::
Home » Verbatim » 2019 » Verbatim Tuesday 14th May, 2019

Verbatim Tuesday 14th May, 2019

NATIONAL ASSEMBLY OF SEYCHELLES

Tuesday 14th May, 2019

 The Assembly met at 9am

 National Anthem

 Moment of Reflection

 Mr Deputy Speaker in the Chair

 

 

MR DEPUTY SPEAKER

Bonzour tou bann Manm Onorab. Bonzour tou bann Onorab.  Bonzour nou bann envite ki dan Gallery.  Bonzour tou dimoun ki pe ekout nou lo radyo, televizyon oubyen lo rezo sosyal.  En bonzour spesyal pou nou bann Manm Preserve Seychelles Group, ki’n vizit nou ozordi dan Lasanble Nasyonal, byenveni.

Bon, i en plezir pou mon dan Chair bomaten koman Speaker Lasanble Nasyonal pou nou premye sitting pou dezyenm term 2019.  Parey zot konnen Lasanble Nasyonal in dan Recess pandan 3 semenn, me malgre ki nou’n dan Recess 3 semenn parey zot konnen tou bann Manm pe travay.

Lasanble Nasyonal i en Lenstitisyon ki pe bouze e zis pou lenformasyon manm piblik i annan byensir tou bann Manm ki pe travay dan zot distrik, ki pe fer zot travay konman en Manm Lasanble, e ki osi zot ti pe partisip dan bann travay Komite.

E bann Komite ki’n zwenn pandan recess i annan Bills Committee ki’n zwenn dan omwen 2 repriz.  Standing Orders Committee ki’n osi zwenn mon krwar pandan en sesyon omwen e ki in preski pare avek en rapor ki fer revizyon lo Standing Orders Lasanble Nasyonal.  E byensir Standing Orders se sa ki gid tou prosedir dan Lasanble. E mon asire Onorab Georges ki Chairman byento ava prezant nou avek en papye e answit en Bill.

Media Committee li osi in tre aktiv.   Le 30 Avril zot ti fer zot rankont ki zot abitye fer avek bann zournalis.  E le 3 Me zot ti annan en deba.  Le 3 Me i World Press Freedom Day e se sa zour kot zot ti zwenn avek bann zournalis, e zot ti diskit rol Medya sirtou dan eleksyon.  Komite COGA li osi in zwenn pandan sa letan.  E annefe zot in al Botswana pou en Misyon travay ant le 22 e le 27 Avril.  E ti osi annan  bann  – en renyon omwen Komite IAC.

Zis pou lenformasyon Speaker Lasanble Nasyonal Onorab Prea i absan ozordi parski li osi i lo en Misyon travay kot i pe reprezant Lasanble lo Executive Committee SADC PF.  E sa i depi le 9 Me ziska le 16 Me.  Alor i pou retournen Zedi sa semenn.

Alor vwala en pti pe travay ki’n ganny fer pandan sa letan.  E ozordi zis pou azoute osi Anti – Viktimizasyon osi in en komite ki’n zwenn pandan sa letan.  Onorab Andre in zis lev son lanmen pou remind mwan.  Zot osi zot pe travay.  Alor sa se en pti pe en rezimen lo travay komite.

Bomaten lo nou Order Paper nou pou annan prezantasyon bann papye e devan mwan i annan  7 S.I ki dan en pti moman mon a demann Madanm Clerk pou fer en reading.  Answit nou pou annan kestyon ki pou ganny reponn par Minis pou Finans, Komers, Lenvestisman, e Planifikasyon Ekonomik Mr Maurice Loustau-Lalanne. – Anbasader Maurice Loustau-Lalanne.  E i annan 8 kestyon.

Sa 8 kestyon pou ganny swiv par en Kestyon Dirzans ki’n ganny poze par Onorab Henrie ankor Minis Finans, e mon’n permet sa Kestyon Irzan ganny prezante parski mon  krwar i en kestyon ki konsern piblik an zeneral e Minis i dan Lasanble e in ganny letan pou li prepare pou sa kestyon.

Swivan sa bann kestyon nou pou annan en PNQ ki Onorab Leader Lopozisyon pou prezante e kestyon i pou Vis–Prezidan ki Minis pou Zafer Etranzer, Lekonomi Ble, ICT, Lenformasyon e Lendistri e Devlopman Lantreprenarya.  Swivan sa bann kestyon nou pou al direkteman lo Second Reading, pou annan 2 Bill e nou pou annan en update.

Me zis avan, zis avan nou al lo Public Reading, mon pe zis enform Lasanble ki mon’n ganny en Manm Lasanble ki’n apros mwan e ki’n demann mon pou li raise en matter of privilege.

E anba Standing Orders 24 (2) i donn lord bann matters ki kapab ganny met lo Order Paper e en matter of privilege ki’n ganny aprouve par Speaker i kapab ganny raise apre sa PNQ.  Alor mon pou permet sa Manm fer li apre PNQ.

Answit finalman nou pou annan bann Mosyon.  E i annan 2 Mosyon, 2 Mosyon ki’n ganny souleve.  I annan 2 Mosyon ki’n ganny mete devan nou.  Sa 2 Mosyon i par 2 Onorab W.W. Onorab Waven William e Onorab Wavel Woodcock.  E sa mon espere enn   probableman i a kapab pas ozordi.  Si i annan letan dapre travay mannyer i ale, Onorab Woodcock i a kapab prezant son Mosyon demen.

Mon ti a kontan zis fer mansyon, mon pa konnen ki mannyer sa in sap mwan lo mon lalis,  mon ti  a kontan osi felisit travay ki 2 Manm Lasanble ki zot in fer.  E sa travay se aletranze ; Onorab Leader Lopozisyon Onorab Ramkalawan e Onorab Egbert Aglae, ki’n partisip  dan SADC PF kot ti annan en meeting pou bann Chairman bann Komite sa Lorganizasyon.

E sa Komite i apel Regional Parliamentary Model Laws Oversight Komite.  I en nouvo Komite.

E vreman son travay se pou regard bann Model Law e pou fer sir ki zot fer en travay ki montre ki mannyer sak pei i kapab adapte son bann Lalwa.  Zot apel sa en prosesis domestication ki zot Lalwa i an konformite avek en standar ki’n ganny agree dan SADC PF. E i vreman, i vreman en plezir pou mon anonse ki Onorab Ramkalawan ti ganny elekte konman premye Chairman sa Komite.

Alor vreman nou kapab dir ou en Chairman bann Chairman Onorab Ramkalawan.  E mon felisit ou.  Ou fer Sesel fyer.  Ou fer Lasanble Nasyonal fyer.  E avek sa, avek sa mon ti a kontan kontinyen avek nou travay lo Order Paper e mon ti a demann Madanm Clerk pou fer  prezantasyon bann Papye.

 

MADAM CLERK

Mersi bokou Mr Speaker.  Bonzour Mr Speaker.  Bonzour tou  Manm Onorab, tou dimoun ki a lekout e osi bann envite dan galeri.  Parey Mr Speaker in dir lo papye sa semenn nou annan 7 S.I.  E dan lord parey in ganny table mon ava lir ;

S.I. 21 of 2019  Immigration (Amendment) Regulations, 2019.

S.I. 22 of 2019  Amirantes (Marine) to Fortune Bank (Marine) Area of Outstanding Natural Beauty (Designation) Order, 2019.

S.I.23 of 2019 Aldabra Group (Marine) National Park (Designation) Order, 2019        .

S.I.24 of 2019 Income and Non-Monetary Benefits Tax (Amendment of First Schedule) Regulations, 2019.

S.I.25 of 2019 Revenue    Administration (Country-by-Country Reporting Multinational Enterprise Groups) Regulations, 2019.

S.I. 26 of 2019  Financial Institutions (Credit Classification and Provisioning) (Amendment) Regulations, 2019.  E finalman,

S.I. 27 of 2019 i        Access to Information (Term of office, Salary and Allowances of Chief Information Commissioner, Information Commissioner and Chief Executive Officer) Regulations, 2019.

 

MR DEPUTY SPEAKER

Mersi Madam Clerk.   E avek sa nou pou kontinyen avek travay e kestyon for Oral Answer.  Alor mon pou envit – mon ti a demann Parliamentary Reporter pou silvouple apel Minis pou Finans, Komers, Lenvestisman e Planifikasyon Ekonomik, pou li reponn bann kestyon.  Dapre lenformasyon ki mon annan i pou ganny akonpannyen par Sekreter Leta Mr Patrick Payet,  Sekreter Prensipal pou Finans Mr Damian Thesee e  Konseye Spesyal pou Minis manmzel Sitna Cesar.

Bann kestyon ki pou ganny demande pou ganny demande par Onorab Regina Esparon ki malerezman i pa dan pei an se moman, e zis pou mansyonnen osi ki mon pa’n mansyonn sennla me zot Onorab Gill, Onorab Esparon e Onorab Lemiel zot pe pran par dan 2enm Sesyon Ordiner Pan African Parliament ki pe pran plas ant le 2 ek 17 Me.  E alor zot osi zot pou retournen sa semenn.  Me lo Order Paper nou annan  kestyon par Onorab Esparon ki pou ganny demande par Onorab Ramkalawan.

Answit pou annan en kestyon par Onorab Egbert Aglae.  Me sa de kestyon ki pou ganny demande par Onorab Churchill Gill, mon a permet li ganny demande apre ki Onorab Aglae in demann kestyon No.5, pou la senp rezon ki i pou annan serten son bann constituents ki pe vini dan Lasanble ozordi.  E nou konnen zot sorti Praslin Baie St Anne.  E zot pou ariv isi ver 10er alor i a permet ki ler ou pe demann sa kestyon zot,  zot a ganny sa privilez vwar ou pe demann kestyon live ler zot la.  Alor nou pe fer sa.

Answit Onorab Henrie i annan 3 kestyon e en Kestyon Dirzans.  E avek sa nou ava al direk lo kestyon e mon ti a demann Onorab Ramkalawan lo lapar Onorab Regina Esparon pou poz son kestyon avek Minis Finans.  Me zis avan les mon swet labyenveni dan Lasanble Minis Loustau-Lalanne.  Byenveni avek ou delegasyon Mr Patrick Payet Secretary of State, Mr Thesee Principal Secretary e manmzel Sitna Cesar konman Konseye Spesyal Minis.  Onorab Ramkalawan ou annan laparol.

 

HON WAVEL RAMKALAWAN

Mersi Mr Speaker.  Bonzour Mr Speaker.  Bonzour tou bann Manm Onorab, Minis ek son delegasyon e bonzour osi tou bann Manm Preserve Seychelles.  Mon kontan ki finalman zot in ganny zot papye lanrezistreman pou zot kapab azir konman en Lasosyasyon tre enportan dan nou sosyete.

Mr Speaker avan mon demann kestyon mon ti ava kontan osi remersye ou pou ou parol felisitasyon lo mon eleksyon.  E mon profite an menm tan osi pou remersye Onorab Egbert Aglae pou son sipor pandan sa meeting ki nou’n fer lo SADC PF.  Mr Speaker lo lapar Onorab Esparon Manm elekte pou Glacis mon ti ava kontan demann Minis si i kapab eksplik sa Lasanble akoz ki plan pou redwir tax lo propriyete rezidansyel prive ki lwe pe ganny retarde, sirtou a en moman kot i annan en kriz lakaz dan pei e en tel rediksyon ti pou ede  dan redwir kou lavi?  Mersi bokou.

 

MR DEPUTY SPEAKER

Mersi Onorab Ramkalawan.  Minis Lalanne.

 

MINISTER MAURICE LOUSTAU-LALANNE

Mersi Mr Speaker.  Mr Speaker Onorab Leader Lopozisyon, Onorab Leader Zafer Gouvernman, tou bann Onorab, manm piblik a lekout, bonzour.  Mr Speaker lentansyon Gouvernman inisyalman sete pou enplimant rediksyon tax lo propriyete rezidansyel, parey i ti anonse dan Ladres Bidze 2018, pou sorti 15poursan pou vin 3poursan.

Par kont dan Ladres Bidze 2019, si nou a rapel byen mon ti fer resorti ki sa rediksyon enkli bann lezot lamannman dan business tax pou ganny prolonze, an vi ki Gouvernman i  annan lentansyon an 2020 pou redwir to business tax.

Nou ti osi anonse ki Gouvernman pou antreprann en seri diskisyon avek Kominote Biznes.  Alor Mr Speaker pou zis met Lasanble azour sa bann seri diskisyon pou konmans ganny fer apartir Zilyet sa lannen.  Nou pou  ganny asiste avek Lorganizasyon pou korperasyon e devlopman ekonomik OECD, pou fer sa revi dan nou rezim business tax.   Le bi Mr speaker se pou fer ki no ganny en apersi pli aprofondi lo nou rezim buisness tax e vwar posibilite entrodwir en rezim pli senplifye, ki osi konsider tou klima lenvestisman.  Natirelman se pou osi depan lo nou kapasite pou abzorb en rediksyon.  Se sa revi alors aprofon ki pou rekomann en plan d’action ki pou enkli revi lo tax, lo propriyete rezidansyel.

Mr Speaker nou selman swete ki okenn rediksyon i ganny pase lo bann lwaye ki anfen sa benefis si i al anver lentansyon sa revi dan tax, an vi ki nou konnen an zeneral bann rediksyon dan tax pa vreman al tou kou dan benefis konsonmater.  Mersi Mr Speaker.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mr Speaker i annan en keksoz la ki mon ti a kontan Minis  i eksplik nou byen, akoz souvandfwa se lo sa kote planifikasyon e donn lespwar dimoun en pe dan vid.  Eski Minis i kapab dir avek nou ki letan zot ti deside, pou zot fer sa lanons dan Bidze an 2018, eski i pe konfirmen ki poudir Gouvernman o fet pa ti’n fer okenn gran analiz, pou zot konnen ki lenpak en tel rediksyon ti pou annan lo reveni ki Gouvernman pou annan?  E ki zot in  zis fer sa konman en lanons ki pou parey lanmizik dan zorey dimoun me ki an realite zot pa ti ankor pare pou zot fer sa ?

E dezyenmman letan Minis pe dir ki se la aprezan ki zot pou al konman diskit avek kominote biznes eski ankor en fwa i ape konfirmen ki ofet parey SCCI in fer bokou konplent lo sa  bann dernyen lanons, ki poudir napa gran diskisyon e kominikasyon ki annan ant Gouvernman avek SCCI? Me ki souvandfwa i en sityasyon kot se saret ki devan bef!  Mersi bokou.

 

MR DEPUTY SPEAKER

Mersi Onorab.  Minis Finans.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pou ou kestyon.  Onorab an sa ki konsern propriyete rezidansyel ; i annan en travay ki ti’n ganny fer prealab.  E osi in annan plizyer diskisyon e dernyen diskisyon ki ti annan ti an zilyet 2018 kan nou ti pe fer nou konsiltasyon avek bann business sector.

E zot osi ankor zot ti fer souleve sa kestyon.  So nou konnen konbyen reveni ozordi sa 15poursan pe anmennen dan Bidze.  E letan nou pou redwir li a 3poursan, nou konnen ki son lenpak.  E konbyen reveni nou pou perdi.  Me nou ti deside parey mon’n eksplike ki i preferab ki nou regard tou bann tax, pou nou senplifye nou striktir, nou sistenm tax e an menm tan fer en analiz ki permet nou en fwa pour tou konpran tou bann eleman akoz nou annan tro bokou tax, diferan tax ki konplik sistenm koleksyon.  So  mon pa krwar ki i strikteman korek letan nou dir ki nou pa konsilte, i pa le ka ditou.

O kontrer nou konsilte.  Kekfwa par lepase nou’n tanzantan pous en deadline.  Letan nou dir nou pou enplimant en keksoz en tel dat apre nou vwar ki nou repous sa date lenplimantasyon.  E se sa ki biznes, Kominote Biznes ozordi i santi kekfwa, be tou fason kantmenm nou’n anons la zot pou pous sa date enplimantasyon pli tar e bann preparasyon neseser ki bezwen ganny fer avan sa dat kot i aplike pa neseserman ganny fer korekteman, e se sa ki kree si ou le sa mank korperasyon, sa fristrasyon ki mon santi kekfwa ozordi i pe egziste.  Mersi Mr Speaker.

 

MR DEPUTY SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mr Speaker dan sa ka eski Minis i kapab dir avek nou dapre zot kalkil, konbyen reveni an mwens ki Gouvernman pou ranmase letan  sa tax i vin 3poursan?  E eski Minis pe konfirmen ki poudir sa plan pou fer desann tax lo rezidans prive i pou desann sorti 15poursan pou vin 3poursan?   Oubyen eski  a ler aktyel i pa kapab konfirm sa, parski i pe esper en diskisyon  avek bann lezot Lorganizasyon? Konfirmen si wi pou annan – si non pou napa e konbyen?  Mersi Bokou.

 

MR DEPUTY SPEAKER

Mersi Onorab Ramkalawan.  Minister Finans.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab lakantite tax ki nou’n anmase depi 2013 in sorti 26milyon, pou li ariv an 2018 – 69milyon.  E Bidze 2019 nou dernyen estimasyon nou reveni total ki nou pou ranmase, e sa pou en revi ki nou’n fer an Mars 2019 i montre 62 milyon.  E si nou aplik en rediksyon 3poursan – (sorry sa rediksyon sorti 15 pou ariv 3poursan nou Bidze i montre ki nou pou anmas 32milyon an 2020.  Donk vwala si ou le nou pou perdi R30milyon si nou aplik 3poursan.

Me parey mon’n dir sa revi ki nou pou fer ansanm avek sa bann eksper OECD ki pou fer an Zilyet apartir Zilyet, dan mwan Septanm ou pli tar konmansman Oktob nou ava konnen ki  poursantaz tax lo propriyete rezidansyel nou pou mete.  So i kapab 3, i kapab 4, i kapab 5.  Mon pa pou konnen ziska tan dan konmansman mwan Oktob sa lannen.  Mersi Mr Speaker.

 

MR DEPUTY SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Bonzour Minis ek ou delegasyon.  Bonzour tou Manm e osi bann dimoun dan galeri.  Minis dan diskisyon ki zot  pe – ki ou anvizaze fer lo la, eski zot pou osi pran kont ki ler zot in desid lo sa poursantaz ki bann dimoun ki sipoze benefisye avek, zot pou osi annan  en mekanizm pou asire ki sa ki sipoze benefisye avek i benefisye?

 

MR DEPUTY SPEAKER

Mersi Onorab Gill.  Minis Finans.

 

MINISTER MAURICE LOUSTAU-LALANNE

Mersi Mr Speaker.  Onorab parey mon’n dir dan mon larepons, mon swete ki sa rediksyon ki pou annan ki apre li osi i ganny pase a konsonmater.  Akoz saler i annan en kestyon lo lenflasyon li osi i zwe en rol.  Sa ki nou pe diskite la.  So pou mwan i trez enportan ki letan Gouvernman i  fer en zefor pou redwir tax ki son lefe osi i ganny pase.  Me ki mekanizm nou met an plas, sa i sa challenge.  So zis nou kapab swete ki efektivman  sa i ganny fer dan sa kiltir biznes ki nou anvi annan dan nou lekonomi Sesel.  Mersi Mr Speaker.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Bonzour tou dimoun.  Bonzour Minis.  Bonzour tou Manm Onorab.  Mr Speaker mon ti a kontan demann Minis pou klarifye.  Nou annan en sityasyon Sesel kot ou annan plizyer bann gro gro Konpannyen ki pe fer bann plizyer gro gro blok flat kot zot pe met zot bann travayer.  Mon ti a kontan ki Minis i klarifye pou ki eski ler zot pe met sa bann travayer sa bann Konpannyen pa pe servi sa as a means pou avoid pey tax kan zot pe claim petet en expense dan rental pou sa bann travayer ki zot pe fer? Akoz i annan bann sirkonstans.

E prezan following kestyon ki Onorab Gill in demande, eski prezan nou pou vwar en sityasyon  kot aktyelman par egzanp ou annan ou en dimoun ki li in travay in konstrir en pti lakaz obor kot li e i pe lwe li dizon R8mil, e i pe ganny sarze 15poursan.  E apre ou annan Konpannyen oubyen endividi ki pe fer plizyer building ki i pe lwe.  E prezan li osi i pe fer en gran reveni e la ler ou pe fer desann sa tax sa benefis i sipoze al pou sa enn ki li in struggle.  Ki mannyer zot pe fer en distenksyon dan sa ki egziste ozordi dan sa domenn an se ki konsern bann taxation pou sa bann propriyete?  Mersi.

 

MR DEPUTY SPEAKER

Mersi Onorab.  Minis Finans.

 

MINISTER MAURICE LOUSTAU-LALANNE

Wi mersi Mr Speaker.  Mersi Onorab pou ou kestyon.  Wi mon krwar i en senaryo enteresan.  Parey ou konnen osi IOT par egzanp i pe lwe en kantite lakaz pou son travayer e ozordi i pe envestir 6milyon ero pou li kree en landrwa kot tou son travayer pou reste.  E sa osi dan son plan biznes fotespere ki son kou, ki ozordi pe al pou lwe rezidansyel.  Letan ou dan en sel landrwa i annan bann kou ki ava desann. E fotespere son kou loperasyon i a reflekte sa la bes.  E nou ekspekte ki sa biznes prezan i ava fer pli byen ankor e pey son tax parey i sipoze peye.  

So kot nou kapab fer lekonomi i annan fason ki son tax apre i pran son reveni korekteman.  Me ou annan rezon SRC li i annan son sistenm kot sa bann lakonpannyen pou claim sa koman en expense.  Me i annan son kriter ki i servi pou assess sa reveni e sa se li ki ava deside en fwa ki sa Konpannyen in soumet son assessment.  Mersi Mr Speaker.

 

MR DEPUTY SPEAKER

Onorab Pillay.

 

HON SEBASTIEN PILLAY

Mersi Mr Speaker.  Mr Speaker be mwan mon konsernen par lefe ki nou annan en sityasyon Sesel kot kantmenm Gouvernman, i fer desann oubyen retir tax lo en eleman kan nou  ekspekte sa benefis ganny pase ek konsonmater i pa ganny pase ek konsonmater.  E prezan ou annan en lot sirkonstans kot ou annan bann dimoun ki pli pti, e zot zot bear si oule, e zot zot pli conform avek tou bann regilasyon.  E zot ki pey plis.  E apre ou annan bann endividi ki pli gran.  Par egzanp annou être kler.  I annan bann gran konpannyen Konstriksyon ki’n konstrir plizyer bann gro blok flat.  Eski zot pe fer servi sa as bann allowable deduction lo zot bann peyman tax ki zot sipoze pe fer ?  E ler ou pou fer desann sa 3poursan eski ankor pa pe donn zot en benefis avantaze, ki zot pou annan ki zot kontinyen benefisye e ki bann ki pli pti pa pou zanmen kapab grosi?

So ki kalite travay SRC pe fer pou si oule met serten ekleraz dan sa brouyaz ki egziste pou asire ki sa ki nou oule i benefisye avek sa, akoz mon santi kestyon Onorab Churchill Gill i pa’n ganny byen reponn,  i vreman benefisye e sa ki i pe servi sa as en means pou zot benefisye or avantaze, nou fer sir poudir nou tyonbo zot kot zot pe servi sa bann keksoz pou zot kapab ganny plis larzan?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Onorab.  Onorab mwan mon krwar ki ozordi dan Lalwa Tax i ava kouver sa lenkyetid ki ou pe mansyonnen.  En Konpannyen Konstriksyon i pou bezwen si i pou fer sa i pou bezwen kree en lot Konpannyen pou son aktivite biznes rezidansyel.  Ou vwar.  E prezan sa Lalwa Tax i ava tackle li atraver sa lot Konpannyen.  So sa i enportan pou mansyonnen deswit.  Be les mon a donn ou en lot legzanp.  Annou servi legzanp Seybrew.  Seybrew i annan serten son prodwi i pa’n fer monte.   In met en lanons, in met son bann pri, e nou konnen ki i annan konsonmater letan i al aste sa prodwi ki pa’n monte, sa prodwi in fini monte.

Akoz li osi sa biznes i pe profit dan sa sityasyon.  So i bezwen annan en mekanizm ki vin tackle sa problenm.  Akoz sa osi pa korek e se pour kwa ki nou dir zot i enportan ki zot pibliy zot bann pri. E zot pa kontan.  Sa bann biznes pa kontan letan sa bann biznes koumsa i fer sa bann piblisite neseser.  E nou bezwen kontinyen kominike bann lenformasyon ki korek, pou donn nou konsonmater bokou plis eleman pou li osi fer sir i pe pey en prodwi a son pri normal.  Pa profit dan bann sityasyon koumsa.  Mersi Mr Speaker.

 

MR DEPUTY SPEAKER

Mersi Minis.  Mon pa oule prolonz deba ki pe sorti en pti pe lo kestyon pou al en pti pe dan Polisi tax lo – e ki mannyer rediksyon pou okenn rediksyon tax pou annan en lenpak lo lenflasyon e sirtou kot i konsern sa.  Mon krwar Minis in donn ase detay.  Me zis pou adres en pti pe sa konsern ki mwan mon ti annan en kestyon ki mon ti a kontan poz avek Minis.  Eski sa konsern ki’n ganny leve par Onorab Pillay pa ganny adrese par lefe ki, menm si sa lakonpannyen Konstriksyon i nepli lwe lakaz me i fer pou li, ler i pe fer son income tax return tou le mwan, i bezwen dir poudir i pe donn en benefis sa travayer accommodation.  I bezwen met en valer lo la.  E akoz sa valer ki i mete lo la i pey 20poursan e alor i rekiper sa menm larzan ki Onorab Pillay pe dir i pou perdi.  Eski sa i korek ?

 

MINISTER MAURICE LOUSTAU-LALANNE

Mr Speaker, letan ou ti pe koze mon ti pe get ou mwan.  So mon pa’n sezi, ou kapab repete silvouple?

 

MR DEPUTY SPEAKER

Byensir.  Sa ki mon ti pe dir se sa konsern ki’n ganny adrese par Onorab Pillay sete ki lefe ki sa bann lakonpannyen pou nepli lwe lakaz avek dimoun, parski zot konstri zot prop lakaz akomodasyon pou zot travayer.  E alor sa tax ki ti pou ganny anmase zot pa pou anmas an deor, me li i pou claim prezan en serten expense.  Me selman ki mon pe dir se ki ler i pe fer son income tax return pou son travayer, lefe ki i pe donn en benefis son travayer ki akomodasyon, i pou bezwen pey 20poursan la valer rezonnab ki li i pe mete lo sa valer akomodasyon konman en tax.  Alor sa tax ki ou’n perdi an deor ou rekiper li atraver income tax.  Pa business tax –  lo travayer ki sa Lakonpannyen i soumet avek ou tou le mwan.  Alor dan en sans ou pe rekiper sa larzan.  Eski sa i korek ?

 

MINISTER MAURICE LOUSTAU-LALANNE

Wi Mr Speaker i korek.  Mersi.

 

MR DEPUTY SPEAKER

Mon a permet Onorab Terence Mondon pou demann ankor en kestyon apre mon a retourn lo ou si –

 

HON TERENCE MONDON

Mersi Mr Speaker.  Mon oule demann Minis anvi ki dan menm laliny i annan sa immovable property tax ki zot dir zot ti pou enplimante apartir Avril sa lannen, sa 0.25 poursan lo bann foreign owned-properties.  Si i kapab donn nou en kont randi eski sa tax osi pe ganny enplimante parey zot in dir dan zot Statement Bidze pou 2019?  Mersi.

 

MR DEPUTY SPEAKER

Mersi Onorab Mondon.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pou sa kestyon. Mon’n bezwen konsilte avek mon delegasyon avan mon reponn ou kestyon.  Wi nou parey ou konnen sa Lalwa i an de parti.  Premye parti nou donn sa propriyeter en peryod letan 6 mwan pou li fer prosedir pou evalye, deklare valer son propriyete apre pou nou met sa tax aplikab lo la.  E donk pou Bidze nou pou konmans vwar peyman dan mwan Oktob 2019.

Kekfwa menm en pti pe pli tar, me se la ki sa bann reveni pou konmans antre.  So mon re konfirmen ki lenplimantasyon sa property tax pou ganny fer an 2019.  Pou annan en  peryod letan kot zot pou bezwen fer prosedir zot deklarasyon eksetera.  Apre nou nou bezwen konfirmen e peyman pou ganny fer en pe pli tar an konmansman Oktob an montan.  Mersi Mr Speaker.

 

MR DEPUTY SPEAKER

Mersi Minis.  Dernyen kestyon apre nou pou move on.  Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon’n apresye sa ki ou’n dir mon regarding pou nou reste on track ek kestyon.  Me i annan en eleman dan kestyon orizinal ki enportan pou nou sezi.  De eleman annefe.  Premye eleman se ki nou oule ki sa tax i ganny entrodwir dan en dele letan rezonnab ki a permet sa bes dan pri rental pou ki dimoun ava kapab ganny akse ek sa bann landrwa.

Me sa ki nou le e sa ki sa i souleve i soulev en pwen ki malgre sa ki ou’n dir Mr Speaker mon  ti a kontan ki Minis prezan i klarifye.  Sa bann gro Konpannyen zot pa pe zis fer lakaz pou lwe avek zot travayer. Zot pe fer lakaz pou zot lwe avek market.  Ou konpran?  Sa ki nou, nou oule asire se ki sistenm SRC i annan an plas, pou capture sa bann larzan ki sipoze pe kolekte avek sa bann endividi akoz sa ki nou pe vwar nou pe vwar poudir i nespes parey, mon pa oule servi sa term en Wild West me konman i annan en sanzman dan tax, irespektiv en pri sipoze monte nek ou vwar li monte.  So nou le vwar en bes dan tax me ki zot pe fer prezan pou zot fer sir zot pe monitor e garanti poudir sa benefis i vin pou konsonmater e non pa sa benefis i  kontinyen al pou sa bann endividi ki zot, zot pe kontinyen benefisye?  Mersi Mr Speaker.

 

MR DEPUTY SPEAKER

Mersi Onorab.  Mon krwar en bout ladan Minis in deza reponn. I pa kapab kontrol pri deor.  In dir sa klerman.  Me lot bout lo  ki SRC pe fer pou fer sir i kolekte tax ki i devret, mon a les Minis reponn.

 

MINISTER MAURICE LOUSTAU-LALANNE

Mersi Mr Speaker e mersi Onorab.  Wi sertennman nou pou bezwen fer sir ki nou annan bann oditer ki kontinyen odit sa bann sityasyon koumsa.  E si nou konnen e si zot konnen ki i annan bann ka spesifik, mon ava demande ki zot osi fer remonte sa lenformasyon pou permet nou fer sa bann lenvestigasyon neseser pou nou fer sir ki tou dimoun i travay dan en sistenm ki legal ki korek.  Mersi Mr Speaker.

 

MR DEPUTY SPEAKER

Mersi Minis.  Dernyen kestyon.  Onorab Ramkalawan.

 

HON WAVEL RAMKALAWAN

Mr Speaker zis mon bezwen felisit Onorab Esparon pou sa tre bon kestyon parski sa ki nou’n vwar atraver larepons se konfizyon.

2018 Gouvernman i anonse 3poursan.  La aprezan i dir avek nou 2020, me i pa konnen si pou 3poursan, si pou 4poursan, si pou 5poursan.  Konmsi mon anvi dir ki mon kontan ki sa kestyon in vini, parski ankor enn fwa i montre nou en konfizyon, en uncertainty lo personn pa kapab fer en plan parski i pa konnen ki mannyer pou ete.  E  pri lavi i tonm ankor dan problenm.  Mersi bokou Minis.

 

MR DEPUTY SPEAKER

Mersi Onorab Ramkalawan.  Mon krwar nou a kontinyen.  Mon pa konnen si ou le fer en komanter lo la Minis, oubyen nou kontinyen avek lezot kestyon ?  En komanter Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab ou konpran, dan sa Minister Finans nou pe zwe avek bokou keksoz ki an mouvman toultan.  Parey ou konnen menm Bidze lo sa Bidze spesifik  ki ou pe koz lo la menm nou reveni 2019 nou remarke ki avek bann reveni ki’n antre depi Zanvye ziska Mars, i montre ki nou pou anmas en pe mwens ki nou ti’n bidzete.  So deza i annan en pti trou la.  Alor nou bezwen o fir e an mezir nou pe ale sey konpans li.  E bokou keksoz i dinamik.  I monte i desann.  So nou pa pou kapab ganny li 100poursan accurate toultan.  Mersi Mr Speaker.

 

MR DEPUTY SPEAKER

Mersi Minis.  Prosen kestyon Onorab Egbert Aglae.

 

HON EGBERT AGLAE

Mersi Mr Speaker.  Bonzour tou Manm Onorab, piblik e group Preserve Seychelles.  Minis mon kestyon i lir konm swivan:-

An vi lentrodiksyon CSR tax detrwa lannen pase, eski Minister Finans pe mazin revwar serten kriter anba sa Act pou fasilit alokasyon e retansyon porsyon sa larzan par biznesmenn, pou benefis proze kominoter e osi progranm sosyal?

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pou sa kestyon.  Mr Speaker Lalwa CSR Tax ti vin an fors le premye Zanvye 2014 e tou biznes avek en reveni anyel par lao R1milyon apar ki bann biznes ki ganny liste dan 3enm Schedule anba sa Lalwa i pey sa CSR tax lo en to 0.5poursan zot reveni.  Dezyenm Schedule anba Lalwa CSR Tax i permet bann biznes servi 0.25poursan zot reveni pou bann donasyon ouswa bann proze ki annan en laspe responsabilite sosyal ouswa kominoter.

Mr Speaker Seksyon 7 sa Lalwa, i fer provizyon pou etabli en kominote SCR ki aprouv bann proze ki kapab ganny asiste  anba sa 0.25poursan par bann biznes.  Sa komite i annan en guideline ki i servi e sa guideline i ganny trouve lo website Minister responsab pou Finans e osi SRC.

Bann sekter ki kalifye pou resevwar CSR i konm swivan :

Proteksyon e prezervasyon lanvironnman.

Ledikasyon, devlopman kominoter, spor ouswa aktivite rekreasyonnel, lasante, bezwen sosyal, devlopman artis,  kiltir ouswa craft, Prevansyon Labi Drog e Reabilitasyon.

Mr Speaker i annan bann prosedir ki’n ganny met an plas pou fer sir ki larzan ki pe ganny demande pou CSR i ganny servi pou sa lobzektif.  Par egzanp en demann pou bann aktivite kominoter dan bann distrik, i  bezwen pas atraver Minister responsab pou Devlopman Lokal.

Bann donasyon pou bann lasosyasyon sportif i bezwen pas atraver Konsey Nasyonal pou Spor.  Komite responsab pou CSR pe travay lo en rapor pou donn lenformasyon piblik lo la kantite donasyon ki’n ganny donnen pandan sa dernyen 5an.

Alor Mr Speaker en CSR guideline i deza operasyonnel.  E bann proze kominoter i osi progranm sosyal i dan sa guideline pou zot benefisye avek CSR.  Sepandan nou welcome okenn sizesyon ouswa lasistans lo sa guideline par bann Manm Onorab.  Mersi Mr Speaker.

 

MR DEPUTY SPEAKER

Mersi Minis.  Onorab Aglae.

 

HON EGBERT AGLAE

Mersi Minis pou larepons.  Minis enn bann konsern ki’n ganny leve par bann biznes ki entitled pou  kontribye CSR, se ki i paret ler i annan serten proze ki son kou i sot zot annual CSR forecast ki zot sipoze pe peye.  Me ki ou vwar par egzanp si zot kontribisyon par lannen i sipoze R1milyon me selman i annan en proze R2milyon so zot aprose parey pou fer en day care center zot vwar poudir pou fer sa …zot pa kapab gard sa larzan petet pou 2an apre zot kapab fer direkteman kontribye.  E sa i en konsern menm parey bann ki en pti pe pli ba osi.  So i en konsern ki zot pe met devan si zot ti kapab petet retenir serten sa porsyon sa larzan pou ariv lo sa nivo ki zot kapab fer sa proze?

E dezyenmman Minis pandan sa bann lentrodiksyon CSR depi 2014, konbyen larzan Gouvernman in anmase ziska maintenant?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab ou annan parfetman rezon pou fer resorti sa sityasyon.  Nou osi nou konn enn de kot bann Konpannyen in fer en donasyon bann lekipman parey lekipman medikal ki depas, kou sa lekipman, i depas valer CSR sa Konpannyen.  E zot in demande pou zot si oule mon a servi en term, carry forward sa depans ki zot in fer lo lot lannen.  Nou lenterpretasyon CSR Act i en pe diferan avek rekomandasyon pou le moman par Biro Prokirer Zeneral.  Nou,  nou santi ki dan sa Lalwa ozordi nou kapab carry forward.  Me biro Attorney Zeneral i prefere ki nou fer en lamannman spesifik.  Akoz i annan de keksoz.

