::
Home » Verbatim » 2019 » Verbatim Tuesday 4th June, 2019

Verbatim Tuesday 4th June, 2019

NATIONAL ASSEMBLY OF SEYCHELLES

Tuesday 4th June, 2019

 The Assembly met at 9.02am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab, e bonzour tou dimoun ki a lekout.  E en bonzour spesyal pou bann etidyan pou bann etidyan lekol Independence School ki bomaten zot in vin parmi nou pou swiv travay Lasanble Nasyonal, e akonpannyen par zot bann teachers.  Bonzour e welcome parmi nou.   E mon ava zis averti zot ki dan Break nou pou pran en pti goute ansanm en dite, en pti ver juice, e mon ava envit bann Manm Lasanble osi tou pou join nou pou nou kapab enterakte en pti pe avek bann etidyan, e pou nou kapab eksplik zot en pti pe travay Lasanble.

Bomaten nou pou ankor nou annan en Order Paper ki tre sarze e mon pou zis averti zot ki nou pou adopte menm protokol parey semenn pase lo kote kestyon kot mon pou allow de siplemanter lo sak kote pou sak kestyon, me sa i exempt le de Leaders le de Leaders i lib pou demann siplemanter lo nenport kestyon.

Bomaten dan Lasanble, avan nou zis avan pran Order Paper mon ava pas laparol avek Madanm Clerk i ava prezant bann papye.  Madanm Clerk.

 

MADAM CLERK

Mersi bokou Mr Speaker.  Bonzour Mr Speaker bonzour tou Manm, tou dimoun ki a lekout.  E bonzour bann zanfan sorti Independence School ki dan Galeri.

Prezantasyon Papye sa semenn Mr Speaker nou annan;

S.I. 29 of 2019 ki Property Management Corporation Guarantee Order, of 2019, swivi par

S.I 30 pou 2019 ki Tobacco Control (Sale of Packages and Single Cigarette) Regulations, of 2019. 

Answit nou annan;

Fiscal Report for 1st Quarter of 2019 (May 2019). 

E answit nou annan;

Annual Report for 2018 International Affairs Committee.  E sa Mr Speaker pou ganny prezante par Chair IAC Onorab Jean-Francois Ferrari.  Mersi Mr Speaker.

 

MR SPEAKER

Mersi Madanm Clerk.  E parey mon’n dir mon ava zis pas en pti kou lo Order Paper premye bomaten nou pou annan Prezantasyon Rapor International Affairs Committee, e apre sa pou swiv par kestyon pou Minis Dezinyen Minis Responsab pou  Home Affairs Youth Sport and Culture – Mrs Macsuzy Mondon.

E pli tar dan lazournen pou annan en Private Notice Question ki pou al pou Minis Responsab pou Lanplwa, Imigrasyon e Leta Sivil Mrs Myriam Télémaque.   E apre nou ava regarde konman letan i ete, so nou pou konmans Mosyon ozordi.

Zis avan mon donn laparol Chair IAC ankor from the Chair mon pou fer mansyon sa de Bill ki ankor pending lo nou Order Paper. Lo kote Service Salary (Amendment) Bill 2019 mon napa dernyen update dernyen update ki mon ti gannyen semenn pase from the Cabinet, ki zot pe travay lo en rapor pou soumet avek Prezidan e apre zot sipoze get back to The Assembly.  Me sa pa ankor arive.   Me dan case i kontinyen in Court. The case is on this morning kot Avoka the petitioner pe fer bann submission avek Lakour.

Lo kote Tourism Development Bill 2019, nou ankor pe atann serten amannman, serten travay ki Minister Tourizm avek  Biro Attorney Zeneral pe fer.

Mon swete sa enn Tourism Bill at least kekfwa by next week, nou a kapab ganny li pou nou dispose of. So vwala en pti pe travay ozordi.

Mon ava prezan donn laparol Chair IAC Onorab Jean-Francois Ferrari pou prezant son rapor.

 

HON JEAN-FRANCOIS FERRARI

Mersi Mr Speaker.  Mersi e bonzour tou bann oditer, bann Manm Lasanble bann zenn.  Bann dirizan demen, welcome dan nou Lasanble.

Mr Speaker i fer mon en gran plezir pou prezant Raport Anyel Komite Zafer Etranzer dan nou Lasanble Nasyonal pou lannen 2018.

Se Lartik 104 nou Konstitisyon ki gid legzistans sa Komite, e ki donn li son lankadreman legal pou li fonksyonnen.  E son bann prosedir travay i ganny definir anba Standing Order 2009.

An plis ki sa Lasanble i en Sesyon Plenyer, ti adopte bann term referans pou nou Komite.  Sa i etabli letan dir nou travay e bann domenn nou devret pe regarde e entervenir kan fodre.

Mr Speaker o kour sa lannen ki fek pase, Komite Zafer Etranzer in alors travay pou mentenir sa bann lyen lanmitye ki egziste ant Sesel e lezot pei e lorganizasyon enternasyonal.  Bann manm in partisip dan en gran nonm rankont enternasyonal, kot i ti enportan ki Sesel i ganny sa vizibilite e sa reprezantasyon.  E osi lo nivo lokal, nou Komite in raport son kontribisyon pou asire ki relasyon diplomatik avek nou bann partner, i reste solid e menm devlop plis ankor.

Mr Speaker nou partner privilezye dan sa travay, ti byensir Departman Zafer Etranzer.  Parey o kour bann lannen presedan, nou Komite in met bokou zefor pou mentenir kontak e relasyon avek sa Departman.

Be la mon bezwen dir malerezman i annan plizyer defi sirtou bann defi ki’n vin atraver bann difikilte administratif e bann challenges ki sa Departman i ankor pe fer fas avek.

Komite Zafer Etranzer nou rankontre formelman omwen en fwa tou lede mwan ; en total 7 rankont formel an tou an 2018.

Apard sa bann rankont administratif, nou’n osi annan plizyer rankont travay ki nou fer swa atraver ou menm ou en demann sorti kot ou menm ou Speaker, oubyen sorti kot lezot Minister, Lorganizasyon, tousala dan en zefor pou mentenir, e devlop relasyon ant Lasanble Nasyonal e bann Gouvernman lenstitisyon enternasyonal.   Nou Komite in osi sa pwen focal pou mentenir en laliny kominikasyon ouver avek Departman Komers dan Minister Finans.  Ansanm nou’n organiz plizyer reyon pou diskit lo bann lakor komersyal bilateral ;  nou’n angaz avek bann konsiltan enternasyonal pou diskit lo bann mezir pou fer sir ki liberalizasyon komers pa annan bann lefe negatif lo nou pei.

Nou’n pran en partisipasyon aktiv dan bann desizyon lo Brexit, e son bann konsekans posib lo relasyon ant Sesel, La Grande Bretagne e L’Union Européen.

        Nou alors remersye Departman Komers dan Minister Finans bokou pou sa langazman ki zot in fer avek nou.

En gran bout travay nou Komite lannen pase ti deroul aletranze dan bann rankont bilateral.  Nou relasyon avek L’Union Européen, atraver sa groupman pei ki apel ACP i fondamantal pou lavenir ekonomik Sesel.

Konman Chairman, mon oule alors fer en remersiman spesyal a sa 2 Manm Lasanble Onorab Clifford Andre, Vis- Chairman nou Komite e Onorab Waven William ki’n tou lede in met, bokou zefor pou fer tande lavwa Sesel dan bann negosyasyon e dan bann foronm teknik.

Sa 2 Manm in ganny élève lo en nivo administratif enportan dan sa lenstans, e sa in donn en pwen ankor pli serye pli lour nou pei dan bann negosyasyon.

Bann lesanz e negosyasyon lo Lakor Lapes, avek L’Union Européen pe pran pli gran plas dan nou bann priyorite.   Alors akoz sa Lakor i bezwen ganny sinyen, renouvle an 2020, mon fer lasanble ki sa Lakor Lapes pli gr Européen.an lakor lapes ki L’Union Eropeen i annan avek en lot pei dan lemonn.

Komite Zafer Etranzer, in a plizyer fwa dan lannen 2019, e ankor sa lannen, demande e ensiste ki Lasanble i ganny enkli dan sa bann negosyasyon.  Nou espere ki nou demann i a finalman ganny ekoute, sa lannen e lannen prosenn.  E alors akoz se nou ki nou pou bezwen ratifye, se nou sa Lasanble ki pou bezwen ratifye sa Lakor, e nou mon asire ki tou bann Manm pa pou kontan pran en desizyon lo sa size telman enportan, si Lasanble pa’n ganny enkli dan bann negosyasyon.

Mon lans ankor enn fwa e lapel ofisyel pou nou partisipasyon.

A sa pwen mon pran sa lokazyon pou konfirm sa pozisyon, ki Lasanble in pran ki Onorab William ki son Parti i deside pou tir li konman en Manm Komite Zafer Etranzer, ki  nou konman en Komite, e Lasanble an zeneral, nou pe mentenir nou relasyon travay avek Onorab William.  Menm si i pa formelman lo nou Komite, desizyon in ganny pran, pou li konman en reprezantan Lasanble Nasyonal, pou bann diskisyon sirtou avek bann pei  ACP L’Union Européen, e avek Inter Parliamentary Union IPU, akoz i nou krwayans dan Komite Zafer Etranzer Ki i bezwen annan swivi lo nou bann dosye,  e alors  i ava bon pou nou angaz bann Manm ki annan sa leksperyans, pou kontinyen fer sa travay.

I neseser osi pou mwan remersi tou lezot Manm lo nou Komite, pou sa travay ki nou’n fer pandan lannen 2018.

An konklizyon Mr Speaker, mon anvi rapor avek Lasanble atraver ou Mr Speaker, ki nou Konmite Zafer Etranzer nou santi ki nou’n anmenn en bon kontribisyon e sipor pou Gouvernman Sesel, dan son bann obligasyon diplomatik.

Dan sa 6enm Lasanble nou’n adopte sa prensip, ki nou pei i devret resers e annan sa konsansis lo tou bann kestyon, ki gouvern bann relasyon enternasyonal.

Nou pou debout e nou devret debout konman en pei, ini, pou defann nou souvrennte e lendepandans nou pei, e pou  ensiste ki tou lezot pei gran konman ptipti, i toultan respekte souvrennte nou pei Sesel.

Nou bezwen osi finalman rekonnet, rol ki ou Mr Speaker ou’n zwe pandan sa dernyen lannen, dan en fason enportan, pou mentenir sa bann kontak e sa bann prensip avek bann reprezantan bann pei, e lorganizasyon etranze.  Nou profite osi pou remersi nou Sekretarya ki’n donn nou en sipor vreman admirab pandan lannen 2018.  E nou pe lans en lapel en partenarya pli for, e ranforsi e pli efikas avek Departman Zafer Etranzer.  Mon remersye ou Mr Speaker.  E mon annan plezir pou remet avek ou en kopi sa Rapor.  Mersi Mr Speaker.

 

MR SPEAKER

Mersi Onorab Ferrari.  Bon nou ava bann an mezir lazournen i devlope, sa Rapor i ava’n ganny sirkile avek le   wi Madanm Clerk i averti mon ki pe al ganny sirkile deswit la avek le 2 Lofis e osi tou avek tou lezot Manm Lasanble.

Bon nou ava bouz lo kestyon, e mon ava demann Parliamentary Reporter pou apel Minis avek son delegasyon.  Mon ava osi enform bann Manm pou dir nou’n sanz en pti pe lord ek bann kestyon, zis pou nou kapab fasilit en pti pe Minis avek son bann diferan teknisyen.  E nou pou al comme swivan ; kestyon No. (1) i reste No. (1) kestyon No. (4) i vin No. (2) ; kestyon No. (5) i vin No. (1) (3), kestyon nimero (2) i vin No. (4), kestyon No. (3) i vin No (5) e sa Kestyon Irzan i reste kot i été ; savedir i tonm No. (6) e lot Kestyon Irzan i vin No (7).  Onorab Sandy Arissol.  Ok.  Nou’n fer sa pou a lademann Minis pou fasilit en pti pe mouvman ek son bann teknisyen, ki kapab pran serten kestyon e apre i kapab eskiz bann teknisyen pou zot retourn dan zot travay.  Vwala en pti pe lafason ki nou travay sa korperasyon ant Lezislatif e Egzekitiv.

Bon mon a dir bonzour e welcome Minis Macsuzy Mondon, Minis Responsab pou Home Affairs, Youth, Sport and Culture.  Minis i ganny asiste par Mrs Cecile Kalebi ki Sekreter Prensipal pou Culture, e Mr Emmanuel Doffay Special Advisor pou Culture e zot pou pran premye kestyon. Anmezir nou ava ale mon ava entrodwir lezot zofisye ki pe asiste Minis.  Minister bonzour e welcome dan Lasanble Nasyonal.

Nou ava al direkteman lo premye kestyon mon ava donn laparol Onorab John Hoareau.

 

HON JOHN HOAREAU

Mersi Mr Speaker.  Bonzour Mr. Speaker, bonzour Minis ek ou delegasyon bonzour tou dimoun a lekout.

Mon kestyon i lir koumsa; eski Minis i kapab eksplik sa Lasanble akoz ki sa location allowance R3mil ki travayer dan Seksyon Sant Rikord Larsiv baze Providence ti pe gannyen, in koupe depi lafen mwan Fevriye?  Mersi.

 

MR SPEAKER

Mersi Onorab Hoareau.  Minister.

 

THE DESIGNATED MINISTER  MRS MACSUZY MONDON

Mersi Mr Speaker.  Bonzour Mr Speaker.  Bonzour tou Manm Onorab, tou dimoun ki a lekout e to bann dimoun ki prezan ozordi.

Mr Speaker sa location allowance ti ganny donnen avek tou travayer, ki ti baze dan batiman Library Nasyonal e osi travayer Seksyon Sant Rikord Arsiv Nasyonal ki baze Providence.

Sa bann travayer ti ganny donnen sa location allowance, akoz natir bann dokiman Arsiv ki ganny kolekte dan sa landrwa.

Sa location allowance ti pran lefe le 01 Zilyet 2017 swivan rekomandasyon lo sorti lo Rapor Fungus date Out 2017 avek laprouvasyon sorti kot Cabinet le 9 Desanm 2017.

Mr Speaker location allowance ti ganny aprouve ziska Fevriye 2019, kot pandan sa letan laplipar bann staff ti’n fini ganny relocate. 

Akoz en oversight Departman Kiltir, sa location allowance ti ganny koupe across the board kot annefe nou ti merit pe kontinyen pey bann staff dan Sant Rikord Arsiv ziska ler zot nouvo Scheme arsiv i ganny aprouve ki pou anglob   osi sa allowance. 

Mr Speaker tou travay in fini pou bann dimoun record centre ganny peye zot allowance lafen di-mwan Zen,  ziska ler zot Scheme i ganny aprouve e zot allowance i a ganny back dated  apartir le 01 Mars.  Mersi Mr Speaker.

 

MR SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker.  Mon byen satisfe ki sa bann travayer i ava ganny back dated zot larzan.  Mersi.

 

MR SPEAKER

Mersi.  Bon si napa okenn lot kestyon siplemanter lo la.  Ok mersi Onorab John Hoareau.  Mersi Minis.

Nou ava prezan bouz lo kestyon No.(2), (3) avek (4) sa i annan pou fer avek Minis Departman Local Government.  Nou ava eskiz Mrs Kalebi e Mr Doffay.  Mersi e zot kapab …

 

 

 

(MR DOFFAY AND PS KALEBI WERE EXCUSED FROM THE HOUSE)

 

 

MR SPEAKER

Bon nou welcome Mrs Marie-Celine Vidot Sekreter Prensipal pou Gouvernman Lokal e Mr Daniel Adeline ki Director General Project Planning and Maintenance dan Local Government. 

Bonzour e welcome le de lezot zofisye.  E nou pou al direkteman lo nou kestyon. E nou pou pran kestyon ki No. (4) lo nou Order Paper me i vin No. (2) Onorab Wilbert Herminie.

 

HON WILBERT HERMINIE

Bonzour Mr Speaker.  Mersi Mr Speaker.  Bonzour Minis avek ou delegasyon e bann zelev dan Galeri, e tou Manm Onorab e tou dimoun a lekout.

Kestyon ; eski Minis responsab pou  Local Government i kapab dir sa Lasanble kan ki proze daycare La Rivière Anglaise pou konmanse?  Ki bann fasilite ki pou enkli dan sa proze?  Kan ki sa proze i anvizaze konplete?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker vizit kot pou fer sa daycare ti ganny fer an Oktob 2018, ansanm avek nou bann partner ki ti enkli dan Lasante, Seksyon Ledikasyon Pti Enfance, Fire Brigade, MHILT e Komite Teknik ECCE lo nivo Gouvernman Lokal.

Lokasyon ki ti ganny propoze Mr Speaker, i lo en bout later lot kote semen vizavi klinik Larivyer Anglez.

Mr Speaker nou pa dan en pozisyon pou dir kan proze pou konplete akoz later kot daycare pou ganny konstrir i ankor an negosyasyon ant MHILT avek HFC. 

Me Gouvernman Lokal, in deza in vwar serten opsyon alternativ, ki nou pou met devan zisteman, pou regarde si nou kapab annan en lot opsyon, pou pran konsiderasyon en mannyer ki nou kapab pa met retar dan sa proze.

Bann fasilite pou daycare, i anliny avek standar ki’n ganny mete par IECD e sa i enkli  lasal pou leson, lakwizin, plas pou preparasyon manze, stor pou manze, stor pou lekipman en lasal pou staff, savedir en staff room, lofis, en sickbay, lasal a manze, lasanm pou pti baba, twalet avek shower, separe pou garson e fiy e osi en pti playground.  Mersi Mr Speaker.

 

MR SPEAKER

Mersi Minis.  Onorab Herminie.

 

HON WILBERT HERMINIE

Mersi Minis pou ou larepons.  Si Minis i kapab donn nou en pe detay lo sa sif alternatif ki in dir, e si tou dimoun i mars byen eski nou kapab fer sa proze sa lannen,

E pi mon 2enm pwen, e plis ki e sizesyon pe demande si pou run sa daycare bann dimoun ki sorti dan distrik i ganny konsidere sirtou bann ki pe fer childminding, ki zot kapab zwenn ansanm pou zot kapab run sa daycare ?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker byensir premye opsyon i sa site orizinal, me si sa nou pa gannyen, nou annan en lot site ki nou pe konsidere dan distrik English River menm, en pe lot kote laba obor lekol Endepandan, ki nou krwar nou kapab servi li pou nou kapab fer sa daycare, pou dimoun Larivyer Anglez.

E kot i konsern pou management daycare Onorab, normalman nou tender e bann dimoun i soumet zot laplikasyon pou zot kapab rent sa daycare.  Mersi Mr Speaker. 

 

MR SPEAKER

Mersi Minis.  Onorab Terence Mondon.

 

HON TERENCE MONDON

Mersi Mr Speaker.  Mon annan en kestyon klarifikasyon annefe ki Minis in koz lo sa sit opposite klinik La Rivière Anglaise ki’n ganny propoze, e eski nou pe koz menm sit kot batiman HFC i sipoze ganny konstrir?  Si i kapab eklersi nou par ki mannyer sa pou marse.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Wi Mr Speaker se pou sa rezon mon’n dir ki MHILT avek HFC i ankor pe negosye e zot ki pou deside finalman ki pou arive avek sa sit.  E se pou sa rezon nou pa kapab donn en  desizyon ozordi avek Onorab.  Mersi Mr Speaker.

 

MR SPEAKER

Mersi Minis.  Yes Onorab Mondon.

 

HON TERENCE MONDON

Mersi Mr Speaker.  Mon kestyonn o nivo planifikasyon – Gouvernman, eski  en sit  ti’n fini ganny idantifye, pou fer building HFC? E tou sa letan ozordi nou pe atann kot zot pe negosye pou en daycare.  Mon pa tro konpran ki mannyer sa prosesis sa  planifikasyon i marse dan Gouvernman.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mr Speaker mon pa pou kapab pronons mwan  lo la akoz mon krwar sa i en kestyon pou Minis ki ansarz MHILT, e an menm tan osi ansanm avek HFC, pou zot kapab pran sa desizyon.

Sa larepons ki mon’n donnen, i sa larepons ki letan nou’n konsilte avek zot, zot in dir nou la, la kot bann keksoz i ete.  Mersi Mr Speaker.

 

MR SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mr Speaker mon premye kestyon Minis in dir nou dan son larepons ki vizit ti fer an 2018, pou konsernen sa proze la, so mon anvi konn son konponan bidzeter.  Kan ki alokasyon Bidze ti ganny fer pou sa proze si i ti 2018 ouswa si i la 2019 parey ki MNA La Rivière Anglaise pe swete sa proze ti a kapab fer sa lannen.

En dezyenmman en kestyon klarifikasyon lo larepons ki Minis in fek donn Onorab Mondon, ler i dir sa larepons fodre Minis ki ansarz MHILT ki kapab reponn.

Me mon anvi konnen pou Minis diriz nou.  Savedir lo nivo par egzanp Cabinet ant zot bann Minis akoz i en proze Nasyonal.  Ki kalite konversasyon ki kalite diskisyon zot annan?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker dan proze  nou ti pe met   daycare pou 2020 e 2021 ok pou kapab konmanse si nou ganny sa sit orizinal.

Letan nou ganny kestyon Onorab, nou konsilte avek kanmarad.  E nou diskite.  E sa proze pa ankor vin Cabinet pu diskit ek kwa egzakteman, ki pou ganny fer lo sa plot la ki nou pe koz lo la ozordi.

Me bann Minis – zisteman ler mon’n ganny sa kestyon, mon’n konsilte pou nou kapab vwar ki larepons ki nou kapab donn avek Lasanble.  Mersi Mr Speaker.

 

MR SPEAKER

Mersi Minis.  Onorab Audrey Vidot.

 

HON AUDREY VIDOT

Mersi Mr Speaker.  Mr Speaker mon kestyon pou Minis,  eski i posib ki dan zot bann diskisyon ki zot fer avek lot Minister, ki si an ka i arive ki zot pa pe ganny morso later pou sa proze daycare, me zot ranforsi parey ou’n dir lo sa lot nouvo morso later ki zot pe propoze.

Dan zot diskisyon ki sa morso later ki la  si pli tar Minister pou Later i sanz proposal, pou fer en HFC building la, nou ti a swete ki konsiderasyon avek prenon kont ki La Rivière Anglaise i en distrik ki limite avek later, pou fer serten devlopman pou benefis sa distrik,  ki okenn devlopman ki ganny fer lo sa mors later apart HFC, house, building, oubyen en daycare, me priyorite i en proze ki dan benefis kominote English River.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker wi mon krwar nou, nou premye opsyon i sa plot.  Si prezan nou, nou pa ganny sa pou fer en proze daycare, mon asire ki MNA, distrik, i ava negosye pou li kapab reganny sa plot pou fer en proze ki kapab zisteman parey Onorab in dir benefisye bann dimoun dan distrik La Rivier Anglaise.  Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mwan mon pa krwar i en kestyon sit.  I en kestyon sa Minister i devret fer tou posib pou li ganny sa morso later, e pou donn English River son daycare centre, parey sonm Manm Elekte in vin devan Lasanble pou demann en kestyon lo la.

Alors dan sa laliny, mon ti a kontan demann Minis ki, eski i posib pou Minis enform Lotorite Distrik English River, a tou moman lo bann negosyasyon e asire ki Manm Elekte pou distrik, e lezot Lotorite Distrik i ganny involve dan bann negosyasyon, pou kapab akeyir e ganny sa bout later, e fer sa daycare ki ava benefisye pa zis bann zabitan English River – bann zabitan sa landrwa, kot zot ava annan en landrwa pou zot met zot bann zanfan pandan letan ki zot bezwen fer li.  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mr Speaker, wi nou konman sa Lotorite ki responsab pou konstri bann daycare dan bann distrik, mon krwar nou pou involve bann MNA a tou faz negosyasyon ki nou pe fer. E letan ki’n ariv ler letan swazir en desizyon final i ganny fer, MNA osi i ava ganny enformen ki desizyon ki’n ganny pran pou son distrik.  Mersi Mr Speaker.

 

MR SPEAKER

Mersi Minis.  Nou ava bouz lo prosen kestyon.  E No. (5) lo nou Order Paper i vin  No.(3). Onorab Gervais Henrie.

 

HON GERVAIS HENRIE

Mersi Mr Speaker.  Eski Minis pour Gouvernman Lokal i kapab donn detay sa Lasanble, lo poursantaz proze ki tou le 25 distrik ti’n planifye pour lannen 2017 e 2018, ki’n materyalize? Ki rezon prensipal bann proze in retarde ouswa kennsel? E ki mezir Minister pe pran pou adres bann defi ki bann distrik pe gannyen pou akonplir zot plan?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRSMACSUZY MONDON

Mersi Mr Speaker.  Mr Speaker poursantaz proze ki tou le 25 distrik e enkli sa 2 kominote Ile Perseverance 1 ek 2 ki ti’n ganny planifye e materyalize pandan lannen 2017 ek 2018 i comme swivan;

An 2017 proze ti ganny konplete 71poursan e an 2018 65poursan bann proze ti ganny konplete.

Mr Speaker kot i konsern retar, oubyen bann proze ki’n ganny kennsel wi i annan retar i annan osi proze ki ganny kennsel pandan lannen 2017 ek 2018.

Sa i arive pou plizyer rezon.  Minister i annan prosedir an plas pou lenplimantasyon bann proze distrik.

Mr Speaker bann rezon pou retar i osi proze ganny kennsel comme swivan.   An 2017 nou ti met en sistenm an plas pou ki distrik soumet son lalis proze, pa pli tar ki 3 mwan avan konmansman lannen ki proze pou ganny enplimante.  Sa i pa toultan leka e plizyer distrik i pa respekte sa deadline.

        Mr Speaker apre ki en proze i ganny soumet en feasibility study, i ganny fer lo bann proze ki lo lalis, pou etabli k proze i pou ganny enplimante.  E pou fer sa feasibility study, nou bezwen ki bann dosye ki sorti dan bann distrik, konplet avek tou bann lenformasyon neseser.

Parfwa nou ganny serten retar, akoz dokiman neseser ki manke dan ban file proze, oubyen  dan bann dosye kot bann distrik.

Par egzanp dokiman relye avek konsiltasyon, ki’ ganny fer avek kominote.  Si nou bezwen demann permisyon pou wayleave   e ki sa i pa enkli dan dosye.

Mr Speaker en kominote vetting ki ganny etablir kot Gouvernman Lokal, fer sir ki standar en proze i ganny mentenir, e osi pou revwar fezabilite proze an term son kou, par rapor avek benefis ki sa proze pou anmennen pou kominote.

I annan ka kot kominote vetting, i demande ki proze i ganny revwar, san annan tye oubyen parsyelman.  Sa osi i parfwa i kapab koz serten retar. Par egzanp, en proze semen kot provizyon pou drenaz petet pa’n ganny konsidere.

Mr Speaker apre ki vetting Komite in aprouve, prosesis tender i ganny fer e parfwa sa prosesis parey nou konnen, i pran en pti pe letan.  E i kapab ale ziska 8 semenn.

Mr Speaker mon pans pa ki mon bezwen al dan bann detay prosesis tender, akoz mon panse bann Onorab i okouran sa prosesis.

Parfwa i annan osi proze ki bezwen ganny re-tender, pou rezon ki rezilta tende pa’n satisfezan.  Par egzanp kot kotasyon bann kontrakter i bokou pli ba, oubyen ki pri i bokou pli o ki estimasyon ki’n ganny fer.

Komite evalyasyon proze,  Ii annan ki parey nou konnen dan Lalwa Procurement, i osi bezwen pronons zot lekor nesesite pou re-tender sa proze si i neseser.  Me la byensir si sa i leka, nou bezwen rekonmans sa prosesis.

Mr Speaker retar i osi parfwa relye avek bann problenm ki nou gannyen, avek bann kontrakter, sirtou bann pti kontrakter ki petet pa anploy sifizaman travayer oubyen ki napa travayer lo en baz permanan, e ki pe anploy dimoun lo en baz casual. 

Parfwa osi i annan difikilte o nivo – par egzanp lekipman pou zot kapab fer sa travay ki zot in ganny donnen.

Mr Speaker survey osi i en defi pou nou, dan lenplimantasyon proze, akoz nou bezwen esper plan survey, avan ler ki nou kapab konmans serten proze.  E nou napa sifizaman surveyor parfwa pou nou kapab donn bann travay bann survey ki bezwen fer, pou nou kapab fer tou bann survey ki nou bezwen pou nou akseler nou bann proze.

Procurement Act Mr Speaker, i egzize ki sa kantite i annan plas Procurement Unit e ki bann prosedir procurement i ganny swiv.  La osi Minister i annan serten difikilte, akoz i pa fasil parfwa pou nou kapab ganny bann procurement officer pou nou kapab fer sir ki annan bann dimoun dan sa unit pou kapab fer sa bann travay ki neseser pou nou fer.

Mezir ki Minister pe pran Mr Speaker i pou kondann en enplimantasyon an 300 pti proze toulezan i en defi pou nou Minister.  Nou met bokou lanfaz lo bann planifikasyon e Minister i toultan ensiste ki planning ganny fer boner pou ki tou dokiman neseser i pare a tan.

Sekretarya Gouvernman Lokal i rankontre bann MNA avek bann DA toulezan pou diskit bann proze, pran konsiderasyon zot bann rekomandasyon e konfirm zot lalis proze pli boner posib.

Mr Speaker sa lannen Gouvernman Lokal i osi met an plas en Internal Project Appraisal Committee ki zwenn tou le mwan, pou annan en swivi pli pre par rapor avek lenplimantasyon sa bann proze fer sir ki kan problenm i ganny souleve, i ganny adrese pli boner ki bann Kontra i ganny pli ganny respekte, e ki travay i osi ganny fer lo standar.

Minister pe osi pe negosye avek MHILT pou ganny lasistans surveyors, pou ede soulaz en pe bann presyon ki nou pe fer fas avek.

Mon ti a kontan osi note Mr Speaker mon konnen dan lepase, nou’n nonmen – ganny fer resorti nou annan serten problenm kapasite dan Divizyon ki zer sa bann proze.  Me avek sipor Minister Finans dan lepase, nou’n kapab tonm dakor pou nou kapab recuit sa lannen konmansman sa lannen ankor 4 dimoun kot pou ede pou travay avek Divizyon Proze e nou’n ganny 2 enzenyer avek 2  quantity   surveyor etranze ki’n zwenn Divizyon an Avril sa lannen, pou asiste avek lenplimantasyon nou bann proze.

Mr Speaker mon panse ki zot lekspertiz i ava arive zisteman avek nou bann feasibility study; preparasyon bann scope of work – design e osi ede pou swiv progre travay lo sit konstriksyon, pou ase standar avek kalite.

Minister i espekte ki avek serten sa bann mezir ki nou’n pran, nou ava vwar en amelyorasyon lo kalite e kantite proze ki nou kapab enplimante, e sa i ava fer ki a lavenir nou a kapab amelyor nou poursantaz proze ki nou kapab delivre.  Mersi Mr Speaker.

 

MR SPEAKER

Mersi Minis.   Onorab Henrie.

 

HON GERVAIS HENRIE

Mersi Mr Speaker.  Mersi Minis pou en larepons byen detaye.  Sa ki mon ti a kontan konnen premyerman, lefe ki nou annan en poursantaz, eski Minis ti a kapab dir nou lekel sa 3 distrik ki son Minister i konsider the top 3  performers?  E sa twa ki pli feb?  Setadir ki delivre mwens ouswa delivre plis dan zot bann proze ?

E dezyenmman prenon kont ki ti annan en rediksyon dan poursantaz performans an 2017, sorti 71poursan pou desann 65poursan,  eski son Minister ti sezi sa regresyon e sey adrese ; ki alor son Minister ti a kapab delivre servis kominote parey zot manda i demande?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker mon napa lenformasyon lo premye lenformasyon ki Onorab in demande, lo 3 top distrik ek 3 weakest.  Sa osi i depan lo lannen.  I pa toulezan ki toultan nou annan menm distrik kekfwa ki pli top oubyen pli weak. 

Me solman si Onorab ou pe demann pou sa lannen depi 2017/2018  ki dan ou kestyon, nou kapab donn ou sa lenformasyon.

