::
Home » Verbatim » 2019 » Wednesday 3rd April, 2019

Wednesday 3rd April, 2019

NATIONAL ASSEMBLY OF SEYCHELLES

Wednesday 3rd April, 2019

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab.  E bonzour tou dimoun ki a lekout e pe swiv travay Lasanble Nasyonal.  Bon bomaten parey mon ti’n anonse yer nou annan en Revised Order Paper e nou’n deside yer dan Assembly Business Committee ki nou remet Bill, Public Service Salary (Amendment) Bill 2019, Bill No. 2 lo Order Paper.

An vi ki mon’n osi tou ganny alerte par Onorab Charles De Commarmond ki i anvi move en Mosyon pou retir sa Bill  e toudswit mon ava donn laparol Onorab De Commarmond.

 

HON CHARLES DE COMMARMOND

Mersi Mr Speaker.  Bonzour Mr Speaker. Bonzour tou Manm Lasanble e tou dimoun ki a lekout.  Mr Speaker, Sir. I wish to withdraw the Public Service Salary (Amendment) Bill 2019 from the House.  Thank you.

 

MR SPEAKER

Mersi Onorab De Commarmond.  Yes, yes, ok.  Onorab zis state Standing Orders.  Onorab.  Zis state prosedir Standing Orders.

 

HON CHARLES DE COMMARMOND

Mr Speaker nou al lo presedans.  Dan lepase nou’n retire plizyer Bill dan Lasanble.  Nou – par egzanp ti annan President and Vice President Pension and Order Benefit Bill 2019 sa in ganny withdrawn.  Immigration (Amendment) Bill in ganny withdrawn lo menm baz.  Pension Bill, Revenue Commission (Amendment) Bill tousala vwala serten sa bann Bill in ganny withdrawn without debate menm la fason zis nou’n retir li lo Order Paper.  Mersi.

 

MR SPEAKER

Mersi savedir ou pe dir mon anba 72 ?

 

HON CHARLES DE COMMARMOND

Savedir i annan presedans anba 72, i annan presedans ki sa nou’n fer dan –

 

MR SPEAKER

Bon lo mon kote depi yer dan ABC mon pe endik zot anvi konsey ki mon’n gannyen, konsey legal.  E an vi sa sityasyon ki nou vwar nou ladan ozordi.  Bill i ankor vivan devan Lasanble e bann sityasyon, bann keksoz ki’n arive e bann desizyon ki’n ganny pran par Egzekitiv tandis ki Bill i ankor devan Lasanble,  i fer ki parey mon ti pe konmans endik zot yer dan ABC bann presedans ki’n arive avan nou’n plizoumwen retir bann Bill after the First Reading, ki nou pa’n fer Second Reading e nou pa’n, nou pa’n  bezwen al move a Motion to do it.

Baze lo sityasyon aktyel ki nou vwar nou ladan, e baze en pti pe lo legzanp Parlman Maurice kot nou Standing Orders derive from, dan sa staz kot nou’n arive mon santi ki mon ruling lo la, mon santi ki wi the mover of the Motion pou nou pran sa Bill i annan drwa pou li move son Mosyon pou retir sa Bill a nenport moman but parey nou Standing Orders 72 i dir ‘at the commencement of proceedings’At the beginning of proceedings, ok.  Ki mon’n allow.

Me an vi tou sa bann keksoz ki’n arive e lefe ki sa Bill i ankor vivan dan Lasanble e en S.I Egzekitiv in deside anmenn en S.I ki nou pa’n, nou pa ni’n menm ganny averti alerte dan sa sityasyon koumsa.  Mon ruling lo la se ki a sa staz sa Mosyon i ganny seconded and the Assembly takes a decision on itTakes a vote on it.  Vwala mon pozisyon lo la.  Ok.  Yes Onorab De Commarmond.

 

HON CHARLES DE COMMARMOND

Mr Speaker mersi.  Mon le ou al lo presedans e nou annan legzanp kot serten Bill in pas dezyenm, Second Reading e ki nou’n withdrawn lo menm zafer.  E an menm tan mon oule aport ou latansyon a Standing Orders 72 where it says clearly the Member may move ou konpran e ou move.

 

MR SPEAKER

Wi.

 

HON CHARLES DE COMMARMOND

Non ou kapab move ou kapab pa move. Ou konpran?  Sa Mosyon i – akoz sa i en preogativ mover of the Motion.  Ki swa en Private Members Bill, ki swa from the Government ki a diferan moman zis i kapab si sa bann staz pa ankor fini par egzanp Third Reading pa ankor arive i kapab retir son Bill pou nenport ki rezon ki i santi i bezwen tir sa Bill before the House.

E sa i en prerogative se pou sa rezon ki napa en Mosyon an Prensip e napa debate.  I en konvansyon si ou le ki’n ganny servi e par egzanp an New Zealand, Parlman New Zealand i koumsa e plizyer parlman Commonwealth i koumsa.  E se sa, e nou, nou Lasanble in  pratik sa all along e sa an realite Mr Speaker, Sir i protez osi minority group dan en Parlman.

Par egzanp en Manm i kapab sorti dan en minority group in anmenn  en Bill, apre en serten letan dan sa Bill avan Third Reading in anvi retir son Bill, so ki i pa ganny impinged i pa ganny okenn problenm par mazorite Manm Parlman lo son BillSo i bann presedans ki’n ganny aksepte e nou, nou Lasanble in fer sa bann presedans so e all along in koumsa se sa ki mon’n move anba sa menm Order.  Mersi.

 

MR SPEAKER

Mersi Onorab De Commarmond.  Mersi pou sa leksplikasyon.  E mon osi mon pe al, mon pe al en pe dan sa direksyon.  Me petet les mon fer sorti ankor enn de pwen.  Dan sa bann ka kot sizyenm Lasanble in entertain the move to withdraw a Bill under 72 in annan en konsansis, in annan en lantant ant Lasanble in the House ki  anvi serten lerer sa bann Bill, anvi serten keksoz ki nou bezwen retournen re al diskite, e sa in ganny aksepte.

Me pou le moman sa Bill ki la devan nou e parey mon’n dir bann levennman ki’n arive e mon pa anvi parey mon dir avan, mon pa anvi al dan sa direksyon kot pou mon anmenn ankor en wedge petet ant mon lofis avek lofis Prezidan.  Me mon santi la fason ki keksoz in ganny fer in vin en serten lenterferans dan travay Lasanble.  Mon dir sa akoz Bill  ziska yer nou ankor pe diskite dan ABC e sete selman dan ABC ki en Manm ti alert nou poudir deza dan nouvel en S.I in ganny anmennen ki Bill, ki pozisyon Bill.  Bill i ankor devan the House for debateContinuation of debate e en S.I in ganny anmennen.

Egzekitiv in deside pou anmenn en S.I ki bliy sa Bill e menm zot pa ni menm mazinen poudir eski sa Bill pou ganny withdraw?  Eski Leader of Government Business pou withdraw sa Bill malgre ki in alert mwan?  Eski Lasanble pou aksepte ki sa Bill ki in the possession of the House will be withdrawn.

En S.I in ganny fer e prezan mon konsern bomaten mon dyaloge, mon diskite menm avek Clerk bomaten, si en S.I ti kapab ganny fer in the first place, akoz ki en Bill in vin devan sa Lasanble pou nou pou la premye fwa, i annan en lenpas ant Egzekitiv avek Lezislatif.  Ou vwar ?

So tousala ler mon met – ler mon met devan, mon pran tousala an konsiderasyon e mon pran konsey ki mon’n gannyen e ler ou regard sityasyon Maurice i dir ou Maurice in move for a  Formal Motion an vi sa sityasyon ki nou’n arive.

E parey mon pe dir dan tou bann move ki’n ganny fer in annan konsansis lo tou lede kote akoz ou’n vwar bann defo ek sa bann Bills e nou’n vwar poudir i bezwen retournen pli tar.  Immigration in koumsa.  Immigration in ganny retire konpletman avek en bi ki i ganny re travay lo la e i retourn dan Lasanble Nasyonal.  Yes Onorab De Commarmond

 

HON CHARLES DE COMMARMOND

Mr Speaker, Sir, mon’n ekout ou konsern be mwan mon le fer kler.  Mon pa dan Egzekitif mwan.  Me mon Leader Zafer Gouvernman, be mon Gouvernman i dir mwan retir son Bill mwan mon rol se pou retir son BillNow si ki in fer sa li i a reponn.  Mwan mon pa kapab reponn lo son behalf la mwan.  Me sa ki kler in pran en lot mezir, petet son Bill ti devan nou, parey ou menm ou’n dir kekfwa pa ti devret anmenn sa in the first place, si in ganny mal advice sa pa telman mon problenm sa.  E li i ava eksplike e petet akoz in v war koumsa ki i bezwen retir son Bill.

Alor si in pran son lot course of action e li prezan in bezwen retir son Bill, alor mwan mon rol se met devan avek bann presedans ki’n etabli, avek Standing Orders, avek Konstitisyon Lartik 86 i bezwen- mon bezwen fer retire sa.

E nou pa ankor pas Third Reading e mon kapab retire.  Napa en Mosyon pou – i pa devret annan debate, i pa devret – be nou tire.  Nou’n fer presedans avan, mwan mon beg you Mr Speaker, Sir pou nou kapab move on e nou retir sa parey nou’n fer.  Prezan si i annan lezot keksoz pli tar si Manm i anvi anmenn Private Members Bill, si Egzekitiv li i le retourn ek en Bill pli tar akoz i bezwen revwar serten keksoz sa i son  prerogative.  Sa i li i ava fer.  E mon pa kapab la pou reponn lo sa kote.  Mersi.

 

MR SPEAKER

Mersi Onorab De Commarmond.  Bon mon pou mentenir sa pozisyon kot mon dir the Bill is still alive in the House.  Bill i devan House Bill i ankor – in ganny mete pou nou kapab kontinyen deba e an menm tan pou ou fer sa move.  E mon dir ankor ki sa lenpas ki nou ladan yer mon’n demann atraver ABC si i annan mwayen pou negosyasyon pou diskisyon kontinyen, mon’n ganny dir par party whip lo kote LDS ki wi son parti i pare pou kontinyen negosye.

Me i paret ki lo kote Egzekitiv laport in fini fermen.  So devan nou ozordi nou annan  en Bill ki ankor vivan ok.  E ou, ou pe demande pou retir li ki i normal konman ou – dan ou pozisyon ou annan sa pouvwar ki ou ki’n move sa Bill pou retir sa Bill.

Me dan tou sa sa ki mon pe kestyonnen legalite dan tou sa bann keksoz ki’n arive.  Nou annan en  Bill, en Prozedlwa.  Ki en Prozedlwa i sipoze pli o ki en S.I.  En S.I i bezwen anliny avek – i bezwen swiv son Prozedlwa.  Prozedlwa i ankor devan bann Lezislater.  Se Lezislater ki debat, amann oubyen pas en Prozedlwa.

E parey mon’n dir lafason ki keksoz in ganny fer lo lot kote in menm met an dout travay ki nou konman Lezislater pe fer.  Se sa rezon ki mwan mon anvi pran sa direksyon parey mon’n dir lo tou bann moman avan bann presedans avan, kot nou’n withdraw en Bill ki nou’n aksepte i pa’n annan, nou pa’n vwar nou dan sa sityasyon.  Nou pa’n vwar nou dan sa lenpas.  In annan konsansis.

E dan sa sityasyon avek tou sa keksoz ki mon’n met devan, mon anvi ki nou move dan direksyon kot nou  Standing Orders in sorti, se dan direksyon Maurice kot nou pran en Formal Motion lo  withdrawal.  Ou’n move to withdraw, nou pou go through the process of segonde e the House will decide.  Now, the house will also decide if nou pou debate on the Motion for withdrawal oubyen si zis nou pran en vot lo la.  Ok.  So.  Yes Onorab De Commarmond

 

HON CHARLES DE COMMARMOND

Mr Speaker avek tou respe mon krwar ou pe al an deor.  E mwan konmsi ki mon pe dir la se ki ou live.  Nou Lasanble i live e tou dimoun pe tande pe ekoute pe zize.  Mon krwar nou pe al dan move direksyon.

 

MR SPEAKER

Onorab.  Onorab ok.

 

HON CHARLES DE COMMARMOND

Mon feel.  Mon’n dan Lasanble en ta letan Mr Speaker.

 

MR SPEAKER

Yes Onorab.

 

HON CHARLES DE COMMARMOND

Me mon krwar nou pe al dan en move direksyon.

 

MR SPEAKER

Onorab annou tenir sa dyalog annou pa al dan en lot direksyon.  Wi mon okouran ki nou live.  Mon okouran ki tou dimoun i okouran kwa ki pe go on.  Me i enportan osi tou ki tou dimoun deor manm piblik i okouran depi ler Lasanble in pran sa Bill kwa osi ki pe go on deor.  Mon pou al en pti pe pli lwen.  Ler en Mosyon i leve ki kestyonn en case ki devan Lakour, nou tou menm avan mwan mon fer li en Manm i kriye Mr Speaker subjudice  we cannot touch it. Be eski sa pa devret aplik ler Prozedlwa osi tou pe ganny deba dan sa Lasanble?  Ki nou les sa deba fini avan nou antre dan lezot deba ki pou enfliyans travay ki Lezislater pe fer?

Annou retourn en pti pe lo bann sityasyon ki’n arive.  Ler mon lofis ti ganny let.  Let ti ankor ant mon lofis avek lofis Prezidan.  Mon  pa ti ankor ni menm partaz let ant le de lofis akoz mon ti ganny li en apre midi. Eski ti normal aswar mon ti tann let i ganny devwale dan lapres?  

So nou sitasyon ki devan nou ozordi with regards to sa Bill i en premye, i premye fwa ki nou vwar nou dan en lenpas.  2an edmi sizyenm Lasanble in travay zanmen sizyenm Lasanble in blok bann prosedir, bann Prozedlwa Egzekitiv.  Kot i mal nou’n dir i mal swa konman Bills Committee in fini vwar i mal nou’n fer retournen.

Swa ler nou’n konmans fer First Reading nou’n konmans deba lo bann – vwar poudir i mal nou ti vwar Dogs Control kot nou ti bezwen defer pou fer serten travay lo la.  So sityasyon ki devan nou ozordi i en premye, i en premye.  Se sa rezon ki mwan mon pe dir annou al the formal way, se la fason ki Maurice i pran li.  Sa staz kot nou’n arive e sa bann sityasyon ki’n devlope an deor travay ki Lasanble pe fer, mon santi ki nou devret move a formal Motion ki ganny seconded e Lasanble i pran en desizyon lo la. Ok ?  Mon ava demann la parol Onorab De Commarmond.

 

HON CHARLES DE COMMARMOND

Mr Speaker mwan mon pou al lo presedans.  Mon pa pou kapab move en Formal Motion la pou le moman.  Mon a bezwen plis konsiltasyon petet.  Mon a demande pou nou adjourn Lasanble, pou nou al fer plis konsiltasyon si neseser.  Me mwan mon pa pou move la en Formal Motion pou nou withdraw.  Mwan mon pe al lo presedans ki nou’n etabli dan nou Lasanble e  mon anvi ki nou withdraw sa Bill parey i ete.  I bezwen annan en prerogative.  Gouvernman the move of the Motion of the Bill tou landrwa i bezwen annan en prerogative pou li tire son Bill.  I annan en rezon enportan ki oule retire.  I tire.  Ou konpran sanmenm sa mon dir.

 

MR SPEAKER

Mon pa pe anpes sa mwan.  Mon pa pe anpes.

 

HON CHARLES DE COMMARMOND

Ou konpran  e se sa ki mon pe vwar.

 

MR SPEAKER

Me se ki modalite nou swiv, ki fason nou fer li.  Dan sa bann presedans ki ou pe dir mon toutafe dakor nou’n  fer li.  Nou’n fer li avan me mon’n eksplike ki mannyer nou’n fer li avan.  Nou pa ti dan en lenpas.  Nou ti fer li avan akoz ti annan konsansis.  E nou ti vwar tou lede kote, nou ti vwar kote ki ti annan problenm e ki rezon nou ti bezwen tire.  Alright.

E nou’n fer li san okenn debat.  E lot kote osi tou mon krwar pa’n fer okenn debat me sa sityasyon ki devan nou avek parey mon dir bann levennman ki’n take place an deor nou House, mon pa konnen si zot konman Lezislater zot pa santi zot afekte.  Zot privilez pa’n  ganny afekte.  Mwan konman Speaker mon santi as the Chair of this Assembly privilez sa Lasanble in ganny afekte.  Lafason ki keksoz in ale.

Me parey mon pe dir mon pa anvi ki nou al dan sa direksyon.  Me mwan mon ti a kontan ki parey yer mon’n fer sorti ankor e mon’n demande ankor annou bouze.  Nou dan en lenpas si i annan room pou negosye, negosye.  Me se sa moman  a sa moman ki mon ti okouran poudir san mon menm ganny alerte parey mon dir, Bill i ankor devan nou, i ankor vivan dan Lasanble, it was deferred nou ti agree dan ABC pending ki serten dokiman ti pe antre kot Lasanble.

Bann dokiman in antre.  I annan dokiman ki ti annan fot ladan.  Nou’n kontinyen ganny dokiman ki’n ganny amande and so on.  E de la apre nou fer en desizyon pou nou retourn sa Bill lo Order Paper.  Ou’n alert mwan ki konman dirizan zafer Gouvernman ou anvi move pou retir sa Bill.  Ler ou’n alert mwan, depi Lendi ou’n alert mwan nou pe fer bann prosedir.

E en dimoun, en konseye legal ki mon’n deal avek se Onorab Bernard Georges ki li osi tou i ti asiz lo sa komite ki ti review Standing Orders.  E sa komite ti ganny Chair by ex- Deputy Speaker ex-Onorab Wilby Lucas.  E Onorab Georges ti asize lo  sa Komite.  So ler mon’n regard son konsey ki in donn mwan e mon mazinen poudir ler zot ti pe ekrir Standing Orders e menm ler zot ti pe fer referans ki mannyer Bill pou ganny withdrawn, e anba 38(6) (e) i fer referans ki mannyer pou move a Motion to withdraw a Bill.  E mon krwar poudir se sa spirit ki Onorab Georges in ekrir in donn mwan en pti pe gidans pou la bomaten.  Onorab De Commarmond.

 

HON CHARLES DE COMMMARMOND

Mr Speaker, Sir.  Mon pa le nou kontinyen en konversasyon la mwan avek ou.  Me the same ex-Onorab Wilby Lucas ki ti Chair sa komite Standing Orders in osi konsey mwan poudir – in osi, in osi  konsey mwan poudir we are right under 72 poudir sa Mosyon i ganny mete koumsa e mover of the Bill i kapab at any time zis tir son Bill.  In dir, in dir mwan sa.  Me mwan mon pe demann ou leave la ki ou adjourn Lasanble for further consultation and then we can continue.  Mersi.

 

MR SPEAKER

En moman.  Mersi Onorab De Commarmond.  Bon mwan mon ti fer zot tou yer ganny – dan ABC ganny en kopi sa advisory, sa konsey ki mon’n gannyen avek Onorab Georges.  Petet mon ti a kontan ganny en kopi sa ki ou’n gannyen avek Mr Wilby Lucas.  That would be helpul.

 

HON CHARLES DE COMMARMOND

Mon’n konsilte ek li mon dir ou.

 

MR SPEAKER

Ok ou napa nanryen an ekrir.  Ok.  Mon ava don la parol Onorab Sebastien Pillay avan mon pran en desizyon si nou pou adjourn.  En moman.

 

HON WAVEL RAMKALAWAN

I pe vin pran deba avek ou lo la.  parski si li i ouver deba, Mr Speaker, Mr Speaker, Mr speaker mon pe demann en kestyon.  Mr Speaker, Mr Speaker mon pe zis demann en kestyon.

 

MR SPEAKER

Yes Onorab.

 

HON WAVEL RAMKALAWAN

Si Onorab Pillay pe vin koz lo la, then it means ki pou annan lezot Manm lo nou kote.  Parski ziska aprezan mon’n vwar ki sanmenm sa ki nou’n reste trankil, mon’n vwar ki poudir nou’n annan sa dyalog avek Onorab De Commarmond as the Leader e nou satisfe avek sa.  Me si nou pou al konmans met kwiyer ladan mon krwar ki nou tou nou annan en kwiyer.  Mersi.

 

MR SPEAKER

Ok.  Bon nou’n koze nou de Onorab De Commarmond, nou’n dyaloge piblikman, devan televizyon e lo radyo tou e mon’n fer sorti mon pozisyon.  Nou pe dyaloge.  Propozisyon.  Dernyen propozisyon Onorab De Commarmond se ki nou adjourn pou en pe letan pou nou rod en pti pe plis konsey.  Vwala.  Mon pa pe ouver deba lo sa.  Mon a zis donn en parol Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon krwar i enportan ki mon enform Lasanble ki mon ti form parti en meeting ki ti ganny fer kot nou de Onorab Georges ti ganny envite pou regard sa size ki anba Standing Orders.  So mon pa pe vin ouver okenn deba par lefe ki mon’n party to sa sequence of events ki’n lead nou dan sa pozisyon ki Onorab Georges in pran.  

So mon pa konnen ki mannyer mon kapab kouver deba.  I enportan pou mwan osi akoz mon  santi poudir la mwan mon privilez pe ganny afekte par lefe ki orizinalman ler nou ti move anba Order 72 pozisyon Onorab Georges ki ti ganny pran avek tou respe sete ki nou pa kapab fer li.

Me apre nou’n vwar en lot pozisyon ganny anmennen kot in dir nou poudir i bezwen vin en Motion without notice anba 38(6) (e).  Ki nou konpran nou akoz se sa provizyon dan Standing Orders.  Se sa ki nou pe dir be selman Speaker in  raise, Mr Speaker in raise serten issue ki egziste otour sa Bill ki pe dir, ki pe fer referans avek whether or not nou privilez konman en Manm Lasanble in ganny afekte.

Now konman en manm Lasanble eski mwan si mon santi baze lo – e mon krwar pa si Speaker in rule la li. Se ki in eksprim en santiman.  I pa’n fer en ruling poudir privilez in ganny afekte.

Mon le zis alert nou pou ki si nou pe al sa adjournment ki nou regard Lartik 89 nou Konstitisyon.  E Lartik 89 nou Konstitisyon i a fer kler whether or not prosedir ki Egzekitiv in servi whether sa prosedir dan Lartik 89 nou Konstitisyon i legal oubyen non.

E sa i ava en determinasyon pou Lakour determinen whether sa ki Egzekitif in fer pou legal.  Mersi Mr Speaker akoz i kler dan Lartik 89.  E sanmenm sa rezon Onorab De Commarmond pe fer en sizesyon.  E nou konnen nou pa kapab move en Motion for adjournment akoz en Motion for adjournment i bezwen ganny seconded e i bezwen ganny vote. Nou napa mazorite dan Lasanble pou nou move en adjournment.  Nou an minorite.  So nou pe be indulgence of the Chair pou nou kapab ganny sa letan pou nou fer sa konsiltasyon.  Se sa ki nou pe fer.  Mersi Mr Chair.

 

MR SPEAKER

Yes e mon pou adere avek sa.  Mon pou grant zot ki nou pran en technical adjournment.  E nou ava retournen – mon a donn  30 minit ok.  Nou ava retournen 10er bomaten.  Ok. So nou adjourn ziska 10er bomaten.

 

(BREAK)

 

MR SPEAKER

Bon nou ava kontinyen nou travay.  Mon ava – Onorab De Commarmond ou annan okenn –

 

HON CHARLES DE COMMARMOND

Wi Mr Speaker.  Mersi bokou.

 

MR SPEAKER

Please.

 

HON CHARLES DE COMMARMOND

Mr Speaker mon oule enform ou – enform nou Lasanble ki nou pou reste lo nou pozisyon.  Nou krwar ki nou byen.  E ki tou bann pwen avanse i kler ki sa bann presedans i vedir ki keksoz in ganny fer dan sa bann direksyon e ki osi best practice dan lezot pei Commonwealth i dan sa laliny e osi spirit of the Constitution i dan sa direksyon.  Mon’n ganny alerte, averti e plizyer law people in text mwan, in telefonn mwan e osi dir poudir ‘’you are right’’ e ki si fodre sa i al devan Lakour Konstitisyonnel les ale e ki zot – nou annan en bon, bon rezon.

E lo sa baz Mr Speaker nou le met devan nou Lasanble osi ki ou konnen sa mezir, sa prosedir i en prosedir – e sa Mosyon la pou alert, pou retir en Bill i en kestyon prosedir e ki osi pou zanmen i arive kot en Lasanble i blok en Manm, en Manm oubyen mover of the Motion, i kapab Gouvernman i kapab en nenport Manm.  En Manm i kapab sorti dan en kote, ou kapab annan ou en Lasanble ki annan 3,4,5,6 parti en parti an minorite en Manm in anmenn Private Members Bill e ler in ariv en staz kot i vwar poudir son Bill i pa bon ouswa i annan plizyer rezon ki i le tire i bezwen annan sa prerogative avan .

San ki  i abiz Standing Orders of course pou li retire san ki i ganny problenm avek bann lezot Manm.  Avek son Lasanble ki Lasanble pa blok li pou li tir son Bill si i pe swiv bann prosedir normal.  E parey mon’n dir anba Konstitisyon i kler ki tan ki en Bill pa’n fini pas son bann staz e son bann staz i enkli Third Reading.

Si mon ti’n ariv lo Third Reading la mon pe retire la mon pou mal.  La mon pou mal.   E letan ou’n fini fer Third Reading i nepli pou nou i pou Lasanble.  Ou konpran la.  Me letan ki ou pa ankor fini sa bann stages i kler e ki napa en vot ki’n ganny fer lo la so i kler ki anytime ou kapab retire.  Mr Speaker, Sir I beg ki ou konpran sa sityasyon.  Mon’n konpran ou bann pwen ki ou’n dir avan.

Sa bann pwen li i pa an relevan avek mon Mosyon, avek mon  pwen pou mon tir sa Bill.  Sa mon le ki ou sezi byen.  E ki nou kapab debat lo bann lezot pwen a en lot moman sa napa problenm ek sa mwan.  Mwan mon le senpleman retir sa Lalwa ki devan nou e ki nou  a diskit lo lezot keksoz apre

I beg ki ou konpran nou e ki nou al parey nou’n abitye fer e nou kapab kontinyen nou travay dan nou Lasanble.  Mersi.

 

MR SPEAKER

Mersi Onorab De Commarmond.  Zis mon le fer en pti komanter lo pwen ki Onorab Pillay in fer avan nou’n pran sa adjournment.  Mon pa krwar Lasanble pe vyol Lartik 89 akoz nou pa’n anpese Lotorite fer son S.I.  Lotorite in fini fer son S.I in fini dir i pe fer, i pe sinyen and all that so nou pa’n – mon pa santi ki nou’n servi 85 ek 86 pou anpese.

85 ek 86 i la pou pas Lezislasyon pou  Lasanble pas deba e pas bann Prozedlwa me pa pou stop Gouvernman.  Bon lo – Onorab De Commarmond mersi ou bann pwen i ganny – i ganny note.  Mon pou – mon’n  koz avek Onorab Georges pandan break e konman Chair Bills CommitteeChair Standing Orders Committee, mon pou donn li la parol e mon toultan servi parey dan lepase mon’n ganny konsey avek Onorab Basil Hoareau, nou bann  dimoun legal on the floor ki kapab ed nou osi tou pou nou kapab vwar direksyon kot nou pe ale. So mon pou donn Onorab Georges laparol.  Onorab.

 

HON BERNARD GEORGES

Mersi Mr Speaker.  Mersi pou donn mwan sa privilez pou sey eksplik en pti pe avek bann Manm Lasanble an tan ki Chair Standing Orders Committee.  E bann dimoun deor en pti pe bann proze, bann propozisyon Lalwa ki’n ganny mansyonnen dan sa lenpas kot nou trouv nou ozordi dan sa zafer.

Premyerman Mr Speaker pwen depar se eski en Manm Lasanble ki’n anmenn en Private Members Bill oubyen  eski Leader of Government Business ki sponsor tou bann Bill Gouvernman i annan drwa withdraw en Bill.  Sa se pwen depar e mon krwar i – eskiz mwan.  Mon krwar ki san dout sa pouvwar i bezwen annan.  Alor nou pwen depar se ki en dimoun ki anmenn en Bill i annan drwa pou retir sa Bill ler e si i santi ki i neseser pou li retir sa Bill.

Pou okenn rezon e parey nou’n vwar i annan plizyer rezon akoz nou kapab tir en Bill.  Enn se ki i annan fot ladan oubyen dezyenmman se ki i annan en propozisyon pou fer en pli gran Lamannman ki al pli lwen ki sa ki devan Lasanble or whatever pou okenn sa bann rezon ou devret kapab withdraw en Bill ki ou’n sponsor devan lasanble.  E tou bann Parlman i annan sa provizyon ki mon’n fek mansyonnen.

