::
Home » Verbatim » 2019 » Verbatim Wednesday 26th June, 2019

Verbatim Wednesday 26th June, 2019

NATIONAL ASSEMBLY OF SEYCHELLES

Wednesday 26th June, 2019

 The Assembly met at 9.05am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab.  E bonzour tou dimoun ki a lekout ki pe swiv travay Lasanble Nasyonal.  En bonzour spesyal pou bann etidyan lekol Independence.  I would like to extend a warm welcome to the students of the Independence School.  You here to spend a half a day with us and we hope it will be of  interest you our deliberation, our work  in the National Assembly.  And at 10:30 I would like to invite you to have refreshment with us on the balcony and at the same time I would like Members of the National Assembly to join us, so that we can have good interaction with the students. So welcome once again. 

        Bon bomaten nou annan en Revised Order Paper, me avan nou al lo nou travay Lasanble, mon ti a zis kontan fer en brief kominike,   swivan lensidan ki’n arive yer swar.  Lasanble Nasyonal i kondann sa lensidan ki’n arive yer swar kot laboutik Bel Air   Store, kot son met e travayer sa laboutik ti ganny atake pa en zonm ek en rivolver.

Mon’n ganny bokou mesaz lo sa lensidan e bokou manm piblik in eksprim zot lenkyetid lo sa sityasyon.

Leader Lopozisyon in osi pran kontak avek mwan yer swar, pou eksprim son konsern.  E bomaten atraver en let ki mon’n resevwar sorti kot son Lofis, Lasanble in deside pou demann Minis responsab pou Zafer Entern pou vin fer Statement pli tar ozordi dan Lasanble lo sa size.

Mon’n osi tou ganny kontak avek Leader Government Business, ki osi in eksprim son konsern, e in al plizoumwen dan menm direksyon, pou demande ki en Minis dan Gouvernman i vin fer Statement e kot bann Manm osi tou a kapab poz serten kestyon.

Mon swet bann viktim sa lensidan, quick to recovery e an menm tan nou fer nou senpati avek bann lafanmir, e osi lakominote Bel Air.

Mon pou donn laparol le 2 Leaders pou zot eksprim zot lo sa lensidan, e nou ava konmans avek Onorab Ramkalawan.

 

HON WAVEL RAMKALAWAN

Bonzour Mr Speaker.  Mersi bokou pou donn laparol.  E mon ava dir bonzour tou bann koleg Onorab, tou bann etidyan Independence School ki pe swiv Lasanble ozordi e osi tou bann dimoun dan piblik ki pe ekout nou.

Mr Speaker mon zwenn avek ou, pou kondann sa lensidan ki’n arive yer swar, kot en Indien in ganny tape avek en kout bal, sorti dan rivolver e sa in koz bokou komosyon dan sa pti bout sa kominote Bel Air.  E in osi anmenn bokou lenkyetid e bokou lafreyer parmi nou bann dimoun.

Mr Speaker mon pa rapel ki dernyen fwa ti annan en lensidan fiziyad dan sa fason.  Me solman lefe ki in arive, i montre ki poudir i annan zarm ki pe sirkile.  E zarm ki dan lanmen bann dimoun ki pa devret pe anmenn sa bann zarm.

Byensir in annan bokou konsern ki’n ganny eksprimen.  E an menm tan osi, enn bann konsern ki mwan personnelman mon’n gannyen avek en dimoun ki’n dir mwan ki tou resaman i ti’n menm ganny ofer pou li kapab aste en zarm.  Sa i montre ki i la.

E i osi annan konsern ki zarm i lye avek sa size drog.  E nou ti vwar par egzanp letan ti annan lensidan SARITA kot ti annan en AK47 lo sa bato i osi annan bann lezot bann lezot lensidan kot – par egzanp dan kan militer Barbarons kot ti annan en fizi ki ti ganny resorti, dan ki ti sorti dan armri san lotorizasyon.  E apre sa ti ganny ranmase dan lavil Mr Speaker tou sa bann keksoz spesyalman letan nou pe apros nou lazournen Nasyonal le 29, letan nou pe rantre dan peryod eleksyon i ase pou anmenn lenkyetid e i kapab vin negativ pou nou pei.

Alor letan mon pe kondann sa lensidan lo lapar LDS.  Parey mon’n osi dir toultan en fason kot mon’n zwenn ou dan sa premye kondannasyon,  mon pou osi demande ki i annan keksoz konkret ki ganny fer dan nou pei.  Premyerman ki Gouvernman i aktyelman fe en analiz pou regarde kote sa bann zarm i ete?  Lekel ki annan sa bann zarm?  Pou ki nou kapab retir bann zarm dan nou pei.  Retir bann zarm ki alatrenn.

Dezyenmman ki tou bann dimoun ki lye e la lefe ki sa garson mon pa konnen kisisa ki’n pas dan son lespri, pou li al fer en aksyon enbesil, mon sir ki son fanmir pe pas dan en serten soufrans la.  E li osi tou i sorti la anler Bel Air St Louis Bel Air en garson ki mon konn li tre byen – en garson ki an prensip, ki i normal pou li al lans lo en keksoz koumsa.  Mon konnen ki pou dir son fanmir i dan en soufrans.  Me selman ti pou bon pou li kapab koze, anfen ki nou ti a kapab detekte kote sa zarm i sorti? Lekel ki’n donn li sa zarm?  Ki bann demars ki ganny fer pou nou kapab ariv pre kot sa kot sa konmsi pou nou konn sa zistwar konplet.

Alors Mr Speaker mon krwar ki nou bezwen pran sa lensidan serye, e la mon ti ava osi koz lo nou konman bann politisyen – konman bann dimoun souvandfwa lo front line kot nou bezwen adres bann size ki bann size ki pa tou dimoun ki kontan.  Nou ki bezwen koz lo drog, nou ki bezwen koz lo lalkol, nou ki bezwen koz lo bann fleo sosyal ki negativ.  E alor nou osi tou nou’n met nou dan en pozisyon kot nou vin en target.

Alor mon demann, se ki Gouvernman i fer le neseser, pou nobou aret sa.  Me mon demann osi Mr Speaker, ki ou konnen ki sa bann sa lensidan i pa provok en lot kalite keksoz mal dan nou sosyete; kot en group i atak en lot group etnik. Ki konmsi nou santi ki pou dir enn i pli nasyonalis ki lot.  E alor i kapab anmenn lezot problenm. So sa osi tou mon krwar ki nou bezwen veye.

E nou konman bann politisyen ki lo frontline nou bezwen absoliman met en ‘STOP’’ avek sa kalite lensidan kot pou nou dir isi Sesel nou viv dan lape, nou viv dan larmoni, nou viv dan sa konprenezon kanmarad.  Nou pa servi zouti, nou pa servi vyolans parski vyolans pa pou anmenn nou okenn par me vyolans pou plito detri nou kominote pou osi  detri nou sa ki fer nou sosyete sa ki ete ozordi.

E finalman Mr Speaker mon ti ava kontan mwan osi tou zwenn ou pou eksprim solidarite avek sa msye ki’n ki dan lopital la ozordi i ti a pe fer son travay e pa ni ti tar dan lannwit i ti a pe fer, so travay pou deservi en kominote, e la i trouv li dan Lopital.

So pou son fanmir e pou li menm li mon swete ki i ava reganny son lasante.  E petet osi mon ti ava dir anver tou sa kominote ki pou santi zot ganny afekte bann   Kominote bann Marsan, bann retailers, nou anvi dir avek zot ki nou debout lo zot kote nou raport nou solidarite e mon swete ki pli tar letan Minis i ava vini si nou a kapab ganny en Minis nou ava kapab ganny en bon leklersisman lo sa bann lensidan.

Avek sa Mr Speaker mon ankor enn fwa kondann sa aksyon ki’n arive yer swar e en aksyon ki nou  pei pa bezwen spesyalman dan sa moman me a okenn moman nou pa bezwen zarm pe ganny servi dan bann sityasyon.  Mersi bokou Mr Speaker.

 

MR SPEAKER

Mersi Onorab Ramkalawan.  Mon ava donn laparol Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour ou Manm Onorab isi prezan e nou bann viziter bann etidyan sorti Independence School, e tou dimoun ki a lekout.

Mr Speaker lo kote Parti US dan nou Lasanble Nasyonal e an zeneral nou senserman kondann sa aksyon ki’n arive yer swar.  E en aksyon deplorab e ki’n arive Bel Air.  E nou osi akoz sa aksyon i vreman deranz sa sityasyon lape e larmoni ki Seselwa i reste ladan e Seselwa i kontan i pe kontinyen zou riy.  E sa i deranz sa sityasyon lape.

E nou pa oule ki sa bann keksoz i dekal plis ki sa.  E nou ti ava osi profite pou senpatiz avek sa ki tou in ganny afekte ; depi bann marsan, depi Kominote Indien, e kominote Bel Air e osi fanmir e sa garson ki enplike dan sa lensidan.

Bann aksyon parey i pa bon pou nou sirtou la kot nou annan viziter enportan dan nou pei.  Mon konnen Sekreter-Zeneral Commonwealth i la e nou pe apros nou zournen Nasyonal e i pa ede pou anmenn sa stabilite ki egziste e sa lape ki rennyen.

Nou lo nou kote nou lapel osi i al ver tou sa bann Lotorite ki bezwen al fer investigation dan sa zafer.  Nou demande ki Lapolis i servi tou son resours neseser, pou al dan pli fon posib pou vwar laverite, pou vwar latransparans pou al dekouver pou al konnen kote sa bann zarm i sorti.  Akoz dan nou pei nou pa krwar ki zarm i devret dan lanmen sivilyen.

Zarm i devret dan lanmen sa bann ki responsab dan Lotorite konsernen larme.  E pa dan lanmen sivilyen.  Alor i bezwen zot bezwen al o profon.  E nou demande ki Lapolis i ganny full korperasyon larme.

Mon eksplike akoz mon pe dir sa.  E osi nou lans en lapel avek tou piblik an zeneral ki kapab konn keksoz dan sa bann direksyon pou zot osi be strong e vini pou dir !  Akoz si nou pa korpere nou tou ansanm nou pa pou konnen kote sa bann keksoz i sorti e nou pa pou kapab a bati sa bann sityasyon parey.  Nou pa pou kapab met kontrol dan sa bann sityasyon parey.  Nou demande osi en lapel nou fer avek sa garson ki responsab.

Nou demande ki li osi i korpere dir pou ki i ede pou liber li.  E petet pou vwar letan kestyon kondannasyon i vini a vwar ki mannyer petet i kapab ganny korpore ganny pran konsiderasyon lefe ki ava korpore dan sa lenvestigasyon lo sa issue.

        Bomaten Mr Speaker ler mon’n koz ek Lotorite Pei zot in osi donn mon garanti ki zot osi zot deplor sa lensidan e ki zot pare pou vin dan Lasanble pou vin donn Statement pou vwar ansanm avek nou ki mannyer nou pou kapab sorti dan sa lenpas la.

I annan en pwen Mr Speaker ki mon osi anvi annan devan dan sa sityasyon.  Ou konnen nou’n ariv dan sityasyon ozordi dan Sesel kot nou anba bann protokol kot nou’n sinyen par egzanp anba Nairobi Protocol pou bann zafer Small Arm ensidswit nou annan en focal point isi Sesel.  E tou zarm ki sipoze legalman dan pei i annan markings lo la e sa bann markings i ganny i annan en levanter en levanter zarm ki tou sa bann markings i ganny marke lo la.  Mon krwar si mon pa tronpe mazoriter kot larme ki ansarz sa ansanm avek Mr Cecile kot Lapolis zot konn sa ki mon pe dir la.  E i enportan premye keksoz zot fer sa bann zarm ganny ranmase al vwar si sa i koresponn avek sa lalis zarm ki ofisyelman nou sipoze annan.

I pa zis kestyon ofisyel si lezot zarm i ganny ranmase dan Sesel i ganny vwar sa osi i bezwen ganny annan en rikord i bezwen al vwar sa bann la si i balanse ek tou sa.

An menm tan markings lo zarm ler tou bann pei son markings son fason ki anmas son i fer son levanter i diferan, e ou pou vwar ou pou konnen si sa zarm i sorti Madagascar, si i sorti dan tel, tel pei nou pou konnen.  Alor i enportan ki zot ouver zot lizye byen.  E zot fer sir ki sa bann prosedir i ganny swiv e zot donn tou sa korperasyon neseser avek bann Lotorite avek sa ki pe fer investigation pou nou kapab vwar o fon sa sityasyon e pou nou kapab parey nou dir, met li anba kontrol e dekouraze ki sa bann lensidan parey i ariv ankor kot i deranz nou lape, nou stabilite, e nou fason viv Seselwa.

Mersi bokou avek sa Mr Speaker.  Nou a demande ki vreman Minis i vini e zot konper avek Lasanble Nasyonal avek nou bann Manm pou bann kestyon ki nou ava demande e annou tou ansanm ini pou nou kapab abat sa sityasyon.  Mersi bokou Mr Speaker.

 

(APPLAUSE)

 

MR SPEAKER

Mersi Onorab De Commarmond.  Bon zis pou lenformasyon Lasanble nou pe fer kominikasyon avek State House akoz zot deza dan bann Minis i dan en Cabinet meeting bomaten.  E se sa rezon nou ki nou pa met presyon pou zot vin la toudswit.  E nou pe dir menm 2er apre midi ki petet osi sa Minis ki ava vini i ava kapab ranmas ase lenformasyon pou li kapab donn klarifikasyon lo sn Statement. 

Mon ava donn en parol Onorab Norbert Loizeau konman MNA pou distrik el Air.  Onorab Loizeau.

 

HON NORBERT LOIZEAU

Mersi Mr Speaker.  Mersi. Bonzour tou dimoun.  Bonzour tou dimoun  a lekout.

Mr Speaker mon osi ozordi mon kondann sa aksyon ki’n arive yer swar.  Mr Speaker mon koz koumsa akoz mon en pe sad ozordi.  Mon osi kondann sa aksyon ki’n arive yer Mr Speaker akoz e mon osi tris Mr Speaker, akoz sa garson i en zenn ki on konn li tre byen depi lekol Mr Speaker.

E ou konnen ki sa garson toultan i ti vin kot mon i ti vin rakont mon son rev ki anvi fer dan lavi.  Me soudennman apre sa Mr Speaker mon vwar sa garson in tonm lo drog.

E yer apre li ki’n arive tonm lo drog e sa aksyon in ganny arive.  Mr Speaker mon anvi anmenn mon sipor avek tou propriyeter sa laboutik, ki enn mon gran zanmi e parkont sa lensidan i ariv zis ki mwan mon sorti dan sa laboutik fer mon konmisyon, mon’n koze ek sa bann dimoun.  Zis koman mon ariv kot mwan sa lensidan i arive.  Alors mon kondann sa bann dimoun si mon bann zanmi.

Osi yer swar mon bann manrmay in plere akoz sa garson in ganny shoot ti zot zanmi.  Sak fwa zot vin laboutik zot ganny en pti draze, zot koze e zot konnen zot in fer zanmi avek.

Mr Speaker mon anvi dir avek tou bann laboutik Indien dan mon distrik ki nou dan distrik Bel Air nou bann zabitan nou kondann sa lensidan.  E nou anvi dir okenn dimoun ki krwar pou kontinyen vin fer sa bann lensidan parey avek nou bann Indien dan nou distrik nou dimoun Bel Air nou pou fer parey nou ti fer yer.  Nou pou vini e nou pou donn sipor sa bann Indien parey yer ti’n arive.  E mon sipor tou sa bann dimoun – tou dimoun dan zalantour ki’n vini pou kapab met sa lensidan anba kontrol e montre sipor pou sa bann Indien. 

Mr Speaker nou dan distrik Bel Air, i malere ki nou pa en distrik vyolan.  Me selman sa lensidan in arive e mon anvi dir ek bann dimoun Bel Air pa bezwen enkyet, sa se zis endividi ki’n deside pou vin fer en aksyon koumsa.

E en mesaz mon anvi dir avek bann zenn Mr Speaker.  La, la legzanp ki ler ou antre lo drog, ki bann keksoz ki arive ek ou.  Ler ou antre lo sa drog ki apel eroin, i vin parey en bebet anndan ou.  E nenport ki keksoz ou kapab fer zis akoz ou anvi sa eroin, e ou anvi sa larzan.

Mr Speaker alors mon anvi ankouraz bann zenn pou sorti – pa antre dan sa bann kalite mers koumsa.  Akoz i danzere e i kapab fer zot al fer bann aksyon ki pli tar zot pou regrete.

Mr Speaker mon’n al Lopital bomaten mon’n ganny sans koz avek propriyeter e mon kontan ki sa garson Indien i safe i dan ward e sa lot ki’n ganny tape deryer son latet in sorti.

Alors parey zot in dir parey tou dimoun in dir, nou lo non tou zabitan Bel Air nou kondann sa aksyon ki’n ariv. E nou avi dir ek lezot dimoun ankor ki pe mazinen pou vin fe sa kalite aksyon parey, nou zabitan Bel Air nou kominote nou pou fer parey nou ti fer yer swar nou pou desann pu nou vin siport sa bann Indien ki pe donn ou en sipor formidab dan nou distrik.  Mersi.

 

(APPLAUSE)

 

MR SPEAKER

Mersi Onorab Loizeau.  E i byen pou dir ki pou vwar en aksyon pa anmennen par sivilyen, ki zot in kapab rantre enterfer e kapab restrain sa garson ziska ler Lotorite in arive.

Petet osi ozordi kot mon krwar i annan en selebrasyon ki APDAR pe fer ozordi, pou nou konman Leaders pou nou anmenn en mesaz tre, tre for pou bann dimoun ki ankor pe fer rantre drog dan sa pei.

Leader Lopozisyon in dir bomaten, Leader Government Business in dir bomaten nou bezwen bold.  E nou bann Leaders nou bezwen bold!  Nou mesaz se zot bezwen arete.

E bann Enforcement Agencies i bezwen vin pli alert e i bezwen pran aksyon; aksyon apropriye avek sa bann dimoun ki kontinyen fer rantre drog dan sa pei, e ki pe detri tou nou bann mon pa konnen mon bon nou sosyete petet i sad, i sad pou regarde.  Menm Dimans mon’n fer en pti letour dan Sid ase boner bomaten, mon’n pas depi la Mamelles, Anse Aux Pins, Anse Royale ler lanmes pe go on lakantite zenn ki’n ralye deor obor pti bis ki pe pran methadone! I vreman en sityasyon ki sad.  Zenn ki ti devret dan lanplwa, zenn ki ti devret en Dimans bomaten pe asiste lanmes, me i pe pran methadone. 

        Mon krwar nou tou nou bezwen zwenn ansanm dan sa lalit.

Bon nou pou kontinyen lo nou Order Paper zis mon pou parey labitid mon pou enform Lasanble lo pozisyon with regards to Public Service Salary (Amendment) Bill 2019 nou napa okenn kominike ki’n ganny fer from the Technical Committee.  E mon mazinen swivan Press Conference ki Prezidan in fer tou keksoz i avek Lakour e nou pou bezwen esper Lakour pran en desizyon.

Yer mon’n aparet devan Lakour e Lakour in set bann dat pou Hearing me i annan en posibilite ki petet sa  dat i kapab sanze, amwen ki mon pa vwayaz dan sa moman.  Dat in ganny set pou le 16 juillet, le 16 juillet mon sipoze dan SADC PF Executive Committee meeting.  Me si Lakour i mentenir sa dat mwan mon pou bezwen cancel sa misyon e mon ava la pou hearing. 

        So vwala sa ki mon ti anvi partaz avek Lasanble. E bann manm piblik deor lo size sa Bill ki ankor vivan dan Lasanble Nasyonal.

Nou pou al prezan lo premye Mosyon e parey mon’n dir nou annan en Revised Order Paper e premye Mosyon i en Mosyon ki’n ganny anmennen atraver serten urgency. 

E mon ava demann mover Mosyon pou move son Mosyon, Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker avan, avan ki mon pran laparol pou mwan regarde si i pou vreman neseser pou mon anmenn sa Mosyon mon pa’n mon konnen ki pou dir yer Onorab e Commarmond ti pe rantre kontak avek Gouvernman.

Mon ti ava an tout kourtwazi petet demann ou pou demann li konmsi ki demars ki in kapab fer e si nou pou bezwen al dan sa direksyon oubyen diferaman?  Mersi bokou Mr Speaker.

 

MR SPEAKER

Mersi Onorab Ramkalawan.  Mon ti okouran ki le 2 Leaders pe ti al diskisyon yer with regards to ki mannyer nou pou bouze lo sa Mosyon.  Mon ava donn laparol Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker nou’n pran kontak avek Lotorite e Minis pa dan pei e nou konnen e zot in dir nou plito bouze nou si nou le retire pou kapab quash li, epi apre i ava vi avek en nouvo avek sa bann lamannman.

Selman  zot  in  lans en lapel osi dir nou, pa tarde pou met nou bann amannman devan zot, pou zot kapab pran konsiderasyon.  Akoz zot ti pe esper nou tou sa letan.  Me i ok mon krwar nou’n pran note zot konsern.  E nou letan nou retir sa.  Nou re tir sa senpleman akoz nou le fer sa pou li pa morde, akoz la i pe morde.  Mersi.

 

MR SPEAKER

Mersi Onorab De Commarmond.  E i byen ki ou’n dir Minis ler i ti la avek nou i ti pe demande ki nou fer bann propozisyon.

E petet ler nou a fini ek sa Mosyon mon ava demande ki tou bann Manm ki annan     zot kapab anvoy li atraver zot Party Whips foward kot Lasanble e nou ava foward tou dan en sel batch kot Minister Finans – ok?  Mon va donn laparol Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker sa Mosyon ki devan Lasanble ozordi i pe demande pou quash en S.I 35 ki ti aparet an 2019.

E petet pou nou bann zenn ki’ vin isi dan Lasanble mon ava zis eksplik en pti git kwa ki nou pe fer egzakteman dan en Lalwa letan nou pas en Lalwa konman Lasanble i donn posibilite Gouvernman oubyen sa atraver sa Minister ki responsab pou li fer bann Regilasyon.

E sa bann Regilasyon zot apel bann Statutory Instruments, se sa ki sa mo S.I i vedir.  En Statutory Instruments, ki en Regilasyon.

Aprezan letan Gouvernman i fer en regilasyon.  Lemoman ki fer sa regilasyon i gazette li i gazette li i pran lefe.

Par egzanp sa ki la devan nou S.I 35 i pe demande ki bann ler ki lalkol i ganny vann i sanze.  E parey petet zot konnen ler lalkol avan ti pe konmans 11:30 bomaten ziska 9er diswar dan lasemenn.  E dan weekend i ti konmans en pe pli boner 8:30 ziska 11er diswar.

Me li Gouvernman atraver sa S.I i tipe rode pou li sanz ler lavant lalkol.  E i ti pe propoze ki lalkol i konmans vann  1:30 apre midi ziska 9er diswar dan lasemenn, e a parti Vandredi sorti 1:30 ziska 11er diswar, e dan Sanmdi 8:30 ziska 11er diswar e dan Dimans osi tou dan Dimans 8:30 ziska 9er.

