::
Home » Verbatim » 2019 » Verbatim Tuesday 26th March, 2019

Verbatim Tuesday 26th March, 2019

NATIONAL ASSEMBLY OF SEYCHELLES

 Tuesday 26th March, 2019

The Assembly met at 9am

National Anthem

Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab e bonzour tou dimoun ki a lekout, ki pe swiv louvraz Lasanble Nasyonal.   Nou ava zis pas en pti moman lo Order Paper ki nou annan pou sa 2 zour, apre bann formalite kot Deputy Clerk pou lir bann Papye ki nou pou prezante.  Nou annan 2 First Reading ki nou pou fer, apre nou annan Questions for Oral Answer.  Nou annan Private Notice Questions e nou annan nou plizyer Mosyon ki lo Order Paper. Aktyelman nou annan nou 5 Mosyon ki lo Order Paper.   Bon nou ava pran Presentation of Papers – mon ava donn laparol Madanm Deputy Clerk.

 

MADAM DEPUTY CLERK

Mersi Mr Speaker.   Bonzour tou bann Manm e tou bann dimoun ki a lekout. I annan zis en papye ki pe ganny prezante ozordi i;

 S.I 12, 2019, Development Bank of Seychelles Small Business Financing Agency Fund, Vesting Order 2019.  Mersi.

 

MR SPEAKER

Mersi Madanm Deputy Clerk.  Nou ava proceed lo Public Bills, First Reading.

 

MADAM DEPUTY CLERK

Mersi Mr Speaker i annan 2 Bill ki pe ganny prezante for First Reading ozordi. I annan Tourism Development Bill 2019; This Act may be cited as a Tourism Development Act, 2019 and shall come into force on such  date as the Minister may by notice publish in the Gazette appoint.

E 2enm Bill i the Seychelles Tourism Board (Amendment) Bill, 2019.

This Act may be cited as the Seychelles Tourism Board (Amendment) Act 2019.  Mersi.

 

MR SPEAKER

Mersi Madanm Deputy Clerk.  Sa 2 Bill in ganny fer First Reading e Second Reading i a vin lo dat ki nou ava deside ansanm avek ABC.

Bon avan nou move lo nou travay Questions for Oral Answer mon ava donn laparol Onorab Lopozisyon, Onorab Ramkalawan, ki’n averti mwan – in donn mwan notis bomaten pour li raise en matter of privilege. Mon annan en lot matter of privilege ki fek ariv dan mon latansyon la, mon pa pou pran la bomaten, akoz mon pa ankor lir mon pa ankor regarde kwa ki ladan, ok?  Apre sa pandan Break mon ava regarde e apre mon ava deal avek.  Yes Onorab Ramkalawan.

 

HON WAVEL RAMKALAWAN

Mersi bokou Mr Speaker.  Bonzour Mr Speaker.  Bonzour tou mon bann koleg dan Lasanble e tou piblik ki pe ekoute. Mr Speaker mon anvi raise en matter of privilege swivan sa let ki ou Lofis in fer mwan resevwar pou ou latansyon an relasyon avek sa ki Msye Faure antan ki Prezidan in ekri ou e definitivman Lasanble Nasyonal.

Mr Speaker mon premyerman note, ki sa let in non selman ki in ekrir ou, me in osi donn latansyon lo medya.  E mon konsider li konman en enterferans direk dan nou travay konman en Lasanble Nasyonal.

I pa rol en Sef Egzekitiv pou li ekrir en let e pou dir dan son paragraf final, ‘’… accordingly I would kindly urge that the National Assembly take a vote on the Public Service Salary (Amendment) Bill, as gazetted in time for the Bill to be assented to if approved before 01st April, 2019.’’

Mon konsider sa konman en enterferans L’Egzekitiv. Sef L’Egzekitiv dan nou travay konman Lasanble, i pa son rol pour li donn nou okenn direktiv, espesyalman letan en Bill i deza pe ganny konsidere par Lasanble.

E mon bezwen note ki pou dir nou’n sey war sa enterferans par L’Egzekitiv semenn pase osi tou, letan Minis Adam pa’n swiv ou direktiv.   Mr Speaker mon anvi fer kler, ki pou dir ziska aprezan ozordi i Mardi, ki poudir dir LDS in fer en demann direk avek Gouvernman, pour nou ganny sa bann dokiman swivan;

Lakantite anplwaye dan sak band pou peryod Desanm 2018.

Value of increases dan sak band pou peryod 2019;

Rapor e nou anvi sa rapor Commonwealth lo Salary  Review ki Gouvernman in fer.

Nou anvi rapor ek rekomandasyon sa Salary Review Commission, e okenn lezot dokiman ki annan pour nou kapab fer sa travay. Tan ki nou pa ganny sa bann dokiman lo kote Gouvernman, sa travay i pou pli tarde.

E la Mr Speaker mon anvi ankor enn fwa ensiste ki poudir nou lo kote LDS nou fer li, nou’n donn nou commitment semenn pase, nou pare, pour nou travay Zedi, Vandredi, Sanmdi, Dimans. Nenport ler zot donn nou bann dokiman, nou ava fer sa travay.

E la Mr Speaker mon anvi dir ki fodre nou fer kler ki napa okenn lenstans ki LDS pe blok okenn travay – parey pe ganny resorti an relasyon avek logmantasyon lapey, pou bann dimoun dan Gouvernman, me ki LDS pe ensiste ki i annan en sistenm bokou pli zis pou distribisyon kot i konsern bann logmantasyon bann lapey.

E Mr Speaker mon bezwen met sa kler, parski i annan bokou bann lezot, bann lezot keksoz ki byensir letan nou ava repran sa Lalwa ki nou pare a nenport ler ki Gouvernman in donn nou bann dokiman.

E la mon pe dir sa Mr Speaker atraver ou mon pe re-ensiste, ki Gouvernman i donn nou tou sa bann dokiman ki nou’n demande, pour nou kapab fer – pour zot donn nou bann figures ki accurate, pour nou kapab fer en travay. E me mon pa kapab terminen san dir ki mon vreman kondann sa enterferans Msye Faure e ki sa, apre pou remind ki sa bann moman kot Prezidan i telefonn Speaker pour kontrol Lasanble, sa bann moman in fini sa mon krwar.  Mersi bokou Mr Speaker.

 

(APPLAUSE)

 

 

MR SPEAKER

Mersi Onorab Ramkalawan.  Onorab De Commarmond ou le raise en matter?  Ou le point of order?  Dir mwan.  Yes Onorab.

 

HON CHARLES DE COMMARMOND

Mr Speaker mon le raise en matter of privilege mwan osi – ki’n fek arise la.

 

MR SPEAKER

Ok.

 

HON CHARLES DE COMMARMOND

Mr Speaker, bonzour.  Bonzour tou Manm Onorab e tou dimoun ki a lekout.  Mr Speaker mon santi mon privilez koman Leader Zafer Gouvernman dan Lasanble i ganny afekte. Akoz mon pa pe konpran ki pe arive dan Lasanble.  Sa let ki Onorab Ramkalawan i fek fer referans avek, mon panse alor ki Prezidan in ekrir LI!  Or si in ekri ou Lofis, e ki mannyer mon konpran ou’n donn li en kopi en ki mwan mon pa’n privy en kopi mon santi mon privilez in ganny afekte – ki mon pa konnen ki pe pase dan sa sans la.

E ki an menm tan mon swete ki sa matter of privilege ki’n leve, in ekrir davans in eksplik ou sirkonstans sa!  E an menm tan, mon pa pe konpran kote sa lenterferans ‘L’Egzekitiv i vini dan Lasanble, mwan mon krwar ki fodre pa osi ki nou antre dan en lager avek L’Egzekitiv e ki mon krwar ki Lofis Prezidan pe zis konsey Lasanble poudir look i annan en issue la e fodre pa ki nou al an deor Lalwa vizavi sa issue.

Mon ti pe panse, mwan dan mon lasazes pour mwan, ki ou ki – lefe ki sa let in ganny adrese lo ou – ou ki ava dir en keksoz dan sa direksyon!  Vwala Mr Speaker mon santi mwan mon privilez i ganny afekte dan sa direksyon.  Mersi Mr Speaker.

 

MR SPEAKER

Mersi Onorab, mon konpran ou pwen ki ou’n leve. Bon, yer apre midi mon’n resevwar sa let sorti kot Lofis Prezidan. Mon biro in acknowledge receipt.  Me an vi ki ler mon’n lir konteni sa let, mon krwar zot pozisyon sa Bill i vreman kler, zot anvi ki mon pran sa Bill konman i ete e i ganny sa.  E lenpas i vin en pti pe lo kote Lopozisyon akoz Lopozisyon li  i pe …

 

(Off-Mic)

 

 

MR SPEAKER

Non, non, non. Onorab mon’n les ou koze les mwan koze, ok? E mon’n santi anvi ki se largiman pou pa pran sa Bill konman i ete as is se zot ki pe fer bann propozisyon – se zot ki’n demann bann lenformasyon.

Alor mon ti santi li i apropriye ki yer apre midi mon’n fer mon sekreter kopi Lofis Leader Lopozisyon en kopi sa let.  Me sa ki’n tous mwan, se yer swar ler mon’n met nouvel ki premye keksoz dan Nouvel, ti sa let in ganny anvoye kot lapres. E pour mwan si  mwan mon ekrir Lofis Prezidan mon pa met ni lo website, mon pa met ni dan lapres. Mon tant pou fer li parey toultan mon’n dir e mon’n dir dernyen fwa, menm avan nou’n al dan recess ki mon Lofis avek Lofis Prezidan i annan en tre, tre bon relasyon.

E mon pa anvi ki nou al dan sa direksyon ki sa relasyon i gate.  Me petet la fason ki keksoz in ganny fer in pa’n ganny fer dan en fason byen. Me bomaten, bomaten premye Zournal ki mon lir mon vwar ki sa sityasyon in fer sorti, in ganny sorti ankor dan Zournal.

E ankor parey mon’n dir mon mentenir mon pozisyon poudir mon’n copy Leader Lopozisyon, akoz se lo zot kote, Bill pe ganny tenir plizoumwen lo kote sa Lalwa pa pe ganny pase, akoz propozisyon ki lopozisyon pe fer e zot bezwen parey semenn pase zot in demande, en pti plis letan pour zot ganny bann lenformasyon.

Zot pozisyon lo kote US i kler, alors mon pa’n santi li neseser pour mwan anvoy sa let kot ou.  Me si ou santi – si ou santi dan le fitir Onorab De Commarmond, no matter si zot in state zot pozisyon, mon ava osi fer mon Biro copy ou Biro; nou ava kapab sort this out – ok?  Yes Onorab De Commarmond.

 

HON CHARLES DE COMMAMOND

Yes, Mr Speaker mon konpran ki ou pe dir.  Me solman fodre ou konpran, isi nou annan mon rol konman Zafer Gouvernman apre nou annan parti United Seychelles. E pozisyon ki parti i pran, i kapab diferan avek mon pozisyon, konman Leader Zafer Gouvernman!  Ou konpran – so…! So, pa melanz sa 2 rol e melanz tou keksoz ansanm pour- Mon krwar i enportan ki ou get sa dan sa direksyon e ki ou trete le 2 Leader ekivalan!  Ou pa kapab soz enn ou lot. Mersi.

 

MR SPEAKER

Wi, note, note Onorab, mersi bokou. Yes Onorab Ferrari.

 

HON JEAN-FRANCOIS FERRARI

Mr Speaker mon pa konnen si ou ti pe fer referans avek pli boner avek mon matter of privilege ki mon’n sinyal ou lo la par IAC?   Mon ti a kontan-

 

MR SPEAKER

Ou le lev li la.

 

HON JEAN-FRANCOIS FERRARI

I pou pran 30 segonn.

 

MR SPEAKER

Ok

 

HON JEAN-FRANCOIS FERRARI

Mersi Mr Speaker,.  Mr Speaker mon ti a kontan lev en matter of privilege konman Chairman International Affairs Committee dan Lasanble,  mon pe demande ki Prezidan Larepiblik e Departman Zafer Etranzer i fer available pour Lasanble Nasyonal, pour Komite Etranzer bann rezon son vizit Saudi Arabia.   Bann pwen ki’n ganny diskite e ki dan latransparans, nou konman en Lasanble, nou ganny tou sa bann lenformasyon pour nou kapab appraise nou lekor lo ki pe pase lo nivo enternasyonal.

Normalman, en press release i ganny fer dan tou sa deplasman ki Prezidan i fer. Me dan sa enn la, nou pa’n tann nanryen, so mon ti a ofisyelman demann en statement sorti kot Departman Zafer Etranzer pou vin kot International Affairs Committee dan Lasanble Nasyonal.  Mersi.

 

MR SPEAKER

Mersi, Onorab Ferrari.  Bon Sekretarya i ava take up ou demann further avek Departman Foreign Affairs. Onorab Ghislain mon pa ankor ganny sans pas dan ou sa – mon ava pase apre, apre mon ava regarde. Mon fek – Onorab Sebastien Pillay, Onorab Sebastien Pillay ou pa kapab kestyonn mon desizyon ki mon pe fer from the Chair! La mon port latansyon ankor mon met sa devan pou semenn pase mon’n note ou’n kriy mwan 5 fwa mon bias!

Zis mazinen si ti annan en lot Speaker dan sa Chair ou ti pou dir zis en fwa ki Speaker i bias, e ti pou ganny call to order ou ti pou ganny name e ou ti pou ganny met deor! Mon’n tolere – mon’n tolere! Bomaten ou pe dir ek mwan akoz mon’n li. In notifye mwan.  Onorab Ferrari in sorti dan mon Biro bomaten.  In notifye mwan  ki i pou lev a en moman dan lazournen i pou lev son matter of privilege.

In anvi fer li la deswit avan nou pran Minis pou Kestyon mon’n permet li. Onorab Chantal Ghislain in fek donn mwan en matter of privilege in ekri mon anvi regarde kwa ki konteni lo apre pour mwan donn li laparol, ok? So, vwala ou pa kapab kontinyen, kontinyelman kestyonn ruling from the Chair.  Ok?  Bon mon pa pe pran nanryen from you Onorab Sebastien Pillay this is my final decision!

Mon ava demann Parliamentary Reporter pour apel Minis avek son delegasyon.

 

 

(Off-Mic)

 

MR SPEAKER

Mon pa pe entertain, non, non.  Bon mon ti a kontan dir bonzour e welcome Minis Responsab pour Lanvironnman, Lenerzi e Sanzman Klima, Minis Wallace Cosgrow. Minis  i akonpannyen par son Sekreter Prensipal  pour Lenerzi avek Sanzman Klima, Mr Wills Agricole son Direkter Zeneral pour Waste Management, Mrs Nannette Laure. Son Project Officer pour Minister Lanvironnman, Energy, Lenerzi avek Sanzman Klima Mr Jean-Claude Labrosse e osi tou Mr Selby Remy.

Bon Minis bonzour e avek ou delegasyon welcome dan Lasanble Nasyonal.  Yes Onorab Ramkalawan.

 

HON WAVEL RAMKALAWAN

Mr Speaker mon ti’n deza donn ou notice ki pou dir, ki pou mwan pa, mon prefere pour mwan fer li la pour ki bann zofisye ki pou vini pour mon PNQ  zot pa a bezwen vin dan Lasanble, pour zot asize. Vi ki mon’n aprann ki i annan en arbitrasyon ki pe take place dan Federasyon Volleyball. E ki mwan mon anvi les NSC, les sa Federasyon fer zot travay, mon pe withdraw mon PNQ.  Mersi bokou.

 

MR SPEAKER

Mersi Onorab Ramkalawan. Bon mon ava zis demann Deputy Clerk pour fer le neseser pour enform bann zofisye NSC, pour zot pa vin isi pour zot pran sa kestyon.  Mersi Onorab. Bon e ankor pour lenformasyon Lasanble, lenformasyon piblik, Onorab Ramkalawan in call mwan bomaten in met mwan okouran ki i pe pran sa desizyon la bomaten.

Bon nou ava al direkteman lo kestyon e premye kestyon Onorab Philip Arissol.

 

HON PHILLIP ARISSOL

Mersi Mr Speaker.  Bonzour Minis ek delegasyon tou bann Manm Onorab e tou bann dimoun ki dan lakour. Mr Speaker mon kestyon ti’n ganny drafte dan sezon lapli e alor mon ekspekte ki Minis a konpran, letan mon pe lir mon kestyon.

Eski Minis pour Lanvironnman i kapab dir avek sa Lasanble ki plan son Minister pou asire, ki tou bann lanmar dan pei pe ganny mentenir byen, an vi ki sa letan lapli ki pei i ladan, e bokou lanmar ki’n bouse e pe okazyonn linondasyon? Mersi.

 

MR SPEAKER

Mersi Onorab Arissol. Mon ava donn laparol Minis Cosgrow. Minister.

 

MINISTER WALLACE COSGROW

Mersi Mr Speaker.  Bonzour Mr Speaker.  Bonzour tou Onorab dan Lasanble.  Bonzour tou Manm Sekretarya, lapres, tou manm piblik ki pe ekoute. Mr Speaker, mersi Onorab mon rekonnet ki ou kestyon ti’n ganny ekrir en pti pe avan. Me parkont la ki nou bann sezon en pti pe pli sek, pe al lo sek parkont mon Minister – plan mon Minister se pou fer sir ki tou bann lanmar e larivyer pe fonksyonnen, sirtou letan gro lapli e atraver bann lentervansyon ki’n ganny deside dan sa gran Master Plan drenaz ki’n met an plas par National Drainage Taskforce, ki kouver bann travay ki pou fer par Departman Sanzman Klima lo Mahe, Praslin e La Digue. E sa plan in enn ki ganny fer apre bann resers e konsiltasyon lo kote distrik.

Dan sa Master Plan i annan en seri proze ki etale lo en peryod 5an, e sa bann proze anba sa plan, pou kout Gouvernman anviron R40 milyon par an, e anviron R196 milyon roupi pour sa peryod 5an.

Me akoz limitasyon Bidze ek kapasite Mr Speaker, Minister pa pe kapab konplet sa bann proze lo sa peryod 5an 2014 a 2019 parey  ti ganny progranmen anba sa Master Plan.  E osi baze lo bann nouvo ka ki’n arive.  Lannen pase Minister in enplimant 12 proze mazer anba sa plan lo Mahe Praslin e La Digue. E in kout Gouvernman en sonm R7.5 milyon –  en pti pe plis ki R7.5 milyon.  An plis ki sa bann Minister in osi enplimant bann travay irzan ki’n kout anviron preski R600mil.

E trwazyenmman anba son program netwayaz bann larivyer ek lanmar dan bann distrik, in kout gouvernman an tou R6.9milyon e an tou in depans li en pti pe plis ki R15 milyon. Bann travay pou minimize lefe linondasyon ki’n ganny fer lannen pase ki’n konpri proze deblok larivyer ek lanmar i konm swivan; Lanmar Anse Boileau ki pas pres obor lekol primer ek segonder nou’n fer travay lo la, nou’n konplet travay konstri rigol ek pon Petit Barbarons.

Proze drenaz  Castor Road English River; deblok sa bann gran rigol sa ki nou dir bann rigol me selman bann gran drains dan Victoria ki konekte avek bann gran larivyer.

Au Cap obor Pomme Cannelle Val des Pres; Anse Dejeuner dan distrik Pointe Larue, Mont Plaisir, Anse Royale obor Ladministrasyon Distrik Cascade. Proze deblok larivyer ek lanmar ex-Don Joe Farm; proze deblok larivyer ek lanmar Salazie Cote D’Or Praslin; proze retir bann vezetasyon ek debri dan lanmar Amitie Grand Anse Praslin. Proze pou retir vezetasyon debri ek sediman lanmar Anse Kerlan Praslin.

I enportan pou  fer resorti ki sa bann travay i bann travay kontinyel, akoz bann sediman i kontinyen akimile avek delo ki koule bann vezetasyon pe kontinyen pouse e bann debri i kontinyen akimile ki sorti dan leo e osi sorti avek bann devlopman dan pei.  Keksoz i tre dinamik Mr Speaker dan sa lanvironnman, lanmar avek larivyer. Plan Minister anvi sa letan lapli ki’n pase ki’n koz serten linondasyon, se pou reviz sa plan ki nou annan e akseler bann travay ki bezwen ganny fer dan limedya pou adres sityasyon e sa pou nesesit finansman Mr Speaker.

Minister i deza annan en lalis ka 50 ki’n ariv pandan gro lapli depi Zanvye ziska Mars 2019.  Ladan 33 in konplete e 17 pa ankor enplimante e pou kout Gouvernman an tou en pti pe plis ki R6.2 milyon. I bon note ki sa revizyon dan plan pou bann travay ki pou minimize linondasyon pou annan konsiltasyon avek bann Lotorite distrik ek Minister in deza konmans zwenn dan bann konsey Inner Island ti ganny fer tou resaman.

E bann Manm konsey distrik pou kapab fer kontribisyon dan sa plan travay pou adres bann sityasyon linondasyon dan zot rezyon e sa bann seri meeting pou kontinyen pou tou rezon. Parey mon’n dir Inner Island in fer an Mars; East Mahe pou fer an Avril, Central Mahe pou, Central Mahe 1 pou osi fer an Avril. Sant Mahe pou fer an Me, West Mahe pou fer an Me osi, e Santral 1 avek North Mahe pou fer an Zen.

Malgre tou sa bann travay ki Minister in fer atraver Departman Lenerzi ek  Sanzman Klima, i reste ankor bokou travay pou fer an se ki konsern netwayaz e osi bann proze pou deblok bann lanmar ek larivyer. E travay pe ganny fer lo en baz priyorite e selon Bidze ki Minister i annan.  Mr Speaker i bon fer resorti ki i annan detrwa fakter, ki okazyonn bann blokaz dan sa bann larivyer ek lanmar. Par egzanp netwayaz ki ganny fer ki pa ase par bann kontrakter, salte ki zot debre, ki ganny zete par manm piblik par bann lakaz.

E la mon ti a kontan konmsi stress en pti pe lo la fer resorti ki i annan en kantite bann larivyer ki ganny bloke avek bann salte dan lakour ki ganny zete obor bann larivyer, e sa i koz en kantite problem letan i arive downstream dan bann lanmar oubyen dan bann rezyon plato. Bann konblaz ankor ki ganny fer ilegalman obor lanmar e souvandfwa parfwa lo lanmar bann pye dibwa ki tonbe ouswa ki ganny koupe e tonm dan larivyer. Bann sediman ki’n ganny akimile parey mon’n dir osi e bann lanbousir ki’n ganny bloke.

An vi sa kantite larzan ki Gouvernman pe depanse zis dan netwayaz re-pasaz delo, Minister pe osi entansifye son zefor pou edik manm piblik lo kote proteksyon nou lanvironnman apre depoz zot salte dan landrwa ki apropriye, ki a redwir bann frekans lentervansyon ki bezwen fer dan nou bann lanmar ek larivyer Mr Speaker. Mr Speaker avek sa mon ava aret la e mon ava welcome kestyon adisyonnel petet lezot kestyon avek bann Manm.  Mersi bokou.

 

MR SPEAKER

Mersi Minis.  Onorab Phillip Arissol.

 

HON PHILLIP ARRISOL

Mersi Mr Speaker, Eski Minis i kapab dir nou ki Polisi son Minister pour donn permisyon pou konble lo lanmar? E ki kantite permisyon in ganny donnen pandan sa dernyen 2 an?  Mersi.

 

MR SPEAKER

Mersi Onorab. Minis.

 

MINISTER WALLACE COSGROW

Mersi Mr Speaker, mersi Onorab. Onorab bi Gouvernman, polisi Gouvernman se pou pa konble lanmar as much as possible. I annan serten sityasyon ki’n arive ki bann dimoun i annan serten devlopman ki zot fer, e nou travay pres avek sa bann developer sa bann dimoun pour nou kapab advise zot ki mannyer zot kapab fer zot proze ki pa bezwen al fini lo lanmar. So, i en landrwa kot i devret ganny free from any konstriksyon.

E si i annan serten sityasyon, i annan serten nesesite, nou annan bann zofisye parey mon’n dir ki travay avek sa bann developer. I ava donn zot bann teknik apropriye pour zot kapab fer serten travay obor.  E si i en nesesite pou antre en pti git. Me selman as much as possible nou pa ankouraze okenn dimoun fer okenn konstriksyon dan lanmar ou konble lanmar.  Mersi bokou.

 

MR SPEAKER

Mersi Minis.  Onorab Clive Roucou.

 

HON CLIVE ROUCOU

Mersi Mr Speaker.  Mr Speaker referans avek Minis in koz lo netwayaz lanmar. Mon anvi demann Minis ki bann mezir ki ou Minister pe pran, pou asire ki tou bann lanmar avek tou son bann ekosistenm i reste an bonn sante? E mon 2enm kestyon se, konbyen lanmar i annan isi Mahe e menm lo lezot zil pros avek nou?  E mon santi ki Minis pa’n rann repons Onorab Arissol, lo konbyen lanmar ki’n ganny konble aktyelman ziska ozordi? E ki bann evalyasyon ki ou Minister i fer pou aprouv konble lanmar? Mersi.

 

MR SPEAKER

Bon mon krwar lo konbyen lanmar i annan lo Mahe avek tou bann zil pou en pe, i en pe an deor me bann lanmar ki son Minister i antretenir. Ok?  Zis pour nou gard li an relasyon avek nou bann kestyon. Yes, Minister.

 

MINISTER WALLACE COSGROW

Mersi Mr Speaker.  Mersi Onorab pou ou kestyon.  Parey Mr Speaker in dir Onorab, ki kantite lanmar ki annan dan pei i pa pou en larepons ki mon pou annan la at my disposal ki mon pou kapab donn ou. Si ou vreman anvi sa lenformasyon nou ava kapab fer ou ganny sa lenformasyon plitar.

Ki kantite lanmar ki annan konstriksyon?  Osi mon napa lenformasyon la, me si i annan okenn mon a kapab fer ou gannyen plitar.

Parey mon’n dir Onorab i pa Polisi Gouvernman pou dimoun konble lo lanmar or fer konstriksyon kot lanmar. Me selman parfwa i annan serten sityasyon ki arive, ki Gouvernman i sey rod en fason pou travay avek sa developer.  E nou bann opsyon pou fer sir ki sa landrwa pa ganny afekte.

E plis ki sa Mr Speaker, Onorab, nou annan bann proze sirtou bann proze avek bann NGOs ansanm avek Gouvernman, kot nou pe kree bann wetlands, bann lanmar pour kapab kree bann sityasyon, bann ekosistenm pour bann zannimo kapab vin adapte zot lekor la.  So, nou osi kree.  So alors nou pa kapab dir avek dimoun, konmsi allow dimoun pou al konble lanmar partou i enportan pour nou sa. Mersi.

 

MR SPEAKER

Mersi Minis.  Onorab Egbert Aglae.

 

HON EGBERT AGLAE

Mersi Mr Speaker.  Minis dan ou larepons ki ou’n donnen mon ti a kontan si zot annan sa schedule lo off maintenance sa bann lanmar?  E si zot satisfe ki bann kontrakter pe swiv sa bann schedule off maintenance ki zot sipoze pe fer, pou fer sir ki sa bann lanmar pa reste konzeste? Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab wi nou annan e nou annan bann schedule priyorite.  I annan bann landrwa ki priyoriter, kot i pli prone pour inondasyon, i pli prone pour bann problenm.  So nou annan bann schedule ki nou fer kontrakter netwaye.  Me par kont parey mon’n dir dan mon larepons avan, i annan bann sityasyon ki an deor nou kontrol.

Par egzanp kot larivyer i bouse, lanmar i bouse avek bann debri ki  pa sipoze ariv dan lanmar kot i ete.  E nou bezwen sorti lo en louvraz anvoy kontrakter lo en lot louvraz pou kapab fer serten sa. Souvandfwa nou  schedule i ganny enteronpe akoz bann louvraz irzan ki bezwen ganny fer. E ou ava konpran ki  poudir sa bann louvraz souvandfwa – well i bezwen i nesesite ganny fer akoz i riske afekte serten kominote kot delo i monte and i kapab kree plis problenm.

So, schedule i la, me souvandfwa schedule bezwen ganny kase pou kapab accommodate emergency work. Mersi.

 

MR SPEAKER

Mersi Minis.  Onorab Jany Letourdie.

 

HON JANY DE LETOURDIE

Mersi Mr Speaker.  Bonzour tou dimoun.  Minis mon pe koz pli presizeman lo lanmar ki sorti kot Tristar i pas kot bus stop par deryer; savedir i par deryer Fresh Cut, opposite, anfen vizavi kot ex-Fiennes Institute ti ete kot bann lafanmir Lucas – presizaman mon pe koz la.

Sa lanmar la, sa bann dimoun ki reste la zot pe ganny en kantite problenm depi byen lontan. Zot in konsilte DA, zot in fer tou sa ki ti neseser e zot in vwar ki sa miray pe grennen la.  Zot in vwar pou dir sa miray pe grennen, akoz zot pa konnen si zot merit aranz miray oubyen si Gouvernman ki merit aranze. Alors mon pe demande dabor, si i form parti sa bann proze ki ou’n dir – si pou from parti dan sa ta bann lanmar ki pou travay lo la? E mon 2enm mon pe demande eski ou kapab donnen apepre konbyen sak sa bann proze pou koute? E lekel bann kontrakter? Mersi.

 

MR SPEAKER

Mersi Onorab. Minis.

 

MINISTER WALLACE COSGROW

Mersi Mr Speaker Mersi Onorab. Onorab wi konmansman kot Fresh Cut deryer i larivyer apre i desann i fini dan lanmar.

Wi sa lanmar i en landrwa ki ganny an tre tan tenir par nou e nou fer bann netwayaz e nou fer disilting lanbousir kan i neseser. Mon pa okouran si i annan okenn miray, ki kote miray ki pe kase si kote ki vir avek main land ouswa si lo kote ki vir avek- Ler mon dir main land ava ti konble konmsi sa bout avan.

 

 

HON JANY DE LETOURDIE

Sa miray ki separ sa bann dimoun lafanmir Lucas avek lanmar.

 

MR SPEAKER

Ok.  Minis.

 

MINISTER WALLACE COSGROW

Ok, ok.  Onorab mon ti okouran, be mon ti kapab fer en vizit gete si i annan okenn keksoz ki, amelyorasyon ki nou kapab fer. Me selman i en lanmar ki nou ki an tre tenir souvandfwa nou vwar ki i annan bann debous ki ganny fer la, bann clearance ki ganny fer dan mangroves la. Apre dezyenm kestyon ti konsernan cost.

Parey mon’n dir mon’n elabor en kantite lo bann cost la an gro.  Mon napa bann cost endividyel lo sak pti proze – proze ki bann kontrakter i fer. Me selman sa i en keksoz ki available.  Mon kapab donn ou plitar sak, i pou depan lo kalite louvraz pe ganny fer dan sak lanmar. So, i pa vedir ki si ou pe netway dan sa lanmar kot Fresh Cut deryer ki sak travay ki ganny fer pou menm pri i kapab i annan letan ki travay pou en pe plis i mont en pti pli o, letan ki travay i pli mwens natirelman i desann pli ba.  Ok.

So  mon a donn ou en pti figure pou emergency work ki nou’n fer an tou, an zeneral lo bann lanmar Mahe i R277mil, en pti pe pli ki R277mil. Sa i bann emergency work ki nou’n fer depi le 25 Zanvye ziska Fevriye sa lannen la.

 

 

HON JANY DELETOURDIE

Bann kontrakter?

 

MINISTER WALLACE COSGROW

Kontrakter i open.  Nou fer bann open tenders.  Nou swiv procurement procedures e sa ki gannyen i, the winning contractor i proceed ek sa louvraz.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Bonzour tou dimoun ki a lekout.  Minis ou’n dir ki dan rezyon les ou pou vin fer sa meeting an Avril, mwan mon anvi demann ou lefe ki bokou fwa nou’n vwar ki sa size ki nou pe trete la, i konsern detrwa Lazans dan ou Minister menm an deor ou Minister. So, mon pou demann ou, akoz i annan bann meeting ki pe ganny fer letan i mank bann lezot Lazans nou santi ki petet sa larzan i pa pe ganny byen servi – oubyen pa pe ganny byen depanse.

