::
Home » Verbatim » 2019 » Verbatim Wednesday 18th September, 2019

Verbatim Wednesday 18th September, 2019

NATIONAL ASSEMBLY OF SEYCHELLES

Wednesday 18th September, 2019

 The Assembly met at 9am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab e bonzour tou dimoun ki a lekout e pe swiv travay Lasanble Nasyonal.   Bon parey nou ti anonse semenn pase, sa 2 zour ankor sa semenn la nou pou dedye pou travay lo Civil Code e apre sa Zedi nou ava deside prezan.  Definitivman mon pa vwar nou fini.  Me Zedi, apre Zedi nou ava deside ki mannyer nou pou bouze avek en bi pou nou kapab termin nou travay lo Code Civil.

Zis avan nou kriy  bann panelist mon pou zis fer en pti komanter lo en lot Bill ki pe kontinyen trail lo nou Order Paper. Sa se Public Service Salary (Amendment) Bill 2019, swivan Court Ruling yer.

Sel keksoz ki mon kapab dir san pou prezidis case ki ankor ongoing, se ki ti annan 2 case devan Lakour; enn dan Lakour Siprenm e lot dan Lakour Konstitisyonnel.  E plizoumwen sa de case i parey pe demann, petitioner pe demann menm keksoz.

An vi ki sa Ziz dan Lakour Siprenm ti fer – ti refer the case avek Constitutional Court pou regarde si Lakour siprenm i kapab ekout sa case e pou pran en desizyon lo Ruling ki Lasanble ti fer, yer Lakour Konstitisyonnel in dir poudir Lakour Siprenm pa pou kapab kontinyen ekout sa case.   E sa case devan Lakour Siprenm in alor tonbe.

So i annan zis en case la e parey mon pe dir i menm keksoz ki Petitioner pe demande.  I annan zis en case ki ankor vivan la e sa se devan Lakour Konstitisyonnel.  E dat prosen se Le 01 Oktob kot Lakour pou ekout Petitioner e osi Respondent.  E plizoumwen i pou en komansman hearing devan Lakour Konstitisyonnel.  So mon pa kapab dir plis lo la. Parey mon pe dir akoz case i ankor vivan devan Lakour Konstitisyonnel.   Okso sa i en pti pe mon komanter ki mon anvi fer lo sa Bill ki devan nou.

Mon’n osi yer mon’n rankontre avek Minis Dezinyen.  Ti annan en lapel yer ki Lasanble ti pou kontinyen avek sa lot Bill ki annan pou fer avek Seychelles Fire and Rescue Services Agency.  Minis in prezant ankor leskiz.  E mon prezant sa konman en leskiz ofisyel devan House, ki ti annan serten dimoun ki ti pou akonpanny li.  E zot ti okipe, zot pa’n kapab vini e se sa rezon ki i pa’n kapab make it yer pou li pran sa Bill.   Nou ava organize e ABC pou zwenn ozordi pou li regarde kan Minis pou available pou vini pou nou kapab tackle sa Bill. Me antretan mon ava demann Parliamentary Reporter pou apel Minis avek panelist pou nou kapab kontinyen nou travay lo Code Civil  Sesel.

E mon ava demann Sarge osi pou move Mace pou nou trouv nou dan Komite of the whole House – dan Staz Komite.  Mersi Sergeant.  E ozordi nou pou konmans avek Book 11.   Zis pou lenformasyon bann Manm sirtou bann Manm ABC.  Ozordi nou pou tenir nou bann breaks parey, half an hour bomaten pou tea break e half an hour apre midi pou tea break.  Nou lunch break pou reste parey 2erdtan akoz nou annan serten Committee meetings.  E Assembly Business Committee pou meet 1er dan Speaker’s Conference Room.

I would like to say a very warm welcome and good morning to Minister Adam and his team comprising of Professor Angelo, Mr Victor Pool and Mr Marthy Vidot.  Minister good morning again and welcome to the National Assembly.

Mon ava donn la parol toudswit avek Onorab Georges dan son kapasite konman Chair of Bills Committee pou gid nou lo nou travay bomaten.  Onorab Georges.

 

HON BERNARD GEORGES

Mersi Mr Speaker.  Bonzour Mr Speaker.  Bonzour Minis, Profeser e legal draftsperson Mr Pool.  Bonzour tou bann Manm Onorab e tou dimoun ki pe ekoute, oubyen pe swiv nou lo televizyon, dan lakour.

Mr Speaker parey ou’n dir nou pe konmans 2enm liv.  Parey zot konnen i annan 3 liv dan sa Code Civil.  E la nou pe al dan dezyenm liv ki li menm li liv pli kourt dan sa Code Civil.  E i annan  pou fer avek propriyete e la fason ki ou kapab acquire en propriyete.  E i annan annefe apard en serten konsep preliminer ki nou ava regarde,  i annan 4 sapit dan sa liv. Enn se accession, ki mannyer ou kapab ganny later par aksesyon.  En lot se  usufruct –  la jouissance.  En 3enm se en drwa pou okip en later.  E katriyenmman se servitude, easements, right of way, bann keksoz koumsa.

Sa liv i preski kazidantik avek Code Civil aktyel e i swiv menm lord, limero lartik.  Setadir ki 516 devan nou e lo Board i menm 516 ki dan Code Civil aktyel, sof ki son langaz in ganny modernize en pti pe.

Par egzanp 516 dan nou lartik aktyel i dir ‘‘all property shall be distinguished into movable or immovable’’.  E dan nou propozisyon ‘‘properties either i moveable or immovable or properties which is not immovable is movable’’.  Menm konsep e en leklersisman lo son langaz.

Donk avek ou permisyon Mr Chair eskiz mwan, nou ava regard en pti pe sa bann lartik e mon ava idantifye kot i annan sanzman.  Donk sa premye morso se parey mon’n dir bann konsep propriyete.  E i annan de kalite propriyete.  Meuble  et immeuble. Movable e immovableReal or personnel tousala se bann fason pou disteng zot.  Ou morso later ek ou lakaz i immovable.  Ou loto i movable.  Me i pa osi senp ki sa malerezman, e se pou sa ki Code i donn en serten seri lartik pou eksplik sa diferans.

Immovable i annan de kalite.  Immovable par natir e immovable par destinasyon. Setadir ki serten keksoz ki ler ou get li ou konnen ki i en immovable.  Me serten lezot keksoz ler ou get li ou pa sir si i immovable or not, e Lalwa i fer li vin immovable oubyen movable.  E nou vwar sa dan Lartik 517.  Immovable by nature later, batiman, keksoz ki’n ganny afikse avek later, en pye dibwa par egzanp oubyen en miray, fler, fri ek tou keksoz ki’n ganny afikse avek en batiman.  Senp.  Sa se immovable by nature.

Immovable by destination ; se bann keksoz ki pa neseserman look immovable, me ki Lalwa i dir ki immovable.  Enn se livestock.  E si i annan en Kontra pou kiltiv later par egzanp, e ou anmenn zannimo lo sa later pou ou kiltiv later, sa zannimo i vin immovable, malgre ki klerman i en keksoz ki kapab bouze.  Zannimo oubyen keksoz ki propriyeter en later oubyen en batiman, i bezwen pou eksplwat sa later.  E bann keksoz lo later e dan en batiman ki neseser pou eksplwat sa later, oubyen pou fer en lendistri oubyen fer en manufacture.

Donk si ou anmenn en trakter lo en laferm, trakter i vin en immovable tan ki i lo sa laferm e ki i ganny servi pou sa laferm.   Parey avek en toro ki pe trenn en saret.  Parey avek en toro ki pe fer marse en moulen.  E si ou anmenn en mon pa konnen mwan, en bottling plant pou fer delo natirelman en fwa ki sa i ganny enstale i vin en immovable.

Apre i annan en 3enm kategori e sa se immovable akoz zot annan en relasyon avek en keksoz ki li menm li  i immovable.

La jouissance, usufruct lazwisans lo en later.  Lo en later selman.  Si mon donn ou en lazwisans lo en kont labank oubyen si mon donn ou en lazwisans lo en loto, sa i pa vin en immovable.  Me si mon donn ou en lazwisans lo en later, yes.  Servitude is much.  right of way eksetera, akoz zot atase avek en later. Ek okenn aksyon pou ou rod en later.  E sa i tre enteresan.

Si ou napa en later deza, e ki ou annan en claim, e ki ou anmenn sa claim Ankour, sa claim akoz i  annan en relasyon avek later, sa claim i vin en immovable.  E i enportan sa pou preskripsyon.  Preskripsyon parey nou ti vwar yer pou tou case civil i 5an, me preskripsyon pou en keksoz ki annan pou fer ek later i 20an.  Alor i enportan pou dir ki si ou pe rod en claim lo ou later, ou napa zis 5an – ou annan en peryod 20an akoz sa claim i vin en claim immovable.

En keksoz ki ganny afikse dan en lakaz, ki pa kapab ganny tire san kase, tiles par egzanp ater bann keksoz koumsa i vin en parti sa – i vin immovable.  518 i koz lo –

 

MR SPEAKER

Bon eski nou ava tenir, petet tenir en pti pe zot bann thoughts.  Nou ava kouver en pe lartik, apre nou ava pran en pe kestyon, en pe zot bann klarifikasyon? Nou ava fer li koumsa parey nou ti pe fer semenn pase oubyen – Onorab Georges.

 

HON BERNARD GEORGES

Mr Chair mon krwar si i annan kestyon zeneral nou tenir.  Me si i annan en kestyon ki spesifik avek en keksoz, ki annan en swa en leksplikasyon oubyen en propozisyon pou amande, mon krwar nou bezwen fer li an mezir nou ale.

 

MR SPEAKER

Ok dakor.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Bonzour dan ou kapasite konman Speaker.  E bonzour tou dimoun e tou bann Minis ek son delegasyon e tou dimoun ki pe ekoute.

Onorab Georges in dir avek nou ki son nimero i parey. Me selman letan mon pe regard – letan mon pe regard sa 517, mon vwar li i bokou pli gran ki 517 dan Code aktyel.  Ok, 517 dan Code aktyel i zis en laliny.  Mwan mon anvi konnen lefe ki ou konmans met en lalis.  Lefe ki ou konmans met en lalis ki annan 1, 2, 3 by nature by destination subject matter to which relates.  Mon lafreyer se ki ou pe met – i annan keksoz ki pou manke.  Parey letan ou pe dir mersi ou konmans nonm de dimoun, i posib i annan en 3enm dimoun ki ou manke pou ou dir li mersi apre ou ganny problenm.

Mon ti ava kontan  konnen kote egzakteman zot ganny sa lalis.  E si anba 517 sa lalis ki pe ganny prezante i en lalis ki exhaustive, oubyen eski zot krwar ki poudir i annan ankor lezot keksoz ki kapab ganny rantre dan sa 3 lalis.  Mon lafreyer se ki i kapab annan lezot keksoz ki pa ganny kouver.  E sa pou fer ki code i annan en mankman   konpare avek 517 aktyel kot i zis dir.  Aktyel i dir ‘‘property is immovable either by its nature or by its destination, or by reason of the purpose which it serves’’.  Sa 517 aktyel i kit li pli larz posib.  I pa liste kwa ki – par egzanp 517 la i dir ou 517(1) i donn en lalis which is immovable by nature.  I dir avek ou ‘’land and buildings. Thing to lend, growing crops and plants, fruits and flowers attached to plants growing in the land, things fixed to a building or which form part of a building.’’ Konmsi mon trouv li i plito lefe ki i annan 2 (c) avek (d) ki atase plito konmsi avek en sosyete agrikol.  Be what about bann lezot keksoz?   Eski sa lalis pou rann nou en gran servis?  Oubyen eski i tro limitatif?  Se sa kestyon ki mon anvi konnen.

E 2enm bout osi tou pe plito koz lo livestock, animals, exploitation of land, be sa se plito pou en sosyete agrikol.  Konmsi i al byen pou bann dimoun ki wi, konmsi pou si mon ti pe reste Val D’En D’Or dan en sosyete, dan en kominote agrikol mon ti pou kontan parski la i la –  align and in dir mwan byen.  E mwan menm kapab-   Mon konnen kot mon debout.  Be nou pe viv dan en monn modern.

Lo nivo teknolozi kote sa i antre?  En computer is it an immovble par nature.  Is it movable by destination?  Ou konpran mwan?  Mon ti ava kontan ganny en larepons kler parski mwan personnelman mon pa satisfe avek sa lalis ki zot in donnen, e mon vwar limitative.  I tro limite.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Si zot regard sa ki lo Board 519 avek 535 i vacant.  E pourtan tousala i dan Code aktyel.  Sa morso Code la, se enn sa bann bout Code ki’n pli mal drafte par – dan Code Napoleon.  Akoz ler nou lir li i paret mon i ti ganny drafte par en Komite.  Annefe i ti ganny drafte par en Komite.  E tanzantan ou ti annan en manm Komite ki ti dir be mous dimyel annou azoute, oubyen toro annou azoute.  E set egzakteman sa ki nou’n vwar.  E tanzantan ler in ariv en lartik en pe pli lwen, zot mazin en keksoz e zot azoute.

Mon a donn zot en legzanp.  E se sa enn bann problenm ki nou’n bezwen fer fas avek, akoz parey mon’n dir Profeser Chloros li son rol se tradwir sa ki egziste. Pa sanze apard bann keksoz ki ou pe azoute. Annou regard par egzanp lartik 519 dan Code aktyel ki pa egziste.  I koz lo windmills ek water mills.  Napa en windmill oubyen en water mill isi Sesel.  Taler nou pou vwar hail stones.  Taler nou pou vwar fireplace dan bann lezot keksoz.  Sa sete bann keksoz ki ti enportan en France e ki kekfwa i ankor enportan ozordi en France.

Donk nou’n bezwen fer en fason pou nou re group li dan en konteks.  En konteks kot olye fer en long lalis ki parey Onorab in dir zanmen ou pou ganny tou keksoz, nou’n prefere fer li dan bann kategori pli larz, ki tou sa bann keksoz in kapab antre dan sa ban kategori, sof natirelman okenn lerer oubyen lomisyon lo par sa bann ki’n drafte li.

520 konmela, i dir ou osito ki bann grains e eskiz mwan napa en grain ki nou plante isi Sesel.  Sa se wheat, barley, oats,  bann keksoz ki plante en France.  Ler ou’n tir li avek son pye i vin – i sorti immovable i vin movable.  Alor nou’n bezwen osi regard sa.

Ler i ariv 524, i annan en lalis keksoz ki immovable by destination ok, dan serten konsep.  Zannimo ki pe ganny servi pou farmingTools lagrikiltir ki antre dan nou definisyon.  Sof ki nou pa’n fer sa lalis.  Wild rabbits, eskiz mwan.  Wild rabbits 2019 Sesel.  Fish in ponds.   Pressers, boilers, steels, vats and cast.  Sa i annan pou fer avek diven e Lendistri delwil doliv eksetera.  Straw and manureManure dakor me straw?

Alor ou vwar e problenm se ki zot ale,  zot ale,  zot donn en lalis la dan 524.  Apre ler ou ariv 531, konmsi zot in mank dan sa lalis 524 e all of a sudden i dir by the way sheeps, ferry boats zot osi floating meals, floating docks, tousala si i pa’n ganny afikse lo en pillar, i vin en movable – ou vwar.  Son draft eskiz mwan pou dir dan Code Civil i dezord.  I teribleman dezord.  E se pou sa rezon ki Manm Komite i vwar li bon pou donn bann prensip zeneral.  E kot i neseser fer en lalis.  Me bann keksoz ankor enn fwa zenerik.  E non pa spesifik.  E se pou sa rezon ki tou sa morso la ant 516 avek 535, olye annan en seri keksoz, bann drafters in sey met li dan en seri 4 gran sou lartik, ki plizoumwen koz dan en fason zeneral, e ki kouver tou sa bann keksoz spesifik.  Sa se la fason ki nou’n proceed – anfen ki nou’n proceed ki Manm,  ki Komite ki ti pe regard sa avek drafter in proceed.

Me nou konpran parfetman sousi sa Lasanble, pou pa kit okenn keksoz ater.  E avek ou permisyon e si Onorab i dakor nou ava flag up tousala e nou ava fer sir ki dan nou, dan nou peaufinement ler nou ariv a sa moman nou ava asiz avek bann Manm pou fer sir ki napa nanryen  ki’n ganny kit deor.  Napa okenn konsep ki enportan ki nou pa’n take onboard.

 

MR SPEAKER

Mersi Onorab Georges.  Bon mon krwar i annan en konsansis lo la.  Nou ava kontinyen.  Onorab.

 

HON BERNARD GEORGES

Mersi Mr Chair.  Nou ti pe regard natural produce.  Sa se en definisyon.  E apre nou vin lo 536 e la nou retourn lo en konsep ki egziste e ki ler ou vann oubyen ou lwe en lakaz – en lakaz ki furnish, nou’n bezwen eksplike an entrodwizan son vye konsep Franse.  Akoz ti annan en pti pe lensertitid lo sa 2 konsep maison meuble ek meuble meublant.  I annan plizyer zizman sirtou bann zizman en pe pli ansyen isi Sesel, kot sa konsep ti bezwen ganny defini.  E se pou sa rezon ki bann drafters in vwar li bon, parey zot in fer dan plizyer landrwa, pou met son konsep Franse, pou ki bann avoka ki pe travay avek sa i kapab al dan  jurisprudence Franse, e regarde ki sa i vedir laba.

Donk ler ou vann en lakaz parey 536 i dir ou, i include tou sa ki i annan ladan, tou son bann movables me i pa include cash, debts eksetera, bann keksoz ki dan sa lakaz.

537(1) i en konsep konstitisyonnel, ki nou ava re vwar taler mon krwar ler nou ariv lo 545.  Ou annan drwa vann ou propriyete ki pou ou.  E ankor en fwa Code – Komite ki ti reform Code ti deside ki malgre ki i annan en konsep ki osi aparet dan en lot Lalwa, annou pa tir li zis akoz i dan sa lot Lalwa.  Anou gard li la akoz repetisyon annan de fwa oubyen kouvertir i makes sense.  E sa set enn.

537(2) sa se en clause kot ou restrikte posibilite pou en dimoun vann son later oubyen en byen. E, enn bann meyer legzanp sa se ler Gouvernman i vann en later dan land bank, i met en restriksyon.  En lepok ti 5an apre in  vin 7an.  La annan de fwa i ariv ziska 15an.  Donk se sa ki permet li fer sa.  Ou kapab fer li ler i annan en bon rezon pou ou fer li.  E i kapab bind sa dimoun ki pe aste zis pandan son lifetime.  I annan en konsep legal ki dir ou pa kapab bind later en perpetuity.  Ou pa kapab fors en dimoun reste ek en later forever, san permet li vann. E pou sa rezon ki sa i last zis pou lifetime sa dimoun.

Kestyon i ganny demande 99an sa se pou lease.  Ler ou lwe en byen nou ava  vwar ler nou ariv lo bann lartik 1700, sa i son peryod i 99an.  Ou pa kapab lwe isi Sesel plis ki 99an.  Me Lakour i annan touzour pouvwar pou remove sa restriksyon, si i krwar ki i zis pou fer li, including restriksyon ki Gouvernman in mete, dan bann ka kot Lakour i satisfe kot i annan en merit.

538 i annan en sanzman.  538 nou ava vwar i koz lo domenn piblik ki Profeser Chloros ti’n tradwir ti’n fer li vin public domain.  E nou nou’n retourn sa konsep domenn piblik, akoz i en konsep legal ki tou dimoun i konpran.   E sa ki’n arive la se sa lalis dan 538 aktyel i zis en lalis.   E si mon kapab lir li 538 i dir ‘‘all roads, public high ways, street kept by the public authority, rivers, streams, springs, foreshore, banks, beaches’’ eksetera ‘‘which have been gained from the sea’’ i annan en long lalis apre i dir, ‘‘shall be held or be part of the public domain’’.

538 la in re aranze li en pe pou fer li vin en pe pli kler e in liste tou sa bann keksoz dan en fason pli fasil pou vwar.  I menm keksoz ki laba me ki’n ganny re met dan en lalis pli konplet avek en ladisyon ki nou ava vwar.

Donk domenn piblik tou semen, tou highway ki ganny mentenir par Lotorite Piblik.  Tou bann striktir kiltirel oubyen Nasyonal ki ganny maintain par Lotorite Piblik, larsiv, library, mize ki ganny peye par piblik ; tou bann lanmar ek tou bann estuaries.  Kot en larivyer i ariv dan lanmer ki mannyer i apele?  Lanbousir.  Mersi.  Tou bann larivyer, tou bann streams, tou bann ti pti springs.  Malgre ki i lo ou later i en domenn piblik.  Annou pa bliye ki si ou anvi sorti bor lanmer Bel Ombre e mont Mare Au Cochons e ou anvi mont dan en larivyer, i annan larivyer personn pa kapab anpes ou akoz ou lo domenn piblik.  Menm si sa larivyer i pas lo later en lot dimoun.  Epi (f), (f) i enportan akoz se sa ki vin dwa pou al lo lans.

Later ki ganny kouver ek dekouver par lanmer an mezir ki mare i monte e i desann ; okenn blan disab, okenn beach ki’n ganny – e okenn lans osi ki permanan, ki menm delo pa ariv lo li, menm si lanmer pa ariv lo li me i en lans li osi i en domenn piblik.  E sa i annan enn de ki nou konnen.

Mon pa konnen si mon devret entrodwir sa lide la.  Annan de fwa sa lans la, in ganny fer par dimoun.  Sirtou dan bann lotel.   Ou vwar zot tir vouloutye e zot fer son lans vin bokou pli gran.  Eski sa ipso facto vin e domenn piblik? Oubyen eski se zis sa bann lans ki lanmer in fer e ki apre lanmer in ale e ki i reste sek san ki zonm oubyen madanm i entervenir? I en kestyon pou bann lakour, me i en kestyon mon konnen ki bokou dimoun i pans lo la.

Apre tou bann por, tou bann harbour, tou bann anchorage, Airport, eksetera i ganny mentenir par en Lotorite Piblik.   E i ti’n ganny propoze dan Extended Bills Committee ki nou osi azout sa dernyen fakter, ki okenn keksoz ki Gouvernman i kapab dezinyen konman en domenn piblik at any time.  Donk i donn en permisyon avek Gouvernman pou increase, pou increase konsep domenn piblik by designated en keksoz konman en domenn piblik.  En keksoz kekfwa nou pa ankor prevwar, me ki ti ava bon pou nou fer li.  Mon pe mazin kekfwa – wi bus terminal, bann park anvil, bann keksoz koumsa ki ava ganny dezinyen.

Mon vwar i annan en lanmen ki’n leve Mr Chair.  Les mon zis fini No.3.  Access to domenn piblik, i dan lentere piblik, alor se pou sa rezon ki en domenn piblik.  E la No.4 i en, i en lentrodiksyon ki’n ganny anmennen, akoz i ti neseser kan domenn piblik i pa ganny aksesib, i pa aksesib from en semen piblik, Gouvernman, the State i kapab swa, si sa later i pou later Leta fer en semen, en sufficient right of way pou piblik enjoy sa domenn piblik.  E la nou pe koz prensipalman lans.

E dezyenmman fer otan ki posib dan Lalwa Planning fors dan Lalwa Planning en right of way ganny mete pou public enjoyment.  Setadir ler pe donn e annou servi sa legzanp ki vini toultan Lemuria,  ler i pe donn li permisyon pou li konstri en lotel, i ava fer konman en kondisyon ki i annan en public right of way. 

 

MR SPEAKER

Mersi Onorab Georges.  I annan enn de Manm in eksprim lentere pou entervenir.  E sirtou lo sa lartik ki vreman enportan.  Mon pou zis donn gidans.  Annou pa fer gran letour annou al spesifikman lo pwen.  E evit osi tou repetisyon.  Onorab William.

 

HON WAVEN WILLIAM

Mersi Mr Speaker.  Bonzour Minis avek ou lekip.  Bonzour tou dimoun ki a lekout.  Mr Speaker mon ti a kontan go back lo item 157, item 2.  Mon anvi zis en leklersisman avek Chairman Bills Committee.  Si lafason ki i in ganny ekrir la ‘‘a clause restricting’’ ouswa i devret en ‘‘prescribed clause?’’  Mon anvi regarde si Mr Chairman i kapab donn sa bon leksplikasyon.  Mon pa konnen si in tann mwan lo sa 537(2) kot i dir ‘‘a clause restricting’’.  Mon pa konnen si in dir ‘‘a prescribed clause’’ or nou devret kit li parey?

Mon lot pwen i annan pou fer avek letan nou ti pe debat lo the Physical Planning Bill.  E mon pe vwar la ki lo kot i konsern akse avek domenn piblik.  Mon anvi en leklersisman. Akoz letan nou pe regard realite akse avek bann lans e grander lans, parey mon dir en size ki mon ti koz fortman lo la dan sa deba Physical Planning Bill.  Letan nou pe dir en sufficient right of way,  eski la nou pe dir, eski sa i pe sinifi ki en akse selman?  Ouswa nou devret sanze pou regarde si nou kapab enkli plizyer akse?

Mon pa konnen si Mr Chair i kapab regarde, ki fason nou kapab sanz sa, akoz si la fason ki mon pe konpran li,  Eski si nou kit li parey i ete nou pe donn zis en akse, ouswa kot i annan loportinite baze lo bann grander lans.  Parey ou konnen i kapab annan bann aksidan, me pou akse sa bann lans pou sov lavi dimoun, ouswa kot i konsern sekirite mon vwar ki petet nou bezwen ozordi revwar la fason ki nou pe regard akse avek lans.  Mersi Mr Speaker.

 

MR SPEAKER

Mersi Onorab.  Mon pou pran ankor detrwa Manm avan mon ava pas la parol avek Chair Bills Committee oubyen panel.  Onorab Sandy Arissol.

 

HON SANDY ARISSOL

Mersi Mr Chair.  Bonzour tou manm e bonzour tou dimoun ki a lekout.  Mwan mon leklersisman Mr Chair li lo 538(2)(a). An relasyon avek all roads, public highways, mon ti a kontan demann Onorab Georges si letan nou pe koz semen i osi enplik sa ki nou apel trotwar?  Mon pe demann sa kestyon parski dan lavil anvil sa ki nou dir anvil kot Melchi kot bazar nou annan bann sityasyon kot bann dimoun i met zot latab lo trotwar.

La mon  annan en sityasyon kot Cecile en madanm ki reste Cascade, ki lontan i la lo trotwar pe vann son pti bingo,  i vann son Nasyon, i rod son  lavi.  Me letan en nouvo lokater i vini, i dir get sa, sa nouvo bout trotwar ki la devan mon laboutik pou mwan, alor ou bezwen sorti lo mon trotwar.  So letan nou pe koz semen, Mr Chair mon ti a kontan konnen si i  enplik trotwar.  Parske  trotwar se Gouvernman Lotorite Piblik zot ki maintain, zot ki netwaye, zot ki aranze.  Eski  i enkli dan sa ki nou apel all roads, public highways?  Sa ti mon leksplikasyon.  Mersi Mr Chair.

 

MR SPEAKER

Mersi Onorab.  Petet la mon ava azoute osi tou ler en loto i park lo trotwar, eski si trotwar i en domenn piblik?  Eski li menm li i pa pe blok en domenn piblik, en akse to en  domenn piblik ?  E nou vwar sa tou le zour anvil kot loto i park lo trotwar.  Onorab Sebastien Pillay.

 

HON SEBASTIEN PILLAY

Mersi Mr Chairman.  Mr Chairman mon annan de pti kestyon.  Premye kestyon se sa definisyon ki’n donnen anba (f).  Eski i pran an konsiderasyon ki’n arive avek letan?  Kot premyerman ler bann later ti ganny anrezistre avek lerozyon, high watermark in mont pli o.  Prezan ou vwar sityasyon kot bann dimoun pe dir avek bann manm piblik ki’n vin la, ou lo mon propriyete kan probableman sa bann dimoun pa lo propriyete. Sa i mon  premye kestyon.

Mon 2enm kestyon an se ki konsern sa zafer akse la.  Eski zis Gouvernman ki annan drwa rod gain  de cause  atraver ek sa zafer akse?   Eski par egzanp en kominote si i santi poudir i le ganny akse ek en landrwa, oubyen en  group endividi ki santi poudir en dimoun i dir zot sorti dan en landrwa, kot zot annan zot rezon, eski sa group dimoun i kapab ale e fer en petisyon regarding en akse pou al lo sa lans?  Eski sa i kouver sa? Mersi Mr Chair.

 

MR SPEAKER

Mersi Onorab.  Onorab Georges zis lo sa pwen kot lans.  Code i fer provizyon kot delo i monte i kouver apre delo i retournen.  What about en radmare?  E la mon pran sityasyon bazarka kot lanmer i anmenn disab ziska kote semen, i depoze.  Bann extra high tide apre i ale. Eski sa osi tou dimoun i kapab pran li konman en domenn piblik?  Onorab Ramkalawan.

 

HON WAVEL RAMKALAWAN

Zis en pwen ki mon ti ava kontan mete.  Nou’n evolye.  Eski Code pe fer provizyon pour ki ozordi ler nou koz lo en right of way, nou koz lo en motorable right of way?   Parski nou’n bouze e pou ou dir ek en dimoun i annan en right of way e so mon ti ava kontan nou antre dan modernite e regarde pou nou met motorable right of way dan nou Code.  Mersi.

 

MR SPEAKER

Mersi Onorab.  Onorab Woodcock.

 

HON WAVEL WOODCOCK

Mersi Mr Speaker.  Mr Speaker enn bann pwen kontansyon ki nou fer fas avek sirtou dan mon distrik Praslin i kot i konsern sa size gronny. Mwan mon kestyon i eski anba 538(1)(f) gronny osi i ganny enkli, i fer provizyon osi pou akse avek bann gronny ki par lao bann high watermark?  Akoz i annan plizyer bann case ki ler i ariv devan Lakour so eski dan sa Lalwa pe fer provizyon ki bann gronny i ganny konsidere konman domenn piblik?

E dezyenmman anba 538(4)(a) kot i pe koz en keksoz ki ganny welcome, akse avek bann domenn piblik lo bi 4(b) i dir ‘‘provide as far as possible in accordance with the law and in particular with reference to the Town and Country Planning Legislation’’.  Me nou fek pas en nouvo Physical Planning Act, alor mon pe propoze, ki nou fer en amannman la pou sanz par lefe ki sa Town and Country Planning Legislation pe al ganny repeal e pe al ganny pase par sa Physical Planning Act.  Alor mon pe propoze ki nou sanz sa wording la e ranplase.  Mersi Mr Speaker.

