::
Home » Verbatim » 2019 » Verbatim Friday 22nd March, 2019

Verbatim Friday 22nd March, 2019

NATIONAL ASSEMBLY OF SEYCHELLES

Friday 22nd March, 2019

 The Assembly met at 10.30am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab.  Bonzour tou dimoun ki a lekout e pe swiv sa siting pou ozordi Vandredi le 22 Mars.  Bon rezon parey mon ti anonse Merkredi ki nou pe fer sa siting ozordi se pou nou kapab war en way forward vizavi sa deba ki ti konmanse lo sa Bill lo Public Service Amendment Bill 2019.  Mon ava demann Parliamentary Reporter pou envit Minis avek son delegasyon parmi nou pou nou kapab konmans nou travay.

Bon mon ava dir bonzour e welcome Minis Jean-Paul Adam ki Minis ki ti prezant sa Bill e ki pou kontinyen sa deba.  Minister i akonpannyen par Mr Mohamed Afif ki Sekreter Leta pou Zafer Cabinet, Madanm Jessy Esparon ki Sef Sekreter dan Servis Piblik e i Head of Civil Service, Mr Damien Thesee ki PS pou Finans Minister Finans, Mr Victor Pool ki reprezant biro Attorney General e Mr Marthy Vidot Personal Assistant avek Minis.  Minister bonzour e welcome avek ou delegasyon.

Bon nou ti kit lo sa staz kot nou ti pou al dan Staz Komite.  E an vi ki i paret ki i pou annan serten deba lo propozisyon lo amannman sa ki mon ganny notifye ziska prezan mon ava demann Sergeant pou move Mace pou nou al dan Staz Komite pou mon kapab pran bann stetment oubyen bann propozisyon pou amannman ok?  E nou dan Staz Komite mon mazinen parey labitid bann teknisyen osi tou i a kapab entervenir.  Bon mon ava pas laparol lo nenport kote ki oule entervenir okenn propozisyon ki zot in come up with.  Minister oule fer en stetment avan?  Yes go ahead Minis.

 

MINISTER JEAN-PAUL ADAM

Mersi bokou Mr Speaker.  Bonzour Mr Speaker, bann Leaders, bann Manm Onorab Leaders bann tou bann Manm Onorab e tou dimoun ki pe swiv nou deba bonzour a tous.  Mon krwar petet i itil pou mwan kapab prezant en pti pe pozisyon Gouvernman avan ki petet bann diferan le 2 kote latab i donn zot perspektiv lo sa Prozedlwa ki devan nou byen an detay.

Mr Speaker mon oule eksplik avek Lasanble, e osi avek tou dimoun ki pe ekoute ki Gouvernman in vin avek sa propozisyon sa Lalwa baze lo en prosesis ki pa’n konmans ozordi i en prosesis analiz e revi ki’n ganny fer dan en fason sistematik e ki baze lo bann prensip ki enskri deza lo sa Lalwa ki deza egziste ; savedir ki i annan en revi dan nivo saler dan servis piblik baze lo en analiz ki kapab ganny fer par en Komite ki pou regard bann eleman ki afekte nou sosyete.

Sa travay in baze osi lo lapros Prezidan Danny Faure ki baze lo rann kont lo la transparans e pou fer keksoz dapre son fason ki i devret ganny fer e ki mannyer i ganny prevwar dan Lalwa.

Se avek sa bi ki i ti etabli en Komite ki ti pou revwar sa kestyon saler dan servis piblik baze lo sa grid saler ki ganny pibliye dan Lalwa.

Sa Komite ti enkli bann Manm dan sekter piblik ti enkli osi bann Manm dan sekter prive e ti bann dimoun ki annan bokou leksperyans dan konteks ladministrasyon piblik e osi dan konteks ekonomik kot nou pei i été aktyelman.

Sa Komite in regard an detay bann diferan eleman pou pran kont enkli bann kestyon tel ki pri lavi, enkli ki to lenflasyon e osi an se ki konsern bann resours ki a dispozisyon Gouvernman.

Sa revi in pran an kont ki bann saler bann diferan grad dan servis piblik ti bezwen ganny revwar e zot in fer en rekomandasyon 5poursan.  Sa rekomandasyon i pran kont tou bann diferan eleman tel ki lenflasyon pri lavi eksetera.

Fodre nou note osi ki letan sa rapor in ganny soumet avek Gouvernman ki Prezidan Faure in adres sa atraver prosesis bidzeter kot dan Bidze ki in ganny pase dan Bidze 2019 ti annan sa provizyon pou sa logmantasyon 5poursan dan tou sekter piblik.

i enportan pou nou note osi ki istorik sa kestyon grid saler.  Sa kestyon pou nou al lo en poursantaz akoz Lalwa i prevwar en poursantaz apre en long deba depi bann letan reform ekonomik 2008 – 2010 e baze osi lo sa ki ganny fer dan bann lezot pei e lo bann prensip modern avek gidans IMF avek gidans Labank Mondyal pou nou kapab annan en striktir ki ekitab.

Mr Speaker sa i en prensip ki enportan akoz letan nou pe koz lo en grid saler nou pa kapab koz lo legalite akoz si nou pou koz lo legalite nou pou donn tou dimoun egzakteman menm saler e sa pa fer sans dan en sosyete modern kot i annan diferan konpetans e ki nou bezwen regard larealite ki en dimoun i bezwen envestir dan son lekor, pou li kapab sorti dan en nivo pou al dan en lot swa atraver formasyon oubyen atraver zefor ki i fer dan son travay.

Me sa i pa vedir dan sa grid saler ki i annan mwens lenportans ki ganny donn avek bann ki lo band pli ba, me o kontrer sa grid i regard sa kestyon ekitab. Savedir pou vwar ki zefor i pran pou sorti lo en band pou al lo en lot e ki sa i ganny rekonnet atraver bann diferan evalyasyon travay ki ganny fer e sa i ganny rekonnet osi dan sa grid atraver sa diferans poursantaz ki i annan ant sak band.

I enportan pou note ki grid ki devan nou pa kapab ganny regarde an izolasyon.  Sa grid i montre ou zis kote en travayer sekter piblik i antre baze lo son saler de baz e pou la gran mazorite – si pa tou travayer servis piblik zot osi ganny bann lezot benefis ki pa mansyonnen lo sa grid.

An se ki konsern zefor pou pli byen siport bann travayer dan sekter piblik vizavi sa bann presyon parey pri lavi, i enportan pou note ki Prezidan Faure in pran en lapros sistematik e in regard bann eleman kle sa problematik.  Sa kestyon 5poursan logmantasyon dan sa grid ti ganny donnen avek en Komite.  E sa Komite in fer son louvraz e se senpleman sa travay ki deba nou ozordi pou nou konsidere.  E pou nou fer sir ki travayer piblik parey zot merite le 01 Avril zot ganny en logmantasyon.

An se ki konsern bann lezot eleman akoz Prezidan Faure e Gouvernman pa’n regard sa an izolasyon nou osi konsyan sa problematik ki dimoun in fer sorti ki letan e souvandfwa dimoun ki’n dan servis piblik pandan en kantite letan in dir ki ‘’mwan pandan en serten letan mon la me mon saler pa bouze.’’  E se avek sa antet ki Prezidan e Gouvernman in anons sa long service allowance ki pran lefe an Zilyet.

E i enportan pou nou kontan sa long service allowance son prensip dan en fason transparan se pou retenir bann leksperyans e kapasite dan servis piblik e osi rekonesans avek bann dimoun ki zot saler i pli ba e ki i annan petet bann perspektiv pli limite pou zot progrese lo en band travay.

Atraver sa long service allowance ki pran lefe an Zilyet fodre nou note ki 69poursan parmi bann dimoun ki pou benefisye pou ganny en logmantasyon plis ki R1000.  Fodre note osi ki sa long service allowance pa pou bezwen pey okenn taks.

E sa i diferan avek tou bann saler ki nou vwar ki mansyonnen lo grid sa ki mansyonnen lo grid i bezwen ganny kouver anba taks.  Me sa long service allowance li i pou an deor taks e i pou en mezir konkret pou siport – bann dimoun dan servis piblik pou donn plis sipor bann dimoun ki devoue dan zot travay.  E parey mon deza montre sa i kouver la gran mazorite bann dimoun ki deza an pozisyon.