So, mon anvi demann ou si letan ou pe fer sa meeting piblik, si pou anmenn tou bann Lazans konsernen?  Akoz nou bezwen atak sa problenm wholesomely,  pa ad hoc akoz si non nou pa pou rezourd problenm.

Dezyenmman lefe ki toultan nou pe koz empowerment distrik – nou pe koz pran ownership e nou pe koz resours, letan pe fer sa meeting, eski Minis ou a konsidere ki en pe resours i ganny donnen avek distrik?

Akoz i annan serten keksoz ki mon santi distrik i kapab atake avan-ler i vin pli grav.  Par egzanp zot pe netwaye lanmar zot me apre en lespas letan ou trouve ki i annan bann fey, bann keksoz ki vini i bous serten landrwa. Be si ti annan en dimoun ki pe netwaye? Akoz si ti annan en kontrakter aktyelman zot pe fer zis en louvraz spesifik, me ou vwar ki i annan landrwa ki ankonbre. Me si ti annan en taskforce dan distrik, ouswa si distrik ti  annan resours pou kapab fer sa travay ti pou lessen the burden lo Minister.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Onorab.  Mersi  Mr Speaker. Onorab premye meeting ki nou’n fer avek bann Zil Pros, i ti en meeting zis nou, nou Minister avek bann counselors pour bann Zil Pros, sa ti en request from sa Council Zil Pros. So, nou ti fer sa meeting nou bann zofisye avek bann counselors.

I pa en posib nou kapab adopte en lot lapros, si zot santi ki bann meeting ki nou ale nou devret anmenn lezot partner nou kapab sertennman liaise ek lezot partner kle. Par egzanp enn bann partner ki mon pe mazinen parey Minister Lagrikiltir avek Lazans Lagrikiltir ki dan serten landrwa – SLTA ki nou kapab rope zot in pou fer sa bann diskisyon.  Mon pa war okenn problenm pour nou fer sa, nou ava kapab konsilte avek zot. Dezyenm lo tenm resours Onorab, ou ava note ki sa resours, ler i ganny donnen i ganny donn avek nou dan nou Bidze tou le lannen.

Sa resours ki nou, nou gannyen i pa neseserman ase parey mon’n dir.  So, pour nou pran sa resours donn avek, donn dan distrik, pour mwan mon war en pti pe difisil pour nou undertake nou bann louvraz.  Selman, ki mon ti ava sizere petet nou annan en diskisyon avek Committee Development Department, ler pe ariv bann sesyon Bidze nou ava kapab diskite ki kantite louvraz ki nou kapab devwal en pti pe lo nivo distrik. Nou ava kapab sey diskite.  Mon hope ki nou ava kapab annan en pti plis resours dan le fitir pour nou kapab fer sa.

Selman i pou bezwen al dan Bidze Devlopman Kominoter pour kapab fer sa bann proze. Akoz anba nou bidze i pou bezwen egzekite by nou, e nou ki bezwen fer bann procurement e nou ki bezwen egzekite.  Mersi.

 

MR SPEAKER

Mersi Minis.  Vitman Onorab William.

 

HON WAVEN WILLIAM

Mersi Mr Speaker.  Minis mon ti ava demann ou pou konsidere, akoz mon konnen poudir i annan larzan ki nou kapab gannyen atraver bann lorganizasyon deor. Sirtou bann fon anba Climate Change so mon ava demann ou pou konsidere.   Akoz parey mon dir ou se ki mwan mon santi parfwa ki Gouvernman i tro santral pran tou resours. Kot resours i kapab ganny etale ki problenm dan distrik i kapab ganny tackle en pe vitman.  Mersi.

 

MR SPEAKER

Mersi Onorab.  Minis ou le fer komanter?

 

MINISTER WALLACE COSGROW

Mr Speaker, non mon agree avek Onorab mon kapab eksplor sa posibilite.

 

MR SPEAKER

Mersi Minis.  Onorab Wavel Woodcock.

 

HON WAVEL WOODCOCK

Mersi Mr Speaker, bonzour Minis ek ou delegasyon, tou Manm e tou dimoun a lekout. Minis ou mansyonnen ki i annan 12 proze mazer pou Mahe Praslin avek La Digue, e mon ti a kontan konnen kantite proze mazer ki annan lo Praslin? E  kote sa bann proze pe ganny fer?  E ki time frame pou konplet sa bann proze?

Mon 2enm kestyon i konsern sa issue monitoring lo kontrakter ki letan i netway lanmar ki annan serten konsern. Ki ou Minister pou fer pou asire ki i annan en proper monitoring lo travay ki bann kontrakter i fer lo bann lanmar lo Praslin?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker, mon a pran 2enm kestyon ava. 2enm kestyon nou annan bann lenspekter ki supervise bann louvraz, e fer sir ki bann louvraz pe ganny fer dapre nou bann norm nou bann standar.  So, nou napa en kantite dimoun, me selman ler i annan bann louvraz nou fer sir ki as much as possible nou pe enspekte.

I annan kontrakter ki travay en pti pe pli byen ki lot zot ganny serten, pa laliberte me selman zot travay anba less sipervizyon.  Me selman an mazorite nou annan bann sipervizyon pou fer sir ki louvraz i ganny fer – parey mon’n dir  – oparavan dapre nou bann standar e dapre nou bann gidans ki nou annan avek bann lezot partner, parey Planning Authority, Departman Lanvironnman osi.

Kot i konsern sa lalis 12 proze, mon konpran ti ganny fer prezantasyon avek zot e ti ganny liste e ti met tou o kler. Me selman mon kapab donn ou en kopi sa bann  12 proze ki sa.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Wi ti annan diskisyon ki ti deroule, me selman ti annan konsern konmkwa ki finansman ki zot ti pou bezwen pou serten sa bann proze pa pou kapab, i pa ase ki zot pou sey get dan bann lezot landrwa pou aziste. So, mon a fer en demann si zot pou konsider enn de bann proze mazer, pou annan sa finansman pou fini. Sirtou pou bann ki en pe pli pertinan, parey lo kote Ros Korbizo parey nou ti koze dan sa meeting.   Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok, wi parey mon’n dir ou nou priyoritiz, nou priyoritiz tou bann louvraz ki mazer e pou Ros Korbizo nou pou rode finansman pou Ros Korbizo. So, nou pou undertake sa louvraz.  Mersi.

 

MR SPEAKER

Mersi Minis.  Onorab Audrey Vidot.

 

HON AUDREY VIDOT

Mersi Mr Speaker, bonzour Minis ek ou delegasyon, tou Manm Onorab e tou bann dimoun ki a lekout. Minis  mwan mon kestyon i ki, how frequent ki petet lanmar rezyon ki i vir par deryer kot laboutik kot Mohan deryer Sant Ladministrasyon Plaisance tou dilon la – ki frekant ki zot fer bann one-off pou netwaye, akoz si aktyelman la zot al kot DA’s Office Plaisance, son pti bout kot in aranze lo kote deryer kot son pti lasal, zis ou pou get dan sa lanmar ou get kantite salte ki’n akimile dan sa bann mangliye.  E i vin en konsern ler lanmar i plen tou sa salte i overflow lo bor balizaz antour vilaz enkli deryer kot Secti Building.   Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Ok, Onorab mersi.  Mon rekonnet ki sa landrwa la son mangliye i vreman gran i bwaze e bon popilasyon mangliye la, e petet souvandfwa bann salte i out of site nou pa war. Me selman nou kapab organiz en one-off.  I en landrwa ki nou kapab organiz en one-off cleaning pou retir bann debri, bann salte ki annan.  Mersi.

 

MR SPEAKER

Mersi Minis.  Onorab Vidot.

 

HON AUDREY VIDOT

Mersi Mr Speaker.  Minis mon ganny ou mwan dan en sans pou fer vizit. Me selman problenm se ki parey mon dir mon ti le konnen kantite frequent fwa zot fer.  Akoz se pou sa rezon ki in annan sa problenm, akoz zot pa pe fer li, mon vwar zot pe fer li en pti pe souvan i vin en konsern. E i annan de fwa ki zot bezwen bato pou fer al par deryer, akoz i annan konplent ki bann dimoun dan sa balizaz tou dilon pres obor Mohan i konplent ki i annan dimoun i zet salte ekspre.

Zot servi la sa lanmar konman zot dumping site, e letan nou raporte pou fer netwaye, souvandfwa zot pran tro bokou letan pou zot pran aksyon e bon netwayaz dan sa lanmar.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Onorab  nou’n note.  Nou ava menm fer Departman Lanvironnman fer vizit, pou gete dan term nivo salte, si i annan okenn aksyon ki nou kapab pran avek okenn endividi ki pe zet salte dan sa landrwa. Mon’n ganny enformen ki nou frequency avek petet nouvo Kontra ki nou ankor pe espere petet i ava ogmante – pa dir petet – i pou ogmante dan le fitir, avek nouvo Kontra ki pe vini.

 

MR SPEAKER

Mersi Minis. Onorab Regina Esparon.

 

HON REGINA ESPARON

Mersi Mr Speaker.  Mr Speaker mon ti a kontan demann Minis konbyen kontrakter ki zot pe anploye pou mentenir bann lanmar lo Mahe, Praslin ek La Digue? E lekel bann lorganizasyon – parey in dir bann NGO, ki pe ede pou mentenir bann lanmar, ki lo sa progranm mentenir lanmar?

Minis mon konnen pou dir lo kote lanmar North East Point deryer Lopital mon konnen pou dir UNDP fek antreprann en proze pou agrandi sa lanmar.  Me selman sa bout ki vir kot VTC, i ankor annan en problenm kot delo i ankor pe akimile e moustik pe afekte bann zanfan.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker VTC?

 

MR SPEAKER

Yes Onorab.

 

HON REGINA ESPARON

Vocational Training Centre kot nou apel sa Rehab.

 

MR SPEAKER

Ok.  Minis.

 

MINISTER WALLACE COSGROW

Mr Speaker, Onorab mersi.  Sa bout lanmar devan i annan en proze Ecosystem Based Adaptation ki pe go on la i en proze similar ki pe arive Val D’En D’Or avek Anse Royale. I en proze osi Gouvernman ek UNDP.  E proze pa ariv ziska laba lot kote. Me selman laba lot kote i kapab ganny an tre tenir par Minister si i annan okenn nesesite pou fer serten de-blokaz ouswa serten netwayaz.

Nou ava kapab fer en serten vizit e gete si i annan nesesite fer de-blokaz e netwayaz nou ava kapab fer li. Parey mon’n dir i annan en kantite bann lanmar – en kantite.  E souvandfwa resours  e kantite larzan ki nou gannyen, i pa ase pour nou tous tou, me nou tous bann ki priyorite – bann ki kapab annan gran lefe lo petet surrounding kominote ki la. An term la kantite kontrakter, i pou depan lo kantite travay ki annan pou fer. So  baze lo kantite kontra ki nou annan procurement request kot Procurement Unit si i gro.

Si i annan nesesite emergency, nou annan permisyon fer direct bidding.  Si nou annan lezot nesesite nou kapab fer 3 kotasyon.   I pou depan lo kantite kontrakter – tou depan lo kantite travay i annan lo teren. Nou napa en set fix kontrakter pour le moman.  Mersi Mr Speaker.

 

MR SPEAKER

Lo kote NGOs – wi.   Minis.

 

MINISTER WALLACE COSGROW

Lo kote NGOs mon napa lakantite NGOs me selman mon konnen i annan bann  diferan NGOs  petet ki fer serten  bann netwayaz lo lakot; serten netwayaz dan serten wetlands. Me selman mon napa figure lo kantite  NGOs, ki kantite ki pe antretenir kantite lanmar. Mersi.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker, bonzour Mr Speaker.  Bonzour Minis ek ou delegasyon e tou Manm prezan. Minis vi ki sa lanmar deryer Marie-Jeanne Estate 2 son flow delo pe mars byen e nou annan en problenm ki konsistan opposite Acajou kot delo i tenir dan sa drenaz, akoz i sal  apre annan bokou zerb. Lo en baz tanporer eski Minis pa kapab link sa drenaz avek sa lanmar, pour ede ki sa delo i ava desann dan plas reste la i akimile e apre i dormant. Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Parey mon’n dir 2 semenn pase zofisye Minister ti lo Praslin pou fer meeting avek Konsey. Zot in osi vizit bann sit e sa i enn bann sit ki zot in idantifye bann problenm e pe ganny adrese – pou ganny adrese.  Mersi.

 

MR SPEAKER

Mersi Minis. Onorab Churchill Gill, i ok? Ok, mon ava donn laparol Onorab Silvanne Lemiel.

 

HON SYLVANNE LEMIEL

Mersi Mr Speaker.  Bonzour Minis avek ou delegasyon, tou mon bann Manm koleg Onorab e tou dimoun ki pe ekoute.  Mr Speaker mon krwar i pa fer gran letour, me selman mon krwar i enportan ki nou dir mersi osi. Petet sa letan lapli ki ti’n fer 2 mwan pase, mon ti a kontan remersi Minister Lanvironnman pour sa travay entans ki zot in fer zot in ed distrik Anse Royale an kantite. Mersi bokou pou sa e mersi bokou spesyal osi pour Mr Labrosse ki’n travay avek nou byen.

Mon issue la i se ki nou annan EBA ki pe fer travay dan lanmar Anse Royale. Mon krwar sa nou ti sorti osi dan letan Bidze nou ti koz lo la. Ki mon pe remarke Mr Speaker atraver ou, i se ki i bezwen annan en close monitoring ki ganny fer dan sa bann travay.  Akoz bokou larzan pe ganny envestir dan sa bann travay lanmar.  Mon vreman satisfe, mon kontan travay ki pe ganny fer e Anse Royale, in ganny swazir pour son bann lanmar ganny netwaye.

Me mon santi i annan sa enn lanmar Sweet Escott kot ou a  krwar pe bat sa bann dimoun en pti pe.  Pandan 9an pe al lo 10an,  i annan laferm ki pa ti inonde – konmsi pandan sa dernyen letan. La sa voyaz le lapli in tonbe, ou’n vwar kot delo in monte.  I fer ou vwar ki i annan serten travay ki pa pe ganny fer dan sa lanmar Sweet Escott.  E apre nou bezwen get byen sa lanmar ki pas kot lekol, li i bezwen ganny plis latansyon, akoz i annan zanfan la e i annan bokou lakaz rezidan la kot bann dimoun i ganny Dengue akoz lanmar i reste stagnant e li i demann en pti plis latansyon.

Menm si travay pe ganny fer kontrakter pe pase, me donn li en pti pe plis latansyon silvouple, e annan en pe plis monitoring. Lanvironnman  i annan en monitoring lo travay EBA, pour nou fer sir ki sa travay li menm i ganny fer.  Akoz mon krwar ki pou dir zot liaise avek kanmarad.  So there must be a closer monitoring. Mersi Mr Speaker.

 

MR SPEAKER

Mersi Onorab Lemiel.   Minis.

 

MINISTER WALLACE COSGROW

Mersi Mr Speaker.  Mersi Onorab. Dabor mersi pou rekonnet louvraz ki nou’n fer Anse Royale.  Annefe mon’n ganny sans vizit sa bann ki anba proze EBA Anse Royale. Mon vreman satisfe. Mon krwar in vreman fer en gran travay pou ede pou napa inondasyon dan sa area  kot lekol politeknik partou dan sa gro larivyer sorti an montan Mont Plaisir.

Mon’n osi vizit en pti proze Les Cannelles kot zot in ouver en pe en pti area, kot ozordi mon war kannar ek pouldo pe naze. Hopefully nou kapab fer en pli bon travay laba.  Me selman lo kote sweet Escott parey ou’n note i annan travay ki pe ganny fer. Mr Jean-Claude Labrosse i supervise tre byen closely sa bann louvraz; si i annan lezot louvraz ki nou bezwen fer en pti pe plis nou ava met lanfaz lo la.  Mersi bokou.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi Mr Speaker.  Mr Speaker mon kestyon mwan i konsern leta bann lanmar, an relasyon avek lanvironnman ek nou bann lespes ki trouve dan bann lanmar. So, premyerman eski letan nou pou netway bann larivyer parski bann larivyer ki flow dan bann lanmar nou pou netway larivyer, nou pou netway bann lanmar e apre sa nou pou trouv bann travayer etranze ki vin lapes e ki vin ranmas tou nou bann Tilapia.

Nou sipoze annan 5 varyete Tilapia e Makanbale e tou lezot e ki ozordi letan nou pase nou pa pe war sa bann keksoz. Ki Polisi Gouvernman pou fer sir ki letan nou netway lanmar e tou sa bann lespes i refleri, pou fer sir ki zot ganny proteze e ki i annan bann lalwa bann kler ki pou dir etranze. Parski nou, nou pa manz, parski an prensip Seselwa pa manze pwason delo dou, me sa bann etranze zot, zot viv lo la. Alors pour nou annan en kontrol strict.

 

E dezyenmman letan nou pe koz salte dan lanmar, tou sa bann zafer, se ledikasyon, se dimoun ki zet salte dan lanmar, se dimoun ki zet plastik dan lanmar.

Mon ti ava kontan konnen – konmsi pou nou sorti dan sa bann sityasyon eski zot annan en sistenm ledikasyon entans e bann sanniter ek bann zofisye ki pase pou pran aksyon ek menm pou ogmant penalti lo bann dimoun ki pe efektivman zet salte dan larivyer, e  ki apre sa i fini par blok lanmar e menm letan lanmar i debloke pou al dan losean e ki vin en lot kalite problenm ankor.  Mersi bokou Mr Speaker.

 

MR SPEAKER

Mersi Onorab. Minis.

 

MINISTER WALLACE COSGROW

Mersi Mr Speaker, pardon, mersi Onorab. Onorab mon toutafe dakor ek ou sa kestyon nou annan nou bann zannimo akwatik ki reste dan bann larivyer, dan bann lanmar ki souvandfwa par-ler dan, mwan menm mwan par-ler dan dimans mon pase mon war i annan serten bann etranze ki pe lapes. Parfwa Seselwa osi nou petet nou rod krab or konnen i annan serten bann zannimo akwatik ki nou kontan or ki petet etranze i war konman en keksoz pou li manze. Mon totalman dakor ek ou, i annan landrwa kot nou war serten lespes in preski dir napa. I en diskisyon ki nou pe gannyen internally dan Minister Lanvironnman. Mon konnen Minis avan mwan in deza koz fortman lo la.

E ti annan sa travay ki’n konmanse avan mwan pou fer serten          Polisi anver etranze pou vin fer bann aktivite konmsa.  Petet mon krwar osi si mon pa tronpe i annan serten louvraz lo kote fisheries osi ki zot pe regard serten sa. Akoz mon rapel letan mon ti dan Minister lapes ek Lagrikiltir ti annan serten koze dan sa kote. Me mon dakor i annan serten louvraz ki mon pe fer e hopefully petet byento mon a kapab vin avek serten Regilasyon Polisi konsernan sa.

Akoz mon osi mon pa an faver sa kalite practice.  An term salte ledikasyon nou annan en kantite ledikasyon, en kantite, en kantite ledikasyon. Nou sey anmezir ki nou kapab ek resours ki nou annan, pas bann mesaz. I annan bann NGOs ozordi ki pe pas bann mesaz edikasyonnel lo zot bann Facebook page; zot bann website, bann aktivite ki zot fer. Nou annan dan lekol, eco-school, eco-warriors.  Nou annan en seksyon dedye dan Minister Lanvironnman pou ledikasyon avek outreach.

Nou fer en kantite.  Mwan menm mwan letan mon’n vin dan Minister lakantite ledikasyon.  Nou kapab fer plis byensir nou annan lespas pou fer plis. Me i paret mwan ki i annan serten kategori nou popilasyon ki ekoute ki konpran, me i annan serten kategori ki zis whatever ki ou dir zot zis pa anmase. E pour mwan i sad ki ler nou pe war bann clean up pe ganny fer par egzanp lo lans dan sa bann larivyer, da sa bann lanmar. I en keksoz ki ti devret end up dan bin salte obor semen.

So, mwan mon pou demann tou manm popilasyon tou dimoun, tou Manm Lasanble, tou bann Leaders  dan distrik – pei an zeneral pour nou pas en mesaz for avek nou bann constituents, nou pep, pou nou sanz nou mantalite, sanz nou latitid. Akoz sansan nou pou war nou dan sityasyon, kot nou pou depans sitan kantite pour nou kapab manage salte. Yer menm mon ti fer en press conference avek SBC lo en rezilta ki mon’n gannyen dan en resers ki in ganny fer.

Si nou pa manage fason ki nou manage salte nou pou dan problenm. Fason ki nou konsonmen nou bezwen kapab redwir en pe plis, nou bezwen kapab recycle en pe plis, nou bezwen kapab separ nou bann salte. I annan bann progranm ki pe vini a lavenir pou sa. Me selman mon totalman dakor ek ou ledikasyon nou donn en kantite ledikasyon me dimoun i bezwen-

Zisteman 2 semenn pase mon pe koz avek enn mon zofisye dan Minister dan lavil obor Nouvobanq, en dimoun i pase, i pas obor sa dimoun i zet salte dan semen. Dan semen, dan lavil obor Nouvobanq, konmsi tou sa ledikasyon ki nou fer. E mon dakor petet parfwa nou en pti pe bon nou pti pe lenient, nou tant pou donn kosyon, nou tant pou koze be mon krwar in ler pour nou donn plis penalti. E penalize dimoun pour bann aksyon koumsa.  So Mr Speaker la, la mon larepons pour Onorab.  E zot ava kapab ekspekte ki zot pou war plis enforcement pandan lannen 2019.

Nou deza pe travay ansanm avek seksyon Mrs Laure la pour nou kapab get ki mannyer nou kapab incentivise bann staff pour zot kapab fer plis louvraz enforcement. Taler nou pou annan en kestyon lo tapaz ki mars ansanm enforcement lo salte e osi ek tapaz.  Mersi.

 

MR SPEAKER

Mersi Minis.  Dernyen kestyon Onorab Paul Ernesta.

 

HON PAUL ERNESTA

Mersi Mr Speaker.  Mr Speaker, Minis ek ou delegasyon, tou bann koleg Onorab e tou dimoun a lekout bonzour. Atraver ou Mr Speaker Minis bokou fwa i annan bann sityasyon bann konblaz bann dimoun ki konble lanmar. E prezan son lefe sa propriyete opposite ouswa koute i ganny afekte e sirtou bann letan gro lapli ki anmenn linondasyon.

Ki pozisyon Gouvernman Minister dan sa konteks? Ki zot Polisi?   E lekel ki pran responsabilite letan sa bann tel kalamite i arive –  enn?  E apre dezyenmman mon  okouran ki annan sa travay ki zot ti pe fer pou rezourd sa problenm inondasyon dan plato Anse Forbans.  Ti annan en Komite ki ti’n fer tripartite ziska ki zistans zot ete ozordi pou fer sir ki sa travay i arive ki enn fwa pour tou sa kominote i kapab ganny eparnye avek sa bann problenm inondasyon? Mersi bokou Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Onorab.  Mersi Mr Speaker.  Onorab ou premye kestyon konsernan bann dimoun ki fer konstriksyon ilegal lo lanmar, definitivman si nou annan lenformasyon nou dekouver ki annan serten dimoun ki’n fer konstriksyon ilegal. Nou vizite nou gete ki extent nou advise petet pou retire e osi nou annan strict aksyon ki nou pran avek bann dimoun ki konble lanmar.

Si i annan okenn konstriksyon par egzanp okenn striktir permanan ki’n ganny mete sa nou refer avek Planning si napa en Planning approval. Natirelman most of sa bann landrwa pou napa Planning approval akoz ou’n fer en konblaz ilegal. Ou pa kapab ganny en planning approval lo en landrwa ki’n konble ilegal. So, se sa ki nou fer dan bann sityasyon konmsa.  Lo kote Anse Forbans mon   ganny en konpran ki poudir i ankor avek negosyasyon avek lotel. Bann Lotorite konsernen pou kapab resolve sa issue la.  Sa lenformasyon ki mon annan i resolve sa lannen.  Mersi.

 

MR SPEAKER

Mersi Minis.  Onorab Ernesta.

 

HON PAUL ERNESTA

Mersi Mr Speaker. Minis an relasyon pou premye repons annou dir zot in donn permisyon right e prezan sa konblaz ki’n ganny fer i afekte sa lo propriyete. E la sa lot propriyeter i vin viktim li, ki mannyer zot antre ladan pou kapab ede dan sa direksyon?

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker – Onorab si mon pa konnen si ou pe refer lo something spesifik, me selman, si i annan en lot sityasyon kot en lot propriyete i ganny afekte then nou bezwen rod en sityasyon rod en fason ki mannyer nou sey solve sa problenm.  Okenn permisyon ki ganny donnen i pa ganny donnen dan okenn lentansyon pou kree, dezord ouswa pou kree problenm lo en lot propriyete ouswa further down the line.

Petet i ganny donnen pou fer serten travay ki esansyel, or pour serten issue esansyel.  Me si i annan okenn lezot problenm ki koze down the line lo sa ki lo propriyete nou bezwen rod en fason pour nou remedye sa sityasyon.  Mersi Mr Speaker.

 

MR SPEAKER

Mersi Minis.  Nou ava al kestyonn No. 2 Onorab John Hoareau.

 

HON JOHN HOAREAU

Mersi Mr Speaker.  Bonzour Mr Speaker.  Bonzour tou dimoun a lekout.  Bonzour Minis ek ou lekip.  Mr Speaker mon kestyon i lir konmsa; an vi kantite konplent ki pe annan lo polisyon tapaz dan pei, ki mezir ki Minister Lanvironnman i annan an plas pou apez en pe sa sityasyon ki dimoun ki reste obor – obor dan landrwa piblik tel ki bor lanmer pe ganny afekte?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker. Mr Speaker sa konsern ki Onorab in leve, i enn ki mon krwar nou tou nou osi konsernen avek. Deplizanpli nou pe obzerve ki kantite aktivite ki pe ganny organize dan bann landrwa piblik; tel ki lo lans pe ogmante. Ouswa pe ganny fer ziska tar dan lannwit, gran maten e la tapaz i vin en konsern. Mr Speaker mon Minister atraver sa Unit ki nou apel Enforcement Unit ti konmans en travay konzwent avek Departman Lapolis pandan 2017.

La en taskforce ki ti konpri zofisye Lapolis ek zofisye environment police.  Bann environment police ek zofisye lapolis ti fer bann patrol dan Vandredi apre travay Sanmdi ek Dimans swar, kot zot ti reponn sa bann konplent ki zot ti resevwar. Fodre dir ki sa travay pa ti salanm target tapaz ki ti pe ganny fer dan landrwa piblik.  Bann dimoun ti kapab call Sant Komann Lapolis kot sa call ti apre transfer ek sa bann zofisye ki ti pe fer patrol sa zour.

Mr Speaker sa travay konzwent  avek Departman Lapolis malerezman pa’n kontiny, parey nou ti a voudre anvi bann defayans ki nou’n rankontre pandan son lenplimantasyon. Par egzanp lo kote resours Mr Speaker.  Mon a zis fer rapel bann Manm ki nou ti pe fer travay konzwentman avek Lapolis. Akoz anba  penal code osi bann zofisye lapolis  zot  annan sa pouvwar pou kapab pran aksyon lo kote lord ek lape.  Mon ti a voudre fer sorti ki Lalwa pour Proteksyon pou Lanvironnman i permet nou  bann zofisye pou pran aksyon avek bann tapaz ki kapab ganny klasifye konman en nwizans.  Dan bann ka parey bann zofisye Minister i annan pouvwar pou servi lo sa dimoun en Nuisance Notice, lo sa bann dimoun ki komet bann nwizans  dan lasosyete.

Mon a zis fer resorti ki tou bann prosedir ki nou ti’n agree enternman, nou bann zofisye ler zot al fer bann lenvestigasyon l Dan  bann tel konplent, zot kapab donn en verbal warning ouswa en let e si sa i kontinyen then en Nuisance Notice i ganny issue.

Ankor enn fwa  depandan lo lanpler sa konsern. Parkont Provizyon legal nwizans anba nou Lalwa proteksyon lanvironnman i kapab, i aplikab pou bann nwizans ki anpes Manm piblik pou egzers zot drwa komen, common rights parey nou dir.

E pa zot drwa prive.  An dot mo ki sak konplent i sak konplent nwizans i sorti kot plis ki en endividi pour li aplikab. Zis pou fer resorti ki Departman in deza issue en pe ‘’nuisance notice’’ pandan 2017. Dezyenmman nou annan regilasyon, ki liste bann diferan standar lo nivo tapaz lo 3 kalite kategori, rezidansyel endistriyel e bann still environment.

Okenn endividi ki responsab pou bann tapaz ki par lao bann standar ki’n ganny etablir atraver sa Regilasyon sa okenn lotorizasyon sorti kot Minister Lanvironnman i kapab fer fas avek en lanmann R100mil a R1 milyon oubyen i kapab kondann pour 2an prizon dapre nou Lalwa.

Pandan lannen 2017 e 2018 nou’n kapab aste bann lekipman ki mezir nivo tapaz.  E Mr Speaker la mon fer resorti tre kler konman bann endividi nou devret pe kapab pe pran nou responsabilite lo lafason ki nou konport nou dan landrwa piblik, e fason ki nou organiz nou aktivite.

Nou pe ganny bann lenformasyon ki konmela i annan bann dimoun ki reste dan bann landrwa pres avek lans, bann housing estate, ki pres obor bann landrwa piblik tel ki obor lans pe donn elektrisite bann dimoun ki fer aktivite. So zot brans en brans elektrisite pou ankouraz bann dimoun donn bal ziska gran maten. Konman bann endividi nou bezwen annan serten kontrol lo nou aksyon.  Sa bann zofisye lanvironnman pa pou kapab lo tou lans, tou le Vandredi, tou le Sanmdi, tou le Dimans.

Nou annan 6 zofisye si mon pa tronpe ki fer, ki dan Seksyon.  Nou napa sa kantite resours pour nou monitor tou lans tou le swar.  So dimoun i bezwen pran son responsabilite. Mon rekonnet ki nou bezwen kontinyen fer bokou progranm ledikasyon nou fer en kantite nou bezwen kontinyen fer pour nou sansibiliz dimoun lo sa size tapaz.

Mr Speaker mon Minister sa lannen, pe entansifye son progranm ledikasyon parey mon’n dir e bann landrwa ki mon pe sirman targete, se bann area ki nou pe targete se tapaz, tapaz avek salte. Mersi bokou Mr Speaker.

 

MR SPEAKER

Mersi Minis.  Onorab John Hoareau.

 

HON JOHN HOAREAU

Mersi Mr Speaker.  Mr Speaker Minis in nonm ki zot ti annan 2017, zot ti annan en taskforce ansanm avek Lapolis ki zot ti pe fer enserten travay. E sa in arete akoz rezon resours, eski Minis i kapab eksplik nou ki bann problenm resours egzakteman ki pe fer fas avek?  E dezyenmman mon ti a kontan demann Minis, eski zot annan en hotline ki piblik i kapab telefonn zot si i annan dizon tapaz eksesiv? Mon konpran pou dir dimoun i kapab al lo lans enjoy lans fer son parti, me tapaz eksesiv parey sa ki nou apel polisyon la, pou pran en aksyon?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi bokou Mr Speaker.  Mersi bokou Onorab.  Onorab ler mon dir resours mon pe dir resours imen akoz, nou bann menm dimoun ki donn en koudmen, ki pe fer sa travay aswar se menm dimoun ki pe travay lazournen. Of course selman i annan en roster.  Me selman Mr Speaker i resours imen; parey mon’n dir mon pa kapab annan zofisye partou lo tou lans pe patrol tou semen zis pou, or kot tou lakaz pe veye lekel ki fer tapaz.