Kestyon ki devan nou se – anfen premye kestyon ki devan nou se ki prosedir nou Lasanble i devret swiv pou tir en Bill.  E se sa kestyon kle ki devan nou.  E la mon devret dir ki napa en i sistenm iniversel.  Lasanble i difere partou dan lemonn lo lafason ki en withdrawal of a Bill i ganny fer.  E zeneralman sa metod, sa prosedir i ganny – i dan Standing Orders en Lasanble.  Ler ou ti demann mwan yer Mr Speaker pou regard en pe sa kestyon, mon ti konsilte dan sa letan ki mon ti annan de Ziridiksyon.  Mon ti konsilte Maurice e i annan en tre bon rezon akoz mon’n konsilte Maurice.  E mon ti konsilte New Zealand e i osi annan entre bon rezon akoz mon’n konsilte New Zealand. Maurice se akoz i en ziridiksyon ki pros avek nou.  Malgre ki son sistenm i pa parey pou nou Maurice i en sistenm Parlmanter isi nou annan en sistenm  Gouvernman Prezidansyel. Me rezon ki mon’n tyek Maurice se ki dan dernyen lamannman ki no ti fer avek nou Standing Orders dan dernyen review ki nou ti fer, parey ou’n dir bomaten ler Standing Orders Committee eskiz mwan, ti Onorab Wilby Lucas nou expert ki ti diriz nou travay sete, sete en ex Speaker Maurice ki ti ganny apwente.  Ki ti ganny apwente e ki ti gid nou travay, ki ti propoz sa bann Standing Orders ki devan nou ozordi.  E nou vwar ki i annan plizyer similarite ant Standing Orders Maurice ek Standing Orders Sesel pou sa rezon.  Rezon ki mon’n tyek New Zealand se ki New Zealand i en ziridiksyon li osi i annan en sistenm Parlmanter me i en ziridiksyon modern.  I en ziridiksyon ki toultan avangard e Erskine May ki nou Manual of Prosedure pou Lasanble ki annan pou fer avek Parlman L’Angleterre House of Command e House of Lords, i annan son lekivalan ki nou servi bokou isi e mon konnen ki ou lofis i servi e lofis ansyen Speaker Herminie ti servi, i annan son lekivalan New Zealand e i en liv tre enteresan ki elabor bann Prensip ki mannyer Lasanble i devret marse ki elabor lo Standing Orders.  Donk pou sa de rezon mon’n al dan  sa de ziridiksyon.  E nou vwar lanmenm la ki i annan en gran distenksyon.  Maurice i en pti pe parey nou e i dir ki the  Member in charge of a Bill dan son Order 63 withdrawal of Bills, the Member in charge of a Bill on the Order Paper i kapab withdraw sa Bill.  Egzakteman parey nou Order 72 i dir.  Me diferans ant Maurice avek nou se ki Maurice son Order 63 i dir ‘the Member in charge of a Bill standing on the Order Paper may make a Motion without notice for its withdrawal’.  Alor i kler ki dan son Order li menm li i dir ki fason ou withdraw se a Motion without notice.  Alor ki nou nou Order 72 pa dir ki mannyer i fer i zis servi sa mo move.

Dezyenm diferans se ki dan nou Order 72 LGB i ganny dir ki si i pou withdraw en Bill ki li in sponsor i bezwen fer li at the start of the proceedings on the Bill.  E se pou  sa rezon ki in fer li bomaten, at the start of the proceedings ki bomaten. I pa ti pou’n kapab fer li la apre break par egzanp.  Alor ki Maurice sa i bokou pli larz e Maurice sa sponsor of the Bill i kapab fer li at the commencement of the public business or when any stage of the Bill is reached.  Ki pa le ka isi.  Setadir ki sa dimoun ki pe sponsor sa Bill i kapab fer li o komansman oubyen i kapab fer li at the end of the First Reading, oubyen i kapab fer li at the end of the Second Reading, oubyen i kapab fer li Third Reading.  I kapab fer li a nenport ki sa moman.  Alor deza nou vwar en distenksyon me kot i parey se ki Maurice i dir ou ‘shall do it with a Motion without notice’.  Isi 72 pa dir nou sa me 38(6), Order 38 (6) (e ) i dir ki  ‘a withdrawal of a Bill will be by Motion without notice’ alor i vin menm zafer.  New Zealand i konpletman diferan.  New Zealand ‘the promoter of a Bill may withdraw it at any time’This is done by telling the Speaker in writing that the Bill is being withdrawn.  Se tou.  Pa bezwen okenn Mosyon zis ou ekrir Speaker ou dir li mon pe tir mon Bill that’s the end of matter.  Alor nou vwar napa en once size fits all.  Sak ziridiksyon, sak Lasanble i annan son prosedir e nou vwar ki menm avek sa enn ki pli pros avek nou i annan en distenksyon ant lafason ki zot,  zot fer li laba e letan kot zot fer li e lafason ki nou,  nou fer li isi, ek letan a koz nou bezwen fer li.  E sa mon vwar mon ava fer en parantez la Mr Speaker i en keksoz ki Standing Orders pou bezwen re vwar dan nou travay ki nou pe fer pou amann Standing Orders akoz i paret mwan ki nou bezwen met en pe plis laklerte ladan pou ki sa problenm pa ariv ankor.  E nou bezwen tonm dakor lo en fason pou withdraw en Bill e moman kot sa Bill i bezwen ganny withdraw.  Donk  sa se premye pwen e se pou sa rezon ki mon’n donn ou sa konsey yer, ki ou dir ou’n sirkil avek bann Manm ABC ki dir ki LGB Leader of Government Business Onorab De Commarmond i kapab withdraw en Bill.  Bezwen fer li o komansman en proceeding e i bezwen fer li par en Mosyon without notice.  E i bezwen move en Mosyon without notice.  E la kekfwa zis an ka i annan en konfizyon malgre mwan mon krwar ki Order 38 6(e ) i kler e i dir ‘withdrawal of Bill shall be by Motion without notice’ nou vwar atraver Standing Orders en pe partou ler ou fer en Mosyon toultan nou servi sa mo move setadir ki i annan  en sel fason pou ou move Lasanble e sa se par Mosyon.  The only way to move the Assembly to do anything se par en Mosyon.  I move a Motion.  E nou bann avoka Ankour nou’n abitye ek sa parol ki toultan I move in terms of my Motion, I move in terms of my application.  E sa de mo i byen relye ansanm.  Donk sa se Mr speaker lo lafason pou withdraw e mon krwar ki ou’n swiv mon konsey e se pou sa rezon ki ou’n donn ou ruling bomaten.

Dezyenm keksoz avek ou permisyon ki mon ti a kontan abord lo la en pti kou akoz i enportan li osi, se sa size S.I.  Lartik 89 nou Konstitisyon in ganny mansyonnen e ou’n elabor en pti pe lo la pli boner.  Lartik 89 nou Konstitisyon i dir ki malgre Lartik 85 ek 86 nanryen pa anpes en Lotorite fer Lalwa atraver S.I.  E sa se toutafe normal.  Akoz 85 e 86 nou Konstitisyon selon nou striktir nou Gouvernman i donn sel pouvwar Lezislatif avek nou, avek sa Lasanble.  Napa okenn lezot Lotorite dan Pei, okenn, ki kapab pas Lalwa apard nou.  Me nou konnen ki i annan en sistenm S.I e ki bann Minis akoz sa Lasanble pa kapab pas tou son letan pe ekrir S.I lo speed limit, oubyen lo bann lezot, tou bann lezot i ganny fer par S.I.  Sa Lasanble ler i pas en Lalwa i donn en Lotorite dan sa Lalwa pou ki sa Minis i kapab fer en S.I.  S.I i en Lalwa li.  Me i en Lotorite ki nou nou’n donn en Minis atraver en Lalwa pou li fer bann Lalwa subsidiary setadir bann S.I. e Lartik 89 i rekonnet sa.  I pa en Lartik ki donn pouvwar okenn dimoun, Lartik 89.   I selman en Lartik ki rekonnet ki sa pouvwar i egziste an depi Lartik 85 e 86 ki donn nou sel pouvwar e sel Lotorite pou pas Lalwa.  I sa ki nou apel an Angle en enabling Article e pa en substantive Article ki donn okenn pouvwar.  Zis i rekonnet en pouvwar ki egziste deza e i fer sa dan son prop parol.  Articles 85 and 86 shall not operate to  prevent an Act from conferring a power.  I pa dir a power is conferred on an authority to legislate by Statutory Instrument.  Donk i enabling.

Alor Mr Speaker sa i anmenn  nou lo dernyen pwen avek ou permisyon ki mon anvi elabor lo la ozordi.  Se ki la kot nou’n arive nou annan en Act, nou annan en Bill devan nou ki pa ankor ganny withdrawn.  I live, i devan sa Lasanble e sa Lasanble se sel pouvwar Lezislatif e LGB pe sey, i anvi withdraw sa Bill e nou konpran akoz i anvi withdraw sa Bill akoz Egzekitiv in swazir  en prosedir pou legislate atraver en S.I.  E kestyon, sa de kestyon ki reste ozordi devan nou e ki pou bezwen ganny determinen par en Lotorite kelkonk a en serten moman se eski premyerman i annan en Minis e dan sa ka Prezidan ki pe azir konman Minis ansarz Public Administration, eski en  Minis i annan dwa premyerman issue en S.I pandan ki en Bill i devan Lasanble ki pe deal avek menm size ki in issue en S.I.  Sa se premye pwen ki pou bezwen ganny deside.  E dezyenm pwen se eski en S.I i kapab amann en Lalwa akoz sa S.I ki Prezidan in sinyen i amann sa Lalwa ki pe ganny amande devan nou. Donk eski en S.I, sa se en kestyon ki mon poze mon konn son repons me i pa, i pa mon plas pou dir ki son repons i ete, me son repons i kler.  Eski en S.I i kapab amann en Lalwa ?  Akoz sa ki sa S.I pe sey fer se amann Lalwa par sanz son Schedule and the Schedule to a Law is a part of the Law.  Eski en dimoun menm si se Prezidan eski i annan législativement pouvwar atraver en S.I pou li amann en Lalwa oubyen eski se selman sa Lasanble ki annan pouvwar amann sa Lalwa.  E mon’n fer sa pwen akoz mon krwar se sa ki bezwen enform nou avan ki sa Bill i ganny withdrawn mwan mon ti a kontan ki Gouvernman i  re konsider sa S.I dan konteks lefe ki sa Bill i ankor devan nou.  E mon kontan ki sa Bill pa ankor ganny withdrawn, akoz i posib ki si sa S.I pa kapab sanz sa Schedule parey Prezidan i son lentansyon pou fer, se nou ki pou bezwen fer li atraver sa Bill ki devan nou ozordi.  Vwala Mr Speaker enn de pti leksplikasyon ki mon swete i ava asiste bann Manm.  Mersi.

 

MR SPEAKER

Mersi Onorab Georges.  Mon krwar son leksplikasyon e mon krwar e son konklizyon i vini i retourn ankor en pti pe lo mon pozisyon ki mon’n fer sorti bomaten se i en premye ki nou vwar nou ladan ozordi.  E parey mon’n fer sorti ou annan ou en Bill ki ankor vivan dan nou Lasanble e se nou Lezislater ki pou deside lo la e an menm tan ou annan en S.I.  E petet pou lenformasyon nou konnen nou pa ankor table as Papers Laid me Lasanble Nasyonal in resevwar Official Gazette bomaten e mon’n fer Madam Clerk sirkil avek le de Leaders en kopi e sa ki Onorab Georges in alert nou lo la la, se son dezyenm Lartik i pe egzakteman sa.  En S.I pe amann en Lalwa.  I pe amann Schedule e sa Lalwa ki part of the Act.  So i fer keksoz ankor pli konplike legalman.  Eski prezan Lasanble menm si nou pou al dan sa direksyon pou nou al pran en Mosyon pou nou desid withdrawal, eski nou prezan si nou pran en Mosyon nou deside nou pran en vot nou al lo withdrawal eski sa ki nou pe fer osi tou i legal?  Ok.  So mwan mon – lo mon kote mon pa pou fer final ruling akoz mon krwar i en- sa dan li menm i open ankor plis laport pou nou kapab rantre pou nou regarde kwa konman en Lasanble ki nou devret fer ok.  I en sityasyon ki premye fwa nou  vwar nou ladan ok.   Ou le dir de mo Onorab De Commarmond ?

 

HON CHARLES DE COMMARMOND

Mr Speaker mon swiv ou byen, mon’n swiv ou byen, mon’n swiv Onorab Georges byen sa ki in dir, me mon ti a kontan ki Onorab Georges ti a mansyonn nou New Zealand ki mo i servi ?  Nou osi ou’n dir mon nou met, move mon ti a kontan ou dir nou sa.  Apre osi ou pa’n koz ditou lo presedans ki nou Lasanble in adopte.  Mon ti ava kontan ou ti’n osi adres sa issue.  Epi i annan  en keksoz dan 72 ki ou pa’n al dan bout ziska o fon.  Dan 72 Standing Orders i dir ou at the beginning – premyerman i dir ou ‘’may’’.  At the beginning of the proceeding at a sitting.  Savedir ki mwan mannyer mon’n konpran li byen i ou kapab ou’n ariv dan nenport ki staz i kapab dan Committee Stage i kapab dan nenport ki moman sa Bill pe ganny diskite, i kapab ou’n konmans diskit lo li bomaten ou.  Ou pran break 10er, ler ou pe al repran ou kontinyen diskisyon, o moman ki pe al repran withdrawal notice kapab vini.  Pa ni bezwen  ekrir Speaker i kapab la at that moment withdraw sa ki Lartik sa ki Standing Orders i dir.  Ou konpran – non i koumsa so i annan diferan fason mon krwar mon ek sa ki ou’n dir osi Mr Speaker mon krwar petet i ti ava bon pou nou tou pou nou, i dir ou ‘la nuit porte conseil’, petet nou a swiv sa ki ou pe mazinen.  Petet nou les sa ale pou le moman konmsi nou tenir li, nou mazin lo la pou nou get tou sa bann pwen.  Mwan osi la ou fek anvoy sa la mon pa ni ankor lir nou bezwen gete.  Nou osi nou bezwen parey mon dir ou mon pa ankor – nou bezwen regarde si sa ki nou pe fer sa ki nou’n gannyen si i byen si pa byen avan – Mon  ti a kontan alor nou deside pou pa pran desizyon lo la.  Annou fer lezot keksoz ki no annan lo Order Paper e tenir sa pou pli tar a mon avi.

 

MR SPEAKER

Mersi Onorab.  Eski mon kapab ganny Onorab Georges a zis eklersi sa de pti pwen ?  apre nou ava –

 

HON BERNARD GEORGES

Mersi Mr Speaker.  Mr Speaker premyerman presedan, en presedan zanmen i mont pli o ki  son Lalwa.  Sel keksoz ki en presedan i fer i enterpret en Lalwa me i pa kapab sipleman – i pa kapab ranplas en Lalwa.  I en kestyon lisyen ek lake.  Se pa lake ki sekwe lisyen se lisyen ki sekwe son lake e en presedans is the tail e son Lalwa se son Standing Orders.  Donk si menm ou’n fer en keksoz dan en serten konteks sa i senpleman enterpret dan sa konteks son Lalwa Sibstantif e son Lalwa pa sanze.  E mon krwar ki si nou’n adopte parey ou’n eksplike bomaten dan en sirkonstans kot ti annan en langazman tou bann Manm Lasanble pou pa proceed avek en Bill pou en rezon ase kler e non pa en kestyon contestateur parey sa enn, sa ki’n ganny fer dan  sa ka i vin en presedan pou sa bann ka me i pa vin en presedan pou bann lezot ka ki pa sanblab.

Dezyenmman sa mo may dan Order 72 selon mon lektir Order 72 e premye keksoz mon bezwen dir ki mwan mon adopte en sistenm kot ou enterpret Standing Orders dan en fason liberal e non pa dan en fason destriktif, e se pou sa rezon ki mon’n arive.  E si nou, si nou pran sa- si nou defini li dan sa fason nou vwar ki sa mo may i kalifye sa mo – sa fraz move that the Bill be withdrawn i donn Leader of Government  Business en diskresyon.  I kapab move oubyen i pa kapab move, oubyen i kapab pa move e i pa fors li pou move me sa mo pa donn li diskresyon pou move ler i anvi.  I donn li diskresyon pou move ler i anvi.  I donn li diskresyon pou move oubyen pou pa move o konmansman proceedings, me si i pa fer li o konmansman proceedings i napa drwa move li en pe pli tar.  Se koumsa ki mon enterpret 72.  Mersi.

 

MR SPEAKER

Mersi Onorab Georges.  Mon osi mon – mon ti a kontan zis fer referans avek 72.  Mon konnen nou pou sit presedans kot avan dan bann moman ki pa en sityasyon parey kot nou’n zis e ankor parey mon’n dir kot i annan konsansis nou’ servi Standing Orders, Standing Orders 72 kot nou’n zis tire.  Me pou mwan ler mon lir 72 ankor mon demann petet menm kestyon akoz sa mo move in ganny mete.  Nou ti kapab aret kot at a sitting that the Bill be withdrawn. Me sa mo ‘’move’’ in vini ki fer nou prezan retourn an referans avek to bann moman dan Standing Orders, kot ‘’move’’ i ganny servi.  Ok.

        Mon final ruling lo sa sityasyon e pou plitar pandan lazournen nou pou kontinyen nou travay ki nou annan nou bezwen swiv lo Order Paper e sa se kontinyasyon deba lo Mosyon Onorab Ferrari – ok?  E an menm tan parey ou’n dir Onorab De Commarmond i a donn ou sans pou asimil en pti pe sa ki devan nou.

Bon nou ava retourn lo Business ki lo Order Paper e nou ava mon ava donn laparol Onorab Letourdie. Yes Onorab Letourdie.  Deba lo Mosyon Onorab Ferrari.

 

HON JANY DE LETOURDIE

Mersi Mr Speaker.  Bonzour tou dimoun.  Ou anvi form en bon fitir?  Ganny en dyob pou ou soutenir ou lekor san bezwen depan lo lezot.  Eski ou anvi ganny leksperyans e konesans pou vin en adilt responsab?  Ou anvi vin en sitwayen sivilize? Tousala i depan lo ledikasyon.

Mr Speaker si zanfan i bezwen, oubyen i pa bezwen leson ekstra, sa  petet parfwa i depan lo la kalite ledikasyon ki zot resevwar kot lekol.  Zanfan ki ganny en laprantisaz lo en nivo élevé probableman zot pa bezwen pran laklas ekstra, me sepandan sa i pa touzour leka.  Sa i akoz sak etidyan i diferan e zot annan zot prop fason panse e diferan fason enterpret lenformasyon.  I annan ki konpran vitman me i annan osi ki bezwen plis letan.

Laklas ekstra i pou etidyan avek diferan kapasite osi.  Pou bann ki pli feb sa i donn zot en pe plis pratik e osi latansyon zot bann ansenyan.  Akoz kekfwa i posib zot war zot difisil pou apros zot ansenyan dan letan laklas normal, akoz petet zot per pangar zot kanmarad a riy zot – a bully zot.  Dan laklas ekstra zot bann ansenyan i adres zot bann bezwen spesifik, e zot osi zot santi zot pli ouver pou koz lo zot bann febles.

Pou bann ki entelizan laklas ekstra i en metod pou anrisi zot skills ek zot bann talan.  Me dan bokou lekol konmela, en ansenyan i kapab war li avek bokou zanfan dan en sel laklas pou li donn latansyon.  Me i pa arive fer li souvandfwa.  Souvandfwa se sa bann zanfan ki pli dousman e i ganny lese en pe aryer e se zot ki paret petet ki pli bezwen a servis.

Mr Speaker malgre sa, mon osi realize ki fors en anfen pou al pran tou sa leson ekstra ki annan, pa pou abouti dan nanryen si i pa anvi e i pa enterese pou ale.  Alors mon panse la ki sa Mosyon pa pe aplik pou li.  Laklas ekstra oubyen al pran leson parey nou dir, i egziste depi lontan granmoun konman zanfan ti servi sa mwayen pou ogmant konesans zeneral pou kapab lir e ekri e osi pou amelyor zot bann kapabilite.  Sa ki ti war li an aryer ti motive e pran konsyans lenportans pou apport son lekor en pe ledikasyon.  I annan plizyer ansenyan ki ti donn leson bann zanfan apre ler laklas normal.  E zot ti fer sa dan zot lakour dan zot lakaz e bann paran ti pey en pti larzan pou sa.

Mr Speaker la pou nonm serten ki mon mazinen ti annan Miss Romain, Madanm Barallon, Miss Rideau ek Miss Hugette.  Laplipar sa bann dimoun zot in mor me mon asire ki zot legacy i ankor vivan parmi bann ki’n benefisye sa servis ki zot ti donnen.

Devan nou i en Mosyon ki pe demann sipor pou nou bann ansenyan pou ki an retour zot ava ankouraze e kontinyen ed nou zanfan avek zot ledikasyon.

Mr Speaker i annan plizyer lesey lo lapar Minister Ledikasyon pou ofer servis laklas ekstra. Par egzanp mon rappel an 2017 pandan vakans Out, ti annan en progranm kot laplipar lekol ek bann ansenyan ti partisipe. Sete bann ansenyan ki ti desid lo  bann size ki zot ti pou montre.  Minister Ledikasyon zot ti ofer pou donn bann ansenyan bann serten incentive konman larzan.  Ti annan paran ti enterese pou anvoy zot zanfan, me ti annan osi ki pa ti enterese.  Me dapre bann ansenyan en sondaz zot santi ki ti annan progre, e zanfan ti montre bokou lentere.  Menm a bann zanfan ki zot paran pa ti les zot ale, zot ti sanze pou zot al laklas ler zot paran ti al travay les zot deryer.

Laranzman sete ki  bann ansenyan zot ti pou ganny zot larzan tou le semenn, me sa pa ti leka, akoz apre sa zot ti pou ganny bokou difikilte pou kapab ganny sa pti larzan.  Ti osi annan rapor labi par serten ansenyan ki ti zis kit leson e en lot dimoun deryer e en lot dimoun dan laklas e li i ti a fer en lot keksoz e a lafen pe war li ganny larzan 2 bor.  I annan paran ki ti osi profite pou zis ganny en landrwa pou kit zot zanfan plito ki get lentere zot lentere ledikasyon.

Sa progranm laklas ekstra ti sipoze ganny kontinyen dan letan vakans me mon panse sa ti tonm dan delo.  Ankor lannen pase Mr Speaker pandan letan vakans SENKO ti organiz en progranm lektir pou bann zanfan P2 avek kolaborasyon Early Childhood Cordinator e bann ansenyan P2.  Rezilta ti montre ki ti annan progre me defayans ankor ti lo kote bann ansenyan ki ti en pe fatige akoz sesyon ti en pe tro sarze ti en pe tro long.  Minister Ledikasyon ti ofer ankor incentive ankor apre en bon pe difikilte ki bann ansenyan ti nobou ganny zot pti larzan e sa ti anmenn en serten dekourazman lo son kote.

Mr Speaker alor se pou sa rezon ki mon panse i annan divers lopinyon apropo sa size.  Malgre tou sa bann lopinyon i annan lekol ki ankor pe ofer sa servis parey nou tande dan bann lezot deliberasyon.  Me osi i annan serten ansenyan endividyel ki pe ganny en kontribisyon avek paran me la zot napa lespas e la kot sa Mosyon i antre.

Tou paran mon panse i devret annan menm lentansyon letan i konsern ledikasyon zot zanfan avek lespwar ki zot a fer sikse en zour.  Me annou osi anvoy en lanmen ek sa bann ki zot zanfan i annan potansyel me petet ki i pa toultan annan sa le mwayen pou zot fer sa continuity.  Annou osi konsider petet bann ansenyan ki’n retrete me ki ti a anvi e ki ankor kapab fer en diferans dan ledikasyon nou bann zanfan Mr Speaker.  Paran annou fer letan pou nou zanfan nou osi annou donn zot sa laklas ekstra nou osi depi ki ankor pti avan i al lakres menm nou bezwen konmans swivre li konmans swivre son progre e konmans enstal dan li sa dezir pou aprann.  Koz ek li ekout li tous li zwe ek li kestyonn li e donn li bann pti kado senp me edikasyonnel ki souvandfwa pa kout ser.  Annou donn en koudmen bann ansenyan e Minister Ledikasyon pou motiv nou zanfan pou aprann.

Mr Speaker tou ledikasyon i montre ki wi i annan en lavantaz dan leson ekstra akoz dan laklas i annan plis ki en zanfan ki bezwen sa latansyon spesyal.  E i pou pli efektiv letan i pou ganny donnen an pti doz e kapab ganny mannye pli byen.

Kriter ki determin lekel ki bezwen laklas ekstra lekel bann ansenyan ki kapab ki nivo laklas bezwen pou fer en survey spesyal par lekol size nivo e prosedir pou fer bon monitoring apropriye, tousala i bann keksoz ki bezwen ganny konsidere pou kapab fer en planifikasyon efektiv.

An konklizyon Mr Speaker mon panse ki Minister Ledikasyon ek bann paran sirtou i merit zwenn lanmen ansanm pou kre en sistenm ledikasyon ki pli pratik kreativ dan en lanvironnman mwens strese pou benefis nou zanfan.  Mersi Mr Speaker.

 

MR SPEAKER

Mersi Onorab Letourdie.  Mon ava prezan donn parol avek Onorab Noline Sophola.

 

HON NOLINE SOPHOLA

Mersi Mr Speaker.  Bonzour tou dimoun.  Bonzour tou bann ki a lekout.  Mr Speaker sa size ki nou pe koz lo la i tre sansib akoz nou pe koz lo ledikasyon nou zanfan.  En pli gran kado ki en paran i kapab donn son zanfan se ledikasyon.  Tou paran nou oule le meyer pou nou zanfan.  Nou tou nou okouran ki rezilta legzanmen an zeneral, pa satisfezan nou bezwen rod tou mwayen pou reos sa nivo.  Bokou koze in ganny fer resaman lo bann diferan medya.  Nou bezwen fran avek nou lekor ki sa zis Minister Ledikasyon i en konsern Nasyonal vedir ki tou dimoun i bezwen donn en koudmen pou nou kapab reisi.

Dan lasosyete nou annan diferan group zanfan, ki sorti dan diferan fanmir ki antre dan lekol avek plizyer abilite, dezabilite, problenm sosyal e bon e move konportman.  Sa i annan en lefe lo nou rezilta sa osi i anliny avek extra class.  Mosyon pe demann extra class pou bann zanfan me nou bezwen tenir kont ki sa i pa nouvo dan sistenm ledikasyon.

Lontan extra class pe fer si nou fran ankor bokou parmi nou la in al dan extra class.  Sa ki sanze se lafason fer eski nou bezwen en amelyorasyon?  Sa servis in ganny re entrodwir resaman.  An 2017 par Minister Ledikasyon dan tou bann lekol primer sa servis in ganny donnen apre ler lekol depi 3er ziska 5er.

Ansenyan ki pe donn sa servis i ganny en ekstra 2000 par mwan e si zot ede ek homework 2fwa par semenn i R900.  Si sa pe marse dan primer, akoz pa anmenn dan segonder kot bann ansenyan a kapab ganny allowance – sa i pou en lankourazman dan li menm.  E si sa in anmenn serten rezilta dan primer, mon krwar nou bezwen met lanfaz la pou anmenn li dan segonder.

Dan serten lekol segonder i annan laklas apre ler ki ganny donnen.  Sa ansenyan i fer letan pou reos nivo son size.  Sa i fer kot lekol e i fer pou nanryen ;- vedir i gratwit.  Si mwan mon en ansenyan physics mon war ki i annan defayans dan serten topik ki mon pe fer, mon anvi reos sa size mon fer mon zanfan reste apre ler lekol e mon fer li.  Sa napa nanryen pou fer avek larzan e napa nanryen se selman bon volonte.  Mon felisit bann ansenyan pou sa.  Zot konsyan ki zot in benefisye dan sa sosyete e sa en fason pou zot ede an retour.  Mon krwar ki sak lekol i lib pou organiz la fason ki zot oule organiz servis apre ler lekol.  Minister Ledikasyon pa met okenn restriksyon lo sa.

Mr Speaker Minister Ledikasyon i kapab ofer tou kalite servis ; annan meyer ansenyan me mon kestyon ki mon demande i oli responsabilite etidyan ek paran?  Ansenyan i ofer servis pou nanryen konbyen zelev ki servi ki sezi sa loportinite parfwa si laklas i konmans ek 15 zanfan rarman ki fini ek 15 souvan mwens.  Paran i peye pou zanfan al fer extra class konbyen ki ale paran parfwa i zis peye la i fer mon redir se ki ansenyan paran i bezwen pran en rol aktiv dan sa morso.

Mon dir ki nou paran nou bezwen met lanfaz lo ledikasyon nou zanfan paran ed zot zanfan konmela menm nou kont ozordi akoz demen i pou tro tar zot pou regrete.  Zanfan devoue, devoue zot zanfan pou zot letid donn tou sa ki zot kapab ozordi akoz demen i pou tro tar.  Mon pe enplor zot pou donn priyorite zot letid akoz paran oubyen zot ansenyan pa kapab aprann dan zot plas.

Pou terminen Mr Speaker annan extra class i en bon keksoz me son fason fer i bezwen byen revwar mon pa ti a swete ki sa i vin en biznes selman mon ti a kontan war amelyorasyon dan rezilta.  Nou bezwen tenir kont ki bann ansenyan i annan en lazournen sarze 8er ziska 2.30 parfwa menm 4er kot lekol.  Nou bezwen tenir kont ki bann ansenyan i annan preparasyon pou fer.  Zot ti donn extra class ziska 4er ozordi zot annan preparasyon pou demen eski pa i annan en kote ki pou ganny mal pase?  Mon repet ankor fodre nou revwar lafason ki nou pou fer li.