An plis ki sa 53poursan dimoun ki dan servis piblik pou gannyen sa long service allowance. 

Savedir i pou kouver tou dimoun ki pa lo en Kontra e tou dimoun ki ziska band 5.  E lenpak sa long service allowance i bokou pli larz i preski R100milyon lo en lannen antye.  Nou pou aplik ki an Zilyet alor i en pe mwens me son lenpak lo en lannen antye i preski R100milyon.  E sa i en mezir ki rekonnet bann dimoun ki’n travay en kantite letan dan Gouvernman.

I rekonnet bann dimoun ki’n angaz zot lekor pou amelyor zot lekor dan servis piblik lefe ki zot pe montre sa lentere e sa lenportans dan zot louvraz e i osi siport bann dimoun ki pli bezwen sa sipor a sa moman apropriye.

Mr Speaker sa grid i osi pran kont lenportans re tansyon nou bann profesyonnel kalifye lenportans, pou nou get bann dimoun ki annan bann leksperyans bann kapasite bann konesans ki spesifik e nou pe koz spesifikman nou bann profesyonnel parey bann ansenyan, parey bann dokter, parey bann ners e bokou bann lezot profesyonnel bann graduates ki travay bann diferan Minister e Departman.

E ki si nou pa aplik sa prensip en lapros logmantasyon par poursantaz zot konpetans zot leksperyans zot zefor ki zot fer pa pou ganny rekonnet dan en fason ki apropriye, e parey in ganny prevwar atraver sa travay ki’n ganny fer par sa Komite ki’n regard sa dan en fason obzektif.

Mr Speaker apre dernyen deba ki nou ti annan Mardi nou rekonnet ki in annan plizyer pwen ki’n met devan par bann Manm Lopozisyon, e nou ouver pou nou angaze avek zot pou nou kapab diskit sa bann diferan opsyon.

Me letan nou analiz sa bann opsyon dan son profonder, nou vwar ki i pa anmenn en meyer benefis pou nou popilasyon e sirtou pou nou bann travayer sekter piblik vizavi sa grid ki deza an plas e avek sa logmantasyon ki ganny prevwar ; akoz okenn e byensir i annan posibilite si en dimoun i anvi fer en sanzman mon kapab dir ki ou zis tir o plener e ou met ladan me eski sa pou soutenab ?  Enn ?

2) ki lenpak ki sa pou annan a long term e

3) eski vreman nou pou kapab siport bann dimoun ki pli dan bezwen parey nou ti ava anvi fer gardan antet tou sa bann eleman ki mon ti deza mansyonnen.

E dernyen pwen ki mon ti a swete mansyonnen Mr Speaker pou nou gard antet avan nou deba se kestyon taks akoz sa grid ki devan nou i pa en grid ki pran sa konteks taks dan son lafason ki’n ganny fer e nou tou nou konnen avek sa prosesis pou nou enplimant taks lo revenir endividyel nou sa ki nou appel income tax lo en baz progresiv, i vedir ki bann dimoun ki zot saler i pli o pe pey plis taks e bann dimoun ki zot saler i par anba 8555mil i pey 0 taks ozordi.

E sa logmantasyon par poursantaz i rekonnet osi sa lapros atraver en grid saler ki transparan e ki i rekonnet ki nou dan en sistenm ki baze lo en taks progresiv.

Mr Speaker i fasil par egzanp pou nou annan en deba pou nou retourn an aryer, e pou nou fer par egzanp bann propozisyon pou fer bann logmantasyon parey nou ti fer lontan kot nou dir fix tou dimoun i ganny parey.  Nou kapab fer sa, me eski i pou reprezant progre pou nou pei eski i pou reprezant en prosesis ki ekitab?

I enportan pou nou gard sa antet akoz i annan en rezon akoz nou ti fer sa sanzman ansanm avek nou reform ekonomik akoz nou ti annan sa sistenm avan e nou ariv lo en sirkonstans kot bokou dimoun ti pe dir be mon travay en akote letan sa dimoun ki fek antre i ganny menm saler ek mwan.

E i enportan pou nou adres sa atraver bann striktir ki transparan e ki nou tou nou konpran e ki ganny ki klerman disponib atraver en Lalwa.

Mr Speaker sa en lapros zeneral ki Gouvernman pe met devan ki malgre ki nou etidye bann diferan opsyon ki petet pou i kapab ganny met devan e enkli petet sa ki ou Lopozisyon i anvi met devan me nou santi ki dan konteks ki nou fer en langazman atraver Bidze ki in ganny pase poudir nou pou siport travayer Seselwa dan servis piblik konmansman le 01 Avril ki enportan ki nou pas sa Lalwa.  Akoz se atraver sa Lalwa atraver son sistenm transparan ki nou pou donn zot sa sipor.  Mersi bokou Mr Speaker e mersi tou bann Manm Onorab.

 

MR SPEAKER

Mersi Minis.  Bon osi yer mon resevwar en propozisyon amannman ki sorti kote Lopozisyon. I valid sa ki mon gannyen oubyen i pa valid?  Yes Onorab Ramkalawan.

 

HON WAVEL RAMKALAWAN

Mersi Mr Speaker.  Bonzour tou dimoun.  Mr Speaker mon pou letan mon ava koze mon ava pran sa an konsiderasyon.

 

MR SPEAKER

Ok ou le fer ou entervansyon?

 

HON WAVEL RAMKALAWAN

Mon ti a voudre koze – yes.

 

MR SPEAKER

Go ahead Onorab Ramkalawan.

 

HON WAVEL RAMKALAWAN

Mr Speaker.  Premyerman les mon dir ki mon apresye ki Minis avek son delegasyon nou trouv letan pou nou zwenn koze e bomaten nou konmans sa diskisyon depi 8er bomaten e nou regard bann diferan eleman.

Alor sa dan li menm li i en premye pa pozitiv.  Me selman Mr Speaker mon bezwen dir ki malerezman letan Minis i koz lo sa Komite ki ti ganny formen i enportan poudir ki li Komite ki ti ganny formen pou regard bann zafer lapey e menm avan ki sa Bill ti ganny prezante devan Lasanble, Lasanble li menm li i pa’n enkli dan okenn sa bann diskisyon.

In ganny diskite avek tou bann stakeholders me Lasanble ki mon ti ava mazinen i enn bann stakeholder pli enportan parske apre tou se nou ki pas Lalwa nou ganny kit an deor.

E sa in fer Mr Speaker ki nou ganny diferan sif. E bomaten nou vwar par egzanp ki sif lo ki LDS ti fer en kalkil e se sa Proze Lamannman ki devan ou sa sif i pa sif egzakt.  Parske ozordi nou ganny dir i annan non-core e ki alor nou pa pe devret baz li lo 11500 travayer me ki nou devret baz li plito lo 15000 travayer.  E sa i fer Mr Speaker ki lefe ki pa tou lenformasyon i a nou dispozisyon, i fer ki sa ki nou travay lo la byensir son baz i pa bon e alor son rezilta i pa pou bon.

Petet la mon ti ava dir ki sa size lapey, i sitan enportan ki Gouvernman ti devret enterakte pli byen avek Lasanble espesyalman avek nou lo kote LDS, etandonnen ki nou en mazorite dan Lasanble e pou en Lalwa pase i bezwen nou sipor pou nou fer li pase.

Mr Speaker lo sa pwen kot nou été i kler ki poudir i annan travay ankor pou fer e lo kote LDS nou pa satisfe avek sa Lalwa ki mannyer i été.  E se pou sa rezon ki nou pa pou pase sa Lalwa parey i été.

Mr Speaker byensir nou kapab regard bann diferan sityasyon me mon anvi fer en pwen kler ki mon konmanse depi Mardi e bomaten osi tou mon fer sa pwen kler.  Kot nou été ozordi i en sityasyon eksepsyonnel nou a pe koz lo 40poursan nou popilasyon pe viv dan lapovrete.  Nou pe koz lo pri lavi ki ser nou pe koz lo soufrans nou pep nou pe koz en Bidze sosyal – lasistans sosyal e dan tou eleman sosyal ki depas R1bilyon.  E ofet Mr Speaker ozordi letan mon pe koze eleman pli gro dan Bidze se sa eleman ‘’proteksyon sosyal.’’