I nou responsabilite nou konman en endividi pou fer sir ki nou pa pe disturb nou prosen.  Alors se sa nou problenm la. nou problenm se nou napa ase sa kantite dimoun pou fer sa kantite patrol partou. Lo kote hotline nou annan en hotline ki apel nou green line, nou green line mon ava dir an piblik petet osi manm piblik ki pa konnen i ava kapab note i 2.722..111.  Sa Greenline i available 24/7.

Selman note Onorab Madanm Laure pe fer mwan mazinen ki note i annan bann issues ki nou respond deswit, me i annan serten kategori ki nou triye nou gete petet nou respond landmen bomaten ouswa en zour travay.  Si i en issue serye, nou sey rod en fason pour nou respond deswit. Parey mon’n dir nou annan kontrent zofisye. Mersi.

 

MR SPEAKER

Mersi Minis.  Avan mon donn laparol Onorab Sebastien Pillay, i annan 2 Manm kote anba US ki’n lev lanmen.  Zis re-endike Onorab Herminie, Onorab Sophola.  Ok mersi bokou.  Onorab Sebastien Pillay.

 

HON SEBASTIEN PILLAY 

Mersi Mr Speaker bonzour.  Bonzour tou Manm Onorab e bonzour tou dimoun ki a lekout.  Bonzour Minis ek ou delegasyon. Mr Speaker ler nou get sa size dimoun al lo lans i en size ki vreman difisil pou nou kapab al met en kontrol lo la deswit la. I pa pou posib akoz Seselwa in pran li parey  en koutim dan weekend, lafanmir i al lo lans oubyen i fer en aktivite lo lans e sa i pa posib pour nou dir dimoun aret fer sa oubyen pour nou al met bann regilasyon ekstrenm lo la, i pou difisil.

Me petet si parey bann Minis, eski zot pa’n realize pou dir i a meyer opsyon pou designate serten lans konman bann dimoun i kapab zwe lanmizik. Lezot lans ki trouve tro pre avek bann rezidansyel i bann landrwa ki dimoun pa pou kapab zwe lanmizik. Parey i ganny fer dan serten landrwa.  An vi ki ou napa ase resours pou al lo tou lans e vwar ki pe pase.  Eski sa pa ti a en opsyon? Mr Speaker sa i mon premye kestyon, ki mon ti a kontan met devan Minis.

Prenon kont ki lafason ki sa bann patrol ti ganny fer nou le al patrol ler bann dimoun i fini konmans zwe lanmizik zot in fini konmans bwar, mon pa krwar i pou posib pou okenn zofisye enforcement al kapab al fer enforcement pandan en parti kot dimoun in fini pran lalkol, e ou pe sey dir avek en dimoun turn down sa lanmizik.  So, ou kapab fer sa premye mezir and then ou annan sa enforcement petet ti ava marse. Mersi Mr Speaker.

 

MR SPEAKER

Mersi Onorab Pillay.  Minis.

 

MINISTER WALLACE COSGROW

Mr Speaker.  Mr Onorab mersi bokou. Onorab lans i ganny designate konman en landrwa piblik. E Lalwa i anpes, mon konpran ou sizesyon mon konpran ou propozisyon lans i ganny designate konman en landrwa piblik e Lalwa i dir nou pa fer tapaz dan landrwa piblik. I pou, petet nou kapab rod en serten landrwa kot i en pti pe izole sey fer serten, rod en fason ki mannyer mon kapab sey met dan en Lalwa somewhere pou accommodate, pou accommodate nou piblik Seselwa ki kontan al lo lans parey ou’n dir e ki kontan al lo lans. Me mwan mon krwar solisyon se ki nou limit pa’n dir pa zwe lanmizik lo lans.

Solisyon se ki mon o krwar nou limit lakantite tapaz ki nou fer lo lans avek lanmizik. I pa anpes ou al lo lans zwe en pti gitar, zwe en pti lenstriman ouswa ou annan en pti lanmizik la ou pe zwe. Me selman la ou respekte lezot osi, ou respekte landrwa rezidansyel, ou respekte dimoun ki reste lot kote lo lans. Nou kapab sey vwar sey designate serten lans, me selman pour mwan i riske kree en serten problenm dan le fitir.

An term patrol, souvandfwa bann zofisye Lapolis ou bann zofisye Minister zot a kapab sertifye sa i vre i difisil ler dimoun in pran lalkol, pa zis lo lans dan bann landrwa parti prive bann, kot bann dimoun pe fer zot aktivite petet laniverser, premyer kanmiyon dimoun i konsonm lalkol e zofisye Lapolis e zofisye Minister Lanvironnman i ganny difikilte pou kapab sey met en stop avek sa bann aktivite. So, me selman i nou louvraz pou patrol, i nou louvraz pou fer sir ki lanvironnman i reste parey Lalwa i dir. Se sa mon repons Onorab pour ou bann kestyon, pour ou bann sizesyon mersi.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker. Mr Speaker souvandfwa ler sa kestyon i souleve, bokou dimoun i ganny lenpresyon pou dir sa i motive par bann dimoun ki reste obor lans, akoz i vin en disturbance pou zot.  Me Mr Speaker i annan en lot laspe sa bann kestyon, par lefe ki Lartik 26 nou Konstitisyon i donn tou dimoun drwa pou zouir son propriyete. E en lot Lartik Konstitisyon i dir ki tou dimoun i bezwen ganny en tretman egal anba Lalwa.

I pa kapab annan en tretman egal ki permet en dimoun zwe lanmizik. Me sa tretman egal pa permet mwan pour mwan kapab dormi kot mwan oubyen pour mwan enjoy mon propriyete. Mon krwar sa problenm i pli enportan ki mannyer nou pe get li zis en problenm tapaz, i en problem de droit  osi. En dimoun, drwa fondamantal en dimoun pour li zouir son propriyete.

Mon krwar i devret angaz Minister avek Lotorite konsernen pou swa deside, swa sa Lalwa, eski posib ki sa Lalwa i ganny sorti anba Departman Lanvironnman e vin en Lalwa proper anba Lapolis e la li i ava servi son bann zofisye Lapolis pou fer son enforcement; si enforcement pa kapab ganny fer anba sa enn Lotorite ki la Mr Speaker.

Akoz antretan ki nou rod fason pou nou fer enforcement ,sa bann dimoun ki pe fer fas avek sa bann sityasyon, pou f kontinyen soufer e Seselwa bann lezot ki anvi fer zot enjoyment pe rod landrwa pour zot enjoy e i pou inevitab ki en zour ki sa de group i zwenn.  E sa ki nou pa oule se ki sa de group i zwenn avek en konfli. Me plito nou kapab rod en solisyon avan ki sa i arive.  Mersi Mr Speaker.

 

MR SPEAKER

Mersi Onorab. Minis.

 

MINISTER WALLACE COSGROW

Mr Speaker mon krwar Onorab, mon pa krwar ki Onorab ti pe demann en kestyon me selman plizoumwen en sizesyon. Onorab mon krwar anba Lapolis i annan posibilite anba zot Lalwa anba penal code, pour zot kapab pran aksyon. Me parkont parey ou dir anba Konstitisyon ou annan pour mwan enjoy mon propriyete.

Ou osi annan responsabilite pour, mon osi mon annan responsabilite konman sa dimoun ki pa pe zwe lanmizik pour mwan enjoy mon propriyete anpe. So, i annan en konfli.  But nou’n deza travay avek departman lapolis pour nou kapab met nou zefor ansanm.  Petet nou devret dan le fitir travay plis ankor call zot ki nou kapab ariv en solisyon pou sa.  Me an sa ki konsern transfer sa responsabilite, nou ava diskite ansanm avek bann stakeholders konsernen nou a gete ki nou kapab fer.

Mon pa anvi shy away avek nou responsabilite ki Lalwa i donn nou. Nou’n deza koz en pti pe lo la, mon’n deza briefly koz avek PS Lanvironnman avek Mrs Laure lo kote ki mannyer nou restriktir nou environment police, al en pti pe dan sa laliny parey ou’n dir Onorab. Me selman sa i ankor preliminer nou ankor pe diskit lo la.  Mersi.

 

MR SPEAKER

Mersi Minis.  Onorab Gervais Henrie.

 

HON GERVAIS HENRIE

Mersi Mr Speaker.  Bonzour tou dimoun.  Mon premye kestyon i se ki pour mwan e piblik an zeneral apresye gravite sa sityasyon tapaz dan nou pei. Mon anvi ki Minis i dir nou lefet ki zot ti annan en task force formen an 2017, ant environment police e Lapolis. Pour nou konnen konbyen bann ka tapaz ki’n anrezistre ki lo liv rikord pou dir tan cases, alor i fer ki i en problenm Nasyonal?

Sa i mon premye kestyon, e dezyenm zot in mansyonn en lanmann ant R100mil a  en RImilyon eski an 2017 a 2018 i annan okenn Seselwa, zot annan rikord okenn Seselwa ki’n ganny sarze e in pey okenn lanmann pou fer tapaz okenn par dan pei.  Mersi bokou.

 

MR SPEAKER

Mersi Onorab.  Minis.

 

MINISTER WALLACE COSGROW

Ok, mersi bokou Mr Speaker.  Mersi bokou Onorab. 2 kestyon larepons i senp, konbyen ka tapaz ki’n rikorde? Nou annan i pa avek nou la, nou annan en kantite ki’n kot nou. Pa neseserman avek Lapolis me selman kot nou, nou annan.

Lo kote 2enm kestyon si nou annan rikord lo okenn dimoun ki’n ganny fine pou tapaz? Pou le moman nou annan bann dimoun ki’n ganny issue nuisance notice, napa personn, so far dapre lenformasyon ki mwan mon annan, letan ki mwan mon’n la ki annan dimoun ki’n ganny fine, sa fine or anprizonnen parey Lalwa i dir pour tapaz. Mersi Mr Speaker.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Speaker.  Premye kestyon, se ki par lefet ki napa personn ki’n deza ganny sarze. Ki sa i dir nou? I pa en problenm.  Pour mwan letan mon get li personn pa’n ganny sarze zanmen. Savedir ou pa’n fer en lofans vizavi en sityasyon, ou pa’n ganny sarze zanmen, zanmen in annan. E dezyenmman en komanter plis ki en kestyon, mon bezwen dir sa akoz souvandfwa napa bann lenformasyon ki bann Minis, pa zis Minis Cosgrow bann lezot ki vini zot napa.

Mon krwar dan bann preparasyon zot bann advisors bezwen bounce bann kestyon; tou angle ki kapab vini pou kouver e akoz i enportan.  Zot bezwen konnen sa. Bann kestyon ki pou vini from different angles – from both side of the House.  Mersi  bokou.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi bokou Mr Speaker.  Mr Speaker mon pa pou tro dakor ek Onorab ki si napa nou pa’n fine en dimoun, savedir ki nou pa serye. Nou annan bann nuisance notice ki devret osi ganny konsidere serye.  Petet ler nou’n issue sa nuisance notice, sa dimoun i pa’n kontinyen.   So i pa vedir si nou pa’n fine en dimoun sa sityasyon i pa serye.   Lo kote ou komanter mon ava respekte li konman en komanter.  Mersi.

 

MR SPEAKER

Mersi Minis.  Onorab Bernard Georges.

 

HON BERNARD GEORGES

Mersi Mr Speaker.  Mr Speaker mon kestyon i en kontinyasyon kestyon Onorab Henrie. Minis eksplik avek nou Lasanble silvouple, si problenm i sitan grav ki nou bezwen mansyonn li dan nou Konstitisyon, ek en seri Lalwa ki ou’n donn nou bomaten la, ki ou’n detaye avek lanmann ki mont R100mil avek 2an prizon eksetera, ki mannyer si nou annan sa kantite Lalwa, ziska prezan nou pa’n kapab konmans aret en dimoun zwe lanmizik for dan son loto ler i pase?

Oubyen bann loto ki’n ganny modifye ki lev tou dimoun aswar ler zot mont La Misere, oubyen tou sa tapaz dan bor lanmer, oubyen tou sa bann restaurant ki zwe lanmizik ki ou pa kapab dormi aswar.

Ki mannyer  ziska prezan  tousala avek tou sa Lalwa ki nou annan, nou still ankor pe demann sa kestyon devan sa Lasanble ozordi? Ki Gouvernman in fer once and for all pou anpes bann keksoz arive?  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab si sa sityasyon dan mon pwennvi, si sa sityasyon i kontinyen si ou sa sityasyon pe kontinyen, mon pran legzanp loto. I petet ki i annan loto ki’n ganny issue serten notice, zot in arete.  Me i pa vedir ki en lot loto pa pou konmanse. I kapab i annan landrwa ki’n issue en serten notice – petet i arete, i pa vedir ki en lot lakaz pa fer tapaz!

Ou konpran?  So, i en sityasyon ki kontinyen arive, kontinyelman arive – pa neseserman par menm offender.  I kapab annan lezot dimoun ki commit sa lofans. Mon dakor avek ou, i annan letan ki vre  serten dimoun i repete,  e souvandfwa letan nou’n issue nuisance notice, swa nou swa Lapolis, zofisye Lapolis ki’n al dan sa bann landrwa e in advise sa bann dimoun. Souvandfwa mon krwar nou pran en lapros imen, en lapros imen – nou en pti pei Sesel, nou tou nou konn kanmarad, nou tou petet nou al manze dan menm restoran.

Nou al dan menm landrwa disco or nou ganny en pti pasaz.  Konmsi nou pran en lapros imen avek bokou bann dimoun.

Me selman mon krwar petet in ariv en ler pou nou dir be nou fatige advise, nou fatige donn notis, nou fatige edike prezan nou konmans pini. Konmsi i pa ti en lapros unless i ti vreman sever, ki nou ti petet pe mazinen, e Onorab mon krwar Onorab ou’n highlight sa tre byen.  E in ariv ler pour nou konmans pini e nou ava pran advise Lasanble Nasyonal e mon krwar ki nou a bezwen konmans pli serye dan sa zafer.  Mersi bokou Mr Speaker.

 

MR SPEAKER

Mersi Minis.  Onorab Georges.

 

HON BERNARD GEORGES

Mersi Minis pour ou repons.  Mon ava sizere avek ou – ki si Lalwa.  Si o problenm i vreman sever ki zot in vin devan Lasanble pou fer pas sa bann kantite Lalwa kekfwa parey ou’n sizere Nuisance Notice pou devret anforsi en ledan. E si mon sizer avek ou, avek en lapros imen pou sispann en license in dimoun ki pe fer tapaz pou en semenn, oubyen pou sezi en loto ki ganny modifye ki pe fer tapaz pour enn de zour.

Oubyen ou pran lekipman dan en lakaz ki pe fer tapaz ou al avek, nou ava war en solisyon bokou pli vit ki zis servi Nuisance Notice e azir konman bon boug.  Mersi bokou Mr Speaker.

 

MR SPEAKER

Mersi Onorab Georges. Minis.

 

MINISTER WALLACE COSGROW

Mersi Mr Speaker.  Mon krwar i en sizesyon.  Mon a remersi li e mon a pran sa an konsiderasyon. Mersi.

 

MR SPEAKER

Mersi Minis.  Bon mon annan ankor detrwa Manm ki’n eksprim lentansyon pou demann kestyon.  Nou pou pran enn dernyen la, avan nou Break apre nou ava retournen nou ava kontinyen. Mon ava donn laparol Onorab Wilbert Herminie.

 

HON WILBERT HERMINIE

Mersi Mr Speaker.  Bonzour Minis ek ou delegasyon.  Avan demann kestyon mon ti anvi zis klarifye, eski Minis pe dir ki sa unit ki annan zis 6 dimoun pe deal avek tou ka tapaz – Housing estate, industrial avek tapaz lo lans tou?

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker.  Mersi Onorab pou ou kestyon.  Wi nou annan nou 6 environment police se zot ki deal ek bann issues polisyon; savedir polisyon tapaz polisyon an zeneral.

 

MR SPEAKER

Mersi Minis.  Onorab Herminie.

 

HON WILBERT HERMINIE

Mersi Minister.  Be si mon pe get magnitid sa problenm i sitan grav, ki ou bezwen rod plis resours pou deal ek sa issue. Akoz sa i en issue Nasyonal zis pou ou kapab deal avek sa kantite housing estate ki annan dan pei – i still – sa ta issue ki pou ganny leve, i tro bokou pou ou unit ki ou pe gannyen.  So, ki ou plan pou devlop sa unit e ki zot plan lonterm pou amelyor sa kapasite unit avek lekipman ek personnel?  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker. Mersi Onorab. Onorab plan pou increase resours sa unit i la, me selman mwan mon pwennvi se ki nou kapab increase resours. Si dimoun – konmsi i vin ankor lo sa zafer ledikasyon, ki mannyer nou konport nou.  Si dimoun pa konport nou, nou pou war sa unit pe travay nou pou increase dimoun, nou pou kontinyen increase dimoun.

Nou pou kontinyen met resours.  E ki kantite nou pou mete?  Mwan pou mwan en sanzman dan latitid atraver ledikasyon – atraver petet serten penalty, parey Onorab Georges in mansyonnen, ki pou fer sanz sa mantalite. Nou kapab azout detrwa dimoun, nou annan propozisyon pou azout detrwa dimoun; nou pe travay lo en plan pour nou azout en pti pe staffing tou lede Departman, Lanvironnman ek Sanzman Klimatik.

Me pour mwan azout plis dimoun, i pa neseserman en solisyon; pour mwan i sanzman dan behavior dimoun, pep Seselwa pour nou kapab achieve sa ki nou anvi achieve.  Mersi bokou.

 

MR SPEAKER

Mersi Minis.  Bon nou ava Break ziska 11er pour nou kapab kontinyen avek Minis. Nou annan ankor detrwa siplemanter lo sa kestyon, apre nou ava pran sa lezot kestyon ki reste. Nou a Break nou a retournen 11er.

 

(BREAK)

 

MR SPEAKER

Bon nou ava kontinyen avek kestyon siplemanter lo kestyon No. 2, konsern tapaz, polisyon tapaz.  Mon ava donn laparol Onorab Ahmed Afif.

 

HON AHMED AFIF

Mersi Mr Speaker.  Bonzour Minis ek ou delegasyon, bonzour tou dimoun a lekout. Mr Speaker mon ti a kontan demann Minis, ki son Minister pe fer pour ede, ki ler zot ganny bann konplent lo tapaz ki sa response ki Lotorite i donnen i pli vit posib?  Mon a donn ou en legzanp mon la mon koz dan North East Point.  E mon pe mazin Kurt, Sophie ek Therese Pool, ki obor sa lans North East Point.

Kot in deza ariv en lenstans apre 2 mwan pase kot dan 7.30 parti i ankor pe kontinyen lo lans tre for avek zenerater tou zafer.  E sa bann dimoun i telefonn Lotorite finalman zot in telefonn mwan tou.  Mon telefonn Kordgard e zot in respond – zot in al laba zot in gete eksetera. Me lanmizik in diminyen apre in repran dan 9er, 10er di-swar lanmizik i for menm i ankor pe zwe.  E mon pa konnen si bann gard napa lenstriman, zot napa  en zofisye Lanvironnman ki annan lenstriman.  Finalman bannla in fer zot tapaz ziska 11er, 11.30.  Nanryen pa’n arive.

Alor napa keksoz efektiv ki’n arive. Alor ki ou kapab dir nou ki apartir ozordi – ozordi sa size in ganny leve, ki Minister pe fer en aksyon – zot pe pran aksyon ki mon kapab dir ek bann zabitan, sirtou dan sa rezyon ki apartir ozordi, si i annan bann konplent tapaz, mon garanti ou pou annan en aksyon pli efektiv?  Par egzanp kord gard Anse Etoile pou annan sa bann meter. Pa bezwen bokou zis enn e sirtou dan Sanmdi/Dimans ki sa i arive, i pa arive dan lasemenn.

E ou pou annan en zofisye ki konn servi sa; ki kapab ekri en rapor donn avek Lapolis e aksyon i ganny pran. E dezyenmman ki zot kapab fer dan bann lezot lenstans kot dimoun i fer en konplent, en vwazen fer zwe lanmizik byen for, me i ganny zis en konplent, akoz larestan vwazen i per.  Zot per pou konplent akoz i annan en mantalite nou pa anvi ganny vwar nou pe raport nou vwazen.

Ki zot kapab fer pou ler en konplent i ganny fer, ki Lapolis oubyen sa environment officer i pas kot detrwa lakaz, pou verifye ki vre i annan tapaz regilye.  E alors sa ka,  ki zot pou fer dan prosekisyon, i pou en ka ki bokou pli efektiv.  Parske si zot pli proaktiv, mon krwar koumsa – non selman i pou ede redwir sa bann tapaz toudswit, me i pou anpes lezot fer parey.

Parski enn fwa ki ou’n konmans fer enforcement, petet ou pa pou bezwen kantite resours.  Akoz zot realize poudir  sak fwa ki arive, akoz ou si tan efektiv, pa vo lapenn al fer tapaz ankor. Alor ki ou kapab dir mwan lo la, pou reasir nou bann zabitan, ki i annan Lotorite ki efektiv lo la?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi bokou Mr Speaker.  Mersi bokou Onorab pour ou kestyon. Onorab mon pa pou attempt pou koz lo par Lapolis, me selman mon kapab sey donn serten zistifikasyon pour sa serten kestyon – sa 2 kestyon ki ou’n demande. Parey mon dir nou ti deza annan en patrol konzwent avek Lapolis, petet nesesite pour nou re-instate koz avek Lapolis pour nou re-instate sa bann patrol.

Kot nou ava annan en zofisye ki a kapab avek Lapolis avek lenstriman neseser pour kapab mezir tapaz, e annan en effective prosekisyon parey ou pe dir.  Or en effective mezir ki ganny pran kont sa bann dimoun ki fer sa bann tapaz.  Sa bann lekipman i en bann lekipman ki kout ase ser.  Pour le moman nou annan serten a nou dispozisyon.

Nou ava trouv en fason pour nou travay en pe pli pre avek Lapolis, pour nou kapab met sa bann lekipman a dispozisyon.  Swa avek Lapolis swa en zofisye, ki ava kapab attend the scene, avek Lapolis pou kapab fer keksoz mars en pti pe pli vit.  An term sa ki konsern kot i annan zis en konplent – parey mon’n fer re-sorti pli boner nou Lalwa i fodre i en common nuisance kot plis ki en dimoun i raporte.

Petet i a en nesesite pour nou revwar nou Lalwa, e gete ki mannyer nou kapab fer sa pli efektiv.  Me selman mon kapab dir ki Lapolis i annan pouvwar menm si en dimoun i raporte.  Lapolis i annan pou vwar, pou al gete e pou pran aksyon ek sa bann dimoun. Nesesite ki la mon war pe sorti, se ki nou bezwen annan en travay pli pros kolaborasyon avek Lapolis.

Nou’n deza fer, mon predeseser avan mwan ti deza fer, serten rankont avek Lapolis pour met nou bann konsern devan – pa zis tapaz, konsern salte e konsern bokou lezot keksoz ankor. Bann krim ki pase dan National Parks.  Mon osi mon ti fer enn ler mon’n vini e we need to met resours ansanm avek Lapolis avek nou Minister, pour nou kapab adres sa bann sityasyon.

So, mon ti a zis demann manm piblik ki afekte pou annan en pti pe konprenezon, annan en pti pe pasyans e nou, nou ava kapab reakte bokou severman avek bann sityasyon ki arive. Sirtou dan bann landrwa ki komen; parey North East Point, par egzanp mon konnen Au Cap.  Serten landrwa kot i pli komen, nou ava tackle sa bann landrwa e parey ou’n dir – petet i a vin en deterrent pour bann lezot landrwa kot i annan dimoun.

E mon pe osi mon pe anvizaze koz avek PUC, pou get bann landrwa kot i annan bann koneksyon ki ganny donnen. Ou’n koz lo zenerater, me i annan serten landrwa kot i annan bann koneksyon ki ganny donnen sorti dan bann lakaz prive, ki fer sa bann lanmizik posib lo lans.  Mersi bokou Mr Speaker. Mon krwar mon’n reponn kestyon Onorab to the best of my ability.  Mersi.

 

MR SPEAKER

Mersi Minis.  Onorab Noline Sophola.

 

HON NOLINE SOPHOLA

Mersi Mr Speaker.  Bonzour Mr Speaker.  Bonzour Minis ek ou lekip tou Manm Onorab e tou dimoun ki a lekout, bonzour. Mr Speaker nou pe koz lo polisyon tapaz dan pei; konmela i annan bann portable speaker, ki ganny met lo bisiklet e menm dan club car ki pe vin popiler e en nwizans lo La Digue.

Minis, eski ou kapab eksplik sa Lasanble, ki vreman ou Minister pe fer dan sa sityasyon? E ki Lotorite – mon pe koz lo La Digue presizeman – ki responsab pou asire ki mezir apropriye i ganny pran?  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab. Onorab formelman nou pa okouran, ki i annan sa bann tapaz eksesiv, avek sa bann portable speakers ki ganny- Mon konnen lekel sa bann speakers, ki ou pe koz lo la, bann ki servi Bluetooth, e dimoun i servi zot telefonn pou petet transmet sa bann lanmizik lo la.

Mon krwar i vin en pti pe parey problenm tapaz loto, avek lanmizik, me bann bisiklet pa kapab met sa bann groser lanmizik. So, zot mars avek en pti speaker.  Si i sitan en nwizans, nou kapab kolabor avek Lotorite Distrik lo La Digue e gete ki nou kapab enforce sa bann Regilasyon ki i annan anver tapaz.  Se sa mon repons pou ou kestyon Onorab.  Mersi.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Speaker. Mr Speaker mon vreman dezapwente dan en lot form. Ki si tou dimoun ki vizit La Digue, premye keksoz ki zot pou tande se sanmenm sa bann nwizans dan basket bisiklet – sa bann gro speaker. E pour mwan dir sa mon’n deza bring a laporte, a latansyon en Minis, ki ti sipoze pou fer en travay avek lezot Minis.

Mr Speaker, Minis sa problenm, parey mon pe dir i pa nouvo.  I vedir nou napa okenn rikord okenn nanryen ki pe ganny fer lo La Digue. I vedir si nou pe pran en aksyon imedya la, i pou vin plis dezord  ki mon tande lo sa bann lans ki mon tande ki pe pase. Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Speaker mersi.  Mr Speaker mon ti a kontan zis petet zis disteng avek Onorab, i annan tapaz ki, Lalwa i enforce serten tapaz ki par lao limit – ok? Si i pa desot en serten limit ki mannyer nou konman Lotorite nou kapab enforce ….? Petet i en lanmizik, wi i en tapaz me selman i pa desot limit ki Lalwa i permet.

Si i sitan en nwizans parey mon’n dir, i annan zofisye Lapolis la ki kapab enforce serten Lalwa; si sitan en nwizans e desot limit ki Lalwa i permet. Nou kapab annan enforce ki ganny fer lo nivo Lapolis, e petet nou osi lo Minister Lanvironnman.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  Mr Speaker mon premye kestyon se, dan tou sa ki Minis in dir fantastik. Be ki mannyer ou pou konnen, si sa tapaz i par lao sa ki Lalwa i donnen?  E mon’n regard ou S.I   49 of 1999 ki koz lo bann decibel ensidswit pour residential 60 ensidswit, 55, industrial 75. Ki mannyer ou mezir tousala si ou napa en decibel meter?

Ou pa pou kapab!  E sa ki Onorab Sophola pe dir wi, parski JBL speakers i annan sa ki ptipti, apre sa  i annan sa ki gro koumsa tou. E alor i, e tousala i portab ensidswit e ki cause bann disturbance. Mr Speaker alor Lalwa i la wi, be si ou napa lenstriman ki mannyer ou pou pase? E mon’n fer en quick check – en decibel meter i varye depi $212, ki pa en gran larzan depi $212 e i monte ziska 12 san, 18san ensidswit.

E si nou pe, e I’m sure lo ozordi avek sa Apps ensidswit selman ou ava regarde ki mannyer ou pou met sa dan ou Lalwa.  I pou annan sa bann free Apps ki pou donn ou, ki pou ou kapab mezir sa the level  of decibel.  So, si nou annan tou sa bann Lalwa ki bon, me nou pa kapab met zot an aplikasyon, mon krwar nou dan en problenm.

Dezyenmman, alor ki ou Minister pe fer pou nobou ganny sa bann lenstriman? Parski mwan mon krwar ki lo sa kantite tapaz mon krwar ki Seselwa in fatige avek sa nivo tapaz.

Dezyenmman Mr Speaker ki pe fer, ki Minister pe fer, i vre la Lalwa i dir ek ou 6er bomaten ziska 11er diswar ou ganny drwa zwe ou lanmizik.  Be ki zot pe fer pou protez mon drwa?  Ou pa kapab dir mwan la i  10 er bomaten, alors Lalwa i permet mwan pour mwan zwe mon lanmizik ki mannyer, konmsi en pe ki mannyer mon ou le, me selman mon pe ganny disturb.

Ou a pe zwe sa bann lanmizik, ou konnen konmela i annan sa bann lanmizik ki kriye ek ou, ki dispit ek ou. Be mwan mon pe asize dan mon lakaz 10er bomaten mon vwazen pe zwe en lanmizik ki pe dispit avek mwan!  Lapolis i vini, Lapolis i dir avek ou, ou konnen i ganny drwa zwe ziska 11er diswar!  Alor ki nou pe fer pour ki sa prensip ou drwa i fini kot mon drwa i konmanse e vis- ver sa. Parske mon krwar ki i tre enportan pour nou kapab balans sa.  E finalman Mr Speaker, ki nou pe fer pou ki sa bann zafer elektrisite difisil ki pas atraver semen ki ganny kouver ek disab ki lapolis an relasyon, ansanm avek zot.

Parske i en lofans sa, nou tou nou konnen sa i en lofans dan Lalwa. I en lofans pour mwan tir en laliny elektrisite dan mon lakaz pour mwan donn mon vwazen.  Sa i en lofans.  Alors ki nou pe fer pour nou kapab ganny sa bann lenstriman ki $212 minimum e apre sa fer sir ki tou sa bann keksoz i ganny met annord? Mersi bokou Mr Speaker.

 

MR SPEAKER

Mersi Onorab. Minis.

 

MINISTER WALLACE COSGROW

Mersi Mr Speaker, mersi Onorab. 3 pwen valab.  Decibel meter Mr Speaker, Onorab nou annan.  Nou annan 4 decibel meters, 3 lo Mahe 1 lo Praslin.  Ou ava dakor avek mwan, si Lalwa i fer referans lo serten lenstriman pou mezir serten tapaz, i bezwen annan serten kalibrasyon ki ganny fer se bann zafer i bezwen ganny kalibre par en serten competent authority – dan sa ka SBS.

E Lalwa i bezwen fer sir ki Lalwa i bezwen ganny byen mete, i ganny byen kalibre; bomaten i kapab ganny en proper prosekisyon si ou bezwen al Ankour. Apps nou kapab mete lo telefonn me selman ki mannyer ou kalibre ou telefonn ki mannyer, so i riske vin en pe tricky an term aksyon ki ou bezwen pran si en dimoun i kapab dir ou telefonn i varye avek en lot, i difisil pou ou prosekite apre.

Me selman mon krwar nou kapab.  Mon krwar nou deza an process pour nou kapab purchase plis decibel meters pour nou kapab mezire. Petet mon  a lans en lapel avek Departman Lapolis pour zot osi envestir akoz zot osi zot an kolaborasyon avek nou, e i part zot louvraz osi kapab police sa bann aksyon.

Mon ti ava fer en lapel osi avek Departman Lapolis pou zot osi vwar pou zot osi annan bann posibilite pou zot annan bann decibel meters.  At least dan Kordgard kot i annan bann aktivite ki pase tou le weekend dan sa bann distrik, pou zot kapab enforce en pti pe plis.  An term lanmizik ki dispit Onorab i annan diferan lanmizik, i annan diferan gou, i annan ki kontan ki sante; i annan ki kontan zot lanmizik ki dispit.

