::
Home » Verbatim » 2019 » Verbatim Tuesday 6th August, 2019

Verbatim Tuesday 6th August, 2019

NATIONAL ASSEMBLY OF SEYCHELLES

Tuesday 6th August, 2019

 The Assembly met at 9am

 National Anthem

 Moment of Reflection

 Mr Deputy Speaker in the Chair

 

MR DEPUTY SPEAKER

Bon mon ti a kontan dir en bonzour tou bann Manm Onorab; tou bann manm piblik ki pe swiv Lasanble Nasyonal, lo radyo lo televizyon, lo rezo sosyal.  E byenveni pou nou Sesyon ozordi Mardi le 6 Out 2019.

Mon ti a kontan osi swet labyenveni tou bann dimoun ki dan Galeri.  Mon vwar bann dimoun ki frekant lanmer e mon mazinen zot isi akoz zot in vin ekout Statement par Minis pou Lapes e Lagrikiltir.  Byenveni zot osi.

Lo nou Order Paper bomaten, nou annan byensir parey zot in gannyen plizyer size ki enkli Private Notice Question ki pou ganny poze par Onorab Leader Lopozisyon Onorab Wavel Ramkalawan, pou annan en Statement par Minis pou Lapes e Lagrikiltir – Mr Charles Bastienne lo son Plan Konpreansiv well plan Gouvernman pou lapes e sa pou ganny swiv par bann Second Reading lo bann Bill ki’n devan Lasanble Nasyonal, e nou annan 4 Bill ki devan nou an se moman, Physical Planning Bill, 2019 Referendum Bill, 2019 Seychelles Fire and Rescue Services Agency (Amendment) Bill, 2019 e sa ki nou’n kit lo la Public Service Salary (Amendment) Bill 2019.

sa pou ganny swiv par  bann Mosyon.  E nou annan 5 Mosyon ki devan nou, enn par Onorab Charles De Commarmond, swivi par Onorab Regina Esparon, Onorab Gervais Henrie, Onorab Waven William e Onorab Egbert Aglae.

Zis avan nou al lo Order Paper detay bann Order Paper, mon ti le zis fer en pti lanons ki mon the Chair bomaten zisteman akoz Speaker Lasanble Onorab Nicholas Prea i absante, parske i pe swiv 10enm Konferans Biannyel bann Speaker bann Parlman Africain.  E sa Konferans pe fer an Midrand Sud Afrique, e i pe fer ant le 4 a le 8 Out 2019.  I osi annan 2 lezot levennman ki nou annan 5 Manm Lasanble ki pe partisipe, e premye se Joint Sitting Permanent Committee lo lasante, labour, zafer sosyal e sa i en Komite ki li lo gender family, youth and people with this ability, e sa pe fer Praia Cape Verde.  E Lasanble Nasyonal pe ganny reprezante par de Manm Onorab Regina Esparon e Onorab Sylvanne Lemiel ant le premye ek le 10 Out 2019.

3enm levennman ki nou annan reprezantasyon Lasanble Nasyonal, se Sitting Pan African Parliamant Permanent Committees Mettings li i pe fer i osi pe fer Midrands Sud Afrique ant le 01 ek le 10 Out.  E bann Manm ki pe reprezant Lasanble Nasyonal i Onorab Simon Gill, Onorab Terence Mondon e Onorab Wavel Woodcock.

Mon retourn prezan lo nou Order Paper.  E zis pou anons zot nou’n fer en pti sanzman dan Order Paper kot olye annan PNQ avan Statement par Minis – vi ki PNQ i konsern Minis Pamela Charlette Minis Later.  E i pou osi prezan dan Lasanble Nasyonal pou prezant Physical Planning Bill, nou’n deside ki nou a pran PNQ ek Physical Planning Bill ansanm.  Alor olye fer PNQ deswit nou pou konmans ava avek Statement par Minis ki ava swiv, nou ava, al dan, dan en Staz Komite kot bann Manm i kapab demann Minis detrwa kestyon, me nou pou bezwen ase, ase bref lo la.  Parske nou annan en pe letan limite vi ki nou annan Bill ki devan nou.  E answit nou ava kontinyen avek bann lezot item lo nou Order Paper. 

Zis en pti lanons ki mon oule fer konsernan Second Reading Bill ki devan nou, parey mon ti anonse, lo konmansman nou annan 4 Bill ki devan nou.  Ki enkli Referendum Bill 2019.

Bon lo Referendum Bill 2019 si zot rapel byen, dernyen Sitting kot nou ti arive lo la sete en deba lo merit zeneral e prensip sa Bill. 

E swivan sa Minis ki ti vin lir Vis-Prezidan Vincent Meriton i pa ti ankor donn son Right of Reply, me i ti dir poudir i ti a kontan ki zot, zot rediskite baze lo entervansyon ki’n ganny fer dan Lasanble zot rediskit merit sa Bill. 

E answit swivan sa swivan, sa zot ava Gouvernman i pare pou vin devan avek en nouvo revised Bill.  E sete sa ki nou ti kit avek Lasanble Nasyonal dernyen fwa.

Prosedir normal se ki si Gouvernman i vin avek revised Bill, i bezwen print en revised Bill oubyen Gazette en revised Bill, oubyen i kapab atraver the mover of the Bill prezant Lasanble anba 67 (1) Standing Orders prezant Lasanble avek en amendment, me sa i bezwen ganny reprezante par en Manm Lasanble Nasyonal.  Parske Bill i propriyete Lasanble.

Speaker rightly so i fer sirkil bann pwen ki Attorney Zeneral in propoze.  E sa in ganny sirkile kot tou bann Manm pou zot kapab vwar ki panse Gouvernman dan sa direksyon.

E Speaker in donn lotorizasyon ki sa i ganny sirkile.  Me Lasanble pa ankor resevwar anba 67 (1) en formal en formal move pou proposed bann amendments avek 72 hrs notice.

Alors  baze lo la nou pa pou kapab annan en deba lo la avek okenn lamannman, parske i pa ankor ganny prezante pou me selman avek son 72hrs notice par en Manm.

So vwala ki mon pe zis sa se en update senpleman lo la.  Nou pa pou kapab pran sa Bill ni ozordi ni demen, parske nou napa en move par personn.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker si mon memwar i byen, mon krwar Minis in fini fer son Right of Reply.  E kot nou ti arete i se apre ki ti annan en demann par Onorab Leader Lopozisyon pou ki Minis i fer serten diskisyon, an plis regarding the Bill e se la kot Minis ti aksepte ki nou ti bezwen lo sa kote latab move for an adjournment of debate. 

        E following that Minis ti donn en commitment Lasanble; commitment ti ganny aksepte par Lasanble, ki Attorney Zeneral pou draft bann lamannman baze lo bann proze lamannman ki mon menm mon premyerman mon ti anmennen.  E pou propozisyon lamannman ki ti ganny propoze par bann Manm lot kote latab baze lo bann diskisyon and this has been done e sa in ganny anvoye kot Lasanble for almost mon krwar en semenn edmi ouswa 2semenn.

Now si ou pe dir ek nou pou dir nou ti bezwen fer sa formelman, then nou ti’n kominik sa avek Minis from the outset.  Me lefe ki sa lamannman i deza enkorpor tou bann sanzman ki bann Manm in souleve,  mon krwar the next thing ki nou bezwen fer se allow Minis prezan pou go through sa bann propozisyon lamannman ki’n ganny propoze, e si from there Lasanble still deside ki sa i bezwen i vin atraver swa en revised Bill or en lot fason, then nou ava pran sa direksyon.

Akoz ki nou bezwen aksepte, nou deza kree en presedans.  Akoz nou ti fer menm zafer avek Tourism Bill, malgre ki nou pe dir ki Tourism Bill ti ganny amande dan Bills Committee it was the same, same process.  Sete Gouvernman ki ti propoz sa bann lamannman, e non pa en Manm ki ti anmenn sa bann lamannman formelman dan Tourism Bill.  Annefe ti annan Manm ti anmenn amannman adisyonnel apre sa.

So baze lo sa presedans mon krwar nou kapab pran nou devret kapab pran Lasanble pran kontinyasyon deba lo Referendum Bill, e fini avek sa size.

Si Lasanble i still santi ki pou dir sa i devret retourn dan en laform en revised Bill, nou ava pran sa desizyon baze lo lafason ki Lasanble i usually pran son bann desizyon.

Mon krwar lefe ki nou’n deza an presedans, ti ava meyer pou nou allow lefe ki nou annan en travay osi konsiderab ki’n ganny fer, pou anmenn lamannman omwen de semenn dan 3 semenn, ki Attorney Zeneral in anvoy sa bann lamannman.  E mon krwar i annan serten commitment ki li dapre bann mon pe regard  esanz bann email ki mon’n ganny bann kopi ladan, akoz mon ti enn bann Manm ki move lamannman,  sete sa lentansyon.

So mon pa konnen si petet ou ava konsider petet revwar pozisyon ki ou’n pran bomaten, e allow nou pou annan sa deba lo sa bann lamannman, and then nou ava move forward accordingly.  Mersi Mr Speaker.

 

MR DEPUTY SPEAKER

Mersi Onorab Pillay.  Zis avan mon permet Onorab Ramkalawan.  Zis pou dir ou ki prosesis ki’n ganny swiv, i prosesis normal ; ki i annan en konsiltasyon, e mon ava osi korize ki Minis ti donnen son Right of Reply. 

Me selman sa ki ti komikman  ki ti ganny fer se ki Gouvernman pou revwar sa bann propozisyon ki’n ganny met dan Lasanble vizavi sa Bill.

Me i kler anba Standing Orders ki fason sa i ganny fer.  I kler pou dir Bill a sa staz in vin propriyete Lasanble.

Alor i depan lo ki direksyon Lasanble i donnen pou amannman ganny anmennen.

E Lasanble sa ki mon rapel tre kler, e petet i kapab ganny konfirmen par verbatim, se ki Gouvernman ti pou retournen, avek en nouvo Bill e amannman.

E i kler anba Standing Orders si zot tournen avek en amannman ki mannye i ganny fer.  E i bezwen ganny fer swivan direktiv ki Lasanble – se nou, ki donn avek Gouvernman.

E si ou al lo Tourism Bill par egzanp, direksyon ki ti ganny donnen avek Tourism Bill, se ki Gouvernman an konsiltasyon avek tou bann Manm Lasanble atraver Bills Committee, i kordin en meeting e atraver Bills Committee i tourn avek bann lamannman ki pou met devan Lasanble.

Se sa ki ti Lasanble ti’n tonm dakor lo la.  Me dan ka Referendum Bill e sete sa ki nou’n swiv; sete desizyon Lasanble ki zot tournen avek Bills Committee avek son bann rekomandasyon lamannman.

Me dan ka Referendum Bill, mon konnen poudir ti napa rekomandasyon pou al kot Bills Committee avek okenn lamannman.

An plis ki sa, sa bann lamannman ki’n ganny propoze par Attorney Zeneral pa’n pase ankor atraver Bills Committee.  Alor napa en papye ki’n vini sorti kot Bills Committee devan mwan.

Me i annan bann pwennvi Attorney Zeneral e propozisyon Attorney Zeneral, ki sa i bezwen swiv parey diskisyon Lasanble ti dir ki Gouvernman pou tourn avek en revised Bill 

Me i annan en prosedir pou tourn avek en revised Bill ki Lasanble dan labsans tourn atraver Bills Committee se atraver 67 (1) kot Gouvernman atraver son reprezantan dan Lasanble ki LGB Leader Government Business i propoz bann lamannman.  Sete li ki ti move sa Bill.   

Alor sa pa ankor ganny fer, mon pa pe dir nou pa pou regard sa bann lamannman me i en prosesis ki’n konmanse, sel keksoz ki mon pe dir se i pa pou kapab fer ozordi, parski i pa pou swiv norm ki nou annan.  Onorab Ramkalawan.

 

HON WAVEL RAMKALAWAN

Bonzour Mr Speaker.  Bonzour bann Manm, bann koleg Onorab e tou bann dimoun ki  a lekout.

Mr Speaker, mwan mon senpleman dir ki i kler ki pou dir i annan i annan serten keksoz ki pa pe ganny fer dapre nou bann Orders, me selman nou pa pe devret write- off anything.  Nou pa pe devret zet nanryen.  I annan en travay ki biro Attorney Zeneral in ganny fer.  E mwan mon pe senpleman dir, be annou pa sey rezourd sa la, i annan Bills Committee, Bills Committee i kapab zwenn pandan break, demen whatever. 

        E ki from la tou bann keksoz i ava ganny fer dapre nou bann dapre nou Standing Orders.  E apre sa, sa Lalwa i a ganny i ava ganny anmennen.  Parski pa nou osi pa oubliye ki pou dir i annan serten Lalwa ki nou ankor pe espere, pou Gouvernman retourn avek.  I annan serten Lalwa ki Ankour ki nou pa konn kan zot pou zot pou retournen.  Spesyalman Lalwa ki konsern Roupi avek  Sou dan pos Seselwa ki pou mwan i tre enportan.

So si bann Lalwa i Ankour e ki nou ankor pe espere ; Referendum Bill ki napa naryen pou fer avek Roupi avek Sou dan pos Seselwa, mon pa vwar okenn rezon akoz nou pa kapab rezourd tou bann tou bann prosedir, e apre sa parski ofet Attorney Zeneral in re ekrir bokou porsyon sa Lalwa.  In re ekrir porsyon sa Lalwa.  E ou menm kapab dir ki in fer sa Lalwa vin en nouvo Lalwa, letan in ekout bann keksoz ki nou’n dir.

Alor mwan mon krwar ki Bills Committee i devret pran sa ki Attorney Zeneral in anmennen  diskit lo la, nou regarde si Gouvernman par egzanp i bezwen retourn avek se sa pa meyer pou li Gazette en nouvo Lalwa altogether e apre sa nou fer nou travay parey nou devret fer.

Mon krwar Mr Speaker enitil la nou va et vient ; enn pou donn en pwennvi lot pou donn en pwennvi, kan nou annan zisteman en Bills Committee, e Onorab Pillay i lo sa Bills Committee, Onorab Georges i Chair sa Bills Committee.  I annan Manm lo tou lede kote.  E alor zot ava fer sa travay e apre sa nou ava vini.  Annou retourn dan travay ki Lasanble i annan pou fer ozordi.  Mersi bokou.

 

MR DEPUTY SPEAKER

Mersi Onorab Ramkalawan.  Onorab, non nou pa ava al long, mon’n fini fer en Ruling lo la me mon ava permet Onorab De Commarmond fer en Statement lo la.

 

HON CHARLES DE COMMARMOND

Mersi Mr Speaker.  Bonzour Mr Speaker, bonzour tou Manm Onorab e tou dimoun ki a lekout.

Mr Speaker mwan mon vwar i drol sa ki nou pe fer la mwan!  Devan mwan i annan sa let ki ou’n gannyen, Clerk in gannyen in ekrir pou Clerk sa.  Sorti kot Attorney Zeneral.

I date le 26 Juillet, 2019.  E en kopi ki propoz sa bann lamannman ki met sa bann lamannman lo la ki ou pe koz lo la.

E sa let ek son bann lamannman in anvoy en kopi kot Speaker, kot Leader Lopozisyon, kot Leader Government Business, kot Onorab Pillay, kot Onorab Chairperson of the Bills Committee.  Tou dimoun in gannyen, depi Chairperson Bills Committee. 

        Now sa ki ou’n vin dir nou la dan sa Lasanble ozordi bomaten,  akoz napa en let from the Clerk’s office from the Lasanble, pou dir avek Attorney Zeneral la, la ki nou le i ganny fer.

Akoz Attorney Zeneral parey Onorab Pillay in dir, pou nou, nou krwar i dan sa direksyon ki nou’n deza fer avan ki keksoz i pou pase!

Me si Lasanble li i panse li en lot fason fer, Lasanble  ti’n osi devret ekrir Attorney Zeneral dir, look pou sa ganny debat dan Lasanble, ou bezwen refer serten prosedir whatever, whatever ki Lasanble i ti ava anvi sa i ganny fer.

Mo vwar osi la i mal ki Lasanble pa’n ekrir eskan ozordi Attorney Zeneral pou dir li sa.

E mon ti a sizere ki Lasanble i pran son responsabilite ekrir Attorney Zeneral dir li, sa ki ou pe ganny dir dan Lasanble ozordi.  Mersi.

 

MR DEPUTY SPEAKER

Mersi Onorab De Commarmond.  Onorab Ramkalawan.

 

HON WAVEL RAMKALAWAN

Mr Speaker zis en dernyen parol an bref, mon konpran egzakteman sa ki Onorab De Commarmond pe dir.

Me selman mon krwar ki Onorab De Commarmond osi konman Leader of Government Business i osi konnen, ki pou dir tou bann Government Bills i son responsabilite.  Letan nou’n vwar sa dan lepase kot letan i annan 3en lamannman ki Gouvernman i anvi anmennen, ordinerman Gouvernman i pas sa atraver Leader of Government Business.

E mon krwar ki i kler ki petet tou bann avenues kominikasyon in annan en problenm la.

Parski Attorney Zeneral ti’n devret mon mazinen avek son Minis, ti’n devret averti, Leader of Government Business to move the amendments, egzakteman parey ki –

 

(Off-Mic)

 

HON WAVEL RAMKALAWAN

Wi se sa lafason ki’n deroule, se sa, well ok kekfwa dan 5enm Lasanble zot in sanz fason fer e mwan mon  pa ankor touse.  Me selman, me selman sa ki mon konnen sa ki mon konnen se ki, letan nou pou regard nou rikord, tou bann amannman, mazer apre ki Gouvernman in prezant en Bill, ki anvi prezante pandan Committee Stage, se en Manm lo kote Gouvernman e sete prensipalman Leader of Government Business ki’n bouz sa bann lamannman.

Me Mr Speaker mon pa anvi sa i vin en problenm.  Si prensip in sanze, si keksoz in sanze, si kekfwa mwan mon’n mank keksoz napa problenm.  Me mon pare pou mwan retir sa ki mon’n dir, me selman nou tou nou konnen ki pou dir zanmen Attorney General in deza anmenn lamannman dan Bill pandan ki Bill in vin la, in vin atraver petet on the floor, en Manm i fer en propozisyon avek Minis, Minis i konsilte avek Attorney General i dir avek li si sa i legal oubyen non.  E apre sa nou aksepte.

So Mr Speaker whatever – ou’n donn ou Ruling, mon respekte ou ruling e nou ava annou fini avek sa deba silvouple.

 

MR DEPUTY SPEAKER

Bon in ariv 9:22 mon’n fer en Ruling lo en size, nou pa pou achieve nanryen par donn plis lesplikasyon.

 

HON CHARLES DE COMMARMOND

 (Off-Mic)

 

MR DEPUTY SPEAKER

Mon ava donn ou laparol.

 

HON CHARLES DE COMMARMOND

Mersi Mr Speaker pou konpran mWAn.  Nou pou achieve en keksoz Mr Speaker.  Zisteman nou pe koze la, Chairperson Bills Committee in antre, e nou ti a kontan vi ki i ti ganny en kopi sa li i osi, e ki sa bann keksoz ki nou pe koze la.  E mwan mon ensiste ki Lasanble ti’n devret ekrir ok, e Chairman Bills Committee i la nou ti ava kontan i dir en keksoz nou Lasanble.  Mersi.

 

MR DEPUTY SPEAKER

Non, Chairman Bills Committee i fek antre i pa’n swiv sa deba.  Mon pa pe entertain any further discussion lo sa matter.

 

(laughter)

 

MR DEPUTY SPEAKER

Mon pa pe entertain any further discussion lo sa matter.  Nou’n fer en Ruling.  Sa matter pa’n ganny zete.  I zis ki i pa pou kapab ganny diskite ni ozordi, ni demen.

 

HON CHARLES DE COMMARMOND

La son prosedir, Lasanble pou ekrir Attorney Zeneral.

 

MR DEPUTY SPEAKER

Lasanble i ava ekri Attorney Zeneral, nou ava dir zot swiv procedure.  E ou, ou konn procedure you are the Leader of Government Business, ou a fer ou propozisyon.  Mon pa krwar nou menm nou bezwen al kot Attorney Zeneral, i pe ekoute.

So ou fer ou propozisyon ou anmenn ou lamannman ou met devan Lasanble, and ou ganny 72hrs-

 

HON CHARLES DE COMMARMOND

Wi me  sa bann lamannman lamazorite ti sorti kot Lopozisyon, zot pe anmennen-

 

 

MR DEPUTY SPEAKER

I pa enportan – i pa enportan.  Ou, ou anmenn ou lamannman anba 67 (1), ou met devan Lasanble, sa Lasanble i dakor, zot pran en  vot lo la.

 

HON CHARLES DE COMMARMOND

I a ok Mr Speaker.  Mersi bokou.  Nou a kontinyen koumsa dan nou Lasanble.  Mersi.

 

MR DEPUTY SPEAKER

 Ok. Good.  Bon nou’n ariv lo lot item nou lo Order Paper se en Statement par Minis Charles Bastienne Minis pou Lapes e Lagrikiltir, mon ti a demann Parliamentary Reporter silvouple pou apel Minis ek son delegasyon.  Onorab De Commarmond.

 

HON CHARLES DE COMMARMOND

Wi Mr Speaker, mon ti’n ekrir Deputy Clerk for the matter, akoz Clerk pa ti la.  Ekrir ou Deputy Speaker, pou withdraw pou revwar Standing lord lo Order Paper pou nou kapab withdraw en Mosyon.

Mon ti pe gete a ki moman ki ou les arive.  Mersi.

 

MR DEPUTY SPEAKER

Mersi Onorab De Commarmond.  Mon a zis permet Minis antre avek son delegasyon, avan mon reponn ou.

Bon mon ti a kontan swet labyenveni Minis poum Lapes e Lagrikiltir Mr Charles Bastienne e Mr Roy Clarisse Konsey Spesyal pou Lapes e Mr Vincent Lucas ki Chief Fisheries Officer kot SFA, byenveni parmi nou.  Minis nou pe zis sort out en pti administrative issue. 

        Ok Onorab De Commarmond mon’n resevwar sa let ki ou’n anvoye kot ou’n adres li kot Clerk Lasanble.  E ou pe demande ou pe demann ofisyelman pou have the Motion pou apwent Mr Patrick Victor konman Anbasader withdrawn. 

So Gouvernman pe demann pe demann withdrawal of sa Mosyon.  So ki nou a fer se normalman anba Standing Orders se Lasanble ki permet en Mosyon ganny withdrawn.  En vot i bezwen ganny fer.  ki nou kapab fer se ler nou, ariv lo sa pwen nou a pran en vot lo sa Mosyon.

 

HON CHARLES DE COMMARMOND

Non Mr Speaker mon anvi ki nou sispann Order servi Order 91 pou sispann Order 24 pou permet sa arive konmsi.   Ki ou-

 

MR DEPUTY SPEAKER

Non mon pa vwar lo sa item la right now.  Zis mon anvi anonse pou dir nou’n resevwar, nou’n konpran sa, les bann Manm abzorb poudir this has been en Motion has been – a move has been received, me selman we will move it at the appropriate moment, ler i arive pou nou move li nou ava move li.

So la nou annan Minis ki la.  So mon ti a kontan nou swiv toudswit avek Statement par Minis.  Alors mon donn Minis laparol.  Minister ou annan laparol.

 

MINISTER CHARLES BASTIENNE

Bonzour Mr Speaker, tou Manm Onorab e nou bann peser ki dan Galeri, tou dimoun ki a lekout.  E osi bann peser dan lakour ki e kout nou oubyen petet lo lamer.  Napa okenn dout, ki peser i zwe en rol tre enportan dan lekonomi nou pei.  Dan botan, dan movetan, zot kit zot lakour e al rod lavi pou nouri nou pep.

Sa sekter ki 2enm pilye nou lekonomi, i bezwen a tou pri ganny soutenir malgre bann difikilte ki pe fer fas avek.

An plis ki sa nou’n konstat plizyer fakter ki pe anpes sa sekter devlope e agrandi dan tou son potansyel.

Pou nou kapab adres sa bann defi, Minister Lapes e Lagrikiltir ansanm avek Lotorite Lapes Sesel SFA in fer en seri konsiltasyon avek bann peser ek lezot dimoun ki annan lentere dan Sekter Lapes, pou byen konpran sityasyon sa lendistri e ansanm pou vwar ki mannyer nou pou al délavant.

Tou sa bann nide e sizesyon in ganny analize, e konkretize dan en plan konpreansiv pou lapes.  En dokiman, ki pou ede kontinyen devlop Sekter Lapes i anmenn li lo en nivo dan sa prosen 3an.

Pou reisi realiz sa plan, i neseser ki Minister responsab Lapes i pran plizyer aksyon e mezir konkret.

Avan mon al an detay lo bann mezir ki Gouvernman pou antreprann pou sa lendistri permet mon dekrir bref man sityasyon aktyel.

Sekter Lapes lokal i prensipalman konpri 2 sou sekter.  Premyerman lapes artizanal ki rezerve pratike zis par bann peser Seselwa, zot target bann ki nou apel demersal; par egzanp karang, bouzwar, vyey e lezot ankor e se zot ki prensipalman kontribye anver nou repar kotidyen.

An 2015 ti annan ti annan 428 bato e an 2018 sa sif ti monte pou ariv 735 bato ki ti enplike dan lapes artizanal.  Malgre sa logmantasyon pwason  ki’n ganny atrape in dimini sorti 4 4,150tonn an 2013 pou ariv 2 2,5515tonn an 2016.

Dezyenmman nou annan lapes semi-endistriyel ki konpri bann bato lapes longline ki lapes tonm prensipalman.  Dan lapes semi-endistriyel i osi annan bann bato ki annan License pou lapes banbara.

Lapes semi-endistriyel ti konmanse an 1995 e se bann bato ant 14 a 23 met longer ki pratik sa kalite lapes, ki target prensipalman ton.

An 2015 ti annan 11 bato dan sa sekter.  E an 2018 sa in ogmante pou vin 41 bato.  En ogmantasyon 73poursan ki ase signifikan.  Zot lapes prensipalman lo bout Plato Mahé e osi parfwa lo ot mer, avek laprouvasyon SFA. 

An 2018 lapes semi-endistriyel ti atrap en total 1228tonn pwason, konpare avek 195tonn an 2015.  Omwen 80poursan pwason ki atrape par sa bann peser e ganny eksporte.

Mr Speaker pou nou kapab pli byen organiz nou lendistri lapes, i enportan ‘ki dabor nou organiz nou bann bato lapes. I alor neseser ki nou revwar sistenm klasifikasyon bato lapes.

Konmela bato lapes i ganny regulated par SFA.  SMSA son Lalwa aktyel pa permet li anrezistre bato lapes.  Sa i vedir i napa en sistenm santral ki gard rikord tou bato Sesel.

Lafason ki mannyer bato pe ganny marke aktyelman avek en sel SZ number i limit klasifikasyon e idantifikasyon bann bato dan pei.

Sa bann aksyon swivan pou ganny pran.  SFA avek SMSA pou met an plas e enplimant nouvo sistenm klasifikasyon, baze lo bann spesifikasyon bann bato lapes, pou ki i reflekte bann bezwen lokal, e osi reste azour avek bann lobligasyon enternasyonal parey FAO.  Sa i espekte pran lefe an Zanvye 2020.

Anba sa nouvo sistenm klasifikasyon tou bato lapes pou tonm anba kategori small scale fisheries.  Small scale fisheries se bann  bato ziska 24 met longer, e zot lapes dan delo teritoryal Sesel, e osi prey mon’n dir boner avek permisyon avek SFA an ot mer.

Pou asir devlopman en zesyon lapes small scale fisheries i ganny divize dan 5 sou kategori – depi  klas (1) ziska klas (5).  Par egzanp mini Mahé i dan kategori klas (1) e zot pa pou kapab al ki plis 40 mil notik avek zot pwen depar loperasyon.  Parkont lavenir, whalers, lekonomi zot tonm dan klas (3) e zot , zot pou kapab al ziska 120mil notik avek pwen depar loperasyon.  E sa pe ganny fer pou rezon sekirite.

Pou konplimant sistenm klasifikasyon, i enportan pou osi annan nouvo sistenm marke e idantifye bann bato, ki osi anliny avek standar e norm enternasyonal.

Bann bato lapes komersyal pou gard sa SZ number, me zot pou osi ganny marke dapre zot grander; zil kot zot pe fer aktivite lapes parmi lezot.

Pou annan en distenksyon ant en bato komersyal ek enn ki pa komersyal.  Aktyelman SMSA parey mon’n dir, i pa anrezistre bato lapes lokal ki pe lapes eksklizivman dan EEZ Sesel.

An plis ki sa napa lezislasyon ki kontrol lenspeksyon, e asire ki bann bato lapes lokal i an konformite avek bann mezir sekirite lo lanmer.  Sa i montre ki evidaman napa i annan mankman lo kontrol, lo rikord, lo lenformasyon e osi en tre enportan en seaworthiness    survey certificate apard ki bann bato lapes ki annan en lasirans.

Sa i vedir ki i posib ki annan plizyer bato lapes ki pa pe neseserman zwen standar pou zot al lapes, akoz zot kondisyon e osi zot lekipman sekirite abor parey lekipman telekominikasyon, lalimyer, emergency kit eksetera akoz san sa bann lekipman zot an gran risk.

An dot mo,  in plis ki ler pou nou met an plas en sistenm, ki pou fer sir ki tou bato lapes san eksepsyon i anrezistre, e ki zot zwenn tou bann standar minimum ki annan pou fer avek safety avan ki zot ganny zot sertifika anrezistreman ek License. 

        Briyevman prosedir anrezistreman se ki pou mandatwar ki SMSA i fer en survey lo sak bato lapes, pou asire son seaworthiness e son sekirite i anliny avek bann standar SBS.  SMSA pou idantifye e anrezistre tou bann bato lapes apartir 2020 sa pou ganny fer an kolaborasyon avek SMSA avek SFA. SMSA pou anrezistre osi propriyeter bato. SMSA pou donn en sertifika seaworthiness ek safety enn fwa ki survey i konplete. SMSA an kolaborasyon avek SFA pou devlop en database pou bann bato lapes.

Tou bann masters ek skippers lo bann bato pou bezwen annan en License valid pou zot kapab anmenn bato anba nouvo sistenm klasifikasyon.  Sa pou pran lefe an Zanvye 2020.

SFA pou etablir en sistenm akreditasyon atraver SMSA pou bann masters ek skippers konmansman 2020.

Parey nenport ki propriyete ki pe ganny transfer, i pou annan serten prosedir ki pu bezwen ganny swiv pou bato osi e sa pa sipoze en eksepsyon ler en dimoun pe aste en bato avek en dimoun dezyenmmen ou kwa, i pou bezwen serten prosedir ki swiv par egzanp son sours finansman eksetera.

Lo kote Fishing License SFA i Lotorite legal ki annan manda pou donn License Lapes ek lezot aktivite lie avek lapes.  Parey i stipile dan Licensing Requirement Of Fisheries Act 2014.

Apard banbara e oumar, lezot lespes pe ganny lapes toultan ; ki vedir i napa restriksyon.  I napa kontrol lo bann peser ki pe eksplwat nou bann resours maren.  E sa dan li menm pe deza dan serten sirkonstans over fishing oubyen sea eksplwatasyon.  An menm tan sityasyon i agrave akoz lapes ilegal pe kontinyen dan lanmer Sesel sirtou par bann bato etranze.  I alor neseser ki Gouvernman i pran serten aksyon imedya pou deal ek sa bann sityasyon.

Bann aksyon ki pou pran comme swivan; i enportan ki dan sa Sekter Lapes lokal tou bato i aktivite lapes i ganny en License annakor avek nouvo sistenm klasifikasyon apartir Zanvye 2020.

En nouvo sistenm License pou bato lapes ek aktivite lapes pou ganny me an plas avek kondisyon spesifik fan zesyon plan lapes.

Lo kote lapes banbara, parey mon’n mansyonnen se ki tonm dan sekter semi-endistriyel.  Dapre plizyer letid anba i enportan pou leko sistenm.  E bann serser i rekomande ki pei i adopte bann regilasyon pou anpese ki sa lespes i ganny sea eksplwate.  Lapes banbara Sesel i ase resan lefe ki ti konmanse an 1980.

Me malgre sa lapes banbara in devlop tre, tre vit.  An 1999 nou ti konmans vwar siny konmkwa stok banbara pe ganny afekte akoz peser ti bezwen al pli lwen e plonz pli fon pou kapab ganny banbara.

Se la kot konsern lo soustenabilite sa lespes ti konmans ganny met an kestyon.

An 1999 Lotorite Lapes Sesel SFA ti konmans enplimant en serten mezir pou pli byen zer stok bann lespes banbara ki pe ganny anmase.  Aktyelman i annan 25 License pou lapes banbara e 4 License pou process sa lespes.  Sezon pou lapes banbara i ouver pou 8 mwan, depi Oktob ziska Me.  Avan sa ti napa quota lo lakantite banbara pou lapes e ki kalite lespes pou atrape.

An 2017 SFA ti entrodwir ki peser i kapab lapes pou sak lespes, e konmela peser i annan drwa atrap selman 3 lespes sa i pentard, sanpye avek kokosye blan.

E sa plan konpreansiv i annan lentansyon adres bann defi ki sa Sekter Lapes pe fer fas avek.  Bann aksyon swivan pou ganny pran pou lapes e process banbara.  Gouvernman pou komisyon en letid lo stok banbara an Zen lannen prosenn.

Otan ki posib otan ki posib SFA pou servi bann plonzer ki deza dan lapes banbara pou asiste li dan sa letid parey i leka avek letid lapes oumar.

Pandan sa letid sezon lapes banbara pou reste fermen pou sa sezon.  Swivan rezilta sa letid Gouvernman pou deside ki nouvo mezir zesyon ek proteksyon pou pran pou sa lespes.  Apre sa Gouvernman pou osi pran desizyon lo nouvo fason ki License Lapes banbara e processing i ganny donnen.

Mr Speaker apartir Zanvye 2020 pou annan en nouvo definisyon lo lekel ki ganny konsidere konman en bato lapes komersyal e peser lapes komersyal.  Setadir lekel lapes pou ganny en bouyon lekel ki lapes pou ganny en bouyon oubyen lekel ki lapes pou lwazir parey nou dir.

Nouvo definisyon lapes komersyal set en bato ou peser ki angaze esklisivman dan en aktivite lapes komersyal pou o mwens 16 zour par mwan dan vandnor e 12 zour par mwan dan vandswet, a kondisyon ki pa en bato sport oubyen lwazir.

Pou tou bann bato ki pa zwenn sa definisyon zot pou ganny en permi lapes selman.

Parey mon’n mansyonnen.  Pou bann okenn lapes ki pa komersyal zot pou bezwen annan permi.  Zot bezwen fer en demann pou en permi avek en aktivite lapes akonpannyen par en sertifika an reazisteman bato.  Sa bann aktivite lapes swivan i bezwen permi sa i bann lape rekreasyonnel, lapes lwazir oubyen plezir, fly fishing, sport fishing.

        Kondisyon permi i comme swivan, pou napa drwa vann oubyen fer donasyon okenn pwason ki’n ganny lapes.  Me si donasyon i ganny fer fodre ki SFA i donn son aprouvasyon davans.  Otan ki posib nou ankouraz catch and release.  Savedir ou atrape apre large pou bann ki pratik sport fishing oubyen lapes rekreasyonnel.

Nou pou etablir en bag limit.  E sa limit pou ganny determinen par SFA.  Bag limit i vedir lakantite pwason ki sak endividi oubyen bato i annan drwa lapes, par sak mare.  Dan ka kot i annan leksportasyon, SBS, i bezwen sertifye pou rezon sanniter, menm si sa pwason pe al dan en pei kot sa pa bezwen en sertifika lenportasyon.  Eksportasyon pou limite a 20kilo par endividi e pou ganny fer atraver regilasyon.

En lot size enportan se konsesyon karbiran pou Sekter Lapes.  Konsesyon karbiran ti ganny inisye an 1991 par SFA an kolaborasyon avek Minister Finans avek bi redwir kou loperasyon pou bann propriyeter bato amelyor profitabilité zot loperasyon lapes, e an retour garanti sekirite alimanter pou nou pep.  Aktyelman i annan de sistenm an plas pou konsesyon karbiran premye i redir lapes artizanal kot peser i ganny rann R8 par lit apre ki in aste karbiran kot bann stasyon prive.

2enm sistenm i target ‘lespes i target lapes semi-endistriyel e peser i aste karbiran lo pri normal apre rediksyon kot stasyon petrol SFA anvil oubyen lo por artizanal Providence.

An 2017 454 bato artizanal ti benefisye avek konsesyon karbiran.  E lannen pase 439 bato artizanal in benefisye.  ranboursman karbiran i varye an R2mil ziska R22mil par bato par mwan, e sa  i fer en total R24.95 milyon par an mwayenn pou lannen 2013 a 2018.

An 2017 3 bato semi-endistriyel ti benefisye avek konsesyon karbiran.  Tandis ki an 2018 – 29 bato semi-endistriyel ti benefisye avek konsesyon.

Pandan sa menm lannen 25 propriyeter bato ti enplike avek lapes banbara ti fer demann pou ganny konsesyon karbiran me ladan i annan 24 ki’n benefisye.

Demann konsesyon i varye an 2mil lit ki ariv R16 mil a 4mil lit ki ariv R32mil pou lapes banbara, e lapes longline semi-endistriyel par bato par mwan.  An tou i kout Gouvernman R8.8milyon par an pandan 2013 a 2018.

An mwayen Gouvernman i depans ‘R33milyon par an lo kote sekter semi-endistriyel.  Pli gro defi konsernan pli gro defi konsernan konsesyon karbiran, se pou etablir si vreman peser artizanal in deplase pou al lapes lo en baz regilye, pou zot benefisye avek konsesyon karbiran.  Travayer SFA i fer fas avek bokou difikilte, pou asire ki lenformasyon ki peser i fourni korek konsernan zot aktivite lapes e lakantite mare ki zot fer.

En lot defi ki SFA pe fer fas avek, se bann bato ki pa se bann bato ki pa enplike dan lapes komersyal, me ki reklanm konsesyon karbiran.

Tou sa bann defi in ede pou ogmant lakantite larzan ki Gouvernman i depanse dan konsesyon karbiran.  Ranboursman i ganny fer selman letan propriyeter bato i montre zot resi.  Pou lemoman tou claim i ganny soumet avek SFA pou verifikasyon apre zot anvoy kot SRC pou peyman.

Normalman sa prosedir pa sipoze pran plis ki 3 semenn, me mon aprann pou dir pe pran en pe plis la pou lemoman, akoz nou dan en faz ‘tranzisyon.  Sepandan an 2018, akoz konstrent bidzeter e transfer peyman sorti kot SFA pou al SRC, ti annan en gro backlog dan repeyman konsesyon.

Pandan sa dernyen 6 lannen, Gouvernman in depans R202.4milyon ki pou konsey karbiran ki konpri R149.7milyon pou sekter artizanal, e R52.7milyon dan sekter semi-endistriyel.

Alor an rezilta tou sa ki mon’n mansyonnen konsernan konsesyon karbiran i neseser ki serten aksyon i ganny pran.

Apartir Zanvye 2020, dan zefor pou pli byen administre konsesyon karbiran nou pou revwar prosedir alokasyon karbiran e entrodwir bann mezir ki pou redwir labi dan sistenm.

Bann mezir i comme swivan ; pou annan en sistenm kart kot lakantite karbiran ki peser i gannyen pou ganny met lo sa kart.  Peser i lib pou servi zot kart nenport ki moman, napa restriksyon tan ki zot servi limit ki zot in gannyen par mwan.

Kart pou ganny ranpli tou le mwan avek kondisyon swivan ; verifikasyon VMS i ganny etabli comme kwa peser in vreman al lapes e zistans ki zot in ale in ganny verifye osi.

Lasosyasyon bann peser pou osi i pou fer bann verifikasyon fizik lo bann site.  Zofisye SFA osi pou fer bann verifikasyon.  Peser pou bezwen fer fourni dokiman ki sertifye lakantite pwason ki’n ganny atrape dapre sak mare.

Tou lemwan SFA pou soumet bann dokiman claim avek SRC pou valer karbiran a en pri konsesyon.  SRC pou pey SEYPEC direkteman dapre bann dokiman ki’n ganny soumet.

Lentrodiksyon en sistenm ki pou lye stasyon petrol avek SFA.   Pou en kliyan kalifye pou konsesyon karbiran i bezwen a tou moman zwenn bann kondisyon swivan, i pou bezwen anrezistre konman en bato lapes komersyal ; savedir i pou bezwen aktivman angaze ou mwens 16 zour dan en mwan dan letan vandnor, e 12 zour dan en mwan dan letan vandswet parey mon’n eksplike boner.

I pou bezwen pas 3 mwan probasyon pou bann nouvo bato, bann nouvo bato lapes evidaman pou zot kapab benefisye anba sa Scheme, apre ki in ganny en License Lapes.  Sa i pou donn sifizaman letan Lotorite pou nou kapab evalye e sertifye aktivite lapes an relasyon avek bann kriter ki’n ganny etabli  si sa dimoun pou kapab reklanm karbiran konsesyon karbiran.  VMS ek AIS i bezwen en loperasyon sak fwa ki bato i l an mer si non ‘i pa pou benefisye avek konsesyon.

Sityasyon ice.  Ice i en komodite esansyel pou peser.  E plizyer fwa in annan mankman ice.  Menm si SFA i annan 10 ice plant ki an loperasyon pou asiste kominote lapes.  SFA i sibvansyonn loperasyon bann ice plant, vi ki zot vann bann ice avek bann peser a en pri redwir.

Bann lannen ki’n pase, bann ice plant in avarye e i nepli efikas, akoz bann pyes pou repar sa bann masin i ser e kou loperasyon evidaman i osi ser.

Avek linefikasite serten bann ice plant prodiksyon ice in osi redwir konsiderableman.  Kapasite prodiksyon ice dan en zour i 46.2tonn.

        SFA i estimen ki en mwayenn ice i ganny prodwir 4 a 5 zour dan en semenn ki vedir prodiksyon ice i 10.8mil tonn par an.  Sa i en pti pe plis ki demann pou ice ki 10.5mil tonn par an.

Sepandan dan serten landrwa parey Praslin, anvil e Providence demann pou ice i plis ki prodiksyon akoz konsantrasyon bato e souvandfwa pa tou bato ki al an mer prensidir an menm tan, antretan i osi annan serten bann process pwason prive ki osi pe operate serten stasyon ice avek propriyeter bato ki annan Kontra avek zot pou fourni pwason fre lo ice. 

Avek sek semi-endistriyel ki pe kontinyelman agrandi demann pou ice i osi ogmante.  Alor pou nesesit annan serten travay ki Gouvernman i fer.  Gouvernman i pou ranplas bann vye masin ice ki osi pa efikas pou amelyor prodiktivite prodiksyon avan Desanm sa lannen.

Ice plant Anse Royale e Anse La Mouche, pe al ganny ranplase sakenn ek en masin 5 tonn.  La Retraite, La Digue, Anse Aux Pins e Grand Anse Praslin pou ganny nouvo ice plant 5tonn sakenn vin Desanm sa lannen.

An vi ki nou pe al fer en nouvo fasilite lapes pou peser Baie Ste Anne nou pou ogmant kapasite sa ki egziste, ziska ler sa proze i konplete akoz li i pou annan en nouvo ice plant 10 tonn.  Kot i posib nou pou amelyor kapasite stokaz bann masin ice. 

Nou pe get dan posibilite pou servi lenerzi renouvlab prodwir pou prodiksyon.  E tre enportan se ki nou pe ofer en incentive 50poursan bann propriyete bato ki 5anvi envestir pou aste en staz zot prop masin ice lo zot bato.

Nou pou etablir en sonm maximum pou sa Scheme sirtou bann ki ekipe pou al fer lapes semi-endistriyel ki pou alor redwir ou presyon lo bann masin ice. 

Nou’n konstate Mr Speaker, ki annan landrwa nou annan pli gran defayans se sirveyans bann aktivite lapes ilegal, akoz sa sitan gran sirfas 1.4milyon kilomet kare pou sirveye.

Plizyer bato etranze i antre sorti dan nou delo e vol nou resours.  Lotorite Lapes Sesel i responsab monitoring control and surveillance parey i stipile dan son Lalwa.

Dan zefor pou ranforsi Fisheries Act i bann regilasyon lye avek MCS pou konbat IOU savedir ilegal unregulated ek unreported fishing, SFA pe travay tre pros avek bann lorganizasyon gouvernmantal, evidaman parey nou annan gard lakot, nou annan larme mer, Lapolis, Lotorite Por Departman Lanvironnman, SMSA e osi lofis Attorney Zeneral.  Pou lemoman SFA i depan lo gard lakot ek larme –de ler pou fer bann sirveyans re-aktiv.  Apard plan sirveyans baz lo bann risk, SFA i depan bokou lo lenformasyon ki gannyen avek peser, lo bann aktivite lapes ilegal pou fer entervansyon.

Alor i annan serten aksyon ki pou pran konsernan ilegal fishing apre lo kote MCS.

SFA pou devlop e enplimant en plan Nasyonal lo bann aksyon ki fodre ganny pran kot lapes IUU dan sa prosen 6 mwan.  SFA pou eksplor teknolozi modern parey drone e zimaz satelit pou detekte lapes ilegal.

Minister an kolaborasyon avek SFA, pou etablir en progranm konpansasyon pou rekonpans bann peser ki volonter donn lenformasyon lo bann aktivite lapes legal apre ki bann ka i ganny prosekite avek sikse.

Gouvernman pou entansifye son travay avek bann Lotorite aletranze.  Sirtou bann  ki zot peser ki responsab lapes ilegal.  Sa avek bi kontinyen kontrol bann aktivite lye avek IUU dan nou delo.

Gouvernman pou pran mezir drastik, ki osi konpri detri bann bato etranze, ki ganny kondann pou lapes IUU dan nou delo.

VMS ti ganny entrodwir Vessel Monitoring System ti ganny entrodwir an 2002.  Pou lemoman napa en kad legal ki etablir bann lobligasyon pou loperasyon en sistenm VMS letan bato lapes i lo lanmer.

Sa dan li menm i en defi pou SFA pou lemoman lenstalasyon VMS i ganny fer lo en baz volonter.

Statistik i montre i an Zilyet 2019 224 bato lapes ti annan VMS ki marse abor.  SFA Ii responsab pou repar e ranplas sa lekipman letan i andomaze.

SFA i osi responsab pou kominikasyon atraver VMS abor bann bato.  An dot mo peser napa okenn depans finansyel konsernen lenstalasyon e loperasyon VMS lo zot bato.  Akoz sa i leka, nou’n konstate ki serten neglizans lo zot par, kot zot pa pe pran swen avek sa lekipman.  E lot kote bann skipper parfwa i refize pou servi VMS, akoz zot pa anvi ki Lotorite konsernen i konnen kote zot ete anmer.

SFA i osi mank kapasite pou asire ki VMS i ganny enstale e repare letan i neseser.

Alor i annan serten aksyon ki nou pe pran.  SFA alor nou deside ki SFA i met an plas en plan VMS pou zesyon lapes e osi pou laspe sekirite.  Sa plan i espekte vin operasyonnel an Zanvye 2020.

