::
Home » Verbatim » 2019 » Verbatim Tuesday 28th May, 2019

Verbatim Tuesday 28th May, 2019

 NATIONAL ASSEMBLY OF SEYCHELLES

Tuesday 28th May, 2019

 The Assembly met at 9am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab e bonzour tou dimoun ki a lekout e ki pe swiv travay Lasanble Nasyonal.  Mon pou zis pas en pti kou vitman lo Order Paper ozordi ki devan nou.  Nou annan 8 kestyon pou Minis Wallace Cosgrow,  Minis responsab pou Lanvironnman e Sanzman Klima.  Sa pou swiv par en Private Notice Question ki annan pou fer avek Minister oubyen Departman Zafer Etranzer.  E apre sa nou annan nou 6 Mosyon.  E mon swete ki par apre midi nou a kapab demare lo bann Mosyon.

Zis mon pou donn en pti gidans ozordi la fason ki nou pou tackle bann kestyon Minis responsab pour Lanvironnman.  Mon pou allow de siplemanter lo sak kote pou sak kestyon e pa plis ki sa.  Mon lentansyon  se ki ozordi nou fini avek kestyon par midi.  E apre midi nou komans pran Mosyon.

Bon an vi ki annan  de Bill ki ankor lo nou Order Paper,  e parey mon ti dir ler nou annan Prozedlwa ki ankor dan Lasanble, i ankor an diskisyon the Chair pou donn en rapor lo ki pozisyon nou’n arive lo la.  E lo nou Order Paper nou annan 2 Prozedlwa ki an diskisyon dan Lasanble, sa se Tourism Development Bill 2019.  Bill No. 4 2019.  E 2enm se Public Service Salary (Amendment) Bill 2019, Bill No. 2, 2019.

Lo premye Prozedlwa, sa Tourism Development Bill, Bills Committee avek plizyer Manm Lasanble ti rankontre ek Minis Dogley ek en delegasyon sorti kot Minister Tourizm Zedi pase, pou diskit bann konsern ki’n ganny mete devan par Manm Lasanble e osi Manm piblik.  Sa diskisyon pa ankor fini e pou annan en lot meeting ozordi dan Committee Room 3.  E ankor enn fwa mon envit lezot Manm an deor Bills Committee pou zot attend.

Lo size Public Service Salary Bill 2019 Lasanble in resevwar en kominike semenn pase sorti kot biro Sekreter D’Eta pou Zafer Cabinet, ki’n enform nou ki sa Komite teknik in rankontre e konsider bann propozisyon sorti kot LDS e US; e ki  Prezidan in donn zot en pe letan  ankor – en pe letan an plis pou ki sa Komite i soumet son rapor.  Alor nou espere ki tre byento Lasanble Nasyonal a kapab ganny en rapor sorti kot Komite teknik lo sa travay ki zot pe fer.  Vwala kominike ki mon ti anvi fer bomaten pou nou avan nou konmans nou travay.  Bon mon’n ganny enformen par Onorab Wavel Ramkalawan, Leader Lopozisyon, ki i pou raise en matter of privilege bomaten.  Onorab  Ramkalawan mon a donn ou laparol avan ki nou apel Minis responsab.

 

 

HON WAVEL RAMKALAWAN

Bonzour Mr Speaker.  Bonzour tou koleg Onorab.  Bonzour tou dimoun ki pe ekout nou.

Mr Speaker mersi bokou pour resevwar mwan bomaten dan ou Lofis, e pour ekout sa ki mon’n devan ou koman en matter of privilege.  E mersi pour donn mon sa loportinite pour mwan eksprim mwan.

Mr Speaker mon matter of privilege i vreman serye.  Parski i konsern nou koman en Lasanble Nasyonal.   E i konsern en sityasyon ki’n arive swivan deklarasyon Prezidan Faure yer swar, dan son Diskour ki i pe – aktyelman i pe pran nou Pouvwar Lezislatif koman en Lasanble, e alor i pe afekte  tou ‘’NOU’’ privilez.

Mr Speaker Lartik 85 nou Konstitisyon i dir klerman;

‘’ The Legislative Power of Seychelles is vested in the National Assembly and shall be exercised subject to and in accordance with this Constitution’’.

Savedir Pouvwar Lezislatif dan pei i ganny mete dan nou Lasanble Nasyonal.  Napa okenn lezot body ki fer ki i annan sa Pouvwar Lezislatif.

Sepandan Lartik 91 nou Konstitisyon i donn serten restriksyon lo sa Pouvwar ki Lasanble Nasyonal i annan.  91 (1) e an partikilye (a) i dir ek ou ‘‘The National Assembly shall not proceed on a Bill to alter Chapter 1, Chapter 3.  This Article, Article 110 or Article 111 unless;- (a) the proposed alteration contained in the Bill has been approved on a Referendum by not less than sixty percent of the votes cast in the Referendum’’. 

E la Konstitisyon i spesifik lo restrikte nou Pouvwar koman en Lasanble, par dir ki ‘pour sanz sa bann diferan Sapit e diferan Lartik’ fodre ki premyerman, fodre ki premyerman; i annan en Referendum pase par 60poursan e apre sa la Lasanble – letan sa i ava ganny anmennen, apre sa Lasanble li i ava pas sa Bill par en mazorite 2 tyer.

Mr Speaker aprezan Lartik 164 dan nou Konstitisyon.  Lartik 164 i fer provizyon pour Referendum.  E i dir klerman, i dir;

‘‘An Act shall provide for the holding of a Referendum for the purposes of this Constitution’.’ E anba 91 ‘‘or any other purpose or any circumstance prescribed by the Act’.

Savedir i bezwen annan en Lalwa ki vin devan nou Lasanble, pour ki i annan en Referendum.

E Mr Speaker ziska aprezan, nou napa okenn Lalwa devan nou Lasanble konsernan en Referendum; ki ava donn tou bann detay, tou bann keksoz ki pour rantre ladan.  Parski i mete klerman: ‘‘prescribed by the Act’’.  The Act ki pour donn any purpose or any circumstance ki en Referendum i bezwen ganny fer.

Mr Speaker sa 3 keksoz la i fatigan.   Akoz Lartik – Seksyon 54 dan Elections Act i dir avek ou klerman, ’Where an issue is required – ‘’is required’’. 

E nou retourn dan nou Konstitisyon.  Konstitisyon i dir avek ou ‘where an issue is required to be decided by a Referendum’’.  Lartik 91, e apre sa i ouver li.  Me i dir avek ou ki i bezwen dan en Act.

Savedir Mr Speaker se nou koman en Lezislatif, koman bann Manm ki’n ganny elekte dan sa Lasanble Nasyonal ki sipoze fer Lalwa!

Lo baz sa bann pwen ki mon’n met devan Mr Speaker.  Mon pe demann ou koman Speaker ki la letan ou ganny letan- letan Lasanble i ganny anmenn Ankour, se ou ki reprezant nou.  Alor mon pe demann ou koman Speaker, pour defann nou Drwa koman Manm Lasanble Nasyonal.  Akoz nou Drwa pe ganny vyole!

E pour apros Komisyon Elektoral pour reflesir seryezman lo sa demann ki Msye Faure in fer avek zot.

Mon krwar Mr Speaker ki sityasyon i vreman kler.  E i mon konviksyon.  Annefe se ‘’NOU’’ konviksyon – mon kapab koz pour lo nou kote, lo kote LDS, ki Komisyon Elektoral pa devret pe al dan sa direksyon ki Msye pe demande!  Akoz i napa okenn baz legal pour li al lo la an swivan Konstitisyon, e menm an swivan Elections Act ki koz ki lo Referendum.

Mr Speaker mon annan konfyans ki bann Manm pour reflesir byen e fer en bon desizyon.   Nou pa anvi retrouv nou ankor enn fwa devan Lakour Konstitisyonnel.  Nou pa anvi vwar nou devan Lakour Konstitisyonnel Mr Speaker, e sa fwa si dan en sityasyon kot Prezidan li menm pour ganny trouve pe kas sa menm Konstitisyon ki in Sermante pour defann!

Mr Speaker dan tou sa ki nou fer, menm ler nou dir ki nou pe fer sa pour Sesel, nou bezwen toultan diskite e konsilte avek tou bann partner.  Msye Faure in deside pour li pa konsilte, e in montre en mank respe pour nou Lenstitisyon par lefe ki in dir ‘’klerman’’ ki i son desizyon pour li tir sa Pouvwar Lezislatif dan lanmen Lasanble Nasyonal.  In dir sa’’ klerman!’’  E Mr Speaker parey mon’n eksplike,  li koman en endividi, i pa kapab pran sa desizyon pour li tir Pouvwar Lezislatif dan lanmen Lasanble Nasyonal,  parski sa se pa Prezidan ki donnen, se Konstitisyon ki demande.

Alor Mr Speaker mon’n prezant mon matter of privilege e mon pran li serye.  Parski letan en Prezidan i komans al dan sa direksyon, e pran Pouvwar Lezislatif, savedir nou pe al dan move direksyon!  E nou dan Lasanble Nasyonal, lefe ki mon’n fer Serman lo sa Konstitisyon, mon pe demann ou led Mr Speaker, pour ki nou Konstitisyon i ganny defann a tou moman!  Mon met sa devan ou Mr Speaker.  Mersi bokou.

 

(APPLAUSE)

 

 

MR SPEAKER

Mersi Onorab Ramkalawan.  Bon mon’n note tou bann pwen ki ou’n fer sorti.  Mon ava tou pran konsey avek Legal Counsel Lasanble Nasyonal.  E mon ava le neseser.  Ok?  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour tou Manm Onorab e tou dimoun ki a lekout.

Mr Speaker mon ti oule dir 2 mo an sipor deklarasyon Prezidan Faure yer swar.

Mr Speaker nou dan United Seychelles nou akey lanons Prezidan Faure …

 

MR SPEAKER

Onorab, Onorab en moman.

 

HON CHARLES DE COMMARMOND

…. avek…

 

MR SPEAKER

Onorab en moman.  Ou pe lev li koman en matter of privilege oubyen zis ou pe fer en statement?

 

HON CHARLES DE COMMARMOND

Statement, demann en sipor pour desizyon …

 

MR SPEAKER

Ou pa’n enform mwan.  Ou pa’n enform mwan.  Onorab Ramkalawan in vin kot mwan bomaten.  In met son matter devan mwan.

 

 (Off-Mic)

Ah wi…

 

MR SPEAKER

In demann mwan permisyon pour li adres the Floor.  Me ou pa’n – Mon ti krwar ou pe raise en matter of privilege kekfwa ki’n leve la.

 

HON CHARLES DE COMMARMOND

Mon …

 

MR SPEAKER

Ou pa’n enform mwan nanryen lo…

 

HON CHARLES DE COMMARMOND

Be i en matter, – i en matter ki mon oule eksprim mwan dan Lasanble.

 

(Interruption)

 

MR SPEAKER

Non, non.

 

HON CHARLES DE COMMARMOND

E ki…

 

(Interruption)

 

MR SPEAKER

Mon kapab, mon kapab donn ou la parol pli tar, me zis ou bezwen kominik avek mwan, pou dir mwan poudir ou oule permisyon pour ou kapab raise en matterOk?  Annou sey fer li byen.

 

HON CHARLES DE COMMARMOND

Ok napa problenm si ou dir mon fer pli tar…

 

MR SPEAKER

Si oule – oule fer li pli tar, wi.

 

HON CHARLES DE COMMARMOND

Me sinon, lo en matter of privilege ou napa drwa reactSo mon pour les sa ki in ganny dir la …

 

MR SPEAKER

Wi.  Mon’n take note mwan osi  …

 

HON CHARLES DE COMMARMOND

Me selman mwan mon ti anvi dir 2 mo de sipor pour …

 

MR SPEAKER

Mon pa’n fer mon komanter.  Wi. Ok.  Mersi.

 

HON CHARLES DE COMMARMOND

I ok napa problenm.  Mersi.

 

MR SPEAKER

Mersi Onorab.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mon’n note ki pandan ki Leader Lopozisyon in raise son matter of privilege.  Apre ou’n fer referans avek ou pour pran bann eleman ki’n raise an konsiderasyon.

Me selman mon ti a kontan enplor pour nou regard bann Provizyon Lalwa ki li in raise.  Ki ozordi in fer en Statement lo la par Lasanble, ki mon pa neseserman partaze.  E koman en Manm mon ti a kontan reakte lo sa Statement ki in fer lo  lapar Lasanble.

 

MR SPEAKER

Non …

 

HON SEBASTIEN PILLAY

Akoz in fer en Statement pour dir ki Prezidan napa sa Pouvwar pour li fer sa.  Me part (4) Lalwa Eleksyon ki klerman donn Prezidan sa Pouvwar pour li deklar en Referendum lo en kestyon ki i santi i ava fer.

E Prezidan pa’n dir ki Komisyon –

 

(Interruption)

 

HON SEBASTIEN PILLAY

Non pe – Akoz i enportan pour nou enform lepep Seselwa kwa ki’n ganny dir, kwa ki pa’n ganny dir!

Mon krwar ki Komisyon Eleksyon i en Komisyon endepandan e i pa nou Lasanble, e i pa Prezidan ki pour dir zot ki pour fer.  Prezidan in dir i a soumet sa kestyon devan Komisyon Eleksyon, e Komisyon Eleksyon dan tou son sazes i ava fer son desizyon.  E mon pa krwar i swa nou Manm Lasanble, oubyen okenn lezot dimoun, ki devret pe sey lenfliyans travay Komisyon Eleksyon.

 

(APPLAUSE)

 

HON SEBASTIEN PILLAY

Akoz si non, then nou pou pe fer tou le kontrer sa ki nou sipoze pe fer dan Lasanble.  Mersi Mr Speaker.

 

(APPLAUSE)

 

MR SPEAKER

Mersi.  Mersi Onorab.  Mon krwar sa ki Leader Lopozisyon in demande i pa’n demann pour mwan enterfer dan travay Komisyon Elektoral – ok?   Me in demann mwan pour mwan rantre an diskisyon, akoz i santi poudir deklarasyon ki’n ganny fer par Prezidan, i pe osi tou retir Privilez Manm Lasanble parey in ganny donnen anba Lalwa.  Ki Lalwa Siprenm nou pei – ok?   So sa ki i pe demann mon pour mwan fer e mwan mon pa pe la pour mon al dir Komisyon Elektoral kwa ki i pour fer.

Se sa rezon ki mon’n dir pandan Break mon ava konsilte nou Legal Counsel e mon ava fer le neseser.  Me mon pa la pour mon al dan lord en lot entity ki totalman endepandan.  Ok?  Vwala mon pozisyon.  Avek sa mon ava demann Parliamentary Reporter pour fer rantre Minis Cosgrow e nou ava komans nou travay.

 

Bon mon ti a kontan dir bonzour Minis Wallace Cosgrow avek son delegasyon.  Minis i la pou reponn kestyon dan son kapasite konman Minis pou Lanvironnman Lenerzi ek Sanzman Klima.  E Minis bomaten in ganny akonpannyen par son Sekreter Prensipal pou  Departman Lanvironnman Mr Alain De Commarmond.  Son CEO pou PUC Public Utilities Corporation Mr Philip Morin,  Deputy CEO pou PUC Mr Joel Valmont e Project Officer Mr Jean Claude Labrosse.  Minister avek ou delegasyon bonzour e welcome dan Lasanble Nasyonal.  Nou ava al direkteman lo kestyon e mon ava pas laparol avek Onorab Wilbert Herminie.  Onorab.

 

HON WILBERT HERMINIE

Bonzour Mr Speaker.  Mersi Mr Speaker.  Bonzour Minis avek ou delegasyon e bonzour tou dimoun a lekout.  Kestyon i lir koumsa.  Eski Minis i kapab dir sa Lasanble kan ki lot faz proze sistenm sewage pou ganny fer dan bann sou distrik Riviére Angaise e kan sa proze pou ganny konplete?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Bonzour Mr Speaker.  Bonzour tou Manm Onorab tou le de kote latab.  Bonzour tou dimoun ki pe ekoute lo radyo, televizyon, internet.  Mr Speaker kestyon Onorab, repons pou kestyon Onorab, bann sou distrik Riviére Anglaise ki Onorab pe fer referans avek i sa bann rezyon swivan :- Union Vale, Ma Joie,  en parti Vilaz Quincy.  Pou sa seksyon Union Vale Onorab PUC in fini staz tender e pe mobiliz servis Kontrakter pou kapab antreprann travay met tiyo e fer koneksyon, pou sa bann lakaz ki pa ankor konekte avek sistenm.  Kontrakter pou kapab mobilize dan mwan Zen apre ki Kontra in ganny sinyen.

Sa proze Union Vale i pou kout anviron 650 ekek mil roupi. Sa travay dan bann sou distrik i enn ki kontinyel Onorab e pe ganny enplimante par faz an prenon kont teren distrik, mwayen finansyel PUC.  I osi form parti plan PUC pou sa ki nou apel en Integrated  and Comprehensive Sanitation Master Plan.

I annan bokou travay ki’n ganny fer dan distrik Riviére Anglaise e distrik i bord avek distrik Riviére Anglaise, e travay pou kontinyen par faz a la mezir ki resours i available Mr Speaker.  Mersi Onorab.  Mersi Mr Speaker.

 

MR SPEAKER

Mersi Minis.  Onorab Herminie.

 

HON WILBERT HERMINIE

Mersi Mr Speaker.  Mersi Minis pou ou larepons.  Minis si ou ti kapab donn en pti pe plis detay  ler  ou’n tous en pe plis lo Union Vale me bann lezot sou distrik tel ki Ma Joie kan ki ou ekspekte sa bann faz i ganny enplimante?  Si 2020/ 2021 pou nou kapab bann zabitan ganny byen kler sa bann lenformasyon akoz bokou dimoun pe esper pou zot kapab devlop zot teren vi ki sa i en requirement Planning ki ou bezwen annan en koneksyon avek sewage.  Vi ki later Riviére Anglaise i pa tro fasil pou kapab fer en conventional sewage system tel ki septic tank ek soakaway.  Bokou dimoun pe esper sa koneksyon sewage.  So donn nou en faz lenplimantasyon kan sa bann lezot sou distrik pou ganny konekte?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab wi mon konnen poudir i annan bokou bann dimoun dan distrik ki pe petet esper koneksyon, pou zot kapab fer zot bann devlopman ki zot annan petet azout en lot bout avek lakaz or fer bann devlopman lakaz ki pou ede soulaz en pti pe zot bann sityasyon.

Mon annan lenformasyon ki Ma Joie nou kapab antreprann li posibleman an 2020, sa bout Ma Joie.  E par kont Quincy Vilaz nou napa en dat egzakt me parey mon’n dir i en proze faz e o pli vit posib vi ki i form par dan Sanitation Master Plan o pli vit posib ki nou annan sa resours nou pou met osi Quincy – sa bout Quincy Vilaz ki pa konekte lo sistenm.  Me selman Ma Joie mon’n dir 2020 e Union Vale i pou sa lannen. Mersi bokou Onorab.

 

MR SPEAKER

Mersi Minis.  Onorab Jude Valmont.  Kestyon i lo distrik Riviére Anglaise.

 

HON JUDE VALMONT

Yes Mr Speaker.  Mersi.  Bonzour.  Bonzour Minis e delegasyon, tou koleg Onorab e tou dimoun a lekout.  Mr Speaker permet mwan, mon pou demann en pti kestyon e depandan lo repons Minis mon anvi fer en pti follow up si posib.  Mersi.

Mon kestyon i se ki mon ti a zis voudre konnen Minis sa ki ou’n dir pou Riviére Anglaise la, eski sa bann proze ki ou’n dir pe fer par faz, eski total proze ler in fini ki pou kout 659mil ou i plis ?

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Wi en klarifikasyon, zis sa faz Union Vale ki pou kout 654mil –  met li R655mil apepre.  Zis sa premye faz proze Union Vale.  E larestan i pou annan son diferan costing apre.

 

MR SPEAKER

Mersi Minis. Onorab Valmont.

 

HON JUDE VALMONT

Mersi Minister.  Alor zot pa ankor fer total costing?  Mon ti a voudre si zot konnen apepre konbyen pou koute sa proze total?  Konbyen i kapab koute e mon kestyon follow-up se eski larzan ki zot pe dir pou zener pou sa finisyon sa bann lezot faz proze la, eski i form par, i annan keksoz pou fer dan Donors Conference ki zot ti fer ?  E konbyen larzan ziska prezan ki zot in nobou gannyen swivan sa konferans ki zot ti fer, zot ti envit tou sa bann donors, sa bann sponsors ki zot pe dir ?

 

MR SPEAKER

Ok. 

 

HON JUDE VALMONT

Yes Minis mon a zis re pet mon kestyon petet ou pa ti’n tann mon.  Mon dir eski sa larzan ki zot pe mazinen pou mete dan sa bann finisyon sa proze, eski i form par sa larzan ki zot in anmase dan sa Donors Conference ki zot ti pe fer?  E mon ti a voudre konnen konbyen ziska aprezan zot in anmase pou fer bann proze tel? Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok, mersi Mr Speaker.  Eskize nou bezwen konsilte en pti pe.   Onorab wi ti annan en Donors Conference pou bann – pou ganny finansman pou bann proze PUC.  Nou  – sa larzan ki nou pe fer i pa sorti from Donors Conference.  I sorti dan fon PUC li menm, dan bann plan lenvestisman ki PUC i annan.

Sa bout pou Ma Joie nou ekspekte ki i kout osi apepre menm kantite ki pou Hermitage, (sorry) pou Union Vale.  E mon pe prezimen ki Vilaz Quincy pa pou tro lwen.  Me solman akoz nou pe get son grander, son larzer.  Me solman i tou depan lo teren.  Me solman larzan i pa sorti from the Donors ConferenceDonor’s conference i bokou pli gran ki Sanitation Master Plan.  Mersi.

 

MR SPEAKER

Mersi Minis.  In fini reponn.  Ok Minis dan en lot pti bout kestyon.

 

HON JUDE VALMONT

Mersi Mr Speaker zis pou reponn sa pti bout kestyon.  Swivan sa Donors Conference konbyen larzan oubyen konbyen larzan zot in kapab anmase ziska prezan?  Mersi.

 

MR SPEAKER

Mersi.  Minis.

 

MINISTER WALLACE COSGROW

Ok nou’n ganny ofer apepre 15 milyon Dolar avek Kuwaiti Fund.  PUC ava konsidere me solman  pou le moman akoz nou debt ceiling  nou bezwen vreman careful avek kan mannyer nou sa.  Me solman nou’n ganny ofer 15milyon pou nou Master Plan.  Mersi.

 

MR SPEAKER

Mersi Minis.  Onorab Audrey Vidot.

 

HON AUDREY VIDOT

Mersi Mr Speaker.  Bonzour Mr Speaker, Minis ek ou delegasyon, tou Manm Onorab e bann dimoun ki a lekout.  Minis mon kestyon i prenon kont ki zot pe fe sa bann proze par faz, dan bann sou distrik English River, eski zot annan en progranm travay en pti pe pli frequent pou zot kapab adres bann konsern letan i annan sa problenm overflow, ki dan bann rezyon kot sa bann housing estate, antretan ki zot pe espere pou zot kapab konekte lo en sel sistenm?  Mersi.

 

MR SPEAKER

Ok, napa problenm mon ava allow sa mon konnen en pti pe dan direksyon kot ou pe ale.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab bann housing estate  i tonm anba PMC –  se PMC se PMC ki pou ansarz pou petet pli frequently ponp bann STP – bann septic tank or STP ki annan.  Me solman PUC si i annan nesesite pou amelyor bann lenfrastriktir sewage PUC i pare pou fer, me solman nou bezwen touzour prenon kont resours e la kantite proze ki PUC i annan pou antreprann dan elektrisite, dan delo e dan sewage.  I masiv.  Lenvestisman PUC i masiv e nou touzour bezwen strike a balance bann proze ki nou fer dan sak seksyon PUC.  Solman the will i la pou nou antreprann bann diferan proze.  Mersi.

 

MR SPEAKER

Mersi Minis. Onorab Ferrari.

 

HON JEAN-FRANCOIS FERRARI

Mersi Mr Speaker e bonzour Minis.  Minis mon ti a kontan demann ou dan sa legzanp bann sou distrik Riviere Anglaise ki bann challenges ki zot pe rankontre ?  Akoz klerman i annan en pe retar dan sa bann proze.  Ki bann difikilte ki ou kapab met devan Lasanble ; ki tou bann Manm i kapab konpran o nivo zot prop distrik ki travay zot osi zot kapab fer pou zot akonpanny PUC dan sa lenvestisman?  Konmsi si ou dir nou si ou eksplik nou byen akoz nou osi nou ti a kontan kapab fer ki tou sa bann proze parey Riviere Anglaise i osi i materyalize dan lezot sou distrik parey – mon pa tro konpran, akoz Rochon in konmanse apre in arete.   Konmsi mon ti a kontan ede.

 

MR SPEAKER

Onorab.  Ok annou pa –

 

HON JEAN-FRANCOIS FERRARI

So dir nou en pe ki bann challenges

 

MR SPEAKER

Annou pa debord kestyon.  Minis restrikte bann challenges dan distrik Riviere Anglaise?

 

(Interruption)

 

MINISTER WALLACE COSGROW

Mersi bokou Mr Speaker. Mersi bokou Onorab pou ou kestyon.  Onorab ou kestyon tre bon kestyon me larepons i senp.  Larepons i senp se ki dan bokou landrwa PUC son main problenm, son main kontrent ki i rankontre se bann issue way leave, bann issue teren, me osi parey mon’n dir oparavan bann keksoz pou fer avek finansman.  Apre PUC osi i annan li en seksyon proze e PUC pe antreprann en kantite proze.  So i depan lo resours PUC pa zis finansman me osi resours imen pou kapab antreprann bann diferan proze.

Mon krwar zot ava dakor avek mwan si zot get otour Mahe partou zot pou vwar ki poudir i annan en kantite proze PUC pe antreprann e sa i met en kantite stress lo resours imen sirtou PUCSo sa i en pe bann kontrent ki PUC pe gannyen me solman mon kapab reasire Lasanble ek bann dimoun ki pe ekout nou ki a la mezir ki nou annan resours nou bouze avek bann proze ki annan pou fer sirtou avek proze sewage.

Akoz i vreman enportan e i unlock bokou bann tren kot petet dimoun pa ti pou kapab fer zot lakaz, me avek en koneksyon sewage i pli posib pou zot fer lakaz.

 

MR SPEAKER

Mersi Minis.  Nou a bouz lo 2enm kestyon. Onorab Francois Adelaide.

 

HON FRANCOIS ADELAIDE

Mersi Mr Speaker.  Bonzour Mr Speaker, tou Manm Onorab.  Minis eski Minis i kapab dir ek sa Lasanble kan ki bann zabitan Anse Gaulette lower ek bann rezidan ex Pool pou ganny konekte avek sistenm Sewage Treatment Plant?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Mr Speaker mon prezimen ki Onorab pe refer lo en –non sorry eskize, eskize mon pe pran kestyon Onorab Arissol.  Mr Speaker an se moman PUC napa sistenm desarz dan distrik Baie Lazare. Par kont mon ava eksplik en pti pe akoz PUC i okouran sa sistenm.  San ki mon fer okenn komitman, me plizoumwen pou lenformasyon zabitan Onorab e zabitan sa de landrwa, sa STP ki Onorab pe fer referans avek, ti ganny enstale par PMC avek Minister Lakaz Lenfrastriktir ek Transpor lo Later.

E PMC ki pe operate e maintain sa STP.  Sa STP pe deservi  anviron 70 flat dan Anse Gaulette.   E vi ki sa STP i annan ase kapasite pou tret plis desarz apepre 100 met kib par zour, i annan plan pou konekte ek bann lezot zabitan lower Anse Gaulette avek ex-Pool avek sa STP.  MHILT in antreprann en survey, en design pou servi sa de landrwa.  ex-Pool avek lower Anse Gaulette, avek sewage system.  An se moman  MHILT pe fer prosedir pou ganny way leave pou pas bann tiyo.  Lenplimantasyon sa proze i ava ganny enplimante baze lo finansman.  E i ava ganny sourse par Minister konsernen.   Sa proze i pou deservi anviron 24 lakaz tradisyonnel dan lower Anse Gaulette e 12 lakaz dan ex Pool.  E dapre bann lekspertiz dan PUC sa proze i estimen kapab kout anviron R1.5milyon.  Savedir sa i – letan mon’n koz ek PUC in dir mwan dapre zot kalkilasyon i kapab kout apepre R1.5milyon.  Mersi Mr Speaker.

 

MR SPEAKER

Mersi Minis.  Onorab Adelaide.