I nouvo kalite lanmizik Onorab.  Sakenn i enjoy li dan son fason. But mon dakor avek ou ki kot ou drwa i fini, mon drwa osi i konmanse e Lalwa pa neseserman mannyer i ganny word, i ganny rekonnet.   Petet nou drwa.  Malgre ou dir 10er bomaten mon kapab zwe mon lanmizik, me selman, ou kapab zwe lanmizik be mwan mon obor ou, pour mwan i en nwizans i fatigan.

Annou revwar  ki mannyer nou kapab revwar Lalwa pou fer sir ki i cater. I pa fasil.  I en size ki pa fasil akoz i konsern drwa ek devwar, e kot i annan drwa ek devwar i vreman difisil pou ou parfwa ganny en middle ground pou ki dimoun i konpran ki nou pe sey fer.  Me selman mon’n dir boner mon pou repet ankor ledikasyon, ledikasyon i enportan.

Konmsi pour nou konpran pou dir be Onorab Ramkalawan pe sey relax, in fatige dan Lasanble, i pe sey relax i anvi poz en pe demen bomaten i annan en louvraz pou li al fer ankor, e mon pa bezwen disturb li avek mon lanmizik. Mon dakor ek ou petet nou bezwen vwar ki mannyer nou bezwen revwar Lalwa pou accommodate drwa avek responsabilite.

I annan sa lot bout dernyen, ki ou’n dir lofans ki’n rikorde, par egzanp bann dimoun ki pret brans kouran ki pas atraver semen avek disab kouver lo la; ouswa i annan bann menm mon’n war petet ki fer pas par lao difil elektrik.

Kot i annan bann sityasyon, kot i annan bann ka mon demann bann manm piblik pou raporte e difinitivman i en lofans.  E mwan mon ava fer sir ki mon a demann avek PUC pou investigate e pou tire.   E si i annan posibilite anba Lalwa pou zot ganny en fine ouswa en dekoneksyon zot kouran, pou kree serten nwizans dan landrwa piblik, then nou ava aplik Lalwa mannyer i bezwen ganny aplike.  3 pwen pertinan e mon krwar nou bezwen kapab deal avek sa sityasyon.  Mersi Mr Speaker.

 

MR SPEAKER

Mersi Minis.  Minis petet ou bezwen anvoy enn sa decibel meter La Digue, akoz la Digue aparaman i en gro problenm. Me nou pe gard 3 sa meters Mahe enn Praslin mon krwar in ler pour nou bouz enn La Digue. Yes, Onorab Ramkalawan.

 

HON WAVEL RAMKALAWAN

Mr Speaker ki anmezir ki i pe reponn kestyon mon’n aktyelman download en decibel meter lo mon telefonn e mon’n ekout li, kot i ete avek kot mwan i ti pe koz lo 60 decibel.

 

MR SPEAKER

Savedir mon krwar i zis dan limit non? Zis dan limit, bon nou ava, yes Minis i koz pou ou. Bon nou a bouz lo 3enm kestyon mon ava pas laparol avek Onorab Noline Sophola.

 

HON NOLINE SOPHOLA

Mersi Mr Speaker, Minis i annan en delo dapre dir ki sorti lo dumping site L’Union Estate ki pe polye lans Source D’Argent. Vi ki dan lendistri tourizm i en lendistri sansib, e sa i pe lev gran konsern parmi popilasyon e kominote biznes La Digue.

Eski Minis i kapab dir sa Lasanble ki son Minister pe fer pou evalye sa sityasyon, e determin lorizin sa polisyon? E dezyenmman e si sa i ganny etabli, ki mezir Minister pou pran pou redres sa sityasyon?  Mersi Mr Speaker.

 

MR SPEAKER

Mersi Onorab Sophola.  Minis.

 

MINISTER WALLACE COSGROW

Mersi Mr Speaker.  Mersi Onorab pou ou kestyon.  Mr Speaker avan mon reponn kestyon Sophola, mon ou le re-asir tou Onorab en sirtou   zabitan La Digue ki sa landfill sitye L’Union Estate i en landfill dan tou son splander. Kot pandan son konstriksyon en plastic apele air  lining ti ganny tale dan bafon spesifikman pou ranmas delo sal ki nou apel an Angle i apel leachate, ki sorti dan sa landfill.

Mr Speaker leachate i en delo konsantre ki annan serten loder pandan dekonpozisyon bann salte ki ganny met lo landfill, bann salte organic e melanze avek delo lapli. Tousala i ganny kolekte e ganny anmennen dan en basen kot i ganny stoke. Annefe PUC fek konstri en nouvo fasilite leachate lanmenm a kote lannen 2018.  Sa delo ki Onorab pe fer referans avek, i pa neseserman sa leachate proper ki koule from bann salte ki al end up anba dan fon landfill apre ki al transfer dan sa basen.

Me plito delo lapli letan nou’n fer nou envestigasyon delo lapli lo sirfas later ki’n ganny melanze in pas dan landfill in ganny melanze avek en pe delo lapli ki sorti dan landfill letan gro lapli. Kot ou war li pe desann pe rann lapel dan sa larivyer obor.

Sa delo ki desann i en delo sal me non pa sa leachate proper ki ganny anmase dan basen ki mon’n fek eksplike. E lo en nivo ki pou kree okenn polisyon parey pe fer resorti. Mr Speaker natir en lanmar, sa lanmar li petet nou’n fer referans lo la i pou toultan annan en  pe fey, en ta fey en pe materyo organik ki pe dekonpoze e sa i kapab donn en pti loder dezagreab.  De plis sat a fey pouri pou donn sa delo en ten nwar me sa pa vedir ki lanmar i polye.

Toudmenm konman en mezir prekosyon Lazans pou lanbelisman ek zesyon  salte ki zer landfill La Digue in deside ki fodre minimize tou risk ki kapab okazyonnen, okazyonn polisyon oubyen destriksyon lanvironnman tout otour sa landfill.

An rezilta en miray pou ganny konstri pou konteni salte ki pe deborde dan larantre osi byen pou fer en rigol beton pou kolekte okenn delo sirfas ki kapab sorti kot landfill kot pou ganny anmennen dan fasilite tretman. Dokiman tender Mr Speaker in fini ganny prepare annefe depi lannen pase, e in ganny anvoye kot POU pou ganny aprouvasyon e sa proze pou ganny met lo tender boner an Avril.

Atraver s a proze Lazans in osi soumet en pli gro proze anba Bidze 2020, pou zisteman elarzi siperfisi landfill La Digue pou ki i ava pran plis salte e i ava annan plis bataz pou fer pli bon konpaksyon ki ava  grandi lavi sa landfill e anpes li plen pli vitman. Mr Speaker i deza annan travay ki’n fer lo sa landfill La Digue dan sa domenn, me selman an 2020 nou pou entansifye travay lo landfill La Digue. Mersi bokou.

 

MR SPEAKER

Mersi Minis.  Onorab Sophola.

 

HON NOLINE SOPHOLA

Mersi Mr Speaker.  Mr Speaker wi mon osi mon’n fer vizit e mon’n war ki i annan serten travay ki’n ganny fe laba. Minis eski ki apre ki sa travay in tender an Avril, petet ki dele letan ki ou pe ekspekte ki pou terminen? Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker, mersi Onorab. Louvraz ki annan pou fer i parey mon’n dir i en retaining wall avek pou apes sa bann salte debord sa landfill, sirtou lo kote devan letan ou pe antre avek en rigol.  Mon pa anvizaze ki sa proze pou en proze long, e mon anvizaze ki dan detrwa mwan nou pou kapab konplet sa proze.

Annefe i en proze ki letan mon ti vizit La Digue lannen pase, dan milye lannen pase nou ti’n deza agree, nou ti’n deza fer bann prosedir me selman ler ki bann dokiman ki ti’n pare pou tender ti’n ariv lafen lannen en nou pa’n kapab proceed avek  sa louvraz.

So, la sa lannen nou konnen ki pou dir nou annan finansman e hopefully ki pa plis ki detrwa mwan nou kapab konplet sa louvraz. Me selman i pou tou depan lo scope work e sa kontrakter ki ganny sa louvraz e scope of work e kontra ki nou ava dir li kantite letan i sipoze pran.  Mersi.

 

MR SPEAKER

Mersi Minis.  Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker prenan kont ki pandan letan ki FPAC ti pe vizit L’Union Estate nou ti ganny en posibilite pour nou vizit sa landfill. Ti annan bann travay ki ti sipoze ganny fer osi sa letan ki ti ankor on going. Eski Minis i kapab dir nou si sa travay ki zot pe fer la i enkli si ou le revwar zesyon salte lo La Digue, pou fer ki serten par egzanp serten kalite salte i pa ganny garde lo La Digue me i kapab ganny retire petet vwar dan posibilite dan eksportasyon bann vye feray ki ede pou fer sa landfill ranpli pli vitman?

E mon 2enm pwen lo sa kestyon Mr Speaker zis pou reasir piblik eski LWMA pa kapab demann departman Lasante Piblik, pou kontinyen fer bann tes lo sa bann delo ki sorti. Zis pou etabli pandan sa mix ki arive ant sa 2 delo, pou etablir sa delo par egzanp nap bann kontaminan ki kapab petet poz en danze pour bann lavi maren? Parey nou konnen La Digue i enn bann zil ki nou fer a tou pri pou sey protez son lanvironnman.  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Onorab.  Mersi Mr Speaker.  Dabor premye kestyon wi i annan en louvraz en pe pli gran ki pe ganny fer kot L’Union Estate -spesifikman kot landfill La Digue e sa louvraz pe ganny fer an konzwentman avek management L’Union Estate.

Petet letan ki zot ti al vizite feray ti ankor pe ganny store zis avan ou mont, letan ou pe mont kot landfill zis avan ou ariv kot landfill anler ti annan en gro bunch feray ki ti pe ganny store la devan.  Since then LWMA avek L’Union in idantifye en spot pli lwen par deryer kot in transfer tou bann vye feray. Zisteman pou manage salte lo zil zot in transfer dan en spot pli konvenab dan plato en pe pli plat kot pe fer en baraz obor kot i pa dan lizye piblik.

E sa bann feray pou evantyelman nou pe eksplor posibilite, pou anmenn en pti masin peze kraze crusher – pour nou kapab evantyelman petet eksport sa bann feray Mahe, kot i ava kapab ganny plitar eksporte. Bokou dan sa bann salte laba, i malgre i feray e osi plastic i bann vye washing machine bann ki bokou plastic me selman napa bokou feray apre bann vye bout tol. Me selman nou pe fer demars pou nou kapab re deal ek sa bann salte.

Me lo landfill osi li menm parey mon’n dir louvraz pou re-profile landfill. Louvraz pou fer landfill en pe pli gran pou li last en pe pli lontan in deza konmanse avek resours ki nou annan me i pou kontinyen avek Bidze 2020. Pour nou fer sir ki La Digue nou minimiz risk polisyon La Digue e ki nou kapab annan bokou pli letan ki nou kapab met salte lo landfill La Digue. E landfill La Digue i enn ki letan ou pe get konpozisyon salte i pa parey Mahe; i plis plastik i plis bann dese ki relye avek biznes tourism.  So, i annan posibilite evantyelman pou petet tir sa bann salte petet anmenn Mahe.

I annan posibilite i kapab fer li, me selman nou bezwen ser landfill La Digue avan apre nou ava gete ki mannyer nou fer.  Apre couple avek sa i annan the leachate plan ki’n fer pou minimiz or pou tir okenn delo leachate, ki kapab antre dan bann sours e apre al end up dan lanmar e dan lanmer.

Mon ti a kontan 2enm pwen Onorab, mon ti a kontan re-asir Onorab  ki poudir letan da bann delo ti pe koule, ti letan lapli, mon pa okouran ki i annan okenn delo ki pe koule la.

Mon kapab liaise avek Public Health pou fer teste, me selman pour le moman napa okenn delo ki pe koule.  E napa okenn sityasyon unless ki i annan keksoz ki’n devlope ki mon pa okouran, me sa sityasyon ki ti devlope ti an rezilta gro lapli ki nou ti eksperyanse, ki petet delo in sap en pti pe lo landfill.  Mersi Mr Speaker.  Mersi Onorab.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker. Mr Speaker mon lot morso kestyon ki mon ti le demann Minis se – prenon kont nou lanbisyon fer La Digue en zil soler – swa nou apel li en  green island basically. E given son lenportans son labote natirel, son lenportans dan devlopman touristik pei, eski nou pa’n konsidere par egzanp bann appliance ki al lo La Digue?

Pour nou asire e mentenir ki sa bann appliance i lo en lot estándar, san ki i anmenn en kou adisyonnel pou digwa. Mon pa pe dir sa akoz Eleksyon pe vini Mr Speaker – non, non taler ava dir fridge ek Eleksyon eksetera me sa ki mon pe dir se ki dan laliny mon pe sey fer La Digue vin en zil pli depandan par egzanp lo lenerzi renouvlab, e si ou le anmenn La Digue konman sa, sa environment poster chart pou Sesel.

Si nou pa kapab think outside the box par egzanp bann appliance ki pe al lo La Digue i pa bann appliance ki en dimoun pou aste, pou last forse pou en 6 mwan a 1 an apre pou war sa end up lo landfill. Ki Minister pe fer pou asire ki dan sa laliny ki nou deal avek management sa size?  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Onorab mersi pou ou kestyon en kestyon tre pertinan. Annefe nou rekonnet ki pou dir nou anvi turn – well dan plan se ki pou La Digue i vin en zil soutenab – en green island parey ou’n dir, me selman sa plan ki nou annan i plis ki La Digue.

Annefe Komisyon Lenerzi pe travay lo serten Polisi Lezislasyon, pou kapab fer ki prodwi elektronik ki antre Sesel e ki pou end up lo bann zil Praslin/ La Digue i bann prodwi ki son standar, i ase o nivo.  Ki dan en mannyer nou pa war nou pe bezwen ranplas bann appliance avan 6 mwan kot i pe kase apre nou war bann appliance i al tonm dan landfill.

So, i en legzersis bokou pli gro ki pou enpakte lo Sesel antye. E once ki bann Polisi Lalwa i pare nou ava kapab vin share avek Lasanble. Annefe nou bezwen vin devan Lasanble avek nouvo Lalwa. E nou remarke ki i en konsern kantite electronic waste ki nou annan e nou pe travay for pou nou minimize en pti pe electronic waste ki antre lo landfill.  Mersi.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon ti a kontan demann Minis si, eski sa re-amenazman landfill, re-organizasyon ki Minis in dir nou pou optimiz son kapasite.  I kapab ganny fer an etrwat kolaborasyon avek sa proze pli larz pou amelyor sistenm sewage La Digue ki PUC pe fer?  Eski pou annan en link ant sa de e ki sa leachate evantyelman ki pou kapab pe ogmante i kapab osi posibilite ganny process e netwaye?  Sa i mon premye kestyon.

2enm kestyon se eski Minis i kapab dir nou si anvi ki Source D’Argent i enn bann landrwa pli popiler Sesel, probableman, ki ganny vizite, eski i annan monitoring regilye lo delo ki ariv dan sa landrwa sorti dan bann larivyer e lanmar, pou fer sir ki lenpak lo sa landrwa i vreman zero?

E mon 3enm kestyon Onorab Pillay in dir ki in mansyonn Eleksyon, e nou konnen ki tou le 5 an i annan, dan bor bin La Digue nou war tou bann vye televizyon, vye fridge, vre cooker, akoz tou dimoun pe ganny enn nef.  E sa Eleksyon pe vini byento la,  so, kekfwa si Minister pe antisip en sityasyon pour zot kapab fer en pe ledikasyon, en pe preparasyon boner, pou handle sa logmantasyon lo sa bann dernyen television gro lonbri. Bann ki ti annan lo bor bin lontan.  Mersi.

 

MR SPEAKER

Onorab mersi.  Minis.

 

MINISTER WALLACE COSGROW

Mersi Mr Speaker.  Mersi Onorab.  Non proze LWMA avek proze the sewage project lo La Digue, i 2 proze separe. Me selman mon pa konn spesifik teknikalite si leachate i kapab ganny entegre dan proze sewage evantyelman – me selman si i annan posibilite teknikman, ki sa delo leachate i kapab al dan delo sewage, then mon pa war okenn rezon akoz i pa kapab transfer – i ava ganny trete apre ava ganny release.  Be selman i 2 proze separe.

2enm Anse Source D’Argent pour le moman, apard sa pti lensidan ki ti arive, mon pa okouran okenn lezot letan kot lanmar or lanmer obor in ganny polye. Mon konnen ki i annan letan zot dir mwan ki delo i vin en pti pe gri dan Source D’Argent,  kot dimoun ki laba i kapab koriz mwan. Me pour le moman nou napa okenn tes ki pe ganny fer. Lo kote lanvironnman selman, mon pa konn Public Health si zot pe fer tes.

Me selman lo kote lanvironnman, napa okenn tes an se moman ki pe ganny fer. Apre lo ou 3enm kestyon Onorab, mon pa okouran si i annan okenn keksoz ki ganny zete letan Eleksyon pou ganny sa ki nef.  Mersi.

 

MR SPEAKER

Mersi Minis.  Nou ava bouz lo 4enm kestyon.  Mon ava donn laparol Onorab Churchill Gill.

 

HON CHURCHILL GILL

Mersi Mr Speaker.  Kestyon i lir koumsa; Eski Minis i kapab enform sa Lasanble ki pe arive ek sa proze redevlopman reserve Fon Ferdinand e tou son lenfrastriktir neseser.

Vi ki sa aktivite pou anmenn bokou rannman pour nou zil an term lanplwa, tax e bokou aktivite ekonomik pou Praslin e Sesel an zeneral.  2enm kestyon ki pe arive ek sa proze redevlopman Curieuse e tou son lenfrastriktir neseser? Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Sa proze redevlopman Fon Ferdinand i ankor pe bouze.  I ankor annan en seri konsiltasyon ki ti ganny organize an 2017 e ankor an 2018 ki’n ed nou pou devlop en plan zesyon,  en framework management plan e osi byen ki en plan biznes pou Fon Ferdinand. Sa plan zesyon i offer en seri stratezi e striktir ki pou ede pou amelyor la fason ki Fon Ferdinand i ganny zere.

I baze lo bann prensip devlopman soutenab e i promouvwar lo bann valer konservasyon, valer kiltirel e osi byen ki litilizasyon soutenab biodiversite sa landrwa.  Sa plan i osi fer propozisyon pour ki Fon Ferdinand i ganny en stati legal konman en sit proteze.

Dapre sa plan Fon Ferdinand i sipoze ganny klase konman en rezerv ekolozik. En rezerv ekolozik ki sipoze egziste anba sa nouvo Lalwa Nature Reserves and Conservancy Act or Bill ki nou pou propoz devan Lasanble, ki malerezman pour le moman pa ankor pase. Sa dezinyasyon i tre enportan, akoz se li ki pou donn manda legal Fon Ferdinand e osi pou donn gidans lo ki bann aktivite ki pou ganny fer dan sa landrwa.

Se sa konponan legal ki pe tard en pe sa travay pou Fond Ferdinand. Nou’n ganny bokou retar mon refer la lo sa preparasyon legal avek preparasyon  sa Lalwa vi ki bann problenm kapasite ki in annan kot nou lofis e osi bokou louvraz kot Biro Attorney Zeneral.  Me la sa Lalwa i fek fini lo White Paper stage.  Annefe nou ti fer konsiltasyon lo Praslin detrwa mwan pase. Me finalman parey mon’n dir sa Lalwa in fini, e nou espere ki byento i vin devan Lasanble pour kapab revwar e pour nou aprouve or petet fer sanzman si i annan.

Osito ki sa i ganny fer avan ki konponan dezinyasyon avek sa konponan dezinyasyon.  Dan sa bann travay ki nou pe fer,  o Fond Ferdinand osi annan en plan biznes ki kouver bann eleman tel ki; stratezi ki annan pou marketing e redevlopman  fasilite kot Fon Ferdinand pour li kapab fer en pe plis reveni. Konsekaman pou li kapab soutenir bann kou, son prop loperasyon. Cabinet bann Minis in resaman aprouve, ki tou bann reveni ki sorti dan lamenazman Coco-de-mer; Tel ki royalty Coco-de-mer; bann lavant tag e parmi eksetera  lezot keksoz  pou dezormen  ganny anvoye kot Fond Ferdinand pou asiste li avek son bann travay.

Sa osi i ava ede pou li envestir dan bann nouvo lenfrastriktir etabli bann nouvo prodwi ki pou ogmant lakantite viziter ki i resevwar.   Finalman en nouvo konponan e enn tre enportan pe ganny devlope e sa i tous lo management modalities.

Vedir ki striktir gouvernans ki pou pli favorab ki pou diriz Fond Ferdinand pou li kapab attain son bann obzektif ki’n ganny propoze dan sa plan zesyon. I annan en legzersis ki Minister pe fer atraver lasistans en konsiltan lokal, ki pe regard en pe par egzanp ki kalite striktirasyon parastatal ki pou pli bon; ki bann kalite  reprezantasyon Board Direkter Board ki pou pli meyer.

Sa legzersis pou fini lafen Avril e apre pou ganny prezante devan Cabinet bann Minis pou lenplimantasyon kapab komanse.  Minister i oule osi reasir bann MNA Praslin ki Fond Ferdinand i ankor enn nou bann priyorite Nasyonal etan ki i reprezant pli gran popilasyon nou Coco-de-mer Sesel e  i annan bann valer kiltirel tre ris ki nou santi i demann ganny proteze e selebre ek bann benefis zabitan 0Pralsin e lepep Seselwa an zeneral.  Mr Speaker sa i mon larepons premye kestyon.    Mon kapab bouz lo 2enm kestyon. Ok 2enm kestyon i konsern proze redevlopman Curieuse,    Proze redevlopman Curieuse,   i an mars me i en proze ki’n ganny serten retar.  3enm kar lannen pase Gouvernman in donn Curieuse,  en sonm R5milyon poU konstri sa bann fasilite ki ti pou enkli 2 landrwa pou Barbecue; en pti visit centre ki pou osi servi koman en pti restoran  avek en gran shed ki pou servi  koman store avek son anler ki ekipe ek bann pano soler  pou fer sa zil vin 100poursan endepandan lo lenerzi renouvlab.

I osi bon note  ki sa 5milyon pa pou ase pou sa proze e en proze GEF  en enplimante par UNDP ek Gouvernman Sesel pou osi kontribye finansyerman, pou fer sir ki  bann travay i konplete.  Gouvernman Sinwan pou osi donn bann pano soler anba en proze – anba en proze ki nou annan avek Gouvernman Sinwan –  en Lakor nou annan avek Gouvernman Sinwan.

Mr Speaker proze in retarde pou 3 rezon prensipal.  Premyerman SNPA ti’n recruit en project officer tre kalifye ou siperviz sa proze. Sa dimoun ti ou ede osi pou prepar osi bann dokiman tender. Apre ki i ti’n egzamin bann plan devlopman pou Curieuse, i ti’n var ki sa bann plan pa ti konplet. Ti annan bann lerer dan serten landrwa oubyen bann detay ti manke konpletman; par egzanp bann detay wiring e plonbaz pa ti la; bann dimansyon bann beam pa ti’n ganny donnen dan serten ka; e serten ka ti parey tro gro eksetera.   Pou sa shed bann pano soler ti manke, ki vedir striktir sa batiman pa ti kapab ganny byen kalkile.   Sa i vedir ki bill of quantities pa ti kapab ganny byen kalkile e kou proze pa ti tro korek.  SNPA ti bezwen revwar tou bann plan pou fer sir zot korek  e ler  lenplimantasyon i komanse napa bann depans ekstra ki ganny reklanmen.  Sa louvraz in ganny fer profesyonnelman lo en standar enternasyonal.

Dezyenmman problenm ki SNPA ti bezwen adrese sete ler sa Proze – sa project officer ti vizit sa sit pou restoran i ti konstate ki sa landrwa ti en outlet pou lanmar. I pa ti konfortab alor pou rekomande ki proze i komanse, ziska ki i ti ganny konfirmasyon ki sa landrwa i stab.  SNPA in bezwen alor rod advise en archaeologist sa in pran detrwa semenn. Konklizyon i ki sa landrwa i ok pou konstriksyon, me nou bezwen koman en mezir prekosyon stabiliz lo kote lanmar. Propozisyon se ki nou servi Gabion pou fer sa proze. Gabion i en teknolozi parey nou’n vwar in ganny enplimante anler Val D’En D’Or.

Finalman plan konplet o pour sa devlopman, in ganny donnen avek Procurement Unit an Zanvye sa lannen, la i ankor annan en serten retar pou sa desizyon final pou pibliy tender. SNPA in eksplik lirzans sa proze e in menm annan meeting avek Procurement Unit Mr Speaker. Nou’n fek ganny konfirmasyon ki  tender pou proze Curieuse,  pou ganny pibliye semenn prosen.  Alor si tou i mars byen n ou ekspekte donn en  mwan pou resevwar bann bids – en mwan pou  seleksyon e prosedir  Kontra e travay i kapab komanse an Zen sa lannen.  Dat konpilsyon proze i pou depan lo  schedule ki’n ganny agree avek kontrakter, me i ekspekte al apepre 6 mwan.  Mr Speaker mersi bokou mon ava aret la, lo larepons.  Si i annan okenn kestyon siplemanter.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Mon a konmans avek devlopman Fond Ferdinand.  I annan 2 konponan ou’n eksplike; en kote pou proze li menm apre lot kote management ki pou, kad management ki zot pou tonm dakor lo la.

Me selman ou pa’n dir nou pour letan sa pe fer, pe mars  separe avek son Lalwa, ou pa’n dir nou si son plan li menm pou sa devlopman, in deza ganny submit kot Planning oubyen si Gouvernman in deza desid lo la ki kalite? Akoz dan prezantasyon ti  more or less donn nou en portre kwa ki pou fer.

Me selman since then la kestyon in vin devan akoz nou anvi konnen, si eski plan in al kot Planning?  Si wi ou’n donn en timeframe pour Curieuse, ou’n dir nou travay i posib pou 6mwan, me selman ou pa’n donn nou enn pou Fond Ferdinand. Sa osi nou ti a kontan konnen.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok mon krwar, Mr Speaker, mersi Onorab. Mon krwar ki ou pe refer lo la se bann design ki ti’n montre letan ki ti pe fer meeting avek zot. Non, napa plan ki’n al kot Planning so far, nou ankor pe esper tou sa bann keksoz finalize, pour nou konpran byen striktir ki mannyer management pou marse.

Striktir biznes ki mannyer Fond Ferdinand pou operate; son striktir biznes e osi nou bezwen esper dezinyasyon pour nou konnen ki kalite batiman. Malgre in deza annan en outline design, pour nou kapab rafin bann batiman ki si i annan okenn keksoz pou antre kot Fond Ferdinand. So, napa okenn plan so far ki’n al Planning, Mr Speaker.  Mersi bokou.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Ok.  Savedir si mon’n konpran ou byen, en keksoz ki pe anpes tou keksoz bouze, se sa Prozedlwa ki ou dir zot pe travay lo la?  So, eski ou kapab donn nou en nide kan ki nou pe ekspekte sa i pou vin devan Lasanble?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok, Prozedlwa parey mon’n eksplike nou’n fer White Paper stage consultation.  E la nou pe compile tou bann rezilta ki nou gannyen dan konsiltasyon White Paper stage. Once sa i fini mon pe espere ki sa i kapab al devan Cabinet of Ministers dan mwan Avril.  Apre sa si tou i aprouve nou ava kapab annan Bill ki ganny drafte.

Mon pe estimen ki at least by konmansman 3enm kar lannen, si non avan 2enm kar i fini, nou a kapab anmenn Bill devan Lasanble. Me i pou tou depan lo lakantite louvraz ki annan kot Biro Attorney Zeneral, kantite lenportans sa Bill i ganny donnen pou kapab ganny drafte.

So, i en pe an deor nou kontrol – non pou le moman i ankor   dan nou kontrol selman ler i pou al kot Biro Attorney Zeneral – nou konpran en pe kontrent laba, me selman hopefully by konmansman 3enm kar nou kapab anmenn devan Lasanble.  Mersi.

 

MR SPEAKER

Mersi Minis. Yes Onorab Churchill Gill.

 

HON CHURCHILL GILL

Ya mon dernyen kestyon i lo Curieuse,  vi ki ou dir tender pe al ganny mete, alors nou swete ki bann dimoun ki Praslin i ava, bann kontrakter plito i ava ganny posibilite pou osi partisipe.  E pour fasilite lozistik, mon krwar i ti pou pli ideal ki dimoun ki abite Praslin i ganny priyorite lo la.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Mon konpran ou pwen, me selman fodre nou konpran osi ki letan tender i ouver, i ouver pou tou Seselwa partisipe. Si spesifisite en, si bann submission ki bann kontrakter Praslin fer i ganny war favorab, then pour kwa pa en kontrakter Praslin ki sa-? Me selman nou bezwen ouver li avek tou kontrakter lo Mahe, Praslin avek La Digue si i annan.  Mersi bokou.

 

MR SPEAKER

Mersi Minis.  Bon mon oule zis averti bann Manm, annou fer nou kestyon kourt annou pa fer bann gran statement. Nou annan ankor 2 kestyon mon anvi ki nou fini avek Minis, e nou ava release li pour nou apre midi pran lezot biznes lo Order Paper. Mon ava donn laparol Onorab Sebastien Pillay.

 

HON SEBASTIEN PILLAY

Mersi Mr Speaker.  Straight forward kestyon pour Minis. Dan ou larepons ou’n koz lo reveni,  lo bann royalties ki vini lo kokodmer regarding Fond Ferdinand, so sa desizyon ki zot in pran, pou ganny maintain sa?   Zot pa bezwen Lalwa pou ki i vin anfors? Sa i pou en Polisi entern ki zot pou fer, me eski zot annan lentansyon   met li koman en Lalwa, fer li pas part of the  Law?  Akoz en Polisi i kapab ganny sanze demen.

So eski nou kapab lock sa e fer sir ki bann revini ki vini pou an relasyon ek  kokodmer ek bann royalties e lezot, sa i al ver sa Fond Ferdinand li menm – Fond Ferdinand  li menm, and then  i ede dan son loperasyon e dan proteksyon promouvwar sa landrwa.  Mersi.

 

MR SPEAKER

Mersi Onorab Pillay.  Minis.

 

MINISTER WALLACE COSGROW

Mersi bokou Onorab.  Dapre sa ki mon konpran ti deza annan bann diskisyon ki ti ganny leve. Ti annan bann propozisyon par bann MNA Praslin e an konsiderasyon sa bann propozisyon, Gouvernman ti ansanm avek Minister Finans  ek bann lezot Lazans konsernen, i asize i diskite in analize e pou le moman i en Polisi.   E pour le moman i en Polisi ki’n ganny – ki sa bann larzan i ganny channel Fond Ferdinand.  Ler tou Fond Ferdinand i ganny etabli, byen son bann striktir, son bann striktire zesyon i ganny determinen byen. Me si i neseser Onorab – si i neseser pou fer li pli solid, lock li dan en Lalwa, ki dan en mannyer demen bomaten sa diskisyon personn pa kapab – well i kapab ganny revoke, me solman i en pti pe li difisil then nou ava eksplor posibilite ansanm ek Minister Finans  ki mannyer nou bann lock sa dan en Lalwa.  Mersi. Mersi Mr Speaker.

 

MR SPEAKER

Mersi Minis.  Onorab Wavel Woodcock.

HON WAVEL WOODCOCK

Minis mon santi ki sa proze Fond Ferdinand in pran li en pti pe tro bokou letan.  Nek an 2017 letan bann Onorab ek bann distrik ti vin avek ou Minister, PS osi ti annan konsiltasyon lo sa – mazin framework mon santi poudir sa an zeneral nou ti diskite depi 1an pase.   E nou vwar li pe tro tarde.   Dan en meeting ki nou ti zwenn avek Minis Dogley ki ti la sa letan avek ou PS nou ti ganny dir poudir en nouvo Board pou ganny kree pou Fond Ferdinand.

