::
Home » Verbatim » 2019 » Wednesday 20th March, 2019

Wednesday 20th March, 2019

NATIONAL ASSEMBLY OF SEYCHELLES

Wednesday 20th March, 2019

 The Assembly met at 9am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab.   E bonzour tou dimoun ki a lekout e pe swiv travay Lasanble Nasyonal.  Yer nou ti sispann nou Biznes pou ozordi bomaten, dapre nou Standing Orders nou kontinyen avek PNQ pou Minis responsab pou Touris, Lavyasyon Sivil pou e La Marin.

An vi ki nou annan en Revised Order Paper devan nou, e nou bezwen fer lezot pti travay avan nou repran, mon pou egzers Standing Order 95 ki a permet mwan fer sa e sa i a permet nou pran Biznes ki lo Revised Order Paper bomaten.

Mon ava pas zis en pti kou lo Revised Order Paper. Nou pou annan en Administration of Oath of Allegiance pou en Manm proporsyonnel ki sorti lo Parti United Seychelles.

Avan nou pou kontinyen avek PNQ, mwan osi tou mon pou lir en Right of Reply ki mon’n gannyen ki sorti kot Mr Bernard Sullivan.  E apre sa the Chair of IAC i pou lir en pti mesaz from the Committee lo lokazyon Lazournen Francophone e lasemenn Francophone ki konmanse ozordi.

Zis apre ki nou pou pran le nouvo Manm pou pran Oath of Allegiance, nou pou pran en pti adjournment zis pou IT avek lezot travayer reset Chamber  pou nou kontinyen fer nou travay.  

So toudswit mon ava demann Parliamentary Reporter pou appel Mr Johan Loze ki sa nouvo Manm parti US ki pou ranplas Onorab Basil Hoareau.  Mr Loze ou ava pran ou plas devan lo progranm e Madanm Clerk i ava administre the Oath of Allegiance.  Mon ava demann bann Manm Lasanble pou debout.  Madanm Clerk go ahead.

 

MR JOHAN LOZE

I Johan Loze do swear that I will be faithful and bear true allegiance to the Constitution of Seychelles and that I will preserve protect and defend the Constitution of Seychelles.  So help me God. 

 

(APPLAUSE)

 

MR SPEAKER

Bon Onorab Johan Loze i ava pran son seat.  Onorab Loze bonzour e mon swet ou labyenveni dan 6enm Lasanble Nasyonal.  Ou pe ranplas sa Manm ki’n sorti dan United Seychelles.  Welcome dan Lasanble Onorab.

Bon avek sa nou ava pran en pti adjournment maybe 5minutes.  Ok nou ava pran en pti adjournment i kapab pran apepre en 10 – 15minit zis pou nou kapab fini sort out.  So nou ava adjourn annou dir nou repran 9.30 ?  Ok.

 

 

(BREAK)

 

 

MR SPEAKER

Bon nou ava kontinyen nou travay kot nou ti kite.  Yes Onorab Ernesta.

 

HON PAUL ERNESTA

Mersi Mr Speaker.  Mr Speaker tou bann koleg bonzour.  Mr Speaker mon anvi zis mont avek en matter.  Pli boner pe fer Oath of Allegiance – point of order anba Order 36.  Letan ti pe Oath of Allegiance pou Onorab Loze ou ti donn en order ki tou dimoun debout, pou nou pran sa Oath of Allegiance, me mon’n vwar ki LDS lot kote latab, zot in violation of sa order ki ou’n donnen, kot zot pa’n debout – zot in reste asize, mon ti a kontan zis point  sa out e ou  pran aksyon neseser.  Mersi Mr Speaker.

 

MR SPEAKER

Mersi.  Mon  ava fer Ruling lo sa pwen ki Onorab Ernesta in leve.  Bon mon ler mon sorti dan Break la, mon’n fer en pti pe mon resers i annan en presedans ki’n ganny kree.  Mon demande ki Manm i debout pou fer ler nou pe pran Oath of Allegiance, me mon pa fors Manm debout – ok ?

Presedans ki’n ganny dir se dan 3enm Lasanble ler Madanm Annette Georges ti prêt serman bann Manm parti SPPF ti refize debout.

 

(Interruption)

 

 

MR SPEAKER

So ….

 

(Interruption)

 

MR SPEAKER

Order!  Order!  Order! So se sa rezon ki mon ler mon’n ale dan Break la mon regarde ki mon pa pou kapab fors anything pou le moman – ok ?  So vwala mon Ruling lo la.  Alright ?  Nou pa pou ouver ankor sa lo la. Ou’n lev sa Point of Order mon‘n zis dir ki rezon ki mon pa kapab fors okenn Manm.  I pa – i en prosedir ki i normal ki nou debout ler en Manm pe sermante, me i pa en keksoz ki dan nou Standing Orders.  Ok?

Bon nou ava kontinyen avek nou travay.  E parey mon ti dir bomaten, nou annan en Right of Reply swivan matter of priviledge ki’n ganny leve yer par Onorab Simon Gill, e ki ti mansyonn non Mr Bernard Sullivan.

E dapre Lartik Konstitisyon 102(6) Mr Sullivan in demann mon pou lir son Right of Reply, me mon’n sirkil en kopi – mon krwar kot tou bann Manm, mon pou lir selman sa bann morso ki mon’n highlight.

Alor Right of Reply i date lo 19 3enm mwan 2019

‘Dear Mr Speaker, as my name was mentioned in the National Assembly on the 19th of March 2019 I ask you to consider my right to reply.  In my post on Seychelles Daily i wrote if there was and we all know this is not the case and never will be, so the post is futile.  Just for the record i have never owned a gun and never will.  The attempt to link my post to the tragic event in New Zealand is irresponsible and caniving.  

        I totally denounce and condemned what happened in New Zealand.  It is important to let evrybody know how the post just came about.  I recently found out that on the 7th of March 2019 the Beau Vallon police was ordered to put myself and my residence under surveillance.  For me this is provocation.  I take note and will be more responsible on social media in the future. 

        Yours faithfully Bernard Sullivan’’. 

Ok sa i Right of Reply ki mon’n lir e parey mon’n dir mon lir zis bann bout ki mon krwar i apropriye pou nou pran dan Lasanble Nasyonal bomaten.  Bon avek sa nou pou al mon ava donn laparol Onorab Jean-Francois Ferrari dan son kapasite konman Chair Komite Zafer Etranzer.  Onorab.

 

HON JEAN-FRANCOIS FERRARI

Monsieur le Président, honorables membres de l’Assemblée Nationale, c’est avec plaisir que je prends la parole ce matin au nom de la Commission des Affaires Etrangères de notre Assemblée, pour marquer la journée internationale de la francophonie et la semaine de la langue française aux Seychelles.

L’Organisation Internationale de la Francophonie est aujourd’hui la plus importante organisation universelle après l’ONU. Outre le fait de ne plus regrouper que des pays exclusivement francophones, l’usage du français n’y étant plus le seul critère d’adhésion, elle se veut un véhicule pour répandre les valeurs d’humanisme universel, les droits des femmes, des minorités et des peuples brimés. La vraie francophonie se veut un espace de solidarité internationale agissante et réelle. Mais elle se cherche encore et c’est ensemble que nous la trouveront.

Parler français est, pour nous ici dans cette Assemblée, moins importante que de penser français. Penser démocratie, justice, équité et respect pour toute femme, tout homme, tout enfant et tout peuple.  Voila ce que nous choisissons : de prendre des enseignements qui nous arrivent de la patrie des droits de l’homme et non pas simplement vivre une relation ou nous seront simplement les lointains petits cousins de ceux qui décident a notre place.

Nous, membres de cette Assemblée, militons pour la pratique d’une belle langue à rayonnement internationale que l’histoire de notre pays nous a léguée et que nous avons choisi d’aimer mais en même temps que nous refusons de subir. Nous vivrons le français et la francophonie chaque jour ou nous nous sentiront respectes dans nos choix. Si la francophonie de demain se veut et sera vraiment universelle, elle n’appartiendra plus seulement à la France, au Canada et à la Belgique. Elle sera une de nos langues nationales que nous utiliserons au quotidien et qui devra faire vivre les échanges économiques et culturelles entre nous-mêmes et dans notre région, l’océan Indien.

Je vous invite donc à vous joindre à moi pour célébrer la Francophonie, pour « préparer cette Francophonie de demain » et continuer de faire en sorte que la diversité des cultures des pays francophones soit un facteur de dialogue, de respect et de paix au service du développement de tout les pays et des peuples qui ont le français en partage.

Je vous remercie.

 

MR SPEAKER

Mersi Onorab Ferrari.  Yes Onorab Simon Gill.

 

HON SIMON GILL

Bonzour Mr Speaker.  Mersi bokou Mr Speaker.  Mr Speaker mon pe fer referans avek sa Right of Reply.  E nou annan – mon pa pe al fer okenn …

 

MR SPEAKER

Fer ou pwen.

 

HON SIMON GILL

… mon pa pe pran en gran speech lo la.  Me Mr Speaker …

 

MR SPEAKER

Onorab ti lev matter of privilege mon ava zis donn li laparol.  Onorab vitman.

 

HON SIMON GILL

Mr Speaker mon krwar en fraz ki’n ganny servi dan sa Right of Reply, mon krwar i pa apropriye.  Akoz mwan dan Sesel …

 

MR SPEAKER

Onorab mon pou aret ou la.  Eski en fraz dan sa ki mwan  mon’n lir ?

 

HON SIMON GILL

Non.

 

MR SPEAKER

Me si i pa dan sa ki mwan  mon’n lir i pa an relevan.  I relevan se sa ki mwan …

 

HON SIMON GILL

I relevan sa ki ou’n highlight la lo papye la kot nou la.

 

MR SPEAKER

Sa ki mon’n highlight se sa ki mon’n lir.

 

HON SIMON GILL

Yes,  in dir  ‘’irresponsible and conniving.’’

 

MR SPEAKER

Conniving.

 

HON SIMON GILL

Ou dir – pronons li mannyer zot oule – ok?  Mr Speaker if we had the rights to kill I would definitely take a few lives

 

 

MR SPEAKER

Non, non, non, non.  Out of order. 

 

HON SIMON GILL

…. with no regrets ….

 

MR SPEAKER

Onorab Simon Gill out of order!  Ok?  This is the end lo sa size – lo sa matter – ok ?    Si ou point of order ti lo sa ki  mwan mon’n lir, the Chair i annan ziridiksyon lo en  Right of Reply.  Parey lezot in vini avan, i annan serten keksoz ki mon pa kapab lir – i pa pou konsonpsyon Lasanble e manm piblik deor.

Mon’n lir dapre led konsey legal ki mon’n gannyen osi tou – mon’n lir sa ki fodre.  Mon pa pou take matters ki mon’n kit ater.  Ok ?  So nou pou end – end of subject Onorab.  Non, non, non, non.   Onorab end – matter

 

 

 

 

(Off-Mic)

 

MR SPEAKER

Non mon pa pe entertain ankor – mon pa pe entertain.  Matter is closed.  Ok?   Nou ava prezan nou ava retourn lo nou Biznes kot nou ti été yer e mon ava demann Parliamentary Reporter pou apel Minis Dogley avek son delegasyon.  Mon ti a kontan osi tou enform le 2 Whips avek zot Deputy Whips ki 10.30 nou pou annan en miting spesyal ABC.  Ok? 10. 30 dan Speaker’s Conference Room nou pou annan en miting ABC.  Yes ale Onorab Ferrari.

 

HON JEAN-FRANCOIS FERRARI

Yes Mr Speaker.  Ou ti ava rapel ki yer nou’n demann serten dokiman travay pou nou kapab – me nou pa’n mon pa ankor ganny sight sa dokiman.  So mon ti ava kontan ler delegasyon i antre, ki ou kapab demann zot si zot kapab soumet sa bann dokiman.

 

MR SPEAKER

Wi.  Nou osi Sekretarya nou pa ankor gannyen.  Mon pa okouran ki – Madanm Clerk ?  Non nou pa’n gannyen.  Ok? Nou ava regarde.  Nou ava demann Minis si i annan sa bann dokiman i available.  Mon deza annan en lalis bann Manm ki mon’n pran yer ki mon demann kestyon Minis, me petet zis pou konmanse an vi ki nou demann Minis pou vin avek plis lenformasyon mon ava demann loter kestyon – Onorab Ramkalawan si petet i annan okenn kestyon avan ki oule demann Minis.

Wi tou bann Manm ki lo mon lalis an vi sa bouyman yer, mon pou retourn lo zot ankor – ok ?  Pa trakase mon pou retourn lo zot.

Bon mon ti a kontan dir bonzour e welcome Minis Didier Dogley Minis responsab pou Tourizm, Lavyasyon Sivil, Por e La Marin.  E Minister i akonpannyen par son PS Mr Allen Renaud e CFO Chief Financial Officer Air Seychelles Mr Michael Berlouis.

Minister avek ou delegasyon bonzour e welcome ankor enn fwa dan Lasanble Nasyonal.  Mon ava prezan pas – petet zis avan nou al lo kestyon Minis ti annan en request yer pou serten dokiman ki ti ganny fer par Lasanble, eski ou pare pou provide sa bann dokiman oubyen fir an mezir nou ava ale nou ava ganny sa bann dokiman ?  Minister.

 

MINISTER DIDIER DOGLEY

Mersi Mr Speaker.  Bonzour tou bann Manm Onorab e tou dimoun ki pe ekoute dan lakour.  Mr Speaker premyerman mon ti a voudre remersi ou e Lasanble pou aksepte ki bann teknisyen – bann eksper, CFO Michael Berlouis e osi PS Alain Renaud i ganny loportinite pou eksplik bann keksoz pli an detay. Akoz at the end of the day nou ti a voudre ki sa bann dimoun i ganny sans pou ganny bann lenformasyon ki korek, e lavyasyon i en keksoz ki tre teknik, e i pran en kantite lannen pou en dimoun pou kapab konpran egzakteman ki mannyer bann keksoz i fonksyonnen.

E alor avek sa bann ekspertiz mon krwar nou ava dan en pli bon pozisyon pou donn sa Lasanble bann lenformasyon ki zot ti pe rode.  Yer ti annan plizyer kestyon ki ti’n ganny leve.  Ti annan sa kestyon si Air Seychelles in faid ou non. E osi   ti annan bann-

 

MR SPEAKER

Minis, zis mon a pe regarde si bann dokiman ki’n ganny demande yer, si i available oubyen  si ou pou fer available pli tar, avan nou konmanse ? Akoz mon anvi ki nou al dan prosedir byen e mon pou fer ki nou al dan Committee Stage. Nou pa ankor ariv sa staz.  I annan bann dokiman ki Onorab Ferrari in demande yer de lapar Lasanble.  Si non nou pou kontinyen avek kestyon nou until-

 

MINISTER DIDIER DOGLEY

Konprenezon ki nou’n ti gannyen Mr Speaker, se ki nou anmenn bann lenformasyon isi bomaten.  E CFO in amenn tou bann lenformasyon finansyel avek li, dan en fason ki i kapab donn tou bann detay ki bann Manm Onorab ti pe rode.  Aprezan si zot le apre nou kapab print e donn zot kopi sa bann dokiman.  Mersi.

 

MR SPEAKER

Dakor zis on a fer pti prosedir la mon ti a kontan ki Sergeant i move Mace.  E anba mon direktiv Lasanble i bouz dan en Staz Komite.  Sa i ava permet ki le de teknisyen ki akote Minis, zot ava osi kapab dan en pozisyon pou reponn kestyon.  Eski nou dakor ki nou kontinyen apre nou ava antre an kestyon?  Ok Minis ou a kapab kontinyen e dir mon ler ou CFO avek ou PS osi tou entervenir zot kapab a sa staz la.  Go ahead Minister.

 

MINISTER DIDIER DOGLEY

Mersi ankor Mr Speaker.  Parey mon dir ti annan plizyer kestyon ki’n ganny souleve yer.  I annan sa kestyon ki zot ti pe dir i annan konfizyon ki o sa 30 e 35milyon ki Mr Lalanne ti koz lo la an 2018, ki annan pou fer avek bann det ki Air Seychelles ti’n gannyen pandan 2017 e si ti annan en konfizyon ant sa ki mon pe dir, akoz zot ti pe dir poudir zot in fini ganny write-off sa mon ava demann CFO pou klarifye.

E osi ansanm avek sa kestyon insolvency ki yer kestyon ti demande sa soz in fait.  Me mon krwar  an zeneral sa ki nou bezwen ganny en konpran, se ki stratezi e vizyon Air Seychelles, ler i ti ganny kree an 1983 i ti an lorganizasyon ki ti ganny kree pou siport lekonomik devlopman Sesel – sirtou son tourism industry.  E si oule parey mon dir  an Angle i en insurance policy e se li ki pli plizoumwen ki ler British Airways ek Air France dan lepase ti pull away, ti pull out se Air Seychelles ki nou ti vwar pe kontinyen pe anmenn touris isi Sesel.

Alors sa rol insurance policy e soz, i tre enportan ki sa i kontinyen e ki nou kontinyen donn sa sipor sa lakonpannyen, ki’n zwe en gran rol dan devlopman touris e lekonomi Sesel.  Alor mon ava pas si oule avek ou permisyon Mr Speaker, mon a les Mr Michael Berlouis CFO donn bann detay finansyel ki bann kestyon ki bann Onorab ti demande yer.

 

MR SPEAKER

Mersi Minis.  Mr Berlouis laparol i pou ou.

 

CHIEF FINANCIAL OFFICER MICHAEL BERLOUIS 

Mersi Mr Speaker.  Pou reponn en bann sa bann kestyon I think i pou … Right pou eksplik kote nou été ek Air Seychelles ozordi, mon krwar i pou dan benefis tou Manm, si nou eksplik en pe nou plan ek nou stratezi 5an.  I ti konmanse an 2018 ok ?  Nou kapab provide bann Manm si zot pa ankor ganny kopi financial stetment pou Air Seychelles pou 2017.  Right.  2017 i dernyen odit ki’n ganny fer lo Air Seychelles.  Nou’n fini dan met lo nou fini konmans prosedir pou fer odit pou 2018.  Bann oditer sorti Abu Dhabi ti KPMG ti la, mon krwar  zot dernyen travay ti last week alright ?  E nou on track pou provide sa odit report kekfwa dan quarter 2 of this year – ok ?

Now pre so annou konmans 2017.  2017 Air Seychelles ti fer en loss lo son financial stetment $14.3milyon  -right selman pa egzakteman parey Mr Ramkalawan ti dir yer Minister Lalanne at the time ti dir poudir Etihad pou write-off $34milyon – ok?  Sa stetment i korek. Ok?

An 2017 Etihad ti provide led ek Air Seychelles lavaler  $34milyon ki’n write-off akoz Etihad i both en supplier avek en shareholder Air Seychelles, i pran sa bann invoice supplier ; savedir par egzanp bann invoice maintenance  reserve e bann invoice ki nou dwa pou lease avyon ek Etihad zot write sa bann zafer off.  Letan zot fer sa i vedir ki sa write-off i al dan nou income stetment.

I pa vin en kontribisyon as en shareholder i vin dan nou financial stetment en kontribisyon ouswa en write- off from en supplier.  Savedir sa lenpak sa 34milyon, i al direkteman lo sa 14.  Savedir si ou anvi get Air Seychelles as en lakonpannyen, san entervansyon okenn shareholder Gouvernman ouswa Etihad ,2017 nou ti pou perdi anviron $48milyon  – right?  E i la kot ou vwar akoz Air Seychelles ti bezwen reste re structure.  Akoz en pert $48milyon i pa soutenab ni pou Etihad ni pou Gouvernman ouswa Air Seychelles pran lo li menm. Right?

So restriktirasyon ti konmanse Desanm 2017 – Zanvye 2018,  Plan i ti pou nou premyerman pandan 2017 nou ti fini koup Dusseldorf, selman sa avyon 330 ti still avek Air Seychelles an Desanm, nou ti  pou premyerman pran sa avyon pou rod en lessor e basicaly get rid of sa avyon.

Dezyenmman an Desanm ouswa Novanm  –JUNE ti anonse ki li i pou pran sa larout Paris e i pa pou konper ek Air Seychelles.  Actual fact, i pou met son bann flight direkteman on top of nou bann flight Paris.  Ki ti vedir once ou annan en larout Paris ki deza i pe struggle  – deza i pe perdi larzan – ou annan en lakonpannyen parey Air France, ki aprezan pou vin lo larout pou compete ek Air Seychelles,  Air France i annan en ta plis distribution power Lerop, i pa fer sans.

Air Seychelles pa ti pou kapab lo en larout ki pe struggle, compete avek Air France.  So nou ti fer sa desizyon pou tir sa 2enm A330 fer redundancy – right, e koup tou bann larout intercontinental e vin en – e plan pou vin carrier ki focus pou rezyonal.   Alright?

Menm si sa bann desizyon ti ganny fer – alright an Zanvye 2017 (sorry Zanvye 2018) i pran letan pou enplimante.  Premyerman nou pa ti anvi termin Paris an Zanvye avan JUNE i konmans son bann loperasyon, akoz menm si sa bann flight ti pe perdi larzan, lenpak lo lendistri tourizm Sesel, ti pou plis ki sa pert ki nou ti pe fer lo sa bann flight.

         Savedir nou ti pran en desizyon ansanm ek bann shareholder, pou kontinyen operate Paris, ziska ler ki JUNE ti pou take over sa larout – letan June i take over sa larout nou bann pasaze nou transfer lo June.  E lekonomi – i annan en lenkonvenyans avek pasaze, akoz i annan re timing, selman nou toultan nou mentenir sa link direk avek Paris during sa transition – ok ?

During the first half of 2018, nou’n succesfully redeliver tou lede avyon avek Fiji Airways – ok ?  Sa de avyon letan zot ti ek Air Seychelles, zot ti pou napa larout pou fer akoz napa Dusseldorf, nou napa Paris, nou ti pou zis met zot lo kekfwa enn de flight Mumbai enn de flight Johannesburg, pou anmenn cargo.  I pa fer sans pou kit sa de gro masin asize lo Erport.

Akoz sak masin i kout nou anviron $800, 000 tou le mwan.  Sa lease i 555,000  -selman on top of sa i annan en fix maintenance reserve, pou ki nou bezwen peye, menm si nou pa pe servi avyon – alright ?  Sa i bann kou ki pou al pou maintenance masin ki tou airline i bezwen peye – ok ?  So nou ti pou fer sa swa pou nou pa kapab afford sa 2 masin nou bezwen tir zot.   Ok?   Tir zot – marse pa ti bon sa letan, selman nou’n –  ek led Etihad nou’n kapab war en nouvo lessor Fiji.

        Fiji in agree – li i pou pey tou son bann maintenance reserve, akoz li ki pe servi avyon.  I pou pey en lease selman i pa ti pou pey nou rate 555 ki nou’n ti’n gannyen dan 2012 – ok ?  Fiji in agree avek en rate mon krwar 270 e sa diferans between sa rate ki nou, nou sipoze pey Etihad ek sa nouvo rate, ki nou, nou’n bezwen lease sa avyon out, right – i vin 222,000 per aircraft per month – alright ? 

So i vre i en gro kou ki Air Seychelles ozordi i ankor pe peye, e pou kontinyen peye ziska 2020 ek 2021, letan sa bann original lease i expire.   Right? Swa ki nou ti bezwen fer, i swa nou kit sa bann avyon la, e nou pey 800 ouswa nou donn Fiji e nou pey 222 Right?  Menm si i en gro sonm ok?  Right?

Apre ki nou’n fer redundancy ; apre ki tir sa 2 masin, i vin 2enm faz sa restructuring ki la nou ladan.  Ladan nou rod 2 nouvo avyon A320neo.  Sa bann avyon i apepre menm groser si ou get zot ek sa 2 avyon ki nou currently annan.  Selman sa 2 avyon ki nou annan la, zot annan 16an.  Ki vedir poudir zot pe load, zot performance i pa as good as en nouvo avyon  ki ou pe gannyen sorti dan factory la.

Apre zot maintenance record ki nou konnen, i annan detrwa disruption ki pe arive and we apologies for that.  Selman nou demann piblik ek nou bann customers, to please bear with us, ziska ler sa 2 nouvo masin i vini.  Alright?    Nou’n kapab secure sa 2 nouvo avyon.  Nou’n fer li direkteman avek bann lessor.

Savedir olye ki avan nou ti pe toultan fye lo Etihad, to nou bann lease avan ti ek Etihad, apre Etihad ki al rod avyon pou nou, la sa 2 Kontra i direkteman avek sa bann lessors ek nou.  Ok?   Sa 2 avyon once zot pou vini, pli gran keksoz ki pou sanze  from a financial prospective i sa bann avyon zot bril mwens karbiran.    Right?

Zot bril apepre 18percent les karbiran ki sa bann CEO ki nou annan konmela.  I vedir ki ;

Enn nou pey les pou karbiran ki pli gro kou en airline. Nou pey  less pour  maintenance, akoz i avyon nef, so  i bezwen less maintenance. Right?  Nou pey plis pou sa lease .  Sa i vre. 

 

(Off-Mic)

 

CHIEF FINANCIAL OFFICER MICHAEL BERLOUIS

Mon bezwen gete 300 something – alright?

Nou pey plis pou lease. Selman letan ou met sa ogmantasyon lease e avek sa saving maintenance – avek sa saving karbiran i vin menm kou.  Alright?  E ou pou kapab demann ou kestyon, then so akoz ou rod nouvo avyon si i pa redwir kou?

Gran  keksoz ki arive is letan ou redwir kantite karbiran ki ou brile lo sa avyon, nou kapab increase ki kantite dimoun ki nou met lo avyon.  Alright?  Par egzanp ozordi lo en flight Joburg kekfwa bann dimoun ki al Joburg zot in notice sa, nou avyon zanmen i plen.  Menm si i sold out, nou avyon zanmen i plen.  I akoz en flight sorti Joburg, akoz Joburg i bann tanperatir o avek son laltitid i o, i vedir poudir sa avyon pa kapab – nou pa kapab met 136 dimoun lo sa avyon – take off vin Mahe, annan ase karbiran pou nou al  Nosy Be Madagascar in case of a diversion. Right?  

I vedir  poudir nou bezwen give up some nou pay load pou anmenn karbiran in case nou bezwen divert.   E en fwa tou le 3an nou bezwen divert me selman tou avyon preski tou nou bann flight, nou bezwen anmenn sa margin akoz pou nou safety i premyerman priyorite – ok?

Once ou bril less karbiran i means ki ou kapab menm si tou avyon i menm parey, lo Joburg olye pran konmela lo sa menm avyon  ou pran 116, nou kapab pran 156 dimoun – sak vol.  Savedir ou annan en cost base ki menm parey ki en pe konmela, ou pe pey en pe plis lo lease – ou pe save lo karbiran – ou pe save lo maintenance, selman ou kapab vann plis seat.

E nou konnen par egzanp en marse parey Moris kot nou pa kapab increase frequency, akoz i annan bann restriksyon ant le de pei.  Right?  Kot Joburg kot nou konnen ozordi, nou pe perdi trafik avek Ethiopian avek Kenyan – sa marse i la.  Once nou kapab met sa bann seat sirtou lo peak, nou pou kapab ranpli zot.  E nou’n vwar letan nou ti pe met  A330 lo sa bann larout, letan nou ti annan zot, nou kapab ranpli plis dimoun lo sa bann avyon.  Right?  Me selman tou sa additional revenue ki nou pou gannyen, i pou vin a menm kou.  E sa i dernyen faz restriktirasyon Air Seychelles  – ok?

Now in terms of outlook pou sa prosen 5an – parey mon’n dir 2017 was annou dir en terrible year – ok?  2018 i osi premyerman akoz i annan sa lefe Paris ki nou, nou’n deside pou operate pou 3mwan.  Nou annan en lot 3mwan ki nou still annan at least enn sa bann avyon, akoz nou pe fer prosedir nou pe fer bann checks – right – nou pe re condition li, Etihad pe finaliz li san avek Fiji  – right.  I pou en lot 3mwan pou nou tir sa bann avyon konpletman off our books.  Ok?        

So pou sa rezon – e dezyenmman menm si nou, nou pey Etihad  222,000 per month per aircraft tou le mwan,  ziska ler termination of sa bann original leases in 2020-2021 akoz nou napa sa asset. Ok?  Nou pe fer peyman selman nou napa okenn benefis – ok?  I zis en penalti ki nou bezwen peye.  Pou nou pey akoz nou fini siny Kontra pou pey sa bann penalti, nou bezwen pran dan term accounting i apel en ‘’onerous contract – right? I vedir tou sa bann larzan ki peye ou bezwen pran li as en pert letan ou siny sa Kontra.

Akoz ou’n fini ou’n komit ou lekor, ou pe al pey sa bann penalty  so  ou pa pou ganny okenn benefis – ok ? 

Savedir dan nou books dan 2018, nou bezwen pran en pert $12milyon – right – pou tou sa bann peyman ki nou, nou’n bezwen fer dan Etihad an 2018, 2019, 2020, 2021 – right ?  Once ou met sa premye 3mwan kot nou pe operate Paris ; sa 2enm 3mwan kot nou still annan gro avyon menm si i pa pe operate  Paris – ou met sa $12milyon.  Nou plan ti dir nou pou perdi apepre $43.5milyon dan 2018 ok ?  Selman apre because akoz sa i lannen nou pe restriktirasyon – e nou bezwen pran lamazorite sa bann kou restriktirasyon dan 2018 – ok ?

Going forward an 2019 zis nou fer en pert – ok?  Nou prozeksyon i met $8.4milyon sa i avan 6milyon Grant ki nou pe rod sipor Gouvernman pou kouver.  Savedir menm apre ki sa Grant nou still – nou forecast i still pou en loss  selman 2milyon konpare ek 40 – 45milyon sa bann lannen pase – ok ?   An 2020 – 2022 nou espekte sa loss i redwir pou ariv apepre $2.5milyon par an.  E sa i lo en baz operasyonnel.

So mon pa pe kont any contribution from shareholders.  Savedir once si ou met sa 2.5, Gouvernman i met i agree pou met sa 6milyon, i vedir poudir Air Seychelles i pou cash lo positive.  I pou montre en profi, me selman i pou nou konnen i pou annan en operating milyon ki Gouvernman pe donn 6milyon pou kouver – ok?