Mon konnen ki i annan serten lekol ki bann zanfan i vin dan Sanmdi bomaten kot zot ankor byen fre e la zot ganny zot lazournen 3erdtan 2erdtan ek zot ansenyan e sa mon donn mon laplodisman mon siport sa bout akoz la mon war ki ansenyan pe devoue son letan zis avek sa bann zanfan i pa pe degaze pou al dan lakour pou li al fer lot pou retournen.

Me an menm tan mon dir bann ansenyan ki pe fer sa bann laklas malgre avek zot lafatig kontinyen avek sa bon travay akoz napa bokou zot ki kapab fer en kantite parey zot ti a voudre fer.  Mersi Mr Speaker.

 

 

(APPLAUSE)

 

MR SPEAKER

Mersi Onorab Sophola.  Mon ava donn laparol Onorab Norbert Loizeau.

 

HON NORBERT LOIZEAU

Mersi Mr Speaker.  Mersi Mr Speaker pou permet mon fer de pti pas de pti pwen lo Mosyon Onorab Ferrari.  Depi semenn pase bokou in ganny dir Mr Speaker lo Mosyon bokou entervenan in fer sorti bokou bann pwen telman valab.

Parey nou konnen Mr Speaker ledikasyon i en keksoz ki tre enportan dan lavi en zanfan pa zis dan lavi en zanfan dan devlopman en zanfan.  Parey nou konnen pa tou zanfan ki devlop parey i annan ki aprann vitman ler sa ansenyan pe donn leson dan laklas me osi i annan ki parey an Angle nou dir i annan bann slow learner ki menm si ler sa peryod in fini zot pan telman kapab catch up avek sa ki laklas avek sa ki ti pe ganny montre dan laklas.

I annan osi Mr Speaker i annan zanfan ki dan primer zot fer byen me ler i ariv lo nivo segonder zot bese, me i annan ki dan primer zot pa ti fer byen zot plito devlope ler zot ariv segonder.

Me nou paran Mr Speaker i enportan si nou bann paran nou serye nou anvi ki nou zanfan  bouz devan i enportan ki nou konn nou zanfan.  Nou bezwen konnen Mr Speaker ki bann mankman ki nou zanfan i bezwen.  Akoz parey nou konnen i annan zanfan ler i sorti lekol i ariv kot lakour fini.  Paran pa ni enterese i annan serten paran pa ni enterese ki zot zanfan in aprann ki difikilte ki zot in gannyen kot zot lekol si zot annan homework parey Onorab Arissol in dir yer i annan paran i monte zot pa gete tousala prefere dan kwen kot laboutik pe bwar en labyer me ler ariv kot lakaz zanfan i zis la e nanryen pan ganny fer.  E ler mon lo kote homework mon konnen Mr Speaker mon frekant kot lekol Bel Eau i annan bokou zanfan ki pa fer homework.

Sa i lafot bann paran ki pa pe swiv zot zanfan pourtan dan bann miting ki zot fer kot lekol dan bann miting paran ti annan en fwa mon ti al en miting paran kot ti annan bann paran ti pe konplent ki zot zanfan pa ganny ditou homework me selman la ler homework i donnen ou war ki paran pa pe gete e bokou zanfan pa pe fer homework.  E zis bann miss in gaspiy zot letan pou donn homework.  E la Mr Speaker kote kot Mosyon Onorab Ferrari i pran plas.

Mon konn bokou paran Mr Speaker ki pe rode landrwa pou met zot zanfan i annan menm ki’n call mwan bokou paran ki’n call mwan pe rod limero teacher pe rode lekel ki fer Maths lekel ki fer Angle.  E sa i montre ki i annan paran serye ki enterese dan laprantisaz zot zanfan ki enterese pou pous zot zanfan pou zot zanfan aprann en pe plis.

E pou mwan sa i montre ki i annan en demann dan sa servis Mr Speaker dan sa servis laprantisaz apre lekol.  Mon konnen malgre ki i annan serten teachers ki pe donn sa servis pare lekol Mr Speaker sa bann teachers laplipar diran zot pa pe fer li lo en gran scale plizoumwen zot pa pe pran 5 a 10 manrmay kot zot pe fer li kot zot e mon konnen dan tou distrik i annan.

Mon dan mon distrik mon konn en teacher ki li i pe pran apepre 10 manrmay kot Mr Leste anler en msye ki’n travay kot ledikasyon en bon pe letan i annan son fiy ki apre lekol i pe donn sa servis me li Mr Speaker i pe donn sa servis, anviron 10 apepre 9 a 10 manrmay.  Me la nou war Mr Speaker avek sa Mosyon ki Onorab Ferrari in vin avek mon panse si petet sa Miss ti kapab ganny en laklas kot lekol Bel Eau menm Mr Speaker, petet i ti kapab pran plis manrmay olye pran 10 i pou posib i ti kapab pran 15, 20 e menm 25 manrmay.

I annan Mr Speaker mon konnen i annan ansenyan ozordi ki legzanp ki ti pe fer lekol Bel Eau me ki pa reste Bel Air zot pe donn sa servis Mr Speaker.  I annan ansenyan ki pa reste dan distrik Bel Air ti pe donn en servis bis pou pran manrmay pou anmenn kot li Mamelles.  En Miss mon konn li Miss Tracy i fer lekol Plaisance primer aktyelman la e mwan mon zanfan ti al laba Mr Speaker.  Me selman parey nou konnen sa i annan en kou ki vin avek akoz i donn sa servis bis me selman Mr Speaker be sa letan pou en mwan ou pe pey R500 pou ou zanfan al aprann kot en dimoun ki pe donn ou sa servis bis ki pe pran ou zanfan Mr Speaker mon pa war li mal.

Me selman Mr Speaker dezavantaz ladan se ki sa servis ki ti pe donnen se zis mazorite se bann paran ki annan transpor se akoz apre zot in fini dan 6er se ou ki bezwen al anmas zot.  Me alors bann zanfan ki zot paran napa en transpor, alor zot ganny kit ater.  Se pou sa rezon ki mon pe dir avek en move pou fer ki bann laklas i ganny met a dispozisyon bann teachers Mr Speaker, i ti pou kapab ede ki sa bann zanfan ki zot pa kapab ganny anmase – zot fanmir napa en transpor pou al anmas zot apre ler vi ki zot in al lot landrwa pou al fer sa i ti a kapab fer li kot lekol.  E de plis ki sa Mr Speaker sa ti a vin en sort of childminding.

Ozordi childminding ; childminding i kot lekol zis i en mess koumsa menm.  Zis manrmay i la pe zwe pe mont pye mang tay partou menm war zot dan semen pe al rod en limonnad, pe al rod en sanmousa, selman zot sipoze dan childminding.  Me atraver sa ti pou vin en bon form childminding en paran i konnen i fini travay 4er son zanfan i pe pran leson adisyonnel i konnen ki son zanfan i safe.

Son zanfan pe ganny dimoun ki pe attend zot byen ki pe supervise zot e de plis ki sa Mr Speaker aktyelman kot lekol i annan sekirite.  Tou lekol i annan sekirite i annan en azan sekirite ki la pou sekiriz lekol.  E mon krwar sa move par Onorab Ferrari i en bon move.  E osi Mr Speaker ler nou get ozordi sa bann move dekadans ki bann zenn pe antre ladan Mr Speaker, ki an deor kontrol ki menm Gouvernman in perdi kontrol lo la Mr Speaker i menm kapab – ozordi menm lo nivo spirityalite parmi nou bann zanfan in tonbe, Mr Speaker.  Mon ti pe koz ek Onorab Ferrari yer mon pe dir li ki menm i annan serten dimoun vi nou, nou en pei ki 90poursan kretyen, i menm kapab annan serten dimoun ki ti ava kontan anvi vin ansenny Labib parmi bann zanfan pou sey lev en pe nou nivo spirityalite parmi bann zanfan.

Mr Speaker mon anvi siport Mosyon anmennen par Onorab Ferrari, akoz mon santi sa Mosyon i pou dan benefis pa mwan sa paran ki petet pe met plis zefor ki pe met plis zefor avek mon zanfan e i pou osi ed sa bann zanfan ki napa sa le mwayen, pou bouz dan en lot landrwa pou al pran sa bann leson me ki zot ava pran li kot lekol menm.

Mr Speaker avek sa de pti mo ki mon dir mon ava dir ou mersi pou donn mon sa sans e mon pou donn Onorab Ferrari mon full sipor lo sa Mosyon mersi.

 

MR SPEAKER

Mersi Onorab Loizeau.  Mon a donn laparol Onorab Simon Gill.

 

HON SIMON GILL

Bonzour Mr Speaker.  Mersi Mr Speaker.  Bonzour tou koleg Onorab e manm piblik ki pe ekout nou.  Mr Speaker mon ti ava voudre entervenir lo sa Mosyon prezante par i annan en move son dan mikro ozordi (konmsi i annan eko)  – wi Mr Speaker mon ti a voudre entervenir lo sa Mosyon prezante par Onorab Ferrari apre ki mon ti a ganny en konpran ki in aksepte propozisyon lamannman prezante par Onorab Sebastien Pillay, ki mon ti konpran yer se sa move ki ou ti pou fer ozordi.   Si ou permet mwan – avek respect to you Mr Speaker.  Si nou kapab retourn kot nou ti tonm dakor – ankor enn fwa avek respe ,pou nou kapab gete ki zistans nou ale avek sa lamannman prezante par Onorab Sebastien Pillay.  Avek sa Mr Speaker mon defer mon lentervansyon e mon a atann ou pozisyon lo la.  Mersi bokou Mr Speaker.

 

MR SPEAKER

Mersi Onorab Simon Gill.  I annan tro bokou keksoz ki pe pran plas an menm tan distraksyon.  Wi yer mon ti dir poudir i annan en propozisyon lamannman ki ti ganny fer par Onorab Sebastien Pillay, e mon ti dir mon pou met sa devan mover pou mwan regarde si i pou konsidere, so that larestan deba nou pou nou pran li Mosyon as amended.  So nou a donn laparol Onorab Ferrari.  Oubyen oule ki i re bouz son propozisyon?

 

HON JEAN-FRANCOIS FERRARI

Non, non Mr Speaker mon ti a kontan dir ki mon not bokou sizesyon ki’n ganny fer e mon pe pran kont serten sa bann sizesyon dan mon summing- up e mon swete ki tou bann Manm i ava apresye bann amannman ki mon fer e zot ava siporte zot tou.  So sa bann propozisyon amannman mon pe ekoute mon pran li dan mon summing-up.  Mon pa pe propoz lamannman pou vot at this point. Non!   Mersi.

 

MR SPEAKER

Ou pa pe pran okenn amannman pou sanz wording lo ou Mosyon, akoz mon krwar li i ti pe propoz sa ki serten keksoz dan ou Mosyon wording i sanze.

 

HON JEAN-FRANCOIS FERRARI

Mr Speaker –  non mon pa pe pran okenn lamannman ; parey mon’n dir ou mon’n pran an kont bann lamannman ki pe fer e ladan i enkli serten wording.  So en pe pasyans.  Kontinyen anmenn mon ankouraz bann Manm pou kontinyen anmenn zot kontribisyon e zot ava war poudir sa bann kontribisyon i ganny pran dan en fason pozitiv.  Mersi.  Dan mon summing-up.

 

MR SPEAKER

Ok.  Bon savedir mover Mosyon an se moman i pa pe entertain propozisyon pou amannman si i annan amannman i ava dir i pou fer serten amannman lo son wording.  Yes Onorab Pillay.

 

HON SEBASTIEN PILLAY

Mersi Mr Speaker.  Ankor avek diffidence to the Chair mon le ganny ou gidans si dan sa sirkonstans alors mon pou servi provizyon Standing Order kot mon ava propoz lamannman formelman anba Standing Orders ankor begging ou dispansasyon ki nou.

 

MR SPEAKER

Non in.  Non, non in fer en propozisyon dan son entervansyon lo amannman ok.  Me i bezwen Manm i move amannman prezan ok lo ou pozisyon.  Yes Onorab Pillay.

 

HON SEBASTIEN PILLAY

Mersi Mr Speaker.  Mr Speaker prenan kont ki mon ekout byen mover Mosyon pou ki son lentansyon se pou anmas tou sa ki dimoun i dir pou li fer son summing-up lo la. E lefe ki  mwan mon santi a sa moman ler mon ti entervenir e sa propozisyon ki’n ganny fer mon ti seconded at the time.

 

 

 

MR SPEAKER

Non.

 

HON SEBASTIEN PILLAY

Anr pa ti ankor ganny seconded.  En pti moman Mr Speaker mersi pou koriz mwan lo sa bout.

 

MR SPEAKER

Kontinyen.

 

HON SEBASTIEN PILLAY

Mr Speaker mon note.  Mon ti pe demann ou gidans ki si Mover i le move i neseser ki mon formelman move sa lamannman then mon ava propoz sa lamannman formelman, pou ki Lasanble i kapab ganny son konsiderasyon. E  parey tou lamannman i ava ganny dispoze parey Standing Order i propoze.  Me mon konpran prezan anvi ki i annan diferan keksoz ki’n arive Mr Speaker, lafason ki nou deal avek lamannman lo en Mosyon i donn ou serten provizyon kler dan Standing Orders, e mon pa oule fors ou dan bann sityasyon kot toultan mon pe bezwen fer ou fer bann determinasyon lo Standing Orders. 

        So mon ti ava apresye si alor si mon ti a kapab ganny lagreman avek mover Mosyon akoz mon bann lamannman i dan okenn fason pe reakte dan en fason pou frustrate son Mosyon.

Me parey mon dir li son Mosyon i annan tou merit ki mon pou siporte e sa bann provizyon i pou zis fer ki nou a kapab ganny en aksyon dan lespri ki Onorab Arissol atraver ou in koze ki nou kapab ganny aksyon konkret parey Onorab Arissol i koz lo Mosyon Onorab Gill.  E ki i a enn bann Mosyon ki nou ava war en keksoz ganny fer pou bann teachers.

E mon ti en teacher dan lepase mon pas atraver sa bann sityasyon.  Se dan sa laliny ki mon ti oule move sa ki nou anmenn sa deba.  E si nou anmenn sa deba lo sa nivo then i pou pli fasil pou Minister Ledikasyon konpran, ki malgre bann pozisyon ki zot pe pran, ozordi i permet serten ansenyan fer serten keksoz i still tro restriktiv.  E i pa pe allow ansenyan sa freedom ki zot pa pe kapab fer zisteman ki sa Mosyon pe propoze, ki i ava ede pou elev nivo bann etidyan dan lekol.  So mon pou met sa devan ou Mr Speaker. Ou ava dir mwan  ki ou deside lo la.  Mersi.

 

MR SPEAKER

Ok.  Mon kapab pran en Ruling lo la mon permet ki ou move ou amannman – ok?   Go ahead Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon ti le propoze ki lamannman i lir koumsa:

Nou gard sa Lasanble ‘sa Lasanble i dir avek Gouvernman ki Minister Ledikasyon pou met a dispozisyon tou ansenyan, e asistan ansenyan’ mon pe propoze ki nou retir sa bout ‘‘asistan ansenyan’’ e nou gard ‘’tou ansenyan  landrwa e fasilite neseser dan  en  bann lenstitisyon edikasyonnel.’’ Nou retir sa ‘‘to’’ Mr Speaker akoz i pou kree serten problenm dan lenstitisyon akoz i annan plizyer lenstitisyon edikasyonnel ki anba kontrol Minister Ledikasyon.  Sa i enkli bann lenstitisyon pos segonder malgre zot tonm dan en lot filyer dan  pei, ‘’pou ofer leson ekstra e pou asiste devwar lakour apre lekol, pou bann zanfan ki eksprim sa demann e pou bann ki pare pou fer en kontribisyon finansyel, an faver bann ansenyan.  E ki Minister i osi revwar lafason ki i pe enplimant son progranm after school service pou fer ki bann ansenyan i a kapab donn plis e osi i annan bann benefis ki zot gannyen atraver sa progranm.’’  Mersi Mr Speaker.

 

MR SPEAKER

Ok.  Yes Onorab Ferrari.

 

HON JEAN-FRANCOIS FERRARI

Mr Speaker mon pa aksepte okenn sa bann lamannman !  I annan bann propozisyon ki mon pou fer, akoz Onorab Pillay i bezwen konpran poudir in fini koze, e mon’n fini ekoute.  Mr Speaker mon’n ekout li mon pran serten bann sa bann pwen.  Akoz i annan bann pwen ki li in sizere e lezot Manm osi in sizere ki tre valab ok –  me selman mon pa pe aksepte ki Onorab Pillay i sanz lespri mon Mosyon.  So mon pa pe aksepte sa bann sa, e mon sizere ki nou move on.  Si anyway – mon sizere ki nou move on.  Mersi.

 

MR SPEAKER

Bon nou ava pran en desizyon lo amannman ki in sizere akoz mon permet li pou li move sa bann lamannman e i fer 3enm Manm ki demande si nou pou take onboard bann lamannman pou nou kontinyen deba – ok ?  So i annan propozisyon pou amannman ganny mete devan Lasanble, okenn Manm ki segonn sa bann amannman nou ava pran en desizyon.  E nou ava regarde si nou pou take sa bann amannman onboard oubyen si nou pou kontinyen deba as isok ?  Yes Onorab Ernesta.

 

HON PAUL ERNESTA

Bonzour Mr Speaker.  Bonzour tou bann koleg.  Mr Speaker Mosyon segonde.

 

MR SPEAKER

Ok.  Mersi i annan amannman ki’n ganny propoze par Onorab Sebastien Pillay e in ganny segonde par Onorab Ernesta.  Annou put it to the vote of the Assembly.  ToU bann ki an faver lamannman?  Okenn Manm ki kont?  Ok Madanm Clerk.

 

MADAM CLERK

Mersi Mr Speaker.  Mon rikord 12 Manm ki’n vot an faver.  E 14 Manm ki’n vot kont.  Mersi.

 

MR SPEAKER

Ok savedir amannman in ganny rezete.  Nou ava kontinyen nou deba Mosyon konman i été.  Ok.  Non ou’n fini- Yes Onorab Pillay.

 

HON SEBASTIEN PILLAY

Mr Speaker mon ti le zis eksprim mon remersiman pou allow mwan pou propoz mon lamannman.  Mersi.

 

MR SPEAKER

Pa problenm Onorab.  Onorab Simon Gill ou kontinyen deba lo Mosyon as is on the Order Paper.  Onorab Gill.

 

HON SIMON GILL

Mersi bokou Mr Speaker.  I regretab ki bann lamannman tre pozitif, pa’n ganny aksepte me mon konpran se sa lespri nou la demokrasi.  E long live our democracy!  Long live!

 

(APPLAUSE)

 

HON SIMON GILL

Mr Speaker mon’n ekout bann entervenan lo Mosyon prezante par Onorab Ferrari.  I annan plizyer entervenan ki’n fer bann lentervansyon tre pozitiv, e ki’n rekonnet e donn kredi sa ki egziste ozordi dan Minister Ledikasyon.  E mon dir zot annou kontinyen e fason tre modes e emble ; rekonnet sa ki egziste e fer propozisyon – fer sizesyon pou anbelir sa ki egziste, pou amelyor sa ki egziste, pou nou ganny pli bon rezilta ki nou tou nou pe rode.  E ki rezilta ki nou pe rode ?  Nou le ki nou bann zanfan ki dan nou sistenm skoler a tou nivo, se ki zot sorti avek bann rezilta ekselan, ki fer loner zot paran e ki fer loner zot menm e ki batir en fitir tre solid e tre prometan pou zot menm zot konman endividi, bann fitir zonm/fanm ki sosyete pou bezwen.

Me Mr Speaker mon le fer mansyon spesyal avek konteni lentervansyon Onorab Arissol.  Mersi pou rekonnet sa ki egziste konman enn bann dimoun ki’n dan en sistenm skoler, avek tou son lenperfeksyon.  Me mon dezagree an menm tan ki zot pa’n fer ase pou contain konteni lentervansyon Onorab Wavel Woodcock.  Mon krwar i ti devret pas atraver pli bon preparasyon entern, lo zot nivo pa ki mon pe dir zot ki zot pou fer byensir tre lwen de sa.  Me in sorti tre mal e Onorab Ramkalawan pe rekonnet sa, ki in sorti tre mal lentervansyon ki Onorab Woodcock in fer.  E mon swete ki bann mezir neseser, apropriye i ganny pran enternman pou ki i rekonnet sa ki egziste, e i fer bann kritik pozitiv pou nou kapab anbelir sa ki egziste.

E Mr Speaker dan mon parkour ledikasyon – dan mon parkour pou mwan vin sa ki mon été ozordi in annan en kantite dimoun ki’n lev mon anler depi byen pti.  Mr Speaker bann zenerasyon pou mon i zenerasyon konmans dan pti lakres kot lakaz bann vwazen.  E sa bann lepok nou ti annan ‘’lardwaz’’ kot nou ti konmans aprann ki mannyer pou diform bann let e konmans ekri serten bann mo pou nou kapab monte dan parkour lo ledikasyon.

E Mr Speaker zenerasyon ki dan sistenm skoler ozordi Mr Speaker i zenerasyon iPad i zenerasyon telefonn smart phone i zenerasyon computer i zenerasyon laptop.  I en zenerasyon ki pe viv dan en lemonn ki devlopman syantifik e teknik in tre avanse konpare avek mon lepok.  E i annan lo latab isi dan nou Lasanble Mr Speaker bann ki’n ne an 1978 ki ozordi i annan privilez zot dan Parlman zot pa konn ‘’lardwaz !’’  Zot zenerasyon iPad zot zenerasyon computer zot zenerasyon smart phone.  Me sa Mr Speaker – sa Mr Speaker,  dan li menm li i prezant en challenge pou sak zanfan ozordi ki kot lakour sak paran e ki anfen kont zot reponn lapel tou le bomaten dan lekol, kot bann Mis bann Sir lekol i bezwen pas en pe letan avek zot pou permet zot devlope e aprann bann matyer ki lo zot progranm dizour pou ki zot kapab devlope.

Mr Speaker dan plizyer nou bann lekol apre ki break in ganny donnen, ou trouv en gran poursantaz bann zenn pe text lo zot smart phone.  E i annan menm bann iPad ki avek zot pe kominike pe anvoy let pe anvoy korespondan – pe network – pe lir – pe download bann lenformasyon e pe pas letan pou lir.

Me i annan napa sa privilez byensir zot pe demann mon akoz ki mon anmenn sa bann eleman ki relasyonnel avek en Mosyon prezante par Onorab Ferrari.  Me i enportan mon kontan ki Onorab Gervais Henrie pe rekonnet ki i annan en merit sa size ki mon pe levé, akoz son zenerasyon pou li i en lot zenerasyon avek mon zenerasyon pou mwan.

E Mr Speaker nou lekol Mr Speaker avek tou son lenperfeksyon i pa en total failure.   E mon ti ava voudre ki nou annan en konsansis lo la.  I pa en total failure !  Mon dir i pa en total failure Mr Speaker, zisteman akoz nou annan bann zonm fanm Onorab dan Lasanble Nasyonal ki’n pas atraver sa sistenm ledikasyon e ki ozordi zot sa ki zot été !  E zot pe aim bokou pli lwen ki sa.  I annan pe reve pou form Gouvernman i annan pe reve pou vin Minis.  I annan pe reve pou vin lezot kalite zonm/fanm ki loportinite i permet zot vini.  E Mr Speaker si i annan en labote sa sistenm ledikasyon avek tou son lenperfeksyon se zisteman sa labote, sa rev, ki’n kre avek sa zenerasyon ki isi dan sa Lasanble Nasyonal ozordi Mr Speaker.  This is beautiful Mr Speaker !  Ler nou annan bann zonm fanm dan sa Lasanble ki pe defini fitir sa pei.  Are we total failure?  Non Mr Speaker nou pa bann total failure, akoz nou oule ki bann dimoun la deor i swiv nou.  E deza zot annan followers in donn zot mazorite dan Lasanble Nasyonal. Keep it up !

E si zot pa oule keep it up zot pou aksepte ki zot bann failure ki mon pa krwar okenn antre zot i bann failure.  Mr Speaker malgre i annan dan lepok lekol in sove, pa’n kapab kontinyen dan serten lenstitisyon skoler, zot in al rod lezot rekour.  Malgre i annan bann lepok i annan zot papa ti bann bon personnalite ti afford zot bann posibilite reel, ki zot loportinite ti donn zot pa nou tou ki ti parey e pa nou tou ki’n kapab bouz parey lo sa echelon selon lavi Mr Speaker.

E nou aksepte sa ki nou’n été!  Nou aksepte sa ki nou paran in kapab fer pou nou a sa lepok.  E nou aksepte sa ki nou été ozordi.  Nou pa kapab zalou personn pou sa ki zot été.  E Mr Speaker si i annan en keksoz ki mon pou lans lapel ozordi atraver Mosyon Onorab Ferrari, se zisteman dir avek tou nou bann etidyan ki dan lekol ozordi, se pou zot pran zot letid o serye.  Mon repete Mr Speaker pou tou bann zanfan ki dan nou bann lenstitisyon skoler, se pran zot letid o serye.  Si mon merit repet en 3enm fwa Mr Speaker, se dir avek tou bann zanfan ki dan nou bann lenstitisyon skoler ozordi, pran zot letid o serye !

E Mr Speaker sa ki Onorab Ferrari pe demande dan son Mosyon e parey bokou entervenan in rekonnet i egziste ozordi ziska serten degre i egziste.  E alor si ziska serten degre i egziste e i annan en evalyasyon ki’n ganny fer lo ki mannyer sa ki egziste i été nou pe dir si laspe pozitif sa ki egziste i predominen, annou gete ki mannyer nou kapab ranforsi li dan bann lezot lenstitisyon, or dan bann lezot lekol pou et pli presi lo bann lezot nivo.  E bann leson ki zot in tire Mr Speaker, anbelir lo bann defayans ki i annan, pou ki nou kapab ganny sa ki Onorab Ferrari pe demande avek serten perfeksyon, tout an rekonesan ki i egziste.  E mon kontan lo lot kote latab zot in rekonnet ki i egziste.

Me Mr Speaker ki kote nou dezagree avek serten eleman ki Onorab Ferrari in mete dan son Mosyon, e ki Onorab Sebastien Pillay in move pou fer serten lamannman.  Nou dezagree lo lefe ki nou pe demann son sekirite sosyal or welfare pou pey serten bann teachers ki pou antre oubyen ki deza dan sa bann servis apre lekol.  Nou dezagree lo sa nivo la, me nou pa dezagree lo ki bann teachers ki volonter, pou fer or pou donn sa servis ki zot kontinyen donnen e ki Minister Ledikasyon ki fer provizyon pou pey bann teachers pou donn sa after school service, ki zot anbelir sa ki i egziste.  Si sa reminerasyon ki pe ganny donnen zot war i en pe ba revize.  Zot ki bann expert zot a konpran zot a tonm dakor ki mannyer pou reviz sa ki pe donnen tou an rekonesan ki si i pozitiv ki pe anmenn sitan bon rezilta annou parey mon dir annou expand li, dan bann lezot staz skoler – pa zis lo primer.

Lot eleman Mr Speaker ki mon oule anmennen dan sa deba, mon krwar senserman ki i pa sifi pou nou aret la kot bann Mis bann Sir ki aktivman dan nou sistenm skoler. E atraver sa loportinite ki Mosyon Onorab Ferrari in donn nou mon pe demann Minister Ledikasyon pou lans en lapel Nasyonal.  mon repete Mr Speaker nou pe demann Minister Ledikasyon pou lans en lapel Nasyonal e demann avek nou bann profesyonnel teachers ki la deor ki pa dan sistenm ledikasyon Gouvernman pou vin devan pou enskri dan zot distrik ki annan lekol annou kree en mouvman sa bann teachers pou ki ansanm avek Minister Ledikasyon nou idantifye lo ki bann size or ki bann size ki annan bann defayans, an term rezilta ki legzanmen in provide.  

        E gete lekel bann resource person ki nou gannyen dan lakominote, met ansanm pou ki nou kapab zwenn sa bann zanfan swa apre ler lekol or serten zour ki ganny dezinyen dan lasemenn kot sa bann resource person i zwenn pou kapab donn sa servis, avek bi pou elev nivo kapasite sa bann zelev, pou ki zot vin pli byen performan dan moman ki zot al prepar zot pou zot al sit legzanmen.

Si nou fer sa Mr Speaker nou fer sa konman en move Nasyonal e nou demann tou dimoun ki enterese pou vin devan.  Ankor enn fwa pou mon servi term ki mon servi pli boner –‘’ it will be beautiful’’ ki nou angaz tou lakominote pou chip in e focus dan bann matyer kot nou annan plis defayans.  E ganny bann zelev pou pull together e fer pli byen.

E byensir a sa staz mon pou siport lanfaz ki’n ganny mete par plizyer entervenan rol responsabilite bann paran.  Zot annan en rol primordyal pou kapab soutenir sa zefor nasyonal ki nou pe demande ki bann profesyonnel bann teachers i angaz zot ladan i enportan ki nou montre nou committed e ki nou serye ki nou zanfan i fer bokou pli byen ki zot pe fer ozordi.  

