::
Home » Verbatim » 2019 » Verbatim Thursday 12th September, 2019

Verbatim Thursday 12th September, 2019

NATIONAL ASSEMBLY OF SEYCHELLES

Thursday 12th, September, 2019

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab. E bonzour tou dimoun ki a lekout ki pe swiv travay Lasanble Nasyonal.   Bon mon ava premyerman demann Sarge pou move Mace pou nou retourn kot nou ti fini yer; savedir retourn dan Staz Komite e mon ava demann parliamentary reporter pou fer antre nou panel.

Mon ti ava kontan enform Lasanble ki Minis in prezant son leskiz pou la bomaten, i pou zwenn nou plitar. E anvi lezot preokipasyon avek son Minister – Attorney Zeneral osi tou i pou zwenn nou en pti pe plitar.

So nou pou bezwen kontinyen nou travay demare, me ankor mon servi en pti pe mon pouvwar koman Chair ki nou pou allow sa travay. Sa pou kontinyen avek byensir Biro Attorney Zeneral pou ganny reprezante par Mr Victor Pool e byensir Profeser Angelo avek Ms Sarah Mead.  So nou pou   kontinyen nou travay e nou pa pou kapab atann lezot zofisye.

I would like to welcome the panel. The panel i actually guide by representative from AG’s Office Mr Victor Pool who is actually being assisted by Professor Angelo, Ms Sarah Mead. Good morning and welcome again to the National Assembly. Bon nou ava kontinyen nou travay kot nou’n kite yer.  E parey yer Lasanble pou kontinyen ganny gide par Chair Bills Committee   – Onorab Bernard Georges e Onorab mon ava donn ou laparol pou nou kontinyen nou travay.

 

HON BERNARD GEORGES

Mersi Mr Chair.   Bonzour tou bann Manm Onorab, panel ek bann dimoun ki pe ekout nou e  swiv nou dan lakour.  Yer ler nou ti’n fini nou ti’n  modifye  dan en fason ase enportan lartik  152 lo lekel ki  kapab  opoz en maryaz?  E la nou pas lo  153 ki lafason don sa lopozisyon i bezwen ganny fer. I bezwen ganny sinyen par sa dimoun ki pe opoze oubyen par sa dimoun ki in donn power of attorney pou fer li e sa power of attorney i bezwen ganny fer devan en noter.   Se sa mo authentic bid.    I bezwen ganny servi natirelman lo sa bann dimoun ki pe al marye ek lo zofisye Leta Sivil. Zofisye Leta Sivil i ava fer en entry dan rezis, konmkwa i annan lopozisyon.  E i pa pou selebre sa maryaz, ziska ler sa lopozisyon  in ganny cancel par Lakour Siprenm, oubyen sa dimoun ki pou opoz sa marye, i withdraw sa lopozisyon an ekri.  Donk sa se sa 153 i dir.

        154;  ler sa lopozisyon sa maryaz i ganny fer, sa parti ki annan lentansyon antre dan en maryaz, ouswa Attorney Zeneral i kapab al devan Lakour Siprenm pou demann  – quash, cancel sa lopozisyon.  Si Attorney Zeneral i fer  sa laplikasyon  devan Lakour, i pa bezwen en Mosyon ek afidavit me si set en lot dimoun, ki pe al Ankour ki pe demann cancel sa lopozisyon, i bezwen fer li par en Mosyon siporte par en afidavit.  E Supreme Court i ava ekout sa keksoz dan en peryod 10zour e transmet son desizyon avek zofisye Leta Sivil ki pou proceed avek sa.

        Mr Chair mon annan en pti kestyon pou panel e sa se lo 154(3) ‘’The Supreme Court shall make the rule returnable.’’

Mon konnen ki nou pran sa dan Civil Status Act nou’n anmenn li dan Code Civil san modifikasyon – the ‘’rule returnable.’’ 

E osi dan 154(1) ‘’may move the Supreme Court for a rule.’’  Is it the rule or ruling that it should be? Or a decision?  Oh no not a ruling – Oh I see  – wey i pa en ruling la i  en keksoz parey en summons – may move ‘’for a  summons calling upon the opposing party to show cause.’’

        Usually it is a summons to show cause. Mon demann mwan si nou pa devret gard sa mo ‘’summons’’ instead of ‘’rule?’’

 

MR SPEAKER

Ok Mr Pool?  Professor?

 

HON BERNARD GEORGES

It’s agreed Mr Chair.   So in 154(1) and 154 (3) the word ‘’rule’’ will be replaced by ‘’summons.’’ Thank you. 155 i enteresan, si i kennsel sa lopozisyon ki en dimoun in fer, i kapab fer sa dimoun pey domaz. Akoz antretan in anpes en keksoz arive.  Donk sa se pou der sir ki bann dimonn i mazin tre byen  avan ki  zot fer en lopozisyon en maryaz.

 

MR SPEAKER

 Mersi. Petet zis  la  mon krwar i kouver en pti pe bann largiman yer, si nou open it to the committee ki pa les nenport dimoun malisyezman antre, i vini i opoz en maryaz, i kennsel en maryaz take place. So i bezwen pey la konsekans. Lakour si i al devan Lakour e i perdi, i vwar poudir pirman i pe fer li dan en fason malisye i pey la konsekans. Yes Onorab Ramkalawan.

 

HON WAVEL RAMKALAWAN

Bonzour Mr Speaker dan ou rol koman Chairman e tou bann Onorab e tou manm panel.  Mon krwar ki sa pwen ki ou’n fer sorti Mr Speaker, i enportan en kantite.  E i enportan pou dimoun konnen ki poudir ou pa kapab zis fer malis en dimoun.  E ki sa i en keksoz serye e ki si ou’n fer en – ou’n opoz en keksoz, me ki Ziz i  vwar poudir sa ki ou’n – malgre ki Ziz i throw it out – Ziz i  vwar ki poudir i annan en keksoz ki valab – la i pa pou fer ou pey domaz, me si i vwar ki poudir i en keksoz ki menm kapab  menm border lo difamasyon, par la fason ki ou’n fer li, then ou kapab ganny taken to task. Mon krwar i enportan pou tou dimoun konn sa byen. Mersi bokou.

 

MR SPEAKER

Mersi Onorab.  Onorab De Commarmond.

 

HON CHARLES DE COMMARMOND

Mersi Mr Chair. Bonzour Mr Chair. Bonzour tou manm panel e tou dimoun a lekout. E tou Manm isi.  Mr Speaker mon lo sa kestyon domaz ensidswit – mon pe mazin en pe letan pase. Mon krwar 1 ou 2an pase ti ariv en senaryo si mon pa tronpe isi menm Sesel; kot en dimoun ki ti’n sanz son sex mon krwar ti’n vin isi ti vin rod pou marye ensidswit – en keksoz koumsa.  Mon pe lev sa zi pou ganny en gidans ek panel ek bann dimoun ki konn keksoz la, ki mannyer sa i vin dan zwe dan sa ki nou pe diskite.  Par egzanp en dimoun in  sanz son sex aletranze  personn pa konnen e i vini.  En dimoun i tenm anmoure avek, e i deside pou marye e prezan ki mannyer sa i kapab pase?  Si nou kapab ganny en gidans  avek panel  lo la. Mersi.

 

MR SPEAKER

Mon krwar sa case i pa ti kot i ti pe demann maryaz, me i ti anvi sanz son Stati lo paspor. Sorti ‘Male’ pou vin ‘Female’ mon krwar. Yes Onorab Georges?

 

HON BERNARD GEORGES

Mersi Mr Chair. Mr Chair Onorab Leader of Government Business in ouver en vole ki nou pou bezwen fer fas avek en serten moman dan nou listwar. Sa case ki in mansyonnen parey ou fek  -ou annan rezon – sel keksoz ki i ti pe fer se, i ti pe rode pour ki son birth certificate i dir ‘Female’ olye ‘Male.’  E Lakour i trouve ki anba Civil Status Act zot pa ti kapab fer sa.  Fodre annan lezot sanzman ki konsekan dan Lalwa.  Antretan sa dimoun  ki ti en msye  avan e ki i en madanm prezan – i en Seselwaz, in marye li. In marye Litali e  akoz laba son stati i madanm.

E i  fek met la dan sa dernyen detrwa mwan in met Larepiblik Sesel Ankour devan the United Nations Commission of Human Rights, Geneve. Akoz nou’n sinyen en Konvansyon United Nations Commission of Human Rights e anba lekel nou’n dir ki nou pou aksepte sanzman stati. Alor i annan en case devan sa Komisyon kont Sesel ki  Sesel  Biro Attorney Zeneral ava defann, mon sipoze e sa ruling ki ava sorti i ava donn li son stati or not. Antretan i pe osi anmenn en case isi devan Constitutional Court akoz i pa kapab al devan   Lakour Enternasyonal amwens ki in fini exhaust tou son local remedies.

Donk sa i ava en desizyon.  For the time being napa nanryen dan okenn ki Lalwa ki dir ki maryaz i devret ant en zonm ek en fanm.  Okenn par.  Sof ki dan Konstitisyon lartik 32 i dir ki si i annan en Lalwa ki dir ki maryaz pa kapab arive ant de dimoun same sex – si en zour nou pas sa Lalwa sa Lalwa pa pou unconstitutional. Se sa ki nou’n dir.  Me nou pa ankor pase sa Lalwa. Setadir ki stati i ankor ouver.   E mon mazinen sooner or later 2 dimoun menm sex pou desann kot Biro Letan Sivil pou demann afis zot maryaz pou zot teste Lalwa, e pou gete ki zistans pou arive. I pa ankor arive me mon pe zis dir sooner or later sa pou arive.

        Sa ki arive konmela  se parey mon pe dir i annan e nou devret mon krwar dan lentere latransparans ler mon dir ki napa okenn Lalwa ki dir ki maryaz i bezwen ant en msye ek en madanm; annefe  i annan enn. The summary Jurisdiction (Wives and Children) Act i dir sa.  Me i dir sa dan en lot konteks. I dir sa dan konteks kot ou kapab al Ankour.  Avan Children Act ou ti kapab al devan Lakour Mazistra e demann en deklarasyon ki tel dimoun ti papa en zanfan, zis pou ou ganny alimoni – zis pou ou ganny maintenance.  E sa Lalwa i dir  i bezwen en zonm ek en madanm. Sa se sel landrwa. Me Leta Sivil pa dir; Konstitisyon pa dir e okenn lezot Lalwa pa dir.  

 

MR SPEAKER

Mersi Onorab Georges. Onorab Ramkalawan.

 

HON WAVEL RAMKALAWAN

Mr Chairman nou realize koman en sosyete, e mwan personnelman mon realize ki poudir a en serten moman si nou pa’n ariv sa moman, i pou bezwen annan en deba Nasyonal lo bann LGBTI issues.  Nou pou bezwen fer sa deba. Me selman mon ti ava dir ki la, la kot i ete i pa antre parski i bezwen annan en lot Lalwa parey Onorab Georges in dir.  Alors mon ti ava dir ki konmsi pou bann dimoun ki pe ekoute ki petet, zot ti ava kontan ki nou kontinyen dan sa diskisyon pou dir ek zot pa ankoler avek Lasanble Nasyonal, parske this is not the topik ki lo latab la, me nou espere ki e nou pare letan sa moman pou sa topik vin lo latab ki nou ava diskite.  Me mon ti ava dir annou la pou lemoman annou focus lo sa ki devan nou e the time will come e nou ava diskit lo la. Mersi bokou.

 

MR SPEAKER

Mersi Onorab. Onorab Hoareau.

 

HON JOHN HOAREAU

Mersi Mr Chairman. Bonzour tou dimoun. Mr Chairman mon ti ava kontan petet si Onorab Georges si petet ti kapab donn nou en pe rasyonal deryer lefe ki Supreme Court i ganny sa lotorizasyon pou li quash sa maryaz si i annan okenn lobzeksyon.

And akoz dan lefe si sa bann affected parties i anvi fer en appeal?  Dizon sa msye, sa madanm ki’n marye, i anvi fer en appeal against sa, eski i annan revizyon pou li al loo en higher court pou li kapab ganny en desizyon reverse?  Mersi.

 

MR SPEAKER

Mersi Onorab. Onorab Georges.

 

HON BERNARD GEORGES

Mersi Mr Chair.  Sa pa dir – i pa donn en drwa  – en drwa lapel.  Me Konstitisyon i donn en drwa pou tou dimoun fer en lapel kont en desizyon all the way to the top.  Alor malgre ki i  pa dir sa drwa konstitisyonnel i la.  Pou sa ki arive zeneralman, se ki en Lalwa i dir ou napa drwa fer en lapel pli lwen ki sa enn. Sa mon krwar i kapab fer.  I kapab limit ou drwa a en lapel me si i pa limite,  ou annan en fwa drwa konstitisyonnel, selon mwan pou lapel.  Me mon krwar Mr Pool  i anvi fer en –

 

MR SPEAKER

Mersi Onorab Georges. Mr Pool.

 

SENIOR LEGAL DRAFTSPERSON VICTOR POOL

Bonzour Mr Speaker e tou Manm e tou dimoun a lekout.   Mr Speaker an relasyon avek sa  ki  Mr Georges in dir la, be  si nou fer referans ek seksyon 238(1)(d) eski sa pa i deza en Lalwa ki prohibit or it’s a ground to nullify en marriage? Ki sorti dan Matrimonial Causes Act  I believe.  Nou pe remet li la.

 

MR SPEAKER

Onorab Georges.

 

HON BERNARD GEORGES

Yes.  Annefe nou ti pe vin  lo la.  Si 2 dimoun i menm sex i en ground for nullity, anba sa provizyon ki ou kapab annul en maryaz si ou’n tronpe e ou’n marye avek en dimoun ki ou  ti krwar  i lot sex e ki pa. E sa se ou ki bezwen anmenn sa nullity.  E son –  sa i sorti dan en case ki’n sorti L’Angleterre  ki ti  apel Corbett and Corbett kot en koup in marye e ler in ariv dan lasanm lotel pou selebre maryaz, apre sa msye in vwar ki son madanm ti  annefe en zonm apre ki ti’n fer en sex change. E donk i ti anmenn sa Ankour e pou li annul son maryaz.  E sa se sa case pli enportan ki bann avoka i servi  toultan dan sa laliny.

 

MR SPEAKER

Ok dakor.   Nou kontinyen. Onorab Georges.

 

HON BERNARD GEORGES

Mersi Mr Chair. Mersi Mr Pool. Nou’n ariv Lartik 156 e sa i retourn en pti pe an aryer, e i dir i koz lo bann dispansasyon; setadir bann permisyon ki Ziz i kapab donnen.  Nou’n tir 144 akoz sa  ti en dispansasyon pou bann marmay anba 18an. Nou pou bezwen tir 147 osi akoz sa set en dispansasyon pou  en tonton marye ek son nyes e visversa ki nou’n  kennsel yer, alor i reste zis 149, ki dispansasyon pou ou  pa fer 2 piblikasyon e fer zis enn, si ou prese.  

Ok sa i ava ganny fer par en Ziz in Chambers.  Apre i pou ganny fayle avek zofisye Letan Sivil, ki pou  mansyonn sa dan lamarz sa notice.  147 i ale – wi. 144 nou’n fini tire akoz nou ti’n sanze – nou ti’n retract depi avan. 147 prezan i osi ganny koupe. Delete 147.  157-

 

MR SPEAKER

Zis en pti kou eski nou met li vacant?  Akoz i pou sanz-

 

HON BERNARD GEORGES

Non the figure 147 in article 156 is deleted.

 

MR SPEAKER

Ok. Dakor.

 

HON BERNARD GEORGES

157 i al lo en nouvo topik e i dir lekel ki kapab selebre maryaz. 157 i dir unless  ki en maryaz in articulo mortis e sa se ler en dimoun i dan  lartik lanmor – i pe al mor i anvi marye pou regilariz son sityasyon, sa nou ava vwar lekel ki kapab fer, me si i pa sa ka, zis  en zofisye Leta Sivil i kapab selebre en maryaz sivil Sesel,  sa i ava fer  dan sa distrik kot piblikasyon in ganny fer.

Sa se distrik Civil Status e i  kapab ganny fer swa dan sa Biro Leta Sivil oubyen  si  bann parti i anvi dan en private house.  E la mon krwar nou devret pause pou regarde akoz i annan lezot landrwa ki pe ganny fer, ki pa en private house; lo lans, dan en lotel, or whatever. Kekfwa nou devret regard sa la.

 

MR SPEAKER

Ok.  Yes Onorab Georges en moman.  Onorab William.

 

HON WAVEN WILLIAM

Mersi Mr Speaker. Bonzour tou manm piblik ki a lekout. Mr Speaker mon’n rod en pe gidans avek Chairman Bills Committee pou mwan kapab lev sa pwen la, alors mon ava demann lo tou le de kote latab pou ekout mwan, an menm tan pou sey konpran sa ka; akoz Mr Speaker mon pe sey demann en pledwari.  Enn, pou koriz serten lenzistis, an menm tan larg lanmen serten Seselwa ki mon santi poudir zot pe ganny afekte.

Mr Speaker lendistri tourizm ozordi in devlope. I annan plizyer bann servis ki plizyer dimoun pe donnen. Mr Speaker i annan en ka ki’n vin menm  devan ou – devan Leader of Government Business  mon mazinen Leader of  the Opposition konsernan sa bann zofisye Civil Status ki ti bezwen aret zot travay e bann zofisye ki annan bokou leksperyans travay.

E mon ti a kontan ki dan sa lartik la Mr Speaker, lefe ki sa bann dimoun pe ganny afekte akoz – enn- zot anvi selebre maryaz e ganny license pou fer sa. Zot in al plizyer landrwa zot in vwar Minis Tourism.

Zot in ganny dir wi zot kapab ganny fer sa. Minis ti vin isi dan Lasanble – Minis Telemaque i ti dir i pou vwar sa bann dimoun, i pa an ankor vwar zot.   E zot pe ale/vini. Menm zot in al kot Vis-Prezidan e dernyen larepons se ki ler en plas travay i ava ganny kree zot ava apply.

  Mr Speaker mon santi poudir sa Lasanble osi la avek sa travay ki pe fer lo Civil Code, nou bezwen kapab regarde fason nou kapab ede pou nou kapab pou koriz s a lenzistis.  So mon santi poudir anba lartik 157(1) kot i koz lo selebre maryaz nou kapab fer antre en license Private Celebrant, akoz parey mon dir se ki nou bezwen regarde sa lendistri Tourism.  E mon kontan ki Onorab Hoareau ti in dir poudir be ozordi bokou bann etranze pe vin dan pei, so akoz nou pa devret kree sa sans?   I en loportinite ki nou’n gannyen pou nou kapab sey ed zot pou zot kapab demare.  Mersi Mr Speaker.

 

MR SPEAKER

Mersi Onorab. I vre ki mwan osi tou, avek mon krwar le 2 Leaders nou ti rankontre 3 sa bann zofisye. Mon’n fer swivi.  Mon’n ekri Minister egzakteman parey ou’n dir Onorab William, mon’n ganny repons avek Minis, poudir napa en vacant post, until en post i monte zot kapab apply.  So pou le moman zot reste san en travay parey zot ti abitye fer – zot pou kapab kontiyen pratike.  Me mon pa konnen ki mannyer nou kapab fer antre ladan.   Wi nou ava pran komanter from Onorab De Commarmond and then to go back to Onorab Georges.  Onorab De Commarmond.

 

HON CHARLES DE COMMARMOND

Wi mersi Mr chair. Me zisteman 157(1) letan i dir ‘’unless it is celebrated by an officer of the Civil Status.’’

Petet i bon klarifye sa. Ki savedir sa?  Akoz eski i vedir si sa zofisye in sermante par Civil Status ouswa i travay kot Civil Status?

 

MR SPEAKER

Mersi Onorab. Onorab Ramkalawan.

 

HON WAVEL RAMKALAWAN

Mr Chairman ti annan en   moman kot Pret Katolik ek Pret Anglikan ti osi bann zofisye  e ki ou ti kapab fer ou maryaz olye al avan kot Biro pou ou fer ou maryaz, ou ti kapab  zour ki ou pe beni ou maryaz ou fer son morso sivil apre fer son morso relizye. Apre sa, sa in arete.  Me mon konpran sa pwen ki Onorab William pe fer resorti, e mwan mon ti ava propoze ki nou ouver sa bout.  Ok, nou ouver sa 157(1) kot nou ti kapab met ‘’celebrated by an officer of the Civil Status or any designated officer.’’  A designated officer i ava en dimoun ki ava’n ganny son lotorizasyon.  E ki sa dan li mem li i ava – si mon pe ekout byen Onorab William, i ava ouver sa sityasyon, pou ki demen, letan zot sanz zot Lalwa, ki a kapab annan bann private. Bann private.  En pe parey bann dimoun ki ti vin vwar nou. E mwan Mr Chairman parey ou konnen mwan  osi tou mon ankoler avek sa larepons ki ou’n resevwar, akoz i pa’n pran konsiderasyon sa ki sa bann dimoun ti pe rode.  E ofet in renons zot apre tou sa bann lannen ki zot in rann sa servis zot fidelman ozordi sa Departman – sa Minister i rezet zot en morso dipen pou met lo latab zot fanmir. Alor sa i ava permet ou ki i ava ouver sa. I ava annan en designated officer ki ava annan son prosedir pou zot ganny designated, me ki i pa  limite lo officer of Civil Status parski officer of Civil Status i restriktiv dan lesans ki  fodre ou travay laba pou ou ganny deklare anba 171. Se sa ki mon anvi met devan e mon krwar ki Onorab Georges i a kapab met li dan the proper language.  Mersi.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi Mr Speaker bonzour.  E bonzour tou dimoun.  Mr Speaker mon annan en konsern mon en ?  Mon konsern i vin lo lefe ki nou’n etabli bann nivo ki vin sort of bann kondisyon pou nou kapab fer maryaz.  E i annan bann kriter ki’n ganny etabli.  E prezan la si nou fer sa nou pou bezwen al amann, sa bann provizyon ki nou fini amande previously.

Par egzanp si ou pran sa 50 savedir ou bezwen al fer antre en designated officer.  Now sa ki’n ganny dir par Minis yer apre ki i ti pran kontak avek Departman Imigrasyon, se ki nou annan en sityasyon kot ou annan bann etranze ki le marye avek bann madanm Seselwa lo fo preteks. E zot in rankontre bann sityasyon koumsa.

Eski nou garanti ozordi ki nou annan sistenm kontrol an plas?  Akoz la si nou fer any designated officer, ki mon pa neseserman kont, me si nou fer sa mon vin en pti pe parey Nevada – Las Vegas kot ou kapab anybody Tom, Dick and Harry i  ale i marye.  So eski sa ki nou pe dir se ki-?  Eski sa ki nou pe dir?

 

(Off-Mic)

 

HON SEBASTIEN PILLAY

Mr Speaker les mwan fini.

 

MR SPEAKER

Ale Onorab.

 

HON SEBASTIEN PILLAY

Sa ki nou pe dir se ki kalite kontrol ki nou pou annan?  Akoz mwan sa ki mon konsernen avek, se lefe ki par le pase, in annan bokou kritik ; kritik anver Gouvernman sirtou kot nou’n donn paspor, nou’n fer isi nou’n fer laba.  E la nou pe ouver sa levantay en pe pli gran.  Akoz maryaz i enn bann kondisyon ki permet en dimoun, swa ganny  en dependent permit, swa ganny bann lezot keksoz.

So pou mwan ler mon pe get sa, sa i en desizyon Polisi ki Gouvernman ti kapab pran orizinalman.  I annan en rezon akoz mon pa konnen AG’s Office pa’n pran sa desizyon Polisi.  Eski i pou prudent pou nou demann lavi Gouvernman lo la, pou nou kapab war where they stand in terms of the structure ki annan an plas?

Si non,  parey nou pe war ozordi, sa lendistri maryaz i pe vin en lendistri dan li menm, e nou devret kapab allow dimoun prive to partake into it.  Mon konsern se ki eski nou pare pou annan bann striktir an plas pou donn sa bann dimoun sa?

Si sa i leka and mon ganny convincde that is the case, then mon pare pou siport sa propozisyon.  Mersi Mr Chair.

 

MR SPEAKER

Mon krwar sa ki nou diskite yer lo sa prosesis piblikasyon and all that.  Se sa konsern osi ki ti leve yer, se eski i donn letan par egzanp pou Lotorite Civil Status regarde ki i pa en maryaz bogus.  Ok?  Parey nou pe dir bann maryaz koumsa.  Be i deza annan Lalwa i deza fer provizyon pou verifye, akoz menm anba special license ou pa zis vini ozordi deside pou marye.  I annan serten process ki ou pou al ou pas atraver.  E ler ou pe dir nou pe open sa dimoun ki pou vini ki pou vin konman sa zofisye ki pou administre maryaz, i pou bezwen apply en license.  E i pou annan sa bann kondisyon ki pou atase avek.

Si i pa meet sa bann kondisyon, i pa pou kapab vin en zofisye dezinyen.  E dan sa ka sa bann dimoun ki’n deside kite ek Civil Status, zot deza annan sa leksperyans, e annan tou sa bagaz pou zot kontinyen.

Anybody ler sa i ganny ouver ki vini i pou bezwen li osi tou al konnen ki mannyer i pou administre maryaz.  E i pou bezwen fer serten legzersis pou li kapab prouve ki poudir mon kapab optyen en license pou mwan fer sa.

E mon krwar Lalwa aktyel i fer provizyon pou veye ki tou keksoz i mars byen, ki not anybody ki pou antre i pou perform maryaz.   Ou war?  So sa ki mon panse e i swiv en pti pe bann largiman osi tou yer, ki nou ti pe anmennen dan lartik avan.  But anyway mon nou ava ekout enn de Manm.

Onorab De Commarmond.

 

HON CHARLES DE COMMARMOND

Mr Chair.  Pou mwan i pa en kestyon kontrol.  Aktyelman sa ki pe ganny fer dapre Lalwa, mon pe gete si sa ki pe ganny fer dapre Lalwa i konformite avek Civil Code!  Dan Civil Code i dir, ‘‘an officer’’ – ‘’by an officer of Civil Status’’.  Sanmenm sa mon demande ki panel i kalifye sa.  Konmsi dir nou ki lekel en officer of Civil Status.  Eski ou bezwen pe travay ek Civil Status ? Oubyen kanmenm ou pa travay ek Civil Status?

Si ou pa pe travay ek Civil Status menm ou en zofisye si ou’n fer sermantasyon zis eksplik nou ki en fason son definisyon, sa definisyon, en fason lezot dimoun ki le fer aplikasyon i kapab i kapab apply.  Partime full time, whatever. Konmsi sa ki mon ti a kontan i ganny byen eksplike son definisyon, pou nou konpran pangar i pa an konformite, se tou.

 

MR SPEAKER

Yes mersi.  Mon krwar dan rankont ki nou ti ganny Onorab De Commarmond ou ti la nou ti dekouver poudir i annan bann retired immigration officers tou, ki ozordi pe fer konman partime.  I ganny license pou fer konman partime.

So ou pa neseserman ki ou pe travay ozordi aktyelman, kot Civil Status.   Me ou war?  Mon pa pou nonm okenn non la, mon konn enn ki’n pran retret, ki in ganny swivan sa bann keksoz ki’n arive, in ganny en license.  I pa’n ganny pran onboard.  In pran retret sa dimoun.

Wi in sermante, parey tou e ankor parey mon pe dir sa prosedir ki pou vini, i pou en prosedir ki sa dimoun finalman i pou end up i pou sermante konman en zofisye ki pou administre sa maryaz.  Ou bezwen pas atraver sa prosedir ; finalman ou sermante e kot ou ganny ou license kot ou kapab administre.

E i pa neseserman ki ozordi ou bezwen pe travay anba twatir Civil Status.  Wi i annan zofisye ki pe travay anba Civil Status ki’n sermante pou administre, me in annan dimoun ki’n pran retret e still i annan license i pe fer li.  I permet in ganny permet.

Ok so i pa neseserman ki ou ganny restrikte ki aktyelman pou ou administre sa maryaz ou bezwen dan lanplwa avek Civil Status mon krwar sa in sorti kler.  Onorab Afif.

 

HON AHMED AFIF

Mersi Mr Chair.  Mr Chair mon ti a kontan zis siport bann pwen. Mon krwar largiman in ase egzose.  Me selman mwan  mon ti a kontan dir ki mon krwar si nou dir poudir sa zofisye i en zofisye ki’n ganny license properly par Chief Officer Civil Status, then i kler poudir i en dimoun ki konn son responsabilite, me selman rezis li menm, rezis ki annan tou bann non maryaz eksetera, se en rezis ki ganny manage par Lotorite Civil Status.

E avek sa mon krwar i ti pou tre senp.   Mwan Mmn ti anvi fer en lot pwen, me selman mon a les sa pwen mon a les zot fini fer deba lo la.  Mon ti annan en lot pwen mon a raise li apre si oule.

 

MR SPEAKER

Ok mon krwar ki Onorab in fer sorti se Civil Status i touzour tenir sa oversight.  I fer sir ki keksoz i mars byen.  Onorab Ghislain.

 

HON CHANTAL GHISLAIN

Yes bonzour Mr Speaker.  Kekfwa mon zis pou eklersi mon kestyon kekfwa i lo pwennvi legal, ki lenplikasyon ziridik, dizon.  Par egzanp i annan dan sa diferans pou ou anrezistre en maryaz, anrezistre en lanmor, ouswa anrezistre en nesans akoz tousala i ganny fer par en zofisye Civil Status ki fer sa dan sa liv rezis.

Kekfwa mon ti anvi konnen ki son lenplikasyon ki i annan, ouswa diferans ant tou le 3.  Kekfwa ti ava ed nou pou nou kapab demen zour nou pe deside poudir be ok sa dimoun ki i kapab al prive pou li anrezistre en maryaz, me selman i pa kapab anrezistre en nesans ek en lanmor.  Mersi.

 

MR SPEAKER

Mersi Onorab.  Onorab Loze.

 

HON JOHAN LOZE

Bonzour Mr Speaker.  Bonzour tou koleg Onorab.  Mr Speaker mon ti pe zis seek en leklersisman avek Onorab Georges.  Mon ti anvi konnen Justice of the Peace i ankor egziste Sesel?  E ki bor zot trouve legalman.  Dernyen fwa mon krwar ti annan lapwentman JPs ti Prezidan Rene ti ankor la, e mon konnen zot osi zot kapab selebre maryaz.  So mon ti anvi zis en leklersisman lo la.

Mersi Mr Speaker.

 

MR SPEAKER

Mersi Onorab.  Mon ava donn Mr Pool oule antre la ?  Ok?  Be go ahead Mr Pool.

 

THE SENIOR DRAFTSPERSON MR VICTOR POOL

Thank you Mr Speaker.  Lo sa pwen ki nou pe debat lo la pou mwan i pa vreman enportan si nou pou elarzi la par inserting sa mo ‘’other officers‘’ la akoz still nou pou bezwen al amend Status Act e en Civil Status officer i ganny appointed as a Civil Status officer.  E once i appointed i vested under that Act anba tou son fonksyon.

 So la ki nou pe fer si nou pou met sa mo an plis la, nou pe zis elarzi la, me selman still nou pou bezwen al kote kot Civil Status Act, pou fer pou provide for someone ki pou work under  a license.  But still i pou bezwen ganny appointed. I kapab full time oubyen partime – i pa vreman en diferans – ok?

 

MR SPEAKER

Wi servi bann-

 

THE SENIOR DRAFTSPERSON MR VICTOR POOL

Met la, pa met la i pa pou vreman annan gran diferans. Akoz si Gouvernman i deside aksepte sa, i pou bezwen go through the Civil Status Act.  E la ki senpleman i pe zis dir i pe zis refer to the officer  – an officer.  Partime – fulltime, designated license, i pou laba ki sa i pou ganny taken care of . Not vreman la. So nou pa kapab –

 

MR SPEAKER

Dakor Mr Pool.  Bon Onorab Pillay oule azout keksoz, avan mon donn laparol Onorab Georges?

 

HON SEBASTIEN PILLAY

Mersi Mr Speaker.  Sanmenm sa ki mon ti pe- Ti enportan nou ganny sa leklersisman, akoz i enportan poudir nou lentansyon i bon sa ki nou anvi fer, me selman nou pa anvi osi avek bon lentansyon kre en sa.  Petet ti ava bon enn bann landrwa ki nou kapab konmans direct sa ki nou le sanze, se towards sa Lalwa avan, e regard bann keksoz ki nou bezwen sanze.

Akoz sa kondisyon in fini ganny kree, e prezan nou a regarde kwa ki pou bezwen ganny fer dan sa Lalwa laba.   Be spesifikman pou nou sanz li la, i riske kre plis debalans konmsi.