 

MR SPEAKER

Mersi Onorab Woodcock.  Onorab Henrie.

 

HON GERVAIS HENRIE

Mersi Mr Chair.  Bonzour tou dimoun.  Mr Chair mon krwar i ava moman pou mon relev en kestyon ki mon ti demande letan nou ti diskit Physical Planning Bill, akoz ler nou koz akse avek lans, i annan bann lans konmela ki pa ti egziste letan Sesel 250an nou ti komans etabli nou konman en Nasyon.  Eden Island par egzanp.  E si nou pe koz akse later i pa pou Leta i pou sa Lakonpannyen ki own the islandSo pezan ki mannyer nou defini sa bann realite dan Code Civil ozordi? Mersi.

 

MR SPEAKER

Mersi.  Mon krwar i tous en pti pe sa ki Onorab Georges inn dir, bann man-made beaches.  E mon krwar Eden Island most of then i man-made.  Me an menm tan natir, the process of natir osi tou i pe ede li osi tou pou li re aranz sa bann lans.  Me nou ava kouver. Onorab Roucou.

 

HON CLIVE ROUCOU

Mersi Mr Chair.  Bonzour tou dimoun.  Mr Chair dan 538(2)(e) rivers, streams and springs. Mon anvi demann Onorab Georges en leklersisman.  Si larivyer  i lo mon propriyete si sa i permet mwan oubyen vwazinaz, servi sa larivyer par egzanp pou nou met rakor pou ganny delo pou nou servi konman en endividi ?  Mersi.

 

MR SPEAKER

Mersi Onorab Roucou.  Onorab Mondon.

 

HON TERENCE MONDON

Mersi Mr Speaker.  Ler nou pe koz domenn piblik, nou fer referans osi avek akse avek lans.  E osi dan domenn piblik parey Code i fer provizyon se bann ros kot lanmer i kouver.  Me nou annan dimoun ki kontan al lapes lo ros.  Eski, eski Code zot fer provizyon.  Mon vwar anba Lartik 538(4), to what extend konmsi sa lartik nou kapab servi pou kapab ganny akse bann dimoun ki abitye al lapes lo ros?  Dan mon distrik i ase komen.  Mersi.

 

MR SPEAKER

Mersi Onorab Mondon.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker de pti kestyon.  Premyerman en kestyon ki vin souvan se akse avek lans lo bann zil.  I annan en sityasyon la kot bann propriyeter zil i pa tro konfortab, zot demann  – serten i demann – i pa anpes ou me selman fodre ou demann permisyon eksetera.  So ki egzakteman i ete son status Onorab Georges?

E dezyenmman en keksoz en pe pli modern ki nou pe antre ladan se bann marinas. Lanmer i domenn piblik.  Lanmer i sipoze nou tou.  Bomaten mon leve mon vwar en dimoun in al zet en pontoon dan lanmer ki mon sipoze annan par ladan.  E finalman sa bout lanmer i vin pou li akoz in pran en areaSo ki mannyer Lalwa i deal avek sa?  Mersi.

 

MR SPEAKER

Mersi Onorab.  Onorab Lemiel.

 

HON SYLVANNE LEMIEL

Mersi Mr Chair.  Bonzour tou dimoun.  Mr Chair i annan en keksoz ki pe preokip mwan en pti pe en – akoz i annan serten sityasyon ki nou pe gannyen.  Mon dakor letan nou pe dir met right of way motorable en?  Me selman we have to be careful osi.

Akoz mwan i annan serten sityasyon mon konnen mon pa konnen si sa annan  bann letan, letan later, x lannen pase letan bann dimoun in ganny zot kare later ki vreman napa en demarkasyon right of way pou zot ariv kot zot.  E ozordi sityasyon ki pe arise la, i se ki mwan mon’n pran mon later mon’n vann ek en lot dimoun.  Sa dimoun i annan 4 kare devan li.  Li deryer laba i napa en right of way.  In toultan pe pas dan en pti santye lo later sa 3 dimoun dan son zanmirant pou li ariv se li.

So eski sa dimoun li 5enm laba deryer ki napa sa akse pou ariv kot li, Lalwa pou fors sa kat propriyeter pou donn sa dimoun en  motorable right of way lo son later.  Si sa dimoun pa oule donn motorable i a dir i a donn foot path e keksoz koumsa.  Ki Lalwa pe dir la dan sa ka?  Akoz sa bann sityasyon koumsa in vin en pti pe alarman letan nou regarde dan bann distrik.

E apre letan nou pe koz public interest.  I vas li.  Nou,  nou pe ganny en konpran.  Petet ti a bon nou donn en pti pe plis leksplikasyon bann piblik deor an zeneral, letan nou pe dir public interest.  Mersi.

 

MR SPEAKER

Mersi Onorab.  Nou ava pran en dernyen.  Onorab Phillip Arissol.

 

HON PHILLIP ARISSOL

Mersi Mr Chair.  Mr Chair mon kestyon i koumsa.  Eski en dimoun i annan drwa blok konpletman en right of way?  Apre vi ki pavement i tonm dan domenn piblik, nou vwar bokou bann pavement ki mal ganny mentenir.  E tou resaman mon annan enn mon constituent, en vye madanm in tonbe in kas son labous.  Eski nou annan en rekour pou sa ?

 

MR SPEAKER

Mersi Onorab.  Bon mon krwar nou’n al ase byen.  I annan 11 Manm ki’n entervenir.  In ase vit, in ase kourt.  Mon ava prezan donn laparol Chair Bills Committee.  E on the panel osi anybody ki anvi azout keksoz. Onorab Georges.

 

HON BERNARD GEORGES

Mersi Mr Chair.  Mon ava sey reponn bann kestyon.  Zot ava eskiz mwan si annan de fwa mon mank enn de oubyen mon pa’n tro konpran.  Onorab Waven William in demann mwan 537 –

 

MR SPEAKER

537(2) ‘’a clause’’ – ‘’a prescribed clause.’’

 

HON BERNARD GEORGES

A clause wi. I ti anvi konnen si nou devret azout a prescribed clause.  Mon pa krwar.  Mon krwar ki en clause dan en Kontra osi i kapab.  Annefe se sirtou en clause dan en Kontra ki kapab ganny – ki pou ganny mete.  E nou ava vwar en pti pe pli tar ler nou ariv lo easements. I annan osi sa ki nou apel restrictive covenants.  Kot ler ou vann ou later ou pa anpes li re vann ki 537.  Me ou obliz sa dimoun ki pe aste ou later fer oubyen pa fer serten keksoz lo la.

Si dizon mon pe vann li later ki devan mwan, mon kapab met en clause ki pa pou fer letaz.  Akoz mon anvi maintain mon view.  Oubyen parey legzanp ki mon donnen toultan ler bann later Turtle Bay ti ganny vann, zot tou zot ti annan menm kondisyon, menm restrictive covenant ki la – twa pa ti pou kapab tol.  Alor ou ti bezwen met deck tiles oubyen harvey tiles or whatever.  Me sa se bann kondisyon ki ou kapab mete dan en fason pou fer sir ki tou keksoz i reste parey.  Donk mon krwar ki clause i donn pli bataz.

E apre i t anvi konn sa mo ‘’sufficient’’.  Sufficient mon krwar sufficient right of way si mon … ‘’provide a sufficient right of way over state land’’ e mon krwar sa mo in ganny servi avek deliberasyon.  Akoz parey Onorab Lemiel fek dir e nou ava retourn lo la en pe pli tar ler nou ariv lo Lartik 682 ki lartik lo ‘’easement’’.  Sa ki kapab sufficient pou en – dan en  kondisyon ki pa neseserman sufficient pou en lot.  Oubyen sa ki ou ti ava swete gannyen dan en konteks, i posib ki ou pa pou kapab ganny li dan en lot konteks akoz topographie teren oubyen en obstriksyon ki annan.  Si i annan en manman ros dan sa sel landrwa kot sa right of way i kapab pase, nou a bezwen pran sa an konsiderasyon. Me mon krwar nou ava vwar li dan konteks en pe taler.

Trotwar;   E tou lede Onorab Arissol in koz lo trotwar, e mon krwar sa i en keksoz enportan.  E i posib, i posib dan definisyon clause 538(2)(a) kot nou met ‘’all roads, public highways, all streets eksetera ki trotwar i antre ladan.  Including son drain tou dilon semen.  Me napa nanryen.  Napa nanryen ki anpes nou azoute for – akoz en trotwar i efektivman – ou vwar I suppose ou ti a kapab dir ki en road i en pedestrian road tou dilon en semen me napa nanryen ki anpes nou. E mwan personnelman mon pa pou vwar okenn problenm sof subject to sa ki panel i dir, pou nou azout sa la.  Akoz wi i en problenm.  I en problenm kot propriyeter magazen i krwar sa bout trotwar devan sa magazen i pou li.  Annefe i posib ki i pou li si se en extension ki li in fer.  Me si i en trotwar piblik ki pas devan son laboutik sa i en trotwar piblik e i napa okenn plis drwa lo la ki okenn lezot manm piblik. E mon krwar i toutafe normal ki trotwar ki ganny maintain par Lotorite piblik i devret vin en parti domenn piblik.

An sa ki konsern maintenance trotwar, sa i vin en kestyon fot.  Lotorite piblik setadir Gouvernman, SLTA or whatever, i annan en devwar pou zot mentenir non selman trotwar me osi semen.  E si en semen i ganny mal antretenir, e sa i koz en dimoun pou li ganny dimal ;  en trotwar in kase, sa dimoun ki responsab bezwen pey li en domaz pou son domaz ki in sibir.  I kler.  Okenn keksoz parey nou ava vwar lo Lartik 1382, okenn act or omisyon, omisyon.  En dimoun ki koz domaz en lot dimoun, i obliz sa dimoun ki ti annan en responsabilite pou repar sa domaz. Alor i  kler.  Sa se anba Lalwa napa okenn 5, 6 fason.

E sa osi i aplik pou bann trotwar ek bann dren dan bann housing estate.  Akoz dan bokou fwa i annan pavement ki ganny fer sirtou otour bann block apartman apre zot pa ganny maintain.  E tanzantan nou vwar enn in kabannen oubyen in kase.  E dimoun i pase tou le zour pou al kot zot e zot may ladan.  Sa i pou vin en responsabilite pou sa Lotorite ki merit fer li.  Si se Gouvernman, se Gouvernman. Si se PMC, se PMC.

Domenn piblik, domenn piblik – mon’n fer en not la ki mon pa konpran Mr Speaker.  Alor eski –  non,  non gronny nou ti pe vin lo gronny pli tar.  La nou ti ankor lo domenn piblik subject to laws.

 

MR SPEAKER

Onorab Sebastien Pillay, mon krwar –

 

HON BERNARD GEORGES

Non Onorab Sebastien Pillay in demann spesifikman lo high watermark e si sa i kapab ganny – si ou kapab fors sa.  E ki pou arive ler i annan en extra high tide, eski sa i vin en keksoz eksepsyonnel?  Eski i kapab donn ou – mwan mon krwar se – eski i kapab donn ou en right of way?  Mon krwar definisyon ki nou annan i fer li kler anba (f).  Se selman en keksoz ki alternately ganny kouver ek uncovered; si i annan tanzantan en rad mare.  Oubyen en gran mare eksepsyonnel akoz i arive annan de fwa.  Sa i pa neseserman pou aplike. Se bann keksoz  ki lo en peryod letan ou kapab dir ki sa bout lans, i en bout lans ki ler mare i o i ganny kouver.  Ler mare i ba i pa ganny kouver. Ou kapab servi li ziska kot son high watermark.  Akoz sansan parey ou’n dir ler i annan gran mare e disab i ganny anmennen dan en lot later lot kote, ou ti a kapab claim ki ou annan en right of way – pa en right of way (pardon).  En domenn piblik lo sa morso later.

Motorable right of way nou ava –mon prefere retourn lo la taler.  Me dan konteks la mon krwar Onorab Lemiel in lev en tre bon pwen e sa se general, right of way generally.  Eski i devret motorable or not.  E sa mon krwar annou fer li ler nou ariv lo 682. Me la pou le moman Onorab Leader Lopozisyon mon krwar son pwen li se dan konteks pou ariv lo domenn piblik, eski sa right of way, sa sufficient right of way lo later en dimoun pou ariv lo domenn piblik i devret motorable oubyen i devret zis foot path?  Ankor enn fwa menm keksoz pou aplike.  Dan serten ka i pou bezwen foot path.  Mon pe mazin Anse Georgette.  Ou pa pou al fer en motorable right of way pou les, eskiz mwan, zabitan Praslin drive pou al Anse Georgette. Ou pa pou kapab obliz en propriyeter teren pou fer sa.  Me ou pou obliz li donn en footpath pou ariv laba.

Par kont Barbarons parey nou’n vwar ant Avani ant lotel Avani avek sa later next door, i annan en mototrable right of way ki’n ganny spesifikman fer anba en provizyon Town and Country Planning ki’n dir ant avek sa 2 propriyeter zot ava gard en right of way trwa met larzer.  E tou loto i kapab drive al park obor lans, dan en designated parking area pou dimoun kapab enjoy sa lans.  Donk i depan lo topographie ek landrwa.

Groyne i menm zafer ki Onorab Terrence Mondon, ros.  En groyne, si i en groin prive i en groyne prive. Lefe ki i dan lanmer i vin egzakteman parey en marina oubyen en dock ki ou’n fer dan lanmer.  I pou ou. Ros osi i pou ou.  Sof ki si en ros i dan lanmer ki ti ater li en zour, oubyen i devan ou later me solman ant ou later avek sa ros i annan lanmer e sa ros i pou ou, si i tonm lo ou- dan ou plan.

E nou’n vwar vwala kestyon ki ti ganny demande taler.  Nou’n vwar ki annan de fwa plan later i annan telman lerozyon ki ler ou get son cadastral plan, son cadastral plan i fini dan lanmer.  Sa se son- me solman lanmer in manz en bout sa later e prezan i annan en lans e sa lans i dan sa propriyete.  Sa pa fer okenn diferans.  Kot sa lans i ete sa lans i domenn piblik  menm si i antre konpletman dan later en dimoun.  Si sa lans in ganny kree par loperasyon klima ek natir.  Si in ganny kree par en lentervansyon en dimoun mwan mon pa krwar ki sa i vin en domenn piblik.

E les mon donn en legzanp.  Pangia par egzanp. Ti napa en lans, zot in fer en devlopman zot in kree en lans devan zot landrwa pou zot, avek en  pti marina.  Mon pa krwar ki i lentansyon Lalwa pou dir ki tou dimoun prezan i ganny dwa al lo sa lans al fer zot piknik, al fer en keksoz akoz sa lans i egziste.  Mon pa krwar se sa lentansyon Lalwa.

E menm zafer pou vin pou en marina.  Wi ou pe antre lo en bout lanmer ki tou dimoun ti ganny drwa servi me ou’n ganny en permisyon pou ou antre e servi sa bout lanmer.  Ler ou fer en groyne menm zafer.  Ou’n ganny en permisyon avek Planning pou ou fer en groyne pou en rezon spesifik alor ou pa kapab ekspekte ki akoz ou ou’n fer sa,  sa groyne prezan i vin domenn piblik.

Se pou sa rezon ki toultan la nou vwar sa mo maintain by a public authority.  Si i ganny maintain par a public authority la definitivman la i vin en domenn piblik.   Espere, pe vini lo zil.

Zil.  Onorab Ferrari in fer en tre bon pwen.  E se egzakteman sa ki ti lentansyon e prezan mon rapel deryer sa lamannman (h).  ‘’Areas designated’’ as domenn piblik by the Government.  Akoz in annan dimoun ki’n demande dan lepase.  E mwan mon enn sa bann dimoun ki’n demande ki Gouvernman i designate ki lo sak zil ki pa en zil Gouvernman ki swa en zil IDC oubyen en zil prive i designate en landrwa lo sak sa zil above the high watermark akoz son beach li i domenn piblik.

Si ou al dan en bato ozordi ou le debark D’Arros ou kapab mars lo lans.  Oubyen Desroches oubyen okenn sa bann zil ou kapab mars lo lans kantite ki ou anvi ou pa kapab sot the high water mark san ki ou annan permisyon propriyeter zil.

Me serten dimoun ti’n demande e sirtou bann dimoun ki al lapes lwen ki lo sak zil i annan en area ki ganny designate konman en domenn piblik.  Kot tou dimoun i kapab vini above the high watermark ki tou piblik i kapab vini.  Par  egzanp ler i annan en movetan or whatever en bato i kapab antre, e sa dimoun i kapab ganny en shelter par lao sa high watermark.

E se dan (h) ki sa in ganny antre. Gouvernman pou ganny demande pou designate en area lo sak zil pou piblik kapab ganny akse lo sa zil par lao high watermark.  Me sa i pa en keksoz ki Lalwa i kapab fer.  Se en keksoz ki ou bezwen fer atraver pa en  Lalwa zeneral.  Se en keksoz ki ou bezwen fer atraver en S.I akoz i pa en on size fits all.  Pou lo lans ou pa bezwen demann okenn permisyon.  Ou kapab al lo okenn zil ozordi, tou bann lans lo tou bann zil i tonm anba (f).

E finalman mon’n ganny demande public interest.  Sa se en mo ki kouran e nou pou vwar li ankor dan konteks acquisition of land.  Gouvernman par egzanp i annan drwa acquire en later kont la volonte son propriyeter si sa i dan lentere piblik.  E la se egzakteman sa konsep.  Access to the domenn piblik is in the public interest.  Setadir ki sa i ganny fer pa akoz Gouvernman pa kontan sa propriyeter, oubyen i anvi pini li, or whatever.  Me se akoz en akse pou ariv lo en domenn piblik is in the public interest.  E se dan lentere piblik pou annan sa lakse.  Alor personn pa pou kapab demen sa pa aplik pou mwan akoz nou’n met en statement la ki i dan lentere piblik.

E finalman Mr Chair, Onorab Roucou i demande eski ou kapab tir delo dan en stream ki pas lo ou later.  Sa stream i domenn piblik.  E ou, ou en manm piblik. Ou kapab servi sa delo ki dan en stream ki pas lo ou later pou bann rezon ki ou santi bezwen.  Ou kapab pran ou kapab met li dan ou basen pwason.  Oubyen ou kapab lav ou loto.  Ou kapab fer okenn sa bann keksoz parey nenport ki piblik i kapab fer.  Sa ki ou pa kapab fer se extract delo pou ou konsonmasyon, olye pran delo PUC.  La pa akoz i pa domenn piblik me akoz i annan en lot Lalwa ki dir ou pa kapab extract delo sansan tou dimoun ki ti annan en pti larivyer kot li ti ava bypass PUC.  Alor se pou sa rezon ki nou pa kapab fer sa.

Me i domenn piblik e ou kapab servi otan posib.  Mwan mon annan en stream ki pas lo mon later e mon servi li pou aroz fler, mon servi li da mon basen pwason eksetera.  Obviously apre i kontinyen e lezot dimoun i servi li par lao mwan e osi par anba mwan.  Mersi Mr Chair.

 

MR SPEAKER

Mersi Onorab Georges.  Onorab Ferrari apre Onorab –

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan lo kestyon zil, mon krwar mon ase satisfe avek sa larepons.  Lo kestyon konstriksyon lans oubyen okenn striktir ki swa dan lanmer, swa below ou ziska high watermark.  Mon’n byen konpran poudir sa se bann  man- made structures.  Mwan mon ti a kontan konpran si i free for all sa.  Si i annan en limitasyon oubyen napa.  Dizon par egzanp nou vwar Eden Island par egzanp pe devlope.  Zot in fer en marina dan lanmer ki mwan ler mon ti,  ti pti mon ti al zwe dan sa lanmer.  Napa prezan i annan en zil apre i annan bann pontoon.

Lot kote semen kot bazar, osi i annan konstriksyon e probableman pou annan pontoon.  Be si zot ale, ale, ale, sa de kote i zwenn ek kanmarad.  Konmsi napa en limit?  Si ou annan larzan ou en gro konpannyen konmsi ou kapab take over losean?  Se sa mon problenm.  E mon problenm lo lans se menm zafer.  I annan bann landrwa.  I annan bann landrwa otour nou pei, otour Praslin, La Digue sirtou kot napa vreman an en lans.  I zis en pe ros, en pe,  kot menm akse i pa tro fasil.  Epi en dimoun ki vini ki annan en kantite larzan i vini i fer en lans.  I bar en pe i fer en lans, e finalman sa lans i man-made.  Be nou napa drwa al lo la nou?  Konmsi i – mon konpran son konsep me selman mon krwar i bezwen annan en limit ki pa donn permisyon nenport dimoun pou zis take over domenn piblik.  Mersi.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi Mr Speaker.  De pti pwen enportan.  Premyerman nou’n defini domenn piblik e mon’n ekout ou byen regarding trotwar. Ou dir mwan prezan i annan en duty of care basically par Lotorite ki fer sa bann trotwar.  Be ler nou defini domenn piblik  eski ler nou defini piblik nou pe enkli piblik osi ki annan dezabilite?  Ki mars ek en bekir oubyen ki servi en wheelchair?  Akoz si nou get sa par egzanp, i bon nou annan Minis lasante la anndan.

Laplipar mazorite sa ban trotwar sa bann dimoun pa kapab servi.  I annan menm trotwar ki nou met bann trou ladan ki si en dimoun i mars ek son bekir i ganny dwa end up ek son bekir dan sa trou.  Ou konpran. So just to cut it short, eski petet Gouvernman i kapab dir nou petet how prezan ki zot pou enplimant sa?  E prezan eski par egzanp konsey for the disable i kapab anmenn en petisyon ouswa en keksoz koumsa pou demande ki dorenavan bann striktir koumsa ki ganny fer i pli an liny avek bann bezwen ki petet zot ava annan.

E mon 2enm pti pwen Mr Speaker i dan laliny ki entervenan avan mwan in demande.  Be li pa’n petet eklersi li ase byen.  Nou tou nou annan drwa zwir pouvwar sosyoekonomik lanmer.  Me to what extent  par egzanp ki demen si en dimoun par egzanp i deside met en floating pontoon somewhere e i apel sa son domenn, eski nou annan bann restriksyon?  Eski sa i fer ki nou annan bann restriksyon. Oubyen ki sa pa fer ki nou pou kree serten restriksyon?  Ki en dimoun pa ganny akse pou al obor en floating pontoon  or something like that?  Mon ti oule klarifye sa Mr –

 

MR SPEAKER

Mersi Onorab.  Onorab William.

 

HON WAVEN WILLIAM

Mersi Mr Speaker.  Mr Speaker mon ti anvi en leklersisman lo 538 item 3.  Mon pou kontinyen lo sa pwen ki Onorab Pillay ti pe koz lo la, kot i konsern ‘’universal access way’’.   Mon anvi konnen si dan nou Code Civil, mon konnen poudir dan sa Bill ki nou fek pase lo Physical Planning Bill.  Nou’n koz fortman lo bann dimoun ki mwen kapab.  Eski nou pa devret – mon pa konnen si i annan en lot clause pli tar ki nou pou rankontre, kot sa ‘’universal access way’’ i ganny fer antre.  Akoz nou pe vwar ki sa bann dimoun pe ganny kit deryer dan bokou domenn devlopman ki pe arive dan pei.  So mon krwar i enportan ki nou fer antre somewhere dan Code Civil kot sa ‘’universal access way’’ i sorti for ki kot i practicable nou fer li ki sa bann dimoun pa santi zot pe ganny kit ater.  Mersi.

 

MR SPEAKER

Mersi Onorab.  Onorab Esparon.

 

HON REGINA ESPARON

Mersi Mr Speaker.  Mr Speaker mon pou pran kot Onorab William in arete.  Letan en dimoun i donn en right of way, ki normalman mon pa konnen si i anrezistre sa right of way, si i ganny en title deed. Epi demen si sa dimoun i anvi reverse sa, kennsel sa right of way kote sa bann dimoun ki ganny afekte i rod rekour anba Civil Code?

 

MR SPEAKER

Mersi Onorab.   Onorab Woodcock.

 

HON WAVEL WOODCOCK

Mersi Mr Speaker.  Mon ti’n fer en propozisyon pou ranplas lo 538(4)(b), the Town and Country Legislation avek the Physical Planning Act.  Par lefe ki byento sa Town and Country Planning Legislation ki pe al ganny repeal.  Se sa ki mon ti’n propoze.  Mersi.

 

MR SPEAKER

Wi, mon krwar sa in ganny fer sorti osi tou semenn pase ki dan tou bann bout kot Town and Country Planning i aparet i pou vin absoli i pou ganny ranplase par Physical Planning Act.  Onorab Vidot.

 

HON AUDREY VIDOT

Mersi Mr Chair.  Bonzour tou dimoun.  Mr Chair mon ti a kontan petet Onorab Georges ti a komante letan i pou reponn Onorab Ferrari kot in terminen an referans kot parey zis pou azout lo sa ki in dir, si parey en dimoun in aste son propriyete obor lanmer, li i annan son view tou son sa – Me selman apre en lot ki li i annan larzan i vwar li vini i blok son akse, e napa okenn konsantman ki’n ganny fer an term sa devlopman. E ki mannyer li i santi li apre i ganny sipor?

 

MR SPEAKER

Mersi Onorab.  Onorab Ramkalawan.

 

HON WAVEL RAMKALAWAN

Mr Chairman mwan mon retourn ankor lo sa zafer lans, espesyalman sa pwen ki Onorab Georges in fer resorti.  In donn sa legzanp Pangia.  Sepa Pangia in fer en lans  e aprezan sa i  vin son lans !  Mon krwar – mwan personnelman mon annan en problenm ek sa.  Parski sa i vedir ki nou annan lans prive e nou annan lans piblik.  Mon ti ava kontan si i re eksplik sa byen pour ki i vin kler ki nenport keksoz ki en lans i – dimoun i annan akse avek up to the high watermark.

E sa dan sa ka i enkli osi Eden Island.  Parski Eden Island i en later ki’n ganny konble par Leta e apre sa laplipar bann lans in vin natirel.  In kree egzakteman parey lo Roche li menm. Ti  napa e lans me selman apre sa in kree en lans.  Egzakteman, Gouvernman ki’n konble.  E Gouvernman i larzan lepep Seselwa.  E mwan mon krwar ki nou bezwen kler ki poudir tou lans, tou lans up to the high watermark eksepte sa well, sa ki Onorab in dir ki mon osi toultan mon’n dakor ki i annan en bout pli o ki si ou al e piknik ou pa kapab aret la lo high watermark.  Ou bezwen al en pti git pli soz kot pye dibwa i pouse pou ou ganny en lonbraz.  So mwan mon pwen i lo la ki nou fer kler e ki nou bezwen kler dan sa code ki nou pe regarde ki tou keksoz ki ganny dekrir konman en lans, i bezwen dan domenn piblik.  Mersi bokou.

 

MR SPEAKER

Mersi Onorab.  Nou ava pran ankor de.  Onorab Churchill Gill.

 

HON CHURCHILL GILL

Mersi Mr Chair.  Mon ti a kontan si Chairman Bills Committee i donn leklersisman ler nou dir akoz nou, nou annan zil ki dan Rezerv, par egzanp Curieuse, Cousin, Ile Aride, Coco.  Ler nou dir lans i piblik ti a bon eklersi pou dimoun ki fer sa kalite biznes  akoz zot, zot anmenn mainly bann touris.  Eski sa i aplikab pou touris osi?  E si sa i non, eski si en touris i dir be anmenn mwan Curieuse me selman mon pa anvi al dan Rezerv mwan.  Mon anvi zis reste lo lans, fer mon barbecue apre ale. Akoz sa bann zil i annan en entrance fee ou bezwen peye.  So ti a bon ou eklersi sa, en mannyer pou nou evite si demen en touris i deside vin bat latet bann dimoun avek sa bann kalite largiman,  en mannyer i a kler ki bor zot limit.  E kwa ki zot kapab, e kwa ki zot pa kapab.  Mersi.

 

MR SPEAKER

Mersi Onorab.  Onorab Paul Ernesta.

 

HON PAUL ERNESTA

Mersi Mr Chair.  Bonzour Mr Chair, Minis, delegasyon, tou bann koleg Onorab bonzour.  Mr Chair mon kestyon i straight forward. Eski si en landrwa i ganny konsidere konman public private partnership, si li osi i ganny trete konman domenn piblik?  Mersi.

 

MR SPEAKER

Mersi Onorab. Onorab Georges.

 

HON BERNARD GEORGES

Mersi Mr Chair.  Mon konmans avek bann kourt.  Yes en PPP i subject to menm Lalwa ki tou dimoun.  E subject ki to sa ki mon pou dir lo repons ek sa kestyon Onorab Ramkalawan dan en minit.

Onorab Wavel Woodcock sorry mon ti’n bliye taler efektivman i ti’n demann sa kestyon.  Mr Chair sa ki nou’n fer la ler nou’n met to the Town and Country Planing Legislation.  I en mo zenerik sa akoz sa non, sa Lalwa pou sanze.  I ti Town and Country Planning Act, la in vin Physical Planning Act.  E demen i pou kekfwa en lot non.  Sa ki nou’n fer la se zis nou’n dir se sa Lalwa ki pou kouver Planning whatever it is called a nenport ki moman ki pou pran sa desizyon.

Cancellation en right of way nou ava vin lo la ler nou ariv lo Lartik 682, akoz sa ki aplik laba pou aplik osi isi.  Ki mannyer ou kapab aret en right of way? Eski ou kapab? Ki mannyer ou kapab sanz lanplasman en right of way eksetera.  I ava en size tre enteresan pou nou.

Onorab Churchill Gill ankor enn fwa sa se en pwen ki mon’n anvi fer en pe pli boner, me mon’n manke.  Mersi pou remind mwan.  Ler ou servi en right of way,  ouswa – (pardon) ler ou servi en domenn piblik. Ler ou al lo en domenn piblik par egzanp lo en lans, ou bezwen i subject to bann lezot Lalwa. I pa akoz ou annan drwa al lo en lans ki all of a sudden sa ki ou pe fer la akoz i domenn piblik i pa subject to Lalwa zeneral.  Ou still bezwen tonm anba Lalwa zeneral.  E sa Lalwa zeneral i Lalwa nwizans, e i osi Lalwa Beach Control par egzanp dan fakter en beach e Lalwa environmental.  Ou bezwen swiv tou sa bann Lalwa.  I pa akoz ou annan drwa al lo lans devan Lemuria pti  Anse Kerlan, i pa akoz ou annan drwa al la ki ou pou  anmenn ou lanmizik ou pou fer en barbecue, e ou pou zwe foutbol.  Akoz sa premyerman ou pe komet en nwizans, e dezyenmman ki ou kapab ganny anmenn Ankour.  E dezyenmman  ou pe kas Lalwa beach control eksetera.  Ou pa kapab fer sa bann keksoz.  Ou bezwen servi ou drwa an fonksyon sa ki Lalwa i permet ou pou fer.

