::
Home » Verbatim » 2019 » Verbatim Tuesday 25th June, 2019

Verbatim Tuesday 25th June, 2019

 

NATIONAL ASSEMBLY OF SEYCHELLES

Tuesday 25th June, 2019

The Assembly met at 9am

National Anthem

Moment of Reflection

Mr Deputy Speaker in the Chair

 

MR DEPUTY SPEAKER

Bon mon ti a kontan dir en gran bonzour tou dimoun, tou bann Manm Onorab, tou dimoun dan lakour, tou dimoun a lekout, tou dimoun lo rezo sosyal, bonzour.   Byenveni pour travay Lasanble Nasyonal ozordi Mardi le 25 Zen, 2019.          Parey zot ava vwar, mon ti a kontan bomaten prezant leskiz Onorab Nicholas Prea, Onorab Speaker, ki absante bomaten, parski i bezwen Ankour pour sa ka ki’n ganny mete kont Lasanble Nasyonal par Gouvernman.  Labitid nou’n abitye montre li sa sipor, e bokou nou in akonpanny li Ankour sak fwa ti annan en ka. Me vi ki frekans laparisyon ki in bezwen fer Ankour in ogmante, Lasanble in deside ki nou bezwen kontiny nou travay.  Nou pa pour les sa bann levennman retard travay Lasanble e alor Onorab Prea in demann mwan pour chair bomaten dan son  labsans.  E antretan mon ti a kontan lo lapar Lasanble Nasyonal, swet li tou de byen e mon espere ki sa ka a deroul dan en fason byen, zis e ki dan lespri nou Konstitisyon.

Lo nou Order Paper ozordi nou pour annan Prezantasyon Papye. Presentation of Paper Seychelles Revenue Commission; answit nou pour annan kestyon pour larepons e ozordi nou annan 8 kestyon ki pour ganny poze par diferan Manm Lasanble Nasyonal, swivi par en Private Notice Question. E plitar nou pour annan Second Reading, Tourism Development Bill e en update lo Public Service Salary (Amendment) Bill; swivi par bann Mosyon ki ankor lo nou Order Paper.  E an se moman i reste 3 Mosyon pour nou pran e sa i en pti pe travay Lasanble Nasyonal pour sa semenn.

Mon ti a zis kontan enform sirtou piblik ki pe ekoute; bann Manm in deza ganny en notice ki demen Merkredi le 26 Zen nou pour adjourn en pti pe pli boner 3.30 parski 4er nou pour annan en levennman inogirasyon – sa sistenm photovoltaic ki’n ganny met lo Lasanble Nasyonal.

Parey zot konnen sa ti en donasyon par Gouvernman Lenn e pour annan en pti seremoni inogirasyon sa photovoltaic sistenm.

Zis en pti sanzman lo nou Order Paper pour bomaten, olye annan Private Notice Question ki pour swiv apre bann kestyon ki pour Oral Answer nou’n deside met Private Notice Question avan Oral Question pour la senp rezon ki Egzekitiv in demann e Vis-Prezidan in demann nou si i kapab fer sa kestyon pa pli boner, pour li mye kapab pour li mye kapab manage travay L’Egzekitiv. E nou byensir nou travay dan en lespri kot nou anvi maksimonm kolaborasyon, e nou osi nou la pour fer keksoz marse.

Alor nou pour met Private Notice Question avan Question for Oral Answer.   Ki vedir mon ti ava alors demann Parliamentary Reporter pour kriy apel Vis-Prezidan Meriton pour li al direk lo Private Notice Question.  Onorab Ramkalawan.

 

HON WAVEL RAMKALAWAN

Mersi bokou Mr Speaker. Mr Speaker bonzour tou bann koleg Onorab e bann ki’n retournen mon ti a kontan dir zot welcome back. Onorab Adelaide ek Onorab Pillay. E bonzour osi tou bann dimoun ki a lekout.

Mr Speaker i annan en serten konfizyon ozordi parmi bann retailers. Swivan sa konversasyon ki nou’n annan semenn pase i annan en konfizyon, parski serten i krwar ki sete en Lalwa ki nou ti a pe diskite e ki desizyon pa ankor fini ganny pran. E spesyalman lo ler ki lalkol i komans ganny vann dan pei.  E i enteresan ki apre ki nou’n tenir sa konversasyon deza, i annan omwen de retailers ki’n ganny arete.  Akoz zot ti pe vann lalkol apre 11.30.  So i annan en konfizyon.  E malerezman Mr Speaker mon bezwen dir ki Gouvernman pa’n trouv li neseser pour li eksplike ki pe arive avek sa S.I.  Minis letan in vini in dir ki i pare pour li pran nou bann rekomandasyon e tou.                  Me antretan la i annan en konfizyon deor.  Alor mwan mon krwar ki mon ti ava kontan propoze ki etandonnen ki nou annan sa latant avek Minis, ki nou pour fer serten propozisyon, nou pour koze lo sa S.I. an zeneral – Mr Speaker  mwan mon krwar ki meyer keksoz pour avoid okenn sa bann konfizyon, se la pour le moman e an plis ki sa lefe ki nou ti’n dir konsernan sa 2 erdtan avan 11.30 i pa en problenm.  Tou le de kote ti’n plizoumwen dakor sa 11.30 olye 1.30.  Mr Speaker mon ti ava kontan pour nou koman en Lasanble avoid okenn konfizyon.

Nou pa kapab met en S.I on hold.  Lalwa pa permet nou. Me sa ki Lalwa i permet nou se pour nou quash li.  E sa ki mwan mon ti ava kontan demande anba 38(1) pour Motions ki less than 10 clear days, se pour demande, demann permisyon pour anmenn en urgent Motion apre midi.

Onorab De Commarmond koman Leader of Government Business pour konpran mwan byen, ki apre midi nou quash sa S.I.  Si nou quash sa S.I me pour dir avek Minis ki dan de semenn konmsi dan sa peryod de semenn nou fer tou travay ki neseser e li aprezan i ava vin avek son nouvo S.I.  E sa se zis dan en fason pour sispann sa zafer 11.30 e menm bann charters bato pe konplent, parski nou komans war sa lenpak ki i annan.  E i annan bokou konplent Mr Speaker. E nou koman en Lasanble mon santi ki nou bezwen ekout sa bann konplent e azir dan en fason.

So mwan mon ti pour demann ou permisyon pour mwan kapab anba 38,(1) anmenn en urgent Motion, quash the S.I. me tout an dizan avek Minis, nou pe quash pa akoz nou pa anvi okenn keksoz me dan de semenn, nou ava’n fini fer sa konsiltasyon, apre sa i ava annan en keksoz nouvo.  Parski menm petet mwan ava termin lo la – menm lo sa pwen al vann lalkol ziska 1er bomaten e ler laboutik ler ki laboutik i fermen, tousala se bann keksoz ki apre semenn pase tousala pe ganny koz lo la, e mon krwar nou koman en Lasanble nou bezwen pran tousala an kont e azir accordingly. Mersi bokou Mr Speaker.

 

MR DEPUTY SPEAKER

Mersi Onorab Ramkalawan. Onorab LGB.

 

HON CHARLES DE COMMARMOND

Mersi Mr Speaker.  Bonzour Mr Speaker, bonzour tou Manm Onorab. Vis-Prezidan ou la ek ou delegasyon osi bonzour e tou dimoun ki a lekout.

Mr Speaker mon agree ki en keksoz i bezwen ganny fer.  I annan 2 keksoz.  Swa sa ki Onorab Ramkalawan pe propoze.  Oubyen Minis li menm dan lespri ki nou ti fer sa diskisyon semenn pase, e ki osi ti dakor, i ti dir donn koudmen ki mannyer pou sorti ladan. Swa li menm li retir sa S.I si i oule, i kapab osi retire.

Be selman nou lespri ki nou ti pe diskite e ki L’Egzekitiv through the Minister i ti’n dakor se ki zot pa pour aksyonnen.  Vre S.I i reste la, i vivan, me zot pa ti pour aksyonnen.  Be mwan le fer ki zot pe aksyonnen, savedir pour mwan mon poz question mark.  Savedir kwa zot ti kapab pran aksyon, be tou sa letan pa’n pran la, en sel kou oule pran? There is something wrong somewhere Mr Speaker.

E mwan mon krwar pour dir mon pour stand avek sa ki Lasanble – nou  group osi isi, parti pour stand avek sa ki nou pe propoze, e ki swa Minis i retir son S.I, swa nou pour tonm dakor apre midi pour nou quash.  An menm tan la pandan sa pti letan, nou ava diskite. Mon pour al telefonn li zisteman koman mon ganny en pti moman la, pour nou kapab vwar sa way forward.

E nou ti’n tonm dakor pour annan en bann amannman.  Amannman nou pe travay lo la, plizyer propozisyon. Enn bann amannman ki kler, nou tou le de kote nou ti’n tonm dakor, sa ler ouver, nou ti pour dir kit li parey omwen nou’n abitye ek sa la les li, kit li parey, nou pa pour kapab anmenn li laba pli devan.

Konmsi annou tonm dakor pour nou ler nou’n fer en diskisyon ki ris, ki annan bann propozisyon pozitiv, ki nou tou ansanm nou pe get dan en fason byen devan.  Nou annan en vizyon pour nou pep, pour nou pei, be annou tonm dakor nou tou onboard! E annou egzekit e fer marse sa ki nou pe war ki bon pour nou.

So dan sa lager, nou’n tonm dakor menm ek retailers to a certain extent, nou’n fer zot osi konpran bann lezot stakeholders, nou’n osi fer zot konpran. Mon krwar tou dimoun be i annan dimoun ki’n telefonn nou. Mwan i annan dimoun ki’n call mwan zis apre Lasanble ki’n dir vwala mon annan serten propozisyon. Mon pe dir zot donnen pour nou gete how much nou kapab enkli dan sa ki nou, nou osi pe propoz devan, pour ki en travay pli konpreansiv.  Be pandan letan annou konpran pour nou pa aksyonnen!  Konmsi ki kalite, mon pa anvi servi sa mo malis, me selman mwan pa tro, tro war bokou lezot mo, akoz nou fer sa?

So mon krwar mwan osi ki something has to be done. Mwan pour al pran mon responsabilite la, pour mwan ganny en kontak avek le Minis.  An tou leka Vis-Prezidan i la si i anvi dir en keksoz lo la osi koman Vis-Prezidan, me selman i pa la pour sa rezon. Me mon mon pour al vwar avek Minis la, enn ant le de keksoz nou pour fer Mr Speaker.  Mersi.

 

MR DEPUTY SPEAKER

Mersi Onorab LGB.  Bon i paret i annan en konsansis lo tou le de kote – ki sa S.I parey i ete i pa pour marse.  E mwan mon ti a – mon krwar i annord pour mwan demann Onorab Ramkalawan, pour alor propoz ou Mosyon, deba, sa deba ki, sa largiman ki Onorab De Commarmond pe fer, i kapab monte dan sa Mosyon. E alor i annord pour nou enkli sa koman en urgent Motion. E mon ti a demann Onorab Ramkalawan pour li propoz son Mosyon pour anvoy kot nou, be tout fason nou pour annan ABC plitar, nou ava diskite ki mannyer nou kapab enkli, sa pour fer li vin en priyorite.

Zis pour lenformasyon Onorab LGB, Minis i an se moman overseas.  Mon konpran i pe tourn Vandredi. Me selman malgre dimoun i overseas, konmela ou kapab WhatsApp zot, ou kapab email zot eksetera.

So Onorab Ramkalawan.

 

HON WAVEL RAMKALAWAN

Mr Speaker mersi bokou.  Alor mon ava ekrir ou pandan, ki pandan Break ou ava’n ganny sa request pour, mon konnen nou’n fer li oralman. Ou’n dir ok.  So pandan Break mon ava fer sir ki oubyen letan nou pe asize la mon ava fer sir ki ou ganny the relevant documents. Mersi bokou.

 

MR DEPUTY SPEAKER

Dakor Onorab Ramkalawan. Onorab De Commarmond.

 

HON CHARLES DE COMMARMOND

Mersi Mr Speaker, mon konnen Minis Loustau-Lalanne i Minis vreman, vreman efektiv kantmenm i overseas mon plizyer fwa i pour pran son telefonn i pour an kontak.

Me zis mon anvi ki nou careful ki nou pa fer en keksoz ki apre nou war nou, nou’n fer en keksoz ki mal.  Sa kestyon quashing of S.I nou bezwen fer atansyon ki, mon krwar dapre dir si fodre si i en S.I. i kont Lalwa, i kont Konstitisyon then ou kapab quash. Si zis i koumsa menm konmsi nou bezwen careful lo la. Onorab Georges pa la, mon ti ava kontan en konsey pour fer sir ki nou pa fer mistake lo nou kote. E dezyenmman si Minis i tonm dakor ki vreman dan sa lespri i pour annul,  be konmsi ki i pran sa aksyon en pe vitman la, ki i donn nou sa garanti ki nou pa bezwen vin propoz sa apre midi, me ki i donn nou en keksoz garanti. Mon ti ava kontan nou al dan sa direksyon.

 

MR DEPUTY SPEAKER

Ok mersi. Onorab Ramkalawan.

 

HON WAVEL RAMKALAWAN Mr Speaker mwan mon dakor antyerman.  Sa ki mwan mon anvi trouve, se aksyon.  Si Minis parey avek son lot, ou rapel ti annan sa lot S.I ki i ti pare pour li annul son S.I i ok. Sa ki nou anvi se en keksoz konkret.  Si Onorab De Commarmond i ganny kontak avek Minis Loustau-Lalanne e i dakor pour li retir son S.I ziska ki keksoz nou tenir sa deba, i ok. Me selman mwan mon pour anmenn sa Mosyon e petet nou pwennvi i diferan.

Mon krwar ki pour dir anba Lalwa Lasanble Nasyonal, i annan pouvwar pour li annul en S.I san okenn gran, gran deba.  Sa i mon lopinyon dapre Lalwa.  Mon konnen ki pour dir i annan en case Konstitisyonnel ki pe go on mon pa pour al subjudice parey nou dir bann zafer me selman, mon ava anvoy tou bann dokiman e nou ava pran aksyon neseser. Mersi bokou Mr Speaker.

 

MR DEPUTY SPEAKER

Mersi bokou Onorab Ramkalawan.  Bon zis pour nou fer sir nou swiv prosedir byen mon a demann Madanm Clerk pour lo item No. 4 lo nou Order Paper pour fer en Formal Reading sa Presentation of Paper.

 

MADAM CLERK

Mersi bokou Mr Speaker. Bonzour Mr Speaker, bonzour VP, bonzour Kolonel Rosette, tou Manm Lasanble e tou dimoun ki a lekout. Koman Prezantasyon Papye sa semenn nou annan the Seychelles Revenue Commission Annual Report for the year of 2016, to 2018.  Mersi Mr Speaker.

 

MR DEPUTY SPEAKER

Mersi Madanm Clerk. Avan nou kontinyen mwan ti a kontan swet labyenveni dan Lasanble Nasyonal Msye Vis-Prezidan, Vincent Meriton ki Minis pour Foreign Affairs, Blue Economy, Information and Communication, Technology, Information, Industry and Entrepreneurship Development. E Vis-Prezidan i ganny akonpannyen par Kolonel Michael Rosette ki Chief of Staff of the Seychelles People Defence Forces. Byenveni parmi nou dan Lasanble Nasyonal.

E mon  a demann toudswit ki Onorab Ramkalawan i poz son Private Notice Question.

 

HON WAVEL RAMKALAWAN Mersi bokou Mr Speaker. bonzour Vis-Prezidan. Bonzour Lieutenant Kolonnel Rosette. Mr Speaker zis avan mon demann mon kestyon, mon  ti a kontan pour war ki Seychelles Revenue Commission in prezant son rapor pour 2016 ek 2018.  E sa i tonm anba manda sa 6 enm Lasanble. E pour mwan koman Chairperson FPAC ansanm avek tou bann Manm, mon krwar tousala i montre ki pour dir, i annan travay konkret ki sa Lasanble pe fer.  E ki mannyer mon konpran, zot in menm annan en koleksyon reveni plis ki R700 milyon an plis pour 2018 e ki sa Lasanble pe travay Mr Speaker! E i fer mwan fyer pour mwan form parti sa 6enm Lasanble.

 

(APPLAUSE)

 

MR DEPUTY SPEAKER

Mersi Onorab Ramkalawan. Mon krwar nou tou fyer ler nou war keksoz pe mars byen e sirtou lo kote fiskal, reveni pe antre plis ki in ganny bidzete. E avek sa nou pour al direk lo Private Notice Question e mon demann Onorab Ramakalawan pour poz son kestyon.

 

HON WAVEL RAMKALAWAN Mr Speaker, eski Minis responsab pour Departman Ladefans, i kapab dir avek sa Lasanble premyerman; konbyen zofisye ek solda ki’n termin zot Kontra avek SPDF an 2019?

Eski zot in ganny peye zot Gratwite dapre zot Kontra si non, akoz? E konbyen ki pa ankor ganny peye?

Eski SPDF pe ganny okenn difikilte pour pey sa bann solda? E finalman eski SPDF i annan okenn problenm finans pour pey Gratwite an relasyon avek Bidze 2019 oubyen avek FPAC? Mersi bokou.

 

MR DEPUTY SPEAKER

Mersi Onorab Ramkalawan. Vis Prezidan Meriton.

 

THE VICE-PRESIDENT MR VINCENT MERITON

Mersi Mr Speaker. Bonzour Mr Speaker, bonzour tou Manm Onorab. Mr Speaker premye kestyon depi Zanvye ziska 21 Zen 2019, i annan 4 zofisye ki’n pran zot retret. 2 ki’n ganny discharge, 28 solda ki’n ganny release – ki pa’n renouvle zot Kontra. E ladan i annan 15 ki’n zwenn sa tim elite kot Lapolis. I annan en solda ki’n pran son retret. I annan 6 solda ki’n ganny discharge.  Sa i fer en total 41 personnel ki pa’n renouvle zot Kontra.  Eski zot in ganny peye zot Gratwite?

Mr Speaker dapre dan 4 zofisye ki’n pran zot retret, 3 in fini ganny zot peyman. En zofisye son peyman in ganny retar akoz i annan en case. Me nou santi i annan demars ki pe ganny fer pour rezourd sa case pli vit ki posib, pour ki son bann kalkilasyon pour son benefis i kapab ganny fer korekteman e fini avek sa case.

Sa de zofisye ki in discharge in fini ganny zot benefis. Sa 13 lezot, sa 13 zofisye in fini ganny zot peyman avek sa 15 solda pardon ki’n zwenn elite force – 14 in ganny peye, zis enn ki pa ankor ganny peye akoz ti annan en problenm ek son kont dan sistenm TIS e sa pe ganny rezourd.

Sa solda ki’n pran son retret, son peyman in fini kalkile e i dan prosedir pour ganny transfer lo son kont.  Dan ka sa 6 solda ki’n ganny discharge 5, in fini ganny peye e zis enn ki son peyman pe ganny verifye e nou mazinen pli vit ki posib i ava ganny finalize.

Eski SPDF pe ganny okenn difikilte pour pey bann solda?  Nou ti pe rankontre en problenm entern dan sistenm finans pour kalkil Gratwite konpansasyon solda, an vi ki sistenm ti pe servi i enn ki bezwen ganny fer an parti mannyelman.  Savedir i ti bezwen fouy dan bann payslip bann lannen avan, kot nou ti napa soft copy.  Par egzanp en solda ki’n termin son premye Kontra 6an ki  ti antre an 2013 e ki ti due son bann larzan 2019, accounts ti bezwen mannyelman rod son payslip pour sa 6 dernyen lannen e fer en kalkilasyon.

Sa ti pe fer ki ti annan en backlog. Be management SPDF in rekonnet ki i annan sa defayans e alor in pran mezir entern kot tou staff account ki i dedye en zour spesifik, pour prepar bann kestyon kalkilasyon avek Gratwite g. 4enm kestyon eski SPDF ti annan okenn problenm finans pour pey Gratwite an relasyon avek Bidze 2019 oubyen avek FPAC? Non Mr Speaker napa okenn problenm pour pey zot Gratwite. Mersi Mr Speaker.

 

MR DEPUTY SPEAKER

Mersi Vis-Prezidan. Onorab Ramkalawan.

 

HON WAVEL RAMKALAWAN Mr Speaker mon ti ava kontan remersye Minis, pour tou son larepons ki kler, ki napa okenn anbigite e petet mon ti ava kontan zis dir avek Minis avek VP, ki son larepons mon espere i ava klersi okenn dout ki annan dan lespri okenn zofisye dan SPDF. Parski se sa rezon ki mon anmenn sa kestyon, parski ti annan parol ki se Ramkalawan avek Lasanble Nasyonal, avek FPAC ki pe anpes serten zofisye ganny zot larzan!  Alor Mr Speaker larepons i kler.  E mon ti ava zis demann Minis silvouple dir nou dan en fason kler ki pour dir napa okenn problenm avek Gratwite ek finans dan SPDF! Mersi.

 

MR DEPUTY SPEAKER

Mersi Onorab Ramkalawan. Vis-Prezidan.

 

THE VICE-PRESIDENT MR VINCENT MERITON

Mersi Mr Speaker. Mr Speaker sa bann parol an parabol ki bannla in dir, mwan mon napa okenn konesans lo la. Parey mon’n dir nou napa okenn problenm e nou pe fer bann prosedir. Zis ti annan en de pti keksoz nou pe sort out. Tou keksoz i annord. Mersi Mr Speaker.

 

MR DEPUTY SPEAKER

Mersi Vis-Prezidan. Onorab Terrence Mondon.

 

HON TERENCE MONDON

Mersi Mr Speaker. Mr Speaker mwan oule demann Vis- Prezidan en kestyon konsernan bann solda ki’n ganny transfer, kot seksyon elite  dan Lapolis. Zot ti deza dan en Kontra avek Lafors Defans epi zot pe antre dan en lot nouvo Kontra avek Lapolis.

Mon anvi konnen ki fason ki zot in fer sa peyman pour sa bann, sa group dimoun, sa group solda. Eski zot in ganny peye zot Gratwite dapre full Kontra letan zot ti sipoze Lafors Defans. E swa zot in ganny peye en porsyon. Mon anvi konnen ki mannyer zot in pey sa Gratwite ler zot in ganny demande pour al kot elite Lapolis. E eski ou annan konesans sa bann solda zot satisfe ek sa bann peyman ki ou’n dir?

I annan 15 solda. 14 in fini ganny peye. Eski zot satisfe avek sa peyman?  Mersi.

 

MR DEPUTY SPEAKER

Mersi Onorab Mondon. Vis- Prezidan.

 

THE VICE-PRESIDENT MR VINCENT MERITON

Mersi Mr Speaker. Mr Speaker lenformasyon ki mon annan i demontre ki ti annan diskisyon ant SPDF avek Lapolis avek sa bann zofisye ki konsernen. E Kontra ti arete e zot ti ganny peye prorata baze lo letan ki zot in servi.  E zot komans a nouvo avek Lapolis. Mersi Speaker.

 

MR DEPUTY SPEAKER

Mersi Vis-Prezidan. Onorab Mondon.

 

HON TERENCE MONDON

Mersi Mr Speaker. Vis- Prezidan pa’n dir nou si sa bann solda ki’n ganny transfer, eski zot satisfe ek sa fason ki zot in ganny peye pour zot Gratwite?

 

MR DEPUTY SPEAKER

Mersi Onorab Mondon. Vis- Prezidan.

 

THE VICE-PRESIDENT MR VINCENT MERITON

Wi Mr Speaker. Diskisyon ti pran plas. E nou napa okenn lenformasyon ki montre otreman, bann diskisyon kler parey in ganny dir.  Napa okenn parol an parabol. Keksoz in diskite in tal lo latab e zot in aksepte. E mon napa okenn rezon pour krwar ki bann zofisye pa satisfe. Mersi Mr Speaker.

 

MR DEPUTY SPEAKER

Mersi Vis-Prezidan.vi ki nou napa lezot kestyon pour Vis- Prezidan lo sa PNQ, mon ti a kontan remersye Vis-Prezidan Vincent Meriton, e Kolonnel Rosette pour zot prezans bomaten e nou ava eskiz zot parmi nou.

 

(THE VICE-PRESIDENT MR VINCENT MERITON AND HIS DELEGATION WAS EXCUSED FROM THE HOUSE)

 

 

MR DEPUTY SPEAKER

Bon nou kontiny avek larestan travay lo nou Order Paper, ki nou pour al lo item No.5 prezan ki bann kestyon pour larepons avek Minis pour Family Affairs Madanm Mitcy Larue, e mon ti a demann Parliamentary Reporter pour silvouple demann Minis pour zwenn nou.

Bon mon ti a kontan swet labyenveni Minis pour Family Affairs Mrs Mitcy Larue ansanm avek son delegasyon ki konpri Mrs Linda Melanie Sekreter Prensipal pour Social Affairs. Mon annan Mr Marcus Simeon ki CEO pour Lazans pour Proteksyon Sosyal e Mrs Marie-France Prea ki CEO, National Council for the Elderly. Alor byenveni parmi nou.

Avek sa mon ti a kontan demann premye Manm ki annan kestyon No.1 Onorab Charles De Commarmond Leader of Government Business pour poz son kestyon.

 

HON CHARLES DE COMMARMOND

Mersi Mr Speaker. Bonzour ankor enn fwa.  Bonzour Minis ek ou delegasyon e tou dimoun ki a lekout.

Mr Speaker swivan demann piblik ek nou Lasanble Nasyonal, kwa ki Minis Lafanmir e Zafer Sosyal in fer konkretman, pour fer li vin mandatwar pour en dimoun ki ganny kondannen pour pa pey alimoni, ganny plase dan en travay e son alimoni i ganny tire lo son saler?  Mersi.

 

MR DEPUTY SPEAKER

Mersi Onorab De Commarmond.  Minis.

 

MINISTER MITCY LARUE  

Mersi Mr Speaker.  Bonzour tou Manm Onorab. Bonzour tou dimoun a lekout.  Mr Speaker sa size kot en paran pa pey alimony pour son zanfan i enn ki deplizanpli i vin en gran konsern pour bokou paran, ki vwar zot debout tousel pour sonny zot zanfan. I annan bokou konplent lo sa size e menm bokou i krwar ki Tribinal Lafanmir pa pe fer ase pour fer sa bann tel paran onor zot lobligasyon koman paran.

Parey nou konnen Tribinal Lafanmir i tonm anba ziridiksyon Zidisyer. E dapre lenformasyon ki mon annan Tribinal i sey zot mye pour eksplor tou opsyon pour fer sir ki en paran ki’n ganny ordonnen pour mentenir son zanfan i swiv lord Tribinal. Dan mazorite bann ka, bann paran i respekte lord Tribinal, e desarz sa responsabilite pour ed zot zanfan. Me lo lot kote i annan en pti poursantaz, pour rezon ki difisil pour nou konpran, i refize sonny zot zanfan.

Sa ki mon’n ganny met okouran, se ki Tribinal Lafanmir i pran sa opsyon kondann en paran, pour en serten kantite letan prizon, ler i kontinyen persiste pour pa respekte sa lord.  Sa ki nou ti dir ‘’contempt of a court order’’ e non pa pour li pa pey alimoni. Sa kondannasyon prizon, i toultan mars avek en kondisyon ki o moman ki sa dimoun i pey sa kantite larzan ki Tribinal in demann li pour peye, Tribinal i cancel sa warant kondannasyon prizon e donn bann dat pour kontinyelman war si sa dimoun i azour avek peyman.

I ankor annan en de ki esper ler i annan en lord, pour al prizon, ki zot fer laranzman pour pey en gro sonm larzan.  E i selman en pti ponnyen zot ki vreman kontinyelman persiste e prefere al prizon. Sa responsabilite pey alimoni pa ganny refase e bann aryeraz osi i kontinyelman ganny akimile. Mr Speaker i enportan pour fer resorti, ki sa lobligasyon sonny en zanfan i enn ki pa ti devret ganny enpoze par en Lalwa. I devwar sosyal e fondamantal en zonm oubyen en fanm, ki responsab pour en zanfan ariv o monde.  I enportan alor ki mon fer resorti sa byen for, pour ki nou bann papa, oubyen nou bann manman, i pran zot responsabilite anver sa bann zanfan, malgre nenport ki dezakor ki’n arive antre zot. Zanfan i inosan. Zanfan i bezwen ganny okipe e sonnyen par zot paran.

Mr Speaker parey mon’n dir, mon Minister i konsernen avek soufrans sa bann paran, ki pa pe ganny sa led finansyer pour zot zanfan.  E nou pour fer diskisyon neseser avek Biro Attorney Zeneral pour vwar ki posibilite ki i annan, pour konsider kek provizyon alternativ dan Children’s Act sa ki i al kont prensip nou Konstitisyon, a fen ki Tribinal Lafanmir,  i a fer bann desizyon apropriye dan bann ka, difisil pour benefis bann zanfan. Mersi Mr Speaker.

 

MR DEPUTY SPEAKER

Mersi Minis. LGB.

 

 

HON CHARLES DE COMMARMOND

Mon remersi Minis pour sa larepons e ki donn lespwar. Eski Minis dan sa travay ki i pe al fer ek Attorney Zeneral, i kapab osi war ki mannyer son Minister ansanm ek Tribinal ek Attorney Zeneral i kapab ler – mon pa pe koz letan en dimoun i default, ouswa i annan contempt of court mwan! Mwan pe koz inisyalman, ler en dimoun ki pa pe pey son alimoni ,si i travay ok ou fer tir kot i travay, me si i pa travay ouswa i travay zournalye kot ou pa kapab tire, ki sa kondanasyon i vin koman en sort of a progranm. Mwan krwar i annan parey aktyelman konmela mwan war i annan bann dimoun ki lo en progranm, zot al travay Land Marine, al travay se pa kote. E zot ganny en serten larzan. So ki zot kapab design en keksoz ki vin en sort of a progranm ki sa dimoun ki ganny kondannen me lo sa progranm e ki prezan i ava pey son alimoni.

Pa kapab konmsi les dimoun i pa oule peye kan i fer zanfan i annan responsabilite, e ki nou pe defy sa responsabilite.  So e an menm tan Minis si pou ti kapab donn nou en serten dele letan, akoz nou, nou krwar pour dir sa i devret al o pli vit posib, e ki i tir en fardo osi lo Gouvernman, si sa i ganny met an pratik an aksyon.

Akoz sansan ler sa dimoun i ganny kondannen prizon pour pa pey alimoni, son lot partner i al kot sosyal i al apply pour lasistans, Gouvernman i depanse dan sa fason. Laba li prizon Gouvernman i depanse avek li.

So nou bezwen war en lot fason, nou tou ansanm pour vwar pour nou aksyonn vitman lo sa issue.  Mersi.

 

MR DEPUTY SPEAKER

Mersi Onorab LGB.  Minis.

 

MINISTER MITCY LARUE  

Mersi Mr Speaker.  Mr Speaker mon’n pran note en pti pe sizesyon Onorab Leader Gouvernman dan Lasanble e mon krwar ki i en propozisyon ki ase enportan.  E dan nou diskisyon avek Lofis Attorney Zeneral. Nou ava anmenn osi sa propozisyon avek zot pou zot kapab konsidere.

Me selman an menm tan, mon krwar parey ou pe dir, Gouvernman li i pe atraver ler paran pa pe pey zot alimoni swa zot dan prizon se Gouvernman ki bezwen asiste bann paran pour asire ki zanfan pe ganny zot lasistans finansyer pour zot viv byen.   Alor nou bann paran nou bezwen pli, pli responsab dan sosyete.  Nou bezwen onor nou bann komitman en zanfan i nou zanfan. Ok?

Gouvernman i zwenn dan bout kot i kapab ede me Gouvernman pa premye pour responsab zot zanfan. Alor i enportan ki zot travay.  E mon kapab fer resorti ki i annan paran zot travay, le moman ki i dir tir zot larzan lo zot lapey zot kite travay, zot arete zot al dan en lot lanplwa pour ki ou pa kapab swiv zot!

I annan en kantite keksoz ki serten paran, pa tou, serten paran pe fer ki zot bezwen arete. Mersi Mr Speaker.

 

MR DEPUTY SPEAKER

Mersi Minis. Onorab Aglae.

 

HON EGBERT AGLAE

Mersi Mr Speaker. Bonzour Minis PS ek ou delegasyon. Minis mon ti a kontan konnen si ou annan statistik la ek ou. Konbyen paran la ki dan zot sistenm database ki pe pey alimoni e konbyen osi ki zot pe bezwen war zot pe tay deryer pour bezwen anmenn ankour ki pe default an se moman la.  Ou kapab donn mwan poursantaz ouswa si ou napa en egzakt figure.  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE  

Mersi Mr Speaker.  Mersi. Nou pa pour vreman konnen akoz sa bann ka pa vini kot nou sa. Parey nou dir i annan paran, zot anmenn zot ka kot Tribinal direkteman, letan zot annan sa bann problenm alimoni, zot al direkteman kot Tribinal. Souvandfwa ki arive i annan de fwa ki zot demann en social assessment kot sa fanmir. La Sosyal i donn en rapor lo sa fanmir.  Me nou napa vreman bann kantite ka ki nou kapab donnen pour dir sa i relye avek alimoni oubyen eksetera.  Sa i baze plito kot Tribinal. E sa i tonm parey mon dir anba ziridiksyon Zidisyer. E petet taler mon’n manke lo nivo Onorab, wi nou pour fer sa rankont avek AG, nou pour fer li o sito ki posib pour nou kapab adres sa sityasyon o pli vit posib.  Mersi.

 

MR DEPUTY SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker. Mr Speaker mwan ti a kontan demann Minis pli spesifikman lo size bann dimoun ki ganny kondannen, akoz zot pa’n pe alimoni fini ariv dan prizon. Akoz i annan en group ki nou konnen, menm si ou donn zot letan pour peye zot still pa peye. Ler zot in ariv dan prizon eski Minis i kapab dir nou kekfwa i pa son portfolio responsabilite la pour le moman, me eski ou kapab dir nou si dan servis prizon prezan, once ki ou’n ariv laba eski Minis ou okouran si i annan progranm, pour ki ganny ofer ek sa bann dimoun pour fer sir ki sa manman oubyen sa papa, oubyen sa zanfan ki reste laba deor i aktyelman gannyen sa alimoni?

Setadir mon fraz sa kestyon byen,  ki eski i annan okenn progranm dan prizon pour fer an sort  pou ankouraz sa kondannen, pour li fer aktivite, ganny en larzan pour al ver son fanmir e an konsekans fini son letan pli boner?  Mersi.

 

MR DEPUTY SPEAKER

Mersi Onorab. Minis.

 

MINISTER MITCY LARUE  

Mersi Mr Speaker. Mersi. Lo kote prizon i annan bann progranm reabilitasyon. I annan bann progranm kot bann prizonnyen zot al an deor travay, nou apel sa osi zot al an deor osi lo license kot zot al travay. I annan ki menm reste kot zot, zot lo license.  E sa bann larzan i antre lo zot kont pour zot kapab pey alimoni zot zanfan si zot dwa.

Okenn, pa neseserman alimoni, si zot annan zanfan i annan serten amount ki al lo kont zot madanm ki ede pour sonny zot zanfan. Sa i bann prizonnyen ki reste pli lontan dan prizon. Me pour bann prizonnyen, bann ki al lo nivo alimoni, mon pa konnen ti napa en progranm. Mon pa konn la me selman i en keksoz ki nou kapab diskit avek Lotorite Prizon e regarde si i annan en serten fason ki zot kapab fer keksoz pour sa bann dimoun. Mersi.

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Mersi Mr Speaker. Mon ti a kontan si Minis i kapab reasir nou ki mesaz pe ganny pase avek sa bann paran ki pa pey alimoni, ki one way or another zot pour bezwen peye. E al dan prizon zis asize pour 2mwan oubyen pour 3mwan apre resorti zot in fini pey zot det ek sosyete.  Non! Eski i en Polisi dan ou Minister konmsi pour fer sir ki at the end of the day sa lobligasyon mannyer ou’n dir vizavi ou zanfan. Vizavi ou fanmir bann mezir i ganny met an plas pour fullfil sa lobligasyon osi lontan ki i merit pran pour ou kapab settle ou bann det?  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE  

Mersi Mr Speaker.  Nou kot Minister definitivman nou met an plas bann Polisi, bann Polisi lafanmir. Nou annan Polisi lo lafanmir e nou bann Polisi i annan bann diferan stratezi ki nou pran pour nou kapab empower bann dimoun, fer zot vin pli responsab.                   Me an menm tan, i annan serten Polisi kot nou plan stratezi nou bezwen travay avek lezot Lazans. Parey la ou pe dir travay avek prizon, i enn dan nou plan stratezi osi kot nou bezwen travay avek zot. Alor la ankor i en pwen ki nou ava ranforsi avek prizon, pour asire ki ler zot vin dan prizon i annan en travay ki zot fer kot zot ganny en pti saler, kot zot kapab kontribye pour zot zanfan. Mersi Mr Speaker.

 

MR DEPUTY SPEAKER

Mersi Minis. Onorab Wilbert Herminie.

 

HON WILBERT HERMINIE

Mersi Mr Speaker. Bonzour Minis avek ou delegasyon, bonzour tou Manm Onorab e tou dimoun a lekout.

Minis ou pe tous sa size alimoni, mon ti a kontan konnen ki bann rates ki zot servi pour kalkil alimoni e ki dernyen fwa sa son ti ganny revize?  Mersi.

 

MR DEPUTY SPEAKER

Minis.

 

MINISTER MITCY LARUE  

Mersi Mr Speaker. Mr Speaker sa rates la se Tribinal ki deside pa nou. Pa Minister nou napa nanryen pour fer avek konbyen paran i bezwen peye. Sa se i tonm anba Tribinal li menm ki fer sa desizyon. Mersi.

 

MR DEPUTY SPEAKER

Onorab Herminie.

 

HON WILBERT HERMINIE

Yes. Mersi Mr Speaker mon konpran Minis, be selman mwan ti ekspekte kekfwa zot ti ava annan sa lenformasyon vi ki si mon pa tronpe i ganny peye par ASP ouswa i sorti direk kot Tribinal sa?

 

MR DEPUTY SPEAKER

Mersi.  Minis.

 

MINISTER MITCY LARUE  

Mersi Mr Speaker. Sa bann dimoun i depose e nou kot ASP nou fer peyman. Ou konpran? Se pa nou ki dikte konbyen larzan.  Mersi.

 

MR DEPUTY SPEAKER

Mersi Minis.  Onorab Jude Valmont.

 

HON JUDE VALMONT

Mersi Mr Speaker. Bonzour Minis ek ou delegasyon, tou koleg Onorab e tou ki pe swiv nou.

Minis mwan ti pe get en pti pe lespri sa kestyon.  I vin apre bokou kritik deor ki mon mon’n tande se ki nou fer sa bann dimoun ki pa pey alimoni al prizon. Prezan zot, zot pa ganny sans travay.  Mon ti a kontan Minis i eksplik en pti pe li Minis i konnen Tribinal.  Kwa ki anpese fer sa bann dimoun travay?  Kwa – ki limitasyon?