In annan donk aprezan letan sa S.I i ganny pibliye parey nou pe dir in fini vin Lalwa li.  Me selman Lasanble Nasyonal anba en lot Lalwa ki apel Interpretation and General Provision Act son Seksyon 64 (2) i donn Lasanble Nasyonal sa posibilite pou li quash en S.I.  Letan i quash sa S.I si Lasanble i aprouve i vedir ki sa Regilasyon i nepli annan lefe.  E Gouvernman li i pou bezwen pran bann nouvo fason i a kapab met nouvo rRgilasyon.  E letan en S.I petet sa zis en lot staz, letan Gouvernman i pibliy en S.I i vin devan Lasanble e Clerk Lasanble i lir sa S.I.  Sanmenm sa ki apel the Paper has been Laid.  I form parti Papers Laid.  E kekfwa zot pou swiv Lasanble zot pou tann Mr Speaker an swivan Order Paper pou demann Clerk Lasanble pou li go through the Papers Laid. 

        So letan in ganny laid alors in fini ganny tou son lenpak.  In fini swiv tou bann prosedir e aprezan Lasanble i fer sa ki si Lasanble i santi ki pou dir napa problenm ek sa regilasyon.  I pa anmenn okenn Mosyon.  Me sa enn la a partikilye in annan serten issues, ki lo tou lede kote latab.  E la i enportan pou tou dimoun konnen ki pou dir pa akoz ki nou dan 2 diferan parti politik isi dan sa Lasanble ki nou lager lo tou keksoz, non.

I annan bokou keksoz ki pase dan pei atraver bann Lalwa, atraver bann regilasyon, atraver bann Mosyon, atraver bann konsern, parey zot in tande bomaten la, kot Speaker in fer en deklarasyon lo sa lensidan yer swar.  Mwan mon’n kondannen, Onorab De Commarmond konman Leader Government Business li osi in kondannen.

So pa tou keksoz ki pase dan Lasanble ki akoz enn i reprezant parti politik ki o pouvwar.  E nou, nu reprezant Lopozisyon ki nou lager kont oubyen ki akoz nou, nou annan lamazorite dan Lasanble e US i en minorite ki toultan nou, nou bezwen domin, domin tou keksoz e azir dominer.  So i annan keksoz.

E sa ki nou pe koz lo la bomaten la.  Se nou pe quash sa S.I.  Nou pe quash sa S.I pou rezon ki i annan bokou Konsern ki e ganny eksprimen deor.  I annan par egzanp dan lendistri touris.  Bann dimoun ki fer bann yacht charters ki kit bomaten apre i ale zot pe dir be si lalkol i konmans vann 1:30 apre midi i pou annan en problenm pou zot biznes.  I annan lezot dimoun ki dir bann touris bann touris ki e reste dan bann dan bann self catering apartments, si zot anvi ou konnen Francais i kontan bwar son pti diven.  Alors si anvi pandan son dezennen bwar en pti boutey diven i bezwen esper 1:30 apre midi, i tro tar.

E an plis ki sa nou osi dekouver atraver sa dyalog ki nou’n gannyen ki pou dir 11 ;30 pa ti vreman problenm.  Se pa ler ki lalkol i konmans vann ki problenm.  Me se ler ki laboutik i fermen.

Alors nou pe dir nou kapab kit sa Lalwa lo 11:30 bomaten olye pous li pou 1:30. E an menm tan osi Mr Speaker parey ou konnen i osi annan en demann, e bokou sipor pou ki laboutik ki annan en ler k ii fermen.  Parski nou konnen ki pou dir letan e tou dimoun i konnen nou bann zenn osi ki la Mr Speaker zot konnen ki pou die letan, letan nou vwar en laboutik i ouver 10er diswar i pa pe vann lay, i pa pe vey zonnyon, i pa pe vann diri li.  I a pe vann lalkol.  Tou dimoun ki sorti dan sa laboutik zot annan bann boutey lalkol avek zot.

Alor nou pe dir ki i annan en kantite issues.  E sa se bann propozisyon ki nou pou fer lo ki mannyer pou amelyor sa Lalwa sa Regilasyon ki’n ganny mete.

Alors sa ki mwan mon prezante bomaten se pou demann en rezolisyon sorti kot Lasanble pou ki nou quash sa S.I.  Me selman pou nou demann Minis ki atraver nou bann enteraksyon pake nou o tou nou annan en responsabilite pou nou prezant bann rekomandasyon pou nou koze lo ki mannyer nou kapab fer li vin pli byen lo tou lede kote nou pe travay lo la, pou ki ava vin avek nouvo regilasyon.  E letan i ava vin avek sa nouvo regilasyon keksoz i ava diferan.

Donk se sa ki nou pe fer la bomaten dan sa Mosyon ki mon’n anmennen pou ki nou quash S.I 35 of 2019.

E la Mr Speaker mon bezwen dir ki sa eleman laboutik annan en ler fermen i pou en eleman tre enportan.  I pou en eleman tre enportan.

E petet, petet dan en serten sans letan nou pe regard sa lensidan sa lensidan ki’n arive yer swar mon krwar pa e petet Onorab Loizeau i ava kapab parske Onorab Loizeau i annan kontak avek propriyeter sa magazen.  Mon krwar pa si sa garson ti pe vin aste diri, pou li al kwi.  Si i ti pe vin aste zonnyon oubyen Ponmdeter, oubyen en bwat ton, oubyen en poul, pou li al kwi.

E tousala i form parti sa rezonnman ki nou bezwen fer parske nou krwar pou dir ti annan lezot lentansyon e probableman enn bann lentansyon sete, sete lalkol posib ti annan lalkol involve ladan, e avek tou sa bann zafer in annan sa eleman kriminalite.

Donk Mr Speaker mon krwar ki definitivman sa i pou enn bann size ki nou pou bezwen adrese konman en Lasanble ler ki laboutik i fermen, parski nou konnen ki pou dir apre en serten ler se zis lavant lalkol.  E nou osi konnen dapre bann prezantasyon ki Retailers Association in fer avek Onorab De Commarmond in fer avek nou lekip ki poudir lavant lalkol i reste en size enportan pou nou adrese.  Parski 60poursan son sales i lalkol e alor nou annan en problenm.

E nou e la spesyalman osi pou bann zenn Mr Speaker, nou anvi protez nou bann zenn.  I deza annan Lalwa ki en zenn anba 18an pa ganny drwa aste lalkol.  Me nou, nou anvi protez nou bann zenn pou zot nobou a zennaz focus lo bann keksoz ki enportan pou zot.  La pou lemoman se zot letid ki enportan pou zot ganny bann mesaz dan zot bann legzanmen.  E pou zot letan zot al dan segonder letan zot fer zot IGCSE pou zot ganny bann bon rezilta e nou konnen ki pou dir lalkol i vin en distraksyon, lalkol i kapab afekte ou dan ou letid, e pli tar dan lavi osi tou i kapab afekte ou konportman dan sosyete.  I kapab anpes ou ganny sa travay ki ou devret gannyen.

E i afekte ou fanmir ou tann bann aksidan ki arive akoz dimoun in bwar in sou, lanmor i arive bokou bann zenn dimoun i mor e tou dernyerman dan distrik dan distrik Onorab Speaker in annan in annan fatalite, e in annan en lot zenn, zenn dimoun osi tou dan en lot fanmir ki’n mor.

Alor nou anvi pran sa size o serye.  Pou nou protez nou bann zenn, protez lasosyete pou nou kapab annan en sosyete ki serye e sosyete kot nou kapab devlope.

Alors Mr Speaker avek sa detrwa parol lefe ki tou lede kote nou dakor lo sa ki lo sa ki nou pe al fer pou bann rezon ki nou’n deza diskite avek Minis Loustau-Lalanne e pou ki atraver Onorab De Commarmond in dir nou fer sa ki nou annan pou fer.  Mon ti ava demande ki nou menm nou lo kote sa Lasanble nou set en deadline pou nou prezant nou bann nou bann propozisyon.

E avek lakor Onorab De Commarmond petet nou ti ava kapab organiz en sesyon en working group en working group ki ava konpri Manm lo kote Parti US e osi lo kote LDS pou nou zwenn senkroniz, senkroniz nou bann nou bann propozisyon e fer en prezantasyon avek, avek Gouvernman.  Mon krwar ki nou bann Komite nou’n, nou’n travay dan sa fason.  Prezant en propozisyon pou ki sa i ava fasilit keksoz.  E mon mazinen Mr Speaker ti ava bon nou fer sa o pli vit posib pou ki avan ki sa trimes Lasanble i terminen nou’n fini fer sa travay e Gouvernman i ava’n kapab vin avek en nouvo S.I pou lo kote Licenses, liquor ensidswit.

Avek sa 2 parol Mr Speaker I beg to move.  Mersi bokou.

 

MR SPEAKER

Mersi Onorab Ramkalawan.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker mon segonn sa Mosyon ki devan nou.  E tre bref-man dir de mo si pou permet mwan ?

 

MR SPEAKER

Go ahead. 

 

HON CHARLES DE COMMARMOND

Mr Speaker i byen ki nou pe quash sa S.I akoz nou le nou le ki serten propozisyon serten lamannman i ganny mete.  Akoz nou ti dir avek Egzekitiv ki nou osi bezwen diskit bann Bill.  Ou  konn tre byen dan letan mon’n attend Bills Committee nou’n osi dir ki bann Bills, bann S.I avan i vini annou koze, annou diskite, annou vwar ansanm, pou ki ler i annan sa lantant nou kapab pli fasilman aprouve, i pli fasil pou nou pa pou napa dezagreman konmsi nou pa kont sa bann lespri.  I ava annan bann lamannman wi me konmsi lespri grosso modo i ava ganny aksepte.  E nou vwar ki pou dir la mon literate Bills Committee i sak fwa i zwenn i redir sa.  Me i paret ki nou bezwen fer en zefor Lotorite i bezwen fer en zefor, tou bann Minister ki anmenn bann Bill ki anmenn S.I i bezwen fer sa zefor pou kapab annan sa diskisyon davans.  Si ti annan diskisyon davans e a tan, i evite ki nou annan sa bann lensidan parey.  Sa premye pwen.

2enm keksoz nou vwar pou dir sa S.I ki mannyer i ete la i pa’n ase ganny byen kalkile.  I annan mankman ladan.  Akoz i annan mankman?  Akoz nou osi nou Lasanble sirtou lo nou kote isi nou’n diskite avek bann Lotorite konsernen, ki annan pou fer avek sa issue lalkol, vann lalkol, lefe lalkol ensidswit.

Nou’n koze e ou’n vwar pou dir i pa zis sa kestyon ler pe aziste.  Sa problenm lalkol i pli gran ki sa.  Mwan  menm mwan mon’n pase dan serten laboutik, mon pas la Plaisance lotrozour mon pase, ou pe rod en L’eau de carmes par egzanp ale la dan laboutik la Plaisance la konman mon pe koz ek ou la dan tou sa laboutik napa L’eau de carmes.  Tou bann laboutik lontan letan ti ouver nou bann pti laboutik dan kanton sa bann keksoz ti la.  Me 11er diswar menm laboutik i ankor pe ouver 5 etranze ladan mon pe koz 5 etranze letan mon dir etranze dimoun ki’n ganny GOP me ki ou pe fer la ?  E personn pa vin rod diri.  Mon debout la mon obzerve tou sa ki pe vin rode lalkol, lalkol, lalkol.  I annan en problenm.

E tou sa, sa pa adrese.  Nou oule adrese sa.  Savedir i bezwen annan en ler fermen ou mon rapel ou parol ou dir en kominote i bezwen dormi.  I bezwen annan en moman letan ki nou refer nou.  Me si nou pou kontinyen koumsa.  Lontan bann laboutik ti ouver granmaten.  Ti annan en rezon ti ouver granmaten akoz tou dimoun ti pe bouz bomaten byen granmaten pou li al travay pou li pran son responsabilite dan lavi.

Ozordi si pa 9er i pa ouver.  Si ou’n mank en keksoz pou manrmay lekol forget about it.  Pou ou menm ki pe al travay forget about it.  Me selman la alor mon krwar mon nou bezwen revwar serten keksoz.

E sete dan tou sa ki nou pe dir dan lekou dele posib pli lekou dele posib nou pe travay lo serten propozisyon parey in ganny dir e nou a zwenn avek Lotorite nou a mete.  Nou konnen pou dir sa S.I i pa pou pran tou sa bann propozisyon ki nou pou annan, me i annan serten keksoz ki ava ganny enkli la, apre i annan serten lezot issues ki ava ganny mete dan Bill letan i pou vini.  I annan en Bill devan nou la, sa osi nou bezwen pas lo la, Bills Committee e serten sa bann lamannman ki nou ava i a fer nou fer en sel thinking dizon ki nou a kapab pe vwar.

Par egzanp mon dir ou en lot keksoz.  Statistik sorti kot Minister Lasante, e nou bezwen nou bezwen pe statistik pou nou konnen vreman ou dir nou tou dimoun pe mor Lopital akoz lalkol.

Donn nou en pe plis spesifik kwa egzakteman dimoun ki’n vini lopital konsernan lalkol ki’n ganny problenm ki’n ganny ki annan lefe maladi ensidswit pou nou kapab konnen vreman eski loryantasyon konmsi problenm avek baka lapire, problenm avek pti ponm, pti zonn, problenm avek labyer, gines, problenm avek bann bwar labyer ki pe fer vini ki degre i pa lao normal – kwa?

Nou bezwen en pti pe plis spesifik dan nou anmas lenformasyon pou nou kapab pran bon desizyon.  Nou pa pou kapab pran bon desizyon si nou napa sa bann lenformasyon korek.

So nou krwar pou dir i enportan ki nou ki nou met sa S.I pou lemoman a de kote.  Akoz ki arive lefe ki i la, la i pran presedans li i pou aksyonn-en parey nou’n dir taler boner, i annan ledan la i pou morde, bann dimoun i kapab vin e zot in konmanse.  Lotorite in konmans vin pran aksyon.

Me mon parey mon ti dir yer i fer ou reflesir.  Pandan tou sa letan aksyon pa ganny pran, bann dimoun ki pe vann apre ler personn pa ganny tyonbo.  Selman la en pti kou ti pe konmans ganny arete.

So i annan en problenm e nou le ki nou bezwen tir sa S.I pou lemoman pou permet sa bann sanzman arive pou nou kapab prezan revwar dan nou en fason pli ordonn-en pou avans devan.

Avek sa Mr Speaker, mon ti ava demande ki Lasanble nou tou nou siporte e pou ki i pa en kestyon mal pa kestyon pe boycott nanryen la nou.  Zis nou le i en prosedir nou bezwen tir li dan semen refer li re amenn sa bann lamannman, aprezan pou nou fer keksoz ki bon, e ki byen pou nou pei pou nou pep.  En fason ki tou bann dimoun i ganny konsilte osi.

E la petet nou lans lapel.  I annan bann lezot si i annan dimoun ki annan serten sizesyon, ki annan serten pwen ki le avans devan i touzour kapab kontakte nou pou nou kapab enkorpor sa bann pwen pozitiv ki zot annan dan sanzman dan bann amannman ki nou le propoze devan Lotorite.  Mersi bokou Mr Speaker.

 

MR SPEAKER

Mersi Onorab De Commarmond.  Bon mon annan ankor 3 Manm ki le fer entervansyon annou pa fe li long, mon krwar prosedir i kler.  Ok mon annan katriyenm, mon ava donn laparol Onorab Afif.

 

HON AHMED AFIF

Mersi  Mr Speaker.  Mr Speaker mon ti le senpleman dir ki ler mon regard sa S.I e baze lo entervansyon ki mon ti menm fer ler Statement ti vin ganny donnen dan Lasanble lo lalkol e ki ti par deryer sa prosesis lezislasyon ki Minister Finans an partikilye ti pe mazinen –  i ti kler pou nou ki napa naryen ki sa S.I pou fer pou adres problenm labi lalkol ki nou pe vwar dan Sesel ozordi.  Se sa pli gran problenm.  Labi lalkol i fer ki en gran parti nou popilasyon ki devret prodiktiv i kapab prodwir dan tou landrwa kot zot travay pou sekter lekonomi.  Se sa ki nou pe sey adrese.  Sa problenm labi lalkol.

E sa S.I ki devan nou i senpleman pe dir lalkol i kapab vann me selman i a vann en pe pli tar.  Son ler fermen i reste parey.

Savedir dimoun pou zis kontinyen konsonmen, selman i konnen i kapab al aste lalkol en pe pli tar.  Pa rezourd problenm.

Me an menm tan i pe kree nouvo problenm pou bann dimoun ki dan lendistri.  Alor i pa en keksoz ki pou mwan i pratik ki pou anmenn okenn rezilta ki pou benefisye personn.

Sa pratik kot S.I i ganny pibliye i en pratik normal kot ou pe donn en pouvwar avek en Minis pou li san pas atraver Lasanble egzers zot Lotorite e fer sa ki zot, zot krwar i byen pou vin form parti Lalwa ozordi.  E Minister in fer sa.

Me parey resaman kot in montre klerman napa gran konsiltasyon oubyen napa gran napa gran [panse ki’n al dan sa prosesis avan zot deside kriy sa S.I.  Ankor enn fwa nou trouv nou dan en sityasyon kot en S.I i ganny pibliye, e Gouvernman an realite pe demann ou ed zot pou retir li.

E se sa ki nou pe fer ozordi.  Ozordi nou pou ed zot pou retir li me nou pa pe zis dir pou dir i fini la.

Nou krwar pou dir sa problenm labi lalkol ki annan dan Sesel e byensir i annan labi drog osi, i bezwen ganny adrese.

E nou, nou l pou nou kontinyen travay avek zot, pou nou rod bann solisyon ki pou fer sir ki sa problenm i ganny adrese dan en fason efektiv.

Me pou lemoman nou annan en S.I devan nou ki i kree plis problenm ki pe rezourd, e alors mwan mon pou dir sa S.I nou bezwen met li ater, nou bezwen quash li.  Alor mon donn mon sipor pou ki sa S.I i ganny quash parey Lalwa i permet Lasanble Nasyonal fer pran okenn problenm avek sa, e mwan mon pou sipor sa Mosyon ki sa S.I 35 2019 i ganny quash.  Mersi bokou Mr Speaker.

 

MR SPEAKER

Mersi Onorab Afif.  Onorab Sebastien Pillay.

 

HON SEBASTIEN PILLAY

Mersi, mersi Mr Speaker.  Bonzour, bonzour tou koleg Onorab.  Bonzour tou bann etidyan ki avek nou dan Galeri.  E byensir bonzour tou dimoun ki ek nou isi oubyen ayer.

Mr Speaker mon pa ti dan Lasanble ler Minis ti fer son Statement lo sa S.I, me mon’n kapab swiv en pti pe bann deba akoz ozordi atraver teknolozi bann keksoz i kapab ganny rikorde e mon’n kapab apresye bann diferan diskisyon ki’n ganny fer anmennen par bann Manm, lo mon kote latab, e bann Manm lo lot kote latab.

Me mon krwar ki pu dir baze lo sa bann diskisyon e baze lo lopinyon zeneral ki nou pe  vwar i petet neseser pou nou annan en rethink   si oule sa S.I. 

        E ki mannyer nou pou fer sa baze lo sa ki nou’n tande.  In annan si oule en Lagreman avek Minister ki’n vini ki’n vin prezant son Statement Lasanble Nasyonal ki nou prezant serten propozisyon pou improve lo sa S.I pou fer ki i ava vin enn ki reponn pli byen sa bann legzistans ki nou santi i sipoze reponn.

E lo sa kote mon napa problenm mwan Mr Speaker.  Mon krwar sa i sa i normal, si tou bann parti konsernen in tonm dakor lo en en keksoz sa i normal.

Me selman i annan en lot kote ki mon krwar nou konman en Lasanble Nasyonal nou devret sezi nou loportinite ozordi pou nou koz avek lepep Seselwa lo la.

Sa i konsern repons oubyen lafason ki nou pep, i pran bann mezir ki parfwa zot santi pou dir i sitan pou al afekte zot.  Me ki dan li menm sa bann mezir i pou ede anpes annan en reperkisyon negativ lo lasosyete.

I pou bezwen annan en S.I ki pou vini.  I pou bezwen annan en S.I ki vin avek bann ler, ki donn bann kondisyon ki prezant bann propozisyon.

Fodre ki nou pep i konpran ki pou dir ler sa S.I i vini, i pa pe vedir ki pou dir i pe anpes ou bwar en labyer.  Akoz se sa komanter ki mon’n vwar lo medya sosyal.

Me si nou konman politisyen nou per pou nou koz lo la toultan, toultan pou annan dimoun pou get away avek sa bann komanter.  E zot pa pou les s bann ki pe vreman ganny afekte kapab fer zot lopinyon pase!

Ou konpran par egzanp mon pa tipe realize ler mon’n vini mon’n ganny sans koz avek par egzanp bann dimoun ki fer charter.  Zot bezwen stok zot bato avan zot ater.  Swa zot aste li lavey, parfwa pa tou ki kapab fer li.  Swa zot aste li son bomaten.  Ou konpran, i pa fasil pou zot.

E pli ou annan sa bann ler ki extend i difisil.  Mon’n osi ganny call avek dimoun ki dir mwan baze lo sa ki ti’n ganny dir dan Lasanble eski sa S.I ti an aplikasyon ?  Wi i ti an aplikasyon akoz Seksyon 70 IGPA i fer ki ler sa in vini unless ou’n retir li parey nou pe fer i reste an aplikasyon e tou keksoz ki kapab ganny fer anba la, i devret ganny fer.  E Licensing ti pe fer zot louvraz.  Ti napa nanryen mal ek sa ki i ti pe fer.  Nou pa kapab blanm Licensing.

        E mon krwar se dan sa lespri, ki nou bezwen pran deba lo bann size koumsa an se ki konsern size drog, an se ki konsern size lalkol.

Bomaten mon’n vreman emosyonnel ler mon’n ekout mon koleg ki mon konnen sa lafason ki in koze in bezwen en keksoz ki’n tous li profondeman

E mon krwar mwan ozordi mon le sanz mon dyalog – mon pa pe vin fer en dyalog politik, mon’n fer en dyalog en lapel en lapel avek nou pep.  Pou nou sanz lafason ki nou vwar keksoz ki vin devan nou e aret pran tou keksoz negativ ler  vini.  Annou sey vwar li en lot fason !

Si in dir ou ki ou pa kapab al dan en laboutik aste bwar tel ler, me i annan en rezon i pe dir ou sa.  Si in dir ou ki ou pa kapab fer en lot keksoz tel ler i konsern lalkol, ou bezwen aksepte.  Akoz  safwasi i pou vin lo lapar en si oule en keksoz ki annan en konsansis dan Lasanble Nasyonal.

E sa sityasyon yer, i donn nou loportinite pou nou zwenn ansanm.  Pou nou pa vin zwe politik pou gete ki sa enn pe dir ouswa ki sa lot pe dir.  Me pou nou zwenn ansanm konman en Nasyon pou dir nou bezwen fer en keksoz.  E ler mou fer li, annou aksepte pou nou konmans fer li.  Nou a gete ki mannyer i marse, si pa marse nou ava re aranze.  Be nou bezwen konmans somewhere! 