Mon vin donk entrance fee.  Kestyon, wi napa entrance fee pou debark lo en zil.  Sa i pa egziste.  Malgre ki serten dimoun i krwar ki i annan.  Si ou debark lo en zil, lo en lans,  e ki ou pa zanmen mont pli o ki the high watermark napa okenn dimoun ki kapab demann ou pey en entrance fee menm si sa zil i pou li.

Donk sel entrance fee se ler ou step above the high water mark pou ou servi bann keksoz ki annan lo sa zil.  E nou vin donk lo sa disabled.  Onorab Churchill Gill mon krwar ti anvi en leklersisman Mr Chair.

 

MR SPEAKER

Yes Onorab Gill.

 

HON CHURCHILL GILL

Wi pou Seselwa mon kler lo la.  Me selman mon kestyon ti pou etranze.  Si etranze osi i ganny kategorize parey nou?  Mersi.

 

MR SPEAKER

Mersi.

 

HON CHURCHILL GILL

Pou Seselwa mon konpran.  Me selman mon kestyon ti pou bann dimoun etranze akoz sa bann zil i annan bann aktivite biznes ki ganny fer.  Se sa i annan sa eleman entrance fee.  Se sa ki nou le konnen en mannyer bann dimoun ki pe pratik sa bann biznes, zot a eklersi demen zot ganny challenge dan sa direksyon.  Mersi.

 

MR SPEAKER

Mersi Onorab.

 

HON BERNARD GEORGES

Unless ki i annan en Lalwa e mon pa okouran ki i annan okenn Lalwa ki dir, ki ou bezwen pey en entrance fee pou al lo okenn lans.  Whether ou en Seselwa ou en etranze.  Whether ou al laba ou tousel oubyen dan en lekskirsyon ki ou’n aste.  Si zis ou al lo lans napa personn ki kapab fors ou pey en entrance fee.  Akoz ou lo domenn  piblik.  E sa bann zafer entrance fee pou antre dan Park Nasyonal ou park whatever dan lanmer i pa egziste tan ki sel keksoz ki ou fer se ou al lo lans.  E ou reste lo lans.

Par egzanp ou al lo lans Ile Au Cerf.  I dan en marine park, personn pa kapab demann ou peye pou ou ariv lo lans.  Me le moman ki ou step lo sa lans ou pa kapab fouy tektek akoz i annan en Lalwa ki dir ou – en Lalwa environmental ki dir tektek i en lespes proteze.  Ou pa kapab fer nanryen.  Si ou al lo Ile Aride par egzanp.  Li osi menm zafer i aplike sof ki, sof ki, serten kontrent i kapab ganny mete lo ou pou bann rezon spesifik.  Ki ou pa kapab ariv mannyer ou anvi, akoz sa zil i annan en stati ‘’proteze environmental.’’   E nou pa kapab anmenn lera par egzanp oubyen bann lezot keksoz.  Me apard sa si napa okenn Lalwa tou keksoz i konpletman ouver.

Donk Mr Chair mon vin lo sa pwen enportan e veksan.  E veksan lo ki si sa ki piblik, ki si sa ki prive.  Ki si sa ki ou fer.  Ki si sa ki ou kapab fer.  E mon dir i veksan akoz i vre ki i veksan.  I annan serten dimoun ki demann bann kestyon tre pertinan.  Par egzanp annou pran en  legzanp ki pa’n ganny leve. Rivers, streams and springs i en domenn piblik.  Sub article 4 i dir ou ‘‘where the land is a domain’’ piblik ‘‘is not accessible from the public road’’, i ava – ‘‘the State will provide en right of way or’’ si pa posib Country Planning Legislation i ava fors enn.  Eski donk sa pti larivyer ki pas lo mon later i en domenn piblik li, swa larivyer?  Eski okenn dimoun ki anvi vin dan sa larivyer i bezwen ganny en right of way pou li vin dan sa larivyer?  E what if si i anvi anmenn son loto obor larivyer pou li lav son loto ek sa delo ki lo mon later.  Ou konpran?  Ki ou pou fer?  Under this ou bezwen les li.  Under this ou bezwen donn li en right of way pou li vini.  Mon bezwen les li antre dan mon propriyete, al dan sa larivyer, lapes sevret, lapes guppies fer sa ki i anvi, tir ros ladan ki kekfwa mwan mon’n mete pou gard sa larivyer.  Akoz i domenn piblik.  Donk nou bezwen e mon krwar lespri la se ou annan en drwa.  Nou bezwen egzers sa drwa dan en konteks.  Ou pa kapab fer gro lebra e dir mon annan en drwa mon kapab fer sa ki mon anvi. Mon pou vin zwe foutbol mon pou vin zwe lanmizik.

Me kestyon i al bokou pli lwen.  Si napa en laplikasyon Planning.  Si anba No.4 later pa pou Gouvernman e napa en laplikasyon Planning. Kote sa dimoun pou ganny son right of way pou li servi sa lans ?

Dizon mon anvi al lo en lans, lans Marie Louise par egzanp.  I lo propriyete prive li.  E mon bezwen pas lo propriyete prive pou ariv laba.  Sa dimoun ki son propriyete pa enterese ek okenn Planning li.  I pa’n fer okenn laplikasyon Planning.  Kote mon pou ganny sa drwa anba 4 pou mon ariv laba?  Mon krwar kekfwa i en defayans dan nou Lalwa.  Kekfwa nou devret prevwar ki menm si later pa pou Gouvernman, e menm si napa en laplikasyon Planning ki en dimoun, en manm piblik i kapab fer en demann for a right of access pou li ariv lo en lans prive.  Akoz konmela i napa. Akoz nou pa’n prevwar, nou pa’n prevwar sa.  Sa se kekfwa en defayans.

Ki pou sa bann zafer Eden Island ek Pangia eksetera.  Mon krwar nou bezwen tre,  tre –.  Nou bezwen veye sa ki nou pe fer la.  I kler ki anba Lalwa si en dimoun i anvi pran son bato al Eden Island e asiz lo en lans i annan toutafe drwa fer li.  E si en dimoun i al Pangia osi, si i pas par lanmer i ariv la, i annan toutafe drwa fer li. Me eski – e se sa mon krwar kestyon nou devret demann nou lekor, eski dimoun pou anvi fer sa ?  E eski i pou rezonnab si ou fer sa ?  Mon pa konnen.  E se sa mon krwar kot fodre ou annan sa balans. Akoz mon dir sa?  Akoz sa ki nou pe dir la pou Eden Island i aplik pou bokou lezot dimoun. Tou sa bann dimoun ki ti reste Mont Fleuri la obor Kordgard, zot ti annan zot bato devan zot – e zot ti kapab al Ile Au Cerf zot.  Ozordi zot pa kapab.  Ozordi zot get en semen.  Zot waterfront property prezan i regard semen ki al anvil.  I regard highway ki al anvil.  Zot osi zot kapab dir be hang on a minute ki mannyer mwan mon’n perdi sa.  But that unfortunately se sa balans ki nou bezwen toultan annan ant en drwa ki nou annan pou egzers kontrol lo nou pei ek restriksyon ki nou bezwen annan ler nou anmenn devlopman.

Si en dimoun parey in arive Baie Lazare i fer – i met en miray lo en lans pou anpes piblik ganny akse lo en bout lans ki devan kot li, sa i mal.  Me si son later pe erode e i fer en miray pou anpes ater erode.  E an fonksyon sa,  sa dimoun ler i vini lo lans i bezwen pas dan delo pou ariv laba.  Eski ou pou anpes li ?  E mon konn bokou ka sa.  Oubyen annan de fwa zot met en bout rock armoring.  Zot met en bout rock armoring pou prezerv zot pti guest house ki zot in built akoz sansan delo pou antre.  Me ler zot met en rock armoring sa bout lans kot zot in met sa i disparet.  Ou annan en zoli lans, par ou annan en bout rock armoring, apre ou bout lans i kontinyen ou bezwen fer letour pou ale.  Is that wrong?  Mon krwar tou sa bann keksoz nou bezwen pran li dan en serten konteks.  E sa zafer private and public beach i vin dan menm konteks.  Akoz si mwan mon fer – si mwan mon me en bout rock armoring lo en lans pou anpes – avek permisyon Planning.  Mon pa fer li lo mwan menm, pou mwan protez mon later. Eski tou bann dimoun ki anvi servi sa bout lans i kapab vin dir mwan be ou pe servi ou private use e ou pe deprive nou,  nou public domain.  Mon krwar e napa repons Mr Chair.  Mon ti a kontan ti annan en repons me napa.  Mon krwar tou keksoz i vin relatif.  I annan serten keksoz ki nou bezwen aksepte malgre ki nou pa kontan akoz that’s development.

Lontan bokou nou ti kontan al marse dan bann rezerv or whatever.  Me ozordi nou pa kapab akoz i en Rezerv. Nou ti kontan – mwan tou mon  lanfans mon’n grandi Ile Au Cerf mon’n lapes Ile Au Cerf.  Ozordi mon nepli kapab akoz i annan en serten – en lot kontrent.

Donk mon krwar nou bezwen regard domenn piblik pa konman en lenperatif me dan konteks enjoyment en byen ki dan lentere piblik.

 

MR SPEAKER

Mersi Onorab Georges.  Mon pou pran en entervenan.  Apre nou pou break.  Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour tou dimoun. Mr Speaker mwan mon anvi zis en pti leklersisman konsernan sa zafer right of way.  Eski sa right of way la i enkli tou bann dimoun pase pou ariv kot zot.  Ouswa i enkli pou bann Konpannyen, bann service providers parey PUC?  Pou zot osi servi pou distribye.  Akoz mon demann sa kestyon.  Akoz i annan bokou dimoun ki annan zot propriyete,  PUC akoz li i anvi donn sa servis sa dimoun  pli bon marse pli vit, i pa servi sa right of way zis i koup par lao ou later koumsa,  a lafen ou pa kapab konstri.  Leka Sans Soucis mon annan en zanmi Phelly Gomme trwa kar son later pa kapab devlope akoz zis zot in vini, zot in anvoy bann difil partou.  Aprezan i endup la koumsa menm.  Mon ti a kontan en leksplikasyon e tiyo delo osi ki pas atraver bann lezot later osi?  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Vitman mon konsyan ler. Onorab Pillay ti’n demann disabled access, anvil e i en pwen tre enportan.  I pa tonm ladan me mon krwar i en pwen ki i annan rezon.  Lorganizasyon bann dimoun avek dezabilite, Disabled Council i bezwen met presyon lo Gouvernman.  E pa zis disabled dimoun.  Mon konnen ki Minis Lanvironnman pa marse anvil.  Mwan mon mars bokou anvil e sa kantite fey palm eksetera ki ou tap avek ler ou lo pavement, akoz zot pa’n trim li byen i en keksoz ki mon krwar pa ganny ase re vwar.  Bann pavement ki’n kase eksetera pa donn en zoli zimaz pou nou pei sirtou n ou en domenn touristik.

PUC Mr Chair i en keksoz enteresan.  PUC i annan drwa li antre lo ou later e i annan en full right. I bezwen annan sa drwa, akoz i pe donn en litilite piblik.  Si zot krwar ki PUC i azir gro lebra e ki zot in  perdi  keksoz ki zot pa kontan, les mwan dir zot mon leksperyans.  Nou later La Louise i annan lo la en larivyer.  En right of way, en bout semen zigzag ki monte ki koup en bout, tiyo ki sorti Cascade ki al Rochon ki koup en bout ek diagonally right across nou later high intention wire PUC ki sorti Plaisance ki al La Misere, ek an plis ki sa en trwa kartye.  Lo zis en bout later nou annan 5 ou 6 easement ek domenn piblik ki nou bezwen donnen.  It is the name of the game.  Ou bezwen dan lentere piblik ou bezwen sibir serten konsekans.

Kot i mal PUC, e nou devret dir kot i mal. PUC i annan drwa antre fer travay lo ou later, including lo nou later vini koup dibwa akoz pou gard, pou pa tonm lo laliny.  E zot fer li plito byen.

Me son problenm se ki bokou fwa zot vini zot met en poto apre ler ou demann zot tire akoz poto i dan en move landrwa ou bezwen pey zot pou zot tire.  That is wrong.  Sa se egzakteman ki nou pe dir.  I pa akoz ou annan en drwa including en drwa pou enjoy domenn piblik ki ou bezwen abiz sa drwa.  Mon krwar parey sa fame band ki mon kontan i dir the Moody Blues.  It’s all a question of balanceOk at the end of the day nou bezwen balans nou.

E finalman dernyen pti keksoz mon ti a kontan dir, dan tou sa konteks akoz nou pe sanz, nou pe moderniz sa drwa Domenn Piblik, konmela dan Lartik 541 en bann keksoz ki en domenn piblik isi Sesel se tou nou bann battlefield, fortification, fortresses avek moats otour bann sato eksetera.  Vwala en rezon akoz nou pe modernize.

 

MR SPEAKER

Mersi Onorab Georges.  Mon ava donn laparol Minis Adam.

 

MINISTER JEAN-PAUL ADAM

Mersi bokou Mr Chair.  Bonzour Mr Chair e tou bann Manm Onorab, e tou dimoun ki pe swiv nou bann deba.  Zis serten pwen mon pa anvi prolonz deba bokou akoz mon krwar Onorab Georges in fer bann bon leksplikasyon vizavi Prensip ki’n ganny met devan dan sa Lalwa.  E mon krwar i enportan pou nou regard sa Code Civil.  E fodre nou rapel ankor ki bokou bann pwen ki nou’n diskit lo la ozordi dan dezyenm liv i pa bann nouvo keksoz.  I plito zis en fason eksplike sa ki deza egziste.  E dan  serten ka klarifye sa ki deza egziste.

E Code Civil i annan pou bi pou klarifye bann drwa ki en sitwayen Seselwa i devret annan.  E i pa pou – e si mon regard bann lezot eleman e petet Onorab
Georges i ava anvi re klarifye en pti pe lo la, me i pa pou toultan donn ou sa remed dan lo ki mannyer egzakteman ou pou egzers sa drwa.

E parfwa sa bann remed i dan lezot Lezislasyon.  E i enportan pou nou toultan gard sa antet akoz serten bann eleman ki nou’n koz lo la ozordi son lakle se ki mannyer nou pou met son remed dan en fason pli kler.  Akoz parfwa remed i deza la.  Parfwa nou bezwen fer sa remed pli kler.

E mon kontan sa legzanp ki Onorab Georges in site kot par egzanp dan en ka kot en akse a’n ganny defini, i lo en later prive par egzanp alor ki mannyer en sitwayen dan lentere piblik, akoz dan Civil Code nou pe koz lo sa domenn piblik dan lentere piblik. Ki mannyer sitwayen i egzers sa drwa e i defini sa drwa akse dan sa konteks.

Se sa i kapab vin dan lezot Lezislasyon.  I pa neseserman ki ou pou anmenn li dan Code Civil akoz i pa telman bi Code Civil pou met sa bann remed.  Me mon ava ganny gidans osi avek lezot dimoun lo la. E sa i konsern – e sa ki nou vwar dan Code Civil se ki serten prensip ki Gouvernman in met devan pandan plizyer lannen in vreman fer kler lo la.  Setadir akse avek endividi pou propriyete.  Prezan son remed difikilte i vin dan remed.   Si mon pran sa pwen ki Onorab Lemiel in vin avek.  Se dan  serten sityasyon ki mannyer ou balans sa drwa sa endividi, pou li annan lazwisans lo son propriyete, pou li kapab fer son bann aktivite lo son propriyete.  E sa drwa tou bann endividi pou fer sir ki zot kapab annan akse avek gran semen, avek bann landrwa kot zot kapab ale.  E i pou enportan petet dan serten lezot Lezislasyon pou nou defini pli klerman ki mannyer Gouvernman pou entervenir. Akoz dan Civil Code ki mannyer i ete la in fer kler anba 538(h) ki Gouvernman i annan sa drwa pou deziny en landrwa konman domenn piblik si dan lentere piblik.

E mon krwar bokou bann eleman kot i annan en pe konsern kot i pa ase kler Gouvernman i pou kapab servi sa clause, me i pou bezwen mars ansanm avek lezot Lezislasyon. Par egzanp dan serten ka Gouvernman petet pou bezwen fer en akizisyon lo en later pou kapab asire ki i annan en akse konvenab.

Lot eleman ki’n koz en pe lo la, mon krwar detrwa Manm in koz lo lenportans akse iniversel e son bann diferan Prensip ki al avek. E Gouvernman nou met bokou lenportans lo lefe ki akse i osi vedir i aksesib pou tou dimoun.  Bann dimoun avek dezabilite, bann dimoun  ki annan diferan mwayen, bann – savedir ki tou landrwa dan nou sosyete o maksimonm i bezwen annan sa akse.  E sa i enkli bann trotwar.  I vedir ki nou bezwen regard akse par egzanp pou bann dimoun ki dan wheelchair.  E sa i bann eleman ki kapab ganny kouver dan lezot lezislasyon.  Me son prensip sa drwa akse i prezerve dan Code Civil.

Zis mon ti le mansyonn sa bann pwen dan en fason zeneral Mr Chair pou nou konpran lapros zeneral ki vin dan Code Civil e ki mannyer sa i kapab mars ek bann remed ki pou sorti dan bann lezot lezislasyon.  Me pou dir ki nou pa kont non  pli kot nou  santi ki i neseser pou nou defini pli klerman ki mannyer sa bann remed i kapab marse.  Mersi Mr Chair.  E Manm Onorab.

 

MR SPEAKER

Mersi Minis.  E ankor parey Chair Bills Committee in gid nou, tou sa bann akse nou bezwen servi li byen.  Nou bezwen mazin nou responsabilite osi tou ki atase avek.

E en  keksoz ki nou ti kontan vwar lontan Beau Vallon, zanmen ou pou vwar en fanmir Seselwa i pe enstal li devan en lotel, devan en letablisman touristik pou li fer son piknik and all that.  Me touzour i pran en kote an kwen, i les sa bout devan  plizoumwen pou nou viziter enjoy.

E byensir i annan viziter osi tou ki kontan i apresye ler i vwar Seselwa pe enjoy lo lans e sirtou menm ou pe fer en pti barbecue ou pe griy en pwason i anvi vin goute sa pwason lafason ki ou pe prepare.  So i annan en pti pe sa melanz.  Me nou kapab fer li an tout responsabilite ki nou pa kree nwizans pou personn.  Yes Onorab Georges.

 

HON BERNARD GEORGES

Yes Mr Chair sorry, mon ti a kontan zis remind tou dimoun ki i annan en propozisyon fer par Onorab Sandy Arissol ki nou regard trotwar dan 2(a).  Alor kekfwa nou kapab fer sa pandan ki nou pe pran nou dite.  Apre ler nou retournen panel ava gid nou lo la.

 

MR SPEAKER

Mersi Onorab Georges.  Lo sa pwen nou ava pran en break e nou ava retournen 11.15.

 

(BREAK)

 

MR SPEAKER

Bon nou ava kontiny nou travay.  Mon a donn laparol Onorab Georges.  Eski zot in kapab ganny en konsansis lo sa bout pavement?  Onorab Georges.

 

HON BERNARD GEORGES

Mersi Mr Speaker.  Mersi Mr Chair.  Mr Chair wi nou’n diskit 2 pwen, avek panel an sa ki konsern pavement i annan en issue ki nou pa kapab rezourd.  E sa se ki serten pavement e sirtou dan lari bazar i pa piblik.  Akoz mannyer semen in fer, ki mannyer Planning Commission in ganny donnen pou bann konstriksyon sirtou bann nouvo zot set back in fer ki zot in fer sa pti bout pavement devan zot laport zot menm.  E donk technically sa i tonm kot zot.

Alors sa ki nou pe propoze for the time being, se olye include pavement akoz menm enn bann sa bann pavement ki lo later prive, i still ganny maintain by the public Authority, akoz i en pavement. 

Alor sa ki pe ganny propoze, se ki nou fer en not dan travaux preparatwar ki Lasanble in diskite e roads i ava include, pavements.  Dan definisyon roads and public highways and streets, kot i annan pavements sa bann pavements i ava ganny design included dan sa definisyon, san ki nou azout en lot kategori.

Parkont lot pwen ki ti’n ganny fer, eskiz mon ti lo lartik 517, eski kestyon i ganny demande, eski tou bann kategori, ki ti dan vye Code, e ki ti en long kategori avek, anfen i pa ti kategori, se bann keksoz spesifik, eski tousala in include, dan kategori dan bann kategori, ki’n ganny mete dan sa 517 as to ki sa ki immovable e ki sa ki movable.  Propozisyon se pou met olye dan 517 olye ‘’property immovable by nature is’’ apre dan (2) ‘’property immovable by destination is’’ pou ranplas sa mo ‘is’ dan sa de landrwa ‘’includes.’’ 

Setadir ki sa bann keksoz ava ganny enkli, me lezot kategori i a kapab lezot kategori i a kapab ganny azoute, au besoin.

 

MR SPEAKER

Mersi Onorab Georges.  Mon’n ganny de pti query osi tou pandan break.  Mon pa konnen si nou a tous li la?  I annan de dimoun in demande ki eski en semen ki’n ganny servi par piblik pou access lezot propriyete, ki pas lo en propriyete,  me sa dimoun apre li in vin aste sa propriyete, e ozordi i pe anpes ki sa semen i ganny mentenir, ki mannyer i pou kategoriz sa?  Eski anvi ki ler li i vin aste sa propriyete sa access in deza la for many years before, si i vin en access piblik e i kapab ganny mentenir par Lotorite Piblik?  E lot sityasyon osi tou ankor i eski en access ki’n touzour egziste, ankor lo balizaz en propriyete ki’n ganny servi for so many years, eski ozordi ler sa dimoun re devlop son propriyete i kapab blok sa access oubyen anpes lezot dimoun servi sa access? 

        Mon pa konnen si ou konpran en pti pe distenksyon ant le de.  Onorab Georges.

 

HON BERNARD GEORGES

Mersi Mr Chair.  Mr Chair tou sa bann keksoz nou pou regard li ler nou ariv lo easements – se 182  -Kod Sivil i tre kler lo tou sa bann keksoz ki ou’n demande i annan en repons pou tou sa bann keksoz.  E nou ava vwar li la.

Mon ti pe al dir en lot keksoz, me in esap mwan, me wi tou sa bann keksoz i ava ganny pran a sa moman.  Mon krwar i ava pli apropriye akoz nou ava annan sa text devan nou.  Ar wi sa ki mon ti pe al dir se menm si nou koz lo access la, i an koneksyon avek domenn piblik.  Domenn piblik i en konsep tre senp.  I dir ki i annan en serten kategori propriyete ki pa ni pou leta, ni pou prive me ki i pou public enjoyment – tou piblik.

Sa later pa pou Gouvernman, e i pa pou en dimoun prive.  Me i apartenir pou tou piblik ansanm.

 

MR SPEAKER

Mersi Onorab Georges. Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mwan mon anvi ganny li kler akoz i annan parol la ki Onorab Georges in dir ki mon krwar i demann leklersisman.

Onorab Georges in dir ki an relasyon avek marine park sa bann fees – koriz mwan si mon’n mal tande,  sa bann fees ensidswit pou ou enjoy sa marine park, napa okenn landrwa ki ou devret peye – ok?  Koriz mwan.

E parski mon pe demann sa parski ozordi i annan fees, en touris ki anvi al Source d’Argent, me ki i pa enterese pou li regard kot i fer kopra regard tortidter ensidswit, i anvi al Anse Source d’Argent, lo lans, e letan i lo lalis i pa ni tro lo par lao high-watermark akoz li i lo lans.  Parski pye dibwa i kouver en pe, alors i ganny lonbraz.  I bezwen peye.  I bezwen peye.

I menm annan serten i menm annan serten Seselwa ki bezwen peye, par egzanp letan zot pe al lo sa bann zil, la otour La Digue mon’n bliye lekel sa zil egzakteman, si Petite Soeur oubyen Grande Sœur kot i bezwen peye.  Pourtan i tandis zis lo i pe al zis lo enjoy sa.  I pa pe al lo par lao high-watermark.  E i bezwen peye Seselwa tou, pa zis etranze, Seselwa tou.

Alor eski sa ki ou pe dir nou, e avek ou klarifikasyon, ki pou dir i annan en keksoz la ki pa pe mars byen.  Parski menm en dimoun ki vin pou al Ile Cocos whatever it’s called ;  ki sa dimoun i vin dan bato e aprezan i zis anvi fer snorkling la.

Me ankor enn fwa lefe ki dan Marine Park i bezwen peye.  So eksplik nou en pti git kote sa laliny i ganny kote sa zafer viz, i rantre.  Parski letan mon pe regard 538 i dir ou kler 538 (4), ‘’where land that is domain public is not accessible from public road the State shall as the case may be provide. ‘’ So if the State is providing, then i swiv ki i pa devret annan en larzan because it’s an easement, i pa devret annan en larzan, so eski nou pe eski nou pe ranmas larzan an ilegalman?  Thank you very much.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Mr Chair en kestyon tre enteresan, e mon krwar nou devret vwar li, sa de legzanp ki Onorab in donnen i de legzanp diferan.

Mon a pran Anse Source d’Agent.  Annefe mon ava repet sa ki Lalwa i dir.  Okenn dimoun pa kapab ganny demande okenn larzan pou li al dan en domenn piblik.  Akoz sa se son domenn.  Mon pa kapab peye pou mon al kot mon.

Alor lo okenn lans ki se swar Anse Source d’Argent, oubyen Coëtivy oubyen Ile Sœur, Félicité, Curieuse, okenn sa bann zil, si ou anvi al lo lans, anba high-watermark personn pa kapab demann ou pey okenn keksoz.

Si zot demann ou e ki ou peye, that’s your problem.  Me zot napa ou kapab refize pou peye e ensiste lo ou drwa.  Sa se No.1.

An sa ki konsern Anse Source d’Argent sa ki ou pe peye, se pa pou ou al lo lans.  Se pou ou sorti lo semen piblik, sorti lo semen piblik e traver L’Union e travers Union Estate pou ariv lo lans.

Me si ou anvi al Anse Source d’Argent par bato, personn pa kapab fer ou pey okenn larzan.

Kestyon prezan ki Onorab pe dir, se well given ki Union Estate i State land,  e 538 (4)(a) i dir ki State shall provide  a sufficient  right of way.  Wi – i provide en sufficient    right of way.   Me i pe dir ou pa peye.  E sa napa nanryen ki anpes li fer ou peye pou right of way.  Akoz i pa pe anpes ou ariv lo sa lans.

Solman ki son lentansyon?  Son lentansyon se pou fer dimoun access beach.  Si i annan en fason pou fer sir ki en dimoun i sorti lo semen piblik pou li ariv lo lans, Anse Source d’Argent san fer okenn lezot keksoz, zot e kapab ensiste pou fer li for free.  Me rezon se ki mannyer ou pou ki mannyer ou pou police sa.

Mon ava donn ou en legzanp.  En fwa mon ti Londres mon ti anvi al Westminster Abbey pa pou mon al vizit Westminster Abbey ki ti kout en kantite larzan, me pou mon al asize akoz i en  legliz pou mwan priye.  Repons sete ‘sorry tough pa kapab.  Akoz ler ou antre pou al priye ou pou otomatikman regard sa zoli vitro, ou pou bezwen otomatikman regard bann keksoz ki otour ou, e se pou sa rezon ki nou pe fer ou peye.  Mon pa pe dir mon dakor in fact mon pa dakor avek tou lede, but that’s the way it is.  Akoz ki i en park Union Estate, e i annan lezot latraksyon, zot annan alor zis en peyman.

Si ou pa anvi enterese avek latraksyon ou anvi al zis lo lans ou bezwen peye still pou ou enjoy sa latraksyon.  Se koumsa ki mannyer mon vwar li.

Me i tre probab, ki akoz sa pa dan Lalwa la sa pe vin la pou premye fwa li.  e tre probab ki si en dimoun i anvi, konteste sa larzan ki zot fer li peye pou antre Union Estate akoz li i le zis al lo lans e anvi konteste li anba 538(4)(a) selon mon i annan en arguable case. 

 

MR SPEAKER

Mersi Onorab.

 

HON BERNARD GEORGES

Non, lo  lans zil  napa; lo  lans zil  sa  napa  naryen.   Napa okenn restriksyon. Ou kapab ensiste pou pa peye.

 

MR SPEAKER

Lo lans i en domenn piblik e sa i en konpri nenport zil.

 

HON WAVEL RAMKALAWAN

Mr Chairman.  Onorab Georges in dir ki sa morso la, se la prezan ki i pe rantre dan Lalwa.  Me dan Lalwa aktyel, parski sa ki nou pe dir la nou bezwen ganny li kler, parski la pou lemoman i annan sityasyon kot Seselwa, Seselwa pe ganny demande pou peye.

 

MR SPEAKER

Onorab Georges.

 

HON BERNARD GEORGES

Wi se sa ki mon pe dir, i pa fer li byen.  Konmela anba Lalwa mannyer i ete ozordi, anba Lalwa mannyer i pou ete apre ki nou’n sanz sa, okenn dimoun pa kapab ganny demande pou peye si son sel keksoz se al lo en lans.  E ki i pa bezwen pas atraver en later pou li ariv lo sa lans.  I pa kapab ganny demann nanryen akoz sa se domenn sa domenn i lapel pou li i kapab la.  Obviously sa ki arive sa ki arive, se ki zot ganny demande e i plis senp pou zot peye olye al Ankour al fer Lalwa a zot drwa.  Me i pa fer li drwa i pa fer li byen.  I still wrong.

 

MR SPEAKER

Spesyalman pou bann zil osi tou kot si lakse i par lanmer, si ou akse sa lans par lanmer e ou reste lo lans okenn dimoun pa kapab vin tir ou lo lans.

 

HON BERNARD GEORGES

Subject to okenn Lalwa ki ou kapab kase.  Personn pa kapab anpes ou access sa lans up to the high watermark.