 

MR SPEAKER

Ok dakor.  Onorab Georges.

 

HON BERNARD GEORGES

Mersi Mr Chair.  Mr Chair mon krwar i dan 3 pti keksoz mon ti a kontan dir ; premyerman se Civil Code i en nespes enabling Act li i en i penn avek en penso ki larz.  Detay i dan bann lezot landrwa parey Mr Pool in dir.

Alor si nou dir ‘‘celebrated by an officer of Civil Status or any other person appointed by the Chief of Civil Status’’ se sa Lalwa Civil Status ki pe reste.  Nou pran zis en bout ki annan pou fer avek maryaz nou anmenn isi.  Larestan i laba e se laba ki sa bann lamannman pou bezwen ganny fer, pou anmenn sa an aplikasyon.  Alor parey nou pe dir la isi nou pe zis les posibilite pou elarzi scope parey Onorab William in propoze, me son detay i ava ganny fer par anba Civil Status Act par en lamannman ki ariv devan nou subsequently.

2enm keksoz ; Onorab Ghislain in demande ki diferans i annan ant maryaz lanrezistreman maryaz, nesans avek lanmor.  Nou dan sistenm Lanrezistreman nou swiv sistenm Angle kot i annan en central registrar akoz nou kontan lord.  An France par egzanp en lanmor i ganny anrezistre devan en noter dan en distrik, zis ou al devan en noter ou anrezistre sa lanmor.  Napa en landrwa santral kot ou kapab verifye tousala.

En nesans parey, en maryaz parey.  Isi nou kontan en sistenm rizid – en sistenm santral ki mwan mon kapab dir, i bokou preferab ki en sistenm en pti pe dezord parey i annan an France.  Dan sa konteks, lanmor avek nesans i bezwen ganny anrezistre dan en landrwa santral, pou ki tou dimoun i konnen.

Maryaz li i en pti pe diferan.  I ganny anrezistre dan landrwa santral, me akoz maryaz i ganny selebre dan plizyer landrwa, nou bezwen annan sa fleksibilite pou les sa rezis, sorti dan sa landrwa santral, al kot sa maryaz pe arive, ki se swa en zofisye Leta Sivil ki fer li, oubyen en lot dimoun – parey a en serten lepok Prêt Anglikan Prêt Katolik ti kapab fer li ; apre i retourn dan landrwa santral.

Ler en dimoun i al selebre en maryaz dan en lotel, i pran sa rezis i al avek, e i retourn avek, akoz rezis fodre i swiv dan lord kronolozik,  pou nou konnen bann maryaz ki mannyer i arive.

Alor i annan sa pti diferans e finalman pou reponn Onorab Loze wi Justice of the Peace i ankor egziste.  Mon pa sir anba ki Lalwa, mon konnen ki i annan en Lalwa ki rezili.  I posib ki Civil Status Act ; i posib ki Justice of the Peace Act mon pa konnen me i annan sertennman en Lalwa.

E Justice of the Peace zot ti ganny kree dan en fason kot annan de fwa ou pa kapab ariv kot en zofisye pou fer serten keksoz.  Pou anrezistre en lanmor par egzanp lo en zil ; oubyen pou aret en dimoun dan lo en zil, oubyen dan en landrwa en pe lwen kot napa kordgard, oubyen pou siny en warant lo en wikenn kot ou pa kapab ariv devan en Mazistra oubyen-

E se pou sa rezon ki i ti annan sa Justice of the Peace me i ankor egziste e i ankor ganny apwente tou le 2 ou 3an i annan en lalis ki ganny Gazete – bann nouvo Justice of the Peace ki ganny apwente.

 

MR SPEAKER

Mersi Onorab Georges.  Onorab William.

 

HON WAVEN WILLIAM

Mersi Mr Speaker.  Mr Speaker mon ti zis kontan konnen ki egzakteman wording nou pou servi la, pou nou amande.  Akoz i pou enportan akoz i pou osi dekoul dan 158, kot i annan serten amannman i bezwen ganny fer si nou pe aksepte sa propozisyon ki’n ganny met devan.

E nou pa oule en sityasyon kot lafason i ganny mete, i pa donn egzakteman kwa ki nou ti ava pe demande.  Par egzanp mwan ler mon pe regard li  mon pe get en license Marriage Celebrants, so mon pa konnen ki fason ki wording nou pou servi.  Me selman i enportan ki – enn – nou pa les sa avek Minis, ki finalman i pa delivre egzakteman kwa ki nou ti ava kontan dan Lalwa.  Mersi.

 

MR SPEAKER

Mersi Onorab William.  Eski panel i le fer okenn sizesyon, oubyen Onorab Georges i oule fer okenn sizesyon, eski nou amann la oubyen nou tenir li parey Mr Pool pe dir amannman i bezwen  vin dan Civil Status Act.  Mr Pool.

 

THE SENIOR DRAFTSPERSON MR VICTOR POOL

Ok Mr Speaker.  Parey mon’n dir nou kapab met sa mo la zis pou elarzi ki demen si Gouvernman i anvi – si Gouvernman i deside, laba dan Civil Status Act zot fer sa proper amendment, ki la i ava read avek laba.  Be solman nou pa kapab parey Onorab pe dir met mo ‘’license’’ la.  Konmsi i pa pou la i pa the appropriate landrwa pou fer sa  ler mon pe gete.

 

(Off-Mic)

 

THE SENIOR DRAFTSPERSON MR VICTOR POOL

La nou kapab met en mo ‘’or designated.’’ En mo en pe ouver koumsa – ‘’designated officer.’’ The proper place pou mon fer sa, i dan Civil Status Act.

 

MR SPEAKER

Mersi.

 

THE SENIOR DRAFTSPERSON MR VICTOR POOL

E nou pa kapab bind Gouvernman la avek en tel keksoz.  Mersi Mr Speaker.

 

MR SPEAKER

Mersi Onorab.  Me dan konteks kot en Manm i anmenn en Private Members Bill, i kapab fer pou amann sa lot Act, sa osi i kapab fer.  Me eski petet Onorab Georges mon krwar keksoz ki devan nou la eski petet nou si mon pe lir en pti pe sa ki Onorab William pe dir eski nou tenir li Civil Status officer oubyen nou met celebrant, en license celebrant?  Definitivman i pou en dimoun ki pou osi en Civil Status officer ki’n ganny sermante pou kapab fer, me sa celebrant osi tou i pou bezwen pas dan sa bann prosedir, ki finalman i sermante pou li fer.

Me mon krwar sa i en pti pe dan laliny ki Onorab William pe pouse.  Onorab Georges.

 

HON BERNARD GEORGES

Mr Chair mon pou al avek sa ki Mr Pool pe propoze akoz si nou konnen lekel ki pe al ganny apwente, nou kapab met li la.  Par egzanp si nou anvi ki en legzanp ki tou DA dan tou distrik i kapab selebre maryaz zis pou mete bann ‘’officer of Civil Status office or a District Administrator’’.

Alor la imedyatman i ganny sa pouvwar.   Me oubyen si nou le dir en Prêt Katolik, nou mete.  Me si nou pa konn dezinyasyon sa dimoun.  E nou pa konnen akoz i en lot kategori dimoun ki pou ganny apwente, nou bezwen servi – nou bezwen elarzi li la dan enn sa bann fraz ki nou’n servi.  E les Civil Status Act ler i pou ganny amande, an fonksyon sa travay ki nou pe fer, pou presiz lekel sa bann dimoun.

 

MR SPEAKER

Ok.  Dakor nou’n konpran.  Nou move on. Ok, nou ava move on e wi – ok.  Onorab Georges ou ti mansyonn sa 57 (3) osi tou kot mon krwar ozordi maryaz i pa zis fer dan en biro, dan en private house i fer osi tou dan lezot landrwa.  Onorab Afif.

 

HON AHMED AFIF

Mersi Mr Speaker.  Se egzakteman sa mon ti le raise en pwen lo sa 57 (3) kot i mete poudir ‘‘may be celebrated in any private house within that dstrict.’’ Akoz mon konnen ozordi i annan dimoun ki le fer son maryaz, me selman i le selebre li.  Par egzanp dizon in selebre the district is Mahe me li i anvi selebre son maryaz Praslin dizon – alors ki sa pou vin en restriksyon? Eski i ti annan okenn rasyonnel par deryer sa?  E si non akoz nou pa fer li ouver ‘‘celebrated in any private house,’’  full stop.  Pa fodre within that district or pa ni bezwen private house it could be anywhere.  

So mon pa konnen si i annan en rasyonnel par deryer sa, me si i annan mon ti a kontan ganny en leksplikasyon avek panel.  Me si non, i devret.   Mwan mon ti a propoze ki i read ‘‘it may be celebrated in any place’’ e full stop. 

 

MR SPEAKER

Wi se sa akoz si nou stop private house, i bar ou, ou al menm en Seselwa ozordi kekfwa i anvi fer son maryaz lo lans, oubyen lo en bato.  Wi.  Yes Onorab.

 

HON WAVEL RAMKALAWAN

Mon krwar ki senpleman poudir ‘‘the marriage may be celebrated in any place after publication has been made’’.

 

MR SPEAKER

Onorab Pillay.

 

HON SEBASTIEN PILLAY

Mr Chair.  Mon le demann ou permisyon pou nou regarde si nou napa en consequential amendment apre ki nou’n elarzi the previous clause, kot nou metenir ‘’designated officer’’ to lartik 150(1) – to article 150(1).  Sa ki mon le klarifye, se eski sa designated officer si i pe fer piblikasyon li osi, i bezwen ganny enkli anba lartik 150 (1) alors pou nou fer sir poudir nou annord?

Akoz ki mannyer 150(1) in lir ozordi i lir selman ‘’‘public officer or officer of Civil Status.’’ E now we are including ‘’a designated officer. ’’ So eski we have to consequentially amend so that, that designated officer enters in that article?   Mon ti a kontan klarifye sa silvouple.  Thank you. 

 

MR SPEAKER

Ok mersi Onorab.  Onorab Georges i annan ankor nou retourn lo sa 157(1) ‘’designated officer’’ sa konsern i relev ankor.  Eski pou annan consequential amendments apre?  Apre petet osi an menm tan-

 

HON BERNARD GEORGES

I annan en Consequence Bill ki pou eksplike tou bann sanzman ki pe ganny fer a bann lezot Act, ki pe ganny afekte par amannman ki nou pe fer isi.

 

MR SPEAKER

Yes Onorab Pillay.

 

HON SEBASTIEN PILLAY

Wi sa mon konpran ou tre kler lo la Onorab.  Sa ki mon pe demann ou klarifye ek mwan, se under 151 article 151 ok i met ‘‘when an application is made to a public officer. ’’ Sa ki nou pe kree nou pe kre en lot group zofisye ki kapab fer zis maryaz.  Savedir sa group zofisye pou kapab pran laplikasyon lanrezistreman oubyen eski i pou conduct zis sa maryaz?

 

HON BERNARD GEORGES

(Off-Mic)

 

HON SEBASTIEN PILLAY

Just  celebrate the marriage.  E ki mannyer li i pou zis celebrate the marriage, selman tou burden of ensuring ki bann dokiman i annord, i reste lo the Civil Status officer?

 

MR SPEAKER

Onorab Georges.

 

HON BERNARD GEORGES

Be akoz i en Departman Gouvernman e i annan son responsabilite pou fer sir ki tou keksoz i annord.  Se la kot ou pey fees eksetera.  Li i fer sir ki tou keksoz i annord, i afise, i pibliye, i fer tou keksoz e i zis fer pou celebrate.  Annefe nou pe retourn kot nou ti été avan.  Akoz avan sa bann Prêt Katolik ek bann Prêt Anglikan, ti ganny designate pou zot fer sa travay.  La sa ki nou pe fer se nou pe dir nou pa bezwen kekfwa sa 2 kategori me i kapab ki zot osi ava anvi vin dan sa kategori, me nou anvi elarzi sa kategori, pou okenn dimoun ki anvi set themselves up as a licensed celebrant pou maryaz, fer li.

I annan en kantite – i annan  en levantay la,  nou pa konnen – i posib ki en dimoun i ava anvi fer parey i annan dan bokou landrwa, en marriage chapel.  Sa se son biznes i ava fer en zoli lasapel lo en zoli lans somewhere, e i ava fer sa konman son biznes.

Me dimoun i ava vin marye l’akoz i en zoli landrwa e zot fer en zoli servis.  I  posib.  Nou bezwen.  Mon krwar se sa lentansyon, nou bezwen les sa posibilite ouver.  It happens in other countries.  Enn mon ser in marye dan en pti lasapel, ki pa ti annan okenn afilyasyon relizye, me i ti en zoli landrwa e  zot in swazir sa.

 

MR SPEAKER

E Gouvernman in anmas son bann feesOk? So 57(3) ki mannyer nou pou amann 57 (3)?

 

HON BERNARD GEORGES

Bon 57(3) mon pe propoze, akoz ou war 57(3) i byen.  Akoz i kler ki ozordi nou pe swiv Lalwa. Akoz sa parey mon dir dan Civil Status Act, private house i kler ki dan bokou ka, maryaz pa pe ganny fer dan private house.  I pe ganny fer dan bann landrwa piblik – dan en lotel or whatever.  E nou bezwen mon krwar aksepte sa.  E osi e se sa pwen Onorab Afif, ou kapab afis ou maryaz dan en distrik Viktorya, epi al marye dan distrik Sid.  Akoz ou anvi beni li en lot landrwa e fer ou selebrasyon dan en lot landrwa.

Alor nou bezwen sanz li dan de fason ; ‘‘shall be celebrated in the Civil Status office of the district or if the parties …’’ Me sa i byen.  Ou kapab fer li dan sa distrik ‘or if the parties so request it may be celebrated in any other place of their choosing’’.

Ou war ki i kapab sa distrik i dan en lot distrik.

 

MR SPEAKER

Ok.  Dakor.  Panel?  Mr Pool ou’n gannyen sa en?  Ok?  Mersi.  Onorab Georges nou a kontinyen.

 

HON BERNARD GEORGES

Mersi Mr Chair.  158 i en ekstansyon sa ki nou fek fer.  Ler e la nou bezwen sanz private house ankor, akoz nou elarzi  li e i ava en lamannman konsekans ki panel i ava fer.  Si sa pou arive, sa dimoun ki pe selebre, i ava swiv serten kondisyon ki Lezislasyon Civil Status Act i prekonize e i ava ganny zofisye Leta Sivil i ava ganny konsilte.

E 158(3) se okenn maryaz dan en  lot landrwa pa pou ganny fer san permisyon Sef Zofisye Leta Sivil, ki i normal.  159 i al dan lafason ki en maryaz i ganny selebre.  Ankor enn fwa nou bezwen sanz private house.  Sa ki arive se ki e sa se lafason ki sa zofisye i lir bann non, deskripsyon, notis piblikasyon, konsantman sa 2 parti akoz konsantman i enportan.  Ou pa kapab fer en maryaz si napa konsantman.  I ava demann zot si zot pran kanmarad konman ‘’Mari ek Madanm?’’ E si zot donn zot konsantman, i ava deklar sa konsantman, e i ava fer zot siny zot Act de mariage.

Act de mariage pou ganny fer dan en garson ki Lalwa i prekonize e sa i la deza dan Civil Status Act.  I ava demann – e la i enportan la i tre enportan 160(2) i ava demann zot, eski zot antre dan en contrat de mariage?  En marriage settlement.  Eski zot in fer ?  E lekel sa noter devan lekel zot in fer sa contrat de mariage?    E contrat de mariage i enportan akoz nou pou war  en pe plitar ki si ou marye isi Sesel, san contrat de mariage  ou marye anba en rezim separasyon de byen; sa ki pou ou i pou ou, sa ki pou mwan i pou mwan subject to Lalwa Divors.

Me ou kapab antre dan en contrat de mariage   ki poudir non nou anvi ki tou keksoz i vin ansanm.  Alor olye separasyon de byen, nou anvi en kominote de byen.  Oubyen nou anvi dir ki ‘irrespective  sa ki pou arive, sa ki pou ganny aste pou reste pou sa enn ki son non i lo lavant.  E nanryen pa pou sanze.  Menm si i annan en divors. ‘

Donk posibilite i ganny donnen a bann koup ki pe marye, pou zot deside, pou zot antre dan en contrat de mariage   si zot pa antre dan en contrat de mariage  lartik 1400 dan zot liv – lartik 1400 ki en nouvo lensersyon i dir ki the default say’separation de bien.’’ Ou pe marye an separation de bien. E sa i enportan – tre enportan, akoz i kapab ariv problenm plitar si sa pa arive.

E se pou sa rezon ki sa bann parti i ganny demande there and then, si zot in fer, si zot pa’n fer oubyen fer.  E zot repons i ganny rikorde lo sa marriage certificate.  E konmela si ou a gete ou a war ‘’And the parties have stated that they have not entered in a marriage settlement.’’ Or ‘’The parties have said that they have entered into a marriage settlement.’’ Eksetera. Donk sa in ganny mete lo bann sertifika maryaz.  161 piblikasyon maryaz i free e ou sertifika maryaz osi i free.

 

MR SPEAKER

Onorab.  Mon krwar i annan en pti query osi mon war sa en pti pe drol. Onorab Ramkalawan.

 

HON WAVEL RAMKALAWAN

Mr Chairman,  personnelman mon pa war akoz i bezwen free.  Mon krwar ki se sa ki parfwa ki dimoun i dir avek ou ‘’pou marye ou met 50sou apre sa pou divorse i kout en ta larzan.’’  I think i annan en cost ki ganny incurred la.  I mean pou sa lofis.  I mean ou  al partou napa nanryen ki free. Ou al renouvle ou license drive ou pey en processing fee.

Mon krwar ki – I mean mon pa konnen ki bann lezot i panse.  But why should it be free?  Amwen ki nou anvi kit sa konman en keksoz ki lasosyete i donnen, me personnelman mon pa war son rezon akoz i devret free.

 

MR SPEAKER

Se sa e menm biro Civil Status fer bann prosedir pou pibliye, i koute.

 

HON WAVEL RAMKALAWAN

Yes.  Egzakteman Mr Speaker.  Parske apre ki en dimoun in konmsi letan pe donn li keksoz for free apre sa i al depans sepa konbyen pou nouri sepa konbyen.  Parske i annan en keksoz ki ganny incurred.  E mwan personnelman mon pa war akoz i devret free.

Mersi.

 

MR SPEAKER

Officially prescribe.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker nou a rapel ki i annan bokou lenstans kot nou’n demande pou annan bann derogasyon.  Si nou gete 161 ek 162, 162 i eksplik en pti pe akoz anler i annan sa eleman free. Akoz 162 i fer prekonizasyon, oubyen i fer posibilite, pou si en dimoun pa kapab peye, i menm involve nou ki la anndan.

Petet ti a bon nou lir sa lartik and then pou nou apresye en pti pe akoz sa de anler in worded lafason ki zot in ganny worded.  Me si Lasanble i santi, the mazorite ki nou devret sanze, then that’s something ki nou kapab think about.  Mersi.

 

MR SPEAKER

Onorab Georges.

 

HON BERNARD GEORGES

Mersi Mr Chair.  Mr Chair sa 161 ek 162 i fer mwan mazin mon koleg avoka Mr Phillip Boulle ki ti dir ki ‘’Maryaz avek divors nou’n ganny li completely wrong !  Maryaz i fasil divors i difisil.  Maryaz ou al kot Leta Sivil ou marye, me divors ou bezwen al Ankour eksetera nou devret fer li diferan.

Divors ou devret zis divorse.  Me avan ou marye ou devret petisyonn en Ziz, al Ankour, fer sa Ziz konpran ki ou annan kapasite pou marye, ou annan en steady job, ou pa en boug ki bat ou madanm – tousala ler i donn ou permisyon la ou ava marye.‘’

 

(laughter)

 

HON BERNARD GEORGES

E sa i fer mwan mazin sa en pti pe.   Mwan mon krwar ki mon krwar ki si 162 pou fer okenn sans, we can get rid of 161. Si nou tir 161 konpletman, sa i ava les zofisye Leta Sivil, fikse en pri pou en maryaz.  E 162 i ava les sa bann dimoun donn en sertifika konmkwa zot konn sa dimoun pe al marye, e zot konnen i tro pov pou li pey son- It makes no sense Mr Speaker.

Si ou pa kapab peye pou ou ganny sertifika maryaz, ki ou pe al marye?

 

(laughter)

 

 

HON BERNARD GEORGES

I mean mon krwar se en Lalwa 1804 ki nepli annan okenn relevans ozordi.

 

MR SPEAKER

Bon propozisyon alor i annan en propozisyon eski nou get rid of 161?  Nou kit 162.  Onorab De Commarmond.

 

HON CHARLES DE COMMARMOND

Mr Chair mon konpran ki i pe ganny diskite.  Me ou war sa ti ganny fer dan en lepok, kot vreman ti annan dimoun ki pa ti kapab afford pou li marye.  E an menm tan ki nou pe revwar sa, i fer mwan mazinen osi ki nou pa met en lot burden, ki taler pou al marye en boug i bezwen al i dir ou i napa ase larzan i bezwen al rod welfare  pou,  marye ensidswit. Fodre pa nou ariv dan sa bann sityasyon osi.

So mwan annou osi mazinen ki nou devret pe ankouraz maryaz. So mon ti a kontan ki nou get en lapros pa met okenn burden and compenses lo 2 dimoun ki’n deside pou marye, akoz nou anvi ankouraz sa.

 

MR SPEAKER

Mersi Onorab.  Mr Pool.

 

THE SENIOR DRAFTSPERSON MR VICTOR POOL

Yes mersi Mr Speaker.  Mon pou dakor avek Mr Georges ki nou tir la tou an respektan lartik 48(3) ki dir ki  ‘‘fee for marriages license, shall be as  determined by legislation’.’ I think the proper legislation is the Civil Status Act.  So 161 i devret sorti la.  Akoz sa i bann  matter of procedure, ki pou kouver anba regilasyon Civil Status Act.  Ok thank you.

 

MR SPEAKER

Ok dakor.  Wi sa ki pe ganny propoze 161 i ale – wi.  Ok?    Nou ava bouze. Onorab Georges.

 

HON BERNARD GEORGES

Non. 162 akoz si ou tir 161, 162 pou napa pa fer okenn sans.  163 e sa se bann dimoun ki kapab marye en dimoun in articulo mortis ki dan lartik lanmor, en Prêt okenn public officer, travayer Gouvernman, en CEO dan militer, en Kaptenn bato oubyen avyon, oubyen noter, Island Manager i kapab selebre en maryaz, ant de dimoun. Enn ladan i articulo mortis e sa maryaz i ava valid.

Donk sa se obviously pou bann ka irzan kot en dimoun i dan lartik lanmor.  Mon demann panel ‘’in articulo mortis’’ is the in part of the phrase or is it just ‘‘article mortis’’ is it in articulo mortis so the in should be also italic size.

E sa maryaz i ava valid. E sa natirelman pa kapab ganny fer, amwen ki sa enn ki dan lartik lanmor, i kapab donn son konsantman, e met son mark son pous or whatever, lo son sertifika maryaz.  E i bezwen ganny fer devan de temwen.  Enn ki en dokter e si sa si napa dokter demann 4 temwen. Obviously lo en zil elwanye pa pou annan en dokter, e dan sa ka ou bezwen 4 temwen, pou fer sir ki sa ki pe arive i byen.

E zot bezwen sa sinyen oubyen met mon mark lo sa maryaz –  zotx’ lo sa sertifika.  Apre dan en peryod 3 zour apre sa, sa deklarasyon i bezwen ariv devan zofisye Leta Sivil dan sa distrik, e i ava ekri i ava fer en not dan rezis poudir ki sa in arive.  E i ava anvoy en kopi sa kot Chief Officer Civil Status, ki ava anvoy li kot Attorney General.

164 – si en dimoun i anvi marye an deor Sesel anba Lalwa, sa pei kot i pou marye piblikasyon sa maryaz i bezwen ganny fer isi Sesel, e (pardon.)  E si anba Lalwa sa pei, piblikasyon i bezwen ganny fer Sesel, sa piblikasyon i ava ganny fer dan central Civil Status office, dan menm fason ki sa ti pou ganny fer otherwise – ok?

199 nou fek manz 30 lartik en sel kou Mr Chair, la prezan nou pe ariv lo laprev.  Pou Acte de mariage i ase levidans pou prouve ki ou en dimoun marye, ki ou annan sa status.  Birth marriage or death i kapab ganny prouve par okenn levidans oral ou ekri, ler rezis in perdi, oubyen enn bann paz dan sa rezis in ganny destroy, oubyen defaced.  Fungus.  Dan bokou rezis Legliz par egzanp, karya in manze e sa i donn ou posibilite pou ou kapab anmenn levidans.  Oubyen ler napa rezis, sa osi ou kapab prouve par levidans konmkwa ou en dimoun marye.

Ler i annan en Act maryaz, bann dimoun ki’n ganny marye, pa kapab dir ki sa Act pa valab, akoz se sa.  Zot pa kapab renons sa Act plitar me sa paragraph 1 pa aplike.  Paragraph 1 se proof of marriage status pa aplike.  Si sa se en Act ki’n ganny fer an deor Sesel e Attorney Zeneral par li menm proprio motu oubyen lo demann enn sa 2 dimoun ki’n marye, i kapab anmenn levidans pou montre ki sa maryaz in ganny fer dan sirkonstans kot sa maryaz i ava kont lord piblik, kont public policy.

Par egzanp – en legzanp mon donnen se, en dimoun ki’n marye a en tre ba laz dan en pei kot sa i posib, dizon en dimoun ti annan 12an – 13an ki valab dan sa pei kot in marye, me i kont lord piblik Sesel, nou pa pou aksepte sa konman en maryaz valab isi Sesel.

E lartik 200, si en maryaz i ganny etabli par en zizman Lakour, apre ki Lakour in ekout en case e i dir wi e i annan en maryaz valab, sa zizman i ava ganny anrezistre li osi dan rezis Leta Sivil e i ava en maryaz ki pou ganny valid depi zour son selebrasyon. I ava parey en maryaz ki’n arive devan Leta Sivil li menm e non pa par zizman Lakour.

Mr Chair nou ariv a en bon moman mon krwar pou pran en vot.

 

MR SPEAKER

Pran en vot wi.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair lo sa ki pe ganny leve la avan nou pran break, mon anvi gidans panel, e petet Onorab Georges osi konman Chair Komite, dan nou pei, i annan diferan kiltir diferan Seselwa ki sorti dan diferan kiltir e ki dizon zot al marye dan pei kot zot sorti, e parey ou’n fek dir, laba i aksepte anba 18an maryaz i legal ; ti legal.  E an menm tan lot ki nou’n amande pli boner yer, kestyon neve oubyen en pe pli close dan fanmir, ki mannyer i pou vini prezan?

Konmsi zot ale zot marye laba, aprezan ler i retourn Sesel – konmsi i Seselwa li, ki mannyer i pou vini? Parey ou’n dir la sa maryaz i pa pou ganny rekonnet e aksepte isi?  Konmsi mon anvi vreman, vreman  kler lo la, akoz i egziste.  I pa en ka.  I pa rar.  I pa tro rar.  I egziste. So eklersi nou en pe.

 

MR SPEAKER

Mersi Onorab De Commarmond.  Onorab Henrie.

 

HON GERVAIS HENRIE

Mersi Mr Chair.  Bonzour tou dimoun.  Mr Chair mon ti annan en pwen lo 199 (2) letan laprev ‘’by any oral or written evidence’’ e petet sa Kod lepok ki i ti ekri bokou dimoun pa ti ekri. Donk levidans oral ti ganny aksepte.  Me ozordi zot dir ou if something is not in writting it doesn’t exist.

Konmsi eski sa bout oral i ankor relevan dan sa modernite ozordi, ouswa nou ti ava ensiste ki tou keksoz i an ekrir i sinyen e dokiman i reste.  Akoz oral en dimoun i kapab dir ou zanmen mon tann sa ouswa entel pa’n dir mwan sa.  Mersi.

 

MR SPEAKER

Mersi Onorab Henrie.  Onorab Ramkalawan.

 

HON WAVEL RAMKALAWAN

Mr Speaker.  Sa ki  mwan mon ti pe fer komanter lo sa ki Onorab De Commarmond in leve. Lalwa Sesel ki siprenm letan en dimoun i Sesel.  Mon krwar ki fodre sa i ganny mete kler.  E nou Lalwa nou pe dir fodre ou annan 18an pou ou marye.  E alors se sa Lalwa, ki en maryaz si ou’n al marye deor 13an whatever – non. Isi sa maryaz pa gannyen rekonnet! I osi senp ki sa!

`       E mon ti ava met sa devan li dan en lot fason.  Si de dimoun i menaz isi Sesel, e nou napa problenm ek dimoun menaz, me ou al dan en pei e nou konn serten Seselwa ki’n al UAE par egzanp, kot laba i dir avek ou, ou pa kapab menaz parske zot Lalwa i diferan.

Be ou kapab ganny arete, ganny met dan prizon e tou.  Nou’n war bann legzanp. So nou bezwen son larepons kler e senp, nou Lalwa ki aplike.    Kler e senp!

 

MR SPEAKER

Mersi Onorab.  Onorab Georges.

 

HON BERNARD GEORGES

Mr Chair, mon pa ti pe swiv deba.  Mon pe get en lot keksoz.  Eski mon – ?

 

MR SPEAKER

Non i annan en query from Onorab Henrie.

 

MR SPEAKER

Yes Onorab Ramkalawan.

 

HON WAVEL RAMKALAWAN

Zis petet mon ava azoute.  I vin parey.  Si ou sorti dan en pei kot marijuana i legal laba ou fimen i legal.  Be letan ou vin Sesel i ilegal, ou pa kapab dir be kot mon sorti mon ti abitye fim marijuana.  Gard pou aret ou, i pou met ou –  Ou pou ganny sarze, akoz nou Lalwa the Law of the land ki dominen.  Mersi.

 

MR SPEAKER

Wi mersi.  Onorab Georges.

 

HON BERNARD GEORGES

Mersi Mr Chair.  Mr Onorab Gervais Henrie in demande, eski nou devret les ouver posibilite pou prouv en maryaz par okenn vwa oral, oubyen okenn lezot dokiman, oubyen ki nou devret ensiste ki sa i ganny fer par en dokiman ki’n ganny en dokiman otantik, ki’n sorti dan Leta Sivil?

Wi mon krwar dan 99poursan se sa 2enm.  Me nou pa bezwen toultan les posibilite pou ki 2 dimoun i marye epi zot pa kapab war dan Leta Sivil sa paz, akoz en pou en rezon ou en lot sa paz i manke.  E les mon a dir zot, ki i arive.   Mwan mon’n rod dan Biro Lanrezistreman bann lavant later ki mon konnen ti’n deza arive e i annan de fwa sa paz i manke.  E donk ou bezwen kapab prouv par en lot fason legzistans sa keksoz.

E mon krwar i bon ki nou gard sa la zis an ka.  Ler i ariv en ka somewhere.  Obviously pa tou keksoz ki ou dir ki pou vre.  Fodre ou al devan en Lakour e sa Lakour i zize, i aksepte ou ek ou levidans i valab, otherwise ou pa pou meet sa standar.

 

MR SPEAKER

Mersi Onorab Georges.  Mr Pool ou ti le azout keksoz ?

 

SENIOR LEGAL DRAFTSPERSON MR VICTOR POOL

Mr Speaker an relasyon ek kestyon LGB, si nou get lartik 11, mon krwar i tous klerman lo sa size. Kot i dir ou ‘‘status and capacity are governed by status of domicile.’ So sa zanfan kanmenm in sorti in al marye, son domisil i Sesel li, so sa Lalwa Sesel ki pou kouver li.  So.  Ok.

 

MR SPEAKER

Mersi Mr Pool.  Bon mon krwar moman i bon la pou nou pran en vot en desizyon lo lartik 144 ziska 200 ki form par sa schedule dan Book 1.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  25 Manm in vot an faver.  E personn kont.  Mersi.

 

MR SPEAKER

Mersi.  Savedir sa bann lartik depi 144 ziska 200 in ganny aprouve par Lasanble avek son bann amannman ki’n ganny met devan.  Bon,  Onorab Georges eski nou kontinyen la sirtou nou pe konmans en nouvo sapit, eski nou kontinyen oubyen nou ava pran en break nou ava retournen 11mwen kar dizon?  Onorab Georges.