 

HON FRANCOIS ADELAIDE

Mersi Minis pou ou larepons.  Mon’n demann sa kestyon se akoz bann zabitan Baie Lazare sirtou dan sa rezyon la ler lapli ouswa linondasyon i vini zot vreman ganny afekte.  E dan meeting piblik tousala in monte se ki zot in ganny promet pou ganny konekte, me selman zot pa ankor konnen kan.  Eski Minis eski ou annan en deadline apepre ?  La ou dir mwan zot pe pas, zot pe rod way leave. Eski ou annan en deadline apepre kan sa bann dimoun petet zot kapab zot osi ganny konekte lo sa sistenm?  En fason pou zot kapab bliy en pe sa bann problenm ler linondasyon i vini ouswa bann lezot keksoz ?  Mersi.  At least donn nou en timeline?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker mersi.  Parey mon’n dir o komansman mon kestyon  mon pa oule commit en keksoz ki pa dan mon full responsabilite.   Me solman mon kapab met sa sitasyon devan e mon asire Minis pou Later/Lakaz i okouran e zot pe fer zot mye pou ki zot kapab met sa larestan lakaz lo koneksyon. Me solman mon ava met sa lirzans, sa proze devan Minis e pou son konsiderasyon.  Dan mon pwennvi i pou kout apepre R1.5milyon si petet larzan i kapab mete dan Bidze lot lannen then posibleman sa proze i kapab ganny er akoz i pa en proze extensive.  Mersi Mr Speaker.

 

MR SPEAKER

Mersi Minis.  Onorab Egbert Aglae.

 

HON EGBERT AGLAE

Mr Speaker mersi.  Bonzour Minis.  Mr Speaker mon oule demann ou en klarifikasyon avan mon demann mon kestyon.  Si mon pa’n tro konpran bomaten ou’n fer resorti ki ou pou allow 2 siplemanter.  Mon pa’n konpran si ou’n dir pou les zis de Manm lo sak kote.  Si ou kapab klarifye sa avan mon demann mon  kestyon.

 

MR SPEAKER

Mersi.  Mon’n dir ki lo sak kestyon mon pou allow de Manm lo sak kote pou anmenn zot siplemanter.  Mon ase fleksib par egzanp avek Onorab Valmont kot in demann en kestyon pou ganny en leklersisman avan i poz son lot kestyon.  E sa diskresyon i pa aplik pou le de Leaders.  Le de Leaders zot annan zot privilez konman Leaders pou lo sak kestyon pou zot kapab anmenn en siplemanter.  Sa i zot privilez.  Me pou lezot Manm lo sak kestyon de Manm  sak kote mon pou allow pou nou kapab allow the flow of question.  Ok? Onorab Aglae.

 

HON EGBERT AGLAE

Mr Speaker mon konpran ou.  Savedir zis sak kestyon zis de Manm lo sak kote ki annan drwa demande.

 

MR SPEAKER

Wi e – Order.  Rezon ki mon pe pran sa direksyon sirtou pou sa bann kestyon sa bann kestyon i lokalize.  Sirtou dan distrik.  Si mon les ouver then nou pa pou kapab fermen.  Me i annan lezot kestyon ki annan baz en pti pe pli ouver, pli larz sa mon ava fleksib lo la.  Mon ava allow en pti pe plis siplemanter.  Ok.  Onorab Aglae.

 

HON EGBERT AGLAE

Ok.  Mersi Mr Speaker pou ou klarifikasyon.  Minis eski dan sa bann proze la, eski zot pe konsilte osi avek Gouvernman Lokal ler zot pe antreprann sa bann proze akoz souvandfwa ler sa bann proze pa materyalize se Lotorite Distrik, Gouvernman Lokal ki bezwen vin deal avek serten sityasyon ki bann fanmir i ganny  afekte konsernan sewage?  Mersi.

 

MR SPEAKER

Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab bon kestyon. Definitivman dan mazorite – well dan tou ka konsilte avek Lotorite Distrik, me dan en bon pe ka kot i annan sityasyon par egzanp wayleave,  nou servi en kantite lekspertiz distrik e osi negosyasyon ki available dan distrik, pou nou kapab access en serten bout later  kot nou bezwen pas nou sistenm pou kapab fer koneksyon.

So wi nou konsilte avek distrik petet i annan de ka kot nou konsilte plis ki dan lezot ka, me solman i annan konsiltasyon ki ganny fer ek distrik.  E nou osi enform distrik ler i annan proze ki pe pas dan distrik.  Mersi bokou Onorab.

 

MR SPEAKER

Mersi Minis.  Nou ava al lo kestyon No.3.  Onorab Philip Arissol.

 

HON PHILIP ARISSOL

Mersi Mr Speaker.  Bonzour tou dimoun. Etan donnen ki bokou lakaz Anse Boileau presizeman Caiman, Hermitage, Anse Louis leo, i ankor pe servi delo larivyer.  Kestyon i koumsa – Eski Minis i kapab dir bann dimoun sa rezyon kan zot sipoze ganny koneksyon delo trete?

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker mersi.  Onorab mon pe mazinen ki Onorab pe fer lo en demann ki li menm in deza met a latansyon PUC ki PUC in deza ofisyelman rann en larepons atraver en let date le 18 Avril 2019.  Pozisyon PUC Mr Speaker i reste parey.  Savedir i deza annan en proposal ki son kou finansman in fini ganny kalkile. PUC in donn langazman ki sa pou antre dan son plan proze an 2020.  Savedir pou Hermitage.  I pou kout anviron R3.7milyon e i pou pran apepre 12 a 14 mwan pou arete apre ki Kontra in ganny donnen.

Mr Speaker mon’n ganny les konpran osi ki Caiman i annan en sistenm me solman pa tou dimoun.  I annan en sistenm ki’n ganny met an plas solman pa tou dimoun ki ganny met lo sa sistenm.  Pa neseserman akoz zot pa kapab antre me i annan dimoun ki par swa, zot pa neseserman anvi antre anba en sistenm koneksyon delo trete, kot i vin en peyman.  I bezwen annan en peyman lafen di-mwan.  So se sa larepons Mr Speaker.  And PUC parey mon’n dir i pe antre dan sa proze Hermitage an 2020.   In fini komet son lekor lo la.  Mersi.

 

MR SPEAKER

Mersi Minis.  Onorab Philip Arissol.

 

HON PHILIP ARISSOL

Mersi Mr Speaker.  Eski i annan survey ou tes regilye ki ganny fer pou vwar kalite delo ki sa bann dimoun pe servi?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Si Onorab i kapab klarifye.  Ou pe koz delo trete ouswa delo raw water ki sorti –?

 

HON PHILIP ARISSOL

Delo larivyer.

 

MR SPEAKER

Minis.

 

MINISTER WALLACE COSGROW

Non pou le moman PUC pa pe teste delo larivyer raw water ki sa bann dimoun pe konsonmen.  PUC son faz i lo delo ki supply bann household.  Mersi.

 

MR SPEAKER

Mersi Minis.  Onorab Flory Larue.

 

HON FLORY LARUE

Bonzour tou dimoun.  Mersi Mr Speaker.  Mon ti a kontan demann Minis pou kapab resize pou nou dan sa lenstans ki lefe ki PUC in aknowledge Onorab Arissol par en let, Onorab Philip Arissol, eski i kapab dir nou konbyen dimoun ki ganny afekte dan sa rezyon spesifikman?

E konbyen lannen depi premye dimoun pe fer demann pou koneksyon avek delo PUC?  E prezan mon ti a kontan osi extend lo sa premye kestyon ki Onorab Arissol in demande.  Onorab Philip Arissol in demande,  letan sa larivyer son sityasyon mannyer i ete i tonm anba Lanvironnman, anba PUC.  E lefe ki zot konnen ki piblik pe servi delo, lekel ki teste quality delo sa bann dimoun?  Si zot pa enterfer pou gete ki kalite delo sa bann dimoun pe gannyen lekel alor ki devret verifye ki kalite delo ki dimoun pe pran dan larivyer?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab sa proze spesifik Hermitage i annan apepre 45 lakaz ki pou benefisye.  Konbyen letan ki zot pe esper sa, mon pa pou tro asire.  Nou kapab rod sa lenformasyon, donn zot akoz i annan 45 household.  Mon pa kapab donn ou 45 household la.  Me solman i enportan pou note ki PUC i kontinyelman konekte bann lakaz an mezir ki delo trete i ariv dan bann rezyon ki pli difisil.  PUC i kontinyelman konekte bann lakaz e PUC i kontinyelman fer bokou bann louvraz pou fer sir ki the main back bone system of nou sistenm distribisyon delo  i solid e i kapab konekte bokou plis dimoun.

2enm parti ou kestyon mon pa’n tro sezi li byen – ok sa ki responsab pou teste delo? Parey mon’n dir PUC i teste bann delo ki li i supply avek piblik e bann delo ki pe sorti dan son sistenm pe al kot piblik.  Okenn delo ki an deor si i pe ganny konsonmen se si mon konpran byen i responsabilite Public Health.  Si mon konpran byen.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Larue vitman.

 

HON FLORY LARUE

Mersi Mr Speaker.  Mr Speaker mon ti a kontan demann Minis lefe ki sa delo dimoun pe servi pou konsonmen, eski pa krwar la ki Onorab Philip Arissol pe fer sa – pe met sa kestyon ki kekfwa pou reasir sa fanmir, zot kapab enterfer pou fer en tes e donn en rezilta kekfwa DA pou kapab advice sa bann dimoun ki zot pe servi en delo ki konsonmab.  Akoz i bezwen annan en problenm si kestyon in vin devan e kekfwa zot, zot aware ki i annan en problenm.  Alors ed sa bann dimoun ki dan sa 45 lakaz.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi.  Mr Speaker Onorab son kestyon mon krwar ti  kler. Onorab ti pe demande kan sa bann dimoun pou ganny konekte avek sistenm delo trete, me solman  par kont mon a kapab pas sa rekomann avek Minister konsernen pou fer tes si neseser dan delo ki – the raw water ki pe ganny servi anler Anse Boileau. Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Bonzour Minis e tou bann teknisyen ki akonpanny ou, bann zofisye.  Mr Speaker mon anvi demann Minis vi ki nou pe koz lo Anse Boileau spesyalman Anse Louis leo, kot zot ti bezwen sa bann zafer delo larivyer ki pa ti lo later Gouvernman.  E la mon pe koz spesifikman lo lafanmir Tirant, kot pandan tou sa bann lannen zot in pran delo lo la.  Eski  Minis i kapab dir avek nou ki letan zot pe mazin koleksyon tou sa bann zafer, eski zot in fini pey sa fanmir larzan ki zot devret peye, pou settle sa issue ant sa fanmir avek PUC?  Mersi bokou.

 

MR SPEAKER

Mersi Onorab.  Minis.

 

MINISTER WALLACE COSGROW

Ok.  Mersi bokou Mr Speaker.  Mersi bokou Onorab Leader Lopozisyon.  Mon ganny les konpran ki sa case ti en case ki ti pas Ankour e Lakour in donn en desizyon lo la an faver Mr Tirant e  le neseser i ava ganny fer.  Mersi bokou Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker mon anvi demann Minis, kan ki dele letan ki zot pou rezourd sa sityasyon, vi ki Minis li menm li in aksepte ki poudir Lakour in donn zizman an faver Mr Tirant.  Se sa ki Minis in dir alor kan eski zot pou pey li e fini ek sa zafer?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker.  Nou ava regarde ki zistans PUC in arive avek sa e nou ava expedite sa process si i neseser.  Me selman nou konnen Lakour in donn desizyon e nou pa anvizaze pa enplimant en desizyon Lakour. So nou pou expedite li as fast as possible.  Mersi bokou Mr Speaker.

 

MR SPEAKER

Mersi Minis.  mon a bouz lo kot kestyon.  Onorab Egbert Aglae.

 

HON EGBERT AGlAE

Mersi Mr Speaker.  Eski Minis i kapab dir ek sa Lasanble kan eski nou pou kapab vwar en lapros pli efikas kot i konsern triyaz bann salte?

  1. Ki progranm edikasyonnel zot pe mazin met anmars:-
  • Dan lekol;
  • Landrwa travay;
  • Dan kominote;
  • Dan lakour

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker e mersi Onorab pou ou kestyon.  Mr Speaker ledikasyon ek bann aktivite edikasyonnel pou konsyantiz dimoun lo bann size pou fer avek lamenazman salte, i tre enportan.   E san ledikasyon e san sansibilizasyon nou dimoun ou piblik pa pou konn nou bann Lalwa, Polisi e osi bann bon kondwit.  Tel parey bann bon fason ki mannyer pou depoz zot salte byen e osi fason pou fer triyaz kan i posib.

Dan sa nouvo Polisi Zesyon Salte 2018/2023 triyaz salte i reste en priyorite pou Gouvernman e pou pei.  Mon Minister pe travay ek bann konsiltan Linyon Eropeen pou drafte prezan en plan  stratezik pou bann lannen  ki pe vini.  Dan sa plan resiklaz osi e triyaz salte, pou reste en stratezi kle pou le fitir.  Mr Speaker an se moman nou annan 4 kategori salte ki piblik i kapab fre triyaz avek.  Nou annan boutey plastik sa ki nou apel pet bottles.  Ek alluminium ki nou kapab al rann kot enn bann Redeem Centre ki annan 4 lo Mahe e enn lo Praslin ek enn lo La Digue.  Nou anvizaze osi ouver enn dan rezyon nor, (sorry) dan rezyon les Onorab.  Eskiz mwan was Mahe.

Trwazyenmman: ou annan bann feray ou scrap metal ki kapab anmenn kot landfill Providence dan scrap yard, kot enn sa  ban konpannyen ki kraz export sa bann feray.

Katriyenmman: nou annan bann materyo ver ou sa ki nou apel green waste ki nou ankouraz tou dimoun pou fer compost avek.

Mr Speaker plis ki sa ver lafen sa lannen manm piblik pou kapab osi separ bann boutey lalkol an ver e rann zot kot bann redeem centre parey boutey plastik pet ek alluminium.  An relasyon ek sa 3 progranm pou redeem boutey pet, can ek alluminium e osi boutey lalkol an ver Minister sa lannen i annan plan pou konmans met bann bin spesyal dan bann landrwa stratezik dan lavil, me osi dan serten distrik, avek lide pou fer li pli aksesib e fer li pli fasil pou dimoun triy e depoz sa 4 salte.

Sa i pou ganny fer an partenarya avek bann Redeem  e Recycling Centres.  Mr  Speaker i enportan pou mansyonnen ki Polisi Gouvernman an relasyon ek zesyon salte, i osi pou redwir serten kategori salte parey plastik dan sistenm ou waste stream parey nou dir an Angle.  Se pou sa rezon ki depi 2017 nou’n konmans met restriksyon ou ban lo serten prodwi plastik parey sak plastik, bwat take away, bann kwiyer fourset, goble, lasyet ek bol plastik.

E konmansman mwan prosen full restriksyon lo litilizasyon plastik straws pou aplike.  Me Speaker byensir pou tou sa ki mon’n mansyonnen kapab marse i enportan ki tou dimoun i pratik sa bann aktivite.  Sak endividi i bezwen desarz zot responsabilite kot lakour e dan nou kominote.  Pandan plizyer lannen Gouvernman in fer bokou aktivite sansibilizasyon e  ledikasyon pou tou enkli zanfan ziska adilt.

Dan lekol nou annan bann klib Ecoschool ki partisip bokou dan bann aktivite lanvironnman.  Lamazorite lekol zot pe deza separ ou triy bokou sa bann kategori salte ki mon’n mansyonnen boner.   Sa pe ede pou ki sa bann lekol i amenaz salte dan en pli bon fason.  Byensir parey nou kapab ekspekte pa tou lekol ki pou lo menm oter.  Malgre sa nou pou kontinyen travay ek zot pou zot kapab amelyore.  Nou seksyon ledikasyon, Lanvironnman dan nou Minister e Minister Ledikasyon pe kontinyelman angaze dan bann lekol pou ankouraz bann lekol pou met an plas bann tel progranm e aktivite, dan landrwa travay presizeman dan Gouvernman lannen pase konsey Minis ti aprouv en lalis aktivite lanvironnman ki nou bezwen pratik en pe plis dan nou bann lofis.

Tel aktivite ki ti enkli redwir litilizasyon plastik ki nou servi zis enn fwa e ankouraz bann anplwaye pou pratik en pe plis triyaz sirtou boutey pet plastik ek alluminium.  Ozordi bokou biro Gouvernman in aret servi boutey plastik e ranplas li avek boutey ver ouswa water dispensers enkli Konsey Minis.  Mr Speaker nou ekspekte ki sa pratik i gradyelman ganny pratike an sekter prive osi.  Bokou bann lotel pe deza fer triyaz sa bann item.

Kot i konsern manm piblik mon Minister in  fer bokou progranm ledikasyon e sansibilizasyon lenformasyon, lo diferan laspe zesyon salte dan lepase.  Nou bezwen rekonnet ki sa pa’n ase e nou bezwen kontinyen fer plis ankor, pou asire ki nou bann sitwayen i vin pli byen angaze dan sa  zefor.  I osi annan bann partner non gouvernmantal ki  ki’n tre aktiv e fer bokou aktivite edikasyonnel dan distrik e dan lekol an relasyon avek zesyon salte.  Nou apresye bokou zot zefor e kontribisyon.  Pou arive fer sikse fodre plis Lorganizasyon e group kominoter i zwenn nou dan sa zefor.

Fodre pa bliye ki medya i bezwen zwe en rol kle pou pas bann bon mesaz e pratik.  Nou bezwen kontinyen angaz e servi bann diferan form medya  tel parey Facebook pou arive tous tou kwen nou lasosyete.

Sa lannen mon Minister enkli Lazans zesyon salte pe re double zefor pou prodwi bann progranm sport e mesaz an relasyon ek sa size.  Nou oule met lanfaz lo bann mesaz ki direk e ki pou gid bann dimoun dan kominote lo ki mannyer pou zer zot salte ki osi enkli triyaz.

Mr Speaker de rezon prensipal ki’n anpes triyaz salte progres parey nou ti ava anvi i la fason ki salte i ganny kolekte.  Tou salte pe ganny melanze ansanm.  I osi annan en mankman lo bann sistenm tret sak kalite salte apre koleksyon.  Sa nouvo Polisi Zesyon Salte 2018/2023 e plan stratezik ki an preparasyon pou adres e devlop sekter resiklaz e triyaz salte an servan diferan mekanizm enkli mekaniz finansyel.  Mr Speaker pou anliny (sorry Mr Speaker).  Pou anliny pou ankouraz plis triyaz dan kominote sa lannen Lazans lanbelisman e zesyon salte pou konmans en lesey dan kominote Ile Perseverance pou entrodwir koleksyon salte par lakaz.  Parey bann sistenm ki annan dan lezot pei.  Ki a permet ouver laport pou sak lakour pran responsabilite triy son salte.

Apre Perseverans mon Minister pou evalye sikse e rod fason pou entrodwir sa lapros dan bann lezot kominote sirtou landrwa kot annan bann housing estate kot i bokou li fasil pou antreprann sa fason.

Kot i konsern landfill Gouvernman pe al pibliy en nouvo lalis pri pou zet salte.  Serten salte parey feray ek kartron pou kout bokou mwens pou dimoun vin zete lo landfill. Sa se akoz nou le ankouraz dimoun pou triy zot salte, pou redwir la kantite salte ki ganny met dan bin piblik.  Egalman pou ban komersan triyaz zot salte i ava anmenn bann benefis finansyel direk.

An menm ta sa i pou kree loportinite po sa ki enterese pou resikle sa bann kalite salte. An relasyon avek landfill e avek bi pou redwir volim salte lo landfill LWMA ver lafen trwazyenm kar sa lannen pou resevwar en waste crusher  ki pou kraz preski tou bann salte ki antre dan landfill.

Sa i pou redwir konsiderableman kantite lespas ki pou ganny pre okipe par salte dan le fitir.  An vi ki Sesel i annan  en pti lekonomi ki lwen avek marse napa bokou debousman pou bann salte ki ganny tire e sa i fer ki pa toultan ki bann aktivite resiklaz i rantab.  Konman parti son stratezi Gouvernman pou bezwen kontinyelman evalye performans finansyel dan sa sekter kot i neseser entervenir pou siport bann biznes e lezot akter atraver bann Schemes. Parey nou’n mansyonnen i toutafe posib pou met an plas bann sistenm pli sofistike pou triyaz salte dan pei e sa i en langazman ki mon Minister pe fer.

Me par kont nou bezwen rekonnet ki nou bezwen annan en balans ant kalite salte ki kapab ganny triye e viabilite son tretman final prenon kont sirkonstans Sesel.  Mr speaker petet pou terminen mon a sezi sa loportinite pou lans en lapel avek bann kominote –  nenport endividi ki pe ekout nu bomaten pou zwenn nou dan sa zefor.  Organiz avek lezot bann manm dan zot kominote.  Groupe pou pran ka avek zot kominote pou organiz bann aktivite netwayaz e osi partisip aktivman avek nou dan bann aktivite sansibilizasyon ki nou fer.  Mr Speaker kestyon i en pti pe long.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Aglae.

 

HON EGBERT AGLAE

Minis mersi pou larepons mon bann kestyon.  Minis enn bann fakter ki pa pe ede pou fasilit triyaz salte, al en pti pe pli profon se bann bin ki nou servi.  Parey nou konnen poudir i annan 3 kategori bin kouler.  I annan sa ki ble kot ou met tou bann recycable waste ladan.  Sa ki brown ladan ou met kitchen oubyen bann garden waste e sa ki ver li ou met bann recycable.

Eski i pa moman apropriye la baze lo ban larepons ki ou pe donnen pou nou konmans entrodwir sa bann kouler bin kot i ava vin en sansibilizasyon ledikasyon dan sa bann landrwa ki mon’n demande, parey kot lekol, dan lakominote osi pou vwar ki mannyer sa i kapab marse.  Ki i ava fasilit sa bann triyaz ase pli vitman.

E dezyenmman  Minis mon ti a kontan – ou’n fer resorti poudir ou pe osi mazin fer bann proze pilot.  Eski zot pe mazin pou bann salte ki pa pe ganny kolekte, ou’n nonm parey pet can kot ou kapab redeem, kot i annan en reveni.  Bann lezot salte ki pa tonm dan bann kategori kot dimoun pa kapab ganny en income avek, eski zot pe mazin dan le fitir al ver lenerzi, pou servi sa bann salte pou kapab prodwi lenerzi avek?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab wi nou pe mazin dan le fitir pou annan bann separasyon an term bin ki ou met salte ladan.   Mon ganny les konpran ki ou’n fini konmanse kot bann lekol.

I annan serten nivo separasyon, serten nivo separasyon salte dan diferan kalite bin kot bann lekol petet pa neseserman kouler me solman i endike ki poudir sa i pou tel sa i pou lot, sa i pou lot. So kot bann lekol ou’n konmanse mon’n realize ki poudir kot bann lekol i lakle.  Nou konmans avek bann zelev, bann zanfan ki apre kapab anmenn dan lakour.

E sa in prouve ki in marse dan bann lezot pei.  alors nou’n deza konmanse kot bann lekol petet nou devret pe fer plis kot bann lekol e nou Minister nou devret kapab annan sa lekspertiz, sa mwayen pou  ed bann lekol pou zot bouz pli devan.

Parey mon’n eksplike taler nou annan sa proze pilot Perseverance.  Idealman nou ti pe mazin konmans avek en bin endividyel kot bann lakour, kot bann lakour kot zot kapab met zot bann salte endividyelman akoz i annan bokou konplent lo bann gro housing estate kot dimoun pa le okenn bin common obor kot zot.

So nou pe vin avek sa linisyativ  me i annan koze i annan linisyativ ki’n vini ki dir akoz nou pa al en pti pe plis dan plas zis avek en bin, akoz nou pa fer detrwa klasifikasyon.  Petet nou ava revwar nou stratezi e gete si nou kapab azout petet de ou trwa klasifikasyon triyaz.  E kot i konsern lenerzi avek salte wi Onorab ou annan parfetman rezon.

Nou’n fini submit en dokiman avek Procurement Oversight UnitEn expression of interest pou okenn lakonpannyen lokal ou enternasyonal pou set up, pou montre zot lentere pou set up en biznes waste energy Sesel.

Malgre tou sa ban zefor ki nou pe fer pou triye, pou resikle, pou kapab fer compost kot i neseser nou realize ki dan le fitir avek nou popilasyon ki pe grandi e osi avek popilasyon touris ki pe ogmante, nou pou still bezwen lezot zefor pou deal avek la kantite salte.

E waste to energy plizoumwen inceneration apre osi ou ganny lenerzi konman en bio product i en solisyon le fitir.  Alors nou’n envit bann dimoun pou montre zot lentere e baze lo bann lentere ki nou gannyen wi nou anvi, Gouvernman i anvi antre dan en proze waste to energy Sesel, kot nou ava kapab vwar en pli bon zesyon salte dan pei.  So sa 3 kestyon Onorab mon krwar mon’n kapab rann ou larepons lo la.  Mersi.

 

MR SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mon premye kestyon lo kestyon resiklaz i ti’n annan en lanons regarding resiklaz bann boutey poban an ver, e in annan en dele dan lenplimantasyon sa progranm e bokou dimoun pe ranmas en kantite, sa kot zot e prezan i pe konmans vin en problenm e pe rode ki nou pou fer avek dezormen.  Sa i mon premye kestyon.

2enm eski Gouvernman ti ava konsider pou ankouraz resiklaz papye?  Parski nou ankor servi en kantite papye dan plizyer letablisman prive ou piblik.  En kantite papye ki par egzanp dimoun ti kapab anmenn kot en landrwa e konmela zot pe donnen.  Sa ki mon pe dir se Gouvernman eski i ti ava konsidere ki ler ou anmenn laba i pez par kilo, e sa bann dimoun i ganny en larzan ki sibvansyonnen par leta pou ankouraz resiklaz papye ki kapab plizyer prodwi tel ki bann tray dizef, bann sak papye.  Eski Gouvernman ti ava pare pou sibvansyonn pou ki ban dimoun- sa i en progranm ki deza egziste dan L’Inde.  Mersi bokou.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab wi i annan en Scheme pou boutey an ver.  Nou’n konmans avek bann boutey, bann boutey an ver pa poban en.  Bann boutey an ver letan mon dir an ver an vit, bann boutey kraze.  Idealman nou ti anvi enplimant li le premye Zilyet konmsi milye lannen le 1 Zilyet, me i tre probab ki nou pou pous li en pti pe ankor petet dan detrwa mwan akoz i tou depan lo kantite reveni ki nou anmase avek sa levy ki enplimante lo sa boutey. E sa i antre dan sa ki nou apel en waste management trust fund. E sa waste management trust fund se sa ki pou pey bann dimoun ler zot vin redeem.  I mars parey can i mars parey boutey pet.

So nou pe evalye sityasyon kantite larzan nou’n ranmase e once ki nou konfortab ki poudir nou konfortab al avek sa progranm san okenn lenteripsyon an term dimoun pe vin redeem i pa ganny son pti larzan then nou pou move ahead avek.  Sa progranm i la e sa progranm nou pe evalye pou nou kapab bouze avek.

Dezyenm Onorab lo kote papye, wi mon’n ganny les konpran ki poudir ti deza annan (sorry) in deza annan en lakonpannyen ki ti vin avek sa lide avan.  Me i pa ti nide profitab pou Sesel.  Parey mon’n dir oparavan i annan bann – malgre pou nou la kantite salte nou vwar i bokou me pou bann Scheme resiklaz souvandfwa the volume, sa volume i pa sitan ase pou kapab fer en biznes profitab.  Nou’n realize ki poudir dan bokou ka biznes resiklaz i annan ki profitab, i annan ki pa profitab.

Alors nou pe mazin seryezman dan serten ka ler nou anvi petet travay avek or tir en serten kalite salte dan waste stream or redwir lenpak sa kalite salte pou annan nesesite ki nou pou petet subsidise or sibvansyonn sa serten kalite aktivite.  Me solman nou bezwen fer li byen.  Nou bezwen vey byen akoz nou pa anvi zis antre dan en – kree en sistenm ki pa efficient apre ki nou vwar zis nou pe resikle en keksoz zis for the sake of resikle pou sey tire.  Me selman nou anvi fer li en sistenm efficient ki i a kapab annan benefis pou nou dan le fitir.  I annan en kantite salte ki ozordi dimoun pe montre lentere pou resikle.

