about the contents, the precise detail of the usufruct? 

Some of that may be covered, or could be covered.  I guess in the amendment to, Article 579 where the contract should spell out the details, the specifics of the usufruct.  Whether have that fits in with the requirement for an inventory, that probably I think overlap to a degree. 

        What would need to be spelled out I believe is, in the event that there is no inventory and no detail, and there is a dispute, will the last fall equally?  Or will the burden lie for instance on the grantor?  I suggest that this needs to be resolved.  Thank you Mr Chair.

 

MR SPEAKER

Thank you Professor.  Onorab Georges.

 

HON BERNARD GEORGES

Thank you Mr Chair.  I wonder whether we couldn’t actually make things simple as the Professor has suggested, by simply making a couple of very small amendments to 600? 

        Because you see, in 600, if there’s no inventory, the usufructuary cannot enjoy the usufruct.  The usufruct is valid, but it cannot enjoy it.  And I think that is the distinction that we need to make.  So why don’t we just say in 600(1) ‘‘the usufructuary takes things in the condition they are.  But may not enjoy the usufruct, until an inventory of all the property which is the subject of the usufruct, has been drawn up between the usufructuary and the owner. ‘‘Full stop’’.  So both of them have to do it. 

        And then the failure to draw up an inventory.  Does not defeat the usufruct (.) Full stop’.  So the usufruct remains as legal thing.  But it cannot be enjoyed until the inventory has been drawn up.  And I think that will focus the minds of the parties. 

 

MR SPEAKER

Thank you Honorable Georges.  Panel any comments?  Professor.

 

PROFESSOR ANTHONY ANGELO

Mr Chair I’m still cogitating.  If the usufruct is enjoyed in the absence of an inventory, can the right be acquired by prescription?  Just unclear Mr Chair.

 

MR SPEAKER

Thank you Professor.  Honorable Georges.

 

HON BERNARD GEORGES

The answer is yes.  But it doesn’t take us very far.  Because what happens, I think the point is.  What happens when it comes to an end?  If there is a dispute as to what was contained in the usufruct.  No inventory has taken effect.  What will be the effect when there has been no contract?  You see? 

        So as long there has been a contract.  The contract will determine what happens at the end.  When there isn’t, and there is a dispute, what does the court do? 

        Does it grant compensation for improvements, or does it not?  And does it grant it whether there has been an inventory and not when there hasn’t?  You see, that’s- that I think is the issue that we need to resolve. 

        It’s an issue that we need to resolve now.  Because otherwise we can’t vote on the Bill- on this part.  The simple thing to do.  Is to say, ‘‘That the usufruct does not come into operation until the inventory has been drawn up.  But that goes counter to establish jurisprudence up to now, which is in the other direction.  And we shouldn’t do this until-unless we have a very good reason for doing it. 

 

MR SPEAKER

Thank you Honorable Georges.  Onorab Pillay.

 

HON SEBASTIEN PILLAY

Mr Chair exactly the point which I wanted to clarify.  Because yesterday we had the same issue what has happened in the past.  And if being granted a usufruct in the past, and then there is a challenge or there is a contestation of some sort.  The contestation will have to be done under this Act. 

        So in which case, then that leaves us with a question as to what will happen to any additions for instance that has been done during that period.  Bearing in mind taking in consideration the fact that –  mon krwar the number of usufructs would involve parents or grandparents or people who have through- because of their descendants they have given property over to their heir, so they can you know, continue to build the what the AG described as the Patrimoine Familial.  Now, but what happens then?  You see that’s the problem.  Because you looking at those people that worked to get those things and if there is a fall-out or there is a sale of the property as you said,  whilst the usufruct carries on, whatever was sold, would now go into- go to the new owner of the property. 

        But that also leaves you with another problem.  The other problem is that if you don’t have contract drawn up and there are additions done during the period which the usufruct subsist. 

        Say for example you start with a certain amount of- I don’t know, of things inside The House let’s say, movables and you add to that.  So what happens when the usufruct ends, if you do not have the provision to be enacted? 

        And that will be the case of every single one that has been granted before.  So we have to be careful about how we amend this, so that we don’t create, what will be a serious issue in regards to what has been done in the past. 

       

MR SPEAKER

Thank you Honorable Pillay.  Professor.

 

PROFESSOR ANTHONY ANGELO

Thank you Mr Chair.  Some of these matters may well be resolved at point of dispute, by the articles in the Code relating to the interpretation of contracts.  And the standard what could be reasonably understood in the circumstances for instance. 

        So there are general principles there, which will indicate that in the absence of specific terms in a contract, the Court will do what in the circumstances the community would reasonably expect in those circumstances. 

        The other thought is on the question of the dispute, whether along with those contract interpretation provisions, there is not sufficient already in the Code provisions on usufruct to provide guidance to- because there are Code principles already there, which may be what that parties would have agreed.  But is a default, they remain.  Thank you Mr Chair. 

 

MR SPEAKER

Honorable Georges.

 

HON BERNARD GEORGES

Yes I think Professor is right Mr Chair.  In fact today, under the provision as they are today, if there is a dispute as to what was taken over at the usufruct, because there has not been an inventory, the Court will be asked to decide at the end of the day.  The Court would have determinate on the basis of evidence.  It’s the same in every case that the Court has to judge. 

        Party X will say there were 3 bulls and 10 cows.  Party Y will say rubbish!   There is only 1 bull and no cows at all.  And at the end of the day, the Court will have to make a determination, as to how many bulls and how many cows there were.  And go from there. 

        And I think that is a core principle that will remain.  And which of course parties might want to do an inventory, in which case they’ll put the matter beyond dispute.  But if they don’t make an inventory, then the Court will have to decide, when the dispute arises at the point of the dispute. 

So the only thing I think we know- we opt to do, is to say ‘that it’s the 2 parties rather than the usufructuary.  Both parties must draw up the inventory as has been suggested. 

        But at the failure to draw upon an inventory, does not defeat the usufruct.  It just kicks the can down the road for somebody to make a determination. 

        But we’ve already inserted a provision that says ‘that if there is- if the usufruct is written with conditions that will apply.  So 600 will only apply in the default where the parties have not drawn up an inventory- has not drawn up a usufruct in writing.  And have not drawn up an inventory’’.  So it will be a very small category which is exactly what the situation is today. 

        So we not changing the base situation at all.  But we’re improving it to meet the desire of Honorable William.  And I think if we do that, then we’ll would have solve the problem.  That’s my suggestion. 

 

MR SPEAKER

Mersi Onorab Georges.  Petet bokou fwa nou tann ki bann Ziz e Lakour i dir pa zot ki fer Lalwa.  Se Lezislater ki fer Lalwa.  E nou’n osi atann sa avan yer la Mardi.

Me an menm tan ki nou, nou pe fer Lalwa, nou bezwen fer Lalwa ki kler, ki bann Ziz i kapab servi dan en fason kler san okenn anbigite.  So Onorab Georges, how do we proceed?

 

HON BERNARD GEORGES

The panel will give us a draft.  But I think we can vote knowing the draft will say something like this.  ‘The usufructuary 600 (1). 

        ‘The usufructuary takes things in the conditions they are, but may not enjoy the usufruct until an inventory of all the property which is subject the usufruct has been drawn up by that parties.’’ Full stop. 

        And then (2),  the failure of usufructuary draw upon an inventory before enjoying the usufruct- sorry the failure to draw upon an inventory before enjoying the usufruct does not defeat the usufruct. (full stop.) 

        And that means that both parties have the responsibility.  That if they don’t, the usufruct continues.  And of course any improvements are not compensated.  Because that’s the default which we saw earlier. 

        Unless there is an agreement by the parties of the creation of the usufruct, that the improvements will be compensated.  So I think we’ve covered all the bases. 

 

MR SPEAKER

Thank you Honorable Georges.  Honorable Pillay.

 

HON SEBASTIEN PILLAY

Yes Mr Chair.  I’ve just got one concerned in relation to that.  Let us assume that you’ve got both parties agreeing to the drawing of the inventory, then everything flows.  That’s fine. 

        But what if you have a situation whereby, the person- because we’ve encountered this.  Especially when it comes to problem in relating to family properties; where you have Members disagreeing on things and whatnot.  And when Usufruct comes up, there’s always an issue of some sort. 

So what happens when one of the parties or 2 of the parties involved, if it’s a co-ownership and the usufruct say to the grandparents, or the uncle, or the aunt for that matter.   What happens when the parties delay to get the inventory done?  What happens then?  If there’s a delay to get the inventory done?  What is the recourse to ensuring that everybody acts in a fine manner to try and get things done? 

 

MR SPEAKER

Thank you Honorable.  Honorable Georges.

 

HON BERNARD GEORGES

Mr Chair thank you.  There will always only be 2 parties.  Because if there is a coronership on one side or the other.  That coronership will be dealt with through without issue. So there will only always be 2 parties. 

        And if one party doesn’t agree, or is foot dragging.  It will be exactly the same as in any situation when you enter into a contract.  Until you enter into a contract, you don’t enter into the contract.   So that’s like a lease, you can only- it can only work if both parties are in good faith and in the same room, on the same way of length at the same time.  Otherwise the thing doesn’t happen. 

        So I think this is the usual risk that we have to take with recalcitrant people.  But let us assume that this happened.  And I was the usufructuary and the other side did not want to come forward and draw upon inventory.  What would I do to protect myself?  I would get an usher of the Supreme Court.  And I would take them to the property, and i would draw upon inventory, and I would take lots of photographs.  And I would sign it, and i would get the usher to sign it.  Now we keep it there just in case there’s a problem later, as happens in many cases with Leases Et cetera.  So you take the law into your own hands to protect yourself. 

        So I think this is something that we can, you know – live with.

 

MR SPEAKER

Thank you Honorable Georges.  Ok are satisfied with the amendments?  Ok si nou satisfe- Onorab Georges, eski nou dan en pozisyon pour nou pran en votOk?  So nou pour pran en vot lo Seksyon Usufruct ki lartik 578 ziska 624 ki form par dan Schedule dan Book 2.  Mon ava demann tou Manm ki an faver?   Okenn Manm ki kont?  Madanm Clerk.

 

MADAM CLERK

Mersi Mr Chair.  Mon’n rikord 25 Manm ki’n vot an faver.  E personn kont.  Mersi.

 

MR SPEAKER

Mersi Madanm Clerk.  Savedir sa seksyon in ganny aprouve par Lasanble Nasyonal.  Onorab Georges mon konnen the next seksyon i- i annan apepre 10 lartik.  Ou krwar ou pour ganny sans between now ek 12.15?  Oubyen nou ava break, nou ava repran 2er?  I- ou kapab?  E i ava osi donn sans Manm petet pour pans lo la pandan break.  E nou ava pran bann entervansyon 2er.  Go ahead Onorab Georges.

 

HON BERNARD GEORGES

Mersi Mr Chair.  Mr Chair lot Seksyon, i en pti Seksyon Use and Occupation, i en pti pe parey la jouissance.  Me i annan en pe mwens drwa.  E la se zis en drwa pour- ki en dimoun i gannyen pour li occupy en landrwa e servi li, san ki i annan la jouissance, san ki i en lokater.   E i- an Angle nou ti ava apel sa en ‘License to Occupy’.  Se sa ki ti ava ete.  En permisyon basically pour en dimoun okip en bout later, oubyen okip en lakaz, oubyen okip en building, san ki i vin ni en l’usufruitier, ni en lokater.  E ase rar.

Par egzanp;-  en legzanp se en menazer.  Mon annan mon lakaz e mon pran en menazer.  E i reste avek mwan dan mon lakaz, that’s fine.  Epi en zour mon mon’n ganny en lot dimoun ki mon pli kontan, e mon ale.  Mon kit mon menazer deryer.  ‘Mon dir li, ou kontinyen servi lakaz, reste’.  That’s what is it.  I pa en lokater, i pa en l’usufruitier, i pa nanryen.  I annan zis en drwa pour li use and occupy.

E parey lartik 635 i dir.  Bokou bann prensip usufruct i aplik pour sa enn osi.  Alor olye repet zot parey i ete dan Kod konmela, bann drafters in zis repet bann provizyon Kod ki i annan pour fer avek l’usufruit dan lartik 625.

E in dir zot ava apply mutatis mutandisMutatis Mutandis savedir, dan menm fason.  Konmsi i ti’n ganny ekrir pour sa bout.     Alor la, Rights of Use and Occupation i dir, i ganny gouvernen par en dokiman.  Se sa permisyon ki ou gannyen.  Si napa okenn provizyon,  se sa bann provizyon swivan ki pour swiv.

Sa dimoun ki pe enjoy i annan drwa a prodwi sa later.  Solman ki zis sa ki li i bezwen pour li gard li ek son fanmir an egzistans.  I pa kapab kiltive- anfen i kapab kiltive, me zis pour li.  I pa kapab fer en biznes avek in other words.

631 i pour ganny reprodwir dan 634.  E i en droit personnel.  E la kot usufruct, la jouissance i en droit réelA Real Right.  Li en droit personnel.  Setadir ou pa kapab donn en lot dimoun, oubyen lwe, oubyen vann ou drwa or anything like that.  I pour ou personnelman.

Ler ou’n ganny sa drwa.  Ou kapab reste la avek ou fanmir, menm si ou pa’n marye, oubyen si ou pa ti dan en relasyon domestik ler sa drwa in ganny donnen.  Sa drwa i ganny limite pour zis sa ki ou bezwen pour ou ek ou fanmir.  E fanmir, se bann dimoun ki ou drwa en maintenance pour zot.  En alimentary obligation. 

        Ou bezwen fourni zot avek manze pour zot kapab viv.  Donk zeneralman bann dimoun ki depann very closely avek ou.

Parey mon’n dir 634 i egzakteman parey- pardon 631 se rights of use.  E 634 se rights of occupation.   E zot ava vwar ki sa se use and occupation.  Ou kapab occupy lakaz, ou kapab use en later.   Oubyen ou kapab annan tou lede.  E tou lede pa kapab ganny ni transfere, ni lwe.

Si sa dimoun ki ou’n donn li en right of use,  i manz tou ou prodwi propriyete, e i okip tou later ki i annan,  oubyen tou lakaz an antye,  i bezwen pey kou pour kiltivasyon, oubyen kou pour gard propriyete an bonn eta.  E pey okenn kontribisyon ki en l’usufruitier ti ava bezwen fer.

Me si i pran zis en porsyon later, ou byen en porsyon lakaz,  dizon en lasanm, olye tou larestan,  i ava pey zis en pro rata son kontribisyon ki i bezwen fer, delo elektrisite, aircon or whatever.  Vwala Mr Chair en- Dan bokou ka, nou apel en right of use and occupation‘a poor man’s usufruct.’’  Akoz i en drwa en pti pe- en drwa pli redwi ki en full drwa la jouissance.

Tre rar, me i arive.  Me annefe la konmela devan Lakour, i annan en ka kot sa in ganny plede, dan ka en koup Praslin kot en dimoun in kit- in donn en drwa of use and occupation avek en lot dimoun dan son lakaz.  Mersi.

 

MR SPEAKER

Mersi Onorab Georges.  Bon nou ava pans en pti pe lo la pandan break.  E ler nou ava retournen, nou ava pran bann entervansyon ki pour kouver, ki pour anba Seksyon Use and Occupation anba Book 2.

Zis avan nou break, mon ti a kontan enform bann Manm IAC, International Affairs Committee ki i annan en meeting 1er dan Committee Room 3, – ok.  So nou ava break and nou retournen 2er.

 

 (BREAK)

MR SPEAKER

Bonn apre midi tou Manm Onorab.  E bonn apre midi tou dimoun ki a lekout pe swiv travay Lasanble Nasyonal.  And a very good afternoon to Mr Victor Pool and Professor.  Bon nou pou parey zot okouran nou annan en Revised Order Paper.  E lo la nou annan en First Reading pou en public Bill.  Mon ava demann Madanm Clerk pou fer First Reading.  Madam Clerk.

 

MADAM CLERK

Mersi bokou Mr Speaker.  Bonn apre midi Mr Speaker.  Bonn apre midi tou Manm.  This Act may be cited as the Road Transport (Amendment) Act of 2019.  Mersi Mr Speaker.

 

MR SPEAKER

Mersi Madanm Clerk.  Ankor parey labitid sa i First Reading.  E nou ava anonse kan nou pou pran li. E nou annan lentansyon parmi nou travay ki ler Order Paper pou sorti par lafen lazournen, an vi ki i en  pti, well i en pti amannman, me i en amannman ki kapab annan en pe lenpak.  Nou lentansyon se nou pran li Second Reading semenn prosenn.  Ok?  So mon’n fini fer lanons.  Nou’n fer First Reading.  Second Reading nou pou pran li semenn prosenn.  E prezan nou ava regarde si i pou Mardi, Merkredi oubyen Zedi. Onorab Georges ou’n pare?   Ok.  Bon avan nou ti break, avan nou’n al lunch, Onorab Georges ti’n fini fer en pti summary.  Sa seksyon ki apel Use and Occupation ki tonm dan Book 2.  E bann Manm ti ganny demande pou reflesir lo la.  E mon ti a kontan demann okenn Manm ki pou entervenir.  Si annan okenn Manm ki pou entervenir lo use and occupation?  Si non Onorab Georges nou ava al si ou le dir de pti mo apre nou ava al pou nou pran en vot lo la.  Onorab Georges.

 

HON BERNARD GEORGES

Mersi Mr Chair.  Non Mr Chair lo use and occupation mon napa.  Mon mazinen nou kapab vote lo la.  Sel keksoz ki reste nou se pou sirkil e pou nou retourn lo Droit De Superficie, me nou ankor still i still work in progress.  Alor nou ti a kapab kekfwa al lo dernyen sapit easement, servitude.  E by the end of that kekfwa nou ava annan letan pou retourn lo lot.

 

MR SPEAKER

Mersi Onorab Georges.  Bon nou ava pran en vot lo sa Seksyon Use and Occupation, ki form par dan Schedule Book 2.  Sa i lartik 625 ziska 636.  Mon ava demann tou Manm ki an faver?  Okenn Manm ki kont?

Madanm Clerk?

 

MADAM CLERK

Mr Chair 23 Manm in vot an faver e personn kont.  Mersi.

 

MR SPEAKER

Mersi Madanm Clerk. Savedir Seksyon Use and Occupation anba Book 2 in ganny aprouve par Lasanble. Bon parey Onorab Georges in dir nou ankor annan en pe travay ki nou pe fer lo son premye part.  Nou pa pou kapab pran en vot lo la me nou ava al lo  son dernyen part Book 2. Sa se easements. Onorab Georges la parol i pou ou.

 

HON BERNARD GEORGES

Mersi Mr Chair.  Bonn apre midi tou Manm isi e aryer.  Mr Chair, Mr Chairman sa se en  seksyon en sapit dan propriyete ki tre enteresan e ki tous tou dimoun isi.  E mon sir ki nou tou nou pou vwar li byen itil e enteresan.  Nou apel  LI easements.  Me son mo dan code Franse se servitude.  Sa mo servitude i osi ganny servi an Angle servitude, me son tradiksyon se easement.  Se pou sa rezon ki nou servi sa.  Sa morso nouvo Code i idantik a ansyen Code. Tan pou son limero lartik ki pou son konteni lartik.  Wi.

Bon nou pou – son premye parti la i pou en seri gran prensip ki annan pou fer avek servitude, easement e apre sapit pou al lo bann easement spesifik, avek bann lareg spesifik pou sa.  Donk definisyon premye parey nou vwar toultan dan Code, en easement set en lasarz ki ganny enpoze lo en later en dimoun pou benefis e lizaz propriyeter en lot bout later.

E toultan ler nou mazin easement, nou mazin en right of way.  Alor an mezir ki nou pe regard sa annou dan nou latet toultan mazin en right of way ki pas lo later en dimoun, pou benefis en lot dimoun.  Ou annan toultan sa de morso later.

Enn ki nou apel the dominant tenement, setadir sa enn ki annan benefis.  E lot ki apel the servient tenement, sa enn ki bezwen servi sa lot.  Dominant tenement se sa enn kot sa dimoun ki annan en loto, servient tenement se sa enn ki bezwen donn li en semen pou son loto.