Prenon kont bann defi ki mon mansyonnen sa tranzisyon VMS en kad legal pou amelyor gouvernans progranm VMS dan Sekter Lapes artizanal, asire ki sistenm VMS i ganny enstale lo bann bato domestik ki osi enplike dan lapes komersyal e osi lezot aktivite liaise avek aktivite komersyal.

Anpese ki en bato i al lapes si son VMS pa marse.  Anpese ki peser lezot i enterfer i andomaz oubyen de-libreman fer vandaliz lo zot VMS.

        I responsabilite propriyeter bato pou enform SFA, letan son VMS i aret fonksyonnen e kase.  Reparasyon e ranplasman VMS pou aprezan responsabilite met bato e non pa SFA. 

Bato san kouran abor, pou kapab ganny ekipe avek bann VMS ki servi batri oubyen pano soler.  SFA i annan lentansyon amelyor kapasite pou enplimant progranm VMS e Gouvernman pe aktyelman negosye avek en pei zanmi, pou donn Sesel en sistenm AIS VHF pou bann bato ki fer zot loperasyon lo Mahé Plato.

Mr Speaker nou swe nou lekspektasyon, se ki enn fwa nou entrodwir tou sa bann mezir ogmant kolaborasyon avek nou bann partenaire nou pou kapab police nou lanmer parey i fodre, e konn a tou moman kote nou bann bato lapes i ete.

Mr Speaker prezan permet mon pou bouz lo industrial fishing.  Lapes endistriyel i zeneralman konpri bann to etranze ki nou donn License pou lapes dan nou delo.

An 2018 SFA ti donn 44 License bann purse seiners. E 16 pou bann supply vessel e zot tou zot pe fer loperasyon apartir Por Victoria.

Pou lemoman, napa okenn lenvestiser lokal dan sa sekter.  Me i annan lenvestiser lokal ki pe eksplor posibilite, pou rantre an partenarya avek bann lenvestiser etranze.

Anviron 80poursan bann pwason ki’n lapes an 2017 dan was L’Ocean Indien i ganny transborde Por Victoria.   Ladan 20poursan i ganny atrape dan delo Sesel.  Sirvey bann aktivite transbord-man e debarkasyon pwason dan Por Victoria, i reste en gro defi.

Bann frekans bord-man i kolekte par Lotorite Por e $4 par tonn.  SFA i otoriz e sirvey bann transbord-man e gard rikord i notifye IOTC.

        Bann bato ki asiste sa ki nou apel supply vessel, i direkteman lye avek lakantite fad ki pe ganny large dan lanmer.  Fad i ganny konstrir avek banbou lokal lo en striktir metal; antretan banbou i konmans vin rar, e bann peser artizanal ki tranp kazye pe konmans konplent konmkwa napa banbou pou fer zot kazye.

Fads i swa fikse, oubyen i flote i drive lo lanmer.  I atir bann lespes parey ton, malin, osi reken, torti, lare e marswen.  Plizyer fwa bann ton ki p ankor matir i osi ganny atrape.  Plizyer fad in osi drive al rann rapel  lo nou bann lans oubyen nou bann lans oubyen zot pri dan bann koray lo bann zil elwanye.  I pa en sekre ki zot koz domaz lo nou lanvironnman.

Letid i osi montre ki ton zonn pe ganny eksplwate dan L’Ocean Indien, se pou sa rezon ki an 2016 IOTC ti adopte en sistenm quota atraver rezolisyon 1601, pou met an plas en plan enterimer pou refer stok yellow fin dan L’Ocean Indien.  An rezilta sa, Sesel i annan en quota 3,211tonn ton zonn pou sa 13 bato purse seiners ki flot son paviyon.

Lo kote lapes endistriyel, Gouvernman pou pran sa bann desizyon sa bann aksyon swivan.  Dan prosen negosyasyon avek nou bann partenaire lo Lagreman e protokol lo lapes nou fer nou mye pou fer sir nou ganny maximum benefis avek nou resours.

Nou pe etablir en maximum groser e lakantite purse seiners ki pou ganny License.  Sesel pou demann Komite Syantifik IOTC, pou etablir bann grander mesh bann grander mesh ki lasenn purse seiners i servi.  Pou revwar bann kondisyon bann bato etranze ki flot paviyon Sesel ; revwar kondisyon akse avek bann loportinite lapes dan delo Sesel, enkli kondisyon pou flot paviyon Sesel, nou pou annan en plan zesyon pou fad e sa i enkli pou evalye sityasyon banbou e rode zot materyo alternativ pou fer fad avek par egzanp albizya.  Pou annan en ban total lo bann fad ki pa biodegradab.  Tou fad pou ganny asanble lo later e non pa lo lanmer  sak bout materyo ki servi pou konstri en fad, pou ganny marke endividyelman avek limero idantifikasyon IOTC.  I pou responsabilite sak propriyeter bato pou konnen kot son fad i ete e pou retir okenn fad ki pa ganny servi dan lanmer.  En gro penalti pou ganny enpoze lo propriyeter bato, e osi son master – si zanmen zot fad mi ganny trouve abandonnen kek par lo resif oubyen lo lans Sesel.

Sesel an Zen sa lannen ti propoz avek IOTC, ki i annan en rediksyon dan lakantite fad par bato par an, sorti 350 pou vin 200 fad.

Me malerezman IOTC in aprouv en rediksyon selman pou vin 300.  Prezan briyevman lo industrial longliner.  Lapes lendistri lapes longline i prensipalman dominen par laflot Sid Les L’Asie, ki target ton pour marse sashimi.

Sesel i annan 61 bato endistriyel longliner ki anrezistre Sesel lapes dan delo Sesel e an deor.  Laplipar i bann bato ki pou bann etranze oubyen bann envestiser Seselwa i annan avek partenarya avek bann etranze.

Lannen pase SFA ti donn 147 License avek bann bato lapes longliners.  Bato lapes endistriyel longline, lokal koman etranze i annan drwa pran en License ki kout $24mil par an.

Pwason i ganny lapes dan sa sekter, pa pas atraver Por Victoria.  E bann bato lapes longliners zot rarman vin dan Por Victoria, menm bann ki pe flot paviyon Sesel.  Transbord-man in ganny fer lo lanmer lo lanmer menm oubyen dan lezot Por pratikman Port Louis Maurice. 

Apard fre dan reazisteman License ek lotorizasyon VMS ek lezot fre Lazans napa gran kontribisyon ki sa sekter i anmennen dan lekonomi Sesel.  Sepandan Sesel napa en Por ki dedye sa bann bato lapes endistriyel – longliner e osi napa late pou konstri bann fasilite ki fer processing osi fasilite pou stor pou ankouraz sa bann bato koste Por Victoria pli souvan pou transbord oubyen zot pwason.

Alor Gouvernman pou eksplor posibilite konstriksyon en Por, zis pou lapes endistriyel longline; fasilit bann fasilite pou sa sekter e osi pouse ki transbord-man i arete ganny fer lo lanmer.  Sesel pou revwar bann kondisyon akse avek bann loportinite lapes dan son delo enkli kondisyon akse avek bann loportinite lapes dan son delo, enkli kondisyon pou flot paviyon Sesel, revwar bann kondisyon anba ki bann bato endistriyel longline i ganny zot License.  Apartir lannen prosenn tou bann lenspeksyon, pou ganny frer dan Por Victoria, etablir en kad pou ankouraz e fasilit Seselwa pou envestir dan lapes endistriyel.

Mr Speaker permet mwan prezan koz briyevman osi lo size bycatch.  Nou’n konstate ki lo kote bycatch ki annan en mank  lo koleksyon setadir data letan pwason bycatch i ariv ater.  I ganny transborde e re eksporte e process.

Baze lo en legzersis ki SFA ek Minister Lapes ti fer an 2018, 14,511tonn bycatch ti ganny debarke pou bann process eksportater lokal.  Gouvernman pou adres laspe bycatch pou asire ki lorizin lokal ki angaze dan valer azoute i ganny sifizaman bycatch pou prodiksyon e ankouraz bann bato pou fer plis transbord-man bycatch dan Por Victoria.  Dan nou bann prosen negosyasyon, nou espekte rezourd sa problenm bycatch enn fwa pou tou.

Mr Speaker lo kote Lasosyasyon bann Peser aktyelman i annan 11 Lasosyasyon Peser e propriyeter bato.  Laplipar napa sifizaman resours e zot napa neseserman en bon sistenm administrasyon.  Bann Chairman ek Komite Egzekitiv i angaze e fer travay volonter pou zot lasosyasyon.

Minister Lapes ek SFA, pe ankouraz bann Kominote Lapes pou kree zot prop lasosyasyon dan bann distrik ou rezyon kot napa enn.

Minister ek SFA pou diskit avek bann lasosyasyon pou donn zot plis valer par angaz zot dan serten fonksyon; par egzanp zer serten fasilite lapes dan distrik e osi asiste pou ede ki SFA i kapab fer son monitoring pli byen lo bann landing sites.

        Mr Speaker, i en realite ki vre kontribisyon lapes dan lekonomi Sesel pa e ganny kapte dan son totalite.  I neseser alor, pou evalye vre kontribisyon lapes dan GDP atraver fisheries satellite account. 

Depi Avril sa lannen, Minister in konmans en travay dan sa laliny avek National Bureau of Statistic.  Nou espekte avan lafen sa lannen, nou a ganny en pli bon apresyasyon vre kontribisyon lapes dan lekonomi nou pei.

Lo kote lasirans, nou konnen i enportan dan tou biznes, me malerezman pa tou bato ki pe pran lasirans malgre ki SFA pe kontribisyon 50poursan zot premium. 

        I annan zis 53 bato ki pe asire pou lemoman anba Scheme SFA.  Avek nouvo lapros lannen prosenn lasirans pou bato lapes pou mandatwar.

En lot size ki pou okip nou bann peser dan sa lendistri, se akse avek finans.  Parey nou konnen lenvestisman pa fezab san finans adekwat.  Alor i neseser pou ganny akse avek finans pou devlop biznes, ki an retour fer agrandi lekonomi nou pei.

Isi Sesel akse avek finans, in enn bann parmi bann lobstak ki anpese ki bann biznes i devlope – sirtou dan bann sekter lye avek lapes. Apard SME Scheme prensipal lapes, se Fisheries Development Fund FDF. FDF i sorti dan Lagreman Fisheries Partnership ant L’Union Européen e Sesel.

Bi FDF i premyerman pou kontinyen fer annan devlopman dan Sekter Lapes e amelyor loportinite finansman pou lenvestiser lokal.  Se BDS ki administre FDF lo lapar SFA. SFA li parey mon dir i donn sa finansman.

Ziska prezan R56.8 milyon i donnen anba sa fon.  E en sonm R46.5milyon i outstanding. 

SFA pe osi travay avek DBS pou ki bann ki’n deza pran loan i re-pey zot loan.  E Gouvernman osi pran serten mezir.  Par egzanp Gouvernman pe anpes lenportasyon bann bato dezyenmmen, e sa pou pran lefe imedyatman.

Gouvernman pou fer evalyasyon lo kapasite bann bato lapes e fasilite ki fer processing avan pou aprouv okenn nouvo loan.  Kreasyon en fon anba FDF pou asiste bann propriyeter bato ki enplike 0dan lapes artizanal ki bezwen lekipman lapes.  Me ki bezwen repar zot bato e lekipman e ki bezwen working capital sa osi nou pou kree sa fon pou sa purposed.

        Ler nou fer analis profon, lo lendistri lapes nou’n vwar ki i annan en bon pe defayans e ki annan demann pou armoniz bann Lalwa, pou fer sir i reflekte nouvo direksyon ver lapes soutenab e pli bo zesyon lo resours.

Pandan bann mwan ki pe vini, nou pe al revwar sa bann Lezislasyon. Antretan Gouvernman in aprouv sa bann mezir swivan o kote home management plan.  Parmi lezot size i annan sa detrwa ki mon pou mansyonnen.

Enn ; se size minimum 32 santimet ki peser pou annan drwa lapes pou bouzwar ek zob gri.  Sa se pou permet sa de lespes ganny sans pou reprodwir.

Dezyenmman pou osi annan plizyer restriksyon lo kazye. Par egzanp okenn kazye pa pou ganny drwa reste lannwit lo landrwa kot kordonnyen i ponn pandan Septanm ziska Avril.  Setadir dan letan pondant.

Lo kote lanplwa se ki nou pa pou kapab souzestim kontribisyon mendev dan Sekter Lapes.  Aktyelman i annan anviron 13san Seselwa ki anploye dan lapes artizanal e semi-endistriyel.

Pandan bann rankont konsiltativ ki Minister ek SFA ti fer ek bann peser zot ti fer en demann pou anploy etranze dan lapes artizanal.  Dapre zot napa ase Seselwa ki enterese pu fer sa karyer dan sa sekter.

An plis nou pa pe vwar bann zenn pou vin zwenn sa sekter pou pran larelev.  Bann aksyon swivan pe pran Gouvernman pa pou larg Polisi pou les etranze fer lapes artizanal, akoz i pou kon tradwir zefor ki pe ganny fer lo lapes soutenab.

Peser komersyal pou ganny zot benefis sosyal parey nenport ki travay.  Gouvernman pou travay avek bann Lasosyasyon Peser e fon pansyon pou vin avek en Scheme Pansyon pou peser.  Gouvernman pou agrandi Scheme My First Job, pou enkli zenn ki anvi fer en karyer dan lapes, dan en kad ki’n ganny aprouve e donn bann incentive neseser.

Minister Zafer Lafanmir pou travay avek Minister responsab pou lapes pou adopte bann stratezi pu asiste peser ki bezwen tretman, SFA an kolaborasyon avek lakademi maritim pou devlop en mekanizm pou donn formasyon peser, setadir skippers e lezot maren en pe parey avek progranm formasyon ki sa lakademi i annan avek SEYPEC. 

Lo kote aquaculture, Sekter Aquaculture in as dan diferan faz klarifikasyon e devlopman depi 2011 ziska la.  Atraver Polisi Nasyonal aquaculture, lobzektif prensipal se pou gid en lendistri aquaculture ki kapab ganny zere efektivman, ek responsab anver lanvironnman, ki kapab kontribye anver sekirite alimanter e osi anmenn larises pou pei.

Lenvestisman dan sa sekter i sipoze konmanse 4enm kar sa lannen.  I annan plizyer lenfrastriktir ki pe ganny met an plas pou fer sa arive.  Plis detay lo plan devlopman aquaculture pou ganny donnen letan Gouvernman i lans sa sekter an Oktob sa lannen.

Anliny avek devlopman Sekter Lapes  enportan ki Gouvernman i antreprann serten proze, pou ed sa lendistri al délavant.

Dan sa prosen 3an Gouvernman atraver SFA pou antreprann sa bann proze swivan, pou nou annan en konpleks lapes ki nou pe fer Anse Aux Pins bazar e lezot fasilite Anse Boileau, bazar e lezot fasilite Anse Etoile ek La Retraite, en pti lasose Anse Royale avek en nouvo masin ice.  En pti bazar pou Beau Vallon e osi nou pe eksplor posibilite pou met en slipway.  Glacis pou annan en proze en pe en konpleks proze, masin ice ek slipway La Digue e osi nou pou fer 2 lapas.

Proze reparasyon bato lo zone endistriyel Providence ; La Riviere Anglaise nou pou met  pontoon avek en pti  bazar pou zot.  Perseverance nou pe met pontoon.  Cascade bazar ek lezot fasilite.  Port Glaud en landrwa mouyaz.  Baie Saint Anne en konpleks bazar ek lezot fasilite.  Grand Anse Praslin en konpleks bazar e lezot fasilite.

Nou bann peser in osi dir nou ki zot napa en landrwa pou repar zot bato, e se pou sa rezon ki nou pe vwar bann bato en pe partou bor lanmer pe ganny repare.

Pou Mahé Gouvernman in idantifye en morso later Providence ki pou ganny rezerve pou fer selman reparasyon bato lapes.  En sistenm zesyon pou ganny devlope pou fer sa servis abordab.

Nou pe osi idantifye en morso later Praslin pou fer menm aktivite. Sa bann proze ki mon’n mansyonnen i espekte kout R78milyon.

Minister ek SFA i espekte ki sa bann proze i a transform fason ki peser pe travay, e pou amelyor lizyenn, loperasyon peser, sekirite osi plis marketing pou zot prodwir ki an retour a donn plis valer zot prodwir e anmenn plis larzan pou zot.

Mr Speaker posibilite pou agrandi nou lendistri lapes i enorm.  Si selman nou fer pli bokou e pli bon servis.  Maksimiz benefis pwason ki nou lapes ogmant lakantite ton ki nou peser i lapes e lezot lespes dan en fason soutenab.

Amelyorasyon dan marketing nou pwason i pou osi ede.  Gouvernman in toultan fasilit resours pou devlopman lenfrastriktir pou lapes avek bi pou ogmant biznes, ki a son tour ava ogmant reveni e alor ede pou agrandi lekonomi.  Malerezman sa pa neseserman arive pou donn sa lelan ki sa sekter i merite.

Enn bann pwen vreman for ki’n sorti dan bann meeting avek nou bann peser, se sa kalite se sa kantite difikilte ki zot fer fas avek, sou-sekter semi-endistriyel pe fer fas avek pli gro defi. pandan sa de dernyen lannen in annan en logmantasyon dan lakantite bat semi-endistriyel parey mon’n mansyonnen boner.  Sa ogmantasyon ansanm avek en rediksyon dan kapasite processing, ki an rezilta problenm finansyel ki serten pe fer fas avek,  i fer ki sa sekter i dan en peryod ase difisil, ki menm kapab fer kolaps.

Dezyenmman le 31 Out sa mwan i pou fer 35an depi ki SFA i egziste e SFA ti ganny kree pou prensipalman zer resours lapes e resers azir konman Lotorite Regilatwar pou lapes, devlop Sekter Lapes idantifye bezwen an term kapasite resours imen e mendev dan Sekter Lapes.

Lo konmansman SFA in deservi sa rol tre byen.  Me i gradyelman son rol prensipal in ganny neglize, sa set akoz SFA ti bezwen asiste lendistri kot i annan mankman parey bann problenm ice, problenm labwet.  Marketing pwason zesyon serten fasilite ki pa ti neseserman dan son manda direkteman.

 

Sa i fer ki zefor e lenerzi pou al dan sa i fer ki zefor e lenerzi pa pe al dan son lobzektif inisyal.  Ki solisyon alor pou sa bann defi ki nou pou fer pou sa peser ki dir ler i al lapes i atrap 5tonn pwason i pa kapab kouver son fre.  Me ler i lapes plis ki 5tonn i pa kapab vann son pwason.  Ki solisyon pou sa bato semi-endistriyel ki antre apre 14 zour lo lanmer e ler i antre fasilite vann i limite e ler son bato i antre avek pwason grad A me ler i desarze apre 5 ou 6 zour i vin grad C oubyen D.

Mr Speaker sa i zis de legzanp parmi sa kantite defi ki peser pe fer fas avek.  Gouvernman alor in deside pou kree en lakonpannyen ki 100poursan Gouvernman evidaman. Sa lakonpannyen pou annan pou lobzektif sa bann fonksyon swivan ; i pou vin veikil lenvestisman pou lapes ; i pou fer tranzaksyon pwason ek lezot prodwir pwason Sesel aletranze e fer sir ki i annan en bon sistenm marketing pou asire ki pwason Sesel i ganny son vre valer.

I pou devlop posed administrer lenfrastriktir dan domenn lapes. I pou fer aktivite aquaculture dan Sesel, i pou fer tranzaksyon materyel e lekipman se sa lakonpannyen ki pou responsab tou ice plant pou peser.

I pou osi annan en rol kle pou zwe lo kote labwet.  I pou angaze asiste ban lasosyasyon ki anrezistre dan realizasyon zot lobzektif.  I pou ede idantifye e asiste dan training e demann mendev dan lendistri lapes.  E en rol tre enportan se ki pou asir sekirite alimanter lo kote pwason.  E fer sir ki a tou moman napa mankman pwason pou nou pep.

An dot mo i pou fer sir ki dan vandnor nou stok pwason pou bann letan vann swet.  I pla Gouvernman pou vann shares avek Seselwa dan sa lakonpannyen enn fwa in fini etablir.

Mr Speaker i osi annan en kantite later ki Gouvernman in allocate avek plizyer endividi pou fer devlopman lapes.  Me malerezman en kantite sa bann later pa ankor ganny devlope.  Premyerman pou bann ki annan en lease, zot pou ganny sans pou devlop dapre zot Lagreman kot zot in donn zot en devlopment covenant 2an. Enn fwa sa 2an i ekspire e zot pa ankor fer devlopman Gouvernman pou repran sa later e allocate avek dimoun serye e annan mwayen pou devlope.

Dezyenmman pou bann ki pa ankor ganny en lease agreement zot pou bezwen demontre zot abilite pou devlop sa later si non zot pa pou ganny sa lease agreement. 

Malgre tou zefor ki annan dan Sekter Lapes Mr Speaker, sekirite alimanter pa ankor garanti, nou’ donn plizyer konsesyon me nou pep pa pe vwar son lefe dan zot lavi toulezour.  Kot lavyann i reste pli bonmarse ki pwason.  Gouvernman pe travay lo en mekanizm ki pou ankouraz nou dimoun manz plis pwason nou ava donn zot plis detay dan bann prosen mwan.

Sa plan konpreansiv pou lapes Mr Speaker pou sa prosen 3an wi, i anbisye me solisyon pou redinamiz Sekter Lapes e kree platform dinamik pou devlopman ekonomik ek prosperite nou pei.  Mersi Mr Speaker.

 

MR DEPUTY SPEAKER

Mersi Minis Bastienne.  Bon mon ti a kontan rod en gidans avek Lasanble Nasyonal.  Premyerman lo kote kestyon, kantite letan ki nou pou permet pou kestyon e sa i baze lo ki lenportans Manm i antase avek lenformasyon ki’n ganny donnen ozordi larepons ki zot pe rode.

E dezyenmman, mon ti a kontan en gidans avek zot lo kote si zot anvi al dan en Staz Komite oubyen zis nou permet Minis reponn direkteman.

Alor lo premye lo an term letan. Zis en gidans ki mwan mon pe donn zot se ki mon leksperyans ler en Manm i demann kestyon e Minis i reponn, souvandfwa avek kestyon adisyonnel lo menm kestyon i apepre 10 minit.

Nou pou annan nou dizon enn erdtan apartir 11er ler nou repran e dan en enn erdtan 6 kestyon enkli bann kestyon adisyonnel.  Si nou pran ankor enn erdtan ankor 6 kestyon.  Ki vedir nou pou ariv 3.30 apre midi si nou konmans 2er.  Ki vedir zis 12 kestyon i ganny poze petet 6 sak kote, eski sa pou sifizan oubyen nou pran lazournen antye nou fini 5er ki vedir nou pa pou kapab travay lo Bill ozordi ?

Mon zis rod en gidans avan mon fer en desizyon.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker mon krwar sa ki Minis in eksplike, i annan en kantite detay.  Me mon asire selman i pou lev  en kantite konsern osi.  Mon krwar ou kapab diriz sa Sesyon Kestyon, dan en fason byen  kot napa kestyon siplemanter ! Nou demann en kestyon en fwa fini e prezan si i annan repetisyon ou anpese.  Konmsi kontrol li byen, e les akoz i en topik enportan lapes, so les demann les bann Manm partisipe e nou a gete ki mannyer i ale.

 

MR DEPUTY SPEAKER

Eski nou al dan Komite?

 

HON CHARLES DE COMMARMOND

Be non.  Letan mon demann pou nou al lo Komite, zot pa oule.  La ou le !  mon pa konnen ki mannyer-

 

MR DEPUTY SPEAKER

Mon’n demann en gidans se-  Onorab Ferrari.

 

HON CHARLES DE COMMARMOND

Prezan si zot le desid zot menm ki mannyer zot le deside zot Lasanble-

 

MR DEPUTY SPEAKER

Mon pe rod en gidans selman.  Onorab Ferrari.

 

HON JEAN-FRANCOIS FERRARI

Mersi, non lontan zot ti desid zot menm la prezan zot be manz en pe sa bred zot osi.  Koumsa zot ti fer lontan.

Mr Speaker mon ti anvi zis dir poudir mon ti anvi enform Lasanble ki Zedi, Zedi le 8, 10er bomaten nou pou annan en rankont avek Minis Mr Clarisse e mon mazinen kekfwa enn de lezot zofisye dan Minister Lagrikiltir ek Lapes, pou nou diskit zisteman sa size.  Alor mon ti ava profite pou demann ou, annou sey pran sa bann kestyon, si ti kapab mwan mon sizesyon nou pran ziska midi.

Bann kestyon ki pa’n kapab ganny reponn, IAC i envit tou lezot Manm ki pa lo Komite IAC, ki ti a kontan vini dan sa rankont, pou zot kapab ganny bann lenformasyon adisyonnel ki zot bezwen.   Sa i mon submission Mr Speaker.

 

MR DEPUTY SPEAKER

Ok mersi bokou.  Bon vi ki nou annan en sesyon avek Minis kot tou Manm i ganny envite,  mwan mon ti a propoze alors, ki nou konmans toudswit i annan detrwa minit avan nou kapab break.  E nou ava ale ziska midi avek Minis.  E apre midi nu a konmans lo lezot item dan nou lo nou Order Paper.   Onorab Ernesta.

 

HON PAUL ERNESTA

Mersi Mr Speaker.  Mr Speaker mon rekonnet pozisyon Onorab ki’n sizere.   Me an menm tan sa meeting pandan Zedi, i pou IAC. 

        Me nou lezot Manm 5osi nou annan lezot komitman petet i pou anpes nou partisipasyon dan sa meeting.  Let’s suggest ki les li nou demann nou bann kestyon, then Zedi i ava en  lot zafer IAC zot a fer zot meeting.  Thank you Mr Speaker.

 

MR DEPUTY SPEAKER

Non mon’n ekout ou.  Selman mon ava sey kontrol bann kestyon, mon ava permet otan i pou depan lo zot lavites ki zot ale.  Minis?  Minis in tann nou mon asire Minis i ava ase bref dan son bann lapros ki nou ase kouver tou nou a fini midi.

Bon annou al direk dan bann kestyon.  Okenn Manm ki le poz kestyon, silvouple zis lev zot lanmen. so mon ava ganny en lalis.

Ok mon annan 14 dimoun ki’n lev lanmen.  15 dimoun avek 16 dimoun. Kestyon pou bezwen bref, me mon konmans toudswit Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan demann en kestyon lo sa pou sa konpannyen ki Minis i dir Gouvernman i anvi set up pou run bann laspe komersyal dan lapes.

Mwan mon tre enkyet ler mon tann sa Minis, akoz la nou pe retourn dan bann sistenm Fideco ; dan bann sistenm lontan avan kot Gouvernman i kontrol tou keksoz, e Minis i pa’n marse.

Konmsi mon ti a kontan ou kapab dir ek sa Lasanble kwa ki nouvo – ki nouvo, e ki e ki ou krwar zot ava fer diferaman pou ki zot kapab fer sa marse, an menm tan zot ti kapab ed bann prive devlope.

Me la zot pe al kot konstri en lot konpannyen paraetatik, ki mannyer sa pou marse ki mannyer i pou annan kontrol lo la?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker – Onorab mon krwar ou devret pe enkyet la, ou pa devret pe enkyet sa lakonpannyen.  Rezon mon dir sa set akoz sityasyon  lapes kot nou ete la ozordi, kot semi-endistriyel i konsernen, kot nou a 41 bato ki enplike dan lapes semi-endistriyel, i ase kritik.

Mon’n donn ou legzanp letan mon’n fer mon lentervansyon, mon’n donn ou bann legzanp – bann sirkonstans ki larealite ozordi lo teren. Sekter semi-endistriyel i annan en gran potansyel sa lakonpannyen pa pe vin pran biznes personn li.

Mon’n dir an 2015, ti annan zis 195tonn ton ki ti ganny lapes ek tuna    species. 

An 2018 in ogmante in vin 1228 potansyel pou li ariv 3mil – 4mil tonn i la.  Me malerezman i pa pe eksplwate!  Rezon pou sa set akoz processors kot zot pou vann i limite.  E ozordi ou annan ou 3 processors ki sakenn i annan serten difikilte.  Mon pa pou al an detay ki zot pe fer fas avek.  Parey nenport ki biznes.

Me Gouvernman i ava antre, i ava ouver sa loportinite pou plis dimoun antre dan sekter semi-endistriyel.  Si i annan en sekter kot nou krwar pou dir i annan nou kapab agrandi. Artizanal i annan plizyer problenm se eksplorasyon eksetera.

Me lo kote ton ek tuna like species potansyel i enorm.  Sa mon krwar ou konn tre byen,  nou’n deza letan nou zwenn dan en meeting IAC mon’n eksplike, ou annan bann bato ton pe deza pe lapes ton.  Ou annan industrial fishing osi zot pe fer sanmenm.

Me nou akoz nou pa kapab agrandi nou fleet nou al lo semi-endistriyel, e dousman, dousman ler loportinite i vin plis, nou kapab al lo bann bato industrial ou osi – gradyelman i a ed nou pou nou agrandi sa lendistri.

Sa akonpannyen potansyel parey nou lanmer i gran;- parey pwason dan nou lanmer i en kantite, mon krwar loportinite osi i en kantite.

Apre dezyenmman Onorab, Mr Speaker ki enportan se ki parey mon’n dir SFA konmela pe anpay li dan keksoz ki pa sipoze.  E ler i anpaye dan bann keksoz ki i pa sipoze, i pa pe fer keksoz ki i sipoze fer.  Nou bezwen rod en fason pou nou kapab les SFA konsantre lo sa ki i ti devret pe fer the first place! Mersi Mr Speaker.

 

MR DEPUTY SPEAKER

Mersi Minis.  Onorab.

 

HON JEAN-FRANCOIS FERRARI

En pti kestyon adisyonnel Minis.  Minis mwan mon ti a kontan ou eksplik nou, akoz eski vi ki SFA pe fer tou sa bann keksoz, i en lanpayaz, akoz zot pa ankouraz sekter prive fer?

Nou konnen ki pou dir i annan bann parey i annan bann processors ki bezwen lasistans pou zot setup bann cold storage facilities.  Ok ki annan ki zot pe al kot Gouvernman zot pe sey demande.   Napa bann fon?  Eski Gouvernman pa pare pou mobiliz bann fon, pou ed sa bann dimoun pou zot devlop bann konpannyen ki egziste? Akoz si non, nou pou retrouv nou la Oceania; nou’n vann ek en Larisi.  Finalman i pa pe fer sa travay ki i pe fer.  konmsi bann sekter prive pe mor.

Mr Speaker, Minis nou lo sa kote latab nou pa believe ki Gouvernman i devret pe re- antre dan sa bann biznes ankor.  Nou, nou believe ki led i devret al avek sekter prive.  Mersi.

 

MR DEPUTY SPEAKER

Mersi Onorab Ferrari.  Minis.

 

MINISTER CHARLES BASTIENNE

Mr Speaker Gouvernman osi i pa anvi antre ladan.  Me Gouvernman i bezwen antre ladan akoz napa swa.  Nou bezwen rescue sa lendistri lapes, son sityasyon ki mannyer i ete ladan ozordi.

Ou pe dir fer fon available. Gouvernman in lanse atraver bann Blue Fund la, pou zot kapab antre ladan.  E letan ou pe regarde lakantite take up ki pe annan i very minimal.  I annan fon – i annan bann sistenm ki Gouvernman i met an plas, pou ki bann ki bann sekter prive i a ganny sa sipor, ki zot bezwen.

Me nou bezwen nou konman Gouvernman – Onorab Gouvernman pa pou kapab ler vwar en keksoz pa pe mars byen, asize pa fer nanryen.  I nou responsabilite konman en Gouvernman responsab, pou antre e fer keksoz pou nou fer sir sa sekter, nou pa kapab esper li kolaps avan ler pou nou entervenir.  I pou tro tar.  E nou panse poudir this the right time, kot nou bezwen entervenir fer le neseser.  Apre nou sorti nou.  Mon’n dir la pou dir sa lakonpannyen i pou vann shares ladan.

Sa lakonpannyen pou retourn dan sekter prive.  I a retourn dan lanmen peser.  Peser i kapab aste shares ladan.  Mersi Mr Speaker.

 

MR DEPUTY SPEAKER

Mersi Minis.  Bo in ariv 10.31. Mon sizere nou pran en break e nou ava retournen 11er.

 

(BREAK)

 

MR DEPUTY SPEAKER

Bonzour tou dimoun ki pe swiv Lasanble Nasyonal.  Nou kontiny nou sesyon pou ozordi avek kestyon ki pe ganny poze par bann Manm, swivan sa Statement ki’n ganny fer par Minis Charles Bastienne, Minis pou Lapes ek Lagrikiltir.  Lo mon lalis mon annan Onorab Noline Sophola.

 

HON NOLINE SOPHOLA

Bonzour Minis ek ou delegasyon.  Bonzour tou dimoun ki a lekout.  Minis mon’n aprann ki bann staff SFA, napa drwa vin bann propriyeter lapes akoz konfli lentere.  Mr Speaker vi ki SFA i en parastatal, e i ganny gouvernen par en Board, eski sa i aplik pou bann Manm Board osi? Minis eski ou kapab dir sa Lasanble konbyen Manm Board ki propriyeter bato, e ki ou Minister i anvizaze fer pou tir sa konfli lentere dan ou Minister?

E mon 2enm kestyon se ki Minis, ou Minister i entegre bann zenn lo progranm My First Job lo Mahe.  Eski ou pe mazin annan en plan pou bann zenn lo La Digue – sirtou La Digue ek Praslin – sirtou bann ki pa’n kapab ganny aksepte dan pos-segonder, me zot annan lentere dan lapes?  I annan propriyeter, parey lo La Digue ki zot  anvi pran sa bann zanfan, me zot annan serten rezerv – parey zot pa kapab pey en lasirans pou sa bann zanfan.  E sirtou parey dan movetan zot napa en pti reveni pou donn sa bann zanfan.  E osi lo La Digue bann peser artizanal pe vyei e pe diminyen e nou pe bezwen la relev.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker pou premye kestyon konsernan konfli lentere.  Wi mon aprann poudir SFA son staff pa ganny drwa angaze dan lapes evidaman –  parey ou’n dir akoz konfli lentere.  Me konsernan manm Board Mr Speaker mon pa tro sir.  Me solman mon panse lo la se ki ler manm Board, serten manm Board ti ganny apwente lo Board SFA zot ti ganny apwente akoz zot ekspertiz, zot involvement dan Lendistri Lapes ki deza ler zot ti ganny apwent it was known that they were involved in the  Fisheries sector.  So mon panse poudir lo sa premise then, petet i pa ti neseserman aplike pou zot.  Me solman SFA parey zot okouran nou’n fini gazet nou nouvo, sa nouvo Establishment Act mon panse avek Bills Committee.  E mon panse petet sa i ava en keksoz ki ava ganny get ladan – en.

Konsernan sa issue My First Job Onorab.  En bon kestyon.  I neseser ki My First Job i pa zis vin sa My First Job parey nou ete kot sa zenn i ava ganny zis sa serten sonm larzan ki ganny peye atraver Minister Lanplwa.  I pou bezwen annan en progranm ki mars avek.  Kot sa zenn pou bezwen ganny sa lankadreman ; kot petet i ava en lankourazman pou bann peser pran bann zenn pou atas avek zot e pou zot  engage dan sa Sekter Lapes.

Me wi mon konpran i annan sa issue lasirans.  Me mon krwar sa issue lasirans i en keksoz ki nou kapab diskite avek Minister Lanplwa e si i annan okenn issue benefis ou kwa sa i en keksoz nou kapab diskite ansanm avek SFA, pou fer sir ki sa kad formel ki nou pou met an plas i a pran konsiderasyon spesifisite sa Lendistri Lapes e fer sir tou bann issues parey i ganny kouver.  Mersi Mr Speaker.

 

MR DEPUTY SPEAKER

Mersi Minis.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker mon kestyon pou Minis i lo fad.  Mon devret avan mon demann sa kestyon deklar en lentere Mr Speaker akoz mon trust the Island Conservation Society ki okip lanvironnman bann zil e mon osi Chairman Fondasyon Farquhar ki okip enn bann zil.

Minis ou’n mansyonn bomaten sa size fad e konman ou konnen i en size tre pre okipan pou lanvironnman dan nou pei.  E sirtou pou bann resif kot sa bann fad i vin reponn lapel.  E nou konpran ki atraver sa ki ou’n dir bomaten ki bann fad pe ganny redwir, me mon konsern e mon kestyon pou ou bomaten, se eski ou krwar ki en sistenm parey nou annan konmela kot bann bato i peye, i pey zil pou zil anmans zot fad ki zot,  zot pa anmanse zot menm malgre ki zot annan obligasyon anmanse.

Eski ou krwar ki sa set en keksoz soutenab? Oubyen eski nou devret bokou pli sever, avek bann bato ki met fad en attendant ki nou bann fad konpletman, ki nou vin bokou pli sever?   E ki bann bato ki depoz fad i pa anmans sa bann fad, e sa bann fad i al reponn lo nou bann zil e may nou bann koray eksetera, ki sa bann propriyeter sa bann bato, oubyen kaptenn sa bann bato pa devret sibir en pinisyon, ki kapab anmenn ziska prizon e sezi zot bato?  Akoz selon mwan si nou pa serye, nou pou kontinyelman fer fas a en tre gro problenm.  Mersi Mr Speaker.

 

MR DEPUTY SPEAKER

Mersi Onorab. Minis.

 

MINISTER CHARLES BASTIENNE

Mr Speaker, Onorab i annan rezon pou nou tre konsernen avek sa zafer fad.  Mon krwar ki i preokip nou sirtou apre ki ti annan sa bann ekspedisyon ki ti fer Aldabra ek nou lezot zil,  lakantite debri ki ti ganny anmase.  E nou fransman pou dir ou si ti posib pou ban fad dan son totalite, nou ti fer li.  Me konman ou konnen se ki nou belong to IOTC Indian Tuna Commission, 32 pei i ladan e en konsansis ki tonm lo la a sak fwa – nou ti pe pouse parey mon’n dir dan mon entervansyon pou fer redwir fad.  Pa bliye apepre 4 5an pase ti napa kontrol lo la kantite fad.  In anmennen kot in vin 350 ki la in desann i vin 300.  Nou, nou  ti a swete i vin 200 e apre ti a desann i vin 150 eksetera.

Me konplikasyon avek fad osi, se ki ziske ler ki zot devlop teknolozi pou lapes, nou pe vwar osi avek restriksyon ki annan lo yellow fin ki ler ou pou fer free school sans pou ou tyonbo plis yellow fin e an retour zwenn ou quota pli vit i bokou pli gran.  So therefore ler ou lapes avek fad malgre ou pe tyonbo pwason ki bokou pli pti osi, me sans pou ou kapab avoid otan yellow fin anba fad i posib pou achieve sa.

Me lo kote severite parey mon’n fer dan mon entervansyon, nou’n dir poudir gro penalti pou ganny poze lo propriyeter bato e son master si zanmen zot fad i ganny trouve abandonnen kek par lo nou resif oubyen lo lans Sesel.  So se sa kot nou pe ale sa direksyon.  Malgre ki IOTC pa oule al dan menm direksyon kot nou ti a swete, me nou konman en pei souveren, nou pe met an plas sa kad, pou nou deal avek sa bann fad.  E enn fason pou fer li se parey mon’n dir nou pou annan bann individual marking of bann items ki ganny servi pou fer fad.

So en bout banbou i tonm lo lans si fad in kase in dezentegre ou pa pou konnen pou ki.  Me lo sak morso banbou i ava annan son marking avek IOTC number sa bato.  So sa i ava ed nou pou nou kapab kontrol sa.  E donn zot sa rezon pou fer sir poudir zot anmans zot fad.  E non pa ki letan ou’n aret servi en fad ou zis tir sa transponder avek sa bwe lo la ou kit li open sea kot i ale lanmenm.  Non. Ou a bezwen parey bann supply vessel pou le moman i deplway bann  fad, zot a bezwen annan zot mekanizm pou zot anmas zot fad.  Mersi Mr Speaker.

 

MR DEPUTY SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Chair.  Bonzour Minis ek ou delegasyon.  Minis ou’n fer resorti ki dan sa plan pou annan en lakonpannyen ki pou ganny set up, pou kapab ed bann peser avek zot marse.  Eski – mon ti a kontan konnen Minis, eski nou pou al en pti pe pli lavan dan sa plan, an vi ki Sesel son pwason i ganny kategorize konman bann meyer pwason lo nivo enternasyonal, e nou konnen poudir pou le moman, nou bann marse pwason isi i atraver zis de ou trwa lakonpannyen prensipal.  Eski sa Lakonpannyen pou al dan sa laliny marketing pou ouver bann debousman enternasyonal, pour ki nou pwason i ganny sa akse rekonesan ki i gannyen aletranze, pou annan plis biznes kapab ganny fer?

E dezyenmman Minis ou’n koz lo VMS ki bann bato pou oblize annan a lavenir.  Eski bann peser artizanal ki zot, zot annan zis 40mil notik, zot pou oblize osi annan en sistenm VMS abor?

E dernyerman Minis nou’n koz lo bann bato lwazir ki lapes.  Nou konnen poudir Seselwa i dan son kiltir nou otour lanmer, e i annan bokou Seselwa ki annan li en pti bato ozordi. Ok?  Menm si zot kapab anploye me selman zot pe fer sa aktivite apre ler, eski  osi pou ganny gete dan en fason ki zot kapab osi kontinyen anmenn sa pwason, akoz zot osi zot pe kontribye pou fer ki zot, zot pa pou ganny penalize dan zot aktivite menm si zot pa’n fer li lo en baz komersyal?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker lo kote lakonpannyen parey mon’n dir enn son bann rol se pou li fer marketing apre pou ede dan branding nou pwason.  Mon krwar poudir i kler poudir valer nou pwason aletranze, pe gradyelman perdi son valer, konpare avek sa ki i ti ete en bon pe letan pase.  E nou ekspekte pou redinamiz sa ki sa lakonpannyen i a kapab fer marketing en pe parey nou annan nou STBC isi nou ava annan nou dimoun ki a ganny anploye full time pou fer marketing pou lavant nou pwason.  E donn valer pwason Sesel – ki dayer i enn ki sipoze ganny rekonnet byen lo nivo mondyal.

Mr Speaker konsernan bato artizanal, menm bann ki al within 40mil wi zot pou bezwen annan  AIS oubyen VHF.  Parey mon’n dir se ki tou bato ki al lo lanmer i endispansab ki zot pou annan sistenm VMS, AIS oubyen VHF.  Sa pou nou kapab konnen kote nou bann bato i ete a tou moman e pou rezon sekirite osi parey mon’n eksplike.

Mr Speaker Onorab in fer sorti en pwen ki valab konsernan nou bann dimoun ki petet in aste en bato, i al rod son bouyon.  Petet i annan serten keksoz an plis ki petet i anvi vann pou supplement son income.  Mon krwar sa i en keksoz ki nou pou bezwen get byen e revwar.  Akoz dan sa plan i fer provizyon ki bann dimoun ki lapes – well ki lapes mwen ki 16 zour par mwan dan vann nor, e 12 zour par mwan dan vann swet, zot pa pou gannyen en license me zot ganny en permi.  E avek permi ou pa ganny drwa vann pwason so evidaman ou pou an defayans.

Mon krwar ki ou pwen Onorab sa i en keksoz ki nou ava ale nou ava travay lo la.  Petet i annan en fason kot nou pou kapab vini pou bann dimoun petet ki tonm dan sa kategori kot zot pe rod pou supplement zot income sirtou bann ki al lo lakot.  Nou pa pe koz bann ki al lwen.  Bann ki al lo lakot sa i en keksoz ki nou ava regarde pou nou kapab come up ek en mechanism pou li.  Mersi Mr Speaker.

 

MR DEPUTY SPEAKER

Mersi Minis.  Onorab Phillip Arissol.

 

HON PHILLIP ARISSOL

Mersi Mr Speaker.  Bonzour Minis ek ou delegasyon.  Eski Minis i kapab eksplik sa Lasanble dan ki fason sa Comprehensive Plan pou ede fer desann pi lavi sirtou letan nou pe konsider la kantite larzan ki Gouvernman pe depanse dan konstriksyon karbiran?  Epi eski Minis i kapab dir sa Lasanble si dan proze ki Gouvernman pe al fer Anse Boileau, pou osi enkli en bwe mouyaz pou bann peser an deor lapas Anse Boileau epi en fasilite pou bann peser sarze e desarz zot bato Anse La Mouche letan mare i ba?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker eski sa plan pe pran konsiderasyon pou fer desann pri lavi an vi kantite konsesyon ki nou pe donnen?  Mr Speaker letan ou pou analiz sa plan, ou pou vwar se ki nou pe viz ver lapes soutenab.  Setadir nou oule ki bann dimoun ki aktivman pe rod zot lavi avek Sekter Lapes, zot kapab ganny zot lavi.  E se sa bann dimoun osi ki ava benefisye avek konsesyon karbiran.

E ki nou ekspekte nou se ki en bon pe dimoun baze lo sa definisyon ki nou’n vin avek en bon pe dimoun pa pou neseserman kalifye pou konsesyon karbiran.  Bon dan sa plan Onorab, Mr Speaker,  nou’n fer provizyon ki nou’n dir nou’n konmans travay lo en mekanizm pou nou ankouraz nou bann dimoun pou zot manz plis pwason.

E parey mon’n fer sorti se ki ozordi dimoun pe prefere pou manz lavyann enporte akoz i pli bon marse ki pwason.  I en tandans ki nou, nou bezwen pou nou sanz sa.  E mon pa travay dan lasante me san dout i pe kontribye towards sityasyon lasante nou pep osi.

E vwala kot nou pe al etabli en mekanizm ki nou pe travay lo la pou nou ankouraz dimoun pou manz plis pwason.  E nou ekspekte dan sa prosen 6mwan ki devan nou come up avek sa apre ki nou’n fini fer analiz inisyal lo tou sa bann keksoz ki nou pe al met an plas.  E sa ki mannyer i pou marse.  

Whether i pou link avek karbiran or ki lezot incentive ki pou mars avek sa i en keksoz ki nou ava donn plis leksplikasyon enn fwa nou’n fini travay lo la.   Me i nou swe konman en Gouvernman pou nou fer sir fer desann pri pwason – enn.  E dezyenmman fer sir ki nou bann dimoun i kapab konsonm plis pwason. Se sa lobzektif – the ultimate objective ki nou le achieve.   Mersi Mr Speaker.

 

MR DEPUTY SPEAKER

Mersi e lo kestyon bwe e fasilite.

 

MINISTER CHARLES BASTIENNE

Wi Mr Speaker, in sap mwan sa enn.  Anse Boileau nou pe regarde kote nou pou fer en landrwa pou debarkasyon.  Sa i en ki nou bezwen sort out ek Planning. Mon zofisye in fini vizite.  Me i annan serten keksoz nou pe clear avek Planning avan.  Sa i enn.