 

MR SPEAKER

Mon pe mon pe osi mansyonn sa akoz in annan enn de lensidan kot North Island osi, kot Seselwa ki’n akse lans par lanmer e i reste lo lans e dapre zot, zot pa’n fer nanryen pou kas okenn Lalwa the owner of North Island Hotel in vini in fer zot sorti.

 

HON BERNARD GEORGES

Napa drwa Mr Chair, absoliman napa drwa.  Sa set en en Lalwa ki bokou pli for ki sa bann dimoun.  Mon konpran e nou bezwen aksepte – mon konpran akoz serten dimoun.  Ou depans R100milyon dizon, $20, $30 milyon pou fer exclusive resort, parey i annan North Island ; obviously, ou pa swete ki dimoun i vin lo sa lans devan, kot bann viziter pe pey ou en kantite larzan pou zot reste la tou le swar.  E kot i annan problenm sekirite kekfwa akoz zot bann lera ou de-ratified pa dir ‘de-ratified’  en i deratiz en landrwa ou pa anvi ;- en legzanp se sa zil ICS Island Conservation Society – Arid.  Kot ou pa kapab les dimoun vini an bonnavini.  Ou bezwen kapab akoz zot pa pe vin enjoy zis from the low watermark to the high watermark.  Akoz zot arive i annan en lot konsekans ki kapab afekte sa zil par lao high watermark.  Alor dan sa bann sirkonstans mon krwar i en restriksyon i kapab ganny mete, lo lafason ki ou pa koze lo sa zil.  Me pa lo si ou kapab oubyen si ou pa kapab vin lo sa lans.

 

MR SPEAKER

Mersi Onorab.  Bon nou ava kontinyen, avek prosen lartik.  Onorab Georges.

 

HON BERNARD GEORGES

Mersi Mr Chair – 539 sa i donn son valer, domenn piblik.  I dir ou domenn piblik i pa  inalyenab e i en preskriptif.  Setadir ou pa kapab donnen, ou pa kapab donn li i pou la forever, e i en preskriptif.  Si ou ale si ou viv lo en morso domenn piblik pandan 20an ou pa kapab claim apre sa ki pou vin pou ou.  I pou piblik forever and ever.  Amen.  Unless ki anba 540 en Lalwa en Lezislasyon ekspre, i dir ki tel keksoz pou aret vin en domenn piblik.  Tan ki napa en Lalwa ki ti ekspreseman ki tel, tel bout pa pou vin en pa pou en domenn piblik i pou en domenn piblik.  Donk ki met i met responsabilite lo Gouvernman ek lo Lasanble pou de-lease en domenn piblik.

E of course ler i annan en dout eski en keksoz i en domenn piblik or not, e sa annan de fwa i arive.  Par egzanp eski lans Eden Island oubyen Pangia i domenn piblik or not, sa se Lakour ki pou determinen lo en petisyon ki en dimoun enterese i anmennen.

Donk nou’n fini avek domenn piblik Mr Chair.  La prezan nou vin lo ownerless property, si en propriyete, whether immovable or movable napa okenn met, sa i vin pou larepiblik.

E propriyete, propriyete Leta ki ouver pou tou piblik, e ki pa domenn piblik akoz i propriyete prive Leta, i ava ganny gouvernen par menm Lalwa ki Gouvernman Lalwa domenn piblik.

La aprezan nou vin lo diferan lentere dan propriyete.  Ou kapab annan full ownership ; ou kapab annan en lazwisans – usufruct;   ou kapab annan en servitid – en easement, ou kapab annan en drwa pou ou servi oubyen en drwa okipasyon oubyen doit de superficie, oubyen en bay pou en peryod letan.  Sa se bann diferan fason pou ou vi propriyeter en teren.  Nou ava vwar taler sakenn zot enn par enn ki zot oule dir.

 

MR SPEAKER

Kontinyen Onorab, apre nou ava pran.

 

HON BERNARD GEORGES

Mersi 544 ownership en propriyete, se en drwa pou ou zourir e dispoz ek sa propriyete dan en fason unlimited.  Pou vi ki i pa kont Lalwa.  545 se egzakteman parey lartik 26, nou Konstitisyon the right to property.  I ti la avan, i ti la depi 1804 dan Kod Sivil, nou’n gard li la malgre ki osi apiye dan lartik 26 nou Konstitisyon.  Okenn dimoun pa kapab ganny forse pou li pa part with, pou li donnen oubyen ganny son propriyete pran, amwens ki sa i dan lentere piblik e kont en konpansasyon ki zis, ek rezon ek motif pou en lakizasyon dan lentere piblik, i ava ganny preskrir par en Lalwa spesifik.  E dan nou ka se Acquisition of Land in the Public Interest Act.  Donk 545 se basically compulsory acquisition – permet compulsory acquisition dan serten ka.

546 i dir ki ler ou annan en propriyete whether is movable or immovable, ou annan drwa a tou keksoz ki sa byen i prodwir.   Oubyen okenn keksoz ki antas avek li dan en fason natirel oubyen dan en fason artifisyel.  Par egzanp nou ava vwar taler, si ou annan en bout later e lanmer i konble en bout, sa i vin pou ou.  Si ou annan en bef e i donn nesans a en pti sa i vin pou ou.

E prodwir natirel, oubyen okenn benefis ki ou gannyen avek later oubyen lentere i ou gannyen lo Kapital ler ou met li labank tousala, i vin pou ou par sa ki nou apel aksesyon.  E nou pou vwar taler aksesyon set en fason pou ou i annan plizyer fason pou ou vin propriyeter en byen movable, immovable enn sa fason se pa aksesyon.

Ou met R100 labank avek lentere ou ganny 110 sa 10 i atas avek sa 100 i vin pou ou akoz i ganny prodwir par R100 ki ou’n met la.  Tel  parey en bout later ki ganny konble, ler i konble lo sa later sa bout i vin – ki se ki se dan en fason natirel ki lanmer i anmenn li, oubyen en fason artifisyel akoz ou’n demann permisyon pou ou konble, e ou’n ganny permisyon Planning e k permisyon anba Land Reclamation Act, pou ou konble.  Dan tou lede ka i vin pou ou, akoz i atas avek en keksoz ki ou annan deza.

Natirelman okenn keksoz ki vin pou ou, i subject to ranboursman pou fre ki’n fer ou ganny sa keksoz.  Ou bezwen pey labank e bank charges pou ou ganny ou lentere, ou bezwen pey en travayer en larzan pou li konble pou later eksetera.  E sa se swa travay, swa preparasyon, swa okenn semans okenn keksoz ki ou’n plante.  E sa i ganny kalkile lo valer i ganny kalkile lo zour ki ou drwa.  Lo zour ki ou bezwen peye.   E non pa lo zour ki’n fer.  Akoz i kapab ki zot in fer li en bon pe letan avan avek lenfraksyon eksetera, se zour ki ou peye ki ou bezwen pey li sn valer son travay.

549 dan Lalwa Français ou annan de konsep, enn se ownership, lot se possesion.  E la nou pe koz lo pa lo ownership lo possesion.  Ler en dimoun i posed dan en propriyete san ki i owner, si i pose dan en propriyete si i pran en propriyete ki pa owner e i ganny li a bonnfwa, i ava ganny tou bann keksoz ki sorti dan sa propriyete.  Si i  pa de bonnfwa i pou bezwen rann sa ki sa later in prodwir, avek son propriyeter.  Donk si ou rantre lo en later avek permisyon en dimoun ou plante sa plant i vin pou ou.  Me si ou rantre lo later en dimoun san son permisyon ou plante e apre i vwar ou, ou a bezwen pey li ou bezwen rann l i tou sa prodwir ki son later in fer.

E natirelman ou pa kapab annan de fwa rann en pye leti pou en pye leti, akoz antretan ki ou’n manz li ou bezwen rann en son valer lo zour ki ou pe peye.

En dimoun ki posed dan en byen, akoz i annan en tit i annan en title Professor – why did we put (see here) title ownership?  Savedir i  annan en lavant me i annan en defo dan sa lavant, ki li i pa ti konnen i vin en posseseur de bonne foi.  E nou ava vwar taler anba 555 ki en posseseur de bonne foi i kapab fer.

So ou annan en lavant later, sa se natirelman bann lepok kot later pa ti survey.  Ou annan en bout later e i dir ou son balizaz en kote i baliz avek later Hoareau depi en trou dan ros ziska en pye sandragon.  E ou, ou okip sa bout later an krwayan ki i pou ou, me annefe pli tar se pa sa pye sandragon ki zot ti pe mansyonnen alors se sa enn e alor ou’n okip en bout later ki pa pou ou, me natirelman ou ti a bonnfwa ou pa ti aware sa defo.

E lemoman ki ou aware, lemoman ki ou konnen, ki son balizaz pa pas la parey ou ti krwar, me i pas la from that moment on si ou reste lo la, la ou vin de mauvaise fois – in bad faith.   

        552 ek 553 ki nou pou vwar i defini kisisa ki vin avek en later.  Donk ler nou annan en morso later, ou osi propriyeter tou sa ki annan par lao e tou sa ki annan par anba sa later.  Donk okenn pye dibwa ki lo la, ek okenn mineral, gravye or whatever ki anba la ‘’ subject to’’ parey nou ava vwar taler lezot Lalwa.

E si ou annan en bout later, ou kapab ‘subject to’ bann leksepsyon ki nou pou vwar taler dan en seri lartik ki annan pou fer avek easement avek servitid, ou kapab fer sa ki ou anvi lo la.  Natirelman si i annan en right of way ou pa pou kapab.

E ou kapab ou kapab fer konstriksyon, oubyen fouye pou tir prodwir dan sa later.  E prodwir isi Sesel se pandan bokou letan sete gravye, oubyen ros pou kapab tire oubyen later rouz, nou napa malerezman mineral oubyen petrol.

Menm en propriyeter, menm en propriyeter pa kapab extract okenn mineral an lo son later, dan son later oubyen anba son later, oubyen dan en larivyer oubyen dan en reso, en stream.  Sa se akoz i annan Lalwa spesifik lo la.  E okenn dimoun pa kapab ganny okenn drwa pou okenn petrol ki lo son later ki ganny trouve lo sa later.  Sa osi, se akoz i ganny zere par en lot Lalwa. E la i dir ou ki tou mineral ek tou petrol l okenn later isi Sesel kantmenm sa later i pou ou i pa pou ou, i pou Larepiblik, sa petrol ek sa Mineral pa pou ou.

Donk si ou vwar en min lor demen lo ou pti bout later, tough.  55  – non Trezor La Buse i en lot keksoz.  Trezor La Buse nou ava vwar taler.  553 i konmans en-

 

MR SPEAKER

En moman mon konnen i annan Manm in lev lanmen, mon anvi nou anmenn li ziskan avan nou tous droit superficie.  So dernyen clause 553 apre nou ava ouver pou deba.  Onorab Georges fini 553.

 

HON BERNARD GEORGES

Mersi Mr Chair, 553 i konmans en seri lartik ki al 554 ek 555 kot en dimoun i annan en later, me sete en lot dimoun ki vin swa konstri lo la oubyen plant lo la.  Alor la osi nou bezwen annan en serten kantite lartik ki prevwar sa.  E son premye lartik 553 ki tou, ki tou avoka i konnen,  i dir ou ki okenn batiman oubyen okenn plantasyon oubyen okenn travay ki ganny fer lo oubyen anba en later, i ganny prezimen ki i ganny fer par sa propriyeter avek larzan sa propriyeter, e ki i propriyeter later.  Se sa ki nou apel en presumption of ownership.  E mon bezwen poz la en pti kou.  Mr Chair pou eksplik, enn de keksoz.

I en prezonpsyon.  Setadir si i annan en bout later avek en lakaz lo la, ou prezimen ki propriyeter sa lakaz propriyeter sa later i osi propriyeter sa lakaz.  Se pou sa rezon pou zot ki’n fer ki’n fer lavant later oubyen ki’n aste oubyen ki’n vann later, ler ou fer en lavant ou ava new land register en lakaz, ou pa mete ‘transfer of house’ ou met ‘transfer of land’.  Akoz ou vann sa later akoz tou sa ki vin lo la anver ti lartik 552 ek 553 i mars avek sa later.  Se pou sela ler ou vann en later ou vann tou sa ki i annan lo la including sa lakaz.

Me, me i en prezonpsyon i en prezonpsyon.  E Onorab Ferrari i ava kontan sa, sa prezonpsyon se ki i annan de prezonpsyon la dan 553(1) – enn se ki sa lakaz oubyen sa plantasyon oubyen sa miray, ki lo sa later in ganny fer par sa propriyeter later avek son prop larzan.  Sa se premye prezonpsyon.  I annan en 2enm prezonpsyon se ki sa lakaz oubyen sa plantasyon oubyen sa later, i pou sa propriyeter later.  E sa se de keksoz konpletman diferan.  E ler e i annan serten ka kot en dimoun i fer en byen en lakaz lo later son kanmarad avek son prop larzan.  Me ki sa lakaz pa vin pou propriyeter sa later.  Oubyen menm si mwan mon fer li avek mon larzan lo ou later, i vin pou ou.  Sa desizyon i bezwen ganny fer spesifikman.  I bezwen ganny fer spesifikman.  Se pa akoz ou fer en keksoz lo lakaz lo later en lot dimoun ki otomatikman i vin pou sa propriyeter later oubyen i pa vin ou propriyeter sa later.

Par egzanp ou donn en permission to build – mon donn ou permisyon pou fer ou keksoz lo mon ou bilding lo mon later.  Sa bilding i posib i vin pou mwan akoz ou anvi donn mwan.  Oubyen i posib ki i reste pou ou, akoz ou anvi garde.  Alor sa prezonpsyon i tre enportan fodre Lakour i kapab dir a nenport ki moman sa prezonpsyon in ganny rebut oubyen i pa’n ganny rebut, e sa se levidans lo ki ti lentansyon sa de dimoun at the time ki zot, zot ti zot ti fer sa.

E i tre, tre enportan sirtou ler nou ava vwar droit de superficie taler.  Alor i pa i pa zis ki si ou vwar en lakaz lo en later propriyeter sa later i definitivman propriyeter sa lakaz.  I tre probab ki i ete, me pa neseserman.

E sa lareg pa afekte natirelman preskripsyon.  Akoz la ou fer ou lakaz lo later en lot dimoun, e sa i vin anba en lot seri Lalwa, oubyen whether sa keksoz ki ou pe preskrir i anba en batiman oubyen i en parti sa batiman.  E sa i sorti dan Lalwa Français. 

        Propriyeter en later, ki’n fer en striktir lo later en lot dimoun, oubyen ki’n plante, avek materyo ki ti pou sa dimoun, pardon ki pa ti pou sa propriyeter – (esper mwan en kou Mr Chair), i annan de konsep la, ‘’the owner of land who has erected structures or planted in the soil, or put up  works upon it with materials  which did not belong of that owner’, wi setadir si propriyeter later i fer en Konstriksyon lo son later, avek materyo ki pa pou li, i ava pey lavaler sa materyo ki ganny kalkile zour ki bezwen re peye; e i kapab osi pey domaz si in servi sa materyo malapropo.  Propriyeter sa materyo pa kapab zis vini tire.  E al avek son blok, avek son siman.  Akoz in fini ganny ferm lo en striktir.  E sa nou ava vwar li en pti pe taler dan konteks lartik 555 ki deal avek sa bann size.

Vwala Mr Chair, next pwen la se 554 droit de superficie ki en ki en problenm dan li menm.  En gro morso – apre nou ava vin lo 555 ki en kontinyasyon 553.

 

MR SPEAKER

Mersi Onorab Georges.  Mon a donn laparol Onorab Ramkalawan.

 

HON WAVEL RAMKALAWAN

Mersi Mr Chairman.  Onorab Georges taler in dir ki Trezor La Buse sa i ava vin lo la.  E mon mazinen akoz sa propriyete i pa i propriyete Gouvernman kot en dimoun pe demann permisyon.

Me kestyon la se si mwan lo mon later, mon pe fouye oubyen dot mon dekouver en trezor lo mon later, eski sa later, sa trezor i antyerman pou mwan?  Parski Lalwa i dir klerman, parske mwan mon pa pe al extract minerals oubyen petroleum.  Sa i en  keksoz ki lo mon later.  E en dimoun in depoz sa lo mon later e mon pa ni konnen lekel ki’n depoz sa lo mon later.  Eski sa trezor i pou mwan antyerman?  Ki bann ki bann soz an relasyon avek sa drwa sa drwa la ki Kod Sivil i dir avek mwan tou keksoz i pou mwan.  Mersi bokou.

 

MR SPEAKER

Mersi Onorab.  Onorab William.

 

HON WAVEN WILLIAM

Mersi Mr Speaker.  Mr Speaker letan mon’n ekout Onorab Georges fer prezantasyon lo item 545 letan i dir ‘’no person may be forced to part with his, or her property except in the public interest and for fair compensation. ‘’

E Onorab Georges osi tous lo the Acquisition Act.  So mon kestyon mwan, se ki ozordi dan konteks, lafason ki dimoun i antas valab ek propriyete.  Mon anvi en leklersisman pou ouswa pou nou vwar en pti pe –  eski nou devret vwar letan nou pe dir fair compensation, eski Lalwa ki dekrir sa fair compensation? 

        E taler ou’n nonm Acquisition Act, eski Acquisition Act i atas valer ouswa i donn en framework, bann posib valer sa later? So mon anvi ou leklersi akoz petet ou krwar nou devret gard li parey i ete?  Lefe ki ozordi dimoun i annan diferan fason ki li i ziz valer son later.  Me eski i ganny enpoze?  Eski nou tonm dakor avek sa?  Epi mon lot pwen ankor i swiv en pti pe avek sa ki Leader Lopozisyon in dir.  Eski lo mon later, si mon’n dekouver en trezor mon pa konnen si i annan delwil me konmsi eski ou pa pe enterfer avek mon drwa pou dir mon, mon napa nanryen pou fer avek sa?  Me selman i lo mon later.  Finalman mon drwa pou rezouir tou sa ki lo mon later ki mannyer ki nou pe dir la?  Konmsi mon ti a kontan en pti pe leklersisman lo la.  Akoz mon pa vwar li zis konmsi.  I pa vedir pou dir nou pa pe dir Gouvernman pa annan drwa enterfer.

Me eski ozordi dan konteks devlopman ki nou ete ozordi.  E lefe ki nou pe rod sa zouisman sosyoekonomik ki tou dimoun pe rode.  Eski nou pa devret pe ziz li ouswa vwar li dan en lot fason?  Mersi.

 

MR SPEAKER

Mersi Onorab William.  Onorab Regina Esparon.

 

HON REGINA ESPARON

Mersi Mr Speaker.  Mr Speaker nou tipe regarde public interest i ganny defini somewhere dan ka kot ki akizisyon en bout later i ganny fer pat Gouvernman.  E si Gouvernman i pran sa bout later i dir nou pe konstrir en sant kominoter.  Epi pa fer sa konstriksyon ki ti dir i servi sa bout later i vann pou lezot keksoz, konmsi eski sa public interest i ganny defini dan okenn lezot Lalwa?

 

MR SPEAKER

Mersi Onorab.  Onorab Sebastien Pillay.

 

HON SEBASTIEN PILLAY

Mersi, mersi Mr Chair. Mr Chair mon ti a kontan nou ganny en klarifikasyon regarding lartik 541, eski ler i pe dir vest in the republic la nou pe koz lo ‘’the curator of vacant estates?’’ 

        Akoz mon pe koz spesifikman lo bann propriyete ki swa bord avek semen, ki pa ganny antretenir?  Mon pa pe dir ki acquire. Eski i annan en posibilite anba Lalwa pou fer ki ‘’curator of vacant estates’’ i manage sa propriyete dan lentere piblik, i a rann son met si i come forward, me ki somebody at least i kapab par egzanp netwaye. Fer sir ki i reste prop, pou ki i pa poz en nwizans pou bann pou bann dimoun dan vwazinaz oubyen bann lezot dimoun?  Mersi Mr Chair.

 

MR SPEAKER

Mersi Onorab Pillay.  Onorab Woodcock.

 

HON WAVEL WOODCOCK

Mersi Mr Speaker, en pti pe dan sa laliny ki Onorab William in koz osi Onorab Regina.

Mr Speaker mon krwar ki dan sa Lalwa nou bezwen demande Mr Georges si public Onorab Georges si public interest i ganny defini bye dan sa Lalwa, akoz dan lepase menm dan letan Parti Inik e menm apre retour miltiparti,  I annan bokou labi kot i konsern acquisition of land.  E menm bann propriyete.

Alor mon pe demann li si sa public interest la in ganny defini klerman dan sa Lalwa pou anpes sa bann keksoz ariv ankor dan nou pei.

E dezyenmman Onorab William in koz lo anba 552 (4) kot sa bout ki dir ‘’no owner may extract any mineral in or land of rivers of stream.’’ E osi in fer resorti pou dir okenn mineral ki ganny trouve anba okenn propriyete menm propriyete prive, i pou Gouvernman.

Mwan mon dakor avek Onorab William ki sa i pe vyol enn nou drwa Konstitisyonnel ki dir ki nou kapab zouir nou propriyete.  E mwan mon krwar i bezwen annan en amannman kot at least en poursantaz mineral ki ganny dekouver anba en propriyete i merit al pou sa propriyeter.

E en lot keksoz ankor Mr Speaker, anba 553(3) la mon pe koz li plizyer bann ka spesifik ki’n ariv dan plizyer distrik e menm dan mon distrik parey en dimoun in lease en propriyete, sirtou bann parey en planter pou plizyer lannen, in devlop sa later kekfwa in konble sa landrwa i plante, in fer plizyer bann devlopman lo la.  E at the end of the day ler son lease i fini Gouvernman i vini, i repran sa later avek sa dimoun.

Me mwan mon pe demande si ozordi avek sa provizyon ki pe ganny fer la ki pou obliz Gouvernman pou pey sa dimoun konpansasyon pou sa bann keksoz bann devlopman e sa bann keksoz sa bann fri ou legim ki’n plante lo sa propriyete.  Mersi.

 

MR SPEAKER

Mersi Onorab Woodcock.  Onorab Valmont.

 

HON JUDE VALMONT

Mersi Mr Chair.  Bonzour tou koleg Onorab.  Mon pe refer lo sa lartik 544 kot in ganny dir propriyete apre in servi spesifikman in servi sa mo unlimited la –en.

Mon konnen konmela i egziste sa ki Gouvernman i dir en kondisyon en restriksyon ki met lo ou si i vann ou en later, mon krwar la i 15an, eski sa Gouvernman pe dir pa an konfli avek sa lartik ki la ?  Sa i mon klarifikasyon ki mon ti a voudre konnen.  Mersi Mr Chairman.

 

MR SPEAKER

Mersi Onorab Valmont. Onorab Ferrari.

 

HON JEAN-FRANCOIS FERRARI

Mr Speaker egzakteman mon premye kestyon, okenn propriyeter ki annan drwa pa pou li vann pou li dispoz sa later, sa byen later oubyen sa lakaz, me dan sa ka annou met sa later.

Eski okenn restriksyon ki Gouvernman i mete lo li ler i vann li en bout later, oubyen en lot dimoun ki ti propriyeter i vann sa later, eski i fair eski i zis ki ou anpes en dimoun vann oubyen ou met kondisyon pou li vann kan kekfwa in aste in good faith i ti pe al fer en keksoz avek, in ganny en in malad in bezwen al sonnyen in bezwen fer en lot depans, me i pa’n kapab vann.  Donk sa restriksyon eski i absoli oubyen non?

Dezyenmman, mon krwar i enteresan pou nou get sa legzanp Maison Du Peuple, akoz sirtou dan sa lepok ki nou ladan.  Konmsi pou mwan sey konpran Mr Speaker, ler en dimoun en lorganizasyon, en parti politik, i konstri en keksoz lo en later ki pa pou li.  Ki mannyer eski a lafen sa keksoz i ganny i ganny sort out?  Si napa en Kontra ki kler.

Me  si i annan en Kontra ki kler, eski se sa Kontra i devret aplike.   Par egzanp dan ka Maison Du Peuple ti kler ki Prezidan Chadli Bendjedid Algérie ti vini ti dir, mon pe – L’Algérie pe donn – lepep L’Algérien pe donn lepep Seselwa en batiman.

 

MR SPEAKER

Ok.

 

(Interruption)

 

HON JEAN-FRANCOIS FERRARI

Kontinyen Mr Speaker?

 

MR SPEAKER

Non Onorab mon krwar ou pwen i ou’n fini fer sorti ou pwen annou pa al dan tro detay.

 

HON JEAN-FRANCOIS FERRARI

Wi.

 

MR SPEAKER

Onorab Georges in note.  I ava reponn dapre Lalwa ki nou pe diskite.  Annou pa al dan detay akoz sa bann keksoz in ganny kouver deza dan-

 

 

HON JEAN-FRANCOIS FERRARI

Selman ou dakor i enportan    nou sey konpran ki mannyer sa i marse.  Ok mersi Mr Speaker.

 

MR SPEAKER

Mersi Onorab.  Onorab John Hoareau.

 

HON JOHN HOAREAU

Mersi Mr Chairman mon annan de queries la; enn lo 545 mon pe sey demann mon lekor si napa en kontradiksyon avek Physical Planning Bill, akoz 545 i dir ou koumsa poudir sa dimoun pa pou kapab pa ganny fors pou li – i part of son propriyete si in ganny acquired – ‘’unless i ganny acquired by public interest and for a fair compensation.’’  But as Planning Bill li i pe demann ou i dir ou pou dir pou ou ganny only en compensation ou pou bezwen apply for en use of sa property ki’n ganny acquired in public interest. 

        So mon pe zis demann mon lekor, si i annan en pti kontradiksyon la oubyen si i korek?

550 si an ka en dimoun i pa parey sa Lawa pe dir, i pe servi en propriyete ki i pa’n ganny – i annan zis en title deed lo la i pa’n ganny survey, i pe servi sa morso sa propriyete ki pa sipoze pou li.

Eski apre 20an ki’n servi sa, i ganny drwa demann preskripsyon lo sa propriyete ?  Oubyen si i pou ganny interpreted as en bad faith.  Mersi.

 

MR SPEAKER

Mersi Onorab Hoareau.  Onorab Sophola.

 

HON NOLINE SOPHOLA

Mersi Mr Chair. Mr Chair mon regard lartik 541.  Mon vwar li ki i en lartik tre enteresan, akoz an se moman ler nou regard partou nou vwar ki i annan bann later abandonnen.

E sa bann later abandonnen petet sa teren i sel teren ki nou ti kapab servi pou nou fer en semen kot i pou deservi plizyer fanmir.  Oubyen lo sa teren i annan, par egzanp bann keksoz danzere ros oubyen pye dibwa.

E ou pa zanmen konnen lekel son owner.  E prezan Onorab Georges i dir ki sa later i kapab vin pou Larepiblik.  E lo sa pwen mn ti a voudre ki Onorab i eklersi en pe plis lo la.

Par egzanp ki demars ki devret fer, e apre konbyen letan ki nou kapab sa later i vin pou Larepiblik?  Mersi.

 

MR SPEAKER

Mersi Onorab.  Mon a pran en dernyen Onorab Adelaide.

 

HON FRANCOIS ADELAIDE

Mersi Mr Chair.  Mr Chair zis pou kontinyen lo sa ki Onorab Esparon in dir.  Lo kote acquisition of land for public interest.  Mwan mon kestyon se ki si sa public interest i ganny defini, me sa later i ganny vann avek en lot endividi.  Ler mon pe get sa eski sa tranzaksyon pa devret deklare konman null and void akoz i deza i ilegal.

So ki mannyer kot Rezistrar i permet ki keksoz ilegal i kontinyen?  E sa bann later i ganny transfer lo endividi.  So eklersi mwan en pti git.  Mersi.

 

MR SPEAKER

Mersi Onorab.  Onorab Georges laparol i pou ou.

 

HON BERNARD GEORGES

Mersi Mr Chairman.  Mr Chairman mon konmans avek, avek enn de en pti pe pli senp apre nou a vin lo sa issue compulsory acquisition.  Maison Du Peuple Onorab Ferrari 553 i aplik pou sa.  Okenn keksoz ki ganny fer lo later i prezimen propriyete sa propriyeter later.  Me sa i kapab ganny deplase par enn ant de keksoz ; pou montre premyerman ki sa byen in ganny fer avek larzan en lot dimoun me non pa propriyeter later ; oubyen kantmenm in ganny fer avek larzan propriyeter later, sa byen i ti destinen pou en lot pou en lot dimoun.

Alor i annan en posibilite anba 553 pou determin sa 3 keksoz.  Lekel ki’n fer?  Lekel propriyeter later?  Ek lekel ki’n propriyeter sa batiman ki lo sa later.  I pa follow ki akoz propriyeter later ou propriyeter sa batiman osi.  Alor mon pa pou al mon krwar se sa se semen ki okenn dimoun i anvi swiv i bezwen pas parla.

550 – mon’n ganny demande anba lartik 550 eski en dimoun ki’n posed en bout later an bonn fwa i kapab si in reste lo la pou plis ki 50an preskrir sa bout later akoz son tit ti défectif.  Larepons i wi, ou kapab ganny en bout later par preskripsyon, ki si en  bout later li tousel oubyen en bout en later ki baliz avek ou ki ou’n servi pandan en peryod letan, ou kapab even si ou ti an movezfwa  preskripsyon i mars bonnfwa ek movezfwa tou lede.  Si ou’n si ou’n reste lo la e in zourir sa pou plis ki sa peryod letan ki 20an avek bann kondisyon ki annan  ou kapab demann ki sa i vin pou ou par preskripsyon.

Onorab Pillay i demann mwan anba 541, eski 541 i dir se ‘’curateur de bien vacant, curator of vacant estate’’ ki bezwen fer sa prosedir.  Sel keksoz 541 i dir se si later napa en owner i pou vin pou Gouvernman.  E Onorab Sophola i demann ki mannyer ou pou achieve sa, ki prosedir ou bezwen pas ladan?  I senp si i annan en later ki napa owner, e a lafen peryod 20an dan serten ka nou’n vwar ki sa later i vin otomatikman anrezistre lo Gouvernman.

E la par egzanp dan ka La Digue, ek dan ka Praslin, isi Mahé i nepli kapab akoz anfen i nepli kapab sof pou sa ki mon pe al dir taler.  Isi Mahé tou propriyete in fini ganny survey.  Tousala i lo new land register.  Me Praslin i annan ki pa e La Digue i annan ki pa.