Premye keksoz se sa poursantaz ki biznes i pey Gouvernman.  E apre i annan sa morso ki li i gard pou li e li i deside kote i pou donnen.  Se sa 2enm bout, sa 0.25percent ki pou li ki li i deside. La rekomandasyon Attorney Zeneral se pou fer en Lalwa spesifik ki pou dikte ki mannyer nou pou carry forward.  So  sa ki mon pe dir.  Se ki nou, nou dakor avek ou propozisyon.  Nou krwar fodre amande pou permet pou pouvwar carry forward.   E la ankor avek sa diskisyon global konplet ki nou pe fer avek OECD nou pou  fer en rekomandasyon dan sa laliny pou nou nobou permet sa legalman dan le fitir. So mon krwar i enportan ki nou fer sa akoz deplizanpli nou remarke ki bokou biznes i anvi fer kontribisyon sirtou dan sa bann sekter ki mon’n mansyonnen taler.

Alor an sa ki konsern koleksyon tax.  Parey ou konnen i ti konmans an 2013 e in sorti R44.3milyon an 2013, pou li ariv an 2018 a R106.256milyon.  Mon ava nobou donn ou si ou le tou bann detay bann diferan lannen ki mon annan  la devan mwan, me i montre ou sa logmantasyon ki nou’n gannyen.  E sa 0.25poursan an 2018 i reprezant apepre R60milyon par bann biznes.  Mersi Mr Speaker.

 

MR SPEAKER

Mersi Minis. Onorab Francois Adelaide.

 

HON FRANCOIS ADELAIDE

Mersi Mr Speaker.  Bonzour Mr Speaker.  Bonzour groupman ki pe lager pou kit Sesel prop e zoli.  E bonzour tou dimoun Baie Lazare ki pe ekoute.  Mr Speaker mwan mon anvi demann Minis sa pti kestyon,  eski i annan sonm larzan spesifik ki en groupman i devret annan lo son kont ki pa kalifye li pou li resevwar CSROk.  Eski i annan en sonm larzan ki en lakonpannyen, ouswa en groupman i annan lo son kont ki pa kalifye li pou li resevwar CSR ?  Konmsi i kapab gannyen CSR li me selman si i ariv en oter kont ki i pa kapab ganny CSR ?

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Sel keksoz ki determin la kantite larzan se son reveni.   Se 0.25poursan lo son reveni.  So se sel keksoz ki determin la kantite larzan.  Me par kont dan son guideline e dan son Act i ekskli serten or organizasyon, biznes ki pa pou kalifye pou li ganny lasistans CSR.  Sa osi i ganny mete kler dan Lalwa.  So lo amount, lo la kantite larzan sel keksoz ki determinen se sa poursantaz lo son reveni.  Donk se son reveni ki determin sa.  E Lalwa li i kler kwa sa bann Lorganizasyon ki pa pou kapab kalifye pou ganny CSR. Nou met sa Komite an plas akoz sa Komite i kapab konsidere, me sa komite in ganny gide par menm Prensip ki dan Lalwa.  Mersi Mr Speaker.

 

MR DEPUTY SPEAKER

Mersi Minis.  Onorab Hoareau.

 

HON JOHN HOAREAU

Mersi Mr Speaker.  Bonzour Mr Speaker.  Bonzour Minis ek ou delegasyon.  Minis mon ti ava kontan konnen akoz ki dan ou guidelines, bann groupman relizye ki osi annan serten ki pou annan en dimansyon sosyal ki zot travay lo la dan distrik oubyen dan rezyon, akoz ki zot, zot pa kapab ganny sa 0.25 lo lalis CSR?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi onorab.  Wi Onorab si mon’n sezi ou kestyon wi bann Lorganizasyon Relizye i ekskli.  Me solman si i pe fer en aktivite pou bann rezon sosyal, i kapab.  Ou vwar?  So se la kekfwa kot nou eksplik sa guideline pli byen.  E i menm zafer avek lezot lorganizasyon ki ekskli dan sa CSR listing.  Si  pou sa bann kategori koumsa zot kapab.  Mersi Mr Speaker.

 

MR DEPUTY SPEAKER

Klarifikasyon?  Onorab Hoareau.

 

HON JOHN HOAREAU

Wi mon ti a kontan konnen avek Minis si en ka kot en groupman in  ganny refize, si i annan okenn appeal ki kapab ganny fer?  Mersi.

 

MR DEPUTY SPEAKER

Mersi.  Minis.

 

MINISTER MAURICE LOUSTAU-LALANNE

Wi prosedir i permet.  Zot bezwen appeal kot mon biro.  Mersi Mr Speaker.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mon ti a kontan demann Minis.  Kestyon Onorab Aglae i ase spesifik.  Akoz i annan en lenpak direk avek distrik.  Nou konnen nou annan bann distrik dan sa rezyon petet ki annan bann gran, gran lotel ki ava anvi fer kontribisyon.  E Lalwa as it stands la, i pa donn sa posibilite pou ou exceed sa tax dan ki ou pe fer sa CSR contribution.  Ok?   Eski – alor mon ti ava kontan Minis ki solisyon ki Minister Finans pe propoze, par lefe ki sa bann antite i anvi fer sa kontribisyon, i anvi kontiny sa proze, me nou dan en sityasyon kot i annan de lopinyon ki’n ganny donnen.

So, ki solisyon Minister Finans pou donnen pou ki bann distrik i vwar zot dan menm sityasyon kot ou annan en Konpannyen ou antite ki anvi kontribye ver en proze me ki sa proze a sa moman ki i pou donn son CSR, i pou exceed sa kantite ki i pe donnen ; ki zot pe propoze pou fer dan sa sirkonstans prenon kont ki ou’n dir nou i annan de diferan lopinyon ?  So eski zot pou amann Lalwa pou fer ki zot armoniz s ki pe ganny dir e ki nou ava kapab move dan en direksyon kot sa bann Konpannyen ek sa bann distrik i ava benefisye avek sa ban donasyon ki zot pe fer.   E kan zot annan lentansyon fer sa bann lamannman dan Lalwa?  Mersi Mr Speaker.

 

MR DEPUTY SPEAKER

Mersi Onorab Pillay. Mon krwar premye porsyon Minis inn deza reponn, in deza dir poudir i pe propoz en amannman me i pa’n dir kan.  Petet o kapab reponn kan?  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Wi se egzakteman sa.  Mon krwar ki mannyer Lalwa i ete ozordi sa porsyon ki al kot Gouvernman nou kapab carry forward.   Sa porsyon ki biznes i donnen i pa kapab.  Sa lenterpretasyon Attorney Zeneral.  So nou bezwen modifye sa.  E nou lentansyon se propoz modifikasyon pou permet ki nou kapab carry forward.  Akoz i donn lentansyon dan ki si ou le benefis tou dimoun ki nou fer li koumsa.  Mersi Mr Speaker.

 

MR DEPUTY SPEAKER

Mersi Minis.  Vitman Onorab Valmont.  Mon krwar nou’n reponn bokou lo la me selman si ou annan en keksoz diferan.

 

HON JUDE VALMONT

Bonzour Mr Speaker.  Mersi bokou. Bonzour tou koleg Onorab, tou manm piblik ki pe swiv nou ek bann dimoun dan galeri.  Mr Speaker mon kestyon i en pti pe dan laliny ki Onorab Sebastien Pillay in proze, me selman mon ti a voudre al lo en lakonpannyen spesifik akoz mon konnen Gouvernman i anmas en kantite tax avek me selman i annan- mannyer mon konpran i annan kontrent pou li fer en kontribisyon.  E sa se Amalgamated Tobacco.  Mon konnen zot anvi fer en kontribisyon. Zot anvi vwar devlopman serten distrik parey ki dan Pointe Larue e distrik dan zanmirant.

Mon ti a kontan  Minis i dir ek mwan kwa ki pe anpes sa lakonpannyen fer – ganny permisyon pou fer sa kontribisyon e parey Onorab Pillay in dir napa okenn lamannman, ki nou kapab fer dan Lalwa si i annan si i permet pou nou osi sa distrik benefisye avek sa kontribisyon ki sa lakonpannyen pe fer, e pou note ankor mon ou le dir zot pe fer en  kontribisyon enorm tax dan Sesel?  Mersi.

 

MR DEPUTY SPEAKER

Mersi Onorab Valmont.  Mon krwar ou ti ava ed Minis si ou dir li dan ki portfey zot ti anvi ede.  Lekel lakonpannyen ki sipoze ede ki pe ganny- selman mon les Minis reponn sa.

 

MINISTER MAURICE LOUSTAU-LALANNE

Mersi Mr Speaker.  Wi Onorab mersi pou sa kestyon.  I kler ki Polisi ozordi i pa en zafer finans sa.  Ozordi Polisi i dan Minister Spor e Lasante, i pa permet ki sa lakonpannyen i kapab fer sa kontribisyon.  So mon pou bezwen vwar avek mon bann koleg Minis pou nou regard – ganny en diskisyon pou nou regarde. Me pou le moman se en Polisi ki preclude, ki sa i ganny konsidere.  Mersi Mr Speaker.

 

MR DEPUTY SPEAKER

Mersi Minis.   Onorab Valmont.

 

HON JUDE VALMONT

Mersi Mr Speaker.  Mersi Minis pou sa larepons.  Sa issue mon krwar Lasanble i rapel e i annan detrwa lannen nou pe koz lo la sa, detrwa lannen in  ganny dir i annan en Polisi ki zot pe koz lo la antre bann Minis.  Minis Finans oparavan in dir e in vin Minis Spor mon krwar i annan de ki’n vini in ganny dir oparavan Minis e mwan mon get li koumsa zis en pti sizesyon.  Bokou dimoun i dir akoz sa lakonpannyen i prodwir sigaret oubyen prodwi lalkol alor i pa kapab fer en kontribisyon.  O kontrer si nou pran sa bann larzan nou anvoy li ver tretman oubyen ver prevansyon, be mon krwar zot kapab fer en kontribisyon e i kapab ede.  Mersi.

 

MR DEPUTY SPEAKER

Mersi Onorab Valmont.  Minis si ou le fer komanter.  Non i ok?  Dan sa ka mon al  Onorab Aglae dernyen kestyon.

 

HON EGBERT AGLAE

Minis mon dernyen kestyon.  Ou’n fer resorti ki bann larelizyon ki ganny kategorize anba non qualifying sectors parey i dir promotion of religious causes andactivities.  Be si ou annan en legliz i dan en lakominote li menm li.  Si ou annan en renovasyon ki ou santi i neseser ganny fer, parey penn dan legliz ou swa serten minor repairs, eski sa pa kapab ganny konsidere akoz (1), Legliz i deservi en kominote.  E anba guideline i dir ou bann community projects i ganny aprouve anba
CSR.  Akoz ki prezan li si ou pou annan en pe reparasyon pou fer avek en batiman relizye pa kapab ganny aksepte anba la?  Mersi.

 

MR DEPUTY SPEAKER

Mersi Onorab Aglae.  Minis.

 

MINISTER MAURICE LOUSTAU-LALANNE

Wi mersi Mr Speaker.  Mersi Onorab.  Onorab mon krwar i bezwen annan en distenksyon ant–.  Nou donnen en kontribisyon bidzeter pou sa bann lorganizasyon.  Me zot pa kapab ganny CSR pou zot fer zot bann promosyon mon a met li koumsa relizye.  Me si zot le fer en aktivite ki pou tous drog par egzanp.  Sa nou kapab konsidere anba CSR.  Konmsi ou pa kapab pran CSR pou ou al fer promosyon ou prop lorganizasyon.  Sa i bezwen ganny take care atraver en diferan filyal.  Donk se sa distenksyon  ki egziste dan sa sistenm ozordi.  Mersi Mr Speaker.

 

MR DEPUTY SPEAKER

Mersi Minis.  E avek sa nou pou kontinyen avek lot kestyon e mon a demann Onorab Aglae pou poz senkyenm kestyon.  Parey nou’n dir kestyon 3 ek 4 nou pou sot li pou le moman.  Onorab Aglae kestyon 5.

 

HON EGBERT AGLAE

Mersi Mr Speaker.  Avek to lenflasyon ki’n ogmante, ki mezir Minister Finans pe pran pou adres sa sityasyon?

 

MR DEPUTY SPEAKER

Mersi Onorab.  Minis.

MINISTER MAURICE LOUSTAU-LALANNE

Mersi Mr Speaker.  Mersi Onorab pou ou kestyon.  Mr Speaker sif ofisyel pibliye par Biro Nasyonal Statistik i montre ki pou mwan Avril 2019 an mwayenn pri komodite e servis in ogmante par 2poursan, konpare ek nivo pri an Avril 2018.  Sa logmantasyon dan pri pou mwan Avril 2019 ti mwens ki an Desanm 2018, ler tou lenflasyon ti 3.4poursan.

An Avril 2018 logmantasyon anyel dan pri ti  4.2poursan.  Sa i vedir an gro ki sif ofisyel i montre ki pri komodite e servis dan Sesel in kontinyen ogmante, me nivo sa logmantasyon in redwir an Avril 2019 konpare avek Desanm 2018 e osi Avril 2018.

Mr Speaker rol Labank Santral se pou fer sir ki pri lo marse domestik i reste stab.  Reste stab pa vedir fer pri desann oubyen reste parey.  Levidans atraver lemonn i montre ki pou en lekonomi agrandi e devlope, pri komodite e servis i souvan ogmante.

Me sa ki enportan se ki sa logmantasyon i sipoze lo en nivo ki siport e ankouraz aktivite ekonomik.  Anliny avek son lobzektif prensipal, Labank Santral i kontinyelman aziste son Polisi monneter, pou fer sir ki to lenflasyon pa ogmant lo en nivo ki i konsidere konman alarman.

Mr Speaker lakoz prensipal lenflasyon nou kapab rezim li a ma fason koumsa. Lekonomi pe grandi tro vit e demann i plis ki supply pou prodwi ek servis.  Lot fakter, se pri fuel i kontinyen ogmante e sa i fer monte lezot kou i asosye avek fuel.  Stratezi alor, se pou al plis e pli vit anver lenerzi renouvlab.

Devalyasyon :  Li osi i zwe en rol akoz i pou fer kou bann komodite ki nou enporte pli ser.

Saler ki ogmante i osi ogmant disposable income konsonmater.  La nou bezwen lans bann Bond par egzanp parey nou’n fer pou sirtou bann endividi plas zot savings e evit  sa depans.

Pri lakaz ki ogmante e pri rent i en gro porsyon saler en dimoun.  Alor stratezi se ogmant stok lakaz.   En Nasyon ki konsonm bokou alor nou bezwen kontinyen sa sansibilizasyon ki labank santral pe fer pou Seselwa annan en kiltir anmas larzan.  E lezot komodite ki nou enporte i kontinyen ogmante e stratezi se pou nou rod pri komodite pli bon marse kekfwa dan  lezot marse en pe pli raprose avek Sesel.  Mersi Mr Speaker.

 

MR DEPUTY SPEAKER

Mersi Minis.  Onorab Aglae.

 

HON EGBERT AGLAE

Minis mersi pou bann larepons.  Me Minis mon krwar nou pep la deor i konsernen en pe ek sa size kot i konsern akoz lenflasyon i relye avek pri lavi.  Mon annan de kestyon.  Minis eski nivo lenflasyon ki ou krwar Minister Finans, ouswa Labank Santral i vwar li rezonnab e akseptab avek sa  lekonomi ki ou dir i pe move sitan vitman?

E dezyenmman ki bann servis ouswa bann komodite ki sa de dernyen lannen la, la ou vwar poudir pe annan bann logmantasyon signifikan ki pe koz sa lenflasyon.  E dernyerman Minis ki Minister pe mazin fer anvi ki statistic i montre poudir consumer spending i kontinyen ogmante.  Ki zot pe mazin fer pou adres sa sityasyon kot ou pe koz lo kiltir saving?  Ki ou pe mazin fer?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab i annan serten komodite e dan dernyen resansman ki’n fer par Biro Statistik i montre kot in annan ogmantasyon i annan detrwa kot in annan bann lezer bes.   E parey mon’n mansyonnen dan mon lentrodiksyon mon larepons i annan serten fakter nou kapab fer keksoz.  Parey mon’n liste, i annan lezot ki nou pa kapab fer gran soz me nou kontinyen regarde e servi bann teknik ki nou kapab pou fer sir ki i pa depas sa to alarman ki mon’n dir.  Be ki si sa,  sa to alarman ?  La nou dir 2poursan.  Letan nou’n konpare mon’n donn bann sif.  Nou, nou santi ki si  depas 5poursan an montan la i pe vin alarman.  Ki bann komodite ki ozordi son pri in ogmante menm ki sa logmantasyon i pa ankor ariv lo sa to alarman.  I annan pwason par egzanp.  Pri pwason i ankor kontinyen ogmante, e la pri pwason in ogmante par 4.8poursan lo sa peryod ki nou pe koz lo la se Avril 2018 pou Avril 2019.  Alor sa nou bezwen veye.  I annan bokou fakter ki kapab enfliyans sa pri.  I annan lezot landrwa kot nou vwar kot pri in tonbe, dan serten komodite. Fri, serten prodwi frozen.

E sa i senpleman parey mon’n dir akoz nou’n sanz en pe lenportasyon dan marse.  Parey zot konnen nou pe travay en pe plis avek  La Turkie ozordi.  E i annan bann komodite ki pe ganny enporte sorti  La Turkie ki pli bon marse e donk i ariv lo nou letazer a en pri ki pli konpetitiv.

So nou bezwen regard sa bann keksoz  toultan pou nou reste anba sa to lenflasyon ki fodre pa i depas 5poursan.  Sa se nou target.  Me parey mon dir i pa en keksoz ki fasil i annan bokou variables. E I mean lakaz nou’n koz en kou taler lo lakaz.  Lakaz i zwe en gran rol.

Se pou kwa ki Polisi Gouvernman se fer sir larzan ki nou annan dan Bidze, larzan ki nou kapab gannyen nou met li dan lakaz. Nou oule ogmant nou stok lakaz pli vit posib pou nou bes kou.  So vwala Mr Speaker en pe bann detay ki mon kapab ozordi donn ou e nou osi nou konsernen avek sa sityasyon.  E nou bezwen kontinyen rod solisyon pou nou fer sir ki nou met lenflasyon anba kontrol.  Mersi Mr Speaker.

 

MR DEPUTY SPEAKER

Mersi Minis.  Bon kestyon i en pti pe ouver e si nou pou permet nenport ki kestyon konsernan lenflasyon mon krwar nou pou koz pou plis ki 1erdtan.  E an vi kontrent letan ki nou annan, mon ti a kontan ki nou annan nou petet zis ankor 2 entervenan lo sak kote.  Dizon  mon annan deza de lo sa kote latab, LDS e mon annan 1 lo sa kote.  Si nou kapab ganny de lo sak kote mon a permet sa  e nou a kapab fini avek sa kestyon parske nou annan en kontrent letan.  Alor mon a pran ankor en kestyon lo kote US.  E nou ferm kestyon lo sa size. Onorab Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mon kestyon i pou vin baze lo larepons ki Minis in dir nou.   E in dir poudir Gouvernman i trakase avek sityasyon.  Me solman i annan de keksoz ki mon vwar ki pou mwan i pa aziste.

Premyerman, ou’n admet ki enn bann fakter ki pe koz lenflasyon, se kou konstriksyon lakaz avek lokasyon lakaz.   Solman nou’n tande poudir i annan en lanons ki pou ogmant saler minimum lannen prosen e sa mwan mon vwar i pou enpakte direkteman sirtou Lendistri Konstriksyon akoz saler bann travayer dan konstriksyon pou monte e sertennman se konsonmater ki sa kou pou ganny pase lo li. Sa i enn.

E dezyenmman letan ou dir ou pou ankouraz Seselwa anmas en pe plis larzan solman nou’n vwar poudir bann mezir ki Gouvernman in anonse dan lepase pou vann par dan serten antite par egzanp Nouvobanq be sa bann desizyon i ganny retarde.  Alor pou mwan la i annan en mank lazisteman dan sa ki nou pe dir ek aksyon ki pe ganny pran pou fer sa bann keksoz arive.  Sa i mon premye kestyon.

E dezyenmman, letan Minis in koz lo sanzman dan pri pwason in dir i annan en logmantasyon 4.8poursan konpare avek Avril 2018 ek Avril 2019.  En logmantasyon 4.8poursan dan pri pwason.  Solman mon bann dimoun Mont Buxton i kontinyelman pey tax konsesyon fuel.  R34milyon i pa gannyen sa benefis.  E mon pa kontan sa mon.  Mon anvi konnen ki Gouvernman pe fer  parski sinon mon vwar poudir konman tax payers zot pe zis ganny day light robbery!  Mersi bokou.

 

MR DEPUTY SPEAKER

Mersi Onorab Henrie.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pou sa de kestyon.  Wi sa premye referans ki ou’n fer i korek, so sa ki nou bezwen fer  se nou bezwen an menm tan fer sir ki nou klima lenvestisman i reste favorab; pou nou kontinyen envesti, pou nou aziste sa lekonomi avek sa difikilte ki ou’n  fer referans avek.

Parey mon’n fer resorti dan mon larepons, nou’n fek lans sa 2 Bond ki avek DBS, R50milyon.  E nou pe al lans en lot Bond an Zilyet R200milyon. Sa i en sistenm kot an mezir ki nou pe sey sanz sa kiltir savings, nou, nou anvi ki en endividyel i al pran mil Roupi akoz nou’n met konmansman Bond mil Roupi so i abordab pou dimoun.  Nou pa’n met li R10mil an montan akoz nou le fer sa distenksyon.  Akoz i pa vo lapenn zis en gro lakonpannyen nou’n koz lo lakonpannyen taler mon napa nanryen kont gro lakonpannyen.  Zis en gro Lakonpannyen i vini i pran 50milyon i park li la i ganny li son 6poursan oubyen i ganny li son 6.5poursan.  Se pa sa le bi.  Le bi se fer tou Seselwa pran en pe met la.  E ki nou vwar?  Rezilta ki nou vwar ?  Se dan sa 2 bond DBS i annan  bokou endividi ki’n fer sa zefor.

 So nou ankouraze avek sa.  So nou bezwen kontinyen avek bann keksoz parey pou sey sanz sa kiltir.   Ou annan rezon mon osi mon konsernen ek sa fuel concession.  Ti 20milyon in mont 40milyon, me sa ki mon kapab dir ou se ki Minis Bastienne – Minis Lapes in fer en konsiltasyon mon krwar i fek fini la.  In al konsilte avek tou Sekter Lapes lo larepiblik.  E i pou prezant son rapor ek son nouvo stratezi byento avan lafen sa mwan avek Cabinet.  E li menm mon’n ekout li yer e in fer en komanter lo sa fuel concession.   In ekout sa ki bann peser in dir li.  Zot menm zot konsernen avek sa fuel concession e zot santi i annan en labi.  

So fotespere nou ava annan en  rekomandasyon kot nou pou kapab etidye e regarde kwa ki nou pou kapab fer going forward an sa ki konsern sa fuel concession.  Akoz mon osi mon pa satisfe.  Mon pa satisfe avek fason i pe ganny zere.  Mon pa satisfe ek fason i pe ganny peye akoz i sanble mwan ki i annan serten defayans ki fotespere prezan sa rapor i ava montre nou.  Mersi Mr Speaker.

 

MR DEPUTY SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Minis dan okenn aktivite ekonomik en pei, sa bann dinamik i fer ki ou pou annan sa bann sityasyon me selman mon krwar  sanmenm rezon det ki nou annan CBS – Central Bank.  E se sa ki nou annan bann Polisi dan Central Bank zisteman akoz nou pou annan sa bann kouran ki pou pase akoz aktivite ekonomik  i bezwen kontinyen.

E Central  Bank avek son Polisi i devret kapab pe mitigate.  Alors mon kestyon eski petet pa’n ler pou nou vwar si Polisi DBS i pe ganny aplike dapre ki i devret ganny aplike.  Sa i enn.

Dezyenm vi ki  CBS i endepandan, lekel ki monitor CBS pou nou konnen poudir be baze lo  aktivite ki pe ganny fer dan pei sa bann desizyon ki pe ganny pran i pou dan lavantaz pei oubyen i pa pou dan lavantaz.  Oubyen si pa pou kree en sityasyon kot nou pou vwar nou dan en sityasyon pli mal ki nou ete.  Eski ou kapab donn nou en pe leksplikasyon lo la silvouple?  Mersi.

 

MR DEPUTY SPEAKER

Mersi Onorab Gill.  Minis.

 

MINISTER MAURICE LOUSTAU-LALANNE

Mersi Onorab pou kestyon.  Onorab parey nou tou nou konnen Labank Santral i en, i en, i otononm.  I endepandan avek Minister Finans.   I annan li son prop Board.  Menm Minister Finans pa reprezante lo son Board.  Me, Labank Santral in zwe en rol a mon avi serye, en rol santral pou gard lenflasyon anba sa 5poursan ki mon’n dir.  E i konnen, e i ekoute, e i menm fer komanter piblikman.

Sak fwa ki nou dan Minister Finans nou zwe ek Polisi fiskal, li i alerte, i koze, i aziste son Polisi monneter pou fer sir ki sa lenflasyon pa depas 5poursan.  Se pa dan son manda pou kontrol lenflasyon li.  Ou vwar?  So sa ki neseser se ki nou avek li nou kontinyelman  an dyalog.  Tou le semenn nou koze.  E i annan en Komite ki rankontre.  Kot Labank Santral osi i la li avek son lendepandans.  Kot nou esanz lenformasyon pou fer sir ki i azour avek keksoz ki nou oule fer.  So mwan mon santi ki avek son lendepandans pou le moman, i pe zwe sa rol ki i devret zwe.  E for as long ki nou kontinyen donn li sa lendepandans, e kontinyen dyalog avek li, mon krwar ki nou pou kapab fer en travay ki pou gard nou anba sa 5poursan.  Mersi Mr Speaker.

 

MR DEPUTY SPEAKER

Mersi Minis.  Onorab Johan Loze.

 

HON JOHAN LOZE

Bonzour tou dimoun.  Minis La Chine ki en pei zanmi Sesel i hold pli gran rezerv Dolar o monn; la nou pe koz en sonm par lao 9 trilyon Dolar a form sovereign debt L’Amerique.  E La Chine pe sey leverage sa det ki i pe hold, pou li fer son currency RMB vin en international reserve currency.  E nou Sesel serten difikilte ki nou annan se bann international rate of exchange, New York i kontrol correspondence banking e en bon pe nou bann issues dan international trade i annan pou fer avek sa monopoly ki Dolar i hold konman en international reserve currency.  Ki zefor ki nou Sesel nou pe fer, ki nou kapab benefisye atraver sa pozisyonnman stratezik ki La Chine pe fer ek son currency pou li, ki nou a nobou tir benefis e bes cost of living, to lenflasyon, par petet – mon pa konnen half a percentage point or si i annan zefor ki nou pe fer petet Minis i kapab eklersi nou?  Mersi.

 

MR DEPUTY SPEAKER

Mersi Onorab. Minis.

 

MINISTER MAURICE LOUSTAU-LALANNE

Wi, mersi Mr Speaker.  Mersi Onorab.  Onorab mon kontan ou’n soulev sa kestyon La Chine, akoz nou’n konmans inisye plizyer diskisyon a plizyer nivo an sa ki konsern sa size.  Premye keksoz mon kapab konfirmen se ki, UnionPay i deza pe travay avek Nouvobanq.  E son kart kredi i pe ganny servi Sesel. E li son to tranzaksyon ki i sarze i deza enferyer a sa to ki Visa card pe sarze.  I mwen ser.

So sa i pe ede.  Dan de fason; tou bann Sinwan ki vin vakans Sesel ozordi zot kapab servi sa kart akoz zot annan sa kart pou zot bann servis ki zot annan Sesel. E osi bokou bann landrwa dan Sesel i aksepte sa kart.  E nou pe diskit avek UnionPay pou regarde si i kapab ed nou dan nou digital economy, akoz nou anvi annan en National Switch, pou fer sir ki bann tranzaksyon ek kart kredi pa sorti Sesel e retourn Sesel.  I ganny trete lokalman.  E sa lakonpannyen ki mon’n mansyonnen, i pare pou ede dan sa proze pou nou realiz nou National Switch.   Lo nivo labank prezan, nou’n inisye sa diskisyon e mwan prosen mon annan en vizit an Chine kot nou pou al kontinyen diskite, pou nou regarde ki mannyer nou pou fer sa bann tranzaksyon pli fasil.  E ou konnen osi nou ti annan vizit en Minis dan Gouvernman Sinwan, ki ti isi semenn pase kot nou’n siny de Lakor pou fer sir ki bann prodwi e bann servis ki nou pou pran prezan sorti La Chine i pou lo en standar ki akseptab, akoz par lepase nou’n ganny bokou difikilte.

Be la nou angaze avek en Minister Gouvernman ki pou permet nou annan bann prodwi de kalite, bann prodwi kot i annan en sistenm kot nou kapab fer bann plent direkteman avek sa Minister pou rektifye.  So la osi pou ed nou pou napa sa bann gran gaspiyaz lenportasyon parler ki nou annan apre pa vo nanryen.  So tousala bann keksoz ki nou anvi fer ki nou pe fer e in ariv en staz diskisyon ase avanse.  Mersi Mr Speaker.

 

MR DEPUTY SPEAKER

Mersi Minis.  Onorab Terence Mondon.

 

HON TERENCE MONDON

Mersi Mr Speaker.  Minis dan son larepons pa’n mansyonn Kartel ki pe kontribye pou kou lavi.  Eski sa pa en konsern pou zot Gouvernman ?  E pli presizeman ki zot pe fer pou adres sa size Kartel dan nou pei?  Mersi.

 

MR DEPUTY SPEAKER

Mersi Onorab Mondon.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab sa kestyon konmsi en kestyon sa. En.

 

(laughter)

 

MINISTER MAURICE LOUSTAU-LALANNE

Bon les mon a- e i annan de keksoz mon anvi dir ou.  Taler mon’n dir mon pa kont gro konpannyen mwan.  Me solman depi mon dan sa nouvo pos i annan en keksoz ki mon’n realize i kapab pe arive.  Parler nou konsilte, nou met propozisyon, nou oule amann Lalwa, nou le sanz serten keksoz ki nou tou nou santi i dan benefis Sesel.  Me par kont i annan sa bann Lalwa, serten sa bann Lalwa, nou pe koz li i annan des annees, et des annees nou pa pe fer sanzman!  So mon bezwen poz mon sa kestyon be akoz  i pran tou sa letan?  I sanble mwan ki i annan serten gro Konpannyen ki pou li si i reste parey i dan son lavantaz.  So i pa fer bokou zefor pou li sanze.

Mon a donn ou de legzanp ;  Town and Country Planning Act.  Be mon krwar i annan 30an nou pe sanze. Nou pe sanze menm!  So i pe vini la mon krwar, devan Lasanble Nasyonal pou nou aziste sa Town and Country Planning Act.  So sa in pran en leternite.

Companies Act.  Li osi i lo drawing board depi mon pa konnen konbyen lannen.  Nou le sanze serten keksoz e nou santi  pe pran letan.  I pe pran letan.  So mon pa pe blanm personn.  Mwan mon pe dir mon santi ki i annan en rezistans parler kot i preferab reste parey akoz zot ok zot.  So sa mon krwar i en premye pwen ki enportan pou mwan fer mansyonnen.  Prezan lo Kartel.  Wi mon krwar nou,  nou bezwen revwar detrwa Lalwa.  I annan sa Fair Trading Commission.  I annan Consumer Rights Protection.  Sa osi nou bezwen marye sa bann Lezislasyon e i annan en travay ki nou pe fer lo la pou sey fer sir ki nou evit sa bann sityasyon ki ou pe fer mansyon.  Mersi Mr Speaker.

 

MR DEPUTY SPEAKER

Mersi Minis. Mon a permet – si i konekte avek sa mon a permet Onorab Flory Larue pou demann ou kestyon.

 

HON FLORY LARUE

Mersi bokou Mr Speaker. Me solman mon santi ki kekfwa avek dernyen larepons ki Minis in donn nou zis pou klarifye si i pe sizere ki kekfwa i annan koripsyon ki involve.  Akoz si en Lalwa i pran 30an ouswa e sanzman dan Gouvernman i pran 30an eski i krwar in annan koripsyon ki involve?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mon pa kapab reponn ou kestyon direkteman konmsi Mr Speaker atraver ou don’t put me on the spot!   Me i annan diferan rezon mwan mon krwar – ou konpran?  Nou bezwen fer sir ki apre tou diskisyon in fini i annan en rapor final oubyen i annan en  draft final.  Enn fwa ki nou’n pran en desizyon nou bezwen al lo lot letap.  Fodre i al lot letap.  Be par ler i bliye, i mank kordinasyon.  I annan en Minister kekfwa i santi li son Lalwa i en pe pli for ki lot, la i pe perdi en pe keksoz, alor i trenn en pti gin.  So tou sa bann keksoz se sa ki fer  sa bann lanpayaz !  E i pa bon.  Ou vwar?  Akoz kantmenm ou fer en amannman ok ant Town And Planning Country Act be si apre fodre amann li dan 6mwan nou vwar i annan en keksoz ki pa bon, nou amande!  Nou la pou sa.  So sa mon krwar i en pti pe sa sityasyon ki’n la pou en pe letan.  Akoz en kantite konsiltan i travay lo sa dokiman.  Ou vwar?  Nou’n vwar bann dokiman e sa bann dokiman zis i reste dan sa bann Minister pou bokou letan, so mon pa pou tro venture dan koripsyon – non.  Me mon krwar se en pti pe plito administrativman ki mank en pe disiplin. Mersi Mr Speaker.

 

MR DEPUTY SPEAKER

Mersi Minis.  Bon in ariv 10.33.  I reste nou ankor 1, 2, 3, 4, 5 kestyon.  Be nou ava kontiny sa bann kestyon ler nou ava resume 11er.  Alor nou a pran en Break ziska 11er.

 

(BREAK)

 

 

MR DEPUTY SPEAKER

Bonn apre midi, bonzour pardon tou bann Manm Onorab.  E en byenveni spesyal pour nou bann envite ki sorti Baie Ste Anne Praslin, ki zot in ariv en pti pe an retar.  Akoz bato ozordi i kit 9er, mon ganny en konpran.  Pa 7.30.  Alor byenveni dan Lasanble Nasyonal.  Nou pour kontiny toudswit avek bann kestyon pour Minis pour Finans.  E prosennman mon annan Onorab Churchill Gill, e mon donn ou la parol Onorab.

 

HON CHURCHILL GILL

Mersi Mr Speaker.  En byenveni tre spesyal pour zabitan Baie Ste Anne.  Bann gran politisyen lemonn i dir ‘ki ou kapab fer pour ou pei’?   Nou ozordi nou’n ralye Baie Ste Anne pour nou gete ki nou kapab fer pour nou zil?  Alors mon kestyon i lir koumsa:

Pou asire annan en distribisyon pli ekitab an relasyon avek kontribisyon ki Zil Pros i fer dan kof Gouvernman: eski Minis pou Finans atraver Gouvernman, i kapab revwar alokasyon Bidze pou Zil Pros, pou asire ki devlopman lo Zil Pros i akseler-e pou benefis zabitan   zil?  Sa 2 zil?   Mersi.

 

MR DEPUTY SPEAKER

Mersi Onorab.  Minis Finans.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou kestyon.  Mr Speaker tou proze i ganny prioritize par bann Minister, Departman e Lazans konsernen, e ki ganny apre enkli dan Bidze.

Nou deza okouran ki par egzanp Departman Gouvernman Lokal i diskit atraver bann Administrater Distrik tou zot proze ki i annan demann e ki sa apre i ganny reflekte dan Bidze.

De plis i osi annan sa Bidze ‘’Districts Small Projects’’ ki tou distrik i ganny 1.2 milyon ki osi enkli Zil Pros.  Sa i ganny fer osi par Lazans Transpor lo Later – SLTA ki regard bezwen tou distrik enkli Zil Pros, e sa i apre ganny prioritize dan Bidze.

Alor nou krwar ki i deza annan en distribisyon ekitab.  Me se en kestyon Bidze e priyorite ki determin distribisyon.

Si nou vwar lannen 2017, R9.9milyon in ganny depanse kont en Bidze R21 milyon avek bann proze Zil Pros.