E dezyenm; mon ti a voudre demande antretan mwan ti a voudre konnen ki bann lasistans ki oubyen ki mannyer zot ed en fanmir, ler sa dimoun ki sipoze pey alimoni li i anndan dan prizon.   Ki bann lasistans ki annan pour ed en manman oubyen menm en papa ki annan en zanfan ki sa lot ki dan prizon pa pey alimoni?  Mersi.

 

MR DEPUTY SPEAKER

Mersi.  Minis.

 

MINISTER MITCY LARUE  

Mersi Mr Speaker. Ou dernyen kestyon se ki kalite lasistans ki nou donnen. Ordinerman sa bann fanmir ki pa pe ganny zot larzan alimoni ek zot papa oubyen manman, se zot vin fer lasistans parey tou lezot dimoun ki annan mankman dan zot mwayen finansyer.  Zot fer lasistans e zot ganny asiste baze lo zot financial sityasyon dan lakour.

E lo kote bann papa i pa neseserman parey nou dir sa bann dimoun, mwan fek dir taler ki pa neseserman sa bann dimoun pa pe travay. I annan bann dimoun ki zot fer bann zournen zot travay en zournen. Zot travay zournen oubyen i annan ki travay parey mwan dir ou annan ki kite travay zis akoz zot pa anvi pey alimoni.  I annan diferan rezon. I annan pe pini sa madanm ki i ti avek petet in ariv en keksoz ki prezan li i krwar ler i pe donn larzan sa madanm pe servi son larzan pour lezot keksoz. Oubyen kwa me i pa pe pini sa madanm, i pe pini son prop zanfan, ou konpran e i annan ki fer zournen e ler i fer zournen i pe deserve son larzan i pe servi i pa pe mazinen i bezwen met de-kote pour li kapab pey pour son zanfan lafen di-mwan i bezwen konpran.

Alors se sa en keksoz ki nou oule refer sorti se tou dimoun letan zot pe travay ki swa zot fer zournen ki swa zot travay anba URS, ki swa zot anploye dan nenport ki travay formel zot bezwen pran zot responsabilite pour met en pti larzan pour pey alimoni zot zanfan.  Ok.  Mersi.

 

MR DEPUTY SPEAKER

Mersi Onorab.  Valmont vitman.

 

HON JUDE VALMONT

Minister i annan sa kestyon No.1 la lo sa zafer travay fors sa dimoun travay. Mon ti a voudre elabor en pti pe lo la ki zot limitasyon, akoz progranm pa’n ganny met an plas ziska prezan?  Mersi.

 

MR DEPUTY SPEAKER

Minis.

 

MINISTER MITCY LARUE  

Bon nou, mon krwar Tribinal pa kapab zis fors dimoun al dan travay.  Akoz mwan krwar nou Konstitisyon i dir tre kler lo la. Nou pa kapab annan force labour. Ok nou pa kapab zis mete.  Me selman i kapab ganny diskite  i kapab ganny met an plas serten keksoz, pour zot travay, me nou pa kapab fors zot, dir zot be, mon le olye ou al prizon mon pour met sepa, lets say mon pour met ou travay kot por pour al fer louvraz 8 – 4er. Konmsi ou pe fer force labor.  Nou pa oule fer sa akoz nou Konstitisyon pa permet nou fer sa.

E mon pa krwar tribinal osi pour fer sa. Me i ava rod lezot fason ki mannyer pour kapab sa bann dimoun i fer en keksoz pour kontribye pour zot zanfan.  Mersi.

 

MR DEPUTY SPEAKER

Mersi Minis. Onorab Wavel Ramkalawan.

 

HON WAVEL RAMKALAWAN

Mersi bokou Mr Speaker. bonzour Minis avek ou delegasyon. Mr Speaker eski Minis i kapab dir avek nou si dan sa bann diskisyon ki ou pe annan avek Attorney Zeneral si zot pe osi enkli community service koman en opsyon? Parski ou annan en kantite bann I mean nou regard Victoria par egzanp. Victoria i en lavil ki sal bazaar ensidswit. Be mon sir ki si en dimoun pa oule pey alimoni e mwan mon dakor antyerman si en zonm oubyen en fanm i met en zanfan o monn i bezwen pran son responsabilite. E i responsabilite osi sosyete pour fer sir ki sa i arive.

Parski letan ou pe anvoy en dimoun prizon de ou avek mwan ek lasosyete ki bezwen pey delo, pey elektrisite, nouri sa dimoun donn li 3 repa par zour.

Donn li en landrwa dormi. Mwan pa krwar ki pour dir sa i devret tonm lo nou koman en sosyete. O kontrer si en dimoun in fer bann aksyon ki al kont lasosyete community service i devret sa premye opsyon kot an menm tan osi sa dimoun i ava realize ki pour dir, i pour bezwen travay an piblik.  E lo kote sa force labor ki ou’n mansyonnen Minis.  Mon krwar ki Konstitisyon I am sure – Mon ti ava zis demande ankor enn fwa koz avek Attorney Zeneral, parski en prizonnyen letan in fer serten keksoz, i devret annan serten pinisyon.  E atraver lemonn bann human rights  e tou ki pour dir i annan serten travay ki ou bezwen fer letan ou dan prizon.  E sa pa vin force labor as such me, i vin pour ou kapab pey pour sa ki lasosyete i depanse lo ou.

Pour ou pey pour ou akomodasyon ek ou welfare ek ou sekirite e tou. So mwan ti ava zis demande ki regard sa byen because i pa tonm anba force labor, me koman ou responsabilite anver sa lenstitisyon kot ou ete. E osi pour lefe ki ou’n kas Lalwa e ou’n al an deor. Mersi bokou.

 

MR DEPUTY SPEAKER

Mersi Onorab. Minis.

 

MINISTER MITCY LARUE  

Mersi Mr Speaker. Mersi wi community service, i vre i en keksoz kot nou kapab, nou pe retourn sa ki nou pa pe gannyen laba nou rann dan lakominote. Be selman fodre note ki ler nou fer community service, nou pa ganny peye.  I pa peye sa.  I zis ou ale ou fer community service, me ou pa ganny peye.  Unless nou met ou anba URS kot ou ganny peye. Ok, i mars koumsa.

Alors  sa mon krwar mon’n pran tou bann pwen ki ou’n mansyonnen Onorab e nou ava regarde letan nou fer nou diskisyon avek Attorney Zeneral, ki mannyer nou pour al devan avek sa size. Mersi.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mr Speaker egzakteman sa ki Minis pe dir si Gouvernman i deza annan bann scheme e sa bann Scheme i donn en larzan be sa bann dimoun i ganny anvoye anba sa bann Scheme e ki sa larzan ki zot ti sipoze ganny met dan zot lanmen Tribinal i kapab fer en order ki pour dir sa larzan i ava ganny depoze kot Tribinal e alors i ava al kot sa i al pour sa zanfan. se sa ki mon pe propoze. Mersi bokou.

 

MR DEPUTY SPEAKER

Mersi Onorab Ramkalawan. Minis in pran note mon mazinen unless oule fer en komanter. Nou al lo lot entervenan. Ok. Mon al lo Onorab Churchill Gill.

 

HON CHURCHILL GILL

Mersi Mr Speaker. Bonzour Mr Speaker. Bonzour Minis ek ou delegasyon. Bonzour tou Manm e bann dimoun ki pe ekout nou.

Mr Speaker dan lespri sa kestyon mwan ti anvi demann Minis si i annan nide konbyen pe kout Gouvernman pour sa bann dimoun ki zot msye oubyen madanm i dan prizon e zot war zot, zot bezwen vin apros Sosyal pour ganny led pour sa zanfan.  Si nou konnen konbyen pe kout nou. Nou annan en nide, pa bezwen i egzakt.

E an menm tan fason ki nou ti pe operate tou sa letan i montre nou pour dir la in ler pour nou kapab vin avek en keksoz ki nou kapab rektifye sa. Mon krwar se sa ki sa kestyon in vin devan. E mon kontan pour war ki ou’n pe dir ou pe diskisyon avek Attorney Zeneral, akoz letan in definitivman arive pour nou kapab rod en solisyon pour sa e pour nou redwir lakantite larzan ki pe kout, nou pour sa bann dimoun ki pa pran zot responsabilite. Mersi.

 

MR DEPUTY SPEAKER

Mersi Onorab. Minis.

 

MINISTER MITCY LARUE  

Mersi Mr Speaker mon pa pour kapab donn en sif. Me selman mwan pour kapab dir ou ozordi 80 poursan bann dimoun ki pe ganny lasistans i bann manman tousel.  Savedir bann manman kot bann papa pa pe kontribye, zot pa la dan fanmir oubyen i annan ki’n mor. I annan ki’n abandonn zanfan. So i annan apepre 80 poursan nou bann manman tousel ki pe ganny lasistans sosyal ozordi.

E nou napa en kont egzakt konbyen zot gannyen, akoz i depann parey mon’n dir lo household income be selman parey si en zanfan in perdi son paran li i ganny li si in perdi en paran semi orphan i ganny li R1300 pour sa zanfan ziska ler i ganny 18 an. Si i en orphan antye i ganny li 1500 pour son zanfan pour ziska ler i ariv 18 an li osi. E si en zanfan abandonnen osi i osi ganny 1200 pour menm sityasyon menm ki i pe reste ek en manm fanmir i pa pe reste ek sa paran li menm li.

Savedir i annan tou sa bann benefis an plas pour ede. Me selman parey ou dir si nou kapab anmenn lezot alternative community service, parey zot in ganny eksplike, bann lezot fason pour travay dan prizon pour ganny en larzan. Mwan krwar sa i ava ede ki Gouvernman i a koup en pe lo sa kou ki i pe donnen ozordi. Mersi.

 

MR DEPUTY SPEAKER

Vitman Onorab Gill. Zis ki mwan bezwen rapel zot ki nou’n pran en demi erdtan lo en kestyon, bokou plis ki nou devret. E mon ti a kontan demann bann Manm silvouple pour fer zot kestyon bref, vit ki Minis a kapab donn zot en larepons vit pour nou al lo prosen kestyon lo nou papye. Onorab Gill vitman.

 

HON CHURCHILL GILL

Tre spesifik. La ki nou ganny en konpran gravite sa problenm. Petet Minis i devret donn nou en serten kantite letan ki i krwar en keksoz i kapab ganny fer oubyen si i devret vin diskit isi. En serten letan ki nou kapab remedye en pe sa sityasyon pour tir sa, pour redwir sa kantite depans ki nou bezwen fer e sa depans i kapab servi dan en lot area ki bezwen? Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE  

Mersi Mr Speaker.  Mon pa pour kapab donn en dele letan, me selman parey mon’n dir osi vit ki Attorney Zeneral i kapab accommodate nou diskisyon ansanm, la nou kapab fer keksoz bouze osi vit.

 

MR DEPUTY SPEAKER

Mersi Minis. Onorab Regina Esparon.

 

HON REGINA ESPARON

Mersi Mr Speaker. Mr Speaker eski Minis i kapab dir nou an se moman la, konbyen dimoun ki’n kondannen Montanny Posee pour alimoni? E konbyen parmi bann ki laba la an se moman ki lo sa progranm travay kot Land Marine ki sa reveni ki zot pe gannyen pe al direkteman pour kontribye pour alimoni zot zanfan?  Mersi.

 

MR DEPUTY SPEAKER

Mersi Onorab, Minis.

 

MINISTER MITCY LARUE

Mersi Mr Speaker.  Onorab mon pou napa sif la.  Akoz parey mon’n dir mon pa konnen parey bann ki mon’n dir lo license. Sa se bann ki’n kondann prizon pou lezot lofans, pa neseserman alimoni.  Akoz alimoni i kourt 2 mwan, 3 mwan. Sa bann ki lo license i bann ki’n kondann bokou pli lontan,  zot pe pey alimoni.   Mon napa sif definitivman akoz sa i tonm anba Minister Home Affairs direkteman.  Mersi.

 

MR DEPUTY SPEAKER

Mersi Minis, Onorab Paul Ernesta.

 

HON PAUL ERNESTA

Mersi Mr Speaker.  Mr Speaker Minis ek ou delegasyon, tou bann koleg Onorab e tou dimoun a lekout bonzour.  Minis dan boner dan ou lesplikasyon ou’n donn bann case spesifik kot bann dimoun, bann first time offender nou kapab dir. E nou annan osi bann common offender i annan dimoun zis i dir be mon al fer mon 3 mwan apre mon a retournen apre i repet ankor menm sityasyon.  E nou’n vwar en ka kot menm dan mon distrik i annan en dimoun ki’n perdi lavi zis par lefet alimoni. Eski zot kapab revwar en progranm spesifik pou sa bann dimoun?  Olye kondann zot sey diskite ek Lakour, olye kondann zot met zot lo en progranm spesifik ki zot kapab travay, e sa larzan i al direkteman anver sa fanmir. Ki a lafen nou war en zanfan i osi ozordi i semi orfelen.  Mersi Minis.

 

MR DEPUTY SPEAKER

Mersi Onorab Ernesta.  Be mon krwar Minis in dir zot …

 

MINISTER MITCY LARUE

Mersi.  Mon krwar … Mr Speaker sorry.  Mon krwar mon’n fini address sa kestyon i zis ki parey ki mon’n dir bann propozisyon ki nou a met devan apre pou regarde kwa ki kapab ganny fer dapre Tribinal.  Mersi.

 

MR DEPUTY SPEAKER

Mersi Minis Onorab Leader of Government Business – Charles De Commarmond.

 

HON CHARLES DE COMMARMOND

Mersi Speaker, Mr Speaker zis en sizesyon ki Minis i kapab  pran deswit la. Konmsi kapab pran aksyon la konmela, si zot ganny en koze avek Tribinal whoever ki pe diriz Tribinal. Ler i pe kondann en dimoun i met en swa devan li, mon kondann ou prizon oubyen mon kondann ou lo en progranm travay.  Ou swazir la e si ou lo progranm travay pou ou pey.  Akoz i annan dimoun letan ou’n kondann li la, ler ou nonm li prizon i sanze li. I dir ou ‘’ tyonbo en kou please.’’

Be si li menm li sa dimoun i kapab met devan ou,  i kapab dir tribinal silvouple mon annan tor, pa kondann mwan prizon, mon pe rod en travay mon pa ankor gannyen pou donn mon alimoni. Met mwan  dan en travay, mon ava pey mon alimoni, tir mon larzan lo mon kont.  Konmsi i vin avek sa bann sizesyon e Tribinal osi i servi lespri i dir i met sa bann opsyon devan sa  dimoun pou ed ek sa bann issue parey ki nou pe koze.  Mersi.

 

MR DEPUTY SPEAKER

Mersi Onorab De Commarmond, mon mazinen Minis i a pran sa an kont.

 

MINISTER MITCY LARUE

Yes mon’n pran note akoz, mon krwar Tribinal i deza pe met serten opsyon devan bann dimoun.  Selman i annan bann dimoun ki parey mon dir zot antete zot.  Zot antete, mon pa konnen si zot kontan prizon or whatever, be selman i annan.  Be selman in toultan in pran kont tousala, nou ava anmennen devan, pour nou regarde kwa ki nou kapab fer vit, kwa ki Tribinal i kapab pran aksyon la, e kwa ki mon kapab dir ek AG’s Office ki nou bezwen ganny byen nou bann konsey ki mannyer nou kapab al avan. Mersi.

 

MR DEPUTY SPEAKER

Mersi, Onorab Ramkalawan ou’n sinyal mwan pou dir ou annan en klarifikasyon lo sa pwen legal?

 

HON WAVEL RAMKALAWAN

Yes, Mr Speaker zis mon ti anvi atir latansyon Minis lo Lartik 17 Konstitisyon lo ‘’freedom from slavery enforce or compulsory labor – ki 17 (2) i dir, ‘’Every person has the right not to be compelled, to perform force or compulsory labor.  Me 17 (3) i dir klerman, ‘’Labor force or compelled to be performed pursuant to a law necessary to a democratic society, does not infringe Clause 2. ‘’Alors met sa an konsiderasyon.  Mersi.

 

MR DEPUTY SPEAKER

Mersi Onorab Ramkalawan.

 

MINISTER MITCY LARUE

Nou’n deza note sa Onorab, mersi.

 

MR DEPUTY SPEAKER

Mersi Onorab Sebastien Pillay dernyen. Ou pwen in fini ganny kouver?  Mersi bokou.  Nou ava al lo kestyon No. 2. E mon a demann Onorab Paul Ernesta pou prezant son kestyon.

 

HON PAUL ERNESTA

Mersi Mr Speaker.  Mr Speaker mon kestyon i lir konm swivan; eski Minis i kapab eksplik sa Lasanble ki plan son Minister pour bann simityer ki son bann lenfrastriktir pe deteryore, e pe konmans plen?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mr Speaker mon Minister atraver Lazans Simityer i administre servis finerer dan le 17 simityer Leta. 12 lo Mahe 4 lo Praslin e1 lo La Digue. Rol pri mondyal sa Lazans, se fer bann lanterman e kit tou sa 17 simityer prop. Parkont nou bann lenfrastriktir mon Minister i liaise direkteman avek bann lezot Departman; prensipalman Departman Lenfrastriktir e Departman Gouvernman Lokal. Pour led avek amenazman avek sa bann tel lenfrastriktir ler pe ganny deteryore.

Dan sa laliny i annan bann ka ki nou pe swiv tre pros, tel ki erozyon kot simityer Mont Plaisir, Anse Royale. Kot a se moman bann neseser pe ganny fer, kot bann teknisyen pe enterfer lo proze kot Departman Gouvernman Lokal pou devlop scope of work, pou konstri en miray ki en bezwen irzan pou anpes plis degradasyon. Minister Finans in ganny met okouran sa sityasyon avek bi pou ganny finansman dan Fon Contingency.

Simityer ki pe plen i en gran konsern pour nou. I senpleman reste ki napa ase later disponib dan nou simityer prensipal Mont Fleuri, e osi lo nivo bann distrik pou zwenn nou bezwen dan le fitir. Se pour sa rezon, ki pandan sa bann detrwa dernyen lannen, Gouvernman pe aktivman ankouraz bann dimoun pou pran sa nouvo opsyon pou bril lekor.

Annefe nou pe war ki ozordi bokou plis dimoun pe deside pran sa tel opsyon. E parey nou konnen o konmansman dimoun ti vreman – konmsi zot pa ti vreman anvi al dan en tel servis. Zot ti vreman santi zot pa ankor pare.  Pa fasil pou kapab konvenk dimoun pou pran sa opsyon. Me nou’n vwar tou dernyerman depi ki sa servis in ganny met an pratik, depi an 2013 nou annan nou ozordi en total 510 dimoun – fanmir ki’n bril lekor zot fanmir. E dan lavenir nou krwar nou pou bezwen fer bokou plis ledikasyon, bokou plis sansibilizasyon lo nivo popilasyon, pou zot konpran akoz nou kapab fer sa, ki bann benefis i pou anmennen.

Par egzanp nou pou dir enn bann benefis i kapab ki letan ou’n bril ou fanmir ou kapab lasann i kot ou, e ou reste pli pros avek ou fanmir. Me nou kiltir i dir nou, ki nou bezwen antere akoz nou, nou bezwen rann vizit nou fanmir. Konmsi i annan diferan deba lo sa size pour ki dimoun i bezwen asize konpran sa. Me an menm tan nou bezwen kontinyen avek lanterman e sa ki nou’n osi nou konsiltasyon o nivo MHILT.

Nou’n vwar ki Anse Royale pa tro lwen avek nou landfill  -savedir sa pti bout ki’n ganny idantifye obor simityer Anglikan i annan en bout la kot Minister in gard sa bout pou kapab extend oubyen fer nouvo simityer pou Anse Royale.

Nou osi annan Praslin Baie Ste Anne osi, kot la osi Minister in avek sekter prive, in dakor pou pran en morso pou kapab extend simityer Baie Ste Anne.

E menm keksoz pe ganny fer lo nivo simityer Grand Anse Praslin; la osi en konsiltasyon pou ganny fer avek sa sekter prive, ki annan later la pou vwar ki mannyer pou ganny en bout pou agrandi simityer Grand Anse. E tou sa bann travay pe ganny fer lo nivo tou sa bann distrik, pou vwar posibilite bann ki deza egziste si zot kapab extend, si non petet i kapab revwar dann bann rezyon, dan bann landrwa apropriye pou kapab fer simityer dan bann rezyon instead of the bann distrik.

E tousala i bann travay ki nou pe fer.  E nou pou anvi kapab konplet sa travay avan Novanm sa lannen, pour nou kapab pran desizyon pou nou kapab bouz an avan avek sityasyon. An menm tan Gouvernman osi sa lannen, depi Zanvye in donn bann dimoun pli, tou dimoun an zeneral R1600 ki nou  ti  donnen pou ede avek servis finerer, e la Gouvernman in donn R2mil pou kapab soulaz en pti pe bann fanmir. I pa neseserman pou kouver tou kou lanterman, me en soulazman pou anmenn pou fanmir pou kapab ede pou kapab travay  avek lanterman zot pros. E en lot keksoz ki fodre note osi se ki bann dimoun ki deza annan zot pros ki’n mor, ki’n antere ki annan plis ki 7 an, la osi dapre Public Health Act nou kapab osi fouy sa latonm e anter enn nou fanmir avek.

Me sa i ganny fer apre 7 an e si napa okenn maladi kontazyez osi.  So tousala i bann posibilite e tousala i nou preokipasyon e nou pe vwar ki mannyer nou kapab fer sir, ki pa ariv en moman kot nou stand still e nou napa landrwa pou nou dimoun.

E en lot proze osi ki nou pe antreprann se ki nou pe mazinen annan en fasilite lo Praslin pou Inner Island kot osi la paran pe anvi i kapab bril lekor son pros. E sa i an negosyasyon avek sekter prive.  Mersi Mr Speaker.

 

MR DEPUTY SPEAKER

Mersi Minis.  Onorab Ernesta

 

HON PAUL ERNESTA

Mersi Mr Speaker. Mr Speaker mon apresye Minis in set en time frame si ou le by Novanm ki zot pou fini fer sa legzersis. Me an menm tan i annan later Gouvernman, mon get dan ka parey Takamaka kot later Gouvernman i la, it’s just a matter azout sa later ansanm ki dimoun i gannyen nou pa bezwen esper Novanm.  E si nou kapab ganny en undertakings sirtou bann later Gouvernman ki deza already available, ki nou kapab fast track sa process.  Mersi Mr Speaker.

 

MR DEPUTY SPEAKER

Mersi Onorab Ernesta.  Minis.

 

MINISTER MITCY LARUE

Mersi Speaker. Mon krwar mon’n note pour en Onorab Takamaka e sa diskisyon ki nou pe fer pour regarde si sa i fezab la, nou kontinyen nou fer li vitman avan Novanm parey ou’n dir.  Mersi.

 

MR DEPUTY SPEAKER

Mersi.  Zis pou dir ki nou annan 6 dimoun, Onorab ankor ki pe demann kestyon.  Bon mon pou ferm lalis lo la  an se moman, prosen  Onorab Egbert Aglae.

 

HON EGBERT AGLAE

Mersi Mr Chair.  Minis an vi ki i annan bann konstrent simityer plen parey Port Glaud,   eski ki bann konstrent ki zot pe gannyen kot in annan later ki’n ganny idantifye avek MHILT pou bouze pou kapab servi sa bann teren pou simityer? E dezyenmman Minis vi ki i annan  simityer ki deza plen e bann travayer in ganny relokasyon. Eski zot progranm maintenance in sanze ouswa i ankor reste parey, pou fer sir ki zerb i ganny koupe e bann salte i ganny anmase dan bann simityer?  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Lo kestyon netwayaz pou fer sir bann simityer i reste prop i tou letan netwaye, koup zerb, eksetera, sa i tonm direkteman anba nou e se nou ki nou bezwen fer sir akoz nou annan bann dimoun pe bouze al dan bann simityer e fer sir landrwa i ganny garde prop.  Ok? Sa nou ava met lanfaz lo la avek nou bann dimoun ki responsab, olye pou zot bouze al vwar ki pe pase dan bann diferan simityer fer sir ki zot reste prop.

E dezyenmman MHILT parey mon’n dir sa travay i kontinyel e nou, nou bezwen, si nou, nou’n vwar ki i annan serten landrwa akoz diskisyon ki nou’n annan avek zot akoz i annan serten landrwa ki zot  in deza pe idantifye – i annan serten konsiltasyon ki ankor pe fer, me si later i pou Gouvernman, nou kapab bouz vit definitivman nou bezwen bouze. Parey nou dir Anse Royale nou pou fer, i annan osi baraz – i annan defwa fence ki nou bezwen mete osi, pou fer sir ki bann landrwa i garde ase prive osi.  Ou konpran?  Mon krwar mon’n reponn.  Mersi.

 

MR DEPUTY SPEAKER

Mersi Minis.  Onorab Aglae.

 

HON EGBERT AGLAE

Minis eski ou Minister pe mazin a lavenir privatiz sa servis simityer?  Mersi.

 

MR DEPUTY SPEAKER

Mersi. Minis.

 

MINISTER MITCY LARUE

Mersi Mr Speaker.  Mr Speaker mon kapab enform Onorab ki wi nou annan sa bout netwayaz ki nou fer dan bann simityer, nou pe mazin outsource li nenport ler.   Ok?   Sa i annan en travay ki’n konmanse, e byensir letan in pare nou pou outsource sa bann netwayaz.  Akoz nou pa krwar sa i devret nou manda. Ok? Nou pou outsource e la sa bann dimoun ki, nou a fer bann diferan keksoz a ganny met an plas, nou a fer sir ki keksoz i mars byen dapre norm ki nou devret swiv.  Mersi.

 

MR DEPUTY SPEAKER

Mersi Minis.  Onorab Waven William.

 

HON WAVEN WILLIAM

Mersi Speaker.  Bonzour Minis avek ou lekip. Bonzour tou dimoun ki a lekout.  Minis lefe ki ou’n eksprim en konsern vizavi lefe ki simityer plen, mon anvi demann ou lefe ki ou nonm,  ki depi 2013 nou annan 5010 fanmir ki’n  tonm dakor pou bril lekor.  Eski ou krwar pou dir baze lo zot evalyasyon sityasyon dan bann simityer, ki travay sansibilizasyon ekstra pe ganny fer, avek bann lezot NGOs pou sansibiliz dimoun pou konpran en pti pe sa sityasyon?

Lefe ki – enn;- prenon kont ki nou annan pe lespas e nou annan en konpetisyon vizavi later pour lakaz, lendistri, lagrikiltir, ensidswit. So ki zefor ekstra ki ou Minister pe fer vizavi sansibiliz bann dimoun vizavi swa pour brile ouswa pour brile ouswa pour antere, prenan kont ki zot annan sa konsern. E eski dezyenmman finalman zot pour annan en cutoff point; par egzanp si sa i tro les ale eski pour annan en cutoff point pour dir be la, eskize nou pa pour kapab kontinyen, nou pour bezwen pran en desizyon pour en opsyon selman.  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mon krwar parey taler mon’n dir, mon krwar i annan sa nesesite.  Lefe ki nou’n vwar i annan en konmsi plis lentere. Lontan ler ti fek komanse dimoun ti dir ou kategorikman non, nou pa brile nou lekor.   Nou pa’n abitye. Sa i pa dan nou kiltir, eksetera.  Me nou’n vwar sa dernyen detrwa lannen,  nou vwar poudir in annan en ogmantasyon.  Savedir dimoun pe komans konpran. Par egzanp napa ase later, bann simityer pe plen avek lezot rezon. Me selman nou parey mon’n dir, nou bezwen annan plis dyalog.

Plis ledikasyon avek bann diferan – parey ou’n dir NGOs bann relizyon.  Akoz nou bezwen asiz ansanm. E nou bezwen nou tou promouvwar, ki mannyer nou pour kapab fer sa fer dimoun konpran akoz zot bezwen fer sa, konmsi anmenn sa avek zot, fer zot ganny lo akoz bann rezon bann fakter ki nou annan ki pour anpes nou dan lavenir petet napa later parey ou pe dir, later ki nou bezwen pour fer lezot lozman, lezot keksoz pli enportan ankor, e tousala i a vin koman en package.

Apre nou kapab disimil sa bann lenformasyon avek piblik, pour ki piblik i kapab vwar li pli byen ki mannyer i kapab aksepte sa sityasyon bril lekor olye antere.

Mon krwar in, nou ava fer en travay lo la.  E  byensir akoz mon ti dir taler nou annan en mankman la, kot nou bezwen al dan piblik donn zot lenformasyon.  E mon pour dir menm kou pour brile i pli ba ki pour antere ozordi.  Mersi.

 

MR DEPUTY SPEAKER

Mersi Minis.  Onorab Wavel.

 

HON WAVEL WOODCOCK

Mersi Mr Speaker.  Minis mon’n deza demande sa kestyon dan deba lo Bidze.  Kot i konsern pli gran simityer Grand Anse Praslin Nouvel Dekouver, par le fe ki sa simityer i lo en later prive, eski ou Minister in antre an negosyasyon avek propriyeter later kot sa simityer i ete, e otour sa simityer pour agrandi sa simityer? E mon lot kestyon i konsern maintenance lo bann simityer.  I annan 2 simityer spesifik. I annan sa simityer Baie St Anne obor Lakaz Mor, avek simityer Nouvelle Dekouver, konstrent semen.

Simityer Baie Ste Anne sa semen i vreman apik.  Ler lapli i tonbe i danzere. Gomon in pouse lo la, e osi sa enn Nouvel Dekouvert, eski ou Minister i kapab konsider mwan pa konnen antre dan en negosyasyon avek SLTA pour met kours koltar lo sa bann semen, pour sekirite bann dimoun ki deserve sa semen pour al simityer?  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Letan nou pe, parey mon’n dir nou pe negosye, negosye par egzanp avek simityer Grand Anse, Nouvel Dekouvert definitivman later partou i later prive. i bezwen annan en negosyasyon avek propriyete.  Nou pa kapab zis vini pran.  I bezwen annan negosyasyon, tonm dakor apre pran.  E ler nou’n fini fer sa, byensir nou bezwen regarde akse ki mannyer i ete, si i bezwen amelyorasyon, si nou bezwen agrandi.  Si nou bezwen annan alternativ semen or whatever, tousala i bann konsiderasyon ki pour ganny pran letan nou pe fer sa bann keksoz.

Dan ka Baie Ste Anne, Baie St Anne kot simityer i ete in, sa semen vre i apik, me selman i en semen kot  ti napa ditou dan lepase,  ki nou at least nou’n kapab fer en keksoz pour nou kapab anmenn lekor dan simityer.         Akoz nou pa demann tou transport pour monte, me at least sa ki pe anmenn lekor i kapab monte. Apre lezot i fer en pti pe legzersis.  Me selman ankor ler nou pe regard kote nou pour gannyen avek sekter prive, nou ava vwar posibilite ki mannyer pour amelyor bann semen. Mersi.

 

MR DEPUTY SPEAKER

Mersi Minis.  Onorab Clive Roucou.

 

HON CLIVE ROUCOU

Mersi Mr Speaker.  Bonzour tou dimoun.  Mr Speaker mon anvi demann Minis, si i annan okenn konesans oubyen si i annan okenn konsiltasyon avek Minister Lenfrastriktir lo ki zistans oubyen akoz proze bar simityer Mont Fleuri ti komanse pour plizyer lannen pase, pa ankor zanmen fini?  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mon pa vreman okouran. Mon pa kapab donn en larepons. Mwan pa vreman okouran akoz. Savedir sa i en keksoz ki mon bezwen al demann  avek Minister.

Parey nou’n dir taler lenfrastriktir pa vreman tonm anba mon Minister. I tonm, zot plito nou annan 2 Minister Local Government avek lenfrastriktir. Alor mon ava rod lenformasyon e nou a fer ou gannyen. Mersi.

 

MR DEPUTY SPEAKER

Mersi Minis.  Onorab Terrence Mondon.

 

HON TERENCE MONDON

Mersi Mr Speaker.  Mr Speaker lo kestyon simityer mwan anvi konnen Takamaka avek Sweet Escott Anse Royale i 2 simityer ki distrik Takamaka i deservi bokou.  Ki kantite lespas dapre zot analiz kantite lespas ki reste dan sa 2 simityer?  E konbyen letan dapre zot prozeksyon konmsi nou pour kapab servi sa bann simityer?

E dezyenmman, ler ou koz bann simityer ki fermen, ki zot fermen apre ki zot vwar ki i plen, eski i annan leksepsyon ler zot in ferm simityer, leksepsyon pour bann lekor ki’n fini depas sa 7an. Eski i annan leksepsyon pour bann fanmir kapab still servi sa bann simityer kot zot paran, zot manm fanmir in antere apre 7 an.  Eski zot kapab still servi ler zot in deklare fermen?  Par egzanp si zot kapab still servi?  E mwan anvi osi demann presizeman lo sa R2mil ki zot donn pour servis fineray.  Eski i enkli osi pour servis bann lekor ki brile? E si zot pe konsider donn en pe plis pour ankouraz dimoun petet servi plis sa servis kot zot bril lekor? Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker. Menm benefis ki nou donnen sa R2mil i aplik pour tou le de.  I dir ki swa ou brile, ki swa ou antere ou ganny menm benefis. Me parey mon’n dir benefis pour brile savedir lanterman son kou pour brile i pli ba ki kou pour antere.  Apre 7an wi mwan ti dir taler apre 7an ou kapab me ou bezwen ganny permisyon Public Health, akoz si an ka i annan okenn maladi kontazyez sa dimoun i mor avek nou bezwen konnen, i pa pour les ou ouver me si napa apre 7an ou kapab ouver en latonm e anter en lot manm ou fanmir avek.

Lo kestyon Takamaka ek lezot parey mon’n dir, i annan sa travay ki nou pe fini fer pour nou konnen egzakteman si posibilite pour nou azoute pa azoute oubyen kwa, oubyen fer li lo baz rezyon. Sa i bann travay ki nou pe fer.  E byensir by Novanm nou pou’n kapab fini konplet sa travay pour zot gannyen.  Mersi.

 

MR DEPUTY SPEAKER

Mersi Minis.  Onorab Regina Esparon.

 

HON REGINA ESPARON

Mersi Mr Speaker.  Mr Speaker eski Minis i kapab dir nou, in dir i annan  tan poudir maintenance simityer, i tonm direkteman anba ou Minister eski zot annan en progranm regilye pour netway simityer? Akoz mon pe demann ou sa Minis parski pran simityer Glacis ti annan de dimoun ki ti ganny mete dan simityer pour travay zot vin 7er, 10er zot ale. Ler i pas 3 mwan zerb pe kouver latonm.

Mon kontan dir pour dir mon ti vin kot Mrs Antat i ti fer en progranm entansiv kot i anvoy tou bann travayer simityer Glacis telman ti’n sal pour vin netwaye. E dan en zour ti’n fini met tou zerb anba kontrol. Konmsi eski sa progranm maintenance i zot pour kontinyen kit 2 dimoun dan simityer ki pa fer nanryen? Oubyen zot ava annan zot en progranm maintenance kot zot ava annan zot dekwa travayer pour vin dan simityer pour fer en louvraz, ki efektiv?

Lo kote simityer Glacis, simityer Glacis i en simityer ki’n deza plen. Nou napa lespas. Eski ou Minister pe fer demars pour ganny en lot morso later pour nou kapab fer simityer?  E lot keksoz Minis, dan simityer Glacis, pa telman plen pour nou dir. I annan bann landrwa akoz Glacis – ou konnen i annan ros.  Dan bokou ka i annan trou ki ganny fouye e i annan bann ros dan fon. Ki progranm pou kas sa bann ros?  Kekfwa si ti annan en progranm pou kas sa bann ros dan fon lafos, ki nou ti kapab ganny ankor en pe lespas pou anter ankor en pe dimoun dan simityer Glacis. Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mr Speaker mwan mon pou dir, progranm pou mentenir bann simityer i bezwen annan.  I bezwen annan en progranm.  E i annan dimoun, i annan travayer ki responsab nou annan dimoun ki travay, sa i pa kapab mon oubyen CEO pou fer sa travay. I annan dimoun e zot bezwen annan zot plan travay e zot bezwen fer sir ki bann simityer i reste an eta. E non pa zis akoz Lafet De Mor.  Akoz i annan dimoun i dir ou sa, mon ganny call zis Lafet De Mor ki nou netwaye apre i reste sal i pa devret konmsa.

Akoz ler nou ganny peye pou travay nou bezwen delivre sa servis.  Me an menm tan i annan serten group ki fer byen, bon travay dan bann simityer.  Nou pa kapab bliy zot.  Zot fer byen. Zot fer sir ki simityer i reste prop, me i annan dot.   Alor nou pou fer sir ki sa travay parey mon’n dir nou al lo teren nou al vwar ki travay i ganny fer. Pou fer sir si i pa pe fer bann dimoun i ganny taken to task pou zot fer zot travay. Zot kapab vin dan simityer zis pou 2erdtan zot. zot kapab vin dan simityer zis pou 1erdtan zot as long ki zot in fer zot travay e zot in fer li byen!  Ok?  Me selman parey mon dir, sa  bann sistenm netwayaz nou pe al fer outsourcing sa lannen.  Savedir travay pe ganny fer kot apre la ler in outsource nou a konnen be la i tonm anba tel kontrakter whatever – li ki responsab. E i a konnen ki dimoun a bezwen pik lo li prezan, e non pa zis lo Minister. Lo kestyon Glacis wi, li osi i enn ki nou pe regarde.

Lo kote kantite ros i annan serten simityer kot kantite travayer simityer i dir ou ler zot pe fouye zot zwenn gale. Zot zwenn gro, gro gale.  E prezan kou pou kas sa bann ros i vreman o. Nou tou nou konnen e mon asir ou i annan plizyer zot ki’n fer kas ros ki swa kot zot ouswa lezot landrwa nou konn kou.

E pa krwar le nou pe dir kas en ros dan simityer, sa bann dimoun pou fer li pli bon marse pour nou.  Non!  So, i en kou e petet la i en keksoz ki nou kapab regarde ansanm si sa kou petet i kapab ganny abzorbe ant Gouvernman  e sa dimoun, I don’t know.  Sa i zis en keksoz ki nou kapab asize regarde, si vreman i annan en kantite sa, ki nou pa kapab fer menm oubyen si i annan detrwa ki Gouvernman i kapab kase, zis pour nou kapab ganny en pe plas pour nou anter nou bann dimoun. Ok? Savedir travay i ankour pou nou kapab fer sa bann keksoz.  Mersi.

 

MR DEPUTY SPEAKER

Mesi Minis.  Onorab Esparon.

 

HON REGINA ESPARON

Yes Mr Speaker.  Mr Speaker Minis pa’n dir mwan si zot pe fer demars pou ganny en lot morso teren, pou kapab fer en simityer.

An menm tan Minis i annan en lot simityer, Glacis i en landrwa ki annan en kantite simityer i annan sa simityer ki ti apel simityer lanmisyon par anba lekol. La anba letan nou pe regarde, i annan ankor lespas.  Mon pa konnen si zot kapab antre dan en laranzman, ki laba i kapab ganny servi pou kapab anter en pe dimoun. Akoz pour le moman i annan serten fanmir – spesifik, ki pe fouy lezot latonm laba anba ki pe anter zot pros.