I annan bann electronic waste, i annan feray, i annan pet, i annan kantite, kantite salte. So sa i enn ki nou pe mazin lo la.  E parey mon’n dir boner osi dan sa papye ki nou ti anmenn cabinet pou Gouvernman i annan bann guidelines ladan ki mannyer nou pou – pa guidelines me solman plizoumwen bann pwen ki nou oule adrese sirtou dan Gouvernman ki mannyer pou redwir la kantite salte e papye i enn.  Mersi Onorab.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILAY

Mersi Mr Speaker.  Bonzour Mr Speaker. Bonzour Minis.  Bonzour Onorab e bonzour tou dimoun ki a lekout.  Mr  Speaker mon ti a kontan demann Minis prenon kont ki dan bokou lezot pei sa zafer triyaz salte i en biznes.

E i annan en kantite aktivite biznes ki retourn otour sa dan bokou lezot pei.  kwa ki – premyerman kwa ki son Minister pe fer pou ankouraz bann Seselwa pou envestir pou konmans partisip probableman dan ban biznes ki relye avek zesyon sale ?  dezyenmman ki son Minister pe fer pou enpoz bann fines oubyen pou deal avek bann lenstans parey bann endividi in kit bokou salte deryer?

Par egzanp nou konnen Providence i annan former site kot ti annan bann koleksyon bann metal la sa later e tousala i ankor la ban vye container tou sa bann keksoz i ankor la.  Mon krwar Minister i okouran.  Kwa ki zot pe fer pou deal ek bann tel sityasyon?  Mon pa pe pik lo sa enn spesifikman.

Me i annan lezot landrwa kot ou vwar sa.  Kot ou vwar bann vye feray keksoz koumsa.  Kwa ki Minister pe fer pou deal ek ba sityasyon pou kapab fer ki nou re tir sa ban kalite debri, sa bann kalite waste dan lizye dimoun ?

E finalman mon ti a kontan demann Minis Mr speaker, si dan plan ki zot annan zot pou angaz sekter prive pou osi vin avek bann solisyon ki Gouvernman i ava pare pou sibvansyonnen?  Pa lo en baz sibvansyonn dimoun endividyelman me lo en baz sibvansyonn akter dan sekter prive ki le vin angaz zot ladan e ki lespas zot pe kree pou sa ban akter vin partisipe?  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi onorab.  Onorab wi Gouvernman i annan bann lenstans kot i donn lankourazman pou dimoun antre dan sa bann aktivite resiklaz.  Mon a donn en legzanp.  Ozordi si ou pe fer – ou pe antre dan en biznes ki annan – ki ou bezwen en serten lekipman ki al towards waste management ozordi i VAT free.  So letan o konmanse nou siport ou biznes kot ou pa pey VAT pou en lekipman ki annan pou fer avek pou en biznes ki annan pou fer avek waste management.  Ankor pou extend en pti pe sa legzanp  par egzanp bann dimoun ki ozordi i antre dan Kontra anmas salte.  Zot bann transpor ki’n vini i vin free zis pou ankouraz bann bon pratik waste management.  Nou pe osi eksplor posibilite or petet nou’n ariv a en staz vreman avanse pou eksplor, pou rod en bout later dan rezyon was Mahe, kot i annan bokou aktivite lagrikiltir, bokou bann green waste i ganny prodwi pou nou kapab met a dispozisyon sekter prive, kot dimoun i kapab depoz zot green waste, ganny process par bann chipping machine ouswa bann diferan masin ki kraze. E sa i ganny process into compost.  E ozordi i annan en kantite demann kot bann lotel, dan ban zarden prive dan lakour kot dimoun i rod kantite compost.

So sa pou en loportinite pou sekter prive dan le tre prosenn fitir.  Kot i konsern bann fines, nou kontinyelman nou annan nou en seksyon Environment Police dan Minister.  Nou kontinyelman fer bann vizit ansanm avek bann lezot zofisye konsernen.  Nou kontinyelman travay avek bann – nou bann diferan stakeholders pou nou kapab vizit bann landrwa kot nou konnen bann problem spot.  Nou pe remarke konmela la ki i annan en kantite bann bin sites ki pe mal ganny servi.  I annan en kantite bann landrwa kot dimoun pe zis vini dan kasyet, petet dump bann salte.  Ansanm avek LWMA nou pe vwar avek bann fees pou ankouraz dimoun pou antre lo landfill, avek serten kalite salte.  So nou annan bann fines ki nou’n donnen nou ti ava kontan donn plis, nou ti ava kontan ganny plis sipor avek lezot landrwa, lezot stakeholders me parfwa i pa fasil.  Souvandfwa sa bann aktivite i ariv dan  bann ler ki nou pa neseserman pe operateSo be solman nou fer sir ki nou as active as possible dan nou kominote, dan bann hot spot parey mon dir kot dimoun i zet salte.

E trwazyenmman lo kote sibvansyon ankor, parey mon’n dir i annan serten kategori resiklaz, serten kategori aktivite ki pa neseserman profitab outright.  Me solman i anmenn en bon benefis pou la popilasyon e i anmenn en benefis an term stratezi ki nou, nou pe fer  pou zer salte.  So nou konsider, nou pou konsider  bann venture sekter prive kot i neseser, kot i fezab pou nou petet met serten sibvansyon pou ed zot fer serten e ed zot pratik serten process resiklaz.  So nou pe konsider sa.  Mersi bokou.

 

MR SPEAKER

Mersi Minis.  Onorab Wavel woodcock.

 

HON WAVEL WOODCOCK

Mersi Mr Speaker.  Minis ti annan en promes ki ti ganny fer apepre en 2an pase pou en spike wheel pou landfill Praslin pou fer konpaksyon salte.  Kan eski nou pe anvizaze vwar sa spike wheel?  E mon dezyenm kestyon i konsern Minis in dir poudir zot pe anmas levy lo boutey ver.  Mon kestyon i konbyen larzan ki zot in ranmase ziska prezan?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab pou ou 2enm kestyon si mon pa tronpe mon ti vwar en figure dan en email pe sirkile apepre 5milyon.  Mon pa asire si 100% me selman mon krwar i R5milyon. Mon krwar figure ki nou’n anmase avek custom ti R5milyon.

An term spike wheel ti annan en demann en pe letan pase dan Bidze, me avan mon letan pou ganny en spike wheel pou Praslin pou compact en pe landfill me solman nou pa ti ganny finansman, si mon konpran byen Minis Finans detrwa semenn pase ti fer en komitman dan Lasanble e i ti dir i pou get dan posibilite finans sa spike wheel.  Me selman mon kapab azoute Onorab avek sa shredder ki pe vini la nou annan posibilite pou nou ship, pou le moman ler sa shredder i vini pou nou ship serten materyo Mahe pou ganny kraze.  Par egzanp larou, feray, serten materyo ki nou kapab ship Mahe pou ganny kraze.  So sa i ava ede lo landfill Praslin avek lo landfill la Digue.  An menm tan ki spike wheel i vini.  So si mon konpran byen mon ti ekout Minis Finans i ti dir poudir in donn en komitman. Si mon konpran byen.  Mersi.

 

MR SPEAKER

Mersi Minis. Onorab Audrey Vidot.

 

HON AUDREY VIDOT

Mersi Mr Speaker.  Minis letan ou’n donn ou larepons an referans avek ledikasyon dan kominote, ki sipor adisyonnel oubyen akse pou finansman ki zot kapab ankouraz e elev nou bann community based organization ki petet zot kapab donn ankor zot osi sa progranm ledikasyon, pou kot i konsern triyaz salte e petet zesyon bann salte dan kominote?  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker e mersi Onorab pou kestyon.  Onorab dan Minister Lanvironnman e osi avek bann Lorganizasyon ki afilye avek Minister Lanvironnman, kalifye avek zesyon lanvironnman i annan posibilite pou sa ki nou apel bann CBOs, bann community based organizations.  Pou zot profit avek serten finansman ki annan.  Me solman parey mon toultan dir sa bann CBOs i bezwen byen organiz zot lekor, bezwen bann CBOs ki’n byen etabli, ki annan tou zot bann prensip, tou bann keksoz annord.  Nou annan par egzanp ETF – Environment Trust Fund kot zot kapab fer serten lapel avek ETF pou serten finansman.  Zot bezwen design zot proze.  Zot bezwen met zot proze byen devan.  Zot bezwen kapab defann zot proze akoz the fund i bezwen accountable letan i donn sa larzan.

Nou annan osi sa ki nou apel the Small Grants Program ki osi kapab ede bann diferan pti organizasyon dan distrik, pou zot kapab enplimant bann proze.  I pa bokou larzan me solman i annan depan lo kalite proze zot kapab site.  I annan par egzanp Waste Trust Fund osi, ki kapab siport serten proze ki annan pou fer avek waste management.  E si sa bann proze i ganny konsevwar byen e i ganny submit i kapab ganny konsidere avek ETF, Waste Trust Fund ouswa Small Grants Project.  I kapab annan lezot ankor bann pti zafer ki mon pa pe mazinen la, me solman i annan – an gro i annan posibilite pou bann community based organizations.  Mersi.

 

MR SPEAKER

Mersi Minis.  Onorab Ramkalawan.  Non, ok.  Nou ava bouz lo prosen kestyon.  Onorab Clive Roucou.

 

HON CLIVE ROUCOU

Mersi Mr Speaker.  Bonzour tou dimoun.  Mr Speaker mon kestyon i lir koumsa;  Eski Minis i kapab dir sa Lasanble ki Polisi son Minister an relasyon avek vann, oubyen menm fer kado nou bann plant e zannimo andemik, avek bann endividi oubyen pei etranze?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi bokou Onorab Roucou.  Mr Speaker Minister Lanvironnman i annan en manda pou protez e kontrol la fason ki bann lespes andemik e natif Sesel i ganny eksplwate e osi itilize.  Mon Minister i annan e Polisi ki apel National Access and Benefit Sharing Policy ki ti ganny aprouve par Konsey Minis an Desanm lannen pase.  Sa Polisi i rekonnet souverennte Sesel, tou son bann lespes e son resours zenetik.  I osi fer bann provizyon ki pe ganny artikile dan en Lezislasyon lo bann prosedir, ki en dimoun par egzanp en serser, en Lenstitisyon, ou en pei pou bezwen swiv pou ganny akse avek bann resours zenetik.  I osi annan bann Polisi e Lezislasyon, pou bann lespes spesifik tel parey koko de mer e torti zean.  Mr Speaker i annan diferan lenstans ki Minister i konsider donn bann lespes la plant ou zannimo.  Sa bann lenstans i enkli bann rezon syantifik par egzanp resers, pou bann rezon komersyal e osi diplomatik.

Oparavan Gouvernman ti donn bann noix koko de mer vyab.  Bann spesimenn torti zean ou menm par ler bann lezot lespes laplant tel ki bann palm andemik.  Sa ti ganny fer  anba bann Lagreman bilateral ensi ki bann MOUs.      Par egzanp Gouvernman ti export 9 torti zean atraver Fondasyon Zarden Botanik ki’n al dan bann diferan Zoo parey  Gwangju Zoo, Beijing Zoo, La Chine, South Korea Zoo, India Zoological Park, Coastal Wild Life Park and Gardens L’Angletere e Zoo Grand World Italy.   Tou sa bann torti i reste propriyete Sesel e si i neseser Sesel i touzour kapab fer laranzman  pou repran sa bann zannimo akoz i lo en Lagreman.

Mr Speaker i enportan pou dir ki anba Lalwa Wild Animals And Birds Protection Act,  bann pti torti zean i kapab ganny eksporte par bann authorized breeders, anba en quota anyel ki Minister in etabli.  Ozordi i annan 7 dimoun ki annan permi pou vin bann breeders.  Mr Speaker i annan bann prosedir ki sa bann breeder i bezwen swiv ler zot eksport sa bann pti torti.

Premyerman zot bezwen fer en laplikasyon ki mon Minister i evalye.  Si zot laplikasyon i ganny aprouve, zot ganny en sertifika CITES sa ki nou apel en sertifika CITES, Konvansyon Enternasyonal dan komers, bann lespes plant e zannimo an danze ki Sesel i en manm.  Ki valid pou 6mwan.  An plis ki sa bann breeders i bezwen ganny bann lezot dokiman neseser pou leksportasyon par egzanp sertifika lasante veteriner.  Koko de mer i ganny donnen avek bann zarden botanik tel ki zarden ki ganny trouve Thailand, Kew gardens an L’Angleterre eksetera anba bann Lagreman ankor parey mon’n dir.

Mr Speaker parey bokou nou, nou konnen i annan diferan landrwa ki annan sa bann lespes, me i enportan pou dir ki sa bann lespes in ganny donnen osi, pandan bann letan ki nou ti ankor en pei kolonyal.

Dan sa bann letan ti napa okenn bann sistenm regilatwar.  Mr Speaker dan sa bann dernyen detrwa lannen Minister Lanvironnman pe met bokou plis kontrol pou li konsider pli o profon  bann demann pou sa bann lespes.  Sa i akoz nou’n vini pli konsernen avek bann  risk ki bann serser i kapab servi n ou bann resours zenetik dan en fason komersyal san nou permisyon.

Depi 2017 tou bann demann ki mon Minister in gannyen pou koko de mer vyab pa’n ganny aprouve.  Sa i enkli bann demann ki’n sorti kot bann Lorganizasyon ou Lenstitisyon La Reunion, L’Amerique, Hawaii, Mexico, Pakistan eksetera.  Mr Speaker i enportan pou enform sa Lasanble, ki sa lannen mon Minister pou travay lo en Polisi pou revwar sa size leksportasyon e donasyon nou bann pti torti e osi koko de mer.  An plis ki sa mon Minister i osi annan plan finaliz en morso Lalwa lo access and benefit sharing.  Sa Lalwa pou vin lakle kontrol lo akse sa bann resours natirel.  Nou pou ranforsi konservasyon nou bann lespes tel parey koko de mer.  Gouvernman pe ankouraz plis dimoun lokalman pou replant sa lespes pou asir proteksyon long term sa lespes.  Finalman nou pou osi revwar nou Lalwa Wild Animals and Birds Protection Act ki date depi 1961 pou met li azour avek nouvo Polisi lo proteksyon nou biodiversite, sirtou nou bann lespes La Faune.  Nou pou osi armoniz revizyon nou bann Lalwa avek serten nou bann komitman enternasyonal.  Mersi Mr Speaker.

 

MR SPEAKER  

Mersi Minis.  Onorab Roucou.

 

HON CLIVE ROUCOU

Mersi Mr Speaker.  Mr Speaker mon anvi demann Minis an relasyon avek son larepons lo bann zannimo ki zot in donnen, mon anvi demann Minis ki dernyen fwa zot in fer okenn monitoring oubyen okenn resansman lo nou bann zannimo ki zot in donnen?  Parey in dir sa bann zannimo i ankor pou nou.  Eski sa bann zoo kot zot ete zot pe breed sa bann zannimo?

Eski zot dan bon  kondisyon?  Ki enn fwa pou tou nou osi nou asire ki kot nou bann zannimo zot an bon kondisyon, zot pe viv byen?

Epi mon ti ava zis demann Minis si Gouvernman a mon avi ti ava met en BAN total lo nou bann plant avek nou bann zannimo andemik ki koumsa partou aletranze nou pa tande ki pli gro torti L’Angleterre oubyen Sri Lanka i annan pye koko de mer e lezot?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi bokou Mr Speaker.  Mersi Onorab.  Onorab wi annan serten lenstans par egzanp ki NBGF, letan i annan bann lesanz aletranze, ki zot al vwar dan sa bann Zoos, bann donasyon ki nou’n donnen lo Lagreman e zot get kondisyon sa bann sirtou torti.  Torti-d-ter en.  Me solman pa en resansman as such.  Me solman i annan mon konnen CEO in vizit Thailand kot i annan ki’n ganny donnen, lezot Zoo ankor kot sa bann zannimo in ganny donnen. E nou still annan kontak ek sa bann swa zoo’s ouswa bann Lenstitisyon anvironmantal.

An se ki konsern ban total parey mon dir nou pe travay lo en Polisi pou nou kapab revwar ki mannyer nou deal avek sa bann zafer.  Petet dan konsiltasyon i ava sorti ki nou devret annan en BAN total e nou ava envit Onorab ek Lasanble pou zwenn nou dan konsiltasyon.

Me solman parey mon’n dir ankor taler dan mon larepons se ki bokou, nou konnen kantite letan en torti zean i viv.  Si pli gro torti i ganny trouve L’Angleterre nou kapab zis mazinen avan in ariv sa groser ki lannen ki i ti sorti Sesel.  Savedir i tre probab ki i ti sorti dan letan kolonyal ki letan nou ti napa okenn Lalwa dan sa bann zafer.

Koko de mer osi menm parey.  Nou konnen kantite letan i pran pou grandi pou li raport fri. So i annan lenstans kot nou’n donnen par egzanp mon’n dir pou resers, me bokou fwa i annan ki’n sorti bokou letan avan.  Mersi bokou Mr Speaker.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Bonzour Minis.  Bonzour tou manm.  Tou dimoun ki pe ekout nou.  Minis mon byen kontan ki ou’n dir ki zot pe revwar sa bann Polisi e bann Lalwa kot nou pe donn sa bann keksoz.  Akoz si nou pa fer atansyon, dan 10, 15 a 20an nou ganny drwa annan en konpetiter ki pe compete ek nou dan Lendistri touris san realize ki nou menm nou ki’n kree sa konpetiter.  Me selman mon kestyon se, pou  ou se vi ki nou ki pe donn aletranze oubyen Sef D’Eta oubyen bann diferan lorganizasyon nou bann keksoz andemik, eski ou kapab dir sa Lasanble nou, ki keksoz andemik nou’n gannyen avek nenport ki pei ziska ozordi?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi pou ou kestyon Onorab.  Tre bon kestyon.  Onorab petet dan serk diplomatik mon pa recall bann letan ki nou’n ganny okenn keksoz andemik avek okenn lezot pei, kan nou nou’n donn keksoz andemik.  Me par kont nou pa pe neseserman donn keksoz andemik ozordi ki kapab par egzanp en koko de mer ki kapab al pouse deor.  So i en koko de mer ki’n fini ganny tou son tretman avan i ale.   Konmsi in ganny tir son bann zafer anndan.   Par kont i annan bann lesanz ki nou fer avek bann Lenstitisyon resers kot nou osi nou ganny bann serten keksoz andemik ki nou osi nou kapab fer resers lo la, get ki mannyer i adapte kot nou.  I pa bokou, me solman in annan lenstans.  Plizoumwen mazorite in sorti lo nou kote.  Mersi bokou Onorab.

 

MR SPEAKER

Mersi Minis. Onorab John Hoareau.

 

HON JOHN HOAREAU

Mersi Mr Speaker.   Bonzour Mr Speaker.  Bonzour Minis ek ou delegasyon.  Mr Speaker avek ou permisyon mon ti oule felisit Beau Vallon Hits ki’n vin sanpyon Basketball sa sezon.  Well done boys!

 

MR SPEAKER

Onorab kestyon, onorab.

 

HON JOHN HOAREAU

Wi mon kestyon i eski antretan ki Lalwa pe ganny revize parey Minis in dir lo size konservasyon eski dan zot Minister zot annan bann dimoun ki angaze pou detekte e pran aksyon avek bann dimoun ki pe fer lavant ilegal bann zannimo andemik e bann plan andemik?  En pe lo sa kestyon ki Onorab Roucou in fer resorti, sa bann swivi ki ganny fer eski i ganny dokimante korekteman dan nou liniversite, oubyen ki bor sa bann konesans i ganny dokimante?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker e mersi Onorab.  Onorab wi nou annan dimoun konpetan dan Minister pou detekte letan i annan ban trade ilegal ki pase avek nou bann lespes andemik.  I pa zis Minister.  Nou annan bann lezot landrwa par egzanp bann lezot entities; par egzanp SIF, par egzanp Fon Ferdinand, bann diferan lezot entities ki nou travay avek ki ekipe pou zot kapab detekte bann diferan ilegal trade ki pase avek nou bann lespes andemik.  Parey mon’n dir boner nou osi annan nou osi en party to CITES Convention e nou en manm sa konvansyon e ki protez bann lespes ki ganny trade across border.

Nou osi travay avek bann lezot Lenstitisyon overseas par egzanp resaman in annan serten konsern kot nou bonsai gecko pe ganny trade.  Nou’n travay avek en Lenstitisyon Germany ek New Zealand pou nou kapab aprann e konnen ki mannyer nou pou deal avek sa bann sityasyon.  E se sa ki apre dernyen ler nou’n met sa dan medya pou kapab redwir en pe sa bann zafer.  So nou annan dimoun ki kapab deal avek sa bann sitasyon.  An term dokimantasyon, i annan serten dokimantasyon dan Minister kot National Botanical Garden zot kapab donn lenformasyon a la mezir bann ki zot, zot in fer bann donasyon ok?  An deor mon pa pou tro sir si i annan lenformasyon, me selman bann ki Minister in angaze nou, nou annan lenformasyon lo la.  Mersi Mr Speaker.

 

MR SPEAKER

Mersi Minis.  Onorab Terence Mondon.

 

HON TERENCE MONDON

Mersi Mr Speaker.  Mon anvi demann Minis dan menm laliny kestyon ki’n ganny demande pli boner kwa ki Sesel i benefisye avek anba sa bann Lagreman Bilateral kot nou bann lespes i ganny met aletranze?

E dezyenmman eski Minis ou annan en lide ki poursantaz bann komers ilegal pe arive dan nou pei avek nou bann lespes plant e zannimo?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab benefis sa bann lesanz, i plizoumwen building kapasite pou nou bann dimoun pou nou bann staff, plizoumwen dan sa laliny.  Parey mon’n dir bann kapasite resers, bann kapasite pou nou konpran en pe plis serten sa bann lespes akoz i annan dimoun bokou pli teknik an deor Sesel ki kot nou.  Lo kote statistics i bann aktivite ilegal.  I difisil parfwa pou nou konnen malgre nou annan bann dimoun pou detekte dimoun i fer sa dan en fason kot parfwa zot eksper ladan zot osi.

So malgre nou annan eksper zot, zot annan zot eksper.  Nou annan bann ka, bann ka ki nou’n rikorde nou’n tyonbo, sa nou annan statistik me solman ki groser sa i ete an deor i pou difisil pou mon dir nou, me solman nou konnen i egziste.

Nou annan bann ka ki nou nou’n kapab petet sey extract en pe sa bann lenformasyon.  Me solman nou annan ka ki nou nou’n rikorde.  Pa neseserman konnen ki groser sa trade i ete an deor.  Mersi Mr Speaker.

 

MR SPEAKER

Mersi Minis.  Bon nou ava pran lot kestyon.  Mon ava zis – ok go ahead Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker vi ki nou pe koz lo nou bann lespes andemik e sesel pe reklanmen.  Eski Minis i kapab dir avek nou ki demars ki nou ape fer pou nou sanz non laten koko de mer pou li vin olye genus lodoicea madivica, pou li vin – pou met non Sesel avek.  Parske la pou le moman i annan non Maldive avek.  E dezyenmman letan nou, nou ganny en lespes andemik akoz nou retournen? Nou’n ganny King Julian me nou pa kapab kit li isi konman pou Seselwa vwar ?  In viv 1an savedir i kapab viv Sesel.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker mersi.  Mersi Onorab pou ou de kestyon.  Onorab konsernan koko de mer mon pa okouran ki nou’n fer okenn demars so far pou sanz sa non.  Petet in annan me solman mwan mon pa okouran okenn demars ki’n annan pou sanz sa non pou fer li vin en seychellesarum or seychellencis.  Petet i annan ki’n ganny fer.  lo kote andemik mwan mon ti ava plifere ki King Julian i retourn Zanzibar or mon ti ava plifere ki i retournen akoz i riske ki i poz – ozordi i dan en lanvironnman ki contain.  I riske ki demen bomaten i poz en risk a nou bann lespes ki nou annan Sesel.  Nou pa konnen nou pa ankor fer okenn gran resers lo la.  i pa en lespes ki nou abitye avek, me solman mwan personnelman e bokou bann zofisye Minister nou ti a prefere ki tournen e osi bokou bann lespes osi ki nou pa anvi i enterfer avek bann lespes dan nou pei andemik. Nou prefere ki zot tournen.  Ler nou fini petet ti annan resers keksoz nou prefere ki zot tournen enkli sa lespes  Lemur ki Sesel.

 

MR SPEAKER

Mersi Minis.  Bon nou ava bouz lo lot kestyon.  Onorab William mon zis – mon krwar da kominike bomaten ou’n sanz en pti pe striktir ou kestyon, kestyon limero 6 me i touzour an lakor ek lespri sa kestyon i reste touzour parey, me kestyon No.7 mon averti ou ki ou pou bezwen withdraw akoz la fason ki ou pe sanze i sanz konpletman e Minis pa’n ganny ase letan pou prepar li pou li vin reponn.  So ou ava al lo kestyon limero 6 me kestyon 7 ler in ariv lo la zis ou ava fer le neseser.  Go ahead Onorab.

 

HON WAVEN WILLIAM

Bonzour tou dimoun ki a lekout.  Bonzour Minis avek ou lekip.  Mr Speaker kestyon i lir comme swivan; Eski Minis i kapab dir ek sa Lasanble ki zefor an plis son Minister pe fer pou sirvey nou lafore, bann sit proteze e nou bann larivyer?  E ki son Minister pe fer pou dekouraz dimoun al benny par lao barak delo Grand Anse Mahe?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker. Mersi Onorab pou ou kestyon.  Mr Speaker i deza annan diferan group dimoun ki enkli bann rangers, ki pe deza sirvey nou lafore.  Bann sit proteze e osi bann larivyer.  Sa bann responsabilite i tonm anba plizyer Lazans tel parey ; Lotorite park nasyonal SNPA, Minister Lanvironnman e osi PUC.  Bann ranger Lotorite Park Nasyonal i responsab pou protez bann lafore, ki tonm anba bann landrwa protez ;e tel parey National Park Praslin avek National Park Morne Seychellois, ki de siperfisi ki vreman vast.  Sa Lotorite i travay pros avek bann manm piblik e osi bann Lorganizasyon non Gouvernmantal i osi asiste li.

An se moman sa Lotorite i organiz bann patrol dan weekend pou sey kontrol bann tranzaksyon ilegal akoz dimoun i veye pou fer zot bann aktivite, pandan bann letan ki bann biro i ofisyelman fermen.  Lo Praslin sa Lotorite i travay pres avek bann lezot Lazans, parey Fondasyon Bann Zil Sesel, le Ravin du Fon Ferdinand, Minister Lanvironnman e osi  TRASS pou esanz lenformasyon e osi fer patrol, vi ki koko de mer ti ganny targete.  I osi protez lafore kont dife par mentenir bann balizaz.  Bann travayer i reste lo stand by dan sezon sek.  Minister Lanvironnman i osi ede pou protez bann aktivite ilegal ki arive dan lafore tel parey bann dibwa ki ganny vole e koupe ilegalman.

I osi fer sir ki monitor bann aktivite kan in donn permisyon parey pou koup dibwa, pou asire ki sa sa bann travay (pardon) i ganny fer dan en fason byen.  Mr speaker mon kontan ki Onorab in mansyonn sa pwen ki i annan dimoun ki pe deza benny dan bann basen delo, bann baraz delo PUC.  Sa i en act ki pa legal, ki pa byen pou plizyer rezon akoz i pa izyenik.  Enn bann rezon se akoz i pa izyenik pou dimoun bwar delo sa delo.

Tel sityasyon i montre ki i annan bokou nou bann zenn ki pe kontinyen fer tel aksyon ki pa normal e ki pa neseser.  Dan serten landrwa PUC in bezwen met fil pou anpes dimoun antre.

Dan lezot landrwa, menm ki in met bord dimoun in vandaliz sa bann bord.  Mon krwar ki i enportan pou sa bann Lazans konsernen Mr Speaker, travay ansanm pou anpes sa bann tel aksyon ilegal ganny fer.  An vi ki tou sa bann Lorganizasyon in deza annan serten kontrent tel ki resours, kapasite ou finansyel, an travay ansanm i ava ede ki en pli bon louvraz a ganny fer.