        This will be the pride of Seychelles.  This will be the pride of sakenn de zot sa bann paran e tou sa bann profesyonnel ki zot in aprann kontribye pou elev nivo e standar dan nou sistenm skoler dan nivo nasyonal Mr Speaker.

Lot eleman ki mon anvi anmennen Mr Speaker dan sa deba i tre senp nou bezwen ronm dakor ki nou pa kapab ekskli personn dan sa ki nou rekonnet i en nesesite la nou pa pe koz politik la nou pa pe koz partizan politik, la nou pe koz sa ki nou santi i en nesesite e kwa ki nou santi i en nesesite?  Se nesesite pou nou ganny meyer rezilta.  Mon anmenn sa enn pwen avek en serten presizyon e lanfaz Mr Speaker akoz tre souvan dan ban diferan pozisyon ki nou pran nou gete si LDS si United Seychelles si Lalyans, or si lezot mouvman politik.  Mr Speaker annou depas sa border partizan politik annou depas sa.

E si Mr Benstrong ler i analiz rezilta bann legzanmen i dir i pa satisfe, nou donn li kredi e rezon poudir i pa satisfe.  Me nou osi konnen Mr Speaker ki Minister Ledikasyon i demande pou vin fer en soumisyon dan Lasanble Nasyonal pou abord zisteman zot lenterpretasyon lo sa rezilta ki Mr Benstrong in fer komanter lo la ziska serten degre.

Akoz mon osi mon annan kontak avek bann dimoun dan Minister Ledikasyon lo en baz personnel e mon kestyonn sa pozisyon e mon ganny serten repons.  E mon krwar i enportan ki nou fer en lenterpretasyon korek e ki nou ekout bann expert ki’n fer lanaliz ki’n fer refleksyon serye aprofondize lo sa dernyen rezilta ki’n kestyon e size deba isi dan sa Lasanble Nasyonal.

Mr Speaker lot pwen ki mon oule aborde dan sa deba se probableman pa tou lekol ki pou kapab annan sa lespas pou donn sa bann or pou host sa bann extra classes ki nou pe koze ki bann ansenyan i donnen.  E sa mon pickup atraver lentervansyon ki Onorab Pillay ti fer dernyerman mon le met lanfaz lo la e mon le dir ki i en konsiderasyon tre enportan.

Nou pa ava ganny tou lekol me probableman nou ava ganny serten lenstitisyon skoler kot i plase dan serten rezyon pou kapab kre sa lespas pou annan plizyer bann etidyan ki ganny angaze atraver sa servis extra classes.  Parey mon dir pli boner i kapab Sanmdi i kapab lasemenn.

E Mr Speaker nou bezwen fer sir ki sa bann zanfan ki enskri dan sa bann servis extra classes ki zot serye dan zot menm.  E lo sa pwen Mr Speaker mon pa ti ava voudre ki okenn zanfan i ganny kit ater zis akoz kestyon larzan.  E se sa ki mon pe dir ki Gouvernman i pran responsabilite pou administre sa fee sa allowance ki nou donn sak sa bann dimoun ki pe entervenir pou donn sa servis extra school hours.  Fodre zanmen nou ariv en staz kot en zanfan ki dezire antre ladan e pou de rezon larzan ek birokrasi I don’t know what i pa kapab antre.

E vwala akoz ankor enn fwa Mr Speaker lo sa pwen kot Onorab Ferrari in mansyonnen lo on Mosyon ki oule welfare antre to foot the Bill – mon dir with all respect mon dir non.  Gouvernman i tonm dakor lo merit rezonnab pou pey sak sa bann profesyonnel teachers ki dan ledikasyon, ozordi oubyen bann ki an deor pou sa servis ekstra ki zot pe donnen.  Dan sa fason sa etik i sanze.

Zot pa war sa konman zot pe fer en biznes sak sa bann endividi ki pe donn sa servis, zot pa war ki zot pe donn en biznes avek paran e zanfan ki zot volonter pou antre dan sa servis after school hours ou bann extra classes Mr Speaker.  Vwala rasyonnel.  Vwala forte mon largiman Mr Speaker e ki mon konnen Onorab Ferrari i dakor avek mwan lo la.  E mon trouv Onorab Afif pe nod mon krwar osi i dakor avek mwan e egalman Onorab Gervais Henrie mon krwar i dakor avek mwan lo sa ki mon pe dir Mr Speaker ozordi lo sa size.

Mr Speaker.

 

MR SPEAKER

2minit.

 

HON SIMON GILL

I reste mon 2minit mon ankor 5 pwen mon ti le aborde Mr Speaker.

 

MR SPEAKER

Fer li dan 2minit.

 

HON SIMON GILL

Mon krwar i pou en pti pe problenm fer li dan 2minit, me mon a eseye tou fason.  Me Mr Speaker lot pwen ki mon ti ava voudre mansyonnen se dir avek tou nou bann zanfan dan bann lenstitisyon skoler, e tou bann paran dan bann lenstitisyon skoler ki zot zanfan i dan lenstitisyon skoler Mr Speaker, ozordi Gouvernman nou sistenm skoler dan Gouvernman, i an konpetisyon relatif avek bann lenstitisyon skoler prive.

E i enportan nou pa manke dan sa deba ozordi.  Bann paran ozordi Mr Speaker ki annan zot zanfan dan bann lenstitisyon skoler prive, pe fer en kantite sakrifis Mr Speaker.  E i annan en bon rezon pou sa e ki sa bann zanfan i oule ki sa bann paran i oule avan tou?  Se zot oule ki zot bann zanfan i sorti bann zonm/fanm meyer ki zot menm zot konman paran zot été.

E ozordi Mr Speaker labote i kwa?  Labote se ki ozordi nou annan nou en sosyete ki evolye e ozordi konpare avek 20an pase nou annan nou pa pou les paran ki annan sa loportinite e posibilite reel, malgre sakrifis pou anvoy zot zanfan dan bann lekol prive.

Sa i montre transformasyon serye ki’n arive dan nou sosyete kot bann zonm fanm ozordi in ganny élevé atraver bokou sakrifis, bokou persyasyon personnel e mon dir zot keep it up !  E nou tou nou bezwen rod sa ki pli meyer pou nou zanfan ki ozordi i depandan lo nou.  Me annou pa aret la Mr Speaker, annou pa aret la Mr Speaker.

 

MR SPEAKER

Annou wrap-up Onorab.

 

HON SIMON GILL

Annou pa aret la Mr Speaker.  ler nou dir nou pa aret la ki mesaz ki nou annan Mr Speaker mesaz se ki dan sa konpetisyon relatif, ozordi ki nou annan nou pe dir avek Gouvernman pull up !  Kree sa konfyans dan bann paran ki annan zot zanfan dan lekol Gouvernman.  Ki ozordi san okenn dout nou annan en gran mazorite zanfan Seselwa dan lekol Gouvernman e dan bann lekol prive nou annan nou osi en group zot.  E nou konnen Mr Speaker what is challenge laba dan lekol prive.  Si ou fail i annan serten degre tolerans ki annan.  E si ou pa arive meet bann standar – bann barenm ki’n ganny mete ou bezwen take the exit !  Sa mon pe koz dan lekol prive la pa dan lekol. E ki kote ou al reponn lapel Mr Speaker ou a reponn lapel dan lekol dan sistenm skoler Gouvernman, me nou bezwen kontinyen donn zot dan sa loportinite Mr Speaker.

 

MR SPEAKER

Mersi Onorab Gill fini.

 

HON SIMON GILL

Mr Speaker mon konklir mon pa pou kapab al tou sa lezot 3 pwen mon conclude.  Mr Speaker mersi bokou pou donn mon sa pti minit ekstra ; mon pe dir avek Onorab Ferrari son Mosyon i annan en merit, me mon ti ava’n voudre ki i pran tenir kont largiman ki Onorab Pillay in anmennen dan son sizesyon  pou fer lamannman, e tenir kont nou pozisyon ler i fer son summing- up e finalman nou ava gete ki pozisyon nou pran lo son Mosyon.

E mon pe dir avek tou ban paran tou bann zanfan Mr Speaker annou sezi sa loportinite ki ozordi nou gannyen ; ki swa dan lekol prive ki swa dan sistenm Gouvernman demen sa ki nou été demen, sa ki nou vini demen, i depan nivo seryete ki nou pran nou letid ozordi la !  We will be the future of this country Mr Speaker and let us be what we can and move on Mr Speaker.  Mr Speaker mersi bokou.

 

 

(APPLAUSE)

 

MR SPEAKER

Mersi Onorab Gill, mersi.  Bon i reste 2 Manm lo mon lalis nou annan 7minit petet  nou kapab  overlap en pti pe.  Mon annan Onorab Afif avek Onorab De Commarmond.  Onorab Afif oule fer en short  intervention?    Ale go ahead.

 

HON JEAN-FRANCOIS FERRARI

Non Mr Speaker.  Mon ti zis anvi ou rekonnet ki nou soufer.  Mersi.

 

MR SPEAKER

Ok Onorab.  Onorab Afif laparol i pou ou.

 

HON AHMED AFIF

Mersi Mr Speaker.  Mon a sey ede pou Onorab Ferrari aret soufer.  Mr Speaker sa Mosyon ki devan nou, i en Mosyon tre senp. I pe dir avek Gouvernman, met a dispozisyon tou bann ansenyan, e dimoun ki fer lekol bann fasilite neseser, pou zot kapab ed sistenm ledikasyon – esansyelman.  I pe osi dir, si i annan posibilite ganny bann resours finansyel pou bann dimoun ki mwen kapab peye, annou trouv en fason ki Gouvernman rod sa larzan e ki nou kapab ed bann etidyan ek zot paran ki annan mwens mwayen, pou zot kapab pey pou sa bann servis apre lekol.

Mr Speaker mwan mon antyerman an faver sa Mosyon.  Mon antyerman an faver sa Mosyon akoz mon trouv sa konman en zefor ki pe ganny fer, pou nou servi en byen ki pei i annan e sa se bann laklas e lenfrastriktir ki deza la, pou nou met li pou en bi ki pou benefisye sa pei.  Akoz mon dir pou benefisye sa pei?  Akoz ozordi sa ki kler se ki nou annan nou en lafors travayer ki apepre 50mil, me ki pou en gran parti ladan 23mil i etranze.  E sa nonm etranze i pe grandi li.  Akoz  mwan mon rapel dan en 15an pase ti annan ou dan en 11mil 12mil etranze laplipar ditan konstriksyon.

Lafors travayer pa ti bokou pli pti ki été ozordi li.  In grandi en pti gin me lakantite travayer etranze li i pe grosi menm li.  Mon napa nanryen kont travayer etranze.  Ou bezwen travayer etranze si ou napa.  Parske lendistri i bezwen marse.  Me problenm ki tousala pe montre nou, se ki nou pei pa pe prodwir zanfan ki annan kalifikasyon pou antre dan lemonn travay.  Sa ki sa statistik pe montre nou dan Sesel.  Nou napa ase resours.

Me ler nou dir nou napa ase resours nou bezwen sey gete lekel ki pe prodwir sa bann resours ?  E alors nou annan lekol leta apre nou annan lekol prive ki nou pe trouve tou le lannen nou espekte war omwen 1400 zanfan pe fini lekol avek en bon grad nou espekte war sa.  Akoz mon dir 1400?  Akoz i annan apepre 1500 zanfan ki ne tou le lannen, alors apre en serten norm peryod letan ki zot al lekol, tou le lannen nou espekte war menm kantite sorti dan lekol avek lamazorite ganny en bon grad.

Me ki nou war, nou war forse 300 – pa ni 500 pa ni en tyer ki nou pe espekte ki pe sorti avek en grad C oubyen pli bon.  Savedir sa mason dan nou pei ki sipoze prodwir imen ki kapab antre dan lemonn travay pa pe marse.  Sa ki i kler sa.  Parske laplipar pei ozordi dan zot zanfan ki al lekol e mon dir ki al lekol, pa neseserman ki pran en legzanmen ki al lekol, zot sorti an mazorite avek en bon grad.  Me dan Sesel ki nou pe remarke pa pe marse mwens ki en tyer ki pe sorti avek en bon grad.

Savedir 2 tyer tou sa resours ki nou pe mete ozordi nou pe met apepre R800milyon dan Bidze ledikasyon tou le lannen me 2 tyer ladan pa pe prodwir sa rezilta e en gro problenm sa si tou sa larzan ki nou pe met de kote pa pe prodwir rezilta ki nou pe anvi.

Alor sa Mosyon ki pe dir i pe rekonnet poudir i annan parkont serten lenstitisyon pe prodwir bon rezilta e mon pa eksper dan ledikasyon mon bezwen dir sa dabor sa ki nou konnen se ki dan lekol prive ozordi ki pa pe pran lamazorite bann zanfan, me selman se sa bann lekol prive ki li i pa en tyer ki son etidyan pe sorti byen li – 80poursan son etidyan i sorti byen 80poursan en ler plis.

Akoz mon pa eksper ladan?  Mon pou dir ou deswit la en mason ki marse la en masin ki pa marse.  Sa enn i prodwir 80poursan sa lot i prodwir mwens ki 30poursan.  Onorab Ferrari sa ki li i pe dir i dir ek ou petet sa lot i annan en pe plis resours.  I annan pli bon ansenyan son paran pe peye i posib resours i pli bon.  E ler resours i pli bon masin i bon.  Alors ki i pe dir be i annan dimoun ki annan sa resours e i annan resours Gouvernman i mete – i annan sa striktir i la li pa ganny servi apre 3er sepa 4er in fermen resours ti la li dimoun i annan sa pouvwar pou zot peye si sa resours i kapab ganny servi.

E sa ki nou fek trouve kot resours i annan rezilta i bon kot resours ou kit dormi rezilta pa bon.  Alors i pe dir nou annan resours i annan dimoun ki pare pou peye zot pe rod en landrwa pou zot kapab fer lekol apre ler.  Donn zot sa posibilite.  Ki nou annan pou perdi?  Zot pou kas lekol ? Zot pou kas lenfrastriktir ? Dimoun ki anvi peye pou son zanfan lekol zot pou kas sa landrwa ki li menm i pe peye pou fer son zanfan lekol?

Mon pa war sa konman en gran danze.  Mon pa war aktyelman okenn danze ladan alor mon dir annou pran en semen ki’n deza ganny prouve e i marse ; en semen kot ou fer private tuition pou sa bann etidyan.  Zot ganny en posibilite.  Espérons i pa lwen kot zot été petet i kot zot distrik i annan en lekol ki la.  Sa bann teachers i kapab en teacher kot sa lekol i kapab en teacher an deor sa lekol, ki reste la me ki i ti a kontan vin la pou fer en private tuition ; i osi ganny sa posibilite.

Ki nou pe fer finalman nou pe servi nou resours nou pei dan en fason ki byen kot sel rezilta nou pe rode se fer sa masin ki prodwir imen kalifye vin en pli bon masin e vwala ki i pe fer i pa pe demann bokou i pa pou kout leta bokou larzan parske sa bann dimoun i pe peye lenfrastriktir i deza la pa bezwen demann ankor.  Mon pa war danze ladan mwan aktyelman.  Mon war plis benefis.  Alor mon dir sa i en loportinite pou ed zanfan i en loportinite pou donn bann teachers petet dan sa lekol en loportinite pou zot fer ekstra travay.  I donn loportinite bann dimoun an deor sa lekol ki osi ansenyan ki anvi fer lekol, pou zot vini, me pou pei i donn posibilite ki nou napa en tyer nou bann zanfan ki ganny bon rezilta, me plis ki en tyer.  Si nou konmans koumsa kekfwa demen nou a ganny lanmwatye e nou devret desot lanmwatye manrmay pe ganny en bon rezilta, me ki sa pou fer pou nou?  Sa pou fer sir ki nou konmans gradyelman ranplas etranze.

Si nou pe prodwir 600 manrmay tou le lannen 700 manrmay olye 300 be tou le lannen nou a ganny 400 ekstra manrmay ki kapab antre dan lemonn travay pou ranplas sa 23mil etranze ki nou annan ozordi avek 200, 300 ki pe antre dan lemonn travay pa fasil pou al ranplas 23mil e sa 23mil pe al grosi li.  Alors mwan mon dir annou siport sa Mosyon.  I pa pou kout Gouvernman en gro larzan.  I pou anmenn benefis pou zanfan ; i pou anmenn benefis pou teachers i pou anmenn benefis pou pei.  E avek sa mon ti a kontan ki tou bann Manm i anmenn zot sipor pou sa Mosyon.  Mersi Mr Speaker.

 

MR SPEAKER

Mersi Onorab Afif.  Bon i reste mon 1 entervenan apre mover Mosyon pou lir ver son konklizyon.  Me nou ava kontinyen apre midi.  Mon ti a kontan a sa moman anons tou lede kote ki mon pou fer en ABC 1er dan Speaker’s Conference Room – right, pou nou kapab regard en way forward with regards of matter ki’n levé bomaten, e osi tou S.I. ki mon fer Clerk sirkil avek tou Manm ki nou fek resevwar.  Ok ?  So nou pou adjourn e nou pou retournen 2er apre midi.

 

 

(BREAK)

 

MR SPEAKER

Bonn apre midi tou Manm Onorab e bonn apre midi tou dimoun ki a lekout. Premyerman  mon ti a kontan prezant en lekskiz pour sa retar ki nou’n gannyen, an vi bann diferan meeting ki pe pran plas with regards to travay ki devan nou.

Bon mon ti dir bomaten ki mon pou fer Ruling lo pozisyon lo lentansyon ki  Leader Zafer Gouvernman in met devan Lasanble.  E mon ti a kontan  osi tou fer rapel bann Manm  ki nou’n fer en Assembly Business Committee Meeting pandan Break e i annan serten negosyasyon ki’n esey ganny fer.  Me mon kapab raport avek Lasanble ki nou ankor vwar nou dan en lenpas.

Mon osi anvi refer sorti ki lo kote Lopozisyon – reprezantan Lopozisyon in fer sorti ki zot dezir, zot lanvi pou kontinyen angaze avek Egzekitif i touzour la, me ankor i demann keksoz ki ganny fer le de kote me sa dezir i touzour la pou  nou kapab vwar en way forward.

Lo mon kote parey mon pe dir bomaten nou dan en lenpas e mon pou fer en Ruling la apre midi, akoz Lasanble i bezwen fer son travay – i bezwen fer son travay e mon Ruling i pa pou afekte sa dezir ki’n ganny eksprimen ki diskisyon i kontinyen ant Lasanble avek Egzekitiv. Alor mon Ruling lo Mosyon pou retir sa Prozedlwa Public Service Salary (Amendment) Bill, 2019 ki devan Lasanble Nasyonal, e ki’n anmennen par Leader Zafer Gouvernman i konm swivan ;

Avek tou sa ki’n pase avek sa Prozedlwa in ganny lir en 2enm Fwa,  deba ki’n ganny fer lo la e sa sityasyon aktyel ki Lasanble i ladan ozordi, kot nou vwar nou dan en Prozedlwa ki ankor vivan devan nou Lasanble.  E osi en S.I. ki’n fini vin anfors, mon’n pran osi konsiderasyon fer par lezot  –  bann desizyon fer par lezot Lalwa e osi lespri nou Standing Orders.

Alor mon fer sa Ruling swivan; en Manm ki’n move sa Prozedlwa ganny lir en Dezyenm Fwa e debate, i annan drwa pou move pou tir sa Prozedlwa according Standing Orders72 e 38(6)(e).

Dan nou konteks e sa sityasyon  ki nou vwar nou ladan Lasanble pou desid lo sa Mosyon e put the matter to reste atraver en vot.

Mon anvi fer sorti ki bann presedans ki 6enm Lasanble in swiv avan pa aplike la dan sa ka. E parey mon’n dir bomaten sa i  en premye ki nou vwar 6enm Lasanble ladan e pe fer fas avek.  Alor vwala rezon mon Ruling.

Bon ti annan en Mosyon bomaten pou anba 72 ki Onorab Leader Zafer Gouvernman Onorab De Commarmond in move pou wihdraw sa Prozedlwa. Ok ?  Mosyon pa ti ankor ganny segonde – Ok?  Mon ava demande si i annan en Manm pou segonn sa Mosyon.  Okenn Manm pou segonn Mosyon?  Si napa Manm ki segonn Mosyon, Mosyon li menm i tonbe!  Onorab De Commarmond ?

 

HON CHARLES DE COMMARMOND

Mr Speaker, ou pe dir ki la sa Mosyon in pran presedans lo tou lezot travay Lasanble?

 

MR SPEAKER

Wi. Mon bezwen ….

 

 

HON CHARLES DE COMMARMOND

Bann Mosyon ki devan la ki pe diskit lo la nou pa pou … ?

 

MR SPEAKER

Wi.  Anba 95 mon annan drwa diriz Lasanble. Ok? Mon annan sa pouvwar pou mwan fer sa.  E parey mon  pe dir nou annan en sityasyon – nou annan nou serten lirzans – ok? Mon anvi deal avek sa pou nou sorti en pti pe dan sa lenpas. Ki direksyon nou pou ale sa i pou depan lo zot me at least pou nou kapab sorti dan sa sityasyon ki nou vwar nou ladan depi detrwa zour.  Ok ?

Yes Onorab De Commarmond.

 

HON CHARLES DE COMMARMOND

E zis en keksoz ki pa kler dan ou Ruling osi se si sa Mosyon pou ganny debated on  ouswa non?  Zis i vote?

 

MR SPEAKER

Non.  Mon krwar nou’n permet en pe diskisyon lo la bomaten. Nou anvi move. Nou annan en 2enm Revized Order Paper ki nou anvi pran apre ki nou kapab regarde akoz sa S.I. in vini.   E parey mon dir la deza i annan en konfli.  I annan 2 sityasyon  – nou annan 2 keksoz devan nou  – nou annan nou en Bill – nou annan nou en S.I. Right ? So mon pe demande ki nou ganny en Manm   pou segonn Mosyon.  Yes Onorab Sebastien Pillay.

 

HON SEBASTIEN PILLAY

Mr Speaker, mon zis alert ou latansyon ki dapre nou Standing Orders ‘Lord Lazournen’ nou ankor lo Mosyon! E Mosyon ki devan Lasanble ki pa ankor fini  ganny dealt with, i Mosyon Onorab Ferrari e Lasanble pa kapab proceed lo ….

 

MR SPEAKER

Onorab …

 

HON SEBASTIEN PILLAY

… mon konnen ou dir mwan 95

 

MR SPEAKER

Onorab, mon ti dir bomaten, mon pou donn mon Ruling pli tar e mon’n antre pou mwan donn mon Ruling lo la – nou a fini dispose of this Business then mon ava retourn lo Mosyon ki mannyer nou pou bouze de la.

 

HON SEBASTIEN PILLAY

Mon konpran ou me solman ou bezwen dir nou poudir ou pe sispann Order 24 pou ou fer sa.  I annan pou  fer avek Order 24 akoz en Bill i pas apre en Mosyon lo Order Paper.  Akoz nou’n fini deal ek sa Mosyon. Nou pe deal ek sa Mosyon. I deza annan en Business devan the House. E 95 i dir ou akoz ou pe servi provizyon Standing Orders pou deal avek Mosyon ki relate to withdrawal of  the Bill.

Savedir Standing Orders i cater pou sa.  95 i cater pou sityasyon ki nou napa provizyon pou deal ek sa.   So si ou pe dir nou poudir ou pe set aside Mosyon Onorab  Ferrari nou bezwen ganny li lo rikord. Akoz sa ki nou’n gannyen nou.

 

MR SPEAKER

Mon pa ankor ariv lo la. Mon pe zis fer sa prosedir pour mwan kapab deal ek en matter ki pending devan Lasanble.  Once ki mon fini deal ek sa, then nou kapab bouz lo lot – lot  nou travay.  Mon pa ankor touse Mosyon Onorab Ferrari – ok?   So mon’n fer mon Ruling e mon anvi ki nou kapab bouze – pou  nou kapab dispose of sa matter, apre nou ava kontinyen. Ok?  Yes Onorab Simon Gill.

 

HON SIMON GILL

Mr Speaker Motion seconded.

 

MR SPEAKER

Thank you Onorab Simon Gill. Bon mon ava met devan Lasanble. I annan en Mosyon pou withdraw Public Salary  (Amendment) Bill, 2019 ki devan Lasanble in ganny segonde.  Mon ava demann tou Manm ki an faver?  Okenn Manm ki kont?   Madanm Clerk.

 

MADAM CLERK

Mersi Speaker, pou bann dimoun ki’n vot an faver  mon’n rikord 11 Manm e kont – 17 Manm. Mersi Mr Speaker.

 

MR SPEAKER

Bon Mosyon pou withdraw the Bill in ganny defet.  Savedir Bill i ankor  dan pozisyon Lasanble Nasyonal.   Bon.  Yes Onorab Simon Gill.

 

HON SIMON GILL

Mr Speaker sa i enplike ki debate on  the Bill  continues.

 

MR SPEAKER

Yes.

 

HON SIMON GILL

Now ?

 

MR SPEAKER

Non.  Mon pe ….

 

(Interruption)

 

MR SPEAKER

Les mon ava deal avek lezot Business ki devan mwan – ok? Nou’n fini  deal ek sa akoz mon ‘n   fer mon Ruling lo sa matter ki lo sa Mosyon bomaten.  E nou’n dispose of sa Mosyon les nou ava kontinyen prezan.

Petet akoz zis pou adres ou konsern Onorab Simon Gill, ler mon dir Bill i ankor devan Lasanble – i ankor la, me mon pou pronons kan Lasanble pou repran deba lo la.  Akoz mon’n ganny alerte poudir i annan lenformasyon ki pa ankor arive kot Lasanble.  Ok?  I annan lenformasyon ki Lasanble pe demande  – pa ankor arive e mon anvi ki ler Lasanble in pare, i ava’n dir mwan in ganny tou lenformasyon, nou ava kapab kontinyen deba lo sa Bill.

        Me sa Bill i ankor la  – i ankor vivan.  Yes Onorab Gill.

 

HON SIMON GILL

Mr Speaker eski nou kapab met lo rikord ki lenformasyon ki manke, an relasyon avek sa ki in demande, silvouple? Mersi Mr Speaker.

 

MR SPEAKER

Yes Onorab.   Onorab Afif.

 

HON AHMED AFIF

Mersi Mr Speaker. Mr Speaker lenformasyon ki nou’n demande avek Minister Finans i tre senp. I annan en lanvlop R62 milyon ki’n ganny bidzete lannen pase – in ganny aprouve,  koman ekstra anba ‘’wages and salaries.’’ E zot in pro0pz sa 62milyon pou ganny partaze dapre sa Bill ki deza devan nou. Nou’n demann zot serten lenformasyon spesifik.

En salary grid avek lo kote pou sak band konbyen travay i annan en konbyen saler zot gannyen. Nou’n gannyen sa lenformasyon.  Nou’n osi demann zot konfirm avek nou lekel bann dimoun ki dan non-core parski sa i par lao public service.  Nou’n gannyen sa lenformasyon.

Me i diferan avek lenformasyon ki zot in deza donn nou avan.  Zot in donn nou konbyen travayer i annan e ki zot saler i été, me i diferan avek sif ki zot in deza prezant nou ki ti apepre 4-5mil non-core.  Zot in prezant nou avek 1127 non-core.

Alor nou’n retourn kot zot  nou’n dir ek zot i pa tally alor fer konm swivan – donn nou sa kalifikasyon pou travayer dan sekter piblik  e konbyen son total pou été dan sa band; donn nou  travayer non-core konbyen i été travayer ek sa ki konponan pou arive dan sa 62 – donn nou sa sif e son detay.

E dan son detay nou anvi konn detay sa 5mil ki swadizan non-core.  Nou pa ankor ganny sa.  Nou anvi en breakdown  – fer li senp  – en breakdown sa 62milyon. Parski nou, nou pe fer nou prop travay pou montre avek diferan opsyon ki mannyer – konbyen i pou kout Gouvernman.  Me nou ti a kontan vwar zot breakdown ki total 62milyon. Nou pa ankor gannyen sa.

E les mon a dir ki dernyen konversasyon ki mwan mon’n annan sete Lendi swar avek Ms Tamatave kot Minister Finans, kot i ti dir ek mwan poudir zot in deza donn nou lenformasyon payroll  an detay parey nou’n demande  – mon’n konfirmen – wi mon’n resevwar me solman lakantite dimoun non-core i pa 5mil.  I zis 1127.  Be oli larestan?

Alor i dir ek mwan i bezwen al tyek larestan – i krwar i annan ou fer avek en lot Scheme – i  pa konnen konbyen dimoun i annan ladan e konbyen zot pe ganny peye, me i pou al tyeke.  Mon demann li si i annan Lendi swar  – si i annan avek li  i kapab anvoy kot mwan.

I dir mwan non – fodre Mardi bomaten ler i al biro i a fer sa evalyasyon i ava anvoy kot mwan. Depi Mardi bomaten mon napa kontak e mon pa’n resevwar okenn nouvo lenformasyon sorti kot zot.

Alor sa ki reste pending Mr Speaker se detay ki mannyer sa kalkilasyon 62milyon in vini avek son breakdown. Nou pa ankor gannyen.  Mersi.

 

MR SPEAKER

Mersi Onorab Afif. E mon swete ki petet osi  tou i ava enportan ki si nou kapab met keksoz an ekri  – fer pas atraver Sekretarya e nou ava anvoy sa kot Minister Finans.