Si laba i annan okenn later, ki pa ganny claim par okenn dimoun ler sa prosesis, ki pe konmanse la.  I ganny fer pou met tou later, lo new register, si i annan okenn later ki pa ganny claim otomatikman zot pou al anrezistre lo Gouvernman.  Donk sa se fason ki pou ganny fer.  Akoz napa lot fason, napa personn ki’n vin claim ki’n vin claim sa later Praslin avek La Digue.

Me en fwa ki tou later i ariv lo land register, i annan still later ki pa ownerless akoz i annan en owner.  Tou later i anrezistre lo en dimoun si pa’n anrezistre lo Larepiblik Sesel.

Me si i annan en later ki sa dimoun pa’n servi for years and years apre ou pa vwar li e i annan en dimoun ki anvi fer en keksoz ek sa later swa preskrir sa later, swa Gouvernman i anvi compulsory required oubyen whatever, la ou bezwen pas par curator of vacant estate.  Akoz ki later de bien vacant li i son rol se pou ou get bann bien vacant.  Bann bona vacantia parey nou dir an Latin.  Bann byen ki vacant. 

Alor li i pran an charges e si i pa kapab trouv son owner, a en serten moman la i ava dir anba 541 Leta pran sa bout later.

Onorab Valmont, in vin lo lartik 544, e in dir lekel ki’n dir sa mo ‘unlimited?’ ‘Unlimited use?’  Si mon pa tronpe.  Anyway in leve, in leve sa pwen.  In leve sa pwen eski sa eski i annan eski si ou annan drwa servi ou later unlimited manner, eski ler Gouvernman i donn ou planning permission or whatever, oubyen i met en kondisyon, ki ou pa kapab revann pou 15an eski i pa pe limit eski i pa pe limit ou later, ou drwa.

Larepons se wi e non.  E la avek zot permisyon mon ava rantre dan sa domenn ki konsern drwa Konstitisyonnel a later.  E sa drwa parey mon’n dir taler, i dan lartik 545 me i osi e sirtou dan lartik 26.  E si zot regard dan zot Konstitisyon e zot regard lartik 26 zot ava vwar ki son parol se preskrir parey.  Me, me la kot 545 i koz zis lo compulsory kot acquisition dan son 2enm parti, lartik 26 i annan en seri derogasyon.  Akoz the right of property is not absolute.  Akoz i pa absolute, akoz i annan plizyer restriksyon.

Si mon aste en bout later ki i annan en lipotek en RImilyon lo la.  Mon pa kapab dir sa lipotek pe limit mon drwa.  Akoz mon later akoz anba lartik 26 mon annan en drwa.  Oubyen si mon aste en bout later ki annan en restriksyon lo la ki dir mon kapab fer en lakaz zis en letaz,  mon pa kapab dir ki sa pe limit mon drwa konstitisyonnel akoz mon drwa konstitisyonnel Onorab Waven Wavel Woodcock in demande i pa en drwa absoli.  You don’t have the right to own property absolutely.  I size a en serten seri, derogasyon ki dan lartik 26 li menm.  Par egzanp planning. Ou bezwen subject to Planning.  Par egzanp right of way, par egzanp annan de fwa ou napa freehold ou annan zis en leasehold, ou annan zis en later 30an, oubyen 60an. Ou napa en freehold. 

Oubyen ou annan parey mon’n dir serten restriksyon.  Donk, donk petroleum, avek minerals parey zot a vwar anba lartik 26, i en derogasyon ki permet Konstitisyon li menm i dir ou ki en Lalwa i kapab retir serten ou bann drwa unlimited to own property. 

E i byen.  E enn sa bann limitasyon se compulsory acquisition ki ganny trouve, dan lartik 545 li menm, me osi dan lartik 26 nou Konstitisyon ki dir menm zafer si i pou en lentere piblik, public interest Gouvernman i bezwen en bout later e propriyeter sa later pa dakor pou vann, Gouvernman i kapab fors li vann pou lentere piblik.  Mon a retourn en pti kou taler lo istorik l osa zafer lentere piblik.

Donk  petroleums, minerals,compulsory acquisition, restriksyon planning tousala se bann restriksyon ki ganny enpoze par Lalwa li menm e par Konstitisyon li menm lo ou drwa a propriyete.  E sa in al ziska kot Court of Appeal e Court of Appeal in donn en bon zizman ki Onorab Basil Hoareau avek mwan nou ti nou ti fer in met sa pwen kler devan.

Lo sa ka en mon ganny demande si i annan en restriksyon ki ganny mete lo ou later ler ou aste,  eski ou kapab sorti dan sa restriksyon ?   Larepons i wi, pou de rezon.  Enn se ki Lalwa li menm li la parey nou ti vwar pli boner okenn restriksyon i ganny mete 537 mon krwar i ti été.  Ou kapab al Ankour e demann avek Lakour to delete sa    restriction if it is satisfied that it is just to do so.  Alor ou pa kapab blok en dimoun forever si i annan en bon rezon pou ou retir en restriksyon.

E dezyenmman annou pa bliye, ki ler ou aste en bout later, ou pa kapab vin konplent pli tar ki ti annan en restriksyon lo la.  Akoz ou annan en choice anba lartik 134 Code.  Ou annan en choice, ‘’agreements lawfully concluded have the force of Law.’’ Si ou pa anvi aste en bout later ganny restriksyon lo la, al rod en bout later ki nap en restriksyon lo la.  It’s as simple as that.  Ou pa personn pa personn pa met en fizi lo pou dir ou sof  ki isi Sesel napa later.  Sa i en lot keksoz alor annan de fwa ou bezwen forse.  Me annou pa al laba, Lalwa, Lalwa i bezwen aplik zeneralman, e p pou bann ka e pa pou bann ka spesifik.

Planning Bill eski Planning eski Planning i afekte eski lefet ki Planning i kapab restrikte sa ki ou kapab fer avek en later.  Eski i afekte ou drwa anba 545?  Yes it can.  Me Lalwa i permet li akoz lartik 26 i dir en bann Lalwa ki ganny pase, i kapab restrikte ou restrikte ou drwa a en lentere a zwisans ou later, tan ki sa Lalwa is reasonable  in a democratic society.  I bezwen en Lalwa ki rezonnab.  Si demen nou pas en Lalwa isi pou dir ki tou dimoun ki annan lizye ble ek lizye ver pa pou kapab zanmen konstri en lakaz?   I en Lalwa, me i pa pou reasonable  in a democratic society, alor i pou ganny strike down, akoz i pa Konstitisyonnel.

Eski public interest i ganny define?  Mr Speaker mon krwar la nou bezwen mon bezwen eksplik en pti pe istorik.  Anba Compulsory Purchase Act ki ti egziste isi lavan 1977 ti egzakteman parey 545.  Okenn byen ti bezwen ganny acquired for a public purpose or in the public interest. 

E tou bann compulsory acquisition ki ti arive anba sa Lalwa, Onorab Valmont, kekfwa pa konn sa, me permet mwan pou dir ou tou a bann bout later ki ti lo kot Airport in ganny fer ozordi, ti ganny compulsory acquired Pointe Larue.

Akoz ti bezwen fer Airport.  E serten dimoun ti dakor pou vann, serten dimoun pa ti dakor pou vann.  Alors sa Lalwa ti ganny aplike.  Me i ti ganny aplike dan en fason mon bezwen dir Anglais, Anglais ii fer tou keksoz fer so ti antre dan negosyasyon, zot ti pey konpansasyon, eksetera e tou sa bann later ti ganny compulsory acquired, akoz Lalwa ti permet zot in fer sa zot ti bezwen fer Airport zot pa ti kapab rantre dan, dan konsiltasyon forever.

        E sa Lalwa in reste ziska apre 1977 e la kot i ti ganny ranplase. E mon krwar latransparans i obliz mon dir i ti ganny ranplase par the Land Acquisition Act anba Gouvernman Mancham pa anba Gouvernman Mr Rene.

E sa ti permet i ti en Lalwa pli modern me still compulsory acquisition ti bezwen ganny fer dan lentere piblik.  Ler Mr Rene in pran pouvwar e i ti i ti pe acquire propriyete, en kantite propriyete e souvan plizyer santenn propriyete la Lalwa ti sanze, e i ti dir ou nepli bezwen fer li for a public purpose me ou bezwen fer li in the National interest.  Donk i ti bokou pli larz.  Nenport kwa ti vin dn lentere Nasyonal.  E se sa ki ti permet bokou propriyete ganny compulsory acquired serten ki ti ganny servi dan lentere piblik, pou fer housing eksetera, La Pointe Larue i en legzanp i en legzanp.  Me serten ki pa ti ganny servi nou pa pou al nou pa pou al ladan nou’n koz lo la dan bokou ka e i pou ganny koz lo la dan en lot forum konmela.

Me se la kot se la kot problenm i arive akoz dan serten sa bann compulsory acquisition ou ti pran later avek M ’x’ e ou ti vann li avek Mr ‘y’.  E se sa kestyon ganny demande eski sa i dan lentere ti dan lentere piblik ?  E larepons i evidan.  Me sa Lalwa erezman i ganny e li osi akiz mon ti annan en 2enm bout sa Lalwa ki ti dir ou pa bezwen pey fair compensation.  Parey 545 i dir, ou ti bezwen zis pey en konpansasyon e bokou dimoun ti ganny peye lo 20an ek bond eksetera which was really, really unfair, me anyway sa sete en lot parti nou zistwar.

Sa ki’n arive depi 1993, se ki Lalwa in retourn parey i ti ete avan, e4 la konmela nou annan the Acquisition of Land in the Public Interest Act ki en derogasyon anba lartik 26, ki permet Gouvernman acquire for a public purpose e nou konnen ki Gouvernman pa’n acquired preski ditou.

E ler in fer li se bann ptipti bout later ki i ti bezwen pou en lentere eski mon pou en lentere piblik e non pa pou en lentere Nasyonal.

Alor nou’n retourn dan konteks lartik 545 e ozordi mon kapab dir ki nou annan en Lalwa ki modern e ki i pa ganny abize, e sete egzakteman koumsa, ki keksoz i devret ete.

E finalman lo sa pwen Mr Chair Onorab Woodcock, i dir be si en dimoun i lwe en later ek Gouvernman apre i fer serten keksoz lo la e ler lease i arive Gouvernman i repran tou sa bann byen.

Sa parey nou ava vwar ler nou ariv lo bann lartik 1700 everything depends on what the list says.  Si sa lease i dir, ki ‘’at the end of the list any improvement made to the land will belong to the owner of the land without compensation,’’ bap ou’n antre dan en Kontra anba lartik 134 ou bezwen sibir konsekans.  Si ou pa’n mete la nou tonm anba 555 e Lalwa i ava provide en escape route. 

        Finalman mon vin lo kestyon pli enteresan ki devan nou ozordi, se kestyon Trezor La Buse.  Mon’n gard li pou dernyen akoz i annan en repons tre senp e sa repons i lartik 716 –716, devan zot ki koz klerman lo Treasure Cove, i dir ozordi e in the future Gouvernman napa naryen pou fer avek Treasure Cove, L’Angleterre par egzanp la ou vwar en trezor lo ou later sa trezor i pou Gouvernman.

Isi lanmwatye i pou propriyeter later e lanmwatye i pou sa dimoun ki trouv li.  So si ou, ou pe fouy dan ou zarden pou ou plant en pye dibwa e ou vwar Trezor La Buse i pou ou konpletman si i lo ou later.

Me si me si me si mwan mon konnen i annan en Trezor La Buse lo ou later mon demann ou permisyon pou mon vin rode, lanmwatye i pou ou lanmwatye i pou mon akoz se mon ki’n trouve.  Gouvernman napa okenn par ladan.  Mersi Mr Chair.

 

MR SPEAKER

Bon mersi Onorab Georges.  Onorab Adelaide ou konsern pa’n ganny adrese.

 

HON FRANCOIS ADELAIDE

Wi Mr Chair mon konsern pa’n ganny adrese Onorab Georges.  Mwan mon’n dir ou pou dir pou public interest later – anfen ale –

 

MR SPEAKER

Onorab Georges.

 

HON BERNARD GEORGES

Yes en later bokou later in ganny pran.  Napa okenn later ozordi mon pa krwar ki en later pou ganny pran in the public interest e ki pou ganny vann avek en dimoun.  Nou Lalwa pa permet li ozordi. E si Gouvernman i fer sa otomatikman Lakour pou set it aside. Sa ki’n arive se dan lepase. Later in ganny pran in the National interest anba Land Acquisition Act anba lepok Parti Inik e sa later have been acquired in an National interest in ganny vann avek serten endividi.  Sa wi in arive bokou ka e i mal.  Me i pa kapab arive ozordi.

Me lefe ki’n arive then se lemoman ki’n vin propriyeter Gouvernman, Gouvernman i kapab fer sa ki anvi avek. Me la dan sa sistenm ki ki’n ganny met an plas anba Truth and Reconciliation Commission okenn sa bann dimoun ki santi ki zot in ganny  leze zot kapab fer laplikasyon pou zot swa reganny zot later e bokou in fer oubyen ganny en konpansasyon, si sa later in fini ganny vann.  Mersi.

 

MR SPEAKER

Mersi Onorab Georges.  Onorab Adelaide, eski sa i reponn ou konsern?

 

HON FRANCOIS ADELAIDE

Non Mr Speaker i pa reponn mon konsern me solman nou ava kontinyen pous pli devan.  Mersi.

 

MR SPEAKER

Mersi Onorab.  Onorab Valmont.

 

HON JUDE VALMONT

Mersi Mr Chair.  Zis pou sa ki Onorab Georges fek reponn la.  Onorab Sophola ti’n demann en kestyon en pe dan sa laliny osi pou sa akizisyon la public interest, eski i annan serten kriter ou bezwen satisfer Lakour?  Akoz toultan nou nou’n ganny dir i annan propriyete dan distrik, be nou dir oli annou fer sa, souvandfwa Gouvernman i dir ki bokou case lamazorite zot in perdi malgre zot pe fer sa, eski nou bezwen satisfer Lakour e letan ki’n ganny preskrir oubyen kominikasyon ki’n ganny fer en kantite e ki letan nou kapab satisfer sa?  Mersi

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Annou pran en legzanp konkret Gouvernman in fer i avi fer en semen pou deservi en group dimoun ki napa akse.  E sa propriyete ant semen piblik avek sa group rezidan pa oule donn en akse.  Gouvernman i kapab ozordi anba Acquisition of Land in the Public Interest Act compulsory acquire en morso later pou li fer sa semen.  Si i zis pou en dimoun oubyen de sa i klerman pa in the public interest e si vreman i fer li Lakour Konstitisyonnel pou strike li down. 

        Me si dizon pou 15 lakaz la i vin borderline i posib ki in the public interest. Tou keksoz parey mon’n dir pli boner i en kestyon balans i en kestyon an degre.

E Lakour erezman konmela Lakour ki la e Lakour i kapab dir wi sa i dan lentere piblik e in dir dan serten ka oubyen sa i pa dan lentere piblik.  E in dir sa osi dan serten ka.  Dan serten ka i pa’n les Gouvernman fer.

En lot keksoz e mon kosyon letan en lot keksoz ki annan anba Lalwa konmela, se pa ki Gouvernman i anvi en bout later akoz i anvi fer en semen e i fer en compulsory acquisition in annan en prosedir anba Lalwa ki apel ‘’an invitation to treat’’ son premye keksoz ki fer i pou ekrir sa propriyeter, i pou dir mon annan mon anvi fer en semen eski ou pare pou vann? E si ou pare pou vann antre en negosyasyon avek mwan pou nou diskit pri, diskit modalite eksetera.

E si tou keksoz i ganny fer par Kontra so much the better,  ou pa bezwen al dan compulsory acquisition.   Me ou al dan compulsory acquisition zis ler keksoz in vin telman serye, sa dimoun i dir non mon pa enterese oubyen mon pa dakor ek sa pri, la Gouvernman i rantre.  Me son acquisition li menm i kapab ganny challenge, as to whether i dan lentere piblik. E son konpansasyon ki ofer i osi kapab ganny challenge par Lakour pou vwar si i fer parey Lalwa i dir.

Donk ou annan en kantite rekour. E sete pou sa rezon ki Gouvernman i mars lantman konmela ler dan en lepok i ti mars bokou pli vit.

 

MR SPEAKER

Mersi Onorab Georges. Bon a sa pwen nou ava pran en break e nou retournen 2er pou nou kontinyen nou travay lo Kod Sivil.

 

(BREAK)

 

MR SPEAKER

Bon, bonn apre midi tou Manm Onorab.  E bonn apre midi tou dimoun ki a lekout, e ki pe swiv travay Lasanble.  Good afternoon Professor and Mr Pool.  Again thank you for being here with us to go through the process of debating the Civil Code. 

        Bon nou ava kontinyen avek nou travay.  E mon ava ankor enn fwa donn la parol Onorab Georges.  Ki dan son kapasite koman en Manm Lasanble, me osi tou Chair Bills Committee.  Onorab Georges.

 

MR SPEAKER

Mersi Mr Chairman.  Bonn apre midi tou dimoun.  Mr Chairman nou ti’n ariv- nou ti’n fini Lartik 553.  E nou ti pe al pran sa ki nou apel Droit de Superficie, Lartik 554.  Me pour bann ki pe swiv lo Kod Sivil aktyel.  Mon bezwen fer sorti ki, pour nou ganny 554 pour fer antre Droit de Superficie.

Nou’n bezwen pran Lartik 554 aktyel, the owner of land who has erected structures eksetera e fer li antre dan 553 (3) ki antre tre byen, akoz i menm laliny.

Alor sa in les 554 vakan.  Akoz Droit de Superficie pa dan Code aktyel.  I en prensip ki’n ganny kree par bann Ziz en France e dan lezot pei ki pe servi Droit de Superficie ki pe servi Kod Sivil.

I kler ki- apre ki Kod in ganny drafte, e ki’n anmas-akoz en Kod parey tou dimoun i konnen, i sey prevwar tou bann sirkonstans ki kapab arive.  E met tousala an ekrir.

I kler ki apre ki sa in ganny fer, ki i annan en sirkonstans ki i pa ti’n prevwar.  Kekfwa, akoz i pa ti egziste at the time, oubyen in vin pli tar.  Oubyen i ti egziste e zot pa ti vwar li neseser,  e sa se en Droit de Superficie.

Kot en dimoun pa pe rod ownership en later, oubyen en later.  E kot i pa pe konstrir lo later en lot dimoun par son prop mwayen, avek lentansyon ki sa konstriksyon pour vin pour sa propriyeter later ki ganny kouver anba 553;  me kot i konstrir lo later en lot dimoun.  An bonn fwa, avek permisyon dan en fason ou en lot,  pour li reste la pour en peryod endefini.

Isi Sesel ti annan dan lepok ler nou ti ankor en lekonomi agrikol.  Bokou dimoun ki ti annan zot prop pti lakaz.  E nou tou nou konnen ki tanzantan zot ti bezwen al demann lwe en kare.  Oubyen zot al demann permisyon pour met zot lakaz lo later.  E met later- toultan ti dir, ‘’Wi, wi mon fir met li dan kwen propriyete anler laba.’’  E apre- apre detrwa lannen, problenm ti arive.  I ti bezwen sorti al rod permisyon pour met son lakaz en lot landrwa e refer sa.

Tan ki i annan en peryod limit, ou dir li met ou lakaz la pour 3mwan, en attendant ki ou ganny en later somewhere.  Sa i pa vin en Droit de Superficie.

Ou kapab dir ek sa dimoun au bout 3 mwan, sorry ou letan in fini, anmas ou pake ale.  Me kot napa tousala.  Kot i annan en lentansyon kler ant sa propriyeter later ek sa propriyeter sa batiman.  Pour li fer sa batiman, san dat limit neseserman unless ki i anba en bay.  La i annan en problenm ki i arive.  Akoz sa lakaz pa atas avek sa later par aksesyon anba Lartik 553 parey nou’n vwar.

E an menm tan i pa vin en konstriksyon anba Lartik 555, kot ou kapab dir ek sa dimoun, ale- parey nou ava vwar dan 1 minit.  Kot nou kapab dir ek sa dimoun ‘ale mon a pey ou konpansasyon’.

I vin a chevale ant sa 2.  E mon krwar- mon krwar se pour sa rezon ki Profeser in fer sa rantre ant 553 avek 555.  Akoz zis pour nou situate sa dan son konteks Mr Speaker, mon ava sot lo 555 ki egziste ozordi e ki texto parey i egziste ozordi.  555 i annan 5 porsyon.  I dir ou, ler ou plant oubyen ou build lo later en lot dimoun, avek ou materyo, propriyeter later i kapab swa gard sa keksoz e pey ou konpansasyon, oubyen demann ou tire.  Sa i kler.

Si mon ale mon build lo later en lot dimoun.  Sa dimoun i annan en choice.  Swa i dir mwan, ‘‘Tir ou zafer ale’’.  Oubyen dir mwan, ‘‘Kit ou lakaz la, me selman ou bezwen pey mwan konpansasyon.  Akoz ou’n fer lakaz lo mon later.’’

E 555 –  (2), (3), (4) ek (5) i donn 4 posibilite kisisa ki kapab arive.   Enn se anba 2, si en dimoun in antre de mauvaise foi, e in fer en lakaz lo en konstriksyon later en lot dimoun, sa propriyeter later i kapab dir li ‘’sorti, pey mwan domaz pour sa pye dibwa ki ou’n koupe, sa lateras ki ou’n kase, sa ros ki ou’n met lanmin lo la.’’

Oubyen dan 555 (3), si sa propriyeter i anvi gard sa striktir, oubyen sa plantasyon oubyen whatever,  e sa dimoun i an bonn fwa.  Sa propriyeter later i bezwen pey li en sonm ki ekivalan ant cost son materyo avek son travay.  Or son valer ki’n improve – ki later in ganny improve par sa konstriksyon.

Si- e sa se No. 4,  si sa bann keksoz in ganny fer e sa dimoun akoz i ti an bonn fwa.  Lakour pa ordonn li, pa ordonn li   – i ordonn li ale, me akoz i ti dan bonn fwa pa ordonn li pey domaz, propriyeter later pa kapab demann li tir son lakaz ale.  E i bezwen pey li enn ant sa 2 valer ki mon’n dir.

E finalman si i annan en kondisyon rezolitwar; a condition subsequent.  Sa dimoun i ganny prezimen konmkwa in azir an bonn fwa.

Mon ava sey eksplik sa ki mon fek dir la.  Ler en dimoun i build lo later en lot dimoun, i annan enn ant 3 keksoz ki kapab arive.

Swa i build in bad faithIn which case propriyeter later i kapab dir li, ale sorti.  Mon napa okenn konpansasyon pour pey ou.  O kontrer ou ki bezwen pey mon konpansasyon pour sa domaz ki ou’n fer.

Dezyenmman; si ou’n fer li- si ou’n antre e ou’n fer li in good faith, ou’n- sa propriyeter later i kapab dir li, tir ou keksoz ale e pa pey li konpansasyon.

Trwazyenmman si ou’n fer li in good faith, e Lakour in rekonnet sa, propriyeter i kapab dir li kit ou keksoz, ou ale.  Mon mwan a pey ou konpansasyon akoz ou ti an bonn fwa.  Donk sa se Lartik 555.  Si i pa tonm anba 55, 553 kot later, kot lakaz i attached to the land, i vin anba 555 kot enn ant sa 3 opsyon i kapab ganny aplike.  Sa sete Kod Sivil.

E antretan prezan in antre Droit de Superficie.  E Lakour La France in bezwen etablir en nouvo kategori.  Kot sa dimoun i pa de mauvaise foi, me in annan en permisyon pour li antre.

I pa’n antre in good faith pour li fer.  Me in antre avek permisyon e in konstrir.  E la prezan, bann Ziz in dir, dan sa ka ou pa kapab demann li ale, at any time.  Even si ou promet li konpansasyon.  I la i reste, akoz i annan en Droit de Superficie.

Later pa vin pour li, me i annan en drwa enjoy sa lasyet later lo lekel in plante oubyen in konstrir.  Ou pa kapab fer li ale, menm si ou ofer li konpansasyon.  Akoz i pa tonm anba 555.  Akoz ou’n donn li permisyon pour fer dan en fason ou en lot.  E i pa tonm anba 553 kot son lakaz i vin pour propriyeter later.

Alor zot in kre sa kategori ki vin en Droit de Superficie.  E sa se ler ou’n fer en lakaz an bonn fwa avek permisyon.

Question now is – sa Drwa, pour konbyen letan i pour dire?  Pandan bokou lannen ziska, mon kapab dir sa 5 ou 6 dernyen lannen,  pandan bokou lannen, isi Sesel nou ti sispekte ki sa drwa i pa permanan.

En Droit de Superficie, i tanporer.  E i ariv a son lafen swa ler sa batiman i bezwen ganny repare oubyen rekonstrir.  Oubyen ler sa dimoun i anvi repare oubyen rekonstrir.  Sa propriyeter batiman.

E sa ti mars tre byen ler i en pti lakaz an tol oubyen an bwa ki bezwen ganny repare oubyen rekonstrir.  Me ki ou fer avek en lakaz ki ou’n fer an blok ki last pour de dizenn lannen?  E se sa la kot konsep in antre, e nou’n realize ki en France pa dan tou ka ki en Droit de Superficie, ti arete ler ou ti bezwen rekonstrir.

Dan serten ka, in fact the Rule sete ki en Droit de Superficie, i en Drwa pa Personnel, me en drwa reel.  I atase ek later.  Setadir ki sa dimoun ki i annan en Droit de Superficie, ou pa kapab demann li pour ale.

E si i anvi rekonstrir, i a rekonstrir.  Si i anvi pas sa drwa avek son zanfan, i kapab.  Si i anvi vann avek en lot dimoun.  Dizon mon mwan annan en Droit de Superficie, mon anvi vann avek Onorab Philip Arissol, mon kapab fer li.  E sela kot nou ete ozordi.  E ler nou’n ariv pour drafte- anfen ler Komite in arive pour revwar sa, sa set enn bann ka kot nou’n deside fer parey Profeser Chlorus ti’n fer an ’76.  Pran sa jurisprudence fer li vin en texte Lalwa e met li dan Kod Sivil.

Pour ki nou nepli annan sa problenm dan le fitir.  Lalwa i egziste, me i pa dan Kod Sivil.  It’s Judge made Law.

Alor sa bann prensip in ganny anmase, in ganny met ansanm.  E Lartik 554 in ganny propoze.  Me lartik- 554 parey in ganny mete la, i pa reflekte Lalwa mannyer i ete ozordi.   Akoz Lalwa mannyer i ete ozordi en France e isi Sesel se ki en Droit de Superficie, i en drwa permanan.

I pa en drwa tanporer ki ariv a son lafen.  Unless ki i en Drwa ki’n ganny donnen par Kontra avek en peryod limit.  Mon kapab dir ou build lo mon later.  Me ler ou mor, sa konstriksyon i vin pour mon.  Napa nanryen ki anpes nou fer sa, e sa Droit de Superficie, i ava arete ler ou mor.  Akoz nou’n tonm dakor.

554 i la pour bann dimoun ki pa’n tonm dakor lo nanryen. kot zot pa’n- kot napa sa bann agreement e Lakour- e Lalwa i bezwen prevwar en fason pour deal avek zot problenm ler i arive.  E parey nou’n dir a plizyer repriz dan bann preparasyon pour sa.  E zot tou zot okouran.  Enn bann fason konmela ki kree Droit de Superficie,  se permission to build,  ki’n vin en keksoz kouran.

Alors se pour sa rezon ki i enportan pour sa Lasanble drafte e aprouv en texte ozordi ki pour fer sa drwa ki ozordi dan nou jurisprudence vin dan nou Lalwa pour ki i annan- tou dimoun i ava konnen sure and certain kisisa sa Droit de Superficie,.

Avek sa detrwa parol lentrodiksyon Mr Chairman.  Nou ava regard Lartik 554 parey mon’n dir ki pa- i pa en Lartik ki neseserman oubyen konpletman anliny avek bann zizman Lakour.

I annan ladan en- at least en propozisyon ki’n ganny fer pour sey etablir lareg e ki kekfwa Lasanble i ava aprouve.  Mon pa pe dir ki i pa devret ganny aprouve.  Me sa se nou koman Lezislater ki pour bezwen vwar li.

Donk definisyon Droit de Superficie, ‘’is a right conferred on a person other than the owner of the land, to enjoy the surface of the land.’’  Kler?  Mon donn ou drwa, mwan ki propriye term  mon donn ou drwa pour ou enjoy sa lasyet later.

2enm – en Droit de Superficie, can be created only by written agreementCan only be created by written agreement.

Sa i pa dan Lalwa ozordi.  Lalwa ozordi i dir ou ki ou kapab fer li by written agreement, by Court Order by prescription.  Correct Professor?  Or– oubyen i annan en- sa se bann fason ki ou kapab kre en Droit de Superficie.

Donk la sa ki pe ganny propoze, se pour anmenn laklerte poudir, zis written agreement ki kapab fer li.  Sa se enn bann keksoz ki nou bezwen regarde.  Eski nou dakor avek?

Trwazyenmman; e sa set enn sa ki nou apel en Lawyers Law.  ‘’Moral impossibility exception’’, dan Lartik 1344 (d) pa aplike.

En ‘’moral impossibility exception’’ parey nou ava vwar ler nou ariv laba, se sa.  Ou pa kapab anmenn parey nou’n dir lotrozour.  Ou pa kapab anmenn levidans oral Ankour pour en keksoz ki son valer i plis ki R50, 000.  Konmela i R5, 000.

Me i annan serten leksepsyon.  1 bann leksepsyon se si ou annan en komansman de preuve par ekrir.  En resi dizon pour en keksoz.

En lot se –  si i annan en lenposibilite moral.   Setadir, si  mwan mon mon’n pret larzan mon frer,  mon’n pret li R50, 000.   E apre i pa rann mwan.  Mon anmenn li Ankour, mwan pe donn levidans.  E i dir mwan, be ou napa en dokiman.  Ou napa en dokiman pour prouv sa.  I plis ki R5, 000.

Mon kapab servi sa lenposibilite moral pour dir be gete,  Ler mon pret mon frer en larzan, mwan pa pran en resi avek li, mon pa donn li, mon pa fer en dokiman.  Alor Lakour i ava les mon dan sa bann ka donn levidans oral.

Sa ki i pe dir la, se ki ou pa kapab vini dir.  Mon napa en written agreement.  Akoz sa ti mon frer oubyen, mon annan en lenposibilite moral.  Ti en fanm manm lafanmir.  Ou napa drwa.