Napa okenn siperyorite enn oubyen lot.  Tou le de i egal.  E sa i enportan malgre sa mo dominant ek servient, ki ganny servi dan Lalwa Angle, napa en ki pli for ki lot.  En servitude – en easement i ne, i konmanse akoz swa akoz pozisyon later oubyen lobligasyon ki Lalwa oubyen agreement, parmi propriyeter i donn li.

Donk enn se natirelman.  Lot se artifisyelman par Lalwa oubyen par agreement of the parties.  E la nou vwar bann easement ki annan pou fer avek pozisyon later.  Later lo en nivo pli ba, i bezwen resevwar delo ki sorti lo en later pli o, ki koul natirelman san lentervansyon imen.  Setadir si ou annan en larivyer lo ou later, ou bezwen resevwar sa larivyer ki sorti pli o ki ou, e ou annan en lobligasyon anvoy li lo sa enn ki pli ba.  E an tou li i annan lobligasyon resevwar delo ki ou,  ou anvoy kot li.  Tan ki sa i natirel e ki i pa ganny lentervansyon imen.  Propriyeter later ki pli ba, pa kapab fer en dam ki pou anpes delo koule.

Setadir ou pa kapab pran tou delo ou menm anpes li al lo later ki pli ba.  E sa enn ki pli o pa kapab ouver son larivyer, pou fer li koul plis ki i koule pou increase sa kantite delo ki i anvoy anba kot ou.  La i annan prensip ki ou bezwen les la natir swiv son kour.  E propriyeter ki annan en twa e ki delo lapli i sorti lo son twa, e  i koul lo son later oubyen i koul lo semen piblik, pa kapab les sa delo koul lo later son vwazen.

Mwan mon bezwen anmas tou mon delo ki sorti lo mon twa e deal avek dan mon fason.  Mon pa kapab fer mon dalo al ziska lo mon balizaz avek mon vwazen e les li anmas delo ki sorti lo mon twa.  Akoz sa i pa natirel i en keksoz ki – en lentervansyon imen ki’n arive.  E i en keksoz tre,  tre  enportan e tre delika sirtou dan nou sityasyon isi Sesel.  Akoz preski tou nou later i anpant.  E nou bann plots later i ptipti.  E pa toultan ki sa bann plots later ou kapab anvoy sa delo dan en larivyer oubyen dan en rigol dan semen piblik.

Annan de fwa ou bezwen, ou bezwen kapte tou ou delo e deal avek dan ou prop pti morso later.  Nou vwar sa dan en fason ase kler dan bokou ka.  Me sa delo ki sorti lo ou twa, oubyen delo ki sorti dan en larivyer oubyen en ruisseauen pti spring lo ou later ou kapab servi li pou ou menm dan fason ki ou anvi.
Me si 641(2) –  si sa fason ki ou servi sa later oubyen son direksyon ki ou donn li i fer ki sa delo i ogmante par lao sa ki sibstansyelman par lao, sa ki ti koule avan, sa dimoun ki pe resevwar, sa vwazen ki pe resevwar ou delo ki’n ogmante ou bezwen konpans li pou sa.

Oubyen si ou pe travay anba later, oubyen lanmin dizon isi Sesel e akoz sa en delo i koul lo later ou vwazen, ler i pa ti koul lo later ou vwazen avan, akoz i kekfwa in sanz son direksyon.  Akoz kekfwa in sanz son direksyon akoz sa travay k ou’n fer,  sa vwazen i bezwen resevwar sa delo, me ou bezwen konpans li pou lefe ki sa in arive.  Tousala pa aplik pou delo ki ogmante dan bann landrwa rezidansyel.   Akoz la i annan en konsepsyon ki landrwa rezidansyel, pa pou annan sa kantite logmantasyon.  Me si i annan e i annan dizon ou’n water ou gazon oubyen ou bann plant eksetera, en pe delo in koul kot ou vwazen sa pa afekte ou.

Ler Lakour i deside si in annan en logmantasyon sibstansyel ou non, i pou pran an konsiderasyon si sa se en keksoz ki annan pou fer ek lagrikiltir oubyen lendistri avek bann drwa propriyete ki sak dimoun i annan.  Ki si sa ki ou annan ou? Eski ou annan en zi fri?  Eski ou annan en drwa droit d’occupation?  Eski ou annan en bay?  Eski ou propriyeter later or whatever?

E si Lakour i bezwen en expert pou ed li pou ariv a sa desizyon, i kapab apwent en expert.   Sa se donk delo ki sorti lo en later e ki al lo en lot later.  La prezan nou pou al lo boundary.  En propriyeter en later i kapab fors propriyeter son vwazen ki propriyeter later a vwazinan pou survey zot laborn.  Sa i normal e i anba Survey Act.  E ler ou fer en sa ki nou apel en laborn mitoyen, boundary mitoyen ant de dimoun, ou bezwen share the cost.

E apard – ou plito subject to lartik 682 ki nou ava vwar taler, okenn propriyeter i kapab met en miray toultour son propriyete.  Napa nanryen ki anpes li fer sa.  A mwens ki ler i fer sa i pou anklav en propriyete nou ava vwar taler,  e ki son rezilta.  So napa nanryen ki anpes en dimoun piu li fer en boundary wall toultour son later, e reste annan dan milye trankilman.

La prezan nou vin lo boundary wall.  Okenn miray ki separ de batiman, sa ki nou                                                                                             apel isi bann terraced houses oubyen bann  semi-detached, ki annan en miray mitoyen ant zot de.  Sa miray i ava ganny prezimen ki i en party wall ; setadir ki i pou tou le de dimoun.  Akoz i ed zot tou le de a mwens ki in annan en  dokiman ki pa neseserman annan en title deed.  Se pou  sa rezon nou’n met tit ki endik le kontrer.

Levidans ki kapab montre ki sa i pa en party wall se ki son top i drwat e vertikal, no idea what this is. – drwat e vertikal lo en kote me i incline lo en lot kote.  Oubyen i annan lo zis en kote ki annan en moulding, oubyen en bracket stone ki’n ganny fikse ler miray ti’n ganny fer.   Sa i sorti dan Napoleon.

I’ve no idea Mr Speaker, e mon bezwen premye dimoun pou lev lanmen anler e  dir ‘’no idea.’’  Mon pa konpran sa e i pa vreman relevan. Mon mazinen dan bann lepok ansyen – dan bann lepok ansyen  mon ganny dir ti fit en kote.

Dan bokou ka anvil Victoria, e sa se pou en rezon istorik ki nou pa bezwen al ladan, sirtou Rivière Anglaise, nou vwar ki bann miray i annan en lapwent anler lo li.  E sa lapwent i annan en rezon akoz i koumsa.   E se pa zis pou anpes dimoun asiz lo la.  Annefe se pa pou anpes dimoun asiz lo la ditou, ki son rezon.

Me si ok Onorab Ferrari mon krwar ki kekfwa i annan en rezon.  Si sa miray i pwent tou lede kote i en party wall.  Me si i pwent zis en kote, savedir i pa en party wall e i miray sa dimoun lo ki kote ki drwat e non pa lo kote ki  pwent.  Mon krwar se koumsa.  Tandis ki si i pwent son laliny i dan milye i lo son top.

Me coping or moulding mon pa tro konpran.  E la e i donn ou son konsekans,  ler sa miray i pa en miray mitoyen – ler i annan enn sa bann defo ladan, i ganny prezimen ki sa miray i pou zis enn ant sa de.  E se sa enn ki sa kote kot i annan copings oubyen mouldings eksetera.  E sa i enportan pou konnen sirtou dan bann lavil kot bann lakaz i plake enn avek lot, pou konnen lekel ki annan responsabilite, pou maintain oubyen lekel ki kapab kase oubyen pa kase.

E zot ava rapel isi Victoria, zot annan en legzanp sa ki mon konnen e ki’n a Ankour.  E sa se batiman Sound and Vision ek Oliaji Centre.  Zot kol ek kanmarad ler ou ava vwar byen.  E in annan en case ki’n al Ankour kot zot ti bezwen desid lo sa pwen pou ki sa miray i ete. E ankor enn fwa nou pa bezwen al ladan.

E 755 i dir ou lekel ki responsab pou repar en party wall, en miray ki ganny shared parmi tou le de.  E sa se son lasarz se bann ki annan drwa lo sa miray an proporsyon zot drwa.  Si i zis enn zis enn. Si i de 50/50.

E en dimoun i kapab avoid pey en kontribisyon pou repar sa miray ki en party wall, si i sed son drwa dan sa party wall i dir, ou pran i ava vin zis pou ou.  E donk responsabilite prezan i tonm lo sa enn ki propriyeter sa miray.  657 i dir ou ki si sa ki dimoun i kapab fer avek en miray mitoyen dan en lakaz ki en terraced house, oubyen ki en semi-detached.  E sa se ou kapab pers en trou pou ou met en beam ladan ziska 54 milimet.  Pa plis.

Akoz 54milimet?  Nou’n pran li dan Franse e nou’n anmenn li isi.  657 dan Code Civil aktyel i 54milimet, alor nou’n gard li parey.  2 pous.  Mon’n ganny dir 2 pous.  Donk vwala ou pa kapab fouy li plis.  Ou pa kapab anvoy en 4 par 4 ladan.  Oubyen ou kapab anvoy li me ou kapab fouy li plis ki 2 pous.

Ou vwazen i kapab redwir sa, me solman i pa kapab al pli lwen ki lanmwatye zistans dan sa miray.  Sa se bann detay vreman, bann lartik vreman detaye.  Sa de dimoun oubyen en dimoun ki annan en lanmwatye dan sa miray, i kapab increase son oter.  Maintenance i pou li tousel, akoz se li ki’n increase e vwala. Maintenance se pou li 659.  Si sa miray pa kapab siport sa increase, sa dimoun ki anvi fer li monte i bezwen, re fer miray an antye depi ater.  E si sa miray pou vin pli epe, son lepeser i bezwen tonm anndan kot sa dimoun ki pe fer miray.  I pa kapab antre dan later son vwazen.

E sa enn ki pa’n kontribye pou fer sa miray, pou’n fer li vin pli gran si in pey lanmwatye son pri, i kapab vin lanmwatye propriyeter sa miray.  E son kou ava ganny deside zour ki i aste sa drwa ladan.  Parey si ou annan en miray – si i annan en miray avek en lakaz e o anvi fer li vin en party wall, akoz ou anvi build against it, ou kapab fer li si ou pey sa propriyeter sa miray, lanmwatye son kou ek lanmwatye later lo lekel sa miray pou ganny fer.  E ankor enn fwa sa i ganny kalkile lo dat sa lakizisyon.

En vwazen napa drwa met okenn keksoz dan en miray mitoyen a mwens ki i annan konsantman  son vwazen.  Si son lot vwazen i refize sa konstriksyon i kapab ganny fer, si in annan en advise en expert pou fer sir ki sa striktir pa afekte drwa sa vwazen.  E la i ava en enzenyer mon mazinen.  Me parey mon’n dir tousala se bann keksoz ki pa egziste konmela, me i konmanse. Akoz avek bann flat par egzanp, tou flat i annan en party wall. Egzakteman.  Mersi Onorab Valmont fer mwan mazin sa.

Annefe sa i tre enportan, akoz i annan bokou plis dimoun ki annan party wall prezan ki oparavan.  663 i fence.  En vwazen i kapab fors son vwazen pou kontribye pou repar en fence ki ant zot de lakaz oubyen ki ant zot de lari, oubyen ant zot de zarden. A mwens ki  i annan lezislasyon le kontrer en fence pa kapab pli o ki 1.8met.

E la ankor se Planning ki determinen.  664 i annan pou fer avek flat.  Ler plizyer diferan floor dan en building, i propriyeter, diferan propriyeter, e zot lavant pa regilarize ki mannyer ou pa regle, ki mannyer reparasyon oubyen re building i pou ganny fer,  sa bann paragraf swivan pou aplike.   Bann main miray avek twa i bezwen ganny peye par tou propriyeter dan proporsyon grander zot floor, oubyen grander zot apartman.

Sak propriyeter en floor oubyen en apartman, i a pey pou reparasyon sa morso.   Ler en propriyeter i annan joint control avek lezot co-propriyeter oubyen i annan en batiman lo lekel i annan en easement, sak co-propriyeter oubyen benefisyer sa easement i bezwen pey en proporsyon pro rata konstriksyon oubyen  reparasyon sa batiman.

Ler enn i pey tou keksoz, i kapab rekouver proporsyon sa ki in peye avek lezot.   Selman konstriksyon ek reparasyon apropriye pou karakter e pozisyon sa batiman, ki kapab ganny rekouver.  Setadir ki si ou pe sanz lafnet par egzanp.  Ou pe tir louvers, ou pe met slidding window, ou pa ekspekte ki tou dimoun, pou pey ou slidding window.  Ou a pey sa ou menm.  Sa se en legzanp.

Okenn dokiman ki annan kondisyon ladan, ki regle sa ki mon fek dir, ler en dimoun i aste en apartman oubyen en floor dan en batiman i ava bind li.  Setadir i ava bezwen swiv sa ki i annan dan sa kondisyon, me sa dimoun i kapab apply ek Lakour, pou sanz sa clause si sa clause i oppressif i opprimant.   Dizon propriyeter i dir en sel dimoun ki pou annan responsabilite pou fer tou maintenance dan en blok flat an antye par egzanp sa i ava en clause ki opprimant – oppressif.

665 i dir ler en miray mitoyen, oubyen en lakaz i ganny refer, okenn easement ki atase avek, i ava kontinyen.  Mon ava fer ankor detrwa lartik e ki anmenn nou Mr Speaker avek ou permisyon ziska pye dibwa.  Akoz la i pou en keksoz en pti pe enportan or en pti pe diferan.  666 i koz lo miray ek rigol, ki separ later diferan dimoun i ava prezimen pou sa de propriyeter a mwens ki i enclose en later zis enn sa bann propriyeter, oubyen i annan en dokiman oubyen en laborn ki dir ki sa i diferan.

Ankor enn fwa parey ek miray, en rigol ki annan en koupe dan zis en kote, i ganny prezimen ki i propriyeter sa dimoun kot koupe i lo son kote.  E sa bann miray oubyen sa bann rigol, i bezwen ganny mentenir jointly.   E ler set en rigol ki en dren, personn pa kapab dir sa pa pou mwan.  Ou bezwen aksepte ou pti baba. Ou pti baba in  ne, ou pa kapab dir pa ou ki papa.

Me en vwazen, ki an vwazin en rigol oubyen en hedge, kanpes ki pa jointly ki pa  propriyete en joint property, pa kapab fors sa lot pou donn li en par ladan.  Si ou en joint owner en hedge ou kapab koup ou bout, me ou pa kapab koup bout ou vwazen.  E s ou anvi ranplas ou hedge avek en miray, ou bezwen fer li ziska limit kot ou’n koupe.  E sa  aplik selman   pou en ditch oubyen en  rigol, ki en anklo, ki nou pa vreman vwar isi bokou.  Kekfwa dan lanmar pa plis ki sa.  Si ou hedge i prodwi en fri oubyen en keksoz, sa i ganny partaze parmi bann dimoun ki propriyeter sa hedge.

Mon ava aret la Mr Chair, akoz 670 onwards nou pou al dan pey dibwa e sa i – a mwens ki ou anvi nou kontinyen, sa i vin en size en pti pe apar.  670 ziska 673 i pey dibwa.  674  i lafnet.  Ek 682 nou konmans right of way.

 

MR SPEAKER

Mersi Onorab Georges.  Bon annou confine nou entervansyon lo sa bout.   Ok.  Pa anmenn larestan ki nou pa ankor touse parey Onorab Georges in dir.  Ok?  Sinon we might as well kouver tou apre nou ava pran zot entervansyon. Zot dakor?  Nou a confine lo sa bout.  Ok?  Mon ava konmans avek Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mwan mon annan zis en kestyon ki mon pa’n vwar ziska prezan, se eski Code i donn ou en drwa pou ou itiliz tou ou later, totalite ou later oubyen eski i restrikte ou? Akoz i annan –mwan menm mon dan mon lespri i en pe konfi, ki tanzantan zot dir ou ki ou kapab fer en miray selman fodre ou kit 3pye balizaz sa bann keksoz koumsa, ki bokou dimoun i pa kler lo la.  Kekfwa larepons se ki bann planning rules ki a va determin sa.  Si ou kapab fer – si ou annan en lakaz ki tonm direk lo balizaz si ou kapab fer en lafnet pou get lot kote.   Sa se bann keksoz.  Me selman mon ti ava kontan konnen ki si tou sa ki nou’n dir – sa ki Onorab Georges in dir, i osi subject to bann Lalwa Planning ki ganny aplike dan tou lezot – dan bann diferan pei.  Mersi.

 

MR SPEAKER

Mersi Onorab Ferrari.  Zis avan nou kontinyen, mon ava zis ankor enn fwa demann en show of hands bann Manm ki oule entervenir?    Dakor.  Mersi.  Onorab William.

 

HON WAVEN WILLIAM

Mersi Mr Speaker.  Mr Speaker ou bezwen bear with me, akoz mon annan detrwa pwen ki mon anvi leve pou leklersisman.  An menm tan mon ti a kontan fer en komanter poudir sa seksyon la ki nou pe touse, i tre enportan akoz mon santi poudir ozordi lefe ki nou annan bokou bann housing estate, e i annan bokou sa bann pwen ki pe ganny souleve la, ki mon santi poudir dan existing agreement, ki bann dimoun pe sinyen ozordi dan bann housing estate, swa ki i pe purchase ouswa ki i pe lease, mon vwar poudir i annan bann mankman.

So i bon ki bann Lotorite konsernen ki pe ekout nou, zot pran an konteks e ki letan sa nouvo  Code Civil i vin an fors, sa bann bout, sa bann seksyon i ganny mete dan sa bann Lagreman, pou dimoun kapab vreman konpran ki zot responsabilite e ki zot drwa.

Mr Chairman mon ti a kontan konmanse avek 640, e pou rod en leklersisman ;- par egzanp ou annan en stream ki pe pas lo en later en dimoun, me ou annan e owner par lao i annan en guest house ouswa en lakaz, ki son delo dalo i pe polye sa stream, ki sa dimoun anba li i pe servi konman delo domestik.  So ki drwa ki sa dimoun i annan?

Epi lo 641 nou pe koz lo pwen 1,2,3 epi 5,  mon vwar poudir i neseser ki sa i vreman kler, pou sirtou kot i konsern sofgard bann drwa bann dimoun.  E si ou al lo 5 – lo 641(5) i dir ki ‘‘in adjudicating on any dispute in relation to easement, the Court must take into account both the interest of agriculture industry and the rights of ownership.’’  Mon pa konnen si dan sa Code ouswa dan bann bout ki petet i annan pli devan, si sa bann rights of ownership i ganny defini?  Eski si napa, eski pa ti a bon?  Akoz sinon devan Lakour nou pou santi nou dan plizyer problenm.

E mon ti a kontan tous 644(5), 664(5).  Mr Chairman la nou pe koz lo, ‘‘Where a person pays a total cost of a construction or repairs, that person may recover from the other person’s liable the proportion of the cost for which they were responsible.’’  Me dizon sa lot parti pa tonm dakor, ki mannyer ki sa dispute la i ganny resolved?   E 667(2) la mon ti a kontan en pti pe leklersisman avek panel, kwa egzakteman nou pe dir. Epi mon le al lo 670(3) avek (4).  Anr nou pa ankor arive la?

 

MR SPEAKER

Non.

 

HON WAVEN WILLIAM

Ok. 

 

MR SPEAKER

Onorab Woodcock.

 

HON WAVEL WOODCOCK

Mersi Mr Speaker.  Mr Speaker mon kestyon i baze lo clause 661 (sorry) – 663(1) ki dir, ‘‘Every person may compel his or her neighbour to contribute to the construction and repairs of a fence, separating their houses, yard or garden.’’

