::
Home » Verbatim » 2019 » Verbatim 23rd July, 2019

Verbatim 23rd July, 2019

NATIONAL ASSEMBLY OF SEYCHELLES

Tuesday 23rd July, 2019

 The Assembly met at 9am

 National Anthem

 Moment of Reflection

 Mr Deputy Speaker in the Chair

 

MR DEPUTY SPEAKER

Bon bonzour tou bann, tou bann Manm Onorab.   Bonzour tou bann etidyan NIHSS ki dan Galeri, ki’n vin partisip well ekout Lasanble Nasyonal ozordi.  Bonzour tou bann dimoun ki a lekout lo radyo, televizyon, rezo sosyal partou kot zot ete.  Byenveni ankor enn fwa pou en Sesyon Lasanble Nasyonal ozordi Mardi le 23 Zilyet.

Lo nou Order Paper bomaten ki devan nou, me zis avan nou al lo la mon ti a kontan zis fer zot rapel ki mon dan Chair ankor enn fwa, parski Speaker Lasanble Nasyonal i ankor aletranze, e i pe reprezant Lasanble Nasyonal lo en misyon SADC ; kot i pe reprezant i lo Komite Egzekitiv SADC-PF ki dan son 45enm Plenyer.  E sa renyon pe fer Maputo Mozambique ti  konmans le 16 ziska le 25 Zilyet.

Sa semenn i annan lezot Manm ki pe zwenn li, Maputo, e sa pou enkli Onorab Leader Lopozisyon – Onorab Ramkalawan ki pa la, Onorab Regina Esparon, Onorab Egbert Aglae e Onorab Chantal Ghislain.

Alor bomaten lo nou Order Paper, nou pou annan Prezantasyon bann Papye, e mon ava demann Madanm Clerk byento pou lir en pti moman pou li kapab lir sa.

Answit nou pou annan 6 kestyon, ki pou ganny poze par bann Manm, e bann kestyon i pou Minis pour Finans, Komers, Lenvestisman e Planifikasyon Ekonomik – Anbasader Mr Maurice Maurice Loustau-Lalanne.   Sa i pou swiv par en Kestyon Dirzans ki ganny poze avek Minis Didier Dogley ki Minis Tourizm, Port and Marine and Civil Aviation. 

Swivan bann kestyon nou pou annan Public Reading  -Bills ; savedir bann Lezislasyon.  E premye Lezislasyon ki pu devan nou se sa Bill Anti-Koripsyon.

E zot a zis pou fer zot rapel ki Premye Reading, First Reading sa Bill ti ganny fer le 4 Mars, 2019.

Answit nou pou annan en update lo Referendum Bill 2019, parske sa nou ti’n dakor pou defer bann deba lo la.  E answit en update lo Public Service Salary (Amendment) Bill.

Zis pou dir zot osi ki bomaten i annan en Hearing; annefe i devret konmanse 9er, lo sa case ant Egzekitiv e Lasanble Nasyonal, e sa i pe i pe kontinyen la bomaten dan labsans Speaker ki bezwen aletranze.

E avek sa mon pou al lo item 4 lo nou Order Paper ki Prezantasyon bann Papye mon pou demann Madanm Clerk pou prezant bann Papye.

 

MADAM CLERK

Mersi bokou Mr Speaker.  Bonzour Mr Speaker, bonzour tou Manm, bonzour tou bann etidyan sorti kot NIHSS ki dan Galeri, e bonzour tou dimoun ki a lekout.

Mr Speaker konman Prezantasyon Papye sa semenn nou annan;

S.I 42 pou 2019, e sa se Public Service Special Pension (Life Certificate) (Amendment) Regulations, of 2019,

S.I 43 pou 2019, 1770 Bond, Order, of 2019.  E answit nou annan bann papye sorti kot Minister Finans;

Development Bank of Seychelles – Financial Statements for the year ended December 31st of 2018. 

        National Information Services Agency – Financial Statements for the year ended December 31st 2018. 

        Societe Seychelloise D’Investissement Limited – Financial Statements for the year ended December 31st 2018. 

        Seychelles Postal Services Limited – Financial Statements for the year ended December 31st 2018. 

        Petro Seychelles Limited – Financial Statements for the year ended December 31st  2016 and December 31st 2017.  Mersi Mr Speaker.

 

MR DEPUTY SPEAKER

Bon mersi bokou, Madanm Clerk.  Bon parey zot vwar ankor en kantite papye ki pe ganny prezante avek Lasanble Nasyonal ki vreman byen, parske se nou rol oversight ki nou bezwen egzerse ki byensir tousala i ganny mete a nou dispozisyon.  Zis pou fer zot rapel ki tou sa bann S.I i ganny sirkile avek tou bann Manm, e i annan en link lo nou – ki osi ganny donnen avek tou Manm e piblik an zeneral, pou ki zot si zot anvi, zot kapab egalman ganny sa bann rapor, pou zot regarde.  Onorab Ferrari sinyalman mwan …

 

HON JEAN-FRANCOIS FERRARI

Mersi Mr Speaker.  Mr Speaker lo lapar tou bann Manm isi lo sa kote latab, e mon mazinen pou dir lot kote latab osi i ava kontan pou entervenir – pou felisit en pe e ankouraz nou bann atlet dan bann dan bann konpetisyon ki zot pe fer, Maurice dan Zwe De Zil.  Se nou ki reprezant zot dan sa Lasanble, e mon mazinen pou dir i enportan ki zot konnen pou dir nou pe siport zot e ki, e ki nou ankouraze avek bann rezilta ki zot pe anmennen.   Sa i premye pwen.

2enm pwen Mr Speaker mon ti a kontan si ou kapab reflesir lo en posibilite pou nou bann Manm tou lede kote latab, ganny en resanz avek en zofisye dan Minister Finans oubyen avek en zofisye dan sorti kot Oditer Zeneral, pou nou ganny zis en pti overview lo tou sa bann Financial Statements  ki pe ganny mete devan nou.  Mon krwar i enportan ki ou fer en sesyon kot, kot nou zis sey assess performans sa bann konpannyen – sa bann Lazans, e konpran kot bann defi i ete e kote bann defayans i ete.

So si i annan posibilite avek Minister Finans, oubyen avek   mazinen Minister Finans is the best partenaire ladan, e mwan mon ava pran li konman en Manm Komite Finans, pou gete ki mannyer zot kapab anmenn tou bann Manm ki enterese otour en latab, pou zis regard en pe an gro sa bann performans ki pe fer.

So sete le de pwen ki mon ti anvi fer.  E mersi Mr Speaker.

 

MR DEPUTY SPEAKER

Mersi Onorab Ferrari.  Sertennman lo kote Lasanble Nasyonal, permet mwan osi donn en pti mo lankourazman, felisitasyon sertennman pou sa tim ki reprezant Sesel dan Zwe De Zil L’Ocean Indien.  Mon krwar i fer nou to fyer, ler nou get sa latab meday nou vwar Sesel ase o, byen respektab e sirtou dan domenn naze.

So nou en pti zil antoure avek lanmer, nou e fer byen dan naze, i fer nou tou fyer.

Dezyenmman lo kote ou sizesyon ki nou annan en sesyon, mon antyerman dakor avek ou.  Mon krwar dan Lasanble bann Manm petet pa tou dimoun ki annan lekspertiz pou lir sa bann Statement, e mon mazinen lo nivo Sekretarya osi nou napa otour san resours pou fer parey nou ti a kontan, me mon krwar petet olye neseserman Minister Finans, petet nou kapab konsider menm Public Enterprise Monitoring Commission, ki zot menm ki sirvey – zot monitor, bann Public Enterprises.  Alor petet ti a bon fer en sesyon, petet atraver FPAC petet sa ti ava ideal.   E nou kapab sertennman konsider sa – organize, pou ki tou bann Manm i a kapab partisipe demann bann kestyon apropriye.  Onorab De Commarmond.

 

HON CHARLES DE COMMARMOND

Mersi Mr Speaker.   Bonzour Mr Speaker, bonzour tou Manm Onorab e tou dimoun ki a lekout, e bann etidyan ki la avek nou ozordi.

Mr Speaker zisteman mon ti’n note la, sa kestyon mon pran sa enn 2enm pwen ki’n leve, PEMC.  E mwan mon’n deza annan en koze avek PEMC, i annan volonte mon krwar zot in demann Lasanble pou zot vini be Lasanble petet pa ankor donn en dat.  Ti bon alor nou ganny PEMC li, son CEO, son  Chairperson, tousala i vini pou nou kapab annan en antretyen.   E pa pou fer en lot evalyasyon.  Me pou nou kapab apresye travay ki pe ganny fer.

Sa petet osi i ti kapab gid nou dan en lot direksyon.   Dan en lot direksyon ki mon vwar i FPAC par egzanp, i annan detrwa envestigasyon ki’n donn Oditer Zeneral pou fer.

Petet letan nou sava annan enteraksyon avek PEMC, nou a vwar pli byen kot par egzanp PEMC i kapab zwe en rol ki Oditer Zeneral pa kapab zwe dan nou travay dan Lasanble sirtou kote FPAC pou vwar konman alor nou travay oversight i ava ganny fer dan en fason pli byen.  Sa i en pwen.

Lo kestyon Indian Ocean Games, mwan mon dakor ek sa pwen Mr Speaker.  E i enportan ki nou Lasanble sirtou lo nou kote latab  – parey ou’n dir lot kote osi, nou siport antyerman mil poursan nou bann sportsman, nou bann atlet.  Nou konnen nou i could have been better wi preparasyon,  me selman sa ki pe arive la, mwan mon apresye lafason lepep Seselwa pe siport osi nou bann atlet.  Konmsi ki mannyer Seselwa in ralye deryer bann atlet, pou mwan sa i montre sa, sa linite, sa fason fer kot Seselwa nou kapab zwenn ansanm e met politik apar, e focus lo sipor pou nou bann zenn – nou bann atlet e nou bann sportsman.   

E zot pe fer bann progre ekstraordiner mon kapab dir, ler mon ge bann rezilta ; pran foutbol, toultan nou dir foutbol la, lala nou pe vwar en pe rezilta, anba coach Gavin, mon lev sapo pou zot e zot pe fer byen.  Dan lezot sport as well, mazin nou bann kritik, nou menm nou Lasanble nou’n fer dan lepase, petet lo bann sportsmen.  Me la nou pe vwar bann benefis, bann fri ki sa bann sportsmen pe anmennen pou nou pei.  I annan si mon pa tronpe avek bann meday ki zot in gannyen in depas 200 ekek mil Roupi la, letan ou kalkile, me that’s good.  I byen e nou, nou bezwen kontinyen ; Games pa ankor fini, nou bezwen kontinyen siport zot, kontinyen met s zefor met sa lankourazman, e pou zot fer pli byen pou kwa pa improve ankor lo Latab         Meday?

Konpetisyon i for. Nou vwar bann pei dan L’Ocean Indien ki mannyer pe fer sa ki pa ti fer byen avan nou get Comores dan foutbol ki pe fer, be nou osi nou a pe bouze, e sa i bon e se koumsa mon krwar letan nou met nou lespri e nou zefor ansanm pou siport nou pep, pou siport bann keksoz pozitiv keksoz ki nou fer, koumsa nou pei e nou pep i avans pli devan, e nou bann zenn i ava apresye sa bann keksoz ki Gouvernman pe fer pou zot e profit ladan pou zot kapab avans devan.  Mersi bokou Mr Speaker.

 

MR DEPUTY SPEAKER

Mersi Onorab De Commarmond.  Onorab Sophola mon pa pe ouver deba pou tou dimoun fer komanter pou sa.  Mon krwar mon’n permet tou le de kote.  Me selman Onorab Sophola eski i en point of order oubyen i en komanter an zeneral?  Non si komanter an zeneral mon pa pou permet la at this stage. Mon’n permet Leaders on both sides pou fer li.  Mon pa pou kapab ouver sa, sansan mon pou bezwen ouver li e nou annan en travay devan nou.

 

HON NOLINE SOPHOLA

Mr Speaker zis en minit.  Mr Speaker sa ki mon anvi dir se ki Digwa pe fer fyer Sesel!  Se nou ki’n anmenn premye Meday Lor, kantmenm zot pa le donn mon laparol, se Digwa ki ‘n anmenn Premye Meday Lor!  Se nou Digwa ki’n met premye gol!

E kantmenm nou ptipti nou pe fer sikse.  Mersi Mr Speaker.

 

(APPLAUSE)

 

MR DEPUTY SPEAKER

Ok, Digwa in fer Sesel fyer, nou aksepte.  Well done La Digue! Well done tou bann distrik ki pe fer Sesel fyer ozordi!

Anou pa ouver, annou pa ouver deba plis ki sa.  Mon’n permet sa, selman annou kontiny nou travay.  Annou kontiny nou travay.  Alright. 

Bon nou’n ariv ler pou nou demann kestyon avek Minis pou Finans, Komers e Lenvestisman, Planifikasyon Ekonomik.

E mon a demann Parliamentary Reporter silvouple pou envit Minis Anbasader Loustau-Lalanne.

Alor nou pou annan 6 kestyon premye poze par Onorab Ferrari Manm pou Mont Fleuri, swivi par Onorab Churchill Gill, swivi par Onorab Audrey Vidot e Onorab Egbert Aglae e vi ki i  pa prezan son kestyon pou ganny demande par Onorab Wilbert Herminie.  Answit nou annan enn ankor par Onorab Ferrari e finalman enn par Onorab Stephen Pillay.   Se sa bann kestyon ki nou pou annan.

Bon mon ti a kontan, swet labyenveni parmi nou Minis Maurice Loustau-Lalanne, Minis pou Finans, Komers ek Planifikasyon Ekonomik, avek son delegasyon ki konpri Mr Patrick Payet, Sekreter D’Eta dan Finans, Mr Damien Thesee Sekreter Prensipal non mon vwar Damien, Damien pa la, me i annan Ms Sitna Cesar ki Konseye Spesyal dan Minister Finans.  Mon osi vwar Mrs Bernice Senaratne ki Direkter, Polisi, Resers Monitoring Evaluation e Mr Walter Rahul Mangroo, ki Deputy CEO Landscape and Waste Management Agency.  Byenveni parmi nou.

Alor mon fotespere mon pa’n mank personn.  Nou ava komans toudswit avek kestyon No (1) par Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Bonzour Minis, bonzour Mr Payet, en pe letan ou pa ankor vwar ou dan sa Lasanble, so welcome back.

        Mr Speaker mon ti a kontan demande, si Minis pou Finans i kapab eksplik nou Lasanble Polisi son Minister lo peyman dividend par bann Lakonpannyen Paraetatik ?  E si ou permet mon Mr Speaker Minis i kapab al lo bann Lazans, so mon pa anvi restrikte li senpleman lo bann konpannyen paraetatik, me i annan bann Lazans osi ki ganny reveni e kekfwa zot osi zot konsernen par sa dividend.  Mersi Mr Speaker.

 

MR DEPUTY SPEAKER

Mersi Onorab Ferrari.  Minis.

 

MINISTER MAURICE LOUSTAU-LALANNE

Mersi Mr Speaker.  Mr. Speaker, Onorab Leader Zafer Gouvernman, tou Manm Onorab, tou dimoun ki a lekout bonzour.

Mr Speaker i enportan pou note, ki parmi bann Lakonpannyen Paraetatik ki komersyal e lezot ki’n ganny kree pou delivre bann servis avek en bi Polisi Piblik.

Dan sa 2 kategori, Gouvernman i espekte anmas dividend avek bann ki komersyal.  A ler aktyel napa en Polisi formel ki’n ganny adopte.

Me pandan plizyer lannen Minister Finans in servi en Polisi enformel ; setadir fer kalkilasyon lo konbyen dividend i pe espekte ranmase e endik sa ek sa bann lantrepriz lo konbyen pou peye an mazorite.

Dividend i ganny peye avek Sosyete Seselwa pou Lenvestisman SSI.  E sa konpannyen i answit pey Gouvernman dividend.

SCAA, SPA e FSA zot, zot pey direk avek Minister Finans.  Vi ki Gouvernman depi bann dernyen lannen pe met lanfaz li latransparans e bonn gouvernans, dan zesyon sa bann lantrepriz piblik, Komisyon ki sirvey bann lantrepriz piblik PEMC pe travay lo plizyer Polisi konzwentman avek mon Minister.

E parmi i en Polisi pou dividend ki dan staz final, e ki pou byento ganny prezante avek Cabinet. 

Sa Polisi pou pran kont plizyer fakter, parey donn direktiv lo bann performans target lonterm e kour term, e osi portfolyo lenvestisman sa bann lantrepriz.

Sa pou permet Gouvernman annan en formasyon konkret, lo ki performans pou espekte avek bann lantrepriz piblik ; konbyen tax i pou anmase ; e konbyen dividend i pou kolekte.

Plis ankor Gouvernman i ava dan en pli bon pozisyon, pou konnen ki bann lenvestisman  sa bann lantrepriz pe anvizaze.  Mersi Mr Speaker.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Minis.  Minis mon ti a kontan demande si dan tou ka Lotorite Minister Finans, i ganny respekte an sa ki konsern zot demann ki zot fer pou bann lakonpannyen komersyal fer zot dividend, pey zot  dividend. 

Eski i annan serten defayans dan Lalwa ki permet serten lakonpannyen komersyal pou deside zot menm, si zot anvi pey dividend oubyen zot pa anvi pey dividend?  Donk zot annan sa swa pou zot fer pou zot peye oubyen pa peye.  I enportan pou nou konpran si i annan sa bann defayans si i annan okenn keksoz ki nou devret pe fer pou nou annan en liniformite e ki Lotorite i reste a desizyon shareholders ki ou, ou reprezante, akoz se pou lepep Seselwa reprezante par Gouvernman.

Donk eski ou Lotorite dan kad Lalwa i toultan ganny respekte oubyen eski i annan bann defayans dan Lalwa?  Mersi Mr Speaker.

 

MR DEPUTY SPEAKER

Mersi Onorab Ferrari.  Minis.

 

MINISTER MAURICE LOUSTAU-LALANNE

Mersi Mr Speaker, mersi Onorab.  Onorab normalman depi mon la mon ekrir en let Chairman Board sa bann konpannyen, e mon endik zot sa level dividend ki nou espekte.

Prezan Board sa  bann konpannyen zot fer zot meeting e zot pran zot desizyon.  In annan de ka kot pou rezon lenvestisman dan sa bann konpannyen kot zot pa’n achieve sa target dividend ki mon ti demande.

I annan en ka spesifik pou sa lannen 2018 ki’n fini.  Me parey mon pe dir ou zot ti prefere gard en pe plis zot profi, pou zot re envestir dan bann lenfrastriktir dan sa k konpannyen.  So sa i en ka.

Me i annan lezot ka kot zot performans i depas zot Bidze, e la zot in pey en pe plis dividend osi.  So lenvers i osi vre.

Mon pa krwar pou lemoman ki annan ki délibérément pe gard larzan pou divers lezot rezon.  Mon krwar i annan sa dyalog konstriktif antre nou.  Me nou santi ki efektivman i ava pli bon annan en Polisi lo dividend.  Setadir tou lede kote i ava konnen.

Par egzanp mon servi en legzanp nou kapab dir,’’ Be ok letan ou fini deklar ou profi apre tax, ou kapab pey en dividend level apepre 50poursan sa ki reste ou Gouvernman.’’ Ou konpran.

E prezan si i annan Investment Policy ki nou annan ki nou pou regarde lo 3, 4, 5an nou kapab varye sa nivo.  E sa pou anmenn sa latransparans ki zot pe rode.

E mon konnen ki papye in preski pare; mon krwar kekfwa dan ankor prosen Cabinet pa sa enn la demen, me lot apre nou kapab konmans fer le neseser pou nou adopte sa Polisi lo dividend.   Mersi Mr Speaker.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Minis mon ti a kontan profit sa lokazyon pou demann ou si ou kapab eksplik nou Lasanble sa striktir ki Gouvernman i met an plas kot SSI ki resevwar sa bann dividend from bann antite komersyal.

Silvouple eksplik Lasanble akoz i en pe konplike pou nou vwar ki finalman i pou retourn kot Gouvernman dan kont Gouvernman me selman i bezwen pas atraver SSI.

Annou pran sa lokazyon pou ou eksplik nou akoz sa mekaniz vin la koumsa?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pou ou kestyon.  Onorab pou rezon lenvestisman Sesel, i annan de fason nou kapab fe li nou kapab fe li strikteman atraver Gouvernman, oubyen Gouvernman dan sa ka in kree striktir SSI akoz mon anvi annan en striktir ki finansyerman solid ki li osi i vin en partner ; donk i en aksyonner dan en biznes ki en envestiser i le fer i kapab etranze i kapab Seselwa.

E donk SSI rezon akoz ozordi ou vwar ki annan dividend ki pas atraver li, se akoz li i aksyonner – dan serten ka a 100poursan – dan lot ka  70poursan, dan lot ka minoriter.  E par egzanp IPHS sa Common Cold Storage kot apre ki in fer lapel pou annan aksyonner si nou vwar sa reprezantasyon lokal dan lenvestisman pa ariv a oter ki anvi, SSI i konsidere aste plis par.  Me parey toultan nou’n dir sa bann pa apre pli tar i kapab ganny revann avek Seselwa.  Remet a laporte Seselwa.

Donk se en lorganizm ki solid ; ki i annan en bon finansman, ki prezan letan en envestiser etranze i regard vin asosye li avek SSI, i zwe dan nou faver.  Mersi Mr Speaker.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker bonzour.  Bonzour tou Manm e bonzour tou bann etidyan ki pe swiv Lasanble ozordi.

Mr Speaker mon ti a kontan ki Minis i dir nou, prenon kont ki li menm li SSI i pa pe zener okenn sa bann Kapital.  I pe zis ranmas sa bann larzan.

Eski napa en fason kot nou etablir distenksyon ant bann lakonpannyen ki SSI i annan drwa retenir serten dividends ki pas atraver li ?

Oubyen bann ka kot bann lakonpannyen i devret pe pey bann dividends direkteman avek Gouvernman?   Sa i mon premye kestyon.

Mon 2enm kestyon Mr Speaker, ki mon ti a kontan klarifye se ki, akoz nou pa met sa lobligasyon legalman atraver bann framework legal, ki ava fer ki Gouvernman i garanti en serten poursantaz larzan ki sorti dan sa bann konpannyen, e sa i ava ede dan balance sheet Gouvernman afen lannen.

Savedir Gouvernman i a konnen konbyen larzan i sipoze rantre from sa bann konpannyen a lafen lannen, as supposed to prezan i en pti pe enformel.  Still kantmenm pou annan en Polisi i pou napa en lobligasyon pou sa Board, akoz ou bezwen donn sa Board serten lendepandans osi pou li fer serten desizyon.

So eski sa osi i en keksoz ki zot pe konsidere?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Wi mon pran ou 2enm kestyon sa i leka.  Nou pe revwar sa PEMC Act, e nou pou fer provizyon efektivman pou capture sa ki ou pe dir egzakteman.

Lo pey direkteman; wi nou osi regarde dan Minister Finans sa posibilite.  E nou’n annan en premye diskisyon.  E parey mon dir ou i annan serten Konpannyen Paraetatik ki pey direkteman.  I pa as atraver SSI.

        Me pou sa bann ki pas atraver SSI nou annan en laranzman kot zis i rantre dan son kont e i resorti, pou vin kot Gouvernman.  Me pa bliye osi SSI parey mon’n eksplik ou nou bezwen fer sir finansyerman li osi i solid.

Alor i gard en pe reveni, e sa i en keksoz ki nou permet i gard en pe reveni pou li osi kapab envestir.  E son striktir i fer ki i bezwen tou lenvestisman ki li i prezan i bezwen fer.  i bezwen pas atraver son Board, me plizanpli enportan ankor, i pas atraver en Komite De Surveillance kot i annan plizyer lezot dimoun ankor ki regard – sirtou bann envestisman ki pou fer.  E i donn son la probasyon avan menm ki SSI i kapab fer sa bann lenvestisman.  Mersi Mr Speaker.

 

MR DEPUTY SPEAKER

Kestyon adisyonnel Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon ti a kontan en presizyon relasyon avek sa laranzman ki ou’n dir nou avek SSI.  Si par egzanp en konpannyen pe pey dividend avek SSI, sa dividend ki otreman ti pou vin dan Kof Gouvernman.  E SSI i al fer en serten lenvestisman, ki mekanizm zot annan an plas, pou asire ki whatever lenvestisman ki SSI pe al fer, i pou generate en return dan e  n dele letan ki a permet Gouvernman ganny reveni konmsi sa reveni i ti ava’n rantre dan kont Gouvernman dan plas esper en long peryod letan kot sa ‘lenvestisman apre 5an, 6an ki pou anmenn reveni pou Gouvernman, e la Gouvernman i ava’n perdi loportinite servi sa larzan sa ki i ti pou gannyen inisyalman dan bann proze petet ki ti ava kapab lekol, lasante whatever landrwa ki sa ti kapab mete.

E dezyenmman prezan nou’n ariv lo en pwen pli larz san ki mon pe preempt en lot kestyon ki lo Order Paper, me sa i spesifik sa lot kestyon.  Ki mannyer zot asire ki bann konpannyen ki dir par egzanp mon pe retenir mon reveni – mon larzan, pou mwan fer lenvestisman ki mannyer zot asire ki sa larzan ki ganny retenir i al pou  sa bann lenvestisman ki zot in earmark, e non pa lenvestisman ki suddenly  i crop up e sa lakonpannyen pe deside pou al envestir ladan? Mersi Mr Speaker.

 

MR DEPUTY SPEAKER

Mersi Onorab Pillay.  Minis.

 

MINISTER MAURICE LOUSTAU-LALANNE

Mersi Mr Speaker.  Onorab an sa ki konsern mekanizm ki an plas, pou permet SSI byen envestir sa larzan ki gannyen atraver dividend, li osi lo son Board i annan en Komite Lenvestisman.  Donk i annan serten son bann manm Board ki annan sa latas pou zot osi vwar tou proze lenvestisman avan ki zot fer, i bezwen pas sa  Board, apre i al kot son Board pou li menm, apre i al kot sa Komite De Surveillance avan menm ki i fer sa lenvestisman.