Alor nou pa dan sirkonstans normal parske en nenport pei lasistans sosyal proteksyon sosyal i pa kapab vin bout Bidze ki pli o.

Donk letan nou dan en sityasyon eksepsyonnel – en sityasyon spesyal mon krwar ki nou bezwen nou tou ansanm konman en pep met nou lespri ansanm regarde ki kalite sakrifis ki nou bezwen fer.

E se sa lapel ki mon ti ava kontan premyerman met devan Gouvernman e osi met devan lepep Seselwa ki poudir wi i annan en grid ki ti premye ganny adopte an 2013 me ozordi la kote nou été eski nou kapab zis donn sa logmantasyon par poursantaz san ki nou vreman pran kont sa ki nou pep pe pas ladan?

Mr Speaker letan en fanmir antye pe pas dan en difikilte tou manm i devret koste ansanm.  E pou mwan servi en langaz tre senp wi i annan sa 62milyon ki’n ganny mete dan Bidze e sa sete pou logmantasyon lapey be sa i vin menm parey avek ekivalan avek en fanmir ki pe kwi manze.  Sa ki nou dan kote LDS nou pe dir ozordi kot nou été sak manm sa fanmir i bezwen tir en lasyet manze.  Nou pa kapab 1 pe ganny 2 lasyet manze lot pe ganny 3 lasyet manze e sa ki pli feb pe ganny 1 lasyet manze.  E sa se sa pwen ki nou met devan Gouvernman.

E sa grid Mr Speaker sa grid ki nou pe regarde i pa’n ganny agrave dan ros parey 10 Komannman.  Sa grid nou kapab sanz li e nou montre klerman ki mannyer par sanz 1 seksyon nou kapab seksyon 5, 4 nou kapab regard keksoz pou fer fas avek sa sityasyon eksepsyonnel ki nou pe viv ladan.

E la wi nou kapab koz lo bann profesyonnel e mon enn ki fer kler e parey Mr Speaker sa semenn mon ekrir dan en zournal e mon fer kler ki poudir mon enn sa dimoun ki rekonnet travay dir.  Mon rekonnet nou bann profesyonnel ki parey nou dir zot in burn the midnight oil – bann profesyonnel bann dimoun ki’n al liniversite ki’n ganny en degre e ki ozordi zot annan bann pozisyon responsab dan en pei bann teachers bann ners bann dimoun dan Lapolis tou sa bann dimoun ki pe fer en gran kontribisyon dan nou sosyete.

Me mon lapel ozordi se pou dir avek bann profesyonnel pou fer demann avek tou bann dimoun ki dan en pozisyon atraver en lapwentman konstitisyonnel ki zot lapey i pli o poudir eski nou pa santi nou tou ansanm nou devret pe donn en koudmen pou nou kapab ed sa pep spesyalman parey sa bann ki nou apel bann pli vilnerab pou zot mont en pti git plis.  E alor pou nou kapab partaz keksoz parey i été.

Bann profesyonnel Mr Speaker mon krwar senserman ki poudir i annan diferan keksoz ki kapab arive.

E i annan bann pwen la ki i annan serten pwen ki deza lo Order Paper kot par egzanp Onorab Ferrari in fini met lo Order Paper en Mosyon pou demande ki bann teachers an relasyon avek Gouvernman i ganny sa fasilite pou servi bann lekol – bann laklas apre ler pou ki nenport zanfan ki anvi nenport paran ki anvi ki zot zanfan i ganny extra tuition ki poudir Gouvernman i antre pou ki sa profesyonnel i kapab ganny en pti larzan an plis.

Mr Speaker Gouvernman ti menm anonse dan en serten moman lannen pase, kot ti dir ki taks par egzanp lo lakaz lwe i pou redwir apartir le 01 Zanvye 2019.  Kot pou sorti 15poursan pou vin 3poursan.  Me apre sa, sa menm Gouvernman i pa’n fer sa.  Me sa ankor enn fwa i ti ava ed sa dimoun ki i ti ava tousala i ti ava bann fason pou ed dimoun ganny en pti git plis income.  E an menm tan osi i ti ava ede pou fer desann pri lavi.

So bann profesyonnel mon anvi dir avek zot sel demann ki nou pe fer a sa moman se pou zot konpran ki poudir keksoz i serye, e ki si nou pa ed bann frer ek nou bann ser ki zot menm zot parfwa zot trouv zot dan bann pozisyon kot zot bezwen fer en kontribisyon avek sa bann dimoun atraver zot taks ki zot peye ; par egzanp lo size lasistans sosyal se nou ki fer sa kontribisyon ki antre dan fon Gouvernman.

E an plis ki sa Mr Speaker letan bann dimoun sak fwa ki i annan en sponsor isi ki poudir dimoun i al tap laport prensipalman bann profesyonnel.  Me alor nou pe dir annou dan sa moman presi annou partaz sa R62milyon annou partaz li pou ki sakenn i ganny menm sonm – pou ki sakenn i ganny menm bout.

Parske Mr Speaker letan nou pe regarde gas le 15 in desann pri. Be Mr Speaker ozordi fuel in monte e alor tou dimoun pou ganny tape dan menm fason, parske sa dimoun ki pe fer kours pou anmenn sa gas anler Takamaka, Baie Lazare li i pou bezwen pey plis pou son fuel alors pou annan en logmantasyon.

E sa i fer ki nou tou nou pou anmas menm fardo.  Alor annou konpran sa sityasyon la ki mannyer i été.  E letan keksoz i ava amelyore – letan keksoz i ava sanze wi nou ava kapab adopte en nouvo fason.  Me la, la, la ozordi annou pran en konsiderasyon pou ki parske sa dimoun ki parske nou tou la letan nou pou al bazar nou pou aste en pake pwason menm pri alor ozordi ki mannyer keksoz i été, annou sakenn pran en lasyet manze.

Mr Speaker mon bezwen osi tou letan nou pe koz lo la – e mon plis ki sir ki bann profesyonnel in konpran sa ki mon pe met devan zot e annou pa oubliye ki poudir an menm tan osi i annan bann diferan Scheme.

E letan Minis in fek dir avek nou konsernan long service allowance ki pou pran lefe an Zilyet e sa Minis in servi sa konman enn bann rezon konmsi poudir be sa bann dimoun ki laba anba zot pou ganny en keksoz en pe plis.

Zot be annou pa bliye ki poudir i annan dimoun dan Minister Lasante ki’n travay pou 30an e ki zot lapey i ankor mwens ki R10mil! Ofet zot lapey i mwens ki R9mil.

Annou mazinen ki poudir e la prezan ou pe vin donn akoz ou pe vin donn R1500, akoz ou pe vin donn R2000 apartir le 01 Zilyet konmsi nou bezwen pran sa konmsi en gran keksoz ki pe arive?  Non ! Annou pa regard li koumsa e toultan keksoz pou bann ki pli anba ou a krwar konmsi i pli tarde pou vini, e enn bann kestyon ki nou ti demande akoz i pa ti pran lefe le 1 Zanvye 2019?

Mr Speaker i annan bokou sa bann dimoun e la mon bezwen fer en konparezon letan ou pe koz lo bann dimoun ki pe ganny lapey pli mwens e ki in travay en kantite letan annou pa zis dir ki sa bann dimoun konmsi al zot travay isi laba.

Mr Speaker mon vwar en kantite devosyon mon letan ou regard tou sa bann cleaners, ki pe ganny en lapey bokou pli ba e nou kapab konmans isi menm dan sa Lasanble kot nou été.  Bann dimoun ki zot lapey i plizoumwen laba anba.  Mr Speaker letan mon antre dan mon biro 7.30 dan bomaten mon biro in fini netwaye mon e mon happy ki mannyer mon biro in ganny netwaye.