Mon kestyon i baze lo en sirkonstans.  Annefe i pa en sirkonstans plizyer fwa in arive kot, par egzanp – let’s say mon annan en later, i en propriyete ki baliz avek en lot propriyete.  E sa lot propriyeter i demann mwan permisyon pou build en miray, ouswa en fence lo sa balizaz.   Kekfwa en Lagreman in ganny fer devan en noter, kot mon donn sa dimoun permisyon, pou build sa miray swa sa fence lo sa balizaz.

Mon kestyon i dan sa ka, dapre sa bann clause ki nou’n gete, pour ki sa fence ouswa sa miray pou appartient?  Eski   i pou mwan, ouswa sa lot dimoun?  E dezyenmman eski dan bann sirkonstans koumsa, sa lot propriyeter i kapab compel mwan, pou mwan repar sa miray, dan bann ka kot en domaz i arive ek sa miray, ouswa sa fence ki ganny fer lo sa balizaz?  Mersi.

 

MR SPEAKER

Mersi Onorab.  Onorab Valmont.

 

HON JUDE VALMONT

Mersi Mr Chair.  Bonn apre midi a tous.  Mon pe refer lo sa 663(20.   I mete ‘’unless otherwise provided by legislation.’’  Mon pa anvi fer li vin kwen legal, me selman mon ti a voudre Chair Bills Committee avek son leksperyans i dir nou, si i konnen okenn Lezislasyon ki deza egziste ki preskrir sa?

E i dir ou the height of the fence, must be at least 1.8metersNow mon pe mazin parey nou bann housing estate sirtou dan ka Perseverance i annan detrwa ka, ki’n vini zot dir ek ou be zot ti a kontan fer zot miray en pti pe pli o.  Me selman zot pa pe ganny permete.  E sa se i vin atraver bann Lotorite konsernen e Gouvernman.

Alor dan sa ka petet si ou’n fini peye sa propriyete in vin pou ou, mwan mon ti a voudre met devan House demande, eski nou vwar 1.8 realistik oubyen nou krwar nou dir i  en pti pe pli o?  Akoz i annan dimoun mon pe mazinen dan en ka ki zot di voler 1.8 fasilman i sote.  Bokou dimoun i konplent sa.  Zot ganny restrikte, me dimoun in sote e i vin kot zot.  Alor zot pe ganny restrikte fer monte.

Apre zis Mr Chair permet mwan fer dernyen pti leklersisman,  Onorab Ferrari in fer resorti ki lo sa zafer later, parey kantite ki ou kapab servi.   Mwan mon konnen i annan serten restriksyon konmela ki dir ek ou, ou kapab servi 60poursan – 40poursan ou later i reste free.  Alors sa i pa an konfli avek serten drwa ki nou annan?  Mersi.

 

MR SPEAKER

Mersi Onorab.  Onorab Sophola.

 

HON NOLINE SOPHOLA

Mersi Mr Speaker.   Mr Speaker mon ti ava swete si Mr Chair ti a kapab eksplik mwan, 646 kot nou pe dir lo boundary.  Mon a donn en legzanp.  Par egzanp madanm (a) li i enterese pou li vwar son boundary kot i pase me madanm (b) son vwazen li i pa enterese.

E prezan nou’n dir ki sa boundary i en joint cost.  E li madanm (a) i pe fer sa akoz i annan lentansyon petet konnen pour ki i anvi fer son devlopman son teren.  E eski madanm (a) i bezwen al anmenn madanm (b) Ankour?  E nou konnen ki prosedir Lakour i long e i pou met li retar.  Ki demars pli vit ki ou pe advise nou, nou kapab swiv?  Mersi.

 

MR SPEAKER

Mersi Onorab. Onorab Larue.

 

HON FLORY LARUE

Bonn apre midi Mr Chair.  Bonn apre midi panel and everybody else.  Mr Speaker mon ti a kontan en klarifikasyon lo 640, tou sa ki deal avek delo ek runoffs. Akoz letan Gouvernman i fer bann demarkasyon lo bann later ki zot pe vann, eski zot annan en lobligasyon pou fer drain?   Akoz lefe mannyer nou teren i ete, letan zot koup enn anler zot koup enn anba, apre zot koup semen, zot sanz natural flow of letan delo lapli pou tonbe.  So eski sa i enpoz en responsabilite lo Gouvernman?  Akoz nou vwar napa bokou drains.

Apre Mr Speaker mon ti a kontan mon osi adres sa kote 663 – sa height whether nou devret sanze.  Akoz mwan mannyer  mon pe konpran avek Planning, sa referans ki zot fer avek, ki en dimoun pa kapab fer en miray pli o, eski nou devret regarde pou fer li pli souple? Akoz ozordi nou annan en gro problenm voler.

Apre Mr Speaker letan nou pe koz lo boundary, souvan nou vwar kot nou actual physical boundary i ete, e kot konstriksyon i permet, i de diferan laliny.  Eski sa i normal letan nou mazinen ki sa dimoun i own tou son later?  Mon krwar taler Onorab Ferrari in sey fer referans avek usage.  Eski sa i ganny afekte anba sa seksyon?  Mersi.

 

MR SPEAKER

Mersi Onorab Larue.  Onorab Aglae.

 

HON  EGBERT AGLAE

Mersi Mr Chair. 2 pwen klarifikasyon.  Premyerman 640 kot i koz lo konstriksyon, swa bann rezervwar, swa danm par lao.  E mon ti a kontan konnen, akoz dan lepase i pe arive ozordi osi, so kot ou vwar i annan serten kominote ki’n zwir pandan en bon pe letan, bann rezervwar ki zot, zot menm zot in servi.  E ki apre   zis en kou PUC i vin met enn par lao zot ki anpes zot ganny sa delo ki zot ti pe zwir plis ki 15an/20an pase.  Eski Lalwa ki gouvern etablisman PUC i supersede sa Civil Code?

Dezyenmman – 664 Mr Chair, ou’n fer referans kot sa balansman kot i annan sa lapartaz responsabilite, e menm avek son kou finansyel, kot i konsern miray e menm koz lo floors.  Be parey dan en building kot napa zis floor, i annan kot i annan koridor ou annan staircase, ki mannyer sa i ganny pran an kont li osi?  Mersi.

 

MR SPEAKER

Mersi Onorab.  Onorab Lemiel.

 

HON SYLVANNE LEMIEL

Mersi Mr Chair.  Bonn apre midi tou dimoun.   Letan nou pe koz lo boundary, mon krwar i enkli bann zafer met taso osi.  Ou konnen lontan nou later in ganny survey. E menm konmela osi i annan serten issues ki pe leve, kot bann dimoun kot taso in ganny plase, ki zot vini zot tire.  Zot tir ou taso zot prezan ki re arpant ou later.  Zot ki deside kot pou mete.  E anba sa Code mon pa konnen ki fason ki nou pou deal avek tel issue.  Mersi Mr Chair.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi Mr Chair.  Mr Chair en pti pe dan menm laliny kestyon ki Onorab Lemiel in demande.  Mon’n sey regard Land Survey Act pou mon vwar the creation of an offence, pou si en dimoun i bezwen taso.  Mon pa pe vwar oubyen mwan ki pa pe kapab okip sa morso. Prezan i annan sa provizyon ki ou  apel sa en re location of beacon. Ki si ou par egzanp, oubyen si Onorab Henrie ou annan en later, e ou santi sa taso i pa kot i sipoze ete.  Ou kapab apply pou fer sa relocation of beacon.  E sa mon krwar se Gouvernman ki fer.

Eski sa i ganny maintain as en prosedir ki kapab ganny fer?  Oubyen ou menm ou kapab privately rod en surveyor?  E ki kalite lofans ki ganny kree anba Land Survey Act dan sirkonstans kot parey Onorab Lemiel in fer referans avek,  en dimoun in vini, swa in excavate sa landrwa, in vwar poudir ou taso i la.  Prezan in vwar in antre lo propriyete i bouz li par egzanp par menm par egzanp en demi met.   Me ler ou kalkil en demi met all along ou propriyete i kapab vin bokou plis.  So ki ou fer dan sa sirkonstans?  Mersi.

 

MR SPEAKER

Mersi Onorab Pillay.  E dernyen Onorab Philip Arissol.

 

HON PHILLIP ARISSOL

Mersi Mr Chair.  Mon pe zis demann- parey i annan bann domenn piblik, si bann delo ki akimil dan sa bann domenn piblik i koul kot bann propriyete prive i koz bann linondasyon?  Mersi.

 

MR SPEAKER

Mersi Onorab.   Onorab Georges la parol i pou ou.

 

HON BERNARD GEORGES

Mersi Mr Speaker.  Mersi Mr Chair.  Mon ava konmans avek sa enn dernyen.  Tou bann streams – annefe i en domenn piblik.  Alor  zot ganny aplike anba sa Code egzakteman, parey i ganny dir la.

Ou bezwen aksepte en stream ki vin lo ou later.  Ou bezwen aksepte en lanbousir ki vin lo ou later.  Ou bezwen aksepte en lanmar ki vin lo ou later.  Sel keksoz ki ou pa kapab fer se ogmant son kantite delo ki sorti lo ou later, pou  ou anvoy li kot ou vwazen.  Sa ou napa drwa fer.  Ou bezwen aksepte li e les li sorti lo ou later dan en fason normal e natirel. Si ou ogmante, ou vwazen i bezwen resevwar sa delo, me ou bezwen pey li en konpansasyon, pou lefe ki i pe resevwar en delo ki abnormal.

Onorab Lemiel avek Onorab Pillay in lev en pwen  ase enteresan.  Bokou dimoun isi Sesel pa konnen ki si ou bouz en taso, ou pa pe ganny sa bout later ki ou’n bouze.  Ou krwar ou pe gannyen akoz sa taso i zis en levidans.  Se pour sa rezon ki i apel en beacon.  Sel keksoz ki i fer i dir ou,  ou balizaz i la.  Si ou bouz li ou balizaz pa bouze an konsekans.  Akoz sa taso i en pwen trigonometrik e i en pwen ki arpanter toultan pou retournen i pou retourn toultan lo sanmenm sa pwen.  Alor si bann dimoun pe ekout mwan laba deor ki kontan bouz taso, pou krwar ki zot pe ganny en bout later sorry i pa mars koumsa.  I tro senp.                O kontrer ler ou bouz en taso ou pe komet en lofans e sa lofans i pa anba Land Survey Act me i anba Penal Code e i apel ‘’Removal  of  Boundary stone.’’  I en lofans ki gard i pourswiv ou e ou al Ankour e ou bezwen pey en domaz.

An plis ki sa, si i annan levidans, akoz ou’n remove en boundary stone e ou’n kondannen, sa propriyeter ler i anmenn son arpanter pou vin remet son taso kot i sipoze mete, ou ki pou peye.  Alor si ou anvi depans ou larzan rod en lot fason pou fer li.  Akoz koumsa ou pe zis depans li dan vid.  Alor vwala mannyer i ete.

E anba Land Survey Act, se pou sa rezon ki toultan survey i donn notis.  Ou vwazen in demann mwan vin arpant  son later, ou ganny en notis.  E sa se pou ou la, pou fer sir ki balizaz i ganny byen mete.  E ki si ou krwar ki sa balizaz in mal mete, ki sa arpanter pa’n met sa taso dan son landrwa kot i devret,  ou annan drwa fer en laplikasyon avek Registrar Lakour e zot ava ouver en lanket, apwent en arbitrator pou sa arbitrator fer en determinasyon.

Donk  e isi Sesel mon krwar nou devret felisit nou lekor, ki nou annan en sistenm Land Registration ek Land Survey ki ekselan.  Ki marse ki apropriye e ki donn nou bann rezilta ki nou anvi.

Mon retourn prezan lo seri kestyon o komansman.  Onorab Ferrari e Onorab Laure in lev en pwen enteresan.  A savoir, eski ou kapab servi ou later ziska laliny balizaz?  E larepons i unequivocally wi.  Ou later i pou ou ziska ou laliny balizaz.   Si ou kapab dres en laliny ant ou 2 beacon, ou kapab enjoy ou later ziska sa laliny i ete.

Ou pa kapab sot li par en milimet.  Me ou pa bezwen aret servi li en pye oubyen 3pye oubyen en met edmi par anndan.  Sof pou kondisyon Planning.  Ler ou pou demann Planning en permisyon pou build en miray mitoyen, i pou zeneralman donn ou permisyon pou build ou miray lo ou later.  Setadir son deor miray pou lo dernyen bout ou later.   I pa pou lanmwatye lo ou later, lanmwatye lo later ou vwazen unless  ki zot in tonm dakor pou fer li koumsa.

Me ou pou bezwen fer li anndan ou balizaz.  Me son figir deor, ou kapab met li lo ou laliny balizaz. Akoz ou later i pou ou.  Me ler ou pou demann permisyon Planning, pou ou fer konstriksyon en lakaz, i pou toultan donn ou en setback en met edmi or en keksoz koumsa.  E sa se en Lalwa Planning i napa nanryen pou fer avek Code Civil avek ou drwa anba Konstitisyon.  Ou drwa anba Konstitisyon i permet ou servi ou later otan ki ou kapab.  Me anba lartik 26 i annan derogasyon e enn sa bann derogasyon se Lalwa Planning.  Alor malerezman i redwir sa ki nou kapab fer avek nou later.

Onorab Waven William i koz lo lartik 640, e i dir ki arive ler en dimoun pli o, i polye en larivyer.  Onorab sa i arive toultan.  Akoz sa dimoun pli o annan de fwa son soakaway, i obor larivyer e ou,  ou endup avek tou son rubbish.  Oubyen ou annan en garaz par lao,  e tanzantan sa garaz i larg en sibstans, en lapentir oubyen petrol, oubyen benzinn or whatever dan en larivyer.  Sa i pa permet.   Ou napa drwa polye en larivyer.

Ou bezwen les sa larivyer koul dan en fason natirel.  Ou kapab tir delo dan sa larivyer me ou pa kapab met okenn keksoz an plis.  Sa i pa vin anba Code Civil.  Code Civil i zis dir ou ki ou bezwen resevwar sa ki sorti par lao.   I ava vin dan bann Lalwa lanvironnman ki restrikte bann keksoz ki ou kapab met dan en larivyer, oubyen bann keksoz ki ou kapab tire dan en larivyer – parey gravye eksetera.

Lartik 641 i annan sa fraz ‘’rights of ownership. ‘’ Interest of agriculture and industry and the rights of ownership.  Sa ki rights of ownership i ete la, i pa en seri rights.  Sa ki i le dir se ki, Lakour ava regarde ki drwa ou annan lo sa later.  Eski ou en propriyeter antye?  Eski ou en lokater? Eski ou en usufructier?  Eski ou annan bare ownership oubyen ou annan zis en lazwisans?  E se an fonksyon sa ki Lakour ava pran son desizyon.

E anba  664 Onorab William, i anvi konnen anba 664(5) ler en dimoun in pey tou kou konstriksyon oubyen reparasyon en batiman ki an co- propriyete e ki sa lot kote i bezwen ranbours li son par, si i pa ranbours li ki i fer?  Be la i vin en aksyon sivil normal devan Lakour pou  anmenn li Ankour, pou demann li anba sa seksyon? Akoz i annan en lobligasyon, ou demann li anba sa seksyon ranbours ou e Lakour ava fors li ranbours ou.

E finalman Onorab William i anvi konn meaning lartik 667(2), ‘‘Where a ditch habitually serves a drainage, a co-owner cannot renounce ownership.’’  Isi napa tro bokou, me dan bann lezot pei en laferm annan defwa son balizaz i en dren.  I en gran dren.  E se sa dren ki form son balizaz.  Akoz sa dren i tir delo, e akoz i annan en lobligasyon pou tou lede propriyeter sak kote sa dren, pou zot mentenir sa dren akoz i tir delo, enn pa kapab dir mon nepli enterese, mon pa anvi ki sa dren i lanmwatye pou mwan.

Alor ou, ou deal avek ou menm.  I pa annan drwa renons sa.  Akoz i napa drwa renons a son lobligasyon, pou li gard sa dren prop toultan, pou fer sir ki delo i ale. Isi nou ti a kapab konsevwar menm keksoz dan bann lanmar.  Akoz parey zot konnen dan bann gran lanmar kot i annan  plante, i annan dren ki ganny fer par zistans, pou fer sir ki delo i drain away.

Me tousala malerezman i pou menm dimoun.  Alor nou napa sa konsep.  Me si ti en gran lanmar plizyer – en delta par egzanp, kot nou vwar dan bann lezot pei.  La sa i vin tre enportan.  E se pou sa rezon ki sa ti ganny mete dan nou Code Civil.  Me parey mon’n dir, ler nou pa’n vwar en litilite pou tir li, akoz i annan en posibilite ki en zour nou ava servi li.  Nou’n plito tante pou gard li.

Onorab Wavel Woodcock in refer nou lo lartik 663, e in demande en fence ki ganny fer ant de vwazen pou ki sa fence i été?  E eski en vwazen i kapab compel en lot vwazen pou repare?  Nou pe deal la Civil Code avek en fence ki en fence mitoyen.  Setadir enn ki lo balizaz.  Lo laliny balizaz egzakteman.   Lo laliny balizaz e la sa i pou tou le de.  E wi ou kapab compel lot pou repare.

Me zeneralman isi Sesel, a mwens ki annan en agreement ant sa de parti i lo zis en later. E si ou vwazen i fer en fence – en milimet anndan son later sa fence i pou li, zis li ki pou bezwen maintain.  Kestyon se si i pa maintain.  E sa i vin en vilen fence, i met fey tol, tol i pouri oubyen son fence i collapse e i pa repare, eski ou kapab fors li pou li repare?  Larepons i non akoz a mwens ki i vin en nwizans pou ou.  En dimoun i kapab malerezman gard son later.  A mwens ki i vin en trouble de voisinage ki nou ava gete en pe pli tar.  Nou pa kapab compel li pou fer nanryen.  Onorab Valmont lo menm lartik i demann nou sa 1.8met.  Sa 1.8 met in antre Code aktyel pa donnen en oter.

Code aktyel i dir, ‘’The height of a fence shall be fixed in accordance with special by-laws or in accordance with constant and recognized practices.’’  E sa se pou en gran pei.  Kot kekfwa dan nor La France i annan en kalite fence ki pa aplike dan sid La France kot kekfwa napa fence e se bann miray an ros ki ganny fer eksetera.

Me isi nou pei i telman ti pti ki nou annan en one size fits all.  E si mon pa tronpe se Mr Patrick Lablache ki ti en manm lo Komite ki ti reviz Code Civil ki asiz lo Planning Authority se li ki’n dir be here is 1.8 annou fer li 1.8. Be annou pa bliye ki sa 1.8 e la mon a reponn Onorab Larue lo sa pwen;- 1.8 i pa maximum.   I minimum.  ‘’Shall be at least 1.8.’’  Alor si ou bezwen al pli o ou kapab al pli o avek permisyon Planning.  E sa 1.8 i en keksoz Planning.  Si ou le fer li monte Onorab, ou kapab fer li monte subject to Planning Authority, Code i donn ou en posibilite pou fer sa.

Onorab Valmont ti anvi konnen osi, si i annan en poursantaz ou later ki ou kapab servi.  Larepons i non.  Anba Code ou kapab servi tou ou later.  100%.  Sel keksoz ki pou anpes ou, se density, se Planning, se bann lezot Lalwa Lanvironnman ki pou vin enterfer  avek  ou drwa.  Me si i pa enterfer ou kapab servi tou ou later.  E mwan mon konn dimoun ki al ziska right up to the boundary, zot servi sak gren later ki zot annan.

Onorab Sophola in refer nou avek lartik 646.  Eski ou kapab fors ou vwazen pou kontribye pou fer en boundary ant zot de?   Larepons i wi akoz Code Civil i fer sa.  Me parey ou’n préconise, si i dir ou non, ou pou bezwen ou al depanse apre anmenn li Ankour avek tou letan ek expense ki sa pou  anmennen, pou ou al rekouver ou larzan ki ou’n depanse.  Malerezman sa se en keksoz ki arive.  Se en handicap ki Lakour i anmenn avek li, akoz i pa mars tro vit.  Me ou drwa i la.