Mr Speaker parey mon’n mansyonnen siperfisi sa bann landrwa i vast.  Alor i enportan ki bann manm piblik i kontinyen travay ek mon Minister ek bann Lotorite konsernen pou asire ki bann tel pratik tel parey benny dan rezervwar PUC, koup dibwa e lezot ankor pa ganny fer.  Zot kapab servi nou limero Greenline  ki 272.21.11.  E menm rod lasistans ek Lapolis osi.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Mr Speaker mon’n ekout Minis be mon pa krwar Minis in petet konpran mon  kestyon mon’n demande.  Mon’n demann li ki bann zefor an plis.  Akoz Minis la fason ou’n ilistre ou leksplikasyon lo teren realite nou pa pe vwar sa ki ou pe dir.  So Minis mon anvi demann ou ki zefor an plis akoz nou dan distrik parey Lotorite Distrik nou pa vreman vwar akoz plizyer fwa mon’n fer en pledwari dan sa Lasanble pou dir nou annan bann problenm.  Par egzanp ou annan bann plan andemik, ou annan plan potao, jelly fish, me bokou dimoun pe servi sa nature trail.  Bokou dimoun pe monte desann enkli bann etranze.  Nou pe demande vreman kwa ki pe arive akoz enn nou pa satisfe avek sa prezans sirveyans lo teren.  So Minis ou larepons mon pa vreman satisfe, akoz mon anvi konnen ki zefor an plis ki pe ganny fer an menm tan enkli Lotorite Distrik pou nou kapab donn en koudmen?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker mersi.  Onorab, mon kontan at least nou realize ki i annan en  zefor ki pe ganny fer.  Petet i nesesit en zefor an plis.  Mon kapab angaze ki dan lespri ki nou travay ansanm sirtou dan bann landrwa par egzanp dan distrik kot ou’n ganny elekte, kot i annan bann trails, bann keksoz sitan ase enportan pou nou lanvironnman e osi par egzanp pou PUC ki nou travay en pe pli an partenarya avek distrik pou idantifye bann problenm pli a sours ki nou a kapab adres bann problenm ansanm.

Bann Lenstitisyon Gouvernman, Lotorite Distrik avek bann zabitan distrik. So petet zefor an plis ki nou kapab mete se annan en lapros en pe enklisiv an term ki mannyer nou fer bann lentervansyon dan distrik, bann diferan sityasyon ki arive.  So sa mon kapab donn ou mon komitman ki nou a kapab travay en pti pe plis ansanm.  Mersi bokou.

 

MR SPEAKER

Mersi Minis.  Onorab William.

 

HON WAVEN WILLIAM

Minis baze lo sa ki ou’n dir la mon ti a kontan ou donn mwan en commitment, akoz nou vreman konsernen avek nou lanvironnman e avek sa ki pe arive lo teren dan distrik.  So mon ti ava demann ou ki nou kapab ganny en meeting irzan avek ou bann zofisye pli o senior kot nou a kapab enn, donn serten solisyon, akoz mon krwar poudir i annan bokou solisyon me solisyon i vin atraver kominote.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok. Yes mersi Mr Speaker. Wi Onorab mon donn ou komitman ki nou kapab zwenn diferan seksyon mon Minister, sanzman Klima, Lenerzi avek Lanvironnman e nou ava rope- in osi PUC pou nou vwar bann solisyon pou bann diferan issues ki annan dan distrik Grand Anse an partikilye.  Mersi bokou Mr Speaker.

 

MR SPEAKER

Mersi bokou Minis.  Onorab Norbert Loizeau.

 

HON NORBERT LOIZEAU

Mersi Mr Speaker.  Mr Speaker mon anvi demann Minis, vi ki Morne Seychellois National Park i gran parti dan distrik Belair i annan bann pocket ki’n ganny tire kot serten dimoun pe reste ladan.  I annan bann konstriksyon osi ki pe ganny fer e zis anba i annan bokou bann sours delo ki pe desann.  E nou osi annan en danm par anba.  Mon anvi Minis i dir nou ki regilasyon  in  ganny servi pou sa bann  dimoun pou zesyon zot bann desarz konmsi?  Eski ou kapab donn nou en pe leksplikasyon lo la akoz i annan danm i annan bann sours delo, me zot reste dan sa bann pocket zot?  Mersi.

 

MR SPEAKER

Ok mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab i annan  en kantite bann pocket ki ler ti pe fer legzersis pou re aliny Morne Seychellois National Park  ki ti ganny tire baze lo konsiltasyon, baze lo bann meeting ki ti ganny fer, bann dimoun ti ganny demande pou aprose e mon’n rod sa lenformasyon byen.  Ti annan bann lenstans kot dimoun ti ganny demande pou vin bann konsiltasyon, bann meeting letan ti pe fer revizyon boundary National Park.  I annan bann lakaz ki tonm within the boundary e okenn lakaz ki tonm within the boundary, si i annan okenn aktivite ki i annan serten polisyon ki ou Onorab ou okouran les Minister konnen. Les nou konnen nou ava la vizite, nou ava gete nou ava etabli nivo polisyon e nou ava deal avek.  Mersi bokou Mr Speaker.

 

MR SPEAKER

Mersi Minis.  Nou ava bouz lo lot kestyon.  Onorab Waven William vizavi ou kestyon, kestyon No. 7.

 

HON WAVEN WILLIAM

Mr Speaker mon pa’n tro konpran ou eski ou pe dir mwan poudir mon kapab demann mon kestyon parey i ete?  Ouswa withdraw li?

 

MR SPEAKER

Bon ou’n alert mwan bomaten ki ou anvi sanz wording ou kestyon. E mon’n fer Deputy Clerk kominik avek ou, ki si ou sanz sa wording, sa nouvo wording i sanz ou kestyon konpletan.  E si ou pou al dan sa direksyon ou pou bezwen withdraw sa enn kestyon e ou nouvo kestyon i ava mont prosennman ki Minis i ava vin devan Lasanble e i a donn letan Minis pou li kapab fer en pli bon preparasyon pou reponn ou nouvo kestyon.  Go ahead.

 

HON WAVEN WILLIAM

Mr Speaker si mon demann mon kestyon parey i ete?

 

MR SPEAKER

Ou le mentenir parey i ete?

 

HON WAVEN WILLIAM

Wi mon le mentenir parey i ete.

 

MR SPEAKER

Right go ahead.

 

HON WAVEN WILLIAM

Mersi Mr Speaker.  Mr Speaker dan sa lespri soustenabilite adaptasyon avek mitigasyon, mon anvi demann Minis eski Minis i kapab eksplik sa Lasanble, ki plan son Minister pou revwar son fason travay ek distrik pou amelyor soustenabilite pou potansyel distrik?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker. Mr Speaker mon demann Lasanble pou konpran mwan mon annan en larepons pou sa kestyon en pe similer, so mon pou lir sa larepons and then si i annan lenstans ki nou bezwen plis leklersisman nou ava donnen.

Mr Speaker anliny avek kestyon si mon konpran li byen mon Minister in atas bokou latansyon lo bann potansyel pou ki distrik i kapab kontribye dan bann size ki relye avek mon Minister.  Minister pe kontinyelman konsilte Lotorite Distrik lo plizyer laspe lamenazman lanvironnman e soustenabilite dan bann distrik.  Parey zot okouran sak distrik i annan en distrik team lo ki mon Minister i ganny reprezante.  Prezans Minister pou asire ki bann laspe lanvironnman e soustenabilite i ganny pran an konsiderasyon.  Mr Speaker nou konsilte ek zabitan en distrik kan i annan bann letid lenpak lanvironnman ki tonm anba par egzanp class 1 ki ganny fer pou ban gran proze.  Zabitan sa distrik i ganny sans pou donn zot pwennvi lo sa bann proze atraver bann meting piblik ki ganny fer e osi donn zot komanter lo bann rapor EIA.  Lo nivo kominoter i enportan note ki konmela i annan plizyer lorganizasyon kominoter, sa ki nou apel bann Community Based Organization CBOs ki pe ganny formen.  Sa bann lorganizasyon i aktiv dan bann diferan aktivite konservasyon lanvironnman e lezot size soustenabilite.

Mon Minister i tre ankouraze avek sa bann lantouzyazm lo nivo distrik pou form bann tel lorganizasyon me osi pou enplimant bann proze zot menm.  Mon Minister i kontinyen zwe sa rol entermedyer pou ede ranforsi kapasite lorganizasyon dan distrik me osi ed zot avek akse avek diferan sours finansman tel parey Fon Adaptasyon Klimatik, Small Grant Project, anba Fon Mondyal pou Lanvironnman pou zot enplimant bann proze lo teren.

Mon Minister in toultan la pou ede desantraliz servis dan distrik pou enplimant son aktivite.  Tel ki bann proze ek lezot progranm.  I enportan pou annan en zofisye sa Minister ki kree sa lyezon ant distrik ek Minister.  Se lo sa platform ki bann size konsernan lanvironnman i ganny diskite, e ki distrik i kapab pran ownership pou kontribye dan lamenazman proteksyon e konservasyon ECO system lanvironnman.

Par egzanp an konsiltasyon avek distrik grand Anse Mahe mon Minister in kapab enplimant diferan proze drenaz e proze proteksyon lans Pti Barbarons, proze kont linondasyon pou retir sediman dan larivyer e drenaz Barbarons.  Proze proteksyon lanmar, Grand Anse Mahe, santral e  proteksyon lakot.  Retir, plant pye dibwa, anvaisan pti Barbarons.  Pou tou sa bann proze mon Minister in konsilte Lotorite Distrik avan lenplimantasyon.  Minister pou kontinyen avek son konsiltasyon an tou distrik kot nou enplimant bann proze.  Mon krwar ki si nou kapab met sa striktir apropriye an plas parey monn dir taler boner i pou marse.

I annan bokou i pou agree ek mwan ki serten sa bann travay in marse parfetman dan serten distrik e dan lezot distrik in annan serten kontrent ki nou kapab ganny en solisyon pou zot.  I enportan pou nou konstri lo sa bann leksperyans par egzanp i enportan pou konsilte sa bann dimoun dan sa kominote pou vwar ki bann problenm e ki fason nou kapab pli byen enplimant bann progranm e osi bann proze.

Mr Speaker in ler pou nou aprann par bann fot le pase e annan bann bon striktir e osi asire ki nou pou kapab fer plis dan distrik.  I enportan pou nou travay ansanm ek bann distrik pou idantifye bann konsern.  Ansanm nou kapab vwar bann solisyon.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Mersi Mr Speaker.  Mr Speaker mon apresye ki Minis in dir ki zot pou al kree en nouvo striktir pou permet konsiltasyon.  Me Minis lo kote amenazman distrik, nou annan bann landrwa ki annan montanny  e mon vwar ki annan en progranm pou koup pye dibwa depi La Misere ziska Pti Barbarons.  E dan lepase nou’n fer netwayaz bann  laliny elektrik.  Nou’n koup bann pye dibwa e lo bann lateras nou’n koup bann pye dibwa, me epi napa en 2enm faz kot pou protez sa lateras ouswa protez sa landrwa kot sa bann poto elektrik ki lo montanny akoz ou annan en desant.

So ki fer ki avek gro lapli i annan lerozyon imans.  E avek devlopman nou’n vwar poudir bann larivyer osi volim delo ki ganny channel partou bann lakaz i vin dan larivyer, i annan en degradasyon, me nou santi poudir ler i mank sa konsiltasyon avek distrik nou pa vreman pe atak problenm, ki devret ganny atake boner.  So mon ti ava demande ki vreman sa eleman konsiltasyon i ganny fer byen e nou annan bann swivi e bann faz bann proze.  Nou pa fer zis bann ad hoc.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker mersi.  Mr Speaker mon ti a kontan dir Onorab ler nou organize pou nou zwenn avek distrik tou sa la nou ava met an konsiderasyon.  Nou ava annan tou bann dimoun ki dan tou seksyon Minister avek bann Lazans, nou a kapab met bann diferan issues an konsiderasyon pou nou kapab bouz devan.  Mersi bokou.

 

MR SPEAKER

Mersi Minis.  Onorab Egbert algae.

 

HON EGBERT AGLAE

Minis enn bann issues mon kapab met li koumsa ki parfwa i anpes bann devlopman e redwir potansyel, se langazman dimoun li menm dan la kominote.  E nou vwar poudir lefe ki i annan bokou bann servis santralize e desantralize, eski ou pa pe mazin konsider annan en progranm ki ti deza la oparavan? Kot nou ti pe empower, nou ti pe angaz bann dimoun pou zot take the lead avek bann sityasyon; par egzanp kot i konsern bann lanvironnman pou zot kapab own zot distrik san bezwen depan lo Gouvernman lo son totalite?  E osi pou konsider met resours pou ki sa ban progranm ki ava ganny met devan ki pou fer marse i kapab reste soutenab a longer di-tan e ki i a minimiz lenpak bann issues ki kapab arise anba sa size ki nou pe diskit lo la.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab. Nou ankouraze pare mon’n dir bann community based organization pou zot take ownership or pou ede osi take ownership of bann proze, bann diferan keksoz ki annan dan distrik.  Nou ankouraze akoz nou menm nou dan Minister Lanvironnman ek bann lezot Lazans nou napa sa kantite resours an term dimoun pou kapab al fer tou sa ki annan pou fer dan tou distrik.  Alors nou ankouraz partisipasyon sekter NGOs dan sa bann domenn.

 

Petet dan le fitir nou devret kapab vwar rod en pe plis resours finansman pou kapab ed sa bann NGOs.  Parey mon dir i annan detrwa sours finansman e petet i pa finansman ki ase pou tou bann distrik.  Pou le moman nou e deal avek bann distrik kot i annan komitman kot i annan bann lorganizasyon, kot i annan bann NGOs ek CBOs ki vreman aktiv.  Me si i annan bann lezot dan bann distrik ki deside formen zot kapab vi an kontak avek nou e nou a gete ki mannyer nou kapab pous zot azanda devan.  Mersi bokou Mr Speaker.

 

MR SPEAKER

Mersi Minis.  Nou ava pran dernyen kestyon Onorab Wavel woodcock.

 

HON WAVEL WOODCOCK

Mersi Mr Speaker. Mon kestyon i konm swivan; An vi ki lakot Grand Anse Praslin pe ganny afekte avek lerozyon eski Minis i kapab dir Lasanble ki bann mezir ki son Minister pe pran pou rektifye sa problenm lerozyon? Mersi.

 

MR SPEAKER

Mersi onorab. Minis.

 

MINISTER WALLACE COSGROW

Mersi Mr Speaker.  Mersi Onorab.  Mr Speaker problenm lerozyon lo lakot Grand Anse Praslin pa nouvo.  Sa Minister ti deza fer e lentervansyon an 2017 lo solisyon potansyel pou rezourd sa sirtou L’Amitié, Ros Korbizo e Anse Kerlan.  Sa kote lakot i vreman dinamik e i annan bokou mouvman disab.

An rezilta sa nou’n vwar ki lerozyon in persiste lo sa rezyon lakot, in kontinyen persiste.  Sa bout lakot in ganny frape avek lerozyon pandan en pe letan e serten travay in ganny fer pou minimiz lenpak lerozyon.  Me sa bann lentervansyon i pa neseserman anmenn sa rezilta ki Minister e kominote Grand Ans Praslin ti pe swete vwar.  I annan baraz avek ros.  Sa ki nou apel rock amoring or rock dumping ki’n ganny fer lo parti sa lakot.  Me nou vwar ki lerozyon in persiste e  bouz lo lot landrwa lo sa lakot.  An se moman sa bout lakot ki vizavi SPTC Depot ziska kot biznes Black Pearl in ganny severman afekte e sa in vin pli aparan pandan sa dernyen bout sezon vann nor.

Mr Speaker dan sa bann dernyen letan mon Minister pe pran serten mezir konsernen lo sa morso lakot.  Bann mezir i enkli sirveyans e monitoring par bann teknisyen Minister.  Dapre dernyen vizit ki’n ganny fer weekend pase disab pe re konmans akimil dan sa bout lakot avek larive vandswet.  Sa i en siny pozitiv e nou pou kontinyen monitor sityasyon de pre.  Serten ban debri pye dibwa ki’n tonbe lo lans pe ganny retire.  Prekosyon pe ganny pran pou pa retir ban bout ki ankor atase avek lakot avek bi pou anpes annan domaz ek bann bato e osi anpes dimoun ki servi lans pou ganny dimal.

Departman Sanzman ki pou demare avek en letid pli profondi lo lerozyon lakot pou Grand Anse Praslin, ki pou ganny gide par sa nouvo plan lamenazman lakot ou Coastal Management Plan pou 2019 2022 ki’n ganny finanse par Labank Mondyal.  Sa plan konpreansiv in ganny met an plas avek kontribisyon plizyer Lazans, Lorganizasyon e osi bann distrik.  E osi dan serten sirkonstans avek bann MNAs osi.  Mon ti a kontan dir avek sa Lasanble ki sa plan pou ganny prezante avek Konsey Minis demen Merkredi le 29 Me.  Sa plan i sizer plizyer aksyon ki pou ganny pran popu redwir bann problenm lo lakot Mahe, Praslin e La Digue.  Sa nouvo plan in vin dan en moman apropriye vi ki bann eksper in kapab pran an konsiderasyon tou bann letid e osi bann aksyon ki nou’n pran dan le pase.  Resers in montre ki plizyer fakter parey mouvman disab i fer sa problenm lerozyon bouz lo e lot landrwa lo sa lakot.  Minister pou anmas en pe plis lenformasyon lo sa landrwa pandan sa sezon vandswet e vann nor, pou fer sir ki metod ki pou ganny aplike i mars byen pou redwir sa problenm lerozyon lakot.

Departman Lenerzi e Sanzman Klima pe osi sirvey sityasyon pou vwar si i neseser pou enplimant lezot aksyon par egzanp pou met ros, pou protez bann lenfrastriktir an ka ki lerozyon i vin pli sever ziska ler letid i terminen e en solisyon pli pratik i ganny adopte.  Mersi Mr Speaker.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Minis sa issue lerozyon lakot depi 2017 mon ti met en kestyon irzan konsernan parey mon’n dir sa issue lerozyon Anse Kerlan, Anse Korbizo, Amitie ziska Consolation. Mwan ki mon pe demande Minis se ki, Minis mon ti a kontan ou donn en garanti zabitan mon distrik e en timeframe ki nou pe ekspekte vwar bann aksyon konkret ganny pran.  Either pou fer rock amoring or break water me solman bann aksyon konkret ki i kapab, ki ou Minister pou ganny pran.  Ou donn en garanti ki aksyon pou ganny pran ase irzan pou remedye sa sityasyon?

E mon anvi osi fer resorti Minis ki annan enn de bann desizyon ki’n ganny pran konsernan bann rock amoring ouswa pou deal avek sa issue lerozyon lakot.  Par egzanp i annan en problenm ase pertinan la kot i konsern sa size slipway vizavi Dove Centre WRTC Praslin e pe kree en lenkonvenyans pou motoris. Akoz sa slipway la fason ki’n ganny fer laroul pe mont lo semen i pe anmenn debri, i pe fer domaz, i pe kas semen.  Alor mon pe demann ou Minis ki ou anvizaze fer pou rezourd sa slip ki’n ganny fer ki pe fer plis domaz ki dibyen pou bann motoris dan sa rezyon Amitie.  Mersi.

 

MR SPEAKER

Mersi Onorab. Minis.

 

MINISTER WALLACE COSGROW

Mersi bokou Mr Speaker.  Mr Speaker mon a pran dernyen kestyon premye.  Onorab parey mon ti reponn ou dan email sa slip way i en issue Land Transport e mon’n refer li avek Land Transport.  Nou, nou konsantre avek lamenazman lakot e mon asire ki Land Transport pe fer son bout pou revwar sa slipway.  Lo kote garanti mon annan avek mwan la sa Coastal Management Plan, ki ladan i idantifye 18 areas of priority action ki bezwen ganny pran e ladan mon pe get Praslin, Cote D’Or, Anse Boudin, Anse Kerlan, Grand Anse an zeneral, Consolation, i annan bann diferan propozisyon ki’n ganny fer e in ganny klasifye konman par priyorite sa bann landrwa.  I menm annan serten costing ki sa Coastal Management Plan in fer.

So baze lo sa ki nou’n gannyen la e baze lo laprouvasyon ki nou ava gannyen avek Konsey Minis nou bouz dan lot faz monitoring pou gete ki mannyer sa bann mouvman pe pase dan sa bann landrwa, pou nou kapab apply en solisyon pli long term.  En solisyon i pa zis met ros, i pa zis met baraz, solisyon i enkli solisyon from inland; solisyon from ki lo lakot e solisyon  ki dan delo. Savedir si i annan nesesite pou nou revwar bann natural protection par egzanp bann reef.  Si i annan nesesite pou nou azout bann gronny or lezot alternativ e nou, nou pe re vwar sa.  Mon kapab donn garanti zabitan Grand Anse Praslin e osi zabitan Baie St Anne Praslin dan rezyon kot Baie St Anne i ganny afekte ki nou 18 priority areas ladan i bann — dan Praslin me solman   nou bann priority areas dan Praslin e osi lo Mahe pou ganny tackle o pli vit posib, a la mezir ki nou kapab fini bann letid ki nou annan pou nou fer. So se sa komitman ki mon pe donn bann zabitan.  Mersi.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Minis eski finansman in fini secure pou sa bann legzersis kapab fer akoz ou dir nou zot – apre approval Cabinet zot pe al konmans lanse lo bann letid. So ou kapab konfirm ek nou si finansman in fini secure akoz avan tou si napa finansman then proze pa pou demare?  Sa i en.

Dezyenm ou’n dir i annan 18 areas ki’n ganny emark pou fer.  Me kantmenm ou’n mansyonn priyorite i pa kler lekel ki pou konmans avan lekel ki pou konmans apre, akoz 18 i bokou.   So nou ti a kontan konnen si po annan zis entim ki pou travay lo sa legzersis oubyen pou annan de tim?  Koumsa i a pli fasil pou nou konnen si pou Praslin pe bouze oubyen nou bezwen esper Mahe fini avan?  Mersi.

 

MR SPEAKER

Mersi onorab.  Minis.

 

MINISTER WALLACE COSGROW

Ok.  Mersi Mr Speaker.  Mersi Onorab.  Onorab pou letid nou’n fini annan finansman.  Pou serten sa bann travay nou osi annan finansman dan Bidze, bann recurrent budget ki nou annan avek osi bidze kapital.  Lo mon lalis la mon vwar i annan 7 priority e ladan priority i annan  en priorite kot high priority Cote D’Or.  En high priotity Anse Kerlan.  En high priority Grand Anse a zeneral.  Avek bann lezot priyorite pa neseserman high bann lezot landrwa Grand Anse, Baie Ste Anne e osi lo Mahe. So sa ki mon’n ganny les konpran ki nou pou konmans Anse Kerlan premye akoz i high, high priority apre nou pou bouz lezot landrwa.  So nou pou tous sa ki high priority avan me solman nou bezwen sours funding pou serten.  Ok.  I annan serten ki dan Bidze.  I annan serten ki nou pou met dan Bidze e i annan lezot ki nou bezwen al source funding an deor.  Parey yer mon ti pe koz  ek konsiltan posibilite source funding avek Green Climate Fund.  I en posibilite.  So nou pe eksplor sa posibilite.  Mersi.

 

MR SPEAKER

Mersi Minis.  Avek sa nou’n ariv a lafen sesyon kestyon pou Minis responsab pou Lanvironnman Lenerzi e Sanzman Klima.  Minis Cosgrow mon ti a kontan remersi ou avek ou lekip, ki’n vin reponn bann Manm bann kestyon dan Lasanble.  Minister nou ava eskiz ou.  Mersi.

 

(MINISTER WALLACE COSGROW AND HIS DELEGATION WAS EXCUSED FROM THE HOUSE)

 

 

MR SPEAKER

Bon nou ava pran Break e nou pou retournen 11.30.  E nou ava osi tou fer lapel avek SBC petet nou pou overlap en pti pe avek PNQ me nou pa pou desot midi edmi. So nou ava Break nou retournen 11.30 e pou reponn sa kestyon se Minis Jean Paul Adam ki pe vini pou ranplas Minis responsab pou Zafer Etranzer.  Nou a Break nou retournen 11.30.

 

(BREAK)

 

MR SPEAKER

Bon nou a kontinyen nou travay.  E mon ti a kontan dir bonzour e welcome Minister Jean-Paul Adam ki pe vin reponn Private Notice Question de la par Vis-Prezidan.

E Minister Adam i ganny akonpannyen par Dr Marina Confait ki Sekreter Prensipal pour Foreign Affairs.  E Msye Jacques Belle ki Direkter Zeneral Protokol, Konsiler, e Maritime Affairs dan Departman Foreign AffairsMinister avek ou lekip bonzour e welcome dan Lasanble Nasyonal.

Mon ava prezan pas la parol avek Onorab Ramkalawan pour poz son kestyon.  Onorab.

 

HON WAVEL RAMKALAWAN

Mersi bokou Mr Speaker.  Bonzour Minis avek ou delegasyon.  Mr Speaker swivan lapwentman en nouvo Anbasader dan servis Zafer Etranzer, e pou evit okenn konfizyon a lavenir konsernan nou reprezantasyon Diplomatik aletranze ek lafason fer lapwentman,  eski Minis responsab pour Zafer Etranzer i kapab dir sa Lasanble:                    Enn:  Ki bann kalite e kalifikasyon ki son Gouvernman i mete pour en dimoun vin en Anbasader?  E ki kalite kour dan Diplomasi ki son Minister, ki son Minister i annan?  E ki pe donn bann zenn kalifye, afen ki zot kapab swiv en karyer Diplomatik e reve pou reprezant zot pei demen avek bann standar pli o posib?

Dezyenmman.  Konbyen Anbasader ki napa en plasman a ler aktyel?  E ki plan rotasyon ki pe ganny anvizaze byento?

Trwazyenmman.  Ki rasyonal Gouvernman i servi pou ouver en Lanbasad dan en pei?  E eski i kapab donn sa Lasanble detay bann sirkonstans ozordi e dan lepase kot sa Gouvernman ki pe akey nou Lanbasad oubyen okenn lezot endividi, pe swa peye oubyen kontribye dan fonksyonnman nou Lanbasad, ki swa an peyan pour rezidans Lanbasader, Biro Lanbasad, loto, ou saler staff, enkli saler Anbasader?

E finalman; ki plan eski Gouvernman i annan pou ouver okenn nouvo Lanbasad e si i annan en tel plan, ki rasyonal i pe servi pour zistifye sa nouvo Lanbasad?  Mersi bokou Mr Speaker.

 

MR SPEAKER

Mersi Onorab.  Mon ava donn la parol avek Minis Adam.

 

MINISTER JEAN-PAUL ADAM

Mersi bokou Mr Speaker.  Mr Speaker, Onorab Leader Lopozisyon, Onorab Leader Zafer Gouvernman, tou bann Manm Onorab, e tou bann dimoun ki pe swiv nou deba bonzour.  E mersi pour sa loportinite pour mon vin reprezant Larepons lo sa kestyon lo la par Vis-Prezidan dan son kapasite koman Minis pour Zafer Etranzer.

Premyerman Mr Speaker e tou bann Manm Onorab,  kot i konsern premye parti sa kestyon lo bann kalite ek kalifikasyon pour en Lanbasader.

I enportan pour nou reflesir lo kisisa rol en Lanbasader.  En rol Lanbasader byensir se pour reprezant son pei e lentere Seselwa dan lemonn.  E pli spesifikman anver sa pei kot i baze e anver sa bann Lorganizasyon ki dan sa pei kot i baze.

Lanbasader i osi en reprezante direk Sef D’Eta en pei.  Alor dan ka Sesel i reprezant Prezidan Larepiblik.

Alor en dimoun ki konpetan pour sa rol.  I bezwen annan bann kapasite e osi leksperyans.  Par egzanp lo kote Polisi, lo kote Ladministrasyon, lo kote gouvernans e annan byensir osi en kapasite pour li koz lo la par Gouvernman.   Savedir i kapab fer diskour ki kapab prezant son lekor e reprezant son pei.

Dan Scheme of Service pour bann Lanbasader, i annan serten provizyon ki’n ganny mete koman ideal pour en Lanbasader dan konteks par egzanp en Diplomat de Karyer.  Akoz nou annan bann Diplomat ki bann Diplomat de Karyer e nou annan osi bann lapwentman ki ganny fer pour bann dimoun ki annan leksperyans dan Gouvernman oubyen en leksperyans politik.

Alor dan nou Scheme of Service pour en zofisye vin en Lanbasader, fodre in konplet 4an servis koman en Konseye Prensipal.  Oubyen in ansarz en Divizyon dan Departman Zafer Etranzer.

Byensir lapwentman en Lanbasader i toultan a diskresyon Prezidan.  Akoz rol sa Lanbasader se pour reprezant nou pei e nou Sef  D’état dan en lot pei e anver lot Lorganizasyon.

Dan kad Scheme of Service i annan en semen kler pour bann zenn ki pe komans zot karyer dan servis Diplomatik pour zot kapab ariv lo en moman kot zot kapab ganny apwente koman en Lanbasader.

E sa progresyon i byensir ganny fer depandan lo kalifikasyon ek leksperyans.  Alor en zenn par egzanp ki antre dan Zafer Etranzer.  I antre avek en premye Degre i kapab komans koman en 3enm Sekreter.  Si i annan en Masters i kapab antre koman en 2enm Sekreter.  Avek en pe leksperyans i kapab ganny promosyon pour vin premye Sekreter.  Apre sa i annan pos Direkter, Direkter Zeneral ouswa Konseye Prensipal.