Ou bezwen fer li par written agreement ipso facto full stop (.), goodbye, so long.  Nothing more.  E si nou pe gard sa written agreement.  Sa written agreement i bezwen dezinyen spesifikman sa peryod Droit de Superficie, ki pa pour pli gran ki lavi sa dimoun ki pe donn li.  So si mon pe donn en Droit de Superficie, sa Drwa pour mor avek mwan.  I pa kapab pli long ki mon lavi.

Sa area– pardon the grantee –  sa dimoun ki mon pe donn- ki mon pe donn avek- eskiz mwan.  Sa drwa pa kapab extend apre lanmor sa dimoun ki pe ganny sa drwa.  E i bezwen dezinyen egzakteman sa landrwa ek son area kot sa drwa pour ganny egzerse.  I bezwen eksplik egzakteman ki ras konstriksyon ki kapab ganny fer e ki kapab ganny fer ladan.  E i bezwen ganny anrezistre.

En dimoun ki vin aste sa later kot i annan en Droit de Superficie,  i aste li avek son Droit de Superficie, i merite konnen.  Si ou pe donn- si i annan en lease ki donn ou permisyon, si ou pran en lease lo en later avek permisyon pour build lo sa later –  en Droit de Superficie, i ava last ziska lafen sa lease.  I pa kapab al pli long ki sa lease.

E la No.5.  Le Droit de Superficie, i en droit personnel.  Zis pour sa enn ki’n gannyen.  I pa kapab transmet sa avek son zeritye.  I pa kapab vann. I pa kapab fer nanryen avek.

E 6 – dan ka kot sa konstriksyon i en lakaz, ek Droit de Superficie, i fini avek lanmor sa dimoun ki’n ganny sa permisyon, okenn spouse oubyen domestic partner ki i annan, oubyen son zanfan ki ti pe reste avek li a moman son lanmor.  I kapab reste pour en peryod 1an, apre zot bezwen ale.

E ler propriyeter later i anvi exclude bann dimoun sa spouse, oubyen sa domestic partner, oubyen sa zanfan, lakour i kapab donn en lord pour fer zot sorti pour okenn rezon ki valab.  Including en lord ki propriyeter later i donn zot en lot landrwa pour reste pour sa peryod 1an.

E No.7.  Lakour ler propriyeter later i anvi terminate en Droit de Superficie, i kapab ordonne sa dimoun ki’n ganny sa drwa pour sorti swa avek peyman konpansasyon or not.  Swa ordonne li pour sorti avek son bann konstriksyon oubyen fer okenn lezot lord ki apropriye.

E ler sa i ganny fer, e en konpansasyon i ganny donnen par Lakour, sa konpansasyon pour ganny baze lo sa increase of value ki sa lakaz in fer lo sa later.  Oubyen pri materyo avek labour ki’n ganny mete dan konstriksyon.  Sa se menm keksoz ki nou vwar dan Lartik 555 e la depi Kod Franse depi komansman.

Oubyen okenn lezot sonm ki Lakour i vwar apropriye.  Me ki pa pli o ki sa 2 sonm.  Lakour ler i pe fer son diskresyon anba sa 2 lartik ki nou fek lir, sa 2 soulartik i ava pran tou bann fe an konsiderasyon.

E until subarticle 10 –  until ki konpansasyon i ganny peye, sa dimoun i kapab reste lo sa later e dan sa striktir ziska ler i ganny peye son konpansasyon –  sa ki nou apel en ‘‘Droit de Rétention.’ Ek ler en batiman ki lo en Droit de Superficie, i ganny detri par dife, oubyen tsunamis or whatever, sa dimoun i kapab refer sa batiman subject to bann lezot kondisyon.

E la- lobze sa,  se pour retourn sa batiman egzakteman parey ti ete lo menm grander e non pa enn ki pli gran.

Vwala Droit de Superficie, mannyer pe ganny propoze Mr Chair.  I tre diferan avek Droit Jurisprudentielle ki egziste ozordi, kot i pa en personal right.  I kapab ganny transmet avek zeritye.  Ou kapab rekonstrir oubyen extend mannyer ou anvi pour lakantite fwa ki ou anvi.  E sa propriyeter pa kapab demann ou ale menm si i pey ou konpansasyon.  Donk i en diferans sibstansyel ki pe ganny propoze la.

Mon aret la Mr Chair.  Ah sorry i annan en lot keksoz mon devret dir.  I annan lezot pei ki i annan Kod Sivil ki’n fer- ki’n anmenn Droit de Superficie, dan zot Kod osi.  Akoz parey mon’n dir, i pa dan Kod Franse.

Enn sa bann pei se, La Belgique, ki’n fer en Droit de Superficie.  Pa parey pour nou.  La Belgique i en Droit Réel.  Setadir i transmisib.  Me sel keksoz zot in fer,  zot in limit li pour en peryod 50an.

En Droit de Superficie, pa kapab extend pour plis ki 50an.  I en chiffres arbitrer.  Me dan lespri La Belgique i en chiffres ki zot in mete.

Tou larestan i egzakteman parey Lalwa ozordi.  Pa parey sa ki la devan nou ozordi, isi Sesel.  Sof ki, i pa last forever.  I last pour en peryod 50an selman.  Mersi Mr Chair.

 

MR SPEAKER

Mersi Onorab Georges.  An vi ki ou’n tous 555, taler.  Eski ou oule kouver li ansanm?  An vi ki- mon krwar i relye avek 554.  Apre nou a kapab al lo aksesyon, non?  E nou ava pran konsern okenn klarifikasyon lo 554 ek 555.

 

HON BERNARD GEORGES

Mersi Mr Chair.  555 i dan Kod aktyel e pa’n sanze.

 

MR SPEAKER

Ok. 

 

HON BERNARD GEORGES

E sa parey mon’n ti’n eksplik en pti pe taler.  Ler en dimoun i fer- i plante oubyen i konstrir lo later ki pa pour li avek son prop plantasyon.  Oubyen avek son prop materyo, propriyeter later, sa se son prensip zeneral, i kapab swa gard sa keksoz e pey konpansasyon.  Oubyen demann sa dimoun pour tire.  Eskiz mwan, i kapab swa garde oubyen demann dimoun pour tire.  Sa se son choix.

E sa swa i ganny determinen par bann Sou Lartik swivan;  si propriyeter later i demann sa dimoun tire.  Sa i ava tire- sa dimoun i ava tir sa bann keksoz avek son prop mwayen e i pa pour ganny pey okenn konpansasyon.  E i ava bezwen an plis ki sa, neseser- i riske kapab bezwen pey domaz pour lefe ki in vin build lo later en lot dimoun.

Sa i pa mete la.  Me sa se, zis dan bann ka kot sa dimoun i fer sa de mauvaise foi.  Me i pa mete.  Me sa se dan jurisprudence.  E kekfwa zot ava anvi mete.

(3)  Sa propriyeter si i anvi gard sa striktir, oubyen sa plan, oubyen sa batiman – dan ka kot i deside pour garde.  I bezwen pey sa dimoun ki’n fer sa.  E la obviously pa dan kad de mauvaise foi.  Dan kad bonne foi e i pey li en sonm ki swa son valer ki son propriyete in increase.  Akoz i annan en lakaz lo la.  Son later ti vo R100, 000.  La aprezan en lakaz ki kout R100, 000 lo la, son valer i R250, 000 akoz i en pti pe plis ki son 2.  Alor i bezwen pe pey son R150, 000.  Se son valer azoute.

Or cost materials and labour.  Dan sa ka ki mon fek donnen, R100, 000 – ok.  E sa i ganny estimen lo zour ki zot pour pe peye.

Si prezan sa dimoun ki’n fer sa bann konstriksyon, i ganny pouse par Lakour atraver en process of Law,  me akoz, akoz i ti an bonne foi, Lakour pa’n dir li ou bezwen ranbours sa keksoz ki ou’n fer,  propriyeter pa kapab demann li tir son keksoz ale.  Me i bezwen pey li enn ant sa 2 sonm ki mon fek mansyonnen.

E si i annan en- si later- propriyeter later ti anba en kondisyon rezolitwar; setadir en kondisyon ki i pour fer en keksoz oubyen ki pour a- ki en keksoz pour arive ler en lensidan i arive, e ki’n fer keksoz striktir lo son later, i pour ganny prezimen ki in azir dan bonne foi.  A mwens ki i ti konnen ki sa kondisyon ti’n deza arive, ki met li an bonne foi– an mauvaise foi. 

E sa- sa ki mon fek dir la pa aplik pour en dimoun ki annan la jouissance oubyen en lokater, a mwens ki in ganny permisyon spesifik pour fer sa keksoz.

No.5. I pa telman kler, e i pa telman dir sa ki i fer annefe.  Which is, ler ou annan bonne foi, ou pa kapab ganny dir tir ou keksoz ale, san konpansasyon.  Oubyen avek konpansasyon.  Ou ki pour swazir si ou pour pran ou pour ale, oubyen si ou pour kit li la, e ou pour ganny pey konpansasyon.

Vwala Mr Chair.  Mr Chairman i annan- i annan en lot keksoz, se 556.  Me i sa in vin lo encroachment.  Mon pa konnen si ou pour anvi mon tou li la.  Mersi.

 

MR SPEAKER

Non.  Non, mon krwar i annan- ase gran diferans.  Nou ava pran bann entervansyon lo Droit de Superficie.   E mon ava komans avek Onorab Woodcock.

 

HON WAVEL WOODCOCK

Mersi Mr Speaker.  Mr Speaker mon annan plizyer konsern dan sa Seksyon lo bann Clause, sirtou kot i konsern Droit de Superficie.   554 (2) (c) (1) kot i koz lo Droit de Superficie, kot mon ava lir.  ‘The written agreement must designate specifically for period for which the right is granted, not being a period greater than the life of a grantee.  And the physical place and area where the right must be exercised’’. 

        Mwan mon annan en konsern lo sa size, par lefe ki i dir poudir sa Droit de Superficie, pa pour exceed lavi sa holder ouswa sa grantee.

Mon konsern osi, i ganny souleve dan 5- sorry dan 6 (a) kot 6 (a) i dir ou koumsa.  Dan evantyalite dan bann ka kot sa dimoun ki i annan sa Droit de Superficie, sa holder ouswa sa grantee i mor.  Son spouse ek son bann zanfan, zot pour annan drwa pour reste zis 1an.

Me si nou pran kont poudir nou’n regard- pli boner nou vwar Property Order lo kote divors kot nou’n get parey en koup ki’n marye, in reste ansanm kot ler zot divorse propriyete i ganny divize egalman parmi sa msye-ant sa msye ek sa madanm.

Me dan bann ka koumsa, mon vwar en gran lenzistis pe ganny fer avek sa spouse ki reste.  So the surviving spouse avek son bann zanfan kot zot pour bezwen vacate sa landrwa dan 1an menm si zot in kontribye pour zot fer sa batiman, sa building lo sa later.  E pour mon, sa i en lenzistis Mr Speaker.

Mon dan mwan lopinyon, mon pa krwar ki en Droit de Superficie, i merit ariv- i merit terminen with a death of the grantee ouswa holder.  Mon mwan krwar ki si nou pour get dan konteks nou pei, e pour safeguard sa spouse, sirtou kot i konsern bann madanm ki nou’n vwar in arive ase souvan dan nou pei.  Mwan mon krwar i bezwen annan- nou bezwen fer provizyon kot Droit de Superficie, i bezwen pour en dire letan.  Let’s say 50an, e ki sa Drwa i kapab ganny transmet.  I kapab ganny transfer avek swa sa surviving spouse ouswa son zanfan.

Selman mon pa an faver.  Mon pa an faver vann Droit de Superficie, avek en lot dimoun.  Me selman mon an faver en safeguard pour sa zanfan, and the surviving spouse.

Me en lot keksoz osi parey mon’n dir Mr Speaker.  Si ou pour get 8 – (a) and (b) osi, sa osi i kler kot Lakour ok in- sa propriyeter in anvi sa grantee sorti lo son propriyete.  Me ankor la, ou vwar kot i zis sa holder.  Zis sa grantee ki kapab ganny compensate pour sa building.  Me selman sa dimoun ki pe reste la avek li ki’n osi kontribye pour fer sa batiman.  Li i pa ganny nanryen.  So mon mwan vwar Mr Speaker poudir sa pour mon, i en gro lenzistis ki nou bezwen get ladan.  Mersi.

 

MR SPEAKER

Mersi Onorab.  Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman mon depi dan mwan prezantasyon letan nou ti ape koz lo merit an zeneral.  Mon ti fer kler ki mwan pa dakor avek sa fason ki sa Droit de Superficie, pe ganny rantre dan nou Kod Sivil.

Mon kontan ki Onorab Woodcock in adres serten bann pwen.  Mon pa dakor ki en Droit de Superficie, i pe ganny mete egal Droit de Jouissance.  Droit de Jouissance.   i mor avek sa dimoun.

E mon pa dakor ki i pe ganny mete parey.  Mon krwar ki nou bezwen gard pratik aktyel.  Kot Droit de Superficie, can be passed on, ki Droit de Superficie, i kapab al pli long ki lavi sa dimoun.  E mon krwar i annan diferan rezon.

Onorab Woodcock in mansyonn serten.  E mwan mon krwar ki ti ava bon.  En pe parey Belgique pe fer, sa ki Onorab Georges in dir.  E mon ti osi mansyonn sa dan mon prezantasyon apre ki mon ti’n ganny en long konversasyon avek Onorab Basil Hoareau, ki annou pa regard an term en sif arbitrer.  Me annou regard an term en sif reel.

Belgique in met 50an.  Be i kapab annan problenm avek zis 1 sif 50an.  Eski 50an apre lanmor sa dimoun?  Ki mon krwar pa.  Mon krwar i donn li letan i fer sa Kontra.  I dir ‘ok nou pour soz sa pour 50an e bann zanfan, oubyen bann zeritye sa dimoun i kapab erit pour larestan’.

Si par egzanp sa dimoun in mor apre 10an.  Son bann zeritye i kapab erit pour sa prosen 40an.  So mon mwan krwar ki- mon ti ava demande ki nou regard sa.  Nou regarde ki mannyer nou kapab fer sa rantre.

E byensir sa petet- parski letan ou pour fer en tel keksoz.  Petet sa ki mon ti ava demande.  E mon ti ava regarde ki mannyer Panel oubyen Onorab Georges i kapab fer sa rantre.  Se swa si sa dimoun ki annan sa Droit de Superficie,  si li i pa fer en Will, en Testaman.  Then sa drwa i kapab mor avek li.  Parski i montre ki poudir li, li menm li i ti napa lentansyon pour li pas li.

Me si sa dimoun i kapab fer en Testaman pour dir, ‘‘ok mon annan tel garson, tel fir mon annan- e ki aktyelman i fer en Will.  Then they could inherit.  Mon pe- I’m just presenting those 2 options ki- that we can look at.  But the idea being that it would be- I definitely want the Droit de Superficie to be right, that can be passed on to the heirs of the person or- because there’s testamentary freedom that we are pushing, can be passed onto anyone that the- that the holder of the right wishes.

        So 554 (5) I don’t think- I think we need to do something with it, so that it doesn’t become a right personal to the grantee.  I think we definitely will need to touch 554 (5). 

        Whether- and then of course 554 (2) (c) (1).  (2) (c) (1) which clearly states that not being a period greater than the life of the grantee.  I think this- I would ask that this part to be amended. And maybe there are other parts which will need to be amended in order to incorporate the principal that I am pushing for. 

554 (2) which 2 (a) which states clearly that a Droit de Superficie, can be created only by written agreement.  I think- well I have a problenm with that.  Given that contracts can be verbal as well. 

        Given that in Law, if I can be a witness and if certain things have had happen to prove that the there was a contract.  I mean for example. 

        For example if I am building my house on your property, on Mr Pool’s property, and Mr Pool is alive, and there’s no objection, there’s nothing.  It will indicate that- but we don’t have a written agreement.  It will indicate that Mr Pool and I had an agreement for me to build.  To be able to build my house.  Or else Mr Pool would say to me ‘Hey stop building your house’.

        So given that there are certain ways to prove that a Contract did exist between 2 persons,  I am questioning as to whether we should insist that 554 (2) that a Droit de Superficie can only be created by written agreement.   I’m questioning this and again I would ask that we find other words that would also cover instances where there has been a verbal agreement. 

Obviously 554 (6) also will- this- where it says ‘’ that children of the grantee who were living with and dependent on the grantor, has the right to occupy the dwelling house for a period of 1 year’’. 

        I think based on what I’m putting forward – this one too, will have to change if we are to give a period of time for that Droit de Superficie. 

        And what about in a situation where following the line of argument that I am putting forward, in order to be able to renew the Droit de Superficie.  Can that be done? 

        And if the children- I am mentioning that because there is a clear case that i have been dealing with on Praslin.  Where it is clear that it was a Droit de Superficie.  But the person who gave the Droit de Superficie has passed away since.  And the children-the children of the person who was granted the Droit de Superficie- well there father has passed away as well. 

        So now the heirs of the grantor, saying no, no, no!  You’ve got to start paying a rent now.  And they are arguing that no, this was a Droit de Superficie.  And the heirs of the grantor are even saying.  Look we will bring a case to Court for you to be evicted. 

So how can?  I mean- I’m sure you- the panel and Honorable Georges understand the position, the complexity and also the position that I’m moving forward.  Because i think we definitely have to protect the heirs – the heirs or whoever the person passes that right to. 

        But simply to say, simply to equal Droit de Superficie to Droit de Jouissance.  Because actually it becomes a sort of Droit de Jouissance now.  Because it’s only during your life time that this right is enjoyed.  And once you die, it’s gone. 

        So this is Mr Chairman se sa ki mon pe anmenn devan.  E mon ti ava demande ki nou siport sa pozisyon.  Parski mon krwar ki i osi annan en eleman, en eleman Lazistis.  Kot par egzanp en dimoun i kapab in ganny drwa pour li konstrir- pour li- in ganny sa Droit de Superficie.  E apre ki in konstrir en zoli lakaz 3 lasanm, zoli.  Sa dimoun i mor.

E zis koman i mor, in depans sepa konbyen- konmela en lakaz 3 lasanm avek bote, tiles ladan tousala plis ki R1milyon.  I mor son fanmir pour ganny drwa reste ladan zis pour 1an.  E apre sa zot pour bezwen sorti.  Mon krwar ki poudir i annan en lenzistis la.  I annan en lenzistis.  Non, non ou pa kapab subdivide la.  A mwen ki sa dimoun i la.  So mon met sa devan pour nou konsiderasyon.  Mersi bokou Mr Chairman.

 

MR SPEAKER

Mersi Onorab.  Onorab Paul Ernesta.

 

HON PAUL ERNESTA

Mersi Mr Chair.  Mr Chair bonn apre midi.  Bann Koleg Onorab bonn apre midi.  Mr Chair mon pwen i lo 554.  Si oule mon’n vwar li – i sa enn ki an bold –  an rouz.  Kot i annan serten konsern lo kwa serten propozisyon ki ti’n mete, kot sa Droit de Superficie en dimoun i kapab osi designate the area.

Dan sa konteks, ki grander ki zot minimum?  Ouswa son pli gran ki zot kapab entitled pour gannyen?  (1).

Apre dezyenmman baze lo menm lespri.  Annou dir sa dimoun i mont anler, prezan in go up– prezan in-akoz nou konnen osi ler en dimoun i zwir son lespas antye menm anler ek ater.  Ki si i osi kapab dan sa konteks expend pour li pas par lao sa bout later?  Thank you Mr Chair.

 

MR SPEAKER

Mersi Onorab Ernesta.  Onorab Pillay.

 

HON SEBASTIEN PILLAY

Mersi Mr Chair.  Bonn apre midi.  Mr Chair mon mwan pe ganny en pe difikilte.  Akoz mon osi mwan of the mind ki nou annan bann- en bon pe bann sirkonstans kot sa bann dimoun ki pe reste lo serten later, zot in ganny mete la par bann propriyeter ki since then in ale, e zot in ganny petet en Droit de Superficie.

E prezan zot pa kapab vin fer- zot bezwen swa al fer en prosedir pour fer akizisyon par preskripsyon ki li menm li i en lot prosedir ase konplike, ase konpleks.

So.  Me lo lot kote osi prezan ou annan sityasyon Lartik 26 Konstitisyon.  So kwa ki kapab ganny sanze an relasyon avek sa sityasyon Droit de Superficie?  Ki fer ki i vin pli- si ou oule i vin pli in keeping avek sa konteks san ki ou pe retir drwa ki sa lot dimoun i annan pour zwir son propriyete anba Lartik 26.

Se sa konpleks ki mon mwan pe vwar.  Akoz menm the whole laspe ki nou pe koz lo la, la.  I pa ti la avan li.  Sa in come out of bann jurisprudence ki’n vini e zot- e mon krwar ou’n- bann drafters in sey rod en middle ground or tou sa ki’n ganny dir pour sort of anmenn li ansanm.  Me eski sa i pa met nou an konfli avek Lartik 26?  Mersi.

 

MR SPEAKER

Mersi Onorab Pillay.  Onorab Churchill Gill.

 

HON CHURCHILL GILL

Mersi Mr Chair.  Mon oule en klarifikasyon lo kote –  Nou konnen lontan ler en dimoun i travay kot en msye,  si son kondwit i bon,  apre en serten letan i napa en landrwa pour li met en lakaz.  I ganny dir be ok, met ou lakaz la.

E ler sa i ganny fer, mazorite fwa, napa dokimantasyon.  E ozordi i annan bokou dimoun ki vwar zot dan difikilte.  Zot in reste 15, 20an, 30an, 40an, dan sityasyon koumsa, ki ou advise en dimoun i kapab fer, ki li i dan tel sityasyon?  Mersi.

 

MR SPEAKER

Mersi Onorab Gill.  Mon krwar mwan osi mon annan en pti konsern lo la.  Mon konn detrwa dimoun ki ti napa en lagreman, napa okenn dokimantasyon.  E ozordi zot in perdi.

Menm si zot in sey al konteste devan Ankour.  Zot in perdi sa Drwa, enkli menm petet batiman lo sa teren, sa later.  E zot in menm perdi larzan ki zot in al konteste sa bann sityasyon Ankour.  Anyway nou ava donn la parol Onorab Georges.

 

HON BERNARD GEORGES

Mersi Mr Chair.  Mr Chairman mon kontan tou sa bann largiman ki’n ganny fer, e tou sa bann pwen ki’n ganny met devan.  Akoz i montre konpleksite sa drwa.

E ki mannyer nou bezwen sey rod en fason pour nou ariv a en solisyon.  I posib ki fason ki’n ganny met devan la, i en pe tro fasil.  Akoz i dir ou fer en written agreement, i personnel pour ou e i mor avek ou.

Mon krwar en Droit de Superficie i annan- i en pe pli konpleks ki sa.  E sa set en- si mon kapab dir li, en easy way out.  Me ki pa pour koresponn a lazistis bokou ka.

Natirelman, sa ki nou fer ozordi pour aplik pour the future.  Bann Droit Acquis ziska ozordi pour-pa pour ganny afekte.

Me zis pour montre zot konpleksite, e ki mannyer lezot landrwa in aplik li.  Mon ava tre brièvement montre zot sa ki’n arive Belgique.   Belgique in dir, o komansman 555- anfen zot, zot annan en lot Lartik- en lot limero lartik.  La kot nou nou’n dir ‘‘Droit de Superficie is alright eksetera’.  Zot, zot in dir’ le Droit de Superficie est un Droit Réel’’.  Lanmenm la i- ou’n fini vwar i pa personnel.  I pour- ou kapab fer sa ki ou anvi avek.  E réel i atas avek later.  La i diferan.  Apre i parey.  Batiman, ouvrage, plantasyon, eksetera.

Nenport ki dimoun i dir.  ‘’Le Droit de Superficie peut être constitué par toutes titulaire dans Droit Réel immobilier dans la limite de son Droit.’’  So anybody ki i annan en later, i kapab donn en Droit de Superficie a en lot dimoun.

L’article 2.  ‘’Ce qui a le Droit de Superficie peut l’aligner. ’’  Donk ou kapab vann, ou kapab transmet li avek ou zeritye.  E lipoteke.  Ou kapab menm ipotek en Droit de Superficie.  Isi Sesel i pa pour marse.  Akoz napa en labank ki pour pret ou en larzan kont en Droit de Superficie. Alor it doesn’t apply.  Se pour sa rezon ki nou pa met li.  Me si i en Droit Réel teorikman ou kapab fer li.

L’article 3.  Le Titres constitutif du Droit de Superficie devoire être transcrit dans le Registre Publique.  Donk laba ou bezwen anrezistre li.  Alor La Belgique i pour bezwen vin en dokiman an ekrir.

‘’ Le Droit de Superficie ne pourra être établir que pour un terme excédent 50 année.’’  Donk maximum, 50an.  Sauf  la faculté de le renouveler.’’  Donk ou kapab renouvle.  Ou kapab extend.  En pti pe parey bann lease isi Sesel.  For 90 years subject to the Right to extend it.  E apre leres i parey.

Donk vwala mannyer zot, zot in fer li.  Anfen i bon, san bon.  Akoz i annan son-konmsi John Wirtz ti annan son bon kote, e i annan son move kote.  Si mon kapab zis re tous enn de bann kestyon, san neseserman reponn zot dan lafason ki zot in ganny demande.

Onorab Ernesta wi.  En Droit de Superficie ozordi napa en limit lespas.  E Onorab Woodcock osi i demann sa kestyon.  Napa en limit lespas.  Si mon dir ou, be fer ou lakaz la.  Ou annan sa lespas kot ou fer sa lakaz.

Me a mwens ki mon mwan dir ou.  Ou a kapab pran en kare 40 par 40 oubyen 50 par 50 ou kapab zwir lo sa lespas kot ou pe- kot ou pe plas ou landrwa ek son curtilage otour pour ou enjoy sa landrwa.

Ou kapab monte mannyer ou anvi.  E ozordi ou kapab extend li, ou kapab sanz son konstriksyon.  I kapab ler mon’n ganny mon Droit de Superficie ti pour met en lakaz an tol ek dibwa.  E apre sa mon deside fer li vin an blok.  Napa nanryen ki anpes mon.  Sa Droit de Superficie i atas- son drwa i atas avek sa later.

Onorab Ramkalawan, mon krwar i annan en bon pwen.  E mon rezwenn li lo la.  I pa en- i pa vin koman en sirpriz pour zot.  Ki mon pa krwar en La Jouissance i mor avek ou.  En La Jouissance ou enjoy en keksoz ki la deza.

En Droit Superficie ou ki vin konstrir lo sa later.  Ou ki anmenn en apport.  Alor i pour en pti pe mal si mon fer mwan lakaz apre ler mon mor san plis ki sa, i revin pour propriyeter.  Ou kapab fer li koumsa.

Si mon fer en Kontra kot mon dir mon ava fer mon lakaz.  E ler mon mor i pour vin pour ou.  Si mon mor demen, oubyen si mon mor dan 50an, napa problenm.  I ava vin pour ou.  Sa nou’n tonm dakor.

Me en Droit de Superficie dan Lalwa,  se presizeman pour bann dimoun ki pa’n fer en agreement ki i annan tou sa bann keksoz ladan.

Onorab Woodcock wi.  Mon osi mwan dakor ki i en Drwa ki devret ganny transmit parey i ete ozordi.  Ou pa kapab les li dan ou Testaman.  Be mon pa krwar Onorab Ramkalawan ki nou devret obliz en dimoun fer en Testaman.  Akoz Lalwa i bezwen la pour protez en dimoun ki an depi li menm i pa fer en keksoz.  E ou bezwen protez li, ou bezwen anmenn en serten Lazistis ler i pa fer en keksoz ki i ti’n devret fer.

I annan en prosedir ki mon pe sey- ki mwan mon’n seye.  Pa toultan avek- mon bezwen dir avek en fason reisi.  E sa i ava kekfwa reponn kestyon Onorab Churchill Gill.

Ki mannyer ou pour montre sa keksoz, ler napa neseserman en dokiman?  Kote ou pour ganny en laprev pour ou montre sa?

Konmela anba Lalwa, e sa set en Lalwa Angle anba Land Registration Act.  E i montre ankor enn fwa ki mannyer i annan sa maryaz.  Sa mix jurisdiction ant Lalwa Franse ek Lalwa Angle.

Anba Land Registration Act Lartik-Seksyon 25 i annan en seri keksoz ki apel ‘‘overriding interest’’.  Se bann keksoz ki override the Register.  Donk si mon mwan annan en bout later ki’n anrezistre lo mon non, e lo la mon’n donn en Droit de Superficie en dimoun, sa dimoun i kapab dir ‘‘mon drwa i override ou Droit Propriété.

Ou propriyeter.  Me sa Drwa ki mwan mon annan- malgre ki i pa’n anrezistre i la.  I egziste.  Donk ou pa kapab deny mwan.  Akoz sa Lalwa in dir ki i la.

Me i annan en meyer fason fer li.  E sa se ankouraz parey L’Angleterre anba zot menm Lalwa Land Registration laba, zot ankouraze.  Osito ki ou annan en Drwa, anrezistre li.  Menm si i en overriding interest, anrezistre li pour ki tou dimoun i a konnen ki ou annan sa drwa.

Donk se koumsa ki kekfwa en Droit de Superficie nou kapab kre en kategori lanrezistreman pour anrezistre en Droit de Superficie.  E otan ki posib, e mon krwar i byen.  Belgique in fer li byen.  Otan ki posib ou devret anrezistre.

Me mon mwan ti ava menm kontan vwar en Drwa i egziste menm si i pa’n ganny anrezistre.  Akoz kekfwa de facto i en Droit de Superficie.  Me ki pa’n ganny anrezistre.  Donk basically, Lalwa mannyer i ete ozordi.

Donk Mr Chair, mwan mon krwar si i annan subject to okenn lezot largiman ki kapab annan.  Si nou annan en konsansis lo fer li vin en real right transmisib;  swa pour en peryod letan ki nou ava determinen ouswa non.  E ki si-e ki written agreement i ava enn bann fason, me pa sel fason pour nou konstitye en Droit de Superficie,  Mon krwar ki nou kapab revwar Lartik 554 between la avek demen bomaten.  E re propoz en draft ki ava anmenn sa bann eleman onboard pour desizyon Lasanble.

 

MR SPEAKER

Mersi Onorab.  Onorab Churchill Gill.