Letan nou Lasanble i ale i travay ziska 5.30 mon happy ki poudir sa bann dimoun si i ariv okenn sityasyon zot la zot pe nou bezwen rekonnet sa devosyon.  E nou lo nou kote dan LDS nou pe dir dan sa moman kot nou été fodre ki tou dimoun i fer en sakrifis depi konmansman depi Prezidan, Vis-Prezidan, Minis bann Leaders dan sa Lasanble bann Manm Lasanble e tou bann lezot profesyonnel, PS lot, lot, lot annou koste zepol ansanm e atraver sa nou ava ede pou nou ed nou pei avans pli devan.

Parske Mr Speaker i annan en lot keksoz ki nou bezwen realize ozordi dan nou pei.  Ozordi nou pe koz en sityasyon kot i annan anviron 6mil nou bann zenn ki bann adikt, e letan nou koze parfwa bann ki ganny en pe plis larzan i ganny en miray otour son lakour be eski nou realize ki poudir si nou pa fer en keksoz konkret si nou pa pran bann aksyon konkret parey ki nou lo nou kote LDS nou pe propoze sa zafer la ki appel drog la i grenp miray li.  Sa zafer ki apel drog la i veye ler ou baro i ouver i antre dan ou baro li !  Alor annou rod en fason pou nou donn lespwar nou pep.  E mon se sa ki mon pe koz lo la.  E sa 62milyon annou ozordi servi li pou nou ed tou dimoun dan Sesel! E la nou pe koz spesifikman lo bann dimoun dan sekter piblik annou konmans nou bezwen konmans en landrwa.  E nou ozordi se sa landrwa kot nou pe dir annou konmanse.

Mr Speaker en lot keksoz ankor sa semenn nou koz lo Air Seychelles e Prezidan letan in vin isi in dir i pe vin rod R100milyon par an pou Air Seychelles.  Mr Speaker 100milyon par an e sa ki nou pe koz lo la se 62milyon, me mon plis ki sir ki tou Seselwa in bezwen resanti e apresye ki poudir sa ki nou antann depi Mardi avek Merkredi i montre nou mis management i montre nou ki mannyer keksoz in sorti dan tou kontrol e ki lepokase lekel ki bezwen anmase se lepep Seselwa!  Be nou pe demann en keksoz pli konpreansiv.

E letan nou pe regard sa zafer lapey nou pe dir si Gouvernman i fer son travay dan en fason pli byen nou kapab pou servi sa zimaz ki nou abitye, nou a kapab omwen kwi en gro gato e ki nou tou nou a kapab ganny en pli gro bout ladan.  Me akoz ki ziska aprezan zis bann ki dan bann serten pozisyon ki pe ganny pli gro kopo sa gato?

E nou LDS an Mars 2019 nou pe dir annou partaz sa gato 62milyon avek tou dimoun pou ki sakenn i ganny en pti bou !  Menm si nou ganny en pti kakayonyont parey nou dir dan nou langaz nou tou nou ava al dan lakour avek en pti kakayonyont.  E nou tou nou ava kapab dir be nou pe travay pou ki nou tou ansanm nou ava kapab bouze.  Letan nou ava ganny en pli gro bout nou tou nou ava satisfe.

Mr Speaker an plis ki sa mon krwar ki sa size lapey in fer poz bokou kestyon laba deor.  E enn bann kestyon ki pe kontinyen ganny poze mon ganny bann travayer Air Seychelles ki’n demann mon sa long service allowance – bann travayer STC ki’n demann mon bann travayer dan bann parastatals ki pe kontinyen demande be eski i mon ki travay dan STC eski mon ki’n tri zonnyon dan store depi plis ki 15an depi plis ki 20an eski mmwan, mon pou ganny gete eski mon pou ganny en pti keksoz?

Mon ki’n travay dan e larepons ozordi se non – larepons dan lafason ki sa bann keksoz pe ganny prezante se non.  E nou dan LDS Mr Speaker nou anvi war en keksoz bokou plis konpreansiv.

Alor avek sa lespri pou nou vwar keksoz bokou pli konpreansiv, nou, nou pe dir enn sa Bill ki mannyer i été i pa pou kapab pase.  I pa pou kapab pase ki mannyer i été.  Nou pe dir le 01 Avril mon respekte sa dat le 01 Avril me an isi avek le 01 Avril annou tonm dakor pou nou travay overtime ; annou travay overtime pou nou kapab ganny en keksoz ki bon si fodre nou zwenn plis sesyon parey nou pe fer ozordi Mr Speaker, kot ou’n demande ki Lasanble i zwenn e ki mon vreman salye ou pou sa desizyon ki ou’n pran annou fer li.

Pou nou kapab end up avek en keksoz ki byen kot nou konnen ki poudir nou pe pran swen avek tou dimoun dan sa moman.

So annou pa pou kapab pas sa Bill parey i été e apre vin koze.  Non!  Mon dir annou koze annou ganny en keksoz kot nou ganny tou bann fakter, tou bann sif e kot nou a kapab fer en travay konpreansiv, menm avek sa bann dimoun ki ti lo sa Komite bann eksper nou ava asize nou a koze.  E apre sa nou ava fer en lamannman apropriye – egzakteman Mr Speaker parey ou okouran – parey letan nou ti pe koz lo 13enm mwan avek Minis Cosgrow sa letan, ki ti Minis Lanplwa kot nou ti asize nou ti koze ziska ki nou ti ganny en keksoz ki nou ti satisfe avek.  So sa travay Komite i bezwen ganny fer dan en fason konkret.

E Mr Speaker mwan mon  ava osi dir parske dimoun deor pe demande e zot demann kestyon be la nou le 22 Mars, ensidswit  – Mars i sipoze konmanse le 01 Avril eski nou pou ganny nou larzan le ofet zot pou ganny zot larzan le 30 Avril me i pran lefe le 01 Avril.

E sa ankor en fwa i en keksoz ki mon dir nou annan letan pou nou fer li.  E mon krwar ki poudir ki si i neseser pou nou letan nou pe tonm dakor ki mannyer keksoz pou été e ki tou dimoun dan sa moman pou ganny menm pti bout –  Mr Speaker mwan mon krwar ki poudir Attorney Zeneral ek bann konsernen i kapab osi fer antre dan Lalwa parey nou vwar lo plizyer repriz kot donn bann dimoun en back pay zis an ka si le 30 Avril pa ankor pare zot ava kapab ganny en back pay pou asire ki poudir zot ganny zot larzan.

E sa i en keksoz ki nou lo nou kote nou pe ensiste ki poudir sa logmantasyon wi fodre ki tou travayer i ganny li dan sa mwan Avril.

Avek sa detrwa pwen Mr Speaker mon konnen ki poudir i annan bokou bann lezot Manm ki pou osi koze mon dir konman en Lasanble Nasyonal ki enterese avek sa ki nou pep pe fer fas avek – ki sipoze annan nou ledwa lo pou sa pep, pou nou konn son soufrans pou nou konn sa ki bann difikilte ki nou pe pas ladan, ozordi nou bezwen kontinyen fer en travay, e sa ki pe ganny propoze nou bezwen partaz sa larzan pou ki tou dimoun i ganny menm morso. Egalite –  ozordi wi annou koz lo egalite lo sa 62milyon ; annou koz lo egalite lo sa 62milyon parske sityasyon ki nou pep pe fer fas avek.

Avek sa Mr Speaker mon poudir ki sa Bill son Schedule ki mannyer i été nou lo nou kote nou pou vot kont.  E nou demande – nou demande ki ant la avek lafen di-mwan Mars nou zwenn, nou koze, nou asize e nou tonm dakor lo en keksoz ki pou satisfer nou pep an premye ; ki pou satisfer nou dan nou Lasanble e nou ava pas Lalwa e tou dimoun i ava satisfe.  Mersi bokou Mr Speaker.

 

(APPLAUSE)

 

MR SPEAKER

Mersi Onorab Ramkalawan.  Mon ava donn laparol Onorab Simon Gill.  Onorab.

 

HON SIMON GILL

Bonzour Mr Speaker.  Mersi Mr Speaker.  Bonzour tou koleg Onorab, Minis avek ou delegasyon e tou manm piblik ki pe ekout nou.  Mr Speaker size ki devan nou Lasanble i en size ki nou pep ek travayer Seselwa swa ou dan Gouvernman swa ou dan sekter prive sa pep pe swiv, sa pep pe ekoute, sa pep pe pas zizman, e sa pep pou ziz nou.  Mr Speaker deba lo larzan pa pou dir saler la mon pou dir larzan i en deba ki tou politisyen i kontan fer, e i annan en listwar deba lo larzan Mr Speaker.