 

HON BERNARD GEORGES

Mersi Mr Chair.  Mon krwar i en bon moman pou nou pran break, avan ki nou pran en lot seksyon.  Me mon ti anvi zis demann leskiz Lasanble, akoz mon defayan dan mon travay.  Mon’n bliye dir avek Lasanble ki depi lartik 199 ek 200, sa i sorti dan Kod aktyel lartik 194 ziska 202, in ganny re entegre dan 199 avek 200.  Tou Manm i annan en Konkordans.  Alors zot ava war sa dan zot Konkordans.  Me pou bann ki anvi fer sir ki nou pa’n les keksoz ki dan Kod ater, 194 a 202 dan Kod aktyel, i dan 199 ek  200. Ek  201 ek 202  me nou ava pran sa taler.

 

MR SPEAKER

Ok dakor, mersi.  So nou ava pran en break e nou ava retournen 10.45.  For the panel we will break and come back at 10.45.

 

 

(BREAK)

 

MR SPEAKER

Onorab Lemiel ou ti sinyal- ?  Ok bon nou ava kontinyen nou travay mon a donn laparol Onorab Georges.

 

HON BERNARD GEORGES

Mersi Mr Chairman.  Mr Chairman pandan break Onorab Lemiel in tous en pwen ki mon krwar in ase enteresan, e mon krwar in lev son lanmen kekfwa an atandan ki lezot dimoun i arive nou ti a kapab deal avek sa pti pwen.

 

MR SPEAKER

Wi mersi Onorab Georges.  Onorab Lemiel.

 

HON SYLVIANNE LEMEIL

Mersi Mr Speaker.  Mr Speaker ozordi nou pe war serten keksoz alarman ki pe arive isi Sesel ; kot ou pe war bann etranze.  En legzanp mon pa pe target Nigerian me selman en legzanp.  Ou war bann Nigerian – zonm sirtou, i deza annan en case la, en madanm osi, ki’n vini i zot oule marye avek Seselwa, me selman ler ou regarde sa bann dimoun in deza marye dan zot pei zot.

Ler nou pe koz piblikasyon la konmsi ki mannyer ?  E ozordi sa bann madanm sirtou Seselwa ki’n marye avek sa bann Nigerian, letan zot pe dekouver sa petet i tar.  Me ler nou pe koz lo publication dan sa pei laba ki mannyer nou konnen ki sa msye Nigerian in deza marye li?    Ki mannyer nou pou tret sa isi?  Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mr Chair  sa i en tre bon pwen, e tou i annan pou fer avek piblikasyon.  E parey nou ti war yer piblikasyon isi Sesel, se pou alert bann dimoun ki kapab konnen ki sa ki enn ant sa de dimoun in deza marye, e pou obzekte kont sa maryaz.  Me ler sa dimoun i sorti deor son piblikasyon i ganny fer laba, nou pa konnen isi.  E sel fason ki Leta Sivil i kapab fer sir ki sa pa – ki sa dimoun i en i pa’n zanmen marye, se fer li demann en deklarasyon sorti dan en Departman Gouvernman dan son pei, konmkwa zanmen in marye.

E tan ki sa dokiman i en dokiman ki vre, Leta Sivil isi i kapab azir lo la, me ki mannyer i pou konnen si sa dokiman ki i gannyen avek lafason ki fasil ozordi pou ou fake dokiman, menm fake sinyatir bann Lotorite, menm rubber stamp bann Lotorite ki mannyer nou pou konnen?

Mon krwar se sa ki arive.  en dimoun ki anvi kontrol Lalwa i pou rod tou sort fason pou li fer li.  E kekfwa dan sa ka spesifik Civil Status Act ki annan son detay ladan, i devret ganny amande. Mon krwar nou devret pran sa an konsiderasyon ler nou regard bann consequentials, pou amande pou raise the bar avek lo sa bann dokiman, pou fer sir ki se selman raise the bar i fasil ou pou demann en sertifika otantik.  E i annan en fason pou ou verifye sa, ki ou fer li al siny devan en Lanbasad or whatever pou nou fer si ki ler sa i arive, nou pa pe ganny problenm dan le fitir.

 

MR SPEAKER

Ok. Mersi Onorab Georges.  Onorab Lemiel i adres en pe sa issue – ok.  Onorab Georges nou ava kontinyen.

 

HON BERNARD GEORGES

Mersi Mr Chair.  Mr Chair nou pe pas prezan lo lobligasyon ki de-koul dan en marriage.  Marriage  obligations.  E la ankor nou sorti lo Civil Status Act e nou retourn lo Kod.

 

MR SPEAKER

Mersi Onorab Georges.  Bon mon ti a kontan dir bonzour e welcome Minis Adam ki’n kapab rezwenn nou, e osi tou avek son personal assistant Mr Marthy Vidot.  Minister bonzour e welcome parmi nou.  Onorab Georges ou kapab kontinyen silvouple.

 

HON BERNARD GEORGES

Mersi Mr Chair.  Mon rekonnet prezans Minis dan Lasanble.  Mon ti pe dir ki nou lo lartik 201 e la nou retourn dan Kod Sivil. Nou sorti dan Civil Status Act e nou’n retourn dan ansyen Kod Sivil.  E sa bann lartik ki sorti dan Kod Sivil aktyel ki nou retourn lo la.

E zis pou sitye bann dimoun ki napa konkordans devan zot, apartir 203 – apartir lartik 203, se lartik eskiz mwan, se lartik 203 se apartir nou lartik 203, se lartik 203 dan Kod aktyel.

Donk son lartik i marye.  201 ek 202 i sorti dan lartik 212, 213 eksetera, e zot in ganny mete dan lartik 201, 202, akoz i pli lozik.  Son lozik i swiv pli byen parey nou ava war.  Donk 201 sa se i dir ki bann epou i devret faithful donn kanmarad faithfulness, support lasistans avek care.

202 i dir ki ler napa en contrat mariage ki bann parti in antre ladan, zot ava kontribye pou bann depans lafanmir an proporsyon zot mwayen.  E si sa pe ganny fer enn ant sa de epou, i kapab demann en lord ki ganny fer devan en ziz pou fors son lot epou pou kontribye.  Tre rar ki arive me i la e i la depi dan Kod depi dan konmansman.

203 parey mon’n dir i ekivalan 203 dan Kod aktyel, e sa i dir ki bann dimoun ki’n marye zot ava ipso facto zot maryaz, par lefe zot maryaz zot ava annan en lobligasyon pou mentenir e pou fer grandi zot zanfan.  En zanfan napa okenn drwa pou al Ankour pou anmenn okenn son paran Ankour, pou demande ki son paran i set li up dan en maryaz oubyen dan en biznes.  E sa se pou anpes sa sistenm dowry pou maryaz eksetera.  Oubyen pou fors en paran set up en zanfan dan okenn biznes.

E nou ava war plitar ler nou retourn lo testamentory freedom, ki marye tre byen avek en lartik.  Zanfan i annan en lobligasyon pou mentenir zot paran, oubyen okenn zot gran paran ki bezwen. E 206 sons-in-law and brothers-in- law i annan en lobligasyon pou mentenir zot mother-in- law and father-in-law.  Boper ek belmer.

Sa i en lobligasyon ki en pe kontrovers, me ki ou a fer sa i la.  E i la depi dan konmansman.  Pou reponn Onorab Ferrari, eski zot kapab met Ankour?  Non.  206 (2) i dir ki sa lobligasyon pa kapab ganny enforce, si sa dimoun i mor.  Oubyen si okenn zanfan i mor.  E i ganny ou nepli annan sa lobligasyon ler ou divorse.

Donk advise se si ou pa anvi mentenir ou belmer oubyen boper, divors ou madanm !

 

(laughter)

 

MR SPEAKER

En moman Onorab Georges.  Onorab Woodcock.

 

HON WAVEL WOODCOCK

Mr Speaker,   mwan mon krwar dan konteks Sesel sa bout dan sa Bill, clause 206 (1) i met en clause ki retire.  Ou konnen ozordi dan konteks nou sosyete ozordi, e mon krwar mon pa konnen si i annan bann Manm ki’n pas atraver sa, e mon konnen i annan plizyer dimoun deor kot bokou fwa mother-in-law ouswa father-in-law i pa an faver son belfiy.  I pa’n siport son belfiy ; i pa’n zanmen enterese avek son zann.  In fact in kont maryaz, me selman sa de dimoun in kontan, in marye.

Prezan ou pe met en lobligasyon lo belfiy pou pran ka avek son belmer, ki i pa’n zanmen annan pran li a ker ; ki pa ‘n zanmen enterese avek li, i pa’n zanmen annan nanryen pou fer ;- dan lefe kot menm annan bann ka kot belmer ouswa boper in deny sa bann – any – I pa’n le nanryen pou fer avek son zann ouswa son belfiy.

Mersi Mr Speaker.  So  mwan mon pa krwar poudir  sa i en keksoz ki nou bezwen garde.

 

MR SPEAKER

Mersi Onorab.  Onorab Henrie.

 

HON GERVAIS HENRIE

Mersi Mr Chair.  Bonzour tou dimoun Mr Chair avan mon le fer en pwen ki mon le fer, me pou azout en keksoz avek sa ki Onorab Woodcock fek dir.  Anfet yer swar in fek call mwan konsernen sa bann problenm la ki li in leve.  Be selman letan nou ti pe debat merit e prensip zeneral sa Bill nou ti pe dir, ki sa Kod Sivil i presidir en dizon en Kod pou nou viv nou lavi.

E sa bann dimoun letan zot in ekrir sa, zot ti pe sey donn nou en direksyon ki mannyer nou merit viv byen, promouvwar lafanmir ; siport kanmarad ; bon vwazinaz.  E mon krwar se sa lespri ki nou konman en Lasanble responsab nou bezwen anvoy mesaz ek dimoun laba deor, poudir par egzanp letan mon pe get serten lartik, ki nou ti diskite si ou marye ou annan ou langazman ou bezwen siport ou partner ; ou bezwen siport ou zanfan, i pa kapab tonm lanmen MNA bann keksoz koumsa pou vin rezourd bann problenm ouswa lakour.

So i pe donn nou en direksyon ki mannyer nou pou byen viv dan nou kominote dan pei e konman en sitwayen lo later.  Prezan le pwen ki mon le fer lartik 205 mon’n note ki nou ti dir ki Onorab Georges si par egzanp en zanfan pa mentenir son manman ek son papa letan nou ariv lo lartik 726 alor nou kapab met en clause la ki dir be ok dan siksesyon, zot kapab met a lekar.  Alor mon oule konnen si nou bear sa in mind e ki plitar nou pou war.  Mersi.

 

MR SPEAKER

Mersi Onorab Henrie.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon krwar i enportan lo kote 206 (1) dan tou lede konteks.  I annan en konteks osi be ok sa dimoun i pa kontan son belmer swa son zann, i annan en konteks osi ki swa sa dimoun in fer tou pou son belfiy ouswa son zann. In donn zot landrwa pou reste, in antretenir zot maryaz, in ed zot, so mon krwar nou pa devret al dan ekstrenm, kot sa.

Sa ki enportan se ki ler par egzanp meton en sityasyon kot sa dimoun i dir mon pa oule maintain sa dimoun, i pou bezwen al prouve en rezon kelkonk.  E sa ki mon ti a kontan demann Onorab Georges lo son leksperyans ase vas, dan deal avek sa bann sityasyon ki in kapab come up dan son karyer, eski dan en sirkonstans kot en zanfan i kapab dir ‘’be gete Lalwa pe obliz mwan  pou fer sa, me selman sa dimoun pa’n zanmen montre mwan okenn afeksyonn, pa’n le annan okenn relasyon avek mwan, eski mon still annan sa lobligasyon parey Lalwa pe fer?

E dan sirkonstans ki sa dimoun osi in fer tou, e sa zanfan ek son spouse,  i dir me mon pa pe donn papa ek manman nanryen, e la nou konnen ki problenm ki vini, sa problenm i retourn lo Leta e se Leta ki bezwen konstrir Home,  e Leta ki bezwen pe entretenir e zot menm konman e nou menm nou koman MNA nou konn kantite legzanp in gannyen, kot en endividi i vin war ou i dir ou mon zanfan pa le fer nanryen pou mwan.  Mon zanfan pa oule okip mwan.

So mon krwar parey Onorab Henrie in dir, annou regard sa dan lespri lafason ki petet nou oule sosyete konport li, anver kanmarad.  Mersi Mr Speaker.

 

MR SPEAKER

Mersi Onorab.  Onorab Andre.

 

HON CLIFFORD ANDRE

Mersi Mr Chair.  Mr Chair mon krwar si dan Lalwa nou met en lobligasyon lo zann avek belfiy, ti ava osi enportan ki menm lobligasyon resiprosite i ganny mete lo belmer avek boper, pou ede pou mentenir son zann ek son belfiy !  Be dan sa konteks, mwan mon dir Lalwa ozordi ki mannyer i mete pe dir ‘‘shall’’ akoz nou pa met ‘‘may’’ koumsa akoz i annan bokou belfiy, zann, belmer, boper ki annan en bon lantant e ki keksoz i ganny fer, kot – ou konnen sa letan mon pe gete sa i kekfwa enn, de rar leksepsyon.  Konmsi nou tou la anndan nou get on mazorite nou, so mon pou get poursantaz i get on avek nou belmer, nou boper e napa problenm.  Selman si ou pe met en lobligasyon lo mwan i kapab akoz ou pe met en lobligasyon lo mwan, prezan i vin en problenm.

Demen si sa garson, oubyen sa fiy, i dir be non, non  ou bezwen donn mon manman en keksoz.  La aprezan olye vin kot manman i pas dan lakour menm la  aprezan.  Ou konpran ou.  So eski nou pa pe kre en sityasyon kot pou annan plis problenm sosyal demen dan pei?  Mersi.

 

MR SPEAKER

Mersi Onorab mon ti panse ou pou vin zwe ek sa mo ‘‘shall’’‘may’’.  Me nou ava regarde apre.  Onorab Larue.

 

HON FLORY LARUE

Bonzour Minis avek ou delegasyon.  Mersi Mr Chair.  Mr Speaker mon pe referans avek 204 letan i dir ‘‘a right is to set up in marriage or business or in any other way’’ sa bout ‘‘any other way’’ eski i an konfli avek drwa zanfan letan i dir ‘‘a child has no right to enforce by a legal action  against either or both of his parents’.’ Ki sa bout ‘in any other way’’ i sinifye silvouple?  Mersi.

 

MR SPEAKER

Mersi Onorab Larue.  Onorab Georges leklersisman.

 

HON BERNARD GEORGES

Mersi Mr Chair.  Mr Chair mon krwar Onorab Gervais Henrie in koz en tre bon parol ozordi, se ki Kod Sivil i en template pou en bon lavi.  Depi ou nesans ziska ou lanmor tou ou bann byen propriyete bann Kontra ki ou antre ladan eksetera.  Se sa son lenspirasyon. Annou pa bliye ki Kod Sivil in ganny drafte an France, en bastyon Katolisizm.

E bokou sa ki nou war dan sa Kod i sorti dan Corpus Juris Canonici ki drwa kanon katolik.  I menm striktir, e son konteni – akoz i parey – akoz tou lede i sorti dan drwa Romen.  Donk sa se bann gran, gran konsep ki mon krwar nou ganny demande pa zis zete san gran refleksyon.

E se pou sa rezon ki mon krwar nou pe pran osi lontan, pou nou etidye sa Kod, ler nou pe fer li.  Donk mwan zanmen mon war okenn dan 40an konman en avoka, mon pa’n zanmen war lartik 206 ganny met an aplikasyon ; ki en boper oubyen en belmer in anmenn son zann oubyen son belfiy Ankour, pou demann mentenir li.

E sa i byen.  Me pa vedir ki zanmen in arive ki sa lobligasyon pa devret la.  E annou pa bliye ki dan tou maryaz ki arive – dan tou maryaz papa la marye, toultan in dir ozordi mon pa’n perdi mwan en fiy mon’n ganny mwan en garson.

Alor. E se sa lespri kot maryaz i sa konteks, kot en lasosyete lafason ki en lasosyete i devret viv. E sa bann parol nou ganny war dan lartik 201, kot i bezwen annan faithfulness, support assistance and care. E mon krwar sa se fondasyon en bon sosyete.

Donk 206 unless i annan en gran rezon pou nou tir li, mon krwar ki i annan son merit e i annan son plas.  An sa ki konsern  enn de kestyon ki’n ganny poze ; par egzanp 204 Onorab Larue i anvi konnen, ‘’or any other way’’ mon krwar sa i koz pou li menm.

Okenn zanfan pa kapab demann en lobligasyon avek son paran, pou li ganny set up.  Son paran i ava annan en lobligasyon war li pas atraver dan lavi dan en bon fason, me ou pa kapab dir ‘’ar papa ou annan en kantite larzan mon anvi ouver en car hire ozordi, ou a prêt mon R1milyon pou mwan al aste 4 loto.’’

Si papa i dir non ou pa kapab al Ankour e dir anba 204 or si 204 pa ti egziste fors li fer.  Mon krwar i annan sa lide respe e sa lide neutrality. Onorab Andre i dir ki i devret mars de kote. E set egzakteman sa ki lartik 207 i dir. Bann lobligasyon anba 203, 205 ek 206 are mutual.  Savedir i mars dan tou lede direksyon.  E mon krwar sa i en keksoz ki bann lespri ki’n drafte sa Kod an 1801 ziska 1803 zot in fer li avek bokou lespri.

205 ; ‘‘children shall maintain their father and mother or other ascendants who are in need’’.  Mon krwar sa se – mon pa war problenm avek.  I en keksoz ki neseser, me ankor enn fwa zanmen mon war en papa oubyen en manman anmenn zot piti Ankour e dir ‘’ozordi nou, nou’n fer ou grandi, ou’n ozordi ou’n vin en boug ki annan en gran plas dan sosyete,  e bokou larzan, nou, nou mizer dan en pti lakaz, Seloner fors nou piti pou donn nou en pe larzan.’’ Zanmen mon war sa arive.

Me en pe parey 206, me lefe ki zanmen in arive pa oule dir ki nou pa devret gard li, la konman en benchmark, ki nou devret swiv.  En lalimyer ki ekler nou an kelke sort.

 

MR SPEAKER

Bon si napa okenn kontansyon nou ava nou a bouze.  Onorab Georges.

 

HON BERNARD GEORGES

Mersi Mr Chair.  207 nou war son premye sub-article son dezyenmman i dir ki ler dimoun i al Ankour pou enforce enn sa bann provizyon, si li menm li i pan desarz son lobligasyon, i pa pou kapab ganny okenn koz Ankour sa i normal akoz sa mutuality ki la.

E si ou al Ankour e si Lakour i donn ou okenn koz, Lakour i kapab koz ou saler ganny attached.  Me parey mon dir sa se bann keksoz ki zanmen nou war arive.  lartik 207 (4) i nef, i nouvo e la sa ki e sa i ganny ensere, akoz en pe plitar nou pou war ler nou fer freedom of testation, ler nou dir ki en dimoun i kapab fer sa ki anvi avek son byen, i pa bezwen les son byen pou son piti, nou pe osi dir me si son zanfan i ankor anba laz, oubyen son madanm i bezwen maintenance, oubyen i annan zanfan ki andikape, la i pou bezwen les en serten parti.  E nou bezwen met sa sou-lartik la pou fer sir ki zis apre ki sa dimoun i mor sa lobligasyon anver son zanfan ankor anba laz oubyen bann zanfan andikape, i ganny priyorite lo son byen, pou ki i pa kapab get around sa lobligasyon.

Mr Chair mon mazin en kestyon ki mon pa’n reponn ki Onorab Gervais Henrie ti dir, e i ti dir nou annou pa bliy lartik 726 ler nou arive. E lartik 726 i dir en serten kategori zanfan ki kapab ganny eksklir dan en siksesyon akoz zot pa worthy. Par egzanp zot in touy zot paran or zot in esey touy zot paran oubyen zot in fer en aksyon kriminel, ki’n andomaz, oubyen ki’n rezilta dan lanmor zot paran.

Obviously si ou touy ou paran, ou pa ekspekte ki ou ganny en par dan son siksesyon.  E mon devret dir la ki ler mon ariv dan 726 nou pou bezwen regard sa lartik en pe pli vit – dan en fason en pe pli profon. Onorab Basil Hoareau ler i ti ankor  Manm Lasanble, i ti en partizan pou nou increase 726, pou met bokou plis lezot posibilite pou eksklir en dimoun from siksesyon.  Fer li vin pli larz. Pa zis restrikte li lo si ou’n touy ou paran oubyen si ou’n sey touy ou paran ; me elarzi en pe plis. Fer sa konsep unworthiness vin pli gran, ki annan serten kategori zanfan ki par egzanp ki’n dir avek zot paran, ‘’Mwan mon nepli konn ou ! Mon pe pli anvi okenn keksoz e zot ale.’’ Epi ler paran i mor zot menm zot ki premye pou vin rod zot par. Onorab Hoareau ti demann nou regarde si nou pa kapab increase sa scope e mon krwar nou ava fer li ler nou ariv laba.

 

MR SPEAKER

Me sa i ava tonm dan ler nou tonm dan ‘’Siksesyon.’’  Ok mon annan de lanmen anler.  Onorab Larue.

 

HON FLORY LARUE

Mersi Mr Chair.  Letan nou pe regard 205 ek 206 mon byen apresye letan Onorab Georges i dir nou ki Kod Sivil ti ekrir an 1800, e i ti en gid pou ki mannyer nou pou viv nou lavi.  Ozordi an 2019 letan i annan pansyon, letan i annan diferan kalite fason en dimoun i take care of son lekor finansyelman, e avek hardship mannyer lavi i été.

Eski 205 ek 206, i aplikab? Kanmenm i dir dan 40an – dan 40an zanmen in annan okenn case, eski konman en Lasanble, nou pe donn Lalwa son vre valer?  Akoz Lalwa i en keksoz ki ganny servi Ankour.  Eski  i devret pe gid – i devret pe gid nou lavi moralman dan obligasyon towards nou extended family.

Mon napa problenm avek sa Lalwa mannyer i été, me selman lefe ki nou pe gard li la, en keksoz ki kapab ganny aplike Ankour.  So eski nou devret gard li oubyen nou devret retir li?  Mersi.

 

MR SPEAKER

Onorab Henrie.

 

HON GERVAIS HENRIE

Mersi Mr Chair.  Mon pwen i en kontinite sa ki Onorab Larue in fek koz lo la.  E anfet se sa pwen ki mon ti’n leve boner. 205 ; i dir ou ‘‘children shall maintain their father and mother.’’ Be pou mwan sa ‘maintain’ mon pa war li zis en kontribisyon finansyel. Ou paran in donn ou nesans, ou bezwen tanzantan donn li en pti call, pase.  Konmsi it’s all part of that maintenance.

E le pwen ki mon ti pe fer 205 ou pa fer sa ou apre dan sa elarzisman ki Onorab Georges pe dir Onorab ansyen Onorab Hoareau ti pe demann nou, i annan osi lartik 371 ki dir ‘‘a child must order and respect his or her parents or custodians.’’ So prezan si ou viv ou lavi ou pa fer sa ditou ou, apre solman plitar dan siksesyon, dan sa 726 konmsi i bezwen annan en clause ki sa paran i bezwen dir, ‘’be zanmen ou’n konn mwan ou !’’

Ou pa’n maltret mwan – ou pa’n nanryen, me selman zanmen ou – Ou’n ale ou’n kit pei ou pa’n zanmen, zis apre ou’n tournen, ou vin reklanm sa ki pou ou.’’ Koumsa mon ti pe mazinen.  Mersi.

 

MR SPEAKER

Mersi Onorab.  Onorab Andre.

 

HON CLIFFORD ANDRE

Mersi Mr Chair.  Mr Chair mon krwar parey Onorab Larue in dir, Onorab Georges in dir ki Kod Napoleon, ti ganny fer an 1800. E ozordi nou pe sey ankouraz dimoun, pou zot dan plas reste dan menaz, marye.  Me ler nou pe get Lalwa ozordi ler nou pe sey refer, mon krwar nou devret tir bann keksoz ki irelevan e les bann keksoz ki relevan.

Sa i pou fors dimoun dir be mon annan 4 lobligasyon si mon marye.  Mon annan mon madanm, mon annan mon zanfan, aprezan mon annan mon belmer, mon annan mon prop paran.  So eski pa ou pe met en presyon en burden lo sa bann dimoun?

Akoz letan nou pe get section 207 (3) i dir ou i pou attach earnings, sa dimoun.  Savedir eski demen bann ki’n marye belmer i vini i dir, mon bezwen en set sofa – i annan 4 piti li -i pa al kot son 4 piti li, i vin kot son zann oubyen kot  son belfiy, mon oule en set sofa R16mil mon’n war enn la i la,   Prezan ou, ou dir li be mwan osi mon pe al aste en set sofa pou mwan, mon pa kapab donn ou.  I met ou Ankour anba 207 – 206(3).

Ou konpran?  Konmsi ki mon pe sey dir avek levolisyon bann sityasyon ki’n arive dan lemonn konmela, vre parey Onorab Larue in dir i annan bann pansyon, i annan bann benefis ki annan anba kot Sosyal, alors eski i pa enportan la ki nou at least retir sa seksyon partikilye ? Mon dakor ki en zanfan i bezwen maintain son paran – sa i inevitab.  Eski pa ti a bon kekfwa nou pran en vot pou nou kapab gete lo 206, pou nou gete konbyen Manm ki krwar i devret la oubyen retire?  Mersi.

 

MR SPEAKER

Mersi Onorab Loze.

 

HON JOHAN LOZE

Mersi Mr Speaker.  Mr Speaker vi ki sa kestyon pansyon e lezot benefis in come up, be natir kontribisyon pansyon, pa the current génération ki dan lafors travay ki kontribye pou pansyon sa ki’n fini retire?  And if this is the case, pa i anliny avek sa ki pe ganny dir la ki se sa zenerasyon kouran ki pe kontribye pou mentenir sa manman sa papa, sa belmer, sa boper?

Mon pa war kontradiksyon then.  Menm dan sa evolisyon ki pe ganny site la lavi in evolye in al pli devan, me mekanizm me still i reste parey.  Now si ou deside  zis vagabonde, vin en vwayou, pa kontribye dan pansyon, then you are en miss klerman of ede mentenir menm ou manman ou papa ; let alone ou belmer ou boper.

Mersi Mr Speaker.

 

MR SPEAKER

Mersi Onorab.  Onorab Henrie.

 

HON GERVAIS HENRIE

Mersi Mr Chair.  Mon ti ava enplor mon bann koleg pou nou pa pri dan sa definisyon maintenance ouswa lobligasyon lo en pwennvi finansyel.  Dan en lemonn modern ou boper ou belmer i tonm malad, al war li lopital. Pou Nwel anvoy en pti kart fer en pti call.

Pou mwan this is what we call –  mon pe get sa maintenance. E parey mon retourn lo sa, sa Kod i pe promouvwar bon fanmir, bon kominote, bon vwazinaz, bon pei, bon lemonn.  Konmsi nou bezwen annan sa – mon pa anvi pri mon dan maintenance obligation lo en baz finansyel.

Me pou nou annan sa bon-.  Mon get li koumsa, e si nou ouver nou lespri son definisyon pli larz nou pou kapab move on.  Mersi.

 

MR SPEAKER

Mersi Onorab.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker si dan lavi tou keksoz ti mars parey i devret marse enta keksoz nou ti devret fer nou ti pou fer en ta keksoz ki nou pa ti devret fer nou pa ti pou fer.  Ok?  Oubyen visversa ok?  Akoz si lespri imen i mars koumsa nou tou nou ti pou viv dan en lemonn ideal – en Utopian World.  Be nou tou nou konnen poudir nou pa viv dan en lemonn ideal. Nou pa viv dan en lemonn kot en zanfan i pou pran responsabilite pou sonny son vye paran; kot i pou pran son vye paran i pou met dan en Home e i pa pou al vizit ditou.

Kot ou pou war en vye paran pe trennen dan semen ; ler ou find out i dir ou poudir be mon annan mon zanfan, mon zanfan pa’n okip mwan.  Ou konnen nou pou rankontre sityasyon me ki Lalwa i fer, Lalwa i dir ou an ka ou deside volonterman pou ou pa pran sa responsabilite, Lalwa i dan en kondisyon pou ou pran sa responsabilite.

I totalman normal ki dan en sosyete, nou etabli bann barenm  pou nou fer sa, e la mon krwar en mistake ki nou pe fer mon pou siport mon koleg kot in dir annou pa zis reste fikse lo sa pwennvi finansyel.  Annou reste fikse lo sa pwennvi lafanmir.

Akoz si mon ekout zot byen what is the price alors pou nou travay, kontribisyon ki mon paran in fer pou fer mwan grandi ziska sa laz.  Eski i annan en pri lo la?  Eski i annan en pri pou sa ki zot in fer pou mon ariv sa laz, ki ozordi, ozordi ki si  mwan mon pa oule pran – mon pa oule pran ? Be non i mars menm prensip. Menm prensip.

Ler ou antre dan en relasyon avek en dimoun ; ou antre sa- Mwan mon pran li ou antre dan en kominote.  Sa kominote i form ou boper, ou belmer tou bann dimoun ki la.  Sa boper sa belmer in ede fer konpanny ki ou’n marye avek grandi – ok?  I granpapa ou zanfan.  I granmanman ou zanfan.

E alors ou zanfan i annan en relasyon ek li, e sa ki zot kapab i impart lo ou zanfan se bann valer ki zot osi zot annan.  Be mon krwar nou devret careful pou nou pa pran lo en legzanp ekstrenm kot nou koz lo en belmer pou demann nou en sofa R16mil, mon asire ki dan bare minimum ki Onorab Henrie pe dir dan ka Onorab Georges in sertifye ki nou pa annan bann ka Ankour  kot sa in vini, se lenstans kot sa bann dimoun pe demande ki nou reste la.

Nou kontinyen vin kot zot.  Akoz pa bliye ler, nou, nou zanfan sa bann dimoun ti pe travay ti pey taks.  Sa bann dimoun ti pe travay ti fer marse pei.  La  nou, nou pe vin adilt nou fer marse pei.  So ou konnen it is a duty of care ki evolve and revolve around en sosyete ki care pou one another.  Me pou ler ou pa kapab fer li volonterman, ou met bann kondisyon pou ou fer li.

So annou pa reste fikse lo la.  Mwan mon krwar Mr Speaker nou’n fini deal ek sa size. Onorab Georges ti’n donn nou en leksplikasyon.  Nou ti’n move past. Annou move on e nou get lezot Laws.  Mersi.

 

MR SPEAKER

Ok.  Bon i annan en propozisyon  either  nou move on.  I  en konsansis.   Or nou pran en vot lo la or nou pran en vot lo la si i pou al en kote or i pou al lo en lot kote.  Ok?  Mon pa pe donn okenn entervansyon ankor lo la.   Me nou pran en desizyon lo 206 ok?

Onorab Georges nou go ahead, nou pran sa desizyon.  Akoz i annan en pe kontansyon.

 

HON BERNARD GEORGES

Les mon sey montre en way out. Mr Chair  e sa se 208.  E sa i reponn mon krwar Onorab Andre avek son set sofa.  Maintenance si i annan, i pou bezwen an proporsyon ant bann bezwen sa bann dimoun ki pe rod son set sofa, ek labilité sa enn ki pe demande pou donnen.

Alor mon krwar se sa i rezourd nou problenm.  Ok?  Ou pa kapab ganny forse fer en keksoz ki ou pa kapab fer.

 

MR SPEAKER

Ok?  Nou move on.

 

HON BERNARD GEORGES

Mon ti a ofer lartik 208 konman en solisyon a sa problenm.

 

MR SPEAKER

Non Onorab Andre i annan en konsansis mazorite la, nou move on.  Nou pran en vot annou pran en vot.  Ok?  Bon nou pran en vot en show of hands pou nou kit – Onorab Georges i vin 206 – non?

 

HON BERNARD GEORGES

206 ki nou pa sanze nou les li ki mannyer i été.

 

MR SPEAKER

Wi swa nou les li ki mannyer i été, swa i ganny tire oubyen amande or whatever – ok?  Tou Manm ki an faver ki le 206 i reste i reste parey?  Wi i reste wi sa ki ou pe konteste.  Ok? Bon mon krwar nou bezwen demann en vot kont akoz deza i annan en mazorite ki pe dir nou reste konsyan-

 

(Off-Mic)

 

MR SPEAKER

wi – ok.

Bann Manm ki kont?  Ok dakor.  Madanm Clerk.

 

MADAM CLERK

Mersi Mr Chair.  Mon’n rikord 22 Manm ki’n vot an faver.  E 5 Manm kont.  Mersi.

 

MR SPEAKER

Bon savedir in pase.  Onorab Georges annou kontinyen.

