::
Home » Verbatim » 2019 » Verbatim Wednesday 27th March, 2019

Verbatim Wednesday 27th March, 2019

NATIONAL ASSEMBLY OF SEYCHELLES

Wednesday 27th March, 2019

The Assembly met at 09am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab.  Bonzour tou dimoun ki a lekout.  E mon annan en bonzour spesyal pou nou 2 guest ki anler dan Gallery, ki’n vini ozordi pou swiv travay Lasanble Nasyonal.  Bonzour e welcome.  Si zot pou reste ziska break, pandan break zot a kapab pran en dite avek nou.

E mon a envit bann Manm osi tou pou kapab annan en dyalog avek zot.  Bon nou pou kontinyen nou travay kot nou’n kite yer. E yer nou, nou, Lasanble ti pran en desizyon pou nou al dan staz komite.  Kot nou pou envit 2, 2 zofisye Departman Finans ek Trade,  ki pou vin donn nou en pti pe lesplikasyon, lenplikasyon sa Trete – sa Lagreman ki Lasanble Nasyonal pe ganny demande pou ratifye.  Alor mon a demann Parliamentary Reporter pou apel le 2 zofisye.  Bon, mon’n ganny enformen Mr and Mrs Vidot.  2 guest ki’n, 2 manm piblik ki’n vini pou swiv travay.  Me parey mon’n dir taler dan break bann Manm i, feel free pou zot join nou ek en tas dite pou nou enterakte.  Sarge ou ava bouz Mace,  pou nou al dan Staz Komite.

Bon mon pa pe anvizaze ki sa Sesyon Enteraksyon pou long. Nou  ava zis permet bann Manm ganny en pti pe bann klarifikasyon, bann lesplikasyon lo, petet lenpak e enplikasyon sa Ratifikasyon ki Lasanble pe ganny demande pou fer.

Bon mon ti a kontan dir bonzour e welcome le 2 zofisye ki sorti kot Minister Finans.  Trade Investment Economic Planning.  Sa se Sekreter Prensipal pou Trade.  Ms Cillia Mangroo.  E Chief Negotiator Trade Agreement Mr Charles Morin.  Ms Mangroo, Mr Morin bonzour e welcome dan Lasanble Nasyonal.

Petet mon sizere si enn ant le 2 zofisye i kapab zis petet donn nou en pti brief lo si zot aware of sa Lagreman.  Donn nou en pti brief, pa long e apre bann Manm i a kapab demann kestyon.  Oubyen bann Manm i oule antre direkteman pou demann klarifikasyon?   Mon ava demann Onorab De Commarmond.

 

HON CHARLES DE COMMARMOND

Mersi Mr
Chair.  Bonzour Mr Chair, bonzour Mr Morin, Ms Mangroo.  Ankor enn fwa welcome.  Mon krwar nou devret al direk dan Sesyon Demann Kestyon.  Yer nou’n eksplike. E sa Lagreman aparaman mon aprann ki in ganny eksplike 2 fwa avek bann Manm Parlman, menm dan IAC in ganny eksplike.

So mon krwar si zot annan bann kestyon, bann konsern, keksoz ki pa kler ankor pou zot, zot demande.  Annou pa perdi letan plis ki sa.  Mersi.

 

MR SPEAKER

Sa bann konsern ki’n leve, ki’n leve yer, ok?  Pa problenm.  Manm ki oule komanse, Onorab Afif.

 

HON AHMED AFIF

Mersi Mr Chair.  Bonzour Mr Morin, Bonzour Cillia, Ms Mangroo.

Mon premye kestyon mon ti a kontan demann zot, se o size sa Lagreman ki devan nou pou ratifikasyon, ki pou lenplikasyon ratifikasyon par Sesel, etandonnen ki nou’n deza dan en Lakor avek European Union li menm?  E ki pou lenplikasyon sa desizyon sirtou lafason European Union, pou panse, letan ki prezan zot pe war nou pe al fer en Lakor separe avek L’ Angleterre.

Eski i pou annan konsekans?  Eski i pa konsekan ditou?  Ki bann konsiderasyon ki zot, zot krwar pou annan lo nivo EU?  Mersi.

 

MR SPEAKER

Mersi Onorab Afif.  Ms Mangroo.

 

PS CILLIA MANGROO

Mersi Mr Speaker.  Mersi Onorab Afif.  Bonzour tou dimoun, Manm, le spektater.  Sa Lagreman zis pou remind Mr Afif ki nou deza annan en Lagreman avek UK.  Selman i form par avek sa Lagreman ki nou annan avek Linyon Eropeen.

So basically sa ki nou pe annan ek li, i menm keksoz ki nou deza annan avek ler i ti form par, ler i form par Linyon Eropeen.  So i pa pou sanze.  I pa pou en problenm avek Linyon Eropeen, akoz avan ki ti kapab vin koz ek nou, e nou osi koz ek zot, zot ti demann laprouvasyon avek Linyon Eropeen.  Linyon Eropeen i okouran ki L’ Angleterre i bezwen kit son bann Lagreman ki i ti annan ler i ti form par Linyon Eropeen i bezwen kontiny avek.

So zot ti ganny laprouvasyon Linyon Eropeen pou zot kontiny sa bann Lagreman e pou zot al koz ek sa bann pei ki zot deza annan Lagreman pou le moman, pou zot fer sa transposition.  Mon pa konnen si mon’n fer mon lekor en pe pli …?

 

MR SPEAKER

Ok, mersi Ms Mangroo.  Onorab Bernard Georges.

 

HON BERNARD GEORGES

Mersi Mr Speaker.  Mr Chair.  Mon kestyon pou Ms Mangroo avek Mr Morin i sa bann kestyon swivan.  Premyerman.  ESA, Eastern and Southern Africa –  lekel  ki’n mazin sa grouping spesifik?  E ki lyen oubyen ki overlap sa grouping i kapab annan, avek bann lezot groupings ki annan menm pei?  Tel parey COMESA, SADC ki South African Community, eksetera.

E dan sa context, akoz ki L’ Angleterre in swazir pou li annan Agreement separe avek par egzanp, Kenya, e ki pa’n dan menm konteks.  2enm, 2enm kestyon se sa;  Etandonnen ki L’ Angleterre pa sir lo son sityasyon,  right now, ozordi ki zot pe al vote, lo en seri pozisyon ki zot kapab pran vizavi European Union.  Nou konpran tre byen ki si zot deside pa Brexit.  Sa agreement pa pou annan okenn lefe.  Me etandonnen ki nou pa konnen dan ki pozisyon si zot sorti zot pou ete.  Si zot pou reste dan en Customs Unions, si zot pa pou reste dan en Custom Unions, e si zot reste, ki, ki pou scope sa Custom Unions?

Ki mannyer eski nou kapab satisfer nou lekor ki si nou ratifye sa Agreement ozordi,  ki i pa pou annan en problenm demen, si zot, zot deside lo en form Brexit ki nou, nou pou pa’n kapab antisipe?

Oubyen ki zot relasyon avek Linyon Eropeen i enn ki afekte sa, sa dokiman?   Trwazyenmman, si ou permet mon Mr Chair, ki mannyer nou, nou kapab garanti ki si nou tonm dakor avek, avek Royaume-Uni lo sa propozisyon, e ki nou ratifye sa.

E ki demen Royaume-Uni i deside annan en relasyon avek Linyon Eropeen,  ki nou pa’n antisipe, e ki al kontrerman a, sa Agreement, ki nou pa pou sibir en konsekans negativ avek Linyon Eropeen, akoz nou’n antre dan sa relasyon avek Royaume-Uni.  Mersi Mr Chair.

 

MR SPEAKER

Mersi Onorab Georges.  Ms Mangroo.

 

PS CILLIA MANGROO

Mersi Chair. Pou ou premye kestyon an regar avek ESA grouping.  Ler mon pou al en pe dan teknik, en pe dan listwar ki nou ti annan avek Linyon Eropeen.

In the past nou ti annan en Lagreman ki ti apel Cotonou Agreement ki Linyon Eropeen ti donn nou, ti donn bann pei   ACP, Lafrik, Caribyen ek Pasifik,  lakse preferansyel dan son marse.  Selman i ti ganny problenm avek bann pei Latin.

Zot ti anmenn li en case against li dan VTO.  E pou sa nou ti bezwen prezan negosye en Lagreman avek Linyon Eropeen as ACP group pou nou kapab donn en Fair Free Trade Agreement pou nou kapab kontinyen ganny akse preferansyel.

Dan sa Free Trade Agreement nou osi nou ti bezwen donn en pe keksoz. Selman Linyon Eropeen li, i ti donn 0 poursan quota free, Duty Free, pou tou bann prodwi.  Sesel ek bann lezot pei zot, zot ti kit en pe lalis exclusive ki pa ti ganny tir tax lo la.  Customs duty.

Selman vi ki Linyon Eropeen nou pa ti pou kapab negosye as Lafrik, Karibyen, Pasifik,  nou ti  bezwen al dan bann rezyon.  So Karibyen li i ti annan son caricom ki ti en, en, en Custom Unions.  So ti’n al sa, Pasifik ti annan pou li.  Lafrik nou annan 55 pei, so nou pa ti pou kapab al 55 pei a sa moman, etandonnen ki nou ti deza dan bann regional blocks.

E zot, zot ti pe promot regional intergration.  Ler nou ti pe negosye, nou ti pli dan COMESA, akoz SADC nou pa ti tro pe …  mon krwar ti annan problenm finansyel.  So nou pa ti tro ladan.  So of course nou ti al ek COMESA.

Dan COMESA ti annan bann pei parey Tanzania, ti deside al avek SADC, depandan lo ki mannyer i pli ti pli pre.  Swaziland i ti dan en Custom Unions avek sa kou.  So i ti bezwen al avek sa kou ek SADC.  Kenya li i ti’n konmans fer en Custom Unions avek Uganda, Burundi.

So li i ti al koman Eastern Community of AfricaSo this is why nou annan ESAESA i pa zis sa 5 pei ki mon’n tann pe koz lo la yer.  I ti annan plis pei.  I annan L’Ethopie; i annan tou bann lezot pei.

E selman zot, zot ti pe ganny benefis anba everything but Arms.  Akoz zot ti bann least developed countrySo least developed country li i ganny akse avek Linyon Eropeen.  I pa en Lagreman, selman i en understanding ki whilst you are a least developed country, anything pou antre dan nou pei, eksepte bann Arms a 0 poursan.

Sa i pa en bon keksoz pou zot, akoz nenport ler Eropeen i kapab deside pou tir sa.  E nou, nou pa ti tonm dan sa kategori.  Nou Maurice nou pa ti tonm dan sa kategori.  Zimbabwe ti anba sanksyon.  Madagascar ti anba sanksyon.  So sa 4 pei ti deside pou zot sinyen, akoz nou ti bezwen protez nou lendistri.

E se pou kwa ki nou annan sa ESA.   E mon krwar mon’n eksplik sa overlapping.  Sa separate Agreement mon’n eksplike akoz Kenya i annan sa separate Agreement, li akoz i ti dan sa Economic Eastern Community of Africa.  So sanmenm sa li i pa dan ESA.

E yer mon krwar si mon’n tann byen, zot ti fer referans ki, ki Kenya i annan en Lagreman separe ki pli byen avek L’ Angleterre.  Selman i pa pou, si i annan ki pou nou, nou deza ganny Duty Free avek Quota  Free access pou L’ Angleterre.

So when it comes to goods, zot pa pou ganny pli bon ki nou.  There’s nothing better than Duty Free Quota  free.  Plus si i annan en Lagreman ki i pe gannyen avek Kenya, pou fer avek goods and services, i pou bezwen donn menm zafer Uganda, Burundi, la Tanzania ek Ruanda akoz zot pa travay ek Custom Union.  E osi si mon’n tann byen, ou’n fer resorti avek CFTA? CFTA, as the code of Africa, akoz i pa … Well pou le moman Sesel i pa form par of any Custom Unions.

So nou, nou pa ganny forse pou nou al as a block of Africa.  E i pa dan nou lentere pou nou al koman en Custom Unions.  Akoz en Custom Unions li si ou annan en Lagreman, en Free Trade Agreement then you can have 0 percent trading.  Selman zot pou met bann o tarif.  Parey 25poursan.

E si nou antre dan en Custom Unions, nou pou war keksoz ki la pe antre Sesel at 0 poursan,  i pou mont 25 poursan.  So i pa dan nou faver pou nou al towards en custom union.  E nou pa oblize pou nou negosye as Lafrik antye, akoz parey mon’n dir, nou, nou en Sovereign State  pou le moman, ki mannyer nou ete dan African Union.

Ler i ariv kot UK zis pou zis pou mon anonse la avek bann Manm.  UK  li, sa Lagreman ki nou pe debat lo la ozordi, in pas dan son Parlman le 14 Mars.  Zot in fini scrutinize, zot ti vini fer rules, e zot in ganny Lagreman pou ratifye.  Selman sa ratification instrument pa ankor ganny sinyen.  E i pou pran lefe ler both parties Sesel avek UK i exchange the ratification agreement –  the instrument. 

So pou nou osi kantmenm si zot aprouv sa or not, it would only take effect ler nou osi nou depose the ratification instrument ki dan mon pwennvi, Foreign Affairs li ki pou bezwen fer sa ratification instrument.  Si UK i dan en customs union avek EU, zot pou still pe, pe trade ek nou lo menm baz ki zot pe trade right now.

Akoz en Custom Union ou pou bezwen swiv the trade bays rim of EU.  Selman i dan nou lentere pou nou annan sa papye, sa ratifikasyon ganny pase dan Parlman;  ki anything ki happened nou kapab fer sa instrument e then nou,  kantmenm 1 zour oubyen 2 zour, nou pa ti a kontan si nou annan bann dimoun, zot in anvoy zot cargo, zot container pe asize lo Por, e zot pou bezwen pey tax ki o dan plas 0 poursan.  So as soon ki nou konn en keksoz, akoz once ki nou fer sa nou, nou pou bezwen exchange sa lenstriman.  So either nou pou anvoy by DHL, oubyen nou bezwen fer en dimoun fer isi.  Selman zot in endik nou ki zot, ki nou pou bezwen fer li UKSo nou pou bezwen anvoy sa lenstriman vitman.

E mon pa anvi en sityasyon ki i annan en container in ariv lo Por, e nou pe ganny dir ou bezwen pey 24 poursan, akoz prezan ki la nou pe al anmenn sa to the Parliament.  Apre nou pe al draft the ratification instrument. 

So mon pa konnen si i annan en lot kestyon ki’n ganny demande ki mon pa’n reponn?

 

MR SPEAKER

Mersi Ms Mangroo.  Onorab Georges.

 

HON BERNARD GEORGES

Mersi Mr Chair.  Mersi Ms Mangroo pou en lesplikasyon byen detaye,  ki satisfer bokou mon bann konsern.  Eski, eski mon sel konsern ki reste, se sa 1.  Eski etandonnen ki L’ Angleterre, Royaume-Uni pa ankor deside,  ki i pou fer, e i pou i pou komans sa desizyon ozordi, e nou, nou pe ganny demande pou ratifye sa, avan ki li i desid pou li menm.  Eski i annan okenn posibilite?  E si wi, dir nou lekel – ki, si Gouvernman Royaume-Uni i pran en desizyon, ki al, al an kont sa ki nou pe al ratifye, pe ganny demande pou ratifye ozordi.

Eski i annan en posibilite ki nou, nou pou war nou lekor  dan en sityasyon kot nou pa’n antisip en keksoz e nou’n war, nou’n ganny bloke vizavi okenn lezot trading partners, akoz nou’n  antre dan sa dan sa  EPA.

 

MR SPEAKER

Mersi Onorab Georges.  Ms Mangroo.

 

PS CILLIA MANGROO

Mersi Chair.  Nou pa pou ganny okenn problenm vizavi Linyon Eropeen.  Akoz napa sanzman ki nou’n donn – napa keksoz ki nou’n donn an plis UK, ki nou’n donn Linyon Eropeen.  So basically i en transposition.

I pa ti en negosyasyon dan sa.  I ti zis en transposition, ti en technical transposition sa ki nou annan deza avek EU. Nou’n pran nou’n met li avek UKSo i pa en sanzman.  Sel sanzman ki nou annan, parey ti ganny dir yer, nou’n ganny, lo automatic derogation, nou’n ganny 2520.

Ki on top of sa 3000 ki nou’n gannyen avek EU.  Apre nou’n tir referans avek bann overseas territories, ki pa tonm anba UK, ni anba sa bann ESA states.  Parey  La

Reunion,  … South, So tousala in ganny tire dan Lagreman.  Apre en lot keksoz ki dan Lagreman i ki, ler nou fer culmination ki si nou aste okenn pwason, pa zis bann pwason ki ganny aste by IOT, bann lezot processing company Sesel ki aste by-catch.

Si zot aste avek en bato ki flag EU, zot pou meet the rules of origin.   So sa i dan nou lavantaz, akoz L’ Angleterre nou napa bato ki pe lapes kot nou.  So i bon si nou’n kit sa.  So parey mon’n dir, going back pou ou, ou kestyon, napa gran keksoz ki’n ganny sanze.

Akoz right now UK pe ganny menm keksoz la anba son Lagreman avek EUSo si zot sorti sa Lagreman i reste.  I pa en keksoz nouvo, e i pa en keksoz ki  pou against sa ki zot annan avek EU.  I  mon devwar koman Gouvernman, pou fer sir ki mon sofgard private sector dan mon Trade Department, e pou nou vi ki L’ Angleterre in fini fer son bout li, in fini pas kot Parlman sa Lagreman.

Zot fini scrutinized, zot in ok avek.  Prezan i nou devwar prezan Sesel pou nou fer parey.  Selman parey mon’n dir, as long ki sa ratification instrument is not exchanged, it would not take effectSo i kapab ganny kit la, si zot al dan en Custom Union then this would kick in.  Selman kantmenm si zot al en Custom Union avek EU, nou pou still bezwen annan en Lagreman separe ek zot.  Akoz Custom Union i avek EU.

Akoz Turkey tou i annan menm zafer.  Turkey ti anvi fer en Lagreman separe avek nou.  So whatever happens, nou bezwen fer sir ki nou pe sofgard nou sekter prive.   E i pa zis IOT, nou annan lezot dimoun ki pe eksport kot UK.  Nou annan bann dimoun pe eksport labwason.

I annan bann beauty products, cinnamon products.  Nou bezwen fer sir ki tousala i reste.  E zis pou fer remarke ki 27 poursan sa ki nou eksport to the European market i al pret the UK market.  E dan 28 pei, si  27 poursan volume i al zis dan UKIt’s quite en gro poursantaz.  Pa konnen si mon’n reponn ou kestyon?

 

MR SPEAKER

Mersi Ms Mangroo.  Onorab Georges.

 

HON BERNARD GEORGES

Mersi.  Mon pa oule monopoliz sa deba, Mr Chair.  Mon annan zis en dernyen pti kestyon.

Konfirmen Ms Mangroo oubyen Mr Morin, ki si pwason i sorti Sesel, e konmela i pe al Rotterdam, epi apre i pe al Royaume-Uni –  la prezan si i pe swiv menm traze, nou pa pou annan, nou pa pou an defo avek nou bann, nou bann prensip rules of origin.

 

MR SPEAKER

Mersi Onorab.  Ms Mangroo.

 

PS CILLIA MANGROO

Si mon’n konpran byen pou lemoman la, si en pwason ki’n meet rules of origin i al Rotterdam?

 

MR SPEAKER

Yes, Onorab.

 

HON BERNARD GEORGES

Wi, si en komodite i sorti Sesel i al Lerop, Royaume-Uni en parti Lerop.  Apre from there i al, i al Royaume-Uni;  i en sel, i en sel antite.  Me la prezan si nou pe swiv menm prosedir e i al i al i al Lerop avan, epi i ganny transship pou al L’ Angleterre.

Eski nou pou an defo lo rules of origin oubyen non? Oubyen still i pou, i pou still, nou pou still kapab dir ki the origin is Seychelles?

 

MR SPEAKER

Mersi Onorab. Ms Mangroo.

 

PS CILLIA MANGROO

Ok, mersi Chair.  I pa pou an defo li akoz i pou swiv menm rules of origin parey mon’n dir.  E nou’n fer sir ki nou’n met ladan ki any pwason ki ganny aste avek en bato, ki ganny flag Sesel oubyen European Union, i pou met rules of origin in UK.

So kantmenm si i transship, transshipment is not a point of origin.  The point of origin i kot in ganny fer.  So i pou annan en certificate of origin ki pou al avek sa confinement, e prezan li from there ou pou war ki i sorti Sesel.

 

MR SPEAKER

Mersi Ms Mangroo.  Mon ava donn laparol Onorab Churchill Gill.

 

HON CHURCHILL GILL

Mersi Mr Speaker.  Bonzour Mr Speaker.   Bonzour PS avek Mr Morin e tou Manm.  Mon kestyon i lo kote konteni sa dokiman.  Eski Lagreman egzistan avek UK an term konteni i egzakteman menm parey, word to word, clause to clause?  Sa  enn  ki nou pe al ratifye, vi ki L’ Angleterre ti vwar li bezwen al rod permisyon avek Linyon Eropeen avan ler zot travay lo sa dokiman.

Sa kestyon se pou asire ki konteni i annord, e ki Sesel pa santi li pli tar pe fer fas avek okenn sityasyon ki petet, i a koz en problenm pou sa biznes, sa tranzaksyon ki nou pe fer avek UK.   Mersi.

 

MR SPEAKER

Mersi Onorab.  Ms Mangroo.  Mr Morin ou osi ou kapab entervenir.   Ms Mangroo.

 

PS CILLIA MANGROO

Mersi chair.  Mersi Onorab pou ou kestyon.  Sa Lagreman i, parey mon’n dir, en transposition.   Selman i pa pou word for word, akoz nou’n bezwen tir en pe referans avek European Union.   So i, i nepli dir European Union, i pou dir ESA avek UK.

Apre parey mon’n dir, ladan ti fer referans avek bann overseas territories, of sa bann pei.  Nou bezwen tir La Reunion, akoz La Reunion pa tonm anba L’ Angleterre, ni anba Sesel or Maurice.

So nou’n bezwen tir bann referans ki, ki ganny fer avek Linyon Eropeen.  E nou’n zis ranplas li zis avek UK.  So napa gran diferans.  E zis pou fer remarke ki Sesel i annan tou dwa fer Lagreman avek nenport pei ki anvi.  E Linyon Eropeen sel keksoz ki i demande, si i pa en pei, ki least developing.  Oubyen dan Lafrik.

Si nou’n donn en keksoz an plis sa pei, in terms of market access, then nou bezwen donn zot menm parey.  Selman i pa anpes nou annan okenn Lagreman avek okenn pei.

 

MR SPEAKER

Mersi Ms Mangroo.  Onorab Gill.

 

HON CHURCHILL GILL

Baze lo sa laprouvasyon ki UK in bezwen demande, e prezan sa bann sanzman ki nou pe fer ladan –  eski nou, nou asire lo nou kote ki nou pou annord ler nou’n fini avek sa, i egzakteman bann keksoz ki pa pou anpay nou, ler nou kontinyen nou bann lezot biznes avek Linyon Eropeen ki UK pa form par ladan.  Mersi.

 

MR SPEAKER

Mersi Onorab.  Ms Mangroo.

 

PS CILLIA MANGROO

Bon, laprouvasyon ki UK in demann EU, i pou li kapab fer sa transposition exercise.  Akoz once ki ou dan en Custom Union ou pa kapab as en pei sovereign ale al negosye ou tousel bann Trade Agreements. 

So tou negosyasyon ki ti ganny fer UK, i ti pe fer as European UnionSo the Commission ti ale ti al negosye on the behalf of the members states.  Pou nou i diferan, akoz nou pa bezwen permisyon personn.

Selman nou’n zis parey mon’n dir, si nou donn plis en pei ki’n devlope, nou bezwen donn menm zafer avek EU.  UK li son permisyon ki i ti demande, se pou li kapab al fer sa bann transposition, pou fer sir ki in in whatever ki keksoz ki arive, i pou still kapab kit son market access, e son bann dimoun ki annan historical ties avek, i pou still kapab access son market.

So bann sanzman ki nou’n fer very technical.  Akoz kantmenm si nou ti pou anvi kit keksoz parey ti anvi, nou pa pou kapab en keksoz bilateral fer referans avek European, ki selman i avek UKSo nou ti bezwen tire sa.

E European osi i pa pou oule si nou annan en Lagreman avek UK,  son non i partou, oubyen ou war La Reunion, oubyen ou war … South, oubyen St Martins.  Mersi.

 

MR SPEAKER

Mersi Ms Mangroo.  Onorab Jean-Francois Ferrari.

 

HON JEAN-FRANCOIS FERRARI

Mr Speaker mersi, me bann leksplikasyon Ms Mangroo, i tre kler, alors mon ava pas laparol.  Mersi.

 

MR SPEAKER

Mersi Onorab Ferrari.  Onorab Egbert Aglae.

 

HON EGBERT AGLAE

Mersi Mr Speaker.  Bonzour PS avek Mr Morin, e tou dimoun.  PS enn dan ou interview resan ki ou ti fer avek News Agency, ou ti fer resorti, vi ki la nou le 27 Mars, e ou ti fer resorti ki nou bezwen ratifye sa by le 29 Mars.

So nou annan en, nou pe zwe ek en pe letan ase, ase kourt la.  E ou ti menm fer resorti ki si UK i sorti avek en ‘’No Brexit Deal’’ i pou annan serten konsekans lo nou, si nou pa ratifye sa ase vitman.

Now, ki sa i vedir dan ou prop, petet dan term.  Seselwa i anvi konpran sa li ki pe ekoute deor.  Ki sa pe vedir dan term Kreol menm, pou Sesel?   Ki nou riske perdi, ouswa ki nou riske petet war nou dan bann sityasyon ki vreman difisil?  Mersi.

 

MR SPEAKER

Mersi Onorab.  Ms Mangroo.

 

PS CILLIA MANGROO

Bon, mersi Chair.  Ler nou ti fer sa prezantasyon UK ti ankor lo son deadline le 29 Mars.  Selman apre ki Parlman ti demande ki i annan extension, sa Prime Minister ti bezwen ale demann en extension EUEU in donn 2 extension.

Le 12 Avril, avek le 22 Me,.  Le 12 Avril si nou pa kapab agree lo en, en Deal, apre le 22 Me si zot in agree.  Lo mon pwennvi pou mwan Linyon Eropeen pa pou bouze ankor dan extension.  Sa dernyen, dernyen extension ki zot pou gannyen.  So i nepli le 29 Mars, i le 12 Avril.

E nou ansanm avek the UK government’s side, nou pe travay lo sa 12 Avril.  Selman i enportan ki nou, nou, ganny laprouvasyon Parlman dan sa semenn, pou nou kapab fer sir ki nou’n fini organiz nou lekor, ler i vin lo sa lenstriman ratifikasyon.

Lo kestyon, si i annan en ‘’No Deal,’’ prezan nou, nou pa’n ratifye, nou pa’n fer sa resanz.  At the moment, zis mon pou servi IOT akoz li ki the main exporter, kantmenm si nou annan bann lezot dimoun pe export bann, to the UK avek European Union.  At the moment nou pe anvoy nou bann can tuna at 0 poursan kot UK.

E son MFN rate i sa ki zot sarz dimoun ki zot napa en Lagreman free trade avek, zot pey 24poursan customs dutySo lo 24poursan customs duty nou pe ganny en strong competition from Ecuador avek Thailand.

Akoz zot overhead cost i pli ba, zot labour cost i pli ba.  Preski to keksoz i pli ba ki pou nou.  Selman nou, nou lavantaz se, se ki nou pwason i zis an deor IOT, so i pli fasil pou nou.  Be selman si nou pou compete lo 24 poursan, i pou very detrimental pou IOT.

Akoz i pa pou competitive konpare avek bann lezot pei.  So sa 24 poursan i en buffer pou nou,; ki i pe fer nou vin en pe pli konpetitiv, ki nou kapab akse sa marse pli byen ki zot.  Me selman si i annan en ‘’No Deal,’’ e nou, nou napa en Lagreman avek UK, then nou pou bezwen anvoy nou, nou, nou pwason pou bezwen pey 24 poursan ler pou ganny clear dan, at Customs.  Mersi.

 

MR SPEAKER

Mersi Ms Mangroo.  Onorab Aglae.

 

HON EGBERT AGLAE

Zis pou demann ou PS.  Eski dan sa 2 senaryo ki ou pe met devan la, zot in fer en pti kalkilasyon, petet an term reveni, between loss ouswa si, si pou annan loss ouswa gain, petet an term pou lakonpannyen, sirtou pou IOT?  Mersi.

 

MR SPEAKER

Mersi Onorab.  Ms Mangroo.

 

PS CILLIA MANGROO

Mersi Chair.  Nou, nou pa’n fer en, en kalkilasyon.  Selman sa i pou IOT.  Selman i pou en huge loss.  Akoz i pa zis pou IOT, i pou foreign exchange ki pe vin dan pei.  IOT osi i servi en ta services an deor son, son factory.

Par egzanp transpor, i servi housing, i aste manze pou son bann travayer.  So i pou afekte lekonomi, signifikan.   Be selman parey mon pe dir, si ou sorti 0 poursan ki ou pe antre L’ Angleterre, prezan ou bezwen compete lo 24poursan, ou pou perdi market trend.  Mersi.

 

MR SPEAKER

Mersi Ms Mangroo.  Onorab Ramkalawan.