Bon nou annan en  Order Paper ki’n sorti e nou’n prepar en lot tentatively. Sa Order Paper ki’n sorti  nou’n diskit li dan ABC  e in sorti an rezon sa S.I ki’n sorti e parey mon’n dir i aplik lo nou travay ki nou pe fer.  Me  pour le moman zis mon pe alert zot ki nou pou servi Revized Oder Paper 2 zis pou permet pou Papers Laid. Madanm Clerk i ava lir bann Papers Laid, me apre nou ou retourn lo Mosyon ki devan nou ki pa ankor fini e apre nou ava regard direksyon ki nou pou ale.  Ok?   Madanm Clerk ?

 

MADAM CLERK

Mersi Mr Speaker.  Prezantasyon papye apre midi ozordi nou annan the Public Service Salary (Amendment) of for schedule Regulations of 2019 S.I 18 of 2019.  Mersi Mr Speaker.

 

MR SPEAKER

E parey mon dir bomaten nou fer sa S.I. ganny sirkile avek tou bann Manm.  Bon nou ava retourn lo nou Order Paper, lo nou travay ki nou ti pe fer bomaten e nou ava- anfen kontinyasyon Order Paper No.2 e nou pou retourn lo Mosyon kot nou’n arive.  E mon dir poudir i annan 2 Manm i annan 1 Manm ki pa ankor fini ki lo mon lalis e apre i annan mover Mosyon ki pou fer son konklizyon.  Mon ava donn laparol Onorab De Commarmond ki ti le eksprim lentansyon pou entervenir lo sa Mosyon.  Onorab.

 

HON CHARLES DE COMMARMOND

Mersi Mr Speaker.  Mr Speaker lo sa Mosyon mon pe demann ou i konsern ledikasyon, e pou mwan ledikasyon i enportan.  Konman en past teacher mon konsernen bokou avek ledikasyon nou zanfan.  E ler mon get sa ki Mosyon pe demande e mon’n konsilte avek Minister Ledikasyon, mon’n osi regarde ki pe arive dan plizyer lekol – enkli lekol  Primer Cascade, nou vwar poudir i egziste deza dan bann lekol sa lasistans kot i annan enn bann teachers ki pe donn serten lansennyman  apre ler lekol e ki pe follow-up avek serten zanfan, ki volonterman ki zot in vin devan – atraver zot paran ensidswit, pou zot kapab ganny sa latansyon spesyal apre ler lekol.   Me selman nou vwar poudir an menm tan i annan mankman.   I annan mankman e nou ensiste nou, avek Minister ledikasyon pou ki sa bann mankman i ganny adrese. 

        E parmi bann mankman i kler ki, i bezwen annan en relansman si oule avek bann zanfan, avek bann ansenyan e avek bann paran.  Paran ki zot sipoze zwe en rol kle dan ledikasyon zot zanfan, pou zot kapab vin devan e vwar sa bann bezwen ki zot zanfan i bezwen, pou zot kapab donn sa bout ekstra pou realizasyon curriculum lekol dan diferan lakas oubyen diferan nivo, ki zot zanfan i été dan lekol primer ouswa segonder.  E an menm tan, sa avek en bi spesifik.  E sa bi spesifik se ki pou relev si oule sa rezilta pozitiv – bann legzanmen.

E nou vwar dernyerman ki legzanmen ki rezilta legzanmen in desann dan plizyer lekol.  I annan serten lekol ki pe repran en pe, me an zeneral nou tou konman Seselwa tou dimoun ki konsern si en prive en dimoun ki pe fer sa pti biznes prive li sa i en lot zafer pou li me si i napa landrwa in apros lekol ki lekol i pa zis gete konmsi ou pe fer prive nou zis pous ou nou pa pou donn ou landrwa.  Si bokou avek ledikasyon nou vwar poudir nou pa satisfe nou anvi ki en improvement i ganny fer.

E se dan sa lespri ki sa ki pe arive dan lekol ozordi nou pe dir ki Minister Ledikasyon i devret re gete pou kapab met sa bout ekstra.  Par egzanp ogmant lakantite teachers ki donn sa bann leson apre ler ; regarde par egzanp bann past teachers – bann ki’n retire par egzanp ki ankor la aktif ki ankor kapab, anvoy en lapel avek zot anvoy en mesaz pou ki si zot le zot osi zot kapab vin partisipe  vin kapab donn en koudmen lekol.

        E osi nou pe dir avek Minister Ledikasyon ogmant sa sipor finansyel – allowance si oule appel li ki zot donn avek sa bann ansenyan, oubyen past ansenyan pou donn sa bout ekstra – sa latansyon spesyal bann zanfan dan bann lekol.  E nou pe dir osi, kot i annan bann lekol ki annan mankman ki napa ase teachers, nou pe demande ki petet  lezot lekol akote, i donn sipor kanmarad.

En lot keksoz ki nou pe osi pouse dan sa direksyon, se ki bann lekol i pran linisyativ lo zot osi atraver zot Council akoz ozordi ki pe arive nou vwar poudir Minister Ledikasyon in donn serten lotonomi bann lekol.  E bann Council lekol avek son PTA dan plizyer lekol, pe travay ekstra ;pe travay dan en fason ekstraordiner, pou kapab reos si iule sa nivo ledikasyon.  E nou vwar an menm tan poudir i annan bann zanfan, i annan bann paran ki pa pe korper ase e ki sa i ris lekol deryer e rezilta in parey ki nou ti ava swete.

Me an diran sa nou vwar poudir Council e ladministrasyon lekol i bezwen osi fer sa bout an plis, pou kapab si oule compete avek kanmarad ; dan en serten fason avek bi pou angaz plis zanfan, angaz plis ansenyan, e spesifikman angaz plis paran pou partisip dan ledikasyon zot zanfan.

E i annan en lot nivo petet ki nou devret lans en lapel, akoz i annan en saying ki dir ou ki i pran en Kominote pou elev – elve e elev en zanfan.  E ler la, nou demande ki bann Lotorite Distrik – bann force viv dan distrik, i osi donn koudmen lekol ki swa son reprezantan sosyal son Lapolis, le prêt de la Parwas, sa osi tousala i annan en rol pou zwe dan ledikasyon zeneral, dan en distrik – dan en lekol, dan en parwas.  E nou demande alor, ki i annan en renouvelman si oule sa lapel, avek tou kominote pou kapab rod fason pou nou – konmsi nou profite kan nou pe koz lo sa Mosyon pou nou rod fason pou nou kapab elev nivo ledikasyon nou bann zanfan.  Akoz san ledikasyon Mr Speaker ou konn tre byen, nou lavenir, lavenir nou travayer nou bann zabitan, nou popilasyon, nou pei, pa pou dan bon.

E ler la ler mon get sa Mosyon i annan serten bout dan Mosyon ki mon pa pe  tro, tro, konpran konman i vini sa.  Akoz Mosyon i pe demande si ki ou a krwar bann dimoun avek zot bi prive, ki le fer en biznes prive ki konmsi ledikasyon i dan zot lekol pou zot fer sa travay la mon pa tro dakor la.  La mon krwar mover Mosyon i devret petet reget sa bout la.  Akoz si en dimoun ki oule fer son evening classes son extra classes son lezot demann ki oule lo en fason lo en baz prive, sa li i kapab fer son zafer li.

Li i kapab apros lekol li menm li, e si lekol i annan laklas ki i le donnen, i le lwe whatever ki laranzman i le fer avek li,   sa mon napa problenm it’s up to lekol avek li !  Me konmsi ledikasyon ki Minister Ledikasyon i ale konman en Polisi pou ou al fer sa e pou demann bann paran peye, la mon pa dakor avek sa.  Sa bout la pou mwan mon krwar i devret ganny revwar sa bout la.

Akoz deza ledikasyon i pou nanryen dan nou pei e i deza ou pa bezwen fer sa bann dimoun ki pa kapab peye, peye.   Zot pa bezwen peye.  Ou konpran ?  Zis nou bezwen refer sa lapel, redemann e petet osi an menm tan revwar.  Sanmenm sa ki mon pe demande i bezwen annan sa relasyon avek travayer sosyal ladministrasyon distrik pou war kote.  Par egzanp Family Council dan bann distrik, pou vwar lekel zanfan ki bezwen latansyon. Paran pa pe konsantre lo la – pa pe focus, e par kont sa zanfan i bezwen latansyon.  Be la nou bezwen rod en fason pou anmenn sa zanfan onboard e pa bezwen ki i peye.

Deza ledikasyon i pey sa ansenyan pou delivre, pou donn sa extra classes.  So  mwan mon krwar i devret vin koumsa, san ki nou fer bokou.  Akoz sansan si nou pa fer atansyon nou riske olye krwar nou pe aranze nou pou deranz petet sa ki byen ganny fer.

Alor nou, nou ki nou pe demande se ki i annan byensir en review sa ki deza pe egziste, pou vwar kote ki nou kapab anbelir, fer li pli byen e fer ki bann i ava annan en lankourazman pou bann ansenyan, pou zot kapab vin onboard.  Akoz mon konnen i annan plizyer ki deza pe fer li la volonter.  Be petet avek en revi lo sa allowance, serten ki volonter i a dir be ok i donn nou e nou pa ti pe gannyen zot ava ganny osi konsidere pou ganny sa sipor.  E leres ki i ti pe ganny pti gin, i ava osi ganny en pli bon lankourazman finansyel pou kapab delivre.

E la nou lans en lapel an menm tan avek tou bann teachers tou bann lekol parey mon pe dir, e tou force viv e tou lezot stakeholders dan distrik – dan bann parwas.  Silvouple annou donn koudmen nou tou ansanm pou donn pou rod en fason, pou nou kapab travay davantaz dan ledikasyon atraver ledikasyon nou zanfan pou vwar pou ki rezilta i ganny ogmante.

Par egzanp i annan bann ki dan vakans zot oule an menm tan rod en travay bann ki en pti pe pli gran.  Be nou bezwen ankouraze sa bann bon eleman sa bann bon lespri.  So nou demande ki bann biznes ki dan zanmerant sa lekol, ki osi i regard dan sa bann posibilite, pou kapab reach out pou kapab fer manrmay ganny en pe leksperyans boner.  Sa i ava vin en lankourazman. Par egzanp pran dan rezyon Cascade, Pointe Larue war Erport i la me si en group manrmay i ganny ankouraze pou vin fer serten travay dan vakans kot Erport dan sa bann zanmerant, i ava ankouraz zot kekfwa i en fason pou enspir zot pou zot kapab demen pran en karyer dan bann diferan area i annan ki sa bann antite i ofer pli tar.

I a ankouraz zot dan zot geography si zot pe al lo kote kot Meteorolozi par egzanp ou konpran.

I annan tou en bann keksoz ki mon krwar nou bezwen nou konman kominote konman en pei revwar.  E nou demande ki Minister Ledikasyon osi i ganny gide korekteman, pou kapab si oule vwar en pti pe dan lespri ki nou, nou’n diskit sa Mosyon – mon asire ki zot in ekoute, e vwar konman keksoz i kapab ganny fer, avek bi pou amelyor sa ki deza egziste.

Tout an dizan sa, sa bout prive parey mon pe dir ek sa bout welfare, mon pa vwar li kot i pou antre la direkteman.  Me nou demande osi ki lekol i pa zis si en prive si dimoun ki pe fer sa bout prive li sa en lot zafer pou li, me si i napa landrwa in apros lekol vi ki lekol pe al zis gete konmsi ou pe fer prive, nou zis pous ou nou pa pou donn ou landrwa.  Si i annan landrwa regarde, negosye.  Konmsi pou mon i en zafer an deor me selman ou bezwen akoz i konsern ledikasyon annan en leker pou sa dimoun ki pe fer en landrwa si problenm i landrwa.  Me selman lo lot kote, mon pa vwar kote Gouvernman i bezwen an tre dan sa bout la, me selman akoz i pe ofer sa servis deza e nou demann li pou fer pli byen.

Avek sa nou a ekoute mover Mosyon mon krwar taler in promet ki i pou revwar serten keksoz dan son Mosyon.  Si i revwar serten keksoz dan son Mosyon nou pou napa problenm lo nou kote, pou nou siporte.  Me si i pa pare pou revwar, then i pa donn nou gran opsyon.  So mon ti ava demande ki si i vreman konsern ledikasyon ki nou pe koze, pou anmenn pli bon rezilta pou ou bann zanfan, then ki nou i revwar keksoz dan lespri tou bann entervenan ki’n kontribye dan sa direksyon.  Mon krwar i devret en keksoz ki nou pou vwar li ti ava bon ki nou tou nou siporte dan sa fason.  Mersi.

 

MR SPEAKER

Mersi Onorab De Commarmond.  Bon avek sa mon ava donn laparol Loter Mosyon Onorab Ferrari pou fer son konklizyon.

 

HON JEAN-FRANCOIS FERRARI

Mersi Mr Speaker.  Mr Speaker mon remersi tou bann Manm ki bann Manm Onorab ki’n partisip dan sa deba e zot kontribisyon ki zot in fer.  Mon ti ava kontan rapel Lasanble Mr Speaker ki sa Mosyon i prensipalman pou adres en size ase senp, me ki annan lefe konsekan lo fason ki servis ledikasyon i finalman ganny delivre dan Sesel.  E sa se posibilite pou fer plas, dan bann lekol dan bann lenstitisyon edikasyonnel pou permet bann ansenyan kapab ofer en servis sipor, apre lekol notaman lasistans avek home work lasistans dan bann serten size spesyalize leson ekstra an zeneral.  E sa i en demann Mr Speaker, ki’n ganny eksprimen , ki’n ganny anmenn a mon latansyon par plizyer dimoun ; non selman ansenyan ki anvi donn sa servis, me paran ki ti a kontan ki  zot zanfan i kapab swiv en pe sa bann extra lessons dan bann kondisyon favorab.  Mr Speaker mon ava pran enn de bann komanter ki’n ganny fer, me mon ava konmans avek komanter ki Onorab Afif in fer ki tre enportan.

Onorab Afif in met devan sa Lasanble, ki Sesel konman en pei i posed en lenfrastriktir ; e sa se lenfrastriktir skoler kot i annan bann miray, bann biro, bann sez, bann tablo bann batiman zeneral, me osi bann fasilite spesyalize konman bann lab, bann laboratwar, bann landrwa sportif, eksetera.  Sa i en keksoz ki pou nou pei se en keksoz ki nou larzan taks nou zefor pandan tou sa bann lannen in al ladan in al pou konstrir sa bann lenfrastriktir.

Onorab Afif in dir avek nou i vo lapenn dan tou pwennvi ki ekonomik, ki sosyal, i vo lapenn rod fason pou nou servi sa bann lenfrastriktir dan en fason bokou pli efikas.

Me se egzakteman sa ki mon anvi war nou annan en sityasyon kot napa okenn dout ki nou bann zanfan ti ava benefisye, si ti annan en pe plis sa bann servis sipor apre lekol.  Byensir mon tande Mr Speaker plizyer Manm pe dir ki sa servis i egziste, me an menm tan zot dir ou sa servis i egziste, me selman zot aksepte ki i pa pe marse.  Si en servis i egziste i pa pe marse i neseser pou nou revwar li.  E i neseser pou nou pran en desizyon pou fer li marse.  Nou gro problenm isi dan Sesel nou toultan mazinen poudir zis Gouvernman ki kapab fer tou keksoz.  E  dan ledikasyon, se zis Gouvernman ki kapab donn ledikasyon. Se sa ki nou krwar nou.  Pandan plizyer lannen nou pa’n anvi lekol prive ; nou pa’n anvi teachers prive, e la ozordi ler nou tande poudir en teacher pe rod en pti larzan ekstra, par donn en pti moman leson – en pti leson apar, nou ankoler nou dir sa i appel biznes.  Me se pa sa ki nou devret ankoler avek.  Nou devret ankoler e fristre ler nou vwar rezilta ki nou bann zanfan pe anmenn dan lakour.  Se sa ki nou devret fristre se sa ki nou devret ankoler avek e se sa ki nou devret nou problenm.

E i annan plizyer parmi zot ki’n dir – e i annan bann dimoun an deor ki’n kontakte mon poudir extra lessons i pa vreman the real problem.  I annan bann problenm ki pli konplike, ki pli grav ankor e sirtou en problenm kalite, kalifikasyon ansenyan.  I annan ki dir ou i annan problenm disiplin ; i annan i dir ou i problenm materyo.   Mwan mon dir senpleman annou konmans en landrwa.  Enn bann pli gro difikilte – ler mon’n ekout Onorab Gill pe koze, mon krwar se egzakteman sa ki toultan nou’n vwar dan nou pei.  Ler en dimoun i vin avek en pti en sityasyon, kot i pa pran bokou pou nou rezourd sa problenm Gouvernman i vin avek en solisyon ekstraordiner.  Par egzanp e mon vwar sa souvan.

Ler ou al dan distrik ou pe al get en peron, akoz i annan en dimoun ki andikape e sa peron pa tro bon pou li, e i bezwen zis apepre 4 blok e 2 bal siman ek en bal lapousyer ros, ou al laba ek en teknisyen ki sorti dan en Minister, i dir avek ou ‘’non, non nou pa pou aranz sa !’’

‘’Ar non 4 blok non sa nou bezwen reget sa antye.  Nou bezwen fer en miray par isi nou bezwen al pas laba, repran sa zwenn li ek sa enn – non, non ar !’’

Nou ogmant sa problenm nou ogmant son solisyon nou fer li vin bokou pli konplike apre nou pa fer nanryen !  Sa msye ek sa madanm ki pe esper son peron i ti kapab benefisye avek son 4 blok avek son 4 bal siman, finalman i pa vwar ni en blok, ni en bal siman.  Akoz i annan en dimoun ki’n vini ki dir e sa i en teknik i en teknik en vye teknik sa mon pa pou dir kekfwa i a pe pli ganny servi dan bann pei en pe kominis ; konmsi ki nou build up en lekspektasyon otour dimoun ki nou pou fer en keksoz ‘’ekstraordiner’’ e ki sa dimoun i anvi zis fer de pti blok apre selman nou pa fer nanryen !  Be se egzakteman sa.

Mon vin devan sa Lasanble Mr Speaker pou demande ki Minister Ledikasyon i met a dispozisyon tou ansenyan.  Akoz mon dir tou ansenyan akoz mon pa oule ki Minister Ledikasyon i triye lekel sa ansenyan ki li i kontan e lekel ki i pa kontan.  Akoz viktimizasyon favoritizm toultan in egziste e i ankor pe egziste.  Si nou les Minister deside toultan i pou annan en problenm.  Dan tou bann lenstitisyon akoz mon pa anvi war kot Minister Ledikasyon i dir non pa isi ou pa pou kapab fer sa.  Non la ou pa pou kapab fer la non dan sa enn ou pa pou kapab fer.

Mon pa konpran akoz dan tou – dan tou lenstitisyon edikasyonnel, i annan laklas, i annan sez, i annan latab, i annan koridor i annan toilet, e i annan parmi zot ki dir non nou pa pou kapab fer dan tou nou bezwen fer sir la – non,  non.  I annan detrwa landrwa nou pa pou kapab fer sa be akoz non?  Akoz ki lekol Maritim ler laklas in fini i annan en teacher i ganny akse avek en landrwa kot i met 4 latab e 4 sez, e i pran 4 zanfan pou montre zot enpe navigasyon?  E an retour sa bann zanfan atraver zot paran i kontan pou li aksepte pou li rekonpans sa teacher?  Kwa ki annan mal ladan ?  Se sa ki mon oule konpran?

Malerezman nou Gouvernman i konplik tou keksoz nou bezwen konmans en landrwa.  E mwan apre 30an plis ki 30an dan politik, e apre zis 2an ki mon ganny lotorizasyon i annan zis 2an ki mon pe frekant lekol Mont Fleuri mwan, akoz avan sa nou ki isi lo sa kote latab la, nou ti ganny ban nou, dan lekol Gouvernman.  Pa ti le vwar nou,  ti  napa  drwa. Headteacher  Onorab Ramkalawan pa’n deza donn en donasyon lekol Anse Etoile teacher ti pres pou li ganny pouse ?  Pa i ti deza donn en computer dan lekol Belonie en  Headteacher ti ganny transfer?  Apre 2an nou konmans vwar bann diferan kalite problenm.  E nou rezourd sa bann problenm ptipti par ptipti – pa-par-pa ; pa avek bann gran diskour, bann gran promes, ki nou pou al tir lalin anler dan lesyel nou pou anmenn li ater, e mannyer nou pou fer, i pou ‘’beautiful!’’Apre nou pe al fer nanryen, nanryen, nanryen !’’

 Ok?  E se sa mon problenm.  Se ki zot konplik tou keksoz.  Onorab Pillay in dir nou semenn pase en ta problenm akoz avek legzanmen, akoz legzanmen i manrmay pe ganny rezilta – nou pa pe sa – nou pa pe sa.   Be mon pa’n anmenn sa bann kestyon mwan !    Mwan mon’n  zis en Mosyon poudir Minister met a dispozisyon fasilite.  Se sa ki mon’n anmennen.  Alors annou pa konplik keksoz.  Annou fer parey lezot Manm parey isi lo sa kote latab in fer.  Par egzanp  – byensir Onorab Woodcock zot in kritik li taler, me ler in koze i ti pe koz osi pou sa detrwa manrmay ki pa kapab ,ki zot paran pa kapab afford pou peye sa pti larzan e zot in sey lager parey mon pe sey fer pou mon dir ler ou ofer en servis annou gete ki mannyer nou kapab rekonpans servis.

Zot sistenm annou apwent detrwa pey zot en larzan ki zot fer ki zot pa fer, sa i pa nou problenm.  Nou donn zot en allowance.  Onorab Waven William pa la in admet ki problenm i serye.  E ki nou bezwen reveye.  Mon pa pou revin parey serten parmi zot in dir, in lev sa kestyon ‘’Mr Benstrong.’’ Nou konnen poudir sityasyon i grav.  Nou konnen poudir sityasyon i vreman tre grav, me selman annou konmans par bann ptipti keksoz.  Annou konmans re angaz nou avek nou lekol, e se sa ki mon e mon koleg lo lot kote latab nou fer li pandan sa dernyen 2an, akoz nou’n ganny envite pou nou partisipe.  E nou pe ede pou rezourd serten problenm.

Nou pe konmans li anba, anba.  E mwan  kontrerman mon annan zis en keksoz ki mon pa dakor avek sa ki Mr Benstrong, ti dir  -sa ki dir ki sa zenerasyon is lost.  In fini napa nanryen pou fer avek ! Non, non, non.     Mwan mon krwar poudir i annan posibilite, se pou sa ki mon pe debout pou plis fasilite pou zot kapab fer leson ekstra.

Prezan byensir tou zot sizesyon ki zot in fer pou aksepte, bann teacher ki’n retire byensir ;nou bezwen rod en fason pou ankouraz zot.  E ler nou dir poudir fodre dan sa lekol fodre dan lekol Mont Fleuri sa teacher ki pou ganny dwa fer ganny en laklas pou li fer extra lesson pou li sorti Mont Fleuri, fodre i sorti dan sa lekol.  Mon  pa dakor !    Mwan mon krwar poudir si i annan en teacher ki reste La Misere ki anvi pran en laklas Mont Fleuri, akoz li in retire e i anvi fer laklas leson 2fwa par semenn, nou devret ankouraz li.  Kot i pou ale li?  I pa anrezistre avek okenn lekol, kot nou pou ale avek en volonter?  E mon konnen i annan en dimoun ki’n apros mon apre sa Mosyon ki dir mon si zot ti demann mon 1fwa par semenn pou vin pran en laklas Angle, kot mon reste anler La Misere mon ti ava fer li avek gran ker.  Akoz li se en dimoun ki annan plizyer lannen leksperyans dan montre Angle.

Donk nou bezwen anmenn osi sa bann dimoun.  E sa dimoun i dir mon i parey li i pare pou fer li pou nanryen.  Nou bezwen mobiliz bann volonter.  Nou bezwen mobiliz bann extra –   bann retired teachers.  Nou bezwen mobiliz tou dimoun ki anvi fer sa bout semen – parey Onorab Jany De Letourdie in dir.  Sa semen ki nou anvi anbark lo la pou nou al lo sikse.  Wi servis in ganny entrodwir – mon krwar Onorab Sophola in dir nou depi 2017 La Digue.   I vre.  Dan  bokou sa bann lekol sa servis an teori i la me an pratik i pa la.  Akoz si ou annan en servis en manrmay i pa enterese ladan savedir i pa pe marse.  Parkont nou osi aprann ki atraver Onorab Norbert Loizeau ki dan lekol Bel Eau, i annan en pe sa bann servis ki pe marse e manrmay i benefisye e ki  mwan mon tre kontan.

Mwan mon ti a kontan dir, ki Minister i regard o nivo Nasyonal e i fasilit sa bann keksoz.  I pa enterfer neseserman ladan.  Mr Speaker pozisyon ki nou bezwen pran, se en pozisyon ki enkli tou zanfan.  Mon pa ganny en konpran vreman me selman avan mon al lo sa pwen les mon retourn lo sa, akoz sa i dan mon pwen zeneral, les mwan dir ki mon’n ganny en demann, pou nou ki kestyonn bann asistan ansenyan.  Mwan osi ler mon’n met sa kot mon Mosyon i dir pou met a dispozisyon tou ansenyan, e asistan ansenyan,  mon mazinen poudir kekfwa nou bezwen gete lekel sa dimoun ki annan  sa kalifikasyon pou ki  responsab pou okip en group manrmay.  Me selman mon pa anvi kit ater bann lab technicians.  Mon pa anvi kit ater  bann librarians. Mon pa anvi kit ater bann asistan e lezot landrwa.  E alors mon ti a kontan dir ki, ler nou pou koz lo bann ansenyan nou ava osi gete pou met a dispozisyon tou ansenyan e zot asistan la ki i neseser ok ?  E mon a lir sa apre.

Me selman e la mon vin lo sa kontribisyon finansyel e sa i pou mon dernyen pwen.  Mr Speaker Onorab Pillay Onorab Gill tou lede in koz vreman fortman lo sa size konmkwa zot pa kontan vwar Lazans Proteksyon Sosyal pe enterfer, pe ganny involve ladan.  Me zot pa’n lir sa Mosyon.  I pa nanryen pou fer avek Lazans Proteksyon Sosyal.  Sa Mosyon i zis demande ki ‘’dapre kriter’’  – ‘’dapre kriter’’ pou nou fer sir pou ki sa ki gannyen sa ki benefisye avek en led pou li fer bann extra classes i benefisye ‘’dapre kriter’’ Lazans Proteksyon Sosyal.  I pa pe dir ki nou pe al kot Lazans Proteksyon Sosyal, pou al demann larzan, pou  pey sa teacher.  .  I vedir ki Gouvernman – e la i la, ki mannyer mon Mosyon i lir:

‘’Lasanble i demande ki resours finansyel i ganny debloke pou rekonpans bann ansenyan e zot asistan ki neseser ki pe ofer sa servis pou bann zanfan lekol ki zot paran ‘’dapre kriter’’ Lazans Proteksyon Sosyal savedir ki zot paran napa le mwayen pou pey zot menm pou sa servis.  Nou bezwen met en kriter.  Parey nou pou bezwen met bann regilasyon nou pou bezwen deside me nou konman bann lezislater nou pa konn tou bann detay e nou vwar sa Lasanble Mr Speaker in vwar ki travay ki Onorab Pillay par egzanp i fer i zis lo detay.  Konm dir i parey nou dir dan nou langaz Kreol e mon sipoze i Parlmanter i pe rod sa pti lipou dan tou keksoz sa ki ou dir sa ki mon dir sa ki en lot i dir i pe rod en pti lipou ladan.

Nou, nou pa bann spesyalis nou. Nou pa bann spesyalis.    Nou pe met sa devan Minister, pou dir avek Minister met a dispozisyon silvouple bann ansenyan ki anvi donn leson apre ki anvi pran lakas apre ler met a zot dispozisyon bann fasilite.  E ler zot pe fer sa zot pe ofer sa servis gete ki mannyer Gouvernman i kapab ed bann paran, ki dapre kriter Lazans Proteksyon Sosyal pa kapab afford.  Setadir bann dimoun en pe pli mwen fortinen.

E zot pa kapab konpran akoz sa zot pa kontan ; sak fwa nou koz lo bann dimoun ki mwen fortinen oubyen ki pa kapab peye, e nou pe sey rode how to target ki mannyer nou kapab target zot sa bann dimoun – ed zot.  Zot riye laba lot kote.   Pa sa pwen.   Pa sa pwen.  Le pwen se ki Gouvernman i bezwen vin e fasilitater.  E pou le moman Gouvernman i pa en fasilitater, akoz dan plizyer ka dimoun in demande sa fasilite zot pa pe gannyen.  Akoz nou annan en Minister nou annan en Gouvernman ki krwar ki ler dimoun i fer en pti larzan apre son ler travay i pa devret sa.  Sa bznes sa !  Biznes nou a kit pou msye entel – mon pa pou nonm bann non — msye entel – msye entel –  msye entel – ok ?