Mr Speaker wi parey mon’n mansyonnen, nou’n annan pa mal defi e osi sirtou lannen pase avek lenplimantasyon nou bann proze, serten wi nou’n kapab petet atrape, me i annan proze ki osi nou’n konmans en pe tar – petet dan 3enm kar lannen, ki pa’n konplete, ki nou’n bezwen kontinyen osi ki vin dan son lannen apre.   Parey nou annan proze lannen 2017, ki’n kontinyen oubyen ki’n konplete dan premye kar 2018.  Nou annan proze osi 2018 ki’n konmans dan dernyen kar lannen 2018, e ki nou’n carry forward e nou’n konplet li dan premye kar lannen 2019.  Mersi Mr Speaker.

 

MR SPEAKER

Mersi Minis.  Onorab Phillip Arissol.

 

HON PHILLIP ARISSOL

Mersi Mr Speaker.   Eski Minis i santi ki tou DA, i ase konpetan pou zer tou sa bann proze ki ariv ziska R1.3milyon par lannen? Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker i annan serten travay ki DA i fer spesifikman pou nivo distrik, me lemoman ki nou’n ganny bann dosye, sorti dan distrik ki’n ariv kot Sekretarya, zisteman bann project officers dan Sekretarya i al travay avek bann DA dan diferan distrik, pou kapab ed zot, pou kapab manage zot bann proze.

Donk si i annan DA ki annan serten pti problenm, petet ki pe fer fas avek, e nou nivo Sekretarya atraver nou bann project officers, nou donn zot sa sipor neseser Onorab, pou zot kapab enplimant zot bann proze.  Mersi Mr Speaker.

 

MR SPEAKER

Mersi Minis.  Onorab Jany De Letourdie.

 

HON JANY DE LETOURDIE

Mersi  Mr Speaker.  Bonzour tou dimoun.  Mr Speaker eski Minis i kapab dir nou, si i annan en mekanizm ki evalye bann pti kontrakter ki ganny sa bann Kontra lo distrik?

Apre osi i annan ki kontinyelman pe fail,  akoz mon pa krwar i devret zot kapab kontinyen ganny sa bann Kontra – sa bann tender.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi MR Speaker.  Wi Onorab bann difikilte ki nou gannyen avek serten kontrakter nou met sa a latansyon bann dimoun – a latansyon POU par egzanp, pou zot okouran letan bann difikilte ki nou gannyen pou zot okouran letan zot pe konsider zisteman bann kontrakter pou fer sa bann travay.

Me selman nou note, nou note tou bann kontrakter tou bann problenm ki nou gannyen avek zot.  Mersi Mr Speaker.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Bonzour.  Minis avek ou lekip, bonzour tou bann etidyan ki dan Galeri.  E bonzour manm piblik ki a lekout.

Mr Speaker mon kestyon ki comme swivan; Minis lefe ki evidan ki sa Departman Gouvernman Lokal Santral, i tro sarze,  eski Minis pa krwar ki in plis ki ler pou donn Ladministrasyon Distrik plis pouvwar, pou pran bann desizyon dan gard empowerment distrik e pran sa ownership parey nou toultan souvan koz lo la?

Eski Minis i pa krwar ki si kominote i ganny plis pouvwar sirtou, dan kad enplimantasyon bann pti proze  pa ti pou fer lavi distrik en pti pe pli fasil?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker i annan en travay ki nou pe fer, pou nou regarde ki bann minor proze oubyen travay ki kapab handle o nivo distrik.  E wi Onorab, petet a lavenir i dan sa direksyon ki nou pou ale, ki serten alokasyon ava ganny donnen o nivo distrik e ki DA i ava kapab zisteman tackle sa bann minor works o nivo distrik.  Mersi Mr Speaker.

 

MR SPEAKER

Mersi Minis.  Mon ava pran en dernyen kestyon, Onorab Jean-Francois Ferrari.

 

HON JEAN-FRANCOIS FERRARI

Mersi Mr speaker.  Mr Speaker mon ti a kontan demann Minis, akoz souvan dan sa Lasanble  e sirtou lo kote minorite dan Lasanble, zot toultan pe blanm Procurement – konmsi Procurement i vin en nespes leskiz pou dir ki Gouvernman Lasanble i met an plas bann mezir –

 

MR SPEAKER

Kestyon Onorab.

 

HON JEAN-FRANCOIS FERRARI

… konmsi pe tard tou keksoz. Alors mon kestyon se eski Minis i kapab dir avek nou, si dan son lopinyon procurement process i enn ki vreman koupab pou retard sa bann proze ?

E dezyenmman, eski Minis i kapab dir nou, si son larepons i wi, ki zot in fer pou zot edik tou bann project officers lo sa nesesite, fer bann procurement dan en efikas e boner, eksetera, eksetera e ki mannyer zot kapab dir sa Lasanble ki zot pe annan en sikse dan sa faz proze?  Mersi.

 

MR SPEAKER

Mersi Onorab.  Minis.

 

THEDESIGNATED MINISTER MRS MACSUZY MONDON

Mr Speaker wi procurement i en process.  Ok?  E letan mon’n donn mon larepons en pe o paravan, mon’n eksplik en pti pe bann prosedir e nou’n rekonnet petet i annan serten sa bann prosedir, ki pran en pti pe tro bokou letan.  E sa diskisyon in deza ganny fer avek Minster Finans.  E Lalwa Procurement pe ganny revwar, e mon mazinen sanmenm sa lannen, i ava ganny bann review ki pou ganny fer, i ava ganny prezante pou aprouvasyon.

Procurement i en unit Onorab, ki zisteman i ganny dirize par Minister Finans.  Me nou, nou byensir letan i annan bann financial procedures ki sorti, ki ganny met an plas, nou bezwen toultan pe brief nou bann dimoun, nou bann project officers, nou bann dimoun ki travay dan Seksyon Proze ki mannyer bann prosedir i marse oubyen si i annan bann nouvo prosedir ki sorti, pou zot kapab zot osi okouran avek ki, avek kwa, dan ki kalite sistenm e avek kwa ki zot pe travay.  Mersi Mr Speaker.

 

MR SPEAKER

Mersi Minis.  Nou ava al lo kestyon  No. (2) ki i vin kestyon No. (4).  Onorab Jude Valmont.

 

HON JUDE VALMONT

Mersi Mr Speaker e bonzour, bonzour Minis e delegasyon tou koleg Onorab, bann etidyan, e teachers sorti Independence School anler dan Galeri e tou manm piblik ki pe swiv nou.

Mr Speaker mon kestyon i lir koumsa; eski Minis responsab pour Gouvernman Lokal e Spor, i kapab enform sa Lasanble, ki lentansyon son Minister i annan pour amelyor fasilite sportif dan distrik Pointe Larue, pli presizeman laplenn foutbol e court basketball?  Mersi.

 

MR SPEAKER

Mersi Onorab.   Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker laplenn foutbol Pointe Larue i dan en faz re devlopman.  An 2016 Minister ti met lalimyer lo poto a en kou R300mil.  An 2017 nou refer fencing ki vir avek lekol a en kou R250mil.  Pou 2019 distrik Pointe Larue ti soumet en proze, an Avril sa lannen, pou renivle e fence laplenn.

Sa proze in estimen pou kout anviron R700mil. Pou rezon bidzeter, Komite Vetting dan Minister ti rekomande ki proze i ganny met on hold, pou pli tar posibleman pou lenplimantasyon an 2020.

Atraver entervansyon ki Onorab ou menm ou, ou ti fer avek Lanbasad Chinois sa lannen, en pti graden – landrwa sanze pou atlet e fasilite twalet pe ganny konstrir.  Sa proze pe ganny finanse par Gouvernman Chinois atraver en don ki ariv anviron R900mil.

Proze Mr Speaker, sa proze ki pe ganny finanse par Gouvernman Chinois i bezwen ganny konplete avan ki nou  entame sa proze zisteman pou renivle laplenn.  Renivle laplenn i pou pran anviron 6mwan pou travay ganny fer lo laplenn.  E ou espekte si sa travay Onorab i konplete, o kour sa lannen, e si Minister i kapab petet annan serten savings i kapab fer, dan son Bidze proze, nou ava regarde si nou kapab konmans sa travay, ki’n ganny demande o kour sa lannen.  Mersi Mr Speaker.

 

MR SPEAKER

Mersi Minis.  Onorab Valmont.

 

HON JUDE VALMONT

Mersi Mr Speaker.  Mon ti a profite pou remersye Gouvernman Lokal pou zot sipor.

E mon ti a demann Minis akoz antan ki proze ki pe ganny fer pou lemoman sa faz devlopman, mon ti a voudre demann Minis akoz i annan serten konsern ki paran in met devan, Ledikasyon i vin devan nou i dir i annan serten pti konsern mouvman trafik transpor la e zanfan.  Mon konnen ti annan serten vizit par bann Lotorite konsernen.

Eski mon kapab ganny komikman Minis ki son Minister pou siport nou dan sa demars osi, pou petet fasilite pou fer fasilite pavement dan sa proze redevlopman – sa ki in dir dan sa kontinyasyon levelling,  ek fencing, nou laplenn.  E si mon kapab ganny en komitman ferm Minis, ki si sa proze redevlopman sa ki ou’n dir la laplenn, sa changing room   avek grand stand ki sipoze konplete an Out, si i konplete eski sa 2enm faz i kapab ganny konmanse sa lannen?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker parey mon’n dir wi, si nou – Onorab in fer sorti ankor nesesite pou annan en pavement, e tousala nou ava fer costing e nou ava vwar.  Definitivman Onorab si nou annan serten savings a kapab fer serten travay sa lannen.

Mr Speaker prezan ou ava permet mon reponn sa lot bout kestyon.  Mon donn leskiz lo kort basketball.  Kort nou ti ranplas bann board avek bann ring an 2018, pou en lavaler R5 mil e nou’n ganny rektifye ki nou bezwen ankor ranplase. Administrasyon Distrik i dir nou ki nou bezwen ranplas ankor board avek ring sa lannen.

E mon panse ki annan serten vandalizm ki’n ganny koze.

Sa lannen travay pou met lalimyer, in fini konmanse lo kort, e i sipoze konplete dan milye Zen.  E sa proze i pou kout R80mil.  E travay i pe ganny fer par NSC m pe ganny peye par Departman Gouvernman Lokal.

I dan nou plan pou met en nouvo kours koltar lo kort Onorab.  E sa pou ganny enplimante dan 3enm kar sa lannen.

Sa proze re sirfas pou ganny fer par SLTA, e i pou en sonm R250mil.  Mersi Mr Speaker.

 

MR SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Chair.  Bonzour Minis ek ou delegasyon tou Manm a lekout.

Minis ou’n fer resorti sa bann maintenance, ki’n ganny fer, mon ti a kontan demann ou si anba ou Minister, i annan okenn rol ki NSC in zwe anba sa bann maintenance, an vi ki laplenn Pointe Larue i en laplenn ki tonbe lo standar.

E si wi ki konponan ki li in kontribye ladan?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker tou laplenn ki anba responsabilite Gouvernman Lokal, i ganny maintenance.  Travay i ganny zere par Gouvernman Lokal.  NSC li i fer bann maintenance ek travay lo bann fasilite sportif ki tonm anba NSC e  sirtou bann fasilite ki ganny konsidere konman bann fasilite rezyonal.

Me selman nou travay osi pros avek        NSC,        kot nou bezwen zot led e  kot zot, zot annan zot annan lekspertiz, kot zot ed nou kot letan nou bezwen fer serten travay maintenance lo nou bann fasilite sportif dan distrik.  Mersi Mr Speaker.

 

MR SPEAKER

Mersi Minis.  Onorab Aglae.

 

HON EGBERT AGLAE

Minis mersi pou ou larepons.  Minis etandonnen ki ou’n fer mansyon, parey bann lalimyer ki’n ganny mete pou lekleraz, sa i ganny fer en kontrakter par NSC – am I right ?  E se sa mon demann sa kestyon ki konponan ki zot in kontribye?  E si i annan en kou ki zot met ladan Gouvernman Lokal ki bezwen pey tou – foot     the bill?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker nou peye ; nou ki peye pou bann travay ki nou demann NSC ki bezwen fer pou nou, nou peye nou menm.  Mersi.

 

MR SPEAKER

Mersi Minis.  Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Minis.  Mr Speaker mon anvi demann Minis vi ki i pe koz lo maintenance bann lenfrastriktir.  Mon anvi Minis i dir nou kan ki sa bann maintenance i fer?  Eksplik e pe ki maintenance in fer akoz laplipar di-tan sa bann lenfrastriktir i tonm an rin!  Eski zot annan bann maintenance tou lede mwan ki zot pase zot gete?  Akoz Sans Souci in vin gran bwa port avek laplenn.  Ki maintenance zot fer?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker toulezan, baze lo Bidze ki nou gannyen, nou annan en plan maintenance ki nou fer lo bann fasilite sportif.  E an menm tan osi sa i relye avek bann serten demann ki ganny fer o nivo distrik.

E sa i ganny mete dan Bidze pou lannen – Onorab parey mon’n dir.  Nou annan nou apepre 32 bann  playing field ki tonm anba Gouvernman Lokal.  Nou annan nou 28 kort ok e nou annan nou en beach volleyball fasilite.

Donk nou bezwen toulezan zan repartir en pe baze lo nou plan koute ki nou pou fer lekel travay.   E Onorab mon ti a kontan petet pou dir ou sa lannen, dan nou plan nou annan travay ki nou pou fer dan ou distrik Bel Air. E sa kot multi-purpose court kot nou pe vin avek repar ou fencing ok, pou en kou apre ki nou’n estimen apepre R150mil.  An menm tan osi kot i konsern ou playing field osi nou pe vin repar fencing pou en kou R150 mil.  Mersi Mr Speaker.

 

MR SPEAKER

Mersi Minis.  Bon mon ava zis averti bann Manm pou dir kestyon i presizeman lo Pointe Larue – annou pa tante pou nou al an deor kestyon.  Ok ?  Lo Pointe Larue.  Onorab Loizeau.

 

HON NORBERT LOIZEAU

Mr Speaker mon anvi demann Minis eski zot pa panse 1an pou maintenance i en pti pe tro long ?  Akoz si ou mazinen akoz sirtou pou en kort basketball ring i kase detanzantan, ennler petet on panse Minis zot ava akoursi en pti pe sa letan.  Petet 6 mwan – . Annou met 6 mwan i ava en pti pe meyer. 

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Pwen i note.  Petet sa bann pt pti travay osi ki a lavenir, i ava tonm dan sa bann minor works, ki nou pou allocate avek distrik pou fer.  Mersi Mr Speaker.

 

MR SPEAKER

Mersi Minis.  Onorab Francois Adelaide.

 

HON FRANCOIS ADELAIDE

Mersi Mr Speaker.  Bonzour a tous.  Minis ler nou pe get lo kote Pointe Larue, atraver sa bann pri ki mon’n tann ou nonmen,  Ler ou pe gete, i preski 3 kar son bidzeter ki son distrik i gannyen.  Eski petet ou Minister pe revwar, ki kantite alokasyon ki Gouvernman Lokal i met avek sak distrik?  Akoz letan ou pe get sa bann proze, i sote. Pri lavi i monte konmela.  Menm whynot R3 milyon e pa sa 1.6 ouswa 1.2.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker bann larzan i ganny allocate baze  lo bann proze ki ganny mete lo lalis pou bann distrik.  E sonm larzan ki nou gannyen, nou tant partaz li otan ki posib egalman, avek bann distrik.  Me  nou tenir an kont osi bann proze ki distrik i anvoye, pou pran an konsiderasyon par Departman.  Mersi Mr Speaker.

 

MR SPEAKER

Mersi Minis.  Onorab Audrey Vidot.

 

HON AUDREY VIDOT

Mersi Mr Speaker.  Mr Speaker mon kestyon pou Minis, se ki an referans avek maintenance parey nou pran legzanp lo distrik Pointe Larue.

Eski zot pe konsider, oubyen regard posibilite, pou ouver sa scope, pou bann lezot kontrakter pou fer serten maintenance?  i pa toultan menm dimoun – ki petet nou pe kontinyelman ganny konstrent parmi bann distrik parey Pointe Larue, kot i kontinyelman annan sa bann problenm maintenance, tou lazournen.  Petet i ava relev nouvo standar, lo kote maintenance – son bann kort.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker semenn prosenn tou bann ‘’Expression of interest’’ pou sorti dan Nasyon e bann kontrakter i a kapab eksprim zot lentere si zot anvi, pou zot kapab  osi ganny sans pou fer sa bann travay ki Onorab pe koz lo la dan bann distrik.  Mersi Mr Speaker.

 

 

MR SPEAKER

Mersi Minis.   Mon ava eskiz Mrs Vidot, avek Mr Adeline,  pou nou pran lot kestyon.

Bon mon a welcome e mon a dir bonzour Mr Jean Larue ki CEO pou NSC e Mr Kevin Vidot ki Special Advisor pou Youth Development ankor i tonm avek Minister ki Mrs Mondon i responsab.  Nou ava al lo kestyon No. (3) lo nou Order Paper ki’n ganny re note konman No. (5).  Onorab Gervais Henrie.

 

HON GERVAIS HENRIE

Mersi Mr Speaker.  Eski Minis pour Spor i kapab dir sa Lasanble, si son Minister in fer evalyasyon lo rezilta Sesel, kot 9enm Zwe de Zil ki ti fer La Reunion an 2015, avek bi amelyor performans zeneral nou bann atlet dan prosen zwe?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker apre Zwe de Zil an 2015  en rapor ti ganny fer par Minister responsab pou Spor lo rezilta performans atlet e bann diferan disiplin spor.

Sa rapor ti fer konparezon dan rezilta Zwe de Zil 2011 avek 2015.  Mr Speaker nou’n note ki an 2011 nou ti ganny plis meday ki an 2015.

Apre bann refleksyon ki’n ganny fer e analis, nou ti konklir ki nou pou bezwen met plis lanfaz nou devlopman lazenes, si nou oule ogmant nou sans raport plis meday dan bann zwe enkli Zwe De Zil.  Osi enportan ki resours finansyel i devret ganny etale pou sa 4 lannen avan zwe e distribye avek bann Federasyon ki annan en bon plan devlopman pou nou bann zenn atlet osi nou bann atlet o nivo.

Se pou sa rezon ki NSC ki responsab pou devlopman spor, ansanm avek diferan Federasyon ti konmans en progranm pou idantifye e devlopman pou idantifye e devlopman bann talan.

Parmi i Zwe Lespoir parey nou konnen ki ganny organize pou bann zenn anba 18an. Sa i osi en preparasyon pou zwe CJSOI pou bann zenn lo bann zil dan L’Ocean Indien. 

Atlet ki ganny idantifye avek talan e abilite, par son Federasyon in ganny met dan bann lenstitisyon aletranze pou kontinyen zot devlopman.

NSC in osi met an plas progranm Sports Academy avek bi pou sipor bann zenn atlet dan diferan disiplin sportif avek lobzektif pu devlop zot kapasite e nivo pou kapab osi reprezant nou pei.

Sa bann atlet i fe zot lantrennman lo en baz profesyonnel isi Sesel.  Nou osi annan Federasyon ki ti prezant zot plan devlopman pou 4an, e nou swete ki tou sa bann mezir e aksyon ansanm, i ava ede pou ogmant performans sa bann atlet, e  anmenn en meyer rezilta dan prosen zwe.  Mersi Mr Speaker.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Mon krwar larepons i en pe zeneralize konpare avek larepons ki Minis ti donn mwan taler pou mon lot kestyon.

Donk mon anvi demann li, ozordi lo lakantite total meday ki Sesel in raporte dan Zwe de Zil nou katriyenm  parmi bann zil.  Nou total i 655 meday.  Sa i enkli 214 Lor, 201  Bronz ek Larzan, 240 – Bronz.  Nou pa deryer Madagascar par egzanp ki pa ti partisip dan premye zwe ’79 e zot vini zot pas nou.  Nou annan en problenm la e mon anvi ki mannyer Minis dir mwan ki mannyer zot pe mazin adres sa kestyon ranport meday?

E dezyenmman, i annan sa kestyon ek stratezi o performans par nou bann atlet ; ki kot nou bann atlet i ganny sa loportinite konmsi zot pe mont en peron.  Nou vwar sa progresyon. Me  selman par egzanp letan mon pou – (eskiz mwan bann foutboler)  me ler mon pou get foutbol par egzanp, sa kantite loportinite ki nou tim Nasyonal in gannyen partisip dan ‘’COSAFA’’ kalifikasyon ‘’CAN’’, ouswa ‘’AFKON’’     mon pa konnen ki mannyer i apele.

Solman mon pa vwar mwan amelyorasyon konman en dimoun ki get foutbol.  Nou kontinyelman perdi. Ok  en dimoun i ava argimante bann tim  Lafrik i pli for ki nou.

Mon kestyon se ki, ki mannyer?  Eski i vreman nou pe mont en pa par pa dan bann disiplin?  Akoz si non i en tax payers money ki nou pe envestir dan nou bann atlet.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker mon krwar raport meday i pa depan zis lo NSC oubyen lo Gouvernman.

Mon krwar Gouvernman i la, pou donn tou sipor posib nou bann Federasyon, nou bann atlet pou zot kapab perform lo en nivo ki nou, nou anvi zot arive.

Me nou krwar nou tou nou okouran, i annan en kantite travay osi an menm tan, ki bezwen ganny fer, pa bann diferan Federasyon. Parey mon’n dir i pran 4an apre letan en zwe i fini, nou annan 4an apre pou nou kapab prepar nou bann atlet pou en lot zwe.  E sa preparasyon i pran diferan form.  I pran tou bann lantrennman ki nou fer, e dan plan devlopman ki bann Federasyon i donn nou, NSC i sey o tan ki posib, pou kapab donn zot sa sipor pou enplimant zot plan devlopman.

E sa i enkli osi anvoy nou bann atlet, met nou bann atlet aletranze, pou zot kapab fer serten training, ki pou kapab zisteman reos  zot nivo.

Donk mon krwar i pran en zefor a tou nivo.  I annan sa atlet li menm, oubyen sa sportsman ki dan sa disiplin ki li osi kwa ki i bezwen envestir, lo en baz personnel pou li kapab fer sir ki son performans alaoter, apre i pran tou sa bann Federasyon ki partisip dan zwe ; zot plan travay ki zot fer pou zot kapab zisteman prepar zot bann atlet.  E nou, nou la pou nou don zot tou sa sipor posib, pou zot kapab arive zisteman enplimant zot plan, e fer bann travay ki zot fer, pou zot kapab fer sir deplizanpli nou performans i ogmante, e nou kapab anmenn plis meday dan sa zwe.  Mersi Mr Speaker.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Minis.  Mersi Speaker.  Minis mon kestyon i comme swivan.  Ki plan ou Minister pou devlop pe met an plas bann lenfrastriktir pou prepar e devlop bann atlet ki sorti Praslin ek Zil Pros, pou prepar zot pou Zwe De Zil?

Parske i difisil pou bokou bann atlet pu fer sa deplasman pou sorti Zil Pros pou vin train lo Mahé.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker sa ki nou fer pou sa bann atlet, se ki nou anmenn zot.  Mon krwar zot ganny anmennen dan training camp, ki nou fer Mahé.  E an menm tan osi, bann lantrener ni al Praslin, pou zot kapab donn lantrennman nou bann atlet.

Mon panse osi si i annan ka bann atlet i bezwen osi dan lekip, ki bezwen al fer training aletranze zot ganny s annan osi pou zot ale.  Mersi Mr Speaker.

 

MR SPEAKER

Mersi Minis.  Onorab Chantal Ghislain.

 

HON CHANTAL GHISLAIN

Mersi Mr Speaker.   Bonzour tou dimoun.  Mr Speaker eski Minis i kapab dir avek sa Lasanble, lefe ki nou pe koz lo performans nou bann atlet Zwe De Zil.

I annan en pe letan pase, ki ti konmans lekol naze e menm lekol foutbol Sesel, kot ti pran bann zenn kot ti anmenn zot bomaten apre al training anmenn zot lekol.

Dir nou eski Minis Minister ki rezilta ki sa in anmennen, sirtou lo kote avek foutbol?  E eski  Minis osi i kapab dir avek sa Lasanble, lekel bann sports bann Federasyon, ki resevwar lasistans ouswa larzan avek zot Federasyon enternasyonal e ki bann osi ki pa pe resevwar kot Minister i bezwen top up ouswa ed zot?

E eski Minister i annan osi apepre konbyen sa bann Federasyon pe gannyen avek zot bann Federasyon enternasyonal?  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker wi mon krwar in anmenn serten rezilta e se sa ki evantyelman in devlop zisteman dan sa sports academy.  Akoz ozordi par egzanp si nou pran naze, nou vwar bokou plis bokou plis manrmay bann zenn ki pe pran par dan naze.  E sa i enn bann disiplin, ki nou krwar nou kapab fer byen dan sa zwe sa lannen.

E kot i konsern bann Federasyon Onorab, i pa en tro  posib pou nou dir, tou bann sipor ki zot pe gannyen.  Wi plizyer Federasyon, i ganny sipor avek bann lorganizasyon aletranze, akoz pa tou ki nou annan lenformasyon – pa tou ki NSC i annan lenformasyon, lekel ki gannyen e  avek lekel.  Me si nou santi pou dir sa i en lenformasyon ki Lasanble i ti a kontan konnen, nou kapab demann – al rode demann tou bann Federasyon pou dir nou avek ki zot pe ganny bann larzan.

Me definitivman zot gannyen apart sa ki nou, nou donn zot lo nivo lokal  – lo nivo NSC, zot gannyen led avek bann lorganizasyon aletranze.

 

MR SPEAKER

Mersi Minis.  Onorab Ghislain.

 

HON CHANTAL GHISLAIN

Mersi Mr Speaker.  Mr Speaker lefe ki Minis in dir pou dir naze letan in konmans avek sa lekol – lakademi, i pe anmenn sikse, eski Minis i kapab dir ek sa Lasanble, kwa ki pe anpes NSC or Minister, fer parey avek bann lezot spor pou ki konmsi nou kapab by Zwe De Zil next 10an or 5an  dela, nou vwar sa bann menm atlet, ki’n konmans ptipti in  anmennen dan sa lekol in grandi, ki ozordi zot kapab pe perform lo nivo enternasyonal epi anmenn meday pou Sesel?  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker tou bann Federasyon i bezwen striktir zot. Sa ki nou’n dir.  Nou demann zot pou travay lo en plan, pou devlop zot bann atlet e  zot bann sportsmen.  Zot bezwen annan sa striktir an plas e travay an menm tan avek sa ki sa lorganizasyon enternasyonal i demande.

Donk i nou depan bokou lo bann Federasyon pou kapab zisteman fer sa travay regarde ki mannyer zot kapab anmenn plis zenn pou partisip dan sa bann disiplin, ki zot responsab.  I annan en travay la zisteman, ki bezwen ganny fer par bann Federasyon.  E nou vwar konmsi bann Federasyon ki a la oter ki fer serten sa bann travay, nou vwar bann rezilta ki nou gannyen avek.  Mersi Mr Speaker.

 

MR SPEAKER

Mersi Minis.  Onorab Phillip Arissol.

 

HON PHILLIP ARISSOL

Mersi Mr Speaker.   Eski Minis i kapab dir lasanble si i annan okenn swivi ki ganny fer or sipervizyon par eksper NSC, ouswa etranze, lantrennman nou bann lekip pou preparasyon Zwe De Zil  pou     elev standar.

Si wi eski ou Minister i satisfe avek feedback sa bann expert?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi nou fer. Nou anmenn dimoun pou monite.  E zisteman  se baze lo bann komanter, bann advice ki bann dimoun i donn nou, ki nou pran desizyon, par ler petet pou anmenn en coach aletranze pou vini, pou vin ranforsi lantrennman; oubyen an menm tan osi pou pran en desizyon pou anvoy serten, serten nou bann atlet aletranze pou al fer training.  Me selman i annan en monitoring ki nou fer Onorab.  Mersi Mr Speaker.

 

MR SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Chair.  Eski Minis i kapab dir sa Lasanble si i satisfe avek resours ki pe ganny met a dispozisyon NSC, pou bann Federasyon ki pe al partisip dan Zwe De Zil.  E dezyenmman Minis eski ou satisfe ki Federasyon akoz Federasyon i annan en gran rol pou li zwe pou ou kapab fer preparasyon ler Zwe De Zil in terminen pou annan sa loportinite pandan 4an?

Eski ou satisfe ki Federasyon pe fer son travay parey i merite, pou nou kapab ganny atlet kalib, o nivo pou partisip dan bann levennman enternasyonal sirtou?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker wi resours ki nou annan nou donnen.  Nou donnen avek tou bann Federasyon pou sa osi ki parfwa nou fer lapel osi avek bann lorganizasyon, pou nou kapab ganny sipor pou nou ganny ankor en pe plis resours.

Onorab ler ou demann mon si nou NSC nou satisfe avek tou Federasyon?  Non.  Nou pa satisfe.  Me solman nou rekonnet osi.  Nou dyaloge avek bann Federasyon, me nou rekonnet osi ki en Federasyon i annan son endepandans.  E i annan  en serten nivo ki Minister, oubyen ki NSC i kapab arive, oubyen lenfliyans sa ki en Federasyon i fer.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Bonzour Mr Speaker. Bonzour tou bann koleg Onorab.  Bonzour Minis ek ou delegasyon e bonzour bann etidyan Independence School e avek zot teacher. 

Mr Speaker mon ti ava kontan demann Minis, ozordi nou anviron 50 zour si pa mwens av Zwe De Zil.

Sa ki nou pe tande aprezan, 2 semenn pase CEO NSC Progranm ‘’Bonzour Sesel’’ Pa’’ Bonzour Sesel’’ TET-A-TET e i ti fer sorti en pwen pertinan, ki poudir  pandan tou sa bann lannen, larzan ki donnen pou preparasyon i pa ase.  Akoz zot donn ptigit larzan dan bann premye lannen, e apre sa letan in ariv lavey zwe, la zot donn en gro Bidze espekte ki pou dir mirak pou ganny fer dan sa dernyen lannen!  Eski Minis i kapab dir nou Mr Speaker.  Ankor enn fwa mon pou dir avek sa 50zour ki bann pronostik ki Sesel pe fer dan bann diferan disiplin an relasyon avek meday?  Kot nou’n arive la, nou devret dan en pozisyon pou dir nou espekte ganny dan sa disiplin tan meday Lor – byensir letan mon mont lo laplenn dan swimming pool i en lot zafer.

Me selman nou kapab fer bann pronostik.  Alor ki bann pronostik ?

Dezyenmman Mr Speaker,  eski letan Minis pe dir avek nou Federasyon i annan en gran rol byensir – NSC i annan en rol.

Be la, mon ti ava kontan Minis i dir avek mwan, lo nivo Nasyonal, eski i pe dir nou ki Federasyon ki kontrol lo nivo Nasyonal?  Oubyen eski letan in ariv ler pou swazir lekip Nasyonal, NSC li osi tou i annan en rol enportan pou fer, pou ki tou bann problenm ki annan dan Federasyon, parey in annan tou dernyerman dan bann diferan Federasyon, ki sa bann problenm i reste dan Federasyon, me lo nivo Nasyonal NSC i annan en rol pou zwe pou swazir pou fer sir bann meyer atlet ki ganny swazir.

Dernyen kestyon Mr Speaker; an vi ki nou pe koz bann preparasyon final, e la nou dan sezon vannswet e i annan lapli.  Palais des Sport i landrwa kot nou 2 disiplin enportan volleyball ek basketball i fer lantrennman.  Handball osi tou.

        E la par egzanp semenn pase, Sanmdi pase in bezwen kennsel akoz lapli.

Alor mon anvi konnen, be pandan tou sa bann letan  la, ki zot in fer pou asire ki sa bann landrwa sportif i dan en leta konvenab, pou ki nou bann atlet i kapab vreman fer zot training ? 

E an plis ki sa bann eleman konpetisyon pou zot prepar zot pou sa zwe?  Mersi bokou Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker kot i konsern larzan.  Mon krwar , mon ti mansyonnen dan mon larepons mon premye bout larepons ki nou bezwen e tal larzan lo diferan lannen.