Me eski ou Minister pa kapab antre dan Lagreman avek propriyeter sa bout landrwa la, ki mon pa konnen si i pou Gouvernman si i pou Lanmisyon – pou kapab ganny ankor en pe lafos la anba lekol. An vi ki nou pe al fer semen pou al dan sa landrwa laba?  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Nou’n pran note sa pwen. Nou ava regarde letan nou pe fer nou diskisyon ki sa i antre ladan ansanm pou fer diskisyon pou vwar.

 

MR DEPUTY SPEAKER

Mersi Minis. Onorab Ramkalawan dernyen.

 

HON WAVEL RAMKALWAN

Mr Speaker, lo sa kestyon lespas, ozordi mon’n deza lev sa pwen. Ozordi ou kapab refouy en latonm 3fwa, 3fwa, pou anter 3 dimoun.  Be i annan pei ki ou kapab al ziska 7.  7 dimoun, eski i pa ler pour nou re-vizit sa Lalwa pour nou ogmant lakantite dimoun ki kapab anter dan en trou?  E sa dan li menm li i kapab ed nou lo kote lespas. Akoz apre sa sirtou set en fanmir ki pou met en lot manm son fanmir.

E si ou gran per, ou gran manman, ou lot in anter la e sa pti zanfan petet i annan 30an, i annan 25an e alor sa mon krwar ti ava en keksoz ki ti a nobou ede pour nou ouver lespas e ede rezourd sa sityasyon. Mersi bokou.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mon krwar mon’n pran sa pwen nou ava annan en diskisyon avek Komiser Lasante kwa ki nou kapab amande dan sa Lalwa, mersi.

 

MR DEPUTY SPEAKER

Mersi Minis, in ariv 10.30 e nou pou adjourn e nou ava repran sa larestan 6 kestyon apartir 11er.

 

                (BREAK)

 

MR DEPUTY SPEAKER

Bonzour tou bann Manm Onorab, tou dimoun a lekout. Nou kontiny travay Lasanble Nasyonal pou ozordi.        Zis mon ti a kontan fer en pti lanons ki ozordi Mardi le 25 Zen  12.15  dan Committee Room 3 pou annan Komite pour Communicable Diseases HIV, AIDs and SRHR, ki pou zwenn avek Minister Lasante NAC avek HASO. Alor i pou en meeting preparatwar pour 2 Mosyon ki pe vini.  Alor tou bann Manm ki enterese i ganny kordyalman envite pour zot partisip dan sa meeting dan Committee Room 3.

Nou pou kontiny avek nou travay e nou pou al direkteman, e petet zis avan nou ale mon ti a kontan rekonnet prezan Mr Alvin Laurence ki PS pou Poverty Alleviation.  Byenveni parmi nou Mr Laurence.  Bon nou pou al direkteman lo kestyon No. 3 ki poze par Onorab Sylvanne Lemiel Manm pour Anse Royale.

 

HON SYLVANNE LEMIEL

Mersi Mr Speaker, bonzour tou dimoun a lekout Minis avek ou delegasyon. Mon kestyon i al koumsa; eski Minis i kapab dir sa Lasanble ki zistans zot in arive avek proze pou agrandi Lakaz bann Dimoun Aze Anse Royale? E ki bann fasilite adisyonnel ki zot pe mazin azoute? Mersi.

 

MR DEPUTY SPEAKER

Mersi Onorab. Minis.

 

MINISTER MITCY LARUE

Mersi Mr Speaker. Mr Speaker 6 apartman pou ganny konstri kot Lakaz Dimoun Aze Anse Royale. Sa i enkli 2 blok, 3 unit sak. E ozordi nou plan i avek Divizyon Planning pe esper aprouvasyon.  Me nou osi annan en problem water log dan sa landrwa, kot nou bezwen annan en bon sistenm drenaz an plas.  Once nou ganny laprouvasyon Planning travay lo sa proze pou komanse, e nou pe ekspekte sa dan 4enm kar sa lannen.  An menm tan nou pe osi travay avek MHILT, pou vwar si nou osi kapab annan en fasilite ouver, parey en hall, kot nou bann aze a kapab fer zot bann aktivite tel ki aktivite fizik, lezot aktivite ki zot fer ansanm.

E osi en pti lasanm konsiltasyon, si annan dokter ki vin vwar zot.  Sa tousala ansanm pou anmenn plis swen pour nou bann aze e gard zot aktiv.  Mersi Mr Speaker.

 

MR DEPUTY SPEAKER

Mersi Minis.  Okenn kestyon adisyonnel.   Onorab Lemiel.

 

HON SYLVANNE LEMIEL

Mr Speaker mon rekonnet ki Minis in koz lo fasilite adisyonnel kot i konsern landrwa pou dokter e petet landrwa pou zot fer legzersis. Mon pe mazinen – nou ti pe mazin petet pou fer sa Home agrandi akoz demann petet si 6 unit li menm. Sa lakantite li menm en pti pe pti git? Mon pe mazin si zot pe mazin a lavenir pour nou go vertical; konmsi pour nou met kantmenm en floor lo sa building.

E kot i konsern Bidze pour sa proze li menm, eski tou in ok pour nou konmans sa proze? Tou keksoz i annord pour nou konmanse?  E ki pou napa okenn delay?  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mersi. Wi mwan krwar sa nide pour nou mont vertikal i enn ki tre byen. Nou ava konsider sa.  Akoz parey nou’n dir sa landrwa Anse Royale, kot nou ete i en pti pe waterlogged.

Alor nou bezwen regard byen ki mannyer kalite striktir nou mete.  E petet vwar en pti pe osi otour si petet osi apre nou pa kapab met ankor lezot unit ki nou kapab an mezir ki nou fer sa premye.  Sa premye 6 unit ki nou fer avek lezot pti keksoz an plas nou ava vwar.

Me selman mont anler mon krwar i en bon keksoz, pour nou pran kont pour lavenir.  Byensir petet nou ava dir pour dir sa nou pe koz lo bann dimoun aze. Wi me nou a kapab, i annan osi, nou kapab met lift. Pa neseserman ki dimoun aze pa kapab servi lift. Alor i ava annan tou.  Ler nou pe fer li nou a bezwen mazin bann keksoz ki vin avek ki pour fasilit sa bann dimoun pour kapab al anler.  Me selman mon krwar nide i fantastik.

Kot i konsern Bidze, i pour komanse parey mon’n dir 4enm kar lannen akoz nou Bidze pour fer sa travay e pour konplete petet boner 2020.  E apre de la nou a kapab annan akoz nou en kantite lespas pour nou kapab fer serten keksoz ankor.  Mersi Mr Speaker.

 

MR DEPUTY SPEAKER

Mersi Minis.  Mon ti a kontan fer rapel bann Manm kestyon i tre spesifik. I lo Anse Royale alor silvouple gard kestyon kourt e ki lye avek sa kestyon lo Anse Royale. Onorab Wilbert Herminie.

 

HON WILBERT HERMINIE

Mersi Mr Speaker.  Minis ou’n dir sa 6 unit kestyon spesifik lo sa 6 unit Anse Royale.  Eski sa 6 unit ki zot in fer Anse Royale i pour zis zabitan Anse Role ouswa i zeneral?  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker. Mr Speaker fodre note ki letan nou pe konstri dan bann diferan distrik, i pa neseserman sa landrwa i pran selman zabitan ki Anse Royale.  I depan ki nou lalis ki nou annan. Nou bann priyorite nou bann dimoun. Even zot pa sorti Anse Royale si zot en priyorite, e i annan lespas Anse Royale definitivman zot ganny priyorite.

Savedir ler nou fer Anse Royale i pa selman pour zabitan Anse Royale i kapab nenport ki dimoun aze ki dan priyorite. Mersi.

 

MR DEPUTY SPEAKER

Mersi Minis. Onorab Terrence Mondon.

 

HON TERENCE MONDON

Mersi Mr Speaker. Mr Speaker mwan pa tro kler ler mon ekout larepons Minis swivan kestyon Onorab Lemiel ler i dir akoz pa fer plis unit, met, fer monte.

Minis in dir nou pli boner ki plan i kot Planning. E i an menm tan i pe dir i pe fer – i pare pour fer monte. Mon pa tro konpran konmsi ki mannyer i pour fer sa.  E dezyenm kestyon, se eski ti annan en proper konsiltasyon ler zot pe fer en travay koumsa, ki pour larezyon dizon Anse Royale, Takamaka eksetera, ki pour deservi ki kalite konsiltasyon zot fer? Akoz la nou pe vwar prezan ki nou pe demande pour fer an plis?  Si zis i kapab eklersi nou en pti pe.  Mersi.

 

MR DEPUTY SPEAKER

Mersi Onorab. Minis.

 

MINISTER MITCY LARUE

Mersi Mr Speaker.  Mr Speaker petet vre nou pa’n annan sa konsiltasyon o nivo bann diferan striktir dan distrik.  Me selman i annan serten konsiltasyon ki nou’n fer.  Akoz atraver enternman avek Minister MHILT – atraver Council, atraver bann lezot, me selman pa sa at that level ki petet dan lavenir letan, nou pe fer lezot nou a kapab pran kont sa bann keksoz.  Me selman kot i konsern si nou al mont anler. Wi, parey mon’n dir sa nou’n fer nou’n met kot Planning pour nou al fer.  Me nou annan ankor later otour ki nou kapab konsider lezot unit ankor e an menm tan mazin mont anler osi.  Mersi.

 

MR DEPUTY SPEAKER

Mersi.   Onorab Flory Larue.

 

HON FLORY LARUE

Bonzour tou dimoun.  Mersi Mr Speaker.  Mersi Minis.  Mon ti a kontan demande le fe ki in dir nou annan dimoun priyoriter. Konbyen dimoun ki’n fer request pour en plas dan en Elderly Home?  E le fe ki an Mars 2018 dan SONA Prezidan ti spesifikman dir ki sa i en plan pour bouz devan. E enn dan bann 4 pwen pour bann dimoun aze, i ti dir ki pour annan plis landrwa kot bann dimoun aze ki endepandan i kapab vin reste ansanm.

Le fe ki i annan en kantite la dan sa area, me selman ou’n dir waterlogged, eski zot in regard retain sa later dan en fason ki i kapab ganny maximum use?  E si zot plan i long term. Konmsi si i kapab enkli tou son fasilite, upstairs, extension, tou bann services, koumsa nou kapab vwar son plan final. Apre kantmenm nou a frer li par morso.  At least nou konnen dan ki direksyon nou pe ale?  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mr Speaker pour le moman la aktyelman nou annan nou 25 dimoun ki lo nou lalis atant.   Ok  nivo Nasyonal. E kot i konsern plan, mon konpran ou pwen.  Mon pa pe al dan sa pwen kot Prezidan ti anonse dan son SONA, akoz sa i pa tonm dan son kestyon li menm orizinal.  Be selman i ava annan en letan kot mon krwar nou pe vin kot Komite Lasirans zot pe vini le 4, kot nou pou donn detay kote nou pe ale avek  sa plan.

E kot i konsern la sa landrwa, parey mon’n dir nou pe fer sa akoz nou pe fer sa akoz i annan nesesite, diferan landrwa kot nou bezwen extend. E sa nou pe fer li premye pou Anse Royale e an-menm-tan Minister MHILT zot ki fer sa proper assessment sa landrwa, pou vwar ki lenfrastriktir nou mete e ki mannyer nou fer li.

I en travay ki nou fer avek zot, akoz zot annan bann enzenyer zot annan tou bann dimoun kalifye pou zot fer zot travay.  Me selman nou pran kont grander later ki nou annan, ki mannyer sa travay i kapab ganny devlope.  E se sa ki taler mon’n dir, petet nou pou bezwen osi dan en lot faz nou ava annan en pe plis konsiltasyon dan ki mannyer nou met latet ansanm.  Mersi.

 

MR DEPUTY SPEAKER

Mersi Minis.  Onorab Larue vitman.

 

HON FLORY LARUE

Mersi Mr Speaker.  Mersi Minis. Eskize Minis me selman sa promes ki ti ganny fer an SONA 2018, i lye direkteman avek kestyon. Akoz i ti annan en promes pou fer sa bann keksoz e mwan mon pe demande ki si prezan la last minit nou pe al fer en plan, ki pou donn nou en quick fix avek 6 extra accommodation; olye en plan long term ki pou kapab get nou problenm avek an aging population, akoz i en issue.   E si i en plan ki prezidan in mansyonnen mon ekspekte ki sa Minister i take it  up long term pa quick fix!  Mersi.

 

MR DEPUTY SPEAKER

Mersi Minis.

 

MINISTER MITCY LARUE

Mersi Mr Speaker. Mr Speaker sa plan ki Prezidan ti mansyonnen dan SONA i en plan pou sekter prive.  Sekter prive petet re go back nou a vwar, pou dir en plan pou sekter prive kot pou build bann diferan Home, day care bann lezot Home e parey mon’n dir la dan Komite Lasirans le 4 nou pe vin donn en kontrandi kote nou ete ek sa.

Me sa napa nanryen pou fer avek sa ki Prezidan ti anonse. Sa i zis vin bann extension, akoz nou vwar  dan kominote i annan serten dimoun ki anvi, ki la lo nou lalis ki anvi antre dan Home. Me nou bann Home i plen alors nou bezwen fer serten extension kot nou annan later pou nou kapab accommodate sa bann dimoun. Mersi.

 

MR DEPUTY SPEAKER

Onorab Larue.

 

HON FLORY LARUE

Mersi Mr Speaker.  Mersi Minis. Zis pou en klarifikasyon further, i annan parti dan sa promes ki baze direkteman avek sekter prive e ti annan promes pou bann later ki ziska prezan nou pa ankor tann nonmen.  Me selman lefe ki i annan 9 Elderly Homes ki Gouvernman in fer.  E lefe ki i annan later Gouvernman e nou anvi expand e nou’n idantifye sa konman en problenm. Ki mannyer letan nou fer en plan nou fer, li par pti bout e nou pa fer li en plan konkret, ki annan en bon konprenezon dan ki direksyon nou pe ale?  Akoz sa i dan kote Gouvernman.  Mersi.

 

MR DEPUTY SPEAKER

Mersi.  Minis.

 

MINISTER MITCY LARUE

Mr Speaker mersi.  Mon krwar nou pe al, sorry petet mon dir nou pe al an deor kestyon. Me selman nou pa pe fer par pti bout nou.  Nou vwar nou travay antye nou. Dan tou nou bann Home i annan en travay assessment ki nou pe vwar ki mannyer nou pou agrandi nou bann landrwa.  Nou pe fer li pa piece  meal, me nou pe fer li an mezir nou fer enn, nou fer lot be i annan Minister MHILT ki nou, zot nou teknisyen, zot ki assess, zot ki dir nou en pti pe ki mannyer nou bouz avek. Mersi Mr Speaker.

 

MR DEPUTY SPEAKER

Mersi Minis.  Onorab Algae.

 

HON EGBERT AGLAE

Mersi Mr Chair.  Minis eski ou kapab dir nou apepre konbyen larzan zot ekspekte depanse avek sa proze lagrandisman?  E an menm  tan anvi ki nou  war i annan en lalis inwaiting, eski zot pe rod finansman adisyonnel pou kapab at least devlop sa bann Home, pou fer ki sa bann dimoun pe espere pa esper bokou letan.  Mersi.

 

MR DEPUTY SPEAKER

Mersi Onorab Aglae.  Mon prezimen ou pe demann lo Home Anse Royale menm? Mersi Minis.

 

MINISTER MITCY LARUE

Mr Speaker, Bidze pour sa proze Anse Royale i apepre R2.5 milyon. Ok?  Pou sa 6 unit ki nou pe fer, pa sa lot hall avek sa pti bout sa i pou apar.  Ok?  Mersi.

 

MR DEPUTY SPEAKER

Mersi Minis.  Nou pou al lo 4enm kestyon poze par Onorab Wavel Woodcock Manm pou Grand Anse Praslin.  Poz kestyon Onorab?

 

HON WAVEL WOODCOCK

Mersi Mr Speaker.  Minis mon kestyon i konm swivan; eski Minis i kapab dir sa Lasanble kan ki sa sant avek dezabilite Marie-Jeanne Baie Ste Anne Praslin pou ganny konstri? Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Mersi Onorab. Mr Speaker Praslin en morso later Marie-Jeanne Estate avek en siperfisi 2mil met kare ti ganny reserve pour en tel proze en pe letan pase. Plan pou konstri en sant pou bann dimoun avek dezabilite lo Praslin, ki pou ofer servis targete pou bann dimoun ki pe viv avek dezabilite lo nou 2 Zil Pros Praslin avek La Digue, i dan en staz tre avanse. Depi byen boner dan son konsepsyon, mon Minister ti realize ki dan en sel sant, nou pou bezwen kouver servis pou 2 group kle dan nou sosyete.  Sa se dimoun aze e dezabilite.

I pou bezwen en sant ki ganny administre direkteman par lasosyasyon sa 2 groupman an partnership avek National Council for the disabled. Son rol pri mondyal, se kree en fasilite kot nou bann dimoun ki pe viv avek dezabilite i ava kapab ganny ekipe avek bann konesans vokasyonnel debaz.  E landrwa rankont pou zot bann group, ki ava fasilit e sarz ek bann lezot ki sorti Mahe Praslin e osi La Digue, e menm o nivo Nasyonal. Finalman i ava en fasilite ki pou kapab zer son prop reveni avek bi ki en zour da batiman ava kapab soutenir son prop lekor.

Lo kote nou bann dimoun, i ava osi ofer en fasilite, kot zot a kapab fer zot bann aktivite e devlop zot bann skills.  EmE pli enportan i ava osi fasilit lesanz ant bann diferan zenerasyon. Plan i a en staz vreman avanse. Plan teknik sa building in fini ganny soumet avek biro Planning i ava en plan pou en building en letaz kot anler pou annan lasanm dan stil dormitwar e osi lasanm endividyel, pou fasilit bann lesanz e osi pou zener en pe larzan. Par egzanp zot kapab menm lwe avek bann foutboler, bann lezot tim ki vin Praslin ki napa landrwa reste.  I estimen ki sa building ki pou baze dan sant Marie-Jeanne Estate pou kout en pti pe plis ki 7 milyon roupi.

E son finansman pou ganny kouver anba 2enm faz finansman ki Gouvernman Lenn pe ofer. Plan osi, avan in al Planning, in osi pas e ganny aprouve par Komite Devlopman anba Minister Finans. Nou vizyon se pou entegre sa building byen dan kominote, kontrerman kot enn ki reste a lekar.  Alors i pou en landrwa osi kot pou annan diferan aktivite kominoter, akoz nou pe  mazin met en fitness trail e dan la mezir anmenn en playground, pou promouvwar sa sans lapartenans kominoter. E finansman pou dan 2enm faz Donasyon Gouvernman Lenn ki ekspekte pare boner lannen prosen e alors sa proze a kapab ganny fer.

E sa in ganny aprouve anba Minister Zafer Etranzer e sa osi ti swivan en vizit ki ti ganny fer ansanm avek bann diferan teknisyen Gouvernman, reprezantan kominote Praslin avek O Komisyoner Lenn pou Sesel avek son tim. Kot la O Komisyoner Lenn ti donn son langazman e konfirm son langazman avek nou, ki son Gouvernman pou realiz sa proze pou benefis nou bann dimoun sa 2 zil. Mersi  Mr Speaker.

 

MR DEPUTY SPEAKER

Mersi Minis.  Onorab Woodcock..

 

HON WAVEL WOODCOCK

Mr Speaker 2 pti kestyon siplemanter. 1 dan ki timeframe  ki zot pe ekspekte sa proze konplete?  E dezyenmman par lefe ki sa batiman sa sant vokasyonnel pou anmas reveni sirtou atraver bann lasanm ki zot pou lwe. Lekel ki pou kolekte sa reveni?  Eski pou al pou National Council for the disabled? Ouswa par lefe ki i pou en joint management pou konsey pou dezabilite osi bann Lasosyasyon for The Elderly. Lekel ki pou zer sa reveni ki sa sant i kolekte?  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Parey mon dir i pou pas dan finansman 2enm faz Indian Grant – sa i pou boner lannen 2020. E si i konmanse boner 2020 nou pe ekspekte apepre en 6 mwan a 7 mwan i kapab konplet sa building. E definitivman sa building nou pou annan en management o nivo Gouvernman, pour nou kapab manage sa landrwa parey nou’n dir o konmansman. Nou bezwen annan nou bann dimoun ki pou en pti pe parey Vocational Training Centre isi lo Mahe – VTC.

I pou annan en pti pe menm sistenm management, kot nou pou annan bann dimoun la deza nou pe konmans mazin bann dimoun ki pou enterese ki pou vin travay avek sa sant. Pour zot nobou ganny bann training neseser pou met zot pare pou ler sant i ouver nou’n deza annan bann dimoun ki’n train pou travay dan sa sant avek diferan group bann dimoun dezabilite.  Ok?

Me nou’n dir poudir anler parey nou’n dir pou annan lasanm, sa a kapab ganny lwe nou a lwe zener en pe larzan ki i a etablir vin dan fon e sa i a manage par National Council for the disabled. Mersi Mr Speaker.

 

MR DEPUTY SPEAKER

Mersi Minis, Onorab Clive Roucou.

 

HON CLIVE ROUCOU

Mersi Mr Speaker. Mr Speaker mwan anvi demann Minis si tou konsiltasyon e tou evalyasyon in ganny fer spesifikman avek bann dimoun avek dezabilite. Akoz spesifikman Minis in dir sa sant pour okipe avek vokasyonnel bann keksoz vokasyonnel debaz.  Eski letid in ganny fer spesifik, ki zis sa ki bann dimoun avek dezabilite pour bezwen. Oubyen si i annan lezot keksoz pour ganny enkorpor antretan?   Mersi.

 

MR DEPUTY SPEAKER

Mersi Onorab. Minis.

 

MINISTER MITCY LARUE

Mersi Mr Speaker. Mon bezwen fer resorti ki war sa proze la, i en proze ki Praslin zot menm ki ti anvi. Toultan zot in demande nou bezwen annan en tel proze lo Praslin akoz nou vwar pour dir bann dimoun, bann paran sirtou in toultan met en pe presyon pour zot kapab annan sa fasilite pour kapab ede ki zot bann zanfan olye reste kot lakour oubyen vin rod en pti kou si sa sant i available pour zot ganny en pti landrwa pour fer en pe travay. alor i ava annan sa fasilite a zot dispozisyon, pour kapab devlop skill bann manrmay.

In annan konsiltasyon. E konsiltasyon in ganny fer o nivo Praslin – mon pour dir avek bann paran avek bann dimoun dezabilite, avek lezot dimoun konsernen. I annan en kantite antre zot pour zot come up pour dir wi nou bezwen. E se sa pour kwa nou’n vwar pour dir later ti’n ganny mete en bon pe lannen pase, me later pa’n ganny touse me in ganny kite ziska ler proze in kapab, pour kapab ganny realize. Mersi Mr Speaker.

 

MR DEPUTY SPEAKER

Mersi.  Onorab Norbert Loizeau.

 

HON NORBERT LOIZEAU

Mersi Mr Deputy. Bonzour Minis ek ou delegasyon. Mr Speaker mon anvi demann Minis vi ki pour annan sa devlopman ki pour al fer pour bann dimoun eksepsyonnel. Eski an atandan ki sa proze pa ankor komanse, eski zot pe dekouver bann profesyonnel, bann trained profesyonnel ki pour travay ek sa bann manrmay?  Ouswa an atandan si i annan mwan pe koz Praslin, dimoun Praslin ki pe ganny train pour zot kapab ler sa sant i ouver pour zot antre pour travay?  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker. Onorab ki mon’n dir se ki deza la nou annan serten dimoun ki travay lo baz volonter. I annan dimoun ki travay ek sa bann dezabilite. Bann paran menm zot menm, bann volonter. I annan en kantite dimoun ki travay ek bann dezabilite. Dan diferan domenn. O kontrer mon apresye sa nou dir zot mersi. Me nou byensir nou pour lans lapel la, akoz la nou sant pour al komanse – nou pour lans lapel pour ki plis dimoun i vini.  Bann ki annan serten kalite ki kapab vin pran pozisyon pour vin fer petet devlop skill ek bann manrmay dan diferan domenn. Nou pour lans en lof d’apel kot bann dimoun i a vini e ler nou’n gannyen prezan nou a komans en formasyon pour zot kapab ler sant i pare pa la ki nou al komans train. Ler sant i pare nou dimoun in pare.

E ler zot pare zot kapab pe travay touzour ek bann dimoun la eskan ler sant i pare. E nou pe menm ganny La Reunion osi ki zot pou vin donn nou en koudmen avek training e menm annan serten lesanz ant Sesel ek La Reunion  pour kapab ed nou pour nou fer akoz zot fer ase byen laba lo kote bann dimoun avek dezabilite.  Mersi.

 

MR DEPUTY SPEAKER

Mersi, mersi Minis nou pour al lo prosen kestyon, No.5, poze par Onorab Jany De Letourdie.

 

HON JANY DE LETOURDIE

Mersi Mr Speaker. Bonzour tou dimoun.  Mr Speaker eski Minis responsab pour Zafer Lafanmir i kapab donn sa Lasanble e kontrandi detaye lo progre e leta sa sant pour zanfan avek problenm disiplin.  E sa ti ganny etablir kot Lakademi Ladefans Ile Perseverance an May 2018.  Mersi.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker. mersi. Mr Speaker, lannen pase mwan ti devan sa Lasanble pour eksplik en pti pe lo rezondet sa progranm rezidansyel kot Lakademi Ladefans, Perseverance.

Nou tou nou konnen ki dan bann dernyen lannen in annan bokou konsern vizavi latitid e konportman endisiplinen e anti-sosyal serten adolesan. Lenstitisyon skoler in vwar zot pe fer fas avek bokou e serten zanfan dapre gravite lofans ki zot fer, zot ganny sispann pour en serten letan pour zot apre retourn lekol. I annan parmi sa bann zanfan ki retourn dan lekol avek serten kondisyon e lakonpannyman bann profesyonnel e zot kapab tenir zot lekor.

Serten lezot zanfan zot manifeste lezot konportman absans lakour e zot paran e sa i met a risk – diferan risk. Progranm rezidansyel ki nou ti deside met an plas, ti viz ver sa bann zanfan ki ti pe kontinyelman absant lakour zot paran e al fer bann frekantasyon avek dimoun ki pa zot laz, e angaz zot dan bann aktivite ilegal tel ki: eksperimant lalkol, sigaret, e menm kanabis. Lannen pase nou ti devan sa Lasanble pour eksplik lo rezondet sa progranm rezidansyel. Desizyon pour komans sa progranm kot Lakademi Ladefans ti ganny pran apre ki nou ti’n eksplor tou bann landrwa apropriye.

Me parey nou konnen nou’n ganny difikilte ler nou’ propoz serten lenfrastriktir ki nou santi ti pour kapab zer sa progranm sa letan, le fe ki Minister Ledikasyon ti deza annan en bon progranm vakans nou ti zwenn a plizyer repriz e diskit nesesite sa progranm. Avek Lakor SPDF en Polisi ti ganny anmennen devan cabinet pour donn son laprouvasyon ki sa 3 lorganizasyon i antre dan en Lagreman pour komans sa de progranm.

Progranm edikasyonnel alternative lazournen e progranm rezidansyel kot Lakademi Ladefans an Me 2018. Letan negosyasyon ti ganny fer serten kandida ki ti’n montre lentere pour travay avek sa bann zanfan, ti pas dan en faz lantrennman pour en peryod 6 semenn. Lantrennman ti ganny fer par en Seselwa ki ti ganny swazir baze lo son leksperyans pour diriz en tel sant en France kot in reste travay plizyer lannen.

Progranm rezidansyel ti annan bi pour empower bann zenn ki’n ganny idantifye ki zot a risk par zot konportman anti-sosyal, e travay avek zot pour anmenn en sanzman pozitiv pour ed zot kapab fer bann bon desizyon. Fer keksoz pozitiv e devlop en latitid akseptab pour permet zot enterakte e sosyalize avek zot kanmarad e annan respe pour tou dimoun.

Nou’n komans progranm avek 9 zanfan aze 12 a 15an ki ti sorti dan diferan distrik. Pli zenn  ti pe al ganny li 13an. 4 ti annan 14 an e 2 ti deza annan 15 an. Nou ti annan 9 staff pour komanse ek sa konsiltan ek son madanm ki zot osi in reste pour akonpanny e mentor bann staff ziska lafen Septanm, 2018.

Avan depar Mr Underwood nou’n anploy en progranm coordinator ki ti pour pran sarz ziska ki nou ganny en direkter ki ti komans an milye Avril sa lannen. Pour le moman nou annan nou 7 staff full time avek enn part time. Mr Speaker progranm ki nou ti’n prevwar pour zot lanplwa ditan, i konm swivan:. Aktivite edikasyonnel ki’n adapte a zot nivo e kapasite pour swiv. Aktivite vokasyonnel art ek craft. Serten aktivite sportif e rekreasyonnel ki ti kapab ganny                                          fer kot Lakademi menm. Bann zanfan ki ti dan progranm rezidansyel ti partaz menm timetable avek bann lezot zanfan ki ti pe vin dan progranm alternativ lazournen, fer par Minister ledikasyon. Sa ti enkli akademik e vokasyonnel. Minister ti fer laranzman pou lezot dimoun pou vin fer serten sesyon e osi demann staff pou ede fer aktivite ki zot santi zanfan ti enterese avek.

Mr Speaker nou’n ganny bokou defi avek sa bann zanfan, pou zot kapab aksepte size edikasyonnel dan en setting laklas.  Vi ki zot ti annan bokou limitasyon, i ti ariv a en moman kot en desizyon ti bezwen ganny pran pou benefis lezot zanfan, akoz zot pa ti anvi reste bokou letan dan laklas. Laranzman ti ganny fer avek 2 ex-head teacher pou vin fer serten sesyon avek bann zanfan dan Progranm Rezidansyel avek bi kontinyen soutenir zot, zot baz literer avek kalkil.

Me vi ki konportman bann zanfan zot ti fer fas avek bokou difikilte ek sa bann zanfan e sa 2 ex-teacher byen eksperyanse, ti enform nou ki zot pa pou kapab kontinyen siport nou progranm. Mr Speaker sa bann move konportman ti pe osi afekte staff moralman.

E dan premye 5 mwan nou ti perdi 3 staff parmi sa 9 ki ti’n ganny sa bann training debaz. Lot stratezik sete pou oriyant zot dan laprantisaz travay.  Apre ki nou ti’n diskit avek zot pou war ki kalite metye ki zot ti a kontan pran, avek bi pou devlop plis zot lentere dan en tel domenn, Minister ti antre an konsiltasyon avek Departman Lanplwa pou organiz en package special work attachment programme avek serten anplwayer ki ti’n pare pou pran zot dan zot lantrepriz.

Sa ti dan domenn lagrikiltir, mekanisyen, lakwizin e reparasyon telefonn ek computer. Sa progranm ti pou 3 mwan e zot performans  ti pou ganny evalye par Departman Lanplwa pou determinen si pou extend oubyen non.  Mr Speaker tou ti konmans byen.  Minister ti fer sir ki bann zanfan i ganny transporte dan landrwa respektiv e ganny ranmase 3er apre midi. Tou ti mars byen lo premye mwan e Minister pa ti ganny okenn move rapor. Malerezman  i paret ki apre ki zot ti’n fatige avek routin travay, serten ti konmans absante a en serten moman pou al fer bann marsayman, vagabondaz e gat zot sans kontinyen lo progranm.

Mr Speaker mon anvi fer resorti ki sa work attachment program ti osi en mekanizm pou mezir latitid e konportman bann zanfan, pou vwar ki mannyer zot ti pe aplik serten valer e prensip ki zot ti’n ganny montre. Malgre ki zot pa ti mank respe anver sa bann anplwayer, gro febles ki nou ti remarke ki zot pa ti ankor pare pou swiv e respekte norm, oubyen lareg, sa bann lorganizasyon, pou reste an plen tan dan travay. Zanfan ti kontinyelman absante tanzantan dan milye lazournen e sa ti fer ki nou ti bezwen dekontinyen sa travay attachment program avan Novanm 2018.

Management Departman  Zafer Sosyal ti kontinyen sey vwar ki bann aktivite ki ti pou kapab angaz zot ladan, pou ede fer sa diferans. Me pa tou ki nou ti sey fer ki ti annan sa lenpak pou gard zot motive pou modifye zot konportman. Mr Speaker pandan letan ki zanfan in fer dan progranm, nou’n annan nou asistan psikolog e travayer sosyal ki’n vizit zot e anmenn bann antretyen e sesyon counseling avek bi siport zot dan s demars konportman.

Nou’n organiz en panel avek psikolog pou evalye progre e rezonnman bann zanfan a 2 repriz. Lo en baz pli zeneral dimoun pa’n annan tandans, dimoun in annan tandans dir ki nou pa’n arive fer bokou sanzman avek sa peryod 1 an ki zot in dan nou custody. Nou konpran sa e parey nou tou nou konnen, en dimoun i ganny enfliyanse par son group oubyen sa leader ki pli for e sa in arive avek serten sa bann zanfan. Nou’n fer bokou lobzervasyon atraver bann lesanz ki nou’n fer avek sa bann zanfan.  E nou pou dir ki bann lesanz ki zot in annan avek bann diferan profesyonnel ie ankadrer in tous zot e fer serten sanzman.

Se ler ou pran letan tousel avek zot ki ou apresye kwa ki zot santi e zot dir ou ki management program rezidansyel e lezot profesyonnel in fer pou zot. Tou senpleman pou dir Mr Speaker in mank bokou lanmour, konprenezon e latansyon zot paran pou plizyer lannen an grandisan. Zot karakter in ganny formen dan en serten fason, e i pa pour pan en lannen travay pou repar sa bann domaz e sanz zot konportman.

I pou pran bokou lannen e si nou koman adilt pa konnen ki mannyer pou antreprann zot, nou pou toultan label zot konman  bann ‘’delenkan’’, rezet zot e kontinyelman fer zot plis ditor.  Mr Speaker mon’n fer en overview lo progranm ek bann stratezi ki nou’n fer ler nou’n konmans kot Lakademi. Permet mwan pou koz lo letan landrwa kot sa progranm ti pe ganny zere. Mr Speaker apard bann konportman bann zanfan e malgre tou nou lantouzyazm. Landrwa ti napa en fence e sa pour nou ti en pli gro konsern pou kontrol mouvman bann zanfan.

Lot defi ti serten enstabilite, akoz nou ti ganny enformen ki letan i annan bann training enternasyonal nou ti bezwen bouz bann zanfan kot lot baz Pointe Larue.  Pandan sa 1 an zanfan in bouz Pointe Larue 3 wa.  nou ti osi ganny met okouran ki bann fasilite ek aktivite ki ti pe fer SDA, ki pe fe Pointe Larue pou bouz Perseverans e nou ti panse ki sa ti pou ariv en pti pe pli tar pou permet nou kontinyen progranm apre sa letan 3an ki nou ti’n agree lo MOU.

Malerezman avek restriktirasyon dan SPDF ver lafen Mars sa lannen, mon Minister ti ganny enformen ki nou pou nepli kapab kontiny progranm rezidansyel kot Lakademi Ladefans Perseverans. Akoz zot pou bezwen zot fasilite pou train zot prop personnel e gard plas pou bann lezot partener enternasyonal ki vin fer training Sesel. nou ti osi konpran zot lofis ti pe operate Pointe Larue pe osi  bouz Perseverans dan limedya e nou bezwen kit zot landrwa.

Mr Speaker mon Minister i touzour gard bon relasyon avek lezot partener e apre serten diskisyon avek responsab sant Katolik La Misere, nou ti ganny lasistans avek landrwa pou 5 nou bann zanfan ki ti pe ankor pe swiv progranm. 4 lezot zanfan ti’n fini ganny desarze pou retourn kot zot paran oubyen, zot gardyen. Dernyen semenn Avril bann zanfan ti ganny transfer kot Maison La Rosiere e an Me en milye Zen 4 ti ganny desarze par Tribinal e la nou pe esper lord Tribinal pou desarz sa lot zanfan ki reste. Nou’n konmans prosesis evalyasyon sak konponan sa progranm rezidansyel, avek bi pou tir leson e aziste e aranze dan bann domenn kot nou’n war serten febles.

E Mr Speaker avek tou fransiz, mankman staff kalifye ki’n byen konpran devlopman zanfan e en mank sipor ki i ti pou pli byen kapab pli byen ankadre sa bann zanfan i bann pli gro defi ki nou’n konstate. In anpakte lo bon performans sa progranm. Nou bann staff ki nou’n annan in donn zot mye.  E fer tou dan la mezir ki zot kapab pou donn en servis lakonpannyman bann zanfan. ozordi mon tir mon sapo ek zot e dir zot mersi, akoz travay dan en lanvironnman kot zanfan i tiraye e tirbilan i pa fasil. Mon’n temwanny serten sa bann konportman ler mon’n menm vizit zot kot Lakademi e menm La Misere.

Mr Speaker si ou permet mwan azoute mon fek fer en tournen La Reunion e mon ou le  fer resorti ki nou’n vizit 3 sa bann sant ki pran sa bann konportman difisil e nou’n konstate ki zot pe servi menm model ki nou’n sey met an plas.  I en model ki baz bokou lo ledikasyon e sipor psikososyal dan plas en progranm ranfermen vi ki dapre letid i ganny war ki i pa neseserman pli bon fason pou sanz konportman adolesan avek bann tel problenm. Kot nou’n feb an term profesyonnel spesyalize e en landrwa sekirize – bann sant La Reunion i byen ekipe e zot ganny zere – non pa par Gouvernman – me par bann NGOs ki tonm anba lasosyasyon apele ALEFPA. Ki ganny finansman avek Gouvernman pou zer sa bann sant. Mr Speaker problenm konportman difisil parmi serten adolesan, ki’n pas atraver bann sityasyon difisil, i partou. Sesel i pa en leksepsyon, me i enportan ki konman en pei nou gard nou azour avek demann mendev pou profesyonnel kalifye dan psikolozi e domenn sosyal. Sa bann tel profesyonnel ki pou ede fer en diferans e anmenn plis sikse dan sa kalite progranm.

Mr Speaker nou’n aprann avek La Reunion e nou esey tonm dakor lo en proze korperasyon e kolaborasyon pou zot donn nou serten sipor teknik e formasyon la, dan letan ki nou pe prepar pou Sant Cap Ternay. E la mon ti a kontan lans en lapel avek dimoun ki anvi ede e donn en koudmen pou aprose akoz i nou zanfan ki bezwen sa servis. I nou lafors travayer demen ki nou swete annan dan lavenir. Mersi Mr Speaker.

 

MR DEPUTY SPEAKER

Mersi Minis ou’n pran ou anviron 20 minit pou reponn sa kestyon.  Mon konnen kestyon i demann en kontrandi detaye ki nou apresye, me selman si mon ti kapab sizere ki ler nou, malgre ki nou demann en kontrandi – kestyon in demann en kontrandi detaye, dan sa detaye si nou ti kapab fer li dan 10 minit avek tou bann eleman esansyel; par egzanp konbyen zanfan ki la? Konbyen ki ankor reste?  Ki leta sa sant? Nou ti ava apresye senpleman dan lentere letan. Prosen, Onorab Letourdie – adisyonnen.