A sa nivo e baze byensir lo meritokrasi e bann loportinite ganny kordonen, bann diferan staff dan Minister e ki sa dimoun i annan en serten lannen servis.  I kapab ganny sa loportinite pour li ganny poste dan misyon aletranze.  E osi si lo sa nivo pli o, savedir lo nivo Direkter Zeneral, Konseye Prensipal i kapab ganny konsider koman Lanbasader.

Si nou regard nou bann Lanbasader aktyel, la gran mazorite i bann Diplomat de Karyer.  Savedir 8 lo 11 lo bann ki dan- bann ki an pos dan bann lezot pei, zot bann Diplomat de Karyer.  E se bann dimoun ki’n ganny formen dan Minister Zafer Etranzer e ki’n swiv zot parkour atraver sa sistenm e parey in prevwar dan Scheme of Service.

An se ki konsern bann kour e bann formasyon ki kapab ganny fer;  Departman Zafer Etranzer i an negosyasyon avek Liniversite Sesel pour kapab etabli en Lakademi Diplomatik pour form bann zofisye dan bann kad Diplomasi spesifik.

Me ni amwen, tou dilon lannen Departman i anvoy bann zofisye aletranze pour bann formasyon.  Parfwa pour kour dire, me i annan osi bann zofisye parfwa ki ganny sans aprofondir zot konesans.  Bann ki i annan premye Degre parfwa i ganny sans al fer Masters.

E i annan ka osi kot dimoun i ganny mete koman bann in-service trainees pour zot al fer zot formasyon lo nivo Degre.

Parmi bann formasyon a kour direk i annan disponib regilyerman.  I par egzanp atraver Gouvernman Lenn avek progranm ITEC.  Me i annan osi bokou lezot progranm ki ganny ofer par bann lezot Lorganizasyon e lezot pei.

An se ki konsern dezyenm parti kestyon.  kot i konsern bann Lanbasad, plasman bann Lanbasader.  I enportan pour nou note ki en Lanbasader letan i annan en misyon, i pa forseman bezwen ganny plase dan en pei aletranze.

Byensir letan nou pans en Lanbasader, nou tant pour mazinen poudir sa dimoun i baze dan en misyon aletranze. Me bokou lezot pei.  Me enkli Sesel.

Nou annan osi bann Lanbasader ki kapab annan en rol dan sa – dan nou pei menm avek bi reprezantasyon aletranze.

Alor aktyelman parey mon’n dir nou annan reprezantasyon Diplomatik aletranze.  Annefe dan 12 pei.  E dan 11 pei kot sa i ganny dirize par en Lanbasader.  E dan en pei, savedir Genève, La Swiss kot i ganny dirize par en Chargé D’affaires.  Savedir en dimoun ki pa annan Tit en Lanbasader, me ki reprezant en Sef Misyon koman Chargé D’affaires. 

        Alor aktyelman an se ki konsern bann Lanbasader ki baze isi Sesel, e ki annan zot misyon.  Enn, se Anbasader Erna, Dokter Erna Athanasius ki Anbasader pour Madanm ek Zanfan.  E son misyon i vizavi fer reprezantasyon kot i konsern sa bann size lo en plan enternasyonal.  Me osi lo plan Nasyonal.

I annan osi Anbasader Dick Esparon ki resaman in kit son rol koman Sekreter D’état dan Departman pour Rediksyon Lapovrete.  E ki’n remet son servis a dispozisyon Minister – Departman Zafer Etranzer e ki aktyelman i pe donn sa sipor travay regilye ki pe ganny fer dan pei.

E sa i en keksoz ki ganny swiv regilyerman.  Par egzanp a serten moman letan en Lanbasader i kapab retourn dan pei apre ki in konplet en misyon, avan ki i ganny re poste.  Souvandfwa en Lanbasader i fer travay dan sa fason pour li sipor travay zeneral ki Departman i fer.

An se ki konsern plan rotasyon.  Dan Scheme of Service pour bann Lanbasader, rotasyon i ganny prevwar pour ganny- pour fer tou le 4an.  Me byensir rotasyon ek renouvellement i ganny fer a diskresyon bann bezwen Departman a sa moman.  Bann lezot bezwen dan servis, e osi nesesite oubyen bezwen ki Prezidan i annan pour ganny reprezante dan serten pei.

Alor parfwa en dimoun i kapab servi plis ki 4an si i annan en misyon spesifik ki neseser.  E dan serten ka osi i kapab en pe mwens.

An se ki konsern rotasyon spesifik;  I annan serten Lanbasader ki’n fini ganny konversasyon avek direksyon Depart Zafer Etranzer lo zot rotasyon.  E i annan ki sa konversasyon i ankor pe ganny fer.  Me Departman ava annan en fason, dan en fason direk avek son bann anplwaye, avek son bann Anbasader, i donn zot en lendikasyon lo zot prosen rotasyon baze lo bezwen dan servis aktyel.

An se ki konsern 3enm parti kestyon, ki rasyonal Gouvernman pour – i servi pour ouver en Lanbasad.  Pour ouver en Lanbasad dan en pei, Gouvernman i regard ki lavantaz nou pour gannyen atraver en reprezantasyon pli for dan sa bann pei.

Alor nou kapab regard par egzanp pozisyonnman stratezik ki pei i annan vizavi bann Lorganizasyon Miltilateral ki kapab baze dan sa bann pei.  Si nou pran legzanp Addis Abba kot Linyon – Syez Linyon Afriken.  Alor i enportan pour nou annan en reprezantasyon laba vizavi sa lorganizasyon ki tre enportan pour en pei parey Sesel.

Pareyman si ou regard nou dan reprezantasyon Bruxelles.  Sa i lye osi avek lefe ki sa i Syez Linyon Eropeen ki osi en partner tre enportan lo en baz komersyal Ekonomik osi byen ki politik.

Byensir Nasyon Ini, New York.  E letan nou regard nou misyon Pretoria, sa i osi en misyon ki adres nou bann bezwen Bilateral avek Sidafrik.  Me osi an se ki konsern Miltilateral, kot i konsern SADC ek COMESA.

Dan preski tou nou bann Kapital kot nou baze, i annan en serten lyen Miltilateral.  Si nou pran legzanp Paris, i annan UNESCO, i annan Lorganizasyon enternasyonal La Francophonie.

Si nou pran Londres i annan Common Wealth, i annan Lorganizasyon enternasyonal Maritim parmi lezot ankor.

Si nou pran Émirats Arabes Unis, i annan osi Lorganizasyon Enternasyonal pour lenerzi renouvlab.

I annan bann pei osi ki lyen Bilateral i tre for pou rezon Ekonomik, Kiltirel e Istorik.  E si nou get par egzanp La Chine, i tre enportan pour nou annan en relasyon for avek li vizavi son pozisyon ekonomik mondyal.  E se pour sa ki nou ti etabli en misyon laba.  E nou annan osi en misyon dan Lenn lo sa baz.

Nou annan osi bann misyon Sri Lanka ek Cuba ki baze lo relasyon for ki egziste ant sa bann pei istorik.  Osi bann lyen komersyal ki for.  Par egzanp avek Sri Lanka kot i annan bokou lenportasyon osi byen ki leksportasyon.

Avek Cuba parey nou tou nou konnen.  Nou annan en relasyon korperasyon medikal ki tre for avek aktyelman 72 dokter ki travay isi Sesel.  E nou annan osi plizyer etidyan ki pe etidye Cuba.

Nou osi regard dan nou bann Letablisman nou bann Lanbasad.  Nou regard sa konsep resiprosite.  E nou ava note ki dan lamazorite bann Lanbasad ki nou annan.  Sa bann pei osi i annan reprezantasyon isi.

An se ki konsern kestyon- kot i konsern lasistans ki’n ganny ofer par bann Lorganizasyon, oubyen bann Gouvernman, oubyen bann endividi pour bann Lanbasad ozordi oubyen dan lepase.  Eleman pli enportan aktyelman i konsern sipor ki nou gannyen avek Gouvernman Émirats Arabes Unis (UAE) kot aktyelman nou ganny en sipor ekivalan 500, 000 Dirhams par lannen pour fonksyonnman nou Lanbasad.  E sa i kouver sirtou an se ki konsern biro ek rezidans pour Lanbasader.

An se ki konsern- e sa lasistans.  Ti komanse depi ler nou’n etablir sa Lanbasad e pe kontinyen ozordi.

Dan lepase Sesel in ganny lasistans avek nou bann Konsil Onorer Zeneral dan serten pei.  E sa i spesifikman La Chine, kot nou’n ganny asiste par Msye Jin Xingming, Madanm Diana Ningning Chen, e Mr Sidney To ki nou bann reprezantan koman Konsil Zeneral.  E zot in siport nou Lanbasad Beijing sa lepok, e zot in osi cost siport atraver en Lasosyasyon lo lanmitye ek biznes ant Sesel ek La Chine pour nou Konsiler Zeneral Shanghai.

An se ki konsern nou misyon Beijing.  Aktyelman sa i ganny siporte a 100poursan par Gouvernman Sesel.  Savedir nou nepli depan lo sipor nou bann Konsil Zeneral.  Letan zot ti donn nou sa sipor an sa lepok, sete sirtou en moman kot Gouvernman ti pe annan serten difikilte avek deviz.  I ti permet nou annan en reprezantasyon dan enn nou bann pei partner kle a en moman Ekonomik difisil.

Me aktyelman nou misyon Beijing i ganny kouver a 100poursan par bann resours étatique. 

        I annan kontinyasyon sipor par sa Lasosyasyon lanmitye ek biznes Sesel / La Chine ki pour nou Konsila Zeneral ki baze Shanghai.  Me i pa pour nou Lanbasad.

Apre lot sipor ki nou’n gannyen.  Se avek nou Konsil Zeneral New York ki en Msye ki apel Msye Justin Etzin.  E li in siport nou atraver- pandan 5an pour nou biro ki ti nou Lanbasad, nou Haut-Commissariat Londres.

Nou ankor enn fwa Gouvernman in pran sarz sa sipor ozordi.  nou apresye bokou sa sipor ki ti ganny donnen sa lepok par bann diferan reprezantan ki ti enportan pour nou ganny sa reprezantasyon a en moman ase difisil pour nou pei.

An se ki konsern 4enm parti kestyon.  E plan ki Gouvernman i annan pour okenn nouvo Lanbasad.  Byensir Gouvernman i fer en analiz e regard tou bann eleman avan ki i pran en desizyon final pour li etablir en Lanbasad e regard bann eleman proksimite relasyon politik ant sa bann pei.  Posibilite lagrandisman relasyon Ekonomik, e byensir pozisyonnman stratezik Sesel Mondyalman dan konteks Miltilateral osi byen ki Milt bilateral lye avek sa pei.

Aktyelman travay pe ganny fer pour regard posibilite etablir en Lanbasad dan Rwayonm Saudi Arabia.  E demars in ganny fer pour demann Gouvernman Saudi Arabia lo sa posibilite e nou Lanbasader ki baze UAE, ki baze Émirats Arabes Unis pe fer- pe regarde pour fer en misyon eksploratwar Saudi Arabia prosennman.  E pour le moman dat pour li fer sa vizit pa ankor ganny kominike.

Sa posibilite pour nou regard en Lanbasad Saudi Arabia i baze – i swivan vizit ki Prezidan in fer laba, e bann konversasyon ki’n swiv lo bann loportinite pour agrandi bann relasyon politik ek Ekonomik ant sa 2 pei e regard bann posibilite pour Sesel kapab benefisye ankor plis atraver en relasyon for avek en pei zanmi parey Saudi Arabia.

Mr Speaker sa i kouver la baz bann eleman larepons ki’n ganny met devan par Onorab Leader Lopozisyon.  Mersi Mr Speaker e mersi Onorab.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker premyerman mon ti ava kontan demann Minis.  Konbyen zenn aktyelman ki pe okip sa pozisyon 3enm Sekreter?  E ki progranm aktyelman ki i annan pour zot?  Ou’n nonm diferan progranm, Diplomatic Academic ki pa ankor vreman take off kot Liniversite Sesel.  Ki zistans ki zot annan?  E letan ou pe regard sa group zenn, kan eski ou panse ki zot ava’n ganny sa training apropriye pour zot kapab, pour zot kapab take over e etabli bann standar ki, bann standar pli o posib?

Dezyenmman; Eski Minis i kapab dir avek nou, dan bann landrwa kot zot ankor pe resevwar finansman, kan eski Gouvernman Sesel pe mazinen ki nou ava fini avek sa bann kalite finansman?  Etandonnen ki i annan en risk.  E la mon ti ava demande direkteman ki kalite- kwa ki Sesel i donnen an retour pour sa kalite sipor?

E mon trwazyenm kestyon Mr Speaker pour mwan demann Minis.  Saudi Arabia, zanmen nou’n dan nou konesans zanmen nou’n vwar Saudi Arabia koman en gran pei zanmi.  E souden mon’n en pe soke letan in dekrir li koman en pei zanmi.  Parski ziska aprezan in napa gran relasyon.  Amwen ki Minis i ava eksplik mwan.

E akoz ki -?  Konmsi donn nou en pe detay vreman lo akoz ki zot santi ki Saudi Arabia i pour sitan enportan?

E an menm tan osi mon anvi demann Minis,  an relasyon avek Anbasader Dick Esparon,  eski la pour le moman i pe travay kot Minister Zafer Etranzer?  E vi ki sa sityasyon Colombo pa ankor tro kler,  akoz ki zot pa’n trouv li neseser pour petet anvoy li dan en lot pei?  Koman –  Parski i deza en Anbasader.  Mersi bokou.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  An se ki konsern la kantite 3enm Sekreter, aktyelman i annan 13 an pos.  Anliny avek bann prensip sa Scheme of Service ki deza an plas.

Bon premyerman rezon ki nou annan en kantite 3enm Sekreter, se akoz in annan serten staff par egzanp ki’n kite.  Alor in bezwen annan en rekritman.  Alor ler nouvo staff i antre.  Letan i antre avek son premye Degre, i antre lo 3enm Sekreter.

Avek – anliny avek plan formasyon sa bann diferan 3enm Sekreter, pa pour kapab anvoy zot tou an menm tan.  Me zot pour ganny loportinite a diferan moman pour zot fer par egzanp zot Masters.  E letan ou annan en Masters ou kapab ganny apwente koman 2enm Sekreter. E avek leksperyans detrwa lannen e avek bon performans, ou kapab osi vin premye Sekreter.

E si ou swiv dan Scheme of Service i annan en semen kler sorti 3enm Sekreter pour pas 2enm Sekreter, Premyer Sekreter.  E apre Premye Sekreter ou annan – depandan- akoz bann pos parey Direkter, Direkter Zeneral i bann pos Administratif.  Alor i pour depandan – pa kapab annan- pa kapab fer en dimoun vin Direkter Zeneral zis akoz- alor depandan bann pos ki disponib.

Me i annan sa posibilite pour en dimoun mont lo nivo Konseye.  Ki en nivo plis ou mwen ekivalan avek Direkter.  E apre ki ou’n servi dan sa bann pos, ou kapab ganny poste lo en nivo Lanbasader.  Ou kapab ganny en poste avan, komansman 2enm Sekreter si mon pa tronpe, ou kapab ganny poste dan en Lanbasad a parti 2enm Sekreter depandan ankor lo disponibilite bann pos.

Nou annan 2 dimoun ki pour ganny poste prosennman Sidafrik ek dan L’Inde.  E si ou regard par egzanp kot mon pour ankouraz en kantite sa bann zenn ki aktyelman dan Zafer Etranzer koman 3enm Sekreter oubyen menm ki dan lot pozisyon.  Si ou regard nou bann Anbasader aktyel, 8 lo sa 11 in komans zot karyer dan Zafer Etranzer, zot in swiv zot semen e zot in ganny apwente.  E parmi i annan ki ase zenn osi.  Mersi.  Sa i premye parti kestyon.

An se ki konsern, se ki konsern Saudi Arabia.  Byensir i en pei ki petet dimoun pa pour mazin sa an premye lye.  Me letan ou pour regard li dan en fason en pti pe pli aprofondi.  Ou pou vwar ki Saudi Arabia i enn bann premye pei – an term envestisman dan nou pei.  I annan 2 gro proze ki’n ganny fer isi atraver lenvestisman sorti Saudi Arabia.

An se ki konsern lenportasyon osi.  Malerezman nou ankor en pei ki depann en kantite lo lenportasyon petrol.  E depandan lo bann diferan Kontra ki’n ganny fer par SEYPEC a plizyer moman.  Nou’n enport ziska R55milyon par lannen, lavaler petrol sorti Saudi Arabia.

I osi en pei ki dan en faz evolisyon.  E si nou regard par egzanp dan lepase e menm aktyelman, i ankor annan serten deba o tour son pozisyon anver sanzman klimatik.  Me in montre en louvertir anver bann Pti Leta Zil.  E dan mon kapasite koman Minister – Minis Lasante mon ti resaman partisip dan Renyon Anyel Lorganizasyon Mondyal Lasante kot Saudi Arabia ti enn bann pei ki’n siport plan stratezik pour Pti Leta Zil e pour adres sirtou kestyon sanzman klimatik dan sa bann pei.

Alor i annan en travay ki pe ganny fer par sa pei pour elarzi son – mon kapab dir son travay avek bann pei partner e bann pei Pti Leta Zil, i form parti bann pei ki zot santi i enportan pour devlop sa bann relasyon.

En pei parey Sesel nou bezwen regard osi nou oriyantasyon stratezik Mondyal.  E i evidan atraver pozisyonnman ki Saudi Arabia pe fer ki i en pei ki pe servi son Pouvwar Ekonomik.  Mon krwar personn pa kapab dout son pouvwar ekonomik pour pozisyonn son lekor lo lesel Mondyal.

Ou kapab fer en deba a la longer lo si i enportan pour al sa pei oubyen non.  Me i annan bann rezon ki deza- ki mon’n deza liste, ki sa pei i angaze anver Sesel menm si petet i pa premye pei ki zot pour mazinen.

E nou ava rapel ki bokou fwa letan nou’n ouver en Lanbasad dan serten pei.  Sa in ouver bokou lezot laport.  Letan nou ti ouver nou Lanbasad par egzanp La Chine, nou ti annan bann tre bon relasyon avek La Chine.  Me letan nou’n ouver nou Lanbasad, nou’n ouver nouvo perspektiv e nou’n kapab ogmant lakantite sipor ki nou’n gannyen avek sa pei.  E nou ava rapel ki – si nou pran legzanp La Chine apre nou Reform Ekonomik.  I en pei ki’n donn nou en write-off lo nou bann det ki nou annan, ki nou ti annan avek li.

Apre an se ki konsern kontinyasyon sa sipor Ekonomik, e dan ka aktyel sel landrwa kot i ankor annan sipor ekonomik, se Abu Dhabi.  E ankor enn fwa sa sipor in ganny pozisyonnen pa zis avek Sesel, i annan plizyer lezot Pti Leta ki’n ganny sa sipor.

E sa ti anliny avek, sa ti anliny avek demars letan Abu Dhabi ti akey lorganizasyon enternasyonal pour lenerzi renouvlab kot zot ti rekonnet ki serten pei ti annan difikilte pour annan reprezantasyon apropriye Abu Dhabi.  E zot in donn en sipor avek bann pei ki zot annan bon relasyon Bilateral osi byen avek bann pei ki zot santi i bezwen sipor pour adres sa bann size.

An se ki konsern kontinyasyon sa sipor.  Lenformasyon ki mon annan, se ki Gouvernman Abu Dhabi pour met sa a nou dispozisyon tan ki nou santi ki nou bezwen li.  Alor sa sonm 500, 000 Dirhams i ekivalan apepre R1.9 milyon.  Alor i en sonm ki konsekan.  Byensir si nou deside koman en pei pour nou aret pran sipor, nou lib pour nou fer li.

An se ki konsern risk an term sa sipor.  Mon krwar i enportan pour note ki i annan lezot landrwa kot nou ganny serten sibvansyon.  Par egzanp New York nou pey, annefe nou pey nou biro avek Commonwealth lo en baz sibvansyon, Genève osi.

Savedir Commonwealth i lwe sa landrwa e nou, nou pey en sonm redwir pour nou kapab ganny akse avek sa landrwa.  E sa i anliny avek prensip rekonesans ki pour en Pti Leta.  Souvan i difisil pour annan sa reprezantasyon aletranze lo en nivo ki ti ava swetab.

Mon konnen osi ki konsern ki Leader Lopozisyon in mete, se ki sa i vin avek kondisyon.  Me an term sa sipor ki ganny donnen, napa okenn kondisyon.  E se depandan lo Gouvernman pour nou annan sa, pour nou swiv byen nou bann demars, nou bann Polisi pour nou anliny avek nou Polisi Zafer Etranzer pour nou kapab defann nou pozisyon e eksprim nou lekor dan en fason lib.   Mon pa krwar i annan okenn conditionnalité ki al avek sa finansman.  Me ankor enn fwa nou lib pour nou dir ki nou pa bezwen si nou santi ki sa i meyer.

Apre an se ki konsern Anbasader Dick Esparon.  Onorab mon pa ti’n dir ki pour al Saudi Arabia.  Mon krwar se ou ki’n dir.  Alor aktyelman – ou’n demann mon se akoz i pe al Saudi Arabia akoz sa zafer Sri Lanka eksetera.

Ok, non nou a kapab tyek- pli tar nou ava kapab tyek verbatim.

Me an se ki konsern Lanbasader Esparon.  Son rol aktyelman in retourn dan Minister Zafer Etranzer koman en Lanbasader.  E Minister anba direksyon PS pour annan en konversasyon avek bann diferan Lanbasader lo rotasyon, lo plan rotasyon.  E baze lo la, en ranplasman pour ganny deside pour Anbasader Esparon.

E osi kot i konsern serten lezot Lanbasader.  Si i annan en nesesite pour zot bouze.  Mersi bokou Mr Speaker e mersi Onorab.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  In fact Minis mon pa’n mansyonn zanmen Onorab- well ansyen Onorab Esparon – Anbasader Esparon an relasyon avek Saudi Arabia.  Sa ki mon’n dir, se akoz i pa’n ganny plase dan kek Lanbasad?  Se sa ki mon ti dir.

Mr Speaker mon anvi demann Minis en kestyon.  In mansyonnen ki poudir par egzanp sa lasistans ki UAE pe donn Sesel, tan ki Sesel i bezwen zot kapab kontinyen servi.

Savedir pour le moman la, Sesel i santi i bezwen sa larzan.  Akoz i pa kapab fund son prop Lanbasad Abu Dhabi.

Be si nou santi nou pa kapab fund nou prop Lanbasad Abu Dhabi; la ou’n mansyonnen ki poudir nou pe al ouver enn Saudi Arabia.   Eski ou ape dir nou ki se Saudi Arabia ki pour peye pour sa nouvo Lanbasad?

E sa dan li menm li,  eski pa pe met en jeu nou Souverennte?  Nou anvi ki Minis ou dir nou klerman, ki pe arive laba Saudi Arabia?  Parski parey ou konnen depi ki Msye Faure in al laba, nou ti bezwen vin dan Lasanble pour nou demann kestyon.  Parski i resanble ki keksoz i pas- i annan keksoz la ki nou pa pe ganny dir vreman ki mannyer i ete, e avek tou sa bann zafer.  Parski nou bezwen osi kalkil nou pei an relasyon avek Saudi Arabia kot ozordi son repitasyon pa bon depi lanmor, depi lanmor sa zournalis Khashoggi.  E apre sa avek sityasyon an Yemen.

Konmsi nou konnen poudir sityasyon pa bon.  E nou, nou pe al rantre direkteman ladan.  Konmsi Sesel nou pa balans keksoz en pe plis?

Apre sa Mr Speaker.  Letan Minis in nonm resiprosite, an relasyon ek bann Lanbasad.  Be La Russie avek Zapon i 2 partner osi tou ki tre enportan.  Konmsi mon pa pe trouv sa lozik an term resiprosite dan sa larepons.

E si Minis ti ava kapab osi dir avek nou.  Be bann Anbasader, avek ki zot reponn direkteman?  Parski la pour le moman i annan en pe konfizyon an relasyon avek Minister, avek sa Minister.  Parski ou annan ou en Sekreter D’état e apre sa ou annan ou en Sekreter Prensipal.  E si ou ti a kapab dir avek nou ki sa relasyon?  E ki degre souvan, ki degre souvan ki sa dimoun ki responsab i kominik avek zot?  Mersi bokou.

 

MR SPEAKER

Mersi Onorab.  Bon zis mon a aviz Manm pour fer kestyon bokou kourt.  Letan pa dan nou faver, e Minis osi pour donn repons ase bref, me avek klarite.  Minister.

 

MINISTER JEAN-PAUL ADAM

Mersi bokou Mr Speaker e mersi Onorab.  An se ki konsern sa premye klarifikasyon ki Leader Lopozisyon in fer.  Osi pour mon klarifye mwan larepons.

Parey mon’n dir konversasyon lo rotasyon pe ganny fer avek bann diferan Lanbasader. E baze lo sa bann konversasyon, e desizyon final lo kote Anbasader Esparon in ganny plase.  E osi si lezot Anbasader – akoz petet i annan lezot ki osi pour tonm dan rotasyon.  E sa pour ganny finalize atraver sa konversasyon ki pe ganny fer aktyelman.

An se ki konsern si nou santi nou bezwen sa sipor Abu Dhabi.  Byensir nou kapab pey li nou menm.  E mon’n – i pour kout nou R1.9milyon an plis tou le lannen.

Nou kapab deside koman en Leta Souveren pour nou dir ok nou pey li lo nou menm.  Me nou’n osi pran en lapros koman en pti pei, pour nou fer largiman – Mon konnen letan mon ti Minis Zafer Etranzer, toultan nou ti fer en largiman e mon konnen ki Speaker osi par egzanp letan in partisip dan bann meeting SADC e lezot, in fer largiman pour nou annan en tretman spesifik pour bann Pti Leta Zil, ki pran an kont nou bann spesifisite e ki pran an kont nou bann konsern spesifik.

Sa sipor ki vini sorti Abu Dhabi i baze lo la.  Nou kapab dir nou pa bezwen, e nou pey li lo nou menm.  I nou swa.

I parey ki nou ti kapab dir avek Commonwealth.  Parey i annan serten pei Commonwealth ki kalifye – par egzanp pour sa sipor ki nou, nou pe pran me ki pa pe servi li.  Me akoz zot annan zot prop laranzman parfwa osi.  Akoz koz par egzanp si nou pran sa bann biro Commonwealth, sa lespas i ase ptipti.  Akoz sa ki zot ofer i basic.

I annan serten pei ki santi i annan mwayen, i rod son landrwa ki pli gran akoz i dan son- i koresponn ek son bezwen.

Prezan an se ki konsern Arabie Saoudite, Saudi Arabia, mon oule presize ki nou en staz konsiltasyon ok?  Alor par egzanp note verbal pour demann Saudi Arabia pour nou fer en vizit eksploratwar in ganny anvoye le 17 Me tre resaman.  E Anbasader Adrienne pa ankor fer son vizit laba.  Alor i pa ankor donn nou en rapor par egzanp lo bann eleman.  Eski i annan en sipor finansyel ki sorti kot Saudi Arabia koman en opsyon?  Eski sa i en opsyon oubyen non?  Nou pa ankor ganny sa bann rapor pour nou kapab dir a 100poursan wi nou pour al dan sa direksyon oubyen non.

E si nou deside koman en pei pour nou finans li, i pas dan bidze.  I pas dan prosesis ki nou tou nou konnen.

E apre an se ki konsern risk politik vizavi relasyon avek Saudi Arabia,  mon krwar ki pozisyon ki Gouvernman Sesel touzour nou’n pran, se baze lo non-enterferans lo bann pozisyon entern dan diferan pei.

Akoz si nou pran – ou’n mansyonn konfli Yemen.  Napa zis Saudi Arabia ki enplike dan konfli Yemen.  E i menm enplik bann pei ki lo Konsey Sekirite e nou koman en Manm Nasyon Ini, nou- i annan plizyer rezolisyon par egzanp ki nou’n siporte vizavi sityasyon dan Yemen, vizavi sityasyon La Syrie par egzanp vizavi serten lezot konfli ki i annan.  Akoz nou en pei Souvren e nou pran nou desizyon baze lo sa ki nou krwar pour kontribye pli byen dan demars pour lape dan lemonn.

E letan ou annan en relasyon Bilateral avek en pei, oubyen ou met en Lanbasad dan sa pei,  i pa vedir ki ou dakor avek tou keksoz ki sa pei i fer.

I vedir ki ou annan en reprezantasyon Diplomatik ki permet ou annan en konversasyon pli pros avek sa pei.  I pa vedir ki ou pe dir ‘mon dakor ek son aksyon, oubyen ki ou dakor ek okenn aksyon endividyel’.  Mersi Mr Speaker e mersi Onorab.