I vre ki petet sa pa’n tro arive pou tou lannen.  Me mon krwar NSC osi in fer son mye, pou li kapab zisteman baze lo son Bidze ki i gannyen, donn larzan avek bann Federasyon pou zot kapab fer sa travay ki zot an preparasyon zisteman pou zwe.

Dezyenmman wi Onorab NSC, wi i annan en rol Nasyonal.  Par egzanp nou annan Komite Teknik ki travay avek bann Federasyon ki ganny met an plas, byen avan diskit en pe zisteman zwe ki mannyer nou pe apros zwe seleksyon bann atlet pou al pran par dan zwe.

Me se Federasyon finalman ki swazir zot bann zwer, pou zot bann atlet ki pou partisip dan zwe.  E NSC i a kapab fer serten komanter petet.

Me finalman seleksyon i reste avek Federasyon.  Mon’n note ou pwen Onorab, kot i konsern Palais des Sport wi nou okouran ;  ki Palais des Sport i annan serten problenm koule.  Mon okouran osi  ki i annan serten travay avek preparasyon ki’n ganny fer, me letan nou regarde nou vwar poudir petet nou  pou bezwen, akoz zot kontinyen  repare i kontinyen koule.  Si zot regard  a lavenir petet nou bezwen en lot fasilite parey Palais des Sport.  Mersi Mr Speaker.

 

MR SPEAKER

Mersi Minis.  Minis i annan bout ou pa ankor reponn. Go ahead Minis.

 

THE DESIGNATED MINISTER MRS MACSUZY MONDON

Wi mersi Mr Speaker.  Pou pronostik ki Onorab ti demande.  Baze lo lenformasyon ki nou’n gannyen nou pe prevwar petet anmenn 31 meday Lor, 27 meday Larzan e 25 meday bBonz.  Mersi Mr Speaker.

 

MR SPEAKER

Wi.

 

HON WAVEL RAMKALAWAN

Zis mon anvi demann li pronostik.  Be dan si nou pe espekte ganny 31 meday Lor.  Mon ti a kontan ki Minis i dir konpare avek konbyen meday Lor ki available dan sa Zwe De Zil, konbyen meday Larzan ki pou ganny distribye, konbyen meday Bronz?

Alors eski nou pe espekte sorti 2enm? Sorti dernyen ?  Sorti premye?  Kote?  I mean tousala i form parti sa pronostik.  Mersi.

 

MR SPEAKER

Mersi.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker bann lenformasyon detaye ki Onorab pe demande, nou kapab par disiplin.  Onorab parey ou’n demande nou kapab fer Lasanble ganny sa lenformasyon.  Akoz mon napa la avek mwan.  Mersi Mr Speaker.

 

MR SPEAKER

Mersi Minis.  Bon nou ava bouz lo Kestyon Irzan an vi ki le de zofisye spor i la, i annan pou fer avek spor.  Onorab Sandy Arissol.

 

HON SANDY ARISSOL

Mersi Mr Speaker.  Bonzour tou dimoun a lekout.  Bonzour Minis avek ou delegasyon.

Mr Speaker mon kestyon i lir koumsa; eski Minis pou Spor i kapab eksplik sa Lasanble,  akoz ki dan plizyer distrik bann lekip sport, ki anrezistre anba Ladministrasyon Distrik, pa’n ganny okenn alokasyon finansyel.  Me serten in ganny en bout e la nou’n ariv 6enm mwan dan lannen zot in ganny dir ki napa ankor?

Dezyenmman; eski Minis i kapab eksplik nou Lasanble, ki kalite lasirans ki kouver nou bann atlet ki pratik lo nivo Nasyonal e enternasyonal?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker larzan spor pou tou distrik i la.  Nou’n fini travay lo alokasyon ki nou ti pe al reparti  al donn bann distrik.

Me nou sa lannen nou annan lenformasyon, nou’n aprann atraver NSC         ki bann tim spor, in mank serten dokiman tel ki sertifika lanrezistreman kot Biro Rezistrar in met a latansyon NSC, rapor bann kont odit e ki tou tim fodre ki zot swiv sa bann Regleman, bann Federasyon avan ler ki nou donn zot allocate larzan sa lannen.

Donk ler ki tou zot bann dokiman in vin annord, nou pou donn zot larzan ki zot sipoze gannyen.  Napa okenn tim ki dan distrik ziska prezan, ki’n resevwar larzan sorti kot Departman Gouvernman Lokal.

Kot i konsern lasirans, Departman Gouvernman Lokal i pey en group insurance ki varye ant R200 mil ziska R240 mil toulezan depandan lo lakantite zwer ki nou’n anrezistre.   Sa i kouver tou zwer e management tou lekip ki zwe dan bann konpetisyon lokal.

Me nou fe sa toulezan pandan mwan Zen letan nou ganny invoice sorti kot lakonpannyen lasirans.

Pou bann zwer ki ganny swazir dan lekip Nasyonal, NSC i pey en group group insurance policy, ki kouver tou manm lekip Nasyonal, konman zot kit Sesel.  Ziskan ler zot retournen.  Mersi Mr Speaker.

 

MR SPEAKER

Mersi Minis.  Onorab Sandy Arissol.

 

HON SANDY ARISSOL

Mersi Mr Speaker.  Mersi Minis pou ou larepons. Zisteman Mr Speaker, mon ti a kontan demann Minis an relasyon avek bann lekip ki al aletranze oubyen, bann endividi ki al  perform enternasyonalman parey nou dir, mon ti a kontan demann Minis eski zot annan en protokol an plas, pou bann atlet par egzanp ki in rod son prop sponsorship, in al reprezant Sesel oubyen son Federasyon aletranze, e letan i laba i sorti premye dan son kategori i ganny 2 meday Lor i ganny klasifye konman en profesyonnel –  e eski i annan en protokol ki letan sa atlet i retourn Sesel, apre ki in fer non Sesel fyer, menm in al lo son own – pa atraver Federasyon me selman in rod son prop sponsorship dan son fason parey nou tou nou rode nou anvi en aim dan lavi.  Eski i annan en protokol an plas, ki sa bann atlet i ganny resevwar?  Par egzanp letan mon vwar zot al par lekip en dimoun sorti kot NSC i vin resevwar zot lo Airport SBC i la pou resevwar zot pou montre protokol an plas pou sa bann atlet ki al perform lo nivo enternasyonal.

Dezyenmman Mr Speaker, mon ti a kontan demann Minis, eski Minis eski zot letan ou’n koz lo lasirans, eski zot annan en Scheme an plas, pou ankadre nou bann atlet ki’n perform byen, menm dan lepase ki’n fer paviyon Sesel flote ki’n anmenn meday pou nou pei.  Eski i annan en Scheme an plas la  ki nou bann atlet letan zot vwar zot dan problenm, sirtou an relasyon avek lasante –  parey mwan mon annan dan mon distrik, kot nou   vwar nou bann atlet pe tap nou laport, be zot konnen pou kot NSC oubyen anba Minister zot kapab ganny en pti keksoz an plas, pou asiste zot lo sa nivo.  Mersi bokou Mr Speaker.

 

MR SPEAKER

Mersi.  Yes Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker i paret ki 2enm parti sa kestyon ki Onorab …

 

(Interruption)

 

 

MR SPEAKER

Mon’n donn laparol Onorab Sebastien Pillay.

 

HON SEBASTIEN PILLAY

Mersi Mr Speaker.  I paret ki 2enm parti sa kestyon ki Onorab in demande vizavi lankadreman bann atlet, i deza annan en Mosyon lo Order Paper anmennen par Onorab Chantal Ghislain.

E sa kestyon ki’n anmennen i pou preempt    deba lo en size ki deza devan Lasanble.  Mon ti ava demann ou pou rule accordingly baze ki Standing Orders i dir.  Mersi Mr Speaker.

 

MR SPEAKER

Ok.  Sa 2enm parti ou kestyon Minis i ava kit ater, akoz ou pe anticipate en  deba ki pe vini lo en Mosyon ki lo Order Paper.  Minis i ava pran bann lezot part kestyon.

 

(Interruption)

 

 

HON WAVEL RAMKALAWAN

Anba ki Order ki dir nou     pa kapab demann en kestyon?

 

(Interruption)

 

 

HON WAVEL RAMKALAWAN

Be sa Manm ti devret dir ki son Order?

 

(Interruption)

 

 

MR SPEAKER

Bon.  Ler en Manm i demande pou klarifye – pou fer en  point of order i kapab sit Standing Orders, me osi tou i kapab zis dir mon pe fer en point of order.  This is the norm.    Ok. 

        E i annan en Standing  Order ki kouver, ki ou pe anticípate e deba ki pe vini pli tar dan en Mosyon.

 

 

(Off-Mic)

 

MR SPEAKER

Wi.  Ok dakor Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker NSC i annan en protokol an plas, ok, parey Onorab in demande,  ok pou resevwar bann atlet zot in sorti aletranze, letan zot retourn Sesel.  Mersi Mr Speaker.

 

MR SPEAKER

Mersi Minis.  Onorab Norbert Loizeau.

 

HON NORBERT LOIZEAU

Mersi Mr Speaker.  Mr Speaker mon anvi demann Minis vi ki zot pe koz lo alokasyon bann lekip dan distrik.  Vi ki sa alokasyon pou mwan ki dan spor i pa nanryen – mon krwar an mwayen lekip  pe ganny anviron R8mil.  E sa zot pe ganny li par quarter ki R2 mil.

 

MR SPEAKER

Kestyon Onorab.

 

HON NORBERT LOIZEAU

Wi mon pou al lo kestyon.  Mon bezwen eksplik li pou li konpran byen sa kestyon.

Ek R2mil si ou ganny en soulye ou pa pou met soset.  Akoz i pti git.

Mon anvi demann Minis si zot pe anvizaze reviz    dan Bidze  lannen prosen reviz en pe sa alokasyon fer li mont en pti pe li o.  Vi ki Onorab Ghislain taler in koz lo lankadreman bann zenn.  Vi ki nou, nou  annan sa lakademi.  Petet sa alokasyon en pti pe pli o nou kapab envestir en pe dan nou lakademi pou nou kapab fer spor leve.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Wi Mr Speaker.  Mon krwar parey bann i Onorab i konnen nou ganny zis R2milyon pou nou partaze avek tou bann distrik.  E wi nou kapab demann revizyon sa alokasyon avek Minister Finans dan Bidze lannen prosenn.  Mersi Mr Speaker.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Minis sa retar lokasyon finansyel in met bann lekip ki sorti Praslin dan bokou difikilte.  E non selman sa lokasyon mon krwar- parey pour en team volleyball i ganny R14,000.  R7, 000 tou le 6 mwan.

Me i osi enkli refund.  I annan en refund ki bann lekip Praslin i gannyen – i sorti Praslin ouswa Inner Island pour vin zwe Mahe gannyen – ki apepre R1, 800.   Eski sa osi pe ganny konsidere dan sa larzan ki zot pour peye?  E kan ki nou pour ekspekte bann lekip Praslin i ganny zot larzan?

E mon 2enm kestyon en pti pe lo laliny ki Onorab Loizeau in demande regardant sa alokasyon finansyel.  Nou bezwen get bann lekip, bann team ki sorti Praslin avek en lot lizye.  Akoz nou, nou kou i bokou pli élevé ki bann Klib ki sorti Mahe.

E mon pe demann Minis pour silvouple konsidere ki sa larzan ki zot pe donnen, R14, 000.  Zot in menm ofer sa refund R1, 800 i nothing.  Ler ou pe deplas en lekip sorti La Digue ouswa Praslin pour vin Mahe.  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.   Mr Speaker wi.  Refund pour ganny konsidere ladan.  Me solman nou pa pe allocate ziskan ler tou bann keksoz in annord ok, pour sa bann lekip ki’n anrezistre.

Nou pa pour esper tou.  Osito ki – anmezir ki zot pare, ok nou, nou pour donn zot, zot larzan.

Me pour le moman la, nou bezwen respekte advice ki Registrar’s Office in donn nou.  E zot bezwen fer sir ki tou zot bann keksoz i annord, avan ler ki nou, nou disburse larzan Gouvernman.  Mersi Mr Speaker.

 

MR SPEAKER

Non en moman.  Minis mon osi mwan annan en pti pe dout.  Si sa bann lekip pe deza pe pran par dan konpetisyon anba zot diferan Federasyon.  Koman zot kapab pe pran par, kan zot bann dokiman, zot bann Registration pa annord?  Sa ki nou pa pe konpran.  Bel Ombre i annan en lekip foutbol, Northern Dynamo osi tou in met sa konsern devan.  Zot pe pran par dan konpetisyon, me koman ozordi nou pe ganny dir ki zot bann dokiman pa annord?  Si zot dokiman pa annord zot pa – Registration pa annord, zot pa devret pe pran par dan konpetisyon!  Minis petet en pti leklersisman.

 

THE DESIGNATED MINISTER MRS MACSUZY MONDON THE

Mr Speaker nou pa ti okouran ziska ler ki Registrar Office in met sa a nou latansyon, poudir bann Federasyon pa annord avek zot bann dokiman; ki Registration ki zot bezwen soumet.  E – me letan ki nou- ler nou pa’n okouran, keksoz in kontinyen.

Me letan ki sa in ganny met a nou latansyon, nou’n bezwen pran mezir neseser pour nou kapab -.  Akoz zot, zot pa’n dir nou zot poudir napa sa bann keksoz.

Me la nou bezwen pran mezir pour nou kapab fer sir ki zot met zot annord.  CEO NSC in fer meeting.  Apre ki nou’n meet avek Registrar, in fer meeting avek bann Federasyon pour eksplik zot sityasyon e pour dir zot kisisa ki zot annan pour fer, pour kapab fer sir ki zot met zot annord e pour zot kapab kontinyen fonksyonnen.

Nou’n bezwen fer li.  La nou konnen nou bezwen fer li.  E mon krwar nou pe ganny- i annan bann Federasyon ki’n deza komans fer serten travay. NSC i ape monitor.  Me nou bezwen ensiste ki tou dimoun i met tou son bann dokiman annord avan ler ki nou, nou disburse larzan avek zot.  Mersi Mr Speaker.

 

MR SPEAKER

Mersi Minis.  Onorab Chantal Ghislain.

 

HON CHANTAL GHISLAIN

Mersi Mr Speaker.  Mr Speaker i annan en rezon akoz taler mon ti demann Minis lo kestyon finansman, ki bann Federasyon i gannyen avek zot bann Federasyon enternasyonal.

Mon kestyon pour Minis.  I enportan pour nou konnen – akoz pour nou konnen ki kantite bann Federasyon i asiste zot bann lekip ki form parti sa Federasyon.

Par egzanp foutbol.  Nou annan bann lekip foutbol ki sorti Mahe, Praslin, ki sorti Praslin e La Digue ki desann.  Ki lasistans ki bann Federasyon i asiste sa bann lekip foutbol osi on top of sa ki NSC or Gouvernman i donnen pour asiste zot?  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Ankor enn fwa mon krwar, sa i bann lenformasyon ki nou ava al rode avek bann Federasyon e ki nou ava soumet avek Lasanble, pour ki Lasanble i ava okouran ki kalite lasistans ki zot pe donnen o nivo sa bann diferan Federasyon.  Mersi Mr Speaker.

 

MR SPEAKER

Mersi Minis.  Onorab Sandy Arissol.

 

HON SANDY ARISSOL

Mersi Mr Speaker.  Mon ti a kontan dir Minis mersi pour son larepons taler.  Mon’n tann Minis koz an term en protokol, i annan, i egziste.

Mon ti a kontan Mr Speaker dir ek Minis poudir i annan en atlet in antre i annan 3 semenn.  Parey mon’n dir ek ou, in fer byen pour Sesel, in ganny 2 meday Lor, in ganny klasifye koman en profesyonnel dan son kategori pour sport ki in ale.

E la i fer 3 semenn e pa ankor ganny nanryen, oubyen ganny dir nanryen sorti kot ou Minister oubyen kot NSC.  E sa se en bodybuilder Mr Speaker.

So mon’n tann ou dir – me i annan en protokol Minis?  Mon ti a kontan konnen si i annan protokol pour zis bann ki Federasyon ki anvoy zot?  Oubyen NSC ki anvoy zot?  Me bann ki fer deboury lo zot own pour zot al reprezant pei, akoz i kontan sa sport.  Eski i annan en protokol pour zot?

2enm kestyon; mon ti a kontan demann Minis,  konbyen atlet ki’n ganny asiste avek ou Minister, an relasyon avek si i annan en problenm lasante, i vini i tap zot laport – mon pe refer mon kestyon Mr Speaker.

Konbyen atlet ki’n ganny asiste avek ou Minister an relasyon avek en bezwen, espesyalman pour lasante?  Sirtou bann atlet ki’n fer Sesel shine e lev nou Paviyon anler?  Mersi bokou.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker- wi Onorab nou’n dir poudir nou annan en protokol an plas.  E i annan serten sa bann atlet osi ennler ki ale, zot ale zot pa dir nanryen.  Sirtou ler zot al lo zot own, zot retournen zot pa dir nanryen.  Donk ou pa neseserman pe planifye letan zot pe retournen.  Me selman sa ki ou pe koz spesifikman lo la,  wi CEO NSC, i konnen poudir nou’n fer provizyon pour nou rankontre -.  Actually napa zis li.  I annan 2 zot ki’n retournen pour nou rankontre zot tre byento.  Ok?

Kot i konsern lasistans ki nou’n donnen.  Wi nou asiste, me solman mon napa detay lo konbyen ki nou’n asiste.  Nou kapab ankor fer Lasanble ganny sa lenformasyon.  Mersi Mr Speaker.

 

MR SPEAKER

Mersi Minis.   Bon avek sa mon ava eskiz le 2 zofisye ki avek Minis, Mr Larue avek Madanm Vidot.  E Mr Vidot osi tou avek Mr Adeline.

 

 

(PS VIDOT AND HER DELEGATION WAS EXCUSED FROM THE HOUSE)

 

MR SPEAKER

E mon ava demann Parliamentary Reporter pour apel le 2 lot lofisye pour nou kapab pran kestyon ki’n rantre anba 31 (3) ki i annan pour fer avek Stasyon Lapolis Glaçis.  Yes Onorab Ramkalawan.

 

HON WAVEL RAMKALAWAN

Mr Speaker mon anvi raise en point of order pour klarifye en size ki’n ganny leve par Onorab Pillay.

Mon an vi premyerman Mr Speaker tourn ou latansyon lo Order 32, ki koz lo content of questions.  Content of questions ki dir 32 (1) ‘‘the right to ask a question shall be subject to the following general rules. Ok?’’  E dan sa bann general rules napa okenn anticipation, ki vin koman en sityasyon kot ou pa kapab demann kestyon.   Be sel landrwa dan nou Standing Orders ki koz lo anticipation, se Standing Order 55.

Standing Order 55 i dir, ‘‘It shall be out of order to anticipate a Bill, a Bill which has been published in the Gazette by debate upon a motion or an amendment thereto or by raising the subject matter of the Bill upon on a motion for the adjournment of the Assembly’.

        Anticipation i vin dan en debate e non pa atraver en kestyon! Se sa point of order ki mon anvi mete Mr Speaker.  Akoz si nou pa ganny li byen, nou pour kapab pe fer fot, parski Question Time i ganny dirize par Standing Order 32!  Mersi bokou.

 

MR SPEAKER

Mersi nou’n note.  Nou pa pe ouver deba lo la.  Me mon’n fer en Ruling from The Chair.  Nou pa pour ouver deba lo la.  Nou konnen poudir dan revizyon Standing Orders, sa osi tou pour ganny touse.  Non, non Onorab Sandy Arissol – ok?  Mersi.  Nou’n note.

Bon mon ti a kontan welcome parmi nou Ms Sheryl Vangadasamy, Special Advisor pour Home Affairs.  Mr Romano Songor, Deputy Commissioner.  E Mr Ted Barbe, i osi Deputy Commissioner pour Lapolis.  Bonzour e welcome parmi nou.

Toudswit mon ava pas la parol avek Onorab Regina Esparon ki’n anmenn son kestyon.  E petet pour en premye fwa anba 31 (3).

Zis en moman Onorab.  Petet mon ava demann – mon konnen nou pe sey – mon pe sey kominik through Administrasyon, pour Miss ek bann etidyan zot kapab – si zot oule sorti, zot kapab sorti touzour.  Akoz nou oule fini avek Minis pour Minis pa retournen apre Break. 

Si zot oule sorti zot kapab sorti pour al touzour lo balkon pour pran en pti juice, en pti goute.  E apre bann Manm i ava vin rankontre zot, ok?  So zot kapab deplase.

Mon konnen Sesyon in al en pe long.  Me nou anvi fini avek Minis ki- Minis pa retournen apre BreakOk mon ava pas laparol avek Onorab Regina Esparon.

 

HON REGINA ESPARON

Mersi Mr Speaker.  Bonzour Minis ek ou delegasyon.  Bonzour tou dimoun.  Mr Speaker mon ti a kontan demann Minis, eski Minis i kapab dir Lasanble, ki plan son Minister i annan, pour fer ki Kordgard Glaçis i repran son fonksyon normal pour deservi lakominote?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker stasyon Lapolis Glaçis i fonksyonn koman en stasyon satelit.  Savedir i en pos lapolis anba rezyon nor ek Kordgard Glaçis i prensipalman tonm anba distrik Beau-Vallon, anba Kordgard Beau-Vallon.

Aktyelman Kordgard Glaçis i donn en servis lizour pour reponn e asiste kominote.  I enportan pour note ki Kordgard Glaçis i anrezistre 3 ou 4 rapor par zour an mwayenn.  E an menm tan i pa resevwar bokou konplent oubyen lezot rapor.

Dan deplwayman ki sityasyon prensipal in fer, ki vedir stasyon Beau-Vallon in fer sir ki Kordgard Glaçis i ganny kouver toulezour avek en patrol veikil.  E sa i ganny ranforsi dan ka ki neseser avek bann lezot lasistans lezot Younit oubyen Seksyon dan Lapolis.

Management Lapolis avek bann Lotorite konsernen, in fer plizyer vizit kot Kordgard Glaçis e in vwar ki stasyon, son leta in nepli kapab accommodate oubyen donn en servis – sa servis ki nou ti a kontan i donnen.

Lapolis i pe esper rapor Ofisyel sorti kot Minister Lenfrastriktir, Lakaz, Later ek Transpor lo leta striktir sa Kordgard.  E antretan nou kontinyen monitor sa sityasyon.

Lapolis i osi an konsiltasyon avek bann Lotorite konsernen, lo konstriksyon en nouvo Kordgard a lavenir swa lo teren aktyel oubyen en lot landrwa.

Mr Speaker nou’n osi o nivo Lotorite Distrik sey vwar si nou kapab idantifye landrwa alternativ, tanporer, pour nou kapab petet met nou Kordgard k ladan ziska ler nou Kordgard i ganny konstrir.  Me ziska aprezan landrwa ki nou’n idantifye, i pa’n materyalize.  Akoz nou pa’n kapab petet tonm dakor o nivo distrik pour nou donn sa landrwa Lapolis.  Me nou pe kontinyen vwar si nou kapab annan en opsyon alternativ pour le moman ziska ler Kordgard i kapab ganny konstrir.  Mersi Mr Speaker.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Mr Speaker baze lo larepons Minis, in menm adere poudir wi i annan en pe problenm avek sa Kordgard, kot son leta li menm li i pa bon.  E menm letan travayer pe travay, si i pas en gro transpor bann bout ros i sorti dan laso e i danze.  I annan danze pour sa bann dimoun ki la dan sa Kordgard.

Me ki plan imedya ki Minis pe mazinen pour kapab rektifye sa problenm la?  Eski pour limedya la, i annan en landrwa konmsi pour zot kapab deplas sa bann dimoun pour met bann zofisye Lapolis?  Pour fer sir ki zot kontinyen donn sa servis?  Mersi.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Onorab wi.  Mersi Mr Speaker.  Mon’n al vizite Kordgard e mon’n vwar leta mwan osi ki kordgard i ladan.  E nou plan imedya, sa ki nou’n esey fer se vwar dan distrik ki lezot landrwa ki nou kapab gannyen.  Lapolis in fer detrwa vizit enn de bann lokasyon kot nou’n mazinen nou kapab ale.  Me en landrwa kot Lapolis in idantifye – ki nou ti’n met devan Lotorite Distrik.  Nou pa’n tonm dakor pour nou kapab donn zot sa landrwa.

Donk pour le moman nou napa en landrwa la pour nou kapab dir kote nou kapab bouz Kordgard.

Ok.  E nou ankor pe regarde si nou annan lezot landrwa.  Si nou napa, nou pour bezwen regarde ki mannyer Lapolis pour kapab ofer sa servis a lavenir.  Si nou pour kapab kontinyen ofer li dan distrik, oubyen nou pour ofer li o nivo rezyon antretan ki nou fer travay pour nou kapab donn Glaçis en nouvo Kordgard.  Mersi Mr Speaker.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  E bonzour tou Koleg Onorab.  E bonzour tou dimoun.

Mr Speaker mon ti a kontan demann Minis,  eski zot pa pare pour sey angaz petet an negosyasyon avek posibleman lafanmir Mancham ki annan propriyete dan sant Glaçis kot ozordi nou trouv laplenn, nou trouv Biro Ladministrasyon Distrik e Sant Kominoter.  Pour angaz an negosyasyon e vwar si napa posibilite pour kapab ganny en morso teren dan sa rezyon, ki ava osi ideal par lefe ki i annan en kantite aktivite ki pase dan sa rezyon, rezyon Glaçis.

Eski sa i en posibilite ki zot kapab konsidere pour en negosyasyon?  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker nou’n o nivo distrik nou’n fer serten diskisyon Onorab parey ou pe dir avek lafanmir.  Me etann donnen ki deza i annan serten keksoz ki zot pa ankor fini – mon pa pour dir rezourd, me fini tonm dakor lo la antre zot.  Donk zot pa’n kapab donn nou en desizyon.

Selman sa i enn bann konsiderasyon ki nou ti’n annan pour nou kapab fer.  Mersi Mr Speaker.

 

MR SPEAKER

Mersi Minis.  Onorab Terence Mondon.

 

 

HON TERENCE MONDON

Mersi Mr Speaker.  Etandonnen ki Minis pa konnen ki zot pour fer antretan Glaçis,  eski Minis i kapab konsidere deploy, déploie en pe bann gard?  Takamaka dan sa Kordgard i vid depi ler in konplete.

 

MR SPEAKER

Onorab kestyon.

 

HON TERENCE MONDON

Eski i annan posibilite i kapab bouz en pe sa bann zofisye Takamaka?  Akoz Kordgard i vid.  Mersi.

 

MR SPEAKER

Non.  Onorab kestyon i lo Glaçis.  Mon ti pe krwar – mon ti krwar ou pe demann Minis pour bouz Kordgard Takamaka Glaçis.

 

(Interruption)

 

MR SPEAKER

Non, non i out of Order.  Mon ava donn la parol Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker mon anvi demann Minis, be sa zafer nanm la.  Konmsi apre tou sa bann letan zot pa ankor kapab rezourd sa sityasyon, pour fer en Kordgard pa kapab ganny servi?  Sa mon premye pwen.

Dezyenmman.  Mr Speaker lo sa site kot Kordgard i ete, atase avek Legliz Anglikan- well later i baliz avek Legliz Anglikan e i avek lekol lot kote.

Me pli la anba.  I annan propriyete ki pou Gouvernman.  Kot zot ti annan bann lakaz gard.  Eski napa en fason pour re balans sa bann lakaz ki la anba, pour kapab lo sa site kot – ki zot annan ki bord avek borlanmer.  Parski zot propriyete i al ziska borlanmer pour nobou mont en keksoz la, ki i ava vin sa nouvo Kordgard.  Mersi bokou Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker kordgard i pe fonksyonnen lizour la li.  E antretan parey mon’n dir, i annan lezot lasistans – i ouver lizour, si mon kapab met li koumsa.

Me i annan lezot lasistans ki pe ganny donnen par Kordgard Beau-Vallon.

Kot i konsern – Onorab ou’n nonm nanm, mon pa deal ek sa bann zafer nanm.  So mon pa pour fer komanter ladan, lo la.   Kot i konsern site.  Sa site ki ou’n nonmen –  wi i en site osi ki lapolis in mansyonnen.  Me sa site ti’n deza ganny prewar.  Mon panse Onorab Alcindor i okouran pour fer -. Ler lekol Glaçis ti ganny konstrir, sa site ti ganny prevwar pour fer en playground pour lekol Glaçis ok?

Donk se pour sa rezon ki nou pa pe kapab e amwen ki nou al- petet nou kapab rezwenn distrik, re konsilte avek distrik pour vwar, diskite, apre re diskite avek Minister Ledikasyon.  Me solman i ti’n- nou ti’n fini met li pour nou fer en playground pour lekol Glaçis la kot Onorab pe propoze ki nou fer sa Kordgard.  Mersi Mr Speaker.

 

MR SPEAKER

Mersi Minis.  Dernyen kestyon Onorab Esparon.

 

HON REGINA ESPARON

Mersi Mr Speaker.  Mr Speaker mon pe regarde si Minis pa kapab konsidere petet – i annan sa morso later ki ti pour SPPF ki 4688.  Avek i annan en lot bout later o bor li ki 4689H4688 ek H4689 ki zis par deryer kot sa nouvo daycare pe ganny fer ki ti vye Ladministrasyon Distrik.  Eski Minister pa- ou Minister pa kapab konsidere pour negosye avek MHILT, pour ki enn sa morso bout later ki la i ganny donnen pour kapab fer sa nouvo Kordgard?  Parski sa 2 bout later i vid.  Napa nanryen lo la.  Mersi Mr Speaker.

 

MR SPEAKER

Mersi Onorab.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Mr Speaker mon pa okouran sa 2 bout later ki Onorab in mansyonnen.  Be nou ava al regarde pour ki sa 2 bout later.  Si i pour sa ki in dir i ete, oubyen si i lo en propriyete- Pardon?

 

(Interruption)

 

MR SPEAKER

Minis.

 

THE DESIGNATED MINISTER MRS MACSUZY MONDON

Nou ava al regarde.  Prezan i kapab osi annan en plan pour sa 2 bout later.  Nou ava al regarde ki plan ki i annan pour sa 2 bout later ok, avan ler ki nou, nou dir si sa i en later ki nou kapab fer negosyasyon lo la pour fer Kordgard.  Mersi Mr Speaker.

 

MR SPEAKER

Mersi Minis.

 

(Interruption)

 

MR SPEAKER

Order!  Mersi Minis.  Minis avek sa nou ava eskiz parmi nou.  Mersi Mr Songor, Mr Barbe e Ms Vangadasamy.

 

(THE DESIGNATED MINISTER MRS MONDON AND HER DELEGATION WAS EXCUSED FROM THE HOUSE)

 

 

MR SPEAKER

Bon nou pour pran en Break ziska 11.30, ler nou pour antre nou pour al lo Mosyon.  Akoz nou pa pour kapab pran PNQ toudswit, i annan en pe travay, en pe lenformasyon ki Minis pe ranmase pour li kapab vin reponn sa PNQ. 

Tentatively Minis in demann nou 3er.  So nou pour fer sa posib.  Nou ava kontinyen kominik avek Minis, si nou pour kapab bouz li 2er, me selman tentatively in demann nou pour 3er.  Ki par 3er i ava’n pare.

E an vi sa osi tou, i annan en kestyon osi tou ki pour – e monte anba 31 (3) ki mon pe allow ki pe – i annan pour fer avek en matter of urgency ki’n leve yer Civil Status.

E sa osi tou nou’n fini fer al kot Minis.  E nou ava donn li en pti pe letan pour li prepar li.  I pour deza dan House, e sa kestyon i pa lo Order Paper, me anba 31 (3) i ava ganny poze.  Ok so vwala en pti pe lafason ki nou pour travay.

Mon’n osi ganny enformen ki Komite Madanm pour meet pandan lunchtime. Committee Room 3Committee Room 2, Committee Room 2 e ABC parey labitid Speaker’s Conference Room 1er en kar.  Ok so nou ava Break e mon ava demann bann Manm ki santi zot anvi vin join bann etidyan Independence School pour vin anler pour nou pran dite anler e pour nou kapab annan en pti dyalog avek bann etidyan.  Nou retournen 11.30.