 

HON WAVEL RAMKALAWAN

Mersi Mr Speaker.  Bonzour e bonzour mon vwazen.  Mr Speaker ankor en fwa mon osi tou mon anvi dir mersi bokou Ms Mangroo, bann lesplikasyon i kler.  E finalman sa ki ou pe dir avek nou, se sa Lagreman, se dan en serten sort nou pe prepar nou nanm an relasyon avek Brexit, so that whatever happens nou, nou’n prepar nou nanm.

Mon anvi ganny sa premye konfirmasyon, ki vedir nou kapab ratifye sa, e si demen L’ Angleterre li i deside fer en 2enm Referendum pa sorti dan Linyon Eropeen, sa vye Lagreman avek Linyon Eropeen   i kontinyen, alors nou pa perdi nanryen.  Sa i zis en preparasyon?  Fantastik.

Dezyenmman, eski zot in swiv en pe sa bann lezot pei ki ti siny sa Lagreman le 31 Zanvy?.  Parske la ou’n nonm, ou’n nonm nou L’ Angleterre, ki mannyer L’ Angleterre in fer tou bann preparasyon pou met devan Parlman, parski definitivman zot pa ankor ratifye,  parske lo son Lagreman menm in mete klerman, ki pou dir ,’’The agreement has not been ratified by the United Kingdom.’’ Me selman ou, ou’n, ou’n reasir nou ki pou dir tou bann prosesis pe ganny fer, ensidswit.  So what about  dan bann lezot pei ki ti, ki ti sinyen sa zour,  ki staz ki zot in arive? si ou annan sa lenformasyon.  Mersi bokou.

 

MR SPEAKER

Mersi Onorab.  Ms Mangroo.

 

PS CILLIA MANGROO

Mersi Chair.  Zis pou konfirmen ki wi, parey ou’n dir nou bezwen prepar nou lekor, so sa i zis en preparasyon, whatever happens nou konnen nou ok.  Pou bann lezot pei, Madagascar pa ti sinyen li, akoz ler nou ti’n fini fer tou transposition i ti pe al fer Eleksyon.

So zot pa ti anvi sinyen ziskan ler Eleksyon i fini.  Selman zot dan prosedir sinyen.   Maurice li zot ti pe, ler mon ti, ti annan en miting an Fevriye, zot ti enform nou ki zot pou fer provisional application.  Zot.  Akoz zot pe pli degaze ki nou, pou zot fer sa.

Nou ler mon ti tyek avek Attorney General nou pa kapab fer sa dan nou Lalwa.  Provisionally apply en keksoz ki pa’n ganny ratifye akoz i en Lagreman.  So zot, zot annan sa, sa opsyon ki zot in fer mon konnen ki si L’ Angleterre i pa’n fini son proze; parey mon’n dir le 14 ti pase dan Parlman.  Sa Lagreman ki ek zot la, i sa ki ti sinyen le 31 Zanvye.  So zot, zot in fini pas sa le 14 Mars.  So prezan son ratifikasyon i lib pou ganny fer, akoz ler nou pou fer sa exchange of instrument.

So Maurice li i ok, akoz zot kapab fer provisional application of the agreement.  Zimbabwe nou pa ankor tyeke.  Comores li in fek antre.  So probableman li i pou fer son ratifikasyon apre.  Akoz menm in fek konmans son prose avek Linyon Eropeen.  Pou li pli fasil akoz i en least developing country.

Parey mon’n dir pou ganny anba everything but Arms, so kantmenm si i pa pe fer sa Lagreman i pou still benefisye anba everything but Arms.  Mersi.

 

MR SPEAKER

Mersi Ms Mangroo.  Onorab Ramkalawan.

 

HON WAVEL RAMKALAWAN

In fact, in fact sa ki sa ki Ms Mangroo in dir nou an relasyon ek Maurice, son sistenm definitivman son sistenm Parlmanter i diferan, parski, once ki zot siny en keksoz an prensip, i vin koman en ratifikasyon.  Parski i ganny fer par Cabinet, instead of bezwen anmenn li devan Parlman pou li ganny ratifye.

Be Mr Speaker mon krwar ki sa bann lesplikasyon i kler, e ki nou pare pou nou pran en vot, pou nou ratifye sa Lagreman.  Mon pa ti la yer apre midi, mon pa konnen si, si zot in sanze sa mo, ‘’aprouve’’ pou met ‘’ratifye.’’

Be si sa – mon lo nou kote nou ti ava remersi Ms Mangroo e Mr Morin, pou sa bann leksplikasyon kler.  Mon krwar i ti tre enportan, parski la prezan, nou tou nou konnen egzakteman kot nou, kot nou debout.  Mersi bokou Mr Chairman.  Mersi bokou.

 

MR SPEAKER

Mersi Onorab.  Mon annan ankor 2 Manm ki’n, ki’n alert mwan pou en pti query, en pti kestyon, mon ava pas laparol avek Onorab Johan Loze.  Apre Onorab Bernard Georges.  Onorab Loze.

 

HON JOHAN LOZE

Mersi Mr Chair.  PS mon ti a kontan si ou kapab reasir mwan koman en o zofisye dan L’ Egzekitiv, ki ou konpran, e ou apresye rol oversight Lasanble Nasyonal Sesel, vizavi L’ Egzekitiv?  Akoz yer lenformasyon ki’n sorti, se ki vizavi sa dokiman, Lasanble pa’n ganny okenn sight, pa’n ganny okenn lesplikasyon ki personnelman mon pa santi ki sa i en keksoz byen.

E ki L’ Egzekitiv i devret respe drwa e privilez Lasanble Nasyonal, pou annan oversight.  E sirtou dan sa lenstans mon krwar IAC ti’n devret ganny sight of the document; ti’n devret ganny enteraksyon avek ou e ou bann zofisye, e resevwar lesplikasyon.  Mersi Mr Chair.

 

MR SPEAKER

Mersi Onorab.  PS.

 

PS CILLIA MANGROO

Mersi Chair.  So lannen pase 3 fwa nou ti enterakte avek, IAC.  2 fwa ti lo, nou ti donn zot en brief lo bann Trade Agreements tou ki nou ti annan, so nou ti lev sa pwen UK ESA.

Apre an Septanm nou ti konmans demars pou nou prezant, pou nou fer diskisyon ek zot, akoz an Septanm nou ti’n konmans finaliz tou bann transposition pou sa lagreman.  Nou pa ti kapab zwenn avek IAC.

Nou ti demann ankor Oktob, nou pa ti kapab ek Novanm, nou pa ti kapab, selman an Desanm nou ti fer prezantasyon zis lo UK ESA, avek IACSo nou ti fer sa – akoz toultan ler nou annan, e menm mon anvoy brief annan ler, ler mon konnen i annan bann miting ki bann Manm IAC i attend, ki pou annan en lenpak lo trade, nou prepar bann brief nou anvoy kot zot.  E sa nou fer pou tou lede kote for the National Assembly.  Mersi.

 

MR SPEAKER

Mersi PS.  Onorab Loze.

 

HON JOHAN LOZE

Mr Chair, mon kontan ki PS in reasir nou ki, i konpran rol Lasanble Nasyonal e ki i respe rol ki Lasanble Nasyonal i annan pou zwe vizavi avek L’ Egzekitiv.  Mersi Mr Chair.

 

MR SPEAKER

Mersi Onorab.  Yes Onorab Ramkalawan.

 

HON WAVEL RAMKALAWAN

Mr Chairman.  Mwan, mon napa okenn dout ki ou pou dir in annan koze.  Solman  mon anvi zis, baze lo sa kominike ki zot ti fer le 31 Zanvye, e kot i dir ‘’The final work on the text of UK ESA, EPA was completed, followed by the approval of the Seychelles Cabinet of Ministers on the 11th January 2019.’’

Apre ki’n annan sa approval dan sa rapor ki zot annan avek IAC, eski apre sa approval zot in annan en …?  Parski in dir ki pou dir zot in, zot in sa travay final lo son text.  Eski apre le 11 Zanvye, zot in annan en miting avek IAC?  Mersi.

 

MR SPEAKER

Mersi Onorab.  PS.

 

PS CILLIA MANGROO

Mersi Chair.  Nou pa ti al kot Cabinet ziska ler nou ti fer sir ki tou keksoz ti ok avek IAC.  Sa ki nou ti prezant avek IAC ti aktyelman the final one.  Akoz toy keksoz ti’n finalize lafen Novanm.

Alors nou ti fer sir ki nou ti meet ek IAC, avan ki nou ti prezant ek Cabinet of Ministers.  So se pou kwa ki ou war Cabinet ti vin apre li.  So nou ti fer sir ki tou dimoun, bann stakeholders ti ganny konsilte, zot pwennvi ti ganny met devan.

Apre ki nou ti prezant avek Cabinet pou nou demande pou nou kapab fer ratifikasyon.  Mersi.

 

MR SPEAKER

Mersi PS.  Onorab Bernard Georges.

 

HON BERNARD GEORGES

Mersi Mr Chair.  Mr Chair mon ti anvi zis fer en, en pti lobzervasyon avek ou permisyon, demann en pti kestyon.  Mersi bokou Ms Mangroo, pou ou bann lesplikasyon tre kler, tre detaye.

Mon sel kestyon ki reste se, etandonnen ki serten bann dimoun ki’n siny bann Agreements parey  dan bann pei, in fer li atraver zot RECS zot Regional Economic Commissions.

EAC ou’n dir nou eksetera, eski, eski nou anvizaze en zour ki olye annan en ESA, olye, olye ki nou group i ava ESA, nou ava servi en bann group ki’n egziste deza, parey COMESA avek SADC, olye annan en miltiplikasyon bann regional groupings.

Sa se mon, mon kestyon.  Me akoz mon pa anvi re demann en lot keksoz apre, mon ti anvi zis pran sa loportinite  Mr Chair avek ou permisyon, pou mwan dir ki etandonnen ki Mr Morin pa’n koz ditou bomaten,  mon ti ava kontan dir ki semenn pase, mon ti rankontre Madanm Beatrice Chau ki Trade Commissioner African Union, e in dir mon ki, parmi tou bann dimoun ki in fer trade negosyasyon avek, sa enn ki pli bon, pli top se Mr Charles Morin.  Mersi.

 

 

(APPLAUSE)

 

MR SPEAKER

Mersi Onorab Georges.  Mon krwar sa non Mr Charles Morin i rezonn en pti pe partou atraver lemonn.  Nou 2 Onorab William ki ti 2 Manm Lasanble dan en 4enm Lasanble ki ti lo bann diferan working groups, interim  MEPAR – WTO –  partou kot nou’n ale, non Mr Morin in rezonnen.  I byen.  Sesel i annan enn son bann garson ki, ki pe travay for, ki pe travay dir.  Bon mon ava pas laparol avek Ms Mangroo pou reponn kestyon Onorab Georges.

 

PS CILLIA MANGROO

Mersi Chair.  An referans avek bann groupings, nou’n deza siny koman en groupings. Selman akoz nou pa en Customs Union, nou’n siny as a Sovereign StateSo i pou mete ESA lo la, selman i pou annan en individual signatories.  So ou pou war Sesel, Maurice.  I pou siny Sesel ek Maurice ek Madagascar.

Dan la rezyon pa tou rezyon dan Lafrik, ki en Custom Union.  Dan sa group nou annan EAC – Eastern African Community.  E zot, zot pou bezwen sinyen, akoz zot en Custom Union.

Nou, kantmenm si nou pou siny konman the grouping Lafrik, nou pou still have en sinyatir pou Sesel.  I pou still vin parey bilateral, selman dan konteks rezyonal.  Mersi.

 

MR SPEAKER

Mersi Ms Mangroo.  Mon krwar avek sa, Mr Morin oule, oule dir en pti parol oubyen …?  Ok.  Bon mon, mon ti a kontan remersi Ms Mangroo avek Mr Morin pou vin pas en pe letan avek nou, pou donn nou en pe klarifikasyon lo dokiman ki devan nou –  ki nou pe ganny demande pou ratifye.  E avek sa mon ava swet zot en bonn fen zournen, e mon ava eskiz zot parmi nou, pou nou kapab kontinyen nou travay.  Ok?   Mr Morin, Ms Mangroo mersi bokou.  En moman, yes Onorab De Commarmond.

 

HON CHARLES DE COMMARMOND

Mersi Mr Chair.  Mr Chair zis avan petet mon al dan Lasanble menm, vi ki zot pe ale, sa 2, mon zis anvi, felisit Ms Mangroo.  Pou mwan i en legzanp kler bann zenn dan Sesel ki zot kapab fer potansyel ki annan.   E nou’n vwar nou tou atraver sa ki i pe eksplike pou dir, i annan kapasite pou fer li, e nou swet li all the best, e kontinyen sa bon travay, travay ekselan ki i pe fer, kot i konsern Seksyon Trade dan Sesel.  Mersi,

 

(APPLAUSE)

 

 

(PS MANGROO AND HER DELEGATION WAS EXCUSED FROM THE HOUSE)

 

MR SPEAKER

Mersi Onorab De Commarmond.  Serge nou ava retourn dan Committee of the whole House.  Bon, nou pou, nou pou bouz lo prosen staz.  Ti annan en pti amannman nou pa ankor, nou pa ankor pran en vot lo, lo sa amannman.

I en amannman avek  ou Mosyon.  Ok?   Eski ou, mon krwar ou’n mansyonnen yer ou aksepte sa lamannman?  I ok?

 

HON CHARLES DE COMMARMOND

Wi Mr Speaker sa ti en …

 

 

MR SPEAKER

I pa en lamannman sibstansyel, zis i lo wording, lo wording.

 

HON CHARLES DE COMMARMOND

Wi nou aksepte, nou ti menm dir ki in future, se sa template ki nou pou servi pou,  bann Lagreman e isi prezan nou le formelman move, napa problenm pou fer li.

 

MR SPEAKER

Annou zis fer li move formel.   Wi. Ok?  Mon ava demann Onorab Georges pou li move sa lamannman.  Onorab.

 

HON BERNARD GEORGES

Mersi Mr, Mr.  Ou Chair la, oubyen ou Speaker?

 

MR SPEAKER

Non, nou’n fini retourn dan Lasanble.

 

HON BERNARD GEORGES

Mr Speaker, mersi.  Mr Speaker mon ti’n propoze ki sa Mosyon i lir comme ça;

‘’Pursuant to Article 64(4) for the Constitution this Assembly resolves to ratify the United Kingdom, UK and Eastern and Southern Africa, ESA Economic Partnership Agreement, signed on the 31st  January 2019.’’  Mersi.

 

MR SPEAKER

Mersi Onorab Georges.  Okenn ki segonde?  Yes Onorab.  Yes Onorab Ramkalawan.

 

HON WAVEL RAMKALAWAN

In fact Mr Speaker, mon ti ava dir Mr Georges ki si i ti ava dakor ki the inverted commas i devret, because the agreement is the ‘’United Kingdom and Eastern partnership Agreement’’, close inverted commas, ‘’signed on the 31st January 2019.’’ Thank you.

 

MR SPEAKER

OkAlright?  Onorab Sebastien Pillay.

 

HON SEBASTIEN PILLAY

Mersi, mersi Mr Speaker.  Mr Speaker mon siport propozisyon lamannman, avek tou bann lorganizasyon, tipografik ki nou bezwen fer.  Mersi.

 

MR SPEAKER

Mersi Onorab Pillay.  Annou pran en vot lo amannman.  Tou Manm ki an faver?  Okenn Manm ki kont?  Non,
Madanm Clerk.

 

MADAM CLERK

Mersi Mr Speaker.  Mon’n rikord 28 Manm ki vot an faver, personn kont.  Mersi.

 

MR SPEAKER

Mersi Madanm Clerk.  Savedir amannman in ganny aksepte par Lasanble.  Mon ava donn dernyen parol pour summing-up loter Mosyon, Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker mon’n apresye, e mon remersye tou bann kontribisyon ki’n ganny fer vizavi sa Mosyon pou ratifikasyon sa Lagreman ki devan nou Lasanble ozordi.

Premyerman i enportan nou tonm dakor lo detrwa keksoz.  (1) se ki, sa template pou next time ki vin dan Lasanble, tel Lagreman ki ganny servi, nou’n tonm dakor pou avoid okenn diferans, okenn lot fason fer.

2enm keksoz ki nou tonm dakor osi lo la, se ki a sak fwa ki annan en tel Lagreman, en tel ratifikasyon, ki bezwen ganny fer devan nou Lasanble, ki bann teknisyen, bann eksper i vini devan nou Lasanble dan Committee Stage pou, pou annan en, en lesanz avek nou, nou ti’n deza konmans fer depi avan, apre ti’n aret en kou.

Me nou pe demande la atraver ki’n, ki’n pase, e yer nou’n koz lo la.  E ki sa i vin en norm, e ki ava avoid okenn keksoz ki pa neseser ensidswit.  E menm ki in pas devan diferan Komite Parlman, so sa i a ganny fer pou, pou nou al pli byen e pli vit, e tou dimoun i ava konpran menm keksoz.

Petet avek sa lot demann ki mon ti ava kapab fer osi, se en pti pe parey FPAC i fer.  FPAC letan nou annan bann tel dimoun expert ki vin devan nou, nou extend sa lenvitasyon avek lezot Manm.  Nou dir vini, at least vin ekoute, kantmenm ou pa partisipe.

Be vin ekoute pou ou konpran ki pe pase, e parfwa dan bann ka eksepsyonnel ki nou le siny la par medya, nou les osi dimoun demann kestyon, bann Manm demann kestyon, mon krwar sete en legzanp e ki nou osi, petet demande ki anba ou gidans sa Lasanble i kapab osi pran sa kalite direksyon dan kad, i annan bann lezot komite letan bann, nou annan bann lagreman, bann keksoz enportan pou, pou diskit lo la.

Mr Speaker mon krwar sa legzersis in enportan.  Mon krwar ki tou dimoun ozordi la i konpran sa Mosyon, ratifye ratifikasyon sa Lagreman par nou Lasanble, i enportan akoz i prepar nou, prepar nou dan sa evantyalite kot si L’ Angleterre vreman RoyaumeUni i vreman sorti dan EU, i pou napa okenn rupture of business i arive sirtou avek nou bann Seselwa ki export, oubyen bann konpannyen Seselwa ki export ver Royaume-Uni.

E pou zot pa al perdi dan custom duty, pou zot al pey 24 poursan.  Prezan, so zot ava benefisye sa ki zot pe benefisye deza atraver Lagreman avek EU.  E sa   kontinite biznes i ava bon, e i ava fer ki an sekirite pou bann private sector ki fer tranzaksyon komers avek Royaume-Uni.

E ratifikasyon sa Lagreman alor, par nou Lasanble i enportan, pou ki i met tou keksoz an preparasyon, pou sa bann evantyalite ki nou pe vwar i kapab arive.  E nou, nou zis priye ki L’ Angleterre dan son bann desizyon laba i i fer li byen, i fer li byen dan son, dan zentere son pep.

E ki keksoz i a kapab pas dan en fason byen e amikal, e ki nou pa perdi.  E,  ki an retour nou osi nou pa perdi akoz zot osi zot in fini, si oule scrutinize sa Lagreman lo kote son Parlman laba.  E parey mon dir, tou sa bann keksoz i la, e pe esper sa desizyon pou prezant ler in fini, i ava annan zis sa exchange lo lenstriman ratifikasyon.

Letan tarif ti pou ganny fer L’ Angleterre menm, parey nou’n ganny eksplike e ki sa i ava formaliz, sa ki nou pe fer la, vin fer li vin otantik, fer li vin anmars.  Tan ki sa pa arive, sa ki nou pe sinyen i zis en preparasyon parey nou dir, e L’ Angleterre osi i osi i pe, in met li pare laba.

Alor se sa ki nou konpran, i devan nou Lasanble.  E mon demann tou Manm pou siport e vot an faver ratifikasyon sa lagreman ki devan nou, pou, pou private sector e komers dan Sesel, kontinyen anba sa bann bon kondisyon ki nou annan avek Royaume-Uni, e pou benefis nou bann, nou private sector.  Mersi bokou Mr Speaker.  Mon a demann tou dimoun pou siport sa Lagreman e vot an faver.  Mersi.

 

MR SPEAKER

Mersi Onorab De Commarmond.  Bon nou ava pran en vot lo Mosyon ki devan nou, pou ratifye sa Lagreman avek Royaume-Uni.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Speaker mon rikord 24 Manm ki’n vot an faver, personn kont.  Mersi.

 

MR SPEAKER

Mersi. Savedir Lasanble in deside, in al an faver pou ratifye sa Lagreman ki devan nou, e ki’n ganny prezante, debat lo la depi yer.  Bon nou ava prezan pran 2enm Mosyon ki lo nou Order Paper.  E mon ava call on Onorab Churchill Gill, pou li move son Mosyon.  Onorab.

 

HON CHURCHILL GILL

Mersi Mr Speaker.  Mr Speaker Mosyon i lir koumsa:

Sa Lasanble pe demann Gouvernman pou fer li obligatwar ki tou housing estate dan pei, i met fire hydrant e osi annan bann assembly point an ka lensidan dife lo housing estate.

Mr Speaker ozordi dan Sesel nou annan 104 housing estate lo Mahé, 3 lo La Digue e 10 lo Praslin, ki fer en total 117 housing estate dan Sesel.  Dan sa bann housing estate i annan anviron 15,700 zabitan.

In kout Gouvernman Sesel bokou milyon pou konstriksyon sa 117 housing estate, e in osi pran bokou letan pou Gouvernman kapab delivre tou sa bann Unit.  I enportan alor ki mon asire, ki tou prekosyon neseser i ganny pran, pou evite ki okenn destriksyon mazer pa arive avek okenn sa bann housing estate.

Pli enportan ankor, pou asire ki okenn dimoun pa perdi zot lavi.  Mr Speaker normalman i sipoze ki tou devlopman lo sa magnitude tel ki, housing estate i devret enkorpor fire hydrant ek assembly point dan Plan Devlopman avan ler ki i ganny soumet kot Lotorite Planning.

E i devwar Lotorite Planning pou asire ki sa pov vizyon i la avan menm ki laprouvasyon i ganny donnen pou sa devlopman pran plas.  Se dan sa lespri ki Mosyon in ganny met devan sa Lasanble.  Pou ki Gouvernman i fer li obligatwar, pou ki tou housing estate dan Sesel i ekipe avek fire hydrant e en landrwa pou assembly point.

Mr Speaker i fer 2enm fwa ki mon anmenn sa size devan sa Lasanble.  Le 3 Zilyet 2018 mon ti diskit sa menm size dan sa Lasanble.  Dapre mon resers ki mon’n fer, dan sa 117 housing estate i annan bokou estate ki napa fire hydrant e assembly point lo Mahé.

Lo Praslin tou le 10 Housing Estate, 5 Baie Ste Anne, 5 Grand Anse,  napa fire hydrant ek assembly point.  Lo La Digue osi napa pou le moman.  Mr Speaker menm si mon ti lev sa size lannen pase, okenn swivi pa’n ganny fer; menm sa nouvo housing estate ki’n ganny allocate resaman Baie Ste Anne napa fire hydrant avek assembly point.

I en konsern tre serye pou nou zabitan ki reste dan sa bann Housing Estate.  Dapre mon resers, mon’n ganny fer konpran ki tou bann unit lo Housing Estate ki ankor anba PMC i lo en, en lasirans.  Sa i byen.

Me i enportan ki PMC i asire ki i konteni kondisyon sa lasirans, i dir dan, dan context ler i annan en dife.  Eski lasirans i kouver?  Eski i annan mansyon lo fire hydrant e assembly point dan sa kondisyon?  I enportan ki sa i ganny pran an konsiderasyon, pou asire ki si demen nou fer fas ek en tel sityasyon, lasirans i garanti pou kapab repar domaz.

Mr Speaker dan resers, mon’n vwar osi ki i annan serten hose reel ek diferan fire extinguishers.  Me sa i valid pou selman 1an, e i devret ganny revalide toulezan.  Me dan serten state i annan ki pa’n, pa’n ganny revalide, i annan ki pa’n ganny konnekte e en pe in ganny vandalizm.

Alors i annan en nesesite reel ki sa size fire safety i ganny pran o serye.  E la mon pe demande ki tou bann lotorite konsernen, avan ki Plan Devlopman okenn housing estate i al kot Lotorite Planning, provizyon pou tou lekipman enportan i deza enkli.

Pou asire ki Minister pe swiv tou bann norm neseser, an retour garanti en estate avek tou lekipman neseser.  Pou osi asire ki demen nou pa vwar nou dan en sityasyon kot nou bezwen pe deal avek bokou problenm konsernan fire hydrant e assembly point dan bann housing estate.  Mon espekte ki Minister konsernen ava pran linisyativ serye, pou asire ki tou sa 117 Housing Estate i ganny ekipe, e tou sa bann lekipman ek tou sa bann lekipman neseser.

E dezormen tou bann nouvo konstriksyon housing estate, ava ekipe parey Mosyon pe demande.  Pou konklir Mr Speaker, nide Mosyon se, se, se pou tou Lotorite konsernen vin pli pro aktiv lo bann mezir enportan, dan tou bann housing estate dan pei e fer sir nou sitwayen i an sekirite an remedye sa bann mankman dan nou bann housing estate.  Mersi Mr Speaker.

 

(APPLAUSE)

 

MR SPEAKER

Mersi Onorab Churchill Gill.  Bon okenn Manm ki segonn Mosyon?  Onorab Paul Ernesta.

 

HON PAUL ERNESTA

Mersi Mr Speaker.  Bonzour.  Mr Speaker mon segonn sa Mosyon e an menm tan permet mon pou mon kapab fer mon lentervansyon.

 

MR SPEAKER

Go ahead Onorab.

 

HON PAUL ERNESTA

Mersi, mersi Mr Speaker.  Mr Speaker zis pou ranforsi, lo kwen ki mover Mosyon in anmennen, i enportan note ki zis pandan sa dernyen 5an, i annan 29 ka dife ki’n anrezistre dan nou bann housing estate.

Mr Speaker dife i en dezas tre danzere.  Personn pa kapab predir kan i kapab arive.  Me letan i arive si i ganny trouve a tan, e depandan son lentansite, e byensir avek bann mezir prekosyon an plas, parey bann fire hydrant, ouswa fire extinguisher e lezot ankor, i kapab ganny met anba kontrol, e anpese ki i kre okenn destriksyon pou lavi ou propriyete.

Mon rapel lannen pase Mr Speaker, letan mon ti ganny en call sorti kot en madanm pou dir mwan ki dife in pran dan son flat.  Me erezman sa ka pa ti grav.  Zis son plafon ki ti ganny afekte.  Sa ka anrezistre lannen pase   i enn parmi bann rar ka kot in annan dife dan blok flat Takamaka.

Bann diferan lensidan dan ka dife, ki’n anrezistre partou dan pei pandan sa bann dernyen lannen i konfirm pwen ki mon’n fer lo konmansman.  Ki dife i kapab arive nenport keler, e nenport ki landrwa.  I kapab ariv lo lanmer, ouswa lo later.

I pa ni get grander, groser e kalite batiman ki ou annan.  E menm si i annan ouswa si napa dimoun dan sa bann batiman.  Ler in ariv ler pou  li pran, i pou pran.  E son konsekans i kapab vreman grav.  I kapab detri tou ou propriyete ki ou’n sakrifye pou ou gannyen dan zis detrwa minit.  E pli fermal ankor sirtou letan i pran lavi dimoun.

Mr Speaker nivo risk i vin bokou pli o, pou bann batiman ki ankonbre e ki annan 1 ou 2 letaz.  Ouswa bann batiman ki pre obor kanmarad, parey dan nou bann housing estate.  Akoz dan bokou ka nou bann housing estates in ganny konstrir an blok, kot ti annan ground plus one or plus two, ouswa i bann semidetached.  Zis parey dan distrik Takamaka,  i annan li 3 group flat.  St Ange (1) ki annan ground plus two.  St Ange (2) i annan ground plus 1 e osi bann semidetached, zis parey dan nouvo housing estate Ex- Desaubin.  Malerezman tou nou bann housing estate pa’n an gran risk ganny detri dan dife, si napa planifikasyon e mezir prekosyon an plas.

Letan mon get sityasyon aktyel, mon konstate ki annan serten limitasyon dan sa direksyon.  Par egzanp mon’n vwar menm, si Gouvernman in depans bokou larzan dan konstriksyon, bann housing estate pou tou bann lannen,  PMC napa en Polisi e gid lo mezir prevansyon an ka dife i dan bann housing estate.  Lakaz i ganny konstrir baze lo rekomandasyon Planning, e Lazans Tenny Dife.  I annan bokou housing estate ki napa okenn fire, fire extinguisher, ou menm fire hose wheel.  Bann fire hydrant i ganny enstale lwen ek bann housing estate.

E parfwa i pa ni menm annan en demarkasyon kler pou kapab idantifye sa bann fire hydrant.  Dan bokou landrwa i annan en problenm presyon delo, ki fer li difisil pou distribisyon delo an ka dife.  Bokou dan bann landrwa ki annan fire hose wheel, pa pe fonksyonnen, ouswa in kase, akoz dimoun i fer vandaliz, ouswa zot servi pou fer lezot keksoz avek.

Par egzanp dapre konpran, dimoun i menm servi sa bann zafer pou aroz fler ou menm lav loto.  E Gouvernman dan sa prosesis, i perdi bokou larzan dan repeyman nou bil delo. I napa en proper maintenance plan lo sa bann lekipman tenny dife dan bann estate.  I osi annan en mankman ledikasyon parmi nou popilasyon lo bann mezir ki zot merit fer an ka dife dan housing estate.  Mr Speaker pe enport sirkonstans e bann defi, i reste en lobligasyon Minister konsernen, pou asire ki nou popilasyon i viv pandan en lanvironnman sen e sof.