Selman sa teacher li ki i pe pti keksoz, nou pou fer son lavi difisil – ok ?  E ler mon koz lo tou sa bann fasilite, mon osi dir, akoz mon vwar poudir par egzanp nou konnen anba SIDOL tanzantan anba konmansman lannen teacher i ganny call i dir napa en group manrmay ansanm ou ava fer laklas Angle i annan en pti larzan la pe donnen.  Selman i pe call entel i pe call lot – i pe call lot – ok.  Sa this is how it happens. This is how it happens.  E   mwan mon pe mentenir mon pwen.  So mwan  mon ti a kontan ki zot pe larg lanmen sa bann teachers pou zot kapab ed nou bann zanfan.

Mr Speaker nou dan menm biznes nou e nou biznes se ledikasyon e nou bezwen ed bann ansenyan ed bann etidyan alors mon demann avek zot siport sa Mosyon siport li dan son totalite pou nou kapab anmenn en keksoz ki konpreansiv e ki bon pou nou zanmen e ki nou kapab donn zot en lespwar sirtou sa 50pouran ki’n ganny kit ater ki nou pe ganny dir lot zour so annou al dan sa direksyon.  Mon ti ava demann zot Mr Speaker pou zot siport sa Mosyon mersi.

 

(APPLAUSE)

 

MR SPEAKER

Mersi Onorab Ferrari.  Deba in fini wi ok.  Ok yes Onorab Simon Gill.

 

HON SIMON GILL

Mr Speaker nou pa pe al fer deba kontrerman mon apresye ki mannyer deba in deroule sof ki lo sa kote la nou dir nou siport sa lide pou bann teachers antre donn bann extra class.  Me sa ki nou pe dir, annou pa rod paran ki mwen fortinen.  Akoz nou le ki tou bann teachers ki vini Gouvernman i pran zot an konsiderasyon, e zot agree lo meyer fason pou compensate zot. Kot nou pa bezwen al rode si sa paran i annan larzan si i napa larzan si lot, lot, lot.    Nou dir Gouvernman i take on board sa responsabilite, dan kadreman dan nou sistenm ledikasyon pou compensate sa bann teachers, ki volonterman pare pou donn sa bann extra classes.  This is the bottom line !  Onorab Ferrari in konpletman distort sa pozisyon ki nou’n pran lo la.  Mersi bokou Mr Speaker.

 

MR SPEAKER

Mersi.  Ou pwen i kler.  Bon mon krwar mover Mosyon son konklizyon i dir se zot, zot pa expert.  Sa i ganny mete devan laport Minister Ledikasyon. E parey ou dir en Mosyon i pa binding me Minister Ledikasyon i kapab pran konteni sa Mosyon e bann deba ki’n ganny fer e de la zot ava vwar fason apropriye pou kapab antreprann sa lide ki’n ganny eksprimen par Lasanble.  Onorab Pillay oule fer ok.  Go ahead Onorab.

 

HON SEBASTIEN PILLAY

Mr Speaker Point of Order anba Order 56 koriz de mon le koriz en misapprehension apre mon le demann en substantiation.  Premyerman premye mis misapprehension ki mon oule korize se ki, dan mon lentervansyon mon pa’n koz lo zanfan ki mwen fortinen pandan lasistans.  Sa ki mon’n dir Mr Speaker, se ki baze lo largiman ki nou fer toultan dan Lasanble, pourod fason pou koup depans ki nou fer lo Welfare, pou nou pa ogmant presyon ki nou mete lo la se sa ki mon dir.

Dezyenmman Mr Speaker mon ti a kontan Onorab Ferrari i substanciate sa largiman ki in fer kot in dir kot SIDOL bann teachers i annan i ganny call zot call zot bann dalon.  Akoz sa Mr Speaker i pa kre en persepsyon i annan bann teachers laba ki pe fer zot louvraz.  Mwan mon  pa konn SIDOL ki mannyer i fonksyonnen ozordi, me sa bann teachers –  akoz  sa i imput en improper motive lo lapar sa bann teachers.  Whilst sa bann dimoun pa ganny proteze anba nou Standing Orders, i still lefe ki en Manm i bezwen substantiate en largiman ki i li in  avanse dan Lasanble.  Mersi pou sa Mr Speaker.

 

MR SPEAKER

Mersi Onorab.  Mon krwar si nou al dan sa laliny  ki pe imput improper motives and all that, i pa’n mansyonn non personn – ok?  Me ankor si i annan teachers ki involve ki santi ki son drwa in ganny afekte sa teacher si i santi e en group teacher i touzour kapab fer li anba 102 (6) nou Konstitisyon – ok ?  Onorab Noline Sophola ou annan en  pwen ou le leve ou osi.  Go ahead.

 

HON NOLINE SOPHOLA

Mersi Mr Speaker.  Anba Order 56.

 

MR SPEAKER

Go ahead mon donn ou.

 

HON NOLINE SOPHOLA

En klarifikasyon.

 

MR SPEAKER

Onorab en moman.  Ou kapab demande pou sit anba ki Order mon pa’n demann ou pou sit mon donn ou laparol ou kapab entervenir Onorab.

 

HON NOLINE SOPHOLA

Mersi Mr Speaker.  Mr Speaker mon pou dir en fraz ki ou a dir mon.  Nou dan letan Karenm mon pa tro anvi lev konfli ek personn mon pran en lapros trankil.  Me selman Onorab Ferrari petet i bezwen pe ekout byen ler dimoun i koze, akoz mon pa’n nonm La Digue dan mon entervansyon.  Mon ti dir ki an 2017 ti re entrodwir laklas ekstra dan bann lekol.  Mon krwar i tro kontan La Digue !  Mersi.

 

MR SPEAKER

Mersi.  Bon i en klarifikasyon mersi Onorab Sophola.  Yes Onorab Ferrari.

 

HON JEAN-FRANCOIS FERRARI

I enportan pou mon presize ki mon dir.  Annou pa fer bann sityasyon kot parey serten teacher i ganny call pou zot kapab fer pou zot dir, laba kot SIDOL i annan posibilite laba en lot landrwa i annan posibilite.  Se pou sa ki mon ti dir ofer tou bann teachers pa swazir pa bezwen swazir se sa ki mon ti dir.  Mersi Mr Speaker.  Mon krwar nou pare pou pran en vot la.

 

MR SPEAKER

Mersi.  Bon nou ariv en moman pou nou pran en vot lo Mosyon, e Mosyon in ganny amande  zis pou tir sa asistan ansenyan, pou met sa asistan ok ?  So mon a demann tou Manm ki an faver lo Mosyon? Okenn ki kont?   Madanm Clerk.

 

(APPLAUSE)

 

MADAM CLERK

Mersi Mr Speaker.  17 Manm in vot an faver.  E personn kont.  Mersi.

 

MR SPEAKER

Mersi Madanm Clerk.  Bon mon sizere nou pran en Break.  Ler nou retournen mon ti pe sa fer Madanm Clerk – Sekretarya anfen,  sirkil en 3enm revizyon Order Paper provizwar, akoz mon ti deza fini ganny alerte par Dirizan Lopozisyon ki pe anmenn en Mosyon irzan, an vi sa irzans ki nou vwar nou ladan, with regards to S.I. 18 2019 – ok ?  Nou ava pran en Break ler nou ava antre- Yes Onorab Pillay.

 

 

HON SEBASTIEN PILLAY

Mersi Mr Speaker. Mon oule raise en matter of privilege ki’n arise la, ler mon’n vwar sa Mosyon aparet lo Order Paper. Mon pou go back to your Ruling in regards to Mosyon without notice ki Onorab Ferrari ti bezwen move formally.   Mon note ki ou’n dir sa Mosyon i vin anba kondisyon irzans.  E mon note  poudir sa i – si mon pa trope i anba Order 38.  E savedir sa Mosyon  ki lo Order Paper i en Motion without notice me Order 38 (6) ki ou fek servi la, i dir nou  bann Mosyon ki kapab vin without notice. E parmi sa bann Mosyon i pa mansyonn okenn bann Mosyon ki kapab annul  en S.I. Eski nou kapab ganny en determinasyon lo la, akoz nou pa war  Mosyon ki kapab annul en  S.I.  ki kapab ganny move without notice.

 

MR SPEAKER

Mon krwar 38(1)  i fer kler  with prior permission.

 

HON SEBASTIEN PILLAY

San ki mon pe challenge ou Ruling Mr Speaker ki nou pou  bezwen demann ou pou donn  en Ruling  ankor lo la, nou ti a  a kontan konnen si nou lir 38(1) without ki nou lir 38(6) ?  Akoz efektivman sa ki Leader Lopozisyon  in move set en Mosyon without notice e Standing Orders zisteman parey Onorab Georges  ti remind nou Mr Speaker malgre er ki 72 – malgre ki Order 72  ti fer en Provizyon ki nou move en Mosyon nou bezwen go back to sa Seksyon Standing Orders ki deal avek Mosyon  e sa Seksyon ki deal avek Mosyon without notice i dir ou koumsa, ‘’the following Motions may be moved without notice.’’ So nou ti a kontan  Mr Speaker vi ki nou pe al dan Break pou nou kapab ganny en determinasyon lo la, silvouple. . Mersi Mr Speaker.

 

MR SPEAKER

Bon mon kapab fer mon Ruling deswit. Bomaten en keksoz ki mon’n state ler nou ti deal avek Mosyon Onorab De Commarmond anba 72 mon ti dir ki sityasyon ki nou vwar nou pe fer fas avek, i afekte privilez Lasanble. Ok ? Definitivman i afekte privilez Lasanble. I annan en travay ki Lasanble pe fer e i annan enterferans  osi par deor  dan travay Lasanble.  E nou pa ti ankor dispose of sa travay.

Si nou ti’n dipose of sa travay then lezot keksoz ti ganny fer   ti ava ok.  So lafason ki  mwan  mon’n enterprete li osi tou  bomaten, mon santi ki privilez tou Manm Lasanble  – e mon ti dir bomaten  nou Lezislater e mon santi ki nou privilez koman Lezislater sa osi pe ganny afekte. E mon’n pran – mon’n gannyen son notice – wi i short notice, me i tonm anba 38(1) prior permission from the Speaker.   Ok?   Alright mon ava zis donn laparol Onorab Audrey Vidot.

 

HON AUDREY VIDOT

Mersi Mr Speaker. Mr Speaker dan sa note, mwan osi koman en    Manm  Lasanble Manm Elekte – mon santi mon privilez i ganny afekte ! Mon bann konsern ki mon bann zabitan in  met devan mwan mon ‘n annan en Mosyon dan en pe letan in lo Order Paper ki Onorab pa’n met son notice pli boner !  Mersi Mr Speaker.

 

MR SPEAKER

Wi Mersi.  Non Onorab Andre mon pa pe pran ankor.  Bon mon ava zis fer en komanter Onorab  Vidot. Wi byensir, i annan plizyer Mosyon ki lo Order Paper ki pou bezwen carry forward.  Me i reste lo Order Paper e nou swete, nou annan  2 semenn avan nou pran Recess, ki nou a kapab  clear tou  bann Mosyon. Desizyon ki nou ti pran yer dan ABC, se nou pa pe anmenn nouvo Mosyon  lo Order Paper avek en bi ki nou ava kapab clear tou sa bann travay avan ki nou pran Recess.  Sel leksepsyon se Kestyon.  E Kestyon osi tou up till Mardi prosen  nou pe pran Kestyon son semenn answit  ki nou dernyen semenn nou pa pe prezan kestyon, pou ouver laport pou nou kapab posibilite  pran detrwa Bills ki devan Lasanble  ki’n ganny fer First Reading a apre pou nou fini Mosyon. Ou pwen in  ganny pran. E nou pa pe abiz ou privilez dan okenn fason. Sa lirzans  in  leve.  I parey lirzans Onorab Zafer Gouvernman Lundi ler in alert mwan e mon’n fer provizyon pou ki kapab take son Motion.  Alright ? So mon sey fer mannyer  mon  ganny en  balans tou le de kote.

E nou annan en sityasyon  irzan devan nou e mon swete ler nou ava rantre nou ava kapab dipose  of sa matter osi tou  petet dan lespas 1erdtan. Ok ?  Point taken, Onorab Vidot. Bon nou ava Break e nou ava retournen 4er pou kontinyasyon travay.

 

 

 

(BREAK)

 

 

MR SPEAKER

Bon parey mon ti averti bann Manm nou annan en 3rd Revised Order Paper, e lo la nou annan en Mosyon ki irzan ki pe anmennen par Onorab Wavel Ramkalawan Leader Lopozisyon.  Mon’n refer sorti ankor taler poudir dan ABC mon ganny en let ki’n sorti kot Leader Lopozisyon lo sa size e se sa rezon ki nou annan Revised Order Paper.  Avek sa mon ava demann – yes.  Ok Onorab De Commarmond –  avan nou bouz lo Mosyon.

 

HON CHARLES DE COMMARMOND

Wi non mon dir petet i bon ou eksplik the urgency anba lekel ou’n les antre.  Akoz zis en let – konmsi …

 

MR SPEAKER

Mon kapab I am  sure loter Mosyon pou …

 

HON CHARLES DE COMMARMOND

Wi li i pou fer, me ou konmsi pou soz nou Lasanble – convince nou Lasanble poudir you are right – konmsi.  Sa mon pe –

 

(Interruption)

 

HON CHARLES DE COMMARMOND

Wi dan ABC nou’n diskite – nou’n koze.   Mon pe dir Lasanble.  Pa tou dimoun ki dan ABC.  Mersi.

 

MR SPEAKER

Ok bon zis mon ava dir brefman anba Order 38(1) Leader Lopozisyon in demann mwan permisyon pou li  baze lo public urgency, pou li move en Mosyon devan House ozordi.

Bi se akoz tou bann Departman pe ganny demande pou prepar zot payroll pou saler e sa i ganny fer par le 10 tou le mwan, e si sa Mosyon pa ganny pran la i pou annan serten reperkisyon apre le 10.

So alor i anvi ki pran sa Mosyon la ki bann lezot lefe, i pa ganny santi lo bann travayer, oubyen menm lo bann dimoun ki prepar payroll.  I pa disrupt the process.  So vwala en pti pe rezon.  Me I am  sure dan son prezantasyon i ava kapab donn plis detay.  So avek sa mon ava demann Onorab Ramkalawan pou prezant son Mosyon.

 

HON WAVEL RAMKALAWAN

Mersi bokou Mr Speaker.  Mr Speaker premyerman mon anvi remersi ou pou ki anba Order 38(1) ou’n akord mon sa permisyon ki …

 

MR SPEAKER

38(1).

 

HON WAVEL RAMKALAWAN

38(1) yes.

 

MR SPEAKER

Ou’n dir 30(1).

 

HON WAVEL RAMKALAWAN

Anr 38(1) – ou’n akord mon sa permisyon ki mon demann ou pou mon kapab anmenn en Mosyon anba pou rezon irzans piblik.  E sa mon remersi ou akoz an prensip okenn Mosyon devan Lasanble i bezwen ganny notis 10 zour pou kapab vin lo Order Paper.  Alor mersi bokou e nou tou nou konnen ki poudir sa aksyon ki ou’n pran i en aksyon ki annord avek Standing Orders.

Mr Speaker i enportan pou nou kontinyen pran nou responsabilite e pou mon ozordi nou annan en gro latas devan nou.  Nou annan gran responsabilite lo nou ledo.

E sa i prensipalman atraver sa Lalwa ki nou konmans diskite detrwa 2 semenn pase ofet le 20 Mars – i egzakteman 2 semenn pase.

E nou’n vwar nou menm ki mannyer sa Lalwa in pran serten tournir. Apre ki in ganny prezante dan Lasanble e apre ki nou fer deba, nou’n menm dakor konman en Lasanble pou fer en 3enm sesyon sa menm semenn.

Nou ti zwenn Mardi, Merkredi e apre sa ti annan en sesyon spesyal son Vandredi kot nou ti adres sa size.

E Mr Speaker a la baz sa deba i annan sa eleman ki mannyer pou regard lapey oubyen sa logmantasyon dan lapey travayer Gouvernman.  E enn bann keksoz ki nou met lanfaz lo la se pou regarde ki mannyer keksoz i kapab vin pli dwat posib ; ki mannyer i kapab vin pli fair posib.

E ozordi nou annan nou 2 pozisyon.  I annan en pozisyon ofisyel Gouvernman ki anvi donn en logmantasyon 5poursan an zeneral, e lo lot kote i annan pozisyon LDS ki dir pran sa 62milyon e fer en partaz, pou ki tou dimoun i ganny menm sonm.

Mon krwar ki ozordi nou pep in fini konpran sa 2 pozisyon.  E ofet Mr Speaker avek bann detay ozordi e sa se Mr Mohamed Afif ki’n donnen, i pou vedir ki dan lafason ki Gouvernman pe travay lo la letan ou pran bann steps, i vedir ki pli ba logmantasyon i pou tonm R274 e logmantasyon pli o i pou tonm R4695mil.  E sa se Prezidan letan ou’n pran sa 2steps oubyen 3steps ki in mete.

Alor nou vwar ki poudir i annan en lenzistis e nou koz lo la.  E Mr Speaker depi ki nou konmans koz lo la nou vwar ki Gouvernman i donn nou bann detay gout par gout.  E sa i fer ki travay i kontinyen trennen ziska aprezan nou lo nou kote Lopozisyon letan nou ti zwenn son Vandredi, nou ti prezant en 2enm propozisyon lamannman.  Me letan nou prezant sa 2enm propozisyon lamannman nou ganny dir ki i annan sif ki manke ankor.

E sa semenn Mr Speaker parey mon ti fer yer nou ti vwar ki bann sif ki Gouvernman in donn nou in sanz a 3 repriz.

Premye sif sete i annan 11,500 travayer

2enm sif sete i annan 15,381

3enm sif baze lo payroll ki ankor enn fwa i kontradiktwar sa ki Gouvernman i annan e sa ki DPA i annan e sa bann sif in ganny distribye se 11,375.

E aprezan avan sa nou ganny dir ki i annan 4mil non- cor ;e savedir bann dimoun ki travay konman bann cleaners, bann sekirite.  E la aprezan nou ganny dir letan nou regard lo payroll i annan 1127, me aprezan nou ganny dir Lendi ki sa 1127 i pa pran an konsiderasyon bann carers.

E la Mr Speaker mon bezwen dir ki i annan konfizyon.

E sa konfizyon i swiv parske an menm tan nou osi nou demann kestyon e mon kapab dir avek Lasanble ki poudir nou’n kestyonnen lo sa zafer carers e pou lenformasyon Lasanble – parske mon pa krwar dan kasyet nanryen Mr Simeon in fer kler ki poudir i annan 3,786 carers ladan i annan 2,990 ki lo full time ki resevwar R6,360.60mil e i annan 786 ki travay demi zournen ki resevwar en lapey R3,787.35mil.

Me sa ki enteresan Mr Speaker se ki allowance tou sa bann carers in fini ganny ogmante depi le 01 Zanvye sa lannen par 5poursan.  Savedir efektivman bann carers zot pa dan sa R62milyon.

Mr Speaker mon mansyonn sa parske, ankor enn fwa i anmenn en serten konfizyon.  E nou lo nou kote e mon sa en keksoz ki mon met lanfaz depi premye zour letan nou pe koze, se poudir be annou regarde ki mannyer pou nou regard egzakteman konbyen dimoun i konsernen, pou nou kapab fer en travay ki normal en travay ki dwat parske fodre pa ki lo sa size nou sey kas okenn kontour.

Me Mr Speaker malerezman ziska ozordi e la nou remarke ki apartir depi Lendi swar Lendi ler mon donn sa press conference, e dan mon press conference mon ti osi anonse ki mon pou demann ou Mr Speaker nou pou fer en demann pou ki letan nou ganny sa bann sif pou nou fer en Lasanble spesyal, son Vandredi, me apre sa Minister Finans in aret koz avek nou.

Minister Finans e mon ti apresye pli boner letan Onorab De Commarmond ki bann lezot dokiman ki nou ankor manke, e la mon anvi konfirmen ki apartir Lendi swar Minister Finans in aret koz avek nou.

E se la kot an menm tan osi in koensid avek let ki Onorab De Commarmond ti ekrir ou lofis e ki mon ti ganny enformen konsernan Gouvernman i anvi retir sa Bill e Gouvernman i anvi fer en lot prosedir.

E Mr Speaker mon ti pran li lo mwan menm, akoz mon vreman konsernen avek sa size mon ti pran li lo mon menm pou mon antre an kontak avek Msye Faure, pou mon dir avek li be la mon aprann ki poudir i annan sa eleman withdrawal of sa Bill e alor lefe ki nou enterese pou nou kontinyen koze pou nou tonm lo en solisyon, kwa ki Gouvernman i annan lentansyon fer?

E Msye Faure ti reponn mon ti dir avek mon ki zot pou servi bann mwayen legal, ki la prezan ki mon dekouver kwa pou nobou fer sa kontinyen.

Mr Speaker si mon pe donn sa pti background, se senpleman pou mon remet lanfaz ankor, ki poudir nou lo nou kote si nou’n fer sa propozisyon e si ozordi nou dan sa pozisyon kot nou été se parske nou anvi trouv en solisyon – nou anvi trouv en solisyon Nou pa kontan sa lenpas ki nou ladan.

E mon bezwen osi azoute ki ziska prezan nou lo nou kote nou sey rod lenformasyon se nou ki’n apros Gouvernman poudir annou koze me malerezman lo kote Gouvernman, Gouvernman li in pli zou mwen tenir son pozisyon in dir la i la son pozisyon, i pa pe bouze lo la e malgre nou montre bann kontradiksyon i pa’n le bouze.

Par egzanp in dir si nou le fer okenn keksoz i pou distort sa grid.  Nou’n montre li ki poudir sa grid depi ki i ti pase an 2013 in fini ganny distorted.  Akoz an 2013 ti napa tax progressive. E letan ou fer antre tax progressive ou’n fini distord sa grid, parske ozordi i annan dimoun ki pa pey taks ; i annan ki pey 5poursan 10poursan e i annan ki pey ziska 30poursan.  Alors ou’n fini distord sa grid.

E lo lot kote nou osi montre ki poudir si zot pran en formil ki nou, nou  ti pe ofer i pa ti pou distord nanryen, akoz son bout antye i ti pou mont i ti pou bouz dan en menm fason e alors i pa ti pou sanz nanryen.

Be Mr Speaker nou’n vwar ki Gouvernman i pa’n oule ekoute.  E  mwan mon krwar ki poudir, se sa eleman ki pou kapab anmenn serten divizyon.  E mwan  mon pa anvi vwar okenn divizyon lo sa size.  E mon fer kler a sak fwa ki mon’n koze mon’n fer kler ki nou pe fer fas avek en realite. Ofet ti enteresan letan enn bann zournalis ti demann mon ti dir avek mon be Mr Ramkalawan i annan dimoun ki dir ou a pe profit dan sa lokazyon pou ou fer politik.

Aprezan mon sey eksplik li mon dir be 40poursan dan lapovrete politik oubyen realite?  Dimoun pe al ganny kart pou son elektrisite realite, politik?  Bann dimoun ki pli ki mwen fortinen sa donasyon Lenn pou fotovoltaik se zot ki pou gannyen realite ? Politik?  Sekreter D’Eta pou lapovrete realite, politik?  Sekreter Prensipal dan Minister Lafanmir politik oubyen realite?  Eski Mr Alvin Laurence i viv dan en nyaz oubyen eski son responsabilite se Sekreter Prensipal pou Lapovrete?

Si mon koz lo sa de keksoz Mr Speaker se pou mwan dir ki i en sityasyon reel ki nou pe adrese.  E dan sa sityasyon fodre pa ki politisyen ki sorti venker me se plito nou pep ki bezwen sorti venker.  E nou pep pou kapab senpleman sorti venker, si nou donn li sa ki meyer – si nou kapab fer konpromi kot nou kapab fer konpromi e ed li pou li annan en rev.  E mon konnen mon Mr Speaker pou ki sa propozisyon parske nou koz bokou lo sa zafer Sistenm Pwen kot dernyen parol ki nou gannyen se ki zot in fer desann sa income family income ki ozordi in ariv R12mil.

E alor si ou pe al lo en fason ki ou kapab fer sir ki 2 dimoun ki ganny the minimum i kapab antre 12mil dan lakaz, dan lakour la aprezan nou ava omwen donn nou bann dimoun ki pli ki laba anba nou kapab donn zot en rev.

Parske la pou le moman avek sa ki nou annan i annan serten dimoun ki pou kapab ganny en rev me i annan lezot dimoun ki pa pou kapab ganny en rev.  Alors mon pe dir be sirman i bezwen annan en fason pou nou kapab koz lo la.

Mr Speaker ankor enn fwa avek sa bann keksoz, mon krwar ki letan mon anmenn sa Mosyon parey mon eksplik ou dan mon let, e se pou sa rezon ki osi tou nou lo kote LDS nou defet sa Mosyon ki Onorab De Commarmond in mete – non par malis or pou okenn lezot rezon se ki nou anvi ki sa Bill i reste devan Lasanble Nasyonal, akoz  mwan mon enn sa bann dimoun ki krwar, ki Lasanble Nasyonal i kapab pran son responsabilite fer bann propozisyon ki konkret, prezant avek Gouvernman e kot nou pep i ava kapab finalman ganny en bon deal.

E nou vwar sa S.I. e Mr Speaker rezon ki mon pe demande ki sa S.I. i ganny anile savedir i ganny kennsel anba bann provizyon Interpretation and General Provisions Act Seksyon 64(2) se parske si nou pa – e la mon krwar dimoun i konpran byen ; en S.I. li i vin vivan le moman ki i ganny gazete.

Le moman ki i ganny gazete i vivan e alor i annan sa lenpak legal. Sel fason pou touy li se pou anmenn en Mosyon parey mon pe anmennen la.

E si ou pa anmenn en Mosyon li i pou kontinyen fer tou bann keksoz.  E ofet Mr Speaker mon konnen ki poudir Trezor in deza pe antre an kontak tou bann landrwa travay, pou dir avek sa bann landrwa travay – e mon vwar ou pe balans latet e I am sure ki Lasanble Nasyonal osi tou in fini ganny kontakte, pou ki zot met an aplikasyon sa S.I. pou sanz bann salary grid – pou e la i annan en kantite travay.

Premyerman i annan payroll ki ou bezwen sanze mazin tou bann dimoun ki resevwar zot lapey atraver labank, i bezwen annan nouvo Standing Orders ki pou bezwen ganny fer ; i annan en kantite keksoz ki pou arive an relasyon menm avek pareyman lapey.

E Mr Speaker en kestyon se ki arive si e se la son irzans ki nou fer sa avan tousala i arive, parske si nou pa fer li i posib ki dimoun i ganny peye anba new salary grid e apre sa i ganny anile e kestyon se eski sa bann dimoun eski prezan i annan en nouvo salary grid, eski sa bann dimoun pou ganny  demande  pou ranbours sa larzan ki – konmsi i vin en kantite problenm ki kapab arive.

Alor mon Mosyon pe dir annou met en stop la.  Annou arete ek tousala e annou fer plis diskisyon e apre sa nou ava vin avek en keksoz.  E la mon kontan ki dan tou son bann parol ki’n dir yer swar lo televizyon, e dan son bann interview malgre mon bezwen dir avek Mr Mohamed Afif, ki poudir i annan en kantite keksoz ki’n dir ki mon krwar i pa ti devret dir.  Mon konn li konman en dimoun tre konservativ avek parol, me selman mon krwar yer in koz en pe tro bokou.

 

(Interruption)

 

HON WAVEL RAMKALAWAN

E mon ganny drwa dir en dimoun in koz tro bokou ki mon pe impute?  Napa nanryen mal – ok ?  Be i son right – mwan  mon pe fer komanter lo son right ki ou problenm?

 

(Interruption)

 

MR SPEAKER

Kontinyen Onorab kontinyen.

 

HON WAVEL RAMKALAWAN

Mr Speaker.  Mr Afif Mohamed mon santi yer swar in koz tro bo..kou.  Sa i mon lopinyon lo sa ki li in fer.  E sa pou mon Mr Speaker mon pa kontan akoz ankor enn fwa i montre Gouvernman ki mannyer i kapab fer bann civil servants parfwa fer bann keksoz, e parfwa i vin en konfizyon.

Me selman enn bann keksoz ki in dir se ki personn pa devret enkyet parske i ti ganny demande kestyon lo back pay e in dir ki si i annan okenn sityasyon sa bann dimoun i kapab ganny en backpay.

E alor sa dan li menm i donn en konsolasyon i donn en reasiran parske lo kote Gouvernman zot rekonnet sa, e byensir nou osi tou nou dir ki personn pa devret perdi en sou dan sa ki zot devret gannyen.

Be Mr Speaker letan mon vin direkteman lo sa S.I. premyerman mon vwar ki Gouvernman in mal azir e ki sa i fer poz kestyon ankor.  E bomaten ou osi tou ou’n poz sa kestyon si Gouvernman ti santi ki en S.I. ti sifizan pou li fer bann sanzman be i ti ava anmenn S.I., akoz ki Gouvernman in anmenn en Bill?  Mr Speaker i senp Gouvernman i anmenn en Bill parske i konn tre byen ki poudir en S.I. pa kapab amend en Lalwa.  E sa salary table ki dan sa Lalwa i form parti sa Lalwa e ki son Lalwa orizinal pa donn li permisyon pou li sanz sa Lalwa.