E lannen 2018 en sonm 3.7milyon in ganny depanse.

Pour lannen 2019 en Bidze 32.3milyon in ganny fer provizyon pour bann plizyer proze Zil Pros.  Parkont nou pe al byento konmans travay lo Bidze 2020.

Nou a travay ek bann Lazans konsernen, pour asire ki bann Zil Pros i kontinyen ganny sa latansyon neseser.  Mersi Mr Speaker.

 

MR DEPUTY SPEAKER

Mersi Minis.  Onorab Churchill Gill.

 

HON CHURCHILL GILL

Mersi Minis pour larepons.  Me selman depi ler Lasanble in komanse 2016, i annan en kantite issues ki mon’n anmenn devan sa Lasanble ki an relasyon avek bidzeter.

Mon konpran ki wi toulezan Gouvernman i allocate Bidze avek diferan Minister.  Me i annan en keksoz ki petet Minis i devret pran kont.  Menm si i annan sa bann gro sonm ki donnen, kestyon se,  konbyen ki ganny depanse lo Zil Pros?  E sa mon kapab garanti ou poudir i pa pe depanse sa poursantaz ki nou, nou krwar i devret depanse.

Mon a donn ou legzanp;  si depi ler Bidze pe ganny allocate, Zil Pros  pe benefisye, ki mannyer ozordi nou 2019, e nou pa ankor kapab ganny en Vehicle Testing lo Praslin.  E Mahe depi 1996 sa in fini ganny fer.

Si nou pe ganny Bidze an 2016, en meeting ti ganny fer tou lede Onorab ki reprezant Praslin ti la.  Lo landfill nou ti ganny dir poudir nou pour ganny en spike machine.  Menm si Bidze pe ganny allocate, Sa osi pa ankor zanmen arive.

Zil Eve in ganny _ son konblaz in fini e dimoun in komans ­ – premye dimoun ki’n antre lo Zil Eve, i annan 15 a 16 d’ici.  Ozordi 2019 nou pe pouse pour lenfrastriktir lo Zil Eve ganny fer.

E lannen pase Bidze ki’n mete dan sa lannen, i pa pour ase.  Akoz in ganny dir pour fer par faz, e lannen prosenn pour ganny mete.  E nou annan nou tou nou bann dimoun Praslin ki i annan nide komans son pti biznes lo Zil Eve. E zot pour bezwen espere.  Akoz lenfrastriktir pa ankor fer.

Alors sa i montre poudir menm si i annan sa bann Bidze ki’n ganny allocate, mon krwar ki nou bezwen vwar akoz ki Praslin pa ganny priyorite apre tou sa lannen ki Bidze pe ganny fer?

Nou annan problenm drenaz dan Marie-Jeanne, kot ler lapli i tonbe, drenaz­ delo i monte partou.  Menm si ou dir SLTA i ganny Bidze,  si ou sorti Baie Ste Anne ziska Cote D’Or, ou bezwen mars dan bor semen, napa trotwar parey partou i annan.

Sa i montre poudir alokasyon Bidze wi i ganny fer, me selman kot priyorite i konsernen nou pa vwar poudir zil pros pe benefisye.  Se pour sa rezon ki sa kestyon in vini.  Si Minis i krwar – i dir mwan poudir ozordi i krwar poudir alokasyon Bidze i byen.  Be mon krwar Minis ou bezwen rod fason ki si i byen, Praslin nou vwar nou benefis ki nou devret gannyen.  Mersi.

 

(APPLAUSE)

 

MR DEPUTY SPEAKER

Mersi.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour sa detay ki ou’n donnen.

Onorab lo sa bann ki ou’n mansyonnen, Vehicle Testing Station, spike machine lo landfill, lenfrastriktir lo Ile Eve,  lo lalis ki mon mwan annan avek mon, annefe mon pa vwar li aparet ditou.  Me mon pe koz ou 2017, 2018 e Bidze 2019.   Sa ki mon vwar, pour ledikasyon.  I annan plizyer proze; Health Care Agency, Public Health Authority, National Sports Council, Minister Gouvernman Lokal, Departman Lenfrastriktir, Land Transport Agency en bon pe proze.  Departman Lapolis, SAA, avek Seychelles Tourism Board. 

Donk sa bann proze ki ou’n mansyonnen, i sanble mwan i pa’n capture.  Me sa ki mon kapab dir ou – e fodre nou note ki VTS, sa Vehicle Testing Station.  Sa nou pour fer sir ki nou donn li son priyorite pour 2020, dan Bidze 2020.  Nou dan Finans nou pour fer sir ki nou donn li son priyorite.

An sa ki konsern sa spike machine, mon pa konn son leta d’avancement.  Mwan mon rapel letan mon ti vin dan Lasanble, nou ti pe koz lo en Bidze Siplemanter pour Departman Lanvironnman pour fer vin en compactor pour met lo landfill Providence pour ekraz bann dese.  E zot ti poz mon kestyon, akoz pa anvoy lo Praslin?  Mon ti dir be sa i en masin kekfwa nou kapab imobil. So nou kapab kekfwa anvoy li en kou laba.   Me tou le fason sa proze osi in annan retar.  Mon fer sa bann remark, senpleman akoz par ler mon remarke ki bokou proze – pa zis pour Zil Pros.  Kekfwa i en pe pli konplike lo zil pros.  Me bokou proze – nou dan Minister Finans nou vwar ki sirtou bann Proze Kapital, son rate of absorption i vreman limite, tre pov.

I annan serten Minister i annan plis difikilte ki lezot.  E nou realize ki sa i en difikilte.  Me sa ki nou bezwen fer.  Nou bezwen fer sir ki bann Minister ki annan sa responsabilite.

Par egzanp tou lenfrastriktir dan Sesel, i bezwen pas atraver Minister Lenfrastriktir.  I annan en Minister Lenfrastriktir;- donk tou i bezwen pas par li.  Akoz nou pa kapab les setaki fer en bout, en bout.  I pour annan en dezord.

So letan nou fer lakaz, letan nou fer drenaz, letan nou fer semen, tousala, i bezwen pas atraver sa Minister.  Akoz li i annan konpetans.  Li i konnen.  I konn bann kou normal apepre ki kontrakter merit sarze eksetera.  So nou bezwen rasyonaliz sa bann keksoz pour fer sir nou delivre.  Prezan si en dimoun i ganny en proze – mon pe zis regarde la lo sa lalis – mon pa pour pran enn an partikilye, me si in ganny en responsabilite pour delivre en proze, i pa delivre.  Dan Administrasyon i annan en fason senp pour deal ek keksoz – a mon avi.

Ou pa fer, ou ganny en warning.  E ou son Sef ou bezwen pran sa responsabilite ki ou pa’n delivre sa keksoz.

Si sa keksoz i repet ankor –  menm keksoz, mon krwar en Sef i kapab aprezan dir ‘be ok la mon mwan full responsibility kantmenm ou, ou pa’n delivre.  Me solman si i ariv en 3enm fwa, out!  Ou bezwen ale!  Ou pa kapab reste la!  

So mon mwan krwar se bann disiplin- nou pa pe evant nanryen nou.  Se bann disiplin ki nou bezwen fer sir ki bann dimoun ki annan sa bann responsabilite delivre sa bann proze, zot delivre sa bann proze on time! Akoz i kout nou larzan, i kout nou pli ser e nou konnen.

I annan plizyer proze ki mon mwan konnen, i komans 20milyon apre i fini 80milyon.  Akoz i trennen i ale, zanmen fini.  E i annan en gran kou.  So problenm mon konpran ou problenm.  Mon konpran akoz ou’n poz mon sa kestyon pour nou klarifye.  E parey mon’n reponn, mon krwar nou bezwen pli serye dan nou delivre sa bann proze sirtou pour byennet bann Zil Pros.  Mersi Mr Speaker.

 

 

MR DEPUTY SPEAKER

Mersi Minis.  Mon ti a kontan zis fer rapel bann Manm poudir nou annan en kontrent letan an term kestyon.  Nou annan osi en PNQ ki pe vini e en- nou pour annan en Kestyon Dirzans.  Mon ti a kontan fini sa 5 kestyon by midi mwen en kar, pour ki nou kapab kontinyen avek larestan bann item ki i annan lo nou progranm.  Alor mon pour limit lakantite kestyon ki ganny demande par bann Manm.

Sa dimoun ki demann sa kestyon avek en Manm lo son kote, i a fer 2 lo sak kote.  Nou pa pour kapab fer plis ki sa, parske nou annan en kontrent letan.  E mon ti a osi demann Minis.  Minis zeneralman i fer sa byen, i gard son larepons kourt e bref, e i reponn kestyon byen.

Alor mon a permet Onorab Gill epi – zis pour sennla parske mon’n aksepte bann dimoun ler zot in lev lanmen.  Mon pour aksepte ankor- i annan 4 dimoun ki’n lev lanmen lo sa kestyon.  Me fer li bref e Minis i a reponn bref.  Onorab Gill en follow- up.

 

HON CHURCHILL GILL

Bon Minis mersi pour ou larepons.   An menm tan in kler poudir sa bann keksoz ki pa’n ganny fer, i napa nanryen pour fer avek bann dimoun ki sipoze ganny sa bann fasilite.

E ou’n eklersi byen konm kwa ki bor problenm i ete.  E la byento nou pe al dan en- komans negosye Bidze pour 2020.  Mon krwar nou bezwen prezan – vi ki nou’n konsyan ki bor problenm i ete, e prezan nou nou’n esper ase nou.  Ler sa problenm pe akimile la, nou, nou pe espere laba nou.

Alors mon ekspekte ki la ler nouvo Bidze i ganny compile, nou vwar poudir serten sa bann keksoz finalman i ava antre lo Bidze pour nou kapab at least vwar en pe laklerte pour Zil Pros.  Mersi.

 

MR DEPUTY SPEAKER

Mersi Onorab Gill.  Minis mon krwar in pran note.   Nou ava al lo Onorab Woodcock.

 

HON WAVEL WOODCOCK

Mr Speaker en pti pe dan menm laliny ki Onorab Gill in demande.  Kot i konsern- Minis nou issue nou  Praslin, se kot i konsern osi Zil Pros La Digue e kot i konsern bann Proze Kapital.

Alokasyon tou le end year Bidze ki zot donnen, i pa ase.  Plizyer legzanp Onorab Gill in donnen.  In koz lo Ile Eve ki bezwen R30milyon pour met bann lenfrastriktir an plas pour kapab distribye later avek bann zabitan.  I annan lezot proze ankor; gymnasium, proze semen Pasquère, zis ki en pti alokasyon ki’n ganny mete ki pour fer ki sa proze pour fini dan ankor – i pran plizyer lannen avan ler ki sa bann proze pour fini.

Alor nou – ki kestyon pe demande.  Se ki akoz ki Minister pa konsidere ki bann Proze Kapital ki paramount, bann proze ki enportan pour zabitan Praslin, ki zot met plis alokasyon dan Bidze pour nou kapab fini sa bann proze, olye ki nou bezwen esper bokou plis lannen avan ler sa bann proze i terminen.

Sa i osi enkli proze ki nou pe espere pour plizyer lannen, pour fer breakwater ouswa rock armoring lo lakot ki pe ganny afekte avek lerozyon.

E finalman mon pour bezwen demann sa kestyon.  Dan lepase ti annan en propozisyon pour annan en Praslin Development Board.  E en Praslin Development Fund parey i le ka La Digue, e parey in le ka dan lepase, kot nou Praslin i annan en Board ki i ava – nou a ganny alokasyon pour nou determinen ki bann proze enportan ki nou santi nou bezwen lo distrik.  E nou ava pran en desizyon, nou ava annan en larzan pour nou kapab met sa bann Proze Kapital e enportan an mars.  Alor ki’n arive avek sa Praslin Development Board?   Mersi.

 

MR DEPUTY SPEAKER

Mersi Onorab Woodcock.  Minis.

 

MINISTER MAURICE  LOUSTAU-LALANNE

Mersi Mr Speaker.  Mersi Onorab.  Onorab mon note, mon krwar i enportan ki nou fer en alokasyon Bidze ki pour pli korek, ki pour pli distribye.  E an menm tan nou bezwen tenir an kont kapasite enplimante sa bann proze.

E mon realize ki lo Eve lenfrastriktir i tre enportan.   E mon pour fer sir ki mon kontakte Minister Lenfrastriktir la letan mon sorti la pour mon regarde ki leta lavansman sa osi i ete avek Industrial Estate Agency pour nou regarde ki mannyer nou kapab fer sa proze al pli vit.

An sa ki konsern Praslin Development Fund, li son Lalwa in ganny repeal, so in disparet.  E me i kapab kontinyen fer son kontribisyon.  E parey ou konnen sa ki nou pe fer, nou re fer sir i fer son kontribisyon atraver Bidze.  So sa i en keksoz ki nou’n bezwen met en pe lord ladan.  Donk nou’n repeal sa Praslin Development Fund Board.  Mersi Mr Speaker.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Bonzour tou dimoun – e sirtou bann Praslin ki dan Galeri, e bann lezot dimoun Praslin.

Mr Speaker mon oule felisit Onorab Gill pour sa kestyon ki in anmennen, akoz i lev en pwen enportan.  Eski Minister pa pe anvizaze revwar planifikasyon devlopman lo bann Zil Pros, prenon kont bann konsern ki pe ganny leve ozordi e lafason ki bann alokasyon bidzeter i ganny fer?  Pour fer ki malgre ki i annan bann proze Nasyonal ki ganny pran lo en nivo Nasyonal, i ava annan en planifikasyon pli direk ki ganny fer lo bann proze spesifik, ki bann zabitan Praslin i bezwen tel parey Onorab Gill in demande?

E eski ou Minister i pare pour met a dispozisyon bann desk officers ki i ava travay spesifikman pour regarde si sa bann proze spesifik pe ganny enkli dan bann Bidze respektif ki bann Minister pe prepare?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Wi mon konfirmen nou pour donn li en latansyon spesyal.  Mersi Mr Speaker.

 

MR DEPUTY SPEAKER

Mersi Minis.  Onorab Noline Sophola.

 

HON NOLINE SOPHOLA

Mersi Mr Speaker.  Bonzour Minis.  Tou Manm Onorab.  Tou envite Baie Ste Anne Praslin.  E tou zabitan La Digue ek Zil Pros.

Minis 1.2milyon ki ganny mete pour proze Inner Island, parey Onorab Grand Anse Praslin in dir, definitivman i pa ase.  Petet mon demande ki dan Bidze la, annou revwar ki mannyer nou kapab ogmant li.

Si non, dan Bidze akoz- petet ou, sa i ou domenn ou konnen si ou kapab fer ou byen non.  Akoz sa larzan i pa ganny kase?  Nou dir poudir sa lannen la, la La Digue i annan sa, Grand Anse Praslin sa, La Digue sa.  Sa i pour pli fasil pour nou monitor.  E ler nou annan nou proze, nou pour konnen poudir i annan sa larzan, sa proze pa’n ganny fer, ki pe arive avek?

Mon’n deza demande sa ki mon pe demande la dan Bidze, e la i pour fer 3enm fwa ki mon pe demande.  Silvouple annou sey ekoute parfwa. Akoz nou pa pran sa ki nou ganny dir.

Mon kestyon i – Minis, ki mekanizm ki ou Minis – sorry mon vwar ou pa pe ekoute.  Minis ki mekanizm ki ou Minister i annan an plas, pour monitor lafason ki bann proze i ganny fer e larzan i ganny distribye dan sak distrik?  Mersi.

 

MR DEPUTY SPEAKER

Mersi Onorab Sophola.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab pour ou kestyon.  Non si ou krwar mon pa ti pe ekout ou.  Mon ti pe konte konbyen proze ki i annan pour La Digue.  Akoz efektivman i anba sekter parey ledikasyon mon vwar La Digue i la.  So i annan plizyer.  I annan La Digue Primary, i annan La Digue Secondary.  Anba Health Care i annan Logan Hospital, i annan remedial works lo La Digue Hospital, Public Health Authority, i annan lakaz and so on.  L’Union Estate anba Departman Lenfrastriktir, e ensidswit.  La Digue Police Station, kot nou’n met gro sonm larzan.  E mon konnen ki sa proze i ongoing pour le moman.  So i annan serten keksoz ki pe arive.

Sa 1.2 milyon li i pour bann ptipti proze.  Sa i en pti sonm larzan si oule.  Me i pour bann ptipti proze dan bann distrik ki – me i pa form parti an plis ki sa capital projects ki nou pour donnen.  Me mon ava demann mon Departman Finans fer sir nou break li out koumsa i ava pli fasil menm pour mon regarde.

Alor ki mekanizm nou annan?   Parey ou konnen dan Minister Finans nou annan nou en Departman ki tou le 3 mwan i a fer bann assessment, e apre i ganny raporte avek mon, e apre mwan mon anmenn sa Cabinet of Ministers.  Ki vedir i en sistenm kot tou le 3 mwan pour sa 3 mwan ki’n pase, nou kapab vwar leta lavansman bann proze.  E sela ki nou dir avek bann Minister, ‘‘regarde ou la ou’n achieve zis 5poursan sa Bidze ki nou’n donn ou.  Prezan donn nou ou timeline ki ou annan pour ou fer pour konplete.’’  Akoz nou realize i annan en kantite bottleneck, e zot konnen.

Mon ti deza vin isi dan Lasanble, pour demann en Bidze Siplemanter.  Nou ti bezwen fer tir dan capital project, met dan recurrent.  I en keksoz ki nou pa kontan fer.  Ou vwar?  Me nou ti bezwen fer.  Akoz nou remarke ki larzan pour reste – kantite larzan pour reste e bann proze lenfrastriktir, bann proze neseser dan kominoter pa pe ganny fer.

So nou’n sanz nou sistenm, e sistenm se ki i raport all the way ziska Konsey Minis, so Cabinet of Minister i okouran e sa bann Minis ki la i pran responsabilite pour zot osi swiv zot bann Minister pour delivre lo proze.  Mersi Mr Speaker.

 

MR DEPUTY SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Bonzour Minis.  Bonzour tou bann envite sorti Praslin.  Minis mon’n ekout ou avek bokou latansyon, e mon’n osi regard kestyon ki Onorab Gill in demande.  Minis eski ou pa krwar ki avek devlopman lafason ki Zil Pros lelan zot in pran, pa in ler pour Gouvernman rekonsider lafason ki striktir ki manage sa bann devlopman lo zil i ganny – Zil Pros i ganny fer?

Par egzanp pa in ler pour petet annan en Minister spesifikman pour bann Zil Pros kot devlopman e bann desizyon i ava pli focaliser, kot i ava annan en dimoun ki asiz dan Cabinet of Ministers pour kapab koz pour bann zil pros an menm tan petet pour bann pti lezot bann Zil Elwanye.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE  LOUSTAU-LALANNE

Mersi Mr Speaker.  Mersi Onorab pour sa propozisyon.  Parey ou konnen ozordi sa responsabilite i tonm anba Biro Vis-Prezidan pour bann Zil Pros.  Me i en keksoz ki mon kapab order avek li demen dan Konsey Minis, e mon ava donn zot en feedback apre.  Mersi.

 

MR DEPUTY SPEAKER

Mersi Minis.  Nou pour al lo prosen kestyon.  Onorab Gill.

 

HON CHURCHILL GILL

Mersi Mr Speaker.  Vi ki dan Bidze 2019 i annan en sonm R34.9milyon ki’n ganny bidzete pou pey subscription fees bann Lorganizasyon Enternasyonal ki Sesel i afilye avek:-

Eski Minis i kapab dir avek sa Lasanble si sa legzersis pou re vizit sa lalis pou idantifye lekel Lorganizasyon ki Sesel pe vreman benefisye?   E konbyen nou bezwen kontinyen peye pou afilye avek zot pou 2020?

E lekel ki Sesel pa vreman benefisye, ki nou bezwen dis kontinyen peye, pey sa bann fees?  E konbyen savings ki Gouvernman Sesel pou fer an retir nou afilyasyon avek sa bann Lorganizasyon?

Eski a lavenir analiz pli o profon pou ganny fer, avan ki Gouvernman Sesel i antre dan okenn afilyasyon avek bann Lorganizasyon Enternasyonal, pou asire ki i vreman annan benefis ki Sesel i kapab benefisye?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE  LOUSTAU-LALANNE

Mersi Mr Speaker.  Mersi Onorab pour ou kestyon.  Mr Speaker nou’n souscrire avek 189 Lorganizasyon Enternasyonal e sa anviron 34.9 milyon dan Bidze pour pey bann subscription fees.  I enkli souskripsyon tou Lorganizasyon ki tou bann Minister, Departman e Lazans enkli Lezislatif ek Zidisyer i fer avek.

Sa i ganny zere par Departman Zafer Etranzer, ki fer analiz lo merit pour antre ouswa reste dan bann tel Lorganizasyon Enternasyonal.

Bann legzersis oparavan ki’n ganny fer, in enn tre difisil an vi ki tou bann Departman i kontinyen vwar litilite pour kontinyen zot membership ki zot annan avek sa bann Lorganizasyon.

Zistifikasyon ki’n ganny donnen, i swa lo bann korperasyon ki nou benefisye avek tel parey training, afilyasyon technical, ouswa pour rezon politik dan larezyon ki nou atase avek sa bann Lorganizasyon.

Nou ekspekte en lot legzersis pour vwar litilite kontinyen dan sa bann Lorganizasyon pour ganny fer ver milye lannen.  E sa i pour apre ganny reflekte dan Bidze 2020.  Mersi Mr Speaker.

 

MR DEPUTY SPEAKER

Mersi Minis.  Onorab Gill.

 

HON CHURCHILL GILL

Mersi Minis pour ou larepons.  Baze lo ou larepons, i annan en nesesite ki sa lalis- ki Lasanble i ganny sa lalis.  Me selman breakdown dan en fason ki sak sa bann diferan antite ki afilye; an menm tan mete tel antite i pey tan, e la,la benefis ki nou pe gannyen.  Nou a ganny sa detay e sa i a ed nou pour ler Bidze i vini, nou a kapab osi dan en pli bon pozisyon pour nou kapab pran bann desizyon enportan.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE  LOUSTAU-LALANNE

Mersi Mr Speaker.  Mersi Onorab.  Wi Onorab mon annan en lalis la, vwar i kolore.  E mon krwar i ava reponn a sa kestyon ki ou’n poze e mon ava fer sirkil sa apre midi enn fwa ki mon’n retourn dan mon biro avek Lasanble.  Mersi.

 

MR DEPUTY SPEAKER

Zis en leklersisman.  Leklersisman?

 

HON CHURCHILL GILL

Zis en leklersisman Minis.  Lo sa lalis ki nou, nou- ki Lasanble pe demande sa antite apre konbyen nou pe peye.  Apre kwa ki nou benefisye?  Fodre i annan sa bann lenformasyon parey pour nou kapab fer nou prop assessment lo la.  Mersi.

 

MR DEPUTY SPEAKER

Ok mersi.  Mon krwar Minis i pran note lo la.  Bon dan sa ka nou pour al lo prosen kestyon, nimero 6 par Onorab Gervais Henrie, Manm pour Mont Buxton.

 

HON GERVAIS HENRIE

Mersi Mr Speaker.  Ankor enn fwa bonzour tou dimoun.  Eski Minis pour Finans i kapab donn detay sa Lasanble lo rol Younit ‘‘Fraud Investigation’ ‘dan Internal Audit Services; ki kantite ka zot in fer lanket ladan depi son kreasyon?  E ki’n rezilta sa bann ka?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE  LOUSTAU-LALANNE

Mersi Mr Speaker.  Mersi Onorab pour ou kestyon.  Mr Speaker sa Younit dan Divizyon Internal Audit ki ti ganny kree an        Fevriye 2013, i apel Seksyon Envestigasyon e non pa Fraud Investigation.  Pe enport, depi ki’n ganny kree sa Younit ti annan 4 staff e i ti ganny ankor 4 pos adisyonnel.  Me ziska ozordi sa bann pos pa ankor ganny ranpli.

Rezon pour kre sa Younit, i konm swivan;

Premyerman demann pour fer lenvestigasyon par Internal Audit ti pe ogmante, staff ti pe ganny demande pour deal avek bann lenformasyon tre sansib e konfidansyel ki ti kapab afekte biznes Gouvernman e osi annan lenpak lo lavi personnel bann travayer dan servis piblik.

3)  Pour asire ki Internal Audit i kapab enplimant e konplet son bann plan san ganny lenterferans avek bann ka lenvestigasyon.

4)  Pour kapab mannye e delivre bann assignments ki ganny demande detanzantan par PS oubyen Minis Finans ki pour ede ou siport management Minister Finans dan bann desizyon.

Mr Speaker rol sa Younit, se pour fer lenvestigasyon lo bann ka ki i annan sispe frod e fer lenvestigasyon lo bann ka ki ganny idantifye ler pe fer lodit.        Depi son kreasyon an Fevriye 2013, a la demann PS ou Minis Finans sa Younit in ganny 66 demann.  51 ka in fini ganny travay lo la e rapor in ganny fer.  2 ka in ganny sispann.  5 ka i an progre e 8 ka pa ankor travay lo la.

Mr Speaker demann pour fer lenvestigasyon lo sa bann ka i swivan:

Assessment lo bann ka ki sispe frod in ganny komet par zofisye servis piblik;

Assessment lo bann kou finansyel lo bann desizyon stratezik fer par Gouvernman tel ki outsourcing avan, e apre ki sa desizyon in ganny fer.

Pour determinen en lakoz pour rapor bann pert e larzan manke, oubyen bann asset piblik e osi vol;

Assessment lo factualité lo bann lenformasyon e rapor fer par bann zofisye accounting dan bann MDAs,

Assessment lo bann gro claim fer par bann fourniser, kontrakter kont Gouvernman, e verifikasyon fizik i ganny fer lo bann assets, levanter, stok eksetera.

Antreprann bann lenvestigasyon detaye lo bann areas ki ganny idantifye, letan ki i pe fer son sistenm odit.

Evalye bann pert lo bann asset lo larzan piblik idantifye par bann MDAs.

Mr Speaker dan bann ka ki’n konplete,  3 i avek Departman Lapolis, 1 i avek Komisyon Anti-Koripsyon.  E 1 napa rezon pour fer plis lenvestigasyon,  akoz sa dimoun ki ti ansarz malerezman in mor.

E dan serten ka ki i konsern bann claims, sa bann ka in ganny rektifye.  In annan serten osi ki’n ganny met a latansyon Komite Odit Gouvernman.  Mersi Mr Speaker.

 

MR DEPUTY SPEAKER

Mersi Minis.  Onorab Henrie.

 

HON GERVAIS HENRIE

Mersi.

 

MR DEPUTY SPEAKER

Ou ti annan siplemanter?

 

HON GERVAIS HENRIE

Wi mersi pour larepons.  Minis in dir nou poudir depi fevriye 2013 in annan en total 66 demann ki sa Younit in ganny demande pour fer lanketSo mon anvi konnen sa 66 ka konbyen, ki sonm larzan nou pe koze la ki in en jeu dan sa 66 cases?

E apre, mon anvi konnen si satisfaksyon Gouvernman vizavi performans sa Younit li menm?  Mon rekonnet in dir ki i annan bann pozisyon ki ankor vacant.  Me eski Gouvernman i santi poudir sa Younit vreman pe travay dapre son performans ki dwatet pe fer, ou ki mannyer i kapab ganny – kwa ki kapab ganny fer ankor pour amelyor son performans?  Mersi.

 

MR DEPUTY SPEAKER

Mersi Onorab Henrie.  Minis.

 

MINISTER MAURICE  LOUSTAU-LALANNE

Wi mersi Mr Speaker.  Mersi Onorab pour sa kestyon.  Mon napa egzakteman en sif total.  Me mon annan detay tou sa bann rapor ki’n ganny fer e son outcome osi i enkli bann sonm larzan ki’n ganny claim.  E finalman bann solisyon ki’n ganny fer.  Par egzanp mon a donn ou enn pour ou kapab konpran.

Ti annan en claim fer par en Konpannyen car hire pour 368,920.  Me finalman apre ki sa Younit dan Internal Audit in fer son lenvestigasyon, claim ki’n ganny peye ti zis 33, 650.

So mon donn ou sa legzanp No.1, pour montre ki sa Younit in perform remarquablement – mwan mon mwan krwar.  Akoz in nobou fer 66 ka.

E an plis regard premye rezilta kot in nobou sov en depans Gouvernman, pros R300, 000.  E i kontinyen ensidswit sa bann ka koumsa.  Pa tou ka ki nou vwar en solisyon.  I annan de ka kot parey mon’n dir ou, nou bezwen arete, akoz lanmor.

Me osi, nou realize ki nou’n bezwen fer serten lezot travay pour fer sir ki travayer i ganny rekonpanse.  Nou’n fer en review Scheme of Service pour sa Younit; Internal Audit Departman pa nesesit zis Investigation Unit.  E la nou pe recruit, akoz nou realize nou annan mankman osi bann oditer kalifye.

Nou pe fer recruitment aletranze, pour nou vin met dimoun kalifye, pour nou fer sir ki sa Younit i kontinyen perform.  Akoz mon santi zot en pe overwork la avek telman demann ki nou annan.

Menm la resaman nou’n bezwen fer ankor en lentervansyon ase vit dan en Seksyon, kot nou santi kekfwa i annan en problenm.  E se sa rezon akoz zot la.  So mon mwan satisfe avek zot performans.  Mon a kapab kekfwa azout tou sa bann keksoz e apre dir ou donn nou en sif final lo tou sa bann 66 ka.  Mersi Mr Speaker.

 

MR DEPUTY SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mon ti pour demann 2 kestyon.  Premye kestyon Minis in reponn lo ranforsi sa Younit ki pe fer sa travay.

Mon 2enm parti mon kestyon ki mon ti demann Minis se; prenon kont ki sa Younit i up and running i pe fonksyonnen.  Ki lyen sa Younit i annan avek sa menm Departman ki deal avek bann frod dan Lapolis?  E eski i annan bann ka ki ganny refer avek Lapolis pour fer bann travay lenvestigasyon pli aprofondi?  Ki apre i annan bann case ki pour ganny anmennen devan Attorney Zeneral?  Mersi Mr Speaker.

 

MR DEPUTY SPEAKER

Mersi Onorab.  Minis.

 

MINISTER MAURICE  LOUSTAU-LALANNE

Wi mersi Mr Speaker.  Wi li sa Younit i pour fer son lenvestigasyon e apre i soumet sa rapor avek Sekreter Prensipal Finans, ek mwan menm.  E se a sa moman la definitivman si nou vwar i annan en ka kot fodre refer avek Lapolis,  sa bann ka i ganny refer ek Lapolis, e Lapolis i take over prezan son lenvestigasyon.  E parey mon’n mansyonnen dan mon larepons, i annan 3 ka ki ozordi i avek Lapolis.  E mon kapab si oule rapidman si mon pa tro perdi letan – i annan en ka kot i annan en suspected forged payment ki avek Lapolis dan en Departman Gouvernman.  So sa i avek Lapolis.  I annan en lot ka kot i involve menm en Departman dan Minister Finans ki en ka kot Lapolis.  Ozordi pe ganny finalize.

E i annan en lot ka kot en lot Lazans Gouvernman osi, i kot Lapolis menm.  So sa Younit i zwe en rol kle mon santi, e nou fer le swivi.   E mon konnen ki Lapolis osi i anba lord pour li fer sir ki sa bann case i ganny anmenn Ankour e i ganny finalize le pli vit posib.  Mersi Mr Speaker.

 

MR DEPUTY SPEAKER

Mersi Minis.  Onorab Clifford Andre.

 

HON CLIFFORD ANDRE

Mersi Mr Speaker.  Mr Speaker Minis in dir nou i annan bann ka ki kot bann Antite, e Lapolis normalman letan ou met en konplent kot li –Minis konfirm sa avek mwan, ki i bezwen annan en complainant.  So Minister Finans i vin sa complainant si mon pe ganny li byen.

Epi letan zot in met sa konplent kot Lapolis – parey in dir nou i annan kot Anti-Koripsyon.  Akoz ki – oubyen eski zot, zot fer follow-up pour permet annan closure oubyen konklizyon, oubyen prosekisyon avek sa bann case?  Oubyen zis – akoz zot in transfer avek Lapolis.  Zot kit ek Lapolis oubyen akoz i kot Anti-Koripsyon, zot kit laba menm.  I kapab fer 2an apre zis i fer en natural death konmsi nanryen pa arive, me selman sa anplwaye ki li kekfwa in tous en balye oubyen in pran en patat in al avek kot li, li i ganny kondannen, i ganny pouse li.  Mersi.

 

MR DEPUTY SPEAKER

Mersi Onorab Andre.  Minis.

 

MINISTER MAURICE  LOUSTAU-LALANNE

Mersi Mr Speaker.  Mersi Onorab pour sa kestyon.  Wi nou santi par ler ki bann ka koumsa, nou bezwen fer follow up.  Akoz par ler i tarde.  I tarde pour son case file li menm al kot Prokirer Zeneral, i kapab tard en pe osi kot Prokirer Zeneral.  So nou, nou kontinyen met sa presyon neseser.

E annefe dan sa 3 ka ki mon’n mansyonnen la, i annan omwen en ka ki mwan mon santi i pe pran tro bokou letan.  Mersi Mr Speaker.

 

MR DEPUTY SPEAKER

Mersi Minis.  Zis pour lenformasyon sirtou nou bann viziter sorti Preserve Seychelles.  Mon konnen zot in vin spesyalman pour sa PNQ.  Dapre mon kalkilasyon e lafason ki nou pe ale, mon pa krwar ki nou pour kapab pran PNQ avan 2er.  Alor mon pe zis enform zot ki avek mannyer nou pe ale, si zot ti – zot deside pour zot tourn 2er, oubyen zot welcome pour zot reste kontinyen avek.  Selman zis pour en lenformasyon zis pour zot kapab planifye zot letan.

Lot kestyon ki nou annan se – ou annan en swivi Onorab Andre?

 

HON CLIFFORD ANDRE

Pa pour long.  Zis pour demann avek Minis.  Sa bann case ki’n ganny raporte la, ki kantite letan i annan ki in sorti kot zot?  Si i annan 1 mwan, 2 mwan, 3 mwan, 3an, 2an?  Zis pour ganny en pti lendikasyon.  Mersi.

 

MR DEPUTY SPEAKER

Mersi.  Minis.

 

MINISTER MAURICE  LOUSTAU-LALANNE

Wi mersi Mr Speaker.  I sanble mwan sennla ki pli vye i annan plis ki 1 lannen.  Mersi Mr Speaker.

 

 

MR DEPUTY SPEAKER

Mersi.  Nou pour al direkteman lo lot kestyon.  Onorab Gervais Henrie.

 

HON GERVAIS HENRIE

Kestyon i lir koumsa;

Eski Minis pour Finans i kapab dir avek sa Lasanble konbyen larzan par mwan ki sorti dan Bidze Nasyonal e ganny servi par diferan Minister, Departman, Lazans oubyen Lakonpannyen paraetatik, pou pey United Seychelles pou lwe later, batiman ouswa lofis?  E lekel sa bann antite Gouvernman ki pe fer sa bann peyman avek United Seychelles?   Mersi.

 

MR DEPUTY SPEAKER

Mersi Onorab Henrie.  Minis.

 

MINISTER MAURICE  LOUSTAU-LALANNE

Mersi Mr Speaker.  Mersi Onorab pour ou kestyon.  Mr Speaker i annan 2 antite Gouvernman ki lwe lofis United Seychelles.  Sa ti National Youth Council ki ti pe lwe en Youth Bureau e i ti pe pey R3,000 par mwan.  Dernyen peyman ti ganny fer an Mars 2018.

Lot antite, i Minister Ledikasyon ki pe pey R7, 000 par mwan pour en lakaz pour en ansennyan lekol segonder lo Praslin.  Mersi Mr Speaker.

 

MR DEPUTY SPEAKER

Mersi Minis.  Eski ou annan kestyon siplemanter Onorab Henrie?

 

HON GERVAIS HENRIE

Wi.

 

MR DEPUTY SPEAKER

Proceed. 

 

HON GERVAIS HENRIE

Mon ti ava kontan Minis i konfirm avek nou Lasanble si i annan okenn MNA aktyel oubyen lepase ki zot lofis i propriyete US?  E si sa i le ka.  Konbyen alor ki sa parti pe benefisye atraver Bidze pour pey sa bann lofis?