So mon krwar ki sa i annan plizyer nivo ki deza egziste, pou asire ki SSI pa pe fer lezot keksoz avek sa larzan.  E donk nou regarde return ki nou pou gannyen lo sa bann lenvestisman ki nou fer, e si i en lenvestisman ki nou pa merit fer, desizyon Komite Lenvestisman SSI i pou dir non, i pa vo lapenn.  Par egzanp mon pran en legzanp lo sa later Beau Vallon, ki SSI in aste ;  la osi in annan tou prosedir ki in ganny fer atraver sa.  In regarde, in fer son  due diligence, in rod bann kotasyon pou avek bann land surveyors pou valer sa later.  Valer ki sa vander ti pe demande.  In pas devan zot Komite Lenvestisman, zot in rekomann pozitivman, in pas atraver zot Board, in al kot Komite De SurveillanceSo tousala in ganny swiv korekteman.  E i demontre ki menm letan zot in soumet pou pran en loan avek labank, zot in al atraver plizyer labank.  E zot in pran – labank in donn zot en loan pli abordab dan sa lenvestisman.

E ozordi zot propriyeter sa later zot in met 10 milyon Dolar, e zot bezwen fer sir ki prezan pou annan bann proze lo sa later ki donn zot en return lo sa lenvestisman.

So mon krwar ou pa merit tro enkyet ki nou napa en kontrol lo kwa  ki nou envestir ladan.

Mon krwar tou sa bann lenvestisman ki nou fer i pou annan en return.  E ou lot kestyon mon’n bliye la.

 

MR DEPUTY SPEAKER

Lot kestyon Minis i pe, demann ou le bann lakonpannyen in deside – in demann ou gard zot larzan, eski ou monitor pou dir zot pe al fer sa proze ki zot in dir zot pe al fer?

 

MINISTER MAURICE LOUSTAU-LALANNE

Wi mersi Mr Speaker.  Wi definitivman akoz menm sa lot konpannyen li osi i pou bezwen soumet son proze.  Ou konpran?  I bezwen soumet son proze – son proze i pa s atraver menm kriter.  In annan par lepase enn de landrwa kot in annan bann proze ki ganny aprouve pou en serten sonm.  Me apre in ganny retar, in ganny sanzman, in kout en pe pli ser.  Sa in arive enn de ka.  Kot prezan ou vwar nou plan envestisman i pe bezwen retenir en pe plis larzan.

Me mon krwar aprezan sa konpannyen spesifikman, i tre okouran sa e i fer sir ki ozordi i ava evite annan sa bann deplasman bidzeter ki parfwa i pa prevwar. Mersi.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Bonzour Mr Speaker. E mersi bonzour tou dimoun.  Mr Speaker zis permet mon rekonnet zefor ki SBC in fer atraver labiyman bann camera operators ki ozordi dan Lasanble Nasyonal.  Mon krwar in reponn  legzizans ki Lasanble i mete pou standar dress code, e felisitasyon, mon vwar li byen zoli.

Kestyon ki mon oule demann Minis –  premyerman, premyerman akoz serten antite pe pey direkteman avek Minister Finans, e akoz serten i pey avek SSI?  Sa i mon premye kestyon.

Dezyenmman Minis dan son larepons in nonm 3 lakonpannyen ki pe peye, so mon ti ava apresye si Minis ti kapab dir nou dan tou bann SOEs lekel ki pe peye, e lekel ki pa peye ?

E finalman mon ti zis anvi konnen si i annan bann ka kot bann Board i pran desizyon lo peyman dividend?  Mersi.

 

MR DEPUTY SPEAKER

Mersi Onorab Henrie.  Zis pou dir ou mon krwar Minis in kouver sa dan son premye pwen.  3enm non me selman sa premye 2 in deza kouver, me selman Minis petet ou ava fer en sel rezimen ase vit.  Me mon konnen ou’n deza reponn sa, sa 3enm mon ava permet ou avek.   Minis.

 

MINISTER MAURICE LOUSTAU-LALANNE

Wi mersi Mr Speaker.  Mersi Onorab.  Onorab ou premye kestyon parey mon’n dir SSI i en aksyonner, i en shareholder.  Se la kot ou vwar sa bann dividend i ganny peye atraver li.  E sa i ganny fer legalman.  Sa i premye.

Lo 2enm kestyon; definitivman, mazorite ki dan kategori komersyal i pey en dividend.  Alor nou annan nou Nouvobanq, SEYPEC, Land Marine, Port Authority, IOT, SCAA, IDC, Seychelles Commercial Bank, FSA  -Financial Service Authority.  Sa bann ki pey dividend. 

Bann ki pa peye i annan par egzanp Air Seychelles, i annan  Nasyon, Lapos, pou nonm enn de.  SPTC pa peye, e bann ki peye osi i annan HFC i pa peye.   E DBS, Mr Payet i fer mon rapel ki zot in declare en dividend pou la premye fwa ki pa ankor ganny peye.  Me sa pou ganny peye an 2019.  Mersi Mr Speaker.

 

MR DEPUTY SPEAKER

Mersi Minis.  Selman mon krwar ou pa’n reponn li lo si bann Board i deside si zot  pou pey dividend ? 

 

MINISTER MAURICE LOUSTAU-LALANNE

Wi mersi Mr Speaker.  I annan Board en  lakonpannyen ki pou dividend 2018 nou ti’n met en target, e zot pa’n pey the full amount ki nou ti pe rode.

Me  parey mon’n eksplike zot in gard en pe larzan pou zot konplet en proze ki’n fek ganny inogire lo Airport.  So dan sa ka nou pa’n meet sa target.

Otreman mon krwar an tou ka nou’n pli zou mwen meet target e menm exceed target.

Dan ka Financial Service Authority i ti’n tom en pti git e la i pe repran.  Sa i arive.  Letan ou regard en pe bann dividend ki ganny peye.  si ou al vwar pe get tou par lannen i annan varyasyon i annan lannen kot nou annan plis – i annan lannen kot i annan mwens, pou dives rezon.

Me mon kapab dir ou ki depi 2017 pou 2018, in annan en ogmantasyon 2019 lo prevwar de plis ankor. E sertennman 2020 mn espekte osi ki bann Sosyete Paraetatik i ava pey ankor plis dividend.  Mersi Mr Speaker.

 

MR DEPUTY SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Bonzour Minis ek ou delegasyon.  Bonzour tou Manm, bonzour tou bann etidyan dan Galeri.

Minis pou sa bann ki pa peye, eski zot donn rezon valab ki zot pa peye?  E si i zistifye sa rezon ki zot donnen?

Apre mon 2enm pwen, eski zot loperasyon i soutenab pou kontinyen lezot operasyonnel oubyen i devret revwar?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pou ou kestyon.  Wi Onorab, i annan serten parey mon dir zot annan plito en vokasyon piblik.  So parey Lapos ou konpran?  Nou kontinyen sibvansyonn.

Me solman zot osi zot pe pran zot responsabilite. Zot pe sey fer bann sanzman pou fer sir ki zot ekilibre omwen zot Bidze!  So diskisyon i touzour pou fer sir ki ou annan en retour.

Mon a donn ou sirtou en lot legzanp, i annan Paradis Des Enfants ki SSI, i osi pe regarde.  Sa se en konpannyen ki pe malerezman fer pert.

Me i osi annan en plan restriktirasyon.  I annan en plan ki pe amelyor son performans finansyel, pou li osi fer profi.

Me parey ou konnen set en servis ki a dispozisyon bann fanmir, pou bann zanfan.  Nou pa kapab zis fer monte pri akoz ou anvi fer pey en dividend lafen lannen !  I annan tou sa bann keksoz ki nou bezwen pran konsiderasyon.  Me tousala i a letid pou sa bann detrwa ki pa pe perform a sa nivo.

Donk vwala mon krwar i enportan ki nou kontinyen sa dyalog.  Me mon krwar zeneralman bann SOEs zot pe perform bokou mye prezan.  Mersi.

 

MR DEPUTY SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Bonzour Minis avek ou lekip, bonzour tou bann etidyan e welcome ki dan Galeri.

Minis mon’n ekout ou fer ou entervansyon.  Mon anvi demann ou lefe ki Gouvernman in deklar sa lannen tenm ‘’Valoriz kiltir travay dir.’’  E osi nou koz bokou lo pa kit personn deryer.

Minis mon anvi demann ou,  lefe ki ou rekonnet ki i annan en lekip dimoun ki bezwen travay dir, pou kapab permet sa bann lakonpannyen donn dividend Gouvernman,  ki lenfliyans e ki rol ou Minister i kapab zwe, pou fer sir ki bann travayer dan sa bann Lakonpannyen Paraetatik, zot osi ganny regarde? Par egzanp Gouvernman pe donn sa Allowance Long Service, eski ou Minister i kapab zwe en rol, pou fer sir ki sa bann lakonpannyen zot osi al dan sa direksyon ki Gouvernman pe ale?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab parey ou konnen tou sa bann anplwayer dan sa bann sosyete, zot osi zot annan en Scheme of Service.

        E dan bann diskisyon ki mwan mon’n gannyen i sanble mwan ki par-ler zot Scheme of Service i en pe pli bon ki bann Scheme ki annan dan sekter piblik dan Gouvernman.

Alor pou zot valoriz travay zot travayer, pou fer sir zot ganny en lankourazman, zot bezwen fer 2 keksoz ;  Kontinyen fer plis  profi.  Gard en pe pou zot re envestir dan zot travayer, e i annan diferan fason pou zot envestir dan zot travayer.

E sa letan zot fer zot bann meeting, zot bann Board meeting, zot pran sa bann desizyon dan sa fason.  E zot konsyan ki zot bezwen regard zot travayer.

Me nou pou pas en lepok kot i annan sa difikilte ant kwa ki Scheme i donnen ozordi, e kwa ki li Gouvernman pe dir ; ki fodre nou donnen, ki nou vin isi pou ganny nou la probasyon.  I pou annan en peryod tranzisyon kot sa fodre ganny byen eksplike pou bann dimoun ganny byen konpran.  Me wi zot misyon se osi – mon repete pran zot profi, re envestir dan zot travayer.  Mersi Mr Speaker.

 

MR DEPUTY SPEAKER

Mersi Minis.  Onorab Johan Loze.

 

HON JOHAN LOZE

Mersi Mr Speaker.   Bonzour Mr Speaker, tou dimoun a lekout tou Manm koleg e tou dimoun dan Galeri.

Mr Speaker zis avan ki Minis ti antre, nou ti koz lo bann certified annual financial statement ki’n ganny depoze devan Lasanble.

Mon premye kestyon – mon anvi si Minis i kapab konfirmen ki se PEMC i pou analiz sa bann certified annual financial statements?  Be si wi Minis li menm in mansyonn PEMC an 2 repriz dan son bann repons –   mon anvi konnen ki siport bidzeter an plis ki pe ganny anmennen pou PEMC dan sa Bidze ki pe vini?  Vi ki i annan li sa rol pou analiz risk kot i ganny reprezante par bann lantrepriz piblik?  Mersi Mr Speaker.

 

MR DEPUTY SPEAKER

Onorab mon pa krwar mon pou permet sa kestyon, parske kestyon i kler. I lo Polisi son Minister lo peyman dividend – i pa lo PEMC.  Mon konnen i en kestyon enteresan – mon pa kont sa.  Me selman si nou pou al lo tou keksoz ki konsern peyman, monitoring, zanmen nou pou fini.  Nou’n konmans 9:20 i 9:50 nou ankor lo premye kestyon.

So i pa en zour pou Statement pou Minis donn lesplikasyon lo ki mannyer tou bann antrepriz i marse. I lo Polisi Dividend !  So malgre ki ou kestyon i enteresan – i  -mon asire ki bokou dimoun ti a kontan konnen, mon pa kapab permet li la.  Mon pou al lo prosen entervenan Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Minis ek ou lekip.  Mr Speaker dan sa legzersis ki Minis in dir ki nou pe revwar Polisi pou dividend, eski an menm tan i pe vwar i pe revwar osi manda konmsi dan non latransparans pe vwar osi manda s bann antite ki nou pe koze la?

E an menm tan eski zot in fer evalyasyon pou vwar, si i annan lezot model apart en SCCI?  Sa model ki ou pe servi pou re envestir larzan Gouvernman da sa sans la?

E an menm tan eski zot in balanse pou gete si sa bann antite ki fer profi si zot dividend i ganny mete i ganny direkteman ek Gouvernman si i pa’n pou rekolte plis pou Bidze konpare avek letan ou fer li pas atraver SCCI ki reste pran sa larzan envestir dan bann landrwa kot osi ou pa ganny zot al fer pert. E konmsi la larzan ki ou anmase ou balanse ou Bidze osi i perdi e Gouvernman i vwar li toultan an aryer dan sa sirkonstans.

Be selman an tenir kont sa ki nou pe koze la, sa kestyon peyman dividend ensidswit, krwar mwan poudir  i annan en rol, e petet si ou annan lenformasyon lo sa zafer PEMC ou kapab an pasan dir osi.  Mersi.

 

MR DEPUTY SPEAKER

Mersi Onorab.  Mon krwar ler ou ti pe fe referans SCCI ou pe dir SSI, me selman Minis probableman in konpran sa.

Premye morso kestyon mon krwar ankor enn fwa Minis in reponn.  Akoz zot pey atraver SSI e pa direkteman, se SSI ki aksyonner alors i pey ek li, i pa annan drwa pey ek personn ankor.

Minis in eksplik sa byen.  Me 2enm morso kestyon ankor a la limit, me selman mon a permet Minis zis fer en rezimen e donn larepons.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pou ou kestyon.  Onorab parey nou tou nou konnen nou annan nou dan Minister Finans, dan Gouvernman nou annan nou 2 target.  Premye target se nou fiscal primary balance i bezwen 2.5poursan GDP.

        Pou nou ariv la, sa reveni dividend i we en gran rol.  E letan nou balans Bidze, nou espekte gannyen serten kantite dividend.  Nou konnen ki son lefe lo sa 2.5%.

        Si nou pa arive.  Nou bezwen dyaloge pou nou ganny plis dividend!  So sa i en keksoz kontini ki nou fer toultan.  Me fodre zanmen nou bliy sa 2.5.   Letan nou anmenn Bidze, nou ti anmenn Bidze 2019 ki mon ti anmennen isi,  se sa nou target primer.

E lot keksoz pou bezwen rapel lot target ki nou bezwen toultan rapel, se ariv 2021 pou bezwen annan nou debt to GDP ratio, i bezwen ariv 50poursan.  Sa 2 keksoz la nou’n kale la.  Nou pa kapab dekal li.

E ankor sa dividend la, ki nou pe gannyen – sa reveni i sorti kot dividend, i tre enportan.

Mon konpran ki i ti a pli fasil, pli bon si nou pran rakle tou dividend i nou et dan Kof Gouvernman from day one !  Nou’n seye.  Nou an dyalog.  Nou pe diskite menm – ou konpran?

E parey mon’n dir ou mon osi mon konvenki ki en SSI ki annan li en pwisans finansyel enportan, i atrakte envestiser dan pei, pou bann proze i anmenn plis larzan.

So osi nou tenir an kont, letan nou pe fer sa bann diskisyon.  Mersi Mr Speaker.

 

MR DEPUTY SPEAKER

Mersi. Onorab De Commarmond.

 

HON CHARLES DE COMMARMOND

Lo mandate ou pa’n koz en pe lo la.  Epi ou pa’n dir nou si Bidze PEMC i zwe en rol ladan.

 

MR DEPUTY SPEAKER

Mersi.  Minis.

 

MINISTER MAURICE LOUSTAU-LALANNE

Wi mersi Mr Speaker.  Eskiz mon Onorab.  Annefe i annan zis 2 opsyon, i annan sa opsyon SSI ki par egzanp pei Singapore i servi, tre efektivman.

Apre i annan lot kot Gouvernman i rakle tou.  E nou, nou pe fer en pe tou lede.  Nou pe rakle en pe, e apre nou pe servi SSI dan nou kote.  So vwala sa 2 model.

Me li PEMC osi i bezwen soumet son rapor anyel, parey tou konpannyen oubyen Lazans  ki anba en Lalwa.

Me li PEMC sa ki i fer pou nou, par egzanp, i regarde ant sa bann Konpannyen Paraetatik, ki mannye rantre zot i annan en relasyon finansyel.  Ou konpran?  Akoz enn i kapab pret larzan lot.  Lot i kapab pret larzan lot.

Me letan l ii fer son analiz sa bann kont finansyel, li i ou montre nou exposure sa bann konpannyen, pli byen.

        E se sa son rol sipervizyon  son rol pou li alert Minister Finans dan sa bann ka.  E nou konnen ki i annan en pti tim ki pe travay lo la, o fir anmezir zot pran plis responsabilite, pou pas sa bann Lalwa, nou ava konsidere, ogmant tou zot efektif pou fer zot delivre en servis pli alaoter, akoz nou bezwen ranmas plis larzan de tout le fason.  Mersi.

 

MR DEPUTY SPEAKER

Mersi Minis.  Onorab Phillip Arissol.

 

HON PHILLIP ARISSOL

Mersi Mr Speaker.  Bonzour tou dimoun.  Minis sa Polisi ti sipoze pe al devan Cabinet tre byento.  Eski ou kapab donn nou en pe gran liny sa Polisi, sirtou an se ki konsern ki kalite proze ki kapab ganny finanse atraver dividend bann SOEs, SCR e finansman scholarship? 

        E lekel SOEs ki pe fer pli byen an term peyman bann dividends?  Mersi.

 

MR DEPUTY SPEAKER

Mersi.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pou ou kestyon.  Onorab sa Polisi lo dividend ki pe al kot Cabinet, i annan plizyer eleman ki nou bezwen tenir an kont, letan nou pe al deklare e pey en dividend.

        Parey ou konnen sa i ganny fer letan sa konpannyen i fer son annual general meeting, normalman.  E donk i annan plizyer eleman, avan ki ou deside konbyen profi ki ou’n fer apre ki ou’n pey tax ou pou garde – lakonpannyen.  Konbyen ou pe re envestir e konbyen ou kapab deklare e share avek ou bann aksyonner.

So nou, nou pe regard lo en plan zeneral parey mon’n eksplik taler, met en poursantaz sa profi ki ganny  deklare apre tax – met en poursantaz ki zot pou peye ; o lye met en sif fix annou dir sennla, nou espekte i pou kapab pey R50milyon par an.  Olye dir li 50milyon lannen prosenn 50milyon lannen avan,  nou prefere regard li konman en poursantaz son profi ki5 pou deklare apre tax.

        Me kote sa poursantaz i été, mon pa pou kapab dir ou, akoz mon ankor an diskisyon.  E apre mon bezwen soumet Cabinet pou nou ganny en desizyon Cabinet. 

        Alors SOE ki pey plis dividend, sa i ase challenging, akoz i bouze tanzantan.  Me parmi bann ki pey plis se SEYPEC avek Nouvobanq.  Sa zot pey plis  dividend.  Mersi Mr Speaker.

 

MR DEPUTY SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker.   Bonzour Mr Speaker, bonzour Minis ek ou lekip.

Mr Speaker mon ti a kontan ki Minis i dir nou ozordi bomaten poudir SSI i ranmas bokou dividend e i desid ou bann lenvestisman osi.

Eski SSI i subjected to Procurement Act?  Mon premye kestyon.

E apre osi mon ti a kontan konnen, si Minis i kapab dir nou, pou bann lakonpannyen ki par egzanp in dir nou ki Board i deside, ki kantite dividend pou donn Gouvernman, si sa pratik i pa konman dir i pa tro legalman byen?  Parske se shareholders ki ordinerman deside.  E se PS a son nivo ki ranplas Gouvernman.  Mersi.

 

MR DEPUTY SPEAKER

Mersi Onorab.  Sa premye morso kestyon lo si SSI subject to procurement, strikteman pa pou tonm dan kad kestyon ki’n ganny demande.  Me  etan ki larepons i wi ou non, mon a permet Minis dir wi ou non, i pran zis en segonn.  Me mon a permet ou reponn 2enm morso.  Mersi.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab non i pa subject to procurement.  Akoz i annan son own internal procedure, i anba – for Intents and Purposes Companies Act. 

So i annan en prosedir ki an plas sertennman, me i an deor procurement.

        Bon pou ou lot kestyon parey mon’n fer mansyonnen, desizyon pou declare en dividend, normalman i ganny pran i ganny rekomande par Board i ganny pran letan sa konpannyen i fer son Annual General Meeting avek tou son aksyonner.  So se la sa desizyon i ganny pran.  Mersi Mr Speaker.

 

MR DEPUTY SPEAKER

Mersi Minis.  Bon mon krwar nou kapab al lo 2enm kestyon, ki pou ganny poze par Onorab Churchill Gill.

 

HON CHURCHILL GILL

Mersi Mr Speaker.  Mr Speaker kestyon i lir koumsa; eski Minis i kapab eksplik sa Lasanble, dapre rikord, ki kantite Lakonpannyen Yacht i annan dan Sesel e lekel zot par non?

Ki kalite reveni ki SRC i kolekte ek sa bann Konpannyen Yacht e konbyen par lannen?  Mersi.

 

MR DEPUTY SPEAKER

Mersi Onorab.  Minis

 

MINISTER MAURICE LOUSTAU-LALANNE

Mersi Mr Speaker.  Mr Speaker, i annan 47 Lakonpannyen Yacht avek 155 yacht dapre Departman Tourizm.  Zot non i comme swivan – e si ou permet mon Mr Speaker mon a mansyonn tou le 45 ki lo mon lalis.

 

MR DEPUTY SPEAKER

Minis mon krwar i preferab olye ki nou perdi letan Lasanble lir 45 non, ki ou sirkil sa kot tou bann Manm.  Selman ou dir nou pou dir i annan 47 nou pran sa e ou a sirkil lalis avek son 155 Yacht, pangar nou perdi letan.  Ou dakor nou tou nou ava ganny sa.  Nonm nou sa premye 5, mon napa problenm ek sa.

Petet le 5 ki pli gro.  Si ou annan.  Si non zis ou a sirkil lalis.  Ok. 

 

MINISTER MAURICE LOUSTAU-LALANNE

Mon annan li la in en nespes lord mon pa konnen kisisa.  Me tou le fason Mr Chairman mon a lir sa 3 anler kekfwa sa 3 dernyen.

 

MR DEPUTY SPEAKER

Ok.   

 

MINISTER MAURICE LOUSTAU-LALANNE

Si ou ok ek sa.  Alor premye anler i Alphonse Island, Yacht Charter li i annan li en bato, A1 Yachting, Neptune warrior Seychelles i annan en bato; Al Boat Charter i annan 2 bato; Anonym Estate i annan li 2 bato.  E mon sot tou larestan, annou pran sa enn dernyen, i annan enn la La Digue Watersport – 3 ; Sirius Yacht Charter  – 1, Solaris Ltd – 3, e Serosa Boat Charter  – 2.

        So sa i en levanter, me mon annan sa lalis avek mon ki mon a fer sirkile avek ou permisyon Mr Speaker.

 

MR DEPUTY SPEAKER

Yes Minis ou kapab fer sirkile.

 

MINISTER MAURICE LOUSTAU-LALANNE

Prezan dapre sistenm SRC, code anba ki sa aktivite komersyal i ganny klasifye, i enkli 3 kategori.

Premye kategori i Pleasure Sailboat; Power craft hire and charter. 

2enm kategori; Pleasure boats craft bareboat,

E 3enm kategori – other; which includes – Renting of recreational and sports equipment. 

        An total i annan 201 taxpayer anrezistre.  Me zis 182 ladan ki ankor aktiv.  Lamazorite ladan i anrezistre anba kategori (1).  Sa i reprezant 160 taxpayers dan ki zis 147 ki aktiv.

Dan kategori – 2 – i annan 27 aktiv e kategori – 3 –  i annan 3 (pardon) i annan 8 ki aktiv.

SRC i kolekte prensipalman 6 kalite tax ek sa bann konpannyen.  Business tax, presumptive tax, corporate social responsibility tax, tourism marketing tax, income and non-monetary benefit tax e value added tax. 

An mwayenn Mr Speaker dan sa dernyen 5an SRC in kolekte R30,9milyon par lannen.

An 2018 selman sa sif ti R33.3milyon.  Pli gro porsyon koleksyon i relye avek VAT e sa i an mwayenn 18.5milyon par lannen.  Swivi par income tax ki 6.9milyon e business tax 3milyon a mwayenn par lannen.  Mersi Mr Speaker.

 

MR DEPUTY SPEAKER

Mersi Minis.  Onorab Churchill Gill.

 

HON CHURCHILL GILL

Mersi Minis pou ou larepons.  Minis ou’n dir nou pou dir sa 47 konpannyen avek 155 bato i statistik ki ou’n gannyen sorti kot Minister Tourizm.

Eski i annan en relasyon avek Licensing Authority pou kapab konfirmen ki sa kantite statistik ki tourism i annan, i balanse ek kantite license ki’n ganny issue, pou asire ki sa ki nou pe kolekte sa reveni avek, i aktyelman lakantite bato ki’n ganny license?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Wi Onorab sa premye lalis ki mon’n donnen sa se pirman yacht.  Parey ou konnen i annan osi hirecraft, boat charter.  Sa i en lot kategori ki Minister Touris i osi annan en lalis en statistik ki mon annan avek mwan.

E lo son lalis i tro long pou rantre ladan me son total i annan 143 konpannyen boat charter.  E i annan 227 bato an tou.  Alor 227 ek 155 ki mon’n donnen taler, i fer ou (kalkil en kou la Mr Payet) 382 oubyen 81 mon pa tro sir – 83 – vwala – mersi bokou.

E kot Licensing, dan son computer Hirecraft akoz i donn zis en license li i donn license hirecraft.  Menm sa yacht i pou annan HC number lo la li.  Li kot Licensing i annan 382 hirecraft license, issued and currentSo i apepre match pou lemoman pou reponn ou kestyon.  Mersi Mr Speaker.

 

MR DEPUTY SPEAKER

Onorab Sebastien Pillay.

 

HON SEBASTIEN PILLAY

Mersi Mr Speaker.  Mr. Speaker prenon knot lakantite larzan ki Minis in koz lo la an reveni ki nou kapab a mase,  eski Minis i kapab dir nou si son Minister pe pran lezot mezir pou zot kapab capture tou bann akter ki pe operate en sistenm charter bato, sirtou bann ki pe fer bann bareboat charter ki pa neseserman al anrezistre konman en hirecraft,  me ki sa bann bato i antre dan pei konman bann bato plezansye  i annan en tax ki ti sipoze ganny kolekte lo la ler i rantre dan pei – probableman sa tax i pa pe ganny kolekte.