Si ou anvi ensiste ki sa dimoun i pey ou,  kekfwa ou pa pou fer li pou en kestyon de balizaz, oubyen (sorry) de beacon,  me si ou annan en later ki gran e ki ou bezwen arpant li lo en long letan dir, la ou kapab claim lanmwatye.  Akoz kekfwa i ava vo ou lapenn pou ou fer li.

Onorab Larue i anvi konnen si i annan en lobligasyon pou Gouvernman fer dren.  Wi i annan en lobligasyon pou Gouvernman fer dren, me sa ankor en fwa i vin lo nivo Lalwa Planning e lo nivo subdivision.  Ler ou anvi subdivide en morso later, oubyen fer en semen, toultan Planning pou met en kondisyon ki ou bezwen fer en dren pou tir delo.  E i pa antre neseserman dan Civil Code, ki koz lo bann dren mitoyen ant vwazen.  Akoz dan sa seksyon easements, nou pe koz toultan de later ki obor kanmarad.

Onorab Aglae lartik 640 i anvi konnen si PUC i kapab supersede sa Lalwa.  E li i kapab fer en damTristement larepons i wi.  Sel Lotorite ki kapab – anfen pa sel Lotorite. Tou dimoun ki anvi kontourn en drwa ki dan Lalwa, i bezwen annan en Lalwa ki pli spesifik e  ki kontourn sa Lalwa.   E PUC set enn sa bann Lalwa ki ganny permisyon notwithstanding sa ki dan Code Civil  pou lo ‘‘commande est mortel,’’ parey nou, li i kapab fer en keksoz ki enterfer avek sa.  Akoz i annan en Lalwa spesifik ki donn li sa.  Civil Code i donn bann gran prensip zeneral e Lalwa spesifik i supersede sa.

Ek lot kestyon Onorab Aglae i en kestyon e sa se mon dernyen repons Mr Chair,  i en  kestyon enportan 664.  Lekel ki annan responsabilite pou bann common areas dan bann blok apartman?   I pa tonm dan Civil Code a mwens ki ou annan en floor antye, e la ou pou  bezwen – akoz sa morso common area i pou tonm dan ou floor.  Me etandonnen ki napa personn ki annan sa zeneralman dan bann housing estate, sa i tonm anba management agreement, ki  ou bezwen fer  anba Condominium Act.  E se la kot responsabilite bann common areas i partaze, e non pa dan Civil Code.  Mersi Mr Chair.

 

MR SPEAKER

Mersi Onorab Georges.  Mon bezwen les ou respir en pti pe avan nou kontinyen.  I annan okenn query ankor lo sa seksyon?  Onorab Pillay.

 

HON SEBASTIEN PILLAY

Yes Mr Chair mon annan de annefe tre senp.  Premye ki mon annan se we go back to 646, e Onorab Georges i a gid nou lo la.  Nou a rapel poudir ler Land Registration Act ti antre an fonksyon, apre ki tou bann later ti’n ganny survey ti preskrir en serten kantite letan pou bann dimoun vini si zot ti annan en challenge pou zot fer.

Me pa tou dimoun ki ti konpran sa letan ki sa ti en legzersis ki ti pe ganny fer.  Prezan pli tar, pli tar la akoz sa later ti ganny survey a juste titre, se sa tit ki ti ganny servi sa letan.   Petet dan serten sirkonstans pa neseserman.

Ler nou pe koz 646 la, eski sa tit osi i kapab ganny servi dan sirkonstans kot en dimoun pe contest lokasyon en beacon?  Sa i posib.  Eski Code i prevwar sa?  Akoz mannyer mon’n ganny en konpran poudir sa i en legzersis vreman konplike, pou kapab fer li.

Apre mon 2enm pwen i tre senp, Gouvernman li pa i ganny konsidere konman en owner?  E dan sirkonstans ki Onorab Arissol in raise vizavi en dren ki anmenn delo, then it becomes responsabilite sa owner.   Akoz li ki sa owner la kot sa delo pe vin par egzanp nwir sa bann lezot vwazen.  So i vin en lobligasyon pou li, pou li fer sa dren, pou tir sa delo pou anmenn kot ou, zis parey en endividi ti pou annan.  Mon pe gete si mon enterpretasyon i byen.  Mersi.

 

MR SPEAKER

Mersi Onorab Pillay.  Nou ava pran en lot.  Onorab Henrie.

 

HON GERVAIS HENRIE

Mersi Mr Chair.  Pou mwan i  en pe kestyon ki Onorab William ti mansyonnen boner, akoz sa zafer nou annan bokou housing estate konmela.  E sa ki mon ti a kontan demande si Onorab Georges, swa panel zot satisfe ki par egzanp PMC, PMC ouswa HFC –  PMC mon krwar, zot fer bann Lagreman avek bann tenant letan zot antre dan sa ban lakaz.  Konmsi zot, zot pe pran kont sa antite pe pran kont legzistans Code Civil, e sa ki i pe demann bann dimoun pou fer, alor ki nou bann Lalwa i annan en larmoni ladan, pou anpese ki demen i annan bann problenm sirtou dan bann housing estate, ki prezan pe annan bokou,  par egzanp Persévérance e lezot.  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Mr Chair mon a konmans avek sa 2enm kestyon.  Wi i bezwen annan en larmoni e Code Civil i annan de rol pou zwe  li.   Enn se ki ou pou tras bann gran laliny e lot se pou fer provizyon default ler en lot Lalwa oubyen  en Kontra pa dir en serten keksoz.  Alor dan sa de rol, mon vwar i ranpli son fonksyon.  Me i pa kapab prevwar tou bann evantyalite.  E sa i byen akoz se bann lezot Lalwa ki vin ranpli sa bann lakin ki reste.

E par egzanp agreement ki bann tenancies i antre ladan.   E annou pa konfonn de keksoz.  Sa ki nou pe fer la se nou pe deal avek propriyete.  Ler 2dimoun i propriyeter en landrwa.  Donk sa i ava antre kekfwa dan condominium. Me dan tenancies nou pou vwar pli tar ler nou regard leases i annan en seri lobligasyon la osi ki ganny mete lo propriyeter batiman, avek  lokater batiman.

E kestyon Onorab Henrie pou antre plito laba ki isi, akoz se plito bann tenancies ki fer sa. Onorab- mon dakor wi Onorab Pillay ki lobligasyon se pou sa dimoun ki annan en domenn piblik, ki koul lo son later pou li manage sa domenn piblik, pou li antre an konformite avek sa Code.  Pou reponn kestyon Onorab  Phillip Arissol en pe pli boner.

E 646 ;- 646 i enteresan akoz i en lobligasyon ki kekfwa bokou nou,  nou pa konnen nou annan.  E sa se pou fors ou vwazen pou arpant son propriyete.  E parey Onorab in dir nou sanse isi Sesel, akoz i annan  sa adjudication of title exercise ki Gouvernman in antreprann sa pou nou.  E sel keksoz ki i fer, i met en legal mortgage R500 oubyen mil Roupi ki nou pa bezwen peye ziska ler nou vann nou propriyete.

Donk i en linisyativ ki’n ed bokou dimoun.  Sel problenm se ki pa tou dimoun ki claim. Oubyen pa tou dimoun ki bother pou al sirtou dan bann gran propriyete, pou al dan bwa pou al fer sir.  E an fonksyon sa bokou arpantaz in ganny mal fer.  Bokou dimoun in realize ki zot vwazen in profite in antre lo zot later, in fer arpante anba sa Adjudication of title exercise e apre in vin en absolute title.  E zot pa kapab fer nanryen.   Sa se enn bann problenm.  Si ou annan tro later ki ou pa kapab al dan bwa pou fer sir ki ou later i ganny  maintain pou ou, i byen ki ou perdi li tanzantan.  Akoz i ou responsabilite ki ou pa’n desarze.  Mersi Mr Chair.

 

MR SPEAKER

Mersi Onorab Georges.  Bon nou ava kontinyen avek lezot lartik 670.  Onorab Georges.

 

HON BERNARD GEORGES

Mersi Mr Chair.  La nou al lo en pti seri lartik 4 ou 5 lartik ki annan pou fer avek pye dibwa.  E i en keksoz ki tre,  tre,  tre enportan isi Sesel. mon ti koz yer Mr Paul Labaleine, si ou pe ekout nou Mr Labaleine mon’n promet ou ki sa semenn nou ti pou ariv lo sa pwen, e nou ti ava sey reponn a ou bann legzizans.  670 –  en pye dibwa ki lo en laliny mitoyen ki dan en hedge i pou tou le de dimoun. Tou le de kote.  Si en pye dibwa i lo en laliny balizaz, sa pey dibwa i pou tou le de dimoun.

E dan lepase, sirtou dan bann propriyete dan bwa, propriyeter ti plant pey sandragon lo zot balizaz.  E i annan serten landrwa la malerezman tou pey sandragon in mor.  I annan serten landrwa ki mwan mon rapel kot ou ti ale ti annan en laliny sandragon.  E dan leo Cascade, Onorab De Commarmond fek antre Moripa eksetera laba anler, ti annan bokou sa.  E ou ti vwar li e sa pye sandragon ti vin pou tou le de kote.

E zot ti fer sa a lepok akoz se sa Lalwa ki ti – ki zot ti konnen.  E ki ti determin zot.  Si okenn sa bann pye i mor oubyen i ganny koupe, oubyen zot tonbe avek divan, zot ganny partaze parmi sa de propriyeter. E ankor enn fwa si ou al lo pye, mang pou ou al kas mang,  ou bezwen partaz sa kou sa pti menn ki o anvoy anler pou al kas ou mang, sakenn i bezwen partaz son cost.

En propriyeter, i annan drwa demann avek lot, demann avek lot, pou tir en pye dibwa ki lo en laliny mitoyen.  So a nenport ki moman ou kapab dir mon nepli enterese, annou tir tou pye dibwa, si i pa oule ou kapab al Ankour e fors li pou fer li.  Sa se en preamble.  Sa ki enportan se sa enn ki pe vini la 671.  E sa nou tou ki travay dan distrik, nou annan sa problenm.  Okenn dimoun pa pou annan en pye dibwa oubyen en zarbis pli pros avek  son laliny boundary ki 2met pou bann plantasyon si sa i – si son oter i pli o ki 2met, oubyen si son oter pa pli o ki 2met i pa kapab plant pli pros avek ou boundary ki 500milimet. Alor vwala lareg.  Ou pa kapab annan en pye dibwa ki si i pli o ki de met ki laplipar nou pye dibwa isi Sesel, ou pa kapab plant li mwens ki 2met avek ou balizaz.

E bann ki ganny plante a sa limit si i annan en miray sa plan pa kapab depas sa miray.  I bezwen pli ba.  E ki arive si sa pa ganny respekte?  672.  En vwazen i kapab demande ki pye dibwa, zarbis ki’n ganny plante a en zistans pli pros ki sa enn ki mon fek dir, ganny tire oubyen koupe, redwir son oter pou li vin an aplikasyon avek Lalwa.  Amwens ki i annan en agreement ki prouv le kontrer.  Or sa pye dibwa ti ganny plante par menm propriyeter sa de bout later, apre ler in ganny survey in tonm la kot in tonbe.  Or sa pye dibwa in la pou plis ki 20an.

Si pye dibwa oubyen zarbis i mor, oubyen i ganny koupe, oubyen i tonbe avek gro divan, sa vwazen i kapab ranplas zot zis dan sa bann zistans ki Lalwa i provide.

E 673 i sa enn ki nou servi san konnen.  673.   En propriyeter ki son propriyete i ganny anvai par brans pye dibwa oubyen zarbis, ki pou en vwazen, i kapab fors son  vwazen pou koup sa bann brans oubyen sa bann pye dibwa ki anvai son propriyete.

La mon dir i kapab. Nou’n fer li.  Mwan mon’n al Ankour dan le pase e mon’n fer dimoun fer sa.  E sa se pye dibwa, zarbis, ek bushes.  Mon krwar i ava osi annan menm lalyann eksetera dan shrubs ek bushes.  Si ekout sa – sa 673(2), si son pye mang son brans i tonm anndan kot ou, ler son mang i tonbe mang i pou ou.  Tan ki son mang i lo pye dibwa i pou li. Me konman i tonm ater i pou ou.  Solman fodre i tonm normalman, fodre pa ou ed li ek en golet !

 

(laughter)

 

HON  BERNARD GEORGES

Oubyen avek en lot keksoz.

No.3.  Sa se lalyann. si lenvazyon se rasin, oubyen thorns, pikan oubyen bann brousay, ou,  ou annan drwa koup li.  Ou pa bezwen al demann ou vwazen pou koup li.  Ou,  ou kapab koup son bann lalyann, oubyen son bann rasin oubyen son bann pikan ki pe anvai ou.  E sa,  sa drwa pa kapab ganny perdi par preskripsyon.  Si pandan 20an ou’n asize ou’n les lalyann anvai ou later, ou still kapab ale tire.  Zot pa kapab dir ou be sa i antre kot ou depi plis ki 20an ou pa kapab tire.

Donk dan sa 2 pti lartik i annan tou sa ki DRDM, Mr Paul Labaleine, tou bann DA dan tou bann distrik, tou ban dimoun ki annan en bout later avek en vwazen ki fer sa nwizans ek li la,  la zot drwa pou zot al redwir sa problenm.   La prezan nou vin lo bann konstriksyon ki ganny fer.

Tou bann Lalwa Lasante avek  Konstriksyon i  bezwen ganny respekte, si en dimoun obor en miray i anvi fer en konstriksyon oubyen fouye pou desarz.  Sewage or wastage water.  Oubyen si i anvi fer en laseminen oubyen en laforz oubyen i anvi fer en letab, oubyen i anvi fer en store pou disel, oubyen okenn lezot keksoz corrosive.  Batri par egzanp isi Sesel.

Sa se akoz ou bezwen protez ou vwazen kont sa bann keksoz.   Lafimen, loder, sewage e avek okenn keksoz ki kapab korod.  Akoz sa bann keksoz i kapab travers la frontyer, e i vin annan kot en vwazen. Si i annan en party wall ok, ou pa kapab koup en lafnet ladan.  Ou pa kapab koup en lafnet ant ou vwazen avek ou, pou vwar anndan kot li menm si ou pou met en lafnet ladan.  Ou menm ou napa drwa fer sa.  I kler, alor pa seye.  Pa seye.

678;- e sa i enteresan akoz se la kot kekfwa i annan en drwa to a view.  Nou pa tro sir. Napa okenn building ki kapab annan en lafnet oubyen en balcony, oubyen en lot keksoz ki donn en view direk lo son vwazen, lo lakaz son vwazen, san ki sa i swiv bann zistans ki Lalwa Planning i permet.  E ou pa kapab annan en view lo kote, oubyen en view oblik lo propriyete ou vwazen.  E sa zistans ki Lalwa i permet, i ganny mezire depi deor sa miray, dan lekel sa lafnet oubyen sa balkon i ganny fer.  Ziska sa laliny ki separ sa lot propriyete.

Sa i subject to right of way ki nou pou vwar dan en minit.  Mon krwar sa ki 678 pe fer, pe dir ou dan bann lakaz ki obor kanmarad, ou napa drwa pou ou fer en lafnet kantmenm i kont ou, i dan ou lakaz lo ou miray, ki pou regard zis anba kot ou vwazen.  Direkteman oubyen dan en fason oblik.  Oubyen ou pa kapab fer en zoli pti balcony deor ou lasanm dormi, me ki permet ou ler ou lo la regard anba dan lakour ou vwazen.  Mon krwar se sa ki lentansyon deryer lartik 678.  Me mon poz la, mon poz la pou demann en keksoz,  akoz la nou annan posibilite Mr Chair fer li.

Eski,  eski nou krwar ki isi dan Sesel nou devret annan en right, pou nou annan en view?  Or eski nou devret dir ki napa personn ki kapab blok nou view?  Eski nou devret? E i en keksoz ki si ou pa fer li la a en serten moman nou pou bezwen annan en deba lo la.  Akoz i en problenm ki pe vini kouran, kouran.  En dimoun i aste en later e mon pe mazin anler dan distrik Onorab Lemiel pare egzanp ex Deltel, anler.   Ou aste en later i annan en zoli view, ou fer en lakaz ki ou dream home apre en boug i vini i fer en lakaz devan ou e ou view i ale.  Eski dan serten ka, nou devret dan serten fason garanti ki en dimoun pa kapab bar nou view.  Eski nou devret fer li la?  Eski nou devret fer li dan Lalwa Planning?  Mon zis anvoy sa konman en refleksyon.  Akoz se en largiman ki nou’n annan pandan ki nou ti pe revwar Code Civil.  Mr Chair 682 pou vin right of way ki en lot item, kekfwa nou devret poz la pou en minit.

 

MR SPEAKER

Mersi Onorab Georges.  Mon anvi demar entervansyon par de pti pwen, apre mon a les lezot manm antre.   Eski – ozordi nou annan enstalasyon security cameras kot lakaz, eski en security camera osi ki ou enstale sirtou bann lakour i pros, i kapab lafason ki ou enstale, i pe osi vwar kot ou vwazen?   I kapab annan son bon kote.  I kapab annan son move kote. Mon konn en sityasyon kot security camera ki’n ganny enstale kot en vwazen, lafason ki in ganny enstale i kapab atrap en voler ki’n vin kas lakaz son vwazen.  So i kapab mars en fason pozitiv me an menm tan sa vwazen i kapab panse ki son privacy pe ganny intrude on.

Lo kote lafnet ki pou regard lo en lot vwazen, ler ou fer ou aplikasyon pou build ou lakaz, eski Planning i monte pou regarde si sa lafnet i pou aparaman donn view direkteman lo ou vwazen? Sa i en kestyon.  Si Planning eski vreman i vin regarde lekel ki baliz obor ou?  Si i annan en fore, oubyen si i annan en lakaz ou pe regard par egzanp direkteman dan salon oubyen dan lasanm sa dimoun?

Blocking   of views Onorab Georges mon konnen ki  bann dimoun ki vann later prive sirtou, zot kapab met en serten kondisyon.   Par egzanp si mwan mon annan detrwa kare later, mon pe tenir mon later sa dernyen bout, sa enn devan mwan ler mon pe vann mon kapab met serten kondisyon ki sa lakaz pa – sa dimoun i pa build li en serten oter pou blok mon view.

Me annou pran dan konteks en housing estate.  Annou pran dan konteks Persévérance kot i annan en kantite lakaz.  Eski demen Gouvernman i vin devlop sa bout devan mwan oubyen i fer en kantite lakaz, mwan mon pou annan en right poudir be Gouvernman pe – son konstriksyon pe block mon view?  Sa mon pti query.  Onorab Valmont.

 

HON JUDE VALMONT

Mersi Mr Chair.  Zis pou azout sa ki ou fek dir lo view la. I annan en keksoz ki nou bezwen met an lespri osi.  Later serten later i ganny evalye e view i ganny konsidere dan pri ki ou aste sa later.  Alor sa ki la ler nou pe diskit lo la mon krwar i enportan. Akoz mwan si mon aste en later i mete good view and whatnot mon pou pey sepa konbyen milyon. Si mon ti’n vwar i napa good view mon a dir be ok annou fer sa desann.  Alor sa i en keksoz ki nou bezwen konsidere as well.  Mersi.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon osi mon rapel en pe letan pase mon’n deza come across en case similar to sa.  Me i fer nou retourn back to sa ki Onorab Ferrari ti demande pli boner.   Ki kantite enjoyment ou propriyete ou annan?  E sanmenm sa si ou pe al dan sa laliny nou annan lartik 26 Konstitisyon ki donn sa propriyeter sa drwa zwir son propriyete.