E 2enm kestyon.  Eski i lentansyon Gouvernman pour etabli en Lalwa pour asir delinking ant parti politik avek Gouvernman a lavenir pour asir pli bon etik Gouvernans?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE  LOUSTAU-LALANNE

Mersi Mr Speaker.  Mersi Onorab.  Onorab lo premye kestyon mon napa sa lenformasyon.  Mon sipoze kekfwa dan Administrasyon Lasanble Nasyonal zot menm, kekfwa zot ava annan sa lenformasyon.  Me mwan mon napa sa lenformasyon la.

Lo lot wi delinking nou’n fini fer delinking.  Depi ki desizyon in ganny pran tou dealing nou’n delink.  Mersi Mr Speaker.

 

MR DEPUTY SPEAKER

Mersi Minis.  Nou pour al lo nou prosen kestyon.  Onorab Henrie.

 

HON GERVAIS HENRIE

Lot kestyon i lir koumsa;

Eski Minis pour Finans i kapab donn detay sa Lasanble lo lakantite larzan Seychelles Trading Company in pey United Seychelles koman alokasyon, pour son Hardware Depot depi ler sa Lakonpannyen in konmans lwe sa landrwa ziska an 2018?  E konbyen larzan an retour United Seychelles in kontribye dan Kof Leta atraver tax ki in pey SRC an relasyon avek sa tranzaksyon?  Mersi.

 

MR DEPUTY SPEAKER

Mersi Onorab.  Minis.

 

 

 

MINISTER LOUSTAU LALANNE

Mersi Mr Speaker.  Mr Speaker total ki STC in pey United Seychelles pour rent depi Septanm 2013 ziska Juin 2018 kan i ti fer dernyen peyman, in ariv R38, 673, 318milyon

Mr Speaker an sa ki konsern tax, SRC in zwenn ek Reprezantan United Seychelles e zot pe travay ansanm pour ki SRC i a kapab fer son assessment lo tou bann reveni ki United Seychelles in kolekte depi 2013 ziska ozordi.  Mersi Mr Speaker.

 

MR DEPUTY SPEAKER

Mersi Minis.  Kestyon siplemanter, Onorab Henrie.

 

HON GERVAIS HENRIE

Mersi Mr Speaker.  Mon ti ava kontan ki Minis i konfirmen letan nou pe koz sa sonm, i pour lekel propriyete egzakteman?  Si zis depot, ouswa si i annan okenn adjacent property next to it ki sa peyman i form parti?

E dezyenmman.  Eski Minis pe konfirmen ki en parti politik ki dan Lasanble e ki form parti Gouvernman in- mon pour servi sa mo ‘‘si depi 2013 zot pe bezwen antre dan negosyasyon, basically in vol Gouvernman pour pa pey tax depi 2013 e ki SRC in bezwen antre dan en negosyasyon ek li pour fer peyman depi ki in sipoze fer depi 6an pase.’’  So en parti ki dan Lasanble, ki dan Gouvernman, i pe vol Gouvernman.  Eski ou pe konfirm sa?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE  LOUSTAU-LALANNE

Mersi Mr Speaker.  Mersi Onorab pour ou kestyon.  Onorab sa sonm 38,673, 318 i enkli rent pour sa batiman ek sa parcel ki nou kol lo la i pas 101104.  Me i osi enkli en parking.  I annan en rental lo en parking ki lanmenm la o bor.  So i annan 2 revenue stream nou pe koz lo la.  So sa i pour premye kestyon.

Ou 2 kestyon;  si mwan mon konpran sa sityasyon, se ki letan Oditer Zeneral in fer son lenvestigasyon, se a sa moman la ki SRC in konpran ki ti annan bann reveni ki ti pe ganny peye.  E se a sa moman la ki zot in komans fer sa assessment.  Alor zot annan en lide konbyen reveni in gannyen.  Me se zot ki bezwen determinen prezan konbyen tax ki zot pour bezwen peye; ki United Seychelles pour bezwen peye.

Akoz parey ou konnen letan ou lodge ou claim, oubyen ou lodge ou assessment, i annan bann kou osi ki i kapab dedwir lo sa reveni.  E mwan mon  pa pour konnen konbyen larzan, se pour kwa mon pa’n donn ou sif akoz mon napa sa sif.

E SRC li menm Ofisyelman i pa ankor sezi United Seychelles lo son tax, arrears si oule pour le moman.  Mersi Mr Speaker.

 

MR DEPUTY SPEAKER

Mersi Minis.  Mon annan Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker United Seychelles pe ganny demande pour pey son tax.  Akoz koman en antite si in angaz li dan okenn aktivite biznes, i bezwen pey son tax.

Now kestyon ki Lasanble pe demande.  Mon krwar pep Seselwa i bezwen aware se, eski i – baze lo sa kestyon previous about delinking.  Eski i normal pour en parti politik angaz li dan biznes avek Gouvernman?  Depi 2013 – e nou’n- Gouvernman in deside pour li delink avek sa practice,e kot okenn parti politik pa engage li dan aktivite biznes avek Gouvernman, me i pa anpes en parti politik angaz li dan en aktivite biznes avek antite prive.

        Likewise i pour osi annan endividi ki form par parti politik, ki pour angaz zot dan aktivite biznes ek Gouvernman.   E eski dan sa konteks sa bann dimoun osi pour ganny demande pour zot delink?  Oubyen zot osi zot pour kontinyen lwe avek Gouvernman?

E dezyenmman;

Eski sa bann figures ki ou’n donn nou la – par egzanp, in ganny kasyet somewhere?  Oubyen ti aksesib pour ki bann lenformasyon i kapab kolekte lo la?  Eski United Seychelles in montre poudir i pa pe korper avek SRC?  Oubyen i pa pe korper avek Oditer Zeneral?  Konmsi mon ti a kontan zis – akoz en statement in ganny fer dan Lasanble konm kwa ki i annan vol!  Ok?

 

(Interruption)

 

 (Off-Mic)

But of course ou pa peye

 

HON SEBASTIEN PILLAY

Now!  Non i annan en statement in ganny fer! Be ou pa kapab fer en alegasyon san ki nou lo sa kote latab, Minis i ganny sans eksplike kwa egzakteman ki’n arive, e kwa ki pe pase.  Mon pa konnen akoz ou pe ankoler!  Be ou – ou konnen mon pa ganny en konpran avek zot.  Zot oule  donn tou lopinyon  zis pour zot.  Zot pa oule personn donn lopinyon opoze ek zot.  Zot pa kapab Diktater ziska sa degre!!!

 

(Interruption)

 

MR DEPUTY SPEAKER

Onorab.  Onorab address The ChairAddress The Chair.  Fer ou kestyon spesifik.

 

HON SEBASTIEN PILLAY

Ok mon ava address The Chair.

 

MR DEPUTY SPEAKER

Fer en kestyon spesifik.

 

HON SEBASTIEN PILLAY

Mersi Mr Speaker.  Mersi Mr Speaker.

 

(Interruption)

 

 

MR DEPUTY SPEAKER

Order! Silvouple.  Kestyon spesifik pour Minis.

 

HON SEBASTIEN PILLAY

Mr Speaker, i enportan nou fer kot nou stand.  Kot nou stand nou, si i annan okenn tax ki devret ganny peye, i pour ganny peye!  Sa i kler sa.  Si pour ganny peye, i bezwen ganny peye.

Sa ki mon’n demann ou se, eski sa bann lenformasyon i toultan aksesib pour SRC?  E eski i en prosedir normal kot SRC i fer en assessment lo bann tax liability ki en antite i annan?  E si sa antite ler ou’n ganny fini takse son liability, then i bezwen peye anba Lalwa Business Tax?  Se tou ki mon ti annan klarifikasyon.  Mersi Mr Speaker.

 

MR DEPUTY SPEAKER

Mersi.  Minis.

 

MINISTER     MAURICE

LOUSTAU-LALANNE

Wi mersi Mr Speaker.  Mersi Onorab.  Wi mon krwar mon- e, mon kapab konfirmen ki Oditer Zeneral letan in antreprann son revi, in ganny korperasyon, full korperasyon!  E mon krwar ki tou bann sif in ganny donnen.  Mon krwar pa ki i annan okenn keksoz ki’n ganny kasyet.

Me lenportans pour mon soulinyen, se ki en parti politik- nenport parti politik i pa ganny exempté tax.  I pa lo okenn schedule exemption tax.  So si i annan bann biznes komersyal ki sa parti politik in antreprann, setadir i annan en laysenns, e in ganny reveni from en biznes komersyal, tax i due, i bezwen annan en assessment, i bezwen lodge e i bezwen peye.

So  mwan  mon konfirm avek ou ki letan SRC in Ofisyelman sezi United Seychelles son sonm ki i pour bezwen peye,  i pour bezwen peye.  E tou parti politik si i dan biznes komersyal kot i annan en laysenns.

Par egzanp i annan restoran, i annan diskotek, i annan le diferan revenue stream ki ou gannyen.  Li osi i bezwen ganny konsidere.  Akoz SRC letan i pour fer son travay i pour osi regard tou sa bann revenue stream ki pe antre.

So United Seychelles dan sa ka spesifik, i pour bezwen lodge son claim e apre i ava ganny assess, e apre i a pey son tax.  Parey tou parti politik i bezwen pey zot tax.  Akoz zot napa exemption.  Mersi Mr Speaker.

 

MR DEPUTY SPEAKER

Mersi Minis.  Onorab Sandy Arrisol.

 

HON SANDY ARISSOL

Mersi Mr Speaker.  Bonzour tou dimoun ki a lekout, espesyalman bann dimoun ki sorti Praslin.

Mr Speaker mon ti a kontan demann Minis, ki mannyer li koman Minis Finans avek son 2 PS ki la zot in les parti – avek SS ki la avek PS eskiz mwan.  Zot in otoriz Parti Lepep sa letan, apre 6an, e la zot in vin US –  zot in vol Gouvernman R38milyon an term tax?  Ki mannyer zot in otoriz en parti politik fer sa?  Selman letan en papa ki pa pey alimoni pour son zanfan, li i ganny monte Montagne Posée?  Me Gouvernman li i otoriz en parti politik pa pey R38 milyon tax!

La anler dan Galeri, (lo tax)  La anler dan Galeri nou annan bann biznesmenn ki pe ekoute;  eski i relevan ozordi Mr Speaker dan –

 

(Interruption)

 

HON SANDY ARRISOL

… eski mon kapab demann mon kestyon silvouple?  Eski i relevan ozordi dan nou pei, letan Prezidan Danny Faure pe dir accountability, responsabilite, zot dan Minister Finans zot otoriz en parti politik ki’n la pour plizyer lannen e ki o Pouvwar e zot pe vol lepep Seselwa R38milyon lo tax Mr Speaker?  Mon premye kestyon tax lo R38 milyon?  Sa mon premye kestyon.

Mon 2enm kestyon, mon ti a kontan clarté lo la, sa i enportan sa.  Parske Sesel nou annan 2 standar.  Nou trangle en kote, lot kote li i ganny les pase.  Fodre arete dan nou pei sa.

2enm kestyon.  Toulezan Minis Finans i vin la dan nou Lasanble Nasyonal, i annan en alokasyon ki bann parti politik i gannyen, depandan lo zot poursantaz zot in gannyen dan eleksyon.   Mr Speaker si mon mal, koriz mwan.

Parti Lepep li, i drwa Gouvernman – US ozordi, zot drwa Gouvernman.  Selman tou le desanm Gouvernman dan Bidze i fer provizyon pour zot ganny en larzan.  Zot drwa sa menm Gouvernman, e sa menm Gouvernman i vwar en larzan, i donn sa menm parti politik ki li i drwa sa menm Gouvernman?  Konmsi sey koriz mwan Mr Speaker.  Minis mon pa tro ganny en konpran.  Parske i annan en konfizyon total la.  Mon ti a kontan ganny en leksplikasyon lo la!  Mersi bokou.

 

MR DEPUTY SPEAKER

Mersi.  Mersi Onorab.  Minis 2 kestyon.  Ou annan la parol.

 

MINISTER        MAURICE

LOUSTAU-LALANNE

 Wi mersi Mr Speaker.  Mersi Onorab.  Onorab zis pour mon klarifye- selman mon krwar ou’n sey klarifye osi.  Sonm ki drwa, ki US i drwa an tax, pa ankor ganny determinen.  I pa R38.6milyon, i pa ankor determinen.   So parey mon dir, i bezwen lodge son claim.  I pour kapab deduct certain expenses.   E sa i en louvraz ki SRC pour fer.  E evantyelman letan sa sonm i ganny determinen;– akoz si i an retar, Lalwa i demande ki i bezwen annan penalti, i bezwen annan lentere ki ganny mete lo sa tax ki sa tax normal.  Ou konpran?  So sa sonm nou pa konnen.  Me letan in ganny determinen, i pour bezwen pey sa tax.  Bon sa i pwen klarifikasyon.

Prezan letan nou koz tir larzan ki Gouvernman i donn parti politik pour pey sa tax.  Sa, nou dan Minister Finans nou pa kapab fer.  Nou pa kapab fer!  SRC i le sel Lorganizasyon ki kapab fer sa.  E Lalwa i permet li fer sa koman en last resort anba sa ki nou apel en Garnishee Notice.  Akoz i konnen i annan tax ki i dwa, pa pe peye e zot ekrir nou – zot a ekrir Gouvernman a dir dedwir en serten poursantaz sak fwa ou fer en peyman, e donn mwan.

Me sa nou, nou pa kapab fer!  Sa i ganny fer par Komisyoner Zeneral Tax SRC li menm.  Ok so sa koumsa ki i pour marse enn fwa ki sa sonm in ganny determinen si i annan retar pour pey sa tax.  Mersi Mr Speaker.

 

MR DEPUTY SPEAKER

Mersi Minis.  Klarifikasyon Onorab Arissol.

 

HON SANDY ARISSOL

Mersi Mr Speaker.  Mersi Minis pour ou klarifikasyon.  Zis mon ti anvi Mr Speaker dir mon bann koleg lo latab, sanmenm sa i apel Question Time – pour nou ganny clarté, leklersisman avek Minis letan nou annan dout dan nou lespri.  I pa apel misleading.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE  LOUSTAU-LALANNE

Wi mersi Mr Speaker.  Mr Speaker mon krwar mon’n reponn kestyon.   Me solman i – mannyer mon konpran, ki mannyer mon ek mwan 2 Lieutenant nou’n les sa arive?  Mon pa konnen!  Mersi Mr Speaker.

 

(laughter)

 

MR DEPUTY SPEAKER

Ok.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker, eski Minis premyerman i ava kapab konfirmen ki sa lenvestigasyon ki’n ganny inisye pour ki SRC ozordi i konnen ki poudir, United Seychelles pa’n pey tax,  sete en linisyativ FPAC e ki si nou pa ti’n alert pour komans sa lenvestigasyon, keksoz ti pour kontinyen san okenn tax ki ozordi zot pe fer sa assessment e ki United Seychelles ti ava end up dan en sityasyon, kot i ti pour reste trankil.  Parski pa li ki’n vin devan kot zot pou dir i pa’n pey son tax.  Li i ti pe reste trankil depi 2013.  Alors ki sa travay ki’n ganny fer e ki byento i ava annan detrwa milyon ki i ava rantre dan fon Gouvernman, se gras a travay FPAC dan Lasanble Nasyonal!

Sa ki ti demande.  Mon ava reponn li, se en let ki mon mwan ti ekrir Oditer Zeneral e son rapor i la devan mwan, ki in anvoy kot Speaker e ki ou konman en Manm FPAC ou’n gannyen!

 

(Interruption)

 

HON WAVEL RAMKALAWAN

Dezyenmman Mr Speaker.  Dezyenmman Mr Speaker, eski Minis i kapab konfirmen dan en fason kler e senp pour tou dimoun konnen, konpran ki depi 2013 ziska 2018, United Seychelles pa’n pey okenn tax Gouvernman lo sa 38milyon ki in ranmase!

E dan sa ka, eski Minis i ava kapab – i ava dakor avek mwan ki ofet sa pa pey tax ki United Seychelles, parti politik ki ozordi i o Pouvwar dan sa pei e ki annan en minorite dan Lasanble Nasyonal,  in fer egzakteman parey bann Irlandais ki’n vin travay Sesel e pa’n pey okenn tax e ki ozordi – ozordi nou ape sey rod nou larzan tax!  Mersi bokou.

 

MR DEPUTY SPEAKER

Mersi Onorab.  Minis.

 

MINISTER    MAURICE

 LOUSTAU-LALANNE

Mersi Mr Speaker.  Mersi Onorab pour sa bann kestyon siplemanter ki ou’n poz mwan.

Wi i sanble mwan ki okenn tax lo sa 38milyon pa ankor ganny peye.  Me parey ou konnen, bann parti politik zot bezwen soumet zot bann rapor anyel avek Komisyoner Eleksyon e osi Rezistrar Zeneral.  E i kapab, i kapab.  Mon dir i kapab ki in annan en lenterpretasyon kekfwa par bann oditer ki en parti politik i tonm anba en asosyasyon.  E alor asosyasyon pa pey tax.  Me sa i pa korek dan Lalwa.

Akoz parey mon’n dir, si en asosyasyon i pe fer en biznes komersyal kot i pe ganny reveni, i bezwen pey tax.  E i kapab ki depi 2013 ziska prezan in annan sa lenterpretasyon.

Mwan mon  pa pe defann personn.  Mon pe sey anmenn en pe leksplikasyon, pour regarde kwa ki’n kapab arive.  Be i kler parey mon dir ki zot pour bezwen pey sa tax, enn fwa ki sa tax in ganny determinen par SRC.  E SRC i kapab met son penalti, i kapab met son lentere lo aryeraz sa tax, parey i fer avek tou dimoun.  Sa osi Lalwa i permet.

So vwala Mr Speaker, larepons ki mon’n kapab anmennen a bann kestyon ki mon’n ganny poze.  Mersi.

 

MR DEPUTY SPEAKER

Mon krwar i pe demann en klarifikasyon lo kan e lekel ki ti fer inisye sa demann avek Oditer Zeneral?  Se sa Onorab Ramkalawan?

 

MINISTER  MAURICE

LOUSTAU-LALANNE

Mersi Mr Speaker.  Wi mon krwar ki dan rapor Oditer Zeneral lo sa size.  Zot ti ganny demande a en peryod mon krwar an Septanm lannen pase pour zot fer en lodit.  E se sa ki’n déclenche si oule sa rapor ki prezan in ganny pibliye, in ganny sirkile a serten dimoun.  E se sa ki prezan SRC in komans son lenvestigasyon baze lo la.  Mersi.

 

MR DEPUTY SPEAKER

Klarifikasyon Onorab Ramkalawan.

 

HON WAVEL RAMKALAWAN

Yes.  Mr Speaker, eski Minis i kapab dir avek nou – vi ki la ozordi zot in konnen ki poudir United Seychelles in fer biznes e i pa’n pey tax,  eski ou Minister i ava osi pran li lo zot menm, pour zot fer en assessment lo bann lezot propriyete ki United Seychelles pe lwe, kot pe fer biznes pour regarde si zot pe pey tax lo sa bann lezot propriyete?

Par egzanp lekol Montessori anler, batiman anler Bel Air ki pour zot,  ou ek bann lezot landrwa ankor pour regarde si sa parti politik ki koz lo ‘’accountability’’ – savedir rann kont pe aktyelman met an pratik sa ki zot profese?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER    MAURICE

 LOUSTAU-LALANNE

 Mersi Mr Speaker.  Wi Onorab mon krwar ki staz ki keksoz in arive la – de toute les façons SRC in rankontre en team dan United Seychelles, pour zot inisye en diskisyon, pour regarde kwa bann aktivite komersyal ki zot pe fer?  Kote zot pe ganny reveni ki kekfwa zot pa ankor pey tax.   Se pour kwa mon’n dir, la sa bann diskisyon ki pe ale,  se pour ganny tou sa bann revenue stream United Seychelles pour konnen egzakteman ki son tax liability dan son an antye.

Donk sa travay i ongoing on la ant SRC avek bann Reprezantan United Seychelles.  Mr Speaker mersi.

 

MR DEPUTY SPEAKER

Klarifikasyon?

 

HON WAVEL RAMKALAWAN

Zis pour dir Minis si -. Parski FPAC ti ava kapab kriy zot pour demann kestyon.  Eski Minis i a kapab, letan zot in fini fer sa assessment, donn en kopi avek Lasanble Nasyonal silvouple?  Mersi bokou.

 

MR DEPUTY SPEAKER

Mersi Onorab.  Minis.

 

MINISTER MAURICE  LOUSTAU-LALANNE

Mersi Mr Speaker.  Mr Speaker mon krwar i a kekfwa preferab ki nou fer sa rapor ganny soumet avek FPAC.  Mersi Mr Speaker.

 

MR DEPUTY SPEAKER

Mersi Minis.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour Minis ek ou delegasyon.  Tou Manm Onorab, bann d’habitants Baie Ste Anne Praslin bonzour.  E tou dimoun ki a lekout.

Mr Speaker eski Minis i kapab eklersi nou;  si i par ekspre ki Parti United Seychelles i pa’n pey tax   ouswa Oditer pa omisyon – parey ou’n eksplike, ki i ti krwar letan in donn dokiman odite avek Biro Eleksyon.  E ki letan sa in ganny remarke, alor bann koreksyon pe ganny fer.  Savedir napa okenn move lentansyon.

E an menm tan, eski sa legzersis ki ou’n ganny demande pour fer la, ou kapab fer li pour tou parti politik ki i annan dan Sesel?

E an menm tan 3enm pwen;  e si  ou kapab donn avek nou Lasanble, tou tranzaksyon Gouvernman i fer, avek tou bann diferan Antite kot i konsern sirtou lwe bann landrwa, lwe propriyete?

Par egzanp zot lwe lofis oubyen tel, tel konpannyen, dimoun, parti politik whatever.  Donn nou en bilan pour nou kapab konmsi ganny en nide pour nou vwar dan menm lespri, dan menm loptik….

 

(Interruption)

 

HON CHARLES DE COMMARMOND

… e … kou … te!  Be ki  mannyer zot  kapab annan  bann Manm Onorab koumsa Mr Speaker?  Ou pa met en lord ek zot?

 

(Interruption)

 

 

MR DEPUTY SPEAKER

Non!  Non carry-onCarry on  right ….

 

 

(Off-Mic)

Ou pa kapab met en lord …!

 

(Interruption)

 

HON CHARLES DE COMMARMOND

Be mon bezwen – Mon pe koze, zot pe disturb!  Ekoute!  Aprann ekoute!

 

MR DEPUTY SPEAKER

Mwan ki ansarz.  Mon ki ansarz diskisyon …

 

HON CHARLES DE COMMARMOND

Be sanmenm. Si  ou ki ansarz …

 

MR DEPUTY SPEAKER

Mon pe donn ou permisyon.

 

HON CHARLES DE COMMARMOND

Si ou pe ansarz met lord.

 

MR DEPUTY SPEAKER

En pti moman Onorab De Commarmond …

 

HON CHARLES DE COMMARMOND

Mr Speaker …

 

MR DEPUTY SPEAKER

Bann dimoun i annan drwa pas en pti komanter san ki i disturb ler ou kestyon – ok?

 

(Interruption)

 

HON CHARLES DE COMMARMOND

Wi be sa.  Sa ki …  Sa pa  en pti komanter Mr Speaker!

 

MR DEPUTY SPEAKER

Sa i normal.  Sa i normal.  Toultan i arive.

 

HON CHARLES DE COMMARMOND

Sa en ta dezord!

 

MR DEPUTY SPEAKER

Me selman si i ariv en nivo ki ou nepli tann ou,   la mon pour aret diskisyon.  Me kontinyen avek ou kestyon.

 

HON CHARLES DE COMMARMOND

Mersi.  Mr Speaker vwala mon bann pwen – 3 keksoz ki mon’n demande la.  Eski alor Minis i kapab reponn sa 3 pwen.  Mersi.

 

MR DEPUTY SPEAKER

Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker lo premye pwen.  Wi  mwan osi mwan santi i kapab, ki’n annan sa lenterpretasyon Lasosyasyon pa pey tax eksetera.  E sa i kapab le ka.  Me parey nou’n klarifye, nou’n fer li kler si i annan en bi komersyal, zot annan en Laysenns pour fer restoran, zot peye.  Si zot annan en laysenns pour fer diskotek zot peye.  Si zot vann bwar, zot annan en laysenns pour vann bwar, zot peye.  Ensidswit.  Sa i premye.

2enm.  Wi nou kapab – (sorry) nou pa fer distenksyon avek parti politik.  Tou parti politik si zot pe fer sa bann aktivite, zot bezwen pey zot tax.  E nou pour fer sir ki nou osi nou verifye ki tou zafer i annord!  Akoz i annan en sel pwa dan sa pei.  I pa kapab annan 2 pwa.

So– e trwazyenmman Mr Speaker.   Mon pe sey mazinen, mon’n bliye la.  Sey repet sa 3enm zafer la.  Mersi Mr Speaker.

 

MR DEPUTY SPEAKER

Onorab De Commarmond.

 

HON CHARLES DE COMMARMOND

Wi.  Ou’n ganny li?

 

MR DEPUTY SPEAKER

Minis.

 

MINISTER MAURICE LOUSTAU-LALANNE

Wi lo- nou a fer sa travay lo rent pour nou konnen egzakteman ki mannyer i ete dan son globalite.  Mersi.

 

MR DEPUTY SPEAKER

Ok.  Onorab Ramkalawan, Point of order.

 

HON WAVEL RAMKALAWAN

Mr Speaker mon anvi zis fer en pti point of order pour en klarifikasyon baze lo sa ki Minis in dir.  Pou dir avek Minis ki, en parti politik i ganny anrezistre avek Komisyon Elektoral e ki en parti politik i accountable to Komisyon Elektoral e ki en Lasosyasyon i anrezistre kot Rezistrar Zeneral.  E ki US i pa en Lasosyasyon, me i en parti politik!  E alor tou sa bann egzanpsyon, si in fer fot, i ti krwar isi laba –  tousala se zis bann leskiz!  Mersi bokou.

 

MR DEPUTY SPEAKER

Point of order, Onorab Pillay.

 

HON SEBASTIEN PILLAY

Yes Mr Speaker.  Mon oule koriz en misapprehension ki’n arive dan Lasanble, kan Onorab Ramkalawan ti dir ki sete li – in anvoy sa let lo la par FPAC.  Wi ki’n ganny endorse par FPAC as a Committee ki enkli 3 Manm United Seychelles.  Akoz nou oule fer kler, nou oule al lo rikord; ki napa personn lo sa kote latab ki seat lo okenn Komite Lasanble ki pe met okenn retar dan okenn lenvestigasyon ki pe ganny fer vizavi okenn liability, ki nou koman en parti politik nou annan!

Nou vwar nou dan en sityasyon konpleks.  Akoz nou, nou form par sa parti politik.  Be i pa vedir poudir nou pour condone a okenn moman, okenn aktivite ki an defo ek Lalwa ki menm nou parti in fer!  Ok that’s the way it should be!  Nou devre annan lafors pour nou stand up to our own party ler in fer en keksoz mal – si in fer en keksoz mal!

 

(APPLAUSE)

 

HON SEBASTIEN PILLAY

E mon oule azoute Mr Speaker.  Mon oule azoute, mon oule azoute ki sa demann ti ganny fer osi par Manm lo sa kote latab, par mwan menm,  Onorab Hoareau e lezot Manm, e menm Manm lo lot kote latab pour ki i annan en lenvestigasyon.  E sa i lo rikord lo verbatim Lasanble!  So mon ti a kontan osi ki sa i al lo rikord.

E mon oule Mr Speaker met devan ou, ki ou’n allow Lasanble to ganny mislead a en moman kot en liability R38 milyon in ganny enpoze ki nou nou’n vole.  E ki Minis in bezwen klarifye!

 

MR DEPUTY SPEAKER

Non!

 

HON SEBASTIEN PILLAY

Mon krwar ou ti’n devret aret sa a sa moman Mr Speaker.  Mersi.

 

MR DEPUTY SPEAKER

Onorab Pillay mon pa aksepte ou klarifikasyon lo premye pwen.  Me mon pa pour aksepte sa komanter ki  mwan mon pe allow The House to be misled.  Parski mon’n les li fini koze!  E dan son finisyon in korize poudir en tax lo sa 38 milyon, mon’n les li.  E answit Minis in konfirmen.  E alor there’s no misleading of The House, parske sanmenm sa dimoun ki’n dir sa, in koriz son lekor e in fer kler!  Alor there’s no misleading of The House ki’n ganny permet.

Si i pa ti fer li, mon ti pour dir li klarifye.  Alor mwan ki ansarz dan Chair.  Mwan  ki diriz sa; pa bezwen vin avek lakizasyon konmkwa The Chair is trying to be bias in any way!  Ok?    

 

(Interruption)

 

MR DEPUTY SPEAKER

Mon ti ava permet ou retract.  Wi.

 

HON SEBASTIEN PILLAY

Mersi Mr Speaker.  Mon kontan ou’n klarifye, e mon kontan ki ou pour mentenir sa menm standar throughout nou Lasanble.  E mon ti ava demann bann Manm pour swiv sa legzanp ki ou’n donnen.  Mersi bokou Mr Speaker.

 

(Interruption)

 

 

MR DEPUTY SPEAKER

Ok.  Alor retract ou statement.

 

HON SEBASTIEN PILLAY

Mon’n note ki ou’n, ki in korize Mr Speaker e mon retract mon statement.

 

MR DEPUTY SPEAKER

Mersi.  Nou pour al lo dernyen kestyon, ki en Kestyon Dirzans poze par Onorab Gervais Henrie.  Mon a permet ou poz ou kestyon.

 

HON GERVAIS HENRIE

Mersi Mr Speaker.  So mon mwan ti’n demann ou avan, zis pour mon fer en pti pwen lo kestyon orizinal la.

 

MR DEPUTY SPEAKER

Ok vitman.

 

HON GERVAIS HENRIE

Mr Speaker i annan 2 keksoz.  Parski en dimoun ki lwe en lakaz.  En lakaz i pe lwe. I pey son tax e i deklar son bann zafer ki i bezwen soumet avek SRC avan le 30 Avril toulezan.

I iresponsab.  E mon krwar i malere pour nou koman en Lasanble serye les sa pase ki en parti politik li i lwe sitan propriyete enkli kot NASYON i print  – R63, 000 par mwan.  Horizon Complex Praslin kot bann dimoun Baie Ste ki ete la anler i reste.

Tousala! Mon zwenn Leader Lopozisyon pour ki Minister Finans i al osi get sa bann propriyete Horizon Complex avek NISA!  Mersi.

 

MR DEPUTY SPEAKER

Mersi.  Mersi Onorab Henrie.  Ou kapab al avek ou Kestyon Dirzans.

 

HON GERVAIS HENRIE

Mon Kestyon Dirzans i a vin- lir koumsa;-

Eski Minis pour Finans i kapab dir avek sa Lasanble, pour ki rezon Ladministrasyon Msye Faure in entrodwi S.I. 24 2019?  Ki lamannman spesifik sa S.I pe fer?  E lekel bann dimoun ki pe benefisye anba sa S.I?  Mersi.

 

MR DEPUTY SPEAKER

Mersi Onorab.  Minis Finans.

 

MINISTER MAURICE LOUSTAU-LALANNE

Mersi Mr Speaker.  Mr Speaker Lartik 133(2) Konstitisyon i met en restriksyon si oule lo fason pour takse bann Justices of Appeal ek bann Judges Salary allowance ek Gratwite.

E se akoz sa ki sa S.I. in ganny fer e nou’n spesifikman spesifye ki i aplikab pour Sef Ziz, Prezidan Lakourdapel, Ziz Lakourdapel e Ziz Lakour Siprenm.  E zis pour konfirmen ki sa bann dimoun ki mon’n mansyonnen, ozordi zot pe pey personal income tax a 15poursan, e sa pour kontinyen.

Me sa progressive income tax ki prezan i Lalwa, i pa pour aplikab pour sa kategori ki mon’n fer mansyon.  Akoz sa Lartik Konstitisyon i prevwar ki they are not worse-off pandan peryod ki zot dan lanplwa.

E osi pour azoute ki tou nouvo Ziz, Ziz Lakourdapel ensidswit, bann ki pour annan – bann ki pour ganny anploye ki pour annan nouvo Kontra zot, zot pa form parti sa egzanpsyon.  Zot pour pey zot progressive income tax parey Lalwa i demande.  Mersi Mr Speaker.

 

MR DEPUTY SPEAKER

Mersi.  Mersi Minis.  Onorab Henrie.

 

HON GERVAIS HENRIE

Mersi Mr Speaker.  Mon krwar mwan kestyon – sa 2enm bout.  Ki lamannman spesifik sa S.I. pe fer?  Mon krwar Minis si mon ti pe ekoute lo radyo la, mon pa ti pour tro kler dan ou larepons ki ou’n donnen.  Kekfwa si ou ti kapab repete pour dir.  Mon pa pour dir ou ki ou pour dir, solman i pa’n sorti osi kler.  So si ou ti kapab konsider sa.

Be solman mon kestyon ki mon anvi demande,  se ki mon anvi konnen lekel sa endividi, ouswa sa group endividi ki’n fer sa demann avek Gouvernman e Konsey Prezidan poudir i ok.  Sa demann –  legalman, etnikman, moralman i ok, kapab akord zot sa ki sa S.I. pe dir fer.  Mon anvi konnen kote sa demann in sorti orizinalman?

E dezyenmman lefe ki i annan en case Ankour ozordi konsernan S.I., ki Prezidan Faure ti fayle son case kont Speaker le 10 Avril 2019. E son S.I. 24 ki fer Ziz pa pey tax, i date le 16 Avril 2019, setadir 6 zour pli tar.

Letan Gouvernman i pran en desizyon koumsa- Mr Speaker mon ti a kontan demann Minis si i pa krwar i montre en serten konfli lentere, en collusion ant Egzekitif ek Zidisyer?  Si zot pa’n konsider sa?  E menm dimoun i kapab al osi lwen poudir en lesey koripsyon?  Mersi bokou.

 

MR DEPUTY SPEAKER

Mersi Onorab.  Minis.

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab premye kestyon se kan tousala ti komanse?  Mwan mon rapel ki sa ti komanse depi an 2018.

E letan Lalwa ti sorti, nou ti annan reprezantasyon sorti kot Zidisyer.  E nou ti annan en meeting avek zot.  Akoz zot ti pe konteste sa Lartik 133 (2) kot they cannot be worse-off ki zot Kontra i dir.  Inisyalman nou pa ti entertain.  So zot in pey progressive income tax letan Lalwa in vin anfors.

E pli resaman in annan – si oule en demann par Zidisyer pour revwar sa kestyon.  E osi azout serten lezot travayer Zidisyer pour tonm anba sa provizyon.  E desizyon Gouvernman, ti pour limit li parey Konstitisyon i demande a sa 4 kategori – inikman.   E se akoz de sa, ki S.I. in ganny fer.

E pour klarifye –  pour mwan dan mon  lespri i kler.  Ki ozordi zot ti pe pey 15poursan.  Zot pour kontinyen pey 15poursan.  Zot pa pour pey sa progressive par lao sa cut-off point ki nou annan, ziska tan pour annan en nouvo Kontra, oubyen en nouvo Ziz i ganny aplike.  Akoz la sa Lalwa i sa Lalwa ki pour aplike.  Me pour sa bann ki deza dan Lanplwa, zot annan en serten kondisyon, nou pa kapab fer zot worse offSo sa klarifikasyon.

Prezan lo bann dat ki ou’n fer mansyon, mon pa kapab fer okenn remark lo la.  Mon napa sa lenformasyon pour mwan konnen egzakteman sa bann dat.  E mon pa- . E i 3 brans endepandan – ou konpran?  Mon pa konpran sa pwen ou pe fer resorti, kot kekfwa i annan en lenterferans.  Mon pa konnen!  E fotespere ki napa.  Akoz nou tou le 3 nou sipoze endepandan, transparan e aplik prosedir parey Konstitisyon i demande.  Mersi Mr Speaker.

 

MR DEPUTY SPEAKER

Mersi Minis.  Onorab Clifford Andre.

 

HON CLIFFORD ANDRE

Mersi Mr Speaker.  (Demen mon krwar mwan pour bezwen re swazir mon profesyon)

Mr Speaker mon ti a kontan demann Minis, si son Gouvernman pe mazinen pour zot anmenn en lamannman Konstitisyonnel pour fer sir ki tou Seselwa ki pey tax, a benefisye parey bann Ziz.  Akoz se zot larzan tax ki pe servi pour pey bann Ziz!