So eski sa size in  come up avek SRC pou zot kapab fer en lenvestigasyon – si sa pa en posibilite kot reveni pe pa pe antre dan sistenm e ki annan dimoun pe fer bann aktivite e ki zot pe kolekte serten reveni?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab ou pwen i valid.  Letan mon’n regard sa ki SRC i annan sa lalis active taxpayers dan sa lendistri ;  parey zot konnen zot tou zot annan en tax identification number, e apre i annan en deskripsyon.   So i enportan ki sa bann Lazans Gouvernman i share lenformasyon avek lezot, pou efektivman prezan lo teren capture sa bann ki pa lo sa lalis.  Akoz parey mon’n eksplike i annan nou avek SRC zis 201 taxpayers.  Bon i annan par egzanp Sun Sail i annan li 17 bato.  Ou konpran?  So pou annan en debordman ant en taxpayers ek nonm bato.  Ou pa pey tax pou sak bato.

So sa legzersis bezwen ganny fer, dan son detay pou nou regarde kwa ki pe – ki pa pe swa anrezistre korekteman, ou pa pe peye.  So sa i en lenformasyon ki nou bezwen travay – ki nou pou bezwen fer sir ki nou anmas nou anmase.

E pou bann ki nepli aktiv, akoz zot nepli aktiv.  Sa osi fodre nou regarde.  Mersi Mr Speaker.

 

MR DEPUTY SPEAKER

Mersi Minis.  Onorab Pillay.

 

MR DEPUTY SPEAKER

Mersi Mr Speaker.  Mr Speaker mon ti a kontan demann Minis, ler par egzanp mwan konman en endividi mon’n anmenn en bato dan pei,  mon annan en serten pou annan mon en serten tax ki mon pou peye lo valer ki sa bato i annan.  Si sa bato i annan plis valer pli mon pey en serten tax. 

        Me nou tou nou kapab vwar i annan en kantite bato ; gro, gro bato – bann bato plezansye dan pei, ki son valer i tre o.

Eski zot in fer en legzersis pou zot assess si tou sa bann bato i annan en owner?  Sa owner  i swa sa bato  i isi lo en nivo vakans?  Oubyen sa bato i la pou plis ki i 2an, me ki pa’n ganny capture dan sistenm SRC, ki annan sa tax ki sipoze ganny peye ler sa bato in antre Sesel?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab parey ou konnen tou lenportasyon bato i bezwen ganny li, en import permit. 

So devret konnen tou bato ki antre.  I bezwen  lodge en dokiman; i bezwen ganny aprouve, e si i bezwen pey son tax i bezwen pey son tax, avan i tir sa bato dan Ladwann, oubyen in the custody of Ladwann.

Alor pou reponn ou kestyon, mon pou al find out.  Akoz mon napa sa lenformasyon ek mwan, ki vedir wi i annan gro bato e pli ou bato i gro i pli ser plis ou pou peye!

Me pa bliye osi i annan bann import ki temporary, kot zot antre kot en serten peryod e apre sa zot re ale!  Sirtou bann mega yachts, alor zot peye en larzan, me zot pa pe pey sa tax e pou donn  zot en peryod letan pou zot osi pa retournen within that period, ou vwar?   So sa osi  i annan bann  prosedir ki an plas ki nou pou bezwen ler nou pou fer sa legzersis, regard tou sa bann diferan tit bato avek propriyeter bato,  si i pou pleasure, si i private, si i commercial, sa osi nou bezwen regarde.

E apre nou bezwen osi fer avek Minister Lanplwa, pou regarde bann dimoun ki antre e parler osi zot mont lo bann bato san pey en GOP, akoz zot osi zot pe fer bann charter.  Sa osi nou okouran e mon krwar i enportan ki nou capture sa eleman.  Akoz la osi reveni Gouvernman nou pa pe anmase dan serten ka.  Zis mon ti a kontan azoute ki bokou sa bann bato ki rantre e zot al lo bann private marina.  I annan zis enn parey mon konnen i dan basen Eden Island.  Akoz letan ou aste en lakaz oubyen villa, i donn ou en landrwa pou ou met en bato.  E i annan bokou propriyeter lakaz dan Eden Island ki annan en bato prive.

Me la osi Eden Island parey ou konnen li i annan en marina manager pou sa marina prive, anndan.

E mon kapab konfirmen ki zot osi zot annan en sistenm an plas, pou monitor tou sa bann bato.  E nou kapab ganny lenformasyon from them pou nou crosscheck avek lenportasyon – par egzanp sa bann bato kestyon ki ou’n poze.  Mersi.

 

MR DEPUTY SPEAKER

Mersi Minis.

 

HON AHMED AFIF

Minis zis en kestyon direk relye avek sa, mon ti a kontan poz ou – vi ki ou’n donn en sif R18milyon VAT ki pe ganny kolekte tou le lannen par sa bann 155 yacht, vedir zot pe deklar en turnover zis par lao R100 milyon.

E ler mon kalkil pou 155 yacht pe ganny en sif apepre 20 mil Dolar par zour.  Tou sa bann bato ansanm.  Me tou sa bann bato letan ou kalkile ou pe ganny petet zis par lao 100 Dolar – petet 150Dolar, turnover en yacht.  Sa son turnover – pa ankor pey VAT. Ler i pey VAT kekfwa i donn ou sakenn 20Dolar.  Eski ou trouv sa rezonnab e eski ou krwar i annan potansyel pou SRC, fer en pli bon travay pou vreman kolekte larzan ki sa bann yacht, pe fer Sesel?  Parski tou le lannen i pe ogmante.  Mersi.

 

MINISTER MAURICE LOUSTAU-LALANNE

Mersi Mr Speaker.  Mersi Mr Speaker, pou ou kestyon.  Mr Speaker sertennman mwan osi letan mon’n regard bann rates bann ki zot afise, lo zot website oubyen si ou menm oule boukte en semenn pou al lo yacht, son pri varye depandan pou sa yacht ki oule lwe.

Me i sanble-man ki an zeneral sa ki mwan mon’n vwar i kout apepre 126 Ero par nwit, pou en pti yacht.  Setadir i en yacht i annan de kabin i pran 4 dimoun.

Sa pe ganny vann ozordi pou en semenn.  Setadir 7 nwit,  pou 3, 545Ero.  I fer ou 126Ero par nwit par personn.

Prezan pli o ki sa i ariv 200Ero par nwit.  E lenformasyon ki mwan mon annan se ki tou sa bann yacht isi zot transport apepre zis anba 10 mil touris,  lo sa bann yacht.

So zot occupancy dan zot bann kabin, i ase eleve, 75poursan an montan.  Mon pe donn en pe sa bann sif ki mon annan pou demontre – pou konfirm sa pwen ki ou pe fer ;  ki sa bann konpannyen pe anmas en bon pe larzan.

E kekfwa nou, nou pa pe ganny sifizaman reveni, akoz zis en porsyon sa larzan ki ganny antre dan pei parey toultan zot dir zis pou zot pey zot bann depans lokal, zot dir ou bezwen pey en Trezyenm Mwan Saler, ozordi zot e pey en skipper R1300 par zour pou al zot bato eksetera, eksetera.

E gro mazorite sa larzan i reste deor pou pey lasirans, pou pey fre sa labank sa bato, propriyeter sa bato.  E mwan mon krwar fodre nou rod en lot fason pou nou ganny en pe plis larzan.  Donk mon agree avek ou, an servan sa detrwa sif ki mon’n donnen, ki nou bezwen fer travay bokou pli pwentiye, an sa ki konsern anmas reveni avek sa sekter.  Mersi Mr Speaker.

 

MR DEPUTY SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonzour Minis ek ou delegasyon.  Tou Manm bann etidyan ki dan Galeri ki a lekout.

Minis mon kestyon i comme swivan ;  eski  i annan proper monitoring lo tou bann lakonpannyen bato, yacht, bare boat charter, ekskirsyon par SRC? 

        E eski tou bann bato ki pe operate dan lanmer Sesel, i anrezistre e zot annan license?

        Minis i annan bann pratik ozordi kot plizyer bann propriyeter bann bato pe evade tax.    Par egzanp mon pou servi legzanp Eden Island, kot bann propriyeter lakaz zot pe lwe zot lakaz Eden e osi zot pe lwe zot bato ki lo dock.  E sa bann bato pe generate larzan pou sa bann propriyeter.  Me tax pa pe ganny peye par sa bann propriyeter.

Bokou fwa ki zot fer, zot fer booking aletranze e ler sa ban dimoun i vin Sesel sa dimoun etranze i dir koumsa pou dir zot dalon pe vin vakans isi, me an realite zot pe lwe sa bann lakaz  e zot pe lwe sa bann bato pou fer ekskirsyon.

Alor ki ou Minister pou fer pou deal avek sa bann pratik ilegal?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab letan mon ti dan Minister Tourizm – parey ou konnen mon ti vin devan Lasanble mon ti mansyonnen ki nou pou deal premyerman  avek bann guest house ki ilegal ; akoz i annan en bon pe.

Mon ti pe en taskforce, nou ti fer en serten travay nou ti legaliz en bon pe sa ban ilegal, met zot standar.

E mon ti osi fer commitment ki letan nou’n fini avek sa travay nou pou al get bato.

Alor  sa madanm i konfirm avek mwan ki efektivman i annan en taskforce ki zot in kree.  SMSA, Licensing, menm group ki nou ti servi dernyen fwa pou nou fer egzakteman sa ki ou pe dir.

Lo Eden Island, mon ti a profit sa lokazyon pou mwan fer mansyonn 2 keksoz ;

Premyerman parey ou konnen i annan en serten kantite sa bann lakaz lo Eden Island ki zot, zot operate parey lotel.  Zot annan zot 350 lasanm ki’n ganny license, pou zot operate koman en lotel.

E sa i eparpiye partou dan Eden Island.  Me an deor sa i annan lakaz ki i prive.  E mon krwar ou pe fer referans kekfwa a sa group direkteman.  Donk nou ava note sa pou nou fer sir ki sa taskforce i travay.

E mon annan osi full kolaborasyon Eden Island pou enterakte avek sa, private marina manager.  Setadir sa bann dimoun ki pa pe fer komersyal i prive sa.

Akoz zot annan en levanter. Zot pou konnen lekel bato?  Ki son non?  Pour ki? Kan ti vini ? Si in ale, in fer charter pou detrwa zour, oubyen si in anmare pou 6 mwan la, i pou annan en rikord lo son marina management, e nou kapab servi sa lenformasyon pou nou regarde, fer en letid enportan, pou nou konnen egzakteman ki pe pase dan sa domenn Eden Island, sirtou dan marina prive.

Me pou lemoman i sanble mwan ki kekfwa problenm pa osi ‘’GRAV’’ ki mannyer mon pe konpran.  Me nou bezwen fer sa legzersis.  Mersi Mr Speaker.

 

MR DEPUTY SPEAKER

Mersi.  Onorab Woodcock.

 

HON WAVEL WOODCOCK

Minis mon lot kestyon. Ou’n mansyonnen pou dir i annan apepre 47 Lakonpannyen Yacht, e apepre en 155 yacht.  Ozordi i annan apepre – dapre kalkilasyon i annan apepre 1,400 ekek lili lo lanmer lo bann bato.

E sa bann lakonpannyen yacht, bato zot an konpetisyon direk avek bann lotel avek bann guest house.  E osi obviously avek bann – sirtou Minis bann lakonpannyen etranze, ki’n fini etablir isi, parey mon dir – ki an konpetisyon avek bann lotel lo later.  E an menm tan avek bann lezot lakonpannyen ki pou bann Seselwa.

Eski dan lefitir, zot pe mazin met – (mon pa konnen petet en propozisyon) – en moratorium lo bann konpannyen etranze ki pe vin Sesel pou invest sa bann tel lakonpannyen, ki i kapab restrikte en pe, e lakantite lasanm ki ozordi pe operate lo lanmer, ki parfwa menm zot pa pe monitor adekwatman.  Mersi.

 

MR DEPUTY SPEAKER

Mersi.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab sa pwen i valab.  I annan 2 keksoz.  Konmela letan ou ganny en license pou  en yacht charter i donn ou en minimonm ki ou bezwen konmans avek.  Me i osi donn ou en maximum, e sa maximum i 30 yacht.

Alor tou sa 47 lo sa lalis la, si ou miltipliy par 30, ou pou vwar kote nou pou tonbe.   Ou vwar?  So deza i pou bokou tro.  Me lesansyel mwan mon krwar ki i annan en marse dan yachting, ki nou pa pe tap ditou.  Sirtou par egzanp L’Amerique, kot zot konman fer sa decouverte par bato.  E nou kapab re target nou marketing pou nou anmenn plis upper rent kliyantel, pou al lo bato.  Akoz sa bann boug i kontan lo bato. I pa pou al dan en lotel li.   i pa pou al dan en lot landrwa i pou mont zis lo bato fer son lesansyel zis lo bato!

So i annan potansyel mon krwar pou nou grow, me ou bezwen fer li korekteman.  Premye priyorite se anmas plis reveni avek sa bann ki deza la si zot pe evade.  Mersi Mr Speaker.

 

MR DEPUTY SPEAKER

Mersi Minis.   Onorab Waven William.

 

HON WAVEN WILLIAM

Mersi Mr Speaker.  Mr Speaker mon anvi demann Minis apard ki kree sa taskforce, akoz letan mon get dan prezantasyon Bidze 2019,  mon vwar pou dir zot met lanfaz lo deal avek bann  ka non-compliance.

        Mon anvi demann Minis, an se moman la ki bann febles ki ou Minister in evalye – i annan?  E eski ou Minister i satisfe ek sipor ki zot gannyen avek bann Lazans.  Akoz ou Minister tousel pa pou kapab fer sa travay.

E Minis i bon konnen ki pou dir en bon pe letan  i annan alegasyon deor ki, Sesel pe perdi en bon pe larzan la Eden Island avek sa bann zafer bato.

So mwan mon anvi demann avek ou Minis, lefe ki letan en pti Seselwa li, i pa pe pey son tax – revenue Commission i flex son muscle avek zot.   Konmsi ki mezir an plis ki zot pou fer pou zot flex zot muscle avek bann etranze ki vini e zot pe evade tax.   Mersi.

 

MR DEPUTY SPEAKER

Mersi Onorab.   Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Zis mon anvi anmenn en presizyon.  Sa madanm i dir mwan ki i dan Yachting Policy ki zot in fek revwar zot in deza met en ka, a 200 yacht.

So i annan en pti delta, nou kapab kontinyen ogmante,  me en 50tenn ankor pou ariv 200.

Me le pwen i reste ki nou bezwen sanz nou marketing mix pou nou target sa lot anler.

Onorab ou travay e mon repete – se fer anmas plis larzan.  Akoz mwan mon target se 2.5poursan sirplis ek 50poursan Debt GDP ratio.  E nou bezwen grat maximum ki nou kapab grate.

E vwala mwan mon pa lo focus mwan.  Si i annan bann Lazans ki pa pe fer zot travay korekteman, nou ava fer sir nou donn zot sa sipor neseser.  Me sa louvraz fodre ganny fer.  Annou pran en commitment mwan mon’n pran en commitment – i sanble mwan tourism pe al dan laliny.  I byen mon remersye zot avek zot taskforce, so byento nou ava tackle sa problenm Eden Island.   Mersi.

 

MR DEPUTY SPEAKER

Mersi.  Onorab William.

 

HON WAVEN WILLIAM

Mersi Mr Speaker.  Mr Speaker mon ti a kontan demann Minis, lefe ki sa servis lentelizans i enportan pou kapab achieve Minis sa ki ou pe dir, eski zot pou zot servi osi bann dimoun ki dan sa trade Seselwa, ki e travay laba? Akoz en bon pe lenformasyon, se bann Seselwa menm, ki travay laba ki donnen.

Eski zot pe mazin enkli dan konsiltasyon, sa bann dimoun osi – mersi, pou ede?

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Wi sertennman.  E parey toultan mon’n dir, se zot ki lo teren, zot vwar avan nou.  Donk aport  a nou latansyon, me annou fer sir ki nou raport, sa ki veridik.

E mon konnen i annan en ka resaman kot en etranze in antre dan pei pou li al pran en charter 3 semenn lo en yacht.  Me Imigrasyon in entervenir e sa msye pa ti annord. E nou’n deport sa msye.

So i annan aksyon ki pe ganny pran.  Menm ki son charter ti ganny afekte, me i pa ti an reg.  E nou’n deside anvoy li dan son pei.  So i annan bann aksyon ki pe ganny pran.  Nou pa tande.   Me i annan bann aksyon ki pe ganny pran letan nou ganny lenformasyon ki korek, ki permet nou prezan ale fer nou travay trankilman, respekte Lalwa e pran bann mezir neseser.  Mersi.

 

MR DEPUTY SPEAKER

Mersi Minis.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan demann Minis vi ki kestyon i lo lakonpannyen yacht, si son Minister i annan en lizye spesyal partikilye nou bann private yachts – bann ki pa anrezistre e ki pa license pou fer okenn biznes?  Sa i mon premye kestyon.

Mon 2enm kestyon se, eski Minis i kapab donn en langazman sa Lasanble, pou li kominik avek son koleg dan responsab pou Imigrasyon,  pou annan en sistenm parey i egziste pou bann lasanm lotel?

Ler ou vin Sesel konmela Customs oubyen Imigrasyon i kapab demann ou, kote ou pe al reste? Eski ou annan en rezervasyon? Eski ou kapab donn nou laprev pou dir ou’n reste, ou’n peye ou pe al reste dan sa landrwa?

Akoz bokou dimoun i ariv Airport e i dir mon pe al Eden Island. Eden Island nou pa konnen kote zot pe ale – si zot pe al lo en bato, si zot pe a dan en lotel.

E zot, zot dir ‘’We are friends and family of the owners.  Friends and family i en pas partou sa.   Me selman nou bezwen rod en fason pou nou fer sir sa owner sa bato, oubyen owner sa lakaz, i napa 20 mil friends and family!          

        Akoz se sa i en e pas partou.  E mwan mon pe demande, si Minis i kapab gete ki mannyer i kapab ferm sa lafnet, an kolaborasyon avek son koleg dan Limigrasyon, pou fer sir ki bokou dimoun ki vin Sesel, lo en konze i aktyelman peye son lasanm lotel, e i aktyelman peye sa bato ki i pe al ki pe charter.

        E non pa i pey deor, apre i vin isi i dir ek nou pou dir friends and family.  Se sa Minis.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab sertennman mon krwar kot nou kapab tighten, nou pou tighten.  E sa i en bon sizesyon.   Mon pa konnen letan zot poz bann kestyon, si zot osi al dan detay al lo bato. Mon krwar i esansyel, i enportan.

E letan sa SMSA Bill pu vin devan Lasanble byento, la osi nou pe ranfors  SMSA pou fer sir sa bann keksoz koumsa zot annan plis pouvwar.  So menm zot in pas Imigrasyon zot in ariv Eden Island – SMSA son bann zofisye pou annan plis pouvwar osi.  So sa i enn.

2) Mon napa en rezis bann bato prive ki’n antre e ki  pa komersyal ; setadir la purely for private use. 

Me nou kapab atraver Ladwann tou bann lenportasyon ki’n antre anba import permit akoz zot bezwen mete.  Mon kapab rod sa lenformasyon, akoz i osi i en lenformasyon ki ava enteres mwan.  Mersi.

 

MR DEPUTY SPEAKER

Mersi Minis.  Dernyen kestyon Onorab Stephen Pillay.

 

HON STEPHEN PILLAY

Mersi Mr Speaker.  Minis, bonzour Minis ek ou delegasyon e a tous.

Mon kestyon i baze lo taler ki Minis in dir laplipar en bann reveni  ki pa pe ganny kolekte, akoz i reste aletranze ler zot vin Mahé, i pa ganny deklare.

E mon kapab demann Minis, mon’n deza demann li sa kestyon Novanm lannen pase dan  Bidze,  ki’n arive, ek sa expert IMF ki ou ti dir ou pe fer vini to sa lannen, pou deal ek sa bann problenm.  Larzan i ganny generate isi, ki pa rantre dan pei, pou kapab  al kolekte reveni lo la.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab i pa fasil sa sityasyon, akoz i pa zis dan yacht, parey ou’n fer referans i preski partou.  E menm i annan bann konpannyen ki pey mwens tax ozordi parey ou konnen si nou tax regime isi i 10poursan, en landrwa i 5poursan zot fer fason tir en pe larzan is, oubyen sa larzan ki zot in gard laba olye pey 10poursan tax isi i pey 5poursan tax laba.

So tousala i arive sa.  Toultan i pe arive.  Me parey ou konnen nou pe al annan sa Exchange of Information Bill. E li letan nou pou anmennen tou bann ziridiksyon aletranze avek nou, nou pe e-sanz sa lenformasyon.  Oubyen nou, nou kapab demann en lenformasyon.  Parey i annan en konpannyen – mon donn par egzanp Allemand i annan en yacht charter biznes Sesel, letan nou get son return, nou’n vwar mannyer son sityasyon  pe ale, kekfwa nou anvi poz en kestyon,  me ek sa Exchanging Information nou pou poz kestyon Lotorite Fiskal oubyen tax L’Allemagne, e i ava donn ou lenformasyon lo sa dimoun.  Akoz tou dimoun pou korpere.  So nou pou konnen egzakteman ki sityasyon.

E menm i annan – i pou kouver Seselwa dan lesans ki nou osi nou annan kont deor eksetera, eksetera.  Alor nou kapab demande.   Me fodre nou esper sa Exchange of Information Bill i vin isi, pou nou annan en pe ledan, pou nou nobou morde.

Akoz parey ou konnen, dimoun i fer tou sord sistenm.  Ki Lalwa i permet!  So nou bezwen anmenn en lot lenformasyon – en lot Lalwa, pou permet nou sanz sa lenformasyon –  koumsa tou dimoun – konmsi sa beneficial owner i ganny idantifye, pou permet nou fer sir nou pa erode nou tax space ! 

         Ou war ou kapab dir nou pe rod dividend, be deryer nou tax space pe ganny erode, akoz zot in vwar en fason pou zot pas zot larzan dan en lot pei, kot zot pey mwens tax.  Zot pe al pey mwens tax zot!  Me i pou erode nou tax space, e nou pa kapab afford – erode nou tax space dan sa peryod ki nou ladan.  Mersi Mr Speaker.

 

MR DEPUTY SPEAKER

Nou’n desot 10:35 – vitman Onorab Pillay.

 

HON STEPHEN PILLAY

Mersi Mr Speaker.  Zis en pti bout.  Savedir Minis pe dir nou, nou pape rod sa expert ankor to, nou pou plito sa expert lo tar dan plas to i ava vin en pe pli tar ki sa expert IMF i a vini?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Speaker.  Eskiz mwan non – in vini, in fer travay lo sa ki nou apel transfer pricing  e nou’n parey mon ti dir nou, nou annan nou enn de konpannyen spesifik  osi nou pe regard de pli pre.  Mon krwar in fer en pe training osi avek nou bann dimoun.  So i ankour. E la pou lemoman nou annan osi en delegasyon OECD isi.  Nou pe get nou business tax regime.  Parey nou ti promet nou pou regarde.  E mon ti dan Lasanble, e mon ti mansyonn sa. Zot ti isi sa semenn antye pe fer bann meeting konsiltativ avek tou stakeholders, lo ki mannyer nou pou fer nou sistenm tax pli efikas – pli efektiv. Mersi Mr Speaker.

 

MR DEPUTY SPEAKER

Mersi Minis.  Onorab Churchill Gill in sinyal mwan, pou dernyen kestyon.

 

HON CHURCHILL GILL

Minis parey ou’n konfirmen ou menm ki i kler ki nou pa pe anmase lakantite reveni, avek sa kantite Konpannyen yacht.  E sa i annan en lenpak direk lo nou Bidze, lakantite larzan ki antre dan Kof Gouvernman.     Alors mon krwar in ler revwar sa sistenm mannyer pe marse, bann stakeholders konsernen, pou nou kapab asire ki nou pe anmas maximum ki pe ganny – ki bann dimoun pe tire dan nou pei, zis akoz nou, nou pa pe kapab annan en sistenm pou nou capture tou sa bann dimoun.   Mersi

 

MR DEPUTY SPEAKER

Mersi Onorab.   Minis.

 

MINISTER MAURICE LOUSTAU-LALANNE

Wi mersi Mr Speaker.  Mersi Onorab.  Mon krwar ou’n konklir lo sa lo sa note pozitiv.  Mersi.

 

MR DEPUTY SPEAKER

Bon avek sa nou’n ariv 10:37.  Mon mazinen nou kapab resume 11er bomaten.  Nou ava adjourn e nou ava pran kestyon 3 ziska 6 apartir 11er.

 

(BREAK)

 

MR DEPUTY SPEAKER

Bon bonzour tou bann Manm Onorab.  Nou bezwen kontinyen.  Nou ti dir 11er.  11er i 11er.  E mon pou donn le 2 Whip letan pou organize pou fer sir bann Manm i ariv atan.  Antretan ki nou pe atann bann Manm, antre zis pou remind lodyans ki pe ekoute, i reste nou ankor 3 – 4 kestyon ki bann kestyon normal.  Answit pou annan en Kestyon Dirzans ; savedir 5 kestyon an tou.  Mon a demann Onorab Audrey Vidot pou poz son kestyon.

 

HON AUDREY VIDOT

Bonzour Minis avek ou delegasyon, tou Manm Onorab, tou Manm piblik ki a lekout, zabitan Roche Caiman, bonzour.  Mon kestyon i lir comme swivan ;  eski Minis i kapab eksplik nou Lasanble, ki pei in benefisye avek devlopman Eden Island e donn nou detay ki kalite benefis?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Mr Speaker Eden Island koman nou tou nou konnen i en zil ki ti ganny konble dan lanmer an 2001. Konman enn bann konponan proze lakot les Mahe faz 3.  Sa zil ti annan en siperfisi 48 ektar e i ti kout Gouvernman en pe mwens ki 9milyon Dolar pou konstrir.

Gouvernman sa lepok ti market sa zil pou en devlopman lotel, marina rezidans deliks e lezot fasilite komersyal ki ti vin avek en tel devlopman.  En  tender pou en ‘’expression of interest’’ ti ganny lanse lafen 2002, lo nivo enternasyonal.  E 2 envestiser etranze ti montre lentere.  Enn sa bann envestiser ti deza pe fer en devlopman parey Sid Afrique dan rezyon Naizna.  E sa lot en lot group Sid Afriken ti’n deza fer plizyer proze lotel Marina e Golf Course  Sid Afrique.

Premye envestiser ti retir son lentere, apre diskisyon avek Gouvernman, pou rezon ki proze ki Gouvernman ti oule ganny enplimante, ti prezant en tro gran risk pou zot tenon kont zot langazman dan proze Naizna,  ki ti Ankour.