 

(BREAK)

 

MR SPEAKER

Bon nou ava kontinyen avek nou travay.  Nou ava al lo Mosyon.  E parey mon’n dir apre midi nou ava ganny – nou ava confirm ler avek bann Manm.  Me pour le moman i 3er ki Minis Telemaque pour vin dan Lasanble.  Nou ava lo Mosyon e mon ava pas la parol avek Leader Zafer Gouvernman. Onorab Charles De Commarmond.  Onorab.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour tou Manm Onorab e tou dimoun ki a lekout.

Mr Speaker Mosyon i lir koumsa:- Pursuant to Article 64 (4) of the Constitution, I move that this Assembly resolves to approve the:-

Ratification of the African Charter on the Values and Principles of Decentralization, Local Governance and Local Development. 

Mr Speaker sa Afriken lo bann valer e prensip desantralizasyon, gouvernans e devlopman Lokal i en Sart ki pandan sa dernyen 46an, si ou kalkile Linyon Afriken in devlop li pli ski 50 bann Trete, bann Sart, Charter, bann Konvansyon ek Protokol avek bi amelyor lavi bann sitwayen e promot en Kiltir respe pour Drwa Imen, bonn gouvernans, lape e prosperite Ekonomik pour bann Nasyon Afriken spesifikman.

E enn parmi sa bann Sart, se sa- ki devan nou, se The Charter of Values and Principles of Decentralization Local Governance and Local Development. 

        Sa Charter in ganny adopte par bann pei Manm le 27 zen 2014 an Malabo an Guinée Équatoriale,  pandan 23enm Sesyon Ordiner, Lasanble Linyon Afriken.

Sa Charter in gid nou lo bann valer e prensip ki bann pei Leta Manm Linyon Afriken i bezwen respekte e dakor pour promot, protez, ranforsi e konsolid- desantraliz, konsolidasyon desantralizasyon gouvernans e devlopman lokal.

Sa Charter in ganny osi etidye e analize par bann- par Minister Zafer Etranzer isi Sesel, Biro Prokirer Zeneral e Departman Gouvernman Lokal avan ganny laprouvasyon Cabinet le 20 Zen 2018.

Bann lobzektif sa Sart, sa Charter, se premyerman pour promot bann valer de baz.  Protez e azir koman en katalis pour prensip desantralizasyon gouvernans e devlopman lokal.  Promot e sanpyon gouvernans e demokrasi lokal a la baz.

Savedir koman enn bann prensip kle desantralizasyon dan Lafrik; promot e mobiliz resours e anmenn – e annan plan devlopman, annan en plan devlopman Ekonomik desantralize avek bi elimin lapovrete dan Lafrik.

Katriyenmman;  Ankouraz en kordinasyon efektiv.  Armoniz e partaz konnesans ant bann pei Manm e bann lenstans Ekonomik rezyonal lo konsep e prensip desantralizasyon gouvernans e devlopman lokalize.

Senkyenmman; pour promot Lasosyasyon e korperasyon bann Gouvernman Lokal lo nivo lokal li menm.  Lo nivo Nasyonal, rezyonal e kontinantal.

 

Mr Speaker sa Charter i promot osi bann valer de baz, swivan lekel Sesel par egzanp in osi- i osi partaze e krwar ladan.

Par egzanp partisipasyon enklizif.  Partisipasyon enklizif bann kominote.  Solidarite, respe pour Drwa Imen, respe pour Drwa Endividi e Drwa Lepep.  Diversite tolerans, lazistis e legalite e équité.

Egalite loportinite, diversite tolerans, lazistis.  Mon’n mansyonnen sa, eskize.

Entegrite, responsabilite sivik e sitwayennte.  Latransparans e accountability e respe parmi lezot.

Gouvernans lokal Mr Speaker, i enportan la nou koz lo sa bann prensip gouvernans lokal ki sa sart i prezant nou e i- sa sart i pouse pour en lankadreman legal.  E i rekonnet e met an mars en sistenm gouvernans lokal efektiv.

En striktir gouvernans lokal ki kapab zer son prop finans e Ladministrasyon, etablir bann demarkasyon.  Savedir bann balizaz kler, sak Gouvernman Lokal, savedir sa pti distrik, sou distrik eksetera pour anpes annan konfli.

Sa i ede parey sirtou lo nivo Lafrik nou konn tre byen, bann Konfli ki i annan.  Sa i enn bann fason osi ki ede pour anpes konfli arive letan bann lankadreman balizaz sirtou in ganny demarke korekteman e byen kler.

Katriyenmman:  Konsiltasyon ant bann kominote respektif lo bann Polisi progranm e proze ki enpakte lo zot.  Akoz souvandfwa nou vwar poudir i annan bann devlopman, bann progranm ki ganny fer ki napa konsiltasyon ase.  E sa Sart li i fer provizyon osi pour tou sa bann keksoz.

Lo prensip devlopman lokal Mr Speaker.  Sa Sart i pe pouse pour ki bann Gouvernman Lokal i ganny lotorite e permisyon pour mobiliz resours lo nivo kominoter, pour ede dan zot progranm devlopman Ekonomik lokalize.

E osi bann Gouvernman Lokal pour ki bann Gouvernman Lokal i devlop zot prop striktir pour ant, entice en, pour antise e ki – e promot lenvestisman sekter prive e kominoter dan zot devlopman ekonomik lokalize ki mon’n mansyonnen.

Osi ki bann pei Manm pour benefis – bann benefis la bann pei Manm ki sa Sart i kapab anmennen pour zot Mr Speaker.  Mon tous lo la an bref.  Sa bann pei Manm i pour benefisye dan letan zot ratifye sa Sart ki devan nou la, dan en fason pour anmenn bann benefis e loportinite swivan pour zot.

Partisip dan bann Konferans, Workshop e lezot Forum lo nivo kontinantal.  Lasistans pour lenplimantasyon evalyasyon konteni sa Sart, sa Charter la, dan bann pei Manm.

Sipor atraver kapasite building e pour enplimant konteni sa Charter.  Kre en lavwa pour bann pei Manm lo nivo kontinan Afriken.  Partaz bann best practices lo konesans Letablisman Gouvernman Lokal.  Fasilit devlopman sosyal dan bann kominote.  E realizasyon dan en fason pli efektiv bann SDGs.  Savedir bann Sustainable Development Goals.  Akoz ler ou annan en sistenm Gouvernman Lokal ki al a la baz ki benefisye kominote, i ede osi pour ou attend pli byen e pli vit e pli efektiv bann Sustainable Development Goals.

Osi nou kapab dir osi pour devlop, pour ki – nou Sesel isi Mr Speaker.  Si ou kalkile nou nou’n avans en kantite nou.  Ler ou kalkil konteni sa Charter.  E nou leksperyans i pour ede en kantite ler nou vin en Manm, letan nou vin – nou ratifye sa Charter e nou vin en Manm fully-fledged Member e nou ede pour enplimant konteni.  Akoz pour Sesel endorse and comply, sa Charter i tonm byen pour li.  Akoz Sesel li in fer bann zefor significant kot i konsern Letablisman Gouvernman Lokal e desantralizasyon bann servis de baz.

Par egzanp nou konnen dan distrik i annan Lazenes, Welfer, Servis Sosyal, Lanplwa, Lasante, Ledikasyon.  Tou sa nou nou’n fini preske etabli.  I pa vedir ki nou’n la, nou napa ankor progre pour fer.  Me selman konpare ek bann lezot pei Lafrik, konpare ek lezot Sekter dan Lafrik nou’n ariv lwen nou.

Anliny avek bann lobzektif sa Charter Mr Speaker.  Sesel in deza anbark lo en progranm reform Gouvernman Lokal avek bi anmenn plis partisipasyon e demokrasi.

Nou reform nou fer i tir bann gran, gran laliny.   E bann lobzektif fondamantal pour etabli bann striktir apropriye lo nivo lokal pour agrandi konsansis desantralizasyon ankadre avek bann prensip bonn Gouvernans, latransparans e accountability.  

 

Sa Charter Mr Speaker pour bann pei Manm i napa okenn lenplikasyon finansyel serye.

E nou kapab osi dir pour antre anfors sa Charter, nou bezwen annan ratifikasyon omwen 15 Leta Manm.

E pour sorti dan sa Charter si nou oule withdraw, nou oule sorti pli tar apre ki nou’n rantre.  Ou bezwen ekrir Chairperson Komisyon Afriken, African Union 1an davans.  E la ou kapab ganny diskite e ou a kapab sorti ladan.

Mr Speaker sa Charter i devan nou pour ratifikasyon.  E Sesel koman en pei Manm Linyon Afriken, i annan sa lentansyon pour ratifye sa Charter.  E se sa rezon ki sa dokiman i devan nou Lasanble, e sa Mosyon i la devan nou Lasanble pour ratifikasyon nou Lasanble.  Mr Speaker mon met sa devan nou Lasanble.  Alor pour son aprobasyon.  Mersi.

 

MR SPEAKER

Mersi Onorab De Commarmond.  Okenn Manm ki segonde?   Onorab Simon Gill.

 

HON SIMON GILL

Mersi Mr Speaker.  Bonzour Mr Speaker.  Bonzour tou koleg Onorab.  Manm piblik bonzour.  Mr Speaker Mosyon i ganny segonde parey in ganny prezante.  Mersi.

 

MR SPEAKER

Mersi Onorab Simon Gill.  Bon Mosyon pour ratifye African Charter on the values and principles of Decentralization of Local Governance and Local Development.  In ganny move pour deba.  Okenn Manm i oule fer entervansyon lo la?  Yes Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker nou kapab dir nou tre fortinen ki koman Seselwa nou viv dan en pei ki inik.  Par lefe ki i enn bann pei ki ganny en kantite ladmirasyon par plizyer dimoun partou.

E sa i fer ki nou bezwen toultan mazinen kwa ki nou kapab fer pour nou bouz de lavan e kontinyen anmenn sa ki nou apel en lepanouisman pour nou popilasyon e pour dimoun ki reste isi Sesel.

Dimoun ki bezwen travay isi Sesel.  Seselwa ki trouv zot lekor toulezour dan en distrik ou en lot ki bezwen fer bann desizyon vizavi sa distrik.  E ki mannyer zot ganny enpakte par bann desizyon ki ganny fer dan sa distrik ki zot reste.

 

 

E sa Mr Speaker i sorti dan nou Konstitisyon ki dir ou atraver plizyer Lartik.  Par egzanp Lartik 24 ki koz lo partisipasyon en Seselwa dan bann Eleksyon.

Lartik 114 ki fer ki en Seselwa ki pe partisip dan bann aktivite ki pase dan son pei.  I bezwen en rezidan sa distrik kot i ete.

E nou’n met sa kalifikasyon Mr Speaker.  Akoz zisteman sa Mosyon ki devan nou e sa Charter ki pe vin devan nou ozordi, pe demann nou pour fer en refleksyon profon lo ki mannyer nou donn Pouvwar distrik, nou dimoun, Elektora plis Pouvwar pour fer bann desizyon lo bann size ki pour afekte zot ki pour enpakte lo zot.  E se dan sa laliny ki sa Charter pe ale.

Mon konnen nou’n fer en zefor nou, pour nou kapab entrodwir Konsey Distrik, Konsey Rezyonal, sorry.   Me lefe i reste ki lot step ki nou bezwen ale prezan, se pour nou esansyelman annan Eleksyon, proper pour en Konsey Distrik.

Akoz mon krwar lesansyel toultan i bezwen reste ki sa dimoun ki reste dan sa distrik i pli byen plase pour li fer en desizyon ki afekte sa distrik.

E zis parey si en dimoun ki reste Sesel i pli byen pase pour fer en desizyon lo sa ki afekte Sesel.  Sa i goes without saying.  E mon krwar nou pa devret zanmen per pour les Seselwa fer bann desizyon koumsa.  Nou pa devret zanmen per pour nou les Seselwa deside lo si i anvi- lo si i krwar poudir se li bann ki reste Sesel ki devret fer desizyon lo kote son pei pe ale.

So si li ki pe fer kontribisyon, li ki devret deside lo ki bann prensip bann prosedir ki pei i bezwen swiv.  E sa i aplikab osi ler nou al get lo nivo lokal ki mannyer sa i ganny manifeste Mr Speaker.

Mr Speaker mon krwar sa ki esansyel e la mon ganny gide par en zizman ki ti ganny donnen Mr Speaker dan en ka ki ti ganny anmennen devan Lakour Konstitisyonnel an 2011.  E sa zizman ti koz lo partisipasyon en dimoun e si i rezidan en landrwa i en – i reste dan en distrik,  ki mannyer nou kapab asire ki sa dimoun i ganny sa sans pour partisipe?  E akoz nou devret fer tou fason pour ki en dimoun ki reste landrwa i ganny sans partisipe?

Mon konnen lo lot kote latab zot en pti pe per sa zafer les Seselwa deside lo sa size.  E i normal Mr Speaker.  Sa i en zwe politik Mr Speaker ki nou ladan ozordi koman politisyen ki nou bezwen respekte.

 

MR SPEAKER

Onorab annou konsantre lo matter ki devan nou.  Sa se, sa dokiman.  Mon krwar ziska aprezan ou pa ankor tous sa dokiman ditou.  Ok.  Please.  Non.

 

HON SEBASTIEN PILLAY

Mersi Mr Speaker.  Mon pa’n remarke Mr Speaker ki mon ti’n sorti lo size.   Me mon remersi ou enfiniman Mr Speaker pour bring me on track.

Ankor enn fwa ou wisdom i en leson pour nou tou dan sa Lasanble.  Mon krwar nou tou nou devret swiv.  E mon apresye sa Mr Speaker.

E mon oule dir Mr Speaker ki se la ki mon mwan mon krwar nou, nou bezwen koman en Lasanble komans mazin lo ki mannyer nou donn plis Pouvwar sa bann dimoun ki bezwen fer sa bann desizyon lo zot lavi toulezour.  E akoz nou devret angaz zot dan prosesis fer sa bann desizyon?

E sa Charter sa ki i pe dir, mon krwar Sesel nou’n ariv tre lwen avek sa ki sa Charter pe propoze.  Me la mon krwar i annan en loportinite pour nou pas sa lot step.

E sa lot step ki nou bezwen pase Mr Speaker.   Se ki mannyer nou empower tou nou bann distrik pour ki zot ava annan en kad management pour distrik.  E sa bann dimoun i ava sorti dan sa distrik, reste dan sa distrik, elekte par bann dimoun dan sa distrik pour zot vin fer zisteman desizyon lo non sa Elektora ki pour vin elekte zot pour reprezant sa distrik.

Toute en prenon kont rol ki mon konnen mannyer nou sistenm gouvernans in ganny striktire ki en Manm Lasanble Nasyonal pour fer.  E ki li osi petet i pour en parti entegral sa prosesis fer desizyon lo sa ki pase dan distrik.

Mon krwar Mr Speaker sa i en size enteresan e i kapab menm en size ki demen nou pous ver menm en- si nou pa kapab ganny en Lagreman lo ki mannyer pour proceed avek kot nou pour plis ver en Referendum.

E se sa petet enn bann rezon ki ti ava – ki mon vwar i tre bon ki nou annan en Lalwa ki pe vin devan Lasanble tre byento.  Pa ki sa Lalwa in arive ki mon pa pe antisip okenn deba akoz Lalwa pa lo Order Paper ozordi.  Me nou’n tann koz lo posibilite, pour annan sa Lalwa kot dimoun i ava deside lo en size.

Mon pe dir sa Mr Speaker,  akoz dan en pei parey pour nou nou’n ariv a en nivo demokrasi kot en matirite politik, ki nou annan ki tou bann akter pe rod sa ki meyer, meyer pour nou pei, meyer pour nou distrik.  Mon krwar ki lesansyel sa ki nou bezwen fer ozordi nou koman en Lasanble,  se regard sa Charter, e regarde dan lespri Mosyon ki Onorab William ti anmennen dan Lasanble,  en tre bon Mosyon, kot i ti koz lo resours ki distrik i bezwen pour li kapab fer fas avek bann evantyalite ki arive.  E nou bezwen aksepte poudir sa bann evantyalite depi zour an zour pe ariv deplizanpli.

Me pa zis sa.  Mon krwar i bezwen osi annan en striktir sipor.   E se sa ki i a vin la baz sa striktir sipor pour menm sa bann MNA ki ganny elekte dan sa distrik.  Kot i ava annan pa zis MNA ki pe lager sa bann issues.  Me i ava annan deryer li en team konekte – konekte direkteman avek sa bann issues dan sa distrik akoz zot pou’n, zot pour sorti dan sa distrik, zot pour bann akter dan sa distrik.

Zot kapab bann arsitek, bann profesyonnel dan sa distrik, ki i ava ede pour kapab regard bann desizyon ki pe ganny pran petet lo en pwennvi Nasyonal ki pour vin enpakte lo sa distrik.  Ki mannyer sa distrik li i santi poudir sa desizyon i kapab ganny enplimante oubyen pa ganny enplimante.  Mon krwar se sa enn bann lesansyel ki nou pe rode.  Malgre ki nou pe apros, nou pe apros ver sa avek Konsey Rezyonal,  nou tou nou konnen poudir a lafen dizour nou pour bezwen rod en fason pour anmenn sa pli pre.

Pli pre dan sak distrik avek bann sitwayen dan sa bann distrik.  Se sa ki nou bezwen rode.  E se sa ki nou bezwen lager.

E mon krwar se sa lespri.  Lespri ki nou pe pase, ki i pour enportan demen pour nou kapab angaz tou Seselwa dan sa ki pe pase.  Pa zis dan pei lo en pwennvi zeneral.  Me sa ki pe pase lo en pwennvi distrik.

E mon pour donn ou en legzanp, en legzanp tipik Mr Speaker.  Par egzanp –  pran legzanp par egzanp sa konsern ki i annan lo tapaz dan bann- kot i annan bann aktivite kot bann dimoun i dir zot ganny enteronpe par bann aktivite, eksetera.

Wi i annan bann mezir Nasyonal ki bezwen ganny pran.  Be petet i posib ki dan sa distrik ou kapab annan bann mezir ki sa distrik i kapab vin avek inovativ ki i ava diferan avek en mezir Nasyonal ki pe ganny pran ki i ava permet sa bann zabitan sa distrik tackle sa problenm dan en fason pli efektiv oubyen pli byen.  Ou kapab osi par egzanp regard lo pwennvi- si i annan en konstriksyon en lekol dan en distrik.  Ki mannyer nou kapab angaz bann akter dan sa distrik, bann dimoun.

Par egzanp dan tou distrik ou kapab annan bann profesyonnel ki bann enzenyer.  Ki kapab antre pour dir be.  Ler nou pe fer sa lekol.  Akoz nou pa fer bann trotwar, met bann streetlights, bann lezot additional support ki kapab vini.  E ki mannyer zot kapab angaze dan rod resours osi pour ede realiz sa.

So i ava vin en travay ki ganny fer an partenarya- pa zis avek Lotorite Santral.  Me avek osi Lotorite lo en nivo lokal spesifik sa distrik.

Mr Speaker bokou pei in bouz dan sa direksyon e zot in rankontre difikilte akoz zot napa sa ki nou, nou annan.  Zot napa en popilasyon ki pare pour angaz li dan travay ki pe pase.  Zot napa en kad ki i a permet zot fer sa ki nou, nou annan e ki posibilite sa i kapab donn nou.

So Mr Speaker mon krwar ki sa ki devan i en keksoz ki nou’n deza komanse.  Nou tou lede, lo tou lede kote latab nou annan lagreman lo la.

Si nou’n swiv bann deba ki nou annan dan Lasanble, bann sipor ki’n eksprimen lo tou lede kote latab, lo bann size spesifik ki’n arive dan distrik.  Mon krwar i en keksoz ki nou, nou bezwen kontinyen bouz sa direksyon.

E akoz ki nou pa kapab pran Leadership an se ki konsern sa Charter.  E lesansyel Mr Speaker i reste toultan pour nou pa zanmen per sa ki- desizyon ki popilasyon i kapab pran dan tou sirkonstans.  E ki mannyer sa bann desizyon i kapab lenfliyans e enpakte dan promouvwar la demokrasi lo nivo lokal e promouvwar partisipasyon lo en nivo lokal.  Avek sa Mr Speaker mon dir ou mersi.

 

(APPLAUSE)

 

MR SPEAKER

Mersi Onorab Pillay.  Mon ava donn la parol Onorab Gervais Henrie.

 

HON GERVAIS HENRIE

Mersi Mr Speaker.  E bonzour ankor enn fwa tou dimoun.  Mr Speaker mon pour sey regard sa Charter ki devan nou, dan en fason en pe pli senp ki entervenan avan mwan in sey fer pour ki mon bann zabitan dan distrik Mont Buxton i ava kapab konpran.  Donk parey Loter Mosyon in eksplike.  Linyon Afriken i annan plizyer bann Charter, bann Treaties ki zot fer ki regard diferan size.

E sennla ki nou pe koz lo la ozordi.  I koz lo desantralizasyon partikilyerman bann servis ki Local Government i donnen.  Setadir dan konteks Sesel nou annan en Minister.  Prezan li ki mannyer sa Minister i pran – i tir son servis, i pa kontrol tou la anba Ocean Gate House.  Me i anmenn dan Mont Buxton ou lezot landrwa – pour i pli pre avek dimoun.

Prezan nou’n tann en koze avan ki bann prensip ki nou krwar ladan, bann keksoz koumsa.  Annou et fran ek nou lekor.

En Charter ki ganny adopte depi an 2014.  La letan nou pe koze ozordi, 5an in pase.  E nou pour vwar poudir laplipar pei Afriken pa ankor ratifye.  Pour ki rezon?  Pour ki rezon ki nou bezwen demann nou lekor?  E dan konteks Sesel par egzanp 5an nou pa ankor ratifye.

Me solman nou bezwen sey eksplik nou lekor – e mon ti ava kontan ki Loter Mosyon dan son summing-up li i donn nou rezon akoz ki Ladministrasyon- i pa kapab Ladministrasyon Msye Faure akoz li in fek vini.  Be solman depi zot parti ki Egzekitiv pa’n anmenn sa pli devan pli boner.  I annan pei i ava dir ou son prosesis ratifikasyon i pa osi senp.

Me pli enportan i annan en mank konesans lo vreman kisisa desantralizasyon?  Lafrik koman en kontinan, i ankor pe anpaye par sa konsep.

Kekfwa enn ler ou konnen akoz Linyon Eropeen, OECD i taye i fer en keksoz, prezan konmsi nou bezwen dir, sa i Trend enternasyonal, nou osi nou bezwen fer.  Be eski nou’n pare?  Eski nou annan resours?  Eski nou annan konesans?  Eski nou annan tou sa bann kad legal e institutionelles pour nou kapab fer sa bann keksoz?

Me kantmenm sa.  I enportan ki nou esey pouse, nou koman bann Dirizan Lokal.  Akoz nou, koman MNA nou ganny elekte par bann dimoun dan distrik pour nou pouse ki servis i ariv pli pre avek bann Constituent. 

        I annan bann lavantaz pour ou ankouraz desantralizasyon.  I permet sitwayen partisip dan bann desizyon ki Gouvernman pe pran.  I met demokrasi lo pli nivo ba, lo nivo Lokal ouswa dan kominote e sirtou kot i konsern resours piblik kot vreman i annan – nou kapab met resours piblik kot vreman i annan bezwen.  Akoz dimoun dan kominote ki konnen kote ki i annan bezwen e servi sa bann resours dan en fason pli efikas.

E en lot zafer ki – akoz nou pe koz lapovrete ozordi Sesel.  Si nou anmenn sa bann devlopman lo nivo lokal e anmenn lenvestisman lo nivo lokal kot prezan i kapab elimin lapovrete.

Be solman parey mon’n dir taler Mr Speaker.  Vreman eski nou krwar dan sa bann prensip?  Pran legzanp tourism, ki nou premye Lendistri.

Letan bann dimoun dan distrik pe sey debourye pour fer bann pti guesthouse dan nivo kominote.  Nou vwar en bann dimoun ki sorti dan en Minister i mont Mont-Buxton i anpes Nelson- i blok Nelson anpes li fer son pti guesthouse.  Akoz i dir li density i donn en kantite problenm en lot dimoun pour li ganny license.  Solman nou pe koz desantralizasyon.

Ou vwar?  Tousala i vin ansanm.  Kestyon ki nou retourn lo la senserite.  Eski nou’n pare?  Eski nou annan bann kad legal e institutionelles pour nou kapab fer arive desantralizasyon dan nou kominote?

Mr Speaker nou’n koz lo retar bann pei Afriken pour enplimant sa Charter.  An 2015 ti annan en meeting NTB.  E Maire la Ville sa letan Madanm Jacqueline Moustache-Belle ti asiste li sa rankont.

E enn bann konsern ki ti leve par sa Lorganizasyon ki koman bann Maire la Ville zot afilye avek, i apel UCLG ti lev konsern ki get sa ‘bann Gouvernman e bann politisyen dan Lafrik pe retard sa prosesis desantralizasyon.  Zot pe vreman retarde pour ratifye sa dokiman.

E dir avek tou bann dimoun ki konsernen avek bann nivo gouvernans enkli Manm Parlman, bann Minis e bann Prezidan, poudir annou azir vitman lo la.

E mon mazinen kekfwa prezan letan Madanm Moustache-Belle in mont State House la i Chief Protocol Officer in dir ek Prezidan ‘be i annan sa dokiman laba, pouse fer ariv devan Lasanble ki i ava ganny ratifye.

Alor enn bann pwen ki mon ava termin lo la koman dezyenm parti mon prezantasyon.  Se letan nou get lobzektif sa Charter, son lobzektif dan Lartik 2 (i) i koz lo Promosyon Sosyete Sivil, Sekter Prive e partisipasyon piblik dan desantralizasyon, gouvernans lokal e bann linisyativ devlopman lokal.  Sa pwen ki mon mwan anvi koz lo la.

E nou bezwen fran avek nou lekor.  E la mon oule koz ek bann sitwayen ki pe ekoute.

Tro souvan dan Sesel nou repoz tro bokou responsabilite lo politisyen.  E dan nivo distrik- dan sa nivo ki nou pe koz lo la ozordi ou tann. ‘‘Ah DA pa fer nanryen, MNA pa fer nanryen, nou pa vwar DA, nou pa vwar MNA’’.  Be ou kot ou ete ou?     Ou ki ou pe fer ou koman sa sitwayen?  Akoz ou en taxpayer ou.

Annou get en kou bann keksoz ki arive dan kominote.  Souvandfwa i annan public meeting ki swa Biro MNA ki fer ouswa Biro DA ki fer lafen lannen ouswa komansman lannen pour nou koz lo progranm nou distrik.

Ki dernyen fwa ou ti partisipe?  Ki dernyen fwa ou ti vini pour met ou kontribisyon devan?  Bomaten nou fek- mon’n fek demann kestyon la lo bann proze distrik kot sak distrik i ganny R1. 3 milyon par an.

Be avan sa la.  I annan en plan li, i dir nou anvi fer sa, nou anvi fer sa, nou anvi fer sa.  Eski ou ti vini pour met ou input?  A lafen lannen i refer en lot rankont ki dir nou’n kapab fer sa, nou pa’ n kapab fer sa.  E nou’n tann bann poursantaz Nasyonal ki’n dir an 2017 71poursan, an 2018 65poursan.  Kote ou ti ete?

Enn.  Souvandfwa lekol i annan bann rankont.  Nou tann bann teacher’s konplent poudir ‘ah ou konnen bann paran pa tro partisipe’.  I annan sa ki apel PTA Parents Teachers Association.  I landrwa kot ou koman en sitwayen ou kapab anmenn ou kontribisyon.  Ki dernyen fwa ou ti partisipe?

E ladan menm sa mank lonnekte.  Letan i annan PTA.  Gouvernman li i vin avek District- i vin avek School Council ki li Prezidan ki apwent Chairman.  E i met bann dimoun ki son zanfan i pa al dan sa distrik, pa lekol dan sa distrik.

Nou fek pe dir taler senserite pour enplimant sa konsep.  I annan bann meeting EIA ki fer.  Letan en gro devlopman pe arive dan nou distrik ouswa dan nou rezyon.  Konbyen nou ki asiste pour nou tande ki pe fer pour nou kapab met nou kontribisyon?

Resaman in annan en seri meeting ki’n ganny fer lo nivo rezyon pour koz lo devlopman bann distrik ki Planning Authority ti pe fer avek bann lezot Azan Gouvernman.  Ankor demann ou lekor, eski ou ti partisipe?  Nou vwar i annan en partisipasyon vreman pov Mr Speaker.  E mon konpran.

Kekfwa en ler dimoun i annan en fatigue.  Me solman sa bann zafer ki pe arive i afekte nou koman en endividi.  Mon koman Manm Elekte pour distrik mon fer sir.  Mon asiste maximum ki mon kapab.  Alor ki mon a kapab vin la antann bann konsern ki bann zabitan pe met devan.  E ki apre mon kapab anmenn li lo en pli o nivo, swa lo Regional Council, ouswa letan mon vin la dan Lasanble Nasyonal.

Alor ozordi letan mon pe koze.  Fer sa pti refleksyon ansanm ek mon.  E mon enplor ou koman en sitwayen distrik irespektiv ki ou reste ladan e koman en Seselwa pour silvouple partisip aktivman dan lavi ou pei.

E mon ava termin lo sa pwen.  Taler nou’n- mon’n dir i annan kestyon volonte politik vreman pour fer sa prosesis arive.

E ziska la letan- entervenan avan mon in koze Mr Speaker.  Nou vwar retisans parti lot kote latab vizavi Regional Council.  Nou ti bezwen tonm dakor pour nou komans kekpar.

E apre nou a kapab regarde ki mannyer in marse.  Son premye lannen la pour vini an zilyet.  Nou a fer en evalyasyon pour rod son lafors, nou a build lo la.  Nou a rod son febles, nou ava anbelir.  Be annou fer sa ansanm akoz nou ladan ansanm nou.

I annan zot bann Manm zot pa asiste meeting.  Konmsi ki mannyer solman zot oule ki sa konsep i marse?  Unless zot pa dakor avek.

E la ankor i retourn lo eski zot annan volonte politik pour anmenn sa size desantralizasyon politik?

I annan entervansyon politik ki anpese sa bann keksoz i arive.  Nou vwar poudir Local Government in toultan en landrwa kot parti SPPF/SPUP.  Non mon’n mal dir la.  SPUP/SPPF/Parti Lepep/US zot in tenir.  Akoz la in landrwa kot zot in ganny Eleksyon.

Zot in tenir.  Zot in apwent DA, zot la kot sa zafer ‘‘ek nou pa ek nou’’ in zwe – konmsi i annan sa lentervansyon politik pour anpese ki desantralizasyon dan Sesel vreman i demare.  In annan sa.

E nou bezwen avoue ki’n annan- in annan en rezistans birokratik.  Ozordi nou vwar poudir en senp keksoz i arive dan distrik, ou bezwen al demann permisyon Ocean Gate House.  Mon koman MNA mon’n perdi lafwa dan sa striktir ki i annan.

Souvandfwa en dimoun i kontakte mon pour al bezwen koup en pye dibwa.  Mon dir madanm ouswa msye ou konnen sa prosesis i long.  I dir ou konnen kwa rod en dimoun, gete konbyen i arive ou a met en bout, mon mwan a sey get dan pos ki i annan, mon a met en lot pti bout.  Akoz mon pour bezwen al anvoy en email DA, DA pour bezwen demann permisyon laba, laba pour bezwen anvoy sepaman kote.  Be pye dibwa a’n ganny letan tonm lo lakaz dimoun.  E nou’n tande sa bann konversasyon dan Lasanble Nasyonal.  So i annan en rezistans birokratik.

I annan sa kestyon koripsyon.  Koripsyon i anpese.  Akoz pour en ta letan i ti landrwa kot nou ti kapab donn nou dalon faver pour ganny Kontra, pour ganny larzan e alor nou peze, nou anpes desantralizasyon antre pour ki en lot dimoun i kapab vini pour vwar ki pe pase anndan.

Nou bezwen avoue poudir nou annan sa dan pei.  E in annan osi en febles dan bann Lenstitisyon kad legal e institutionelles, parske ozordi enn bann keksoz ki ti kapab fer.  Se nou oule ki desantralizasyon i arive sirtou atraver Local Regional Council.  Be annou get en kou Local Government Act.  Si nou bezwen amann e met li azour pour vreman speedup the process.  Nou annan en febles la.