 

MR SPEAKER

Mersi Minis.  Onorab Ferrari.

 

HON WAVEL RAMKALAWAN (Off-Mic)

Korespondans ant Anbasader avek…

 

MR SPEAKER

Ah wi, ah wi, yes.  Minis i annan en bout kestyon.

 

MINISTER JEAN-PAUL ADAM

Mersi bokou Mr Speaker e mersi Onorab.  Eskiz mon pour sa.  Annefe i annan en Minis pour Zafer Etranzer ki ganny- ki Vis-Prezidan.

E byensir antan ki i annan sa rol sa Minis,  bann Anbasader i annan liaison avek li sirtou pour direksyon politik e Polisi.

An se ki konsern Administrasyon Minister,  sa i ganny fer atraver PS.  Akoz se PS ki touzour ansarz Administrasyon Minister.  E la- vi ki nou annan – nou en pti pei, me nou anvi fer sir ki nou kapab reprezant nou lekor byen.

Anbasader Barry Faure i en opsyon ki donn nou bokou opsyon par egzanp vizavi reprezantasyon Sesel a en bon nivo.

E an se ki konsern konsiltasyon.  Sa i ganny fer regilyerman par PS, me osi par Anbasader Faure e par Vis-Prezidan kot i neseser.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker mon ti a kontan demann de pti kestyon.

Premyerman kestyon tre senp – eski Minis i kapab reasir Lasanble e pei, ki dan sa premye kontak ki zot annan avek Saudi Arabia zot pa’n parey nou dir dan nou langaz- zot pa’n vann pei.  Nou pa pour vwar en lot Palais lo montanny ki pour fer nou bann pep soufer?  Konmsi zis mon oule en réassurance.  Akoz ler nou tann bann relasyon Diplomatik a sa nivo dan sa bann pei, souvan nou pep i mazin sa.  Alor reasir nou poudir zot pa’n vann pei.  Sa premye keksoz.

Dezyenm keksoz; Mon ti a kontan si Minis i kapab dir nou.  Ki regilarite i annan dan evalyasyon bann post Diplomatik?  E pour fer sir ki a tou moman Gouvernman i satisfe ki bann post Diplomatik ki ouver, i neseser e ki nou pa pe zis met bann Lanbasader la pour lezot rezon apard litilite pour Sesel.

E finalman Minis ki’n deza Minis Zafer Etranzer i kapab dir nou –  akoz nou’n tann Leader of Government Business pe koz bokou lo Mrs De St Jorre apre i pa’n koz bokou lo la semenn pase.

Konmsi depi Mrs De St Jorre, ki mannyer ou vwar sa Minister?  Konmsi keksoz in- zis in large koumsanmenm.  Ki leta Departman Zafer Etranzer?  Ki ou kapab reasir nou konmsi lo son leta sante?  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi bokou Mr Speaker e mersi Onorab.  An se ki konsern lo kote relasyon avek sa pei.  Nou- i enportan pour nou toultan mazinen ki i rol nenport ki pei, pour li rod partenarya avek maximum kantite pei e osi bann Lorganizasyon enternasyonal o tour son benefis.

E napa okenn keksoz ki’n ganny fer anba latab vizavi sa vizit ki’n ganny fer Arabie Saoudite.  I parey vizit ki’n ganny fer dan bokou lezot pei vizavi ranforsman relasyon politik Ekonomik.  E souvandfwa sa bann vizit, se plizyer lannen pli tar ki ou kapab vwar son rannman, vizavi ranforsman sa bann relasyon e osi lavantaz ki kapab vini pour sa pei.

E an se ki konsern – Akoz Onorab in mansyonn en zafer lo montanny.  Mwan mon  rapel ti annan en zafer lo montanny depi avan Lendepandans, selman ti pour en lot pouvwar.  E sa ti lanmenm la depi avan.  E lepep Seselwa ti napa nanryen pour dir dan tousala.   I ti la.

 

(Interruption)

 

MINISTER JEAN-PAUL ADAM

E an se ki konsern, an se ki konsern nou relasyon avek bann pei parey Arabie Saoudite.  Nou bi se toultan pour nou anmenn o maximum benefis avek popilasyon Seselwa.

E si ou regard lapros ki nou’n pran vizavi nou bann partner,  ou kapab vwar reelman bann proze ki’n materyalize dan nou pei.  Si ou regard La Chine, tou dimoun dan nou pei i kapab vwar bann proze ki sa pei in fer – ki siport devlopman pep Seselwa.

Si nou regard Cuba –   nou tou nou al konsilte kot dokter, nou vwar sa sipor ki zot anmennen pour nou pei.  Si nou regard UAE, zot in ed nou avek plizyer proze enkli par egzanp en Lopital pour madanm ek zanfan.

Nou annan sipor avek bokou nou bann partner ki atraver sa bann relasyon ki ganny batir a plizyer nivo.  Ou bezwen annan lo nivo Sef D’état.  Ou bezwen annan sa konversasyon lo nivo Sef D’état.  Ou bezwen annan sa konversasyon lo nivo Minis, e ou annan sa konversasyon lo nivo Lanbasad, Lanbasader ek Lanbasad e osi lo nivo bann teknisyen.  E se koumsa ki en relasyon Diplomatik i ant bann pei i kapab evolye.

An se ki konsern evalyasyon bann post Diplomatik.  Mon konnen ki tou le lannen i annan en rapor ki ganny fer lo sak misyon.  E nou regarde vizavi sa akonplisman ki’n ganny fer vizavi osi bann bi. E vizavi devlopman relasyon, ou regarde si i vo lapenn pour annan sa Lanbasad oubyen non.

E dan lepase, nou’n deza- par egzanp kot koup bann Lanbasad.  I pour depan lo ki relevans sa Lanbasad i anmennen pour nou pei.  E sa bann evalyasyon i ganny fer tou le lannen.  Me osi dan en fason relye, i annan en eleman finans- Minister Finans i regarde vizavi osi- par egzanp bann partenarya ki kapab ganny devlope vizavi sa bann Lanbasad.

E Lasanble osi i annan son rol pour li zwe ladan, vizavi sa evalyasyon.  Akoz tou le lannen sa bann misyon Diplomatik zot bezwen ganny anmennen dan Lasanble.  E osi vizavi bann lezot proze ki pe ganny enplimante, ou kapab vwar bann rezilta ki pe ganny mete.

Apre dernyen kestyon vizavi kot mon vwar Minister Zafer Etranzer.  Mon a donn ou mon pwennvi personnel.  Akoz ok –  mwan mon krwar ki i annan en group profesyonnel vreman devoue dan sa Minister.  I annan ki malerezman in ale, in al dan lezot metye.  Me i annan ki’n tournen.

Me bann dimoun ki’n laba in kontribye en kantite.  Bann Lanbasader ki dan diferan pei zot in montre mon kapab dir zot kapasite atraver zot travay.

Mwan  mon krwar problenm si in arive dan Minister Zafer Etranzer parey dan bokou lezot Minister.  Parfwa se akoz tro bokou politik, tro bokou konversasyon e kot dimoun pe sey kre dout.  E mon krwar si nou tir sa dan travay servis piblik, tou Minister pour benefisye.  Mersi.

 

MR SPEAKER

Mersi Minis.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker mon kestyon pour Minis i sa enn.  Eski dan sa lalis Anbasader ki Minis in mansyonnen, bann Anbasader At Large i ganny enkli ladan?  E dir nou si i pa ganny enkli.  Konbyen i annan e ki zot pe fer pour nou pei?

E dezyenmman;  Minis koz en pti pe lo bann Anbasader ki pa ganny poste aletranze.  Pardon- ki pa ganny poste aletranze e ki pa annan en Portfey parey pour zanfan avek madanm vilnerab, oubyen pour lapovrete.

Mon pe mazin par egzanp Anbasader Maurice Loustau- Lalanne ki zanmen in ganny poste aletranze e i pa – eski sa set en menm grad Anbasader ki lezot?  Oubyen eski i en lot grad?  Mersi.

 

MR SPEAKER

Mersi Onorab Georges.  Wi Onorab Pillay mon pe veye, mon pe port latansyon.  Mersi.  Minis.

 

MINISTER JEAN-PAUL ADAM

Mersi Mr Speaker e mersi Onorab.  Pos Anbasader i parey.  I en sel pos, i enn ki rekonnet enternasyonalman.  I ganny prevwar dan Konvansyon Vienne.

E en Lanbasader i kapab baze dan en pei.  En Lanbasader- pos Lanbasader savedir ou pe reprezant sa pei ok?

E letan ou pe reprezant sa pei, i kapab dan diferan domenn.  Si nou pran legzanp, Dokter Athanasius ki en Anbasader pour Madanm ek Zanfan.  I annan lezot pei ki annan en Lanbasader Madanm ek Zanfan.  Australie resaman, par egzanp in annan en Lanbasader pour sa size.  Ou annan osi bann Lanbasader parey ou’n dir ‘Ambassador at large’ ki i annan zis enn, ki ti ganny apwente.

E apre ou annan bann Lanbasader ki dan bann lezot pos – parey ou’n dir i annan Anbasader Loustau-Lalanne, i annan Anbasader Dick Esparon ki ziska resaman ou annan Anbasader Michelle Murray.  Nou annan Anbasader Waven William ki la avek nou ozordi ki i annan en lot rol.  Alor sa i serten bann legzanp.

Apre ou annan bann Lanbasader ki’n pran la retret.  Me zot annan touzour zot Tit Anbasader.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Valmont.

 

HON JUDE VALMONT

Mersi Mr Speaker.   Bonzour Minis e delegasyon.  Tou bann ki pe swiv nou.  Minis mon kestyon i baze lo sa pwen 2.  Ki konbyen Anbasader ki napa plasman a ler aktyel?

Mon mwan kestyon i se ki.  Ler Lanbasader in ganny poste, ou’n dir i pran apepre 4an pour rotate zot.  Mwan mon ti a voudre konnen baze lo ou leksperyans, eski zot ganny okenn problenm pour fer Lanbasader retournen?   Ki bann keksoz ki en challenge pour zot konmsi?  Mon ti a kontan ou met sa devan pour Lasanble konnen e lepep Seselwa.  Mersi.

 

MR SPEAKER

Mersi Onorab.  Minis.

 

MINISTER JEAN-PAUL ADAM

Mersi Mr Speaker e mersi Onorab.  Annefe an se ki konsern- an zeneral tou bann Lanbasader letan zot ale zot konnen poudir ou pe al pour en serten letan, e zot ganny dir ki an zeneral i pour 4an.

Byensir an pratik- e nou en pti pei avek pa sitan kantite mwayen.  Parfwa ou annan bann difikilte, ou konnen ou annan fanmir, ou annan serten sa bann eleman.

Alor parfwa ou annan bann eleman personnel ki bezwen ganny adrese.  Mon krwar avek travay ki ganny fer lo Scheme of Service baze lo – dan lepase, nou’n adres serten sa bann konsern.

Me osi se en konversasyon ki kontinyel pour sey siport bann dimoun avek zot bezwen spesifik kot i neseser pour nou kapab fer sa rotasyon.  Me i enportan pour nou annan rotasyon dan en fason regilye.  Pa bokou – parfwa ou kapab annan en lekstansyon pour en peryod.  Me i enportan ki sa rotasyon i ganny fer dan en fason ki kler.  Mersi.

 

MR SPEAKER

Mersi Minis.  Bon avek sa nou’n termin kestyon pour Minis Jean-Paul Adam dan son – ki vin reponn kestyon de la par Vis-Prezidan.  Minister avek ou- ek ou lekip nou ava dir ou mersi.  E nou ava eskiz ou parmi nou.

 

(MINISTER JEAN-PAUL ADAM AND HIS DELEGATION WAS EXCUSED FROM THE HOUSE)

 

 

MR SPEAKER

Bon mon annan zis de pti lanons pour mwan fer.  Bills Committee pour kontiny dan en meeting la toudswit dan Committee Room 3 avek bann Manm ki enterese,  Avek delegasyon sorti kot Minister Tourizm.  E mon krwar osi ki Minis Dogley pe lead– pe kontinyen lead son lekip.  I deza la kot nou.  Sa pour ganny fer dan Committee Room 3.  E 1.15 Assembly Business Committee pour meet dan Speaker’s Conference RoomOk?  So nou pour break e nou ava repran nou travay 2er apre midi.

 

(BREAK)

 

MR SPEAKER

Bon apre midi tou Manm Onorab, e bon apre midi tou dimoun ki a lekout, e pe swiv travay Lasanble Nasyonal.  Mon zis prezant en leskiz pou sa pti retar, anvi bann travay ki bann, ki sa 2 Komite ti pe fer pandan lunch break.

Nou ava al toudswit lo Order Paper e nou pou pran bann Mosyon.  Mon premye Mosyon i pe ganny prezante par Onorab Waven William.  Zis en moman avan mon donn laparol Onorab William.  Mon a donn laparol Onorab De Commarmond.

 

HON CHARLES DE COMMARMOND

Mersi Mr Speaker.  Bon apre midi Mr Speaker.  Bon apre midi tou Manm ek tou dimoun ki a lekout.  Mr Speaker la ou pa pe donn mwan sa laparol pou fer sa ki mwan ti pou al fer bomaten.

Me ou pa’n le, les mwan fer sa, les li, met sa akote.  Me Mr Speaker parey nou ti’n tonm dakor, mwan, ou pe donn mwan laparol la, pou mwan prezant avek nou Lasanble Nasyonal, swivan bann diskisyon, konversasyon e lagreman ki nou’n annan –  pou mwan prezant avek Lasanble bann diferan sanzman e ranplasman lo serten Komite nou Lasanble Nasyonal, nou Lasanble.  Premyerman nou oule ranplas lo Komite Truth and Reconciliation, National Unity la – nou oule ranplas former Onorab Basil Hoareau par Onorab Paul Ernesta.

Dezyenmman lo Komite Zil, nou oule ranplas Onorab Chantal Ghislain par Onorab Wilbert Herminie.  Lo Komite Reform e Modernizasyon, nou oule ranplas Onorab Sebastien Pillay par Onorab Wilbert Herminie osi.  E lo Komite Zafer Etranzer, International Affairs Committee nou oule ranplas Onorab William, Waven William par Onorab Churchill Gill.

E Onorab, lo Bills Committee, nou oule ranplas Simon Gill par Onorab Johan Loze.  E Onorab Churchill Gill ou pou, pe pou osi handle lo nou kote dosye ACP-EU, e Onorab Noline Sophola i pou handle dosye IPU lo nou kote from the International Affairs Committee.

Parey nou ti’n tonm dakor osi, nou lagreman, nou party Caucus, parti United Seychelles nou’n tonm dakor avek ou, ki Onorab Waven William i pou reste lo International Affairs Committee, pou kontinyen avek diferan dosye IPU e ACP-EU, pou benefit nou lenstitisyon, parey nou’n tonm dakor lo la.  Mersi bokou Mr Speaker.  Mersi.

 

MR SPEAKER

Mersi Onorab De Commarmond.  Bon sa i ava antre dan rikord koman bann sanzman formel ki’n ganny pran plas – ok?  Nou ava prezan al lo travay ki devan nou.  Mon ava pas laparol avek Onorab Waven William pou premye Mosyon lo Order Paper.  Onorab William.

 

HON WAVEN WILLIAM

Mersi Mr Speaker.  Bon apre midi.  Mr Speaker avan mon al lo mon Mosyon, mon ti a kontan fer sa pti komanter swivan.

Enn se ki, mon i a kontan remersi tou bann dimoun ki ti konpran mon lentansyon letan mon ti pe reklanm mon drwa koman en Manm Elekte.  Mon dir zot mersi, tou bann ki’n donn mwan sipor, menm isi dan sa Lasanble.

E mon anvi dir avek zot ki si mon ti en Manm Proporsyonnel, mon ti pou sorti dan Lasanble parey ‘en ros dan fles!’  Mr Speaker avek sa mon Mosyon i lir comme swivan;  Anvi lefe sanzman klimatik, atraver kalite letan ki nou pe eksperyanse e dega apre, sa Lasanble i demann Gouvernman pour revwar lafason ki distribisyon resours pe ganny fer pou dil avek bann tel evantyalite.

Enn: pou redwir risk.  Dezyenmman permet aksyon vit avan ler lezot lazans konsernen i arive. E trwazyenmman pou minimiz lenpak.

Mr Speaker, rezon ki mon’n anmenn sa Mosyon Mr Speaker.  Mon’n, baze lo realite, realite ki egziste dan distrik.

Realite kot letan en evantyalite i arive, aksyon ki ou ti kapab fer vit.  Me baze lo lefe ki ou mank resours, ou mank pouvwar la, la mon pe refer avek Lotorite Distrik.  Ou mank serten pouvwar enportan pou ou kapab pran bann desizyon vit.

Pou ou kapab dek lans response, pou kapab, enn sov lavi ouswa minimiz lenpak lo propriyete.  Ou vwar ki ozordi lafason ki keksoz i ete, e lafason bann diferan, bann Lazans ki pe donn sipor, i annan serten retar.  Mr Speaker, parey nou tou nou konnen, yer avek ozordi, nou sityasyon letan in drastikman sanze.

In drastikman sanze, akoz bann leksperyans ki nou pe gannyen, e osi bann lenpak bann dega, e lentansite bann dega ki nou pe fas avek lo teren.  Mr Speaker ozordi ou vwar ki avek devlopman e avek sa fenomenn sanzman klimatik, e lafason nou poto grafi i ete, ou vwar poudir sa lenpak gro lapli ki mon kapab dir, ki pa predictable.

E si ou pa’n vreman prepare, ouswa annan bann lorganizasyon, ouswa bann mon kapab dir bann lekip pou ou kapab respond avek sa bann sanzman ki enplik dega,  ou vwar ki enn lo kote distrik, nou vwar nou vreman limite, limite avek resours.  Mon’n fer en pti pe evalyasyon lo kwa ki nou annan, Mr Speaker dan distrik.

E mon ava dir ou ki pa tro bokou.  Nou annan enn, de par egzanp gran kouto, pyos, lars.  Me ozordi Mr Speaker letan en pye dibwa i tonbe, i neseser ki (1) – ou annan 1 ou 2 chainsaw.  Sa i pou dek lans bann aksyon vit kot semen i ganny eklersi ouswa si i annan dimoun ki’n pri anba pye dibwa.

Ouswa i annan serten bann lekipman sa propriyete dimoun, kot ti kapab ganny sove, me letan ou espere, enn i kapab kout lavi e i kapab kout sa sitwayen ser.  Lefe ki – enn – in prive pou li kapab ganny son propriyete, e dezyenmman sa dimoun letan i ganny aksidan i bezwen fer fas avek diferan kalite difikilte.

Mr Speaker mon anvi osi avans devan ki Gouvernman i dir avek distrik pran’’ ownership.’’  E i dir nou ki nou bezwen empower nou lekor.  Mr Speaker me san resours, san bann bon kordinasyon antre bann lazans ki Lotorite Distrik i kapab ganny kontak avek vit, pou rezourd problenm, i fer sityasyon agrave.

Mr Speaker, mwan anvi dir ki ozordi i annan plizyer legzanp ki nou, ki mon kapab donnen.  Par egzanp 2 mwan pase in ariv en sityasyon kot movetan, en lakaz La Misère tol i sorti lo la.  E sa Trwazyenm- Az ki, mon pa pou nonm son non.  I ganny kontak avek Lotorite Distrik.

E prezan Mr Speaker, nou ganny en zabitan ki’n pare pou donn en koudmen ase vit pou kapab, – enn – anpes delo antre dan lakaz.  Mr Speaker i sarz nou R1200.  Mr Speaker mon pa konnen si akoz sa Mosyon ti pe vini, sa msye in ganny peye son larzan yer.  Nou pe koz en lespas letan 3mwan.

Ki pou mwan Mr Speaker i pa akseptab.  I pa akseptab.  E Mr Speaker ozordi pou ou kapab – enn – dek lans peyman, ouswa fer en kontak avek en kontrakter, ou ganny dir al lo teren, tir portre.  E i annan plizyer bann landrwa kot – enn – sa demann ki ou’n fer pou ou ganny lasistans, i bezwen pase.

E pandan sa bann letan perdi Mr Speaker, keksoz i agrave.  E mwan atraver sa Mosyon, sa ki mon pe demande se ki enn, Lotorite Distrik i ganny li sa lotonomi, sa lotorite pou li kapab (1), pran bann desizyon vit an menm tan ki Departman Gouvernman Lokal i rod en fason ki nou annan en one stop shop.

Akoz ozordi ki ou vwar se ki ou annan plizyer lazans ki ou bezwen ale avan ler ki en desizyon konkret i kapab ganny fer.  So si nou ti annan en one stop shop, kot zis ou telefonnen, e sa reaksyon, sa response i vin ase vit.

Mr Speaker be ler in ariv en moman dezas, kot pou al mazinen pou dir ou bezwen anmenn camera ouswa isi laba pou al sov lavi.  Me parey mon dir, se ki parfwa ou bezwen ganny demande pou ekrir en ta rapor pou ou zistifye, akoz sa depans in ganny fer.  Parey mon’n dir pou nou, nou pa santi sa i akseptab.

Mr Speaker prezan nou pe devlope nou.  Nou pa pe retourn an aryer.   Me ou annan en lekip ki apel Brigad Dirzans dan distrik.  Mr Speaker sa bann dimoun ler i annan bann lokazyon dirzans, zot ganny kriye pou zot vini, zot volonter.  Me selman depi 2002 Mr Speaker, depi 2002 ziska la, zot ankor pe ganny zot en allowance R500 par an Mr Speaker!

Sa i pa akseptab e ozordi Mr Speaker.  R500 par an.  Mr Speaker me si ou anvi motiv dimoun, si ou anvi kree en lafors ki ou bezwen depan lo la, mon krwar pou dir Gouvernman, Gouvernman Lokal i bezwen revwar sa.  E pa zis revwar sa.  Nou vwar pou dir i annan en nesesite pou sa bann dimoun ganny training osi tou.

Me i annan plizyer Lazans ki mon santi ti devret kapab zwenn ansanm pou kapab donn sa bann dimoun training!  Akoz san training Mr Speaker sa bann menm dimoun i kapab zot trouv zot dan bann sityasyon kot – enn – zot kapab ganny dimal, letan zot pe eseye pou sov lavi.

Mr Speaker mon santi pou dir, enn se ki petet i annan sa nesesite pou revwar li konpletman.  E pa zis sa Mr Speaker lontan nou ti annan en alokasyon dan bidze, anba en vot emergency ki distrik ti kapab servi.  E mwan, mon rapel mon’n zwenn avek Minis konsernen, nou’n diskite, i dir mon wi, devret retourn sa dan distrik.

Me Mr Speaker sa pa’n ganny fer, me en larzan in ganny mete dan en kont Santral, e i apepre en valer R150 Mil.  E ler ou diviz li par 25, 26 distrik.  Ou pe koz ou R5700 par distrik.  Mr Speaker sa ou pa pou kapab al lwen avek.

Mr Speaker alor mon Mosyon mwan, mon pe demande ki – enn – ler nou pe koz redistribisyon larises, ler nou pe koz pran ownership, ler nou pe koz empowerment distrik, nou anvi vwar en diferans.  En gran diferans avek sa ki nou ti gannyen yer.  Akoz ozordi Mr Speaker dega i lefe, baze lo bann ka emergency, distrik ti kapab zwe en rol vreman enportan pou kapab minimiz sa lenpak, parey Mosyon pe dir.

Mr Speaker, mon konnen pou dir plizyer bann Manm i annan, i annan diferan keksoz pou dir lo sa Mosyon.  Alors mon’n fini set baz sa Mosyon, e mon pou demann tou bann Manm.  Akoz tou bann Manm Elekte, menm bann proporsyonnel, pou rekonnet pou dir, enn sa Mosyon i ase significant e enportan.

Akoz – enn – nou pe rod resours a la baz, resours dan kominote pou nou kapab enn, dek lans sa response ase vit letan i annan bann emergency lo teren.  Mr speaker avek sa de pti mo, mon a remersi ou.  E mon envit bann Manm pou fer bann kontribisyon valab, e an menm tan, finalman po aprouv sa Mosyon, mersi.

 

MR SPEAKER

Mersi Onorab William.  Bon okenn Manm ki segonn Mosyon?  Yes Onorab Herminie.

 

HON WILBERT HERMINIE

Mersi Mr Speaker.  Mon segonn Mosyon, e avek ou permisyon mon kapab fer mon lentervansyon.

 

MR SPEAKER

Mersi.  Mosyon in ganny segonde.  E mon a donn ou laparol Onorab Wilbert Herminie.

 

HON WILBERT HERMINIE

Mersi Mr Speaker.  Mr Speaker koleg Manm Onorab, tou dimoun a lekout, bon apre midi.  Mr Speaker mon pran laparol set apre midi, pou mon dir enn, de mo an siportan sa Mosyon anmennen par Onorab William.

En Mosyon ki annan bokou merit ladan.  En Mosyon tre enportan, en Mosyon ki tous tou distrik, kominote e tou dimoun dan Sesel.  En Mosyon konman mwan reprezantan Larivyer Anglez.  E mon pou vot an faver san okenn ezitasyon.  Akoz mon dir sa Mr Speaker, dan lepase, bokou in ganny dir anver lotonomi distrik, e distribisyon resours avek bann distrik.

Mosyon pe fer referans spesifikman lo desantralizasyon an servis esansyel, ki Lotorite Distrik i kapab vin pli byen ekipe pou fer fas ek bann defi, anver sanzman klima, e bann dezas natirel ki pei e bann distrik i fer fas avek.

Mr Speaker, rol Lotorite Distrik ek bann partner anver mitigate dezas an se moman, i enn ki vize plis anver kordinasyon bann loperasyon an etrwat kolaborasyon avek bann Lazans tel ki DRDM, SLTA, Gouvernman Lokal, MHILT, Lanvironnman eksetera.

Mr speaker, me sa Mr Speaker i kree serten retar dan moman dezas.  Akoz kan i annan en dezas, l ou en emergency dan distrik, dan serten lenstans, Lotorite Distrik i vwar son lanmen anmare, e i pa kapab reakte ositan vit pou li kapab dil ek sa bann problenm, dan en pli kourt letan posib.

Mr Speaker an se moman distrik i bezwen rod laprouvasyon avek Minister Gouvernman Lokal ki kapab, avan ki i kapab entervenir pou rod rekour pou sa fanmir, ou kominote.  Tel ki rod kontrakter ou aste provizyon esansyel pou mitigate sa dezas.

Mr Speaker Mosyon pe demande ki serten sonm minim i ganny mete dan distrik, ki Lotorite Distrik a kapab entervenir, pou par egzanp koup en pye dibwa ki’n tonm dan semen, ou en pye dibwa ki pe menas en lakaz, ou deblok en pti rigol, ou menm en lanmar ki’n ganny bloke.

Osi pou retir en lateras ki pa sibstansyel, ki’n degrengole eksetera.  E wi, fodre mezir bann mekaniz, i ganny met an plas par sa parent Ministry, en bann mezir ki pou fer sir ki bann checks and balances ki tou keksoz i ganny fer dan tout latransparans.

Sa pou ede ki bann lentervansyon i ganny fer dan en fason pli efikas, e pli kordinen.  Mr Speaker striktir ki mannyer i ete konmela i marse.  Me nou oule li, fer li vin pli efikas, e retir retar dan prosesis pran desizyon, e pou pas an aksyon.

Mr Speaker nou pe propoze ek Gouvernman pou revwar lafason ki tou bann sityasyon dezas ek emergency i ganny dil avek, e met plis pouvwar pran desizyon dan lanmen distrik.  Akoz an se moman tro bokou pouvwar pran desizyon i santre avek Gouvernman Lokal, e sa i koz bokou retar lo lentervansyon lo teren kot bann zabitan pe espere.

Mr Speaker rol DRDM i enn ki tre enportan dan kordinasyon e mitilasyon dan letan dezas.  Rol sa Departman i devret vin enn ki pli kler e tous tou dimoun ki dan bezwen, dan en fason direk, dan plas en Departman ki zis kordin loperasyon, zot rol i devret vin enn ki pli kler.

E zot lentervansyon i devret vin dan pli kourt dele letan.  Nou pe demande ki Lalwa pou ki DRDM i vin en Lazans, i ariv kot nou Lasanble o pli vit posib.  E ki sa lazans i a vin sa sel pwen focal dan letan dezas e atir bann diplikasyon dan bann diferan Minister e Departman.

Mr Speaker par met plis resours dan distrik, sa pou fasilit kordinasyon bann pti kontrakter dan distrik, e osi lekip brigad distrik a vin pli efikas e performans.  Sa i a fer li osi pli fasil pou Lotorite Distrik dil avek bann pti lentervansyon an esper an bann Departman e Minister mobilize pou fer bann lentervansyon pli sibstansyel kot i neseser.