Dezyenmman;  sa ki Minis in dir nou letan mon pe get sa dokiman – koriz mwan Minis.  Akoz ou ou’n dir ki poudir zot pe pey 15poursan.  Be sa dokiman date le 29 Desanm 2017 i dir;

‘’Exceeding SR8, 555.50sou, but not exceeding R10, 000 15poursan on the amount in excess of 8555.5.’’ 

        Letan i vin lo sa lot provizyon Minis.  (Pa pe tann mwan la Minis, ou pour re demann mwan ankor la)  I ok?  Mon ale menm?  Ok.  Yeah.

Sa lot ki vin ‘’exceeding R10, 000 but not exceeding 83, 000.’’  La i dir ou i pour pey R216.68sou plus 20poursan ki ou’n dir zot pa pour peye!  Savedir i pe pey 15poursan Minis, senpleman lo sa larzan ant R8555.50sou ziska R10, 000.  Epi lezot i pour pey – i ganny – !  I pey zero li.  Ni sa R216 i pa pour peye!

Sa ki ou’n dir Minis, baze lo larepons ki ou’n donnen avek sa, pa parey Minis!  Eksplik nou akoz nou bann dimoun ordiner nou bezwen kontinyen pey tax?  Ok e ki nou pa – nou, nou bezwen worse-off nou, ki lezot pa kapab worse off.  Nou tou nou dan menm pei, menm Sesel, one Seychelles i dir – non?  Annou ganny trete parey Minis.  Mersi.

 

MR DEPUTY SPEAKER

Mersi.  Mersi.  Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab mon dan drafting kekfwa osi i annan lenterpretasyon.  Me parey mwan  mon’n eksplik ou, le 16 Avril ozordi, (ozordi pardon)  Sa 4 kategori zot pe pey progressive income tax parey Lalwa i demande.

Parey mon dir ou, letan ti fer demann en pe letan pase, nou pa’n akorde.  Nou’n kontinyen, zot pe peye zot.  Zot santi ki zot worse off parey sa Lartik pe dir ‘‘there should not be worse off’’ annou sanze.

Bon sa pwen ki ou pe dir ki tou travayer Seselwa become worse-off, mon dakor ek ou.  Ou osi, mwan osi, Leader Lopozisyon, Speaker, tou dimoun nou worse-off.   Me sa Lartik 133 (2) i refer zisteman avek sa 4.

Prezan a parti maintenant la.  A parti maintenant, zot pour nepli lo progressive income tax.  Zot pour al lo sa 15poursan ki ti la avan, nou ti sanz sa Lalwa.

So si fodre fer li pli kler, pli kler annou-anfen mon pe sizere.  Mon pe sey rod en fason pour mwan fer sir sa ki mon dir i ganny enkorpore byen, ki kekfwa nou kapab azout en paragraf, apre sa paragraf 2 (a) nou met en lot paragraf kot nou fer li kler.

Akoz lentansyon se pa ki sa 4 group dimoun pa pey tax ditou.  Sa se zanmen lenterpretasyon!  Zot pe pey 15, zot a pey 15.  Non be si fodre – si Lalwa i dir zot pa pe pey tax ditou, be annou – non, non, non, non!  Annou met en 2 (b), annou met en 2 (b) e la mon pe get mon kouzen, annou met en 2 (b) kot nou ava fer sir ki sa i kler.  Mr Speaker.  Mersi.

 

MR DEPUTY SPEAKER

Mersi Minis.  En pti klarifikasyon.  Onorab Andre.

 

HON CLIFFORD ANDRE

Mersi Mr Speaker.  Mon swete i ptipti.  Mr Speaker i annan 2 pwen ki Minis in dir ki – akoz Lakour ki fer enterpretasyon, li ki pour fer enterpretasyon.  Selman 133 – 133 i dir ‘‘The salary allowances and gratuity payable to Justices of Appeal and Judges shall be prescribe under Law.’’ 

        2enm i dir ou ‘‘Subject to Article 134, the salary allowance or gratuity payable to and in terms, and other conditions of service of the Justice of Appeal shall not be altered to the disadvantage’’.  So saler ki pa ganny alter.  Tax i pas lo saler sa.

Mon pe sey konpran!  Mon pe sey konpran!  Akoz mwan osi letan ou dir mwan, mon saler i reste – konbyen i reste?  Mon pey tax, ou tax i monte.  Mon pey ou tax, mon saler i reste parey, mon allowance i reste parey.  Mon Gratwite i reste parey.   Konmsi koriz nou ki mannyer sa staff ki travay Ankour, bliy mwan, bliy mwan, bliy ou Minis.  Sa staff ki travay Ankour laba o bor sanmenm sa Ziz ki pe donn li file, ki pe kriy dimoun deor, ki pe fer sa dimoun swear-in.  Ki mannyer li i kapab pey tax, son saler pa alter.   Kan dan Lalwa Lanplwa i dir napa, ou napa drwa alter saler tou dezavantaz.  Dan Lalwa Lanplwa i mete.  Savedir nou tou nou dezavantaze la.  Pe kas Lalwa Lanplwa la.  Sa i enn.

Dezyenmman;

Letan nou pe get sa Lalwa, Minis ki ou pe dir 2 (a) i dir ou ‘‘the tax imposed under paragraph 1 & 2 of the First Schedule shall not be applicable’’.  ‘’Shall not be applicable.’’  So nanryen pa pour peye Minis.  15poursan pa pour peye Minis.

 

(Off-Mic)

Nanryen! Nanryen!  Nanryen!

 

HON CLIFFORD ANDRE

La, la i fini dir la.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mr Speaker mon propozisyon en 2 (b) pour met 15poursan.  I -.  Mersi.

 

MR DEPUTY SPEAKER

Ok i paret Minis i santi poudir i annan problenm avek lafason drafting in ganny fer.  Nou kontinyen avek bann kestyon.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon bezwen dir en keksoz ler mon komans demann mon kestyon, very quickly. 

Ler mon’n regard kestyon Onorab Henrie vin lo Order Paper, mon’n regard nou Standing Orders e in- Dan – anba (1) i dir, ‘‘a question should be asked seeking informations set forth in accessible documents’’. 

        Tou bann lenformasyon ki kestyon Onorab Henrie ti pe demande,  ti bann dokiman.  Me selman kestyon Onorab Henrie i annan en lenportans significant, par lefe ki en Lalwa Tax dan en pei i siprenm.  I Siprenm.  Dan tou pei Lalwa Tax i Siprenm.  Si ou al Lanmerik bann Ziz i pey tax.  Ou konpran?

So tou pei i annan en Lalwa Tax ki siprenm.  E se sa ki nou, nou’n ganny konpran.  E ler nou ti pas Lalwa Tax dan Sesel, ti fer li vin Siprenm.  Now, nou peye tax – MNA.

 

(Interruption)

 

HON SEBASTIEN PILLAY

Ah Mr Speaker vwar nou, nou…

 

MR DEPUTY SPEAKER

Demann ou kestyon.  Kontinyen demann ou kestyon.

 

HON SEBASTIEN PILLAY

Wi Mr Speaker, ou konnen ki arive dan sa pei?  Dan sa pei la nou, nou montre poudir nou travay fairly without favour nou.  Ou konpran?  Without fear or favour?  So …

 

MR DEPUTY SPEAKER

Onorab Pillay demann ou kestyon.  Nou annan en kontrent letan.

 

HON SEBASTIEN PILLAY

Sa ki mon ti a kontan Minis i klarifye, e ki Minis pa ankor kapab klarifye pour nou Mr Speaker.  Se ki egzanpsyon ki ou pe mete anba Lalwa ozordi Minis ek sa S.I. mannyer i stand la.  Ou pa kapab azout en 2 (b) ek sa S.I. la.  Ou pour bezwen retourn ek en lot S.I.

Me si ou pour retourn ek en lot S.I., mon krwar ou pour bezwen retourn lo latab e al re diskite sa.  Akoz mon konpran largiman Onorab Andre ler i koz lo salary payable.  Me salary i annan 2 salary.  I annan gross salary ek ou net salary.

Ou net salary, sa ki ou gannyen ler ou’n fini tir tax.  E sa ki Lalwa pe, Konstitisyon pe dir se ki i pa devret dezavantaze.  Be sa, pa sa le problenm.  Le problenm i se ki ler nou ti entrodwir PIT, PIT ti ganny entrodwir pour tou dimoun.  I pa ti ganny entrodwir pour en subset dimoun, pour en kategori dimoun.

Si nou ti santi poudir sa bann Ziz ti pour ganny dezavantaze, or okenn endividi, nou ti ava gross up zot saler accordingly.  Me nou pa’n gross up zot saler.  So si sa pa’n ganny fer, then that should be something ki zot bezwen al diskite.  Me solman as it stands la, Lasanble pour pe fer en, pour pe fer en keksoz ki abnormal vizavi lezot Seselwa si nou les sa S.I. as it is.  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

 Mersi Mr Speaker.  Mr Speaker mon pe sey rod en fason pour nou fer sir ki sa ki mon’n dir i ganny enkorpore.  Prezan si fodre retourn ek en lot, e met- pour li kler, ki sa not applicable i kapab ganny enterprete ki not applicable at all to pay tax.  Ki pa lentansyon ditou.  Annou regarde ki mannyer nou fer sa.  E mon swete zot donn mwan en pe gidans osi ki mannyer nou pour fer sa.  Mersi.

 

MR DEPUTY SPEAKER

Mersi.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker mon ti a kontan contextualise kestyon ki mon pe al demande par enn de, par enn de keksoz.        Premyerman en Ziz Lakourdapel oubyen en Ziz Lakour Siprenm including son Prezidan Lakourdapel avek son Sef Ziz zot bezwen annan en saler ki apropriye parey nou ti dir commensurate avek fonksyon ki zot desarze.

Sa nou pa kapab kontournen.  Si nou anvi dimoun vin Ziz, nou bezwen pey zot en saler ki adekwat.  Sa se premye konsiderasyon.

En pti pe parey Speaker Lasanble, en pti pe parey Prezidan, zot dan en kategori apar akoz zot travay ki zot fer, i en kategori apar.

E mon ti ava menm azoute Manm Lasanble osi i devret tonm dan sa soz.  Me annou pa al laba.

2enm pwen,  se ki anba Lartik 133, i kler akoz ki ou pa kapab redwir saler en Ziz pandan ki i an fonksyon.  Se pour anpes Gouvernman met presyon lo en Ziz pour li rann zizman an faver Gouvernman en dissent ‘‘si ou pa fer, mon pour koup ou saler!’’  Se pour sa rezon ki i la.  Alor nou pa kapab fer li.

E 3enm konsiderasyon se, eski i devret annan 2 sistenm tax pour Ziz?  En sistenm tax pour Ziz, en sistenm tax ki pa pour Ziz?   E mon krwar se la kot mon kestyon i vini Minis.

Akoz ki nou pe al dan sa sistenm kot pour annan en pe tax ki pour ganny peye par sa bann ki la?  Akoz nou pa kapab redwir zot saler.  Me bann ki pour vin apre zot, zot pour annan en lot rezim tax?  Mon pa vwar ki mannyer nou kapab zistifye sa.  Premye pwen.

2enm pwen se, ki arive avek Seksyon 13 Judiciary Act ki dir ki saler tou bann Ziz pa pour annan tax lo la?  Si pa pour annan tax, nou pa kapab donn zot, aplik ni 15poursan.

Mon pa konnen.  Serten dimoun i dir mon sa Provizyon nepli egziste.  Alor si in sorti, si in sorti.  Akoz ki nou pe dir en bann pour pey 15poursan la, me bann ki pe vin apre pour 15poursan e progressive.  I pa pour posib.  Nou pe fer 2 kategori Ziz.  Sa bann ki pe vini pour dir be ki mannyer bann ki avan pe ganny en meyer tretman?  Nou bezwen mon krwar fer en fason ki si saler Ziz i ganny takse, akoz Lartik 133 pa permet en rediksyon pour bann ki an post?  Increase zot base pour ki zot pa, zot saler pa redwir, me fer menm keksoz pour bann ki pe vini apre pour ki pa pour annan de pwa, de mezir.

Eski se pa sa ki nou devret pe fer?  E si nou pa pe fer li atraver sa S.I.  Eski nou pa devret revwar sa S.I .dan en fason ki nou achieve sa ki nou anvi achieve?

 

MR DEPUTY SPEAKER.

Mersi Onorab Georges.  Minis.

 

MINISTER MAURICE  LOUSTAU-LALANNE

Mersi Mr Speaker.  Mr Speaker mon mwan – mon krwar ki efektivman kekfwa larepons i dan ki Minister Finans kekfwa i bezwen revwar sa Polisi lo tax.  Akoz parey Onorab Andre in dir, se saler Gratwite ek allowance ki pa merit worse-off e tax letan nou ti mete, tax ti pour tou dimoun Sesel.

Eski nou’n deza … ?  Akoz par lepase nou’n sanze rezim.  Eski nou’n deza par lepase gross up pour sa kategori?  Mon pa konnen.  Fodre mon poz kestyon.  E i kapab nou’n deza fer li par lepase.  Mon pa konnen, mon bezwen al verifye.

So kekfwa dan Minister Finans nou bezwen revwar en Polisi ki pou vin avek.  Apre swit a sa, nou donn son lanpler Legal, son kad Legal pour sa ka spesifik.  So mon propoze kekfwa solisyon i la.  Mr Speaker mersi.

 

MR DEPUTY SPEAKER

Mersi Minis.  Bon mon ti a kontan ganny en pti gidans.  Mon konnen sa i en topik tre enportan e mon annan devan mon 1, 2, 3,4,5,6 Manm ki’n poz kestyon lo la.  Mon pa anvi koup personn.   I 1er mwen zen kar.  1er nou pour annan en meeting ABC.   Petet nou kapab fer li 1er en kar.  Zot- nou ava ale ziska 1er?  Selman bann larestan larepons, kestyon i ase bref pour nou kapab fini.  Mon pa mind ale ziska 1er mwan.  Ok be dan sa ka mon pour al avek Onorab Norbert Loizeau.

 

HON NORBERT LOIZEAU

Mersi Mr Speaker.  Bonzour Minis.  Mr Speaker vi ki nou annan kontrent letan, alors mon a demann zis enn parmi mon 3 kestyon.

Mr Speaker mon anvi demann ek Minis en senp pti kestyon, pour nou kapab konpran rezondet ki dezavantaz i pour anmennen pour sa bann Ziz ki alors zot bezwen ganny exempté?

Alors Minis mon ti a kontan ou donn nou detay lo konbyen sa bann Ziz zot gannyen, sa bann dimoun konsernen ki dan sa S.I. la ki pour benefisye lo la.  Ki zot allowance?  An dot mo ki zot package pour nou kapab byen konpran ki degre dezavantaze zot pour dezavantaze?  Mersi.

 

MR DEPUTY SPEAKER

Mersi Onorab Loizeau.  Minis.  Alor i pe demann tre spesifik ki package sa bann, sa 4 kategori dimoun ki pe ganny en tax zero anba sa S.I.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Onorab latab ki mon pe regarde la.  Pardon- latab ki mon pe regarde ki dan liv bidze, i montre mon ki avek zot saler le mwan, ki varye ant 63, 900 ziska R53, 908.00, 15poursan i 9, 500 ziska 8, 000, e lo progressive sa i ogmante pour vin 10, 000 pros 11, 000.  So  en diferans 1, 400, R1, 500 par mwan.

E pli mwens i apepre R912.00 par mwan.  Lo sa latab ki mon pe regarde la.

E pour Lakourdapel i en pe plis.  So nou pe koz R1, 600 a R912.00 pli o e pli ba.  Mersi Mr Speaker.

 

MR DEPUTY SPEAKER

Mersi Minis.  Mon krwar ou’n demann tou bann kondisyon zot lapey, apard lapey si i annan allowance eksetera ki’n ganny- e lakaz par egzanp, ki valer sa bann benefis ki zot pe gannyen?

 

MINISTER MAURICE LOUSTAU-LALANNE

Mr Speaker mannyer mon konpran zot – si Gouvernman pa pe donn zot en lakaz.  Setadir zot rod zot prop lakaz, zot ganny en allowance tou le mwan R25, 000.  Wi an plis ki sa saler ki mon’n mansyonnen.  Mersi.

 

HON NORBERT LOIZEAU

Mersi pour sa repons. Mon anvi zis dir Minis, si zot dezavantaze.  Mon mwan pli dezavantaze akoz R25, 000 se sa lapey ki mon mwan anmenn se mon koman en Manm Lasanble.  Mersi.

 

MR DEPUTY SPEAKER

Mersi Onorab.   Onorab Leader of Government Business.

 

HON CHARLES DE COMMARMOND

Mersi Mr Speaker.  Mr Speaker eski Minis i kapab enform nou Lasanble, e dir nou lekel ki’n advise Gouvernman lo sa size?  E ki zistifikasyon in ganny mete ek rasyonnel ki’n ganny mete dan file lo sa issue?

E konfirm ek nou, eski dan lepase- in annan dan lepase resan.  Eski in deza annan en legzersis ki’n ganny fer pour mitigate sa problenm kot ler bann zafer tax ti’n ganny komans mete lo saler bann Ziz e lezot ankor?  Parey letan nou osi nou’n ganny met parey.  Eski in annan en legzersis ki ti fer pour mitigate sa sityasyon dan lepase resan?  Mersi.

 

MR DEPUTY SPEAKER

Mersi Onorab.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Parey mon’n fer resorti, inisyalman nou pa ti aksepte sa request.  Me apre parey mon’n eksplike, in ganny revwar e propozisyon ki nou’n gannyen sorti kot Prokirer Zeneral se – e zot in drafte sa S.I. parey nou’n vwar la ki mon’n sinyen.  Mon mon’n fer sir letan mon’n siny sa S.I. ki i annan 2 keksoz.  Nou ti pe fer sir ki sa kategori ki nou ti deside ti pour benefisye ti enkli dan sa S.I.  Me mon realize kekfwa apre sa diskisyon ki nou pe fer la, ki i kapab mannyer in word, i kapab konmsi donn lenpresyon zot pa pey tax ditou, ki pa lentansyon.  So i annan sa.

E 2enm repons ou kestyon.  Se ki wi i sanble mon dan lepase nou’n deza gross up pour take care bann increase.  Mon napa son detay ki son lanvlop ki ti reprezante.  Mon kapab al find out, me nou’n deza fer li koumsa oparavan.  Mersi Mr Speaker.

 

MR DEPUTY SPEAKER

Mersi Minis.  Onorab Sandy Arissol.

 

HON SANDY ARISSOL

Mr Speaker mersi ankor enn fwa.  Mon anvi tourn lo pwen ki Onorab Georges in fer.  Onorab Georges in dir poudir bann Ziz travay ki zot fer i ekselan, i en oter, alor nou bezwen pey zot byen.  Mon napa okenn problenm avek sa.  Zis bann Manm Lasanble ki nou, nou bezwen travay Lakrwa Rouz parey tou dimoun i krwar deor.  Sa i lefe.

Akoz mon dir sa.  Parske ozordi dan nou pei, tou dimoun i krwar poudir Manm Lasanble ki ganny pli gro saler dan sa pei!  Mon ava dir zot Prezidan Lakourdapel konbyen i gannyen.  Lapey Prezidan Lakourdapel i R70, 740.  I ganny li R25, 000 housing allowance; i ganny li en loto, i ganny li en drayver, i ganny li sekirite ki mwan Sandy John Arissol mon pa gannyen.  Mon loto mon aste ek mon larzan, pa Lasanble ki donn mwan!  Mon’n aste ek mon prop larzan!

Ziz Lakourdapel mon a dir zot konbyen i gannyen;  R62, 818 par mwan.  I ganny li R25, 000, i ganny li loto, i ganny li drayver, i ganny li sekirite!  Sa zis en pe ki mon pe dir.  I annan lezot package ki vin avek.

Sef Ziz 79, 846.  R25, 000 housing allowance, loto, drayver, sekirite!  Lezot Ziz R56, 316, R25 housing allowance, loto, drayver, sekirite.

Tousala Mr Speaker i ladan ki Minis Finans avek son delegasyon zot ti donn nou Desanm.  Ok, sa i zot package ki zot gannyen, ki mwan mon pa gannyen.  Alor mon mwan louvraz pa sitan sa lenportans parey bann Ziz.

E dan tou Lazistis Minis, dan tou prensip ki bann Ziz i krwar ladan, mon happy ek zot travay ki zot pe fer.

Mon mwan sel keksoz ki mon pa dakor Mr Speaker.  Sa S.I. ki’n sorti ki dan nou Lasanble Nasyonal ki Minis Loustau-Lalanne ki la devan nou in sinyen koman Minis Finans, i fer provizyon pour zot pa pey tax lo sa ki nou’n dir!  Se la kot la mon mal ki mon pa dakor, ki mon santi i mal.

Ou konnen akoz Mr Speaker mon dir sa?  Parske sa papa ki ganny R8, 500 e plis.  Li i pey 15poursan tax pour anba Gouvernman US ozordi!  Pa zis sa, i pey HFC en bout larzan ekspekte en lakaz ki pour ariv dan lannen ‘’2000 Zanmen!’’  I lwe en lakaz ankor lo son R9, 850 li menm, i pey gas li menm, elektrisite tanzantan i monte, e pa reste li gran nanryen.

Me akoz bann ki ganny 70,000, 62,000, 79,000, 56,000.  Zot, zot pa pour pey tax?  E pa zis sa e zot, zot dezavantaze.  E pa zis sa, tou sa bann Ziz, mazorite zot, zot Seselwa.  Zot napa zot lakaz zot?  Nou pey zot 25,000 pour zot reste dan zot prop lakaz?  Sa Seselwa li i pe esper en lakaz, e zot, zot dezavantaze Mr Speaker?  Mon pa dakor avek sa – ditou!

Mon mwan krwar si mon mwan pey tax, bann Seselwa deor ki ganny pli pti gin, 8,500 e plis zot pey tax.  Nou osi nou bezwen pey tax.  E annou pa bliye, pa bliye, sa i en negosyasyon ki ti ganny fer ant Zidisyer avek Egzekitiv.  Eski zot in fer sa an sou sekre?  Zot pa’n konsilte personn?   Zot pe pran en labitid pa konsilte?   Pa bliye se nou ki an mazorite dan sa Lasanble.  Zot fer sa pase atraver en S.I. trankil pour nou pa trouve!

Mr Speaker nou’n vwar sa S.I.  La i la.  E mwan mon  pa pe dakor avek sa.  E sa mon ti a kontan dir Mr Speaker pa bliye poudir sa menm Egzekitiv in met Lasanble Nasyonal Ankour akoz nou, nou pe rod en keksoz rezonnab pour sa pep laba deor.   Selman R450.00 nou pe demande.  Zot in met nou Ankor devan sa bann menm Ziz ki zot, zot pa pour pey tax.  Silvouple Minis sey eklersi mon dout san mislead The House parey mon abitye fer.  Mersi bokou.

 

(APPLAUSE)

 

MR DEPUTY SPEAKER

Mersi Onorab Arissol.  Minis.

 

MINISTER MAURICE LOUSTAU-LALANNE

Mersi Mr Speaker.  Mon’n ekout Onorab lo son bann sif ki in donnen.  Mon pa kapab konteste.  Akoz i dan budget book e mon konpran sa ki in dir.  Si in annan bann manipilasyon mon pa okouran.  Parey mon’n dir ou wi mon mon’n siny sa S.I. e letan mon’n siny sa S.I. i annan 2 keksoz ki mon ti pe fer.  E mon pa pour repete deza ler i en pe tar.  So sa rezon akoz mon’n siny sa.

Me mon dakor kekfwa fodre nou annan nou en nouvo Polisi ki kler, ou konpran?  E i ankor annan en louvraz kekfwa ki nou bezwen fer an sa ki konsern sa size an partikilye ki devan nou.  Mersi.

 

MR DEPUTY SPEAKER

Mersi.  Onorab Ramkalawan.

 

 

HON WAVEL RAMKALAWAN

Mersi bokou Mr Speaker.  Mr Speaker mon zis anvi demann Minis dan en fason direk.  Eski li ki pour tir sa S.I?  Oubyen i anvi nou quash?  Akoz nou per quash.  Akoz si nou quash Prezidan Larepiblik i kapab met en case Ankour kont nou, kont Speaker!  E nou pa anvi al vwar Speaker ankor enn fwa Ankour.

Alor eski – vi ki Minis i aksepte ki poudir son S.I. i annan defo ladan, e an plis ki sa son 2 (b) pa pour ed li.  Akoz, akoz nepli sa 15poursan lo bann lapey sa groser in fini.  Alors 2 (b) pa pour ed ou Minis!

Parski napa Lalwa ki ou pour al met 2 (b) anba la.  I zis progressive income tax la ozordi.

So eski ou a tire ou menm?  Parski nou kapab ed ou pour tire nou.  Semenn prosenn nou kapab anmenn en Mosyon pour nou quash.  Me selman zis promet nou ki poudir ou pa pour al Ankour kont Speaker Lasanble Nasyonal.

Dezyenmman.  Mr Speaker mon krwar sa lide transparans i enn ki enportan en kantite.   E la mon bezwen dir Minis ki mon dezapwente.  Dezapwente total.  Akoz?  Lo en size sitan enportan, nou’n vwar ki Gouvernman in deside anmenn en S.I. pandan ki letan Lasanble Nasyonal i lo Recess.  Sa premye.

Dezyenmman nou’n vwar ki Gouvernman – pourtan Statehouse i kontan fer sorti bann Press Communiqué.  Statehouse pa’n fer sorti okenn Press Communiqué lo en lanons sitan enportan ki poudir tou bann Ziz pour aret pey tax.  Alors nou dezapwente lo sa.

E si LDS dan son travay avangard pa ti’n debiste sa S.I. e son bann lenpak.  I ti pou’n fini pase.  E ofet i fini vivan, i ankor vivan sa.  Parski depi le 16 avril i vivan.  E sel fason se pour nou touy li o pli vit posib avan ki i vin en Drwa Aki dan en serten sans.

So Mr Speaker mon bezwen eksprim mon dezapwentman.  E la mon ti ava demande ki poudir bann lanons, bann desizyon sitan enportan, ki dezormen Minister Finans ek Gouvernman i fer lepep Seselwa konnen.  Akoz si nou, nou pa ti’n fer sa – atraver kestyon Onorab Henrie pour lepep Seselwa konnen, personn pa ti pour konnen.

Alor Mr Speaker mon ti ava kontan Minis i demann, i reponn mon kestyon.

Me finalman mon anvi dir ki se pa zis Zidisyer ki pour worseoff, tou lepep Seselwa i worseoff.  E alor annou pa regard zis en kategori.  Me annou regard lepep Seselwa an antye.  Mersi bokou.

 

(APPLAUSE)

 

MR DEPUTY SPEAKER

Mersi Onorab Ramkalawan.  Minis.

 

MINISTER MAURICE LOUSTAU-LALANNE

Mersi Mr Speaker.  Mersi Onorab.  Lo ou dernyen pwen ki ou’n fer resorti, mon toutafe dakor.  Mon osi mon’n fer resorti sa pwen taler.

Alor way forward Onorab, mon pa konnen legalman koman Minis ki- si mon kapab tir sa S.I.  Mon krwar i pli enportan ki mon les ou ed mon e tir sa zafer!  Mersi bokou.

 

(laughter)

 

MR DEPUTY SPEAKER

Mersi Minis.  Minis in met en demann avek Lasanble pour fer en pti travay.  E mon panse zot- i ava annan en Manm ki i ava anmenn en Mosyon pour ed Minis dan sa pti travay.  E avek sa in ariv 1er, nou pour adjourn.  Pour annan en rankont ABC, annou fer li 1. 20 e mon a sizere ki nou rekomans olye 2er – 2.15 ki i a donn Manm ase letan pour zot rekipere retourn dan Lasanble.

Nou ava diskit okenn keksoz ki nou kapab fer pli tar.  Me pour le moman nou pour adjourn e nou pour repran 2.15.

 

 

(BREAK)

 

 

MR DEPUTY SPEAKER

Bonn apre midi tou bann Manm Onorab, tou dimoun ki dan Gallery, tou dimoun ki pe ekout Lasanble Nasyonal.  Nou pe kontiny avek nou travay apre midi lo nou Order Paper ki en Private Notice Question ki pou ganny poze par Leader Lopozisyon Onorab Ramkalawan avek Minis Vis- Prezidan Vincent Meriton.

E dabor les mon swet Vis Prezidan Meriton en tre bon apre midi welcome parmi nou isi dan Lasanble Nasyonal.  E Mr Meriton i ganny akonpannyen par Dr Marina Confait ki Sekreter Prensipal Zafer Etranzer e Mr Jaques Belle ki Direkter Zeneral Consular and Maritime Affairs Division dan Minister e mon krwar se tou son bann zofisye ki annan avek li ozordi.

Avek sa mon ti a kontan demann Onorab Ramkalawan pou poz son kestyon.

 

HON WAVEL RAMKALAWAN

Mersi bokou Mr Speaker.  Bon apre midi Vis-Prezidan avek ou delegasyon.  Mr Speaker mon anvi demann Vis- Prezidan ki osi Minis pou Zafer Etranzer ;-

Swivan lanons ki Gouvernman Endyen i annan lentansyon apwent en o komiser en O Zofisye Militer konman son prosen O Komiser Sesel ki sa i ava fer premye fwa dan nou listwar, eski Minis i kapab dir sa Lasanble; premyerman eski Lenn in fini anvoy non sa zofisye pou ganny laprouvasyon Gouvernman Sesel pou vin o komiser?

Si wi ki larepons ki Sesel  in donnen?

Dezyenmman ; eski Lenn pe propoz en zofisye militer konman O Komiser akoz lentere sa pei dan devlopman en baz militer lo Assomption?

E finalman ki dernyen devlopman militer lo Assomption swa konman en baz militer ansanm avek Lenn oubyen zis pou Coast Guard Sesel?  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  VP.

 

THE VICE-PRESIDENT MR VINCENT MERITON

Mersi Mr Speaker.  Bonzour tou Manm Onorab.  Mr Speaker, wi Gouvernman Endyen in fini anvoy non son nouvo O Komiser.  Gouvernman Sesel in enform Gouvernman Endyen lo son Lagreman.  Nou pe esper larive sa O Komiser pou son akreditasyon.

An se ki konsern 2enm parti sa kestyon, mon pa santi mon konfortab konman en reprezantan Sesel pou fer komanter lo sa bout kestyon.  Sepandan i pa fer premye fwa ki en O Komiser avek leksperyans militer i ganny apwent konman anbasader oubyen O Komiser.   An 2013 i annan en mazor zeneral ki ti ganny apwente konman O Komiser Pakistan pou Sesel avek rezilyans Moris.  E an 2018 ti annan osi en anbasader Izraeli pou Sesel avek leksperyans militer, ki ti ganny akredite e ki baze Nairobi, Kenya.

An se ki konsern dernyen devlopman militer Mr Speaker, nou pe mentenir en  kontezan Coast Guard Sesel lo zil Assomption.  Mersi Mr Speaker.

 

MR DEPUTY SPEAKER

Mersi VP.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker premyerman eski Minis i kapab dir avek nou, akoz ki Sesel in aksepte en o zofisye militer Endyen konman nouvo O Komiser?

Sesel ti annan tou lotorite pou li refize eski Minis pe dir avek nou ki Gouvernman Sesel ki i reprezante pa remarke ki poudir sa desizyon i annan en stratezi partikilye an relasyon avek Assomption?

Dezyenmman mon anvi Mr Speaker dir Minis avek tou respe mon pa pe koz lo Pakistan ; mon pa pe koz lo Izrael.  Mon pe koz lo Lenn.  Alor eski Minis ankor enn fwa atraver son Gouvernman pa realize ki poudir sa lapwentman i annan pou fer avek Assomption?

E eski Minis pe dir avek nou ki sa loperasyon ki zot pe fer lo Assomption, lekel ki pe finanse ?  Kote Gouvernman Sesel pe ganny larzan?  Akoz dan Bidze ki nou’n aprouve ti napa okenn larzan pou deplway en kontenzan lo en baz permanan lo zil Assomption.  Mersi bokou.

 

MR DEPUTY SPEAKER

Mersi Onorab Ramkalawan.  VP.

 

THE VICE-PRESIDENT MR VINCENT MERITON

Mersi Mr Speaker.  Mr Speaker i dan lemonn diplomatik i napa nanryen mal e i ganny pratike par bokou pei atraver lemonn, kot bann ansyen militer i ganny nonmen dan serk diplomatik.  E ler en ansyen militer i ganny nonmen dan serk diplomatik, i ganny konsidere dan kan – dan ran diplomat.  E bokou pei i fer li Lenn i fer li Lanmerik i fer li Lafrans i fer li e pou kwa pa Sesel osi i fer li ?

Mr Speaker nou pa trouv li konman mon pa oule fer komanter lo sa size, me petet wi i fer premye fwa pou Sesel ki Lenn i anvoy en O Komiser avek en leksperyans militer.  Me nou kapab osi gete dan lesans ki si Sesel i enn parmi bann pei kot Lenn in anvoy diplomat avek bagaz militer, ou pe get par egzanp Norway ou pe koz New Zealand – ou pe koz Canada kot Lenn in anvoy son bann O Komiser,  i vedir ki zot atas bokou lenportans avek Sesel, e apresye, e respekte Sesel konman en partner dan devlopman.

E fodre dir ki Sesel ek Lenn i zouir bon relasyon depi nou relasyon diplomatik ti ganny etabli an 1976, e sa i dan tou diferan domenn depi Lasyans depi Lanvironnman depi Ledikasyon depi Militer depi kot i konsern Lasyans.  So Mr Speaker mon plito get li konman en kou operasyon ki pe anmenn nou relasyon lo en lot nivo.  E se sa ki Gouvernman Sesel i konsider li.  Mersi.

 

MR DEPUTY SPEAKER

Mersi VP.  Onorab Ramkalawan.

 

HON WAVEL RAMKALAWAN

Mr Speaker, mon anvi demann Minis eski letan Lenn in anvoy sa non, e zot war ki poudir i fer premye fwa ki zot anvoy en o zofisye militer e ki Lenn i ti eksprim lentansyon devlop en relasyon an relasyon avek Assomption ; ki Lenn pe devlop en baz militer lo zil Agalega.  Eski Gouvernman Sesel li i pa’n poz okenn kestyon pou demande be akoz?

I annan plis ki 40an ki nou annan relasyon diplomatik toultan e Minis i konn byen kad diplomatik Lenn kot zot bann anbasader se bann dimoun ki pas atraver zot Foreign Affairs ; zot monte zot annan bann devlopman e ziska aprezan tou bann Anbasader nou tande ki poudir par egzanp nou ti annan sa enn dernyen ki ti Lanmerik avan la aprezan in al Saudi Arabia.

Konmsi eski Sesel pan poz okenn kestyon poudir be ki pe arive la?  Akoz en kou an gran ki Lenn olye swiv dan sa laliny pou nou devlop pou nou kontiny dan sa bon relasyon, en kou an gran, ou anvoy en o zofisye militer!

E letan Minis ou pe dir ki sa bon relasyon ant Sesel avek Lenn avek larive, sa nouvo  O Komiser ki en zofisye militer ou’n servi sa lekspresyon ki nou relasyon pe al lo en lot nivo ! Ki egzakteman oule dir sa sa zafer lot nivo?  Akoz Mr Speaker  mwan mon pou fer kler ki poudir letan mon koze mon reprezant mon krwar lafwa lepep Seselwa, ki poudir i pa akoz Lenn i deside anvoy en o zofisye militer, ki poudir i a pe vin fors Assomption dan nou lagorz, ki poudir lepep Seselwa e debout for e lepep Seselwa e Lenn i bezwen ganny mesaz kler ki poudir lepep Seselwa pa anvi ki i annan okenn baz militer Endyen ki devlope lo zil Assomption !  Mersi bokou.

 

(APPLAUSE)

 

MR DEPUTY SPEAKER

Mersi Onorab Ramkalawan.  VP.

 

THE VICE-PRESIDENT MR VINCENT MERITON

Mersi Mr Speaker.  Mr Speaker Onorab in donn larepons li menm.  Larive en O Komiser avek en leksperyans militer, se zisteman pa pe fors okenn proze ki Gouvernman Sesel pa dakor avek dan lagorz ki lepep Seselwa.  Nou pozisyon i en pei Souveren.  Pti ki nou été nou en pei Souveren e sa nou mentenir.  E mon pe koz lo non Gouvernman ki pe reprezant lepep Seselwa, e nou mentenir nou pozisyon ki ou ti State House Onorab ler Prezidan ti dir ki nou pozisyon vizavi Assomption dezormen apre tou sa ki’n pase, se ki nou pou fer en fasilite pou Coast Guard Sesel baze lo nou mwayen e baze lo nou bezwen.