 

HON BERNARD GEORGES

Mersi Mr Chair.  Ler nou fini sa seksyon la 208 mon fek mansyonnen e 209 si en dimoun pe provide okenn maintenance a son paran, son granparan, son boper, son belmer, si sa sityasyon i sanze e i nepli kapab kontinyen, i kapab demann si Lakour in ordonn li pou li maintain, i kapab demande ki i ganny desarze oubyen son lobligasyon i ganny redwir.

E sa keksoz pa kapab fer li pou enkreansye. Ou pa kapab assign.  Ou pa kapab fer en lot dimoun donn maintenance dan ou plas. E Lakour apre i ava konsider tou bann fe, si ou nepli kapab fer en maintenance, Lakour i kapab dir ok ou nepli kapab fer donn li en larzan be pran li fer li vin reste avek ou prezan.  E sa se 209 (2)(c).

Apre 210 dan menm fason Lakour i kapab deside si en manman oubyen en papa, ki pe resevwar – ki resevwar en zanfan ki dan zot lakaz, pou ki zot bezwen ki zot bezwen maintain.  Donk ankor enn fwa sa mityalite ant paran ek zanfan.

E nou ariv lafen sa seksyon Mr Speaker.

 

MR SPEAKER

Bon si napa okenn komanter.  Nou ava pran en vot lo sa i tonm anba Marriage Obligations ki form par sa schedule anba Book 2 lartik 201 ziska 210.  Mon ava demann tou Manm ki an faver?  Okenn Manm ki kont?  Madanm Clerk.

 

MADAME CLERK

Mr Chair,  24 Manm in vot an faver?  Personn kont.  Mersi.

 

MR SPEAKER

Mersi Madanm Clerk.  Savedir lartik 201 ziska 210 in ganny aprouve par Lasanble.  Onorab Georges nou bouze Resolution of Marriage.

 

HON BERNARD GEORGES

Mersi Mr Chair.  Mr Chair la prezan nou pas lo divors ek nilite.  E sa seksyon i sorti dan Matrimonial of Causes Act.  I pa dan Kod Sivil aktyel.  I dan Matrimonial of Causes Act.  E Civil Status Act, nou’n pran zis en bout ki annan pou fer avek maryaz.  Larestan i ankor la.

Matrimonial Causes Act nou pran tou. Nou tir sa ki annan pou fer avek divors.  E si nou aksepte sa bann lamannman.  Setadir tir li laba e anmenn li isi Matrimonial of Causes Act pou mor.  Sel keksoz ki pou reste se Matrimonial of Causes Rules, se son bann regilasyon ki nou bezwen ganny servi pou bann keksoz divors.

Donk 227 i dir ki i annan de fason ki en maryaz i arete.  E sa se enn ant enn oubyen lot sa dimoun i mor, oubyen en divors.  Se sel 2 fason ki ou kapab kennsel en maryaz.

 

MR SPEAKER

Yes Onorab Ramkalawan.

 

HON WAVEL RAMKALAWAN

Mr Chairman.  Bann zafer mon ti a kontan ganny – parske si en maryaz in ganny pas pli boner oubyen pli apre letan nou pou war tou sa bann fason ki si letan ou’n marye, kot en maryaz i ganny deklare null.  Wi be selman letan in – non letan – ok kekfwa mon pe balans sa ek kek Legliz.

I annan bann dimoun ki’n marye e sa Legliz pou zot kapab re-marye legliz in deklar zot maryaz zot in ganny anile – as if konmsi i pa ti la depi o konmansman.  Eski nullity pa devret vin en fason ki – parske la nou pe koz lo lafason ki en maryaz i terminen. Be divors osi tou i fer ki sa maryaz- Non, non  i pou fer ki ti la.  I ti egziste. Konmsi  nullity.  Sa ki pou- Konmsi pou mwan ganny li kler.  mon ganny li kler.

Konmsi ler en maryaz in ganny deklare null and void, tou sa ki’n arive dan sa maryaz, konmsi pa’n egziste?  Be zanfan ?  Si zot in aste keksoz ansanm?  Tou sa bann keksoz konmsi pa’n egziste?  Mon trouv en pe – anyway mon ti ava kontan ganny plis leklersisman.  Parske sanmenm sa ki nou pe dir lanmor – wi. Divors – wi. Me letan i ganny deklare null and void?

 

MR SPEAKER

Bon Onorab Georges osi petet mon bezwen demann ou konsey osi lo la.  En etranze ki’n – par egzanp mon konnen i annan en ka mon deza demann ou – en etranze ki’n mary ek en Seselwa, apre in ale in kit pei nowhere to be seen or nowhere to be found.  E sa Seselwa li in ganny anmare e i anvi – Eski i a tonm anba divors anba sa ka koumsa i a kapab anmenn Ankour pou divors?

Yes. Ok Onorab.

 

HON BERNARD GEORGES

Mersi Mr Chair.  Mon kontan sa bann kestyon, akoz letan ou pe dir ki nou pe antisip bann keksoz ki pe vini.  Tousala i ava annan son repons.  Pou mwan reponn ou, i pou annan en propozisyon pou met a new ground of divorce, ki pou cater pou sa.  E pou reponn Leader Lopozisyon en maryaz i kapab ganny dizourd zis par lanmor avek divors.

Akoz ler ou fer en annulment savedir ki zanmen nou annan en maryaz.  Ler Lepap i donn en Dekre annulment en maryaz, i pe dir ki sa maryaz  zanmen in egziste.  Akoz enn bann keksoz ki ti neseser pou son fondman pa ti egziste.

Alor malgre ki ou ti krwar i en maryaz, annefe i pa ti en maryaz.  Alor se sa rezon ki i pa kapab ganny dizourd, akoz i pa ti la.  E se pou sa rezon ki divors ek annulment i diferan.  E pou reponn Leader Lopozisyon an sa ki konsern ki pou arive avek bann zanfan eksetera nu ava war sa taler ler nou ariv dan lartik 243 mon krwar.  Wi 242 ek 243 bann lefe nullity lo bann keksoz ki’n arive depi son konmansman.

228 se en bann definisyon.  E sa ankor i sorti dan Matrimonial Causes Act nou zis anmenn li la parey i ti été laba.  E zis nou’n sanz bann lartik, bann limero seksyon, bann limero lartik.  Matrimonial Causes se divors nullity or separation, akoz i annan 3.  3 keksoz ki ou kapab rode en divors en annulment oubyen en separasyon.

Presumption of death, osi ler en dimoun – ler enn nou bann spouse in disparet, me ki ou pa kapab prouve ki in mor, ki lefe sa i annan lo sa maryaz epi bann keksoz ki annan pou fer avek propriyete, ki nou pou war an 229 ziska 256.  Relevant child se en zanfan ki sorti dan sa maryaz, oubyen en zanfan ki en foster child anba Children Act oubyen en zanfan ki’n ganny trete konman en zanfan lafanmir. Nou’n tir welfare la e i pou retournen plitar.

229 ; i en keksoz tre enportan Mr Chair.  E si mon kapab eksplik en pti keksoz. Bokou etranze i marye isi Sesel. Annefe bokou plis etranze i marye Sesel ki Seselwa,  toulezan.  E tou avoka preski enn fwa par semenn, nou ganny en mail sorti kot de dimoun ki reste Dubai, oubyen mon pa konnen mwan L’Angleterre oubyen anywhere Canada, Venezuela la lot zour mon fek ganny enn Argentina i dir nou ti marye Sesel, e nou’n kite, nou anvi en divors prezan, eski ou kapab divors nou Sesel?

E toultan nou repons se non.  Akoz pa akoz ou marye Sesel, ki ou bezwen divorse Sesel.  Annefe Lakour Sesel pou divors – pou pronons en divors, dan bann ka ase restricted.  E la i la son bann ka anba lartik 229, Lakour i annan ziridiksyon, selman si sa de parti i domisilye Sesel.  E nou war domicile, yer oubyen si zot rezidan si enn ant sa de parti i rezidan isi Sesel ler case i komanse.  Sa se pou divors.

Pou nullity selman si zot domesilye Sesel. E pou en zanfan osi si sa zanfan i Sesel.  Akoz?  Ou war Lakour Sesel pa pou kapab pronons en divors, lo de dimoun ki’n marye Sesel e ki pe reste Argentina. napa koneksyon anek Sesel sof ki zot in marye isi.

Akoz si i divors zot, ki mannyer i pou donn en zizman lo access zanfan? Oubyen lo custody zanfan?  Oubyen lo zot lekel ki pou ganny flat ki Buenos Aires oubyen dan en lot landrwa kot zot pe reste?  Napa okenn fason.  E menm si Lakour i ti kapab fer li ki mannyer i ti pou kapab enforce son lord?  Si i dir ou donn sa madanm lanmwatye ou flat, e sa boug pa fer, ki mannyer i ti pou kapab  enforce sa?  I pa kapab.  Se pou sa rezon ki Lalwa divors i teritoryal.

Sa dimoun i bezwen isi dan ziridiksyon Lakour pou Lakour kapab assume ziridiksyon lo sa keksoz.  E donk irrespective kot ou’n marye, ou ava ganny en divors dan sa landrwa kot ou pe reste.  E visversa i marse.  Si de dimoun in marye L’Angleterre e ki ozordi zot isi Sesel, e zot anvi divorse, Lakour Sesel i ava divors zot malgre, ki zot in marye L’Angleterre.  I pa pou anvoy zot L’Angleterre akoz zot isi e zot byen e zot bann zanfan eksetera isi.

E 230 i donn ground divors. E sa ankor enn fwa i sorti dan Matrimonial Causes Act. I annan en ground. Sanmenm sa mo ‘ground’ dan 230 i dan in the singular.  I annan zis en ground divors, se the marriage has irretrievably broken down.  In more.  Nepli kapab resisit li.

E pou prouv – pou prouv marriage has irretrievable broken down, i annan 5 ground. Premye adilter – me pa zis adilter tousel, fodre sa dimoun ki pe demann divors, i war li entolerab pou li viv avek son lot partner, akoz sa adilter.  E sa se pou anpes par egzanp en boug ki dizon fer sex en fwa dan car park Katiolo avek en dimoun, i posib ki sa lot partner i pou war li difisil pou prouve ki entolerab.  Me si en boug i annan en kwever deor e ki toulezour i al kot li oubyen i menm kite in al reste laba, sa i vin entolerabilite. I vin pli fasil pou prouve.

Dezyenmman unreasonable behaviour.  Se sa ki nou apel se enn – in azir dan en fason ki lot i war li i pa kapab rezonableman kontinyen viv avek li.  E sa se bann bate fizik, vyolans moral, krim bwar boug i antre tou le swar oubyen madanm i antre tou le swar sou.

Trwazyenmman ; Dezersyon enn in kite pou 2an pa neseserman in al reste avek en lot madanm i reste kot son manman, in kit sa lot pou 2an.

Katriyenmman ; e sa se premye divors par konsantman ki nou adopte isi Sesel an 1993 ki sa 2 dimoun in reste apar pou en peryod 1an. E ki lot in aksepte.  I konsanti.  I dir, ‘’ok nou viv apar pandan 1an. E mon dakor pou nou ganny en divors. Sa se sa 4 ground ki egziste ozordi.

E sa 4 ground parey mon dir in ganny entrodwir dan nou Lalwa, an 1993, pou swiv Lalwa Angle ki ti sanze an 1973.  E nou’n adopte texto menm Lalwa divors ki L’Angleterre.  Sa ki nou pa’n adopte an 1993, se sa enn (e) se sa enn nef ki nou’n met dan nou track version.

Akoz e permet mon Mr Speaker eksplike, se mwan ki ti chairman Divors Reform Committee sa lepok.  E lo komite, ler nou’n fer sa reform dan divors, ti annan 2 Levek.  Monseigneur Paul ek Monseigneur Chang Him, ki ti lo sa Komite apar lezot dimoun.

E zot ti krwar ki a sa lepok, i ti pou posib pou nou les divors par konsantman mityel (d.) Me i ti pou one step too far pou nou al dan sa enn (e) ki dir ki si ou’n reste apar pou en peryod 5an whether or not sa lot dimoun i aksepte, ou still kapab ganny en divors.  E sa Mr Chair, i reponn ou kestyon pli boner.

En boug in ale, ou pa kapab al rod li pou rod son konsantman. Ou devret kapab divorse. E donk nou fer sa propozisyon pa dan Civil Code Revision Committee, me dan Extended Bills Committee, nou ti fer sa propozisyon pou azout sa osi, akoz i annan bokou ka.  E mon kapab dir zot i annan bokou ka kot dimoun i senpleman manti.  E zot dir wi zot in reste apar pou plis ki 1an zis pou zot ganny divors.  Akoz zot tou lede zot in tonm dakor zot anvi ganny divors, me zot pa kapab akoz mannyer Lalwa in striktire.  E i annan serten dimoun ki anvi ganny divors me ki pa kapab akoz zot fit in enn ant sa bann kategori.

Annou pa bliye ki si nou aksepte (e) nou pe aksepte ki menm si ou spouse pa anvi en divors, i  dir ou non mon pa dakor, ok nou reste apar pou en peryod letan, me mon pa anvi en divors, ou pou still kapab gannyen anba (e). An depi sa ki li i anvi.  Oubyen akoz i mars lot kote osi si zis i pe pini ou, ou pou still kapab ganny en divors. E annou pa bliye ki sanzman Lalwa ki nou’n anmennen an 1993, se ki nou pe demann de ozordi, se pou rekonnet ki ler en maryaz in kase there’s no point pou zis dir ki nou ankor marye ler annefe napa en maryaz.  In fact i zis in name only.

Alors se pou sa rezon ki nou pe anmenn sa.  E  mwan mon ti ava menm dir ki 5an i tro long.   Mwan mon ti ava prefere war, pou en continuous period of 3years – ok.  Akoz si si pandan 3an ou pa’n viv ansanm, unless ki i annan en bon rezon unless in al etidye or whatever e sa i pa en ground.

Me mon war ki si ou zis viv apar pou en peryod 3an, i kler ki ou maryaz in fail, e alor why keep it alive?  Sa se mon propozisyon.  Swit a sa i annan serten restriksyon. E enn bann restriksyon se lartik 230(2) ki dir ou pa kapab demann en divors, pou 1an apre ou maryaz.  Pou sa premye 1an, si apre 6mwan keksoz pa marse, ou pou bezwen esper 1an.

E rezon sa i la, se pou sey fors dimoun pou zot pa kite ; pou sey give it a try.  Ok? Aakoz maryaz i ganny konsidere konman en bon keksoz, e non pa en move keksoz, alor fodre seye.

E menm zafer sof ki dan en ka adilter Lakour i kapab (eskiz mwan) dan tou sa bann ka, Lakour i kapab redwir sa peryod 1an, si i krwar ki si i fer ou esper 1an ou pou soufer exceptional hardship.

E mon ava kontan Mr Chair zis dir zot ki anba lartik ki swiv 231, Lakour ankor enn fwa avek lespri gard dimoun marye, non pa divors zot tro vit, Lakour pa kapab donn en divors unless ki attempt serye in ganny fer pou rekonsilye sa  2 dimoun e sa attempt in fail.

E nou ava retourn lo  la en pti kou.  E nou ava retourn lo sa en pti kou.  E mon ti anvi zis fer zot konnen ki i pa zis en kestyon fer divors vin fasil, me i zis en kestyon rekonnet ki ler maryaz in breakdown napa okenn rezon pou gard li ansanm just in name.

 

MR SPEAKER

Mersi Onorab Georges.  Onorab Ernesta.

 

HON PAUL ERNESTA

Mersi Mr Speaker.  Mr Speaker bonzour, tou bann dimoun Minis avek ou delegasyon.  Dan menm senaryo letan Onorab Georges pe eksplike, annou dir en dimoun si oule en Seselwa in marye ek en etranze, e annou dir in al marye par egzanp Madagascar.  E prezan li in viv laba, maryaz in kase, in vin Sesel sa Seselwa prezan i pe reste Sesel. Ok.  E pandan son letan ki Sesel in ganny en lot relasyon in ganny en lot zanfan ki arive dan sa sirkonstans?

Eski la akoz pli boner ou’n dir osi i annan sa laspe adilter, ki mannyer nou trete sa sityasyon?  Eski sa dimoun i pou bezwen retourn Madagascar in marye Madagascar, eski i bezwen retourn laba pou li fer son divors, swa i kapab fer son demann isi menm, pou li kapab gannyen?  Enn.

Apre dezyenmman, annou dir en lot en koup in ganny si oule enn in ganny kondannen lavi prizon, sa lot partner lokal i kapab prezan li osi fer son demann dan menm sirkonstans, lefe ki zot pa pe viv ansanm, sa relasyon in kase?

Mersi Mr Speaker.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  De bon kestyon. En keksoz mon bezwen dir avan solman, se adilter i mars zis ler se lot parti in komet adilter.  Ou, ou pa kapab taye, al komet adilter apre dir mon le en divors, akoz i annan adilter dan mon maryaz!  Ou  war?

 

(laughter)

 

HON BERNARD GEORGES Donk.  Me pou reponn ou kestyon, se sa boug in marye laba, in fer en piti isi, son madanm laba se son madanm bezwen demann divors lo adilter son madanm laba, akoz li i ankor Madagascar, i ava demann divors Madagascar lo labaz ki son mari in komet adilter.

Me sa Lalwa i Lalwa Sesel sa.  Mon pa konnen ki Lalwa Madagascar i dir. Me mon mazinen i annan en Lalwa adilter osi laba, ki ava permet li ganny en divors. E visversa.  Si se en dimoun in marye isi, apre en lot in al Madagascar in fer zanfan.

Prizon ; wi prizon i pou antre ladan.  E en dimoun ki’n ganny kondannen prizon pou plis ki 5an e ki i 5an Montanny Posée, son madanm oubyen son msye, pou kapab demann en divors, akoz in ale – in ale pou plis ki 5an.  E sa ti la avan.  Avan ki nou’n fer reform Lalwa an 1993, enn bann ground pou divors sete ki, enn ant sa de parti ti’n kondann prizon, pou en peryod plis ki 5an.  Alor ler ou kondannen, sa ti vin en ground pou divors.  E se pa akoz i annan en ground ki tou dimoun ki zot mari i kondann oubyen zot madanm i kondann 5an, pou taye pou al rod en divors.  I annan ki pou fidel e ki pou esper zot mari sorti.

Me mon donn ou en legzanp ; si en dan bokou ka nou war dan bokou pei dan lemonn antye, ler en dimoun i kondann pou en long peryod letan, enn bann risk, se ki son konzwen deor pou al rod en lot dimoun, akoz i pa pou anvi espere.  Nou bezwen fer fas avek sa sityasyon, e se pou sa rezon ki nou bezwen provide pou sa bann sityasyon ler i arive.

Tou an respektan sa kondisyon ki anba sa 241 – 231 ki ou pa pou ganny divors menm si ou mari i kondann 5an, unless ki attempt in ganny fer pou rekonsilye e sa attempt pa’n marse.  Tan ki i annan en sans pou gard sa maryaz nou bezwen toultan sey gard li.

 

MR SPEAKER

Mersi Onorab Georges.  Onorab Andre.

 

HON CLIFFORD ANDRE

Mersi Mr Chair.  Mr Chair mon krwar i annan en sityasyon kekfwa Onorab Georges pe sey eksplik nou lo sa sityasyon divors, e Onorab Ernesta in sey pran sa.  Be  mwan mon pou sey donn en lot legzanp.  En Seselwa in marye avek en dizon en Morisyen in marye Moris li. Prezan vre kekfwa keksoz pa’n marse, sa Seselwa li i tourn Sesel ok?  Prezan sa napa adilter ladan ; annou tir adilter me selman relasyon pa’n marse lot in tournen.

Prezan sa Seselwa li, i oule divors, par lefe ki’n marye Moris, eski i pou petisyon divors Sesel?  Anba Lalwa Sesel?  Oubyen i pou oblize pou li al petisyon divors Moris, kot i ti marye?  Akoz sa L’Acte maryaz in ganny anrezistre Moris. Eski Lakour Sesel Onorab Georges, i annan drwa fer en annulment or en disolisyon maryaz, divors, epi anvoy sa Moris pou anrezistre konmkwa sa de dimoun in divorse oubyen i pou annan sa lot prosedir?  Sa i enn?

Dezyenmman, letan nou pe get 130 nou’n  azout (e).  Letan nou get (d) dan (d) i dir ou ‘‘And  respondent consent to the grant of divorce.’’ Sa i letan i annan 1an. Me nou pe dir sa lot ki nou pe azoute, i senpleman 3an.  Eski nou pa devret explicitly  mete ki ‘‘the respondent need not consent to the divorce.’’ Mon pe zis demande, akoz nou konnen letan nou ariv Ankour i annan sa, eski i bezwen – Lalwa i silans lo la, eski i pa bezwen?   So mon krwar kekfwa pou nou fer li kler kekfwa nou devret mete – express li, ki i pa bezwen sa consent parey i bezwen dan (d).  Mersi

 

MR SPEAKER

Mersi Onorab.  Onorab Esparon.

 

HON REGINA ESPARON

Mersi Mr Chairman.  Mr Chairman letan mon pe ekout Onorab Georges lo sa zafer annulment la, sa 2 dimoun i reste ansanm me selman Lakour i donn zot en annulment i dizourd zot maryaz. selman nanryen pa sanze dan zot relasyon. Sa de dimoun i kontinyen reste ansanm zot ; zot kontinyen annan sa relasyon zot lavi i kontinyen parey. Sof sa madanm pa kapab servi sinyatir sa msye, be zot kontinyen viv an menaz zot.

E demen sa msye i mor li, si kekfwa sa annulment ti pe ganny donnen pou sa dimoun pa erit okenn byen sa msye, be anba an menaz li, i annan serten benefis ki i kapab gannyen apre 7an ou 10an.  I pa pe sanz nanryen.

Oubyen letan sa annulment i ganny donnen, i annan serten rezervasyon ki Lakour i mete. Mon ti a kontan en pti leklersisman lo la.

 

MR SPEAKER

Ou pe dir zot in rod en divors – en disolisyon me apre zot in viv en lavi an menaz?

 

HON REGINA ESPARON

Non Mr Speaker.  Sa annulment in ganny donnen en lot party legal gardian ki’n rod sa annulment pou sa maryaz.  Prezan zot in gannyen zot.  Me selman sa de dimoun zot pa anvi kite ek kanmarad, zot kontinyen lo zot lavi viv ansanm, zot relasyon ansanm, viv ansanm partaz tou keksoz ansanm.  Sof sa madanm pa kapab servi sinyatir sa msye.

Me selman ki mon pe dir parey letan sa msye i mor – les msye mor avan, sa madanm li  ki’n  viv an menaz avek sa msye, i annan serten benefis ki i pou gannyen an menaz.  Me selman eski letan sa annulment i ganny donnen Ankour, i annan serten rezervasyon ki Lakour i enpoze oubyen non?

Sa ki mon ti ava anvi eklersi.

 

MR SPEAKER

Ankor mon en pti pe konfize ankor.  Ou sorti dan en maryaz konmsi ou reste dan en lot lanvironnman kot ou kontinyen viv ansanm i vin en menaz.  Ou anil en maryaz, ou reste an menaz apre.  Onorab Georges ou pare pou antre oubyen ou annan Onorab Ramkalawan osi tou apre ou ava pran tou ansanm?  Onorab Ramkalawan.

 

HON WAVEL RAMKALAWAN

Yes mersi bokou Mr Chairman.  Mr Chairman mont i ava kontan demande, si nou pa devret refer antre dan nou Sivil Kod, en sityasyon spesyalman kot i konsern adilter ?  Kot en dimoun spesyalman en madanm parske laplipar ditan se madanm, me selman sosyete pe evolye i kapab lo tou lede kote, kot en dimoun ki son maryaz in kase akoz adilter, i kapab rod domaz devan Lakour.  Parske sa ti annan dan Lalwa avan.

Non in ganny tire sa dan Lalwa.  E sa i enn bann demann ki mwan personnelman, i annan serten dimoun ki’n apros mwan pou regarde si sa i antre, kote sa i kapab antre.  Parske i annan en dimoun ki’n kas sa maryaz.  E alor i pe dir be si i annan en dimoun ki’n kas sa maryaz, e alor pou li kapab claim en domaz from sa dimoun, parske letan i pou al demann divors lo grounds adilter i pou mete tel dimoun ensidswit alor ki mannyer sa in kapab kote sa i kapab antre?

Mon kapab ganny sa lesplikasyon.  Mersi bokou.

 

MR SPEAKER

Mersi Onorab.  Onorab Georges.

 

HON BERNARD GEORGES

Mersi Mr Chair.  Mr Chair mon ava konmans avek Onorab Clifford Andre.  Parey mon dir irrespective kote ou marye, ou divors i ava ganny prononse dan sa landrwa kot ou pe rezide.  Se sa Lakour ki annan ziridiksyon lo ou met lo u maryaz irrespective kote ou’n marye.

Donk dan son ka de dimoun i marye Moris enn i vin isi Sesel i anvi en divors i demann en divors isi Sesel. I ava prouve ki i ti marye Moris akoz i annan son sertifika maryaz Moris, me i ava demann divors isi Sesel.  I posib ki dan serten sirkonstans se Lalwa Moris ki pou aplike, lo serten son byen. Mon pa kapab pronons mon lekor plis ki sa akoz i annan en case Ankour ozordi, egzakteman lo sa ka ; kot de dimoun i marye Moris zot pe divorse Sesel. E enn ladan pe dir se Lalwa Moris ki pou aplike lo repartisyon bann byen.

Sa i subjudicie, nou pa kapab al pli lwen. Me lareg i kler ki ou demann en divors, sel Lakour ki annan ziridiksyon lo ou maryaz, se sa Lakour kot ou reste ler ou demann divors.  Onorab André in dir, eski i pa ti ava pli fasil (pardon) eski i pa ti ava mye pou nou azoute dan 230 (e) ki lo bord, whether or not a consent has been obtained.  Wi e i ti ava fer li pli kler, me mon pa krwar ki i neseser akoz i annan deza en distenksyon an (d) avek (e).

Dan (d) ou dir ‘‘and the respondent consents’’ si ou pa met dan (e) i kler ki whether or not i annan en konsantman. Me mon napa okenn problenm si nou krwar i ava pli byen, mon toutafe pare pou mwan aksepte sa.   Onorab Esparon i dir ki si Lakour lo en annulment, in fer serten desizyon lo propriyete epi de dimoun i kontinyen viv ansanm apre sa annulment ki pou arive?

Lo en annulment Lakour i tre rarman pou fer en desizyon lo propriyete. Akoz sa maryaz pa’n zanmen egziste. Alor zot rezim lo propriyete pou vin anba en rezim menaz.  Akoz zot pa’n marye.  Zot in zis viv ansanm e zot in ganny propriyete ansanm.

Se lo en divors ki Lakour i kapab fer en – parey nou ava war taler – i kapab fer serten lord lo propriyete.  E dan sa ka, si Lakour i fer serten lord lo propriyete, e sa bann dimoun i kontinyen reste ansanm, sa ki arive se ki sa lord propriyete, i a marse ziska sa zour ki sa Ziz in fer sa lord.  Dizon i dir sakenn i annan lanmwatye lakaz, apre zot reste ansanm an menaz pou ankor 7an, me sa i ava vin en lot relasyon ankor, kot obou sa peryod, si sa relasyon i kase, Lakour i ava regard sa peryod koabitasyon, depi dernyen lord Lakour.

E i ava pran sa anba en nouvo rezim.  E nou ava war ler nou ariv lo la plitar, ki se avek sa antet, ki nou pe ki Lakour anfen ki bann propozisyon ki nou’n met devan, se pou sey war ki mannyer nou kapab fer meyer lazistis avek bann dimoun ki pa’n marye, ler i ariv en sityasyon ; sirtou pou sa enn ki pa koupab.

E finalman Mr Chair, Onorab Leader Lopozisyon in koz lo domaz pou en adilter. Annefe i annan parfetman rezon sa ti la dan vye Lalwa, nou tir li an ’93.  E si zot regard lartik 257 dannou nouvo Kod, nou pe mentenir ki ‘the adultery of a party to a marriage shall not give rise to a claim for damages.’’ Donk nou pe tenir 257- 257.  Nou pe tenir sa sityasyon.

E rezon i ase senp se ki napa en dimoun ki vin kas en maryaz.  Akoz adilter i annan de dimoun ki komet.  Pa zis sa dimoun ki vin kas maryaz, me ou msye ou madanm osi, zot enplike ladan.  Rape pa en adilter.  Si ou madanm i ganny rape i pa pe komet adilter.  Akoz i pa pe donn son konsantman. Me si ou madanm oubyen ou msye i al komet adilter, ou pa kapab penalise sa enn ki ou’n komet adilter avek san penaliz li osi. Akoz se li dan kelke sort fer sa adilter.  And what if levidans i montre parey in arive dan bokou ka, ki annefe se pa sa lot dimoun ki responsab, se ou fanm oubyen ou mari ki’n al rode. Ok?   Ki’n anmenn li dan- E  li in dir non, non, non mon pa dakor. Epi finalman in dir ok. Fine.  Ou war?

Alor akfer ou pou fer li en domaz ki in kas ou maryaz, ler annefe se ou mari oubyen ou madanm, ki’n al kas ou maryaz.

 

(laughter)

 

HON BERNARD GEORGES

Donk se pou sa rezon ki nou ki sa in ganny tire pa zis isi Sesel Mr Chair me dan bokou pei modern in realize it takes two to tango, alor nou pa kapab penaliz zis enn.

Sa i pa oule dir Leader Lopozisyon ki nou pa devret retourn lo sa sityasyon.  Mon pe zis donn bann rezon akoz ki nou ti tir li an 1993.

 

MR SPEAKER

Mersi Onorab Georges.  Onorab Ramkalawan.

 

HON WAVEL RAMKALAWAN

Non mon konpran sa ki Onorab Georges in eksplike. Me selman in all fairness annou regarde, Onorab Georges in dir ki ou pa kapab blanm sa dimoun ki an deor parske sa partner ki la anndan takes two to tango.  Li osi tou in tango.  Me selman nou bezwen regard sa partner ki inosan.  Parske letan pou ariv parske si en divors pe ganny donnen lo grounds adultery, apre sa pou annan partaz byen.  E li sa dimoun ki inosan annou apel li ‘sa viktim’ letan pou partaz sa byen, letan pou partaz sa byen pou ganny partaze an de.

Letan pe regard valer sa lakaz. Dizon sa lakaz finalman i ganny evalye R500mil li sa enn la ki en viktim li i pou ganny li son R250mil, tandis ki sennla ki’n tango avek sa lot ki’n tango avek dan en serten sans parske sa i osi tou i pou ganny menm parey.

E petet la mon ti ava dir this is not fair. Ki mon ti ava demande ki letan nou ariv lo ok 257 nou re regard sa pou ki sa Ziz letan i a pe donn sa zizman, i kapab konsider sa konman en form domaz – ok – i kapab konsider sa konman en form domaz, ki sa innocent partner dan en ka koumsa, i ava kapab ganny li kot i kapab termin li anba domaz, ki olye li i pou ganny egzakteman lanmwatye avek son partner, li i ava ganny en pe plis.  E i a kapab osi atraver sa take to task sa lot.

E Mr Speaker mon krwar ki ok i pa en monde parfe ki nou viv ladan. Nou konnen poudir ki i pa en monde parfe. Sa nou Civil Code pli boner letan nou koz lo la letan nou koz bann responsabilite ensidswit, nou tou nou rekonnet ki poudir i pa en monde parfe, me selman si nou bi letan nou pe repas nou Civil Code se pou nou al direksyon kot keksoz  ava – kot kekfwa i ava annan en warning kot kekfwa  en dimoun i ava dir, ‘’E tyonbo en kou.  Mon pa pou fer sa.’’ Parske sa i a vin konman en warning.  E alors i kapab ed nou pou nou vin bann meyer dimoun – dizon.

Mon krwar ki konman en Lasanble i nou responsabilite pou nou sey pous dan sa direksyon.  E sa ki Onorab Georges in dir, sa 257 ki ti totalman diferan avan.  E ok mon pa oule vin dan listwar, me selman nou koman akoz i ti ganny tire.

E mon krwar ki nou devret – si nou pe aim pou nou ganny bann pli o standar, pli o nivo pou nou sosyete, parey Mr Speaker ki nou’n dir en tonton pa kapab marye avek son nyes, e ki en Lakour pa kapab fer sa, ‘’this is us konman en Lasanble, pe dir lev standar.’’

E alor si nou pe dir lev standar, annou lev standar partou kote.  E dan sa sityasyon adilter, mon krwar ki nou devret lev standar.  E sa i mon my humble submissionThank you very much.