E osi zot pou get management sa Fon.  Me ziska prezan nou pa ankor tann nanryen ek sa Board e osi lo kote management sa Fon.  Mon bezwen demande regard sa business plan avek sa management framework, bann framework ki ti’n ganny konsilte mon mazinen Guy Morel si mon pa tronpe sa letan la, ti travay lo la ansanm avek Minister pou Lanvironnman eski sa business plan i pou ganny enplimante, as  soon  ki zot fini avek sa  issue ki zot pe dir, sa Prozedlwa i vin devan  Lasanble;  e mon anvi sey demann ou  eski sa Prozedlwa ki pou pe vwar li devan Lasanble Nasyonal pou laprouvasyon?  Kot i konsern Curieuse Mr Speaker Gouvernman in donn SNPA R5milyon pou fer sa bann lenfrastriktir lo Curieuse e i pa osi ganny siport avek UNDP. Pou sa bann prose  bann lenfrastriktir lo Curieuse.  Me solman mon konsern se ki despite larzan ki SNPA in gannyen, zot in met en logmantasyon lo fre admission Curieuse e zot in dir poudir sa i pou kouver bann depans ki zot pe  fer.  Me an realite se Gouvernman ki pe donn sa Fon SNPA pou fer sa devlopman, so akoz zot bezwen ogmant sa fee admission Curieuse, ki i pe met en kontrent lo popilasyon bato plezir, ki pe anmenn touris laba ki annan e fer i afekte lendistri tourizm lo Praslin?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker. Mersi Onorab.  Onorab mon zis fer resortir ki mon‘n reponn enn ou kestyon; mon’n reponn mon’n dir Lalwa nou  anvizaze ki i vin dan Lasanble by komansman 3enm kar lannen.

Lo kote lo Board avek Zesyon, nou vwar fite ki pou lemoman ziska ler ki  nou ganny tou bann striktir an plas, apre ki nou ava met en nouvo Board avek en nouvo zesyon. So nou bezwen striktir an plas a avek ki nou kapab.  Mon’n dir boner fodre nou konnen lekel  bann dimoun ki pou fer konpozisyon sa Board.   So  once sa propozisyon sa striktir  pa ankor ganny aprouve then  nou pa kapab annan en nouvo Board en nouvo management.

Mwan osi mon ti a voudre ki sa i bouze en pti pe pli vit.  Nou pe travay dir la mezir ek bann resours ki nou annan pou fer sa bouze.   Nou rekonnet ki Fond Ferdinand i en landrwa spesyal – en landrwa enportan, e ki i bezwen kapab zer son lekor, e petet fer plis aktivite ki i pe fer ozordi.  So mon azir ou ki nou pe travay pli vit posib pou nou kapab delivre lo sa ki nou’n dir ou nou pou delivre.

Kot i konsern Curieuse, mon’n ganny les konpran ki bann lenfrastriktir ki pe ganny fer, i pe ganny fer avek R5milyon avek en proze UNDP – GEF/UNDP. Me i osi i annan lezot kou Curieuse pou antreteni zil Curieuse; pou antreteni Marine Park – pou antreteni zil Curieuse.

        Ou a note ki sa lannen SNPA in ganny lotonomi finansyel.  Lotonomi finansyel  savedir ki  i depan lo son prop  lekor pou raise son reveni zer son reveni pou ki i  kapab reste en Lazans ki kapab ki mannyer nou dir sa – ki kapab fer son loperasyon  efektiv dan  bann  Marine Park kot i  operate.

Sa ki mon konpran se ki se pri an se moman i R300; in fer monte R300.  I ti avan R200 An konparezon avek bann lezot landrwa kot touris i al vizite, sa i ankor bokou pli ba.  E sa ki mon ganny en konpran  dan sa bann parks – dan sa bann landrwa nivo keksoz  ki an pou fer pou vwar i bokou plis  ki dan bann landrwa ki  bokou  pli ser.

So SNPA in vwar li neseser san term son bann reveni an zeneral pou zer bann parks ki zot fer monte en pe zot pri e pou zot kapab  zer bann parks en pe pli byen.  Se la mon larepons ki mon annan Onorab.  Mersi bokou.

 

MR SPEAKER

Mersi Minis.  Onorab Charles De Commarmond.

 

HON CHARLES DE COMMARMOND

Mersi Mr Speaker.  Bonzour Minis ek ou delegasyon lezot dimoun mon’n fini dir bonzour boner.   Mr Speaker, mon konpran kot Minis in kite la, sa fees R300 in monte par SNPA, I byen.   Me solman ou bezwen value for money.  Bann dimoun ki vini – bann touris ensidswit e menm Seselwa.  Me napa nanryen ki ou pe vwar lo Curieuse! I mank sirman keksoz!  E mon demande ki sa Bidze R5milyon ki pe ganny met pou devlopman Curieuse pou sa proze devlopman Curieuse, eski ladan pou annan en konpran op remet sa Mize an valer –  e pou remet osi re-abrit – re-abrit si oule dir bann Rin Lepre, ki ti deza la, akoz letan ou vini i mank  sa lenformasyon.

I mank osi bann detay lo bann plan andemik ki i annan – bann lezot plan – parey mon pe dir pou depi ler Mr  Aterville Cedras in ale, ou a krwar keksoz in al ek li.  I mank keksoz serye la.   E mwan mon  demande  alor – mon ensiste  ki en latansyon pli spesyal i a ganny donnen a Curieuse a sa Patrimwann enportan nou teritwar pou ki vreman nou bann keksoz laba i ganny prezerve, i ganny valoriz pou pour zenerasyon  ki vini.  .  Konmsi mon pe vwar li i pe ale. Mon fek vizit li pa gro lontan e mon krwar poudir i annan kantite mankman dan lekel zot ti kapab donn plis valer pou sa larzan.  Mersi.

 

MR SPEAKER

Mersi Onorab. De Commarmond.   Minis.

 

MINISTER WALLACE COSGROW

Mersi Mr Speaker. Mersi Onorab. Sa R5milyon i pe al pou sa bann proze ki mon’n detaye dan kestyon.   I annan sa Visitors Centre ou ti pe dir mwan – Doctor’s House ki pe ganny refer ansanm avek led en partner ki Air Seychelles.  Ok so kot Colony Lepre ti ete– SNPA pe sertennman fer sa bann devlopman anba son prop fon.    So i bezwen raise fon.  E bann lezot devlopman ki zot pe fer lo Curieuse, i annan ki zot pe fer avekI annan proze ki pe ganny fer ansanm anba PA Finance – Protected Area Finance. I annan en proze avek i ridge to reef ki zot osi zot pe al enplimante.

Tousala pou donn valer sa prodwi Curieuse, kot Touris i fini i vwar valer pou son larzan.  So nou vwar valer an term bann lenfrastriktir pou touristik, Nou osi bann lenfrastriktir; par egzanp bann nouvo trails osi ki pe al ganny devlope lo Curieuse, pou kapab donn  valer touris ler i pey R300. E mon ti ava kontan note ki tousala in ganny diskite avek Lasosyasyon Biznes osi Praslin ki mon krwar CEO  in aktyelman diskit  t avek zot.  Se sa larepons ki mon annan.  Mersi.

 

MR SPEAKER

Mersi  Minis.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker sa kestyon ki devan nou la, mon ti ekspekte ki alor Minis ti ava alor s donn pli detay konkret dan son larepons!  Ki konmsi vreman nou ti ava vwar ki SNPA vreman pe fer, e ki i donn nou en konviksyon ki sa bann keksoz ki ou pe dir i pou ganny realize dan sepa konbyen letan e kot pou ganny sa   bann finansman ensidswit.  Sa ki ou pe dir nou la, pour mwan mon vwar li vag!  Mersi.

 

MR SPEAKER

Mersi    Onorab. Minis.

 

MINISTER WALLACE COSGROW

Mersi Mr Speaker. Wi Onorab petet sa bann nouvo keksoz in releve ler nou’n koz lo sa zafer ki Onorab Woodcock in leve konsernan valer pri – valer pou pri ki zot pe peye.  Petet ti devret azoute dan mon larepons orizinal ki petet nou’n pa’n n neseserman azout ladan.   Me solman i bann keksoz ki nou pe travay lo la evantyelman pou fer sa proze ki Curieuse vin en pe pli valer pou sa larzan ki bann dimoun  i peye. 

 

MR SPEAKER. 

Mersi.   Petet Minis  ansanm avek SNPA  petet zis donn – fer Lasanble ganny en pti pe zot plan, zot future plan an vi ki Curieuse  Gouvernman petet i met en serten sonm larzan dan redevlopman nou  an  n Patrimwann.  Nou ava prezan bouz lo prose kestyon No.5.  Onorab Egbert Aglae.

 

HON EGBERT AGLAE

Mersi Mr Speaker. Eski Minis i a kapab dir ek sa Lasanble atraver SNPA ki zistans proze demarkasyon e sekirite bann nature trails in arive, pou evite ki bann kliyan i kontinyen perdi?

 

MR SPEAKER

Mersi Onorab. Minis.

 

MINISTER WALLACE COSGROW

Mersi Mr Speaker. Mersi Onorab.  Mr Speaker proze pou bann nature trails pe ganny enplimante par faz. I annan serten konponan   kot SNPA in fer progre; serten konponan ki pou bezwen annan fer pli zefor pou nou ganny sa rezilta ki neseser.

An se moman an se ki konsern bann trails ki direkteman anba responsabilite  SNPA – savedir sa trails ki dan  National parks. La SNPA in komans met bann lansenny partou. I sipoze annan 7 trails lo Mahe e ladan 6 pe ganny byen amenaze e enn Casdan nou’n fermen,  akoz son bann lenfrastriktir pa dan bon leta.  SNPA in enstal ‘’Welcome ‘’ board lo tou bann trails.

Sa bann board i endike ki longer bann trails i ete. Difikilte sa trail map, emergency number, e serten lespes,  ou sit enteresan ki ou pou vwar lo sa trail.  De plis bann navigation post in ganny mete lo bann trail swivan Copolia –  Morne Blanc – Trios Frère  – Dan Gala.  sa bann navigation  post i annan bann arrow ki endik direksyon pou pran. Nou ekspekte enstal tou bann post par lafen Me sa lannen.  Lo Praslin nou annan zis en trail ofisyel sa i Glacis Nwanr.   La osi ‘’Welcome’’ board avek navigation post in ganny enstale.

SNPA lo Praslin i osi maintain serten santye parey Newcome ki dimoun i servi koman bann trails sa bann santye prop.  Lo La Digue SNPA pou travay pou konplet bann trails dan Reserv Veuve.

SNPA in osi adopte 2 trail adisyonnel anba son prop Bidze.  Sa se La Rezerve ek Vacoa sa i ganny netwaye par SNPA.  Lot faz se prezan met bann sign boards.

Sa pou ganny fer tre byento ler nou revwar bann materyo ki pe ganny enporte.  SNPA i annan en pti lekip ki travay direkteman avek trails. Avek sitan kantite louvraz SNPA pe vwar li neseser pou petet donn bann Kontra pou serten louvraz avek SNPA ki’n fek fini vin otononm laspe finansyel pou fer sa pe ganny evalye.  I osi annan bann trail ki an deor bann landrwa proteze.

La Mr Speaker louvraz in al en pe pli dousman. SNPA premyerman in donn Gouvernman en lalis preliminer bann trails ki i santi i merit ganny amenaze.  Sa i enportan, akoz i annan bokou pti semen ki dimoun i apel trail. I neseser ki en lalis ofisyel i ganny adopte. Sa lalis i ava apre ganny pibliye koman lalis Trail ki viziter i kapab vizite.

SNPA pou sa bann trails   napa aktyelman Bidze e i bezwen resours adisyonnel sorti kot Gouvernman e sa bann trails ki an deor Lalis Ofisyel.  Cabinet in demann SNPA pou donn li costing pou amenaz bann trails. Nou ekspekte sa louvraz konplete dan ankor 1mwan.   Mr Speaker sa pa vedir ki nou pa’n bouze.  La Digue in ganny idantifye koman en priyorite.

SNPA in  ganny en proze anba ATF  pou komans travay lo triais La Digue.  Tou bann dokiman tender in ganny donn avek Procurement Unit. Zot in rekomande ki SNPA i ganny konsantman bann propriyeter later, avan nou avanse avek sa proze. Nou pe travay avek DA pou sey rezourd sa bann problenm vitman pou nou bouz devan.  Nou pe fer vini bann materyo osi pou enstal lansenny lo sa bann trail.  I bon note ki  fodre nou rekomande ki trails ki al  dan Source D’Argent – Anse Maron in fermen pou rezon danzere. Nou ekspekte ki trail lo La Digue i vin lo menm standar ki bann lezot trail ofisyel.  Mersi Mr Speaker.

 

MR SPEAKER

Mersi Minis.  Onorab Aglae.

 

HON EGBERT AGLAE

Minis. Mersi pou ou larepons e leksplikasyon.    Mon annan 2 siplemanter.  Eski swivan ki  an vi SNPA in ganny son lotonomi, eski nou pou kontinyen vwar bann personnel – swa sekirite ouswa kot zofisye SNPA on the ground kot i konsern sa bann trails ki pli popiler ki ou’n nonmen la?

E dezyenmman mon ti ava kontan demann atraver ou Mr Speaker kot SNAP vi ki  bann lensidan ki arive kot kliyan i perdi i plizoumwen arive apre ler, apre ler – serten ler petet napa prezans  bann zofisye; ki bann mezir ki zot pe mazin met an  plas  pou at least ler i annan serten group kliyan ki’n monte, at least i annan en fason kot zot petet rann kont poudir be tel  kliyan in monte pa ankor desann, so ki i ava anpese ki nou pou bezwen mobiliz sitan resours pli tar  pou al rod  sa bann dimoun.  Ki bann mezir ki zot pe met an plas?

 

MR SPEAKER

Mersi Onorab.  Minis.

 

MINISTER WALLACE COSGROW

Mersi bokou Mr Speaker. Mersi Onorab.  Mon’n ganny les konpran   ki nou pou kontinyen annan zofisye en sekirite lizour pou kapab ede ki i annan sekirite lo bann trail.   Me sa  se ki konsern ou 2enm kestyon, mon krwar i pou  difisil  lo kote lo aswar. Bann dimoun i bezwen – lo bann signboard i annan serten lenformasyon. Nou bann dimoun i pou bezwen at least pran dan zot menm e konpran poudir letan ou pou deside al lo en trail aswar, or apre ler sa i  trail i at your own risk.  E probabilite ki ou tonm dan difikilte, ou perdi, i vre.  Alors it is at your own risk.

E nou pa ankouraze lo okenn trail apre bann ler normal ki nou rekomande. Me parkont si en dimoun in pri lo trail apre en serten ler, nou annan bann mekanizm ki mannyer nou deal avek resers.  E la mon’n ganny enformen ki SNPA ansanm avek Zil Air, zot pe antre dan en proze, pou konstri serten Helipad somewhere kot i ava kapab fer resers, si an ka ki i arive ki en dimoun in perdi; fer resers en pe pli fasil pou SNPA avek bann lezot Lazans.  Me solman aswar

nou pa ankouraz okenn dimoun or leading to aswar nou pa ankouraz okenn dimoun al lo bann trail akoz i riske vin danzere.  Mersi.

 

MR SPEAKER

Mersi Minis. Onorab Aglae.

 

HON EGBERT AGLAE

Minis  mon krwar petet i annan en nesesite pour sirtou bann  sekirite. Mon konnen i annan bann kliyan ki’n al avek bann gid.  Sa i ok. Me solman i annan ki pran li on their own ki vini.  Petet sa kominikasyon on the entry point i enportan kot zot ganny dir poudir vwala ou pe vini tel ler; ou ekspekte ou pe sorti lo trail pe desann, pou evite ki zot-!

Akoz letan zot anler laba petet i gou, zot oubliy letan.  So i annan sa kominikasyon ki annan ki enportan ki bezwen ganny fer avek sa bann kliyan.  Mersi.

 

MR SPEAKER

Mersi Onorab. Minis.

 

MINISTER WALLACE COSGROW

Mersi bokou Mr Speaker. Mr Speaker wi. CEO in fer mwan konpran ki  nou anvizaze set en landrwa Copolia Anse Mazor komans met dimoun komansman trail kot zot anvizaze met serten fasilite par egzanp toilet avek en pti post kot  ki kapab annan en dimoun ki donn bann gid. Me i osi annan lo bann signboard lo bann nouvo signboard ki n ou fek mete ki kantite letan dirasyon sa trail i sipoze pran.  Savedir si ou pe antre lo en trail  en ler ki ou krwar ou pa pou  fini  by sa kantite letan, then ou pe antre at your own risk. Ou konpran? So-!  Lenformasyon i la li. Dimoun i bezwen kapab et pli responsab e konsilte lenformasyon lo board e si i santi pou dir sa trail i 1erdtan, in ariv 5er or 4er i riske pa fini desann apre en serten ler then nou pa pou ankouraz zot pou al lo trail pou al an deor ler. Mersi Mr Speaker.

 

MR SPEAKER

Mersi Minis. Onorab Regina Esparon.

 

HON REGINA ESPARON

Mersi Mr Speaker.  Mr Speaker eski minis i kapab dir nou si sa sit ‘’When Ships Come’’   ki tonm dan distrik Glacis in anrezistre anba SNPA oubyen si i lo sa lalis preliminer ki in fek mansyonnen, e si wi eski laba osi zot anvizaze met en demarkasyon e osi upgrade en pti pe sa trail, pou fer li vin en pti pe pli amikal?   E letan zot pe upgrade osi si zot pa mazinen met en pti shelter anler lo son top kot i fini, pou ki bann dimoun ki pe fer hike lo sa trail i kapab relax en pit pe ler zot in ariv lo montanny laba.  Mersi.

 

MR SPEAKER

Mersi. Minis.

 

MINISTER WALLACE COSGROW

Mersi bokou Mr Speaker. Mersi Onorab.  I pa lo Lalis Ofisyel trail SNPA ‘’When Ships Come.’’ Me solman i lo en lalis ki pe ganny propoze – en lalis Minister Tourizm pe propoze pou kapab vin en trail – kind of ofisyel kot i ava kapab annan serten travay ganny fer lo la. Me solman i pa lo Lalis Ofisyel. Mersi.

 

MR SPEAKER

Mersi Minis.   Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker prenon kont serten trail i ganny frekante en kantite; par egzanp Anse Mazor, eski zot in fer en travay pou asire ki sa trial i dan bon leta pou ki-?  Akoz si nou pe kalkil Anse Mazor, ou annan bann gro lotel otour li e laplipar sa bann lotel i vann sort of bann antikite ki al ver sa trial. Eski tou keksoz ek sa trail pa egzanp ki zot kapab ganny fer, i annord? E eski zot pe ankouraz par egzanp bann letablisman touristik,  sirtou bann lotel,  pou annan bann  gid akonpanyater ki  al avek bann dimoun lo sa bann trail  pandan letan ki zot fer sa, oubyen zot pe les sa bann dimoun zis swiv sa bann sa?

 

An prensip  en dimoun i sipoze kapab swiv bann demarkasyon  ki’n ganny mete, me ankouraz bann lotel pou annan bann  gid akonpanyater i en keksoz ki arive dan bokou lezot pei kot i annan bann trail.  So an relasyon avek sit Anse Mazor ki pli popiler, eski zot in fer serten travay pou kapab fer sir ki tou sa bann eleman i ganny met ansanm, pou ki landrwa ki ganny frekante i kapab zener sa kalite touristik ki nou ekspekte li zenere?  Mersi Mr Speaker.

 

MR SPEAKER

Mersi Onorab Pillay pou fer resorti sityasyon trail Anse Mazor. Minis petet mon a zis  azoute an vi sa travay ki PUC osi pe fer dan sa trail.  Minis.

 

MINISTER WALLACE COSGROW

Mersi Mr Speaker. Mersi Onorab.   I annan serten diskisyon sirtou an relasyon avek sa  ki Mr Speaker in mansyonnen kot nou pe travay ansanm avek PUC pou kapab – kot bann tiyo in pase kot nou kapab, serten landrwa rekouver sa bann tiyo.  Avek bann lotel mon pa tro sir si i annan okenn diskisyon.   Ok mon ganny en konpran ki nou pa oule neseserman compete ek bann gid prive; me solman i annan en kantite dimoun ki vin lo trail Anse Mazor ki vin avek gid.

Anse Mazor i pa en trail ki sitan difisil, alors bann dimoun i tant pou vin lo zot menm.  E i en trail ki ganny maintain ase regilyerman. I annan serten domaz mon prezimen, avek serten travay ki’n ganny fer avek PUC. Me solman i en trail ki ganny maintain regilyerman par SNPA.  Akoz zisteman i ganny frekante en kantite vi ki son proksimite avek bann lotel – proksimite avek bann landrwa rezidansyel. I annan louvraz ki ganny fer regilyerman e i annan diskisyon ki pe pase avek PUC pou kapab rehabilitate sanmenm sa bann landrwa kot in ganny andomaze.  Mersi Mr Speaker.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Speaker. Zis pou press Minis en pti pe lo sa size  kot i  konsern PUC. Eski nou kapab met en presyon pou ki sa travay pou remediate sa bann problenm ganny koze par sa bann travay PUC in fer –nou konnen travay i neseser- ki sa i kapab ganny fer dan en dele letan pli kourt posib, pour ki sa trail i a retourn  si oule dan son leta normal – leta natirel parey i devret ete?  Mersi Mr Speaker.

 

MR SPEAKER

Mersi Onorab. Minis.

 

MINISTER WALLACE COSGROW

Ok zisteman Mr Speaker mon ava fer sa koman mon priyorite.  Mon ava koz ek PUC pou nou kapab. Mon’n deza pas laba. Mon’n vwar.  Zot ti deza orizinalman letan zot pe fer sa bann proze, fer serten sa bann louvraz pou sey kit sa landrwa natirel, me mon krwar i annan plis louvraz ankor ki bezwen ganny fer kot sa i konsernen.

 

MR SPEAKER

Mersi Minis. Onorab Ahmed Afif.

 

HON AHMED AFIF

Mersi Mr Speaker.  Mr Speaker mon ti ava kontan demann Minis si i pare pou konsider travay avek bann guide e bann dimoun ki an plas lo sa bann trail ki anmenn dimoun lo sa bann trail; e la mon pe mazin bann landrwa parey Belle Vue La Digue kot avek sa travay ki zot kapab fer i a ed dimoun kapab konn landrwa kot pou ale; i ede redwir bann lenstans kot touris i perdi  i ariv deva kot lakour dimoun, akoz i pe sey rod en restoran, oubyen i pe sey rod en fasilite.

Me an menm tan  sa i a permet ki zot a kapab deplas pli byen; zot a kapab depans zot larzan pike byen e alor rann  plis valer azoute dan lekonomi.  Mon pe zis sit en legzanp.  Eski zot pare pou travay ek bann guide? Kot bann guide i kapab envestir lo zot menm oubyen menm gid zot ki bor pou plas bann lansenny, ki kapab annan plis lefikasite?    Mersi.

 

MR SPEAKER

Mersi Onorab. Minis.

 

MINISTER WALLACE COSGROW

Mersi Mr Speaker. Mersi Onorab.  I en keksoz ki definitivman nou kapab fer.   Nou’n deza pe fer li.   Nou pare pou travay avek bann guides pou ed zot dan nenport ki fason, pou fer sir ki sekirite sa piblik ki i vin lo trail, ensi ki sa touris i  reste priyorite.  Mersi. Nou pare pou travay avek zot.

 

MR SPEAKER

Mersi Minis. Onorab Wioodcock.

 

HON WAVEL WOODCOCK

Mersi Mr Speaker.  Minis mon kestyon i konsern trail Cherimont ki en trail ase danzere.   A plizyer   repriz dan le pase touris in perdi ouswa  i annan ki’n menm perdi zot lavi, so  mon kestyon i ki zot anvizaze fer pou improve sa trail kot i konsern mentenans lo sa trail e osi pou met plis  bann demarkasyon  – lansenny?  Mersi.

 

MR SPEAKER

Mersi Onorab. Minis.

 

MINISTER WALLACE COSGROW

Mersi Mr Speaker. Mersi Onorab.   Sa  ki mon konpran i pa en trail ofisyel. E mon pa krwar ki SNPA pe fer serten travay lo la unless i kapab konfirm otherwise. 

 

MR SPEAKER

Minis petet pou ed ou – mon krwar  en moman lotel Lemuria ti pe adopte sa trail.  Lotel Lemuria. Se sa trail ki al Anse Georgette.   Minis.

 

MINISTER WALLACE COSGROW

Mr Speaker mersi. Non. I pa sa trail.  E i en lot trail i pa dan progranm SNPA. Malerezman non.

 

MR SPEAKER

Mersi Minis. Onorab Woodcock.

 

HON WAVEL WOODCOCK

Mwan ki mon pe dir Mr Speaker, se ki SNPA i merit konsider sa trail. Akoz i en trail ki ganny servi par bokou touris.  E a plizyer repriz – in arive dan le pase touris in ganny perdi lo la; swa in tonbe in kas lipye ouswa menm touris in ganny atake lo sa trail!  E mwan mon pe demann SNPA pou konsider sa trail dan lefitir.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Onorab.  Nou ava diskite avek SNPA, nou a gete si i fezab pou nou take over sa trail osi.  E azout de lo lalis ki mon mansyonnen pli boner.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker.  Minis ou’n koz en size la ki mon santi i neseser ki ou Minister i pran sa o serye.  Sa i konsern bann twalet mobile toilets.  Akoz ki arive se ki konman en five star tourism destination mon krwar pa bezwen met lenportans lo la sirtou obor bann common beaches area pa zis kot bann nature trail.  Mersi.

 

MR SPEAKER

Mersi Onorab.

 

HON WAVEN WILLIAM

Petet Speaker mon krwar ti a bon ganny en timeline.  Akoz lefe ki mon santi akoz i annan en lenkonvenyans pa zis pou bann etranze rezet nou pei me an menm tan pou nou bann sitwayen.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab.  Parey mon dir lo mon nonm 2 trail ki nou pou annan sa bann lenfrastriktir.  Adisyonnelman mon konnen poudir Beau Vallon nou annan plan ansanm avek en lakonpannyen prive pou enstal twalet piblik Beau Vallon.  Me selman mon pa kapab donn ou en dat defini lo bann lezot landrwa.

Akoz i pou nesesit larzan Bidze e nou bezwen enstal sa dan progranm Bidze.  Selman mon pa kapab donn ou en dat defini la.  In annan serten diskisyon dan lepase par egzanp mon konnen Anse Loizeau osi mon annan rekomandasyon nou annan serten landrwa kot dimoun in dir frekante bokou pou met serten twalet piblik.

Me twalet piblik osi i vin ek son management ou bezwen fer sir ki i reste prop akoz souvandfwa nou war serten landrwa kot i annan twalet piblik apre ki dimoun i mal servi.  E i vin ek en kou pou fer sir i reste oubyen i ganny antretenir.

Me selman propozisyon Onorab i en propozisyon ki valid en propozisyon ki nou deza diskit lo la e parey mon dir ou Beau Vallon i enn.  Malgre nou pe koz en pti pe lo lans pa lo trail me Beau Vallon i enn ki sertennman pou annan en toilet piblik.  Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Yes mersi bokou Mr Speaker.  Mr Speaker premyerman mon anvi vin lo sa size safety ; sekirite pou bann touris ki enn de fwa nou tande ki zot in perdi e premyerman pou rod zot i ser e apre sa letan zot mor i vin en lot kalite keksoz.  Eski zot lorganizasyon – SNPA pa ava mazinen pou spesyalman avek bann guides, oubyen menm avek bann touris letan zot pe al dan bann trail ki danzere, pou entrodwir sistenm Personal Locator Beacon – (PLB).  Ki pou mars ek en sistenm GPS pou ki si i ariv en keksoz ek sa touris, i bezwen zis pez en bouton lo la e sa i ava al kot satelit e i ava kapab locate li egzakteman kote i été e sa i ava sov letan pou larzan pou rod li.

E dezyenmman zot ava konnen egzakteman kot i été, e si i dan en pozisyon si in ganny en dimal zot ava kapab sov son lavi.  So sa Personal Locator Beacon ki i en ptipti – I’m sure zot konnen e kapab i pa ni tro ser, kot touris i kapab lwe sa dizon pou R50 – R100 letan i pe al dan sa bann landrwa danzere, pou nobou sov lo sa kote.  E sa i osi pou repitasyon Sesel!  Byensir ki i bon.

Dezyenmman Mr Speaker rezyon santral Regional Council in fer en leksperyans Sanmdi, kot dan serten proze pou netway serten landrwa zot in involve serten kondannen.  In annan 10 kondannen.  Eski zot pa ti ava mazinen vi ki zot annan en pti lekip e ki i difisil pou zot netway sa bann trails pou zot annan en kolaborasyon avek prizon pou bann prizonnyen ki, byensir i pa nenport ki prizonnyen me bann prizonnyen ki plis lo sa kote reabilitasyon, pou involve dan sa travay netway bann trails lo en baz regilye, ki I’m sure sa bann prizonnyen i a kapab osi ganny en pti keksoz.

E apre finalman en pti picnic site lo kot bann trails ; picnic site apre nou ariv anler Copolia ou anvi enjoy sa landrwa – konmsi ki i ava konmsi en pti landrwa pli agreab.  Mersi bokou.

 

MR SPEAKER

Ok. Mersi Onorab.  Minis.

 

MINISTER WALLACE COSGROW

Mersi bokou Mr Speaker.  vitman bann rekomandasyon ki Leader Lopozisyon in donn nou Personal Locator Beacon i en keksoz ki nou kapab eksplore.  Definitivman i pou vin ek en pti kou, me touris i kapab lwe.  Pa zis touris Seselwa ki ale ki pa tro sir kot i pe ale i kapab lwe.  SNPA i ava get dan son posibilite.

2enm; Netwayaz servi bann kondannen, i en posibilite me selman nou pan eksplore sa posibilite.  Ki nou ti pe eksplore pou le moman se bann dimoun ki lo URS – zot osi ganny en pti larzan.  Zot kontribye bann dimoun ki pa pe travay ki lo URS donn en koudmen netway trail e zot ganny en pti larzan.  Sa i deza ganny teste avek nou proze pou elimin bann lalyann.   Mon konnen i annan serten dimoun ki lo URS, ki’n ganny met ansanm pou kapab fer sa louvraz.  Nou kapab koz ek Lotorite Prizon, eksplor posibilite pou nou ganny bann convicts pou kapab ede dan sa demars.

Trwazyenmman lo kote picnic bench mon pou refer li konman picnic bench, akoz i annan detrwa landrwa ki nou pe deza met bann picnic bench Copolia, Trois Frère nou konmans mete.  So i pou depan landrwa anler nou pa pou kapab fer bann gran zafer depan lokasyon ki mannyer site i été me selman nou deza pe mazinen.  Annefe SNPA i annan en nouvo progranm, pou reabilit bann trail, pou remet bann demarkasyon pou fer li vin pli user friendly, e pou fer li pli enjoyable – en leksperyans bokou pli agreab ler sa kliyan i al lo trail.  Mersi.

 

MR SPEAKER

Mersi Minis.  Nou ava pran dernyen kestyon.  Onorab Egbert Aglae.

 

HON EGBERT AGLAE

Mersi Mr Speaker.  Swivan bann inondasyon agrave par movetan, eski Minis i kapab dir ek sa Lasanble ki plan son Minister konsernan pou disilt ouswa agrandi bann pasaz larivyer, lanmar pou anpes akimilasyon delo trouve dan distrik Port Glaud?

 

MR SPEAKER

Mersi Onorab.  Minis.

 

MINISTER WALLACE COSGROW

Mersi bokou Mr Speaker.  Mr Speaker parey mon’n fer resorti dan larepons premye kestyon lo sa size, Minister pe kontinyen enplimant bann proze, ek bann progranm ki vize ver redwir risk inondasyon dan bann landrwa dan tou distrik.  E Port Glaud i pa en leksepsyon.  Proze ki’n ganny idantifye pou fer sa lannen dan distrik Port Glaud, i disilt sa lanmar ki pas akote lekol Port Glaud e osi disilt sa pti larivyer kot bann guest house i été.