In terms of cash ; dan bann nou’n fini dir dan 2017, Etihad ti provide $35milyon pou kouver sa bann pert Dusseldorf, Paris  – an 2018 zot ti also provide 30milyon selman sa 30milyon i pa en write-off.

        So mon konpran sa kot konpetisyon konfizyon in vin en pe yer.  34milyon Etihad in donn nou an 2017 ti en write- off.  30milyon zot pe donn nou an 2018 – right – zot pe konverti sa an sa ki nou appel preference shares – ok, i bezwen vin en preference share akoz Etihad pa kapab annan plis voting rights dan Air Seychelles.

Savedir, selman zot bezwen en fasilite pou zot met sa 30milyon, zot met li as preference shares, ki zot, zot anvi – nou anvizaze repey sa 30milyon konmansman 2022 – 5milyon par an. E sa ki dan forecast.

Sa 30milyon i vin san lentere.  I vin ek sa grace period.  Keksoz ki Etihad in demann Air Seychelles – in demann ek Gouvernman, i anvi en garanti poudir letan i donn sa 30milyon, i pa vin parey son 34.  I pa pe zis zet larzan.  Nou pou kapab konmansman an 2022 repey li sa 30milyon – ok ?

Apre lot keksoz ki nou annan dan nou forecast i par egzanp parey Prezidan Faure in dir, 6milyon kontribisyon from Gouvernman Sesel par an, konmansman 2019.

In terms of loans a lafen 2018, nou annan $80million worth of loans – right?  $71million i 2 Bond  spesifik ki nou ti pran ansanm avek Etihad Airways group.  I pa sa larzan ki nou dwa Etihad.  Me selman i larzan ki Air Seychelles in pran as part of sa group lakonpannyen.

Savedir Air Serbia i pran en pe – Etihad in pran en pe – Air BerlinAlitalia zot osi zot in pran en pe ; Jet Airways in pran en pe.  Sa Bond ansanm mon krwar ti vin $5milyon – half a billion dollars.  E Air Seychelles akoz i ti pti lakonpannyen dan group, li ki ganny pli pti morso – ok?  Larestan sa balans i vin en loan shareholder from Etihad, ki nou’n servi pou aste 2 twin otter, ki nou pe repeye – ok?

I enportan pou note at this point, ki sa lentere lo sa bann Bond box, i signifikan – ok?  Lentere i 7.06percent ki vedir lo 71million nou pe pey apepre $5milyon par an, zis lentere.  Ok?  Savedir apre akoz i en Bond, i vedir poudir i pa en loan ki amortize ;; savedir sak fwa nou peye, nou pey sak fwa nou peye tou le quarter nou pey lentere nou pa pey principle.  Sa premye Bond i mature dan 2020 – 21milyon ; 2enm Bond i mature 2021 – 50milyon.

Dan tou nou bann prozeksyon, nou, nou’n assume pou dir nou ek Etihad as a group, nou rollover sa bann Bonds.

Savedir nou pou repey en Bond – 21milyon nou pran en lot Bond 21milyon – ok ?  E nou kontinyen pey sa lentere menm si i o.  Ok ?  Nou annan serten diskisyon ki nou pe sey fer avek Minister ek Minis Tourizm, pou gete si nou kapab olye nou rollover sa Bbnd avek Etihad, ganny en lot striktir ki kapab redwir kou lentere, akoz 7poursan i gro lo sa amount.

E dezyenmman si nou kapab met li dan en striktir ki amortize ; savedir olye pey zis lentere tou le mwan, ki nou napa en option, menm si nou ti annan larzan nou pa kapab repey sa bann Bond.  Nou bezwen fer zis lentere, akoz sa striktir i koumsa.  Ki nou a kapab sey fer en loan ki amortize – kekfwa lo 10an ki nou a kapab pey lentere ek bann ki en pe pli ba e sa diferans nou met towards principle, so nou kapab konmans tackle 71million e pey zot down parey nou pe fer avek sa shareholder  loan – ok?

In terms of the balance sheet mon krwar en kestyon ki ti raise yer i si Air Seychelles ozordi i insolvent ? Pou mwan kareman i non akoz insolvency i en keksoz ki very specific anba Lalwa, – right akoz nou annan Insolvency Act Sesel.  E nou’n fini depi 2017 rod legal advice, ki spesifikman dir nou pandan ki sirkonstans ki Air Seychelles i kapab ganny deklare insolvent – ok ?

Ozordi nou pe pey tou nou bill on time – ok ?  Nou annan cash dan labank – tou invoice ki vini ki  pa sorti kot en shareholder – (I’ll tackle that in a minute)  ki pa sorti kot en shareholder nou peye.  Si mon annan any suppliers ki kekfwa ki kekfwa nou’n ganny en dele letan, kekfwa i administratif en dimoun in bliy en invoice dan  son mail box ouswa dan son desk, mon appologies – right – be tou invoice as they come due nou peye – ok?  The only eksepsyon ki nou annan i avek Etihad.  Akoz Etihad i konnen avek sa bann pert, i konnen poudir nou annan en plan 5an e during sa 5an nou bezwen en pe plis led, so Etihad i pa chase nou lo son bann invoice.

Ki nou fer selman pou nou kapab kit sa relasyon ase komersyal, pou nou pey tou invoice Etihad ki vini sof 2 kalite.  Enn pou li sa avyon – enn pou maintenanc reserve. Larestan ler nou annan bann invoice engineering ki kekfwa nou vwar Etihad pa pe pey on time, i akoz nou bann engineers pou zot sign-off sa bann invoice, nou bezwen additional documentation.

E tan ki zot pa ganny sa bann documentation from group engineering Etihad zot pa ankouraz sa bann invoice for payment.

E sa pou mon i en dele procedural e plito mon dele peyman of invoice e nou fer sir nou pe pey bann korek amount ki nou pe invoice Etihad an avan – ok ?  So tou suppliers  i pe ganny peye.  Napa okenn dele letan.  Nou pa pe stretch okenn creditors – ok ?  The only one i bann invoice avyon maintenance reserve avek lease   ki nou pe hold back from Etihad as a shareholder ki within the frame of sa restructutring plan nou pe tackle – separeman.  Ok ?

 

MR SPEAKER

Mr Berlouis nou a kapab aret la e al lo kestyon.  Onorab Ramkalawan.

 

HON WAVEL RAMKALAWAN

Mersi bokou Mr Speaker.  E bonzour tou dimoun.    E bonzour Minis avek ou delegasyon.  Mr Speaker bann lesplikasyon ki’n ganny donnen i ok. I ok.   Mon anvi demann sa bann kestyon swivan ; eski Minis i kapab dir avek nou si i annan en lagreman ki’n deza ganny sinyen ant Gouvernman avek Etihad pou ground handling an relasyon avek sa subsidary company ki pe formen?  E si wi eski nou kapab ganny en kopi pandan sa sesyon dan Lasanble?

Ki savedir preferencial shares?  Eski sa nouvo lakonpannyen ki’n fini formen in ganny en license, akoz Air Seychelles li i pa bezwen okenn license parey Minis in dir nou yer pou li operate?  Air Seychelles i ganny en permi anba SCAA pou li operate pandan  tou sa bann lannen – i pa bezwen okenn license.

Eski Minis i kapab onnetman dir nou ki pe arive avek sa zafer ground handling?  Si ofet sa ki pe arive la, se pa en fason pou ki ground handling i ganny taken over by Etihad e ki finalman se nou Erport ki pou ganny taken over. 

E la mon a dir Mr Speaker mon pe nou pe nou lo nou kote nou pe donn tou sipor SCAA, pou ki SCAA pa donnen sa license pou sa subsidary, akoz zour i donn sa license nou dan Erport i dan danze ganny taken over egzakteman parey Erport Zambia pe ganny taken over la a ler aktyel!

Donn nou bann detay akoz nou enterese pou nou protez sa ki Sesel i annan.  Mersi bokou.

 

MR SPEAKER

Mersi Onorab.  Minister.

 

MINISTER DIDIER DOGLEY

Mersi Mr Speaker.  Mon ava donn en overall view apre mon a les CFO donn bann detay egzakteman kote i été avek bann diskisyon.  Parey in ganny dir yer e osi bomaten poudir i annan sa $30mil ki Etihad $30milyon sorry $30milyon ki Etihad in donnen pou finans bann det ki i ti annan an 2018.  An 2017 i ti donn 34milyon in write-off an 2018 in donn 30milyon ki lo nou behalf akoz nou ti napa sa larzan pou nou mete pou kapab Erport Air Seychelles pou li kapab kontinyen fonksyonnen e pou li kapab fer sa transformasyon pou sorti en international airline pou vin enn ki regional.  Alor i ti bezwen annan finansman pou li deal avek sa bann det ki ti deza egziste lo son liv.

Now Etihad dan mezir ki i ti a voudre ganny son larzan back ki in donnen e 2enm fwa, i ti demann Gouvernman pou donn li en garanti pou sa larzan dan en fason ki i kapab ganny sa larzan back.  E an 2017 ti annan sa ki apel en deeds of  waiver ki ti ganny agree avek sa lepok atraver Board i pou annan sa deeds of waiver konsernan sa bann det ki ti egziste.

E apre Gouvernman pou travay lo bann detay lo Etihad lo ki mannyer ki i pou donn sa garanti e ki mannyer sa garanti i pou fonksyonnen.

Now sa zafer i re aparet lannen pase an Novanm an Etihad ti pe demande pou finaliz sa bann laranzman anba sa deeds of waiver ki i ti’n sinyen deza avek Gouvernman.  e ler sa ti ganny met a mon latansyon zot ti pe demann en call option ki pou basically pou zot pe demande ki sa garanti i atraver sa ki nou apel nou ground handling services ki Air Seychelles i provide – ki sa bout ki Air Seychelles i pli profitab en fason ki zot ganny garanti ki zot ganny zot larzan at the end of the day.  E nou, nou ti pran diskisyon avek Minister Finans e nou vwar avek Minister Finans ki mannyer nou kapab adres sa zafer, san ki nou bezwen servi nou ground handling konman sa garanti.

E Gouvernman ti donn Minister Finans i dir nou poudir pli bon fason pou deal avek se ki nou donn sa ki nou apel en sovereign garantee ; en garanti ki Gouvernman normalman i donnen pou tou bann det.  E nou ti apros Etihad, nou ti eksplik zot poudir Gouvernman i pa an faver poudir ki nou siny sa garanti atraver sa ground handling e ki nou ti pou prefere ki i annan en sovereign garantee.  Me selman zot in ensiste poudir zot pa an faver en soverign garantee zot ti a prefere ki zot donn zot sa garanti atraver sa ground handling. 

E si nou pa donn zot, then ki i vedir se ki sa 30million ki ti lo liv Air Seychelles pou 2018 i pa pou ganny retire lo sa liv.  Alor se la kot nou ti ankor pe diskite e a lafen nou dakor poudir ok si nou al go down sa route akoz i pa paret ki nou annan lot opsyon me selman sa ki nou pare pou mete se ki nou fer sir i annan en lalis safeguard ki nou ganny mete dan sa sistenm ki a lafen zanmen ki Etihad ouswa i kapab take over nou ground handling. 

        E sa mon ti a voudre ki kekfwa sa 2 dimoun ki pe asiz obor mon bann teknisyen ki’n travay lo sa bann Lagreman i donn en pe plis detay lo egzakteman ki mannyer sa bann travay in ganny fer.  Avek ou permisyon Mr Speaker.

 

MR SPEAKER

Mersi Minis.  Mr Berlouis.

 

CHIEF FINANCIAL OFFICER MICHAEL BERLOUIS

So premyerman regarding sa lakonpannyen ground handling sa lakonpannyen in fini ganny formen i apel AES Airport Equipment Services  –ok ? Sa lakonpannyen ti ganny formen mon krwar an Desanm 2018.  Sa lakonpannyen as we stand to date i napa okenn asset – ok ?  Asset ki soz premyerman sa AES i en wholly owed subsidary of Air Seychelles.  Savedir Air Seychelles – pa Etihad – pa Gouvernman ki own tou shares dan sa lakonpannyen.  I annan zis en share ki hold by Mr Thesee on behalf of Government e sa i en requirement Lalwa Sesel, ki ou pa kapab annan en lakonpannyen  ki annan zis en shareholder.

Savedir menm si teknikman Air Seychelles  ki  annan tou sa bann shares – en share i al nou bezwen donn lot dimoun sa share ki reste ok.

Now AES pa pou fer ground handling Sesel – ok.  AES sa lakonpannyen pou hold ground handling asset Air Seychelles – right ?  Savedir tou sa bann loader ki ou vwar erport – tou sa bann tugs  – sa bann trolleys – ok –   nou pou transfer – ok ?  Olye pey share capital sa lakonpannyen, nou pou pran tou sa bann assets nou pou met li dan sa lakonpannyen apre nou pou lease it back – ok ?

Selman nou pou bezwen mazinen poudir Air Seychelles ki own sa lakonpannyen tou.  Right?  So savedir tou – e letan nou get ground handling license – ok en klarifikasyon from yer – napa okenn ground handling license Sesel – Right?  Si ou al kot SLA ou demann zot en ground handling license zot pa kapab issue ou avek en ground handling license akoz ou napa en framework pou donn ground handling license.  Air Seychelles li  i fer ground handling at the Airport.  Nou fer li anba currently anba nou AOC  Air  Operating Certificate ki kouver tou laspe nou loperasyon – sa bann bout ki nou fly  – nou bann bout teknik ki nou fer maintenance nou  line maintenance e nou ground handling.

Tousala i ganny odite par SCAA.  I ganny odite par UK SCAA ; i ganny odite par tou sa bann laliny  aeryen ki vin isi ki servi nou servis.  Ok ?  So sa i permisyon ki nou annan e bann sertifikasyon ki nou annan ki – ek lasirans   ki nou annan by the way – ki san sa napa okenn sa bann lakonpannyen parey Emirates, British Airways ki ti pou aksepte pou servi Air Seychelles ok? San ki nou meet sa bann standar.

Lo preferencial shares lo ki sa preferencial shares – so en preference share i premyerman so i en investment par en shareholder.  Rezon akoz letan i ale, i met son 30milyon nou pa kapab donn li shares e si nou donn Etihad   shares pou lavaler 30milyon – Etihad ki pou vin mazorite shareholder Air Seychelles. 

E nou pa kapab les sa arive. Right?  Savedir nou ti anvi retenir sa balans 60poursan Gouvernman 40poursan Etihad e sa bann shares i kontrol vot sa 2 shareholders i annan.  Par donn Etihad en preferencial share i vedir poudir en restriksyon nou pa kapab donn li par dividends, me selman given nou  financials nou pa ti pou kapab deklar  dividends nou pa ti pou kapab an dividends for the next 5 years anyway.  Me selman sa preferencial shares i napa any voting rights ; savedir ler ou fer desizyon sa 30milyon pa ganny konsidere.

Government i still annan 60poursan Air Seychelles menm si Etihad i met sa 30milyon, akoz i met li lo preferencial shares ki nonvoting.  I napa okenn laspe kontrol avek – ok?

Dernyerman so letan i aste sa preferencial shares dan Air Seychelles.  I pa aste dan AES – dan sa bann lekipman.  Right?   I aste shares – i envestisman dan Air Seychelles, ki li i ekspekte ganny rann konmansman 2022.  E  selman pou li zis i anvi en garanti finansyel pou letan i met son 30milyon  -right nou pa pou vini an 2022 pou dir li well ou kapab write-off.  Akoz parey ou write-off sa 34 ou kapab write-off sa 30 osi.  So nou bezwen donn li en garanti.

Sa garanti i form par sa AES ki annan- Be selman nou bezwen fer kler poudir ozordi Air Seychelles i fer ground handling Seychelles International Airport.  Demen Air Seychelles pou still fer ground handling, menm si sa tranzaksyon pou ganny finalize, Air Seychelles pou kontinyen fer ground handling. 

        Tou bann staff ground handling ki ozordi ganny anploye par Air Seychelles pou still ganny anploy par Air Seychelles.  Tou bann kontra ki nou annan ek Emirates ek British Airways pou reste valab.  Nou still pou donn zot menm servis ki nou donn zot isi.  Diferans i sa bann lekipman olye ki nou own directly – nou pou lease from AES which we own indirectly ok ?

Selman role sa  Airport Equipment Services i provide garanti ki Etihad i kapab donn nou sa 30milyon ki nou ti bezwen in 2018 pou fer sa restructuring.  Ok? 

 

MR SPEAKER

Mersi Mr Berlouis.  Nou ava sey pran ankor lezot kestyon.  Onorab Ramkalawan.

 

HON WAVEL RAMKALAWAN

Mr Speaker mon anvi demann Minis si i konnen ki mannyer i bwi en grenwir?  Si ou pran en grenwir ou zet li dan delo so, i pou sote.  Si ou pran en grenwir ou met li dan delo fre ou met li lo kastrol ou bwi li a petit feu sa grenwir i reste ladan e apre 5minit ou annan en grenwir BWI !

Eski zot pa vwar lekritir lo miray ki poudir Air Seychelles pe ganny bwi a petit feu  egzakteman parey ou bwi en grenwir?

Eski zot pa vwar ki poudir dan sa direksyon ki nou pe ale, nou pou perdi ground handling konpletman e nou pou perdi nou ER..PORT egzakteman parey ozordi Sri Lanka son por pe ganny run par Sinwan?

Mr Speaker mon pa ganny en konpran ki mannyer zot pa vwar sa.  Akoz zot bezwen repar en keksoz ki pe marse?  Air Seychelles in fer ground handling pandan tou sa bann lannen depi Erport in ouver.  E in fer profi ! Be akoz ki ozordi ou bezwen fer en subsidary company, kot ou pou pas tou bann assets ki Air Seychelles i annan fer ground handling depi son pti crane, depi son peron – son leskalye ki sorti lo avyon, tou son bann keksoz ou bezwen cargo tousala ; ou pas li avek sa subsidary? Akoz?  Be pa i pe marse la?  Etihad pa i annan 40poursan dan Air Seychelles?  Air Seychelles Gouvernman pa i annan 40poursan ? Pa i annan mazorite ? Akfer ou bezwen fer sa?  Eski zot pa vwar?

E Mr Speaker mon pou ensiste ki poudir nou konman en Lasanble Nasyonal nou bezwen SOV nou Erport !

 

(APPLAUSE)

 

HON WAVEL RAMKALAWAN

E alor mon pou ensiste ankor ki SCAA i konman sa dernyen baraz – e mon konnen ki poudir i annan presyon from Gouvernman pou zot donn sa license, mon krwar ki i enportan pou nou konman en Lasanble Nasyonal, pou nou pran nou responsabilite e ensiste ki SCAA : –

         Premyerman pa donnen sa license e ki zour Gouvernman i vin devan nou avek sa 6milyon si in donn sa license nou blok sa 6milyon.  Parske sa 6milyon pe zis pe al ganny servi pou repey bann det!   E Mr Speaker Minis i dir avek nou Etihad i dir si nou pa fer sa i pou …. ? Be sa en kouto ki pe met anba nou likou eski nou koman en pei souvren nou pou aksepte ki en lot lakonpannyen i met en kouto anba nou likou?  Annou debout konman en pep !  Pa nou sipoze fyer konman en pep Seselwa?  Annou regarde konman en partner.

E an plis ki sa Mr Speaker ozordi i annan bann airlines ki pe sue Etihad.  Air Berlin pe sue Etihad  AIitalia pe sue for mismanagement ! E tou sa bann keksoz ki’n arive avek Air Seychelles i montre nou en pe mismanagement.  Be nou osi tou annou fer en lodit – en proper odit e annou bouze.  Akoz Seselwa i bezwen konnen ki poudir sa direksyon ki nou pe ale Nou … Pou … Perdi … Nou … ERPORT !  Mersi bokou Mr Speaker.

 

MR SPEAKER

Mersi Onorab Ramkalawan.  Bon zis avan nou pran Break nou ava permet Minis apre i a kapab reponn.  Mon pou pran en kestyon kot en Manm ki pa’n ganny sans demann ditou yer e depi yer in alert mwan.  Mon pou donn laparol Onorab Chantal Ghislain.  Lezot Manm zot deza lo lalis – ok?  Onorab Ghislain.

 

HON CHANTAL GHISLAIN

Mersi Mr Speaker.  Bonzour tou dimoun.  Mr Speaker mon annan detrwa kestyon, me selman mon pou pran mon bann kestyon an mezir ki bann kestyon i ganny deroule.  Mon kestyon ki la, mon pou koz lo an se ki konsern sa zafer ground handling.  Mr Speaker yer nou ganny dir poudir i annan en Board ki zot pe fonksyonnen pou – zot pe met an plas pou kapab pey met lord dan sa bann zafer ground handling.  Mon kestyon direk Mr Speaker eski Minis i kapab dir ek sa Lasanble, bann dimoun ki lo sa Board, konbyen ki pe ki bann Seselwa ki ganny peye par Air Seychelles?  E konbyen osi ki Seselwa me selman ki ganny peye par Etihad?  E an ka ki i annan Seselwa ki ganny peye par Etihad lo sa Board, eski nou pe dir poudir ki lentere ki zot pran dan bann moman parey si zot pe pran lentere Air Seychelles ouswa lentere Etihad?  Mersi Mr Speaker.

 

MR SPEAKER

Mersi Onorab.  Bon Minis  -Minis si ou repons i bref lo sa kestyon nou ava pran, si non nou kapab pran tou apre Break.  Si ou repons i bref mon ava donn ou laparol Minis.  Non mon pa non ou kestyon Onorab ou kestyon in pas –

 

 

(Interruption)

 

MR SPEAKER

Order! Order!  Order!  Onorab ou kestyon in pas atraver mwan – in pas the tes mon pe demann Minis pou reponn.  Minis brefman.

 

MINISTER DIDIER DOGLEY

Mersi Mr Speaker.  Si mon konpran byen sa kestyon i annan pou fer avek AES – Airport Equipment Services e non pa Air Seychelles?  Akoz i 2 diferan Board sa.  Konsernan AES i annan Mr Remco ki CEO Air Seychelles, i annan Mr Michael Berlouis ki CFO Air Seychelles i annan Sitna Cesar ki reprezant Minister Finans e Gouvernman Sesel apre i annan en sel dimoun ki reprezant Etihad lo sa Board.

Me selman sa ki nou bezwen konpran se ki sa AES ankor i en lakonpannyen ki manage – ki ganny own par Air Seychelles li menm e Air Seychelles Gouvernman Sesel i annan 60poursan.  Alor bann Directors i annan plis direkter Seselwa ki reprezant Gouvernman Sesel, ki bann Board   of Directors ki reprezant Etihad. 

        Now bann manm Board ki reprezant Gouvernman Sesel, rezon akoz zot la se pou reprezant lentere Gouvernman Sesel avek Seselwa.  Se sa rezon ki zot ganny apwente e se sa travay ki zot sipoze fer.  Mersi Mr Speaker.

 

MR SPEAKER

Mersi Minis.  En kestyon vitman Onorab.

 

HON CHANTAL GHISLAIN

Mersi Mr Speaker.  Minis pa’n reponn mon kestyon.  Mon kestyon ti kler eski i annan Seselwa ki lo sa Board ki ganny peye by Etihad?

Lekel zot e ler i ariv menm si zot pe reprezant Sesel eski zot pe ganny saler i ganny peye par Etihad ouswa by Air Seychelles ouswa par Gouvernman Sesel?  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon a demann CFO pou reponn sa kestyon an detay.

 

MR SPEAKER

Annou fer li bref Mr Berlouis.

 

CHIEF FINANCIAL OFFICER MICHAEL BERLOUIS

Ok Mr Speaker.  Wi lo sa Board nou annan 4 dimoun nou annan Remco ki CEO Air Seychelles – mon krwar i en Dutch national ki ganny peye par Etihad.  I annan mon menm Michael Berlouis mon en Seselwa – mon ganny peye par Etihad.  I enportan pou note poudir nou tou lede nou lo sa Etihad Management contract, ki letan nou ti konmanse sa bann deba an 2017, nou ti annan 10 dimoun isi e aprezan i annan zis nou 2 ki reste.  So sa enn bann keksoz ki nou ti ganny dir fer par Lasanble e nou’n fer li.

Nou annan Madanm Sitna Cesar ki reprezant Minister Finans apre i annan en seat pou Etihad.  Mon konpran letan  ou get sa lalis i kapab i annan en – let us say en worry, ki i annan 3 dimoun ki pou ganny peye ek Etihad,  apre i annan en dimoun ki ganny peye par Gouvernman.  Sa i pa lentansyon konpletman.

Sa Board dan son Lagreman i toultan i pou act dan nou lenstriksyon Board Air Seychelles – ok ?  Savedir toultan Board Air Seychelles ki toultan donn li lenstriksyon aprezan i fer li.  Si vreman i annan sa konsern sa Board i napa en gran keksoz pou fer.  I pa en gran problenm poudir  -gete nou pa konfortab nou ti a prefere ki i annan en dimoun Gouvernman en dimoun Etihad lo sa Board ; tir CEO ek CFO akoz potentially i annan en konfli e nou kapab fer li.

I zis en keksoz administratif – ok ? Dezyenmman wi mon CFO Air Seychelles mon ganny peye par Etihad, selman mon term langazman ek Air Seychelles i kler.  Mon anba sa Management contract ; savedir depi ler mon konmans sa Management contract mon duty of care, i to Air Seychelles. 

Savedir si i annan en konfli between en keksoz Etihad ek Air Seychelles toultan mon pou bezwen pran zeritye Air Seychelles – right ? Zentere sorry – interest Air Seychelles.

 

MR SPEAKER

Ok mersi.  Petet Mr Berlouis mon osi mon en pti pe parey bann lezot Manm la  – vitman – sa bann ki pe ganny peye avek Etihad eski Etihad apre i pa bill Air Seychelles ?   Wi ou non?

 

CHIEF FINANCIAL OFFICER MICHAEL BERLOUIS

Wi anba term Management Contract in fini share avek Lasanble at the last Sitting Etihad i entitiled to share – to charge back Air Seychelles bann kou ki asosye ek sa management.  Ok?  Dan lepase however menm si zot in sarze Air Seychelles pa ti dan en pozisyon pou peye, mazorite letan zot in write-off sa bann bill.

 

MR SPEAKER

Ok mersi.  Bon nou pou pran en Break la.  Ankor mon ti a demann Minis petet pandan Break pou koz ek ou 2 teknisyen otan posib al to the point, akoz si non nou bezwen vwar nou en letan antye avek kestyon akoz plis ki repons i ganny donnen i raise more questions from the floor.  Bon et en pti pe pli presi – pli bref osi tou.  Nou pou Break e parey mon anonse ABC pe meet toudswit la dan Speaker’s Conference Room.  Nou ava repran 11.15.

 

 

(BREAK)

 

 

MR SPEAKER

Bon avan nou repran nou travay mon ti a zis anvi pas serten lenformasyon desizyon ki nou pran dan ABC mon fer li boner, akoz i annan bann Manm osi ki bezwen plan pou fer serten plan pou lafen lasemenn.  Lasanble pou meet – pou Sit Vandredi depi 9er bomaten, pou nou pran travay ki nou pa ti fini yer lo sa Bill Public Service Salary (Amendment) – ok? 

        Ozordi apre midi tou bann Manm ki enterese i pou annan en rankont ankor ki ABC in deside, avek bann dimoun konsernen – par egzanp Mrs Esparon, Mr Mohamed Afif e Mr Victor Pool.  Miting pou fer 12.30 dan Committee Room 3.  So bann Manm ki enterese ki available zot kapab attend.  

        So vwala desizyon ki nou pran dan ABC.  Wi mwan osi mon’n ganny enformen par Chair IAC Onorab Ferrari ki sa miting IAC ki ti schedule pou  ozordi in ganny anvoye.  Nou ava fer zot konnen dan later date – ok?  So vwala ki mon ti anvi kominik ek bann Manm.  Nou ava kontinyen avek nou travay.  Mon ava donn laparol Onorab Woodcock.    En moman – Onorab en moman.  Onorab Ramkalawan in averti mwan – wi Minis dan Break ti pou come up avek en pe repons pou kestyon Onorab Ramkalawan ; me ankor parey mon dir mon diriz tou Manm osi tou, annou al direk lo kestyon – letan pa dan nou faver e Minis osi tou avek ou delegasyon annou sey et bref dan nou repons.  Minister.

 

MINISTER DIDIER DOGLEY

Mersi Mr Speaker.  Mr Speaker Onorab Ramkalawan ler in koze in fer en serten stetment apre mon krwar i annan serten kestyon ki in demande.  Si nou pran sa analozi ki li in fer avek sa Zambia Erport kot Sinwan pe pran erport Zambia mon krwar poudir i annan en gran diferans avek sa ki nou pe sey fer avek sa ki Gouvernman Zambia ti fer.

Gouvernman Zambia ti pran bann gran loan avek Sinwan pou li build en gran dyoz erport ki apre in pa kapab peye.  Nou ki nou pe sey fer nou pe senpleman sey asire ki nou airline Air Seychelles ki nou lifeline, pou fer sir ki i annan economic development e ki nou tourism industry i kontinyen grandi ; i ganny sa sipor ki i kapab pou li kontinyen fonksyonnen.  E ki sa transformasyon ki Air Seychelles in met devan pou sa 5an ki pe vini, poudir sa transformasyon i ganny sans pou li kapab ganny met an plas e ki nou tir Air Seychelles dan sa sityasyon kot i été.

E sa ki enportan ankor pou note e Mr Berlouis in fer resorti bomaten ki ler ti annan sa $30milyon ki Etihad ti mete nou, nou ti fer sir poudir Etihad pa ti aste plis shares dan Air Seychelles.  E ki Gouvernman Sesel i kontinyen annan majority shares dan Air Seychelles. 

        Alor ki sel keksoz ki nou kapab soz akoz nou ti annan sa larzan pou put on Air Seychelles pou li kontinyen fonksyonnen, se ki nou met li dan preferencial shares ki fer sir ki i napa voting rights e ki Gouvernman Sesel i kontinyen annan the last word e ki menm nou ground handling a lafen se Air Seychelles ki kontinyen fer tou – ki donn tou bann servis ki tonm anba sa ki nou appel ground handling li menm.

Mon ti a voudre demann avan mon ti demande mon krwar ou pa’n ganny mwan, mon ti a voudre demann Mr Renaud pou donn bann detay lo bann sekirite, ouswa bann safeguard ki nou mete pou fer sir poudir sa zafer Etihad take over nou ground handling biznes lo Erport i pa arive.