E se sa mon krwar rezon akoz bomaten baze ki mon bann koleg in dir an solidarite avek sa ki mon bann koleg in dir.  Malgre ki pou mwan lo en pwennvi pirman prosedir ou konn tre byen Mr Speaker mon pa antyerman dakor ek sa prosedir,  me lo en pwennvi solidarite, mon pou sipor sa ki mon bann koleg in diskite zot in agree lo en Lasanble e ki mon krwar nou bezwen ganny en sityasyon kot nou kapab anmenn bann lamannman, anmenn bann propozisyon ki a fe sa S.I vi pli for, ki a fer sa S.I vin en pti pe pli responsive e ki ava donn nou loportinite pou raport sa deba e kontinyen fer sa deba, akoz i enportan ki nou konpran ki Sesel nou annan zis en Sesel, nou pep nou en pep beni, e nou bezwen kapab viv dan larmoni ek dan lape.

E se sa ki enportan.  E se sa ki mon pe rode.  So avek sa Mr Speaker mon vreman apresye ki mannyer lede Leaders in koze.  Nou pe al dan en laliny kot nou pe al rod en solisyon ansanm.  E parey ki Minis in donn son langazman lafason ki nou pou proceed, so nou al dan sa direksyon e mwan on pou siport sa Mosyon ozordi bomaten Mr Speaker.  Mersi.

 

MR SPEAKER

Meri Onorab Sebastien Pillay.  Mon a donn laparol Onorab Clifford Andre.

 

HON CLIFFORD ANDRE

Mersi Mr Speaker.  Bonzour tou bann zelev lekol Independence School, bann koleg Onorab e tou dimoun ki a lekout.

Mr Speaker mon’n pran laparol pou mwan koz en pti pe lo konsansis ki nou pe pran ozordi pou nou quash sa S.I.

        Me avan mon fer sa mon oule koz lo 2 pti mo ki Onorab Leader Zafer Gouvernman in dir.  In dir Plaisance ou pa kapab ganny l’eau de carmes, me selman Anse Aux Pins an montan ou kapab gannyen alors i pa zis bann zafer bwar ki ganny fer lo kote Anse Aux Pins, so mon pou sipor mon bann boutikye Anse Aux Pins pou dir zot kontinyen fer sa servis avek Kominote akoz kot Damoo ou kapab ganny sa e lezot landrwa ou kapab gannyen Anse Aux Pins en pe anler kot Michael osi.

I annan en pwen ki’n sorti Mr Speaker kot in dir ki sa ki nou pe fer ozordi i bon.   E vre i bon akoz nou annan sa pouvwar pou nou fer sa ki nou pe fer Mr Speaker.

E Lasanble anba Konstitisyon i ganny sa pouvwar en Konstitisyon letan nou get Lartik 85 dan nou Konstitisyon kot i dir Legislative power, me selman mon napa en Konstitisyon an Kreol.  Mon konnen i annan serten Manm ki annan Konstitisyon an Kreol mon pou lir li Konstitisyon an Anglais apre mon ava pas lo sa bout an kreol akoz i annan enn la obor mon.

85 Mr Speaker pou benefis bann manrmay ki la mon konnen Konstitisyon ki enportan ki nou komans montre nou bann zenn.  Pou 85 85 i dir koumsa.  ‘’The Legislative power of Seychelles is vested in the National Assembly and shall be exercise subject to and in accordance with this Constitution.’’ 

        Savedir Egzekitiv napa Legislative power, Zidisyer napa Legislative power.  The power by the Constitution of Seychelles ki nou nou’n swear lo la ki menm bann Ziz i swear lo la, menm Prezidan letan i swear-in i swears by the Constitution e sa se ‘nou’ sa bann ki ganny elekte letan i fer Eleksyon Lasanble Nasyonal, se nou ki annan sa pouvwar e pa lezot.  Zot anmennen nou, nou aprouve oubyen nou pa aprouve.  So sa pouvwar pou fer sa i avek nou.

Mon pou lir an kreol akoz nou annan en Konstitisyon an kreol  lir koumsa Mr Speaker ; ‘’Pouvwar Lezislatif Sesel i ganny envestir dan Lasanble Nasyonal e i ava ganny egzerse dapre e an akor avek sa Konstitisyon. ‘’

So sa Konstitisyon ki donn sa pouvwar.  Pa okenn lezot Lalwa.

86 Mr Speaker.  Lartik 86 i dir koumsa ‘’The Legislative power vested in the National Assembly shall be exercised by Bills passed by the Assembly and assented to or deemed to have been assented to by the President.’’ 

        So letan Prezidan i assented en Lalwa nou, nou ki’n pas kot nou, nou bezwen aplik e Zidisyer i bezwen aplik sa Lalwa i pa kapab fer Lalwa li Zidisyer.  I bezwen aplik sa Lawa ki nou donn li pou li aplike.

So 86 an Kreol Mr Speaker i dir, ‘’Pouvwar Lezislatif ki envestir dan Lasanble Nasyonal ava ganny egzerse atraver bann Prozedlwa aprouve par Lasanble e konsanti ouswa konsidere konman par Prezidan.’’

So akoz mon’n pas lo sa 2 bout Konstitisyon ki Lalwa Siprenm. Lartik 5 i dir nou ‘’Okenn Lalwa ki ganny fer ki kontrandi nou Konstitisyon i ganny deklare void.’’  Sa Lartik 5 ki dir.

Mon’n konmans koumsa Mr Speaker pou montre ki pou dir IGPA ki Interpretation and General Provision Act anba ki nou pe 64 (2) ki sa Mosyon in ganny anmennen, i en Lalwa ki de koul sorti kot nou Konstitisyon.  E i en Lalwa ki’n ganny assented to by the President at that time. 

        Alors napa nanryen ki anti-konstitisyonnel dan sa Lalwa.

So sa travay ki nou pe fer ozordi e ki nou pe ganny sipor Onorab Pillay i dir nou i pou siporte, Onorab De Commarmond in dir i pe siporte i montre nou ki pou dir sa travay i en travay legal, Konstitisyonnel, e ki napa nanryen mal ki nou pe fer.

Mr Speaker mon pa oule demen ou ganny anmennen par Minis konsernen pou dir ou pe fer en keksoz ki mal, e ou vwar ou ankor devan Lakour Konstitisyonnel, mon konnen i pa byen akoz nou pe senpleman fer sa travay ki nou devret fer.

Konteni sa, konteni sa S.I i en keksoz ki bann Manm in koz lo la mon pa pou repete.  Me sa prosesis i enn ki Konstitisyonnel legal e personn, personn pa kapab take away that responsibility from us.  Mi menm Prezidan pa kapab pran sa responsabilite.  Akoz i bezwen 2tyer pou li sanz Konstitisyon.

Oubyen nou bezwen vote dan sa Lasanble pou nou sanz Konstitisyon sa provizyon Konstitisyon ki donn sa bann pouvwar pou fer bann Lalwa.

Alors Mr Speaker avek sa mon pou dir ki tou sa ki nou pe fer i en keksoz ki legal, nou’n ganny entrusted pou nou fer sa par Konstitisyon Sesel ki Lalwa Siprenm ki Lalwa ki kree bann lenstitisyon ki annan Sesel tel ki Zidisyer, tel ki Egzekitiv, e tel ki Lezislatif, alors annou espérons, espérons ki apre ki nou’n quash sa nou pa vwar ou pe ganny servi avek en somonn pou aparet devan Lakour Konstitisyonnel pou al reponn en keksoz ki dan ou manda – dan nou manda ki pep Seselwa in donn nou pou nou fer.

Alors avek sa mwan mon pou dir tou Manm Lasanble, nou devret siporte, pa bezwen les zis Onorab William siport apre pas atraver en prosesis ki en pe difisil pou li.

Nou bezwen kontinyelman annan en Lasanble ki inifye, lo bann topik parey e ki Sesel i ava benefisye avek nou leksperyans nou pa ava pe fer keksoz ki demen en Lalwa i ganny anmenn devan Lakour Konstitisyonnel pou ganny deklare Anti-Konstitisyonnel me nou ava pe fer keksoz ki Sesel demen i ava get nou Lasanble i ava dir wi sa i en Lasanble ki’n fer en travay pozitiv en travay pou Sesel e alors zot ava vwar akoz, akoz ki zot bezwen met LDS lamazorite dan Lasanble dan Gouvernman akoz zot pou vwar akoz nou kapab fer en travay ki pou benefisye Sesel anba direksyon Leader Lopozisyon.  Mersi Mr Speaker.

 

MR SPEAKER

Mersi Onorab Andre.  Mon a donn laparol Onorab William.

 

HON WAVEN WILLIAM

Mersi Mr Speaker.  Mon oule swet labyenveni bann etidyan dan Galeri.  Bonzour tou dimoun ki a lekout.

Mr Speaker se avek gran plezir mon osi mon pou raport mon sipor pou quash sa S.I.

        E mon pe dir sa avek en lespri avek en leker kler, ki pou nou napa sanksyon – pa pou bezwen al demann pardon, ouswa leskiz.

 

(laughter)

 

HON WAVEN WILLIAM

Mr Speaker mon kontan ki nou kote nou pe pran sa pozisyon, akoz i nou rol konman Manm Lasanble e Konstitisyon i donn nou sa drwa.  E mon anvi dir ki petet i en keksoz ki Lasanble dan lavenir pou bezwen swivre en pti pe pre sa bann S.I.  Akoz mon santi  poudir i annan en ta keksoz ki nou bezwen ozordi amann en pti pe plis konsiltasyon.

Mr Speaker mon annan en let devan mon, e sa let i sorti kot Retailers Association.  E lo la Mr Speaker i annan en paragraf kot zot dir ‘’silvouple zot pe demann avek nou bann Manm Lasanble silvouple demann avek Lotorite pou angaz en pti pe plis dan bann diskisyon avek konsiltasyon.’’

Mr Speaker mon krwar ki pou dir sa i en lapel ki dan sa Lasanble li menm nou’n kontinyelman fer.

E mon kontan ki byento ankor dan 2 zour nou pou dan en workshop kot nou pe tous lo SDG 16 ki koz en pti pe dan en fason konpreansiv lo sa eleman inclusivité avek partisipasyon lasosyete.

E Mr Speaker mon ti a demann nou Lasanble letan ki nou pe zwenn annou dn en fason letan nou anmenn sa bann kontribisyon angaz bann lezot stakeholders ki neseser.

Akoz ki arive se ki pou nou annan sa mon kapab dir sa ownership i enportan ki bann akter kle, i ganny anmennen onboard e pli tar letan nou’n pran sa Bill dan Lasanble.

Mr Speaker avek sa 2 pti mo parey mon’n dir se ki mon pou touzour siport bann Mosyon ki pe demande kot enn i annan sa inclusivité.  E pe met lanfaz lo sa konsiltasyon ki letan desizyon final i ganny pran Mr Speaker i ava en desizyon ki enn tou dimoun i a santi li form parti sa.

Mr Speaker an menm tan mon anvi azoute ki sa size ki nou pe tous lo la.  Nou bezwen osi regard lafason ki nou devlopman ekonomik i ete.  Sirtou lefe ki enn lanfaz i lo nou sekter prensipal tourizm.

E bokou nou ki’n vwayaze nou konnen ki pe arive dan bann lezot pei.

Alors mon pou demande ki nou pa get sa bann keksoz dan en fason an izolasyon, annou get li avek en lizye pli larz akoz i annan bokou dimoun ki annan keksoz pou benefisye ladan

E parey mon’n dir mon osi mon kont ki bann zanfan zot ganny akse avek lalkol.  E nou bezwen revwar osi eski sa ki nou ti pe fer avan avek bann Lalwa annegzistans eski nou’n fer li byen?

Mr Speaker avek sa 2 pti mo mon pou donn mon sipor pou quash sa S.I.  Mersi.

 

MR SPEAKER

Mersi Onorab William.  Mon ava re donn laparol Onorab Ramkalawan, mover         Mosyon pou fer sa son konklizyon Onorab.

 

HON WAVEL RAMKALAWAN

Mersi bokou Mr Speaker.  Mr Speaker mon remersye tou Manm ki’n pran laparol.  E an partikilye mon remersi Onorab De, Commarmond Leader Government Business ki’n segonn sa Mosyon.

Sa parey mon’n dir i reprezant sa lespri sa ki nou pe travay la bomaten lo sa size lo sa size lalkol.  E mon bezwen dir ki tou bann pwen i pertinan ki’n ganny fer resorti.

Alors mon pa pou repet ankor.  Mon krwar ki konman en Lasanble kot mazorite nou ki la dan Lasanble nou bann paran nou annan zanfan ki’n grandi, nou annan zanfan ki pli zenn e mon krwar ki nou tou konman bann paran isi dan sa Lasanble e an deor sa Lasanble nou annan kantmenm en serten lenkyetid.  Letan nou vwar zanfan nou vwazen, zanfan nou zanmi ki ganny afekte avek kwa ki drog, kwa ki lalkol nou osi tou nou poz nou lekor kestyon.

E nou priye.  E parfwa nou bann zanfan pa konnen kantite nou priy pou zot pou demann senyer pou ki zot pa ava al tonm dan enn sa bann fleo.

Alor sa konsern i reel, sa konsern i enn ki la devan nou a tou moman nou lavi.

E an menm tan osi parey in ganny eksprimen letan nou pe koz lo e size sitan enportan.  Nou a pe osi koz lo nou lo nou bann zenn, bann travayer.

Onorab Speaker ou’n mansyonnen ki letan ou’n fer letour ou’n vwar bann long laliny methadone ensidswit.

Byensir nou rekonnet ki pou dir methadone i enform tretman.

E i annan bokou bann zenn ki nobou kontrol sa adiksyon atraver tretman methadone, me an menm tan osi i kontinyen malerezman annan bokou ki pe servi methadone, me an menm tan pe kontinyen servi drog e sa se bann ka kot zot pa pou zanmen reisi.

Donk letan nou pe koz lo sa S.I mon konnen pou dir i pa direkteman pou fer avek drog,  i avek lalkol.  Me sa i annan en lenpak direk lo nou mendev.

E letan nou pe koz 6mil adikt nou konnen ki pou dir lalkol tou i melanze ladan.  Nou a pe koz 6mil zenn Seselwa fanm, zonm, ki ti a kapab pe travay pe fer en kontribisyon konkret dan nou lekonomi dan devlopman nou pei.

Alors Mr Speaker mon osi mon ti ava kontan repran sa pwen pou ki tou dimoun ki ti ava kontan fer en kontribisyon silvouple kontakte nou.

Ofet Mr Speaker mon kapab dir avek ou ki pandan ki nou ti a pe fe sa deba mon’n ganny en mesaz sorti kot en dimoun ki ti travay dan en o pozisyon dan Minister Lasante ki’n eksprim son sipor pou sa ki nou pe fer.  E ki in menm dir ki i pare pou li ed nou konman en Lasanble konman en eksper letan nou pe fer sa travay.

So mon krwar ki pou dir la ankor enn fwa i n sityasyon kot nou konman en Lasanble nou pa deklar nou konman bann dimoun ki konn tou.  Me kot i annan lezot eksper e si zot kapab ed nou pou fe input then mon krwar nou bezwen welcome sa e mon ava donn ou Mr Speaker non sa dimoun e parey nou’n dir si nou kapab fer en keksoz ansanm then si sa dimoun konman en eksper i parey pou ofer son servis volonterman.

E mon kontan pou vwar ki sa lespri volontarya i ankor egziste dan nou kominote dan nou sosyete.  Alor sa dimoun i ava kapab ed nou letan nou pe regard sa bann size.

E mon dernyen pwen Mr Speaker, se letan Onorab De Commarmond in mansyonnen ki i annan sa eleman ki sa Lalwa nou t krwar sa S.I nou ti krwar pa pou morde.  Me in deza konmans morde.  E alor petet lefe ki nou pe quash li la.  E nou konnen ki pou dir i annan en pe bann malantandi.  Petet nou ti i annan konsiderasyon ki ganny pran pou sa bann dimoun ki atraver en malantandi zot in kontinyen vann lalkol apartir 11:30 e ki zot in zot in ganny en problenm.  Konmsi pou met sa an konsiderasyon.

E alor Mr Speaker mon remersye tou dimoun pou zot bann diferan pwen ki pwen legal, ki pwen moral, ki bann pwen kot nou tou nou’n montre ki mannyer nou kapab zwe en rol pou nou apiy sa demars ki nou pe fer dan nou sosyete pou sov nou  bann zenn me pa lao tou pou sov nou pei.  Mersi bokou Mr Speaker.

 

MR SPEAKER

Mersi Onorab Ramkalawan.  Bon mon annan 2 pti mo, mon pa pe tir la parey mon dir mon pa anvi lenfliyans deba, lenfliyans lot, apre e an menm tan parey Onorab Andre in dir quashing S.I i kapab annan konsekans.

So apre ki Lasanble in pran sa vot sa desizyon mon ava dir 2 pti mo.

Bon nou’n ariv moman kot pou nou pran en desizyon en vot lo Mosyon ki’n ganny move par Onorab Ramkalawan ki li comme swivan: the National Assembly resolves to quash S.I 35 of 2019 in accordance with the Interpretation and General Provision’s Act Section 64 (2).

Mon ava demann tou Manm ki an faver Mosyon? Okenn Manm ki kont?  Madanm Clerk.

 

MADAM CLERK

Mersi bokou Mr Speaker.  Avek plezir mon’n rikord 24 Manm ki’n vot an faver ki rezilta inanim, e personn kont.  Mersi.

 

MR SPEAKER

Mersi Madanm Clerk, savedir Mosyon pou quash S.I 35 of 2019 in ganny aprouvasyon Lasanble Nasyonal.

S.I 35 2019 i cease imedyatman.  Wi sa se pouvwar ki dan envestir dan Lasanble e ankor parey mon’n dir mon annan 2 pti mo ki mon ti pou dir, mon ti’n note sa Onorab Andre in refer sorti ankor sa se pouvwar ki ganny envestir dan Lasanble dan lanmen Manm Lasanble ki pe reprezant lepep deor.  Se pou fer Lalwa e an menm tan nou kapab defer Lalwa.

Mon anvi zis dir 2 pti parol, swivan Kominikasyon ki mon’n ganny ek Leader Lopozisyon yer son dezir pou anmenn sa Mosyon e an menm tan ki i ti pe dyaloge avek Onorab De Commarmond mwan osi tou mon’n fer mon sekreter fer en pti resers.

Me keksoz i konfize.  Dapre Lotorite sel moman kot in annan konsiltasyon avek Retailer Association ti dan en forum ki Minister Lasante ti organize le 17 Me 2019, kot i ti koz lo Sugar Tax, Sale of Tobacco, Alcohol Policies. 

        E Minister Lasante ti fer sorti pou revwar ler vann lalkol and so on.  E lo sa panel ti annan zis Chamber of Commerce ki ti ganny reprezante me apre ti bann Zofisye Lasante – ok.

        Wi ti annan reprezantasyon Retailers Association, me napa naryen konkret ki vini ant SLA avek Finans pou diskit avek zot, zot bann propozisyon ki pe ganny mete dan sa S.I.

        E mon’n al pli lwen mon’n fer mon sekreter kontakte SLA, SLA pa’n zanmen averti manm piblik ek retailers ki sa nouvo ler pe vini e pe pran lefe.

E si zot regard dat ki zot S.I, S.I in ganny pibliye le 31 Me, e in pran lefe le premye Zen.

So ankor ou vwar i annan en mank kominikasyon i annan en mank konsiltasyon.  E menm dan nou’n kontakte zournal Nasyon nou’n sey rode.  Zournal Nasyon in dir ek nou ki i pa’n resevwar okenn advert pou mete, pou dir sa Regilasyon prezan pe fer ki le vann lalkol i sanze, pou averti piblik sirtou an zeneral.

So ankor i annan en mankman e vwala rezon osi tou ki fer ki sa S.I i pa’n vin byen e nou, nou bezwen fer sir ki keksoz i ganny fer byen dan Sesel.

So vwala en pti pe kwa ki mon ti anvi partaz avek zot, akoz lo mon kote osi tou mon’n anvi ki nou kapab fer en pti pe resers osi tou pou regarde ki travay ki Lasanble i fer i en travay ki byen.

Bon avek sa nou pran break e ankor on ava envit bann Manm pou vin enterakt avek bann etidyan Independence School.  E petet ankor pou i annan bann etidyan ki petet pa kapab konvers byen an kreol pou eksplik en pti pe nou prosedir ki nou fer bomaten isi dan Lasanble.

Nou ava break e nou ava retournen 11er bomaten.

 

(BREAK)

 

MR SPEAKER

Bon mon prezant en leskiz pou sa retar ki nou’n gannyen.  Me sa i vin zis en pti pe enteraksyon ki nou ti pe gannyen avek bann etidyan ki ti avek nou bomaten kot Lasanble.  Bon mon pou donn la parol Onorab Churchill Gill avan nou bouz lo Mosyon.  In averti mwan anfen Onorab Sebastien Pillay ti’n averti mwan bomaten me dan son labsans Onorab Churchill Gill pou fer en pti Statement.  Onorab.

 

HON  CHURCHILL GILL

Mersi Mr Speaker.  Mr Speaker konman en Manm FPAC ki’n enterakte bokou avek SS Payet e an menm tan konman Manm Lasanble avek mon lezot koleg ki’n enterakte bokou avek SS Payet dan bann diskisyon Bidze kot nou’n vreman challenge li lo en bon pe portfey.   Mon oule remersi li pou sa – felisit li pou sa award ki in gannyen anba Adams Smith Award pou best Sustainable Financial Solution Award ki in gannyen.  Konman en pti pei i montre nou ki nou annan bann potansyel ki kapab shine lo nivo enternasyonal.  E parey mon dir nou oule remersye li e nou ekspekte ki felisit li (pardon) felisit li e nou ekspekte ki i ava kontinyen travay dan sa direksyon kot i ava fer paviyon Sesel mont bokou plis ankor.  E mon a profit sa lokazyon pou mon dir avek mon bann koleg Manm Lasanble ki nou osi nou kapab fer en diferans dan nou travay Lasanble si nou osi nou met latet ansanm e nou fer sa ki byen pou nou pep e pou nou pei.  Mersi.

 

(APPLAUSE)

 

MR SPEAKER

Mersi, mersi Onorab Gill.  Mon kontan ler ou dir ki sirtou FPAC in met li plizyer fwa devan pou kestyonn li lo spot.  Ok,  e petet osi atraver sa travay osi nou’n ed li en pe pou li kapab dekouver serten kapasite anndan li ki i kapab fer.  E mon ti apresye ler i ti dir yer swar poudir an menm tan ki i pe desarz lezot responsabilite i ti pe osi tou pe fer sa preparasyon.

Bon mon osi lo mon kote e lo non Lasanble mon extend sa felisitasyon pou SS Payet e i en dimoun ki familye avek nou dan Lasanble e nou kapab enterakt tre byen avek li.  So alor felisitasyon SS.  Bon nou ava kontinyen nou travay lo Order Paper.  E nou ava pran dezyenm Mosyon.  Mon ava demann Onorab Chantal Ghislain pou move son Mosyon.  Onorab.