Dan bann diferan moman listwar deba lo larzan bann politisyen in pran bann diferan pozisyon lo sa deba.  E ozordi sa deba i pa nanryen nouvo, akoz i bann deba ki toultan in preokip politisyen.  Mr Speaker akoz deba lo larzan in preokip politisyen dan Sesel?

Politisyen in konvenki dan li menm ki ler i fer deba lo larzan, i permet li ganny plis vot.  I permet re balans lafors politik dan pei.

E mon a dir ou en keksoz Mr Speaker i annan en filozofi ki mon krwar ladan ki mon pa ganny dirize par en motivasyon pou ganny vot.  E sa parti United Seychelles Mr Speaker i pa ganny dirize lo en deba lo larzan pou ganny vot.

Depi byen boner enn bann prensip fondamantal enn bann filozofi fondamantal per fondater nou mouvman e ozordi son bann disip ki la, nou krwar ki sa pep ler i travay i bezwen ganny byen reminere.  Nou’n toultan krwar ladan ; nou’n toultan krwar Mr Speaker ki i devret osi annan en zefor kontinyel en zefor sistematik pou ki bann dimoun ki ganny mwens i osi annan loportinite ki ganny kree e posibilite reel pou li ganny plis.

Byensir i annan bann diferan fakter a diferan moman ki antre an zwe ler ou pe kalkil finalman reminerasyon or larzan ki ou pou donn sak travayer isi dan nou pei Sesel.

E Mr Speaker lo 2enm morso mon lentervansyon, i anmenn nou pou konpran ki nou annan en transformasyon enportan dan Sesel en transformasyon sosyal fondamantal ki’n arive dan pei.

Si yer Leta ti an kontrol aktivite ekonomik ozordi se pa leta ki an kontrol aktivite ekonomik.

Ozordi nou pe koz en private sector driven economy ozordi sekter prive i annan en rol enportan tre enportan ki i zwe dan nou zesyon ekonomik.

E alor si i annan en batay ki nou bezwen kontinyen anmennen se en batay pou fer sir ki travayer dan sekter piblik, e osi travayer dan sekter prive i osi annan bann loportinite reel, pou zot osi kapab santi benefis ki zot pei ki lekonomi zot pei pe zenere atraver bann diferan moman.

3enm pwen Mr Speaker i anmenn nou pou konpran, ki leta Sesel Gouvernman Sesel atraver tou bann lannen ki’n pase, in fer sir ki saler larzan ki antre dan pos Seselwa i kontinyelman ogmante.  Sa personn pa kapab dir non pa’n arive.  In arive.  Larzan dan pos Seselwa in kontinyelman ogmante, me nou pe fer fas avek 2 problenm fondamantal Mr Speaker.

Problenm No. 1.  Sa se an mezir pei i devlope an mezir travayer i ganny larzan ki nou vwar?  Nou vwar bann servis i ogmant zot pri e ler servis lokal pri i ogmante ou vwar sa larzan ki reste dan pos Seselwa i dimini akoz i bezwen pey pli ser pou bann servis.  Sa i en fakter entern dan nou pei.

2enm konponan enportan ki lenfliyans en kantite ki kantite larzan ki Seselwa i retenir dan son pos apre ki son Gouvernman i fer fason pou li ganny en logmantasyon se en fakter eksteryer kot nou enport lenflasyon ki pe pase atraver lemonn akoz nou depandan plis ki 87poursan nou lenportasyon lo bann pei deor.  Lo sa poursantaz lo sa 87poursan logmantasyon – I stand to be corrected.  Me dan bann dernyen statistik, bann analiz ki mon fer mon vwar li en pti pe plis ki 85poursan.

E sa nou napa kontrol lo la e mon tann serten Onorab koz lo pri karbiran ki’n ogmante i montre nou bann fakter entern ki nou napa kontrol lo la.  E ler pri petrol i monte lo marse enternasyonal nou osi nou pey sa pri.  Be lontan ti diferan lontan Gouvernman ki ti fer i ti abzorb sa logmantasyon i ti subsidise pri petrol – subsidise pri gas subsidise lezot komodite ki antre, me ziska ozordi i annan serten bann komodite esansyel ki Gouvernman pe cautioned ki fer ki i annan serten stabilite ki ganny mentenir.

E sa Onorab Afif i konn tre byen ki mannyer pe pase ozordi dan sa mekanizm.  I kapab pa dakor avek mwan me sa ki nou konnen se ki ozordi atraver bann lenstitisyon ki egziste Gouvernman i enfliyanse, ki pri serten bann komodite esansyel son pri atraver bann lannen i reste stab.  E byensir Gouvernman pa kapab lenfliyans pri servis ki sekter prive i provide.

4enm eleman Mr Speaker ki mon oule aborde e ki i anmenn mon direkteman lo sa Prozedlwa ki devan nou.  Sa Prozedlwa Mr Speaker i ankre dan en Lalwa ki depi 2013 in ganny diskite e pase pa dan nou Lasanble la byensir mon krwar dan 5enm Lasanble in ganny diskite e in ganny vin an fors.  E ladan in annan bann provizyon limero 1 ki’n dir ki apre tou le 5an Gouvernman i fer en revizyon sa bann diferan band or nou salary grid an zeneral.  E 2enm keksoz ki i dir se ki sa revizyon i bezwen pran an konsiderasyon plizyer fakter ; fakter lenflasyon, fakter dinamik ekonomik e posibilite reel ki pei i annan pou li kapab abzorb ex percentage of increase lo saler spesyalman dan sekter piblik.

E Mr Speaker an 2018 ti konklir nou ti ariv sa premye 5an e Prezidan Faure ti lans or ti etablir en Konmisyon kot i annan plizyer bann akter plizyer bann profesyonnel dan bann diferan sekter ki’n met latet ansanm pou etidye nou sityasyon e fer bann rekomandasyon avek Gouvernman.

Mr Speaker mon repete en Komisyon endepandan ti ganny etablir pou etidye tou fakter, pou konsidere ki mannyer nou kapab annan en amelyorasyon sibstansyel lo saler dan sa pei.  Ankor enn fwa mon dir spesyalman dan sekter piblik en Konmisyon endepandan napa lenfliyans bann politisyen pou vin enfliyanse, pou rod lafason pou ganny mileage politik e pou lenfliyans bann desizyon ki sa Komisyon pou pran dan en direksyon ou dan en lot direksyon.

E sa Komisyon Mr Speaker in soumet son rapor avek Gouvernman e zot soumisyon ti ariv dan Cabinet of Minister e Cabinet of Minister ti etidye e ti donn en laprouvasyon, lo bann diferan provizyon an zeneral ki sa Komisyon ti rekomande.  Byensir nou pa aret la e en rekomandasyon amannman atraver sa Prozedlwa ki devan nou an sa ki konsern saler in vini.

E kot sa logmantasyon 5poursan across the board in ganny enskri dan sa lamannman.  E nou deba esansyelman i lo si nou pou les sa logmantasyon 5poursan across the board pran lefe atraver nou vot ki nou Lasanble Nasyonal i bezwen pase?

E mesaz i kler Mr Speaker mesaz Leader Lopozisyon i kler in anvoy en mesaz kler avek son lekip ki i dirize poudir zot vot kont sa Prozedlwa ki fer provizyon pou donn 5poursan logmantasyon depi dimoun ki anba sa échelon ziska anler mesaz i kler.  E nou pa pe ekspekte ki sa Prozedlwa i pase ozordi dan sa Lasanble.

Akoz ki i pa pou pase?  Akoz Lopozisyon i an mazorite dan sa Lasanble Nasyonal amwen ki detrwa i deside pou sorti deor e pa partisip dan sa direktiv ki Onorab Ramkalawan in donnen.

Akoz zot realize ki i pa neseserman en bon direktiv ki in ganny donnen.  Mr Speaker ki nou pou fer fas avek ler Lasanble si nou ti pou vot an faver sa Prozedlwa kwa ki nou ti pou fer fas avek?