Avek ou permisyon mon a demann Mr Renaud pou donn bann detay lo la.  Mersi.

 

MR SPEAKER

Mersi Minis.  PS Renaud.

 

PS ALLAN RENAUD

Mersi Minis e mersi bann Manm Onorab.  Mon pou koz an Kreol me osi I’ll switch to English sometimes akoz i pli fasil pou mwan.  Me please eskiz mon.  Ok lo sa ‘’call option’’ nou met  a lot of safeguards to make sure that as – parey Minis in dir, that it does not move into a  hand of foreigners, so what are those safeguards?

        1)- We‘ve negotiated a remedy period so sa call option is not a thing that is called immediately.  I annan 60 zour pou kapab anmenn Seychelles to do amelyore, conditons to prevent the call for being  done.

2) Lot keksoz ki nou’n mete we have asked for the right to purchase the option shares back, avan 2022.  And when you stop paying down the option shares – that means percentage that Etihad can get, is less  of the ground handling company in the unlikely event that the call option is made. 

 

        And the other option that we have is that the market value of the ground handling company is very high.  As you know its a very profitable company the amount that we owe is 30million so the preference share is 30million and the percentage sa Etihad money is equivalent to how many option shares they have of how much the valuation of the company is. 

        And nou’n evalye sa company very, very high and so nou, nou kalkil i very difficult for them to get anything close to even 20percent or 30percent ownership.

So what this means is, that ground handling company first the call option we have remedy periods, but even in the unlikely period that it does, they will not have a majority share by any  stretch imagination I think. 

        The other 2 things that we done besides putting safeguards in our call option is we’ve insisted that the license be with Air Seychelles and this has happened.  So this is part of our negotiation. Air Seychelles has been the ground handler since there was aviation in Seychelles  1974.  So that’s where it is now or rather the permit, and the other thing that we have done is we have created a very strong set of conditions around that permit, which includes grounds for termination see whoever has the permit does not meet standards and which includes servicable agreements and has set certifications standards internationally, for holders  of that permit.

         E osi if ever there is a new person has a license they have to meet thoses standards for them to get a permit from SCAA.  And those standards has been set very high for safety and for performance. 

        So with all of those safeguards, we are fairly confident that ;-

         1) the call option is unlikely to be called.  If it is the majority ownership will most certainly be Seychellois, and the permit itself has been made very strong and has been designed that the SCAA has approve it and again with   the conditions of the license which includes safety as well as performance.  So with all those 3 things that call option is all that it is, is a garantee and we do not lose our sovereignty nor our control at the Airport.  Thank you.

 

MR SPEAKER

Mersi PS.  Bon nou ava kontinyen avek kestyon.  Yes Onorab Pillay vitman.

 

HON SEBASTIEN PILLAY

Mr Speaker.  Byen vit en pwen klarifikasyon ki mon ti a kontan Minis i repran sa larepons lo sa kestyon spesifik ki ti ganny demande.  Eski Etihad pou kapab pran eski nou Erport i an danze?  Nou pa pe koz lo ground handling so donn nou sa bann safeguards ki protez nou Erport pou ki Seselwa deor i kapab garanti poudir, nou Erport Pa pe ganny pran a okenn lezot antite e ki Erport pou reste pou Sesel !  Se sa kestyon ki in demande so silvouple si nou kapab sa kestyon please.  Mersi Mr Speaker.

 

MR SPEAKER

Minis bref.  Petet wi oubyen non.

 

MINISTER DIDIER DOGLEY

Mr Speaker mersi.  Mr Speaker sa ki mon ti pe esey eksplike – kekfwa mon’n eksplik dan en lot soz se ki diskisyon avek Etihad i napa nanryen pou fer ek Erport ! I annan pou fer avek ground handling ki de diferan keksoz.  E ground handling services i pa Erport !  Mersi Mr Speaker.

 

MR SPEAKER

Ok.  Mersi Minis.  Bon i annan en pe dokiman ki Sekretarya in gannyen, Madanm Clerk in deza anmenn eCopies in sirkile kot bann Manm.  So si zot regard lo zot computer zot ava gannyen.  Yes.

 

HON WAVEL RAMKALAWAN

Sa Kontra zafer la pou sa lakonpannyen avek – Sa ki nou anvi tou bann detay ladan.

 

MR SPEAKER

Wi Minis i ava …

 

HON WAVEL RAMKALAWAN

… sa ki Minis fek dir nou la Mr Speaker, i pa atase avek Erport Mr Speaker sa ki apel ‘’Bwi Gre..nouy !’’

 

MR SPEAKER

Wi mersi Onorab Woodcock.

 

HON WAVEL WOODCOCK

Bonzour Speaker.  Tou dimoun a lekout, Minis ek ou delegasyon.  Minis par lefe ki Etihad in refize pou aksepte en state garantee e zot pli enterese avek nou ground handling, eski sa i montre ki ozordi nou pei pa vo nanryen pou Etihad?  Ki en garanti par Leta par Sesel i pa vo en sou pou en lot pei ki sa i dir lo leta nou pei?  E akoz ki Etihad pe tir zot bann LOGO dan bann lofis kot kargo eksetera e pe kit zot bann LOGO Air Seychelles?  Eski sa i en siny ki Etihad i nepli annan lentere ek Air Seychelles e ki zot sel obzektif se pou pran kontrol lo ground handling?  Mersi.

 

MR SPEAKER

Mersi Onorab.  Kestyon pointue Minis to the point.  Minis.

 

MINISTER DIDIER DOGLEY

Mersi Mr Speaker.  Mr Speaker Etihad i pa en pei ; Etihad i en lorganizasyon e i annan en laranzman spesifik avek Air Seychelles, ki en biznes agreement.  Now nou ti le konman Leta nou antre dan sa zafer e ki nou donn a sovereign state en sovereign garantee.  

Akoz pou nou se fason ki nou deal avek det.  Zot, zot ti’n dir nou poudir zot pa santi zot konfortab avek, akoz demen si nou Gouvernman pa pey zot, zot pou santi zot anbarase pou al sue Gouvernman Sesel kot nou annan bann relasyon ase byen avek owners Etihad.  Alor se sa rezon –  zot prefere annan en laranzman komersyal ki si fo en laranzman kot Leta pe donn garanti.

2enm keksoz konsernan LOGO se nou ki pe dir zot annefe se nou ki pe dir pandan tou sa bann letan poudir i bezwen annan en tranzisyon ; akoz Etihad i annan en Management contract pou 5an avek Air Seychelles.  E nou, nou dir poudir HM Air Seychelles i bezwen konmans pran tou bann management par Air Seychelles li menm,  sifo  ki tou keksoz par Etihad i fer pou Air Seychelles.  Nou dimoun isi dan Lasanble e Gouvernman an zeneral ki pe demande sa.

Alor definitivman Air Seychelles aprezan i pe pran sa bann soz avek diskisyon ki’n fer ek Etihad, i pe demande ki stratezikman pou marketing purposes, ki Air Seychelles i senpleman Air Seychelles.  Mersi Mr Speaker.

 

MR SPEAKER

Mersi Minis.  Onorab Churchill Gill.

 

HON CHURCHILL GILL

Mersi Mr Speaker.  Bonzour Minis avek ou delegasyon Minis pou ou bouz forward apre pou benefis eskize sa bann travayer Air Seychelles.  Lo sa plan 5an ki zot annan, eski zot prozeksyon pou sa prosen 5an zot turnover i such ki Air Seychelles ler in fini sa  premye 2 lannen kot zot in eksplike poudir i pou fer loss, me apre sa i pou annan ase reveni pou kapab soutenir sa bann staff Air Seychelles?  Sa i enn.

No. 2 eski sa prozeksyon i pou kapab kouver tou depans loperasyon Air Seychelles pandan sa 5an?  Mon 3enm kestyon vi ki tou aktivite repeyman i pou konmans lannen 2021 – 2022 an desandan e sa bann letan sa bann premye Kontra 5an pou preski ariv a son lafen, eski sa i endik nou ki i vedir ki ler sa premye 5an i fini, nou pou bezwen baze lo sa bann komitman ki pou konmans matir, nou pou bezwen annan en Kontra kontinyel swa dan fason renouvle avek Etihad?  E an retour sa i a garanti ki sa bann travayer Air Seychelles zot a santi zot ki zot ankor dan zot lanplwa, e nou pa pe antisip okenn redundancy 5an –  6an isi devan nou.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mon a reponn sa 2enm kestyon sa premye bout i annan pou fer avek finans.  Mon a demann CFO pou donn bann lenformasyon bann detay lo finans.  Konsernan redundancy sel redundancy ki ti annan se redundancy ki ti ganny fer an 2018, e sa i akoz ti annan enplimantasyon sa plan pou Air Seychelles sorti sa international airline pou li vin sa regional airline.  E nou’n fini antre dan sa faz regional airline.

E plan ki i annan pou 5an i montre poudir Air Seychelles pa pou bezwen fer okenn redundancy, tan ki son plan i marse tan ki sa sipor pe gannyen avek son bann stakeholders – avek Gouvernman – sanmenm Gouvernman pe met sa 6milyon e Etihad pandan tou sa lannen pe kontinyen met larzan.

Alor Air Seychelles li menm an zeneral avek son nouvo plan i devret kapab kontinyen fonksyonnen parey i pe fonksyonnen la konmela.  Mon a demann ou permisyon Mr Speaker pou CFO donn plis detay lo kestyon finansyel.

 

MR SPEAKER

Mersi Minis.  Mon a demann laparol CFO Mr Berlouis.

 

CHIEF FINANCIAL OFFICER

MICHAEL BERLOUIS

Mersi Mr Speaker.  Pou 2019 nou plan ti get apepre $88million revenue e sa i about 30poursan mwens ki nou ti pe fer ki ler nou ti pe al Paris.  Selman parey mon’n dir once nou ganny sa bann nouvo avyon – sa bann nouvo avyon pou annan plis seat; savedir an 2020, ‘21, ‘22 nou espekte reveni increase ziska 95,000million dan 2021 e 97million in 2022 – right?  Sa akoz nou met plis kapasite lo en larout i pran letan ler nou anpli avyon antye e nou fer sir poudir letan nou fer nou plan nou fer lo dan en fason konservatif, ki nou konnen ler nou demann larzan pou nou fund sa plan ki Gouvernman ek Etihad, sa larzan ki zot pe commit pou donn nou i pou ase pou nou fund nou plan,  e menm take care si nou ganny sa  dele.  Selman menm si sa lorganizasyon rezyonal ground handling letan ou met li ansanm ek technical ek kargo i profitab.  Sa lakonpannyen Air Seychelles ki nou pe gete ozordi i 30poursan pli pti ki Air Seychelles letan nou ti annan an 2017.

Problenm ki nou annan letan nou pran loan, nou’n pran sa bann loan pou nou al Paris – al Dusseldorf – al Hong Kong  right e sa bann loan ti ganny pran letan Air Seychelles ti much bigger. Right?   Savedir si ou get en fason petet burden aprezan nou annan en pli pti lakonpannyen ki pe servis bann loan, ki ti pe ganny pran letan nou ti en much bigger lakonpannyen.

Once si nou met sa kontribisyon 6milyon an par an pou Gouvernman, nou annan ase larzan pou pey tou nou loperasyon, pey tou nou staff e servis tou nou det, lo baz ki nou rollover sa  bann Bonds ki mon’n dekrir bomaten.

Wi ou korek ki Management contract Etihad i pou fini dan sa peryod. Lasanble i annan kopi Kontra.  Kontra i dir apre sa premye peryod 10an, ki la nou pou vwar lafen, Gouvernman ek Etihad i annan drwa si zot tou lede zot agree, extend sa kontra 1an alafwa.

So nou pa bezwen commit to pou 5an selman misyon Mr Remco ek mon lekor as sa 2 dernyen secondee Etihad la, ki letan sa Kontra i terminen nou – basic nou misyon nou rol i fer sir poudir Etihad Air Seychelles i kapab debout lo li tousel, san sa management Etihad.

Savedir nou rol nou bezwen fer nou lekor redundant.  Right?  E sa  nou pe fer sir poudir letan sa Kontra i terminen, Board Gouvernman pou annan en swa si zot anvi kontinyen, ouswa zot pou met dimoun lokal ki nou’n train.  Mersi.

 

MR SPEAKER

Mersi CFO.  Vitman Onorab Churchill Gill.

 

HON CHURCHILL GILL

Wi zis enn dernyen.  Anvi ki ti annan bokou kestyon lo sa ground handling si zis CFO i kapab dir nou ki son current turn over la ozordi sa ground handling biznes?  Mersi.

 

MR SPEAKER

Mersi Onorab.  CFO.

 

CHIEF FINANCIAL OFFICER

MICHAEL BERLOUIS

Donn mwan 2minit pou donn en sif egzakt, selman i about 15 a $18milyon par lannen.  Mon a tyeke mon a donn egzakt, me selman i dan sa-

 

MR SPEAKER

Ok. CFO i ava konfirmen an mezir nou ale.  Onorab Terence Mondon.

 

HON TERENCE MONDON

Mersi Mr Speaker.  Mr Speaker mon kestyon pou Minis anvi ki ADAC – Abu Dhabi Company in fer plizyer propozisyon avek Gouvernman pou take over nou Erport enternasyonal swivan sa MOU ki ti ganny sinyen an Oktob 2016.  Eski Minis i kapab dir nou ki pozisyon Gouvernman lo propozisyon ADAC? E akoz ki Gouvernman pe kontinyen entertain sa lakonpannyen ki baze Abu Dhabi?

E 2enm kestyon eski Minis ou pa krwar Etihad in mis manage Air Seychelles?  Anvi ki Air Berlin, AIitalia pe pourswiv zot pou  mismanagement?

E tre vitman eski Minis i kapab dir nou lekel zot reprezantan legal Air Seychelles, vi ki nou pe koz lo plizyer Kontra ki pe in ganny negosye?  E ler nou pe koz Kontra ek negosye eski i annan enn ki pe ganny negosye pou ki pou donn pouvwar Etihad pou take over Air Seychelles si an ka ki Air Seychelles i fail.  Mersi Mr Speaker.

 

MR SPEAKER

Mersi Onorab Mondon.  Minis.

 

MINISTER DIDIER DOGLEY

Mr Speaker malerezman mon pa’n konpran sa dernyen kestyon,  eski Onorab i kapab repete li silvouple?

 

MR SPEAKER

Onorab Mondon.

 

HON TERENCE MONDON

Avek plezir Mr Speaker.  Ler nou pe koz Kontra eski i annan okenn Kontra ki pe ganny negosye pou Etihad kapab take over si an ka Air Seychelles i fail?  Konmsi pou donn pouvwar Etihad pou take over?  Mersi.

 

MR SPEAKER

Minister.

 

MINISTER DIDIER DOGLEY

Mon a pran sa dernyen kestyon.  Mr Speaker larepons i non.  Napa okenn negosyasyon – okenn diskisyon ki  mwan mon okouran konsernan Etihad take over HM. 

        Gouvernman son Polisi se maintain konman main shareholder Air Seychelles.  Se sa pozisyon Gouvernman.  konsernan ADAC – wi i annan sa MOU kot Gouvernman dan lepase in demann ADAC pou ed Gouvernman Sesel, pou vwar ki mannyer ki nou kapab amelyor erport isi Mahe.  Parey nou konnen poudir nou Erport in ariv a en pwen ki i lo son i pe operate lo maximum capacity.

E dapre sa MOU definitivman zot pe kontinyen advise Gouvernman.  Zot in vini zot in donn bann lenformasyon, me selman napa okenn lagreman an plis ki sa MOU ki egziste ant Gouvernman avek ADAC konsernan Erport Sesel.  Mersi Mr Speaker.

 

MR SPEAKER

Mersi Minis.  Onorab Mondon.

 

HON TERENCE MONDON

Mersi Mr Speaker.  I pa’n reponn mon kestyon lo reprezantan legal Air Seychelles ki pe negosye sa bann Kontra.  E zis vitman an baze lo repons Minis, i pe dir nou sa MOU i baze lo laranzman pou ed Sesel, be selman bann lenformasyon ki nou annan, se ki i annan en propozisyon pou zot kapab manage Erport zot menm, pou fer sa separasyon Erport authority pou vin regulatory e son bout operational pou separe –  ki zot operate e SCAA i reste sa body, ki reglemant lavyasyon sivil.  Mon krwar i annan en konpozisyon  ki i annan bann figures ki’n ganny monte.  Mon pa vwar akoz ou pe dir mon poudir napa – zot pe vin zis advise.  Mersi Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Konsernan bann legal konsernan Air Seychelles mon demann CFO pou koz sa zafer legal, akoz se sa bout ki ou kestyon ki mon pa ti tande sanmenm mon ti pe demann ou pou repete.

Konsernan ADAC parey mon pe dir i annan sa MOU e nou pozisyon se ki nou pe demann li pou ed nou pou vwar kote, ki i kapab kote nou kapab fer pli byen.  Me selman Gouvernman pa’n pran okenn desizyon konsernan outsource operasyon Erport ziska ozordi.

Sa i pa anpes en lorganizasyon si li i krwar i anvi promet son propozisyon devan.  Me Lalwa Sesel i dir ki si Gouvernman i anvi outsource okenn servis nou bezwen tender.  Procurement Act i la e si i arive – akoz mon pa okouran poudir Gouvernman in pran en tel desizyon –   si i arive poudir  Gouvernman in pran en desizyon parey dan lefitir, i pou bezwen go according to Procurement Act.  Mersi Mr Speaker.

 

MR SPEAKER

Mersi Minis.  CFO vitman lo konseye legal.

 

CHIEF FINANCIAL OFFICER

MICHAEL BERLOUIS

Mersi Mr Speaker.  Nou 6mwan pase nou pran en nouvo head of legal Madanm Cousette e head of legal i osi company secretary.  Si zot rapel byen dernyen fwa ki mon ti vin Lasanble mon ti also company secretary.  La sa rol in sorti ek mon in al ek dimoun legal.  Selman en pwen klarifikasyon i ki nou head of legal i pa negosye Kontra pou Air Seychelles.  Pa li ki annan sa rol ; pa li ki annan sa responsabilite.  Responsabilite negosye Kontra i lo management Air Seychelles legal ennler par egzanp ler nou pe diskit ek SCAA, kekfwa apre ler zot vwar email sorti kot li me li i sa dimoun ki met tou bann reaksyon ek bann thoughts management dan en langaz legal.  Sa son rol  – right ?

So wi nou annan en nouvo head of legal  – wi i involve heavily dan bann Kontra negotiation.  I also company secretary e sa i parti bann succestion planning ki  Remco ek mwan pe fer, pou fer sir ki nou dan Air Seychelles nou annan sa kapasite pou nou run sa lakonpannyen san Etihad.  Mersi.

 

MR SPEAKER

Mersi CFO.  Onorab Stephen Pillay oule lev a point of order.

 

HON STEPHEN PILLAY

Mersi Mr Speaker.  Mr Speaker lo matter of privilege ki CFO in dir taler ki apre sa 10an, 5an konmsi tou le lannen zot pou re negosye avek Etihad avek Air Seychelles.

 

MR SPEAKER

Non, non, mon pa pou krwar ki i en-

 

HON STEPHEN PILLAY

Non akoz son Kontra i pa koumsa.  Son Kontra i dir ‘’otomatikman’’ tou le 2 lannen i ganny renew apre 10an.  Se sa ki mon poudir  son Kontra ki’n donn nou-

 

MR SPEAKER

Ok.   Ou annan en kopi sa Kontra.  Mwan mon napa dokiman  avek mwan la.

 

HON STEPHEN PILLAY

Wi, i renew automatically, unless i ganny notice.  So i pa re negosye – pou napa negosyasyon.  Napa negosyasyon. Zis i kontinyen.  Konmsi pa mislead lenformasyon.

 

MR SPEAKER

I pa en matter of priviledge i en klarifikasyon.  Ok CFO ou CFO oule confirm sa?

 

CHIEF FINANCIAL OFFICER

MICHAEL BERLOUIS

Wi Mr Speaker.  I was not referring to the exact wording to the contract.  Lentansyon ki mon ti pe sey dir ki apre sa 10an, Gouvernman e sa negosyasyon nou bezwen kler i pa Air Seychelles ek Etihad – i ant Gouvernman ek Etihad sa 2 shareholder. Ok?  I kapab ki prosedir dan Kontra vre Gouvernman ki bezwen serve notice – right, selman apre 10an Gouvernman i kapab fer sa desizyon pou dir Etihad sorry me nou pa anvi nou management anymore nou anvi fer sa nou Board Air Seychelles i apwent direkteman i apwent son bann dimoun i a met la tou bann fonksyon Air Seychelles right – e Etihad i pou bezwen aksepte.  Prosedir i kapab ou bezwen servi notice.  – I’m sorry si- 

 

MR SPEAKER

Mersi CFO pou sa klarifikasyon.  Mon a donn laparol Onorab Simon Gill.

 

HON SIMON GILL

Mersi bokou Mr Speaker.  Mr Speaker kestyon tre presi e direk mon ti ava voudre Minis avek son delegasyon i eklersi.  Kestyon :

  • eski Minis i vwar okenn

danze dan limedya sispann okenn negosyasyon pou met an mars sa lakonpannyen ki pou al fer bann ground handling, kot endirekteman Etihad pou annan en lentere ladan baze lo bann lenformasyon ki zot in donnen, ziska ler nou satisfe ki in annan en miting or negosyasyon, or re negosyasyon bann langazman Gouvernman avek Etihad konman en konpannyen, e avek Gouvernman ki annan lentere dan Etihad?  Sa i premye kestyon mon swete ki in kler.

2)Nou pe koz lo pti Air

Seychelles la – son fitir, ki perspektiv Minis avek ou tim ou vwar avek tou nou lafyerte kreol Seselwa ki nou annan pou nou own airline Air Seychelles ? Pou nou evantyelman evolye e fer en pwen depar lo nou filozofi orizinal, pou ki nou rod bann partner SE..SE..LWA Mr Speaker partner SE..SEL..WA pou manage 100poursan Air Seychelles envestir dan Air Seychelles e finalman nou dir wi this is our pride !

E byensir Minis i a konsidere osi pou dir nou, si nou antyerman focus lo servis Air Seychelles lo nivo rezyonal e avek lespwar ki bann Seselwa i antre – vin bann partner direk dan Air Seychelles ki zot pouvwar e posibilite reel pou zot zener en lentere – an term devidend dan Air Seychelles?

Lot kestyon Mr Speaker ki tre enportan – mon’n tann ‘’bwi grenwir!’’ Nou bezwen konnen lekel ki pe kwi sa grenwir mon swete personn la dan Lasanble Nasyonal anvi bwi grenwir.  E  mwan mon annan zis en lentere Mr Speaker ki NOU ERPORT – NOU ERPORT – la mon pe eksprim en santiman tre nasyonalis i reste propriyete SE..SE..LWA.

 

(APPLAUSE)

 

HON SIMON GILL

Mr Speaker lo sa not ankor enn fwa ki retourn mwan lo en kestyon ki Minis i bezwen reponn – ki mannyer nou fer sir ki nenport ki Lagreman ki annan personn pa tous nou ERPORT ?  Mersi bokou.

 

(APPLAUSE)

 

 

MR SPEAKER

Mersi Onorab.  Minis ou annan 4 kestyon devan ou.  Minister.

 

MINISTER DIDIER DOGLEY

Mersi Mr Speaker.  Mon pe esper ou lenstriksyon.  Les mon pran dernyen kestyon mon krwar dernyen kestyon i parey sa enn ki Onorab Pillay in demande konsernan Erport.  E mon dir poudir Erport.  i pa dan diskisyon avek sa zafer Air Seychelles. Pozisyon Gouvernman Erport.  i reste dan lanmen Gouvernman Sesel.

2enm keksoz konsernan fitir Air Seychelles ki nou annan 100poursan staff ki travay dan Air Seychelles e ki osi nou donn loportinite bann ki anvi envestir dan Air Seychelles i a ganny loportinite pou envestir.

Plan Gouvernman – vizyon Gouvernman se ki, a lafen avek sa progranm ki kot nou pe train bann zenn Seselwa – yer dan mon entervansyon ki mon ti fer – mon stetment ki mon ti fer o konmansman, mon ti eksplike poudir i annan en progranm pou ranplas bann etranze avek Seselwa.  E ki sa progranm training in deza konmanse e i pe kontinyen pou nou train a lafen pou nou kapab.

Probableman nou pa pou achieve 100poursan Seselwa.  Me ozordi si nou regard Air Seychelles la konmela, nou annan nou apepre zis 1poursan etranze dan sa 720ekek travayer ki travay dan Air Seychelles.

Savedir depi lannen pase ler Minis Loustau-Lalanne ti vin isi dan Lasanble, in annan en gran sanzman ki’n deza arive dan Air Seychelles.

Now pou nou al 100poursan staff Air Seychelles, i pa sitan fasil parey mon’n deza eksplike ; lavyasyon i pa en keksoz ki fasil, alor i pa pou toultan posib ki nou pou annan tou sa bann eksper isi Sesel.  Me ki nou pou bezwen fer se probableman, anmenn bann konsiltan anmenn bann teknisyen ki nou pa pou kapab annan, pou vin ed nou pou fer keksoz marse.  E se koumsa ki dan lepase in toultan été.  E mon krwar pa si i annan airline i annan tou bann ekspertiz ki neseser, pou zot fonksyonnen.

Now pou Seselwa aste shares dan Air Seychelles, premye keksoz se ki Gouvernman i bezwen pran sa desizyon – e  mwan mon tousel mon pa oule pran sa desizyon i bezwen ganny pran par Cabinet –  me selman pou Seselwa i envestir dan Air Seychelles, premye keksoz se nou bezwen anmenn li lo sa nivo kot dimoun i vwar poudir i annan larzan pou fer dan Air Seychelles.

E sa probableman i pou arive ankor dan ler sa plan 5an in a’n ariv – i a fini matir  -keksoz i a’n fini marse e keksoz i ava lo bon semen.  Me selman definitivman plan Gouvernman se ki pou fer sir poudir Seselwa ki manage Air Seychelles.  Sa plan i deza lo full force.

Si i annan danze konsernan sa negosyasyon, si i pou sispann ouswa pa pou sispann konsernan ground handling, nou definitivman nou pou pran sa diskisyon ki’n arive dan Lasanble ozordi, pou fer Etihad konpran poudir i annan en kantite rezistans e en kantite konsern lo lapar bann Onorab, konsernan sa garanti ki zot pe rode ki link avek ground handling. Me an menm tan nou pou sey vwar e sey eksplor avek zot, pou gete si i annan lezot opsyon pou nou donn zot sa garanti ki zot pe rode apar ki ground handling.  Mersi Mr Speaker.

 

MR SPEAKER

Mersi Minis.  Onorab Simon Gill.

 

HON SIMON GILL

Mr Speaker mersi.  Mon krwar Minis in parsyelman adres mon kestyon.  E sa lespri ki mon eksprimen la sa lespri patriyotik ki mon pe dir kot Seselwa i take ownership!  Mon pa pe dir neseserman ki nou annan tou dimoun dan bann pozisyon management. Parey ou’n eksplike i vreman redwir sibstansyelman apre nou bann enteraksyon.

 

Be mon pe koz Seselwa i vreman take ownership kot sa 30milyon sa det ki nou annan ki ou’n eksplike la si nou dir bon ok, nou aksepte ki nou annan sa det avek ou konman partner –  me there and then nou pe pran en desizyon konman en Gouvernman – konman en Lotorite dan sa pei, pou nou transform sa airline pou ki i vin 100poursan Seselwa ki annan stake ladan !  Sa 40poursan ki Etihad i annan la nou rode ki mannyer nou do away with it !

Zisteman akoz i annan bann lenformasyon bann levidans konkret ki kot zot été, oubyen kot zot in pase in annan bann issues ki’n arise, baze lo sa bann prezim eski konman en Gouvernman konman Board Air Seychelles dan zot plan sa transformasyon sa restriktirasyon pa anmenn nou pou nou pran en desizyon parey e mon pe demande ki konsekans pou annan?

Now lot keksoz ki enportan ganny eklersi, se ki si nou pran sa desizyon la – ok nou pran sa desizyon, ki mannyer i pou afekte sa loperasyon Air Seychelles la?  Ki mannyer pou afekte li e dan ki limedya nou kapab bouz lo sa direksyon? Me donn en garanti touzour ki det ki nou’n annan avek ou, nou pou onor li baze lo sa plan ki zot in ki Mr Berlouis in étalé.

I vre ki nou pou kontinyen perdi, me nou ariv lo en staz kot nou pe kapab manage sa pert e apre en peryod 5an – 10an nou pou a fini clear tou nou bann liabilities avek ou konman Etihad, then nou konnen poudir nou ok, e napa okenn risk – okenn risk ki Etihad konman en business enterprise ni antre dan nou ground handling, atraver en back door ki nou pe kree pou zot antre ladan.  Mersi bokou.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker.  Konsernan Etihad pran posesyon nou ground handling avek lezot loperasyon lo Erport,  mon krwar nou tou konman Seselwa nou pa ti a voudre sa i arive.  E mon’n eksplike a plizyer repriz poudir Gouvernman ,lo son kote i pa an faver en keksoz parey.  Akoz  nou, nou ti a voudre poudir i reste dan lanmen Gouvernman.

Konsernan bann konsekans la konmela – a sa moman la konmela kot nou pe koze, Air Seychelles avek la kantite det ki i annan – avek la kantite lenvestisman ki bezwen ganny envestir dan Air Seychelles, mon vwar i difisil pou bann endividi kapab antre e met sa kantite larzan ki neseser, pou kapab fer sa keksoz ki kekfwa nou tou ti a dezire vwar Seselwa pe antre pe envestir dan Air Seychelles konman en lorganizasyon li menm.

Nou pou bezwen kontinyen sipor en lorganizasyon ki annan sa kalite finansman ki ler i annan bann koudvan – ler keksoz i vin pli difisil, ki i kapab met sa larzan devan – ki dan en fason ki Air Seychelles i kapab pas dan sa bann tanpet epi redrese e kontinyen fonksyonnen.

Sa i pa anpese ki kekfwa ankor dan 5an, ler nou vwar poudir keksoz in amelyore Air Seychelles in vin pli for – i pli dan en pli bon sityasyon, ki i nou a kapab ouver pou bann Seselwa kapab antre e partisip dan aksyon ouswa bann shares Air Seychelles.  Mersi Mr Speaker.