Mank resours nou’n koz lo la semenn pase dan Mosyon Onorab William.  Nou’n koz lo move ouswa mank kordinasyon ant bann Lazans.

Yer par egzanp en dimoun Mont-Buxton in call mon, son vwazen mannyer in met dalo, delo pe koul kot li, i pe afekte son miray.  Ziska ozordi mon pa ankor kapab sort out sa sityasyon.  DRDM i anvoy mon kot Lanvironnman, Lanvironnman mon call personn mon pa gannyen.  Mank kordinasyon.

Nou bezwen avoue i annan sa bann problenm e nou koman en Lasanble serye annou met presyon pour sanz sa sityasyon.

E finalman.  Mank konesans lo sa size li menm.  E alor ozordi byen ki sa in vini, e nou ava debat lo la, e diferan keksoz ava ganny dir, ki ava permet nou bann sitwayen e bann Dirizan ki pe pran desizyon pour reflesir mye ki mannyer pour amelyore.

 

E zisteman mon kontan ki kestyon bomaten par egzanp ki’n leve lo poursantaz bann proze ki in akonplir akoz mon krwar i pour permet Minister Gouvernman Lokal fer en refleksyon entern lo zot prop abilite anndan pour delivre lo non kominote.

Alor avek sa bann pwen

Mr Speaker.  Mon swete ki mon’n fer zistis en pe sa Charter ki devan nou lo bann pwen ki devan nou lo sa bann pwen ki mon’n koz lo la. Mon ava zis repete poudir wi i en keksoz ki bon akoz i pour permet sitwayen partisip dan desizyon ki Gouvernman pe pran lo nivo ki afekte li dan kominote.

Me pli enportan, ou koman en sitwayen i enportan ki a parti ozordi, ou tonm dakor ki ou partisip en pe plis dan lavi ou kominote, e lavi ou pei, anfen ki ou prop lavi e lavi ou fanmir i ava kapab amelyore.  Mersi bokou.

 

MR SPEAKER

Mersi Onorab Henrie.  Bon i ankor annan detrwa Manm lo lalis pour entervenir.  Mon propoze nou ava pran Break e nou ava retournen 2er.  Zis mon pe remind bann Madanm MNA ki Komite Madanm pe rankontre la deswit dan Committee Room 2 e ABC pe rankontre Speaker’s Conference Room 1.15.  Truth demen.  Ok Komite Truth and Reconciliation pe rankontre demen avek bann Manm National Commission Truth and Reconciliation – ok?  So nou ava break e nou repran nou travay 2er.

 

(BREAK)

 

 

MR SPEAKER

Bonn apre midi tou Manm Onorab.  E bonn apre midi tou dimoun ki a lekout, pe swiv travay Lasanble Nasyonal.  Premyerman mon anvi prezant en pti leskiz pou sa retar ki nou’n gannyen, an vi en travay komite ki ti pe ganny fer pandan lunch break.

Nou ava toudswit demare avek entervansyon lo Mosyon, ki’n ganny anmennen prezante bomaten par Onorab Charles De Commarmond, Leader Zafer Gouvernman.

Mosyon pe demann Lasanble pou ratifye The African Charters on the Values and Principles of Decentralization, Local Governance and Local DevelopmentOk.  E prosennman lo mon lalis, mon annan Onorab Jean-Francois Ferrari.

 

HON JEAN-FRANCOIS FERRARI

Mersi Mr Speaker.  Mr Speaker bonn apre midi.  Mon pa pou pran bokou letan.  Akoz Onorab Pillay in vreman eksplik sa Bill dan en fason ekstraordiner.  Sa Mosyon, konmsi mon bezwen re demann ankor Mr Speaker, ou ava eskiz mwan pou Ruling ki si vreman i forse koze, koze dan sa Lasanble, konmsi.

Si ou pa koze ou ganny en problenm.  Akoz, akoz bomaten i pa’n, i pa’n en sesyon ki ti tro, tro prodiktiv.  Mr Speaker mwan ti a kontan dir, senpleman ki nou pe koz isi lo desantralizasyon, ki mannyer nou desantraliz pouvwar, e nou re donn pouvwar a en nivo pli ba, lo nivo grassroots.

Nou, ki mannyer nou krwar dan Gouvernman Lokal, e ki mannyer nou krwar dan delege, deleg sa pouvwar a en nivo lokal.  Sa Mr Speaker, sa Charter, i African Charter on Values and Principles of Decentralization, i met tou bann prensip kler lo papye, black and white. 

Tou bann prensip ki byen nob i ganny elabore isi, e nou, nou’n ganny dir pou dir nou deza byen lwen, byen annavans lo bokou sa bann prensip.  Alors mwan personnelman koman en Manm sa Lasanble, e apre ki mon’n lir sa Charter, mon napa problenm pou mwan, pou mwan vote pou ki i ganny adopte.

Mon ti a zis kontan konnen ki volonte politik apre nou annan pou nou enplimant sa, sa Charter.  Akoz Mr Speaker, nou bann frer, nou bann Gouvernman, nou bann Gouvernman, bann lezot Gouvernman dan bann pei Lafrik in demontre nou ki dan, pandan sa dernyen 5an ki zot napa en gran volonte politik, pou zot enplimant sa bann prensip.

I annan zis 4 oubyen 5 ki’n sinyen, ki’n ratifye, e napa gran keksoz, 3, e napa gran keksoz ki’n ganny fer.  Si lobzektif nou travay ozordi se pou ankouraz lezot pei kontinan Lafrik pou al dan sa direksyon, mon dakor avek si zot pou ankouraz zot.

Me si se pou nou swiv zot legzanp, mon pa vwar ki legzanp ki nou kapab swiv, akoz tro souvan Mr Speaker, e nou Sesel nou annan sa legzanp, pandan 40an, nou’n vwar ki, ki bann Gouvernman Afriken, pa krwar dan donn pouvwar zot pep lo grassroots.

Nou’n viv nou osi, pandan 40an dan en sistenm kot tou pouvwar, i ganny konsantre lo nivo pli o, e, e ki tou desizyon i ganny pran laba anler.  Dernyerman, e mon krwar i, i relevan pou nou pran sa legzanp Mr Speaker.

I relevan akoz mon pe dir ki nou Gouvernman i bezwen sot sa kap, ant kontrol e desantralize.  Tou dernyerman nou annan en Manm dan Lasanble, Onorab William in koz lo nivo grassroots li; in koz lo nivo lokal, in argimante pou bann poursan elektora o nivo lokal.

Be nou’n vwar ki i annan en Gouvernman, ki annan en parti dan Gouvernman ki pa believe ladan! Ki pa believe!  Ki believe dan donn bann desizyon ler ou swiv, swiv aplike, si ou pa aplike ou en problenm.  Se la ki mwan mon dir ki par ler i annan en dekoneksyon ant sa ki nou dir e sa ki nou fer!

Alors nou kapab vot kantite Lalwa, nou kapab vot kantite Charter, nou kapab vot kantite Trete, me si nou pa krwar dan bann prensip ki ganny mete dan sa bann Trete, nou pa pou avanse.

E alors mwan ti a pran sa lokazyon, parey Onorab Henrie in fer, pou nou demann avek tou dimoun, sirtou bann Manm dan Lasanble, bann parlmanter, bann dimoun, bann Lezislater.

Fodre nou krwar dan sa ki nou met devan, fodre nou krwar dan Gouvernman
Lokal; fodre nou krwar dan Konsey Rezyonal; fodre nou aksepte pou komans en landrwa, konmanse, i pa parfe, nou ava aprann, nou ava bouze, nou ava perfeksyonnen.

Non pa reziste tou bann nouvo keksoz ki vin devan.  E si nou pa ti’n konmans li,
Mr Speaker si nou pa ti’n konmans sa legzersis desantralizasyon o nivo rezyonal, nou pa ti pou la 1an apre.  1an apre nou ti ava ankor pe deside ki nou mete dan sa Lalwa, ki mannyer nou pou fer sa Eleksyon, ki mannyer nou pou swazir nou kandida, e nou pou ankor an retar.

Alors nou bezwen konmans en landrwa.  E mwan mon sipliy tou bann Manm dan sa Lasanble pou akonpanny sa bann zefor, pou akonpanny sa travay pou anmenn plis demokrasi o nivo, o nivo lokal.

Mr Speaker enn bann fraz ki mon pli kontan dan sa, dan sa Charter ki devan nou, se sa enn ki dir, anba Lartik 11(f) ‘’Local Governments or Local Authorities Act are accountable to Local Communities.’’

Pouvwar i la anba, pouvwar i dan bann kominote, e nou, nou bezwen ensiste pou ki nou fer tou pou ki sa bann kominote i pran sa pouvwar dan zot lanmen, pou ki zot ki deside ki zot anvi vwar dan zot kominote.

E ler zot in deside ki zot anvi vwar dan zot kominote, si zot in deside pou zot vwar en playground – zot ensiste pou zot ganny en playground, zot kontribye pou zot ganny en playground, se zot ki pou vey sa playground, se zot ki pou protez sa playground, se zot ki pou anbelir sa playground, se zot ki pou proteze.

Nou pa pou retrouv nou dan en sityasyon parey bomaten, nou ti pe dir avek Minis, ki nou met en ring ek en board dan en basketball court, tou le lannen, nou bezwen vin ranplase.  Tou le lannen nou bezwen vin ranplase, akoz sa bann dimoun dan kominote i dir avek ou sa pa pou nou sa, pou Gouvernman.

Konmsi li, i Gouvernman pa pou li, li.  Sa i pou Gouvernman sa bus stop pou Gouvernman. Sa bin pou Gouvernman, nou met dife dan sa bin, be pou Gouvernman sa, pou ou sa?  Pou Gouvernman?  Ou konpran?

Konmsi nou, nou pa dan Gouvernman nou.  Savedir nou pa’n akonpanny sifizaman sa zefor, pou ki tou dimoun i pran posesyon, e pran ownership sa ki pe arive o nivo lokal.

E se sa diskour ki nou bezwen annan.  E se pou sa ki mwan mon ankouraz tou dimoun pou partisip aktivman dan sistenm distrik e sistenm rezyonal.   Dan Konsey Rezyonal.  Nou pou ganny kritike par bokou dimoun ki pa oule war keksoz i arive.

Me ler mwan war nou pe ganny kritike par nou prop dimoun ki lanmenm la anndan, ki pa pe met sa zefor, i fer mwan dekouraze.  E fer mwan dir ki i pa pou marse sa desantralizasyon ki nou pe rode, si nou menm nou, nou pa krwar ladan.

E nou konnen Mr
Speaker, taler ler sa bann, bann manrmay, bann zanfan lekol ti la, ler zot in ariv laba deor, ou vwar, ou ti la Mr Speaker, ler mon’n demann zot, konbyen zot ki anvi vin
Prezidan?  I annan pros 15 zot ki’n lev lanmen.

Be pa i gou?  Kot nou konnen pou dir, i annan dimoun ki pou take over en zour?  Be lontan si ou ti lev ou lanmen, ou ti dir ou anvi vin prezidan, ou kapab ganny kriye en?

 

(laughter)

 

HON JEAN-FRANCOIS FERRARI

Ou kapab ganny kriye par kote, en, ou kapab ganny kriye?

 

(laughter)

 

HON JEAN-FRANCOIS FERRARI

Onorab William ti ganny kriye par kote, zot aret, aret riye.  Ok?  La ozordi nou’n ariv, nou’n ariv dan en sityasyon, nou’n ariv dan en sityasyon kot tou Seselwa i kapab annan sa lankourazman, sa volonte, sa laspirasyon pou li fer, ariv pli o dan son pei posib.

E se sa, se sa ki fantastik, e se sa ki nou bezwen kontinyen ankouraze.  Alors Mr Speaker mwan mon ava dir, ler nou donn sa pouvwar, nou bezwen vreman siport sa pouvwar o nivo lokal par bann mwayen, par bann mwayen finansyel, par bann mwayen edikasyonnel, par -. Nou bezwen, Gouvernman i bezwen kapab convince bann Lazans, pou regard bann proze an term rezyon, an term distrik, gete ki mannyer nou kapab donn sa pouvwar pli ba.

Pa, pa konmsi toultan kree en pep ki depan lo nou.  Parey zot konnen sa madanm en fwa i ti dir, si bann zabitan Roche Caiman pa konport zot byen, i kont sa, sa sistenm, sa Gouvernman, nou kapab repran sa lakaz ki nou’n donn zot.

Ou konnen en madanm ki ti dir sa, mon pa pou nonm son non, me se, wi i ti dir.  Donn pouvwar, e les bann dimoun fer bann propozisyon, les zot kritike, les zot avanse.  Se sa ki mwan ti a kontan vwar Mr Speaker.

Mon krwar mon’n fer mon pwen byen kler. Mon pa anvi pran plis letan, mwan ti a kontan ankouraz bann dimoun, pou vot an faver sa Charter, me selman enn fwa ki nou’n vote, annou aplik li, annou krwar ladan, annou krwar, dan laliberte e dan demokrasi pou tou dimoun.  Mersi Mr Speaker.

 

MR SPEAKER

Mersi Onorab Ferrari.  Mon a donn laparol Onorab Egbert Aglae.

 

HON EGBERT AGLAE

Mersi Mr
Speaker.   Bonn apre midi tou Manm e tou dimoun a lekout.  Mr Speaker sa Mosyon ratifikasyon i kler ki la devan nou.  Kot i pe koz lo detrwa pwen fondamantal, sa i valer, prensip, desantralizasyon ki ganny anglobe anba Gouvernans Lokal.

Mr Speaker i bon note ki sa Charter ti ganny enspire an 2005, an Cameroon ler ti annan bann member state ti zwenn ansanm anba AU.  E an en Yaounde, e i ti ganny ranforsi plis ankor 2012 par Konsey Egzekitiv AU, an 2012.

Mr Speaker nou involvement lo nivo Lafrik in anmenn nou dan en parkour kot i annan bokou bann ratifikasyon ki nou’n bezwen fer, bann Trete, bann protokol ki nou santi, menm si nou koman en pei ki’n ganny kategorize koman highincome ozordi.  Nou war nou, pa tou sa bann Trete, ouswa bann Charter ki neseserman annan lenpak direk lo nou.  Ouswa dan bann diferan moman kot nou, nou’n fini sirmont bokou sa bann Trete, protokol ki nou sinyen.

Me lefe i reste Mr
Speaker, ki nou form parti sa group AU, kot nou sinyatir ratifikasyon, i pou fer ki i ava donn – azout avek bann lezot pei pou ganny sa  sonm neseser, pou sa ratifikasyon vin anmars dan son totalite.

Mr Speaker i bon rikorde osi ki, pa tou pei, a tou moman ki santi li oblize ratifye en tel protokol pou diferan rezon.  Me nou koman en pei, nou bezwen donn zot sipor, pou zot kapab ratifye.

Mr Speaker bokou lenstans i annan bann defi ouswa bann baryer ki anpes bann ratifikasyon, menm si sa parkour depi laspirasyon, depi son ranforsisman, i annan bann, bokou letan ki’n pase, plis ki 7an.  Lefe i reste ki i annan bann pei ki ankor dan difikilte, pou zot adopte bann tel ratifikasyon, pou bann diferan rezon, tel ki politik, ekonomik ouswa bann sityasyon konfli ki zot pe fer fas avek.  E sa i rann zot difisil.  Mr Speaker pou nou bann dimoun senp ki la ater, ki pe ekoute, ki pa pe tro konpran ler ou fer ratifye, ratifye en protokol, ouswa, ouswa en Lagreman. Zot bokou kestyon se ki demande se ki, ki benefis ki sa i anmennen pou nou?

Ki benefis i anmenn pou sa Seselwa ordiner?  Mr Speaker ozordi Gouvernans Lokal, depi son legzistans in kontribye en ta dan devlopman nou distrik.  Sa nou bezwen admet.  Menm si in annan bann defi ki atase avek, me keksoz in al dan bann bon direksyon.

Me sa ki pli enportan ladan, se ki fason ki nou vwar lavenir Gouvernans Lokal, anba sa tel, sa.  Mr Speaker malgre bokou in ganny fer nou santi pou dir bokou plis, ti kapab ganny fer.  Ki i ava anmenn plis benefis lo, lo Gouvernans Lokal.

Souvandfwa nou koz lo kapasite resours imen, e nou koz lo pep o sant devlopman.  E en pwen enportan ladan se, ozordi mannyer klima i ete ozordi, se lepep ki annan pouvwar pou deside kwa ki li i anvi, se lepep ki bezwen deside ki mannyer son Gouvernans Lokal i kapab ganny dirize pou raport benefis lo nivo lokalite.

E nou, koman bann leaders ki trouve dan bann distrik, nou, nou en mayon ki kapab ganny servi, ansanm ek ladministrasyon distrik ki li i akt koman en, en fasilitater, e sa link ant lokalite e Gouvernman L’ Egzekitiv.

Mr Speaker en keksoz ki nou bezwen kler lo la le nou pe koz desantralizasyon, se ki ozordi mwan mon santi ki nou bezwen annan en policy kler, lo ki kote ki nou anvi desantralize?  Ki zistans ki nou anvi ale pou raport benefis, pou nou dimoun dan distrik?

Mr Speaker loter Mosyon in sit detrwa legzanp ki’n deza ganny fer dan lepase.  Parey bann servis ki’n anmenn lo nivo distrik, housing, welfare, lakaz, coast lands.  Me mon santi poudir nou bezwen al pli devan, e se sa ki mwan mon pe demande, ki Gouvernman i dwatet annan li en policy kler lo en roadmap pou desantralizasyon.

Mwan dir sa akoz?  I annan bokou bann mankman servis ki nou ti kapab tire lo nivo santral, anmenn li dan distrik, ki nou pe tarde pe fer.  E ouswa ler nou fer, le problenm se ki, sa Departman ki vini, ki met son, son, ki antre da lofis, lo nivo lokal.

Nou vwar pou dir souvandfwa zot pa pe kapab pran bann desizyon la pou la, ki fer ki malgre ou desantraliz serten servis, desizyon ler sa kliyan in zwenn avek sa Departman, sa reprezantan lo nivo lokal, sa menm file nou bezwen pran anmenn lo nivo santral pou al pran desizyon.

Nou, nou krwar poudir desizyon zofisye Departman ki vin dan lokalite pou donn en servis lo nivo lokal, i kapab pran en desizyon de la.  I bezwen annan son resours ki pou ganny donnen avek li.

I bezwen annan tou son lenformasyon neseser, e i bezwen ganny pouvwar pou li kapab pran desizyon.  Sa i en keksoz enportan.  Nou bezwen kapab konfye, trust sa bann zofisye ki pe travay dir dan Gouvernman, dan L’ Egzekitiv, pou zot kapab pran desizyon, la ozordi, an menm tan ki i koz ek sa kliyan, ouswa within a certain period of time, ki sa kliyan i a santi li pou dir be, mwann al laba, dan 2 zour, 3 zour mon’n ganny en larepons e mon keksoz pe marse.

Mr Speaker dezyenm pwen enportan, avek sa Charter, se ki nou bezwen enkilke en kiltir empowerment dan nou dimoun dan nivo lokal.

Souvandfwa ki nou vwar se ki, tou keksoz i ganny met lo Ladministrasyon Distrik, ouswa Lotorite Distrik pou li kapab spearhead progranm, desizyon, pou kapab anmenn bann aktivite, bann diferan aktivite, devlopman kiltirel, swa dan bann lezot domenn edikasyonnel, nou war sa pou dir nou pa pe ganny ase dimoun ki pe vin devan.

Yes, ti annan serten Onorab lot kote ki’n koz lo sa, ki’n fer resortir ki, nou bezwen annan bann dimoun ki nou kapab met serten responsabilite dan zot, pou fer marse gouvernans lokal.  Mr Speaker par egzanp dan sport nou vwar pou dir en bann endividi ki vini, i deside form en pti groupman, i fer en klib, zot bouze.

I en bon par dan en bon direksyon.  Me i annan bann lezot laspe ki nou santi poudir si nou met pouvwar dan lanmen serten sa bann, ou bann dimoun dan distrik, petet bann defi ki nou pe fer fas avek, bann defi sosyal sirtou.

Nou kapab war en lalimyer, en laport ouver pou donn lanmen lo nivo Gouvernans, pou kapab anmenn e retir, ouswa minimiz lenpak sa bann defi ki annan lo, nou kominote.  Mr Speaker en lot eleman mwan krwar ki nou bezwen koz lo la, kot i konsern sa ratifikasyon se sa valer e prensip.

Nou bezwen kapab re anmenn serten valer atase avek serten size ki afekte Gouvernans Lokal.  Mr
Speaker tro bokou fwa, nou war bann kalite fason fer ki petet i bann keksoz ki’n arive dan lepase, me ozordi kot nou, nou arive, nou santi pou dir the mindset need to be changed. 

Dimoun i bezwen konpran pou dir resours i a zot dispozisyon pou servi, me ler resours in delivre atraver bann proze, nou pa kapab kontinyen, ki Gouvernman li i kontinyen babysit.  Sa bann keksoz ki’n ganny fer, sa bann lenfrastriktir, sa bann devlopman ki’n arive.

Nou koman bann imen ki dan kominote, nou form par, se sa ki apel en kominote.  En kominote se en group dimoun ansanm ki pe viv dan en latmosfer.  Nou ki bezwen, apre ki sa keksoz in ganny delivre avek nou, pran sa keksoz e fer sir ki i ganny taken care of.

I ganny enplimante, i ganny sofgarde pou sa fitir zenerasyon ki monte.  E nou rol osi se pou nou endik sa ki pe monte apre nou, pou dir vwala, nou ti napa sa, nou’n ganny sa, nou bezwen servi li byen pou lezot ki vini kapab ganny servi.

Mr Speaker ozordi Sesel nou santi nou dan en pozisyon kot nou sanse, pou nou kapab annan en Gouvernans Lokal, ki malgre serten defi i ankor pe fonksyonnen.  E Gouvernman atraver Bidze tou le lannen i met en zoli sonm larzan ki nou, nou menm la anndan nou benefisye pou nou kapab devlop nou distrik.

Me i annan lezot pei, e nou involvement lo nivo Lafrik, i montre poudir pa tou pei ki kapab annan ase resours pou li met, son Gouvernans Lokal, pou li enisman, nou bann, son bann, son bann dimoun.

E zot santi zot dezavantaze, e i annan pei ki problenm lapovrete i fer ki zot pa pe kapab enplimant sa.  Sa i osi en bann rezon akoz zot pa kapab war zot pe ratifye tel Konvansyon.

Me pou mwan sa Mr Speaker avek sipor ki nou bezwen donnen, a lavenir keksoz i bezwen sanze, e nou gard sa prensip ki nou bezwen met nou pep o sant devlopman.

Mr Speaker avek bann desantralizasyon, nou’n war servis lasante ki’n antre, nou war bann lekol ki egziste ki egziste dan, dan preske tou distrik.  Servis lalwa atraver lapolis, i deza egziste, bann ki dan biznes i ganny bann servis ki a laporte pou devlop zot.

Me pou nou keksoz i bezwen bouz pli devan, menm si nou, nou en pei ki’n avanse lo nivo Lafrik.  Mr Speaker pou konklir, mwan santi ki atraver sa ratifikasyon, Gouvernman i bezwen asiz serye.  Vwar lo ki mannyer pou nou kapab anbelir sa ki’n deza ganny fer.

Nou bezwen kapab anmenn resours dan distrik.  Parey Mosyon Onorab William in demande semenn pase, kot Gouvernans Lokal i pa pou ganny li menm li pe ganny kontrole dan lanmen santral, e pou ganny dir ki sa ou kapab sa, sa ou pa pou kapab fer.

E lepep ki dan sa kominote ki li i ava vin avek son laspirasyon e a dir be vwala.  Mwan mon santi pou dir mwan kominote i bezwen tel, tel keksoz pou diferan rezon, e la i a transmet avek sa bann leaders ki dan distrik, e leaders li i lans lapel.

Me sa ki enportan, ler nou lans lapel atraver Gouvernman, atraver Bidze ki nou demande, sa i bezwen ganny ekoute.  E si sa pa ganny ekoute, byensir Gouvernans Lokal i reste dan dout.

Zis en porsyon sa ki nou pe ratifye ki pou kapab materyalize.  E avek sa Mr Speaker mon pou donn sipor sa Mosyon, e mon santi ki lezot Manm osi i bezwen donn sipor sa Mosyon.  Mersi.

 

MR SPEAKER

Mersi Onorab Aglae.  Mon a donn laparol Onorab Johan Loze.

 

HON JOHAN LOZE

Mersi Mr Speaker.  Bonzour tou koleg Onorab, e tou bann dimoun ki pe ekoute kot lakour.  Desantralizasyon parey pe ganny outline dan sa konvansyon, i viz pou ranforsi Gouvernans Lokal, e promot devlopman lokal an Lafrik.

Sa i sipoze amelyor nivo lavi dimoun ki ganny touse direkteman par bann prensip Gouvernans Lokal.  Me, menm letan nou’n dir sa, nou realize ki nou bann konfrer li nivo Lafrik, zot pe rankontre bokou problenm.

E sa i enn bann rezon ki i annan such low buy-in dan sa Konvansyon ki lo nivo lokal an Lafrik, zot pa pe enplimante, e zot pa pe krwar ladan, parey Onorab Ferrari in fer resorti.  E an bokou lenstans i annan 0 lenplimantasyon sa desantralizasyon la Gouvernans lo nivo Lafrik.

Isi Sesel nou ti’n fer bokou progre, e i annan nou ki pe dir nou’n fer bokou progre, be nou ti’n fer wi, ti annan bokou progre ki’n ganny fer.  In annan krwayans ladan, depi bann lannen 2000.  I ti annan bann progranm ki’n ganny spearheaded par Dr Shelton Jolicoeur, in enn bann dimoun ki’n vreman enn bann arsitek sa kestyon la Gouvernans lo nivo lokal.

E enn bann keksoz ki nou’n ganny difikilte avek toultan se lotonomi bann lokalite.  Ki mannyer nou pou met resours, ki mannyer resours pou ganny repartisyon-nen e petet menm sa ki lopozisyon i kontan koz lo la de fwa, kontrol bann, bann resours.

E dan sa bann keksoz in toultan en pe santralize.  Onorab Egbert Aglae fek fer resorti ki i annan serten dosye, menm si ou anvoy zofisye dan distrik, lo nivo lokal, i pa pou pran desizyon lo sa dosye.  Dosye i retourn Santral, e se Santral ki pou pran desizyon.

I annan dosye par son natir, wi i bezwen koumsa forseman.  Lakaz, dizon i bezwen retourn lo nivo santral, me i annan lezot keksoz ki kapab ganny deside lo nivo lokal ki pa pe ganny fer, e ki la nou met en lot layer la birokrasi lo keksoz.

Semenn pase dan Mosyon Onorab Waven William osi i annan bokou ki’n ganny dir lo sa menm size la, Gouvernans Lokal, lotonomi bann diferan lokalite.  Enn bann keksoz ki’n monte se mendev, mendev dan distrik.  Menfort pou ede, pou donn koudmen.

Nou ti annan pourtan, nou ti annan dan lepase.  Onorab Ramkalawan ti fer sorti sa laspe kantonnyen ki ti annan lepok mwan granmanman, mwan rapel pe grandi avek sa mo.  Dimoun ki ti fer bokou prevansyon ti fer netwayaz.

Me dan bann lannen 2000 nou ti’n fer retournen sa, nou ti annan sa bann group lanbelisman, bann lekip.  Mwan krwar zot ti apel sa bann Brigad lanbelisman dan bann distrik.

Sa bann dimoun ti la, zot ti fer sa bann prevansyon e se zot menm zot osi sa bann menm dimoun, ki an gran parti ti form parti sa bann brigad dezas dan distrik la, ki nou dir zot ganny zis R500.

Sa R500 lankourazman, me selman zot ti form parti lekip distrik, zot ti ganny peye la dan lekip distrik, zot ti annan en saler, zot ti ganny taken cared of dan en sans.  E set an 2009 si mwan pa tronpe, wi an 2009.

Mr Speaker an, an 2009 an montan, mwann asiz dan bokou bann High Levels meetings, mwann ekout en kantite bann diskisyon ki ti annan pou fer avek reformat ekonomik.  E enn bann dimoun ki’n fer bokou, bokou prezantasyon, e mwann aprann en kantite avek li, se Onorab Ahmed Afif.

In fer bokou sa bann prezantasyon ki mwann asize atantivman pou li, mwan mon’n ekoute.  Mwann asimil lenformasyon.  E an 2009 an montan sa bann kad dimoun ki ti pe travay dan bann lokalite, ki ti la pe donn menfort, ki ti an sort raport distrik serten lotonomi.

E sa bann dimoun zot bann plas travay ti ganny negotiated away dan bann diskisyon avek IMF.  E sa Onorab Afif li menm ki ti negosye sa bann non-core.  Dan en pozisyon, on their jobs they were negotiated away.

E nou ti fer plas, e nou ti trouv nou dan en sityasyon kot la ozordi nou pe retournen nou pe dir napa, ti la li, ti la.  Ozordi nou dir napa, pa egziste.  Be selman listwar i kler lo la sa, i tre kler.

E mon pa pe dir Onorab Afif in mal fer letan i ti dan sa pozisyon a sa letan.  Mon pa dir sa mwan.  Selman mon pe zis dir sa bann dimoun ti la, zot ti an post, nou ti annan zot pou fer sa bann prevansyon, pou fer sa bann travay lo nivo lokal, ki ti permet annan lotonomi lokal.

E avek reformat nou ekonomik, ki nou tou nou’n dir in vin en gran sikse, e Onorab Afif i ganny touted koman in ede kontribye anver sa sikse.
Be vwala, sa i form parti sa osi.  Sa bann kad ti ganny ‘’eliminen’’ koman en parti negosyasyon ki Onorab Ahmed Afif ti fer avek IMF.

Mr Speaker, nou pe koz osi ozordi, mon’n tann dir lavolonte politik, lavolonte politik an relasyon avek Gouvernans Lokal. Ozordi mwan santi ki i annan en trend danzere ki pe antre dan nou pei.  Nou, nou pe konmans per Seselwa, nou pe konmans per lavolonte sa pep Seselwa.

E i paret ki son fitir li lepep Seselwa i ava ganny deside par lezot.  I byen pou lezot desid pou li, i pa byen pou li desid pou son lekor.  Nou’n mont L’ Angleterre, nou sot en pti moman pou vin fer en pti dil.

Nou promet tou sort keksoz, nou fer tou kalite dil.  Be selman sa pep Seselwa ki Sesel li i pa pou ganny en sans li, pou a port son la pwi, son soutyen, ouswa son dezakor, lo keksoz ki pe ganny deside pou li, e lo son fitir!

Nou vwar i pli byen pou nou diskit sa bann keksoz L’ Angleterre dan en pub, kekpar, dan kek dil ki pe ganny fer.  Ki pou onnetman an tou fransiz anba laklerte soley, permet en Seselwa Sesel, desid pou li menm.  Be akoz nou per Seselwa?

I pareyman ki pa tou Seselwa ki nou per selman.  Nou, nou per Seselwa Sesel akoz Seselwa L’ Angleterre i ok.  Nou asiz avek zot, nou dir zot konbyen dimoun, lekel ki pou al aparet devan kominote anti koripsyon, si gro pwason, si pti pwason.

Nou diskit tou kalite keksoz ki petet nou pa ni menm sipoze annan akse ek lenformasyon.  Me Seselwa Sesel i, nou per li, nou per donn li sa lotonomi.  Mon a ilistre en legzanp Mr Speaker.  Letan nou pe koz lo lavolonte politik, nou’n osi koz lo plis demokrasi lo nivo lokal.

E legzanp la demokrasi ki’n ganny servi la, en pti pe letan pase se, Regional Council.  Regional Council in ganny met anler koman en legzanp la demokrasi lo nivo lokal.  Mr Speaker mon ganny difikilte konpran la, ki mannyer en, en lenstitisyon pa ni menm, akoz i pa egziste anba en Lalwa, i napa en Bidze.