So ki mannyer nou balans drwa sa enn ki pe zwir son propriyete par fer son dream home?  E sa enn par fer son dream home avan e pe zwir son propriyete avan i ganny afekte.  Ki  mannyer nou pou kapab discern sa?  Eski nou pou kapab discern sa ozordi la e isi la?  Eski nou pou kapab discern li dan Lalwa Planning kot i pou still reste en pwen kontansyon par lefe ki lartik 26 i donn nou tou sa drwa.  So pou mwan sa i en kestyon ki nou bezwen reponn.

Be en lot kestyon ki enportan vi ki nou’n koz lo sa size bann pye dibwa mon pa konnen si in ganny adrese.  Se lefe ki ou annan bann dimoun ki pye dibwa i ganny trouve lo bann propriyete Gouvernman, otour zot propriyete.  E la ler pou zot fer koupe i vin en gran prosedir.  Sa ki mwan mon pe dir se ki eski e biro Attorney Zeneral i la,  eski Gouvernman i pran konsyans ki par lefe ki se li ki propriyeter malgre ki i Leta, Leta dan sa konteks i sa endividi ki own sa bann pye dibwa, ki met son lobligasyon pou li koup sa bann pye dibwa, ki pe poz en danze pou sa propriyeter?

So eski dan sa – anba Civil Code i annan ase gain cause pou en dimoun al rode en endividi pou li  fer compel Leta pou li tir sa pye dibwa ?  Me prezan dan sirkonstans kot napa en propriyeter ki fasil pou zwenn li, e nou ti zwenn sa mon krwar pli boner kot nou ti koz vesting into the curator of vacant estate.  Me selman parey mon krwar Onorab ti soulinyen poudir sa curator i bezwen fer sir fer resers lo la.

Ki arive dan  sirkonstans kot ou pa kapab ganny sa propriyete?  Eski obligatwarman sa endividi i bezwen al rod rekour Ankour pou li ganny en permisyon Lakour pou li koup sa pye dibwa ki koz en danze pou li? Oubyen eski nou kapab insert sa dan Lalwa DRDM, pou fer ki en Lotorite piblik i kapab pran sa an men?  Me la kot kestyon i vini se lekel ki pran kou pou koup sa pye dibwa?  Mersi Mr Chair.

 

MR SPEAKER

Mersi Onorab.   Onorab William.

 

HON WAVEN WILLIAM

Mersi Mr Chairman.  Mon annan detrwa pti pwen.  Premyerman mon ti a kontan fer en pti komanter lo sa zafer view la. Dan konteks devlopman ozordi Sesel, vizavi kot nou pe dir en dimoun dapre Lalwa i devret annan zis en bout later.  E letan sa fanmir i anvi ed son bann zanfan i vwar sel lespas se build upwards, ki fason la letan i pou blok view nou pou vwar li?  Akoz li osi i pe sey maksimiz son propriyete pou li kapab ed son bann zanfan avek bann existing laws ki nou annan.

E dezyenmman Mr Speaker, Mr Chairman mon ti a kontan al lo 670, ler nou pe refer avek pwen 3, mon anvi zis demande si pa ti a bon nou azout sa eleman cost.  Akoz lafason ki in ganny mete la, i zis dir ki letan pye dibwa i mor ouswa i ganny koupe i uprooted i pou ganny sharedSo eski sa eleman cost pa devret antre?

Epi lo kote 4 avek 5, dizon sa pye dibwa ki lo balizaz ant de vwazen i annan – dizon i en pye dibwa ki pe donn serten fri ki i annan en latasman ekonomik, ki en vwazen pe tire ladan baze lo son fri ki i kapab rekolte pou vann.  Eski i devret annan en Lagreman la, avan sa pye dibwa i ganny koupe?  Akoz par petet par en vwazen li i annan i pa pe depan lo sa pye dibwa, me sa enn ki pe depan  lo la pou rezon ekonomik ki fason ki nou ziz sa?

Mon lot pwen ki mon anvi tous lo la Mr Chairman, se 678.  Non,  non, wi 678 yes.  678(1)(a) ‘‘A direct view over a neighbouring property which fails to comply with distances prescribed by legislation’’.  E taler mon’n tann Onorab Georges ki sa i ganny kouver anba en lot Lalwa non? E i annan en prescribed distance.  Me ankor la nou vwar ki parey in ganny mansyonnen, mon konn bann legzanp ozordi kot ou annan bann later prive, kot lakaz petet i pa neseserman lakaz letaz.  Me ou vwar Gouvernman i vini, i fer bann block of flats ki annan en direct interference ki annan en direct view dan lasanm kot sa bann dimoun pe dormi, e Gouvernman li i pa pe mete okenn miray pou anpes sa bann ki anler vwar kot sa dimoun ti deza la.  So ki rekour la ki bann dimoun i kapab gannyen?

E mon lot pwen i lo 685.  685(4) anr pa ankor arive laba?  Anr ok alright.  Savedir mon a tenir avek, ya.

 

MR SPEAKER

Ok. Dakor. Onorab Sandy Arissol.

 

HON SANDY ARISSOL

Mersi Mr Chair.  Bonn apre midi a tous.  Mon ti anvi retourn lo sa pwen ki Onorab William in fer.   Parske Mr Chair letan mon regard topography distrik St Louis Bel Air obor nou, deza nou napa teren, alor konstriksyon i bezwen definitivman al vertikal.  E letan ou kalkil vertikal ozordi, tou dimoun i anbelir en kou son lakour.  Be letan mon tann Onorab Georges i dir poudir balkon i vin en problenm, parski letan ou fer ou balkon otomatikman ou pe vwar dan lakour ou vwazen.  Me selman dan bann distrik parey lavil, kot nou,  nou napa teren sey solisyon ozordi se bann zenn, zot ganny permisyon avek zot paran pou zot mont vertikal.

E ou anbelir ou lakour ozordi, pou en pti landrwa pou ou landrwa zwe se en pti balkon anler.  So la deza i vin en problenm.  E view osi dan nou rezyon i pou vin en problenm, parski letan ou al vertikal otomatikman sa vwazen ki par deryer ou i ganny bloke son view.

So la deza nou pou annan sa problenm, so kote remed i vini Onorab Georges?  E dan menm laliny ankor ki Onorab William in koze, se an relasyon avek bann flat. Mon konnen Oliver Estate, ti annan en vwazen obor ki ti menm demann Gouvernman pou koup lo la kantite oter ki flat pe monte, parski i ti dir son view pe ganny afekte.  Parski lontan i reste la, en ban lannen in la.  E otomatikman la bann vwazen ki la dan flat zot vwar deza dan lakour prive sa dimoun ki reste an deor balizaz flat.

So kote bann rekour i antre dan Lalwa Planning ozordi avek bann devlopman ki pe arive dan nou distrik?  Mersi Mr Chair.

 

MR SPEAKER

Mersi Onorab. Onorab Vidot.

 

HON AUDREY VIDOT

Mersi Mr Chair.  Mr Chair mwan mon oule premyerman ranforsi lo sa ki ou’n mansyonnen an referans avek camera.  Wi i annan de ka kot i annan konfli kot parey si sa vwazen li i pa koz ek sa lot vwazen, me selman in  vwar si voler in vin kot sa dimoun.  I annan defwa i pa pou le donn okenn footage. Eski lapolis la i annan fason pou li kapab fors sa dimoun pou donnen?  Sa i enn.

E dezyenmman kot i konsern pye dibwa kot in overgrown, in balizaz kot lezot dimoun, i vin en nwizans i pa pe maintain son landrwa.  Wi petet parey public health ek distrik i kapab ganny en rekour.  Ki arive si sa dimoun li i enn bann zeritye.

Li ki pe occupy pou le moman, eski sa dimoun li si i pou al fer konplent i pou bezwen fer lo sa ki pe reste la, oubyen i bezwen al rod tou sa dimoun ki form parti sa ownership sa landrwa?  Sa i mon 2enm pwen.  Thank you.

 

MR SPEAKER

Mersi Onorab.  Onorab Mondon.

 

HON TERENCE MONDON

Mersi Mr Chair.  Mon kestyon i relye avek lartik 678 kot i koz sa direct view ki ou pa kapab konstri a serten zistans pou en direct view ou vwazen.  Me mon krwar provizyon i devret osi fer referans avek lekel ki’n konmans konstri avan?  Si sa dimoun in deza konmans konstri son lakaz, i responsabilite sa vwazen pou li fer sir ki i vir son lakaz ki sa dimoun pa pe vwar direkteman kot li.

Akoz ler mon pe get sa lartik, i pa tro kler pou mwan lekel ki – ?  Eski sa responsabilite pou tonm lo sa dimoun ki’n deza konstri son lakaz. Ki aprezan ler ou’n konstri  manke ou  ganny en view direkteman dan ou lakaz. Mon krwar sa i  bezwen vin en pti pe pli kler, sa kote responsabilite i tonbe.

E dezyenmman lartik 671 ;- 671 ler nou pe koz bann pye dibwa ant de vwazen, eski sa osi i pou aplike pou domenn piblik?  Par egzanp bann pye dibwa ki pe vir lo domenn piblik parey lo semen, ki koz bann danze piblik.  Parey bann pye koko ki kapab pe tonm lo semen.  Parey Bazarka kot mon reste laba, i annan en kantite.  Tou le zour ou pe pase nenport ki ler en koko pe kapab tonm lo ou transpor.

To what extent sa provizyon i osi pou aplik pou domenn piblik?  E ozordi pou kapab adres sa sityasyon, menm mon seye, i en prosesis ki long.   E ki menm Lotorite pe ganny difikilte menm pou kapab rod sa propriyeter pou kapab adres sa problenm.

E ki provizyon – si sa provizyon i adres sa problenm domenn piblik osi, e kwa ki zot kapab mete pou fer sir ki prosesis i vin pli kourt,  ki nou kapab retir bann danze kot i annan?   Mersi Mr Chairman.

 

MR SPEAKER

Mersi Onorab.  Onorab Paul Ernesta.

 

HON PAUL ERNESTA

Mersi Mr Chair.   Mr Chair bonn apre midi e tou dimoun a lekout, bann koleg Onorab osi.  Mr Chair mon kestyon i preski lo menm laliny ki Onorab Pillay in touse pli boner.  Annou dir e osi tous en pti gin parey Onorab Mondon in dir.  Me an menm tan nou konnen konmela i annan bann devlopman ki bann dimoun i donn permission, right of way si oule.  Me si ou le i baliz ek en semen.  Me sa semen i pa ganny promulgate konman en semen soz, me solman i lo later sa dimoun.  E i annan en pye dibwa ki baliz ek sa semen.  E letan ou pe gete i pou lo propriyete sa dimoun, i tonbe i kree en domaz – annou dir en transpor pase, i kree en domaz. Lekel ki liable?  Sa dimoun or Gouvernman?

E dan menm laliny si zot main semen prezan i lo borderline e lefe ki i lo de propriyete i lo border, e prezan i arive n sityasyon lekel ki pran responsabilite pou kouver sa domaz ki’n ganny arive?  Thank you Mr Chair.

 

MR SPEAKER

Mersi Onorab.  Zis en dernyen pti query. Dizon  ou annan en pye dibwa lo mon later en legzanp, en dimoun i annan en pye dibwa lo mon later, son rasin in al kot vwazen.  I mont en lot pye dibwa lo la.  Eski li sa enn ki son pye dibwa in permet sa lot plant monte i annan okenn drwa lo la?  Oubyen si sa pye dibwa sa vwazen i les sa pye dibwa monte i tonbe i andomaz son propriyete lekel ki responsab?

Me si par azar i en pye dibwa ki raport fri ki bon, eski sa enn ki son pye orizinal in permet sa lot pouse i annan serten drwa lo la?  Oubyen i annan drwa zis ler domaz in arive?  Onorab Georges.

 

HON BERNARD GEORGES

Mersi Mr Chair.  Seri kestyon pli difisil ki ler nou’n konmans sa legzersis, se sa bann ki nou’n demande la apre midi.   Akoz zot tou zot annan en peculiarity,  en spesifisite avek zot menm.  Mon ava sey reponn otan ki posib.  Premye kestyon mon an konmans avek ou menm Mr Chair.

Code Civil i dir de keksoz.  I dir ki si mon pye dibwa i anvoy rasin kot mon vwazen, mon vwazen i ganny drwa koup sa rasin.  Pa bezwen demann mwan vin koupe.  I kapab koup li,  li menm.  Me si i les li pouse e ki sa i prodwi en lot pye dibwa lo son kote, sa pye dibwa lo son kote i vin son pye dibwa pou li.  E si i raport en bon fri, sa bon fri i pou li.  Si i raport parey Levanzil i dir ‘’pikan’’ – sa pikan i pou li.  Ok.  I pou son vwazen.

Onorab Ernesta mon ava fini ek sa enn osi, akoz li osi i ase senp.  En pye dibwa ki tonbe lo en right of way, i dan en antre dan en lot vole Kod Sivil.  La nou pe koz zis pye dibwa ant de vwazen.   Si en pye dibwa i tonm dan en semen oubyen whether sa semen i en semen piblik or whatever i fer okenn domaz, sa i tonm anba responsabilite du fait des choses, ki pou vin anba lartik 1382 e 1383(4) eksetera ler nou pou vwar li pli tar.  I arive en kantite. Tanzantan en pye dibwa i tonbe, i kraz en loto ki pe pase or whatever.   E i annan en  responsabilite la.

Zis pou reponn, se propriyeter sa pye dibwa, ki responsab unless ki sa pye dibwa in tonbe an rezilta en act of God,  en gro divan.  Me responsabilite i selman si sa propriyeter sa pey dibwa pa’n byen maintain sa pye dibwa.  E akoz karya or whatever, melitoma dan en pye koko in arive tonbe.

Si en pye dibwa i sen e sof, e ki tonbe san ki i tonm akoz ki i annan en maladi, oubyen i tonm akoz en act of God, zis i tonbe, sa propriyeter pye dibwa pa responsab.  Nou ava retourn lo la pli tar.  I responsab, si i annan en defayans dan sa pey dibwa, ki koz sa pye dibwa tonbe.  E ki li i pa’n prevwar, alor i vin son neglizans.  E mon krwar menm repons i ava aplik pou Onorab Mondon.

La nou pe regard pye dibwa ant vwazen.  Pye dibwa ki lo larout piblik oubyen lo domenn piblik eksetera, i ava antre dan menm kategori keksoz.  E sa dimoun ki bezwen maintain sa bann pye dibwa, se Lotorite Piblik oubyen propriyeter ki a vwazin avek sa semen piblik.

Security camera Mr Chair.  Wi i en keksoz ki vin ase souvan e nou bann avoka nou’n konmans vwar bokou dimoun vin demann nou konsey lo la. Me sa i vin pa vreman en problenm Code Civil i vin en kestyon the right to privacy.  Ou annan en drwa to privacy e si ou right to privacy i ganny breach ou kapab ganny domaz.  Setadir ki si i annan en camera sekirite, ki pe regard mon lari sa i ok.  Me si en camera sekirite ki pe regard mon lari,  epi mon vwar lo Facebook ki sa propriyeter sa camera in dir ki entel in vin vizit mwan 9er diswar ler mon madanm pa ti la, la i vin en lot keksoz.  Oubyen si sa camera sekirite i pe get mon lari, me selman tanzantan i get anndan dan mon lasanmben osi, la osi i vin en problenm.

E sa osi i pou tonm anba lartik 1382, akoz i en fot.  I en keksoz ki koz en domaz en lot dimoun.   I en abus de droit in fact dan en serten fason.  Akoz ou annan drwa, ou annan drwa prezerv ou landrwa e met en camera sekirite, me ou pa kapab abiz ou drwa e servi sa camera pou spy lo mwan.  Onorab Vidot an fonksyon avek sa i arive lekel ki ou pou al konplent avek.  Se sa occupier. Sa dimoun ki la a sa moman akoz se li ki responsab.  Ou pa bezwen al rod en seri dimoun ki annan defwa ou pa pou ni konnen lekel.  Ou pa pou ni vwar zot.

Sa bann zafer lafnet Mr Chair mon pe mazin Onorab Arissol, e osi ou menm ler ou’n mansyonn sa.   I en kestyon ki mon krwar kekfwa nou pa pe donn li son latansyon neseser anba Code Civil.  E sa ki nou’n fer dan Code Civil nou’n tradwir sa ki annan an France.  E nou pa’n pran an konsiderasyon. E mon bezwen admet nou pa’n pran an konsiderasyon bann spesifisite isi Sesel.

Ki mannyer Persévérance par egzanp, oubyen dan bann housing estate, ki mannyer ou balkon pa pou get ou vwazen? Ou balkon i design pou li get ou vwazen.  E donk tou dimoun in breach sa clause.   E mon krwar nou devret regard li.  Nou pa devret adopte sa ki La France i annan san fer li vin spesifik pou nou.  Si nou le tire.  Annou tire. Akoz si i pe met en lobligasyon tro for lo nou e ki mon krwar i fair.

Akoz mwan anfen nou tou  politisyen ki al dan housing estate, nou konnen ki ler nou pe asiz lo balkon anba lavarang, enn nou bann dimoun nou pe koz ek li nou pe renar sa ki pe arive partou e nou – i arive. Mwan mon fer.  si zot,  zot pa fer li mon sorry pou zot.  Nou fer li e nou pas en pti komanter.  Zot entel in re penn son lakaz, entel in sanz son lafnet.  Get entel i pe aroz son fler.  Of course i arive e sa se en pti pe dan nou koutim. Alor annou revwar sa lartik akoz mon krwar ki i pa pe reponn a nou legzizans.

Wi en right to a view ou kapab dan en lavant later ler ou vann en bout ou later, ou kapab dir ou pa pou build me what if se pa ou ki’n van sa bout later?  Se en lot dimoun ki’n vann sa bout later ki devan ou  e ki li i pa’n met sa kondisyon ladan?  Sanmenm sa mon krwar li osi a en serten moman nou pou bezwen annan en deba.  Pa neseserman la, me nou devret annan en deba lo la.

Pye dibwa ;-  Mr Labaleine pa’n zis enterese avek pye dibwa ki son brans i antre lo en propriyete.  E wi me i osi enterese lo pye dibwa ki danzere, ki lo en balizaz ki danzere e ki menas en lot vwazen.  E la kestyon ki’n ganny demande, se ki mannyer nou pou kapab fer en fason vit e fasil, pou kapab pran en ka avek sa bann pye dibwa?  Akoz i byen pou dir ki anba Code Civil mon kapab al Ankour e demann mon vwazen koup sa pye dibwa. Me i pran letan e i kout larzan.  Me ki kantite dimoun ki pu anvi al Ankour avek son vwazen zis pou en brans dibwa?  Fodre vreman i en gro problenm oubyen ou vwazen i vreman en move vwazen e ou anvi montre li en leson.

Alor mon krwar ki nou devret osi pe rod en mekanizm, pou sa bann zafer pye dibwa lo balizaz, pou permet Lotorite piblik ki se DA, ki se DRDM kapab en pti pe parey PUC i fer si ou anvi, antre e donn en notis.  E si notis pa ganny comply avek, antre fer.  Mon krwar sa i en fason pou nou apros sa problenm.

I reste mwan kestyon Onorab Waven William e i annan trwa.  Enn se cost sharing anba lartik 670.  Ler ou en pye dibwa i tonbe oubyen ou anvi koupe ki lo balizaz, e ou vwazen pa pe ed ou.  Malgre ki Lalwa i dir ou pou share sa cost li  i pa anvi, ankor enn fwa sa se enn sa bann ka kot ou pou bezwen ou invest akoz ou,  ou anvi epi al rod sa domaz avek li pli tar.  Mon pa vwar en lot fason pou nou kapab deal avek sa.

E si sa pye dibwa pe prodwi en fri e ou vwazen i dir annou tir li,  anba Code Civil ou bezwen tir li si i en pye dibwa mitoyen.   E mon dakor avek ou,  ou pou perdi sa income, me mannyer Code Civil i ete konmela ou pa kapab eparny sa.  Code Civil i dir ou, ou bezwen koupe si enn i anvi e lot pa anvi. E kestyon kekfwa Onorab se, eski i devret la?  Eski nou devret obliz en dimoun ki enn ant sa de vwazen fors sa lot koupe?  E sa mon pa konnen, se sa Lasanble ki pou deside.