 

HON JANY DE LETOURDIE

Mersi Minis pour sa larepons detaye.  Minis mon’n konpran ki ou dir sa vedir i reste zis en zanfan la, ki dan progranm rezidansyel ki ankor la. apre ou’n dir i reste 7 staff mon ti a kontan demande an atandan 7 staff ki reste, zot La Misere mon mazinen ou’n dir zot tanporer La Misere, an atandan ki sa sant i pare Cap Ternay. Minis mon ti a kontan demande, eski zot annan nouvo demann?  Eski i annan nouvo marmay la ki lo waiting list, ki ti ava anvi antre dan sant?

 

MR DEPUTY SPEAKER

Mersi Onorab Letourdie.  Eski i annan zanfan ki lo waiting list?

 

MINISTER MITCY LARUE

Mr Speaker wi.  Nou annan demann pou plis zanfan pou antre dan sant, me parey mon’n dir nou pou napa landrwa pou met sa bann zanfan ziska ler Cap Ternay i pare. Mersi.

 

MR DEPUTY SPEAKER

Mersi Onorab Waven William.

 

HON WAVEN WILLIAM

Mersi Mr Speaker, Mr Speaker mon ti a kontan demann Minis, lefe ki  tou sa bann zanfan i sorti dan en distrik e mon konnen ki i annan bann linisyativ ki distrik pe pran, eski Minis ava konsidere lefe ki sa i en konsern akoz nou pe regarde ki i konmans dan lekol primer e monte.

Eski Minis a konsidere dan lefe sa mo kolaborasyon avek korporasyon in sorti for. E mon vwar i bezwen lasistans, eski Minis atraver bann zofisye sosyal a kapab travay pli pros avek distrik, pou mannyer nou kapab regarde ki mannyer nou kapab ede dan sa demars? Mersi.

 

MR DEPUTY SPEAKER

Mersi Onorab. Minis.

 

MINISTER MITCY LARUE

Mersi Mr Speaker.  Mr Speaker nou menm kot Minister nou pe fer en serten resers – ok? Pou vwar si i annan en posibilite ganny landrwa apropriye.  Akoz nou, nou pa anvi aret sa progranm la, esper Cap Ternay ler i pare. Nou ti a kontan kontinyen nou avek byensir korperasyon tou lezot dimoun; ganny plis travayer kalifye, avek korperasyon La Reunion pour nou kapab rann sa servis nou bann dimoun. Nou ti ava apresye si distrik osi ti kapab ed nou trouv landrwa. Akoz landrwa.

Problenm se zis landrwa kot pour nou mete.  Nou’n al vizit en lakaz ki en dimoun ti ofer i dir nou vin gete. Be ler nou al gete, ler nou pe regarde nou pa war li condusive. Premyerman i pa anfermen; i napa ase fasilite i pa pou fasil pour nou met sa bann kalite zanfan. Akoz i bezwen serten lenfrastriktir ki condusive kot zanfan pa pou kapab sove ler zot anvi.  I bezwen annan fasilite. Ou konnen?  Akoz nou pe remarke kot Lakademi ti mank nou serten fasilite. Par egzanp fasilite kwi manze; zanfan ler i la, i ti a kontan fer son prop pti meni li menm. I ti a kontan prepar son breakfast be i napa sa fasilite.  Alors la ou bezwen zis vin anmenn manze kot zot.  Ou konpran?

Alors i annan serten fasilite ki nou bezwen. E sa bann landrwa parey Cap Ternay  ki mannyer i pe ganny konsevwarm li i pou annan tou fasilite; i pou annan tou ki pou kapab vreman met sa bann manrmay dan sa landrwa condusive, kot nou kapab vreman mold zot. E petet ler zot sorti zot diferan.  Mersi Mr Speaker.

 

MR DEPUTY SPEAKER

Mersi Minis.  Prosen kestyon pou Onorab Regina Esparon Manm pou Glacis. Mon mazinen i ase senp en kourt e mon mazinen larepons osi pou ase senp e kourt. Onorab Esparon.

 

HON REGINA ESPARON

Mersi Mr Speaker.  Mr Speaker eski Minis i kapab dir nou an se moman sa bann staff ki reste kote zot baze? E ou’n dir nou dapre ou gran statement i reste zis en zanfan.  E mon panse sa zanfan i La Solitude La Misere. Parey ou ti dir nou zot La Misere, konbyen pe kout Gouvernman Minis, pou mentenir sa sant ki ti la Perseverans kot sa bann ti ete? Konbyen staff ki ankor a plen tan? Konbyen ki lo part time e Konbyen ki pa pe fer nanryen? Ok? Nou anvi konnen Minis.

Epi Minis ou dir nou i annan 4 ki’n ganny desarze, eski ou Minister i satisfe ki sa 4 zanfan ki’n ganny desarze, zot in ok, zot in swiv zot progranm byen e ou satisfe ki ou pe larg zot dan kominote?  Minis en lot pti keksoz mon ti a kontan ou konfirmen.  Konfirm avek nou  poudir La Pointe Larue kot  Kan Larme, zot refize pran sa bann zanfan akoz Desanm i annan en zanfan ti pran en kanmiyon Larme ti cross runway? Zis konfirm avek nou, akoz, ti cross, en tenk larme ti cross runway pou al lot kote, pandan letan avyon ti pe leve.  E se sa pou sa rezon ki sa bann dimoun kot Kan Larme i dir zot pa pou kapab tenir sa bann zanfan ankor!  Mersi Minis.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker, mon kapab konfirm sa dernyen pwen ki pa koumsa keksoz i ete. Mon pa pou al dan detay, me selman pa vre sa zafer  sey koup runway. Non!  Mersi.  Bon ki pe arive avek sa bann travayer ki la, nou annan bann travayer ki la byensir sa bann travayer zot pe travay avek sa zanfan, ki la kot Fwaye pour le moman. Nou bezwen travay avek li e nou pe  esper laranzman avek Minister Ledikasyon, pour li kapab al dan lekol, pour li al swiv son letid. Epi nou esper Tribinal pou donn nou en sa si pou anvoy li kot li. Akoz parey zot konnen nou bezwen esper rapor. Me bann travayer zot menm zot, nou pe met zot dan bann, nou pe les zot nanryen fer nou pe met zot dan bann Fwaye parey President’s Village, kot bann Kouvan la, pou zot travay avek bann zanfan.

Tousala i anba nou responsabilite pour zot kontinyen travay, pour zot kontinyen ganny bann skills neseser. E nou pe menm propoze annou donn zot bann attachment La Reunion pandan sa letan ki nou pe …  Nou pa pe kit zot nanryen fer byensir, akoz zot pe ganny peye. Be selman nou pou kontinyen lo sa progranm ek zot. Pou zot okip zot lekor.  E bann ki’n ale bon i annan ki’n, bann zanfan ki’n ale nou pe fer progranm swivi avek zot.  Ok?  Tou sa bann zanfan i annan bann progranm swivi ki nou fer avek zot menm avek zot paran.

An se moman par egzanp i annan 4 ki’n ale e nou bann travayer sosyal, i fer bann travay swivi avek zot pou gete kot zot ete e raporte osi. Akoz nou pa zis les zot koumsa akoz zot bezwen ganny sivre.  Sankwa zot pou retourn petet pli worse ki zot ti ete.  E byensir zot pe al osi ganny anrezistre e plase lo bann skills development progranm avek Departman Lanplwa. Sa in fini koz ek Lanplwa zot pou al ganny mete anba sa bann skills development program. Pou kapab ed zot pou kapab pratik serten keksoz e vin sa zenn ki nou ti a kontan vwar dan sosyete.  Mersi Mr Speaker.

 

MR DEPUTY SPEAKER

Mersi Minis.  Onorab Esparon.

 

HON REGINA ESPARON

Mersi  Mr Speaker.  Eski Minis i kapab dir nou an se moman konbyen zot pe depanse par mwan pou run sa sant, sa bout snt ki reste?  Epi Minis i annan en loto lwe S8626 ki pe ganny atase avek sant laba.  I ankor pe ganny lwe li, e sa loto dapre konpran i pa pe fer nanryen e fer bann kours prive. Eski Minis i kapab konfirmen ki sa pe ganny peye ek larzan Gouvernman tax payers money e i pa pe ganny fer nanryen pou ed sa bann zanfan?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker, i vre ki ou’n war sa loto me sa loto i pa senpleman atase avek sant rezidansyel.  Sa loto i dan fleet Departman Sosyal. E i pa fer selman travay ek sa sant rezidansyel i fer osi travay, par egzanp pou al fer lezot travay sosyal ki annan pou fer. E byensir zot al osi anmenn travayer ki bezwen al travay dan sa sant rezidansyel, akoz nou bezwen anmenn zot.  Akoz depan ler ki zot fini 7er, 8er diswar, eksetera. Vwala. Me selman nou ava monitor en pti pe parey ou pe dir si napa labi lo transpor.  Mersi.

 

MR DEPUTY SPEAKER

Mersi Minis.  Prosen kestyon Onorab Regina Esparon. Kestyon No. 6.

 

HON REGINA ESPARON

Mersi Mr Speaker.  Eski Minis i kapab dir sa Lasanble, ki plan son Minister pou relocate Vocational Training Centre? Mersi.

 

MR DEPUTY SPEAKER

Mersi.  Minis.

 

MINISTER MITCY LARUE

Mersi Mr Speaker.  Mon pou dir nou napa plan pou relocate sant vokasyonnel pou bann dimoun ki pe viv ek dezabilite ki sitye North East Point. Me parkont nou plan se pou amelyor nivo sa sant; amelyor li regard bann reparasyon ki bezwen ganny fer e osi fer lagrandisman. Akoz i annan en gran bout later akote ki nou bezwen agrandi. E pou rann li pli disable friendly, kot bann partisipan ava dan en lanvironnman pli an sekirite.

Dan en sant ki pou kapab ofer plis servis lo en pli o nivo.  Annefe i annan en tender ki’n fek lanse pou ganny en konsiltan ki pou ede met sa plan re devlopman ansanm avek bi pou konmans konstriksyon par konmansman dernyen kar sa lannen. Sa proze i ekspekte konplete par lafen lannen prosenn. E sa i form par Plan D’Aksyon, dan nou Plan Stratezik pou National Council for the Elderly ki Cabinet in fek aprouve sa mwan. Mersi.

 

MR DEPUTY SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker eski Minis i kapab dir ek nou dan sa plan amelyorasyon ki i pe koz lo la, eski zot pe pran kont pou kapab regard sa problenm delo ki flood par deryer sant letan lapli i tonbe? Kot ki zanfan ki bezwen cross pou li al lot kote; parske an se moman sa pti landrwa travay la i deparpiye en pe partou. Avek main block rehabilitation dan milye, lo kote drwat ou annan ou administration block, lo kote gos ou annan bann workshop e i fer sa difikilte kot bann zanfan i bezwen pas par deryer, pour zot kapab ganny akse avek bann fasilite ki lo kote gos.

E i annan sa konstrent ki letan lapli i tonbe, delo i monte e sa bann zanfan i war zot difisil pou zot traverse. Sa i enn.  Dezyenmman letan lapli i tonbe menm bann ki dan workshop, zot bezwen vey lanbeli pou zot koupe pou al lot kote. I deza annan sa konstrent la ki la an se moman.  Zot napa en landrwa pou assembly si dife i pran.  I annan serten difikilte.  E menm sa administrative block ki la an se moman Minis i pti pti, ni en wheelchair pa kapab pase dan sa koridor. Eski dan sa plan amelyorasyon zot in pran kont tousala? Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker, wi sa problenm delo nou’n deza – Lanvironnman in deza fer en travay pou vwar ki mannyer pou tire, ki mannyer pou met serten drenaz. Me selman travay ki nou pe fer pou amelyore, pou agrandi, pou pran kont tou sa bann keksoz ki ou pe dir  kot petet nou bann zenn pa pou bezwen cross over. I  ava annan en fasilite ki ou konnen?  Zot pou pran kont tou sa bann pwen ki ou’n mansyonnen la  – ki ou’n met ladan ki i bann pwen ki zot pou pran kont letan zot pe fer sa redevlopman antye. Akoz  zot okouran sa problenm drenaz e bann landrwa e  definitivman bann servis ki zot pe donnen ozordi dan sa bann landrwa i vreman ptipti e mwan menm  personnelman mon’n ale fer vizite  enn de fwa me  i annan sa problenm konsesyon – problenm landrwa i sere – napa ase vantilasyon   – i annan tousala. E tousala i pou pran kont dan sa redevlopman sa landrwa.  Mersi.

 

MR DEPUTY SPEAKER

Mersi Minis. Onorab Esparon.

 

HON REGINA ESPARON

Mr Speaker mersi.   Mr Speaker eski Mins i kapab dir nou ki fasilite adisyonnel zot pe anvizaze mete letan zot fer sa amelyorasyon? Parski Minis letan mon ti pe anmenn sa Mosyon lannen  pase i fer egzakteman 1an, pou demande ki sa fasilite i ganny amelyore ki nou ganny en fasilite pou bann dimoun avek dezabilite  ki en pti pe pli modern, apre sa Prezidan ti zwenn mwan, ti demann ek mwan ki mon pe propoze si mon krwar en bout later  ti a ganny donnen kot sa sant  ti ava ganny konstri mon ti dir li wi.  E i en pe etonan t letan mon tann zot, zot pe al renovate sanmenm  sa vye fasilite avek tou bann problenm k ki i deza annan la.  Mersi Mr Speaker.

 

MR DEPUTY SPEAKER

Mersi. Son kestyon se ki bann fasilite adisyonnel ki pou annan Minis?

 

MINISTER MITCY LARUE

Mersi Mr Speaker.  Definitivman fasilite adisyonnel nou bezwen plis landrwa pou nou devlop skill bann dimoun –  bann diferan latelye ki pou ganny fer.  Nou pou bezwen plis latelye pou zot travay. Nou bezwen aranz blok ladministrasyon  – en proper blok administrasyon kot, akoz la avek nouvo Plan Stratezik ki’n ganny aprouve nou pou annan nou en CEO ki pou diriz sa Council for the Disabled.  Li i pare ki prezan Chairperson of the Council ki pou annan son CEO, i pou annan son administrasyon. Alor i pou annan sa fasilite i pou annan sa fasilite ki i pou kapab zere,  pou kapab fer sir ki sa landrwa i ganny tou sa ki nou krwar i neseser.

Akoz an premye nou ti mazinen pou bouz en lot landrwa, me lefe  ki nou annan landrwa deza – nou annan ase lespas;  akoz lo kote isi kote  drwat  i annan en kantite lespas ki nou kapab vreman devlope. Akoz ozordi parey nou konnen nou kapab mont anler – nou kapab fer keksoz pli byen, devlop li pli byen olye ki nou al pran en lot bout later kit la petet a labandon. Mon krwar nou bezwen get dan diferan kote osi pou nou vwar ki mannyer … Me solemn avek tou son bann problenm nou bezwen  fer sir ki sa bann problenm pa repete dan nouvo plan, ki nou fer. Mersi.

 

MR DEPUTY SPEAKER

Mersi Minis.  Bon in ariv 12 me selman i reste nou zis 2 kestyon. Sa 2 kestyon i relye. Parske tou lede i annan pou fer avek lapovrete, mon a permet ki zot dakor, mon a demann Onorab Phillip Arissol i a demann son kestyon e answit Onorab Egbert Aglae i a demann son kestyon e Minis  a pran tou lede ansanm si zot dakor. Alor mon a demann Onorab Phillip Arissol pou poz ou kestyon.

 

HON PHILLIP ARISSOL

Mersi Mr Speaker. Bonn apre midi Minis ek ou delegasyon. Eski Minis pou Lafanmir i kapab enform sa Lasanble ki kantite fanmir par distrik, ki’n ganny en vizit delegasyon sorti kot Departman Lapovrete e ki kalite lentervanzyon e lasistans son Minster pe anvizaze aport ban dimoun konsernen? Mersi.

 

MR DEPUTY SPEAKER

Mersi Onorab Arissol.  Onorab Aglae?

 

HON EGBERT AGLAE

Mersi Mr Speaker.  Avek lentrodiksyon Departman pou lit kont lapovrete e swivan serve  lo  lapovrete  dan Sesel, ki letan aktyel lapovrete dan pei.? Ki mezir ki’n deza komans pran? E ki pou swiv pou adres sityasyon? Konbyen fanmir ouswa endividi ki’n ganny touse?  Ki bann kontrent ki pe retard demars pozitiv adres size lapovrete dan Sesel?  Mersi.

 

MR DEPUTY SPEAKER

Mersi Onorab Aglae.  Minis mon konnen kestyon ler ou  combine tou lede ansanm i pou en pe lour. Me kestyon 8 (b) e 8 (d) i plito statistik so si -. Well 8 (b) pardon 8 (a) e 8 (c) i statistik alor si ou kapab pran sa  7 avek sa 8 (b) e (d) dan en fason ki nou kapab petet donn en larepons petet ase detaye dan en 10 minit. Mon a kit sa avek ou Minis.

 

MINISTER MITCY LARUE

Mersi Mr Speaker.  Mr Speaker lalis bann lakaz ki’n ganny vizite par Departman Lapovrete par distrik i annan  nou an tou 941. E konbyen ka ki’n ganny refer par Departman Lapovrete ki’n  ganny asiste anba sa Scheme; par egzanp URS nou annan 200 ka.  Nou annan osi  bann lezot ka ki mon  ava  donn detay lo la plitar.  Bon premyerman Mr Speaker, pou permet konpran en pti pe pli byen Departman pou Rediksyon Lapovrete ti’n pran fonksyon ofisyel  apartir Fevriye 2019 apre ki i ti’n egziste koman en Sekretarya anba direksyon en Sekreter D’Eta.

Departman i kontinyen sa travay ki komans avek menm Plan Stratezik ki konm swivan;

  • etabli, asir swivi lakoz e lefe lapovrete dan Sesel;
  • Idantifye bann fakter risk dan bann sekter kot i annan problenm;
  • Rekomann stratezik e aksyon  pou ranvers bann tandans lapovrete;
  • Fer sansibilizasyon lo lanfaz lo en servis targete e efikas e ladopsyon e lapros miltiseptoral koman en mwayen pou konbat inegalite sosyal.
  • Siport en lapros pli konzwent e milti-disipliner dan elaborasyon Polisi avek partisipasyon bann konsernen.

E pou permet ki son manda i akonpli avek lefikasite, i neseser ki nou’n prosed avek bann lenformasyon syantifik ki pe permet nou pli byen konpran e define leta lapovrete isi Sesel.

Leta lapovrete isi Sesel i enn ki inik pou plizyer rezon. Premye letid ki ti fer an 2013, lo Household budget survey e ki rezilta ti ganny pibliye an 2015, ti montre ki 39.3 poursan ti konsidere konman pov.  Sa in fer ki bann mezir in ganny pran tel ki revizyon saler debaz, revizyon sekirite sosyal e kreasyon en Sekretarya pou adres lapovrete. En lot letid parey pou ganny konplete a lafen lannen 2019, e sa i a permet nou fer en konparezon. Sa letid la ti pran konsiderasyon moniter selman.

Avek bi pou pli byen konpran sa group dimoun ki ti pe ganny konsidere pov, en 2enm letid in ganny fer pou pli byen konpran kwa ki pe koz lapovrete pou sa bann dimoun. E sa ti en letid targete kot sa 39.3 ti ganny analize.

Zis serten dimoun ki’n ganny selekte e i pa konsern popilasyon  an antye.  Sa letid ti konplete o komansman lannen e rezilta in montre nou ki pa tou ki ganny konsidere pov, ki vreman pov. Me ki lapovrete i sepandan en realite dan nou sosyete; ki souvandfwa ki annan pou fer avek lanvironnman kot dimoun pe viv; kalite desizyon ki i pe pran pou viv son lavi.

Sa i permet nou defini en stratezi pou redwi lapovrete dan Sesel. Nou propoz en  definisyon  lapovrete kler dan konteks Sesel; setadir determinen kwa ki fer en dimoun pov.  Sa definisyon in ganny adopte i lir koumsa;

‘’Ler en endividi oubyen en fanmir i deprive bann bezwen debaz ki permet li viv en lavi desan.’’

Alor en 3enm letid in ganny fer e sa anliny avek standar enternasyonal ki’n ganny etablir par liniversite Oxford, ki permet analiz lapovrete milti-dimansyonnel, avek tou bann endikater lapovrete. Savedir pa pran kont zis reveni, me osi pran lezot dimansyon tel ki ledikasyon, lanplwa, lasante, lozman, lanvironnman e lizyenn, lenfrastriktir, eksetera. Sa pe permet nou devlop en lendeks lapovrete e egalman en data base bann dimoun pov avek zot dimansyon povrete, e solisyon ki devret aplike. An bref, leta aktyel lapovrete dan Sesel, i enn ki’n permet nou definir e pli byen konpran lapovrete siyantifikman dan tou son laspe milti-dimansyonnel i enn ki’n evidan e pa relye zis avek laspe moniter. Leta aktyel pe ganny adrese par bann diferan Lazans e Minister e nesesit responsabilite sak endividi egalman.

Bann mezir ki’n konmans ganny pran, i enkli pli byen konpran vre laspe lapovrete Sesel; donn lapovrete en definisyon konpreansiv; pran tou bann laspe milti-dimansyonnel tel ki lasante, ledikasyon eksetera. Idantifye bann ka lapovrete e determin bann lentervansyon apropriye; fer bann vizit regilye dan kominote; met an plas en High Level forum ki ganny dirize par Prezidan Larepiblik e ki konpri tou sekter sosyete kle. Enkli reprezantan sosyete sivil, reprezantan politik, anmenn ansanm pou diskit lo bann polisi Nasyonal.

Organiz bann klinik kot Manm piblik i kapab anmenn zot konsern; refer bann ka lapovrete a bann Minister lazans e lorganizasyon konsernen pou trouv en solisyon pou problenm sa bann dimoun; Ranforsi bann partenarya e networking avek bann partener; met an plas en Rapid Delivery System Committee. Sa kot nou regroup tou bann lazans konsernen pou lentervansyon rapid lo bann ka irzan. Diriz travay Corgat Estate task force pour ede redwir bann dimansyon lapovrete dan sa kominote Mont Fleuri.

E lezot mezir ki pou swiv i enkli; entrodwi lendeks lapovrete avek bann Ladministrasyon Distrik, pour ki sa lendeks i kapab zere e aplike lo nivo kominote.

Kontiny sa travay konsyantizasyon avek bann partener kle, osi byen ki Manm Parlman.

Entrodwir bann progranm ki pou ed bann fanmir pli byen adres bann sityasyon ki kapab koz lapovrete.

Ranforsi ledikasyon imen dan kominote e lekol atraver bann progranm e swivi. Konmans e progranm psikososyal kot bann fanmir e endividi a benefisye avek bann konsey direk avek bann spesyalis.

E sa bann lentervansyon a ganny fer.  Prezan la nou annan bann lentervansyon ki ‘n montre nou bann rezilta konkret. Par egzanp lentervansyon ki nou’n kapab mezire ozordi, nou’n deza konstri 102 bedsitter atraver pei pou bann dimoun ki tonm dan lapovrete. Nou’n repar plis ki 584 lakaz dan pei. Nou’n azout lasanm oubyen agrandi lakaz ki egziste 8 an tou. Nou’n konplet 20 lakaz kot ti ankor anba konstriksyon e lafanmir kapab konplete anvi lapovrete.  Nou’n annan 28 ki lo proze tender ozordi; nou annan 76 ankour savedir nou pe travay lo la.

Bann ki nou pe travay lo son scope nou annan 44.  Bann lezot ka ki anba konstriksyon i annan 157 e nou’n plas  227 kliyan anba URS programme. E sa in a en kou, nou Bidze ti 10 milyon pou 2019 e nou’n depans ziska maintenant 7.9 milyon.  Nou’n plas en pe kliyan avek APDAR pou reabilitasyon, nou’n donn lasistans sosyal bann dimoun ki’n tonm anba lapovrete e se sa i annan nou R40 milyon anba, dan fon e nou’n ed 1300 fanmir pe ganny lasistans.

Nou’n donn lasistans anba Dedicated Fund primer 863 zanfan ziska Zen 2019, segonder 406 zanfan sa nou ti annan nou en Bidze 4.5 milyon. E sa pou ede pou zanfan pa reste dan lakour me zot kontinyelman attend zot ledikasyon. Nou’n menm pey serten bill elektrik ek delo pou bann dimoun ki tonm dan lapovrete. Nou’n plas 6 dimoun aze dan Home ki ti dan bann sityasyon difisil, travayer sosyal ek lafanmir in osi anmenn sipor lo nivo counseling ek life coaching pour ki bann fanmir i kapab pran zot responsabilite pli serye.

E sa progranm psikososyal nou pou ranforsi li akoz nou’n vwar nou annan mank la, nou pou ranforsi li e nou pou fer osi swivi par Minister la ki nou pe al met en striktir byen ankadre e an plas, kot nou pou anmenn bann ex-teachers, ex-nurses ek lezot travayer sosyal ek lezot endividi ki enterese pou donn en koudmen ansanm, pour nou anmenn sa sipor adisyonnel kot bann fanmir pou anpes zot tonm dan lapovrete ennfwa ki zot in ganny ede.

E la nou pou al met en ‘’Expression of interest’’ lo Nasyon pou demann partisipasyon bann ki enterese, pour nou kapab fer serten training neseser e pou demar avek sa travay psikososyal apartir Zilyet at full force. Sosyete sivil pe osi donn nou zot sipor kontinyel pou ede ki dimoun i sorti dan lapovrete. E pour nou  Bidze 2016 lo kad lozman reparasyon donn  bann dimoun pou 2016 nou ti annan nou R17.7milyon; 2017 nou ti annan nou R22.2; 2018 R15.6milyon e 2019 nou annan nou R 10mioyon e nou’n met en prozeksyon pou 2010 R15milyon.  Mersi Mr Speaker.

 

MR DEPUTY SPEAKER

Mersi Minis. Onorab Wavel Woodcock.

 

HON WAVEL WOODCOCK

Minis ki kalite synergy ki annan ant Departman Lapovrete avek bann lezot Minister? Sirtou kot i konsern bann  dimoun ki pe reste dan bann kondisyon lapovrete – dan bann kondisyon deplorab. Parey  en konparezan Grand Anse Praslin i annan bann case ki mon’n met devan 2 ka; 2 lakour Mont Plaisir, 2 Bel Air, 1 St Sauver kot en fanmir 15 pe reste dan en sel lakaz, dan ki dan vre move kondisyon. Avek ki Departman Lapovrete pou liaise  avek pou amelyor leta sa bann dimoun? Eski zot pou liaise avek Lazans Proteksyon Sosyal? Ouswa avek MHILT?  Konmsi eski i annan en Bidze spesifik ki zot, zot servi pou parey fer lakaz ouswa ede amelyor kondisyon ki bann dimoun pe reste ladan? Mersi.

 

MR DEPUTY SPEAKER

Mersi. Minis.

 

MINISTER MITCY LARUE

Mersi Mr Speaker. Mr Speaker sinerzi parey mon’n dir, parey dir dan en bout la kot travay avek diferan Lazans. Lazans Minister Lenfrastriktir nou travay avek Local Government, Lazans Proteksyon Sosyal tousala.  Akoz ler ka i vin kot Lapovrete, Lapovrete li i annan son vizit ki i fer. Ok?  I vin fer son vizit, lezot dimoun i al lo teren i fer, i anmenn sa problenm par egzanp; let’s say i anmenn sa problenm i konsern lenfrastriktir. Kote lakaz i annan en problenm lakaz, si i en bedsitter ki nou bezwen fer en bedsitter ok, sa bann dimoun kot Local Gouvernment i vin vizite i annan scope of work ki ganny fer e la travay lo la i ganny tender.

I annan en Vetting Committee osi, lo sa Vetting Committee i annan dimoun dan Finans, i annan dimoun Local Government, dimoun dan kote ASP.  Konmsi tou sa dimoun i lo la akoz  ler sa case i vin kot Vetting Committee ki ozordi pe zwenn 2fwa par semenn akoz akoz en fwa i tro pti gin.

Alor i pe vin defwa par semenn kot zot bet sa bann, apre la travay, sa proze i al lo tender e byensir i ganny met lo tender e kontrakter i ganny sa louvraz e pou ganny fer. Pa vedir sa sinerzi i al enpe partou li i pa zis nou.  Nou, nou annan nou rol ki nou zwe avek lezot Departman. Si i konsern lasistans sosyal par egzanp sot al, nou refer sa case avek Lazans Proteksyon Sosyal e zot zot fer zot travay dan sa kote. Si i konsern pou fer lakaz en dimoun ki bezwen sorti ganny re-locate, sa i ganny fer avek MHILT pour li refer son travay.

Konmsi i annan diferan lazans, me petet an-menm-tan mon ti a kontan fer resorti nou annan en bon pe problenm osi ki nou vizaze, ki nou anvizaze, bann konstrent ki nou gannyen atraver bann keksoz ki nou pe fer. Par egzanp mon pou donn zot enn de legzanp bann konstrent en? Nou annan mank mendev kalifye premyerman dan lorganizasyon Lapovrete dan nou Departman nou napa ase dimoun pou fer sa bann travay sirtou swivi akoz nou bezwen fer bann swivi apre pou vwar ki bann travay in ganny fer bann dimoun in pase dan lanplwa, ki zot pe fer.

Fanmir ki ganny vizite tousala i bezwen ganny vizite tousala i bezwen ganny fer atraver nou Minister pou fer atraver nou Minister pou fer sa swivi. Akoz once en dimoun in ganny en lakaz in aranz son lakaz nou pa kapab les li, li tousel. Akoz nou bezwen al kondwir li la siport li pou anpese ki i retonm dan lapovrete, oubyen i pa ti pe travay nou met li dan lanplwa. Nou bezwen followup pou vwar ki pe kontinyen dan lanplwa, me i pa pe arete apre i retourn ankor dan lapovrete – ok? Savedir nou annan mank en pti pe mankman mendev la apre lakantite kontrakter ki disponib osi pou fer bann travay a la oter sa osi i en problenm.

I annan tro bokou travay me i annan mwens kontrakter pou fer sa bann travay. E lot pwen pli enportan nou ganny bokou problenm lo drwa propriyete ek later.  Souvandfwa nou annan dimoun ki dan lapovrete zot pe reste lo later zeritye e i annan Manm ki pa ou le donn zot permisyon pou aranz zot lakaz. Oubyen refer zot lakaz oubyen zot pe reste lo later prive e sa bann dimoun pa ou le alor la nou i annan defwa nou oblize tir sa dimoun rod en bout later Gouvernman al fer bedsitter e met li laba dan sa bedsitter si selman, parey bann vye dimoun sirtou nou ganny sa.

Apre nou ganny nou bann fanmir osi. So, ou vwar i annan en kantite konstrent e nou bezwen travay tre pros avek  sa bann kontrakter pou konpran zot an-menm-tan pou ed zot delivre on time. Ou donn 3 mwan pou fer bedsitter souvandfwa 3 mwan pa arive. Alors ou bezwen annan sa negosyasyon, kominikasyon konstan avek sa bann …. Akoz zot pe seye me i annan bokou pou fer. E nou annan osi proze tender i annan defwa ki pran en pe letan, vwala en pti pe nou bann konstrent. Mersi bokou Mr Speaker.

 

MR DEPUTY SPEAKER

Mersi mon annan, mon’n ferm lalis la mon annan 4 dimoun apard sa 2 dimoun ki’n demann kestyon. Mon a les sa 2 ki’n demann kestyon pou vin dernyen me mon a demann Onorab Waven William parmi sa 4 pou poze son kestyon. Silvouple annou sey et bref e Minis osi, pli bref ki ou kapab akoz mon ti a kontan fini by12.30.  Mersi Onorab Waven William.

 

HON WAVEN WILLIAM

Mersi Mr Speaker.  Mr Speaker mon anvi demann Minis lefe ki atraver bann target devlopman soutenab, sa target 16 i ase enportan. Mon anvi demann Minis son Minister i a vreman konsidere sa laspe atak sa problenm avek sitan en partisipasyon elarzi avek enklisiv. Rezon par deryer sa Minis se ki mon santi pou dir avek sa sityasyon mank mendev petet o nivo bann distrik mon avek mon kestyon ki monn demande taler sa problenm transfer lenformasyon.

Eski i santi pou dir i annan serten regilasyon i bezwen sanze parmi bann problenm ki zot fer fas avek akoz mon santi ki pou dir distrik parfwa anvi ede. Ou per pan lotorite distrik me selman nou pe rankontre bann konzwent par egzanp ler ou bezwen serten lenformasyon pou ou travay avek ou ganny dir pou dir be non ou pa sipoze annan sa bann lenformasyon ou. Aktyelman nou annan bann taks for ski anvi fer serten travay, me selman akoz i annan en baryer teknik donn lenformasyon.

O nivo distrik i fer li vreman difisil pour nou kapab sivre bann ka. E i annan plizyer ki mon kapab ki mon kapab met devan ou me selman mon santi pou dir sa transfer lenformasyon e kominikasyon mon krwar in en baryer pou kapab permet dimoun vreman fer en bon travay. Mersi.

 

MR DEPUTY SPEAKER

Mersi Onorab. Konstrent lenformasyon Minis.

 

MINISTER MITCY LARUE

Mersi Mr Speaker.  Mon krwar taler mon’n dir dan mon sa. Kot nou pe devlop en lendeks lapovrete oubyen nou apel sa en database. E sa kot nou pou ganny li, nou pou de soz li o nivo distrik sirtou kot bann DA pou ganny tou sa bann lenformasyon. Apre byensir i annan Council ki kapab konnen apre bann MNAs osi dan distrik zot a ganny sa bann lenformasyon pou zot kapab konnen egzakteman. Me petet partisipasyon elarzi wi byensir.

Nou devret annan par egzanp les mon a dir en fason, ler nou al vizit, mwan osi mon ale vizit konman Minis. Selman gete i annan dimoun ki war mwan dan piblik ki vin vwar mwan apre mon nesesit en vizit. E ler mon al vizit otomatikman nou demann DA pou akonpanny nou, DA travayer sosyal pou akonpanny nou akoz sa i bann dimoun lapovrete bann dimoun ki nou bezwen lo teren.  Ok, nou pa tro anmenn MNA oubyen Council me nou anmenn DA avek travayer sosyal avek lezot dimoun lo teren apre lenformasyon i kapab pas avek lezot dimoun.

Nou pa tro anvi ler nou al en vizit nou anmenn en gran delegasyon sepa ki longer, me at least nou annan bann dimoun spesifik ki nou bezwen fer sa travay bouze.  E bouz vit, mersi Mr Speaker.

 

MR DEPUTY SPEAKER

Mersi.  Onorab Chantal Ghislain.

 

HON CHANTAL GHISLAIN

Mersi Mr Speaker bonzour tou dimoun. Minis ou’n donn detrwa sif par egzanp bann lakaz ki pe ganny konstri bann bedsitter and all.  Mon kestyon i ki mannyer s pou marse, lefet  ki sa bann dimoun zot deza dan lapovrete, eski zot pe rann sa larzan ki zot in konstri zot lakaz, ki’n ganny konstri?  Ki mannyer sa pou marse osi dan bann ka kot bann lakour ki dizon ou’n azout en bout lasanm ek en dimoun. Ki mannyer sa pou marse?   E apre  osi Mr Speaker dapre  en survey  ki ti ganny fer ki ti ganny prezant avek Komite Madanm, ti annan en sif  zafer pli gran poursantaz bann dimoun ki pe viv dan lapovrete se bann madanm ek bann zanfan.

Ki ou Minister pe fer pou avek dan sa bann ka koumsa? And eski in ganny vwar ki laplipar sa bann madanm, zot pe viv zot tousel osi e bann zanfan osi ki ler i pe dir viv dan lapovrete kwa ki vreman nou pe koz lo la. E apre ou pa’n donn nou sif wi i annan sa poursantaz ki ou’n donnen. Nou, nou ti a kontan konnen konbyen lo sa popilasyon 90mil Seselwa ki pe viv Sesel, konbyen dimoun vreman ki pe viv dan lapovrete Sesel?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MITCY LARUE

Mersi Mr Speaker.  Premyerman mon ti a kontan zis fer remarke ki lefe ki sa bann dimoun i dan lapovrete, nou’n donn zot en bedsitter nou’n konstri en bedsitter pou zot, oubyen nou’n repar zot lakaz.  Non, zot napa nanryen ki zot bezwen rann, akoz si nou demann zot pou rann savedir nou pe remet zot ankor plis dan lapovrete. Nou zis amelyor zot sityasyon apre nou remet zot ankor dan lapovrete so zot pa rann. Dezyenmman sa survey ki’n ganny fer parey mon’n dir sa premye survey 2013, sa ti en survey lo nivo Bidzeter.

E nou’n fer en survey sa lannen kot nou ti pran 5mil lakaz, 5mil household e sa poursantaz ki ti ganny dir la ti pou sa 5mil household.  Me nou pou ganny kantite nivo lapovrete nek an Desanm, ler nou pou ganny dernyen final ki pou ganny fer, la nou a konnen be selman sa ki nou pe dir pa i zis sa 5mil household ki nou ti vizite – bann targeted ones ki ti ganny tire dan sa kantite  ki nou ti fer an 2013. Me an menm tan ti annan en kantite travay ki’n ganny fer pou tir sa bann dimoun dan lapovrete parey mon’n dir nou ogmantasyon saler ki nou’n donnen la par egzanp i annan saler minimum ki pou ganny monte.

Bann dimoun aze ki’n ganny plis sa, tousala i ede  pou tir dimoun. Bann lakaz  ki’n ganny repare e bann ki’n ganny met dan lanplwa e sa i bann keksoz ki’n tir dimoun dan lapovrete. So, definitivman lo kote bann zanfan ki zot pe dir nou pe koz bann zanfan, be ler nou pe koz bann zanfan nou pe get bann fanmir.

Souvandfwa i bann fanmir ki bann manman ki pe, ki at the head of the household, napa papa la, napa, ki son papa in al dan drog, ouswa pa la i avek en lot partner ouswa … Se sa kantite travay.  Se la kot nou group psikososyal pou antre pou kapab travay avek sa bann fanmir.  Si sa manman i bezwen ganny met dan lanplwa, nou bezwen met li.  Empower li pou li al dan lanplwa. I annan defwa zot nivo ledikasyon pa permet zot ganny en lanplwa osi o me nou konmansman avek URS spre nou konmans met zot dan lezot lanplwa. Me i annan en travay spesifik ki sa striktir psikososyal pou fer avek sa bann fanmir pou nou kapab rezourd sa problenm.  Mersi.

 

MR DEPUTY SPEAKER

Vitman Onorab Ghislain.

 

HON CHANTAL GHISLAIN

Mr Speaker en pti pwen leklersisman. Minis in nonm en pwen poursantaz la, eski ou pe dir nou sa 40 poursan lapovrete ki nou ti pe koz lo la, in zis parmi 5mil lakaz?  Pa … ? Ki mannyer i ete sa?

 

MR DEPUTY SPEAKER

Mersi.  Minis.