I napa en lekor legal pou tenir li.  Mon ganny difikilte pou mwan, ki mannyer sa bann Komite Selekte, Selekte par United Seychelles e LDS, i demokratik?  Kwa ki demokratik ladan?  Oli la demokrasi la?  Lo Regional Council i enn bann pir, worst examples of a democratic exercise, ki okenn dimoun i kapab pwent ledwa lo la.

Ou osi ou ti parmi Onorab Afif.  I pa en legzersis demokratik sa.  Napa nanryen demokratik avek Regional Council, e in ler pou nou aret dir.  Nou kriy, nou kriy for, ki nou bezwen Lalwa pou Referendum, selman napa en nou ki dir nou bezwen lalwa pou Regional Council.

Nou tap marto for, nou dir la i demokratik, eskiz mwan i pa en demokratik sa.  Ni en Bidze i napa, personn pa vot li en Bidze sa zafer.  Lekel ant nou la ki’n vot en budget head pou Regional Council? Personn! Personn!

 

(Interruption)

 

HON JOHAN LOZE

Mr Speaker, Mr Speaker.

 

(Interruption)

 

MR SPEAKER

Order! Order!  Kontinyen Onorab.

 

HON JOHAN LOZE

Mon pa konnen ki kriz zot pe tonbe.

 

(Interruption)

 

 

MR SPEAKER

Order!

 

HON JOHAN LOZE

Nou bezwen permet Seselwa Sesel pou partisip aktivman dan legzersis demokratik Sesel.

Seselwa Sesel i annan dwa determin son fitir li menm!  E fodre pa nou per li, fodre pa okenn nou isi anndan, i per Seselwa Sesel!  Seselwa Sesel i annan tou son drwa, dan son pei natal li, e nou bezwen permet li pou egzers son bann dwa.

En Referendum i senpleman en lenstriman lademokrasi direk!

 

 

MR SPEAKER

Order!  Order! Order! Onorab retourn ou focus, refocus lo Mosyon ki devan nou.

 

HON JOHAN LOZE

Mon lo Mosyon mwan Mr Speaker.

 

MR SPEAKER

Yes.

 

HON JOHAN LOZE

I en lenstriman la demokrasi direk, ki permet, i permet Seselwa lo nivo lokal egzers premyerman Gouvernans.  I permet li egzers son lavwa demokratik, parey nou pe koz demokratik lo en zistwar ki nou’n fer selektivman la, non pa demokratikman.

E en Referendum i ganny fer dan distrik, parey tou eleksyon ki ganny fer Sesel.  E non bann size ki mwan personnelman mon krwar i devret ganny deside par Referendum Sesel, se sanmenm sa zafer Regional Council la.

Les Seselwa deside.  Si i oule, si i pa oule.  E Seselwa Sesel i ava dir ki direksyon son pei pou ale.  Nou pa kapab kontinyen avek diktatir politisyen lo en nivo Santral, ki pou dir nou bann dimoun lo nivo lokal, kwa ki bon pou zot.

Nou pa kapab fer dimoun nenk i anval nenport kwa, a nenport ki moman!  E nou pa kapab per dimoun.  Nou pa kapab per nou pep.  Nou bezwen retourn anver zot.  Si nou pe asiz la anndan ozordi, se gras a zot!  Nou bezwen kapab retourn kot zot letan i annan en desizyon mazer pou ganny pran dan sa pei.

This is the whole point of this exercise.  Si nou annan sa Konvansyon devan nou ozordi, ki pe sey gid Lafrik.

Mr Speaker, Onorab Ramkalawan mwan krwar i en koleg, parey mwan menm mon respekte sa ki annan pou dir.

En koleg proporsyonnel, la en lot koleg proporsyonnel pe agree avek mwan.  Bann, mwan krwar bann koleg proporsyonnel pe apresye sa ki mon pe dir Mr Speaker.

 

MR SPEAKER

Ok.  Onorab wrap-up.  Mwan annan ankor 2 Manm avan mwan retourn kot loter Mosyon.

 

HON JOHAN LOZE

Pou mwan, pou mwan wrap-up Mr Speaker, i senpleman, mon mesaz in tre senp, depi mon’n komanse.  Seselwa Sesel se li ki pou determin lavenir son pei, ki swa ou pe koz lo son saler, ki swa ou pe koz lo son drwa vote, ki swa ou pe koz lo en nespes Konsey ki’n ganny fer avek superglue.

Ouswa ou pe koz lo bann matters ki pli fondamantal pou li koman en endividi, dan son kominote.  Pouvwar desizyon i devret dan lanmen Seselwa Sesel, e fodre pa nou per zot Mr Speaker.  Referendum pe vini!  Mersi Mr Speaker.

 

MR SPEAKER

Mersi Onorab Loze.  Bon, petet zis mon ava re gid en pti pe nou Lasanble.  Annou retourn lo sa Konvansyon ki devan nou, sa dokiman ki devan nou pou nou ratifye.  Mon pa war kote Referendum in antre ladan.

Onorab Sebastien Pillay in konmans anmenn Referendum ladan, be la i pe kontinyen ganny trennen.  Ok?  Annou, annou kit li an deor.  Selman mon annan, mon annan en sityasyon la ki mon pa oule pran desizyon lo mon ownok?

I annan 3 Manm, Onorab Simon Gill in alert mwan ki li osi tou in lev lanmen pou li koze.  Mon annan 3 Manm, enkli Onorab De Commarmond mover Mosyon ki pou fer son konklizyon.  E nou osi tou annan Minis ki’n arive – ok?  Ki pou pran son PNQ.  Mon pe sizere ki nou sispann deba lo sa Mosyon, nou ava apel Minis, e Minis i ava vin pran son PNQ avek sa – wi, ok.  Nou ava zis verifye – ok?

Nou ava fer Parliamentary Reporter verifye, si Minis in arive, nou ava sispann deba lo sa Mosyon ki devan nou pou sa ratifikasyon, apre nou a kapab retourn lo la.  Ok.  Zis avan regard en pti moman.  Akoz it won’t be fair ki Minis i vini, i atann nou.

Ok.  Nou ava demann Parliamentary Reporter pou apel Minis, nou ava fer Minis rantre.  So nou pran desizyon, nou sispann deba lo Mosyon.  Yes Onorab De Commarmond.

 

HON CHARLES DE COMMARMOND

Mr Speaker savedir ou pe dir osi ki si, depandan ki mannyer sa PNQ i …

 

MR SPEAKER

Wi, wi.

 

HON CHARLES DE COMMARMOND

I, i ganny prolonze, nou kapab anvoy sa Mosyon osi pou demen.

 

MR SPEAKER

Posibilite i la, me, mwan pou kontrol en pti pe osi tou lo siplemanter lo PNQ.  Ankor i depan lo repons Minis.  Si Minis repons osi  pa long.  E nou ava regard en pti pe.  Mwan pa le, mwan pa pou trouve pou siplemanter.

E apre sa i annan en kestyon ki’n arise depi bomaten, konsernan Civil Status.  Ki mon pou les allow.  Akoz Minis would be in the House. 

Nou ava regarde.  Si nou annan letan, pou nou kontinyen deba, nou ava fer li ziska 5er, si non nou a pran li demen bomaten.  Ok?

 

HON CHARLES DE COMMARMOND

Korek.  Dakor Mr Speaker.

 

MR SPEAKER

Mersi Onorab.  Bon nou ava, kontinyen nou travay.  Mon ti a kontan dir bonn apre midi e welcome Minis Myriam Telemaque, Minis responsab pou Lanplwa, Imigrasyon e Civil Status, Minis i akonpannyen par son Sekreter Prensipal pou Imigrasyon e Civil Status, Mr Alain Volcere.

Mr Michelle Elizabeth ki en Immigration Officer.  E Mr Michelle Marie ki special advisor pour Immigration avek Civil Status.  Minister Telemaque welcome dan Lasanble Nasyonal.  E nou ava al direkteman lo kestyon.  Mon ava pas laparol avek Onorab Ramkalawan.

 

HON WAVEL RAMKALAWAN

Mersi bokou Mr Speakeer.  Bonn apre midi Minis avek ou delegasyon.  Mr Speaker mwan kestyon i lir koumsa;

Swivan lanons lentansyon Msye Faure pou organiz en Referendum lo size si pou fer lamannman dan Lartik 114 Konstitisyon Sesel, e pou les Seselwa ki viv aletranze vote;

Eski Minis responsab pou limigrasyon i kapab dir sa Lasanble.

(1), konbyen dimoun avek nasyonalite Seselwa i annan pe viv aletranze?  E donn an detay par pei rezidans.

2), konbyen nasyonalite Seselwa in ganny donnen par kategori anba Seksyon 4, 5, 6 Citizenship Act, enkli zot nasyonalite orizinal sa dernyen 10an?

E finalman, konbyen nasyonalite ti ganny vann anba Economic Citizenship Program letan i ti an egzistans.  Mersi bokou Mr Speaker.

 

MR SPEAKER

Mersi Onorab Ramkalawan.
Mon ava donn laparol Minis Telemaque. Minister.

 

MINISTER MYRIAM TELEMAQUE

Mersi Mr Speaker.  Bonn apre midi Mr Speaker.  Bonn apre midi tou lede Leaders.

Bonn apre midi tou bann Manm Onorab ki prezan dan Lasanble.  E bann dimoun ki a lekout.  Mr Speaker avan ki mwan reponn kestyon No.1, mon krwar mon devret eksplike lekel dimoun ki ganny kalifye koman en Seselwa.

Dapre Konstitisyon 1976 bann dimoun ki’n ne Sesel avan ‘76, zot vin en Seselwa otomatikman.  Bann dimoun ki’n ne an deor Sesel, sa menm letan, fodre absoliman son papa i en Seselwa, pou sa dimoun vin en sitwayen Seselwa otomatikman.

Sa nou pe koz Premye Repiblik.  Dapre konstitisyon 1979 pe enport kot ou’n ne, savedir si ou’n ne Sesel, ou an deor Sesel, i demande ki enn ou paran i Seselwa pou vin en sitwayen Seselwa.  Sa nou pe koz lo 2enm Repiblik.

Sa menm prensip i ganny reflekte dan Konstitisyon 3enm Repiblik.  Nou Konstitisyon i osi permet lezot dimoun pou ganny nasyonalite Seselwa par natiralizasyon, e lanrezistreman.

Alor Mr Speaker kestyon No. 1, son larepons i comme swivan;  I pou vreman difisil, pou etablir egzakteman konbyen dimoun ki annan nasyonalite Seselwa, ki pe viv aletranze.  Kestyon No. 2 Mr Speaker, i swiv comme ca;

Konbyen nasyonalite Seselwa in ganny donnen, anba kategori Seksyon 4, nou annan 128. Seksyon 5 nou annan 408, Seksyon 6 nou annan 334.  Enkli zot nasyonalite orizinal.  Mr Speaker sa i pou pran en pe letan, si fodre nou ava kapab lir tou sa bann nasyonalite.

Depi 2008 ziska 2013 nou annan;

  • 5 Ameriken, nou annan:
  • 1 Ostriyen,
  • 1 Azerbaijan
  • 6 Belge,
  • 49 Angle,
  • 2 Kanadyen,
  • 47 Sinwan,
  • 2 Kiben,
  • 6 Czech
  • 1 Dutch,
  • 1 Kolonbyen,
  • 4 Ezipsyen,
  • 4 Filipino,
  • 18 Franse,
  • 17 Alman,
  • 3 Gineen,
  • 5 Hungarian,
  • 95 Endyen,
  • 1 Irish,
  • 3 Israeli,
  • 27 Italyen,
  • Jordanian nou annan 3,
  • kenyan nou annan  21,
  • Lebanese – 10,
  • Myanmar nou annan 11
  • Malagasy – 11,
  • Morisyen -11,
  • Morocco – 1,
  • Mozanbiken – 1,
  • Romani – 1,
  • Pakistani – 9,
  • Palestinyen – 75,
  • Portuguese – 1,
  • La Russie – 1,
  • La Suéde – 3,
  • La Swis – 6,
  • Serbia – 2,
  • Saudi – 10,
  • Sri Lankan -17 setadir, e
  • Syrian 4.

Mr Speaker mon a pran pou 2014 ziska 2018.  An 2014 nou ti annan

  • 1 Russian avek
  • 1 Italian.

 

  • E 2015, nou annan
  • 1 Russian,
  • 2 Franse,
  • 1 Sidafriken,
  • 1 Malaysian,
  • 1 Endyen,
  • 4 Kenyan,
  • 2 Italyen,
  • 2 Russian,
  • 1 Koreen,
  • 1 British,
  • 1 Lebanon,
  • 1 Tanzanian,
  • 1 Maldivyen,
  • 1 Angolan,
  • 1 Sidafriken,
  • 7 Filipino,
  • 4 Sinwan,
  • 11 Czech,
  • 1 Italyen,
  • 1 Alman,
  • 1 Ezipsyen,
  • 1 Siryen,
  • 4 Russian,
  • 2 Lebanese,
  • 2 Swis,
  • 1 Endyen,
  • 1 Israeli
  • 2 Maroken,

DRC nou annan 4,

  • 2 Morisyen,
  • Tinizyen,
  • Malgas,
  • Irish nou annan 1.

 

Mr Speaker mon kontinyen 2016 antou ankor,

  • 1 Endyen,
  • 1 Franse,
  • 1 Maroken,
  • 1 Alman,
  • 1 Ameriken,
  • 2 Italyen,
  • 2 Kenyan,
  • 2 endyen,
  • 2 British,
  • 1 Franse,
  • 1 Kenyan,
  • 1 Hungarian,
  • 4 British,
  • 1 Italyen,
  • 1 Mauritian,
  • 1 Sri Lankan,
  • 4 Morisyen,
  • 1 Lebanon,
  • 2 Franse,
  • 1 Sidafriken,
  • 1 Filipino,
  • 1 Sidafriken,
  • 1 British,
  • Russian 1,
  • Kenyan  e German.

 

  • Mr Speaker 2017- 2018 nou annan
  • 6 morisyen,
  • 2 Nigérien
  • 5 Kenyan,
  • 8 Sidafriken,
  • 1 Zimbabween,
  • 3 Berge,
  • 12 British,
  • 18 Endyen,
  • 4 Filipino,
  • 7 Malgas,
  • 1 Tanzanian,
  • 4 Italyen,
  • 2 Swis,
  • 1 Alman,
  • 1 Malaysyen,
  • 1 Canadian,
  • 1 Olande,
  • 3 La Russie
  • 2 Ameriken,
  • 2 Kiben,
  • 2 Czech,
  • 4 Sri Lankan,
  • 8 Franse e
  • 1 Maroc.

 

Nou lalis i donn nou en total 870 pou sa 2yenm kestyon Mr Speaker.

3yenm kestyon, konbyen nasyonalite ti ganny vann anba Economic Scheme?  Lo lalis i montre nou 413.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker mwan, petet zis en pti klarifikasyon avan mwan an deor mwan kestyon.  Sa 413 anba Economic Citizenship Program, sa dernyen kestyon Minis in donnen, eski sa ou, ou pe separ li avek sa bann ki, sa, sa, sa sonm total ki ou’n donnen.  Sa 128, 408, 334, i, separe sa?

 

MR SPEAKER

Minis.

 

HON WAVEL RAMKALAWAN

I, i separe, ok?  Mon premye kestyon, Mr Speaker se pou demann Minis si i annan okenn lezot nasyonalite Seselwa ki zot in donnen apart sa bann la ki nou’n, ki nou’n koz lo la, la, la apre midi?   Sa i mon premye kestyon.

Mon 2enm kestyon, eski Minis pe konfirmen, ki pou dir zot pa konnen konbyen Seselwa i annan, ki pe viv aletranze, e parey u ava war Minis, mwan kestyon in ganny son lentrodiksyon.  I baze lo lefe ki i sipoze annan en Referendum, desizyon pou fer en Referendum.

Alors eski Minis, Minis pe dir ki ofet, ofet Sesel ozordi, nou, nou pa konnen; konmsi konfirm avek mwan, ki pou dir Gouvernman pa konnen konbyen Seselwa i annan aletranze.  E alor okenn legzersis ki annan pou fer, ki pou koz lo Seselwa aletranze, ofet i en legzersis dan futility, parey nou dir an Angle.

Parske nou pa konnen.  Nou pa konnen si deor i annan 75 oubyen si i annan, si i annan 100,000, nou pa konnen.  Alors okenn legzersis ki pou dil avek Seselwa i en, i en legzersis dan, dan nanryen ditou.  Mon pa tro konnen ki mannyer pou tradwi sa mo futility.

2yenmman, eski Minis i kapab dir avek nou Lasanble, vi ki sa progranm Economic Citizenship Program, anba ki zot in sipoze vann 413 paspor.  Eski ozordi tou sa bann paspor in bezwen pas atraver Limigrasyon.  Eski sa bann paspor pe ganny renouvle?

Eski bann dimoun ki ti aste sa bann nasyonalite, zot in ganny zanfan?  E ki prezan i annan nouvo paspor ki pe ganny fer?  Konmsi si Minis ti ava kapab Mr Speaker, donn nou klerman anba sa, sa Economic Citizenship Program ki ti konmans avek 413 paspor Seselwa citizenship.

Si i annan en lendikasyon, konbyen in arive ozordi?  Mersi bokou.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker pou premye kestyon, si i annan lezot nasyonalite dapre sa lalis, sa in kouver tou Seksyon ki
Onorab in met dan son kestyon, Seksyon 4, 5, 6.

In kouver ladan, nou’n kouver tou.  Konsernan konfirmasyon, konbyen Seselwa pe viv aletranze?  Dapre mon pwennvi napa, napa en letid ki’n ganny fer pou konfirmen konbyen seselwa ki viv aletranze.

Nou’n an kontak avek Foreign Affairs, zot pa’n kapab asiste nou dan sa domenn.  Akoz mon mazinen kekfwa, dimoun pa anrezistre, parey i annan serten Lanbasad i ganny fer.  E se sa ki zot pa’n posib.

Apre mon krwar, mon mazinen osi ki i annan bann dimoun ki i pa pran sa paspor Seselwa, i pa apply pou en paspor Seselwa, akoz zot annan doub nasyonalite.  Zot kontan avek zot lot nasyonalite, zot pli vomye tenir sa paspor.

E sa osi i pou difisil pou konfirmen, si vre i en Seselwa oubyen non.  E nou bezwen mazinen osi, sa bann dimoun ki Seselwa, zot annan zot zanfan, zot annan zot pti zanfan ki par desandans i vini Seselwa.  Alor nou pa pou kapab dir konbyen i annan.  Sa 2enm kestyon Mr Speaker.

Pou 3enm kestyon, pou Economic Scheme Program, I annan bann aplikan ki ti apply pou nasyonalite dan sa progranm, ki ankor pe renouvle paspor, me selman nou pa konnen si zot annan zanfan.

Akoz napa rikord ki montre pou demann zot, eski ou annan zanfan?  Konmsi pou al en pe an detay, i zis ou fer ou aplikasyon paspor, ou renouvle parey nenport dimoun.

 

MR SPEAKER

Ok.  Mersi Minis.  Onorab Ramkalawan.

 

HON WAVEL RAMKALAWAN

Mr Speaker, mon, mwan, mon satisfe avek lafason ki Minis pe reponn mwan.  Mon anvi zis dir li mwan, mon kontan sa ki, lafason ki i pe reponn mwan bann kestyon, akoz mon lenformasyon prensipal, mon’n fini gannyen.

Mon anvi zis letan Minis in reponn, in dir, ki mon’n demann li anba 4, 5, 6.  E ou’n reponn mwan anba 4, 5, 6.  Alor mon pe zis demande si i annan okenn lezot, i annan okenn nasyonalite ki’n ganny donnen anba okenn lezot Provizyon?  Se sa ki mwan ti pe, se sa ki mwan ti pe anvi demann ou.  E apre sa mwan kestyon lo, lo sa bann paspor e nasyonalite about Economic Citizenship Program.

Mon pe zis, pet Minis pa’n tro konpran mwan.  Letan bann dimoun ti aste zot paspor, ti aste zot nasyonalite sa letan.  Ok, si ou ti annan 2 adilt, sakenn ti sipoze pey $25mil.  E apre sa en zanfan mon krwar ti pey $10mil.   Ok?  Me sa sete zis pou sa progranm.

Be apre sa, lefe ki ou’n fini ganny nasyonalite, anba Konstitisyon si ou ganny en zanfan apre ki ou’n aste sa paspor, ou zanfan i kapab claim citizenship, se sa ki mon pe sey demande.

Se eski depi sa letan, konmsi sa bann paspor Economic Citizenship Program, zot in ganny zanfan, e zot, zot in ganny zanfan Seselwa.  E si zot in ganny zanfan Seselwa, konbyen nouvo Seselwa ki’n vini anba sa bann paspor.  Se sa ki mwan ti pe sey rode.  Mersi bokou.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Speaker mon repete, nou’n dir tou kategori.  Akoz kestyon ti dir Seksyon 5, e Seksyon 5, nou’n enkli tou, tou ki ganny tonbe anba Seksyon 5.

Savedir in enkli tou sa kestyon ki annan anba Seksyon 5.  Sanmenm sa ki nou’n, nou’n swiv dapre kestyon.  E kestyon dir 4, nou’n donn 4.  Kestyon ti dir 5, nou’n donn 5.  Tou kategori kestyon ti dir 6, nou’n donn tou kategori anba 6.

Ok.  Prezan lo size bann dimoun, ki’n apply, ki’n ganny nasyonalite anba Economic Scheme Program, i posib i annan ki’n ganny zanfan, nou pa pou konnen.  Akoz napa en mekanizm an plas, pou kapab dir sa dimoun fodre ou deklare.

Akoz sa dimoun i Seselwa, son zanfan i vin Seselwa otomatikman.  I pa bezwen vini, vin dir ou pou dir, be mon zanfan i Seselwa, or whatever.  Otomatikman zofisye ki pe dil avek son aplikasyon, i pou dir ou, be i en Seselwa, alor nou pou aksepte son aplikasyon pou en paspor.  Mersi.

 

MR SPEAKER

Mersi Minis.  Onorab Regina Esparon.

 

HON REGINA ESPARON

Mersi Mr Speaker.  Mr Speaker baze lo larepons Minis, mwan krwar Onorab Ramkalawan tin demann li, konbyen sa bann paspor ki bann dimoun pe viv aletranze ki’n renouvle?  Parski avan sa nou ti annan sistenm kot ou ti kapab renouvle paspor pou 10an.

Ou ti pou ganny pou 5an, apre ou ti kapab renouvle.  E bann, pandan sa bann letan ti avan 2012, ki sa bann paspor ti ganny donnen.  Konbyen parmi sa bann ki ti ganny donnen avan 2012, ki’n ganny renouvle?  Mon mazinen dan zot rikord zot bezwen annan Minis.

Parski lo sa form paspor i mete, kote ou pe reste, si ou pe reste Sesel oubyen aletranze, letan ou pe renouvle sa paspor, oubyen letan ou pe fer en nouvo laplikasyon.  Petet si Minis ou napa sa lenformasyon la avek nou, ou ti kapab fer Lasanble gannyen, akoz i enportan pou nou konnen.

E dezyenmman Mr Speaker, eski Minis pou kapab donn nou sa bann lenformasyon ki in lir avek nou, nou pa’n kapab capture tou, eski i pou kapab fer Lasanble gannyen atraver ou Mr Speaker, sa bann detay ki in lir, pou nou kapab gannyen, pou nou lenformasyon.  Mersi Mr Speaker.

 

MR SPEAKER

Mersi Onorab Esparon.  Minis.

 

MINISTER MYRIAM TELEMAQUE

Mr Speaker, mersi bokou, mersi.  Mr Speaker mwan – Onorab zanmen nou’n deza annan paspor 10an; toultan 5an.  Konmsi, wi, wi, wi, wi kekfwa ti renouvle ankor 5an, wi.  Sa, selman initially ti 5, ti 5an – ok.  Mersi.

Pou laplikasyon ki’n ganny soumet, vre parey ou dir, i annan dimoun ler i apply pou renouvle son paspor, i donn nou ladres kot i reste, si i aletranze, oubyen lokal.  Me i annan dimoun kantmenm, kekfwa in anvoy sa aplikasyon kot en zanmi ki lokal, e ladres i ganny mete lokal, ou pa pou kapab desifre si sa dimoun pe reste isi, oubyen si i pe reste aletranze.

Konsernan detay, wi, Onorab nou a kapab fer Lasanble ganny byen sa detay, akoz nou a kapab met li pli byen an prop, e nou a kapab soumet kot Lasanble zot a ganny byen sa bann lenformasyon silvouple.  Mersi.

 

MR SPEAKER

Mersi Minis.   Onorab Sebastien Pillay.

 

HON SEBASTIEN PILLAY

Mersi Mr Speaker.  Bonn apre midi Minis.  Bonn apre midi tou koleg Onorab.

Mr Speaker, premyerman mwan ti a kontan demann Minis en presizyon.  Minis reasir nou parey mon’n lir lo rezo sosyal, ki napa 20,000, 20,000 sitwayen Seselwa ki pe reste swa Mumbai, swa New Delhi.  Parey nou’n lir lo rezo sosyal napa.  Akoz la mannyer ou’n dir nou, napa sa 20,000.

 

MR SPEAKER

Annou … Onorab, Onorab, annou pa – ! Standing Order i kler, nou pa fer referans avek sa ki media i raporter and all that.

 

HON SEBASTIEN PILLAY

Wi, wi, wi, mersi, mersi Mr Speaker.  Mersi pou gid mwan, mersi, mersi.

Akoz, non ti enportan.  So Mr Speaker eski Minis i kapab dir nou par lefe ki li, e son Departman i bann dimoun ki enterakte avek bann antre e, e bann dimoun ki antre e exit pei.  Si i annan en kantite Seselwa ki pe reste swa, L’Angleterre, Australie, Canada, Lalmanny, dan, dan plizyer pei otour lemonn.

Eski i annan en serten nonm konsiderab Seselwa ki pe reste dan sa bann pei ozordi?  E mwan a demann sa lot bout kestyon apre sa enn kestyon Mr Speaker avek ou permisyon, mersi.

 

MR SPEAKER

Ok.  Mersi Onorab.  Minis, Minis.

 

MINISTER MYRIAM TELEMAQUE

Mersi Mr Speaker.  Mr Speaker, sif ki nou’n donnen i sa sif ki nou, nou annan dan nou rikord.  Dapre nou register ki nou annan, nou’n bezwen konte manually, akoz se sa ki nou’n bezwen fer sir ki nou pe ganny the, donn the correct figure.  Sa ki nou annan.

Lo size Seselwa, dan ki pei zot reste, parey nou tou nou tande, zot reste partou dan lemonn, zot eparpiye.  Nou pa pou kapab determinen ki si L’Angleterre ki i annan plis, si Australia ki annan plis, si Canada.

Nou napa rikord.  Akoz nou annan nou kart lanbarkasyon ki ou ranpli aéroport, i annan dimoun i dir ou i pe al konze apre i pa retournen.  Be, pou ou anmas statistic, fodre sa dimoun i dir ou i pe al permanant, la prezan ou met li dan permanant.  Mersi Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker.  Prenon kont ki nou, dapre ou larepons nou konnen pou dir i annan, i annan en serten kantite Seselwa ki reste an deor Sesel.  E lefe ki napa sa kantite sitwayennte ki’n ganny donnen parey medya in defer nou krwar.  Minis, eski ou panse ki ti ava bon etablir Mr. Speaker.

 

(Interruption)

 

MR SPEAKER

Order!   Kontinyen Onorab.

 

HON SEBASTIEN PILLAY

Mr Speaker, eski Minis i kapab dir nou dan son kapasite koman Minis ki dil avek limigrasyon Sesel ki nou, sa mank lenformasyon i fer ki neseserman pei i bezwen petet konsernen avek lakantite Seselwa ki probableman pe reste an deor Sesel.

Ki parey dapre ou lenformasyon, pa neseserman ganny paspor, oubyen sitwayennte, atraver bann, bann Seksyon ki egziste anba Lalwa.  Eski dan ou lopinyon, pa dan ou lopinyon, eski dapre lenformasyon ki ou annan, sa i devret en keksoz ki konsern pei.

Mersi Mr Speaker, Mwan konnen mon kestyon i borderline, e mon pou napa problenm si sa i, i ganny rule out of order, me selman lefe i kler.  Nou napa 20mil Seselwa Mumbai, me i annan en kantite Seselwa ki reste aletranze, ki donn kredi fer Referendum.  Mersi Mr Speaker.

 

MR SPEAKER

Ou’n fini, demann ou kestyon.  Onorab ou well-versed the Standing Orders, ou konnen ler ou lo borderline, ou konnen ki mannyer ou fer sa sote, ou’n fer sa sote.  Ou pa’n demann Minis en lopinyon, ou’n poz en kestyon pou li dir Lasanble.  Minister.

 

MINISTER MYRIAM TELEMAQUE

Mersi Mr s
Speaker.  Mr Speaker, petet i en size ki nou kapab diskite ek Foreign Affairs, pou regarde si i posib pou fer en fason met en mekanizm an plas.  Me selman ou bezwen asize, ou bezwen reflesir osi, eski ou kapab fors sa dimoun, vin Lanbasad vin anrezistre si i pa le, ou pa pou konnen.

Ou konpran mwan?  Se tou ki mwan ti anvi fer resortir Mr Speaker.  Mersi.

 

MR SPEAKER

Mersi Minis.  Onorab Clifford Andre.

 

HON CLIFFORD ANDRE

Mersi Mr Speaker.  Bonn apre midi tou dimoun.  Eski Minis i kapab dir nou dan sa 413 dimoun ki’n ganny sitwayennte e paspor anba Economic Program, eski zot ankor pe fer kontribisyon Sesel?

Oubyen zis zot pran zot paspor, zot in ale, zot pe fer aktivite dan lezot landrwa dan lemonn.  2enm, kestyon, anvi ki, in annan en demann pou gete si bann Seselwa ki reste aletranze i kapab vote ou non.

Eski ou Minister avek Minister Zafer Etranzer pou fer en legzersis, pou nou kapab konnen apepre konbyen Seselwa i pe viv aletranze, e dan ki pei zot ete?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker, wi i annan bann etranze ki ti’n ganny nasyonalite anba Scheme.  I ankor annan, i annan ki envestir dan pei, e zot ankor isi, zot annan biznes, e zot pe travay, zot pe anploy Seselwa parey nou tou.  E zot pe kontribye dan devlopman Sesel.

E konsernan pou 2enm kestyon, parey mwann dir Onorab,  mon krwar, mwan krwar si nou pe al dan sa laliny.  Petet i annan, i annan nesesite ki nou zwen avek Foreign Affairs pou nou kapab met en mekanizm an plas.

E parey mon’n kestyon ki Onorab Pillay in dir, ou pou bezwen rod en fason ki ou pou at least, fer en dimoun vini vin anrezistre dan bann Lanbasad, oubyen dan bann Konsila, ki pou kapab konnen egzakteman konbyen i annan.

Selman nou bezwen mazinen Onorab, sa bann dimoun i annan zot zanfan, i annan zot zanfan, pti zanfan, tousala i vin Seselwa.  Mersi Mr Speaker.

 

MR SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonn apre midi tou dimoun.  Mwan premye kestyon pou Minis, mon ti a kontan i dir nou konbyen paspor aktiv ki annan an sirkilasyon, ki son Minister in issue?  E si nou ti kapab par egzanp, minus sa bann paspor avek lakantite Seselwa ki nou konnen i annan isi Sesel, then nou pou konnen konbyen paspor Seselwa i annan pe sirkile dan lemonn.

Sa i premye.  Dezyenmman anba Citizenship Act, dan part 2, Lartik 9, fer provizyon pou annan en register pou tou bann dimoun ki’n, ki’n vin register of citizen by registration and naturalization.

Mon anvi Minis i konfirmen si i annan 1 sa register ki up-to-date ozordi, ler nou pe koze.  Mersi bokou.

 

MR SPEAKER

Mersi Onorab Henrie.

 

MINISTER MYRIAM TELEMAQUE

Mersi Mr Speaker.  Rikord ki, lenformasyon ki mwan annan, nou’n issue depi 2004, 152mil paspor Seselwa.

Mon pa pe dir pou bann dimoun ki ganny nasyonalite – an zeneral lakantite paspor.  Sa i kapab dimoun ki pe reste aletranze, dimoun ki pe reste Sesel, ok, 152mil.  Konsernan register, wi, akoz Lalwa i demann ou.  Nou annan nou register ki nou ganny kite la.