Apre dezyenmman konsernan bwe mouyaz.  Bwe mouyaz Onorab, mon konnen ou’n ekri mwan lo sa size, me ler mon ti fer mon bann zofisye al vizite nou pe vwar poudir nou pou annan serten difikilte avek sa.  Akoz ?  Se akoz lekel ki pou pran responsabilite enn fwa nou met sa bann bwe mouyaz.  Ou konpran?  Pou nou i pou pli bon ler peser Anse Boileau i fini organiz zot atraver lasosyasyon oubyen kwa kot zot a kapab pran sa responsabilite.

Si zanmen i arive ki i annan en serten problenm avek en bwe mouyaz i kase, i derape oubyen kwa –  issue se ki i pou responsabilite lekel.  Ou konpran? So la kot nou annan en pe difikilte.  Sinon nou ti pou fer li.  Nou kapab fer li.  Me nou,  nou anvi ki peser lo tou distrik partou kot pe demann proze zot organiz zot.  Parey mon’n dir nou anvi donn lasosyasyon plis valer en fason ki zot,  zot kapab involve pou zer serten laspe sa plan.  E sa dan konteks Anse Boileau sa i en keksoz.

Konsernan Anse La Mouche mon a fer en pti konsiltasyon.  Ok lo kote Anse La Mouche Onorab les nou a fer en evalyasyon lo la, akoz sa lalis proze ki mon’n anonse la i pa egzosiv.  Bann lezot proze ki pa pou kout sitan larzan i still kapab ganny konsidere.  E sa i en keksoz ki nou ava vwar avek mon bann zofisye pou nou konsidere  Onorab, apre ki nou a’n fer plis diskisyon avek ou ek bann peser Anse La Mouche.  Mersi Mr Speaker.

 

MR DEPUTY SPEAKER

Mersi Minis.  Onorab Chantal Ghislain.

 

HON CHANTAL GHISLAIN

Mersi Mr Speaker.   Mr Speaker Minis ou’n – dan ou prezantasyon ou’n koz lo enstalasyon VMS dan tou bann bato.  E aktyelman se selman bann bato semi endistriyel ki lapes banbara ki sa i obligatwar pou fer li.  E la ou pe demande ki tou bato i fer.  Minis mon kestyon, i eski ou kapab dir nou konbyen travayer ki pe fer sa bann enstalasyon dan sa bann bato pou le moman?  Ki kontrent sa bann travayer pe rankontre lo size lenstalasyon VMS e zot travay an zeneral?  Ki prospect i annan pou sa bann staff etandonnen ki bann travayer i ganny ekspoze avek radyasyon, e zot nivo radyasyon i ase o?

Eski Minis i kapab dir ek sa Lasanble ki plan Minister pou agrandi sa lofis aktyel ki zot pe travay ladan?  Eski zot in ganny kouver avek en lasirans lasante?  E finalman lefe ki i obligatwar ki sa bann staff i fer en medical test eski Minis i kapab dir ek sa Lasanble akoz ki sa bann travayer pa pe fer sa medical test?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker aktyelman dan seksyon VMS mon krwar zot annan de travayer ki travay dan sa seksyon VMS laba.  E wi i annan plizyer kontrent me avek sa plan i kler pou nou pou dir nou pe redouble nou zefor.  La kantite staff ki sa unit pou annan pou evidaman ogmante.  E ki nou ekspekte poudir dan sa prosen detrwa mwan ki devan nou i annan significant recruitment, ki pou al arive dan SFA, pou nou kapab enplimant sa plan.  I annan en kantite kontrent pou le moman pou nou kapab fer li me dan bann mwan ki pe vini zot pe al recruit staff pou zot kapab fer zot travay.

Dezyenmman Mr Speaker, Onorab lo kote, lo kote issue medikal, nou ava rode akoz zot pa pe fer li.  Me solman en keksoz ki mon kapab dir ou, lenstalasyon VMS nou pe ankouraze pou dir i annan lakonpannyen lokal ki angaze ladan ki en fason i pa pou vin zis en zafer SFA.

O kontrer SFA gradyelman i devret pe sorti ladan.  Malgre ki nou’n dir poudir premye lenstalasyon i pou free ek lekipman SFA ki pou donnen, me nou pe ankouraze poudir bann Lakonpannyen i a kapab fer bann maintenance and everything else ki annan pou fer avek sa progranm.  SFA tousel pa pou kapab load li  avek staff unecessarily pou fer sa.  Me sekter prive i a kapab fer sa travay ki annan pou fer.

Enn de bann mankman ki annan laba Onorab ki ou’n fer resorti mon ava take up avek SFA pou nou fer sir sa bann issues a ganny adrese. Mersi Mr Speaker.

 

MR DEPUTY SPEAKER

Onorab Ghislain.

 

HON CHANTAL GHISLAIN

Yes Mr Speaker, Minis in dir poudir zot pe al recruit staff e ou pa’n koze lo lefe ki deza zot lofis i pti e ou pe al recruit staff ki ou pe fer plan pou agrandi zot lofis.  Mersi.

 

MR DEPUTY SPEAKER

Mersi.  Minis.

 

MINISTER CHARLES BASTIENNE

Mr Speaker tousala in pran konsiderasyon akoz SFA, i annan serten plan lo ki fason pou akomodasyon an mezir ki nou roll out the plan.  Mersi Mr Speaker.

 

MR DEPUTY SPEAKER

Mersi.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Premyerman mon ti ava kontan demann Minis an term mekanizm finansman sa plan, parski nou’n antann poudir i annan bokou ki SFA pou bezwen fer.  I annan bokou SMSA pou bezwen fer.  Donk mon anvi Minis i dir nou zot pozisyon finansyel ouswa sours finansman pou fer sa bann keksoz ki pe prevwar pou fer?

E dezyenmman an vi ki Minis deza i annan  en Plan Konpreansiv Lagrikiltir pou delivre, la in vin avek en Plan Konpreansiv pou lapes,  mon anvi konn kapasite ou Minister pou delivre lo bann target ki sa Lasanble pe ganny dir pou akonplir ozordi?   Mersi Onorab.  Minis.

 

MINISTER CHARLES BASTIENNE

Mr Speaker an gran parti finansman Onorab sa plan pou sorti anba EU sectoral support.  Ok?  E parey zot konnen se ki tou le lannen anba nou protocol Lagreman ki nou annan avek EU, i annan en sonm en pti pe plis ki €5milyon anba sa.  E  2.5milyon i al pou bann issues pou fer avek the running of SFA e tou e 2.5milyon i annan pou fer avek bann proze direk.

Lapros ki nou’n pran la anba sa plan  ou ava vwar poudir tou sa ki nou pe fer nou le i tous peser e Sekter Lapes direkteman.  E vwala kot nou,  nou pou channel bann larzan ki annan.  Vwala kot nou,  nou channel bann larzan ki annan par egzanp i annan serten larzan ki pa ankor fini anba sa protocol ki ekspire an Zanvye 2020 ki nou bezwen servi by at least juin, juillet 2020.  I annan sa porsyon.  I annan en lot  drawdown  pou nou servi.  E tou sa bann larzan letan nou pou koste ansanm, i ava allow nou pou nou kapab enplimant sa plan dan son totalite.  E  nou’n fer serten kalkilasyon ; nou’n vwar poudir nou pou kapab. E menm si napa okenn difikilte ler nou renew sa nouvo protocol an Zanvye 2020, i ava allow nou osi pou nou draw, pou kapab kontiny finansman serten proze ki nou’n kapab konmanse sa lannen e boner lannen prosenn.  Ok ?

Dezyenmman Mr Speaker – Onorab, konsernan pou delivre lo bann target se sa lorganizasyon respektif an gran mazorite ki bezwen deliver lo sa ki nou’n dir la ; ki annan dan sa plan.  Sa plan i pou zot, sa plan i pou zot al enplimante.  SFA i konn tre byen ki poudir an gran parti apard bann issue ki pou fer avek bann regilasyon avek Polisi, sa i responsabilite Minister.  Me  bann keksoz lo teren e responsabilite SFA. Evidaman konman Minis, konman PS e zofisye Minister nou keep a very close eye, pou fer sir sa bann target ki nou mete i ganny achieve.  Sinon demen ou vin demann mwan lo nivo lasirans ki bor nou ete ek sa, mon pa pou kapab reponn ou.  E mon krwar poudir nou annan bann target ek implementation plan ase robust pou nou fer sir ki i arive.  Se pour sa ki nou konvenki, poudir tou sa bann proze ki nou’n anonse, nou kapab egzekit li dan sa prosen 3an.  Ok?  Ou’n dir mwan pou lagrikiltir osi nou annan en plan?  E la i rol Lazans Lagrikiltir pou enplimant sa plan.  Evidaman avek sipor ki sorti kot Minister, pou fer sir zot egzekit li dan son totalite.  E mon ekspekte pou World Food Day avek permisyon Mr Speaker, le 16 Oktob sa lannen, kapab vin fer en Deklarasyon kote nou ete avek sa plan Lagrikiltir.  Mersi Mr Speaker.

 

MR DEPUTY SPEAKER

Onorab Henrie.

 

HON GERVAIS HENRIE

Vitman Mr Speaker.  Prenon kont ki aprezan license fee pou lapes la i pey direkteman avek SFA ki aprezan i otononm, e sa prozeksyon i aprezan dizon 160milyon par an.  Ler ou pou’n tir dividend ki SFA i bezwen pey Gouvernman.  Ler ou’n tir larzan ki pou li run son lekor ki kantite larzan prezan li menm li SFA i pou met dan egzekisyon sa plan?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Onorab si mon’n konpran byen la ou’n kont zis license fee  – ok?  Apre ou annan sectoral support.  Parey mon’n dir sectoral support i annan € 5milyon.  € 5.2 oubyen € 5.3milyon.  So ou annan sa lot bout sectoral support ki pou ganny servi pou kapab enplimant sa bann proze.  Akoz i kler ki letan nou’n siny sa Lagreman sa € 5milyon, € 2.5milyon ladan nou bezwen diskit avek  Linyon Européen ki mannyer nou pou depans sa larzan.  Sa lot 2.5milyon i a la diskresyon SFA pou zot fer li.  So ler nou’n fer kalkilasyon nou vwar poudir SFA pa pou neseserman dan difikilte pou li achieve son objective lo kote finansmanOk?  Si i annan okenn shortfall fall par kont, sa i keksoz ki nou ava kapab diskite avek Minister Finans an term dividend.  Me an gran parti mon krwar Gouvernman ler nou prezant sa plan avek Gouvernman, Gouvernman i konsyan i vwar direksyon ki nou oule anmenn lapes, e mon krwar poudir nou pou ganny tou sipor neseser.  Mersi Mr Speaker.

 

MR DEPUTY SPEAKER

Mersi Minis.  Onorab Wilbert Herminie.

 

HON WILBERT HERMINIE

Mersi Mr Speaker.  Bonzour Minis avek ou delegasyon.  Minis vi ki ou’n dir ki la kantite tonaz pwason ki peser pe anmennen pe kontinyelman redwir, e ou’n koz en pe lo My First Job pou bann zenn etidyan ki pe sorti kot Lekol Maritim, kwa ki zot pe fer pou fasilit bann zenn pou kapab ganny akse avek sa development fund?  Akoz ou konnen pou zot al kot DBS i pran en  ta kalite difikilte pou zot pas ladan.  Kwa ki zot pou fer pou fasilit bann zenn ganny akse avek sa bann finansman pou zot kapab devlop sa Sekter Lapes e fer monte sa tonaz pwason?  Sa i enn.

2enm Minister mon pa’n tann ou tous en pe lo sa issue labwet, ki i en gran konsern avek bann kominote peser.  Kwa ki annan dan sa plan pou solve sa issue?  Epi mon trwazyenm kestyon i relate avek proze Rivière Anglaise.  Mon a dir ou mersi pou enkli nou bann fasilite ladan e osi lo kote Perseverance.  Me osi pa bliy sa bout kot nou ti vizite kot i annan sa zafer lalimyer Perseverans en.  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker mon krwar sa i en tre bon kestyon me solman i dan kad en pe parey kestyon Onorab Sophola.  Ki nou bezwen fer nou se ki malgre ou annan My First Job, eski ou zis kit sa zenn la avek sa reveni ki i gannyen tou le mwan kot i atas li avek serten peser?  Oubyen ou annan en progranm kot evantyelman sa zenn osi i a kapab ganny son pti bato.  Kot i a konmans ek son pti outboard mini mahe e gradyelman eventually li osi i ava annan son bato semen endistriyel.  Se egzakteman sa kad ki nou bezwen devlop avek li.  Parey nou pe fer avek lagrikiltir kot en zenn ki al lekol lagrikiltir apre 2an in lekol, apre 3an ki i al fer en attachement apre i kapab kalifye pou en morso later.

Se dan menm loptik ki nou pe pran li konmkwa ki si par egzanp sa zenn in involve dan My First Job i atase avek serten peser i konmans fer – i lapes avek sa peser evidaman pou en serten peryod letan apre sa ki in ganny leksperyans, then nou pou bezwen fer en Scheme, atraver DBS kot nou pou kapab ankouraz li e fasilit li pou li kapab ganny en loan pou li debrouy en kou lo li menm apre ki nou’n konnen in ganny lekspertiz neseser.

So sa,  sa kad ki mon pe koz lo la.  I pa pou zis al fer li anba My First Job parey lezot metye.  Pa ki i annan nanryen mal me Lapes ek Lagrikiltir i pli spesifik ver prodiksyon pou annan zot prop biznes.  Lo kote labwet Mr Speaker, sa pou ganny adrese enn fwa nou’n set up sa nouvo lakonpannyen.  Nouvo lakonpannyen pou engage li apard ki ice i pou involve dan labwet.  E garanti poudir  nou annan labwet pou nou bann peser pou zot gannyen pou fer zot travay.  E proze English River wi Onorab parey nou’n dir whatever ki nou’n dir nou pou fer pou English River, an plis ki i annan sa issue Perseverance ki ou’n leve ek nou.  Sa enn nou’n enkli nou’n deza enkli sa dan proze Perseverance.  E la nou ava enkli sa issue lalimyer ki ou’n mansyonnen.  Mersi Mr Speaker.

 

MR DEPUTY SPEAKER

Mersi Minis.  Onorab Francois Adelaide.

 

HON FRANCOIS ADELAIDE

Mersi Mr Speaker.  Bonzour a tous.  Minis ou ava dakor avek mwan ki Lasosyasyon Peser Baie Lazare i enn ki’n aktiv lannen pase e sa lannen.  E ler mon’n tann ou nonm tou bann proze dan bann lezot distrik mon pa’n tann okenn  mansyon pou distrik  Baie Lazare.  Eski ou konman  Minis ou kapab dir mwan si i annan okenn diskisyon e konsiderasyon tanzib lo lavenir lapes, ouswa bann lenfrastriktir dan nou distrik Baie Lazare ?  Mon’n tann ou dir Gouvernman pa devret ganny vwar pe asize pa pe fer nanryen.  Minis ou okouran poudir nou deza annan en lokasyon ki ti pou nou, e Gouvernman ti pran ti vann avek en prive.

Eski ou konman Minis ou pa kapab ed nou akoz nou annan de parties la.  Nou annan son met avan avek sa lot dimoun ki zot in vann li sa later.  Pou  ki ou ava tir sa dimoun ki zot in vann li sa later e nou,  nou kapab koz ek son met later orizinalman ki nou kapab ganny en bout landrwa pou nou kapab fer nou bann proze pou nou distrik?

Mon2 pti kestyon Minis.  Mon’n tann ou koze poudir dan sezon lapondant pou defann met kazye apre 6 er.  Eski Minister pe fer okenn, pe met okenn bann lenfrastriktir pou sa bann pese ki annan kazye pou zot kapab gard zot kazye akoz ou konnen ban zafer voler kazye i serye.  E si en dimoun i sorti ek son kazye anler dan leo i pa pou kapab retourn ankor pou li retourn ek son kazye anler dan leo.

Mon dernyen pti kestyon Minis, mon’n tann ou dir nou pe al met kontrol, nou fer sir poudir nou bann prodwi lanmer sirtou nou bann pwason nou bezwen vreman prezerv li.  E nou dan Baie Lazare nou annan sa problenm ki menm dan nou brizan nou deza annan bann expatriate ki deza pe eksplwat nou brizan.  So nou bann pti pwason pa pou kapab tournen pou li al grandi pou nou kapab ganny bann gro pwason.

Ki ou Minister pe fer pou fer sir ki i annan sirveyans pour ki sa bann pti pwason a kapab devlope e al dan – retourn petet dan kannal pou kapab grosi pour ki nou, nou ava ganny plis pwason?  Mersi.

 

MR DEPUTY SPEAKER

Mersi Onorab.  4 morso kestyon Minis si ou kapab reponn zot ase bref.

 

MINISTER CHARLES BASTIENNE

Ok Mr Speaker mon ava ase bref.  Fotespere i ava satisfer Onorab.  Wi mon konnen poudir lasosyasyon Baie Lazare i tre aktiv, e mon krwar poudir otan ki posib nou bezwen donn zot sipor posib.  Malerezman Onorab parey ou konnen issue se later.  Ok   Nou si nou kapab sort out sa problenm Baie Lazare nou a rod en fason pou nou kapab fer finansman pou nou fer devlopman pou Baie Lazare.

E mon konnen poudir case i avek Minister responsab pou Later, pou zot fer serten negosyasyon.  Mon pa kapab dir ou akoz mon pa’n verifye ki zistans zot in arive ek bann negosyasyon.  Be mwan mon kapab donn ou garanti.  Mon kapab donn garanti peser Baie Lazare ki enn fwa, nou’n sort out problenm Baie Lazare, SFA ansanm avek Minister nou pou rod en fason pou nou vin enplimant en proze pou zot parey ou’n demande.

Dezyenmman Mr Speaker, sa restriksyon lo zafer kazye dan serten letan lapondant i annan bann designated area ki pou ganny dir kote ki ou pa ganny dwa mete.  So i pa neseserman tou landrwa.  Me anba sa co-management plan My Plateau, i annan serten restriksyon zis pou serten landrwa.

So  sa ava ganny donn plis detay.  I napa zis sa zafer lapondant.  I annan konbyen kazye – tou sa bann keksoz osi i dan sa plan ki mon ti napa letan permet mwan pou mwan al an detay.

Apre bann expatriate lo brizan, wi i en konsern ki i annan plizyer peser dan nou konsiltasyon ki’n fer monte sa.  Mon krwar sa sel fason pou nou deal avek nou pe konmans koz avek Minister Lanplwa, ki mon krwar si posib pou fer sa konman en kondisyon lo zot permi letan zot vin travay.

E evidaman anba nouvo Lalwa co-management i annan serten groser pwason ki kapab ganny atrape zot osi zot pou kapab atrap  bann pti pwason.  Mersi Onorab.

 

MR DEPUTY SPEAKER

Mersi Minis.  Onorab Jude Valmont.

 

HON JUDE VALMONT

Bonzour e mersi Mr Speaker.  Bonzour tou koleg Onorab, Minis e delegasyon.  Minis mon annan 2 kestyon.  Premye kestyon i lo sa ler ou’n mansyonn IUUs avek korperasyon Departman Zafer Etranzer.  Mon ti a voudre ki keksoz ki ou annan dan ou plan ki konkret pou montre ki Foreign Affairs pou fer sa keksoz e ki ou Minister pou fer pou fer zot fer sir ki zot,  zot deal avek sa issue IUUs?

E dezyenm kestyon se ou plan, sa Plan Konpreansiv ki ou’n koz lo la ki mannyer pou konplemant sa Departman Blue Economy?  Akoz nou konnen ler mon’n tann sa – letan ki ou’n pran pou koze mon’n tann ou koz bokou lo fer Seselwa, ankouraz Seselwa manz plis pwason.  Be dan lanmer i annan bokou plis kalite prodwi.  E Blue Economy i ti sa konsep ki’n ganny konsevwar, pou fer sir ki nou eksplwat maximum posib nou resours dan lanmer.   Alor ki ou Plan Konpreansiv pe fer pou konplemant sa konsep Blue Economy?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker sa plan se plan Blue Economy an Prensip.  Ler nou koz lo lapes dan son totalite nou pe koz ki annan pou fer avek Blue Economy.  So i deza… So eksplwatasyon pou ganny fer a bann lezot resours sa i keksoz ki SFA i sipoze pe fer serten travay lo la pou vwar bann lezot potansyel.  Par egzanp zot in koze dan lepase posibilite pou nou eksplwat zob zonn, kalkal ek lezot.  Me an menm tan zot pe vwar osi ki mannyer nou kapab eksplwat plis krab delo sale? Wi krab ziraf.  So i tou sa bann keksoz ki SFA pou bezwen travay lo la.

An dot mo nou bezwen rod fason pou nou diversifye sa ki nou lapes.  E pou nou kapab diversifye sa ki nou lapes, nou bezwen fer resers e atraver resers pou nou vwar ki kantite sa bann resours ki nou, nou annan.  I posib nou annan plizyer lezot resours ankor me enn fwa ki bann resers i ganny fer SFA i konsantre lo son manda santral ki i sipoze fer then nou a kapab konn bann lezot resours ki pou pare pou nou kapab eksplwate.

Konsernan IUU Mr Speaker, Onorab – wi nou bezwen travay avek Foreign Affairs, akoz letan nou pe diskite letan nou pe vwar se ki kote sa bann bato i sorti, olye, olye  pou nou vwar zot zis letan nou vin dan lanmer.  I bezwen annan serten mekanizm ki nou, nou travay avek sa bann pei  konsernen, pour ki zot bato pa vin fer sa bann aktivite parey.  Mon pa pou al an detay.  Me i annan serten diskisyon ki nou’n konmans fer lo la, pour ki sa bann pei kot sa bann bato i sorti, serten aksyon i kapab ganny pran lo zot kote osi e vwala kot Foreign Affairs i annan serten diskisyon ki pe ganny fer lo sa laliny.  Mersi Mr Speaker.

 

MR DEPUTY SPEAKER

Mersi.  Onorab Valmont vitman.

 

HON JUDE VALMONT

Mersi Mr Speaker.  Mersi Minis pou ou repons.  Ler ou’n reponn i annan zis en pti kestyon ki’n monte.  Lo sa issue Blue Economy la en.  Minis mwan mon ti a voudre konnen bann dat, si zot in deza met bann dat spesifik parey nou dir resers.  Souvandfwa nou’n ganny dir i annan resers pou fer, me nou’n esper lannen apre lannen, nou pa’n tann rezilta.  Alor mwan mon ti a voudre konnen, si ou plan ler ou’n koze ek tou dimoun, si ou konnen apepre si ou kapab dir ek mwan ki bann resers ki zot pe al fer e en timeframe ?  Parey ou a dir mwan lannen prosenn ou pou al fer sa, sa, sa. Mon ti a voudre konnen.  Mersi.

 

MR DEPUTY SPEAKER

Mersi Onorab.  Bon mon krwar anvi kontrent letan vi ki nou pou annan en meeting Zedi si ou enterese mon asire Minis i kapab prepar tou sa bann detay avek sa bann timeline pou donn ou.  So wi so mon krwar zot kapab ganny sa bann kalite lenformasyon.  Selman la i pa ler pou donn tou sa bann detay.  Nou pou kontinyen.  Onorab John Hoareau.

 

HON JOHN HOAREAU

Mersi Mr Speaker.  Bonzour Minis avek ou delegasyon.  Minis taler ou’n nonmen ki SMSA pou fer bann travay, bann legzersis lo standar ek safety pou donn ban bato bann seaworthness certificate.  Minis eski ou kapab dir nou si zot annan en Scheme akoz keksoz ki mon krwar pou preokip bann pti peser deor, se ki si i annan en Scheme ki pou kapab ed sa bann pti peser pou aste bann lekipman neseser pou kapab vin compliant avek bann standar ki SMSA pou mete?  E osi Minis si ou kapab dir nou tre briyevman, ou’n dir ki zot pou fasilit Seselwa pou antre dan lapes endistriyel.  Ki bann mezir ki zot pou pran pou fer sa?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker mon krwar ki definitivman mon krwar nou pou bezwen met en sistenm.  Nou pa kapab dir ki konmkwa ki SMSA pou fer sir poudir sa bann bato i annan tou bann lekipman apropriye ki apre zot,  zot napa zot bezwen stand for themselvesSo nou pou set up en sistenm kot nou kapab fer li available locally pou zot meet the minimum standard sirtou bann pti bato pou zot kapab fer zot aktivite.

E apre, wi kestyon konsernan pou fasilit Seselwa pou antre dan lapes endistriyel; dan mon Statement mon’n dir nou pou vwar ki mannyer nou pou kapab travay pou fer sir poudir Seselwa i antre dan lapes endistriyel.  Pou le moman nou annan Seselwa ki involve dan long liner, industrial long liner fishing me purse seiner nou napa.  Parey mon dir se ki i annan ki’n eksprim lentere pou al ladan.  Me solman ki mannyer nou kapab konkretiz sa lentere pou kapab fer li vin realite.  E mon krwar osi sa i bann issues ki sipoze pe ganny diskite dan nou meeting ki nou pou fer avek IAC Zedi.  Mersi Mr Speaker.

 

MR DEPUTY SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Bonzour Minis, ou delegasyon.  Bonzour tou Manm.  Mr Speaker mon kestyon i koumsa.  Minis menm si peser pe fer tou sa kontribisyon zot pe anmenn – zot pe basically garanti ki pwason i ariv ater.  Me selman si en peser i ariv li en keksoz i ganny en sick leave, i pa vreman benefisye dan nanryen.  Oubyen si en peser a en tre zenn laz in ariv en keksoz ek li kot i pa kapab al lapes ankor napa okenn Scheme ki i kapab al anba la pou li benefisye.  Eski sa osi i en keksoz ki ou pe pran kont ler ou pe fer ou Plan Konpreansiv?  Mersi.

 

MR DEPUTY SPEAKER

Mersi onorab.  Minis.

 

MINISTER CHARLES BASTIENNE

Mr Speaker vitman.  Wi peser aktyelman mon krwar zot pe benefisye si mon pa tronpe avek R66 pou sak zour. Parey mon’n dir dan plan se ki pou aliny li avek minimum saler ki ganny donnen letan i annan sick leave pou nenport ki lezot travayer.  Rezon pou sa se akoz peser osi i annan nouvo definisyon.  Fodre zot pe angaze parey nou dir definisyon lapes komersyal sa 16 zour ek sa 12 zour dan vann swet ek vann nor respektivman.  So vwala kot nou pou konnen lekel sa bann peser ki angaze full time dan lapes.  So sa i pou vin baze lo sa nouvo definisyon.  Mersi Mr Speaker.

 

MR DEPUTY SPEAKER

Mersi.  Onorab Flory Larue.

 

HON FLORY LARUE

Mersi Mr Speaker.  Bonzour Minis ek ou delegasyon. Eski Minis i kapab dir nou konbyen kontribisyon finansyel ki Linyon Européen in fer dan lepase spesifikman pou pey bann maren Seselwa ki’n travay lo bato lapes endistriyel ki fer plito bann lapes ton?  E kan sa ti ganny peye pou atir plis peser profesyonnel Seselwa espesyalman la ki Minis in dir nou ki i pe look forward pou trouv Seselwa pou envestir dan sa sekter.  Mon ti  a kontan osi demann Minis in koz bokou lo bann pti proze toultour pei dan son prezantasyon.

Dan pou Anse Royale in dir nou,  nou pou kapab ganny en slipway.  Deza in koz bokou lo sa bann proze par dekrir ki bann pti proze.  Nou Anse Royale nou’n ganny en pti bazar.  Me prezan mon ti a kontan demann Minis nou’n tann sa amount 78milyon pou tou bann proze ki in mansyonnen.  Par kont lannen pase Minis ti mont Praslin e i ti diskit avek Praslin Fisheries Development Committee pou depoze pou fer lasose artizanal, ek bann lenfrastriktir pou lapes parey ice plant, gear shop, bazar pou Baie St Anne ek Grand Anse Praslin.  Sa de proze ti sipoze ariv 60milyon dan son totalite.  Alor ki mannyer i kapab prezan dir ki pou tou sa bann proze dan son plan  i pou ariv 78milyon ?

E an pasan Mr Speaker atraver ou, mon ti a kontan kekfwa demann Onorab Sophola pou koz ek son parti pou rann sa bout later US ki dan larantre por La Digue pou kapab plis zenn ganny en loportinite lanplwa Mr Speaker, akoz parti US in pran sa later e pe anpes devlopman lapes dan La Digue !  Mersi Mr Speaker.

 

(Interruption)

 

MR DEPUTY SPEAKER

Onorab la i letan pou nou demann Minis kestyon.  Mon  a permet sa de kestyon avek Minis.  Minis.

 

(Interruption)

 

 

MINISTER CHARLES BASTIENNE

Mr Speaker.

 

MR DEPUTY SPEAKER

Minis ou annan la parol.

 

MINISTER CHARLES BASTIENNE

Mr Speaker mon kontinyen?  Antretan zot fer zot bann largiman antre zot.  Mr Speaker konsernan, Mr Speaker konsernan bann proze Onorab, proze ki Baie St Anne avek Grand Anse Praslin ti le fer i bann proze ki zot ti a swete ganny fer lo en peryod letan ase long.  E kot zot ti pe menm regarde eski nou kapab ganny finansman avek JICA pou enplimant sa proze.  So proze ki mwan mon pe koz lo la, i pa menm proze.  Proze si ou koleg Onorab Grand Anse Mahe ti reste dan meeting Sanmdi pase, e non pa kite akoz i pa ti satisfe then (Grand Anse Praslin) sorry, then i ti reste dan meeting e non pa kit meeting pou li ale i ti ava’n konpran sa proze ki nou le fer.

 

(Interruption)

 

 

MR DEPUTY SPEAKER

En pti moman Minis i annan en point of order.

 

HON WAVEL RAMKALAWAN

Mr Speaker koman Leader LDS dan sa Lasanble, mon bezwen dir avek Minis ki Manm Onorab Wavel Woodcock ti bezwen kit meeting, akoz i ti bezwen vin Mahe pou li pran avyon pou li reprezant Lasanble Nasyonal dan Parlman Afriken!  Mersi bokou.

 

(Interruption)

 

 

MR DEPUTY SPEAKER

Mersi.  Minis ou kapab kontinyen.

 

MINISTER CHARLES BASTIENNE

Mr Speaker me avan mon kontinyen mon krwar mon nou bezwen put the record straight.  I enportan ki Onorab Lopozisyon avek tou respe ki petet Onorab pa’n dir ou i ti vin dan meeting apre detrwa minit letan nou’n dir li size ki nou pe al diskite i ti tap laport e i ti ale!  

 

(APPLAUSE)

 

MINISTER CHARLES BASTIENNE

So mon krwar pa si i ti pe al pran avyon.  Ok ?  So vwala. E sa kot in mank en mank respe pou zofisye Gouvernman ki ti pe vini pou donn zot lenformasyon.

Bon, Mr Speaker wi parey mon ti pe eksplik Onorab se ki proze Praslin i ti  sipoze le de Baie Ste Anne avek Grand Anse i bann proze ki zot ti oule fer a long term kot i pou kapab annan mobilizasyon lo fron enternasyonal.  Me nou nou’n santi poudir nou bouze ek proze Baie Ste Anne lo en pli pti lesel.  Ok?  Se pou sa rezon ki a proze Baie Ste Anne pa pou osi gran parey ti pou ete inisyalman.  Mon kapab dir ou nou kalkil i bon.  Kalkil ki nou fer i bon.  Ok?  E ki sa proze Baie Ste Anne vwala ki mannyer i pou ete.

E lo kote Grand Anse ti nou plan pou nou fer proze Grand Anse Praslin me malerezman, i pa malerezman nou pou fer li proze Grand Anse Praslin apre ki EIA i ganny konplete akoz zot pe egzize ki i annan en class (1) EIA i ganny fer pou proze Grand Anse Praslin.

Apre dezyenmman konsernan ou kestyon inisyal lo kote industrial fishing Lagreman normalman ler en peser Seselwa i al lo lapes bato endistriyel i en Kontra ki ganny sinyen ant sa peser avek sa Lakonpannyen bato endistriyel ki anploy li.  Me anba Lagreman se ki i pa devret pe ganny peye pli ba ki minimum saler ki ILO i set ki mon krwar i en zafer 25 swa $25 plus tou bann lezot benefis ki zot gannyen ler zot travay lo bato.  So whatever Lagreman benefis ki zot pou gannyen i esansyelman depan lo Kontra ki li i annan avek sa bato spesifik.  Me par kont, par kont Lotorite Lapes Sesel i ganny peye en sonm $20 par zour pou de lekipaz zour ki napa Seselwa abor bato etranze ler zot pe lapes dan nou delo.  E sa larzan letan i anmase i al direkteman dan en fon avek SFA ki sipoze, me pa pe ganny fer pou le moman, ki sipoze ganny servi pou ale pou towards training nou bann manrmay ki pou al kot MTC a lavenir parey nou’n dir anba sa nouvo plan.  Mersi Mr Speaker.

 

MR DEPUTY SPEAKER

Mersi. Onorab Larue.

 

HON FLORY LARUE

Mersi Mr Speaker.  Mersi Minis pou larepons.  Lo sa plan Praslin i annan 2an depi ler Minis pe prosede avek sa bann negosyasyon.  E an plis ki sa nou vwar i plito zis promes!  Parey Anse Royale i annan 15an i annan en plan pou devlop Sekter Lapes dan Anse Royale ziska ozordi nou annan en ptipti bazar parey ou pe dir Minis ki pe overflow.  Glacis li i ankor pe esper son proze bazar ek bann lezot lenfrastriktir pou lapes.  E Bel Ombre li i pe tonm an rin net !  Alor Minis mon plito vwar plito promes akoz Sekter Lapes in ganny abandonnen net.  Nou vwar plan apre plan me naryen pa ganny enplimante.  Ziska prezan tou sa ki ou’n donn nou tou sa lalis la i devret an plas dan nou pei!  Mersi Mr Speaker.  Mersi Minis.

 

MR DEPUTY SPEAKER

Mersi Onorab.  Pa en kestyon me selman si ou le fer en komanter Minis.

 

MINISTER CHARLES BASTIENNE

Wi en bref komanter.  Onorab sa ki nou’n dir dan sa plan la i pa promes li.  I bann keksoz ki nou pe al delivre lo la!  Ou’n nonm mwan Anse Royale.  Problenm ti annan ek ice plant. Nouvo ice plant mon’n dir ou by Desanm.  Nou a regarde Desanm eski nou’n fer nou pa’n fer, oubyen si fodre esper ziska 15an.

Dezyenmman mon pa’n dir ou nou pou al slip Anse Royale mon’n dir ou nou pou al fer en lasose Anse Royale lo en baz ase ti ptipti – pa gran pou deservi bann peser Anse Royale.  Glacis zot la anler zot ganny reprezante zot konn  tre byen poudir nou’n finaliz diskisyon avek zot, ki zot oule nou fer pou zot Glacis e ki nou ekspekte dan sa prosen 2 a 3 semenn plan outline i ganny mete dan Planning Authority pou nou kapab ganny approval.  Vwala kot nou ete Mr Speaker, e mon krwar pe demontre poudir nou pa pe zis promet!  Mersi.

 

MR DEPUTY SPEAKER

Mersi Minis.  Onorab Paul Ernesta.

 

HON PAUL ERNESTA

Mersi Mr Speaker.  Mr Speaker, Minis ek ou delegasyon, tou bann koleg Onorab, tou dimoun a lekout, bonzour.  Mr Speaker Minis dan son prezantasyon in mansyonn konsernan laspe soutenabilité sa Lendistri kot in koz ti annan 438 bann bato artizanal la nou pe koze, kot in monte e vin 735.  E an menm tan nou vwar ki osi i annan en rediksyon lo ka kantite catch ki’n annan dan sa area.

Apard ki in mansyonn bann netwayaz ki pe al fer lo la kantite bann bato ki annan, ki bann lezot mezir akoz sa i trakasan en.  Ki bann lezot mezir ki i pou al met an plas pou asir soutenabilité dan sa Lendistri dan sa area lapes artizana ki mon pe koz lo la?  E apre in koz osi lo bann sipor bann loan ki pe donn bann peser ?  Par egzanp si nou annan en peser son masin i kase kot i kapab al atraver Labank Devlopman kapab ganny sa lasistans.  Ki bann montan spesifik ki zot annan swa zot reste ouver, i baze lo demann sa peser?  E an menm nou rekonnet ki nou bann peser pa neseserman bann dimoun ki account savvy si ou le konn fer byen bann tranzaksyon finansyel kot nou vwar kot Labank Devlopman bokou fwa i demann bokou bann kondisyon kot parey bezwen al fer financial Statement letan i fer laplikasyon son loan pou li gannyen.

Me pou zis en pti pyes masin, sa i pran li bokou letan.  Napa en fason pli vit ki kapab fer sa ki konman sa dimoun i ganny, i annan son demann i kapab fer son laplikasyon pou li ganny asiste?  E apre lo kote sa Lakonpannyen ki pe al formen anba ki i pou tonbe? Eski i pou tonm anba SFA?  Swa i pou vin en antite separeman lo li menm?  Mersi Mr Speaker.

 

MR DEPUTY SPEAKER

Mersi Onorab.  Mon krwar dernyen morso kestyon in deza ganny kouver par Minis atraver larepons in donnen pou Onorab Ferrari.  Me selman mon a permet Minis reponn sa premye 3 kestyon.

 

MINISTER CHARLES BASTIENNE

Mr Speaker lo kote soutenabilité Mr Speaker, se ki presyon ki nou’n konstate i plis lo plato Mahe.  E solisyon pou sa se ki i pou al en pe pli lwen, ki en fason i ava ede tir sa bann presyon lo plato Mahe.

Dezyenmman konsernan bann zafer loan, pou processing maximum ki anba FDF i donnen i R3milyon.  Me en bon pe nou bann peser i pran loan anba SMA Scheme swa avek DBS ouswa avek bann lezot labank.  E parey ou’n demande bann pti loan ki pou fasilit keksoz pou bann peser ler masin i kase oubyen ler pou ranplas masin.  Se pou sa rezon ki nou pe pran en porsyon sa larzan anba FDF ki nou pou dedicate li pou nou kapab make available en fon ek DBS ki bann pti peser i a kapab call upon.  Nou nou pou al travay avek DBS pou nou annan en very simplified fason by  which dimoun i kapab aksepte sa fon.  Si zot bezwen en pti loan R10mil, R25mil whatever the case may be, zot pou kapab akse sa through sa fon DBS ki nou ava set up anba FDF.  E vitman Mr Speaker konsernan nouvo lakonpannyen evidaman i ganny set anba Companies Act e si i annan en parent Ministry ki i pou raport avek, mon panse i en keksoz ki either Minister Finans oubyen Minister Lapes.  Mersi Mr Speaker.

 

MR DEPUTY SPEAKER

Onorab Clifford Andre.  En moman Onorab Andre.  Onorab Sophola en kestyon oubyen en point of orderProceed.

 

HON NOLINE SOPHOLA

Mr Speaker point of order anba 56(1).

 

MR DEPUTY SPEAKER

Anba lekel?

 

HON NOLINE SOPHOLA

56(1).

 

(Interruption)

 

MR DEPUTY SPEAKER

56 (1).

 

(Interruption)

 

HON NOLINE SOPHOLA

Mr Speaker –

 

 

(Off-Mic)

Espere.

 

HON NOLINE SOPHOLA

Ki espere, taler ti espere.  Pa ti zis met on?

 

(Off-Mic)

Koze, koze

 

MR DEPUTY SPEAKER

Ok ou annan laparol.  Ou annan laparol.

 

HON NOLINE SOPHOLA

Mr Speaker koreksyon ki Onorab Larue in fer.  Anba mon non napa en later Parti Lepep oubyen US ki anrezistre anba mwan!  Fodre i rod byen son leksplikasyon silvouple avan ki i fer nenport demagozi dan Lasanble!  Mersi.

 

(Interruption)

 

MR DEPUTY SPEAKER

Ok.  Non mon pa pe al.  Tenny ou mic silvouple.  Mon pa pe permet okenn deba.  Nou annan en limited time lo la.  Ou’n dir ou napa en later e nou pou bezwen carry on.

 

HON NOLINE SOPHOLA

Wi Mr Speaker selman mon oule ki tou dimoun i konnen!  Mersi.

 

(Interruption)

 

 

MR DEPUTY SPEAKER

Onorab Sophola ou’n fer ou pwen.  Tenny ou mic silvouple.  Mersi bokou.  Onorab Andre proceed.

 

HON CLIFFORD ANDRE

Mersi Mr Speaker.  Mr Speaker nou kontan ki dan sa plan Anse Aux Pins i figir aktivman e Minis in donn nou sa garanti kot nou pou hold him to his word pou Anse Aux Pins pou delivre dan nou bazar.  E anvi ki dan sa devlopman bann progranm ki Minis in met devan in koz lo pou netwayaz bann bazar ki asire ki i annan lizyenn.  Eski i annan bann mekanizm?  Akoz nou’n vwar dan nou meeting ki ti annan se en fwa i ganny fer apre pa konnen lekel ki sipoze fer.  Ki mannyer fodre fer.  Eski sa i ganny pran kad anba la, pou kapab fer sir ki i annan en mekanizm ki pou asire non pa zis dir ki sa i fodre ganny garde dan en form ki izyenik.  Me pou asire ki swa SFA, Local Government lekel ki pou ede pou gard sa dan en form izyenik?  Mersi.

 

MR DEPUTY SPEAKER

Mersi Onorab. Minis.

 

MINISTER CHARLES BASTIENNE

Wi Mr Speaker parey mon’n donn garanti Onorab Anse Aux Pins avek Au Cap ki letan nou ti zwenn, Onorab Pillay, se ki proze Anse Aux Pins nou’n diskite.  Nou’n tonm dakor lo plan final, e mon ekspekte ki by semenn prosen pli tar plan Anse Aux Pins i ava dan Planning Authority pou approval –  parey nou’n diskite nou on target.

Konsernan lizyenn kot bazar, mon panse ki letan nou pe bouz de lavan, nou dir nou pe rod en fason pou nou kapab empower lasosyasyon, donn zot en serten keksoz ki zot kapab zere.   Me pou le moman bazar i tonm anba responsabilite Minister Lagrikiltir – serten apre serten i tonm anba Local Government.  Me sa i en keksoz ki nou, nou pou vwar what is the best model.

An vi ki Anse Aux Pins i pa pou annan zis en bazar pou pwason.  Me osi pou annan en bazar pou legim, sa i en keksoz ki nou ava diskite closer ansanm avek kominote, fason ki nou pou kapab fer li pli byen.  Mersi Mr Speaker.

 

MR DEPUTY SPEAKER

Mersi Minis.  zis pou lenformasyon dimoun ki pe ekoute e Manm.  Mon ti’n dir ki nou pou al ziska midi, me vi ki i reste ankor detrwa, mon krwar nou pou fini la me selman nou ava ale ziska posibleman midi en kar, midi 20.  Prosennman lo mon lalis mon annan Onorab Charles De Commarmond.

 

HON CHARLES DE COMMARMOND

Mersi Mr Speaker.  Mr Speaker, e bonzour Minis ek ou delegasyon.  Eski dan sa Plan Konpreansiv ki Minis in donn nou la eksplik nou Lasanble, eski Gouvernman pe osi vwar posibilite ki sa Konpannyen ki i pe koz lo la pou ganny fer pou lapes, i pou kapab ganny serten plas e permisyon lo serten zil elwanye, pou annan en sub base pou ed li kapab zer pli byen son tranzaksyon lapes, e ogmant eksportasyon e redwir lo kou?

A menm tan lo kestyon nou Lendistri Ton ek son bycatch ki kantite an term poursantaz ton ki ganny lapes dan delo Sesel, e ki mannyer nou pou fer ki bann bycatch i reste Sesel lefe ki plis ton i ganny lapes an deor delo Sesel?

E dernyerman en pti kestyon ki mannyer ou Minister pe travay avek SMSA pou revwar skippers license lefe ki lo son pri ki ozordi i 10mil R500 e zistans 10mil notik lanmenm la an deor Mamelles.  So ki mannyer ou pe vwar sa si ou le re dinamiz sa Sekter Lapes?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker sa issue konsernan nouvo Lakonpannyen pou annan bann sub base lo outer island mon krwar i en very good idea.  I ava ede lo bann lespes ki nou pe targete pour ki nou peser i a kapab targete olye retourn all the way pou vin dan por Victoria pou vin unload.  Then i ava en posibilite parey ti annan byen lontan kot zot kapab annan bann baz modern lo bann zil elwanye.  Me sa i en keksoz ki nou ava diskite e mon ava anmenn dan laporte Gouvernman an konsiderasyon pou fer sir ki nou ogmant kalite pwason evidaman ki ganny lapes.

Konsernan bycatch Mr Speaker, Onorab bycatch i annan en Polisi ki Gouvernman ti’n travay lo bycatch.  Me apre nou’n konstate nou pou annan serten difikilte an vi ki apepre 80poursan sa bann bycatch pa ganny lapes dan nou delo. Me plito lo en baz negosyasyon dan nou bann Lagreman ki nou pe al fer, nou pou fer sir poudir sa zafer bycatch i lo nou azanda pou nou diskite ki en fason ki vi ki Gouvernman pe ankouraz bann lizin lokal pou al fer valer azoute about sa bann bycatch ki zot ganny aprovizyonnen pou ganny sifizaman bycatch.   So  i pou vin en laranzman mityel ki nou a gannyen anba Lagreman avek sa bann propriyeter bato, bato endistriyel.

Dezyenmman skippers license Mr Speaker mon krwar sa i en  – vi ki SMSA pa  tonm anba mon responsabilite i tonm anba Minister ki responsab pou Transpor, vwala kot nou a bezwen diskit avek zot en fason ki vi ki pou annan bokou plis license ki pou ganny donnen la son soutenabilité pou zot petet osi i ava ede pou zot kapab fer desann zot license.  Me sa i en keksoz pou Minister ki responsab pou transpor Maritim kapab pronons son lekor lo la.  Mersi Mr Speaker.

 

MR DEPUTY SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.   Mr Speaker mon ti a kontan demann Minis lefe ki dan lepase nou’n tann koz lo en gran plan epi nou’n ganny dir en Plan Stratezik.  E la Minis ou pe vin avek en Comprehensive Fisheries progranm.  Minis dan prozeksyon Bidze 2019, zot ti fer nou konnen poudir a ler enstan lagrikiltir avek Sekter Lapes i pa ankor ganny byen piyoritize nasyonalman.  E zot in mansyonnen osi poudir zot annan bann difikilte akoz mank korperasyon bann Lazans.  Minis ki garanti ki ou pe donn lepep Seselwa  e dimoun dan sa biznes ki ozordi la tou keksoz pou ok?