 

HON CHANTAL GHISLAIN

Mersi Mr Speaker.  Ankor en fwa bonzour tou dimoun.  Mr Speaker Mosyon pe demande ki Gouvernman i met an plas en striktir pou bann atlet, ki’n fer spor lo nivo High Level e ki’n form parti bann lekip Nasyonal are ki zot in pran retret.  Sa i ava enkli regard dan byennet e kalite lavi sa bann sportif, baze lo zot rezilta e partisipasyon, kalite lavi ki zot pe viv apre ki zot in fer flote bannyer Sesel.  Bann package baze lo bann diferan spor.

Mr Speaker permet mwan retir pou en pti moman omwen zis mon lentrodiksyon lo sa Mosyon sa soulye ouswa sapo Manm Lasanble oubyen menm en politisyen.  En keksoz ki mon asire ou osi konman en endividi ou trouv ou ladan.  Senpleman akoz nou tou le de nou fer sports.  Pli presizeman nou sport prefere ti volleyball.  Mr Speaker mon’n anvi retir sa sapo senpleman akoz sport i mon lavi ziska 7an pase ler mon ti deside rantre dan politik.  Mr Speaker pou mwan ti enportan sitye mon lekor dan sa soulye senpleman akoz o kour mon lavi travay konman en zournalis e en atlet in anmenn mwan pros avek en kantite atlet.

Mon’n temwanny zot lakonplisman e leksplozyon lazwa ler zot sorti viktorye parey ler Kenny Roberts ti remporte premye meday lor pou Sesel o kour 5enm Zwe De Zil La Réunion. Selebrasyon triyonfal lekip volleyball fanm ler zot ti premye fwa remporte meday lor pou Zwe De Zil La Reunion.   Selebrasyon triyonfal bann atlet e lev pwa ler zot ti rakle preski tou meday lor katriyenm Zwe De Zil,  1993 Sesel.

Me sirman pou triyo Legras, Cadeau e Raforme zot moman lazwa in triple ler zot in  transir ring atraver lemonn.  E mon’n osi temwanny zot dezespwar e larm verse zis parey Ange Dubignon ti Ange parey nou tou nou konn li, Seselwa pou mazin li konman sa keeper kont lekel gol pli vit dan listwar sport Sesel in rantre.  Sa ti 1990 stad popiler Sesel kont Maurice dan African Nations Cup pa menm 5 segonn apre kick off pti Ange pa konnen ki mannyer in kit son laliny gol Morisyen i trouv e lock boul par lao li.  Me malgre in esey taye alala gol !  Me sa Mr Speaker ti zis detrwa moman me lalis bann moman parey i tre long, ki mon’n temwannyen personnelman otour sa 25an ki mon’n pase avek sa bann atlet Seselwa.

Mr Speaker i annan en pe letan mon ti pe mazin lo en tel Mosyon, me problenm sete kwa ki pou vreman, kwa ki vreman pou demande dan sa Mosyon?  Avoue dir mon ti ganny enspire par en tel Mosyon depi mon ti ankor dan 5enm Lasanble.  E i enportan mon dir lekel ki ti enspir mwan avek sa nide. Ti zis en zour dan pe pase la kot Butchers Grill e mon bat avek ansyen foutboler Franky Tamboo.  E parey bokou ki’n bat avek li, mon ti en pe soke pou vwar son leta.  E premye keksoz ki ti vin dan mon lespri sete demann li mannyer in tonbe koumsa dan lavi ?  In esey eksplik mwan ki mannyer in kas son lipye e li apre konman i pou fini son loperasyon swadizan i pe al retourn zwe foutbol.

E ki i pe al tap tou pou li al dan Zwe De Zil sa letan 2015 La Reunion.  Byensir mon a ti krwar li.  Sa sityasyon in reste lo mon lespri pou en bon pe letan.  E mon ti zis demann mon lekor si ti annan en form pansyon pou nou bann atlet sa ti ava petet ede soulaz en bon pe son kondisyon.

Mon’n esey mazin diferan fason ki mannyer sa i kapab arive.  Premye fwa mon’n esey mazin tou atlet anrezistre avek en Federasyon.  Apre mon’n dir sa pou telman tro vast.  Ziska tou dernyerman sa i sa lannen, e lannen pase mon ti mazinen ki se atlet ki ganny injury, ki devret ganny en form pansyon.  Me ankor sa ti pou difisil akoz pa ti pou fasil konnen si tel ou tel atlet son injury ti vreman rezilta sports ou pa.  Ziska apre bokou koze avek detrwa atlet e detrwa lezot dimoun ensi ki resers lo bann lezot pei ki fer mon’n finalman kapab ekrir sa Mosyon parey i ete la ozordi.

Mr Speaker mon ti’n vwar legzanp lanmenm dan la rezyon.  Nou pei zanmi Maurice, an 2017 Gouvernman Morisyen ti bidzet R5milyon anba en nouvo Scheme apele State Recognition Allowance Scheme for retired athletes.  Ki ti annan pou bi rekonnet tou bann sportsman Morisyen ki a serten pwen dan zot lavi e listwar sport zot in anmenn loner Maurice.  Prenon kont son grander e resours natirel i tre limite Maurice ti ganny vwar konman enn bann rar pei pou enplimant en tel striktir.  Bann atlet ti vwar sa konman en mezir istorik menm si zot ti vwar ki bann sportsman Morisyen ti vreman merite ganny rekonnet pou zot bon performans.  Sa Trust Fund for Excellence parey zot ti apel li ti pou rekonpans bann atlet ki ti’n remporte meday lor, larzan bronz  dan bann konpetisyon enternasyonal depi 1968 e ki ti’n fini pran zot retret e ki tin fini ariv laz 35an sa letan.

Sa bann atlet ti resevwar en pansyon ant 10mil a R3mil Morisyen tou le mwan.  Me domaz Maurice ti’n fer sa Scheme tro vit san bokou konsiltasyon, sa Scheme ti ale zis pou 2an.  E la an 2019 napa larzan ki sa bann atlet pe kontinyen resevwar.

Dan L’Inde li i annan en lot kalite pansyon.  Depi 2003 zot in entrodwir en pansyon pou lavi anba en Scheme ki zot apel li pension to meritorius sportsperson.  Sa i pou  bann atlet ki’n remporte meday dan konpetisyon enternasyonal e ki’n prezan dan retret.  Apre i annan en lot ki apel National Welfare Fund for sportsperson e sa i donn en pansyon pou 5 kategori dimoun ki’n involve dan sports.  En kategori ki menm si zot pa’n remporte okenn meday zot trouv zot dan lapovrete.

Dezyenm lasistans i pansyon pou fanmir dan ka ki sa atlet i mor.  Trwazyenm pou bann zofisye spor, refri, lantrener, fizyo terapi, dokter ki fer sports, menm zournalis sports e lezot ki involve dan sport tou le zour zot lavi.  Katriyenm i pou bann ki ganny en injury ler zot ti pe fer spor e 5enm i tretman medikal pou tou bann atlet anrezistre ki pratik sport lo nivo Nasyonal.  Sa mon pe koz dan L’Inde.  E en lot pei ki osi donn pansyon son bann atlet ki’n remporte meday dan bann zwe enternasyonal i Sid Korea.

Mr Speaker, pou bokou lannen Seselwa in pratik sport isi Sesel, pe enport si in fer li pou son klib, pou son distrik ouswa personnelman dan bann ka sports endividyel.  Ouswa menm al fer li lo nivo enternasyonal sa parol sports lo nivo amater in touzour monte.  Bann sports amater e bann sports ki bann partisipan i pratike san okenn form reminerasyon.

En atlet profesyonnel ouswa en sport profesyonnel i enn kot sa pratikan i ganny peye en saler e zot pas tou zot letan dan lantrennman e konpetisyon san sa presyon en lot louvraz. Tandis ki en amater li i viv lo saler en lot travay e zot ganny tre pe letan pou pas dan lantrennman e konpetisyon.  E an rezilta sa zot sans remporte en meday lor dan bann gran zwe parey Zwe Olympique i tre limite.

Nou bann atlet Seselwa in fer nou pei fyer atraver zot bann performans, e zot in ini nou nasyon dan zot moman  lekselans.  Me par kont o kour zot karyer sa bann atlet amater pa’n benefisye avek bann gro,  gro lanvlop larzan e bann gro, gro Kontra ek bann gro lakonpannyen atraver lemonn tel ki Nike, Addidas, Puma e  lezot ankor.

Ki fer avek bann atlet profesyonnel e ki an retour i fer ki trwa kar sa bann atlet profesyonnel i vin milyonner.  Me sa i pa le ka avek bann atlet Seselwa ou menm bann atlet amater.  Nou bann atlet Seselwa in fer bokou sakrifis zot osi.  Me laplipar zot pa’n garanti ouswa prepar zot pou ler zot pran retret dan zot sports.  I annan ki’n tonbe dan lavi e in napa en bon striktir an plas pou kontinyen swiv sa bann atlet ki’n anmenn loner pou Sesel apre ki zot in pran zot retret.

Mr Speaker avan Lendepandans 1976 bann sports e mazorite Seselwa ti pratike sa letan ti foutbol, laboks, sport lo delo, atletik, Hocky ek netball.  Konman en pti nasyon priyorite Gouvernman Sesel sa letan ti byennet sosyal e lakaz pou son bann sitwayen.  Malgre ki Sesel i en pti pei, depi 1976 sports e bann atlet Seselwa in akonpli bann rezilta ekselan lo nivo enternasyonal dan diferan aktivite sportif mondyal parey Zwe Olympique, Zwe Commonwealth, Sanpyonna Mondyal, Zwe La Francophonie, Zwe Lafrik, Zwe De Zil  e Sanpyonna Lafrik.  E pou en kantite lannen menm avek bann bon rezilta, bokou nou bann premye atlet in annan selman sa meday e memwar sa moman glorye konman zot rekonpans.

Me i annan en pe letan ki Sesel in konmans rekonpans son bann atlet ki remporte meday dan bann gran zwe mondyal.  Depi konman en voucher R250 ki ti donnen sa letan, la mon pe koz lo en meday bronz Zwe De Zil 90 Madagascar ziska R25mil la tou dernyerman pou en meday lor ozordi oubyen menm R50mil pou en meday lor Commonwealth.

Dan en fason ou en lot in annan rekonpans pou nou bann atlet.  Parey zot bann koleg sportsman atraver lemonn nou bann atlet Seselwa osi in depans bokou lenerzi e fer bokou sakrifis dan lantrennman en preparasyon pou anmenn loner pou Sesel.  E parey zot bann adverser zot in osi transpire e batay dir pou remporte meday lor, larzan ouswa menm bronz.  E apre out zot travay dir i toutafe normal ki zot ganny byen rekonpanse pou zot zefor.

An 2017 Minister Spor Sesel ti etabli en nouvo Scheme pou rekonpans nou bann atlet Seselwa.  E bann pri larzan depandan lo kantite pei ki pe partisip dan bann diferan gran zwe mondyal parey Zwe Olympique, Commonwealth e La Francophonie, pri larzan i ant R1milyon en meday lor Olympique ziska 200mil pou en meday lor Zwe Commonwealth e lo nivo  Zwe De Zil 25, 15 e R8mil pou en meday lor, larzan ouswa bronz.  Apre i annan lezot incentive tel ki pey day care pou bann atlet madanm ki annan zanfan.

En allowance R500 par zour pou bann ki self-employed e R350 pou bann atlet ki pa anploye ouswa casual.  E R15mil par mwan pou en atlet ki pe zwe profesyonnel e i bezwen desann Sesel pou antrennen avek lekip.

Me par kont ler karyer sa bann sportsman ki’n pratik sports lo  sa nivo i ariv a son lafen sa bann allowances i otomatikman arete.  E laplipar sa bann atlet zot soudennman trouv zot san en reveni e zot ganny lese tousel pou fer fas avek sa lavi dir.  I pli dir pou nou bann madanm e zenn fiy ki pe fer sport.

Ou kapab zis mazinen ozordi en atlet parey Lisa Labiche i pe pas trwa kar son lavi aletranze, ale vini dan bann konpetisyon e lantrennman, avek en zanfan ki i pa vwar preski ditou.  Sa i en gran sakrifis ki i pe fer non selman pou son lekor pou li ganny sikse me pou son pei, pou li menm, loner ek sikse pou Sesel.  Zis mazin sa fiy ankor dan 10an kekfwa.

Tou sa ki in gannyen pou’n deza fini.  Senpleman akoz sa ki ou gannyen ozordi i roul ankor dan ou sports menm.  Sa ki a reste meday, lakoup, sertifika me san  en reveni finansyel rekonesans pou sa ki in fer.

Sa ti selman en legzanp Mr Speaker.  Malgre ki nou konnen ki ozordi sa bann madanm zot ganny en lasistans pou pey day care pou zot zanfan. Mr Speaker i annan atlet ki’n menm pa’n kapab retourn dan zot travay lefe ki swa zot in ganny injury dan zot sport ouswa menm zot in perdi zot sans pou ganny menm en promosyon e zot retrouv zot touzour pe rekonmanse apre ki zot in angaze dan sports.  I annan menm levidans kot in annan sa bann atlet fas a  sa bann sityasyon zot in fer bann aktivite ilegal par egzanp ou menm angaz zot dan bann aktivite ilegal zis pou zot esey sirviv.  Legzanp i la devan nou.

Mr Speaker malgre ki nou annan en kantite rikord lo rezilta nou bann sportsman ouswa atlet ki’n fer sport lo nivo High Level e ki’n form parti bann Lekip Nasyonal, fodre ki nou admet ki konman en nasyon nou pa neseserman regard ouswa onor tou nou bann atlet apre ki zot in pran retret.  E nou pa neseserman regard osi dan zot byennet e kalite lavi ki zot pe viv apre ki zot in fer flote nou paviyon.  E par krwar Sesel i pli move akoz Maurice ti rekonnet pou li an 2017.  E L’Inde an 2003.

Mr Speaker parey nenport ki travayer, Sesel ozordi i Lalwa ki apre zot retret zot ganny en form pansyon tou depandan lo zot pos e kalite travay ki zot in fer.  E ozordi nou kapab konsider dimoun ki pratik sport e ki’n fer flote paviyon Sesel li osi i normal ki i ganny konsidere konman in travay e i merite ganny en form pansyon.

Mr Speaker pou byen konpran ki vreman sa Mosyon pe demande, i enportan ki mon fer en pti tour d’horizon lo listwar sports e lakonplisman nou bann sportsman Seselwa.  Apre lavantir Henri Dauban premye Olympian Seselwa ki ti ganny sans partisip dan lekip Javelin Britanique dan Zwe Olympique 2024 okenn atlet Seselwa pa ti’n zanmen deza partisip dan okenn levennman sportif au dela la kot Sesel.

An fet Sesel ti fer son premye partisipasyon dan en gran zwe enternasyonal an 1979.  Sa ti o kour premye Zwe De Zil Losean Indien ki ti e fer La Reunion.  Atletik ek laboks ti 2 sport ki ti fer sitan byen.  An fet Sesel ti vreman domin ring avek 6 meday lor, 2 larzan e 1 bronz dan laboks.  E kote atletik 4 lor, 3 larzan e 7 bronz.  Sesel ti osi remporte meday larzan dan foutbol, en meday larzan ek en meday bronz dan lev pwa.  En meday larzan ek en meday larzan dan tenis de table.  E en meday lor dan lawal.  Avek 8 meday lor, 8 meday larzan ek 11 bronz dan laboks, atletik, foutbol, lev pwa, tenis de table, lavwal e foutbol e sorti trwazyenm dan sa zwe, deryer Maurice e La Reunion e pou en pti pei ki premye fwa i al partisip dan en zwe enternasyonal e kot rezilta Sesel ti sitan bon, tou dimoun ti pe konmans koz lo spor Sesel.  Si spor pa ti en priyorite avan 76 avek sa bon rezilta premye Zwe De Zil La Reunion spor ti konmans vin en konsern Gouvernman.

Mr Speaker i zis enposib koz lo listwar spor Sesel e listwar son sikse e sikse son bann premye atlet si nou pa mansyonn sa bann atlet ozordi letan ki nou pe koz lo zot. E byensir sa bann atlet zot an retret ozordi.  I annan malerezman zot nepli la.  I en parti mon Mosyon i demande ki ozordi sa bann atlet i ganny en form pansyon apre ki zot in pran retret e ki kalite lavi ki zot pe viv ozordi. Regard dan zot byennet apre ki zot in fer flote bannyer Sesel e sa i devret byensir baze lo zot rezilta e performans.

Mr Speaker i enteresan konnen ki kalite lavi premye medaye lor Sesel Regis Tranquille pe viv ozordi.  Oli Maurice Camille?  Vincent Confait?  Cassy Prea?  Denis Rose? Ki bokser Remi Zialor, Daniel Marengo, Peter Isaac, Michel Moncherry, Allen Sherman e Michael Pillay pe fer?   Oli  Charles Pool? Albert Marie?  Adolph Tirant?  Basil Boniface? Mike Chetty?

Nou bann zwer foutbol ki ti  remporte premye meday larzan.  Lewis Betsy.  Robin Marimba.  Jerry Cesar.  James Adam, Pat Marguerite, Mike Mancienne, Jimmy Baker li in passed away.  Me oli Michael Barra?  Jules Adrienne, Ulrick Mathiot, Rene Cesar, Mark Latulip, Gonzague Boniface, Godfrey Samson, Jimmy Paul, Suketu Patel.

3 semenn pase mon vwar Charles Alcindor pe bwete.  Ki nou’n fer pou li ?  Anges Dubignon.  Mon aprann i annan en problenm zenou oubyen sevir.  Sesel pou kontinyen koz lo ti Ange konman sa keeper ki’n fer son lekip St Louis ganny respe konman lekip, ki’n debout ferm kont enn bann lekip pli for lo Lafrik, AFC Leopard.

Sa letan sa konpetisyon ti apel African Championship.  E la mon krwar i apel African Champions League. St Louis ti’n perdi 41 away.  E dan match perdi touzour stad popiler St Louis i win de penalti e tou lede penalti lekip Sesel i selekte, lekip St Louis i selekte Pti Ange pou pran, i score tou lede me domaz match ti termin lo en drwa 3 -3 si mon pa tronpe.  Lo gol ti score par Bernard Dorasamy si mon pa tronpe.  I enteresan konnen oli ti Ange ozordi?  E ki kalite lavi i pe viv?  In fer flote paviyon Sesel. Pareyman i enportan konnen ki lezot bann lezot atlet parey Marion Zarchany, Marie Ange Witz, Marianne Cesar, Linda Bastienne, Bessie de Letourdie, Margarette Morel, Gabriel Coeur de Lion, Bernard Denis, Jean Larue, Andre Derjacques, Peter Sinon, Mike Fayon, Gaetan Didon, Collin Quatre, Ralph Volcere, Tony Wong e Freddy Kakaria pe fer.

Mr Speaker in enportan pou mwan mansyonn sa lalis atlet senpleman akoz zot bann premye atlet Sesel ki’n fer flote paviyon Sesel lo nivo enternasyonal.  Zot bann premye atlet pou remporte meday pou Sesel dan en zwe enternasyonal.  Mr Speaker apre sikse Zwe De Zil Seselwa ti konmans koz Zwe Olympiques aprezan.  E apre kreasyon komite Olympiques Nasyonal an 1979 sesel ti partisip dan son premye Zwe Olympiques ki ti deroule Moscow an 1980.  Sesel ti ganny reprezante dan sa zwe par 12 atlet.  Lefe ki zwe Olympiques i zwe pli prestizye dan lemonn, sportif e i en loner ekstraordiner pou reprezant ou pei dan okenn zwe Olympiques, bokser Michael Pillay, Remy Zialor e Basil Boniface e atlet Albert Marie, Regis Tranquil, Bessie De Letourdie, Cassy Prea, Arthur Agathine, Antonio Gopal, Mike Larose, Margarette Morel, Vincent Confait.  Zot kapab ganny kalifye konman bann sportsman pilye High Level Sesel.

Mr Speaker avek tre pe preparasyon pou en zwe sa nivo, Sesel pa ti ganny okenn meday.  E depi sa Sesel in partisip dan tou lezot Zwe Olympiques eksepte Zwe Seoul an 1998.  E meyer performans Sesel dan okenn zwe Olympiques i reste nou de bokser Roland Raforme e Rival Cadeau e canoeist Tony Lespoir.

Roland Raforme ti rat en meday bronz Zwe Olympiques 1992 Barcelone.  Nou a rapel Raforme ti’n fer en zoli parkour dan sa enn zwe.  Bat Ostralyen Rick Timpery 27 -7.

Knock out Franse Patrice Hoacie me perdi son konba kar final 3-11 kont Angoa Zole Tanberess. 4an  pli tar Atlanta 1996 Rival Cadeau li i elimin Bresilyen Hore Silva 22 -7 bat Ghanaian Asiake Ari zis pou li al perdi osi dan kar final zis en minit 24 segonn dan premye round son konba kar final kont Karim Tourakanov sorti Uzbekistan.  Apre 2004 Athens canoeist Tony Lespoir ti kalifye semi final group b dan lakours 5mil met k1 apre ki i ti’n sorti 6enm dan son hits.

Mr Speaker en lot zwe prestizye se Zwe Commonwealth.  E fodre fer remarke ki sa osi zwe ki nou bann atlet Seselwa in anmenn pli bon rezilta ziska la.  Depi premye partisipasyon Sesel dan sa zwe Sesel in remporte li 7 meday, 2 larzan e 5 bronz.  E sa i dan laboks, lev pwa e atletik.

E bann medaye ti Roland Raforme, Jerry Legras, Rival Cadeau, Keddy Agnes, Celine Laporte e Janette Thelermont ki li in  remporte meday bronz dan de zwe.  E Mr Speaker zwe Kuala Lampur Malaisie 1988 ti enn byen enteresan.  E bokou Seselwa pou rapel sa.  1998 ti osi Zwe De Zil La Reunion.

E sadly enough ti Zwe De Zil ki nou bann bokser ti ganny plis kritike avek piblik Seselwa.  Sa mon rapel byen menm.  Legras ek Raforme ti’n ganny eliminen e pa ti’n remporte okenn meday.  E byensir ler zot ti ganny selekte pou al Zwe Commonwealth sa lannen ti annan bokou kritik sorti kot piblik.  Kestyon ki zot ti demande sete ki sa de zans pou al fer dan Zwe Commonwealth si la ater Zwe De Zil zot pa’n kapab anmenn meday.  Me ki nou ti vwar.  Sa de atlet ti sirmont tou kritik e retourn avek meyer performan ki Seselwa in kapab fer dan sport mondyal.  Raforme e Legras ti remporte meday larzan.

Mr Speaker o fir e an mezir ki Sesel in devlope e nou’n kontinyen partisip dan bann zwe e Sanpyonna Mondyal ouswa Lafrik ou dan la rezyon, plis Seselwa in kontinyen partisip dan bann sports e lakantite varyete sports osi in ogmante.  E an mezir ki lannen i pase plis atlet i anmenn laglwar pou Sesel.  Malgre tou zefor pou rekonpans sa ki la ozordi annou konman en nasyon mazin sa bann menm atlet zour i ariv zot moman retret.  Sa moman kot nou nepli antann nonm li.

En pansyon i sa fason ideal pou nou konman en nasyon kontinyen dir sa bann atlet mersi par ofer zot sa sekirite finansyel an rekonesan pou zot performan ekselan e pou fer flote paviyon Sesel kot bann gran zwe mondyal.