Sa 2enm group Sid Afriken ti kontiny en diskisyon avek Gouvernman pandan prosen 2an.  E Gouvernman an Zen 2004 ti antre dan en bay 99an avek sa Lakonpannyen ki zot ti kree Sesel; setadir Indian Island Development CompanySeychelles Limited – EIDC pou devlopman sa zil.  Sa bay ti ganny amande detrwa fwa avan konmansman lenplimantasyon sa proze.  Tou sa bann amannman ti ganny regroupe dan en Lagreman Komersyal ki Gouvernman ti sinyen avek EIDC an Me 2006.

Mr Speaker anba sa Lagreman Komersyal Gouvernman ti pou vann sa zil konble, en parti lo en bay 99an kot i ti pou annan bann devlopman komersyal tel ki ; lotel, marina, sant komersyal, eksetera.  E en parti lo en baz freehold kot pou annan devlopman bann rezidans deliks.

EIDC ti pou bezwen pey Gouvernman, en sonm total 50milyon Dolar, pandan en maksimonm peryod 10an.  Sa peyman ti pou ganny fer atraver  mekanizm swivan ;

Premyerman en peyman 5milyon Dolar davans.

Dezyenmman en peyman 17.5poursan lo pri ki sak devlopman lo sa zil in ganny vann avek en  3rd party.  Trwazyenmman en garanti ki en sonm total 25milyon Dolar enkli sa deposit 5milyon Dolar i bezwen ganny peye avan 5an, apre sa sinyatir sa Lagreman, menm si EIDC pa’n reisi realiz sa kantite lavant.  E katriyenmman en lanvlop total 50milyon Dolar pa pli tar ki 10an apre ki sinyatir Lagreman.

Mr Speaker mon ti a kontan enform Lasanble ki EIDC ti fini pey 25milyon Dolar avan 4an – olye 5an, parey ti’n prevwar anba Lagreman e Gouvernman in fini anmans sa lanvlop total 50milyon Dolar apartir 2016.

Byensir Mr Speaker Gouvernman sa lepok ti konsyan, ki sa zil ti napa okenn lenfrastriktir.  Menm en pon pou akse avek Mahe vi groser sa lenvestisman ti bezwen donn EIDC serten konsesyon dan sa Lagreman, pou permet li devlop sa zil an antye.  Tel ki; egzanpsyon stamp duty, sanction processing fee, sanction duty and registration fees lo tou bann premye lavant ki EIDC i fer.

Egzanpsyon, sanction duty lo tou bann re sales.  5 poursan stamp duty e 1.5poursan sanction processing fee lo tou bann re sales dan le fitir.

Egzanpsyon tax e GST lo lenportasyon materyo konstriksyon byensir Mr Speaker avek lentrodiksyon sistenm VAT sa konsesyon GST ti nepli aplike.

Egzanpsyon income tax ou lezot tax lo sa Konpannyen son tim profesyonnel etranze, Kontrakter e sou-kontrakter etranze pandan konstriksyon sa proze.

Mr Speaker travay konstriksyon lo sa zil li menm ti demare an 2006, avek konstriksyon sa gran pon ki relye Eden Island ek Mahe e konstriksyon Eden House bann biro administrative EIDC.  Pandan sa dernyen 13an de gran marina komersyal lo en standar world class, en lotel, shopping centre Eden Plaza, plizyer bar e restoran e en total 623 lakaz deliks enkli villa, maison ek apartman e zot prop marina prive in ganny konstrir lo sa zil,  parey nou tou kapab vwar ozordi.

Mr Speaker depi son louvertir ziska 2018, Eden Island in kontribye dan lekonomi pei dan sa bann fason.  E la mon pou sit bann sif ki an Dolar Ameriken;

Foreign Direct Investment 475.4milyon Dolar.

Depans direk 1052milyon Dolar.

Government revenue ;setadir peyman pou Gouvernman – 141.8milyon Dolar. E kontribisyon balance of payment 454.1milyon Dolar.

Mr Speaker anba depans direk pou sa bann lannen bann depans i koumsa;  Konstriksyon e meb 516milyon Dolar.

Operasyon ek maintenance 185.07milyon.  Depans marina, rezidans e touris 350.08milyon.

Peyman pou Gouvernman i swivan;  Lavant zil 50milyon Dolar.  Residency fees, stamp duty e departure tax 23.02milyon Dolar.  Tax endirek lo konstriksyon e maintenance 26.05milyon Dolar.  Tax endirek lo rezidans touris e depans marina 42.01milyon Dolar.

Prozeksyon pou 2019 i koumsa;  FDI 32.9milyon Dolar.  Depans direk 101.04milyon Dolar.  E reveni Gouvernman i 12.07milyon dolar.  Mr Speaker an sa ki konsern lanplwa letan sezon i ba 1,700dimoun i ganny anploye  e letan sezon i o i 2mil dimoun.  Sa i dan diferan domenn parey ki dan lofis, sekirite, lotel, landscaping dan marina, restoran eksetera.  Mersi Mr Speaker.

 

MR DEPUTY SPEAKER

Mersi Minis.  Onorab.

 

HON AUDREY VIDOT

Mersi Mr Speaker.  Minis eski an zeneral avek sa bann reveni ki Sesel pe anmase, eski Gouvernman i santi ki i ase? I en proze ki’n vreman anmenn benefis pou Sesel?  E eski nou santi petet ki Gouvernman ti kapab rekiper plis larzan prenon kont ki Eden Island i enn sa bann devlopman Sesel ki bokou kritik in ganny fer konmkwa ki i annan bokou labi, pa neseserman nou pe anmas ase larzan.  Eski ou kapab elabor en pti pe lo la?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab mon krwar ki letan ou regard sa bilan ki mon’n fek donnen atraver mon larepons, i pa’n en gran pert pou Gouvernman.  Akoz nou nou’n depans 9milyon Dolar pou sa zil, e nou’n resevwar en kantite reveni parey nou vwar.  Eski nou ti’n kapab fer mye touzour?  Akoz mwan osi letan mon regard tou bann konsesyon ki nou’n donn Eden Island o depar, nou’n donn li tou konsesyon 0poursan.

E a lepok – parey mon’n eksplike Gouvernman, in vwar li neseser pou donn to usa konsesyon akoz i ti bezwen li menm envestir enormeman dan lenfrastriktir.  E ozordi parey ou konnen bokou servis i ganny donnen par Gouvernman. Eden island i pey delo, elektrisite, tousala.  I fer reveni antre dan pos Gouvernman.

Me an plis ki sa ozordi bokou Seselwa i annan plis ki 500 Seselwa ki ganny lanplwa direk lo Eden Island avek sa sif ki mon’n donnen 1,700 dimoun ki i anploye i annan apepre en pe plis ki 500 Seselwa ki ganny anploye.  E bokou Seselwa i frekant sa landrwa ozordi, akoz i annan en kantite aktivite komersyal ki pe pase.  Taler dan lot kestyon nou’n koz lo yacht  ek marina.  Mon krwar la i en landrwa kot kekfwa mon pa pe koz lo envestisman la mon pe koz lo son reccurent, nou kapab fer pli byen.  Me wi Eden Island in nobou pey sa ki Gouvernman ti’n demann li pou peye, dan son timeframe menm kekfwa en pti pe pli avan, a en moman donne kot nou ti annan bokou difikilte.  Nou ti pe pas osi dan  en kriz ekonomik sa lepok.  E sa proze Eden Island ti preski arete akoz sa.  Me nou kapab fer mye e with sa hindsight kekfwa pou lezot gran proze lenfrastriktir koumsa, avek sa leksperyans, nou kapab kekfwa adopte en diferan lapros a la prosenn fwa.  Mersi.

 

MR DEPUTY SPEAKER

Mersi Minis. Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan demann Minis lo sa lakantite lakaz ki’n ganny konstrir Eden Island e mon lenformasyon ki o depar kondisyon ti’n ganny fer lo e estimasyon 450 lakaz ki pou ganny konstrir lo sa zil.  E i annan plis ki 200 lakaz an plis ki’n ganny konstrir.  Alors mon ti a kontan konn enn de keksoz.  Eski ler Eden Island in konble ekstra later – akoz i annan ekstra later ki zot in konble pou accommodate en devlopman en pe spesyal pou bann Catari.  I annan  – la zot in konble ankor la deryer bazar bann keksoz koumsa.

Ler Eden Island in konble, eski Gouvernman i aplik menm prensip, konmkwa i annan serten reveni ki devret vin pou Gouvernman?  Akoz sa i en fasilite ki zot pe donn Eden Island.  Lo sa bann lakaz ki ankor pe ganny konstrir; par egzanp ou annan bann apartman eksetera, eski Gouvernman lo sa bann lakaz pou gannyen osi 17.5poursan ler zot pe vann?  Oubyen eski sa pou aplik pou etranze pa pou Seselwa?  Konmsi mwan mon anvi konnen ki proze i pa ankor arete li.  I pa ankor fini i pe kontinyen expand, expand, expand.  Be finalman ler i expand, eski nou ankor lo sa menm Kontra sa Lagreman 50milyon Dolar ki minimum ki nou devret peye?  Oubyen sa sif osi ler n ou donn zot permisyon pou zot expand sa sif osi permet ki pei i osi ganny en pe plis reveni li osi?  Mersi.

 

MR DEPUTY SPEAKER

Mersi Onorab.   Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab ozordi lo Eden Island i annan 612 lakaz annou dir an tou.  So si i ti prevwar 450, definitivman i annan bokou plis.  Mon sipoze letan ou regard bann premye konstriksyon obor Eden Bleu Hotel par egzanp ti lo de nivo avek en nespes attic.  Me apre mon krwar pli tar zot in nobou met ankor en floor, so kekfwa sa eksplik sa logmantasyon.  De tout fason Lagreman li i ti spesifik pou sa zil.

Me mannyer mon konpran sa bann coral sand ki zot in tire, ki apre zot in konble la kot prezan i apel Eden View lot kote,  kote Roche Caiman Eden View – menm konsesyon i aplike pou bann first time owners.  Me on the re sale, la Gouvernman i ava anmas stamp duty avek processing fee.  So nou pou kontinyen anmase but on the sale.  

So i en kestyon ki enteresan dan le sans ki mwan osi mon ti ava krwar ki avek en pon ki diviz 2 morso later an prensip ti merit aplik zis pou sa bout later Eden Island.  E non pa Eden View.  So me bann kondisyon ki Eden Island i annan ki ankor aplikab i aplik osi lo Eden View ozordi.  Mersi Mr Speaker.

 

MR DEPUTY SPEAKER

Mersi Minis.  Onorab Jany De Letourdie.

 

HON JANY DE LETOURDIE

Mersi Mr Speaker.  Bonzour tou dimoun.  Minis mwan pou mwan mon vwar i byen ki in annan sa devlopman, e ki en bon pe dimoun osi ki reste dan vilaz i pe ganny loportinite pou ganny en pe travay osi.  Minis eski ou ti kapab dir nou, si i annan lezot kontribisyon dan laform bann proze, ki Eden Island petet in fer ki’n benefisye lakominote direkteman?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Onorab pou ou kestyon.  Mon pe sey zis mazinen en fwa mon ti vwar en Mr Higger  pe penn obor Anse Aux Pins laba obor Golf Course letan ou pe antre anndan la, i annan en children’s playground on the left side, mon krwar zot ti ferm sa.  Zot in fer plizyer bann sa bann kontribisyon ki mon rapel pou le moman.  Zot in osi ed Kominote Peser mon krwar Bel Ombre.  Zot ti fer en slipway avek en langar mon krwar si mon pa tronpe.   So zot in enplike avek kominote Seselwa pa zis lo Eden Island me dan lezot landrwa.  En pwen ki mon pa’n fer resorti ki mon krwar i enportan mon mansyonnen, Eden  Island osi in depans osi en kantite larzan pou market, bon evantyelman pou vann son bann lakaz, me in market Sesel enormeman,  par son lenvestisman dan marketing pou Sesel e sa osi in annan en retonbe touristik enportan.

La osi mon vwar zot in osi fer kontribisyon pou bann litter bins dan Victoria – mon krwar i annan Eden Island’s Sponsorship osi.  Donk sa en lot.  Mon krwar i annan roundabout.  I annan plizyer bann proze koumsa.  Mon napa en lalis definitive avek mwan, me wi zot in enplike.  Mersi.

 

 

MR DEPUTY SPEAKER

Mersi Minis.  Onorab Jany De Letourdie.

 

HON JANY DE LETOURDIE

Minis mon pe dir avek vilaz e kominote Roche Caiman direk, eski ou annan en lalis petet bann proze ki nou’n deza, ki’n deza akonpli par Eden Island si ou konnen ?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mon pou napa avek mwan me mon ava demann sa lenformasyon e mon ava fer sir ou gannyen Onorab.  Mersi.

 

MR DEPUTY SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Mr Speaker mon ti a kontan demann Minis premyerman, letan in koz lo 1700 travayer dan low season avek 2mil dan high season poursantaz Seselwa i zis 500.  Ouswa i varyan ant  sa low avek high season?  Akoz mon pe vwar poudir dan sa 1700 la, si ou pe dir mwan 500, e pou sa 1700 ki ou’n nonmen, eski ou pe konfirmen i annan zis 500 travayer dan low season pou Seselwa?  E ki poursantaz dan high season eski sa i en sif ki fluctuate?

E dezyenmman Minis mon anvi demann avek ou,  well mon konnen poudir petet si Speaker i allow sa kestyon,  eski dan lavenir la fason ki devlopman pe ale dan pei, ler i konsern bann gro proze ki anmenn reveni Sesel, me pou sa distrik spesifikman, eski Gouvernman pe mazin revwar en pti pe dan la fason ki sa distribisyon larises i ganny fer? Par egzanp swivan kestyon ki Onorab Letourdie in demande,  eski pa ti a bon dan lavenir ki serten pti poursantaz i de-koul dan sa distrik toulezan ouswa tou le mwan ouswa toulezan; akoz finalman Minis serten distrik pa benefisye nanryen direkteman, ki fer ki i annan en de favorizasyon letan i konsern bann gro proze ki ganny fer dan en distrik spesifik.  Mersi.

 

MR DEPUTY SPEAKER

Mersi Onorab.  Non mon permet li parski i annan direkteman pou fer avek ki kalite benefis, ki nou pe gannyen.  Minis.

 

MINISTER MAURICE LOUSTAU-LALANNE

Wi mersi Mr Speaker.  Onorab wi la mon pe mazin ankor e efektivman mon krwar zot ti konstrir en bazar, zot in konstrir sa pti por pou peser,  direkteman pou bann ki baze la Roche Caiman ; so zot in envesti. Me kekfwa dan Lagreman i pa spesifik, i en pe spontane a la demann.  Me mon krwar i enportan ki dan le fitir nou port sa a latansyon bann envestiser.

Parey nou pe fer par egzanp avek bann lenvestisman lotel.  Ki pe swa refer oubyen bann nouvo konstriksyon lotel kot nou demann sa envestiser pou fer serten fasilite akse a piblik Seselwa e lezot viziter osi pou benefisye.  Nou annan sa proze Gran Bwa, ki mon konnen zot in koz lo la osi isi dan Lasanble.  Akoz li osi i annan en konponan kot nou demann sa envestiser pou regard lo kote Seselwa dan sa vilaz soutenab, Kreol, eksetera,  eksetera.  So i annan sa bann diskisyon koumsa, i byen nou formaliz li.

Be mwan mon ti a kontan osi kekfwa fer en lot remark dan le sans ki bann gro proze a lavenir, fodre pa ki nou bliy nou bann envestiser Seselwa.  Akoz zot osi zot kapab a mon avi i annan en kantite biznes ozordi ki’n ariv lo en staz kot zot osi kekfwa zot kapab konble.  Kot zot  – kekfwa zot kapab depanse apre.   Apre nou annan en laranzman avek Gouvernman avek zot.  Zot, zot fer lenvestisman.  Zot annan en bout pou zot pou zot devlope.  Gouvernman i ganny en lot bout and so on.

I annan bann sistenm ki nou kapab diskite e regarde.  E sertennman pa defavoriz bann biznes Seselwa ki kapab kekfwa fer sa bann proze a la venir.  Mersi.

 

MR DEPUTY SPEAKER

Mersi Minis.  Petet zis son premye morso, kot in demann lo kantite Seselwa e varyasyon ladan.  Mon pa konnen  si ou’n reponn sa. Minis.

 

MINISTER MAURICE LOUSTAU-LALANNE

Wi mersi Mr Speaker.  Sa sif 500 se en sif ki mon’n gannyen avek Departman Lanplwa.  I en premye resers ki zot in fer dan zot bann file.  I kapab plis ki sa.  Mon pa pou dir ou non, me omwen i annan sa nonm pou le moman.   I kapab osi bokou plis, me fodre mon al rod en lenformasyon presi pou mon donn ou.  Me sa ki mon kapab osi mansyonn avek ou se ki dan sa 551 – pardon, dan sa 612 villa lo Eden Island – 61 a bann villa i pou Seselwa.  E bann Seselwa deplizanpli pe aste sa bann apartman lo Eden Island pou le moman.  So sa in ogmante e in sorti 12 letan prose ti konmanse e la in ariv 61.

E lo Eden View ki kote Roche Caiman ki an konstriksyon 49 (pardon eskiz mwan la mon pe konfiz mon lekor) wi 49.  49 sa bann apartman  lo Eden View in fini ganny aste par Seselwa.  E mon krwar an tou son proze se 72.  So i montre ou osi en ledikasyon kot Seselwa i prezan pli enplike e li osi i oule envestir dan sa bann devlopman lo Eden Island.  Mersi.

 

MR DEPUTY SPEAKER

Mersi Minis.  Onorab Clifford Andre.

 

HON CLIFFORD ANDRE

Mersi Mr Speaker.  Bonzour tou dimoun. Minis mon ti a kontan an referans avek kestyon Onorab de Letourdie demann ou pou provide nou mon konnen kekfwa ou napa la avek ou, pou provide nou sif ki Eden Island in fer kontribisyon dan bann proze.  Parey zot responsabilite sosyal.  Bann sif ki zot in fer dan sa bann kalite proze.  Apre ou’n dir nou ki poudir i annan FDI 32.09milyon.  Mon ti a kontan konnen dan ki sekter akoz Eden Island i annan zis lakaz li.  Eski ou pe dir nou sa bann dimoun ki pe aste lakaz zot pe fer kontribisyon direk, Foreign Direct Investment dan lekonomi Sesel dan lezot sekter?  Mon ti a kontan ou dir nou sa.

E an vi ki ou’n dir nou Eden Island i annan 1700 dimoun lo low season ki ganny anploye, e ladan i annan ou’n eksplik nou i kapab plis i kapab mwens me solman Minister Lanplwa in dir ou apepre 500.  Eski ou kapab dir nou si Minister Lanplwa oubyen Gouvernman Sesel, pe sey fer en kanpanny aktiv, pou ganny plis Seselwa pou anploye lo Eden Island e ki ava annan mwens etranze?  E ki larzan ki ganny peye i a reste dan lekonomi Sesel olye ganny anvoye aletranze?

E eski ou Minister ansanm avek Minister Lanplwa pe revwar en pti pe bann salary package ki pe ganny donnen avek bann diferan sekter ki lo Eden Island, akoz i annan bokou konplent kot saler pa alaoter e bann dimoun par ler zot mekontan?  Sa mon kestyon.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker e mersi Onorab.  Onorab mon ava sertennman donn ou sa lalis ki mon napa.  Mon ava donn ou avek tou bann proze ki zot in enplike swa atraver CSR oubyen an deor ki zot in direkteman sibvansyonnen.

Lo kote FDI sa sif ki mon annan parey ou konnen labank santral ki kontrol FDI.  Donk  sa sif ki mon pe donn ou la se en sif ki’n ganny kontrole e sertifye osi par Labank Santral me i konmans osi konmansman proze ziska la.  Donk i pou tou sa peryod cummulative.  E wi akoz pa bliye zot bezwen pey kontrakter.  Ou vwar?  En gro konponan sa lenvestisman se ek sa konstriksyon li menm ki’n ganny fer.  In annan en kantite civil works.  En kantite keksoz tousala in ganny fer lokalman.  So wi.  E prozeksyon ki nou pe fer pou lannen prosenn e osi dan Bidze i enkli sa devlopman ki pe ganny fer lo Eden View, ki en devlopman which is ongoingSo vwala larepons ki mon kapab donn ou lo FDI.

An sa ki konsern lanplwa, wi toultan nou pou kontinyen pouse pou anploy plis nou Seselwa dan sa bann travay.  E fer sir zot ganny en saler ki apropriye.  So sertennman nou pou kontinyen travay avek sa bann management companies ki Eden Island li menm li in met an plas, pou fer sir kot kan i annan vacancies nou donn priyorite Seselwa e nou pey zot en saler ki akseptab, ki normal.  Mersi Mr Speaker.

 

MR DEPUTY SPEAKER

Mersi Minis.  Onorab Andre.

 

HON CLIFFORD ANDRE

Mon ti a kontan zis en pti klarifikasyon Minis.  Letan nou pe koz FDI sa prozeksyon ki ou’n donnen, se senpleman pou Eden Island, pa neseserman ki bann dimoun ki reste Eden Island si zot pe fer Foreign Direct Investment dan dizon en lotel, se pa sa.  I zis pou Eden Island kot zot?

 

MR DEPUTY SPEAKER

Mersi. Onorab Sylvanne Lemiel.

 

HON SYLVANNE LEMIEL

Mersi Mr Speaker.  Minis eski ou ti kapab dir nou lekel ki ti lead negosyasyon lo lapar Sesel pou en tel proze?  E apre nou ti a kontan konnen lo kote benefis e konsesyon ki Eden Island Company li menm i ankor pe zwir ozordi, benefis e konsesyon ki zot ankor pe zwir?  Apre eski Gouvernman i   pe anmas e benefisye avek tou kalite aktivite ki pe deroule lo Eden Island?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Onorab ou’n tyonbo mwan la.  Mon pa konnen lekel ki ti lead sa negosyasyon  sa lepok, me mon prezimen Minister Labita sertennman.  Minister Finans osi ti pou bezwen zwe son rol ladan.  I normal. So mon prezimen ki sa de Minister ki lead sa negosyasyon letan i ti ganny fer, lo en peryod 2an avan i ti ganny konkretize. Mon pa konnen lekel ki siny sa bann Kontra, be sa bann keksoz mon kapab find out.  Mon pa’n vin avek sa lenformasyon.

Wi ozordi zot ankor kontinyen annan sa konsesyon.  Bon gro konsesyon parey ou konnen  i lo konstriksyon inisyal.  Me lo Eden Island li menm sa i preski konplete. In annan bann sanzman ki’n arive parey ou konnen – menm sa Kontrakter VIJAY li osi in vin en devloper dan Eden Island.  So sa osi in annan  sanzman dan longer sa proze.  E la pli gro lenvestisman ki zot pe fer, zot pe fer lo Eden View pou zot konplet sa bann apartman, ki en pe in rezerve pou Seselwa parey ou konnen.  E mon’n donn sif lo la.  Donk,  me sak fwa ki en villa i sanz lanmen, Gouvernman i kolekte reveni e nou kolekte plizyer reveni.

I annan bann dokiman legal kot i annan en fee ki ganny peye.  I annan bann transfer, dokiman transfer li menm.  Apre i annan sa stamp duty ek sa processing fee kot i varye, akoz ou konnen ou annan en lakaz ki pe ganny vann oubyen re vann, pou detrwa milyon Dolar.  Nou anmas nou en zoli sonm larzan.  I sote R1milyon par lavant.

E menm avek sif ki mwan mon’n vwar i annan bann parsel ek bann villa ki’n ganny vann kot nou’n anmas R3.6milyon stamp duty ek processing feeSo zot kontinyelman kontinyen e sa se bann reveni ki rantre dan Kof Gouvernman sak fwa i annan en lavant ki ganny fer.  So la Eden Island i pa benefisye comme tel, se Gouvernman ki benefisye.  Mersi Mr Speaker.

 

MR DEPUTY SPEAKER

Mersi Minis.  Onorab Jude Valmont.

 

HON JUDE VALMONT

Bonzour e mersi Mr Speaker.  Bonzour Minis, delegasyon, tou koleg Onorab e tou manm piblik ki pe swiv nou.  Minis in tous en pe lo bann benefis ki sa proze Eden Island in anmenn nou.  An retour bann benefis ki li in gannyen pou anmenn nou sa bann returns.  E Minis in osi mansyonn Lakonpannyen Konstriksyon ki’n fer sa proze spesifik.  E dan sa laliny, mon ti a voudre demann Minis ki mekanizm ki egziste, pou fer sir ki bann lekipman e travayer pa pe ganny servi dan bann lezot proze?  Akoz in mansyonn konsesyon.  Alor ki mekanizm ki zot in annan an plas ki pou fer sir ki zot bann travayer, zot bann lekipman pou sa proze spesifik, pa ganny servi an deor sa proze li menm?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker mon krwar ki Departman Imigrasyon sertennman i kontinyelman verifye sa bann keksoz.   E mannyer mon konpran in annan de ka kot sa Kontrakter in ganny warning.  Kot in – e i ti pe fer sa bann keksoz e in ganny bann warning apropriye pou fer sir ki son bann travayer i strikteman travay avek zot materyo lo sa sit li menm.  So sa ki mon ti a kapab mansyonn avek ou.

E zis pou profite Mr Speaker avek ou permisyon, nou pe vin devan Lasanble byento avek sa Property Tax.  E pa bliye sa Property Tax mon ti mansyonn dan on Budget Address e li i pou etranze inikman.  So nou pou ganny ankor en benefis siplemanter avek Eden Island e tou sa bann villa ki ozordi propriyete etranze.  Letan nou pou levy sa Property Tax si zot aprouve isi dan sa Lasanble nou ava ganny nou bokou plis reveni osi ankor dan le fitir.  Mersi.

 

MR DEPUTY SPEAKER

Mersi Minis.  Onorab Wilbert Herminie.

 

HON WILBERT HERMINIE

Mersi Mr Speaker.  Bonzour Minis ek ou delegasyon.   Minis lo kote sa bout ki i pou Eden View sa 72 unit ki ou pe fer referans avek li menm li sa bout ki –  morso ki ti pou vann pou fer condominium lo la?  E si sa i vre eski sa i pou bann first time owner ouswa pou nenport Seselwa i kapab aste?  Mersi.

 

MR DEPUTY SPEAKER

Mersi Mr Speaker.  Wi sa devlopman ki zis apre sa bazar lo kote land side – en.  An montan mon krwar i annan 4,5 blok.  I annan bann blok ki garden view.  I annan blok ki bann Sea front, water facing.  I Ground+3 mon krwar.  I annan ki de lasanm.   I annan ki 2 lasanm –  i annan ki 3/4 lasanm.  E ti annan en serten kantite selman i rezerve pou Seselwa.  Anfen i pa strikteman for first time, me whoever ki annan son larzan e i ti a kontan annan enn sa apartman, i ti kapab fer son demann.  E mannyer mon konpran i annan zis 9 apartman ki reste, dan sa 72.  Tou lezot in fini allocate e i annan 49 Seselwa ki’n fini aste zot bann apartman.  Mersi Mr Speaker.