E Minis i annan en keksoz ki nou’n tann ganny koz lo la dan lepase se sa vilaz peser ki ti pou ganny fer lo en zil.   E dan ou prezantasyon ou pa’n tous lo IDC pou nou konnen en pti pe ki kote nou ete avek sa progranm e ki involvement nou bann zil vizavi devlopman lapes dan Sesel?  Mersi.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, Onorab mersi pou sa bann kestyon.  Sa plan ki nou’n fer i en Plan Konpreansiv akoz nou’n fer nou mye pou nou kapab tous tou sekter, tou kous dan lapes kot i neseser.  E vin avek bann solisyon pou plizyer sa bann problenm ki zot pe rankontre.  Eski i pou ganny enplimante oubyen zis i pou reste en plan?  Definitivman mon pa vwar okenn rezon akoz sa bann keksoz ki nou’n dir dan sa plan pa realizab within sa dele letan ki nou nou’n dir.

E laplipar sa bann keksoz ki nou nou’n dir dan sa plan i keksoz ki nou kapab vwar.  Nou pa pe neseserman apard ki banbara ki nou dir nou pou al fer letid, laplipar keksoz i bann keksoz tangible ki nou kapab vwar ki nou dir i pou arive dan en serten peryod letan.

So nou pa pe zis koz lo en lot plan me nou pe koz lo aksyon ki nou pou al pran pou nou al fer redinamiz sa Sekter Lapes.

Onorab malerezman mon pa konn gran keksoz konsernan sa Vilaz Peser, e mon de zofisye ki la avek mwan osi zot napa lenformasyon konsernan Vilaz Peser ki ti pou annan lo zil elwanye.

Me mon panse atraver kestyon ki Onorab Leader of Government Business in demann mwan la, se ki mon’n dir nou ava ale.  Mannyer nou pou travay avek IDC i en keksoz ki mon ava anmenn a latansyon Konsey Minis. Ki mannyer nou pou kapab travay ansanm pou nou fer sir poudir nou bann zil elwanye zot osi zot swe en rol vizavi pou nou kapab ogmant nou la kantite lefikasite ek zefor ki nou pe mete anver Lendistri Lapes.  Mersi Mr Speaker.

 

MR DEPUTY SPEAKER

Mersi. Onorab William.

 

HON WAVEN WILLIAM

Mersi Mr Speaker.  Mon anvi demann Minis si i annan en dekoneksyon an term lenformasyon?  Akoz sa size Vilaz Peser lefe ki Leader of Government Business in leve, i en size ki plizyer Lasanble oparavan in tous lo la.  E mon vwar drol ki dan sa Plan Konpreansiv nou pa pe koze lo la.

Akoz – enn – se ki nou pe touzour pe dir ki lespas Mahe i limite, e ler ou regarde i vreman ankonbre.  So potansyel i reste lo nou bann zil elwanye.

So mon ava demann Minis pou pran sa an konsiderasyon.  Akoz letan ou pe koz nou en Plan Konpreansiv Minis nou pe mazin en plan pli larz ki sa!  E lot size se ki ou’n koz petet i annan bann resers i baze lo 6mwan ouswa lo bann reser ki ganny fer oparavan ?  Akoz mon asire poudir i annan en bon pe data avek lenformasyon ki’n la oparavan.  Akoz ou’n dir ou menm ki SFA pe al selebre 35an.  Mon mazinen poudir i annan en bon pe lenformasyon ki la ki nou kapab travay lo la !  Mersi.

 

MR DEPUTY SPEAKER

Mersi Onorab.  Bon vi ki Minis in pran not sa bann konsern ki ou’n mete sirtou vilaz e progre vizavi bann Lazans travay ek kanmarad pou delivre.  Mon asire Zedi petet sa i en size ki Minis i kapab donn plis lenformasyon lo la.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mon ti a kontan demann Minis – Minis  prenon kont difikilte pou bann kominote peser, ki trouv zot dan bann distrik, spesifikman la mon pou koz lo Glacis avek peser La Retraite.  Ou’n koz lo sa Plan Konpreansiv pou Glacis, eski zot kapab donn en garanti ki lenplimantasyon sa plan, pou ganny fer dan dele letan ki’n ganny dir pou ganny fer, e ki bann peser i ava aret servi en winch pou fer monte zot kannot ouswa zot bato ler zot sorti lapes. E ki dekouraz lezot dimoun antre dan sa sekter.

E pou La Retraite ozordi nou ankor pe vwar bann peser pe vann pwason lo bann crate.  Eski zot pa kapab fer en keksoz kantmenm tanporer kot sa bann peser i a kapab ganny en landrwa konvenab pou vann zot bann pwason ler zot antre ?  Akoz annefe zot peser ki lapes parmi bann pli zoli pwason sirtou bann pwason  demersal parey bourzwa, vyey eksetera.

Mon ti a kontan demann Minis prezan dan lenplimantasyon ou plan ki mannyer ou pou angaz bann Lasosyasyon Peser ki pou vin ou lizye ou zorey lo lanmer ki kapab vwar ki pe pase?  E ki kalite response ou pou donn sa bann manm sa Lasosyasyon ler zot donn SFA oubyen Lotorite konsernen lenformasyon kot zot pe vwar bann bato pe lapes swa ilegalman, swa bann aktivite ilegal ki zot pe vwar lo lanmer?  Mersi Mr Speaker.

 

MR DEPUTY SPEAKER

Mersi Onorab.  E vi ki ou pe koz lo – ou’n mansyonn La Retraite mon ti a kontan zis port a latansyon Minis osi pa zis bann pwason ki pe vann lo  bann crate, me ti annan en plan ki Minis i okouran ki zot ti koz lo la ansanm ek peser, mon ti la dan meeting.  Kot zot ti koz osi lo lezot fasilite ki enkli fouy sa labe kot peser i vini.  Louvraz ki’n konmanse ki’n kit dan semen ; fasilite annan en ice plant e elektrisite ek delo avek ponton pou bann peser.  Tousala pa ankor ganny fer.  Mon pa ekspekte ou al tro an detay me selman zis don nou en gidans lo kot zot ete lo la.  Mersi.

 

MINISTER CHARLES BASTIENNE

Mr Speaker si mon a pran La Retraite premye i ladan.  Tou sa ki ou’n dir i dan nou plan pou nou al met ponton, i dan nou plan pou met en ice plant, i dan nou plan pou nou fer en pti bazar obor  sa.  Akoz ou pa bezwen gran keksoz La Retraite, e ki nou’n fini fer design bann bazar, bann prototype ki nou anvi servi dan bann pti sou distrik. Nou annan bann design ki nou’n fer lo la,  ki nou’n fer.  E mon ekspekte parey mon’n dir se ki bouz lo la.  La Retraite petet Mr Speaker mon krwar si mon pa tronpe proze pou fouye mon krwar in konplete.  La pas osi in agrandi e tou.  So mwan mon krwar poudir byento La Retraite nou a kapab met li anba kontrol.

Lo kote Glacis fransman pou dir nou se ki letan mon ti fer vizit ansanm avek peser e osi ansanm avek Onorab Esparon, pou vwar bann dimoun Glacis parey zot pe fer enn de lezot landrwa Anse Aux Pins osi, pe saroy zot masin dan  bomaten.  Aswar pran met lo likou.  Osi pran zot pwason koup semen pou ale pou al met dan en fasilite lot kote semen, mon pa krwar sa i akseptab.  E se pou sa rezon  ki mon pe fer fason ki sa proze Glacis evidaman i ganny bann priyorite, top priority.

Apre dezyenmman pou nou kapab enplimant li nou ekspekte nou pa ganny gran difikilte avek Planning rezon ki kot nou  le fer sa roze i lo bor lanmer.  I annan enn de bann proze konblaz.  I annan breakwater ek enn de lezot keksoz pou nou fer.  Nou pa ekspekte ganny gran difikilte avek Planning me le moman ki Planning i ava bouze pou kapab donn nou aprouvasyon neseser nou pou bouz avek sa proze.

Apre Mr Speaker Onorab in demann mwan ki mannyer nou pou angaz bann lasosyasyon.  Lasosyasyon nou anvi ki zot vin nou lizye, nou zorey lo lanmer pou zot kapab donn lenformasyon SFA.

Dan nou bann meeting ki nou’n fer avek bann peser, zot in dir konmkwa SFA pa trust zot.  La nou pe montre zot atraver nouvo fason fer keksoz nou trust zot.  Nou anvi zot rikorde e dir nou bann catch information.  Nou anvi dir nou lekel bann peser ki lapes.  Lekel bann peser ki pa pe meet bann kriter parey nou pe etabli lo en baz regilye.

En laliny kominikasyon avek bann lasosyasyon pou ganny ouver, pour ki nou kapab ganny bann lenformasyon ki nou bezwen ki pou ed SFA pou kapab fer zot travay bokou pli byen.  Mersi Mr Speaker.

 

MR DEPUTY SPEAKER

Mersi Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon panse ki enn bann eleman ou plan se ki pou ankouraz Seselwa manz plis pwason.  So ki zot pe fer pou kontrol oubyen pou regard dan leksportasyon pwason sirtou bann pwason, nou bann pwason pli ser parey bourzwa.

E pou ankouraz peser pou atrap plis bann pwason ki ozordi peser pe ganny difikilte pou ganny en marse konvenab, par egzanp bann pwason parey karang, bekin.  Ki nou ti a kontan ankouraz plis dimoun pou manze.  Me si en peser pou al lapes bekin e i pou vann  bekin a en pri ki pa fer sans e i pa tir son fre, ou pa pou ankouraz peser pou al fer li.

So  be eski dan ou plan ou’n regard sa eleman pou asire ki i annan en marse e pou kontrol leksportasyon pwason dan en bann fason ki pe arive ozordi?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker pou kontrol eksportasyon pwason, sa i en keksoz ki nou pou bezwen diskit avek Trade.  Akoz nou bezwen fer sir ki poudir nou pa an defo avek serten laspe ki annan pou fer avek WTO.  Sa i en keksoz ki nou ava diskit avek Trade.  Me solman Onorab pou reponn ou kestyon wi parey mon’n eksplike boner nou’n dir ki nou pou annan – met an plas en sistenm en mekanizm pou nou ankouraz nou dimoun manz plis pwason.  Pou zot manz plis pwason fodre pwason i abordab.  E vwala kot dan sa laspe sekirite alimanter tou le 4 fakter nou a fer mannyer ki i ganny satisfer, setadir nitrisyon,  aksesabilite accessibility, affordability e apre sa issue nitrisyon. So vwala avek pri evidaman ki nou ava fer sir ki i ganny satisfer. Se sa kot mon dir nou pe travay lo sa kad pou nou met an plas en sistenm ki a pran nou en pe letan, me disi dan 6mwan, nou ava dan en pozisyon pou nou proklanm nou lekor lo la.   Mersi Mr Speaker.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon premye kestyon i an relasyon avek sa ki Onorab Pillay in mansyonnen.  Ki nou pe fer egzakteman pou nou dan sa plan la, pou nou re build nou stok pwason?  Eski nou annan plan pou nou met serten restriksyon serye   Par egzanp ban leksportasyon bourzwa e pou ki nou pep i kapab re manz bourzwa a en pri bon marse e non pa R500, R600 ki zanmen zot pou kapab?

Alor ki zot pe fer pou re konstrir stok pwason?  Lo nivo aqua culture eski kote vreman zot ete an relasyon avek bann danze ki sa tel kalite lapes i – (ki mannyer mon pou apel sa ?) Aktivite i kapab anmennen tel ki antibyotik, polisyon dan nou lanvironnman natirel, increase shark activity –  tou sa bann keksoz.     Eski zot pe pran sa an konsiderasyon?

Maritime School.  Pou le moman Maritime School i pe plito prepar zenn seselwa pou al lo tankers.  Ki zot pe fer pou ki Maritime School zot prepar zenn Seselwa pou vin peser e pou ganny en lavi?  Apre de pti pwen ankor Mr Speaker.

Policing.  Nou pe koz tousala.  Be eski nou annan ase zofisye SFA pou police tou sa bann aktivite ki nou pe fer?  ki lo kote Mahe, Praslin, la Digue e menm an deor dan nou losean ?

E lo size fad Mr Speaker.  Minis mon pa aksepte ki Sesel i zis bezwen ekout IOTC.  Tou keksoz ki nou pe gannyen la, Sesel li osi tou i kapab met son lipye ater, pou li dir la kantite fad fodre redwir !  E Minis la tou bann manm lo Komite Zil ou menm ou ou’n mansyonnen Aldabra.  Minis fads pe detri nou bann resif.  Fads pe detri sa ki nou apel nou lanvironnman natirel !  Alor in ler pou Sesel pran en pozisyon serye pou nou kapab protez nou lanvironnman.

E finalman Mr Speaker mon anvi demann Minis lekel ki ansarz SFA?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker mersi.  Onorab ou demann mwan ou ti pe fini ekrir sa bann issues ki’n leve pou mo fer sir mon pa mank nanryen.  Pou re build stok pwason Onorab i annan en management plan.  En, plito nou pe koz lo Mahe Plateau Management Plan ki’n dan son staz final.  Annefe i annan son premye co-management faz enn ki – parey mon’n dir se ki bann mezir ki pe ganny pran premyerman se ki bourzwa pa pli mwens ki 32 santimet pa ganny drwa tyonbo.  Menm zafer avek zob.  Mon’n anonse letan mon’n fer mon entervansyon lo la.  So i annan bann mezir ki pe ganny pran lo la.

Me lo size eksportasyon sa i en keksoz ki nou ava diskite ki nou bezwen diskit avek Trade.  I pa konsern zis mon Minister me sa ki mon kapab dir ou se ki i annan en bon pe mezir ki osi to ki Management Plan Mahe Plateau i finalize then nou ava fer piblik, dimoun ava konnen bann mezir ki pou ganny pran pou tir en pe presyon pou nou kapab re build nou stok.  Konsernan aqua culture.

Aqua culture parey mon’n dir se ki depi 2011 si mon pa tronpe i annan serten travay ki pe fer lo sa laliny.  Travay lo kote lokal, enn de bann lenfrastriktir ki sipoze ganny fer i dan son bann staz final.  E nou ekspekte si tou keksoz i al byen, i ava petet konmans at least montre kwa ki’n ganny fer petet apartir Oktob sa  lannen.

Eski tou bann danze bann difikilte, tousala mon krwar in ganny pran an konsiderasyon.  Bann dimoun konsernen ki travay dan aqua culture, zot in al plizyer bann sesyon, bann workshop tou bann keksoz aprann ek bann lezot pei kot in fer aqua culture, pou nou aprann pou nou fer sir poudir,  sa aqua culture i pa vin en danze, parey ou pe dir.  So nou ekspekte ki zofisye konsernen ava petet at the right moment vin an detay lo tou bann mezir, ki pe pran pou fer sir bann issues antibyotik e tou bann posibilite reken e tou pa vin en problenm.

Lekol Maritim Mr Speaker se pou sa rezon ki nou’n dir poudir nou bezwen al donn latansyon spesyal recruitment nou bann zenn pou al dan Lendistri Lapes.  Wi i vre ki deza SEYPEC i annan en progranm avek Lekol Maritim, e mon krwar i overdue pour ki Minister Lapes oubyen SFA i annan en progranm osi avek lekol Maritim pou nou ganny zenn pou partisip dan Sekter Lapes.

Konsernan policing, mon krwar mon’n fer sorti boner konmkwa pou fer tou sa bann keksoz nou ki nou’n dir, pou fer bann monitoring neseser.  Nou’n dir ki i pou neseser ki nou anploy staff an plis lo nivo SFA, bann enforcement officers, bann inspectors.  Me si ou pe koz lo policing lo nou lanmer dan son totalite sa i en keksoz kot parey mon’n dir dabor – enn;- nou bezwen met a an plas sistenm kot tou bato i annan VMS.  Nou a konnen kot tou nou bato i ete a en moman donnen.

Dezyenmman nou pe eksplor posibilite pou al avek teknolozi modern.  Par egzanp droneSFA in deza fer en pilot study lo la.  Malgre ki zot pa tro, tro satisfe avek the outcome of it me solman peser pe fer serten modifikasyon pou kapab kontiny sa letid.  Apre nou’n koz lo bann imaging satelit ki mannyer ki pou ede pou SFA pou kapab fer enserten travay lo la.

Me i osi enportan lo nivo sekirite lo nou lanmer i annan NISCC National Information Sharing Coordination Centre ki’n ganny set up.  E son rol prensipal se pou police – pou zer whatever aktivite ki pe pase dan nou lanmer.  E laba sa i tonm anba Minis pou Zafer Entern kot i a  kapab donn, mon krwar in deza don plis detay pou konnen poudir i en sant kot ou pou annan plizyer bann diferan Departman ki pou baze dan sa sant enkli SFA.  Pou nou kapab fer nou travay konzwentman konman en pei.

Apre konsernan IOTC wi nou kapab pran serten mezir drastik parey nou’n dir.  Mon’n anons serten aksyon ki nou,  nou pou al pran konman en pei pou nou kapab sey kontrol bann fad baze lo kestyon ki Onorab Georges in demann mwan.

Me kestyon ki reste se ki ou bezwen balans li. Si nou konman en pei demen nou dir be bon nou,  nou pou ban fad.  Ki nou pou vwar nou?  Nou pou vwar parey nou’n vwar dan serten ziridiksyon dan la rezyon kot napa permisyon lapes, zot pou plas zot fad zis an deor nou teritwar.  Zis an deor nou teritwar sa bann fad ava ganny plase e zot ava atann ler petet pwason migratwar i bouze e lala kot pou al endup kot nou, nou kapab perdi serten reveni evidaman me an menm  tan nou vwar poudir malgre a pran zot en pti pe plis letan me zot pou achieve zot lobzektif pou zot ganny zot pwason.

So we need to be mindful e konsyan lo bann lezot konsekans ki annan si nou pran serten desizyon.  Vwala kot nou,  nou pe dir si ou met fad dan nou delo nou pou bezwen fer sir ki sa bann fad i ganny byen marke, nou konnen kot i sorti.  Ki si zanmen nou anmase i annan bann heavy fines ki pou atase avek.

E ou dernyen kestyon Onorab ou’n demann mwan lekel ki ansarz SFA.  Wi i annan omwen 3mwan, 2mwan ou 3mwan depi ler CEO SFA in resign.  Bon CEO SFA, nouvo CEO SFA pa ankor ganny apwente, pou la senp rezon se akoz ti annan travay ki nou pe fer lo sa Plan Konpreansiv, pou nou konnen ki direksyon nou pou anmenn SFA.

La nou nou’n fini konnen direksyon ki SFA pe ale, i pe al konsantre lo son core fonksyon pou li al lo zesyon nou bann resours maritim, pou li fer resers, i pou azir konman Lotorite regilatwar parmi lezot.  So therefore la nou, nou konnen ki kalite dimoun ki nou, nou anvi konman CEO SFA.

E la konman nou’n fini la, nou fek fini travay lo sa plan, la nou ava dan en pozisyon prezan pou nou fer prosedir neseser pou recruit atraver Board SFA, pou zot recruit sa dimoun ki nou anvi pou vin konman sa CEO SFA, baze lo nouvo lapros ki nou anvi pran dan lapes.  Mersi Mr Speaker.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon anvi demann Minis, depi Lendepandans se ou parti politik ki’n  diriz sa pei apre le 5 Zen. Retir 11 mwan ladan.  Toultan zot in annan bann diferan plan ki’n ganny prezante.

Anba Minis Charlette avan ou ti annan plan.

Mr Peter Sinon ti annan plan.  Tou in annan bann plan ki pou rezourd.  Ki si sa ki fer ou krwar ki an 2019, dan en moman kot apre tou sa bann plan ou a aksepte avek mwan ki nou tou nou pe dir zafer i sal –  ki an 2019 avek sa Plan Konpreansiv ki ou’n anonse keksoz pou diferan ?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER CHARLES BASTIENNE

Mr Speaker, Onorab mersi pou sa kestyon. Sa plan i en Plan Konpreansiv parey mon’n dir, i tous tou lapse ki annan pou fer avek lapes, depi zesyon resours, depi bann fasilite lenfrastriktir ki bezwen pou  fer marse sa Lendistri Lapes.  Pandan sa dernyen 6mwan nou’n asize, mon Minister ansanm avek zofisye senior kot SFA nou’n diagnose konpletman bann problenm ki annan dan Lendistri Lapes.  Nou’n fer bann konsiltasyon avek plizyer bann peser dan tou rezyon Mahe, Praslin, La Digue.  Nou’n fer konsiltasyon

avek bann lezot expert ki involve dan Lendistri Lapes.  E apre ki nou’n fer tou sa konsiltasyon nou’n vin avek en plan ki an gran mazorite peser in dir nou ki bann problenm ki annan e ki zot ti a kontan vwar adrese.  Kwa ki diferan avek lezot plan Mr Speaker?

Onorab Leader Lopozisyon, sa plan i en plan aksyon!  I pa en plan ki dir nou bezwen al devlop tel, tel keksoz pou nou kapab fer tel keksoz arive.  Sa plan nou’n dir la en lalis proze ki nou anvi fer dan tou sa bann distrik dan sa prosen 3an, by konmans sa lannen nou bezwen al fer e  nou bezwen al fer !  Nou’n dir poudir dan sa prosen 6mwan SFA pou bezwen travay avek son bann partener, pou zot kapab come up avek en plan formel konsernan Ilegal Unreported ek Unregulated Fisheries.  Sa i bezwen ganny fer.

Sa plan i dir konmkwa ki enn fwa pou tou nou bezwen rod e fason pou nou aret labi  lo karbiran.  In dir ki nou bezwen fer apartir Zanvye 2020, nou bezwen vin avek en solisyon pou nou kapab fer sir ki sa R30 ekek milyon ki pe al dan fuel, i byen ganny servi, ki an retour nou bann konsonmater i benefisye.  Sa pla i dir ki konmkwa ki nou bezwen met an plas en sistenm ki mon’n dir dan sa prosen 6mwan nou bezwen fer li, pou nou kapab ankouraz nou Seselwa pou manz plis pwason olye lavyann.

Sa plan i dir konmkwa ki kot nou pe vwar poudir sekter prive pa pe neseserman antre avek lavites ki i devret antre, nou bezwen come up e fer en lakonpannyen ki pou kapab tanporerman i ava belong pou Gouvernman apre nou ava vann shares pou nou kapab sov sa Lendistri Lapes.

Dan son totalite sa plan li i pa zis en plan ki pe vin dir bann keksoz ki pa realizab! Tou sa bann keksoz i realizab e zot, zot kapab hold nou accountable pou sa bann keksoz within the timeframe ki nou, nou’n dir. Mersi Mr Speaker.

 

MR DEPUTY SPEAKER

Mersi Minis.  Bon e avek sa nou’n ariv a lafen sa sesyon lo sa Deklarasyon par Minis. Onorab Ferrari.

 

HON JEAN-FRANCOIS FERRARI

Mr Speaker mon ti a kontan follow-up lo sa lanons ki mon ti fer bomaten e konfirmen ki nou pou rankontre pou diskit avek reprezantan Minister Lapes.  E Minis pou la ek son PS lo sa Plan Konpreansiv.  Me nou pou met en lanfaz en pe pli spesyal lo bann negosyasyon pou renouvle Lakor Lapes e bann kestyon ki annan pou fer avek lapes endistriyel ton.  Me selman tou Manm i ganny envite pou zot partisipe e mon’n demande ki SBC i kouver li.  Pou le moman i paret pozitiv. Alors mon ava envit tou Manm Zedi bomaten 9er e tou piblik ki enterese avek size lapes pou zot osi pou tune in.  Mersi.

 

MR DEPUTY SPEAKER

Ok.  Mersi pou sa update Onorab Ferrari.  Bon i reste mwan zis pou remersye Minis ek son delegasyon ek tou bann Manm pou la fason ki zot in demann kestyon.  Mon krwar malgre ki nou’n extend letan en pti pe, mon’n kapab permet ase kestyon relevan avek sa Statement ki’n ganny prezante ozordi pou ganny poze.  E mon espere ki Minis in kapab donn ase klarifikasyon e byensir Zedi i ava annan ase klarifikasyon ki ava posib.

E avek sa Minis nou ava eskiz ou e ou delegasyon parmi nou.

(MINISTER CHARLES BASTIENNE AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

Bon in ariv midi edmi.  Nou pou adjourn ziska 2er kan nou pou kontiny lezot travay lo nou Order Paper.

 

 

(BREAK)

 

MR DEPUTY SPEAKER

Bon, bonn apre midi tou bann Manm Onorab, tou dimoun ki pe swiv Lasanble Nasyonal ozordi Mardi le 6 Out 2019.

Nou pe kontinyen avek travay, lo nou Order Paper.  E nou’n ariv lo item No. 5, ki ti statement par Minis.  Nou’n fini reponn kestyon.

Prezan parey mon ti eksplike bomaten, nou pou al lo Private Notice Question ki ganny poze par Leader Lopozisyon, Onorab Ramkalawan.

Alor mon ava demann Parliamentary Reporter pou silvouple apel Minis Pamela Charlette, ki Minis pou Labita, Later, Lenfrastriktir ek Land Transport.  

Bon, mon ti a kontan swet labyenveni Minis Pamela Charlette avek Mrs Fanette Albert ki Sekreter Prensipal pou Later, dan Lasanble Nasyonal pou sa PNQ.

E san tarde mon a demann Leader Lopozisyon, Onorab Ramkalawan pou poz son kestyon avek Minis.

 

HON WAVEL RAMKALAWAN

Mersi bokou Mr Speaker.  Bonn apre midi Minis avek ou PS.

Mr Speaker mon kestyon se.  Apre tou bann deba lo Later konble, promes ki Gouvernman in donnen pou repran bann morso later ki pa ankor devlope, e fer tou keksoz anliny avek regilasyon.

Eski Minis responsab pou Labita, Later, Lenfrastriktir ek Transpor lo Later, i kapab dir sa Lasanble;

  • Ki staz negosyasyon in arive pou repran bann morso later lo konblaz, ki ti lease avek lakonpannyen Mrs Sarah René Providence e ki ziska prezan pa ankor devlope?
  • Ki pe arive pou regilariz sa sityasyon kot later konblaz in ganny vann olye met lo lease

E finalman, pour ki sa morso later V11148 ki donn 8995met kare ki ozordi pe annan en devlopman lo la?  Mersi bokou Mr Speaker. 

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab pou ou kestyon.  Bonn apre midi tou dimoun a lekout e osi bann Onorab dan Lasanble.  Mr Speaker mon a pran premye kestyon.  Depi Zilyet sa lannen, lannen pase, Minister in konmans negosyasyon avek lakonpannyen Emerald Holding. 

E desizyon nou Minister i reste parey, pou nou kapab repran later avek sa lakonpannyen.  Swivan sa nou’n anvoy osi file kot Biro Attorney Zeneral pou konsider bann legalite lo laspe Kontra aktyel sa lakonpannyen.

So pou le moman son file i avek AG, e AG ki pe fer neseser an pran-nan konsiderasyon son bann kontra ki i annan, lagreman ki i annan avek Minister oubyen Gouvernman.

Pou 2enm kestyon, Mr Speaker later lo konblaz ki orizinalman later Gouvernman, i ganny kalifye anba diferan litilite.  Sa ki an Angle nou apel land use.

Pratik Gouvernman i si later i ganny klasifye koman rezidansyel,  sa later i kapab ganny vann freehold.  Par egzanp Perseverance kot i annan bann lakaz rezidansyel lo la.

Parey Onorab in servi sa term later konblaz ki’n ganny klasifye pou litilite komersyal tourizm endistriyel ou lwazir.  Oubyen menm ki nou apel mix use.  Ant sa bann litilite ek rezidansyel i ganny lwe lo bay.  Ki nou apel leasehold.

Mr Speaker mon bezwen fer kler ki i pa en pratik komen pou Gouvernman vann sa bann later.  Bann later ki komersyal  me plito nou lwe li.  Parmi enn nou bann target pertinan se revwar Lalwa State Land and River Reserves Act.

Nou pe osi travay pou met an plas bann policy e regilasyon ferm ki pou legalman ankadre bann bon pratik lo lease later.  E nou an diskisyon avek Prokirer Zeneral, ki pe osi travay lo bann lease agreement,  pou fer li en pti pe pli, pli robust.  Dapre lenformasyon ki nou, nou annan,  dapre nou rikord i annan zis 4 later konble, parey zot pe dir ki klasifye pou litilite komersyal ki’n ganny vann freehold dan plas lwe li.  E sa 4 later i enn Roche Caiman ki ti ganny vann an 1996.  Nou annan 1 ki ti ganny vann an 2008.

E i annan 1 an 2016.  E 4enm set en later ki nou ti, ki nou ti fer exchange avek en Seselwa, pou nou kapab ganny en, en parcel Plaisance pou nou kapab konstri lakaz lo la.  E sa se 2 blok, 12 younit Plaisance.

Sa bann propriyete in ganny vann, sirtou sa 3.  Sa 3 premye, sa 2 premye in ganny vann san kondisyon ki pou permet Gouvernman repran sa bann later.

Dan sa, dan sa ka Lalwa pa fer li posib pou Gouvernman repran later apre ki in vann, ki in vann olye lwe.  Vi ki sa bann propriyeter zot deza annan Lagreman, e zot annan en drwa konstitisyonnel pou zot devlop zot later.

3enm kestyon Mr Speaker.  Pou sa morso later V11148, sa later parey kestyon in demande.  I pou Mrs Laura Valabhji ek Mr Mukesh Valabhji.  E, e sa later in ganny lease le 19 Desanm 2003, avek Caiman Properties Limited.  Mersi.s

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker, mon ti ava kontan premyerman demann Minis.  An relasyon avek kestyon No. 1, i parey li menm li in dir.  I fer en pe plis ki 1an, e se pou sa rezon ki mon’n demann sa kestyon la.  Parski pou swiv Standing Orders, i fer, i fer plis ki 1an, depi ki Gouvernman ti anonse ki poudir pe negosye.

E Minis la in dir avek nou, i annan serten Lagreman ant sa ki lease avek Gouvernman.  Eski nou ti ava kapab konnen ki, ki sa bann lagreman.

E la mon anvi dir Minis, tout an prenon kont,  ki i annan bann later ki ordinerman zot donn dimoun 24 mwan pou devlope.  E ki si zot pa devlope, later i ganny repran.

E alor ki kalite lagreman ki egziste ki pe anpes zot repran sa bann later?  Dezyenmman mon ti ava kontan Mr Speaker, si Minis ti ava kapab donn nou detay sa 4 morso later ki Gouvernman in vann, olye lwe?

Donn nou detay bann propriyeter.  Parski mon trouv li en pe drol ki parmi tou sa bann kare later ki i annan, i annan zis sa 4 ki Gouvernman in trouv li neseser pou li vann, olye pou li lwe.

Alors mon ti ava kontan ganny detay.  E mon dernyen kestyon Mr Speaker,  mon ti ava kontan konnen avek Minis, ki privilez ki son Gouvernman, oubyen, mon konnen in vin avan ki li i ti Minis, me selman i ou corporate responsibility,  pou donn Mrs Laura ek Mukesh Valabhji en morso later ki donn 2 arpan, beachfront.  E an menm tan kan Mr Valabhji avek son lakonpannyen, zis par devan sa kare zot par devan sa V11148, zot annan en lot kare, ki kot Intelvision i ete, ki donn 1 arpan.  Ki konmsi zis la i fer ki zot annan zot 3 arpan later.  Tandis ki, mon konn bokou bann biznesmenn ki pe rod en pti morso pou zot kapab fer en devlopman.

Eski Minis, e spesyalman osi Mr Speaker, ki pandan tou sa bann lannen, sa morso later pa’n devlope.  Eski ti napa okenn kondisyon ki atase avek en peryod letan, pou zot devlop sa later sankwa Gouvernman pou repran? Mersi bokou Mr Speaker.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab pou ou kestyon.

Ou premye kestyon Onorab ler mon dir lagreman se nou lease agreement ki nou annan, ki nou donn sa dimoun ler nou pe lwe sa bout later.

E malerezman lease agreement i pa, i pa ti robust parey nou oule fer li la konmela.  Ti napa, sa ki fer difisil se ki ti napa bann kondisyon ki pou fors sa dimoun devlop sa later.

Par egzanp nou pe dri development covenant, ti napa.  E ti napa en letan, pa ti donn ni en letan pou li kapab devlope.  Se sa ki fer li pli difisil pou nou kapab pran sa bann bout later.

Me selman parey mon’n dir, AG’s office, whoever ki dan lakonpannyen, AG’s office pou fer son le neseser pou get byen sa lease agreement, pou gete si i annan okenn breach ladan.

Me nou at a glance ler nou’n gete, nou pa’n vwar okenn breach ladan ki nou kapab vreman dir, poudir nou kapab pran sa bout later ek li.

So sanmenm sa ki file ki in anvoye kot AG’s office pou li kapab met en pti pe plis lizye lo la.  Ok.  2enm kestyon, detay sa 4 bout later ki ou’n demande.  Premye sa enn i V9046, Roche Caiman.

V9046, Roche Caiman, ki ti ganny vann avek Mr Lutha, e apre li in transfer lo Downtown Properties Limited, Valabhji.  Yes.

2enm se V16938, Ile Du Port, e sa ti avek Jj Spirit an 2008.    H12365, Ile Du Port menm.

E sa nou ti transfer li lo Seychelles Pension Fund pou en proze spesifik pou Gouvernman, ok?  Apre i annan V21015, Roche Caiman, e sa nou ti fer li an exchange pou sa bout later Plaisance kot nou pe fer lakaz lo la.

En proze Gouvernman ankor.  2 blok, 12 younit ki nou pe fer pou bann zabitan dan distrik.  Owner Mr  Yugi Chen, en Seselwa – en Seselwa.

 

 HON WAVEL RAMKALAWAN

 (Off-Mic)

En Seselwa?

 

(Interruption)

 

MINISTER PAMELA CHARLETTE

Mr Speaker, mon kapab kontinyen?

 

HON WAVEL RAMKALAWAN

Ou kapab kontinyen Minis.

 

MINISTER PAMELA CHARLETTE

Ok.  3enm kestyon mon krwar ou’n demann mwan,  ki privilez Mr Valabhji i annan?  Onorab sa mon pa pou kapab dir ou.

Akoz pou mwan, mon napa okenn larepons pou mwan donn ou.  Akoz pou mwan mon pa vwar okenn privilez ki nou’n afford li.  Ki mannyer in ganny son 3 bout later.

Onorab mwan mon pa kapab comment en keksoz koumsa, ki mon pa konnen!  Ou konpran?

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Yeah.  Mr Speaker, mon krwar ki i kler, ki poudir i annan en pwa de mezir parey nou pe dir, kot serten dimoun i ganny tou later ki zot anvi e tandis ki lezot pa gannyen.  Mr Speaker mon anvi demann Minis, etandonnen ki madanm, dan sa Lasanble nou’n fer kler zis lo sa morso konblaz la ki nou pe koz lo la, ki pran depi, apel li ron pwen Eden Island ziska Panjia.  Annou met li ziske laba lo sa morso later.  E letan ou regard osi enn de bann bout, Mrs Sarah Renee in annan li an tou plis ki 10 arpan.

Plis ki 10 arpan, ok?  Zis lo sa bout la.  Letan ou azout bann bout kot Airtel, kot in fer biro Airtel, kot in fer bann apartman Airtel.  Apre lo kote gos, bor kote, kot lopital, kot lopital i annan beachfront, ensidswit.

Mr Speaker eski Minis vreman i a pe dir nou ki son Gouvernman pa kapab pran sa bann later ki pa ankor devlope, avek sa lakonpanny e retourn li dan nou bank later ki nou annan?  Sa i mon premye kestyon.  Eski zot pa kapab fer en keksoz parey?

Dezyenmman, Mr Speaker, eski Gouvernman ankor enn fwa vreman pa ti kapab repran sa bout later pou Mr ek Mrs Valabhji ki donn 2 arpan beachfront.

E demande ki i fer egzakteman parey ki ansyen
Minis Dugasse ti fer, kan i ti retourn sa bout ki la par devan.  Konmsi eski Gouvernman napa sa Lotorite pou zot fer sa?  E pou ekout sa ki zot pep pe demande.

E ki ozordi an 2019, nou kontinyen dan en sityasyon kot serten dimoun zot, zot pe ganny tou later.  E lezot Seselwa pa pe ganny nanryen?

Eski Minis i vwar sa koman en lazistis vreman –  oubyen – eski Gouvernman i pa’n ler pou li pran aksyon apropriye?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.

Mon krwar mon kapab met tou lede sa kestyon ansanm.  Mr Speaker sa, i annan en legzersis ki nou ti’n fini konmanse e ki pe kontinyen pou tou later ki dan lease.

E nou’n vwar ki bokou, bokou ka in ganny avanse.  Akoz parey, mon krwar PS ti vin dan FPAC, ti pe dir poudir i annan en Lease Committee ki’n met an plas, pou get tou sa bann later ki’n ganny lease e ki pa ankor vreman devlope.

E tousala, bann miting in set avek bann propriyeter, pou get zot bann kondisyon.  Akoz parey mon’n dir, nou bezwen get zot lagreman ki zot ti annan pou nou konnen si zot in breach oubyen non.

E from there nou, nou fer miting ek zot.  Par egzanp si zot pa ankor devlope.  Me selman menm si napa breach, nou kriy zot, nou dir zot poudir ou devlopman pa ankor fer.  Nou donn ou en dele letan.

Nou donn ou en dele letan pou ou al Planning.  Nou donn ou en dele letan pou ou al fer ou bann tranzaksyon e osi en dele letan pou ou konmans konstri.

E sanmenm sa ki pe veye, i deza annan bann aksyon ki’n ganny pran.  Nou annan bokou file ki’n al kot AG’s office ki AG pe act lo la pou nou surrender sa bann lease.  E se sa bann prosedir ki nou pe swiv.

Nou bezwen fer li dan en fason ki nou pa met Gouvernman dan en lanbara kot apre nou ganny mete Ankour.

Ler, Departman Land, sirtou lease, i annan son database ki i travay avek.  E i pe fer le neseser pou li, pou li donn sa bann dimoun en pe letan, en nenport dimoun ki annan en lease.

La nou pa pe koz en ka endividi, nou pe dir tou dimoun,  ki lo sa lalis e ki i annan en lease ki pa ankor devlope.  Nou pe rankontre zot, nou pe met bann kondisyon devan e nou pe, e aksyon pe ganny pran si zot kontinyen pa devlope.  Mersi.

 

MR DEPUTY SPEAKER

Mersi Minis.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon pe demann mon kestyon ozordi lo lapar Mervin, Farah e tou lezot zabitan Mont Fleuri ki pe mars ek larm dan zot lizye, akoz zot pe rod en pti bout later pou met 4 blok, e 4 fey tol lo la, pou zot sonny zot fanmir.

Mon kestyon alors i koumsa.  Mon ti a kontan si Minis i agree pou li donn sa Lasanble lease agreement ki, ki’n ganny sinyen ant Gouvernman avek, lo sa parcel V11148.

Dezyenmman mon ti a kontan si Minis i kapab dir nou ki kalite devlopman ki i pe aktyelman deroule lo sa bout later pou le moman?

E si sa i tonm dan ka land use development plan ki son Minister in, pe travay lo la?  E finalman mon ti a kontan demann Minis si i kapab dir avek sa Lasanble ki pe arive avek sa later Mrs Sarah Renee ki lopital in konmans fer lo la.

Ki nou ti ganny dir dernyen fwa, en bout i pou Labank, i pou Labank Nouvobanq.  Akoz zot dwa Nouvobanq en bon pe milyon.

Me ki la ozordi mon tande ki Minister Lasante, Health Authority pe al aste sa bout later!  Mon ti a kontan konnen lekel son propriyeter.  Eski zot pe al aste avek Nouvobanq?

Oubyen pe al aste avek sa madanm?  Konmsi dir lepep Seselwa si, ki pe arive avek son later silvouple?  Mersi.

 

MR DEPUTY SPEAKER

Mersi Onorab.   Minis.

 

MINISTER PAMELA CHARLETTE

Mersi Mr Speaker.  Onorab lease agreement wi nou kapab fer ou gannyen, sa napa problenm.  Me, ou pou note ki sa osi i dan domenn piblik, akoz Registrar i osi annan en kopi.

So ou kapab rod en kopi laba osi.  Devlopman ki pe ganny fer, se apartman avek son parking space, ok?  Savedir en komersyal.  E i form parti dan land use sa landrwa osi.

3enm kestyon, wi sa later i deza dan posesyon Nouvobanq.  Se Nouvobanq ki annan sa later, ok?

 

MR DEPUTY SPEAKER

Mersi.  Onorab Ferrari.

 

HON JEAN-FRANCOIS FERRARI

Mon ti a zis kontan demann Minis.  Mon’n fer en pti kalkil la.  Sa morso later ki nou, ki nou pe koz lo la, la, sa 2 arpan,  i lease ti ganny fer an 2003 si mon korek.

Mon krwar ou dir nou ti ganny sinyen le 19 Desanm 2003.  La nou 2019, i fer 16an.  Mon ti a kontan si Minis i kapab dir nou, si dan bann, dan bann, plis zefor, ki Minis, ki son Gouvernman pe mete pou kapab devlop later.

Pou kapab anmenn larises pou nou pei – si Minis i krwar ki 16an pou asiz lo en bout later pandan 16an, pa fer nanryen avek.  Apre konmans fer en blok apartman lo la.  Si sa 16an i rezonnab, konmsi i en moman rezonnab ki Gouvernman i konsidere pou en dimoun ki’n ganny en later Gouvernman, pou li fer en devlopman lo la?  Mersi.

 

MR DEPUTY SPEAKER
Mersi Onorab.  Minis.

 

MINISTER PAMELA CHARLETTE

Mersi Mr Speaker.  Ou pe koz lo, kot Mr Valabhji en.  Apre bann, bann diskisyon ki nou’n fer, parey mon pe dir, sa legzersis ki nou pe fer – I annan bann addendum dan son lease ki nou’n mete avek bann nouvo Lagreman.  E son, e nou ti donn li en extension pou 36mwan.  E sa i ale ziskan, an 2018.

E apre nou’n osi, e apre nou ti osi, ti annan ankor diskisyon avek li ki ti dir nou i anvi, i bezwen en extension.  E la nou’n donn li ziskan 2020 dernyen.

 

MR DEPUTY SPEAKER

Minis zis redonn nou sa dat pou extension.

 

MINISTER PAMELA CHARLETTE

Dernyen extension ziskan 2020.  Yah, Avril.

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Zis koman en klarifikasyon.  Mr Valabhji li in ganny li 2 extension, Mrs ek Mr Valabhji.  Se sa ki ou ti pe dir.  Yah, ok.  Mersi.

 

MR DEPUTY SPEAKER

Mersi Onorab Ferrari.  Onorab Pillay.  Sebastien Pillay.

 

HON SEBASTIEN PILLAY

Mersi, mersi Mr Speaker.  Mr Speaker dan tou sirkonstans normal, tou dimoun ki, ki pe rod en bout later i apply.

Mwan personnelman mon ti apply premye fwa an 2001.  2enm fwa an 2005.  In pran mwan apepre 17an pou mwan ganny en bout later, ki mon’n gannyen an 2016 avan sistenm pwen i ganny entrodwi.

Sa ki mon ti a kontan demann Minis, se ki i annan plizyer dimoun ki’n apply pou ganny bann later konble pou fer bann biznes lo la.

E si nou les sa bann lease kontinyen ale, kwa ki proteze ki bann dimoun ki annan sa bann lease pa vann?  Pa vann sa bann lease, pou ki i anpese prezan ki zot, zot kapab pran serten mezir vizavi sa bann later?

Dezyenmman, eski zot pe konsidere dan bann, dan bann revizyon ki zot pe fer, pou zot par egzanp regard dan grander e siperfisi sa bann later ler ti ganny allocate premye fwa?

E redwir sa bann siperfisi baze lo bann proze ki sa bann dimoun i submit aktyelman.  E non pa esper bann lezot proze ganny submit.

Akoz i kree en kondisyon kot si nou annan sa kantite later ki reste la dan nean,  then i vin difisil pou lezot dimoun gannyen.

E trwazyenmman, eski i posib pou nou kapab ganny en lalis, finalman tou dimoun ki annan en later lease – tou.  Pou nou konnen egzakteman gete konbyen ki pe devlope, konbyen ki pe tenir, konbyen ki pe isi, konbyen ki pe laba.

Akoz nou tou nou ganny en serten kantite letan, pou devlop en later ler ou’n gannyen.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker premye kestyon, i pa fasil, nou’n ganny advice.  Nou osi nou’n demann sa kestyon avek Attorney Zeneral, e sirtou dan bann vye lease ki i annan, i pa fasil pou nou vreman anpes en dimoun, transfer son shares dan en lakonpannyen.

I annan tou drwa fer li.  Me nou, nou pe fer bann nouvo, nou pe pran bann nouvo mezir dan nou lease agreement li menm, ki i pou bezwen toultan enform Gouvernman.

I annan konmela ki fer le, ki dan son lease.  Me lontan i pa ti, i pa ti parey.  So sa bann keksoz ki nou pe mete.  Ou 2enm kestyon lo lalis.

Wi nou kapab donn ou en lalis, nou kapab fer Lasanble ganny en lalis, tou bann lease ki nou annan, e tou bann aksyon ki nou pe fer oubyen ki’n deza ganny pran.

3enm, wi parey bann later ki nou’n pran deza, nou get osi, nou pe plito met lo tender, nou met li lo tender.

E sa bann ki ou pe vwar dan newspaper ki nou met lo tender, se sa bann dimoun sirtou dernyerman la, nou pe ganny en bon pe Perseverance ki pa pe devlope.

Nou’n repran.  E la nou pe retender li avek piblik.  E kekfwa si nou, nou kapab wi osi, ler nou get demann ki annan,  nou re-subdivide e nou fer li pli pti – si later i gran.

Me selman Perseverance kot nou’n fer dernyerman, pan neseser.  Akoz i deza bann, bann en pe plant ki ptipti.  Mersi Mr Speaker.

 

MR DEPUTY SPEAKER

Mersi.  Onorab Pillay.

 

HON SEBASTIEN PILAY

Mersi Mr Speaker.

Mr Speaker, Minis pa’n donn mon en presizyon dan sirkonstans kot ou annan sa bann lease, ki mannyer nou kapab anpese ki, vi ki ou ti, ler ou ti apply sa later, ou ti apply pou ou fer en proze ou.

Ti en ou avek Gouvernman, ou ti pran en lease.  Pou ki ou pa vann sa lease onward avek en lot dimoun, oubyen la ki nou tande poudir Minister pe fer serten travay pou revwar sa bann kad sa bann lease.

Kwa ki zot pe fer pou zot monitor, si i pe annan sa bann lesanz ki pe arive, pou asire ki en dimoun la, de zour, lannmen pa deside ale pou li, pou li sublist son later oubyen fer en lot keksoz.

So eski zot pe met an plas bann safeguard pou ki sa i arive?  E ki zot pe fer dan lefitir pou asire ki ozordi par egzanp nou annan plizyer bann, bann pti kontrakter ki ankor pe esper later pou zot kapab met zot bann, zot bann lekipman lo la.

So kwa ki zot pe fer pou sey donn en kout pous si ou oule, sa bann dimoun, pou ki zot kapab ganny en landrwa pou zot kapab met zot bann lekipman.

E nou annan lezot Seselwa ki pe devlope, ki pe expand, ki pe rod sa bann later.