E parey in ganny enskri dan, dan nou konstitisyon, anba Lartik 38 e Lartik 3 kot drwa imen,  lespri Mosyon anmennen par Onorab Churchill Gill kot i pe demann Gouvernman pou fer li Obligatwar ki tou housing estate dan pei i met fire hydrant e osi annan bann rasanbleman an ka lensidan dife i tonm byen avek lespri nou konstitisyon pe osi 1 nou bann drwa imen fondamantal.

An sipor sa Mosyon, mwan pou oule prezant serten rekomandasyon pou mover mosyon, pou li pran an konsiderasyon.  Premyerman, etablir en Polisi, ouswa en Fire Safety Plan ki ganny administre par departman PMC.

Zot osi etablir en maintenance plan lo tou bann lekipman tenny dife dan housing estate, e ki plis resours finansyel i ganny mete dan sa prosesis.  A la mezir kot zot pa kapab enstal fire hydrant, asire ki dan tou bann Estate i annan bann fire extinguisher ki ganny mete dan tou bann blok flat.

Demann Minister pou asire ki dan bann, bann landrwa kot i annan fire hydrant, ki PUC i met bann rakor, ki garanti sa nivo presyon akseptab pou pli bon performans sa bann fire hydrant.  Komans en seri legzersis pou konsyantiz e edik dimoun lo bann aksyon an ka dife e lo zot responsabilite anver sa bann lekipman tenny dife.

Pou konklir, dife i en menas pou nou tou.  Pli move, son konsekans i 1 ki anmenn bokou destriksyon dan lavi en endividi.  Nou merit apresye ki nou pei i vreman sanse.  Akoz ziska prezan nou pa ankor ganny okenn sityasyon dife grav ki pou met a risk lavi nou bann dimoun dan okenn housing estate.

Parey sa dikton Angle i dir ”Prevention is better than cure”. Nou tou ki la, isi dan sa Lasanble nou annan sa devwar e responsabilite pou nou tou ansanm pou nou fer sa diferans pou byennet nou pep.  Annou pas par lao tou nou lendiferans, annou fer sa ki byen.

Mon demann zot pou zwenn mon, pou vot an faver sa mosyon, anmennen par Onorab Churchill Gill, kot i pe demann Gouvernman pou fer li obligatwar ki tou housing estate dan pei i met fire hydrant e osi annan bann rasanbleman an ka lensidan dife.  Mersi Mr Speaker.

 

MR SPEAKER

Mersi Onorab Ernesta.  Mon ava donn laparol Onorab Waven William.

 

HON WAVEN WILLIAM

Mersi Mr Speaker.  Mwan, mon pa pou long.  Mr Speaker mon, mon pou donn mon sipor sa, sa Mosyon akoz sa Mosyon pou tou bann distrik i enportan.  Mr Speaker mon ti a kontan dir ki letan Gouvernman i ganny Grants swa i pran loan pou fer bann housing estate, i vin propriyete Seselwa.

E tou dimoun i form parti akoz finalman se sa bann dimoun menm ki bezwen re pey sa loan.  E letan ou annan bann ka dife, i anmenn bann eleman tromatizasyon, e perd sa propriyete, e dan bann ka rar lavi.

So letan mon pe koz lo sa mosyon, mon anvi dir ki Gouvernman, Lotorite konsernen i bezwen, i bezwen vin avek, avek en progranm sansibiliz dimoun e deplis lansenny kot assembly point i bezwen ganny mete.  E kot sa bann, pwen (1) delo osi i bezwen bann landrwa ki pa ankonbre.

Me ou vwar bokou fwa kot i annan bann landrwa kot parking napa, kot bann dimoun i bezwen park bann transpor, i, i vin serten, i kre serten lenkonvenyans.  Mr Speaker ozordi osi, letan nou pe koz dife dan housing estate, nou annan bann lakaz letaz.

Me en lot eleman ki mon santi nou pa’n met lenportans lo la se annan  en emergency evakyasyon.  Par egzanp ou annan bann staircase, i normal, be ou annan zis 1, me si par egzanp sa, sa, sa staircase i bouse ouswa dife in pran anba, sa dimoun ki lo 2enm letaz li, swa i pou bezwen sot anba, akoz napa en leskalye ou pou kapab les desann, ki dimoun i kapab evakye.

So mon ti a dir atraver sa mosyon, mon pe lans en lapel, en, en rekomandasyon avek Gouvernman, pou konsider met en  serten akse avek bann balcony, ki bann dimoun si annan bann ka dife ki anler lo 3enm letaz swa 4enm letaz, zot kapab sorti vitman, si kot the main entrance i ankonbre.

E mon krwar ki i bezwen annan konsiltasyon osi avek Lotorite Distrik.  Akoz dan en bon pe ka, distrik, bann zabitan i annan kontribisyon pou fer lo plizyer keksoz.  E sa eleman drills, lontan nou ti vwar, ti annan bann diferan drills ti ganny fer pou konsyantiz dimoun, mon ti ava demande ki bann Lazans konsernen zot zwenn ek Lotorite Distrik pou kapab annan en roadmap pou nou kapab deal avek sa bann sityasyon.

Mr Speaker mon pa pou koz tro bokou, parey mon’n, dir depi o komansman.  Alors ek sa de mo, mon pou dir ki ankor mon pou donn sipor sa Mosyon. Mersi.

 

MR SPEAKER

Mersi Onorab William.  Mon ava donn laparol Onorab Audrey Vidot.

 

HON AUDREY VIDOT

Mersi Mr Speaker.  Bonzour Mr Speaker.  Tou Manm Onorab.  Nou bann viziter dan Gallery.  Tou manm piblik ki a lekout.  Mr Speaker Mosyon anmennen par mon koleg Onorab Churchill Gill i enn ki tre enportan dan devlopman e sekirite nou bann rezidan, dan nou bann housing estate.

Pou komanse mon ti a kontan dir ki fire hydrants i ganny definir konman en pwen koneksyon, ki fire brigade i servi pou ganny delo.  I bann enstalasyon anba later ouswa lo later, ki fire brigade i servi pou konekte zot laponp lo la.

E i normalman dan detrwa landrwa obor semen, kot i permet akse fasilman.  E i bezwen annan en bon presyon delo pou li kapab fonksyonnen.  De lot kote i annan lezot mezir sekirite parey fire extinguisher, fire hose wheel, fire blanket, fire alarm e fire exit, ki ganny servi dan bann lenstans kot i annan bann lensidan dife.

Mr Speaker avek vizyon pou donn nou pep en lakaz konvenab, Gouvernman anba leadership United Seychelles, in reste fidel dan son progranm pou konstri lakaz pou lepep Seselwa.  Konsekaman ozordi partou dan pei, parey loter Mosyon in dir.

Mahe, Praslin e La Digue i annan en total 117 housing estate, ki’n ganny konstri, e zot pe ganny zere par PMC.  Mr Speaker, enn bann defi PMC se ki pandan tou sa bann housing estate ki annan fire hydrants – e la mon pe mazin bann estate parey Corgate Estate, Kangard, Les Mamelles.

ki an se moman pe ganny re devlope par faz, Foret Noire,  Ex-Teachers Port Glaud, Ex- Teachers Aux Cap, St Ange Estate (1) ek (2) e Roche Caiman.  E serten bann Emergency Unit osi ki enkli Brilliant, Petite Paris, Bel Ombre, La Retraite

PMC i rekonnet sa bann mankman mezir sekirite dan bann housing estate, e zot in apwent en designated safety officer, kot ansanm avek  SFRSA, zot a, zot pe aktyelman fer en letid lo tou bann housing estate pou idantifye bann mankman, e remedye zot.

Mon’n aprann ki sa survey in kouver en bon pe Estate sorti depi dan distrik Port Glaud ziska Plaisance.  E PMC in, in resevwar en rapor avek bann rekomandasyon sa letid.  Pretan kont ki sa survey pa ankor fini.  PMC ansanm avek sa safety officer pou kontinyen kouver bann estate rezyon lavil e dan Nor, enkli lo nou de, de zil Praslin avek La Digue.

Mon’n osi aprann ki PMC pe esper tou rapor antre pou kapab fer en estimasyon pou mezir e enstalasyon ki pou bezwen pou kapab konmans en diskisyon avek son Minister, lo ki fason proze pou ganny antreprann, e ki fason pou ganny finanse?

Mr Speaker, nou rekonnet ki menm si  i annan sa bann mankman dan nou bann housing estate, nou felisit bann, bann groupman volonter, parey bann emergency brigade lo nivo distrik, ki bokou fwa zot organiz bann sesyon ledikasyon an partenarya avek  SFRSA pou benefis nou bann rezidan dan kominote.

Sa i ganny fer avek bi pou edik kominote pou pran plis prekosyon, pou anpes en ka dife, ki bann mezir pou pran dan bann ka dife e idantifye bann Assembly Point dan distrik kot rezidan i kapab rasanble dan en sityasyon dife.

Lo sa not Mr Speaker, mon oule osi lans en lapel, pou bann housing estate en pe parey pou Roche Caiman, kot bann dimoun i annan en access par deryer zot lakaz kot bann flat i koste ek kanmarad, pou pa blok sa bann akse, dan evantyalite kot i annan en ka dife; ki sa bann dimoun oubyen bann Fire Brigade letan i vini a fasilman kapab ganny akse avek sa bann propriyete e sov bann byen sa bann dimoun.

Mr Speaker, Onorab Ernesta in fer resorti ki statistik in montre ki pandan sa dernyen 5an in annan 29 ka dife, ki’n ganny anrezistre dan bann housing estate.

2014 ti annan 7.  2015 ti annan 2.  2016 ti annan 5.  2017 in vin pli o, ti annan 13, e 2018 ti annan 2.  An zeneral in annan 8 unit ki’n brile dan pei.  Brile dan pei kot ka ti grav, dan le sans ki lakaz in konpletman brile.

Erezman dan tou sa bann ka napa okenn dimoun ki’n ganny dimal, e bann rezon prensipal ki’n koz sa bann ka dife i sispekte problenm elektrik e neglizans.  Premyerman letan mon pe koz bann problenm elektrik mon rekonnet ki bokou fwa sa bann ka dife, i pa akoz bann dimoun i fer ekspre, me petet akoz i en mankman ledikasyon.

Par egzanp, bokou fwa bann dimoun i overload en bann extension e soket, dan bann landrwa, dan lakour ki vreman, vreman alarman.  Zot pe servi bann lekip ki pa lo standar par egzanp, bann kalite extension, air con, water heater, e sa i ede pou met presyon lo bann unit elektrik.  Konsekaman kre risk pou okazyonn dife.

E dezyenmman pe annan bokou vandaliz e neglizans ki pe arive avek, avek bann lekipman pou konbat dife ki’n ganny enstale dan bann housing estate.  Fire alarm i ganny kase.  Extinguisher pa ganny servi, par bann kliyan ki pe aste lakaz.  Fire hose, fire hose wheel i ganny kase ouswa ganny servi pou lav loto, lav bin e karpet, aroz fler, eksetera.  I enportan note, ki sa bann move aksyon i anmenn en lenpak significant lo bidze Gouvernman, an term reparasyon sa bann lekipman.  E osi dan, zot kont bil delo.

E dan bann ka vandalizm mon pa tro sir si sa lasirans i kouver.  Mr Speaker, menm si tou blok flat, dan bann lakaz semi-detached, ouswa lakaz tousel ki bann kliyan pa ankor fini peye, ouswa ki’n fini peye, e pa ankor ganny zot title deed, i ganny asire avek lakonpannyen lasirans par PMC.

E dan ka kot, dan ka dife i, PMC i soumet rapor ek lasirans, e ansanm avek departman lenfrastriktir, i fer reparasyon, ouswa refer lakaz kliyan.  Dan ka kot kliyan i bezwen ganny re, re lokalize par PMC, i asiste e menm konsey bann kliyan ki’n ganny afekte.

Mr Speaker, maler pa averti.  Irespektiv son konsekans lakoz natirel,  ou neglizans, nou merit okip nou bann rezidan dan en fason pou ki zot kapab fer fas ek bann lenstans ka dife.  Dan en period letan ki pli vit posib, e avek lefikasite, avek bi pou konsekaman redwir son gravite.  E sa mosyon ki devan nou ozordi, i en par dan sa direksyon pou redwir lenpak dife dan nou bann housing estate.  Mr Speaker mon oule konklir, par demann Minister konsernen dan demars pou Gouvernman fer en Fire Safety Policy ki a servi koman en gid dan konsepsyon e devlopman bann proze housing estate a lavenir.

Akoz ozordi sa pe ganny fer par SFRSA, atraver Lotorite Planning.  E osi rekomande ki legzersis i kontinyelman ganny fer pou edik nou pep lo bann mezir sekirite e osi respe sa bann lekipman tenny dife ki ganny enstale dan bann housing estate, ki nou pa konnen demen i kapab servi nou tre byen.

Mr Speaker atraver ou, mon oule dir Onorab Churchill Gill ki mon pou donn sipor lo son Mosyon akoz i enn ki vreman, vreman enportan.  Mersi Mr Speaker.

 

 

(APPLAUSE)

 

MR SPEAKER

Mersi Onorab Audrey Vidot.  Bon mon annan ankor plis entervenan lo lalis, nou ava kontiny deba apre break.  Nou pou pran en break la, nou pou retournen 11er, e mon ava envit Mr e Ms Vidot, e Ms Esparon ki fek antre dan Gallery pou pran en dite lo balkon.  E mon envit nenport Manm ki enterese, pou vini, pou dyalog avek nou bann visitors, parey nou fer labitid.  So nou ava Break, e nou ava retournen 11er.

 

(BREAK)

 

MR SPEAKER

Bon nou ava kontinyen avek nou travay lo Mosyon prezante par Onorab Churchill Gill.  Mon ava prezan pas laparol avek Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker, Mosyon pe demande ki Gouvernman i fer li obligatwar ki tou housing estate dan pei i met fire hydrant, e osi bann assembly point an ka lensidan dife lo housing estate.

Sertennman en propozisyon valab, parske nou pe koz lavi dimoun, e apre nou pe koz lo proteksyon propriyete ki tax payers Seselwa ouswa donasyon finansyel bann pei zanmi, ki’n ede pou batir e alor a ou, a tou zefor posib nou bezwen protez sa bann aki.

Me solman si apre konstriksyon 117 housing estate, en tel Mosyon in bezwen vin dan nou Lasanble i souliny en keksoz; i souliny en pe mank latansyon dan planifikasyon, e i souliny en mank kordinasyon ant bann diferan antite, parski letan mosyon pe demann Gouvernman, nou pe demann lekel?

Eski nou pe demann Minister ki responsab pou bann zafer Later ek Lakaz, kot Minis Pamela Charlette i ete?  Eski nou pe demann PMC, ki manage antretenir sa bann propriyete?  Eski nou pe demann Ladministrasyon Distrik?  Eski nou pe demann Regional Council?

Ouswa, eski nou pe demann, par egzanp Fire and Rescue Services?  Ouswa, eski nou pe demann bann rezidan?  I, nou bezwen kler lo la.  Mr Speaker nou vwar pou dir, e mon koleg Onorab Arissol an plizyer repriz in mansyonn sa dan sa Lasanble.

Letan sekter prive i bezwen fer en devlopman, i annan en seri lalis keksoz ki Gouvernman i demann li, e si ou mank enn ladan, i annan en retar pou ganny permisyon, i pou annan en retar pou ganny ou license, i annan en retar pou ganny go ahead pou ou fer.

Be li Gouvernman kote i pase?  Li menm li, eski i pa pe sivre son bann prop Regilasyon, e lalwa ki i met an plas?  E ozordi dan bann housing estate nou vwar souvan i annan sa bann problenm zis semenn pase par egzanp, nou’n koz, Onorab Hoareau ti anmenn en kestyon pou Beau Vallon, lo kestyon safety tank, akoz sa proze 24/24/24 dan vilaz, Vilaz Pascal, dimoun pa ankor kapab antre, akoz letan in fer in annan en problenm.

Ozordi dan mon distrik, tou bann Housing Estate i annan en problenm parking.  E mon bezwen demann PMC pou demarke.  Nou vwar ki dir mank fasilite pou zanfan zwe, i mank proper bin site.  Donk, kestyon la mon pe demann mon lekor se sa bon planifikasyon.  I bezwen annan en lalis keksoz ki li Gouvernman i tyeke, i dir sa in ok, sa in ok, sa in ok, apre finalman bann dimoun i antre.

Lakaz, wi nou bezwen fer, nenport ki Gouvernman ki ti la ti pou bezwen fer lakaz pou dimoun, akoz i annan bann dimoun dan nou pei ki li i pa kapab afford parey lezot, pou al kot en Labank komersyal, pou ganny en loan pou fer.  Alor Gouvernman i bezwen pran sa responsabilite.  Irespektiv lekel Gouvernman ki o pouvwar yer, ozordi e demen.

Me sa ki nou pe demande, se ki letan zot fer sa bann devlopman, i bezwen devlopman ki’n byen ganny kalkile, en devlopman byen entegral.

E la an la anfet, permet mwan, fer en lapel direk avek bann dimoun, bann teknisyen dan Gouvernman; parski zot bann dimoun ki nou kont bokou lo la, zot in al, bokou zot in al aletranze, zot in al, pou ganny zot kalifikasyon pou retournen, pou design sa bann housing estate.

Be, zot pa kapab manke en keksoz ladan.  Parski, eski zot ti mete apre bann ki par lao zot ki bezwen sign off lo sa proze, in dir tire, pou rezon bidzeter, kote sa bann mankman ozordi pe vini?  E sirtou letan ou’n fer en premye housing estate, ou fer en evalyasyon.  Ou demann kestyon bann rezidan, kwa ki pe marse pou zot, kwa ki manke, kwa ki bon?

Bann ki bon nou garde, bann ki manke nou aziste lo la, e bann ki pa bon nou tir net, nou re amelyore.  Ozordi nou pe koz par egzanp kestyon grander bann, bann lakaz ki pe donn dimoun, nou vwar pou dir i en pe tro ptipti, napa menm landrwa pou met en latab pou bann fanmir kapab asize manze ek lespas, ek salon.

Sa i bann keksoz ki Gouvernman i merit amelyor lo la.  Be eski nou pa war pou dir bann keksoz parey fire hydrant pe manke, mon kontan pou dir ki Mont Buxton par egzanp  kot Ex-Dominic Savio, ki dayer Mr Speaker mon repete i ti ganny konstrir avan ki sa linisyativ 24 lakaz dan 24 distrik dan 24 mwan, ti ganny konsevwar.

E ozordi menm si annan dimoun pou fer nou krwar pou dir Mont Buxton in ganny 24 flat, pou mon teknikman i pa’n gannyen dan sa proze.  Prezan solman li i annan fire hydrant, i annan fire hose dan son, dan son staircase, i menm annan fire extinguisher.  Me mon panse krwar pou dir nou merit bezwen al pli lwen.

Nou bezwen fer li mandatwar par egzanp ki i annan bann alarm ki sonnen letan, i annan en dife.  Mon pa pe dir dan lakaz spesifikman, sa mon a vin lo la pli tar.

Me an zeneral, par egzanp dan bann building kot mon lofis i ete Maison Ste Claire, aswiv mon tann sa i sote akoz pou rezon teknik, whatever mal avek, be selman i sonnen, i annan en, en, i annan, i annan en alarm zeneral, ki, ki averti dimoun pou dir i annan en danze.  Osi smoke detector, partikilyerman dan bann landrwa lakwizin, koridor bezwen mete.  Nou vwar pou dir par egzanp PMC detanzantan i organiz bann miting avek bann rezidan, lo bann housing estate.

Par egzanp tanto la 5er, kot flat Lari Hangar Mont Buxton i annan en miting.  Be fire drill, dan en peryodikman i bezwen osi annan, e montre bann zabitan kote zot pou desann letan i dir i annan en drill.

Apre fire escape, byen kontan ki Onorab William in mansyonn sa.  So sa i bann keksoz ki i bezwen annan, nou pa kapab manke.  E nou’n ariv 2019, konmsi modern sa bann zafer.  Ozordi ler nou pe asiz la bomaten mon pe regard L’ Angleterre par egzanp, tou bann Council i annan zot Fire Safety Policy.

Alor nou pe rod responsabilite pou donn Regional Council, eski nou dir zot dezormen drafte sa bann policy, e travay avek tou bann housing estate dan bann lokasyon kot zot tonbe, pou fer zot annan sa bann policy.

Mr Speaker mon krwar ki, wi nou ava siport, personnelman e mwan, mon pa war difikilte akoz nou pa kapab siport en tel mosyon parey mon’n dir akoz i koz, i konsern lavi nou bann sitwayen, e i konsern lenvestisman ki nou’n fer dan bann propriyete.

Me mon pa kapab terminen an diran sa.  Mwann note ki lot kote latab i annan 4 endividi, ki ti DA avan zot in vin MNA.  E ladan 2 in deza koze.  I annan Onorab Ernesta, avek Onorab Vidot.  Zot in deza koze, e apre i annan 2 ankor ki ti DA, mon pa konnen si zot pou al koze, me Onorab Lemiel avek Onorab Aglae.

E sa i retourn mwan lo mon pwen, kot ler nou pe dir Gouvernman i fer li obligatwar.  Lekel ki nou pe dir?  In fact mon krwar sa i ti kapab en check list pou bann DA.  E, e si zot pe ekout nou, pou pase dezormen pou verifye zot bann housing estate dan zot bann lokalite, e apre asire ki sa survey ki Onorab Vidot in dir pe fer, zot, zot point out bann lenformasyon avek bann konsernen pou dir la i bezwen fer en keksoz.

I annan en lot pwen Mr Speaker ki mwan bezwen fer resorti pou lenformasyon, Lasanble Nasyonal, rol Fire and Rescue Services.  I ava fasil pou nou dir pou dir i zot responsabilite.  Me letan nou pe koze la ozordi, mon aprann pou dir zot pa neseserman ganny enplike zot, dan staz planifikasyon sa bann devlopman.

Souvan fwa sa pa arive kot zot, e zot menm napa reprezantasyon lo Board Planning, e sa i en keksoz alor ki bann Lotorite konsernen i bezwen adres pou asire pou dir Fire and Rescue Services i annan reprezantasyon direk.

Apre en lide ankor ki en zabitan Glacis in dir mwan fer resorti, e mon dakor ek li, akoz mon’n vwar sa lo nou zil vwazen Rodrigue.  Letan i annan bann gro devlopman. Rodrigue ki zot fer, zot ranmas tou delo lapli, laplipar bann lakaz prive, menm bann batiman Gouvernman i sa konsep rain harvesting la.

Delo i desann anba, anba batiman.  Tou lakaz laba i annan en group zot dan parti zot fondasyon i en manman basen ki zot anmas delo.  E alor i dir mon pou dir be bann housing estate, alor avan zot konmans konstri fouy sa, kre son basen, fer byen son fondasyon, ki tou delo lapli lo bann housing estate i desann la.

Ki si alor i annan en problenm avek fire hydrant ler fire service i arive, touzour zot kapab ponp sa delo from sa basen.  E nou, nou ti ava konnen, konmsi kantite ede i kapab ede, e letan napa dife bann sitwayen i kapab servi sanmenm sa pou aroz zarden kot housing estate, swa lav zot loto, avek en pti laponp i marse.  I bann keksoz tre fasil, tre modern pou fer.

Donk Mr Speaker mon ava termin lo sa pwen, pou dir wi lide i bon, me selman nou bezwen konnen lekel ki nou pe demande, e asire ki a lavenir i annan bon planifikasyon, i annan en checklist ki nou tick, e Gouvernman i bezwen aplik  menm prensip ki enpoz lo prive li koman diriz par legzanp, e fer sa  ki i pe demann prive fer, asire ki i met son fire hydrant, son fire hose, son fire alarm, son fire extinguisher, son smoke detector, met son landrwa kot assembly point e osi fer fire escape. 

E koumsa nou ava dir pou dir vreman Gouvernman pe met an pratik sa konsep ‘’zonm o sant devlopman. ‘’ Mersi bokou.

 

MR SPEAKER

Mersi Onorab Henrie.  Mon ava donn laparol Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon’n vreman apresye tou bann parol ki’n ganny dir depi ki nou’n komans sa deba.  E mon krwar ki lefe ki nou pe koz lo lavi imen, nou pe koz lo sekirite, efektivman i, i tre enportan.  Me selman mwan, mon anvi komans avek, fer serten komanter zeneral.

Mon krwar ki dan nou pei an zeneral, i annan en mank responsabilite.  E plizyer Manm in koz, in fer serten komanter lo ki mannyer bann rezidan sa bann housing estate zot servi serten fasilite.

Donk sa dan li menm li i montre en mank responsabilite.  Ou pa kapab servi en fire hose pou ou lav loto, e selman mon en pti gin trakase letan mon’n tann dir aroz fler avek, akoz i sipoze annan presyon ladan sa, e alor konmsi ou pa pou kapab aroz fler avek, ou pou plito deter fler avek.

E ki alor konmsi si ou pe servi sa presyon, i vedir ki i annan en problenm presyon dan sa fire hose.  So sa osi nou ava, e letan mon pe koz lo sa, lo sa mank responsabilite, mon, nou war li dan diferan landrwa.

Si dimoun in bliy en dustbin, si dimoun letan i sorti disco i pran tou dustbin i zet dan milye semen, i montre nou en mank responsabilite kelek par.  E alor mwan mon pe zis, e letan nou pas lo bann housing estate, nou war nou menm nou ki mannyer dimoun i annan bokou bann housing estate, mon pe dir tou, i annan bokou bann housing estate kot dimoun  i fer tou kalite ensinifyan lo bann miray, i annan salte, i annan tou sa bann keksoz.

Be mwan mon krwar ki premyerman, mon krwar ki i bezwen annan en pli gran, en pli gran dyalog, ant bann dimoun ki reste dan en housing estate dan en block dizon, avek bann Lotorite konsernen.  Petet la mon ava mazinen, ok sa bann fasilite, ki mannyer pou servi sa bann fasilite.

Ki mannyer letan nou war dimoun pe, pe kas, pa kas serten store kot bann, kot bann meters i ete, kot dormi lotorite konsernen i rantre pou fer sir ki non.  Kot meters i ete pa sipoze en landrwa pou dormi.  I pa en lasanm sa.   Alors pou ki i annan en serten disiplin, parske nou konnen ki i arive apre.

Sa landrwa lanmenm ler ki ou, ou, ou santi tou kalite loder, tou kalite keksoz i arive, drog i rantre tousala.  So, Mr Speaker mon krwar ki premyerman ti pou bon si nou ti kapab annan en progranm ledikasyon, pou fer ki sa dimoun, bann rezidan, dan en blok flat.

Parski souvan fwa, dan en landrwa i annan, i annan 2 oubyen 3 blok ki form sa, sa housing estate.  Si sak blok sa bann rezidan ti ganny eksplike, i ganny training lo ki mannyer pou servi en fire, en fire hose, zot ti ganny eksplike byen lekel ki responsab pou sa bann common areas.

Parski i annan sa Condominium Act osi ki nou bezwen regarde, pou ki zot ti ava konnen ki pou dir be si i annan en problenm, la i la, nou tou ki la, dan sak, dan sak fanmir i annan omwen en dimoun ki’n ganny, ki’n ganny sa training, e alor ki mannyer pou pran aksyon.

E sa ti ava osi fer Mr Speaker ki bann, ki sa bann blocks, nou tou nou ti ava, sak rezidan ti ava kontan ki pou dir son landrwa i prop; i en landrwa agreab e ki sak blok i vin dan li menm li en pti kominote, e aprezan i annan 3 blocks, oubyen 4, ki konmsi la ou ti ava ganny ou en kominote agreab, e letan mon pe koz koumsa sa parski, ankor enn fwa nou pe koz lo nou lazenes.

Ki latmosfer ki nou fer nou lazenes grandi, e sa dan li menm li i ti ava en bon latmosfer kot paran a ti ava osi pe zet en lizye lo zanfan de.  Konmsi pou nou retourn ankor sa nivo, sa, sa, sa nide Bon Vwazinaz kominote, e Lapolis, lapolis osi tou ti ava kapab rantre ladan, pou ki i annan korperasyon.

Mr Speaker si mon konmans, koumsa se parski, mon krwar ki nou bezwen remet en sans responsabilite, e pou mon sa mosyon mon pe regard li dan sa fason, me osi pli spesifikman lo sa kote dife.

Parski Onorab, Onorab Gill i dir avek nou, ki i pe demande ki i annan fire hydrants dan tou bann housing estate.  Definitivman parey Onorab Henrie in dir, ki si Onorab Gill pe anmenn en tel Mosyon, e la, mon konnen Baie Ste Anne, dan distrik Baie Ste Anne kot Onorab Gill i sorti, i annan problenm.

Par egzanp letan nou koz lo Moulinie Estate, Moulinie Estate sa problenm sewage i enn bann problenm ki nou’n koz, vitam eternam.  Mwan pa tro konnen egzakteman ki pozisyon la mannyer mon konpran zot in sey fer serten, serten keksoz me selman still i ankor annan serten, serten keksoz pou, pou rezourd.

E letan Mr Speaker isi dan sa Lasanble letan nou koz lo bann housing estate, tou bann MNA ki’n ganny elekte zot pou dir avek ou, e 2 semenn pase Onorab Valmont li menm li in anmenn en kestyon.

Mon konnen swa i al, i annan serten remiz ensidswit ki toultan i kontinyelman ganny monte, kan sa pou ganny fer, kan sa pou ganny fer.  Nou bezwen aksepte ki pou dir i annan problenm ek bann housing estate.  E Baie Lazare laba i pli ba ki, i pli, housing estate i fer pli ba ki semen, alors prezan delo i rantre ladan.  Nou konnen tou sa bann problenm.