Nou bann atlet a kapab zouir rekonpans zot sakrifis san okenn problenm finansyel dan zot lavi.  I ava osi en form motivasyon pou kontinyelman elev standar nou bann atlet ensi ki motiv zot pou kontinyen fer pli byen e anmenn pli bon rezilta.  Avek sa Mr Speaker mon pe move ki Lasanble i debat par met nide ansanm lo ki meyer fason ki nou kapab fer pou nou kapab aprouv sa Mosyon osi pou ki Gouvernman i met an plas en striktir pou bann atlet ki fer spor lo nivo High Level e ki’n form parti bann lekip Nasyonal apre ki zot in pran  retret.  Sa i ava enkli regard byensir dan zot byennet e kalite lavi ki zot pe viv e byensir sa osi ava baze lo zot rezilta e partisipasyon.  E osi baze lo diferan sports e rezilta ki zot in anmennen.  Mersi Mr Speaker.

 

MR SPEAKER

Mersi Onorab Ghislain.  Bon okenn Manm ki segonn Mosyon?  Yes Onorab Paul Ernesta.

 

HON PAUL ERNESTA

Mersi Mr Speaker.  Mr Speaker mon le segonn Mosyon e an menm tan mon demann permisyon si posib fer mon lentervansyon?

 

MR SPEAKER

Bon mon pe regard ler ki’n arive akoz midi en kar mon pe rankontre Anbasader EU. E Onorab Lemiel in sinyal mwan ki i pa pou la apre midi.  Eski petet ou a permet ou a donn Onorab Lemiel laparol.  Ou pa pou long?  Ok nou ava pran entervansyon Onorab Lemiel anvi ki Mosyon in ganny segonde.  E apre midi nou ava pran ou entervansyon Onorab Ernesta.  Onorab Lemiel.

 

HON SYLVANNE LEMIEL

Mersi Mr Speaker.  Mr Speaker sa Mosyon prezante par Onorab Chantal Ghislain i annan son merit.  I bezwen ganny gete avek en lespri ouver e konman en lot fason pou nou kapab soutenir e rekonpans bann atlet ki’n partisip dan sport o nivo e osi bann ki’n form parti lekip Nasyonal Sesel.  Bokou sa bann atlet in fer paviyon Sesel mont tre o.  Distrik Anse Royale i enn ki’n prodwi bokou atlet, ki’n partisip dan sport o nivo e osi dan bann konpetisyon enternasyonal e ki’n fer paviyon Sesel monte.

Zis pou nonm enn de sa i defen Danny Beauchamp ki ti anmenn meday lor pou Sesel dan levennman sot an longer 1993 e 1998 dan Zwe De Zil Losean Endyen.

  • Mr Jourdan Lepathy ki ti en tre bon zwer volley ball.  Danny Benoit ki fer atletik.
  • Jerina Bonne ki’n a plizyer fwa ganny plizyer pri dan volley ball.
  • Keddy Agnes bokser tre renonmen e ki’n anmenn laglwar pou Sesel.
  • Marielle Bonne ki’n zwe volley ball o nivo, profesyonnel Lafrans e ki’n osi ganny diferan pri dan tim Nasyonal volleyball

Mr Speaker i annan bokou zot ankor e ziska ozordi nou distrik i ankor pe prodwi bann atlet tre talante e ki pe fer nou fyer.  Zot deza dan sa parkour kot zot pe donn lanmen fer paviyon Sesel mont tre o dan bann konpetisyon o nivo dan la rezyon oubyen enternasyonal ki zot partisip ladan.  Pran legzanp nou bann fiy e garson dan klib atletik e lekol segonder Anse Royale.  Nou pe touzour antrenn e fer tre byen. Zot pe touzour antrennen e fer tre byen dan bann konpetisyon atletik e osi bann sanpyonna ki fer tou le lannen.  Zot annan zot en lantrener tre devoue.  Sa bann talan i ganny  dekouver depi zot ankor dan primer.

E avek bon lantrennman zot kontinyen devlop zot talan.  Mr Speaker nou bann zenn fiy e garson i devret ganny sa sipor neseser pou zot kontinyen perform alaoter, e osi kontinyen fer zot lekol, distrik e pei fyer.  I devret annan en fason ki plis finansman i ganny donnen a bann klib oubyen form en lakademi pou anmas sa bann zenn atlet, donn zot lantrennman lo pli o nivo e an menm tan zot ava pe etidye.

Mr Speaker letan nou lo sa topik atlet ki’n partisip dan sport o nivo e Lekip Nasyonal mon oule osi koz lo size nou bann atlet ki annan serten dezabilite.  Nou annan apepre 10 sa bann atlet tre talante ki partisip dan paralympiques Olympiques Spesyal e osi Zwe De Zil.

Sa bann atlet i vreman spesyal e zot donn tou dan zot lantrennman pou ki zot kapab amelyor zot performans dan bann konpetisyon lokal ou enternasyonal ki zot al partisip ladan.  Ler mon regard lo kote recognition pou sa bann atlet i fer mwan bokou dimal Mr Speaker.  Zot ale, partisip dan paralympiques  Olympiques Spesyal e  ganny meday lor, larzan oubyen bronz.  Me ler zot ariv isi Sesel, zot ganny rankontre l’aéroport par manm fanmir,   parfwa reprezantan NSC, donn zot en bouke fler.

Me ler nou get lo kote rekonpans finansyel Mr Speaker i annan en gran disparite kot i konsern sa ki zot donn bann atlet normal e sa ki zot donn nou bann atlet ki annan en dezabilite.  Mr Speaker atlet se atlet.  Akoz ki i bezwen annan sa gran diferans ?  Zot tou zot fer paviyon Sesel mont o,  e fer nou nasyon fyer.

Alors, eski nou pa devret tret zot parey?  A mon avi i pa devret annan okenn diferans lo kote rekonpans pou nou bann atlet normal e osi nou bann atlet spesyal.  Donn zot tou menm lenportans.  Ozordi lemonn eksteryer pe revwar la fason ki zot tret zot bann atlet sirtou bann ki anmenn meday oubyen lakoup pou zot pei.  Sa bann atlet pe ganny byen rekonpanse.  E zot vwar li vo lapenn pou zot antrennen.  Donn zot letan e travay dir pou zot fer le meyer a sak fwa ki zot partisip dan okenn konpetisyon.  Akoz zot konnen ki si zot fer paviyon zot pei monte dan bann konpetisyon o nivo oubyen enternasyonal zot pou ganny byen rekonpanse.

Mr Speaker prezan annou regard en kou nou bann madanm atlet ki partisip dan bann sport lekip oubyen endividyel.  Serten zot pe fer tre byen e mon santi ki zot mank sa lankourazman e zot bezwen bokou pli sipor sorti kot zot Federasyon.  Sa bann madanm i kit zot fanmir enkli sa ki annan zanfan deryer.  Al fer lantrennman tou le swar e menm aletranze.  Partisip dan konpetisyon, ganny meday, e ki zot resevwar an retour ?  Nou bann madanm dan sports pa satisfe avek la fason ki zot pe ganny gete e menm i annan ki santi ki zot pe ganny viktimize par bann ki annan Lotorite.

Mr Speaker nou bezwen re vwar la fason ki nou tret nou bann atlet an zeneral.  Sa ki ankor pe fer spor e osi sa ki’n retrete.  Mon pou rekomande ki latansyon spesyal i ganny donnen a nou bann atlet madanm ki pe fer sport lekip e osi nou bann atlet spesyal ki tre devoue anver zot sport ki zot pe fer e pou sa zefor an plis ki zot pe met a sak fwa ki zot al en konpetisyon aletranze.

Nou vreman apresye zot e mon oule dir zot mersi pour tou sa ki zot in fer e kontinyen pe fer dan sport Sesel.  Nou bann atlet ki’n pran retret i devret ganny plis recognition e zot devret ganny serten sipor an plis sirtou bann ki’n sibir serten injury dan zot disiplin sport ki zot ti fer e ki ozordi zot nepli kapab performen.

Mon pou rekomande ki en sport Trust Fund i ganny met an plas pou asiste bann atlet ki’n retrete e ki pe rankontre serten problenm.  Mon pou osi rekomande ki sa rekonpans finansyel ki nou bann atlet spesyal i gannyen ler zot anmenn meday lor, larzan, oubyen bronz i ganny revwar e fer ki i vin parey avek sa ki pou bann atlet normal i gannyen akoz zot tou zot bann atlet.

Avan mon terminen Mr Speaker, mon oule profit sa lokazyon ozordi pou mon swet bann atlet ki pe al partisip dan Zwe De Zil bonn sans.  Mon konnen ki zot pou fer paviyon Sesel mont tre o.  E mon swete ki zot a ganny byen rekonpanse pou zot zefor e devosyon.  Mersi Mr Speaker.

 

MR SPEAKER

Mersi Onorab Lemiel.  Bon parey mon’n anonse nou pa pou kontinyen deba la.  Nou  a kontinyen apre midi.  Me avan nou Break mon ti a kontan enform Lasanble ki demann ki Lasanble Nasyonal in fer bomaten avek Cabinet pou nou ganny Minis konsernen pou vin fer en Statement isi dan Lasanble pour ki Manm i kapab poz serten kestyon.  Menm ki nou’n demande ki Lasanble i kapab accommodate menm si Minis i vin 1 er oubyen si i vin 2er nou ti kapab pran li ant 30 minit a 1 erdtan maximum.  Nou demann pa’n ganny aksepte akoz nou pe ganny dir ki i en very  important Cabinet meeting ozordi e i pe pran plas the whole day, Me nou’n osi ganny dir ki the matter pe ganny deal avek by press conference ki Compol pe fer oubyen pou fer pandan lazournen.

Me mon regrete ki nou demann pa’n ganny akorde.  Me vwala lenformasyon ki mon bezwen pas ek Lasanble.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker dan sa laliny apre ki mon’n re ganny kontak avek Lotorite, se ki sa ki ou’n dir i korek e an menm tan Gouvernman in osi eksprimen ki zot in tann nou bomaten letan nou’n fer nou bann entervansyon e ki zot in take serious note of the content.  Bann pwen ki nou’n leve, bann diferan pwen ki zot a kapab osi ki ava osi ganny eklersi dan press conference ozordi. E ki osi take note ki lenvestigasyon in fini konmanse ki nou pa oule osi zwe avek sa lenvestigasyon.

Alor se dan en bon lespri konmsi ki sa kominike in vini.  E mon zis beg nou Lasanble pou sey konpran e korpere.  E annou swiv, annou swete ki sa ki nou’n dir dan Lasanble tou bann dimoun ki’n entervenir in ganny tande byen e ki i ganny pran onboard dan travay ki a ganny fer avek Lapolis.  Mersi.

 

MR SPEAKER

Mersi Onorab De Commarmond.  Bon lot keksoz ki mon ti a kontan enform Lasanble, se ki ozordi nou pou adjourn 3.30 akoz 4er ankor kot tou Manm i ganny envite nou pou fer en pti selebrasyon dan lobby.  I pa pou en gran selebrasyon me zis pou nou kapab inogir nou 90 kilowatts PV Solar System ki’n deza fini fonksyonnen.  Ok. Sa i anba sa Grant Gouvernman India atraver Minister Lanvironnman.  Ok.  So apre midi nou pu ale ziska 3er edmi apre nou pou Break, 4er nou pou dan lobby tou bann Manm zis pou nou kapab fer sa inogirasyon.  Avek sa nou ava Break e nou retournen 2er apre midi.

 

(BREAK)

 

 

MR SPEAKER

Bonn apre midi tou Manm Onorab.  E bonn apre midi tou dimoun ki a lekout e kontinyen swiv Lasanble Nasyonal.  Mon’n ganny met okouran i nou napa en quorum.  Mon ava zis demann –  ok mon ava detrwa minit pou bann Manm rantre.  Mon konnen i annan plizyer Manm sirtou komite Zafer Etranzer ki ti avek mwan dan meeting avek Anbasader Linyon Europeen.  E nou’n fek fini.  Mon krwar nou quorate.  Madanm Clerk.  Yes we are quorate.  Bon, bon nou pou kontinyen nou travay.  mon – Loter Mosyon in antre nou ava kontinyen nou travay avek lentervansyon lo Mosyon ki’n ganny prezante bomaten par Onorab Chantal Ghislain e mon ava donn la parol Onorab Paul Ernesta.

 

HON PAUL ERNESTA

Mersi Mr Speaker.  Mr Speaker, tou bann koleg Onorab e tou dimoun a lekout, bonn apre midi.  Mr Speaker zis avan ler mon fer mon lentervansyon mon a zis repas lo Mosyon ki mover in anmennen zis pou nou re enstitye nou pou bann dimoun kwa ki Mosyon pe koz lo la.

 

MR SPEAKER

Go ahead Onorab.

 

HON PAUL ERNESTA

Mersi Mr Speaker.  Mr Speaker Mosyon Onorab Ghislain i lir konm swivan:  Mosyon pe demande ki Gouvernman i met an plas en striktir pou bann atlet ki’n fer spor lo nivo High Level e ki’n form parti bann Lekip Nasyonal apre ki zot in pran retret.

Sa i ava enkli regard dan byennet e kalite lavi sa bann sportif baze lo zot rezilta e partisipasyon, kalite lavi ki zot pe viv apre ki in fer flote bannyer Sesel.  Bann package baze lo bann diferan sport. Vwala Mosyon Onorab Ghislain Mr Speaker.

Mr Speaker sa Mosyon pou mwan mon santi i ariv dan en moman ase enportan akoz la nou vwar nou zis e mwan avan Zwe De Zil.  E an menm tan mon kontan pou sa Mosyon akoz letan mon get isi dan floor ozordi mon vwar bokou bann ansyen atlet.  Mon vwar menm coach.  Ou menm ou Mr speaker, ou’n deza fer loner ou distrik me mon krwar menm  pei osi dan lekip volley ball.  Mr Speaker permet mwan osi avan ler mon konmanse fer en mansyon spesyal, fer en mansyon spesyal e remersye nou bann atlet bann ki’n perform lo nivo distrik.  Bann atlet ki’n fer paviyon Sesel flote.  Mon pa pou kapab mansyonn tou akoz i annan bokou dan distrik Takamaka zis pou mwan mansyonn enn de.  Akoz sa bann atlet zot in fer osi byen lo nivo lokal, Nasyonal, rezyonal e osi enternasyonal bann game parey Commonwealth.

La mon pe koz bann atlet parey Philip Sinon, Donald Jean, Sandy Esparon, Jose Marie, Marie Simone Esparon, Clothilde Moumou, Noella Sanguiyon, Francois Vinda. E aktyelman osi nou annan serten nou bann atlet ki osi pe prepare ki sorti dan distrik Takamaka ki pe prepare pou dan konpetisyon Zwe De Zil; parey nou annan en bokser ki nou vwar li pe fer ase byen, Nelson Molle ki actually i dan preparasyon.  E an menm tan osi nou mazin bann, bann ki’n konmanse e apre … ki tonm dan kad sa Mosyon ki nou vwar zot apre zot in arete pou diferan rezon.

E osi Mr Speaker, sa Mosyon petet mon santi kot nou bezwen anmenn li pli lwen ankor.  Nou bezwen mazin nou bann coach akoz san en atlet- san coach savedir ; nou pou napa en atlet. Akoz en coach osi i anmenn en sipor ekstrememan enportan dan kadreman nou bann atlet.  La mon pou krwar mon koleg lot kote latab Arissol i a dakor avek sa ki mon pe dir.

E Mr Speaker bann atlet ozordi pe fer fas avek bokou difikilte.  Nou annan bann ki’n sakrifye en ta pou kapab ariv lo serten nivo ki zot in arive ozordi.  Pli tar mon pou mansyonn en  pe serten bann sakrifis ki bann atlet i fer pou li kapab ariv pli devan.  E sa Mosyon ozordi i pe tous egzakteman lo sa pwen.  Enn, se ki pe demann Gouvernman pou anmenn en sipor pou sa bann atlet ki letan zot retire.  E dezyenmman, mon get li dan en laspe pli lwen.

I pe anmenn sa sipor pou Gouvernman pou li kapab motiv plis bann zenn pou zot kapab antre dan sport e pou zot partisip dan spor e an menm tan os, os nivo nou bann atlet ki a pou zot lo nivo enternasyonal  akoz sa i ekstrememan enportan.

Akoz tou pei ozordi, tou pei ozordi pe egzize swa pe met en presyon lo nou bann atlet pou zot kapab fer osi byen.  E sa Mosyon i vin en lapiy pou Minister Gouvernman Lokal, Lazenes e Spor presizeman Departman Sport, ki sa ki a kapab ede ankouraz e anmenn plis bann zenn pou partisip li nivo nou bann konpetisyon.

Mr Speaker pli boner mover Mosyon in koz en pe listwar, en pe nou bann performans nou bann atlet.  Si ou le in tous presizeman bann atlet ki’n si oule mon kapab dir bann pionye.  Sa bann atlet in konmans fer pei, paviyon pei flote.

Me si nou al parey in dir si nou al get en kou dan listwar zwe kot Sesel ti konmans fer perse lo lasenn petet nou kapab dir lo lasenn rezyonal, sa ti an 1979 kot Sesel la dan Zwe De Zil ti partisipe mon pa pou al plis an detay.  Kot nou ti sorti zis avek 30 meday.  Loter Mosyon taler in koz bann detay lo nou bann meday ki nou’n gannyen me o kour bann zwe nou’n vwar i annan serten mouvman ki’n arive.

En keksoz ki letan mon’n analiz mon’n vwar performans nou bann atlet dan tou sa bann zwe, bokou fwa menm si pa dan pli gran mazorite fwa Sesel in toultan sorti katriyenm.  Dan tou nou bann zwe me enn de fwa nou’n sorti trwazyenm.

Me an 2011 letan konpetisyon ti fer lo nou later isi Sesel pou 2enm fwa.  I sel moman ki nou kapab dir nou’n antre dan listwar zwe kot nou ti sorti 2enm.  Lo kote meday lor nou ti menm kantite avek meday lor avek La Reunion ki ti premye.  Apre nou’n vwar bann lezot meday dan lezot nivo. Me nou kapab osi dakor ki an 1990 ti sa lannen ki Sesel ti fer pli mal.  Menm si nou ti sorti katriyenm nou ti sorti  avek zis 20 meday lor, zis 20 meday an total.

Me kestyon ki reste ki nou bezwen mazinen ki’n arive pou nou swa mont o swa desann anba.  E letan nou pe gete bokou sa bann disiplin,  ki nou’n partisip ladan i for bann disiplin, bann sport endividyel ki nou bann atlet in compete ladan.  Me nou vwar nou annan bokou defayans dan nou bann spor lekip, kot la i ekstrememan enportan vwar bann ankadreman ki kapab pous nou bann atlet lo nivo lekip pou zot kapab bouze.

Me an menm tan an 1990 nou vwar letan nou pe koz spor lekip, nou vwar lekip madanm i fer en perse pou Zwe De Zil.  Premye fwa avek sipor coach Maurice Denis, premye fwa nou annan en spor lekip madanm i sorti avek en meday lor.  Me sa … i kontinyen.  An 2001 nou vwar Sesel i al partisip, lekip Nasyonal Sesel i al partisip dan Sanpyonna Lafrik e i fini premye ankor.  I lev Lakoup Nasyonal Lafrik.  Parey mon’n mansyonnen boner i sipor coach.  Sa coach in ek sa bann atlet depi 1990 ziska 2001.  I annan 11 an ki in fer avek en lekip ki’n pouse ki ozordi ki nou’n vwar en tel rezilta. Se sa ki fer mon mansyonnen letan mon pe koz dan mon prezantasyon pou nou fer sir annou pa kit nou bann coach ater.

Me an menm tan Mr Speaker letan nou pe koz sakrifis i enportan note kwa ki bann sakrifis en atlet i fer. Nou a dakor letan ki en atlet i an performans i pandan son bann letan zenn tan.  Nou pe koz apartir 15 an montan.  Pli vye petet ou ava – pli aze nou pou ale petet ziska 40an.  E sa letan kot en atlet i pli prodiktif konman en atlet e osi sa letan osi ki li vin pli prodiktiv profesyonnelman e dan son lafanmir.  E ki nou vwar.  Sa  endividi li i sakrifye son letan pou li donn sport.  Letan i pe sakrifye son letan pou li donn sport i annan en ta keksoz ki vin an zwe la.

I annan son fanmir.  Son fanmir i ganny neglize akoz mon rapel, taler pli boner mover Mosyon in koz Danny Beauchamp.  I annan ankor tou bann Arthur Agathine – i annan ankor tou bann lezot atlet.  Mon rapel letan mon lekol, fini lekol mon al lo laplenn sa bann dimoun zot,  zot in deza fini ariv lo laplenn zot.  Lekol in fini sa bann letan 2 er edmi mon krwar i ankor parey, zot fini lo laplenn zot,  zot pe train. Keler sa bann dimoun in ganny letan pou zot travay swa get zot fanmir e apre zot in vin training.  E training i pa fini pli boner ki 6 er.  E letan i fini training i pou bezwen, e napa transpor ki anmenn nou dan lakour.  Nou bezwen pran transpor, pran bis pou ariv kot nou ete.

E plis ankor sa bann letan en atlet e menm mon krwar zot tou nou ava dakor ek mwan, bann dimoun ki’n fer sport i annan sa sakrifis finansyel osi ki ganny fer.  Ki mannyer fer sa sakrifis finansyel akoz i bezwen vwar li si i pe fer volleyball i bezwen sey vwar son provizyon pou aste son training shoes petet i a ganny en soulye me pou tim letan i game e tou disiplin i parey.  Mon rapel mwan sa bann letan mon ankor lekol mon fer atletik mon ti aste mon premye soulye avek Sir Luther.  Tire dan pos.  I napa sa soutyen konpare ozordi ki en atlet pe gannyen ki nou ti gannyen sa bann letan.

Lekol; i en lot sakrifis ki en atlet i fer.  Parey mon’n mansyonnen son bann letan zenn, son bann letan ki i sipoze pe perform, pe prodiktiv dan son ledikasyon, ou vwar li i  – olye petet – ozordi nou vwar bann zanfan pe fer bann evening class, li i pa fer evening class li.  I swazir i ale i al fer son training.  Son letid i pou fer letan i ariv dan lakour apre 8er diswar 9er diswar letan in fini dinen pou li prepare pou lekol lannmen.  E tousala i bann sakrifis.

E letan nou koz sakrifis en fanmir nou get en atlet ozordi parey Mover in mansyonnen ozordi letan in pran son retret letan mon pe koz lafanmir, si en atlet en endividi ti annan son zanfan, in perdi sa letan ki in pas ek son zanfan, pou li donn son disiplin respektif son zanfan i ganny neglize me ozordi nou vwar kapab ozordi i annan piti sa atlet ki ozordi petet i enn parmi.   Bomaten nou’n koz sa fleo drog, lalkol.   I kapab ozordi sa zanfan i dan en tel sityasyon e li  sa paran, sa endividi ki’n perdi son letan i dir in donn son letan son spor pou li kapab fer flote paviyon son pei lo pli o nivo me son fanmir i ganny neglize, son fanmir i drive e i perdi.  E vwala i bann kalite sakrifis ki en atlet i fer fas avek.