 

MINISTER MITCY LARUE

Sa 40poursan ki ti fer 2013 sa zot ti fer popilasyon lo zot Bidze.  En?  Me la nou’n fer en lot ki lo 5mil lakaz ki ti ganny trouve dan lapovrete.  5mil lakaz.  La sa survey in ganny fer la.   E la kot nou’n vwar lapovrete i pa selman dan o nivo finansyer, me i annan lezot dimansyon ki nou’n mansyonnen.  Me nou pou fer dernyen survey.  La rezilta pou donnen an Desanm e sa rezilta Desanm pou donn nou poursantaz lapovrete dan Sesel. Ok, nou a kapab  konpare la.   Mersi.

 

MR DEPUTY SPEAKER

Mersi Minis.  Onorab Flory Larue.  Annou al ase vit parske i 12:27.

 

HON FLORY LARUE

Mersi Mr Speaker.  Mr Speaker kontinyen lo statistik enn bann key findings ki’n ganny fer dan sa 5, 910 lakaz avek son 22, 215 zabitan, i dir nou ki i annan 398 lakaz ki annan key findings ki napa treated water.  79 i san elektrisite, 68 sa bann lakaz where found napa toilette facilities e 63 fanmir ti pe reste dan bann lakaz made from earth.  Mon ti a kontan demann Minis, lefe ki zot ti annan, zot konnen lekel sa bann dimoun avek bann problenm spesifik; eski tou sa bann dimoun in fini ganny alleviate zot bann problenm dan sa bann figures ki ou’n donnen?  Mersi.

 

MR DEPUTY SPEAKER

Mersi Onorab, Minis.

 

MINISTER MITCY LARUE

Mersi Mr Speaker, wi Mr Speaker nou konnen sa bann ka la mazorite zot in ganny vizite e travay pe ganny fer, i annan ki problenm, i annan ki zot sityasyon in ganny fini, i ganny travay lo la in fini.  Sa ki ti bezwen bedsitter zot ti bezwen sorti kot zot ete ti dan en pti shack in ganny mete.  Sa ki lakaz i annan problenm in ganny mete. Sa ki ti napa problenm in ganny mete, sa ki ti napa lanplwa tou sa bann keksoz nou pe pran kont e nou pa pou dir ou tou ki’n ganny. Nou pa kapab fer tou parey mon’n dir nou annan serten konstrent me, nou pou dir en bon pe poursantaz sa bann dimoun zot sityasyon in ganny amelyore.

E nou pe travay ankor ziska Desanm pou fer sir ki la mazorite zot i ganny, zot problenm i ganny adrese.   Akoz i annan parey mon’n dir i pa neseserman i annan en gran problenm me i annan problenm kot dimoun osi i bezwen zot menm tir zot dan lapovrete.  Nou’n dir ou me ou pa retourn ankor. Nou met ou dan lanplwa ou pa arete retourn dan lakour pa travay. Ou bezwen ou osi pran responsabilite ou lavi e nou ed ou e nou diriz ou.  Me bezwen anmenn sa sipor, i annan dimoun ki bezwen sipor e se sa ki nou pou annan sa striktir pou kapab siport bann dimoun pou fer zot pa retourn ankor dan lapovrete. E sorti latet anler e bouze devan, se sa ki nou anvi fer mersi.

 

MR DEPUTY SPEAKER

Mersi Minis.  Vitman Onorab Larue.

 

HON FLORY LARUE

Mr Speaker mersi.  Mersi Minis me mon pa santi ki Minis in rann mwan larepons. Ok, figures final ti sorti an Out 2018.  Dan sa, an Out 2018 final figures ti ganny servi e ki lanmenm ler survey ti fini.  Letan survey ti fini zot ti dir telman i annan bann ka irzan fodre dil avek avan rezilta i sorti. Letan rezilta i sorti survey in dir nou i annan 398 lakaz avek sa bann problenm swivan; 79 napa elektrisite, 68 napa toilette facilities, 63 fanmir pe reste from houses made from earth.  Eski zot in deal ek tou sa 398 ka lakaz pou donn zot en solisyon akoz these are the critical ones?  Mersi.

 

MR DEPUTY SPEAKER

Eski zot in dil ek bann ka kritik Minis?  I wi ou non.

 

MINISTER MITCY LARUE

Mersi Mr Speaker.  Mr Speaker taler mon’n dir nou’n vizit 941 lakaz nou. Nou’n vizit 941. Mon’n donn sif konbyen lakaz – nou’n aranze – konbyen bedsitter nou’n fer.  Tousala i tonm dan kad bann dimoun ki ti dan lapovrete ki ti tonm dan sa  batch ki ou pe nonmen la. Mon pa pou kapab dir ou nou’n tir tou! Nou pa pou kapab tir tou nou en sel kou. Non.  Nou annan plizyer konstrent me, nou annan en bon pe sa bann problenm ki ou pe dir la, lakaz anter lot la.

I bann problenm kot zeritye – nou pa pe ganny permisyon pou antre pou fer sa bann lakaz. E sa i bann problenm kot nou, nou bezwen esper sa fanmir take ownership sort out sa zafer later. Vin kot nou avek dokiman e nou, nou fer travay.  Akoz nou la pour nou rezourd problenm tou dimoun no matter lekel li kote i reste. Me nou’n fer otan mon pou dir plis  ki nou ti’n devret fer.

 

MR DEPUTY SPEAKER

Mersi Minis.  Onorab Regina Esparon.

 

HON REGINA ESPARON

Mersi Mr Speaker.  Mr Speaker zis en pti kestyon. Eski Minis i kapab dir nou parmi sa bann lazans ek bann Minister lekel ki responsab pou priyoritiz bann case?  Pou dir ki sa enn i irzan sa enn i pli irzan ki lot? Parski nou lo kote Glacis Onorab Pillay i kapab konnen nou annan en case Machabee ki Prezidan ti vizite kot bann Simara, 2an in pase Minis.  Sa bann dimoun zot dan lapovrete.  Zot dan en sityasyon terib e zot case i ankor pe trennen. Mersi Mr Speaker.

 

MR DEPUTY SPEAKER

Mersi, kestyon tre kler lekel ki responsab – final.

 

MINISTER MITCY LARUE

Mersi Mr Speaker.  Mr Speaker parey nou’n dir bann case lapovrete i anvoye Vetting Committee. E ler lo Vetting Committee ki annan tou sa bann diferan partner lo la, se la ki zot priyoritiz e bann case i ale i anvoy kot tender i ganny met tender apre i ganny konmans konstri. Ou konpran? Pa ni mwan pa ni lezot dimoun ki fer sa.  Be selman si ou annan en case la, nou ava regard dan sa case ki ou pe dir kote i ete, nou ava pran ka neseser avek. Mersi.

 

MR DEPUTY SPEAKER

Mersi Onorab Phillip Arissol.

 

HON PHILLIP ARISSOL

Mersi Mr Speaker.  Vi ki survey ti plito targete, eski ou Minister pa’n mank tro bokou dimoun ki tonm dan sa kad petet ki pli bezwen lasistans? Mersi.

 

MR DEPUTY SPEAKER

Mersi Onorab, Minis.

 

MINISTER MITCY LARUE

Mr Speaker mon pa pou dir petet pa’n ganny, me selman nou osi ganny en bann ka  kot bann dimoun i raporte.  Ok?  Sa i bann ka ki’n vizite. Me nou’n osi ganny bann ka kot dimoun i raporte. Dimoun i kapab zis vin par egzanp zot vin kot mwan, zot dir ou pou dir nou annan en ka la 2 ka e nou la nou anvoy dimoun vizite.  Ou kapab annan en MNA i dir nou sa nou annan lezot dimoun annan defwa i anvoy ou bann ka kot aprezan nou vizite. Kot aprezan nou, nou tonm dan sa kad parey nou, nou pe koz lo la. Ok? savedir sa i ganny fer.

Manm fanmir i vini i dir ek ou mon annan mon fanmir laba, prezan ou demann li konman fanmir ki  ou pe fer? Aprezan ki nou, nou pou fer pou vin zwenn ou dan semen? Ou konpran nou sey zwenn ansanm ek fanmir osi.  Mersi.

 

MR DEPUTY SPEAKER

Mersi Minis.  Onorab Aglae.

 

HON EGBERT AGLAE

Mersi Mr Chair. Minis mersi pou ou larepons e travay ki zot pe fer. Minis ou’n nonm en sonm Bidze ki prezimen pou apepre 15milyon lannen prosen. Eski ou santi sa larzan pou ase pou kapab clear bann back log ki deza egziste? E dezyenmman Minis bokou bann progranm anba sa Bidze pe ganny anver lenfrastriktir. Minis eski ou kapab donn en garanti ki Gouvernman pe depans en ta larzan pou ed sa  bann endividi ouswa  sa fanmir.

Ki sa bann fanmir osi i annan en metod ouswa i annan en metodolozi ki ganny servi pou fer ki zot osi zot bezwen kapab afen  ler in fini, annan en maintenance plan, e kot zot pran responsabilite pou sa depans ki Gouvernman in fer?

E dezyenmman Minis si zot pe fer osi, sirtou bokou lapovrete pe ganny asosye avek labi sibstans?  E kot fanmir pa pe kontribye antre fanmir i kapab annan 5 dimoun ki travay me ladan i annan zis enn ou 2 ki kontribye.

Ki bann petet mon ti a demande, ki annan serten kondisyon ki ganny atase ler zot pe ed en fanmir pou fer ki bann fanmir, i kapab ansanm kolabore finansyerman, pour zot kapab osi ed zot lekor ler zot in fini pas sa staz led avek Gouvernman? Mersi.

 

MR DEPUTY SPEAKER

Mersi Onorab. Minis 3 kestyon eski R15 milyon i ase? Plan maintenance? Eski zot pe pran larzan byen avek tou manm?

 

MINISTER MITCY LARUE

Mersi Mr Speaker.  Mr Speaker parey mon’n fek dir nou, letan nou fer en maintenance ek en lakaz, i annan defwa i annan fanmir ki annan serten travay ki zot in deza fer zot menm. Zot in kontribye zot. Zot in fer, par egzanp i annan fanmir ki nou’n konmans fer son lakaz be in bite dan semen. E la nou vin nou antre nou donn zot, savedir zot annan en kontribisyon ki zot in fer. Lo kestyon maintenance wi se sa ki nou annan sa striktir ki nou pe met an plas.

Akoz dimoun bezwen ganny edike, nou donn ou sa ozordi prezan ou ou pou bezwen konnen ki mannyer ou pou mentenir sa. Pour ki ankor dan 1 an nou pa retournen vin donn ou menm bedsitter. Ou konpran sa group ki nou pou met an plas se sa bann dimoun ki pou travay avek sa bann dimoun one to one dan zot kominote. E nou, zot pou raporte e nou pou fer swivi pou fer sir ki sa dimoun i konnen ki annan.

I annan dimoun ki annan problenm parey mon’n dir ou pa konn fer son Bidze sa osi pou antre. Kot nou pou montre zot ki mannyer zot pou fer zot Bidze. Bann ki pa pe travay i a ganny met dan lanplwa ganny swivi.  Sa swivi ki enportan nou pa’n annan, nou pa’n annan dan lepase se sa ki nou bezwen met an plas sa striktir e son swivi raporte, pour nou vwar pou dir i annan progre e ki dan ankor lannen prosenn nou pa pe vwar menm dimoun ki pou tourn ankor ki pe tonm dan lapovrete. Ou konpran?   So vwala en pti pe kote nou anvi ale e an-menm-tan nou pou demann dimoun pou zot pran  responsabilite byensir,  akoz nou’n donn ou la, nou pa pou kapab donn ou tou le lannen!

Ou pou bezwen ou osi pran ou responsabilite ki mannyer ou met en pti larzan de kote pou mentenir ou lakaz. Fer tou dimoun dan lakour kontribye, pou ou kapab vreman zouir en meyer lavi dan ou lakaz.  Ok?  I annan tousala ki nou bezwen fer.  I travay pa fasil, difisil me nou bezwen sipor tou dimoun.  Mersi.

 

MR DEPUTY SPEAKER

Onorab Aglae.

 

HON EGBERT AGLAE

Minis mersi pou ou larepons.  Minis eski zot annan petet baze lo sa bann survey ki zot in fer. Sa bann lenformasyon ki zot in anmase e Bidze ki zot pe travay avek, eski i annan en time frame pour ki, vi ki stratezi lapovrete i en size ki pe monte tanzantan; Pou zot adres sityasyon lapovrete e fer ki sa poursantaz ki egziste i vin lo en poursantaz akseptab. Eski zot annan en dele letan petet 2 an, 3an, 4an? Mersi.

 

MR DEPUTY SPEAKER

Minis.

 

MINISTER MITCY LARUE

Mersi Mr Speaker.  Mr Speaker nou pa pou kapab donn en dele letan me selman nou lobzektif prensipal se redwir lapovrete a en nivo ki akseptab dan pei. E nou, nou travay i ver sa bi sa lobzektif prensipal ki nou annan. Mersi.

 

MR DEPUTY SPEAKER

Mersi Minis e avek sa nou ariv a lafen nou Question Time ki nou fini 8 kestyon. Mon ti a kontan remersye Minis Madanm Mitcy Larue ki’n vini bomaten ansanm avek son delegasyon, Mrs Melanie, Mr Laurence, Mr Marcus Simeon e Mrs Marie-France Prea e nou ti ava eskiz zot parmi nou.

 

(MINISTER MITCY LARUE AND HER DELEGATION WAS EXCUSED FROM THE HOUSE)

 

 

MR DEPUTY SPEAKER

Bon mersi bokou, zis en pti lanons ABC, Komite ABC pou zwenn 1.15 ozordi. Alor mon ti a demann tou bann Reps e Leaders ki pe vin sa meeting. Nou demann en leskiz ankor pour sa Komite HIV, AIDS and SRHR ki ti sipoze zwenn 12.15 pm e mon mazinen ki zot pou konmans toudswit. E avek sa nou pou adjourn ziska 2er apre midi.

 

(BREAK)

 

MR DEPUTY SPEAKER

Bonn apre midi tou bann Manm Onorab.   E piblik ki a lekout.  Apre midi nou pou pran lo nou Order Paper sa Tourism Development Bill 2019 ki zot a rappel nou ti deza fer First Reading e nou ti konmans Second Reading.

Annefe Manm ti’n deza konmans deba lo merit sa Bill nou ti fini sa deba e answit nou ti menm pran en vot lo merit sa Bill.  Me swivan sa dan Reply Minis Didier Dogley nou Reply sa Bill i ti enform nou ki zot ti panse ki i ti neseser ki son Minister i konsilte ankor avek bann dimoun dan sa lendistri ; i konsilte ankor avek Manm Lasanble e lezot akter prensipal dan sa lendistri.

E swivan sa in annan detrwa renyon lo nivo Bills Committee Lasanble Nasyonal kot bann Manm ti ganny envite Minis Tourism avek son PS e son bann lezot travayer ti vini pou donn nou en pe plis leksplikasyon lo Merit e bann detay sa Bill li menm.

E swivan sa zot ti tonm dakor ki petet ti annan serten amannman ki pou ganny fer avek sa Bill.  E zot ti alors soumet sa bann amannman avek Bills Committee konman bann sanzman ki pou annan dan sa main Bill ki’n deza devan zot e ki’n fini ganny pibliye.

Byento konman nou a kontiny nou travay lo la nou ava demann Minis, alor pou donn nou detay lo sa bann sanzman ki zot in fer avek sa Bill avan ki nou kontiny travay dan Committee Stage lo sa Bill. Alors se sa en pti pe vreman kot nou été lo sa Bill.

E mon ava alor demann a sa staz, mon ava demann Parliamentary Reporter pou silvouple demann Minis pou Tourizm pou li zwenn nou dan House.  Mersi.  Bon mon ti a kontan swet labyenveni Minis pou Tourizm Lavyasyon Sivil, Por e La Marin Mr Didier Dogley e osi swet labyenveni PS pou Tourizm Mrs Anne Lafortune, Principal draftsperson Mr Samuel Verghese, Direkter Devlopman Prodwir Mrs Sina Lefcovich e Direkter Policy Research Monitoing and Evaluation Mrs Bernice Serarathnee.  So byenveni parmi nou.

E avek sa Minis mon ti pe zis brief – brefman bann Manm lo devlopman ki ou ti fer ou Right of Reply dernyen fwa e swivan sa nou annan detrwa renyon Bills Committee kot zot in prezant nou avek zot pwennvi. E swivan sa diferan entervansyon ki’n koz lo bann lamannman.  E finalman bann amannman ki zot Minister ti prezante avek Bills Committee.  So mon a donn ou laparol Minis pou konmanse, zis pou dir nou kot nou été vizavi Bill ki ti premye ganny prezante e kot nou été ozordi vizavi sa Bill.

 

MINISTER DIDIER DOGLEY

Mersi Mr Speaker.  Bonn apre midi Mr Speaker e tou bann Onorab.  Mr Speaker travay ki nou fer avek Bills Committee i en travay ki’n mars tre byen e mon ti a voudre remersi Onorab Bernard Georges e tou bann Onorab ki’n partisip dan bann diskisyon.  I en diskisyon ki’n tre konstriktif e nou travay pou fer sir poudir keksoz i bouz devan.

E aprezan mon krwar nou annan en Bill ki mon krwar laplipar nou ase konfortab – en draft Bill ki nou tou nou ase konfortab pou nou kapab bouz devan avek.  Bann main sanzman ki nou’n fer se anba si nou get sa nouvo draft anba Seksyon 3, nou’n tir tou bann fonksyon Minister.  Akoz lo ler nou ti vini ti annan bann deba si i ok pou annan fonksyon en Minister dan en Act ouswa dan en Prozedlwa ouswa si i devret ganny gide par Konstitisyon ki deza fer provizyon pou sa.

E apre bann diskisyon e bann refleksyon ki nou, nou’n fer, nou vwar poudir i fer plis sans pou retir bann fonksyon e fer antre bann obzektif ki direkteman i annan pou fer avek sa Prozedlwa.  Alor si ou pou regard ladan i pou nepli annan sa bann fonksyon ki avan nou ti mete.

2enm sanzman prensipal ki nou’n fer i anba Seksyon 4, la nou senpleman fer antre ki nou donn pouvwar Minister e Minis, pou fer ouswa kre bann Lotorite avek bann Agencies.  I pa ki nou annan lide al kre Lotorite ouswa Agencies. Lide se ki nou annan en Framework Act ; savedir nou annan en sel Lalwa pou touris.

E la parey nou annan STB – Seychelles Tourism Board, ki i annan son prop Lalwa, lide se ki dan le fitir ki olye ki nou annan plizyer bann diferan morso Prozedlwa, ki i annan zis 1.  E bann lezot par egzanp pou bann Lotorite ki a tonm direkteman anba sa sel Lalwa koman Regilasyon.

3enm sanzman ki nou’n fer se ki nou fer antre anba policy sa i sa nouvo part 4 ki donn pouvwar Minister pou fer bann policies pou adres bann keksoz ki annan pou fer avek akomodasyon, boat charters, dive centers, dive operators, restoran eksetera.

4enm sanzman i anba part 5 Seksyon 6, sa i annan pou fer avek klasifikasyon kot ti annan en kantite deba. E an zeneral nou’n tonm dakor avek Bills Committee ki aprezan zis i ki sa klasifikasyon sistenm i pou mandatwar zis pou bann lotel par lao konmansman 51 e plis lotel. Bann ki par anba 51 lasanm, pa pou bezwen swiv sa classification system.  I pou opsyonnel pou zot. Savedir bann ki ava enterese zot ava join ; bann ki pa enterese i pa pou mandatwar pou zot swiv sa classification system.

Me selman a sa pwen, mon ti a voudre fer resorti ki poudir sa bann detay, si fo met li dan sa Prozedlwa li menm, nou devret fer provizyon, ki bann detay i ava antre dan regilasyon e non pa dan son main Lalwa li menm.

Regilasyon apre definitivman i pou bezwen pas atraver Lasanble, zot ava war alors pou fer sir poudir sa bann Provizyon i antre dan Regilasyon.  Akoz si ou met li dan Lalwa sak fwa oule sanze ou pou bezwen retourn dan Lasanble pou fer sa bann sanzman.  E normalman i pa sipoze bann detay parey dan en Prozedlwa.

5enm sanzman i anba Seksyon 6 li i senpleman dir poudir zis bann lotel ouswa bann accommodation lorganizasyon ki pou kapab servi sa National Classification System.

Savedir si ou pa’n dakor pou ou zwenn sa sistenm ou pa kapab servi sa National Classification System.  Me parkont ou pou kapab servi bann guest reviews ki ganny donnen par Agoda, Trip Advisor, Booking.com eksetera e lezot me selman ou pou bezwen klerman dir poudir sa i bann guest reviews ki’n ganny donnen par sa bann lorganizasyon.

6enm ki Seksyon 8.1 li i annan pou fer avek Appeals Board nou ti propoze poudir sa dan sistenm ki nou mete se ki ler en dimoun i soumet son laplikasyon e apre ki in ganny evalye si sa dimoun pa tonm dakor avek sa grad ki Minister i donn l,i i pou annan rekour pou li al devan en Appeals Board e apre si i pa dakor menm apre i a kapab al Ankour.

Me ler nou ti pe fer diskisyon avek Bills Committee i ti ganny rekomande ki nou fer li vin en Tribunal.  Me ler nou fer plis bann diskisyon apre bann refleksyon lo la, en Tribunal pou nou, nou war poudir i deza antre dan en sistenm si oule Lakour  ki en sistenm, ki en pe pli konplike e pa sa ki nou ti a voudre.  nou pa ti a voudre anmenn dimoun direkteman Ankour pou bann diskisyon.

Nou krwar poudir nou devret servi en sistenm administratif ki servi en sistenm. I pli senp e si la apre sa dimoun i war poudir sa ki ti pe rode,  i pa pe gannyen atraver sa sistenm Appeals Board, then son swa pou li al Ankour i pou reste toultan la.

Ki olye ki si nou fer li vin en Appeals Tribunal i bokou pli konplike pou set up en Tribunal ki pou set up ver en Appeals Board.  Alor nou ti a voudre ki as part ki nou rekomandasyon ki bann Onorab zot konsider zot fer refleksyon lo la e zot donn nou zot pwennvi.

Dernyen sanzman ki nou fer i konsernan Appeals Board li menm kot nou dir poudir Chairman i bezwen en dimoun ki pa afilye avek en lotel ouswa en self catering ouswa en small guest house.

Si i pou asiz anler lo Erport kot i pe review sa bann zafer i pou bezwen en dimoun ki enparsyal, ki i pa kapab annan koneksyon avek sa kalite biznes.  Epi 2enm i pa kapab pe asiz i pa kapab annan en sit lo en political party ouswa i napa bann rikord kriminel.

Me nou le ki sa i pa zis aplik pou Chairman me i aplik tou le 3 sa 3 dimoun ki asiz lo Appeals Board.  Se sa an zeneral Mr Speaker bann sanzman ki nou fer.  Mersi bokou.

 

MR DEPUTY SPEAKER

Mersi Minis.  I paret ki bokou sa bann amannman ti annan konsansis lo la.  Me i pa vedir ki i pou napa deba.  Me vi ki nou antre nou pe al antre dan en Staz Komite, mon ti a demann alor ki Sergeant-at-Arms i bouz mes ki pou antre nou prezan dan Committee Stage.

Mersi bokou nou dan Committee Stage e vi ki i annan plizyer amannman mon ti a demann en mover of sa bann amannman pou propoz bann amannman.  Onorab Andre.

 

HON CLIFFORD ANDRE

Mersi Mr Chair.  Mr Chair anliny avek sa ki Minis in dir e sa ki ou osi ou’n dir dan lentrodiksyon, Bills Committee mon antan ki vice chairman Bills Committee dan labsans chairman mon ganny mandate pou mwan koz e fer war bann rekomandasyon ki’n ganny mete pandan miting.

Me Minis i annan en draft Bill ki ti ganny sirkile avek tou Manm proposal parey Minis in dir lo Seksyon 8 kot letan i ti propoze as en Tribunal kot i ti ganny pwen ti ganny aksepte e prezan Minis pe revin avek en Board, ki mon krwar Lasanble i bezwen gete kwa ki pli apropriye, baze lo zot demann e zot kapasite pou fer fonksyonnen sa.

Me selman letan mon pe get sa draft Bill ki’n sirkile, i annan bokou lamannman e sa Sekretarya in sirkil sa ek tou Manm, so dan lepase ki mannyer nou antreprann bann lamannman nou’n prozekte li.  Me mon mazinen sa fwa si i pou diferan kot ansanm tou Manm pa pou ganny sans war, me zot ava pe swiv lo zot kopi ki zot in gannyen, in anvoye en kopi electronically, pou zot kapab war nou ava al mon mazinen ou bezwen al par Seksyon, pou nou gete si nou adopte sa dan sa Seksyon oubyen si nou pa adopte oubyen si i annan proposal si i annan diskisyon lo sa Seksyon.

So avek sa modalité Mr Chairman, mon pa konnen si nou pou fer sa prozeksyon oubyen nou pa pou fer.  Si nou pa pou fer mon ava konmans sa bann proposal parey i été dan sa draft Bill, epi bann Manm i ava fer zot kontribisyon appropriately – Minis i ava fer son komanter lo la.

Si nou aksepte nou ava aksepte nou ava move lo sa lot ki neseser.

 

MR DEPUTY SPEAKER

Mersi Onorab Andre.  Mon pa krwar nou pe al fer en overhead projection, parske nou pa ti’n prepare pou sa.  Selman ki mon ti a sizere ou fer se ki ou al ase vit lo bann koreksyon ki pti par egzanp lo paz 3.

‘Innacted by the President and’ zis ou a lir sa ou a dir sa me nou pa pou pran en vot lo sakenn endividyelman.  Nou ava met zot ansanm, e probableman nou ava al lo part nou a fini tou bann amannman nou a tonm dakor lo la, e nou a pran en vot an gro lo la.

Alors si ou kapab konmans depi premye amannman al vitman lo la e bann Manm i ava swiv lo zot bann kopi ki zot deza annan.

 

HON CLIFFORD ANDRE

Mersi Mr Chair.  Lo paz 3 i annan ‘The President’ nou met ‘the National Assembly’ osi so mon krwar sa i pa merit annan okenn issue.  Lo paz 4 konmansman i annan Section 8 ‘Appeals Board means and Appeals Board established under Section 8.’ Si Section 8 parey in dir i etabli sa Appeals Board, so whether it would be a Tribunal or a Board, nou pou bezwen retrospektivman sanz sa mo ladan.

Savedir ler nou ariv lo Seksyon 8, nou ava deside egzakteman ki nou pou mete pou li reflekte anler.  Classification i dir ‘means the criteria prescribe under Section 6’ so sa pa ti la in met Section 6.

I annan ‘s’ ki’n mete avek purposes.  Apre grading in donn sa konotasyon ki pou donnen pou grading ; kot i met ‘grading  insignia means ‘’’the stars and Seychelles Secret logo awarded to accommodation and establishments, classified or graded under Section 6’ so i retourn ankor anba Section 6.

Nou ava bouz lo ‘hotel’. In zis azoute a lafen kot i met ‘other facilities to the guest and general public.’  Dan ‘Island Resort’ i annan enn kot zot ti met ‘offer’ nou zis met ‘offerings’ e sa se paz 4.

Mon krwar napa komanter Mr Chair.  Nou ava bouz lo paz 5.

 

MR DEPUTY SPEAKER

Si napa komanter nou ava bouz lo paz 5.

 

HON CLIFFORD ANDRE

Nou al lo paz 5.  Lo paz 5 son anler ki sorti dan definisyon ‘minimum requirements’ nou azout avek sa a lafen kot i dir ‘as may be prescribed under Section 10’.  Mon kontinyen nou ava al kot self catering ; self catering i zis met ‘to cater for’ so i annan bann pti azisteman ki’n ganny fer ki mon krwar i pa vreman signifikan, me selman i bezwen ganny fer.  Apre nou al lo Seksyon 3 parey Minis in dir depi son ‘title part 3 objects of the Act’.

Mr Speaker Mr Chair eski mon bezwen lir antye oubyen bann Manm in pas lo la e zot o fe – pas antye – ok ?

 

MR DEPUTY SPEAKER

Petet mon krwar pa si ou bezwen lir antye petet si i annan sanzman ki’n deza annan ladan ; par egzanp mon war ‘guidelines relating to the’ sa bann pti koreksyon. So bann Manm i deza annan sa devan zot mon pa krwar ki ou bezwen lir antye.

 

HON CLIFFORD ANDRE

 Ok. So Seksyon 3 parey Minis in dir kot in tir serten responsabilite ki ti pou annan anba la.  Alors sa in ganny highlighted an rouz lo sa electronic copy ki ti anvoye kot zot.  So Mr Chair mon krwar la a sa staz nou a demann bann Manm ki Seksyon 3 i apropriye ouswa zot anvi fer serten sanzman ?  Si zot  konpran oubyen si zot oule en pe leksplikasyon lo Seksyon 3?

 

MR DEPUTY SPEAKER

Ok ou’n pran Seksyon 3 depi 3(a) ziska 3(h)?

 

HON CLIFFORD ANDRE

Wi antye.  Depi ‘a’ to ‘h.

 

MR DEPUTY SPEAKER

Eski nou annan kestyon?  Eski tou Manm i annan kestyon lo 3(a) ziska 3(h)?  Okenn koreksyon?  Si napa nou ale lo part 3.

 

HON CLIFFORD ANDRE

Ok nou ava bouz lo part 3 ‘administration’.  4 nou met ‘Autorities’ parey i annan.

 

MR DEPUTY SPEAKER

Onorab Andre.  Onorab Letourdie ou ti le entervenir ?

 

HON JANY DE LETOURDIE

Wi Mr Speaker mon pan tro ganny en konpran Chair ki mannyer zot pe ale si nou ti pe pran bout par bout apre nou fer nou komanter.  Me avan ler nou al tro lwen kot’ hotel’ mon ti pe zis propoze vi ki 2 semenn pase dan nou Komite Medya nou ti zwenn avek Departman Kiltir akoz nou azout nou tor pou fer li ‘culture and youth.’

E prezan zot ti a pe dir ki nou ki zot pan ganny telman sa konsilte.  E prezan mon ti pe gete kot ‘hotel’ si i annan en posibilite pou add en ‘local entertainment?’  Kot bann servis ki kot ‘hotel ‘sorry en tourn en pti git davans.

 

MR DEPUTY SPEAKER

Ok ou pe tourn lo definisyon ‘hotel’ ki ou ti le azoute?

 

HON JANY DE LETOURDIE

En ‘local entertainment.’

 

MR DEPUTY SPEAKER

E ki bor i antre sa local entertainment ki ou ti pe propoze?

 

HON JANY DE LETOURDIE

Anba ‘hotel.’

 

MR DEPUTY SPEAKER

Wi ki bor dan sa paragraf i lo paz 4 li?

 

HON JANY DE LETOURDIE

Hotel means.

 

MR DEPUTY SPEAKER

‘An establishement containing several rooms or suites supplimented by one or more seperate buildings that provides lodging or sleeping, accomodation and silery food and beverage areas including reception area other and offers food and benerage services and other facilities to the guest and general public’. 

 

HON JANY DE LETOURDIE

…‘and local entertainment’.

 

MR DEPUTY SPEAKER

Minis eski ou annan okenn komanter or ou – vi ki nou dan Staz Komite okenn ou bann ou delegasyon osi i kapab reponn.

 

MINISTER DIDIER DOGLEY

Mersi Mr Chair.  Sa ki nou pe regarde se definisyon pa en lotel.  Me selman ‘local entertainment’’ definitivman i en keksoz ki pre avek nou leker nou oule ki i annan plis local entertainment pa zis ‘entertainment me dan tou son laform dan bann lotel.

Si ou pou regard anba bann minimum requirements ladan i annan Provizyon ki i bezwen bann lotel zot bezwen engage avek bann artis lokal pou servi plis nou bann … menm dan ..

 

(Off-Mic)

 

 

MINISTER DIDIER DOGLEY

Pardon ?  Non dan minimum requirements apre ou ava war.  Sa i zis definisyon kwa ki en lotel kisisa ki constitute en lotel.

 

MR DEPUTY SPEAKER

Ok?  Savedir nou pe dir pou le moman nou pa pe enkli li as such, me selman endirekteman i en keksoz ki form parti aktivite lotel.  Petet i tonm anba ‘other facilities. ‘ Mon pa konnen.   Minis petet ou kapab spesifye si ou dakor wi ou non, ki nou enkli zis avan ‘other facilities’ sa mo ki Onorab Letourdie pe propoze?

 

MINISTER DIDIER DOGLEY

Mr Chair apre dan Regilasyon ler nou pou koz lo ‘minimum requirements’ avek klasifikasyon, ladan i pou annan bann detay egzakteman bann kriter bann keksoz ki i bezwen annan, lo bann lotel ki bezwen provide.  Ok la nou pou antre avek lar an zeneral dan tou son laform – be it entertainment bann ki zot met lo miray bann diferan soz.

Kot oule poudir bann lotel i vann sa authentic Seychelles e pou ou kapab fer sa ou bezwen anmennen lar ouswa kiltir Seselwa pou bann kliyan kapab enjoy.

 

MR DEPUTY SPEAKER

Mersi Minis. Savedir Onorab Letourdie si mon pe konpran li byen i pe dir poudir sa i kapab ganny prescribe dan Regilasyon alor i ava pli kler pa neseserman antre la dan definisyon.  Onorab Churchill Gill.

 

HON CHURCHILL GILL

Mersi Mr Speaker.  Bonn apre midi Minis avek ou delegasyon.  Zis pou mwan anmenn mon kontribisyon pou differentiate sa hotel means la akoz sa i constitute what en lotel is sa ki i pe dir sa bann progranm ki ganny fer dan sa lotel.

So i de diferan keksoz so sa ki i pa’n ganny met la me selman i ganny mete la.

 

MR SPEAKER

Mersi Onorab Gill pou sa klarifikasyon.  Nou kontinyen Onorab Ferrari.

 

HON JEAN-FRANCOIS FERRARI

Avek ou permisyon mon krwar Onorab Jany i annan en pwen.  Dan definisyon i en ‘establishment offers food and beverage services’.  Now we know that hotels also offer entertainment e so i pa forse i annan lotel ki ofer plis i annan lotel ki ofer mwens so kekfwa eski i pa en definisyon part of the definition en lotel to provide entertainment?

I mean it can be pipe music it can be whatever.  So mon pa krwar i pou mon konpran pozisyon Onorab Gill me selman mon pa krwar i pou alter the meaning of the sa si nou mete ‘offers food, beverage services, entertainment and other facilities.’ 

Because ‘other facilities can include entertainment’ but entertainment i en konponan enportan pou anmenn dan tourism Sesel akoz bann resort hotels.  So mon pa konnen si Minis i anvi konsider sa – oubyen ?

 

MR DEPUTY SPEAKER

Mersi Onorab Ferrari.  Minis eski ou annan okenn lobzeksyon as such pou enkli sa mo ‘entertainment and other facilities’ ladan?  Eski i pou vreman deray sa definisyon konpare avek ou sizesyon pou li met li dan en S.I.?  Minis.

 

MINISTER DIDIER DOGLEY

Mr Chair nou napa okenn gran lobzeksyon kont sa. Nou le poudir i annan entertainment nou local entertainment.  Sel keksoz ki nou ti pe regarde se ki sa definisyon nou pa oule met keksoz ki vin mandatwar. Akoz parey Onorab Ferrari in dir i annan serten lotel ki fer entertainment me i annan ki plizoumwen low key.

Me selman nou definitivman nou pa kont.  Akoz nou konnen poudir nou pe demande osi dan lezot Seksyon plitar poudir anba minimum requirement si ou en lotel dan ou public area ou bezwen annan entertainment pou ou bann kliyan e bann dimoun ki vini i vin ki frekant ou letablisman.

Me an menm tan osi, anba ou kriter kalifikasyon nou pou demande ankor ki i annan local entertainment.  Akoz nou le ki i annan sa otansite lokal ki ou pe provide avek zot.  Alors pou fer li kourt nou laba okenn lobzeksyon as long ki nou konpran ki sa i pa kapab mandatwar pou tou lotel fodre i donn – soz.

 

MR DEPUTY SPEAKER

Mersi.  Onorab De Commarmond apre Onorab Andre.

 

HON CHARLES DE COMMARMOND

Mon bonn apre midi Mr Speaker.  Bonn apre midi Minis avek ou delegasyon.  Mon pe panse mon ler ou define la ou pe donn definisyon lotel ki sa entertainment i en aktivite i pa en fasilite.

So i pou distort sa definisyon parkont dan Bills Committee letan mon attend enn de zot bann sesyon ler ti pe koz lo la sa kestyon entertainment i vin top, e i ti  menm ensiste ki lokal i ganny gete over etranze ki vini.  Sa mon rappel tre byen e se sa rezon ki nou dir nou pou met li dan en Schedule plitar kot i pou spesifye pou fer sir ki nou annan en follow-up lo la e nou ensiste ki nou bann artis lokal dan kestyon entertainment i ganny rezerve laplas ; i ganny priyorite e zot osi zot prepar zot ensidswit.

Me selman a mon avis i pa kapab vini konman en definisyon or of part konman en definisyon pou lotel.  Mon pans sa.  Mersi.

 

MR DEPUTY SPEAKER

Mersi.  Onorab Andre.

 

HON CLIFFORD ANDRE

Mersi.  Mr Chair mon krwar ki kontrerman avek sa ki Onorab De Commarmond fek dir mon krwar ki i napa konmsi i pa pou destabiliz definisyon en lotel letan ou gete kontrer akoz nou pe koz dan sa konteks letan nou pe gete pli ba nou ale nou pe koz dan en konteks 50 lasanm e plis.

Kontrer sa i pou enhance ki definisyon en lotel i annan ki enkli serten ; i pa mandatwar parey Minis in dir me selman i kapab annan sa.  Mon krwar pou nou bouze si nou met i pa pou tro en gran difikilte me selman nou mete not i pa mandatwar ki i egziste.

 

MR DEPUTY SPEAKER

Mersi Onorab Andre.  Onorab Larue.

 

HON FLORY LARUE

Mersi Mr Speaker.  Mr Speaker mon krwar nou bezwen kit an têt ki mon respe sa ki Onorab Letourdie in dir e mon bann lezot koleg lo sa pwen kiltir i byen enportan pou pei.

Me parkont la nou pe fer en Lalwa ek en rRgilasyon pou en lendistri, en lendistri ki vreman enportan dan nou lekonomi.  E nou pa kapab fer en Lalwa ki restrikte en envestiser. Parey nou pe dir si nou pe get en gran lotel ki pou annan li en entertainment area whatever i annan serten keksoz ki ou pa kapab enpoz lo en biznes prive osi to a certain extent. 

        Akoz zot anmenn foreign direct investment osi, e si nou anvi lezot dimoun vin envestir dan nou pei nou bezwen get nou Lalwa ki fer li receptive.  E mon krwar kiltir i annan son own Minister, zot kapab annan zot prop progranm ki i fer sa bann servis i vin atiran pou sa lendistri lo kote standar, elev standar pli profesyonnel ki kapab donn bann kabare ouswa lezot keksoz ki sa bann standar lotel zot kapab adopte.