678 ;- dernyen bout kestyon, wi, direct view sa se menm kestyon ki nou’n war taler.  I en keksoz ki nou bezwen retourn lo la Mr Chair, e fer sir ki by the time ki nou fini avek sa legzersis Code Civil nou’n swa tir sa konpletman oubyen ranplas li par en keksoz apropriye.  Mersi Mr Chair.

 

MR SPEAKER

Mersi Onorab Georges.  Bon nou sizere nou pran en break, apre nou ava retournen avek en bi ki nou kapab fini Book 2. So nou ava break,  nou retournen 4.30.

 

(BREAK)

 

MR SPEAKER

Bon nou pou repran nou travay me ankor mon anvi prezant leskiz pou sa pti retar, anvi bann travay osi tou ki nou bezwen fer pandan break.  Onorab Georges nou ava kontinyen.

 

HON BERNARD GEORGES

Mersi Mr Chair.  Wi nou ava kontinyen avan nou kontinyen mon ti anvi zis dir de keksoz Mr Chair.  Premyerman an sa ki konsern lartik 678, ki annan pou fer avek sa zafer balkon, view, overlooking neighboring property, panel i ava revwar sa e mon mazinen avek sa detrwa keksoz ki nou pe keep aside, a en serten moman nou a retournen e nou ava raport avek Lasanble lo propozisyon.

2enm keksoz e sa enn osi i pa pou vin dan Civil Code, me mon krwar ki tou dimoun i dakor ki an sa ki konsern pye dibwa ki pe anvair ou landrwa, oubyen pye dibwa ki menas en landrwa ki bezwen ganny koupe, olye gard striktir ozordi kot ou bezwen file en case Ankour kont sa vwazen, e al atraver tou bann prosedir ki nou konnen ziska ler ou ganny en zizman,  mon krwar letan in arive pou nou fer en prosedir senplifye, kot en dimoun ki anvi ki son vwazen i koup son pye dibwa, i ava kapab zis fer en notice of Motion, avek ek afidavit anvoy kot detrwa Lakour Mazistra, ki al bokou pli vit e ki pa kout bokou larzan, pou li ganny en lord.  E sa i ava osi aplik pou Lotorite Distrik avek DRDM eksetera.

Natirelman  propriyeter sa pye dibwa, pou bezwen ganny servi avek sa dokiman.  I bezwen vini li osi e byensir si i dakor si i pa dakor e apre Mazistra i ava pran en desizyon.

En pti pe parey prosedir ki nou apel Rit Habere konmela i apepre menm prosedir.  I vit.  I cheap e en desizyon i kapab ganny pran vitman e dan en fason pou anmenn soulazman.  E sa osi panel i ava take that up avek Lotorite Zidisyer pou gete dan ki Lalwa sa i kapab ganny ensere.

E 3enm pwen set en kestyon ki Onorab Phillip Arissol ki pe asiz obor mwan in demann mwan, e i en kestyon enteresan ;-  673(2) i dir ki i lo board, si en fri i tonm natirelman lo ou later, sa fri i pou ou.  Me si en koko me olye tonm natirelman lo ou later, i tonm lo ou latet, eski i pou ou dakor me lekel ki responsab lefe ki in tap ou lo ou latet?

Mon parey dimoun i dir mon poz sa la.

 

MR SPEAKER

Mersi Onorab Georges.   Onorab Pillay.

 

HON SEBASTIEN PILLAY

Mersi Mr Chairman.  Tre vit.  Sa prosedir ki Onorab Georges in detaye i pou marse dan sirkonstans kot ou kapab ganny sa propriyeter.  Me dan bokou ka ozordi ki mon’n rankontre, sa bann dimoun ki pe rod en remed zot pa pe kapab zwenn sa propriyeter.

Dan sirkonstans kot zot kapab zwenn egzekiter, i pran bokou letan.  Eski nou kapab par egzanp, kot i kapab ganny prouve, kot i kapab ganny prouve, i kapab ganny admet ki sa pye dibwa an kestyon, i poz en danze reel pou sa lakour sa dimoun, eski sa osi nou pa kapab fer enkli en dan enklizyon, petet anba Lalwa DRDM, oubyen en lot Lalwa ki ava fer ki en Lotorite konsernen i a kapab antre step-in e ed sa endividi pou li kapab retir sa pye dibwa ki pe poz en danze pou son propriyete.

Mersi.

 

MR SPEAKER

Mersi Onorab Pillay.  Onorab Georges.

 

HON BERNARD GEORGES

Wi mon krwar i apropriye Mr Chair.  Ki later ki arpan ki rate of understates i kapab osi step in kot sa i en byen evakan.

 

MR SPEAKER

Mersi Onorab.  Eski panel i le reakte dan- ?  Non.  Si non nou ava kontinyen. Onorab Georges.

 

HON BERNARD GEORGES

Mersi Mr Chair.  Dernyen vole nou travay pou ozordi, e parey ou’n dir, nou swete ki sa i kapab kekfwa anmenn nou ziska lafen pou tou.  E sa se en 20enn lartik ki annan pou fer avek right of way.  E i annan en bon pe Lalwa lo la, e Kod Sivil i ase performan lo sa pwen.  Labaz se lartik 682 ki dir ki si en propriyete i anklave, setadir i annan – i enclose lo tou le 4 kote, e i napa akse,  oubyen i annan akse inadekwat pou li ariv lo semen piblik – swa pou son litilizasyon prive oubyen biznes, sa dimoun ki anklave i kapab demann avek son vwazen en right of way, pou li enjoy son propriyete konpletman – full use of such property.

Sa se drwa basic.  Si ou napa akse parey lo semen piblik, ou kapab demann sa akse avek ou vwazen. E sa se swa pou zot private all the business use of the property e pou ensure the full use.  E zirispridans i dir ki, si ou annan en loto e ki i posib pou ou annan en semen loto, ou vwazen  i bezwen demann ou en semen loto sa in revoli in aksepte.

Bann kondisyon paragraf (2) si sa right of way pou koz okenn domaz, setadir ou pe koup en pye dibwa, oubyen ou pou kas en ros, oubyen whatever, ou pou bezwen pey ou vwazen en domaz.  Oubyen si right of way i devalye son propriyete, sel landrwa pou pase se dan milye ou pou bezwen pey li en konpansasyon.

Ler en propriyeter son akse in ganny arete, akoz semen piblik in ganny unprescribed e in vin en semen prive prezan, sa dimoun ki’n ganny sa later kot sa semen ti été, i bezwen donn sa enn ki’n perdi son semen en right of way.

E konpansasyon anba sa lartik mon annan zis peryod pli neseser anba sa Lalwa Preskripsyon, pou ou demande.  Me menm si ou pa’n demann ou konpansasyon, ou pa perdi ou right of way.  Ou right of way i ava reste.  E prezan kote sa right of way pou pase, annou pa bliye ki tou bann plan cadastre,  bann plan later isi Sesel, i plat.  E i annan tre pe later ki plat.  Alor 683 i enportan.

Sa right of way pou ganny egzerse zeneralman, dan fason pli kourt pou ariv lo semen piblik – zeneralman.   Akoz i kler dan serten ka, fason pli kourt pa posib, akoz kekfwa semen i bokou pli o ki sa later.   Oubyen i annan en ros dan milye semen, oubyen i annan en ranpar whatever ou pa kapab fer li alor ou bezwen fer li al en longer en pti pe pli long.  E ler en right of way i ganny donnen premye priyorite se pou fer sir ki domaz a sa propriyete ki pe donn sa right of way i ganny redwir otan ki posib.

684 ; i enteresan.  E i enperatif.  Si ou lanklave, si se en survey – en pair and parcel ki li i ti annan en semen pou ariv lo – oubyen i ti tous avek semen piblik e ler ou’n subdivide sa bout deryer in vin anklave akoz li i pa tous ek semen piblik sa drwa pasaz pou bezwen ganny demande avek sa pair and parcel.

Ou pa kapab demann ou vwazen en right of way ler se subdivision sa prop later ki’n fer ou anklave.  E se selman si sa pa posib ankor enn fwa akoz toprografi teren ki ou a kapab al demann en right of way avek ou vwazen selman dan sa ka.

Pozisyon right of way pa son right of way li menm me pozisyon ki pou pase i kapab ganny etabli si i ti annan en right of way ki ti pe ganny servi pou plis ki 20an san ki sa keksoz ti en right of way.  E nou a war taler ki mannyer sa i ava anyway mon ava dir zot la.

En right of way i ganny kree zis dan de fason me i posib ki ou pe servi sa pandan en kantite letan san ki zanmen ou’n ganny papye poudir i en right of way.  En zour ler ou pe rod papye pou sa right of way, si ou’n servi en pasaz pou plis ki 20an, swa pyeton swa semen, sa right of way pou ganny donnen la kot ou’n pase pou plis ki 20an, akoz ou’n prescribe sa ki nou apel l’assiette de passage, sa landrwa kot ou semen ti pe pase malgre ki ou ti napa sa stati legal, pou apel li en right of way.  Vwala.

E si a nenport ki moman sa dominant tenement; setadir sa enn ki sa right of way i dan son faver, i ganny en akse dan en lot fason.  Setadir ki si ou pe servi en right of way, apre en zour ou ganny en meyer right of way oubyen en lot right of way, sa enn ki’n donn ou en right of way, i kapab demann kennsel  sa akoz ki ou annan en lot. E si i ti’n pey ou konpansasyon, ou ava ranbours li en poursantaz sa konpansasyon, ki ekivalan avek sa letan ki ou’n servi sa right of way.

686 – i sorti lo right of way prezan e dan en fason ase – dan en fason ki nou war en kantite fwa dan Kod Sivil, all of a sudden nou kit right of way e nou retourn dan bann prensip zeneral easement.  E donk nou kit right of way la pou le moman e nou al lo easements an zeneral.

E se en pe koumsa ki Kod striktire.  E malerezman i pa toultan fasil pou swiv.   686 i dir ki en propriyeter later i kapab kree easements an faver propriyete normal, nou tou nou konn sa.  E bann easements i ava ganny gouvernen par bann kondisyon dan sa dokiman ki kree sa easement, e si napa en dokiman i ava ganny fer dan lafason ki i swiv.  Sa se kreasyon en easement.

E la nou antre dan en de ou trwa lartik ase konplike, e bann prensip zeneral.  En easement i swa continuous oubyen discontinuous.  Continuous easement se bann ki kapab kontinyen san lentervansyon imen – delo, dren, lalimyer.  Discontinuous se sa bann ki bezwen en lentervansyon imen, pou zot kapab ganny enjoy ;- par egzanp en right of way.  En priz delo avan oubyen plito sirtou – anfen sirtou dan  bann landrwa en pe elwanye, dan bann lakanpanny, Praslin, La Digue i annan bokou landrwa kot napa delo trete e dimoun i pran en prise d’eau  dan en larivyer oubyen grazing, kot ou ganny drwa donn dimoun en drwa, pou li anmar son bef lo ou bout later e sa i vin osi en easement.

Donk easement i swa continuous or discontinuous.  I swa aparan ou non aparan.  Aparan i fasil, en laport en lafnet en tiyo.  Pa aparan se bann restriksyon.  Par egzanp bann restriksyon lo fer en building par lao en serten oter, si donk ler ou vann en bout later, ou dir ou pa kapab fer en building pli o ki en letaz, sa en lot easement.  An Frans dan Lalwa Franse, sa ki nou ti koz lo la yer ki nou apel restrictive govenance, i en easement dan Lalwa Franse.  Dan Lalwa Angle i en lot keksoz ki apel en restrictive governance me an Frans i en easement.  I en servitude.

E donk pou annan continuous and discontinuons  apparent e non-apparent.  Epi 690 i dir ou, sa ki continuous e apparent i kapab ganny ou kapab ganny sa easement swa par en dokiman, or posesyon pou plis ki 20an.  Fodre i continuous oubyen apparent.  E zot ava imedyatman war ki en right of way i en discontinuous easement dan 688 (3), alor i pa kapab ganny kree par posesyon pou plis ki 20an.

En non-apparent continuous easement oubyen en discontinuous easement ki en right of way, ou kapab kre li zis par en dokiman.  Zis en dokiman ki kapab fer li.  Alors si ou napa en right of way, en grant of easement ki dir ou kapab pas lo en later, swa dan ou lavant later swa dan en lot dokiman ki’n ganny anrezistre, malgre ki ou’n pas lo en landrwa pou plis ki 20an, ou napa right of way.  Ou annan en assiette de passage, ki i en semen ki ou kapab war, me ou napa sa drwa legal pou ou pas lo la, ki i appel en right of way.  E nou bezwen arete la poudir ki tou sa bann keksoz, en Lakour i kapab ordonn en easement.  Alors si ou napa en tit, ou bezwen al Lakour pou ganny enn.  Anba lartik 682, ou a dir mon anklave mon napa landrwa pou pase.

692 – laprev ki en e si ou kapab prouve ki en easement ti ganny kree par propriyeter avan ou, sa i ekivalan a en tit.  Ou kapab servi li konman en title.  E sa bann kalite easement ou kapab aksepte li selman si en morso later ki prezan in divize ti pou menm propriyeter.  E sa easement ti ganny kree par sa propriyeter.  Otherwise ou pa kapab prouv en easement by oral evidence.

Si i annan en easement vizib lo en later, e son owner i vann sa later san mansyonn sa easement lo la, e sa easement i vizib tou dimoun i kapab war li, sa easement i ava kontinyen egziste.  Menm si i pan met li dan son lavant.   En dokiman ler en easement pa kapab kree par en preskripsyon 20an, i bezwen ganny kree par dokiman.  Sa dokiman i kapab selman ganny ranplase par en lot dokiman, ki rekonnet sa easement pourvi ki sa i sorti kot sa dimoun ki pe donn sa easement.

Alor si li i donn ou en papye poudir wi, ou ti annan en right of way, sa i sifizan menm si ou dokiman ou grant of easement li menm li in perdi.  En easement i vin avek tou keksoz ki neseser pou servi li.  E en legzanp la se well la i la egzanp i limero dan No.2.  Si ou annan en easement, pou pran en priz delo, en dimoun ki annan en larivyer i donn ou permisyon met ou rakor dan son larivyer, akoz ou napa delo kot ou reste, e nou war sa dan bann landrwa riral – en pe landrwa dan sid zeneralman, i donn ou sa, en akseswar sa priz d’eau, i permisyon pou ou antre lo son later, pou ou vin met ou rakor e tanzantan vin fer sir ki ou rakor i ankor byen.

Donk i vin en akseswar avek li e sa dimoun ki annan sa easement 697, i ganny drwa fer tou sa ki neseser pou li prezerv sa easement. Setadir si ou annan en right of way, ou kapab repar ou semen pou fer sir ki ou prezerv li.  E si ou annan en priz d’eau, ou ganny drwa vin repar ou tiyo, tanzantan netway li fer sir ki i mars byen.   E sa cost i tonm lo ou sa dimoun ki annan sa easement, a mwens ki ou dokiman i dir le kontrer.

699 – si propriyeter sa enn i donn sa easement dan sa dokiman, se li ki devret fer travay pou prezerv sa easement, i kapab abandonn sa e dir se lot propriyeter sa enn ki benefisye ek sa easement ki devret fer sa.  E si sa dimoun ki’n donn sa easement, i pa fer bann keksoz ki tonm lo son responsabilite pou prezerv sa easement, sa dimoun ki annan benefis sa easement i kapab demann avek Lakour pou fer li, li menm.

Si sa morso later ki pe benefisye avek sa easement i ganny subdivide ;- par egzanp ou annan en right of way ki vin lo ou later e ou subdivide ou later an de, sa easement i apply pou tou lede bout later.  Pou vi ki burden lo sa enn ki’n donn ou sa drwa pa increase.  E la i en kestyon ki nou gannyen souvan.  Mwan ti donn en msye – sa msye en drwa pou pas lo mon later, la prezan li son piti, son de piti son piti, son 3 pti zanfan tousala pe pase, eski sa i byen?

E la, la, la, la repons.   Ou pa kapab increase.  Si dizon mon vann – mon annan drwa pase pou mwan, apre mon vann mon later e all of the sudden mon vwazen i annan en 2enm loto, easement i reste, sa right of way i reste, me ou bezwen al negosye, akoz all of a sudden i annan en increment dan son burden. 

        Right of way si i annan plizyer dimoun ki annan en sel later, zot tou zot bezwen servi menm semen – obviously ou pa kapab si ou annan 10 ko- propriyeter sakenn ganny en right of way lo menm pti bout later,  sa dimoun ki’n donn sa easement, pa kapab fer nanryen ki pou anpes sa easement ganny servi, oubyen pou fer li vin mwen konvenyan.

E annou pa zis mazin right of way la.  Lot easement isi se priz delo osi.  Ou pa kapab dizon si ou’n donn en dimoun en priz d’eau, ou pa kapab ale ou met 4 tiyo ki pou ponp tou delo, pou fer sir ki sa enn ki ou’n donn li en priz d’eau pa gannyen.  Akoz tou delo i vin kot zot tou sa se bann keksoz koumsa.

Sa dimoun ki’n donn sa easement, pa kapab sanz kondisyon propriyete, oubyen bouz sa easement dan en lot landrwa.  Pa kapab.  Me si sa landrwa kot i été, e i vin en problenm pou li, e i anpes sa dimoun ki’n donn sa easement fer bann improvement neseser lo son later, i kapab ofer sa dimoun ki’n ganny sa easement en landrwa ki of equal convenience.  Ki zis osi konvenyan pou li pou egzers son drwa.

Donk dan en right of way mon kapab dir ou semen i pas la, me mon pe al build en lakaz pou mon fiy, alor mon pe ofer ou en lot semen ki pa pli mal, me ou a bezwen bouze.  Donk sa i posib akoz sa dimoun pa kapab natirelman tie-up son later, pou en easement forever.  Dan lamezir i posib annan de fwa i pa posib e ou stuck avek.  E si ou pe bouz en drwa en dimoun.  Par egzanp en right of way sa i ava vin lo ou cost akoz se ou ki pe bouze pou ou benefis.

Prezan bann responsabilite, en dimoun ki annan en easement i ava servi li zis selon son permisyon.  Donk si mon donn ou permisyon pou ou drive lo en semen lo mon later pou ariv kot ou, e demen ou deside fer en guest house oubyen en garaz.  E nonm loto ki pase i ogmant en kantite, sa i a kont sa permisyon.  Ou a bezwen demann en lot permisyon.  E si posib, si i neseser, pey konpansasyon neseser pou li.

E i napa drwa sanz sa keksoz, pou fer li vin worse ki i ti été avan.  Donk fer li vin pli problenm pou sa dimoun ki’n donn sa easement.  Ki mannyer easement i fini, ler i fini, i etenn ler kondisyon sa later, i ariv dan en fason kot sa easement nepli kapab ganny zouir.  En priz d’eau par egzanp,  larivyer i sek  i nepli kapab ganny zouir, alor i ariv a lafen.  Me si keksoz i vin byen apre ;- setadir larivyer i rekonmans koule apre 10an, sa i easement i repran.

A mwens ki i annan telman letan lontan ki’n pase, i.e plis ki 20an, ki ou kapab dir sa easement in perdi par preskripsyon ekstansif.  Ler menm dimoun i vin propriyeter sa de later, sa enn ki pe benefisye avek en easement ek sa enn ki annan en easement lo la, obviously easement i tonbe.  Akoz si mwan mon vin propriyeter sa landrwa, kot mon right of way i pase, mon nepli bezwen en right of way lo mon prop later, akoz i pou mwan.

E en easement ki pa ganny servi pou plis ki 20an, i tonbe.  Si mon annan en right of way e mon pa servi li plis ki 20an, mon a repas la,  akoz  mon pe pas en lot landrwa.  Akoz Administrasyon Distrik in fer en pli bon semen, ki mon pe servi, sa enn ki mon ti pe servi avan i tonbe, apre en peryod 20an.  E sa peryod 20an i konmans konte depi zour ki mon’n aret servi en discontinuous parey en right of way, oubyen dan ka en continuous easement depi zour en Act in ganny fer, pou anpes sa easement ganny servi.