 

MR SPEAKER

Mersi Minis.  Nou ava pran ankor en kestyon avan nou break.  Mon a donn laparol Onorab Gervais Henrie.

 

HON GERVAIS HENRIE

Mersi Mr Speaker.  Premye kestyon, mon le demann Minis mon pou retourn lo sa size det ki lakonpannyen Air Seychelles i annan. So mon anvi Minis i dir avek nou letan ki Etihad ti antre avek Air Seychelles dan sa maryaz an Zanvye 2012 ti ki pozisyonnman det lakonpannyen Air Seychelles?  E ozordi ki son pozisyon det e kwa egzakteman ki Air Seychelles i dwa?  Sa i mon premye kestyon.

2enm i konsernan performans management Air Seychelles par Etihad ; letan sa maryaz ti selebre an Zanvye 2012 ou predeseser Mr Morgan ti dir e mon quote: ‘‘ki sa partnership is a game changing strategic partnership for us e ki pou anmenn en long term commercial growth’.’  Li Etihad lo son kote ti dir ti dekrir sa Lagreman konman premye first of its kind in Africa.  Pou tou lede kote ti en moman eksitan ki vreman Air Seychelles ti pou annan en renouvelman.

Me ozordi an Mars 2019 nou tou nou trakase pou lavenir so nou donn konfyans Etihad pou manage sa lakonpannyen mon dakor Minis in dir ki i pou pran enp e letan pou konpran dinamik lendistri lavyasyon.

Me selman mon dan pti moman ki mon tande depi yer I am just worried about the future of this airline.  So prezan mon anvi konnen eski Minis nou satisfe poudir Etihad pe fer en bon travay an term management?  Sa i mon 2enm kestyon.

E 3enm e dernyen mon anvi konnen si vreman Cabinet Gouvernman Sesel la mon pe koz lo la i konn vreman sityasyon finansyel e loperasyon Air Seychelles ?  Eski zot okouran vreman tou keksoz ki pe arive?  Mersi bokou.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker konsernan det Air Seychelles an 2012 mon pou napa en figure la konmela nou pou bezwen al fouy dan arsiv pou gete egzakteman avek Minis Finans pou gete egzakteman what was sa sityasyon an 2012.

Konsernan 2018 mon ava demann CFO pou donn bann detay.  Performance management Etihad mon ase nouvo, me selman ler mon regard keksoz, mon vwar poudir kekfwa i annan serten desizyon e kekfwa zot in devret pa pran ouswa nou ti devret pran pli boner.

Par egzanp si nou pran sa bann vol bann long haul ki nou pran pou al Lasin pou al Dusseldorf pou al Paris i sa ou bann lesey ki nou seye an krwayan ki nou pou kapab anmenn plis touris Sesel ki malerezman bann prozeksyon mon pa konnen ki prozeksyon ti annan akoz mon pa ti la.  Me selman i montre poudir se sa bann landrwa kot Air Seychelles in perdi bokou larzan.

E aprezan avek bann desizyon ki’n ganny pran, mon krwar bann desizyon ki’n ganny pran an 2017, apre ki ti annan tou bann problenm ki’n arive avek vol lo Paris, mon krwar ki i annan en gran amelyorasyon dan lafason ki nou pe panse.  Sa desizyon pou vin rezyonal mon krwar i en desizyon ki pozitiv, akoz mon menm mon ti pe koz avek CEO Air Mauritius, apepre 2 semenn pase zot osi zot annan gro problenm finansyel kot zot pe perdi en kantite larzan konman en airline.

Konsernan partnership long term, ki ou’n fer mansyon Minister Morgan – mon krwar ler Air Seychelles ti konmanse ek sa partnership Etihad mon krwar ti annan en kantite lespwar e mon krwar bann lespwar ti korek akoz laplipar bann airline si ou regarde across the world i annan bann diferan tit partnership ki egziste kot bann pti airline zot akros zot ek bann pli gro airline ouswa kot bann plizyer airline zot zwenn ansanm dan en partnership dan en fason ki zot kapab fonksyonnen e partaz biznes e siport kanmarad.

Alor sa desizyon pou annan en partnership between Etihad ek Air Seychelles, mon krwar ti en keksoz ki pozitiv. Me  annandler ler ou pran desizyon ou fer en keksoz dan serten fason, apre ler in arive ler  dan loperasyon keksoz pa toultan mars ki mannyer sa vizyon ti été lo premye kou.

Konsernan Cabinet konn bann sityasyon finansyel ; Air Seychelles ti fer prezantasyon resaman dan Cabinet, kot zot ti prezant sa plan 5an e zot ti prezant zot sityasyon finansyel avek Cabinet.

E menm prezantasyon si oule me sel fason diferans i annan power point presentation, ki ozordi zot in gannyen avek CFO ti ganny fer avek Cabinet.  So Cabinet in tande sa bann limero – sa bann sif ki CFO in donn zot ozordi bomaten.  Mersi Mr Speaker.

 

MR SPEAKER

Mersi Minis.  Mon ava donn laparol CFO pou donn nou en pe sif.

 

CHIEF FINANCIAL OFFICER

MICHAEL BERLOUIS

Mersi Mr Speaker.  Pou 2012 kestyon pou 2012 mon napa sa bann sif la, selman prensip sa lenvestisman Etihad, akoz mon ti dan Air Seychelles sa letan, ti ki Gouvernman ti pran responsabilite tou bann det ki ti’n akimile up to that point.  Right? Savedir mon pa pou  kapab donn ou en larepons direk – right–  selman substantially Air Seychelles ti napa enta det a sa pwen.  Akoz Gouvernman ti pran lo li menm avan Etihad ti konmans anmenn zot contract – ok ? 

Ozordi at the end of 2018 det nou annan $81.7million ok ?  1million ki current – savedir 1million will mature in 2019 larestan pou’n mature after 2020 and beyond  – parey mon eksplike pli boner.

71million i sa 2 Bond box apre larestan apepre 9.2million, i  en shareholder loan ki Etihad in donn ,nou pou aste 2 twin otter – ok ? 

        And again si mon kapab reponn ou kestyon indirectly – right  –  tou sa bann det ki mon pe koze la in ganny nou tire nou pran dan sa dernyen 5, 6an dan financial statement odit ki nou fini donn Lasanble lo paz 30 – notes 22, ou kapab ganny en breakdown tou sa bann loan, tou ki bann term sa bann loan e kan sa bann loan ti ganny pran – ok ?

 

MR SPEAKER

Mersi CFO.  Onorab Henrie.

 

HON GERVAIS HENRIE

Wi zis en question arising from larepons Minis Dogley.  So Sesel in al ver Etihad konman en lakonpannyen ki ti gro ki annan repitasyon enternasyonal e perse enternasyonal pou Air Seychelles kapab mars akote li, pou sorti dan son sityasyon ki ti été an 2012.  Prezan sa ki mon anvi konnen eski Gouvernman a sa pwen la ler nou pe koze, i satisfe poudir ki zot kapab kontinyen rely ?  Akoz la i fer 2enm Kontra – in renouvle sa Kontra.

2012 ti 5an savedir nou dan son 2enm la –  poudir wi nou kapab kontinyen annan konfyans dan Etihad konman en partner, pou anmenn nou or tir nou dan sa sityasyon vreman ki nou ladan.

Eski ozordi letan nou pe koze Gouvernman Sesel i ankor annan konfyans dan Etihad poudir i en partenaire de choix ki i kapab fer sa konfyans avek?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker Gouvernman mon krwar avek Etihad i annan 2 diferan keksoz ki nou bezwen pran an konsiderasyon.  Enn – Etihad konman en partner mon krwar in zwe son rol, akoz ler in annan sa bann koudvan – sa bann storm si  oule in toultan pare pou met larzan lo latab pou ed Air Seychelles pou li kapab kontinyen fonksyonnen.

2enm keksoz ki annan pou fer ek Etihad se sa management contract e se la mon krwar ki annan serten kestyon kot i annan serten diskisyon si oule menm odit ki nou bezwen fer pou nou idantifye egzakteman performance ki mannyer i été.

Deza i annan parey mon’n dir desizyon se pou bouz ver Air Seychelles avek Seselwa take over management lakonpannyen Air Seychelles.  E sa prosesis in fini konmanse.  E parey in ganny dir training pe ganny fer e si nou vwar a lafen sa 5an poudir nou’n pare, mon krwar Gouvernman i ava pran en desizyon an faver ki nou annan en tim lokal ki run Air Seychelles e ki pran fitir Air Seychelles dan lanmen, pou anmenn li devan.  Mersi Mr Speaker.

 

MR SPEAKER

Mersi Minis.  Onorab Henrie vitman.

 

HON GERVAIS HENRIE

Dernyen Mr Speaker mersi bokou.  Dan son larepons Minis in mansyonn en zafer odit, alor eski ou kapab konfirmen si Gouvernman osi i en panse right now dan Gouvernman, pou ganny en 3enm – en independent point of view, pou anmenn en lakonpannyen i ava fer en performance audit en forensic audit pou vreman gete si Etihad i pa’n bat nou latet dan bann desizyon ki zot in pran an term Management contract kot zot kapab inflate serten pri par egzanp ki zot pe sarz nou pou bann servis.  Ouswa zot pe zis pran bann move desizyon pou prezan i kapab met nou dan en pozisyon a lafen sa 10an pou nou dir be ok napa renewal mersi bokou whilst it last, me sorry me mon pou bezwen fer sakenn pou nou.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker sa i en keksoz ki Gouvernman definitivman pou konsidere, depandan konbyen i koute pou fer.  I en keksoz ki nou deza diskite i pa en keksoz ki nouvo pou vwar si petet i ava ed nou mye konpran ki’n arive? Kote ki keksoz pa’n mars sitan byen e kote ki nou kapab fer pli byen dan le fitir.  Mersi Mr Speaker.

 

MR SPEAKER

Mersi Minis.  Bon avek sa nou pou aret la, me nou pou repran 2er akoz i annan ankor plizyer Manm ki lo lalis.  Me ankor mon avertir bann Manm nou fer mannyer pou restrikte nou pou kestyon nou pa fer gran stetment.  Mon ava ankor remind bann Manm Lasanble ki i annan en miting ki pe al pran plas 12.30 dan Committee Room 3.  I annan posibilite ki Minis Adam osi mon ganny enformen ki i kapab attend vi ki in prezant sa Bill devan nou.  E osi tou kote Minister Finans PS Damien Thesee will be in attendance.  So miting 12.30 dan Committee Room 3.  Yes Onorab Simon Gill.

 

HON SIMON GILL

Mr Speaker apre midi par lefe ki nou pe konmans en nouvo Sesyon, mon ti oule en pti slot pou mon demann Minis 2 kestyon silvouple ?

 

MR SPEAKER

Nou ava regarde letan permet si letan i permet – mon ava remet ou lo lalis.

 

HON SIMON GILL

Mersi bokou Mr Speaker.

 

MR SPEAKER

Ok bon nou ava Break e nou repran nou travay 2er.

 

 

(BREAK)

 

 

MR SPEAKER

Bonn apre midi tou Manm Onorab.  Bonn apre midi tou Minister avek ou delegasyon.  E bonn apre midi tou dimoun ki a lekout e pe kontinyen swiv travay Lasan ble Nasyonal.    Premyerman mon ti a kontan prezant en leskiz pour sa retar ki nou’n gannyen.  Sa ankor an vi bann lezot commitment ki nou annan pandan break ki Manm osi tou i annan pandan break.

Bon mon pour donn en lot direktiv pour apre midi.  Mon annan ankor bokou Manm ki ankor lo lalis.  Mon pour allow 2 kestyon par Manm.  Mon konnen i annan ki annan 4 oubyen 5 kestyon.  Me zot a bezwen swazir 2 kestyon ladan pour nou kapab fer keksoz al en pti pe pli vitman.  Alright ?  Minister in avek nou yer, Minister in avek nou depi bomaten pour nou kapab sey bouz keksoz pli vitman.  E ankor annou sey al direk lo kestyon.  Minis osi tou ek ou 2 teknisyen – CFO avek PS annou sey donn repons bref and to the point.  Avek sa mon ti a kontan donn laparol Onorab Audrey Vidot.

 

HON AUDREY VIDOT

Mersi Mr Speaker.  Bon apre midi Minis ek ou delegasyon.  Tou Manm prezan e bann dimoun ki a lekout.

Minis, apre ekout bann deba depi yer ek bomaten.  Mon kestyon i, ki garanti ki nou annan ki Air Seychelles i kapab kontinyen zwe sa rol ki ti ganny kree pour fer?  E sa se donn lasirans ki nou kapab toultan annan en lavenir pour anmenn viziter isi Sesel.

 

MR SPEAKER

Mersi Onorab.  Minis.

 

MINISTER DIDIER DOGLEY

Mon’n pas anler lo sa plan ki in ganny met devan pour sa 5an ki pe vini e mon konnen poudir i annan en kantite travay ki pe ganny fer par deryer, pa zis par Minister, pa zis par Air Seychelles, me Minister Finans eksetera pour nou fer sir poudir bann issues finansyel ki Air Seychelles i annan ouswa ti annan ki nou met lord ladan enn fwa pour tou.

Alor pour mwan, tou zefor pe ganny fer, pour fer sir poudir Air Seychelles i annan en lavenir e pour kontinyen avek son original vision ki i ti gannyen ouswa sa manda ki ti gannyen depi lo komansman, se pour fer sir poudir i zwe sa rol ki donn en garanti ki poudir nou pour kapab anmenn touris isi Sesel e ki i vin nou si oule sa ki nou apel nou Insurance Policy as far as tourism is concerned.  Mersi Mr Speaker.

 

MR SPEAKER

Mersi Minis.  Mon ava donn la parol Onorab John Hoareau.

 

HON JOHN HOAREAU

Mersi Mr Speaker.  Mr Speaker pli boner CFO in koz lo bann sif ki zot pe lease, ki zot ti pe lease avyon aprezan sa avyon zot pe re lease li avek Fiji ki ler ou pe get sa sif i tonm apepre pli ba ki 50poursan pour pri ki zot pe, ki Fiji pe pey zot ki in kout pour zot lease avek Etihad.

Eski Minis i kapab dir nou si sa pri ki zot pe lease ek Etihad i en overprice?  Oubyen akoz sa i paret mwan ki i fouy en gran trou dan zot deficit. 

Dezyenmman mon ti a kontan ki Minis i klarifye.  Yer in koz lo ki Air Seychelles sete pour konsantre lo vol rezyonal avek bann pli pti avyon, plis kapasite.  E an vi ki laplipar nou bann touris pe sorti Lerop ki nou pli gran marse.

E ki fason alor ki i kapab eksplike ki sa Air Seychelles Lendistri Tourizm i vin vilnerab?  Akoz vi ki ou pa pe fer, ou pa an konpetisyon avek sa bann gro avyon ki pe fer larout Lerop, ou pe fer zis rezyonal.  Ki mannyer ou kapab eksplike ki san Air Seychelles ou pour vin vilnerab?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker konsernan lease price mon ava demann CFO pour eksplike akoz li i annan bann detay egzakteman kan sa bann avyon ti ganny lease e konbyen ti ganny lease, e akoz ti ganny lease a sa pri.

Konsern regional.  Air Seychelles becoming e Regional Airline, mon krwar sa ki enportan pour nou konpran sa ki ozordi nou annan nou en kapasite of apepre 2, 000 seat lo bann avyon pe vin Sesel toulezour.  E ladan i annan apepre zis 1, 000 ki nou kapab ranpli baze lo lakantite lasanm lotel ki nou, nou annan la konmela.

I deza annan en over capacity e bokou bann Airline kantmenm zot pe anvol isi, i pa neseserman poudir zot pe fer profi lo sa Laliny.

Air Seychelles osi i annan bann partner Airlines ki travay avek.  Par egzanp Etihad i reste en partner tre pros avek Air Seychelles.  Menm kantmenm pour aret al Abu Dhabi, i vedir poudir bann lezot landrwa kot i pour konnekte i pour annan bann lezot Airline ki pour, ki li in siny Lagreman avek ki pour kontinyen supply touris isi Sesel.  E zot pe kontinyen vann tiket lo Etihad kantmenm ou pa pour vwar Air Seychelles pe fly, me Etihad i pour annan seat ladan ki pour Air Seychelles kot nou apel bann code sharing pour kontinyen pe ganny fer.  Mersi Mr Speaker.

 

MR SPEAKER

Mersi Minis.  Nou a pas la parol avek CFO.

 

CHIEF FINANCIAL OFFICER MICHAEL BERLOUIS

Mersi Mr Speaker.  Wi letan nou’n pran sa bann avyon.  Nou ti pran sa bann avyon an 2012 right, e lenformasyon ki mon annan, mon pa ti la sa letan, mon pa ti CFO.

I ki letan nou ti pran sa bann avyon, nou ti pran sa bann avyon ek menm lessor, savedir menm lakonpannyen ki ti pe retourn sa bann Boeing Aircraft ki Air Seychelles ti annan sa letan  – ok ?

Selman, ti annan en penalti in al dan sa Kontra ki’n on top of sa market lease rate, what that is  mon pa kapab dir ou akoz sa ti en desizyon ki ti fer an 2012.  Mon kapab dir ou ki konmela letan nou’n re al lo marse, e bann lease rate ki nou’n vwar lo marse, globalman i much slower ki sa ki ti ete an 2012.  E sa nou kapab vwar lo marse poudir konmsi bann lease rate lo marse 2012 konpare pour menm avyon, or en avyon ki’n age pandan sa letan, in vin sa ki Fiji pe donn nou la..

I actually, nou’n manage ganny en pti premium avek Fiji Compagnie ek marse.  Selman sa diferans i akoz i mazorite i akoz pri marse in desann.

 

MR SPEAKER

Mersi CFO.  Mon ava pas la parol avek Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon ti a kontan demann Minis avek CFO e Mr Renaud ki la pour dir nou.  an vi ki Etihad ti pe rankontre problenm avek Star Alliance, e enn bann problenm ki’n rankontre se ki son bann desizyon expansion in vwar koman tro agresiv e ki li menm li Etihad i bezwen scale down.

E nou’n vwar resaman dan lapres in annan en bon restriktirasyon ki’n ganny fer.  e sa ti pe afekte li pour li ganny bann code share avek bann lezot avyon.  Prenon kont sityasyon Etihad ek Air Seychelles ozordi,  eski i posib prezan pour Air Seychelles komans branch out pour li al aroz bann code shares avek bann lezot Laliny Aeryen oubyen i still lock into en partnership ki pa permet li pour li bouz anywhere until ki i kapab sorti avek Etihad ozordi?

E sa ti ava ed li dan en sans pour li kapab komans ganny sa, eski sa i posib? E ki zot pe fer pour zot kapab achieve sa pozisyon kot zot kapab annan bann code shares avek lezot avyon?  Akoz la parey ou’n perdi sa hub Abu Dhabi.  Ou nepli annan en hub Abu Dhabi.

So Sesel basically i vin hub Air Seychelles.  Be lekel bann lezot Laliny Aeryen, Laliny avyon ki zot kapab travay avek zisteman pour zot tap into bann potansyel pour zot kapab fer larzan lo bann vol?  Mersi Mr Speaker.

 

MR SPEAKER

Mersi Onorab Pillay.  Minis oubyen CFO? CFO.

 

CHIEF FINANCIAL OFFICER MICHAEL BERLOUIS

Mersi Mr Speaker.  Menm si nou ti dan, annou dir sa Alliance, EAP Partners – Etihad Airways partners.  Ti napa gran restriksyon ki ti met lo nou lo ki bann lot Laliny Aeryen nou fer code share avek ok.

Selman dan sa dernyen 2an nou’n vwar Etihad in pull back further, menm sa Brand EAP partners parey Minis in dir nou’n fini, nou’n tire lo tou nou bann branding Air Seychelles ouswa nou anvizaze tire e i dan process.  Menm ou get parey India, Jet Airways i en lot equity partner Etihad.  Menm la nou’n vwar poudir sa servis ki Jet Airways pe donn nou, sa fee ki i pe donn nou pasaze, i pa ti lo sa nivo ki nou ti ekspekte.

Nou’n fini apros Air India pour ganny code share avek zot.  Savedir nou pa restrikte, in menm si i annan en partner Etihad dan en market ki nou operate.  Nou, nou annan complete freedom pour fer sa desizyon Sesel pour fer nou team deside ki Airline, ki Alliance nou anvi join, konmsi ki nou anvi partner avek.

Selman pour le moman nou pa pe anvizaze join other Alliance parey Star Alliance ouswa One World.  Thank you.

 

MR SPEAKER

Mersi CFO.  Onorab Pillay.

 

HON SEBASTIEN PILLAY

Mersi.  Mersi Mr Speaker.  Mr Speaker prenon kont ki laplipar bann pti Konpannyen Aeryen si ou kapab apel sa, i join sa bann Lalyans zisteman pour zot kapab tap into bann potansyel ki lezot i ofer zot.

Eski zot dan Air Seychelles ozordi, zot pour en negosyasyon pa kapab vin enn ki, zot bezwen vwar ki mannyer bann potansyel ki zot, zot kapab annan pour zot kapab al rod fason pour ganny bann sources of income?

Mon kontan tande poudir finalman zot in vwar poudir sa ki zot pe gannyen atraver Jet Airways i pa rantab pour zot e ki zot basically perdi, Etihad pe benefisye lo zot.  This is what it looks like at face value.

        So prezan ki zot, zot pour fer prezan pour adres sa bann sityasyon ?  Akoz Mr Speaker mon pa ganny en konpran ki mannyer ki nou, baze lo sa ki’n arive i paret poudir bann desizyon management Etihad ki li in pran, i pe annan en reperkisyon direk lo survival Air Seychelles.

Eski then zot pa devret go back to the negotiating table e montre serten, serten, serten fermte poudir ki be ekout en kou nou pa kapab pey les pots cassés pour ou avek ou expansionism kalite  lapros – lapros ki ou’n al pran pour ou sey vin tro gro e pli gro parey tou dimoun, pli gro ki tou dimoun ki aprezan in afekte ou.  E sa i kler.  E tou dimoun pe dir sanmenm e prezan zot menm zot, zot in restriktire.

So, kwa ki zot, zot pe fer prezan pour ki nou kapab al dan Laliny kot zot kapab annan serten lendepandans pour zot kapab fer serten desizyon san ki zot ganny anmaye par bann desizyon ki Etihad i pran ki apre i vin costly e i vin en reperkisyon lo zot, lo Air Seychelles li menm ?

 

MR SPEAKER

Mersi Onorab.  Minis oubyen CFO. 

 

CHIEF FINANCIAL OFFICER MICHAEL BERLOUIS

Kestyon i annan 2 part si ou get byen.  1)  i koman yer ou pe, zwenn nou Air Seychelles ek Gouvernman pe negosye ek Etihadright.  Pour bann keksoz ki’n arive dan lepase ok.  Sa mon pa pour kapab comment lo la.  Akoz mon annan en konfli.  E sa i en negosyasyon ant Gouvernman avek Etihad as 2 shareholder Air Seychelles.  Pa Air Seychelles koman sa antite ki, sa entity ki pe ganny manage.  Ok sa i en kestyon Gouvernman ek Etihad.

Lo ki restriksyon ki Etihad i enpoz lo nou, ok.? Mon pa kapab koz about ki’n arive avan mon’n ariv Air Seychelles.  Selman sa ki mon kapab dir ou la.  I mazorite, i annan en ta Kontra ki nou annan ek Etihad ki i kapab engineering, i kapab sales ki letan nou gete nou dir, sa pa vreman fer sans pour Air Seychelles.

Annan de ler si i en Kontra direk ek Etihad, i fasil.  Nou dir ok, nou bezwen met nou prop sistenm pour nou kapab fer sa fonksyon Sesel.  Ouswa nou anvi servi en lot supplier ki sa enn ki Etihad ti pe servi.  E letan nou ariv pour renouvle Kontra, nou pa renouvle.  Nou switch.  Napa okenn lanmen, ouswa napa okenn presyon sorti Etihad pour dir, non kontinyen servi nou supplier akoz sa i nou preferred supplier ouswa sa en servis ki nou kapab kontinyen servi nou.  Napa sa presyon.

Selman i still annan bann Kontra ki nou’n fini sinyen, kekfwa 2an, 3an pase.  Parey     SABRE  ki ti en preferred supplier ki ozordi nou, nou annan en Kontra ek    SABRE  ki nou pe sey sorti ladan e nou pe negosye ek        SABRESelman i reste an en Kontra menm si in ganny sinyen dan sa menm letan ki nou bezwen find a way pour nou tir sa bann Kontra.  Thank you.

 

MR SPEAKER

Minis.

 

MINISTER DIDIER DOGLEY

Mersi Mr Chair.  Konsernan sa lot bout kestyon.  Mon ti a voudre fer resorti poudir pandan Break mon’n ganny sans koz avek Minister Finans konsernan sa zafer odit e in ganny konfirmen poudir PEMC pe al fer en odit.  En, sa ki apel en Operational avek Governance Audit lo Air Seychelles.

Ler sa odit a’n ganny konplete.  Gouvernman i ava annan bann lenformasyon konkret ki i kapab aprezan apros Air Seychelles, apros Etihad e kapab ed li dan bann negosyasyon dan lafason ki i pour ale dan lavenir sirtou le no pe koz lo Management Contract eksetera.  Mersi Mr Speaker.

 

MR SPEAKER

Mersi Minis.  Onorab Regina Esparon.

 

HON REGINA ESPARON

Mersi Mr Speaker.  Mr Speaker CFO i dir nou ki Air Seychelles i annan, i pour annan en det malgre ki Gouvernman pour sibvansyonn zot.  Zot pour reste avek en det avek anviron 2 milyon.

Mon ti a kontan demann Minis, an vi ki tou dernyerman nou’n aprann ki Air Seychelles pe bezwen reschedule zot vol tanzantan –  Abu Dhabi semenn pase, zot in bezwen layover Sidafrik.  E yer osi Air Seychelles in ganny problenm avek son flight Maurice.

E i annan de ka kot zot in bezwen fret en lot avyon pour kouver sa larout.  Konbyen sa i kout Air Seychelles an term loss?

E si i kapab donn nou en bilan 2017, 2018 konbyen fwa avyon in kase, konbyen sa in koute?  E lekel lakonpannyen ki zot lwe avyon avek ler zot dan bann sityasyon koumsa?

E finalman Mr Speaker.  Avan lunch, Minis i dir nou ki ler i annan en problenm avek Air Seychelles Etihad i met lazan ater.  Eski pour bann operational cost osi parey sa, Etihad i donn zot lanmen pey zot bann det?  Mersi Mr Speaker.

 

MR SPEAKER

Mersi Onorab.  Minis ou oule pran?  Go ahead Minis.

 

 

MINISTER DIDIER DOGLEY

Mersi Mr Chair.  Mr Chair konsernan bann maintenance, mon krwar sa in deza fer resorti pli boner poudir konmkwa Air Seychelles i ti pe ekspekte komansman sa lannen 2 nouvo avyon.

Enn ti sipoze vini an zanvye.  E lot an mars if I recall correctly.  E sa i ti devret 2 sa ki nou apel A320neo.  Me malerezman, sa lakonpannyen ki fer sa bann avyon, in ganny retar ki fer poudir ki premye avyon aprezan pour antre an Zen sa lannen.  E lot avyon pour antre an Mars lannen prosen.

        Prezan ki i fer,  ki Air Seychelles pe kontinyen servi sa avyon ki in lease tanporerman.  Ki i annan 16an sa 2 avyon.  Me malerezman akoz zot laz, i annan bann maintenance ki bokou pli o ki bezwen ganny fer.

E sa se ki ou vwar poudir i annan sa bann problenm maintenance ki tanzantan Air Seychelles i vwar li pe fer.  Me tre byento, savedir an zen premye.  Sa premye avyon pour ale e nou pour vwar nou avek en avyon nef ki pour ranplas li avek, e lot pour ganny ranplase lannen prosen.

Konsernan bann loss.  Parey nou’n dir e in ganny repete plizyer fwa, bann loss ki Air Seychelles in fer dan lepase.  Nou’n vwar Etihad in kontribye pour pey sa bann pert ki Air Seychelles in fer.  Mersi Mr Speaker.

 

MR SPEAKER

Mersi Minis.  Onorab Esparon.

 

HON REGINA ESPARON

Mersi Mr Speaker.  Be Minis pa’n dir nou konbyen in koute?  Parey la ou annan sa 3 vol la ki ou’n bezwen reschedule Minis.  Konbyen in koute?

E mon ti ava kontan si an gro ou kapab dir mwan 2017, 2018 pour sa bann problenm ki avyon in gannyen kot ou’n bezwen fret en lot avyon, konbyen in koute?  E lekel Lakonpannyen ki ou fret avyon avek dan bann sityasyon koumsa?  Mersi.

 

MR SPEAKER

Mersi Onorab.  CFO.

 

CHIEF FINANCIAL OFFICER MICHAEL BERLOUIS

Ok Mr Speaker.  Sorry mon napa figures pour 2017.  An 2018 nou’n spend apepre $600, 000 Dollars lo disruption cost.  Sa normalman nou annan en Bidze pour li.  So i vin part.  Ou bezwen mazinen poudir si en avyon i vye.  Nou bezwen Bidze poudir annan de ler i pour annan en issue teknik.  E nou annan en bidze pour nou pey sa bann disruption cost.  Savedir letan Etihad i donn nou, par egzanp sa 30 ilyon, i donn nou en lump sum apre ki zot get nou balance payment ek Etihad at the end of the year.

I pa pour donn nou 50 milyon sak fwa i annan en disruption.  Pour met li dan konteks par egzanp la 2 semenn pase nou ti annan en disruption Johannesburg.  Ti annan en toilet ki ti bloke apre en customer ti flush en pampers.  Sa nou’n bezwen met tou dimoun dan lotel, nou’n met crew dan lotel pour zot ganny zot, zot minimum rest apre pour zot fly back.  In kout nou $15, 000.