I annan osi mezir ki pe ganny pran konzwentman avek bann Lazans parey SAA, kot sa lanmar Port Glaud ex- Mahe Beach Hotel kot bann later lagrikiltir e sa Minister pe liaise etrwatman avek SAA pou realiz en proze desilting pou agrandi sa pasaz delo.

Minister atraver Departman Sanzman Klima osi okouran bann difikilte ki egziste dan sa landrwa, ki pe agrav sityasyon.  E parey dan bann lezot distrik Port Glaud, osi pe benefisye avek bann netwayaz anba Kontra pou bann distrik, e osi pou bann lezot landrwa ki pou ganny azoute anba sa progranm dan distrik Port Glaud.

Bann ka irzan ki’n arive Port Glaud pandan gro lapli in ganny aksyonnen. Departman Sanzman Klima pe liaise avek Lotorite Distrik pou idantifye lezot landrwa, pou fer serten lentervansyon pou minimiz risk inondasyon, kot bann lakour e semen.  Larzan ki pe kout Minister pou netway larivyer ek lanmar Port Glaud i R15mil.

Lalis landrwa ki pe ganny netwaye Port Glaud an se moman Port Launay Housing Estate marsh channel, channel obor guest house Port Glaud, Halfway Home marsh avek river channel, larivyer ek lanmar obor DA’s Office, lanmar, channel obor Des Arpents  farm lands.  Sa i bann landrwa ki pe ganny antretenir pour le moman.  Nou osi annan Flood Mitigation Project Port Glaud Halfway par Gouvernman Sesel ki pe kout apepre R225,000mil, e i lo open tender nou pe anvizaze 2nd quarter sa lannen.  Wi Mr Speaker.  Mersi.  E se sa repons ki mon annan pou Onorab.  Mersi.

 

MR SPEAKER

Mersi Minis.  Onorab Aglae.

 

HON EGBERT AGLAE

Minis mon krwar ou larepons i kler.  Mon ti annan en siplemanter  kot i konsern,  eski zot ankor pe mentenir-?  Vi ki zot pe anba oparavan i annan sa 50met ki zot pe mentenir pou fer netwayaz from the coastline, eski zot anvizaze pou extend sa 50meter from coastline ziska inland?  Ouswa zot pou kit li parey anvi ki i annan bokou devlopman ki pe arive dan leo e larivyer ki pe desann se sa bann problenm parler ki koz bann akimilasyon kot i bloke.

Eski zot pou konsider at least bann one-off ki ava netway sa bann lanmar?  E dezyenmman  kot i konsern  bann lanmar ki pas lo later prive, ki ou Minister i anvizaze fer?  Akoz i annan bann problenm ki levé parler ler ou pe al antre lo later prive, ki ou Minister pe fer pou negosye avek sa bann dimoun ki ava annan en bon konprenezon ki a lafen dizour sa lanmar i ganny maintain byen?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mersi Onorab pou kestyon siplemanter.   An se ki konsern 50met, nou pa vreman aplike.  Kot i annan salte kot lanmar i bouse, kot i bezwen travay, nou fer.   E i relevan kote i été.  Nou si i pe okazyonn en danze ouswa en problenm pou serten kominote, or pou landrwa li menm, nou  pou fer sa travay.  So i relevan.

E si i annan okenn landrwa ki santi pou nou devret pase netwaye nou kapab vin fer one-off kontakte nou kapab fer one-off.  Apre kot i konsern bann lanmar ki pas lo later prive, nou touzour an diskisyon avek bann private owners, pou kapab ganny akse pou netwaye.  E i pou dan benefis sa owner li menm, e osi bann lezot kominote ki obor.   So pou nou, nou touzour an diskisyon nou i en landrwa kot ou pou ganny difikilte me selman nou touzour an diskisyon.

 

MR SPEAKER

Mersi Minis.   Onorab Valmont kestyon i dan distrik Port Glaud.

 

HON JUDE VALMONT

Yes Mr Speaker.  I annan keksoz pou fer ek lanmar Port Glaud osi.  Minis mon kestyon bonzour.  Mon kestyon se ki mannyer zot garanti monitoring, maintenance lo sa bann lanmar e channels ki annan pou fer ek Port Glaud definitivman?  Mr Speaker e 2enm se ki mon ti a voudre demann Minis osi si zot kler en lo sa issue delimitasyon konmsi lo kote ki zot lo kote LWMA i konmanse i fini e SLTA i pran eski zot kler lo la?  Sa pou fer sir ki sa bann channels, lanmar e zot ganny mete dan apropriye, e fer sir ki napa okenn landrwa ki ganny ki pa ganny touse ?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.   Parey mon fer resorti nou annan en striktir kot nou annan bann zofisye ki monitor bann landrwa.  E nou depan lo administrasyon distrik, pou kapab ed nou gid nou bann landrwa kot i annan bann sityasyon kot nou bezwen antre al debloke.

 

Me selman nou annan en tim striktir menm pa gro, dan unit Climate Adaptation Management, ki fer sa bann louvraz monitoring e get bann proze.  E osi kot i konsern ou 2enm kestyon ; zis lo refer en pti pe – redir  ou 2enm  kestyon.

 

MR SPEAKER

Yes Onorab.

 

HON JUDE VALMONT

Yes. Minister lo kote delimitasyon sa issue kot SLTA li i konmanse, i fini – zot kot zot konmanse zot fini, pou fer sir napa okenn landrwa ki pa ganny touse?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Ok.  Sa bann zafer lanmar i ganny deal avek plizoumwen avek sa unit ki mon mansyonnen.  Me non pa LWMA.  LWMA i deal plizoumwen avek semen, bann semen, me selman dapre dernyen miting ki nou fer avek Council pou Praslin/ La Digue,  in annan en propozisyon ki nou annan en task force ; en task force ki enkli tou bann stakeholders konsernen, ki bord avek – sa ki nou pe bord lanmar, larivyer, pou nou kapab ler nou pran en desizyon as a group e nou bouz as a group.

So se sa desizyon ki’n ganny pran dan premye  dan premye miting, e nou  pe anvizaze pou bouz ek sa menm lapros dan bann lezot distrik.  E parey mon’n dir avek Onorab William Grand Anse e son kestyon osi, mon krwar i baze en pti pe lo sa laliny kot nou annan lezot stakeholders ki form par diskisyon, ler nou pe antreprann en travay.  Mersi Mr Speaker.

 

MR SPEAKER

Mersi Minis.  Bon avek sa nou termin nou Sesyon Kestyon pou ozordi.  Mon ti a kontan remersi Minis Cosgrow, PS Agricole, Direkter Zeneral Mrs Laure, Mr Remy e Mr Labrosse e nou ava eskiz zot parmi nou Minister ankor enn fwa mersi bokou.

 

MINISTER WALLACE COSGROW

Mersi Mr Speaker.  Mersi bokou tou Onorab.  Mersi.

 

 

(MINISTER COSGROW AND HIS DELEGATION WAS EXCUSED FROM THE HOUSE)

 

MR SPEAKER

Bon ABC nou pou rankontre 1.30 dan Speaker’s Conference Room.  Rezon ki nou pe rankontre 1.30 mon pe sizere nou pou repran nou travay 2.30 apre midi dan plas 2er.

Nou annan Komite HIV/AIDS – SRHR ki osi zot sipoze pe meet 12.15 me mon mazinen zot ava rankontre deswit la dan Committee Room 2.  Me  parey mon pe dir nou pa pou antre 2er.  Mon pe extend en pti pe, pou nou kouver en pti pe lo lunch time.  Nou ava repran nou travay 2.30.  Mon ti a kontan osi tou pou remersi SBC. Mon konnen nou’n overlap en pti pe an plis.  Alor nou a Break e nou a repran nou travay 2.30.

 

 

(BREAK)

 

 

MR SPEAKER

Bonn apre midi tou Manm Onorab.   E bonn apre midi tou dimoun ki a lekout e pe swiv travay Lasanble Nasyonal.  Bon mon ti pou take care of sa matter of privilège, me Manm ki pe move sa matter i pa la prezan mon ava –  Ok ? Si non nou kapab pran li pli tar me.  Bon zis avan nou antre lo nou travay lo Order Paper mon ava pas laparol avek Onorab Chantal Ghislain pou li raise son matter of privilège.  Onorab.

HON CHANTAL GHISLAIN

Mersi Mr Speaker.  Mr Speaker mon pe raise en matter of privilège akoz mon pe mazinen poudir i annan en possible breach of Article 93 and 97 nou Konstitisyon.  Ankor avek an ankor avek Order 36 mon oule raise en matter of privilège akoz mon santi ki lefe ki Minis Adam e bann teknisyen pa ti ganny loportinite pou reponn bann komanter ki’n ganny fer vizavi Bill ki ti devan Lasanble.  Alors Manm e piblik an zeneral, pa’n ganny leksplikasyon lo bann size pertinan, apre tou se sa enn bann rezon ki’n rezondet  ki nou ti al dan Committee Stage. 

Mr Speaker mon pa’n entervenir lo sa Bill, e mon ti pe espere pou ekout largiman Minis e son bann teknisyen lo bann pwen souleve.  Mr Speaker sa i nou privilez konman Manm Lasanble.

Mon osi fer referans avek Lartik 93 nou Konstitisyon, ki dir ki Minis i bezwen eksplik Lasanble tou keksoz an referans avek en Bill ki devan Lasanble, ki anba son responsabilite.  Sa i enkli reponn bann konsern souleve par bann Manm.

Mwan osi sit Lartik 97 nou Konstitisyon ki kree kondisyon pou donn piblik sans pou swiv lesplikasyon lo bann size devan Lasanble.  Mon oule submit pou rikord Lasanble ki sa adjournment, in posibleman in al kont lespri nou Konstitisyon.  Mon profite pou demande parey nou Standing Orders i egzize, ki Lasanble i ganny gidans kler lo kan ki nou pou retourn dan Committee Stage pou termin travay lo sa Bill.  Mersi Mr Speaker.

 

MR SPEAKER

Mersi Onorab Ghislain.  Mon ava prezant mon Ruling lo matter of privilège ki devan nou.  Bon an vi nou Standing Orders e mon ti pe swiv Standing Order 22 e an vi ki nou annan sa Standing Order; savedir i azour avek Konstitisyon, i pa pe breach okenn Lartik dan Konstitisyon.  Ler sa Mosyon  -non petet mon a retourn en pti pe avan –  ler nou’n repran sa travay Vandredi, mon’n demande ki nou al dan Staz Komite, e mon ti donn laparol Minis Adam pou fer en premye stetment.  E dan plas ki nou ti zis pran bann proposals pou amannman, mon ti santi poudir i pou annan plis deba lo la.   Se sa rezon ki mon ti allow plis deba.

Me dernyen entervenan ler in pran laparol, in servi Standing Order 22 – in profite anba 22 (5) in move the Motion for adjournment of debate.  Sa ankor i en privilez kot en Manm i kapab servi, si i santi poudir son pozisyon oubyen pozisyon son lekip, pa ankor pare – pa ankor ganny ase lenformasyon i defer the debate until such time.

E ler in move sa Mosyon, Mosyon in ganny segonde e once ki en vot i ganny pran debate i arete e i ganny deferred.  Mon ti donn sans Minis; Minis ti anvi dir de pti mo mon ti donn sans Minis pou dir de pti mo me apre Minis i tant pou li al dan son Right of Reply.  Se sa moman kot mon enteronp li, e mon dir li non i pou annan son sans pou li fer son Right of Reply.  Sans pou Minis fer son Right of Reply i ankor la e i konnen poudir i annan sa drwa pou li fer li.

Me anvi ki Sitting in ganny deferred ti ganny adjourn nou e an vi ki lo kote Lopozisyon zot pe rod plis lenformasyon e sa process pe kontinyen, fotespere avek konsern kan nou pou repran, fotespere i par demen mon a kapab dan en pozisyon pou nou dir si nou pou sit Zedi oubyen Vandredi pou nou kapab fini sa Bill.

Mon’n osi an kominikasyon avek Minis son aswar i osi i santi petet in al en pti pe pli lwen, dan plas fer en pti komanter, i ti pe al antre dan son repons.  E nou de nou kominik ek kanmarad enn lot in prezant leskiz e nou kit dan sa fason.

Mon pa santi ki le de Lartik ki ou’n mansyonnen dan Konstitisyon in ganny breach, akoz nou Standing Orders i permet ki ler nou ariv sa staz, en Manm i kapab move sa Mosyon.  Me sa ki enportan se ki from the Chair mon fer sir ki i pa en abuse ; sa Standing Order i pa ganny servi konman en labi.  A plizyer enstan kot sa Manm i santi poudir be, ‘’a mon pe hold the floor e alor mon envok sa Standing Order.’’  So vwala en pti pe mon Ruling lo la.

Mon swete ki par demen, nou ava dan en pozisyon pou nou regarde before the end of the week, kan nou pou meet pou nou kapab fini konsider sa Bill.  E kot fotespere ki nou a fini ganny bann dokiman and all that, e nou a kapab fini dispose of the Bill.  Vwala alor mon pozisyon lo la.  Yes Onorab Ghislain.

 

HON CHANTAL GHISLAIN

Yes Mr Speaker ou konn mwan, mon kontan respekte ou Lord.  Kekfwa  mwan mon santi ki kekfwa ti devret les Minis donn lesplikasyon, e apre lesplikasyon si sa ki santi i ti santi poudir i pa ti an lakor konmsi i pa ti aksepte lesplikasyon Minis, la kekfwa i ti ava fer demann pou kapab adjourn Committee Stage, pou kapab al sa –  Mwan mon santi mon koumsa mwan Mr Speaker.

 

MR SPEAKER

Wi me unfortunately Standing Orders i pa ti pou permet.  Akoz se sa Manm ki pe hold the floor ki i bezwen move sa – ok ?  Mersi Onorab Ghislain.  Bon mon ava donn laparol Onorab De Commarmond pou nou pran Mosyon ki lo Order Paper.  Onorab De Commarmond.

 

HON CHARLES DE COMMARMOND

Thank you Mr Speaker Sir.  Mr Speaker bonn apre midi.  Bon apre midi tou bann Manm e tou bann ki a lekout.  Mr Speaker Mosyon i lir koumsa:

Pursuant to Article 64 (4) of the Constitution, I move that this Assembly resolves to approve the United Kingdom – UK and the Eastern and Southern Africa ESA Economic Partnership Agreement signed on the 31st January 2019.

Mr Speaker swivan referendum an Rwayonm Ini savedir UK – L’Angleterre laba le 23 Zen 2016, pou deside si Rwayonm Ini pou reste dan Linyon Eropeen – EU – bann sitwayen Rwayonm Ini ki konpri byensir bann Angle, Ekose e Irlande, zot ti vot pou sorti avek Linyon Eropeen.  Lanmenm la Mr Speaker sa non Brexit ti vin an egzistans British exiting from EU.

Le 19 Zen 2017, Rwayonm Ini avek EU ti ofisyelman konmans bann negosyasyon pou determinen bann term ek kondisyon pou Rwayonm Ini sorti dan Linyon Eropeen.  Rwayonm Ini i ekspekte sorti net dan Linyon Eropeen le 29 Mars 2019.  Savedir Vandredi sa semenn ki nou ladan Mr Speaker.

Lenplikasyon sa desizyon pou bann pei parey Sesel ki aktyelman benefisye avek en partenarya ekonomik preferansyel avek Linyon Eropeen se ki i annan en nesesite pou annan kontinite dan relasyon e partenarya ekonomik preferansyel dan akse avek marse Rwayonm Ini savedir UK atraver en nouvo mekanizm.

Sa i pou nesesit transpozisyon bann provizyon, aktyel, Lagreman partenarya ekonomik par enterim, i pa ant bann pei les ek kontinan Lafrik – ESA – parey mon’n dir tale avek EU Linyon Eropeen.  Sa dyalog diskisyon Mr Speaker, laranzman e sinyatir sa partenarya ekonomik par  enterim ant Rwayonm Ini ek sa bann pei les ek sid Lafrik ti ganny fer e sinyen an Septanm 2017.  Sa dyalog ti étal bann gran laliny prensip ek mekanizm, pou bann miting teknik ki foronm pou legzersis sa transpozisyon pou ganny fer.

E an Novanm 2017 premye miting teknik ti ganny fer an Johannesburg Sid Lafrik, e tou bann lezot pwen ki ti demann plis deba e refleksyon ti ganny finalize an Novanm 2018 ; savedir 1an apre.

Ki lenportans sete Lagreman Mr Speaker?  Lefe ki apepre 27poursan eksportasyon Sesel ver Linyon Eropeen, i ver Rwayonm Ini  –UK – e alors i enperatif ki nou fer sir ki nou pa perdi sa marse enportan, ki nou bann konpannyen Seselwa ki eksport ver Rwayonm Ini i kontinyen fer e kontinyen benefisye.

An plis Sesel i a kontinyen zouir e retenir bann benefis devlopman, ki egziste anba sa lagreman par enterim ant bann pei les ek sid Lafrik ek Linyon Eropeen e garanti ki bann benefis e Korperasyon dan relasyon devlopman ekonomik kont Sesel ek Rwayonm Ini i ganny mentenir, e pa ganny afekte si Rwayonm Ini savedir UK i sorti net dan Linyon Eropeen.

Sa Mr Speaker, i a fer ki alors bann striktir egzistan i a kontinyen zwe zot rol kot Sesel pa pou perdi bann lasistans teknik ek formasyon e akse avek bann Fon Devlopman Linyon Eropeen kot Rwayonm Ini – savedir UK la, i an gran i en gran kontribiter.  Annou get en kou Mr Speaker osi devlopman aktyel Brexit.  Menm ki ofisyelman Rwayonm Ini i sipoze kit Linyon Eropeen le 29 Mars 2019, i ankor annan gran dout ler nou swiv bann devlopman resan dan Parlman Rwayonm Ini e letan nou swiv bann diskisyon e lesanz ki nou ti fer nou ti ganny privilez pou fer isi menm Sesel avek delegasyon Parlmanter Rwayonm Ini ki ti vin isi le 20 Fevriye 2019 – Savoy letan nou ti annan sa en zour travay avek zot kot nou ti partaz bann lopinyon, kot nou ti ganny sa bann lenformasyon avek zot.

E a de repriz parlman Rwayonm Ini in rezet the exit deal e sa in fors premye Minis Theresa May pou demann ekstansyon sa exit deal.  E mon kapab dir osi ki Linyon Eropeen, in donn de dat posib le 12 Avril 2019 si Parlman Rwayonm Ini pa tonm dakor e pa pas sa exit deal.  E le 22 Me 2019 si Parlman Rwayonm Ini i tonm dakor e pas sa Mosyon exit deal e sorti konpletman dan Linyon Eropeen.

Si Parlman Rwayonm Ini alor i rezet Mosyon e Brexit pa vin en realite i ok.  E keksoz i a kontinyen parey i été la avek Linyon Eropeen.  Me si Parlman Rwayonm Ini i a promosyon e Brexit i vin en realite e Rwayonm Ini i pou bezwen vreman sorti dan Linyon Eropeen, i pou en gran konsern pou bann pei parey Sesel, e si nou pa ratifye sa Lagreman ki devan nou la, ki nou pe met devan sa Lasanble – nou pa pou kapab si oule nou pa pou kapab annan sa peryod tranzisyon dan lekel nou relasyon komers ek ekonomik avek Rwayonm Ini pou kapab kontinyen.  Savedir nou pou annan en stop e nou pou perdi.

E sa pou anmenn en gran lefe, lo nou relasyon komers avek Rwayonm Ini.  I pou vedir ki nou bann prodwir ki bann eksportater Seselwa, i eksporte ver Rwayonm Ini,  e L’Angleterre laba UK dan sa 3 sa bann pei ki form par Rwayonm Ini, pa pou vin konpetitiv akoz zot pou bezwen pey duty lo la prezan!  E se sa rezon alor ki ratifikasyon sa lagreman ki devan nou Lasanble i vreman enportan.

Brefman ki konteni sa Lagreman Mr Speaker.  Sa Lagreman se en replika teknik sa Lagreman ki aktyelman egziste avek Linyon Eropeen.  E sa i enkli si oule sa bann sekter swivan: komers marsandiz, Lagreman Lapes, devlopman korperasyon ekonomik e sa ki nou apel  dispute resolution ; savedir rezourd bann konfli komersyal ant bann diferan konpannyen e partner.

Sa osi, nou get en pti pe lo akse avek marse Eropeen ; sa i fer e relye ki premyerman avek bann komitman ki deza an egzistans, par tou le de parti ; savedir Sesel e EU an sa ki konsern bann custom duty preferansyel, pou bann prodwir ki antre dan pei kanmarad.  Sesel ek bann pei si oule Eropeen – enkli UK,  enkli Rwayonm Ini.

Dan ka Sesel nou pou kontinyen benefisye duty free e quota free lo marse Rwayonm Ini tan ka Rwayonm Ini li zot a osi kontinyen benefisye menm privilez e menm restriksyon ki zot pe gannyen anba sa Lagreman avek Linyon Eropeen, e la prezan sa Lagreman par enterim avek bann pei les ek sid Lafrik, si nou siny sa Lagreman e ki si zot al dan zot resorti konpletman dan Linyon Eropeen.

I enportan fer resorti, alor ki ler nou pe koz restriksyon, nou pe refer lo serten prodwir sorti lo Rwayonm Ini pou vin ki pou kontinyen annan duty lo la ler zot antre Sesel.  Akoz swa zot bann prodwir sansib an term reveni – i enportan pou nou anmas duty lo la pou nou lekonomi, oubyen sansib pou nou lendistri lokal oubyen sekirite alimanter.  Alors sa bann prodwir pa pou ganny liberalize e pou kontinyen annan restriksyon lo la.

Ratifikasyon  Lagreman Mr Speaker, alor par nou Lasanble, i zis pou prepar nou an ka Rwayonm Ini i vreman sorti dan Eropeen ki nou relasyon komers e ekonomik avek Rwayonm Ini pa ganny afekte.  Mr Speaker mon met sa Mosyon devan nou Lasanble pou rektifikasyon e aprouvasyon.  Mersi bokou.

 

MR SPEAKER

Mersi Onorab De Commarmond.  Okenn Manm ki segonn Mosyon ?  Onorab Simon Gill.

 

HON SIMON GILL

Bonn apre midi Mr Speaker, tou koleg Onorab.  Bonn apre midi tou manm piblik bon apre midi.  Mr Speaker Mosyon i ganny segonde.  Mersi.

 

MR SPEAKER

Mersi Onorab Simon Gill.  Bon Mosyon in ganny segonde i up to the floor pou debate.  Onorab Georges oule entervenir.  Onorab.

 

HON BERNARD GEORGES

Mersi Mr Speaker.  Mr Speaker mon ti a kontan entervenir lo sa Mosyon ki devan nou.  Les mon dir o konmansman ki mon konpran parfetman sa Mosyon parey nou tou nou konpran.  E Onorab Leader Zafer Gouvernman dan Lasanble, i eksplik rasyonnel deryer sa dokiman ki nou pe ganny demande pou ratifye apre midi ek son konteni.  Mon annan 2 problenm sepandan ; premye problenm se lo nivo striktir son Mosyon li menm.  Akoz Mosyon Onorab i demann nou pou aprouv sa dokiman – sa agreement me annefe nou rol se pou ratifye li.  E mon ti ava kontan sizere mon ava fer sa a lafen mon pti lentervansyon – la apre midi mon ti ava kontan propoz en lamannman lo son Mosyon.

Me e rezon mon pa fer li la se akoz mon 2enm pwen.  E mon demann mwan si annefe sa Mosyon i devret pe ganny table la apre midi.  Mon’n ekout Onorab byen in dir nou ki i annan en irzans, akoz nou pa konnen ki pou arive avek Brexit.  E sa agreement ki devan nou se pa nou ki’n drafte  – L’Angleterre ki’n drafte Rwayonm Ini.  Akoz li osi i pa anvi ki i pri dan en sityasyon kot ler Brexit i arive i napa en Trade Agreement avek sa bann pei ki dan ESA – Eastern and South African States.

Alor mon kestyon se etandonnen, ki nou pa konnen ki pou arive avek Brexit ni premye Minis Theresa May ni House of Commons ni okenn dimoun Grand Bretagne in fact apar Bondye personn dan Liniver pa konnen ki pou arive avek Brexit !  Posib ki i pou arive avan le 29 ki Vandredi, oubyen i posib ki i pa pou ariv ditou, oubyen i posib ki i pa pou arive anba serten kondisyon ki nou pa ankor ni konnen se ki ozordi oubyen demen ki House of Commond pou konmans debat lo plizyer posibilite.  E zot menm zot pa konnen sa avyon kote i pou al apoze.

E mon vwar ankor plis ki sa agreement ki nou pe ganny demande pou ratifye ozordi, L’Angleterre li i pa ankor ratifye li – Rwayonm Ini – i pa ankor ratifye li e i pa kapab ratifye, akoz i ankor dan Linyon Eropeen.  I pa kapab antre dan en agreement avek detrwa pei ler i deza dan en agreement avek sa bann pei atraver European Union.

E nou, nou pe ganny demande, pou dan en serten fason pran en pozisyon ler zot menm zot pa kapab pran en pozisyon.  Akoz – e mon krwar mon parol pa tro for, ler mon dir akoz zot menm zot in met zot lekor dan en mess ki zot pa kapab sorti ladan ozordi.

Mr Speaker mwan personnelman mon annan bokou lanmitye pou Rwayonm Ini.  E mon ti ava swete ki zot ariv a en solisyon.  I pa nou ki fodre dir zot ki zot pou fer malgre ki zot menm zot, zot pa kapab dir zot lekor ki zot devret pe fer.  Me mon pa vwar akoz ki nou devret ratifye en agreement tan ki nou pa konnen ki sityasyon ki pou arive avek Rwayonm Ini.  Akoz nou osi nou annan lyen avek Linyon Eropeen.

E mon pa konnen mon pa en expert mon pa konnen ki nou ti ava pe fer, si nou ratifye en agreement avek Rwayonm Ini, an menm tan ki nou annan menm agreement avek Linyon Eropeen, pou menm keksoz.  Mon pa konnen.  Me keksoz i dir mwan ki nou pa kapab ; nou pa kapab antre dan 2 agreement avek menm bi, avek menm partner ler enn sa partner i annan en lipye dan en lorganizasyon, ki nou, nou annan en agreement avek e en lipye an deor sa lorganizasyon ki nou annan en agreement avek.

Si Brexit ti arive – e mon konpran mon toutafe dakor avek Leader Gouvernman.  Si tou keksoz ti mars byen e nou ti konnen ki le 29 pou annan Brexit L’Angleterre pou sorti Rwayonm Ini pou sorti dan Lerop, ozordi nou ti a ratifye sa.  Ou konpran sa ?  Akoz sityasyon ti pou kler.  Me sityasyon pa kler.  E pou en fwa mon pa kapab propoz en solisyon, akoz mon pa konnen mon osi dan fernwar ki 63milyon sitwayen Grand Bretagne  ek son premye Minis i été.

Epi Mr Speaker i annan en lot pwen.  E sa lot pwen se ki nou pou fer avek bann lezot lorganizasyon enternasyonal pou ki nou apartenir SADC, COMESA, e la mon ava fer an parantez pou dir ki ‘tou sa ki mon pe dir zot la pa krwar ki mon en gran filozof or whatever mon fek aprann semenn pase akoz mon ti dan en konferans Kenya, lo egzakteman sa size kot mon’n ganny demande be akfer zot dan ESA  zot?   Zot dan COMESA – zot dan SADC akfer zot dan ESA avek Moris avek Zimbabwe avek La Zambie?  Ki sa striktir ESA ler zot annan deza 2 striktir solid, for, konpetan ki zot in ladan depi bokou lannen?’

Ankor enn fwa Mr Speaker, mon napa okenn repons.  mon pa konnen mon pa en expert me ankor enn fwa i paret mon ki nou sistenm i an dezord.  E nou sistenm i an dezord e lord pou ganny mete krwar mwan lord pou ganny mete akoz la sa konferans ki mon ti ladan, tou dimoun in dakor – Vis-Prezidan ki Rwanda  lannen pase an Mars ler mon ti laba e in siny Africa Free Trade Area half CFTA – Continental Free Trader Area.  Byento tou kontinan Lafrik pou en free trade area parey Linyon Eropeen i été ozordi, e nou a kapab koz avek en sel lavwa e anbark dan en sel bato, olye la nou annan en gro bato ki apel COMESA – en lot gro bato ki apel SADC.

Nou dan tou lede apre en pti katamaran – en nespes pti  -anfen pou pa servi sa mo en nespes pti katyolo ki apel ESA nou osi anbark ladan, zis akoz nou bezwen fer en zefor spesyal pou nou gard nou relasyon komers avek Rwayonm Ini.

Alor Mr Speaker mwan  mon trouv mon lekor ozordi dan sa pozisyon, kot si zot dir mwan ki nou bezwen antre dan sa ESA Économic Partnership Agreement – EPA – ESA pou garanti nou pou kapab kontinyen trade avek Rwayonm Ini si i sorti dan Brexit, mon napa problenm avek.  Si zot dir mon ki lefe ki nou dan COMESA e dan SADC pa pou afekte sa e o kontrer pou anmenn plis lavantaz mon ava swiv.

Me sa ki mon ti a kontan e sa ki mon pe demande, e mon admet mon pe demann sa lo en pozisyon linyorans total – sa ki mon ti ava demande se ki, annou fer sir avan annou gete ki Rwayonm Ini, pou fer.  Si i pou sorti dan Brexit, nou a ratifye imedyatman.  Si ou konnen i pe al sorti.  Me nou pa kapab al ratifye en keksoz selon mwan, avan ki nou annan en pe plis lasirans ki pou arive avek Rwayonm Ini.  Akoz li menm li i pa konnen.

E si i pa sorti Onorab Leader Zafer Gouvernman i dir nou kler, si i pa sorti sa agreement ki nou pou ratifye pa pou annan okenn valer e i pou tonm dan delo.  Obligatwarman i pou bezwen tonm dan delo.  Akoz nou annan enn deza avek Leader Eropeen.  Be annou espere – annou pa met nou lekor an risk.  Mon konpran nou pa kapab met – akoz nou eksport pwason nou. Nou  eksport ton an  bwat ler ou al Sea Breeze ler ou al Sea Breeze ou vwar bwat ton ‘’Product of Seychelles’’ ou konnen ki se sa ki antre L’Angleterre anba en agreement parey.

Me wi an plis ki sa laba sa bwat ton i pli bon marse isi dan laboutik me sa zis en lot deba pou en lot zour.  Nou pa anvi perdi sa linisyativ nou pa anvi perdi sa marse i kler oubyen eski nou anvi perdi sa marse akoz si avek sa EPA bwat ton i pli bon marse laba kekfwa si nou pa gaspiy li bwat ton i a pli bon marse isi ki laba.  Mon pa konnen mon vwar mon lekor Mr Speaker e mon pa pe montre ledwa okenn landrwa mon krwar sa ki’n ganny anmennen apre midi in ganny anmennen an bon fwa e konman en Lasanble nou bezwen vwar li dan sa konteks me mon ti ava kontan annan enpe plis lenformasyon lo pozisyon la Grande Bretagne avan ki mon anmenn mon sipor pou ratifye sa ESA.  Si e mon repete si Linyon si Rwayonm Ini pou sorti dan Bexit ozordi dan Linyon Eropeen e Brexit pou arive la ler nou konnen i pou al arive annou ratifye sa lakor.  Me ziska ler ki li menm li in pran en desizyon mon krwar ki i en pti pe boner en pti pe premature pou nou pran en desizyon.

Alor mon request apre midi i kekfwa nou defer desizyon lo sa ratifikasyon ziska ler e sa semenn nou pou konnen one way or the other ki pou arive avek Rwayonm Ini e la kekfwa nou a kapab kontinyen.