Alor nou bezwen swiv Lalwa.  Lalwa Citizenship i dir ou fodre ou annan en register, e nou register i up-to-date.  Mersi Mr Speaker.

 

MR SPEAKER

Mersi Minis.  Vitman Onorab Henrie.

 

HON GERVAIS HENRIE

Wi, vitman.  So baze lo, lo larepons Minis Mr Speaker.

anvi ki zot annan en register, eski Minis i kapab fer nou Lasanble, ganny serten lenformasyon, akoz kestyon i pe, i pe demann dernyen 10an.  Lo Seksyon 4, 5, 6.

Me eski Minis i kapab fer nou ganny sa lenformasyon, pou nou koman en Lasanble konnen apepre konbyen Seselwa par egzanp ki’n, depi Lendepandans dizon, eski nou t i kapab ganny sa lenformasyon nou Lasanble.  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker nou a konsider sa kestyon, apre nou, nou ava fer le neseser.  Mersi Mr Speaker.

 

MR SPEAKER

Mersi Minis.  Onorab Clive Roucou.

 

HON CLIVE ROUCOU

Mersi Mr Speaker.  Bonn apre midi Minis.  Bonn apre midi tou dimoun.  Mr Speaker an relasyon avek 3enm parti kestyon, mwan ti anvi en pe klarifye lo, avek Minis lo ki rezondet pou Gouvernman inisye en tel progranm sa letan.  E ki benefis ki Gouvernman ti anvizaze gannyen?

Oubyen kote pei in benefisye avek sa progranm?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr.  Mr Speaker sa Scheme la ti ganny administre par Minister Finans, alor mon pou napa bokou larepons pou donnen lo sa kestyon.  Mersi.

 

MR SPEAKER

Mersi Minis.  Onorab Simon Gill.

 

HON SIMON GILL

Mersi Mr Speaker.  Bonn apre midi Minis avek ou delegasyon.  Bonn apre midi tou koleg Onorab.   E tou manm piblik ki pe ekout nou.  Mr Speaker, Minis in dir nou pou dir son rezis ki anrezistre tou bann endividi ki’n ganny sitwayennte Seselwa anba Economic Citizenship Program.

Eski dan zot sistenm IT, ki mannyer i anmas lenformasyon, zot osi kapab provide e determinen si i annan bann madanm or msye, zanfan, sa premye dimoun ki’n apply, e ki mannyer sa in evolye?

Mon konpran ou’n donn nou en sif kot son totalite i plis, plis ki 1000 dan son totalite. E 2enm kestyon, i anmenn nou pou rod en presizyon.  Mon’n konpran repons ki ou’n donnen, ou pe dir nou ou pa pou kapab konnen si sa bann dimoun i isi, or i aletranze.

Me eski dan ou Minister, ou kapab devlop en striktir lenformasyon pou kapab determinen, a nenport ki moman, kote sa bann dimoun i ete.   Eske i posib pou devlop sa?  E si pa posib, ki mannyer ou Minister i panse, pou kapab gard sa bann lenformasyon, san byensir vyol okenn drwa sa bann dimoun, pou zot marse or pou zot rantre sorti libreman, pou al nenport ki landrwa kot zot ete.

Sa i sa 2 kestyon presi.  Mwan annan ankor 2, Mr Speaker, mwan ava atann repons ki Minis i donnen, pou mwan kapab plug-in, lo sa 2 kestyon orizinal.  Mersi bokou Mr Speaker.

 

MR SPEAKER

Mersi Onorab.   Minis.

 

MINISTER MYRIAM TELEMAQUE

Mersi Mr Speaker.  Mr Speaker, nou annan rikord lekel sa bann dimoun ki’n ganny nasyonalite anba sa, anba sa Economic Program Scheme.  Si i annan nesesite legal, nou a bezwen access sa bann lenformasyon dan nou database, regarde si sa bann dimoun in kit pei, oubyen si i ti annan zanfan, kot sa bann zanfan i ete?

E se tou mwan krwar ki nou kapab gannyen, dapre dan sistenm.  E si fodre plis lenformasyon, fodre nou a travay avek DICT parey Onorab pe propoze, pou devlop en progranm, pou nou kapab annan sa bann lenformasyon available live.  Mersi Mr Speaker.

 

MR SPEAKER

Mersi Minis.  Onorab Gill.

 

HON SIMON GILL

Mersi bokou Mr Speaker.  Premye kestyon ki, ki link.  Dan en statement ki Minis in fer, in dir nou pou dir in issue 152mil paspor Seselwa.  Mwan pe assume, mwan pe prezimen ki sa, 152mil paspor Seselwa i pa koresponn avek nou dernyen statistik, ki koz lo popilasyon Sesel.

Ki dizon nou tou nou pe koz lo 90-95mil Seselwa,  ki an parantez, ki pe reste Sesel.  So, mon pe prezimen osi ki nou annan nou en kantite Seselwa ki napa paspor, e ki pe reste Sesel.

Now, baze lo striktir lenformasyon ki ou annan, an relasyon avek database, population database Seselwa, isi Sesel, ki mannyer nou kapab provide Seselwa en up-to-date lenformasyon, ki montre sa diferans ant actual residence, an relasyon avek ou 152mil paspor ki ou’n issue?

E an plis ki sa the validity, validity sa, sa 152mil paspor kan zot expireSo sa i, i kestyon ki relasyonnen avek sa 2 premye.  So mon annan ankor 2 kestyon.

 

MR SPEAKER

Non, non.

 

HON SIMON GILL

… an depandan ki repons Minis i donnen Mr Speaker mon annan ankor 2 ki standby, pou mwan kapab plug-in, baze lo repons ki Minis i donnen.

 

MR SPEAKER

Non, ok.

 

HON SIMON GILL

Mersi bokou Mr Speaker.

 

MR SPEAKER

Non, Onorab si mon les ou kontinyen plug-in, lezot Manm pa pou plug-in!

 

 

(laughter)

 

MR SPEAKER

Lezot, o pou de-plug tou lezot Manm, zis ou ki pou plug-in.  Alor ou 2 dernyen kestyon sa.  Apre nou ava les lezot Manm antre ek zot kestyon.  Minis.

 

MINISTER MYRIAM TELEMAQUE

Mersi Mr Speaker.  Mr Speaker sa 52mil paspor la, 152mil paspor -.  I pa sa.  I pa vedir ki ou’n donn en paspor sak dimoun.  Sa, 152mil, i kapab enkli en businessman ki’n fer paspor kekfwa tou le 6 mwan, akoz i travel.

Akoz 1 paspor i 1 dimoun.  Akoz ou pa kapab fer endorsement.  Si i annan en zanfan pe travel, i bezwen annan son paspor pou li.  Ler i ariv 5an i ekspire, ou bezwen rod en lot.  E the process goes on. 

          E sa i enkli ladan.  Nou, nou pe dir 152mil akoz nou pe mazin kantite ki nou’n donnen, ki nou’n issue.  Akoz paspor i pa renouvle, so we need, nou bezwen enn toultan.

Actual residence mon krwar i pou donn larepons sa kestyon, in fini ganny sorti dan sa 2enm kestyon ki ou ou’n demande.  Akoz si ou get byen, probableman kekfwa en 50enn, si dapre nou lenformasyon kekfwa 3kar Seselwa i annan en paspor.

So, nou pa kapab mazin nou popilasyon ki taye avek kantite paspor ki’n ganny issue.  Non!  I pa pou –  i pa pou, i pa link.  Akoz paspor ou donn tou le 5an, e prey mon’n dir, i annan dimoun ki annan 4, 5, 6, nenk i renouvle, nenk i vin apply en lot.

I annan i perdi, i annan petet i misplace, oubyen dife i arive, i dir ou in ganny brile, prezan i bezwen en lot paspor.  Se sa!  Mersi Mr Speaker.

 

MR SPEAKER

Mersi Minis.  Onorab Flory Larue.

 

HON FLORY LARUE

Bonn apre midi tou dimoun.  Mersi Mr Speaker.  Mr Speaker mon ti a kontan demann Minis, lefe ki la nou pe koz lo kantite, en serten kantite dimoun ki’n ganny nasyonalite Seselwa.  Mon ti a kontan demann Minis si son biro in ganny demande pou donn okenn Statistik Biro Prezidan, an lye ki i annan en Referendum ki’n ganny met lo latab. Eski sa, sa in ganny fer?

Mon ti a kontan osi demann Minis pou klarifye.  Letan mon get kestyon, mon pa pe war, mon pa pe war li pe aplik neseserman lo paspor.  Akoz paspor i pa equal nasyonalite dapre mon pe konpran.

Ou kapab annan citizenship, me ou pa neseserman apply pou en paspor.  So mon ti a kontan Minis i eksplik mwan, si nou kapab annan en sif pli egzakt.  Akoz nou annan Civil Status, nou annan tou nou bann sif, konbyen dimoun ki’n ne, konbyen kin naturalize, konbyen.

Apre nou annan nou dokimantasyon lo Airport letan en dimoun i antre, sa ki pei.  E i vre i pa neseserman ki en dimoun ki annan dual paspor pou servi son paspor Seselwa pou li travel avek.

Me eski sistenm i permet nou pou reflect en Seselwa, ki pe antre lo en foreign paspor, idantifye li koman en resident ki pe antre?  Konmsi eski nou pe rely zis lo sa form manual, ouswa i annan en sistenm pli avanse, pou dissect figures, pou nou konnen si en, en Seselwa pe vwayaze ouswa non.

Pa neseserman anver en paspor.  Akoz en Seselwa pa toultan travel lo en paspor Seselwa.  Akoz ler nou koz lo nasyonalite.  So mon pa pe -.  Eski Minis i kapab klarifye pou mwan, si i annan en fason pli ekstansif ki nou kapab get sa bann sif, pou get mouvman letan en dimoun pe viv aletranze, e pe viv Sesel letan i pe travel.  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker nou lofis pa’n ganny aprose par President’s Office, pou donn okenn statistics.  Mon pa okouran si in, nou’n ganny okenn demann – en?  Sa pou premye kestyon.  2enm kestyon wi i vre nou pe koz lo nasyonalite, me kestyon in ganny anmenn dan paspor, alor nou’n reponn kestyon paspor.

Alor, konsernan lenformasyon, lo figures, i vre, i vre ki, nou annan nou Civil Status, kot ou anrezistre tou Seselwa ki’n ne, oubyen lezot dimoun ki’n ne isi.  Wi, ou kapab gannyen sa lenformasyon.

E bann, akoz kestyon in demande, bann ki rezid an deor Sesel.  Nou’n target nou kestyon lo sa porsyon!  Se pou la rezon ki nou pa’n kapab fer available, akoz napa lenformasyon available, konbyen Seselwa pe viv aletranze.

Wi, nou kapab travay avek National Statistic Bureau, petet zot ava annan en pe lenformasyon.  Selman parey mon’n fer resortir, an vi ki nou annan en bon relasyon avek Statistic Bureau, si parey mon’n dir, i difisil pou ou determinen si en dimoun i ale permanantman.

Akoz sa dimoun, si i pa deklare lo son kart, ou pa pou kapab anmas sa lenformasyon, pou ou kapab gannyen, pou dir li koman en statistic, konmkwa sa dimoun in ale, e pe reste aletranze!  Mersi Mr Speaker.

 

MR SPEAKER

Mersi Minis.  Vitman Onorab Larue.

 

HON FLORY LARUE

Mersi Mr Speaker.  Mr Speaker, mersi Minis pou ou larepons.  Mon ti a kontan byen klarifye avek Minis fer li kler pou nou.  Letan en dimoun i demann sitwayennte, eski i neseser ki i pran en paspor? Eski i neseserman si ou annan sitwayennte, ki ou bezwen pran en paspor?

I kapab premye fwa i pran en paspor, me apre sa si sa dimoun i deza en Seselwa, i annan son ID card, eski en dimoun i neseserman annan en paspor?  Akoz sa ki mwan war, nou pe al lo chiffre paspor, me kestyon i lo, konbyen Seselwa ki viv aletranze?”

Eski sa i baze lo si i annan en paspor ouswa non?  E Minis osi i, i dan 2enm larepons ki in dir mwan, mon war li difisil pou konpran.  Oule dir mwan ki avek en sistenm computerize lo Airport, nou pe pran zis lefe ki en dimoun in tick en bwat, ki’n dir mwan pa pe retournen, pou nou konnen si sa dimoun i an deor pei ouswa non?

Me sa computer system pa trigger, pou dir sepa 20 has been out the country for more than 3 monthsTrigger en lot lalis 6 months? Trigger en lot lalis 2 years?  Konmsi napa en, en mekanizm ki pe veye ki mannyer flow mouvman pe antre sorti?  Mon pa pe konpran.  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Speaker, mersi pou ou kestyon. Onorab –  parey ou’n dir Onorab, i pa en obligasyon pou sa dimoun pran en paspor, kantmenm in ganny nasyonalite. Napa, napa Lalwa ki forse, si li i anvi.

Akoz i annan son, son paspor ki li i ti annan pou son nasyonalite avan.  I annan ka ki nou vwar zot pa servi, zot pa apply.  Ok?  Sistenm la aéroport ler ou travel, i fer ou antre ou detay.

Si nou pou ale pou nou al regarde konbyen letan ou fer al eksteryer pei, nou pou bezwen sak dimoun, pran li met dan sistenm, retrieve son travel history, la i a donn ou, poudir Onorab Larue in ale, in reste 3 mwan, in retournen.   Napa!

Nou pa kapab.  I a kapab kekfwa, si ou donn en komann, i a donn ou en figure, me selman i pa pou donn ou non sa dimoun.  Sa mwan, mon okouran  ki mannyer sistenm i ete l’aéroport.  Petet nou a kapab travay avek DICT, pou li kapab met en sistenm an plas.

Be mon still retourn lo sa menm kestyon ki  mwan larepons ki mon’n donnen, fodre sa dimoun li menm li ki deklare, pou dir i pe ale aletranze, i pe al permanan.  Si i pa deklare, ou pou toultan dir in al holiday, i pe al, i pe retournen dan 3 mwan. 4 mwan, 6 mwan!  Mersi Onorab.

 

MR SPEAKER

Mersi Minis.  Onorab Ahmed Afif.

 

HON AHMED AFIF

Mersi Mr Speaker.  Mon ti a kontan demann Minis, Minis vi ki biro Imigrasyon i sel biro mon mazinen dan lemonn ki donn paspor Seselwa.  Vi ki sak fwa i donnen e ozordi zot pe donn bann paspor lo zot dir i digital, klerman i al dan en sistenm lenformatik – en database.  Vi ki sak fwa en dimoun i antre oubyen sorti dan Sesel i swipe paspor i pase, zot konnen si mwan, si Onorab Ramkalawan, Onorab  de Commarmond i dan pei ou non. E vi ki sistenm i digital, zot konnen kan son paspor i expire.  Savedir, zis en dimoun i al dan sistenm i dir comme swivan.  Donn mwan tou paspor ki pa ankor expire e dir mwan si sa bann dimoun i dan Sesel ou non.

E annefe mon pou demann zis bann ki dan Sesel.  I devret kapab dir ou ‘’deswit’’ lo en sistenm digital si i dan Sesel ou non.  E i a dir ou mon annan 70mil dimoun ki mon’n issue paspor ki ankor valid e ki dan Sesel.  Ou ganny sa dan detrwa segonn lo en sistenm.  E i digital lo sa sistenm.  Akoz alors ki nou pa kapab ganny en sif ki dir nou konbyen Seselwa ki Sesel, ki byensir i annan en paspor e diferans ant paspor ki pa ankor expire e sa kantite ki isi Sesel ?  Se la kantite Seselwa ki annan en paspor ki valid e ki apel en Seselwa me ki an deor Sesel !

Mon krwar se sa larepons ki nou pe sey rode.  E menm bann ki annan dual nationality zot in deza anrezistre avek nou.  Alor mon pa konpran akoz pou nou rod sa lenformasyon dan lemonn digital ki nou premye lo IT dan Lafrik, me nou pa kapab ganny en lenformasyon ki pou mwan i ‘’sitan senp’’ pou gannyen!  Mon pa konpran. Mon ti a kontan demann Minis konvenk mwan akoz sa lenformasyon pa kapab gannyen dan detrwa segonn?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker dan nou bann modernizasyon ki nou pe fer lo nou sistenm i annan sa bann sizesyon ki ou pe fer resorti ki nou pe travay avek DICT pou zot kapab fer antre lo sistenm.   Akoz la pou le moman ou bezwen access the system individually met non dimoun, apre ganny sa lenformasyon.  I pa pou donn ou parey an blok.  Sa ki mon lenformasyon ki mon annan Mr Speaker.  Mersi.

 

MR SPEAKER

Mersi Minis.  Onorab Afif.

 

HON AHMED AFIF

Wi zis pou dir ek Minis ki mon apresye sa lo ou sistenm, lo ou interface ozordi ou napa sa menu.  Me mon promet ou ki si ou demann en teknisyen kot DICT ki’n design sa sistenm si i kapab al par deryer rod sa database, donn ou sa latab i pou donn ou dan 5 minit.  Mersi.

 

MR SPEAKER

Mersi Onorab.  Minister.

 

MINISTER MYRIAM TELEMAQUE

Mersi Mr Speaker.  Mr Speaker nou ava verifye avek DICT.  Pa trakase!  Mersi bokou.

 

MR SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker.  Mr Speaker mon ti a kontan ki Minis i fer leklersisman, si i annan okenn dimoun dan sa bann ki in nonmen anba 4, 5, 6 e depi 2008 ziska ozordi enkli anba EDA Scheme – Economic Development Act, ki’n rann paspor oubyen ki paspor in ganny pran avek zot?  Zis eklersi sa silvouple?  E konbyen si i annan?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker lenformasyon ki mon annan se i annan 3 ki’n renounce e zot in surrender zot paspor avek nou lofis.  Mersi Mr Speaker.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Bonn apre midi Minis ek ou delegasyon.  Bonn apre midi tou Manm e tou dimoun ki pe ekout nou.  Minis baze lo ou larepons lo sa – premyerman eski tou paspor ozordi dan sa 152 i digital ? Eski sa i le ka ?  Ok.

2enm kestyon, baze lo ou larepons ou dir nou koumsa poudir menm si ou’n dir 152, mil pardon, 152mil ou dir nou poudir ou pa ekspekte tou Seselwa ki Sesel i annan en paspor.  E si sa i le ka, savedir i pe montre poudir  dan 152mil i bezwen annan bokou plis paspor ki deor.  Me selman ou a konfirm nou, ki mannyer ou ariv lo sa sizesyon ki ou pa krwar tou dimoun i annan paspor?  Si ou kapab donn nou rasyonal, kwa ki fer ou krwar sa , pou nou tonm lo en konklizyon pou nou osi konpran byen lo sa lenformasyon ki ou pe donn nou, pou nou kapab fer nou analiz?

Apre mon’n tann en Onorab mansyonn Civil Status.  Wi Civil Status i pou donn ou tou sa bann dimoun ki’n ne Sesel, me selman i pa pou donn ou ki bor zot reste.  I a donn ou ler zot ti ne ki bor zot ti reste me ozordi ou pou napa sa lenformasyon.  Alors i pou demann en legzersis tre konpreansiv, pou nou kapab ariv lo sa sif.  Konbyen dimoun deor ki nou pe koz lo la ki annan nasyonalite?  E pou warrant en tre gro Bidze, osi pou nou kapab fer sa.  Alors mon ti a kontan ganny ou komanter lo la?  Mersi Minis.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker depi 2004 nou annan electronic nationality passport e parey ou dir pa tou Seselwa ki apply pou en paspor.  Akoz nou okouran i annan dimoun pa travel, prezan i pa bezwen vin pran en paspor.  E sa figure 152mil nou’n ganny li par la kantite series ki nou’n issue.  Se sa ki nou’n ganny sa figure.  Wi.  I pa savedir ki sa bann dimoun i isi, selman i sa kantite ki nou nou’n issue.

 

MR SPEAKER

Mersi Minis.  Onorab Churchill Gill, vitman.

 

HON CHURCHILL GILL

Ok savedir sa sif 152mil pou letan ou’n dir nou ou pe travay lo series, i pa pran kont bann dimoun ki’n deside revoke zot paspor together, i pa pran kont bann dimoun ki’n mor ki tou mannyer kantmenm ou’n issue selman zot in mor?  Sa osi pa pran kont?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Speaker sa 152mil i pran kont depi konbyen paspor nou’n donnen –  issue. I posib ladan i annan in fini ekspire.  In pas son 5an – in fini.  Selman still akoz series ki mannyer i marse in ariv lo 152mil.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker mon ti ava kontan demann Minis premyerman, in nonmen ki poudir ti annan en lannen ti annan 75 Palestinian ki ti ganny citizenship.  Eski Minis i kapab dir nou si zot ti ganny zot nasyonalite menm zour?  Si sete diran en lannen e anba ki seksyon vreman ki zot in ganny sa nasyonalite, sa 75 Palestinyen?

Dezyenmman, Mr Speaker mon anvi konpran en keksoz.  Letan en Seselwa i ganny issued avek en paspor – i osi ganny en ID number.  Menm si i napa en ID card letan i ganny en paspor i ganny en ID number.  E son paspor i en paspor digital, akoz tou sa bann lenformasyon i osi ganny ranmase, ganny stored dan zot sistenm dan en fason digital.  E zot sistenm digital parey Onorab Afif in montre, in eksplike letan ou swipe, tou ou lenformasyon i mont lo sa screen.  Kan ou’n antre, kan ou’n sorti.  Ki dernyen fwa -.  Tou ou detay i monte lo la.

Alor mon anvi demann Minis vi ki nou annan sa de batch lenformasyon la, eski Minis i kapab dir avek nou dapre zot rikord, konbyen dimoun ki annan paspor Seselwa avek son ID number lo son paspor ki’n ganny donnen, ki Sesel ?  E konbyen ki zot pa konnen kot i ete ?  Mon pa pe demann ou ki pei i ete mwan.  Ki Sesel e ki an deor Sesel ?

Dezyenmman, eski Minis i kapab dir avek nou a ler aktyel konbyen paspor Sesel ki valid ki pe sirkile?  Parski ankor enn fwa sa i lenformasyon ki lo zot masin kot Imigrasyon!  Zot bezwen konnen  konbyen paspor ki’n ekspire, konbyen paspor ki valid!  Dir nou sa lenformasyon silvouple. Mersi bokou.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Pou premye kestyon konsernan Palestinyen, lenformasyon ki mon annan zot ti ganny dan en lespas depi 2009 ziska 2012.  Ti pandan  sa letan ki zot ti ganny nasyonalite, anba sirkonstans spesyal Seksyon 5 sou-seksyon  2.

Lo size ID number pou ou kapab fer en paspor fodre  absoliman ou annan en ID number, ki mannyer sistenm i ete.  E pou ou kapab vin fer – ler ou ganny nasyonalite ou bezwen al kot kart idantite – kot Biro Idantite i pou donn ou en ID number,  pa savedir ki ou ganny en kart idantite i donn ou paper based, i donn ou en papye, prezan la ou met sa limero lo ou laplikasyon paspor e ler ou al fer ou paspor sa number i a ganny fer antre dan sistenm, pou ou kapab ganny paspor. Apre lenformasyon konsernan valid passport, sa nou a kapab fer available, i napa la avek nou.  Mersi Mr Speaker.

 

MR SPEAKER

Mersi minis.  Onorab.

 

HON WAVEL RAMKALAWAN

Mr Speaker be zisteman se sa ki mon’n demann Minis.  Lefe ki sa ID number ou devret kapab konnen baze lo sa ID number e letan ou’n swipe ensidswit tou sa bann zafer, ou devret kapab konnen!  E baze osi lo laplikasyon ki sa dimoun in fer, si i Sesel, oubyen si i aletranze.  Pou nou kapab balanse dan konbyen paspor ki’n ganny issued avek Seselwa ki Sesel.  Sa Seselwa i Sesel.  Sa ki mon dir, nou devret konnen konbyen Seselwa ki annan en paspor ki’n antre dan nou pei!  Konbyen i annan?  E konbyen Seselwa ki annan en paspor ki’n kit nou pei, ki pa’n re antre.  Nou bezwen konnen sa 2 keksoz.  E se la ki mon pa pe ganny larepons e mon pa pe ganny en konpran ki mannyer en keksoz de baz koumsa.  E sorry Mr Speaker me sa i fer mwan – larepons ki Minis pe donnen, i pa etonn mwan, pou nou pa konnen konbyen dimoun ki napa GOP ki dan pei!  Tousala se bann konplikasyon ki vini.  E mon bezwen dir ki nou bezwen kapab met en lord dan sistenm Imigrasyon because this is part of border control ! 

 

(Interruption)

 

HON WAVEL RAMKALAWAN

This is the basic pou border control e nou pa konnen konbyen Seselwa ki annan en paspor ki isi, konbyen ki laba, konbyen ?  Ar Mr Speaker la mon  – !  E an plis ki sa, an plis ki sa Mr Speaker dan milye tou sa konfizyon nou pa ni konnen nou tande – e Minis li menm in dir ki President’s Office pa’n zanmen demann okenn lenformasyon lo Seselwa, selman nou anvi en ReferendumZ-o-t!  Annou serye!

 

(Interruption)

 

MR SPEAKER

Mersi.  Mersi Onorab.  Minis.

 

MINISTER MYRIAM TELEMAQUE

Mr Speaker, mersi Mr Speaker.  Mr Speaker kestyon ki Onorab ti demann nou ti nasyonalite Seselwa, pa ti paspor!  Si ti paspor nou ti ava’n rod sa bann lenformasyon dan sistenm, kantmenm pa ti pou donn deswit, nou ti a dir donn nou ankor en semenn, akoz nou bezwen fer li par sak dimoun.  Lenformasyon i la li, selman ou bezwen al fer sa komann, travay ek DICT, dir li met en progranm an plas pou nou kapab retrieve sa bann lenformasyon.  Be i pa’n dir nou paspor li!  In  dir nou nasyonalite Seselwa! Si fodre paspor nou ava al rode nou a donn ou lenformasyon pou paspor!  Kestyon pa lo paspor.  Or else petet si i ti’n dir nou paspor nou ti ava’n rode paspor Mr Speaker.  Kestyon i lo nasyonalite Seselwa.  Paspor i en travel document li.  Nasyonalite i nasyonalite.  Eskiz mwan!  Mersi bokou.

 

MR SPEAKER

Mersi.

 

HON WAVEL RAMKALAWAN

With all due respect, mon ti ava kontan demann Minis, eski se Wavel Ramkalawan ki’n dir i annan 152mil paspor?  Eski sa se Wavel Ramkalawan ki’n dir?  Oubyen se Minis ki’n anmenn size paspor dan nou Lasanble?  Mon’n demann sitwayennte e Minis I’m sorry ‘’OU’’ ki’n anmenn size paspor !  Mersi bokou !

 

MR SPEAKER

Mersi Onorab.  Bon mon ava demann Minis.

 

MINISTER MYRIAM TELEMAQUE

Mr Speaker ….

 

MR SPEAKER

Yes Minis?

 

MINISTER MYRIAM TELEMAQUE

… kestyon ki’n ganny demande konsernan paspor.  Pa nou ki’n lev kestyon!  Mersi.

 

MR SPEAKER

Wi mersi.  Minis sa i bann moman kot  bann siplemanter i monte kekfwa ennler i atrap ou unprepared, me ou ava fer nou ganny bann lenformasyon.  E i annan lenformasyon menm ki Onorab Esparon in demande.   Otan ki – nou bezwen toultan bear in mind, i annan bann lenformasyon ki annan bann lenformasyon personnel osi tou atase avek.  Nou bezwen fer atansyon.  Me Minis otan posib i ava fer  Lasanble ganny bann lenformasyon ki neseser, e menm sa ki Onorab Ramkalawan i demande.  Minis zis avan pou ferm sa issue lo sa PNQ, mon annan zis de pti konsern.

Electoral Commission a en moman ler Lalwa pa ti ankor amande, i ti pe servi mouvman Seselwa atraver point of exit, atraver Airport e lo por napa bokou pou li strike-off bann voters dan register.  Koman si ozordi zot kot Imigrasyon zot pe ganny en pe problenm pou track bann Seselwa ki al aletranze, konbyen letan zot fer aletranze, konman Electoral Commission a lepok ti servi bann lenformasyon ki i ti gannyen Airport e mon mazinen atraver Imigrasyon, kot i ti retir bann non lo Rezis Voter ?  Sa i enn.

Dezyenm an vi ki nou pe koz mon krwar i en konteks mondyal nou pe koz lo digitalisation, kot i annan bann link ant en sistenm avek en lot sistenm dan en lot pei.  Eski nou sistenm Imigrasyon i annan fasilite oubyen mwayen pou track – pou track ler en dimoun pe servi en paspor Seselwa dan nenport pei ?  Swa i pe exit sa pei i pe servi paspor Seselwa, oubyen i pe antre dan sa pei an servan paspor Seselwa?  Akoz par ler zot servi bann ki annan dual nationality zot servi en paspor pou zot exit, zot servi en lot paspor pou zot rantre.  Eski Imigrasyon ozordi Sesel i annan fasilite pou track bann paspor Sesel ki’n ganny issue Sesel, aletranze? Minister.

 

MINISTER MYRIAM TELEMAQUE

Mersi Mr Speaker.  Mr Speaker konsernan pou retir non lo Lalis Voter mon dezole mon pa okouran. Mon pa’n donn lenformasyon.  Nou Biro pa’n donn lenformasyon.  E konsernan sistenm pou track paspor, nou track bann paspor ki antre Sesel, akoz nou sistenm Imigrasyon i pick up ki paspor ki ou antre lo la.  Akoz ou bezwen deklare L’aéroport ler ou ranpli ou kart antre ek sorti ki paspor ki ou pe servi.  Mersi Mr Speaker.

 

MR SPEAKER

Zis en pti bout Minis, vitman.  En sitwayen ki annan dual nationality ki antre ek son paspor Sesel e ler i sorti par egzanp i sorti ek son paspor Angle. Eski zot konnen si sa dimoun in antre in sorti dan pei akoz i pe servi diferan data lo son paspor?  Lo son paspor Angle i annan en data, lo son paspor Sesel i annan en data.  Eski zot kapab track?  Mersi.

 

MINISTER MYRIAM TELEMAQUE

Wi Mr Speaker si ler in antre in servi sa paspor Angle, sistenm pou montre ou poudir ler i ti antre i ti servi sa paspor Angle.  Ler i sorti si i servi paspor Seselwa, sistenm pou montre ou poudir in servi paspor Seselwa.  Koumsa sistenm i ete l’aéroport Mr Speaker.

 

MR SPEAKER

Dakor mersi Minis.  Bon Minis nou annan sa kestyon ki’n leve anba 31(3) ki nou’n fer ou ganny sa lenformasyon bomaten, pou regarde si ou kapab vin donn en leksplikasyon lo kestyon ki pou ganny poze par Onorab Waven William. Mon ava pas laparol avek Onorab Waven William, i ava poz son kestyon e Minis ava donn i ava donn nou repons.  Onorab William.

 

HON WAVEN WILLIAM

Mersi Mr Speaker.  Bon apre midi Minis avek ou lekip.  Minis mon kestyon i comme swivan;  Swivan sa demisyon ase vit par 3 zofisye Senior  eksperyanse dan sekter Civil Status espesyalman par 3 zofisye ki’n deservi ant 30an e 42an servis dan sa sekter, e  lefe ki annan en mankman staff deza, eski Minis i kapab reasir sa Lasanble e manm piblik, ki sa bann servis pa pou ganny afekte dan sa seksyon ?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker annefe sa demisyon i vin ase vit e sirprenan letan nou mazinen ki 3 dimoun in ale en sel kou.

Swivan sa nou’n pran serten mezir pou asire ki lefe advers, i ganny minimize pour ki servis ki nou fourni avek – kontinyen lo en nivo akseptab.  Rezon pou sa bann demisyon dapre zot let ki zot ti soumet yer Lendi, zot in sinyal serten kondisyon travay ki zot in dekrir konman défavorable.  Me zot in prensipalman dir zot mekontantman anver lenplimantasyon nouvo prosedir konsernan la fason ki maryaz sivil pou ganny administre.