 

HON CHURCHILL GILL

Zis en sizesyon ler nou pe fer refleksyon lo sa draft.  Nou bezwen pran kont, mazorite sa bann dimoun ki lo sa bann later la,  zot pa bann dimoun ki i annan posibilite ganny en lot later.  Basically zot bann dimoun ki pour la zot.  I bon nou pran sa a kont ler nou pe reflesir lo sa draft.  Mersi.

 

MR SPEAKER

Mersi Onorab.  Onorab Afif.

 

HON AHMED AFIF

Mersi Mr Chair.  Mr Chair mon mwan ti a kontan propoze ki anba 554 (2) (c) (1) ki petet pour adres sa sityasyon kot sa dimoun ki’n ganny permisyon lo sa Superficie i mor.  E toudswit sa drwa i sorti avek li.  Ki nou tir sa bout kot i met ‘‘not being a period greater than the life of the grantee’’. 

Sa i an- pour siport largiman ki’n ganny leve avan.  E mon krwar enn bann keksoz ki petet i kapab ede dan sityasyon ozordi osi.  Onorab Georges fek mansyonnen poudir napa labank ki prete kont en Droit Superficie.  Petet nou al labank ki kapab prete.  Parske enn bann risk ki zot trouve ler zot annan en Droit Superficie,  se parske limit letan i baze lo lavi sa dimoun e zot- napa en labank ki kapab determinen konbyen letan – ler en dimoun pour viv.

Me si dan en Lakor, dan sa agreement ou annan en peryod letan ki fix.  E laplipar bann loan i 25an.  20an, 25an.  E si nou pe koz 50an,  e labank i konnen poudir sa propriyete i la.  I kapab ganny- zot kapab annan en drwa lo la.  Then i kapab ede pour bann dimoun ganny loan osi.  Sa petet en lot largiman ki nou kapab servi.

Me selman ki bor i fer li vin transmisib?  Sorti lo sa dimoun ki mor.  Mon pa tro konnen kote kot i vini.  Si i pour vin anba 554 (2) (a) ‘‘only by written agreement’’.  Apre kekfwa ou azoute poudir i kapab vin dan sa agreement.  Ou kapab met li transmisib.  Zis en komanter.  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  En tre bon propozisyon.  Mon mwan krwar ki kekfwa si lentansyon- e klerman lentansyon se pour esey fer dimoun fer zot Droit de Superficie an ekrir.  E ladan ou ava annan tou bann eleman.  Grander, longer eksetera.

Donk kekfwa nou kapab revwar 554 en dissent en Droit de Superficie i ava an ekrir.  I ava kontenir bann keksoz koumsa swivan e i ava ganny anrezistre.

Epi- apre pli tar si i pa ganny fer an ekrir.  La, la bann eleman ki pour kapab konstitye li.  Alor nou ava montre- Lezislasyon i ava pe montre the norm is a written.  Me solman si ou pa fer li an ekrir.  La, la kot ou pour tonbe.  Mon krwar si nou fer sa, nou ava pe anvoy en mesaz laba deor.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi Mr Chairman.  Mr Chair pandan letan ki nou’n annan sa deba lo sa Prozedlwa ki devan nou.  Nou’n fer en pe resers osi vizavi bann case Ankour ki lo- ou kapab gannyen lo SEYLII e get bann zizman e menm annan bann essay ki’n ganny ekrir lo sa zafer Droit de Superficie.

I paret poudir i annan pa mal konpleksite, ouswa lekspresyon o tour sa sityasyon admet en Droit de Superficie.   Ler nou pour fer sa ki nou pe fer ek sa Lalwa la, la, nou pe tret bann sityasyon ki pe vini.

Me konsern Onorab Gill ki mon krwar i konsern lamazorite nou la anndan, ki’n koz lo la, ki nou pe sey konmsi met sa an sa,  se bann dimoun ki deza annan en sityasyon.  E la kot konsern Leader Lopozisyon in raise, i enportan.

Nou pe dir poudir sa Drwa i bezwen an ekrir.  So si par egzanp sa dimoun ozordi li ki pe dir poudir par egzanp Mr Georges ti donn mon mwan Droit de Superficie ti dir mwan fer mon lakaz la, eski nou pe dir ek sa bann dimoun dan sa kategori, zot pa pour kapab vin la akoz zot pour pri an ekrir?  Eski nou pour bezwen prezan al fer sey rod akizisyon anba preskripsyon ki vin pli konplike?

So sey tir nou dan sa sistenm.  Akoz ozordi vi ki napa en Lalwa,  ou kapab fer Lakour pronons li lo en Droit de Superficie.  So i sa 2 kondisyon ki mon pe sey kapab konpran.  Mersi Mr Chair.

 

MR SPEAKER

Mersi Onorab.  Onorab Mondon.

 

HON TERENCE MONDON

Mersi Mr Speaker.  Mr Speaker anliny avek bann diskisyon ki nou- lo sa size la, sa Droit Superficie.  Mon panse- nou pe get lavenir.  Nou pe get lavenir.  Savedir pwen komansman se nou pe met lanfaz ki devret annan en lagreman an ekrir.

Petet sa clause 554 (2) (c).  Petet la ler nou pe koz sa written agreement ki mon krwar i la baz.  Nou devret met lanfaz lo la.  Ki nou elarzi li, petet met bann lezot eleman ki sa lagreman i devret pran kont.  Sa bann size konsern ki parey sa leritaz bann- tou sa bann eleman petet i devret pe ganny liste anba sa clause- petet ki sa dimoun aprezan ler pour antre dan en lagreman Droit Superficie, i a konnen poudir i kapab met tou bann eleman.

Dan en fason ki i donn sa fleksibilite akoz i konpleks.  I annan dimoun petet pa pour donnen si nou tro rize nou osi lo- dan Lalwa.  Petet nou donn sa fleksibilite.  Aprezan sa dimoun ek sa grantor zot kapab deside lekel ki zot pour mete ladan dan sa Droit Superficie.  Sa mon sizesyon.  Mersi Mr Speaker.

 

MR SPEAKER

Mersi Onorab Mondon.  Onorab William.

 

HON WAVEN WILLIAM

Mersi Mr Speaker.  Mr Speaker mon anvi en pti leklersisman avek Onorab Georges.  Anba 1348 (c).  Mwan mon anvi konnen par egzanp en Droit Superficie,  eski prenon kont realite lavi Sesel, e osi lo kote loportinite ki i annan,  eski en Droit Superficie devre osi mansyonn the purpose?

Par egzanp, eski en Droit Superficie ozordi i allow en dimoun pour fer biznes?  I reste, eski i allow?  Menm la nou pe mazin change of use.  Konmsi ki prosesis.  Eski Lalwa ozordi, ki mannyer i ete, bann Lalwa i kouver sa?  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Mr Chair pour reponn Onorab William.  Si nou gard at least en konsep, en written agreement koman sa keksoz ki nou prefere.  E nou gard ler i annan en written agreement.  Sa ki lo Board (c) (1) (2) ek (3) dan 2- dan little 2 ou bezwen spesifye pour ki rezon ou pe donn sa Droit Superficie.  Donk sa i ava take care of a change of use.

The manner in which the construction made in the exercise right, will be dealt with- oh sorry.  Non eskiz mwan.  I pa sa ditou.

Wi mon krwar nou devret include li dan (1).  The period, the place, the area and the purpose.  Mon krwar ou annan rezon.  Mon krwar nou devret insert li la.  Mersi bokou.  Mon ti’n mal lir lot bout.

E pour reponn Onorab Pillay, sa ki nou sanze la, i pour aplik ‘‘from now on’’.  Tou bann Droit Acquis, tou bann Droit de Superficie ki egziste ziska ozordi, pa pour ganny afekte.  E sa i pour ganny- i pour rantre somewhere dan sa Kod, pour dir ki tou bann Drwa ki’n ganny sanze, pour bann Drwa prospektis e non pa retrospektif.  Sa ki egziste ziska prezan, pour egziste.  E kekfwa nou devret dan sa konteks dir ki si nou sanze- si par egzanp nou fer li vin en Droit Réel, en Droit Personnel oubyen en Droit Réel pour dir ki sa pa pour sanz okenn Drwa ki’n ganny acquired ziska aprezan.  Mersi.  Tre bon pwen.

 

MR SPEAKER

Mersi Onorab Georges.  Onorab Pillay.

 

HON SEBASTIEN PILLAY

Mon annan en konsern.  Mon konsern e se ki mon konpran poudir nou pour annan osi provizyon transitionnel ki pour fer ki nou pour-bann aksyon ki’n ganny pran pa pour ganny afekte.

Be problenm ki nou annan, se ki sa bann rekour ki sa bann dimoun in gannyen,  zot in nobou ganny li par lefe ki ti napa serten baryer legal la ki mon pe vwar li.

Par egzanp ozordi ou pe dir nou poudir sa Droit de Superficie i bezwen an ekrir.  I bezwen in ganny sa an ekrir.  Ozordi parey i ete la, en dimoun i al Ankour e i challenge.  I fer en case Ankour pour li kapab ganny sa.  Konpran mwan?

Be ler nou’n pas sa.  Sa dimoun ki li i napa sa an ekrir e pe rod sa rekour.  Vi ki petet i pli difisil pour li al ganny akizisyon par preskripsyon.  Ki li i pour fer aprezan li?  Vi ki i napa en Droit de Superficie an ekrir.

So ou pour annan sa konte, sa group dimoun ki ou pour les an deor, ou konpran?  So petet eksplik nou ki mannyer nou pran sa bann dimoun.

Prezan ou pour annan 2 kalite Droit de Superficie prezan.  Ou pour annan 1 ki’n ganny donnen avan ki sa Kod in ganny amande.  Ki li i pour preskrir keksoz dan en fason.  I pour apel en Droit de Superficie osi.

E ou pour annan en lot kalite Droit de Superficie ki pou’n ganny donnen apre sa Kod.  Ki pour eksprim keksoz dan en 2 fason.  Dan lot fason.  So, eski sa i pa al kont Lespri Konstitisyon in terms of equal treatment before sa- in terms of bann legal rights ki bann dimoun i kapab annan an se ki konsern bann case sivil

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Wi mon krwar nou bezwen- mon krwar nou pour bezwen dan sa ka.  Si i annan en sanzman regime; met en clause poudir ki bann drwa ki a- ki egziste pa pour sibir sa sanzman.  Sel landrwa kot zot kapab ganny afekte,  se ki la nou met en limit.

Si dizon nou met en limit 99an dizon olye 50 pour ou servi en lot soz.  Sa ki zot annan ozordi ki an perpétuité pour ganny redwir par 99an wi.  Sa i kler.

Me eski Lalwa i kapab annan sa lefe retroaktif?  Mon pa sir.  Akoz nou menm nou nou’n mete pli boner.  Me i pa pour premye fwa ki sa i arive.  Sak fwa nou sanz en keksoz.  Nou sanz Lalwa, nou sanz fason fer.  E serten dimoun i ganny afekte.

Me solman sel keksoz ou pa kapab afekte, se Droit Acquis.  Ou pa kapab take away acquired rights.  Alor nou a bezwen trouv en formil pour fer sir ki sa pa arive.  Akoz sa set en prensip Lalwa ki nou pa kapab sanze.

 

MR SPEAKER

Mersi Onorab Georges.  Onorab Pillay.

 

HON SEBASTIEN PILLAY

Mersi Mr Chair.  Mr Chair be la i annan lot kote osi.  Nou bezwen regard kote osi sa dimoun ki propriyeter sa later, ki sa Drwa ki i annan anba Lartik 26, pour li zwir son propriyete.  Si ou pe fer sanzman ki pour fer ki bann drwa.   E si prezan nou pe dir ki nou pe fer serten sa bann drwa sanze an relasyon ek bann sanzman ki nou, nou oule fer.  Savedir nou oule ki i pran lefe osi lo bann drwa ki bann dimoun i annan ozordi ki zot kapab vin fer laplikasyon anba bann nouvo Lalwa.

Then eski prezan nou pe respekte drwa sa dimoun ki li i propriyeter.  So nou pour raise.  Se pour sa rezon ki sa bann sanzman ki nou pour propoze in terms of met en increase sa limit transmisyon pour sorti from lifespan sa dimoun.

Mon kontan ki nou’n finalman met Droit de Superficie dan en Lalwa, ki nou pa les li at the whims – pa at the whims  me it’s subject to interpretation.

Me problenm ek sa, se ki sa Droit de Superficie i vin en nespes Kontra ant mwan avek sa dimoun ki mon pe grant li sa Droit de Superficie.

Si mon pe grant meton par egzanp papa Mr Pool sa Droit de Superficie, i mon lagreman ek son papa.  Mon zanfan i napa menm lagreman avek Mr Pool.  Mr Pool li i a bezwen strike menm lagreman ek mon zanfan.  So si nou pour dir prezan nou pe met transmisyon lo la.  E ou menm ou, ou konn tre byen;  ki kalite sityasyon nou pour kree legalman la deor, si sa i vin le ka, given ki mannyer nou  Droit Propriété Sesel i ganny viewed – e lafason ki nou enshrine li e nou protez li si ou oule – dan koton.

Pour asire ki- parey nou tou nou’n dir, in annan serten fason ki’n ganny trete dan lepase ki pa ariv ankor.

So reasir nou, ki sa ki nou pe fer would be the best approach.  E ki nou napa okenn dout ler nou siport sa.  Mersi Mr Speaker.

 

MR SPEAKER

Mersi Onorab.  Onorab Georges.

 

HON BERNARD GEORGES

Wi Mr Chair.  Nou ava reasir nou lekor demen ler nou vwar texte ki nou panel i ava vin avek.  Me mon krwar ki menm ozordi, parey mon ti dir bomaten.  Droit Propriété anba Lartik 26 i pa en Droit Absolu.

E si ou annan en propriyete ki i annan en Droit de Superficie lo la,  ou propriyete i mwens bon ki enn ki napa en Droit de Superficie lo la.   Alor ou Drwa pour zouir propriyete i sa propriyete ki ou annan.  E non pa sa propriyete ki ou ti ava swete annan.  Alor tan ki sa Lalwa ki nou pe al pase la, i en Lalwa ki kler, aksesib e ki anmenn, e ki reasonable in a democratic society for the public good, mon krwar it will meet the test of constitutionality.  Me panel ava fer sa desizyon.

 

MR SPEAKER

Mersi Onorab Georges.  Would the panel like to add anything?  Mr Pool or Professor?  Non, ok.  Dakor.  Mon krwar nou ava- a sa moman la nou ava pran en break.  E ler nou rantre nou ava pran 556 Encroachment.  E mon swete apre nou a kapab move lo aksesyon osi.  Onorab Georges.

 

HON BERNARD GEORGES

Yes Mr Chair mersi.

 

MR SPEAKER

So nou ava break, nou ava retournen 4er.  E nou ava kontinyen parey nou’n dir.  Nou break.

 

(BREAK)

 

 

MR SPEAKER

Bon nou ava kontinyen nou travay.  E parey mon ti’n dir ler nou’n break, nou pou pran Lartik 556 ki pou dil avek encroachment.  Apre mon swete ki nou ava kapab bouz lo aksesyon.  E nou pou aim ozordi pou nou fini apepre 5er.  Mon a donn laparol Onorab Georges.

 

HON BERNARD GEORGES

Mersi Mr Chairman.   Mr Chairman sa Lartik 556 ki annan pou fer avek encroachment i en nouvo Lartik.  Egzakteman parey droit de superficie 554 se en Lartik ki pa ganny trouve dan Code Civil aktyel.

Me ki’n ganny anmennen la, swivan en seri zizman ase resan Lakour, Lakour Sesel.  E ler mon dir ase resan, mon pe koz dan sa dernyen 10an.  In annan enn de ka encroachment ki’n definir en ziripridans ki ase serten,  ki bann, ban n dimoun ki’n drafte sa Code in kapab fer en teks avek.

Ler nou koz lo 553(4) ek (5), se kot en konstriksyon i ganny fer konpletman lo later en lot dimoun.  556 se kot en konstriksyon i ganny fer parsyelman lo later en dimoun, en encroachment.

Pou fer en bout ou lakaz, oubyen en bout ou store, oubyen en bout ou miray lo later ou vwazen.  E pou sitye sa ki nou pe al dir dan konteks,  nou bezwen vwar 2 kategori keksoz.

1 se en encroachment ki nou apel de minimis.  Setadir i pa en gran encroachment.  Si mon fer en miray ros lo mon later.  Akoz mon later i en pe pli o ki later mon vwazen,  e mon mason by mistake i fer sa miray lo mon balizaz, me a en serten moman i stray lo later mon vwazen.

E kekfwa lo en longer, en 10, 15 met.  Sa dernyen 4,5 met i antre en pti pe kot mon vwazen par 30, 50 santimet.  Kekfwa menm 1 met.  E sa miray i en gro miray, byen o.

Mon’n encroach.  Anba konsep Lartik 26 nou Konstitisyon e Lartik 545 nou Code Civil, ou’n enterfer avek mon enjoyment propriyete.  Alor ou bezwen retourn mon propriyete mannyer i ti ete.

Eski i zis? Eski i zis, i apropriye pou ou dir avek sa dimoun kas sa miray e refer li par bouz li pou zis en pti pe, en pti morso?  Or parey nou’n vwar dan plizyer, dan enn de ka.  E legzanp ki ganny donnen se dizon olye as a Trade Center oubyen Victoria House ler i ganny fer –  i manz en pti pe, dizon lo tou son longer i manz en met par anndan later son vwazen.  E ler konstriksyon in fini fer, zot vwar sa.  Strikteman parlan anba sa 2 lartik ki mon’n mansyonnen, ou bezwen kas sa batiman antye e remet li dan son labord.

Obviously konman en pei modern, sa se pa en keksoz ki i, ki nou kapab aksepte dan tou ka.  Alor bann Lakour, Lakour in dir ki dan sa bann ka, ou ava, depandan natirelman lo bonn fwa parey nou pou vwar or movez fwa.

E depandan lo lakantite ki sa encroachment ki i ete.  Olye demann sa dimoun pou kas son batiman e pou retir sa encroachment, Lakour i kapab dan serten ka fors sa propriyeter ki’n ganny encroached pou vann sa morso later avek sa enn ki’n encroach lo li.

Pou ki en serten lazistis i  kapab ganny anmennen.  E sa parey mon dir, in sorti dan en seri, en seri zizman dan Lakour Siprenm ek dan Lakour D’Apel.

E in defini sa, sa konsep.  Alor sa ki’n ganny fer la dan 556 se sa ziripridans in ganny formile dan en teks,  ki dir ki en encroachment se en striktir oubyen en travay lo later en dimoun, ki extend san lotorite en lot dimoun, lo later en lot dimoun, lo later son vwazen.

Ler i annan sa encroachment Lakour i ganny donnen pouvwar pou li fer lord ki pou anmenn lazistis dan sirkonstans sa case.  E ler Lakour pe deside pou egzers son diskresyon pou fer lazistis, i pou pran an konsiderasyon sa 4 fakter swivan.

Premyerman ler sa dimoun in encroach an bonn fwa, i kapab ganny ordonnen pou aste sa bout later kot in encroach lo current market value.  Or ki kapab vin and osi, konpans sa owner sa later ki in encroach lo la.

Akoz sa dimoun pe perdi, pou vin perdi enjoyment en bout son later.  Si encroachment i ganny, i fer, in bad faith.  Sa dimoun ki’n encroach i ava bezwen pey domaz e swa retir sa encroachment e restore son later dan son kondisyon avan.

Or aste sa bout later lo son existing current market value.  Lakour i ava deside dan ka kot i kapab ganny removed avek dan ka kot i pa kapab.

Si sa propriyeter later kot encroachment in vini lo mon later ki mon vwazen in encroach, si sa dimoun ti konnen o moman ki ti annan sa encroachment, ki son vwazen ti pe encroach lo son later.  E i pa’n fer nanryen.

Son vwazen pa pou ganny lord pou retir son encroachment obviously.  Akoz ou’n les li, ou’n endwir li an lerer.  Alor ou pa kapab demann li tire pli tar.  Alor i ava ganny zis domaz.

Oubyen ou a bezwen ganny, ou a bezwen aste sa bout, ou a bezwen vann li sa bout, li i ava bezwen aste sa bout kot in encroach.  Ler encroachment i lo en later ki dan domenn piblik, lentere piblik i ava ganny proteze par Leta.

E Leta i ava pran aksyon konman sa propriyeter dan sa domenn piblik.  E pandan, dan ka en encroachment, priyorite i ava ganny donnen par en prensip ki premye prensip se remove encroachment e restore later dan son kondisyon.

Menm si sa in ganny fer an good faith or bad faith.  Setadir premye priyorite se pou tir sa encroachment.   Sa se priyorite.

Se zis ler ou pa kapab tire, oubyen ler i pa pou zis pou tir, ki ou kapab fors sa dimoun ki’n encroach pou li aste sa bout ki in encroach lo la depandan lo si i dan good or bad faith.

Vwala Mr Chair sa, sa se en nouvo, en nouvo propozisyon ki reponn konpletman legzizans bokou dimoun konmela.  E ki sorti direkteman dan en seri zizman parey mon’n dir dan Lakour recently.

 

MR SPEAKER

Mersi Onorab Georges.  Onorab Woodcock.

 

HON WAVEL WOODCOCK

Mr Speaker mon kestyon i baze lo en sityasyon annefe ki mon pe dil avek dan mon distrik.  Ki mon konsernen li en  gran lenzistis, e mon kapab nonm non sa dimoun Mr Gaytan Bristol, en msye trwazyenm-az.

Son konsern li se ki lo son propriyete i annan en lanmar.  Selman son taso i zis an deor, an deor sa lanmar.  Konmsi zis en pti gin an deor balizaz sa lanmar.

Prezan i annan en lot dimoun ki’n aste en bout later akote li, sa dimoun in vini in fer en miray lo sa lanmar.  E i pe dir poudir sa lanmar i piblik, alor i pa pe encroach lo propriyete sa msye.

E sa i ase frekan bann ka koumsa.  Alor  mwan mon pe demande si bann provizyon ki annan dan sa Lalwa, i pou donn lazistis sa msye?  E si dan bann ka koumsa ki a plizyer repriz i arive,  kot i konsern bann lanmar ouswa larivyer ki lo en propriyete dimoun.  Si pou annan serten safeguard pou protez bann dimoun ki parey i annan bann dimoun an deor ki kapab zis vini ganny akse avek sa bann, lanmar ouswa larivyer ki lo propriyete sa bann dimoun.  Mersi.

 

MR SPEAKER

Mersi Onorab.  Onorab Aglae.

 

HON EGBERT AGLAE

Mersi Mr Speaker.  Parey Chairperson in fer resorti, Onorab Georges, i annan bokou bann ka ki’n, bann outcome in ganny zize baze lo bann ziripridans osi baze lo sa Lalwa ki nou pe anmennen la.

Me i annan de fwa, in arive ka osi ki mon okouran,  kot i annan serten dimoun ki’n vin fer serten travay par egzanp excavation work ki ganny fer –  e topography semen, topography sa teren li menm, in fer ki ler in encroach, ou’n kas en lateras ou’n encroach.  E menm taso tousala in ale.

E dan sa ka parey ou’n dir, si ou pe fer en miray, swa ou kas sa miray pou ou restore sa propriyete parey i sipoze ete.  E dan sa ka ler sa bann excavation in ganny fer napa fason pou ou restore sa later parey i sipoze ete pou ou kapab sa.

So dan sa ka, eski prezan nou pou bezwen al lo en fason kot sa dimoun pou bezwen al ganny en konpansasyon si i ariv Ankour.  Akoz napa fason pou ou kapab restore sa later ler ou’n kas sa lateras.  Sa i enn, i enn mon bann konsern ki mon’n fer fas avek.

 

MR SPEAKER

Mersi Onorab.  Onorab Esparon.

 

HON REGINA ESPARON

Mersi Mr Chair.  Mr Chair ankor lo encroachment, mon ti ava anvi konnen, si en dimoun in donn wayleave, in donn wayleave pou fer en semen.

Prezan sa amount of later ki zot ti sipoze servi pou fer sa semen, Gouvernman ki pe fer sa semen in encroach, pli gran bout later sa propriyeter.  E par lefe ki li in sinyen in donn permisyon pou pas lo son later pou al pli o, ki rekour ki i kapab gannyen?

Eski si Gouvernman ki encroach lo ou later, eski ou bezwen al Ankour pou ou kapab ganny en solisyon?

 

MR SPEAKER

Mersi Onorab.  Onorab William.

 

HON WAVEN WILLIAM

Mersi Mr Chairman.  Mr Chairman mon ti a kontan prezant 2 ka avek Chairman Bills Committee. 

Sa lespri ouswa sa pratik right of way la, an relasyon avek encroachment ki fason ki i antre?  Par egzanp si nou pe pran Barbarons, bann kare later ti’n ganny demarke.  Me semen li menm li pa ti ankor demarke.

Me la nou vwar ki letan semen i ganny demarke, en bon pe bann dimoun ki’n aste later zot vwar poudir sa bann semen ki’n antre lo zot propriyete.  So dan sa sirkonstans parey, ki rekour ki sa bann dimoun i annan?

Epi mon annan en lot ka La Misere kot, bon pe letan pase bann dimoun volonterman in asosye.  Zot in fer en semen.
Me ti annan en lakor verbal ant tou bann vwazen pou nou kapab fer sa semen.  Sa semen ozordi i motorable.

Me sa semen li menm li pa ti ankor ganny transfer avek Gouvernman pou maintain ouswa pou kapab fer bann konstriksyon.  Me, dir ozordi alor nou dekouver poudir be nou bezwen amelyor sa semen.

So sa bann dimoun ki verbalman ti donn sa laprouvasyon, lefe ki nou pe koz en encroachment ki pa’n ganny swa registered ouswa officially recognized, dan ki fason ki sa i ganny enterpret.  Akoz mon pe vwar la, i pou annan serten lanpayaz avek Lotorite avek distrik.

An menm tan lo sa menm size, nou vwar osi kot Lanmisyon in vann later.  Me zot in fer li an bonn fwa, kot right of way dan sa lepok pa ti tro petet dan lespri defen Frer Victor letan i ti pe fer sa bann, pran sa bann desizyon an bonn fwa mon kapab dir.

Me ozordi i annan plizyer bann sitwayen ki vwar zot dan bann plizyer difikilte.  So ki fason nou kapab dil avek sa bann sityasyon an relasyon avek Civil Code ki nou pe travay lo la ozordi?  Mersi.

 

MR SPEAKER

Mersi Onorab William.  Onorab Philip Arissol.

 

HON PHILLIP ARISSOL

Mersi Mr Chair.  Bann sityasyon parey nou pe rankontre, en pe dan mon distrik osi i annan.  Bann dimoun ki kas lateras zis lo balizaz epi ou vwar sa lateras i grennen.

Prezan ou pa konnen lekel ki sipoze responsab pou konstri miray.  Akoz letan lateras in grennen i vin morso parti later sa dimoun ki par anler.  E sa dimoun ki par anba, li ki’n kas lateras.

 

MR SPEAKER

Mersi Onorab.  Onorab Valmont.

 

HON JUDE VALMONT

Mersi Mr Chair.  Mwan mon zis anvi azout lo sa ki Onorab William in dir.  Ki i arive si parey, ou konnen, bokou demars in ganny fer pou fer semen.

Savedir en encroachment, i annan plan, i annan dimoun ki’n rod auto photo, ou’n vwar lo la i annan sa, sa semen in ganny trase.  E ou vwar lo la klerman, petet sa semen i encroach serten propriyete.

E mon ti a kontan zis ganny klarifikasyon si sa right sa semen la li menm pa’n ganny anrezistre kot Registry of Lands.  Alor eski ou kapab monte e fer sa semen konman endividi?  Oubyen Gouvernman i kapab monte?

Or sa bann dimoun ki zot propriyete in ganny encroached i kapab met sa bann parties ki anvi fer sa devlopman Ankour.  Mersi.

 

MR SPEAKER

Mersi Onorab Valmont.  Onorab Roucou.

 

HON CLIVE ROUCOU

Mersi Mr Chair.  Mr Chair dan 556(1), encroachment i refers to structure or works on land.

E mon ti a kontan Mr Onorab Georges ti ava eklersi nou lo bann striktir ki par egzanp son roof i depas balizaz vwazen.  Ki mannyer sa i antre ladan?  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Mr Chair mon a reponn Onorab Roucou.  Mon rapel ler mon ti’n, mon ti byen pli zenn, byen pli zenn avoka – mon ti defann en case anler Mont Buxton.

Kot efektivman Plenyan ti fer demann avek mon kliyan pou retir encroachment ki ti encroach lo son later.  E ler nou’n, ler nou’n realize, an mezir ki case pe ale, son encroachment ti tou dilon son twa lakaz deryer pou en pous anler lo son tol.

Alor sel keksoz ki mon kliyan ti bezwen fer, se rod en sizay e koup en pous tou dilon son tol.  And the encroachment, encroachment in fini.  Encroachment i en problenm isi Sesel.  Se pou sa rezon ki nou’n bezwen fer li.

Mwan mon’n fer, mwan menm mon mon’n fer case sa legzanp ki mon’n donnen taler lo en miray ros.  Mwan menm mon mon’n fer en case, kot sa miray ros son encroachment ti lo en miray ki ti apepre 30 met longer e 5, 6 met oter.

Sa encroachment ti pou en, apepre en lavaler apepre 2 met longer dan milye sa miray kot son vant ti’n antre par apepre en pous edmi lo later sa vwazen.  E donk mon pa pe blanm dimoun ki anmenn case Ankour akoz sa se zot drwa.

Ou napa drwa encroach lo propriyete ou kanmarad.  Me annan de fwa se pou sa rezon ki sa Lalwa i ganny anmennen pou dil avek bann case ki de minimis.

Pou ou pa al dir al kas en gro miray akoz son lipye miray in antre en ptipti gin lo en lot later.  An sa ki konsern tou sa bann kestyon ki annan pou fer avek right of way, setadir anler La Misere parey Onorab William in fer sorti, oubyen Onorab Valmont.

En right of way i pa neseserman en encroachment.  Akoz en, i kapab ki i en encroachment, i kapab en pe i encroach.  Me en right of way i ganny determinen par en lot seri Lalwa aki nou pou vwar dan lartik 682.

E enn bann keksoz ki pli, ki Code Civil i pli itil, kot i annan en gran kantite Lartik ki eksplike an gran detay ki pou arive avek right of way, se right of way, se easements.  Alor nou pou annan plen letan pou nou pas lo la.