 

MR SPEAKER

Mersi Onorab.  Bon mon annan 6 Manm ki’n lev lanmen. E mon annan en miting 12.15 – enn 12.30 – enn 1er ok?  Eski zot kapab hold zot thoughts.  E nou ava retournen 2er. E mon ava kapab – mon’n note sa 6 dimoun ki’n lev lanmen, e nou a kapab kontinyen sa deba.  Mon annan en lot sizesyon ki mon anvi – petet nou konmans panse, definitivman petet sa 4 zour ki nou dedye pou Civil Code i pe ariv son lafen demen, mon pa war nou fini.  I enteresan. I enteresan deba.  E ankor ler ou pe ekout entervansyon bann Manm,  ou vwar poudir menm i annan dimoun deor, ki pe demann serten leklersisman.

E nou osi tou nou annan en bi, pou nou sey organize, ki nou kapab ganny en bon Kod, e ankor i annan sa sityasyon standar, kot nou pou bezwen regarde, ki standar nou pou bezwen bouz nou sosyete, e pei lo la.

Eski sa i sorti kot Chair – eski nou kontinyen sa deba pou ankor 1semenn – semen prosen, an vi ki nou dan sa flow – nou pa enteronp li e nou sey  dedye ankor en detrwa zour ankor semenn prosenn, avek en bi ki nou fini.  E semenn prosen mwan deza mon’n fini dir avek mon sekreter, otan posib mon pa pe war dimoun dan lunch break.  Mon pa pe met meetings dan lunch break.  Mon annan menm bann courtesy call ki bann Anbasader dan pei pe demande, mon pa pe pran, pou nou kapab redwir nou lunch hour to 1,  so nou kapab fer en pti pe plis travay.

Mon pe met sa avek zot. Mon pa anvi deba la, me petet tou lede kote diskite pandan break.  E ler nou retournen 2er nou ava regarde the way forward.  E Minister mon konnen ou ti’n lev lanmen petet osi si ou kapab hold ou thought pou taler pou entervenir.  Me menm si Minis i absant en pti pe semenn prosen,  nou konnen poudir i annan responsabilite son Minister and all that, avek en reprezante AG’s office, parey nou’n fer bomaten, nou a kapab kontinyen sa deba.

Ok.  So le de kote mazin lo la.  E ler nou ava antre nou a kapab pran en desizyon.  Akoz nou bezwen i dan bann lezot lozistik osi tou ki Sekretarya, i bezwen prepare.  Ok so nou ava break e nou retournen 2er.

 

 

(BREAK)

 

 

MR SPEAKER

Bonn apre midi tou Manm Onorab.   E bonn apre midi tou dimoun ki a lekout.  Bonn apre midi nou panel, Professor, Mr Pool, and Sarah, a very good afternoon to you. Avan nou kontinyen mon ti’n fer serten propozisyon, avan nou break.  Eski le de kote in ganny sans- ?   Zot in diskite avek zot manm pour nou regarde ki mannyer nou pour kontinyen nou travay? Onorab Pillay lo ou kote.

 

HON SEBASTIEN PILLAY

Si, mon nou napa problenm avek sa ki nou’n agree, akoz annefe nou ti’n diskite avan break.  So we leave the decision to- Savedir nou bezwen kontinyen.

 

MR SPEAKER

Annou regarde ki mannyer nou pour- Mersi Onorab Pillay.  Onorab Ferrari.

 

HON JEAN-FRANCOIS FERRARI

Nou lo Bill la Mr Speaker?

Non.         Ki mannyer nou pour travay?

 

MR SPEAKER

Pozisyon travay se pour kontinyen avek sa travay semenn prosenn.

 

HON JEAN-FRANCOIS FERRARI

Ok. Mr Speaker nou lo sa kote latab nou annan en keksoz ki yer mon ti ensiste i antre lo Minutes nou meeting, se ki nou ensiste ;  nou demande ki sa Private Members Bill i ganny diskite semenn prosenn. Now mon pa konnen si lezot mon bann koleg i ava dakor lo en propozisyon ki mon ava fer.  Se ki si ou ti anvi travay Lendi ek Mardi lo Civil Code ok, ki nou pa pran kestyon, me selman sa PMB nou ti a kontan pran li during the week e fini avek li.  Konmsi nou anvi deal avek en pe biznes ordiner Lasanble, an menm tan ki nou pe deal avek Civil Code.  So, so si ou kapab manage  sa nou, nou ava rod en solisyon. Mersi.

 

MR SPEAKER

Bon ki mon, dan break osi ki mon ti pe panse i annan enn de Manm in demann mon osi tou si nou pour meet Lendi, nou pour sit Lendi.  Mon krwar Lendi nou tenir li lib. Swivan sa ki ou’n dir, dizon Mardi nou – ankor nou pa pran kestyon, nou kit, nou leave room only for si i annan en PNQ oubyen en urgency pour en kestyon.  Apre nou pran sa PMB akoz PMB nou pa bezwen Minis la and all that.

E ler nou fini nou kontinyen avek Civil Code e nou ale Merkredi.  Akoz Merkredi osi tou i annan Cabinet Meeting kot nou pa pour kapab ganny en Minis. Nou kontinyen pandan lasemenn prosenn. E nou attempt pour nou kapab go through the Civil Code. Ki zot panse?  Onorab Pillay.

Akoz deza, deza nou ti’n pe propoz 3 sitting semenn prosenn, me nou kapab extend li ziska Vandredi if the need arise, pour nou kapab go through.

 

HON SEBASTIEN PILLAY

Mersi Mr Speaker. Mr Speaker nou lo nou kote nou pe not en keksoz. Nou pe note ki Lopozisyon e atraver Onorab Ferrari in eksprim son lekor tre fermeman, ki i oule nou pran en PMB, ki sorti lo zot kote.  Sa i prerogativ nenport kote dan Lasanble, pour fer sa demann.

Nou’n deza fer sa demann similer an se ki konsern Referendum Bill.  Ou pa ti dan Chair e nou demann pa ti ganny aksepte akoz bann – pa lensertitid, me bann konsern ki ti egziste otour bann lamannman, ki ti’n deza fini ganny anvoye ; ki ti’n deza fini ganny sirkile e ki ti pran kont bann diferan konsiderasyon ki bann Manm ti met devan.

Si nou pour al dan sa laliny, eski nou pour dan lord prezan nou osi pour ensiste ki nou pran  Referendum Bill?  Akoz si en kote, oubyen en kote i oule ensiste ki nou pran en Bill mon bezwen demann avek Lasanble – the House, the Chair pour nou regard the urgency of the Bill, ki devan nou, whether or  not sa PMB is urgent.

Akoz si nou pour al dan sa direksyon mon santi poudir nou pour pe kree en presedans, ki prezan let’s hope once that precedence is created nou adere avek sa presedans ki’n ganny kree!  Kot la en kote i ensiste, ensiste ki nou pran en Private Member Bill oubyen en Bill kelkonk akoz i annan – Mon pa ankor war li kominik sa lirzans avek sa PMB, me sa i prerogativ sa kote dan Lasanble.

So mon pa kapab, mon pa pour, mon pa care sa kestyon zot prerogativ.  I zot prerogativ pour zot demande. E i apre desizyon Lasanble atraver ABC osi pour deside. Mersi Onorab.

 

MR SPEAKER

Mersi Onorab. Lo sa PMB, lo sa Private Members Bill, eski i annan en dele letan ki bezwen anmennen?  Eski?  Ale Onorab Ramkalawan.

 

HON WAVEL RAMKALAWAN

Mr Chairman mon konpran sa ki Onorab Pillay pe dir, me selman i annan en diferans.

Referendum Bill son issue avek se ki (1),  nou pa ankor antre dan Committee Stage.  Dezyenmman Attorney Zeneral ki’n propoz bann lamannman.  E sa dan li menm li i out of order.  I out of order. Parski set en Manm Lasanble ki sipoze prezant bann lamannman.

 

MR SPEAKER

Wi in propoze.  I pa vedir out of order. I pa annan drwa prezante.

 

HON WAVEL RAMKALAWAN Wi. Be mon krwar ki lo lot kote si zot anvi, la mon pe rod lo solisyon pour nou kapab bouz devan. Lo zot kote laba, sa ki devret arive se zot leader oubyen enn zot Manm met sa bann lamannman dan en laform – mon krwar i deza dan en laform.  I deza dan en laform, prezant li koman lamannman ki zot anvi anmennen lio sa Bill.  E once ki sa i ganny fer, then tou keksoz i ava annord e nou ava kapab proceed. Nou napa problenm pour proceed lo-

Lo  nou kote nou napa problenm pour nou proceed lo sa Referendum Bill. So sa i enn.  Se pour sa rezon i la zis koman continuation.

Dezyenmman sa Private Members Bill, i annan en urgency akoz i annan en urgency i a pe demande, ki a pe tous immunity of a President – of a former President. E si sa Private Members Bill pour annan son sans, etandonnen ki i annan en former President ki son immunity 3 an pour kick-in Novanm, i annan, Oktob plito, Oktob, i annan en urgency pour ki sa Bill i ganny prezante devan Lasanble si Lasanble i aprouve i aprouve si i pa aprouve, i pa aprouve.

Me selman fodre ki by the 2nd of October, parski i pran 14 zour minimum pour Prezidan assent to a Bill, i fodre ki by the 2nd of October i lo latab Prezidan.

Set osi senp ki sa.  E mon krwar ki si Onorab Pillay pe dir Referendum Bill, be mon krwar ki tou le de i kapab ganny pran Mardi, i kapab ganny pran Mardi bomaten.  E apre sa nou kontinyen avek Civil Code.  Se sa ki mon ava prezante.  Mon krwar ki tou le de i kapab ganny accomodated.  Mersi bokou.

 

MR SPEAKER

Mersi  Onorab. Bon, tou le de kote in donn zot versyon e mon ava fer en ruling. E osi wi mon konnen Chair Bill tou pour dir keksoz lo la. Mon ti pour al dir keksoz me nou’n tous Referendum Bill osi dan meeting, Bills Committee Vandredi. Mon ava les ou dir en parol lo la apre mwan mon ava fer desizyon.

 

HON BERNARD GEORGES

Non Mr Chair mon ti pour koz lo mwan menm. Mon annan en two day hearing ki’n ganny fikse pour semenn prosenn Zedi ek Vandredi.                   E mon ti anvi zis alert ou a sa. Mon pour demann avek Lakour pour eskiz mwan. I pa en case ki mon kapab donn  avek en lot dimoun me pour fikse en lot dat.  Me mon ti anvi zis met sa devan latab, akoz mon napa kontrol lo si mon pour gannyen oubyen si mon pa pour gannyen sa adjournment. Mon espere ki dan lespri sa ki nou pe fer la, Lakour ava kekfwa zet en bon regar lo mon demann. Me i pa dan non lanmen alor. Mon ti anvi zis souliny sa. I hope ki nou ava kapab ganny sa adjournment.

 

MR SPEAKER

Ok.  Zis petet, mon krwar desizyon ki nou ti pran dan Bill Committee koriz mwan si mon mal.   Ou ti dir poudir en pti pe dan laliny ki Leader Lopozisyon pe dir, en Manm i kapab move sa bann amannman, or en Manm Bills Committee i kapab fer li.  Me la laranzman ki pe ganny dir nou kapab pran tou le de. Mon krwar bann Referendum Bill i ankor lo Order Paper, i ankor vivan. I bezwen al dan Staz Komite. Mon krwar son next step la.  Deba pa ankor fini lo la?  I pa ankor- Second Reading?

 

HON WAVEL RAMKALAWAN

Mr Speaker second, non.  Ou konnen ki Staz Referendum Bill in arive. Nou’n komans deba lo objects and reasons, lo the objects, merit of the Bill i pa ankor pran en vote on the merit. The Minister ti tonm dakor pour li repran Bill pour li al travay.  I pa ankor pran en vote.  I pa ankor pran en vote.

 

 

MR SPEAKER

E bann amannman in ganny propoze pandan deba lo merit.

 

HON WAVEL RAMKALAWAN

Non, non bann lamannman in ganny propoze apre deba lo merit, san vote.  Pa ankor pran en vot.

 

MR SPEAKER

Bon.  Si nou dir nou dedye Mardi, e annou ganny en laranzman petet nou pa pran okenn kestyon. Enkli PNQ, nou dedye Mardi pour nou deal avek PMB, e nou fini avek Referendum BillOk.  Nou dedye Mardi pour nou kapab tir tou le de.  PMB in fini fer son First Reading.  I mean the clock is ticking so nou kapab pran li next week. E Referendum i deza lo Order Paper, bann Manm i okouran bann propozisyon lamannman and so on ki Sekretarya in fini sirkile.  Nou deal avek sa de Bill Mardi.  Merkredi Zedi Vandredi, nou kontinyen avek Civil Code. Eski zot dakor? Unless there’s an urgency, urgency, urgency.  Ok?   E par Lendi parey labitid nou ava konnen si i annan sa urgency. Ok so desizyon ki nou’n pran alor ankor Onorab Georges i annan son lot bout pour li fer negosyasyon avek Lakour, se nou pour sit semenn prosenn the whole week. Mardi pour Vandredi. Mardi nou ava dedye li pour sa 2 Bills.

E nou kontinyen avek Code Civil Merkredi, Zedi, Vandredi. Avek en bi ki nou kapab-  E travay ki nou ava fer ozordi avek demen hopefully nou ava kapab fini. Ok? Dakor. Onorab Georges avan nou ti al dan break, nou ti’n ariv en moman kot mon ti dir i annan 6 Manm ki ti pour fer zot entervansyon. Mon’n note.

Nou ava hear the members apre nou ava kontinyen.  Ok, Onorab Loze.

 

HON JOHAN LOZE

Mersi Mr Speaker. Bonn apre midi tou dimoun.  Mr Speaker pa ki neseserman mon annan okenn obzeksyon avek sa ki’n ganny propoze par Onorab Ramkalawan. Mon pe plito kestyonnen.  Vi ki Lartik 27 nou Konstitisyon, i preskri ‘’equal protection before the law’’, kestyon ki mwan mon pe poze se ki tou Seselwa ki viv Sesel ki komet en deli, en defo dan son maryaz atraver adilter tou dimoun pou konnen. I pour ganny tyonbo li.  Akoz li i napa mwayen pour fer nanryen, apart sot dan sed, al anpandan anba en pye koko whatever e tou dimoun pour konnen ki in fer.

Be nou annan Seselwa ki li i annan mwayen, i komet tou adilter aletranze li, personn pa pour tyonbo li, li. Regilyerman i al fer adilter Sid Afrik e li son maryaz i safe, i proteze selman i adilteren li osi. Be lezot, Seselwa ki napa mwayen, Seselwa ki isi Sesel li i pour ganny tyonbo pe komet adilter, e en ant sa de dimoun ki’n tango parey in ganny dir boner, i pou bezwen pey en serten sonm larzan. Alors mwan mon ti zis pe kestyonnen si i annan la sa ‘’spirit equal protection before the law?’’ Mersi Mr Speaker.

 

MR SPEAKER

Mersi Onorab.  Onorab Gervais Henrie.

 

HON GERVAIS HENRIE

Mersi Mr Chair. Bonn apremidi tou dimoun. Mr Chair mon pwen i en pe diferan avek sa zafer adilter. So mon pa konnen si ou a permet mwan lev pour mwan la ouswa si mon pour al deranz flow of konversasyon. Ki mon fer?

 

MR SPEAKER

Ou annan drwa pour ou-. I lo bann lartik …

 

HON GERVAIS HENRIE

Bann lartik ki nou’n pas lo la. So mon pour retourn en pe lo 227. Disolisyon maryaz e mon’n ekout leksplikasyon Onorab Georges e mon konpran i lo 2 ground.  Si en msye ouswa  madanm i mor ouswa divors.  Prezan baze lo lartik 5 ki dir nou poudir ‘’legislation is a solemn and public expression of the legislative will,’’ e konteks Sesel ozordi avek sa zafer melanz kiltir ek relizyon ki pe antre dan nou pei.  Ler la alors si nou pe dekouver demen i annan en dimoun ki’n marye avek en manrmay anba laz, en dimoun anba laz 18an. In al dan Lenn li, in al Sri Lanka, in al wherever ki zot in permet a arive.  E prezan zot in antre Sesel, prezan letan in ariv isi sa zanfan i met en konplent avek en Lotorite, NCC par egzanp, i dir be mon napa 18 an selman kiltirelman dan zot serk laba li i pe ganny sa presyon li.  Eski sa i kapab vin en ground pour zot dizolisyon maryaz la?  Silvouple mon anvi en leksplikasyon.

 

MR SPEAKER

Mon krwar sa  konsern ti ganny leve boner.  E Onorab Georges ti fer son entervansyon.   Be an fen i a kapab repran.  Onorab Pillay.

 

HON SEBASTIEN PILLAY

Mersi Mr Chair.  Mr Chair mwan mon annan en klarifikasyon ki mon  le sit lo sa diskisyon ki nou ti gannyen lo – si ou annan en dimoun ki komet adilter, e nou pe dir ki sa dimoun i at fault, alors i annan cause for action, kont sa dimoun. Konsern ki monn annan, mon konpran kot i vini mwan, konmsi pour dekouraz sa dimoun pour al fer sa.  Be si sa de dimoun i dan en rela-. Sa Lalwa in ganny construed dan lesans ki si sa 2 dimoun i dan en relasyon ki malgre ki pa dan sa bann grounds, e i pa oule al anba sa bann lezot grounds, sa i en grounds ki vini. Eski le fe ki nou pe fer en course for actions, si i annan en party, ki’n ede annan sa disolisyon sa maryaz, nou pa kree en … ?  Mon krwar i kont Konstitisyon, me selman nou pa pe kree en lot kalite kondisyon.

Petet eski nou kapab demande ki sa separation de bien, pa separasyon an deor separation de bien en dimoun i kapab anmenn en course  for actions.  Ou konpran?  Akoz sa ki nou pe dir ozordi, ou pe dir pour dir kantmenm ou’n fer adilter, nou separe tou le de i ganny lanmwatye byen. The idea se ki ou sa ki Leader Lopozisyon pe dir se ki, sa enn ki’n komet adilter i sipoze ou kapab annan en aksyon kont li, pour dir be ou kapab met li Ankour e pourswiv li,  in komet adilter, alors petet i pa devret ganny lanmwatye sa bann byen. Ou konpran mwan?

Me mwan ki mon pe dire eski nou kapab annan en course for action Onorab ou bezwen eksplike an deor sa ?  Ki ou fer ki komisyon sa fot, alor si mon kapab the burden of  mon kapab prouve la mon kapab anmenn en course for action. Me mon pa tous sa barenm ki mon’n etablir an se ki konsern separasyon bann byen. Mersi Mr Chair.

 

MR SPEAKER

Mersi Onorab. Onorab Georges ou pe note.  Mon ava pran lezot apre nou ava fer en sel.  Onorab Flory Larue.

 

HON FLORY LARUE

Mersi Mr Chair. Bonn apre midi. Mr Speaker mon ti a kontan en klarifikasyon ; lo komansman letan zot in komans koz lo maryaz, Onorab Georges ti dir nou ki la fason ki en dimoun i marye, i pour dir ki mannyer son bann byen pour ganny separe. Eski adilter i enn bann opsyon ki en dimoun i kapab met dan en Kontra prior pour marye, ki kapab fer ki sa i vin en context pour sa de dimoun.  Si sa i enportan.  Mon pe koz koumsa akoz mwan mon vwar la, pardon, mon vwar Lalwa koman en keksoz ki kit lord dan lasosyete, met lord. Me pwennvi moral ek relizye i en keksoz personnel.

E sakenn i annan son nivo moralite. E mon krwar letan nou komans fer Lalwa mezir sa moralite i vin en pe plis ki kekfwa sa ki lalwa pe sey fer.  Akoz maryaz lo konteks Lalwa i zis en Kontra.

Me i vin plis letan en dimoun i marye Legliz.

I annan dimoun ki marye ki pa zanmen pas Legliz. I happy pour li marye sivil. Akoz pour li sa i donn en lot kalite proteksyon anba Lalwa lo kote legal. So mon krwar diferan dimoun i annan diferan valer, e kekfwa mon krwar i annan lezot lenstriman ki zot kapab servi pour fer zot valer moral come into play. Me selman en keksoz ki mon pa’n tann ou koz lo la – mon pa konnen si i vin apre,  sa kote letan en dimoun i marye, apre i sanz son non. Bokou bann madanm isi zot marye. Letan zot marye ek en msye zot pran non sa msye.  Mon konnen dan konteks istorik ou pour koz madanm en dimoun ou pour dir madanm sa msye. Savedir madanm Mr  Nicholas Prea. Savedir ou madanm napa son non prop. Eski sa i note la, ki sa kote pran non i pa en keksoz ki legal. Ou kapab gard ou non kantmenm in marye, i pa en requirement. So eski nou kapab klarifye sa osi?  Mersi.

 

MR SPEAKER

Mersi Onorab.  Petet ou komansman, en pti bout mon krwar petet si nou konnen sa dimoun ki pe al marye avek, enn antre nou ladan pour fer adilter pandan sa Kontra maryaz apre mon pa krwar nou ti pour antre dan sa. Oubyen petet mon pa konnen ou pe dir osi pour dir ki menm avan ou antre sa, si ou pe mazinen pour fer adilter ou fer en Kontra, e ladan ou mete pour dir si enn i fer adilter alor. Wi.  Me anfen mon i enteresan, wi, wi. Mon ava donn laparol ok, mon annan en nouvo Manm ki’n leve lanmen Onorab Arissol.

Nou pa’n tann li 2 zour, nou ava donn li laparol osi apre. Mon a donn laparol Onorab Paul Ernesta.

 

HON PAUL ERNESTA

Mersi Mr Chair. Bonn apre midi Mr Chair.  Tou bann koleg.  Dan laliny an ka letan en dimoun in fer divors, petet sa i en pwen ki nou bezwen klarifikasyon. Petet dan sa prosesis, sa de partner zot, zot in separe. Letan mon pe dir prosesis pour divors, zot in separe e prezan sa madanm i arive pandan sa peryod i tonm ansent, e i ganny en zanfan.  E dan menm moman i deklar sa zanfan – annou dir deklar sa zanfan lo Paul Ernesta, koman sa msye. Me le fet nou’n kite. Eski la sa madanm enn premyerman i annan drwa pour li kapab fer sa? Or ki rekour i annan pour ki Paul Ernesta pli tar pour li kapab claim swa proteste sa deklarasyon ki’n ganny fer. Thank you Mr Chair.

 

MR SPEAKER

Mersi Onorab.  Onorab Ferrari ou ti’n lev ou lanmen ou osi avan break ?

 

 

HON JEAN-FRANCOUS FERRARI

Tre briyevman Mr Speaker, mon ti anvi zis siport sa pwen ki ti ganny fer pli boner. Mon krwar Leader Lopozisyon ki ti leve.  Akoz mon konsernen avek ka  separasyon bann byen dan ka en divors. E sirtou dan ka kot en partner, e malerezman souvan i sa msye, i ale li, i al anmize, i al donn son bal, eksetera. Manman i reste kot lakour, e apre divors i ganny fayle, Lakour i ordonn, ki bann byen i ganny separe e dan en fason egal. Lakaz i bezwen vann, manman i bezwen al lwe en landrwa. Msye i ankor pe diverti- kontan li.  I bezwen al lwe en landrwa sa pti larzan ki i gannyen.  Konmsi mon ti a kontan konmsi en keksoz ki osi (1)met en burden ekstra lo sa enn ki ale.  E (2) re-anforsi sa lide the  matrimonial home, the family home.

Ou, ou’n ale and you left the family home behind, ou, ou pa kapab pran lanmwatye ladan. Konmsi mwan mon lo balans, mwan mon pour tonm lo plito, lo sa enn ki’n reste.  E la mon pa pe dir i pa devret, i devret toultan sa madanm.  Me selman dan nou konnen laplipar le ka, se sa madanm ki reste, e kekfwa mon a ganny en leklersisman apre.

 

MR SPEAKER

Mersi Onorab. Nou a pran dernyen. Onorab  Sandy Arissol.

 

HON SANDY ARISSOL

Mersi Mr Speaker. Bonn apre midi tou dimoun. Mr Speaker mwan osi mon ti anvi zis aport mon sipor lo largiman ki Onorab Ramkalawan ti anmennen bomaten an relasyon avek adilter, ek sa ki perdi an partaz byen.  Zis en pti laliny ki Onorab Ferrari fek mansyonnen.  Me selman an menm tan i annan en kestyon enteresan ki’n sorti, parski Onorab Georges bomaten ti remind nou pour dir i ti’n  ganny retire dan Lalwa sa.  E Onorab Ramkalawan ti pe demande akoz in ganny retire. Ti pe dir akoz nou pa re entrodwir. E Onorab Georges mon krwar ti remind nou ki an 1993 ti ganny retire dan Lalwa sa an term sa bout konpansasyon.

Prezan la apre midi Onorab Loze in fer komanter ase enteresan, kot bann dimoun ki kekfwa ki al komet son adilter Sid Afrik, oubyen lezot landrwa,  be zisteman mon ti a kontan demann Onorab Georges kekfwa li tou sa lannen in dan sa profesyon be akoz sa bout Lalwa ti ganny tire ?  An relasyon  akoz i ti ganny tire akoz senpleman sa letan ti annan dimoun ki ti pe fer adilter Sid Afrik ? I   annan ti pe fer adilter partou, partou? E sa Lalwa ti ganny tire? So kekfwa li Onorab Georges i konnen, kekfwa i ti ava partaz avek nou.  Mersi bokou.

 

MR SPEAKER

Mersi Onorab. Bon Onorab George, klarifikasyon e Mr Pool si oule antre ou osi. Onorab Georges.

 

HON BERNARD GEORGES

Mersi Mr Chair. Mr Chair bann kestyon tre enteresan in leve. Les mon pran enn de ki pli senp kekfwa avan apre nou ava vin lo sa zafer adilter avek repartisyon bann byen. Onorab Ernesta in lev en kestyon ki kouran.  E Ankour tou le semenn nou vwar. A sa vwar si en koup in marye e zot ankor marye me zot in separe zot pa pe viv ansanm. Sa madanm i tonm ansent. Lo lekel ki i pour deklar sa zanfan? Natirelman si i tonm ansent pour son mari marye kantmenm zot in separe, zafer i fasil. Mon pe prezimen ki i tonm ansent pour en lot garson.

Lartik 374 i rann nou, nou repons e sa se 374 akoz sa i kouran i arive toultan. Dan Lartik 374, mannyer i egziste konmela fodre zot blir sa mo, fodre zot blir sa fraz ‘’or during a domestic relationship an menaz’’ akoz sa set en keksoz ki nou pe al entrodwir.  Koman i ete konmela la napa sa bann mo.  Me i zis dir ki pandan en maryaz ziska ler ou ganny divors oubyen enn in mor, si en zanfan i ne, prezonpsyon se ki se sa mari marye ki papa sa zanfan.  Menm si legalman i pa.

Alors sa ki pour arive se ki Leta Sivil pour anrezistre  mari sa madanm koman papa sa zanfan.  E prezan pour bezwen vin en problenm pli tar ki mannyer ou pour al tir Paul Ernesta koman papa, e met Bernard Georges.  Sa ki ou pour bezwen fer.  I annan de fason.  Son papa li menm, papa biolozik sa zanfan, pour bezwen al devan en noter e fer sa ki nou apel en ‘aknowledgement of child’. I pour sinyen pour dir i rekonnet ki sa se son piti. Premye keksoz.

E dezyenmman mari sa madanm, i pour anmenn en case Ankour ki nou apel en  ‘’des avouie  de paternite.’’  I pe al désaveu de paternite.    I pe al dir ‘’piti la pa pour mwan.’’ ‘’Dile nido mon pa pe donnen.’’

Alors sa se fason fer. Me annan de fwa i pa fer sa. Oubyen sa mari marye i mor  e i pa fer désaveu de paternite. Oubyen zis i pa fer, dan sa ka zanfan li menm, i ava al Ankour e ava fer en serten désaveu, e pour dir ki ‘’pa mari mon manman ki devret pey dile nido pour mwan se Paul Ernesta.’’ Ok, donk, vwala ki mannyer i ete, 374.  E la san antisipasyon avek sa bann nouvo keksoz ki nou pe fer, nou pour sey extend  sa osi pour bann dimoun i viv ansanm.  Me sa se en gro keksoz ki nou ava ariv lo la apre.  Se sa se premye keksoz Mr Chair.

Dezyenmman Onorab Larue i demande, eski ler ou marye en madanm i bezwen pran non son mari marye? Non.  Napa okenn nesesite. I kapab pa fer li.  Annefe mon madanm pour mwan pa’n pran non sinyatir pour plizyer lannen.  E in fer li finalman akoz i ti pli fasil.  Akoz ler nou ti vwayaze li i ti vwayaz lo Moulinien  mwan mon ti vwayaz lo Georges e nou ti ganny en problenm nou ti bezwen anmenn nou marriage certificate avek nou partou pour montre ki annefe nou ti’n marye.

Me napa okenn nesesite. E annefe an France ou pa pran non ou mari.  E dan bann Acte La France par egzanp si ou dir si en madanm pour aste en bout later lo son non, i pour dir – mon a pran mon ka mon madanm Annette Moulinien  epouse Georges.  Se koumsa ki i pour mete pour ou konnen ki i pe servi son non me in marye avek en boug ki apel Georges.

Si ou marye deor en kestyon in ganny demande, si ou marye deor avek en dimoun ki anba laz ki’n ganny presyon pour li marye avek ou, e ler ou ariv Sesel ki ou kapab fer, repons i trouve dan lartik 238 (f).  Ou demann nullity.  Akoz irrespective kote ou’n marye si ou al Ankour isi Sesel, e i annan en sa bann ground nullity ki ou kapab make out Lakour i ava ekout ou, e i ava pronons lo la.  E dan sa ka ou ava dir ou’n marye anba duress, oubyen anba presyon eksetera.  E sa set en ground pour annul ou maryaz.  Akoz parey Onorab Larue in dir, maryaz set en Kontra, e Kontra ou bezwen konsantman.  E kapasite.  Si ou napa kapasite akoz napa laz oubyen ou napa konsantman akoz ou’n ganny met anba presyon, sa Kontra i null and void e sa maryaz i ganny anile.

En lot kestyon ki Onorab Larue in demande, se eski ou kapab mete dan ou prenup dan Kontra de maryaz ler ou marye en kondisyon ki dir  si ou pe fer adilter ou pa pe ganny okenn propriyete. Mr Chair ou’n reponn sa kestyon en pe, me annefe son lespri prenup  li menm li, i en lespri ki difisil pour konpran. Ou pe al marye avek en madanm oubyen en madanm pe al marye avek en msye, zot pe marye pour lanmour zot pour al kree en keksoz demen, eski ou pour al fer en Kontra pour dir sa ki pour i pour ou, sa ki pou mwan i pou mwan?  Oubyen sa ki nou pour aste demen nou pa pour partaze ?         I vin kont – kont nou sistenm panse.  E se pour sa rezon ki i annan telman pti git Kontra maryaz ki ganny fer. Akoz en dimoun ler zot pe al marye zot pa enterese kan i konnen ki sa i allow.  Sa nou ava deal pli tar. Nou pa pe marye apre pour nou al divorse.  Nou pa al marye pour nou al separe.  Nou pe al marye akoz pour nou al kree en keksoz ansanm.  Me prenup nou vwar li vini dan bokou ka kot en dimoun i marye pour 2enm fwa.  Dizon en msye zeneralman en i msye etranze ki en pe pli vye ki sa madanm Seselwaz dizon,  me i ariv partou dan tou lemonn li in fini fer son fortin li. I annan son byen, epi i pe vin marye avek en madanm ki bokou pli zenn ki li, ki pe marye pour lanmour.

E la i ava vini ava dir get sa ki pour mwan i ava reste pour mwan.  E dan sa ka nou vwar bann Kontra maryaz en pe pli souvan ki en zen koup ki pe antre zeneralman zenn koup i antre dan en maryaz sakenn napa nanryen.  Oubyen i annan tres peux de sou e zot antre dan en maryaz pour zot – E zot pa fer prenup. Me napa nanryen ki anpes en prenup ganny fer avek kondisyon ki si i annan en adilter, ou pa pour ganny lakantite ki ou ti pour gannyen si ti napa adilter.

Akoz sa i kapab akoz lartik 1134.  Lartik 1134 i dir tou Kontra ki ganny antre ladan openly i vin Lalwa prive ant sa de dimoun.  Alor tan ki en keksoz pa ilegal oubyen kont lord piblik, public policy ou kapab met nenport ki kondisyon ki ou anvi dan en Kontra. E mon vin finalman Mr Chair lo sa problenm adilter.  E mon a komans avek adilter. Onorab i demande si adilter i ganny komet deor e ou pa ganny tyonbo.