 

MR DEPUTY SPEAKER

Mersi Minis. Onorab Sandy Arissol.

 

HON SANDY ARISSOL

Mersi Mr Speaker.  Bonzour Minis avek ou delegasyon.  Mr Speaker mon’n tann Minis koz lo bann benefis pou bann travayer, e Onorab Andre in demann an relasyon avek bann package, saler.  Mon ti a kontan demann Minis zis an relasyon avek tou sa ki nou pe koz lo la.  Ou konnen parfwa travayer pa demann bokou me selman parfwa se bann pti fasilite ki demande.  Mon kestyon Minis i vin an relasyon ek bann full time marina worker ki travay laba kot Eden Island.  Zot annan en sel pti problenm an relasyon avek parking facility, kot parey nou tou nou konnen letan ou al Eden Island ou desann dan son main parking ki si ou fer plis ki 4 erdtan ou pey R150.  Kekfwa dan sa laliny an relasyon ek bann travayer, kwa ki nou kapab rode pou zot an plis?  Mon kestyon i senp.  An relasyon avek Minister Finans en Minister Lanplwa,  si zot pe travay lo en mekanizm pou bann nouvo devlopman ki ava fer pour ki bann full time marina worker zot ganny fasilite pou zot park? Konmkwa pou ki letan in ariv lafen di-mwan zot pa vwar zot pe tir R4mil lo sa ki zot gannyen zis senpleman pou zot pey en fasilite parking ki lamazorite nou bann zenn konmela zot envestir zot rod zot loan, zot rod en pti fasilite transpor zis pou zot kapab ariv pli boner, pou zot rann sa servis ki lanplwa i demann nou, pou travay byen e efektiv.  E sa lannen se ‘’Valoriz travay dir.’’  Sanmenm sa mon pe demande eski i annan sa lantant ek ou Minister, Minister Lanplwa e ban devloper Eden Island pou fasilit en pti bout sa fasilite parking pou bann full time marina worker ki travay laba pour ki zot pa pey sa gro depans tou le mwan an relasyon avek parking?  Mersi bokou Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pou ou kestyon.  Mon pe reflesir mon krwar ki efektivman i annan de propriyeter marina.  I annan Vijay Patel li menm, nou Marina dan nor apre i annan Hunt Deltel dan sid.  Mon krwar i ava enportan nou inisye en diskisyon avek zot an premye e regarde kwa ki problenm.

Me sertennman mon konnen ki Eden Island li par kont, ti en pti pe dezord dan letan ki bann sofer taxi ti napa en bon landrwa.  E kantmenm landrwa i en pe kon zesyon-en mon konnen ki Eden island in fer bokou zefor pou sey met zot dan en landrwa apropriye eksetera.  E ozordi i marse, sak fwa mon pas en kou laba mon vwar zot bye annord.  Zot annan en pti shelter kot zot espere eksetera.  I kapab ganny organize.  Mon krwar se sa pwen ki mon pe resorti avek, e mon ava fer sir ki nou entame sa bann diskisyon.  Mersi.

 

MR DEPUTY SPEAKER

Mersi Minis. Mon retourn lo Loter Kestyon, Onorab Audrey Vidot.

 

HON AURDREY VIDOT

Mersi Mr Speaker.  Minis baze lo bann kestyon ki’n ganny demande par bann Manm, e larepons ki ou’n donn nou osi,  eski Gouvernman pe asire ki zot pe fer en bon evalyasyon, an term proze devlopman Eden Island, son benefis, bann issues ki’n ganny  leve, pour ki pou asire ki okenn lezot devlopman parey ki ganny fer lo nou bann lezot zil ki pe ganny devlope; swa pou ‘’2020’’ ensidswit, pou asire ki nou pa perdi? Sesel pa perdi.  E Seselwa pa perdi.  Ki vreman nou vwar poudir i bann devlopman ki anmenn reveni pou Sesel e ki Seselwa pe osi benefisye atraver, swa proze ou rezidansyel, komersyal ensidswit pou asire ki nou kapab dir nou’n fer bann bon deal?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi.  Mersi Mr Speaker.  Mersi Onorab.  Onorab parey mon’n mansyonnen mon krwar sa leksperyans in en leksperyans ki’n permet nou vwar kote kekfwa nou pa’n negosye pli byen.  Me i en bon leksperyans.  I pa’n totalman negativ, me i annan ankor bann challenge pou nou.  E mon krwar parey mon’n mansyonnen, mon krwar i enportan avan ki nou aprouv serten proze, nou touzour tenir an kont bann pwen ki ou’n fer resorti.  E osi regarde si bann lenvestiser Seselwa zot osi zot kapab antre ladan e take the lead.

Nou’n koz lo proze konblaz.  Gouvernman i le depans en pe larzan ankor.  Si nou kapab rod private partnership avek sekter prive lokal, pou envestir dan konblaz dan le fitir ki nou pou determinen.  Mon krwar sa i bann keksoz ki nou kapab etidye, regarde, met dimoun ansanm pou sey ariv avek bann devlopman ki pli santre lokalman.

Me FDI toultan i enportan dan nou Bidze parey ou konnen i reprezant pros 20poursan nou Bidze tou le lannen.  So nou bezwen rod sa lenvestiser deor me fer li travay avek Seselwa pli byen.  Mersi.

 

MR DEPUTY SPEAKER

Mersi Minis.  Prosen kestyon par Egbert Aglae, ki pou ganny poze dan son labsans par Onorab Wilbert Herminie.

 

HON WILBERT HERMINIE

Mersi Mr Speaker.  Kestyon Onorab Aglae.  Kestyon i lir koumsa.  Eski Minis i kapab dir sa Lasanble:-

 

  • Kwa ki pe koz sitan retar pou finaliz Kontra Netwayaz pou bann distrik?
  • Kan eski bann nouvo Kontra pou ganny finalize?
  • Eski Bidze inisyal i ankor reste parey?
  • Konbyen kontrakter i ekspekte ganny selekte lo nivo Nasyonal?

Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab. Mr Speaker retar i an rezilta sa bann diferan eleman swivan;

Premyerman ti annan retar pou apwent bann Manm lo Komite Evalyasyon, an vi i pou asir latransparans mazorite manm li Komite i sorti dan sekter prive.  Serten manm apre ki zot in ganny nominen ti retir zot lekor an rezon konfli lentere ouswa zot progranm tro sarze pou asiz lo sa Komite.  Parfwa ti difisil pou ganny tou bann manm pou fer meeting sa ki nou apel en quorum pou reisi diskit e finaliz evalyasyon.

Dezyenmman in annan en mankman mendev  an vi lakantite dokiman ki ti annan pou travay avek.  I bon note ki ti annan  en total 1,400 bidders ki’n partisipe e soumet e pri e sak a dokiman i annan son kantite lots ; savedir Kontra pou process setadir fer sir ki sa bidder i pas staz administrasyon, staz teknikal epi verifye kalkilasyon pri ki in mete.

Ou kapab konstate ki avek sa volim dokiman pou travay avek, ti parfwa napa ase dimoun pou travay e ariv zwenn deadline ki ti’n ganny mete. An se ki konsern aprouvasyon sorti kot Tender Board ti napa en meeting spesyal par Tender Board rezerve pou deliber lo sa bann rekomandasyon, ki fer ki dokiman i pran o mwen de semenn pou ganny aprouve.  E si i annan okenn klarifikasyon pou fer, sa i tard plis ankor.

Mr Speaker malgre sa bann retar ki mon fek mansyonnen, mon oule konfirmen ki bann nouvo Kontra pe finalize e dan sa bann lord swivan.

Kategori 1;  Sa i netwayaz semen, bus shelter, bin ek bin site dan distrik.  Pou rezyon was rekomandasyon pou Kontra in fini aprouve par Tender Board li 21 Me 2019.  Ti napa rapel.  Kontra i ekspekte ganny sinyen an Oktob prenon kont 1an peryod notis pou kontrakter aktyel.  Pou rezyon sid, nor, les a ek b, ensi ki Rezyon Santral rekomandasyon pou Kontra in ganny aprouve par Tender Board le 2 Zilyet 2019 e Kontra i ekspekte ganny sinyen an Oktob prenon kont 1mwan peryod notis pou Kontrakter aktyel.

Kategori 2 ;  Setadir netwayaz lekol, sant profesyonnel avek lopital ek klinik.  Pou rezyon sid, was ek nor, rekomandasyon pou Kontra pou ganny soumet kot Tender Board le 23 Zilyet 2019.

Pou rezyon les, a ek b ek Santral, Komite Evalyasyon pe finaliz rapor e i pe ganny soumet devan Tender Board dan premye semenn Out.

Kategori 3 ;

Netwayaz lans, larivyer ek lanmar.  Pou rezyon santral rekomandasyon pou Kontra in fini aprouve par Tender Board le 21 Me 2019.  Ti napa okenn rapel.  Pou rezyon les a, rekomandasyon ti ganny soumet devan Tender Board me Tender Board in demann plis klarifikasyon e menm anvi fer site visit avan ki en desizyon final i ganny pran.

Pou rezyon nor, was ek les b rekomandasyon pou Kontra in fini aprouve par Tender Board le 2 Zilyet 2019 e ti napa okenn lapel.  Pou sa kategori tou Kontra pou ganny sinyen an Oktob an montan akoz sa kategori i konpri de diferan Lorganizasyon e zot bezwen zer byen dat finisyon Kontra aktyel, avek sa bann ki pe al antre dan Kontra.  I osi annan morso proze ki pou ganny re-tender akoz zofisye i bezwen re balans bann proze e fer ki travay lo teren pa ganny deranze malapropo.

Kategori 4 ;

Landscape and beautification.  Pou sa kategori spesifik rekomandasyon pou Kontra ti’n fini aprouve par Tender Board le 2 Avril 2019 me par kont ti annan serten anomaly ki LWMA ti detekte dan rapor rekomandasyon ler zot ti cross check rezilta avek lalis bann bidders, ki fer ki ti annan en demann pou anil sa laprouvasyon e soumet en lot rapor rekomandasyon devan Tender Board.  Sa pe ganny travay lo la e tre byento pou aparet devan Tender Board.  Tou bidders pou ganny enformen lo sa sanzman ler sa nouvo seri rezilta pou sorti.

Inner Islands pou kategori 1 ek 3;

Rekomandasyon pou ganny soumet devan Tender Board pou laprouvasyon le 30 Zilyet 2019.

Pou kategori 2 ;  Rekomandasyon Kontra ti ganny aprouve par Tender Board le 2 Zilyet 2019.  Napa okenn rapel e Kontra pou ganny sinyen le 22 Septanm 2019, pou donn ase letan pou sa bann nouvo Kontrakter pou prepar zot pou konmans travay.  E (2), lot kote donn notis depar sa bann Kontrakter aktyel.

Pou kategori 4 ; Rekomandasyon Kontra ti ganny aprouve par Tender Board le 5 Zilyet 2019.  Annefe bann bidders pe ganny enformen an se moman.  Apre sa i annan en peryod standstill pou ekout okenn rapel.

Dat provizwar pou ganny sinyen an Oktob.  Wi Bidze pou reste preski parey.  Nou pa ekspekte gran sanzman dan Bidze.  Anba sa Tender nou eksepte ki pou annan en pti pe plis ki 300 Kontra pou swa netwayaz oubyen lanbelisman ofer par Gouvernman.  Mersi Mr Speaker.

 

MR DEPUTY SPEAKER

Mersi Minis.  Onorab Herminie.

 

HON WILBERT HERMINIE

Mersi Minis pou ou bann larepons.  Detrwa kestyon ki’n monte.   Sa bann tender vi ki in sot plis ki 3mwan eski zot konsider li konman valid vi ki dan document i dir sa bann tender i valid pou 3mwan?  Sa i enn.

Pou bann Kontra ki’n fini ganny aprouve, eski ki dele letan zot pe donn sa bann dimoun pou kapab konmanse.  La nou pe koz lo sa bann nouvo pti Kontrakter.  Ki dele letan zot sipoze konmans sa nouvo Kontra e kan ki sa bann Kontrakter ki ti la avan pou sign-off pou kapab handover sa proze?  E mon dernyen  siplemanter i lo, eski tou bann Kontrakter ki’n kalifye in ganny notifye?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi mersi Mr Speaker.  Mersi Onorab.  Onorab sa ki arive dan prosedir se wi sa bid i annan li en peryod validite.  E si pou rezon ki prosedir i ankor pe kontinyen, nou bezwen ekrir sa bidder pou demann li son permisyon, si i ok pou zis extend.  E sa i en prosedir ki ganny fer normalman.  Ou vwar?  Me solman fodre i ganny fer an ekrir e i ganny konfirmasyon sa bidder.  Normalman apard sa bann dat presi ki mon’n donnen pou bann diferan Kontra, i annan en peryod 1mwan ki ou bezwen donn sa Kontrakter egzistan, pou li exit sa Kontra.  So lot i bezwen espere.  Se pour kwa nou dir nou le fer li an Oktob mazorite.  Annefe nou’n sey fer tou sa bann Kontra efektiv an Oktob avek sa 300 bidders bann nouvo Kontra ki nou pe al donnen.  E an Septanm lezot ava fini zot Kontra an Septanm sa bann ki egzistan.  And  bann nouvo a pran.

Me dan sa 300 i annan parey mon’n dir, i annan ki pou bezwen re-tender, akoz i annan serten problenm ; ki vedir nou pou donn plis Kontra osi pli tar.  So lide se fer sir ki nou al en pe pli vit.

I vre ki nou pe fer sa e nou pe donn sa Kontra pou 3an.  Letan nou pou donn sa bann Kontra an Oktob, i pou en peryod 3an.  E mwan mon santi ki LWMA fodre ki kekfwa 1an apre ki sa bann Kontra i an operasyonnel, zot konmans mazinen pou re-tender.  Akoz si i pran 2an pou nou kapab pran sa bann desizyon, nou bezwen konmans re-tender deza dan premye lannen dan sa nouvo Kontra.  So i bann keksoz ki nou bezwen diskite pou nou fer sir ki nou pa pas dan sa bann letap ankor.  Mersi Mr Speaker.

 

(technical failure)

 

HON CHARLES DE COMMARMOND

Mersi Mr Speaker.  Mr Speaker pou plis effectiveness e retir tou sa bann retar e fer li vin pli senp, eski Minis ti ava konsidere pou ki Gouvernman i pas netwayaz distrik dan lanmen bann ladministrasyon distrik e les LWMA oubyen Minister konsernen zwe en rol oversight selman?

Dan tou bann distrik nou vwar ki sa Bidze i kapab ganny donnen, e fer li vin pli fasil, e koumsa distrik i a reste pli prop.  Akoz la i pa prop.  E plen landrwa i ankor sal!  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab mwan mon pare pou regard tou propozisyon.  Par le pase sa 400 ekek Kontrakter ozordi ki pe netwaye, napa Kontra. Ou konpran?  In ganny donnen konmsi konmsa and so on and so forth.  E Gouvernman mon krwar a zis rezon in deside fer en kordinasyon avek tou son bann Lazans.  Akoz li LWMA i reprezante par Mr Raoul ki obor mwan,  li i annan zis en porsyon sa responsabilite dan sa repons ki mon’n donnen. Akoz i annan lezot ki lezot Departman Gouvernman.

Donk se pour kwa ki nou’n kree sa striktir donn Kontra pou li vin pli transparan, mye kordinen pou pli efektiv.  Me rezilta nou konnen ki 2an apre nou ankor pe zwe dan papye!  So annou regarde kwa ki nou kapab sanze.

E pa bliye osi ki pou LWMA avek sa 2 lezot Departman Gouvernman ki konsernen avek sa,  si ou annan ou en Kontra ki ou donnen par rezyon, e sa bann sou konponan ou dir avek sa Kontrakter ki gannyen, ou fer sir ou sou-kontrakte sa avek bann pti biznes?  I en keksoz ki rezourd en kantite problenm ;  problenm efikasite, problenm kontrol.  Akoz ozordi ou bezwen en lekip ki bezwen verifye tou sa louvraz.  Tou le zour presque.  Be ki mannyer ou pou rezourd 400 Kontra toulezour?  I en kestyon ki ou bezwen poz ou lekor.  Ou pou al fer en meeting tou le zour avek 400 dimoun? Dir li la ou pa’n fer ou louvraz. La i ankor sal and whatever it is ?  I bann kestyon ki nou bezwen poz nou lekor!

So mwan mon pare pou ekout tou bann propozisyon ki fer li pli fasil e a en kou ki pli soutenab.  Mersi Mr Speaker.

 

MR DEPUTY SPEAKER

Mersi.  Onorab De Commarmond.

 

HON CHARLES DE COMMARMOND

Zisteman Mr Speaker savedir ki sa propozisyon Minis met en presyon lo Gouvernman dan  ou bout ki ou kapab fer pou fer li vin reel.  Pou fer li ki distrik i a pran sa responsabilite.  Donn li son Bidze.  Zot vin gete si Bidze in ganny servi.  Si travay in ganny byen fer e mon asir ou, mon donn ou en garanti, tou bann distrik lo Mahe, Praslin ek La Digue partou i pou pli byen ganny manage lo sa ki nou pe koze la e zot menm zot,  zot pou fyer.  Mersi.

 

MR DEPUTY SPEAKER

Mersi Onorab.   Minis pe rod en re-asirans ki sa bann zafer pou mars bokou pli byen. Minis ou le en komanter oubyen nou kontinyen.  Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Minis ek ou delegasyon.  Mr Speaker mon anvi demann Minis en pti kestyon.  Minis vi ki mazorite bann dimoun, bann pti Kontrakter, ki pa’n ganny Kontra, se bann dimoun parey ou konnen ki pa’n kapab fer zot bann dokimantasyon papye, bann form byen.  Laplipar sa bann dimoun ki fer sa se bann dimoun ki zot kapab zis kou dibwa zot.  Ouswa fer bann netwayaz me selman lo kote papye petet zot en pti pe pa up-to-date.  Ki lasistans zot pe fer pou donn sa bann dimoun pour ki sa bann dimoun zot a osi ganny sans ganny sa Kontra? Akoz souvandfwa ou vwar dimoun i ganny  Kontra selman i napa en masin.  Parey in arive en boug in vin koup  de pye friyapen selman  en lot boug ki’n koupe pou li.  Ou konpran?  Ki zot pe fer pou donn lasistans sa bann dimoun ki dan sa kad koumsa  pou zot kapab ganny sans zot osi ganny bann Kontra?

Apre Minis bann Kontra netwayaz lo nivo distrik, eski priyorite i pou bann aplikan sorti dan sa distrik?  Akoz souvandfwa nou vwar lezot dimoun sorti dan lezot distrik pe fer sa bann travay.  Mersi.

 

MR DEPUTY SPEAKER

Mersi Onorab.  Alor 2 morso kestyon.  Ki zot pe fer pou ed zot.  E eski bann Kontrakter i bezwen sorti dan sa distrik.  Minis.

 

MINISTER MAURICE LOUSTAU-LALANNE

Wi mersi Mr Speaker.  Mon kapab konfirmen ki efektivman swa se pou bann Kontrakter ki dan sa rezyon – en? I par rezyon.  So koumsa ki sa requirement i ete.  Sa i enn.

(2) Mon krwar ki prensip se ki sa i en biznes.  So si en pti biznes nou pare pou donn – e mannyer mon konpran in annan SCCI ki ti’n pare pou ede.  Sirtou dan soumisyon bann dokimantasyon, pou annord.  E osi Guy Morel Institute osi in pare pou  donn bann kour neseser.  Akoz nou bezwen elev nou bann pti Kontrakter pou zot osi demen pa zis pe koup pye dibwa me zot pe fer lezot keksoz.  So nou bezwen konmans somewhere.  Mon ti krwar se en pti pe sa lide deryer tousala.  E parey nou’n konstate sa osi  – sa ki ou’n dir i en realite dan le sans ki li osi in retard sa prosedir.  Ou vwar?  E si nou annan sa gran retar ozordi, se efektivman sa bann keksoz pa ti an plas o debi ki nou’n bezwen rezourd o fir e an mezir nou’n ale.  Mersi Mr Speaker.

 

MR DEPUTY SPEAKER

Mersi Minis.  Onorab Loizeau.

 

HON NORBERT LOIZEAU

Minis be parey – ki kriter zot pe servi parey mwan mon pe apply mwan, pou mwan fer netwayaz mon sipoze annan en pyos, 2 pik, detrwa lapel.  Be i annan napa nanryen selman zot ganny Kontra?  Sa enn ki napa li – sa enn ki annan tou son bann zouti ou vwar li pe travay ek sa boug obor semen, selman li in soumet son Kontra selman li i pa’n gannyen!  Ki kriter zot servi?  Pou mwan Norbert Loizeau ler mon’n apply a Kontra,  eski mwan Norbert Loizeau mon sipoze annan 2 masin koup zerb, 2 masin koup dibwa, detrwa pyos, ouswa mon sipoze napa nanryen mwan selman zis mon pe apply?  Mersi.

 

MR DEPUTY SPEAKER

Mersi Onorab Loizeau.  En pti pe an deor kestyon ki la, me selman mon a permet akoz i pe petet si soulev en pe sa pwen retar.  Minis.

 

MINISTER MAURICE LOUSTAU-LALANNE

Wi mersi Mr Speaker.  Mon konpran sa ki ou pe dir akoz mon osi parler mon vwar zot pe netwaye obor semen zot annan en legan parler, zot annan en sak plastik par-ler.  Sanmenm tou ki mon vwar.  I annan en bann ou vwar li ek en blower and whtever it is.  Me mon krwar sa ki nou pe sey fer se bliy sa bann vye Kontra kot ti napa vreman en lankadreman.  Annou bouz dan en lankadreman.

Kontra i ganny evalye lo plizyer kriter or – wi kriter donk parler ou kapab donn en Kontra e apre sa dimoun dan son  – nou dir i bezwen annan en pyos, en lapel and whatever it is.  Apre i ava al rode.  Sa osi i kapab.  I kapab ganny sa Kontra lo sa baz menm si i napa tou son lekipman pou konmanse.  Ou ekspekte apre i ava al rode pou li anmennen. So sa osi i annan.  Be se sa bann keksoz ki sa bann tim evalyasyon i fer pou zot pran zot desizyon final.  E mon krwar ki la ankor i eksplik parey Mr Speaker in dir, sa retar akoz lankadreman ti pa ti vreman  an plas.  Mersi.

 

MR DEPUTY SPEAKER

Mersi Minis.  Bon vi ki in ariv 12.04, i reste ankor 4 entervenan lo sa kestyon.  Me nou ava kontinyen ler nou repran apre midi 2er.  Zis en pti lanons ki Komite ABC pou zwenn ozordi 1.15.  Alor  mon a demann ek bann Leaders ek bann Chief Whip pou silvouple pou être prezan dan Speaker’s Conference Room 1.15. sharp.  Alor nou pou adjourn ziska 2er apre midi.

 

(BREAK)

 

MR DEPUTY SPEAKER

Bon, bonn apre midi tou bann Manm Onorab.  Bonn apre midi Minis e ou delegasyon.  Nou demann en lekskiz pou sa 2 minit retar ki nou’n gannyen.  Nou pou kontiny avek kestyon No. 4.  ki ti’n ganny poze par Onorab Wilbert Herminie lo lapar Onorab Egbert Aglae.  E prosennman lo lalis mon ti annan Onorab Jude Valmont.

 

HON JUDE VALMONT

Mersi Bonn apre midi Mr Speaker.

Mon kestyon pou Minis i konsernan sa bann pti kontrakter ki deza pe fer sa bann louvraz.  Mon’n tann Minis tous brefman lo zot kondisyon.  Mon ti a voudre vwar ou donn mon en pti pe plis detay.

Ou’n dir kontra pa egziste alor zot pe zis travay koumsa.  Be ki lo kondisyon zot travay?  Ki bann pri ki zot pe, zot pe sarze?  Mwan mon ti a voudre klarifikasyon lo la.  Mersi.

 

MR DEPUTY SPEAKER

Mersi Onorab, Minis.

 

MINISTER MAURICE LOUSTAU-LALANNE

Wi.  Mersi Mr Speaker.  Mersi Onorab.

Wi mon pa’n oule kree en konfizyon.  Me zot annan obviously en dokiman, en Kontra ek zot.  Me senpleman sa nouvo Kontra nou’n deside parey mon’n dir, ankadre li pli byen.

So that lo tou le de kote i konnen egzakteman ki zot sipoze pe fer, eksetera.  So sa ki zot annan i keksoz ki nou pe onore.  Akoz nou pe pey zot tou dan en fason.  Me zis son lankadreman ki pa ti bon.  Mersi Mr Speaker.

 

MR DEPUTY SPEAKER

Mersi.  Onorab Valmont.

 

HON JUDE VALMONT

Mersi Mr Speaker.  Minis zis swivan ou larepons.  Alor tou sa bann peyman ki zot pe fer, pri ki zot in mete, tousala i deza annan en standar li.

Napa enn ki pou vin devan pou dir, be sa enn i pe ganny plis ki sa lot, oubyen sa enn pe ganny fer aranze.  Konmsi napa tousala?  I annan latransparans, i annan rann kont ladan?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi.  Par le pase, i annan serten ki ti lo tender.  I annan pa ti lo tender.

I annan in ganny donnen koumsanmenm.  So la sa voyaz, i annan sa lankadreman zot tou zot lo, lo sa tender.  E parey ou konnen, i annan sa 4 kategori.  So pri i varye ant sa 2, ant sa bann kategori e so taskforce i depouy sa.

I anvoy kot Tender Board. Apre i ganny aprouve, lo pri ki zot in mete avek lezot kondisyon ki zot evalye lo la.  Mersi.

 

MR DEPUTY SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Minis zis en presizyon lo Bidze ki ti ganny allocate pou sa, bann nouvo Kontra.

Parey ou’n fer nou konnen ki nouvo Kontra pa ankor ganny, ganny donnen.  Prezan mon kestyon se, ki pe arive avek sa, sa Bidze ki ti’n ganny donnen pou sa bann nouvo Kontra.  Nou konnen i annan existing contract ki ankor on.