Si sa propozisyon i aksepte antretan nou ava kapab amann sa Mosyon oubyen menm si i pa pou aksepte ki Mosyon pou kontinyen ozordi dan en fason oubyen en lot.  Mon propozisyon se pou ki sa Mosyon i bezwen ganny amande olye ‘I move that this Assembly resolves to approve’ mon propoze ki nou dir ‘Persuant to Article 64 (4) of the Constitution this Assembly resolves to ratify the United Kingdom, ‘’eksetera akoz sa i al dan liny avek Lartik 64 (4) nou Konstitisyon.

Alor Mr Speaker mon poz mon premye demann ki nou postpone en desizyon ziska ler nou annan en pe plis laklerte lo sa ki pou arive avek Rwayonm Ini vizavi Lerop e dezyenmman mon fer sa propozisyon lamannman ki kekfwa mover Mosyon i a take it onboard ki mon pa a bezwen move en formal amendment avek seconded eksetera.  Mersi Mr Speaker.

 

MR SPEAKER

Mersi Onorab Georges.  Mon krwar lo wording nou annan en pti pe sa problenm egzakteman sa ki mannyer pou ganny the exact wording.  An vi ki nou pe revwar Standing Orders, bann tel akoz nou konnen en Lagreman en Konvansyon tanzantan pou vin dan Lasanble pou ganny sa ratifikasyon petet nou devret fer sa antre dan en Annex  – dan en Schedule deryer dan nou Standing Orders ki ava link nou lo la touzour anliny avek Lartik 64 (4) Konstitisyon pou dir vwala  the wording kot ratifikasyon en konvansyon oubyen en Lagreman i vini.  Onorab Georges.

 

HON BERNARD GEORGES

Wi Mr Speaker.  Enn sa se en tre bon lide nou ava met sa devan Standing Orders Committee e nou ava drafte en template Motion ki ava al dan en schedule ki tou bann Lasanble i ava kapab servi.

 

MR SPEAKER

Nou ava ganny li byen.

 

HON BERNARD GEORGES

Wi pou fitir.  Mersi.

 

MR SPEAKER

Ok.  Mersi Onorab Georges.  Mon ava donn laparol Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker lagreman ki nou annan ki Lasanble pe ganny demande pou aprouv son ratifikasyon, i enn ki reponn a en nesesite ki nou ladan ozordi.  Mon’n ekout byen atantivman entervenan ki’n koz avan mwan,  me mon santi ki malgre in tous lo serten pwen tre pertinan, i pa’n osi al dan ase detay oubyen tous lo serten lezot eleman, ki fer ki ozordi nou annan sa Lagreman devan Lasanble pou son ratifikasyon.

Premyerman nou bezwen konpran ki sa i pou en lagreman pou en de pei.  I pou bilateralman konsern relasyon ki annan ant Sesel avek Rwayonm Ini esansyelman i pou deal avek bann komers e tarif ki i pou ganny mete lo bann prodwir ki i pou ganny resanze ant Sesel e Rwayonm Ini.

Sesel miltileratelman ; savedir avek plizyer pei i annan en Lagreman avek lezot pei ozordi.  E akoz sa bann Lagreman i enportan i pa ki Sesel nou prodwir sa bann kantite keksoz ki ganny eksporte ver Rwayonm Ini, me i annan en prodwir an partikilye ki enportan pou nou e sa se prodwir ki fer lo labaz ton.  E mon pou baz mon largiman, lo akoz mon krwar ki Lasanble ozordi i pe pran sa step, pou ratifye aprouv laprouvasyon sa Lagreman zisteman akoz i enportan pou nou lendistri ton.

Lagreman ki nou annan ek Linyon Eropeen Mr Speaker, i fer ki nou resevwar tarif preferansyel lo en serten kantite ton ki ganny processed.  Sa serten kantite ton, i baze lo ki bann diskisyon ki’n ganny arive e sa i donn nou en quota en serten kantite amount of tonaz ki prezan lo sa amount then nou eksporte nou pa pe pey bann duty oubyen napa bann tarif lo la.

Fodre osi mazinen poudir ki apre ki in entrodwir sa ban – pa sa ban me sa quota sa restriksyon, lakantite ton ki IOT pe resevwar osi i diminyen e IOT i bezwen war li par lefe ki i pa pe resevwar lakantite ton atraver bann purse seiner ki pe lapes isi, in bezwen prezan aste ton ek lezot lenstans lezot endividi dan lezot fason.

Me ler sa bann ton i ganny anmennen isi e son processing i ganny fer, en parti sa tonaz i ganny process isi, i still ganny pran konman part of nou quota ki nou annan avek Linyon Eropeen.  Sa in ganny etabli.  E ki sa i fer i fer par egzanp ki IOT i le eksport son bwat ton dizon ver La France, sa ton ki ladan i ganny konte konman en prodwir final sorti Sesel.  Savedir control of origin se  Sesel.  Me ler i desot sa quota sa country of origin i nepli Sesel.  So admeton par egzanp quota ozordi i somewhere around 3mil ekek – 3mil ton oubyen 5mil ton apepre, 5mil ton ton ki ganny process i ganny anvoye aletranze, i pa ganny takse – bann tarif pa ganny enpoze lo li.  Me adisyonnelman avek sa Lagreman avek Rwayonm Ini, an plis ki sa ki nou ti annan avek Linyon Eropeen nou pe ganny en quota an plis avek Rwayonm Ini i pe donn nou an plis.

So basically prezan ler nou pou eksport plis ton a Rwayonm Ini, nou pou pey mwens taks lo sa kantite ki nou eksporte.  E se sa enn bann lavantaz ki petet Onorab Georges ler i fer son prezantasyon zot pa’n konsidere, vizavi en Lagreman bilateral ki zot pou annan avek Rwayonm Ini, as oppose en Lagreman miltilateral ki pou annan avek Linyon Eropeen.  Akoz la i konsern diferan pei ki sakenn pe vey son lentere.

Prezan si nou vin lo sa size Brexit li menm, ozordi pou lenformasyon konsonmasyon tou dimoun, IOT i pe travay i pe rod tou fason pou li ganny bann Lagreman avek bann major supermarket chains L’Angleterre.  Amongst others Onorab Georges in mansyonn Sea Breeze.   …. ki annefe enn bann lagreman ki zot ti pe zot in kapab gannyen se avek …. kot IOT Sesel i eksport ton ver L’Angleterre atraver sa supermarket share.

Aprezan konsern ki la prezan nou annan nou ok nou dir par egzanp annou esper Bexit arive.  Nou konsern ki nou annan se eski si Brexit i arive sa ki nou nobou gannyen atraver sa lagreman ki la nou pou kapab ganny eski i pou annan lezot negosyasyon ki Rwayonm Ini i pou bezwen fer avek lezot pei ki dan menm komers, ki ava fer ki sa privilez oubyen sa adisyonnel ki nou gannyen nou riske perdi li ler nou pou al re negosye sa bann tarif?  Se sa konsern ki nou bezwen gete akoz sa ki nou gannyen i tre favorab, i tre favorab par lefe ki an plis ki sa ki ti annan avek Linyon Eropeen Rwayonm Ini in dakor pou donn nou adisyonnel lo la mon krwar i 2mil ton an plis ou en keksoz en 3mil ton an plis.  So 3mil ton an plis i reprezant en sif l’affaire  pou IOT ki tre signifikan.

Me si nou pou al dan en largiman kot nou bezwen espere avan ki Rwayonm Ini i konnen ki pou li fer then nou pou war nou dan en sityasyon kot nou riske bezwen re negosye.  Prezan akoz i part of ESA se sa block ESA ki in negosye ki’n ganny sa tarif favorab.  I pa COMESA ki’n negosye sa tarif favorab i pa SADEC ki’n negosye sa tarif favorab se sa block ESA.

Now si nou pran block COMESA, block COMESA negosyasyon bann tarif ki li i fer i vire otour bann prodwir ki ganny fer abaz bann materyo mineral bann raw materials ki ou kapab trouve swa dan later swa dan lanatir swa lagrikiltir.  Malgre ki Sesel i en manm COMESA menm benefis ki nou pou gannyen si nou a partner nou avek bann pei ki involve dan bann aktivite ekonomik parey pou nou zisteman eksportasyon ton parey Mozanbik i fer sans alors ki nou al avek sa block ki li in nobou servi son pwen referans ki i trouve pou li kapab negosye sa tarif ki nou pe gannyen ozordi.

E se pou sa rezon ki Lasanble pa devret get li from en perspektiv ki annou esper L’Angleterre deside ki i pou fer me ki nou deside ki nou pou fer e nou kontinyen avek sa ki nou pe fer.  Sa ki enteresan se ki sa travay ki nou pe ratifye la in en travay ki pa’n zis vin dizour ou lannmen ki bann zofisye dan Departman Trade in travay lo la.  Zot in travay lo la dan plizyer mwan e zot pe an diskisyon avek sa bann size pandan plizyer mwan zisteman akoz zot ti le asire ki IOT ki en eleman enportan ki Gouvernman i annan share ladan i pa perdi posibilite antre dan en marse e ganny reveye atraver sa marse si i annan sanzman dan gouvernans e rezilyans serye dan sa lekonomi.

Sa i tre enportan pou nou konsidere akoz lo sa pwen i napa politik pou fer lo sa pwen.  Lo sa pwen sel keksoz enportan se asire ki nou pe ganny not par preferansyer pou plis eksportasyon as oppose to sa kantite ki nou ti deza pe fer avek Linyon Eropeen.  Setou ki sa pe donn nou e sa i ava fer ki ler nou ganny akse ek sa marse i ava donn nou lezot loportinite osi anvi ki nou pe deal avek prodwir a baz ton pou les lezot petet biznes lezot antreprener ki dan sa domenn pou osi antre anba sa quota preferansyel ki nou gannyen pou zot eksport sa ki zot pe fer si IOT li i pa kapab anpli sa quota li tousel.

Se sa ki devan nou ozordi fodre note Mr Speaker en bwat ton John West enn bann prodwir IOT i vann £1.47 ki plis ki lo marse lokal.  Akoz sa i tonm apepre dan R22/R23 ok.  So mon krwar nou bezwen mon konpran largiman ki en bwat ton L’Angleterre i vann pli bon marse ki Sesel me sa ki IOT i eksporte i vann actually enpe pli ser ki sa enn isi akoz sa i baze lo to lesanz e pri liv lo marse lesanz.

Me sa ki enportan i pa sa Mr Speaker sa ki enportan se ki Lasanble i bezwen get sa largiman dan lesans ki nou pe ofer loportinite avek enn nou bann key nou bann pilye lendistri lapes pou li kapab ganny tarif preferansyel pou li ganny akse avek marse L’Angleterre.  Akoz L’Angleterre pa kapab siny sa largiman la se akoz a sa moman ki nou pe koze la L’Angleterre i ankor en manm Linyon Eropeen.  Me ler i sorti dan Linyon Eropeen i pou kapab siny nenport lagreman ki i anvi.

Now si nou al dan en basis ki si i sorti dan Linyon Eropeen si i pa sorti dan Linyon Eropeen Mr Speaker Sesel i retenir son bann tarif ki i deza annan avek Rwayonm Ini atraver tarif ki’n etablir avek Linyon Eropeen i pa pou sanze me si L’Angleterre i sorti Sesel i benefisye adisyonnel lo sa quota so sa bil ton an plis ki sa ki Sesel pe eksporte L’Angleterre.  I pou fer ki sif ki IOT i kapab fer larzan ki IOT i kapab fer avek leksportasyon e marse ki i kapab rode lo nivo enternasyonal i ava bokou plis ki sa ki ti pe ganny ofer pou le moman.  E lavantaz ki sa lagreman i pou annan pou nou Mr Speaker sa i en keksoz ki mon krwar nou tou lo kote latab nou koz lo la bokou sa bann supermarket chains i pe etabli bann kondisyon pou li pran ou prodwir.  E bann kondisyon ki pe ganny diskit lo la par egzanp zot pe koz lo menm lo bann kondisyon kot zot pa pou pran ton ek bann pei ki aktivman servi …. Tousala i bann diskisyon i ankour Mr Speaker.

E sa i en lavantaz pou nou akoz bann keksoz ki nou dir Sesel se ki nou ti a kontan vwar en rediksyon lo lakantite faz ki servi me si ou al dan en marse kot bann promoter dan sa marse zot napa problenm dan pran ton ki’n ganny pwen lapes dan …. in ganny lapes atraver …. dan nenport ki fason ou konnen marse pa pe kre kondisyon pou ou anmenn bann sanzman neseser dan sa lendistri.  Me avek Rwayonm Ini nou pou dan sa potansyel akoz i annan en konsyantizasyon ki’n ganny fer akoz bokou sa bann supermarket chains zot value lafason ki dimoun i vwar bann prodwir ki zot pe vann.  E zot kontan parfwa nou tou nou vwar ler nou pe koz lo bann lavyann nou dir sa i halal sa i lot fason sa isi sa i laba se pou sa rezon zot dir sa se pou zot kapab atrakte diferan nivo kliyan e ozordi bann kliyan i demann diferan kalite keksoz ler zot demann kalite prodwir dan bann sipermarse.

So tousala i bann keksoz ki Departman Trade isi in konsidere avan ki zot met sa lagreman lo latab.  Prezan i reste Mr Speaker ki nou bezwen mazorite pou aprouv sa ratifikasyon.  Lo nou kote latab nou pa kapab aprouv sa ratifikasyon lo nou kote latab lo nou tousel nou pa kapab donn IOT 3mil tonn ton an plis pou li eksporte dan Rwayonm Ini ler Brexit i arive.  Nou pa kapab fer sa nou bezwen zot pou fer sa.

Sa ki pou arive Mr Speaker e mon krwar i pou arive se ki ler L’Angleterre i sorti dan Rwayonm Ini i pou war lezot pei pe vini pe demann lezot tarif preferansyel.  E par lefe ki malgre Rwayonm Ini pou sorti konman en Manm Linyon Eropeen i pou reste en manm WTO.  E anba Lalwa WTO Rwayonm Ini a sa moman probableman i pou vwar li dan difikilte pou fer kontinyen ofer tarif preferansyel en sel pei as oppose ofer menm tarif preferansyel lezot pei.

So tousala i bann fakter ki sa bann eksper in konsidere e zot in mete dan sa lagreman si nou ti pran letan pou nou go through sa Lagreman pou nou vwar akoz sa i ariv sa lesansyel.  E an konklizyon Mr Speaker mon krwar nou bezwen get sa bann block ki nou asosye avek pa from perspektiv zis nou vin asosye ek en block me perspektiv ki benefis ekonomik sa asosyasyon i anmennen.  Par egzanp nou asosye wi avek COMESA i annan Africa i annan the free trade agreement i byen ki nou annan sa lagreman me eski volim leksportasyon ki nou pou fer ver COMESA as en marse i pou a sa nivo ki sa Free Trade Agreement pou anmenn nou sa kantite benefis ki nou prouve?  E larepons i non akoz nou napa sa volim leksportasyon ver COMESA me i annan serten lavantaz ler lezot pei pe lager serten keksoz ki bann lentere ki nou annan nou kapab benefisye SADC osi menm parey.

So nou bezwen vwar ler nou asosye avek sa bann blok parey nou fer avek sa ESA la akoz nou bezwen fer li a sa moman pou nou kapab anmenn benefis pou pei.  E sa i enn bann keksoz ki tou Manm Lasanble zot kontan koz lo la.  Ler Sesel i ratifye en lagreman rod tou fason pou asiste ki Sesel ki pe benefisye as oppose ki parfwa nou ratifye nou war dan serten sirkonstans ki nou menm nou koz lo la lo tou lede kote latab.  Kot si nou ratifye en lagreman e Sesel i pa neseserman benefisye parey i devret benefisye.

So mon krwar the way forward i senp Mr Speaker nou annan en lagreman devan nou ki pa fer en ditor personn i pou anmenn en lavantaz enkrwayab mon kapab dir pou nou pei ver en marse ki nou le perse e i sa i ava osi Mr Speaker  e mon termin lo la i ava osi stimil Linyon Eropeen pou osi revwar lafason oubyen la metodolozi pou li kalkil bann tarif ki nou pe ganny ofer vizavi bann prodwir sirtou a baz ton ki nou pe eksporte lo Linyon Eropeen.

E sa i en kestyon ki nou toultan koz lo la eski Sesel pe ganny valer pou son ton?  Me la a sa moman ki nou vin ek en lagreman ki esansyelman pou donn Sesel valer pou son ton mon respekte ki lo lot kote latab zot war li sa fason e annou ed IOT annou ed Gouvernman annou ed lepep Seselwa benefisye atraver sa lagreman ki ava permet nou ganny en marse adisyonnel ki ava permet nou anmenn ankor devlopman dan sa sekter e la anvi ki nou annan Fisheries Development Fund sa i ava osi dekoul dan ankouraz lezot aktivite prodwir ki ava fer ki sa bann dimoun i ava fer ki zot ganny akse a sa bann marse aletranze.  Se sa ki nou anvi war e sa ki nou anvi rode.  Mersi Mr Speaker.

 

MR SPEAKER

Mersi Onorab Pillay.  Mon ava donn laparol Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker sa bann Lagreman komersyal toultan bann dokiman konplike e se pou sa ki mon apresye ler mon ti pe ekout Onorab Georges ler i ti dir nou an tou imilite i pa konpran tou sa ki ladan, me i santi ki i annan serten keksoz ki pa toutafe mannyer i ti a swete e kekfwa ki devret ganny improve.  Parkont ler mon ekout Onorab Pillay mon ekout en eksper lo ton – ok e me selman mon pa’n konpran nanryen.  Nanryen!

Alors  mwan mon ava dir sa Mr Speaker, nou annan en Lagreman devan nou ki enplik serten partner e serten ansyen partner.  Premyerman nou tou nou konnen ki Lagreman lakor ekonomik pli enportan ki Sesel i annan se avek Linyon Eropeen.  Ozordi nou pe koz lo en Lagreman ki nou pou annan, ki Gouvernman i swete nou annan, avek en Manm Linyon Eropeen ki pe sorti dan Linyon Eropeen !

 

Mon premye pwen ki mon ti a kontan ganny eksplike akoz parey Onorab Georges, mon sertennman pa en eksper.  Mon ti a kontan ganny reasire ki si nou siny en Lagreman avek en manm Linyon Eropeen lo menm baz – egzakteman lo menm baz ki nou sinyen avek Linyon Eropeen e ki sa manm sa pei manm, demen i sorti dan Linyon Eropeen dizon lo en ‘’No Deal Brexit’’ eski nou partner prensipal ki reste Linyon Eropeen, pou aksepte ki nou annan en Lakor egzakteman parey avek en lot pei ki fek sorti dan sa Lagreman ?  Eski Linyon Eropeen pa pou demann nou ki nou kontinyen annan sa Lakor preferansyel avek li, avek sa block pei?  Mon pa konnen !  E personn antre nou pa konnen.

Akoz Linyon Eropeen i swete e L’Angleterre Rwayonm Ini, i swete ki ler L’Angleterre i sorti dan Linyon Eropeen, zot fer li lo en deal.  Zot fer li lo en Lagreman e zot tonm dakor lo tou bann pwen ki zot devret tonm dakor lo la, pou L’Angleterre, Rwayonm Ini sorti.  Me si demen i en ‘’No Deal Brexit’’ kwa ki dir nou ki nou pou kapab negosye lo en menm baz avek L’Angleterre, ki avek Linyon Eropeen?  Nou pa konnen – personn pa konnen sa.

Rwayonm Ini pa konnen. Linyon Eropeen pa konnen, akoz zot pa’n akorde zot pa anvi en ‘’No Deal Brexit’’.  So mon kestyon se ki, eski nou pe eski nou pa pe al en pe tro vit pou nou siny en Lakor ki demen i kapab anpay nou?  E met an danze, oubyen met an kestyon sa Lakor ki nou annan avek nou partner privilezye ki Linyon Eropeen?  Mon pa konnen.  E mon ti a kontan ganny en pe lesplikasyon.  Kekfwa i ok.  Me  mwan mon pa konnen si i ok.

Akoz tou bann eksper lo Brexit i dir, avek ou ki pou le moman L’Angleterre – Rwayonm Ini i dan en ‘’panic mode’.’ E sa Economic Partnership Agreement ki zot pe sinyen avek Lafrik, avek serten rezyon dan Lafrik, avek serten pei dan Lafrik, i ganny konsidere parler konman bann ‘’panic measures’’ pou sofgard.  E annou pa anbet nou lekor. Annou pa anbet nou lekor.

Se pou sofgard lentere Rwayonm Ini, akoz napa personn laba deor, ki vin siny en Lagreman avek nou pou li sofgard ‘’nou’’ lentere.  Nou kapab tande sa keksoz me i pa egziste.  E otan ki  mwan mon annan en relasyon konfyans e istorik, e en relasyon ki mon krwar nou kapab kont lo la avek Rwayonm Ini, mon osi santi ki nou konman en pei Souveren, nou bezwen kestyonn en pe sa ki nou pe antre ladan.

Me i annan en lot pwen ki fodre ki fer mwan enkyet.  Dan sa bann Lakor ekonomik, L’Angleterre  pe siny – Rwayonm Ini pe siny avek sa ki zot appel Eastern and Southern Africa; sa group la.  E dan sa group nou war serten keksoz ki pa lozik. Ki pa omozenn.  Omogenious parey nou dir an Angle.  Eastern and Southern Africa nou pa war Sid Lafrik ladan ; nou pa war Kenya ; nou pa war Tanzania ; nou pa war Mozanbik , me nou war Zimbabwe, nou war Zambia e i en pti pe – nou pa war Botswana.  I en pti pe enkyetan akoz i bezwen annan en Lakor avek sa group pei, me selman i riske annan en Lakor diferan avek lezot pei?

E la mon kapab dir zot ki bann trained experts pe dir nou ki Rwayonm Ini la Grande Bretagne pe konsider a sa moman presi la en laranzman spesyal avek Kenya ; en laranzman spesyal en Lagreman spesyal avek Kenya kot i pou annan serten benefis ki lezot pei dan les e sid Lafrik i pou napa!  Kekfwa i annan en bon rezon, me  mwan mon bezwen – nou, nou bezwen kestyonnen pou gete be eski i devret koumsa?  Me selman nou bezwen al pli lwen Mr Speaker, vi ki nou pe al ver sa konsep Continental Free Trade Area ki Vis-Prezidan Meriton in sinyen Kigali, Rwanda.  Si nou pe al dan sa direksyon lo en Lagreman Kontinantal, eski i entelizan?  Eski i proper?   Eski i byen ki nou siny bann Lagreman endividyel oubyen par bann pti group?  Ki mannyer nou pou kapab partisip lo en baz legal, lo nivo Kontinan Lafrik kan nou pou annan bann Lagreman Bilateral e Rezyonal?  Mon pa konnen. Me selman mon bezwen demande si nou pe al dan en bon direksyon?

Alors Mr Speaker mon krwar ki tou sa bann kestyon ki nou’n demande, ki Onorab Georges in demande i bann kestyon ki lezitim.  E dernyen kestyon ki Onorab Georges in demande e ki Onorab De Commarmond konman prezantater Mosyon in osi demande, in osi aborde, se kestyon timing ; se kestyon dat ki sa pou antre an aplikasyon.

Nou lo sa kote latab nou anvi dir klerman, ki nou anvi en Lakor avek la Grande Bretagne nou anvi en lakor.  Nou met en kantite valer lo sa Lakor mon personnelman e mon krwar bokou Manm isi lo sa kote latab ti a swete, e ankor pe reve ki sa Lakor i kapab ganny fer dan Linyon Eropeen.  Akoz mwan personnelman mon pa en Angle, so bann Angle i kapab dir I don’t care (ki mannyer Mr Corgate ti dir li?)  Mon pa pou kapab repete akoz i pa sa-

Me selman mon swe sete pou se touzour e se touzour pou vwar en Linyon Eropeen ki byen ini, ki  nou kapab  annan en Lakor pou nou travay avek tou bann pei dan sa lorganizasyon.  Me i paret ki sa pa pou arive.  Alors mon ti a kontan en pe advice.  

        Kekfwa Onorab De Commarmond i kapab donn nou en pe lenformasyon lo timing ki nou pe fer.  Eski nou devret esper sa moman Brexit arive ?  E nou pou konnen nou. Akoz i pa pou tanto minwi ki Parlman L’Angleterre, oubyen Parlman Eropeen, oubyen bann Komisyon Eropeen Brussel pou dir ok nou ganny en ‘’Deal’’ apartir la Rwayonm Ini in sorti ! Non!  Ler pou annan en ‘’Deal’’ i pou annan en dat.  E si sa dat pa vini parey nou tou nou konnen sa ‘’Deal’’ pa pou arive.

Donk mon pa vwar vreman akoz nou bezwen taye ; akoz nou bezwen al pli vit ki bann Angle zot menm, sirtou ki lo sa Lagreman Mr Speaker, ki mon santi poudir i en pti pe en klak, ki nou bann zanmi Angle i pe donn nou, ler zot donn nou en Lagreman pou sinyen, kot i mete lo la ‘’This agreement has not been ratified by the United Kingdom.’’  Konmsi- !

Mon dakor bannla ou en pe pli malen ki nou kekfwa although, oubyen ki zot annan en pe plis lafors plis kouraz ki nou.  Selman mon asire Onorab Gill i dakor avek mwan ler mon rapel nou Lendepandans nou’n gannyen depi ’76. Konmsi- !  Onorab Gill, apre ‘77 in ariv en lot zafer !

Be selman i en pe difisil konmsi pou nou, pou en dimoun dir, ‘’Ou sinyen ou ! Ou sinyen  ou! Met la touzour.  Nou apre nou a sinyen !’’  Mon krwar i en pti pe difisil.  Me selman mon a les sa ouver.  Me lo baz tou sa pwen ki  mon’n levé Mr Speaker, si Lasanble i dakor mon konnen ki zot pa tro kontan kote ler mon envok sa Lartik ki ler ‘’I am the member holding the floor. ‘’

Kekfwa – kekfwa i ti ava dan lentere nou Lasanble e lentere nou pei, ki mon envok sa Lartik, sa privilez pou mwan dir – pou mwan sizer avek Lasanble, me selman mon pa pou fer li akoz mon ti a kontan ki Onorab Leader of Government Business ki li menm li in prezant sa Mosyon, mon ti ava kontan sizere ki nou pran en adjournment ziska demen bomaten.  Mon a dir zot akoz.  Nou pran en adjournment.  Nou pran Mosyon Onorab Churchill Gill nou pran en adjournment ziska demen bomaten e la nou anmenn dan nou Lasanble 2 dimoun byen kalifye mon krwar Ms  Cillia Mangroo ki Sekreter Prensipal pou Trade e Mr Charlie Morin ki tre eksperyanse dan tou sa bann domenn.  Konmsi pou zot dir avek nou, reasir nou ki mannyer sa bann keksoz pe pase. Akoz zot ki bann eksper.  Akoz mon’n seye ekout (Mr Pillay) mon pa’n tro, tro – Onorab Pillay mon pa tro ganny bann en konprenezon.

So, kekfwa sa i en mezir ; me selman i zis en propozisyon ki mon pe fer e mon ti ava kontan ki Leader of Government Business i pran li serye.  Akoz si nou ti pran Mosyon Onorab Gill nou fini avek, demen bomaten nou vini nou pran sa Lagreman nou gete ki nou pou fer avek, baze lo advice bann expert, e apre nou move on nou kontinyen nou travay as schedule par nou Order Paper.  So sa i mon i mon soumisyon.  E mon ti a kontan ki i ganny konsidere avek tou merit ki i annan.  Mersi Mr Speaker.

 

MR SPEAKER

Mersi Onorab Ferrari.  Mon ava redonn laparol Onorab Pillay zis pou serten klarifikasyon.  Yes Onorab Pillay.

 

HON SEBASTIEN PILLAY

Mersi Speaker.  An lakor avek Standing Orders Order 56 (d) mon le serten mon le koriz serten misaprehension or serten klarifikasyon.  Mr Speaker i devwar tou Manm Lasanble pou rod lenformasyon lo en size devan Lasanble.  Mon’N fer li mon devwar pou mon konsilte avek bann eksper ki dan sa domenn, e mon’n fer sa avek en lespri ouver pou zot eksplik mwan, sa ki zot santi sa ki zot krwar pe arive dan en fason tre ouver.  I pa proper Mr Speaker this has  nothing to do with the Chair, me mon pe adres lentervansyon ki’n ganny  fer ki en Manm i fer –  en imput imput ki mon’n sey mislead Lasanble par lefe ki mon’n sey vin prezant bann fe, ki pa korek devan Lasanble.

Mr Speaker i toultan devwar Mr Speaker, pou nou servi pozisyon ki nou annan, oubyen nou antesandans  ek nou desandans, pou nou sey pez lezot dimoun, ler zot fer serten komanter Mr Speaker.  Mersi.

 

MR SPEAKER

Non, non, non, annou pa al dan sa zistans pou servi.

 

HON SEBASTIEN PILLAY

Mon a retract sa dernyen bout Mr Speaker.

 

MR SPEAKER

Wi please.   Mersi.

 

HON SEBASTIEN PILLAY

Mersi. Very fair Ruling Mr Speaker.

 

MR SPEAKER

Mersi ou klarifikasyon i  ok – i akseptab.  Mon ava donn laparol Onorab Simon Gill.

 

HON SIMON GILL

Mersi bokou Mr Speaker.  E ankor enn fwa bon apre midi tou koleg Onorab e manm piblik.  Mr Speaker devan nou, nou annan en dokiman ki’n ganny soumet par Leader Government Business, ki pe demann nou Lasanble pou ratifye – pou servi presizyon ki Onorab Georges in anmennen, ki i pozitif ki mon krwar nou kapab bouze e ratifye sa dokiman.  Mon ava donn mon lenterpretasyon lo konteni e perspektiv zeneral sa dokiman Mr Speaker.  Parey Onorab Ferrari in seye e Onorab Georges in seye.

Mr Speaker tou pei souvren e endepandan i kapab annan e etabli or deside pou annan en Lagreman sa ki nou apel bann Lagreman bilateral ant en pei avek en lot pei.  E i annan osi bann Lagreman bann lantant ekonomik en pei avek en groupman parfwa nou apel li rezyon e nou osi kapab apel li en group pei i miltilateral or rezyonal.  Sak lenstriman ki vize ver en tranzaksyon ekonomik i annan bann presizyon ladan Mr Speaker.  Presizyon baze lo forte sak pei ki tonm dakor pou siny serten lenstriman ekonomik ki fasilit larantre prodwir en pei dan lot pei.  E oubyen lesanz teknik ant en pei e en lot pei.  I baze lo bezwen, lo legzizans dan bann diferan moman.

Ozordi legzizans ki Rwayonm Ini pou mwan servi term ki’n servi or L’Angleterre, i vwar li devan en legzizans.  Legzizans ki port dan 2 dimansyon.  Enn pou li mentenir e sofgard en relasyon istorik ki in annan avek serten pei, strikteman lo serten lesanz komersyal dan serten domenn spesifik.  E annou pran ka Sesel, enn sa forte dan sa Lagreman dan sa lenstriman bilateral, ki nou le etabli se nou relasyon lesanz dan zafer leksportasyon – nou pwason dan marse, annou appel li Lerop.  E L’Angleterre i enn bann marse ki nou prodwir ton i annan en gran lensidans.  E zot prodwir ki sorti Sesel i osi annan en lensidans enportan dan L’Angleterre.

En bon pe nou bann biznes, nou bann businessman i osi annan en relasyon tre devlope, etablir avek bann diferan lorganizasyon, biznes e komers dan L’Angleterre.

Nou, nou kestyon ki nou poz nou lekor ozordi, akoz ki L’Angleterre in vwar li neseser pou envok sa lenstriman e demann Sesel pou ratifye?  Se zisteman dan perspektiv en sanzman – en transformasyon ki L’Angleterre li menm li, pe espekte zot traverse.   Me nou pa pli Angle ki Angle – Angle pe poz kestyon lo outcome sa swe pou sorti dan Linyon Eropeen.  Ankor pe kestyonnen.  I annan en lafors terib ozordi dan L’Angleterre ki pe dir ‘’Non nou pa sorti!’’  E i annan osi en lafors ki pe dir ‘’Nou sorti.’’