Donnen sityasyon saler ki mannyer i été ozordi dan Sesel nou ti pou fer fas avek en sityasyon kot ozordi si ou ganny ou R5mil mon pe donn legzanp si ou ganny R5mil si ou ganny R10mil si ou ganny R30mil si ou ganny R40mil R80mil ou R70mil si ou dan Gouvernman ou ti pou ganny 5poursan ogmantasyon lo ou saler aktyel ki ou gannyen.

Mr Speaker dan bann diskisyon ki nou fer deryer laport, kot in annan partisipasyon United Seychelles avek LDS, Minis avek son tim bann propozisyon ki ganny met lo latab prezan i byen ki Seselwa i konnen sa.  Propozisyon ki’n ganny met lo latab par LDS, se ki tou travayer dan sekter piblik ozordi i ganny en sonm parey lo tou zot lapey.  Nou konsider sa konman sa logmantasyon en logmantasyon ver en sif ki tou i ganny parey.  E i annan de sif ki’n aparet i annan en sif ki a serten moman ti par anba R500 e bomaten i annan en sif ki donn nou en presizyon R525 across the board tou dimoun pou ganny R525 across the board.  Sa i propozisyon ki’n sorti kot LDS.

E i enportan nou mansyonnen Mr Speaker akoz mon ki annan laparol premye lo sa kote latab United Seychelles Mr Speaker pa’n vin avek okenn propozisyon.  Akoz nou pa’n vin ek okenn propozisyon?  Akoz nou Leader Zafer Gouvernman ki la dan son bann konversasyon ki’n fer avek Minis e Gouvernman e nou konman en parti politik United Seychelles ki la isi dan sa Lasanble nou osi fer nou bann refleksyon fer nou bann analiz tre profon.  E mon a dir zot detrwa bann konklizyon ki nou ariv lo la lo nou kote latab isi.

Konklizyon No.1 Mr Speaker se ki nou krwar nou reste konvenki ki saler bann dimoun ki pli ba i bezwen kontinyelman ogmante konklizyon No.1 saler bann dimoun pli ba lo sa lesel saler ki nou apel li salary grid bann dimoun ki ganny pli ba lo sa lesel saler i bezwen kontinyelman ogmante.

E nou mesaz ozordi lo sa premye konklizyon nou pe dir avek Gouvernman konman en parti politik isi dan sa Lasanble Nasyonal zot bezwen al rod fason, sers fason, pou ki sa ki nou dir i vin en realite ; rode ki mannyer nou kapab sistematikman ogmant saler bann dimoun ki pli ba lo sa salary grid.  Ki mannyer zot fer li zot bann expert zot bann teknisyen the onus is with you.  Annou al travay annou al rode ki mannyer nou fer sa en realite.

2enm konklizyon Mr Speaker ki nou lekip in ariv lo la apre ki nou pran tou bann keksoz an konsiderasyon, se pou asire e donn en garanti servis piblik, ki dan okenn moman nou pa pe al met an plas en sistenm egaliter dan sa ki konsern saler dan sa pei akoz napa en pei dan lemonn ki annan en sistenm saler egaliter.

Akoz napa okenn pei ki annan en sistenm saler egaliter?  Se i senp akoz dan en sosyete dan en pei ou annan diferan dimoun avek bann diferan profesyon, diferan kalifikasyon, diferan merit, e diferan responsabilite, ki zot pran ki zot assume a diferan moman e sak sa bann profesyonnel or bann dimoun pli ba ki pa dan kategori profesyonnel zot annan zot merit me selman nou believe fondamantalman ki sak merit i devret annan son merit e dir sak travay i devret ganny value e ganny reminere par rapor avek sa valer ki i annan.  E nou bezwen donn zot valer ki zot annan.

Konklizyon No.3 Mr Speaker konklizyon limero 3 i senp tre senp se ki nou pe dir nou pe anvoy en mesaz deor avek tou sa bann dimoun ki dan public sector ki dan sekter piblik nou pe dir zot ozordi kont lo nou kont lo United Seychelles ki nou pou vot an faver sa Prozedlwa pou donn zot 5poursan logmantasyon!

 

(APPLAUSE)

 

HON SIMON GILL

Me nou oule ki zot rekonnet en keksoz – nou oule ki zot rekonnet en keksoz ki dan dernyen eleksyon Lasanble Nasyonal zot in donn nou en minorite isi dan sa Lasanble Nasyonal.  E ki LDS i an mazorite malgre ki nou pou vot an faver sa Prozedlwa, sa Prozedlwa pa pou pase akoz LDS i an mazorite e zot pou blok sa Prozedlwa anfen kont zot pou blok sa logmantasyon 5poursan ki nou lo sa kote latab nou pou aprouve.

Konklizyon No.4 Mr Speaker se ki nou pe dir sa 62milyon ti size deba dan Bidze 2018 pou 2019.  Nou ti diskit Bidze 2019 deza bann laprouvasyon ti ganny donnen lo Bidze 2019 an Desanm 2018.  E sa 62milyon logmantasyon in annan son provizyon dan Bidze ki nou lo sa kote latab United Seychelles nou ti aprouve nou ti siporte e ki LDS ki ti abstain.

Nou bezwen met sa lo rikord. I vedir depi ler Bidze 2019 ti pase United Seychelles in siport sa 5poursan logmantasyon across the board pou tou sekter.

 

(APPLAUSE)

 

HON SIMON GILL

E ozordi Mr Speaker ler lamannman lo Prozedlwa 2013 i vin dan nou Lasanble Nasyonal nou pa pou kapab al vot kont sa Prozedlwa this is the message ki nou oule zot konpran la deor.

Konklizyon No. 5 i senp Mr Speaker ankor enn fwa i senp akoz nou reste konvenki ki nou sityasyon pou ozordi dan Sesel, nou sityasyon ozordi dan Sesel i pa en sityasyon kot mon dan mon bann analiz ki mon fer dan mon bann refleksyon ki mon’n fer ler mon get bann komanter bann analiz ki bann diferan lenstitisyon tre prestizye, dan lemonn in fer kot zot pe donn Sesel bann bon credit rating Mr Speaker kot nou zesyon ekonomik tou son bann prozeksyon pandan sa dernyen 5an i montre nou en siny grosisman nou lekonomi ensi tre pozitiv Mr Speaker avek tou sa bann fakter mon pa pou dir Sesel i dan en social crisis.  E nou lekip isi United Seychelles i dir Sesel pa dan en leta en sirkonstans en social crisis.

 

(APPLAUSE)

 

HON SIMON GILL

Mr Speaker ker nou pa dan en leta social crisis, nou krwar ki i ankor annan lespas e i annan loportinite reel pou nou kontinyen travay e fer grosi nou lekonomi, e par konsekans anmas plis reveni e fer plis distribisyon e pli bon distribisyon atraver nou pep.

Mr Speaker nou 6enm konklizyon ki nou ariv lo la dan nou lekip nou dir ozordi ler nou get tou bann endikater ekonomik ler nou get prozeksyon labank santral atraver bann loan ki’n pase pandan sa dernyen 5an nou rezerv foreign exchange in kontinyelman ogmante.

E sa dan li menm li i en bon endikater e ankor enn fwa mon refer avek en lotorite dan nou Lasanble Onorab Afif.  I kapab konfirmen ki wi rezerv foreign exchange i donn ou en perspektiv en bon sityasyon ekonomi finansyel dan nou pei, kot ler ou kapasite enporte i anmenn ou i étal ou lo en peryod 6mwan i montre ou poudir ou pa neseserman dan en sityasyon deplorab me dan en sityasyon relativman tre pozitiv.

E ankor enn fwa Onorab Afif en lotorite isi dan sa Lasanble i kapab konfirm sa.  Si i pa konfirm sa mon a gete finalman ki mannyer mon poudir Onorab Afif son zizman in ariv lo la letan in sot lo kote dan LDS, akoz i ti dan nou Gouvernman e letan ti annan reform ekonomik 2018 i ti la e i ti fer bann prozeksyon.  E en bon pe 2008 letan ti fer bann reform ekonomik 2008 i ti la.  E i annan en kantite bann direksyon ki i ti donnen e ozordi mon pe trouv li pe fer en turn around.  Mr Speaker sa i pa neseserman pozitiv.