Letan sa, ti annan en technical issue avek en cheques Abu Dhabi, nou ti bezwen pran 48er olye 24er pour nou rektifye avyon, nou ti.  Sa flight Abu Dhabi ti delay.  Aprezan akoz sa flight Abu Dhabi ti delay nou ti napa sa avyon pour fer Maurice, nou ti pran Air Mauritius pour fer sa flight pour nou.  Air Mauritius i pran nou apepre $50, 000 Dolar pour fer sa flight.  Ki vedir tou reveni pasaze lo sa flight, nou pa fer profi.  Nou bezwen donn Air Mauritius pour operate sa flight.  I enportan pour note poudir i pa kout nou $50, 000 an plis.  Akoz sa 50, 000 i kouver cost bann crew allowance karbiran, navigasyon, ki otherwise si nou ti’n fer sa flight, nou ti pour incur.  Selman nou pa kapab servi nou staff, nou pa kapab servi nou avyon.  I vedir nou bezwen right off tou reveni lo sa flight.  Mersi.

 

MR SPEAKER

Mersi CFO.  Onorab Sylvanne Lemiel.

 

HON SYLVANNE LEMIEL

Mersi Mr Speaker.  Mr Speaker mon ti a kontan demann avek Minis oubyen avek CFO.  Prenon kont ki sa odit pe al ganny fer, akoz zot pa tenir en pti pe lo zot bann desizyon ki zot pe pran?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Chair.  Mon pa tro asire ki bann desizyon ki pe pran.  An zeneral mon krwar odit i pour ed Gouvernman pour vwar kwa ki’n al mal dan lepase e kwa ki pe al, kwa ki nou’n fer byen, e kote ki bann amelyorasyon i devret ete e when e well we go ahead.

Si ou pe refer avek bann problenm ground, avek sa kestyon ground handling.  Parey mon’n dir, nou pour anmenn sa, bann diskisyon ki nou’n gannyen isi avek pozisyon Gouvernman.  Nou pour anmenn direkteman devan bann dimoun Etihad pour nou sey rediskit sa garanti ki zot pe rode avek Gouvernman, e pour nou sey rod lezot fason pour gete ki mannyer nou kapab deal avek.  Mersi Mr Chair.

 

MR SPEAKER

Mersi Minis.  Onorab Jany Letourdie.

 

HON JANY DE LETOURDIE

Mersi Mr Speaker.  Mr Speaker me mon kestyon in ganny lir par Onorab Esparon.  Mersi.

 

MR SPEAKER

Mersi Onorab.  Onorab Jude Valmont.

 

HON JUDE VALMONT

Mersi Mr Speaker.  Mon annan 2 pti kestyon vitman.  Mon mwan ti a voudre konnen si zot bidze marketing si i ganny reflekte dan zot sales revenue?

Apre zis mon anvi fer en pti remark Speaker, vitman en.  Lefe ki erport i baze Pointe Larue.  Mon’n tann zot koze lo figures, statistik.  Annou fer sir nou pa perdi nou erport, nou kapab.  Apre mon’n tann CFO in dir sa plan ki zot in fer la, nou kapab pey tou travayer.

Mon ti a kontan Minis koman reprezantan Gouvernman.  Akoz nou konnen ler nou dir ground handling, nou dir i annan staff Air Seychelles.  Me selman annou pa bliye i annan Skychef ki travay avek zot.  I annan en kantite zenn Pointe Larue ladan.  I annan porters, i annan lezot dimoun ankor.  Sa bann dimoun alor osi, si nou les ground handling ganny pran par Etihad,  sa bann dimoun zot, ki zot pour fer?

Sa, alor mon ti a kontan Minis i fer en garanti.  Akoz bokou sa bann dimoun mon konnen la aktyelman pe ekout zot.  Pe ekout nou la dan Lasanble e pe wonder ki pour arive demen.  Nou’n vwar enn deza i annan redundancy. 

        Alor mon demann Minis koman reprezantan Gouvernman dan sa Lasanble la ozordi, pour donn en garanti ki sa bann dimoun pa pour perdi zot travay e nou pour fer le mye posib, le mye posib pour fer sir ki deal ki nou fer la, avek Lagreman Lasanble la, ki sa bann dimoun pa pour perdi demen.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker mon’n dir pli boner poudir redundancy ti ganny fer an 2018.  Napa ankor okenn plan pour fer okenn redundancy as far as Air Seychelles i konsernen.

Konsernan ground handling.  I dan lanmen Air Seychelles e i pour kontinyen dan lanmen Air Seychelles.  E Gouvernman pe fer son mye pour fer sir poudir Air Seychelles i reste sa sole lorganizasyon ki pour fer ground handling lo erport.  Mersi Mr Speaker.

 

MR SPEAKER

Mersi Minis.  Mon ava donn la parol Onorab Paul Ernesta.

 

HON PAUL ERNESTA

Mersi Mr Speaker.  Bonn apre midi Mr Speaker, Minis ek ou delegasyon.  Tou bann koleg Onorab e tou dimoun a lekout.

Mr Speaker sorry, Mr Chair.  Pli boner Minis letan in koze in dir ki i annan sa 2 avyon ki ti pe vini, in ganny retar.  E sa i annan en kou ki vin avek sa retar.  Eski zot kapab dir nou konbyen sa kou i arive?  Enn,

 

E dezyenmman.  Si i annan okenn laranzman ki’n ganny fer avek sa supplier pour fer sir ki nou, nou pa perdi dan sa deal.

E apre pli boner lo kote ground handling –  i annan sa Antite en, si ti napa sa Antite ki’n ganny formen, eski Air Seychelles ti pour kontinyen kapab egziste koman en Airline?

E eski i ti pour kapab kontinyen pe donn sa servis parey ki pe donnen aktyelman?  Sa date si ti napa sa antite.  Thank you Mr Chair.

 

MR SPEAKER

Mersi Onorab.  Minis.

 

MINISTER DIIDIER DOGLEY

Mersi Mr Speaker.  Mr Speaker CFO i a reponn sa kestyon lo cost lo delivery sa bann avyon.

Konsernan AES ek Air Seychelles.  Parey mon’n dir se Air Seychelles ki pour kontinyen avek loperasyon ground handlingAES i selman en holding company ki pour hold bann lekipman.  Savedir i pour anrezistre bann lekipman anba la.

Me ground handling li menm.  Tou ekspertiz ki i annan dan Sesel, i avek Air Seychelles.  Alor i preski enposib pour ou kapab run en lot biznes ground handling Sesel san staff Air Seychelles.  Alor pour nou i pa fer sans pour pran li, pour tir li kot i ete pour met li en lot landrwa.  I pour reste avek Air Seychelles.  Mersi Mr Speaker.

 

MR SPEAKER

Mersi Minis.  CFO.

 

CHIEF FINANCIAL OFFICER MICHAEL BERLOUIS

Sa bann dat ki Minis ti pe refer to – right?  Ti bann original dat pour introduction sa bann avyon letan.  Akoz letan nou’n fer plan at the end of 2017, beginning 2018, nou pa ti ankor sign okenn Lagreman pour lease sa bann avyon.

Nou ti bezwen al.  Once tou lede shareholder in agree, ou pour dir sa direksyon ki nou anvi al ladan.  Nou’ bezwen al lo marse rod avyon ki bann dimoun, ki bann lessors ti pour lease ek nou.

Letan nou’n al lo marse, nou’n realize poudir nou pa pour kapab ganny en, i a vin en slot dan production line kot airbus ki bann lessors in fini aste.

Nou pa ti kapab ganny en slot pour 12mwan.  Nou ti bezwen ganny en pli gran dele letan – right ?  Premye slot ti pour vin pour July, avek CDB, sorry Zen.  Li in ganny en pti delay, kekfwa nou pour ganny li premye semenn July.  I pa en gran dele.  Dezyenm, nou ti ganny en slot avek ALC pour Zanvye 2020.  Li in ganny dele 2 mwan.

Napa en gran impact lo kou akoz i annan sa dele avyon.  Akoz parey mon ti pe dir, ki pour arive dan nou plan?  Nou pour save lo lease akoz nou pa pour pey sitan.  Selman nou pour pey plis pour karbiran, apre nou pour pey en pe plis lo maintenance, akoz nou pour still ganny problenm e maintenance en pe pli ser.

Ki nou pa pour gannyen, i sa reveni ki nou ti krwar nou pour kapab gannyen depi annou dir Zanvye ek Mars sa lannen.  Aprezan ki in, team Air Seychelles in bezwen fer, letan nou’n fer Bidze, Board in dir nou, mon konpran aircraft i tar – right?  Mon konpran poudir ou ti napa kontrol lo la.  Selman nou, nou sign-off lo en 5year plan ou, ou pour bezwen delivre sa 5year plan aprezan ok.

Savedir ki nou ti team in bezwen fer.  Nou’n al reget tou bann depans, reget tou bann reveni, gete ki nou kapab stretch pour fer sir ki menm si sa aircraft i vin tar, nou still pour kapab deliver lo sa plan.  E la, la ki mannyer nou ete an Fevriye nou vwar poudir nou kapab fer li – right ?

Akoz konmsi, permet mwan I am very proud konmsi ki nou team in kapab achieve deliver.  Sa plan ti vreman agresiv – right?  Ti annan en bann bout parey mon’n dir ki nou’n met bann buffer pour nou kapab pran en pe lespas  – right ?

Selman nou on track menm avek sa bann dele, menm avek sa fuel price poudir nou, nou pour delivre lo sa plan, and the team is doing that. Yeah.

 

MR SPEAKER

Mersi Mr Berlouis.  Mon ava donn laparol Onorab Ahmed Afif.

 

HON AHMED AFIF

Mersi Mr Chair.   Mr Chair mon ti a kontan tou dabor demann Air Seychelles si zot kapab donn nou bann sif presiz lo ground handling Air Seychelles?  Savedir si mon kapab ganny par egzanp 2017 ek 2018 reveni ki ground handling in fer?  Answit depans ki ground handling in fer.  Pour sa 2 lannen.? E zot a montre nou si in fer en profi.

Dezyenmman mon ti a kontan demann zot si zot kapab fer nou ganny okenn Lagreman ki egziste ant Aviation Equipment Services avek Air Seychelles.  Akoz i bezwen annan en Lagreman antre sa 2.  E ki lenpak, ki lenpak sa Lagreman pour annan lo reveni Air Seychelles?  Malgre ki zot dir i pour kontinyen fer ground handling, i pa bezwen License, i annan permi.  Me ki lenpak pour annan lo son reveni Air Seychelles?  E ki lenpak pour annan lo reveni AES?  Ki nou annan par ladan.

E finalman si mon kapab dir ou, si mon kapab demann zot, pour eksplik nou lo sa preferential shares ki zot in tonm dakor avek Etihad pour gannyen an retour pour donn nou kredi oubyen lasistans finansyel $30 milyon Dolar.  Eski pa vedir preferential shares ki si zanmen Air Seychelles i bezwen pey dividend, se sa aksyonner ki i annan preferential shares ki pour ganny son larzan premye, malgre ki i annan 40poursan?

Eski pa vedir osi ki sa aksyonner ki annan zis 40poursan, me ki annan preferential shares, si zanmen i annan en liquidation dan Air Seychelles, se li ki annan akse premye avek okenn byen sa lakonpannyen.

E alors sa dan li menm i en gran benefis pour annan preferential shares.  I pa zis en mannev lo papye.  Mersi.

 

MR SPEAKER

Mersi Onorab Afif.  Minis.

 

MINISTER DIDIER DOGLEY

Yeah mersi Mr Speaker.  Mr Speaker konsernan premye kestyon, konsernan bann figures 2017/ 2018.  Sa mon ava demann CFO pour donnen avek spending ki’n ganny fer lo ground handling, konbyen i koute pour son bann depans e konbyen profi ki i fer.

Lagreman konsernan Aviation Equipment Services reveni e lenpak ki i pour annan lo Air Seychelles, son bann reveni.  Sa osi i en financial, mon ava demann CFO pour reponn.

Konsernan preferential shares osi, sa osi mon krwar i dan en pli bon pozisyon pour li reponn ki mon.  Mersi Mr Speaker.

 

MR SPEAKER

Mersi Minis.  Mr Berlouis.

 

CHIEF FINANCIAL OFFICER MICHAEL BERLOUIS

Premyerman pour kestyon, si nou annan any figures presiz pour ground handling reveni?  Wi sa nou kapab supply.  Mon napa la.  Me selman nou kapab compile enn e donn Lasanble.

Lo bann kou direk nou kapab donn en accounting presiz.  Selman kou direk ground handling, i pa tou kou ground handling.  Akoz par egzanp letan ou al check-in i annan tou sa bann check-in counters.  Tou sa bann check-in counters i annan en bann sistenm parey ki servi CUTE ki part of nou bann Kontra ek SITA.  I – sa i asiz avek IT Air Seychelles ki pran tou bann kou IT – ok?

Nou annan bann keksoz parey SITATEX, tou bann sistenm teknik – ok? So pour mwan reponn ou kestyon direkteman, si mon kapab donn ou en accounting presiz ki kantite ground handling ti pour fer.  Par egzanp si i ti en entity lo li menm, presiz non.  But we can give a very good estimate – ok?

        Permet mwan, we can do that, let’s say en semenn rightBut reveni napa problenm.  Direk cost napa problenm, selman nou pour bezwen fer en alokasyon bann overhead cost Air Seychelles ki nou krwar i devret al dan ground handling e nou pour kapab met sa bann lasonpsyon pour zot kapab vwar – ok?

Lagreman ant Air Seychelles avek, sorry what was the Companies nameAES Ok so.  Letan nou koze konmela menm, napa okenn Kontra ki’n ganny sinyen ant subsidiary, AES avek Air Seychelles.

I annan sipoze.  Nou pe diskit en Management Contract pour nou kapab run tou sa bann zafer without met staff ladan – ok?

Reveni AES pour – enn lease pour sa bann lekipman right ?  Apre nou pe osi gete si AES i devret lease par egzanp bann lofis office space from SCAA, ki currently Air Seychelles i lease apre i onward lease.  Savedir i pour ganny reveni apre zot pour pran sa larzan i donn SCAA net effect zero – right?

So sa sel 2 revenue stream pour AES.  AES pour napa okenn employee; i pour napa okenn Kontra avek customer airlines; i pa pour provide okenn servis – right?  As we stand currently, zis i pour hold sa bann assets, i pour pran li i pour lease li to Air Seychelles, apre nou bann dimoun Air Seychelles e i pour menm tub  sa tub ki nou pe servi ozordi se menm tub ki AES pour donn nou demen, e nou pour lease li, apre nou pour servi pour fer ground handling.

So i zis sa lease amount ki i pour gannyen.  Apre kekfwa i pour ganny en pe lease pour office ki li i pour onward i pour donn SCAA.

In terms of the preferential shares.  The preferential shares pa pour, napa okenn dividends ouswa lentere lo sa preferential shares.  Sa preferential shares i vo $30 milyon Dolar, Etihad letan nou donn li sa preferential shares i ekspekte nou rann li son $30 milyon – ok?

Ou korek ki nou pa pour kapab declare dividends to the ordinary shareholders tan ki nou pa ankor pey sa $30 milyon  – right?  Savedir si nou fer en profi avan ki nou komans donn Etihad 40poursan, donn Gouvernman 60poursan,  nou pour bezwen donn – rann, basically avan nou fer dividend, nou bezwen rann sa 30milyon ki nou’n fini pran.  Basically – ok?

 

MR SPEAKER

Mersi CFO.  Onorab Afif.

 

HON AHMED AFIF

Mersi Mr Chair.  Mr Chair mon konpran sa largiman ki i napa bann sif presiz lo si AES i komans fer loperasyon ground handling.  Me ozordi e pandan plis ki 30an, Air Seychelles pe fer ground handling.  Zot konnen sa bann sif.

Mon ti anvi konnen, si zot kapab donn nou konbyen zot pe fer.  Parske taler ou ti donn nou reveni, ti $15 milyon pour 2017, $12 milyon reveni ground handling 2016.  Zot bezwen annan cost. 

E ou koman CFO mon konnen ou konn sa dan ou latet poudir ground handling i fer larzan.  Donn nou en estimasyon; ou napa presiz –  estimasyon profi ground handling dan 1an.

 

MR SPEAKER

Mersi Onorab.

 

HON AHMED AFIF

Eski i $10milyon par egzanp?

 

MR SPEAKER

Mersi.  CFO.

 

CHIEF FINANCIAL OFFICER MICHAEL BERLOUIS

Ok si ou pa anvi.  Sa i en estimasyon, e sa i en legzersis ki nou’n fer pour Bidze – ok ?  Nou’n estimen poudir nou pour ganny direkteman from ground handling nou pour ganny apepre $16.6milyon.

 

HON AHMED AFIF

(Off-Mic)

Profi?

 

CHIEF FINANCIAL OFFICER MICHAEL BERLOUIS

Non, non reveni.  Reveni.  $16.6milyon direkteman ek handling avyon.  Ok ?  Nou pour ganny $5.4milyon sa i bann lot reveni line maintenance, Lounge, VIP avek CIP – ok ? 

        Apre nou pour annan apepre $12.1milyon kou.  Savedir profi i about sa ki ou ti pe dir dan $10milyon.  Selman i en estimasyon, i annan bann assumptions ki mon’n bezwen, fer pour mwan allocate bann kou ki i devret al dan sa loperasyon ground handling ki currently i dan Head Office.

 

MR SPEAKER

Mersi CFO.  Dernyen pti kestyon Onorab Afif.

 

HON AHMED AFIF

Zis en komanter.  Savedir dan 5an ground handling pour fer $50 milyon profi?

 

MR SPEAKER

Ok.  Baze lo estimasyon ki CFO in donnen.  Bon Onorab Wilbert Herminie.

 

HON WILBERT HERMINIE

Mersi Mr Speaker.  Bonn apre midi Minis avek ou delegasyon.  Mon kestyon i ankor lo sa Kontra avek AES.

Eski ler sa Kontra, sa Lakonpannyen ti pe ganny kree, eski ti annan okenn konsiltasyon avek Biro Attorney Zeneral pour protez lentere Sesel?  Sa i mon premye.

Mon 2enm i regarding SCAA.  Taler mon krwar en Onorab ti tous sa en bout, be solman Minis pa ankor donn en larepons definitif.

Mon mwan anvi konnen klerman ki pozisyon SCAA anver sa subsidiary AES?  Ki pozisyon ki SCAA pe pran lo la?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Konsernan premye kestyon Mr Speaker.  Pour travay ki nou’n fer, definitivman tou bann advise legal i sorti kot Attorney General’s Office.  Depi ler nou’n komans bann negosyasyon AG’s Office son bann Reprezantan in form par sa team ki’n fer negosyasyon.  Napa okenn travay ki’n ganny fer dan labsans, san partisipasyon AG’s Office.

Konsernan SCAASCAA i form par Gouvernman.  Definitivman sak dimoun i kapab annan son fason panse personnel, e Gouvernman an zeneral i annan serten konsern konsernan sa garanti.  E tou sa bann konsern mon krwar i ganny partaze an zeneral dan bann brans avek lorganizasyon Gouvernman.  Mersi Mr Speaker.

 

MR SPEAKER

Mersi Minis.  Mon a donn la parol Onorab Johan Loze.

 

HON JOHAN LOZE

Mersi Mr Chair.  Mr Chair Air Seychelles ki en State-Owned Enterprise i kre li en subsidiary.  Mon’n tann Minis taler pe nonm PEMC.  Alors mon kestyon, se lekel ki responsab pour assess risk ki Airport Equipment Services i reprezante pour lekonomi Sesel?  Sa i mon premye kestyon.

Mon d2enm kestyon.  Eski kreasyon Airport Equipment Services i pour redwir risk ki son mother company Air Seychelles i prezante pour Lekonomi Sesel?  Mersi Mr Chair.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Mr Speaker i annan 2 kalite oversight.  Bann travay ki ganny par Air Seychelles lo Erport e menm sa lakonpannyen.  Be solman in fini ganny dir poudir i pour napa okenn aktivite ki li i pour fer li menm.

Alor bann travay ground handling ki pour ganny fer par Air Seychelles, i toultan ganny, i annan oversight ki ganny fer par SCAA.  Se li ki sa body ki regulate at the Airport se alor se li ki oversee pour fer sir tou keksoz i annord.

Apre konsernan bann zafer finansyel, ekonomik, Ggvernance, se PEMC ki’n ganny kree koman sa body pour li monitor e fer oversight lo tou bann lakonpannyen Gouvernman ki operate koman en commercial entity.  Alors se zot ki pour bezwen vwar egzakteman ki pe arive dan sa bann lorganizasyon, pour fer sir poudir tou keksoz pe mars byen e ki zot pa poz en risk ekonomik pour pei.  Mersi Mr Speaker.

 

MR SPEAKER

Mersi Minis.  Onorab Loze.

 

HON JOHAN LOZE

Mr Chair mon ti annan en dezyenm kestyon kot mon ti’n demann Minis, eski kreasyon Airport Equipment Services i redwir risk ki son mother company Air Seychelles i prezante pour Lekonomi Sesel?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Pour komanse i pa neseser redwir ouswa sanz risk.  Me si i ariv okenn levennman ki Air Seychelles i vwar dan lefitir kapab ariv en problenm ek li, then i kapab.  Akoz ki AES i own son bann lekipman i pour fasil pour li kapab ler liquidation i ganny fer, ki sa 2 lakonpannyen napa nanryen pour fer ek kanmarad ki lot i kapab kontinyen operate e donn servis ground handling lo Erport e ki nou kapab kontinyen operate on the long term. 

        Se sa si oule lide pour redwir soz.  Be solman an zeneral i pa devret sanz keksoz la konmela ki mannyer keksoz i ete.

Apre definitivman lo kestyon oversight i annan Board.  So Board sa 2 lorganizasyon sirtou Board Air Seychelles son rol, se rol oversight ek governance e fer sir poudir sa bann Air Seychelles pe mars byen e zot osi annan oversight lo AES.  Mersi Mr Speaker.

 

MR SPEAKER

Mersi Minis.  Onorab Stephen Pillay.  Ou ti’n lev en point of order taler, me mon konnen ou lanmen ti anler avan.  Ou ti pe demann kestyon ou?  Non. Ok. Bon mon pour pas, mon pour ofer bann, i annan detrwa Manm, nou annan ankor en pti pe letan ki mon pour redonn zot la parol.  Mon pour komans avek Onorab Chantal Ghislain.

 

HON CHANTAL GHISLAIN

Mersi Mr Speaker.  Bonn apre midi tou dimoun.  Mr Speaker zis pour recap en pti pe.  Nou annan nou.  Lefe ki nou annan nou en det $30milyon Air Seychelles i annan avek Etihad, enn.

Dezyenmman nou annan nou en Konpannyen ki’n ganny kree AES.  E ladan 3 dimoun, ki annan en Board 4 dimoun lo la, 3 i ganny peye avek Etihad e enn Sesel.

E trwazyenmman Mr Speaker nou’n pran, lefe ki i annan sa det.   Air Seychelles in pran tou son bann lekipman in pran in anvoy anba AES koman garanti pour sa loan.

Mr Speaker an evantyalite i vin en pti pe parey si mon pe koz en pti pe dan Langaz ki Nenn Dada i konpran,  nou annan nou en later, en lakaz ek tou son bann lekipman ladan, nou’n pran lakaz nou’n pran nou’n lwe.  And then sa konpannyen i re lease ankor sa menm lakaz avek ou, and ladan ou’n pran depi son lili, son pyos, son lapel, son tou son lekipman nou’n anvoy laba.

Dan evantyalite kot Air Seychelles pa kapab rann sa $30 milyon.  Eski i vedir ki i vin parey prezan letan ou dir ek en dimoun in pran sa later ek son lakaz ou dir li kas son lakaz ale?  I kas tou i al avek, i kit ou zis ek ou later avek ou fondasyon.  Mersi Mr Speaker.

 

MR SPEAKER

Mersi Onorab Ghislain.  Minis oubyen CFO.

 

CHIEF FINANCIAL OFFICER MICHAEL BERLOUIS

Mersi Mr Speaker.  Right – nou bezwen kler lo striktir AES poudir wi i annan sa 4 Direkter ok.  Sa 4 Direkter i la akoz tou lakonpannyen ki ganny formen i bezwen annan Direkter – ok?  Sa lenstriksyon Board Air Seychelles – right, ki sa bann Direkter i la, selman zot toultan pour swiv direktiv Board Air Seychelles an antye.  Selman problenm si nou ti fer Board Air Seychelles an antye vin Board AES Administratively pour nou sign en lease,  nou ti pour bezwen fer en Board meeting ki vedir 4 dimoun i sorti Abu Dhabi bezwen vin isi zis pour nou siny en Kontra – ok ?

So mon konpran poudir si i annan en konsern.  Akoz nou, Remco ek mon lekor nou reprezant Air Seychelles.  Mon konpran poudir akoz nou part of Management Contract, nou Etihad Second D, i kapab annan en konfli – right,   ki si i donn bann Manm en pe plis sekirite, ki ou kapab fer?  Nou kapab tir Remco ek mon lekor, mon napa okenn obzeksyon ki i a reste Sitna ki en reprezantan Gouvernman Sesel avek enn pour Etihad selman zot still pour, zot pour la zot pour act on behalf Board Air Seychelles.  Akoz Board Air Seychelles ki kontrol tou sa bann shares.

Akoz Board Air Seychelles i kontrol tou sa bann shares, as a shareholder ou kapab act.  Air Seychelles i kapab at okenn moman tir sa bann Direkter.  So si i annan en sanzman lo kote Air Seychelles, si i annan sanzman lo direktiv of philosophy Air Seychelles, i vreman fasil sa bann Direkter pa zot ki pour annan sa lakonpannyen.  Air Seychelles ki pour annan sa lakonpannyen e zot, zot bezwen follow direktiv Air Seychelles.

 

MR SPEAKER

Mersi CFO.  Onorab Ghislain.

 

HON CHANTAL GHISLAIN

Yes Mr Speaker zot pa’n reponn mwan lo mon bout kestyon kot si an ka nou pa kapab rann, Air Seychelles pa kapab rann sa $30 milyon.  Eski i pran tou i al avek?  E i kit ou zis ek ou later ek ou fondasyon lakaz.

 

MR SPEAKER

Ok, mersi Onorab.  Minis.

 

MINISTER DIDIER DOGLEY

Mr Speaker zefor ki nou pe fer, se fer sir sa pa zanmen arive.  E menm la konmela ler nou kalkile, baze lo bann figures ki deza in ganny donnen la dan Lasanble,  nou konnen poudir ground handling Air Seychelles i vo bokou plis ki, $30 milyon.

Alor sa share i pour reprezant en serten poursantaz sa kantite larzan si oule ki nou dwa.  Be Gouvernman son plan se pour fer sir poudir en keksoz parey i pa zanmen arive, e ki i deza annan bann zefor ki pe ganny fer pour fer sir poudir sa problenm sa $30milyon i ganny tire o pli vit posib.  Mersi Mr Speaker.

 

MR SPEAKER

Mersi Minis.  Onorab Simon Gill.

 

HON SIMON GILL

Mersi Mr Speaker.  Bonn apre midi Mr Speaker.  Bonn apre midi Minis avek ou lekip.

Mr Speaker atraver ou, Minis ti ava voudre eksplik nou pour mon recap lo en kestyon ki ou’n demande bomaten.

Pour nou vreman met ater, si Air Seychelles son management dan konteks sa Lagreman ki i annan avek Etihad, zot pe vreman kalkil dan comprehensive restructuring e kree en nouvo outlook an term devlopman Air Seychelles.  Si mon kapab aret la pour le moman.  Mon, mwan, nou pa’n sezi li byen sa.  Mersi

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mon krwar poudir avek sa plan ki Gouvernman, ki Air Seychelles in vin avek pour retransform Air Seychelles,  mon krwar i en komansman pour nou komans travay pour vwar ki mannyer ki Air Seychelles pour devlope.

Zefor in ganny fer pour fer sir poudir maksimonm Seselwa i travay dan Air Seychelles e ki Air Seychelles i pran sa leadership – i pran sa leadership dan sa lakonpannyen.

Prezan si i annan, nou konnen poudir ankor dan 5an, dan sa Management Contract i ava’n terminen, loportinite i ava vini pour Gouvernman now revwar ki mannyer i al an devan avek Air Seychelles, kot i kapab aprezan anmenn son prop management ki Seselwa avek led bann teknisyen ouswa bann expert sorti deor, ki i ava donn koudmen pour fer keksoz marse.

Now si fodre donn loportinite ler lakonpannyen in transformen – son profi i montre poudir i pe mars byen, e nou kapab donn lezot Lakonpannyen, lezot Seselwa ki i anvi envestir dan sa lakonpannyen, loportinite pour partisip osi dan Air Seychelles, ki dan en fason nou vwar Seselwa i entegre e i pran ownership a lafen sa lakonpannyen ki pour nou

Ki a lafen i pe travay pour kontinyen annan sa prosperite Ekonomik dan Sesel atraver anmenn touris Sesel e osi donn access atraver bann domestic flight ki i fer, be osi bann international flight ki donn access Seselwa avek bann lezot landrwa ki zot oule vizite.  Mersi Mr Speaker.

 

MR SPEAKER

Mersi Minis.  Onorab Simon Gill.

 

HON SIMON GILL

Mersi bokou Mr Speaker.  Mr Speaker mon a demann Minis en kestyon direk.  Sesel i en pei ki son lekonomi i depan bokou lo aktivite touristik.  E Air Seychelles pe kontribye en kantite, pour kapab soutenir larive tourizm Sesel pour ki nou Lendistri Tourizm, tou bann dimoun Seselwa dan son mazoriter ki depandan lo larive touris pour li ganny en reveni pour li kapab soutenir son fanmir, pour kapab soutenir son travayer.

Eske dan sa new outlook Air Seychelles i annan en konponan lentansyon, management Air Seychelles, Gouvernman pour kapab engage tou bann akter dan sa Lendistri Tourizm pour vin en partie prenante dan legzistans loperasyon e prosperity Air Seychelles?  Mersi bokou Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker klerman i annan loportinite pour anmenn Seselwa pour partisip dan fitir Air Seychelles.  Parey mon’n dir Air Seychelles i pour nou, i pa pour personn, i pa pour bann lezot pei.

I vre poudir nou’n fer partnership, be loportinite pour Seselwa partisipe e anmenn kontribisyon atraver diferan fason, i pour la.

Alor mon krwar i en keksoz ki nou bezwen koman Gouvernman i devret for par plan medium term e long term ki Gouvernman i osi engage nou dimoun pour bann ki annan kapasite.  Akoz i koute pour run en Airline ki enterese pour osi antre e partisip dan devlopman e dan fitir nou Airline ki nou sitan depan lo la.  Mersi Mr Speaker.

 

MR SPEAKER

Mersi Minis.  Onorab Norbert Loizeau.