E, e mwan mon ava dir ki tousala i montre nou petet, en mank planifikasyon.  I annan problenm planifikasyon, e se la kot nou bezwen regarde, e pourtan letan nou regard Seychelles

Fire and Rescue Services Agency,  Act, nou war ladan ki pou dir i annan, i annan serten keksoz dan sa direksyon, e zot annan serten responsabilite.  E, me ki arive avek tou sa bann keksoz.  Mr Speaker enn bann, enn bann keksoz ki mon’n, ki mon’n ganny dir, se ki letan Onorab Henrie in tous lo la en pe.

Me mon’n ganny dir ki tou bann, Planning applications pou bann, pou bann housing estate zot osi ganny anvwaye kot, kot Fire Department.  E Fire Department i sipoze, i sipoze sa i enn son responsabilite pou li regard sa bann aplikasyon.

Me selman, e an plis ki sa, si i war ki pou dir napa ase bann, napa ase bann, bann provizyon pou sekirite dan sa aplikasyon, i responsabilite sa Departman, sa Lazans pou li averti Planning, e Planning li aprezan i bezwen enform nou Gouvernman.

Me selman mon krwar ki, se la enn, enn nou problenm.  E mon kontan ki Onorab Henrie in mansyonn Pascal Vilaz.  E letan Minis ti la nou ti demann li plizyer kestyon lo tou le de kote latab.  Nou ti demann, nou ti demann li si, konmsi kondisyon pou Gouvernman i diferan avek kondisyon pou, pou, pou prive.

Ki mannyer keksoz i marse?  E, e sa petet i enn bann, i enn bann sityasyon.  Eski bann konsiderasyon ki fire Department, ki Fire Department i fer, eski i pe ganny, i pe ganny byen swiv?

Mwan mon krwar ki pou dir i annan en problenm la, parski ankor enn fwa Mr Speaker, nou’n war par egzanp proze Cosmoledo ki en lot size ki nou’n koz lo la, pou nou demann nou en pe lo rol Planning.  Eski Planning i vreman annan tou sa ledan neseser, i vre ki parfwa letan li i anvi, ledan plis ki 32 dan labous.

Me i annan bann moman ki ou a krwar i annan zis detrwa.  I annan zis detrwa, e menm parfwa ou a krwar i annan fosdan, e letan i bezwen fer en keksoz i pran son fosdan i met laba, i dir avek ou, get mon labous, mon napa ledan ladan.  Mon pa kapab fer nanryen.

So, mon krwar tousala, sa bann size ki nou konman en, en Lasanble nou bezwen, nou bezwen balanse lo la.  Parski apre sa, se la kot nou trouv problenm.  So, eski i a pe vreman ganny pran an konsiderasyon tou sa bann rekomandasyon.

E la nou konman en Lasanble mon krwar ki nou devret met lanfaz ki Planning, kot i konsern sekirite, i bezwen annan li plis ki 32 ledan dan son, dan son labous.  Me Mr Speaker an relasyon avek sa, mon krwar ki i annan en lot keksoz, e ki fodre ki avan ki en rezidan i ganny lakle pou li rantre dan en lakaz ki Planning Authority i aktyelman donn en occupancy certificate.

E si i ti pe fer sa, e nou met lanfaz lo la, parske avan ki ou donn en Occupancy Certificate, i bezwen annan en lenspeksyon, i bezwen annan en lenspeksyon par tou sa bann lazans, pou regarde ki pou dir, la i la keksoz i ok.

E mwan Mr Speaker, Mon rapel letan, letan mon ti pe siperviz konstriksyon legliz St Luc Bel Ombre, avan nou ti ganny Occupancy Certificate, zot ti vin vizite, e pa ti pou donn nou si nou ti napa bann fire extinguishers.

Fantastik, me selman, la mon ti ava kontan, mon ti a kontan fer en komanter, wi nou ti annan bann fire extinguishers.  Me depi ki nou’n met sa bann fire extinguishers eski in annan en vizit pou regarde se sa bann fire extinguishers i pa’n fini ekspire son lavi?  Tousala mon krwar sa bann keksoz ki, sa bann keksoz i enportan.

Me selman pou nou ensiste lo sa Occupancy Certificate, parski se la ki Lanvironnman bann soz sanniter i kapab antre ladan, pou regarde si tou bann fasilite salte, pou zet salte i aplikab.

Fire Department, e anmenn tan osi lo bann, lo bann tel vizit, ava kapab regard bann defo e bann mankman.  E sa i bezwen ganny fer avan.  E mon krwar ki si nou pe met tou sa bann pwen devan, se parski nou anvi war en keksoz modern.

Me lo kote fire hydrant; pli boner Mr Speaker mon’n koz lo si dimoun i kapab aroz avek en, en pressure hose, savedir i bezwen annan en problenm avek presyon delo.  Be ofet sa i enn bann problenm ki mon ti ava kontan dir avek Onorab Gill Mr Speaker atraver ou – ki poudir i annan en problenm si PUC i kapab donn sa presyon delo, ki en fire hydrant i bezwen.  E mon krwar ki i annan en problenm la, i annan en problenm, amwen ki, amwen ki i ganny korize, me selman mwan mon’n osi aprann ki pou dir i annan en problenm lo presyon delo.

E parfwa osi tou kekfwa ant PUC avek, avek departman tenny dife i annan en problenm lo ki bann koneksyon.  Parski sa bann koneksyon osi tou i i bezwen bon.  So, si i annan en problenm presyon dan delo, akoz fire hydrant li i en sistenm separe, i annan en sistenm separe, e alors i bezwen annan sa presyon pou li kapab, pou li kapab travay e lo la.

E Mr Speaker ou rapel byen letan dife ti pran kot, kot Foreign Affairs.  Letan dife ti pran kot Foreign Affairs, ti annan fire hydrant la, me selman, me selman, non i ti marse li fire hydrant, zot ti’n fek re met koltar, e SLTA li i pa ti’n pran konsiderasyon fire hydrant, alors in kouver fire hydrant.

E mwan sa portre i dan mon lespri, kot mon war Fire Brigade in arive, me apre sa pe rode kote fire hydrant i ete, apre mon war en zofisye avek en pik pe konmans kas koltar pou li ariv kot fire hydrant.

Mon krwar ki tousala i montre nou parfwa en mank, en mank kordinasyon.  E byensir letan en dife pa – dife pa pou esper ou pou dir be, ok, ou pe rod ou fire hydrant, mon ava tenir en pti kou, letan ou ava retrouv ou fire hydrant la mon ava re konmans brile.

E nou tou nou konnen ki bann domaz ki ti arive.  So Mr Speaker mon krwar ki i bezwen annan, espesyalman la ki nou pe build pli o, e letan mon pase pou nou tou ki pas bor kote Beau Vallon, letan mon pe regard par egzanp bann flats Pascal Vilaz, bann nouvo flat.

Obviously zot o.  E nou’n koze dan sa Lasanble pou nou regard – nou’n, nou’n aprouv bidze pou Fire Agency annan en, en fire tender ki pou, ki pou kapab mont pli o, me ziska prezan i kler ki pou dir i annan en problenm.

E mwan mon krwar ki pou dir Bondye i ankor pe protez nou.  E i annan en Manm la ki bomaten, ki’n mansyonn konsernan en fire escape.  E sa i en lot keksoz ankor.  Sa mon krwar nou bezwen pran li o serye.

Parske napa, napa en fire escape dan laplipar – ofet mon’n demann mon lekel, petet dan sa 117, mon ti ava kontan si en Manm i mansyonnen, bann flats ki annan 3 letaz, par egzanp si i annan okenn sa bann, okenn sa bann housing estate ki en blok i annan en fire escape, in case of fire, la i la kot ou pou ale.

Mon krwar ki tousala se bann, tousala se bann danze ki, ki pe regard nou dan nou lizye, e ki, e ki nou bezwen pran zot an konsiderasyon.

Alor Mr Speaker, e finalman mwan mon krwar ki sa Mosyon ki devan nou, i en Mosyon ki mwan mon war li bokou pli larz ki fire hydrant.  Mon krwar ki sa Mosyon ki Onorab Gill in anmennen, i ti kapab elarzi li, li menm, pou regard bon planifikasyon letan pe konstrir bann housing estate, e ki, e ki par egzanp mon ti ava, mon ti ava kontan – mon pa pe propoz okenn amannman, me si par egzanp sa Mosyon Onorab Gill ti’n lir; ‘’Sa Lasanble  pe demann Gouvernman pou, pou re regard planifikasyon, letan zot pe konstri bann housing estate,’’ mon krwar ki i ti ava kapab, i ti ava kapab fer antre plizyer bann konponan ki nou pe koz lo la.  E ki byensir dife, i 1 sa bann konponan ki fer nou, ki fer nou ozordi tranble; ki fer nou ozordi mazin detrwa fwa, parski nou konn son, son danze.

Avek sa detrwa parol Mr Speaker, e detrwa propozisyon ki mon’n fer, definitivman mon pou siport sa Mosyon Onorab Gill.  Mersi bokou.

 

MR SPEAKER

Mersi Onorab Ramkalawan.  Mon ava donn laparol Onorab Egbert Aglae.

 

HON EGBERT AGLAE

Mersi Mr Speaker.  Mr Speaker mon pou raport mon kontribisyon anver sa Mosyon, kot i pe demann Gouvernman pou li obligatwar ki tou housing estate dan pei i annan fire hydrants, e osi annan en assembly point.

Mr Speaker mwan mon’n deza witness en sityasyon dife, kot mon ti vwar lekip tenny dife pe vin lo scene e kot ti napa delo.  E sa li menm li ti anmenn dan en fason, kot lakaz ti preski fini detri.  E sa in touzour mark mwan.

Mr Speaker bann difikilte ki parfwa i arive avek bann servis tenny dife, se ki ler zot pou lo en scene, napa delo, kot swa zot pou bezwen al dan larivyer ouswa dan lanmar, e menm delo sale, e tousala in arive.

Mr Speaker en fire hydrant i en gran lenportans, e ler ou mazin listwar, listwar fire hydrant ti ganny mete plizoumwen dan bann lavil, dan bann city.  E li son zistans, kot ti ganny rekomande sete tou le 150 met a, a 200 met i sipoze annan fire hydrant.

E ozordi avek devlopman, nou vwar ki in annan nesesite pou dir i annan fire hydrant i ganny mete an deor bann city, outer suburb, kot  i annan bann devlopman ki vini a lavenir.  E sa in osi kontribye, pou anpes bann sityasyon kot ki annan dife, ki bann batiman an kestyon pa ganny detri net.

Me osi nou konstate Mr Speaker ki ozordi, bokou semen in ganny konstri.  Bokou semen in ganny konstri, e nou pa pe vwar fire hydrant pe ganny mete alongside, baze lo sa rekomandasyon 150 a 200 met pe ganny mete, pou fer sir ki i pran konteks demann bann nouvo devlopman, bann nouvo housing estate.  E menm mon pou al pli devan, pa akoz zis housing estate ki ganny kre par

PMC.  I osi  egalman enportan kot ler i annan land bank  – proze, par egzanp 10/15 bout later, be apre i vin en housing estate li osi.  Nou bezwen pran li osi an konteks.  Mr Speaker pou fer resorti, en komanter ki Onorab Henrie in fer sorti, se ki lo kote planifikasyon, nou konnen pou dir MHILT, li ki design and build, apre i pas sa responsabilite zere, maintenance lo PMC.

E rol MHILT sete pou li design e build, e dan sa prosedir li menm li se i bezwen pas atraver bann prosesis planifikasyon byensir.  I bezwen pas kot bann Lazans Lanvironnman.  Mon konnen SFRSA li osi i annan son input ladan, me le problenm parfwa se ki nou, i annan serten keksoz, si Gouvernman ki pe fer, i annan serten Lazans i pran serten keksoz a la lezer.

Parey in fer resorti, si prive pou fer sir sa checklist point to point i ganny respekte.  Se sa par ler kot defayans i vini, kot nou tant pou relax en pti pe, lo sa bann pwen.  Petet nou dir i annan en lirzans pou nou fini sa ase boner.  Me selman sa pa en rezon pou nou omit sa bann rekomandasyon enportan ladan, akoz demen i pou kout nou pli ser.

Mr Speaker, en lot pwen enportan kot i konsern fire hydrants; an term devlopman li menm.  Onorab Ramkalawan in fer sorti en, en senaryo kot anler kot biro Foreign Affairs, e ki i vre, i annan bann devlopman ki pe arive tou dilon larout semen.

PUC pe fer pou li.  SLTA i fer pou li.  I annan bann endividi osi ki antre, i bezwen fer serten devlopman, swa pou li antre kot li, lo son propriyete, e nou war pou dir zot kre bann lobstak avek sa bann fire hydrants, e ki zour maler pou arive, la nou pou bezwen vin ek pik pou nou konmans kase.

E sa li menm li ou pe al perdi ou minit, e nou konnen dife li i koz ou segonn.  Mr Speaker dan mon distrik, mon annan mwan 6 housing estate, e dan sa 6 housing estate, nou pe koz nou apepre plis ki 150 lakaz la.

E ler mon’n fer en pti resers, mon’n vwar pou dir ladan, zis 3 housing estate ki dan proksimite en fire hydrant.  I vedir ki bann lakaz ki trouve en pti pe pli o, ariv en dife demen, ouswa taler, Fire Brigade pou war li dan difikilte.

I pou bezwen al redi rakor, swa dan lanmar, swa dan larivyer pou li ganny delo.  E si i annan lasesres, mon pa konnen mannyer sa pou fini.  Alors Mr Speaker, sa zefor i bezwen konzwent.  PMC, MHILT, SFRSA zot bezwen asiz ansanm e vwar ki mannyer pou amelyor sa problenm.

Pas dan tou sa bann housing estate, get bann nouvo proze land bank ki’n ganny fer kot dimoun in fini etablir zot, kin vin en, en nouvo housing estate, vwar ki mannyer pou annan bann lenstalasyon lekipman neseser fire hydrant.

Mr Speaker en lot pwen ki enportan, se sa assembly pointAssembly point, parey i annan housing estate, ou war i mete fire assembly point.  I annan bann building osi, dan landrwa travay osi i annan sa bann, sa bann pti lansenny.  Me souvan fwa dan housing estate o komansman ler ti fek fer ti annan, apre swa in ganny vandalize, swa in ganny tire.  E sa i en problenm.

Lot keksoz Mr Speaker, se en fire assembly point i pa kapab zis plan.  Ok?  Ozordi nou pe servi fire akoz bokou lo, lo problenm i dife.  Me selman dan bann lezot pei ou kapab annan bann problenm gas, bann problenm kemikal kot ou bezwen evakye dimoun, tir dimoun dan proksimite, asanble zot lo en pwen.

Ouswa menm bann dezas ki kapab koze pou, ou bezwen annan en pwen rasanbleman.  Be mon pou al pli devan ki sa, ou kapab annan en pwen rasanbleman, me selman ler en lensidan i arive, lekel ki pou take the lead, pou anmenn sa bann group dimoun pou al asanble?

At least nou bezwen, lo en housing estate, parey bann building prive, zot, zot annan en building manager, ouswa zot annan en caretaker.  Me lo housing estate nou bezwen annan, at least idantifye, konmans idantifye en dimoun.  Petet DA pa pou ganny sans ariv a tan li, petet nou a dir DA, be DA pa pou ganny sans ariv a tan.

Mr Speaker be nou bezwen annan en dimoun la ki nou a dir be, ou sa, the designated person si i ariv en lensidan, rakle tou dimoun.  Fer zot ariv dan sa fire assembly point, e osi ou a bezwen fer en head count.  Akoz ou pou bezwen konnen konbyen dimoun i annan.  In arive bann lensidan, i pa’n ariv isi sesel, nou’n deor nou’n swiv, dimoun i pridan apartman, pa kapab sorti, ouswa zot pa konnen oli li.

Tousala i bann rekomandasyon ki mon krwar ki nou bezwen think outside the box, ki nou bezwen pran li an kont, pou fer sir ki,  bann lensidan ler i arive, i annan en proper management.  E osi Mr Speaker, bann drill i bezwen ganny fer avek Lotorite konsernen.

SFRSA avek PMC, zot bezwen annan en plan, en plan, en schedule.  Petet 2 fwa dan en lannen ou bezwen fer sa drill.  Akoz si ou pa’n fer sa drill, non en dimoun ler en dife, petet i tay an fou li, i pa konnen kot i pe ale, swa i tay isi, tay laba.  Lanmenm ler piti i perdi, lot pa war – so sa drill i bezwen kordinen pou fer sir ki bann dimoun, bann tenants ki dan sa bann housing estate i konnen ki pou fer letan lensidan grav i arive.

Mr Speaker mon pou tous sa bout kot i konsern lasirans, mon krwar i enportan akoz, bokou housing estate, bokou tenants o komansman ler zot pe ganny zot lakle, i vre ki MHILT, PMC i fer sir ki zot annan en lasirans.  Me i annan bokou ki’n fini pey lakaz ozordi, e sa lasirans pa’n ganny update mon kapab dir.  Lakaz sa letan ler ti pe peye, petet i ti ganny sa lakaz lo R300 – R400mil.  Me apre 5an, 10an nou konnen lakaz i pa devalye, i plito son valer i monte.

So in annan lensidan ki’n arive, kot ozordi sa dimoun in war pou dir son lasirans i zis R300mil, ki son lakaz, valer ete ozordi ti vo plis ki R500, R600 mil.  So i en konsern ki pep i bezwen konpran, e ki Lotorite i bezwen antre ladan osi pou fer sir ki bann dimoun, ki annan lasirans, at least tou le 2an, 3an, si fodre toulezan, evalye zot apartman, zot lakaz pou fer ki demen zot pa pou perdi si en dife i arive.

Mr Speaker pou terminen, mon pou tous sa bout responsabilite.   Ki sak tenants, sak rezidan, menm si lakaz pa pou ou, ou pe reste anba sa twa, ou osi ou annan en responsabilite pou ou kapab fer sir ki ou annan serten lekipman.

Mon rapel plizyer lannen pase, lavertisman ti fer pou sak lakaz annan li en smoke detector.  Me konbyen nou ki’n al rode, ki’n mete dan nou lakaz?  Pa bokou nou ki’n fer sa.  Lot konteks ankor se ler nou annan sa bann fire extinguisher ki nou war zanfan i zwe avek li menm.   I sipoze dan en landrwa ki akseptab, i pa en zouzou ki zanfan i bezwen servi pe pis lo kanmarad, taye deor avek.  Nou’n war sa in arive, e nou konnen pou dir en fire extinguisher ou bezwen servis li at least toulezan.

E sa pa pe ganny fer.  E sa bann keksoz ki nou bezwen met lanmen lo la, ki PMC dan son rol li, koman pli gran responsabilite groupman lakaz bann housing estate i bezwen antre ladan, e osi bann endividi ki pe ekoute, zot a pran zot responsabilite pou fer sir ki menm si mon lakaz pa pou PMC, demen dife i kapab arive.

E nou bezwen fer sir ki fire hydrant i ganny mete dan bann lokasyon parey rekomandasyon enternasyonal i demande.  Tou le 150 a 200 met ou bezwen annan fire hydrant.  Avek sa Mr Speaker mon pou siport sa Mosyon, e mon demann tou piblik Seselwa pou get zot lakaz byen, kit li an sekirite e sen e sof.  Mersi.

 

MR SPEAKER

Mersi Onorab Aglae.  Nou annan 15 minit, Onorab Lemiel ou pou kapab fer ou entervansyon.  Ok.  Go ahead Onorab.

 

HON SYLVANNE LEMIEL

Mersi Mr Speaker.  Bonzour tou dimoun.  Mr Speaker nou tou nou kapab konstate ki Gouvernman in konstri bokou lakaz ki’n form bann housing estate, e i ankor pe konstri lakaz, pou esey zwenn demann ki pe kontinyelman ogmante.

Sa i reste enn nou bann aspirasyon ferm, ed sak fanmir Seselwa ganny son prop lakaz.  Nou zefor pou fer bann lakaz i osi devret mars kot a kot avek asir sekirite bann okipan sa bann lakaz.  Mr Speaker mosyon Onorab Churchill Gill, i annan son merit.

Ler nou get la realite ozordi, nou’n vwar lenstans, lensandi dan bann housing estate, ki’n koz bokou langwas e lapenn.  Ler mon analize, e mwan mazinen, si en lensandi i arive dan en housing estate parey Remiz Anse Royale, kot i annan 66 blok flat, ki kantite dega sa i kapab fer?

Annan fire hydrants enstale dan bann housing estate pou fasilit travay bann firemen, e menm permet zot pou met dife anba kontrol pli vit.  Mr Speaker ozordi, ler nou pe regard dan bann housing estate ankor enn fwa, mon pran legzanp sa enn Anse Royale ki apel Remiz.

Nou pe vwar en lot problenm kot akse pe ganny bloke avek bokou transpor ki park obor semen, e osi 1, 2 vye loto ki pa pe marse, e ki’n ganny kite lo car park.  E la si en lensandi dife i arive, sa bann fire tenders ki pou, pou kapab rankontre problenm, fodre ki bann dimoun ki reste dan bann diferan housing estate zot vin konsyan lo kote safety kot zot lakour, e dan zot lantouraz.

Propozisyon pou annan en kwen rasanbleman i en bon nide.  La mon ti a rekomande ki dezormen, dan tou fitir plan bann housing estate, lotorite Planning i demark landrwa apropriye pou kwen rasanbleman an ka dife.  Pou osi, pou osi bezwen annan sansibilizasyon pou bann zabitan, pou ki zot konnen kote sa kwen rasanbleman i sitye, e kan ki zot pou al rasanble laba.

I pou osi enportan ki bann evacuation exit i ganny demarke e kot dimoun i a kler kote pou pase dan ka dife.  Mr Speaker Anse Royale i annan li 6 housing estate, e zis Anse Baleine ki annan 2 fire hose, e petet 2 fire hydrants dan son zanmirant.

Lezot 5 housing estate, mazorite bann dimoun in fini vin propriyeter zot lakaz, e napa fire hydrants dan zot zanmirant.  Parkont dan nou distrik nou en pe sanse ki serten nou bann housing estate i obor larivyer, oubyen obor lanmar, ki si arive i annan en ka dife, firemen i a kapab ganny akse avek delo.  Mr Speaker mon pou propoze ki a lavenir dan tou lakaz ki Gouvernman i konstri, zot enstal bann lekipman de baz.

Tel ki fire extinguishers dan bann koridor, fire blanket e smoke detectors dan bann unit.  E sa i a ganny enkli dan kou konstriksyon sa bann lakaz.  Pli tar, sa lokater oubyen son met sa lakaz i a fer service neseser lo fire extinguishers e menm ranplase kan i neseser.

Pou bezwen annan training neseser, pou bann dimoun ki ganny sa bann lakaz, pou montre zot ki mannyer pou servi bann tel lekipman; parey fire extinguishers, e fire blanket an ka dife dan zot lakaz, e sa i a kapab sov zot letan ki zot pe esper lasistans.

Mr Speaker pou terminen, mon ti a kontan lans en lapel avek tou bann dimoun ki reste dan bann housing estate, e menm dan bann lakaz prive.  Pou pran tou prekosyon neseser letan zot kot zot lakour, e letan ki zot kit zot lakour pou verifye byen tou bann lekipman, oubyen keksoz ki kapab okazyonn en dife.  Fer sir zot tenny tou sa ki fodre tennyen dan lakaz, e sa i a evite ki okenn dife i pran dan zot lakaz.

I osi enportan ki tou dimoun i pran en lasirans pou kouver zot propriyete an ka dife, oubyen lezot kalamite.  Me i reste en dezir, pou ki tou dimoun ki reste dan bann housing estate i pratik sa ki nou apel ‘’Bon Vwazinaz.’’  Kot zot fer tou pou respe kanmarad.  Ki zot fer tou pou asire ki zot bann aktivite pa afekte lezot, e fodre zot viv pli byen ansanm dan larmoni e lape.

Mon pou donn mon sipor sa Mosyon, akoz i pou benefisye bann zabitan mwan distrik, ki reste dan bann housing estate.  Mersi Mr Speaker.

 

MR SPEAKER

Mersi Onorab Lemiel.  Bon i reste 4 entervenan, mwann fini ferm lalis, 4 entervenan lo lalis.  Wi, e Onorab Hermine, Onorab Valmont, Onorab Pillay, e Onorab Loizeau.

Ou ti le entervenir ou osi Onorab Simon Gill?  Byen, mwan ava met ou lo lalis, ok, napa problenm.  Nou pou kontinyen nou deba apre midi.  Petet zis mwan ava fer en pti komanter lo entervansyon.  Ok, mon ava, mon ava enkli zot 2.  Entervansyon Onorab Lemiel ler i dir nou sanse, nou annan bann housing estate ki obor larivyer.

Reflesir ki i annan delo dan larivyer, me si i annan delo laponp i marse, e nou konn tre byen, mon krwar Onorab Ramkalawan i dir i a fer referans avek konsern Bel Ombre, 2 laponp ki ti vini.  Ti annan delo dan larivyer, me laponp ti annan dan lanmer tou ti annan.

Laponp pa ti marse.  Anyway sa i bann problenm mekaniz and all that.  Bon, mon ava zis fer en pti lanons.  Komite Zafer Etranzer IAC pou meet 1er dan Committee Room 3.  E avek sa nou ava Break, e nou ava retournen 2er pou nou kontinyen nou travay.

 

(BREAK)

 

 

MR SPEAKER

Bonn apre midi tou Manm Onorab. E bonn apre midi tou bann dimoun ki a lekout.  Mon prezant en pti lekskiz pou sa pti retar ki nou’n gannyen. Avan nou kontinyen deba lo  Mosyon ki devan nou mon anvi adres en sityasyon ki’n ganny anmennen dan mon latansyon pandan lunch break.

        Mon ti dir semenn pase ki mon pa pou tolere kot en Manm i denigre en lot Manm lo medya sosyal.  E la mon oule met devan Lasanble en pos ki en Manm Onorab, Onorab Johan Loze in met lo Facebook kot i pe sey denigre Onorab Ramkalawan.

Lasanble napa kontrol ler  en manm piblik pe fer sa me mon ti dir ki  Lasanble pa pou tolere ler enn nou prop Manm i fer sa ki –  anmenn  – nou apel nou konsider anmenn nou Lasanble in disrepute.

Alor  mon pou demann Johan Loze pou retir sa post ki anba son non personnel, e osi prezant en apology. Dan konteks ki sa Manm pa pou fer sa, mon pou bezwen konsider lezot aksyon ki pou swiv.  E la mon anvi dir e mon fer sa lapel ankor avek tou lede kote latab. Mon pa pe toler okenn Manm ki pe fer latak personnel   en lot son koleg Manm. Mon pozisyon i ferm lo la e mon ti a kontan – e mon a donn laparol Onorab Johan Loze.    Yes Onorab.

 

HON JOHAN LOZE    

Bonzour Mr Speaker. Bonzour tou Manm koleg. Mr Speaker sa post ki ou pe refer lo la i  zis en ekstre  speech Onorab Ramkalawan. I pa’n ganny edite dan okenn fason. I sa ki Lasanble Nasyonal in met lo YouTube.  I zis en eksre en morso son speech.  I napa okenn komanter ki al avek.  Mon pa’n ekri nanryen  lo la. Mon pa’n dir nanryen.

Mr Speaker mwan mon en dimoun ki krwar fermeman dan intellectual honesty.   I believe ki si en dimoun in fer serten travay in dir serten keksoz i devret ganny credit pou son  good works; i devret ganny rekonnet pou  sa ki in dir e sa ki in fer. E mon ti poste sa, letan mon’n   vwar sa zafer. I was credited for it! Mon’n poste li dan tout lonnekte ki Onorab Ramkalawan i ganny credited pou en parol ki li in dir!  Ti napa move lentansyon.  Mon pa’n met okenn komanter avek. Zis mon’n poste as is.

Now si i annan dimoun ki santi ki zot pa konfortab avek keksoz ki zot menm zot in dir on the floor of the National Assembly, then posibleman dimoun i devret evite dir serten keksoz!  Mon pa’n fer li ek okenn …

 

MR SPEAKER

Onorab.  Onorab.

 

HON JOHAN LOZE

… move lentansyon.   Mon pa’n met okenn komanter derogatwar avek.   Mersi Mr Speaker.

 

MR SPEAKER

Onorab.

 

HON JOHAN LOZE

Yes Mr Speaker.

 

MR SPEAKER

Onorab.  Mon pozisyon e mon Ruling lo la, se ki ler nou pran en post oubyen nou pran en bout ki en manm in dir – parey mon’n dir nou Lasanble i ouver, i piblik sa ki al dan konsonmasyon piblik sa ki en manm piblik i fer nou napa kontrol lo la me nou bezwen met en pe lord osi dan nou lakaz.  Si en Manm in fer sa avek en bi pou denigre en lot Manm, mon pa pe tolere. Akoz mon’n vwar sa post i annan en Manm ki’n aport sa dan mon latansyon; bann komanter ki’n swiv i pirman lentansyon ti pou denigre Onorab Ramkalawan. Mon pozisyon i final ki sa post anba ou prop non i ganny delete e ou prezant en apology.  Si ou pa pare – si ou pa pare pou fer sa, mon pou bezwen regard en lot course of action!

 

HON JOHAN LOZE

Mr Speaker, mon pa’n dir ou kestyon ki mon pare pou fer ouswa pa pare pou fer.  Selman lo kestyon mon lentansyon, mon napa okenn move lentansyon.  And I want this clear on record akoz si mon ti annan move lentansyon, mon ti posed ase lafors karakter pou egzers okenn move lentansyon la isi anndan lo sa floor.   Si mon annan okenn move lentansyon i pou pas la on live television!    Pa lo Facebook!