Mwan mon ava al pli lwen. Adilter i egziste selman si ou kapab prouve.  Si ou pa kapab prouve ki in annan adilter napa adilter.  E sa se le fe. Levanzil St Mathieu, pa aplike dan nou Lalwa ; kot i dir si ou pe mazin adilter, ou pe komet adilter.  Si ou lespri i al lo en pti madanm ou’n fini komet adilter. Sa pa marse dan Lalwa.

Si ou komet ou adilter e ou pa ganny tyonbo, setadir ou pa’n komet ou adilter. It’s as simple as thatOk? Adilter i adilter ler ou ganny tyonbo e ler sa lot parti i kapab prouve. E se la kot i vin aplikab.  E mon vin parey mon dir finalman lo sa lot pwen.

Ki mannyer ou anmenn en dimoun ankour pou ou demann li domaz?  Si ou anvi demann li domaz dan en case adilter ? Lalwa i permet – ou ti permet a lepok, pou ou met sa ki nou apel en correspondent. Petitioner se sa dimoun ki demann divors, respondent se son konzwent, msye oubyen madanm.  E son correspondent se sa enn ki responsab pou sa irretrievable breakdown.  Alor ler ti annan Lalwa konpansasyon pou adilter, ou ti bezwen nonm sa dimoun. I ti komet adilter avek msye x tel ou tel landrwa tel ou tel zour. E mon pe demann msye x pey mwan tan. Ou still kapab met en correspondent konmela, si ou anvi nonmen ek lekel sa dimoun in fer sa adilter, me ou pa kapab demann domaz. E nou vin donk lo sa pwen ki Onorab Ferrari ek Onorab Ramkalawan in souleve, a savwar ki mannyer ou kapab pini sa parti ki’n komet adilter?                                   Sa ki Lalwa pa permet se pou al rod larzan avek sa 3enm dimoun ki ou spouse in komet adilter avek.  Me, me mon santi Mr Chair, mon santi en dezir dan sa Lasanble, pou pini sa spouse ki’n komet sa lofans matrimonyal.  Pou pa  donn li menm kantite ki enn ki inosan ti ava gannyen.  Mon santi sa.

Ziska ozordi tou Zirispridans i dir responsabilite pou breakdown en maryaz, pa ganny pran an konsiderasyon ler ou pe diviz propriyete.  Pa ganny pran an konsiderasyon.    Ou assume ki tou lede dimoun i sen, oubyen tou lede i move.  Me ou pa kapab met responsabilite lo en oubyen lo lot.  Akoz filozofi se ki maryaz i pou vin no fault. Se pour sa rezon ki nou’n fer li vin irretrievable breakdown konman sel ground. Napa fot dan en maryaz. I zis ki sa maryaz in breakdown.  Malgre ki enn ou en lot in bezwen responsab pou sa.  Alor se pou sa rezon ki sa concept in ale. Me napa naryen ki anpes nou ozordi – taler nou ava vwar bann keksoz ki lakour i bezwen pran konsiderasyon ler i diviz en propriyete ler i annan en divors.  Nou kapab azoute konman enn sa bann fakter, ki pou pran konsiderasyon the responsibility of one another parties to the breakdown of the marriage.                                             Alor si nou anvi donn Lakour pouvwar, donn enn en pe plis, oubyen redwir enn en pe mwens, everything else being equal. Akoz enn i responsab pou sa breakdown, se la kot nou bezwen fer li antre selon mwan. Dan property settlement. Mersi Mr Chair.

 

MR SPEAKER

Bon, eski petet ou’n ase egzos sa bann lartik e nou kapab move on?  Akoz mon krwar sa ki Lasanble pe sey rode i vin apre dan en lot lartik. Yes Onorab De Commarmond.

 

HON CHARLES DE COMMARMOND

Mersi Mr Chair, bonn apre midi. Zis en pti- Mon esper li fini. En pti leklersisman petet en gidans kot panel oubyen Onorab Georges i kapab eklersi nou.   Me an pasan konmsi Onorab Georges pe dir nou, adilter selman an aksyon.  Pa an panse, pa par omisyon.  Ok?  Mon anvi fer resorti nou pe koz lo en keksoz serye enportan maryaz e sa ki nou bezwen osi ankouraz maryaz pou annan bon fanmir dan nou sosyete.  Me selman i reste kler osi nou pti Sesel i annan en ta beautiful stories around relasyon, maryaz dan sa 250an nou listwar. E mon asire sak fanmir sak dimoun ki la i kapab rakont plizyer zoli zistwar around  maryaz.  Me en keksoz- par egzanp, nou pe ankouraz osi bann papa pou deklar son zanfan.                     Klersi nou lo en madanm ki’n marye e in kite i pa an ankor divorse e in fer en zanfan avek en msye ki lib oubyen petet ki’n marye osi e ki sa papa i le pran son responsabilite pou deklar sa zanfan.  Zot dir mwan ki la i annan en bon pe difikilte around it. Eski nou kapab eklersi sa pou ankouraz bann papa pran zot responsabilite e Lalwa ki i dir vizavi?  Mersi.

 

MR SPEAKER

Mersi Onorab. Onorab Georges.

 

HON BERNARD GEORGES

Mersi Mr Chair. Sa kestyon i enn ki, en kestyon aktyalite. Ou pa kapab annan 2 papa.  Donk si Leta Sivil in deklar sa piti konman piti mari son manman,                         akoz  zot ankor marye, papa biolozik sa piti pa pou kapab al kot Leta Sivil e dir tir son non akoz annefe se mwan papa. La mon, aknowledgement of child ki mon fek fer  devan noter.  I pa pou kapab fer sa.  Me, me mon devret dir akoz i leka ki annefe – annefe sa se mon lopinyon i pa lopinyon lezot avoka ; ou plito i pa lopinyon lezot avoka. E Leta Sivil avek mwan nou’n annan en diskisyon akoz sa lepok ler i ti Ziz, Ziz Sauzier ti’n donn en lopinyon ekrir dan son lanmen, ki Leta Sivil i annan, kot in dir si en boug i vin deklar son piti, ou bezwen deklare.

E donk an depi provizyon ki mon fek lir lartik 74. An depi sa ou kapab anrezistre. Mwan mon’n, zot in demann mwan en lopinyon mon pa avoka Gouvernman, e mon’n dir mon ava donn zot en lopinyon mwan, se ki zot pa kapab ou non.

Ou bezwen swiv Lalwa. 374 i dir ou se mari manman sa piti ki devret anrezistre. I annan lezot prosedir pou fer pou sanz sa pli tar. Akoz sansan ou pou annan en kontestasyon. Problenm i arive annan de fwa kot sa manman i desann li tousel, in marye li, ler son piti i soz, i desann li tousel kot Leta Sivil. Pa avek son mari marye, me avek papa sa piti, e papa sa piti ki anvi deklare. E si Leta Sivil pa verifye ki zot sipoze verifye pou vwar eski sa madanm in marye? Akoz zot database pa up-to-date or whatever i annan de fwa zot kapab fer li.  E anba lopinyon Ziz Sauzier  zot kapab fer li. Me mwan mon pa partaz sa lopinyon.  Akoz mannyer Lalwa i striktire, mon war ki se pa Leta Sivil oubyen papa ki pran sa desizyon.  Fodre ou al Ankour.  Les Lakour dir ou ki papa, pa sa lot e apre anrezistre.

 

MR SPEAKER

Bon mon krwar nou’n egzos sa e bann kestyon pe vin plizoumwen ki pou tous lezot lartik apre.  Mon sizere Onorab Georges  nou move lo en lot lartik ? Napa okenn amannman lo sa enn la, en? Onorab Georges napa okenn amannman ki pe move la ? Ok, nou ava kontinyen lo 231 non? 231.

 

HON BERNARD GEORGES

231 Mr Chair, mersi. La, prezan nou antre dan mekanizm divors. Lakour pa pou donn en divors amwens ki i satisfe ki in annan en lesey pou sey rekonsilye bann parti. Sa  ler napa okenn posibilite rezonnab pou rekonsilye zot. Tan ki i annan Lakour pa pou proceed, pou les zot re al rekonsilye.  E trwazyenmman  obviously ki sa maryaz in irretrievably broken down. E Lakour i annan pouvwar a nenport ki moman si i krwar ki i annan en posibilite pou sa de dimoun rekonsilye. e i arive i annan de fwa, ki ler zot ariv devan Lakour zot deside pull back.  E lakour i ava adjourn. Akoz lentere Lakour se pa pou dizourd maryaz. Se pou prezerv maryaz, e pou dizourd li selman ler in fini breakdown.

232 en divors i ganny, pou menm filozofi – en divors i ganny fer an 2 faz. Premye faz an 232 (1), Lakour i donn en conditional order. Sa ki nou ti appel lontan anba vye Lalwa decree nisi. En conditional order e i espere or natirelman si Lakour i vwar ki sa dimoun in vin devan Lakour in manti oubyen in conceal en keksoz, la Lakour i ava swa dismiss son petisyon, oubyen i ava donn en conditional order lo kondisyon ki Lakour pa pou fer li vin an lord absoli, ziska ler en serten kondisyon in ganny satisfer.

Otherwise dan tou bann lezot ka 6 semenn pli tar, sa dimoun ki’n demann divors sa ki’n ganny son conditional order i fer en laplikasyon pou li ganny en final order ki nou apel e absolute order.            E sa 6 semenn se pou donn sa parti letan pou zot mazinen, eski zot anvi en divors? Akoz sa madanm oubyen sa msye, ki’n ganny sa contional order i kapab deside. Finalman mon pa pou proceed.  Alor i donn li sa letan.

E si i pa anvi proceed i pa demande.  Si 3 mwan pli tar, si 3 mwan pli tar ki sa 6 semenn, sa dimoun ki ganny sa conditional order pa demann sa absosulte order. sa lot parti kont divors in prononse, li i kapab al Ankour e demande. E si okenn zot e Lakour i annan a sa moman ler i fer order absolute, i kapab revwar son desizyon demann plis lanket.

An zeneral zanmen i fer li.  E si zanmen i annan en zanfan e la nou regarde 232 6. Si i annan en zanfan sa fanmir Lakour pa pou fer sa divors vin absolute, tan ki i pa’n resevwar e se Family Tribunal ki pou fer sa, sifizaman garanti ki tou keksoz in ganny fer pou an relasyon avek sa zanfan. Donk Lakour pou pez sa e pa pou fer li.

A nenport ki moman 233 Attorney Zeneral li osi, i kapab intervene ant en conditional order avek en absolute order si i vwar ki in annan en frod oubyen en lenzistis oubyen pa azir, oubyen okenn keksoz.  Sa se sa prosedir.

234  prezan i retourn lo adilter. 230(1)(a) se adilter. I posib ki annan de fwa apre ki en spouse in dekouver ki son lot spouse in komet adilter, ki zot retourn ansanm, pou sey patch upOk?  Si zot fer sa zot ganny drwa fer sa.  Anba vye Lalwa ou pa ti kapab. Anba vye Lalwa konman ou ti fer sa, savedir ou ti’n condone sa adilter e apre ou pa ti kapab leve konman en ground.

Konmela i pli soup.  E pou en peryod 6 mwan lLkour pa pou regarde si zot pou reste ansanm apre sa adilter, e ou kapab retourn Ankour e dir avek lakour demann divors lo ground adilter malgre ki ou’n reste avek ou spouse pou en peryod pa plis ki 6 mwan apre ki ou’n dekouver sa adilter.  Sa se pou donn ankor enn fwa en sans pou bann parti rekonsilye. E Lakour osi ler i pou deside si i trouv li entolerab i pou pran konsiderasyon, i pa pou pran sa konsiderasyon sa 6 mwan ki zot in vi ansanm.

Lakour ava disregard sa peryod letan. E menm zafer anba dezersyon 230(1)(c). I annan pou fer avek dezersyon. Si en, Lakour pa pou pran konsiderasyon  ler i kalkil sa peryod 2an okenn letan ki sa dimoun pa’n kapab form en lentansyon pou li kapab reste an dezersyon. Akoz pou en rezon ou en lot i pa’n  kapab kontinyen sa lentansyon. Setadir ankor enn fwa Lakour pe sey retourn sa bann dimoun ansanm olye fer li fasil pou zot divorse.

E (d) sa se 1an separasyon avek konsantman menm zafer. Si zot in reste ansanm pou pa plis  ki 6 mwan, Lakour pa pou kont sa peryod. 4 (b) i enportan.  Ou pa bezwen kit lakaz.   E dan bokou ka dimoun i separe, me zot reste dan menm lakaz zis zot viv dan menm household.     Ou pou ou, mwan pou mwan.  E mwan mon antre dan mon lasanm aswar ou, ou antre dan ou lasanm aswar. Sa i ganny konsidere ki zot pe leave apart si zot pa kwi manze ansanm, asiz ansanm otour latab pou zot dinen tou le swar, eksetera. Ki zot pe viv dan 2 household diferan menm si zot anba menm twa.

E ler ou donn konsantman pou sa ground divors ki dir ki ou viv apar pou 1 an. Me lot parti i konsanti, ou bezwen vin dir sa Ankour oubyen dan en form spesyal ki dan Matrimonial Clauses Rules. I annan en keksoz ki nou apel separasyon anba Lakour Mazistrar, Summary Juridiction Wives and Children’s Act. Si ou’n deza ganny en separasyon e apre ou demann en divors lo en menm fe Lakour, i kapab servi ou separasyon konman laprev lo sa bann fe lo en case divors.  E sa se pou fer li vin fasil. Pa bezwen re-anmenn tou sa bann temwen or whatever.

235, ankor ennf wa 235 se ler ou demann divors pour 1 an separasyon plis konsantman sa lot. Lakour i ava kapab kennsel  son lord si i war ki sa konsantman ki sa lot dimoun in donnen ou’n mislead Lakour. Lakour i kapab met ou fer en lord pou pa fer sa divors vin en divors abolute si i pran konsiderasyon larz, kondisyon lasante, conduct parey nou’n

fek war taler earning capacity, bann resours finansyel, bann lobligasyon, Lakour i satisfe ki sa dimoun ki’n ganny sa divors pa devret fer en provizyon finansyel pou sa lot.

Oubyen ki sa provizyon finansyel i pa pou fair.  I pou zis fer li siny sa provizyon finansyel i fair. Oubyen i ganny en undertaking ki pou annan en provizyon finansyel ki pou ganny fer.  Dan en ka divors si enn, si msye i demann divors, oubyen madanm i demann divors, e sa lot konzwen i prouve ki se pa kont li ki sa lofans in ganny konmet, e se dan son faver e kont sa lot Lakour i kapab donn divors sa enn ki pa’n demann divors.               E sa se natirelman pour les tou lede annan menm drwa, Onorab Loze lartik 27 ou pa kapab fer en rapel from en order absolute. Si ou pa kontan ki en divors in ganny donnen ou bezwen fer li dan sa 6 semenn ant decree conditional order ek absolute order. Enn fwa ki Ziz in fer en absolute order i absolute se’’ goodbye so long’’ ou pa kapab fer plis ki sa. Mersi Mr Chair mon krwar sa se en moman kot nou kapab pran en lot vot.

 

MR SPEAKER

Bon Lasanble i dan pozisyon pou pran en vot lo dissolution of marriage. Lartik 227 ziska 237, ki form part schedule of Book 1. Mon ava demann tou Manm ki an faver? Okenn Manm ki kont? Madanm Clerk.

 

MADAM CLERK

Mr Chair 22 Manm an faver personn kont. Mersi.

 

MR SPEAKER

Mersi madanm Clerk. Savedir sa bann lartik 227 ziska 237 anba ‘’dissolution of marriage’’ in ganny aprouvasyon Lasanble Nasyonal.  Onorab Georges nou a kontinyen.

 

HON BERNARD GEORGES

Mersi Mr Chair.  Nou pas prezan lo nullity of marriage.  Nullity  se ler malgre ki in  annan en maryaz, sa maryaz pli tar in ganny anile, se konmsi zanmen in egziste, malgre ki in egziste. E en maryaz i ganny anile pour en seri – i kapab ganny anile pou en seri rezon. E sa se premyerman ti napa konsantman, ‘’authority’’ do we keep ‘’authority’’ or have we done away with that? Which authority would we get? Because we’ve done away with minority mariage?

144 nou’n tire. Non.  Oh yes, maybe civil status. One  special licensesorry Mr Chair authority la se piblikasyon. Alor i byen ki i la.  Setadir si en dimoun- What about consent in that case? Nepli annan konsantman la.  238 (a) has not obtain the consent or the authority.   

Authority is civil status for instance to reduce the publication period. Waht about consent? We don’t allow marriages of 18 or less and we don’t allow marriage of uncles and nephews or aunts and neices.  So there’s no consent? Ward can’t, pa kapab marye. What about interdicted persons? Wards can they marry, with the consent of their guardian? Ale annou, annou lese, just in case we could always think about it.

Dezyenmman parties are within the prohibited degrees, sa i kler.  E la, and not at time of the marriage obtained the required authority. La mon krwar mon kapab – nou bezwen koupe. Professor should we take out that second part ?  ‘’Are within the prohibited degrees and had not obtained the required authority.’’                                238 (b) gone, ok. Mersi. sS that goes.  A party was already married to another person  sa i kler.  Si ou’n deza marye e sa lot maryaz pa ti’n dizourd ou pa kapab re-marye. Bigami, bann parti pa respektivman male and female.       E pa bliye parey mon’n dir, si 2 dimoun menm sex ti’n kapab marye personn pa kapab demann nullity zot maryaz apard zot menm.  Ok?  Sa se mannyer i ete.  E, i enn ant sa 2 spouse ti en mental patient, oubyen ti annan en dezord mantal.  (F) enn ant sa 2 dimoun pa’n donn en konsantman valab, akoz mistake i ti krwar i pe marye Onorab Churchill Gill me annefe in marye Onorab Paul Ernesta par egzanp. Frod, duress eksetera.  Maryaz pa’n ganny selebre an akordans avek Lalwa. (H) i enportan maryaz pa’n ganny konsimen. Drapo pa ti annan, lasanm pa’n leve. Sa se egzakteman sa, akoz en maryaz pour li valab fodre i end up avek en konsonmasyon. I annan de fason ;- enn se, i pa’n ganny soz, akoz wilful refusal.            Savedir ler zot ariv dan zot lasanm lotel, madanm i dir non, pa pe gannyen. E i arive sa.  In arive isi Sesel, mwan menm mwan mon’n fer en case.

(laughter)

 

HON BERNARD GEORGES

Pa’n ariv avek mwan me mon’n fer en case. Oubyen i pa’n kapab akoz lenkapasite. Bougla in bwar en pe tro i pa’n kapab perform. Wi, oubyen i pa’n, oubyen i enpotan.  I pa’n kapab fer li.  Oubyen sa madanm i annan – ti annan en problenm.

Communicable disease si enn ant sa de dimoun i annan i annan en communicable disease, sa i, ou kapab kennsel sa maryaz. Oubyen pregnancy per alium, ler ou marye e sa zoli pti fiy 6 mwan plitar i ganny en zanfan ki pa pou ou.  E ou trouve ki i ti’n deza ansent par en lot dimoun.  Sa se bann ground ki ti egziste en pe partou. I pli plizoumwen menm grounds ki  annan dan Lalwa L’Angleterre. Malgre sa, Lakour pa pou donn en lord nullity unless ki sa laplikasyon in ganny fer dan sa premye 12 mwan.  Or si  sa madanm in tonm ansent depi son maryaz.  I pa pou ganny fer.  Savedir ki si sa madanm i ansent, sa i en bar a kont nullity konpletman. Interesting one this. Akoz i annan en zanfan alor ou nullify son maryaz, malgre ki enn bann kondisyon pa ti aplikab.

 

MR SPEAKER

Onorab ou le fini.  Onorab Georges apre nou a pran bann queries? Akoz i ase long sa seksyon, oubyen nou enteronpe la. 238 i ase long, ou le fini run through apre nou pran bann konsern  Onorab Georges.

 

HON BERNARD GEORGES

Wi Mr Chair, akoz i kontinyen.

 

MR SPEAKER

Mon’n note sa detrwa Manm.

 

HON BERNARD GEORGES

Si ou regard (b), (b) i dir ki dan bann ka, dan bann nullity pou en dimoun ki ti anba tretman mantal, ti annan en communicable disease, oubyen i ti ansent. Case i bezwen konmans dan en peryod 12 mwan depi maryaz. E amwen ki Lakour i satisfe ki sa enn ki pe demande ti inyoran lo sa bann fe.  E ti napa konsantman pou fer sex. Depi ler in trouve, depi ler sa bann fe in vin a son latansyon. E ti ava, i pa ti pou byen pou fer en nilite. E dan bann lezot ka (f), (h) oubyen (i) menm zafer plizoumwen. Ler Lakour i donn en lord nilite, Lakour pou fer parey divors i fer parey en conditional order apre pli tar i pou fer sa lord vin absolute. Anba menm kondisyon ki anler. E ankor enn fwa pou napa rapel from en lord absolute nullity parey divors.  Mersi Mr Chair.

 

MR SPEAKER

Mersi Onorab Georges.  Onorab William.

 

HON WAVEN WILLIAM

Mersi Mr Speaker, Mr Speaker mon ti zis anvi en leklersisman baze lo en text ki mon’n gannyen. Mon demann Chairman’s Bills Committee ; par egzanp i annan en dimoun pe query, mon annan 2 dimoun pe al marye, petet sa zonm  i ti krwar poudir be sa madanm ki pe al marye, I ti ne en madanm, me i al dekouver poudir in al fer bann soz syantifik kot sex change in, i en madanm. Prezan eski i kapab rod rekour pour nullity of sa maryaz? Dizon in arive dekouver. E prezan sa i kestyonn osi sa sertifika nesans.                                       Eski letan sa dimoun li ki’n sa sanzman sex. Ki arive avek son sertifika  nesans. Lefe ki i ti son nesans deklarasyon i en mal, me selman in al fer sanzman ki fason konmsi sa i ganny aksepte dan en fason legal. Mersi.

 

MR SPEAKER

Mersi Onorab. Onorab Woodcock.

 

HON WAVEL WOODCOCK

Mr Chair wi clause 238, (1) (a) i lir koumsa ‘’party to the marriage had not at the time of the marriage obtained the consent required.’’ Me Onorab George ti’n propoz ti annan sa bout ki ti’n ganny azoute ‘’or authority under this code or in other legislation.’’ Mon krwar i ti pe dir pour tir sa mo authority, me selman mon ti pe demann en kestyon regardan bann ward.  Nou ti war boner pour dir en ward i pa neseserman en minor –  en manrmay anba 18an. En ward i kapab kekfwa en dimoun ki annan en serten disorder serten problenm mantal. Dan sa ka i fer mon mazin parey ozordi nou annan bann ka down syndrome. I annan bann dimoun ki down syndrome ki anba kekfwa en guardianship.  Me selman si ou pour get dan bann lezot pei, ou war konmela, ki annan sa bann dimoun avek down syndrome ki pe marye. Alor mon krwar sa mo authority ki guardian ; there must be an authority given, pour allow si sa dimoun avek down syndrome ouswa serten issue mantal, i anba en guardianship, the gaurdian should be able to give en lotorite pour consent of marriage.  Alor mon krwar sa mo authority must remain dan sa bout. Mersi.

 

MR SPEAKER

Mersi Onorab.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker mwan mon kestyon pour Onorab Georges kekfwa si letan anba, en kantite sa bann kondisyon ki donn pour divors pour annulment sirtou, pa divors, annulment, dizon akoz lo la i annan bann. I annan en kantite ki telman afekte sa dimoun vreman ki pe anmenn sa case Ankour pour ganny sa annulment. Eski sa dimoun i kapab apre sue for moral damage, ouswa kek domaz ki in kapab gannyen. Mersi.

 

MR SPEAKER

Mersi Onorab.  Onorab John Hoareau.

 

HON JOHN HOAREAU

Mersi Mr Chairman. Mr Chairman Onorab Clifford Andre in demann mwan pour met a latansyon Mr Georges 238, (2) e (1) pour met 12 mwan ; sanz 12 mwan fer li vin 5an parey Public Officers Act i été. Mon pa konnen si i annan merit – petet Onorab George i a dir nou apre. Mersi.

 

MR SPEAKER

Mersi Onorab.  Onorab Regina Esparon.

 

HON REGINA ESPARON

Mersi Mr Chairman. Mr Chairman mon pa tro konfortab avek 38, (1) (j), ‘’the respondent  was at the time of marriage suffering from venereal disease in a communicable disease form Aids or Immunity deficiency.

Ozordi nou pe koz ‘no stigmatization’, ‘no discrimination.’ Mwan mon vwar sa clause ki la, koman en keksoz ki pe discriminate sa dimoun. Si i en dimoun ki pe suffer from AIDS, oubyen i en HIV positive, pou nou dir ki sa maryaz i ganny anile.  Mon war koman en clause ki pe discriminate.  E mwan mon pa konfortab avek sa.  Akoz i ti kapab nenport ki maladi.  Akoz nou pa dir si en dimoun pe ganny kanser?  En problenm dyabet.  Ozordi HIV/AIDS i parey nenport ki maladi, kot sa dimoun i pe viv avek. I pa devret ganny discriminate. Mersi.

 

MR SPEAKER

Mersi Onorab. Bon avan nou kontinyen mon ti a kontan rekonnet prezans e larantre Minis dan Chamber. Minister Adam  bonn apre midi e welcome. E ankor asiste avek son personal assistant Mr Vidot.  Nou ava kontinyen. Mon annan Onorab De Commarmond.

 

HON CHARLES DE COMMARMOND

Mersi Mr Chair.  Mon pwen an fen kont in pas dan i sipoze avek sa ki nou’n fini aprouve avan, me selman pour nou lentere petet si nou ti kapab ganny gidans ;- eski i annan en limit marye e divors e divorse avek menm dimoun.

 

MR SPEAKER

Mersi Onorab. Eski i annan en limit kantite divors ou kapab divorse avek menm dimoun. Ok?  I annan en dernyen ki pe vini. Apre ou a pran tou.   Ok.

 

HON BERNARD GEORGES

Napa limit. Elizabeth Tailor in marye avek Richard Burton 2 fwa. Marye divorse, marye divorse.   Mon pa konn bokou dimoun ki marye i divorse, epi nullify en maryaz.  Me napa nanryen ki anpes en dimoun ganny en lord nullity, apre re marye e divorse pli tar avek sa menm dimoun. Napa nanryen ki anpes sa.  Son lespri ava en pti an dout, me selman napa nanryen ki anpes li fer li.

 

MR SPEAKER

Bon mon dernyen entervenan Onorab Ramkalawan.

 

HON WAVEL RAMKALAWAN

Mr Chairman, in fact mon ti’n war en solisyon pour sa ki mon ti’n pe al lev pwen. Me selman, letan mon’n antann Onorab Esparon lev lo stigmatization, mon krwar i pa vreman en ka stigmatization anba (j), se ki si ou konnen ki poudir ou annan sa maladi ou bezwen deklare.  Konmsi pe dir ou pa kapab si ou annan HIV e ou pa deklare epi sa dimoun i dekouver ki pour dir li in ganny sa maladi, ki konmsi oubyen en lot maladi transmet seksyelman ; ki konmsi ki fodre ki i kapab en maladi transmisib, ki ase grav ki life threatening oubyen sa bann soz ki. Prezan mwan mon war li ki ou deklare.  Si ou deklare then it’s a different issue.

 

MR SPEAKER

Me petet mon ava al pti pe pli lwen ankor lo la.  An vi ki en relasyon i komans avan en maryaz, eski sa deklarasyon dan sa konteks parey i pa devret menm a sa pwen la?

 

HON WAVEL RAMKALAWAN

Non be sa i posib ki set en dimoun ki, dizon sa dimoun i ankor en vyez. Ok? Pa tou dimoun ki marye apre en relasyon seksyel. I annan dimoun ki obzerv sa.  So. E deswit  koman i marye, i ganny sa.   Mwan mon vwar -Mon pe regard li dan sa konteks kot fodre ki ou deklare.  E ki si ou pa deklare then ou kapab-  Me selman an menm tan lot kote le fe ki in spesifye en maladi ki kapab ganny transmet seksyelman. Mon pe zis mazinen si napa okenn bann lezot, i kapab annan bann lezot maladi ki kapab ganny transmet e ki life threatening. I annan bann lezot me anyway nou a regarde.

 

MR SPEAKER

Mersi Onorab. Bon avan mon retourn kot Onorab Georges mon ava donn laparol Minis.

 

MINISTER JEAN-PAUL ADAM

Mersi Mr Speaker. E bonn apre midi tou bann Manm Onorab e tou dimoun ki pe swiv nou deba.  Mon profite akoz mon annan portfey Lasante pour osi entervenir lo sa pwen.  E mon krwar ki pwen ki’n ganny sorti par Onorab Esparon i tre valid.  Akoz mon krwar ki nou bezwen konpran konteks sa Code ki mannyer in ganny drafte. Zis pour sa seksyon i zis en parti ki’n ganny pran dan en Lalwa ki en pe demode. I pa reflekte larealite ozordi.  Akoz a moman ki sa Lalwa ti’n ganny fer i ti en maladi, kot par egzanp tretman ti vreman limite. E ozordi par egzanp vizavi HIV i en lot senaryo.  E zisteman dan nou plan stratezik pour adres kestyon HIV e SIDA nou anvi tir sa stigma.

E mon krwar i en loportinite pour tir sa la. Mon krwar i annan si mon’n byen lir sa Code pour annan lezot fason ki ou pour kapab adres sa akoz definitivman mon krwar konsern Onorab Leader Lopozisyon se si i annan en fo reprezantasyon ki’n ganny fer, ou bezwen partaz tou keksoz avek ou konzwen ki ou pe al marye avek e si i annan en mansonz ki’n ganny dir avan maryaz, ki sa i annan lezot – mon pa pe mazinen pour mwan site,  me i annan lezot landrwa dan sa Code ki mon krwar i kapab permet ou fer en laplikasyon pour divors.

E parey Onorab Leader Lopozisyon osi in dir, i annan lezot maladi parey Epatit, parey lezot maladi transmisib ki alor pour nou mansyonn spesifikman HIV-SIDA mon krwar i pa tro apropriye anliny avek nou bann komitman enternasyonal, koman en pei. Mersi Mr Speaker e mersi tou bann Manm Onorab.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker. Mr Speaker nou tou le etre tre konpreansiv lo stigmatizasyon. Me dan sa konteks ki la i pa en eleman stigmatizasyon. I en kondisyon ki’n etablir, pour ki sa maryaz i kapab ganny anile.  E mon krwar poudir nou bezwen etre tre pridan pour nou retir en keksoz dan Lalwa si i pa pe fer ditor.  I pa pe fer ditor personn la fason ki in ganny ekrir.                                Akoz si sa de parti in fini deklar zot lentansyon e zot in deklare zot annan sa kondisyon then napa problenm. Me dan en sirkonstans kot en parti li i antre dan en relasyon ek en dimoun, i pa konnen zot contract en maryaz and then i found out pour dir sa i le ka. E mon rapel si nou rapel byen ti annan en vag bann ka dan northern hemisphere, ou Canada, Lanmerik ti annan detrwa ka, Laswed ti annan detrwa ka, kot sa ti releve.  E sa bann madanm ti napa gran rekour anba Lalwa.

Alors mon krwar sa eleman ki la mon konpran ki Minis pe dir. Mon apresye ki sa i en nide tre nob.  Me dan sa konteks, nou bezwen fer konpran lepep Seselwa, ki sa i pa about en stigmatizasyon me plito about bann kondisyon ki ganny etablir anba Lalwa, pour annan en nullity. Si ou pa’n deklare, then i vin en lakoz.  Me si ou’n deklare e sa dimoun pe demann ou divors?  Nou bezwen konpran osi ler en dimoun i vin demann divors savedir sa maryaz pa pe succeed for whatever reason.

Sa i zis enn bann rezon ki kapab ganny servi an konteks sa ki Leader Lopozisyon in dir, ki enn sa de dimoun pa’n deklare poudir i annan sa kondisyon. E nou bezwen apresye  sa.  Mon pa krwar poudir i pe fer ditor kot i ete mon krwar se sa ki Onorab pe dir. I pa pe fer ditor, so let’s not try to fix what isn’t broken. Mersi Mr Chair.

 

MR SPEAKER

Mersi Onorab. Minis.

 

MINISTER JEAN-PAUL ADAM

Mersi bokou Mr Speaker. E mersi Onorab koman en loportinite pour petet gid Lasanble, mon’n konsilte en pti kou avek Profeser. Petet bi sa se pour si pour en dimoun ki’n ganny afekte par en maladi transmisib, en communicable disease, a sexually transmitted disease, e petet nou kapab travay lo en wording ki al dan sa direksyon, san sit enn partikilye.  Akoz i annan lezot, parey nou’n dir, parey Epatit, parey eksetera. So nou servi en term pli zeneralize. Mersi Mr Speaker.