Mr Speaker nou ankor mentenir sa pozisyon.  Ou’n demande ki lot nivo ki mon pe dir?  Lot nivo Mr Speaker nou pe trouv lenplimantasyon bann gro, gro  proze.  Ou a dakor avek mwan.  Nou annan en proze Danm, nou annan proze Government House ; nou annan proze Biro Prokirer Zeneral, nou annan proze Lapolis avek fasilite Forensic ; nou annan proze Convention Center; nou annan proze 3000mil lakaz.  Tou sa bann proze i anmenn nou relasyon lo en lot nivo devlop kalitativ.  E  mwan mon pe get militer konman sours.  Zot konnen zesyon – management?  Teori management ti konmans atraver militer, kot napa lespas pou apepre – pou va et vient ; bann keksoz spesifik teknik ki nou kapab zet en regar, zet koudey lo sa gran levantay korperasyon.  Dan tou sa bann domenn ki nou an korperasyon gete tou keksoz a zour avek sa bann nouvo proze ki pe vini, ki zisteman i anmenn nou relasyon lo en lot nivo.  Mersi Mr Speaker.

 

MR DEPUTY SPEAKER

Onorab Ramkalawan.

 

HON WAVEL RAMKALAWAN

Mr Speaker dan sa ka eski Minis, Vis-Prezidan pe konfirmen e pe donn en langazman 100poursan avek sa Lasanble Nasyonal, e avek lepep Seselwa, ki poudir son Gouvernman a okenn moman pa pou aksepte devlopman en baz militer endyen lo zil Assomption?

E dezyenmman ki okenn fasilite pou Coast Guard ki ou’n mansyonnen, i pou napa en eleman Endyen ladan?

E ki sa fasilite militer ki ou pe mansyonnen Coast Guard ki avan ki si i annan okenn plan i ava osi ganny mete devan lepep Seselwa, pou ki i ava annan konsiltasyon avek lepep Seselwa, pou li pran.  -E la pa bliye ki poudir i annan bann (S.I.) i annan en (S.I.) ki’n fek sorti ki elarzi sa zone proteksyon Aldabra ki i met klerman Assomption i antre antye ladan e i al beyond Assomption ;  ki poudir i annan konsiltasyon neseser pou fer sir ki okenn – okenn  fasilite – ki ankor enn fwa nou pa dakor avek Assomption  -okenn ki ava annan sa konsiltasyon ;  konsiltasyon  kler avek lepep Seselwa, avan ki 2 blok i mont lo kanmarad?  Mersi bokou.

 

MR DEPUTY SPEAKER

Mersi Onorab Ramkalawan.  VP.

 

THE VICE-PRESIDENT MR VINCENT MERITON

Mersi Mr Speaker.  Mr Speaker nou konsilte ! Depi 2015 si en keksoz ki nou pe fer se konsilte!  Se koze tonm dakor kot nou dezagree nou retournen nou ariv lo en konsansis e konsansis ki sa ki meyer pou lepep Seselwa.

Mon pe konfirmen ki sa ki mon Prezidan ti dir, ki nou pozisyon i reste parey i été.  Nou pou fer en fasilite ki dapre nou mwayen e dapre nou bezwen !

Sepandan i deza annan travay ki pe ganny fer Assomption.  Se en travay ki ti ganny progranmen ki Lagreman ti fini ganny fer avek Lagreman Gouvernman Lenn, pou kapab restor serten fasilite ki ti ganny andomaze laba e pou fer bann fasilite pli – (ki mannyer mon kapab dir sa) pli ‘’cyclone-proof.’’  San ki mon bezwen al dan bann detay sekre militer ki nou kapab gannyen si nou deside antre  Select Committee Ladefans.

Me selman mon pe donn langazman ki nou pozisyon, i reste pozisyon ki Prezidan Faure ki ti anmennen ; ki ti donn Defence Council e ki Defence Council dan son travay ki pe ganny fer, pou dan lantant konsiltasyon vin brief Bi-Partisan Committee lo tou bann devlopman ki pe ganny fer laba.  E zot kapab vin okouran tou bann plan tou bann proze tou bann lekipman e tou bann sours finansman.  Mersi Mr Speaker.

 

MR DEPUTY SPEAKER

Mersi VP.  Onorab Ramkalawan.

 

HON WAVEL RAMKALAWAN

Mr Speaker mon en pe sirprann e menm dezapwente pou antann Vis-Prezidan dir ki i annan serten konstriksyon ki’n konmanse !  Akoz dernyen fwa ki Select Committee lo Defans ti zwenn, ti ankor Coast Guard ti ankor fer serten propozisyon.  E napa nanryen ki’n ganny dakor!

Cyclone-proof mon ti ava kontan konnen – akoz parske la mon krwar napa nanryen ki sekre.  Parske i annan 2 fasilite ki nou pe met ki nou pe gard lizye ouver lo la se sa jetty avek Airport.  Eski Minis pe dir avek nou ki i annan travay ki’n konmans ganny fer lo jetty oubyen lo Airport?

Parske si sa i leka napa nanryen ki – mon krwar ki poudir la zot pe kas anba!  E mon ti a kontan ki Minis i dir klerman kwa ki pe arive?

Akoz lo Assomption i annan bann lakaz pou bann travayer, e apre sa i annan fasilite lozman pou bann militer, e sa in fini ganny konstrir depi en bon pe letan pase !  Depi 2017 sa bann fasilite i la.  Ki egzakteman bann fasilite cyclone-proof ki Vis-Prezidan pe koz lo la?  Nou ti ava kontan ganny leklersisman.

E an plis ki sa si Minis pe dir i annan serten keksoz ki’n konmans ganny konstrir, be napa nanryen dan Bidze.  I sipoze en capital project sa.  E ziska prezan napa nanryen dan Bidze pou allow okenn sa bann keksoz.  Mon ti ava kontan Mr Speaker si Minis i fer keksoz kler!  Parske annou pa al dan en annou reste nou avek sa ki kler pou ki tou dimoun i konnen egzakteman ki pe arive e ki Gouvernman pa kas anba!  Mersi bokou.

 

MR DEPUTY SPEAKER

Mersi Onorab Ramkalawan.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker konmela kestyon i pli long ki larepons.   Nou kler nou! Mon ti pe dir nou pe restore sa radar se tou.  Napa lezot konstriksyon ki pe fer sa depi lontan msye.  Konmsi zot pe fer keksoz difisil pou mwan.  Mon’n dir mon vini ‘’Cool’’ nou pe eksplike ki mannyer keksoz i été.

 

(laughter)

 

THE VICE-PRESIDENT MR VINCENT MERITON

Me selman dan nou Bidze dan son Bidze, SPDF i pe dedye R1.2milyon akoz ou bezwen anvoy dimoun laba ; ou bezwen anvoy bato laba.  Ou bezwen annan bann depans ki ganny fer.  Ou bezwen annan zonm laba.

E pa bezwen bliye prezans nou bann dimoun laba, in kapab ede lotro zour tyonbo 2 group.  En group Komoryen e en group Malgas ki ti pe fer bann aktivite ilegal dan nou delo.  E zot in asiste pli lwen ankor lezot pei pou kapab apprehend bann aktivite ilegal ki ti pe pran plas.  Konmsi dan sa loptik ,nou pa kase anba!  Nou travay ansanm ou pa kapab kas anba ou prop pei ou prop popilasyon, ou prop Nasyon!  Mersi Mr Speaker.

 

MR DEPUTY SPEAKER

Mersi Vis-Prezidan.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon krwar fodre nou fer kler kote, nou tou nou stand an se ki konsern sa size Assomption.  E okenn nou bann zil lo nou teritwar.

Mon dir sa akoz Mr Speaker, akoz i enportan nou konsonmasyon Lasanble Nasyonal e konsonmasyon piblik, ki lo paz 4 Konstitisyon United Seychelles ki Vis-Prezidan i nou Leader la anndan, i dir klerman pwen 16 ;

‘The promotion of the Indian Ocean as a zone of peace and ensuring that no part of Seychelles territory is used as a foreign military base’’.  

 

(APPLAUSE)

 

THE VICE-PRESIDENT MR VINCENT MERITON

So la kot nou stand lo sa kote latab.  I kapab vin son O Komisyoner Lenn ki’n ganny son bann zetwal dan larme Lenn – mon pa konnen kote in gannyen, me selman an se ki konsern Assomption pa pe fer en baz Militer Endyen lo Assomption.

Now kestyon ki mon annan pou demann Vis- Prezidan ki dan son kapasite la ozordi se, zisteman in annan bann attempt par bann lezot pei dan larezyon, pou zot konman antre dan sa bann Zone proteze, ki dayer par S.I. ki Gouvernman in anmennen pou protez ankor davantaz sa rezyon, pou zot fer bann lapes ilegal ek bann aktivite ilegal.

Ki dele letan zot pe donn nou donn lepep Seselwa ki nou pou kapab annan en staging facility pou Coast Guard laba, ki ava permet Coast Guard pou fer bann apreansyon, e bann lentervansyon pli vit, pou anpes sa bann groupman vin antre dan nou delo teritoryal e pran bann resours ki belong to lepep Seselwa?

E ki mannyer nou pe fer fason pou nou si oule ankouraz, bann lezot pei apard ki Lenn?  Bann lezot pei pa zis dan larezyon me bann lezot pei ki annan bann trans shipment ki pas dan sa rezyon, pou zot osi kontinyen met zefor pou zot ede protez sa rezyon.  Akoz i kler sa bann aktivite i pa menas zis nou me i menas sa bann pei osi dan en fason ekonomik e dan lezot fason?  Mersi Mr Speaker.

 

MR DEPUTY SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker antretan ki nou annan en fasilite parey Onorab in dekrir pou nou kapab fer tou sa bann aksyon, nou pe travay an etrwat kolaborasyon avek bann pei dan larezyon ; atraver – la mon pe koz bann zil bann pei zil losean endyen ensi ki La Renyon atraver Lafrans nou Losean Endyen.  Atraver bann proze NISCC – en proze kote nou annan nou partaz nou kolekte e analize partaz lenformasyon, lo ki pe pase dan sa gran lespas Losean Endyen sirtou Sid Was Losean Endyen.  Apre once lenformasyon in ganny analize in ganny kolekte e partaze, i annan bann sans operasyon resers ki konekte avek bann pei ki annan bann resours ki pli pre avek bann aksyon ki’n ganny detekte – RC osi.

E apre ankor avek proze REFLECS 3 ki donn training, ki donn ede avek met tou bann lekipman azour, pou nou kapab vreman annan sirveyans dan sa gran lespas Losean Endyen.  Mon pa pe koz zis R1.37milyon kilomet kare, me en lespas bokou pli larz ki sa, ki petet 4, 5 fwa pli larz ki sa ki tous tou bann pei Losean Endyen ki annan bann lentere komen.  Mon pe koz Madagascar, mon pe koz Comore, mon pe koz La Reunion, Lafrans, mon pe koz Moris, Sesel byensir e osi i annan lezot pei ki pe vin zwenn nou ki pe travay avek nou pe formelman pe vin zwenn nou.  Mon pe koz depi Jibouti anler depi ou pe koz Somali ou pe koz Kenya ; ou pe koz  La Tanzanie ; ou pe koz Mozambique bann pei ki annan lentere – kolabor avek nou pou ede annan pli bon sirveyans dan nou Zone Maritim.

Fodre mazinen dan nou Stratezi Sekirite Maritim 2010-2030 nou’n dir – nou’n fer sorti ki i bezwen annan bann forward base ; bann fasilite dan tou kwen nou bann zil pou zisteman kapab asir ki nou bann resours pa ganny vole, pa ganny eksplwate e nou bezwen devlop li an servan platform sa kolaborasyon rezyonal ki nou annan, e osi devlop bann fasilite militer pou dapre nou mwayen dapre nou groser an servan bann resours ki nou Bidze i ava aprouve.  Mersi Mr Speaker.

 

MR DEPUTY SPEAKER

Mersi Vis-Prezidan.  Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Vis-Prezidan avek ou lekip.  Premyerman Mr Speaker les mon ou menm si ou konnen Leader Lopozisyon konman Chairman Islands Committee i konnen, ki i vre lo Assomption i annan problenm avek radar ki egziste nou ti war lot fwa ki letan nou al vizit kot REFLECS nou war poudir zot pa pe kapab detekte properly bann bato dan la rezyon ki vin lapes ilegalman.  So i enportan ki sa i ganny beef up sa radar pou met annord.

Mr Speaker eski Minis i kapab konfirm ek nou Lasanble ki sa issue akoz mon get dan kestyon mon war sa mo baz militer Assomption.  Eski ou kapab konfirm ek nou ki a okenn moman ni parti ki ou, oui  lead dan Sesel e ni Gouvernman ki ou Vis-Prezidan ladan pa mansyonn e pan nonmen e pa pe konsern avek okenn baz militer lo Assomption?

Konmsi konfirm ek nou sa ouswa zot pe al fer menm sa?  Konmsi mon pa okouran a ki moman ki sa in ganny prononse ouswa in ekri par la par Gouvernman oubyen parti ki ou reprezante eklersi nou lo sa enn.

2enm keksoz eski ou kapab konfirm ek nou, ki si Lenn i anvi en pli gran erport en manman Erport pou li apoz sepa ki groser avyon lefe ki i tre byen avek franse e ki Franse i pare pou ouver son lebra avek Lenn lo zil Curieuse ki pa lwen avek Assomption, selman en 20enn en 30enn kilomet avek Assomption?  Ki si zot bezwen gro Erport en gro runway i kapab ganny fer e diskite avek Lenn dan sa direksyon.

E ki petet diskit avek Franse avek Lafrans dan sa direksyon.

E ki Lafrans ki deza pe fer travay formidab dan larezyon.  Par egzanp dernyen kou zot in tyonbo apepre plis ki (3.5kilo) 3.5tonn sorry plis ki 3.5tonn drog tou resaman.  E ki zot pe kontinyen travay dan sa direksyon.  Alor Lenn si i anvi ed nou i kapab osi zwenn ek Lafrans laba pou donn en pli gro sipor larezyon Losean Endyen.  E Losean i apel Endyen menm so i kapab zwe en rol pli gran olye ki en bout nou teritwar i pou al antre dan sa direksyon.

So mon le ki i konfirm sa e ki i dir nou keksoz lo la.  E ki a lavenir ti a bon Gouvernman Sesel i annan relasyon lefe ki i annan tre bon relasyon diplomatik ek Lenn ek Lafrans ek lezot pei dan la rezyon ki zot vin pli transparan e dir nou ki pe pase dan nou losean e sak fwa nou pe tyonbo keksoz ki ilegal or whatever, be vin dir nou.

Akoz la, la ki mon pe dir la.  Mon asire pan mansyonnen partou la, la nou pa konnen lo nou medya ensidswit pa dir, ou tann plis lalang ki laverite, me sa i en laverite.  Dir nou ki pe pase sak fwa nou tyonbo en keksoz ensidswit.

So vwala Mr Speaker sa ki mon le dir.  Epi ou pa’n konfirm en keksoz Mr Vis-Prezidan.  Onorab Pillay in dir ou dan sa United Seychelles  … – Konstitisyon United Seychelles  – paz 4 bullet point 16, i mansyonn lo nou pwen United Seychelles lo kestyon baz militer.  E ou konman Leader sa parti eski ou konfirm sa oubyen non oubyen ou pa konnen oubyen kwa?  Dir nou keksoz pou nou kapab konpran e anmenn dan lakour avek.  Mersi.

 

MR DEPUTY SPEAKER

Mersi Onorab Leader Government Business.  VP.  VP oule reponn?  In demann ou en kestyon.

 

THE VICE-PRESIDENT MR VINCENT MERITON

Mersi Mr Speaker.  Mr Speaker pa lwen avek nou dan Losean Endyen i annan sa ki nou apel en baz – manman fasilite – konmsi ou pe koz 300, 400, 500 zonm.  Ou annan Erport gro menm manke pli gro ki pou nou. Avyon i pran en kantite.  La mon konpran en baz ; konmsi i annan bann gro fasilite gro mentenans gro lekipman.  Ki nou, nou’n  koz lo la toultan menm ler nou ti an diskisyon ti en fasilite ki ou kapab met en serten norm zonm.

Mon  pe koz en 30enn zonm petet ek fasilite ki ale avek pou kapab fer sir ki nou annan en prezans dan sa bout nou teritwar Sesel anba laba Assomption.  So toultan dan nou konversasyon, in en fasilite.  Zanmen in en baz ; konmsi byen koze i fer byen konpran mal koze i fer diskisyon.

Dezyenmman Mr Speaker nou respekte Souvrennte e dan sa respe Souvrennte nou pa ti a kontan pe pyetin lo souvrennte Lenn ek Lafrans.  Be selman nou konnen ler nou ti pe konmans diskit sa kestyon proze fasilite Assomption, reprezantan Gouvernman Franse ti dir mwan napa problenm zis asire ki dan sa Lagreman i annan lespas pou bann pei tyer ; savedir en 3enm parti ki ti anvi vini vin diskite, si zot pou kapab servi sa fasilite, akoz i tonm byen pou zot.  I ava si oule konplemant zefor ki zot pe fer dan lalit kont bann resours ki pe ganny vole ki pe ganny eksplwate dan nou rezyon.

So mon krwar e lot zour Onorab ou’n mansyonn zil gloriyez – toutafe.  Ti annan sa rapor ki ti ganny fer ki dimoun in ganny apreande avek 3.5tonn drog ki e i annan bokou lezot plis keksoz ki’n ganny tyonbo par-ler avek lentelizans nou partaze parler zot menm parler zot ed nou dan serten ka.

So i annan en kantite keksoz ki pase laba. Be ou bezwen gete transparans kont bann laspe sekirite ek militer.  I annan keksoz ki petet parler pa bon ou koz lo la, akoz i pe ekspoz ou, ekspoz ou kapasite ekspoz ou defayans e lezot dimoun ki la pe ekoute akoz mazinen sa ki nou dir la pe ganny transmet partou atraver lemonn, atraver plato nimerik.

So i annan dimoun ki pe ekout nou ki pe tradwir e i annan serten keksoz ki ou pa neseserman dir se pou sa rezon i annan bann platform spesifik e kot nou konsern i annan sa kestyon Select Committee lo Defans ki nou kapab partaz lenformasyon, ki nou pa kasyet.  Me o kontrer nou ganny laval Lasanble pou nou kapab bouze, e fer travay ki nou pe fer.

Kot i konsern ou 4enm pwen ; toutafe nou Konstitisyon US avek Konstitisyon pei i lanmen dan legan.  I koz menm zafer.  Nou’n lager pou souvrennte sa ki pou souvrennte nou pei pou ki sa ki pou nou, nou pa pe donnen e i annan de dimoun in mor pou sa e nou bezwen respekte sa.  Okenn keksoz ki nou negosye i bezwen vin devan, an servan bann striktir dan pei pou fer sir ki nou ganny gre tou dimoun avan-ler  nou pas dan staz enplimantasyon.  Mersi Mr Speaker.

 

MR DEPUTY SPEAKER

Mersi Vis-Prezidan.  Onorab Stephen Pillay.  En pti moman Onorab Pillay.  En klarifikasyon Onorab De Commarmond.

 

HON CHARLES DE COMMARMOND

Zis pou konfirm ek nou osi. Konmsi mon oule konnen ki zistans konman en pei ki nou kapab pa dakor avek apwentman en O Komiser oubyen Anbasader.  Konmsi to what extent ki nou pa dakor san ki nou ganny trouve pe enterfer dan zafer en lot pei?  Akoz nou osi nou annan en Polisi pou nou pa enterfer dan zafer entern oubyen whatever dan en lot pei.  Ki to what extent ki sa si par egzanp nou dir wi sa dimoun i en dimoun militer avek sa groser zetwal lo li, ou  kouronn  ou whatever e ki nou dir non, pa vini akoz sa bann zafer nou pa dakor ki soz ki mannyer nou pou ganny gete?  Eski nou pa pou andomaz sa relasyon?

Zis mon pe poz en kestyon lo la si i kapab ganny en leklersisman?  Mersi.

 

MR DEPUTY SPEAKER

Mersi Onorab De Commarmond.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker anba konvansyon Vienne i permet ki sa pei ki pe resevwar sa reprezantan sa Komiser, oubyen sa Anbasader pou li refize – i dir non.  Byensir i annan son bann due deligence ki i fer lo sa dimoun.  Si par   egzanp en dimoun i en kriminel i konnen.  Konmsi i kapab dir non. E in deza arive Sesel kot nou dir non e sa pei in retir sa kandidatir.  So i posib me selman parey mon dir dan sa ka nou pan trouv nanryen mal e nou aksepte kandidatir sa O Komiser.  Mersi Mr Speaker.

 

MR DEPUTY SPEAKER

Mersi Vis-Prezidan.  Onorab Stephen Pillay.

 

HON STEPHEN PILLAY

Mersi Mr Speaker.  Mr Speaker Vis-Prezidan pan reponn kestyon lo budget cost apard pou Assomption apard 1.5 pou Radar.  Me nou ti a kontan i ti kapab dir nou konbyen pe koute sa bann zafer?   Akoz dernyerman si i pe dir 1.5 zis pou Radar dernyerman Prezidan Faure ti anonse i pe move bann asset Coast Guard Assomption.  Eski i annan okenn kou ki pe al ladan ki pe al ladan ki nou pa konnen?  E nou bezwen demande ler nou pe koz sa O Komiser militer, se sanmenm sa back door ki nou enkyet ki nou bezwen veye ki Gouvernman Lenn pe vin antre.

Si napa pou move assets pou al laba, lekel ki pou peye Gouvernman Lenn oubyen Sesel?  Akoz  ou ou’n dir nou 1.5. Dan PSIP zot Bidze zot annan 7milyon pou kominikasyon napa nanryen pou Radar.  So eski sa ki kapab donn nou en pe detay lo la?  Sa mouvman assets Coast Quard ki Prezidan in anonse lenpak ki pou annan lo Bidze, si Lenn ki pou peye oubyen nou ki pou rod Bidze pou lo la?  Epi Mr Speaker lo kote Coast Guard avek sa baz laba ki zot dir i en fasilite militer, me nou bezwen pran kont ki i annan en S.I. 23 ki’n fek sorti li osi ki deklar Assomption konman en marine national park.  Ki lenpak pou annan lo la zot pe al met en baz en fasilite militer dan en Marine Park Assomption?

E Mr Speaker, se sa kou ki mon pe anvi konnen ek sa relasyon ki bann mouvman assets Coast Guard.  Akoz dernyen fwa mon ti demann Minis en kestyon VP pou baz en bato Assomption i ti dir i pou pran R250mil pou deplas en bato pou al laba.  Me si ou get Bidze Militer ki nou annan R316milyon nou kapab met en bato Coast Guard toulezour laba i pa pou kout en tyer Bidze Nasyonal san bezwen Lenn pou donn patrol laba.  Mersi Mr Speaker.

 

MR DEPUTY SPEAKER

Mersi Onorab Pillay.  VP.

 

THE VICE-PRESIDENT MR VINCENT MERITON

Mers Mr Speaker.  Mr Speaker mon dir R1.2milyon pou deplasman par mwan si i ale R1.2milyon.  Mon’n dir 1.5?  1.2 mon dir Sir.  Pou Radar mon a rod kou nou ava ekri Lasanble pou gete konbyen i arive.  Mon pe dir mon pan asosye sa avek Radar eskiz mwan en – konmsi byen koze i fer byen konpran mal koze ki fer konfizyon.

Mr Speaker zanmen konmsi annou swazir bann mo pou dir i pa en kestyon back door ki zot pe antre.  Sesel ek Lenn toultan in mentenir bann bon relasyon.  Konmsi annou veye konmsi i pe deza avan ler i annan dimoun in menm met lipye ater nou pe konmans donn en move gou sa relasyon ki nou annan.

I pa en kestyon back door tou keksoz ki nou fer nou ava partaze pou ki nou kler nou okouran ki pe pase.  Mon a rod kou sa travay Radar mon ava les konnen be mon dir kou ki i kout Coast Guard pou kapab mentenir son bann dimoun laba, i ariv R100mil par mwan miltiplir par 12 i fer R1.2milyon par an Sir.

S.I. 23 lenpak ki annan ; byensir se nou menm nou ki’n demark sa ban landrwa ki nou pe fer dan nou MSP e ler i demarke anba MSP i annan diferan grad, diferan degre.  Bann lespas kot i  annan not ek Zone nanryen ou pa fer ; bann lespas kot i annan bann aktivite modere e bann lespas ki annan bann aktivite pli ouver.

Me sa pa vedir pa ni get the fact ki ou bezwen, annan en fasilite pou kapab sirvey sa bann zafer.  Me byensir ler bann fasilite i ganny fer, i pou bezwen annan tou bann proteksyon pou fer sir bann lanvironnman pa ganny andomaze.  Parey mon’n dir Onorab nou a rod lenformasyon kot i konsern kou sa radar mon ava les ou konnen.  Mersi Mr Speaker.

 

MR DEPUTY SPEAKER

Mersi Vis-Prezidan.  Onorab Pillay.

 

HON STEPHEN PILLAY

Mersi Mr Speaker.  Mr Speaker ki – regarding sa 1.2, 1.5 pou Radar mon kestyon i baze lo mouvman assets ki zot ti dir ki Prezidan ti dir zot pe move Assomption.  Eski ou pe koz R1.2milyon sanmenm sa asset ki zot pe move Assomption?  Or vir radar dapre nou konpran poudir zot pa ankor fer ganny cost?  Me sa mouvman assets Assomption kote Bidze i été li?  Sanmenm mon pe demande akoz ler mon dir ou R250mil pa ozordi ki ou ti dir R250mil pou met en bato laba ti dan last time ki ou ti la ki mon ti demann ou sa ; epi pou mon krwar Chief of Staff ou ti dir i kout R250mil pou met en bato laba deplas en bato pou al laba.

Se sa 250 ki mon pe dir ou ki nou pa bezwen sa depans sa lenfrastriktir ki deza ou dir i annan 1.2 pou 30 zonm laba 20 solda lo en bato ase pou deplas en solda R250mil minimum R10milyon par an.  Si ou pe pran R1milyon par mwan ou a gannyen larzan pou zot, akoz ki ou pe fer sa bann devlopman fasilite militer ki nou menm nou pa ankor konnen pou zis move assets, mon pa konnen si prezan zot in mis lead nou ler zot ti dir zot pe move zot pa’n move.  Se sa Bidze ki nou oule konnen konbyen in kout nou pou nou ariv laba ?  Mersi Mr Speaker.

 

MR DEPUTY SPEAKER

Mersi Onorab Pillay.  Alor VP kestyon i kler, konbyen i koute sa mobilizasyon pou transfer?

 

THE VICE-PRESIDENT MR VINCENT MERITON

Mr Speaker mon napa lenformasyon mon a rode mon a donn Lasanble.  Mon napa okenn personn ki annan lentansyon deceive personn ; konmsi nou pe donn li en move ki …. Onorab.  Mon vin isi pou donn lenformasyon pou lenformasyon ki mon konnen – ok?  Mersi Mr Speaker.

 

MR DEPUTY SPEAKER

Onorab Pillay dernyen klarifikasyon.

 

HON STEPHEN PILLAY

Non Mr Speaker.  VP fodre i konpran ler nou vin Lasanble, ler mon demande si – akoz lenformasyon ki mon’n gannyen avan.  Si ou dir mwan la ki ou pe donn nou lenformasyon pou mouvman, si Prezidan in mislead  pa mwan sa.  Si ou, ou  pe dir mon ou pa konnen, be mon mazinen Prezidan ti devret konnen ; ou konman VP ‘’second in-command’’ ou devret konnen poudir en kestyon lo Assomption ou devret konnen konbyen i koute !  Napa nanryen pou deceive avek tou respe.  Mersi Mr Speaker.

 

MR DEPUTY SPEAKER

Mersi Onorab Pillay.  Onorab Egbert Aglae.

 

HON EGBERT AGLAE

Mersi Mr Speaker.   Bonn apre midi Minis avek ou delegasyon.   Mr Speaker mon pou swiv en pti pe dan laliny  kestyon Onorab De Commarmond.  Minis dan listwar diplomasi, in arive bann lenstans kot en pei in refize akredit bann Anbasader tel ki parey Lanmerik Ladministrasyon Obama ti refiz akredit en Anbasader.  Dominiken ti refize akredit en Lanbasader Lanmerik pou rezon gender akoz i ti dir poudir i openly gay.  E osi i annan bann lenstans kot en Anbasader pa’n ganny akredite avek en pei, pou bann rezon espyonnaz, teroris.

Eski ozordi si Sesel i deside akredit sa Anbasader e si nou dekouver poudir avek letan i annan en lentansyon, eski Sesel pou pare pou li pran en desizyon pou deklar sa Anbasader parey nou dir persona non-grata  kot nou pou expel li si nou war poudir i annan en move lentansyon anver nou pei Sesel?  Mersi.

 

MR DEPUTY SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker okenn desizyon ki nou a pran vizavi Anbasader ki’n ganny akredite ki apre nou ganny dekouve,r i ava ganny swiv tou bann prosedir anba Konvansyon Vienne.  Mersi Mr Speaker.

 

MR DEPUTY SPEAKER

Mersi Vis-Prezidan.  Onorab Clifford Andre.

 

HON CLIFFORD ANDRE

Mersi Mr Speaker.  Mr Speaker avek bi pou asire ki personn pa pe mislead personn, eski Vis-Prezidan i kapab permet oubyen organiz pou Komite Ladefans ek Sekirite, al war Assomption dan limedya, ki pe arive pou nou asire ki tou keksoz i annord tou keksoz pe ganny fer an konformite avek sa ki i pe dir nou la.  Mersi.

 

MR DEPUTY SPEAKER

Mersi Onorab Andre.  Vis- Prezidan.

 

THE VICE-PRESIDENT MR VINCENT MERITON

Mersi Mr Speaker.  Lasanble zot ti vot en pti larzan pou sa ?  Nou ava gete.  Mersi.

 

MR DEPUTY SPEAKER

Mersi Vis-Prezidan.  Onorab John Hoareau.

 

HON JOHN HOAREAU

Mersi Mr Speaker.  Mr Speaker dan larepons Minis en pti pe avan in dir poudir zot in fer due deligence lo sa msye e zot pa’n war nanryen mal pou fer li vin en Komiser pou Lenn.  Eski Minis pa realize ki dan public knowledge ki sa msye in partisip dan bann masak, bann Tamul an Sri Lanka?  Mersi.

 

MR DEPUTY SPEAKER

Mersi Onorab.  Vis-Prezidan.

 

THE VICE-PRESIDENT MR VINCENT MERITON

Mr Speaker tou bann due deligence in montre, nou ki nou kapab aksepte kandidatir sa msye, apre ki nou servis e in fer son travay e se sa rezon ki nou aksepte son kandidatir.  Mersi Mr Speaker.

 

MR DEPUTY SPEAKER

Mersi Vis-Prezidan.  Onorab Flory Larue.

 

HON FLORY LARUE

Mersi Mr Speaker.  Mr Speaker bon apre midi Minis.  Letan Minis, Vis-Prezidan letan Vis-Prezidan n i dir nou ki nou pe mislead ouswa nou pe redonn lenformasyon ouswa mal enterpret sa lenformasyon, mon ti a kontan remind VP ki letan nou ti mont State House konman IAC ; letan nou ti pe fer bann premye negosyasyon pou ekout en pe propozisyon en letablisman lo Assomption, Komite ti krwar ki zot ti pe ganny tou lenformasyon ki ti available.  Me selman nou ti war ki ti annan en leak dan son Gouvernman kot ti ekspoz en plan militer ki ti enorm.  E alor mon krwar i zis fair ki letan nou demann kestyon, nou annan serten doutans lo lenformasyon ki ti pe ganny donnen.

Alor konman en Lasanble ki pe sey defann lentere nasyonal sa pei, i dan nou dwa pou nou demann bann kestyon e si i pa santi li konfortab mon eskize me selman i avek respe atraver ou Speaker ki sa nou pe fer nou louvraz pou defann nou pei.  Alor fer sa stetment olye en kestyon.  Mersi.

 

MR DEPUTY SPEAKER

Mersi Onorab Larue.  Vis- Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker i pa korek ki zot ti napa tou lenformasyon.  Ti a bon verifye ou ava find out.  Thank you.

 

MR DEPUTY SPEAKER

Mersi Vis-Prezidan.  Klarifikasyon Onorab Larue.

 

HON FLORY LARUE

Mersi Mr Speaker.  Avek tou respe Vis-Prezidan, mon ti annan tou lenformasyon ki State House ki ti ganny donnen e ladan a okenn moman ti ganny devwal avek nou, ki ti annan en plan sa groser plan pou devlop en letablisman ouswa en baz lo Assomption, ziska ler ti annan sa leak.  Alor non nou ti napa tou lenformasyon a sa pwen.  Mersi i ti vin apre sa bann lenformasyon ti vin piblik an tou le ka.  Mersi.

 

MR DEPUTY SPEAKER

Mersi Onorab Larue.  Prosen kestyon Onorab Jude Valmont.

 

HON JUDE VALMONT

Bonn apre midi Mr Speaker. Mersi bokou.  Bonn apre midi Vis-Prezidan e delegasyon, tou koleg Onorab.  Mr Vis-Prezidan mon ti a voudre konnen si i arive sa High Commissioner in pas due deligence, e si i arive ki nou prezan nou, nou refize, eski i pou annan reperkisyon?   Eski Vienna Convention i dir okenn keksoz lo la an prenan kont resiprosite osi?  Mersi.

 

MR DEPUTY SPEAKER

Mersi Onorab Valmont.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker si en pei i refiz kandidatir en O Komiser i pa oblize donn rezon si i refize.  Be sa i tonbe, akoz nou’n aksepte son kandidatir.  Mersi Mr Speaker.

 

MR DEPUTY SPEAKER

Mersi Vis-Prezidan.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker mon konnen sa kestyon Vis Prezidan i kapab dir mon in reponn me mon anvi en klarifikasyon.  Eski Vis- Prezidan pe dir nou ki i en pir kwensidans e rien d’autre ki o moman kot nou pe koz en baz militer Endyen lo Assomption, en O Zofisye militer i ganny akredite konman O Komiser Lenn Sesel?  Eski i en pir kwensidans pa devret war okenn keksoz dan sa kwensidans?

 

MR DEPUTY SPEAKER

Mersi Onorab Georges.  Vis- Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker mon pa oule antre dan domenn spekilasyon, me selman mon a plito krwar sa ki Onorab Ramkalawan ti dir ki en larive en O Komiser ki annan background militer pa pou fors okenn keksoz dan lagorz lepep Seselwa.  E nou pozisyon i reste parey Prezidan Faure ti anonse State House ki Defence Council pe travay lo en fasilite dapre nou mwayen dapre nou resours.  Mersi Mr Speaker.

 

MR DEPUTY SPEAKER

Mersi Vis-Prezidan.  Onorab Ramkalawan dernyen.

 

HON WAVEL RAMKALAWAN

Mersi bokou Mr Speaker.  Mr Speaker premyerman mon anvi remersi Minis pou en pe son bann larepons ki in donn nou.  E mon a zis remind li ki in re afirmen ki poudir napa okenn baz, oubyen fasilite militer ki pou enkli bann Endyen lo la.

Dezyenmman ki a tou moman, otour Assomption pou ganny neseser lanvironnman kot lanvironnman i konsernen.

E trwazyenmman ki poudir okenn devlopman ki pe arive lo Assomption pou ganny met klerman devan nou pou ki i ava annan latransparans a tou moman.  E ki la pou le moman zot pe zis repar sa de radar, e se tou!  Pa pe tous ni lasose ; pa pe tous ni Erport e ki alor Assomption si mon kapab baze lo sa, Minis i kapab konfirmen Assomption i egzakteman parey dernyen fwa Komite Ladefans Lasanble Nasyonal ti vizit li.

E letan Minis in reponn dan en fason sarcastic Onorab Andre konsernen en vizit si nou’n met larzan dan Bidze, petet – wi sarcastic ou’n apel nou msye – ou’n apel nou Sir ou’n apel nou tou kalite keksoz la.  Ki alor Mr Speaker, mon ti ava kontan ki letan Minis pe fer bann plan Bidze, parske la nou dan prosesis Bidze, ki zot ava fer antre en sonm, pou ki zisteman i ava kapab annan sa vizit – dizon de vizit lannen prosenn pou ki oubyen en vizit kapab parske zot fer byen Bidze Siplemanter kapab ganny en Bidze Siplemanter avek bann larzan tax ki zot in ava peye.