Avek sa de mo Mr Speaker, mon pou appoint mon sipor a sa Mosyon e mon pou demann tou Manm osi pou appoint zot sipor a sa Mosyon.  Mersi Mr Speaker.

 

MR SPEAKER

Mersi Onorab Herminie.  Mon ava donn laparol Onorab Bernard Georges.

 

HON BERNARD GEORGES
Mersi Mr Speaker.  Mr Speaker mon osi mon annan, mon pou dir de mo lo sa Mosyon, pou siport Onorab.  I kler ki depi bokou letan, bokou nou dan nou distrik nou’n realize ki ler i ariv en dezas, i annan en mankman lekipman, mendev, fasilite, sipor pou anmenn en soulazman pou bann, pou bann landrwa ki ganny afekte.

Mon ava donn, mon ava donn 2 legzanp Mr Speaker.  Mr Speaker ki fors mwan pou mon koze la apre midi.  Pa telman lontan pase enn mwan, enn mon constituent i call mwan, i dir mwan, son twa lakaz in, enn de tol in ganny arase par gro divan.

E delo pe antre dan son lakaz,  eski i annan en prela pou li kapab, pou li kapab dil avek.  Mon’n fer sa ki, sa ki mon ti krwar i byen, mon’n call mon DA.  I dir mwan non, malerezman napa okenn, nou napa prela.  Alor mon’n call DRDM, e DRDM osi i dir mwan zot napa prela.

E la nou vwar en pti, en pti keksoz ki pa kout bokou larzan, met 2 ou 3 prela dan, dan distrik, e sa bann problenm ki ariv souvandfwa.  Se pa bann keksoz ki ariv enn fwa letan, me souvan i arive, kot ou bezwen en pti lasistans, en pti keksoz ki pa kout bokou larzan.

La nou pa’n kapab anmenn en soulazman pou, pou, pou sa dimoun.  2enm, 2enm legzanp, detrwa lannen pase, annefe Onorab Herminie ki fek koze avan mwan –  son papa ki ti  Minis Herminie sa lepok ti CC Member dan distrik Les Mamelles, e mwan mon ti Manm Lasanble.

E ti annan en, en kantite lapli, e delo ti’n monte dan Plaisance, sa landrwa ki nou apel Dan Kan Mamelles, kot laboutik Mohan i ete.  Akoz ti annan en kwensidans, bokou lapli, rigol bloke ek gran mare.  E donk delo pa ti kapab ale e ti flood sa landrwa an antye.

Efektivman CC Member ek mwan, nou tou lede nou ti la e tou bann lakaz ti anba delo, e Brigad Dirzans in desann sorti anler Les Mamelles avek zot sea boot, avek zot pik, zot pyos, zot lapel eksetera.  E ti annan sel fason nou’n realize pou nou kapab evakye delo sete pou lev en seri slab lo pavement pou fer delo al koul dan larivyer, pou ale.

E malerezman avek lekipman ek mendev ki ti annan, by the time ki mare ti’n desann e delo ti’n al li tousel.  Lo 38, lo 38 slab ki nou ti bezwen leve, Brigad Dirzans ti ankor pe lager avek premye.  E donk ou vwar Mr Speaker en keksoz ki en bon lentansyon, met en brigad pou vin, pou vin asiste dimoun.

E mon pa, mon pa konnen si brigad i egziste touzour, mon pa vwar, mon pa vwar byen, byen konmela.  Annefe mon pa vwar zot ditou.  E mon pa, mon pa ava sirprann si bann dimoun ki pe ganny R500 par an in dir ben, les bato marse, mon pa pou al sorti dan lapli, dan fernwanr, dan toner, dan loraz pou mon al aranz en landrwa pou R500 par an en, mon pa pou blanm zot.

Me i montre ou ki en bon lentansyon san lekipman, san direksyon pa’n abouti a nanryen.  Sel keksoz ki’n arive se ki detrwa dimoun in mouye, e in deranz leren ek ledo, me sityasyon pa’n amelyor ditou.  E Mr Speaker sa de legzanp i montre en gran laverite ki Onorab William in dir apre midi.

E sa se avek en pti pe prevwayans ek en pti pe larzan nou kapab fer sir, ki dan sak distrik, i annan sifizaman lekipman avek mendev pou nou kapab dil avek.  Non selman irzans ler i arive, me dil avek bann problenm distrik ant irzans.  Akoz en bon pe, en bon pe sa bann dezas i arive akoz lack of maintenance.

Akoz isi Sesel nou en sanpyon dan deblok rigol apre ki lapli in tonbe e ki landrwa in flood.  Tre rarman nou prevwar pou nou deblok rigol avan sa lapli i vini.  Sa nou eksper ladan.  E mon pa pou montre ledwa okenn, okenn dimoun.  Mon menm mwan mon, mon, mon tanzantan mon tonm dan sa pyez.

Me avek en pe prevwayans, koup pye dibwa ki merit ganny koupe.  Pa les li tonm l o en lakaz avan.  Apre pou ou vin 1, apre pou vin degaz lasasen.  Netway rigol, annan en plan prevansyon.  Fer en pe drenaz kot i neseser.  Met 2 prela, 2 chainsaw, anploy 2 a 3 dimoun dan distrik.  E sa lontan mon’n, lontan mon’n donn sa lide.

Anploy 2 a 3 maintenance avek Biro Ladministrasyon Distrik.  Ler en vwazen oubyen en zabitan i vini, i dir silvouple DA oubyen silvouple MNA, fer en fason pou koup en brans mang akoz senir plim i tonm anndan kot mon.

Ou annan sa mendev la, ou anvoy zot, olye al rod 3 quotation avek 3 pti kontrakter, ki in any event pou kout ou bokou plis ki si ou ti anploy detrwa dimoun, ou ti annan ou lekipman lanmenm la, anba direksyon DA, e sa bann keksoz ti ava kapab ganny fer.

Dan en fason ki dezas ti ava ganny, minimize avan ki i arive, e ler i arive i ava annan dimoun konpetan avek lekipman neseser pou kapab al anmenn sekour.  Alor mon dakor ki nou devret pe rod en alokasyon dan bidze pou met dan sak distrik.  En pti tim, pey zot konvenableman, anploy zot atitre e fer sir ki zot la ler dezas i arive.

Si nou kapab fer sa Mr Speaker, mon krwar ki nou ava deza anmenn en soulazman dan nou distrik.  Parey mon’n dir pa selman ler fraka i arive, me en soulazman tou dilon lannen ler sa bann pti travay ki dan tou distrik i annan, ler sa bann pti travay, en pti lateras i grennen par isi, olye al rod en kontrakter, ou annan ou dimoun la on site e zot kapab al, e zot kapab al dil avek.

Mon krwar Mr Speaker sa Mosyon i non selman, apropriye, me i vin a en bon moman la ki, la ki sezon lapli pe al fini.  E nou kapab profite dan sa sezon lasesres ki pe vini, e met tousala an plas dan en fason ki ler movetan i retournen an Oktob, Novanm, nou’n fini pare.

Mersi Mr Speaker.  Zot kapab garanti lo mon sipor pou sa Mosyon.

 

MR SPEAKER

Mersi Onorab Georges.  Mon ava donn laparol Onorab Egbert Aglae.

 

HON EGBERT AGLAE

Mersi Mr Speaker.  Bonn apre midi tou Manm Onorab e tou dimoun a lekout.  Mr Speaker mon pou appoint mon sipor otour sa Mosyon prezante par Onorab William.  Akoz i annan en merit.

E nou koman bann Manm ki atase avek en distrik, nou pe fer fas ek bann sityasyon reel, lo en baz toulezour.  La an se moman lapli pe tonbe, dan lunch break mon’n koz ek mon DA, in fer mon konpran pou dir i annan serten sityasyon dan mon distrik, akoz lapli, gro lapli ki pe tonbe.

E an se moman nou tou nou konnen pou dir brigad, bann Manm zot swa dan en lanplwa, ouswa zot annan zot prop biznes.  Zot ase pe okipe, e ou riske pa pe ganny zot.

Mr Speaker mon konmans mon ladres koumsa akoz an mezir ki nou pe progrese dan pei, i annan plis devlopman, popilasyon i kontinyen ogmante.  Nou riske pe vwar nou pe fer fas avek plis defi.

E nou tou nou konnen pou dir ler i annan bokou konstriksyon, i pran bann lespas ki delo ti kapab sirkile, ouswa nou pe kas lateras pou repar teren, ki nou met a risk serten propriyete avek.

Tel ki bann deroulman lateras, ouswa nou fer fay en serten teren ki annan bann gro pye dibwa lo la.  E sa i rann bann risk si movetan i frap nou, i pou vin en realite.  Mr Speaker rol Lotorite Distrik anver bann evantyalite i enorm.

Mon dir enorm akoz in ariv bann lenstans e baze lo mon leksperyans pou mon koman en DA.  Kot ou’n ganny move kondisyon letan pou detrwa zour e ou’n vwar ou la, e menm pa al se ou, pou ou kapab attend ou zabitan.  Akoz i ou responsabilite koman Lotorite Distrik pou ou fer sir ki ou la, pou ou kapab ede kot i annan maler se ou.

Mr Speaker sa Mosyon pa pe dil zis avek resours.  Me osi i pe ouver laport pou nou annan en plan kler avek en vizyon kot i ava vize ver en plan mitigation, pou ki nou pa vin tenny dife ler dife in alimen. Me ki nou kapab fer prevansyon dabor, pou nou kapab evite.

Parey Onorab ki’n koz avan mon in fer resorti, ki si ti pou annan en pri, nou ti pou annan en pri sanpyon pou deblok rigol.  Me se sa bann konsern ki nou anvi adrese atraver sa Mosyon, kot resours i ganny mete pou kapab faver bann prevansyon davans.

Pou annan bann oversight , kot i ava annan en group dimoun.  I pa pou zis DA, akoz DA li tousel dan en distrik i pa pou kapab pase get tou sa pye dibwa danzere, get tou sa lanbousir, get tou sa bann ros danzere.

Me i ava annan en lekip ki ava la anba Lotorite Distrik, ki li son louvraz se pou prevwar bann danze ki kapab egziste.  I kominik ek ladministrasyon distrik, e ladministrasyon, li ki annan sa link avek Gouvernman atraver Local Government, soumet en plan.

Byensir pa tou ki pou kapab fer en sel kou, me i ava soumet en plan pou dir, be vwala mon bann konsern, mon bezwen finans.  E Local Government li i a bezwen apros finans, pou li kapab annan en plan pou kapab fer mitigation e ki ler i annan movetan, nou pa a war nou pe tay isi, pe tay laba.

Sa i enn Mr Speaker.  loter Mosyon in fer resortir poudir i annan en sonm larzan ki mon, si mon pa tronpe i R1.5milyon ki ganny, i pa ganny partaze sa, par 25, 26 distrik.  E en fon santralize, ki si i ariv bann dezas sa larzan i kapab ganny servi.  Be mazin ou, si ozordi Mahé antye nou fer fas avek en movetan pou detrwa zour.

Ki kantite problenm nou pou fer fas?  E sa larzan li menm li, zis pou al dil avek 2 lateras grennen ki’n deboul lo en lakaz, sa larzan i fini li menm.  I pa pou ase.  Mr Speaker striktir aktyel ki egziste ler i annan dezas i fer ki i kree konfizyon, i kree konplikasyon tou.

E kree diplikasyon.  Mon dir sa akoz la ozordi nou annan bann kes dezas, fevriye nou ti fer fas avek detrwa zour gro lapli.  I annan kes pa ankor kapab ganny rezourd ozordi.   E en lazans i dir ou enn, lot i dir ou lot, ki eventually sa ki’n ganny afekte li i war li pe tay kot MNA, tay kot DA e son case pa ganny rezourd.

Nou pe lans en lapel la, pou ki sa striktir ki egziste ler dezas i vini, i ganny revwar.  I ganny revwar e apre i ava annan son oponan finansyel ki ava atas avek.  Mr Speaker premyerman DRDM ki en lazans ki sipoze redwir risk ek dezas, i byen ekipe.

Mon kapab dir poudir DRDM ozordi i annan lekipman modern pou li kapab kordin bann loperasyon ki ou fer avek bann dezas ki arive.  Me pou mon sa ki mon mon’n vwar se ki DRDM li, i pa en lazans ki action orientated.

Li i vini i gete e i konseye.  E i menm, si i pou fer serten travay ki’n arive, i pou anvoy son bill kot Local Government.  In arive sa.  Be Mr Speaker pou mwan, rol DRDM i enportan lo son rol pou li kapab kordinen.

I ava kordin ek sa bann lazans ki enplike letan i annan bann evantyalite.  Nou annan MHILT, nou annan SLTA apre nou annan Local Government li menm, prensipal.  Apre parfwa nou ganny Minister Lanvironnman ki vini atraver son unit kot i dil avek bann zafer lanmar, larivyer, ki zot osi zot enplike.

Sa kordinasyon ki nou pe demande, i bezwen en kordinasyon ki desizyon i bezwen ganny pran ase vitman.  E pou desizyon kapab ganny pran ase vitman, i bezwen annan en Bidze ki la.

Akoz mon dir sa, desizyon pa kapab ganny pran pou ed en, en, en fanmir ouswa en endividi ki’n pas atraver en dezas, si nou konnen apre, ler desizyon in ganny pran, nou’n dir kontrakter tel dimoun ale pou al ede, e napa en finans apre, napa en larzan la pou kapab pey sa dimoun ki’n fer sa travay.

E in arive ozordi.  Loter Mosyon in nonm kontrakter ki’n fek ganny peye avan yer.  Be i annan pa ankor ganny peye, ki’n fer sa travay avek dezas depi Fevriye.  Be pou nou sa i kree en konsern akoz si ozordi nou pe fas ek en movetan, nou pou call sa menm dimoun pou vin donn en koudmen, i pou dir ou non sorry.

Mon pa ankor ganny peye louvraz ki mon mon’n fer.  Ouswa ler mon ti pe fer sa travay, tel ou tel lekipman ti ganny andomaze, mon pa’n ganny peye, mon pa pe vini, e sa i ferm nou laport dan distrik.

Se sa ki nou, nou anvi bann keksoz i ganny revwar dan son totalite.  Nou bezwen annan en plan mitigation ki fer ki, Lotorite Distrik li, i kapab manage serten keksoz.  E pou li kapab manage, nou demande ki i annan en sonm larzan bidzete ki ganny allocate dan en fon.

E sa fon li, si pa’n ganny servi a lafen lannen, i retourn dan pos Gouvernman.  Me si in ganny servi, petet lanmwatye lannen in fini, i ava annan en fason ki Minister Finans i kapab top up dan sa fon, pou kapab kontinyen ganny servi.

Mr Speaker, mon konpran petet akoz i annan serten par ki’n ganny fer, ki dan lepase ti annan sa fon, en pti fon ki ti ganny servi, me ki apre reform ekonomik 2008, tou keksoz in santralize.  I re santralize e in fer ki se Gouvernman Santral ki li i bezwen pran desizyon.

Kan problenm i ganny konmanse dan distrik.  Ou bezwen ale, parey in dir, tir portre, met en file, rod en way leave.  Demann sa dimoun son plan, son plan lakaz, son lavant later tousala.

Be letan dezas in arive, lateras pe grennen, lavi i an danze, gro delo pe monte, napa letan pou ou al fer tousala.  Keksoz i bezwen ganny fer koumsa, vitman lo en desizyon pou dir vwala, tel dimoun, tel lafanmir, tel lenfrastriktir dan distrik pe ganny andomaze.  Nou bezwen fer en keksoz vitman.

DA oli ou Pole Kontrakter ki ou annan.  Call zot in, pou zot tonm dakor lo en keksoz la vitman, fer kominikasyon lo telefonn.  Ozordi nou annan mobile, fer kominikasyon avek sa departman konsernen, e departman konsernen i bezwen vitman lo la.

Parfwa ki arive Mr Speaker, ler ou call, sa departman i kapab zis dir ou be, mon pe anvoy en lekip pou monte.  Be lekip zanmen i arive.  Ouswa i pran 3, 4 zour.  Parfwa i annan sans ki i tarde, si annan nou 5, 6 distrik ki pe ganny problenm, mon pran parey Les Mahé.

Depi Cascade, Pointe Larue, Anse Aux Pins, bann landrwa ki kontan ganny, ganny inonde.  E si zot bizi laba, definitivman zot pa pe vini.  Be ki rekour nou, nou pou annan dan distrik, ler nou, ki swa dan Was laba lot kote, Anse Boileau, Baie Lazare, Port Glaud, Grand Anse pe fer fas.

Ki rekour nou annan?  Nou pou bezwen esper zot fini pou nou kapab ganny lasistans.  Be i pa kapab koumsa.  Nou bezwen en lot alternativ, en lot striktir ki pou dir, be si sa striktir A i bizi, striktir B i kapab pran plas li osi.  Prezan antre dil avek bann evantyalite ki arive.

Mr Speaker mwan mon santi poudir i annan tro bokou pouvwar ki santre dan Gouvernman Santral.  E sa nou bezwen desantralize.
Fason fer ki nou pe fer ozordi pa tro, pa pe tro marse.  E nou, nou pe demande poudir i bezwen annan en revizyon total.

Pou fer sir ki nou dan distrik ler nou pe kriy leokri avek serten dezas, resours nou kapab gannyen e nou kapab dil avek bann evantyalite.  Mr Speaker nou koz lo Resours Imen, ok?  Brigad ozordi brigad ti parey en klib li.  Parey en klib ki, ki ti ganny entrodwi bokou letan pase lo en baz volontarya, pou ede sekour nou distrik, ki annan bann problenm.

E brigad a en pwen ti ganny en allowance, pou li kapab ankouraze.  Pa en lapey me en allowance pou ankouraz zot pou zot kapab vini, donn koudmen.  Be ozordi ek sa mindset ki dimoun in sanze, ki lavi tou dimoun i bizi.  Ki tou dimoun i bezwen larzan pou ou viv ozordi.

Bokou brigad in sorti lo Komite Brigad.  Pou senp rezon.  Akoz zot santi pou dir dan en fason ou en lot, zot swa pe zis ganny servi.  Me apre ou vwar pou dir i annan serten Lazans ki vini, i anvoy bann kontrakter ki pou apre ler ou gete louvraz in kout sepa konbyen Milyon.

Me zot, zot in vis ek zot pyos, zot lapel, zot in debous lanbousir, bann keksoz koumsa, dega lateras, bouret pa ase lot zete.  Zot pou ganny R500 dan en lannen.  R500 dan en lannen.  Be eski sa i apel en lankourazman, i apel en incentive kot nou ankouraz sa bann dimoun.

Pa in ler pou nou revwar si nou anvi sa bann volontarya, kontinyen donn en koudmen, pou zot kapab kontinyen.  Akoz nou kree bann Scheme, parey nou annan sa 2 inter Scheme ki nou pe donn larzan.  Omwen R2000 an montan.

Akoz bann brigad osi pa ganny ankadre anba en Scheme, poudir be vwala.  Nou pou donn zot tel, si i ariv tan kantite lensidan petet ki zot pe partisip ladan.  Byensir anba oversight Lotorite Distrik, zot kapab ganny en pti top up, en pti keksoz koumsa.  Akoz nou pa konsider sa?

I kapab annan lannen ki vini, napa okenn problenm.  I kapab annan en lannen kot napa bann evantyalite, par bann dezas.  Me selman i annan letan kot nou ou annan bann sityasyon e nou bezwen sa bann dimoun.  I annan dimoun ou bezwen call 8er diswar, 11er diswar pou sorti lo son lili, pou vini, Be nou bezwen ankouraz zot.

E si nou serye, nou anvi konsider, ou ganny sa lenerzi, koudmen sa bann dimoun, nou bezwen vwar sa.  Mr Speaker, ankor bann pti kontrakter ki nou, nou antas avek dan distrik.  Mon konnen pou dir sak distrik i annan li 2 ou 3 kontrakter ki i friendly avek.

I annan ki vini akoz petet i partisip dan pti proze distrik, i rann nou en servi pou nanryen, i dir ou be les li.  Mon’n benefisye mon osi.  Mon’n pare pou vin ed ou pandan ou dezas, mon annan mon JCB, mon annan mon pti excavator laba, mon annan mon pick up, ler zot pare vini, call mwan, mon a donn en koudmen.

Me par ler ou pa kapab abiz lo sa bann dimoun tou lazournen.  Sa 3 pti dimoun ki ou annan, be si nou ti annan en pti fon, mon a dir ok, kontrakter X/Y.  Vwala mon donn ou fuel, ler ou fini sa pti travay mon ed ou.  Akoz pou nanryen nepli egziste dan sa pei.

Nepli annan pou nanryen.  Nou konn byen.
Akoz ozordi en dimoun i vini i dir ou bonzour, i kapab demann ou R25.  Savedir tou keksoz i means i bezwen resours, ou bezwen annan en pti larzan.  Mr Speaker pou terminen, sa striktir ki ou pe demande ek sa resours, Gouvernman li ler i a met sa an plas, i ava annan en oversight pou fer sir ki napa labi premyerman.

Petet i ava annan lot kote ki pou koz lo la apre.  Si nou konnen poudir dan dezas mon’n kouver 5 fey tol, lo lakaz madanm, i ava annan en fason ki nou procure sa, met tou bann resi la, e portre a ganny tire ler louvraz i pe komans fer, e ler pe fini, pou evite ki ava annan lakizasyon, pou dir.

Swa nou pe servi sa pou politik, ouswa i annan labi kot louvraz sipoze fer R10mil, nou’n dir R15mil.  Bann resi i aprouve.  E sa ki al fer sa louvraz li i ava annan en oversight atraver swa Minister finans, swa Local Government li menm, akoz son pti body laba, pou dir vwala, al get Port Glaud.

Semenn pase ti annan dezas trwa lakaz ti ganny andomaze, ouswa en peron ti ganny andomaze, lateras ti grennen, louvraz in ganny fer, al gete si vre sa bann keksoz i fer.  Sa i a evite ki ni MNA, ni DA pa abiz sa bann resours ki egziste.  E osi nou a rekonnet partisipasyon, si demen eleksyon Council i ganny fer, e sak distrik i a ganny son Council, Council adonn en koudmen.

Avek sa Mr Speaker mon santi poudir nou bezwen al dan en lot direksyon la, pou nou kapab ed distrik, pou kapab bouze, e vit fer reaksyon vitman, akoz nou santi pou dir sa santralizasyon ki egziste, ki kree en pe retar.

Desizyon pa ganny pwen ase vitman, e nou dimoun deryer i kontinyen at least zot pas en pe, zot soufer en pti gin akoz zot problenm i tarde rezourd.  Avek sa mon pou dir mersi Mr Speaker.

 

MR SPEAKER

Mersi Onorab Aglae.  Mon ava donn laparol Onorab Sylvanne Lemiel.

 