3 dernyen lartik Mr Chair apre nou fini, fason ki en easement i ganny zouir, i osi kapab ganny preskri par preskripsyon. Egzakteman parey en easement.  Alor si mon’n ganny permisyon pou pas en loto lo en semen, e pandan 20an mon pas 10, 15 loto toulezour, sa easement i ava vin en easement pou 10, 15 loto apre en peryod 20an, akoz ou’n preskri lafason donk i ganny servi.  Si sa dimoun ki pe zouir sa easement i annan plis ki en propriyeter, enn e enn i servi sa easement, li i kapab anpes lezot ganny sa easement.  Akoz zis li ki pe zouir pou en peryod 20an.

E si se en co-owner kont lekel sa peryod preskripsyon pa’n run.  Par egzanp en miner drwa tou bann lezot co-owners i natirelman ganny prezerve, akoz ou pa kapab preskri kont en miner, oubyen kont en dimoun ki en ward.  Vwala Mr Chair sa se lafen pou tou lo sa size servitude, easements.   Mersi.

 

MR SPEAKER

Mersi Onorab Georges.  Nou ava konmans avek bann entervenan.   Onorab William.

 

HON WAVEN WILLIAM

Mersi Mr Chairman.  Mr Chairman mon annan detrwa pwen pou raise.  Annefe mon ti a kontan retourn lo sa pwen pye dibwa, akoz mon santi poudir i annan serten eleman si i pa ganny adrese i pou kre bann problenm Ankour ek bann avoka.

Par egzanp ozordi ou konnen bann kontrakter ki ganny Kontra avek PUC pou fer bann debwazman anba bann laliny elektrik, avek bann poto elektrik.  An menm tan ou annan bann kontrakter ki koup zerb obor semen, e si mon pran an konteks profil teren La Misere, ou annan bokou later propriyete prive ki balizaz avek semen, eski sa propriyeter demen bomaten, i ariv en lensidan kot li i pa’n ni koup zerb ni debwaz bann pye dibwa, me selman i annan en aksidan kot ros i deboule, ouswa akoz degradasyon gradyel, ki pa li ki responsab,  me in koz en aksidan kot propriyete ouswa kot lavi dimoun i ganny afekte.

Konmsi, mon ti a kontan ki si par enn ouswa Onorab Georges, i kapab eksplik mwan ki rekour sa dimoun i annan.  E  an menm tan, mon pou retourn ankor lo easement avek  right of way, e le fame  later La Misere ki’n ganny vann par Lanmisyon.

Mon pou tous ankor lo la e mon konnen bann dimoun La Misere pe ekoute, sirtou mon mazin de ka la Mrs Joseph avek bann Gerry, kot mon annan en sityasyon la Onorab Georges kot well ou’n mansyonnen poudir pa neseserman ki si sa dimoun i kontinyelman pas en landrwa pandan 20an, sa i ganny rekonnet konman en right of way.

So mon annan ka kot sa rezidan in fini ganny aklave, e i annan bann diferan propriyeter e an menm tan petet posib semen pase i ti kapab pase, later in ganny vann san ki li i konnen.   Pou li kapab annan en right of way ozordi,  ozordi i bezwen demann permisyon avek vwazen pou li  kapab pase.  I napa en right of way.  E an menm tan ou annan en lot bout kot  ou annan en propriyeter li ki kot i pou al fer son garaz, i deza pe al blok en right of way kot i annan plizyer vwazen par deryer.

Me selman parey mon ekout ou dir, ki si sa bann dimoun napa en dokiman ki legalman zot i ganny rekonnet ki zot annan en right of way, ki fason ki bor zot rekour i été?  Epi an menm tan lo sa lot size pou Lotorite Distrik avek Gouvernman Lokal, i kre en problenm, lefe ki sa bann semen pa ankor ganny promulgate ofisyelman, ganny transfer avek Gouvernman e i ti later Lanmisyon, lekel ki sipoze inisye sa prosesis ki later i ganny transfer ek Gouvernman?

Akoz pou le moman la nou dan en limbo.  Demen bomaten Lotorite Distrik i kapab ganny pourswiv.  Me mon anvi ou gid mwan lo lekel la, eski Lanmisyon ki fer sa premye pa, me en bon pe letan zot pa’n fer li.  Me mon pa konnen si zot okouran, me i annan bann difikilte ki pe ganny kree.  E mon ti annan de dernyen pwen lo 705 (bear with me Mr Chairman)  Mr Chairman mon a les en dimoun petet pou pa gaspiy letan, mon a revin lo la akoz pou mwan scroll down i pou pran en pti pe letan mon a les en lot.

 

MR SPEAKER

Mersi Onorab William.  Petet zis pou azout en pti keksoz, ou’n nonm non sa madanm ki ozordi pe war li anklave plizoumwen i pa pe kapab, i annan en bout pou li – anfen i pas lo later kot mon pe reste, ki i pa pou mwan well nou tou nou konnen later i pou ki later,  i pou sa madanm ki mon pe viv avek.

Sa bout anler kot i pas lo mon apel sa nou propriyete zanmen nou met trespas, e zanmen nou pou bloke.  So lo sa bout e mon’n osi dir li e la mon dir piblikman, i pou touzour ganny rezerve konman en drwa pou- Ou konnen i annan detrwa lakaz la anler, ki’n servi sa bout e  nou pa pou zanmen, nou napa lentansyon pou nou bloke.

So sa bout kot nou i kler. E mon konnen bann bout avan ki en pe dan problenm ok?   Onorab Esparon.

 

HON REGINA ESPARON

Mersi Mr Chairman.  Mr Chairman mon ti ava kontan en leklersisman.  Dan ka kot Gouvernman i fer nouvo semen, en semen piblik, prezan ti annan en ansyen semen ki ti en right of way ki ti ganny servi pou  donkey years. Gouvernman i vann en bout later ki adjacent avek sa vye right of way.

E prezan sa dimoun li in aste sa later avek Gouvernman, e i konstri son miray – son miray i encroach lo sa vye right of way.  Prezan sa i anbaras lezot dimoun ki reste pli o, ki fer ki zot napa en semen pou zot al kot zot.   Nou transpor pa pe kapab ariv kot zot.  E nou pe koz lo right of way par footpath la, an se moman.  Nou pe koz lo right of way a lavenir pou motorable way.

Si demen sa dimoun li, i ganny demande pou kas en bout son miray pou kapab facilitate sa vye right of way, pou ariv kot lezot dimoun ki par lao, lekel ki pou pey konpansasyon si  i claim i konpansasyon?  Sa bann dimoun ki pe rod right of way dan sa landrwa la, oubyen Gouvernman ki bezwen pey sa dimoun en konpansasyon?

Mersi.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi Mr Chair.  Mr Chair lo sa size right of way, petet nou devret ganny en presizyon.  En right of way i pa vin en right personnel li.  Eski i vin en right pou sa propriyeter?  Savedir i  en landrwa pou sa propriyete.  E prezan dan sirkonstans kot sa dimoun i ganny sa drwa, sa propriyete ki annan sa right, me problenm ki nou pe war se ki malgre ki sa right of way i egziste pou sa propriyete, kot i pase i pa’n ganny tire lo sa later sa lot dimoun.

E prezan ou ganny sirkonstans kot i été, vi ki i lo later sa dimoun, si par egzanp en kominote i demande pou fer en reparasyon lo sa semen, distrik i bezwen al rod en wayleave.  E ler i al rod sa wayleave i al rod sa wayleave avek sa dimoun ki annan sa parsel sa propriyete.

E si sa dimoun pa oule donnen, i vin en konplikasyon.  Eski petet nou kapab eski Kod i klarifye sa, akoz i pe konmans vin en size serye – par lefe ki ler sa bann dimoun ti ankor zenn, ti napa problenm.  Zot ti marse dan sa semen klopi kolopan mannyer zot kapab, me ozordi bokou sa bann dimoun pe al lo laz e lanbilans pa kapab arive, e prezan ou pe war bann sityasyon kot mannyer ou pou tir sa dimoun kot lakaz, si i annan en problenm.

Alors, eski nou kapab fer sir ki sa i vin kler dan Kod. Oubyen eski mon pa neseserman dakor avek sa ki Onorab Georges in dir, ki Kod i adres sa ase byen.  Mon santi poudir i annan en mankman par lefe lakantite problenm ki nou’n rankontre. Bokou bann MNA la anndan i kapab ateste, kot plizyer fwa zot in ale pou sey rod en wayleave pou ganny en semen pase, e zot pa pe kapab gannyen.

Prezan mon lot kestyon i vin lo size ki Onorab Georges in touse previously, e sa se lefe ki eski nou kapab fer ki sa size right of way i vin pli kler?  I annan sityasyon en pti pe parey Onorab Esparon in servi legzanp Gouvernman, me i annan legzanp kot en propriyeter prive i subdivide son later e i vann.

E i gard en parsel pou li e la en semen i pase.  Me eski i kapab ganny klarifye ki mannyer sa bann keksoz i gannyen swa anrezistre, swa sa parsel i ganny retire, eski nou bezwen egziz ek sa parsel i ganny retire, alors i vin  en vi  – en komen pou tou sa bann dimoun ki dan sa landrwa pou fer li pli senp alors, apre pou annan okenn travay pou ganny angaze lo la.  Eski sa i en posibilite ozordi anba Kod ki mannyer in ganny ekri?

Apre mon dernyen kestyon Mr Speaker se en konsern, en konsern ki mon annan, set akoz mannyer Kod i dir, i dir ou koumsa si ou propriyete i anklave, ou napa akse ou sipoze ganny en akse.  Me sa ki Kod pa dir ou, se ki kalite akse?  E prior to pou nou vin diskit sa kot Lasanble, mon sey fer en pe resers, e mon’n war poudir sa bann zizman i diferan.

I annan lenstans ou war kot bann dimoun in ganny en motorable access. I annan lenstans nou’n war kot prezant preski menm kondisyon, me bann dimoun pa’n gannyen motorable access.  Zot in ganny en access.  I annan lenstans kot en propriyeter in antre e in fer en pti akse pa ni menm larzer de dimoun, kot bann dimoun i bezwen pase pou mont kot zot.

Eski sa pou ed nou dan bann revizyon ki nou pe fer, pou nou si oule etablir en lord dan lenterpretasyon e dan lenplikasyon sa size, an se ki konsern en drwa pasaz ki en dimoun i bezwen gannyen pou li ariv se li?  Mersi Mr Chairman.

 

MR SPEAKER

Mersi Onorab.  Onorab Letourdie.

 

HON JANY DE LETOURDIE

Mersi Mr Chair.   Bonn apre midi tou dimoun.  Mon ti a kontan met lanfaz ankor pwen ki Onorab William in fer resorti; kot en dimoun tou son lavi in reste dan sa landrwa kot i krwar i annan sa right of way, me selman i napa en dokiman alors ki i fer pou li ganny tousala?  Prezan en lot sityasyon mon pou mete pou Onorab Georges, sa dimoun li i dernyen propriyeter ki reste dan sa landrwa kot i pase.  Sa landrwa i footpath.  Prezan tou lede kote sa footpath i borde avek lezot propriyeter, sakenn – konmsi i annan diferan propriyeter dan tou lede kote.

Prezan li sa dimoun tou son lavi in reste la, parey Onorab Pillay in dir en pti pe, prezan la finalman i bezwen war li i bezwen servi wheelchair apre bann walking aids sepa baton oubyen whatever.  Me prezan sak dimoun in aranz son pti bout, prezan li pou li ariv kot li, kekfwa i reste li de propriyeter ki i petet pa kapab donn nou oubyen pa pe dakor pou akord li, pou li fer fasilite pou li kapab ganny akse avek son grannrout, alor ki son rekour ki i annan la?

Mersi.

 

MR SPEAKER

Mersi Onorab.  Onorab Aglae.

 

HON EGBERT AGLAE

Mersi Mr Speaker.  Mon pou met lanfaz en pti gin sa ki Onorab Pillay in kot i konsern sa right of way.  Eski dan sa Kod la akoz in ganny mansyonnen oparavan osi, ki mannyer nou pou standardiz  en right of way ler nou pe dir?  Eski i pou annan en bare minimum ki nou ava adopte, poudir ouswa nou pou dir en right of way i bezwen motorable ouswa i pou bezwen  en footpath?   Ok.  Sa i mon premye kestyon lo kote son standardizasyon.

Dezyenmman i konsern 706 kot in ganny dir poudir apre 20an si sa landrwa, sa right of way pa’n ganny serv,i i kapab ganny discontinued – ok?  Me an menm prensip parey ler ou pe al demann pou annan en right of way, ou bezwen apros sa owner demann li permisyon, ki sa i kapab met an ekri, me pou ou discontinue prezan li ki son prosedir ki ou bezwen al pas atraver pou ou ganny li?

 

E ozordi nou ki annan ki poudir nou annan bann plan GIS Cadastral tousala i pou feature lo la.

Ki mannyer sa pou ganny fer pou li kapab dan son finalite sa right of way kapab sorti, e napa okenn demarkasyon ki ganny mete lo okenn plan ki ganny ki ti la oparavan?  Mersi.

 

MR SPEAKER

Mersi Onorab.  Onorab Ernesta.

 

HON PAUL ERNESTA

Mersi Mr Chair.  Mr Chair mon kestyon i pli boner Onorab Georges in dir ki, en dimoun i kapab donn right of way par egzanp pou en transpor li i kapab spesifye kantite transpor i kapab pas lo sa right of way.  E dan menm konteks, eski sa dimoun osi i kapab determinen lekel ki kapab servi sa right of way dan sans lekel ki kapab sirkil lo la par egzanp si dan lot kominote i annan 10 dimoun i pou kapab dir x, y i kapab pase a, b, c li i pa pou kapab pase?  Sa i enn.

E apre annou dir i annan sa i dan en lot ka kot kad sa dimoun si oule in donn i ti annan en right of way in sanze par lefe ou’n dir pou son prop byen personnel in donn en lot right of way, eski i annan kontrol lo sa right of way lo sa nouvo right of way ki’n ganny donnen ;- par egzanp si i annan en kontrol ou bezwen bouse si sa dimoun i annan sa kontrol poudir ou kapab fer ouswa non ou pa kapab fer?

E trwazyenmman dan menm lespri parey Onorab Pillay in dir in eksplike en dimoun i subdivide son later e in vann.  Lo sa later ti deza annan right of way.  Pou diferan rezon petet in annan serten omisyon, eski i  ant sa dimoun i oblize prezan par lefe ki son later in fini subdivide e in fini vann, sa bann nouvo owner i oblize pou provide en right of way pou sa kominote dan point bThank you Mr Chair.

 

MR SPEAKER

Mersi Onorab.  Onorab Roucou.

 

HON CLIVE ROUCOU

Mersi Mr Chair.   Bonn apre midi tou dimoun.  Mr Chair mon kestyon i en pe dan laliny pou Onorab Esparon.  Mon anvi demann Onorab Georges si right of way i pou Gouvernman, e Gouvernman i fer okenn devlopman, san konsiltasyon bann dimoun kekfwa dan vilaz, e sa right of way i ganny obstruct dan en fason ou en lot, kot i vin mwen favorab pou bann dimoun.

Kote sa bann dimoun i kapab ganny rekour?  E mon 2enm leklersisman mon ti a kontan Onorab Georges ti ava dir mwan, bann dimoun ki baliz avek en right of way Gouvernman, si zanmen kekfwa zot netwaye oubyen zot fer okenn travay avek sa right of way, si zot annan okenn Lotorite lo sa right of way Gouvernman?

Mersi.

 

MR SPEAKER

Mersi Onorab.  Onorab Phillip Arrisol.

 

HON PHILLIP ARISSOL

Mersi Mr Chair.  Mon ti a zis kontan en lesplikasyon lekel ki determinen kote en right of way pou été, lo en morso later?  E son grander osi si pou transpor swa zis pou lipye?  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Mr Chair bokou sa bann kestyon i relye avek kanmarad.   Par egzanp sa detrwa dernyen kestyon la, nou bezwen konmans par en pwen depar.  E sa pwen depar se ki anba Lalwa lartik 682 tou dimoun ki napa en akse avek grannrout, i bezwen annan enn.  That’s the benchmark.  E tou larestan parey Attorney Zeneral i kontan dir nou, i annan de keksoz ki enportan Bondye in ne e Bondye in resisite.  Tou larestan i akseswar.  Menm zafer la.

Sel keksoz ki enportan se ki ou bezwen annan en right of way pou the full use of your property.  Tou larestan i akseswar.  I bann fason pou ou ganny sa keksoz.  Donk si ou napa en right of way, e ou vwazen pa oule donn ou enn, ou al Lakour e Lakour pou donn ou enn.  That’s the start.

Bann keksoz ki akseswar se, kote sa right of way pou pase?  Eski right of way ki motorable oubyen ki footpath?  Lekel ki pou konstrir li.  Eski pou annan konpansasyon ki pou peye e ki kantite servi ou kapab servi sa right of way?

Tousala se bann keksoz ki akseswar.  E tousala i depan lo sirkonstans sa de case.  E Onorab Pillay in dir ler in fer son resers in war ki parfwa case i al dan en direksyon.  E parfwa case i al dan en lot direksyon.  E sa se akoz sa case i bezwen ganny zize lo son merit, lo son bann fe.  Me Lakour i toultan pou rod donn en right of way ki motorable e ki pas dan meyer landrwa avek mwens domaz posib, pou ki i annan mwens konpansasyon posib.  E pou servis plis sa dimoun ki pe gannyen, san afekte sa enn ki pe donnen dan en fason ki pa rezonnab.

Donk vwala bann paramet dan lekel Lakour pou fer sa desizyon.  Me Lakour i fer sa desizyon selman ler napa agreement.  Otan ki posib.  Otan ki posib.   E Lalwa i dir ou – Kod Sivil i dir ou.   Esey ganny en agreement.  Fer en agreement avek ou vwazen, ki i ava determin tou sa bann keksoz.  E en fwa pou tou en fwa ki sa in ganny fer i ganny anrezistre, basta, goodbye, so long! 

        Me si napa, ou annan toultan en rekour a Lakour.  E Lakour toultan pou donn ou sa, akoz i nepli posib pou en dimoun pa ganny en right of way.  Me ceci dit, i annan landrwa kot en right of way ki motorable pa pou kapab ganny donnen.  Akoz konstriksyon totografi, ros, whatever.

E Lakour annan de fwa i bezwen rekonnet, ki lafason ki Lakour later in ganny divize, oubyen lafason e konstriksyon in ganny fer lo sa later, pa permet annan en motorable right of way.  Alor dan sa bann ka sa bann dimoun pou bezwen aksepte zot right of way apye.   San al dan okenn detay nou tou nou annan senk legzanp dan sakenn nou distrik, lo  en keksoz koumsa.

Me dan distrik Onorab Roucou ki’n demann sa kestyon, sa pti semen ki sorti Belvedere ki al Rochon, oubyen ki sorti Rochon i vin Belvedere, ler i pros pou ariv Belvedere, i kwense – i kwense.  I annan lakaz de kote oubyen miray ou a kapab fer kekfwa en motorable right of way ziska la, me son dernyen 6met, i pa pou posib, alor ou pou kaye. Mamelles i annan landrwa parey.

Alor ou pa pou kapab toultan annan first prize.  Mon krwar se sa ki nou bezwen toultan gard an kont.  Me otan ki posib, Lalwa i demann dimoun fer  en keksoz dan en fason ki pou ansanm instead of tay Ankour.   Me Lakour pou toultan la e pou toultan donn en desizyon, e i ava determinen Onorab Arissol in demande kote, right of way pou été?  Ki longer?  Ki larzer eksetera.  Napa en one size fits all.

2enm keksoz mon krwar ki enportan pou dir, se ki sa right of way lo plan Kadas la ler ou ganny ou plan ou war 3meter right of way i pa oule dir nanryen li.  Li i la akoz en kondisyon Planning. Planning pa pou donn permisyon survey en morso later, tan ki provizyon pa ankor ganny fer pou en right of way.  Se pou sa rezon ki i bezwen met sa lo la.