 

MR SPEAKER

Onorab.

 

HON JOHAN LOZE

Mon ti fer li an tout bon lentansyon.       E mon dakor mon ava delete.   San problenm mon ava delete. Si okenn dimoun pa kapab pran kredi pou sa ki zot in dir mon ava delete Mr Speaker.  Si mon bezwen apologize avek en dimoun pou en keksoz ki ‘’LI’’ in dir …

 

MR SPEAKER

Apologize to the House – apologize to the House.

 

HON JOHAN LOZE

(Onorab ou pa kalifye pou koz behaviour ou! Mr Speaker I apologize to the House.

 

(Interruption)

 

MR SPEAKER

Non, non, non.   Annou –  mon  pe  kominik avek Onorab Loze.  Silvouple.  Onorab Loze. 

 

HON JOHAN LOZE

Mr Speaker through the Chair, I will sincerely apologize to the House!

 

MR SPEAKER

Mersi.   Mersi Onorab.  Bon ok? Matter has been dealt with.  Bon ankor mon dir nou parfwa nou fer plizyer lekspresyon – nou servi plizyer lekspresyon isi dan sa Lasanble.   I annan ki mon ganny preview avan.  Ok?  Mon annan en sityasyon ki devan mwan ki nou pe diskite nou de Madanm Deputy Clerk depi yer; en kestyon ki pe vin dan Lasanble, mon ganny preview avan e nou pe sey fer mannyer pou nou korize.   Nou fer sir ki langaz ki i servi i akseptab isi anndan.   Ok.  Me ler mon pa ganny preview i vini zis koumsa instantly from the floor.  Parfwa petet by the time mwan mon reakte in fini ale – in fini ale pou konsonmasyon piblik.  Alright?  Annou zis fer atansyon.

E parey mon pe dir sa i pou mars pou tou lede kote e mon pa pe toler anything.    Sa ki’n pase dan le pase a plizyer repriz mon’n lans warning in pase me dezormen e depi semenn pase  nou’n fer sorti lo en matter ki ti ganny raise par Onorab Simon Gill e mon pa pe tolere as from now on. Ok?  The matter has been put to rest. Nou ava move on.  Ok. Onorab Simon Gill si ou pe fer referans lo sa matter non in fini.  Ou entervansyon lo Mosyon?

 

(Off-Mic)

 

MR SPEAKER

Non mon pa pe ouver deba lo la. Sa i ant mwan avek … Ale Onorab Simon GillNon mon ava regarde – mon ava regarde si en keksoz ki’n come up la sinon …?

 

HON SIMON GILL

Wi Mr Speaker in come up la. Mersi bokou.  Mon pou ekstrememan bref.  Mon kontan sa lapros ki ou’n pran. Me  nou tou zour reste dan en dilenm.  E mon pou demann ou, ou direksyon lo la. Bann Manm dan sa Lasanble nasyonal nou annan laprev atraver serten lenvestigasyon ki’n ganny fer, i servi en fake profile pou den denigre bann Manm lo ‘’nou’’ kote dan sa Lasanble Nasyonal, mon pe demann ou en direksyon, ki ou ti ava sizere nou fer  Mr Speaker?   Nou al kot en avoka?  Nou al fer met en case Ankour? Or nou anmenn isi menm dan sa Lasanble Nasyonal? Mersi bokou.

 

MR SPEAKER

Mersi Onorab Gill.  Onorab Henrie.

 

  (Off-Mic)

 

MR SPEAKER

Ok.  Bon.

 

(Interruption)

 

MR SPEAKER

Order!  Order!  Lo sa ki konsern fake profile, mon konnen.  Parey mon dir mwan mon sorti lo medya sosyal mon vwar poudir mon pa pe kapab kontrol serten keksoz. Me sa ki konsern fake profile, sa ki annan laprev lekel sa Manm ki par deryer pa ezite aport a mon latansyon e mon ava fer le neseser from the Chair.  Ok?   Mersi Onorab Simon Gill.   Bon nou ava kontinyen avek deba lo Mosyon ki devan nou e mon ava donn laparol Onorab Norbert Loizeau.

 

HON WAVEL RAMKALAWAN

(Off Mic)

Letan pe nonm fake profile Onorab De Commarmond zis a pe point finger lo nou kote!

 

(Interruption)

 

HON WAVEL RAMKALAWAN

Konmsi mon ti ava kontan si Onorab De Commarmond i konport li en pe!

 

MR SPEAKER

Non.

 

(Interruption)

 

 

HON WAVEL RAMKALAWAN

Pa fer sa bann zafer!  Ok?

 

(Interruption)

 

HON WAVEL RAMKALAWAN

Ou … Order! 

 

MR SPEAKER

Annou … annou retourn dan sa lanbyans kalm …

 

 

(Interruption

 

MR SPEAKER

Non.  Onorab De Commarmond.  Onorab Pillay!

 

(Interruption

 

MR SPEAKER

Annou retourn dan sa lanbyans kalm.   Ok? Mon ava donn – nou retourn lo Mosyon. Mon donn laparol …

 

HON SEBASTIEN PILLAY

(Off-Mic)

 

MR SPEAKER

Onorab Pillay nou’n koze yer swar lontan nou de.  Ok?  Annou – wi  – wi. Mon pa pou devwal nou konversasyon me nou’n koze yer swar nou de. Ok. Bon.   Onorab Norbert Loizeau laparol i pou ou lo Mosyon.

 

HON NORBERT LOIZEAU

Mersi Mr Speaker.   Mon panse mon ava ganny en pti sans aprezan apre sa bann zafer pou mwan dir en pti parol lo Mosyon. Mr Speaker permet mwan avan mon al lo en pwen ki mwan mon santi i enportan pou mwan koz en pti pe, lo dife  son lenpak ki fer  lo serten fanmir avan mon al lo mon pwen.

Mr Speaker mon rekonnet ki pandan sa  bann dernyen lannen ki’n pase, dife in okazyonn bokou dega lo ban propriyete; bann lakaz prive e osi bann flats en pe partou dan Sesel. Nou tou nou  konnen ki kan dife i pran dan en lakour i pa zis pran koumsa manm, me i anmenn bokou soufrans lo bann fanmir sirtou kan i annan   bann mert, bann fanmir ki mor ki ganny brile dan sa dife.

Me osi i anmenn bokou per  pou sa fanmir se akoz parfwa  se en savings ki ou’n fer  pandan bokou lannen ki  zis ou vwar i ganny detri dan en dife. E la i fer mwan mazin enn mon zabitan  ki ti reste Roch Lane Inese Victor ek sa fanmir ki ti reste obor li mon krwar lafanmir Adrienne,  kot dife ti detri dan zot flats Roch Lane.

E ti fermal Mr Speaker pou sa 2 fanmir e pou lezot fanmir osi ki ti reste en pe pli ba akoz sa flat i accommodate anviron 6 fanmir –  6 lakaz e tou lezot osi ti ganny afekte.  Parey ou konnen  e vi ki sa 2 fanmir ki dife ti pran kot zot ti reste dan sa 2 flat anler, me ou kapab mazinen ler firemen pe tenny difer sa delo ki pe desann ti antre dan lakaz  tou sa bann fanmir ki ti pe reste pli ba.

Me sa ki ti enteresan ankor Mr Speaker se ki kot sa dife ti’n pran nou ti ekspekte ki sa flat i  ganny kraze me plito ki ti arive, zot ti remont refer sa 2 flat – sa menm platform ki ti ‘n sofe ek dife e menm ozordi i annan serten bann flat dan sa ki baliz ansanm bann pli ba in crack e menm si ozordi zot in fini antre dan flat anler bann lezot dimoun dan bann nouvo flat  brile ki’n re aranze still bann  dimoun anba pe rankontre problenm atraver bann crack  kot delo i koule; letan lapli i tonbe i antre anndan; i annan parmi ki zot bann tiles in leve akoz sa dife ki ti arive. E mon vwar Lotorite pa ‘n vwar li neseser pou kraze. Me s=zot in plito re batir sa bann lot flat lo sa menm sirfas ki dife ti pran.

Me Mr Speaker me ki vre lakoz bann dife ki arive s souvandfwa? Mazorite ka nou tann bokou dimoun kritik wiring.  Set akoz FOT WIRING. Parfwa nou tann koz lo neglizans bann dimoun.

Wi neglizans bann dimoun i annan Mr Speaker. Bokou bann difer i arive par neglizans bann dimoun, me solman akoz i pa ganny trouve alors tou blan i ariv lo elektrisite lo wiring.   Me parkont Mr Speaker elekstirkst4 sie ek sa ban wiring ki ganny fer ozordi  Sa i le pwen ki mon anvi stretch lo la akoz mon  dan sa domenn mon konnen, elektrisite i ka[ab okazyonn dife dan bann propriyete  dan lakaz.

E la Mr Speaker, mwan mon krwar ki nou bezwen fer sir ki bann Lotorite konsernen i bezwen fer sir ki bann wiring i an konformite, avek Lalwa ki PUC i met devan.  Bann kontrakter sirtou i bezwen fer sir ki bann elektrisyen ki fer bann travay se bann dimoun ki kalifye

In pase. I annan ki’n kase sa difil elektrik.  I pase pourtan HFC, PMC se pa ki zafer i pase i fer vizit li, i fer vizit i pa war sa Mr Speaker. Selman ler i pas Perseverance bann lakaz ki mannyer in fer.  Bann lakaz in fer dan en landrwa ki’n konble, lo konblaz e zot konnen lo delo sale ler lapli i tonbe i mouy partou.  E lapli i fwete i antre. Olye get bann keksoz, zot plifere al gete sa madanm ki’n pran en pti baravan, in bar son pti bout devan, zot dir i pa sipoze mete akoz i degiz lakaz?

Selman bann keksoz ki pli enportan Mr Speaker zot pa trouve. E dan tousala Mr Speaker i annan bann keksoz ankor ki arive dan bann landrwa, dan bann lakaz kot bann, kot Housing in donn lakaz sa bann dimoun. Eski ler zot donn lakaz sa bann dimoun,  zot pa dir sa bann dimoun ki okenn keksoz elektrikal, pti wiring adisyonnel, zot anba kot Lotorite Lakaz zot bezwen konnen Mr Speaker.  Mwan mon pe dir sa Mr Speaker akoz parfwa, ou vizit bann landrwa ou vwar en ta keksoz.

Konmela tou dimoun i elektrisyen. Sa dimoun dan flat li i pa oule al pey en elektrisyen i plifere fer son keksoz li menm.  En zapon akoz zis zot krwar i byen.  Parfwa ou pase ou vwar ki en dimoun in anvi en soket dan son lasanm, zis in mont dan plafon avek en difil 1.5 pour lalimyer, zis in koup sa difil anler pran en konekter in konekte, ni en tape lo la in anvoy anba. E ler ou ariv anba ou get sa soket ki’n mete i annan en adaptor apepre 5, 6 plug lo la ki pe supply partou. Be sa pa i bann fason ki kapab okazyonn dife?

Se pour sa rezon ki mwan dakor ek Onorab Ramkalawan, bann Lotorite konsernen i bezwen fer zot louvraz. Zot bezwen pase pour zot vwar, pour zot vwar ki leta sa bann keksoz. E dan tousala Mr Speaker sa de pti pwen ki mwan ti anvi fer sorti lo kote bann dife, akoz mwan koman en dimoun ki dan sa domenn, mon konnen – mon konn en ta fason ki mannyer dife i kapab pran dan en lakaz.  Mon konn en ta fason.

Mon’n eksplik zot sa zafer zis vini koup difil anler. Mwan mon konn en dimoun – en mason nou ti pe fer en lakaz a ansanm.  Ou vwar mwan sa lakaz ki mon pe reste ladan ozordi, zis en zour i vini i dir mwan Mr Speaker, ki i annan en lalimyer tou lazournen nek son breaker i sote, i switch off. Prezan mon’n eksplik li en pe. Mon dir li be son Sanmdi mon pour mont kot li – i ti reste La Gogue pour nou al gete.  Kan saler  Mr Speaker set en difil elektrik ki’n apir ek en bout dibwa, ki’n vin en dead short, prezan bann dead short zot kantmenm i sote, ou switch on i alimen li.

Apre en pe letan i tape li. Ler ou war li i fer sa spark i tap lo sa dibwa li, sa dibwa i ale koumsa i fer en pti labrez li.  Sa labrez la sa dibwa la kantmenm ou pa war li, i kapab pran de mwan, 2 semenn avan i vin gro avek divan ki pe antre apre i desann dan ou plafon.  Tousala se bann keksoz ki kapab okazyonn dife.

E alors Mr Speaker mwan mon pa kont fire hydrant dan bann housing estate me le pwen se ki i enportan ki sa bann keksoz parey osi dan bann housing estate i ganny vwar i ganny gete ler nou donn lakaz en dimoun. Nou bezwen fer sir parey mon’n dir ki okenn keksoz adisyonnel ki’n ganny fer lo kote elektrikal i ganny enformen.  Bannla kot Housing i ganny sans gete.

E sa i pour fer i kapab redwir en pe nou ka dife. Akoz ou pour met en ta fire hydrant partou Mr Speaker, zis pour nou tenny dife – pa pour nou rezourd sa problenm dife. Mr Speaker mersi pour permet mwan pas sa pti pwen devan.

 

MR SPEAKER

Mersi Onorab Norbert Loizeau. Mon ava donn laparol Onorab Wilbert Herminie.

 

HON WILBERT HERMINIE

Mersi Mr Speaker. Bonn apre midi tou Manm koleg Onorab e tou dimoun a lekout.

Mr Speaker sa size housing estate i enn ki vreman enteresan. Me selman mon pour restrikte mon lentervansyon lo pwen ki mover Mosyon in mete se prevansyon dife dan housing estate.

Mr Speaker nou konn douler fanmir ler zot perdi tou zot posesyon dan en dife. Ki mannyer en dimoun dan sa sityasyon i santi li ler in aprann in perdi en manm fanmir, ou’n perdi en pros akoz dife. Mr Speaker ozordi mon pran laparol lo sa Mosyon, akoz mon vreman konsernen lo sa topik. Dife i en maler ki pa averti. Okenn minit, okenn segonn ou kapab perdi tou. Mr Speaker mon’n la avek bokou dimoun dan mon distrik ki’n perdi tou akoz dife. Mon’n war zot soufrans. Mon’n la pour ede e aport mon soutyen.

I pa’n en leksperyans ki fasil. Wi Mr Speaker ou pour dakor ki Gouvernman dizour in fer bokou dan domenn lakaz e lozman. E mwan totalman dakor ki plis zefor i devret ganny fer pour mete e resours ganny mete pour fer plis housing estate. E i menm enteresan pour konnen ki dan Sesel i annan plis ki 117 housing estate ki’n ganny konstri. Wi Mr Speaker nou’n batir bokou be i annan bokou plis pour nou fer. Sekiriz en housing estate sirtou protez en estate kont dife i bezwen primordyal pour sa Gouvernman dizour.

Mr Speaker fire hydrant i en zouti tre enportan, ki pour konbat kont evantyalite dife. E mwan sizere ki Fire Agency avek MLUH i travay lo en plan etrwat kolaborasyon pour idantifye bann lokasyon dan bann housing estate, kot napa fire hydrant, kot zot kapab sizer bann lokasyon pour zot kapab mete.  Mr Speaker fire hydrant i zis en bout dan sa demars, pour protez nou bann housing estate kont dife. Me lezot mezir tel ki met bann emergency exit assembly point, e demark bann lokasyon kot bann dimoun pou al asanble i primordyal.

Smoke detector dan bann unit e osi bann mezir tel ki fire alarm i esansyel pour nou kapab ede dan sa sityasyon pour sov lavi. Me Mr Speaker, ledikasyon avek sansibilizasyon par medya, i osi primordyal pour sansibiliz nou bann zabitan lo la fason pour protez zot lekor kont dife.  I devret osi mandatwar pour bann zabitan protez zot lekor protez zot bann propriyete kont dife, menm si ki PMC i annan en lasirans pour protez zot lakaz, me zot osi devret al pli lwen pour pran en lasirans pour protez zot bann meb.

Mr Speaker Lazans Fire Agency avan i devret aprouv sa bann plan i devret met kondisyon e rekomande ki bann pwen ki primordyal ki konbat kont dife i ganny mete dan bann lokasyon avan ki sa bann occupancy i ganny mete, i ganny aprouve.

E la mon demande ki lotorite pli o i fer sir ki Fire Agency i ganny sa pouvwar pour li kapab anforsi sa Lalwa. Mersi Mr Speaker.

Mr Speaker petet par fwa nou sitan konfortab dan nou lozman, ki nou oubliye gete bann keksoz pli enportan ki koz maler dan nou bann lozman.

Nou sitan rod semen, koneksyon delo, elektrisite, me nou rarman rod fason pour protez nou lakour kont bann dezas tel ki dife.

Mr Speaker sa Mosyon i enn ki tre enportan. Akoz lannen pase in ariv plizyer ka dife.  I annan bann ki’n grav. Le 16 Mars 2018 ti annan en ka dife dan housing estate Perseverance ki si Fire Agency pa ti reakte tre vit petet de lakaz ti an ganny detri e sa ti pour kout Gouvernman tre ser pour rekonstri e osi pour ed sa bann fanmir refer zot lavi.

Dan en housing estate ler dife i pran i fer bokou domaz akoz bann lakaz i tre pre ek kanmarad. Avek proksimite lakaz sa i kapab fer ki plis lakaz i kapab ganny detri menm en housing estate antye.

Mr Speaker en tel size ki nou pe debat lo la i pa nouvo pour nou Lasanble. Lannen pase le 3 Zilyet 2018 Minis Charlette ti vin reponn kestyon dan sa Lasanble e Onorab Churchill Gill ti poz egzakteman sa kestyon ki in met devan sa Lasanble ozordi.  Sa i montre ki i annan en nesesite pour lasosyete pran sat el size vreman o serye. Mr Speaker Minis Charlette dan son leksplikasyon ti donn diferan mezir ki son Minister pe pran pour adres sa konsern dife dan housing estate, ti sizer bann mezir tel ki fire hose, fire extinguisher eksetera, eksetera.

Me Mr Speaker sa Mosyon e pe demande ki fire hydrant e assembly point dan bann housing estate i ganny demarke e ganny e plis ledikasyon i ganny fer pour montre e edik bann zabitan ki mannyer pour servi sa bann fasilite.

Mr Speaker mwan demann Minis pour akseler en pe plis avek sa travay akoz serten fanmir pe deza viv dan bann housing estate e osi bann fanmir pe antre dan zot bann nouvo estate san ki sa bann tel lekipman i deza an plas. Mr Speaker prevansyon i meyer ki gerizon. Annou pa les dife detri tou e pi i nou rod solisyon. Mr Speaker mon senserman krwar ki nou bezwen annan en nonm standard an tou konstriksyon ki ganny fer.

Lotorite Plan i bezwen asire ki tou kondisyon i an plas avan ki sa lokasyon i ganny fer avek bann fanmir. Parey ki nou met bokou lanfaz lo bann pti proze prive zot bezwen fer parey pour bann proze Gouvernman. Sa i a sov pei en ta larzan e pli tar sov lavi nou bann fanmir.

Mr Speaker i osi enportan pour annan swivi dan bann maintenance bann lekipman. Si non nou pour retourn a zero. Akoz tou pour ganny abimen en bann estate pour napa lekipman ler moman apropriye i arive. Dan English River travay i an progre, landrwa in ganny idantifye kot pour mete me napa lenstalasyon ki’n ganny fer. Savedir napa fire hydrant dan bann estate. An gro mo mon kapab dir ki i bezwen annan en zefor kolektiv pour tou bann partner pour fer sa proze vin en realite. Mwan demande ki swivi tre pros i ganny fer pour ki sak endividi i pran son responsabilite pour konplet sa bann proze avan i kout nou tro ser.

Mr Speaker mon demande ki tou Lazans konsernen i bezwen travay koman en lekip e seksyon ki aprouv bann plan i bezwen annan en checklist pour war tou keksoz ki demande lo lalis i vin mandatwar e ki ganny mete avan ki sa plan i ganny aprouve. Checklist i bezwen ganny sertifye ler alokasyon i ganny fer. Mr Speaker bann fanmir ler zot ganny donnen zot lakaz dan bann housing estate i devret zot dwa pour zot demande ki sa bann lekipman i pe fonksyonnen e osi fer sir ki bann zofisye konsernen i montre ki mannyer pour servi sa bann lekipman.

Mr Speaker pour terminen i enportan osi ki Gouvernman i fer li obligatwar pour edik bann lokater lo fason pour manipil bann lekipman e osi montre zot ki mannyer pour servi sa bann assembly point. Mon felisit mazorite bann zabitan dan bann housing estate ki pran byen swen avek zot lozman. Me i malere ki pour dir ki i annan en minorite ki kontinyelman pe vandaliz bann lekipman e sa i vreman mal e nou kondann sa. Sa landrwa i pour zot e pran byen swen avek li. I esansyel pour annan en polisi ki anglob tou sa ki nou’n diskite lo housing estate pour asire ki tou bann faz lenplimantasyon ziska alokasyon i ganny fer e i ganny fer byen.

Avek sa de mo Mr Speaker mwan pour aport mon sipor a sa Mosyon. Mersi Mr Speaker.

 

MR SPEAKER

Mersi Onorab Herminie. Mwan ava donn laparol Onorab Jude Valmont.

 

HON JUDE VALMONT

Mersi Mr Speaker mwan pa pou tro long lo la. Bokou bann bon, bon keksoz in ganny dir depi bomaten e mwan kontan lapant ki Mosyon in pran, tou dimoun in donn lendikasyon ki zot pe al vot an faver sa Mosyon e i montre ou ki Lasanble ler nou met tou le de kote i koz menm parol lafors e ki nou fer.

Mr Speaker mwan komans ek en pti refleksyon. Pointe Larue zis mazinen ou annan ou de pti housing estate e blok flat ou annan 6 lakaz, met en valer R800mil let’s say pour en lakaz 2 lasanm, ladan ou annan 6. Sa bann dimoun in kontribye tou sa letan, zot in aste zot bann pake, tou zot bann valuable i ladan. Dife i deklare ou pa rive tennyen ou perdi 6 lakaz. Ou pa’n zis perdi milyon me bokou keksoz ladan i priceless parey zot konnen.

Senp keksoz parske ou ranplase me selman bann keksoz parey, senp legzanp en bag maryaz, bann keksoz koumsa ki zanmen ou pour ranplase.  E pli enportan ankor se lavi si i arive ou perdi lavi. Mwan mon annan mon osi dan leksperyans personnel kot i pa kot housing estate me selman kot mwan bann fanmir anler Turtle Bay. Mon tonton ti passed away dan ka dife, zot pti zanfan osi.  I tousan alor mwan krwar sa size i goes beyond fire hydrant. I tous dife, i tous lavi e alor mwan pasyonnen par bokou keksoz ki zot in dir bomaten.

Mr Speaker dan resers ki Onorab Gill, Loter Mosyon in fer bomaten e son prezantasyon in aktyelman dir nou ki annan son 17 housing estate, 117 sorry, mon’n met 117 selman, 117 in dir. Housing estate en, housing estate. Non, non, yes Mr Speaker 117 housing estate en e Pointe Larue i parmi, i annan 5 housing estate e si nou kont Mirabel ki emergency houses me selman dimoun i fer ase letan, i osi ganny konsidere koman en housing estate.

Nou’n sanse ziska prezan napa, nou napa ka dife ki grav. Mwan krwar depi ler mon mon’n la mon rapel ti annan sirkonstans sad ki manrmay ki’n zwe avek zalimet ki’n met dife dan en matla me selman lavantaz dan housing estate se ki i annan vwazen ki’n war, in santi loder in taye in kriy enn zot in sey pran en seo delo in tennyen erezman. Me nou lavantaz se ki petet bokou zot pa realize, lavantaz dan mon distrik se ki mwan mon pres ek airport.

Malgre bokou dimoun i tann mwan konplent airport i pli o i gard delo, me selman zot ede, zot ed nou. Zot fire service i ed nou, i vitman, i pran zot zis 5 minit pour ariv preski tou landrwa dan Pointe Larue e nou ganny zot e pour sa mon dir mersi e sa i en lavantaz.

Alor petet nou pa santi, petet nou pa santi sa le fe ki serten landrwa napa fire hydrant akoz nou konnen nou bann fireman lo airport zot toultan la pour ed nou.

Me Mr Speaker resers ki’n ganny fer, mwan ler mon ti pe met mwan bann pwen ater pour sa Mosyon mon’n fer en pti resers mwan osi. I annan landrwa ki mon’n fer letour, mon’n marse, mon’n tyeke, mon’n demann kestyon, mon’n demann bann rezidan, bann housing estate e mon’n realize ki si pa tou, preski tou, napa fire hydrants e sa i en gro konsern.

E me selman mon acknowledge ki i annan zefor ki’n ganny fer dan kad hose wheel, i annan fire extinguishers ki’n ganny mete. Mwan mon’n pase, mon’n war mwan menm, me selman over en peryod letan i pa pran 3, 6 mwan pour sa bann lekipman la ganny vandalize ganny kase. E souvandfwa bann Manm ki’n koze oparavan zot in fer sorti sa bann pwen. Sa ki sad se ki i pa dimoun an deor ki kas sa.  Se nou bann dimoun dan nou bann housing estate. E alor mon krwar bann Onorab in fer sorti en pwen for se ki zot in koz lo responsabilite.

Mon krwar mon osi mon profit sa lokazyon pour lans en lapel avek sa bann dimoun ki zot merit realize ki ozordi nous a Lasanble, nou pe servi sa letan ozordi pe koz lo sa ki Onorab in met devan lo fire hydrant, assembly point. Mwan mon dir zot pran sa ki nou pe dir la, servi sa, annan sa responsabilite, maintain sa bann keksoz.

E dan sa laliny mwan ti a kontan met lanfaz lo en pwen ki’n ganny osi refer sorti lo Condominium Act.  Mr Speaker mwan mon krwar ler mwan mon’n get sa Condominium Act mon’n war ki si sa    Condominium Act ki ganny ranforsi bokou, bokou, nou pour envit bokou problenm. I koz lo common areas, assembly point.  I koz lo en dimoun, mwan mon ti’n fer sorti sa pwen apre i annan Onorab avan mwan in koz lo sa pwen avan, me mwan met lanfaz ankor lo en designated person, en safety officer.

Si ou ti annan sa dimoun parey Onorab Aglae in fer sorti ou pa bezwen esper DA pour vin ler dife i deklare pour vin esper DA pour vini pour ralye tou dimoun, pour met zot lo en assembly point.

Lo sak housing estate i ava annan en dimoun ki responsab e i a fer sa pti bout. Alor Mr Speaker mon krwar ki si sa Condominium Act i ganny met an fors, i ganny anforsi bokou nou bann konsern pour ganny adrese. Sa i lo sa laliny Mr Speaker. Apre zis pour met lanfaz lo fire hydrants ankor mon retourn lo sa bann hydrants se ki maintenance i enportan.

Souvandfwa bann ka mwan mon’n swiv, bann ka dife ler fireman zot ale ariv dan landrwa dezinyen kot i annan en fire hydrant i annan letan ki e pa zis hydrant in ganny kouver anba koltar parey Foreign Affairs ti arive, me i annan sirkonstans ki i pa marse tou.

E parey Mr Speaker in rightly said i annan letan ki ou pour anvoy laponp dan larivyer malerezman napa delo. Alor nou bezwen mazin pti, pti nou bezwen mazin sa 6 lakaz ki kout 8 san ekek mil enn e tou sa valer ladan si i arive sa fire zone pa marse, demen larivyer delo pa koule, nou dan problenm zot kapab brile nou perdi en kantite keksoz.

Alor maintenance i enportan e alor mon konnen se PUC i la pou met sa bann hydrants be kestyon petet Onorab a reponn mwan apre, who is responsible to maintain these hydrants, lekel sa konponan Bidze i ete pour nou fer sir nou konman en Lasanble, petet ler Bidze i vini met en keksoz ater ki dir be ok annou fer en keksoz kot kordinen. Annou be si PUC in mete li and then how about maintenance akoz i pou tonm kot bann housing estate so nou pe koz laba la. Alor petet la nou bezwen war PMC nou war Minis konsernen ler i vini demen next Bidze i prezant en konponan ki dir be ok bann Onorab L’Egzekitiv i a lekout Lasanble nou konsernen ek lavi nou bann dimoun.  E alors sa i en konponan Bidze, ki pou fer preparasyon pou met sa bann hydrants.

Petet ansanm ek PUC keksoz i kapab ganny fer Mr Speaker mon profit lokazyon pou dir bann Onorab e bann dimoun ki pe swiv nou atraver ou Mr Speaker, ki nou dan nou distrik mon’n aprann en keksoz se ki ler mon ti dan meeting piblik. Nou annan sa nou lekip brigad ki bokou distrik i annan, bann MNA Elekte zot kot byen. Bann volonter ki ede, bann letan koumsa zot monte zot dedye zot letan.  Pour sa mon dir ek zot mersi.

Me mwan mon anvi fer sorti ki dan mon distrik zot in pran en linisyativ. I annan mon bann koleg avan mwan in koz lo survey, sizesyon zot in fer pour PMC fer survey.  I annan Onorab ki’n koze avan mwan in dir ki i annan serten rezyon in deza konplete. Me Mr Speaker mwan fransman mon krwar i en pti pe. Mon pa pe dir sa negativ. I pe pran en pti pe bokou letan. Parey in ganny fer sorti Sesel i ankor beni.  Nou pa ankor ganny dife dan sa bann housing estate ki grav God forbid.