I annan en bon pe letan depi Gouvernman ti anvizaze fer lamannman regilasyon ki gouvern ladministrasyon maryaz Civil avek bi etabli lord, anmenn plis latransparans e fer sir ki larzan ki ganny ranmase i al dan Kof Leta.  Pou sa arive i ti neseser pou anploy en Registrar en pwen fokal ki resevwar tou laplikasyon maryaz, idantifye tou bann dimoun ki pou administre selebrasyon, e asire ki peyman i ganny fer comme fodre.  Mersi Mr Speaker.

 

MR SPEAKER

Mersi Minis. Onorab William

 

HON WAVEN WILLIAM

Mersi Mr Speaker.  Mr Speaker mon kestyon swivan se Minis, vi ki dan Bidze zot priyorite stratezi se zwenn avek satisfaksyon konsonmater par donn en servi efikas avek efektiv.  Lefe ki zot in anvi, lefe ki sa i leka, akoz ouswa ki zefor an plis ou Minister in fer, pou sey dekouraz ouswa annan en negosyasyon avek sa 3zofisye pou zot pa tender zot let resignation?

Minis lefe se ki dan menm prezantasyon Bidze, anba priyorite e anba bann challenges ou Minister menm bann lezot Lazans Gouvernman pe dir ki zot bezwen retenir bann travayer ki annan leksperyans, bann profesyonnel, me mon vwar li en pti pe drol akoz ki zot pa’n rantre dan negosyasyon avek sa trwa zofisye avek bi pou sey mon kapab dir annan en konpromi avek zot?

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker, nou’n zwenn sa bann travayer kantite fwa, plizyer repriz Mr Speaker.  E menm nou’n mont Praslin nou’n al koz avek sa enn ki Praslin. I paret mwan zot mekontantman, se sa nouvo sistenm  ki pe ganny met an aplikasyon ki depi lontan nou ti sipoze ganny mete e zot pa tro dakor ek serten fason ki sa sistenm pou ganny met an aplikasyon.  Nou’n osi entrodwir en Sheme of Service ki ti pran lefe depi Septanm 2018.  Ladan i annan allowances ki zot in gannyen; i annan en revizyon zot basic salary.  Nou’n fer provizyon ki sa larzan maryaz zot ganny 50poursan e mon krwar petet i annan serten, zot annan still zot believe ki petet i ti devret otreman.  Be nou dan Minister nou krwar nou’n ase anmenn devan kot zot, e si zot in anvi resign nou bezwen respekte zot resignation!  Mersi Mr Speaker.

 

MR SPEAKER

Mersi Minis.  Onorab mon a retourn kot ou.  Mon ava sey donn lezot Manm osi en  sans pou en siplemanter.  Onorab Churchill Gill.

 

HON CHURCHILL GILL

Mersi Mr Speaker.  Bonn apre midi ankor Minis.  Minis mwan mon pe koz presizeman pou sa bann dimoun Praslin, akoz Praslin osi i annan ki fer maryaz.  Dan ou repons ki ou ti pe demann Onorab William ou’n dir ki dan sa nouvo fason fer, zot ti pe idantifye bann dimoun pou fer maryaz.  Me pou letan sa bann dimoun Praslin zot ti deza pe fer maryaz.  Eski zot pe ganny kite pou kontinyen fer maryaz ?  Sa i enn.

Apre 2enm ou nonm lo Scheme of Service, me selman mon’n ganny fer konpran dapre mon resers, poudir par egzanp sa bann dimonn Praslin zot bann long service staff ; lontan zot la.  Me selman mon’n ganny fer konpran poudir kantmenm i annan nouvo Scheme ki’n vini – ou ava korize si i pa korek, ki  Zot in ganny zis en R2000mil allowance, me solman zot gross salary i reste R7000mil.  Ou a korize si sa i korek.

E apre pou sa rezon pou donn zot 50poursan lo sa larzan ki zot gannyen ler zot fer maryaz,, eski ou kapab zis eksplik sa Lasanble ki rezon ki sa in koupe?  Eski ler sa dimoun i al fer maryaz i annan bann depans ki Gouvernman i bezwen fer ki i bezwen rekipere oubyen sa i en keksoz ki sa staff i ale i fer?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker nou’n rekrit 5 part time celebrant, sa bann ki pou fer maryaz dan ler travay, apre ler.  Bann travayer Civil Status pou kontinyen fer maryaz, probableman pa lo sa gran splander.  Akoz dan le pase zot fer bokou maryaz, me nou nou’n vwar litilite pou anmenn 5 ki pou ede.  Praslin osi tou i annan dimoun ki nou rekrite pou fer.

Parey ou’n dir, vre sa bann travayer ki’n resign i bann staff ki la lontan, ki annan bokou leksperyans e i regretab pou nou perdi zot, akoz nou bezwen aksepte. Zot annan sa leksperyans avek zot.  Akoz la nou bezwen al rekonmanse, train bann nouvo travayer, fer zot at least ganny apwente konman Civil Status pou zot kapab fer maryaz, donn birth certificate e tou keksoz.

Konsernan saler; saler Mr Speaker mon kapab nonm saler dimoun be selman i annan zot saler in ganny ogmante par – i annan ki’n ganny ogmante par R2000mil ekek, 3mil ekek.  Apre nou’n donn inducement allowance, zot ti napa inducment allowance, nou’n donnen.   Nou’n donn commuted overtime.  Nou’n donnen tousala.  Nou’n donn standby allowance, tousala pa ti donnen avan.  Nou’n donn clothing allowance, nou’n donn transport allowance, nou’n donn marketing skills e par lo la zot pou ganny 50poursan sa larzan maryaz.  Sa ki nou’n fer pou nou kapab at least zwenn zot en pe sa bann travay ki nou’n fer.  Mersi Mr Speaker.  Onorab Churchill Gill.

 

HON CHURCHILL GILL

Minis zis en pti klarifikasyon.  Sa kantite  allowance ki ou’n mansyonnen, pou sa bann dimoun ki Praslin ou’n dir poudir ou’n rod ankor dimoun pou vin donn lanmen pou kontribye dan fer maryaz.  Me si ou’n rod ankor dimoun, eski sa dimoun ki ti la i pou still kalifye pou sa bann allowance?  Akoz si ou’n rod dimoun posibleman i pa pou bezwen fer overtime, i pa pou bezwen… ? Konmsi spend sa kantite letan dan travay si i annan plis dimoun pou travay.  Se sa ki mon pe demande si sa bann allowance ki ou pe dir sa bann dimoun Praslin eski zot pe benefisye avek tou sa bann allowance ki’n ganny mansyonnen?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker depi le premye Septanm tou travayer pe benefisye tou sa allowance, tou.  Depi le 01 Septanm. Tou!  Tou allowance ki nou’n dir nou pe donn zot.  Mersi.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Bon apre midi Minis.  Minis mon ti a kontan demann ou vi ki sa laspe dan nou Lendistri Touris ki appel ’’Wedding in paradise’’ i en marse enportan pou Sesel, e ki bokou dimoun i vin Sesel pou zot kapab fer zot maryaz isi.  Eski ou kapab reasir sa Lasanble ki sa reorganizasyon ki ou’n fer i pa pe disrupt sa marse touristik, e ki sa bann kliyan ki’n boukte zot pe kapab ganny fer zot maryaz lo zour e dat e ler ki zot ti’n progranmen?  Sa i mon premye kestyon.

Mon 2enm kestyon Minis se ki ler mon pe ekout Minis pe donn nou lalis bann allowance ki pe ganny ofer pou bann staff, mon ti a kontan kekfwa mon ti pe mazinen ki kekfwa mwan mon ti a kontan pran enn sa job akoz i paret enteresan.  Akoz i annan bokou i paret bokou benefis be still tou sa bann benefis dimoun i kite.  So mon ti a kontan kekfwa demann Minis, eksplik nou Lasanble, lenformasyon ki nou pe gannyen se ki, sa bann sanzman ki zot fer la i pa neseserman afekte lapey e bann keksoz koumsa, me in afekte lorganizasyon e in konplik en kantite bann travay ki mannyer ou pou al organiz sa bann maryaz, 1 Barbarons, sote al enn Four Seasons taye al laba lot,  lot,  lot, lot.  Konmsi eski ou kapab dir nou en pe lo sa lorganizasyon ki ou’n met an plas ki bann travayer pe dir i pli konplike ?

E finalman, finalman Minis  en kestyon  enportan e mon pa anvi impute okenn improper motive la.  Mon pa anvi fer li e mon pa pe fer li.  Enn bann kestyon ki pe ganny demande se ki, a lavenir ki mannyer sa bann maryaz pou touris pou ganny allocate avek sa bann dimoun ki zot in recruit ok?  Sa bann dimoun ki pou fer sa bann maryaz.  Ki mannyer sa bann maryaz pou ganny allocate, i posib e bann dimoun i krwar poudir i annan plas pou en serten kalite, en serten kalite lapliferans, mon pa anvi servi en mo en pe pli for.  Me konmsi nou pou donn enn nou pa pou donn lot.  E ler nou donn enn, enn i gannyen, i ganny en bon pe maryaz, lot i asiz dan biro.  Sa i kapab anmenn en serten move pratik ki nou pa ti a kontan vwar ki mannyer sa bann travay i ganny fer.  So dir nou osi ki sa lorganizasyon pa pou anmenn okenn pratik koripsyon oubyen pratik lapreferans dan fason ki sa travay i ganny fer ?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Egzakteman Onorab pou nou fer sir napa koripsyon se sa ki ou vwar nou’n met en Registrar, se sa ki ou vwar nou’n met en part  time celebrant pou kapab at least tou dimoun i a kapab al fer maryaz.  Sa ki pou sipoze dan biro, ozordi i konnen i sipoze travay 8-4er, i pe fer louvraz biro e  nou annan en piblik ki la ki pe ekspekte nou pou nou donn zot sa servis.  Piblik i pa zis maryaz, i annan nou piblik Seselwa ki vini kot biro Leta Civil ki vin rod birth certificates, sertifika maryaz.  Sa bann osi nou bezwen mazinen nou bezwen donn li servis.  Se pou la rezon ki nou pe met en pe lord.  Ok ? Pou pa disrupt service mon pou onnet pou dir wi yer ti annan en pe konfizyon.  Mon pou onnet pou dir akoz nou pa ti okouran kantite maryaz ki annan. Akoz ler sa 3 travayer in ale e ozordi nou’n fini fer progranm, nou’n rod nou part time celebrant e pe fer maryaz ki mon krwar zot dir mwan i annan 12 maryaz.  Tou dimoun pe fer maryaz an deor e keksoz pe mars byen dapre progranm.  Ok.

Alokasyon maryaz mon krwar i annan en sistenm ki nou a met an plas ki tou dimoun a ganny en bout sa gato.  E si ou ou’n fer en fwa sa semenn, de fwa nou a donn sa lot celebrant i a bezwen sa Registrar i met en sistenm an plas ki i vwar li i fair and just ki tou dimoun pe ganny en bout.  Ki pa zis detrwa ki pe gannyen.

E mwan mon believe ki i pou marse.  Kekfwa mon bann koleg lontan zot pa’n kontan.  Zot in mazinen petet i pli mye zot move on oubyen zot tender.  Mon bezwen zis respekte zot lopinyon.

Pou mwan wi akoz en bon pe letan mon’n travay avek zot me selman mon pa kapab dir zot, sa i zot swa.  Akoz dan lavi nou annan swa.  I zot swa pou move on pou resign e sa ki’n reste mon’n felisit zot, mon dir zot mersi bokou, zot in reste akoz nou’n la ansanm toultan so we’ll move mon in life !  Mersi bokou Mr Speaker.

 

MR SPEAKER

Mersi Minis.  Vitman Onorab Ferrari.

 

HON JEAN-FRANCOIS FERRARI

En siplemanter, Minis eski ou kapab dir nou ki nou – asir Lasanble ki nou pa dan en sityasyon ki pa tro legal la a sa moman akoz nou annan bann nouvo wedding ki sipoze bann sworn officers, me solman nou nou pa’n vwar dan Gazet si zot in fini swear sa bann dimoun e si zot legalman an pozisyon pou zot fer sa servis ki Lalwa i demande zot swear-in?  Sa i enn.

2enm vitman se pou mon demann avek ou e mon kontan ler mon’n tann ou pe dir poudir sa i ou koleg ,so i annan en pti bout lanmitye ki reste.  Alor si sa bann dimoun ki’n ale ozordi e ki demen zot anvi fer en pe part timing, e zot al fer lot keksoz me selman zot ti a kontan fer en pe part timing. Eski ou kapab asir nou ki zot pa pou ganny pini pou lapenn zot in egzers zot dwa pou zot resign, me zot leksperyans  i ava kapab ganny servi en zour pou kapab fer marse sa lendistri dan nou pei ?

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker Lalwa i demann ou avan ou fer maryaz pou sworn in konman en Civil Status Officer.  Sa bann part time celebrant in fini fer formalite – mon krwar apepre de oubyen, de Zedi pase.  I reste zis sa enn Praslin pou fer.  Sa nou ava fer li fer  sa semenn i pe fer.

Lo konsiderasyon sa bann zofisye, sa mon krwar nou pou bezwen  diskite ansanm avek management ki lapros nou pou pran.  Mersi Mr Speaker.

 

MR SPEAKER

Mersi Minis.  Onorab Simon Gill.

 

HON SIMON GILL

Mersi bokou Mr Speaker.  Mr Speaker mon ti ava kontan Minis i dir nou ki kantite reveni i annan si an ka zot annan lenformasyon, kantite reveni ki Gouvernman in ranmase?  Si nou a servi sa konsep ki pe ganny servi la dan sa Lendistri maryaz?  Sa premye kestyon.

2enm kestyon eski Minis i pou konsidere ki i ava soumet en dokiman kot Gouvernman, pou rekomande ki sa servis ki zot pe donnen tout an respektan bann paramet legal, ki i sorti anba Gouvernman or anba ou Minister ?  Dan en lot mo privatiz sa servis.  E ki bann en jeu ki pou annan si sa servis i ganny privatize?  Ankor enn fwa tout an respektan bann lankadreman legal.

Kestyon No.3.  Eski Minis i kapab dir nou ki sistenm rotasyon ki in met an plas, an relasyon avek sa bann staff ki’n ale e avek sa ki reste, pou donn nou sa garanti, ki tou bann staff si mon kapab servi sa term, tou bann staff i kapab si mon servi ou term, ganny en par sa reveni ki ganny zenere, sa 50poursan ki ou’n dir zot gannyen?  So sa i sa kestyon li menm li i vedir, Minis i ava eksplik nou Lasanble si i annan serten kategori staff dan son Minister, ki pa pou zanmen baze lo zot travay ki zot pe fer, ki pa pou zanmen kapab rantre dan sa seksyon spesifik, pou ki zot kapab ganny en morso dan sa 50poursan ki ou dir i donnen? E si sa pa le ka, ki mannyer ou Minister i compensate sa bann lezot kategori  travayer, ki pa pou zanmen kapab rantre e zwe en rol aktif  dan sa enn seksyon ki zis relasyonnen avek zafer maryaz?  Mon aret la Mr Speaker, tout an konsideran mon annan ankor 2 kestyon si ou permet mwan, mon pou kapab demande Mr Speaker.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker kestyon konsernan reveni, napa reveni ki’n ganny ranmase ziska prezan akoz nou fek konmanse le 01 Zen.  E nou pa’n kolekte okenn reveni pou Gouvernman.

Lo size privatizasyon mon krwar nou pou bezwen at least diskit avek biro Attorney Zeneral akoz i annan sa laspe Lalwa ladan e si pou posib oubyen non.

Lo size rotation si nou pou kapab konnen si tou dimoun pe ganny sans pou al fer maryaz akoz sa Registrar i sipoze anvoy en returns kot biro PS tou le mwan, pou li kapab swiv poudir tou dimoun pe ganny sans pou al fer maryaz.  Lo size compensate si tou dimoun pou ganny sans i annan deryer in reste de travayer, zot tou le de zot kapab fer maryaz.  E nou’n dir wi zot pou ale pou al fer maryaz.  Apre i annan bann travayer ID ek zofisye zot, zot pa Civil Status Officers, savedir zot pa kapab al fer maryaz.  Mersi Mr Speaker.  Mersi Mr Speaker.

 

MR SPEAKER

Mersi Minis.  Vitman Onorab Simon Gill.

 

HON SIMON GILL

Mersi Mr Speaker.  Premye kestyon dan sa 2, sa bann staff ki dan Civil Status i en seksyon anba ou Minister e dan ou Minister ou annan plizyer staff ok ? Now ki mannyer ou kapab rasir nou dan sa Lasanble ki tou bann staff ki anba ou Minister, baze ki i en reveni ki antre dan ou Minister e ki ganny distribye, sa 50poursan i ganny distribye, ki mannyer ou kapab asir nou ki a 50poursan i pa zis distribye o nivo sa 2dimoun, me ki ganny distribye lo nivo tou bann staff anba ou Minister ?  Eski sa i en laranzman ki posib or i pa pou posib zisteman, akoz sa seksyon ki egzekit sa travay spesifik, se bann Civil Status employee?  Mersi Mr Speaker.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker sa reveni la ki pou gannyen 50poursan i pou vin zis pou Civil Status Officers, akoz i ganny enkli dan zot Scheme.  I pa dan Scheme Imigrasyon, i pa dan Scheme processing, i zis dan Civil Status.  E apre osi pou al fer maryaz fodre ou’n ganny sworn in konman en Civil Status Officer.  Mersi Mr Speaker.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon ti ava kontan premyerman eksprim mon regre, ki poudir bann zofisye senior dan Departman Civil Status in trouv li – in trouv zot san en lot opsyon me pou resign. Mwan menm mon ti’n ganny sans a plizyer repriz zwenn sa bann zofisye, pou avek bi pou sey negosye pou regarde, menm dan Lasanble letan nou’n koz lo sa size, Minis i konn byen ki mon’n sey mitigate pou regarde ki mannyer nou kapab ganny en, letan nou ti pe diskit Lalwa ki mannyer nou kapab fer serten keksoz.  Mon ti ava kontan demann Minis e mon swet zot bonn sans, parski Bondye pa zanmen pa donn manze son bann zanfan.

Mr Speaker mon ti ava kontan demann Minis letan i pe konpar lapey avek tou sa bann allowance ki zot ti pe gannyen avan ki mannyer i konpare avek ozordi?  Konmsi ki kalite diferans i annan e eski in annan okenn diferans dan zot basic salary?

Mon ti ava kontan osi demann Minis eski in annan bann exit interviews avek sa bann dimoun, pou regarde si napa vreman en lot fason pou regarde? Parski i pa zis en kestyon maryaz sa Mr Speaker.  Nou bezwen mazinen se bann anseklopedi ki’n ale.  Anseklopedi ki nou’n perdi dan Civil Status.  Zot pa zis fer maryaz sa bann dimoun.  Zot konnen egzakteman dan ki rezis, dan ki landrwa ki parfwa letan ou ale la, zot konnen egzakteman kot zot pou anvoye pou rod bann dokiman.  Alors mon konsider sa vreman konman enportan, konman grav.  So eski in fer okenn demars vreman pou regard dan en exit interview pou balanse?  E finalman eski sa bann nouvo zofisye ki bann sworn officers, eski zot lapwentman in ganny gazete? E si wi kan?  Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker pou revizyon dan basic salary wi i annan en revizyon.  I annan ki’n ganny 2mil a 3mil parey mon ti repete taler, selman mon pa pou al an detay pou mon dir saler dimoun konbyen i annan.  E interview, exit interview zot – ler zot ti handover zot let zot ti  handover zot let avek PS.  E PS in fer resorti avek mwan ki i annan  lentansyon zwenn zot ankor en kou endividyelman, pou koz ek zot.  E konsernan Gazet, tou dokiman ti ganny anvoye kot Attorney Zeneral.  Nou mazinen in gazete.  Akoz bann zofisye in ganny sworn-in. Mersi Mr Speaker.

 

MR SPEAKER

Mersi Minis. Vitman Onorab Ramkalawan.

 

HON WAVEL RAMKALAWAN

Mr Speaker, sa Statement ki Minis in fer i serye!  Unless Gazetted zot pa bann zofisye.  Unless Gazetted si zot in fer maryaz sa bann maryaz pa valid!   Se pou sa rezon ki mon anvi konnen ki dat e dan ki gazette ki zot in pibliye?  Parski nou,  nou ganny Gazette e ziska aprezan a mwen ki mon’n mank en Gazette napa okenn, napa okenn piblikasyon dan okenn Gazette lo bann nouvo zofisye Civil Status!  Savedir Minis efektivman tou sa bann maryaz ki’n ganny fer i pa valid!

 

MR SPEAKER

Mersi Onorab.  Minis klarifikasyon.

 

MINISTER MYRIAM TELEMAQUE

Mersi Mr Speaker.  Mr Speaker lenformasyon ki nou annan se enn, sa dimoun ki’n al fer maryaz i deza en Civil Status Officer.  Wi i annan en part timer ki’n al fer maryaz, selman nou a verifye avek Attorney Zeneral si in ganny gazete.  Nou napa sa lenformasyon avek nou la Mr Speaker.

 

MR SPEAKER

Mersi Minis.  Onorab Simon Gill mon donn ou sans – vitman.

 

HON SIMON GILL

Mersi, mon dernyen dan mon 2kestyon ki ti reste.  Mr Speaker eski Minis i kapab don nou sa garanti ki donnen bann sirkonstans anba lekel sa bann staff – ki nou dir bann Institutional memories in ale, eski pran tou kart met ater, i annan posibilite reel ki sa bann staff i ganny retournen e ganny en lanplwa dan ou Minister ?  Mersi bokou.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mr Speaker sa i pou vin ler PS i ava zwenn zot personnelman e apre nou bezwen mazinen ki i annan en resignation letter ki’n fini antre e prosedir resignation letter nou konnen i annan en prosedir ki swiv.  Nou pou bezwen diskite avek DPA, what is the way forward si ou pe propoz sa ki ou, ou’n dir la. Mon pa kapab pronons mon lekor la.  Mersi Mr Speaker.

 

MR SPEAKER

Minis petet zis dan sa laliny eski sa bann let ou Minister in aksepte sa bann resignation ?  Oubyen i ankor pending?  Akoz parfwa resignation i demande pou aksepte zot resignation.  Eski sa bann resignation PS in aksepte?

 

MINISTER MYRIAM TELEMAQUE

Mr Speaker lenformasyon ki mon annan, akoz mwan mon pa ankor vwar let, zot in kopi DPA zot bann let.  Savedir let in fini al kot DPA.  E nou,  nou annan nou kopi ki’n ganny soumet ek PS.   Mersi Mr Speaker.

 

MR SPEAKER

Mersi Minis.  Mon ava retourn kot loter kestyon Onorab Waven William.

 

HON WAVEN WILLIAM

Mersi Mr Speaker.  Mr Speaker mon’n ekout Minis avek latansyon.  Minis lefe ki ou Minister zot in resevwar sa bann let, e malgre ki DPA in ganny kopi, me ou Minister pa ankor aprouve, mon a demande ki letan ou PS i revwar sa bann dimoun, akoz ou’n dir Minis poudir i pou revwar sa bann dimoun, akoz zot pa’n ganny exit interview, ki zot ava re konsider sa bann let ki’n ganny donnen, si zot pou aprouve ouswa non.  Akoz enn se ki i vre ki ou pe koz bann travayer ki annan 30an, a 42an servis dan sa sekter.   E parey in ganny dir bann instutional memory ki nou pe koz lo la Minis.  E Minis mwan mon anvi ou konfirm avek mwan akoz baze lo resers ki mon’n fer, sa bann zofisye depi 1an zot pe monte desann pou sey negosye avek bann senior staff dan ou Minister.  Minis ou kapab konfirmen osi sa bann staff ti demande, si zot kapab fer sa bann servis lo en freelance basis, parey ou’n al anploy bann part timers, zofisye Civil Status.

E trwazyenmman Minis eski ou kapab konfirmen poudir dan ou Minister ou PS avek ou menm zot tonm dakor avek demann ki sa bann senior staff ti fer par egzanp ki enn sa laplikasyon i pran lefe an Novanm, me pa la an Zen.  Me problenm i pa avek ou Minister me avek Minister Finans. Mersi Mr Speaker.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker konsernan pou ofer sa bann travayer pou fer sa bann maryaz freelance.   I pa’n pas dan nou latet pou fer koumsa akoz normalman ti sipoze annan part time celebrant, enkli sa bann travayer pou zot kapab al fer maryaz pou kapab ganny 50poursan.  Sa marriage fee – ok ?  Akoz si nou pou fer freelance nou pou bezwen – i vin en sistenm outsource, parey Onorab in propoze pou si an ka nou oule outsource sa maryaz.  Ok?

Lo size kan ti pou vin an aplikasyon i vre ki nou’n fer bokou meeting avek sa bann staff.  Nou ti sipoze konmanse depi an Avril, zot ti okouran.  Nou’n pouse e nou’n dir an Zen.  Zot,  zot in demann nou an Out. Nou’n dir non nou pa kapab an Out.  Nou a fer an Zen menm.  E i vre Finans osi i okouran, e i demande kan nou pou kolekte reveni, akoz reveni pa antre.  Akoz nou pa pe fer.  So nou ti deside pou fer li le 01 Zen.  Konsernan le 01 Out ler ti fer meeting avek bann – konsernan le 01 Novanm meeting ti ganny fer avek ban DMCs.  Zot ti met devan nou konmkwa i annan bann booking maryaz ki’n fini ganny fer, e zot in fini donn en pri e sa i pou afekte sa Lendistri an vi, ki zot in donn en pri  zot bann  kliyan.  Alors ki konsiderasyon i kapab ganny pran.  Se pou la rezon ki nou’n pran an konsiderasyon ansanm ek Finns ki sa pri ki zot pe peye la konmela, i a peye ziska le 01 Novanm.  Apre le 01 Novanm zot pou peye la i a peye ziska le 01 Novanm apre le 01 Novanm zot pou pey sa nouvo fee ki sipoze antre an aplikasyon.  Mersi Mr Speaker.

 

MR SPEAKER

Mersi Minis.  Onorab William.

 

HON WAVEN WILLIAM

Mr Speaker zisteman Minis. Sa bann travayer ti pe demande ki sa 50poursan i ganny aplike an Novanm, par lefe ki ti  pou annan sa sanzman dan pri pa ti pou tro afekte zot.  Lefe ki Minis taler in koz lo de – partazman gato, akoz ki nou pe vwar la ki sa gato pe arase avek sa bann travayer akoz si ti’n ganny pouse pou Novanm i ti reste parey sa 50poursan.  E Minis parey mon’n dir lefe ki mon pe vwar en trend konmsi, ou a krwar poudir nou bann travayer Seselwa, i annan serten landrwa kot ou a krwar zot pe pas pou 2enm class.  I annan bann etranze ki pe kapab negosye zot Kontra i ganny extend, me la ou pe vwar poudir dan sa konteks la, nou pa pe pran konsiderasyon pou sa bann Seselwa.  Parey mon dir se ki i ti bann demann genuine, kot ti dir ok be pous sa pou Novanm, me mwan mon ava demande akoz ti pou annan plis dimoun ki ti pou ale.  E mon kontan ki Minis ou Minister in kapab koz avek serten pou reste.  Me i annan lezot Departman ankor ki zot pe sant menm parey.  Alors Minis mon  ti ava demann ou e fer en lapel vreman senser letan ou PS i revwar sa bann dimoun, ki zot vreman kapab annan en bon lantant ki – enn, nou pa perdi sa bann dimoun eksperyanse e profesyonnel.

Parey ou’n fer ou prezantasyon dan Bidze pou dir nou pa kapab les sa bann dimoun perdi nou bezwen gard zot.  E pou zot prepar la relev.  Mersi bokou Mr Speaker.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Onorab, ou konnen ki kantite negosye nou’n negosye ek sa bann travayer.  Depi lannen pase !  Mon’n al lager pou zot ganny en very good Scheme.  Nou’n lager nou’n dir zot a konmans Zanvye. Zot in dir pouse ziska Avril.  Nou’n pouse ziska Avril.  Zot dir anvoye ziska Out.  Nou dir be pa pou kapab anvoye ankor ziska Out, nou ava bezwen konmanse an Zen.  E pou la rezon zot ti annan propozisyon osi sa marriage fee ki zot pa ti aksepte sa 50/50.  Mon’n bezwen convince zot be pran 50 ou pa kapab pran tou !  Zot ti le pli bokou.  Mon dir be lanmwatye pou ou lanmwatye pou Gouvernman!  Tousala nou ti bezwen negosye avek zot.  Mon pa krwar nou’n zis les zot ale koumsa menm.

I annan, parey ou’n dir la i annan pres 1an nou pe koz ek zot.  1an nou pe travay avek zot e 1an zot konnen poudir sa pe vini.  I vre parey ou dir PS ler i ava vwar zot i a fer exit interview i a met tousala devan zot i a koz ek zot enn par enn e nou a regarde ki  what’s the way forward.   Selman nou’n koze ek zot Onorab.  Pou koze nou’n koze.  Mersi.

 

MR SPEAKER

Mersi Minis.  Dernyen kestyon vitman Onorab William.

 

HON WAVEN WILLIAM

Minis, mon oule ganny en garanti avek ou Minis.  Lefe ki parey mon dir lefe ki sa let malgre in ganny copied to DPA me ou Minister pa ankor aprouve.  So mon santi poudir i annan leeway pou kapab annan en negosyasyon ki sorti pozitiv.  Alor mon ti ava demann ou Minis, pou konsidere silvouple?   Mersi.

 

MR SPEAKER

Mersi Onorab.  Minis.

 

MINISTER MYRIAM TELEMAQUE

Mersi Mr Speaker.  Mr Speaker enn dan sa bann zofisye ki’n tender son resignation, i annan en PSE contract.  Mon krwar sa i pou bezwen negosye avek DPA akoz in fini kopi son let kot DPA e nou tou nou konnen poudir DPA ki okip bann Kontra bann dimoun ki travay dan Gouvernman.

E sa 2 lezot ler PS ava fer son – i a ganny sa meeting avek zot i a fer son evalyasyon, apre i a soumet kot mon biro nou a regarde Mr Speaker.  Selman Mr Speaker mon krwar nou bezwen fer sorti en pti keksoz  –  en pti – akoz mon krwar nou’n fer ase nou!  Mon pa pou krwar nou pou blanm nou lekor, pou dir akoz sa bann travayer in ale.  Parey ou dir wi nou negosye pou lezot dimoun.  I annan pres 1an e mwan mon’n koz avek – zot in anmenn nou osi kot Linyon, mon’n koz  ek Linyon mon’n eksplik Linyon.  Zot in anmenn nou ankor kot serten Onorab ki la ozordi i prezan dan Lasanble.  Mon’n eksplik li nou ka ki mannyer nou santi.  Ki zot pe demande.  Be selman en ler ou pa pou kapab demann tro bokou!  Ou bezwen donn en pe Gouvernman!  Ou konpran mwan?  Sa osi fodre ou fer resorti avek zot.  Zot pou bezwen konmsi konnen ki zot pe vin fer.  Akoz Lalwa i la nou bezwen met Lalwa an aplikasyon.  Mersi Mr Speaker.

 

MR SPEAKER

Mersi Minis.   Bon avek sa Minis nou ava remersye ou pou vin reponn sa PNQ avek sa lot Kestyon Irzan.  Nou ava remersye ou e eskiz ou dan Lasanble.  Ansanm nou ava remersi Mr Michel Elizabeth, Mr Volcere PS e Mr Michel Marie.  Mersi e nou ava eskiz zot.

 

MINISTER MYRIAM TELEMAQUE

Mersi Mr Speaker.

 

(MINISTER MYRIAM TELEMAQUE AND HER DELEGATION WAS EXCUSED FROM THE HOUSE)

 

MR SPEAKER

Bon nou pa pou kontinyen avek Mosyon.  Mon’n ganny sans  sinyal tou le de Leaders. Nou pou kontinyen avek sa Mosyon demen bomaten.  Mon annan 3 Manm ki lo lalis ki pou entervenir avan mon  donn la parol Onorab De Commarmond pou li fer son konklizyon.  So Lasanble pou aret son travay la ozordi.  Nou adjourn e nou repran demen bomaten 9er.

 

(ADJOURNMENT)