E i bezwen fer sir ki sa right of way i konekte lo son plan, i konekte avek en right of way ki deza egziste.  Akoz sa?  Akoz dan lepase Onorab William i koz La Misere, later Lanmisyon, mon retourn ankor lo distrik Onorab Roucou, ki mon konn tre byen, Kan Frichot par egzanp, ti annan en kantite divizyon bann pti morso later kot bann lakaz ki ti ganny fer pou bann dimoun mwen eze, san right of way.

E bokou zot ozordi pou kapab ariv lo en lot later, ou bezwen pas dan kwen lakaz ant en lafnet en lasanm ek en miray pou ou ariv kot ou lakaz.  Sa se bann keksoz ki malerezman nou bezwen viv avek nou pa kapab fer mars aryer.  Me depi 1978 ler Gouvernman ti sanz Planning Law ti dir ki survey i bezwen Planning permission prezan, pou anpese ki sa i ariv ankor.  Pou ki prezan tou dimoun ler i annan en survey ki ganny fer, i a bezwen ganny son right of way.

Alor Mr Chair avek sa detrwa mo lentrodiksyon, mon ava sey tackle bann kestyon ki’n ganny demande.  Onorab Roucou in demande ler i annan en lobzeksyon oubyen Onorab Esparon ler Gouvernman in fer en keksoz ki’n obstruct en right of way, kote ou pou al rod rekour?

Rekour i ava toultan kont sa dimoun ki pe obstruct sa right of way.  Akoz parey mon dir lentansyon se ki tou dimoun i bezwen annan en right of way.  Si en boug in vini in konstri son lakaz avek ou, san Planning permission oubyen in konstrir son miray avek ou, san Planning permission dan semen, i pou bezwen donn ou en right of way, si menm i bezwen a en serten moman demolir en morso son konstriksyon.  E i ava bezwen fer sa a son fre.  Ou sa enn ki pe benefisye ek en right of way, ou pey konpansasyon selman ler ou pe devalye later ou kanmarad.

Me ler ou kanmarad in fer en fason pou anpes ganny en right of way, la ou napa konpansasyon pou pey li.  O kontrer se li ki bezwen sibir sa kou, ki akoz i bezwen anba Lalwa, tou dimoun i bezwen annan en akse avek son lakour for the full use son propriyete.

Lekel, Onorab Ernesta, eski i annan en limit lo lekel ki kapab pase?  Wi si ou fer agreement avek ou vwazen ou kapab tonm dakor.  Si napa sa se Lakour ki pou determinen.  Dan sa sirkonstans, dan sa case ki kantite servis ki kapab ganny fer, ler ou regard sa de dimoun.

Si en dimoun napa en loto, e i pe al demann en motorable right of way, Lakour i riske pa sote pou donn li enn.  Me si i annan en loto e i pe al demann en motorable right of way, Lakour pa pou dir li non, ou kapab marse ou ankor zenn  boug. I pa mars koumsa.  Lakour pou rod donn meyer right of way a nenport ki moman.

Lekel ki kontrol kwa ki kapab ganny fer?  Ankor enn fwa si sa de parti i tonm dakor, zot kontrole, si non se Lakour ki pou toultan kontrole.  E si ou’n fer en subdivision e ou pa’n met right of way lo tou sa bann sub division ki pou arive?  Sakenn  zot, zot anklave.  Sakenn zot anba lartik 682 i kapab demann en right of way.

Ok donk sa se benchmark. Toultan nou retourn lo la, akoz se sa ki Lakour i pe propoze.  Onorab Aglae in demande, eski nou kapab standardised?  I ti ava swetab pou nou kapab dir tou right of way i devret 3met larzer partou.  Malerezman i pa kapab.  Akoz parey mon dir i depann lo fotografi teren.  I depann lo posibilite.

Mwan mon rapel en fwa anler Morne Blanc ti annan en later ki ti obor semen, me semen ti 20 a 30 pye pli o ; semen i bokou pli o ki later dan sa landrwa.  Sa dimoun i bezwen annan en right of way ki fer li 100enn met, pou li al join semen dan en lot landrwa.  Alor ki i lanmenm la obor.

Alor i napa i ti ava swetab pou annan en one size fits all.  E ti a kapab fer li dan en landrwa ki plat, me malerezman nou pei pa koumsa.  E wi en motorable right of way i toultan preferab.  Apre 20an ki prosedir ki ou pou fer pou ou retourn sa right of way, oubyen si ou pa’n servi li pandan 20an, sa propriyeter ki i pou fer ?  I annan enn a de keksoz.  Swa i repran son later, Ii repran son right of way.  I zouir son later e les sa dimoun ki pe al claim, vin claim kont li.

E la i ava dir be 20an in pase, alor mon repran mon later that’s one way.  Or i al Lakour si i anvi pridan.  I al Lakour i demann sa ki apel en declaratory judgement.  I al Lakour i dir avek Lakour mon anmenn levidans pou montre ki sa in fini depi 20an pase, mon le en deklarasyon ki poudir sa right of way in extinguish,  alor mon kapab repran mon later.  Enn ant sa de fason.

Onorab Letourdie si ou napa en dokiman ki montre en right of way, sel fason ou kapab fer se al Lakour e Lakour i la e Lakour otan ki posib i ava donn ou en right of way.  Parey mon dir si i posib pou donn ou enn ki motorable i pou donn ou enn ki motorable, si i pa posib malerezman ou pou bezwen satisfer avek en footpath.

I annan en right of way ki mwan mon ti fer lot zour – en case ki mon ti fer kot son right of way, ti en footpath 2pye edmi larzer that’s all.  Par en pti right of way.  Onorab pillay ki mannyer ou kapab fors en dimoun donn en right of way well mon krwar mon’n kouver  sa.  E  si it’s common property, i vin egzakteman parey.  I pa sanz nanryen e son type of access ankor enn fwa i pou depan lo tipografi sa propriyete.

Onorab Esparon mon krwar mon fini deal avek ou.  E nou retourn lo Onorab Waven William.  Where do you go si ou napa en written right of way?  Well ou al Lakour. Okenn sa bann dimoun La Misere ki napa en right of way ki anklave, si zot pa kapab ganny right of way avek zot vwazen, i annan de fwa ou bezwen demann avek 4, 5 vwazen, pou ou ariv dan semen piblik.  Akoz i annan 4, 5 dimoun an tou avek semen piblik e ou bezwen gannyen avek sakenn.

Pa vo lapenn ou vin demann enn avek sa enn ki obor ou akoz apre ou pou al ganny menm problenm.  E Lakour i dir ki ler ou vin Lakour ou demann en right of way, demann avek tou dimoun ant ou avek semen piblik.  E finalman premye kestyon Onorab William, si i annan en domaz ki arive dan semen or oubyen avek en lot propriyete, akoz en dimoun pa’n manage son propriyete in overgrown eksetera pandan en pe letan i pan servi li sa propriyeter i toultan responsab avek en domaz ki sorti lo son propriyete.

Si i pa’n fer nanryen pou sofgard sa domaz.  Si in fer tou keksoz, si in koup tou keksoz in mentenir son pye dibwa, dan fason pye dibwa napa en disease lo la, e en sel kou pye dibwa i tonbe i pa responsab.  Me si i les, in abandonnen, in neglizan, i vin iresponsab.

Mr Chair mon krwar mon tous bann kestyon.  Si ti annan ki mon manke mon demann leskiz.

 

MR SPEAKER

Mersi Onorab Georges.  Bon nou pou sey aim pou nou fini.  Annou i annan ankor de Manm ki pe demann kestyon, fer li ase bref.  E mon swete osi tou ki SBC i a donn nou sa pti letan pou nou kapab fini sa travay ozordi.  Anfen Book 2.  Onorab William.

 

HON WAVEN WILLIAM

Mr Chairman.  Brefman lo sa dernyen pwen ki Onorab Georges in eksplike la, ok be si par egzanp sa propriyeter li son landrwa li, ti ase proteze, me lefe ki kontrakter ki’n vini ki’n deranz tou, parey mon’n nonmen taler, i annan diferan kontrakter la ki pe fer bann servis ki neseser, me selman propriyeter li i pa’n responsab pou koz kondisyon pou kapab annan sa aksidan.

Mersi.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi Mr Chairman.  Mon pa antyerman konvenki about largiman ki ler ou fer ou aplikasyon avek Lakour, e ou anmenn tou bann fe e bann case.  Mon dakor ki sa bann case i ganny zize lo zot merit, me mon a pran lot sa ki Onorab Georges i dir mwan, akoz baze lo son leksperyans.  Me selman mon oule fer en pwen, si petet ou a permet mwan.  Nou trouv nou dan en sityasyon kot bokou bann Lotorite Distrik pa kapab adres – si oule konpleksite, oubyen souples legal ki trouve, ki tournen otour bann size right of way, menm kan distrik i kapab fer en semen pou en dimoun.

E souvandfwa premye landrwa ki distrik i bite, se lo sa lot propriyeter e Distrik Lotorite li menm napa kapasite.  So nou annan en reprezantan Attorney General e Onorab Georges la nou pa kapab etabli en mekanizm ki dan plas ki sa distrik i kontinyen vir an ron Attorney General, zot step-in zot war sa bann propriyeter, akoz zot kapab eksplike, e montre sa bann dimoun ki annan zot drwa zot napa en drwa kote bann keksoz i été e ki distrik i kapab step-in.

Akoz i vin en pti pe Anbarasan ler ou konnen bann distrik i kapab e i pare pou fer sa semen, me sa keksoz pe tarde zis akoz en propriyeter in deside poudir be pa pe donn right of way for whatever reason ki mon konpran i lartik 26, e mon pou vin lo la en pti kou sa pwen.

So mon krwar si nou ti kapab etabli en prosedir kot Biro Attorney General i angaz ek distrik pou rod sa solisyon pli vit ki bann dimoun pa vir an ron.  Prezan mon pou vin lo en pwen avek Onorab Georges ki mon Lasanble konpran mon lo sa pwen.  Lartik 26 ler i ti ganny ekri dan Konstitisyon ti ganny ekri an ‘93 e nou konnen sa moman i ti ganny ekri en moman i ti ganny ekri dan en moman.

Ozordi devlopman e lakantite dimoun ki pe reste dan diferan landrwa dan Sesel in sanze, eski nou pa krwar poudir eski i posib pou Kod kapab defini an se ki konsern en Drwa Pasaz en right of way en pe pli byen an se ki konsern lentere ki i anmennen pou bann dimoun ki pou ganny akse servi sa semen.

Par egzanp en gran kominote 12 lakaz – en kominote 5 lakaz 4 vyeyar ki pe reste dan 3 lakaz en landrwa.  Akoz ozordi si nou pran lartik 26 as it is, pou mwan mon  war pli gro restriksyon, se lefe ki mannyer ki nou log lartik 26.

E mon konpran – mon konpran akoz, me eski prezan nou pa kapab dan Kod sey rod sa definisyon pou nou breach sa gap ki egziste?  Akoz  nou pou fer en Kod pou le fitir nou pa pe fer Kod pou nou gard sityasyon parey i été.  Mon an krentif se apre ki mon’n vot sa bann lamannman, mon pa pe vot okenn lamannman, la nou trouv nou ek menm sityasyon  an se ki konsern  al rod wayleave – pa ganny wayleave pa kapab ganny right of way, e dimoun i ale vitam aeternam  pe rod en semen pase, pa pe zanmen kapab gannyen.  Sa mon met sa lo latab.  Mersi Mr Chair.

 

MR SPEAKER

Mersi Onorab.  Bon en pti lentervansyon avek Onorab Esparon.

 

HON REGINA ESPARON

Mersi Mr Chair.  Mr Chair mon rapel mon ti demann Onorab Georges en kestyon, i ti dir mwan i pou reponn mwan letan nou ti lo right of way.   Eski right of way i en keksoz ki tou right of way i bezwen anrezistre i bezwen ganny en parcel number?

E ki arive dan ka kot en right of way ki’n anrezistre, i ganny bloke prezan ou’n ganny donnen en right of way ki napa en dokiman e letan sa lot right of way ki napa en dokiman, i ganny bloke kote sa dimoun i rod rekour?  Konmsi mon pe demande si sa Kod Sivil i egzize ki tou right of way i bezwen anrezistre e donn en parcel number?

Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  3 kestyon tre enteresan e ase fasil pou aborde. Mon a konmans avek sa enn e mon a demann Onorab Pillay Onorab Sebastien Pillay en leskiz, akoz i ti demann mon sa kestyon right of way, ki eski i a revin en strip pou common property.

I annan de fason ;- dan serten landrwa en right of way i ganny survey konman en riban e i vin en parcel number, me toultan sa parcel number i pou en dimoun oubyen pou en lot dimoun.   I tre rar ki sa parcel number pou vin pou tou bann propriyeter ki zouir lo li.

En easement i pa neseserman e i preferab i pa vin en parcel number akoz se en keksoz ki atase avek en later.  Donk i tre rar ki ou annan en easement en right of way ki en parcel separe. I posib me i ase rar e i pa neseser.   Donk ki i en parcel number, ki i pa en parcel number be ki zis en drwa lo en lot later,  ou pou bezwen al rod rekour kont sa later kot i pase, oubyen kot sa dimoun ki owner sa parcel number ki sa right of way.

E sa se enperatif.  Ou rekour se touzour kont sa enn ki pe sey anpes ou pase.  Onorab Pillay in lev en pwen byen, byen valab.  Ki mannyer ou kapab espekte ki dan bann distrik en dimoun i kapab met otaz en kominote, akoz i refize donn en wayleave?  E sa i ariv en kantite.  Pa dan Kod Sivil ki nou bezwen vin deal avek.  I annan en rekour deza ozordi, i appel compulsory aquisition.  E  mwan mon’n dir avek Gouvernman plizyer fwa, ou pe fer en semen pou en kominote, that’s in the public interest.  Oubyen oule elarzi en semen piblik e i annan 8 propriyeter 7 i donn ou wayleave enn i anmar ou.

Compulsory aquire- Mon konpran akoz Gouvernman pa anvi compulsory aquire, akoz dan 2enm Repiblik, nou ti al overboard, alor prezan zot pe tik tike.  Me mwan – mwan ozordi antan ki en Manm Onorab sa Lasanble ki’n fer en kantite case kont Gouvernman 2enm Repiblik, akoz zot ti aquire mal apropo,  e ki toultan pe dir ki zot compulsory aquire mal apropo, la ozordi mon pe dir zot the time has come, pou zot servi sa zouti ki Konstitisyon i donn zot, pou fer sir ki en dimoun pa met en kominote otaz avek sa bann zafer semen.

E i plis ki tan ki Gouvernman i fer li.  Nou pa bezwen al dan Kod Sivil.  Nou annan en keksoz.  E i ganny servi dan tou lezot pei lemonn.  Se koumsa ki semen i ganny fer se koumsa ki motorway i ganny fer dan bann lezot pei.  Gouvernman i demande si ou pa dakor i antre, i pran, apre i pey ou konpansasyon.  Finalman Onorab Waven William i annan en keksoz ki apel the chain of concession dan Lalwa, e nou pou vin lo la ler nou ariv dan lartik 1382, en dimoun i responsab si ou kapab swiv son lakoz son premye keksoz ziska sa domaz.

Donk si ou konmans ek sa domaz ou remonte, e ler ou nepli kapab ariv ler ou nepli kapab remont pli o, sa enn kot ou été se li ki responsab.  Alor si ou monte e ou’n tonm ek kontrakter ou pa kapab mont pli o, kontrakter ki responsab.  Si kontrakter i travay anba en direksyon propriyeter, se propriyeter ki responsab.  Donk se koumsa ki arive.

Mr Chair mersi.

 

MR SPEAKER

Mersi Onorab Georges.  Bon nou’n ariv en pozisyon kot nou kapab pran en desizyon lo easements lartik 637 non?  Onorab Georges.

 

HON BERNARD GEORGES

Non mon krwar pa nou kapab Mr Chair akoz i annan de keksoz ki panel pe revwar. Enn se sa zafer balkon avek lafnet, pou gete ki mannye – ki nou pou fer avek.  E lot sete pou al get dan en lot Lalwa ya – en prosedir pou koup pye dibwa vitman.  Alor mon.

 

MR SPEAKER

Nou pa pou kapab pran en desizyon.

 

HON BERNARD GEORGES

Nou pa pou kapab pran en desizyon.

 

MR SPEAKER

Lo premye lo Drwa Siperfisi Preliminary at Article 516 – 556 ki nou’n anvoye, eski nou’n kapab bouze avek sa enn premye seksyon anba ‘’Property and different kinds of ownership preliminary?’’

 

HON BERNARD GEORGES

Non, sa osi akoz i annan Droit de Siperficie.  I annan 3 keksoz ki nou bezwen reponn.  Enn se anba property o konmansman.  Enn se anba easements.  E nou – sa ki nou pe propoze se ki ler nou rezwenn whenever that will be, nou tackle sa an premye apre nou al lo Book 3.

 

MR SPEAKER

Dakor ok.  Bon ou pa pe al demann okenn klarifikasyon oubyen nanryen non?  Non nou pa pou retourn ladan, me i a kapab vin prosennman ki nou pran Civil Code – ok?  Ok bon mon anvi enform bann Manm e manm piblik poudir nou pou aret travay lo Civil Code la, pou sa semenn e nou pou enform zot prosennman kan nou pou repran sa travay.

E menm lo Book 2 nou annan sa 2enm seksyon ki nou pa ankor fini avek.  Me prosennman ki nou ava pran sa travay, ki zot pou ganny averti.  Nou ava tackle sa de sityasyon lo Book 2, e apre nou ava kontinyen avek Book 3.

On this note I would like to thank Minister Adam for being here since last week a few days with us and this morning.  I would like also to thank AG’s Office.  AG has been here a few times and of course Mr Pool I would like to thank the Professor also Sarah, who has been here with us since last week.  Of course Members of the House ; members of the public, secretariat staff it’s been quite heavy few days.  And of course SBC the technicians who have actually benn here with us, making it possible to air all our debates and also to get members of the public to interact with us. 

        Thank you very much and the National Assembly will annouce future dates where we will actually tackle the Civil Code again, because we have not finished yet.  We still need to finish with Book 2 and also start Book 3.  So with that I would to excuse Mr Pool and Professor from the House from the Chamber before we continue.

 

(MR POOL AND  PROFESSOR ANGELO WERE EXCUSED FROM THE HOUSE)

 

MR SPEAKER

E mon ava demann osi bann Sarge pou rekonstitye nou dan Lasanble Komite the whole House.   Bon annan zis pou mon remind bann Manm ki demen nou annan sa workshop lo Climate Change e nou pe rankontre en pti pe bann problenm lozistik avek Order Paper.  Me nou swete Deputy Clerk taler, nou espekte ki petet plitar dan kekfwa lespas 1erdtan Order Paper i ava sorti. Plizoumwen nou pe pran bann Bills ki deza lo Order Paper ki nou fini fer First Reading.

Nou annan en pe kestyon ki pou vini e apre bann Mosyon ki deza lo Order Paper for a while.

An vi serten kontrent ki nou pe gannyen Order Paper ler i sorti, i pa neseserman ki i pou swiv sa lord.  The Chair i toultan annan sa prerogativ, ki i toultan kapab sanz en pti pe lord.  So i posib nou pou war serten kestyon pou ganny pran Mardi swivi par sa Minis ki pou la deza dan Lasanble, i tackle son bann Bills e probableman Merkredi nou pou dedye pou Mosyon.  E lot Minis i kapab vini Zedi pou tackle son Bill i ava osi tou pran kestyon.

Me Mardi ler mon ava pran Chair, mon a kapab klarifye byen,  konfirm tou keksoz konman nou pou deroule.  Vwala nou pou aret nou travay pou ozordi.  E  Lasanble i adjourn e nou repran nou travay Mardi le 24 9er bomaten.

 

 

(ADJOURNMENT)