 

MR SPEAKER

Mersi Minis. Onorab John Hoareau ou ok?

 

HON JOHN HOAREAU

Mr Chairman ti lo menm laliny, mon ti pe dir why not nou aret lo kot i dir communicable form?  Nou met en pwen la.

 

MR SPEAKER

Yes, dakor.  Onorab ou annan lo menm laliny, oubyen ou annan- ? Ale go ahead Onorab.

 

HON JOHN HOAREAU

Mr Chair letan nou’n koz lo modernite lo diskriminasyon. Sa parti ki nou pe koz lo la it’s to do avek nilite en maryaz pour annul en maryaz. E enn bann rezon i (d), dan 238 (1) (d),  i dir ‘’the parties to the marriage were not respectively male and female.’’

Mon krwar letan nou’n koz lo diskriminasyon kont dimoun ki annan viris SIDA, kekfwa ti ava osi en loportinite pour nou diskit diskriminsyon kont LGBTI community. Letan nou pe koz lo nullity of marriage.  Mersi.

 

MR SPEAKER

Non mon krwar pwen ki’n ganny fer bomaten se ki a en moman nou pour bezwen antre dan en deba Nasyonal, lo la. Mon krwar Onorab Leader Lopozisyon in fer sa kler bomaten. Me pour le moman Code i – Ale Onorab.

 

HON WAVEL RAMKALAWAN

Mr Chairman parey mon’n dir nou pour bezwen adres sa size. Sa mwan mon napa problenm. Me selman mon krwar la, se si en dimoun i krwar ki poudir i pe marye. Ok?  Ou al Sengapour ou trouv sa bann soz, sa dimoun i krwar ki poudir i pe marye li en zonm i krwar ki poudir i pe marye avek en madanm.

Be selman apre sa i dekouver ki poudir sa dimoun i pa en madanm. Kekfwa in dir avek li, sa dimoun in kit sa koman en sekre li. In dir avek li kit, pa neseserman en transgender.  Non. Li ankor tou son zafer i ankor ek li, me selman i dir, non, non pa tous mwan – bann zafer.  Apre sa i dir zour ki nou marye, ki ou pour – konmsi tou keksoz pour ganny devwale. Be aprezan zour maryaz i sant ‘’what you have I have.’’ La aprezan ki vin problenm !

Konmsi ki lentansyon sete pa pour li ‘’What you don’t have I don’t have.’’ Ok Whatever you can do I can do!  Se la ki problenm i vini. Dan sa konteks la.  So mon krwar ki la i vin diferan.  Konmsi ou’n ganny misled. Mon krwar ki se sa e se la kot i dir avek ou within a year. Within twelve months. Konmsi ou pa kapab reste epi 5an pli tar dir be la i annan en grounds pour mwan. Mon krwar i annan en soz kot ou’n ganny misled dan…

 

MR SPEAKER

Dakor mersi Onorab. Bon mon ava pas laparol avek Onorab Georges, i ava pas lezot queries ki’n monte.  A donn leklersisman.

 

HON BERNARD GEORGES

Mersi Mr Chair. Tre vitman. Onorab Wavel Woodcock, nou’n dakor authority remains. Akoz i annan bann ka kot Lotorite pour bezwen la.

5an mon krwar nou’n adres sa.   Rezon ki zot in met 12 mwan, se ki en nullity ou bezwen azir vit pour ou nullify osito ki ou konnen. Ou pa kapab esper pli lontan. Mon krwar se pour sa rezon ki sa peryod preskripsyon in redwir e vin – Ou bezwen fer li avan 12mwan. Si ou’n esper 12 mwan e ou ankor pe esper consumate ou marriage, mon pa krwar ou devret ganny en nilite. Ou’n abitye avek sa sistenm.

An sa ki konsern pwen Onorab Regina Esparon ki pe ganny revwar la, mwan mon ti ava propoze Mr Chair, ki nou kekfwa regard en keksoz koumsa. E mon konpran parfetman pwen. Tousala we’re taking on board.  Akoz nou pa dir en keksoz parey as the following ‘’the respondent was at the time of the marriage, knowingly’’ nou bezwen azout sa ‘’suffereing from the communicable disease, a communicable or a life threatening disease which has not been revealed to the other party.’’ Ok. In other words i pa son fot ki i pe soz, fot la se ki i pa’n dir  sa lot. I pa zis communicable. Par egzanp dizon ou annan  MS – Multiple Sclerosis e or lugares disease ou konnen ki i en wasting disease e ou, ou konnen ou. I vin en pti pe lack of consent.  I vin en pti pe.  Mon pe ti pou’n marye avek ou si kekfwa ou ti’n dir mwan. E ankor enn fwa i pa tou dimoun ki pour taye ki pour al fer en nullity. Me ou zis donn posibilite sa bann ki anvi. I posib ki bann lezot en dimoun i ava dir be malgre ki ou pa’n dir mwan, mon still kontan ou e mon ava viv avek ou despite the fact ki ou annan HIV or anything.  Sa mon propozisyon Mr Chair.

 

MR SPEAKER

Onorab Larue.

 

HON FLORY LARUE

Mersi Mr Chair.  Mr Chair mon krwar mon’n ganny mon pa’n ase kler.  Letan mon pe lir 238, (1)(d).  I dir ‘’the parties of the marriage were not respectively male and female.’’ Savedir la i pe pran konsiderasyon sa dimoun ki’n marye si li i en zonm. Nou pe konsider straight away ki sa dimoun i bezwen female. So straight nou’n fini demark the same sex thing.

Mon krwar osi nou kapab tir li dan sa wording e met li dan en lot wording pour li vin sa wording ki Onorab Ramkalawan pe dir.  Ki si en msye in  marye avek en dimoun ki i krwar i en madanm, ki si sa dimoun pa dir li ki i en zonm, la nou a kapab spesifye sa. Me la koumsa la mannyer in ganny ekrir i spesifikman deny at all rights pour en msye ek de zonm marye, ouswa de madanm marye.  Lala nou pa pe koz lo maryaz ant zonm ek fanm la. Nou pe koz lo nullity of marriage. So si nou pe moderniz nou Lalwa, nou pa pe dir nou pe allow li la. Me demen si nou sanz sa konteks kot dimoun i kapab marye, nou pa pour bezwen reget sa bout. Akoz i ava aplik direkteman avek sa sityasyon ki nou’n dir. En msye i marye ek en dimoun, i krwar i en madanm, be selman apre i found out i en msye ouswa en lot fason. Me i pa dan sa wording ki i ete la. Mersi.

 

MR SPEAKER

Mersi. Petet nou ava kit avek Onorab Georges i ava regarde ki mannyer -. Onorab.

 

HON WAVEL RAMKALAWAN

Non, non mon konpran sa ki Onorab Larue pe dir, eksepte ki sa anba 238 se enn bann dimoun ki’n marye, ki vin fer sa aplikasyon. E alors i bezwen annan en aggrieved partner. Enn ki’n ganny aggrieved i vini i dir mon madanm pa ti en madanm oubyen mon msye pa ti en myse.  Dan sa soz respectively. It is not the state ki pour dir, ki pour annul en maryaz akoz sepa 2 zonm in marye, oubyen 2 madanm in marye.  Se sa ki mon krwar ki Onorab Larue i bezwen sezi.  It’s not the state ki pour vini ki pour dir a nou pe annul sa maryaz akoz in annan en soz la, nou, nou sosyete i dir fodre en zonm i marye avek en madanm e nou pe anba (d) ‘’the parties to the marriage were not respectively male and female.’’ I totalman diferan. It’s a partner. Sa zonm ki pe fer sa konplent ki poudir sa madanm ki mon’n marye avek, i pa en madanm. Oubyen sa madanm pe dir, be sa zonm ki mon’n marye avek pa en zonm. This is the interpretation ki la. It’s got nothing to do with same sex marriage, at all. I annan deception somewhere. This is why the person is applying for nullity.  It is not the state ki pe dir en lofans in ganny komet la. Parski si non i ti pour pa anba en lot Code. So mon krwar ki fodre nou – fodre ki nou fer sa distinction. I am sure the Professor sees.              It’s not a question of same sex marriage here, it’s a question of one the parties having discovered that I am a man, I thought I was marrying a woman.  And in fact it turned out that the person was not a woman or vice versa. And this could be a ground for the person making an application for nullifying the marriage. Thank you.

 

MR SPEAKER

Mersi Onorab. Mr Pool or Professor.

 

PROFESSOR ANTHONY ANGELO

Mr Chair. Thank you if I might comment on these matters. That precise I believe is covered by a sub paragraph (f) that  the marriage, there was no valid consent because there was a mistake as to the identity of the person you’re marrying.  Either the physical identity or an essential characteristic of that identity. Futhermore there is the provision in paragrapg 2(b), (2) which says that if there is nullity, can proceed if the person was ignorant. I think does two earlier points you made. But if there was knowledge that the person had a transmissible disease, and you are still prepared to have support them, have a joint life, then you will not get nullity.

The other point is that in the absence of nullity, many of the situations discussed would create a retrievable breakdown and a intolerable lifestyle, and be ground for early divorce. Thank Mr Chair.

 

MR SPEAKER

Thank you Professor. Onorab Georges nou a kontinyen bann klarifikasyon. Oubyen in fini?

 

HON BERNARD GEORGES

Non mon’n fini. Mon krwar sa i kouver nou …

 

MR SPEAKER

Onorab Larue ou still pa dakor?

 

HON FLORY LARUE

Mersi Mr Chair. Mr Chair mon krwar mannyer Professor in eksplike i vreman, vreman kler ki anba (f) si i annan okenn mistake.  Savedir si ou’n marye par mistake avek en zonm ki ou krwar i en madanm, (f) i kouver.  So mon krwar ki we can do away with (d). Akoz mwan mon krwar it is discriminatory mannyer zot pe ekrir li.  E i pa – letan nou pe koz lo modernite, nou pe koz lo konpran lemonn kot in arive. Mon krwar sa i  kapab ganny retire, (d) i kapab ganny retire.  E si en dimoun i krwar in fer en mistake e son msye in marye ek en msye koman en madanm i marye avek en madanm, (f) i kouver li byen kler. Mersi.

 

HON WAVEL RAMKALAWAN

Sa ki Onorab Larue pe dir Mr Chair, in that case ou bezwen tir sa communicable disease, ou bezwen tir en kantite lezot keksoz.  Ou bezwen tir plizyer.

 

MR SPEAKER

Onorab Georges.

 

HON BERNARD GEORGES

Mon partaz sa lopinyon Mr Chair. Mon krwar more is better. Me i annan en clause ki kapab kouver plizyer, me i pa oule dir nou devret focus zis lo la.  Akoz kekfwa i pa pour- Akoz ler ou spesifye, ou konnen ki sa ou pa kapab. Me ler ou pa spesifye anything can go in or at the same time anything might not go in, akoz nou pa mazin li kekfwa.

 

MR SPEAKER

Bon, Minister.

 

MINISTER JEAN-PAUL ADAM

Mersi Mr Speaker. Mon pa anvi prolonz deba e mon krwar lo nenport ki size parey, i enportan ki i annan en consensus. Me selman lo en baz zeneral, mon pour tant dakor avek lenterpretasyon Onorab Larue, ki petet sa clause pa ti neseser. Me mon’n tann lenterpretasyon Onorab Georges. Mon krwar sa deba i bezwen ganny a en serten moman. I annan en loportinite ozordi, me i pour depann lo Manm si nou bouz dan sa direksyon.

Mon krwar mannyer Profeser in eksplike, bann konsern ki’n ganny leve ti pour ganny adrese. Koman reprezantan Gouvernman dan Lasanble mon krwar nou ti pour kapab adres sa san – Nou ti pour kapab siprim sa pti seksyon, me nou deside ansanm. Mersi.

 

MR SPEAKER

Mersi Minis. Onorab Georges.

 

HON BERNARD GEORGES

Yes, mon ti’n bliye reponn en kestyon. Onorab Ghislain in demande si an mezir ki ou pe demann nullity pour enn sa bann fakter ki’n arive, eski ou kapab sue sa dimoun ki ou’n marye ?  Wi larepons i wi. Akoz in komet en fot.  I annan en pti pe pli tar nou vwar ki bann le fe civil i reste.  Nou’n … ki in annan en nullity.

 

MR SPEAKER

Onorab William.

 

HON WAVEN WILLIAM

Mr Speaker mersi. Mon ti’n demann en leklersisman Onorab Georges mon pa konnen si ti’n sezi. Akoz mon pa’n santi poudir mon’n ganny sa leklersisman baze lo pwen ki mon’n leve.  Mon ti’n lev en pwen pour leklersisman lo kote legality of the birth certificate, par le fe ki i annan sa sanzman sex e prezan sa dimoun i anvi annul sa maryaz.                       Konmsi lo pwennvi legal konmsi, ki mannyer nou vwar sa?   Akoz mon konnen sa pwen in deza leve oparavan.  Me selman le fe ki realite sex baze lo sa sertifika nesans, avek sa sanzman, ki fason ki legalman zot vwar li ?  Eski i devwar sa dimoun pour sanze ouswa son birth certificate? Mersi.

 

MR SPEAKER

Wi e mersi Onorab. Onorab Georges.

 

HON BERNARD GEORGES

Wi akoz i de diferan sertifika la.  Ler en dekre annulment i ganny prononse i retourn kot Leta Sivil. E zot ekrir atraver son maryaz ‘’marriage annulled by such and such’’ akoz i pa egziste. Ou pour nepli kapab al rod en kopi sertifika maryaz, akoz sa maryaz i dead  ab initio.  Ou pa kapab fer nanryen. Me si antretan i en si mon konpran ou byen, en dimoun ti’n ganny deklare koman en zonm oubyen madanm, epi plitar dan son birth certificate, epi pli tar i annan en nullity ki arive anba sa seksyon, kot zot pa, nou pour retourn parey sa case ki konmela Ankour.  I pou depann lo eski Leta Sivil pour santi li posib, konmela i pa posib anba Lalwa pour li sanz sa birth certificate?

E i pour bezwen al lo sa birth certificate orizinal.  E si sa birth certificate i dir sa dimoun i en zonm, e ki ou’n marye avek li e ki ou ti krwar i ti en madanm, e ou find out ki en zonm, se sa birth certificate ki pour prevwar e non pa okenn lezot sertifika.

 

MR SPEAKER

Mersi Onorab Georges. Onorab Pillay.

 

HON SEBASTIEN PILLAY

Mersi Mr Chair. Mr Chair mon krwar Lasanble, nou bezwen pran serten prekosyon la, akoz si nou kontinyen sey eksplike, oubyen sey analize, oubyen sey rasyonaliz tou sa bann kondisyon pour annul en maryaz, nou pour vwar nou dan en sityasyon kot nou pe demann nou lekor ‘’Are we politically correct dan sa sityasyon?  Are we being   – mon pa konnen mwan…  societally correct dan en lot sityasyon. E nou pa antre dan bann konplikasyon.

Sa ki reste pour nou konpran se ki si en maryaz nepli, i annan diferan fason ki en dimoun i kapab sorti dan en maryaz. I divorse lo baz ki sa maryaz pe nepli pe subsist. Oubyen i rod en e sa i bann kondisyon annulment for annulment. The only condition for annulment. E pour nou fer bann lenterpretasyon lo la i en pti pe serye, akoz bann kondisyon pour divors, malgre zot la, son prosedir i fer kree serten konpleksite as opposed to ler ou annan serten kondisyon clear cut, ki ou donn sa dimoun en pozisyon for annulment.

Be admetons – admetons nou’n vin en sosyete par egzanp kot ou ti allow – mon pa pour al dan sa deba la, me kot en dimoun in marye. I annan diferan kondisyon ki kapab antre ladan.  E sa ki nou bezwen mazinen Mr Chair se le fe ki ou annan the 2(B). Ou annan  2(B) 2).  E 2 i dir ou koumsa poudir sa Ziz li i pour only kapab, i pour grant sa annulment si i konpran, i war poudir sa dimoun, the petitioner was ignorant of the fact.  E se sa.  Ignorant of the facts, ki’n ganny prezante la. So i deza annan en si oule en gardfou- en safeguard pour ki sa bann kondisyon for annulment pa ganny abize. Somebody pa zis kapab vini de zour o lannmen, dir a mon pe annul mon maryaz, akoz tel keksoz, tel keksoz, tel keksoz, tel keksoz. Ou konpran? So mon krwar nou kapab, nou’n exhaust the debate.  Petet nou devret move on.  Mersi.

 

MR SPEAKER

Mersi Onorab.  Savedir nou pa fer okenn lamannman avek sa bann, avek sa lartik.  Sa en konsansis? Ti annan en propozisyon pou nou drop (d) e posibilite osi to (j).  E nou pe dir prezan i reste.  Ok. Nou move on. Onorab Georges ou panse ki nou kapab pran 240 eskan- Wi (j) in ganny amande. Nou kapab ale ziska 243 dizon ziska 4er avan nou pran en break ? Oubyen ou santi i annan serten- ?   Annou ale, menm ziska 4.15  si fodre nou pran en break apre pou nou tournen.  Onorab Georges.

 

HON BERNARD GEORGES

Mersi Mr Chair 240 i dir ki si okenn sa de parti pa ti’n fer pran en ka pour zot nullify zot maryaz pandan zot vivan, e ki sa keksoz i ganny dekouver, ou sa ground i ganny dekouver zis apre ki enn oubyen tou lede in mor, Attorney Zeneral i i kapab anmenn, oubyen okenn lezot dimoun ki annan en lentere i kapab anmenn en case pour deklar sa maryaz null.

241 ; mon pa tro konpran si sa zofisye leta sivil ki’n selebre sa maryaz in mor ler sa frod ki ti pour anmenn, ki ti kontribye pour sa nilite ti ganny dekouver, okenn dimoun, zot case pour ganny anmennen par okenn dimoun ki enterese, oubyen Attorney Zeneral kont bann zeritye sa dimoun.  Mon sipoze annan en rezon, be eskiz mwan  mon pa kapab ed zot lo son rasyonal kekfwa panel i a kapab. 242.

 

MR SPEAKER

Yes Onorab Ramkalawan.

 

HON WAVEL RAMKALAWAN

Mr Chairman mon pe regard 240 mwan e mon pe balans li avek 227. 227 clearly says ‘’a marriage is dissolved by the death of one of the spouses.’’ E 240 if one or both spouses have died without discovering the nullity of the marriage.’’ I mean ‘’the proceedings can be initiated’’ e i kontinyen. It doesn’t make sense because I mean dan mon lopinyon it doesn’t make sense because the dissolved nullity – I mean to state – to-

 

(Off-Mic)

 

HON WAVEL RAMKALAWAN

Ok, so you just want to continue.  But-

 

MR SPEAKER

Kontinyen Onorab Georges.

 

HON BERNARD GEORGES

Wi Mr Chair mon krwar ki i annan en distenksyon ki nou bezwen fer.  Rezon ki 240 i la, se ki i annan ka kot ou pour anvi anmenn en case pour montre ki zanmen ti annan en maryaz.  Malgre ki sa maryaz in ganny dissolve ou anvi anmenn en case poudir ki sa maryaz zanmen in egziste.

E se sa ki 240 i la. Akoz si zis ou dir dissolve savedir ti egziste ziska ler i dezord. Nullity i efas li konpletman. E se pour sa rezon ki sa i la. Me 241 mon still

 

MR SPEAKER

En moman, en moman Onorab Georges. Onorab Pillay.

 

HON SEBASTIEN PILLAY

Onorab Georges mon pe demann en presizyon, very quick one. Is the word valid correct in this instance or is it should be declared nulled? Having the marriage declared valid or nulled ?

 

MR SPEAKER

Onorab Georges. Onorab Ramkalawan.

 

HON WAVEL RAMKALAWAN

Mon konpran sa ki Onorab Pillay pe dir.  In fact prezan mon’n osi mon’n regard li dan en lot fason. Sa se pour ki Attorney General oubyen any person wants  to prove that the marriage is valid. Ok, si i annan en dimoun la ki annan kek lentere, Ok  e sa dimoun in komans en prosedir pour ki konmsi sa maryaz pa ankor ganny dekouver null. Ok because if the marriage is finally declared null, li son lentere i perdi. So this is somebody or the Attorney General that wants to prove that the marriage is valid.  It’s not a continuation of the nullity process, dan la fason ki mon pe regard li. It’s a not continuation of the nullity process, but rather it is somedody wanting to declare that.  Non.  The marriage is not nulled, but rather that the marriage did exist and therefore the person who has an interest can get the interest. Professor?

 

MR SPEAKER

Professor.

 

PROFESSOR ANTHONY ANGELO

I believe that the correct interpretation, and it follows from the historical arrangement of this provision where who the heirs are, or very significantly depending on whether the marriage was valid or not.  And also the status of the children, which in the early days had a much reduced succession rights.

So the person who could have defended  this perhaps did, but the  provision here says well in the public interest or as ministère publique – the Attorney General might come forward and say, seek a declaration that this is valid and therefore that will identify the successors.  I believe that the intention of the provision. Onorab Pillay.

 

HON SEBASTIEN PILLAY

Thank Mr Chair.  Mr Chair in this case then, if that is the case then there should be a balance.  There should  be-because there is only one side of the equation.  Because if you look at this, you’re talking about reinserting the validity in the marriage.  Because the way the clause is worded it is saying that there is a nullity that already exist.  Now look it says – before, without discovering the annullity,  so which means the marriage itself was null initially. I understand your point.

If you keep this point here, you must also allow for a contingency whereby somebody can also petition the Attorney General in the absence of that person, to declare that marriage null. So that it balances out.  Because otherwise then it would have only been one instance where eventhough the marriage was null from the beginning, somebody can come in and say that the marraige was valid.

But there would be nobody that can say now another interested party that can say their marriage was null initially. So you have to balance out. I can get your point. It’s a fair point but you also have to balance it out. I do not know whether the panel can give us a direction on that.

 

MR SPEAKER

Onorab Ramkalawan.

 

HON WAVEL RAMKALAWAN

Non. I understand what Honorable Pillay is saying Pillay is saying.  But it’s only one of the parties that can bring a case to argue for nullity.  But if the parties died, nobody will be able to continue with the case of nullity. This is why 240 can only be for a case to declare the marriage valid. Because it is somebody who can petition because the person has an interest.  (La nou tou nou vin avoka la.)

 

MR SPEAKER

Onorab Pillay.

 

HON WAVEL RAMKALAWAN

Thank you Mr Chair.  Mr Chair the argument it is a fair argument.  Because let’s say the two people are that’s my mother and my father. My father died. And the marriage was supposed to be declared null, and I want to challenge that, and I want to declare the marriage valid, because there is an inheritance. But if we have listened carefully to what Honorable Georges said when he read the article, he made the connection that somebody else can also declare the marriage null.

But if we, because the way I understand it is, and following the argument which Honorable Ramkalawan is making. If only one of the parties can declare the marriage null, and you are allowing somebody else to declare the marriage valid, then it also follows that you should also be allowing somebody else to be able to declare the marriage null. 

So I don’t know whether Honorable Georges can get us out of this impasse that we’re in or whether the interpretation that is there, is the correct interpretation. Thank Mr Chair.

 

MR SPEAKER

Honorable Georges.

 

HON BERNARD GEORGES

Undefeated Mr Chair.  Mon pe pe sey avek anba Whip Onorab Ahmed Afif, mon pe sey rod en legzanp, ki pour fer sans avek sa.  E mon pa kapab trouv en posibilite. Kekfwa in ariv ler pour nou al bwar en tas dite apre kekfwa nou ava retournen nou ava en pti pe pli bon.

 

MR SPEAKER

Can we get some help from the panel, or we take a break and then we come back?  Mr Pool or Professor or even Minister?  If not we take a break and- So we take a break.  Bon nou ava pran en break, nou retournen e ankor nou shortened nou break. Nou ava retournen 4.15.  Ozordi nou pour ale ziska 5.30. E apre nou ava regarde.  Petet zis en pti keksoz vitman mon ava an pasan mon ava dir ek bann Manm. Nou ti pe propoz Vandredi prosenn, Vandredi prosenn nou deza committed dan en half-day workshop with regards to Climate Change. E mon krwar i enportan akoz i en travay osi tou lekip IPU osi tou pe fer. E sa osi tou i antre ladan.

So ankor en pti keksoz zot mazinen pandan break nou retourn lo Lendi. Nou pran sitting Lendi. Nou deal avek sa Bills. Mardi nou retourn, Mardi ziska Zedi nou retourn li Civil Code. So mon ava kit sa avek zot e nou ava repran 4.15.

 

(BREAK)

 

MR SPEAKER

Bon avan nou repran nou travay nou ava zis retourn en pti pe lo nou time table pour semenn prosenn. Bon Vandredi i out akoz Vandredi nou’n fini, i en workshop ki Lasanble nou’n postpone li 2 fwa, e nou ti’n fini komit nou lekor menm ava recess pour sa dat.  So Lasanble pa pour sit Vandredi le 20.  I reste nou alor Lendi ziska Zedi. E bear in mind ki Mardi mon pour Ankour kot lakour Konstitisyonnel pour donn son ruling lo sa case.

So si zot dakor nou ava meet, nou ava sit Lendi. Mardi apre ki mon’n sorti Ankour, Merkredi avek Zedi. Mon war Onorab Georges in lev lanmen mon ava donn li laparol.

 

HON BERNARD GEORGES

Mersi Mr Chair. Mr Chair mon pa kapab sit Lendi bomaten akoz mon’n ganny somonn pour al devan Truth and Reconciliation Commission koman en temwen. Alor mon slot se Lendi bomaten. Lasanble i kapab meet san mwan. Mon pa pe dir pa meet akoz mon kapab vini me mon pa pour kapab la Lendi.

 

MR SPEAKER

Akoz si nou pe meet Lendi bomaten. Nou pe mazin pour nou konsider Private Members Bill e osi petet dan apre midi Referendum.  Mon osi annan en komitman Lendi bomaten, me selman mon ava regarde i en komitman mon lofis anver lofis Prezidan. Me mon kapab regarde mwan osi ki mannyer mon kapab. Me selman mon krwar i tonm preski dan break. I posib kekfwa mon a kapab al en pti moman apre mon ava retournen. Yes Onorab De Commarmond.

 

HON CHARLES DE COMMARMOND

Mr Speaker Lendi pour nou i sa kote latab pa posib. Nou deza annan bann komitman ki nou pa pour kapab kennsel. Nou pe dir parey nou ti’n plan, zwenn Mardi, Merkredi, Zedi pour sa semenn.

 

MR SPEAKER

Nou tenir li koumsa? Me eski zot panse ki nou kapab preski fini Civil Code?  Bon si i annan konsansis, nou ava tenir li Mardi, Merkredi, Zedi. Ok?  Me nou ava regarde koman nou pour progrese. Ok? Dakor Onorab Georges, zot in ganny sans enterakte en pti pe pandan break pour regarde en pti pe mannyer nou pour proceed lo 240 espesyalman.

 

HON BERNARD GEORGES

Mersi Mr Chair. Mr Chair mon krwar nou’n plizoumwen kapab rezourd.  E mon dir plizoumwen akoz nou pa’n konpletman fer li.

Lartik 240 i en lenportasyon from Code Civil. E i from 199 Code Civil aktyel, 199. Avek en serten modifikasyon, akoz laba i ti i annan pour fer avek frod prensipalman. Ek 241 i sorti dan 200 Code Civil aktyel. Mon krwar sa ki’n arive se ki 198 Code Civil aktyel pa’n ganny reprodwir isi, akoz in ganny reprodwir en lot landrwa.  Alor se pour sa rezon ki i pa flow. Bann lezot lartik avan 194 ziska 197 dan Code Civil egzistan nepli annan rezondet akoz zot koz lo lezitimite ek ilezitimite eksetera.

Donk se pour sa rezon ki 240 i paret ki i pe zis dir en keksoz ki pa kler.  Alor mon ava les panel kekfwa eksplik li en pti pe pli byen.  Me sa ki lentansyon deryer sa lartik, e dan son Code Civil konmela osi, se ki si i annan en maryaz ki null, ki pa valab, e ki enn bann pa ti ki tou le de in mor, me i annan serten dimoun ki annan en lentere dan prouve ki sa maryaz ti valid, e non pa invalid; akoz zot annan en benefis pour zot resevwar, en zeritye par egzanp – Attorney Zeneral oubyen zot, zot kapab vin Ankour pour demann en deklarasyon ki sa maryaz i valid pour zot resevwar zot benefis.  E an kontre parti sa epou dan sa maryaz ki null, li i napa okenn lentere pour li al anil sa maryaz.

Se pour sa rezon ki li i pa enn sa bann dimoun ki pour ganny drwa al Ankour pour al annul son maryaz, se bann lezot dimoun ki annan en rezon pour zot deklar sa maryaz valab, ki pour al ki ganny sa permisyon al Ankour. 2 sa se 240.

241 nou still en pti pe nyaz nwanr pa ankor disparet lo sa enn. I ankor la e nou ankor pe travay lo la Mr Chair.

 

MR SPEAKER

Okenn propozisyon si. Yes Onorab Pillay.

 

HON SEBASTIEN PILLAY

Mr Speaker, Mr Chairman si nou dir if the spouses or one of them have died without discovering the  nullity of their marriage, and there is reasonable doubt that the marriage was valid, proceedings may be initiated at the instance of any person interested in having the marriage declared valid as well as by the Attorney General.  Koumsa i ava klarifye – i ava fer li flow en pti pe pli byen.  I don’t know what the panel think. Akoz sa i ava in line avek la fason ki ti ganny worded initially.  Me letan nou’n met li dan nouvo Code nou’n sanz sa wording e nou’n entrodwir ‘’discovering the nullity’’ ki fer ki en nullity already exist, me selman nou pa’n dir akoz nou pour challenge sa nullity.  Mersi Mr Chairman.

 

MR SPEAKER

Mersi Onorab. Anybody from the panel or back to Honorable Georges.

 

HON BERNARD GEORGES

Yes. Mr Chair vwala. Lartik 180, eskiz mwan Onorab Pillay, mon ti pe rod sa.  Lartik 198, Lartik 198 dan current Code, i vin Lartik 200 dan nouvo Code. ‘’Proof of the celebration of marriage is established by a judgement of the court.’’

Dan vye Code, apre sa, i vin 240 ek 241. Nou, nou’n separ li. Nou’n met 197 dan 200 e nou’n met 240 ek 241 la. E se pour sa rezon ki i pa neseserman swiv. E  nou bezwen aranz sa.  Akoz 240 ek 241 i posib ki i de-koul from laprev en maryaz.  Akoz 200 i dir – 200dan nou Code i dir ki osito ki en maryaz i ganny prouve par en  zizman Lakour e non pa par en Act Leta  Sivil tou bann lefe en maryaz  tou bann lefe sivil en maryaz i komanse.   E 240 ek 241 i swiv sa lespri.  E i dir si se 240 ek 241 ki donn legzanp kan Lakour pou deklare ki en maryaz in ganny selebre. Me akoz nou’n split zot, i ti difisil pou vwar relasyon ant sa 3 lartik.  I devret fer en lyen ant 200 avek 240.  Akoz dan Code aktyel i annan definitivman sa lyen.  Swa nou deplas 200 swa dan 240 nou fer en link avek 200.  E sa mon krwar panel i a kapab ed nou avek.

Wi kler ki 200 i dir ki Lakour i kapab ordonn – i kapab deklar en maryaz koman valab. Deklar selebrasyon en maryaz. E 241 i dir sa i kapab ganny fer par Attorney Zeneral oubyen en dimoun enterese, swit a lanmor en konzwen e dan ka en maryaz ki null.

 

MR SPEAKER

Onorab Pillay.

 

HON SEBASTIEN PILLAY

Dan sa ka nou kapab dir ‘’subject to article 200 if the spouses or one of them have died,’’ then sa i ava re link li  avek lartik 200? Notwithstanding. So nou reword li accordingly.

MR SPEAKER

Mr Pool?   Panel oubyen Onorab Georges.  Non?

 

HON BERNARD GEORGES

Mersi Mr Chair. Mon krwar i en keksoz ki nou pou bezwen pran anba konsiderasyon.  Akoz 200 i fit tre byen kot i ete la.  I fit mye kot i ete la ki i anba vye Code.  Se pour sa rezon ki i la.  Me nou bezwen fer sa pon nat 200 avek 240 ek 241 pou li fer sans.  Alor avek ou permisyon nou a pran sa letan ant adjournment ek ozordi ek demen, pou nou revwar sa.

 

MR SPEAKER

Eski nou pou kontinyen pou nou fini ziskan 243 e apre demen nou fer – oubyen eski 243 osito i bouz -? I pa link avek – non? I pa link avek 200.