So eski zot pou, zot pe regard en pti pe ki mannyer zot kapab antre plis ant partenarya avek sa bann devloper ki serye, e ki anvi devlop son bann later, pou zot kapab ganny en landrwa pou zot kapab fer zot bann aktivite.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Pou ou kestyon, nouvo lease nou pe met, nou pou bezwen met en clause ladan, ki tou bann transfer i bezwen, zot pou bezwen enform nou, pou nou konnen.

Akoz i pa vreman fasil pou anpes en dimoun transfer son shares dan en lakonpannyen.  En lakonpannyen in fer pou sa.

Me selman i pou bezwen toultan vin anver nou.  Konmela nou bezwen al rode kot Registrar pou nou, pou nou kapab konnen.  Me selman dan sa monitoring ki nou pe fer osi, nou pe fer en pe bann, bann travay.

Pa zis get zot bann lease, me selman get en pe zot bann particular si in sanze.  Oubyen si nou’n annan okenn transfer lo lakonpannyen.

Pou bann pti kontrakter sa i plito bann later endistriyel ki tonm anba IEA.  Pa neseserman Komersyal ki tonm kot nou Minister.

 

MR DEPUTY SPEAKER

Mersi Minis.  Onorab Clive Roucou.

 

HON CLIVE ROUCOU

Mersi Mr Speaker.  Bonn apre midi Mr Speaker.  Mr Speaker dan larepons Minis, Minis in fer referans avek proze devlopman lakaz dan distrik Plaisance.

Mon anvi demann Minis spesifikman kote sa devlopman lakaz ki li i pe fer referans avek, an referans avek sa later dan distrik Plaisance?  Epi an referans avek devlopman bann morso later konblaz, Providence laba.

Mon anvi demann Minis lo sa bout later V10707 en pe detay lo sa bout later, ki mezir plis ki 3arpan.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker sa later ki nou pe koz lo la i, i V2535, 500sq, – (253 sorry, 2538.  I 500sq.

 

MR DEPUTY SPEAKER

Mersi Minis.  Onorab, Minis eski ou annan grander si sennla ki zot in swap?

 

MINISTER PAMELA CHARLETTE

Sa enn i 800sq.

 

MR DEPUTY SPEAKER

Ok.  Onorab Churchill Gill.

 

HON CHURCHILL GILL

Mersi Mr Speaker.

 

(Interruption)

 

MR DEPUTY SPEAKER

En pti moman Onorab Gill.  Onorab Roucou ti annan en kestyon ou pa ti ankor reponn?

 

HON CLIVE ROUCOU

Wi Mr Speaker.  Mr Speaker Minis pa ankor dir mon egzakteman kote i ete sa bout later silvouple.

Epi i pa ankor dir mwan sa, tou sa proze Plaisance,  spesifikman kote i ete Minis, Minis silvouple?  Epi sa bout later ki mon’n demann ou detay lo V10707 please.

 

MINISTER PAMELA CHARLETTE

Mr Speaker sa later, sa parcel V10707 nou napa lenformasyon lo la ek nou la.

 

MR DEPUTY SPEAKER

Ok.  Petet sa se keksoz ki ou kapab fer swivi ek Minis pou ganny pli tar.

 

HON CLIVE ROUCOU

Sorry Mr Speaker.  I pa ankor dir mon sa proze, sa proze sa bout later Plaisance silvouple.

 

MR DEPUTY SPEAKER

Minis.

 

MINISTER PAMELA CHARLETTE

Mersi Mr Speaker.  Mr Speaker sa later i opposite Mohan Shopping Centre.  Son proze i ankor lo, nou pe design pou nou kapab konmanse.  Mersi.

 

MR DEPUTY SPEAKER

Ok, mersi.  Onorab Churchill Gill.

 

HON CHURCHILL GILL

Mersi Mr Speaker.  Minis mon kestyon i an relasyon avek kestyon 1 ek 2 konsernan lease.  Eski tou dimoun ki an posesyon en lease ozordi dan Sesel, i annan en prosedir dan ou Minister ki sa bann dimoun in bezwen swiv?

E si zot in gannyen, i akoz zot in meet bann kriter ki demande?  Sa i enn.  Apre mon ti oule met lanfaz lo sa lalis ki mon koleg in fer sorti, si nou kapab ganny kopi tou sa bann lease.  Mersi.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Wi ti annan en prosedir ki’n, ki ti met an plas.  Me pou nou, pou nou annan plis transparans ki nou pe fer la, nou pe, nou pe tender sirtou bann later ki komersyal.  Mersi.

 

MR DEPUTY SPEAKER

Mersi, mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonn apre midi tou dimoun.  Mr Speaker Minis dan son larepons in mansyonn batiman, Espace kot lavant ki’n ganny fer avek Jj Spirit. 

Donk mon anvi demann Minis si i annan sa lenformasyon avek li la.  Orizinalman letan sa later ti konble, sete ki lentansyon Gouvernman pou konstri la? 

Ki ti pou annan orizinalman, Gouvernman ti pe planifye la?  E ki bann kondisyon lavant?  Par egzanp konbyen par egzanp Jj Spirit in aste la.  E dan sa menm kestyon, i annan issue car park Espace. 

Eski Minis i kapab donn nou en update lo sityasyon car park?  Parski dernyen fwa ki Minis Finans ti isi, SS Payet ti mansyonnen poudir son peyman i pa ti neseserman, ti’n byen regle.  So sa i konsern Jj Spirit building.  Mon premye kestyon. 

2enm kestyon, lefe ki nou pe koz lease ouswa vann later.  Mon ti a kontan pou lenformasyon piblik Minis i dir nou ki bann, an zeneral ki kalite kategori later ki Gouvernman i annan ki lease ouswa ki i vann? 

Nou konnen i annan later konblaz, nou tann nonm land bank.  Eski i annan, konmsi tou sa bann kategori, si ou ti kapab donn nou, kwa ki egziste dan Gouvernman an se moman?

 Ki swa i lease ouswa i vann.  Mersi bokou.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mersi Onorab.  Onorab nou napa lenformasyon ki ti purpose sa konblaz, sa parti li menm li kot Jj Spirit building i ete. 

Me mon prezimen ki ti pou komersyal, sirtou e komersyal i annan diferan kalite, kalite kategori.  Apre par egzanp Perseverance. 

Perseverance i annan en bout rezidansyel, i annan en bout komersyal.  Apre i annan en bout ladan ki osi en industry.  Ki IEA li menm li i pe manage

Kot pou Jj Spirit, son lease.  Son, kot parking ou pe dir.  Si ou pe dir mon si in regle son peyman si mon konpran byen ou, si in peye.  Right?  Wi in fini peye. 

Sa ki mon konpran ou pe demann mwan ler ou pe dir mon in regle.  Ok.  Ler in regle in fini peye, wi in fini peye. 

 

MR DEPUTY SPEAKER

Mersi, mersi Minis.  Onorab Henrie.

 

HON GERVAIS HENRIE

Mon 2enm kestyon, sete bann kategori later ki Gouvernman i annan, apard later konblaz ki i lwe ouswa i lease, ouswa i vann land bank

Eski i annan bann lezot kategori later ki Gouvernman i annan, ki i met a dispozisyon piblik Seselwa.  Mersi.

 

MR DEPUTY SPEAKER

Mersi.  Minis.

 

MINISTER PAMELA CHARLETTE

Mersi Mr Speaker.  Mr Speaker nou annan land bank parey ou pe dir ki rezidansyel. 

Apre nou annan komersyal.  Komersyal li i bann komersyal, i diferan biznes, i kapab mix osi.  E apre i annan endistriyel, sa ki mon’n dir ou in tonm anba plito IEA

E par egzanp komersyal i annan diferan use, parey pou tourism.  I kapab vin zis accommodation, or commercial residential.  Ou konpran.  I annan diferan mix ki ou kapab met ansanm.  Mersi.

 

MR DEPUTY SPEAKER

Mersi Minis.  Onorab Henrie.

 

HON GERVAIS HENRIE

Wi.  Mr Speaker lo sa 2enm kestyon ki mon pe demande la.  Si mon lenformasyon i byen, dernyen fwa ki Gouvernman ti fer alokasyon later dan land bank, sete an Fevriye 2016. 

Mon pa konnen si sanmenm sa ki in met Onorab Pillay.  Li ki’n entrodwi sa size in benefisye anba la.  Me solman ant Fevriye 2016 ziska ozordi ler nou pe koze. 

Nou konnen poudir i annan Seselwa ki’n aste later avek Gouvernman.  So mon anvi konnen dan ki kategori zot in tonm ladan, e dan ki kalite alokasyon zot ti gannyen.  Mersi Mr Speaker. 

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker i pou plito bann par egzanp bann dimoun ki annan later o bor paran.  Sa pou, sa zot in, nou’n vann, nou’n kapab vann zot. 

I annan bann exchange cases osi, ki nou’n pran sa konsiderasyon.  I annan par egzanp bann encroachment ki arive dan bann konstriksyon.  Even bann Gouvernman ler i fer, ler i fer son bann proze, i annan ler in encroach lo later dimoun. 

Sa nou bezwen fer en fason ki mannyer, nou vwar ler nou tir sa encroachment nou vann ek zot.  Apre osi i annan bann dimoun ki dir ou i anvi en bout later o bor li. 

Par egzanp si i annan en bout later ki pou fer landscaping, depan lo topotografi sa, sa later.  La nou kapab osi fer konsiderasyon pou vann. Mersi.

 

MR DEPUTY SPEAKER

Onorab Henrie.

 

HON GERVAIS HENRIE

Wi.  Mersi Mr Speaker.  Lefe ki i annan bann Manm in demann lalis bann leases.  Eski Minis i kapab donn nou lalis sa bann bout later ki i pe dir, ki’n ganny donnen ant Fevriye 2016, ziska ozordi? 

E ki distrik zot ete?  Akoz mon, mon pe demann sa mwan, akoz mon konn bann bout ki’n ganny donnen, ki i pa tonm dan sa kategori ki Minis in dir nou.  Si zot ti kapab fer nou ganny sa.  Mersi bokou.

 

MR DEPUTY SPEAKER

Ok.  Mon mazinen Minis i kapab fer nou ganny sa.  Mersi sa i en lenformasyon ki siplemanter ki kapab ganny donnen.  Onorab Jany De Letourdie.

 

HON JANY DE LETOURDIE

Mersi Mr Speaker.  Bonn apre midi tou dimoun.  Minis sa bann later ki nou pe koze an kestyon.  Laplipar nou kapab dir i dan distrik Roche caiman. 

Prezan letan nou pe get Vilaz Roche Caiman, nou vwar kot in arete.  In aret zis lanmenm la.  E prezan pe sey fer, ler nou pe get, ler in dir proze 24/24/24.  Roche Caiman nou’n toultan ganny dir poudir li i pli difisil pou ganny lakaz pou zabitan, akoz i napa bokou later. 

Me selman malgre sa, konstriksyon konblaz, nou ti ganny dir poudir sa proze pou kontinyen.  Mon pe mazinen Minis, akoz ki Gouvernman i pa’n vwar li neseser petet i pa’n vwar li son priyorite pou li kontinyen, kontinyen fer lakaz lo sa bann later. 

Ki ozordi nou, i annan 25an, sa zenerasyon ki’n ne Roche Caiman, mon zanfan ek tou sa bann ki’n ne la.  Zot pa pe kapab rezouir.  Tandis ki zis detrwa dimoun ki pe kapab rezouir sa later. 

E nou vwar deza poudir nou annan problenm lakaz.  En kantite dimoun ki bezwen lakaz Roche Caiman, laplipar zot, zot pa konnen si zot lo lalis e kan zot pou gannyen Minis.  Mon vwar li i enzis.  Mersi. 

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mon pe sey mazinen ki kestyon ou’n demande.  Akoz ou’n fer en statement ek en komanter, wi.

 

HON JANY DE LETOURDIE

Mon’n fer en  komanter apre mon’n demande akoz Gouvernman pa’n vwar li son priyorite pou kontiny lakaz Roche Caiman lo sa bann landrwa, ki deza annan.  Olye zis kwens nou lanmenm la.

 

MR DEPUTY SPEAKER

Mersi.  Minis.

 

MINISTER PAMELA CHARLETTE

Mersi Mr Speaker.  Mr Speaker nou, nou, mon krwar Gouvernman i annan bann proze ki i fer dan sak distrik.  Pou nou met en blok flat pou rezidan oubyen en lot, pou nou fer en estate lo en landrwa ki primarily komersyal plito. 

Me si i annan rezidansyel, i annan en pe rezidansyel ki komersyal osi, ki komersyal.  So mon krwar i pou depan lo osi en pe lo land use sa.    

 

MR DEPUTY SPEAKER

Mersi Minis.  Onorab De Letourdie.

 

HON JANY DE LETOURDIE

Be Minis, nou pou kapab vwar osi poudir i annan konstriksyon ki pe ganny fer lo sa bann later an kestyon.  E i annan bann kondominyonm. 

I annan bann flat, i annan bann lakaz ki pe ganny fer.  E sa bann dimoun ki pou vin la, se pa bann zabitan ki pou kapab afford pou zot kapab ganny sa bann landrwa.

 

MR DEPUTY SPEAKER

Mersi.  Se, Minis ou oule fer en komanter lo la?  Si non.

 

MINISTER PAMELA CHARLETTE

Mersi Mr Speaker.  Mr Speaker sel keksoz ki mon kapab dir se ki nou deza, Roche caiman nou annan en proze ki nou pe fer. 

Si Gouvernman pa’n deside fer en lakaz lo sa bout kot ou pe dir, then i domaz.
Kekfwa parey mon pe dir ou, kekfwa son land use osi pa ti permet li pou met en – pou ou fer en estate laba – par egzanp.  Akoz i annan bokou bann, bann fasilite osi ki ou pou bezwen, sirtou kote i konsernan utilities.  Mersi.

 

MR DEPUTY SPEAKER

Mersi Minis.  Onorab Johan Loze.

 

HON JOHAN LOZE

Mersi Mr Speaker.  Minis, mwan mon ti oule zis demann ou si ou okouran ki diran 4enm Lasanble. 

Mrs Onorab Jovana Charles ki ti MNA Roche Caiman ti met en Mosyon, kot i ti demann Gouvernman pou acquire sa morso propriyete Mr Lutha, pou fer en mixed development pou benefis bann zabitan Roche Caiman. 

E ki parti SNP sa letan ti opoz sa Misyon, defann bann zeritye Lutha, e menm enform nou poudir bann zeritye Lutha i dan pei an se moman pe rod drwa zot later! Wi Onorab Ferrari verbatim i la.  Mersi Mr Speaker.

 

(Interruption)

 

MR DEPUTY SPEAKER

Mersi.  Minis.

 

MINISTER PAMELA CHARLETTE

Mr Speaker mon napa komanter, akoz mon pa konn sa lenformasyon.  Me i byen ou’n nonmen.  Mersi.

 

MR DEPUTY SPEAKER

Ok.  Mersi Minis.  Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Minis.  Minis ou’n koz lo extension bann lease pli boner. 

Eski tou dimoun ki’n ganny en morso later konble, i annan drwa demann pou extension, ganny extension pou, konmsi parey Mr Mukesh Valabhji in gannyen?  Mon annan en lot kestyon. 

Mon pe esper sa larepons, apre mon ava al lo la –

 

MR DEPUTY SPEAKER

Demann ou lot kestyon Onorab.

 

HON NORBERT LOIZEAU

Ok.  Minis si wi.  Akoz sa de morso, ti annan 2 plot later o bor Builders Depot, kot ti annan en devloper ti’n ganny lease sa later. 

Li apre 24 mwan, zot ti pran ek li, zot ti donn Parti Lepep.  Selman li Mr Valabhji li in ganny 2 – 2 fwa, 3 fwa extension lo son later li.  Selman li sa msye zot ti pran ek li. 

 

(Off-Mic)

 

HON NORBERT LOIZEAU

(Pa konsern ou!) 

Apre mon 2enm Mr Speaker, mon anvi demann Minis,  Apre ki point sistenm in vin an plas, menm si ou’n apply later pou plis ki 20an.  Ou merit al lo point sistenm ou osi.  Mon kestyon Minis. 

Akoz ki Onorab Pillay ek tou lezot Onorab laba lot kote latab, zot, zot pa’n al lo point sistenm, malgre li i dir i annan 17an. 

Me mwan ki annan pres 30an, ansanm ek Mary Alice Anacoura, Sheila Bel Air ek tou lezot dimoun,  nou, nou’n al lo point sistenm.  Ki kriter ki zot in servi, pou ki zot sa bann dimoun laba zot pa’n al lo point sistenm zot.  Mersi.

 

(Interruption)

 

MR DEPUTY SPEAKER

Minis.

 

MINISTER PAMELA CHARLETTE

Mersi Mr Speaker.  Mr Speaker regarding extension parey mon’n dir, nou, Lease Department i an diskisyon avek sa bann propriyeter

So ler ou an diskisyon i annan en negosyasyon ki arive.   E la si i bezwen en extension, nou donn li extension.  Me selman nou vey li, nou monitor li de pros. 

Pou nou fer sir, ki par egzanp si nou’n dir nou i pe al Planning dan ankor 1 mwan.   I really al kot Planning, nou swiv li koumsa.  So wi i annan posibilite ki i ganny extension

Ler ou pe koz Builders Depot, mon krwar ou pe koz lo sa propriyete pou Ramados?  Si mon pa pe tronpe? 

 

(Off-Mic)

 

MINISTER PAMELA CHARLETTE

Kot nou’n donn STC?  STC sa en?  Mr Speaker mon krwar sa, sa transfer STC avek Builders Depot ti ariv akoz en negosyasyon si mon pa tronpe.  Parey, mon pe konpran avek PS, ki’n, swiv listwar. 

Se sa ki i annan sa, in ariv sa tranzaksyon.  LPS si zot mazin byen, LPS ti komanse 2017.  So Mr Pillay mon krwar ti ganny son later 2013, ou’n dir non?  2016. 

So i an, in ganny son later avan ki LPS ti vin an mars.  Mersi.

 

MR DEPUTY SPEAKER

Mersi Minis.  Onorab Loizeau.

 

HON NORBERT LOIZEAU

Mr Speaker, mon anvi demann Minis ki mannyer li in dir i annan 17an, mwan mon annan pres 30an, li in pas avan? 

Sa mon kestyon.  Sa mon kestyon.  Akoz ki zot, ki kriter ki zot in servi ki mwan mon’n al lo point sistenm ziska aprezan mon ankor lo point sistenm! 

Mr Speaker mwan mon pe koz pou tou Seselwa ki annan 25an an montan ki’n demann later e pa ankor gannyen.

 

 

(Interruption)

 

MR DEPUTY SPEAKER

Ou kestyon.  Ou kestyon kler Onorab Loizeau, ou kestyon i kler. 

Mon pou permet Onorab Pillay, ou pe raise en point of order.  Dir mwan lekel order ou pe raise?

 

HON SEBASTIEN PILLAY

Be Mr Speaker, be premyerman sa ki i pe fer, i pe impute en improper motive kont mwan, pou lefe ki i pe dir mon’n bypass en sistenm an plas. 

Dezyenmman vi ki sa in raise, in raise, mon ava fer en personal explanation.  Akoz ler mwan mon ti apply mon later pou premye fwa an 2001. 

Mon’n apply 2enm fwa 2005, apre ki Minister in dir mwan zot pa’n vwar mon aplikasyon.  Mon’n espere pandan 5an, mon’n ganny dir poudir mon’n fini ganny asiste. 

Kan ti en clerical error, kot en lot dimoun in ganny asiste, mon file in reste pou sa dimoun pandan 5an.  Mon’n espere ankor, ziska ler mon’n ganny asiste an 2016, avan en land point sistenm i vini. 

Mon’n bezwen espere pou ki en semen i ganny fer pou sa later.  By the time mon fini pey mon later in ariv an 2018.  Se sa ki fer, ki mon’n dir poudir mon’n esper 17an pou mon own mon prop later.

 Mon pa kapab fer komanter, lo vi ki mon’n ganny asiste avan anba, avan i annan en land point system.

 

MR DEPUTY SPEAKER

Ok.

 

HON SEBASTIEN PILLAY

Mon pa kapab fer en komanter apre.

 

MR DEPUTY SPEAKER

Sa i kler, sa i kler Onorab Pillay.  So ou explanation.

 

HON SEBASTIEN PILLAY

So mon krwar sa ki ou pe les arive, se ki ou pe les en latak lo mon karakter, e i pa normal Mr Speaker.

 

MR DEPUTY SPEAKER

I kler.

 

HON SEBASTIEN PILLAY

Akoz mon MNA ki mon’n ganny later ki mon bezwen ganny atake dan Lasanble Mr Speaker?  I pa normal.

 

MR DEPUTY SPEAKER

Non, non.  Annou, mon bezwen diriz sa diskisyon ki nou reste lo nou lord dizour.  Nou lord dizour se PNQ.  PNQ, mon’n les ale serten kestyon, ziska ler nou’n sorti net lo la. 

Nou pe ariv lo bann later personnel.  Mon’n les ale parske in an relasyon avek lafason later i ganny lease oubyen i ganny donnen.

 Me selman ler in raise en keksoz ki ou santi ou privilez in ganny afekte, mon’n permet ou fer en leksplikasyon.  Ou’n fer ou lesplikasyon.  Ou’n dir poudir i annan 17an ou pe espere. 

E li son kestyon ki in poze avek Minis an relasyon avek lafason later i ganny lease oubyen vann,  sete akoz enn i 17an, li i 30an, e sa enn 17 in pas avan.  Alors mon a demann Minis pou reponn sa kestyon.  Minis.

 

MINISTER PAMELA CHARLETTE

Mr Speaker mon pa kapab koz lo en keksoz ki ti egziste avan.  Mon ler mon’n vini, mon’n vin zwenn land point system.  E nou’n operate anba land point system

So se sa ki nou’n met an plas en framework ki pou fer, ki pou gid nou alokasyon later pou bann endividi.  E se sa ki tou bann dimoun, in ganny mete lo la, ki ti annan laplikasyon pou en later rezidansyel.  Mersi.

 

MR DEPUTY SPEAKER

Mersi.  Mersi Minis.  Onorab Flory Larue.

 

HON FLORY LARUE

Mersi Mr Speaker.  Mersi Minis.  Bonn apre midi.  Mr Speaker mon ti a kontan demann Minis, i annan en bout later zis pre avek sa propriyete kot sa lopital ki ti pe ganny devlope, ki plot number V11642 ki li i en lease agreement

Sa later i mezir 6825 met kare pou Trinity Development.  Trinity Waterfront Development.  Mon ti a kontan demann li akoz ki sa later li son lease agreement i for R1 a year, for 99 years? 

Eski i annan en rezon?  Akoz ki lezot, zot, akoz mon’n vwar lezot lease, i pou 60an, e rental i R130mil ouswa R80mil par an.  Me sa enn li son lease i R1par an, pou en later konble, ki beachfront, ki mezir 6825 met kare later. 

Apre mon ti a kontan osi demann Minis.  Lo sa lalis later ki in dir nou later free lands ki later konble.  Mon vwar in donn nou 4 plot number, me solman –

 

(Interruption)

 

MR DEPUTY SPEAKER

Kontinyen. Kontinyen Onorab Larue.

 

HON FLORY LARUE

Mon ti a kontan gete si, ki free hold later, ki freehold

Mon ti a kontan konnen si later V7267 ki mezir 10430 met kare ki deryer Maison Du Peuple, kot ex-Flamboyant ti ete, ki pou Parti Lepep/ US,  ki li osi i freehold

Me selman mon pa’n, mon pa’n konpran si i, i lo sa lalis.  Eski ou’n omit ouswa sa pa le ka?  Mersi Minis.

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker mon krwar mon’n vin avek lenformasyon ki zot in demann mwan lo sa bann partikilye later ki zot in mansyonnen. 

Mwan mon’n mansyonn bann later, bann parcel ki’n ganny leaseSo si i pa al ladan, mon krwar pa si i pou, si in lease sa later. 

 

MR DEPUTY SPEAKER

Mersi Minis.  Onorab Larue.

 

HON FLORY LARUE

Mr Speaker Minis pa’n eklersi sa propriyete ki zis o bor sa lopital, sa ex-lopital ki ti pou Sarah Renee, V11642.  Ki ant Wharf avek sa lopital, ki mezir 6800 met kare, ki li son lease i pou 99an.  Me selman sa owner pe pey R1par an.  Mersi.

 

MR DEPUTY SPEAKER

Mersi Onorab Larue.  Minis.

 

MINISTER PAMELA CHARLETTE

Mersi Mr Speaker.  Parey mon’n dir, mon pa’n anmennen sa lenformasyon.  Akoz sa bann spesifik later ki zot in donnen i pa mansyonnen sa enn ki la. 

Savedir mon pa pou kapab donn ou en lenformasyon ki mon pa pou kapab, ki mon pa’n donnen, ki mon pa’n rode.  Oubyen fodre nou ale nou al revisit sa file pou nou konnen kwa ki’n pase ladan! 

 

MR DEPUTY SPEAKER

Ok, so Onorab Larue, eski i ava donn ou sa lenformasyon o pli vit ki i kapab.

 

HON FLORY LARUE

Mr Speaker mersi bokou.  Si ou permet mwan silvouple, kestyon i  akoz ki en lease Gouvernman pe ganny peye R1?  Is there, eski i annan bann preferans pou serten dimoun, ki zot, zot pey R1, lezot dimoun i pey R100mil?

Akoz pa zis sa bann dimoun privilezye ki ganny later, i annan piblik Seselwa normal ki li i pe pey R100mil par an. 

Akoz sa enn li ki sa grander, ki bokou pli gran ki lezot later ki dimoun i gannyen.  E li i pe pey R1!  Eski napa en norm dan Gouvernman?  E ki zot pou fer about it?  Mersi.

 

MR DEPUTY SPEAKER

Mersi, mersi Onorab.  Be vi ki Minis i dir i napa sa lenformasyon, mon pa krwar i normal pou demann li reponn, vi ki i napa sa lenformasyon.  Me mon konpran validite ou kestyon. 

Me byensir ler Minis a ganny sa lenformasyon, mon mazinen ou a kapab donn sa larepons osi.  I korek Minis, ou oule fer en komanter? 

 

MINISTER PAMELA CHARLETTE

Non Mr Speaker.  Zis pou mon dir kekfwa i annan diferan sirkonstans ki sa in arive.  E mon krwar nou bezwen al get dan file avan pou nou konnen ki zistwar ki annan ladan, pou nou kapab donn en larepons.   Mersi.

 

MR DEPUTY SPEAKER

Mersi.  Mon a donn kestyon final pou loter kestyon.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mon kontan sa dernyen fason ki Minis in reponn. 

In dir i annan en kantite zistwar.  Mon krwar ki wi Minis, en zour nou ava ouver sa, sa bann file, e mon siny i annan en kantite zistwar ki nou pou vwar ladan. 

Mr speaker, wi Onorab Valmont tou i ava ede.  Mr Speaker mon ti ava kontan demann Minis.  Ou’n dir avek nou ki Mr Valabhji in demann en extension ki zot ti donn li pou ale ziska 2018. 

E apre sa an 2018 in demann en lot extension ki pou ale 2020.  Mon ti ava kontan alor si Minis ti ava kapab dir avek nou, be lo bann propriyete ki pou Mrs Sarah Renee ek Emerald Holdings

Eski zot in demann okenn extension?  E si zot pa’n donn okenn, zot pa’n demann okenn extension, akoz ki zot pa’n pran sa later? 

Akoz si zot in donn en extension, se pou zistifye ki sa later i reste dan non sa bann dimoun.  Eski Minis i kapab osi dir avek nou si sa morso later ki ti la devan, ki ti pou ansyen Minis Dugasse, ki in rann avek son Minister –  ki sa bout later i ankor available.  E ki bann prosedir ki en dimoun i kapab fer pou li, pou li nobou ganny sa bout later pou li fer son devlopman?   E Mr Speaker. 

Eski Minis i kapab dir avek nou, vi ki sa 2 file in vin avek pou sa 2, pou sa bann later, konbyen lease ki Mrs Renee in peye pou, i pe peye pou sa bout later? 

E konbyen lease ki Mr ek Mrs Valabhji i peye pou zot later, sa V11148, ki donn 2 arpan?   Mersi bokou.

 

MR DEPUTY SPEAKER

Mersi Onorab.   Minis.

 

MINISTER PAMELA CHARLETTE

Ok.  Mersi Mr Speaker.  Onorab premye kestyon i lo si Mrs Renee ti ganny, oubyen sa lakonpannyen ki in lease avek, si in ganny okenn extension

Non.  Parey nou pe dir, ti annan en negosyasyon, nou ti meet avek Mrs Rene.  E i ti pe dir nou poudir dan detrwa, i ti fer nou konnen poudir dan detrwa mwan i pou ganny en investor pou li devlop sa later. 

Me selman nou’n espere nou pa’n vwar nanryen.  Se la ki nou’n fer prosedir prezan pou anmenn file, anvoy file kot AGSo i annan, in annan sa diskisyon avan ki nou’n anvoy file kot AG

2enm, sa later ki’n ganny revann.  Nou pou met lo tender, sa leter ki i ankor Gouvernman.  So i pou met lo tender pou kapab ganny en dimoun ki pou kapab devlope. 

Apre pou, pou sa e, baze lo lease agreement ki nou annan en?  V11148 in ganny.  Li i ti pey en premium R2.7million.  Apre i annan en annual rent, R1. 

So i ti pey en premium avan R2.7million.  Pou lot V8072, avek 8073, sa 2 bout.  Son annual rent li i R205,752.  Ok, sorry.  R205,767 -, mon’n fer en fot la.

 

MR DEPUTY SPEAKER

Minis, eski ou annan en sif ki ou pe, ou’n fini donn ou, ok?   Onorab Ramkalawan.

 

HON WAVEL RAMKALAWAN

Be, sorry Minis.  Nou ti vwar ou ankor pe- akoz definitivman ti annan keksoz la ki pa ti ankor kler.  Be Minis, eski ou realize ki nou dan plis konfizyon la. 

Parski lo zis sa 2 later, i montre nou ki poudir i annan, i annan  en fason kalkil ki ekstra ordinerman mal.  Mon ava eksplik ou e petet ou ava donn mon en rezondet. 

Ou dir avek nou ki sa V11148 ki donn 8995 met kare, Mr ek Mrs Valabhji ti pey en premium R2.8milyon.  E apre sa zot pey R1 tou le an. Pandan en peryod 16an, depi ki zot in annan sa later, i vedir ki zot in pey, baze lo sa premium, R175mil tou le an.  Tandis ki Mrs Sarah Rene li, in pey R205,767mil tou le an, e i sipoze ankor peye. 

Eski nou kapab ganny en balans lo sa kalkil?  Parski i vedir ki ozordi i vedir ki ozordi lo sa later, V11148, ki donn 2 arpan later, Mr ek Mrs Valabhji i pey R1 tou le an. 

Tandis ki tou bann lezot propriyeter ki la dan sa zaviron, zot pey sepa konbyen mil Roupi tou le an.  Sa i mon premye keksoz ki mon trouv i drol an relasyon avek sa. 

Dezyenmman Mr Speaker. 

Mon vwar ki premye larepons ki Minis in donnen an relasyon avek sa staz negosyasyon pou repran sa later Mrs Rene, kot i ti dir avek nou lagreman e tou.  E apre son dernyen larepons, e anmezir nou’n ale, kot in koz lo extension

I montre nou klerman ki ofet Gouvernman i dan en pozisyon pou li kapab repran sa later.  E alor si zot dan en pozisyon pou zot repran sa later.  Akoz napa okenn extension lo la.  Akoz ki Gouvernman pa’n move in, e pran sa later?  E lo lot kote, letan nou regard tou bann later konble ki, e sa vreman, lepep Seselwa i bezwen konnen, ki poudir. 

Sa bann, sa bann morso later depi lo kot Wharf an montan – Mrs Rene ti ganny lopital.  Mrs Sarah Rene in ganny 2 morso beachfront.  Mrs Sarah Rene in ganny kot Airtel

In ganny devan kot Airtel.  Mr Mukesh Valabhji in ganny kot Intelvision.  Ki donn en arpan.  Mr ek Mrs Valabhji par deryer ki ganny, ki donn 2 arpan. 

Mr Valabhji in ganny Capital City, la dan milye lavil.  Mr Valabhji in ganny lakonpannyen Airtel letan zot ti pran avek sa bann sa bann envestiser Intelvision.  In ganny Intelvision.  Savedir letan ti pran avek sa lakonpannyen sorti Kuwait.  Mr Valabhji in ganny later dan plantasyon dite.  Be Mr Speaker, eski Minis, mon konnen sa bann keksoz ti’n ariv devan li,  me eski Minis i ava dakor avek mwan ki poudir tousala i reprezant en lenzistis pou lepep Seselwa avek bann byen ki lepep Seselwa i sipoze gannyen!  Me ki sa partaz pa’n partaz parey i devret ganny fer, e parey Onorab Gill ti dir nou.  Mr Rene ti annan rezon pou dir zot in tro mazin zis zot lekor.  E mwan finalman mon ava dir lepep Seselwa be gete zot menm.  Si zot anvi kontinyasyon sa ki la, be kontinyen siport sa ki la!  Mersi bokou Mr Speaker.

 

(APPLAUSE)

 

MR DEPUTY SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Speaker.  Mr Speaker kalkilasyon i pou baze lo evalyasyon prensipalman.  Me selman mon napa evalyasyon la devan nou pou nou kapab dir ou detay ki bann konsiderasyon ki’n ganny pran. 

Me selman normalman letan ou pou fer, ou kalkil en rent, ou baz li lo en evalyasyon sa later li menm.  Parey mon ti dir dan mon larepons premye, desizyon Minister pou nou i kler poudir nou, nou pare pou nou pran sa later. 

Me selman parey mon’n dir, nou bezwen.  Apre ki nou’n asize nou’n diskite avek sa madanm, nou pa’n ganny okenn sifizaman rezon pou nou kapab pran sa later nou menm. 

So sanmenm sa ki nou bezwen go through AG’s office pou li kapab at least get Kontra aktyelman si nou pou, si i en keksoz ki nou kapab fer.  Wi.

 

HON WAVEL RAMKALAWAN

Mr Speaker, me sa i fer nou remarke, nou koman en Lasanble ki pe rod lazistis,  ki finalman konblaz in ganny fer avek larzan malere, me se bann risar, enn de milyonner ki pe benefisye ozordi! E ki sa, e ki i ankor pe benefisye. 

E Gouvernman i santi li enkapab pou pran aksyon e sa mon krwar nou tou dan sa Lasanble nou bezwen dakor ki sa i apel en gro lenzistis, anver lepep Seselwa. 

E mwan pou mon sa i vreman tris, Mr speaker.  Mersi bokou.

 

MR DEPUTY SPEAKER

Mersi Onorab Ramkalawan.  Bon nou napa ankor kestyon lo la. 

Mon pa konnen si Minis, si ou oule fer en komanter, me si non, nou’n ariv a la fen bann kestyon lo sa PNQ.  Me i ankor 3.15. 

Mon mazinen nou kapab pran Minis, nou kapab kontinyen avek nou travay lo Order Paper.

 

HON WAVEL RAMKALAWAN

Mr Speaker if i may propose

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

La i 3. 17.  Akoz Minis fek, akoz nou pa- Minis i a kapab ganny en loportinite pou li bwar en bon tas kafe so, reganny son lenerzi. 

Akoz nou pa pran en break la, e retournen dan 4er mwen zen kar en keksoz koumsa.  Mersi bokou.

 

MR DEPUTY SPEAKER

I fer sans.  Mon dakor avek sa.  Alor nou ava, Minis nou envit ou, ou kapab pran en tas kafe, relax en pti pe, avan nou kontiny avek Bill – Second Reading ki devan nou. 

So nou ava adjourn ziska 4er mwen zen kar. 

 

(BREAK)

 

MR DEPUTY SPEAKER

Bon, bonn apre midi tou bann Manm Onorab. 

Bonn apre midi Minis avek ankor enn fwa avek ou delegasyon, pou kontinyasyon nou travay ki Second Reading, Physical Planning Bill 2019.  E mon ti a kontan swet labyenveni parmi nou. 

Mr Joseph François konman CEO Planning Authority.  Mr Terry Biscornet Deputy CEO Planning Authority.  Mr Gerard Hoareau Special Advisor to the Minister. 

E Mr Victor Pool Senior Legal Draftsperson.  Alor kot nou’n arive sete nou ti dan deba lo Physical Planning Bill, deba lo merit.  E bann prensip zeneral sa Bill. 

E Minis si mon ganny li byen, ou ti reste pou donn ou Right of Reply ki nou ti’n defer sa letan.  Alor san tarde, mon a permet ou fer ou prezantasyon Right of Reply 

 

MINISTER PAMELA CHARLETTE

Mersi Mr Speaker.  Mr Speaker mon, mon’n ekout tre atantivman tou bann lentervansyon lo sa Prozedlwa avek tou imilite e respe pou nou Lasanble. 

Mon pou reste konsantre lo lobze sa Prozedlwa, e son lobzektif e benefis ki i pou anmennen pou tou sosyete, pou nou sosyete modern e demokratik. 

Lafors sa Prozedlwa Mr Speaker i dan son mekanizm lenplimantasyon e dan kreasyon son bann striktir ki pou gid son gouvernans.  Tousala Lalwa i dir. 

Alors Mr Speaker mon santi ki bann provizyon dan sa Lalwa i larepons lamazorite kestyon ki pe ganny demande dan bann deba pandan sa 2 zour ki’n plito konsantre lo bann issues e bann ka spesifik. 

Malgre sa bann largiman, nou pa kapab touy sa Lalwa ki pe ganny mete spesyalman pou adres sa menm konsern ki bann Onorab pe mete. 

Mon swiv bann largiman, sirtou politik ki’n ganny mete.  E dan mon lopinyon, mon konvenki ki pa pe fer zistis lobzektif sa Prozedlwa ki devan nou. 

E mon trouv sa malere Mr Speaker.  Serten Manm ki’n koz lo sa Prozedlwa in plito konsantre lo fer referans avek bann ka spesifik ki pa pe neseserman reflekte byen larealite oubyen pa’n donn tou lesplikasyon lo sa bann ka. 

Lo size fairness Mr Speaker, dimoun i vini e dimoun i ale dan en lenstitisyon.  Me sa ki garanti fairness se bann mezir ki Lalwa i fer provizyon pou en dimoun ganny rekour letan i pa satisfe avek en desizyon ki ganny pran.  

E konsistans dan pran desizyon.  E la nou tou nou ava apresye ki sa Lalwa i adres sa bann, sa par fer ki okenn dimoun tousel pa pran desizyon lo nenport ki nivo.  Eksepte dan bann sirkonstans ki Lalwa i mansyonnen pou byennet pei. 

I vre ki sak ka pou annan son merit, me tretman i devret reste parey.  Par egzanp, rezon deryer bann desizyon pou idantifye plis bann devlopman dan Inner Victoria.

 Sa i enkli osi kot Space 95, se pou ankouraz plis dimoun pou servi bann common parking, e plito ankouraz piblik pou marse dan sant lavil. 

Se pou sa rezon ki napa lobligasyon lo bann food outlet dan Inner Victoria pou anmenn zot prop parking.  Me an deor Inner Victoria, kot napa common parking – la bann devlopman i devret annan zot prop parking pou handle zot aktivite.  Sa i osi enkli sa ka ki
Onorab Arissol in mansyonnen o bor en gran, en gran kontour St Louis. 

Laba sa aplikan pa’n kapab onor son laranzman parking parey son plan ti’n endike.  Akoz sa laranzman avek son vwazen pou servi later akote pou parking, pa’n materyalize. 

Size agrandisman semen i fer bokou sans pou negosye avek bann propriyeter, ki annan later o bor bann semen piblik pou kit later pou agrandi semen.  Me pa toultan ki Minister oubyen distrik i ganny korperasyon tou bann propriyeter. 

Se pou se la ki nou nouvo policy Later pa pe aksepte vann later avek dimoun ki pe demann aste bann later ki dan access reserve.  Serten Onorab in koz lo 2 devlopman prive o bor kanmarad dan Mont Fleuri. 

E ti refer lo la koman de pwa de mezir.  Mr Speaker i vre ki sa 2 devlopman i ganny trouve o bor kanmarad.  Me enn ladan son later i bokou pli, pli pti ki lot. 

Mr Speaker sa ki zot pa’n fer sorti kot sa devlopman, kot later i pli gran, Lotorite Plan in aprouv 2 batiman lo la.  Pa 1, me 2.  Enn o bor semen ki Ground plus 2.  E en lot deryer li ki Ground plus 3. 

Tandis ki son vwazen kot later i bokou pli pti, Lotorite Plan in aprouv zis en batiman lo la, ki osi Ground plus 2.  Me avek en masonite floor

Pou li reste dan guidelines ki kontrol oter.  Sa aplikan ti konsider, in konsider en twatir ki plat olye enn ki pitched.  Mr Speaker alor mon pa vwar lenzistis ladan, vi ki tou le de propriyeter zot building o bor sa semen, zot menm oter e annan menm kantite letaz ki abitab. 

Lo sa kestyon napa vizyon,  Mr Speaker Gouvernman an  2013 ti lans en legzersis Nasyonal kot kontra ti ganny donnen pou devlop en vizyon pou plan devlopman pei pou sa prosen 25an. 

Sa ki nou apel Seychelles Strategic Land Use Plan 2040, e Victoria Master Plan.  Sa legzersis ti pran 1an edmi pou konsilte.

 La bann politisyen, fonksyonner Gouvernman, sekter prive e Manm piblik zot ti raport zot kontribisyon dan sa 2 dokiman ki’n sorti atraver sa legzersis. 

Sa in osi enkorpor bann urban design guidelines, enkli sa enn Lari bazar e Lari Benezet ki detrwa Onorab in koz lo la Mardi, Merkredi pase, e ki Lotorite Plan in sirkil, well i kapab sirkil avek Lasanble. 

Tou bann rezilta diskisyon e partisipasyon, i ganny trouve dan sa 2 dokiman.  E se sa vizyon ki pe gid sa Lalwa e bann legzersis devlopman soutenab ki Onorab Larue in koz lo la. 

Bann land use plan ek development plans pou baze lo la.  E atraver sa Lalwa zot a ganny en prosedir konsiltasyon e lenplimantasyon ki pou, ki pou legal. 

Enkli bann issue konpansasyon ki relye avek bann klasifikasyon later.  Mr Speaker sa i anmenn mon lo size Lari bazar. 

Desizyon lo devlopman dan Lari bazar i ganny gide par sa urban design guidelines ki’n vin atraver en desizyon APolicy par Cabinet

Proze dan Inner Victoria i annan 2 referral Agency an plis ki nou konsilte.  Sa se Lofis Mer Lavil e Cabinet

Pou zot komanter e pwennvi, e la mon oule fer resorti ki Cabinet pa fer desizyon lo bann ka, me plito donn rekomandasyon ek konsey ki ganny anvoye kot Lotorite Plan. 

Sa se dan sa kad ki bann plan ti al kot Cabinet parey bann lezot proze dan sant lavil. 

Mr Speaker mon oule fer sorti ki depi ler guidelines in vin anfors, Lotorite Plan in aprouv plis ki en dizenn proze dan Inner Victoria, e zot tou zot in pas dan menm prosedir. 

Set akoz nou’n annan en vizyon ki ozordi nou’n ariv la dan sa staz demokrasi, e nou tou nou pe kontribye lo sa size devlopman. 

Mr Speaker Lotorite Plan, Lotorite Plan, atraver Board Planning, in nominate 2 Zofisye ki asiz lo Komite ki vet bann proze kot Gouvernman Lokal e provizyon i la anba Lalwa.  La sa zofisye i scrutinize sa bann proze kominoter. 

E donn aprouvasyon Planning lo bann pti proze distrik direkteman enkli bann pti stage, peron, ramp, railings, drains eksetera, kot proze i sibstansyel. 

Apre diskisyon sa zofisye i refer sa bann proze avek Board pou en laplikasyon.   Bann stage oubyen pti proze ki annan menm bi, me pa tonm direkteman anba en striktir distrik oubyen Gouvernman Lokal, Lotorite Plan pa’n met an plas en paralel structure pou zot.  Me plito konsey i ganny donnen direkteman avek sa bann lorganizasyon konsernen. 

Sa in aplik lo ka sa stage Maison Du Peuple ki serten Onorab in koz lo la.  Parey bann lezot proze, parey pou lwazir, community base, Legliz oubyen NGO eksetera,  ki egziste dan pei partou dan bann distrik, e zot pa’n pas atraver en sistenm aplikasyon formel, me plito atraver advice.  E zot ganny demande pou rod lasistans en enzenyer pou gid zot proze. 

Vi ki zot annan plito laspe striktirel.  Fodre fer resorti ki sa langar Belombre kot Por Lapes ti pas dan sa fason.  E lannen pase an 2018, Lotorite Plan ti osi donn konsey lo konstriksyon sa stage ek son bann lezot pti striktir lo en sit lwazir Anse Poule Bleue apre demann sorti kot MNA

Apre ki sa size in leve, Board Vandredi i diskit lo la.  E Board i santi ki vi, ki sa pratik in egziste depi en bon pe letan, napa en size lapliferans lo la ki’n arive. 

Me si fodre revwar sa bann tel pratik Board, sa i kapab fer, i kapab ganny fer.  Me pwen ki mon oule fer sorti atraver sa se ki menm mezir in aplik pou bann ka kot Legliz, distrik, NGO eksetera ti aplik san neseserman met okenn konsiderasyon politik ladan. 

Lo kote koripsyon Mr Speaker, i annan en lenstitisyon ki apel Anti-Corruption Commission, ki la pou dil avek sa size. 

Alors tou Onorab ki annan okenn levidans, okenn gous oubyen akt koripsyon i devret met en ka devan sa Komisyon atraver zistifikasyon. 

I pa byen pou bann Manm Lasanble akiz swa teknisyen, ni bann Manm Board e kestyonn ou, ou’n denigre zot lentegrite lo medya sirtou atraver en medium parey nou Lasanble kot zot pa kapab defann zot lekor. 

E la mon pe partaz santiman bann zofisye Planning ensi byen ki son bann Manm Board Komite e bann referral agencies ki santi zot imilye par sa bann lakizasyon ki plito vize ver zot lezot motiv. 

Bann enzenyer, architect, urban planners, lezot teknisyen zot pe santi ki zot konpetans pe ganny met an kestyon, zis akoz serten desizyon ki’n ganny pran pa dan faver serten aplikan. 

Plan in ganny refize lo baz policy bann kriter standar, oubyen bann norm ki egziste.  E si en dimoun i annan problenm avek sa provizyon appeal e reviz Zidisyer,  i toultan la koman en opsyon rekour. 

E la ler mon get statistik lo appeal, mon vwar ki lannen pase 31 ka ti aprouve lo appeal.  E ziska prezan sa lannen 8 ka in aprouve.  Mon konn osi detrwa ka ki’n al Ankour. 

I vre ki Lotorite Plan napa kontrol lo desizyon appeal, ni seksyon 10 dan pti CPAMe sa i Lalwa

Restriksyon lo devlopman.  Sa size pe ganny adrese anba sa Lalwa dan proze land use e development plan. 