Baze lo dernyen referanndonm avek ozordi ki nou pe koze, in annan en gran sanzman dan lafors ki dir ‘’Nou reste !’’ e lafors ki dir ‘’Nou sorti!’’  E menm i annan deba lo en lot referanndonm, me toutfason nou pa la pou nou al ziz e pou nou al enterfer lo sa ki bann Angle pe tro fer laba.

Me nou Mr Speaker, sa ki  mwan mon satisfe avek, se ki konman en Seselwa, nou le asire osi parey bann Angle i le rasire ki sa relasyon – sa laport ouver ki nou annan ant Sesel ; sa akse ki nou annan avek L’Angleterre ki ganny mentenir, si zanmen i annan en move ki evantyelman zot sorti dan Linyon Eropeen.  Sa lenstriman ki nou ava’n ratifye i ava la, de le  moman ki si zot sorti Angle pou pran en desizyon pou kick start sa lenstriman ki nou ava’n ratifye.  Nou ava’n deza annan li la.  Pou napa okenn posibilite ki nou dir be bon la tenir pe enport pwason or pa eksport pwason sorti Sesel pou al dan marse L’Angleterre, akoz nou napa en lenstriman ki deza la ant Sesel e L’Angleterre.  Si zanmen zot sorti byensir.  Sa lenstriman i ava deza la e i ganny zis kick start.  Si in annan bann prodwir – bann prodwir ki’n deza ganny pakte isi or i lo lasose in ganny met dan container pou eksport L’Angleterre, sa i a fer ki i pou napa okenn posibilite ki en blokaz i arive.  Keksoz zis – si mon kapab servi sa term i ansennen, e i deroul konmsi napa nanryen ki’n arive! Tou keksoz i retourn normal.  The process continue. 

So nou bann eksportater Sesel, i annan en bon nonm zot an term volim prodwir ki antre lo marse L’Angleterre, i kontinyen fer sa loperasyon – ankor enn fwa konmsi nanryen pan arive.  Me si nou eksper ler L’Angleterre i sorti or non, sa lespas letan pou nou esper en lenstriman ganny prepare, ganny agree, pou vin kot nou pou nou fer nou bann deliberasyon lo la, epi anvoy L’Angleterre laba, then pou annan en problenm reel.  Pou annan en risk reel Mr Speaker.  Now sa lenstriman nou ratifye li la avan ki si L’Angleterre i sorti dan Brexit, i elimin sa risk.

Now ki nou pe fer parey bann granmoun i dir lontan, i dir avek Onorab Gervais Henrie ‘’mon piti prepar ou nanm avan lanmor.’’  Now se sa ki nou pe fer e se sa ki angle in anvi fer angle in prepar zot nanm avan lanmor e i pe demann Sesel pou ou osi join mwan pou zot prepar zot nanm avan lanmor – si mon kapab met li dan sa kalite fason koumsa.  E Onorab Gervais Henrie i konpran ekstrememan byen sa pa ki i pe mor oubyen mon pe mor oubyen Sesel pe mor – non.  Me i konpran tre byen sa langaz ki mannyer nou pe servi.

Mr Speaker – (non mon pa’n met lanmor lo li akoz i pe viv lo sa plannet later isi li.  So e mwan osi mon la lo sa planet later Sesel – konpran mwan ?)  Mr Speaker mon a pran perspektiv ki Onorab Georges in pran konman mon 2enm porsyon lentervansyon.  Onorab Georges in fer en lentervansyon ki mon partaz en kantite, e mon ava dir kwa ki mon partaze dan lentervansyon ki Onorab Georges in fer.

Now Mr Speaker mon reste optimistik e mon reve sa zour – sa moman ki parey bann gran istoryen, bann gran politisyen afriken dan nor Kramrunkuma e lezot bann gran liberater kontinan Lafrik e Afriken in reve en zour Lafrik i kapab talk with one voice !  With one voice !  Yes, ‘’TOGETHER !’’ Pa koman sakenn pou li or dan izolasyon.  E sa Mouvman ki Onorab Georges in dir ki nou Minis – nou VP in donn lanmen partisip ladan ler i ti dan Kapital Rwanda – Kigali.  Nou okouran konman bann Manm dan Panafrican Parliament nou okouran.  E i en Mouvman pozitif.  Me ranpli avek en kantite lobstak parfwa bann pozisyon tre pesimist i ganny étale e met devan.

Mon pa pou tro long Mr Speaker tre bref.  Ozordi bann eropeen i vwar Lafrik konman enn zot bann landrwa kot zot kapab kontinyen tir maksimonm e dikte pri ki zot aste nou bann prodwir.  E ozordi sa blok Linyon Eropeen ki Onorab Ferrari in koz lo la, nou ava dir ki ziska serten degre zot dikte pri nou prodwir ki sorti kot nou Lafrik e kot nou isi Sesel.

I ankor annan bann dominer ki zot fer.  E sel fason pou nou kapab aret sa Mr Speaker, se ki tou bann pei Lafrik i kapab zwenn ansanm e pool nou resources ansanm, e koz avek sa bann Eropeen ki pran nou bann matyer premyer pou anmenn kot zot ; or ki pran nou bann prodwir ki fikse pri, epi pou nou eksport kot zot laba, nou dir zot koumsa, ‘’Atansyon!’’ ‘ ’Atansyon!’’  Nou bezwen fer sir wi Onorab Ferrari ki okenn etranze – ki Irish – wi ; ki Franse, ki Angle pa vin dikte nou Mr Speaker.  Me sa pou selman arive letan Lafrik konman en Lafrik, i debout konman en Lafrik e en sel Lafrik. E nou koz avek en lafors devan tou sa bann partner ekonomik, pou dir get sa, ‘’Nou prodwir i kot nou, nou prodwir ou bezwen nou prodwir silvouple aret dikte pri ki ou pou aste nou prodwir. !’’

E nou bezwen Mr Speaker, nou bezwen bann marse etranze ; nou bezwen marse etranze.  Pe enport nou debout en sel Lafrik or ki nou debout nou tousel.  Nou bezwen – dan sa lemonn globalize, nou bezwen en laport ouver dan tou bann marse posib – tou marse posib.  Nou konnen ki bann standar zot etabli ; ki bann barenm zot etabli, pou nou bann prodwir ki sorti kot nou.

E nou konnen ler zot eksport kot nou, ki pri zot vann, e nou napa okenn posibilite pou nou dir ki pri zot pou eksport zot bann prodwir kot nou, ler zot pran matyer premyer anvoy kot zot laba pou zot transformen pou revann nou.  Me sa i en batay ki nou bezwen kontinyen anmennen Mr Speaker.  I pa en batay ki fasil dan sa lemonn ki nou pe viv ladan ozordi.

E mon ava demann nou de koleg ki’n koze – mon pa tro konnen si i pou annan lezot Onorab ki koze apre sa, me mon ava demann zot ki napa en danze mon ava dir zot, napa en danze pou nou ratifye sa lenstriman ki devan nou ozordi. Napa en danze ditou malgre ki L’Angleterre pa ankor sinyen or pa ankor ratifye.  E mon’n trouve sa mon annan sa dokiman i vre i dir ‘’not ratified ‘’ – eksetera in dir sa.  Me zot pa kapab fer li – zot pa kapab fer li Onorab Ferrari konman en dimoun ki Chair IAC i konn byen e konman en dimoun ki annan konesans dan relasyon enternasyonal i konn tre byen.

Zot pa kapab fer li zisteman akoz zot ankor dan Linyon Eropeen !  Si zot fer li zot pou vyol enn zot bann provizyon ki’n bind sa bann pei ki form Linyon Eropeen !  Onorab Ferrari i konn sa tre byen.  Me nou, nou konman Sesel nou pa form par pei ki dan Linyon Eropeen, so napa nanryen ki anpes nou, pou nou ratifye sa dokiman ; met pare parey mon dir ki si zanmen L’Angleterre i sorti sa lenstriman i ganny activated, i kick-in e keksoz i kontinyen parey ti napa zanmen nanryen ki’n arive.

E si zanmen L’Angleterre pa sorti, or i sorti avek nanryen or i sorti avek keksoz, ‘’No Deal ’’ sa lenstriman pa ganny kick in.  Yes i koumsa li – i koumsa.  I kick-in si i sorti i ale, me si i pa sorti Onorab Ferrari – si i pa sorti sa lenstriman pa pou antre an operasyon.  So konman i sorti, zot pou met sa devan zot Parlman, zot pou siny or zot pou action lo la, pou asire ki tou keksoz i retourn or i kontinyen normalman parey ki si napa nanryen ki’n arive.  Ok?

        Me dernyen pwen Mr Speaker ki mon pou aborde – dernyen pwen an sa ki konsern relasyon Sesel prezan,  avek bann lezot pei ki reste dan Linyon Eropeen – restrikte prezan si L’Angleterre i sorti, sa lenstriman napa nanryen ki pou met nou an konfli or an koz avek nou relasyon, ki nou’n zouir avek bann pei, ki pou kontinyen reste dan Linyon Eropeen.

Now byensir mon swete – mon swete ki sa blok pei, i kapab reste dan Linyon Eropeen, i ava dan zot lentere osi pou vin apros Sesel, pou demande si zot santi  i bezwen annan en serten revizyon – serten korperasyon ki zot annan avek nou, lo baz bilateral pa lo baz miltilateral, akoz Sesel Onorab Ferrari i konnen, nou napa en lot Lagreman Miltilateral avek bann sou blok pei ki dan Linyon Eropeen.

Me nou annan bann relasyon bilateral.  Nou annan bann relasyon teknik, syantifik e lesanz se degre komersyal ki nou annan avek lezot pei osi – ok?

Now in annan zis en relasyon – en Lagreman Sesel e Linyon Eropeen e ankor enn fwa mon pe dir ki si L’Angleterre i sorti L’Angleterre li in prepar son exit parey Brexit, L’Angleterre in prepar son exit atraver sa lenstriman, pou li mentenir e soud sa relasyon komersyal lesanz lo tou son nivo, ki i annan avek Sesel koman en pei souvren e endepandan.  Ankor enn fwa napa okenn problenm ki si nou ratifye sa ; napa nanryen ki nou pou perdi ki si nou ratifye li, fer bann lezot prosedir ki i anvoy kot Foreign Affairs, fer bann prosedir i ale e i ganny selman kickstart si parey mon’n dir L’Angleterre i sorti dan Brexit.

So sa i mannyer mon war li dan mon perspektiv. E mon krwar ki napa okenn danze, ni politik, lo okenn nivo Mr Speaker.   E mon ava appeal pou nou bann koleg lo lot kote, pou nou bouze lo sa size.  Me an menm tan Mr Speaker – finalman ler mon konpran soumisyon ki Onorab Ferrari in fer – etandonnen ki mon pe santi ki nou pou napa en ‘’Deal’’ L’Angleterre exit dan son deadline,  mwan mon napa okenn problenm e mon krwar LGB osi napa okenn problenm. Si ou oule apel bann lezot exper pran anmennen, onnetman mon pa trouv difikilte avek sa, mon napa problenm ek sa mwan.  Me an menm tan mon pe dir napa okenn problenm osi pou nou bouze avek sa size, e fini avek li met laba epi nou pran Mosyon Onorab Churchill.  Sa i mon soumisyon Mr Speaker.  Mersi bokou.

 

MR SPEAKER

Mersi Onorab Simon Gill.  Bon ankor 2 Manm ki oule entervenir me i annan en propozisyon ki Onorab Ferrari in fer i paret lo kote Parti US zot pe dakor avek sa.  Nou Standing Orders i dir – eski oule ekout le 2 entervenan apre nou ava pran desizyon ?  Ok napa problenm. Mersi Onorab De Commarmond.  Bon mon ava donn laparol Onorab Afif apre i ava swiv par Onorab Gervais Henrie.  Onorab.

 

HON AHMED AFIF

Mersi Mr Speaker.  Mr Speaker mon le tou dabor dir ki mwan osi parey Onorab Georges ti dir o konmansman enmbleman mon le dir poudir mon osi mon pa eksper dan Trade mon pa eksper dan Lalwa e sertennman mon pa eksper lo en Lakor ki i pa bilateral, i miltilateral i annan 7 pei ladan enkli Sesel.  Mr Speaker pou nou sa Lagreman ki devan nou dan en fason senp ler mon pe mazin lo la, si nou ratifye, ou pa ratifye sa ki paret i pou afekte se nou abilite pou nou permet en prodwir sorti Sesel e sa se ton dan bwat, ariv L’Angleterre i ganny trete par zot Lotorite Taks konman en prodwir zero taks.  Kekfwa si nou pa sinyen nou bann prodwir ler i pou ariv laba posibleman – e mon dir posibleman i pou annan taks.

Mr Speaker sa bann Lagreman i pa osi senp ki sa sansan nou pa ti pou bezwen bann eksper ki konn trade, e sirtou ler ou pe koz komers ou pe koz komers ki pe regard Lalwa taks dan plizyer pei.  E la nou annan 7 pei. Sesel nou deza annan plizyer taks lo la frontyer tou sa bann pei ler ou met tou zot taks ansanm ki lenplikasyon en Lakor i annan – konplike.  Sanmenm sa nou annan eksper dan pei.  E Minister Finans li i annan en departman spesifik lo la.  Alor  mwan mon konsern se ki nou vot ‘‘pour’’ oubyen ‘’kont’’ i kler poudir i pou annan en lenplikasyon.  Me sa ki osi kler ler nou ekout tou lede kote otour latab, nou pa tro asire ki bor sa pou anmenn nou e nou ti a kontan ganny en pe plis lesplikasyon.  Enn bann landrwa ki par egzanp nou pa kler se, nou deza ozordi annan en Lakor avek Linyon Eropeen.

Alor lefe ki si ozordi nou ratifye sa Lagreman dan lizye Linyon Eropeen eski zot pou war sa normal ?  Zot  riske pa kontan ki nou ratifye en Lakor avek en lot pei kan nou deza annan en lakor ek zot, e zot kapab mazinen poudir sa i en keksoz ki  ti devret diskite dan konteks Linyon Eropeen.  Tousala i posibilite e sa i kapab afekte nou leksportasyon avek lezot pei dan Linyon Eropeen ; tel ki Lafrans e Lalmanny e si mon pa tronpe nivo leksportasyon  bwat ton i pli o menm ki L’Angleterre.   Alor lenplikasyon lo lezot leksportasyon, nou pa asire.  Me i paret mwan ki – pa i paret mwan, i kler poudir Gouvernman in fini sinyen.  Alor zot, zot in fer serten kalkilasyon ki i vo lapenn pou al dan sa direksyon.

Mr Speaker mwan personnelman mon enkonfortab, pou mwan lev mon lanmen pou dir si sa Mosyon i ganny amande pou dir,’’it resolves to approve’’ oubyen ‘’ratify the agreement.’’  Mon enkonfortab lo la, me mon mazinen lo sa kote latab, nou kapab pran de pozisyon ; enn se nou defer – pa pou lontan – senpleman pou nou ganny  en pe plis lenformasyon – klarite, pou nou fer sir ki nou pe al dan en direksyon ki pa pou afekte nou leksportasyon.  I pa pou afekte deviz ki pe rantre dan Sesel.  Sa se premye.

E 2enm pozisyon nou kapab egalman pran, se nou dir ki si zot santi zot konfortab zot anvi vot lo la, petet nou, nou kapab les zot vot lo la.  Mwan personnelman mon pa santi mwan konfortab pou fer sa.

Me sa se en fason regard li.  Me mwan osi, mon bezwen ganny gidans, me selman si nou bezwen mazorite bann Manm pou vot lo la, akoz pou ratifye ou bezwen mazorite bann Manm dan Lasanble, nou bezwen 17 mon pa konnen si nou pou ganny 17.  Mwan sertennman mon enkonfortab a sa moman letan.  Alor mon ti a sizere annou ganny en pe plis lenformasyon,  klarite avek bann dimoun ki mye konpran lenplimantasyon en tel Lakor e ratifikasyon sa Lakor; pou nou kapab vreman konnen si i pou benefisye nou oubyen, si zis nou pe azir dan en fason ki nou pe sov en pe letan an ka Brexit i arive.

Me petet ler nou pe fer sa i kapab annan en danze. Mon pa’n dir in ganny fer avek en move lentansyon, me annou ganny en pe meyer lenformasyon pou nou kapab fer en pli bon desizyon.  Vwala mon lentervansyon Mr Speaker.  Mon espere ki tou lede kote nou kapab tonm lo en lagreman lo ki mannyer nou devret bouze lo la.  Mersi Mr Speaker.

 

MR SPEAKER

Mersi Onorab Afif.  Mon a donn laparol Gervias Henrie.

 

HON GERVAIS HENRIE

Mersi Mr Speaker.  Mwan osi mon lentervansyon i pou ase kourt.  E mon ava pran pwen kot propozisyon kot Onorab Ferrari in fer,  ki nou defer e ganny lesplikasyon demen matin pli boner.  E sa la i pa kestyon akoz nou anvi retard en prose; ouswa nou difisil.  I en kestyon semenn pase letan nou ti pe koz lo sa propozisyon pou ogmant saler dan servis piblik, dan mon prezantasyon mon ti pe dir ki i annan bann size ki konsern en size Nasyonal, i enportan ki i annan konversasyon e sirtou akoz Lasanble i pas an direk lo radyo avek televizyon, dimoun laba deor i ganny sans tande, zot mye konpran.

Mr Speaker negosyasyon ant Sesel, Grande Bretagne e bann pei les e sid Lafrik la Comore, Moris, Zimbabwe, Zambia, depi Septanm 2017 in konmanse.  Septanm zot in konmans sa negosyasyon.  Sa in vin  zis apre ki L’Angleterre  li an Zen 2016 ti deside zot ti fer referendum pou sorti.  Sanmenm sa Brexit ki bann dimoun in koz lo la.  So depi Septanm 2017 zot pe negosye e nou  Anbasader ki baze Brussel, Beryl Samson in fek siny sa Lagreman, prezan nou, nou bezwen ratifye.

Prezan en keksoz ki’n ganny fer resorti lot zour, se ki Gouvernman i bezwen realize, i an minorite !  I bezwen sipor Lopozisyon pou fer pase serten keksoz.  Nou dir la i bezwen 17 vot, me si nou ganny kite an deor toultan, i pa normal !   Akoz sa in vin lo Order Paper semenn pase, wi Lasanble in anvoy bann links  pou nou al lir e nou fer nou devwar.  Me nou santi ki zis semenn pase ki nou lo sa kote latab, nou ganny enplike prezan!

Nou pe dir sanz sa fason fer keksoz.  Bann size Nasyonal ki zot bezwen nou sipor – e zot bezwen nou sipor, nou bezwen ganny enkli!  E la i fer 2enm legzanp nou vwar dan lespas 1 semenn.  Sa latitid pa kapab kontinyen!  Sa Gouvernman i an minorite i bezwen dezormen konnen, i bezwen nou sipor.  Alor nou pe dir demen bomaten Ms Mangroo, PS pou Trade i vini nou demann serten kestyon, dimoun deor i ganny sans konnen kisisa sa.  Parske evidaman i enportan.  Moris li zot in bouze avek akoz Moris pa eksport disik li.  I annan lalkol, i annan latwal, i annan en kantite keksoz.  Nou zis ton prensipalman.

E wi 30poursan ton ki nou eksporte i al L’Angleterre.  So i vre i enportan pou nou. Mon konnen sa e tou bann dimoun la, nou konnen.  Me selman nou pe dir sa i telman enportan ki nou anvi nou dimoun laba deor i konpran en pe plis, kisisa sa.  E mon sizere – mon siport sa propozisyon pou fer li koumsa, akoz si non, si sa i ganny forse dan nou lagorz, mon pou abstain lo la,  e mon pa konnen lekel ki pou ed zot ganny sa 17 vot.  Mersi bokou.

 

MR SPEAKER

Mersi Onorab Henrie.  Mon ava donn laparol Onorab Waven William.  Onorab.

 

HON WAVEN WILLIAM

Mersi Mr Speaker mon pa pou tro long.  Mr Speaker mon krwar poudir sa demann i rezonnab.  E zis pou met lo rikord se ki UK pe osi dan son final stage pou li siny Lagreman avek Fuji …  forum e zot osi pe konsider avek SADC Group osi tou.  So mwan ki mon anvi dir se ki sa Lagreman i en kontinite pou sov bann pei depans larzan lo tarif ; nou pou fer en ta savings.

        Me  selman parey mon dir se ki sa demann lefe ki rol en Manm Parlman se pou fer oversight, fer sir ki keksoz pe deroul byen, mon pa war okenn problenm pou siport sa demann pous sa pou demen bomaten, pou anmenn bann eksper.  Akoz ler ou’n ganny bann eksper – eksper ki vin devan eksplik lepep Seselwa byen, mon krwar i fer sans.  Mersi.

 

MR SPEAKER

Mersi Onorab William.  Petet osi mon ava fer en pti komanter.  Si en Lagreman oubyen en Konvansyon i ant de parti zis en parti i ratifye, i pa kapab vin anfors toultan sa lot parti pa rektifye.  L’Angleterre son pozisyon i pli serye mon kapab dir ki nou, akoz si i ratifye la ankor en manm EU i dan problenm i pe kas son bann lagreman avek EU.   So se pou sa rezon ki i pa pou kapab ratifye toultan sa prosesis whether i pou annan en Brexit oubyen non, i pa annan en desizyon.

Toultan en desizyon i ankor pe sa, i pou dan problenm, i pa pou kapab ratifye.  So sa lafason osi tou ki mon konpran li.  Mon ava donn laparol Mover Mosyon pou nou regarde ki direksyon i anvi ale.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker detrwa keksoz ; enn – mon a koz premyerman lo lamannman propoze par Onorab Georges – napa problenm ek sa, mon krwar i byen, e petet sa ti devret ganny pick par Lasanble menm depi avan.  Me mon krwar Bills Committee mon krwar ou ki Chair Bills Committee i pe al dan direksyon ki nou pe ale.  e annou take note Mr Speaker ki nou pa revin ankor, letan i annan ankor en Lagreman ki nou ratifye nou pa fer le menm fot.  Konmsi ki sa i deza vin en template ki nou servi dan sa direksyon.  Ok?  So lo la i ok.

2enm keksoz, mon remersi bann kontribisyon ki’n ganny fer.  Selman mon le met devan nou Lasanble detrwa keksoz.  Enn ou rapel tre byen Mr Speaker dan ABC Miting sa issue ti levé.  e premye pou propoze ki bann eksper i vin devan nou Lasanble se mwan.  Mon ti dir les sa bann dimoun vini, me Onorab Ferrari li menm ki dir me non napa problenm sa i ok.  Tou dimoun i konpran sa Lagreman.  Wi, wi e  i ti ok e nou ti dir ki sa i pou ganny aprouve, napa problenm, nou pou siporte.  So lo sa baz – se lo sa baz …

 

(Interruption)

 

HON CHARLES DE COMMARMOND

… ekoute mon pe koze.  Mon’n les zot koze. Lo sa baz ki nou’n al dan sa bann direksyon.   Be si alor pou fasilit keksoz, e ki tou dimoun i konpran pli byen konteni sa Lagreman, e akoz kwa ki se swa, mon napa en sou problenm ; mon dakor avek sa lide parey mon ti pe panse originally.  E ki anba 79 (1) nou demande ki demen bomaten – akoz la ler ki’n arive – demen bomaten sa bann dimoun konsernen i vini e nou annan en dyalog avek zot.  Me dezormen – dezormen nou  move dan Committee Stage – dezormen   mon ti ava kontan osi i vin lo rikord Mr Speaker, ki annou pa fer sa zis ek sa Lagreman la  – ek sa Mosyon ki la devan nou.

I fer ankor plizyer fwa ki mon dir, annou annan tonm dakor ki tou Mosyon pou ratifikasyon quelque soit – nenport kwa bann Lagreman, nou ganny sa bann eksper i vin la devan nou Lasanble, pou nou pa repet menm keksoz, pou donn nou lesplikasyon an plis, ki nou, nou pa konnen swa  nou pa konpran, ouswa  ki nou pa pe sezi byen.  E ki i vin osi en ledikasyon pou piblik, piblik ki pe ekout nou, i ava konpran osi pli byen, kwa ki nou pe ratifye kekfwa zis nou ankor ki konnen kwa ki nou pe ratifye.  So i ava vin en keksoz lavantaz.

Me annou tonm dakor ki i vin lo rikord, ki nou pa vin en issue ankor.  Apre sa, i a vin the practice of this House ki sak fwa i annan en Lagreman – en keksoz pou nou ratifye, alor nou servi sa metod la.  E mwan mon ti ava kontan ki sa.  Me selman an menm tan, i enportan pou fer resorti, ki sa ki devan nou la, i zis en matter of prekosyon.

Set en prekosyon pou ler si i arive ki La Grande Bretagne laba Rwayonm Ini, i deside ki zot pou sorti dan Linyon Eropeen, then napa en rupture dan tranzaksyon biznes e whatever ki pe ganny fer aktyelman.  Ki alor nou bann eksportater ki swa pou ton or pou lezot prodwir, i pa ganny okenn afekte kwa quoi que ce soit.  E si ou war, i byen ki nou pa pe-.   E si par egzanp, zot tonm dakor pou sorti dan Linyon Eropeen, i pou annan en peryod tranzisyon.  I pou annan en peryod parey le 22 Me, in ganny dir si zot sorti le 22 Me, ki sa zot pou pran lefe ensidswit.  

        So i annan en peryod letan la tranzisyon, ki bezwen nou pa kapab stop komers.  Sa komers alor pou bezwen kontinyen li.  Be sa Lagreman i a permet sa ganny fer.  E nou pa pe  fer en Lagreman avek Rwayonm Ini tousel.  La i en keksoz –  Se sa ki nou apel li en Lagreman par enterim, atraver regional body Eastern and Southern Africa, ki zot pe pran sa deal si oule avek Linyon Eropeen.

Linyon Eropeen i konnen sa ki pe ganny arive.  I konsyan li.  I konnen e se sa rezon ki pou napa okenn en sou problenm ladan.  E parey mon dir alor, si pou fer nou pli happy, fer nou pli konpran, i enportan alor ki sa bann eksper i vini, then mon ti ava kontan ki nou tonm dakor lo la.  Nou bouze pou nou kapab demen bomaten nou revini e sa bann dimoun i ava la e koumsa tou dimoun i ava konpran pli byen petet sa ki nou pe propoze.  Napa problenm ek sa Mr Speaker.  Mersi bokou.

 

MR SPEAKER

Mersi Onorab De Commarmond.  Bon anvi ki i annan en konsansis lo the way forward, eski okenn Manm i move ki nou – ? Ou’n fini move Onorab?

 

HON CHARLES DE COMMARMOND

Anba 79 (1).

 

MR SPEAKER

Yes ok.  Okenn Manm ki segonde?  Onorab Simon Gill.

 

HON SIMON GILL

Mr Speaker mersi bokou.  Mosyon i ganny segonde parey in ganny prezante Mr Speaker.

 

MR SPEAKER

Ok dakor nou ava pran en vot lo Mosyon ki devan nou.  Se ki nou move dan en Staz Komite demen bomaten, pou nou kapab ganny en pti pe plis lesplikasyon pou nou konsider sa Lagreman ki devan nou.  Tou Manm ki an faver?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Speaker.  Mon’n rikord 25 Manm ki vot an faver e personn kont.  Mersi.

 

MR SPEAKER

Mersi Madanm Deputy Clerk.  Savedir Mosyon in aprouve.  Bon savedir demen bomaten Madanm Deputy Clerk pou fer le neseser pou nou enform sa de dimoun Ms Cillia Mangroo avek Mr Morin.  Mon pa konnen petet osi tou kelken from Foreign Affairs si fodre i ava vini i a donn en pe plis klarifikasyon lo sa ‘’Deal’’ ki bann lenplikasyon osi ki i annan ki i le ratifye la.  Anfen parey mon dir pou ratifye pou en Lagreman vin an fors i bezwen tou lede parti i ratifye.

Bon nou pa pou pran nou pa pou konmans en lot Mosyon la.  Mon sizere ki nou adjourn e nou kontinyen nou pran parey nou dir demen bomaten.  Yes Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon ti sinyal ou mon ti le fer en personal explanation, ki ti napa nanryen avek ou Ruling.  Non okenn Ruling ki ou’n fer dan Lasanble.  i ti zis mon fer en personal explanation akoz ou’n fer en Ruling vizavi bann Manm al lo rezo sosyal pou reponn serten komanter ki’n ganny fer.  Me wikenn mon pa’n al kont sa Ruling, me selman mon vwar mon bezwen reponn serten komanter ki’n ganny fer ler en dimoun in actually apel en fonksyonner dan Gouvernman ; in servi bann term pou dekrir sa dimoun ki i pa apropriye Mr Speaker.  E sa ki mon ti le met devan Lasanble, mon ti le demann tou lede kote latab pou mon ti le met – Mr Speaker ti donn en Ruling ki ler nou reponn sa bann komanter nou bezwen fer li dan en serten fason.

Mon’n fer li byen me selman mon pa le ganny war ki mon ti pe mon ti pe reponn sa dimoun spesifikman.  Me par lefe ki sa dimoun ti fer komanter Mr Speaker ki i derogatwar anver en lot Seselwa mon krwar ki …

 

(Interruption)

 

MR SPEAKER

Order!  Eski i en Manm Lasanble ki’n fer sa komanter?

 

HON SEBASTIEN PILLAY

Non. Mr Speaker non, me selman mon pe al lo Ruling ki ou ti donnen.  Parey bomaten ou’n alert mwan ki mon bezwen swiv nou bezwen swiv bann Ruling ; ou Ruling i final.  Sa dimoun in dekrir en lot Seselwa konman en ‘’Zako’’ Mr Speaker.   E mwan mon krwar poudir – e vwala Mr Speaker. E mwan parey ou’n deza dir dan Lasanble, i annan lezot dimoun ki’n deza servi sa term, ki i pa apropriye ki ler en dimoun i servi sa term.   E Onorab Ferrari ti lo sa forum mon’n remarke poudir li osi ki in fer komanter e mwan mon  kondann sa bann kalite aktivite.  Non, non Mr Speaker.

 

(Interruption)

 

MR SPEAKER

Non, i pa pe –

 

(Interruption)

 

HON SEBASTIEN PILLAY

… pa ki …

 

MR SPEAKER

Non, non, non, non, non, i pa’n imput nanryen – ok ?

 

(Interruption)

 

HON SEBASTIEN PILLAY

Mr Speaker Onorab Ferrari osi in kondann sa bann kalite komanter.

 

(Interruption)

 

MR SPEAKER

Ok ale annou fini Onorab Pillay.

 

HON SEBASTIEN PILLAY

E  mwan mon ti a kontan ki Lasanble an zeneral Mr Speaker e konman bann Manm, nou kondann sa bann kalite komanter, kan i ganny fer atraver bann Seselwa.  E sa komanter Mr Speaker annefe i relye avek en size ki Onorab Ferrari  in raise bomaten kot ti annan en portre ki ti montre  bann zofisye State House ki Onorab Ferrari in dir si i ti annan sa portre ; e lefe ki sa komanter anver  en Manm sa delegasyon, mon santi poudir i pa apropriye e i pa devret ganny fer par okenn Seselwa anver en lot Seselwa.  E se sa ki mon le met devan Lasanble.  Thank you Mr Speaker.

 

(APPLAUSE)

 

MR SPEAKER

Mersi Onorab.  Non mon krwar petet ler mon ti koz lo la mon krwar lannen pase. Mon pa ti ganny sipor personn deor.  Se sa rezon ki mon ti ganny krisifye.  Me si plis nou, nou fer li e nou kondann bann remark koumsa, mon krwar i pou fer ki finalman i ava vin en – ankor parey ou’n dir i a vin en form pou nou re edik nou pep ; pou annan respe pou kanmarad e pa servi serten term ki nou pa ti a kontan lezot i servi anver nou.  Ok?  Sa i byen.  I en keksoz ki pozitiv.  Bon avek sa nou ava adjourn e nou ava repran nou travay demen bomaten 9er.

 

 

ADJOURNMENT