An menm tan Mr Speaker les mwan apresye.  Mon apresye bann mezir ozordi akoz nou vwar menm si i pa lo son full totalite, nou vwar sa zefor ki Gouvernman pe fer pou kapab pous nou bann atlet.  Pli boner mover in koz bann diferan Scheme ki annan an plas pou siport sa bann atlet me ozordi an menm tan nou rekonnet ki i annan bokou keksoz parey letan nou pe koz pou bann sport elite.

Ozordi nou annan  5 zenn, 5 zenn ki’n ganny sport scholarship olympiques ki  pe lekol dan diferan kous lemonn. E an menm tan i pe train lo en nivo pli avanse ki zot pe prepar zot.  Sa i montre sa bann bon zes sa bann bon  zefor ki Gouvernman in fer pou ankouraz nou  bann zenn atlet.  Par egzanp si mon pou koz mon pou koz Ms Passon ki dan naze.  Ms Lisa Labiche ki osi an menm tan in  dan sa scholarship.  Nou’n vwar ki Minister osi pe siport mon krwar bann manman, i annan sa … ki pey mon krwar Day Care pou bann zanfan ki osi i ganny sa lasistans, e an menm tan i pe ganny serten lasistans finansyel swa par peye par Gouvernman.  Nou annan Ned Azemia lo kote atletik.  Dylan Sicobo e osi atletik.  E Mr Finesse, Jean ki osi i pe fer Judo.  E sa 5 manrmay zot pe ganny prepare lo en nivo pli o pou zot kapab compete.  Me kestyon i reste – what next?  E se sa kot sa Mosyon i antre ozordi.  What next?

Akoz nou vwar ki nou bann atlet once zot fini lo nivo zot bann performans zot pran zot retirement konmsi lavi i fini pou zot.  Me se sa ki sa Mosyon pe dir.  Nou pa pe dir lavi i fini pou sa bann dimoun.  Nou pe dir kontrer annou vwar en fason pou atrap lanmen sa bann atlet pou met zot lo semen.  Akoz parey nou  dir – mon’n dir i sa bann letan kot bann atlet in focus lo zot disiplin e zot in perdi sa bann bout.  Ok  so sa Mosyon i pe demann Gouvernman pou fer egzakteman sa.

Si nou get kalite, kalite abilite nou bann atlet nou pou vwar ki sakenn de zot in annan serten abilite.  Pli boner Mover in demande ki arive ek sa bann atlet.  Mwan letan mon get serten nou bann atlet i annan ozordi ki’n debout lo li menm, in debout lo li menm i kapab pe fer son prop biznes.  I annan ki’n fer diferan direksyon dan lavi.  Nou annan ozordi ki politisyen.  Nou ozordi ki dan Egzekitif.  But what about sa bann ki pa’n kapab make it?  Sa kestyon ki nou bezwen pe demande.

E sa kote ki nou pe antre se pou nou kapab siport sa bann ki pa’n kapab make itMover in koz petet dan laspe finansyel me nou osi kapab konsider ki mannyer nou kapab met sa bann dimoun lo semen apre ki zot in pran zot retirement pou zot pran zot lavi an main e viv zot lavi.  E sa ki nou pe vwar.

E letan nou asize nou analize i annan bokou fwa nou a dakor en atlet apard ki letan in ariv son laz pou li pran retret i annan  en ta keksoz.  En ta rezon ki fer en atlet pran son retret.  I annan petet i santi zisteman akoz i pa pe ganny en living parey nou kapab dir.  I pa pe ganny en lavi dan sa spor so i bezwen pran en swa, swa i kontinyen fer sport swa i mor lafen.

Ou vwar li i bezwen pran son retret i ale i al rod lavi dan en lot fason. E presyon lafanmir.  Presyon lafanmir i bann rezon osi ki kapab ede pou en atlet pran son retret, egalman parey injury.  Apre i annan en keksoz ki nou pa bliye i annan sa laspe lasante.  I annan sa laspe lasante ki fer en – pous en atlet pou pran retret.  Parey nou vwar.

Bokou fwa nou vwar  letan en atlet i mont lo podium swa sirtou si in ganny premye pri ou vwar son larm i verse.  I annan de rezon akoz sa larm i verse.  I vers akoz sa sakrifis ki in fer.  Apre i vers akoz sa lakontantman.  Me nou  bliye osi ki kantite presyon stress sa i anmennen lo en atlet letan i perdi sans pou li ganny en meday swa letan i perdi dan en konpetisyon.

Bokou fwa nou bliye sa.  Fodre pa ki zanmen nou bliye akoz i annan en ta lemosyon ki en atlet i pas atraver letan swa i perdi ouswa i gannyen.  E vwala i kapab bann rezon osi ki nou vwar bokou fwa serten sa bann atlet i perdi.  Zot perdi akoz zot pa pe kapab fer fas ave sa presyon sirtou letan zot in perdi dan en konpetisyon.    E i annan en ta psychological effect ki anmennen lo sa atlet.

So vwala Mr Speaker kot i enportan ki mwan mon krwar ki i enportan ki nenport ki Federasyon, nenport ki disiplin ki en atlet i ladan i enportan ki nou bezwen vwar en mekanizm ki kapab vwar sa atlet, konmans idantifye sa atlet depi konmansman depi ler i konmanse.  Depi son laz 15an, nou vwar son potansyel sportif, konpetitif nou vwar dan li, e nou bezwen koumsa e an menm letan nou pe travay ek li nou pe vwar dan li kote i ale demen.

E nou bezwen konmans prepar nou ki letan i sorti dan sa konpetisyon i pran son retirement, i annan en keksoz ki anmas li.  E se sa ki fer mwan pouse pou anmenn sipor pou sa Mosyon.  E mon pou demann tou mon bann koleg Onorab e sirtou tou bann ki’n fer spor la dan Lasanble ki mon napa dout zot pou donn sa sipor pou anmenn sa sipor pou nou bann atlet.  E osi demann en sipor osi pou nou bann coach.  Parey mon’n dir pli boner si napa coach napa atlet.  Mersi Mr Speaker.

 

MR SPEAKER

Mersi Onorab Ernesta.  Mon a donn la parol Onorab Bernard Georges.

 

HON BERNARD GEORGES

Mersi Mr Speaker.  Mr Speaker mon pran sa lokazyon pour mwan dir de mo lo sa Mosyon.  Malgre ki tou dimoun i konnen ki mon, mwan pa en sportif e mon’n zanmen en sportif.  Me tou dimoun i osi rekonnet ki Kapital Sport Sesel se distrik Les Mamelles.

 

(laughter)

 

HON BERNARD GEORGES

Alor pour mwan valoriz en pe bann dimoun parey Roland Raforme, ek Basil Boniface, Kitson Julie.  Erica Knowles ki ti fer high jump, e ki ti tenir rikord pour en bon pe letan.

Meyer team basketball pour en kantite lannen PLS Hawks, past and future Champions.  Mon krwar mwan bezwen pran la parol apre midi pour defann sa bann vedette ki mon distrik in prodwir pandan bokou lannen.  E avek lagras i ava prodwir ankor dan le fitir.

Mr Speaker mon konpran konpletman lentansyon Onorab Ghislain deryer sa Mosyon.  E mon vwar tre byen son lanvi pour fer sir ki nou bann atlet pa zis ganny oubliye e met de kote.  E apre ki zot in vin bann dimoun, bann vedette pour en peryod letan dan nou pei.

Mon konpran son lentansyon deryer sa Mosyon pour ki i annan en Fon.  E Onorab Lemiel ler in pran la parol in propoz en Sports Trust Fund, pour annan at least en sipor pour bann atlet ki’n donn zot letan, ki’n fer monte Paviyon Sesel, ki’n anmenn lazwa ek laglwar pour nou pei apre ki in tonm dan difikilte pli tar dan zot lavi.

E sa set en lentansyon Nob ki napa personn ki kapab vreman dir i pa en bon nide.  Me mon mwan ti a- mon pran la parol apre midi pour mwan al dan en lot direksyon.

Mon pa pe dir ki mon pa siport sa lide.  Me mon anvi met lanfaz lo valoriz nou bann sportsmen ek bann lezot dimoun ki’n kontribye dan nou pei dan en lot fason apard zis financière.

E Mr Speaker mon’n ekout tou le 3 entervenan ziska prezan.  E zot tou zot in met lanfaz lo sakrifis ki sportsmen i fer.   E i vre ki sportsmen i fer sakrifis.  Me mon pa- parey mon dir, mwan pa koz lo konesans.  Me i paret mwan ki ou pa al dan sport koman en sakrifis.

Ou al dan sport akoz ou annan- ou kontan sport, ou anvi partisipe, ou kontan sa lespri konpetitif ki sport i anmennen.  Ou pa vwar li koman en sakrifis konm tel.  Me ou fer li akoz ou kontan.  E pli pros ki mon mwan ti arive avek sport.  Se ler mon ti Liniversite.  Mon ti dan enn bann Klib zaviron dan mon Kolez, Liniversite.

E enn bann keksoz ki nou ti bezwen fer.  Se liver, ler lanez-ler i annan lanez deor ou bezwen leve 6er bomaten, kan i ankor fernwar.  Al lo delo e pas 2erdtan pe train.  E sa se- ou kapab dir i en sakrifis.

Akoz natirelman tou dimoun ti ava prefere reste dan en lili.  So 6.30 bomaten olye al deor- me akoz ou fer li?  Ou fer li akoz ou annan en serten lanmour.  E mon pa krwar ki nou devret kategoriz sport inikman koman en keksoz ki dimoun i fer koman en sakrifis pour zot ganny- oubyen bezwen ganny en reward pli tar.

Sa se pa pour dir ki ou pa devret ganny en reward pli tar.  Me mon pa krwar ki nou devret fer sa koneksyon.  Mon’n negliz mon letid, mon’n negliz mon fanmir mon’n al fer sport.  Alor mon bezwen ganny en keksoz.  Mon krwar pa sa se lentansyon.

Mon krwar ou fer ou sport, ou fer li akoz ou kontan, ou fer li akoz i en keksoz ki ou fer an depi ou letid, ou fanmir avek ou letan lwazir.

E dezyenm keksoz dan sa direksyon.  Se si nou pour fer sa pour sportsmen.  Akoz nou pa pour extend sa pour bann lezot dimoun ki’n fer leve Paviyon Sesel dan bann lezot fason.  Mon pe mazin bann ekriven.

Nou tou nou konnen ki dimoun ki ekrir en liv, pa fer okenn larzan.  O kontrer i kout ou larzan pour ou ekrir en liv, pour ou publie li eksetera, e zanmen ou ganny sa return.  Me se bann dimoun ki’n fer monte Paviyon Sesel.  E la mon pe koz par leksperyans.

E what about bann artis?  Bann dimoun ki’n fer bann zoli lobze lar e ki’n reste dan memwar nou pei.  Me ki pa’n zanmen vreman fer en gran kantite larzan atraver sa profesyon.

Eski zot osi nou pa devret pe regard zot?  E dan sa konteks Mr Speaker – e dan sa konteks mon mwan ti ava kontan fer en lot seri propozisyon.

I kler ki isi Sesel atlet pa kapab ganny bann retonbe finansye ki zot ti a kapab gannyen dan lezot pei.  Ler Beckham i zwe foutbol, se pa zwe foutbol ki fer li plis larzan.  Se sponsorship, se bann lezot keksoz ki nou pa gannyen isi Sesel.  Akoz nou sport pa lo sa nivo e in any event nou pa- dimoun i- dimoun pa kontan met larzan dan pos pour zot kapab sponsor atlet.  E se pour sa rezon ki nou bezwen tonm lo NSC, tonm lo Gouvernman Lokal ek Sport, tonm lo bann rar dimoun ki fer sponsorship.

Alor nou reward finansye pour bann atlet i bokou mwens isi ki i ete dan bann lezot pei kot ou kapab ganny sa exposure e ganny sa sponsorship ki vin avek sa exposure.

Alor mon propozisyon se sa enn swivan.  E mon pa pe dir sa koman en either, or.  Mon pa pe dir annou pa aksepte sa ki Mosyon pe dir.  E aksepte sa ki mon mwan pe dir, ou visversa.

Mon mwan pe dir ki sa i kapab vin koman en sipleman.  E- pour nou bann atlet, pour nou bann sportsmen ki’n fer laglwar pour nou pei.

E sa se- sa bann keksoz swivan.  Mon mwan krwar Mr Speaker ki i devret annan en reward finansye imedya sak fwa ki en dimoun i fer byen.  E sa nou pei i bezwen, i bezwen kapab met li dan bidze.

Fason pour ou ankouraz dimoun.  Se pour ankouraz li pour li anmenn en meday, la.  E nou pa pour li ou ganny en pansyon ler ou ariv 63an.  Se donn li en reward imedya, e en reward konsiderab, konsekan ki pour kapab fer en saving, ki pour kapab met 2 kote.  Ki kapab dir la, la mon’n anmenn laglwar pour mon pei e mon’n ganny en keksoz.  Mon’n met en deposit lo en lakaz, oubyen mon’n aste en loto.  Oubyen whatever mon’n met li Labank.

Me plis ki sa.  Mon krwar lo en nivo Nasyonal, nou bezwen rekonnet nou bann atlet ek bann lezot dimoun dan bann lezot Sekter ki’n fer nou pei fyer.

E la Mr Speaker mon pli gro konplent.  Se lo sak lenstans Nasyonal dan nou pei, sel dimoun ki ganny valorize, se politisyen.  Including nou.

Ler i annan Zour Lendepandans, ou vwar zis politisyen.  Ler i annan Zour lev Paviyon ki nou fek pas ladan Zour Konstitisyon.  Zis politisyen ki devan.

Premye row devan Prezidan, Vis-Prezidan, sa 2 Leaders Lasanble, Sef Ziz eksetera.  Nou pa valoriz nou bann dimoun.  E nou annan dimoun deor ki ti devret la sa zour lo premye ranze, lo premye ranze devan.

Ler i annan bann pri pour prezante.  Ler i annan bann levennman ou pe al prezant en keksoz lo nivo Nasyonal, servi sa bann dimoun ki’n fer nou pei fyer dan lepase.  Anmenn zot e fer zot partisip dan sa bann levennman.  Pa zis valoriz politisyen e kit sa bann dimoun konmsi zot napa valer.

Zour State of the Nation Address.  Ok, annou kopi en pe lo sa ki zot pei i fer.  Nou pa envit zot isi dan sa Lasanble.  Akoz nou pa- akoz dan nou Lasanble zour i annan mesaz Prezidan, i napa detrwa atlet?  Ki ganny- ki’n fer en gran kontribisyon dan nou pei.  Enn de ekriven, enn de dimoun ki’n fer en serten keksoz.

Anmenn zot fer zot konpran ki zot ankor en parti nou pei ek nou sosyete.  Zot ankor annan en valer.  Akoz sa keksoz ki zot in fer, zot ganny rekonnet ansanm avek politisyen.  Me pa zis politisyen.  Si zot konpran mon byen.

E finalman.  Nou devret annan- e nou’n dir depi plizyer lannen.  Mon menm mwan mon’n dir dan Foronm Nasyonal ler mon ti en Manm dan- lo sa Foronm avek Prezidan Michel.

Fodre nou annan en lord Nasyonal ki donn- ki rekonnet bann dimoun ki’n fer en bon keksoz dan nou pei.

E Prezidan Faure ki ti ankor Vis-Prezidan sa letan ti dir.  Nou pe travay lo la Prezidan.  Nou annan en striktir nou pe al anonse byento 4- 5an, sa ti 5-6an, 7an pase.  Nou bezwen annan en lord Nasyonal.  Kot ler en dimoun in fer byen, ou donn li, ou rekonnet li avek en-ou valoriz sa ki in fer e ou donn li en meday.  En keksoz ki i kapab dir li in ganny rekonnet par son pei e ki son fanmir i ava proud, e ki son bann zanfan ava kapab koze pour pran lannen apre lannen.  E ou fer li lo plizyer grad.

Natirelman ler ou’n fer byen.  Ou ganny grad en pe pli o ler ou pa’n tro fer osi byen, ou ganny grad en pe pli ba.  Sa se bann keksoz ki nou pa bezwen re evant larou.  I arive dan tou bann lezot pei, avek leksepsyon Sesel.

Nou, nou pa kontan.  Nou pa kontan- mon krwar nou fer li ekspre pour nou met a kote en dimoun ler nou’n fini avek li.  E nou menm nou, nou pour pas parey.  Pa krwar ki ler nou pour sorti dan sa Lasanble, dimoun pour rekonnet nou.  Bliye sa!  I pa pour arive.  Nou’n fini.

Ler nou sorti, ler dimoun in vot kont nou.  In anvoy nou retire.  “En fifi en nini” Mr Speaker!  Annou konpran sa tre byen.  Alor nou sanz nou mantalite.  E mon ti a kontan profit sa lokazyon ki Onorab Ghislain in donn nou apre midi pour mon fer pase sa bann mesaz.  E parey mon dir pa an depi sa ki li in dir.  Me koman en lot lide lo ki mannyer nou pour kapab fer pour nou valoriz bann dimoun ki’n fer nou fyer.  Mersi Mr Speaker.

 

MR SPEAKER

Mersi Onorab Georges.  Mon a donn la parol Onorab Sebastien Pillay.

 

HON SEBASTIEN PILLAY

Mersi Mr Speaker.  Bonn apre midi.  Bonn apre midi tou Koleg.  E bonn apre midi tou dimoun ki pe ekout nou ozordi apre midi.

Mr Speaker Mosyon ki

Onorab Ghislain in anmennen e – aryer mon felisit li.  Mon felisit li enormeman pour anmenn sa Mosyon devan Lasanble ozordi pour nou komans sa deba lo sa size.  Akoz in en size ki pe vire la ater pour en bon pe letan.

In en size ki mon asire bokou bann MNA a tou moman, plizyer antre nou la anndan si nou admet.  I annan en sportsmen, en sportif swa zonm, swa madanm ki’n apros nou e ki’n koz ek nou lo ki mannyer zot krwar zot santi zot devret ganny serten recognition pour sa sakrifis ki zot in fer pour zot pei.

Mon swiv e konpran lentervansyon entervenan avan mwan.  Me ou konnen i annan zis en keksoz ki en sportif pour dir ou ozordi, si dan en kondisyon difisil.  I pour dir ou poudir ‘be sa lenvitasyon National Day la, sa lenvitasyon vin State of the Nation, sa lenvitasyon pour met mon devan dan en seat la.  Ler mon retourn kot mwan, mon still napa nanryen dan mon pos.  Mon still pa kapab fer nanryen avek.

E se pour sa rezon ki, dan nou thinking pour nou, nou bezwen rod en fason kwa ki nou kapab ed sa sportif avek.  E mon- la mon oule koz lo mwan motivasyon akoz mon pe koz lo sa Mosyon apre midi.  E akoz ler Onorab Ghislain ti prezant son lentansyon pour anmenn sa Mosyon dan nou group.

E sa letan Onorab Basil Hoareau ki ti enn bann dimoun ki mon rapel ti lev sa size dan en larepons ki i ti donnen lo mon krwar lo en diskour Leta Lanasyon.  E i ti osi fer referans avek sa ki Maurice i annan.

Enn mon motivasyon set akoz zisteman se la dyalog ki mon’n gannyen avek sa bann sportif ler mon pe pase, ler mon pe marse.  E la mon rapel enn pa tro lontan ki mon ti gannyen avek Rival Payet ki mon mwan konn li toultan koman Rival Cadeau ki mon- ki en- ki’n en dimoun mon’n idolize en kantite.  Akoz ler mon get li lo televizyon, mon ti pe get zot lo televizyon li avek Gerry avek Roland.  Sa letan si ou ti en zenn ki ti pe grandi ler sa 3 dimoun pe al bokse.  Koman en Seselwa ou pe ekspekte ki bannla pe al gannyen.

Ou konnen- e ler Gerry pe mont lo ring, tou dimoun ou pe kriye, ou pe vey Gerry akoz Gerry son teknik, Rival son stamina, e Roland son power.  Ou konnen i bann Non ki’n fer rezonnen, rezonnen Sesel.  Pa zis ler in fer sa Paviyon monte.  Me avek zot bann oponan.  Akoz ler zot bann oponan i leve, i konnen poudir in pas Sesel in zwenn Gerry Legras i pa’n retourn ankor pour li pas Sesel pour zwenn Gerry Legras, swa Rival Cadeau, swa Roland Raforme.

E dan en konversasyon ki mon ti fer avek li letan nou ti pe fer koze.  Zisteman set en size ki i ti aborde avek mwan.  I dir mon koumsa ou konnen, ler zot koz sakrifis ki en sportsmen i fer.  Ok sa sportsmen i kontan son sport, i fer sa bann sakrifis wi.  Akoz i kontan son sport.

Be annou sey met nou dan soulye sa dimoun ki pe fer sa sakrifis par egzanp.  Par egzanp si sa dimoun i en papa, i absant son lakour.  I absant son lakour akoz i bezwen al training.  E make no mistake.  Parfwa, parfwa nou met presyon lo sa bann sportif pour zot partisipe.  Nou met serten presyon lo zot.  Par egzanp si zot en manman pour vin training akoz nou konnen poudir dan lekip zot en Manm enportan e zot prezans i fer ki nou kapab ganny en meday.

Mon konnen i annan en ta deba ki nou kapab fer lo, eski se sa lapros ki nou bezwen pran?  Be nou bezwen komans sa deba en landrwa.

E sa linisyativ ki nou pe dir, ler ou pour regarde.  Mr Speaker i pour napa sa kantite sportif ki’n fer sa- pour servi sa term ‘The Signal Honor’ ki Sesel in gannyen avek sa meday lor oubyen sa partisipasyon lo sa zwe o nivo.  E pour mon mwan krwar se sa ki fer sa Mosyon relevan, ler nou pe koz valoriz sportif.

Mon dakor nou bezwen anmenn menm deba kot i konsern artis, nou bezwen anmenn menm deba kot konsern bann dimoun ki’n fer bann perse dan domenn literer.

Mon mazin dan mon distrik.  Mon mazin- par egzanp dan domenn literer.  Mon mazin Joe Sammy par egzanp ki i en santer ekstraordiner avek en lavwa ekstraordiner ki fer en- ki ler ou ekout ou son bann sanson e son mélodie e son parol i fer ou mazin ou sans patriyotik Sesel.  Mon mazin Patrick Victor ki ti abitye vin fer bann show.  So nou annan plizyer dimoun ki nou bezwen fer Signal Honor.

Me ozordi apre midi dan nou Lasanble nou pe koz lo la par bann sportif, bann sportsmen, sportswomen ki’n donn sa letan, ki’n dedye sa letan.  Akoz pa nek zis zot in kontan sa sport.  Me akoz zot in anvi anmenn lafyerte zot pei.

E nou koman en Nasyon nou pa kapab sou estim lenportans sport pour reini nou koman en Nasyon.  Akoz sport i annan sa abilite pour franchise tou baryer.  Baryer ras, baryer relizyon, baryer politik.  Akoz ler nou lekip pe gannyen, nou tou koman Seselwa, nou pa gete ki ou ete.  Nou tou nou zwaye, nou tou nou may kanmarad, nou tou nou kontan.

Mon krwar la anndan i annan plizyer- mon konnen mwan Koleg lot kote latab Onorab Henrie ti la sa zour ler Sesel ’93 ti pran sa meday lor.  E ti annan sa gro Paviyon ki ti pe monte desann.