HON SYLVANNE LEMIEL

Mersi Mr Speaker.  Bonn apre midi Mr Speaker.  Mr Speaker zis en pti kontribisyon atraver, anver sa Mosyon.  Being a past DA, mon ti a kontan fer resortir en pti pe osi mannyer keksoz ti marse avan, e mon pa konnen kote nou’n al mal.  Mr Speaker ozordi letan ou regarde, lapli ki nou gannyen dan, ki nou ti kapab gannyen dan 1erdtan, ozordi ou pe ganny li dan 15 minit, in fini flood partou.  OkSo ki mwan mon ti a kontan dir anver sa Mosyon.  Sa Mosyon i amann en merit li, me selman annou get keksoz, mannyer ti ete avan.  Nou pe dir nou ti annan problenm ekonomik, nou ti annan problenm finans avan.  Me selman mwan dan sa letan mon pe vwar keksoz ti mars pli byen ki i pe marse ozordi.  Dan lepase avek sa lekip ki ou ti dir ou ti annan brigad.  Local Government mannyer ti’n aranze la, ti annan en fason kot i ti’n dir ou fer sir ou annan ou en lalis dimoun.  Ou annan 3 kontrakter dan distrik, ladan fodre i annan 1 ki konn koup pye dibwa, 1 ki annan en excavator, ki kapab al tir later ki swa i degrenn dan semen, swa pou al debous en lanbousir, konmsi ti fer o met tousala parey.  E sa letan bann brigad, sak Ladministrasyon Distrik, nou ti fully, fully equipped.  Onorab Georges sa ki in dir ti vre.  Boots pa konnen ki ti pou fer avek.  Pyos, pik, you name it, even stretcher ti annan kot si an ka en dimoun ti’n ganny dimal, ou ti kapab ale, tir li, anmas li, menm si kekfwa vre ou bann brigad sa bann letan i annan ti en pti pe fay, fay.  Me sa bann dimoun ti ankouraze, sa bann dimoun ti travay.  Apre Mr Speaker i depan osi lekel ki pe lead dan sa distrik, ou konnen akoz parfwa, wi nou dir DA, tou keksoz i tonm lo DA.  Me selman parfwa i depan mannyer nou DA nou pe lead nou tim dan distrik.  Akoz mon’n konpran pe dir petet i annan DA ki i annan brigad ki pa ti pe marse or whatever.  Nou pa kapab, konmsi Brigad osi nou bezwen donn li enn ler sa pti team building, sa pti training, sa, anmenn ansanm en pti aktivite sosyal, kot nou met zot ansanm.  I fer zot ganny lanvi, me non pa zis sa pti R500 parey nou pe konplent lo la tou le lannen.  Me i annan bann pti fund raising osi ki nou fer, ki ed nou fer bann pti aktivite pou nou zwenn ansanm.  So mon pa konnen akoz ozordi 2019, nou’n arive ler en dezas i arive, or petet i pe dir ou konmela pa dir dezas, konmsi en movetan in frape, en problenm in arive dan distrik, kot ou vwar ou bezwen trenn A ziska Z.  E ou vwar problenm i tarde pou rezourd.  Kan lontan, konman lapli i tonbe, i dir ou get lentansite sa lapli, call in ou brigad, mobilize, vin asize la kot distrik.  Ziska minwi, 1er bomaten nou’n kot distrik parey serten mon bann koleg pe dir.  Nou’n ale, nou’n pran transpor e dan sa bann dimoun ki ti dir nou swa rode osi lozistik ti bezwen annan en dimoun ki annan transpor tou, ki pou transport ou bann brigad lo teren letan i annan en evantyalite ki’n arive.  So mwan mon krwar sa bann keksoz koumsa, ki menm si i ti dan lepase, mon vwar li i ti tre bon.  Akoz ozordi, parey mon pe dir ti annan tou sa bann lekipman, kote in ale tou sa bann lekipman?  Eski i napa en bon oversight?  Lekel ki’n pran sa bann lekipman?  Ozordi ou pou al dan distrik, napa en so!  Napa ni en pyos!  Napa prela parey in ganny dir!   Vre.  E mwan osi in ariv mon lensidan dan distrik kot dimoun tol in sorti, ou call ou dir, ‘’be DA, be mont avek 2 prela.’’ Nou ti ganny lateras grennen lot zour Bougainville, nou al lo teren, ‘’DA mont ek 2 prela ler ou monte.’’   ‘’Ar napa.  Mon bezwen telefonn anba kot Local Government.’’  6er diswar, Local Government keler pou anmenn en prela?  So les sa distrik aste son prela, i kapab zot annan bann vot miscellaneous or whatever ki zot annan.  Permet zot rode, aste, stoke met la.  I bezwen annan en bon levanter.  E ou koman sa DA ou responsab.  Akoz ou ki bezwen fer sir avek ou Office Manager, pou dir fer sir i annan en bon levanter.  Brigad tou son bann keksoz i bezwen la pou brigad pa pe touse, ni pou al fer lezot louvraz avek.  Sa i just for emergency only!  Nou bezwen annan en tors.  Ozordi ni menm en tors pou ou klere pou al dan fernwanr aswar napa.  So mon krwar ki nou merit fer la dan sa lenstans, annou get en kou, annou revwar lafason ferMazorite dimoun ki ankor dan Local Government, se zot menm zot ki ti la dan sa letan ki mon pe koze Mr Speaker.  Zot ankor la.  Ok?  Annou revwar, annou regete ki mannyer nou kapab re anmenn sa bann keksoz.  Re ekip sa bann distrik avek lekipman.  Ou konnen annou fer sir ki nou, nou cater byen pou nou bann dimoun ki travay pou nou volonter.  Annou get zot en pti pe pli byen, i pa zis nou servi zot letan nou annan en dezas, nou annan, dan labou.  Me annou get zot en pti pe pli byen, anmenn zot ansanm.  I pou ankouraz sa bann dimoun, pou zot konman lapli i tonbe, i dir DA in call mwan, mon pe desann.  Akoz ozordi brigad i dekouraze pou li desann akoz i dir ou ar, napa nanryen ki ganny fer pou nou, nou pa ganny gete, me ler mon pe koz parey, nou fer en pti team building, nou fer en pti aktivite sosyal, parey ti deroule dan lepase.  I anmenn nou ansanm, i kit nou as a team!  En lot size Mr Speaker, i arive ki en dezas i arive, en ka i arive dan distrik, wi ou dir nou fer file, nou’n vini nou’n fer file, nou’n anvoy kot ou.  Me ou pran 6 semenn pou ou dil ek sa file.  3 mwan toudmenm nou pran pou dil e en file.  E sa i pa zis dan case dezas.  Ou pou get bann lezot kes osi ki annan dimoun ki dan bann ka emergency, ki ou anvoy file kot bann Minister pou dil avek.  I vin menm parey!  Ou konpran, i pou annan bann ka kot sa dimoun i annan serten problenm.  Met on son, mon pa konnen kwa ki’n arive kot son lakaz, ou pou dir li, anmenn, anmenn title deeds or whatever, ou pou dir sa, li i pe tarde avek, i tard son kes.  Me selman apard sa i annan serten keksoz ki mon vwar nou, nou tro trenn lipye.  Nou bezwen fer sir ki nou actions sirtou ler i dir ou dezas, nou bezwen pe action vitman, e letan nou pe gete osi, lo kote DRDM i dir ou mitigate, sa zafer mitigation la, nou bezwen reget ladan.  Parske mwan dan distrik Anse Royale mon marse, mon mon’n anvoy let partou kot bann ros anpandan dan lateras.  Zot in vini, zot vin vizite, be up to now nanryen pa ganny fer.  So ler nou pe koz mitigation, DRDM i dir ou li i mitigate, mon konpran i dir ou i annan en lot landrwa ki fer.  Local Government la i dir li i en fasilitater, li i pal dil avek sa bann kes li, i en facilitator.  Li i process i anvoy kot bann landrwa pou peye si in ariv en lensidan.  So mon krwar it’s high time nou rezwenn ansanm, nou revwar, nou regete, annou retourn sa dinamiz ki nou ti annan avan pou nou fer sir ki travay i rekonmans fer byen, pli byen menm ki avan Mr speaker.  Ok.  Akoz si nou kontinyen la nou pou anmenn Mosyon, nou pou dwell lo la, nou, nou la zis dan Lasanble, nou plenny ek zot, nou pe dir zot, annou fer, annou fer, i dir ou Motion is not binding, nou, nou pe plenny ek zot la nou pe dir zot annou fer sa, konmsi zot pa pe tann nou.  So mon krwar mon lapel, mwan mon rekomandasyon i se ki, Minister Gouvernman Lokal zwenn, rezwenn ankor avek nou bann Lazans, annou revwar, annou regete ki fason nou kapab aranze letan i annan sa problenm dezas dan distrik.  Aktyelman la konmela Mr Speaker, Anse Royale i flood la.  Ou pe call dimoun kot Lanvironnman, i annan pa pe pran son telefonn.  Ou pe dir anvoy en excavator fer al deblok borlanmer Anse Royale pe noye.  Personn pa pe ale.  Ou pe anvoy mesaz la, personn pa pe reponn.  Mon konpran mwan.  Mahé i, nou pti, pti nou, me selman i gran letan i ariv en dezas avek pe dimoun, pti morso dimoun.  So nou pou bezwen rod en fason, strategize, aranze, gete ki mannyer nou kapab respond pli vit, ok.  Mon annan sa dimoun, sa dimoun ou’n dir mon pou dir i annan excavator dan distrik, mon pou nonm Mr Labrosse.  Jean-Claude Labrosse.  Mon pou dir, e sa msye rien à dire !  Ou ganny son korperasyon ou pou call li, Mr Labrosse be la lanmar in bouse, i annan tel dimoun, i ok pou li al deblok sa lanmar.  Ok mon a koz ek li, oubyen les mon a monte, mon a vin vizite avan, avan mon fer li fer sa louvraz.  Wi tir portre bann zafer koumsa, i ok, the before and after travay, konmela nou bezwen rann kont.  Ok ?  Akoz ler pou vin devan FPAC osi, Mr Speaker i bezwen rann kont.  Ou vwar, ki nou’n fer ek larzan gouvernman?  So i enportan sa, pou tir portre before and after, pou montre ki louvraz nou’n fer, akoz dan lepase Mr Speaker i’n arive.  En brans dibwa letan ou get li par devan koumsa, i paret gro, i bar sa semen antye.  Salerla en pti brans dibwa ki’n tonbe. Be mwan mon tir zis sa portre la devan, konmsi pou montre en gro pye dibwa ki’n tonm dan distrik, apre i anvoy en bil R16000 kot ou.  Sa osi ou bezwen gete.  So i enportan tir portre before and after.  Pas deryer sa brans osi gete ki longer, ki groser sa brans ti ete avan nou sarz sa R16000 !  So Mr Speaker an tou mon pou dir sa Mosyon i annan son merit.  Nou merite revwar keksoz, nou merite reget keksoz, pou nou kapab fer keksoz pli byen.  Pou nou al pli annavans.  So mon a remersi ou Mr Speaker  pou sa de pti mo ki mon’n dir.  Mersi bokou.   (APPLAUSE)  MR SPEAKERMersi onorab Lemiel.  Mon ava donn laparol Onorab Wavel Woodcock. HON WAVEL WOODCOCKMersi Mr Speaker.  Mr Speaker ler mon pe ekout sa leterni problenm ki bann Manm lo kote US pe fer fas avek dan zot distrik, i fer mon zis mazinen ki kalite problenm ki nou bann Manm ki sorti lo kote LDS pe fer fas avek. Zis atraver sa Mosyon Mr Speaker, zot pe admet ki mannyer zot Gouvernman i pa efektiv !  Mr Speaker sanzman klima, sanzman klima, sanzman klima i annan en kantite lefe advers lo nou pei sesel.  Praslin osi mon distrik i pa’n ganny eparnye.  Par Onorab William in mansyonnen, letan pe sanze, i annan bokou plis lapli.  E menm dan letan ki sipoze sek, nou vwar ki gro lapli pe tonbe.  E dan plizyer bann distrik lo Mahe, Praslin ek La Digue i annan bokou dega pe ganny fer par gro lapli, divan e move, move letan.  Par egzanp lo kestyon bomaten, nou’n antann, nou’n aprann e kestyon ki mon menm mon’n demande lo sityasyon lo lakot, lo lakot Grand Anse Praslin. E pa zis Grand anse Praslin, dan lezot distrik kot lerozyon pe afekte nou akoz sanzman klima.  Mr speaker i annan en kantite sityasyon ozordi, en kantite dezas ki pe ganny koze par sanzman klima Sesel.  Mon pa pou met lanfaz lo lerozyon lo lakot.  Me mon pou plito koz lo 2 ou 3 lezot ka spesifik ki mon menm konman en Onorab mon’n vwar pe arive dan mon distrik, i pe afekte bann zabitan dan mon distrik.  Premyerman Mr speaker mon pou koz lo bann keksoz ki pe arive, ki menm pe koz en danze ase sever pou manm piblik, e menm bann motoris lo semen.  Premyerman Mr Speaker mon pou koz en pe lo sa issue bann pye dibwa o bor semen.  Ozordi akoz sanzman klima, sanzman letan, gro divan e plis lapli ki pe tonbe, nou vwar ki bokou plis pye dibwa, ouswa brans dibwa pe tonm lo semen.  I pe met bann lakour an danze, i pe met bann transpor lo semen an danze e i pe menm met manm piblik an danze.  Par egzanp o lakot.  Lo lakot Grand Anse ou pou plizoumwen ganny afekte vwar bann brans, ouswa menm in arive plizyer fwa, kot koko, pye koko, takamaka, sed, bodanmyen i pe afekte bann motoris, e pe menm fer tenn plizyer, plizyer lakour.  Si ou pou fer semen Vallée de Mai la ou pou vwar plito bann pye parey albizya, kannel, agati ki enn ler a plizyer repriz bann brans pe tonm lo semen.  E plizyer fwa osi in arive kot pye dibwa in tonbe, in blok semen, ouswa in andomaz serten transpor.  Mr Speaker mon bezwen fer sortir ki lotorite konsernen i bezwen fer en fason pou koup bann pye dibwa o bor semen.  Mon konnen ki i sipoze annan en progranm ki ti ganny met an plas, en Bidze ti ganny donnen dan lepase.  Mon pa asire si ti en, en LWMA ki ti gannyen, ouswa ti bann private contracter.  Me selman sa problenm pa’n rezourd.  I ankor en gro konsern dan mon distrik, in arive non selman  ki pye dibwa in tonm dan semen, me pye dibwa in osi tonm lo poto elektrik, ouswa lo bann laliny elektrik ki’n kree, ki’n kree en koupir kouran pou plizyer erdtan e menm preski en zournen dan mon distrik.  Dir sa Mr Speaker mon pe koz lo sa size, mon pe mazin bann, enn, de lakour ki mwan mon, mon konnen zot pe ganny fen tern par bann pye dibwa, ki swa lo later Gouvernman, ouswa menm ki lo later prive.  La mon mazin, zisteman mon fek fer en vizit Saint Joseph lo beton, mon ti pe koz avek Mr Lablache, in montre mon bann pye bodanmyen ki pe fen tern son lakour.  Pa tro bokou letan pase, mon ti al vizit lafanmir Cushion anler Bel Air ki i annan plizyer bann gro pye dibwa.  Albizia, tou sort kalite pye dibwa ki pe fen tern zot lakour.  Me ki nou vwar, mwan koman MNA, e pa zis mwan, mon asire plizyer MNA lo sak kote latab, nou anpose lo  Lotorite konsernen.  Nou aksyon kot Gouvernman Lokal, si o bor semen al kot SLTA.  Ouswa LWMA, Lanvironnman e lezot antite Gouvernman.  Me Mr Speaker ki nou vwar, zot tarde pou reakte.  Zot tarde pou pran aksyon pou remedye sa bann problenm.  E ki nou vwar pli tar, nou vwar en problenm i arive kot swa pye dibwa i tonm lo lakaz, swa pye dibwa i tonm lo en transpor, swa pye brans dibwa i tap en dimoun.  E i annan dimoun ki’n perdi zot lavi akoz brans dibwa Mr Speaker.  E mon pou dir la, mon pou fer ressortir ki enn bann pli gro problenm ki nou annan dan Gouvernman ozordi Mr Speaker, se i annan en problenm synergie ant bann Departman, Minister i Antite Gouvernman.  Gouvernman ozordi.  Ozordi pou dil avek sa bann, avek sa bann sityasyon.  Ozordi nou annan nou SLTA, nou annan nou LWMA, nou annan nou Lanvironnman, nou annan nou Gouvernman Lokal, me selman ki nou vwar Mr Speaker,  zot pe lager antre zot.  Lekel ki pou fer kwa?  Non sa pa mon responsabilite sa.  Sa pa konsern mon. Sa i konsern Lanvironnman.  Non, non sa pa, sa pa mon konsern sa.  Sa i konsern LWMA.  Ou konnen zot pe zis ise, bose sakenn pe fer son kote, pou fer menm en senp pri keksoz.  Mon a donn ou en legzanp.  I annan sa issue la, lo kote lakot, bann pye dibwa in tonbe akoz lerozyon ki pe blok access avek lans vizavi SPTC, pa tro lwen avek Airport.  Be bann peser pe ganny difikilte akse avek lans, akoz?  Akoz zot pe tarde vin koup sa bann pye dibwa, sa bann brans dibwa, e sa pe kree en gro lenkonvenyan.  E ler gro laroul i vini, la sirtou letan vandswet la, laroul i pran tou sa bann debri, tou sa bann dibwa, tou sa bann brans zot anvoy lo semen, e ki i fer?  I kree bann aksidan.  Me nou pa proactive.   Sa problenm avek Gouvernman.  Nou annan en Gouvernman ki reactive, zot pa en Gouvernman ki proactive, zanmen zot pou plan ahead lo bann sirkonstans ki pe arive.  Sa i pa enkli zis parey mon’n dir delo sale letan vandswet anmenn delo lo lans.  Me i enkli en pake lezot evantyalite Mr Speaker, ki mon santi Gouvernman pa azir ase vit pou dil, avek sa bann sityasyon.  Mon a donn ou en lot legzanp Mr Speaker.  Tipik, fek arive o bor Airport, fek arive o bor Airport Amitie, pou koup Mr Speaker detrwa pye koko.  Finalman sa, mwan mon’n koz lo sa a plizyer repriz.  Parey bann Manm in admet lot kote, en ler ou anvoy email, ou call isi, ou call menm Minister, en ler ban zofisye pli ba pa reponn.  Ou anvoy sa pli devan, ou anvoy kot Minister, ou anvoy kot PS, ou anvoy kot lot, me selman ki i arive Mr Speakers, personn pa fer nanryen.  E prezan ki i arive?  Dimoun i fristre, i ankoler, en ler zot blanm lo DA, enn ler zot blanm lo MNA.  Me Departman konsernen zot pa pran zot responsabilite!  Zot pa pran zot responsabilite.  Enn ler mwan, a semenn, lannen i pase, avan ler zot reakte pou dil avek en sityasyon ki avek, avek en sityasyon grav, ki kapab arive.  Mon a retourn lo zistwar pye koko Mr Speaker, i enteresan sa zistwar.  Detrwa pye koko pou koupe, kot Airport Amitie, ti en vre zistwar get lo Facebook ou a vwar, akoz zabitan distrik ti sitan fristre, ki zot in met sa bann pye koko lo Facebook.  Mr Speaker DA i dir koumsa in anvi pran desizyon lo li menm pou li ale, pou koup sa bann pye koko.  Me Lanvironnman i dir li non, non, non, non, non, non, non, non, non, non, non, non, tro bokou pye koko, fodre ou koup zis 1 pye koko.  Mazinen, dan 1 pye koko Mr Speaker, kan i annan plizyer ki kapab fer ditor manm piblik, ki kapab tonm lo semen, e finalman DA in bezwen pran desizyon lo li menm, e ale, e koup sa bann pye dibwa.  Mr Speaker sa i montre tipikman problenm ki nou annan isi.  Sa bann zafer, tou sa bann antite Gouvernman, sakenn pa pran son responsabilite, ouswa nou pas the buck.  E sa i bezwen sanze, nou bezwen annan en landrwa kler, en Departman kler, en antite kler.  Si Gouvernman Lokal, i Gouvernman Lokal ki kapab antreprann sa, kot bann evantyalite, sirtou bann ka emergency kot nou annan en antite ki dil avek sa bann sityasyon.  E mon Mr speaker mon senserman krwar ki distrik, se distrik ladministrasyon distrik ki merit ganny en Bidze pli signifikan pou dil avek sa bann problenm, sirtou avek bann ka emergency.  E mwan mon santi, i annan ki mansyonn Brigad Dirzans ki ti annan dan distrik.  Mwan Grand anse Praslin mon krwar pa si nou annan sa brigad akoz in ariv plizyer fwa dezas in arive, ou pa vwar personn.  E mon’n kontan pou tann Onorab – i funny, mon’n tann Onorab William koze, pou dir ok, nou pe rod volonter, nou pe ankouraz volonter, selman at the end of the year nou donn zot en R500, konmsi sa i ase.  Onorab Egbert Aglae in dir poudir konmela personn pa travay pou nanryen, nou bezwen donn bann dimoun bann incentives, bann lankourazman pou zot kapab vin devan pou ede dan ka kot i annan, dan bann ka irzans.  Parey mon dir Mr Speaker, mon senserman krwar ki nou bezwen bann taskforce dan sak distrik i bezwen bann, en taskforce ki pou dil avek bann ka emergency an ka okenn evantyalite i arive dan distrik.  En tim dan distrik ki tonm anba Gouvernman Lokal, Ladministrasyon Distrik ki kapab ganny kontakte at nenport ki moman.  Annefe ti a bon parey en Manm in mansyonnen, annan en lalis plizyer bann volonter ki ler en ka dirzans i arive, ou pran kontak avek sa bann dimoun, e zot vini zot donn en koud men.  Mr Speaker mon’n koz lo problenm pye dibwa, ki fodre ganny koupe.  2enm problenm ki nou vwar dan distrik, se lateras grennen, landslide.  Plizyer ka in arive letan gro lapli.  Letan gro lapli in tonbe, kot i annan bann, kot lateras in grennen, annefe i fek ariv enn Praslin, Bel Air pa tro bokou letan.  En miray in degrengole, me ti napa personn pou ede, sa dimoun ti bezwen pey dan son  pos, sa dimoun ti bezwen pey dan son pos, mazinen i pa ti en pti miray, ti en masiv, en gro miray ki’n grennen, e i pa’n vwar personn, pou ed li a sa moman.  Finalman in bezwen pran enn de son bann dimoun ki travay ek li pou ed li kapab debraye, tir sa bann, sa bann, sa bann debri o bor kot son lakour.  Mr Speaker in arive a plizyer repriz.  Onorab Gill lot kote Baie Ste Anne, i konn sa tre byen.  Kot Vallée de Mai in arive plizyer fwa, kot lateras in grennen e in blok semen.  Kot motoris, kot transpor pa’n kapab pase.  In bezwen fer gran letour atraver Consolation.  La dir granmersi kekfwa byento nou ava ganny en lot semen, ki ava ede, ki ava ed nou, semen Laplenn Hollandez/Pasquere.  Me selman in arive a plizyer repriz kot lateras in grennen in tonm dan semen.  Mr Speaker nou bezwen en form emergency available dan distrik.  Pou mobiliz e osi pey en taskforce.  Pey en group dimoun pou fer sa bann louvraz ler i neseser.  Parey mon’n dir, annan en data base, en call list kot ou kapab pran kontak ek sa bann dimoun.  E sizesyon ki mon pe fer Mr Speaker, in arive dan lepase kot lateras in grennen, e dimoun in perdi zot lavi.  Me selman nou pa aprann nou leson nou, lateras i grennen nou kit li parey.  I kapab grenn ankor gro lapli li.  Ki nou merit fer se nou bezwen plant zerb lo sa bann lateras pou ranforsi li pou anpes li grenn ankor.  La si ou pou fer semen Vallee de Mai ou pou vwar plizyer later rouz, ou pou vwar bann lateras, napa pye dibwa lo la, napa pye lantannyen lo la napa zerb lo la.  E at any moment i kapab arive kot sa bann lateras i grennen e dimoun i kapab perdi zot lavi.  Be nou pa fer nanryen, nou asize nou gete, nou pase, SLTE, LWMA, tou bann Lotorite konsernen zot pase zot pa vwar sa danze.  Mr Speaker be sa i en gro problenm ki fodre nou dil avek dan nou distrik. 3enm keksoz ki mon pou koz lo la Mr Speaker, e i mon dernyen keksoz ki mon pou koz lo la, lo la.  Letan gro lapli, delo ek debri i antre dan lakaz plizyer dimoun.  Sirtou pandan bann letan gro lapli, parey sirtou pandan letan vandswet ou vwar sa, ouswa ler i annan en siklonn dan larezyon, dan Losean Endyen ki osi i afekte nou.  Parey nou dir nou ganny, nou ganny, nou ganny lake, nou ganny, nou osi nou ganny afekte.  Mr Speaker me le problenm ki mon vwar nou, nou esper vandswet.  Nou, nou pa prepar davans.  Nou konnen vandswet pe vini nou.  Lotorite konsernen, LWMA ouswa bann lezot antite Lanvironnman, zot pa fer demars pou debous drenaz zot, zot pa fer demars pou debous bann lanbousir, ouswa netway bann lanmar.  Se ler ou vwar inondasyon i arive, gro lapli i tonbe, nivo delo i monte, nivo lanmar i monte, delo i konman inond bann lakour, delo i konmans antre dan lakaz, debri i konmans antre dan lakaz.  La prezan ki bann antite Gouvernman, a la nou pou reakte la nou.  Be nou bezwen prepar nou, Grand Anse Praslin depi dan letan vandnor nou bezwen pe prepar nou, pe debous bann lanbousir, pe netway bann rigol.  Pa esper ler sityasyon i agrave, prezan pou nou reakte.  Mr Speaker en lot keksoz ki mon pou bezwen dir, i annan en Manm lot kote in mansyonn sa.  I pa zis resours imen, resours finansyel ki nou bezwen, me nou osi bezwen lekipman dan distrik.  E sa lekipman i ava deservi sa taskforce si fodre i tonm anba, parey mon’n dir anba, anba sipervizyon ladministrasyon distrik.  Nou bezwen bann lekipman parey chainsaw, parey lapel, parey pyos.  Bann dezas i arive en pye dibwa i tonm o bor semen, zonm pe koup ek gran kouto, be kisisa sa.  Mr Speaker nou bezwen annan bann lekipman available dan distrik an ka bann, parey mon’n dir an ka dezas.  E i stand to be corrected Mr Speaker.  Si mon pa tronpe, mon krwar pou bann zafer emergency ouswa dezas, i annan en fon, mon krwar R150 mil ki ganny donnen pou sa.  Ki tonm, ler ou diviz li par 25 distrik, mon krwar i tonm R6000 par distrik.  Pou bann ka emergency.  Pou sa lannen sa Mr Speaker.  R6000 par distrik par lannen pou bann ka dezas, pou bann ka emergency.  Be mannyer i apele sa?  Ki ou pou fer avek R6000?  Ozordi mazinen, mon fek eksplik sa sityasyon pli boner Mr Speaker vizavi Airport Amitie.  Kot lerozyon lakot in zet en pe pye sed dan, o bor semen lo lans.  Mon kontakte sa fiy ki ansarz Lanvironnman, sa madanm ki ansarz Lanvironnman Praslin, mon dir li be sa bann pye sed, pe blok, pe blok access avek lans pou bann peser.  I dir mon koumsa ok, i ava pran kontak avek bann kontrakter, avek Mahe, lotorite Mahe, pou zot pran en desizyon pou gete ki zot pou fer.  Ler koman i dir mon, pou zis debrans sa detrwa pye sed i pou kout R40mil.  Prezan dan R6000 en distrik an ka emergency.  Be i pa fer sans Mr Speaker, i pa fer sans.  Nou bezwen, nou bezwen get dan sa sityasyon en pti pe pli serye, pli a profon.  Parey mon’n dir Mr Speaker, Gouvernman i bezwen proactive, me pa reactive, fodre pare davans.  Prepare davans avan okenn evantyalite.  Annan resours finansyel, annan resours imen, e lekipman neseser fer li available an ka okenn sirkonstans.  Mr Speaker ler bann MNA i met en sityasyon devan.  Mon’n vwar, mon ti krwar sa sityasyon i zis lo mon kote, konman en Manm ki sorti LDS.  Me mon’n tann Onorab Aglae, Onorab William e onorab Lemiel osi koz lo la.  Ler nou met bann ka devan, enn ler bann lotorite dan distrik ouswa bann lotorite, bann Minister pa ekout nou.  Zot tarde reakte.  E on konpran zot mon, mon  bann frer lot kote latab.  Menm si i zot Gouvernman, akoz nou osi nou fer fas avek menm sityasyon.  Si zot pe fer fas avek, ki pli pir ki nou, nou pa pou fer fas avek ankor.  Mr Speaker zis mon a donn en legzanp en ka ki mon ti’n met devan Lotorite Distrik ki zot in tarde reakte, pou montre ou ki mannyer i kapab vin vreman sever.  Amitie o bor SPTC.  Ti annan en crack lo semen, mon vini, mon tir portre, mon anvoy gouvernman Lokal, mon cc PS ladan.  Mon ‘cc’ Minister pou Lanvironnman.  Mon cc Mr CEO kot SLTA, Mr Herath.  Mr Speaker zot pa’n fer nanryen, i pas en mwan, i pas 2 mwan, avan 3enm mwan Mr Speaker semen i grennen.  En gro trou dan semen, e sa ti en zour dan fernwanr.  Granmersi sa dimoun, en dimoun, en motoris, en drayver ler in vwar sa sityasyon in bloke, in met son transpor, in pran detrwa fey, detrwa ros, in blok sa de landrwa, in bar bann trafik ki pe vini, in call lotorite konsernen, akoz ki ti kapab arive !  en manm piblik, en touris i kapab tonm dan sa trou e ti pou ganny dimal, i ti kapab menm perdi zot lavi Mr Speaker.  Sa i montre ou enn ler ki mannyer Gouvernman, bann Minister, bann antite Gouvernman zot tarde pou zot pran aksyon, ouswa zot esper ler maler, ler sityasyon in arive avan ler ki zot pran, avan ler ki zot pran, zot pran aksyon.  Onorab Lemiel Mr speaker in eksplike leta nou pei.  In donn, konmsi in sum-up en pti pe, past leta Gouvernman Lokal.  In sum up en pti pe leta nou pei ler in demande oli, lekel ki’n pran sa bann lekipman.  I pe koz bann lekipman kot Gouvernman Lokal, ki lontan ti annan sepa konbyen sea boot, ti annan pyos, ti annan lapel, la ozordi pe demande oli sa bann lekipman?  Me Mr Speaker sa i leta nou pei ozordi, partou dan tou Minister, tou antite nou pe demann menm kestyon.  Oli?  Lekel ki’n pran sa bann keksoz ?  Si pa lekipman, si pa sea boot i nou larzan, oli sa bann keksoz?  Parey mon dir Mr Speaker this is leta, leta Gouvernman Lokal, leta sa bann diferan antite dan gouvernman, i leta nou pei ozordi.  I dir lontan tou keksoz ti roz, ti fantastik, la tou keksoz in worst, be lekel ki’n fer tou keksoz worst, be sa Gouvernman US Mr Speaker, se pa lot!  Mr Speaker, annou pa esper ler i tro tar, annou pa esper danze vini, apre pou zot taye.  Annou pa esper inondasyon apre pou nou pou Gouvernman taye ouswa se Gouvernman taye pou deblok drenaz ouswa deblok lanbousir.  Annou pa esper lateras grennen avan ranforsi lateras.  Annou pa esper pye dibwa tonm lo lakaz lo dimoun, tonm lo transpor, tonm lo semen avan nou koupe.  E mon bezwen dir sa, annou pa esper nou pep, met sityasyon lo Facebook avan nou reakte.  Akoz sanmenm sa ki pe arive ozordi.  Telman Gouvernman pe tarde pou dil avek bann sityasyon, dimoun i vin fristre.  Mr Speaker,  ‘’prevention is better than cure.’’  E nou bezwen Gouvernman, tou sa bann antite parey nou’n dir i bezwen prepar zot davans.  E parey plizyer Manm in demande, Lotorite Distrik i bezwen ganny en fon emergency, i bezwen annan en taskforce, e zot bezwen annan bann lekipman neseser an ka okenn dezas, an ka okenn evantyalite dan distrik, e osi dan nou pei.  Avek sa 2 mo Mr Speaker mon pou siport sa Mosyon ki Onorab William in met devan sa Lasanble Nasyonal, akoz i en bon Mosyon.  Mersi Mr Speaker. MR SPEAKERMersi Onorab.  Bon nou ava pran en Break, e nou ava rantre 4.15 pou nou kontinyen deba lo Mosyon ki devan nou.  (BREAK) MR SPEAKER Bon, mon ankor annan 8 Manm lo lalis, pou entervenir.  Mon vwar en 9enm.  Me selman pandan Break nou’n resevwar en pti pe konsern.  Konsern sorti en pti pe kot staf, e nou’n, en Manm Onorab osi tou, ki’n bezwen deplase, Onorab Lemiel, sirtou kote dan Les, dan Sid i annan en pe problenm.  Nou ‘n ganny kontak avek Biro DRDM, zot in issue en ‘’Orange Alert.’’  Malgre ki letan pe eklersi la, me i annan posibilite ankor ki pli tar letan pou re ferm ankor, e nou riske ganny ankor lapli.  An vi osi tou ki nou annan  en pe staff osi tou ki reste dan Sid, mon pou pran desizyon pou nou adjourn Lasanble la, e nou ava kontinyen avek deba demen bomaten.  Sa pou permet bann Manm osi kapab rantre se zot, dil avek, ede avek zot Administrater Distrik and so on.  Pou kapab dil avek sityasyon, e osi tou lo nou kote pou permet staf osi tou kapab rantre se zot safelySo nou, nou pran desizyon pou nou adjourn, e nou ava kontinyen demen bomaten, e mon swete ki napa gran keksoz ki arive, ki pa pe poz okenn danze avek okenn dimoun.  Me selman parey mon’n dir pou le moman, nou konnen Anse Royale i dan problenm, me nou ava, nou ava ekoute taler, nou ava swiv en pti pe – ok ?  So Lasanble i adjourn, e nou ava repran nou travay demen bomaten. (ADJOURNMENT)