 

HON NORBERT LOIZEAU

Mersi Mr Speaker, Mr Chair.  Bonzour Minis e delegasyon.  Mr Chair mon anvi demann Minis retourn lo sa bann kestyon ground service vi ki deor i annan bokou proze lo bann konpannyen ki pe ganny bann license.  Eski Minis i kapab dir nou si vreman i annan en Lakonpannyen ki apel Euro Aviation ki’n ganny License pour fer ground service.  Si ou kapab konfirm sa ou demanti sa pour mwan.  Mersi.

 

MR SPEAKER

Mersi Onorab Minis.

 

MINISTER DIDIER DOGLEY

Mr Speaker, wi i annan en tel Lakonpannyen ki i annan en license pour fer sa ki nou apel en fixed-base operation ki bokou pli limite ki en ground handling exercise.  E lide sete pour li anmenn bann jet, bann jet ki ganny basically owned ki pour bann dimoun ki i annan larzan ouswa bann lakonpannyen.

I bann private jets ki zot sipoze anmennen, e pour li ler i anmenn sa bann servis, sa bann biznes isi Sesel i osi donn en servis sa bann private jets ki vin isi Sesel.  Zot pa sipoze fer okenn ground handling pour sa ki nou apel bann scheduled flights parey Emirates, Qatar, Ethiopian bann lezot airline.  Mersi Mr Speaker.

 

MR SPEAKER

Mersi Minis.  Onorab Loizeau.

 

HON NORBERT LOIZEAU

Mersi.  Minis eski atraver sa, eski ou pa panse ki Air Seychelles in perdi atraver sa?

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker si i anmenn nouvo jet, si i anmenn nouvo private biznes isi Sesel.  I pa biznes ki Air Seychelles i deza annan.  Be si i antre dan biznes ki Air Seychelles pe deza fer, la nou krwar ki wi i pour afekte Air Seychelles. 

Me ki mannyer sa Fixed- Base Operation, FBO ti ganny donnen, sete pour li anmenn nouvo biznes e ki ler i pour anmenn nouvo biznes,  E ki ler i anmenn nouvo biznes Air Seychelles akoz i annan serten keksoz ki li i pa pour kapab fer –  Air Seychelles ti pour benefisye avek sa bann lezot servis ki li ti pour napa kapasite pour li fer.  Mersi Mr Speaker.

 

MR SPEAKER

Mersi Minis.  Dernyen pti kestyon Onorab Loizeau.

 

HON NORBERT LOIZEAU

Wi, Minis sa Konpannyen la, i en konpannyen etranze ouswa i annan Seselwa ki annan share dan sa Konpannyen?

 

MR SPEAKER

Ok.  Mersi Onorab.  Minis.

 

MINISTER DIDIER DOGLEY

Sa lakonpannyen i annan, sa ki nou, nou konnen i annan 2 dimoun.  Mon napa tou bann detay, mon krwar fodre mon al, nou ava al tire laba kot ki mannyer, kot Rezistrar bann biznes.  Nou ava ganny bann detay lekel ki soz.

Sa ki mon konpran i annan 51poursan ki en Seselwa, epi larestan i en etranze.  Mon napa tou bann detay egzakteman.  Mersi Mr Speaker.

 

MR SPEAKER

Mersi Minis.  Onorab Terence Mondon.

 

HON TERENCE MONDON

Mersi Mr Speaker.  Mr Speaker mon annan en pti klarifikasyon mon anvi, ki CFO i eklersi pour mwan ;  pli boner ler mon ti demann sa kestyon.  Lekel reprezantan legal Air Seychelles ki pe negosye sa bann Kontra?  Son larepons i dir se management epi zot anvoy bann pwen kot zot legalperson ki met li dan son term Legal.  E sa i konfiz mon akoz si management dapre Kontra Air Seychelles ek Etihad, Management se Etihad li menm ki pe manage.

Aprezan ler ou pe dir mon Management, Etihad Management ki pe negosye avek Etihad lo sa bann keksoz, lo sa bann Kontra.  E sa pour mwan i en pe konfizyon, en pe konfize.  Si ou ti kapab eklersi pour mon please.  Mersi.

 

MR SPEAKER

Mersi Onorab.  Minis.  CFO.

 

CHIEF FINANCIAL OFFICER MICHAEL BERLOUIS

Ok Mr Speaker kapab.  Wi, wi mon konpran sa santiman.  I vre poudir i annan en conflict of interest letan Remco ek mwan menm nou negosye direkteman avek Etihad, mon sa.

Dan tou sa bann sirkonstans nou, nou akte dan best interest Air Seychelles.  Si sa i over en significant value, nou bezwen tyek manner Manual  Authority, mon krwar i $1milyon.  So savedir si nou pe sey en Kontra $1 milyon ouswa an plis ek okenn partner sa Kontra i all, nou bezwen fer en aplikasyon kot Board pour Board get sa Kontra e nou, nou bezwen zistifye akoz nou bezwen sa Kontra met an plas – right?

 

MR SPEAKER

Mersi CFO.  Onorab Mondon.

 

HON TERENCE MONDON

Mersi Mr Speaker.  Be par lefe ki dapre Kontra Board pa enterfer avek Management.  I annan en Clause ladan ki Board pa sipoze enterfer avek Management li menm Air Seychelles.  E mon pa vwar ki mannyer nou pe kapab satisfe ki vreman lentere Air Seychelles pe ganny mentenir dan sa bann negosyasyon.  Sa i fransman i en pwen konsern pour mwan.  Mersi Mr Speaker.

 

MR SPEAKER

Mersi Onorab.  CFO ou oule reponn?

 

CHIEF FINANCIAL OFFICER MICHAEL BERLOUIS

Wi, so i, sa Clause i donn ou Manual Authority – right?   Savedir  so any Kontra ki i annan sa valer i pa lenterferans Board.  Nou, nou.  nou ki bezwen actually ganny laprouvasyon Board – right, pour fer sir zot ok ek sa bann Kontra.  Dan bann lot pli pti Kontra i, normalman i pour bann servis par egzanp training – right, ouswa bann servis engineering ki arive?  Normalman i pa ni vin CEO ek CFO ki negosye sa bann Kontra se bann engineer sa Engineering Department ouswa sa Training Department ki fer sa negosyasyon direk avek Etihad.

Si Etihad par egzanp catering zot pe bid lo en tender.  Sa i al direk kot nou Seksyon Procurement, savedir i pa pour vin kot mwan, i pa pour vin kot Remco.  Nou, zis nou pour vwar sa Kontra final.

 

MR SPEAKER

Mersi CFO.  Mon ava donn la parol Onorab Churchill Gill.

 

HON CHURCHILL GILL

Mersi Mr Chair.  Nou’n koz bokou lo bann det Air Seychelles.  Me Air Seychelles pour letan i pe fer biznes, i osi annan dimoun ki dwa li.  E nou apel sa nou bann aging list. 

Alors mon ti a kontan demann CFO ki leta aging report Air Seychelles an term 30zour, 60zour, 90zour e 120zour par lao?  Mersi.

 

MR SPEAKER

Mersi Onorab.  CFO.

 

CHIEF FINANCIAL OFFICER MMICHAEL BERLOUIS

Ok mon pour bezwen kekfwa 5 minit to prepare the report.  Yeah?

 

MR SPEAKER

Ok.  CFO i a rod sa lenformasyon, apre nou ava gannyen hopefully avan nou kite.  Mon ava pas la arol avek Onorab Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker enn, Mr Chairman enn de pti kestyon silvouple.  I annan enn ki en pe long, mon premye, mon’n bezwen ekri li.

Mon ti a kontan demann avek Minis.  Sa subsidiary ki Air Seychelles pe met an plas, notaman ki nou apel li AES.  I en konpannyen – koriz mwan si mon mal, ki ekspekte fer omwen $10 milyon profi sak lannen.

Vi ki aktyelman Air Seychelles ground handling services pe fer anviron, en estimate of $10 milyon profi.  E sa pour ganny fer par AES.

Alor eski –  vi ki Etihad pour annan, ki annan 40poursan shares deza dan Air Seychelles e ki osi annan preferred shares dan sa subsidiary.  Eski Etihad pour kapab pran tou sa profi?  Setadir $10 milyon Dolar avan ki sa sonm larzan i ganny consolidated dan kont Air Seychelles vi ki sa subsidiary pe operate koman en Antite separe menm si i anba ownership Air Seychelles. 

        E si sa i korek –  ki sa pour fer, vi ki Air Seychelles ti pe kont tou sa bann lannen lo sa $10milyon ki i ti pe fer pour li offset son losses  – ok ?  Pour li offset son bann losses pandan sa bann dernyen lannen.  Eski i posib ki alors Air Seychelles finalman pour fini par perdi – i posib $10 milyon an plis ki bann sonm ki i pe perdi pandan sa bann dernyen lannen, an konsekans sa, dan bann pir ka an konsekans sa Lakor ki zot anvi sinyen ?  Sa i mon premye kestyon.

Mon demann, mon d2enm kestyon.  Se, vi ki det total Air Seychelles i $81 milyon, me selman dan bann accounts mon vwar i annan en serten moman kot i annan en det total $150 milyon.  Me dizon i ant 80 a $150 milyon, ki fer R1.2bilyon e ki Air Seychelles pe kontinyen perdi larzan.  E i pour kontinyen perdi larzan pour ankor sa prosen 5an.  Vi ki Prezidan in demann nou pour donn Air Seychelles $6milyon par lannen pour li balans son liv, son.  Donk i pour perdi ankor $6milyon par an pour sa prosen 5an as a minimum.  Akoz sa se subsidy ki ou pour gannyen sorti kot Gouvernman.

Alors ki lespwar ki dan sa Lagreman ki nou annan avek Etihad, nou pour en zour kapab balans nou liv e breakeven pour nou vwar en laklerte kot nou pa bezwen kontinyen ponp larzan ladan ?

Eski nou pa’n ariv en moman pour nou dir avek Etihad, mersi bokou.  Zot in vin ed nou ler nou ti dan en problenm, zot in ed nou, zot in pret nou en pe larzan.  Nou’n kapab kontinyen anvole, me selman nou’n kontinyen fer pert.  Zot in pret nou ankor, zot in pret nou ankor.  E la zot pa pe, zot in write-off en pe, e la zot pa pe write-off ankor la.  zot pe fer nou peye.

Write-off.  Letan write-off in fini.  Donk eski i pa le moman pour nou a en serten moman dir ‘ be ok nou pa bezwen al Paris, nou pa pe ale Paris, nou pa pe al Abu Dhabi, nou pa pe al Abu Dhabi’.  Nou pe fer nou zafer rezyonalman.  Nou pa kapab gete konmsi si nou pa kapab sorti dan Lagreman?

E finalman mon kestyon se.  Eski pa’n ler pour nou koz avek nou bann partner Abu Dhabi, ki sipoze kontan nou byen Sesel, ki nou’n, ki nou’n ase zenere avek Sheikh Khalifa?  Mon krwar zot tou zot dakor.  Akoz nou’n permet li bann zoli bout later, e li an retour in ed nou, byen zenerezman.  Kekfwa nou devret asize e dir ‘be ok nou’n ariv lo en pwen kot nou pa kapab kontinyen akimil det akoz nou pour koule anba det ; e la nou pe komans vann nou bann bizou ki nou’n gannyen dan nou leritaz.  Nou pe vann ground handling, nou pe vann lot, nou pe vann lot.  E finalman ler nou pour get dan Kof, pa pour reste nou nanryen !

So sa i mon bann kestyon ki mon krwar i bann kestyon dan fon, it’s on the-  I konsern vreman legzistans dan sa partnership e mon ti a kontan konmsi ki ganny en lapresyasyon onnet e senser lo ki mannyer zot pe vwar sa lavenir.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mersi Mr Speaker.  Sorry pour sa pti delay, mon’n bezwen diskit avek CFO.  Akoz i annan plizyer bann morso kestyon e en bon pe i annan pour fer avek bann zafer finans.  Konsernan legzistans partnership between Air Seychelles avek Etihad.  Parey mon’n dir sa i en diskisyon ki Gouvernman pour bezwen pran.

I annan sa odit ki nou’n, mon’n koz lo la ki pe al komanse tre byento par PEMC.  Now Gouvernman apre sa odit i ava vwar, i ava diskite e i ava dan en pli bon pozisyon, olye ki pran desizyon lo zis lo bann assumption ouswa ki nou, bann feelings ki nou, nou annan.  Nou ava kapab baz li lo bann facts ek bann fe ki sa lodit i ava met devan Gouvernman.

E Gouvernman i ava regarde ki mannyer li i ti a swazir al devan avek sa Partnership ant Air Seychelles avek Etihad.  Me solman nou bezwen fer sa legzersis premye pour nou vwar bann fe egzakteman parey mon’n dir, kwa ki’n al byen e kwa ki’n al mal e ki bann, e ki fason ki demen nou pour bouz devan pour fer sir poudir sa bann keksoz ki’n al mal i pa repet son lekor ankor.

Now, konsernan bann finans e osi sa kreasyon AES e sa 10 milyon ground handling.  Sa mon ava demann CFO pour donn leklersisman lo la.  Mersi.

 

MR SPEAKER

Mersi Minis.   Msye Berlouis.

 

CHIEF FINANCIAL OFFICER MICHAEL BERLOUIS

Mr Speaker, ok premyerman wi.  So ground handling entity right, as in ground handling as en biznes Air Seychelles.  Wi i annan son reveni, apre nou’n diskit approximate ki son kou right, e ki son profi.

Selman nou bezwen mazinen poudir sa i profi Air SeychellesAs it’s because Air Seychelles ki fer ground handling e i pa AES.  AES i annan zis lekipman ki lease Air Seychelles. 

Savedir AES i napa 18 milyon reveni – right?  Air Seychelles ki annan 18 milyon reveni, apre i annan tou kous staff, tou kou IT e i fer sa profi  – right?

Dan, si ou pe get li dan en konteks ki arive si nou’n donn sa garanti?  Keksoz i al vreman mal, ki nou pa, we don’t think it’s ever gonna happen, selman i arive.  Ki Etihad i dir gete ‘mon anvi AES right e mon anvi sa bann keksoz ki Air Seychelles ti pe fer, mon li i al dan AES.’  La ou pour kapab dir dan sa zour, AES wi i a kapab fer 10 milyon.  Be pa sa lannen, pa next year.  Akoz tan ki nou la, Air Seychelles ki pour fer sa larzan – right ?  E apre par egzanp like Mr Renaud ti pe dir, poudir once Etihad i call, i sa evalyasyon i depandan lo ki kantite larzan sa lakonpannyen pe fer.

Si sa lakonpannyen pe fer 10 milyon par an, i pa vedir ki ou, nou pour donn Etihad pour kapab vini i dir ‘gete la mon preferential share, la ou 30 milyon mon anvi pran sa.  sa entity ki pe fer 10 milyon par an.  I pa fer sans – right ?

Ki i pour arive dan sa sirkonstans?  Nou pour bezwen get sa Ground Handling Entity ou dir ‘ok fer 10 milyon par an’ ki son valer lo en marse?  So annou dir en 10percent annual return, rate of return.  I pour dir ou it’s approximately $hundred million.

Savedir pour son 30 milyon, i pa pour gannyen ground handling.  I pour ganny 30poursan sa entity.  Selman mon bezwen fer kler poudir napa nanryen ki pe al sanze dan Air Seychelles!

Air Seychelles ozordi i fer ground handling, at the end of the year Air Seychelles pour fer ground handling menm.  Sa entity i annan zis sa bann assets ki pour lease.  The only time i kapab sanze, e si tou keksoz i al mal, tou bann safeguard ki Gouvernman in negosye i fel right, e both Air Seychelles ek Gouvernman i negate lo sa bann, lo sa plan ki nou’n met devan.  Sa i sel sirkonstans ki sa i arive, e menm dan sa sirkonstans i pa pour ganny antye  – right?   E that, sa ti, i sa Lagreman ki konmela Gouvernman pe sey negosye avek Etihad  ok? 

So to end sa kestyon.  Ki kantite reveni?  I pour annan zis reveni lease, kekfwa a few hundred thousand Dollars if that.  Tou profi i reste.  No again, sa i sa amount ki nou pe lease assets from AES.  Be Air Seychelles i still own AES, savedir letan i donn AES sa larzan, sa larzan i still reste dan Kont Air Seychelles.  Zis i dan en lot lakonpannyen.  I pa al kot Etihad.

Akoz Etihad ozordi napa okenn Shares dan AES.  Tou Shares pour Air Seychelles, e pour reste tou Shares pour Air Seychelles, unless the worst happens.  I, the best analogy i parey ou’n pran en loan ou’n met en garanti lo ou lakaz, Labank pa pour kapab vin pran ou lakaz, i pa pour kapab vin pran en bout ou lakaz.  As long ki ou pey ou loan, as long ki nou Gouvernman ek Air Seychelles i meet bann target, nou meet nou 5year plan, Gouvernman i meet son bann kontribisyon – right?  Apre nou re pey sa 30 milyon.  Tan ki nou fer sa, Etihad napa nanryen pour dir nou right.  Si nou negate, then potentially non i en problenm – right?

Be zis parey ou osi ou aret pey ou loan, Labank pour vin dir ou ‘be ou bezwen donn mon sa lakaz aprezan, ouswa en bout sa lakaz – ok ?

 

MR SPEAKER

Mersi CFO.  Onorab Ferrari.

 

HON JEAN-FRANÇOIS FERRARI

Wi, mon ti a vreman apresye Mr Berlouis, si ou ti kapab pran ankor en pti moman letan pour ou eksplik nou akoz alors sa subsidiary?

Mon krwar i vreman.  Mon konnen ou’n eksplik plizyer fwa.  Akoz alors si i pour kontinyen ganny run par Air Seychelles, me selman mon ti a demann en pti zefor en pe plis konmsi pour eksplik nou koman bann layperson.  Akoz alors, ki kalite garanti ki i donnen an plis ki sa sovereign guarantee.

E la par egzanp ou’n eksplik nou poudir, at the worst pour nou si the call on the guarantee, zot pour ganny en maximum lavaler $30 milyon.  That’s right, ou’n eksplik sa.  So, be selman re, sey dir nou ankor enn fwa.  Akoz nou pa’n gard sa striktir parey i ete e nou’n bezwen al fer en subsidiary?  Sa i mon kestyon siplemanter.

Me selman mon ti a kontan osi demann CEO.  Dernyen fwa ler mon ti rankontre kot Air Seychelles, Mr Charles ki ti sipoze vini pour fer, pour ogmant reveni par 3poursan.  Eski the target has been achieved?  Mon pe demann sa kestyon akoz, mon pe demann sa kestyon akoz, personnelman mon pa konnen si lezot Manm i partaz sa avek mon.  Personnelman mon pa pe vwar dan sa Lagreman avek Etihad ki nou pe al breakeven e fer en profi down the road e ki nou pour kapab eklersi sa bann det.

Konmsi mwan mon  santi, e sa Minis pa’n reponn mon kestyon, kekfwa Minis i devret dir nou si i pour met sa devan Konsey Minis.  Eski pa’n ler for us to cut our losses?  Akoz nou pe zis kontinyen akimil det, akimil ankor.

E la i annan en lot montaz finansye, ki there is a worst case scenario.  MrBerlouis in donn nou the worst case scenario kot nou bezwen, Etihad pour bezwen pran lavaler 30poursan oubyen 40poursan maximum dan sa konpannyen.  So there are worst cases scenarios.  So eski sa bann legzanp ki pe arive atraver lemonn pa fer nou en pe enkyet kot nou over indebt nou lekor e ki nou pa pour kapab peye, e ki demen nou pour bezwen zis handover sa fasilite pour nou kapab kontinyen anmenn touris Sesel?  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker I take care of the, mon a pran par sa kestyon pour mwan reponn.  Sa desizyon pour Air Seychelles aret fer International vol i fondamantal.  Akoz se la kot Air Seychelles ti pe perdi en kantite larzan.  Se bann vol ki nou ti pe fer pour al Paris, pour Dusseldorf, pour al Hong-Kong, pour al Beijing, se la kot Air Seychelles vreman ti pe perdi larzan.

Lo bann regional route i perdi.  I ti pe perdi en pe larzan lo larout Abu Dhabi akoz i an konpetisyon avek bann lezot Gulf Airlines ki pe fly dan sa rezyon.

I annan Emirates ki fer 2 fwa par zour par ler, i annan Qatar ki pe al dan menm landrwa, i annan Etihad ki pe al lo menm Erport, apre i annan Air Seychelles ki ti pe al lo menm Erport.  Alor nou koman Gouvernman e osi Board, in dir avek Air Seychelles akoz aprezan la nou swiv Air Seychelles bokou pli pre, nou regard son bann finans.

Annefe i annan en quarterly meeting ki nou fer avek Management Air Seychelles, i annan Minister ki annan pour fer avek Sivil Lavyasyon ansanm avek Finans kot nou asize nou regard bann figures e Board osi in ganny demande pour li regard pli pre bann rikord finansyel Air Seychelles sak fwa zot zwenn.

E mon konpran poudir zot pe zwenn bokou pli souvan e bokou plis oversight pe ganny mete lo sak sou ki ganny depanse dan Air Seychelles.

Alors sa transformasyon li menm in fini komanse.  Sa sityasyon kot nou ti ladan dan lepase kot ti annan bann flights left, right and center kot apre nou’n vwar nou anbarase avek sa bann white body aircraft.  I deryer nou sa.

Tan ki nou retourn dan sa bann kalite sityasyon ankor e nou pran en lapros bokou pli pridan dan lafason ki Air Seychelles i fonksyonnen.  Air Seychelles baze lo son plan ki li in submit, i montre poudir koman en lakonpannyen i annan potansyel pour li demen debout lo son 2 lipye.  Me solman lo komansman i pour bezwen sipor Gouvernman pour li ariv dan sa pozisyon.

E nou pa aret la, nou pe regard osi bann lezot fason pour nou vwar avek Minister Finans ki mannyer ki nou pour kapab ed Air Seychelles sirtou avek son bann loan ki in pran ki ase, ki annan bann lentere ki ase o pour gete ki mannyer ki nou kapab ganny avek bann pei zanmi larzan ki nou kapab rollover sa bann loan.

E kekfwa avek bann lentere bokou pli ba e ki pour tir sa, e si fo re pey li kekfwa dan 5, 6an nou sey fer mannyer ki nou re pey li dan 10an, dan 20an e ki a donn Air Seychelles sa souf pour li kapab re pozisyonn son lekor finansyerman ki dis, ki o pli vit posib nou a vwar sa bann rezilta ki nou pe rode, ki nou tou nou swete.  Akoz Air Seychelles a lafen i pour nou tou.

Alor bann travay i pe ganny fer, nou pa pe fye zis lo Management Air Seychelles, Minister Finans, Gouvernman tou dimoun in pa deryer pour pe fer zot bout pour fer sir poudir nou tir Air Seychelles dan sa pozisyon kot i ete e nou anmenn li dan lanmer ki bokou pli kalm ki i ti ete avan.  Alor sa transformasyon parey mon pe dir in fini komanse.  Mon a les CFO donn bann detay lo bann figures ki ou ti’n demande.

 

MR SPEAKER

Mersi Minis.  CFO. 

 

CHIEF FINANCIAL OFFICER MICHAEL BERLOUIS

Ok mersi Mr Speaker.  Mon krwar sa kestyon i very pertinent – ok?  Parey mon ti eksplike dan sa 5year plan, problenm fondamantal i sa.

2017 nou ti pe esper dir $50 milyon par an – right?  E sa bann bill i bezwen ganny peye ok.  2018 premye half it was as bad akoz ti pe pran letan pour nou tir sa bann avyon fer redundancies, fer sir poudir nou wind down operations dan en fason orderly olye zis koupe en zour a lot. Ok.  Again.

Apre nou annan, par lo la nou annan sa bann kou transformasyon li menm, ki’n vin dan 2018.  Ki fer nou annan ankor sa loss apepre 40 milyon.  Ok ?  Sa i on top of tou sa bann loan ki nou ti komanse le 01 Zanvye 2017 ki include sa bann borrowing box e sa shareholder loan pour sa, sa twin otter – ok ?  Ki mon konpran konpletman si ou pour annan en pe lenkyetid or reservation, si ou, mon pe debout la mon pe dir ou poudir team Air Seychelles pour transform sa Lakonpannyen ki pe perdi 50milyon par an  –right? So krwar dan nou envestir ou larzan dan nou – right ?

Selman ozordi nou pa la – ok ?  We are now 12 months down the line – ok?  Management ek team Air Seychelles, e sa mon krwar nou bezwen fer kler poudir Remco ek mwan wi nou dan bann Management contract, nou the Senior Management of Air Seychelles, tou sa bann cost savings, tou sa bann sanzman ki nou’n fer, pa mwan ek Remco ki’n fer.  Nou team ki’n fer – ok?

Nou a koz lo revenue ek Charles – Emir, but it’s the same thing.  Charles pa delivre sa reveni li menm.  Son team ki deliver.  E sa ki mon kapab dir zot poudir, an 2018 menm si pri karbiran ti pli o ki nou ti’n plan – right, nou’n fer nou plan.

An 2019 menm si nou an dele lo 2 sa bann avyon, enn nou pour ganny pour 6mwan, olye 12.  Enn nou pa pour ganny ditou olye 7 mwan – right ?  Nou budget pour revenue i $89.4million olye 88 ki ti dan plan.  Savedir nou annan less avyon right, selman nou team in dir zot kapab delivre $1.4milyon an plis ki ti lo plan.  Akoz nou konnen pri karbiran i pli o ki nou ti annan anvizaze – ok?  E so far Fevriye zot in delivre.  Ok?  So, sa team Air Seychelles ansanm ek Management ansanm ek ed led Etihad – ok, ansanm ek bann led en bann consultant nou’n kapab sanz en lakonpannyen ki ti pe perdi 50milyon par an.  Ozordi nou pe perdi half a million to 1 million a month with, ek sa bann vye avyon.

Nou annan, nou vreman annan konfidans poudir once at least nou ganny enn sa bann avyon, sa pert pour desann sorti half a million to a million to anviron two hundred to half a million Dollars a month.  Ki vedir ki nou tonm dan en rezyon ki nou perdi maximum $6 milyon par an, nou krwar i pour vin 2, ki ganny kouver par sa larzan ki nou pe demann sipor Gouvernman.

Ok, mon konpran again lenkyetid ouswa reservation poudir gete ou annan en ta det, si ou pe kontinyen operate ou pe zis ganny plis det – ok.  Selman nou bezwen mazinen poudir sa det in arive akoz nou loperasyon avan 2017, sa bann det ki pa tou, akoz Etihad i pa’n pran 45 milyon right down.  In zis pran 34 – right?

In vini ziska the halfway through 2018 kan nou kapab tir sa 2 avyon – ok?  Wi nou ankor pe perdi en pe larzan right.  But the magnitude of sa det ki pe increase la konpare ek what’s happening in the last 3, 4 years i konpletman diferan  – right?

        In add sa team, in actually deliver even if pri karbiran in monte, sa plan transformasyon ki ozordi nou pa perdi 50 milyon dan 1an right.

 

MR SPEAKER

Mersi CFO.  Vitman Onorab Ferrari.

 

HON JEAN-FRANÇOIS FERARRI

Mersi CFO.  Zis pour expand lo la akoz mon mwan kontan bann legzanp ki ou pe donnen.  Par egzanp sa 2 avyon ki ou pe al gannyen la.  Eski ou pour gannyen byen at a better rate par lefe ki ou’n al rod li direkteman e par asosyasyon?  Eski, mon kestyon se, eski ler ou pe lease avek Etihad onnetman, anfen mon pa dan en landrwa prive, mon ti ava dir ou off the record.  Eski ler nou ti pe lease avek Etihad nou ti pe ganny en bon deal?  Oubyen Fiji ki’n konn rod en bon deal akoz li in ganny, in lwe nou avyon lanmwatye pri e nou still bezwen pey ankor sa.

So nou, nou oule sey konpran where it is that we went wrong?  Eski nou’n dan en relasyon konmsi ki nou’n anpaye?  Nou pa’n kapab dir non.  E ki finalman nou realize poudir i annan serten deal ki nou’n fer, serten Lakor, serten Kontra ki nou’n fer avek Etihad ki ti pa dan nou faver e ki nou’n pey over the top pour bann servis.  E ki si ozordi nou dan sitan kantite det, se osi akoz nou’n pey over the top pour tou sa bann keksoz ki nou, pandan sa bann dernyen lannen ?  Mersi.

 

MR SPEAKER

Mersi Onorab.  CFO.

 

CHIEF FINANCIAL OFFICER MICHAEL BERLOUIS

Mr Speaker first of all konmsi mon bezwen disclose akoz mon annan conflict of interest.  Ou’n demann en kestyon lo how effective is Etihad Management, I am Etihad Management.  So sa ka.  Mwan mon  pa konn kalkil lo sa bann avyon ki nou ti pran dan 2012.  Ok?

Mon kapab dir ou dan sa pri ki nou’n gannyen ek Fiji dan in my opinion is the best price we could get e nou’n konpar li ek bann broke, well nou’n konpar li ek bann lot benchmark lo Marse, e nou ti vwar poudir nou’n ganny en ptigit an plis.

Akoz sa letan ki nou’n release sa bann avyon, ti annan en ta A330 ki available pou lease.  However I’m saying that, mon pe defann mon lekor as an Etihad employeeYou should not take my word for it.  If you really want to know konmsi vre, konmsi did we get the best deal?  Because it was broked through Etihad, maybe we should have somebody else to look at it.  You shouldn’t take my.  Konmsi don’t take my opinion for it – ok?

        But we did best effort, we got the maximum we could for it, but Etihad negotiated the deal because –  akoz nou napa sa resours, nou napa sa lekspertiz pour nou negosye en Leasing Contract.

E menm nou annan bann lenstans ki travay ek nou ki dir, napa problenm nou a vin Sesel, nou a asize en zour nou a finalize sa lease.  Nou dir zot non! Right ?

Nou bezwen en Legal Council sorti L’Angleterre pour vin fer, pour vin get en lease ek nou.  Akoz nou pa konnen ki in devret ganny en lease ouswa ki bann provizyon ki zot kapab met ladan, ki pour tap kekfwa dan 2an, 3an, 4an right?

Selman in terms of general si Air Seychelles ozordi i vreman diferan ki Air Seychelles 2an pase, i bokou pli ptipti.  Ok ? Son reveni in desann ant 30poursan.