E sa zour mon ti ankor pe lekol Beau-Vallon.  Ou pa ni konnen ki mannyer ou pe retourn kot ou.  Be selman ou’n fer en fason pour ou al gete sa.  Akoz se sa.  Sa en keksoz ki ti pe anmenn en sense of National Pride pour nou pei.  E ler François Ally, ler bann frer Bijoux pe monte, pe tape.  E ou gannyen ou get sa lemosyon sa bann sportsmen e lemosyon sa popilasyon.  I fer ou mazinen ki sa bann sakrifis ki en dimoun i fer pe- dan nenport fason.  I annan en ultime benefis pour lafyerte en Nasyon.

E se lo sa baz ki mon krwar nou bezwen komans antann sa diskisyon.  Ou konnen nou Sesel nou pa parey bokou lezot pei nou.  Nou annan serten keksoz ki fer nou diferan ek lezot pei.  Nou annan en fason viv dan en kominote ki fer nou diferan.

E nou’n vwar sa bomaten atraver lafason.  Par egzanp ki mon Koleg Onorab Loizeau atraver ou Mr Speaker in eksprim son lemosyon lo sa ki’n arive dan son distrik.  Ki mannyer son bann zabitan in vin ansanm pour montre solidarite.

E se sa laspe kominoter ki enportan ki dan tou bann distrik i annan ki dan tou nou bann landrwa i annan.  Ki fer ki dan Lasanble ozordi nou pe diskit en Mosyon ki a donn nou loportinite pour fer en deba pli profon e anmenn en soulazman pour en group dimoun ki nou konnen poudir zot in donn en kantite zot letan.  Zot in dedye en kantite zot letan pour zot kapab fer nou pei, fer nou pei kontan, fer nou pei fyer e avans nou pei pli devan.

Mr Speaker mon koz koumsa akoz.  Annou pran par egzanp en dimoun ki li i fer sa menm sakrifis e al Liniversite, i ganny son degre, i retournen.  Oubyen en dimoun ki al fer son letid dan en domenn quelconque ki i ale i fer son letid.  I ganny son degre i retournen.

Sa degre i permet li ganny akse avek en lanplwa en nivo ki donn li sa sans pour li kapab avanse dan son lavi.  En sportsmen souvandfwa i annan bann konpetisyon ki enteronp sa progresyon dan son karyer.

I enteronp sa progresyon dan son karyer.  E a en moman donnen ou vwar sa dimoun- si in ganny en injury i bezwen rekipere.  I pa pe partisip sa sport, i perdi son slot dan sa team.  I ganny- i vin- i ganny depresyon, i ganny bann keksoz mantal ki afekte li.

E tout otour sa petet nou napa en striktir pour kapab anmas zot.  Me si sa sportsmen in arive franchise sa baryer, in arive kolekte in meday lor.  Eski nou kapab mazinen si en zour- e mon krwar i posib, en Seselwa i kapab ganny en meday lor dan Zwe Olympic.  Ki sa pour vedir pour nou koman en Nasyon, en Seselwa ganny en meday lor dan Zwe Olympic?

Mazin byen ki i ti vedir pour nou ler nou bann bokser ti pran meday dan Zwe Commonwealth.   Parmi tou sa gran Commonwealth.  Kont tou sa bann gran, gran pei depi ou L’Angleterre, depi ou Australie, depi ou Canada.  Nou bann bokser in ale in fer nou Paviyon monte laba.

Performans Alain Julie dan bann konpetisyon kot in annan- kot in partisip kont bann gran, gran- bann Nasyon pli pwisan, ki i annan plis resours ki nou .

E ler i vini, ki- kwa ki nou kapab fer?  Pour ki demen i santi poudir, be sa kontribisyon ki mon’n anmennen pour mon pei.  Se sa son travay annefe.  E si sport ti profesyonnel, i ti pour ganny peye pour sa.

Me malerezman sport Sesel i amater.  E se pour sa rezon ki sa Mosyon i al dan sa laliny.

I annan largiman ki pour vini poudir konmsi pour dir lo en pwennvi Gouvernman nou pa kapab dir Gouvernman fer sa, oubyen fer sa.  Be sa largiman i pa about zis Gouvernman.  I about atann en deba lo en size, e Gouvernman i kapab komanse.  E ler mon dir Gouvernman, i pa zis nou pe mean Egzekitiv la.  Ler nou dir Gouvernman, nou pe mean tou le 3 Brans Gouvernans dan nou pei.

E ozordi Lasanble Nasyonal nou, nou pe fer sa bout.  E nou form par Gouvernman nou pei.  E nou- nou tou ki la, nou reprezant sa bann sportsmen ki enkli bann- ki enn- ki nou bann constituents ki nou bann elektora.

So se pour sa rezon ki ler mon Koleg in koz lo sa Sports Trust Fund.  I en nide ki nou bezwen komans travay lo la. Akoz nou pa ti a voudre demen, trouv nou dan en sityasyon kot en zenn i dir ou ‘be mon pour fer sport, ki rannman mwan pour gannyen?

Plito mon reste lekol.  Ou pe ankouraz mon pour al taye le 29 pour lekol.  Mon pe mank mon laklas, mon pe mank leson.  Ki rannman ki pour arive apre ler mon dan mwan progresyon koman en sportsmen?

So se sa rezon ki mon krwar Lasanble Nasyonal i bezwen regard sa Mosyon dan sa fason.  E mon mwan pe demann ek mon bann Koleg lo lot kote latab.  Akoz i en Mosyon ki mon krwar laplipar antre zot, lamazorite zot mon krwar i krwar ladan.  Zot krwar ki nou bezwen annan en recognition.  Mon konnen ki Onorab Arissol atraver ou Mr Speaker.  Onorab Loizeau ki a plizyer repriz in koz lo lafason ki nou regard par egzanp sport basketball par egzanp.  En zwe lekip ki’n anmenn loner pour nou pei kot nou ti pran meday lor dan en zwe resaman.

E mazin byen ki mannyer nou ti santi ler bann-ler sa garson osi la, ti met sa basket.  Sa feeling ki nou ti annan.  Ou konpran?  E ozordi nou vwar bokou nou bann sportsmen, bann ki’n ganny sans pe fer, pe travay dan en landrwa.  Zot kapab garanti zot lekor en pansyon oubyen en reminerasyon dan zot ler zot in fini zot louvraz.

Ou konnen par egzanp.  Par egzanp PS Barbe, Denis Barbe ti en Kaptenn Lekip Nasyonal.  Msye Georges François ki en- ozordi i en zournalis SBCSo i annan sportsmen ki mon krwar ou konn tre byen Mr Speaker ki ganny sans fer sa move.  Me i annan ki pa ganny sans fer sa move.

Be la nou pa pe koz zis lo abilite sa sportsmen pour li move back dan en karyer.  Nou pe koz lo sa loner ki in anmenn Sesel.  Ki mannyer nou regard sa loner ki in anmenn Sesel.  Dan ki fason ki nou, nou kapab- nou vwar li koman en sosyete?  Ki mannyer nou kapab vwar li?

E vi ki nou en pti pei.  Mon krwar i en keksoz ki nou, nou kapab abzorbe.  I en keksoz ki nou kapab fer.

E i enportan dan sa ki Mover Mosyon in dir.  Se ki i annan pei ki’n fer sa.  Be lafason ki zot in anmenn li, se ki zot in sey fer li vin en foutbol politik.

E ler ou fer li vin en foutbol politik, i vin depan lo political reels sa ki vini ozordi oubyen demen pour fer li marse.

Sa ki nou, nou oule fer ozordi avek sa Mosyon.  Se pa fer li vin en foutbol politik.  Se anmenn en Mosyon devan Lasanble, annou debate.  Si zot oule propoz lamannman, nou propoz lamannman.  Me ki a lafen dizour nou come out avek en keksoz ki i a kapab benefisye bann sportswomen oubyen bann sportsmen ki’n fer en loner pour nou pei.  E se sa ki nou bezwen rode Mr Speaker.  E se sa mon krwar lesansyel sa ki nou bezwen apresye ozordi apre midi avek sa Mosyon.

An konklizyon Mr Speaker.  En keksoz ki mon ti a kontan remind Lasanble.  Se ki recently nou’n vwar konpetisyon atletik enter skoler.  E ti enteresan, enn bann komanter ki ti ganny pase.  Se lamazorite sa bann manrmay pe tay dan soset.

E plizyer lannen bann manrmay pa’n zanmen met soulye ler zot taye.  E zournalis i demande.  Be akoz konmsi ki zot tay dan-zot tay dan soset, oubyen zot tay nipye?  I dir ou be akoz sa i pli- zot pli adapte ek sa.

Mon pa krwar poudir i annan bokou nou la anndan, ki pour kapab al lo track Stad Linite dan en zour ansoleye, tir nou soulye e tay parey sa bann manrmay in taye.

E sa sakrifis ki sa bann manrmay in fer.  Sakrifis ki sa bann manrmay in fer.  I ganny demontre dan lafason ki zot ti reakte ler zot ganny sa bann lakoup.

So annou kontinyen fer sa rev reste vivan.  It keeps the dream alive, ki ou vin en sportsmen.  Demen koman en sosyete nou pour recognize sa ki ou’n fer.  Nou pour apresye sa ki ou’n fer.

Nou kapab koz li si sa ti’n devret ganny fer dan lepase.  Si sa pa’n ganny fer dan lepase.  Me mon mwan pour dir zot en senp keksoz, ozordi nou ki la.  Nou ki la anndan.  So swa nou al dan lepase, swa nou get la kot nou ete.  Nou dir be, Kwa ki nou, nou kapab fer?  Kwa ki nou kapab fer pour avans keksoz pli devan?  E kwa ki nou kapab ede pour amelyor lavi nou bann sportsmen ki’n anmenn en loner pour nou pei.

Avek sa Mr Speaker.  Mon oule swet tou sa bann sportsmen ki’n fer sa loner pour nou pei, ki’n partisip dan sport.  Mon pa kapab nonm non.  Akoz taler mon a bliy enn, enn ant lezot.  E mon oule swet zot tou de bon e mon swete ki Lasanble i kapab koman en kolektiv lans en mesaz- pa zis avek nou Gouvernman- avek Gouvernman, me avek nou popilasyon ki i annan en lot fason ki nou kapab vwar dimoun, e fer sa bann dimoun vin bann role model.  Olye zot swazir bann role model ki anmenn zot dan bann keksoz ki apre ou vwar zot pe fer sa bann aksyon parey nou’n vwar, en zenn in fer resaman la.

Annou swazir pour donn zot bann role model ki kapab anmenn zot fer bann aksyon ki benefisye sosyete demen.  Mersi Mr Speaker.

 

 

MR SPEAKER

Mersi Onorab Pillay.  Mon a donn la parol Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker mon pa pour long lo sa Mosyon.  Me selman i en Mosyon enportan e ki vo lapenn dir detrwa mon lo la.

Mon panse ki Mover Mosyon bomaten- well apre midi letan in pran son- letan in komanse in fer en tre bon prezantasyon.

Mover Mosyon in fer resorti lenportans sa bann, nou bann sportsmen zistans ki zot in arive, bann achievements ki zot in fer, konpetisyon ki zot in partisip ladan.

E apre.  Apre se la kot sa Mosyon i vin relevan, i vin enportan.  Apre ki nou fer ek nou bann sportsmen?  Nou bann atlet ki’n excel dan en nivo eksepsyonnel, lo nivo pa zis Sesel, pas zis Nasyonal.  Me rezyonal, kontinantal, e enternasyonal.

E la nou pe koz lo nivo Losean Endyen, Indian Ocean Games ki la devan nou, lo nivo Lafrik.  E lo nivo lafrik si ou kalkile nou annan nou 2 kalite Sanpyonna ki fer.  Ou annan ou African Championship, ou annan ou All African Games.  E lo nivo pli lwen ankor.  Mondyal ou annan ou Commonwealth, ou annan ou Olympics.  Tousala Seselwa in penetre in fer son mark.

E la les mon dir ki tou nou bann distrik ki nou reprezante isi dan nou Lasanble.  A en moman ou dot in prodwir bann atlet, bann sportsmen eksepsyonnel, e ki’n anmenn Sesel lo en pli o nivo dan domenn sportif.  E tou nou bann distrik in prodwir sa bann atlet, e tou sa a diferan lenterval a diferan moman dan listwar sportif nou pei.

E mon la Mr Speaker deswit, Cascade li osi in kit son mark dan sa parkour.  Sak fwa ki mon avek Paul Knowles nou zwenn kanmarad.  Enn nou bann topik konversasyon, se egzakteman sa ki sa Mosyon pe demande.

Akoz ki nou koz lo la?  Paul pa pe mazin zis li, letan nou koz lo sa topik.  Me an menm tan i enportan fer resorti, Paul Knowles in en atlet eksepsyonnel.  Li son ser osi.  Konmsi ou a krwar i dan lafanmir.

E li i premye Seselwa si oule pour anmenn en meday dan All Africa Games dan triple jump.  E nou konnen son longer, son zistans ki in sote.  Rikord se 16 met 80.  E sa, sa bann zistans ki’n donn li Silver Wear dan All Africa Games.

In osi sanpyon sa triple jump la lo nivo African Championship.  E byensir lo nivo Indian Ocean Games ki in toultan Sanpyon.  Paul in fer osi dan- lo kestyon long jump 7.62 met.  Ankor se bann rikord, bann zistans ki sirtou a sa letan pa ti fasil pour bate e pour kase.

Nou annan lezot, nou koz Philip Sinon, from Cascade.  La in al reste Takamaka.  Me Philip.  Philip in fer osi son mark.  E dan- an Auckland New Zealand Philip in sot- in tay plito 800 met 1 minit, 52.88 segonn.

Bann letan sa letan pour nou Sesel ki ti bann letan tre, tre bon eksepsyonnel.  Philip pa’n zis gard keksoz pour li.  In osi train en lot Kaskadyen Selwyn Bonne.

Selwyn.  Selwyn neve pti fir la ki travay kot nou, isi kot nou Lasanble.  Selwyn i kas rikord Philip.  E li i tay 800met dan 1 minit, 61.8 segonn ki ti en rikord pour Zwe De Zil in fer premye osi pour Zwe De Zil in ganny meday lor.  In kas rikord Philip a sa bann letan.

Konman mon pe nonm sa.  Nou annan lezot atlet.  I annan Denis Rose from Cascade.  Ler Denis dan 200met in met son likou atraver la akote konmsi i les ler pase, lekel ki bar li?  Ziskan ozordi Morisyen ek Reyonnen ankor pe koz Denis Rose Mr Speaker mon pe dir ou sa akoz mon’n zwenn.  E parey zot ankor pe koz lo Rival Cadeau, lo Raforme, lo Roland Raforme, lo- sa bann dimoun.

Konmsi sa koudpwen ankor pe fer rezonnen.  E la nou pa pour bliy osi Ralph Labrosse.  Nou pa pour bliy osi bann dimoun parey Max Racombo.  Be oli sa bann dimoun ozordi?  Ki zot fer?  Ou konpran.

Annou pa bliy nou lot goal keep ekselan ki nou’n annan dan Sesel ki ti dan Survivors mon rapel.  Mon rapel tre byen Gerald Pelissier.  Ok, ou a krwar, i plann en poto pour en lot poto.  Konmsi sa bann dimoun zot in fer zot par dan National Team dan tou.

Me ki mannyer zot ganny rekonnet?  Sa le kestyon ki nou pe poze.  E sa ki nou pe koze ozordi Mr Speaker, i vin osi koman en incentive.  Si nou realiz sa, i pour vin koman en lankourazman, en incentive pour bann zenn ki pe monte.

Nou fek pas lot semenn pase la Sanpyonna Atletik Sesel.  E nou’n vwar koman sa bann zenn potansyel ki nou annan e ki zot in fer.  Anse Royale, La Digue.  Me apre kwa?  Apre ou vwar zot, i annan ki’n al dan drog.  I annan ki fini koumsanmenm.  I annan napa sa lankourazman, napa sa push ase devan.

E nou atraver sa Mosyon nou krwar poudir sa si en keksoz i ganny etablir, nou pa pe dir sa fer tou atlet across the board.  Me bann ki’n excel.   I annan en nivo, Gouvernman mon asire i ava travay dan sa direksyon, i ava vwar li.  E sa i ava pous nou bann atlet pour fer pli byen, pour swiv dan sa direksyon.

E il faut dire ki atlet letan in fer son mark.  Son mark i pey fre.  Son mark i reste pour kantite, kantite letan.  Ziska ozordi nou ankor pe koz lo sa ki’n anmenn premye meday pour Olympic dan javelin.

Mr Speaker annou pa bliye.  Dan lemonn ozordi ou annan atlet ki apre ler in met son kandida Prezidansyel in gannyen tou.

Annou get Liberia Georges Weah, annou get Wladimir Klitschko, annou get Pacquiáo dan Philippine.  Tousala bann dimoun ki enterese pour al dan politik.

Tousala- plizyer dimoun, plizyer atlet ki oule partisip apre ki zot in fer zot achievements dan atletik, dan sports, dan bokse, foutbol whatever.  Zot oule apre osi vin zwenn en parkour politik pour ede pour sanz sityasyon pour fer li pli byen.  Pour get sa bann zenn ki ti ansanm ek zot dan sa letan dir.  E sa letan douloure, sa letan kot zot in- i fer fason pour li anmenn son lanmen pour li donn en lanmen sa bann lezot.

Mr Speaker.  Sa ki nou pe koze dan sa Mosyon e atraver sa Mosyon i en bon keksoz.  E nou, nou demann Gouvernman pour ekout nou byen e vitman.  Sirtou la ki nou pe al dan Zwe De Zil.  Vitman etabli en keksoz koumsa pour ankouraz nou bann atlet.

La nou vwar.  Aktyelman nou bann atlet an preparasyon Zwe De Zil la i dan problenm.  Nou vwar plizyer sa bann Federasyon ki pa pe donn their best pour nou bann atlet an preparasyon pour Zwe De Zil.  E nou wonder ki kantite meday ki pour al gannyen sa voyaz la.  Nou tou nou pe poz question mark.  Nou pe poz kestyon, nou annan question mark devan nou.

Mr Speaker sa i fer nou lans en lapel depi kot NSC pour met plis presyon lo bann Federasyon.  E pour annan plis transparans dan bann Federasyon pour ki zot montre vreman ki zot pe fer e ki zot donn their best.  Mon pa li- i annan serten keksoz la akoz zot pa oule melanz politik avek sports, mon pa pour nonmen.  Me selman mon pe lans en lapel sirtou dan volleyball pour dir ale al regarde, aranz bann keksoz ki i annan pour aranze.  E nou zenn i bezwen bouze e bouz devan.

Mr Speaker sa Mosyon i anmenn nou pour nou kapab vwar.  Ler atlet in donn son best, in fer son kantite sakrifis ki i annan pour fer, epi i ganny en aksidan.  Epi i ganny en problenm, en problenm lasante.  So a direkteman atraver sa sports ki’n fer, atraver dan son training, oubyen letan i ti pe partisipe.  Oubyen koumsanmenm, me i arive ki i tonbe.

La taler letan mon ti pe koze.  Mon mazin Selwyn zenn garson.  Me i enn ki’n tonbe, in tonm zenn li.  I ankor zenn, me selman i nepli parey avan.  Ki mannyer nou tyonbo son lanmen?

Sa ki sa Mosyon pe dir, annou gete ki mannyer nou kapab kre en Scheme, kre en serten- fer serten laranzman avek Pansyon ek Fon Pansyon.  Lotrozour Fon Pansyon in al Praslin, zot pe etabli pour komans get posibilite donn en Pansyon bann peser.  I annan en serten laranzman ki pe komans, zot pe komans koz lo la pour fer sa vin en realite.  E alor nou panse poudir sportsmen osi, en keksoz ki kapab ganny aranze an plis pour li pour ki son welfer i kapab ganny gete letan sirtou in tonbe, e letan in ariv en serten laz.

Mazin byen sports ou donnen kantite letan ou zenn.  Me ou laz retirement dan sport i pli zenn ki laz retirement normal si ou kalkile.  So depi dan 40, an montan 45.  Maximum ou’n fini ou letan sportif si ou kalkile.

Me alor se la ki i enportan alor pour ki sa ki nou pe koze la, ki Gouvernman i vwar son lenportans, i donn son sipor, i met keksoz an pratik swa atraver Scheme, swa atraver nenport fason ki kapab an diskisyon ek Fon Pansyon pour zot vwar sa way forward.  E ki sa nou krwar poudir enn, i pour kit bann fanmir, bann ki otour sa sportsmen ki ler i vwar sportsmen i tonbe, i konnen poudir i annan en sipor akote ki kapab tyonbo li.

E an menm tan i en lankourazman pour lezot poudir lo-mon kapab donn mon best, mon very best e mon bout ekstra.  Akoz mon konnen a lafen dizour i annan en keksoz ki mwan osi mon pour benefisye avek, mon pour gannyen.  E sa i a fer ki Sesel koman en pei, koman en Nasyon i ava al pli devan dan sports.

E nou profite alor letan nou pe koze la, pour felisit tou bann ki’n anmenn son mark dan sports dan nou pei.  E nou demande pour ki en levanter i ganny fer par NSC petet dan- mon panse Minister Sports pour vwar bann, kekfwa ki nou pe koze la.  Ki nou’n koz lo zot, pour vwar ki mannyer zot ete.

Al fer en pti vizit kot zot, pour gete ki mannyer zot ete e vwar si petet pa i annan ki pour bezwen en serten lasistans letan par egzanp ki Ange Dubignon in al kot lopital ek son problenm, lasante pa pe tann li.  Son fanmir i ekrir nou Mr Speaker e ou osi ou’n ganny let.  Konmsi nou- ki pe arive?  Konmsi be, annou pa bliy li sa boug i ti donn nou son best letan nou ti pe kriy ‘yes pti Ange ensidswit’.  Ou konnen?

Be la letan i dan problenm nou pa get li.  Alor mon mwan santi ki i annan keksoz ki bon ek sa Mosyon.  E nou demande pour nou al bouz dan sa direksyon vitman.  Vitman akoz ler i annan lankourazman dan sports la, i tir sa bann dimoun, sa bann zenn manrmay dan négativité lavi i anmenn zot dan positiveness.  E se sa ki nou, nou anvi vwar.  E nou anvi vwar nou bann zenn la fleri ankor parey sirtou dan sa bann letan ki nou’n koze, bann diferan sportsmen ki’n excel nou’n mansyonnen.

Sorry bann ki nou’n pe kekfwa nou’n bliye nou’n an pasan.  Me zot osi zot konte zot osi, nou pa kapab nonm tou, me selman zot osi zot dan nou lespri la e dan sa legzersis ki nou pe panse i kapab ganny fer.  Mersi bokou Mr Speaker.  Mon a demande ki tou Manm i siport sa Mosyon akoz i en bon Mosyon.  Mersi.

 

MR SPEAKER

Mersi Onorab De Commarmond.  Bon Onorab Philip Arissol nou annan 15 minit.  Eski ou pour kapab fer ou entervansyon?

 

HON PHILLIP ARISSOL

Pli kourt Mr Speaker.

 

MR SPEAKER

Ok.  Go ahead Onorab.