Me selman konman tourism li menm konman en Minister nou bezwen regard nou lendistri letan nou pe fer en Lalwa nou bezwen regard li lo kote pa fermen me ouver akoz i anmenn lenvestisman.  Mersi.

 

MR DEPUTY SPEAKER

Mersi Onorab Larue.  Onorab Ramkalawan.

 

HON WAVEL RAMKALAWAN

Mr Chairman.  Mon a dir Minister bon apre midi avek son delegasyon.  Mr Chairman konnen tou sa bann keksoz ki pe ganny dir i ok e mon mazinen ki se pou sa rezon ki Minis in dir ki nou kapab met wi oubyen non.

Konnen mon ekout Onorab Letourdie letan in entrodwir, in fer kler ki poudir sa i santiman bann artis e bann dimoun ki dan ki provide entertainment.  E akoz sa i zot santiman, se parske in annan en sityasyon kot zot in santi zot in ganny met de kote.

E ki HHotel i kontinyen annan en band etranze de dimoun ki pe zwe playback e ou pa ni konnen ki kantite talan zot annan me zot bon lo playback.  So bann artis Seselwa zot santi ki zot in ganny e se pou sa rezon ki zot pe rod sa rekognisyon e alor mon krwar ki i pa i bon ki dan sa definisyon parske akoz nou pe dir i ofer manze i ofer beverage services i annan lotel ki pa ofer manze i annan lotel ki pa ofer beverage services.

Konmsi i annan en kantite keksoz ki kapab pase dan en lotel e i annan osi bokou keksoz ki kapab pa pase dan en lotel.  Alor zot anvi mon gannyen sa santiman whether la ou pou met’ local entertainment’ oubyen ‘entertainment’ an zeneral sa mon krwar i en nou kapab debat lo la.  Parske sa vedir nou annan en lotel bon nou annan en reception area i ofer manze i ofer beverage services konpare avek en par egzanp en pti letablisman kot ou al fer ou prop ki mannyer i apele sa self catering ki fer li diferan.

Be bann artis zot konnen ki poudir self catering entertainment konmsi pa pou tro antre ladan.  Me selman konmsi zot pe dir be kot lotel i konsernen donn nou en landrwa pou nou antre.

E se sa at the end of the day what it is e  mwan mon krwar ki si ou pe dir lotel i ofer manze, i ofer beverage services e lefe ki ou’n met ‘other facilities’ dan other facilities ou ti ava kapab in fact ou ti kapab zis met ‘including a reception area and other facilities’ to the guest and general public ki ti pou enkli manze ki ti pou enkli beverage and everything else. 

Be lefe ki ou’n konmans detaye, mon krwar ki se la kot ou kot bann artis i dir be ou’n detaye, ki poudir pou ofer manze ou’n detaye ki poudir pou ofer labwason be detaye osi ki poudir i ava ofer entertainment e sa i ava donn zot en landrwa pou zot antre.

Mon siport parey Minis ou osi dir Onorab De Letourdie in osi dir mon siport sa bann tou nou bann artis lokal se pou sa rezon ki nou pe lager pou zot ganny en music stadium ki zot pa ankor gannyen.

Be mon krwar ki azoute i pa pou bat nou dan okenn fason i pa pou sanz sa definisyon me i senpleman en recognition.  Mersi bokou.

 

MR DEPUTY SPEAKER

Mersi Onorab Ramkalawan.  Onorab Ferrari.

 

HON JEAN-FRANCOIS FERRARI

Wi mon ti anvi zis dir ek Minis i annan lotel nou mete la poudir ‘offers food and beverage services’ i annan lotel ni en resepsyon i pa ofer.  Mon rapel mon ti al war Onorab Andre dan son lotel Brussels ti appel M24 mon krwar sa lotel ou bezwen met ou credit card dan en laport ou antre ou pa war personn depi premye zour ziska dernyen zour ni en resepsyon ni nanryen napa – so napa.

E an menm tan dan sa definisyon in mete ‘offering facilities to guest and general public’ ler nou met ‘general public’ ki ti annan i pa fors sa lotel pou li aksepte nenport manm piblik pou li antre i pa ‘its at the discretion of the management’ parey nou dir.  ‘Management reserves the right of admission’  which we recognise.

Similarly we recognise that in hotels there can be or maybe there should be but its not mandatory.  It’s just encouraging en parti nou kiltir oubyen nou entertainment konman en pep zil.  So  mwan personnelman mon dakor avek pozisyon ki will not hurt let us show this recognition and mon pa krwar ki en envestiser pou taye akoz sa.  Mersi.

 

MR DEPUTY SPEAKER

Mersi Onorab Ferrari.  Mon krwar nou pe mon pou permet Onorab Gill pou koz ankor lo la.  Me mon krwar nou pe exhaust deba lo la nou pou bezwen bouze so mon a permet Onorab Gill apre nou a deside ki mannyer nou pou ale.

 

HON CHURCHILL GILL

Mersi Mr Chair.  Mr Chair definitivman nou bann artis i bezwen akoz zot Sesel zot kote zot pou al zwe zot pou bezwen sant isi kot nou.  Me ler nou pe koz definition, nou pa kapab met keksoz ki pa al anba la se pou sa rezon ki nou bann artis in ganny rekonnet dan sa Prozedlwa e zot in ganny mete kot zot devret été.

So zot pa’ ganny kit deryer zot kanmenm nou pe perdi letan pou nou argimant lo sa definition zot pa’n ganny kit ater zot la me zot in ganny mete kot zot devret été.  Mersi.

 

MR DEPUTY SPEAKER

Mersi Onorab Gill.

 

HON WAVEL RAMKALAWAN

Me sa ki Onorab Gill in dir pa vre.  Kote i été dan sa Lalwa?  I pa dan Lalwa i pou vin dan Regilasyon.  Sa ki nou pe dir fer li antre dan Lalwa. Dan Lalwa aprezan ou Regilasyon i ava ganny en lipye pou li antre ladan.

Artis lokal i anvi vin dan Lalwa, alors  mwan mon krwar ki entertainment zot tonm anba entertainment.  E annou fer li antre parske Regilasyon apre nou pa ni konnen kote i ale.

Nou diskit en regilasyon semenn pase la ozordi nou pe dir Regilasyon nou bezwen regarde Onorab De Commarmond ek mon menm nou koze bomaten.  So fer li antre dan Lalwa.

 

MR SPEAKER

Mon a permet Onorab Valmont apre Onorab De Commarmond.

 

HON JUDE VALMONT

Bon apre midi Mr Speaker.  Mon pe ekout deba zis mon anvi fer en pti proposal zot a swa zot a agree swa zot pa ava agree ek mon.  Lo sa definisyon ‘hotel’ la dan plas met ‘other facilities’ mon pe propoz ek bann Onorab akoz nou pa met ‘other services’ ki petet i tous sa dan lespri pou bouz devan?  En sizesyon.  Mersi.

 

MR DEPUTY SPEAKER

Mersi en propozisyon.  Onorab De Commarmond.

 

HON CHARLES DE COMMARMOND

Mr Speaker.  Mon pa dakor avek sa ki pe ganny propoze.  Ou konnen ou pe define en building ou konpran mwan.  Mon napa problenm avek rekonnet artis lokal mon kontrer mon siport zot 1000poursan, be mon napa problenm pou met li dan sa Lalwa osi selman i pa antre la i pa kapab antre la annou rod en lot landrwa met li mon napa problenm.

I pa kapab antre anba definisyon lotel sa mon pwen annou met li en lot landrwa la poudir dan tou lotel tou letablisman sepa i annan 80poursan son bann entertainment i pou ganny fer par artis lokal somewhere mon pa konnen kote par avoka somewhere annou met li mon napa problenm si oule dir 100poursan osi artis lokal mon napa problenm osi ek sa mon.

Me mon problenm se ki ou pa kapab met sa konman en definisyon ‘lotel.’  Akoz li non ou ti a dir mon en fasilite si sa ti en fasilite ok amwen ki nou pe dir dan sa lotel ou bezwen annan en bout spesyal pou fer aktivite artis lokal. Ou konpran ?

Be nou pa pe dir sa nou sa artis lokal la i kapab in zwe dan sa lotel mon pa pe konpran oubyen sa definisyon lotel amwen Tourism zot ki’n fer sa Bill originally zot dir nou en keksoz ladan.

Be mon dan tou mon soz mon pa pe war ki mannyer i antre dan definisyon lotel sa mon issue.  Mersi.

 

MR DEPUTY SPEAKER

Mersi Onorab LGB.  Bon mon krwar i kler poudir Minis i pa krwar i annan okenn danze pou fer antre sa mo ladan ; en kote latab sertennman i krwar poudir i pa sa me i annan pwennvi de lot kote ki pe dir ki i kapab antre me selman pa dan sa Seksyon parey i été.

Mon sizere kot i été nou a ganny en motion ki propoz sa amannman e we take a vote only on that section apre nou a kontiny ek sa Seksyon kot napa kontansyon.

 

HON CHARLES DE COMMARMOND

Mr Speaker annou ekoute ki Minister li i dir.

 

MR DEPUTY SPEAKER

Minis in deza pronons son lekor lo la, parske mon ti demann li sa kestyon direkteman taler.  Minis eski oule konfirmen ki ou dakor an prensip ki ou napa lobzeksyon ?

 

MINISTER DIDIER DOGLEY

Mr Chair sa ki mon dir se ki as long ki nou konpran poudir sa i pa mandatwar. Akoz pa tou lotel ki donn parey en pti lotel ki annan sepa 12 lasanm i pa neseserman i pou kapab annan entertainment ladan local entertainment ki arive.

Alor nou bezwen fer sir poudir this is an optional thing ki bann pti lotel i fer.  So the language itself i bezwen reflekte sa e i pa kapab vin mandatwar se sa ki mon dir Mr Chair.

 

MR DEPUTY SPEAKER

Ok i kler mon konpran ou klerman Minis.  Onorab Ramkalawan avan nou al lo en vot lo la.

 

HON WAVEL RAMKALAWAN

Ok me Mr Chairman be egzakteman mon dakor ek sa ki Minis pe dir ki napa nanryen ki mandatwar menm si la in mete ‘food and beverage services’ i pa mandatwar.  E  mwan mon pa ganny en konpran ki mannyer food and beverage i osi ganny konsidere konman en servis me selman entertainment pa en servis?

 

MR DEPUTY SPEAKER

Les mon a permet ou Onorab Aglae azout son kontribisyon lo la.

 

HON EGBERT AGLAE

Mr Chair.  Se sa ki mon pe sey met lanfaz lo …. Nou insert  akoz dan Wikipedia lotel i ganny klasifye ‘as an establishment providing accommodation, meals and other services for travellers and tourist’.  So sa bout ‘entertainment’ i en servis ki ava atase avek deroulman sa lotel parey in nonm ‘food and beverage services’ so ‘entertainmen’t i kapab antre ladan.

 

HON WAVEL RAMKALAWAN

Mr Chairman sa ki Onorab Aglae in dir –  dan ‘services’ ou kapab met tou kalite.  Ou kapab met spa ou kapab met whatever ok ?  Senpleman lafason ki i été zot anvi ki ‘entertainment’ i vin separe. Olye met li dan sa ta met parey ou’n met ‘food beverage entertainment and other facilitities’.

Parske sa ‘other facilities’ letan pou defini tou sa bann lezot facilities ki en lotel i kapab offer – laundry, masaz, spa i annan en seri lezot servis, ki en lotel i kapab –  Senpleman bann artis i anvi ki zot pe demande ki ‘entertainment’ i pa zis met li dan sa ‘other facilities’ me pou met li anba ‘entertainment.

 

MR DEPUTY SPEAKER

Mon ti a kontan demann a sa staz en propozisyon from the floor for an amendment.  Onorab Ferrari.

 

HON JEAN-FRANCOIS FERRARI

Onorab Andre pe fer.  Yes Onorab Andre.

 

MR DEPUTY SPEAKER

Onorab Andre mon donn ou laparol.

 

HON CLIFFORD ANDRE

Mr Chairman.  Mon krwar nou Standing Orders i fer ki letan mon pe koze mon pa kapab propoz en lamannman so en lot Manm ki bezwen propoz en lamannman pou ganny segonde.  Mersi.

 

MR DEPUTY SPEAKER

Napa problenm.  Onorab Ferrari.

 

HON JEAN-FRANCOIS FERRARI

Mr Speaker.  Mon ti a kontan propoze ki sa fraz i lir after ‘reception area and offers food, beverage, entertainment and other facilities to the guest and general public.’

 

MR DEPUTY SPEAKER

So repet ankor Onorab Ferrari.  Dan definisyon ‘hotel’ ou pe al lo 4enm laliny ‘food and beverage areas’.

 

HON JEAN-FRANCOIS FERRARI

‘Food, beverage, entertainment and other facilities to the guest and general public’.

 

MR DEPUTY SPEAKER

So 5enm laliny alor ‘offers food’.

 

HON JEAN-FRANCOIS FERRARI

‘Yes beverage’.

 

MR DEPUTY SPEAKER

Nou retir enn ‘beverage’.

 

HON JEAN-FRANCOIS FERRARI

Comma.

 

MR DEPUTY SPEAKER

Comma.

 

HON JEAN-FRANCOIS FERRARI

‘Entertainment’.

 

MR DEPUTY SPEAKER

‘Entertainment’.

 

HON JEAN-FRANCOIS FERRARI

‘And other facilities’.

 

MR DEPUTY SPEAKER

Prezan nou tir mo ‘services’.

 

HON JEAN-FRANCOIS FERRARI

Si zot prefere servis, fasilite manze servis manze.

 

MR DEPUTY SPEAKER

So nou annan en propozisyon.  E sa propozisyon i lir konm swivan lo 4enm laliny: ‘Food and beverage area including the reception area and offer food, beverages, entertainment and other facilitites to the guest and general public’.  Eski sa propozisyon pou amannman i ganny segonde?  Mon ti a kontan ganny en dimoun pou segonde.  Onorab Letourdie.

 

HON JANY DE LETOURDIE

Mr Speaker mon segonde.

 

MR DEPUTY SPEAKER

Mersi.  Parey mon dir bann landrwa ki annan kontansyon nou a pran en vot lo la.  Tou bann ki an faver sa amannman lo laliny No. 5 dan definisyon ‘hotel’ silvouple lev zot lanmen?  Tou bann ki kont sa lamannman?  Ok Madanm Clerk ou a donn nou rezilta.

 

MADAM CLERK

Mr Speaker 12 Manm in vot an faver.  E personn kont.  Mersi.

 

MR DEPUTY SPEAKER

Ok savedir sa lamannman pou amann laliniy No.5 dan definisyon ‘hotel’ i pase.  Nou pou kontinyen avek nou ava kontinyen avek Onorab Andre avek larestan bann lamannman ki mon krwar ou ti ariv lo part 3 paz limero 5 ek 6.

 

HON CLIFFORD ANDRE

Paz limero 6 annefe Mr Chair.  Nou ti pran Minister menm ‘by regulation establish such Agencies and Authorities as may be necessary for carrying out the objects under this Act’.  So Minis in dir sa zot ‘Authorities’ avek ‘Agencies’ so mon pa krwar i annan okenn issues lo sa bout mon ava kontinyen lo la.

Prezan nou annan Seksyon 5 kot i dir ‘the Minister may make policies relating to the tourism sector in respect of the followings.’ So prezan in azout sa bann keksoz ki bezwen vin avek accomodation, ‘establishment, boat charter, dive center, dive operator, restaurants, tour guides, tour operater, travel agent, vertical integration, water sport, yacht charter and any other policy that may be necessary to achieve the purpose of this Act’.

 

MR DEPUTY SPEAKER

Onorab Gill.

 

HON CHURCHILL GILL

Mersi lo sa pwen parey nou war i annan en bon pe policies ki pou involve ladan, e mon sel kestyon pou Minis se i annan policies ki nou konnen i devret re travay lo la parey ‘vertical intégration’. 

Prezan mon kestyon se sa lord ki sa bann diferan policy Minister i kapab fer anba la, eski sa fason ki Minis pou proceed pou li fer sa bann policies oubyen sa i zis in klasifye koumsa me selman zot pou annan zot priyorite?  Lekel ki zot pou fer avan lekel ki zot pou fer apre?

 

MR DEPUTY SPEAKER

Mon ganny lenpresyon sa i zis alphabetical order me selman mon a les Minis reponn.

 

HON CHURCHILL GILL

Ya me selman i annan ki annan priyorite lo kanmarad.

 

MR DEPUTY SPEAKER

Minis.

 

MINISTER DIDIER DOGLEY

Mr Chair mon krwar pou reponn kestyon i alphabetical order i senpleman i pe donn i pe enable sa Minis pou li kapab fer policies ki kouver tou sa bann diferan sub sekter dan tourism.

 

MR DEPUTY SPEAKER

Mersi Minis Onorab Gill.

 

HON CHURCHILL GILL

Wi ok i kler i alphabetical order.  Me selman dan sa order, i annan ki annan priyorite lo kanmarad. Leksperyans ki lendistri pe fer fas avek ozordi.  Se sa ki mon pe demande si Minis li i pou fer son Polisi according to sa, al fer  alphabetical order oubyen i pou war ek lendistri lekel ki i priyorite ladan prezan pou konmans travay lo sa bann polisi avan lot.  Mersi.

 

MR DEPUTY SPEAKER

Mersi Onorab.  Mon pa krwar Lalwa pou defini lekel ki pou al avan.  Lalwa i zis Lalwa i zis ekri sa i pou vin en kestyon administratif plitar.  So mon pa krwar i antre dan Lalwa dan sa Seksyon.  Selman mon a permet Minis reponn sa, selman mon pou reste asire Lalwa pa zanmen preskri sa lord priyorite.

 

MINISTER DIDIER DOGLEY

Mr Chair parey ou’n dir se Gouvernman an konsiltasyon avek piblik avek bann dimoun dan sa sekter ki apre i pran sa desizyon ki sub sector ki i pou donn priyorite pou li fer lareg.  Ou pe koz lo ‘vertical intégration’ parey ou pe dir i annan en Polisi ki deza egziste.  E si i annan bann lamannman pou fer nou ava konsilte nou ava war ki mannyer nou pou al devan avek this Polisi senpleman sa bout Lalwa senpleman, pe donn Minis sa pouvwar pou li fer sa bann Polisi.  Se tou ki i pe fer a sa pwen.

 

MR DEPUTY SPEAKER

Mersi Minis.  Onorab Gill.

 

HON CHURCHILL GILL

Rezon ki mon pe demann sa kestyon, se ki Minis i konnen sa Polisi ki egziste, i en Polisi ki’n ganny challenge.  E prezan bann dimoun ki pe ganny touse avek sa polisi zot osi zot in ganny zot konsern lo la.  Se sa ki pou benefis sa bann dimoun deor, ki mon pe demann sa kestyon pou zot konnen konbyen letan ankor ki zot pou bezwen espere avan ler sa issue ‘vertical integrations’ i ganny konmans diskit lo la.  Se tou klarifikasyon.  Mersi.

 

MR DEPUTY SPEAKER

Mersi Onorab Gill.  Mon krwar akoz nou pe fer en Lalwa la Lalwa pa pou zanmen dir lekel ki vin avan e lekel.  Me selman ou’n fer ou pwen poudir sa i enportan ‘vertical integration’ Minis in tann ou kler, alor mon mazinen sa i ava enn bann sertennman bann aktivite ki zot ava vin osito posib avek en Polisi kler.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker ou war –  mwan mon krwar poudir entertainment i devret antre la. I devret vin ‘accomodation establishment and entertainment.’ La prezan ou ava ou polisi spesifik lo ‘entertainment’ ki ava eklersi ou klerman. Ou ava dir ki mannyer sa i pou marse dan bann lotel dan bann letablisman.  Mon panse ki i devret vin la e mon propoze ki nou annan en lamannman ki nou enkli dan sa lamannman ‘and entertainment’.

 

MR DEPUTY SPEAKER

Avan mon pran larestan entervenan les mon retourn kot mover epi amendments Onorab Andre si ou kapab donn ou komanter lo la.

 

HON CLIFFORD ANDRE

Mr Chair mon antyerman dakor avek Onorab De Commarmond lo sa konteks, me selman sa pa vedir ki ‘hotel’ son definisyon pa devret enkli ‘entertainment’.  Me selman akoz polisi letan nou get sa enn an dernyen kot i dir ‘any other policy that may be necessary to achieve the purpose of this Act’ a ankor i parey savedir Onorab Gill avek tou respe i kapab enn ki ‘any other’ Gouvernman i war.  Koriz mwan Minis akoz mon pa dan Gouvernman pou le moman ; konmsi ki letan Gouvernman i war poudir i annan en eleman ki li i santi me ki pa’n ganny liste, me i dan ‘any other’ Gouvernman i bezwen tackle sa.  I bezwen pran li a sa staz.

So i pa neseserman ki ou’n prioritize lafason ki ou’n met li la ki premye i premye e 2enm i 2enm. I pa pou mars koumsa.  Me selman nou bezwen enkli, spesifye. Akoz sa mon krwar i enportan pou nou met ‘entertainment’ kot i ava fer ki sa bann dimoun ki annan lotel oubyen Gouvernman, i ava fer Polisi e la kot i ava antre kot i poudir i bezwen annan ‘local entertainment’ ki pou ki mannyer i pou servi i pou pase.

So mon krwar sa eleman ‘entertainment’ i bezwen ganny enkli a sa staz la osi.  Mersi.

 

MR DEPUTY SPEAKER

Mersi Onorab Andre.  Onorab Waven William.

 

HON WAVEN WILLIAM

Mersi Mr Speaker.  Mon ti anyway Leader of Government Business in tous en pe lo sa pwen.  Mon krwar i enportan ki nou annan sa Entertainment Policy.  Akoz ki nou pe war dan Sesel, lefe ki nou en pti pei pou nou prezerv serten bann nouvo lide ki pe sorti vizavi ‘entertainment’ mon krwar i enportan ki sa Entertainment Policy i ganny reflekte pou allow nou bann dimoun ki pe come out avek nouvo lide an term entertainment. An menm tan prezervasyon e promosyon nou laspe kiltirel.  Mersi.

 

MR DEPUTY SPEAKER

Mersi Onorab William.  Onorab Chantal Ghislain.

 

HON CHANTAL GHISLAIN

Mersi Mr Speaker.   Mr Speaker mwan letan mon ti pe koz lo akomodasyon, mon pa war kot zot in met klasifye bann yacht ki pran bann dimoun pou reste lo la.   Parske en dimoun i kapab zis vini in pran son avyon i debarke i pas Eden Island, i fer son 1mwan – sepa 2zour 3zour menm 1semenn, apre i repran avyon i ale. In konmsi i pa’n reste ater dan okenn lotel ater me in reste lo sa yacht.  Kote ki zot ganny klasifye zot?   Mersi.

 

MR DEPUTY SPEAKER

Mon a demann Minis selman mon krwar i dan (k) ‘yacht charters.’  Minis.

 

MINISTER DIDIER DOGLEY

Mr Chair dernyen kestyon konsernan ‘yacht’ si ou regard anba 9k) ou ava war kot i dir ‘yacht charters’ i ganny enkli dan lalis.   So i annan Provizyon pou fer Polisi pou yacht charters ; bann dimoun ki reste dan yacht.

Konsernan entertainment, en sel keksoz mon ti a voudre fer resorti e kosyonn bann Onorab, se ki ‘entertainment’ i tonm anba Kiltir.  E Kiltir se zot ki responsab pou bann zafer entertainment.

Nou pa ti a voudre pe mars lo lipye en lot Minister ki responsab pou sa domenn.  Si nou pou koz entertainment, nou pou bezwen koz li dan domenn ouswa dan confine si oule bann lotel ki annan pou fer direkteman avek tourism.

I pa neseserman entertainment an  zeneral akoz sa i tonm anba Minister Kiltir.  Mersi Mr Chair.

 

MR DEPUTY SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Chair.  Mon pwen i pa ti lo ‘entertainment’.  Me selman ler mon’n ekout Onorab William mon krwar mon tant pou dakor avek li, e demann Minis petet pou rekonsider sa zafer ‘entertainment’ e sey rod en konpromi somewhere.

Akoz problenm pou refer lo miting ki Onorab Letourdie in fer mansyon letan ti zwenn bann kominote – pa kominote me plito bann dimoun ki dan management of culture and Youth and Sports, se ki ozordi i annan retisans lo lapar serten etablisman, pou actually anmennen artis lokal dan zot etablisman.

E prezan zot santi poudir e mon dakor avek zot ki nou bezwen somehow enpoze, poudir be mon pa konnen mon kekfwa enn fwa par mwan. Selman somehow touris ki vin kot ou i bezwen war ki swa lapentir ki swa lanmizik akoz nou pe vann Sesel, e tousala i form parti pei.

So san ki mont lo lipye Minister Kiltir mon krwar ti kapab trouv en middle of the way – middle of the road approach lo kestyon ‘entertainment.’  Me pwen ki mon ti anvi fer, mon ti anvi demann Minis pou eksplik nou e benefis bann dimoun ki pe ekout nou, ler mon get lalis bann sekter ki Minis pou fer Minister pou fer policies lo la, i kler bann aktivite tourism.

Be ‘vertical integration’ i pa en aktivite as such. Akoz li dan sa Lalwa i presize ki i pou annan policies of ‘vertical integration ? ’ Eski par egzanp dan en Lalwa ki gouvern lapes i annan ‘vertical integration’ ouswa ki gouvern lagrikiltir i annan? Akoz dan tourism i annan?

E mwan mon pe dir sa akoz mon pa neseserman fye lentansyon, ladministrasyon ozordi lo sa kestyon ‘vertical integration’ akoz mon anvi war bann biznes Seselwa – si par egzanp mon kapab mansyonn enn ; par egzanp group Creole Travel zot annan kapital pou zot kontinyen grosi.  Sa larzan i reste Sesel, akoz zot 100poursan Seselwa zot ! Konpare avek Constance  or larzan  pou al Moris.

So akoz ‘vertical integration’ i dan sa Lalwa ? Akoz i bezwen annan en Polisi lo la e Onorab Gill in mansyonnen, pou annan mon krwar en case dan  Lakour Konstitisyonnel ki pou anonse le 2 Zilyet lo sa size.  Mersi.

 

MR  DEPUTY SPEAKER

Mersi Onorab Henrie.  Minis mon pa konnen si oule nou a pran detrwa lezot entervenan apre ou a reponn.  Akoz mon mazinen tousala i lo menm size.  LGB?  Onorab LGB.

 

HON CHARLES DE COMMARMOND

Mr Speaker mon le retourn lo sa ki mon dir e ensiste.  En ‘entertainment’ i bezwen antre anba la, e swa i vin (a) ‘accomodation establishemnt and entertainment’ oubyen nou pou amann anba (l) i ava vin ‘entertainment’ i ava vin (m) ‘any other policy that may be necessary to achieve the purpose of this Act’. 

        So mon le move en amannman si sa i ok avek -.  Akoz i bezwen spesifye.   Konmsi ou -.   Malgre mon pa dakor avek Minis i dir koumsa sa zafer Kiltir konmsi.  Les Kiltir ou. I a fer ou – ou  lotel, nou artis i bezwen vin zwe dan nou lotel !  Nou bezwen war sa nou !  I bezwen annan en Polisi ki eksplik nou klerman – i dir klerman ki relasyon nou artis – mon pa dir ou pran 100poursan  mwan, me selman ki relasyon nou lokal, nou Seselwa, nou artis vizavi son tourism ki i pe devlope, ki pe agrandi.  I bezwen kler ladan !  Mon propoz sa.

 

MR DEPUTY SPEAKER

Ok. Mersi bokou Onorab De Commarmond.  I kler poudir i annan en Motion i annan en move, ki nou enkli – nou fer amannman anba Seksyon 5 pou enkli ‘entertainment’ ladan.  E mon ti a kontan resevwar en Motion lo la.  Onorab Valmont.  Si ou kapab move e ou a move li avek son wording e i a ganny segonde.

 

HON CHARLES DE COMMARMOND

Son wording i well i annan 2 posibilite enn se ‘accommodation establishment and entertainment’ si sa i ok.  Si pa ok then ouswa nou met li well nou fer li vin (l) ouswa nou fer li vin (e).  Nou kapab met li anler si artis i ankor war li en pti pe anler.

Nou kapab met (e) ‘entertainment’ apre i ava kontinyen anba (f).  Sa i pli bon ok.  Nou dir (e) ‘entertainment’ e apre i ava vin (f) ‘restaurant’ epi i ava desann an desandan.  Mon propoz sa.

 

MR DEPUTY SPEAKER

Ok, i annan en Mosyon la ki nou propoz anba Seksyon 5 apre ‘d’ ‘dive operators’ nou fer antre en nouvo ‘e’ ki pou ‘entertainment’ e sa ki deza (e) ziska’ l’ i pou mont enn par lao son sif.  So (e) pou vin ‘f’, ‘f’ pou vin ’j’ eksetera.  Eski sa Mosyon i kapab ganny segonde?  Onorab Valmont.

 

HON JUDE VALMONT

Mersi Mr Speaker.  Mon pe segonn sa lamannman ki Onorab De Commarmond in anmennen.  Mersi.

 

MR DEPUTY SPEAKER

Mersi eski i annan okenn deba ki zot le fer lo la ? Oubyen mon krwar nou exhaust sa deba.  Si non, nou a pran en vot lo sa amannman ki fek ganny propoze, ki nou entrodwir en nouvo (e) ki pou vin pou ‘entertainment’ e tou larestan i ganny re nimerote.  Tou Manm  ki an faver?   Okenn Manm ki kont?  Madanm Clerk ou a donn nou -.

 

MADAM CLERK

Mr Speaker 21 Manm i an faver.  E personn kont.  Mersi.

 

MR SPEAKER

Bon alors sa amannman lo Seksyon 5 i pase.  Bann larestan ki ti lev zot lanmen Onorab Loze e Onorab Ghislain mon mazinen ti lo sanmenm so nou a skip sa, nou kontinyen avek Onorab Andre.

 

HON CLIFFORD ANDRE

Mersi Mr Chair.  Mr Chair.

 

MR SPEAKER

En pti moman Onorab André.  Onorab Ghislain.

 

HON CHANTAL GHISLAIN

Non Mr Speaker.  I pa ti lo la i ti mon ti pe retourn ankor lo ‘yacht charters’ akoz in dir mwan i tonm anba policies.  But it’s just a policy i pa en Lalwa! Akoz pou ou and own en lasanm ozordi, ou bezwen annan license ki ou peye.  Be tandis ki sa yacht li menm li osi i pe donn akomodasyon li! I pe donn akomodasyon me i pa pe pey license!

 

MR DEPUTY SPEAKER

Eski Minis i kapab konfirmen si ‘yacht charters’ ladan i pa enkli  bare boat charters.  Parske bare boat  se li menm ki mon mazinen i pa enkli lasanm.

 

MINISTER DIDIER DOGLEY

Chair tou bann live on boards savedir ki enkli bann bare boats ek yacht charters, zot bezwen annan en license kot zot operate.  Zot pa kapab operate san en license. Kot nou pe regarde la  anba Seksyon 4  anba sa part 4 – 5 nou pe koz zis Polisi.       Plitar nou pou koz lo Regilasyon.  E Regilasyon ou pou war i annan menm lalis ki pou aparet plitar dan sa Lalwa, e la kot nou pou al koz Regilasyon.   E Regilasyon se Lalwa. La nou senpleman pe koz Polisi, me plitar nou ava koz lo Regilasyon. I dan sanmenm Lalwa.  Mersi Mr Chair.

 

MR DEPUTY SPEAKER

Mersi.  Onorab Loze ou pa ti lo nou deza kouver ou topik?  Ok.

 

HON JOHAN LOZE

Mersi Mr Speaker.  Mr Speaker mon ti zis anvi remind Minis ki letan nou preokipasyon petet de fwa, se lekel Minister ki kapab anpyet lo lipye en lot Minister, sa ki nou pe koz lo la aktyelman se Berno, Keven, Joseph, Jonise.  I pa akseptab e i pa pardonab ki ozordi over en 30enn sa bann gran lotel, Joseph napa ni en zwe regilye tou le mwan !  Se sa ki nou pe koz lo la.  Now whatever Minister ki pou rezourd sa, kelken i bezwen pran responsabilite. asize e rezourd li.  Se tou ki mon ti annan poudir Mr Speaker.  Mersi.

 

MR DEPUTY SPEAKER

Mersi Onorab Loze.  Onorab Minis ou ti le reponn?

 

MINISTER DIDIER DOGLEY

Chair mon krwar poudir ler mon ti reponn zot pa’n konpran mwan egzakteman.  Mwan sa ki mon ti pe dir se ki, wi nou kapab annan ‘entertainment’ me selman i kapab zis dan konteks tourism. Savedir dan konteks lotel ouswa restoran ouswa bann etablisman touris.

Me selman nou pa pou kapab prodwir en Polisi pou ‘entertainment’ an zeneral. Akoz i pa Minister Touris ki deal avek ‘entertainment,’ me se Minister Kiltir.  Me dan konteks lotel, konteks tourism, wi Minister i kapab annan Polisi lo la.  Mersi.

 

MR DEPUTY SPEAKER

Mersi Minister.   Onorab Andre.

 

HON CLIFFORD ANDRE

Mersi Mr Chair.  Nou bouz lo paz 7 part zot pa ti met sa limero be la in vin part 5classification system.’ Ladan i annan ‘maintaining’ kot  ti’n  met zis ‘maintain’ ‘enhancing’ mon krwar pa `si i annan okenn issues lo sa bann additions.

6 (2) in met ‘it shall be mandatory for every accommodation establishment having more than 50 rooms’  e se sa ki Minis ti’n koz lo la. Konmsi pou fer sa grading system ki en lotel ki annan plis ki 50 lasanm pou fer sa grading system.

So sa i pe koz lo sa sistenm li menm, me si nou al lo 3enm i dir ou ‘grading under the classification system shall be optional’ parey Minis in dir, ‘for accommodation establishments having 50 rooms or fewer’.

Mwan mon ti a prefere si nou ti met ‘50 rooms or less’ me selman si nou santi i sipoze ‘fewer’ mon napa gran problenm avek.   Tandis ki 4enm 6(4) i met ‘accommodation establishments who chooses who choose not  to be graded under sub Section 3 but uses grading insignia, stars, Seychelles Secret logo in their marketing and advertisement, shall be deemed to have a committed an offence and shall be liable under convinction of a fine not exceeding R100,000’.

Mon ti a kontan kekfwa Minis i kapab donn en pti pe leksplikasyon lo sa. Akoz si i swazir i optional anler e li anba 50 lasanm e servi sa insignia eski letan i fer sa optional i pou mandatwar ki i pou follow tou kriter ki  ganny mete?  Mon krwar sa i a bon pou eksplik bann otelyer pou zot kapab konpran what are the issues.

Akoz si i pe servi sa i en Seselwa, i en lotel Sesel me i pe servi mon mazinen insignia i bezwen sa ki ou pe promote Seychelles brand akoz i pou ganny fine 100,000?  Is it because he is making a profit out of using that?  Ti a bon kekfwa Minis i eksplik sa pou dimoun konpran li byen.

 

MR DEPUTY SPEAKER

Mersi Onorab André.  Minis.

 

MINISTER DIDIER DOGLEY

Mersi Mr Chair.  Mr Chair zis de keksoz avan ler mon move lo sa pou reponn sa kestyon, ki Onorab Andre in demann mwan.  Ler mon ti fer mon lentrodiksyon mon ti dir poudir Seksyon 6(2) avek Seksyon 6(3), kot i donn bann detay, bann presizyon egzakteman konbyen nonm lasanm, ki en lotel i bezwen annan pou li kalifye pou li vin mandatwar ouswa optional, mon ti dir poudir nou, nou pa krwar sa i devret dan sa main Prozedlwa li menm.

Sa bann detay i devret ganny bouze e al dan Regilasyon.  Dan Prozedlwa i senpleman dir poudir ki pou annan en classification system ki pou aplike pou serten lotel, e sa i ava ganny bann provizyon i ava ganny donnen dan Regilasyon egzakteman lekel ki pou kalifye e lekel non.  Sa i premye keksoz.

2enm keksoz konsernan litilizasyon sa bann star ouswa servi Seychelles Secret system ki nou pe propoze – grading system, se ki i pou anpes konfizyon.  Akoz si en dimoun i li i deside sirtou bann ki par anba konmansman 50 e pli ba, lakantite lasanm ki annan, li i deside poudir mon pa pou fer sa ; mon pa enterese pou mwan join sa grading system. 

Now ou pa kapab dir mon pa pare pou mwan join apre selman ou ale ou servi sa sistenm, akoz ou war i annan sa benefis ki ou kapab retire avek.  Si ou fer sa, ki pou arive se ki bann ki antre dan sistenm, ki ganny verifye, i ganny tyeke e bann lenspekter i war poudir ou pe meet bann minimum requirements, e ki ou pe score bann pwen ki neseser pou ou kapab ganny grade 1 to 5 Star depandan lo kalite ou physical building, ou bann services ki ou pe donnen kalite review ki ou pe gannyen avek ou guest, e sekirite tou bann fasilite service i al dapre sa nivo.  E en lot li i pa pe fer nanryen i senpleman servi sa menm sistenm, pou li vann son lekor, i pou kre konfizyon dan sistenm.  E a lafen the whole sistenm will not work.  A lafen se sa ki nou pe dir, se ki si ou opt ouswa ou deside pou pa join i ok – ou pa a join. Me selman ou pa kapab servi sa sistenm.

E si ou ganny atrape pe servi li, then i pou annan en fine nou met maximum R100,000 ; savedir depandan ki soz ki’n ganny fer, i posib nou a dir ou fodre ou tire or something like that.  E demen si ou tire napa problenm.  Me si ou kontinyen then definitivman nou pou bezwen rod en fason pou koriz sa problenm ki egziste.  Mersi Mr Chair.

 

MR DEPUTY SPEAKER

Mersi Minister.  Onorab Andre.

 

HON CLIFFORD ANDRE

Mersi Mr Chairman.   Mr Chairman mwan mon pa krwar sa ki sa nonm lasanm i devret al dan en Regilasyon. Akoz si i al dan en Regilasyon demen pou en rezon ou en lot Minis i santi ki – ok –  annou pa fer lakizasyon personnel, me selman si en dimoun i vini pou être realistik mon le sa i aplikab pou mon lotel, mon annan 70 lasanm Minis pou sanze, akoz i annan pouvwar pou fer Regilasyon i pou sorti 50 i pou mont 70.

Tandis ki letan i bezwen vin kot Lasanble, Lasanble i pou annan sa pouvwar pou kapab kestyonn Minis, e pou montre li akoz i pa bezwen sanze oubyen akoz i bezwen sanze !  So  mwan mon santi ki i bezwen annan en ceiling e sa ceiling Lalwa, the Act, is suppose to take care of the ceiling.  Okenn keksoz ki ou fer par anba sa ceiling,  you have a regulation you can do it by regulation me selman the enabling Act i bezwen protez sa bann dimoun koumsa pa konnen akoz Lalwa i sipoze kler.