Ki nou ava kapab fer en vizit pou konfirmen, ki poudir keksoz i egzakteman parey nou pe dir.  Akoz ankor enn fwa nou bezwen met sa kler.   E petet an menm tan osi ler nou pe met li kler Mr Speaker, petet antan ki ou kapasite konman Minis Zafer Etranzer, si ou ti a kapab dir avek Lenn arete koze lo Assomption,  annou arete koze lo Assomption parske Seselwa pa anvi nanryen lo Assomption e annou koz lo tou bann lezot keksoz eksepte Assomption.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Vis-Prezidan.

 

THE VICE-PRESIDENT MR VINCENT MERITON

Mersi Mr Speaker.  Mr Speaker mon pa sarcastic.  La mon kapab dir si nou byen konn fer Bidze Siplemanter, nou a fer this is sarcastic koze !  So annou tir sarcasm annou get lo keksoz.  Ok.  Mon krwar nou pran sa demann pou enkli en larzan ki lannen prosenn nou kapab 2 vizit pa zis Assomption petet lo detrwa landrwa kot nou kapab al vizite pou asire ki keksoz pe al byen parey zot in vizite.

E wi mon donn langazman ki Defence Committee pou ganny brief  o tou moman kot bann devlopman pe pase lo Assomption.  Kot i konsern lasose kot i konsern airstrip.

Dezyenmman mon donn langazman ki proteksyon lanvironnman i reste en priyorite dan tou kwen nou pei enkli kot Assomption.  E ki pozisyon Gouvernman vizavi fasilite Assomption baze lo nou mwayen baze lo nou demann i ganny mentenir.  Mersi Mr Speaker mersi pou ekout mwan.

 

MR DEPUTY SPEAKER

Mersi Vis-Prezidan.  Onorab De Commarmond dernyen.

 

HON CHARLES DE COMMARMOND

Mersi Mr Speaker.  Mr Speaker dan sa konteks vi ki dan Midyear Review, mwan  mon sizere ki si napa finans apropriye la, ki sa i ganny regard ladan pou ki Defence Committee ki sa lannen e non pa lannen prosenn, nou fer en vizit Assomption e dan zanmerant, pou war kwa ki pe bann devlopman ki pe arive pou nou update nou lo sa.  Mon met sa e vi ki ou ki Chair sa Komite Defans la ou Onorab Ramkalawan mon krwar in decline lo la.  Alor ki nou take sa lo sa nivo.  Mersi.

 

MR SPEAKER

Mersi Onorab Leader of Government Business.  Vis- Prezidan i  en propozisyon pou Gouvernman konsidere. Ou kapab fer en komanter oubyen nou kit li koumsa.

 

THE VICE-PRESIDENT MR VINCENT MERITON

Mr Speaker mersi.  Si Lasanble i aprouve i ok.

 

MR DEPUTY SPEAKER

Mersi Vis-Prezidan.  E avek sa nou’n ariv a lafen nou Sesyon Question Time e Private Notice Question.  Avek sa mon ti a kontan remersi Vis-Prezidan, Mrs Confait e Mr Belle e nou a eskiz zot parmi nou.

 

(THE VICE-PRESIDENT MR VINCENT MERITON AND HIS DELEGATION WAS EXCUSED FROM THE HOUSE)

 

MR DEPUTY SPEAKER

Bon parey mon ti’n anonse avan, mon ti ganny aprose par en        Manm Lasanble lo en matter of privilege anba 36(1) kot in demande pou vwar mwan e ki in demann permisyon ki i kapab raise sa matter devan Lasanble mon’n ekout son ka e mon pe donn li perkisyon pou li raise sa matter of privilege la.  Onorab William.

 

HON WAVEN WILLIAM

Mr Speaker bonn apre midi.  Mersi pour donn mwan la parol.  Mr Speaker mon anvi lev sa matter of privilege, par lefe ki mon santi poudir mon privilez koman en Manm Elekte Lasanble Nasyonal pe ganny afekte.

Mr Speaker Konstitisyon Lartik 102 i lir konm swivan.  E sa menm Konstitisyon ki letan mon ti antre dan Lasanble mon ti fer en swearing-in lo la, e sa i Lalwa Siprenm pei ki mon respekte.

Lartik 102 (1) i lir konm swivan, ‘‘There shall be freedom of speech and debate in the National Assembly and a Member shall not be subjected to the jurisdiction of any court or to any proceedings whatsoever, other than in proceedings in the Assembly where exercising those freedoms or performing the functions of a Member in the Assembly’’. 

Mr Speaker mon pe dir sa,  akoz avan Recess, depi deba lo Bidze, deba lo State of the Nation Address, e depi ki mon ti form parti sa Manm avek lot kote pour quash the S.I konsernan Salary Bill,  mon’n vwar mwan en pti pe anba bokou presyon.  E i annan plizyer bann lenformasyon pe ganny fannen deor la, par serten nou bann Dirizan lo mon kote, e dan mon distrik.

I annan serten bann mannev osi pour undermine mon pozisyon dan distrik.  E ler mon pe pran serten pozisyon ouswa koze dan Lasanble, mon pe anmenn konsern distrik Grand Anse Mahe ki’n elekte mwan.  E pa oubliye poudir dan distrik plizyer dimoun lo tou lede parti in vot pour mwan, e mon reprezant zot isi dan Lasanble Nasyonal.  An menm tan letan mon dan Lasanble Nasyonal, mon pe reprezant pep Seselwa osi tou lo plizyer size.

Mr Speaker ler mon fini fer sa bann deba ouswa pran serten pozisyon, mon ganny kriye a kote pour ganny dir plizyer keksoz.  Akoz ou’n fer isi?  Akoz ou’n fer laba?  Mon’n menm ganny ekrir en let lo kote mon Parti pour mwan vin donn en leksplikasyon – akoz? Swa mon ekrir sa let, swa mon vin devan Komite.  Mon ti opte pour al devan Komite e pour mon eksplik zot poudir dan mon koze; Akoz dan sa let pe dir ki 1, mon’n ‘‘consistently’’ e ‘persistently’’ koz kont laliny Parti, e finalman mon’n al pran en vot kot laliny Parti.

E letan mon get Lartik 102 Mr Speaker, mon santi poudir sa i en direct violation of mon Drwa e mon Privilez koman en Manm Parlman.

Mr Speaker, mon anvi azoute poudir letan mon  vin isi dan sa Lasanble, lentere pep Grand Anse Mahe i pas avan pou Parti.  Lentere pep Seselwa lo en baz lentere Nasyonal i pas avan lentere Parti.  I vre mon’n debout lo tiket Parti be solman mon bez bezwen  osi mazinen  poudir   mon’n swear against the Constitution e mon pe reprezant en distrik e osi pep Seselwa.

Mr Speaker, malerezman Speaker pa la, me mon okouran poudir en let in ganny anvoye kot Speaker.  En let ki i pe retir mwan konpletman lo en Komite e retir serten dosye avek mwan, san vreman konsilte avek mwan.  Me solman mon’n ganny dir poudir – avan mon ti al dan sa Komite – mon ti ganny dir poudir, ‘’Ou pe ganny anvoye  laba akoz ou doue lo sa Komite.’’ Sa se Zafer Relasyon Enternasyonal.

Mr Speaker mon’n ganny dir pou dezormen mon pou nepli lo sa Komite e sa 2 Dosye ACP-EU avek IPU pe ganny tire avek mwan; pe ganny redonn avek en lot dimoun. Mr Speaker mon vwar sa koman en pinisyon; en pinisyon akoz  dan sa Lasanble isi, mon pe koz an faver lentere mon distrik e an faver lentere Nasyonal!

Mr Speaker sa ki mon ti anvi dir lo sa matter of privilege. Mersi.

 

(APPLAUSE) 

 

MR DEPUTY SPEAKER

Mersi Onorab Waven William pou ou fransiz me pou  vin anmenn sa pozisyon devan mwan koman Speaker. Mon kapab dir ou san okenn ezitasyon poudir okenn dimoun ki sey met presyon lo ou, pou enflians ou, oubyen pou fors ou dir serten keksoz ki kont ou prensip, oubyen sa ki ou krwar ladan, i kont lespri 102 nou Konstitisyon.   E 102(1).

Mon annan en versyon an Kreol ki mon a lir li, zis pou fer li kler pou tou dimoun ki pe ekoute.

‘’I ava annan laliberte laparol ek deba dan Lasanble Nasyonal, e en Manm pa ava kapab ganny pourswiv devan nenport Lakour, ouswa nenport lot prose, kan i koz lo bann travay Lasanble dan son fonksyon koman en  Manm dan Lasanble.’’

Alor i kler poudir  Lalwa Siprenm nou pei, i donn nou sa proteksyon; i donn ou sa privilez pou ou kapab eksprim ou lekor san okenn lafreyer, ki okenn Manm dan sa Lasanble, okenn parti politik i kapab met ou anba presyon atraver tou kalite teknik. Par egzanp kriy ou par kote; met presyon lo ou e bouz ou avek serten mannev oubyen petet menm a la limit – ou kapab dir li serten menas.    Mon krwar sa i en pratik ki mwan personnelman mon trouv li totalman – totalman inakseptab dan sa Lasanble Nasyonal!

 

(APPLAUSE) 

 

MR DEPUTY SPEAKER

Nou bezwen annan respe pou lopinyon e laliberte tou Manm!  Mon ti  a kontan anvoy en mesaz tre for pou sa bann dimoun ki’n kriy ou – ou pa’n dir lekel, me ou’n nonmen poudir i annan serten zofisye dan Parti  – i annan serten mannev ki pe ganny fer pou met lenformasyon ki pa korek – mon ti a kontan pas en mesaz tre for avek zot; ki sa Lasanble Nasyonal i  en lenstitisyon ki zot bezwen respekte!  Tou bann Manm dan sa lasanble Nasyonal i bezwen ganny respekte!

Lopinyon ki pe ganny eksprimen i bezwen ganny respekte!  E  zanmen nou pou toler okenn aksyon ki pou entimid ou, ouswa  nenport ki  lezot Manm  dan Lasanble Nasyonal. I pa pou ganny tolere!

 

 

(APPLAUSE) 

 

MR DEPUTY SPEAKER

Mon osi oule fer kler poudir mon okouran poudir i annan en let ki’n ganny anvoye kot Lasanble, pou fer serten sanzman dan pozisyon lo bann Komite.  Byensir i annan en let ki’n ganny anvoye pou sizer sanzman par Parti Lepep lo zot bann Komite.  US Pardon – sa i dan zot preogativ pou zot fer.  Me kot ou, ou pe reprezant Lasanble Nasyonal dan serten lorganizasyon parey ou’n nonmen IPU – ACP – EU ou pe reprezant Lasanble Nasyonal!

Se Lasanble Nasyonal ki’n  apwent ou dan sa pozisyon.  E personn pa kapab vin tir ou dan sa bann tel pozisyon. Mon pa krwar sa i norma! Mon pa krwar sa i normal e mon pou mentenir ki malgre ki bann Komite e bann parti politik ki kontrol lapwentman  bann dimoun  lo sa bann Komite i annan tou drwa pou zot fer rotasyon.  Sa i zot preogativ, me zot pa kapab servi – zot pa kapab servi sa  koman en roten pou enfliyans ou parol, ou lopinyon e lafason ki ou eksprim ou lekor dan Lasanble Nasyonal. Pa bezwen sot sa laliny!  Parske sa i pa akseptab dan sa Lasanble!

Tou Manm i annan en drwa koze! Tou Manm i annan en drwa lopinyon e nou tou nou bezwen respe nou Konstitisyon! Sa i Lalwa Siprenm sa pei.

Alor Onorab William avek sa detrwa parol, les mwan asir ou ki dan tou sa ki nou fer nou pou bezwen et konsyan poudir sa sityasyon pe devlope.  Mon anvi asir ou ki Lasanble Nasyonal i pou donn ou tou privilez pou ou eksprim ou lekor, pou ou dir nou si sa i kontinyen, e nou, nou ava regarde ki mannyer  nou kapab anpese ki sa sityasyon  i afekte ou privilez, parski se ou drwa pou koz lafason  ou panse e nou tou nou respe sa!

Mon  ti ava al en pti pe pli lwen pou dir si ou anvi ed nou konnen lekel ki pe met presyon lo ou e nou ava al direk kot zot, e nou ava dir zot arete met presyon lo Onorab Waven William!

 

(APPLAUSE) 

 

MR DEPUTY SPEAKER

Parske  zot pe vyol Konstitisyon. E avek sa mon espere mon’n kapab ofer gidans Lasanble Nasyonal lo en size ki mon krwar i trez enportan,  e ki pe afekte privilez sa Manm.  Mon pa pe ouver deba lo sa zafer. Mon’n fer en Ruling lo la e nou ava reste an kontak. Si ou santi poudir ou privilez pe kontinyen ganny afekte, les nou konnen  e nou ava fer le neseser  pou fer sir ki nou reste lespri  Konstitisyon dan sa Lasanble!  Mersi.

 

(APPLAUSE) 

 

 

MR DEPUTY SPEAKER

Mon pa pe ouver deba lo sa – unless si i annan en point of order.

 

(Interruption)

 

MR DEPUTY SPEAKER

Onorab De Commarmond eski ou pe raise en point of order or a matter of privilege?

 

HON CHARLES DE COMMARMOND

A matter of privilege akoz dan sa ki ou’n  – akoz sa let mwan ki’n ekri.

 

(Interruption)

 

HON CHARLES DE COMMARMOND

En minit. Mon annan drwa – Sa bann dimoun lot kote -?  Ou konpran?

 

MR DEPUTY SPEAKER

En moman, les Onorab De Commarmond.

 

HON CHARLES DE COMMARMOND

Lekel – lekel? Non, lekel sa dimoun laba lot kote  ki’n dir mon en bully?

 

(Interruption)

 

HON CHARLES DE COMMARMOND

Kot ti annan bully?

 

(Interruption)

 

 

MR DEPUTY SPEAKER

Kontinyen.

 

(Interruption)

 

HON CHARLES DE COMMARMOND

Zot pe rabase!  Zot pa pe konnen ki zot pe dir.  E Mr Speaker i annan en keksoz ki ou’n dir –  mwan mon respekte ou Ruling to a certain extent.  Napa nanryen pou fer avek sa matter of privilege ki Onorab William in leve.  Personn pa pe  – Tou sa ki in dir la pour mwan – sa.

Now dan sa ki ou’n dir i annan en keksoz ki pa korek! Onorab William  i pa’n ganny mete lo sa Komite par Lasanble Nasyonal! Si in ganny mete par Lasanble Nasyonal, then napa problenm!   E sa mon ava diskit avek ou ek Speaker  napa problenm lo la!  Si zot le met li  lo Lasanble Nasyonal konmsi i pe reprezant sa Komite lo Lasanble Nasyonal no problem at all!  Me en parti dan Lasanble i annan drwa fer en sanzman  – en rotasyon  son bann Manm lo diferan Komite a diferan moman. Nou’n vwar – Lopozisyon in fer li.  Recently zot in fer e ki byen, I normal sa dan en Lasanble. Napa nanryen  mal ladan.  So  mwan mon pwen i napa nanryen ki forse. Ou, ou ti forse, lotrozour letan ou’n met lot dan ou plas?

 

MR DEPUTY SPEAKER

Les mon a –  Les mon a koriz –

 

HON CHARLES DE COMMARMOND

Non.  Be se sa!

 

MR DEPUTY SPEAKER

Les mon a koriz en-

 

HON CHARLES DE COMMARMOND

Nou, nou travay.  E dan sa ka zot ki ansarz nou parti?  Ah come on don!

 

MR DEPUTY SPEAKER

Les mon a koriz en – Les mon a koriz en misapprehension.  Onorab De Commarmond, les mon a en misapprehension lo sa ki mon’n dir.  Mon pa krwar ou’n konpran mwan byen.  Sa ki mon’n dir.  Sa ki mon’n dir, se ki ou annan tou drwa koman en parti, pour ou swazir lekel ki reprezant ou parti lo bann Komite kot i annan 7 Manm.  Sa 3 Manm ou annan drwa swazir ou.  Sa pa en problenm sa.  Sa mon pa pour kestyonnen.  Sa i kler.

Mon pa’n zanmen dir poudir Lasanble ki apwent sa 3, non!  Lasanble i ganny enformen lekel sa 3 lo ou kote, lot kote.  Sa i fine!

Sa ki mon’n dir se kan in ganny –  I pe reprezant Lasanble Nasyonal dan bann lenstitisyon tel ki IPU, e lezot landrwa kot i pe reprezant Lasanble Nasyonal.  La zot napa ziridiksyon.  Parski i pe reprezant Lasanble Nasyonal, in ganny apwente par sa bann Komite kot i ete laba deor, par Lasanble Nasyonal ki i ti pe reprezante ler i ti ale, se la kot ou pa kapab tire!

Se la ki mon pe dir ki ou pa kapab tire.  E si in ariv koumsa, nou bezwen respe sa.  Parske si zot pe pous par lao sa, sa i vin-.  Annefe zot pe met en presyon lo li, sa i kler, si zot pe fer sa.  Rotasyon mon napa problenm, me kan i pe reprezant Lasanble Nasyonal, mon pa vwar okenn rezon e okenn zistifikasyon pour zot antre, pour zot enterfer.  Sa i domenn Lasanble Nasyonal, parske i laba koman en Manm Lasanble Nasyonal.  Se sa ki mwan mon’n dir.  Alor nou bezwen fer sa tre kler.

 

HON CHARLES DE COMMARMOND

Se la ki pa korek!  Sanmenm sa mon dir ou, mon pa pour fer deba ek ou la mwan.  Ler Speaker i vini, nou ava zwenn mwan, ou, Speaker.  Sa ki ou pe dir i bezwen ganny substantiate pli korekteman.  Mersi.

 

MR DEPUTY SPEAKER

Ok mon pare pour mwan –  Nou ava diskite.  Me selman mon pozisyon i reste kler.

Lo kote Komite Lasanble zot kapab deside.  Kan in ganny apwente, i pe reprezant Lasanble Nasyonal, zot pa kapab enterfer dan sa fason.  Parske la zot pe met en presyon endirek lo li ki mon pa vwar sa i zistifyab.

Bon nou pa pour ouver deba akoz mon’n permet Onorab De Commarmond, mon pour permet en dimoun lot kote.  Onorab Clifford Andre.

 

HON CLIFFORD ANDRE

Mersi Mr Speaker.  Mr Speaker mon pe koz dan mon kapasite koman Vice-Chair IAC e dan labsans Chair IAC e osi dan mon kapasite koman Sef Delegasyon lo ACP-EU, par ki Onorab William i Manm Delegasyon e son kontribisyon ki i fer, i enorm.

A sa staz Mr Speaker,  Sesel pour vwar li dan en pozisyon an aryer, akoz si nou pour al tir Onorab William ki en Manm US, me ki en Manm Lasanble IAC lo sa delegasyon,  i pour fer ki travay ki nou’n deza komanse fer, e dan sa konteks nou’n anmenn €15 milyon Ero pour Sesel ki dan Labank Devlopman ki bann dimoun pe benefisye.  E nou travay i aktiv.

Alors pour retir li a sa staz, e pour al anmenn en lot Manm ki, prezan pour al komanse.  Mon pa dir pa devret – Prezan ki pour al komanse,  i pour fer ki nou pour ganny retar lo travay ki nou ti’n kapab akonplir pandan letan ki nou sa.

Alors mwan Mr Speaker, koman Vice-Chair, koman Sef Delegasyon, mon pa pour ankouraze ki sa i ganny fer.  E mon pour demande ki Onorab William i reste lo Komite IAC  -(1), e i reste koman Manm Delegasyon ACP-EU ki fer bann bon travay parey nou tou konnen.  E sa i kapab ganny temwannyen par Speaker ki ti al avek nou Maurice, e lezot Manm IAC ki ti Maurice.  Alors mon krwar i demann revwar, get ladan e ganny konsidere pour ki Onorab William i kontinyen fer son, fer partisipasyon US ganny konte lo sa bann Komite.  Mersi.

 

MR DEPUTY SPEAKER

Mersi Onorab Andre.  Ou sizesyon sertennman a ganny konsidere.  E mersi pour ou kontribisyon lo la.  Eski ou annan en point of order Onorab Valmont?

 

(Interruption)

 

MR DEPUTY SPEAKER

Non, nou pa pe al ouver deba.  Mon pa pour ouver-  Non, non!  In ariv 3.30-.

 

(Interruption)

 

MR DEPUTY SPEAKER

In ariv 3.30 nou pe pran en Break.  A sa pwen i 3.30 in sonnen.

 

HON SEBASTIEN PILLAY

(Off- Mic)

Donn li son point of order!  I  sipoze-

 

MR DEPUTY SPEAKER

Mon’n ouver deba enn lo sak kote.

 

(Interruption)

 

 

MR DEPUTY SPEAKER

Non, non!

 

(Interruption)

 

MR DEPUTY SPEAKER

Get sa in ariv 3.30 nou pe al adjourn.

 

(Interruption)

 

MR DEPUTY SPEAKER

Nou pe al adjourn

 

(Interruption)

 

MR DEPUTY SPEAKER

Nou pe adjourn ziska 4er.

 

HON CHARLES DE COMMARMOND

… ou pe vyol Konstitisyon!

 

(BREAK)

 

MR DEPUTY SPEAKER

Bonn apre midi tou bann Manm Onorab.  Nou pou kontiny nou travay pou apre midi.  Me avan nou kontinyen mon ti a kontan fer en kominikasyon from the Chair.  Mon ti a kontan demann 2 Manm an partikilye, pou zot ekout sa ki mon pe dir klerman, e mon pou demann zot fer en keksoz.  I annan Onorab Leader of Government Business Onorab De Commarmond e Onorab Pillay, ki ler mon ti pe kit – e mon ti adjourn mon ti’n tap Marto mon ti’n dir nou ti pe adjourn Lasanble Nasyonal, ziska 4er e mon pa ti pe permet deba, parske nou ti pe adjourn.

Ler mon pe sorti mon’n tann Onorab De Commarmond dir, ‘’You are violating the Constitution!’’  Ou pe imput en improper motive.

Onorab Sebastien Pillay in debout e in montre ledwa e i dir mon ‘’en Diktater.’’  Ou’n dir sa.  Mon pe demann ou e mon pe demann tou lede silvouple apologise e retract sa 2 stetment.  Parske i mank respe – pa pou Ahmed Afif – Onorab Ahmed Afif, me for The Speaker of the House.  Showing a lack of respect.  Mon pe demann zot silvouple si zot respe lespri nou Konstitisyon ; si zot respe tou Standing Orders pou silvouple retract sa 2 stetment ki zot in fer.  Onorab De Commarmond.

 

HON CHARLES DE COMMARMOND

Mr Speaker mwan – ! Ti napa okenn move lentansyon ki mon dir sa.  E  mwan mon ti pe repet zisteman sa ki ou ti pe dir avan!  Akoz –

 

MR DEPUTY SPEAKER

Mon pa pe entertain okenn deba lo sa- ! Mon pa bezwen okenn leksplikasyon.  Mon pa bezwen okenn leksplikasyon.  Mon’n fer en  Ruling –

 

HON CHARLES DE COMMARMOND

Be dan sa ka mon pa kapab retract!

 

MR DEPUTY SPEAKER

… ou’n dir – Ou’n fek konfirmen poudir  –

 

HON CHARLES DE COMMARMOND

… wi.

 

MR DEPUTY SPEAKER

… ou ti dir sa parol.

 

HON CHARLES DE COMMARMOND

Wi, mon ‘n dir akoz …

 

 

MR DEPUTY SPEAKER

I en mank respe for the Chair …

 

HON CHARLES DE COMMARMOND

… Non i pa mank respe.  Akoz …

 

MR DEPUTY SPEAKER

… e ou devret …

 

HON CHARLES DE COMMARMOND

…  akoz i li et !

 

MR DEPUTY SPEAKER

… mon pe demann ou. Mon pe demann ou …

 

 

 

HON CHARLES DE COMMARMOND

… akoz ou ti pe anpes en Manm eksprim li !

 

MR DEPUTY SPEAKER

Onorab De Commarmond mon pe demann ou silvouple; silvouple mon pa anvi invoke any order pou demann en dimoun to leave the Assembly !   Me selman mon pe dir avek ou, silvouple, ou’n ensilte e you have impute  an improper motive kont Speaker Lasanble Nasyonal!  I pa akseptab!  Mon pe zis demann ou pou apologise an retract sa stetment.

 

HON CHARLES DE COMMARMOND

Mr Speaker mwan fransman dir ou, tou sa letan mon dan Lasanble, mon pa pe war konman mon’n imput okenn improper motive!   Mwan mon ti pe zis eksprimen ki enn nou Manm i  ti  le koze.  E anba Lartik 102 Konstitisyon, i ti pe ganny anpese pou koze.  Se tou!  Si sa i pa fer ou happy e oule ki  mwan mon retir sa, mon a retire si sa i pa fer ou happy.  Me selman sa … !

 

MR DEPUTY SPEAKER

E mon ti a kontan ou apologise about it.

 

 

(Interruption)

 

HON CHARLES DE COMMARMOND

Me kot… ?  Mr Speaker la mon krwar ou pe al en pe tro lwen!

 

MR DEPUTY SPEAKER

Non.  Mon pe dir ou, ou lentansyon – lafason ki ou’n met li – mon pe sorti, me mon pe ekout ou mwan.  Parske mon adjourn mon pa retournen pou rekonmanse, me mon ti pe get ou klerman.

 

HON CHARLES DE COMMARMOND

Napa problenm ! Ou napa – ! Ou pa kontan sa ton ki mon’n dir avek petet ?

 

 

MR  DEPUTY SPEAKER

Mon pa kontan lafason ki ou’n reazir ler mon’n sorti.  I mank respe for The Speaker.

 

HON CHARLES DE COMMARMOND

Sa ki  mon’n dir yer pa kontan lafason. Ok si sa i pa fer ou happy parey mon dir mon retire.  E Mr Speaker Sir I apologise.   Thank you. 

 

MR DEPUTY SPEAKER

Mersi.  Onorab Pillay mon ti a kontan en apology and a retraction avek ou.

 

HON SEBASTIEN PILLAY

Mersi Mr Speaker.  Mon ti a kontan premyerman fer en koreksyon dan sa ki mon’n dir akoz mon pa’n dir OU en Diktater.  Mon’n dir that is dictatorial!  Sa ki mon’n dir ler ou’n sorti.

 

(Interruption)

 

MR  DEPUTY SPEAKER

Non, non.

 

(Interruption)

 

HON SEBASTIEN PILLAY

Sa ki mon’n dir !

 

MR DEPUTY SPEAKER

Ler ou’n leve, mon’n tann sa klerman !   Mwan mon’n tande.  Ou’n montre ledwa …

 

HON SEBASTIEN PILLAY

Non …

 

MR DEPUTY SPEAKER

… ou’n dir poudir, ‘’Ou en Diktater!‘’ Ou’n dir sa klerman.  Sa  mwan mon’n tande!

 

HON SEBASTIEN PILLAY

Mr Speaker sa ki mon’n dir …

 

MR  DEPUTY SPEAKER

Mon  pa’n reponn akoz nou ti’n fini adjourn.  Me mon’n deside pran li la e mon pe – !  Onorab Pillay mon pa pou entertain any arguments about this.  Mon oule ou retract sa stetment and apologise !

 

HON SEBASTIEN PILLAY

Mr Speaker. Mr Speaker,  ou’n prevously raise Konstitisyon ek Standing Orders Lasanble.  En Manm lo nou kote latab, in lev son lanmen pou li demann permisyon pou li koze.  Ou’n allow lezot Manm pou koze, e sa Manm …

 

MR  DEPUTY SPEAKER

Mon pa pe entertain any arguments about lezot keksoz.  About sa lensidan, ler mon pe sorti ou’n dir koumsa ‘’Ou en Diktater !’’ Ou’n dir ek mwan direkteman – ‘’ Mr Speaker ou en Diktater ou!’’

 

HON SEBASTIEN PILLAY

Mr Speaker si mon pe demann ou …

 

MR DEPUTY SPEAKER

Mon pa oule okenn leksplikasyon.  Mon anvi en apology and a retraction!

 

HON SEBASTIEN PILLAY

Mr Speaker si mon ti anvi apel ou’’ en Diktater’’ mon ti ava fer li an tou fransiz ek lonnekte.  Me ou pa en Diktater Mr Speaker!

 

MR DEPUTY SPEAKER

Me selman ou’n dir?

 

HON SEBASTIEN PILLAY

Me sa aksyon  ki …

 

MR DEPUTY SPEAKER

Me dan sa ka zis apologise and retract.

 

HON SEBASTIEN PILLAY

Se sa aksyon ki’n  ganny fer  Mr Speaker  a sa moman ki’n fer ki mon‘n reakte  mannyer in arive!  Mr Speaker  si ou santi …

 

MR DEPUTY SPEAKER

Onorab Pillay mon donn ou 30segonn

 

HON SEBASTIEN PILLAY

…. ki sa ki mon’n dir in ofanse  …

 

MR DEPUTY SPEAKER

…. pou ou apologise and retract.

 

HON SEBASTIEN PILLAY

Mon apologise. Si ou santi mon apologise. 

 

MR  DEPUTY SPEAKER

And retract ou stetment.  Zis retract ou stetment !  Ou retract

 

HON SEBASTIEN PILLAY

Me Mr Speaker, mon pa’n fer sa stetment on mic !

 

(Interruption)

 

MR  DEPUTY SPEAKER

Pa fer nanryen!   I mank respe for The Speaker within the precincts of the National Assembly.  Retract and apologise.  Ou’n apologise selman retract.

 

HON SEBASTIEN PILLAY

Mr Speaker, mon fer mon retraction.

 

MR  DEPUTY SPEAKER

Good.

 

HON SEBASTIEN PILLAY

Me selman mon le  kosyonn Lasanble about  one thing. 

 

(Off-Mic)

 

MR DEPUTY SPEAKER

Mersi bokou, ou’n apologise, ou’n retract, nou kontinyen avek travay nou Lasanble.

 

(Interruption)

 

MR DEPUTY SPEAKER

No further debate on this !  Point of order Onorab Jude Valmont.

 

HON JUDE VALMONT

Mersi Mr Speaker.  En pwen klarifikasyon dan lespri Konstitisyon Lartik 102 ki ou’n quote taler e nou Standing Order – point of order  No.56.  Mon ti a zis voudre met lo rikord ki  mwan mon santi ki konman en Manm IAC – e mon pe koz on behalf of lezot Manm IAC ki lo mon kote, mon pa konn lot kote.  Me mon santi ki nou Vis-Chair in kestyonn nou konpetans.

Akoz  mwan mon santi ki it’s not – . Sa pozisyon ki ou’n dir ki Onorab William i pe tenir, it’s not about the person.  Malgre o non tou respe, Onorab William in Anbasader, me selman mon santi ki i annan lezot Manm IAC ki annan konpetans e nou osi nou kapab reprezant sa Lasanble.  Mersi Mr Speaker.

 

(APPLAUSE)

 

MR DEPUTY SPEAKER

 Ok.  Mersi Onorab Valmont.  Mon premye reaksyon avek sa se ki anba 56 ou pa kapab pe fer en leksplikasyon, parske napa en lot Manm ki pe koze an se moman.  So i pa aplike.  Point of order 56 pa pe aplikab la.

 

(Interruption)

 

MR DEPUTY SPEAKER

Mon’n note ou pwen. Mon’n les ou koze, selman mon pa pe ouver deba lo sa size. Mon pa pe ouver deba lo sa size nou annan travay lo nou Order Paper pou nou kontinyen avek e nou pou kontinyen.

 

(Interruption)

 

MR DEPUTY SPEAKER

Nou pa pe entertain any fruther debate lo la Onorab Andre. Annou kontinyen. Annou kontinyen avek deba.

 

(Interruption)

 

MR DEPUTY SPEAKER

Annou kontinyen avek deba. Sa ki devan nou i annan Second Reading Tourism Development Bill, 2019. Bill No.4 2019.  Alor mon ti a kontan demann Parliamentary  Reporter pou envit Minis

 

 (Interruption)

 

MR DEPUTY SPEAKER

Annou aret bann  cross exchange. 

 

(Interruption)

 

MR DEPUTY SPEAKER

Annou aret bann cross exchange tou le de kote!  Tou le de kote!

 

 

(Interruption)

 

MR DEPUTY SPEAKER

Tou le de kote!

 

HON CHARLES DE COMMARMOND

Be ki pe arive dan nou Lasanble Mr  Speaker?

 

(Interruption)

 

MR DEPUTY SPEAKER

Onorab Andre mon pe zis call Assembly to order!  Silvouple.

 

 

(Off-Mic)

 

 

MR DEPUTY SPEAKER

Mon pa’n tann okenn keksoz la mwan !  Mwan kot mon été mon pa’n tande.

 

(Off-Mic)

 

MR DEPUTY SPEAKER

Onorab André please annou reste nou kalm. Annou kontinyen.  Minis pe vini pe vin prezant en Bill e nou ava komans nou travay. Mersi. Kalme nou nerf. Nou’n fek bwar dite.  I annan ki’n bwar kafe normalman nou devret ase kalm.

 

MR DEPUTY SPEAKER

Bon, bonn apre midi Minis Didier Dogley Minis Tourizm, Port, Marine avek Lavyasyon Sivil.  E mon ti a kontan osi swet labyenveni Mrs Anne Lafortune Sekreter Prensipal pou Departman Tourizm, Mrs Sinha Levkovic Direkter Devlopman Prodwir, Mrs Bernice Senaratne Direkter Policy Research Monitoring ek Evalyasyon, Mr Samuel Verghese ki Principal Draftsman dan Biro Attorney General e Mr Srinivasa Assistant Principal Legal Draftsman dan Biro Attorney General.  E avek sa nou pou kontinyen avek nou travay lo Second Reading pour Tourism Development Bill 2019.  E mon ti a kontan en Mosyon for Second Reading.

 

HON CHARLES DE COMMARMOND

Mr Speaker mon le move ki Tourism Development Bill, 2019 i ganny lir en Dezyenm Fwa.

 

MR DEPUTY SPEAKER

Eski Mosyon i ganny segonde.

 

HON SEBASTIEN PILLAY

Motion seconded Mr Speaker.

 

MR DEPUTY SPEAKER

Mersi.  Ok mon ti a demann alor Minis pou fer prezantasyon lo merit sa Bill.

 

MINISTER DIDIER DOGLEY

Mersi Mr Speaker.  Bonn apre midi Deputy tou bann Onorab e tou dimoun ki pe ekout nou dan lakour.  Mr Speaker mon prezantasyon ozordi pou kouver 2 morso Prozedlwa.  Premyerman mon pou koz lo sa amannman ki nou pe fer lo Seychelles Tourism Act Cap 223 e apre mon pou koz lo sa nouvo Tourism Development Bill 2019.  Pou le moman Departman Tourizm napa en Lalwa ki gouvern son bann fonksyon.  Dan lepase sa bann fonksyon ti tonm anba responsabilite Board Tourizm Sesel e sa ti ganny gouvernen par son Lalwa.  Avek kreasyon nouvo Minister pou tourizm an 2013 Lalwa Board Tourizm Sesel ti ganny amande pou reflekte son nouvo manda.

Rezon prensipal ki nou war li neseser, pou re amann sa Lalwa, se akoz i ankor annan bann fonksyon anba Seksyon 5 ki ozordi zot nepli tonm anba STB me ki pe ganny desarze par Departman Touris.  Avek sa bann amannman sa Bill i ava reflekte korekteman responsabilite fonksyon STB ki annan pou fer direkteman avek tourism marketing.

 

MR DEPUTY SPEAKER

Minis zis en pti moman.  Mon annan en point of order.  Onorab Ramkalawan.

 

HON WAVEL RAMKALAWAN

Mr Speaker i annan en Bill ki Leader of Government Business in move for Second Reading and i pa sa Bill ki Minis pe koz lo la.  Minis pe pran de Bill ansanm be i annan zis en Bill ki’n ganny move for Second Reading.  E si nou pou mon napa en presedans kot nou pran de Bill ansanm.  Kestyon mon rapel nou pran de kestyon ansanm ennler.   Me mon krwar ki i lefe ki tou lede i pre anyway mon pa anvi pronons mon lekor selman mon anvi senpleman dir ki se the new Tourism Development Bill ki’n ganny move for Second Reading me pa sa ki Minis pe koz lo la.  Mersi Mr Speaker.