Sa pou enkli okenn restriksyon lo devlopman later.  Swa akoz larivyer, swa akoz montanny, swa akoz lerozyon lakot, eksetera. 

Tou land use plan pou ganny re vizite e konsilte avek bann diskit avan lafen lannen 2020. 

Tou distrik pou ganny anvoye en plan preliminer pou zot distrik pandan mwan Out e Septanm, pou zot konmans zot legzersis konsiltasyon e planifikasyon entern. 

Bokou Onorab in koz lo nesesite pou fini bann plan devlopman pou bann distrik.  Mr Speaker serten distrik plan devlopman pe deza ganny travay lo la, tel ki Anse Royale, Anse Aux Pins e sa 8 distrik lavil. 

Nou difikilte se partisipasyon bann zabitan dan distrik lo nivo konsiltasyon.  Nou’n fer miting dan serten distrik e par ler ni menm bann DA oubyen bann MNA pa’n attend sa bann miting enportan. 

Bann urban design guidelines i form parti development plans pou Victoria.  E la atraver sa Lasanble, nou pe vwar bokou rezistans pou enplimant li. 

I annan bokou dezakor, bokou lanbi e nou pe menm ganny dir pou nou revwar sa bann guidelines oubyen egzers serten fleksibilite dan son laplikasyon. 

Mr Speaker bann reprezantan ki pe ganny site dan Lalwa pou asiz lo Board.  I bann ki par natir zot fonksyon zot bezwen donn desizyon final lo bann proze atraver zot manda. 

I annan tout, en seri lorganizasyon teknik ki ganny konsilte lo en laplikasyon.   Sa i enkli SFRSA, Departman Lendistri parmi lezot ankor.  La zot annan 14 zour pou get sa plan avek son detay e donn rekomandasyon anliny avek zot manda. 

Nou santi vi ki
SFRSA pou donn spesifikasyon e standar, an sa ki konsern fire and safety,  zot asiz lo Komite Teknik ki get tou plan an detay. 

Anba building regulations i annan en sapit antye ki donn standar fire safety, ki vin kondisyon mandatwar avek en plan aprouve. 

Me selman si bann Onorab zot santi ki SFRSA i devret asiz lo main Board.  Nou napa problenm pou pran sa an konsiderasyon. 

Nou osi napa problenm ki en Manm lo Board Planning i sorti lo zil pros pou diskisyon letan bann ka lo zil i monte.  Nou napa okenn problenm pou swiv policy ki an plas mete par Minister Finans pou reminerasyon bann Manm, Board e Komite. 

Lo kestyon Appeal Board.  Si mon konpran byen Mr Speaker, manda CAA i plito vize ver lapwentman bann constitutional appointees.  E non pa bann apwentman dan servis piblik. 

Prezidan Larepiblik in ganny elekte pou zer en L’Egzekitiv e tou bann apwentman ki pe ganny propoze anba sa Prozedlwa, i anliny avek bann pratik enternasyonal partou dan lemonn. 

Vi ki Planning i en fonksyon antyerman Gouvernman.  Mr Speaker, vi ki mon pe koz lo sa size.  Reprezantan lo Board, si nou fer en pti vire, e regard dan pratik, dan bann zil Losean Endyen oubyen Karabi ki annan menm karakteristik teren e lanvironnman parey nou. 

Nou vwar ki zot konpozisyon Board i pa diferan avek sa ki, sa Prozedlwa ki devan nou pe propoze. 

Par egzanp si nou get dan landrwa Planning, dan Lalwa Planning Maurice ki konpozisyon son Board, i comme swivan; Chairperson ki apwente par Minis. 

I annan en dimoun dan, sorti dan Minister Responsab pou, pou later.  En reprezantan sorti, en Manm ki ganny nominen par son Prime Minister.  En reprezantan Minister Finans.  En reprezantan Minister Responsab pou Lasante.  En reprezantan pou Public Infrastructure

En reprezantan kot Local Government.  En reprezantan Lagrikiltir.  Enn pou Lanvironnman e en reprezantan Asosyasyon bann Lotorite Urban

E osi 2 lezot Manm ki ganny apwente par Minis.  Pouvwar Minis.  Mon santi atraver sa Prozedlwa Minis pa pou kapab fer sa ki i anvi me plito zis egzers fonksyon ki i mandate pou protez drwa sitwayen ki nou Konstitisyon i egzize. 

Sa i osi enkli sekirite nasyonal, lasante piblik ensidswit.  Board napa menm manda lo sa size, ni lo size policyE alors i toutafe normal pou Minis pran sa bann desizyon kot i fodre. 

E napa okenn pei lemonn ki fer li diferaman.  E la mon oule fer referans avek zil Maurice, e kot son Minis i annan pouvwar pou aprouv bann plan ki relye ek tou devlopman Nasyonal sa pei. 

I annan menm fonksyon, parey son Lotorite Plan dan sa bann lenstans.  Lafason ki sa Prozedlwa in ganny formile, Mr Speaker i donn li en serten zesyon pou enplimant li e annan bann mekanizm ki pou donn li rezilta, e se ki pou sela ki konpozisyon son Board in ganny site dan Lalwa. 

Parey mon’n dir Mardi pase, dan mon lentervansyon e mon repete devan nou, i en morso Lalwa tre enportan ki pou gid devlopman fizik dan Sesel dan lavenir. 

I fonde lo bann prensip fondamantal, rule of law lo gouvernans modern, e lo responsabilite nou tou konman bann endividi. 

Depi son Lotorite ki pou enplimant li, son Minis ki pou donn li direksyon, Zidisyer ki pou sirvey son lenplimantasyon e piblik ki pe donn en servis. 

Sa Lalwa ki devan nou in al tre, tre lwen pou an sa ki konsern transparans, lazistis e gouvernans modern ki Lalwa Pti CPA pa ti’n donn nou ase sa bann mekanizm e striktir demokratik. 

Napa okenn dan pei lemonn ki son Lalwa Planning pa donn pouvwar Minis pou azir kot i neseser.  Annefe tou Lalwa ki nou’n regarde i donn Minis bokou plis pouvwar ki sa ki nou pe donnen dan sa Lalwa ki devan nou. 

Onorab Leader Lopozisyon in mansyonn Singapore koman en landrwa kot sa Lalwa pe mars byen.  Mr Speaker les mwan koz lo Lalwa Planning Singapore. 

Planning Act 1998.  Dan seksyon ki konsern bann aplikasyon ki fer, ki refer avek Minis, seksyon 21 (1) ek (2) dan Lalwa, dan sa Lalwa i dir; 

‘’The Minister may give direction to the competent Authority requiring that all or any application under section 13 or any class of application specified in the direction, shall be referred to him for determination instead of the competent Authority

And every such application shall then be so referred to the Minister.  The decision of the Minister on such an application shall be communicated to the competent Authority who shall grant or refuse written permission in accordance with the decision. And if written permission is granted, impose such conditions as the Minister may direct. 

And such other conditions at the competent Authority thinks fit. ‘’ Lalwa Singapore i permet Minis annan menm pouvwar ki son Lotorite Plan anba seksyon 51(3), i dir e mon site; 

‘’The Minister shall determine any such application have all the functions of the competent Authority under this Act. 

And references to the competent Authority shall accordingly be construed as references to the Minister.’’ 

Mr speaker zis pou montre ki kantite konpromi in ganny mete dan nou Lalwa, pou demokratiz li an relasyon avek pouvwar ki Minis, ki en Minis Singapore li ozordi, Lakour pa kapab kestyonn desizyon Minis anba sa Lalwa. 

E la mon sit seksyon 21(4) Lalwa Planning Act Singapore.  ‘’Any decision by the Minister under this section shall be final and shall not be subject to appeal under section 22 or challenge, or questioned in any Court. 

But any decision by the competent Authority to impose conditions other than, as directed by the Minister shall be subject to appeal under section 22.’’

E la sa appeal i bezwen ganny fer avek sa Minis, e napa judicial review apre sa. 

Akoz son Lalwa i dir ou ki ‘’the decision of the Minister shall be final and shall not be challenged.’’ 

Mr Speaker mon sit sa bann Clause Lalwa Singapore anler akoz mon anvi fer konnen nou pep la deor ki sa Prozedlwa ki’n, nou’n met devan Lasanble i en Prozedlwa ki bokou pli demokratik e respe pouvwar Zidisyer. 

Sa sel lenstans kot Minis pou annan drwa pran desizyon, i normal.  E i pa pe ouver laport pou Minis abize.  Mon santi ki sa, ki sa laport ki ti egziste in ganny frenmen atraver sa provizyon. 

Mr Speaker rezon ki nou’n pran plizyer lannen pou fer sa Prozedlwa e konsilte larzman lo la, se pou, se pou le senp rezon, pou enkorpor plizyer bon pratik policy e sistenm ki egziste atraver ban lorganizasyon kle, ki annan manda pou desid lo devlopman ensi byen ki adopte serten pli bon pratik e o standar enternasyonal posib. 

Nou’n ekout tou bann kritik, sizesyon e nou’n fer lamannman apropriye pou reflekte demann piblik e bann stakeholders ki pou travay avek sa Lalwa. 

Mr Speaker permet mwan pou elabor lo bann provizyon vizavi bann prosedir ki dan Lotorite Plan parey i egzize la ozordi. 

E ki pou ganny etablir atraver regilasyon ki pou sivre sa LalwaAplikasyon ki antre kot Lotorite Plan i ganny sirkile elektronik-man kot tou bann referral agencies pou komante.

Sa i enkli Lasante Piblik, Departman Transpor, DA sa distrik, Departman Lanvironnman, PUC, elektrisite, delo e sewage,  SFRSA ensidswit. 

Letan sa plan i konsern en sekter spesifik an plis ki sa bann lorganizasyon ki mon’n nonmen, i osi al kot sa lorganizasyon ki responsab pou sa sekter. 

Tou sa bann lorganizasyon zot ganny en maximum 14 zour pou reponn sa laplikasyon, avek zot komanter e rekomandasyon.  La zot lib pou diskite avek sa kliyan si zot anvi oubyen avek lezot dimoun ouswa fer vizit. 

Dan ka distrik, sa DA i lib pou diskit avek son MNA, Regional Council, oubyen avek okenn bann parti ki ganny afekte pandan sa dele 14 zour. 

Apre 14 zour tou bann plan avek bann komanter ki’n antre i ganny egzaminen par en Komite Teknik, pou verifye son bann detay teknik. 

E kot i annan keksoz pou adrese, bann Lazans i ganny averti e sa aplikan i ganny notifye pou fer sanzman. 

Apre sa Komite Teknik ki annan 9 teknisyen, i fer son rekomandasyon lo sa aplikasyon avek Board, pou desizyon final. 

Lotorite Plan in donn son lekor en target 30 zour pou fini pran desizyon lo en aplikasyon rezidansyel.  Nou  Board i annan en pli gran group reprezantan posib. 

E lo nivo pli o, bann Departman e sekter prive pou pran desizyon.  I annan 12 Manm ki a mon avi zot kredib, eksperyanse e respektab dan bann domenn kot devlopman i konsernen. 

Zot kalifye, e sa desizyon in, ki ganny pran i kolektiv.  I pa relevan zot afilyasyon politik e Gouvernman napa kontrol lo zot aktivite politik, oubyen prive, ou personnel ki zot drwa konstitisyonnel i garanti. 

Zot prezans lo sa Board se pou sofgard zot Lalwa e policy.  E dan bann ka ki neseser fer serten konpromi oubyen lazistaz. 

Sa bann reprezantan zot osi, zot osi la lo sa Board pou pran okenn desizyon kot i annan dezakor ant bann lorganizasyon e responsab pou komik rezon ki sa desizyon in ganny pran dan serten fason avek son Minister. 

Fodre fer resorti ki Board Planning i zwenn tou le semenn e parfwa 2 fwa par semenn.  E la mon salye zefor ki sa bann Manm i mete ver langazman bann duties ki Board i demann zot. 

Apre ki desizyon final in fini pran, si sa aplikan pa satisfe pou le moman, i kapab fer son, i kapab fer son rapel avek Minis. 

Me anba sa Prozedlwa ki devan nou, rapel pou ganny fer par en lot Board konpleman, konpletman endepandan ki pou ganny apwente par Prezidan. 

Si sa aplikan i still pa satisfe, i kapab al devan Lakour e demann en Judicial review lo son ka.  Dan Lalwa Singapore sa napa.  La tou dimoun i krwar ki krwar in ganny fer malis i kapab servi sa provizyon pou lazistis. 

Alors Mr Speaker atraver sa Lalwa, mon pa vwar lespas pou ni gous oubyen koripsyon dan sa prosedir.   Me si in arive ki zot konnen, met sa bann levidans dan lanmen lorganizasyon konsernen. 

Dan sa Lalwa mon pa vwar kote politik oubyen lapliferans i kapab rantre. 

Par kont mon rekonnet ki i vre ki desizyon Lotorite i kapab sibzektif akoz sak aplikasyon i diferan e napa 2 teren ki egzakteman parey dan tou son laspe. 

Mon kapab demann sa Board pou revwar tou bann prosedir ki gid desizyon enkli bann advice e ankadre, e ankadre zot atraver bann regilasyon pou fer li transparan. 

Mr Speaker anliny ek bann remark ki serten Manm in dir ki Lotorite Plan i fer serten lapliferans lo proze, ki i aprouve. 

E bann ki refiz-e permet mwan sit serten sa statistik e realite lo sa size. 

Par egzanp Mr Speaker an 2017 nou ti annan nou 2082 laplikasyon.  96 poursan ti ganny aprouve e 4 poursan ti ganny refize.

 An 2018 nou ti annan 2100 aplikasyon.  95 poursan ti ganny aprouve, e 5 poursan ti ganny refize. 

2019 ziska konmela nou annan nou 1113 aplikasyon.  1052 in ganny aprouve.  E 61 ki zis 5 poursan in ganny refize.  Alors i tre posib ki sa pti gin ka ki’n ganny refiz-e zot kapab dir ki nou annan lenzistis. 

Me sa 95 oubyen 96 poursan, i montre ki la Lotorite avek son bann lorganizasyon e Komite in fer zot louvraz avek devouman e lentegrite pou fasilit devlopman e pa pou pini parey nou’n ganny dir. 

I pou toultan annan serten ka kot pou annan fristrasyon.  Me nou pa kapab ignore lamazorite ka ki byen e zis met lanfaz lo sa pti gin ki’n ganny refize. 

Lo kote malis Mr Speaker, dan bann ka kot bann devloper pa’n comply e bann provizyon Lalwa oubyen konsey, Lotorite in issue bann let advisory ek lezot korespondans. 

Dan bann ka kot Lotorite Plan napa swa akoz sa devloper i ignore bann konsey,  lannen pase 11 ka enforcement notice ti ganny issue

E ladan 10 ka Lotorite in nobou rezourd.  E zis 1 ka ki ankor an diskisyon.  Sa i laprev ki Lotorite Plan pa fer zis malis e pini parey in ganny dir, me osi rod solisyon pou ankouraz devlopman kot i posib.  

Ankor statistik Mr Speaker ki pou koz pou li menm.  An 2015 Lotorite Plan ti nobou aprouv zis 31poursan bann plan dan en lespas 4 semenn. 

Me letan nou get lannen pase an 2018, Lotorite Plan in aprouv 81poursan plan aplikasyon dan en lespas zis 4 semenn. 

Pou mwan sa i en sir progre e gras a sa sistenm elektronik ki’n permet letan aprouvasyon ganny redwir par plizyer semenn. 

Ease of doing business Mr Speaker ki nou toultan koz lo la,  i sa timeframe pou aprouv en plan, i enportan.  E parey nou’n ganny dir, time is money

Alors mon konsernen avek serten largiman e propozisyon ki ganny avanse pou konsilte Manm piblik lo bann plan prive dan kominote. 

Mon santi ki sa propozisyon pou anmenn serten retar e menm kree serten dezakor e lenzistis letan i konsern en aplikasyon prive.  Alor mon annan detrwa kestyon lo la pou refleksyon. 

Ki pou arive si en Manm piblik i fer en lobzeksyon lo laplikasyon son vwazen?  Eski Lotorite Plan pou tret sa lobzeksyon?  E si wi, eski nou po permet en striktir pou li? 

Plan i ganny aprouve lo later non pa lo dimoun, alors mon kestyon se, lekel ki pou donn the legal owner pou en later dan zalantour, e dan ka kot sa bann later napa devlopman lo la,  kote pou adres sa bann dimoun i sitye pou verifye?  Lekel lenstitisyon ki pou konsilte avek sa bann dimoun e dan ki form? 

Mr Speaker mon santi ki tousala i bann refleksyon ki fodre nou fer en letan nou pe konsider sa bann amannman ki’n ganny table. 

Eski sa register ki’n ki nouvo Lalwa i fer provizyon pa sifizan, ouswa i kapab ganny amender.  An konklizyon Mr Speaker, mon repete ki sa Prozedlwa i enn ki annan son merit dan nou sosyete modern. 

In pran kont nou bann defi ki nou’n koz lo la, e in adres bann mankman.  Parey mon dir, sa Lalwa pa pe get okenn dimoun an partikilye, ni sirkonstans e ni kouler politik, ni lekel Gouvernman ki o pouvwar. 

I pe get pei e direksyon ki nou pei pe bouze.  I pe adres akse piblik lo lans.  Retir pouvwar aprouv nenport ki dan lanmen Minis. 

Retir pouvwar appeal dan lanmen Minis.  Met lanfaz lo land use plan ki form labaz pou desizyon ganny pran.  Agrandi e spesifye konpozisyon Board pou gid lenplimantasyon sa Lalwa. 

Ogmant penalti.  Met plis transparans lo lafason ki desizyon i ganny pran.  Promouvwar konsiltasyon.  Met en striktir ki pou enplimant sa Lalwa.

Enkli bann provizyon imedya.  Avek sa mon demann bann Manm pou donn zot sipor pou sa Prozedlwa.  Mersi Mr Speaker. 

 

MR DEPUTY SPEAKER

Bon mersi Minis pou ou larepons.  Bon in ariv ler pou nou pran en vot lo merit sa Bill. 

E mon ti ava alors demann tou bann Manm ki an faver merit zeneral e prensip sa Bill pou lev zot lanmen.  E Deputy Clerk ou a donn nou count.  Okenn Manm ki kont?  Deputy Clerk.

 

MADAM DEPUTY CLERK

Mersi Mr Speaker.  Bonn apre midi a tous.  Mon’n rikord 10 Manm ki’n vot an faver e personn kont.  Mersi.

 

MR DEPUTY SPEAKER

Ok.  Savedir merit Bill i pase.  Vi ki merit Bill in pase. mon a demann Deputy Clerk pou fer en Formal Second Reading. 

 

MADAM DEPUTY CLERK

Mersi Mr Speaker.  A Bill of an Act to revise and consolidate the Law relating to land use planning and sustainable development, enacted by the
President and the National Assembly.  Mersi.

 

MR DEPUTY SPEAKER

Mersi Deputy Clerk.  Bon mon a demann zis en Mosyon from The House pou nou rantre dan Staz Komite. 

 

HON CHARLES DE COMMARMOND

Ou menm ou kapab rantre direk Mr Speaker.

 

MR DEPUTY SPEAKER

Nou ava rantre direk dan Staz Komite, mon demann serzan pou move the Mace ki nou al dan Staz Komite. 

Mersi serzan.  Bon dan Staz Komite, mon pou ganny gide vreman par travay ki’n ganny fer par Bills Committee

Mon konnen zot annan amannman ki’n ganny resevwar, zot osi annan lezot travay atraver sa dokiman ki zot annan en versyon ki track changes.  Ki mon mazinen Chair of Bills Committee i ava montre nou.  Alors mon donn Chair of Bills committee laparol. 

 

HON BERNARD GEORGES

Mersi Mr Chair.  Bonn apre midi Minis.  Bonn apre midi ou delegasyon, bann Manm e bann dimoun ki pe ekout nou. 

Mr Chair avan ki nou kontinyen, mon ti a kontan fer Manm rapel bann dokiman ki devan nou.  I annan en, premyerman en rapor ki Bills Committee in table e ki’n ganny sirkile. 

E sa se report on the Physical Planning BillMon dir sa akoz dan son 3enm parti, dan son 3enm ek 3enm parti i annan enn de keksoz ki i en pe relevan. 

Premyerman nou mansyonnen dan son 2enm parti ki i annan en track copy parey ou fek dir.  Ki bann Manm i ava swiv lo la, swa anler lo board, swa lo zot tablet devan zot. 

E, me sa ki pli enportan se ki dan sa track copy i annan serten alternative wording pou serten clause ki’n ganny propoze par Legal Advisor Bills, Legal Advisor Lasanble atraver Bills Committee

Nou’n prefere gard sa pou ki Minis ek son delegasyon i ava konsider sa.  Dezyenmman, dan 3enm parti nou rapor, i annan, nou’n soulev 8 pwen ki Manm i a kapab konsidere anmezir ki nou pe pas atraver sa Board.

 Nou’n flag sa, akoz se bann keksoz ki ti leve dan diskisyon ki nou ti annan dan Bills Committee avek Manm Planning Authority. 

Enn de sa bann keksoz in ganny repran dan bann lamannman ki devan nou.  Donk Mr Speaker sa se premye pwen.  2enm pwen i annan 2 seri lamannman ki’n ganny donnen with notice

1 par Onorab Ferrari, 1 par Onorab Leader Lopozisyon devan Lasanble osi.  E se sa, e sa bann ler nou ariv lo, lo bann clause spesifik sa bann Manm ava, ava move pou sa bann lamannman. 

Premye, premye lamannman ki nou pou vin lo la, se lo lamannman ganny propoze par Leader Lopozisyon lo clause 9 epi clause 11.  Epi apre sa clause 22, 37, 39, 41 ek 50 par Onorab Jean-Francois Ferrari. 

Mr Chair mon ti a kontan gidans Minis avek son delegasyon, pou bann track changes ki nou’n fer, ki pa sibstansyel kot nou pe, kot nou pe sanz wording oubyen fer enn de lamannman tipografi. 

Eski Minis i, eski nou pou pas atraver sakenn sa?  Oubyen eski Minis i plizoumwen pa eksepte sa bann?  Mon pa pe, mon pa pe fors Minis pou aksepte. 

Me nou, par egzanp premye, premye seri lamannman i dan Contents.  Kot nou pe propoze national land use plan olye an pti let, capitalize sak mo.  Sa set en legzanp. 

En lot legzanp se Clause 34, touzour dan title page kot olye met ‘’requirement of permission of Authority to development land,’’ nou pe propoze ki ‘’permission of Authority required,’’ eksetera, eksetera. 

Bann pti, pti keksoz koumsa.  E i annan bokou atraver Bill, me nou ava, mon ava demann Minis si i ti ava swete ki nou pas atraver sakenn sa bann?  Oubyen non? 

 

MR DEPUTY SPEAKER

Minis mon a donn ou laparol.

 

MINISTER PAMELA CHARLETTE

Mersi Mr Speaker.  Mr Speaker lo kote bann typo errors sa mon krwar nou kapab, nou kapab do without, nou kapab les ale.

Nou napa major konsern lo kote bann keksoz ki fodre sanze li menm.  Me selman ti annan en pwen, ok.  I annan enn de keksoz par egzanp kot Board Fees.

 

HON BERNARD GEORGES

Mersi Minis.  Kot bann ki pli sibstansyel, nou ava pause nou ava demann ou permisyon.  E premye ladan Mr Chair avek ou permisyon se long title.

Long title sa
Bill, Legal Advisor pe propose en alternative wording.  Eski, ki pozisyon Minis lo la?

 

MR DEPUTY SPEAKER

Minis eski ou annan en kopi avek track changes?  E zis an ka ou napa, lo ou lekran devan ou.  Me mon pa tro asire si ou pou kapab lir li sa zistans ki i ete avek ou.

 

HON BERNARD GEORGES

Malerezman i a fer avek ou.  Malerezman i ase ptipti e nou pa kapab fer li vin pli gro. 

 

MINISTER PAMELA CHARLETTE

Pou ou i okYah

 

HON BERNARD GEORGES

Mersi Mr Chair mon pou bezwen, mon bezwen en dimoun pran sa bann not. 

Akoz mon pa pou kapab lead diskisyon an menm tan, e pran not, i pou pran tou ou letan.  Si en dimoun ti a kapab Onorab, Onorab Sebastien Pillay mersi.  Apre nou ava repran sa dan nou.

 

MR DEPUTY SPEAKER

Ok, Onorab Sebastien Pillay ou a pran bann notes.  Mersi.

 

HON BERNARD GEORGES

Very good  – mersi Mr Chair.  Premye i annan enn de, enn de keksoz tipografi. 

Par egzanp i annan en definisyon Appeals Board ki nou’n mete, ki mon pa krwar i annan en problenm apre nou’n azout mo Planning Authority, en plas kot i pa ti annan. 

Dan definisyon building, Bills Committee pe propoze ki nou azout en kategori building.  Setadir erection of retaining walls and boundary walls ki pa ti la. 

E ki mon krwar ti ganny plizoumwen aksepte dan nou miting.  Minis i dir ok, mersi.  Dan definisyon ‘’dilapidated building,’’ nou ti pe demande, eski i neseser pou gard sa morso ‘’and is aesthetically detrimental to the amenity of the area.’’ 

Oubyen zis a ‘’building fallen into a state of disrepair or deterioration of fallen into ruins through neglect’’ i ase san kalifye li.  I en kestyon?  Nou napa en

 

MR DEPUTY SPEAKER

Minis ou oule tourn lo la pli tar?  Oubyen, e nou kontinyen.  Parske nou pa pe pran en vot endividyelman la. 

Nou pe zis go through bann amannman, e pli tar si i annan bann ki ou ti oule en pti pe plis letan pandan ki nou pe al atraver larestan. 

Mon mazinen ti ava pli vit si nou kontiny koumsa. 

 

HON BERNARD GEORGES

Mersi.  Menm kestyon i vin avek definisyon ‘’estate.’’  Eski i neseser pou mete ‘’whether in co-ownership or otherwise or in the same ownership’’. 

E nou ti’n deside pou sanz mo title, e pou servi mo ‘’parent parcel’’, ki pli apropriye ler nou pe koz lo subdivisionAkoz toultan i annan en ‘’parent parcel’’ ladan. 

Highway Authority nou’n propoze azout public road, pou fer sir ki en Highway Authority pa pou annan nanryen pou fer avek bann estate road.  Par egzanp. –

 

MR DEPUTY SPEAKER

Onorab Pillay.

 

HON SEBASTIEN PILLAY

Non zis, zis Minis si i kapab kominike si sa, kot ler Onorab Georges pe lir, kot i donn son, kot zot dakor avek.  So that mon kapab note is there an agreement?

 

MR DEPUTY SPEAKER

Ok, i pa ti ankor donn son, i pa ti ankor donn en komanter lo dilapidated building.  E sa morso ki ti’n ganny propoze, pou retire. 

Mon krwar i pe zis mazin lo la.  Me i a dir nou petet.  Minis si ou kapab zis endik nou wi, non oubyen pending.  Onorab Ramkalawan.

 

HON WAVEL RAMKALAWAN

Mr Chairman mon krwar ki Minis in deza dir ki i plizoumwen dakor avek sa bann.  E ki petet pou fer li pli fasil, olye pou Minis dir nou wi e non. 

Si i annan en keksoz ki i pa dakor avek, then i raise

 

MR DEPUTY SPEAKER

I port sa a nou latansyon?

 

HON WAVEL RAMKALAWAN

Yeah.  Sansan nou take it ki poudir i ok.  Mersi.

 

MR DEPUTY SPEAKER

Ok.  Savedir nou, nou pran li konmkwa i ok, unless Minis i raise en objection.  Onorab Georges.

 

HON BERNARD GEORGES

Mersi Mr, mersi Mr Chair.  Mr Chair public road parey mon dir –

 

MINISTER PAMELA CHARLETTE

Sorry.  Ler nou’n konsilte nou dir kekfwa i ti a bon nou tir sa, kot dilapidate, kot i ete sa?  Kot sa ‘’aesthetically.’’  Nou tir sa.  Nou kite?  Nou pou gard li.  Nou pou garde nou pou kite?  Garde. 

 

MR DEPUTY SPEAKER

Minis zis pou mwan remind ou ki zis an ka ou anvi ou bann teknisyen, i kapab koze osi.  Parski nou dan Staz Komite. 

So si zot anvi fer en komanter, santi zot lib, pou zis lev zot lanmen, mon a donn zot laparol.  Mr François

 

CEO MR JOSEPH FRANÇOIS

Mersi Mr Chairman.  Sa kalifikasyon pou ‘’dilapidated building’’ i plizoumwen pe fer referans ek son lokasyon e son zalantour.

E i annan bann ka kot ‘’dilapidated building’’ i kapab ganny trouve kot en lokasyon ki pa zennan.  Oubyen ki pa pe afekte amenity son lokasyon.

E alor pou anpes met li ouver, kot pou li aplike dan tou sirkonstans, in plito kalifye li kot landrwa, kot i vreman neseser pou antre, pou dil avek li atraver notice. 

So sa rezon ki in describe li Mr Chairman.  Mersi.

 

MR DEPUTY SPEAKER

Savedir ou ti a prefere i reste?

 

CEO MR JOSEPH FRANÇOIS

Yes Mr Chairman.

 

MR DEPUTY SPEAKER

Ok.

 

HON BERNARD GEORGES

Mersi.  Mr Chair nou’n deside fer en lot fason travay.

Nou’n fer, nou’n fer board vin pli gro, pou ki dimoun i kapab swiv li prezan, bann ki napa.  E kekfwa Minis osi i kapab swiv li pli byen.

Mwan mon a fer bann koreksyon lo mon computer, mon krwar i ava en pe pli, en pe pli fasil.  I annan osi, i annan osi definisyon ‘’land.’’  Pardon, lo, wi definisyon ‘’land.’’  En definisyon alternatif in ganny propoze.

 

MR DEPUTY SPEAKER

Okenn lobzeksyon,  lo kote, Minis.  I ok.

 

HON BERNARD GEORGES

Nou aksepte.  Mersi.

 

MR DEPUTY SPEAKER

Nou proceed.

 

HON BERNARD GEORGES

Dan land use plan la e pli tar, nou pe propoze, azout avan group of islands, pardon, wi.  Island or group of islands.  Akoz avan sa dan Lalwa tou bann zil ti ganny groupe ansanm.

E nou pe prevwar ki kekfwa dan lefitir, pou bezwen annan en land use plan pou en zil spesifik, alor nou pe propoze ‘’island or group of islands,’’ zis pou prevwar.

Mon krwar sa ti’n ganny aksepte, mersi.  ‘’Member’’, nou pe definir ‘’member’’.  Mon krwar pa i annan en problenm la.  ‘’Mineral’’ nou pa pou fatig nou lo la.

Subdivision, prosen propozisyon se lo definisyon subdivision.  E la i annan en lalis keksoz ki kapab vin en sub division.  E nou pe demande eski i neseser pou gard sa fraz ‘’for agricultural residential commercial or industrial purposes or combination thereof.’’

Akoz sa i kouver tou keksoz.  So si i kouver tou keksoz, akoz eski nou bezwen met li?  Nou garde nou tire?  Nou tire, mersi.

Clause 5, ler nou regard bann objects, Legal Advisor in demande eski nou servi use, sustainable use? 

Oubyen eski nou prefere ‘’sustainable land management’’ or ‘’sustainable development of land?’  E la nou ganny gide par zot.  Akoz se zot bann eksper.

 

MR DEPUTY SPEAKER

I annan 2 propozisyon.  So eski zot dakor ek okenn ladan?

 

HON BERNARD GEORGES

‘’Sustainable use’’ nou garde, mersi.

Clause 7 ek 8. Tou lede i annan en propozisyon alternative wording,  ki pa sanz okenn keksoz, me ki zis word li diferan, ankor enn fwa, nou dan zot lanmen.

 

MR DEPUTY SPEAKER

Minis ou annan en preferans?

 

HON BERNARD GEORGES

Nou gard sa ki avek, sa ki’n avek.  Changes ok?  Ok.  Fini la.  E nou ariv lo ‘’Board of the Authority.’’ 

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan demann gidans Lasanble, mon pou, lo seksyon 24(3) se mon pou, pe move pou repeal en sub-clause 3(c).

So mon ti a kontan isi, si Lasanble i kapab get nou bann Manm, i kapab get mwan, me ‘’the Power of a Minster to issue policy directives.  Ok, is it modern? 

Or is it en, an area where nou pa devret pe, be the Minister should trust a professionals.  Me li i pa pe, i pa pe fer policy directives.

I en kestyon ki mon demande, e mon pa konnen si bann Manm i annan en- Mwan mon vwar mon en pti pe enkonfortab avek.  Me mon ti a zis kontan zot get mon en pe plis.  Mersi.

 

MR DEPUTY SPEAKER

Onorab Ferrari zis fer kler lekel clause ou ti pe fer referans avek.

 

HON JEAN-FRANCOIS FERRARI

Clause 8 Mr Speaker.

 

MR DEPUTY SPEAKER

Clause 8. Ok.

 

HON JEAN-FRANCOIS FERRARI

Mr Speaker the issue at hand is, should the Minister be issuing policy directives to the Authority?  Sa se kestyon ki mon poze.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mr Chairman, in fact menm dan larepons Minis taler, i annan en issue ki leve la.  Letan zot pe refer to policy directives, guidelines and everything,  nou bezwen pran konesans ki poudir Lakour in rezete sa bann zafer policy.  Policy napa the power of the Law! 

Annou pa bliye, ki poudir dan case Talma versus The Government of Seychelles, an relasyon avek later Anse Lazio.  Lakour ti rezet, ti throw out altogether the land use plan pou Praslin.

E annou pa bliye osi, ki poudir Lakour tou resaman in fek, zet en policy Gouvernman ki ti apel Vertical Integration.  E letan ti pe ganny zete, Ziz Govinden ti fer kler,  ki poudir this country i ganny gouvernen anba rule of Law.  It’s the rule of Law ki konte.  Alor a policy has no effect of the Law.  Alors Minis pou issue policy directives?

Ki kalite policy directives ki napa lafors Lalwa, lafors Lalwa.  Avek en Lotorite.  Once ki Minis i fer sa i bound ki pou dir sa dimoun, letan aprezan Lotorite, egzakteman parey zot pe dir guidelines ki pe anmenn zot, Si i pa anba en regilasyon, en S.I, i annan lafors legal.  Be si ou ti pou fer sa, mwan mon krwar ki ou ti ava kapab azoute.  E somewhere bann avoka zot ava kapab diriz nou.

Si ou ti pou kit sa la, ou ti pou bezwen mete ‘’under regulations.’’  Oubyen whatever other format ki zot ti ava fer.

Me pou issue policy directives lo li menm li, i pou napa lafors Lalwa.  I pou napa lafors legal, e i pou ganny challenge e i pou ganny zete.

Alors nou pe senpleman met en keksoz ki napa lafors.  E Onorab Georges ou ava gid mwan la.  Ki napa lafors, amwen ki nou ankadre li dan en keksoz legal.

Alor sa i enn mon konsern.  E mwan mon konpran ki Onorab Ferrari i pe dir.   Me parey nou pe dir, nou la pou nou, it’s a learning experience an menm tan.

Me si nou konnen ki poudir  i deza annan bann, i Lotorite avek Lakour,  akfer ki nou pou met li la?

Kan demen en dimoun pou al anmenn Ankour.  E i pou sit en case koman son Lotorite.  Mersi bokou Mr Chairman.

 

MR DEPUTY SPEAKER

Mersi Onorab Ramkalawan.  Onorab Georges.

 

HON JEAN-FRANCOIS FERRARI

Mersi Mr Chair.  Mr Chair mon pe mazin en senaryo swivan – si dizon en Gouvernman i o pouvwar.

E sa Gouvernman i deside as a matter of policy ki okenn building ki lo foreshore, ki lo lakot, pa pou pli o ki en pye koko.

Parey nou kontan dir, oubyen ki ridge development pa pou ganny -, sa Gouvernman pa krwar ki i devret annan en ridge development ki kas the skyline.

Si sa Gouvernman i deside ki sa se son policy.  E i anvi fer konnen Planning Authority ki sa se son policy,  mon krwar kestyon ki Onorab Leader Lopozisyon i demande se, ki mannyer i fer sa?

Ler nou regard, ler nou regard clause 3 mannyer i ete, Minis i ava anvoy en kominikasyon kot Planning Authority pou dir –  Gouvernman aktyel, sa se son policy, alor an fonksyon sa aksepte oubyen refiz, oubyen refiz permisyon, si i breach sa policy.

Me kestyon se eski nou devret reste la, oubyen eski sa policy e devret ganny tradwir dan en S.I.  E mon pa konnen.  Mon, obviously i annan en side always better.

Me anba Lalwa Planning, mon konnen ki zot annan en kantite internal regulations ki pa ganny set up dan bann S.I.

Eski mwann, mon annan rezon?  Zot menm zot annan zot guidelines ki zot fer.  Eski i devret dezormen ganny Gazete?

 

MR DEPUTY SPEAKER

Bon i annan 2 dimoun ki’n lev lanmen lo menm issue.  Mon a les zot koze e answit nou ava tourn kot Minis.  Onorab Andre.

 

HON CLIFFORD ANDRE

Mersi Mr Chair.  Mr Chair parey Leader Lopozisyon in dir, i en, i en ruling Lakour konstitisyonnel ki’n ganny donnen.

Ki policy pa kapab atas avek li lafors Lalwa pou ou compel en dimoun, fer en keksoz oubyen compel li pa fer en keksoz.

Alors sak, dan sa konteks en policy pou dezormen bezwen vin en, anba en S.I dapre sa ruling ki Lakour konstitisyonnel in donnen.  2enm pwen ki mwan mon ti oule dir.

Se nou dir ki Minis ki pou issue.  E pou mwan i pa kler si i pe issue en, parey Onorab Georges in dir.  Kekfwa Cabinet in desid lo serten keksoz.  E si li i pe issue sa.

Eski sa, parey Onorab Ferrari i pe dir, i pa en lenterferans dan travay ki Planning Authority i sipoze fer.  Akoz i en Lotorite, wi i annan, son umbrella Ministry.

I Minister, e sa Minis ki la, sa letan.  Me selman eski i pa enterferans dan travay Planning Authority pou Minis issue sa direktiv oubyen sa policy?

I annan 2 keksoz mon krwar ki nou devret gete.  Mwan letan mon pe gete, mon krwar, kekfwa atraver Minister, me se, letan mon pe get li, ki mannyer sa ler aktyel nou pe fonksyonnen.

Se Sekreter Cabinet ki bezwen dir poudir Cabinet of Ministers in desid lo tel zafer an referans avek Planning.   Sa i ava al kot Chairman Board.

Me selman pa met sa lobligasyon lo Minis, akoz Minis i annan serten lezot fonksyon ki kekfwa i ganny attributed to li.  Ki letan en dimoun i pa satisfe avek sa, en keksoz, i bezwen mont en lot leskalye.

E si li i pe donn sa direktiv, savedir sa pa pou, pa pou apropriye.  So alors mon pou, mon pou dakor avek Onorab Ferrari.

Me selman osi mon pou osi dakor avek Onorab Leader Lopozisyon, ki sa i bezwen ganny, ganny transcribe into an S.I., according to Constitutional Court.  Mersi.

 

MR DEPUTY SPEAKER

Onorab Pillay.

 

HON SEBASTIEN PILLAY

Yes, mersi Mr Speaker.  Mr Speaker mon konpran kote bann, bann entervenan pe vini.  Me selman i annan, i annan 2 kalite policy ki nou pe koz lo la, la.

I annan en kalite policy ki fors serten aksyon e ki en dimoun i kapab challenge baze lo son bann drwa ki i annan.  Par egzanp en land use plan, si i pa an Lakor avek Lartik 26, ki mon drwa pou devlop mon propriyete.

Mon pou challenge li lo sa baz.   Apre ou annan Policy ki set bann internal mekanizm ki mannyer en Minister i fonksyonnen.

Si ou pou obliz en Minister pou fer sa anba regilasyon, then sak fwa i pou bezwen sanz son internal policy, i pou bezwen fer li anba en regilasyon.

Sa ki mon krwar nou bezwen distenge ant le de.  Sa enn ki la i pe provide ki Minis i kapab issue policy directives.  Si par egzanp Minis i end up issue en policy directive ki annan pou fer avek devlopman.

Definitivman i pou bezwen al anba regilasyon.  I pa pou kapab pass through being a Policy.  Akoz administrativman, par egzanp en Departman mannyer ou fonksyonnen, ou fonksyonn administrativman anba en Policy.

Ler sa Policy in ganny pran par tou dimoun.  Then i ganny legalize, e i ganny lafors Lalwa swa i vin en Lalwa, swa i vin anba, en regilasyon.

Me si ou fer, ou fer Policy vin direkteman anba en regilasyon, ou constrain yourself.  Akoz ler pou annan en challenge sa dimoun pou’n fini pre ek son challenge.

I pa pou kapab challenge, akoz i pou’n fini vin Lalwa.  Si ti napa sa 2 challenge ki ti oule annan.  Nou pa ti pou’n vwar poudir i annan en mistake dan sa 2 policy.

 That is why, ki parey Onorab Georges pe dir, i annan en progresyon ant en Policy avek en regilasyon.  E se pou sa rezon ki anba sa Lalwa pli tar, i annan en pouvwar ki Minis i annan pou li fer regilasyon.

Me sa bann regilasyon i pa fer lo li tousel.  I bezwen fer an konsiltasyon avek sa Lotorite.  E ler nou vin lo sa bann directives parey sa mo directives.

Mon krwar se sa ki parfwa i mislead nou ler nou tann sa mo directive.  Minis pa pou kapab issue en directive lo Lotorite Plan an se ki konsern son fonksyon.

Akoz son fonksyon i determinen par son Lalwa ki Lotorite Plan i tonm anba la.  E se sa diferans ki i annan ant seksyon 10 ki ti egziste anba sa Lalwa avan e ki’n sorti.

Si nou ti annan en seksyon, en residual section ki ti fer en appeal to the Minister or something like that, then i ti pou danzere pou annan sa clause.

Mon krwar petet pou nou retir en clause koumsa, nou kapab pe fer en disservice to the public service itself.  Akoz i bezwen egziste lo baz Policy avan ou donn li lafors legal.

E se sa ki form par lafason ki Minister finans i fonksyonnen.  En keksoz i al anba en Policy avan i bouze pou li ganny lafors legal.

Akoz i bezwen ganny trial anba en Policy, i bezwen ganny abitye avek.  So nou bezwen konpran the context of it, mersi.

 

MR DEPUTY SPEAKER

Mersi Onorab Pillay.  Onorab Ramkalawan.

 

HON WAVEL RAMKALAWAN

Yeah.  Be zisteman.  Mon krwar ki lafason ki Onorab Pillay in koze, e letan i regard byen son, si ou regard byen sa clause, i pe dir ou i ava issue ‘’policy directives’’ as to the performance of its functions and exercise of its powers. 

Ok.  So i ape, i ape donn lord direk sa Authority as to its functions and exercise of its powers.  Se pou sa rezon ki ou kapab, ou kapab regard li koman en enterferans.

Konmsi son policy i vin, i vin koman en enterferans dan lafason ki i pe fer son travay.  E this i kapab ganny, i kapab ganny challenge.

Be mon, i reste, i reste parey sa legzanp.  Par egzanp pye koko ki Onorab Georges in dir.  Be si en Gouvernman i vini, i dir tou batiman grander pye koko.

Be i fer son S.I ki poudir anba sa, anba sa, anba Physical Planning soz powers ensidswit.  Tou batiman i bezwen anba oter pye koko.  E Planning Authority letan i pe pran konsiderasyon.

I vini i vwar ki poudir Reef Hotel batiman pe donn 4 letaz.  Napa pye koko ki 4 letaz.  Alor i dir be, i refer to sa.  Apre sa i kapab vin en lot Gouvernman, parey i pou al arive.

Kot li sa lot Gouvernman li i deside sanz sa policy pye koko.  Ki i fer?  I issue en nouvo S.I, kot i dir batiman borlanmer i ape, i ape zet sa S.I, i ape issue en nouvo S.I.

I pa devret pli o, oubyen i kapab ale ziske 3 letaz.  3 letaz ki ava donn sepa 15 met oter.  Letan ou fer li through S.I, ou kapab sanz ou policy.

E nou vwar kot i annan serten keksoz osi tou ki anmare.  E this is why we have to move dan direksyon rule of law.  Sa zafer Policy en later par dimoun.

Me, be sa napa en landrwa ki i annan lafors legal, ok.  Be tandis ki si nou pe dir bann Policies koumsa, e sa, this is a government policy.

So nou, nou pe, nou, nou pe, i mean mon konpran sa ki Onorab Ferrari pe dir.  Nou pe pouse pou ki policies ki pou binding lo dimoun i bezwen kapab annan en lafors Lalwa.

E letan i ganny fer anba lafors Lalwa, then i vin, then i vin, a mwen ki.  Mon ti ava kontan, petet zot ki’n ekrir sa Lalwa, ki zot oule dir par Policy directives.

Ki zot oule dir par policy directives?  Parski si nou pe koz Policy directives, parey i ti ete, parey in ete.  E legzanp ki mon’n donnen, en later par en dimoun.

Then i annan en problenm.  Parski its, egzakteman, egzakteman.  Se sa ki mon, nou gannyen en keksoz koumsa.

 

MR DEPUTY SPEAKER

Mersi Onorab Ramkalawan.  Onorab Ferrari.  In kouver.  Onorab.

 

HON JEAN-FRANCOIS FERRARI

Non, non Mr Pool pe demande.

 

MR DEPUTY SPEAKER

Mr Victor Pool.

 

SENIOR LEGAL DRAFTSPERSON MR VICTOR POOL

Ok.  Mersi Mr Speaker.  Bonzour tou dimoun.  Bon, i kler ki going forward policy i pa Lalwa.

Ok, avek bann case ki pe arive.  So, e sa clause la, in aparet dan en ta Lalwa oparavan.  Ok.  E prezan nou bezwen gete si nou pou kontinyen servi sa mo policy dan sa clause la mannyer i aparet.

Oubyen si nou pe mean ki Minister i kapab give en general directions, in term of general administration, general administration on the walking of the Authority. 

And not policy, policy i toultan policy, i pa vin dan rar, sa i kler.  So si nou pe mean ki Minister par egzanp i kapab dir ek Board, gete, keksoz, zot pe slack la, nou pa pe attend Board Meeting Room.

Nou bezwen koup, pick up zot slack oubyen kota pa pe ganny meet.  Si i issue en general administrative directive to the Authority dan sa laliny.

Kekfwa toultan sa clause ti devret pe ganny gete koumsa li.  E sa bann case i devret fer nou prezan sanz laplikasyon e wording sa statement.  Selman toultan i la li, dan tou bann Lalwa.

Solmon going forward nou bezwen aranz li en pe-

 

MR DEPUTY SPEAKER

Ok, mersi.  Mersi Mr Pool.  Savedir ou pe suggest ‘’the Minister may issue general administration directives.’’  Onorab William.

 

HON WAVEN WILLIAM

Mersi Mr Speaker.  Mr Speaker, letan ki nou pe fer sa bann diskisyon, mon pe get bann diferan pwen ki pe monte.