Me selman nou pa kapab esper ankor akoz la nou pe koz lo la.  E mwan swete L’Egzekitiv, Lotorite konsernen e menm nou bann dimoun, bann endividi ki pare pour ede pour vin devan pour at least fer le neseser. E mwan mon anvi dir zot Mr Speaker ki nou lekip brigad parey mon’n koz lo la zot in pran linisyativ, sa pti group dimoun, dan mon distrik, zot pe marse partou dan bann kontan. Partou kot i annan semen whatnot, zot pe fer sa pti survey zot pe ed Lotorite pour idantifye bann fire hydrants ki deza la. Bann ki pe marse, bann ki pe marse.

E zot pe al pti pa pli devan zot ansanm ek nou DA.  Zot pe aktyelman fer sizesyon kote ki neseser. Alor mon lans en lapel avek zot ler zot tann sa Mosyon pour konsider sa bann housing estate osi.  Alor sa i bann keksoz pozitiv ki’n ganny fer dan sa laliny Mr Speaker.

Me lo lot kote osi avan mwan terminen mon’n tann mwan bann koleg in mansyonn mankman kordinasyon. Sa i en keksoz ki mwan osi mon konsernen avek akoz mwan konnen ki SLTA ansanm ek PUC.  Mon konnen akoz in ganny refer sorti la dan sa Lasanble i annan en Komite ki ler semen i ganny kase pour pas sepa ki tiyo and whatnot, SLTA i asiz lo la, PUC i asiz lo la.  Zot konnen ki pe pase.  Be alor mon pa ganny en konpran kote sa lack of kordinasyon i ete si zot asiz lo sa Board zot osi zot asiz lo sa Komite.

Alor mwan lans en lapel avek bann diferan district team dan bann distrik. Nou bann MNA souvandfwa nou’n lager pour lotonomi nou distrik.

Alor mon lans en lapel ek bann distrik, i annan zofisye SLTA PUC, take it onboard, fer lesansyel, gete ansanm ek zot bann dimoun dan distrik parey mon’n dir gete kot i annan sa bann fire hydrant, rod fason si pa marse, les konnen si in ganny kouver oubyen si ou pour ganny koltar, it’s the district team that has to do this. Alor mOn dir zot take ownership.  

E fer sir ki sa bann hydrants ki pa marse i fonksyonnen e antretan ki nou esper nou fire tender i pour vini pour sa.  Me selman antretan nou espere la mon krwar between now and then bokou i kapab ganny fer e si zot swiv legzanp Pointe Larue nou lekip brigad mon krwar nou zwenn ansanm nou kapab ed sa Mosyon e ed PMC pour fer sa pti survey konplet li by next year, by boner next year.  E nou konnen or by lafen lannen kot i vin prezant Bidze.

E mwan swete ki anmenn en konponan. Nou dir be ok nou ale kot Lasanble, nou pe anmenn sa pti eleman la e mon swete ki tou mwan bann koleg Onorab lo mon kote e lo kote LDS nou, zot zwenn lespri Mosyon pour vot, pour en tel Bidze si vini e dan sa laliny Mr Speaker mon sipor sa Mosyon 100 poursan e mwan remersye ou pour sa pti moman letan.  Thank you.

MR SPEAKER

Mersi Onorab Valmont. Bon mon’n ganny endike par de Manm ki ti lo mon lalis ki zot pa pour entervenir.

Mon’n dir tou mwan ava pas laparol avek Mover Mosyon. Onorab Churchill Gill pour fer son konklizyon. Onorab Gill.

 

HON CHURCHILL GILL

Mersi Mr Speaker. An premye lye mon oule remersye tou Manm ki’n aport zot kontribisyon tre valab lo tou lede latab pou sa Mosyon. Me mon’n osi note lentervansyon en Onorab ki’n fer ou konpran ki i annan bann materyo wiring vi ki zot pa lo standar e zot, zot enn bann rezon ki koz dife.

Prezan prenan kont tou sa housing estate ki nou’n annan si sa lentervansyon i korek i donn nou plis rezon pour annan fire hydrant pour nou kapab tenny dife. Bokou sa bann propozisyon, sizesyon in ganny enkorpore dan mwan rap up. Komansman par demann Minister konsernen pour fer en legzersis serye avek Lazans Fire Brigade avek PUC pour ki tou bann housing estate ki pa okipe avek fire safety plan, maintenance plan, emergency fire exit plan e bann. E ler bann housing estate in konplete nou fer li osi obligatwar ki sa sertifika occupancy i vin, i form par dan sa legzersis pour asire ki i a zet en kout lizye lo sa bann diferan lekipman ki devret la dan estate. E osi nou devret entrodwir fire drill exercise pour bann rezidan.

E mon krwar si nou fer sa pandan 3 fwa dan en lannen i pour en sequence ideal akoz gradyelman i ava enkilke sa kiltir avek nou bann zabitan dan estate e sa i a fer ki i ava ede pour evite annan bann destriksyon mazer. E mwan demann Minister pour fer en legzersis tre konpreansiv pour asire ki tou sa bann propozisyon serye i ganny met an plas dan en pli kourt dele pour ki nou a kapab annan konfidans dan tou nou bann estate e nou a kapab dormi en pe pli an pe prenan kont ki nou bann zabitan estate, zot in ganny soulaze avek bann prekosyon neseser. I enportan ki nou osi entrodwir training pour tou sa bann dimoun ki reste lo estate ki mannyer i servi sa bann diferan lekipman e la mon pe koz fire hose reel avek fire extinguishers e sa nou fer li lo tou letaz sa bann diferan estate pour ki ler i ava annan en sityasyon kot i annan dife dan estate nou a deza annan en brigad ki a konpran e konnen ki mannyer pour atak sa dife an premye lye avan ki fireman i ariv lo scene.

Lo sa size koneksyon fire hydrants par PUC.  I devret pa difisil akoz sa menm koneksyon ki vin kot sa bann estate kot s agro tiyo ki PUC i transport sa bann delo avan ki distribisyon i ganny fer kot sa bann lakour i devret annan presyon ideal akoz i sipoze annan presyon 6 bar dan langaz  PUC.

6 bar e ki sa presyon i rekomande ki okenn hydrant i annan en tel koneksyon akoz ler i annan dife dan bann gran building i bezwen serten presyon, e sa 6 bar i sa kantite  presyon ki partou kot i annan hydrant en tel koneksyon i an plas. Alors mon krwar Minister Teknisyen Gouvernman tou bann ki pe ekout nou, i enportan pran sa size tre serye e montre Seselwa ki tou sa housing estate i ava pe ganny proteze atraver bann mezir ki kapab ede anpes annan destriksyon mazer oubyen perdman lavi lo en nivo tre eleve.

Alors mon remersye bann Manm ankor ki’n donn zot kontribisyon tre valab pou nou tou pou enn fwa nou donn nou sipor pou en keksoz ki tous tou nou distrik dan pei. E byensir parey i annan ki’n dir, apard hydrant dan housing estate. Legzersis osi Gouvernman i devret pran li en pe pli larz e get nou bann landrwa piblik osi, bann landrwa sansib pou asire ki a lafen dizour tou nou landrwa i ava annan serten proteksyon an ka i annan en lensandi ki kapab koz bokou dega e detri lavi. Mersi Mr Speaker.

 

MR SPEAKER

Mersi Onorab Churchill Gill, bon moman in arive pou pran en vote lo Mosyon ki’n ganny move par Onorab Churchill Gill. Ki lir konmsa sa Lasanble pe demann Gouvernman pou fer li obligatwar ki tou housing estate dan pei i met fire hydrant.  E osi annan bann assembly point an ka en lensidan dife lo housing estate. Mon ava demann tou Manm ki an faver?  Tou Manm ki an faver annou re-montre en show of hands?  Ok, okenn Manm ki kont?  Madanm Clerk.

 

MADAM CLERK

Mersi Mr Speaker.  25 Manm in vote an faver e personn kont. Mersi.

 

MR SPEAKER

Mersi Madanm Clerk.  Savedir Mosyon in ganny aprouve par Lasanble Nasyonal, mersi. Bon nou ava move. Yes Onorab Ramkalawan.

 

MR WAVEL RAMKALAWAN

Mr Speaker zis en pti lenformasyon pou sa ki Onorab Churchill Gill in dir. Ofet PUC, sa ki ou’n dir zafer bar la, i ok li me PUC in fer en legzersis kot in enstal sa ki apel bann PRVs Pressure Reducing Valve.  E zot in met li partou e pressure in desann e letan ti annan sa dife kot SPTC.  One of the reasons akoz zot pa ti kapab travay lo sa nivo, se parski pressure in desann e sa pe koz en problenm dan li osi tou. Mersi bokou Mr Speaker.

 

MR SPEAKER

Wi, yes Onorab Churchill.

 

HON CHURCHILL GILL

Wi sa i korek, annefe koneksyon lo fire hydrant pa devret annan en reducing pressure akoz si non i pa pou fer dibyen sa lekipman pou li kapab donn sa rannman ki nou respekte de li.  Savedir si li ler sa legzersis pe fer Minister i devret fer sir ki zot verifye kot fire hydrant napa okenn reducing pressure, mersi.

 

MR SPEAKER

Mon krwar sa PRV in ganny enstal en pe partou, partou dan bann distrik osi tou i annan sa bann pwen kot detanzantan presyon i ganny retire. Yes, yes ok, noted.  Bon nou ava move lo 3enm Mosyon lo sa Order Paper e mon ava demann mover Mosyon Onorab Jean-Francois Ferrari pou prezant son Mosyon.

 

HON JEAN-FRANCOIS FERRARI

Mersi Mr Speaker.  E bonn apre midi tou dimoun.  Mr Speaker si mon ti devret donn en tit pou sa Mosyon mon ti ava dir nou dan menm biznes nou tou e sa se ledikasyon pou nou bann zanfan.  Mr Speaker sa Lasanble i demann avek Gouvernman plis spesifikman avek Minister Ledikasyon, pou met an dispozisyon tou ansenyan e asistan ansenyan landrwa e fasilite neseser dan tou bann lenstitisyon edikasyonnel dan pei, pou ofer leson ekstra e lasistans devwar lakour,  apre lekol pou bann zanfan ki eksprim sa demann, e ki pare pou fer en kontribisyon finansyel an faver bann ansenyan ek asistan ansenyan pou zot ganny sa servis.

Lasanble i oule osi demann, demande ki resours finansyel i ganny debloke dan Bidze nasyonal pour anmenn en rekonpans pour bann ansenyan e asistan ansenyan ki deside pour ofer sa servis pour bann zanfan lekol ki zot paran dapre kriter proteksyon Lazans Proteksyon Sosyal, pour sa bann paran ki napa le mwayen pour pey zot menm pour sa servis.

Mr Speaker nou tou nou dan menm biznes. Mon krwar si i annan en keksoz ki devret preokip tou Seselwa, tou sak minit dan son lavi se ledikasyon nou zanfan. Nou koman para, nou koman ansenyan, nou koman en Gouvernman.  E sirtou koman en Lasanble Nasyonal nou bezwen e nou annan sa responsabilite pour nou travay sanses pour nou kapab lev nivo ledikasyon dan nou pei e fer ki nou bann zanfan i sorti avek meyer rezilta dan zot legzanmen.  Mr Speaker pandan plizyer lannen nou’n annan en deba Nasyonal lo nivo ledikasyon lo kalite ledikasyon e mon krwar ki mwan pa pour egzazere ler mon dir ki mazorite lepep Seselwa, si non tou lepep Seselwa i dakor ki i annan sa ki nou apel dan bann lekol room for improvement, ki i annan lespas pour nou fer meyer, pli byen.

I pa mon lentansyon ozordi pour mwan ki bann rezon akoz i annan serten difikilte dan ledikasyon, me mon anvi anmenn en kontribisyon pour ki nou zanfan i kapab ganny en meyer sans dan zot lavi, e osi ki bann ansenyan i kapab trouv atraver sa propozisyon ki mon pe fer en fason pour zot kapab ranpli zot vokasyon, koman ansenyan ankor plis e avek lagras ganny en pti larzan an plis, pour zot kapab balans zot lafen di-mwan.

Mr Speaker moman pli danzere dan lavi enn zanfan – enn nou bann zanfan e tou nou bann zanfan dan Sesel, se sa moman ant lekol large e moman kot paran i ariv dan lakour. Sa i en moman kot bann zanfan i sorti anba sipervizyon lekol e zot pa ankor antre anba sipervizyon zot paran kot lakour. Se en moman kot en kantite keksoz i kapab arive. Se en moman kot bokou keksoz i arive e malerezman souvandfwa bann keksoz ki pa tro bon e bann keksoz ki pa tro zoli.

Alors mwan koman en paran e koman en Manm sa Lasanble mon’n rankontre plizyer dimoun dan mon distrik pour nou reflesir lo ki fason nou kapab anmenn en meyer sityasyon kot nou bann zanfan i kapab ganny tenir zot lanmen pandan sa moman difisil. Kisisa ki nou koman en lekol e kisisa koman en kominote nou kapab anmennen en pe plis pour nou kapab soutenir sa bann zanfan dan bann moman parey mon’n dir ki en pe difisil. Mr Speaker desizyon e propozisyon ki mwan pe fer i pa neseserman enn ki pe ganny fer par en eksper dan ledikasyon. Mwan pare pour mwan kit sa Mosyon ouver pour okenn lenterpretasyon pour okenn sanzman, pour okenn amelyorasyon akoz bi sa travay ozordi se pour rod en propozisyon ki meyer pour tou nou bann zanfan.

En propozisyon e en desizyon ki merit dan lentere lekol. Lekol i bezwen benefisye bann ansenyan i bezwen benefisye. E bann etidyan i bezwen benefisye.  Ler sa 3 group i ava benefisye. Mon napa okenn dout ki nou pei i ava dan en pli meyer leta. Me sa i osi en propozisyon en desizyon ki i annan pour fer avek sa volonte ki mwan mon annan e ki mon partaze avek plizyer dimoun ki lekol i repran son plas dan sant bann kominote kot nou viv.

Lekol i bezwen vin sa landrwa sant bann kominote kot nou viv. Lekol i bezwen vin sa landrwa santral kot lavenir pe ganny forse kot nou bann zanfan pe ganny gide e kot dibyen pe ganny partaze. Lekol i en lespas ki bezwen vin en lespas referans ki tou dimoun i fer referans avek lekol e ki tou dimoun i santi ki zot form parti sa lenstitisyon menm si zot pa en etidyan ki asiz lo en ban.

Mr Speaker ler lekol i fermen dan 3 er dan 2 er edmi i annan i reste deryer en batiman avek bann laklas bann koridor, bann baro, bann laport, bann sez ek latab. Ler bann manrmay i antre kot zot i reste bann laplenn bann kort, kort, bann diferan fasilite ki la. E mwan mon pe dir annou reflesir pour nou kapab fer en pli bon litilizasyon tou sa lenfrastriktir ki’n kout de milyon, de milyon, de milyon pou met an plas. Annou zis pa ferm baro lekol e apre re-ouver li landmen bomaten.

Mr Speaker i annan bokou paran ki pe rod pou zot zanfan bann klib homework.  Ki pe rod pou bann zanfan sa ki nou extra curricular activities. Ki pe rod pou zot zafan en leson ekstra dan franse, dan matematik, dan diferan size e dan konesans zeneral. E i annan en kantite paran ki pare pou peye pou sa. I annan osi bann paran ki pa kapab peye pou sa, akoz zot osi e nou’n war dan nou bann deba ki nou’n annan semenn pase. Ki i annan bann paran ki pe viv lo en Bidze ki vreman sere, alors nou pa devret oubliy sa bann zanfan osi.

Me selman ki i annan bann zanfan ki anvi fer sports nou anvi vwar ki, rekonnet ki i annan bann group kominoter, ki anvi servi sa bann fasilite e zot ti ava kontan zot kapab ganny akse avek sa bann fasilite.  Tousala Mr Speaker se en keksoz ki nou merit ankouraze, me ki mannyer nou ankouraz sa? O konmansman sa lannen i annan en ansenyan ki’n telefonn mwan pou li dir mwan ki, tre souvan e depi plizyer lannen i ti pran en group zanfan anba lavarang National Library.

Dan bann koridor ki reste ouver la i ti ganny permisyon avek Minister Kiltir kot i annan ban i annan enn de latab pou li apre lekol servi a landrwa pou li donn leson ekstra.   E pou sa i ti fer peye, akoz sa ansenyan parey nou tou isi e tou dimoun, si nou kapab ganny en sans pour nou fer en pti larzan an plis i toutafe normal e toutafe bon, i toutafe byen, i toutafe rekomande pour nou rode ki mannyer nou kapab ganny en pti larzan ekstra.

E lot kote son bann etidyan ti pe ganny en servis apre lekol, extra lessons, bann manrmay ti vin fer zot homework la.  Li i ti sipervize depi 2er edmi, 3er ziska 4er edmi 5er ler bann paran i pare pou pare pou pran zot transport oubyen zot fini zot travay zot pase zot pran zot zanfan zot mont kot zot. I en servis i apele sa, malerezman parey nou tou nou konnen Libreri Nasyonal in fermen pour renovasyon akoz sa problenm fungus.

E de sa moman la ki sa ansenyan ti trouv li dan en sityasyon kot in nepli annan en landrwa pou li kapab ofer sa servis. Alors mon ti pran kontak avek Minister Ledikasyon e mon kapab dir pou dir, i ti en pe challenging i ti en pe difisil, pou mwan fer pase sa mesaz ki i bon pou Minister Ledikasyon ofer dan bann lekol fasilite, pou sa bann ansenyan kapab ofer sa servis.  I ti ase difisil akoz bann kad dan Minister ledikasyon, malerezman avek respe se pa toultan bann kad, bann dimoun ki fleksib ki think outside the box.

Se souvan bann kad bann responsab ki pandan plizyer lannen ki’n travay dapre bann regilasyon e tou keksoz i konplike pou zot. Tou keksoz i difisil, tou keksoz ou bezwen ekrir en let ou bezwen al war Minis ou bezwen ekrir sa ou bezwen fer sa, be nou abitye fer koumsa, nou pa kapab fe koumsa. Be sa ansenyan kwa la i pe vin fer sa pour li ganny en pti larzan. I pe vin sarz sa bann manrmay i fer peye sa, me byensir i fer peye. Napa person ki fer nanryen pou nanryen, byensir i fer peye e i normal i akseptab ki i fer peye. E la nou ti esanze, nou ti sanz bann lide e mon ti vin avek lide pou anmenn sa Mosyon dan sa Lasanble akoz mon krwar ki i enportan ki i annan bann deba piblik lo sa size. Akoz mon santi ki Minister Ledikasyon i pa respektif a sa lide.

E mon largiman zisteman avek zot se ki, me nou dan menm biznes nou. Sa ansenyan ki pe donn leson after hours i dan biznes ledikasyon li. Ou direkter oubyen asistan direkter oubyen Minis ou, ou osi ou dan biznes ledikasyon nou dan menm biznes. E si nou kapab nou tou fer en pe plis, kekfwa nivo ava monte. Alors nou’n vin ek sa lide pour nou demande, pour nou egzize ki sa i en pratik ki ganny ankouraze. I pa en pratik ki ganny konsidere konman move akoz en ansenyan pe al fer en larzan an plis pare lekol. I devret war konman en bon keksoz.

E mwan mon demande ki Minister ledikasyon i pa rod leskiz me i rod ki mannyer pou fasilit sa servis. Alors byensir Mr Speaker i pa normal pou Gouvernman oubyen pou en Minister zis ouver son baro, zis ouver son laklas oubyen kit zis sa avek nenport dimoun, swa zis pou annan en kontrol sa okenn regilasyon. Non, byensir i bezwen annan regilasyon ki regle sa. Lekel ki pou fer sa? Lekel si par egzanp mwan mon annan en bon zanmi ki ti, well i pa’n montre mwan lekol me selman in montre lekol bann zanfan zis 2 an apre mwan e ki la ozordi in ariv lo son larz retirement.

I donn leson li i ti pe donn en pe leson kot li prive, i reste Anse La Mouche. Si ti annan posibilite ofer li en landrwa pour li pran 5, 6 manrmay toulezour pou donn en leson pou lev zot nivo kekfwa ti ava en keksoz ki enteresan. Alors nou bezwen premyerman deside lekel group? Nou bezwen deside si pou peye oubyen pa pou peye? Si sa ansenyan ki pe donn sa servis, si pa devret donn en kontribisyon vizavi lekol akoz i pe servi fasilite lekol kekfwa toilet, kekfwa fan, kekfwa lalimyer, kekfwa i devret fer en kontribisyon tou le mwan.  Kekfwa i devret reserve pou bann ansenyan ki anrezistre pou fer  bann aktivite apre lekol.

Ou bezwen anrezistre dan en mannyer ki si annan en ansenyan ki pa swiv bann prosedir i pa pou ganny anrezistre ankor lo la. Nou bezwen annan kontrol, me selman nou bezwen en lapros proaktif. Nou’n koz lotonomi dan ledikasyon, lotonomi bann lekol mwan mon kapab partaz avek zot nou isi dan sa Lasanble ki lekol Mont Fleuri in konmans pran en pe son lotonomi.

Son lendepandans si ou kapab dir en pe konmsa, akoz i en lekol. Akoz la mon fek sorti dan en pti prize giving event la, kot lekol in fer partnership avek en madanm ki reste L’Angleterre. E ki’n ofer serten trophy, serten memorabilia sa bann manrmay ki’n fer P6 lannen pase. Lekol pe reach out lekol pe pran son lotonomi e se sa bann keksoz konmsa ki nou devret ankouraze.

Ler mon’n dir boner pou dir kekfwa fodre peye tou, kekfwa sa bann dimoun bezwen fer kontribisyon. Akoz lekol osi parey nou konnen i pas partou osi li osi pe sey rod en reveni. E son premye laport ki arete osi se kot laport MNA.  Alors nou tou nou konnen ki lekol i bezwen reveni i bezwen sa pti larzan pou li fer son bann aktivite. Me selman nou bezwen annan regilasyon pou ki sa i ganny fer dan en fason byen.  Ankor lezot legzanp i bezwen ganny fer dan en kad legal. Nou bezwen konnen si legalman i ok pou les ki mannyer education act i dir ki mannyer lekol i ganny servi apre ler lekol.

Nou bezwen regarde sa e mwan, personnelman mon pa en spesyalis ladan e mon pa’n war, mon pa’n regarde sa aspe la.  Lasirans kekfwa lekol ava dir nou me sa bann zanfan ki lo compound lekol la si i ariv en problenm avek zot ki mannyer i marse. Me sa se bann challenges ki nou kapab sote, ki nou kapab avans pli lwen. Sekirite otan ki mon konnen i annan sekirite kot lekol 24 lo 24, ler zanfan i dan lekol sekirite i la, ler zanfan pa la sekirite i ankor. So, alor annou gete ki mannyer sekirite bann zanfan, zot health e zot health and safety i ganny garanti.

Donk Mr Speaker sa Mosyon ki mon pe anmennen se vreman en demann pour nou angaz nou en pe plis anver ledikasyon nou zanfan. E annou konmans apre Minister Ledikasyon ki annan bann fasilite, e anvoy en mesaz for avek Minister Ledikasyon ki zot devret byento, deswit kekfwa akoz mwan si mon ti Minister, si mon ti, si mon ti Minis Ledikasyon ler dimoun ti telefonn mwan e dir mwan mon ti a kontan ganny en landrwa pou donn leson apre lekol.

Mon sel reaksyon ti be i toutafe normal kan ou le konmanse. Ou le konmans demen, akoz demen mon a fer ou ganny en landrwa, demen mon a fer ou ganny en latab dan kantin apre lekol ou ava pran ou detrwa manrmay.  Akoz nou anvi fer manrmay monte nou, so mwan mon pe dir nou met sa propozisyon devan Minister Ledikasyon.  E mon pe demann sipor Lasanble pou annou pa rod bann lobstak, annou pa rod bann detay. Annou pa rode si, ki nou pe fer bann ansenyan oubyen bann asistan ansenyan, bann asistan ansenyan i kalifye i pa kalifye.

Non, non annou pa rod bann detay, annou reste lo son prensip. Sa Mosyon i lo en prensip ki dir annou ouver sa bann fasilite pou benefis nou bann zanfan.  Donk mon ti a voudre apresye sipor Lasanble lo la, mon ti a osi e sa i dezyenm parti dan sa Mosyon.  Ler mon pe al terminen dir sa, nou pa kapab pran okenn desizyon, nou pa kapab fer okenn keksoz ki pou les de kote, ki pou les ater serten zanfan. nou pa kapab fer sa, ‘’No child left behind’’ i nou moto.

Mon mazinen i zot moto, ‘’No child left behind,’’ si nou pe fer en propozisyon pou nou bann zanfan kapab ganny en pe sipervizyon en pe lankourazman apre lekol. Annou osi an menm tan rode ki mannyer bann zanfan ki napa le mwayen pou zot pey pou sa servis zot osi ganny anmase. E enn bann fason pou fer li se pou dir, Onorab Churchill Gill ou pou pran 10 zanfan pou fer leson apre lekol.  Ladan mon ti a kontan ou pran 2 ki ou fer sa pou nanryen akoz zot zanfan pa kapab peye.

Ou a fer pey 8 – 2 sa i ou kontribisyon sa nou pa pou sarz ankor pou lekol. Sa i en fason fer, oubyen i en fason fer li atraver lazans proteksyon sosyal me i bezwen annan en fason pou fer sa.  Mwan mon pa konnen ki fason, mon pe met sa devan zot pou zot kapab fer en kontribisyon lo sa Mosyon, gete ki mannyer nou kapab improve li e ki mannyer i kapab vreman ranpli sa fonksyon ki mwan mon ti a kontan i ranpli.  Alor Mr Speaker mon ava terminen an dizan, nou tou nou dan biznes ledikasyon, e nou tou nou pa anvi ki okenn zanfan i ganny kit deryer.

Annou fer mannyer ofer sa bann servis otan ki posib partou dan larepiblik Sesel dan tou bann lekol. Fer konnen sonn sa laklos dir avek bann paran i annan bann fasilite si ou le en dimoun pou ed sa zanfan i annan en fasilite i egziste.  Se la paran ki ou devret pe depans i pti pe ou larzan, akoz se la kot ler ou envestir dan ou zanfan ou osi ou envestir dan ou zanfan ou rekonpans pou en pti pe pli gran. Alor fer ou kontribisyon paran Minister ofer bann fasilite e nou pou en pei bokou pl iris e bokou pli reisi ki nou ete ozordi. Mersi Mr Speaker.

 

MR SPEAKER

Mersi Onorab Ferrari.  Bon okenn Manm ki segonn Mosyon.  Yes Onorab Ahmed Afif.

 

HON AHMED AFIF

Mersi Mr Speaker.  Mr Speaker mon ti a kontan segonn Mosyon me mon pa konnen si ou le ki mon fer entervansyon la oubyen apre.

 

MR SPEAKER

Bon mon krwar nou pou pran, mon a sizere nou pran en Break e apre nou ava pran bann entervansyon apre Break. So, nou ava Break la e nou ava retournen 4er pour nou kontiny deba lo Mosyon. Ok.

 

                (BREAK)

 

MR SPEAKER                 

Bon, zis ava nou repran nou travay zis en pti swivi lo Ruling ki mon’n fer taler. I annan enn de bann past post ki bann Manm osi tou in fer ki ankor pe trail lo medya sosyal mon’n ekrir le de lofis e petet osi ti ava bon osi ki bann Manm i retir sa bann post. Mon’n ekrir le de lofis pandan break la e Lasanble nou move. Nou fer sa next step nou fer sir ki nou Lasanble i grandi e i ganny vwar dan en lot fason kot nou pe edik en pe nou pep.

Bon, nou ava kontiny avek Mosyon, Mosyon ki’n move par Onorab Jean Francois Ferrari. In ganny segonde par Onorab Ahmed Afif, entervenan Onorab Ramkalawan i e le koze. Ok, Onorab laparol i pou ou.

 

HON WAVEL RAMKALAWAN

Mersi bokou Mr Speaker. Mr Speaker sa size ki Onorab Ferrari in anmenn dan Lasanble i en size ki nou devret pran li serye. E i annan plizyer Manm dan sa Lasanble ki’n involve dan ledikasyon e nou tou, nou konnen ki pou dir ozordi sityasyon i serye. Anfet Mr Speaker pou montre ki sityasyon i serye mon pou senpleman envit Lasanble pou konsider sa ki’n pase dan Nouvel midi edmi ozordi. Nou pa pe koz 5an pase, nou pa pe koz 1an pase nou koz ozordi.

E byensir tanto dan nouvel i pou sa menm size, mon konnen ki sa i ariv zis par koensidans. Letan nou, nou pe sey regarde e Onorab Ferrari pe sey met en pwen pou donn en lankourazman, nou war serten rezilta e rezon akoz nou bezwen donn sa.  Mr Speaker Minister Ledikasyon ozordi in anonse ki rezilta P6 avek S3 i montre ki 50 poursan zanfan in pass. E si 50 poursan zanfan in pas i vedir 50 poursan in fail. E an plis ki sa Minister ledikasyon in dir ki sa target ki zot ti’n mete pour ki 50 poursan bann etidyan i attend en grad A ziska C pa’n ganny achieve.

E eksepte dan langaz kreol kot zot in ganny en average 60 percent. Me sa ki pli trakasan Mr Speaker se ki en konsiltan, konsiltan dan ledikasyon Mr Benstrong ki li osi tou in pas dan sa interview kot Mr Benstrong mon bezwen dir mon konn sa msye tre byen. Ou a krwar i dan, konmsi ou a dir lebra in kase e i a pe dir ki la kot nou ete, e la dan en serten sans i pe, dan en serten sans parske mon osi mon swiv en pti pe ledikasyon.