E tou sa bann kestyon ava ganny reponn.  Akoz i annan son bann prensip zeneral.  Si ou fer en, si ou koup en lateras o bor en balizaz, e ki sa later apre i grennen e ou perdi en bout ou later.

Sa i pa vin neseserman anba encroachment.  I vin anba en lot bout Lalwa ki Lartik 1382.  Akoz i vin en fot, ler ou komet en fot ki koz en domaz, ou bezwen repar sa domaz.

Alor si mon vini mon koup mon lateras, e lateras i grennen, oubyen mon miray i grennen.  Akoz ou tir son lipye anba, sa ou pou bezwen refer, i pa encroachment, i vin en fot ki ou komet anba lartik 1382.

Mon vin prezan, e annefe Mr Chair, sa kestyon lateras lo balizaz, i anmenn nou lo en kestyon pye dibwa.  Osi lo balizaz ki ou fer avek pye dibwa ki overhang later ou kanmarad eksetera.

E la mon ava profite pou dir ki Mr Paul Labaleine, in call mwan, in dir mwan i pe espere avek en pasyans pou nou ariv lo sa pwen, ki nou pou arive tre byento, kekfwa menm demen.

Akoz i en problenm sa osi.  Tel parey problenm encroachment, problenm pye dibwa vwazen osi i en tre gro problenm.  E li dan DRDM i konsyan.  Akoz annan de fwa zot anvi tir, oubyen dezas dan sityasyon dezas.

Ou anvi tir en pye dibwa, ki drwa ki ou annan pou al antre lo en later pou tir en pye dibwa ki pe menas ki kapab fer en dezas.  Onorab Aglae ek Onorab Esparon in koz lo en, en right of way ki ganny fer, e ki avek oubyen san en way leave i manz dan en pli gran bout later.

I encroach an mezir ki i pe ganny fer lo en lot bout later, e i pa kapab ganny restored.  Dan sa ka, larepons i tre senp.  Si ou pa kapab restore, ou bezwen pey konpansasyon e domaz pou sa ki ou’n fer.

Pa neseserman anba lartik 556.  Although Lakour anba sa i kapab fer ou pey domaz.  Me sertennman anba Lartik 1382, akoz sa osi in vin en fot.  Ou pa ti annan permisyon pou fer, ou’n fer ou’n komet en fot, ou bezwen repar sa fot.

Ler ou pa kapab repar sa fot by restoration, ou bezwen repar sa fot by paying damages.  E finalman mon vin lo Onorab Wavel Woodcock.  En lanmar, si en vwazen, si en dimoun i annan son later o bor en lanmar e son vwazen i vini i fer en miray dan sa lanmar.

Lartik 556(7) ki lo Board, (7)(a) i antre an aplikasyon.  Akoz en lanmar i en domenn piblik, parey nou’n vwar.  E donk okenn, parey en lanbousir.

E si en dimoun i vin build lo sa domenn piblik Gouvernman, si Gouvernman i ganny sa alerte, Gouvernman i a pran responsabilite, i anmenn sa dimoun Ankour, i a fer li swa pey domaz, swa restore, tir son miray ki in fer dan lanmar e retourn sa lanmar pou enjoyment piblik.  Mersi Mr Chair.

 

MR SPEAKER

Mersi Onorab Georges.  Onorab Ramkalawan

 

HON WAVEL RAMKALAWAN

Mr Chairman, dan tou sa bann leksplikasyon ki pe donnen la, sifizaman lo sa zafer easements.  Konmsi, mon pe sey mazinen ki mannyer nou kapab osi vin lo kote nou bann dimoun.

Konmsi i annan en kantite soufrans ki dimoun i pas ladan.  E mon pa anvi ki konmsi nou al lo en baz kwen legal.  Me spesyalman avek, avek PUC.  Tou dimoun i konplent PUC. 

Senpleman akoz anba Lalwa, konmsi ou a krwar zot annan, PUC i fer sa ki i anvi.  E par egzanp,   I mean mon pe regard en sityasyon la.  Gouvernman i donn PUC en easement, pou pas enn son gro tiyo.

Mon konnen poudir ou annan bann problenm gro tiyo ou osi, Onorab Georges.  Pou pas en gro tiyo, e aprezan en sitwayen, Gouvernman in donn sa easement.

Aprezan li sa sitwayen, e li PUC i vini i pas sa kot i anvi.  E la en sitwayen pou nobou fer PUC pas sa en lot landrwa, i bezwen al pey R40mil.  R40 mil.  Mon krwar ki letan nou pe koz lo la, mon krwar in ler pou nou frenm sa sityasyon.

Parey osi tou letan nou ti pe koze, kot PUC konmsi tou keksoz i vin dan son lavantaz.  Oubyen i vin dan, konmsi i annan serten dimoun ki ganny penalize.  Mon ti mansyonn sa legzanp ankor.

E si mon mansyonn sa, mon pou zis mansyonn sa legzanp e apre sa mon pou regarde, kot nou kapab dir ki menm si ou en public body ou bezwen azir dan konteks en Lalwa.

Si ou, ou annan ou later e kot ou later napa poto elektrik ki pase.  PUC i ensiste avek ou ki ou bezwen peye, parski li ki vin fer son survey, i a dir avek ou, ou bezwen sepa tan kantite poto elektrik.

E ou, ou vini ou pey tou sa poto elektrik ou.  Pou ou ganny elektrisite.  Me selman apre sa bann lezot dimoun i konmans vini, parski i annan poto elektrik.

Zot aprezan sa bann poto elektrik ki ou ou’n peye, PUC aprezan i dir avek ou sa poto elektrik pa pou ou sa, sa i nou poto elektrik.  E tou bann lezot dimoun ki vin apre, ou petet ou’n pey ou 100 ekek mil, 200 ekek mil pou fer met sa bann poto elektrik.

Apre sa tou sa bann lezot dimoun ki vini zot, zot pa bezwen pey nanryen.  Be mon krwar ki i bezwen annan en lazistis la.  PUC pa kapab fer sa ki i anvi.  E mon pe zis, mon zis regarde Mr Chairman.

Ki mannyer dan sa ki nou pe fer la, vi ki nou pe rod sanz nou Code Civil.  Nou pe rod donn nou dimoun en pe, fer keksoz pli kler ensidswit.

Ki mannyer PUC osi tou i bezwen responsab e ki nou dimoun, nou dimoun pa kapab toultan zot ki pe, zot ki pe anmas lepokase.  Parski sa pa normal, parski apre osi letan zot vin met en poto, zot pa ni konsilte avek ou, kote zot pou met sa poto.

Spesyalman si ou later, dizon ou later pa ankor konstri nanryen lo la, zis zot vini zot swazir kot zot anvi, zot pa ni pou sey pas li dan bor dan balizaz.  Konmsi ki ou a dir be sa, si fodre met li dan milye ou later zot met li dan milye ou later.

E apre sa ou, vin peye pou met li dan en landrwa kot zot, zot ti’n kapab met sa avan.  Mon krwar nou bezwen annan en sans lazistis ladan.  E silvouple kote nou kapab fer sa rantre malgre ki zot annan zot Lalwa.

Parski apre tou se Civil Code apre Konstitisyon mannyer mon ganny en konpran son lenportans i vin bokou plis.  Mersi bokou Mr Chairman.

 

MR SPEAKER

Mersi Onorab.  Onorab Georges.

 

HON BERNARD GEORGES

Wi.  Sa set en pwen ki depi bomaten Manm pe fer.  E i en konsern.  E i en konsern akoz sertennman pou delo mon konnen.  Mon pa sir si menm keksoz i aplik pou poto elektrik.

Me sertennman pou delo PUC i ganny drwa antre met tiyo kot zot anvi.  Mon krwar again, mon krwar i annan en interest of fairness.  Mon krwar PUC otan ki posib ler i bezwen fer en gran travay, i vin rod en wayleave. 

Me Lalwa i permet li antre e fer son travay.  Mon krwar se laba kot nou devret fer en seri lamannman pou demande ki dorenavan i pa kapab fer sa san ki i ganny wayleave sa propriyeter.

Dan en fason ki sa i ava en, fer sir ki propriyeter i annan en say lo kot pou, lo kote pou met sa.  Mon pa anvi vin en kwen legal, me mon bezwen servi en legzanp en dimoun anler, anler La Louise, ki annan egzakteman sa.

I annan en poto elektrik ki lo son later dan en kwen.  E ki anmenn difil kouran pou bann lakaz pli o.  E li prezan i anvi fer en extension avek son lakaz, i pa kapab akoz son vwazen pa dakor pou sa poto sorti kot li e bouz en met e vin lo later sa vwazen.

E sa se bann keksoz ki nou bezwen kapab pe rezourd.  Nou pa kapab lannen ale, lannen vini les sa bann dimoun monte desann Ankour.  E mon krwar sa set en tre bon pwen.

Si nou bezwen, si nou bezwen regard li dan Code Civil, anba sapit easements, 663 an montan, se la kot nou kapab prevwar en landrwa pou fer antre.  Non, Book 2, Book 2 637.  Nou pou ariv lo la kekfwa demen.

 

MR SPEAKER

Mersi Onorab Georges.  Bon nou napa ankor query lo la.  Me nou pa pe kapab pran en vot lo preliminary anba property and the different kinds of ownership, Lartik 516 pou 556.

Akoz i annan ankor travay ki nou pe fer lo la.  E mon mazin demen nou a kapab pronons lo nou lo la.  Nou ava bouz lo prosen morso, sa se aksesyon, Onorab Georges.

 

HON BERNARD GEORGES

Mersi Mr Chair.  Mr Chairman aksesyon se enn bann fason pou en dimoun ganny propriyete.  E se atraver later ki vin atas avek sa ki pou li.  E i ganny definir dan 557, par bann logmantasyon gradyel e en perseptif ki en larivyer, pa bokou isi dan nou pei, azoute.

E sa i pou benefis sa riparian or literal ownerRiparian se propriyeter lo bor en larivyer.  Literal se en propriyeter obor lanmer.  Donk sa mo riparian i enkrwayab Mr Chair, nou, nou pa servi li ditou isi.

Me 2 ou 3 fwa, 2 ou 3 fwa bann taxi ki mon pran Nairobi, oubyen bann drayver ki drive mon.  Zot servi sa mo en kantite.  E toultan ler ou pas o bor en larivyer, zot dir ou sa bann lakaz in ganny fer lo riparian property.

Set en keksoz ki zot konn tre byen.  For some reason mon pa konnen lekel.  E menm keksoz i aplike dan Lartik 557(3).  Pou en later ki’n ganny les sek apre ki delo in pran li e in anmenn li from en landrwa a en lot.

Propriyeter sa morso sek ki benefisye ek sa enn ki’n perdi pa kapab claim sa later ki zot in perdi.  Akoz sa i arive dan en fason gradyel e enperseptib.  E nou a vwar taler en leksepsyon.

I annan, napa okenn drwa ler sa later, ler delo i overflow apre, apre i aret overflow.  Sa i pa, i pa aplike.  Me si 559 parey mon fek promet, si en larivyer i pran en bout later, sa i tre enteresan.

I en sel kou, pa gradyel e enperseptib, me en sel kou i pran en gob later.  I konsiderab, e ki ou kapab idantifye avek en propriyete e anmenn li en pe pli ba e i depoz li avek en lot propriyete.

Sa propriyete ki’n perdi li i kapab dir li retourn ek mon bout, retourn ek mon later,  re anmenn li kot mwan.

Franse, mon pa vwar sa pe arive isi, akoz ou bezwen kapab dir sa se mon bout later akoz i annan en pye, i annan en pye mang lo la, sa pye mang ti pou mwan, la prezan in vin pou ou.

E en peryod preskripsyon la, se en peryod 1an, apre ki sa, sa morso later in ganny, in ale.  Kestyon se, eski sa i aplik pou nou.  Nou’n kite akoz i posib.  I annan enn de, nou annan still enn de later, enn de larivyer, enn de lanmar kekfwa kot i posib ki sa i arive.

Alor nou ti pran en prensip dan revizyon Code Civil.  E sa set en prensip ki Mr Kieran Shah ki ti lo sa Komite, ti toultan pouse.

Se ki si en keksoz pa fer en lofans avek ou, annou pa tir li akoz kekfwa nou pa pou servi li akoz nou pa zanmen konnen kan en zour ki nou pou kapab.  Me sa i kler ki set enn ki i la, i pa pe fer gran keksoz.  Me si i annan en zil, oubyen en ban disab oubyen gravye ki ganny formen dan en larivyer, sa i pou vin pou larepiblik.  I pou vin later leta.  I pa pou vin domenn piblik, son larivyer i domenn piblik, me son zil i vin en zil Leta.  A mwens ki i annan en tit kontrer.

Professor may be you taken the consideration why we haven’t translated title to titre in this place.

562 ankor tousala se vreman La France e pa isi.  Si en larivyer i fer en nouvo brans,  e i koup en field, e form en zil, akoz i fer sa.

Sa propriyeter, sa field i reste propriyeter sa zil.  E i vin propriyeter sa zil.  Ile de Larsitek, par egzanp.  Dan larivyer Seine, si en larivyer i sanz son plas koule e i abandonn son vye landrwa.  Propriyeter later kot sa nouvo landrwa i ete.

Akoz prezan in gannyen larivyer kot i ti napa.  I kapab konman konpansasyon, pran sa vye larivyer ki’n ganny abandonnen konman son konpansasyon.

Ankor enn fwa, mon pa vwar gran fason.  Unless ki ou’n fer en zwazo oubyen en pwason, oubyen en zannimo, oubyen en mous dimyel vin lo ou later par frod, oubyen dan en fason artifisyel.

Sa keksoz i reste, i vin i reste propriyete sa later kot i etablir son lekor.  Setadir, annefe sa i en bon keksoz.  Si en bonbard, si en lesen mous dimyel i sorti kot ou, e i vin ateri kot mwan, si mwan mon pa’n met sitronnel en kantite pou fer li vini e vin dapre son prop kontantman, i vin mon bonbard, mon lesen e non pa lesen kot i sorti.  E se pou sa rezon ki nou’n les li la.  Ou – en torti, par egzanp.  En pwason, sel pwason ki mon mazinen se, pa pou annan gran pwason, bann guppies kekfwa dan en larivyer sevret.

En zwazo, si en payanke, si en payanke ti annan son nik kot mon vwazen apre all of a sudden i vin kot mon.  I vin mon payanke.  E sa sete pou, sa sete pou immoveable property, later.

Me menm drwa aksesyon i osi aplik pou moveable property.  Ler 2 dimoun i pran 2 keksoz e i fer li zwenn ansanm pou fer en 3enm keksoz.  E la propriyete i ava ganny determinen lo sa ki zis ek sa ki lizaz, parey nou pou vwar byento dan sa bann Lartik ki swiv i aplike.

Si 2 keksoz ki pou 2 diferan dimoun i ganny united pou li fer en younit.  Apard Sesel, si 2 keksoz i ganny inifye ansanm, pou fer en sel younit.

Epi apre zot, zot kapab ganny kase, dan en fason ki enn i kapab egziste san lot.  Sa younit i ava vin pou sa dimoun ki sa keksoz i form son parti prensipal.  E sakenn i bezwen pey lot son morso.

En bag par egzanp.  Mwan mon annan en bag an lor, ou, ou annan en pearl, nou deside met sa pearl lo sa bag fer li vin en bag pearl.  Sa se, eski zot anvi ki mon pas dan sa bann detay, oubyen eski nou kapab dir ki sa se bann keksoz ki ti la.

E i pa’n sanze.  Par egzanp anba (4), si 2 keksoz i ganny zwenn pou fer en lot.  Enn pa ganny regarde koman en akseswar lot, sa enn ki son valer i plis i pou vin sa parti prensipal.

Donk si ou annan en gro bag an lor ek en pti dyanman lo la,  malgre ki sa dyanman i pli ptipti, si i annan plis valer, se sa dyanman ki prensipal e non pa sa, sa groser lor.

Par egzanp, 570 se ler ou pran materyo ki pa pou ou e ou fer en lot keksoz avek.  E ki son.  572, menm zafer, sa i en fason diviz son valer an proporsyon valer.  Sa set en kantite bann lartik ki dir egzakteman menm keksoz avek en pti diferan, rarman zot ganny aplike.

E i pa’n sanz ditou.  Par egzanp 573, dan Code Civil aktyel, zis pou nou fer en konparezon;

‘’When something have been made by the mixture of several,’’ ‘’when something made, have been made by the mixture of several’’ dan pou nou.  Donk napa sanzman.

Son prensip se si ou kapab separ li separe, si ou pa kapab separe, sakenn i bezwen pey, sa enn ki pe garde i bezwen pey lot konpansasyon pou son bout ki i pe garde.

576, 576 propriyeter materyo ki’n ganny servi san konsantman son propriyeter pou fer en lot keksoz i kapab demann pou li ganny sa keksoz.  Alor si mon annan, si mon annan en pe lor e en dimoun i pran mon lor san mon permisyon e i fer en bag.

Mon kapab demann ki sa bag i vin pou mwan.  Tousala se aksesyon, se ki mannyer ou kapab sanz natir en keksoz par azout en lot avek.  E i annan domaz ki pou ganny pey.  Vwala Mr Chair, sa se aksesyon.

 

MR SPEAKER

Mersi Onorab Georges.  Onorab William.

 

HON WAVEN WILLIAM

Mersi Mr Speaker.  Mr Speaker enn de bann Lartik ase enteresan la.  Mon ti a kontan si Chairman Bills Committee i eklersi nou en pti pe la.  Prenon kont profil later Sesel – prenon kont devlopman ozordi, konpare ek lontan.  Si nou pe dir ki en larivyer ki pas lo mon propriyete, i pa mon propriyete, i propriyete Gouvernman.

Then si avek letan parey nou pe koz lo sanzman klimatik,  e devlopman, bokou delo ozordi pe ganny channel dan larivyer,  ki mannyer sa bann dimoun ozordi ki lo montanny, akoz La Misere, La Misere, Grand Anse Barbarons, i annan plizyer bann ka.  Parey bann lezot distrik.  Ki zot later ek letan pe ganny erode.  I annan ki vreman al vreman vit.

Ki rekour vizavi proteksyon zot later?  Eski lefe ki larivyer i propriyete Gouvernman.  E propriyete Gouvernman pe afekte mon propriyete.  Then dan ki fason ki nou pou balans rektifikasyon sa problenm ozordi?

Mon annan en lot size la ki konsern bann zannimo.  Dizon mon napa lisyen ouswa sat, kot mwan, eski sa lisyen ouswa sa sat ki pe vin kot mon i fer piti i mon propriyete?  Ouswa kot mon vwazen i sal, lera i sorti kot li i vin kot mwan, i donn bal.

Konmsi ki fason nou ziz sa bann keksoz la?  Eski Lalwa ozordi pe fer provizyon pou bann tel sityasyon.  Akoz i annan plizyer bann ka ki pe leve, an menm tan i kapab kree bann problenm avek bann vwazen dan kominote.

So i bon ki nou, letan nou pe revwar Civil Code, nou vwar en pti pe sa.  Akoz si non, i pou kree serten bann lanbara avek konfli dan kominote.  Mersi.

 

MR SPEAKER

Mersi Onorab.  Bokou fwa bann dimoun i demande, be pou ki sa lera?  Si i sorti lot kote e i vin kot ou, eski i pou ou, eski ou ki adopte?  Onorab Pillay.

 

HON SEBASTIEN PILLAY

Mersi Mr Chair.  Mr Chair prenon kont ki nou pe koz lo aksesyon e sa kestyon lo larivyer in vini.  Nou konnen poudir par egzanp si ou annan en stream or something ki pas lo ou propriyete.

E demen par egzanp meton PUC i monte pli o i deside fer en baraz.  E obviously prezan sa bout i sek.  E Planning li ler ou annan en stream ki o bor propriyete i fer ou kit bann zistans avek.

So sa bout prezan ki’n sek la.  Pou ki i vini la?  Avan sa larivyer ti en domenn piblik.  Be la pou ki i vini la.  Eski i vin pou sa dimoun ki, sa owner sa propriyete?

Mon lot pti kestyon, klarifikasyon ki mon oule demande.  Si nou pran 557.  Eski 557 i annan okenn lenplikasyon pou sa size ki nou’n debate,  kot par egzanp si en dimoun, in fer en groyne, i reste lo litoral.

E sa bann akimilasyon parey nou’n dir i vin la.  Eski i ranforsi le pwen ki Onorab Georges ti pe fer pli boner, ki sa in, sa bann lakimilasyon, ouswa sa lans ki’n ganny kree, i vin pou sa propriyeter ki’n fer sa groyne.

E converse li parey dan lezot ka.  So eski i kapab planifye si i menm zafer.  Akoz mon konnen nou pe koz lo, nou pe koz lo alluvium.  Me selman nou osi enkli bann, and accretions as well.  So eski i disab osi i kapab ganny pran konman sa.  Mersi.

 

MR SPEAKER

Mersi Onorab.  Zis lo menm laliny.  Nou’n koz granmare, extra high tide.  Si i anmenn disab lo en propriyete prive, eski sa disab osi tou ganny deposit la, i pou sa propriyeter?

E sa propriyeter i kapab servi eksplwate.  Ankor mon donn legzanp Bazarka.  Onorab Georges.

 

HON BERNARD GEORGES

Mersi Mr Chair.  Mr Chairman Onorab Waven William, mon ti pe mazinen –  e mon pe, mon pe mazinen si en travayer konstriksyon i met en pe, en pe manure dan en larivyer, e sa i ariv anba kot en fermye.  Eski sa i vin propriyeter sa fermye?  Oubyen eski i reste propriyeter?  E se sa aksesyon.

Si i melanze i vin propriyeter, i vin pou sa dimoun kot i arive.  Si i pa melanze i touzour reste propriyeter sa dimoun ki’n met li, ki’n met li ladan.  E menm zafer i ariv pou sat ek lera.

564, si sa lera i vin kot ou i vin manz ou manze, apre i retourn kot ou vwazen, i pou toultan reste pou sa vwazen.  Me si i vin kot ou e i reste la, la prezan i vin ou lera oubyen ou sat.

E sa mon kapab koz fran.  Bokou dimoun in ganny sat koumsa.  Mwan mon’n ganny 2 sat koumsa, ki’n arive ou’n donn zot en pe manze, apre zot pa’n ale, e zot in reste.  Donk zot in vin sa ki pou ou.

Lartik 640 Onorab William,

Lartik 640 ler nou pou ariv lo servitid, nou pou vwar sa ki arive avek larivyer anler La Misere ki bezwen desann anba, ki responsabilite sa enn ki larivyer pli o anver sa enn ki larivyer pli ba.

E sa nou ava vwar li, mon mazinen a en serten moman demen.  Me annou pa bliye ki larivyer i en domenn piblik, i pa pou Gouvernman.  Donk si en larivyer lo ou later i overflow, e i inond ou lakaz.

Parey i arive souvandfwa avek sa pti larivyer ki lo mon later, ou pa kapab fer nanryen, ou pa kapab al rod responsabilite kot en dimoun.  Ou bezwen e mon’n bezwen fer en fason pou anpes larivyer flood.

Tel parey bann dimoun ki annan en bout lans ki anvi garde.  I bezwen fer en groyne pou zot gard zot, zot bout lans.  Onorab Pillay lo sa size groyne.

Tan ki en groyne i par lao en high watermark, si i atase avek en lans, i vin en lekstansyon sa lans, i vin en lekstansyon sa later, i vin en domenn piblik,  ki ou, ou kapab al lo la, lo sa morso ki par lao high watermark.

E ki pou ki sa landrwa aki vin sek apre ki Planning in dir ou fer en set back eksetera.  Si i ou later i vin pou ou.  By accession, se sa lespri accession.  En keksoz ki ozordi ti anba delo, e demen i vin sek, it belongs to you. 

 

MR SPEAKER

Bon eski.  Non Onorab Pillay i pa’n reponn tou ou konsern.  Yes Onorab.

 

HON SEBASTIEN PILLAY

Non, sanmenm sa.  Akoz bomaten nou’n sey, nou’n sey konpran sa largiman, si mon ki’n fer sa, nou ti donn legzanp en devloper.

Sa ki mon ti pe demand ou se ki, ler sa bann devloper, ler sa bann devlopman in ganny fer, zot ti anba delo.  Ler sa in ganny ekspoze, ou konpran, se sa ki nou oule klarifye.

Eski i pou vin, par aksesyon i vin pou sa dimoun ki own li.  Oubyen napa aksesyon ki aplikab dan sa sirkonstans.

 

HON BERNARD GEORGES

I vin pou sa propriyeter, Mr Chair.  Akoz tan ki i anba delo, i domenn piblik.

Le moman ki delo i ale, i sey vin domenn piblik, i vin pou sa dimoun ki sa propriyeter later kot i sek.

 

MR SPEAKER

Onorab William.

 

HON WAVEN WILLIAM

Mersi Mr Chairman.  Mr Chairman ankor mon pou, an relasyon avek pwen ki Leader Lopozisyon in leve pli boner, konsernan PUC.

Mon pe zis pe regarde.  Akoz ki arive, se ki nou annan nou bann sitwayen ki’n aste propriyete o bor larivyer.  E i pa neseserman pe pas lo zot propriyete me akote.

Me baze lo zot lokasyon ozordi, zot profil later, ou pe vwar ki zot limite pou kapab anpes zot lenvestisman.  E sakrifis zot in fer pou zot kapab konstri zot lakaz ensidswit.

Eski Lalwa, eski letan nou pe pas lo Civil Code, mon pa konnen si i annan kek Lalwa ki nou kapab revwar.  Ki fason bann dimoun i kapab rod rekour.

Akoz ki i arive se ki, mon pe vwar poudir si sa pa ganny, nou pa pran konsiderasyon.  I annan bokou dimoun ki mwen fortinen, ki kapab ganny afekte en kantite.

Deza nou annan bann propriyete kot menm bann pon,  kot pe ganny afekte akoz dimoun i mank sa kapasite pou kapab dil avek.  So mon ti a kontan sa i ganny pran osi tou konsiderasyon.

Akoz nou sityasyon mannyer i ete, nou profil later.  E ler i sek napa problenm.  I annan en pti stream.  Me avek gro lapli, e tou delo dalo ozordi i ganny channel dan larivyer.

So mon pe zis met sa devan pou nou pans en pti pe lo ki fason nou bouz devan.  Akoz si non, i annan bann dimoun pou sibir ekonomikman.  Epi lo en lot pwen, mon pa vwar li parey en fars,  me kot ou annan sa zannimo ki vin kot ou, then ou depans i vin plis pou mentenir sa bann zannimo, mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Wi Mr Chair.  Mon krwar premye pwen Onorab William i en pwen enportan.

Mon ti ava demann li ler nou ariv lo Lartik 640 demen, remind nou.  Akoz si i pou antre, se la kot nou pou bezwen fer en keksoz antre.  Mon konnen ki in deza antre, mon konnen ki i annan en case ki ti ganny fer ki ti pase Carana lo egzakteman sa sityasyon.

Akoz parey nou konnen.  Plis ou fer lakaz, plis i annan water runoff, plis i annan water runoff, plis i annan dren, plis i annan dren, plis i larivyer i bezwen cope avek sa delo pou anmenn li bor lanmer.

E dan serten ka sa i vin en problenm.  E Lakour in dir tre klerman, kote responsabilite i ete.  Mon ava partaz sa avek zot demen ler nou ariv lo la.  Wi, ler en zannimo i vin kot ou, e i vin ou zannimo, that’s it, ou bezwen, ou bezwen.  Me solman mon pa vwar ki i annan en problenm.

Si en sat i vin kot ou e ou pa donn li manze, swa i pou mor, swa i pou ale.  Alor i pa pou vin en problenm.  Me si ou leker i feb e ou donn li manze, i bezwen, i pou bezwen, ou bezwen gard li.

Me mon krwar son gran prensip Code Civil se poudir pwason, zannimo ki pa zannimo domestik ek zwazo avek mous dimyel napa balizaz.  Zot kapab bouz mannyer zot anvi.

E la kot zot apoze, san ki ou entice zot pou vini, zot vin propriyete sa dimoun.  Me napa nanryen ki fors ou aksepte en propriyete ki vin kot ou.  I ou swa.  Si ou pa kontan ou retourn li, ou remet li dan en domenn piblik somewhere oubyen lo later leta.

Ou kapab touy en keksoz ki pou ou.  Si dizon en, e ki Lalwa pa anpese.  Si, si en bef i vin kot ou e personn pa reklanm li, e ou anvi.  Oubyen en kabri dizon.

It’s yours, en fwa ki i vin ou propriyete ou kapab fer sa ki ou anvi avek tan ki ou pe swiv Lalwa.

 

MR SPEAKER

Mersi Onorab Georges.  Mon krwar nou’n ariv en pozisyon pou nou pran en desizyon lo sa seksyon ki form par dan schedule Book 11, aksesyon.  E sa i Lartik 557 ziska 577.

Mon ava demann tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  Mon’n rikord 24 Manm ki’n vot an faver e personn kont.  Mersi.

 

MR SPEAKER

Mersi.  Savedir sa seksyon aksesyon in ganny.  Onorab Georges ti napa amannman lo la, non?  Napa, ok, non.  Sa seksyon in ganny aprouve par Lasanble Nasyonal.

Bon mon krwar i en bon moman osi tou pou nou aret nou travay la pou ozordi.  On this note i would like to thank Mr Victor Pool from the AG’s Office.  And Professor Angelo and would also like to excuse you from the House, from the Chamber.  We will see you again tomorrow morning for continuation of the Civil Code.

 

(MR VICTOR POOL AND HIS DELEGATION WAS EXCUSED FROM THE HOUSE)

 

MR SPEAKER

Bon mon ava demann serge pou move mace pou nou rekonstitye dan Lasanble, Committee of the whole House.  Zis mon pe, avan nou adjourn, mon pou remind bann Manm –  mon pa pe esper demen ki bann ki’n donn non, pou asiste sa workshop lo Climate Change vandredi ki pou fer Eden Bleu.  Ki sa workshop i still on.  E petet osi la mon ava demann Deputy Clerk pou anvoy en pti reminder pou tou bann Manm.

E zot ava konnen zot ki’n dir zot pou attend pou nou fer li Vandredi.  Savedir nou travay i pa fini demen, i bann Manm ki pe komet zot lekor pou attend sa workshop, nou kontinyen ziska Vandredi.

Mon napa okenn lot kominike, mon pa’n ganny okenn keksoz ankor pou mwan partaz avek House.  Lo sa note nou ava adjourn e Lasanble i a repran son travay demen 9er bomaten.

 

(ADJOURNMENT)