I pa kapab at the whims and fancy of the Ministe -r not you but the Minister responsible for tourism letan li i deside pou li fer sa.  Letan i deside pou li fer sa.   Menm si i pou vin konman S.I. dan Lasanble, kot nou kapab challenge sa S.I.  Me selman sa dimoun letan i pe fer son laplikasyon, oubyen letan i pe fer son travay pou li ariv sa standar, i bezwen konnen kote i konmanse ; kote ki annan posibilite pou fini.   Mon pa an faver ki nou met sa bout dan en Regilasyon. Mwan  an faver ki nou gard li in the main enabling Act.  Mersi.

 

MR DEPUTY SPEAKER

Mersi Onorab Andre.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon annan en sityasyon ki mon dakor avek Minis mon dakor avek Onorab Andre tou lede an menm tan.  Mon krwar si nou tourn en pti pe an aryer bann ki partisip dan bann diskisyon teknik – en pe teknik lespri sete pou trouv en solisyon ki evolitif.  Ki evolye avek letan e ki permet bann dimoun pou opt in e opt out.

Sa problenm 50 lasanm mon krwar Minis i ava aksepte ki sa sityasyon kot nou pe met li dan Lalwa, oubyen nou devret met li dan nou Regilasyon mon dakor avek Onorab Andre, ki i bezwen reste dan Lalwa.  Akoz nou listwar malerezman – nou listwar in montre nou ki lontan ou ti dir car hire 25 loto maximum apre ler Gouvernman ti anvi ed ‘X’ madanm X oubyen msye’ X’ i ok mont li 30 apre ler i ti anvi pez Ms ‘Yok fer li desann 20.  Konmsi nou pe protez Minis nou pe protez Gouvernman avek en Lalwa ki pa arbitrer ; ki pa kapab ganny sanze pou arbitrer.   Mwan mon krwar ki Minis ou ava dakor ki san sa pozisyon 3 –  6(3) ki ou pe permet dimoun to join in – caters for sa sityasyon ki nou ladan.  Savedir i pa eksklizivman pou bann dimoun ki annan 50 lasanm oubyen plis.

Sa dimoun i kapab join in e pandan serten lannen nou pou war e mon hope parey mon asire zot hope, zot annan lespwar ki tou dimoun pou join sa sistenm.  Mwan osi mon krwar.  Me selman nou pe fer li dan en fason gradyel. So  mwan mon ti ava dir annou kit li ; annou kit li dan Lalwa, akoz nou pa pe i pa kontrent okenn dimoun.

Tou dimoun i kapab join sa sistenm. Me selman i pe met en minimum ki protez ki donn en pe rekonfor, bann dimoun ki anba, ki zot pa pe ganny forse pou zot join sa sistenm.  So sa i mon premye pwen. Mon ti annan en 2enm pwen ki tanzantan (alzheimer pe konmans antre) (laughter), me mon ava gete taler si mon -.

 

MR DEPUTY SPEAKER

Mersi vi ki’n ariv 3.38 mon sizere ki nou break lo sa pwen ganny en pe letan pou zot pans en pe plis lo la apre nou a kontiny lo sa deba, ler nou tournen dizon 4er.

 

 

(BREAK)

 

 

MR DEPUTY SPEAKER

Bon apre midi tou bann Manm Onorab.  Mon ti a donn petet 1minit zis pou nou demann en Manm lo sak kote pou asire ki tou bann lezot Manm i vini pou nou ganny nou quorum e minimum 17 dimoun pou nou konmanse.  Bon apre midi nou annan en quorum prezan nou pou kontiny nou travay lo Tourism Development Bill 2019.

Nou ti ariv lo Seksyon 6 (3) e (4) Onorab Andre ti fer en lentervansyon konsernan sa threshold 50 e i ti osi fer en komanter lo sa fine R100,000. Onorab Ferrari ti fek fer son entervansyon i pe siport e ou ti annan en lot pwen ki ou pa ti mazinen mon a les ou kontinyen.

 

HON JEAN-FRANCOIS FERRARI

Wi non mon ti anvi anmenn mon sipor pou Seksyon 4 akoz mon krwar ki parey lekspresyon i dir ‘‘you can’t have the cake and eat it at the same time.’’ So si ou opt in the system ou benefisye avek sa logo – si ou out of the system ou pa benefisye avek, ki mon mazinen poudir Minis i ava dir nou ki i pou annan en logo byen spesyal, byen determinen, ki pou ganny anrezistre e ki pou fer ki it will be obvious ki sa i en logo ki ofisyel, e ki pa kapab ganny servi – unless graded.  If you don’t grade then you can’t ou pa kapab sa. So sa sete pwen ki mon anvi fer.

 

MR DEPUTY SPEAKER

Mersi Onorab Ferrari.  Minister petet ou ti anvi fer en pwen avan nou bouze.

 

MINISTER DIDIER DOGLEY

Mr Chair.  Mon 100poursan dakor avek sa dernyen komanter ki Onorab Ferrari in fer. I plizoumwen in line  sirtou lo Seksyon 6 (4) si oule form par dan en tim, ou form par dan sa tim.  Si ou pa oule then nou pou zwe mannyer ou anvi fer li.

Me selman si oule grade i pou annan bann lavantaz pou ou, alor nou ti pou rod bann fason pou nou ankouraz bann ki le zwenn sa grading system, e nou pou ankouraz tou le zot an deor pou antre.  Me selman si oule deside pou serten rezon oule reste an deor, a lafen se ou swa selman ou pa kapab benefisye avek atraver an servi bann national grading system ki’n ganny met an plas.

Epi sa bout konsernan whether nou pou met li dan regulation ouswa la, mon’n tann largiman ki’n ganny levé la apre midi, e a lafen nou, nou pare pou swiv desizyon ki ganny pran.  I senpleman i fer li pli fasil ki bann ler ou annan bann detay ki dan Regilasyon plitar si ou bezwen sanze ou pa bezwen revwar antye sa Lalwa antye li menm.  Mersi Mr Chair.

 

MR DEPUTY SPEAKER

Mersi Minister.  Mon a demann Onorab Aglae ou ti le fer komanter ?

 

HON EGBERT AGLAE

Yes Mr Speaker.  konsernan sa si ou pou servi sa Seychelles Secret logo. Mon mazinen i bezwen annan bann pti letablisman, akoz depi ler Seychelles Secret in konmanse i deza anba la ki pe servi sa.  Ki pou arive si zot pa pe onore pou zot antre anba sa classification grading la?  Eski zot pou annan en negosyasyon ki pou bezwen ganny fer avek zot pou kapab – ?  Eklersi mwan si ou kapab.

 

MR DEPUTY SPEAKER

Mersi Onorab.  Minister.

 

MINISTER DIDIER DOGLEY

Mr Chair sa vye logo ki ti egziste avan, pou nepli ganny servi.  I annan enn totalman nouvo ki pou vini. E sa enn nouvo si oule servi fodre ou pas atraver sa grading system.  Mersi Mr Chair.

 

MR DEPUTY SPEAKER

Tre byen zis pou mon remind bann Manm ki nou annan 6 paz pou nou fini, e nou annan anviron 1erdtan si nou le fini li dan 1erdtan. Alor mon ti ava ankouraz zot tou pou demann zot kestyon dan en fason tre presi, tre bref e Minister osi mon war li pe fer tre byen dan larepons ki i pe donnen. Mersi Minis.  Nou ava kontinyen avek Onorab Andre, eski nou pase lo (3) e 6 (4) e nou kontinyen ?

 

HON CLIFFORD ANDRE

Mersi Mr Chair.  Mr Chair dan No.5 i annan zis bann tipografi ki’n ganny korize ‘accommodation, platform’ ‘platforms’ ek en ‘s’ apre ‘and are not related’ so i sa i straight forward.  6enm i dir ‘no destination management company to operate a travel agent or an online booking platform registered in the republic of Seychelles shall market or advertised an accomodation establishment with a grade by using the star grading’.

So sa i pe koz sa bann sa dimoun spesifik ki nou pe koz lo la sa bann grading, sa bann lensiny ki ganny donnen ; savedir i pa pou kapab servi sa.  Limero 7 ‘an accommodation and establishment which contravenes Section 6, shall commit an offence and shall be liable to a commission and fine not more than R100,000’.  Be  mwan mon war 7 i parey avek 4 akoz dan 4 i dir ou ‘by using insignia, stars, Seychelles Secret’. So si en dimoun in servi sa i pou ganny sarze anba 6 (4) apre anba 6 (7).

 

MR DEPUTY SPEAKER

Mon krwar 4 mon a les Minis petet elabore, me mon ki mannyer mon war li 4 i pou zis accommodation establishment e 6 i pou bann larestan DMCs, tour operators, travel agent eksetera.  Minis.

 

MINISTER DIDIER DOGLEY

Mersi Mr Chair.  Mr Chair anba Seksyon 7 i annan en koreksyon la i pa devret annan ‘accommodation establishment’ i devret link avek Seksyon 6 ; savedir bann destination management company, tour operators, travel agent avek online booking platform ki contravene sa pou kontinyen.  I annan en koreksyon.

 

HON CLIFFORD ANDRE

Savedir nou ti a propoze Minis i kapab dir nou ki oubyen nou a propoze ki a ‘destination management company ‘ensidswit – ‘tour operator which contravene’ so nou bezwen dir ; oubyen zis nou mete ‘any company which contravenes sub Section 6’ akoz sub Section 6 i koz lo sa bann entity si oule destination DMCs, tour operator.’  Me selman nou bezwen tire parey ou’n dir Minis ‘an accommodation establishment’ akoz it’s not an accommodation establishment.  Be selman nou bezwen kler lo kwa ki nou pe mete akoz sekretarya i bezwen formulate sa byen, so we need to have a clear wording.  Mersi.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mr Chairman.  I senp sa ou repran sa wording 6 zis tir sa ‘no’ i a vin ‘any destination management company, tour operator’ oubyen ‘a’ non met ‘any tour operator … or online booking platform registered in the republic of Seychelles’ konmsi ou pran sa ou paste li anba dan plas ‘an accommodation establishment’ e sa met la.

 

MR SPEAKER

Savedir i a lir konm swivan ‘a destination management company, tour operator, travel agent or an online booking platform registered in the republic of Seychelles, which sub Section 6 shall make an offence shall be liable of not exceeding a R100,000’.  Si Minister i dakor avek sa mon a ganny nou ava pran li ansanm avek tou larestan amannman nou pa ava fer en vot separe. Parske i paret nou tou nou dakor lo la.  Kontinyen Onorab Andre.  Nou pe al byen ziska konmela paz 8.

 

HON CLIFFORD ANDRE

Lezot i zis re numbering of the 9 i pou vin 8. 10 i pou vin 8, so i zis en re numbering of sa bann Seksyon ek son soz ki swiv.  Dan 7 (1) i dir ‘subject to sub Section 6 a person so this is straight forward.’ E Minis i koz lo zafer ‘Tribunal’ pou 8 i zot an faver pou sanze pou vin en ‘Board’ so mon ava les sa avek Komite pou deside kwa ki pli apropriye.

 

MR DEPUTY SPEAKER

Mersi eski lekel ki pou move en – ?.  Onorab Ramkalawan.

 

HON WAVEL RAMKALAWAN

Mr Chairman,  the word ‘Board’ i pli apropriye la. ‘Tribunal’ i annan en lot kononasyon legal this is the ‘Board’ like Overseas Treatment Board e toultan nou annan ‘Appeals Board’ dan bann Lalwa, not the word ‘Tribunal’.  Si ou ti pe set up a ‘Tribunal’ then you would probableman ou ti a bezwen en specific law.  So the word ‘Board’ i ok.

 

MR DEPUTY SPEAKER

Eski nou tonm dakor alor e Minister ki part kot ‘Appeals Tribunal’ i aparet nou pou ranplas li avek ‘Appeals Board?’  Minister.

 

MINISTER DIDIER DOGLEY

Mr Chair se egzakteman sa ki nou ti pe propoze depi ler mon ti fer mon lentrodiksyon.  Mersi.

 

MR DEPUTY SPEAKER

Mersi Minister.  Onorab Andre.

 

HON CLIFFORD ANDRE

Mersi Mr Chair.

 

MR DEPUTY SPEAKER

En pti moman Onorab André.  Onorab Ramkalawan.

 

HON WAVEL RAMKALAWAN

Mr Chairman.  Mon problenm avek sa Seksyon se letan i met en ‘representative of the Fair Trading Commission’.  Mon pe zis wonder si i napa en konfli la ?  Parske the Fair Trading Commission li i above everything.  So si ou deza  -parske en dimoun i kapab annan en problenm ki annan pou fer avek Fair Trading.

Konmsi mon pe propoze ki Fair Trading Commission li i ganny kit de kote ladan, because i en body ki en dimoun ki anan en problenm avek son whatever, i kapab al fer en prezantasyon kot Fair Trading Commission, poudir be i annan en problenm la avek ki mannyer keksoz i été – mon pe ganny afekte. But at the same time Fair Trading Commission i a pe konplent avek sa body be it en member ki lo ‘Appeals Board’. 

So mon war en eleman konfli la – en eleman konfli because the Fair Trading Commission i en Commission ki annan sa rol its an adjudicating body.  E you cannot mon krwar i pa pou normal pou ou annan en Manm from an abjudicating body as a member of the Board.

Mon ti a plito war ki – ok you have a Chairperson fine, a representative of the Seychelles Tourism Board. E petet somebody from be it SCCI private whatever, me selman not the Fair Trading Commission.  Mon krwar Minis i konpran sa ki mon pe sey met devan.  Mersi.

 

MR DEPUTY SPEAKER

Mersi Onorab Ramkalawan.  Avan Minis i donn en komanter Onorab De Commarmond lo menm pwen.

 

HON CHARLES DE COMMARMOND

Wi i lo menm pwen.  Non zis konmsi pou donn rasyonnel akoz ki zot in servi Fair Trading Commission?

 

MR DEPUTY SPEAKER

Mersi.  Minister.

 

MINISTER DIDIER DOGLEY

Konprenezon. Mr Chair  konprenezon ki mon annan se ki i ti en rekomandasyon ki ti sorti kot Attorney General’s Office. I pe dir poudir nou ti devret servi en lorganizasyon ki deza endepandan, ki i adres bann issues pou fer avek fairness dan lafason ki bann biznes i fer.

Prezan zot ti propoz sa. The other – lot kote mon konpran largiman ki Onorab Ramkalawan pe vin avek ; kot i Fair Trading i enn bann landrwa ki ou ale si ou annan en problenm avek en dimoun ki pe supply ou en serten servis en serten kalite biznes or whatever it is.  Nou, nou napa en pozisyon ferm lo annan Fair Trading ladan. Nou kapab pran en lot dimoun osi ki annan sa entegrite.

Mon krwar lesansyel ki nou ti a voudre war ladan, se ki sa bann dimoun ki asiz lo ‘Appeals Board’ i bann dimoun ki trustworthy, ki annan bann ki bann dimoun ki dimoun i vreman kapab krwar ki i pou donn zot en fair hearing, e ki a lafen rezilta desizyon ki pou ganny pran i en desizyon ki zot pou santi zot, kanmenm zot pa pou dakor avek zot pou santi ki sa bann dimoun i pa pe pran okenn lentere personn.  Mersi Mr Chair.

 

MR DEPUTY SPEAKER

Mersi Minister.  Onorab Ramkalawan.

 

HON WAVEL RAMKALAWAN

Mr Chairman.  Mon a met en lot propozisyon.  Mwan mon krwar ki enn bann keksoz ki nou war dan bann Lalwa ; par egzanp letan nou ti pe regard Truth and National Reconciliation Bill, nou ti a pe dir olye ki dan en Lalwa ou aktyelman spesyalman ler ou pe al dan en ‘Appeals Board’ ensidswit pou aktyelman mansyonnen Tourism Board oubyen ki lot, akoz ou pa senpleman dir ‘there shall be an Appeals Board consisting of 3 persons appointed by the President’.

E li aprezan konmsi ou kit keksoz ase larz e sa i ava permet pou ki – si Prezidan oubyen lo rekomandasyon Minister Tourizm, zot santi ki i annan serten dimoun ki pa ni lo Tourism Board, ki pa ni lo zot.  Me selman ki annan en bon konesans dan bann zafer tourism, ki zot santi ki ti ava fer en bon travay ; konmsi ki la ou ava pe met an term lefikasite an term konesans parske ou konnen ou end up parfwa par egzanp kot ou war poudir ou lo en Board lo ki Board National Tender Board a member from CEPS.

Be CEPS i kapab antann dimoun ki pa konn nanryen lo bann zafer tender me selman zis akoz ou bezwen zot bezwen anvoy en dimoun zot anvoy en dimoun e finalman apre FPAC ki ganny blanmen.  Ok mon krwar ou sezi sa ki so mon ti ava propoze ki konman en amannman ki poudir ‘there shall be an Appeal Board consisting of 3 persons appointed by the President one of whom shall be a Chairperson’.

 

MR DEPUTY SPEAKER

Nou annan en propozisyon ki’n ganny fer eski propozisyon in ganny segonde.  Ok Onorab De Commarmond ou segonn.

 

HON CHARLES DE COMMARMOND

Yes mon segonn sa amannman Mr Chair.

 

MR DEPUTY SPEAKER

Petet si Onorab Andre i la ou kapab or zis Onorab Ramkalawan ou kapab zis redonn nou wording presi pou nou mete.

 

HON WAVEL RAMKALAWAN

‘There shall be an Appeals Board consisting of 3 persons appointed by the President, one of whom shall be the Chairperson’.

 

MR DEPUTY SPEAKER

Ok nou annan en propozisyon pou lamannman.  ‘‘There shall be an Appeals Board consisting of 3 persons appointed by the President, one of whom shall be the Chairperson’’.  So nou kapab pran li mon pa krwar i annan kontansyon lo la, nou ava pran li ansanm avek tou bann larestan amannman ki nou pe sizere dan sa dokiman ki devan nou.

E answit mon mazinen (a), (b) ek (c) i sorti i ganny delete ok?  si mon kapab sizere lo sou Seksyon 3 ‘the Chairperson of the Tribunal i vin the Chairperson of the Appeals Board’.  Onorab Andre mon a donn ou laparol pou kontinyen e partou kot ‘Appeals Tribunal’ i aparet nou pou ranplas li par ‘Appeals Board’.

 

HON CLIFFORD ANDRE

Mersi Mr Chair.  Nou kontinyen lo paz 8, i dir ‘a person shall not be appointed as a Chairperson if’ i bezwen donn ou bann klarifikasyon ki si in komet en lofans ensidswit.  Me selman letan nou pe get ‘c’ – ‘c’ mon krwar Minis ou bezwen eksplik nou en pti pe akoz mon konman en avoka mon war i annan en pti keksoz ki en pti pe difisil ladan.  I dir ou ‘has been convincted and undergone imprisonment for  a term of 6 months’.

Normalman i dir ou ‘has been convicted for a term of 6 months’ unless ki zot pe dir i annan dimoun ki pou ganny convicted e i pa neseserman ki in undergone sa term of imprisonment.  Akoz i kapab ganny convicted, suspended or convicted for a reason of another me i pa’n undergo sa imprisonment.

 

MR DEPUTY SPEAKER

Minister eski ou le klarifye ?  Eski sa sete lentansyon ki fodre ou’n ganny kondannen e fodre ou’n ganny prizon la aprezan ou pa pou kalifye?

 

MINISTER DIDIER DOGLEY

Mr Chair 2 keksoz.  The first one mon konpran kote Onorab Andre i pe sorti ek son largiman. Mon krwar lesansyel ki nou pe rode se ki pa en dimoun ki’n ganny convicted for anything apart from kekfwa si ou’n ganny en pti soz pou driving vit ouswa bann keksoz koumsa.  Me  si ou’n ganny convicted you should not be used, akoz ou karakter definitivman i en issue.

Me selman pou retourn lo limero Section 8(3) Chair mon pan tro konpran ki ou’n dir lo Section 8 (3) ?  Eski ou pe dir fodre ganny retire ? Akoz ou annan bout sa group kalifikasyon avek leksperyans i devret i primordyal dan sa zafer.   Selman i demann mon pa tro konpran ki ou’n dir si ou kapab repete silvouple.

 

MR DEPUTY SPEAKER

Non sel keksoz ki  mwan mon’n sizere dan 8(3) se olye apel li the ‘Chairperson of the Tribunal’ i devret ‘Chairperson of the Appeals Board.’ Se tou ki mon’n sizere.  Onorab Ramkalawan.

 

HON WAVEL RAMKALAWAN

Mr Chairman –  mon krwar ki lefe ki ou annan 3; 3 talks of ‘a person from the private sector’ dimoun ki pou vin the ‘Chairperson’ ‘having qaulifications experience’ dan ‘tourism sector’ i bezwen ‘of good character and integrity’ mon krwar ki sa bann kalifikasyon i fer ki ou No.4 i vin redundant.

Parske ‘a’, ‘b’ and ‘c’. parske an plis ki sa ou pou al ganny problenm avek ‘a’ nou ti pas en Lalwa, kot nou ti dir madanm well nou ti dir ki en dimoun ki dan en parti politik pa pou kapab vin Chairperson Lakour D’Appel in rule ki poudir letan ou en politisyen ou en ou en dimoun ordiner.  Ou pa sepa par lao tou keksoz ensidswit.  Alors in montre ki poudir konman en politisyen ou kapab osi fer lezot keksoz.

E Madanm Alexia in anmenn sa case Ankour e in win sa case Ankour. Alors mon krwar ki nou pa kapab.  E i ti en case Konstitisyonnel, nou pa pou kapab retourn lo la pou nou remet sa Lalwa, parski nou pou fer nou Lalwa kont Konstitisyon. Sa i premye.  Lo kote 2enm of course complete letan Prezidan i ava pe swazir sa dimoun, i pou bezwen take into consideration e zot osi tou, zot devret take into consideration sa eleman ‘conflict of interest. ‘

E apre sa ‘c’ parey mon dir ‘person of good character and integriyty’ si en dimoun in al prizon pou 6mwan akoz in involve dan fraud, dishonesty and moral turpitude, mon krwar otomatikman ou pa pou kapab dir sa bann dimoun i of good character and integrity.  So sa ki  mwan mon pe propoz,e se ki Section 4 i ganny retire altogether, because it is covered by 8 (3).

 

MR DEPUTY SPEAKER

Mersi Onorab Ramkalawan.  Mon sel komanter lo la se ki anba 4 dan bann komanter par kote tourism ti pe osi sizere ki olye servi sa mo Chairperson zot azout ‘and’ or’ member.’  Savedir i ti pou azout valer avek sa Clause akoz i pa ti pe get zis Chair i ti pe get lezot Manm.

 

HON WAVEL RAMKALAWAN

Mr Chairman ou kapab fer en keksoz dan 3 poudir ‘the Chairperson and members of the Board shall be persons’ non akoz ou bezwen met amwen ki ou ti ekri ti mete si zot aksepte zot a kapab mete ‘shall be persons having qualificatiosn and experience in the tourism sector as may be prescribed and of good character and integrity’ is it.

 

MR DEPUTY SPEAKER

Mon konpran ou byen mon a demann Minis son pwennvi apre petet nou kapab les sa ganny segonde.  An atandan Minis mon krwar ki Seksyon 4, 5, 7 ek 8 tousala i annan pou fer avek Chairperson menm.  So mon prezimen.

 

MINISTER DIDIER DOGLEY

Chair im ready mon pare pou don larepons konsernan.  Nou krwar poudir Seksyon 4 i devret reste e parey Onorab Ramkalawan in dir mon krwar sa i pa zis devret aplik pou Chairperson me bann i whole i mean bann members osi.  Me selman nou ti pe a and c tandis ki p nou krwar i devret anba 4 (b).

Akoz sa bout anler anba 3 vre i take i pran konsiderasyon 4 (c) savedir of good character and integrity me a mon dakor avek li avek bann desizyon ki’n ganny pran resaman poudir sa osi pa stand.  Be selman nou krwar poudir i devret eksplisit in the law e nou krwar i devret reste.  E ankor i pa devret aplik zis pou Chairperson, i devret aplik pou bann lezot members osi.  Mersi Chair.

 

MR DEPUTY SPEAKER

Mersi Minister.  Savedir zis pou Onorab Andre ki pe take note of bann amannman sa ki ou pe dir Minister eski ou pe dir anba 3 i pa pou vin zis the Chairperson ‘the Chairperson and or member of the Appeals Board shall be persons having qualifications and experience in the tourism sector as maybe prescribe and of good character and integrity.’ So sa premye lamannman oubyen nou pa tous li.

 

HON WAVEL RAMKALAWAN

Non 3 i reste avek propozisyon Minis.  3 i reste parey i été la eksepte sa sanzman ‘of Tribunal’ met ‘Board’ e aprezan 4 i vin ‘a person shall not be appointed as Chairperson or Board member of the Board if that person’ tir (a) ‘is a’ tir (b) konmsi konman son konmsi i vin ensel lanniy.  ‘If that person is an owner or operator of or has any interest in an accommodation establishment’.  Tir sa ‘or’ apre tir (c).

 

MR DEPUTY SPEAKER

Ok Onorab André i pou vin ‘a person shall not be appointed as Chairperson or member’.

 

HON CLIFFORD ANDRE

Si mon kapab.

 

MR DEPUTY SPEAKER

Onorab Ferrari.

 

HON JEAN-FRANCOIS FERRARI

Bon kekfwa i kapab annan en pti problenm si nou kit ‘is an owner operator or any interest of any accommodation establishment.’ Why accommodation can’t it be a tourism establishment it can’t be.  I mean classification is just for accommodation – ok ?

 

MR DEPUTY SPEAKER

Ok, Onorab Andre.

 

HON CLIFFORD ANDRE

Mon pou mon santi pou annan en lot problenm akoz si nou pe met kalifikasyon an term zis Chairperson ki anba part 3 epi nou pe met ‘Chairperson and member’ nou pa pe met son integrity an zwe of the members.  Mon sizesyon Leader Lopozisyon in dir ki annou kit 3 parey mon sizesyon se ki nou azout ‘or member’ dan 3 akoz i fer ki si nou pe tir integrity anba dan 4 (3) nou pe tir c avek a savedir ‘the members intergrity is not put into question’ nou pe gete li tro lib nou bezwen met li anler.

 

MR DEPUTY SPEAKER

Ok Minister mon a les Onorab Ramkalawan avan apre Minis.

 

HON WAVEL RAMKALAWAN

Mr Speaker Mr Chairman dan sa ka 3 mon ava fer en propozisyon should read ‘the Chairperson and members of the Board shall be persons having qualifications and experience in the tourism sector as maybe prescribed as of good character and integrity’.  Tir sa word ‘private sector’ because i pa neseser ki i posib osi dan ‘public sector’.  ‘The Chairperson and members of the Board shall be persons having qualification and experience in the tourism sector as may be prescribe and of good character and integrity’.

 

MR DEPUTY SPEAKER

Zis mon ti ava azout sa mo ‘Appeals Board’.

 

HON WAVEL RAMKALAWAN

Yes of the ‘Appeals Board’ yes mon krwar sa i ava antre sa.

 

MR DEPUTY SPEAKER

Ok nou kler lo sou Seksyon 3 alor 4enm shall be ‘a person shall not be appointed as chairperson or member of the Appeals Board if that person is an owner or operator or of has any interest in any accommodation establishment’.  Ok annou kontinyen.  Minister.

 

MINISTER DIDIER DOGLEY

Sa propozisyon i en tre bon propozisyon selman i kre en lot problenm.  Si nou pe dir poudir tou dimoun i lo sa Appeals Board fodre i annan kalifikasyon avek leksperyans dan tourism sector i kre serten problenm.  Akoz demen ou kapab le pran en lot dimoun ki en senp Manm me ki pa neseserman annan leksperyans dan tourism.

Nou ti oule poudir sa Chairman li i devret sa eksper at least dan sa sekter.  Probableman nou pou bezwen annan en 2enm nou bezwen seperate qualification ek experience in tourism sector avek nesesite ki tou bann Manm i of good character and integrity. 

Probableman nou pou bezwen annan de diferan sentence enn ki koz lo Chairman ki i bezwen annan sa kalifikasyon and experience dan tourism sector apre 2enm i koz lo tou bann Manm Board zot pou bezwen be of good character.  Probableman nou bezwen seperate sa de keksoz.  Mersi Mr Chair.

 

MR DEPUTY SPEAKER

Si nou tonm dakor lo son prensip petet nou pa bezwen fer drafting la nou kapab demann Onorab Andre to propose final drafting lo sa selman prensip i kler.

 

HON CLIFFORD ANDRE

Minis i le separ leksperyans avek kalifikasyon Chairperson diferan kont members akoz members i kapab pa neseserman ki i annan sa leksperyans mon ava zis propoz sa.

 

MR DEPUTY SPEAKER

Ok tre byen kontinyen Onorab Andre.

 

HON CLIFFORD ANDRE

Nou kontinyen lo paz 9 i zis donn lendikasyon lo oubyen gidans lo ki mannyer en dimoun ki ‘aggrieve by the Appeals Board may appeal to the Supreme Court’.  So ki fer la mon krwar i retourn nou en pti pe an aryer lo konsern ki Leader Lopozisyon ti eksprimen an referans avek Fair Trading Commission.  Parske Lalwa i kler ki si en dimoun lo Appeals Board pa santi in ganny en fair deal i pa bezwen al kot Fair Trading Commission i al direk kot Supreme Court e sa Lalwa ki fer.

So i pa pou kapab sanz i pa pou kapab fer en keksoz ki Lalwa pa permet li fer.  So prezan mon krwar ki i ava enportan ki nou deside si nou kit li parey i ti été avan oubyen par lefe ki nou sanze i kapab enkli en dimoun ki lo Fair Trading Commission i pa eksklir en dimoun ki lo Fair Trading Commission.  Ok so si nou pou kit li parey i été nou ava kontinyen me selman Minis ou pran cognisance letan Prezidan pe apwente i kapab enkli en dimoun ki dan nenport ki sekter akoz Supreme Court will be the ultimate decision maker with regards to the Appeals that has been taken.

 

MR DEPUTY SPEAKER

Ok sa i kler.  Mon pa krwar poudir i annan okenn danze ki pou arive.

 

HON CLIFFORD ANDRE

Ok nou al lo Seksyon 10 i zis bann additions ki’n ganny mete including the disaster, preparedness and risk management.  So sa i enkli sa ki letan i pe donn en license bann minimum requirement ki’n ganny azoute pou fer sir sa bann letablisman i pran an konsiderasyon sa bann eleman.

Nou lo paz 11 prezan lo paz 11 anba 13 i annan en nouvo Seksyon ki’n ganny azoute ‘for the purpose of this Section the Minister may establish Authorities or Agency’.  So mon krwar i annan en duplicacy me selman i napa nanryen akoz i deza i ti deza met Agencies avan.  Minister ou pe follow 13 (4) ok nou ava kontinyen.

Nou al lo paz limero 12 (15) kot i met ‘offences notwithstanding anything contrary to Section 5 a person who operates’ prezan i a donn ou sa bann kalifikasyon.  Apre anba ‘c’ in mete Section 13, ok so Section 13 i an referans avek planning, developments and growth maintain a databaseSo i bann keksoz ki zot bezwen bann kalifikasyon ki sa bann letablisman i bezwen annan e si zot pa gard sa so i pou vin en lofans anba Lalwa.

Nou annan bann additions topographical compounding of offences persuent to Section 15 offences as may be prescribed by regulations’So Minis pou annan sa pouvwar pou li fer Regilasyon pou met lezot lofans ki kapab ganny konsidere konman en lofans. Akoz i dir ‘what is prescribed by regulation.’ Selman sa pou an konsiltasyon avek Attorney General ki mannyer i mete ladan. E  mwan mon krwar i ok. Mon pa konnen si Minis oubyen lezot Manm i annan konsern lo la – ‘compounding of offences.’

 

MR SPEAKER

Ale kontinyen Onorab Andre.

 

HON CLIFFORD ANDRE

Nou kontinyen nou al lo nou dernyen paz limero 13 yes ?  Mr Chair mon krwar Minis i annan en konsern.

 

MR DEPUTY SPEAKER

Minis.

 

MINISTER DIDIER DOGLEY

Mersi Mr Chair.  Anba 16 (1) i pe prescribed pou Minis fer regilasyon pou ‘compounding ‘e mon kestyon ki mon demande eski nou pa kapab senpleman mete dan Lalwa ki donn Lotorite pou fer compounding direk isi pou al fer Regilasyon pou fer compounding ?  Akoz ki nou pa senpleman antre ladan poudir anba sa Lalwa lotorite pou kapab i annan i pou annan sa swa pou li fer compounding ouswa met son bann keksoz ankour ki si i pou al fer Regilasyon pou enable compounding. 

 

MR DEPUTY SPEAKER

Onorab Andre.

 

HON CLIFFORD ANDRE

Mon pe esey konpran sa ki Minis pe dir, me selman parey ou pe dir parey boner in dir nou pa neseserman i pe al kre bann lotorite avek bann Lazans so ki mannyer prezan letan i ariv la poudir ou pou donn sa bann Lotorite avek Lazans pouvwar pou compound in the main Act itself?   Mwan mon krwar mon leksperyans konman en avoka, mon krwar ki i bon si ou gard sa rRgilasyon.

Akoz ou Regilasyon letan ou gete Minis i pa’n kit ou tousel; i pa’n kit ou tousel me in donn ou ansanm avek konsiltasyon avek Attorney General. So ou pou annan sa prosekiter posibleman pou fer sa case e definitivman sa Lazans pou konsilte avek li akoz i kapab aksepte i kapab pa aksepte.   Mwan mon krwar ki mannyer i été pou mwan i ok akoz i bezwen annan serten fleksibilite osi dan serten keksoz.  Akoz si ou met li anba Lalwa i pou difisil pou sa prosekiter fer compounding, akoz i pou oblize plito pou li fer , ki ou les sa opsyon ouver.

 

MR DEPUTY SPEAKER

Zis petet si Minis i kapab klarifye ler nou pe dir anba

16 (1) ‘the Minister may in consultation with the AG compund the offence as may be prescribed’ eski i pe dir poudir anba 15 kot ou kapab annan en fine ziska R100,000, ki enn fwa i compound e i prescribed sa sonm ki ou pou fine li, ki mwens mon mazinen, akoz i pe compound mwens ki R100,000 se pa Minis ki pou deside.  Me ou akoz mon konn ou mon a fer ou pey R50,000 me sa lot si in pa’n prescribed mon kapab fer li pey R25,000.  Alor mon mazinen enn bann rezon in met prescribed, se i pa donn fleksibilite en dimoun me i donn li fleksibilite lo kriter compounding. Me sanmenm sa i prescribed li eski sa i leka Minis?  Onorab Ferrari.

 

HON JEAN-FRANCOIS FERRARI

Lefe ki it is not in consultation with the Attorney General can’t we assume that the Attorney General will set the penalty no the Minister and the Attorney General is like a acting as a Judge non?  Konmsi I – mon pa tro konnen ki mannyer i marse.

 

MR DEPUTY SPEAKER

Mon napa any strong views. Mon napa okenn lezot Lalwa i fer letan ou pe compound. Minister?

 

MINISTER DIDIER DOGLEY

Mr Chair normalman ler i annan compounding i sa ki nou appel en out of court settlement i annan en negosyasyon ant sa de parti.  E normalman se reprezantan AG ki gid lo Lagreman lo the final sum ki zot agree a lafen.  Mon kestyon se akfer ki nou bezwen fer Regilasyon si nou kapab fer antre sa direkteman dan Lalwa ki si pou al drafte Regilasyon akoz si i la dan Lalwa i dir i donn opsyon Minister pou fer out of court settlement ouswa pou al Ankour.

Nou senpleman donn sa swa olye ki dir poudir i posib pou fer, me selman ou bezwen al drafte Regilasyon pou ou fer li.  Akoz ki nou pa al direk dir an konsiltasyon avek Attorney General’s Office ou a kapab fer out of court settlement ouswa compounding.

 

MR DEPUTY SPEAKER

Ok Onorab Ramkalawan.

 

HON WAVEL RAMKALAWAN

Yes Mr Chairman.  Mon konpran kwa ki Onorab Andre pe sey met devan e me selman son problenm se ki le moman ki ou pou al mete dan Regilasyon parske la ou pe tonm lo en settlement lo en sonm dan Regilasyon ou pa pou al ou pa pou kapab mete ki poudir be si in al met son lansenny en landrwa ki pa’n tro war.   Alors li i pou al ganny R25,000 petet i pou difisil.  Parske sa i pou bezwen ganny fer ok en lofans in ganny komet e sa dimoun in pare pou li in aksepte ki poudir in fer en lofans e i annan en negosyasyon ki ganny fer.

So mon osi mon krwar ki dan en ka koumsa mon krwar ou depann lo bon zizman Minis e Minis pa pe fer sa li tousel Minis pe fer sa an konsiltasyon, avek Attorney General ki toutfason si i annan dimoun ki’n anmennen Ankour se biro Attorney General ki ti pou pourswiv li ki ti pou akt konman Prosekiter.

E ki petet letan i ti pou pas santans osi tou lo konbyen i pou peye zot ti pou annan en rol pou zwe ladan.  So mon osi mon krwar ki mon krwar ki ‘compound the offence’.  Tir sa zafer Regilasyon e nou kit sa parske i spesifik bann lofans ki sa dimoun in ‘operate’ en akomodasyon ‘without classification or grading in display or in market en etablisman contrary to classification or grading granted.  Fails to provide the information called for under Section 40’.

Me an menm tan osi sa bout la letan ou retourn lo sa Lalwa pou ou regard bann lofans parske i deza mete bann lofans konbyen ou pou peye se la kot mon trouv en pti duplication avek 15 parske sa 3 keksoz la i dir i ‘commit an offence and is on convinction not exceeding R1000’. 

E letan ou pe regard Seksyon 6 (6) non 6 (7) i annan sa lofans R100,000 i annan de landrwa ki annan 6 (4) osi tou 6(4) non i annan en pti diferans.  Non 6(4) i si en letablisman i deside pou li pa be graded under Section 3 me i servi in fini en staz e Seychelles Secrets logo la i annan en lofans.  Apre 6 (6) letan i advertise lo en grade ki pa sipoze ok i osi tou i annan en lofans.

E dan en serten sans i mon krwar finalman Mr Chairman parey nou pe dir e mon espere Onorab André i dakor avek sa ki after konsiltasyon so it will read ‘where a person 16 (1) where a person agrees in writing to the compunding of an offence punishable under Section 15 the Minister may in consultation with the Attorney General compound the offence’.

 

MR DEPUTY SPEAKER

Minis i dakor avek sa Onorab Andre.

 

HON CLIFFORD ANDRE

Mon pou zis esey montre Lasanble avek Minis, akoz kekfwa i bezwen annan regilasyon.  Akoz Section 15 i koz notwithstanding Section 5 e Section 5 i koz ou policies.  So Section 16 i an referans avek Section 15 kot Section 15 i refer ou avek Section 5.  Sanmenm sa ki fer ki ou pou bezwen annan Regilasyon pou cater pou bann policy ki ou’n pran konsiderasyon dan Section 5.