 

HON BERNARD GEORGES

Mr Chair mon krwar set avek ou permisyon nou ava osi pa tous 42 ek 43 pou la senp rezon ki i annan sa bann mo civil effects e ki i komans dan 200. Civil effects i komans dan 200.   E donk nou bezwen swiv son flow.  Mwan mon ti ava propoze ki nou les 240 ziska 243 pou le moman.  Nou ava kapab retourn lo la demen.

 

MR SPEAKER

Dakor.   Savedir nou ava kapab pran lot seksyon sa se separation.

 

HON BERNARD GEORGES

Mersi Mr Chair. Mr Chair i annan 3 parey mon ti dir pli boner i annan 3 fason ki en maryaz i terminen.   Eskiz mwan dir li koumsa.  1) se legalman.  Ou plito atraver loperasyon Lalwa e non pa atraver lanmor.

Enn ti divors enn se en nullity.  3enm se separasyon e nou ava vwar ki separasyon i egzakteman parey en divors. Annefe 244 i dir en spouse i kapab anmenn en case Ankour e demann en separasyon lo ground ki maryaz in break down  lo okenn bann ka  – bann facts ki anba 230.  Setadir  menm facts ki divors. Rezon ki serten dimoun i anvi en separasyon e pa anvi en divors se  prensipalman se pou  bann rezon relizye.  Zot pa anvi al divors, me zot spouse in komet enn ant sa 4 keksoz;- adultery, unreasonable behavior, desertion or separation.  E zot anvi en lord separasyon san al dan divors.  E 244 i dir sa. E avek okenn modifikasyon ki neseser e ler lord separasyon i ganny fer Lakour i kapab fer en non-molestation order kot sa lot parti oubyen kont en zanfan. Oubyen en exclusion order pou anpes enn ant sa 2 dimoun fer okenn keksoz. Sa se separasyon.  Tre rar. Dan 40an pratik mon’n fer en montanny divors e mon’n fer zis en ka separasyon.  I montre ou ki mannyer i rar. Akoz most dimoun i ava dir be si mon pou demann en separasyon, omyen mon demann en divors en fwa.

E separasyon i permet donk sa dimoun ki pe demande pou li pa reste avek lot parti se tou. I zis donn li sa drwa pou li pa donn okenn drwa konzenyal sa lot parti.   E ler enn ant sa 2 dimoun i  mor ant sa 2 parti i mor intestate setadir  san les en testaman, e zot in separe e zot pa ti pe reste ansanm sa enn ki pa’n mor pa pou ganny trete koman en spouse anba siksesyon. Setadir i pa pou erite.

Konmela the surviving spouse i ganny lanmwatye byen, sa enn ki’n mor.  Me si zot separe i pa ganny konte koman en spouse alor i pa pou ganny sa lanmwatye.  That’s it Mr Chair. I en pti keksoz senp – ‘’separation.’’       

 

MR SPEAKER

Onorab Esparon.

 

HON REGINA ESPARON

Mr Speaker kekfwa Mr Georges i kapab eksplik nou, dan ka kot i annan zis separasyon sa  2 party zot pa gannyen en certificate of decree. Sa madanm i kontinyen si i pe servi sinyatir sa msye  i  servi sinyatir sa msye. Diferaman avek en divors li menm li kot ou ganny sa certificate of decree.  Eski i fer menm lefe?

 

MR SPEAKER

Mersi Onorab.  Onorab Georges?

 

HON BERNARD GEORGES

Maryaz i sibsiste. Maryaz pa – Akoz parey nou’n vwar pli boner sel keksoz ki termin en maryaz se lanmor e divors. Setadir zot pa ankor marye zot annan en lord separasyon, me zot pa ganny sertifika divors parey divors i gannyen. Sel lefe en separasyon se ki sa enn ki gannyen pa bezwen viv dan menm lakaz oubyen viv avek son konzwen.  E dezyenmman i pa erite koman en spouse si son konzwen i mor.

 

MR SPEAKER

Onorab Esparon.

 

HON REGINA ESPARON

Mr Speaker be dan sa ka eski sa dimoun ki’n separe i kapab re-marye san sa certificate of decree?  Parski i pa’n divorse. Konmsi pour nou balanse son …

 

MR SPEAKER

Onorab Georges.

 

HON BERNARD GEORGES

Wi e i pa kapab Mr Chair akoz i pa’n divorse.  Ou still marye.  E si ou’n separe, sel keksoz ki Lakour i dir ou se ou annan pa reste avek sa lot konzwen.  Me si ou al reste avek en lot dimoun ou pe komet adilter akoz ou still marye.  Sel keksoz se ou napa drwa reste avek sa dimoun ou’n separe devan Lalwa. Me ou pa ankor divorse.  Tou bann le fe ou maryaz, i ankor reste, sof ki ou pa erite koman en marriage spouse.

 

MR SPEAKER

Onorab Aglae.

 

HON EGBERT AGLAE

Mersi Mr Speaker. Zis en leklersisman anba ‘separasyon’, akoz i kapab arive ki separasyon i ganny fer sa dimoun, sa msye ek sa madanm zot reste dan menm lakaz still, ouswa si zot annan en lot propriyete, enn i dir mon a move laba lo sa enn property. Me when it comes to petet si in move away lo kote custody, ki mannyer nou pour tret sa la nou?

 

MR SPEAKER

Mersi Onorab. Onorab Georges.

 

HON BERNARD GEORGES

Mersi Mr Chair. Onorab sa ki arive se tou bann zafer custody pandan en maryaz apre en divors, i ganny regle par Children Act. Alor menm zafer pour pase. Zot pour bezwen al devan Tribinal Lafanmir, pour deside lekel ki pour ganny custody zanfan, lekel ki ganny access, lekel ki bezwen pey maintenance eksetera.

I annan en keksoz mon’n bliye dir Mr Chair ki tre, tre enportan. Dan psikolozi – ou plito dan term Kreol ki nou servi separasyon, se pa sa. Lontan anba Summary Jurisdiction (Wives and Children) Act, bann madanm selman madanm, pa msye selman madanm ti kapab al devan Lakour Mazistra e demann en separasyon. I pa en separasyon sa i en non- cohabitation order.  Son lefe i preski parey. Mazistra pa Supreme Court, sa i Supreme Court. Mazistra ti kapab dir avek sa madanm, ‘’Mon donn ou lord pour ou pa reste avek ou msye.’’ E sete pa sa ki sa madanm ti pe rode.  Me ou ti bezwen ganny sa lord separasyon, pour ou kapab ganny maintenance avek alimoni avek sa msye. Mon donn ou drwa pour pa reste avek li, e mon fors ou msye pour ou pey alimoni ou madanm ek ou bann zanfan.

Konmela sa in sanze, in al devan Family Tribunal. Se Family Tribunal anba Children Act ki fer sa.  Me sa lord separasyon in preski disparet prezan, akoz ou kapab ganny maintenance pour ou zanfan san ki ou ganny en separasyon.  E sa se en loptik modern.  Donk separasyon i reste zis la anba Supreme Court.

 

MR SPEAKER

Bon si napa okenn lot kontansyon, nou ava pran en vote lo sa seksyon ‘’separasyon’’ ki Lartik 244 ziska 245. E napa okenn amannman ki’n antre. Mon ava demann tou Manm ki an faver?  Okenn Manm ki kont?  Madam Clerk.

 

MADAM CLERK

Mr Chair, 24 Manm in vote an faver e personn kont.  Mersi.

 

MR SPEAKER

Mersi savedir seksyon lo separasyon Lartik 244, 245 ki form par schedule Book 1 in ganny aprouve. Onorab Georges eski nou a bouz lo ‘’matrimonial causes?’’

 

HON BERNARD GEORGES

Mersi Mr Chair. Sa next seksyon se disparisyon en parti dan sa maryaz.  E si mon pa tronpe sa i sorti dan Presumption of Death Acts is that correct Professor, or Civil Code?  Sorry i sorti dan vye Civil Code, mon napa Konkordans devan mwan.

16: eskiz mwan Mr Chair mon pa’n tro konpran kote i sorti? Sorry Matrimonial Causes Act I am sorry.  Wi, sa i sorti dan Matrimonial Causes Act, in zis ganny enporte e in ganny highlight an gri – savedir.

246; i ler enn ant sa dimoun ki’n marye i disparet. Donk i pa mor, me zis i disparet. In al lo lanmer par egzanp e isi se rezon pli kouran e i pa retournen – i perdi. La en parti sa lot konzwen ki ankor reste, i kapab anmenn en petisyon Ankour e dir avek Lakour ki annan sifizaman levidans pour montre ki son mari oubyen son madanm, in disparet, prezimen mor, alor donn li en lord konmkwa son maryaz in dizourd.

Enn bann fe ki ou kapab anmennen, se ki dan en peryod 7an ou plis sa lot konzwen in kontinyelman absan. E apre tou lanket ki’n kapab ganny fer, i nepli posib pour krwar ki i ti ankor vivan, Akoz si i ti ankor vivan i ti ava’n – en dimoun ti ava’n war li oubyen i ti ava’n kontakte en dimoun.

Parey mon dir zeneralman sa se bann dimoun ki perdi lo lanmer. Oubyen zot al dan en lot pei e nou nepli tann apre zot.  Zot ekrir ou apre  zot nepli ekrir ou.

Si ou anvi donk re marye or liber ou avek sa dimoun, ou al Ankour e Lakour i donn ou en lord konmkwa ou maryaz in dizourd akoz ou konzwen in prezimen mor.

Prosedir anba 247 Attorney Zeneral i ganny servi avek bann dokiman. Okenn steps ki neseser i ganny pran. Attorney Zeneral i kapab siporte oubyen reziste sa demann.  E Lakour i kapab fer en lord ki i santi bon.

248, Lakour i kapab fer en lord swivan sa deklarasyon labsans an koneksyon avek zanfan.  Donk i donn Lakour sa posibilite pour determinen par egzanp sa dizon se son mari ki’n al lo lanmer i pa’n tournen, sa madanm i kapab demande ki i ganny custody zanfan.  E anba Children Act sa i ava ganny fer.  Lakour a nenport ki moman i kapab sanz sa lord, parey Tribinal Lafanmir i kapab fer a nenport ki moman.

Vwala.  Sa se pour bann ki disparet. La prezan nou al lo lord ki Lakour i kapab fer swivan en divors, en nullity oubyen en lord separasyon, an atandan, pending suit.  Setadir pandan avan ki  zizman i ganny prononse lo  divors, lo nilite oubyen lo separasyon Lakour i kapab fer lord pour maintenance.  Nou apel sa maintenance pending suit an atandan, oubyen okenn lord pour en gardyen en zanfan, setadir  swa zanfan i en ward, swa sa paran ki annan custody sa zanfan pour li ganny periodical payment. Setadir maintenance an atandan ki Ziz i fer en lord divors, separasyon, oubyen nullity.

Swivan en conditional order – sa se sa premye dan sa de lord divors oubyen nullity Lakour i kapab en fwa ki in etidye bann mwayen finansyel sa de parti, fer en lord e sa se i tre enteresan mon krwar sa se seksyon 20 dan Matrimonial Causes Act.  I kapab fer en seri lord pour partaz propriyete, sa koup ki’n marye.

Premyerman anba 251 (a), en lord ki maintenance i ganny peye periodical payment. Setadir tou le mwan en lump sum, anba (b) en sekirite pour sa bann peyman; maintenance pour zanfan, i en lump sum pour zanfan; sekirite ankor pour sa kapab ganny peye.  Lakour i kapab defer fer sa lord, fer li pli tar, an atandan ki i ganny okenn dokiman ki neseser.  E en lord ki’n ganny fer, si in ganny fer, si in ganny fer, avan ki absolute order sa 2enm lord i ganny fer pa pour annan lefe ziska ler ki sa lord i ganny fer absolute. Setadir dan sa peryod 6 semenn a conditional order avek absolute order Lakour i a fer tou sa bann lord, e i ava dir sa lord pour pran le fe ler divors i vin absolute, dan 6 semenn.

252; sa bann demann pour maintenance, pending suit oubyen financial relief apre divors, i kapab ganny fer a nenport ki moman, le moman ki ou’n depoz ou petisyon divors, ou nullity or separation. Ou bezwen depoz enn sa bann demann avan pour ou kapab ganny lot.

E la prezan ler enn sa bann claim pour financial relief i ganny mete, Lakour en fwa ki in satisfe ler enn ant sa de parti in fer en demann, Lakour in satisfe ki avek lentansyon defeat sa demann, sa lot parti pe sey transfer son larzan deor, dan en labank deor, oubyen vann son propriyete pas sa lo en lot dimoun, zis pour anpes son lot konzwen gannyen, Lakour i kapab anpes sa.

Oubyen Lakour i satisfe ki sa in fini ganny fer, i kapab set aside tou sa bann keksoz.  Kennsel sa lavant, fors labank repatri larzan, tou sa bann keksoz ki i anvi pour anpes dimoun fer sa ki annan de fwa zot fer.  Setadir pour zot kapab dir mon napa okenn larzan pour mwan pey okenn piti, okenn madanm, okenn nanryen.

Sa nou apel en reviewable disposition. Tousala i dir menm zafer, disposition set en transfer, en assurance se en promes, oubyen en gift, tousala i ganny kouver avek lentansyon ki en dimoun pa kapab defeat en claim, avan ki Ziz in ganny en sans pour pronons li lo la.

254; Lakour enn fwa ki in fer enn sa bann lord i kapab sanz sa lord a nenport ki moman si i vwar ki i annan okenn rezon.

255; ler Lakour e sa set en prensip tre enportan dan Lalwa ler Lakour i fer en lord pour zanfan Lakour i ava annan plizoumwen en sel konsiderasyon. Nou apel sa the paramount consideration.  I pa sel, me i sa konsiderasyon ki pour pli enportan ki tou, e sa se the welfare of the child.

I pa pour get nanryen.  I pa pour gete lekel papa, lekel paran ki pli ris, lekel lakaz ki pli gran, lekel ki annan en swimming pool lekel ki napa, lekel ki annan en pli gro loto or whatever. Son sel konsiderasyon se welfare of the child.

E i fer en abstraksyon tou bann lezot konsiderasyon. E ler i pe fer en lord pour li assess welfare of the child Lakour i ava pran konsiderasyon sa bann keksoz swivan; si sa zanfan i pa en natural, en zanfan biolozik sa koup, eski in ganny aksepte koman en manm fanmir, maintenance ki okenn dimoun i annan pour maintain sa zanfan. E sa i arete ler sa zanfan i natirelman i ganny 18an ler i vin en adult, unless sa zanfan i still ankor lekol oubyen dan en letablisman edikasyonnel, lontan maintenance ti aret 18an. La konmela i al bokou pli lwen, akoz i annan lekol tertiary education alor ou lobligasyon i kontinyen beyond 18an.  Oubyen sa zanfan pa kapab mentenir son prop lekor, oubyen i normal ki sa lord i devret kontinyen malgre ki sa zanfan in ariv 18an.

La i annan en lalis 256 bann lord ki Lakour i kapab fer.  Enn se proteksyon enn ant sa de koup, oubyen zanfan.  Sa zeneralman se kont vyolans. I kapab anpes enn ant sa de koup, pour antre oubyen reste dan lakaz, oubyen landrwa kot lot i travay, oubyen okenn lekol kot zanfan i ale. Si i enteresan ‘’In relation to the property of a party to the marriage or the matrimonial home.’’  Sa pti fraz la, se li menm li ki pli enportan, akoz sa i donn Lakour en pouvwar enorm anver propriyete. I kapab propriyete in anrezistre lo non msye, Lakour i ganny permisyon tir sa lo non msye met lo non madanm selman. E vis versa, oubyen donn en par. I kapab fer sa ki nou apel en settlement.

Oubyen occupancy of the matrimonial home.  E i annan ka dizon lakaz i pour msye, me madanm i bezwen lakaz plis, akoz madanm in ganny custody zanfan, anba (d) Lakour i kapab fer en lord ki msye i sorti dan lakaz –  ti pour li, i al reste en lot landrwa e i les sa madanm avek son zanfan dan sa lakaz, malgre sa lakaz pa pour sa madanm, ziska ler zanfan i ganny 18an oubyen i fini lekol. Sa in deza ganny fer. Alor se bann pouvwar tre larz ki Ziz i annan swivan en divors oubyen en nullity oubyen separasyon.

Lakour i kapab ordonn enn ant sa de dimoun pour pa rann okenn servis lot.  E pour pa dormi avek li render conjugal rights.  I kapab dir li ou annan drwa refize. E okenn ka on order that the court deems fit; setadir i tre larz, pour welfare zanfan.  E osi pour maintenance.  E la nou vin lo 257 ki Onorab Leader Lopozisyon ti mansyonnen pli boner, adultery pa pour donn rise to damages. Vwala Mr Chair.

 

MR SPEAKER

Mersi Onorab Georges. Onorab Loze.

 

HON JOHAN LOZE

Mersi Mr Speaker.  Mr Speaker mon pe zis rod en leklersisman lo sa wording ‘’welfare of the child.’’ Mon ti a kontan demann Onorab George ouswa panel, si zot in sey armoniz li avek ki in ganny aksepte dan Konvansyon Enternasyonal lo drwa zanfan, kot laba term ki zot servi se, ‘’best interest of the child’’.  Akoz isi mon war zot, zot pe fer servi ‘’welfare of the child.’’ Mersi Mr Speaker.

 

MR SPEAKER

Mersi Onorab. Onorab Georges.

 

HON BERNARD GEORGES

Yes, Mr Chair tou le de i en pe parey. Rezon ki nou servi welfare, se akoz nou’n adopte sa dan sistenm Angle. Sa ki ganny servi L’Angleterre se ‘’the welfare of the child.’’

Me nou war dan serten Lezislasyon ‘’best interest of the child’’ osi i antre. Donk se de mo ki’n ganny servi egalman. E mon krwar si nou pour fer en analiz ‘’best interest of the child’’ i probableman en meyer fason pour dir li ki ‘’welfare of the child.’’ I en pe pli modern.  E i en pti pli larz dan son leta dit. Me mon krwar lentansyon se fer abstraksyon tou lezot keksoz, gete ki sa ki pour pli bon pour sa zanfan e fer li.

Mersi Onorab Georges. Onorab William.

 

MR SPEAKER

Mersi Mr Speaker. Mr Speaker mon anvi en pti clarity lo sa ki mon pe al dir.  Chairman dizon ou annan en koup ki’n marye me sa zonm li ti annan zanfan avan marye, me i arive i mor. E prezan son madanm marye pa konnen li pour dir i annan sa zanfan ki i pe maintain. E pour welfare sa zanfan dizon si i fer en claim, eski zizman pour ganny baze lo sertifika deklarasyon, ouswa i annan sa nesesite osi dizon sa madanm marye challenge pour annan en DNA test.  Konmsi mon ti a kontan ganny en pti leklersisman ki fason akoz i annan dimoun pe demann sa bann kestyon. Mersi.

 

MR SPEAKER

Mersi Onorab.  Onorab Georges.

 

HON BERNARD GEORGES

Mr Chair ou lobligasyon i arise selman ler i annan laprev ki sa se ou zanfan. Si ou’n fer en zanfan deor e ou pa’n deklar li e a serten moman i annan property settlement ki bezwen ganny fer, including maintenance e ou dir mon pa kapab pey sa kantite larzan, pour nou zanfan ki nou’n fer dan maryaz, akoz nou annan enn osi deor ki mon pe maintain.  E ki sa ou konzwent pa dakor la ou pour bezwen prouve atraver en DNA test or otherwise, ki (a) sa se ou zanfan.  E (b) ou annan en lobligasyon finansyel anver li.

Akoz si ou napa en lobligasyon finansyel laba, sa pa pour ganny pran an konsiderasyon e se zis ou lobligasyon finansyel anver sa enn ki ou annan oubyen sa 2, oubyen sa 3 ki ou annan ki pour apply.

E sa nou vwar souvandfwa akoz parey nou konnen e nou pa pe dir okenn keksoz out of turn.  I annan en kantite dimoun ki annan zanfan en pe partou, e ler zot al, e ler madanm avek lekel zot in fer sa de dernyen piti i anmenn zot devan Tribinal zot dir ou wi, me mon pe pey R200 laba, R500 isi, R700 isi, mil eksetera, mwan mon ti konn en dimoun ki ti annan 21.  Alor i – ou war ou vin en problenm. I vin en problenm me set en problenm sosyetal ki nou bezwen viv avek, malerezman.

 

MR SPEAKER

Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon kontan ki mannyer nou’n reword sa komansman sa clause pour include the word ‘’domestic’’ ladan.

En kestyon ki mon ti a kontan demann Onorab Georges, mon apresye sa bann eleman.  An se ki konsern par egzanp ‘’domestic violence.’’ E sa i enn bann landrwa kot enn sa parti i kapab antre’ pour li retenir serten drwa lo propriyete marital.  E pour li kapab kontinyen zouir san ki anpes sa lot partner ki pe koz sa labi kontinyen fatig li. Par egzanp oubyen pe kontinyen fatig zot bann zanfan.

Eski ozordi ki mannyer sa Code in ganny ekrir, i pa fasil, me i a lakse en dimoun ki pe ganny, pe sibir domestic violence.  Akoz i annan bokou fanmir, bokou koup kot bann madanm, ouswa msye pe ganny, pe pas atraver vyolans domestik, e probableman zot pa konnen poudir se sa i annan bann rekour legal ki zot kapab gannyen.  Me konsern ki mon annan, eski sa bann rekour legal, i ase aksesib pour zot kapab pa vin devan e fer bann prosedir neseser? Mersi Mr Chairman.

 

MR SPEAKER

Mersi Onorab. Onorab Georges.

 

HON BERNARD GEORGES

Larepons i wi Mr Chair akoz annou pa bliye ki la nou pe regard sa zis dan konteks en marital breakdown.  Sa ki nou pe regarde la se sa ki Lakour i kapab fer, ler sa maryaz in kase  – i pe kase.  Akoz ou pe rod  nullity – ou pe rod en separasyon, oubyen ou pe rod en divors.  Se tou ki sa i konsidere.  Me Children Act i ankor la li, avek Domestic Violence Matrimonial – DVMPA, Matrimonial Domestic Violence and Matrimonial Proceedings Act. I la li.

Tousala i ankor egziste. Alor pandan ou maryaz, ou kapab at any time tay devan Tribinal, parey bokou dimoun i dir e rod en protection order oubyen en domestic violence order, oubyen okenn sa bann keksoz. La nou pe focus zis dan lenstans kot i annan divors kot Ziz i kapab fer sa bann lord as well as grant en divors.

 

MR SPEAKER

Mersi Onorab Georges. Onorab Woodcock.

 

HON WAVEL WOODCOCK

Mr Speaker mon kestyon i lo clause 246(2) parey Mr Georges in eksplike, baze dan sa Bill,

 

MR SPEAKER

Onorab Georges.

 

HON WAVEL WOODCOCK

Sorry Onorab Georges, baze dan sa Bill kot i konsern parey dan bann ka kot en dimoun i disparet, sirtou ki’n le ka dan lepase kot en peser en dimoun in disparet lo lanmer.  Konmsi akoz ki i 7an?  Kan dan clause 230, (1) nou fek azout en sub-clause (e) ki dir ki 2 dimoun sa i kot i konsern rezolisyon maryaz, kot si 2 dimoun i viv separeman pour 5an menm si en parti pa pe dakor pour donn divors sa de dimoun, konmsi sa dimoun i kapab apply pour dissolve sa maryaz.

Me selman kot i konsern en dimoun ki’n disparet en dimoun i bezwen esper li, esper 7an avan ler ki i kapab apply pour dissolve sa maryaz.

Eski 7an i pa tro bokou?  Akoz i pa less?  Konmsi pour en dimoun ou bezwen esper tou sa letan avan ki i kapab dissolve sa maryaz, e move on avek son lavi. Mwan mon krwar 7an i en pe pti tro bokou.  Mersi.

 

MR SPEAKER

Mersi Onorab. Mon ava pran ankor enn apre Onorab Georges i ava entervenir.  Panel osi pa ezite, si zot annan klarifikasyon pour donnen. Onorab Ghislain.

 

HON CHANTAL GHISLAIN

Yes Mr Speaker. Mr Speaker i annan en case. I annan en pe letan sa dimoun in demann mwan leksplikasyon be selman mon ti’n dir li ler i ariv dan Civil Code mon ava sey demande.  Zistwar sa madanm i koumsa, zot annan, konmsi zot in annan relasyon. Zot reste ansanm.   Tou zot byen i divize, zot 2 zot annan zanfan me ariv en serten pwen sa msye in annan en relasyon deor, in fer en zanfan in deklar sa zanfan tou.  And prezan apre tou sa bann kantite letan ki zot in ansanm avek bann problenm ki’n leve, zot pe deside separe.  And eski sa zanfan ki sa msye osi in deklare an deor i annan drwa osi lo propriyete ki sa madanm ek sa msye zot, zot in share ansanm? Zot in annan ansanm.

 

MR SPEAKER

Mersi Onorab. Onorab Georges.

 

HON BERNARD GEORGES

Mersi Mr Chair. Les mwan reponn Onorab Ghislain avan. Sa ki nou pe regarde la i bann lenstans ki arise out of sa maryaz. Ok. Donk i pou konsantre zis lo propriyete dan sa maryaz, parti sa maryaz, zanfan dan sa maryaz. Leres sa papa pour annan still en lobligasyon anver li me pa neseserman dan sa konteks.

Akoz se 7an pour disparisyon Mr Chair, pa nou ki’n envante. Nou’n adopte sa avek L’Angleterre e sa presumption of death pandan 7an in egziste depi de syek. E i en peryod mon krwar ki i arbitrer. I ti kapab zis, si i ti kapab zis, i ti kapab nenport kwa.  Me mon krwar in ganny zize ki i en peryod ki pa neseserman tro kourt.  E at the same time i pa neseserman tro long kot a en serten moman, ou kapab ganny en closure san ki i tro boner.

Me 7an se selman ler napa lezot levidans. Annou pa bliye. Si par egzanp, si par egzanp levidans i kler ki sa dimoun in mor, me ou napa lekor. E mon a donn zot en legzanp ki’n arive isi. De dimoun i al lapes. Mari sa madanm avek enn son zanmi, zot al lapes. E ler zot lo delo oubyen, annou fer li zis de, annou fer li 4, 5 dimoun dan en bato including mari sa madanm. E ler zot laba sa boug kekfwa in bwar oubyen en sel kou i deklar fou i sote, i sot dan delo e i disparet. E lezot i panik zot rod li e 1 erdtan, 2 erdtan, 3 erdtan, zot pa war li ditou zot retourn ater e kekfwa demen Coast Guard i ale i rode zanmen in war lekor. Mon krwar ou pa bezwen esper 7an pour ou prezimen ki in mor.

Akoz levidans i kler ki si i ti, i noye, noy la.  Alor la ou kapab al ankour avan 7an. Ou kapab al ankour son semenn apre e demann en deklarasyon konmkwa in mor lo sa levidans ki ou anmennen sa 4 lezot dimoun dan bato, a dir wi in sot devan nou e nou’n war in disparet.

E sa i kapab e lakour i a fer en lord konmkwa in mor e le moman ki in fer en lord konmkwa in mor, ou maryaz i dissolve akoz death ek divorce se de fason pour dizourd en maryaz.

 

MR SPEAKER

Onorab Esparon apre Onorab Ghislain.  Onorab Esparon.

 

HON REGINA ESPARON

Mr Speaker, eski Onorab George i kapab klersi avek nou, dan sa ka koumsa sa senaryo ki fek met devan nou, eski sa i annan dele letan rezonnab? Ki dele letan pli rezonnab konmsi.  Akoz lontan ou ti tann dimoun dir apre 1an 1zour ou kapab deklar li mor. Eski i annan dan Lalwa en dele letan rezonnab ki donn ou apart ki sa 7an?

 

MR SPEAKER

Mersi Onorab. Onorab Ghislain.

 

HON CHANTAL GHISLAIN

Mr Speaker kekfwa sa i en pti pros ek mwan sa enn la sanmenm mon pour demann sa kestyon.

Par egzanp dizon, par egzanp dan sa menm bato menm si ou dir sepa, Onorab Georges i dir 1 zour sepa 2 zour ou kapab ale. Eski i kapab annan lobzeksyon lo kote lafanmir, si lefet ki dan sa menm bato ti annan galan sa madanm ladan?

 

(Interruption)

 

MR SPEAKER

Mersi Onorab.  Mon krwar, mon osi mon okouran en sityasyon parey. Onorab Georges.

 

HON BERNARD GEORGES

‘’Si mon mari ki ladan les noye, si mon galan fer lapenn.’’

 

(laughter)

 

HON BERNARD GEORGES

Me Mr Chair mon – be tousala i depann lo – akoz premye soupsyon ki ou pour annan se ki sa 4 in touy li dan sa ka ki mon fek donnen.   Me mon pe dir ki si sa, si i kler lo levidans ki sa boug pa’n disparet, se pa galan ki’n fer li disparet, me ki vreman in ariv en aksidan in disparet dan sa ka Lakour i kapab fer en lord.  E sa i en ka ki mwan mon konnen kot ti annan zis de dimoun.  E i kler ki enn in fou en sel kou in disparet.

Onorab Esparon i demande si i zis 7an? Wi napa sa zafer 1 an, 1zour. Sa dimoun ki koze.  I pa egziste dan Lalwa sa. I paret mwan Mr Chair ki mon sel dimoun dan sa Lasanble ki pa konn zistwar Fred ki ti retournen

 

(laughter)

 

HON BERNARD GEORGES

E eskiz mwan. Me non napa sa bann zafer 1 an, 1 zour swa ou kapab prouve lo levidans ki malgre ki ou pa’n war lekor sa dimoun in mor. Levidans i kler ki i bezwen mor.  Or si ou napa levidans.  Par egzanp ou leve en bomaten, ou msye in sorti dan en bato in sorti dan son bato, 1 erdtan pli tar ou pa war li, zanmen ou war li. La ou pour bezwen esper 7an. Akoz ou pa pour kapab prezimen ki in mor. Ou pa konnen si in sorti lo en zil oubyen si in disparet dan en lot fason. La ou pour bezwen esper 7an. Se ‘’either’’ – ‘’or.’’

 

MR SPEAKER

Bon mon krwar nou’n ariv en moman pour nou kapab pran en vote lo ‘’property and matrimonial causes forms of relief’’ ki konpri lartik 246, ziska 257 ki form par schedule Book 1. Tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair 25 Manm an faver e personn kont.  Mersi.

 

MR SPEAKER

Mersi savedir 246 ziska 257 ki form par schedule Book 1 in ganny aprouve par Lasanble Nasyonal.  Onorab Georges, nou annan 9 minit, nou annan ‘’property orders ‘’ i 2 lartik me mon mazinen i kapab ase long. Eski nou aret la petet pour ozordi?

 

HON BERNARD GEORGES

Mon ti ava sizere nou aret la akoz ‘’property orders kantmenm, i de lartik an menaz ki pour antre, e sa i en gro diskisyon. I en keksoz konpletman nouvo Mr Chair.

 

MR SPEAKER

Ok. Dakor. Bon mon ti a kontan avan nou adjourn. Mon ti a kontan remersi tou bann Manm e byensir nou remersi nou panel. We thank Professor and Sarah once again, to spend the day with us.  Byensir nou remersi nou bann oditer osi deor.  Bann ki pe kontinyen kontribye sa – anfen  mon pa konnen si ozordi i annan Truth and Reconciliation, me i paret ki ozordi nou’n ganny en pti pe plis kontribisyon bann oditer,  akoz menm  osi mon biro anler, in call. Me nou pour kontinyen nou travay demen. E nou pour meet 9er bomaten parey labitid. Nou premye break nou pour pran li 15 minit e nou 2enm break lunch time unfortunately nou pa pour kapab fer li 15minit. Mon annan delegasyon etranze ki pe vin en vizit kourtwazi, en vizit travay ki zot pe fer en vizit travay dan pei.

So apre lo 3enm break apre midi nou ava pran ankor 15 minit pour nou kapab sey catch up.  E nou ava regarde si nou pour aret 5er oubyen 5.30 me nou ok 5 .30 avek SBC.  E a sa pwen mon ti a kontan ankor remersi SBC, remersi bann teknisyen ki avek nou dan Chamber.  E ankor pour sa kolaborasyon la fason ki nou travay i pe kontinyen ganny transmet an deor Lasanble Nasyonal.

Bon lo sa note mon ti a ankor dir mersi tou dimoun e nou ava adjourn pour nou repran demen 9er bomaten.

 

(ADJOURNMENT)

 

 

 

 

 

 

 

 

 

 

 

 

 

.