Mr Speaker nou 7enm konklizyon ki nou ariv lo la lo nivo nou United Seychelles isi 7enm konklizyon.  8enm ?

 

MR SPEAKER

Onorab, Onorab.

 

(Interruption)

 

HON SIMON GILL

Ok. 

 

MR SPEAKER

En moman.

 

HON SIMON GILL

Wi Mr Speaker.

 

MR SPEAKER

Zis donn nou en lide akoz nou le arete midi nou ava kontinyen apre midi konbyen konklizyon ou annan?

 

HON SIMON GILL

Mr Speaker mon a dir ou mon.  Mon 7enm la wi mon ankor 4 konklizyon pou mon koz lo la.

 

MR SPEAKER

Eski ou pou fini avan midi?

 

HON SIMON GILL

Mon fer en zefor ekstraordiner pou mon fini avan midi.

 

MR SPEAKER

Go ahead Onorab.

 

HON SIMON GILL

Mr Speaker nou 7enm konklizyon – 7enm les mon konte zot note – ok.

 

(Interruption)

 

MR SPEAKER

Mon pe note pou son 7enm.

 

HON SIMON GILL

7enm konklizyon ki mon lo la zot konte zot pa fer mon krwar poudir zot pa konn konte ozordi en.  Mr Speaker 7enm konklizyon akoz i en konklizyon tre senp, tre, tre senp nou ariv lo konklizyon isi nou dir sa R62milyon dan Bidze 2019 i larzan ki’n fini ganny vote in fini ganny mize donn sak sa bann dimoun zot larzan ki’n fini ganny vote ki’n fini ganny mize.

 

(APPLAUSE)

 

HON SIMON GILL

Mr Speaker 8enm konklizyon ankor i senp ekstrememan senp – i senp akoz nou krwar poudir i annan en kantite lespas pou nou fer vin avek en revizyon avek en vre vizyon lo sa ki nou apel sa salary grid avek son bann band ki ava osi anmenn sa posibilite reel pou ki sa bann dimoun i anba i bouze e finalman ganny plis dan zot lanmen lafen di-mwan.

E la spesifikman ki nou pe dir Mr Speaker nou dir si fodre nou elimin 1, 2 band or 3 band annou eliminen pou fer ki sa bann ki vreman anba i mont par 2 ou 3 step e nou konmans la.

Ki i ava ganny konsidere konman the new entry point e i ganny revize successively upward e laterally or horizontally i osi sanze.  E sa byensir i en propozisyon – i en sizesyon ki ti sorti dan bann, bann deba e dan bann analiz bann refleksyon ki nou fer isi lo sa kote latab, nou krwar ki sa i posib.  Nou krwar i posib malgre i pou kout nou an term Bidze plis ki 30milyon adisyonnel si nou fer prozeksyon pou lenplimantasyon an 2020.

Mr Speaker nou dernyen konklizyon.  Nou dernyen konklizyon Mr Speaker. i anmenn nou poudir swivan ; e sa dernyen konklizyon i annan 4 porsyon ladan.  Premye porsyon dan sa dernyen konklizyon i koumsa.

Nou dir Mr Speaker dan kosyon No. 1 ki nou rekonnet zefor ki sak sitwayen dan sekter piblik i fer e nou rekonnet pozisyon sa Lasanble Nasyonal napa LDS – napa United Seychelles nou pe koz Lasanble Nasyonal Sesel.

Nou rekonnet ki nou Lasanble Nasyonal i dakor ki nou tou ansanm nou met latet ansanm pou nou fer sir ki nou donn sa pep la deor the best Mr Speaker.  The best me an menm tan nou 2enm porsyon dan sa konklizyon nou dir ki annou pa fer sa fot nou pa kapab dan nenport ki moman ki nou pou donn en increment krwar poudir tou dimoun i devret ganny increment en increment ki parey li.

Nou dir ki pli vit posib Gouvernman i bezwen akseler sa mekanizm pou fer e met an aplikasyon sa ki zot appel zot menm bann performance based appraisal pou ki nou donn merit increment kot merit i merite.  E bann dimoun ki pa merit ganny increment nou dir zot pull up shape up pou ki zot tonm dan sa kategori merit.  Merit pou ganny increment i pa kapab otomatik.

E nou 3enm eleman dan sa premye morso konklizyon Mr Speaker se poudir ki nou bezwen met an aplikasyon pou bann dimoun ki lo bann kontra bann PSC contract e lezot ankor gete ki mannyer nou donn zot en reminerasyon ki konsiderab.  Nou dir konsiderab Mr Speaker.

E nou bezwen lo sa pwen Mr Speaker dir, ki nou bezwen tonm dakor pou annan en tretman diferansyel baze lo en prezim enportan ki sa prezim?  Rekonnet ki i annan en diferans teachers avek en labourer e konnen ki i annan en diferan ant en dokter avek en pilot avyon probableman e lezot sirizyen lezot spesyalis en diferans ant en ners avek en midwife ,avek lezot ankor.  Ki nou bezwen pe etabli sa diferans dan nenport ki moman ki nou fer okenn revizyon e nou donn okenn logmantasyon.  I enportan i ekstrememan enportan Mr Speaker.

Lot dernyen konponan lo sa konklizyon Mr Speaker se mon nonm sekter Prive dan mon premye bout lentervansyon.  Sekter prive i bezwen vin en parti prenan dan tou sa bann diskisyon ki ganny fer lo saler dan sa pei.  E Mr Speaker ozordi avek tou respe pou tou dimoun, pou tou bann akter ekonomik Mr Speaker dan sa pei e bann konversasyon ki nou annan bann dimoun dan sekter prive malgre i annan bann logmantasyon ki’n arive, i annan 1poursantaz konsiderab travayer dan sekter prive, pa pe osi ganny bann menm benefis ki bann travayer dan sekter piblik.

Mr Speaker i en batay sa bann dimoun dan sekter prive i nou bann frer e ser i nou bann manman bann papa nou bann tantin nou bann neve nou bann nyes.

E Mr Speaker ler mon dir angaz sekter prive se pou rasire ki nou kapab dan la mezir ki nou diskite ariv lo en konsansis ki bann dimoun bann travayer dan sekter prive pa ganny defavorize avek bann zefor konsiderab sistematik, metodik ki Gouvernman pe fer pou ogmant saler travayer dan sa pei Mr Speaker.

Mr Speaker finalman Mr Speaker mon pe appeal avek nou bann frer, ser, koleg Onorab dan LDS.  Mon pe dir zot mon pou seye malgre zot sourd lo mon, mon pou seye e mon pou dir zot sa dokter dan zot distrik kot zot in elekte sa ners ki dan zot distrik ki’n vot pou zot, sa teacher dan zot distrik ki’n vot pou zot pe get zot byen pe ekout zot byen, tou sa bann lezot travayer dan sekter piblik pe ekout zot byen pe get zot byen.  E zot pe dir atraver mesaz ki mon donnen yer e bomaten i dir mon dir zot lo zot par fer atansyon ki sa larzan ki’n ganny mize, zot pa vot an faver pou zot ganny zot larzan ki’n ganny mize dan Bidze 2019 !

 

(Interruption)

 

MR SPEAKER

Onorab, Onorab.  1minit.

 

HON SIMON GILL

E appeal pou zot se mon pe dir zot vot an faver sa Prozedlwa pou donn sa bann dimoun zot logmantasyon ki’n ganny mete e nou gard lespas sakenn lo son diferan frontyer batay LDS United Seychelles lo nou 2 frontyer batay nou ava rod fason pou nou kontinyen pou fer lavwa travayer Seselwa ganny tande, pou ki travayer Seselwa dan zot totalite pa dan en fason diskriminatwar ki zot ganny reminere dan en fason ekitab the principles of equitability a pa en prensip egaliter an sa ki konsern saler.

Mr Speaker mon remersi ou enbleman pou sa pti gin letan ki mon kapab gannyen pou adres sa size lo Prozedlwa  pou fer amannman lo sa Lalwa 2013.  E lo nou kote Mr Speaker mon pe lans en lapel avek tou nou bann koleg isi lo sa latab, parey Onorab Ramkalawan i fer, pou nou nenport ki sirkonstans ki prezant devan nou ozordi dan sa Lasanble ki nou pou vot all the way an faver sa Prozedlwa.  Mr Speaker.  Mersi bokou.