E la Mr Speaker zis permet mon vin en pti gin lo sistenm Lalwa e bann avoka kekfwa pli tar zot ava fer serten komanter lo la.  Mr Speaker sa ki mon dekouver se ki dan nou sistenm Lalwa i annan en hiérarchie. Si nou konmans avek nou Konstitisyon anler, nou vwar ki poudir nou Konstitisyon – nou Lalwa siprenm i permet – premyerman en kalite lamannman e sa lamannman premye ki i permet pou bann bout ki bokou pli enportan, i dir – premyerman fodre ou annan en referendum e apre sa 2 tyer dan Lasanble ansanm pou sanz serten morso e sa i enkli nou Bill of rights.

Me apre sa, sa Konstitisyon i al en pti git kot i vin mwens sever ; serten morso Konstitisyon pou amend li pa zis en Bill me selman ou bezwen 2 tyer.  Me aprezan Konstitisyon li menm li pou al dan lot nivo i permet ki en Lalwa i ganny pase pou egzers serten parti sa Konstitisyon.

E la Mr Speaker mon konsider li konmsi i al enpe pli ba en Lalwa i ganny pase par en simple majority.  Me aprezan dan sa Lalwa i annan en lot morso hiérarchie ankor kot i donn Regilasyon.  E Regilasyon i annan de kalite Regilasyon i annan 1 Regilasyon lo bann keksoz ki pli serye kot i dir e la mon ava servi son lekspresyon ki ordinerman i ganny servi kot i ava donn Minis permisyon.

E i ava dir:

‘’The Minister may make orders and regulations for the purpose of carrying out into effect the Principles and Provisions of this Act.’’  Sa i pli serye, me kot i vin mwens serye aprezan son langaz i sanze ankor son langaz i a dir:

‘’The Minister may make regulations for the purposes of this Act and without prejudice to the generality of the forgoing may by regulations amend the Schedule.’’

         So sa i fer ki i annan Lalwa ki pa donn Minis permisyon pou amend Schedule tandis ki i annan lezot ki donn li permisyon pou li amend the Schedule e la mon annan en seri avek mwan Mr Speaker International Trade Zone i donn li permisyon pou li fer sa CSC Act, IBC Act, Business Tax Act, Income Tax Act tousala i donn li permisyon pou li amend the Schedule.

Me parey mon dir i annan bann lezot ki pa donn li permisyon pou amend the Schedule.  E i kapab amenn the Schedule selman si son Act i donn li spesifikman sa Lotorite.

E la mon annan de Port Act ki pa donn li apre sa mon annan Anti-Corruption Commission i osi tou i dir:

‘’ The Minister may in consultation with the Commission make regulations  …’’me i pa donn li sa permisyon.

E nou Lalwa ki nou pe regarde lo Seksyon 13 i mete klerman ;

‘’ The Minister may in consultation with the President make regulations consistent with this Act, for all matters which by or under this Act are required or necessary to be provided for in giving effect to this provisions of this Act.’’

         E the Schedule i pa ganny mansyonnen  parske the Schedule is part of the Act.

Me mon a donn en legzanp dan sa Lalwa, kot i kapab fer regulations – par egzanp lo 7 ; i dir pou set up sa body – sa body ki pou regard sa revizyon la i ava permet ki Minis i fer en Regilasyon pou li determinen lekel ki pou lo sa body.

I kapab mete pou i fer regulations e pou fer sa bann lamannman i ava annan en reprezantan sorti kot Employment i ava enn sorti kot Chamber of Commerce, lot sorti ensidswit.  Se sa nivo.  Me i pa donn li permisyon pou li sanz sa Lalwa e alor Mr Speaker dan en serten sans sa S.I.  li menm li e mon koz avek plizyer dimoun dan sa profesyon legal e zot in dir ki the S.I.  cannot amend a law but se selman en Bill ki kapab sanz sa.

Donk Mr Speaker ou vwar lafason ki mon pe lafason ki mon pe koze, mon pe dir ki sa S.I.  i annan plizyer problenm avek li.  Premyerman sa S.I.  napa sa lotorite pou li fer sa, sa i dan mon lopinyon e dan lopinyon plizyer dimoun e alor i en ou kapab dir i en stillborn parski  i napa lavi li e si i annan lavi i annan lavi ilegal.  E alor nou konman Lasanble letan  en Paper i ganny Laid, si i annan lavi ilegal, i nou responsabilite pou nou touy li.  Sa i enn.

Dezyenmman Mr Speaker lafason ki Gouvernman in fer li pou zis ale pas en S.I.  letan nou ankor annan en Bill devan nou Lasanble sa i fer ki i annan en keksoz ki pa normal.  Ou pa kapab annan en Bill avek en S.I.  ki tou lede pe donn menm keksoz.  E letan ou regard sa latab ki Gouvernman in prezante dan son Bill avek dan son S.I. it’s the same table. Alor i annan en keksoz la ki pa vreman normal.

Donk Mr Speaker letan nou si nou quash sa S.I. nou anil li nou ava pe anpes en keksoz ilegal pran laform en Lalwa.  E mon krwar i nou responsabilite konman Lasanble pou nou fer sa.

Mr Speaker letan mon regard sa sityasyon kot nou été, mon anvi ankor enn fwa dir klerman ki nou lo nou kote sa dyalog ki nou konmanse nou anvi kontinyen.  E la mon ava dir avek Leader of Government Business direkteman, ki poudir ofet nou ti ava kontan si sa semenn si nou kapab ankor enn fwa annan kapab annan en miting bann teknisyen, pou asize pou koze.  E la mon anvi dir avek sa Lasanble e espesyalman avek Onorab De Commarmond ki poudir baze lo sa dernyen bout lenformasyon ki nou’n gannyen la apre midi ki bann carers pa enkli ladan, mon krwar ki poudir nou pare avek nou propozisyon.  Nou’n fini pare avek nou propozisyon e ki lo son kote annou koze, annou koze e annou donn sa pep sa ki meyer.

E byensir nou propozisyon ki nou pou met devan lo latab, se pou nou dir annou la kot nou été dan nou pei annou fer sir ki sa gato tou dimoun i ganny menm groser bout ; ki poudir tou dimoun i ganny en lapartaz ki pou ok non pa enn pe ganny R274 lot pe ganny R4,695mil byensir avan taks letan taks i ava ganny tire i ava tonm dan en pti git pre avek R4mil.

Alor nou pare pou koze, me pou nou kapab kontinyen koze mon pe demann Lasanble pou nou vote pou nou quash sa S.I..  E Mr Speaker mon ava lir mon Mosyon:

        The National Assembly resolves to quash S.I. 18 of 2019 in accordance with the interpretation and General Provisions Act Section 64(2).  I beg to move Mr Speaker.  Mersi.

 

MR SPEAKER

Mersi Onorab Ramkalawan.  Okenn Manm ki segonn Mosyon.  Yes Onorab Clifford Andre.

 

HON CLIFFORD ANDRE

Mersi Mr Speaker pou donn mon laparol.  Mr Speaker mon segonn sa Mosyon e mon ti a kontan fer mon entervansyon en pti pe pli tar pandan Sesyon.  Mersi.

 

MR SPEAKER

Mersi Onorab Andre.  Bon Mosyon i devan Lasanble e i open for debate okenn Manm ki oule entervenir.  Onorab Ferrari.

 

HON JEAN-FRANCOIS FERRARI

Tre briyevman Mr Speaker, an sipor avek sa de largiman prensipal ki Leader Lopozisyon in anmennen.  Enn lo lir ilegalite e lot lo son laspe moral.  Premyerman lo son ilegalite, mon ti a kontan met devan lepep Seselwa ki konman en Lezislater nou konman bann Lezislater si nou annan sa konviksyon ki okenn keksoz pe ganny fer e ki pa legal i nou devwar pou nou aret li.  I nou devwar pou nou aret li imedyatman e rod en lot fason pou nou fer sa keksoz ki pa legal vin legal.  Mersi mon pe …

 

MR SPEAKER

Kontinyen Onorab.

 

HON JEAN-FRANCOIS FERRARI

E donk ozordi nou vwar devan nou Lasanble pou premye fwa, en morso Lezislasyon – en  S.I. substidairy legislation ki’n  ariv devan nou dan en fason ki pa ti devret arive.  Akoz parey Leader Lopozisyon in dir, i pe servi en Regilasyon pou amend en Lalwa.  E sa ki vreman enteresan dan sa Lalwa ki devan nou dan sa S.I.18 se ki i dir klerman ki pe amend the First Schedule. 

        Donk i pe fer en lamannman e lamannman se nou konman bann Lezislater ki bezwen fer.  Alors nou pran li konman nou devwar.  E mon ti a kontan ki tou lezot Manm isi dan sa Lasanble i rappel sa serman ki zot ti fer pou protez e defann Konstitisyon ler nou ti pran nou plas dan Lasanble, nou ti pran sa serman pou nou defann nou Konstitisyon e bann Lalwa ki dekoul dan nou Konstitisyon i enportan ki nou fer zot dan en fason byen, e dan en fason respektab pou nou Konstitisyon.

Mon mazinen nou ava permet bann lezot Manm ki annan bann kestyon legal, devlop sa pwen ki Leader Lopozisyon in fer e mwan mon’n fer.   Me mon ti a kontan Mr Speaker al en kou lo son kote moral.

Mr Speaker sa mon pa anvi apel li en lager me sa laponny – annou apel li koumsa sa laponny ki nou ladan ozordi, se en laponny ki vin akoz i annan 2 lide politik – 2 prensip politik 2 filozofi politik ki opoze avek kanmarad.   E ki met nou lwen avek kanmarad.  E parey Leader Lopozisyon i dir sel fason pou nou rezourd sa gran diferans ki ant nou ozordi, se pou nou koze.  E Mr Speaker mon konnen konbyen fwa ou ava trouve dan rikord travay Lasanble sirtou dan Assembly Business Committee, konbyen fwa ki mon repete ki nou anvi lenformasyon, nou anvi diskite, nou anvi rankontre akoz nou anvi en solisyon.  Nou pa la akoz nou krwar ki nou ki konn tou keksoz nou ki detenir laverite e ki sa ki nou pe dir i sel laverite – absoliman pa.

Nou 2enm lapel ki nou’n fer se avek bann teknisyen dan Gouvernman pou dir avek zot, ed nou e sa ti en lapel ki nou ti fer dan premye miting avek Minis Adam, pou dir avek li nou espekte ki Gouvernman i ed sa Lasanble, pou trouv sa balans, pou trouv sa lekilib e pou fer sa 2 debout zwenn, e donn par konsekans Seselwa en pli bon deal.

Nou’n lans sa lapel pou lenformasyon nou lans sa lapel pou korporasyon e malerezman e  mwan mon enn sa bann dimoun ki toultan dir ki avek Minister Finans ek lezot Minister, nou’n tradisyonnelman sa Lasanble tradisyonnelman in ganny sa sipor, me dernyerman lo sa enn la malerezman nou vwar en bon pe trenn lipye e sa trenn lipye in ariv aret marse konpletman Lendi swar.

Me sa i pa akseptab Mr Speaker.  Akoz nou en brans Gouvernman e bann civil servants – bann teknisyen dan Gouvernman, i osi travay avek nou.

I pa zis travay avek Egzekitif. I travay avek Lasanble Nasyonal akoz se zot ki fer sa kontribisyon teknik pou fer sir ki nou annan bann bon Lalwa dan Sesel.

E si e mon regrete mon regret senserman akoz mon krwar poudir nou pe al dan en direksyon ki vreman andomaze pou nou demokrasi mon regrete ler mon vwar Gouvernman pe servi bann teknisyen pou vin defann zot pozisyon politik.  Sa i tre regretab.   I pa bon pou nou pei, e i pa bon pou sa teknisyen ki pe ganny servi oubyen si i annan ki pe permet ki pe aksepte ki zot ganny servi, e tandis ki nou annan lot kote, en group politisyen ki mannyer mon kapab dir sa – ki mank kouraz ki mank sa kouraz politik pou vin devan e poudir la i la ki nou pe fer, la i la ki nou pe defann, la i la bann pozisyon.

Me selman zot kasyet deryer bann teknisyen, pou bann teknisyen defann zot bann pozisyon.  Sa i mal Mr Speaker.  Nou isi lo sa kote latab nou debout lo en prensip, nou debout lo en krwayans, e nou defann nou krwayans.

E nou krwayans Mr Speaker parey mon dir pli boner e Leader Lopozisyon in dir se pou nou si pou ofer en pli bon deal esey gete dan sa gato ki nou konman en Lasanble nou’n vote an term logmantasyon lapey pou sa lannen, ki nou’n vote ek son valer ki R62milyon nou pe dir nou pei i dan en moman ase kritik ; i dan en moman difisil.  E plizyer dimoun, plizyer lorganizasyon e la mon pe rod en papye ki vwala ki mon’n fer en pe resers yer swar ki rapel nou ki nou sityasyon i serye.

Labank Mondyal i dir nou an 2016 ki –‘’ the Seychelles poverty rate i substantially higher than it would be in its closest income years.  This suggest that part of the reasons for Seychelles high poverty rate is the distribution of income.  The problem lies with how income is distributed.’’ 

        World Atlas Data ki kalkil bann Ginnie Index lo income inequality i dir: ‘’despite the Seychelles new found economy prosperity poverty remains widespread due to a high of economic inequality.  One of the highest in the world and unequal distribution amongst the populist which vastly favors the upper and ruling class.’’

E an konklizyon Mr Speaker enn nou bann prop Seselwa ki reflesir lo nou lekonomi Mr Nirmal Shah ti pibli en lartik lannen pase ki ti dir i ti fer warning ‘’Seychelles is becoming a split level society.’’

Mr Speaker nou annan en sityasyon ki devan nou.  E nou’n eksplike plizyer fwa ki nou ti a kontan dan sa sityasyon sey gete ki mannyer nou kapab anmenn en sekour, anmenn en sipor pou bann ki en pe pli ba dan sa sosyete ; bann ki annan en pe mwens mwayen.  Ki annan mal avek sa?  Akoz nou pa kapab tonm dakor ki nou bezwen fer en zefor?  Dan tou pei sa zefor i ganny fer tanzantan.  Pa toultan, me tanzantan ler en Gouvernman i realize poudir bann gap – bann diferans ant sa ki annan pti gin, e sa ki ganny bokou i larzi – i larzi i vin pli gran, be tanzantan en Gouvernman i pran desizyon poudir dan sa sirkonstans, dan sa moman kot nou pe vwar ki bokou dimoun pe pas d atraver sa safety net ki nou sipoze annan dan nou pei, me i annan bann dimoun ki sitan ptipti – ki sitan meg, ki zot pas atraver sa trou e zot tonm anba dan lapovrete, i devwar en Gouvernman ki detanzantan fer sa zefor, e anmas sa bann dimoun!

A lavenir parey toultan nou dir nou si demen nou vwar petrol, si demen nou vwar en lot keksoz be i ava en fason pou nou redistribye sa dan en lot fason, pou nou rekonpans en pe.

Nou pa rekonpans par-ler bann teachers ler nou santi bann teachers i bezwen bann keksoz pou ganny rekonpans?  Nou pa rekonpans en lot boug dan la sosyete?  Ozordi nou pe dir annou get en pe nou bann frer ek nou bann ser ki pli ba.

Bann ki’n ganny kit ater ni en bout later parey dan Lopozisyon i dir zot pa kapab reve ki zot pou gannyen en zour, akoz zot tonm par anba en koup ki ganny ki de dimoun ladan i lo lapey minimum zot pa arive R12mil.  Me annou sey fer en keksoz.

Nou’n fek vwar isi ki carer ki travay full day li in avek son logmantasyon in ariv 6060mil par mwan, me zot nou pa ale pou elev nou frer parey sa propozisyon ki nou fer lo sa kote, poudir annou lev zot annou tir zot dan sa 5400mil annou gete si nou pa kapab anmenn zot en pti pe pli pre avek sa 6mil, pou ki zot a kapab zot osi zouir en pti pe pa lager pa trimouse ki tou sa larzan le 15 konman i vini konman le 15 i fer dong tousala i fini.  E zot bezwen trimouse pou fer sa de bout zwenn.

So se sa mon anvi fer sa largiman moral.  E se pou sa ki mon pa kapab konpran ki mannyer Parti US pe sey defons tou laport tou lafnet pou fors sa 5poursan, pou tou dimoun kontrer nou pou ganny 274 enn pou ganny 4mil ekek, pou fors sa dan lagorz pep Seselwa.  Pe fors nou pe pas par deryer pe pas par S.I  – pe fors sa.  Non, non se pa koumsa ki nou pou arive mon bann koleg lo lot kote latab.  Se pa koumsa ki nou pou … Nou pou arive par diskite e par met tal lo latab tou bann keksoz e gete ki mannyer nou kapab fer keksoz.

Mon konnen ki bokou parmi zot lo lot kote latab ki sansib a sa largiman. Zot sansib –zot konpran sa largiman me selman kekfwa zot ganny anmare par disiplin entern zot parti, me sa i pa devret.

Mon krwar ki zot ti devret konman en parti vini dir ok Prezidan Faure in propoz sa, me nou akoz toultan Prezidan Faure zot dir i pa sef zot part ; i Prezidan Faure i en dimoun endepandan, in propoz sa me zot konman en parti zot pa kapab vini dir be ok wi nou vwar 274 i en pe feb, annou gete ki mannyer nou kapab aranz sa en pti pe – ok?

Akoz zot pa fer sa.  Se sa ki fer mon konmsi en pe tris ozordi, konmsi kot in al mal kote zot in al mal? Msye Rene fek koz avek zot fek koz avek enn nou Manm lot kote zot pe dir zot in tro get zot lekor, be aret get zot lekor! Akoz i pa posib.

E mon ava dir sa avek tou respe Mr Speaker, mon ava terminen poudir e mon ava met boul dan kort  Prezidan Faure li menm.  Mon met boul devan li dan son kort !  Prezidan Faure gran sans lannen prosenn i pe al pran son pansyon !  Akoz mannyer keksoz i pe ale mon pa pe tro vwar li lo map !  Gran sans i pe al pran son pansyon.  Be sa R4mil an plis la pou fer ki finalman li i pe propoze pou li ler i ganny en pansyon, i pou ganny mon krwar pros R3mil sepa konbyen mil Roupi an plis lo son pansyon zis avek sa logmantasyon la tou le mwan.  Be i bezwen annan en moralite dan politik !  Mon konnen poudir dimoun i dir ou politisyen napa moral.  Me selman mon kapab dir isi lo sa kote latab i annan en pe moral !

 

(Interruption)

 

HON JEAN-FRANCOIS FERRARI

E se sa ki nou pe lager.   Se sa ki nou pe sey lager ! E nou toultan nou dir nou ava met nou o servis bann dimoun ki nou pe travay pou zot, me zot osi zwenn nou. Zwenn nou ! Akoz i pa posib ki zot kanp lo en pozisyon, ki zot dir ki zot pa pou – zot pa pe konsidere, zot pa pe bouze !

Mr Speaker sa ki mon pe fer la i en lapel, i en pledwari.  Si mon ti kapab tonm azenou devan zot, mon ti pou tonm azenou devan zot poudir avek zot me annou fer li !  Annou zwenn annou rod sa solisyon ; annou aret bouldoz keksoz, annou aret dominer !  Zot en minorite dan Lasanble, nou en mazorite nou pa le enpoz nou mazorite nou, me selman nou le fer zot konpran poudir zot ki minorite ! Zot ki minorite !

 

(Interruption)

 

HON JEAN-FRANCOIS FERRARI

Alors annan en pe imilite – annan en pe imilite e dir be ok nou napa bann vot nou pa pou kapab fors sa dan lagorz Lopozisyon, nou ava asize nou a koz avek zot.  So sa i mon lapel !  Sa i mon pledwari e mon demande ki enn fwa ki nou dispose sa S.I. ki devan nou ki nou tir li lo nou liv, nou pran letan ki neseser – pran letan ki neseser nou asize nou Lalwa sa Lalwa ki ti orizinalman ganny propoze, i ankor devan Lasanble e nou ankor kapab fer lamannman lo la, e nou ankor kapab ariv lo en bon solisyon pou tou Seselwa.  Annou fer li mon bann koleg !  Mersi.

 

MR SPEAKER

Mersi Onorab Ferrari.  Bon nou ariv preski 5er mon annan ankor 5 Manm pou koze.  Mon’n ferm lalis la en.  Mon annan 5 Manm ki enkli wi i enkli ou Onorab Simon Gill mon met ou lo lalis ok ? Nou kapab ale.

Bon pozisyon i koumsa ok, mon pe kit pei demen mon lead en delegasyon IPU – ok ?  Nou kapab kontinyen ziska 5.30 nou ava pran 2 Manm 3 Manm i depan lo longer zot entervansyon.  E mon pe propoze ki nou fer en Siting demen bomaten oubyen Vandredi e sa i ava ganny Chair par Deputy Speaker – ok ?  Akoz mwan demen apre midi avek en delegasyon Lasanble avek Deputy Clerk nou pe kit pei.  Alright ?

So nou ava les ziska 5.30 apre nou ava regarde.  E Standing Orders i permet ki nou kapab fer en lot sitting pou nou kapab kontinyen sa travay e dispose of it avan dat ki ganny mansyonnen dan prezantasyon Mosyon – ok ?  Mon pou donn laparol Onorab Sebastien Pillay.

 

HON SEBASTIEN PILLAY

Mersi Mr Speaker pou donn mwan laparol pou koz lo sa Mosyon pou anil sa S.I. ki devan Lasanble e pou kapab – si oule prezant en pti pe pozisyon ki nou lo sa kote latab eksplike akoz nou’n pran sa pozisyon ki nou pran vizavi bann deroulman – bann keksoz ki’n arive.  E pou mon kapab fer sa Mr Speaker i enportan ki nou etablir byen bann eleman, ki egziste otour sa deba ki nou pe fer.

Premyerman Mr Speaker malgre nou tann bokou koze lo si privilez Lasanble in ganny afekte par Egzekitiv, e dan lespri ki Leader Lopozisyon in mansyonnen ki Konstitisyon i Lalwa siprenm nou pei, mon pou refer avek sa Konstitisyon ankor enn fwa pou remind Lasanble ki Lartik 89 nou Konstitisyon, malgre serten lenterpretasyon ki li i pa donn pouvwar Egzekitif me i en pouvwar – si oule ki ganny ofer ek li.

Sa pouvwar i la pou Egzekitif fer bann provizyon Lalwa ki i bezwen fer – tout an rekonesan ki Lasanble Nasyonal i annan son pouvwar anba Lartik 85 – 86. So sa i la Mr Speaker.  I la sa provizyon i la dan nou Konstitisyon.

Mon dir sa Mr Speaker, akoz mon krwar tournir bann largiman ki’n konmanse, se ki Egzekitif pe avans serten keksoz ki pe fors sa lo Lasanble Nasyonal.  E sa i pa leka ditou, akoz i kler ki Konstitisyon i donn li sa pouvwar pou fer li. E a sa moman ki nou pe diskite la Mr Speaker, sa Lalwa Revizyon Saler i ankor an egzistans sa Lalwa 2013 ki permet bann Regilasyon ganny fer anba sa Lalwa.  Akoz i annan permisyon pou fer  sa bann Regilasyon anba sa Lalwa Mr Speaker, se akoz i enportan pou lepep Seselwa konnen ki i annan en provizyon anba sa Lalwa ki Minis i annan drwa fer         Regilasyon pou li fer bann provizyon sa Lalwa marse – si oule, vin aktif.

E enn bann provizyon sa Lalwa Mr Speaker ki enportan ki primordyal dan sa Lalwa, se son Schedule. E mon tann entervenan avan mon atraver ou Mr Speaker koz lo Gouvernman pe amend en Schedule.  Si ou get konmela ozordi plizyer S.I. ler in pas devan Lasanble ki’n amend plizyer Schedule swa dan Lalwa SRC swa dan lezot Lalwa.

Sa i kler e nou bezwen aksepte sa fe Mr Speaker.  E mon krwar lamazorite dan Lasanble i devret pa esey repet listwar parey zot pe dir, kot zot servi zot mazorite, pou fer bann largiman ki pa permet bann lezot dimoun kapab fer bann menm largiman.

An menm tan ki mon pe koze avek ou Mr Speaker, mon pe apresye ki bokou Manm lo lot kote latab, pe dakor avek sa ki mon pe dir mon tann zot pe eksprim lafason, ki zot pe agree avek sa ki mon pe dir akoz mon tann zot pe koze an menm tan mon pe koze.  Mon kontan sa Mr Speaker.

 

(Interruption)

 

HON SEBASTIEN PILLAY

Mr Speaker en keksoz enportan – tre, trez enportan ki mon krwar i annan en attempt to mislead – mon dir byen en attempt to mislead lepep Seselwa e li lepep Seselwa ler i al zize dan son lanaliz final, si vreman sa ki pe ganny dir i laverite.

Mon dir sa Mr Speaker akoz bann menm dokiman ki Lopozisyon in koz lo la zot in gannyen, mwan osi mon gannyen sa bann dokiman.  Me ki Lopozisyon pa pe dir e ki enteresan Mr Speaker, zot pa pe dir ki ler nou regard par egzanp sa band 1 kot zot toultan koz lo bann saler e tousala dan sa band 1 i R5,485.

Mr Speaker saler de baz dan sa band i 6,353 ; saler de baz i 6,353 e sa i refute konpletman largiman ki entervenan avan mon in avanse, par lefe ki saler de baz ler nou pran average saler dan sa dokiman Mr Speaker, ki la devan nou, i kler ki ler zot in fer tou bann kalkil ek bann allowances ki ganny donnen, la, la saler ki ganny tonbe Mr Speaker.

 

(Interruption)

 

HON SEBASTIEN PILLAY

Mr Speaker mon pa pe mislead the House parey Lasanble.  E nou vwar Mr Speaker par reaksyon Lopozisyon dan sa Lasanble, ki zot pe sey – zot pe sey anbet lepep Seselwa e fer lepep Seselwa poudir i annan en realite ki pa leka devan Lasanble Mr Speaker.  E mwan Mr Speaker dan lespri ki Onorab Ferrari in koze ,konman en Manm Lasanble ki’n swear an oath lo mon Konstitisyon, mon pa pou aksepte ki en lot Manm Lasanble i vin mislead lepep Seselwa.  Sa i en pwen fondamantal Mr Speaker.

Dezyenmman Mr Speaker mon krwar ki nou bezwen fer le pwen Mr Speaker lo la.  E mwan mon ti soke Mr Speaker ler mon ti regard bann allowances across bann diferan band e mon vwar ki dan serten nivo lo sa latab saler, i annan dimoun pa gannyen allowance.

Akoz li dan sa band pli o i pa gannyen allowance li swa i en supervisor i pa gannyen allowance.  E ler ou regard la kantite allowance ki en dimoun ki par anba li pe gannyen, e la mon pe fer kler mon pa pe anpes personn ganny zot larzan.  Me i annan 2 dimoun ki nou pe gete la e sa dimoun osi ki dan sa band pli o mon pe koz en supervisor dan sa landrwa travay, i osi i deserve son logmantasyon ki i devret gannyen.

Me baze lo bann propozisyon ki ti ganny fer oparavan  par Lopozisyon Mr Speaker i en propozisyon, i fer ki ler ou ariv dan sa bann band kot nou trouv sa bann dimoun zisteman ki bann supervisors, dan plas donn 5poursan zot ti pe end up a 3 a 2poursan logmantasyon.

Se sa kot mon krwar ler nou pe koz lazistis Mr Speake,r nou bezwen koz lazistis dan en fason pli larz e dan son fason korek.  Napa personn ki pe fors lepep Seselwa pou aksepte en keksoz ki pa bon pou li.   Napa personn.  Lefe i reste Mr Speaker ki en promes ti ganny fer avek lepep Seselwa, ki si pou ganny 4mil nou tou nou a ganny 4mil, si pou ganny 1500 nou tou nou a ganny 1500.

Sa largiman pa’n kapab pase, akoz nou vwar poudir napa 10 Prezidan dan pei i annan zis 1 !  E dan lepase Mr Speaker kot en MNA ti kapab kot en dimoun ti kapab debout an deor e akiz politisyen, par dir ki sa politisyen pe vot son prop saler,  ozordi zot dan menm Lasanble ek nou, e zot pe ganny menm saler ki nou, nou gannyen !  

So largiman ki reste Mr Speaker se ki personn la anndan enkli zot ek nou, pa pe rod mwens pou lezot dimoun e plis pou nou.  Fodre zot aret fer lepep Seselwa krwar sa !  Nou pa pe rod plis pou nou la anndan dan Lasanble – mon krwar zot dakor ek mon ler mon dir sa !  Nou pa pe rod sa akoz si zot pe dir mon pe rod plis pou mwan, be sa plis pou mwan i aplik plis pou zot osi ! Zot konpran mwan ?

E se sa mon krwar largiman ki nou bezwen konpran. E mon konpran Mr Speaker, ki mon respekte e mon apresye lefe ki Leader Lopozisyon in anmenn en Mosyon pou quash sa S.I.

E son Mosyon i parfetman according to interpretation to the General Provisions Act ki kapab ganny fer Mr Speaker.  I kler sa Mr Speaker.  Napa problenm ek sa.  Me Mr Speaker me i annan en keksoz ki Leader Lopozisyon i dir la mon bezwen koriz li Mr Speaker, sa ki in dir se ki si sa bann dimoun e sa S.I.  i pase zot ganny en logmantasyon eski zot pou bezwen rann?  Larepons Onorab Georges e Onorab Andre i konn tre byen i non.  I non par lefe ki Seksyon 70 sa menm Lalwa i dir i okenn keksoz ki ganny fer anba sa S.I.  pa kapab ganny refer.