Me mon anvi lev sa kestyon, akoz i annan en group dimoun deor la, ki santi zot defavorize.

E letan nou pe koz policy avek Internal Regulations, ouswa bann Lalwa ki Minis pe dir i ganny, pou ganny preskri.  Eski, ki bor ki universal design i antre?

Akoz letan nou pe get sa Lalwa, nou pa pe vwar poudir Sesel ozordi bann batiman, en bann laboutik, i annan serten bann semen, kot universal design pa pe ganny respekte.

Konmsi anba ki i tonbe sa.  Konmsi lekel ki enforce?  Konmsi mon ti a kontan ganny en lesplikasyon avek, avek panel.  Akoz sa i en gro problenm.

E i en gro konsern pou bann dimoun ki annan bann dezabilite.  Mersi.

 

MR DEPUTY SPEAKER

Mersi Onorab William.  Eski i vin en pwen ki adrese atraver Lalwa?

Mon pe zis demand sa zeneralman pou Minis petet reponn.  Oubyen bann lespri legal?  Onorab Ferrari.

 

HON JEAN-FRANCOIS FERARI

Mr Speaker mon ti a kontan repran laparol en pti kou,  pou dir mon krwar ki nou pros pou tonm dakor.  Se sa mon policies.

Nou, nou napa en problenm i issue bann administrative directives.  Because the Authority have to be administered.  There has to be a, en ladministrasyon, en lankadreman administrative.

E si Minis i anvi, i dir be, zot bezwen meet 2 fwa par semenn.  Zot bezwen delivre dan 2 semenn.  These are things that are administrative guidelines – if you want, or directives; saying I want this to be adjudicated or I want this to be sorted out within such a period.  What we don’t want, mon krwar, e la mon pe lans en lapel avek, avek Minister, avek Egzekitif,  pou dir se ler nou fer sa ki nou ganny, ki nou menm nou, nou kree sa lendepandans.   Annou get li par konman en, konman nou, konman en kote nou pe sey retir tou bann pouvwar Minis.

Me selman nou pe sey retir bann keksoz ki kapab resanble bann lenterferans politik, oubyen bann lenterferans policies if you want, si ou kapab met koumsa.

E alors si Minis e son lekip i santi poudir ‘’performance of   its functions the exercise of its powers.’’  I dan kad administrativeThen let’s put it, the Minister may issue administrative directives.

And, e nou move on.  Akoz ler nou pou al en pti pe pli lwen Mr, Mr Speaker.  Ler mon pe, mon ti pe koz lo, lo 24.  Kekfwa mon devret eksplik li la.

Ou vwar,  24(c) ki nou pou ariv lo la taler.  Ou vwar, nou annan, nou annan en definisyon bann paramet dan lekel, nou pou permet Minis pou entervenir lo land use plan, e pou sa, was the plan.

E i annan, i annan national security.  I annan public welfare, healths, safety, natural causes and disasters. 

Why is it that after that, nou bezwen azout ‘’policy and development strategies of the Government. 

Se sa ki, se sa ki mwan mon vwar nou pe ouver en laport pou, pou bann dimoun konplent, bann dimoun input, bann, en motiv, se anba sa clause ki mwan mon pa’n, mon pa’n kapab kalifye.

So annou tir sa bann keksoz ki diviz nou.  Annou met bann keksoz ki ini nou.

E nou ava vwar poudir, poudir tou dimoun i ava dakor ki en desizyon, en desizyon akademik, en desizyon profesyonnel pa pou ganny enfliyanse par en kapris policy, ou konpran.

 

MR DEPUTY SPEAKER

Ok, mersi Onorab Ferrari.

 

HON JEAN-FRANCOIS FERRARI

So mon pe move, Mr Speaker mon pe move ki nou zis tir sa mo policy si Mini si dakor, e nou met ‘’administrative directives’, and I think we can move on.  Mersi.

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Speaker.  Atraver ou mon oule fer en dernyen, en dernyen appeal to mon bann koleg.  Le 2 ka ki’n al devan Lakour kot Lakour in fer en desizyon lo la, ti napa mansyon, ni land use plan as a policy anba en Lalwa.

Non ti napa mansyon vertical integration as a policy anba en Lalwa.  Dan sa ka spesifik, nou pe mansyonn sa policy anba sa Lalwa.

Koriz mwan si mon mal Onorab Georges, ler en policy i ganny fer.  E lefe ki i ganny mansyonnen anba sa Lalwa, i ganny serten lafors legal.

As opposed to the case of the land use plan, ki li i ti zis vin konman en policy.  E ti napa anywhere dan okenn Lalwa, ki ti mansyonnen ki,  there should be a land use plan policy. 

Nor was there anywhere ki ti mansyonnen ki ti annan en vertical integration policy.  Be sel landrwa ki nou’n fer sa ozordi, se dan Tourism Bill, ler nou’n fer antre, nou’n fer antre annefe make a vertical integration policy ki donn li en lafors legal prezan.

E nou’n fer antre osi, la dan sa ka spesifik, make the land use plan policy.  So ler in ganny mansyonnen anba Lalwa, i gannyen son lafors legal.

I think we have to understand petet the context in which the challenge in Court ti ganny fer.

Akoz, lets assume demen, whoever is in Government.  Si ou fer en very controversial policy, e ou dir ok, ou al direct to a regulation.  Direct to a regulation. 

Sa sitwayen finds it very difficult prezan pou li challenge sa.  Akoz its force of Law ler ou pe enn akte sa lo li.

Be tandis ki la, malgre i annan force of Law,  i still remain ki i kapab anmenn en challenge, e sa pouvwar i ganny curtail par lefe ki sa bann, i zis bann direct, policy directives.

I pa bann policy instructions oubyen, oubyen bann keksoz ki pe fors sa Lotorite fer en keksoz.  Be kot mon dakor, kot mon dakor avek zot.

Kot mon dakor avek zot se ki lafason ki nou’n word li ‘’as to the performance of its functions.’’  Mon krwar i devret vin senpleman ‘’in the performance of its functions.’’

Akoz ler ou pe dir as to its performance, savedir ou pe dictate son performans, ki deza li menm li i sipoze annan pouvwar pou li fer anba son Lalwa.

Mwan mon krwar i dan tou pei kot nou pou ale, nou pou vwar poudir there’s mention of the word ‘’policy.’’  E sa i en throw back from ladministrasyon Angle, ok.

Mon dakor ek ou, be nou pa kapab get, abize.  Si, i mean ou pou pe retir.  Demen ou vin dan Gouvernman.  Demen ou vin dan Gouvernman ou.  You will need to be, to have the power of the policy.  Mon pa pe, mon pa pe fer sa as en polemic, me mon pe fer li pou try and defend what might be good in a Law.

Now si nou santi nou oule tire.  It’s up to us.

 

MR DEPUTY SPEAKER

Ok.  Mon krwar zis avan nou al pli lwen, pli devan.  Les mwan donn laparol Minis.

 

MINISTER PAMELA CHARLETTE

Mersi Mr Speaker.  Mr Speaker mon krwar en manda, en Minister se pou, se pou fer policy.   I vre ki policy then i, nou kapab met li anba en regilasyon, en S.I.

Kekfwa mwan osi mon krwar kekfwa parey Onorab Sebastien in dir.  Kekfwa sa mo directive lo la i en pti pe tro direk.  Konmsi mon pe donn en, Minis pe donn en lenstriksyon.

So si ou kapab dir kekfwa en gidans, parey servi en mo parey guidance, policy guidance or something ki i kapab permet sa Minis pou fer en policy pou gid, pou gid Lotorite Plan fer son desizyon.

Me selman i pou ganny osi kouver anba en Lalwa, Mr Speaker.  Sa mon kontribisyon, mersi.

 

MR DEPUTY SPEAKER

Onorab Andre.

 

HON CLIFFORD ANDRE

Mersi Mr Chair.  Mr Chair ou konnen.

Akoz Planning e bann devlopman ki annan, Planning Authority i en lenstans vreman enportan.

So mwan dan sa konteks, well Onorab Ferrari pe dir sey sanz sa mo, e Minis pe sey dir accommodate li an term en pti pe pli soft.  Me mwan mon krwar si nou dir, nou osi letan i dir regulations, letan i pe koz lo son seksyon regulation, nou dir regulation with regards to sa ki la.

So Minis menm ek, akoz regulations Minister i kapab sanze si i vwar i neseser pou li sanze.  I pa bezwen vin kot Lasanble.

I fer sorti koman en S.I, prezan nou si nou bezwen challenge sa, oubyen nou bezwen dir nou pe, nou pe dir li pou annul sa S.I, nou, nou fer li lo nou par; lo nou bout.

Me selman every now and then, letan policy i pou sanze, oubyen Minister, i annan en keksoz ki i anvi anmennen, i kapab sanz sa S.I.  Ok, i ranplas sa S.I par en lot.

In annan ki’n ganny fer la, letan nou, nou dan Lasanble, enn in ranplas en lot, lot in ranplas en lot.

So mwan mon dir, pou nou pran, take care of this, si nou oule, nou kapab pran sa ki la, anmenn li dan sa seksyon ki koz regulation, on ava get en pti kou.

Konmsi nou ava dir i osi pou spesifye sa bann, sa bann fonksyon ki pe mete dan seksyon 8.  Ki i a fer li it is taken care of.  So sa mon kontribisyon ki mwan mon ti a kontan fer.  Regulations i anba 78.

So si nou get en pti kou zis pou, pou nou ed, for is of reference, si nou al anba 72, si nou kapab accommodate li anba 78.

Akoz 78 i vas letan nou pe get li.  Me zis menm ek regulation, without limiting the general ideas, i koz lo en, pou annan, nou al ziskan, it goes up i ale ziskan, eskiz mwan.  Nou ale P, Q, R.  Nou ale ziskan R.

 

MR DEPUTY SPEAKER

Ziskan V.

 

HON CLIFFORD ANDRE

R, S, T, U, V.  So krwar si nou pe get sa, nou kapab met sa, pou li antre anba la.

 

MR DEPUTY SPEAKER

Onorab Georges.

 

HON BERNARD GEORGES

Mersi, mersi Mr Chair.  Mr Chair mon, permet mwan pou met en start avek bann pizon.  Mon pe mazin tre for lo la en.

E mon konpran, mon konpran mannyer sa clause ti ganny drafte.  E mon ti a kontan osi tous en pti pe lo sa ki pe vini atraver Onorab Ferrari.

Sak Lotorite dan sa pei, Planning Authority pa en leksepsyon.  I annan en parent Ministry. 

E i kler ki i, kantmenm i otononm, kantmenm nou bezwen donn li tou son, tou son lendepandans posib, i pou still tonm anba en parent Ministry.

Se pou sa rezon ki se Minis ki la ozordi, e non par Chairman Planning Authority ki pe koz avek nou.  E, e toultan nou pou annan en lyen ant sa parent ministry avek son, avek son zanfan.

Nou problenm se ki, nou pe fikse nou lo lafason ki Planning Authority in ganny manage dan lepase.  E nou pe, nou pe reste dan sa bann paramet.

Mon a donn en legzanp, mon a donn 2 legzanp.  Premyerman, si ti pa Planning Authority ki nou ti pe koz lo la, la, me nou ti pe koz lo Ministry of Health dizon.

Kot nou ti dir ki Minister Lasante ti ava annan pouvwar pou issue policy directives lo lafason ki Departman Limigrasyon i travay.  Nou ti ava, nou ti a vin isi, nou ti a dir, sa i toutafe normal.

Akoz si i annan en, en outbreak Ebola par egzanp.  I kler ki i bezwen donn en direktiv vit, pa pas atraver en S.I.  Pou dir tou bann dimoun ki pe sorti lo Kenya Airways pe arive fer sir ki zot al dan karantenn.

That’s got to be done.  E sa set en policy directive ki ganny fer an ekrir lo lafason ki sa Lotorite i perform son fonksyon oubyen i egzers son pouvwar.

Alor mon vwar nesesite dan serten ka pou les en Minister, en head donn serten direksyon avek en lotorite ki tonm anba li.

Non, be dezyenmman prezan pou vin lo, lo Onorab Ferrari.  Akoz i annan en lyen ant sa avek clause 24.  Clause 24, si dizon en Gouvernman, si dizon en land use plan in ganny fer, parey nou konnen ti ganny fer dan lepase.

E, e serten later i ganny, i ganny mete pou HousingE all of a sudden i annan en kriz.  Kantmenm ou’n fer ou land use plan, i annan en kriz ki vini kot ou, ou sekirite alimanter i vin anba presyon.

E sa Gouvernman an plas i anvi sanz dezinyasyon.  E tir en landrwa ki’n ganny set out for housing e fer li vin lagrikiltir.

En pti pe parey a en serten moman, en Minis isi ti pran tou later lagrikiltir ti fer lakaz lo la, akoz ti fasil.  E pou bann rezon politik, me annou pa al ladan.  Si nou anvi fer just the opposite. 

Ankor enn fwa, sa i pou bezwen ganny fer akoz i en Policy Gouvernman ki’n sanze.  Gouvernman in sanz son Policy alor i bezwen kapab sanz sa land use plan.  Nou bezwen les sa souples ganny built in to the system. 

E, e donk mon konpran, mon konpran tou le de kote, mon konpran, akoz konman en Avoka, mon konpran akoz nou bezwen les li avek en serten souples e non pa anmar nou pou bezwen fer S.I pou tou keksoz ki nou bezwen fer.

E mon konpran en serten retisans at the same time, sirtou lo lapar nou ki asiz isi lo sa kote, pou anpes sa pouvwar ganny abize par sa Minis.  Ki apre tou i en, i en dimoun ki annan en vokasyon politik.

 

MR DEPUTY SPEAKER

Mersi Onorab Georges.  Onorab Ramkalawan.

 

HON WAVEL RAMKALAWAN

Non, mon konpran bann legzanp ki Onorab Georges pe donnen.  Me selman mon pa vwar li konman policy, ou vwar.  Ou Public Health, ou soz Public Health, si ou annan en sityasyon, i deklar en kriz.

Sa i vin anba, i deza anba son Lalwa Public Health.  Ki bann keksoz ki i bezwen fer.  So i deza annan sa, sa fors legal, lafason ki mwan mon vwar li.

Me si Gouvernman i anvi sanz en keksoz dan en fason, mon pa apel li radikal.  Me i annan en lot policy, e i pou afekte dimoun.

Then i, land use plan, land use plan anba la i pou vin en S.I.  I pou bezwen ganny pibliye pou li ganny sa lafors legal.

Be mwan Mr Chairman, mwan mon krwar ki sa direksyon ki Mr Pool in donn nou, is a good one.  Parski sa ki Minis pe fer la, se lo sa kote ladministrasyon, bann direktiv administrative.

En Gouvernman i la, e Minis i responsab pou bon fonksyonnman Planning Authority.  E letan Gouvernman i balanse, i vwar ki poudir Planning Authority en pe parey bann figures ki’n donn nou.

Planning Authority dan en lespas, dan en lespas 9 semenn in pas zis in aprouv zis 3 laplikasyon.

Minis i, Minis li i pe swiv en pe ki mannyer ladministrasyon pe marse.  Parski i tann leokri dimoun deor.  Alors la Minis i donn en direktiv administrative.

E sa, sa direktiv administrative i annan pou fer avek, avek sa Lotorite dan performans son fonksyon, e legzersis son pouvwar anba sa Lalwa.

Kot i dir avek li, regarde bannla, nou bezwen, nou bezwen shape up, nou anvi ki omwen 15 plan i ganny aprouve tou le mwan.  20 plan i ganny aprouve tou le mwan.

So nou vwar li dan sa, en pe dan sa direksyon.  Me selman Mr Speaker, petet definitivman i pou, letan nou pou ariv lo lot.

Mon pa konnen si Onorab Georges konman Chairman Bills Committee, nou ava les li.

E letan nou’n ariv lo 38, petet i pou annan serten keksoz osi tou ki nou pou’n pas lo la, anmezir ki nou, avan nou ariv lo 38, kot pou annan sa bann zafer policy ankor, lot, lot, lot.

E apre sa nou ava kapab retourn lo 8 e ganny en balans.  Mersi bokou Mr.

 

MR DEPUTY SPEAKER

Ok.  Eski nou pe tonm dakor alors ki nou pou sot sa, pa vedir ki nou’n dakor, me ki nou, nou pou retourn lo la, enn fwa ki nou’n get lezot clause ki relye avek.

Avan mon al lo la, Onorab De Commarmond.  Annou esey al en pti pe vit, mon zis rod en lefikasite.  Akoz nou’n pri depi 40 minit lo en clause.

 

HON CHARLES DE COMMARMOND

Be i senp sa.  Konmsi mwan mon krwar poudir i devret reste sa ki’n mete dan Lalwa la.  Policy i bezwen egziste.  Pran par egzanp ledikasyon.

En policy Minister Ledikasyon pou met liniform.  Pou mwan si sa policy, e sa i.  Minis i ekrir i donn lotorite Minister.  Si sa policy i pa pe abiz li, i pa pe impute lo right en dimoun.

Then in soke ki i dan Lalwa.  Akoz sa Minis i bezwen kapab fer en Policy detanzaot, pou fer marse sa vizyon sa Gouvernman.  Sa i kler.  Me lo lot keksoz ki nou pe koze, si i pou afekte Rights.

Sa i en lot keksoz.  Ou konpran?  Fodre pa nou melanz le de ansanm.  Mwan mon krwar poudir nou devret kapab bouze lo la.

 

MR DEPUTY SPEAKER

Ok.  Annou retourn lo la.

 

HON CHARLES DE COMMAROMOND

Kit li koumsa.

 

MR DEPUTY SPEAKER

Onorab Pillay.

 

HON SEBASTIEN PILLAY

Wi Mr Speaker, byen vit.  Mwan ki mon pe dir.  Mon pe dir ek zot annou regard lenplikasyon.

Akoz sa mo ki Mr pool in propoze i prezan i pou antre direkteman an konfli avek seksyon 13 ki konsern administrasyon Lotorite e pouvwar son BoardSo zis met sa an ekrir.

 

MR DEPUTY SPEAKER

Ok, i kler ou pwen in ganny fer.  Annou move on.   Nou pou tourn lo la.  So nou al lo seksyon 9 Onorab Georges.  Onorab Georges eski nou al direk lo Onorab Ramkalawan?  Nou les li propoz son amannman.

 

HON BERNARD GEORGES

Mersi, mersi Mr
Chair.  Nou annan, nou pas lo clause 9.  E clause 9 nou annan en propozisyon lamannman ki ganny propoze par Onorab Leader Lopozisyon.  E sa i devan nou an ekrir.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mr Chairman mon ti fer kler depi dan mon prezantasyon ki poudir tou keksoz nou dakor lo la, eksepte sa Board.  Tou lede kote ti koz lo Board ensidswit.

Alors mon pe fer en propozisyon, kot mon’n regard 9, 9 an antye.  Mon’n regard 9 an antye.  E mon’n basically, basically reekrir li, ok.  E zot in ganny sans ganny en copy.

E petet si mon ava dir an gro, ki nou sorti dan en Board ki ganny kontrole par civil servants, reprezantan bann diferan Minister.

E sa ki mwan mon pe propoze se en Board ki ava annan, (e) a Chairperson of the Board and 7 members appointed by the President on the recommendation of the constitutional appointments Authority. 

Sa i ava permet Mr Speaker, ki nou bann zenn, e mon ti servi sa lekspresyon lo bann zenn ki’n retournen sorti zot letid, bann ki annan leksperyans e tou.

Ki ozordi zot pa dan Gouvernman.  Zot ava ganny sa posibilite, pou zot apply.  E apre sa pou zot ganny konsidere.

So nou, so i ava annan en Chairperson of the
Board
ek 7 Members ki Prezidan i ava ganny, i ava apwente apre ki sa bann dimoun i ava’n pas atraver CAA.

Dezyenmman, (B).  A representative of the Ministry responsible for land use and Planning.  Parski zot ki the mother, the mother Ministry.  Alors zot reprezantan.

E apre sa, parey nou vwar dan sa Lalwa li menm, lanvironnman i en lot laspe kot nou pe met, kot nou pe met lenportans.

Alors en reprezantan Minister Lanvironnman.  E apre sa the CEO ki ava la ex-officio.  So an tou i ava en Board ki ava annan en Chairperson avek 7 Manm ki a fer 8.

9) en dimoun responsab pou land use.

10) Minister Lanvironnman.  E son Chief Executive Officer ki ava 11enm Manm.

Konmsi en Board avek 11 dimoun.  Apre sa nou annan, ok, Mayor of Victoria ki pou, parey Lalwa i ete la, ok. 

Son (2) i reste, i reste parey, menm Mayor of Victoria ki ganny co-opted lo matters relating avek Victoria.  Apre sa, ok, 3.

Prezidan once ki in ganny tousala, lapwentman sa bann dimoun i ganny fer lo Gazette.  I ganny gazete.

4), Chairperson of the Board i parey, napa sanzman la.

5) The chairperson, the chairperson of the board and the members, shall be paid such fees or remuneration as may be prescribed by regulations. 

E sa nou pe vwar li ki mannyer i pe arive la.  Nou annan en S.I par egzanp ki nou’n demann kestyon lo la, an relasyon avek Human Rights Commission. 

Sa i deplizanpli, the modern, the new way of doing things.  So nou gard sa, ki zot lapey i ganny fer par regilasyon.

Ok, (6) i reste parey.

(7) i reste parey.

(8) i reste, i eksepte pou (9)(1)(a).  Ok.

Kot dan (8) Mr Chairman i mete ki –  parski avan, parski lafason ki Board ti pou ganny apwente, sa la i pou annan sanzman kot i ava lir konmsa;

‘’Where the Chairperson of the Board or a Member resigns or is removed from office, the Board shall appoint a person to hold office as Chairperson of the Board, until the Chairperson or Member is appointed under 9(1)(a). 

9(1)(a), kot nou retourn lo lafason ki zot ganny apwente.  Savedir si se bann dimoun ki bezwen pas atraver CAA, i ava pas atraver CAA.  Si CEO i ava pas dan lafason ki CEO i ganny apwente anba Lalwa.  Si i en reprezantan sa, reprezantan sa 2 Minister,  ankor enn fwa la i ava ganny apwente parey i devret ganny fer anba 9(1)(a).

Apre sa 9 – 9 i reste parey.  Alors Mr –  Akoz mon’n met 9(1)(a)?  9(1).

 

MR DEPUTY SPEAKER

Mon krwar petet ti devret 9(1).

 

HON WAVEL RAMKALAWAN

It should be 9(1).  Sanmenm sa ki mon pe regarde.  Under 9(1).  Se sa lamannman ki mon anvi, mon anvi propoze Mr Chairman lo seksyon, lo clause 9.

Parske mon krwar ki poudir sa i ava ouver en pe sa Board.  I ava donn dimoun an deor bann Minister, sa posibilite pou zot osi tou vin fer en kontribisyon.

Avek sa mon bouz sa lamannman.

 

MR DEPUTY SPEAKER

Eski lamannman i ganny segonde?

 

HON CLIFFORD ANDRE

Mr Chair mon segonn sa lamannman.

 

MR DEPUTY SPEAKER

Mersi Onorab Andre.  Eski i annan okenn Manm ki oule entervenir ouswa lamannman?  Onorab Ghislain.

 

HON CHANTAL GHISLAN

Yes.  Bonn apre midi Mr Speaker.  Mr Speaker parey Minis in dir.  Lotorite Planning i en antite Gouvernman.  Mon pa pe konpran ki mannyer en antite Gouvernman, se sekter prive ki bezwen vini pou vin, diriz (en Board) en antite Gouvernman.

And lo Lotorite Planning i annan osi bann regilasyon ki sa bann antite i fer.

Avek en Board ki annan bann sekter prive lo la, mon zis pe demann mon lekor lekel ki pou vin defann bann policy ouswa sa bann regilasyon ki ganny fer;- enn.

And dapre lamannman ki Onorab Leader Lopozisyon in anmennen, napa Minister Lasante lo la.

And dan tou Board napa okenn par dan okenn devlopman, i bezwen annan Lasante!  I bezwen annan seksyon Fire and rescue!  Konmsi ki mannyer sa enn napa and larestan?

And nou pe koz osi lo dapre konpran, zot pe dir ki sa Board, konmsi Board aktyel ki mannyer pe sey dir, pou evit koripsyon and all.

Be mon pe zis demann en kestyon Leader Lopozisyon; lekel ki koronp en Zofisye Gouvernman?  Eski pa sekter prive ki pou koronp en Zofisye Gouvernman?

And ki fason ki en sekter, en dimoun ki dan sekter prive i pou vin lo en
Board, en Lotorite, ki li i pa pou vin defann son lentere pou li?  I pou annan konfli lentere definitivman.

Mersi Mr Speaker.  Sa mon kontribisyon.

 

MR DEPUTY SPEAKER

Ok.  Mersi Onorab Ghislain.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon, mon senserman pa krwar Leader Lopozisyon i settle sa bann lamannman.

Akoz petet i pou ekout bann rezervasyon ki petet nou kapab annan vizavi son propozisyon lamannman.  Parey in dir li menm,  sa i bann propozisyon ki i pe fer.

Sa ki mon krwar nou bezwen konsidere ki vreman enportan, se ki fonksyon Planning Authority i relate ek fonksyon regilasyon ki egziste dan pei.

E sa bann regilasyon i ganny anmennen par bann diferan antite.  Annou regard konpozisyon ozordi.  Konpozisyon ozordi land use i ganny reprezante.  Minister i ganny reprezante.  Public Health i bezwen ganny reprezante.  Akoz Public Health i sa body ki transcend tou bann lezot landrwa.

Land Transport i ganny reprezante, set akoz issue semen, bann relasyon ki annan pou fer avek sa.  Tou sa bann dimoun ki actually ozordi lo sa Board, whilst they are public servants.  Me zot la pou zot fer en fonksyon vizavi zot lofis ki zot hold, which is sa reprezantasyon sa antite ki zot anmennen.  E apre an relasyon avek bann Lalwa e bann regilasyon ki tonm anba zot purview.

Be nou vwar poudir dan propozisyon anba sa Lalwa in osi fer provizyon pou 5 dimoun, ki annan konpetans dan Planning – si oule, i kapab vin bann enzenyer, bann dimoun koumsa.

Mon santi poudir, isi, si nou swiv sa propozisyon lamannman ki ou pe anmennen, ou pou pe limit si oule pouvwar L’Egzekitiv ki en Gouvernman.  Mon pa pe koz lo Prezidan; pouvwar L’Egzekitiv ki en Gouvernman i annan, e mon pran parol ki Onorab Georges i dir, in koz lo la.  Se ki annou pa regard Planning Authority from sa lizye ki nou pe regard li ozordi.

Me annou regard Planning Authority demen.  Swa ou annan menm Gouvernman, swa ou annan en sanzman Gouvernman, ou pe still bezwen kapab fonksyonnen dan en fason administrative dan en ka L’Egzekitiv.

E Konstitisyon Lartik, Lartik 66, i deza fer provizyon pou sa.  Se pou sa ki ou annan sa bann ka administratif ki’n ganny kree an relasyon ek Konstitisyon.  E se pou sa in ganny kree koumsa –  pou ki zisteman ou kapab challenge li apre!  Me ler ou retir sa bann pouvwar dan lanmen ou Gouvernman, ou policy.

Annou meton demen LDS zot vin o pouvwar.  E zot vin o pouvwar avek zot manifesto.  Eski deswit konman zot vin o pouvwar zot pou fer zot manifesto vin regilasyon, pe vin Lalwa?  Non.

Zot pou fonksyonn ek zot manifesto anba policy.  Apre ki i pou vin Lavwa, once in ganny sans ankre dan sistenm.  Se sa progresyon natirel.

Ler ki nou, ler ki nou pe sanz konpozisyon sa Board to the extent ki ou pe sanz li Onorab Ramkalawan.  Sa ki mon bezwen met a ou latansyon, se ki enn, frekans ki sa Board i bezwen zwenn.

La ozordi i vin en lobligasyon profesyonnel pou sa bann fonksyonner Gouvernman attend sa Board.  Ou pran en biznesmenn or somebody from outside pou met lo sa Board, ki bezwen meet the full day Vandredi; kouver tou sa bann eleman ki bezwen ganny kouver, e asire ki ou kapab ganny en quorum lo Board.  I riske vin en problenm pou ou.    Ou konpran? Non, mwan sa ki mon pe demann ou pou konsidere, se ki ou’n right out dan ou lamannman, e ou kote i annan mazorite byensir.

E si zot pous zot lamannman i pou pase.  E i ava, i ava up to zot demen, pou zot regard ki kalite Planning Authority zot pe donn pei.  Eski zot pe abdicate mon pa pe dir kontrol.

Me zot pe abdicate direksyon en Gouvernman lo en, Lotorite sitan sansib pou en pei?  Sa ki, sa ki ou pou esansyelman pe fer.  Akoz ou bezwen sa bann Lotorite ki ozordi i ladan.

Mon donn ou en legzanp tipik ankor.  Ministry responsible for Tourism.  Nou’n fek vwar Minister Tourizm entrodwi en Lalwa ki nou nou’n pase dan Lasanble apre lamannman, ki konsern standardizasyon bann letablisman touristik –  eski nou pe right out sa?   Eski nou pe dir poudir tou sa bann dimoun ki vin lo Board nou pou kapab ganny zot pou asire ki nou kapab enplimant sa bann Lalwa?

Ozordi ou annan en sure way of getting sa bann dimoun lo ou Board.  Sa fason fasil ki ou fer se ki ou pran en dimoun ki dan sa Minister, ki’n train dan sa domenn.

Be demen ou bezwen elarzi sa.  Prezan annou regard konteks aplikasyon towards CAA pou vin en Manm Board.

Be mon santi poudir sa ki ou riske end up avek, Onorab Ramkalawan, se ki ou riske end up avek en Board ki incline politikman.

Akoz lekel ki form propozisyon CAA?  Mon pa pe dir CAA i politik, me annan get labaz, formasyon e konpozisyon CAA.

 

(Off-Mic)

 

HON SEBASTIEN PILLAY

Non, non, non, mon pa pe dir sa mwan.

Mon pe dir Constitutional Appointers Authority. Ziz Renaud i lo Human Rights Commission.  Non, non, hold on Onorab Ramkalawan.  Les mwan eksplik ou.  Rol CAA li, se pou li apwent en dimoun vizavi en lapwentman konstitisyonnel.

Be konnen anba Lalwa, anba Lalwa i annan en derogasyon ki’n dir an relasyon ek lezot Lalwa i kapab fer sa bann lapwentman.  I pa lozik ler ou regarde si ou annan ou en Gouvernman ki abdicate en responsabilite administrative – egzekitiv avek en antite, ki li i napa en lye administrative avek.

Mon pa ganny en konpran sa.  Akoz sa bann policy i bezwen dekoul from sa Gouvernman.  E se pou sa rezon mwan ki mon krwar poudir ou kapab konsidere retourn sa bann Manm lo Board.  Me si ou santi poudir konpozisyon Board i to heavily oryante  ver Gouvernman, i pou en keksoz ki pou difisil pou sanze.  Akoz se Gouvernman ki set sa bann regilasyon zisteman parey ou’n dir.

E si mon go back to ou largiman orizinal, ki nou bezwen fer regilasyon dan plas fer policybut then sa Gouvernman pou’n fer regilasyon, me pa li ki pou enplimant son regilasyon.  Se dimoun an deor ki pou sey enplimant son regilasyon.

So nou’n fini constrain sa bann dimoun avan menm ki nou donn zot, zot apwentman.  Sa i en konsern.

Mon pa konnen si petet ou kapab konsider sa e vwar, si nou kapab revwar sa propozisyon lamannman ki ou annan;  menm si ou annan serten konsern vizavi konpozisyon sa Board anba sa Lalwa mannyer i ete ozordi.  Mersi.

 

MR DEPUTY SPEAKER

Mersi Onorab Pillay.  Onorab Johan Loze.

 

HON JOHAN LOZE

Mersi Mr Speaker.  Mr Speaker i paret ki nou kontinyelman fer menm fot isi dan Lasanble.  Nou pe portray CAA konman en zanfan inosan.

CAA depi son leksepsyon bann framers nou Konstitisyon ti entansyonnelman frame li koman en zannimo politik.  E zot ti fer sa atraver lafason ki i ganny konpoze li menm.  Se bann parti politik ki propoz bann Manm CAA.  Lentansyon form the very outset se ki i vin en kreatir politik li!

I pa en zanfan inosan ki napa nanryen pou fer politik, ki annan lanmen prop!  E la nou menm vwar, lo CAA ozordi ou annan dimoun ki asiz lo egzekitiv serten parti politik!

So CAA i en zannimo politik, i pa inosan dan politik li!  Prezan nou ki nou anvi fer, nou oule tir politik dan Planning Authority par pran lapwentman Board Planning Authority, e met dan lanmen en body ki li in ganny apwente par politisyen.

Sa i lozik ki nou pe sey aplike ozordi dan sa Lasanble.  Mon pa pou swiv sa mwan Mr Speaker.  Mon pa kapab siport en tel keksoz parey, e mon pa kapab in all good sense les sa pase e les lepep Seselwa krwar ki nou pe fer zot en faver ozordi.

Nou annan dimoun lo CAA ki’n ganny apwente par tou lede parti politik.

Nou annan dimoun ki li i asiz lo legzekitiv en parti politik.  I normal ki i deservi lentere politik!  I souzantandi ti ganny frame dan sa fason.  Lentansyon ti pou sa.

Ki mon vwar pe arive la?  Nou pe sey antre par en laport deryer pou nou hijack Board Lotorite Plan e fer li vin pirman politik!  Mersi Mr Speaker.

 

MR DEPUTY SPEAKER

Mersi Onorab Loze.  Si mon kapab demann bann Manm pou et bref.  Ou pwen lo CAA mon’n konpran li tre byen.  Me ou’n repet menm keksoz plizyer fwa.  Annou et bref.  Parske i annan bokou dimoun ki anvi entervenir.  I ti en senp propozisyon lamannman me byensir i annan son lenplikasyon.  Me annou fer li bref annou al, konmsi annou fer nou pwen kler.  Onorab Ernesta.

 

HON PAUL ERNESTA

Mersi Mr Speaker.  Mr Speaker mon annan zis en pti kestyon pou mon demann Minis ek son Komite.

Dan son prezantasyon Minis in eksplik nou, ki i dir ki sa Board i apepre dan tou bann approval ki’n pase plis ki 97 poursan.

Sa i montre ki apre sa Board deza i efektiv dan son (lenplimantasyon) dan son fonksyonnman plito.  E petet, akoz zot in deside pou gather sa kontenir sa Board parey?

Ki olye al ver dan prive ki kapab permet nou kapab ganny en nide.  Akoz sa sanzman ki avek sa Mosyon ki Onorab pe anmennen, ki pou mwan i kit mon dan doubtful ki i annan bokou sanzman baze lo fonksyonnman Gouvernman.

Petet Komite i kapab donn nou en lesplikasyon lo la Minis.  Thank you.

 

MR DEPUTY SPEAKER

Mersi.  Onorab Ferrari.  Apre mon pou tourn kot panel devan nou.
HON JEAN-FRANCOIS FERRARI

Ok.  Ase briyevman  Mr Speaker, mon ti a kontan dir 2 pwen.  Premyerman mon pa tro konpran sa largiman ki CAA i politik, alors nou devret kit sa avek Prezidan.  Prezidan pa politik li!

Prezidan li i pa, i pa nanryen pou fer ek politik li! (laughter)  So ler i ganny elekte, i divorse, be ler i re marye ki nou fer?

 

(Interruption)

 

HON JEAN-FRANCOIS FERRARI

Come on! Mr Speaker sa lamannman ki Leader Lopozisyon pe anmennen, i dir klerman ki se Prezidan, i dir klerman ki se Prezidan ki pou apwente – ok?

I pa tir pouvwar dan lanmen Prezidan.  Se, non, non, non i ganny rekomande par CAA.   I pa tir pouvwar dan lanmen Prezidan.

Me selman i met en zistans ant Prezidan ki i pa kapab ganny akize ki i pe met zis civil servants!  E se sa nou pwen.

Onorab Pillay ou’n dir taler nou bezwen en Manm par egzanp, nou bezwen en Manm Tourism.  Be akoz i bezwen en travayer dan Minister Touris?

Akoz i pa kapab – akoz i pa kapab en profesyonnel dan Lendistri Touris ki konn pli byen, ki oter ou met en laglas dan en bathroom, dan en lasanmben, dan en lotel, ki en travayer dan en biro?

Akoz i pa kapab?  Se sa ki nou pe dir!  Nou pe dir annou, annou re balans sa.  Annou, vi ki L’Egzekitiv i la, annou fer antre serten profesyonnel ki anvi antre.

Mwan mon konnen poudir mon’n koz avek bokou bann arsitek, bann enzenyer e zot anvi antre.  Zot ti a kontan antre lo sa Board pou zot donn zot kontribisyon anver devlopman nou pei.

Nou pe zis dir annou fer en lapwentman ki pli ouver, ki pa restrictive.  Mon konpran apre 40an, zot, i difisil pou zot aksepte.  Apre 40an, ok, i difisil pou zot aksepte.

Me nou, nou oule ouver, met en pe ler ladan e fer sir ki i en pe pli zis e personn pa –  si nou. Si nou, nou pe al ganny eleksyon laprosenn fwa nou kit sa, nou kit sa.

Ou konpran, i pli fasil.   Be nou, nou pe travay lo bann bon lenstitisyon ki pou la, ki pou bon ler US i o pouvwar e ki pou bon ler US i nepli o pouvwar.  Mrs Charles pa la, pou li kriy ‘’heh, heh.’’

Alors nou bezwen kontinyen travay pou nou fer sa bann amelyorasyon!  Ouver, met en pe ler fre dan sa bann sistenm.

Mon krwar Mr Speaker, mwan mon ava, mwan mon ava dir ki san esey koup sa deba, nou deba in exhausted lo sa size.

Mon krwar i zis en kestyon ant bann ki i anvi gard kontrol e bann ki anvi open up avek lezot dimoun, pou zot kapab fer zot kontribisyon lo devlopman sa pei.

Mwan mon ti ava dir personnelman, i pa mon lamannman Mr Speaker, me mwan mon ti ava move ki nou pran en vot.  Akoz i zis en deba akademik.

Onorab Pillay pou fer deba akademik ki ziske amen.  E nou pa pou, e nou pa pou avanse.  Mersi Mr Speaker.

 

MR DEPUTY SPEAKER

Bon.  Mersi Onorab Ferrari.  I annan plizyer lezot Manm ki’n lev lanmen lo menm, menm lamannman ki devan nou, zot oule fer en deba lo la.  Mwan mon bezwen pran en desizyon, baze lo-

Mon konnen i annan en kantite lamannman devan nou.  E si nou anvi fini sa Bill dan en fason rezonnab e dan en fason efikas, i enportan nou realize ki direksyon ki nou pe ale e menm largiman pa remonte. E nou pran en desizyon.  So mon santi kot nou’n arive, mon pou donn zis ankor 1 Manm lo sa kote e 1 Manm lot kote apre nou pou pran en vot lo la.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker sa amannman ki devan nou pa fer okenn sans!  I pa fer sans, akoz i pa ganny fer okenn par dan okenn pei pa fer koumsa.

E prezan, e prezan sa ki nou pe dir nou se ki i bezwen parey i ete dan Lalwa la, parey propozisyon i ete, i bezwen koumsa.  E i deza lo la i annan plas pou 5 dimoun dan prive lo sa, lo sa Board la.  E mind you Mr Speaker, ki in deza dan lepase, i annan dimoun prive ki’n vin Chairperson Board.   E letan zot in vini zot in soke poudir pou vwar ki mannyer Planning Authority i marse.

Zot in soke vwar, e letan in vin la, zot dir si nou ti konnen nou pa ti’n vini!  So nou pou, i danzere sa ki nou pe sey fer, sa ki Lopozisyon pe sey anmenn devan nou i danzere!

E nou lo sa kote latab kategorikman, nou refute sa bann propozisyon amannman, e nou demande, zisteman pou pa gat letan, si fodre nou al dan en vot vitman, nou ava pase lo la, apre nou ava al lo lot bout nou ava fini sa Bill ozordi menm la, en pti pe deswit!  Mersi bokou.

 

MR DEPUTY SPEAKER

Bon, zis parske mon ti’n donn- pa eksite, nerve pa kas bouton.

 

HON CHARLES DE COMMARMOND

Non, i pa kestyon eksite, be selman si nou, nou ale vitman nou, annou pa perdi letan lo en keksoz ki nou-

 

MR DEPUTY SPEAKER

Pa kas bouton – ok?  Wi, wi nou pou al lo en vot selman akoz mon ti’n endik avek Mr Francois ki ti anvi dir en pti keksoz lo avan nou pran en vot.  Mr Francois.  Mr Francois.

 

CEO MR JOSEPH FRANÇOIS

Mersi Mr Chairman.  Mr Chairman permet mwan petet azout serten lenformasyon oubyen serten, serten gidans lo sa provizyon.

Dan lepase ti annan attempt pou gete ki mannyer i kapab revwar propozisyon Board avek bi pou ogmant son efikasite.

Parey ou konnen,

Board Lotorite Plan ti petet parmi bann premye Board ki ti met en Chair sorti dan sekter prive e ti annan 5 Manm an tou sorti dan sekter prive pou lo sa Board.

Me avan sa i ti dominen preski antyerman par bann reprezantan Gouvernman e apre ti annan en reprezantan SCCI lo la.

E letan ou konpar rezilta ti evidan lo fason ki desizyon i ti ganny pran kot, avek prezans sekter prive ti annou sa eleman efficiency ki ti pe ganny pouse.

Me ti annou bokou bann ka, ki ti bezwen ganny revwar apre.  Akoz ti annan serten issues ki petet pa ti’n pran kont ki i pou afekte bann diferan regilasyon oubyen bann laspe provizyon bann lezot Departman.

Prezan letan nou get bann kalite nasyonal sirtou, i annan trwakarditan i annan de kalite Lotorite Plan atraver lemonn.

I annan bann Lotorite Plan ki fonksyonn koman en Departman apre en Lotorite Plan ki fonksyonn koman en body lotonomi.

E letan ou get bann Lotorite Plan ki fonksyonn koman en Departman, i la kot nou vwar poudir i annan en lenvitasyon pou en nominasyon sekter prive bokou lo la plis.  Akoz i azout valer ki deza Departman pe donnen.

Me letan ou get enn ki, ki pe vize ver en lotonomi oubyen lendepandans administrative, la ou vwar poudir bann pozisyonnman reprezantan Gouvernman kle i ganny konsolide lo la.

E si ou menm ou get bann legzanp bann gran pei ki annan bokou bann minisipalite,  ou vwar poudir prezans sa bann Lotorite, gouvernmantal i for dan bann minisipalite pou permet ki bann provizyon Gouvernman, oubyen bann provizyon mandatwar, oubyen regilater i antre dan desizyon.

So alor bann model in deza ganny teste e zot kapab petet fer en pe regar toultour pou vwar the right balance si zot bouz dan sa direksyon.  Mersi.

 

MR DEPUTY SPEAKER

Bon, Minis ou ti oule dir en keksoz.

 

MINISTER PAMELA CHARLETTE

Mersi Mr Chair.  Mr Chair mon krwar nou pe get sa amannman an izolasyon par ki mannyer in mete.  I annan bann lezot keksoz dan sa Lalwa ki pou fer li en pti pe, en pe pli transparans.

Parey nou’n dir i annan sa appeal ki endepandan li osi.  So sa i en fason pou, pou bann desizyon ganny teste si i pa an faver bann dimoun ki’n fer son aplikasyon.

E i annan sa judicial review osi ki enportan nou note, ki pa ti la dan sa Lalwa avan.  So nou bezwen get sa bout li menm pa an izolasyon li tousel, me osi avek bann lezot striktir oubyen mekanizm ki’n met an pla dan sa Lalwa li menm.  Mersi.

 

MR DEPUTY SPEAKER

Mersi Minis.  Bon nou’n ariv en pwen kot i kler poudir sa propozisyon seksyon 9 i, i annan diferan pwennvi.  Nou pou bezwen- Mon a demann Onorab Georges zis avan nou pran en vot.

 

HON BERNARD GEORGES

Mersi Mr Chair.  Ou ti promet en dimoun lo sak kote.  Mon ti krwar mon ti pou sa dimoun lo nou kote ki ti pou-  Mon oule fer en propozisyon ki kekfwa i ava kree en pon e reponn en pe sa bann konsern ek bann swet, ek bann dezir lo sa propozisyon.

Me avan tou mon pa kapab pran laparol pou CAA, pou bann rezon ki evidan.  Me mon kapab pran laparol an faver sa propozisyon an  dizan ki mannyer in ganny drafte li, i pa pe dir ki sa 7 Manm i pou sorti dan sekter prive.  I pa dir.  I posib ki CAA dan son, lentelizans i apwent 7 dimoun ki sorti dan Gouvernman, napa nanryen ki anpes li fer li.

Me mwan mon anvi al pli lwen.  Mon anvi tir sa, tir sa koman en posibilite e fer li vin en keksoz ki reel, ki kapab arive.  E mon anvi Mr Chair fer 2 propozisyon.

Nou kapab aksepte tou le de, nou kapab rezet tou le de, nou kapab pran 1 oubyen lot.  E mon propozisyon pou satisfer en pti pe nou swe isi ek zot per lo lot kote,  se pou fer sa propozisyon swivan.  I dir mon pe regard propozisyon Onorab Ramkalawan.

9(1)(a) nou kapab dir, ‘’a Chairperson of the Board’’ well ‘’there shall be a Board’’ eksetera, ‘’a Chairperson of the Board and 7 Members who may be public servants appointed by the President. ‘’

Donk sa i fer kler ki CAA i kapab si i krwar i bezwen apwent civil servants.  I pa ki, i pa ki i napa drwa fer li, akoz i bezwen apwent zis dimoun dan sekter prive.

Oubyen, oubyen ou ouswa, oubyen ou an plis, 9(2), met en nouvo 9(2) ki pou dir,  ‘’’n selecting Members to be recommended to the President the CAA shall consult with the Minister responsible for Planning and Land Use.’’ 

Pou fer sir ki CAA pa pe fer sa lo li menm, me i pe konsilte avek sa Minis ki ansarz Planning Authority menm pwen ki mon pe fer depi taler.

Sa parent Ministry.    I pou konsilte, e Minis i ava dir li, gete nou krwar ki i enportan i annan en dimoun sorti kot Health eksetera.

Sel diferans se ki olye annan ‘’a representative,’’ se CAA ki pou dir sa reprezantan i ava tel dimoun, akoz?  Akoz CAA, parey mwan mon konnen, e mon sir ki zot tou zot konnen, i pa selekte en dimoun at random.  

I pas atraver prosesis advertising ganny, ganny repons interview.  Epi i pran en desizyon.

Donk i si nou anvi transparans mon krwar sa fason fer i les Minis annan en serten konsiltasyon e an menm tan i les latransparans.  Mon krwar se tou ki nou pe rode, en sistenm ki nou ava konnen ki meyer en dimoun i ganny apwente pou sa Board.  Mersi Mr Chair.