 

MR DEPUTY SPEAKER

Mersi Onorab Leader of the Opposition.  Mosyon ki’n ganny mete e ki’n ganny segonde sete ki nou pe fer Second Reading lo Tourism Development Bill.  Nou pa pe fer Second Reading lo Seychelles Tourism Board (Amendment) Bill.  Alor mon ti a demann Minis pou li fer son entervansyon lo merit sa premye Bill.  Parske mon pa krwar i normal pou nou fer lo de Bill an menm tan.  Me mon ava ekout lezot lopinyon.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker par lefe ki sa 2 Bill, ler enn i vin an operasyon, lot i bezwen tonbe.  Alors mon krwar dan sa konteks ki la i napa nanryen i silans.  Nou kapab move both for Second Reading and then have the debate separately on them, which ki mon pou demann Lasanble pou fer.

 

MR  DEPUTY SPEAKER

Onorab Georges eski ou annan – ? Ou le azoute?

 

HON BERNARD GEORGES

Mr Chair.  Vre i napa presedans etandonnen ki Minis in fer preparasyon kot i pe pran tou lede ansanm, e i pe introduce STB Bill avan apre i pou al lo Tourism Development Bill, mon mazinen ki ozordi nou ti a kapab si LGB i move pou en Second Reading STB Bill e ki sa i ganny segonde Minis i a kapab kontinyen e nou a pran tou lede ansanm.

 

MR  DEPUTY SPEAKER

Ok alors Minis zis tenir en pti kou nou a demann Leader of Government Business pou move pou fer Second Reading lo Seychelles Tourism Board (Amendment) Bill 2019.

 

HON CHARLES DE COMMARMOND

An menm tan mon oule dir Mr Speaker, ki ler pou vote nou pou vot lo zot separeman – ok?  So mon le move alor ki Seychelles Tourism Board (Amendment) Bill 2019 i ganny lir en Dezyenm Fwa.  Mersi.

 

MR  DEPUTY SPEAKER

Segonde.

 

HON  PAUL ERNESTA

Mersi Mr Speaker.  Mosyon segonde.

 

MR DEPUTY SPEAKER

Ok.  Alor nou pou demann Minis pou fer kontiny son lentervansyon.

 

MINISTER DIDIER DOGLEY

Mersi Mr Speaker.  Mon ti a voudre remersi bann Onorab ki’n siport sa pozisyon, akoz i kler ki poudir sa 2 Bill i relye avek kanmarad.   Aprezan mon ti a voudre prezant sa nouvo Prozedlwa Tourism Development Bill 2019.  Pou annan vre progre dan okenn sekter, i bezwen annan bann plan, bann stratezi e bann lareg byen defini.  Dan labsans sa bann mezir e zouti enportan nou war ki progre devlopman i limite akoz bann sistenm ki an plas pa adekwa, konsistan e mank kordinasyon.  Alor enn bann zouti dan promosyon ek devlopman touris, ki aktivite ekonomik pli enportan dan Sesel, se en Lalwa ki pou regle devlopman touris dan tou son laspe dan pei.

Sa ki nou ti a voudre war dan le fitir, se ki sa Lalwa i devlope pou vin en Framework Act pou tourism an zeneral.  An plis ki sa nou fini devlop en stratezi e en plan Nasyonal pou diriz promosyon e devlopman touris isi Sesel.  Ler sa Lalwa i a vin an plas, nou ava annan tou bann zouti neseser pou devlop sa sekter bokou pli byen.  Sa Prozedlwa i annan 6 konponan.  I demar avek son Seksyon definisyon bann term.  I kontinyen avek fonksyon Departman, swivi par provizyon pou devlopman e lenplimantasyon klasifikasyon pou lotel, answit i fer provizyon pou standar minimonm pou bann aktivite touristik.

I apre etabli Lotorite Board  Rapel pou klasifikasyon e konfli par son Seksyon miscellaneous.  Sa Prozedlwa ki nou pe ganny prezante ozordi, in pas atraver bann prosedir konsiltasyon neseser, avek Biro Attorney General,  bann Lazans Gouvernman, sekter prive e piblik an zeneral.  Devlopman progranm klasifikasyon pou lotel, ki konponan kle dan sa Prozedlwa in enn ki long kot nou pran letan pou nou devlop bann kriter ki relevan avek spesifisite nou bann prodwir isi Sesel.  Sa in ganny fer an partenarya avek Lorganizasyon Mondyal pou Touris – UNWTO atraver lasistans zot bann eksper.

Dan staz devlopman inisyal, nou bann standar bann eksper UNWTO ti zwenn avek bann partner kle dan lendistri touris, pou ganny zot lopinyon e kontribisyon lo sa progranm.  Faz devlopman bann kriter in enkli konsiltasyon avek bann latelye kot bann dokiman ti ganny sirkile, pou zot komanter e kontribisyon.

Departman ti osi organiz en seri workshop lo Mahe, Praslin ek La Digue, pou prezant sa progranm e son benefis pou lendistri touris e bann biznes endividyel.  Ti osi eksplik bann kriter ki pou ganny servi e prosedir lenplimantasyon.  An 2016 vizit preliminer ti ganny fer lotel ki pou ganny klasifye par bann zetwal.  Sa ti annan de bi.

Premyerman pou teste bann kriter e fer lamannman neseser kot fodre.  E dezyenmman pou donn sa bann lotel en apersi lo lafason ki progranm pou ganny enplimante, e donn zot en lide lo zot standar.  An 2017 e 2018 nou ti fer en vizit preliminer dan 160 pti letablisman pou Seychelles Secret avek menm bi.  En viziter ler i deside al vakans dan en pei, i annan en serten rev ek lekspektasyon.  Bann kritik prensipal ki nou gannyen, se ki kliyan ki vin Sesel pa ganny valer pou zot larzan, e nou krwar ki sa i osi pou fer avek kalite lekspektasyon ki bann ki ganny donnen ler sa viziter pe book son lotel konpare avek kalite lotel ki i war li ladan ler i ariv isi.

Alor i enportan pou donn pou bann viziter ganny serten lenformasyon, ki’n ganny valide obzektivman par en lorganizasyon endepandan, pou li kapab form en lopinyon avan i boukte son lotel.

Progranm klasifikasyon lotel ki ganny promouvwar atraver lemonn i enn sa bann zouti kle ki donn bann viziter sa kalite lenformasyon, ki zot bezwen.  En progranm gratifikasyon lotel, ki byen etabli, i permet en viziter pou konn grad en lotel e krwar ki sa lotel pe ofer avan menm ki i fer en swa.  I enportan pou konpran ki enn bann fakter mazer ki lenfliyans swa en viziter pou en destinasyon, se nivo son bann fasilite e servis ki i ofer.

Sa progranm e deza egziste en pe partou dan lemonn enkli Lerop kot lamazorite nou bann viziter i sorti.  Enplimantasyon en progranm gratifikasyon pou asiste Departman Touris pou mentenir plis profesyonnalizm e annan en pli bon standar dan sekter akomodasyon.  I pou osi ed li donn lenformasyon lo kalite standar prodwir e servis dan fason pli striktire e transparan avek bann benefis swivan:

Premyerman viziter e Lazans vwayaz, pou kapab fer bann desizyon e swa pli byen enformen e annan lasistans ki zot pou resevwar valer pou zot larzan.

Dezyenmman; i a ede promouvwar imaz nou destinasyon e fer nou pei pli konpetitiv.

Trwazyenmman ; donn bann operater lenformasyon neseser lo ki fason pou mentenir zot grad o byen ogmant zot grad e sa pou ede pou ogmant standar an zeneral dan sa sekter.

E katriyenmman akt konman en lenstriman pou mezir kalite e soutenabilité dan lendistri e osi ankouraz fair competition.

I enportan pou nou fer resorti progranm klarifikasyon ki pe ganny propoze pou pa pou afekte license loperasyon  en letablisman, ni son renouvelman san license dan okenn fason.  Sa i akoz grad ki en lotel pou gannyen i baze lo standar klasifikasyon, e non pa lo standar minimonm.

I annan en gran diferans ant le de e i enportan ki nou konpran sa tre byen.  Mon repete license i ganny donnen pirman selman si ou meet bann minimonm standar, e sa napa nanryen pou fer avek klasifikasyon.  En lot keksoz ki enportan pou konpran se ki sa progranm pa pou obliz okenn letablisman pou fer okenn depans ki pa ti dan son plan.

Sa letablisman pou senpleman ganny evalye lo sa ki li i pe ofer zour son evalyasyon.  An premye, bann lotel 16 lasanm e plis e osi tou bann island resort pou ganny grade enn a 5 Zetwal.  Bann akomodasyon ki tonm dan kategori self catering guest house e bann lotel mwens ki 16 lasanm, pou ganny grade anba progranm Seychelles Secrets anba Seychelles Secrets Gold, Seychelles Secrets Silver, pou Seychelles Secrets Bronze.  Grad final ki en letablisman pou ganny donnen, pou depan lo lakantite pwen ki sa letablisman i akimile. Pou ganny en grad pli o, sa letablisman pou bezwen pe demontre pli o nivo servis kalite prodwir, satisfaksyon kliyan, e osi  bann pratik responsab e soutenab.

Vizit pou grad bann letablisman, pou ganny fer par bann zofisye Departman pou determin grad letablisman.  Sa bann zofisye in ganny formasyon neseser, pou enplimant progranm klasifikasyon e sa i konm swivan:

Formasyon lo klasifikasyon lotel fer par eksper UNWTO ki ti enkli konponan teori e osi pratik.  Dezyenmman pandan bann dernyen lannen, bann zofisye in osi benefisye avek serten formasyon aletranze spesifikman lo klasifikasyon lotel ; par egzanp  ‘’Train a Trainer’’ ki ti ganny fer an Mozanbik.  Formasyon pratik ki ti ganny fer Dubai atraver progranm lesanz e osi an Sid Lafrik atraver progranm lesanz avek zot grade income sale.

I pou osi pou annan byento en refresher training pou bann zofisye ki pou ganny fer isi Sesel par South African Tourism Grading Council.  Sa pe ganny organize atraver Lagreman Bilateral ki Sesel i annan avek Sid Lafrik e i pe ganny progranmen pou lafen sa mwan.

Nou pa pou aret la nou pou kontinyen monitor e evalye performans nou bann zofisye e kont i neseser nou a donn zot plis training.  Prosedir pou klasifye lotel pou konpri bann letap swivan: an premye, en form pou ganny anvoye kot sak letablisman ki spesifye dat ki’n ganny idantifye pou vizit.

Bann etablisman pou annan 7 zour pou konfirm sa dat propoze e osi soumet bann dokiman neseser ki’n ganny demande.  Vizit pou ganny fer dan prezans manager ou en responsab sa letablisman.  Rapor vizit pou ganny fer par bann zofisye, verifye par Seksyon e grad pou ganny apre aprouve par Departman.  Bann letablisman pou ganny enformen lo zot grad e zot pou annan 7 zour pou zot donn zot komanter e pwennvi.  En grad final apre sa i a ganny konfirmen.  En letablisman ki annan okenn plent lo son grad final, pou annan en dele 14 zour pou soumet son plent kot Board Lapel.

Board Lapel pou konsider bann plent e pran desizyon swa pou mentenir grad ki’n ganny donnen an kour demann en nouvo evalyasyon.  Grad bann lotel pou valid pou en peryod 2an e prosedir pou re klasifye bann letablisman, pou ganny fer tou le 2an.  An relasyon avek Board Lapel ki dan Seksyon 5 sa Lalwa, sa Prozedlwa i fer provizyon pou etabli sa Board avek son bann fonksyon.  Lapwentman bann Manm Board pou ganny fer par Prezidan.  An sa ki konsern bann standar minimonm, sa ti deza egziste e pe ganny enplimante, me i ti tonm anba fonksyon Board Tourism Sesel.

Sa Prozedlwa i fer provizyon pou plas standar minimonm Departman Touris.  Devlopman e enplimantasyon bann Polisi i enportan pou ki i reasir devlopman soutenab lendistri touris, ki nou lendistri mazer.  Formilasyon bann Polisi i depan lo bon lenformasyon e statistik.  E alor i enportan ki bann database bann lenformasyon i ganny devlope e statistik neseser i ganny mentenir par Departman.  Pou asire ki i annan lenformasyon azour e  bon statistics, i neseser ki bann parti konsernen i zwe sa rol aktiv pou soumet sa bann lenformasyon avek Departman.

Sa Prozedlwa i fer provizyon pou Departman annan pouvwar legal pou li kapab kolekte lenformasyon neseser.  Sa Prozedlwa i osi fer provizyon pou permet Minister devlop bann Regilasyon. Enn parmi i Regilasyon pou fer Polisi ki annan pou fer lo size vertical intergration, avek bi pou asire ki provizyon bann servis ek fasilite touris, i ganny fer dan en fason ki ekitab.  I bon fer resorti ki bi sa Polisi Vertical Intergration se pou ed Gouvernman diriz partisipasyon tou bann envestiser dan sa sekter, e osi ankouraz bann gran operater pou lans, dan bann lezot sekter ki nesesit lenvestisman dan plas bann sekter ki ranpli avek bann pti operater.

Sa i ava fer ki sekter touris a lafen dizour ava kapab ofer viziter en pli gran levantay prodwir.  An gro sa Prozedlwa i fer provizyon pou donn pouvwar legal Departman Touris pou li desarz son bann responsabilite e son bann fonksyon.  Mersi Mr Speaker.

 

MR  DEPUTY SPEAKER

Mersi Minis.  Bon i ouver prezan lo Merit e Prensip sa Bill.  Alor okenn Manm ki le koze.  Onorab John Hoareau.

 

HON JOHN HOAREAU

Mersi Mr Speaker.  Mersi Minis pou sa prezantasyon.  Bonn apre midi tou dimoun.  Mr Speaker mon pou prezant 3pwen lo sa Bill mon pou adres 3pwen lo sa Bill.

Premyerman mon pou adres sa size ‘’lentegrasyon vertikal.’’  Mr Speaker lentegrasyon prensipal, se ler biznes ki sipoze donn en serten servis i osi angaz li pou fer lezot biznes ki asosye endirekteman avek sa servis ki i sipoze fer.

Tel konman lotel ki son servis se donn akomodasyon i angaz li osi pou donn servis transportasyon ekskirsyon oubyen servis por notik.  Sa Bill pou donn Minis pouvwar pou fer bann Regilasyon pou anpes sa kalite pratik.

Si sa Regilasyon i vin an fors i pou en devlopman dan en bon direksyon, akoz parmi sa bann parmi plizyer bann rezon ki nou kapab panse ki nou pratik vertical intergration i pa bon i osi ede pou ki sa larzan ki ganny zenere par biznes touris, i ganny partaze egalman avek bann pa egalman. me i ganny partaze atraver bann diferan biznes ki annan e atraver bann diferan businessman ki annan dan sa sekter.  Mr Speaker dan mon distrik i annan bokou gran lotel e mon soupsonnen ki lotel Beau Vallon Bay i enn bann lotel ki pe fer en pti pe sa vertical intergration.  Lotel Beau Vallon Bay i annan en bis dan 10er ki met a dispozisyon son bann kliyan kot i anmenn zot anvil e apre midi i retourn ek zot.

E sa i fer ki bann drayver taxi par egzanp Mr Agricole, Mr Bonnelame, Mr Pouponneau ki bann drayver taxi e bann lezot ankor pa pe ganny sans ganny en pti kours.  E sa pou nou i pa akseptab akoz nou krwar poudir sa gato ki appel tourizm i bezwen ganny byen partaze.  E en Polisi Vertical Intergration zisteman i ava ede pou met en lord dan sa bann keksoz koumsa.

Dezyenmman Mr Speaker mon le koz osi lo en keksoz ki mon pa’n war in enkli dan sa Lalwa e mon ti a kontan sizere ki zot pran an kont e Minis plitar petet i kapab donn nou en pe detay lo la sa se lentegrasyon orizontal.  Lentegrasyon orizontal i ler en lotel oubyen en biznes i fer plizyer bann biznes konman en lasenn.

Par egzanp ozordi zour nou pe war ki bann lotel par egzanp Four Season nou pe war sa bann lakonpannyen ki annan Fisherman Cove ki annan H Hotel, Four Season i annan Desroches deza i annan Lentandans, lakonpannyen ki manage Coral Strand i annan Savoy.  Alor nou pe konmans war serten kalite keksoz ki pe devlope dan nou devlopman touris Sesel.  Mr Speaker lenportans se ki si sa bann lasenn lotel i ganny devlope, nou pou war ki poudir i kapab lenfliyans i kapab fer price fixing ; i kapab menm lenfliyans fer en Kartel e avek sa bann lavantaz economies of scale ki zot pou annan, zot pou kapab ofer bann package ki pli atire pli bon marse ki bann lezot.

E sa ki enterese avek sa bann sa kalite pratik, petet serten i kapab dir be si zot fer li pli bon marse, i a pli bon pou kliyan.  I vre ki i a pli bon pou kliyan me selman bann dimoun i bezwen fer desann pri, zot touy zot bann lezot konpetiter ki petet grade menm zetwal avek zot.  E ler zot touy sa konpetiter plitar ki zot fer zot refer monte zot pri.  E ler zot fer monte zot pri, se la ki aprezan sa bann lezot konpetiter ki’n ganny touye oubyen ki preski feb pa kapab compete, zot bezwen inovativ petet ale sanz laliny biznes petet mon pa konnen mon fer product différentiation kot zot bezwen, prezan rod en niche market pou zot pou zot kapab still survive.

Me selman an zeneral, i pa bon pou en lekonomi en pei, akoz ler ki sa bann keksoz koumsa i arive i osi detri sa fairness dan konpetisyon.  Mr Speaker i pa zis sa i kapab osi kre en trou vid ler sa bann tel lakonpannyen, i deside pou retir zot dan sa biznes.  E nou war bann si par egzanp en lasenn lotel i retir li dan sa biznes, nou war i fer void e nou war poudir lekonomi sa pei i kapab ganny afekte, dan lesans ki bann lezot biznes ki sa lasenn lotel petet ti siporte swa bann vander ki rio bann taxi bann biznes lenportasyon ; bann fermye tousala i war zot san en lanplwa san serten reveni.  Alor i enportan ki Minis i pran sa an konsiderasyon.  Mon ti ava kontan si petet annan dan sa bann laliny  kot nou pe koz lo Minis i kapab formulate bann vertical intergration policy i ti kapab mete osi vertical and horizontal vertication policies.

Mr Speaker mon 3enm pwen i lo lenspekter sa Lalwa ki mannyer i été i prezant en pti pe konfizyon lo kote lenspekter.   Anba dan Clause 8 (3)(b) i dir nou koumsa poudir lenspekter i kapab fer en lenspeksyon o mwen enn fwa par an me i kapab fer plis.  Me la nou tann Minis in dir dan son prezantasyon poudir, bann lenspeksyon pou ganny fer tou le 2an.  Alor mon pa pe tro war sa konsistans ki ou pe dir.

E osi 8 (5) i dir koumsa poudir lenspekter i bezwen donn notis rezonnab sa bann dimoun ki sarz sa bann letablisman, me mon ti a kontan ki Minis i gete osi poudir i annan en lot landrwa 8 (3)(b) mon krwar osi menm paragraf ki mon koz en pti pe oparavan i dir poudir i kapab ‘’with or without notice.’’

So i annan en pti pe en lenkonsistans ladan swa i donn ‘’with or without notice’’ swa i bezwen donn with notice – resonable notice.  So sa i fer ki i annan en pti pe lenkonsistans.  Mr Speaker ler mon pe get osi lo kote operasyonnel i pou difisil par egzanp en lenspeksyon i ganny fer plis ki en fwa dan en lannen.  Akoz ler en dimoun i vann son bann market i market son sorry i market son letablisman i vann son bann prodwir aletranze i baze lo serten pri lo serten degradasyon e si sa i ganny fer plis ki en fwa dan en lannen, mon krwar i pou detri sa lorganizasyon li menm la.

Akoz si i arive konman si sa lorganizasyon i detekte poudir sa grad sa lotel i devret redwir oubyen remonte i pou afekte son kalite kliyantel ki li i pe atrakte.  Alor fodre pa i annan sa frekans ki tro bokou ler zot pe fer sa bann lenspeksyon.  An zeneral mon panse poudir si i annan de ka kot standar i desann en pe mon mazinen poudir i annan bann lezot Lazans parey bann sanniter oubyen bann lezot ki pe get safety ensidswit.  Ki kapab ede pou redres sa sityasyon si i arive, ki sa lotel oubyen sa letablisman i remet li lo son standar.  E se sa ki mon ti ava anvi aport a latansyon Minis, mon ti ava kontan si i ti adres sa bann pwen avan ki mon pran en vot avan ki nou pran en vot lo sa Bill.  Mersi.

 

MR DEPUTY SPEAKER

Mersi Onorab Hoareau.  Onorab Sebastien Pillay.

 

HON SEBASTIEN PILLAY

Yes mersi Mr Speaker.  Mr Speaker mon le zis regarde si nou pa kapab petet split deba lo sa de Bill akoz en Bill i pli sibstansyel e i annan bann eleman sibstansyel ladan e lot i si oule i bokou pli pti, ki mon santi petet nou kapab dispose of sa enn pli pti fini avek son prosedir akoz ler nou pou regard sa Tourism Board Amendment Bill li menm i napa gran sanzman ki nou pou kapab al dan detay ladan.  Me tandis ki the Tourism Development Bill i annan bokou plis eleman.  Si nou fer en deba lo tou lede, nou pou melanz merit sa de Bill, prezan i pou vin en problenm petet ler nou ariv lezot staz pou nou deal avek.

Rezon mon pe dir sa se akoz Tourism Development Bill i annan bann eleman ki entervenan avan mwan  in koz lo la in koz lo bann eleman vertical intergration.  Ki demen sa Bill i kapab form basis pou regulate  serten aktivite dan sa sekter.  Ou pa oule en dimoun demen vini dir ou be prosedir ki ou servi pou pas sa Bill dan Lasanble Nasyonal, pa ti korek e alor dan en form mezir ki ou pe pran kont mon i pa an konformite avek Lalwa.

So mon pa konnen mon ti a demann si ou gidans e mon ti a petet ganny lopinyon en lot Manm lo lot kote, si nou pa ti a kapab petet pran.  Akoz mon konnen Minis in fini prezant sa de prezantasyon ansanm si nou pa ti kapab dispose of sa enn pli pti and then kontinyen avek sa enn pli gran mon krwar ti ava meyer.  Mersi Mr Speaker.

 

MR DEPUTY SPEAKER

Mon ouver pou ekout pwennvi personnelman mon krwar si nou kapab dispose of sa enn premye Tourism Board Amendment Bill nou fini avek parske nou fini fer sa Second Reading depan lo zot si zot anvi koz lo merit zis sa nou fini avek li nou pran en vot e si fodre al dan Komite nou ava ale oubyen si nou.  Be eski zot dakor ki nou fini avek en Bill apre nou al lo lot?  Onorab Georges gid nou.

 

HON BERNARD GEORGES

Wi Mr Speaker mersi.  Prensip napa okenn difikilte nou kapab deal Minis in fini fer son prezantasyon tou lede in ganny konmans Second Reading nou kapab deal avek sa enn pti vot lo la apre al lo sa enn ki gran.  Sa enn pti mon pa prevwar amwen si i annan Manm ki annan amannman sibstansyel mon pa pe prevwar ki i pe al dan Staz Komite.

 

MR DEPUTY SPEAKER

Mersi Onorab Georges.  Bon mon annan de dimoun ki’n lev lanmen pou koze ziska konmela eski zot lentervansyon i lo STB (Amendment) Bill oubyen lo Tourism Development Bill?  Zot tou zot lo Tourism Development Bill?  Savedir personn napa okenn lentervansyon lo STB si nou napa okenn lentervansyon lo STB (Amendment) Bill parey ou’n propoze mon ti a propoze ki nou pran en vot lo merit sa Bill.  E tou bann ki.  Pardon Onorab Larue ou ti le entervenir lo la.

 

HON FLORY LARUE

Mersi Mr Speaker.  Wi sa Bill i vreman pti me selman i pe donn nou en pe bann fonksyon STB e lefe ki Minis mon ti a kontan demann Minis lo kote 5(f) ki pou ganny adopte, letan i dir nou ‘’… to establish and carry out public relations activities locally and internationally, to  address issues concerning the image and destination …’’  Mon ti a kontan konnen si Minister Tourizm pou travay ansanm avek Minister Later Devlopman – MHILT pou devlop en pe bann lenfrastriktir, ki siport lendistri tourizm.   Lefe ki en kantite plan devlopman lo distrik e nou war ki bann devlopman touristik i toultour Sesel prezan – Mahe antye partou sa bann devlopman touristik dan tou distrik.

Me selman nou pe war gran retar avek bann devlopman dan bann distrik, ki kapab siport tourism, eski pou annan en lyen direk avek STB e avek sa bann Minister, pou fer sir ki i pous zot pou zot kapab carry out (f) pou ‘’… carry out public relations activities locally and internationally to address issues concerning the image of the destination?’’  Akoz en kantite sa bann proze i afekte nou zimaz letan zot tarde.  Mersi.

 

MR  DEPUTY SPEAKER

Mersi Onorab Larue.  Eski i annan okenn lezot entervenan?  Onorab Ramkalawan.

 

HON WAVEL RAMKALAWAN

Yes Mr Speaker mersi bokou.  Lo sa STB (Amendment) Bill, i annan de pti pwen ki mon anvi fer letan mon regard (a) avek (f) mon pa konnen si zot in fer en fot zot in mank en keksoz.  Parske (a) i dir ‘’… to market and promote locally, regionally and internationally.’’  Zot in fer diferans ant ‘’regionally’’ ek ‘’internationally.’’  E aprezan dan (f) se ‘’… activities locally and internationally.’’  Konmsi prezan mon pou consistency either nou met ‘’regionally’’ dan (f) pou nou al en pe pli spesifik oubyen nou tir ‘’regionally’’ dan (a) pou nou fer locally and internationally mon kit sa avek zot.  Dezyenmman konnen espesyalman dan sa (f) e la mon pe regard  – letan mon pe regard nou tourism policy ensidswit, e mon kontan sa (f) konmsi ‘’… to carry out public relations activities pou concerning the image of the destination. ‘’

Petet sa ki mon pe dir la i al i ava petet pou ed STB e dan zot responsabilite.  I annan serten landrwa ozordi kot in annan bann tourism establishments, dan bann landrwa ki par egzanp agrikol.  Pran par egzanp Praslin.  Praslin Amitie ou trouv serten guest house ki’n ganny etabli ki’n ganny konstrir dan landrwa lagrikiltir.  Aprezan i annan en konfli ant lagrikiltir avek tourism ; kot sa guest house in vin apre lagrikiltir li aprezan ozordi i pa kontan loder ki otour li.  Aprezan i vin en konfli, kot i lager kot i dir ar sa fermye laba i a pe disturb mon bann kliyan ensidswit – bla, bla, bla.  Mon krwar tousala i vin bann pwen enportan, ki kot nou bezwen kapab defini en tourism area, menm parey dan Land Use Plan i annan residential – i annan bann lezot.

E mon koz en pe avek en zabitan Praslin par egzanp, ki pe ki anler Anse Kerlan ki dir ek mon dan sa area par egzanp in vin en tourism area.  Kot i annan en kantite bann pti guest house ki’n ganny etabli apre Roche Corbizeau, lo kote gos i annan en kantite tourism establishment ki’n ganny etabli ek bann ptipti.  Me aprezan espesyalman bann pti tourism establishment, ou ganny ou bann – ou pa ganny ou byensir bann kliyan ki pe rod 5 Star ou ganny ou bann kliyan ki pe rod plito bann lotel ki mwen ser.  E aprezan la i annan zot problenm kot i en tourism area me selman i pa’n ganny designated konman en tourism area.

Si par egzanp i ti ganny designated konman en tourism area, aprezan bann dimoun ki la, ki reste la, i ti ava annan serten restriksyon.  I’m sure zot dan Ministry of Tourism zot ganny kliyan ki konplent kok i sante 5er bomaten, pentard i kriye gran maten, lisyen i aboye – tou sa bann kalite konplent.  Be si e la mon pe ankouraz STB petet letan nou pe regard sa lendistri tourism, letan nou pe regarde osi ki mannyer zot pou konsey Gouvernman, par egzanp pou kapab letan nou dezir ganny tourism area, kot tou dimoun i konnen poudir be la mon pe antre dan en tourism area.  E ki an menm tan i ava annan bann restriksyon kler.  Parske nou anvi sa touris i dormi i repoze i pa pe konplent. Nou anvi sa touris letan i vin Sesel apre i dir ek son zanmi be retournen be laba Anse Kerlan par egzanp ti en bon area trankil nou’n dormi ; nou pa’n tann lisyen aboye nou pa’n tann poul kirye, kok sante – ensidswit.

So mon pe met sa konman en propozisyon ki petet letan STB i pe fer son fonksyon, pou osi pran sa an konsiderasyon, pou ki i pa ava annan sa konfli.  Mon realize ki poudir Sesel i pa toutafe fasil pou ou fer sa, me selman nou pou bezwen al dan sa direksyon.  Parske ou pa oule ou bann kliyan unhappy.  E si nou anvi al en pe dan sa direksyon kot mon krwar sa i enn bann keksoz ki ava – an menm tan dan sa progranm ledikasyon pou ki nou bann dimoun i konnen ki poudir, be regarde si mon pe vin reste dan en guest house ki otour en laferm, petet sa boug i en fermye laba i kontan li ti a kontan tann kok sante 5er bomaten.

Alors i ava swazir poudir be la i la.  Be si i anvi en landrwa trankil ki konmsi menm bann dimoun dan sa area osi tou, zot konnen ki poudir ou pa pou ganny ou problenm ki sa kliyan pe sey dormi, i annan en vwazen la ki pe zwe lanmizik full blast.  Son zannimo ki fer en kantite tapaz i a pe distrub sa kliyan ensidswit.  Konmsi mon pe regarde ki mannyer STB i kapab osi pran sa bann keksoz an konsiderasyon, pou ki en konze ki en dimoun i pey bokou pou li vin Sesel, i kapab pas li dan en fason vreman agreab.  Me apard sa Mr Speaker, mwan osi mon krwar ki poudir sa Bill i ase straight forward e ki mon krwar sa bann responsabilite ki pe ganny mete konman son fonksyon STB i e sa bann responsabilite ki ale avek en tel Board.  Mersi bokou Mr Speaker.

 

MR DEPUTY SPEAKER

Mersi Onorab Ramkalawan.  Vi ki nou napa lezot entervenan,  nou pou kontinyen.  Nou ava pran en vot nou a donn Minis avan the Right of Reply lo merit sa Bill.  Minis.

 

MINISTER DIDIER DOGLEY

Mersi Mr Speaker.  Mr Speaker mon ekout byen sa ki bann Onorab in dir konsernan sa amannman STB Bill.  An zeneral mon dakor avek sa ki zot in propoze. Zis ki mon pe fer zot konpran ki poudir sa STB Bill fonksyon STB i plis pou fer avek promosyon touris.  Regleman bann aktivite bann problenm ki annan on the ground i plis Minister aprezan dan sa nouvo Lalwa ki pou take over.  Avan i ti dan sa STB Act e la prezan nou pe fer sir poudir i sorti.  E ler ou regard (f) avek (a) i plis pou fer avek bi STB pou travay avek bann businessman locally – bann dimoun ki dan biznes touris eksetera ki zot partner ansanm ki zot kree sa sinerzi pou promote Sesel regionally e enternasyonalman.

E STB osi i annan bann biro par egzanp L’Angleterre, Lafrans, Lalmanny eksetera e zot rol zot se promote Sesel dan bann marse kot Sesel son bann viziter i sorti.  Alors sa trwa si oule paragraph i pli zou mwen link avek sa bann kalite travay.  Me selman mon 100poursan dakor  poudir kestyon kote ki nou annan bann aktivite touristik, sirtou guest house avek bann pti etablisman, sirtou bann ki war zot pre avek bann landrwa kot i annan bann lezot aktivite ki pa neseserman konpatib avek sa kalite aktivite, poudir sa i en gro defi.  I en keksoz ki mon konnen Minister e menm Minister Lanvironnman kot mon ti été avan i war nou toultan pe fer fas avek bann diferan konfli ki levé tanzantan, akoz sa bann konfli ki annan akoz sa bann aktivite pa konpatib ek kanmarad.  Mersi Mr Speaker.

 

HON WAVEL RAMKALAWAN

Mon pans pa si nou pou al dan Committee Stage.  Be mon ti ava kontan zis ankor enn fwa lo en stil drafting.  Sa (a) ok mon krwar ki zot devret vin pli direk  ‘’ to market an promote Seychelles as a tourist destination locally, regionally and internationally.’’  Konmsi i vin pli direk parske ou a pe market Seychelles as a tourism destination e non pa konmsi ou pe promote locally, regionally and internationally.  Konmsi fer Angle pli direk pli soz mon krwar i ava ede.  Mersi.

 

MR DEPUTY SPEAKER

Mersi Onorab Ramkalawan.  Mon ti a kontan konnen si nou pou al dan en Staz Komite?  Mon pa krwar akoz napa lezot direksyon nou pa pou tir sa mo regionally anba 5 (a) e (f) osi nou pe gard li parey i été.  Alor eski mon kapab pran li ki nou kapab pran en vot parey i été oubyen si … ?  Sa i kapab ganny entrodwir Minis i aksepte pou entrodwir sa dan final drafting e pou le moman nou kapab pran en vot lo merit sa Bill.  Eski ou dakor avek sa Minis?

 

MINISTER DIDIER DOGLEY

Mr Speaker wi nou dakor avek sa.

 

MR DEPUTY SPEAKER

Ok alors si sa i leka nou pou move for a vote lo merit sa Bill.  E mon ti a demann alor tou bann Manm ki an faver lo merit sa Bill pou lev zot lanmen?  E Clerk ou a donn nou count.  Eski i annan okenn Manm ki kont?  Clerk ou a donn nou count silvouple.

 

MADAM CLERK

Mersi Mr Speaker.  21 Manm in vot an faver.  E personn kont.  Mersi.

 

MR DEPUTY SPEAKER

Mersi.  Savedir sa merit in ganny aksepte.  Vi ki nou pa pou al dan Staz Komite eski nou bezwen en vot pou nou sot Staz Komite eski nou bezwen en Mosyon?  So LGB ?

 

HON CHARLES DE COMMARMOND

Mr Speaker mon le move ki anba Lartik 91 pou nou sispann Lartik 65 a 70 lo Standing Order pou nou sot Staz Komite sa Bill.  Mersi.

 

MR DEPUTY SPEAKER

Mosyon i ganny segonde.

 

HON SEBASTIEN PILLAY

Seconded Mr Speaker.

 

MR DEPUTY SPEAKER

Ok nou pran en vot lo sa propozisyon.  Tou bann ki an faver.  Madanm Clerk ou a donn count.  Lev zot lanmen en pti pe anler i difisil pou war, mersi.  Okenn Manm ki kont?  Non Madanm Clerk donn nou.

 

MADAM CLERK

Mr Speaker 17 Manm in vot an faver.  E personn kont.  Mersi.

 

MR DEPUTY  SPEAKER

Mersi.   Savedir nou pou al sot Staz Komite.  E nou pou al direkteman lo Third Reading e mon ti a demann LGB pou fer Third Reading.

 

HON CHARLES DE COMMARMOND

Mr Speaker mon le move ki Seychelles Tourism Board (Amendment) Bill 2019 i ganny lir en Trwazyenm Fwa.  Mersi.

 

MR DEPUTY SPEAKER

Segonde.

 

HON SEBASTIEN PILLAY

Mr Speaker Motion seconded.

 

MR DEPUTY SPEAKER

Mersi eski nou pran en vot on the Third Reading.  Tou bann ki an faver? Okenn Manm ki kont?  Madanm Clerk ou a donn nou count.

 

MADAM CLERK

Mr Speaker.  21 Manm in vot an faver.  E personn kont.  Mersi.

 

MR DEPUTY SPEAKER

Mersi.  Vi ki tou Manm in vot an faver 21 Manm in vot an faver sa Bill nou a fer en Formal Third Reading.

 

MADAM CLERK

Mersi Mr Speaker.  This Act may be cited as a Seychelles Tourism Board (Amendment) Act of 2019.  Mersi Mr Speaker.

 

MR DEPUTY SPEAKER

Mersi bokou Madanm Clerk.  Alor sa Bill i ganny pase par Lasanble Nasyonal.  Bon avek sa nou ariv 4minit apre 5er i reste nou Tourism Development Bill ki’n fini ganny lir en Dezyenm Fwa.  Aprezan nou annan deba ki ouver lo merit, me mon propoze ki nou kontiny sa demen apartir 9er.  Alor Lasanble i adjourn ziska demen 9er.

 

 

(ADJOURNMENT)