Me selman bann nouvo ti’n ganny Bidze ti’n ganny allocate, alors ki pe arive?  Eski sa Bidze i ankor la?  Oubyen otherwise?  Apre keksoz ki nou’n remarke resaman, i annan bann dimoun ki deza lo Kontra,  zot in perdi zot Kontra.  E prezan i annan lenstans kot bann dimoun ki zot, zot deza lo Kontra, prezan zot menm zot ki ganny sa bann Kontra, ki sa lot bann dimoun ki ti lo Kontra in perdi.  Kestyon se, vi ki sa bann dimoun i deza lo en Kontra, akoz bann dimoun  ki’n fer nouvo laplikasyon pa ganny sa priyorite, lo sa bann dimoun ki deza lo en Kontra, pou zot ganny en lot Kontra, ki en lot dimoun in perdi?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Pou larepons ou premye kestyon;  parey nou’n dir Bidze i ankor la.

Si fodre annan en re alokasyon, nou ava fer sa dan Midterm Review, ki nou pou anmenn dan Bidze li isi.  Me sonm i pou reste apepre parey.  Sel keksoz, sel keksoz ki kapab sanze – akoz pa bliye sa ti ganny fer an 2018.

Donk pri i pa pran kont sa minimum wage.  Ou vwar? So nou riske bezwen aziste pou minimum wage.  Me sa i en prosedir ki nou pou fer.  E nou, nou pe antisipe ki i pa pou sanz Bidze total ki’n deza ganny aprouve allouer.

Zis nou pou fer bann re lazistaz letan nou pou vin isi dan Midterm Review.  Bon lo ou 3enm kestyon, ou konnen sa i en nouvo tender process.  Alor fodre ou tenderSo sennla ki egziste ozordi, nanryen pa anpes li re-tender.  Ou konpran?  So si in tender, in pas evalyasyon.  E in ganny soumet pou Tender Board approval, i annan en sans pou li gannyen li osi.  Me i en nouvo tender process ki nou pe fer.

E menm zafer pou arive dan 3an.  Nou pe retender ankor.  Ou vwar?  So i pa akoz ou’n ganny en fwa, ou diskalifye, ou lot kanmarad pou gannyen.  I en tender process.  Mersi Mr Speaker.

 

MR DEPUTY SPEAKER

Onorab Gill.

 

HON CHURCHILL GILL

Mr, Sirman napa nanryen ki anpes sa dimoun re-tender menm si i annan en Kontra.

Me selman pli boner ou’n eksplik nou, ou dir nou poudir bann dimoun osi ki ti dan sa nouvo process tender, zot osi annan pe al sinyen an Oktob la!  Savedir zot in fini pas tou zot bann, zot bann processSo kestyon ki mwan mon pe demande, akoz zot, zot pa form par pou zot kapab ganny sa Kontra, me ki nou pe vwar ki zis bann dimoun ki deza lo en kontra ozordi, se zot ki ganny sa bann ki lezot in perdi?

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Ok.  Sorry nou’n konsilte en kou pou nou konpran.

I sanble mwan ki lenformasyon ki mon pe gannyen la, se ki dan le moman la, napa konmsi en kontrakter ki pe fer sa louvraz, ki pe arete, ki pe ale.  Akoz si sa i arive, prosedir ki nou pe fer, akoz i en tender process.

Nou bezwen fer en mini tender,  pou sa Kontra spesifik ki sennla pe kite pe ale.  Me nou pa vwar pou le moman sa bann dimoun, bann pti kontrakter pe kite pe ale.  Avan nou allouer sa Kontra an Oktob, sa bann ki mon’n dir ki nou pou allocate an Oktob.

Ou vwar? Me si ou konnen, les nou konnen, nou ava, nou ava fer sa mini tender spesifikman pou zis sa lokasyon ek sa kategori ki sennla in deside kite ale.

 

HON CHURCHILL GILL

I annan en senp legzanp; dan Baie Ste Anne i annan lenstans kot i annan dimoun ki ti pe fer serten bout semen.

Zot in perdi pou rezon entern ki, ki LWMA ki konnen, sa nou pa pou al antre ladan.  Me selman en lot dimoun ki annan en lot bout semen, li ki’n vin travay lo sa bout.  Sa ki mon pe eksplike.  Mersi.

 

MR DEPUTY SPEAKER

Ok mon mazinen Minis a rod sa lenformasyon, pas avek ou olye nou al dan bann ka endividyel.

 

MINISTER MAURICE LOUSTAU-LALANNE

Yah.

 

MR DEPUTY SPEAKER

Mon al lo prosennman lo lalis.  Onorab Paul Ernesta.

 

HON PAUL ERNESTA

Mersi Mr Speaker.  Bonn apre midi Minis.  Bonn apre midi ek ou delegasyon.  Tou bann koleg ki a lekout bonn apre midi.

E tou dimoun bonn apre midi.  Mr Speaker mon kestyon Minis pli boner in nonm kot zot pou al revwar sirtou ki konsern minimum wage.  I pou annan sa serten lazisteman ki pou ganny fer.

Eski i pou bann, bann dimoun pou ganny back pay?  Lefe bann ki ankor la?  E apre dezyenmman nou konnen sa bann kontrakter ki deza aktyel, zot Kontra in fini depi lannen pase.

La kot i kont zot apepre 1an zot ankor la, eski sa bann dimoun pou entitle zot 13enm mwan saler?  E apre bann ki pou, si zanmen bann ki pe perdi Kontra, si zot pe fer provizyon pou Gratwite pou sa bann dimoun.

Akoz i annan ki’n fer 8an ek zot lorganizasyon ensidswit.  Thank you.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Ok.  Mersi Mr Speaker.  Mersi Onorab.  Onorab 13enm mwan wi i dan Bidze e i ganny catered for.

Prezan konpansasyon apre 5an ki zot in travay.  Obviously i entitle, i dan Lalwa.  So nou pou bezwen fer provizyon dan sa ka.  E pou ou 3enm kestyon, letan ou’n demann – wi – parey mon’n eksplik lo minimum wage en.

Minimum wage si ou rapel, ti en Labour Day announcement par Prezidan Larepiblik.  E i efektiv le premye Zanvye 2020.  So i pou pran lefe dan Bidze 2020.  Mersi Mr Speaker.

 

MR DEPUTY SPEAKER

Mersi Minis.  Onorab Phillip Arissol.

 

HON PHILLIP ARISSOL

Mersi Mr Speaker.  Eski Minis i kapab dir sa Lasanble, ki kantite kontrakter aktyel ki’n tender, ki’n re-tender, e ki’n reganny Kontra ankor?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker mon krwar i pou difisil pou mwan donn ou en sif egzakt.

Parey mon’n eksplike i annan serten ki Tender Board in pran desizyon, Kontra pe al ganny donnen.  Pou efektiv an Oktob.  Me i annan en bon pe lezot osi ki ankor pe pas dan prosedir.  I annan en bann ki pou bezwen retender.

So i en pti pe boner pou mwan kapab konfirm sa avek ou pou le moman – en?  Me parey mon’n mansyonnen, in annan.  Annefe tou bann kontrakter ki’n bid an gro, i desote 1500.

E apre premye evalyasyon, se la kot nou’n ganny sa 1400 ki mon’n mansyonnen dan mon larepons.  Sa 1400 aplikan ki pe pas atraver sa tender process.  Mersi.

 

MR DEPUTY SPEAKER

Mersi Minis.  Onorab Audrey Vidot.

 

HON AUDREY VIDOT

Mersi Mr Speaker.  Mr Speaker mon ti oule zis demann avek Minis, prenon kont ki ou’n dir nouvo Kontra i konmans an Oktob.  Bann ki pou zot i fini an Oktob, eski i annan sa posibilite pou extend li ziske Desanm, ki by Zanvye at least;  konmsi sa dernyen mwan lannen zot pa vwar zot dan en sityasyon kot zot napa en renewal, oubyen en Kontra pou zot kapab kontinyen travay?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.

Sa i en bon kestyon ki ou’n poze.  E mon krwar ankor, ou bezwen realize ki nou oule fer sa sanzman an Oktob.  E nou oule donn 1mwan notis, pou sa bann ki la, ki pa’n successful pou exit pou sa bann lezot takeover, e annan smooth transition. Ou vwar?   Me si i annan enn de ka, nou, nou ava regarde ki nou kapab fer.  Me mon pa kapab promet ou nanryen.  Akoz mon krwar nou ti’n dakor ki nou pou arete an Septanm e nouvo pou pran an Oktob.  Mersi Mr Speaker.

 

MR DEPUTY SPEAKER

Mersi Minis.  Onorab Sylvanne Lemiel.

 

HON SYLVANNE LEMIEL

Mersi Mr Speaker.  Mr Speaker, mwan mon annan en komanter plizoumwen mon ti a kontan fer kekfwa – en?

Akoz petet si sa kestyon pa ti’n ganny anmennen dan Lasanble ozordi, bokou dimoun dan distrik, mwan menm mwan ki’n vit kot mwan, ki’n tender, dimoun i konfize! Dimoun pa pe ganny lenformasyon. Dimoun pa pe ganny konekte avek, pou zot ganny dir ki zistans nou’n arive?  Ki nou pe fer?  Kominikasyon i lakle dan tou keksoz.  So mon krwar ki sa Komite la, letan zot in dir zot in re apwente, in kase, in re aranze,  annou rod en fason.

Either mont lo medya, or mon pa konnen ki fason mwan.  Monte, oubyen si zot ganny en miting ek sa bann dimoun.  Akoz si zot ti ganny en miting ek sa bann dimoun, Mr Speaker, sa bann dimoun pa ti pou vin kot zot reprezantan dan distrik pou zot vin konplent, pou dir nou, pa pe konnen ki pe arive!  Mrs Lemiel tyek en kou ki zistans nou aplikasyon ki nou’n fer?  I annan ki dir ou in ganny let.  I annan i dir ou i pa’n ganny nanryen, selman ou tande in fini triye!  Annou kominike.  Sa i aplik pou tou landrwa travay, tou Minister.  Annou kominik avek lepep Seselwa, annou kominik avan sa target group.

Ki li in apply, in anvoy son aplikasyon.  In gannyen, i pa’n gannyen, atraver en let, en miting detanzantan.  Akoz i fer 1an depi ler nou ti dir poudir nou pe al allocate sa bann Kontra avek sa bann pti kontrakter.

So la i pe proceed, i a pe ale pou 2an.  Annou annan sa bon kominikasyon avek bann dimoun.  Fer zot konnen, a tou letap ki pe arive.  E bann dimoun de la i reste trankil akoz zot in ganny enformen!  Mersi Mr Speaker.

 

MR DEPUTY SPEAKER

Mersi Onorab Lemiel.  Bon mon pa devret permet komanter.  Parske sa, this is Question Time.  Selman mon krwar Minis, kestyon ki petet Lasanble i kapab poz avek ou se.

Eski ou konman Minis ou pare pou ou demann Departman konsernen, LWMA.  Pou li partaz tou lenformasyon attends avek tou bann parti prenon.  Pou zot konnen egzakteman kot zot ete lo sa bann tender.

Pou ki sa bann kestyon e sa bann konsern pa refoul lo bann Manm Lasanble, oubyen lo bann DA, eksetera.  Ki prezan i koz en kantite lenkonvenyans –  parske zot napa sa lenformasyon.  Alors se sa, en keksoz ki mon krwar Minis i kapab kit, nou kapab ki avek ou.

Bon nou pou al lo prosen kestyon, No.5, poze par Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan demande si Minis Finans i kapab dir sa Lasanble si Gouvernman i pare pou konsider permet Lotorite Por Sesel, pou retenir profi ki i fer apre ki in pey son tax?

E sa pour en peryod 5an, pandan letan ki sa Lotorite pe envesti dan en gran proze ekstansyon e redevlopman Por Komersyal Victoria?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Mr Speaker, Lotorite Por Sesel i en Lotorite ki’n ganny kree anba SPA Act 2004, avek en manda pou li prensipalman regulate kontrol e administre parmi lezot fonksyon bann fasilite Por anba gouvernans en Board Direkter.

Lotorite Por Sesel i osi ganny sipervize par PEMC.  Anba amendment of schedule 1 dan PEMC regulations 2019.  Alors an sa ki konsern dividend, Lotorite Por Sesel, koman en antite paraetatik,  avek 100poursan ownership Gouvernman, i natirelman ganny gide par policy Gouvernman lo size dividend.  Comme pratik, nou’n vwar ki dividend i ganny donnen par bann antrepriz piblik,  i plizoumwen depan lo kantite profi ki zot fer e osi konsiderasyon bann proze ki sa bann antrepriz i annan.  I en devwar pou en antrepriz ki fer profi, sirtou enn konsiderab;  parey dan le ka Lotorite Por Sesel,  pou li donn en dividend Gouvernman.

Sa dividend an retour i ed Gouvernman ki depan lo la, pou li kapab osi attend son lobzektif global an retour, pou son lenvestisman ki in fer ladan.  Dapre Dividend Policy ki pe ganny finalize an se moman,  nou lobzektif se pou etablir, en striktir kler.

E formaliz an term kominikasyon ant bann antrepriz piblik e son Minister responsab.  E osi Minister Finans lo dividend.  Kriter pou ganny servi, pou gid kantite dividend ki bann antrepriz i donnen.

I pou baze lo Gouvernman ek Board, negosye en prozeksyon lo profi e dividend pou en peryod 3an.  Dan sa negosyasyon, Minister Finans e sa lantrepriz pou bezwen asire ki (1), desizyon i baze lo kalite.

E lenformasyon ki’n ganny resevwar atan pou performans fiskal e stratezik en antrepriz piblik.  Konsider pozisyon finansyel e performans en lantrepriz, avan deklar dividend.  Sa i pou pran kont bann lenvestisman ki sa lantrepriz i annan.

Lentansyon fer e an menm tan asire ki i pe kontinyen kree valer pou Gouvernman.  Konsider lekspektasyon Gouvernman lo dividend.  Konn retour pou son lenvestisman.

Sa i pou kouver okenn lantrepriz ki ou Gouvernman i annan 100 poursan ownership, oubyen par minoriter ou mazoriter ladan.  Sa i tre enportan, parske i osi form par redistribisyon larises pou kapab fer lezot proze enportan pou pei.

E asire ki okenn desizyon lo dividend i osi dan lentere sa lantrepriz.  E i pa met an danze sityasyon finansyel, ouswa menm abilite, pou li kontinyen opere dan lefitir.

Alor Mr Speaker, parey in deza ganny kominike avek Lotorite Por Sesel, desizyon i pou depan lo son prozeksyon finansye dan parkour plan devlopman Por.  Gouvernman pe deza analiz sityasyon prozeksyon kont Lotorite Por.

E pou diskit ek li a profon pou ariv a en konklizyon, lo kantite dividend ki i pou donnen.  Apre tou, pou kapab pey en dividend fodre en loan i fer en profi.   Si i pa fer en profi e sa antite napa en rezerv, dividend pa pou kapab ganny peye.

Konpare ek bann lezot lannen kot Gouvernman ti pe ekspekte R25milyon ek Lotorite Por,  dan nou legzersis, Medium Term Expenditure Strategy, nou’n deza prozekte,  selman 10milyon koman dividend ek Lotorite Por pou lannen 2020.

Sa i neseser pou ki Gouvernman i atenn son lobzektif fiskal 2.5poursan nou prodiksyon domestik brit. Pou bann lannen apre sa revi pou ganny fer ankor, dapre lenstans sit lenplimantasyon proze e reveni ki ganny anmase.

Sa i a met okenn ekspektasyon lo dividendSo vwala Mr Speaker mon larepons.  Mersi bokou.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker an vi ki sa proze ekstansyon redevlopman Por Komersyal Victoria –  enn ki apepre 5 a 6 MNA in vizite.  E in ganny en leksplikasyon lo la avek bann Lotorite Por.  Vi ki sa proze i en proze enorm,  e ki pou pran bann resours konsiderab,  eski Minis i kapab atir sa Lasanble, ki tou finansman in fini secure e ki Lotorite Por pa pou bezwen an prensip fon adisyonnel, pou zot kapab fer sa lenvestisman.

Akoz Minis i enportan pou ou tande ki Lotorite Por zot ti pe demann avek nou pou al lager pou zot pa pey tax.  Me nou, nou’n deside, nou’n  konman bann Manm FPAC, e konman zot partner dan Minister Finans, nou pa tro, tro ale lo sa bann zafer pa pey tax.

So nou anvi konmsi ki ou reasir nou – enn – ki tou finansman in fini secure pou sa Lotorite e ki nou pa ekspekte bann problenm finansyel.

E ki an menm tan Lotorite Por i reste li dekwa larzan, pou li fer son bann lenvestisman ek son bann maintenance regilye, ki i bezwen fer lo lezot Por.  Pou nou pa retrouv nou dan en sityasyon kot finalman Por i dan en leta deplorab.

So reasir nou lo sa 2 nivo silvouple.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi, mersi Mr Speaker, mersi Onorab.  Onorab parey mon’n mansyonnen, nou toultan nou bezwen regard sa kestyon dan son totalite.  Sertennman, nou annan en sel Por Komersyal stratezik pou Sesel.

Nou pe depans bokou larzan, e nou bezwen annan sa ekstansyon.  Pou nou fer sa, parey ou konnen, nou’n bezwen rod finansman ki pli afordab.  E dan sa ka, apre kontakte plizyer lorganizasyon finansyel, desizyon ti ganny pran pou al avek EIB, AFD e avek Linyon Eropeen.

Donk sa pou konfirmen ki wi tou dokiman in ganny sinyen, finansman i an plas.  I finansman pli bonmarse ki nou’n gannyen.  Linyon Eropeen in donn nou €5milyon Grant.

EIB in pret nou 12.5 milyon e Agence Francaise   de Développement li in pret nou 16.5milyon.  So tou finansman in secure.  Gouvernman in donn garanti pou sa.  E kan nou ti fer bann analiz, wi Por i kapab li menm re pey sa lenvestisman.  Ti annan en difikilte avek Por.  Par lepase i ti krwar ki i pa merit pey tax.  E i ti poz kestyon, e malerezman ti annan en retar sorti kot Minister Finans lo sa desizyon.  Apre desizyon in ganny kominike.

Prezan in met si ou oule en burden finansyel lo Por.  Akoz i ti bezwen pey aryeraz, e sa in met li dan en sityasyon kot in en pe konsernen vi sa proze pe vini.

Me mon kapab asir ou ki, nou’n redwir.  Donk nou dividend request sorti 25 milyon pou 10milyon.  Nou’n demann zot en cashflow, ki nou’n gannyen semenn pase mon krwar.

Ki nou pe analize.  E efektivman tou sa bann proze ki zot osi zot in konfirmen zot pou fer lo Praslin, lo La Digue, menm isi lo Mahe, i pou bezwen ganny tenir an kont.   Akoz nou pa kapab pa annan sa bann proze ki deza irzan.

Annefe Por ti’n merit konmans fer sa bann lenvestisman pli boner!  So mon pe donn ou sa bann legzanp pou mon dir ou ki wi nou byen konekte avek Por pou nou fer sir ki zanmen nou pou les Por dan en sityasyon finansye preter, pou nou met an danze sa devlopman lekstansyon Por.  Mersi Mr Speaker.

 

MR DEPUTY SPEAKER

Onorab Ferrari.

 

HON JEAN-FANCOIS FERRARI

Dernyen pti kestyon Mr Speaker avek ou permisyon.  Mon ti a kontan demann Minis si dapre zot prozeksyon, vi ki pou annan bann travay konsiderab ki pou, i ava pe deroule pandan sa prosen 5an.

E ki sa i annan gran posibilite ki i kapab deranz aktivite normal dan Por.  E posibleman anmenn en rediksyon reveni.  Akoz mwens aktivite pou kapab ganny deroule.

Konmsi eski zot in pran an kont sa fakter – sa risk?  Ki kapab, kekfwa pe get nou pou zot analiz bann bezwen depans e lenvestisman ki Por pou bezwen fer, pandan sa peryod kot i pou annan sa bann, sa bann destructions – si mon kapab dir.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi, mersi Mr Speaker, mersi Onorab.  Wi sertennman.  Akoz nou depan bokou lo bann forecast ki Por menm i donn nou.  Ou  vwar?

E mon konnen ki resaman zot in konmans bann konsiltasyon, akoz zot bezwen bouz serten dimoun osi, legal ki pe occupy en serten porsyon Por kot pou annan sa lekstansyon kot i pou konmanse annefe.   E donk nou pa oule disrupt fonksyonnman Por pou okenn rezon.

So nou bezwen komans kominik boner, pou konnen kwa ki nou bezwen fer an parallel pou ensure ki nou pa met Por dan en sityasyon worse off.  Setadir nou bezwen kontinyen lo nivo ki nou pe donn sa servis, avek menm ki sa Por i kontinyen operasyonnel.

Donk i pou annan serten bato ki pou bezwen bouze.  I pa pou kapab vin la, i pou al lo lezot landrwa.  Donk tou sa bann laranzman pe ganny fer.  E i annan lezot akter osi ki bezwen ganny konsilte pou fer sir ki napa sa bann destruction ki kapab kout plis larzan.

E annefe apre redwir reveni Por.  Mersi.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonn apre midi tou dimoun.  Mon premye kestyon i baze lo larepons Minis kot in dir zot pou, zot in dakor, Gouvernman in dakor.

Pou redwi dividend SPA sorti 25milyon pou 10milyon.  So si i ti kapab zis re dir nou bann rezondet par deryer sa – premyerman?  E dezyenmman vizavi sa proze, Minis in donn nou sa 3 lokasyon finansyel pou sa proze.

So an vi ki sa devlopman i vreman lour, mon ti a kontan ou donn nou en lasirans – ki Minister Finans pou fer sir ki i annan en oversight lo sa proze, pou asire ki tou bann prosedir procurement, e vreman value for money i ganny egzize dan sa proze akoz son groser.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Wi.  Mersi Mr Speaker, mersi Onorab pou ou kestyon.  Wi sertennman nou’n redwi sort 25 pou vin 10, akoz nou pe tenir an kont bann lenvestisman ki zot bezwen fer, ok?

So vwala larezon prensipal, pou kwa nou’n redwi li.  E an diskisyon si fodre fer ankor plis zefor, nou kapab kontinyen, 2 i al dyaloge, regarde.  Parey mon dir ou nou fek ganny son, son forecast la, nou ava regarde si fodre aziste, nou ava aziste comme neseser.

Bon sa finansman nou’n koz lo la, sa i ok.  E 3enm kestyon, wi.  Minister Finans i ganny reprezante lo sa Komite ki pe fer sa proze.  Parey ou konnen i ganny pilote par Por li menm.  E i annan plizyer akter lo la, e nou, nou reprezante lo la.

So mwan mon krwar ki travay pe ase byen debourye.  Fotespere ki ver avan lafen sa lannen nou pou deza annan nou sa bann plan detaye, pou nou nobou prezan enplisit lo son kou, lo son letan i pou pran pou terminen.  Son phasing.  Akoz i annan osi en konponan dredging ki pou le moman i en pti pe – i pa ‘’flou.’’  Nou konnen ki nou oule fer.  Me nou bezwen fer en pe site investigation pou nou vreman fer sir ki sa larzan ki nou’n bidzete pou dredging i korek.  Ou konpran?

So i annan en pe sa bann keksoz koumsa, kot deza nou pe fer sa, sa oversight ki ou pe koz lo la.  E mon krwar ki tou dimoun i energize pou delivre en bon proze.  Mersi.

 

MR DEPUTY SPEAKER

Mersi Onorab.  Mersi Minis.  Onorab Waven William.

 

HON WAVEN WILLIAM

Mersi Mr Speaker.  Mr Speaker mon ti a kontan demann Minis, lefe ki in koz ki in dir ki i annan en serten aryeraz dan pey tax.  Mon ti a kontan demann Minis, konbyen letan aryeraz?  E dezyenmman lekel ki annan tor?

Eski Port Authority ouswa se lo kote Revenue Commission ki pa’n fer sa travay?  E eski konmsi sa poursantaz ki Minis in koz lo la pou redwi?

Eski sa i rezonnab pou kapab allow Ports Authority pou kapab take care of all son bann lezot fasilite ki i annan dan Sesel?  Mersi.

 

MR DEPUTY SPEAKER

Mersi Onorab.   Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab sa ki ti an dispute ti peyman business tax depi 2013.

E parey ou konnen, si ou pa peye on time, i annan en lentere ki ganny akimile.  Me mon kapab konfirm avek ou ki Port Authority in peye son business tax.  Problenm ki nou ankor pe travay lo la, se sa interest ki reste pou li peye, ozordi.

So in fer en gran progre, e zot in nobou eklersi bokou sa aryeraz.  E la nou an diskisyon avek SRC lo sa porsyon lentere.  Mersi Mr Speaker.

 

MR DEPUTY SPEAKER

Mersi Minis.  Nou pou al lo 6enm kestyon.  Onorab Stephen Pillay.

 

HON STEPHEN PILLAY

Mersi Mr Speaker.  Bonn apre midi Minis ek ou delegasyon e tou dimoun.  Mr Speaker, eski Minis pour Finans i kapab donn sa Lasanble detay lo depans larzan ki PMC in prete avek Fon Pansyon e Nouvobanq, pou finans proze lakaz?

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker larzan ki PEMC in prete avek Fon Pasyon e avek Nouvobanq in al dan en kont spesyal avek PMC pou finans bann proze konstriksyon lakaz.

Sa kont ki nou apel nou Special Housing Development Fund, pe ganny servi pou finans bann proze ek depans swivan;

Premyerman konstriksyon 409 lakaz dan 20 proze dan bann distrik ki form parti progranm Gouvernman pou konstri 24 lakaz dan 24 distrik dan 24 mwan, i ti anonse an 2017.

Total valer proze i anviron, 468milyon.  Plizyer lezot proze lakaz ki pa ti dan Bidze Kapital 2017 e 2018, pli spesifikman 100 unit lakaz Perseverance, ki pe ganny servi pou re lokasyon tou bann sit kot Gouvernman in annan bann proze re devlopman parey Corgate Estate.

42 unit lakaz tranzitwar Barbarons.  25 lezot pti proze lakaz kot Gouvernman ti annan bann commitment, tel ki rekonstriksyon lakaz brile, rekonstriksyon lakaz ki ti annan defo striktirel, konstriksyon lakaz koman konpansasyon pou lesanz later e lakaz; konstriksyon serten lakaz pou fanmir ki ti kondisyon delapide, e total valer proze pou sak kategori  i anviron R95.5milyon.

E trwazyenmman, lezot depans kou operasyonnel asosye avek konstriksyon sa bann lakaz, parey kou netwayaz teren dan faz konsepsyon proze; kou pou fer bann serve topografik; kou pou fer bann site investigation;  peyman pou sekirite bann site.  E Gouvernman in osi fer peyman pou aste later avek SACOS ki ti pou servi pou konstriksyon lakaz anba sa kont.