Se ozordi.  Si ou demann mon ozordi si mon ti pou’n, si mon dan mwan kapasite CFO mon ti pour siport tou sa bann Kontra especially sa bann long-term contracts, ozordi mon ti pour dir ou non – right ?

However, mon pa kapab fer, met, donn ou en lopinyon lekel ki’n fer sa bann deal ? Ki zot ti pe mazinen ? Ki projection zot ti pe gete e akoz zot in reach sa konklizyon ki letan zot in fer ? Akoz mon pa ti la sa letan.  Mon kapab dir ou konmela e mon pa ti pour siny sa deal ozordi pour Air Seychelles sa groser ki nou ete ozordi.

 

MR SPEAKER

Mersi CFO.  Onorab De Commarmond.

 

HON CHARLES DE COMMARMOND

Mersi Mr Chair.  Mr Chair mon krwar ki de keksoz sa ki Mr Berlouis in fek dir la.  Se mon krwar egzakteman sa ki nou ti devret fer e sa ki nou devret pe fer.

Minis pe rode dan ki moman letan ti a pli bon letan.  Letan kalm kot nou kapab rezourd sa.  La i bon letan la akoz la nou dan vandnor la, letan i kalm la pour nou kapab sort out sa zafer Air Seychelles.          Mr Chair annou met detrwa fe ater pour nou konpran kote nou ete la.  Enn, Air Seychelles ki nou pe koze la, napa en ChairmanChairman in  resign.

2enm keksoz.  Sa Board pour AES la ki in fer nou, nou pa dakor avek.  Mwan  mon pa dakor avek.  Mon krwar i pa reprezant lentere Sesel korekteman.

Lot pwen.  Se ki partou kot Etihad in al dan sa relasyon, maryaz and whatever ki nou apel li, avek en lot Konpannyen Avyon in fel ! I pa pe marse, pe anfonse, e i annan menm landrwa, i annan menm pei ki pe pourswiv Etihad lo la.

E lot pwen.  Se ki Air Seychelles an realite zanmen in fer profi oubyen menm gran profi.  Ki mannyer alor i pour kapab ranvers sa sityasyon terib ki i ladan?  Eski alor, sa nouvo Konpannyen AES la, ki an realite ozordizour ki nou pe koze,  ou pa bezwen License pour ground handling operation dan Sesel.  Ou pa bezwen!

Eski Minis i kapab dir nou, or antre zot la.  Pour AES alor ganny license pour operate akoz dir in bezwen rod en license ki an realite ou pa bezwen.  Eski alor ti bezwen amann Licensing Law?  Lalwa Licensing, e kan ti fer sa?  Mon ti a kontan zot reponn mwan sa kestyon.

E an menm tan nou, i annan en zafer box guarantee ki ou’n dir la i annan en zafer $61milyon an 2 porsyon.  50 milyon avek 21 milyon, an tou i fer 71 million.

Eski Mr Berlouis, eski zot kapab dir nou ki mannyer sa i ganny rann?  Eski ou kapab rann li par pti morso?  Ouswa ou bezwen rann li.  Sa i an plis ki sa bann loan sa, an plis sa bann det sa.  Sa ki fer li 150 milyon whatever ki i fer, Dolar.  Sa ki mannyer i rann sa?  Si ou kapab eksplik nou Lasanble si par ti morso ouswa si ou bezwen rann li en sel kou.  E si ou pa kapab rann ki i fer?  Eski i annan lentere lo la ki i annan?  Ki arive?

E an menm tan Mr Chair.  Eski zot kapab dir nou, sa Kontra, sa mon krwar in ganny dir a.  Sa Kontra Etihad letan i fini.  Akoz nou pa kapab, akoz fodre nou renouvle li?  Annou pa renouvle sa Kontra e annou tir sa heavy management soz ki i annan, body ki i annan, e retourn Air Seychelles avek en pti Management Seselwa.  Seselwa i mon krwar ase entelizan.  Avan ti annan enn, pa ti mars tro mal.  Remet detrwa Seselwa fer marse sa pti Air Seychelles letan ou’n aranz li, ou pour fer zis rezyonal, swa ground handling avek son domestik.  Mon mwan asire la nou, sakouy latet la.  I dir wi.  Mon asire ki nou pour fer byen e nou pour vwar en solisyon.

Mr Speaker, eski alor.  Olye servi sa Konpannyen, servi ground handling Air Seychelles fer vin sa, fer sa subsidiary pour fer ki i annan en garanti vizavi Etihad etann donnen sa relasyon ekselan, ekstra se lanmenm mon kapab dir, ki nou annan avek Abu Dhabin  eski Leadership pei, Minis ou kapab anmenn sa dan Cabinet e dan pli o Leadership pei pour kapab re negosye sa garanti.  Revwar pour donn Sovereign Guarantee rather than sa garanti nou lakonpannyen, nou ground handling services Air Seychelles.

        Sa mon krwar i kapab ganny fer e i demann en lavolonte e an menm tan mon welcome PEMC pour fer en lodit.  Sa lodit Air Seychelles lo performance and financial, si PEMC i pa kapab fer.  I devret annan en lodit endepandan ki ganny fer lo Air Seychelles pour ki –  E sa fodre pa ki Etihad ki direct sa lodit.  Sa lodit i bezwen separe.  Pa rode kot pour peye, sa i en lot zafer.  Akoz si zot komans rode kot pour peye, then nou pour, then nou pour vwar en lot zafer.

So mon krwar mwan ki si nou al dan sa direksyon e ki Minis i anmenn sa dan Cabinet oubyen lo pli o lenstans pei, mon krwar nou pour kapab vwar en solisyon si nou annan en volonte, Pouvwar anmenn sa Air Seychelles to a certain, pour personn pa ganny met deor pour nou kapab operate, tou dimoun a happy ever after e nou a konpran akoz nou ti fer Air Seychelles.

Mon krwar ou’n komans koz lo la Minis.  I annan en rezon akoz nou ti fer Air Seychelles.  Onorab Simon Gill in komans tous lo la osi.  E fodre pa nou bliye.  E alor si nou konn en keksoz ki nou’n fer ki nou pa sipoze pe anmenn en ta profi.  Akfer fodre nou al dan sa bann lanpayman?  Nou bezwen revwar ki mannyer nou kapab zer sa keksoz.  Sa Konpannyen pour ki tou dimoun i kapab vwar son hope dan Air Seychelles.

Mr Chair mon ava aret la.  Mon swete tou mon bann kestyon in ganny byen ekoute, byen konpran e ki nou kapab ganny en larepons ki donn nou lespwar.  Mersi bokou Mr Speaker.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker mersi.  Onorab in dir en kantite keksoz e mon’n sey fer mon mye pour atrap maximum posib.

Premye keksoz i annan pour fer avek AES annan en License, ouswa en permi ouswa si nou’n sanz Lalwa Licensing pour fer li ganny en license.  Larepons i non!

AES napa License ouswa permi.  Permi i sipoze al pour Air Seychelles.  Akoz konmela Air Seychelles pe operate avek sa ki nou apel en ‘Air Operation Certificate’ ki kouver tou son bann loperasyon e i ganny odit e oversight i ganny servi atraver sa sistenm, avek en sistenm osi ki apel IOSA kot i ganny odite epi i ganny sa oversight i ganny aplike pour fer sir konsernan safety e son bann loperasyon i a la oter, i zwenn bann minimum standar.

E permi i pour ganny issue avek Air Seychelles.  Modern ozordi atraver lemonn, tou bann loperasyon ki annan pour fer avek ground handling dan bann erport devlope.

I normal ki sa lakonpannyen i annan li either en license ouswa i annan en Lagreman ouswa en permit ki mannyer ou oule apel li avek sa Lotorite ki manage sa Erport.  E nou nou’n vwar li i neseser ki nou bouz dan sa direksyon.

Dezyenm keksoz i annan pour fer avek Seselwa management.  Mon’n dir pli boner ozordi ki i annan an se moman la kot nou pe koze la, i annan zis 1poursan etranze ki travay dan Air Seychelles isi Sesel.

E lamazorite i deza dan lanmen Seselwa e Air Seychelles i annan en plan training kot enn par enn Seselwa ki annan talan, ki annan kapasite, pe ganny train pour take over sa bann post.

E plan se ankor dan ler sa peryod i ava’n konplete ek sa Management avek Etihad ki nou ava vwar Seselwa pe fer marse, si i posib dan son entirety.  Pour depan si pour annan bann dimoun konpetan.  Si i annan definitivman nou pour donn priyorite nou bann dimoun pour zot take over management.

Konsernan guarantee.  Parey mon’n dir, mon pour anmenn pozisyon Lasanble kot Gouvernman pour fer sir, e pa zis Gouvernman, me osi Etihad pour zot konpran feeling, konsern avek pozisyon sa Lasanble konsernan sa garanti e osi pozisyon sovereign garanti ki nou’n diskit lo la.

Konsernan odit ;  parey mon’n dir PEMC in deza pran desizyon pour komans fer lodit lo Air Seychelles lo son loperasyon e son governance komansman mwan prosen sa travay i sipoze komanse.

Konsernan Chairman Mr Speaker.  Mr Speaker Chairman in la pour en bon pe letan.  In eksprim son lentansyon ki lo pli vit, ki Gouvernman i kapab vwar en lot dimoun ki i annan sa kapasite.  I pran, i take over the Chairmanship of Air Seychelles.  I krwar poudir i donn ase son letan, son kouraz pour fer marse sa lakonpannyen.  E ler, apre 10an mon krwar en Seselwa in donn en kantite sa lakonpannyen.  E nou, nou pe fer le neseser ki byento nou a ganny en lot dimoun pour kapab take the lead avek sa nouvo Air Seychelles ki nou pe travay lo la.  Mersi Mr Speaker.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Wi mersi Mr Chair.  Mr Chair mon oule fer resorti ki i annan sa kestyon $71milyon an 2 porsyon ki mannyer i pour rann?  Pa’n reponn, pa’n tous sa.

E an menm tan ou vwar, letan nou pe koz lo management Seselwa.  Seselwa management, la nou pe dir ki fodre pa ki Etihad i ladan.  E Minis pa’n osi reponn lo sa kestyon sa Kontra letan i fini pour nou pa renouvle.  E, ler ou nonmen ki Air Seychelles ki bezwen ganny sa license la, sa permi –  aktyelman ou pa bezwen.  Si ou bezwen sa permi avek SCAA.  Savedir napa nanryen pour ou bezwen kit, ou bezwen license.

Boner zot in dir nou license e ki Lalwa, e ki Licensing i bezwen antre ladan.  Be napa ditou sa!  Konmsi ki mon pe sey dir.  I annan keksoz ki pa kler dan tou sa bann keksoz, bann lenformasyon ki zot donnen.  I annan keksoz ki pa kler.

E mon ti ava anvi mwan alor ki sa bann keksoz i ganny fer kler.  E letan ou pour donn license ki ti napa, solman i ti pe fer Air Seychelles,  eski lezot Konpannyen ki mon’n ganny mansyonnen ki pe deza handling avek bann avyon prive, bann jet prive.  Eski pli tar zot pour vin ladan pour pran sa osi?  Ki zot ganny en monopoli.  Akoz sa ki reste osi arive, i sa i pour kont Lalwa Sesel si sa i arive.

So mon pe dir sa pour zot vin avangard, pour vwar kote zot limit i kapab arive dan sa direksyon.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Mr Speaker lentansyon se ki pour met si oule pour met en pe lord dan lafason ki nou fonksyonnen.  Akoz parey nou’n dir i annan sa lot lakonpannyen ki apel Euro Aviation ki li i annan en Lagreman avek SCAA pour fer sa ki nou apel’ Fixed-base Operations’ ki en limited ground handling soz ki kot i travay zis avek son bann private jets.

Now ki nou nou’n vwar?  Se ki an zeneral napa sa framework detaye parey laplipar bann Erport dan bann pei devlope i annan.  E en Lagreman parey i bezwen ganny fer dan en fason ki SCAA i annan kontrol ki arive lo son Erport.  E pour sa i bezwen annan, ou kapab li en ‘Lagreman’ ou kapab apel li en ‘Permit’ ou kapab apel li en ‘License’.  Me solman License ou’n dir poudir Licensing i pa dan Lalwa, nou konpran sa.

Be annou apel li en ‘permi’.  E dan sa ka kot sa lot Lorganizasyon li in ganny sa ki apel en Lagreman.  Alor in ler pour nou met lord dan sa zafer ki dan en fason i ava annan en sel non.

E lafason sa bann dokiman i ganny ekrir, i pour menm framework parey i ti pour annan dan en landrwa parey Lonn, Frankfurt ouswa bann gran erport dan lemonn antye.  Ki nou swiv menm `standar, menm fason dan en fason ki nou garanti la kalite loperasyon e nou garanti safety lo Erport.

Alor se sa akoz ki nou pe demande ki i annan sa kalite Lagreman ouswa Permit ki pe travay lo la.  2enm keksoz –

 

MR SPEAKER

Yes Onorab.

 

HON CHARLES DE COMMARMOND

Non ti lo management Seselwa.  Konmsi ki Etihad pa ladan, e ki sa Kontra.  Sa Kontra letan i fini pour pa renouvle.

Epi pour profite koman ou la, koman nou pe soz la.  Be Etihad aparaman nou okouran i dan problenm e ki son bann owners i pe osi, in met lord laba.  Eski ou kapab konfirm sa?  Dir nou en pti keksoz lo la Sir.  Mersi.

 

MR SPEAKER

Mersi Onorab.  Minis.

 

MINISTER DIDIER DOGLEY

Konsernan Etihad mon napa gran lenformasyon apard sa ki ganny ekrir dan lapres.  Kekfwa Mr Berlouis ki en anplwaye Etihad kekfwa i annan plis lenformasyon.  Mon mwan kapab zis dir ou sa ki mon mon’n vwar i ganny ekrir dan Lapres.  Mon pa konn zot bann internal zafer.

Konsernan renew partnership sa mon krwar i en keksoz ki pour bezwen parey mon pe dir i annan sa odit ki bezwen ganny fer.  I ava ganny anmennen kot Gouvernman, e Gouvernman dan son sazes i ava asize i a diskite, i ava vwar si i fer sans pour kontinyen avek sa partnership ki i annan konmela avek Etihad.  Mersi Mr Speaker.

 

MR SPEAKER

Mersi Minis.  CFO ou oule azout keksoz?

 

CHIEF FINANCIAL OFFICER MICHAEL BERLOUIS

Ok in terms of sa 2 Bond – ok, zot.  Premyerman zot en Bond  – right?  Savedir zot, nou’n borrow larzan lo en marse ki vedir ki letan nou ganny sa larzan, nou ganny li en lump sum pandan 5an ki terms sa Bond.  Nou pey lentere, nou pey en ptigit deposit selman mazorite i lentere.

Apre at the end sa peryod 5an, nou sipoze rann sa Bond.  Savedir si nou’n borrow 21, nou bezwen pey lentere pandan 5an apre letan nou’n fini 5an, nou rann sa 21 milyon en sel kou – ok ?

Now.  Premye i mature in 2020 – 21 milyon.  50milyon i mature in 2021 ok, tou sa bann detay i dan financial statements ki piblik.  E i obviously poudir Air Seychelles dan son leta ki i ete la, nou pa pour vwar $71 million lo nou menm within 2an pour nou re pey tou lede Bond.  What nou’n assume e menm si sa kou lentere i o, i ki nou pour rollover ansanm ek Etihad sa bann Bond.  Savedir nou bezwen pran ankor en lot Bond 5an – right, apre nou pey ankor sa 7poursan.  Sa i nou lasonpsyon pour nou forecast akoz again nou bezwen fer sir poudir sa ki arive nou, nou kapab mentenir sa Lakonpannyen avek sa larzan ki nou pe gannyen.

Nou annan bann lot proze ek Gouvernman ki potentially i pour allow nou pour sanz sa Bond pour li vin en loan, ki i a redwir sa lentere apre i allow nou – Olye bezwen pey tou sa 21 avek sa 50 million in one go, nou pour kapab amortize li over en period 5 a 10an ki nou a decrease sa interest cost avek sa lentere.  Apre nou a kapab pey bout par bout ki pli soutenab ki olye sey pey en sel kou.

Be selman pour nou forecast nou assume worst case scenario, nou assume nou bezwen rollover e nou assume nou still bezwen pey 7poursan.

 

MR SPEAKER

Yes Onorab.

 

HON CHARLES DE COMMARMOND

Etihad son bann problenm laba?  Be Mr Chair be sa ki Financial Controller in dir nou la –  be i pa parey, preske parey sa bann zafer Bond ki nou ti, preske parey dan en letan pase sa?  Pa pour al dan sa bann direksyon?  Konmsi ou a krwar letan mon pe tann ou, konmsi ou a krwar mon pe vwar en, Lehman Brothers ensidswit, ou a krwar konmsi ler ou nonm sa nou’n fini per.  Akoz nou rapel sa, nou pa ankor bliye.

 

MR SPEAKER

Mersi Onorab.  CFO ou oule klarifye?

 

CHIEF FINANCIAL OFFICER MICHAEL BERLOUIS

Mon krwar sel similarity, i tou lede ti 2 Bond.  Mon assume poudir si i ti Lehman Brothers son magnitude ti much bigger ki Bond Air Seychelles.  Lo bann sanzman lo Etihad  to be very honest, mon konsantre plis lo Air Seychelles.  Selman mon konnen poudir dan dernyen 12mwan CEO in sanze, CFO in sanze e menm bann load dimoun dan top management parey Chief Commercial Officer menm si kekfwa zot pa’n sanze i bann lot dimoun sorti lo bann – par egzanp sa dimoun – (Kevin Robert), Robin Kamark ki ti ansarz bann equity partners,  prezan in vin Chief Commercial Officer Etihad an antye.

So annandler kekfwa i pa en sanzman.  Selman i annan bann mouvman.

 

MR SPEAKER

Mersi CFO.  CFO Eski ou dan pozisyon pour donn larepons lo kestyon Onorab Churchill Gill lo bann debtors?

 

CHIEF FINANCIAL OFFICER MICHAEL BERLOUIS

Ok.  Solman mon pour donn en ou en brief overview.  Akoz i annan en bon debtors.  Nou’n ganny en problenm sistenm premyerman.  Akoz nou, nou lo en sistenm ASP, ki en sistenm Etihad.

E mon a dir ou fransman poudir letan sa sistenm in ganny enplimante, i pa’n ganny enplimant Air Seychelles e i kree en ta louvraz extra Air Seychelles.

Nou’n actually nou’n  fek fini fer en RFP pour nou rod nou prop sistenm ki menm sa, menm si Etihad pe donn nou pour free, nou pour dir i tro konplike pour nou servi, nou pa kapab fer sanzman ki nou bezwen.  Nou pa kapab fer bann loperasyon ki nou bezwen.  Nou pour dir ou mersi pour sa enn free, prezan nou a rod enn pli ptipti ki nou pli kapab mannyel nou menm.  E nou ekspekte ganny sa sistenm within the next annou dir 6 a 8mwan.  En Lakonpannyen Morisyen ek Sidafrik ki pour implement e pour sa sistenm pour baze la e pour zis pour nou, ki nou pa ek Etihad.  Ok ?

Bann pli gro debtors’ premyerman nou annan en Lakonpannyen ki apel ‘Constellation’ right.  Constellation i dwa nou about $3milyon.  Constellation 3 milyon – ok?

Constellation ti nou credit card acquire.  Savedir tou credit card letan ou ti al nou, Air Seychelles website, zot ki ti process sa bann payments.  Letan nou ti move SABRE nou ti koup sa Kontra – right, e nou, honestly nou ti koup sa Kontra vitman.  Sa, zot ti pe envestir zot sistenm pour siport Air Seychelles e demen tanto nou ti dir zot sorry nou pe arete ek ou.

So zot in kit sa larzan during en period 1 a 2an nou’n sey negosye ek zot poudir nou konpran nou pa’n terminate sa Kontra byen, nou ti’n devret fer li dan fason pli byen.  Nou happy pour koz ek ou about compensation – right –  be zot pa’n vreman angaz nou.  ozordi nou’n fini appoint en Lawyer Paris pour reprezant nou pour met en case Ankour pour recover sa larzan.  Akoz pour Air Seychelles i significant.

Lot gro det ki nou annan, especially ki overdue, i non- BSP Agent.  Savedir i bann Agents par egzanp Masons, Creole.  And again sa ti en problenm akoz nou sistenm.  Kantmenm nou ti pe fer, nou pa ti pe kapab fer matching e nou pa ti pe kapab donn sa bann Agency en statement ki ti accurate.

Nou’n met en bon pe zefor, nou’n menm pran staff pour fer sa legzersis e ed nou fer.  Between Zanvye ek la, nou’n vwar en gran improvement e nou’n donn tou bann Agencies ziska lafen Mars pour zot kapab clear tou zot bann det right, e bring it current.  Tousala zot pe konplent obviously akoz mon konpran poudir i vin en gro cash flow lo zot.  Selman so far it’s going well.  

Board in also dir poudir pour better manage nou bann debtors.  Akoz currently si en dimoun pa pey Air Seychelles menm si nou pe chase zot, i.  napa okenn penalti.  Board in agree poudir apre le 01 Mars nou pour also met en penalti 2poursan lo late payments pour nou better manage sa bann debtors.

The other big debtor ki nou annan, i Gouvernman Sesel.  There is a dispute that we currently have with Ministry of Foreign Affairs for use of the VIP Lounge and  at date, konmsi in date back 4, 5an.  And the amount there is about $8,000 – ok.

 

MR SPEAKER

CFO petet donn nou en estime an gro, si ou annan, si ou sistenm i pa tro up-to-date.  An gro lump sum an gro ki det.  Apre Onorab ti’n demann en pti pe age.  Lekel ki?  Si i annan en – Wi, wi egzakteman.  CFO.

 

CHIEF FINANCIAL OFFICER MICHAEL BERLOUIS

Including Constellation, bann debts ki over 120 days i probably around $5 million.  $5 million in enkli sa enn gro Constellation – ok? Current -Roughly $5 million.  Ok sa bann det ki outside a 120 days right?  Savedir sa i bann det ki  outside 120 days  right – savedir sa nou pe travay for pour nou rekouver zot e bring zot back into current.  Sa en rapor Fevriye.  Bann current liabilities ki nou annan pour peye,  i about 7 to $9 million.  Sa i bann current, right ki larzan pe antre.  Yeah.

 

MR SPEAKER

Ok.  Mersi, mersi CFO.  Yes vitman Onorab Churchill Gill.

 

HON CHURHCILL GILL

Yeah.  Zis pour mwan demann CFO, sa 5 milyon par lao 120 mwan,  eski i annan provizyon pour, zot pe anticipate pour annan provizyon pour bad debt avan audit 2018?  Mersi.

 

MR SPEAKER

Mersi Onorab.  CFO.

 

CHIEF FINANCIAL OFFICER MR MICHAEL BERLOUIS

Wi mon pa konn sif egzakt, selman nou provizyon pour bad debts i 2, $2.2 milyon ok? I pa vedir nou’n give up lo la.  Selman zis nou’n fer sa provizyon.  $1.5 milyon i against Constellation.  Again nou pa pe dir nou pour recover zis 1.5, zis selman akoz nou’n met sa matter Ankour as an audit requirement, nou bezwen impart half of it.  Ok?

 

MR SPEAKER

Mersi CFO.  Bon avan mon pas la parol avek loter kestyon.  Mon annan de pti kestyon pour Minis, koman MNA Bel Ombre.  Minis ou koleg Minis Finans 1an pase i ti isi dan sa Lasanble.  E i ti dir li menm tre for ki i bezwen koup sa lemorazi.  Bann lemorazi ki ti pe koz lo la, se bann overheads Air Seychelles ki ti excessive.  Par egzanp kantite lakaz ki zot ti pe lwe Eden Island, kantite biro ki ti pe lwe, me ki ti reste vid, pa ti pe ganny servi, i annan lakaz an deor Eden Island ki zot ti pe pey bann pri egzorbitan.  

So pour le moman la ozordi,  eski zot in arive fer sa?  ki kantite lakaz ki zot ankor pe lwe?  E konbyen pe kout Air Seychelles?  E Minis ti menm dir poudir i annan en Mauricien ki pe travay part time accounts avek Air Seychelles.  E sa moman la mon krwar i ti anonse ki i pe ganny $5, 000 Dolar par mwan.  Sa osi tou i ti pe dir pour ganny ranplase par en Seselwa.  E ti deza annan Seselwa kalifye ki kapab fer sa travay.  Me dapre mon konpran sa Mauricien i ankor pe fer sa travay pour sa pri $5, 000 par mwan.  So Minis donn nou en pti pe leklersisman lo la.  Mersi.

 

MINISTER DIDIER DOGLEY

I’ll let you speak.  Mr Speaker mersi.  Mon a les CFO donn ou bann detay finans.  Akoz se li ki annan bann figures devan li.

Konsernan pozisyon Gouvernman konsernan Air Seychelles.  Parey mon pe dir se ki lanfaz ki nou pe met lo la, la konmela se finans, finans, finans.

Nou zwenn avek Air Seychelles preski tou le 3 mwan pour fer sir poudir i pe meet son bann target e ki i pe koup bann depans e wastage kot i egziste.         E parey mon’n nonmen zot in koup lo lakantite etranze ki annan, ki’n fer li vin apepre 1poursan zot workforce ki i annan konmela.  99, si oule 90poursan, 99poursan i Seselwa e sa detrwa etranze ki reste, mon a les CFO eksplike.

Akoz li ki konnen egzakteman ki sa bann dimoun pe fer, e ki mannyer sa bann zafer i marse.  Me solman sa ki mon ti a voudre fer sa Lasanble byen konpran, se ki Board avek Gouvernman, Minister Finans ki Minis Loustau-Lalanne nou zwenn avek Management Air Seychelles tou le 3 mwan e diskisyon i lo finans, finans e finans.  Akoz nou oule vwar poudir Air Seychelles i ogmant son reveni e i redwir son bann kou lo minimum posib.  Mersi Mr Speaker.

 

MR SPEAKER

Mersi Minis.  CFO.

 

CHIEF FINANCIAL OFFICER MICHAEL BERLOUIS

Mersi Mr Speaker.  Parey Minis in dir nou annan currently, nou annan 7 expatriate employees Air Seychelles ki baze Sesel.  Nou annan enn osi en Paris, li i en French National.  I reprezant nou dan Marse Lerop.  Savedir nou annan sanmenm sa nou ti pe dir, nou annan 1poursan.  Akoz total nou annan 726 employees out of which 7 i expats.

        Nou annan 2 dimoun dan management being CEO Remco Althuis, Charles ok.  Nou annan 2 dimoun dan maintenance, nou annan engineer ki nou’n fek gannyen an Novanm.  E sa akoz nou’n, nou ti’n perdi enn nou engineer e nou engineers ki nou annan konmela ti napa sa bann type rating ki allow nou pour servi bann avyon, tou bann avyon ki vin isi.  Par egzanp British Airways, Air France, zot tou zot vin lo bann diferan avyon, e nou bezwen kapab provide sa servis.  So sa bann engineers i bezwen annan sa type rating, sansan zot pa kapab fer sa louvraz.  Li i ti join in Novanm.

Nou also annan 2 pilot right, parey mon ti pe eksplik Lasanble dernyen fwa.  Nou ti annan 3 pilot ki ti pe reste akoz zot, zot ti bann TREs Type Rating Examiners.  So letan tou dimoun i fer zot training.  Akoz en pilot i pa zis train en fwa, apre se tou.

Tou bann pilot i annan constant training e constantly i examination.  Sa 2 pilot i fer sa pour nou.  And dan sa period nou’n fini train enn nou bann Seselwa pli kalifye pour actually take on the roll of sa bann TRE.  Sanmenm sa in sorti 3 in kapab vin 2 ozordi.

Lentansyon i over the 2 to 3 years menm sa 2 pour ale. Apre nou annan en mechanical engineer, sorry en engineer dan facilities – rather.  Ok.

In terms of Eden Housing.  Premye fwa mon ti vin Lasanble, nou ti anvant 40 a 44 lakaz.  Nou’n redwir sa 90percent. Ozordi nou annan zis 4 lakaz Eden.

Nou annan CEO, Chief Commercial Officer, ki reste Eden.  Nou annan en pilot avek en engineer.  Sa engineer ki’n vin, ki’n vini an Novanm, li dan son Kontra e nou’n sanz sa.  Nou’n fer li standar pour tou nouvo Kontra ki nou sinyen ki tou dimoun expat ki vini i ganny en allowance – right.  Si zot anvi al Eden, zot anvi top up zot saler, sa i zot swa.  Selman Air Seychelles pour donn zot en allowance, pa en lakaz Eden Island.  Akoz zot fer zot desizyon zot menm.

In annan en lefe akoz.  Akoz nou pa pe donn sa Housing as part of package – in redwir ki kantite dimoun e ki bann pool dimoun ki anvi bann Kontra Air SeychellesSo i en pe pli difisil pour nou recruit.  Selman nou’n kapab recruit sa enn e hopefully nou pour kapab recruit si nou bezwen ankor dimoun e lekspertiz.  Selman nou policy aprezan is at, we do not provide Eden Housing.

Nou annan en lakaz ki nou servi Beau Vallon.  And then we have one, en apartment English River ki sa Mauricien i servi en fwa par semenn for 1 week.  Wi Mauricien ki ti Rhaj, ki ti travay dan Finans.  Nou still annan en Kontra avek li, i pa pour $5, 000.  It’s significantly less than that.  E li son rol primarily se pour training.

Mon konnen poudir Lasanble ti dir nou annan dimoun kalifye.  Selman pour nou, pour sa rol spesifik Head of Financial Reporting.  Nou bezwen en dimoun ki annan en certified, certified AccountantOk sa i nou minimum requirement.

Ki nou’n fer?  I akoz nou ti annan en dimoun ki nou vwar li i kapab fer sa rol, selman i pa ti’n zanmen fer en lodit parey Air Seychelles, i pa.  Apre i pa ti’n quite fini son kalifikasyon.  Nou ti dir ok, nou pour met li an plas olye pran en lot expat.  Nou’n met li an plas konmela, apre ki nou’n fer?  Nou’n fer en Kontra ek Rhaj pour train li pandan en peryod 2an.  Ok.