 

MR DEPUTY SPEAKER

Mersi Onorab Georges.  Bon i reste zis pou mon pas kot loter sa move, pou en amannman pou li dir si i dakor avek propozisyon Onorab Georges i oule amande, oubyen avan nou pran en vot.

 

HON WAVEL RAMKALAWAN

Mr Speaker mon napa problenm avek, avek sa ki Onorab Georges in dir.  So petet zis i ava poli li.  Me selman Mr Speaker mon ava, zot pe koz lo experts.

Arh sa bann dimoun se bann experts ensidswit, be zot pa lir clause 11?  Clause 11(1) i dir ‘’the Board may co-opt any person with sufficient knowledge and experience to advise the Board on matters of a technical nature.’’ 

So ki sa i vedir?  Relax, ou ava, (relax Onorab De Commarmond, ou pa konnen en keksoz) wi.  Mr Chairman i senp, letan sa Board pe zwenn, si i annan en eleman dife i ava rod Departman Dife.

Si i annan en eleman Lasante, e li i santi ki poudir sa i depas li, i ava rod en dimoun, i ava rod en eksper dan Lasante, i ava fer sa.

La zot, en kou an gran zot in per, ‘’arh sa pa’n arive okenn par dan lemonn!’’  Be sa semenn pa in fek, Sesel apre tou sa koze nou premye isi, nou premye laba, la nou premye pou ganny sa avyon la, sa NEO, be pa nou premye?

Be nou konnen ki poudir sa avyon pa pou pete premye fwa i ale.  Mon pa swete, mon pa swet sa, me selman.  Non be i kapab arive, i kapab arive ki i ariv en aksidan.

Me nou pa swete!

 

 

HON CHANTAL GHISLAIN

(Off-Mic)

Pa koz lo la.

 

HON WAVEL RAMKALAWAN

… pa koz lo la.  Ou vwar zot siperstisye tou!

 

(laughter)

 

HON WAVEL RAMKALAWAN

Kouyon!  Wi zot in vin siperstisyon, mon – siperstisye Mr Speaker.

 

MR DEPUTY SPEAKER

Kontinyen Onorab Ramkalawan.

 

HON WAVEL RAMKALAWAN

So Sesel toultan i premye.  Me kekfwa nou osi tou la nou ava pe propoz en keksoz kot nou vin premye e apre sa, apre sa, bann lezot i ava swiv.

Mr Speaker letan zot koz lo CAA, letan zot koz lo CAA,  e an plis ki sa zot koz lo sa Board koman en antite Gouvernman.  Be ou pa kapab koz lo sa Board konman en antite Gouvernman.

Sa Board i en antite pou Sesel!  I pou Sesel sa.  Board Anti-Koripsyon i en antite Gouvernman oubyen i en Board ki kapab annan en, ki sipoze annan lendepandans?

Mr Speaker nou pe bouze, nou pe bouze.  Apre tou, ankor enn fwa, akoz mon’n propoz sa?  Se parski letan ou pas dan sa Lalwa ou regard bann travay ki sa Board pe fer, napa nanryen gouvernmantal about li.

Napa nanryen Gouvernmantal about li.  Akoz napa nanryen gouvernmantal kot bezwen swiv?  Be once ki bann, once ki bann, in dir avek li i bezwen fer en land use plan par egzanp.

Be en land use plan i ava fer li an konsiltasyon.  Letan i pe fer en land use plan pou en distrik.  Be i ava konsilte avek sa distrik, i ava fer public meeting e tou bann dimoun i ava vini.

E apre sa i ava ganny, i ava ganny aprouve ensidswit.  E pou avoid bezwen vin isi dan sa Lasanble i ava ganny pase!  Mwan mon pa ganny en konpran akoz zot per sa mwan!   Nou pe senpleman rod bann experts.

E mwan si i annan okenn landrwa, okenn landrwa dan sa Bill ki montre nou ki poudir dimoun ki pa dan Gouvernman i pa kapab vin, i pa kapab vin lo sa Board, mon ti ava kontan zot montre mwan.

Akoz Mr Speaker?  Be se parski sa ki zot pe propoze la konman propozisyon, i annan 6 dimoun, i annan 6 dimoun ki sipoze kapab sorti dan sekter prive.

Be nou, nou pe dir, be annou ouver sa konpletman e sa 6 dimoun, son problenm la pou le moman se ki sa 6 dimoun, apard sa 1 ki ganny swazir par SCCI, sa 5 lezot dimoun la, zot napa okenn prosedir dan sa Lalwa parey in ganny prezante lo ki mannyer zot.

Ki mannyer en zenn ozordi Mr Speaker ki’n ganny son Masters, son Doktora dan country planning ensidswit, ki mannyer i ganny apwente lo sa Board?

I napa en fason pou li konnen ki mannyer i ganny apwente.  Sel fason pou li ganny apwente, se si Prezidan i dakor avek li.

E Prezidan, be byensir –  be pa nou konnen ki mannyer bann Board i ganny apwente? (Onorab Ghislain reste trankil ou!) wi.  Alor Mr Speaker, so se sa bann keksoz koumsa ki pase.

E alor i napa en, nou sa ki nou ape dir dan en fason ouver, dan en fason tou dimoun i ava ganny son posibilite, i ava ganny son license.

Si i en arpanter ki’n ganny son license avek sa Departman, e i santi poudir i kapab fer en kontribisyon, i ava met son papye devan e i ava ganny son posibilite.

E Mr Speaker en lot zafer ankor, be CEO, CEO i asiz, CEO i en civil servants li ladan.  Be pa i asiz lo sa Board tou!  Sa CEO li ki pou ansarz son Sekretarya li.

Alors son travay i kontinyen dan menm fason e i swiv direktiv ki sa Board in donnen lo bann desizyon ki zot in pran.  E keksoz i bouze.

Alor Mr Speaker, si Onorab Georges i prezant, i prezant the exact wording, mon krwar nou kapab, nou kapab pran en vot.  Mersi bokou.

 

MR DEPUTY SPEAKER

Mersi Onorab Ramkalawan.  Onorab Georges si ou kapab propose sa wording, pou nou pran en vot lo la.

 

HON BERNARD GEORGES

Mersi Mr Chair.  Amendment to the amendment lo amannman Onorab Ramkalawan, mon pe propoze ki dan clause 9(1)(a) nou azout apre sa mo 7 Members, sa bann mo swivan.

Comma, ‘’who may be public servants,’’ comma.  Alor pou sa, ki en fason ki sa i ava lir;

‘’A Chairperson of the Board and 7 Members who may be public servants appointed by the President on the recommendation of the Constitutional Appointments Authority.’’

Epi 9(2) ki en nouvo clause.  9(2) i ava lir;

‘’In selecting Members to be recommended to the President the Constitutional Appointments Authority shall consult with the Minister responsible for Planning and land use’’, mon pa konnen si nou bezwen ‘’and land use,’’ but ‘’Minister responsible for Planning.’’  Apre 2 i vin 3, 3 i vin 4, eksetera.  Sa se mon propozisyon amannman lo lamannman Onorab Ramkalawan.

 

MR DEPUTY SPEAKER

Mersi Onorab Georges.  Eski Mosyon i ganny segonde?

 

HON JEAN-FRANCOIS FERRARI

Segonde Mr Speaker.

 

MR DEPUTY SPEAKER

Eski nou kapab pran en vot lo sa lamannman ki’n ganny propoze?

En sanzman dan 9(1)(a) lo lamannman Onorab Ramkalawan, ‘’the Chairperson of the Board and 7 Members who may be public servants appointed by the President.’’

E en nouvo 9(2) ki, in selecting Members to be appointed, the CAA shall consult’’ eksetera parey Onorab Georges in dir.  E 2, 3, 4, 5, 6, 7 ek 8 ek 9 i ganny re nimerote selon sa.

So i pa en substantial amendment, i pa substantial i zis klarifye.  Me mon put this to the vote.  Tou Manm ki an faver?  Okenn Manm ki kont?  Madanm Deputy Clerk ou a donn nou count.

 

MADAM DEPUTY CLERK

Mersi Mr Chair, mon’n rikord 14 Manm ki’n vot an faver e 10 ki’n vot kont.  Mersi.

 

MR DEPUTY SPEAKER

Ok.  Savedir sa lamannman Onorab Ramkalawan lo seksyon 9 i pase.

Onorab, Ok mon ava, si-  Mwan sa ki mon’n ekrir, sa ki mon’n tande, sete 13 Manm an faver, 10 Manm kont.  Mon a demann Deputy Clerk pou re lir son count.

 

MADAM DEPUTY CLERK

Mr Chair mersi.  Mon’n dir 14 Manm in vot an faver e 10 in vot kont.  Mersi.

 

MR DEPUTY SPEAKER

Mersi, 14 Manm an faver e 10 Manm kont.

Alor in pase.  Bon Onorab Georges eski, mwan zis mon ti a kontan ganny zot gidans.  Mon krwar ti a bon nou, zis en propozisyon, ki nou ale ziska seksyon 11 pou ozordi.

E epi nou ava adjourn, nou ava pran larestan demen bomaten.  Me selman la nou lo 9.  Si Onorab Georges ou kapab gid nou 10 ek 11 silvouple.

 

HON BERNARD GEORGES

Mersi Mr Chair.  Mon pa oule kontraye ou, me kekfwa en meyer landrwa pou arete se 12.  Akoz i annan en sub-part 3 mon ti krwar.

 

MR DEPUTY SPEAKER

Ok, mon napa problenm.

 

HON BERNARD GEORGES

Mon ti pou al fer sa propozisyon, akoz ler pe vini, ok.  E sa i ava anglob sa bann amannman swivan.  I annan en amannman lo, non sa in fini pran.

Lo 1, en pti mo, nou pe propoze pou tir ‘’arrange the agenda’’ e pou met ‘’set the agenda.’’ 

E epi lo 11 i annan en propozisyon amannman fer par Onorab Leader Lopozisyon ki oule amend, ki oule azout en sou seksyon 3.  I pa pe sanz seksyon 1 ek 2, i pe azout en sou seksyon 3.  Mersi.

 

MR DEPUTY SPEAKER

Mersi Onorab Georges.  Onorab Ramkalawan.

 

HON WAVEL RAMKALAWAN

Yes Mr Chairman, mersi bokou.  Mr Chairman enn bann keksoz ki ti ganny souleve dan deba zeneral, sete lo partisipasyon bann Lotorite Distrik.

E apre ki nou’n fer sa deba zeneral in osi annan serten konsern ki mon’n, ki mon’n gannyen an relasyon avek devlopman ki pe arive e pou dimoun konnen kwa ki pe arive o bor zot.

Ok, e se dan sa lespri ki mon pe propoze ki dan seksyon, dan clause 11, dan clause 11 nou azout en clause 3, en sou clause 3.

E sa sou clause 3 i ava dir ki ‘’the Board shall refer shall (a), refer applications to the respective district or regional authorities for their consideration and comments  within a specified period. ‘’

Sa i enn.  Ki vedir ki letan laplikasyon in vini, zot ava, Board i ava anvway sa bann laplikasyon kot bann respektif swa distrik oubyen Regional Authorities pou zot konsiderasyon.

E zot aprezan zot ava regarde ki mannyer sa i afekte zot distrik oubyen zot rezyon.

(b) ‘’Ensure that such application in a form prescribed such as to provide relevant information whilst respecting the privacy rights of an applicant, shall be displayed in the offices of the respective district or Regional Authorities for public viewing and comments. ‘’

Sa ankor enn fwa Mr, se pou sa rezon ki mon’n mete, ‘’in a form prescribed.’’  Sa se pou fer sir ki, e sa ankor enn fwa sete en pwen ki ti ganny leve la pou ki konmsi ou pa pe, konmsi sa devlopman sa dimoun i pa vin en keksoz piblik totalman.

Me en dimoun par egzanp i ava konnen ki poudir be la i la an zeneral ki mannyer sa batiman pou, kekfwa son bann elevations, konmsi ki mannyer i pou aparet dan sa landrwa kot i pou ete, pou ki purpose ki i pe ganny servi.

I en bar, i en apartman ot klas ensidswit.  E sa dimoun i ava kapab, sa i ava ganny met lo Board dan sa bann diferan soz, pou ki dimoun ki enterese i pase.

E sa i anmenn partisipasyon piblik.  Piblik i ava regarde e zot ava, zot ava kapab donn zot komanter lo la.  E (c)’’ inform owners of adjoining properties of any proposed development application. ‘’

Sa Mr Speaker, sa (c),  sa i ava vin dan, letan sa dimoun li menm li i a pe fer son laplikasyon, i konnen ki poudir o bor li la i annan 3 dimoun.

E lo son aplikasyon pou son Planning permission, li i anvi fer en laboutik,  be propriyete o bor se pou Onorab Ferrari, i ava mete lo son laplikasyon.

Onorab Ferrari parcel V whatever, son nimero telefonn, i konnen ki poudir lot later ki o bor sa se pou Onorab Valmont, i ava mete, Onorab Valmont, parcel, sepa ki parcel se pa ki parcel – detay.

Avek pou Onorab De Commarmond i ava mete.  Pou ki aprezan letan in met sa, letan in met sa dan son aplikasyon, Planning li sa Board i ava ekrir sa bann dimoun ki finalman sa bann dimoun o bor i ava konnen ki poudir i annan en laboutik ki pe vin ganny fer la o bor li; i ava konnen ki poudir i annan en disko ki pe vin ganny fer o bor li.

E aprezan i ava kapab anba (b), anba 3(b) si i anvi fer en reprezantasyon pou dir be, ‘’be regard sa Planning,  i deza annan, i deza annan 2 laboutik la o bor nou e nou pe ganny serten problenm.  Nou krwar ki poudir en 3enm laboutik pa pou normal! ‘’

Alors sa i ava permet sa Lotorite sa Board pou li letan i pe, letan i pe regard sa, pou li pran tousala an konsiderasyon.

E sa Mr Speaker, mon pe met li pou ki i annan partisipasyon kominote dan okenn devlopman!  E la i ava osi fer ki si dan son land use plan sa Lotorite in dezir en area konman en tourism area.

Mwan mon konnen ki poudir mon dan en tourism area.  Oubyen si in designate li koman en residential area.

E aprezan letan mon ganny lavertisman mon vwar ki poudir mon sipoze dan en residential area.  Me selman mon vwar ki poudir i annan sa laplikasyon, se pou en garaz.

Kekfwa in annan en keksoz ki’n – en mankman ki’n arive lo kote Planning, mon vwar en garaz.   Aprezan mwan konman en rezidan dan sa kanton, mon fer Planning konnen ki poudir, be regarde i annan en problenm la.

Parski li nou pe al ganny en garaz e sa i pou disturb nou dan nou residential area.  Alor Mr Speaker mon krwar ki poudir sa bann, sa bann keksoz i repran sa ki nou’n diskite.

E mon pa vwar akoz ki nou pa ava kapab aksepte sa.  E parey mon pe dir, anmenn partisipasyon bann lotorite, MNA, DA, Regional Council, oubyen District Council whatever, ki i pou vini, kominote e apre sa bann vwazen.  Mersi bokou Mr Chairman.

 

MR DEPUTY SPEAKER

Mersi Onorab Ramkalawan.  Onorab Ferrari.

 

HON JEAN-FRANCOIS FERRARI

Mr Speaker mon segonn sa lamannman.  Mon ti a kontan dir de pti mo rapidman.  Zis pou mon dir, pou mon donn 2 legzanp an sipor sa lamannman ki pe ganny anmennen.

Premyerman mon ti a kontan dir si i annan bann Manm lot kote ki pe al argimant lo, i pou cumbersome ankor;-  ou bezwen form tel dimoun anvoy dan distrik – i pou pran letan – i pou tarde, eksetera.

Mon pa krwar zot devret al lo sa lapant la, akoz nou osi nou kontan claim pou dir nou enn bann pei kot IT dan, an tou ka dan Lafrik nou premye dan IT!

Si annou pran sa koman en challenge pou nou fer sir ki en dimoun, zis i ganny en let dan Lapos poudir i annan en devlopman dan bor kot li, i al kot Biro Distrik, tap en kou lo computer, nou vwar tou keksoz sa dimoun i kapab ganny enformen.  Alors annou, sa i enn bann keksoz ki pa devret fer nou per.

Dezyenmman Mr Speaker 2 legzanp;

E mon konpran mwan akoz Onorab William 2 semenn pase ti ankoler e i ti eksprim en pe son fristrasyon lo sa devlopman ki ti arive Barbarons.

Akoz napa konsiltasyon.  E en dimoun i vini i aste en bout later dan en land bank, i vini i fer son lakaz ki in reve tou son lavi, apre demen i leve i vwar en transit house dan bor, zis an deor i vwar en transit house.

I annan en fristrasyon ladan, e sa fristrasyon ki mannyer i kapab ganny dil avek?  Anr diskit an avek sa distrik, oparavan.

Nou kapab kekfwa avans li en pti pe la oubyen en pti pe la, oubyen gete ki mannyer nou kapab fer poudir –  be ok, nou ava include dan sa tel devlopman, en miray oubyen sa nou ava include en keksoz.  Sa i enportan.  2enm pwen, 2enm pwen lenformasyon, se dan bor kot mwan Au Cap.

En laboutik la pe ganny konstri, pe al ouver byento.  Konmsi en pti lotel an fas.  Bann rezidansyel lanmenm la deryer.  Zot konnen zot, ki mannyer i vini sa.
Sa dimoun11er diswar ki pe vin aste 2 gines ek son ‘’doof, doof, doof, doof, doof, doof, doof ‘’dan sa loto, Sanmdi Dimans menm zafer, ‘’doof, doof, doof, doof, doof’’.  Konmsi i, nou bezwen rod en fason pou nou adres sa.

E i enportan ki tou dimoun i kapab annan en input dan sa bann sityasyon koumsa.

Alor mon krwar, alors mon krwar ki – e mwan mon 100 poursan dakor avek Leader Lopozisyon avek Onorab William, pou dir konsiltasyon i pa en keksoz ki nou devret per!

Akoz sa ki nou bezwen rode se en servis plan ki efikas byensir.  Ki vit osi, me ki bon! Me ki bon e ki reflekte laspirasyon lo bann dimoun.

Pa vo lapenn i efikas, i vit me selman i pa reflekte laspirasyon bann dimoun.

So nou bezwen fer en konpromi la, e mon santi poudir sa propozisyon ki Onorab Leader Lopozisyon pe fer, i en bon konpromi e nou devret kapab vot li.  Mersi.

 

MR DEPUTY SPEAKER

Mersi Onorab Ferrari.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker mon annan en kestyon pou Onorab Leader Lopozisyon.  Akoz in dir poudir, letan sa dimoun i soumet son plan i bezwen donn Lotorite Planning to bann dimoun parcel number, non sa bann dimoun tou, tou, tou.

Me ki i pou arive dan ka kot en dimoun pa konnen lekel ki’n met later tout otour?  And dan ka osi kot i annan later ki la.

Me selman i annan detrwa zeritye partou, partou kote, and pa zis en dimoun ki responsab? Mon kestyon.  Mersi.

 

MR DEPUTY SPEAKER

Mersi.  Onorab Waven William

 

HON WAVEN WILLIAM

Mersi Mr Speaker.  Mr Speaker lo sa propozisyon pou sa amannman mon pou donn ou mon sipor.

Akoz mon santi poudir letan nou pe bouz pli devan, letan nou pe koz konsiltasyon, an menm tan prenon kont lavenir avek devlopman ki nou anvi vizavi Lotorite Distrik.

Mon krwar poudir sa lamannman i fer sans e mon krwar poudir i ava donn Lotorite Distrik osi sa sans pou li kapab voice out son input, pou fer sir ki keksoz – letan nou pe koz devlopman dan lokalite, i mars byen.  E i pran kont tou bann konsern dan sa lokalite.  Mersi.

 

MR DEPUTY SPEAKER

Mersi Onorab William.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker sa bann propozisyon lamannman ler mon ti pe lir li, i ti annan sa interview avek bann zabitan Anse Aux Pins ki ti’n ganny afekte avek sa piling.

E ler mon ti ekout sa bann zabitan e  mon ti regard  sa lamannman, sirtou sa part (c), mon dir zisteman sa  i reflekte en pti pe kwa ki pe pase la deor.  Me selman mon krwar, mwan mon annan en konsern avek sa bann lamannman.

Ki petet si nou kapab aranz li, mon pa mind donn li mon sipor.  Mon still krwar poudir si ou ti’n gard propozisyon Board parey i ete, sa bann lamannman parey zot ete ti pou bokou pli for.

Me mon santi poudir lefe ki ou’n sanz konpozisyon Board, ou’n weaken sa bann lamannman ki la.  So dan lentansyon pou ou fer sa bann lamannman ki la pli for.

E ki nou pa kree en sityasyon kot ou par egzanp ou annan ou later ou oule devlope, ou vwazen pa byen avek ou, e dan en fason zis vexatious i rod bann fason pou anpes ou devlope.

Ki bann gardfou ki nou kapab mete pou ki wi i devret annan.  Par egzanp o bor kot mon reste, mon pe al fer mon lakaz.

Mon devret konnen si en boug pe al fer en apartman 3 letaz ki pou bar mon view, oubyen zis par deryer mwan, par egzanp parey kot, kot enn mon zanmi Mr Patrick Hoareau, kot en dimoun i vini i fer en gran building par deryer ou.

E konmsi konman ou monte ou pe vwar en nespes, en nespes gro zafer deryer ou.  So mon krwar i annan en, i annan serten merit dan sa bann lamannman.

Me lo part (b) Mr Speaker, lo part (b), Mr Speaker mon krwar la nou annan, nou annan serten konsern.  Akoz si nou get striktir.

Mon krwar Onorab Ferrari in sey fer sa pwen, me selman ou, mon krwar you are missing the point!  You are missing the point Onorab Ferrari la!  Si nou pou anmenn en plan lo en prosesis konsiltasyon –  e tou dimoun i ava dir ou, prosesis konsiltasyon ou anmenn li dan distrik e ou fer li legal, si i pa ganny fer.  E si sa plan i bezwen bouze, i pa’n ganny fer, oubyen in ganny fer, dimoun pa’n ganny sans vwar, i dir ou i pa’n ganny sans vwar.

I kapab challenge laprouvasyon sa plan.  So ki mannyer nou kapab fer ki i annan en konsiltasyon pli larz lo en plan pou en konstriksyon san ki nou met en baryer pou anpes en dimoun devlop son propriyete parey Konstitisyon i donn li drwa pou fer?  Mersi Mr Speaker.

 

MR DEPUTY SPEAKER

Mersi Onorab Pillay.  Onorab Bernard Georges.

 

HON BERNARD GEORGES

Mersi Mr Chair.  Mr Chair, mon osi mon pou koz an faver sa lamannman, akoz set en keksoz ki lontan nou, i ti ava swetab ki i ti arive.

Si mon pa, si mon pa tronpe mon krwar ki bann DA ozordi zot gannyen en electronic copy dan zot, dan distrik.  Alor i pa pou en gran burden pou sa ariv dan distrik e pou met li la, e ki pou tou dimoun i kapab vini.

Akoz sa se egzakteman koumsa ki ganny fer L’ Angleterre, kot nou Town and Country Act in ganny enspire.

Mon, mon partaz sa pwennvi Onorab Sebastien Pillay, akoz i kler dan serten ka, menm ka in vin devan mwan,  kot bann, en dimoun in aste en bout later in fer son dream house, apre all of a sudden i vwar en building pe monte devan li, e son view i disparet.  E sa set en problenm ki nou pou vwar pli anpli isi Sesel, akoz mannyer nou topography i ete.

E mon krwar i enportan pou ki sa i arive.  Onorab Ghislain in lev en pwen ki mon ti pe, ki mon osi mon ti’n fer sa refleksyon.  What if ou pa konnen lekel bann dimoun ki otour ou?.

Mwan mon krwar otan ki posib annou garde.  Akoz mon leksperyans in montre mwan ki si ou pa konn tou dimoun, ou pa konn tou dimoun ou dir sa bann ki ou konnen.

E toultan i pou annan enn sa bann dimoun ki pou vin dir ou, ‘’en ou konnen i annan entel ki pe al fer en building?’’ Alor koumsa ki, ki mon krwar, sa ki nou anvi la, se ki lenformasyon i ganny disseminate dan en fason pli fasil.

Pou ki pa ariv problenm dan lefitir.  Finalman Mr chair i annan enn de typographical amendments, me mon krwar ki, mon pa krwar ki sa lamannman i devret antre konman clause 11(3).

Akoz 11 i annan pou fer avek co-opting Members to the Board.  Mon krwar son, e mon poudir sa sou rezerv koreksyon par legal draughtsman ki la.  Mwan mon ti a prefer vwar li antre ant 36 ek 37.

Mon krwar i ti ava pli byen antre la koman en standalone seksyon.  Mersi.

 

MR DEPUTY SPEAKER

Mersi Onorab Georges.  Onorab Paul Ernesta.

 

HON PAUL ERNESTA

Mersi Mr Speaker.  Mr Speaker mon osi mon pou an faver si oule an sipor pou sa bout lamannman ki Onorab in propoze.  An menm tan sirtou lo sa laspe enform nou neighbor pli pros, apre an menm tan sa i kapab ede anmenn sa local knowledge. 

Par ler at times i manke, kot nou vwar nou petet kote Planning Authority, pou pran bann desizyon baze lo bann sityasyon lokal.

Par egzanp nou kapab si nou dir, i annan par lao ou i kapab ti kapab annan en marsh apre ki’n ganny konble.  Nou donn permisyon pou fer devlopman.

Me apre sanmenm sa permisyon, sa devlopman i afekte sa lot vwazen o bor.  Tousala i kapab ede, akoz mon konn en ka dan mon distrik dan Bougainville.

I annan en madanm plis ki 40an in fer son lakaz.  Me ozordi in ganny afekte par desizyon ki’n ganny donnen pou fer en konstriksyon.  Prezan li i pe ganny afekte.  Me an menm tan osi, mon annan mo en rezervasyon lo sa bout Regional Council, sirtou lo sa bout anler.   Menm si Onorab in dir nou, I mean Regional Authorities.

Menm si Onorab in dir nou baze lo letap kot mon konnen, i annan serten time frame ki Planning Authority i bezwen donn bann desizyon e plis sa i kapab afekte.  Wi i pou retard process.

Menm si nou pou met li dan kote IT i pou annan serten lenpak.  Me selman all in all mon an faver avek sa lamannman.  Mersi.

 

MR DEPUTY SPEAKER

Mersi Onorab Ernesta.  Onorab Clifford Andre.

 

HON CLIFFORD ANDRE

Mersi Mr Chair, mon pa pou long.  En lamannman parey i neseser.  E pou pran konsiderasyon Onorab Sebastien Pillay sa ki in dir.

Mon krwar si ou met time factor kot ou dir konsiltasyon pandan en peryod letan,  e si sa letan in lapse, alors napa nanryen ki sa dimoun i kapab fer.

Menm si i pou al challenge Ankour, sa letan in pase.  So mon krwar pou cure sa defect si at all this is an issue.  Mon krwar nou kapab met en  time factor.  Mersi.

 

MR DEPUTY SPEAKER

Mersi Onorab Andre.  Onorab Egbert Aglae.

 

HON EGBERT AGLAE

Mersi Mr Chair.  Mr Chair mon osi mon krwar poudir sa propozisyon lamannman i annan son merit.

Me selman nou bezwen osi konsider serten keksoz.  Kan ler nou pou ariv lo part 3, nou pou koz lo sa land use plan.

Akoz i annan Onorab parey Onorab Ferrari in fer sorti sa dan en devlopman ki kapab afekte lot.

Me si nou pou angaz nou avek en land use plan, nou bezwen fer sir ki i ganny fer byen, at least 99poursan sa land use plan i bezwen ganny en bon tour analysis i ganny fer byen.

Pou evit serten keksoz ki kapab arive, ki demen nou vwar poudir o bor en lotel ouswa en guest house, nou pe fer laboutik dan sa laliny koumsa.

Me, e part (b) Mr Speaker, mon santi poudir propozisyon ki’n ganny mete nou bezwen osi annan serten, konmsi klarite lo la, en pti pe pli spesifik.

Akoz nou pou annan devlopman ki son magnitude ki pou ganny mete, ok.  Mon kapab dir i kapab sanz larsitektir en distrik ouswa nou pe anmenn en nouvo servis.  Sa i en kalite devlopman ki i kapab vini, ok.

Sa mon santi konsiltasyon, display li napa problenm.  Me nou pou annan serten devlopman ki pou plito lo en baz petet personnel.  Kot en dimoun i kapab vin devan, i dir be ok, mon pou bezwen Planning permission pou mwan azout en lasanm ouswa mon lavarang.

Eski sa osi pou pas dan menm barenm pou li ganny display, pou li ganny sa due diligence ki pou ganny met lo la atraver manm piblik, bann Board ki zot pe sizere?

Mon krwar nou devret think en pti gin along that line, petet annan en pti bout ladan kot i a spesifye kalite devlopman ki nou krwar i merit pas atraver (b).  Mersi.

 

MR DEPUTY SPEAKER

Mersi Onorab  Aglae.  Onorab Ramkalawan. .

 

HON WAVEL RAMKALAWAN

Mr Chairman mersi bokou.  E mersi pou tou bann parol ki’n ganny eksprimen.  Mon ava konmans avek dernyen pwen.  Si en dimoun pe azout en lasanm.

Dan Lalwa li menm li, dan Lalwa i fer provizyon pou bann minor works.  E si Board, si Planning Authority i santi ki poudir this is not minor, me ki i major, then i ava bezwen anvoy laba.

Me si i vwar ki poudir i kapab tonm anba minor works, ki ordinerman parski parey i ete la ozordi, pa tou bann keksoz ki pas devan, vreman devan the big Board. 

Parski i annan sa bann minor works ki zot, zot dispense of dan en fason vit, ok.  So sa mon krwar i ganny taken care of.

E parey Onorab Aglae i dir, si en keksoz ki pou sanz, ki pou sanz natir sa, sa lanvironnman, sa vilaz ensidswit.  La aprezan sa i ava al lo en lot nivo.  Bann obzeksyon.

Bann obzeksyon; mon krwar ki Planning, sa Board.  Parski sa bann expert ki lo sa Board.  Letan zot pou regard bann obzeksyon, zot pou, zot pou konpran zot si tel vwazen pe obzekte avek tel proze pirman lo en, lo en keksoz personnel.

E zot, zot pou pas par lao sa, parski i pa vedir ki akoz ou’n met en obzeksyon, ki poudir ou obzeksyon i bezwen ganny, i bezwen ganny ekoute.

So sa i ava retourn ankor lo sa Board li menm.  En keksoz ki pou kapab annan pou fer avek en rezyon par egzanp.  Si en konparezon, parske anba ‘’development’’ i annan tou kalite keksoz.

Demen dizon en dimoun i anvi fer en proze, pou fer en cable car ki pou al Trois Frère, oubyen en tinel ki pou pas atraver plizyer distrik.

La i posib ki, wi si i pe pas par Corgate Estate apre i, non i pa pou ariv Sorrento.  Me, me i ava, i ava – soz!  So la whatever Lotorite ki la.  Sanmenm sa mon’n met District Original Council, Authorities.

So Authorities, so zot ava kapab regarde poudir pou pas dan 3 distrik, dan en rezyon.  Alors i ava ganny, i ava ganny taken care of.

Si ou pa konnen lekel ki reste la, mon krwar ki ozordi i annan sa menm sityasyon avek survey.  Letan ou pe, letan ou bezwen survey ou later –  lalwa li menm li, bann regilasyon i demande ki ou pou bezwen enform tou bann dimoun.  Be i annan lenstans kot ou pa konnen lekel, me sa pa vedir ki sa survey pa pou kapab ganny fer.

I ganny fer sou en serten rezerv.  E mon konpran sa sityasyon.  Me mon krwar ki, mon krwar ki lentansyon se pou enform otan dimoun ki konnen.

Enform bann dimoun ki ou, ou konnen ki pe, bann adjoining properties.  So that Planning li i konnen lekel ki pou, lekel ki i pou balanse, lekel ki pou ekrir pou enform sa dimoun.

E parey Onorab Georges in dir, mon sipoze vin en pe parey letan nou bann politisyen nou pe fer door-to-door.  Parfwa ou ariv kot en lakaz, be ou vwar laport i frenmen laba.

Be pa nou dir en, en lekel ki laba?  E pa nou konnen apre en pti kou poudir tel dimoun letan ou vini, bonzour Mr Pillay, konman sava?  En lekel ki’n dir ou?  Ok.

So, so mon krwar isi Sesel nou tou nou annan nou fason pou nou konnen lekel ki laba.  Pou bann islands zisteman.   Sa ki mon pe propoze la i pou, i pou vedir ki letan i annan en keksoz lo zil, ok.  Lotrozour ti annan sa devlopman lo Cosmoledo.

E apre sa ki nou’n aprann ki poudir i annan, be pou zil, sa Lotorite, si i annan okenn devlopman lo okenn zil.  I pou bezwen dir, be kote ki en devlopman lo zil i met son, i met son plan pou ki dimoun i kapab vwar?

E lo zil zot pa en distrik, zot pa form parti en distrik, zot form parti zot?  Alors i ava annan en keksoz, en landrwa, en plas Nasyonal.  E kekfwa, mon dakor avek Onorab De Commarmond sa ki, sa ki i a pe dir mwan.

E mon mazinen Onorab Georges i ava kapab met sa.  Pou nou mete kote dan ka bann zil, kote eski sa bann, sa bann plan i ava ganny egzibite. Hmm?   Mon pe open to, open to suggestions lo sa enn.  Mersi bokou.

 

MR DEPUTY SPEAKER

Ok.  Onorab Pillay.

 

HON SEBASTIEN PILLAY

Mersi.  Mr Chair vitman, vitman mon ti oule ki mover lamannman i konsidere dan plas dir ‘’the Board’’, nou dir li ‘’the Authority shall.’’  Because ler in ganny submitted to the Authority.

Apre mon konpran akoz ou pe dir Regional Authority, so mon pa pou al challenge ou lo la.  Akoz nou pou al dan en gran deba ankor lo sa zafer.  Just bear in mind ki Regional Council pa ankor ganny en legal status, ok? 

Inform owners of adjoining properties, sa i byen.  Me ti ava bon, parey Onorab Andre in dir nou enkli en timeframe within which en devlopman i ganny submitted pou sa.

E dan, nou met en (d), met en (d) ki spesifikman dil avek for ‘’any development’’ ki konsern en zil.  Sa, Onorab Georges i kapab draft something.

Sa laplikasyon i ava ganny mete par egzanp anvil kot Planning Authority oubyen somewhere dan Minister ki ava fer ki dimoun i ava fer en public viewing.  I ava ganny sans ankor enn fwa with a specified timeframe or in a matter prescribed.  Mersi Mr Chair.

 

MR DEPUTY SPEAKER

Ok.  Onorab Ramkalawan.

 

HON WAVEL RAMKALAWAN

Petet, petet Mr Chairman spesyalman pou bann zil.  Parske pou al anba kot Planning Authority, dimoun petet pa pou tro enterese.

Me ki par egzanp i bezwen annan en lanons.  E an plis ki sa pou bann zil, pou bann zil, nenport devlopman, koriz mwan si mon mal bann ki dan Lotorite –  mon mazinen ki pou nenport devlopman lo bann zil, en lotel, en keksoz koumsa, i pou bezwen annan en EIA ki ganny fer.  So i pou bezwen annan en lanons kote, kote son EIA pou ganny fer!

E petet ankor enn fwa nou re tonm ankor lo sa bann dil koripsyon, kot Minis.
Par egzanp pou Cosmoledo,  mon pa tro rapel kote EIA ti ganny fer, e ki keksoz in pas en pe trankil, trankil.  E alor –

 

MR DEPUTY SPEAKER

Mersi Onorab Ramkalawan.  Bon zis dan lespri pou nou al en pe vit, les mon a demann Mr Pool, i tin lev son lanmen lo kote Gouvernman, zis pou donn nou son pwennvi legal.  Mr Pool.

 

SENIOR LEGAL DRAFTSPERSON MR VICTOR POOL

Thank you Mr Speaker.  Mr Sebastien Pillay, Onorab Sebastien Pillay in tous 2 dan mon 3 pwen ki mon ti annan.  I reste zis kot premye laliny, ‘’refer application.’’ 

Zis pou fer konsistan, nou bezwen dir, ‘’application to develop land.’’  Akoz i annan en ta kalite application anba sa Lalwa.

Zis pou fer li konsistan avek (c) anba kot ou’n dir ‘’development of proposed development application,’’ ok?  Apre timeframe, en cutoff date pou receive comments, apre-

 

MR DEPUTY SPEAKER

Mr Pool ou annan lezot komanter oubyen.

 

SENIOR LEGAL DRAFTSPERSON MR VICTOR POOL

Apre en dernyen konsern, si i annan lobzeksyon, who will deal with the objection?  Is it the Authority?

I pou napa en koze ant sa dimoun ki pe lobzeksyon ek sa dimoun ki’n launch son application.  So it would be to the Authority.  Authority pou dil ek son objection and then pran son desizyon.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mon krwar Mr Chairman sa ki nou pe dir la, en dimoun i annan son objection oubyen i annan son komanter.  I fer sa avek Authority, en pe parey i pase ozordi.

Letan zot anvoy zot plan kot sa DA.  Sa DA i anvway son komanter, si i santi ki poudir pou annan serten problenm, i anvway li kot
Authority e letan sa Board pe zwenn, i konnen ki poudir, a tyonbo en kou la, nou’n ganny komanter sorti dan tel distrik.

I deza annan en problenm la, e kot sa later pe, sa, kot sa devlopman pe ganny fer i annan en, i annan en underground stream ki pase, e alors zot pran li an konsiderasyon.

Comments are sent and then zot, zot pran zot, zot pran zot desizyon baze lo zot konesans, pou zot vwar ki poudir-

Parski sa ki mwan koman en sivilyen, mon vwar ki poudir i pou en problenm.  Enzenyer, teknisyen i ale pou dir, ok nou konpran.  Nou konpran ki mannyer i pe regard sa.

Me sa pa pou en problenm, e sa Lotorite li si i anvi dan son PR.  E in fact Lotorite Plan, lot Planning Authority prezan ou osi annan en PR ki for.

Son PR i pou kapab al koz ek sa dimoun pou dir, regarde wi.  Nou’n gannyen ou propozisyon, ou komanter, me pa bezwen per ki poudir sa pou pas tel fason, ou peron pa pou kase, parski nou, nou pou fer sir ki nou pou met serten kondisyon pou tel, tel, tel keksoz arive.

Mon krwar dan sa, dan sa lespri keksoz i ava, keksoz i ava bouze.  Mersi.

 

MR DEPUTY SPEAKER

Mersi Onorab Ramkalawan.  Mr Francois ou ti oule, ou ti oule, oubyen i ok.

Ok.  Bon nou pou bezwen al ase vit.  Mon, Onorab Pillay mon a les ou dernyen apre nou pe al pran en vot.

 

HON SEBASTIEN PILLAY

Wi, wi Mr Speaker.

Mr Speaker mwan mon krwar ki mon ti pe zis dir Leader Lopozisyon ki nou bezwen separ EIA avek sa plan devlopman li menm.  Nou oule – Konmsi dimoun i kapab vwar sa plan devlopman li menm, pou li konnen kwa ki pe pase.

Sa EIA dimoun i bezwen ale.  Akoz i annan sa konsiltasyon ki ganny fer.  Apre dezyenmman, mon krwar lenportans sa se ki, se sa komanter,  i pa vin lo en baz lobzeksyon, i vin lo en baz komanter.  E se sa ki ou pe donn dimoun loportinite pou fer.  Mon asire sa bann fanmir Anse Aux Pins ti ava’n kontan donn zot komanter, me zot pa ti ganny sans.
So nou sa ki nou pe fer, se ki zot donn komanter.  Mon pa pe dir zot pou obzekte initilman pou anpes ou fer ou devlopman.  Be i kapab donn son komanter.  Se sa mon krwar ki nou bezwen baz li lo la.  Mersi Mr Speaker.

 

MR DEPUTY SPEAKER

Mersi Onorab Pillay.  Ok, e si ou kapab Onorab Ramkalawan osi propoz okenn amannman avek sa ki deza la.

 

HON WAVEL RAMKALAWAN

Wi, wi.  Mr Chairman zis koman en dernyen pti pwen, spesyalman lo sa zafer EIA avek devlopman, spesyalman an relasyon avek zil.

Etandonnen ki, ok, i annan serten zil ki, i annan serten zil ki tonm anba en distrik Inner Islands.

Ok, Bird, Fregat, Silhouette avek Denis, zot tonm anba – i annan en Ladministrasyon Distrik ki pou oversee tousala.  Me selman bann lezot Alphonse ensidswit, zot outer islands zot napa en distrik.

Petet, pa konnen ki mannyer i kapab fer sa rantre.  Ki dan bann ka koumsa, sa plan i ganny, i ganny displayed dan tou! Dan tou bann distrik.

Dan tou lofis bann Lotorite konsernen, pou ki Seselwa tou dimoun i ava kapab, tou dimoun i ava kapab konnen kwa ki pe arive.

E Mr Chair lo kote bann, bann lamannman, mon krwar ki Onorab Georges avek Mr Pool zot in note.  E mon ti ava propoze ki si nou, si nou pran en vot, parske nou’n dakor, nou tou nou’n tann sa deba.

Nou pran en vot lo la, pou ki nou konnen poudir in pase.  E aprezan zot, zot ava regarde si i pou al ant seksyon 36 avek 37, standalone e avek son proper wording,  pou ki letan nou fini in ganny fer.  Mersi bokou.

 

MR DEPUTY SPEAKER

Ok.  Mersi bokou.  Bon be nou ava pran en vot lo lamannman ki’n ganny propoze.

Petet Onorab Georges si ou oule gid mwan a sa pwen si nou pe, nou pou, oule pran en vot la konmela, oubyen oule annan son wording presi ki a pran konsiderasyon, seksyon 36 an menm tan avan nou pran sa.

 

HON BERNARD GEORGES

Mon krwar prosedir se ki nou – Manm i bezwen konnen plizoumwen.

 

MR DEPUTY SPEAKER

Ki i pe vot lo la.

 

HON BERNARD GEORGES

Egzakteman sa ki zot pe vot lo la.

Mon’n fer en pti propozisyon, mon ava, si zot.  Chair Bills Committee pou demann en logmantasyon saler Mr Chair.  Akoz, nou –

 

MR DEPUTY SPEAKER

Ou a propoz en Mosyon, apre nou ava vot lo la.

 

HON BERNARD GEORGES

Mersi, mon ava lir sa, mon ava lir vitman e kekfwa apre nou ava deside si nou pou vot lo la, la oubyen demen bomaten.

Si mon konpran byen, nou ava deside apre kote i pou antre.  Be mon ankor, mwan mon pe propoze ki i antre 36 e donk sa propozisyon i ava lir koumsa.

36(1), ‘’The Authority shall prior to considering an application for Planning permission;

 (a) refer the application to the appropriate district original Authorities for their consideration and comments within a prescribed period. ‘’

Alor pou konnen konbyen letan.

(b) ‘’ensure the application the form prescribed to provide relevant information whilst respecting the privacy rights of the applicant, shall be displayed at the offices of appropriate district and regional Authorities for public viewing and comments. 

(c) informs owners of adjoining properties,  for any proposed development application. (full stop.) 

Epi (2)

‘’For any proposed development on an outlying island the  application shall be displayed at the offices of the Mayor of Victoria.

And notice given in a public media.’’ Something of that order.  Mersi.

 

MR DEPUTY SPEAKER

Mersi Onorab Georges.  Savedir sa set en keksoz ki ou ava propoze pou nou vot lo la pli tar.  Ok.  Onorab Henrie.

 

HON GERVAIS HENRIE

Mersi Mr Chair.  Be dan en lenstans kot en devlopman i pa pe ariv dan en distrik.  Pran Ile Du Port par egzanp, i pa tonm dan en, ki mannyer piblik i konn sa devlopman ki pe arive? Mersi.  Kot nou pou met li?

 

MR DEPUTY SPEAKER

Mon mazinen tou, tou teritwar i bezwen tonm dan en distrik finalman.  Alor i pou bezwen tonm dan en distrik.  I zis parey Perseverance evantyelman ou vin en distrik.

Me mon mazinen tou, tou later i bezwen tonm dan en distrik – evantyelman.  Alor i pou annan sa konsiltasyon.  Bon in ariv preski 7er mwen zen kar.  Mon krwar in ariv en pwen pou nou, nou bezwen adjourn.

E, me zis avan nou adjourn, Onorab Ferrari.

 

HON JEAN-FRANCOIS FERRARI

Bon, nou ti’n propoze pou nou fini dil avek 12 silvouple Mr Speaker, napa gran zafer.

 

MR DEPUTY SPEAKER

12 mon krwar, napa okenn.

 

HON JEAN-FRANCOIS FERRARI

… Committees, so Onorab Georges kekfwa.

 

MR DEPUTY SPEAKER

Mon pa vwar okenn amannman ki’n ganny propoze anba 12.

 

HON BERNARD GEORGES

Wi Mr Chair, napa okenn amannman anba 12.  Me mon ti a kontan demann ou permisyon, mon mazinen nou pou kontinyen avek sa demen bomaten 9er.

Mon annan en problenm 9er.  Akoz mon bezwen devan Lakour d’Apel 9er pou apepre en demi erdtan demen.  Alor mon pa konnen ki mannyer nou pou proceed.

Si en lot dimoun ava pran sa demi erdtan, en lot Manm Komite, ziska ler mon retournen.  Mon met sa dan ou lanmen Mr- I en keksoz ki mon pa kapab avoid.  

 

MR DEPUTY SPEAKER

Mersi Onorab Georges.  Eski Deputy Chair Bills Committee i kapab takeover sa responsabilite?   Ok, san okenn ezitasyon Deputy Chair in tonm dakor lo la.  Onorab
Ferrari.

 

HON JEAN-FRANCOIS FERRARI

Non Mr Speaker, akoz nou ti annan ankor 2 pti keksoz pou nou dispose of.

(1) explanatory note ant salaries payable to Human Rights Commission.  E zis en pti keksoz ki mwan mon ti’n lev en pwen lo la, lo S.I 45.

Mon pe propoze ki mon lev li demen bomaten ler nou konmans nou business.  E sa i ava pran nou en 10 minit.

 

 

MR DEPUTY SPEAKER

Ok.  Mon napa lobzeksyon – an prensip.

En pti moman.  Zis avan nou, nou adjourn, mon ti a demann Serzan pou remet nou dan Lasanble zis pou nou formelman adjourn Lasanble. Mersi bokou serzan.  Bon nou retourn dan Lasanble, Staz Lasanble.

Bon nou’n ariv a la fen bann deba dan Staz Komite lo Bill Physical Planning.  Me pa ankor termin li.  Mon ti a kontan remersi tou bann Manm ki’n fer zot kontribisyon ziska prezan.

Mon ti a kontan remersye Minis e ou delegasyon ki’n la preski apre midi antye pou ed nou.  E nou espere vwar zot ankor demen bomaten.

Alor Lasanble i pou adjourn e nou pou repran demen bomaten 9er.

 

(ADJOURNMENT)