Mon kapab dir ki mon osi tou mon’n met sa pwen devan e sa i sorti, letan mon’n met sa devan i sorti kot en eksper dan ledikasyon ki fodre nou al envestir dan lakres, dan daycare, dan lekol primer. E ki sa i pou fer ki, nou bezwen heavy investment dan sa prosen 5 an e rezilta i kapab vini me pou vreman ganny rezilta dan 10an.  Mr Speaker sa sityasyon i enn ki nou tou devret pran li o serye, e sa se lekol piblik ki pran mazorite nou zanfan.

Mazorite nou zanfan e toultan mon’n dir sad an sa Lasanble letan aprezan ou regard lot kote kot ou war lekol prive zot, zot rezilta i lekontrer. E nou bezwen regarde be akoz? Parski Mr Speaker sa bann zanfan ki al lekol prive se bann zanfan ki, ki zot paran i zis pe fer en sakrifis an plis. I zis ki zot paran i annan en pli gran lentere petet dan zot ledikasyon e mon mansyonn sa spesifikman parski nou konnen ki pou dir bann zanfan dan lekol piblik ki fer byen se bann zanfan ki zot paran i annan en lentere dan zot ledikasyon.

E Onorab Pillay i dakor avek mwan lo la, so, i annan en keksoz la ki nou pou bezwen balanse, alor mwan pour mwan Mr Speaker mon war li i serye. E enn bann keksoz ki arive tou avek bann paran ki zot zanfan i dan lekol prive i annan diferan keksoz ki arive e mon koz lo lekol prive, akoz mon zanfan, mon dernyen zanfan i dan lekol prive e mon de avan in pas dan lekol prive.  Sa 2 ki pli gran ki tou dimoun i anvi zot marye avek garson, avek fiy Mr Glenny Savy me ki parey zot tou zot konnen zot ankor bachelor Mr Speaker. Zot pa ankor marye avek personn, zot pa ankor marye avek fiy Mr Glenny Savy, kekfwa Onorab Herminie pou demann dan zot plas.

Mr Speaker mon konnen mwan ki pou dir ki kot lekol prive i annan en sistenm apre lekol. Letan zot war ki pou dir serten zanfan pa pe perform lo sa oter zot fer bann clinics apre lekol. Kekfwa parfwa zot annan bann soz, pou maths, parske maths i enn bann size ki nou bann zanfan parfwa i ganny problenm avek. Kot apre lekol 2.30 ziska 3.30 sa teacher maths i reste pou kek rekonpans mon mazinen e i ed bann zanfan pou fer fas avek zot size pou aprann en pe. Me i osi annan en lot keksoz ankor kot i annan serten paran menm si zot zanfan i dan lekol prive.

E la mon ti ava dir osi menm si zot zanfan i dan lekol piblik, ki zot fer zot rod en teacher pou donn extra lessons. E i annan serten paran i anvoy zot zanfan, apre egzanp i anvoy zot zanfan ‘L’Alliance Francaise. Parski franse tou i en lo size ki parfwa nou bann zanfan i struggle en pe avek. ‘L’Alliance Francaise kot zot peye e zot zanfan i ganny leson. Oubyen si i annan en maths teacher dan lekol li menm li ki anvi pran bann zanfan pou, la ankor en fwa i peye. E son pri i varye e Mr Speaker pou 1er tan i kapab ariv R200 pou 1er tan. Me selman paran ki anvi zot zanfan i ede, zot zanfan i progrese zot fer sa sakrifis e zot anvoy zanfan.

E tousala Mr Speaker i fer ki letan rezilta i vini, parski bann zanfan i ganny sa lankourazman, letan rezilta i vini bann zanfan i fer pli byen. E sa i en keksoz ki tre enportan parski nou pe rod rezilta, e mwan mon’n fer sa remark ki letan nou ganny rezilta nasyonal souvandfwa apard enn de bann Seselwa. E letan mon pe dir Seselwa mon krwar mon konnen ki mon pe dir ou pou remarke ki parmi bann etidyan ki’n fer pli byen se swa bann etidyan Sri Lankans, oubyen bann etidyan endyen. Ki zot paran in vin travay isi, e ou pou remarke ki pou dir espesyalman dan maths sa bann etidyan i byen.  Me i annan  nou bann etidyan ki pas avek flying colours e ankor enn fwa letan ou pou get back ground sa bann zanfan ou pou war ki i bezwen annan en lentere dan lakour, zot paran i enterese avek zot ledikasyon.

Mr Speaker extra classes i pa en keksoz ki nou pe sey evante. I pa en keksoz ki Onorab Ferrari pe sey evante, Mr Speaker mwan parey Onorab Pillay mon’n grandi dan en fanmir mon manman ti en teacher. E depi ptipti, avan ‘77 sa, depi ptipti mon’n zanfan paran ki kontakte mon manman ki zot annan zot zanfan zot pe anvoy extra classes parey lekol. Alors depi ptipti bann zanfan tou kalite paran, tou kalite background ki vin dan lakour apre lekol pou fer leson.  E ofet mon a menm dir ki sa pti larzan ki ranmase sa ti ed beef up the family in-come e petet tie de osi pou pey ledikasyon mon ser avek frer, avek mwan menm pou nobou al kolez avek kouvan.

So, sa i en keksoz ki’n ganny fer, me in ariv en moman apre 77 kot extra classes en teacher pa ti ganny drwa donnen. Ti annan en ban lo la. e sete lo sa menm moman dan sa reform ki ti pe arive lo nivo pei kot en dimoun pou li nobou koud  ti bezwen annan en license, fermye ti bezwen vann tou zot keksoz avek SMB ensidswit. Ti annan ti panse ki ti pou dir ti pou napa dokter prive, pa ti pou kapab annan dokter prive ensidswit. Sa sete en staz dan nou pei e sa zafer extra lessons osi tou ti ganny koupe.

Mr Speaker, ki Onorab Ferrari pe dir se pou koz avek Minister Ledikasyon pou ki bann fasilite i ganny met an dispozisyon bann teachers. Mon bezwen met en mo kosyon en mon kosyon kot letan nou pe regarde ki mannyer sa pou ganny fer se parski pli boner nou’n koz lo bann housing estate. Nou’n war ki mannyer bann dimoun ki reste dann housing estates zot zanfan ki detri housing estates.  Nou’n koz lo dustbins ki mannyer dimoun zot menm zot, zot detri dustbins. Bann road signs ki mannyer, se zabitan menm ki detri sa bann keksoz ki pou ed zot.

Alors nou word of caution se sa bann zanfan ki vin servi sa laklas mon krwar la i pou bezwen annan keksoz serye parski sa zanfan ki lekol dan sa laklas. Li i annan son bann liv la i annan son bann keksoz la nou pa anvi ki i ariv en sityasyon kot sa bann lezot zanfan ki vin fer extra tuition zot detri liv sa bann manrmay.  Zot ekrir, konmsi ki zot fer sa bann nwizans. E nou konnen pou dir ler nou zenn i annan posibilite pour ki sa bann nwizans i ganny fer.

So mon krwar sa i enn bann keksoz ki nou bezwen e nou pou bezwen mete. Me Onorab Ferrari in dir ki son setup sa, son setup ki mannyer i ete nou ava travay lo la  e Minister Ledikasyon i ava regarde kwa ki akseptab kwa ki pa akseptab. Parski nou konnen ki pou dir dan diferan pei i menm annan en sityasyon kot en zanfan menm si i dan sa laklas parski i annan laklas i ganny servi par diferan laklas apre ler ensidswit. Oubyen i annan menm rotation dan laklas kot en zanfan letan i fini i anmenn tou son bann liv avek li. Sa se en premye mo kosyon ki nou bezwen regarde.

Me Mr Speaker mon krwar ki nou bezwen definitivman regard sa size avek en lide pozitiv. Pou regarde ki mannyer ki nou kapab met tou sa ki nou kapab ed bann zanfan.  Parski menm ozordi Onorab Ferrari pli boner in menm mansyonn son zanmi Anse La Mouche mon krwar mon konn egzakteman lekel ki i pe koz lo la. me sa Msye parfwa in menm donn leson lo playground, parfwa in donn leson dan son lot zis pou li parski bann paran pe dir avek li ed mon zanfan e la ankor en fwa i en maths teacher e paran pe rode sa led pou fer zanfan konn matematik.

E alor sa i bezwen, e la Mr Speaker mon a dir avek ou mon konfrer Father Daniel Cale in anvoy mwan e mesaz letan in tann Onorab Ferrari pe reprezant sa Mosyon. In anvoy mwan en mesaz pour li dir avek mwan ki mon pou reste ebete lo lakantite teachers ki apros li pou rod en landrwa dan hall kot katedral St Paul pou nobou donn extra tuition. So si i annan, si Father Daniel pe dir mwan en keksoz konmsa.  E I’m sure diferan landrwa i annan sa demann i annan sa nesesite.

Mon krwar ki definitivman i en size ki nou bezwen aborde parski paran ozordi, paran i annan bokou plis paran, espesyalman bann zenn paran bann zenn profesyonnel ki pe fer sakrifis pou zot bann zanfan, ki a pe fer sakrifis lo zot menm, keksoz zis konman zot zanfan in ne zot pe rod en fason pou zot zanfan antre dan en lekol prive. Parski santi sa i ava donn zot zanfan en pli gran loportinite, parski letan lekol prive pe koz lo disiplin e lo standar ledikasyon.

E lekol Mont Fleuri mon byen kontan ki apre ki Onorab Ferrari ti koz avek nou lo lekol Mont Fleuri Minister Ledikasyon li osi tou in vin lo televizyon e nou’n swiv sa dokimanter ki nou’n ki lekol Mont Fleuri i enn bann lekol kot keksoz pe amelyore. Bann teachers i annan en bon corps d’esprit, e an plis ki sa bann etidyan tou pe pran zot letid pli serye. Donk nou bezwen pran sa aspe serye, e pour mwan Mr Speaker mon’n osi kontan letan Onorab Ferrari in dir ki kekfwa i pou annan serten paran ki zot, zot pa pou kapab peye. E ki alor part of sa kontra i ava osi pour ki serten zanfan spesyalman bann zanfan ki annan sa lespwar ki annan sa bon latitid zot ava kapab ganny sa bann tuition pou nanryen.

Alor Mr Speaker mon krwar ki pou dir nou tou konman paran. E la pli par nou dan sa Lasanble nou paran nou kontan letan nou zanfan i vin avek en bon rezilta. Espesyalman dan sa monn kot PlayStation, kot mobile phone i pran bokou letan nou zanfan. e kot konbyen nou, nou swete ki pou dir nou zanfan ti pas otan letan, oubyen menm kantite letan ki zot pase devan PlayStation oubyen avek zot Android dan zot liv. Mon krwar nou tou nou swete sa, nou tou i vin en lapriyer kotidyen ki nou fer.

Alor Mr Speaker mon krwar ki nou devret donn sipor sa Mosyon. Parske i en Mosyon ki pe rod en keksoz pozitiv ki pou nou bann zanfan ki i ava en fason osi ki nou Lasanble Nasyonal i montre ki pou dir ki ledikasyon nou zanfan i enteres nou tou e ki nou tou nou santi nou konsernen letan nou pe koz lo ki mannyer nou zanfan i fer lekol.

Parske apre tou sa ki nou pe koz lo la se non pa lavenir lwenten nou pei, me se lavenir imedyat nou pei. E en parol ki Mr Benstrong in dir dan son diskour dan son interview ki vreman trakas mwan se letan i dir Mr Speaker ki bann zanfan sa larz S3 zot in fail malerezman napa gran keksoz ki nou kapab fer.

E pour mwan sa i montre en siny depresyon dan en serten sans e mon pe mazinen ki si 50 poursan nou bann zanfan ki dan S3 zot rezilta pa bon.  E en eksper en konsiltan pe dir ki malerezman napa gran keksoz ki nou kapab fer, i pa donn nou gran lespwar.  Me nou konman bann Manm Lasanble responsab konman bann leaders dan nou pei nou bezwen rod sa lalimyer ki pou ede ranvers sa sityasyon. Alor Mr Speaker  mon aport mon sipor pour ki bann lekol apre ki zot in negosye zot ava kapab trouv en fason pour ki nou bann lekol i ava ganny servi pou donn nou bann zanfan plis ledikasyon. Mersi bokou Mr Speaker.

 

MR SPEAKER

Mersi Onorab Ramkalawan. Mon ava donn laparol Onorab Sebastien Pillay.                                                                  HON SEBASTIEN PILLAY                                Mersi Mr Speaker.  Bonn apre midi tou koleg Onorab e bonn apre midi tou dimoun ki pe ekout nou isi Sesel oubyen aryer.   Mr Speaker sa Mosyon ki devan nou i anmenn pou fer en refleksyon lo en deba ki nou pa pou zanmen fini koz lo la. Akoz ledikasyon nou zanfan zenerasyon fitir i reste enn bann keksoz ki nou pou toultan konsernen avek e konman en sosyete. Nou bezwen toultan rod tou meyer fason pour nou kapab achieve sa bann goals ki nou ou le sa bann zanfan i achieve. Me selman ler nou fer sa deba i enportan ki nou etablir byen konteks ki nou trouv nou lekor ladan e kwa ki nou pe fer ozordi pour nou kapab respond avek nesesite ki nou pe fer fas avek ozordi.

Permet mwan Mr Speaker baze lo sa ki entervenan avan mwan in dir pou si ou le fer en pti pe sa konparezon ant lapros sa lekol prive e lapros lekol Gouvernman.  Mr Speaker mon pe fer sa akoz i enportan ki nou pep i ganny edike. I ganny edike lo nou lapros nou menm, anver nou sistenm ledikasyon e konman bann paran konman en sosyete ki mannyer nou apros sa sistenm ledikasyon, be it ledikasyon ki include lekol prive e en sistenm ledikasyon ki include lekol Gouvernman.

Apriyori Mr Speaker sistenm prive li i servi en sistenm kot i bezwen rann, montre en value for money ki sa dimoun pe peye pou anvoy son zanfan dan sa lekol, i bezwen fer sa.  E i design i prepar tou son progranm pour li kapab achieve sa, son bann progranm ratrapaz ler zanfan i tonm deryer.

Son bann progranm pous bann zanfan ki pli aprann pli devan so i balans son progranm otour sa, me i posib pou li fer sa Mr Speaker akoz enn son bann lavantaz ki li i annan se ki en lekol prive i annan sa posibilite pou li swazir zanfan ki antre ladan.

I annan sa loportinite pou li fer sa, akoz li i kapab dir koumsa ki apre ki in fer matekilasyon ek ou zanfan i santi pou dir ou zanfan pa kapab akse avek son progranm.  Prezan ki i osi fer Mr Speaker, i osi a la baz son bann progranm ler i konmanse i konmans prepar li pour li kapab fer sir ki si a o moman ki i konmanse remarke a en tre zenn az, zanfan i annan problenm i met an plas en sistenm pou li kapab dil avek sa sityasyon.  Now, si nou koz lo volim zanfan ki antre dan en lekol prive konpare avek volim zanfan, ki antre dan en lekol Gouvernman i bokou pli fasil pou en lekol prive achieve sa.

Akoz lakantite zanfan ki antre dan en lekol Gouvernman i pou plis zanfan i pou plis lakantite zanfan ki pou antre dan en lekol prive. Prezan ler nou regard en lekol Gouvernman, ler sa paran li i anvoy son zanfan dan lekol prive, e mon kontan entervenan avan mwan in fer sa pwen sa aparan i konsernen e i asire e i fer tou son posib pou fer ki sa zanfan i rann valer sa kontribisyon ki li pe fer anver son ledikasyon.

E i met lanfaz lo ki sa zanfan i onor sa kontribisyon ki i pe fer.  Me i malere Mr Speaker i malere nou pa vwar menm, menm latitid paran ler zot anvoy zot zanfan dan lekol Gouvernman, i kapab dimoun pa kontan sa ki mon pe dir me i larealite.  Nou vwar en latitid diferan anver lekol Gouvernman akoz mon santi pou dir ofil letan i annan paran ki’n krwar pou dir sa i zis entitlement ki nou gannyen dan en sosyete.  E alors par lefe ki mon kapab anvoy mon zanfan dan lekol i devwar lekol, pou fer tou, tou pou mon zanfan.

E mwan konman paran mon responsabilite, i fini kot baro lekol e la apre sa tou responsabilite i lo lekol.  Me sa i diferan avek lapros paran dan lekol prive.   Ou annan zis pou ou regarde Mr Speaker ler ou fer Parents Meeting dan lekol prive avek en lekol Gouvernman lot turn out paran. Me pa tou ki, it’s not all doom Mr Speaker, it’s not all green dan lekol Gouvernman.

Ou pou war osi dan serten nivo lo lekol Gouvernman parey egzanp lo bann lekol ki bann zanfan i lo set 1 ou pou vwar bokou plis langazman paran as oppose ki ou pou war lankourazman paran lo bann set pli ba set 2, set 3, set 4, set 5.

E ki sa i montre nou Mr Speaker, i montre nou ki 1 pwen cardinal en pwen referans dan tou sa ki nou pe eksplike se lenportans ki en paran li menm i atase avek ledikasyon son zanfan.  E mon pou sey ilistre sa ankor atraver donn zot serten legzanp ki mwan mon’n rankontre dan mon leksperyans konman en teacher.  Par egzanp Mr Speaker mon premye lannen kot mon’n teach en laklas ki ti pe fer IGCSE mon ti annan mwan 30 zanfan dan sa laklas. E ti lekol Beau Vallon segonder e ler mon ti fer extra class ki mon pa ti ganny peye ki sa letan ti parti progranm laprantisaz tou mon zanfan i turn up.

Mon ofer menm posibilite pou mon bann zanfan ki dan laklas set 3 e ladan mon vwar ki zis en kar ki turn up.   So, deza i montre ou ki latitid i zwe en gran rol pour nou achieve sa ki Onorab Ferrari pe mansyonnen dan son Mosyon.  E taler mon pou vin lo la lo ki mannyer nou kapab petet anmenn serten amannman lo sa Mosyon ki a permet nou zisteman al ver sa ki nou le vwar an relasyon avek proaktivite bann teachers, pou donn plis bann zanfan e ki mannyer bann zanfan i kapab partisip davantaz dan sa bann progranm.  Prezan si nou regard Mr Speaker la fason ki sa in marse. Plizyer zenerasyon teacher ki’n pas dan sistenm ledikasyon mon pe koz sistenm ledikasyon la mon pe koz Gouvernman. In fer attempts pou donn extra class Mr Speaker, mwan mon enn, ki a en serten moman mon ti pe donn extra class 30 zanfan preski toulezour par semenn.

E sa letan ler ou napa commitment ou ankor bokou pli zenn i pli fasil pou ou kapab cope avek sa kantite zanfan pou ou kapab fer sa. Me ozordi si par egzanp en teacher i dir ok mon pou al donn extra class 30 zanfan ou menm 20 zanfan par semenn, i pou annan en lenpak lo son preparasyon ki i bezwen fer, pou son laklas normal, pou annan en lenpak lo la, e sa osi nou bezwen mezire.  Me kot pli enportan Mr Speaker ki vwar ki ler ou fer sa bann zanfan peye pou vin sa extra class la mazorite ka preski tou dimoun i turn up.

E vwar paran i vini pli tar i demann si entel in vini ki in aprann ki in fer. Me pran lot kote Mr Speaker kot ozordi i egziste en sistenm dan ledikasyon ki apel after school services, kot en ansenyan i kapab donn extra class e ganny peye par Minister Ledikasyon par extra class.  Kot nou vwar ki dan en bon pe ka zanfan pa turn up, malgre ki zot paran pa pey nanryen i free zot anrezistre pou al ladan, sa teacher i eksprim son lentere avek Lotorite lekol. Lotorite lekol i kominik sa avek Minister Ledikasyon e sa bann zanfan i vin attend e i donn ou en barenm e serten kantite zanfan apepre 15 pou ou kapab fer sa laklas, provide after school service. E ou vwar pou dir zanfan pa turn up, se sa problenm, dilenm ki mon, mon santi nou trouv nou lekor ladan.

Nou, annan nou en problenm latitid ki nou bezwen adrese pour nou kapab achieve sa ki nou le achieve Mr Speaker. e mon pou eksplik sa problenm latitid Mr Speaker par koz lo lapros ki menm paran i pran ozordi kan i annan en problem avek lekol dan plas al kot lekol dil ek sa problenm sa paran i poste lo rezo sosyal, i swa maltret sa ansenyan, swa maltret sa teacher, swa fer komanter lo sa lekol.

Dan plas li al kot lekol esey rezourd sa problenm, e son zanfan i ganny sans vwar sa bann komanter ki son paran pe mete lo rezo sosyal. Kantmenm nou’n deza dir sa Mr Speaker i en keksoz ki nou konman en Lasanble nou bezwen kondannen akoz si nou pa kondann sa kalite latitid nou les krwar pou dir i en latitid ok pou les nou zanfan filmen zot lekor pe lager. Pou zanfan filmen bann aktivite kot lekol ki zot pa devret fer, then i kree en lenpresyon ki sosyete i ok ek sa.

E mon kontan lapros ki Leader Lopozisyon in pran pou dir nou bezwen en sanzman latitid e nou bezwen pran responsabilite pou bann aksyon ki nou bezwen fer.

E se sa ki pou anmenn nou ver achieve sa ki Mosyon ki Onorab Ferrari i anvi nou achieve.  Si nou pa koz lo sa Mr Speaker nou pe fer en dis-service sa Mosyon ki trouve devan nou ozordi. Mosyon li menm Mr Speaker i pe demann nou pou koz lo met a dispozisyon bann teachers bann laklas kot lekol.  I deza en posibilite, me sa ki Onorab Ferrari pe dir, i pe dir extend sa posibilite. Fer ki par egzanp, apard ki, si mon le donn leson pou Minister Ledikasyon fer ki par egzanp mon en teacher maths, mon teach Beau Vallon par egzanp, oubyen mon teach Pointe Larue.

Mon pe nonm bann lekol segonder la Mr Speaker, e mon pou vin lo rezon akoz mon pe nonm bann lekol segonder. Bann zanfan ki dan sa lekol i kapab reste apre lekol e swiv en extra class ek mwan e mon charge bann paran e fee pou sa extra class.

Sa i pa en move nide dan li menm Mr Speaker sa, i pa en move nide dan li menm. Me kot  mon war ki nou pe kree en problenm pou nou. Se ki ler nou vin par anba sa Mosyon e kot nou pe koz lo welfare pey pou bann zanfan ki zot paran pa kapab peye pou vin sa extra class.

Sa bann zanfan anba i deza annan en after school service ki zot kapab access free of charge. Sa ki welfare i antre ladan, me zot pa le, e si ler nou met welfare dan zwe ankor pou pey adisyonnelman eski i pou konsyantiz zot pou zot arpan sa extra class sa posibilite pou pran sa extra class o serye. Oubyen eski i pa pou fer zot krwar pou dir be mon paran ki pe peye alors, pa en problenm pou mwan si mon pa ale.

Mr Speaker konman en teacher dan en lekol mon ganny en time table toulezan.  Lo mon time table dan en lekol mannyer ou distribye time table, tou Headteachers i sey fer son mye pou fer ki sak teacher i ganny li en laklas konmsi ki annan en set 1 ladan at least. Akoz ou set 1 i ou laklas ki ou look forward ler ou pe  vin teach bomaten ou konnen pou dir konman ou pe antre dan ou laklas tou manrmay pe lev lanmenm pe demann ou ki ou pe al fer ozordi kestyon pe vin left, right and center. Sirtou ler ou annan en bon laklas S5 ki pe al fer IGCSE i pli move ankor i keep on your toes e fer sir ki ou kapab al delivre ek sa bann zanfan. Me i pou osi gannyen ki ou pou ganny en laklas set 3 e sa dilenm ki ou’n koz lo la in regards to S3. That’s why ou pou toultan tonm avek sa group anba ki tonbe.

E petet nou kapab adres li par donn laklas adisyonnel, e i annan pei ki’n explore sa model par egzanp Bahamas ki ozordi en pti zil parey nou i parmi enn bann pei ki son nivo attainment ledikasyon pe rank akote Sengapour, pe rank akote bann pli gran pei. Bann pei ki’n toultan tradisyonnelman parey Laswed fer byen, Bahamas pe catch up ek zot zisteman akoz entansivite.

I annan en lot fakter ki’n fer ki Bahamas in succeed. Se latitid paran e lapros ki sistenm ledikasyon in pran. En zero tolerance approach. Me le problenm ek nou Sesel si nou pran en zero tolerance approach nou vwar reaksyon ki arive nou antre dan lekol nou tap en teacher. Nou oule antre dan lekol nou oule fer agresyon kont teacher akoz sa teacher i zisteman anvi ed ou zanfan pour li aprann. Pour li reste dan en laklas en lazournen Mr Speaker.

E la i enportan akoz petet pa bokou zot ki’n pas zot letan lazournen kot lekol be Onorab Hoareau i kapab relate ek sa. Mr Speaker i annan letan ou vin dan lekol ou demann ou lekor akoz en zanfan in ariv 9 er bomaten i a pe rod tou leskiz pour li roam about lekol. Me ler son paran i vin sers ROA ek li, mon’n deza witness en sirkonstans sa zanfan i koz lalang ek son paran. E i challenge sa ki sa teacher pe dir san ki sa paran dan plas deal ek son zanfan i oule deal ek sa teacher dan plas deal ek son zanfan. This is where we are Mr Speaker akoz si nou pa kapab sanz behavior, sanz latitid nou bann zanfan Mr Speaker no matter how much larzan nou pour throw at nou sistenm ledikasyon nou pa pour kapab achieve sa bann rezilta ki nou oule achieve. E i annan bokou paran Mr Speaker ki pe ekout mwan la deor, ki konnen pour dir zot zanfan i al lekol e zot zanfan i fer tou zot mye pour fer byen dan lekol.

Mwan pa konnen kot in arive kot manman pe travay 8 er 4 er i donn ou sa sak lekol i donn ou soulye, i donn ou tou sa lekipman, i donn ou tou keksoz. Ler i dir ou in ariv apre premye term calculator ou napa. Pencil case ou napa. Ou annan sa pli zoli soulye, ou annan sa pli gro telefonn. Sa pli zoli mont konmsi be ou pa valoriz sa ki ou paran pe donn ou ler ou antre dan sa lakour lekol pour ou dir be la mwan pe vin la anndan, mwan pe serye, mwan pe vin aprann. Ou zis anvoy sa sorry mwan pa anvi servi sa term Mr Speaker, me ou zis anvoy sa koumsa menm e dir sa i ok.

So i annan en sanzman latitid ki bezwen ganny fer Mr Speaker akoz i pa lozik pour ki si ou en zanfan ou dan en lekol, ou pa pe met lanfaz lo laprantisaz. E i pa fasil koman en paran Mr Speaker. koman en paran ler ou zanfan in ariv 15 an no matter what ou pa pour zanmen kapab ekspekte pour dir lekol pour kapab fer tou pour donn tou sa ki ou zanfan i bezwen. Ou, ou pour bezwen zwe ou rol la. Ou bezwen monitor ki i pe dir, ki i pe fer, kote i ale, ki i pe frekante. Ou pour bezwen zwe ou rol. Personn pa pour fer sa pour ou akoz se ou paran sa zanfan.

Me mon’n vwar pour dir tro bokou fwa dan nou sosyete ozordi dimoun pe les sa responsabilite avek lezot dimoun. E se sa problenm ki nou vwar ant en lekol prive avek en lekol Gouvernman. akoz ler lekol prive, ler mon depans over 30 thousand lo ou ledikasyon mwan ekspekte ki ler ou pe antre kot lakaz ou pe donn mwan rezilta pour sa 30 mil roupi. e mwan mon ankouraz paran pour pran tou zot responsabilite. Mwan mon zanfan Mr Speaker i dan en lekol Gouvernman. Be i pa fasil pour mwan be mwan fer sir pour dir koman en paran mon esey zwe mon rol as best ki mwan kapab. E tou paran i sey sa mon krwar dan zot fason pour zot.

Me i still annan en problenm Mr Speaker. I still i annan en problenm. E nou kapab pran lekol Mont Fleuri Segonder koman en legzanp. Me apre pran petet son lekol primer. Annou vwar commitment par egzanp paran. E mwan konnen lekol primer Mont Fleuri bann staff, mwan konn tou le de Headteachers tre byen, zot bann teacher ki’n dan ledikasyon pandan en bon pe letan, zot bann dimoun ki devoue. Tel ki dan laplipar lekol. Sa bann Headteachers zot fer en bon pe travay. me i kas zot moral ler dan plas en paran deal ek en problenm avek zot kot lekol, i al lo rezo sosyal e la Mr Speaker sanmenm sa mon ti raise sa matter of privilege. Konmsi sa personal explanation dernyen fwa.

Konmsi mon pa ganny en konpran ki mannyer nou Seselwa nou krwar i ok pour nou dir nou maltret en teacher dan son manman. Dir li en bann parol sa ki nou konn sityasyon ki’n arive. E nou war i ok. E i annan serten nou, nou like, nou like, nek nou like. Konmsi nou latitid in sitan sanze ki nou pa war ki nou pe end up destroy fabric moral nou sosyete san ki nou pe vreman rod fason pour nou siport li.