Total valer anba kou operasyonnel i estimen pou anviron 19.8milyon.  I osi annan proze pou met lenfrastriktir pou 9 land bank ki deservi an tou 120 kare later rezidansyel.  Valer sa proze i anviron 43.6milyon.

Mr Speaker Minister in osi fer peyman lavaler anviron 22milyon pou proze Self Finance lo Perseverance, ziska ki loan bann dimoun ki pe benefisye ava pare.

Sa larzan ava ganny ranbourse dan sa kont osito ki bann loan in vin aktiv.  Mersi Mr Speaker.

 

MR DEPUTY SPEAKER

Mersi Minis.  Onorab Pillay.

 

HON STEPHEN PILLAY

Mersi Mr Speaker.  Mr Speaker mon ti a kontan demann Minis. Premyerman ki lenpak sa 2 loan spesifikman pou annan lo nou Bidze?

E si sa bann peyman ki anba PMC, anba sa special account pe ganny fer ek Gouvernman, oubyen direk avek bann kontrakter ki pe fer lakaz?  Epi Mr Speaker ki, akoz sa duplicate avek Bidze Lakaz ki i annan anba MHILT ek PMC.

E konmsi ki sa proze pou anmennen?  Akoz mon pe regard i pe met plis presyon lo PMC anba Bidze.  But parey nou konnen, reveni PMC pa an mwayenn par lakaz, i zis mil Roupi par mwan, son reveni ki i gannyen par lakaz.  Ki lenpak pou annan lo nou Bidze pou kapab soutenir sa loan avek PMC.  Mersi Mr Speaker.

 

MR DEPUTY SPEAKER

Mersi Onorab Pillay.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab parey ou konnen, presyon pou later ek lakaz i pou toultan la li.

E i pou kontinyen.  E nou, nou bezwen pran sa presyon si ou oule finalman lo Bidze.  Nou pa kapab fer otreman.  E pou reponn ou kestyon, sa 2 loan, ki zot in pran, sa 50milyon avek Pension Fund li i pou en peryod 8an a 8 poursan.

E avek Nouvobanq, sa 200 milyon li i a en to lentere 6.86poursan.  Son lenpak bidzeter an antye pou 2020 lo Bidze i R52milyon.  Sa i pou son lenpak bidzeter ki nou pe bidzete pou lannen 2020.  Mersi Mr Speaker.

 

MR DEPUTY SPEAKER

Mersi.  Onorab Pillay.

 

HON STEPHEN PILLAY

Mersi Mr Speaker.  Mr Speaker sa 52milyon ki pe lenpak anba Bidze, I deza annan 161 something milyon pou MLUH.  Akoz ki nou pa pe, nou pa pe, nou pe duplicate lenvestisman dan housing, ki swa PMC i ganny son larzan parey mon pe demande –  i pey son kontrakter li menm pou fer son bann peyman.  Or MLUH li menm li i fer, akoz i pa pe pran sa 52, sa R350milyon ki pe pran, nou kapab met li swa dan housing pou li kapab fer son a.

Akoz sa duplication ki nou pe gannyen, ki nou vwar poudir, mwan mon pe persevwar li  kekfwa nou pe bypass Lasanble par MLUH pa pe ganny sa Bidze.

I pe al dan sa special account ki nou napa oversight lo sa depans.  Mersi Mr Speaker.

 

MR DEPUTY SPEAKER

Mersi Onorab Pillay.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab parey mon’n eksplike, MLUH i li tousel i pa kapab delivre lo sa proze lakaz li tousel!  I pa kapab!

Donk se akoz sa nou pe servi lezot fason, pou nou delivre le pli vit posib, pou donn R350milyon MLUH.  Bidze pa kapab pran!  So i preferab servi en lot striktir, rod en loan lo 8an e re pey li par lannen.  En sonm ki enferyer ki permet nou nobou fer.

So sa si ou oule i sa stratezi.  Akoz Bidze pa kapab zob 350milyon en sel kou koumsa!  So nou pe fer li 52 milyon letan nou pe ale.  So la, la son rezon prensipal.

Me fodre mon refer resorti, ki mon krwar pa ki Minister Departman Lenfrastriktir, i kapab li tousel delivre tou sa bann, tou sa bann lakaz.  Mon annan en lalis la, mon kapab partaz avek zot, ki spesifikman koz lo tou sa bann proze lakaz dan sa bann distrik.

E zot a vwar pou zot menm, ki kote i reprezante sa 409 unit an antye.  E vwar i, i preski antye lo Larepiblik finalman letan ou regarde.  So vwala mon larepons.   Mersi Mr Speaker.

 

MR DEPUTY SPEAKER

Mersi Minis.  Onorab Pillay.

 

HON STEPHEN PILLAY

Wi Mr Speaker.  Mon pa pe question Bidze en lakaz dan sosyete.

Mon pe demande konmsi, si sa bypass ki mon pe gete.  Akoz, PMC parey mon’n demann ou ava, ou pa ankor reponn mwan.  I pe pey sa lakaz avek sa kontrakter ki pe fer, atraver sa special fund account?  

Oubyen i pe pey MLUH pou MLUH pey sa kontrakter?  I direkteman li ki pe fer sa –  konmsi MLUH i fer son tender la, epi PMC i pey direk avek kontrakter, sa R350milyon.  E se sa, sa duplication nou pa pe ganny sa oversight.

Akoz enn pwen, se tou sa bann proze, omwen sa, Sesel antye ti’n devret ganny prezante dan distrik pou piblik,  i ganny son konsern lo la akoz i larzan Bidze alafendefen.  Se sa oversight ek sa konsern piblik ki mon pa -.  Nou tou nou bezwen lakaz.

Parey ou konnen, ou’n dir pou, i annan, PMC pe anmas zis R1000 par lakaz.  Kekfwa ti devret get ek ASPSubsidized sa R2000, i a ganny R1000 par, dan plas donn dimoun sa rental increase. 

ASP i pey PMC, PMC i annan sa larzan pou li kapab fer son bann devwar pou desarz son bann responsabilite.  Mon krwar, i bezwen dernyen la.  Mersi Mr Speaker.

 

MR DEPUTY SPEAKER

Mersi Onorab.  Mon pa konnen si Minis ti oule fer en komanter lo mekanizm ki pe ganny servi.  Mon konnen ou’n eksplik sa deza, me si mon permet ou fer en komanter lo la.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Wi Onorab PMC i pey kontrakter direk.  Me parey ou konnen, tou proze lenfrastriktir Gouvernman i pas atraver Departman Lenfrastriktir enkli lakaz.

E donk Departman Lenfrastriktir i kontinyen annan oversight lo sa, lo sa proze nou pe koze la.  Mersi.

 

MR DEPUTY SPEAKER

Mersi Minis.  Bon avek sa nou’n ariv a lafen bann -.  Onorab Ferrari.

 

HON JEAN-FRANCOIS FERRARI

Mon ti annan zis en pti kestyon Minis.

Ou krwar piblik, nou ti ava enteres konnen ki kalite lentere ki PMC pe peye lo sa 2 loan?  Akoz nou pe sey, sey ganny en konpran akoz in al kot Pension Fund plito ki kot en Labank?

E la mon, fotespere i pe ganny en pe, en pli bon rate kot Pension fund ki kot sa Labank?  Fotespere, se sa ki ou pe dir nou, non?  Mersi.

 

MR DEPUTY SPEAKER

Mersi Minis.

 

MINISTER MAURICE LOUSTAU-LALANNE

Wi.  Mersi Mr Speaker.  Mr Speaker parey mon ti’n mansyonnen.

Sa 50milyon Pension Fund li i lo en peryod 8an.  E i 8poursan.  E pou Labank Nouvobanq, sa 200 milyon li son lentere i 6.86poursan. Mersi.

 

MR DEPUTY SPEAKER

Peryod repeyman bank, loan Nouvobanq, Minis.

 

MINISTER MAURICE LOUSTAU-LALANNE

Wi i lo en peryod 10an a 6, 686poursan.

 

MR DEPUTY SPEAKER

Mersi, mersi Minis.  Onorab Waven William.

 

HON WAVEN WILLIAM

Mersi Mr Speaker.  Mr Speaker mon ti a kontan ki Minis i presiz de lenformasyon ki in donnen la.  Apre ki mon demann mon kestyon.

Minis ou kapab konfirmen ki sa lanons pou 24 lakaz dan 24 bor dan sak distrik ki nouvo lakaz ti ganny fer an 2017.  E dezyenmman Minis, mon anvi ki ou dir mwan – akoz ou’n nonm 42 lakaz pou ganny finanse anba sa fon.  Eski nou pe koz lo sa 42 vye lakaz, vye proze, ouswa nouvo proze?

Akoz i annan en pti pe konfizyon dan distrik Grand Anse Mahe vizavi lenformasyon ki’n sorti lo komite COGA letan, ler MLUH ti vin donn larepons,  avek sa ki ou pe dir, finalman nou pe vwar poudir be, Grand Anse Mahe.

I mank 24 lakaz.  E Minis konbyen larzan zot pe anmase MLUH? Vizavi bann, bann proze lakaz, ouswa PMC ki’n fini ganny fer.  Eski sa ou kapab donn nou an term poursantaz si ou pa kapab donn an term sif –  kantite larzan nou pe anmase avek bann repeyman lakaz, pou nou annan en pti pe lide kwa ki pe arive dan sa domenn?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.

Onorab nou ava demann PMC pou donn nou sa sif konbyen larzan nou pe anmase.  Akoz sa mon napa, e nou ava fer ou gannyen.  Lo sa lalis ki mwan mon annan, i annan   20 proze lakaz anba sa progranm, en, pou sa 350 milyon ki mon pe koz lo la.

E mon annan li la lo mon lo lalis, mon kapab share sa avek zot, napa problenm.  E letan mon pe regarde, i sanble mwan ki mon pa vwar Grand Anse Mahe lo la.

So mon pa pou kapab dir ou akoz i pa lo la.  Me i pa lo la.  E i annan diferan staz ki zot in arive.  E sa osi ou ava vwar, i annan 3 ki’n fini konplete.  E, en pti moman.  Anba proze land bank i annan enn pou Grand Anse, i apel Bus Depot Land Bank Grand Anse Mahe.

I annan 27 plot e sa i ongoing.  I annan en depans ki’n deza fer pou sa proze.  Mersi Mr Speaker.

 

MR DEPUTY SPEAKER

Mersi Minis.  Onorab William.

 

HON WAVEN WILLIAM

Minister ou’n nonm 42 unit Barbarons.  So sa ki mon ti anvi presize.  Akoz i annan en larzan ki Abu Dhabi ti pe fund serten proze, en proze lakaz.  Ti annan 42 unit.

E la ou’n nonm 42 unit.  Mon anvi konpran si sa ti sa vye proze?  Akoz si ti, si ti sa vye proze, then ti pe ganny fund par Abu Dhabi FundSo eski i annan en konfizyon la?  Konmsi mon anvi konnen, mon anvi presiz sa lenformasyon parey mon dir. Akoz nou piblik Grand Anse Mahe i en pe konfize avek bann lenformasyon ki pe sorti vizavi bann devlopman proze lakaz.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.

Onorab eskiz mwan – mon pa anvi vin isi pou mwan konfiz dimoun davantaz!  Donk mon larepons i pou dir sa ki mon’n, sa ki bann lenformasyon ki mon pe donn ou, sa i anba sa proze 350 milyon.

Si i pa lo la setadir se Gouvernman ki pe finanse.  Akoz si en proze ki’n ganny aprouve, ki ongoing, me i pa apir lo la,  setadir ki Gouvernman pe finans li separeman.  Ou vwar?  So mon a rod sa lenformasyon kote, i si Abu Dhabi Fund, si -.  Ou vwar?

So mon ava regarde.  E mon ava donn ou sa lenformasyon.  E lo mon lalis la ankor, vre mon vwar ki sa 42 lakaz tranzitwar Barbarons, 42 unit, li son status se ‘‘completed.’’’  Alor pou mwan i en proze lakaz ki ti dan Bidze Kapital Gouvernman.

Donk son finansman se antyerman Gouvernman.  Se atraver Abu Dhabi Fund sa en lot zafer.  Me pou mwan sa proze in konplete.  Mersi Mr Speaker.

 

MR DEPUTY SPEAKER

Mersi Minis.  Onorab Francois
Adelaide.

 

HON FRANCOIS ADELAIDE

Mersi Mr Speaker.  Bonn apre midi zot tou.

Minis dan ou larepons ler ou ti pe donnen, dan sa bann larzan prete annan, ou’n nonm devlopman 9 land bank.  Mon oule konnen si Baie Lazare osi i enkli dan sa 9 land bank.  E kote i sitye aktyelman?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pou ou kestyon.  Onorab lo mon lalis la mon vwar ExHodoul plus Dame Le Roi.  Land bank Baie Lazare, 16 plots.  E li osi i ‘’completed.’’  E sa i anba sa proze – en!

 

MR DEPUTY SPEAKER

Bon mersi bokou Minis.  Mon pa pou permet lezot kestyon, Onorab Adelaide in profit ladan.  Me selman mon pa pou permet lezot kestyon pou al an detay.

Me selman mon kapab, akoz mon konnen bann larestan Manm i enterese pou konnen ki pe arive dan zot distrik.

Mon ti a demande ki Minis i sirkil sa lalis ki i kapab donn detay lo sak distrik pou sak Manm, pou nou pa perdi letan osi, pou zot konnen kwa ki pe pase dan zot distrik.

Bon e avek sa, nou’n ariv a lafen nou bann kestyon pou Minis pou Finans, Komers, Lenvestisman ek Planifikasyon Ekonomik.  E mon ti a kontan remersi li parmi non.

E osi remersye son delegasyon ki enkli Mr Patrick Payet.  E Mr Walter Rahul Mangroo, Ki i Deputy CEO Landscape and Waste Management. 

Mr Payet li i Sekreter D’Eta byensir.  Nou ti a kontan eskiz zot parmi nou.  Mersi Minis e mon krwar nou pou revwar ou en pe pli tar.  Me nou eskiz ou parmi nou.  Mersi.

 

 

(MINISTER MAURICE LOUSTAU-LALANNE AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon mon ti a kontan demann parliamentary reporter pou apel Minis pou Tourizm, Port Marine e Lavyasyon Civil, Mr Didier Dogley pou dernyen kestyon ozordi.  E zis pou lenformasyon bann Manm, sa dernyen kestyon pou ganny poze par Onorab Churchill Gill.

Manm pou Baie Ste Anne Praslin.  Bon, mon ti a kontan swet labyenveni parmi nou, Mr Didier Dogley, Minis pou Tourizm, Port Marine e Lavyasyon Civil.

Ansanm avek Mrs Bernice Senaratne, Direkter Policy Research Monitoring and Evalyasyon dan Minister.  E mon ti a demann Onorab Churchill Gill pou poz son kestyon.

 

HON CHURCHILL GILLL

Mersi Mr Speaker.  Bonn apre midi Minis ek ou delegasyon.  Kestyon i lir koumsa.  Vi ki sa Polisi lo Vertical Integration pa ganny rekonnet koman legal.

Eski Minis i kapab enform sa Lasanble ki pli vit ki son Minister pe anvizaze bouze pou travay lo provizyon legal vertical integration. 

Vi ki an se moman napa okenn ankadreman legal pou evite ki sa lendistri i ganny monopolize e eksplwate dan en fason dezavantaze pour bann pli pti operater tel ki Ferry industry, Excursion industry, Bare boat and Yacht industry.

 

MR DEPUTY SPEAKER

Mersi Onorab Gill.  Minis.  Minis.

 

MINISTER DIDIER DOGLEY

Mersi Mr Speaker.  Bonn apre midi tou bann Onorab e tou dimoun ki ekout dan lakour.

Mr Speaker parey Lasanble i okouran, i annan en petisyon ki ti ganny anmennen devan Lakour Konstitisyonnel kont Gouvernman Larepiblik ek Biro Attorney Zeneral par en envestiser lokal an Septanm 2018.

Sa petisyon ti plizoumwen challenge sa Policy Vertical Integration ki Minister Tourizm ti’n resaman revize.  E le 9 Zilyet 2019, Lakour Konstitisyonnel ti rann zizman lo sa zafer.

Dan son zizman i ti dir ki – enn – sa Policy Vertical Integration i an konformite avek Konstitisyon Sesel.  E alor sa Policy Vertical Integration i pa’n vyol bann drwa Konstitisyonnel sa envestiser lo propriyete anba Lartik 26(2) ek Lartik 26(2) anba dan Konstitisyon.

E ki sa bann kalite kontrol i akseptab dan en sosyete demokratik.  Me sa ki in trouve se ki, dapre Konstitisyon bann tel kontrol i selman kapab ganny fer par en Lalwa, e non pa par en policy.

Alor Gouvernman i devret met an plas en Prozedlwa.  Si i oule met serten kontrol lo bann aktivite touristik.  Resaman parey zot tou zot konnen, Minister Touris in travay lo sa Lalwa Tourism Development Bill. 

Ler sa Tourism Development Bill i a ganny finalize e vin anfors, Departman Touris ava fer le neseser pou ki Regilasyon lo vertical integration i ava vin an plas.

E travay pou drafte sa Regilasyon in deza komanse.  Mersi Mr Speaker.

 

MR DEPUTY SPEAKER

Mersi Minis.  Onorab Gill.

 

HON CHURCHILL GILL

Vi ki Minis i dir ki travay in deza komanse lo sa legzersis pou legaliz sa vertical integration,  met li dan son kad legal,  eski Minis alors i a pran kont ki ozordi.

Par egzanp i annan bato ki fer Praslin La Digue.  Biznes i zis Praslin/La Digue,  konman  operater ferry, me selman i annan lezot ferry ki zot, zot fer Praslin, La Digue e zot osi fer La Digue, Mahe ek La Digue, Praslin.

E an se moman kontrol ki i annan se dapre seat capacity ki ti met an plas.  Se seat capacity dan sa bann bato.

Me mon santi ki ler ou pe fer sa revizyon, petet nou pa devret pran sa lapros seat capacity, akoz lakantite dimoun ki pe vwayaz ant Praslin ek La Digue, i pa pou zanmen kouver sa kantite seat ki ti’n deza travay lo la.

Alors dan sa sans sa operater bato ki fer Praslin/ La Digue i dan en fason kot i pe ganny bokou konpetisyon, e i pou difisil pou li kapab mentenir son bann staf, e sa bann staf siport zot bann fanmir.  Sa i enn.

2enm, lo kot ekskirsyon.  Nou tou nou konnen ki Praslin ek La Digue, mazorite bann pti biznes i dan biznes ekskirsyon.  E sa bann dimoun zot depan lo touris ki reste dan lotel ek guest house, pou zot ganny zot biznes.

Eski Minis i kapab donn nou garanti ki sa osi pou ganny pran kont?  Pou asire ki sa bann dimoun ki fer sa kalite biznes, zot pa vwar zot dan en fason kot zot pa pe ganny kliyan pou zot kapab kontinyen fer zot biznes e sonny zot fanmir?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker e mersi Onorab.  Onorab konsernan ferry, limit ki ti’n ganny mete se ki en tour operator.

Akoz sa Lalwa, sa policy ler i ti ganny drafte, i ti regard an prensip plis konsernan lotel avek bann tour operators ouswa bann DMCs.  Akoz se zot ki dan en pozisyon stratezik pou zot domin sa biznes tourist dan Sesel, bann aktivite.

E a lafen ki nou ti bezwen vwar avek bann diskisyon ki’n pran plis ki 2an, avek bann diferan operater, bann biznesmenn dan Tourism.  A lafen Gouvernman ti pran desizyon ki pou le moman i ava limit li sa 1450 konman son limit poudir.

En tour operator ki dan ferry business, i pa pou kapab desot sa kantite seat  ki soz.  E la pou le moman i deza annan enn ki’n meet  sa limit.  Lide par deryer se pou fer sir poudir i annan ase konpetisyon.

E ki bann pri ki dimoun i ganny ofer, i bann pri ki konpetitiv e ki bann kliyan ki deservi sa bann kalite servis, zot ganny en swa.  Savedir zot pa vwar zot dan en bann sityasyon kot, i annan zis en operater, sa ki li i dir sanmenm.

E ki Gouvernman osi i pa vwar li dan en sityasyon kot demen en, en operater i kapab met presyon lo Gouvernman pou serten rezon ou en lot.  Ki dan en fason ki Gouvernman i par, i napa okenn lot swa pou kapab donn sa servis.

E ler nou pe koz ferry, nou pe koz en servis piblik.  Akoz dimoun i servi sa bann bato pou sorti Mahe pou al Praslin, e sorti Praslin pou al La Digue e vice versa.

Alor i enportan pou dir ki nou annan en servis ki, ki rezonnab, ki abordab, e ki tou dimoun i kapab ganny akse avek sa, sa kalite servis.  E i kler poudir i neseser osi ki i annan konpetisyon dan sa bann kalite servis ki ganny provide.

E se sa rezon akoz ki Gouvernman ti met sa limit, e par deryer ankor menm pou Praslin ek La Digue, se ankor menm prensip se, sa prensip kot i bezwen annan en konpetisyon ki i fer ki i prop, e ki sa bann dimoun ki pe donn sa bann servis, zot donn en servis ki abordab.

Epi osi la kalite ki bann dimoun ki pe bezwen sa kalite servis pe ganny li en servis ki bon.  Konsernan bann ekskirsyon, parey mon’n dir sa policy i viz ver sirtou bann lotel.

Parey monn dir, bann lotel ankor zot dan en pozisyon tre stratezik.  Akoz zot ki laplipar bann kliyan i vin kot zot.  E zot kapab donn lenformasyon kote kliyan i kapab ganny bann lezot servis.

E lide se ki zot, zot pa ofer sa bann servis zot menm.  Me parey bann ekskirsyon, me ki zot ofer sa bann servis avek bann lezot operater ki spesyaliz dan ekskirsyon; ki annan bann bato eksetera.

E dan sa policy ki ti ganny drafte, menm an 2008 i ti deza fer provizyon ki bann lotel i bezwen donn sa bann kalite servis avek bann dimoun ki dan sa kalite biznes, ki si fo zot, zot, zot, zot antre dan sa bann biznes zot menm.

E sa i pou kontinyen dan sa, dan sa Lezislasyon – tou lede i pou kontinyen dan sa Lezislasyon ki nou pe ganny drafte.  Nou pa pou kapab al reouver diskisyon direk la.  Akoz nou bezwen premyerman fer sir poudir sa policy i vin Lalwa.

Me selman Gouvernman i kapab vwar dan lefitir, pou re antre dan bann diskisyon.  E normalman bann diskisyon i pran en bon pe letan.

Akoz nou bezwen fer sir poudir nou konsilte tou dimoun, e ki nou ganny pwennvi tou dimoun dan sa bann konsiltasyon ki Gouvernman i bezwen fer.  Mersi Mr Speaker.

 

MR DEPUTY SPEAKER

Mersi Minis.  Onorab Gill.

 

HON CHURCHILL GILL

Minis zis en presizyon en.  Konpetisyon ant Mahe ek Praslin napa issue lo la.  Sa i ok.  Mwan mon ti pe zis spesifye ant La Digue ek Praslin.  Akoz i deza annan operater ki pe sa ki baze Praslin.  Apre nou annan lezot operater osi ki pe fer sa.  En pwen kosyon se la.

Akoz sa dimoun ki pe fer Praslin, Mahe, zis Praslin, Mahe se sa son fason ganny reveni.  I napa sa opsyon anmas reveni fer Praslin ek Mahe.  Akoz i pa pe fer, se sa ki mon ti anvi konmsi fer sir, Praslin, La Digue, pardon.

Sa ki fer Praslin, La Digue son sours reveni se zis Praslin La Digue.  Whereas i annan lezot operator ki zot, zot sours reveni i Praslin, La Digue, enkli La Digue, Mahe ek Praslin, Mahe.

Sa presizyon ki mon ti a sizere ki ou gete.  Apre lo sa draf ki ou dir ou annan, ki diskisyon in fini fer.  Petet even sa bann nouvo devlopman ki pe pran plas, mon ti a sizere ki nou revwar sa bann diferan pwen dan sa draf; si petet napa serten.

Given sa bann devlopman ki pe arive la, petet i devret ganny revwar.  Mersi.

 

MR DEPUTY SPEAKER
Mersi, Minis.

 

MINISTER DIDIER DOGLEY

Mersi Mr Speaker.  Mon’n konpran Onorab, Onorab kote ou pe sorti lo sa kestyon Praslin/ La Digue.

Mon ti oule eksplik li an pli larz, akoz ki Gouvernman ti pe fer li.  Me parey mon’n dir ou, nou annan en swa la pou pas sa bann, sa Regilasyon o pli vot posib, ki dan en fason i annan en keksoz an plas.

E apre nou ava vwar kot i annan bann nesesite, pou annan sa bann konsiltasyon, parey mon’n eksplik ou.  Kot apre nou kapab tonm dakor lo en, lo en prosesis ki mannyer nou pou al devan dan lefitir.

Akoz sa bann keksoz konsernan vertical integration, i pa bann keksoz ki, ki reste rizid.  I depan sirkonstans ki mannyer i ete.  E dapre ki mannyer i ete, sanmenm sa ki i ti ganny met dan policy.

Si nou vwar poudir i annan bann keksoz ki pe sanze, i pli fasil pou nou kapab sanz bann, bann policy.  Be ler i pou antre dan Lalwa i pou pran nou en pti pe plis letan, me solman nou pou bezwen annan sa bann konsiltasyon.  Mersi Mr Speaker.

 

MR DEPUTY SPEAKER

Mersi, mersi Minis.  Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon apresye Onorab Gill in anmenn sa kestyon.  Me selman mon santi poudir i pa pe pous li ase lwen.  Mon ti a kontan rikord avek Minis en pe mon dezapwentman.

Akoz Minis in konfirmen poudir deza Gouvernman pe travay lo ki mannyer pou ranplas sa policy avek en Lalwa.  Ki pou fer ki an konformite avek sa ki Lakour Konstitisyonnel in dir.

Me Minis eski mon, eski mon kapab demann ou, eski ou pa krwar poudir dan sa legzersis ki zot pe fer la.  Eski se par sa moman la ki zot devret pe asize otour en latab, avek bann operater, oubyen zot reprezantan, pou fer sir ki zot ganny sa bon Lalwa.

Konmsi mon pa, mon ti a kontan ou re eksplik nou lo ki mannyer ou pe vwar ki zot ava fer Lalwa, akoz i irzan.  E apre zot ava gete ki mannyer zot kapab kekfwa enkorpor enn de bann keksoz ki bann, bann operater, bann biznesmenn dan sa bann domenn pe fer.