So this is why you have ou bezwen annan en Regilasyon si ti napa si ou Section 15 pa ti fer referans avek Section 5 definitivman mon ti pou tant pou agree avek sa ki pe ganny propoze pou Seksyon 16.  So par lefe ki i annan referans ou pou bezwen fer en Regilasyon Minis.  Ou pa kapab escape sa responsabilite pou fer Regilasyon ou pou bezwen fer anba Seksyon 16.

 

MR DEPUTY SPEAKER

Minister s -.  An atandan Minis Onorab Pillay si oule.

 

MINISTER DIDIER DOGLEY

Mr Chair mon krwar nou kapab kontinyen avek i pa en issue.

 

MR DEPUTY SPEAKER

Alors nou kit li parey i été pou le moman.  Onorab Andre zis kontinyen.

 

HON CLIFFORD ANDRE

Mersi Mr Chair.  Mr Chair nou annan de dernyen nou annan 18 Seksyon 18 ‘accommodation and establishment’ akoz la i koz en bout i koz boat charter, dive centers i koz tou anba 5 kot sa Regilasyon i ganny fer ki i kapab ganny konsidere dan Seksyon 18 e nou annan 18 (g) ki dir ‘any other matter which is required to be or maybe prescribe for implementation of this act’.  Ok sanmenm sa ki pou fer ki Minis anba sa Regilasyon i fer en sel i pa bezwen disteng Regilasyon.

19 i annan bann additions ki mete ‘which require classification under Section 6’ kot ti dir ki mannyer classification ki mannyer pou fer under Section 6.  So sa annefe i pou konklir bann gro lamannman ki’n ganny propoze e unless nou annan klarifikasyon, mon pe soumet sa avek Lasanble pou konsiderasyon.   Mersi.

 

MR DEPUTY SPEAKER

Mersi Onorab Andre.  Onorab LGB.

 

HON CHARLES DE COMMARMOND

De pti keksoz enn dan lo paz 14 18(2) (a) zis mon le fer resorti ki tou sa ki nou amande dan Seksyon 5 i vin ladan par egzanp pa pou operator pou ‘operate dive operators’ pou vin ‘entertainment’ apre i kontinyen parey sa.  Wi i pou consistency.  Apre mon le retourn en pti gin deryer Mr Speaker.

Lo 4 paz 9 (4) amannman ki nou fer taler zis mon pe mazinen ler nou dir nou tir a) ‘hold office in or is an employee of a political party.’ Nou ti pe refer lo case ki Mrs Antao in gannyen.  Me selman sa case i pa tous sa mon krwar sa nou devret kit li sa akoz sa case i tous sa letan Mrs Antao in sorti konman en member en hold office i pa ti pe hold office a sa letan.  Mon – I want to be konmsi mon le ki nou kler lo la nou -.  Thank you.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Petet poudir avek Onorab De Commarmond li son case sete ki sa Seksyon dan Lalwa ti kont Konstitisyon – ok So i pa ti en kestyon li i pa’n kapab, akoz sa oubyen -.  Sete ki parske konmsi i ti a pe fer en klasifikasyon e sa ti pe afekte drwa nenport politisyen dan sa ka.   War e se sa ki sa Lalwa tou i fer sa Lalwa la ki i fer, si nou kit li parey nou pe dir i pou vedir ki malgre ki Onorab De Commarmond ou annan leksperyans dan tourism senpleman, akoz ou a pe travay konman ou annan en pozisyon dan parti, ou pa pou kapab pran sa responsabilite ou.

Se sa ki i fer.  E ki e mwan osi mon pou dakor pou nou e nou koman politisyen osi tou nou bezwen montre dimoun ki poudir en politisyen i en imen, i annan abilite i annan lentelizans, i annan konesans.  E ki i pa neseser konmsi pou ou klasifye politisyen zis konman en group egzakteman en dernyen group ki poudir konmsi letan ou sorti la dan Lasanble, ou fini mor – ou en zero.  Konmsi – . E se sa fodre nou montre ki poudir letan ou annan ou degre dan matematik ou vin dan politik be letan ou sorti dan politik, ou sorti avek ou degre dan matematik ou konpran mwan – ok?

Egzakteman ki konmsi ki fodre pa ki dan sa Lasanble nou pas bann Lalwa, nou konman bann politisyen ozordi dan sa Lasanble nou pas bann Lalwa ki abes nou menm.  Parske dan sa pti liv ki appel Konstitisyon nou osi tou nou annan nou dwa ek responsabilite.  I pa zis sa bann dimoun ki laba deor ki kot lo politisyen kan tou Seselwa ozordi i en politisyen.  Mersi.

 

MR DEPUTY SPEAKER

Mersi Onorab Ramkalawan.  Onorab Pillay.

 

HON SEBASTIEN PILLAY

Mersi Mr Speaker.  Bonn apre mdii.  Mr Speaker mon konpran tou lede largiman, me selman dan sa largiman dan sa Lalwa spesifik ki Onorab Ramkalawan in fer fas pe koz lo la se sa Lalwa Human Rights Commission.  I ti fer en diskalifikasyon 6mwan ki ler en dimoun in resign from en political party pou li pa kalifye pou vin dan sa louvraz.

E ler sa challenge ti vini Ankour se sa peryod 6mwan ki ti ganny challenge ki ti tonbe ; ki ti dir ki ou pa kapab diskalifye sa madanm si li i ti fini resign from sa political party.  Me Lakour ler ou get sa zizman i sa Lakour Konstitsyonel ti oppose sa premye vers sa premye bout an se ki konsern lasosyasyon avek en parti politik.

E mon krwar Onorab André mon krwar si i a kapab klarifye sa.  So nou bezwen pran en pozisyon la akoz i pou annan ankor Lalwa ki pou vini ki pou fer serten distenksyon baze lo petet sa konteks sa Lalwa ki pou reprezant devan nou, oubyen son remit sa Lalwa.  So nou, nou bezwen pran en desizyon ozordi whether or not si Minister in met sa kondisyon dan sa Lalwa, se pou fer ki i napa en sa ki zot pe antisipe en lenfliyans politik, akoz in fer kler i dir ou sa dimoun i bezwen hold Office or is an employee of a political party.

Mon krwar se sa ki nou bezwen ganny son imput as to sa.  Akoz nou bezwen kler ki case Madanm Antao son baz sete sa 6mwan ki mwan osi mon dakor, ki ou pa kapab diskalifye en dimoun pou 6mwan ki i pa kapab apply pou en keksoz, apre ki in fini resign dan en political party.  Mon krwar se sa ki ti challenge e i ti ganny lo baz sa challenge ki la si nou get rikord sa case devan Lakour Konstitisyonnel.  Petet ti ava bon donn Minis loportinite pou li eksplik nou akoz zot in met sa morso Lalwa ladan.

 

MR DEPUTY SPEAKER

Non Onorab Pillay mon krwar ou’n vin an retar, nou fini diskisyon lo la Minis in fini dakor ki sa i ganny tire nou pa kapab retourn lo la.

 

HON SEBASTIEN PILLAY

Be Mr Chair.  Mon pe zis kosyonn Lasanble ki si nou pran en pozisyon ozordi, lo en Lalwa kot nou tir sa clause ladan nou pou etabli en presedans kot nou pou bezwen pran menm pozisyon avek tou Lalwa.  E i vedir ki demen si i annan en Lalwa ki i nesesite ki ou annan sa Clause ladan nou pou tir li.  So sa ki mon pe demann Lasanble, se pou konsider largiman ki nou avanse e tyek sa largiman baze lo bann levidans e rapor ki Lakour Konstitisyonnel in donnen lo sa.

Mon en Manm e mon pe eksprim mon lopinyon lo sa size Lasanble.  I en kolektiv e li i kapab fer son desizyon.  Me a mon avis Mr Speaker sa case ti ganny eksplike devan medya e tou bann avoka ki ti dan sa case i ti eksplik sa case.  E baze lo sa leksplikasyon sete sa peryod 6mwan ki ti an kestyon ki Lakour Konstitisyonnel ti rezete, me i pa sa lefe ki si en dimoun ti hold office in a political party.  Mon ti le met sa devan Lasanble.  Mersi bokou Mr Speaker.

 

MR DEPUTY SPEAKER

Mersi.  Mon krwar ou pwen i ganny note byen i osi annan sa pwennvi ki Lasanble li menm e bann Manm i santi osi poudir zot pa devret ganny en diskriminasyon kont zot.  Me sa pwen ki ou’n fer i en pwen valid e nou note.

 

HON WAVEL RAMKALAWAN

Selman i enteresan ki Onorab Pillay i vin an dernyen in koz parey in koze.  E i dir avek ou i dakor avek Lakour, selman i ti ede pou vot sa Lalwa li i ti vote pou wi be sanmenm wi mon pan dir nanryen ki poudir mon pa soz Lakour in dir sa.  Li i leve pou li met sa dan Lalwa la ozordi i vini i dir avek ou mon dakor avek lakour pa ti devret dan sa Lalwa.  Onorab !

 

MR DEPUTY SPEAKER

Non annou pa ouver.

 

HON SEBASTIEN PILLAY

Non mon kontan in dir sa mon apresye in dir sa Mr Speaker.  E sa ki enteresan avek sa li osi in vot sa Lalwa nou ti ansanm dan sa prosedir so mon konnen i kontan.

 

MR DEPUTY SPEAKER

Annou kontinyen avek travay Onorab Andre in soulev preski tou bann amannman ki nou pe fer e mon ava zis vitman koz lo bann ki nou pran la apre midi, par egzanp ‘hotel’ kot sa definisyon – nou’n azout lo laliny 5 ‘beverage, entertainment and other facilities to the guest and general public.’ Sa i enn.  E answit lo Seksyon 5 nou’n azout en nouvo ‘e’ ki reprezant ‘entertainment’ e larestan in ganny re-nimerote.

Answit lo Seksyon 8 (1) nou sanz ‘Appeals Tribunal’ pou vin ‘Appeals Board’ e nou’n dir ‘consisting of 3 persons appointed by the President one of whom shall be the Chairperson’.

E apre nou’n delete ‘a, b’ ek ‘c’ lo sou Seksyon 3 nou met ‘the Chairperson.’ E mon krwar si mon korek la ‘and members of the Appeals Board shall be persons having qualifications and experience in the tourism sector as maybe prescribed and of good character and integrity’.  Mon krwar sa ki nou ti tonm dakor finalman.

 

HON JEAN-FRANCOIS FERRARI

Nou ti agree annan final drafting.

 

MR DEPUTY SPEAKER

Oubyen Onorab Andre ti pou drafte keksoz lo la ?  Korek ?

 

HON CLIFFORD ANDRE

Mr Chair ti pou disteng sa kalifikasyon ‘a Chairperson’ avek Manm.

 

MR DEPUTY SPEAKER

Wi so sa ou ti pou donn nou, nou a kit avek ou pou donn nou senn la.  E sou Seksyon e sa i ti pou kouver 3 ek 4 sa – ok?

 

HON CLIFFORD ANDRE

Non nou ti pou tir 1 avek 3. Nou ti pou remove 1 avek 3 dan 4.  Subsection 4 would not appear ki fer ki ‘b’ would be reflected in the 3, but 2 distinguishing; konmsi pou annan 2 ki pe disteng Chairperson avek member.

 

MR DEPUTY SPEAKER

Dakor. Prezan si 5, 6 ek 7 ek 8 i devret ganny re nimerote, sa ou a fer li baze lo sa amannman ki ou fer.  Dernyen amannman ki nou fer la apre midi ki mon war se dan 18 (2) (a) apre ‘dive operators’ nou met ‘entertainment.’ E vwala bann amannman ki nou, nou’n propoze la apre midi.  Larestan tou i dan sa dokiman ki devan zot.  Alor sa se bann amannman. E mon krwar nou ariv en staz kot nou kapab pran en vot lo sa bann amannman, me avan sa nou a demann Minis pou petet fer son komanter avan nou proceed.  Minis.

 

MINISTER DIDIER DOGLEY

Mr Chair, avan mon fer mon final komanter, i annan 2 pwen ki mon ti a voudre raise anba Seksyon 4 avek Seksyon 13 (4) ;  Nou, nou ti’n fer propozisyon anba part 3 ‘administrasyon’ Seksyon 4 ki donn Minis pouvwar pou fer bann Agencies avek AuthorittiesNow ler sa dokiman in al kot Bills Committee zot in shift sa kot 13 (4) nou bezwen pran en desizyon si nou pou akoz nou ti a voudre i maintain ki i reste anba ‘administrasyon’ e non pa al anba ‘compliance’ ki part 4.  E Bills Committee i ti propoze pou bouz sa pou al anba 13 (4).  Apre 2enm keksoz i anba 15 (1) ki Onorab Andre ti pe fer referans avek i annan en fot akoz 15 (1) i pe fer referans avek Seksyon ki annan pe fer avek ‘klasifikasyon’.  E ‘klasifikasyon’ i pa anba Seksyon 5 i anba Seksyon 6.  5 li i fer referans avek policies i pa fer referans avek klasifikasyon.  Alor la i annan i klerman i annan en fot la i devret’ 6’ pa ‘5’.

 

MR DEPUTY SPEAKER

Mersi Minis.  Alor nou bezwen pran en desizyon si nou pou retir Clause Seksyon 4 parske i ganny deza ganny kouver par 13 (4).  Sa se premye.  E 2enm se sa koreksyon referans si ou kapab zis remind nou sa referans Minis ki Seksyon i été?

 

MINISTER DIDIER DOGLEY

Chair referans i avek 15 referans i 15 (1) part 6, 7 ‘miscellaneous.’  I fer ‘not withstanding any contrary in Section 5’ instead of Section 5 i devret Section 6.  Akoz Section 6 ki koz lo klasifikasyon.

 

MR DEPUTY SPEAKER

Ok mon konpran ou selman si nou pe retir 4, 4 prezan 5 pou vin 4 e 6 pou vin 5.

 

MINISTER DIDIER DOGLEY

Non.

 

MR DEPUTY SPEAKER

Minister.

 

MINISTER DIDIER DOGLEY

Chair anba part 3 ‘administrasyon’ si ou regard Seksyon 4 i donn pouvwar Minis pou kre bann Agencies avek Authorities sa ti proposal ki sorti kot nou.  Anba 13 (4) Seksyon 13 (4) Bills Committee zot ti propoze pou met menm keksoz anba 13 (4) e nou bezwen pran en desizyon akoz i pa kapab ganny repete.  So nou preferans se ki i reste ‘administrasyon’ Seksyon 4 e non pa al anba ‘compliance.’  Akoz’ compliance’ i pa -.

 

MR DEPUTY SPEAKER

Savedir ou pe propoze delete 13(4)?  Eski sa ki ou pe propoze Minister retir 13(4)?

 

MINISTER DIDIER DOGLEY

Wi Chair egzakteman sa.

 

MR DEPUTY SPEAKER

I paret nou agreab avek sa.  E alor lot sanzman sete 15 (1) i fer referans avek Seksyon 6 olye 5 e se tou bann lezot komanter ki nou annan.  Ok?  Si nou tonm dakor alor avek leksepsyon ki Onorab e sa nou kit dan lanmen Onorab Andre pou fer en propozisyon vizavi 8 (3) e (4), then mon krwar nou kapab pran en vot a sa staz, lo sa bann amannman. Eski an prensip nou ok lo la ?

 

HON CHARLES DE COMMARMOND

Nou bezwen propoze.

 

MR DEPUTY SPEAKER

Mon a ganny en Motion pou nou fer sa bann amannman parey in ganny propoze.  Onorab Andre oule fer sa proposal (anr in sorti.)  Parler ler mon get laba mon war Onorab Esparon e i par deryer prezan mon pa war li mon ti krwar i par deryer.  Onorab William.

 

HON WAVEN WILLIAM

Mersi Mr Speaker.  Mr Speaker zis en pti Mr Chairman en pti leklersisman mon ti a kontan Minis i donnen.  Taler letan mon koz lo bann other services la par egzanp ozordi nou pe koz ‘’Wedding in paradise’ mon ti a kontan zis en pti gidans ek Minis.  Lefe ki annan dimoun ozordi ki anvi ofer sa servis lo en baz prive, lefe ki nou pe fer sa nouvo Lalwa nou pe amande eski letan Minis ou pe fer bann Regilasyon sa bann dimoun osi i kapab ganny kouver ?  Akoz mon konnen poudir i annan Civil Status Act.  Me zis en pti pe gidans akoz i annan la ki anvi al prive me selman zot santi ki i annan serten anpesman.  Minis en pti leklersisman.  Mersi.

 

MR DEPUTY SPEAKER

Mersi Onorab William.  Minis.

 

MINISTER DIDIER DOGLEY

Mr Chair personnelman mon napa ase konesans lo sa zafer wedding, me selman i en keksoz ki nou kapab eksplore selman sa ki mon konnen poudir pou organiz wedding ozordi i pa en license liable activity.  Savedir en dimoun si i le antre dan sa biznes i kapab antre, e fer li. Mon pa tro asire ki klas kalite proteksyon ki Onorab pe koz lo la.  Si nou ganny plis lenformasyon nou a kapab war dan ki fason ki nou kapab ed sa sub sector pou li devlope.  Mersi Mr Chair.

 

MR DEPUTY SPEAKER

Mersi Minister.  Onorab Ramkalawan.

 

HON WAVEL RAMKALAWAN

Mr Chair mon krwar ki sa ki Onorab William pe kestyonnen i kapab tonm anba Seksyon 5.  Parske Seksyon 5 i dir avek ou ‘any other policy that may be necessary to achieve the purposes of this Act’.  Alors si demen sa eleman maryaz ensidswit an kolaborasyon i kapab fer bann Regilasyon i pou kapab fer bann policies an konsiltasyon avek Immigration avek Civil Status pou regarde kwa ki neseser.

E par egzanp dan son policy i ava mete ki ‘a wedding shall be conducted by an officer of the licensing of the Civil Status Department’ ensidswit ki bann soz e ki mannyer sa i ava ganny fer.  So i pou kapab ganny kouver anba Seksyon 5 akoz son dernyen alinea i ase ouver.  Mersi.

 

MR DEPUTY SPEAKER

Mersi Onorab Ramkalawan.  Onorab Andre.

 

HON CLIFFORD ANDRE

Mr Chair,  mon krwar sa referans avek 4 avek 13, i sipoze tonm anba Seksyon 13, akoz letan ou get Seksyon 4 i en part be selman i annan zis en Seksyon ladan.  So i pa fezab pou annan en Lalwa ki annan part 3 but only 1 section only 1 Seksyon dan part 3.  So i definitivman apropriye ki nou tir li la kot i été e nou met li dan Seksyon 13 kot nou pe koz lo pardon Seksyon wi Seksyon 13 (4).

Section 13 sub Section 4 nou met sa la, akoz i pou fer plis sans legal dan sa konteks so mon pa pou bezwen mon pe propoze ki nou met li parey Bills Committee ki nou pe propoze anba Section 13 (4) pou ki i donn sa Act plis lefe legal.  Mersi.

 

MR DEPUTY SPEAKER

Mersi Onorab Andre.  E la mon ti ava demann ou vi ki la mon war ou avan ou ti fer sa disparisyon souden ki mon pa’n realize ki ou pa la mon a demann ou zis ou kapab fer en rezimen vitman lo e met en Mosyon pou en vot ki nou pe al fer, ki nou pou vot lo la konsernan bann amannman ki’n ganny propoze.

 

HON CLIFFORD ANDRE

Mr Chair -. 

 

MR DEPUTY SPEAKER

Selman zis en pti moman Onorab Andre.  Avan nou al towards a Motion Onorab Pillay i annan en pwen.  Oule … ?

 

HON SEBASTIEN PILLAY

Wi Mr Speaker.  Mr Speaker mon konpran ki Onorab Andre pe dir so si nou pou fer sa then nou pou bezwen re number.  E nou pou re number all the parts as well ki vedir nou pou bezwen osi fer bann consequential amendments dan bann reference Clause lo Seksyon.  Nou pou go through tousala apre midi la, oubyen nou pou … ?

 

MR DEPUTY SPEAKER

Non mon pa sizere nou fer sa la mon sizere parey nou pe dir li i pou fer propozisyon.

 

HON SEBASTIEN PILLAY

I ava fer en lamannman ki ava fer tousala accordingly.

 

MR DEPUTY SPEAKER

Minister avan Onorab Andre.  Minister.

 

MINISTER DIDIER DOGLEY

Mr Chair mon pe ganny vreman difikilte pou mon konpran sa proposal ki zot pe dir.  Akoz ler mon regarde i tonm anba ‘compliance’ apre i tonm anba Provizyon, pou donn lenformasyon Minister ; bann lenformasyon ki bann lotel avek bann accommodation establishment i bezwen donn Minister.  Ki mannyer ki en provizyon pou enable Gouvernman, pou fer pou kree bann Agencies avek bann Authorities, i pou tonm anba en keksoz parey?  Pou mwan i pa fer sans.  I bezwen either stand alone anba administrasyon kot i donn pouvwar Minis pou li kre bann Agencies avek bann Authorities.  Mon vreman ganny difikilte pou mon konpran egzakteman ki sa proposal ki zot pe met devan.

 

MR DEPUTY SPEAKER

Zis mon a les Onorab Ramkalawan klarifye.

 

HON WAVEL RAMKALAWAN

Mr Chairman.  Mon osi letan mon pe regard sa mon pa ti lo Bills Committee e letan mon pe regarde ki Bills Committee letan zot in vin avek zot sa draft ki la, zot pa’n zot in kit part 3 ok zot in kit li konman part 3 apre sa i swiv par part 4.

E letan mon pe regard sa part 3 anyway mon pa en avoka me part 4 li i pe koz ‘regulations’ pou li ‘set up Agencies and Authpritites for the carrying out of the objects under this Act its the whole Act’.  Tandis ki 13 (4) i a pe dir ‘for the purposes of this section’.  So dan en serten sans mon war ki sa ki i devan nou la i a pe tenir tou lede lo en kote i kapab fer Regilasyon pou set up soz ensidswit for the whole Act e anba 13 se zis pou sa Seksyon.  Anba sa Seksyon ‘compliance’ i kapab etabli bann Lotorite ek bann Agencies tandis ki letan ou regard en lot Seksyon dizon Seksyon 4 ki lo ‘policies of tourism sector’.

Letan si i anvi etabli Agencies or Authoritites parske sa i tonm anba sa Lalwa pou li regard pli pre sa Seksyon sa part 4 i kapab fer li anba 3.  I pa pou kapab fer li anba 13 (1) parske 13 (1) i a pe koz zis lo sa Seksyon.  So se la kot petet Onorab Andre ou kapab gid nou kot mon war ki mannyer i été la Minis li i pe dir tir li laba met li isi. non mon krwar ou kit tou lede parske anba sa Seksyon 13 ou pou kapab fer sa ki oule anba sa Seksyon laba ‘compliance’ ok?   E apre sa anba 4 anba Seksyon 4 pou ou manage ou Lalwa antye the whole Act so, i pa ni kontradiktwar i pa ni pou servi lekspresyon Onorab Ferrari limitative me i donn en soz antye.  I all encompassing.  Mersi bokou.

 

MR DEPUTY SPEAKER

Mersi Onorab Ramkalawan.  Onorab Andre.

 

HON CLIFFORD ANDRE

Mon war lespri e mon letan mon pe get li dan sa konteks, mon pa war okenn problenm pou gard tou lede. Alors annou gard tou lede aprezan si dan le fitir nou war i pe koz problenm nou kapab re vini pou nou amande mon krwar napa okenn problenm avek sa.

 

MR DEPUTY SPEAKER

Ok si napa okenn si nou napa.  Minis ou anvi fer en komanter avan nou move lo en final – ?

 

HON WAVEL RAMKALAWAN

Mr Chairman petet poudir avek PS ki poudir parske i krwar, i pa kapab koze la i kapab koze parske nou dan Komite la.

 

MR DEPUTY SPEAKER

Mon ti endik zot taler ki poudir nou dan Staz Komite alors tou bann Manm ki lo panel devan zot kapab pran laparol, zis zot lev zot lanmen mon donn zot laparol.  Yes Mrs Lafortune.

 

PS ANNE LAFORTUNE

Mr Chair,  Seksyon 13 (4) anba ‘compliance’ 4 i refer i refer to Seksyon 13 only.  Seksyon 13 i koz about ‘information on tourism enterprises’ so i 13 (1) 13 (2), 13(3), 13(4).  Savedir i pe dir ou, ou kapab etablir Authorities and Agencies only for information and tourism enterprises which is not correct.  Unless ou pe dir li part 14 war sa i kouver compliance antye.  Akoz 4 i tonm zis anba information on tourism enterprises – ou konpran?

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Eski PS pe dir avek nou ok ou a pe sa bout Seksyon ki ou pe dir ou problenm ok?  Sa bout Seksyon ki ou problenm.  Me tandis ki ou anvi kouver compliance antye. So the word ‘section’ should be replaced by ‘for the purposes of part 6 of the Act, the Ministry may establish Authority and Agencies’.  A mwen ki zot pa oule – ?  Selman an menm tan i vin en duplication parske si ou a pe i anba part 3 ou a pe deza permet donn ‘the powers to the Minister pou li administer the Act establish Agency’ i soz ki poudir 13(4) ‘becomes redundant’ because the power has already been given under part 3.  So nou tir part – se sa ki zot pe be si zot ti eksplik nou depi pli boner.

 

MR DEPUTY SPEAKER

Les mon a sey demann Onorab André poudir nou ki kot ki mannyer ou war li baze lo sa lesplikasyon ki Onorab Ramkalawan in donnen.

 

HON CLIFFORD ANDRE

Mr Chair annou al avek kot i été anba 4 annou tir 13 (4) pou nou gard li akoz si ou kapab fer li anba 3.  Savedir ou kapab fer li pou tou lezot sansan nou pou met pou ale nou pou fer letour.  Alors nou ava tir 13 (4) nou ava kit 3 anler.

 

MR DEPUTY SPEAKER

Ok sa se en propozisyon.  Eski sa propozisyon i ganny segonde.  Onorab Ferrari i segonde.  Si nou le pran en vot spesifikman parey nou pran lo larestan si i annan kontansyon.  Nou le pran en vot lo la.  Tou bann ki an faver ki Seksyon 13 (4) i ganny retire konpletman?  Okenn Manm ki kont? Madanm Clerk ou a donn nou.

 

MADAM CLERK

Mr Chair 21 Manm an faver.  E personn kont.  Mersi.

 

MR DEPUTY SPEAKER

Mersi.  Savedir nou retir 13 (4).  Onorab Andre ou kapab proceed avek.

 

HON CLIFFORD ANDRE

Mersi Mr Chair.  Mr Chair -.

 

MR DEPUTY SPEAKER

En formal Motion to amannman.

 

HON CLIFFORD ANDRE

Mon pe move ki nou aprouv sa Bill as amended avek provizyon ki mon pou donn kalifikasyon pou Chairman avek Manm anba sa Seksyon ki relevan.  Demen bomaten mon ava fer zot ganny sa.  Me selman mon pe move ki nou aprouv antye, selman sa kalifikasyon ankor Minis in fini dir nou.  So nou konnen zis pou met li dan en langaz ki en pe akseptab.  Mon pe move ki nou aprouv as amended sa Bill ki devan nou.

 

MR DEPUTY SPEAKER

Mersi Onorab Andre.  Okenn Manm ki segonde.  Onorab Ferrari in segonde.  Eski nou pou pran en vot.  Tou Manm ki an faver bann amannman as proposed apre midi?  Okenn Manm ki kont ?  Madanm Clerk.

 

MADAM CLERK

Mr Chair 23 Manm in vot an faver.  Personn kont.  Mersi.

 

MR DEPUTY SPEAKER

23 Manm in vot an faver savedir bann amannman as proposed i ganny pase.  E vi ki nou fini pas sa nou ava al mon a demann en Motion for a formal.  Me avan nou al lo la …

 

HON SEBASTIEN PILLAY

Mr Chair,  eski i pou demann ou gidans, eski i wise pou nou pran en Motion for a Third Reading prenan kont nou pa ankor finaliz tou sa bann amannman dan en dokiman konplet devan Lasanble?  Akoz Clerk i bezwen sa dokiman pou nou vot a Third Reading?  Or nou kapab pran en vot nou bezwen formulate li byen sa vot ki nou pe pran lo sa Third ReadingWell nou pran li on the basis ki nou amann li pou anmenn serten amannman ki apre ki si i anmennen, e apre nou fini pran vot lo la AG’s Office pa pou kapab fer sanzman lo la.  So in deza okenn soz.

 

MR DEPUTY SPEAKER

Mon konpran ou pwen kler nou deza fer li dan lepase. Nou fer li avek konfyans Bills Committee ki nou’n pas an detay lo sa papye apre midi nou konn tou bann amannman tou Manm i annan rikord i annan ; verbatim nou konnen sa prensip 13 (3) e (4) ki pe ganny amande.  So nou deza fer li dan lepase ki nou pran en vot e nou proceed to Third Reading baze lo la.  So mon konfortab avek sa mon pa konnen si i annan okenn Manm ki santi ki poudir zot pa konfortab avek sa, e zot anvi war en final draft devan zot.  Si non Onorab LGB.

 

HON CHARLES DE COMMARMOND

Third Reading ouswa.  Non zis mon ti pe dir ki Lasanble i annan tou rikord tou sa ki nou pe fer la si a okenn moman nou le retourn lo sa ki nou diskite sa ki pe organiz.  Sa i kapab fer li Bills Committee or the Chair or the Vice-Chair, Attorney General.  Rikord i la so i dan sa lespri ki nou pe aprouv sa bann set of amendments.  Mersi.

 

MR DEPUTY SPEAKER

Onorab Andre.

 

HON CLIFFORD ANDRE

I zis enportan pou note ki mon pa pe anmenn ankor lamannman mon sa ki Komite in deside e Komite in dir ki poudir i annan en distenksyon ant kalifikasyon ki poudir Chairman i annan leksperyans dan sa domenn.  E pa neseserman parey pou bann Manm.  So mon pa pe met nanryen lamannman zis mon pe nou pe zis separ sa pou fer sir ki i kler parey i été.

 

MR DEPUTY SPEAKER

Mersi Onorab André.  Bon vi ki nou fini pran en vot lo sa bann amannman as a whole, nou pou prezan retourn dan Staz full House.  E mon ti a demann serzan pou remet Mace ki nou retourn dan full House.  Mersi.  Bon la aprezan nou dan Staz Lasanble e mon a demann en Mosyon for a Formal Second Reading.

 

HON CHARLES DE COMMARMOND

Mr Speaker mon le move anba Order 71(1) Standing Order mon le move ki Tourism Development Bill 2019 Bill No. 4, 2019 as amended i ganny lir en Trwazyenm Fwa.  Mersi.

 

MR DEPUTY SPEAKER

Eski Mosyon i ganny segonde.

 

HON CHANTAL GHISLAIN

Seconded Mr Speaker. 

 

MR DEPUTY SPEAKER

Mersi. Eski nou kapab pran en vot for a Formal Third Reading.  Tou Manm an faver? Eski i annan okenn Manm ki kont?  Madanm Clerk.

 

MADAM CLERK

Mr Speaker Onorab Larue i kont?

 

MR DEPUTY SPEAKER

Ok nou ava repran vot.  Tou Manm ki an faver.  Nou lo Third Reading.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Speaker.  22 Manm in vot an faver.  E personn kont.  Mersi.

 

MR DEPUTY SPEAKER

Mersi Madanm Clerk.  Savedir sa Bill Tourism Development Bill as amended, i ganny pase par Lasanble Nasyonal.  Onorab Ramkalawan.

 

HON WAVEL RAMKALAWAN

Mr Speaker,  mon santi mwan oblize pou mwan dir ki mon’n vreman apresye sa legzersis ki nou fer, e mon espere osi ki Minis avek son Sekreter Prensipal e son delegasyon zot satisfe ki letan nou ti dir annou pran en pti git letan ankor, konmsi nou pa ti anvi zis retard keksoz.

Me nou ti anvi come up avek en keksoz ki pou akseptab partou.  E  mwan mon krwar ki poudir sa legzersis in osi probableman ed nou bann dimoun deor, pou zot bann dimoun ki enterese byensir, pou zot pli byen konpran sa Lalwa e nou osi tou konman Manm Lasanble avek sa partisipasyon aktiv, ki nou fer ki nou rod bann imput ensidswit, mon krwar in permet nou pou nou donn zot konman sa Minister responsab, en bon zouti ki zot ava kapab travay avek pou promot sa lendistri ki nou lendistri prensipal pou nou pei.

Mon espere ki zot in apresye sa e mon lo mon kote Mr Speaker mon pou dir ki mon vreman apresye osi travay ki Bills Committee in fer pou zot annan sa konsiltasyon pou balanse, pou regarde ki mannyer pou met serten keksoz.  E apre tou nou travay pou Sesel pou nou donn nou pei sa ki meyer e pou nou apre midi pas en vot mazorite lo tou lede kote latab eksepte pou Onorab Pillay ki’n pan vot an faver.  Mon krwar ki sa i en legzanp ekstraordiner in abstain.  Mersi bokou Mr Speaker.

 

(Interruption)

 

HON WAVEL RAMKALAWAN

Mr Speaker in abstain. En abstention savedir – in egzers son drwa mon pa’n dir ki ou pan egzers ou drwa, selman ou’n abstain!  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Zis pou fer sir ki nou annord avek prosedir, mon nou fini vote mon ti a demann Madanm Clerk zis pou fer en Formal Third Reading.  E Minis si ou ti le zis reponn e nou ava swiv sa avek en Formal Third Reading. 

 

MINISTER DIDIER DOGLEY

Chair mon osi mon ti a voudre en lo lapar Minister Touris e tou bann dimoun ki’n travay avek nou SHTA e lezot ki’n kontribye pou nou, ariv lo sa zistans ki nou arive pou ozordi annan en Lalwa dan pou Minister Touris ouswa sekter Touris an  zeneral mon krwar nou ariv lo en pwen istorik, akoz i pa’n zanmen annan en Lalwa ki kouver sa sekter.  E mon krwar avek sa enn la ki nou met an plas si oule, i en Framework Act.

Savedir i pou annan sa bann lebra pou nou kapab fer sa bann Regilasyon, pou adres bann issues parey zot in koz lo la entertainment, yacht bann diferan keksoz bann sou sekter tourism ki tre enportan.  Akoz parey nou konnen ki touris i sa No.1 lendistri dan pei.  Nou vin avek klasifikasyon ki nou krwar i tre enportan.  Nou ti a swete e nou ti kapab kouver pli lwen, me selman nou konpran poudir i annan serten limitasyon i annan ankor en pe travay pou nou fer, pou tou dimoun konpran egzakteman kwa ki nou le achieve.  E ki mannyer sa pou benefisye tou bann dimoun ki dan biznes akomodasyon isi Sesel.

Me selman nou pare pou nou fer travay e vin avek bann incentive, pou fer sir poudir bann ki enterese zot a kapab war ki bann benefis ki Gouvernman pou ofer.  Alor mon ti a voudre remersi Bills Committee.  E parey mon dir pli boner in en travay ki’n tre enteresan.  Mon war li in ganny fer dan en fason tre kordyal e tre konstriktif bann komanter – bann kontribisyon ki’n ganny fer in ed nou pou reflesir lo en pe pli byen lo bann diferan Seksyon ki nou met devan e ozordi nou war preski menm kalite kondisyon lanvi travay partaz ki nou travay ansanm.  E mon tre kontan pou war poudir nou arive abouti annan en Bill ki aprezan nou kapab bouz devan avek.  I enn par bann zouti ki pou kle pou nou kontinyen devlop touris dan le fitir.  Mersi Mr Chair.

 

MR DEPUTY SPEAKER

Mersi Minis.  Onorab Pillay, eski i relye avek sa pwen Onorab Ramkalawan parske mon pa pe allow any mon pa pe ouver deba lo la oubyen en lot size.

 

HON SEBASTIEN PILLAY

Me Mr Speaker mon annan drwa raise en point of order baze lo sa ki in dir akoz …

 

MR DEPUTY SPEAKER

Anba ki point of order ou pe raise?

 

HON SEBASTIEN PILLAY

Mon raise en point of order anba 56. Byensir i en point of order, akoz i en misapprehension.

 

MR DEPUTY SPEAKER

Anba which order?  Anba lekel?

 

HON SEBASTIEN PILLAY

Apre mon le fer …

 

MR DEPUTY SPEAKER

Anba which order?

 

HON SEBASTIEN PILLAY

Mon le fer en …

 

MR DEPUTY SPEAKER

Which order ou pe raise anba la?

 

HON SEBASTIEN PILLAY

Mr Speaker,  order 56 Mr Speaker.  Mon pa ti konnen ou sa – apre mon le fer anba Order 35, mon le fer en personal explanation.  Apre mon le remind ou Mr Speaker ki anba Order 57 sirtou part 14 nou Standing Orders, okenn Manm napa okenn lesplikasyon pou li donnen lo son vot, me vi ki ou’n allow Onorab Ramkalawan pou komant lo mon vot, mon ti a kontan fer mon leksplikasyon avek ou permisyon.  Akoz ou war poudir mon annan drwa fer li.  E sa ki mon annan poudir Mr Speaker i tre senp ler nou fer Third Reading  dan Lalwa …

 

MR DEPUTY SPEAKER

Onorab Pillay mon bezwen aret ou la parske –

 

HON SEBASTIEN PILLAY

… Mr Speaker.

 

MR DEPUTY SPEAKER

… non.  Mwan ki annan laparol anba Order 56 ou pa kapab servi Order 56 parske ou pe enteronp en Manm ki pe deza koze.  Nou pa’n ariv sa staz la nou mon pan donn ou laparol Onorab Pillay please refrain mon pa’n donn ou laparol nou pa pe al koz lo la.  I pa apropriye parske i pa’n dir nanryen ki pa korek.  I pa’n dir nanryen ki pa korek. So mon pa pe aksepte okenn largiman. I reste zis pou mwan remersye

 

(Interruption)

 

MR DEPUTY SPEAKER

… non mon pa pe aksepte point of order. My decision is final.  Mon pa pe aksepte any point of orderOk ?

 

(Off-Mic)

 

MR DEPUTY SPEAKER

Sorry, no point of order anba la.  Mon pe al proceed with Formal Third Reading by the Clerk lo Tourism Development Bill 2019.  Madanm Clerk.

 

MADAM CLERK

Mersi bokou Mr Speaker.  This Act may be cited as the Tourism Development Act in 2019 and shall come into force on such date as the Minister may by notice publish in the Gazette appoint.  Mersi Mr Speaker.

 

MR DEPUTY SPEAKER

Mersi Madanm Clerk.  I reste zis pou mwan remersi Minis e ou delegasyon, pou zot pasyans.  Mon konnen in en long prose, depi ler Bill in prezante e nou ti a kontan remersi zot en fason kolaboratif ki nou’n travay.

E mon ti a kontan remersi ou avek ou lekip, e swet zot tou le byen dan lenplimantasyon e sa nouvo Lalwa.  Avek sa nou ava eskiz ou parmi nou Minis.  Mersi.

 

(MINISTER DIDIER DOGLEY AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon, nou’n ariv a lafen nou Sesyon pou ozordi, mon ti a kontan remersi bann Manm pou zot pasyans apre midi.  Nou pou adjourn ziska demen bomaten 9er.

 

(ADJOURNMENT)