 

HON PHILIP ARISSOL

Mersi Mr Speaker.  Mr Speaker sport Sesel i ganny fer lo en baz volonter.  E i vreman enportan ki bann zenn i pran sa an kont depi la ozordi, ki ledikasyon ek sport i merit mars ansanm.  Pa zis sport tousel.  Akoz ler sport i fini, ler nou’n retire, lavi i kontinyen, alors i vreman enportan.

Mr Speaker letan nou pe koz High Level Sports, savedir nou pe koz National Team.  E National Team laplipar di tan bann dimoun ki fer bann bon rezilta, se bann sport endividyel kot sa ki ou mete, i sa ki ou gannyen.  Si ou pa met letan ladan, definitivman ou pa pe ganny bon rezilta.

E kot i konsern lekip bann sport lekip nou vwar.  Par egzanp volleyball, basketball, foutbol, handball i sa bann sport ki nou viz zis petet kekfwa Indian Ocean Games.  Be mon mwan krwar nou merit viz pli lwen.  Akoz pour ou kapab fer pli byen, se viz pli lwen.

Me parfwa nou menm nou Seselwa, nou sitwayen.  Nou menm nou ki dekouraz nou bann sportsmen parfwa.  Ler nou seleksyon foutbol i tonm avek Nigeria, nou demande, ayo la ki bannla pour al fer?

Ler bannla i sorti Sesel pour al partisipe deor, zot donn zot tou zot.  Me solman akoz nou pool i vreman ptipti, lakantite team ki i annan pour nou swazir nou bann seleksyon Nasyonal ladan, i vreman pti e Nigeria li, i annan milyon zwer pour li swazir son seleksyon e li i kapab fer en bon seksyon.  E son rezilta definitivman i pour pli bon.

Ler sa lekip Sesel i retournen, nou pa vwar personn ki al zwenn zot lo erport.  Akoz zot pa’n ganny nanryen.  Mon krwar sa le moman ki nou merit al zwenn zot, donn zot plis lankourazman.  Akoz letan zot pe antre dan pei i annan en gro presyon lo zot.  E nou bezwen salye zot, siport zot ki demen petet- Nigeria ti score 11 goal lo zot.  Kekfwa ler zot al zwe ek Nigeria, Nigeria a score 5.  Nou, nou ava score 1.

Letan mon get nou lekip.  Par egzanp nou lekip Nasyonal fanm basketball.  I sorti pour li al Zwe De Zil la, i annan zis 4 team fanm.  Savedir i apepre mwens ki 50 zwer.  Nou’n fer en seleksyon Nasyonal e konbyen zwer ki pe al zwe.  Kekfwa 12.  E douz dan 24, dan 40 zwer ki nou ekspekte?

Solman mon konnen poudir sa bann fir pour al fer zot mye e zot pour sey vin avek meyer rezilta ki letan zot vini- letan zot retourn Sesel.

E si letan zot retourn Sesel par-azar zot pa ganny okenn meday.  Eski zot pour bezwen pas par laport deryer lo avyon?  Sa bann ki’n ganny meday lor pour pas devan?  Sa i pa en fason pour tret zot.

Alors mon Mr Speaker mon krwar poudir tou sport, tou sportsmen i travay dir.  E tou sportsmen i merit ganny en bon rekonpans.  Nou pa pe dir larzan.  Me solman soutyen.

Me dan sa kote osi tou, nou bezwen mazin- bann sportsmen i bezwen mazinen demen, nou’n fer sport ozordi.  Apre sport lavi i kontinyen.

Minister.  Minister Sport i merit annan en bon striktir.  Pa zis striktir pour sport letan en zenn in komans taye.  Apre ler i aret taye tou keksoz i fini.

Striktir sport i bezwen komanse ler sa zenn i annan li 2an ziskan ler i pe al antre dan son serkey.  Sak striktir sport i merit konplet.  Savedir ler en dimoun i fer sport, ou pa zis fer sport la ozordi, apre demen ou dir napa rannman.

Mon mwan ti en sportsmen, mon ti zwe basketball.  Mon pa ti tro, tro bon.  Me solman mon’n gannyen rannman, mon’n vwar rezilta.  Ler ti ariv mon ler pour mwan retire, mon’n retire.  Me solman mon’n pran coaching e mon’n vwar- e mon’n ariv bann landrwa ki mon pa ti zanmen ekspekte arive e mon’n fer byen.

 

Alors mon pe swete ki bann sportsmen, pour pa zis mazin ozordi letan ou pe taye lo laplenn ouswa lo court.  Mazin demen ki ou kapab fer.  E ler ou fini sport osi, ou bezwen annan en fason ki ou anmenn ou lekor, ou pa zis fini sport.  Si vre bann zenn ki fer- al fer bann keksoz kekfwa ki ou pa’n ganny letan fer letan ou ti pe fer sport.  La aprezan ou swazir pour al fer sa bann keksoz negativ.

Akoz si ou en sportsmen ou toultan reste en sportsmen.  E bann zenn i get ou.  Si ozordi ou pe fer sport, e demen ou deside pour al dan lalkol, ouswa pour al dan drog.  Ou en role model ou.

I annan zenn ki swivre ou.  Akoz i annan zenn ki ti pe swivre ou depi byen lontan, kekfwa ou pa konnen.  Akoz kekfwa nou sport pa parey Lerop.

Alors mon mwan Mr Speaker.  Mon krwar poudir sa Mosyon anmennen par Onorab Ghislain, i pe demann en keksoz ki byen.  Me solman nou bann sportsmen osi, fodre nou fer sir ki nou pa zis asize ler nou’n fini nou letan sport, asize espere pour nou ganny rekonpans larzan.  Kontinyen donnen, parey Georgie Ghislain ki nou vwar li dan en sityasyon ozordi.  Petet sa zenn onm ti kapab pe travay avek nou lekip badminton, pe kontribye dan coaching ki ti pour Georgie Cupidon wi- Georgie Cupidon eskiz mwan dan coaching ki ti pour ede.  Nou lekip badminton ti ava anmenn en bon rezilta.

Alors mon mwan pour anmenn mon sipor pour sa Mosyon.  Mersi Mr Speaker.

 

(APPLAUSE)

 

 

MR SPEAKER

Mersi Onorab Philip Arissol.  10 minit, Onorab Aglae ou pour kapab?  Go ahead Onorab.

 

HON EGBERT AGLAE

Mr Speaker mersi.  Mon a seye fer li dan 10 minit.  Mr Speaker mon pour koz lo lespri sa Mosyon ki’n ganny prezante par Onorab Ghislain ki pe tous nou bann atlet ki’n fer loner e Paviyon pei ziska ozordi, e bann ki’n la dan lepase.

E mon osi anvi mazin bann ki’n kit nou, ki’n ale e osi bann ki pe pas atraver serten difikilte.  E Mosyon li menm li, i anvi dan son lespri adres osi serten difikilte ki kapab apporte soutyen sa bann atlet ki’n fer tre byen lo en nivo o.

Mr Speaker parkour en atlet i pa fasil.  E souvandfwa zot vwar zot dan bann moman ki difisil, e osi nou mazinen poudir lifespan en atlet ki o nivo i pa al bokou lannen.  E i annan i ava al 5an e menm 10an.  Tou depandan lo kalite sport ki i fer.

Mr Speaker, sport i en levennman ki anmenn dimoun ansanm.  I en moman osi kot ler nou zwenn ansanm partaz bann lazwa ki kapab anmennen dan sport ki swa ler ou’n gannyen, ki nou tou nou la nou selebre.  Ouswa ki ler parfwa ou mal fer osi, nou emporte soutyen e rekonfor malgre nou bezwen rekonnet zefor ki sa groupman atlet in fer pour sa bann disiplin.

Mr Speaker sport osi, ler nou vwar nou bann atlet ki fer byen i kapab vin en loner, en Anbasader pour nou pei, e sa i enportan.

E bokou pei nou vwar- parey taler Onorab Georges in dir annou valoriz nou bann atlet ki’n fer byen. Nou’n vwar ki i annan bokou pei i servi bann High Level sportsmen koman bann Anbasader ki reprezant zot bann pei dan bann diferan lenstans.

Mr Speaker parkour e sakrifis ki en atlet i fer.  I pa enn ki fasil, e pa enn ki nou tou nou kapab fer.  Nou bezwen rekonnet sa.

Mr Speaker nou vwar sa sirtou ler ou pe get bann atlet.  Ou kapab konpran poudir dan lekol kot bann atlet in antre dan sport, zot vwar zot pe al zwenn lo nivo Klib Nasyonal, vwar zot apre komans fer zot bann perse enternasyonal.  E se de la ki ou kapab dir sa bann atlet pe vin pli o nivo, ler zot in ariv lo nivo enternasyonal.

Mr Speaker i annan bann bokou bann rezon ki akoz ki Mosyon li pe demande ki i annan en Pansyon ouswa en fason kot nou rin imer nou bann atlet ki ler zot in donnen pour zot kapab kontinyen viv en lavi.

Mr Speaker pour en atlet kapab pran son retret li menm, i annan bann diferan fakter ki kapab fer sa arive.  Parfwa i pa zot lanvi pour pran zot retret.  Me parfwa i bann lakoz ki zot fer fas avek.

Premyerman Mr Speaker.  Laz i enn bann rezon akoz en atlet i bezwen pran son retret.  Pour kapab permet la relev e kontinyite.  E bann ki pe vini par anba li pour kontinyen.  So sa atlet ler i ariv en laz, byensir lekor fizik i pa parey ler i ti fek komanse.  I vwar li petet i komans perdi lafors, perdi kouraz e menm moralman i kapab santi li en pe dekouraze.  So i deside pran son retret.

Nou annan bann problenm maladi ki en atlet i kapab fer fas avek.  E la i osi i ava vwar li- e nou’n vwar poudir i annan bann aksidan ki kapab arive kot atlet in ganny aksidan e in vwar li bezwen aret fer son disiplin.  I annan osi bann commitment familyal ki parfwa i fer ki en atlet i nepli kapab kontinyen dan sa disiplin ki i ladan.  E i vwar li pe al donn son letan lafanmir.

Osi Mr Speaker.  Parey nou konnen Sesel bann atlet i pa neseserman pe ganny en reminerasyon parey en lanplwa, en benefis tou le mwan pour zot kapab dir ‘mon pour soutenir e viv mwan lavi lo la’.

So i annan en relasyon travay ki atase avek kot parfwa atlet i bezwen drop pour li kapab konsider, konsantre lo son travay e son lavenir.  Petet in antre li dan serten projet.

Mr Speaker ou osi, i annan bann rezon relasyon sirtou avek bann disiplin ek bann Federasyon ouswa bann Klib, ouswa bann coach osi ki parfwa i fer atlet lavi malere.  E zot vwar zot byensir zot pa satisfe e zot dekouraze e osi zot arete.  E zot dir zot pour arete.  In arive sa dan sport. 

Me i malere Mr Speaker ki sa bann keksoz koumsa ki ler i arive, bann atlet i vwar zot tousel parfwa.  E zot pa pe ganny sa rekonesans menm si zot in donn tou e zot in fer Paviyon pei monte.

Mr Speaker kwa ki nou ti a swete vwar ki ler en atlet i pran en retret osi antre ladan?  Mon pa ti a kontan vwar en atlet ki’n donnen, ki’n donnen apre ou vwar li asize tousel dan en kwen.  Ouswa al tonm lo bann sibstans, ouswa vwar li dan bann sityasyon ki nou menm nou, nou pa ti a swete vwar zot ladan.

Nou ti a swete vwar zot kontinyen.  Ler ou’n fini ou laz- ou’n ariv laz retret, petet ou vin en coach, petet ou pran en linisyativ ou zwenn en Klib, ou form ou prop Klib.

Ou pran en groupman menm dan lekol pour asir la relev pour ou kapab kontinyen.  E osi nou ti a kontan osi vwar sa bann atlet osi kontinyen pratik sa sport, menm lo en nivo lwazir.

Mr Speaker me selman pour sa kapab arive.  Byensir sa bann latet i bezwen ganny en sipor adisyonnel.  E i annan diferan fason ki sa i kapab arive, menm lo nivo gouvernmantal ouswa nivo Federasyon kot sa bann atlet ki’n fer sa bann parkour High Level zot ganny en sipor adisyonnel pour zot kapab osi asir la relev pran bann zenn remet zot- remet zot, ankadre zot.  Fer sa bann zenn vin parey sa enn ki’n reisi li osi.

Mr Speaker ler mon pe koz lo sa bann atlet.  Mon mazin parey Nathalie Didon ki en lafanmir Didon kot ti annan Mike, i annan Finette.  Bann ki’n fer byen dan en sel fanmir nou’n vwar 3 atlet ki’n perse.

E ozordi mon vwar Nathalie pe ede dan devlopman sport lekol e koman en enstrikter avek Minister Ledikasyon.

E osi nou mazin osi bann atlet ki’n- ki mon mwan menm mon, mwan rapel in grandi dan mon neighborhood laba Anse Royale.  Mon mazin parey Eddy Quilindo ki’n donnen.  Mon mazin osi Albert Marie, mon mazin Jerina Bonne, en atlet ki’n preski- nou’n grandi ansanm ek kanmarad.  Tousala i bann atlet ki’n fyer.

E Port Glaud bann ki ankor kontinyen, ki mon mwan pe siporte.  Mon vwar Simon Labiche i ankor pe fer, mon vwar Ned Azemia ki ankor lo baz Liniversite ki pe perform byen.

Mr Speaker sa i fer ki nou annan la relev.  Me selman nou bezwen asire ki poudir bann ki ale.  I pa zis ale anven.  Mr Speaker i gou ler ou vwar Sesel Paviyon in monte, nou ganny meday lor, nou ganny rekonnet dan bann diferan levennman enternasyonal ki nou partisipe Olympique, CJSOI, Zwe Lafrik.  Bann games ki nou anvoy nou bann Klib i anvoy deor pour zot al partisipe.  Zot vin avek meday lor.  I byen nou al zwenn zot lo erport, nou ale nou met en kouran fler, nou rekonnet zot.

Me selman Mr Speaker.  Mon vwar poudir nou bezwen annan en lot kalite form osi rekonpans ki nou kapab donn sa bann dimoun ki ler zot in fer byen.

Mr Speaker lo en lot nivo ankor.  Petet nou bezwen mazinen poudir ler ou en High Level atlet.  Ou en High Level atlet, ou bezwen kapab osi konport ou dan en fason ki ou pe met ou disiplin lo pli o nivo.  Rekonnet poudir ou annan en disiplin ek en pei ek en Paviyon ki par deryer ou.  E fer ki ou touzour pe respekte e port laglwar e lafyerte pour ou pei.

Mr Speaker i domaz parfwa osi in ariv bann lensidan kot nou’n vwar poudir i annan serten atlet ki’n fer o nivo ki osi i pa’n respekte nou Paviyon.  Me selman nou, nou pa pour al ladan ozordi.  Nou, nou konsernen avek bann ki’n fer byen.

Alors Mr Speaker ki fason ki nou mazinen sa Fon i kapab ganny entrodwir?  Mon krwar sa i en pwen pli enportan pour nou kapab dir.

Gouvernman i ava annan son rol pour li zwe e kre en Fon parey Loter Mosyon in fer resorti.  Nou a osi kapab envit bann Sekter Prive pour osi dedye pour kont en kontribisyon dan sa Fon.  Parey nou annan progranm CSR, petet en serten porsyon, en serten larzan i ava ganny mete ladan, ki i ava soutenir sa bann group atlet ki ganny kategorize lo High Level, byensir.

E why not osi Mr Speaker de la ler en atlet in ariv lo en nivo enternasyonal, kre en lasirans spesyal pour li, ki i ava kontribye li osi.  E son Klib osi i a met en kontribisyon ladan ki ler in fer 10an a 15an i ava annan en matirite ki li i ava ganny en sonm larzan osi.

Sa osi i ava en kontribisyon pour li kapab soutenir li.  Si i ariv li en aksidan, si i ariv li en maler, si i bezwen sorti dan lanplwa baze lo sa kalite aktivite sport ki i pe fer, e sa i a ed li.

Osi Mr Speaker, sipor son bann Klib i enportan.  Si ou’n fer loner ou Klib parey nou mazin bokou, parey bann Klib Foutbol ki’n fer byen parey St Michel, tou kou nou nonm Philip Zialor, Philip Zialor.  Nou nonm bann lezot Klib Alpha  Balde.  Ou osi i ava en responsabilite ki sa Klib i kapab dir ‘be si mon mwan annan mwayen, be akoz tanzantan mon pa kapab fer en pti reminerasyon, en pti keksoz, en pti kontribisyon.  Ouswa si sa atlet suddenly i tonm dan en kalite problenm ki i vwar poudir i bezwen sipor.

Mr Speaker i fer mon rapel osi ki detrwa semenn pase mon ti zwenn Msye Bijoux ki’n- ki enn bann volleyball, enn bann volleyball players ki’n zwe byen pour Sesel, ki’n fer loner Sesel.

Mr Brizzo ozordi i travay avek SNPA i dan en injury.  E malgre i pe travay avek– SNPA pe ganny reminerasyon.  I santi ki poudir i ti kapab donn ankor pour son pei atraver la relev, ed bann lezot zenn.  Me selman i pa pe gannyen bann sipor neseser pour li kapab fer sa.

E sa pour li i santi poudir i annan en rol ki in- lasosyete li menm, Gouvernman, Lasosyasyon i kapab antre zwe pour li kapab kontinyen.

E sa parey nou pe dir, sa Mosyon Mr Speaker.  I pa en Mosyon ki zis pour Gouvernman.  Mon pa krwar i devret zis Gouvernman ki antre ladan.  I devret tou sa bann akter ki i annan pour fer avek sport, ki kapab ede.  E lakominote biznes Sesel osi ki bokou i sponsor sport, i kapab antre ladan e donn en sipor pour nou kapab entrodwir en tel Scheme parey.

Mr Speaker mon rekonnet poudir i annan bann pei ki i annan bann Scheme parey.  Pa tou ki kapab fer li.  Me i annan bann pei ki ozordi i pe rekonpans zot bann atlet lo en nivo lo o nivo.

E bann laz ki zot komans avek- i annan i dir ou ler i ariv 45, i annan pei donn 45, i annan pei pe donn 55an, i annan pe donn 60an, i annan pe sonn 62an, pour bann resers ki mon’n fer.  E tousala zot donn sa bann atlet en kontribisyon tou le mwan pour zot kapab viv zot lavi apre ki zot in fer monte Paviyon zot pei.

Mr Speaker i annan lezot incentive ki nou Sesel nou kapab adopte petet.  Akoz ki ler en dimoun in fer sakrifis, in kit son fanmir, toulezour i bezwen desann al practice, i preski napa en lavi.

Si i ti annan en madanm, petet i kapab rankontre bann problenm.  Zanfan i kapab nepli- ganny neglize.  Ler in fer li 10an dan en sport, petet in kit son travay, ouswa in negliz son travay, i pa’n ganny en income steady.  Ler in fini in ganny li 35an, 40an.  I riske vwar li i napa en lakaz li menm, i napa en bout later.

Be si in fer monte loner Paviyon lo nivo Olenpik ki’n ganny lor.  Be akoz nou pa ofer li petet.  Nou dir be ok, nou a donn ou en lakaz ou a peye, ou a fer ou bann kontribisyon, ouswa nou a ed ou ganny en bout later.

E menm i annan bann atlet, parey Mr Furneau ki dan biznes i bezwen kit biznes ale.  E osi i ava annan bann petet ki i ava annan lentere.  Nou a ed li set up en pti biznes apre ki in donn son letan dan sport Sesel, ki’n fer monte.  Tousala i bann keksoz ki kapab ed bann atlet etablir zot e osi pa pour zis ede, i pour ankouraz bann lezot atlet poudir be si mon fer byen mon pei, i annan keksoz pour li ofer mwan ler mon pe ale.  Sa ki enportan.

Ozordi mon kouzen i pa oule fer sport.  Akoz i dir ou napa nanryen dan sport.  Napa, napa, napa lavi dan sport.  Me sport i en lwazir, menm si Sesel nou sport ki nou, nou fer i pa lo en baz sitan profesyonnel ki peye tou le mwan en ta larzan.  Me selman nou bezwen konpran poudir sport i en keksoz ki anmenn dimoun ansanm.  Sport i bon pour nou lasante, e sport i kre en kominote, i fer kominote vin pli zwaye ler sikse i anporte.

E pour konklir Mr Speaker.  Nou osi nou bezwen ozordi, menm si parey mon ti dir o konmansman.  I annan bann atlet ki’n kit nou in ale, nou pa pe vwar zot, nou pa pe rekonnet zot – zot pe – zot non pa pe ganny rekonnet.  Be annou etablir nou en Hall of Fame ki nou ava met sa bann atlet agrave.

Parey yer Mr Andreix ti koze laba La Digue, ti dir nou bezwen annan en Mize pour met tou bann keksoz.  Mr Andreix  ti koze wi.  E in fer resorti ki sa ki annan son bann keksoz, anmennen.

Be selman nou kapab kre en Hall of Fame an memwar.  Parey i annan lager mondyal ki nou rekonnet larmistis, kot nou rekonnet sa bann dimoun, kot nou ale, zot al met poppy.  Parey lot kote i kontan ale vin avek zot pti fler poppy.

Be nou ava annan en Hall of Fame ki i ava rekonnet sa bann atlet ki’n fer byen a ziska z.  E la nou ava annan en zour ki i a ganny dedye pour zot, en zour spesyal.  Ki swa ler i annan National Sport Day.  Parey nou annan Lazournen Konstitisyon, nou desann nou al kot Paviyon laba.

Sa zour National Sport Day nou tou nou desann nou al get sa Hall of Fame, nou al met en pti fler, en pti whatever ki nou anvi mete.  E sa i ava vin en remembrance pour sa bann atlet osi.

Avek sa Mr Speaker mon pour siport sa Mosyon.  E mon osi mwan ti a kontan bann lezot Manm i apporte bann lezot kontribisyon.  Petet i ava ede lo ki mannyer nou a etablir sa Fon.  E en diskisyon avek Minister Finans i a neseser pour gete dan fezabilite en tel Fon pour kapab ed bann atlet a lavenir.  Mersi Mr Speaker.

 

MR SPEAKER

Mersi Onorab Aglae.  Bon mon annan ankor 4 Manm lo mon lalis.  Nou pa pour kapab kontinyen la.  Nou ava kontinyen avek sa deba Mardi prosen.

Mon annan zis de pti lenformasyon ki mwan anvi pas avek zot.  Annefe 3.  Reminder se lenvitasyon 4er dan Lobby pour inogirasyon nou PV Solar Unit.  Demen FPAC Hearing, demen 9er bomaten ki pour ganny transmet live lo SBC 2 avek Radyo AM.  E osi tou atraver nou YouTube channel.  Se Former Director of FIU ki pe appear devan Komite.

Mon anvi osi remind bann Manm ki nou annan sa half day workshop vandredi, National Assembly an kolaborasyon avek UNDP.  E sa i pour fer kot lotel Savoy 9er bomaten.  So vwala en pti pe bann lanons ki mon ti anvi fer.  E Lasanble i ava adjourn e nou repran nou travay Mardi le 2 juillet 9er bomaten.

 

(ADJOURNMENT)