So sa i mon premye kestyon.  Mon 2enm kestyon se pou demande,  eski Minis i, ler i pe refer, ler i pe drafte sa Lalwa, eski i pou kler ki i annan en distenksyon kler, ant en konpannyen ki fer ferry e en konpannyen ki fer charter?

Dan lenstans ki en dimoun ki fer ferry i vann en tiket 111, tandis i en dimoun ki fer charter i annan tandans lwe son bato as a boat.  So i en distenksyon ki enportan ki bann, bann operater i konnen.

E trwazyenmman, mon krwar i lokazyon la pou Minis dir nou si son Gouvernman, son Minister, son Gouvernman pe aktivman rod bann mwayen pou zot an menm tan ki zot ankouraz konpetisyon,  sey rod bann mwayen pou permet bann Seselwa ki pou le moman fek konmanse dan biznes, pou zot kapab agrandi.
e pou zot kapab agrandi dan en lanvironnman kot konpetisyon pa pe touy zot.

Konmsi eski i en refleksyon ki dan Minster touris, zot pe fer, pou zot rod en balans ant konpetisyon ek survival, si mon kapab dir.

Akoz Minis, i annan bokou dimoun dan sa lendistri, sirtou bann lezot lendistri charter, lendistri bato ki Gouvernman menm in ankouraz zot atraver loan pou antre ladan.

E ki ozordi, zot nennen i zis an deor delo e zot kapab pe noye any time!  Konmsi mon ti a kontan tande, from ou Minis, en re lasirans pou dir Gouvernman pe konsernen avek sa sityasyon e i anvi trouv en solisyon dan sa sityasyon.  Mersi.

 

MR DEPUTY SPEAKER
Mersi Onorab.  Minis.

 

MINISTER DIDIER DOGLEY

Mersi Mr Speaker.  Konsernen kestyon limero 1 ki Onorab Ferrari in demande.  Mon ti a voudre fer li rapel ki konsiltasyon lo sa policy ti komanse an 2016, boner 2016.  E i kontinyen pandan 2an.

E annefe dan mon biro i annan en file i gro koumsa, avek bann dokimantasyon, bann diferan konsiltasyon, miting, diskisyon, bann prezantasyon ki’n ganny fer par bann biznesmenn.

E a lafen tou sa bann konsiltasyon i -. E sa ki enteresan, borde mon ti pe regard sa, sa file annefe yer.  I kler poudir en bon pe sa bann, laplipar bann policy ti annan lagreman avek laplipar bann, bann partisipan.

Bann ki zot, nou ti annan en pe (kontrovansyon) – en pe kontansyon, dezagreman si ou oule, (sorry)  Se bann konsernan, par egzanp sa ferry.  Akoz i pe met en Cap.  E si en dimoun i santi i oule al odela.

Epi lo kestyon serten bann tour operators lo sa Cap ki zot ti’n gannyen lo lakantite lasanm ki zot devret annan, ki devret annan.  La nou ti vwar poudir ti annan serten dezagreman lo bann figures ki’n ganny mete.

E se, so, si pou nou al rekomans ankor, nou pou al ankor avek en prosesis ki i probableman i pou pran nou omwen mon mazinen 6mwan a 1an pou nou kapab retrouv en, sa zafer ankor, pou al re diskite.

Akoz i pran en bon pe letan, pou kapab ganny konprenezon, e ganny tou dimoun pou ariv a serten konklizyon.  E a la fen i bezwen annan serten konpromi ki, ki nou bezwen, ki a la fen ou bezwen pran en desizyon.

Akoz ou pa pou zanmen ganny tou dimoun 100 poursan agree lo tou keksoz.  Alors se sa rezon ki nou, nou panse poudir, annou met sa ki nou annan la pou le moman an plas.

Epi la nou ava rekomans diskisyon, e si fodre fer amannman avek Regilasyon, i ase fasil pou fer amannman.  Nou pa bezwen pas en gran prosesis pou pas atraver Lasanble parey en Lalwa, en Act si ou oule i demande.

Konsernen ferry ek charter mon pa 100poursan ganny en konpran egzakteman ki ou ti pe anvizaze ek sa.  Akoz pou nou i kler poudir ferry i kler.  Ferry i en servis piblik si oule, ki annan son schedule, i kler egzakteman keler ou pran bato pou al Praslin, keler ou pou retournen.

I en pe parey bis tata, i annan son bann schedule ki marse.  I en transpor piblik, ki i en servis piblik.  Tandis ki en charter li, i target bann dimoun lwazir ki pe al, ki pe al pas en letan dan delo sale.

Either i pe al lapes, ouswa i pe al pronmnen.  Ouswa i en yacht ki i pe al reste lo la, en bare boat.  Alor pou nou i kler poudir i annan bann distenksyon tre kler konsernan sa bann, sa 2 diferan kalite aktivite touristik.

E 3enm konsernen kouraz a konpetisyon.  Wi nou’n fer en bon pe travay konsernan pou siport bann pti, bann dimoun ki anvi antre dan sa kalite biznes me ki napa en gran kantite larzan.  Me selman i ti ava dakor pou komanse.

Annefe rezondet sa, sa Vertical Integration Policy, se pou kree loportinite pou annan konpetisyon.  Me konpetisyon ki fair.  Ki pa en dimoun, akoz i annan plis resours, ouswa serten lakonpannyen, akoz i annan plis resours, li i kapab dictate avek bann lezot ki pli pti.

Ok si mon pou donn ou tan kantite kliyan, mon pou pey ou zis tel ant tan kantite larzan par egzanp.  E li ki dictate konbyen i peye.  E sa dimoun li, akoz definitivman i pe depan anler lo sa lot, lo sa lot.

E lo sa lot organizasyon pou donn li sa biznes, i bezwen aksepte.  Akoz i napa sa pouvwar larzan pou li kapab argimante e pou li kapab ganny en fair deal.  Alors se sa ki nou, ki nou ti pe sey targete.  E an menm tan Gouvernman i annan bann investment plan ki nou pe travay lo la.

Nou pe travay osi lo diversifikasyon bann diferan aktivite ki byento nou pou al Cabinet avek en papye pou montre ki bann landrwa, ki bann lezot aktivite.  Ki par egzanp la pou le moman, ki napa bokou dimoun ki pe envestir.

Ouswa ki napa personn ki pe envestir.  E ki kler i annan bann loportinite pou bann pli pti envestiser pou antre e pou zot envestir dan sa bann kalite aktivite.  So, e nou pe fer en kantite training, byento la osi pou sa semenn ek semenn prosen,  nou pe donn sertifika bann, bann dimoun ki’n attend bann diferan course, atraver lekol STA. I annan en kantite progranm ki Gouvernman pe met an plas, pou siport bann ki pe komanse, ki pe antre dan biznes.

E pou zot konpran ki mannyer biznes i devret fonksyonnen, e ki mannyer ki zot, zot kapab rantre dan en lanvironnman konpetitiv e fer byen osi.  Mersi Mr Speaker.

 

MR DEPUTY SPEAKER
Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker.  Mersi Mr Speaker.  Minis i annan konsern, sirtou konsern bann operater, bann bato ekskirsyon, bann bato lwazir.  Ki plizyer bann, bann gro lotel, menm bann plizyer lotel, sirtou bann gro lotel.

Zot pe operate bann bato ekskirsyon.  E ki sa i pe touy bann lezot pti operater dan sa, dan sa biznes.  Bann pti operater bato.

Akoz sa bann lotel ki zot pe fer, par lefe ki zot annan detrwa bato ekskirsyon, zot pe met zot kliyan dan zot bato, e bann lezot pti operater pa pe ganny, pa pe, pa pe benefisye.  E sa i en unfair advantage ki ou fek koz lo la.

E en legzanp ki mon kapab servi en konparezon parey lotel Lemuria.  I annan li 3 bato.  2 bato ekskirsyon avek 1 bato plonze.  Alor mon bezwen demande.  Eski pou annan en kontrol dan sa Lalwa ki pe vini lo vertical integration pou lakantite bato ekskirsyon ki en lotel i kapab annan.

Enn bann propozisyon ki’n ganny met devan par diferan lasosyasyon biznes ki enkli bann operater sete ki bann lotel, gran lotel, i devret annan at least zis 1 bato, olye 2, 3, 4 ouswa plizyer bato ki pou pran en konpetisyon direk e pe tir manze dan labous bann lezot pti operater bato.  Mersi.

 

MR DEPUTY SPEAKER
Mersi Onorab.  Minis.

 

MINISTER DIDIER DOGLEY

Mersi Mr Speaker e mersi Onorab.  Onorab dapre sa policy ki aprezan pou al ganny met an Regilasyon, en lotel pa ganny drwa annan plis ki 1 bato, avek 12 seat pou li kapab operate.

Me solman akoz sa Lalwa prezan ki pe vin anfors, si i deza annan, ou pa kapab fer en Lalwa vin retrospective.  Nou pou bezwen aksepte bann ki egziste.  Me selman ler pou ariv ler pou ranplase, nou kapab then apply the law.

 

MR DEPUTY SPEAKER

Onorab Woodcock.

 

HON WAVEL WOODCOCK

Be Minis an attendant ou pe dir Lalwa i pa retrospective.  Be an attendant ki zot pe esper sa Lalwa vini.  Si la sa bann lotel i deside ale, aste detrwa bato, apre sa Lalwa i vini, ki pou arive, savedir be mwan si mon en lotel, mon taye mon rod mon 2 bato mon met la.

Akoz ler Lalwa pou vini i pa pou aplike pou mwan.  So, i mean, mon pa vwar li i fer sans Minis.

 

MR DEPUTY SPEAKER

Mersi Onorab. Minis.

 

MINISTER DIDIER DOGLEY

Mersi Mr Speaker.  Sanmenm swa pou kwa ki mon pe dir i annan urgency pou nou met sa Regilasyon an plas, ki mannyer i ete.

Epi pli tar si i annan serten keksoz parey bann Onorab in demande, pou revwar, nou ava fer konsiltasyon e vwar ki mannyer i kapab ganny fer.

Be, an premye nou bezwen vwar poudir i annan, i annan en urgency, i annan en nesesite pou met sa Lalwa an plas o pli vit posib.   E nou krwar nou kapab fer li dan bann semenn ki pe vini.  Mersi Mr Speaker.

 

MR DEPUTY SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Premye parti kestyon in ganny reponn.  Mr Speaker mon anvi demann Minis, lefe ki nou annan sa prensip White Paper stage. 

Eski nou pou, nou espekte ganny en, the White Paper stage avan ki the Bill proper i vini?  E dezyenmman Minis, lefe ki la sa kestyon i kouver zis 3 servis.

Eski sa Bill letan i vini i pou osi pran konsiderasyon bann lezot servis dan Sekter Tourizm, ki kapab afekte nou bann Seselwa ki nou anvi proteze?  Mersi.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker bann aktivite ki’n ganny antre dan sa policy la konmela, se san menm sa bann ki pou ganny regle anba sa Regilasyon.

Pou le moman nou napa okenn nouvo, akoz laplipar sa bann keksoz ki ganny regle anba sa, anba sa policy, konmela i bann, i bann kontribisyon ki nou’n gannyen sorti avek bann dimoun ki dan biznes touris.

I kouver bann issues ki zot, zot in anmenn kot nou.  E si nou ganny nouvo issues ki ganny anmenn kot nou.  Nou ava vwar dan prosen letap ki mannyer nou kapab kouver sa bann lezot ki ou pe koz lo la.  Sorry mon’n mank sa 2enm bout ki ou ti’n demande.

 

MR DEPUTY SPEAKER
Onorab William.

 

HON WAVEN WILLIAM

The White Paper stage Minister.

 

MINISTER DIDIER DOGLEY

Yah, mersi Onorab.  Normalman nou pa al dan avek Regilasyon nou.  Normalman nou fer sa for avek bann Act.  Me selman si nou vwar li neseser, si nou pou al fer li, i pa pou posib pou nou fer li dan bann semenn ki pe vini.

I pou bezwen kontinyen pou en bon pe letan ankor.  Akoz en bon pe sa bann konsiltasyon ki nou, ki normalman ou pou fer dan White Paper stage in ganny fer pandan 2an depi 2016 ziska 2018, sa bann konsiltasyon in ganny fer.  Mersi Mr Speaker.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Ankor en fwa, bonn apre midi tou dimoun.  Mr Speaker mon anvi demann Minis, mon pe sey konpran en senaryo.  Donk in pran ou Minister 2an pou konsilte tou bann stakeholders ant 2016 a 2018 pou come up avek sa policy.

E in annan en bon pe dimoun ki’n partisipe, ou’n dir nou ou annan, ou ti annan en, i annan en file, la, la groser.  But still sa policy i ganny challenge legalman.

Aprezan Gouvernman i oule pran sa policy fer li vin en Prozedlwa.  E Minis i koz nou Lartik 26 1 ek 2, ki lakour in dir i pa vwar sa policy.  In vreman afekte sa business owner.

E ki Lakour i dakor ki i kapab annan en serten limitasyon.  Be letan mon pe get bann limitasyon ki Konstitisyon in fer provizyon, mon pa tro vwar kot i – nou anpese vreman dimoun grosi son biznes letan i annan Kapital e resours imen, ou lezot mwayen pou fer.

So mon pe prevwar en sityasyon mwan, kot nou kapab ankor ganny serten – . Pa nou, ou Minister i kapab trenn ankor serten difikilte, ou serten challenge.

Akoz ozordi dan Sesel, nou deza annan anba Fair-Trading bann Lalwa la ki konsern Monopoly ouswa Fair-Trading li menm.  Akoz nou pa ti swazir, mon kestyon la.

Akoz nou pa ti swazir al avek sa opsyon, pou regard lagrandisman sa bann biznes koman en dominance ouswa koman en monopoly –  as opposed to vreman sey anmenn en Lalwa lo vertical integration.  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER DIDIER DOGLEY

Mr Speaker mersi.  Onorab mersi pou ou kestyon.  Mon krwar i en kestyon ki enteresan.

Fair Trading i en lorganizasyon ki mwan personnelman mon’n koz en bon pe avek Mr Lebon, e ki nou’n diskite, ki mannyer nou kapab integrate sa vertical integration dan zot Lalwa.

Akoz normalman parey ou’n dir, bann Anti-Competition Lalwa sa monopole i ganny laplipar pei i ganny dil avek atraver Fair Trading ouswa Fair Competition Act.

Be ki, problenm ki nou annan la konmela isi Sesel, se ki nou Fair Trading ouswa nou Fair Competition Act ki egziste, i dil avek selman horizontal integration.  Savedir si en dimoun i annan li en gran laboutik, i ale i fer en 20tenn laboutik en pe partou,  li i domin antye sa, sa sekter si ou oule.  Si li ki ti pe vann bann zafer elektronik, zis li ki annan bann gran, gran laboutik partou.  Sa i vin horizontal integration.

Be zot Lalwa napa okenn provizyon pou le moman pou vertical integration.  Ki fer ki i pa posib pou zot dil avek la konmela.

Me selman sa ki i enteresan pou konnen se ki, zot pe travay lo zot Lalwa la konmela, ki nou ekspekte dan bann, kekfwa mwan ki pe vini, kekfwa lannen prosen, zot pou’n kapab anmenn zot Lalwa, ki zot pou kapab dil avek vertical integration.

Alor dan lefitir ler zot ava annan bann provizyon pou vertical integration, mon krwar i ava pli apropriye ki zot, zot dil avek.  Me pou le moman, ziske ler ki zot, zot in pare, dapre bann presyon ki nou pe gannyen sorti kot bann pti operater Sesel, kot zot santi poudir zot abilite pou zot fer en biznes, pe ganny restrikte par bann ki annan plis mwayen e plis kapital, nou vwar li i neseser ki nou bezwen fer serten Regilasyon pou met serten kontrol.  Dan en fason ki zot osi zot kapab epanouir, grandi e ki i annan fair konpetisyon an zeneral dan sa sekter.  Mersi Mr Speaker.

 

MR DEPUTY SPEAKER

Mersi Minis.  Bon in ariv preski 3.30.  I reste ankor 2 entervenan lo sa kestyon.  Enkli Onorab Gill.  Mon pe zis rod en gidans avek zot.  Eski nou break la, nou tourn 4er?

Apre nou fini sa bann kestyon.  Me selman by then petet i pa pou, i pa pou fezab pou nou al komans lo en Bill, zis apre sa.  Alor eski nou kontiny en sel la, nou fini sa 2, apre nou adjourn e nou repran demen?  Sa i mon propozisyon.  Ok, nou ava fer sa.  Alor nou a kontinyen avek prosen kestyon.  Onorab De Commarmond.

 

HON CHARLES DE COMMARMOND

Mersi Mr Speaker.  Bonn apre midi Minis ek ou delegasyon.  Mr Speaker mersi bokou pou donn mwan laparol.

40an pase, forse ti annan anviron 10 loto lo Praslin.  Ozordi in telman annan devlopman, e prezan i annan kantite loto e en kantite car hire.  Mr Speaker bann pti, pti owner bann pti lotel, letablisman, ozordi lo Praslin i pa kapab annan car hire lo son non, lo menm non.  Pourtan i annan serten dimoun lo Praslin menm, li i kapab annan car hire lo son non, menm si i annan pti lotel, si i annan son pti letablisman!

E lo Mahe sa i posib.  Ou annan ou letablisman, ou kapab annan ou car hire lo ou non.   Akoz sa lenzistis?  Avek lefe ki la ozordi, sa bann zafer policy i nepli fer sans, Lakour in ziz lo la, e Lakour i byen.

Mon siport sa Lakour in dir.  E akoz zot pa alor aksepte ki bann pti letablisman lo Praslin ki annan son car hire, les li met lo son non, pou zisteman sa ki ou’n fek dir, pou permet zot kontinyen devlope e epanouir.

Si non, ki i fer?  I pa met lo son non, i met lo non son piti, i met lo, be pa i lanmenm ek li?  Konmsi ki konplikasyon?  Akfer ki Minister i fer li konplike pou nou bann pti dimoun, pti biznesmenn ki pe sey debrouye pou li osi avans devan, fer sa bann konplikasyon?

Silvouple eski la ou kapab konfirm ek nou Lasanble ki sa i ava arete apartir la ki nou pe koze?  Mersi bokou.

 

MR DEPUTY SPEAKER

Mersi Onorab De Commarmond.  Mon vwar sa pasyon avek ki ou fer sa pwen, mon konnen i pa premye fwa osi ki ou fer sa pwen, mon rapel ou’n deza fer li.  Minis mon permet ou reponn sa.

 

MINISTER DIDIER DOGLEY

Mersi Mr Speaker.  Konsernan sa policy ki annan pou fer avek bann pti biznes ouswa bann pti lotel, annan osi bann car hire lo Praslin.  Ler ti revwar sa policy an 2008.

Akoz sa policy ti ganny ekrir premye fwa an 2008.  E an 2008 ti met restriksyon lo bann lotel ki pou zot osi kapab annan biznes car hire an menm tan.  Ler bann konsiltasyon ti ganny fer avek bann dimoun Praslin, bann ki dan biznes car hire ti totalman obzekte ki Gouvernman i ouver sa biznes e les bann ki annan bann pti lotel osi antre dan sa biznes.

Akoz ler ou regarde, i annan apepre 171 lotel lo Praslin, e zot ti pe dir, poudir be si, menm lanmwatye i antre dan sa biznes car hire, zot ki zis dan sa biznes, definitivman zot pa pou sirviv.

E apre bann diskisyon Gouvernman ti vwar li pou le moman kekfwa nou devret tenir sa policy ki mannyer i ete, e pa sanz li.  E sanmenm sa rezon ki ou vwar poudir ziska aprezan sa policy i pa’n sanze.

E sa policy in an plas depi an 2008.  Me selman i, sel rezon akoz i pa’n sanze, se akoz bann dimoun ki annan car hire lo Praslin.  Se zot ki’n met presyon pou pa sanz sa policy.  Mersi Mr Speaker.

 

MR DEPUTY SPEAKER
Mersi Minis.  Onorab De Commarmond.

 

HON CHARLES DE COMMARMOND

Be mon konpran ki ou’n dir, be i pa fer sans, i pa fer sans.  Akoz menm ki ou pe dir i pa sanze, dan lapratik sa dimoun ki annan son pti letablisman i annan son car hire!

Zis i pa lo son non, i lo non son piti, i lo non son lisyen, i lo son -!  Lo nenport kwa i kapab met non lo la, eksepte pou li.  Be kote ou vwar i fer sans.  Pou mwan mon vwar i pa fer sans okenn.

E sanmenm sa ki mon pe ensiste, e mon krwar nou Lasanble i devret donn sipor lo la, e ensiste ki Gouvernman i fer sa arete apartir la !  Mersi.

 

MR DEPUTY SPEAKER
Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker mon’n tann Onorab De Commarmond.

E parey mon’n dir nou ava fer pase sa Regilasyon.  E nou ava rantre dan bann nouvo diskisyon, pou vwar ki mannyer nou pou kapab dil avek sa, e avek sa enn ka.  Mersi Mr Speaker.

 

MR DEPUTY SPEAKER

Mersi Minis.  Mon vwar Chair COGA osi i pou bezwen pran not lo la, e parske pa premye fwa Onorab De Commarmond in poz sa kestyon.

Dernyen kestyon Onorab Churchill Gill.

 

HON CHURCHILL GILL

Mersi Mr Speaker.  Mr Speaker nou ti a kontan Minis i donn sa Lasanble ki timeframe, vi ki nou konnen i annan en vacuum la.

Ki timeframe ki li i pe antisipe ki sa Regilasyon i pou vin dan Lasanble pou nou kapab dil avek.  Apre zis en sir kosyon, lo kote konsiltasyon.

Parfwa menm si nou fer konsiltasyon, petet ler nou’n fini fer sa konsiltasyon, sa ki nou gannyen, nou bezwen osi assess, gete si sa ki nou pe rode.  Akoz par ler, si ler nou’n fini fer konsiltasyon, nou al ek sa ki’n ganny konsilte.

Petet pa sa ki pou ede rezourd problenm deor.  Mersi.

 

MR DEPUTY SPEAKER

Mersi Onorab Gill.  Minis.

 

MINISTER DIDIER DOGLEY

Mersi.  Nou dan Minister definitivman nou ti a voudre poudir sa Regilasyon i ganny fer o pli vit posib, e vin an viger.

Me solman nou depan lo Attorney General’s Office pou drafte Lalwa.  E i pou depan konbyen letan ki zot bezwen pou drafte sa Regilasyon.  Be nou ekspekte solman pandan mwan Out, ver lafen mwan Out, boner Septanm, nou ava’n fini avek sa Regilasyon.

E koman sa 2enm bout mon krwar ti en komanter, nou’n antann e nou ava pran note.  Mersi Mr Speaker.

 

MR DEPUTY SPEAKER
Mersi, mersi Minis.  Minis zis lo mon lapar.

Mon ti a kontan zis propoz avek ou e demande si petet si en keksoz ki Gouvernman i pou pare pou konsidere se dan, dan sa bi pou fer sir ki napa personn ki ganny dezavantaze;  parske sete sa en pe kestyon ki’n mete,  eski Gouvernman i ti pou pare pou li aplik menm lareg avek bann dimoun ki dan bare boat, Yacht Industry an partikilye an term tax ki zot peye, konpare avek bann operater lokal?  Parske i annan bann ki zot ganny, zot propriyeter i aletranze.  E alor zot ganny sa posibilite pou zot evite deklar zot vre reset Sesel.

Tandis ki en operater lokal, ki li i baze antyerman lokal, i deklar tou sa ki i resevwar; parske ou kapab vwar tou.  E alor li i pe pey bokou plis tax ki en operater ki baze aletranze.

E akoz zisteman, i pey bokou mwens tax ki en dimoun domestik,  li i ganny sa lavantaz pou li alor agrandi son biznes, azout plis yacht.  Parske li i pa deklar gran reveni.

Eski i pou form parti dan zot policy ler zot pe regarde?  Pou asire ki laplenn i nivo pou tou dimoun?  Dan sa bi pou fer sir poudir dan pe anpes sa vertical integration, enn bann rezon ki pe kree sa, se zisteman lefe ki laplenn pa nivo.

Eski sa set enn bann, bann konsiderasyon ki ou Minister i pare pou pran e pou konsidere ler zot pe asiz otour latab pou sa bann konsiltasyon?  Mersi.

 

MINISTER DIDIER DOGLEY

Mersi Mr Speaker.  Mr Speaker larepons i wi, definitivman nou pou take sa up avek SRC.  Akoz konsernan tax parey ou konnen pa Minister ki dil direkteman avek.

Nou, nou bi se vre nou ti a voudre vwar plis konpetisyon.  Me lo lot kote nou ti a voudre poudir i annan en laplenn parey ou’n dir ki pli o nivo.

Ki tou dimoun i ganny sans pou zwe ouswa pou fer biznes anba menm lareg e anba menm kondisyon.  Alor i byen ki ou’n anmenn sa a mon laporte.

E mwan mon a fer sir poudir nou, nou take sa up avek Revenue Commission.  Mersi Mr Speaker.

 

MR DEPUTY SPEAKER
Mersi bokou Minis.  E avek sa nou’n ariv a lafen sa Kestyon Irzan, ki’n ganny poze par Onorab Churchill Gill.  Mon ti a kontan remersi Minis Didier Dogley.  E osi remersi Mrs Bernice Seneratne ki’n parmi nou, eskiz zot parmi nou.

 

(MINISTER DIDIER DOGLEY AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

Bon zis avan, zis avan nou terminen, parey zot konnen.

Lo nou Order Paper ozordi i annan Second Reading Anti-Corruption (Amendment) Bill.  Ki mwan mon pa pou krwar i pou fer, si nou pou pran en break 30 minit pou nou tourn la 4.15 pou fer en Second Reading lo la, i pa pou fer sans.

Parske mon krwar nou pa pou fer lazistis avek Minis e lenportans sa Bill.  An plis ki sa, mon konnen poudir ozordi SBC ti anvi nou lantern en pe boner.  Parske i annan, nou tou nou konnen i annan Indian Ocean Games. 

E mon krwar SBC (2) ti pou demann lantern pli boner.  Pli boner ki nou kapab larg zot nou ti a fer li.  E alor an vi sa 2 rezon, nou pou adjourn pli boner.  Me nou pou repran byensir demen bomaten avek Anti-Corruption (Amendment) Bill 2018. 

E alor nou pou adjourn ziska 9er bomaten demen.

 

(ADJOURNMENT)