Se sa problenm. So no matter how much extra class ki nou pour donnen si sa zanfan pa vin dan sa extra class pour li aprann i pa pour achieve nanryen. E la Mr Speaker i fer mwan fer referans avek mwan menm mwan ler mon ti NYS sanmenm mwan a bliye ti annan enn bann maths teacher ki mwan konsider li parmi enn bann pli bon maths teachers ki mon’n deza gannyen msye Gerard Albert. Mr Speaker Sir Gerard ti donn extra class kot lekol English River. Ti annan osi ansyen Leader Lopozisyon e ansyen MNA Mr David Pierre ki ti en brilliant teacher.

E nou ti vin sa bann extra class. E nou ti vin sa bann extra class akoz nou ti annan en bi. Nou ti anvi fer byen. Nou ti anvi rod loportinite pour nou kontinyen lekol. Avans pli devan. That was the reason why?  Mwan mon ti reste Glacis. Ti annan dimoun ki ti reste Port Glaud. Ti annan manrmay ki ti reste plizyer landrwa. Me nou ti desann.  Nou ti vini English River. Ti napa pas bis. Ti napa loto pour laplipar paran drop nou. E mwan asire bann lezot avan i a mazin bann sirkonstans kot zot osi zot in met sa zefor dan zot letid san ganny menm privilez. Sa menm posibilite ki zot in gannyen ki bann zanfan pe gannyen ozordi.

Me le fe i reste ki si ou latitid pa sanze ou pa pour kapab improve dan ou letid.  Me Mr Speaker mwan bezwen admet ki i osi annan travay ki nou bezwen fer lo konfigirasyon la fason ki nou deal avek nou sistenm ledikasyon ozordi. Lapros ki nou pe pran dan management nou sistenm ledikasyon.  Petet nou pa pe vwar lenportans par egzanp travay lo bann metod kot nou fer bann laboratory style teaching kot nou pran bann zanfan nou retir zot dan bann lanvironnman kot zot ete dan zot lekol. Anmenn zot dan bann lezot lanvironnman.  E se sa mon krwar en keksoz ki sa Mosyon i kapab drese par egzanp. Kot ou kapab fer serten bann nouvo lekol ki nou’n fer par egzanp nou’n fer en zoli lekol Glacis. Lekol Glacis i kapab vin en sant pour matematik.

Ou konpran konmsi zis pour nou think, just throw away the box e nou sanz la fason ki nou fer sa bann keksoz. E la bann teachers ki vin fer bann travay la i a ganny peye swa par bann paran pour zot fer sa. Swa Minister Ledikasyon atraver son after school service programme. Sa i bann metod diferan ki nou kapab servi, sey servi pour nou kapab avans keksoz pli devan.

Mr Speaker, dan sa Mosyon i annan de eleman ki mon krwar i enportan ki nou regarde. Premyerman ler nou get premye bout kot i koz lo met a dispozisyon tou ansenyan e asistan ansenyan. La mwan krwar mon annan en konsern Mr Speaker. En asistan ansenyan Mr Speaker ozordi asistan ansenyan i bann dimoun ki travay o nivo crèche P1, P2. Zot pa bann dimoun ki annan en kalifikasyon formel dan ledikasyon.  E ozordi zot pa teach. Zot teach selman avek sipor en teacher kalifye. So petet Mr Speaker as en premye propozisyon ki mwan ti a kontan fer se annou kit sa bout asistan ansenyan ater pour le moman. ok. Lo sa premye bout. Ok mwan mon pa konnen ki mannyer Mover Mosyon i ava adres sa dan son lentervansyon.

Now dezyenmman dan son prezantasyon Mover Mosyon in koz osi lo lezot zanfan vin dan en lekol pour pran sa extra class.  Mon krwar nou annan ase lekol dan bann rezyon ki si ou reste Anse Boileau.  En teacher i kapab ofer extra class Anse Boileau ou al dan lekol Anse Boileau.  Me sa ki nou bezwen vey byen la se ki si nou pe allow lezot endividi pour antre dan en lakour lekol pour donn leson i annan resposabilite pour sa bann zanfan ki dan sa lekol ek sa endividi ki pe antre ladan. Akoz a sa moman ki sa zanfan i ganny mete dan sa responsabilite sa ansenyan apre ler lekol se pa sa ansenyan ki pour responsab pour sa zanfan. Se sa dimoun ki la.

So, sa osi i pour bezwen en modalite ki nou pour bezwen sort out si nou oule al dan sa laliny akoz mwan krwar pour dir i annan plizyer ansenyan ki pour rode posibilite pour fer sa. Dan lepase Mr Speaker laplipar nou bann ansenyan matematik e mwan rapel sir Jimmy Robert ozordi ki ankor dan lekol, nou’n sey rod plizyer fason. Nou ti al kot Ste Claire lontan pour nou sey ganny en laklas, i annan ki ti fer li kot library nasyonal pour nou donn extra class. Nou’n sey rod plizyer modalite. Me si nou pour al ver sa modalite Mr Speaker i pour bezwen enn ki nou carefully think it out ki mannyer i pour marse. Pour ki si nou annan en progranm kot lekol kot ozordi ki zanfan pa pe akse e deza i free. Eski zanfan pour akse en lot progranm kot welfare prezan pour antre ladan pour peye. Sa i kestyon ki nou.  Nou bezwen demann nou lekor fondamantalman in regards to sa Mosyon.

E mwan mon krwar petet ou Mosyon ki devret fer. Ou Mosyon i devret konsantre lo dir met a dispozisyon bann teachers ki oule donn extra class an plis ki sa ki Minister pe ofer. Met a dispozisyon sa bann laglas.  E la Minister i ava travay lo en modalite pour li kapab fer sa akoz i pa kapab zis ganny fer koumsa menm kot nou pe koz ek zanfan anba laz.

Nou pe koz lo responsabilite ki bezwen annan pour sa bann zanfan akoz paran ler pour anvoy son zanfan laba i bezwen konnen pour dir mwan zanfan pe fini extra class 5er, 5er i sipoze pe fini extra class, 5er i pa dan en lot landrwa.  Se sa ki mon krwar nou pour bezwen konsidere an relasyon avek sa sityasyon Mr Speaker.

Mwan lot pwen Mr Speaker i konsern sa pwen welfare anba. Mr Speaker sa ki Onorab Ferrari in mete, dan terminolozi ledikasyon i apel demand side financing. In deza ganny eksplore isi Sesel. E i annan pei ki’n deza sey eksplore isi Sesel. E i annan pei ki’n deza sey eksplor li par egzanp Meksik i en pei ki’n deza sey eksplor li. Ki mannyer i marse Mr Speaker ou pe subsidize sa ledikasyon me ou pa pe pey sa paran ou. Ou pa pe donn li sa larzan ou. Ou pe donn sa ki pe donn li sa ledikasyon. That is why i apel self-financing.

Now sa i ganny servi primordyalman dan bann pei kot akse ek ledikasyon i preski 60 poursan, 50 poursan. Be dan bann pei kot akse ek ledikasyon i 100 poursan Mr Speaker e ou azout Adisyonnelman en lot posibilite pour ofer sa larzan ou riske pe zis kree en kou adisyonnel san ki bann zanfan ki sipoze benefisye avek sa servis i pran akse avek e ganny akse ek li. E dan tou sa ki mon’n dir Mr Speaker prezan i annan en kestyon fondamantal ki mwan pe demann mwan lekor se eski tou paran i konnen ki dan bann lekol i annan sa servis ki pe ganny ofer.

Eski tou paran i konnen pour dir sa after school service i egziste kot en teacher i kapab ed son zanfan avek homework lo en baz volonter premyerman. E dezyenmman lo en baz kot i pe fer li pour li ganny peye pour sa ki i pe fer. So sa i bann kestyon ki nou bezwen demande otour sa Mosyon. So ler mwan regarde Mr Speaker largiman otour sa Mosyon i annan en serten largiman for otour sa Mosyon.

Me nou bezwen osi pran konsiderasyon kote nou pe ale si nou pa sansibiliz dimoun pour zot pran lenportans ledikasyon ki zot pe gannyen ozordi. E si en paran Mr Speaker, mwan santi pour dir si en paran i vwar pour dir i bezwen fer en kontribisyon finansyel towards son zanfan e bokou dimoun i ava argimante be sa dimoun i dir napa be si ou napa i deza annan sistenm an plas pour ou. Ou zanfan i kapab ale dan sa extra class.

Be i pa ale. After school service i deza egziste. Non be i la ou kapab akse. Be si, problenm ki bann lekol i rankontre se ki zanfan pa vini. Lalis i reste ouver ou war 5 zanfan i sign up, larestan pa sign up pour vini. So ou bezwen konsidere pour dir si sa i le ka then ou bezwen vwar ki mannyer ou solve sa problenm pour fer sa bann zanfan vini. Premyerman ou bezwen gete petet mon krwar i en keksoz ki ou devret fer se ki vwar si paran pe access sa servis ki egziste konmela. E si zot pa pe access sa servis oubyen sa servis pa pe ganny ofer partou. Then minister si i pe fer li dan en lekol i bezwen ofer li partou. Akoz that is the way sistenm ledikasyon piblik i sipoze marse. I pa pe kapab pe ofer li dan lekol, i pa pe ofer dan larestan. Se sa bann keksoz ki nou bezwen met an perspektiv. Mon konnen ou’n koz lo annou pa rod bann largiman teknik. Me selman toultan mwan bezwen dir ek Onorab pour dir koman en former teacher, koman teachers ki’n lager pour nou sey menm ganny sa ki ou pe rode la dan lepase. Se largiman teknik ki nou’n napa dan lepase ki’n fer nou perdi.

I pa volonte politik Onorab, mwan ti ansanm avek msye Pierre lekol Mont Fleuri. Nou ti sey rod menm loportinite. Mwan ti ansanm avek Mr Moumou. Nou ti rod menm loportinite sa letan. Nou’n fer sa dan plizyer lekol kot nou’n ete koman teacher. Mwan krwar ou pa devret. Sa ki ou pa devret fer Onorab ki mwan pour konsyonn ou lo la se pa vin servi sa koman en ploy politik. Akoz si ou pour servi sa koman en ploy politik ou pour touy vreman son rezon det ou pe anmenn sa Mosyon ozordi.

Mwan pa pe fer politik ek son Mosyon. Sa ki mwan pe fer se ki mon pe eksplik from mon perspektiv e from mwan leksperyans pour mwan koman en teacher.  Si ou pe deny mwan mon leksperyans Onorab Andre mwan pa konnen ki lekol ou’n teach. Atraver ou Mr Speaker.

 

MR SPEAKER

Focus lo ou entervansyon…

 

HON SEBASTIEN PILLAY

Mr Speaker ou konnen, mwan Mr Speaker, i en size ou konnen ki toultan ler nou koz lo la Mr Speaker mwan pa kontan fer politik ek sa size. Ou konnen akoz? Akoz i annan tou fason ki nou koman endividi nou war sa size. Nou vwar sa size premyerman koman nou ki pe asize se nou, nou anvoy nou zanfan dan lekol prive. e nou zanfan i travay akoz i konpran kontribisyon ki nou pe fer. E apre nou vwar sa size koman nou ki anvoy nou zanfan lekol Gouvernman. Me nou santi pour dir lekol Gouvernman i devret fer tou pour nou.

E petet mwan pasyonnen par sa size par le fe ki mwan anvi war sa bann zanfan pran li o serye. Mwan ti a kontan war konmsi ki ou al dan en laklas lasyans kot nou’n pey en teacher sorti aletranze pour vin isi pour travay ler ou get devan premye bench tou zanfan pe swiv be dezyenm bench ek 3enm bench zot pe fer sakenn pour li.   E sa teacher pe pas plis son letan fer classroom management dan plas fer teaching. Sa ki mwan ti a kontan war. I pa konsern poltik sa i konsern latitid ki nou bezwen pran e dir ek sa bann zanfan pour dir enough is enough.  Ou pa kapab kontinyen fer sa bann ensinifyan e si en paran pe al lo Facebook pour konplent, nou bezwen sorti pour dir ek sa paran pour dir ou pa kapab kontinyen fer sa. Ou annan en problenm al kot ou lekol, deal avek al war ou bann teachers e fer ou travay koman ou devret fer.

Se sa ki nou bezwen pe fer Mr Speaker. Mr Speaker ou a remarke pour dir mon pa’n dir pour dir ou Mosyon pa bon. Mon pa’n atak Mosyon. Sa ki mon’n fer mon’n sey add tou sa Mosyon e mon’n kosyonn Onorab akoz nou bezwen al dan bann largiman teknik zisteman, akoz sa i pour anmenn bann solisyon teknik ki pour anmenn en solisyon pour sa ki Onorab Leader Lopozisyon in raise sa konsern kot 50poursan zanfan in pas e 50poursan zanfan pa’n meet ek sa level ki zot sipoze meet.

Akoz pa bliye S3 i nivo ki zanfan i fer Coordinated Exam. I premye test ki zot fer avan zot ganny plase dan S4, dan bann laklas IGCSE.  Premye lannen IGCSE dan bann lekol. E si nou pe komans rankontre problenm at S3 Mr Speaker. Nou kapab mazinen ki problenm sa bann zanfan pour al gannyen S4 en kantite travay nou pour al fer pour zot fer ratrapaz lo nivo S4.

Se sa ki nou bezwen met an perspektiv ler nou pe debat sa Mosyon ki mannyer nou kapab amann sa Mosyon. So i reste 2 keksoz pour mwan dir Mr Speaker. Sa Mosyon i pour appeal avek bokou teachers. Mwan dir ou sa … i pour appeal ek bokou teachers. I annan teachers osi ki sa Mosyon pa pour appeal avek.  E i annan management, dimoun ki dan education management ki zot pour santi ki sa Mosyon pa pour appeal avek. Mwan pour dir akoz bann largiman ki pour ganny avanse. Pa ki sa bann largiman i byen. Non. That’s why mwan pe dir ou nou bezwen rod en solisyon teknik la.

Par egzanp ler ou avans sa largiman ki en teacher i kapab teach bann extra dan lekol ou pour ganny dir ki sa teacher li i deza annan li 26 laklas par semenn. Maksimonm ki en teacher i sipoze pran dan en lekol i 30 a 31.  I annan teacher i al 35 baze lo zot abilite e baze lo zot zefor ki zot kapab mete volonterman.

Ou pour ganny pour dir be si sa teacher pe teach ankor 30 zanfan ar zour par semenn i pour bezwen prepar li pour sa 30 zanfan ki pe teach.  Prezan largiman ki pe vini se ki eski sa pour afekte son travay preparasyon ki i bezwen fer pour son core business ki’n ganny anploye pour li fer.  Eski sa pour annan en lenpak lo li. Ok.  Se sa premye largiman ki ou bezwen avanse.

Now sa i pa about si ou pe anpes sa teacher ganny en larzan an plis sa, non, i about si prezan sa bann zanfan ki sa teacher i annan en devwar. En lobligasyon profesyonnel anver zot prezan pa perdi a depann sa bann ki sa teacher pe ganny peye an plis pour li donn en extra class.  Sa i en largiman ki nou bezwen pran Mr Speaker. nou bezwen met li an perspektiv. Akoz ou riske war en risk kot en teacher dan en lekol i pran bann zanfan i konsantre dan sa bann zanfan akoz sa paran pe pey li.  Nivo sa bann zanfan i monte. Be son letan ki i annan petet pour dedye ek lezot zanfan i desann. I vin mwens e lezot zanfan, lezot dimoun i perdi. Finalman tou dimoun pour bezwen al fer extra class. E eski nou pour kapab afford alors ki tou dimoun i al fer extra class.  Akoz i en realite reel dan en lekol ki koman en teacher ou annan ou en lobligasyon anver ou profesyon ler ou dan sa laklas.

Sa i en largiman ki o nivo management ledikasyon pour toultan gannyen. Whether ou Sesel, whether ou L’Angleterre, whether ou dan okenn pei i form par dikton si oule ledikasyon. Preparasyon pour ou laklas.  Sa i mon premye konsern ki mon annan. Ou 2enm konsern ki ou annan la se eski sa teacher pour bezwen al dan en lot lekol pli pre kot i reste pour li kapab donn sa bann extra class?  Si sa i le ka then, eski sa pour afekte son letan, e i pour fer li focus plis lo pour li al dan sa lekol pour li kapab donn sa extra class a en serten ler.

So i annan tout en bann sityasyon ki nou bezwen konsidere Mr Speaker. Me kwa ki fer li appealing pour teachers Mr Speaker.  Koman en teacher ou napa bokou lezot posibilite pour ganny larzan an plis. Ou napa bokou sans pour ganny larzan an plis koman en teacher.   So ou donn extra class e sa extra class i ed ou supplement ou income ki ou gannyen. E that is why we would appeal tou teachers. Be pa akoz en keksoz sounds appealing financially nou pa pe regard son lezot konsekans.

Akoz si nou fer sa koman en Lasanble Mr Speaker nou pe bliye rezon det ki nou la anndan dan sa Lasanble.

Nou pa kapab zis propoz en keksoz san ki nou regard li dan son totalite. I annan merit sa ki mwan pe dir ou konsider son merit vizavi bann perd ki kapab annan. An konklizyon Mr Speaker mwan oule propoz serten lamannman lo sa Mosyon.

Premyerman Mr Speaker mon ti a propoze ek Onorab ki i konsider drop sa bout asistan ansenyan. Ok. Akoz sa i pa relevan vreman avek son Mosyon. Ok.  So ou a drop sa bout asistan ansenyan ou a dir landrwa fasilite neseser dan tou bann lenstitisyon edikasyonnel dan pei pour ofer leson ekstra e lasistans devwar lakour apre  ler lekol pour bann zanfan ki eksprim sa demann ki pare pour fer kontribisyon finansyel an faver bann ansenyan i asiste ansenyan pour sa servis. Annou kit li la.

Mon ti ava sizere Onorab ki ou osi drop sa 2enm bout kot i konsern welfare. Akoz ou kapab regete Onorab ou pour annan letan ozordi avek semenn prosen vwar ki kantite zanfan ki pe access sa after school service. Mwan a pare pour mwan retract sa ki mon’n dir in regards to after school service si ou al vwar pour dir zanfan napa en after school service. Me mwan sa ki mon pe dir ou e mwan konfirmen i annan en after school service pour ed zanfan avek extra class. I annan en after school service pour ed zanfan ek homework. And teachers are paid pour sa. Si ou entrodwir welfare ladan Onorab ou pour zisteman pe kree sa ki ou anvi retire.

Ou pour zisteman sa ki ou’n toultan dir dan Lasanble, ki mon’n tann ou koz lo la e ki mon’n en pe surprise, ler mon’n war ou anmenn sa se ki si ou fer welfare antre ladan e fer en kontribisyon.  Mon pa mind son budget implication, akoz nou pe kontribye pour ledikasyon. Me selman eski sa vreman pour sansibiliz paran, pour li dir pour dir, i pe fer en kontribisyon towards laprantisaz son zanfan?  Oubyen nou pa pe met en additional burden lo welfare?

Eski nou pa kapab a priori komans ek sa bout anler, e la si nou vwar ki lentere, nou ava asize ek Minister Ledikasyon e nou ava vwar prezan what the next step can be in regards to providing sa financing, ki i bezwen annan pour bann zanfan ki pa kapab ganny access it oubyen ogmant sa ki bann teachers pe gannyen, pour zot ofer sa servis ki zot pe ofer ozordi.  Sa ki mon ti ava met propozisyon devan ou. Si ou fer sa Onorab, mwan mon pour siport ou Mosyon.

Me as it stands la Onorab, mwan santi pour dir si nou pa sansibiliz sa zenerasyon ki pe vini, pour zot pran ledikasyon o serye ou pour pe zis pe pran larzan pour met dan en keksoz, ki eski ou pour ganny sa return ki ou ti a kontan gannyen at the end of the day e probableman non. E parey mon’n dir ou Onorab mon pa’n vin fer politik avek ou Mosyon. Mon’n vin fer sa ki mon apel en lentervansyon senser pour mwan vreman kapab provide something ki ava ed nou bann zanfan avans pli devan. Mersi Mr Speaker.

 

MR SPEAKER

Mersi Onorab Sebastien Pillay. Bon nou pa pe pran okenn entervenan ankor, Onorab Simon Gill, akoz nou’n ariv ler pour adjournment.  Me ou’n fer en propozisyon – ou pa ankor move ou amannman e sa propozisyon ou’n anvoy kot mover Mosyon pour li konsidere.  E mon a sizere ki petet nou tenir li la.

Ou ava dan prosen Sitting mon ava donn ou sans pour ou move ou amannman. I annan konsiltasyon osi tou ki ou kapab fer avek mover Mosyon. Ok?  So deba lo Mosyon i ava kontinyen semenn prosenn, Mardi ouswa Merkredi? Ok petet zis mwan ava ganny en show of hands bann lezot Manm ki le entervenir? Ok, Onorab Mondon.  Ok, Dakor, bon mon annan, mon’n ganny en bon pe zot ki’n wi, ki’n lev lanmenm, mon’n note e nou ava kontiny deba lo Mosyon semenn prosenn.

Bon avan nou adjourn mon pa war nou dan en pozisyon, ki nou pou kapab meet sa semenn ankor pour nou kapab konsider Public Salary (Amendment) Bill. I annan bokou lenformasyon ki nou pa ankor gannyen from DPA.  DPA in ekrir mon lofis in anvoy serten dokiman ki Madanm Clerk son lofis pe disseminate.  I annan bann lezot dokiman ki’n dir nou pou pran en pti pe plis letan pour nou kapab gannyen.  So, toultan nou pa ganny sa bann dokiman, nou pa pou kapab fer en lot Sitting pour nou konsidere.

Mon okouran ki sa Bill i pran lefe le premye, me nou konnen pou dir menm ki nou pran li Mardi  oubyen Merkredi, sa dat commencement date, i pa fer gran diferans, akoz i kapab zis backdate.  Napa problenm.  Me selman sa ki Lasanble pe  sey fer nou annan nou ankor 3 semenn, semenn prosenn, semenn le 9 apre  semenn le 15, kot Lasanble, pou sit avan nou pran nou recess. E mon panse ki osito ki nou ava’n pare, mon swete ki semenn prosenn, nou a kapab dispose of the Public Service salary (Amendment) Bill. Ok.  So vwala lanons ki mon ti le fer lo la.  Yes Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker zis lo la pou konfirm sa ki ou’n dir.  Me an menm tan pou – mon krwar i enportan pou lir en dernyen paragraf dan let ki Mrs Jessie Esparon in ekri.  Pour ki i vin kler, poudir napa okenn delaying tactic, okenn sa bann zafer.  Kot letan nou’n demann li kestyon spesifik, konmsi bann lenformasyon spesifik ki annan pou fer avek payroll bann diferan dimoun, dan bann diferan band kot in dir. ‘’other information requested have to be extracted from payroll. Therefore more time is required to produce them.’’ So, li lo son kote i a pe demann en pe plis letan, pour li donn sa bann lenformasyon.  E ofet parmi bann lenformasyon ki pli boner Mrs Esparon in dir ki i pa kapab, i pe rode kot in dir petet i avek Minister Finans. Se par egzanp sa bann long service, menm si i separe, me long service allowance tousala in dir, sa i bezwen Minister Finans – li i pa konnen – pa ankor peye.

So i annan serten konfizyon. Me solman dan sa laliny se sa ki mon ti anvi dir.  E le moman ki nou ganny tousala, then nou ava kapab fer li.  Mersi bokou.

 

MR SPEAKER

Mersi Onorab Ramkalawan.  Yes Onorab De Commarmond.

 

HON CHARLES DE COMMARMOND

Mersi Mr Speaker.   Mr Speaker si mon’n ekout ou byen ou’n dir poudir i annan lenformasyon ki’n deza Lasanble in deza gannyen?

 

MR SPEAKER

Wi. I annan bann dokiman ki’n vin kot mon lofis.  Mon sekreter in alert mwan lo la.  Mon’n fer anvoy kot biro Madanm Clerk.  I annan bann dokiman ki Mrs Esparon in mete, ki zot annan zis en kopi. Se sa rezon nou pa kapab zis anvoy sa – anvoy kot zot.  Me lofis Clerk pe scan sa bann kopi, apre pou kapab anvoy kot tou le 2 lofis.  I fer sir tou Manm i a kapab ganny preview. Yes, yes Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon’n ekout ou bann Ruling bomaten mon’n vreman apresye ou Ruling bomaten lo sa bann size rezo sosyal.  E mon ti le zis met en keksoz devan ou.  I annan en determinasyon ki ti ganny fer dan 4enm Lasanble lo la fason ki lapres oubyen bann zimaz ki pase lo MNA ler i dan Chamber.  E se pour sa rezon ki i enn bann rules ki dimoun pa tir portre okenn MNA dan Chamber.  Akoz a sa moman sa MNA i kapab pe ekoute.  E ava aparet ki swa i pe dormi oubyen i pe sa, e sa in ariv avek Manm lo tou lede kote latab. Souvandfwa nou war en portre i ganny tire lo rezo sosyal, mon pa pe dir ni nou kote ni lot kote me mon pe dir i pe ganny mete lo rezo sosyal par endividi.

Ki mon pe demann Mr Speaker, mon krwar mon kontan nou’n raise the bar e mon kontan statement ki ou fer bomaten e menm lo lot kote latab nou’n tonm dakor ek sa – ki annou take this further ki dimoun i respe – respect this House.  Ler nou pe sit dan sa Chamber nou annan bann privilez konman bann Manm.  E mon krwar si en endividi oubyen okenn endividi pe tir portre, okenn manm lo televizyon, a okenn moman – si sa endividi i poste sa e i fer li dan en bad line Mr Speaker, mon krwar Lasanble i devret reserve the right to take them to task. Oubyen baze lo sa determinasyon, nou fer sir poudir ki sa zimaz a sa moman; akoz i ti ganny dir kler ki sa Manm par egzanp, si Onorab Ramkalawan  par egzanp pe get lo son telefonn a sa moman, sa camera pa sipoze pe focus lo Onorab Ramkalawan.  I devret move on another member.

E si Onorab Ramkalawan pe koze, le 2 dimoun ki sipoze pe ganny focus lo la,  se the Chair e Onorab Ramkalawan.   Mon konnen ki SBC parfwa i rod bann reaction shots. Mon konnen sa i arive, me selman a tou repriz. Akoz sa ti ariv dan 4enm Lasanble.  E mon krwar ki Onorab Ramkalawan i rapel ki ler sa determinasyon ti ganny sorti, mon krwar par Speaker Herminie sa letan.  So, mon ou le met sa devan ou,  konmsi zis pour nou raise the bar a little bit higher, pour nou war kote nou kapab ale avek sa.  Mersi Mr Speaker.

 

MR SPEAKER

Mersi Onorab Pillay.   Bon mon ti a wish ki mon ti a kapab al dan sa direksyon sa zistans.  Me i pou en pe difisil pour nou kapab kontrole.  Akoz ozordi Lasanble i broadcast live, e i annan fason osi kot Manm piblik i kapab retract i kapab ki mannyer nou apel sa rewind. Rewind e regarde.  E Manm piblik eski nou go as far pour nou kontrol sa ki en manm piblik i fer.  Mon krwar nou, nou bezwen si nou, nou pe rod sa respe ki nou bezwen pou sa House, i bezwen konmans anndan avek nou.  Me lo kote camera, nou kapab osi – nou’n envit SBC pou filme, pou donn nous a sans pou go live, nou pa kapab osi kontrol SBC.

E dan en pti antretyen Zedi pase avek CEO SBC, ler mon pe dir li depi SONA mon’n war en 4enm camera anndan.  In fer mwan riye zis pou catch bann pti reaction parey ou pe dir.  Ou vwar so.  Mon pa krwar nou devret go as far pou curb the role of the media, kot nou apel li the fourth pillar toultan. Me wi, mon krwar respe pou vini.  Si ozordi nou kapab pran serten desizyon, e it’s up to us. Se nou ki pou lev sa bar ankor en pti pe pli parey ou pe dir,  Onorab Pillay. Yes Onorab Ramkalawan.

 

HON WAVEL RAMKALAWAN

Non Mr Speaker, mon ti zis anvi, i mean, letan Onorab Pillay in mansyonn 4enm Lasanble ki Mr Herminie ti pe … Mon ti zis anvi dir avek li ki pandan 4enm Lasanble parfwa mon pa ti ganny tro bokou letan pour mwan konsantre. Parske swa i ti pe kriy avek mwan, swa i ti a pe met mwan deor. Ki alors en kantite sa bann keksoz ki’n adopte mon pa’n vreman pran konsiderasyon.  (laughter) Mersi bokou.

 

MR SPEAKER

Ok.  Dernyen pti parol Onorab Pillay.

 

HON SEBASTIEN PILLAY

Mersi Mr Speaker.  Mon apresye ou Ruling lo sa size.  Zis anpasan Mr Speaker. mon konnen pou dir House of Commons i annan sa zisteman. Sa i latmosfer ki nou reste ladan e ki –

 

(Off-Mic)

 

HON SEBASTIEN PILLAY

Relax.  Ou siport Mosyon?

 

MR SPEAKER

Ok.  Mersi.  Me petet mon war mon vwar, sa ki ou pe sey anmennen.  Me once ki nou enstal sa nou prop sistenm camera, parey SBC avek lezot medya, i pou kapte from nou sistenm.  Petet la nou kapab annan en pti pe plis kontrol lo la.  E mon krwar Moris se sa ki’n fer i annan son prop in house system e House of Commons osi mon krwar i koumsa. E prezan medya i kapte bann lezot bout deor ki House of Commons i permet li. Bann pti reaction spots petet i limite.

Ok, bon avek sa mon ava remersi tou Manm e tou dimoun ki a lekout.  E ankor mon ava remersi SBC, bann teknisyen ki’n avek nou la anndan pandan en lazournen. E Lasanble i stand adjourn e nou retournen Mardi le 2 Avril 9er bomaten.

 

(ADJOURNMENT)