Savedir – savedir si en dimoun i ganny logmantasyon anba sa 5poursan personn pa pou rann son logmantasyon akoz Seksyon 70 i dir ou klerman:

‘’The repeal of the statutory instrument does not affect the previous operation of the statutory instrument or anything duly done or suffered under the statutory instrument.’’

So si ou ou’n ganny ou larzan ou 5poursan e sa S.I. ti vin null and void, ou pa ti pou rann nanryen.  Ou larzan ti’n pou ou e ti vin pou ou.  So largiman ki mon pe dir se ki sa largiman ki si sa S.I. ti pase e demen sa Lalwa i vini sa Lalwa i pase ki sa dimoun ki ti bezwen rann larzan i tonbe Mr Speaker. Sa largiman pa egziste.

2enm pwen enportan Mr Speaker se ki menm IGPA i dir ou i en prezonpsyon anba la ki ler en S.I. i ganny prepare ki tou keksoz legal i ganny fer sa S.I. i ganny prepare.  E si okenn dimoun i anvi challenge sa S.I.  i annan drwa pou li challenge sa S.I..  Lasanble i annan en pouvwar adisyonnel pou li squash sa S.I. oubyen pou li annul sa  S.I. pandan en peryod 3mwan ok baze lo sa ki li i annan.

Me Mr Speaker sa ki mon bezwen met devan Lasanble se ki mon pa antyerman dakor ki nou annan en irzans pou nou quash sa S.I.   Nou napa en irzans Mr Speaker akoz malgre ki mon tann sa deskripsyon ki la deor nou annan nou en state of emergency, mon pa konnen si lepep Seselwa i krwar ki nou annan en state of emergency.

 

MR SPEAKER

Non, non Onorab.  Ou a pe mislead.

 

HON SEBASTIEN PILLAY

Mr Speaker mon a korize.

 

MR SPEAKER

I annan 2 Manm ki’n koze e zot pa’n mansyonn state of emergency.  Zot in koz lo  BAZ urgency.

 

HON SEBASTIEN PILLAY

Mr Speaker baze lo sa 2 Manm ki’n koze avan mon atraver ou Mr Speaker, i annan en largiman ki’n ganny fer ki nou annan nou en extreme urgency la deor, pou nou deal ek sa akoz i annan bann payroll bann keksoz e sityasyon la deor i koumsa ; i annan carer ki pe ganny plis ki en dimoun ki dan sa bann salary band, ki ler nou get levidans napa dimoun la ki pe ganny mwens ki en carer.  

        Akoz average salary dan band 1 li menm i 6,353 akoz i kapab pran sa saler e get li an izolasyon avek bann allowance ki sa ki vin ek sa saler  – ok ? Now si Mr Speaker si ti annan en irzans mon ti a konpran ki nou bezwen anmenn en Mosyon pou quash sa S.I.  Me menm si ti napa en irzans Mr Speaker mon ti pou still konpran ki pou annan en Mosyon pou anmenn sa S.I. akoz nou viv dan en klima politik e malgre ki lot kote in sey fer largiman politik ki nou pe le kas tou laport, mon krwar menm largiman politik i aplike pou lot kote, ki zot osi zot pe sey defons nou laport, pou fer pase zot lamannman ki zot pe anmennen, akoz sa i zistifye pozisyon ki zot bezwen adrese devan lepep Seselwa, ki zot in fer serten promes avek !

Promes ki Gouvernman ti fer Mr Speaker avek lepep Seselwa depi Desanm, akoz nou souvandfwa akiz ki sa Gouvernman ki en Gouvernman en-desisiv  – i pa kapab pran desizyon i per konsekans politik, nou’n vwar poudir sa Gouvernman in stick ek son desizyon ki i ti pran dan son lanons Bidze ki ti pou annan en logmantasyon 5poursan, e i pe pran tou son konsekans politik ki i vin avek, akoz li in vwar nesesite pou li anmenn S.I. akoz sityasyon ki i trouve ozordi !  Se sa lesansyel ki devan nou Mr Speaker ozordi.

Me nou bezwen aksepte osi Mr Speaker e la mon le fer sa largiman mon fer sa largiman Mr Speaker, avek tou respe en dimoun an deor i kapab dir Lasanble pe trenn son lipye osi pou rezon politik.  Akoz plizyer repriz nou tann bann pozisyon lamannman e sa i pa en referans lo ou Mr Speaker, me i en referans lo travay ki politisyen i fer dan Lasanble lo politik ki ganny fer dan Lasanble, lo si nou menm nou pa pe fer menm keksoz ki nou pe akiz Egzekitif pou fer.  E fodre pa bliye Mr Speaker, a plizyer repriz bann Manm lot kote latab e menm atraver ou Mr Speaker entervenan ki’n koz avan mon Onorab Ferrari i enn ki toultan dir koabitasyon in mor !

Ler ou lans sa bann mesaz avek Gouvernman, e kontinyelman senm sa bann mesaz e Gouvernman, ki ou pou koz ek li ler ou anvi koz ek li, i bezwen annan en reperkisyon.  Mon krwar sa politik ler nou la nou ki la i pa en keksoz ki mon zanmen asosye avek bann Onorab lot kote latab.  I pa en keksoz ki mon ti pou zanmen espekte asosye avek bann Onorab lot kote latab, me i malere ki ozordi mon pe vwar ki sa menm kalite politik ki mon bezwen asosye ek zot, akoz souvandfwa ler nou avans en challenge Mr Speaker –  menm kan ou Speaker pe fer en determinasyon lo en keksoz ki nou’n avanse, nou pe konmans ganny atake par serten Manm lo lot kote latab, san ki nou ganny sans fer nou largiman vizavi bann keksoz ki nou pe avanse !

Mr Speaker eski sa i natir demokrasi ki nou pou vwar anba en Gouvernman LDS?  En Gouvernman ki pou dir li ki la !  Li ki poudir ki pou fer ! E li ki poudir ki mannyer tou keksoz i marse !  I pa sa Mr Speaker e mon konnen ki mannyer nou pe anmenn Lasanble i pa sa ki nou osi nou anvi vwar.

Me, me Mr Speaker,  me i annan toultan en ‘’me’’ Mr Speaker, dimoun an deor pe regard nou Mr Speaker.  Dimoun an deor pe regarde nou fek koz lo i enportan pou bann zenn travay lekol.  I enportan pou bann zenn devlope, avanse.  Plizyer nou bann zenn in devlope in avanse Mr Speaker ozordi zot ki dan band 7 an montan – zot ki ladan.  Zot propozisyon ki ler zot in koz ankor dan zot interview ki zot in donnen ti ankor R450.  Baze lo zot propozisyon ti en poursantaz ki ou tire.  Tou sa bann ki’n travay lekol tou sa bann ki’n fer sa extra class la, ki nou l fer zot fer ozordi la, li nou pou donn li ou konnen konbyen?  2poursan e nou dir ek li koumsa fer ankor en sakrifis ou.

Me selman in fer sakrifis pou pey taks pou ki nou annan R20milyon dan Property Fund pou nou ed bann ki pli ba.

Mr Speaker nou, nou pa kont pou donn plis larzan dimoun ki bezwen.  Nou pa kont sa e sa i en pwen kardinal nou politik toultan e zot in akiz nou pou fer sa e dir ek nou poudir nou fer esper pou nou servi welfare as en zouti politik.

Me ozordi Mr Speaker se zot ki pe sey servi welfare konman en zouti politik.  Se zot !

 

(APPLAUSE)

 

HON SEBASTIEN PILLAY

Bann menm politik ki zot in akiz nou ki nou pe fer ki nou bezwen kit deryer e move ver en zenerasyon pli modern, zot pe retourn avek e zot pe dir avek sa zenerasyon pli modern ou sakrifis ou travay dir – pa konte !  Ozordi pou en zenn profesyonnel kapab ganny en lakaz pli difisil akoz social cases i pas avan li.  Son loans i pli difisil, me selman Mr Speaker ler nou fer azisteman accordingly pou nou kapab deal ek sa inequality, e Seselwa i bezwen aksepte ; en manman i bezwen aksepte ler mon zanfan i travay in ariv laba anler, mon bezwen fer sir mon bezwen aksepte poudir i deserve kot in arive akoz in travay pou ariv laba !  Se sa rezon in ariv laba.

E mon ti a kontan met sa dan lespri tou Seselwa, mazin byen Mr Speaker fodre tou Seselwa i mazin byen ki largiman politik ozordi i eski oule retourn deryer?  Oubyen oule avans devan?  E sa kalite politik ki nou pe fer ozordi Mr Speaker pou fer nou retourn deryer Mr Speaker !

 

(APPLAUSE)

 

HON SEBASTIEN PILLAY

Ler nou vin Mr Speaker lo legalite – ler nou vin lo legalite sa S.I. ki devan nou,  nou’n tann en pwen legal ganny avanse vizavi sa S.I.  me menm pwen legal i kapab ganny konteste.  Alors  mwan mon krwar ki Gouvernman i annan pou li fer, se pou li anmenn en case devan Lakour Konstitisyonnel e konteste legalite sa Mosyon to annul sa S.I !  That can be done !  Sa i kapab ganny fer.

Akoz ou konnen ozordi ou bezwen konpran poudir nou viv dan en klima, kot desizyon ki nou pran i annan en reperkisyon e nou bezwen aksepte osi en dimoun i kapab challenge ou pozisyon !

Mr Speaker mon konnen atraver ou Onorab Ferrari pa tro dakor avek sa largiman ki mon’n fer, ki en dimoun i challenge son pozisyon lo en keksoz, me lefe i reste ki nou bezwen aksepte poudir that is the new climate we live in.

E pou met lanfaz lo sa pwen – pou met lanfaz lo sa pwen i pou vreman enportan Mr Speaker vreman enportan ,pou sa pep disern ant promes ki en politisyen i fer li ant realite ki en politisyen i kapab delivre.  Lo sa kote latab dan United Seychelles nou pa vin devan ler nou zot in promet 4mil a R1500, poudir nou pou vin donn R5mil.  Nou pa’n zwe okenn kart politik avek personn.  Nou’n vin avek komitman ki nou ti fer ler nou ti vot lo Bidze, e nou ti aksepte ki sa komitman ki keksoz i bezwen ganny fer.

Me nou ankor enn fwa Mr Speaker keksoz ki nou pe koz lo la ki nou pe regarde posibilite ki nou pe vwar reelman pou nou kapab fer sa travay ki devan nou, se ki nou bezwen deal avek sa sityasyon dan en fason entelizan Mr Speaker.  Nou pa kapab vin deal avek li dan en fason pou fer pwen politik e se sa Mr Speaker ki LDS in vin fer dan Lasanble ozordi apre midi Mr Speaker.

An konklizyon Mr Speaker mon krwar ki nou dan en moman politik enteresan dan nou pei Mr Speaker.  I enteresan akoz mon en dimoun ki kontan fer bokou resers dan listwar nou Lasanble e regard bann komanter ki fer par sa bann ansyen Onorab ; i annan i asiz lo lot kote latab ozordi.  E mon sagrinen Mr Speaker mon sagrinen i annan ki pe depart, malgre ki ozordi mon lo sa kote latab i annan serten lideal ki nou tou nou bezwen krwar ladan ki ozordi serten, nou i sorti lo sa bann lideal.

Nou pe kit sa bann lideal deryer e si nou fer sa Mr Speaker nou pe lans en mesaz lo sa nouvo zenerasyon ki la ki pe grandi deryer nou la, se ki ou travay dir, ou zefor, ou extra class,  ou lentelizans i pa account pou nanryen, akoz anba en Gouvernman LDS nou pou toultan le score pwen politik e nou pou toultan le score pwen politik.   Se sa ki laverite Mr Speaker.

So devan nou Mr Speaker depi bomaten depi ler nou annan tou sa deba Mr Speaker kot nou pou demann bann ruling eksetera sa in en dinamik Lasanble ki nou respekte e ki nou santi poudir i bezwen ganny respekte toultan, e nou pa’n fer li dan okenn fason pou nou akiz ou pou dir ou bias pou fer okenn fason pou dir ou ruling i dan okenn fason.

Me ki nou vwar Mr Speaker nou vwar ki Lopozisyon lot kote latab dek ki i annan en ruling pa al dan son faver, i akiz tou dimoun bias – i akiz tou dimoun trenn lipye, i akiz tou dimoun isi laba Mr Speaker.

Mr Speaker sa pwen – sa pwen i bezwen ganny ranforsi dan lespri lepep Seselwa, ki ozordi ler zot, zot  ti apel nou diktater get dan laglas.

 

(APPLAUSE)

 

HON SEBASTIEN PILLAY

Get dan laglas Mr Speaker.  Mersi.

 

MR SPEAKER

Mersi Onorab Pillay.  Aparaman ozordi manm piblik ki an kontak ek mwan in dir ek mwan ou pe abiz en pti pe e ou pe abiz en pti lo pozisyon lo mon pozisyon.  Me mon repons pou sa se ki mon fleksib – tre fleksib e mon donn sans en Manm pou kapab eksplik son lekor – ok ?  Me lo kote bias ankor mon dir napa Manm ki’n servi sa lekspresyon – ok ? Petet zot pe sey fors serten keksoz atraver the house me pa’n servi bias ok ?

Yes bon an mezir ki ou ti pe fer ou entervansyon Onorab Pillay, mon zis enform the House ki i annan kominikasyon ki’n rekonmanse ant Minister Finans avek Sekretarya Lasanble Nasyonal e an mezir bann lenformasyon pe antre mon pe demann Madanm Clerk pou kopi tou bann Manm.  Alright ?  Short Onorab Pillay.

 

HON SEBASTIEN PILLAY

Mersi Mr Speaker.  Mr Speaker mon ti a kontan si Clerk ti a pou en presizyon avek Minister Finans.

 

(Interruption)

 

 

MR SPEAKER

Order!  Order!  Yes Onorab.

 

HON SEBASTIEN PILLAY

Mersi Mr Speaker. Mon ti a kontan si Clerk ti a fer en presizyon avek Minister Finans si bann carers osi i tonm anba sa 62milyon ; sa logmantasyon ki zot in gannyen konmansman lannen si sa osi i pas lo sa 62milyon e sa i a ed ou reponn bokou kestyon.  Mersi Mr Speaker.

 

MR SPEAKER

Mersi. I annan  – anyway parey mon dir i annan dokiman ki pe ganny sirkile, bann Manm i ava vwar dan –  wi dan – wi.  Mon krwar i annan lesplikasyon ki PS Thesee   pe anvoye.  Bon nou annan apepre 9minit ok ?  Yes Onorab De Commarmond.

 

HON CHARLES DE COMMARMOND

Non zis en lesplikasyon.  Dan – pli boner Onorab Ramkalawan in dir ki i annan bann lenformasyon ki’n vini e zot annan en amannman ki’n pare ok ?  So ki i ganny table e si pe koz ki nou zwenn pou koze ; savedir ti’n promet poudir si i annan okenn lamannman zot pou share pou kapab konmans gete, pou nou al en pe vitman, so si in pare ki i ganny sirkile lo la.

 

MR SPEAKER

Mersi Onorab De Commarmond.  Bon si zot ariv lo en pozisyon ki zot annan lamannman, mon krwar  i kapab sirkile.  Ler deba i retournen lo Bill, tou bann Manm i ava  pare pou kapab vwar lamannman e osi tou pou kapab asimil en pti pe kwa ki annan dan sa bann lamannman.  Nou annan nou 8minit Onorab Clifford Andre ou’n pare pou fer entervansyon dan 8minit ? 5.30 nou pe fini.  E mon pe propoze ki demen nou fer nou kontinyen avek nou sitting.  Ok nou ava pran en desizyon ler Onorab Andre i fini.  Onorab Andre laparol i pou ou.

 

HON CLIFFORD ANDRE

Mersi Mr Speaker.  Mr Speaker Onorab Ferrari in dir ki nou bezwen mazin nou Oath ki nou ti pran ler nou ti vin Manm Lasanble.  Onorab Pillay avan mwan in dir ki sa, i en eleman enportan ki nou bezwen pran an konsiderasyon.  In osi dir – (Onorab Sebastien Pillay) pour pa konfiz avek Onorab Pillay lo nou kote.

Onorab Sebastien Pillay in dir ki, li i krwar nou mislead the House.  Me mon oule fer remarke Mr Speaker ki se li menm li atraver ou, Onorab Sebastien Pillay in mislead pep Seselwa letan in fer referans avek Lartik 89.  Me i pa’n lir sa Lartik 89.  Mon pour pran sa loportinite pour mwan lir Lartik 89 dan nou Konstitisyon.

E Mr Speaker i annan Angle, i dir koumsa;

‘‘Article 85 & 86 shall not operate to prevent an Act from conferring on a person or authority power to make subsidiary legislation’’.

        Mr Speaker sa i vedir ki dan Act i donn ou pouvwar pour fer Regilasyon, me pour serten keksoz.  Sa i devret vin kler ki letan sa S.I. in ganny fer anba sa Act, i pe vyol menm sa Lartik dan nou Konstitisyon.  Akoz sa Lartik nou, nou Act Mr Speaker.  E sa in fer kler par Loter Mosyon, Onorab Leader Lopozisyon, in dir ki poudir i annan serten Act ki ganny fer kot i dir ou, ki poudir Regilasyon ki pour ganny fer, i permet amann sa Schedule ki atase.  Savedir sa i ‘‘express’’.  I en Term osi ki ganny servi dan Lalwa kot i ganny mete, i ganny dir.

Me dan sa konteks ki nou ladan, dan sa konteks ki nou ladan la, Lartik 7 oubyen Lartik 13 ki sa Schedule, ki sa S.I. i refer lo la.  I pa dir sa Mr Speaker.  Lartik 13 i dir koumsa Mr Speaker, 13 i dir ou ‘‘regulation the Minister may in consultation with the President, make regulations consistent, ‘consistent’ with this Act for all matters which by or under this Act, are required or necessary to provide for in giving effect to the provisions of this Act’’.

        Mr Speaker i pa dir ki i donn ou Pouvwar pour fer Regilasyon an referans avek Schedule parey sa 2 Act ki’n ganny mansyonnen.

Mr Speaker sa i ankor enn fwa i montre ki Onorab Pillay, atraver ou Sebastien Pillay, Mr Speaker atraver ou i mislead the House e i pe mislead pep Seselwa pour krwar ki sa ki nou, nou pe dir i pa korek.

 

 

(APPLAUSE)

 

HON CLIFFORD ANDRE

O kontrer Mr Speaker, lenterpretasyon Lalwa i kler.  Okenn Ziz Sesel pour dir ou ki poudir sa i kler e ki napa Pouvwar.

Lot rezon Mr Speaker.  Lot rezon ki mon mwan pe dir ki i neseser pour quash sa SI, se letan ou get son Tit.  Son Tit i dir ou ‘’Public Service Salary Amendment of First Schedule. ‘’ Ou pa kapab amann son First Schedule.  Akoz dan son main Act Mr Speaker ankor letan ou al lo First Schedule, son First Schedule i dir ou, anler lo son First Schedule Mr Speaker i mete Sections, 2 (e) & 4 (1).

Ou pa kapab amann en Section by an S.I. Mr Speaker.  I ilegal!  I illegal e i pa an konformite avek nou Konstitisyon ki nou Supreme Law.

Mr Speaker Lartik 6, Lartik 4, non Lartik 5 nou Konstitisyon i dir sa, ‘‘This Constitution is the Supreme Law of Seychelles and any Law found to be inconsistent with this Constitution is to the extent of the inconsistency void.’’  Void Mr Speaker.

 

(Interruption)

 

HON CLIFFORD ANDRE

Savedir Mr Speaker i pa egziste!  This is what is the meaning of void, pa egziste!  So as it is, as it is sa S.I. pour mwan, pa ni bezwen ganny quash, be nou pou quash li.  Be selman annefe i pa ni an egzistans akoz i an konfli avek Lartik 5 nou Konstitisyon.  Ki nou tou isi dan sa Lasanble nou ti lev nou lanmen pour nou fer sir nou proteze e nou defann.

Mr Speaker mon 2enm pwen.  Mon 2enm pwen Mr Speaker se an referans, letan nou pe get sa S.I.  Akoz mon pa pour al mon largiman lo the Bill apre mon pour vin lo Bill letan nou’n ganny sa.  Mon pour konsantre lo pour nou quash sa Bill.

        Letan nou get dan sa S.I, (oule koze Onorab Vidot?)  Mr Speaker i a les mwan koze.  Kontinyen?

 

(Interruption)

 

MR SPEAKER

Kontinyen Onorab.

 

HON CLIFFORD ANDRE

Ok.  Akoz mon krwar in vin parey Onorab Valmont, i o bor li.  Komans annan sa manni la.

 

MR SPEAKER

Kontinyen.

 

HON CLIFFORD ANDRE

Wi i dir ‘‘ ….now therefore in exercise of the powers conferred by Section 13’ ki donn li Pouvwar pour fer Regilasyon.  And Section 7 Mr Speaker pour benefis bann dimoun pep Seselwa ki pe ekoute,  mon konnen zot pe ekout avek bokou latansyon.  Lartik 7, Seksyon 7 plito dan sa Act i dir ‘‘Salary structure under the Public Service Salary table shall be revised at least once every five years by such person or body as the Minister may in consultation with the President determined’’.

        So i dir Mr Speaker ki sa i kapab ganny fer dan 5an.  Onorab Pillay ankor enn fwa in mislead pep, Sebastien Pillay Mr Speaker, Onorab Sebastien Pillay atraver ou in mislead pep Seselwa.

Mr Speaker Seksyon i 7 i donn Gouvernman 5an – 5an pour li fer sa Lamannman, pour li fer sa travay.  Nou’n vwar en Bill ki’n vin dan sa Lasanble Mr Speaker 2 semenn avan ozordi, avan le 01 Avril i arive –  2 semenn, savedir nou annan nou 4an, 10 mwan gaspiye par sa Gouvernman!

Mr Speaker eski sa i zis letan nou pe koz avek pep Seselwa?  Pour nou dir ki napa irzans!  Sa, sa Mosyon Mr Speaker i annefe mon mwan kapab dir ofextreme, extreme, extreme urgency’ Mr Speaker.  Akoz si ou’n pran 4an, 10mwan ou’n zete, non plis ki sa 4an, 10mwan, 4an 11mwan, e kek 2 semenn, akoz i anmenn zis 2 semenn avan i fini.  Savedir i montre ki poudir, i montre ki poudir…

 

(Interruption)

 

HON CLIFFORD ANDRE

I montre Mr Speaker ki poudir Gouvernman US in gaspiy letan pep Seselwa.  Nou rode ki i ti pe fer pandan sa letan kan i ti’n kapab fer sa travay e anmenn devan Lasanble, menm an 2017 pour nou kapab gete ki mannyer nou pour aziste e travay lo sa bann sityasyon.

Mr Speaker mwan mon, pour vot an faver sa Mosyon.  Akoz i pa kapab, i pa kapab annan, parey in ganny dir 2 Lalwa ki pe adres menm sityasyon ki devan en Lasanble, me selman nou vwar Egzekitiv pe fer pase en sityasyon ki ilegal dapre nou Konstitisyon.  Nou pa kapab toler sa.

Nou en Lasanble serye.  Nou’n en Lasanble ki’n toultan mentenir ki nou pa en Daycare.  Nou en Lasanble ki anvi travay, ki anvi met pep Seselwa avan tou.  E se sa nou, nou anvi Mr Speaker ki tou Seselwa, tou Seselwa san eksepsyon i benefisye egalman avek sa 62milyon.  Mon sir ki en dokter, letan nou pour koz ek li, nou pour eksplik li, i pour konpran, en Ziz pour bezwen konpran.

Onorab Pillay i dir ek nou, kekfwa en dimoun i kapab anmenn sa Ankour.  Be ozordi eski nou pour kapab anmenn Ankour devan Ziz ki la?  Nou pa pour kapab.  Akoz li i oule ganny son 5poursan.  I pa oule.

 

(Interruption)

 

HON FLORY LARUE

(Off-Mic)

Taler pa ou’n koze ou misleading.

 

(Interruption)

 

 

MR SPEAKER

Non, non.  Mon pe ekoute.  Mon pe ekoute, mon pa ankor krwar in cross the line pour li impute.  I pa pe kestyonn the conduct of a Judge and all that, not yet, not yet.  Onorab kontinyen, Onorab kontinyen.

 

HON CLIFFORD ANDRE

Mersi Mr Speaker.  Mr Speaker mon pa’n kestyonn conduct okenn Manm Zidisyer!  Mon’n dir avek ou par lefe ki tou dimoun enkli Zidisyer i pour benefisye ek en 5poursan.  Si i annan en case an referans avek sa.  Definitivman i ava conflict of interest.  Conflict of Interest letan mon annan en lentere.  Si mon, si mon, wi se sa ki mon pe dir Mr Speaker.

Alors, alors i enportan ki nou, nou koman bann Lezislater serye ki i annan lentere pep Seselwa aker, nou pe demann zot e nou pe enplor zot ki poudir nou lo kote LDS nou pe dir nou pa oule sa logmantasyon dan nou saler.  Nou oule partaz sa logmantasyon avek pep Seselwa!

 

(APPLAUSE)

 

HON CLIFFORD ANDRE

Mon, mwan oule partaz avek pep Seselwa egal, egal.  Onorab Pillay, Onorab Sebastien Pillay si ou pa oule fer sa, ouswa ou kapab vot kont sa Mosyon.  Mon mwan pour vot an faver sa Mosyon pour quash ki konsidere koman ilegal, iresponsab e pep Seselwa i bezwen konn sa.  E anba Konstitisyon i V. O. I. D  –VOID!

 

 

(APPLAUSE)

 

HON CLIFFORD ANDRE

Mr Speaker avek sa detrwa mo – menm si mon 5 minit an retar, mon oule dir avek Loter Mosyon ki mon koman Reprezantan Elekte pour Anse Aux Pins kot nou annan bokou, bokou zabitan ki pour kontan ganny menm logmantasyon avek mwan, mon oule dir ki mon pour touzour siport zot mon bann zabitan e mon pour partaz bann byen ki i annan avek zot!  E avek sa Mr Speaker mon pour siport sa Mosyon.  Mersi.

 

(APPLAUSE)

 

 

MR SPEAKER

Mersi Onorab Andre.  Bon parey mon’n anonse, nou pour adjourn debate lo Mosyon la, me nou pour sit ankor demen bomaten 9er pour nou tackle sa Mosyon.

Mon annan mon krwar 4 Manm ki reste lo mon lalis, e mon ava pas sa lalis. Bon demen, wi lalis in fermen.  Demen bomaten mon ava pran sitting.  Ok?  mon ava kontinyen avek deba e mon ava zis fer sorti lekel Manm ki mon annan lo mon lalis.  Mon annan Onorab Audrey Vidot, Onorab Simon Gill, Onorab Charles De Commarmond, Onorab Bernard Georges, e apre mover Mosyon i ava annan son Right of Reply.  Ok? So, vwala.

Non, non, i annan Manm osi ankor lo kote isi ki’n lev lanmen ki mon pa’n pran, mon’n fini ferm lalis.  Wi, non, nou pa pe ouver e mon zis averti bann Manm osi tou ki pour entervenir so far tou bann Manm ki pe entervenir zot pe servi apepre 15 minit pour zot entervansyon.  E mon pour restrikte apepre sa.  Akoz mon annan drwa desid lo lakantite letan ki mon donnen.  Mon averti zot nou pour tenir zot apepre 15 minit pour nou kapab dispose of sa Mosyon demen avan mon ale. Ok?  So …  Wi Onorab Vidot.

 

HON AUDREY VIDOT

Mersi Mr Speaker.  Pa lo sa size, mon respe  ler deba …

 

MR SPEAKER

Yes go ahead.

 

HON AUDREY VIDOT

… ou Ruling.  Mr Speaker pli boner letan mon ti lev mon matter of privilege an referans avek en Mosyon ki lo Order Paper lo mon size.  Mon ti oule met zis dan laklerte pour piblik konnen poudir Onorab Vidot pa’n met Mosyon pour tir dimoun, pour pous dimoun dan lakaz li.

 

(laughter)

 

HON AUDREY VIDOT

Akoz i annan dimoun, mon pe ganny mesaz apre ki mon’n fer sa komanter.  Mon annan mesaz sorti kot dimoun ki pe demande, an tou leka letan mon pe koz Regilasyon, nou Roche Caiman nou pa soutir dimoun fer trafik drog dan lakaz.  So…

 

(Interruption)

 

MR SPEAKER

Order!  Order!

 

HON AUDREY VIDOT

Letan mon ava debat lo mon Mosyon dimoun i a konpran vreman ki mon’n dir.  Mersi Mr Speaker.

 

MR SPEAKER

De toute façon Onorab – de toute façon mon pa konnen  – Onorab Vidot mon  konnen Order Paper in sorti in vin an piblik and all that, me nou pa ankor pran Mosyon e manm piblik osi tou pa ankor vreman konnen  ki ou lentansyon deryer sa Mosyon. So ou ava state ou lentansyon once ki ou prezant ou Mosyon.  Ok?  Ou ava eksplik ou. Bon nou ava adjourn e nou repran nou travay demen 9er bomaten.

 

ADJOURNMENT