Board in actually come back at the, mon krwar last Board meeting or the meeting before that.  Zot, zot in enform mon poudir in their view, the, sa Kontra 2an i en pe excessive – right?  Mon’n fini, mon’n eksplik Board, mon’n eksplik zot la poudir nou.  Although kekfwa nou pa bezwen li pour 2an, i enportan pour annan sa resours ki’n deza fer lodit right, ki annan sa leksperyans, ki annan sa kalifikasyon dan finans pour fer, pour at least train nou bann dimoun e devlop zot pour zot vin endepandan pour zot kapab take over the roll fully.

Mon’n fini have a, en konversasyon ek li, mon’n eksplik li poudir nou original, although nou original undertaking ti pour 2an.  Nou pour bezwen reevaluate at the request of the Board an May.  I konpran nou sitasyon.  So ki pour arive la?  Nou pour reevaluate in May si sa dimoun ki pe take over sa roll i santi i pare ok.  Si Board i santi poudir i kapab run sa Departman Finans, i kapab run sa bann lodit.  La nou pour stop sa Kontra – right?

Selman right now i en training Kontra.  I en Kontra ki mon feel nou bezwen.  Akoz i premye fwa nou pe fer en lodit san li, right.  Selman i zis training.  Once in fini pas sa knowledge on.  I pour ale.

 

MR SPEAKER

Mersi CFO.  Mon ava donn dernyen parol Loter Kestyon Onorab Ramkalawan.

 

HON WAVEL RAMKALAWAN

Mersi Mr Chairman.  Mr Chairman premyerman les mon a admet ki apre en lazournen edmi mon pa tro konnen kwa ki mon pli konnen ki avan ki nou ti komanse.  E mon mazin si i ti pe al donn en legzanmen demen –  mon krwar pa si mon ti pour ganny 10poursan dan legzanmen.

Mr Chairman i annan plizyer kestyon.  I annan plis kestyon anmezir ki keksoz i deroule ki fer mon poz, ki vini li menm.

Par egzanp letan mon tann Air Seychelles pe koz lo zot restriktirasyon.  I mean, mon pa ganny en konpran, letan zot ti fer an 2017, letan zot ti pran desizyon pour restructure e fer bann staff redundant.  Zot ti annan 733 staff. 

E la ozordi letan nou pe koze.  Zot in recruit ankor partou e i annan 719 staff.  E letan mon regard Mr Renaud ki mon krwar i ti parmi bann casualties laba.  Akoz son Departman ti fermen.  Ozordi sa menm Departman ki ti fermen in reouver

E en dimoun ki ti, avan travay laba apre ti kite.  In retourn laba.  So, konmsi i annan konfizyon ki mon anvi Minis eklersi sa bann konfizyon.  Nou pe koz an term nou en Regional Airline.  Selman la mon tande poudir i annan en madanm Paris ki pe regard bann loperasyon Eropeen.  Be si nou en Regional Airline, ki nou pe fer Paris?

E an plis ki sa i annan konfizyon whether sa madanm pe travay pour Air Seychelles oubyen si pe travay pour Etihad?

Lo en kote mon tann dir nou Regional.  Solman lo lot kote mon ganny dir, nou ganny dir.  Ou konnen Air Seychelles i bezwen fer tousala parski an ka sa $6milyon, nou ti ganny dir an ka i annan bann airline ki aret vini, ki alors Air Seychelles bezwen step in pour garanti nou Lendistri Touris.  Be nou bann avyon, konmsi koman en Lasirans.  Be nou bann avyon pa ni ariv.  Mon mazin ou ava ariv dan dezer Égypte, ou pa pour ariv pli lwen ki sa.

Alor Mr Speaker.  Mon senpleman anvi dir, konmsi mon annan tou sa bann konfizyon.  Air Seychelles pe fer ground handling.  Me selman i bezwen form en subsidiary company.  E nou ganny dir ki sa subsidiary company in ganny tou bann soz pour montre ki poudir i pour fer egzakteman sa ki Air Seychelles pe fer la.

Alors Mr Speaker parey mon pe dir, mon vreman, mon vreman konfize plito.  E kestyon ki mon demande.  Si sa Lakonpannyen pour fer menm keksoz ki i pe fer la?  I bezwen annan en rezon akoz.  E nou’n tande an term garanti, i pa’n oule aksepte garanti souveren, garanti Leta, me sa lakonpannyen i vin en garanti.

Mon mazinen si, mon pe zis mazinen, mon konfize Mr Chairman.  Mon mazinen si en dimoun i dir avek ou i pa oule en Garanti Souveren,  me selman i anvi SA koman son garanti.  I bezwen annan en rezon.

E la ki mon ti anvi konnen egzakteman ki rezon ki, ki rezon ki i anvi sa lakonpannyen olye en Garanti Souveren?  Parski mon mazinen Garanti Souveren en pei ensidswit, nou annan tankers, nou annan lot, lot ki konmsi ti ava fer bokou plis sans.

E mon anvi konnen osi tou, be si SCAA pa donn sa lakonpannyen AES sa dernyen bout papye ki i bezwen, ki pour arive?  Ki pour arive?  Parski ki mannyer ki keksoz i ete la, i napa sa bout papye.

Alors si i pa ganny sa, ki pour arive?   Mon ti ava kontan ganny en leksplikasyon.

E konfizyon osi Mr Speaker.  Se ki letan mon tande ki poudir CEO i Etihad paid.  E pourtan sa ti enn bann keksoz ki nou ti dir be Seselwa, e Msye Renaud.  Mre Renaud dan son pozisyon kot i ti ete i ti kapab ganny, i ti kapab soz koman en understudy pour li take over.  Mr Albert osi tou, en moman osi tou ti laba, ti.

Konmsi Mr Chairman mon mwan anvi konnen.  Mon ti a kontan vreman konnen e ki pe arive?  Parski menm letan mon regard bann statement finansyel.  Bann statement finansyel an term bann liabilities.  Liabilities i plis ki 150milyon.

Letan mon aprann ki poudir crew Air Seychelles ki ti bezwen ater Sidafrik 3 zour pase letan zot in al kot lotel apre sa zot in bezwen pran larzan dan zot pos pour zot pey breakfast.  Parski airline pa’n …  Konmsi tousala i fer mon poz, i fer mon poz kestyon.

E alor mon ti ava kontan.  Mon pa konnen ki mannyer Minis.  Mon pa ni konnen si mon’n demann en kestyon, si kwa.  Mon ti ava kontan alors Minis konmsi ti ava kapab, ti ava kapab ed nou dan, pour eklersi en pe sa bann diferan dout ki nou annan.  Parski mon ki si mon demann Management Accounts, zot pour dir avek nou ki sa i konfidansyel.

Me selman ennler ou a krwar pour nou kapab vreman konnen –  parski se Lasanble Nasyonal ki pour ganny demande pour aprouv 6 milyon.  Me eski nou pa devret vwar sa bann Management Accounts pour nou konnen egzakteman what’s it’s all about ?

Mon krwar ki nou bezwen ariv lo sa sityasyon.  E Mr Speaker en lot keksoz ankor.  Nou ganny dir ki la nou dan en bon pozisyon lo sa baz rezyonal, nou dan en bon pozisyon.  Mon krwar pa mwan.  Parski kestyon ki mon demande.  Si Air Mauritius i deside komans anvole li osi tou ant Sesel avek Maurice.  Si South African Airways i deside anvole ant Sidafrik avek Sesel.  Ki pour nou pozisyon?  E zot annan drwa.

Pa bliye Mr Speaker zot annan drwa.  Parski sa bann drwa i resiprok sa, i bilateral.  Ki pour arive avek Air Seychelles?  Vi ki nou konnen parey in ganny dir Etihad bann moman write-off in fini.

E alor mon konklizyon.  Eski Minis i kapab dir avek nou sa portre ki mon’n penn baze lo bann keksoz ki nou’n tande.  Eski sa i pa montre nou ki poudir nou Erport i dan danze ? Akoz grenouy dan kastrol e dife in alimen anba sa kastrol1  Mersi bokou Mr Speaker.

 

MR SPEAKER

Mersi Onorab.  Minis donn nou en pe klarifikasyon.

 

MINISTER DIDIER DOGLEY

Mr Speaker mon krwar sa team ki’n la, nou tre kontan ki nou’n ganny sa loportinite pour vini yer, e ozordi nou’n pas antye lazournen isi dan Lasanble pour donn bann lenformasyon, maximum lenformasyon.

Nou pa’n kasyet nanryen, maximum kestyon ki zot in demande.  Nou’n sey nou mye pour eksplik bann keksoz dan lafason pli kler posib.

Zot in demann bann dokiman, nou pour fer nou mye.  I annan ki nou’n fini anvoye.  Leres ki zot in demande nou pour fer nou mye pour fer sir poudir pandan sa semenn menm sa bann dokiman i anvoy, i vin kot zot.

Si i neseser Mr Speaker nou pare pour retourn dan Lasanble, pour vin eksplik ankor, pour donn plis klarifikasyon, pour donn plis lenformasyon ziskan ler tou bann MNA i konpran egzakteman ki sityasyon Air Seychelles i ete.

Parey mon’n dir lavyasyon, depi ler mon’n antre dan sa Minister, mon’n vwar poudir i pa en keksoz ki senp.  I en keksoz ki konplike.  I normal ki ler ou pe deal avek en keksoz ki sitan konplike ki petet en sesyon li tousel i pa ase pour tou dimoun konpran tou keksoz ki pe arive.

Alor si fodre kontinyen retournen, si fodre kontinyen annan bann prezantasyon ki ganny fer par bann teknisyen avek bann Manm MNA ki ti a voudre ganny plis leklersisman, plis lenformasyon.  I en keksoz ki nou ti a voudre fer, e fer li regilyerman pour fer sir poudir tou dimoun i ofe avek sityasyon Air Seychelles.

Now konsernan Air Seychelles.  Nou’n sey fer li pli kler posib poudir sityasyon ki Air Seychelles i ladan detrwa lannen pase, i ti ase konplike ler i ti pe sey anvol, fer sa bann international flights pour al Paris, pour al Allemagne, Dusseldorf, pour al La Chine, Beijing, avek Hong-Kong.  E nou’n vwar pandan sa bann letan konpetisyon in feros.  Pri ek fuel, menm son bann overhead bann kou ki in bezwen peye, in fer ki dir ki Air Seychelles parey Mr Berlouis in eksplik nou.  I ti pe perdi li anviron 50 milyon par lannen.    Ozordi apre bann restriktirasyon ki’n arive an 2017 dan 2enm half 2017 avek sa plan 5an ki Air Seychelles in met lo latab i annan en nouvo lespwar, i annan en nouvo lanvi e bann staff Air Seychelles ki ozordi laplipar nou’n dir 99poursan i Seselwa, i annan sa lanvi pour transform sa aeryen pour fer li vin enn ki a lafen i fer sikse dan le fitir.

Koman en aeryen rezyonal.  I vre poudir i annan risk.  Si nou pour koz, nou pour dir ek ou napa risk, nou pour koz manti avek ou.  I vre poudir Air Mauritius ki osi dan gro difikilte, i annan sa drwa pour li osi vin Sesel.

I vre poudir South African Airways ki osi dan gro difikilte i annan sa drwa pour li vin Sesel.  Me solman nou lespwar, se ki nou pare pour travay e vwar avek tou bann partner, pa zis Air Seychelles li tousel, se ki Gouvernman, Minister Finans nou donn en koudmen, mon Minister nou donn en koudmen pour fer sir poudir nou apiy sa Air Seychelles nou donn li tou sa sipor neseser ki dan en fason nou fer sir poudir sa transformasyon ki’n komanse, i fonksyonnen.

Now Onorab Ramkalawan in koz lo sa Sales Persons laba Paris.  Mon konpran poudir sa dimoun i vann bann tiket pour Air Seychelles.  Akoz Air Seychelles parey mon’n dir i annan bann code sharing ki li i fer avek bann lezot airline.  Be solman mon a les Mr Berlouis donn plis detay ki mannyer sa bann code sharing i fonksyonnen e akoz ki zot vwar i ankor neseser pour annan en dimoun Paris pour vann zot tiket lo bann lezot avyon sirtou Etihad ki pe vin isi.

Garanti poudir Air Seychelles ozordi nou’n ganny dir poudir i nepli al sa bann gran zistans, ki vre.  Air Seychelles son range i apepre dan Gulf, i dan Sidafrik, dan Lenn.  E avek sa nouvo avyon kekfwa nou pour annan en bon pli bon range.  Akoz mon konpran i pour al 400 a 500,000 an plis ki sa 2 ki nou annan.

Me solman si i neseser, nesesite i arive avek en refueling somewhere, i pour annan range pour li ariv Lerop.  Sa nou pa pe plan pour fer.  Nou ti a voudre reste rezyonal.  Me sa posibilite, posibilite, sorry i la.  E nou, nou pe dir poudir osi Air Seychelles i ankor pe donn nou sa leverage pour nou kapab negosye pli byen avek bann lezot airline ki vin isi.  Akoz i annan ki demann ou ler zot vini, zot oule poudir zot ganny servis free of charge pour zot vin Sesel.

Akoz sa zot dir ou poudir Sesel i en pti market, e i vre nou annan nou 94,000 dimoun avek 363, 000 touris ki vin Sesel konpare avek nou bann neighbors Maurice i 1.4, 1.5 mil touris avek 1.3 mil popilasyon.  Alor zot market i bokou pli gran.

E si nou konpar osi ek Maldives, i en pe parey avek Maurice.  E ler ou get nou pti market, i difisil pour en airline kapab fer byen.  Akoz nou napa sa volume koman en pei.  Alor i fer li ankor bokou pli difisil pour nou kapab fer sa.

Me solman pour nou kontinyen devlope.  Nou bezwen annan sa access avek sa bann market, e Air Seychelles nou ankor bezwen li pour fer sa.

Ki pour arive, si SCAA pa siny sa Lagreman.  Well basically nou negosyasyon ki nou nou’n gannyen avek Etihad.  Zot in dir nou poudir zot, parey in ganny diskite bomaten, se ki zot bezwen ganny zot larzan.  Sa 30 milyon ki zot pe koze, i bezwen ganny re peye.

E pour zot san en garanti poudir zot pour ganny sa larzan.  Then definitivman zot pa pour sertifye sa 30 milyon ki zot pe donn nou.  E si zot pa sertifye sa 30milyon, i vedir poudir Air Seychelles pour bezwen vwar li $30milyon tre vit.  E si i pa vwar sa $30 milyon Dtre vit, i vedir poudir Air Seychelles i pour faid.  Se sa larealite ki nou pe koz lo la.

Konsernan ground handling subsidiary, mon a les Mr Berlouis al ankor dan plis an detay.  Mon krwar i eksplik sa en pti pe pli byen ki mwan.  Fini sa detay.

E ankor parey mon pe dir nou reste la.  Nenport letan ki zot krwar zot bezwen plis lenformasyon nou, nou pare pour re vin dan Lasanble e zwenn avek bann Manm Lasanble an group, an enn e eksplik zot maximum posib egzakteman ki pozisyon Air Seychelles e ki plan ki Air Seychelles i annan pour li al devan.  Mersi Mr Speaker.

 

MR SPEAKER

Mersi Minis. CFO.  Otan posib bref.

 

CHIEF FINANCIAL OFFICER MICHAEL BERLOUIS

Sorry, kestyon ti konmsi.  Akoz nou bezwen AES ozordi?  Again parey Minis in dir nou annan sa plan restriktirasyon.  Sa plan restructuring i annan 3 partner.  I annan enn premye i Air Seychelles, Management ek staff ki bezwen delivre sa bann sanzman.

E parey mon’n dir nou menm kapab fer en odit lo premye 3 mwan sa lannen.  Akoz nou pa pour vwar lo 2018.  Nou kapab fer en pti lodit zis pour sa 3 mwan pour montre poudir team Air Seychelles in delivre lo zot par sa transformasyon.  Zot in fer sa bann sanzman.  E zot in kapab fer li effectively ok.

Sa 2 lot parti i sa 2 shareholders Etihad Airways avek Government of Seychelles ki bezwen siport, ki basically Air Seychelles i bezwen sipor sa shareholders.  Akoz Air Seychelles in redwir, in vin pli pti.  In redwir son risk pour tou lede Shareholders.

        Selman i vedir poudir.  Akoz i en pli pti Lakonpannyen?  I pa kapab servis tou sa bann penalti e tou sa bann det ki ti ganny asosye avek loperasyon Lerop ki ti en loperasyon loss making e ki ti en loperasyon vreman pli gro ki nou ete konmela ok.   Savedir sa income stream, sa sipor ki nou ti’n demann sa 2 shareholder ti 34 milyon from Etihad an 2017, sa ki nou’n koz lo la.  30 milyon from Etihad an 2018.  Ideal i, nou ti a’n ganny, nou ti pou’n demann Gouvernman, selman i pa posib pour cash flow rise pour donn nou la.

Apre Gouvernman instead ti pour donn nou sa income stream 6 milyon par an pour prosen 5an – right?  E sa i tou, sa i sipor shareholders ki Air Seychelles i pour, i bezwen pour konplet sa restructuring.  Menm si i fer son bann savings internally e pe delivre sa, i pa ase.  I pa kapab, Air Seychelles pa kapab as an entity fund tou sa keksoz li menm.

I bezwen sipor Shareholders pour fer – ok? Etihad pour met sa 30 milyon, i dir ok i a met 30 milyon, napa lentere, nou kapab komans re pey, nou ganny grace period ziska 2022.  Selman i bezwen garanti ki an 2022 i pour ganny son larzan back menm si napa lentere.  Form sa garanti ki ti ganny negosye ant Gouvernman avek Etihad, ti pran laform en sekirite against sa ground handling asset. 

Akoz nou tou nou admet ki sa ground handling asset i pli bon asset Air Seychelles e li i kapab generate sa enough revenue, pour re pey sa loan ouswa sa preferential shares in very, in a short period of time ok.  AES i part of sa structure.  Akoz nou pa kapab zis pledge ground handling kan napa en asset. 

So nou bezwen en asset menm si sa asset napa okenn loperasyon ladan.  Be selman nou bezwen annan en keksoz ki nou annou dir ki nou kapab vwar, ki nou kapab dir gete sa AES i sa sekirite ki mon pe pledge ou pa pran, i en garanti i mon lakaz.  Mon pou pey labank, mon pou pey Etihad.  Tan ki mon peye ou pa pou kapab, pran sa asset selman mon bezwen annan en asset pou mwan provide sa garanti as is.

 

MR SPEAKER

Mersi CFO.  Onorab Ramkalawan.

 

HON WAVEL RAMKALAWAN

Mr Chairman.  Mon dernyen pwen, petet zis avan dernyen.  Eski mon ti ava demann Minis – ok, nou’n koz lo lodit ensidswit, parski nou Lasanble Odit ki PEMC i fer sa pa – nou napa. Me tandis ki en odit ki Oditer Zeneral i fer i bezwen prezant avek nou.  Nenport lodit ki Oditer Zeneral i fer i bezwen prezant avek Lasanble.  

So mon ti ava demande si konmsi nou pa santi i devret annan en lodit ki ganny fer  par Oditer Zeneral petet an kolaborasyon avek PEMC pou ki konmsi nou ganny en bon nide.  Mr Chairman annou ganny keksoz kler. Pandan sa dernyen 8an, se Etihad ki’n manage Air Seychelles. Pandan sa dernyen 8an Chairman well sa partnership Air Seychelles avek Etihad tou keksoz ki Air Seychelles in bezwen fer in bezwen demann permisyon Etihad.  In anvoy training son bann pilot.  Son bann pilot in fly avyon Etihad, nou konnen poudir ti annan bann konplikasyon.  Lo avyon ti bezwen met zis bann keksoz ki Etihad i demande.  Bann sa ki nou pe apel bann move routes ki nou’n pran pou nou al isi pou nou – Air Seychelles li menm li Sesel i pa’n pran sa desizyon pou li al Dusseldorf.  I pa’n pran desizyon pou li al Durban.  Se Etihad management ki’n pran sa bann desizyon.

CEO Air Seychelles i pa’n en Seselwa pandan  sa bann – sa dernyen 8an.  E an plis ki sa in kler ki poudir sa CEO i en CEO ki’n ganny mete la par Etihad. Alor akoz ki nou ki bezwen anmas lepokase?  Be li ki son responsabilite dan tousala li?  Mon ankoler mwan lo sa pwen. Ki son responsabilite vizavi pou lwe 40 lakaz kot Eden Island?  In bezwen donn, in bezwen donn green light.  Son CEO management in bezwen donn green light parski li  ki’n ansarz. E an mezir tou sa bann keksoz pe mars mal, lo Board Air Seychelles in annan 40poursan reprezantasyon Etihad.  Zot pa’n dir nanryen ?  Zot les tou keksoz pouri e la ozordi zot le vin trangle nou pe dir zot pa le sovereign guarantee?  Me zot le nou ground handling?

Mr Speaker mon krwar ki, mon krwar ki i bezwen annan en keksoz serye ki ganny fer la.  Si CEO, si nou ti’n en partnership kot CEO ti Seselwa, Financial Controller ti tonm anba Air Seychelles ti fer tousala.  E ki aprezan desizyon ki’n ganny pran isi ki’n fer nou tonm parey nou été,  la mon ti ava vwar li en lot fason.  Me kestyon se ki responsabilite ki Etihad li i pran dan management oubyen dan mis management Air Seychelles pandan  sa dernyen 8an?

Parski mon krwar liability la i pa zis, i pa zis kapab nou ki lo nou liv i annan 180 ekek ki tonm, nou liability ozordi i R2.6bilyon. Be li ki manage.  Letan in vin isi dan Lasanble e Minis in byen dir, nou, nou pa ni lo management, nou pa ni lo management Air Seychelles, letan zot in vin la dan Lasanble nou nou’n dir be koup en pe bann etranze.  E Minis in rekonnet sa swivan sa ki Lasanble ti dir.  Koup etranze. Pilot Seselwa olye lwe lakaz Eden Island annou koupe.  E ozordi mon  kontan letan zot dir zis 1poursan management ki etranze.  Me letan zot ti vin dan Lasanble i ti en diferan zistwar altogether.  E Lasanble Nasyonal in  siport Air Seychelles dan sa progranm redundancy, nou nou’n fer zot ganny en soft landing avek bann staff.

Me eski Minis i aksepte ki poudir Gouvernman, Gouvernman ozordi i bezwen dan en pozisyon kot i met son lipye osi tou ater e dir annou asize, annou regarde akoz ou osi tou ou annan en responsabilite dan sa zafer, pou nou kapab balanse.  Annou partaz, annou partaz responsabilite mis management. 

E la mon dernyen parol Mr Speaker mwan mon anvi salye tou bann Seselwa ki dan Air Seychelles, tou sa bann Seselwa ki – bann Cabin Crew ki ler ou antre lo Air Seychelles they are so nice.  Letan ou antre dan CIP lounge they are so nice.  Letan ou pe check in tousala e bann dimoun byensir ki dan background ki travay dan biro ki nou pa vwar zot, nou konnen ki poudir zot annan en devosyon ekstraordiner.

Mwan mon krwar ki nou Lasanble ozordi nou bezwen salye e felisit tou bann travayer Air Seychelles pou lapenn ki zot in donn tou zot devosyon pou nou kapab tenir e ki si ozordi nou koumsa i pa akoz zot.  Mon krwar ki i akoz bann keksoz ki bokou pli o e ki Gouvernman i bezwen annan en responsabilite vizavi tax payers money parski sa mis mismanagement pa nou ki’n fer.  Alor mwan Mr Speaker mon pou felisit tou bann travayer Seselwa ki pe travay pou fer sa Lorganizasyon marse.  Mersi bokou.

 

MR SPEAKER

Mersi.

 

HON WAVEL RAMKALAWAN

Menm si byensir Mr Speaker nou’n note ki poudir napa personn lo kote parti US ki’n aplodi zot.  Mersi.

 

 

MR SPEAKER

Mersi.

 

(Interruption)

 

MR SPEAKER

Non.  Non.  Non.  Non. Minis, Minis dernyen parol, Minis.

 

 

(Interruption)

 

MR SPEAKER

Non mon krwar- bon in fer en komanter.  Non.  Bon, mon krwar sa sityasyon Air Seychelles mon krwar i fer trwazyenm fwa ki dan 3an i vin devan Lasanble – mon krwar i annan en zefor zeneral lo tou lede kote.  Tou lede kote.

 

(Interruption)

 

MR SPEAKER

Onorab, attends ! Attends ! Attends !  Onorab Ramkalawan in fer sorti ki se Lasanble ki’n fer sa travay.  Se Lasanble ki’n ed Air Seychelles pou redwir sa bann kou ekstra !  Se Lasanble ki’n ed Air Seychelles dan sa soft landing.  E Lasanble se tou lede parti ki form par ladan.  Right ?  Mon ava donn laparol

 

(Interruption)

 

MR SPEAKER

– non, non, non, non, non, non.  Non. In  fer komanter – annou pa al dan sa direksyon. Ale Onorab – annou ….  Mon ava donn la parol Minis Dogley.

 

(Interruption)

 

MR SPEAKER

Onorab.  Onorab.  Pa pous mwan pou mwan al dan en lot direksyon ok ?  Onorab in fer en komanter.

 

(Interruption)

 

MR SPEAKER

Nou tou nou fer komanter.  I pa’n impute.  I pa’n impute.  Nou tou nou konpran politik.  Mon dir politik i mars koumsa dan sa Lasanble.  Ok.  Bon.  End of it Onorab Pillay.  Mon ava donn la parol, dernyen parol Minis Dogley.  Minister.

 

MINISTER DIDIER DOGLEY

Mr Speaker, mon pa pou long.  Mon ti a voudre remersi tou bann Onorab ki’n demann kestyon ki’n rod leklersisman, ki’n rod lenformasyon avek nou ozordi.

Parey mon’n dir nou’n fer nou mye pou nou donn bann lenformasyon ki korek, ki accurate, malerezman nou napa tou lenformasyon depi bann lannen 2012 ler sa partnership ti konmanse.

Nou rekonnet ki petet i annan bann lerer ki’n ganny komet atraver bann desizyon ki’n ganny pran.  Menm Mr Berlouis in dir nou poudir i annan serten desizyon ki’n ganny pran dan le pase ki li la konmela a son pozisyon ki li i ete, i pa ti pou pran sa bann desizyon me i pa konnen kwa ki’n fors- pou ki rezon ki sa bann desizyon in ganny pran dan le pase.

Gouvernman atraver PEMC i ava fer lodit.  Nou ava vwar ler sa lodit in ganny fer.  Nou’n ganny rekomandasyon ki petet Oditer Zeneral osi i enkli dan sa prosesis.  Nou ava vwar si sa legalman i posib e an menm tan mon krwar sa ki enportan i byen poudir nou salye bann travayer Air Seychelles,  mon krwar poudir i annan en kantite zot ki pe travay dir.  Zot pe donn zot devouman e tou sa.  Mon osi mon rekonnet zot zefor ki zot fer pour kit nou airline dan lezer.  Me selman mon krwar nou bezwen go beyond that.

Nou pa kapab zis salye zot.  Mon krwar nou bezwen siport zot atraver ki nou, nou rod lenformasyon korek e ki nou siport, nou siport, nou siport sa transformasyon ki Air Seychelles in met lo latab.  Si fodre demann kestyon, si fodre rod klarifikasyon sa i ok napa problenm ek sa.

Me solman sa ki mwan mon ti a voudre demann Lasanble ki zot dan zot kote zot donn sa sipor sa bann travay ki sa bann dimoun pe fer ki dan en fason ki nou to demen nou ava happy ler nou a vwar poudir sa plan in marse, in fonksyonnen e ki Air Seychelles i en Lorganizasyon ki pli solid e ki annan en lavenir devan li.  Mersi Mr Speaker.

 

MR SPEAKER

Non nou’n fini deba lo la.

 

HON WAVEL RAMKALAWAN

Me selman Mr Speaker nou bezwen dir Minis ki sa zafer lakonpannyen i pa ankor kler parski i konsern nou Airport parski  nou pe kontinyen demande ki SCAA i tenir la pou le moman akoz i pa kler.  Mersi bokou.

 

MR SPEAKER

Mersi.  Mon krwar Minis in dir poudir bann negosyasyon, bann koze i ankor pe kontinyen.  Bon avek sa mon ti a kontan remersi Minis avek CFO Mr Berlouis e PS Mr Renaud.  Remersi zot pou pas en zour edmi avek nou dan sa Lasanble.  Mon krwar en fason ou en lot in kapab klarifye serten keksoz pou Manm piblik deor.  E malgre pa tro osi tou lo serten nivo me omwen nou’n kapab ganny en pe detay lo kwa ki pe arive avek Air Seychelles e ki son pozisyon finans.  Minister Dogley mersi bokou e nou ava eskiz ou avek ou de zofisye.

 

(MINISTER DOGLEY AND HIS DELEGATION WAS EXCUSED FORM THE HOUSE)

 

 

MR SPEAKER

En moman Onorab.   Mon a demann Sergeant osi tou pou move nou dan Committee of the whole Assembly.  Yes Onorab Pillay.

 

HON SEBASTIEN PILLAY

Mersi Mr Speaker.  Mr Speaker annefe depi yer mon pe ganny detrwa mesaz e mon krwar   nou tou nou’n ganny bann text an relasyon avek nou bann atlet dezabilite ki’n partisip dan – ki pe partisipe dan konpetisyon enternasyonal e plizyer dimoun pe demann nou pou eksprim nou felisitasyon, nou lapresyasyon pou sa ki zot in fer.  Pou lakonplisman.  Mersi Mr Speaker.

 

(APPLAUSE)

 

MR SPEAKER

Mersi Onorab Sebastien Pillay.   Bon mon krwar Lasanble Nasyonal i kontan pou rezilta ki nou bann atlet pe anmennen.  E nou apresye.  Mersi Onorab Sebastien Pillay.  Bon nou pou parey mon’n anonse pli boner, Lasanble pou reconvene Vandredi 10er bomaten e avan sa pou annan en kontinyasyon sa meeting ki’n konmanse ozordi 8er bomaten dan Committee Room 3.  E nou envit tou Manm ki enterese pou kontinyen swiv sa deba.  E mon swete ki ler nou ava zwenn 10er nou a kapab ariv lo en solisyon e nou a kapab pas sa Bill.  Ok ?  So vwala nou pou aret la pou nou travay ozordi e nou ava repran Vandredi 22 Mars 10er bomaten.  Lasanble i adjourn.

 

(ADJOURNMENT)