 

(APPLAUSE)

 

MR SPEAKER

Mersi Onorab.  I pa en pti gin letan mon akord ou en pe plis letan ankor zis nou bezwen bear with you.  Bon mon annan ankor lezot Manm ki pou entervenir i annan serten propozisyon ki pe sorti lo entervenan e nou ava regarde ler nou tournen apre midi ankor ki direksyon ki nou pou pran.  So nou ava break e nou ava repran 2er apre midi.

 

 

(BREAK)

 

 

MR SPEAKER

Bonn apre midi tou Manm Onorab.  Bonn apre midi Minis avek ou delegasyon e bonn apre midi tou dimoun ki a lekout e pe swiv travay Lasanble Nasyonal.  Bon mon annan plizyer entervenan ankor ki pe montre lentere pou koze, mon ti a zis gid zot annou pa antre dan repetisyon.  Nou ganny de tre long entervansyon avan nou break e parey Onorab Simon Gill in dir mwan fer li dir tou.

So annou pa antre dan repetisyon e annou fer nou si i annan bann nouvo largiman annou tant pou nou met nou largiman.  Me petet zis pou gidans Lasanble i annan de keksoz ki’n sorti lo kote Leader Lopozisyon i pe menm demann petet en pe plis letan pou negosyasyon pou kapab kontinyen.

E dan enn bann konklizyon Onorab Simon Gill in osi dir ki nou bezwen kontinyen vwar grid – vwar en parti pe bann saler pou nou regarde kote in amelyore.  E sa de mon vwar poudir i annan serten keksoz ki pros ek kanmarad e zis mon pe poz sa la pou petet gidans bann lezot entervenan ki pe vini.  Avek sa mon a donn laparol Onorab Wavel Woodcock.

 

HON WAVEL WOODCOCK

Mersi Mr Speaker.  Bonn apre midi Minis avek ou delegasyon tou Manm e tou dimoun a lekout.  Mr Speaker atraver ou ler mon pe mon ti a pe ekout lentervansyon Onorab Gill lo sa Bill pou reviz salary grid en keksoz i kler Mr Speaker.  Onorab Gill e mon mazinen US zot pe lager pou met plis larzan dan pos bann ki annan.  Zis mazinen Mr Speaker Onorab Gill pe lager pou met R4mil dan pos an plis dan pos Prezidan.  Pa zis dan pos Prezidan Mr Speaker annou get sa ankor i pe lager pou met plis ankor en extra R3mil dan pos bann Minis bann PS bann SS e bann dimoun ki deza pe ganny zot en gro saler.

Mon a donnen si mon a donn legzanp Mr Speaker annou get sa current salary grid ok? Annou get band 20.  Band 20 saler ki Prezidan pe gannyen lo step 1 son saler i R82,278mil avek sa 5poursan ki pou mete lo tou bann salary band saler Prezidan pou sorti R82,278mil pou vin R86,389mil ki en logmantasyon R4mil Mr Speaker.

Prezan si ou pou get band 19 osi ki Vis-Prezidan e band 18 ki saler bann Minis Vis Prezidan li son logmantasyon ki i pe gannyen i R3,500mil bann Minis Mr Speaker band 18 lo step 1 R61,871mil i ou get en logmantasyon ki pou anmenn li ganny en saler R64,962mil ki en logmantasyon R3mil.

Me selman Mr Speaker ler ou desann anba ou get bann ki pli vilnerab ou get bann pli ba lo band 1 en dimoun ki ti pe ganny li R5,485mil son logmantasyon pou selman par R274 i pou sorti R5,485mil e i pou ganny li selman R5,709mil.  Enn ki pou lo band 2 i pou sorti lo R6,325mil e i pou ganny li selman R6,604mil ki pou selman Mr Speaker i en logmantasyon par zis R289.  Annou get sa disparite annou get sa gap avek bann ki annan avek bann ki napa.  En vilnerab li son logmantasyon i selman R274 – R289 me bann ki pli o pe ganny logmantasyon R4mil – R3500mil Mr Speaker how is this fair?

Ler mon pe ekout Onorab Gill Mr Speaker en keksoz ki kler Mr Speaker se i pe lager pou sa 5poursan lo sa bann salary band akoz i konnen ki bann MNA pou ganny sakenn R1500.

 

(Interruption)

 

HON WAVEL WOODCOCK

Non be mon a eksplike mon a fini Mr Speaker – mon a fini Mr Speaker.  Landrwa sat se pa dan Lasanble mon a koze les mon fini relax zot lekor.

Mr Speaker salary band ozordi pou en MNA ek sa 5poursan bann MNA pou ganny R1500 Onorab Valmont pa dir sa?  Me selman Onorab Gill pe kontinyen ensiste ki sa 5poursan i ganny donnen ou konnen akoz zot le R1500. Nou dan LDS nou pwen ki nou dir nou dir ki nou pa oule sa R1500 !  Nou le solider avek lepep Seselwa ki pe struggle ozordi Mr Speaker.  Nou pe dir sa larzan donn tou dimoun parey across the board R525 tou dimoun.  Zot ki pe lager lebra kase pou ganny R1500 nou pa enterese avek sa parey zot.  Akoz zot napa leker pou tou Seselwa zot leker i pou kontinyelman met larzan dan pos bann dimoun ki pli annan sa i leker – sa i latitid US Mr Speaker.

Nou ki nou dir Mr Speaker se ki, partaz sa R62milyon egalman parmi tou bann travayer dan sekter piblik. Sa ki nou le war Mr Speaker.  Nou konnen nou lo nou kote latab nou konnen ki poudir sa pep pe struggle deor pri lavi pe monte pli o ki nou latet ozordi bann paran pe struggle pou kapab met de dipen dan bwat son piti pou al lekol e nou le donn li zis R274 ? Mon bann frer ek ser annou annan en leker pou sa bann dimoun ki pe struggle deor.  Nou bezwen ed bann ki pli vilnerab ! US aret voras silvouple.   Vorasite pa bon.

Mr Speaker parey mon dir ozordi sa salary grid i pou benefisye en serten kategori dimoun plizoumwen.  La ozordi avek en Gouvernman top heavy parey US ek zot ponnyen Advisers, PS, Minis, Prezidan lot en bann failed politisyen ki zot in bezwen  trouv en trou pou met zot ladan pou zot kapab kontinyen ganny zot bann gro,gro pug zot bann gro, gro saler.  Mr Speaker sa bann dimoun ki pe benefisye plis nou pa kapab kontinyen toler Gouvernman ki top heavy, ki pe soutir en bann pou ganny gro larzan me selman nou pa pe pran kont bann ki ozordi pe soufer pe struggle Mr Speaker.

Nou dir e i kler e sa i nou stand sa i nou pozisyon tou bann Manm lot kote latab R525 across the board – donn parey pou tou dimoun across the board.  Ok ?  Annou donn across the board tou dimoun parey!

Mr Speaker atraver ou ler mon ti pe ekout entervenan Onorab Gill i ti annan lodas dir en keksoz Mr Speaker ki nou sa ki nou pe fer la se nou pe fer sa pou nou ganny vot.  Mr Speaker lo nou kote latab nou LDS zanmen nou deza aste vot !  Zanmen nou’n donn fridge ! Nou pa’n zanmen donn cooker – nou pa’n zanmen donn washing machine nou pa zanmen donn flat screen e nou pa’n aste kart idantite parey zot in aste kart idantite e ki sa dimoun son non ti ganny struck off lo lalis voter.  Se zot ki bon lo la – zot sharp lo la – zot profesyonnel lo la Mr Speaker.

Sa ki nou dan LDS nou pe demande ki annou partaz sa gato egalman ki tou travayer dan sekter prive, i benefisye.  Se sa ki nou pe demande Mr Speaker.  Eskiz mon dan sekter piblik.  Ozordi dan nou pei Mr Speaker nou bezwen admet nou bezwen aksepte i annan en problenm distribisyon larises dan nou pei. Sa gap ant bann ki annan avek bann ki napa i tro gran.

Mr Speaker ozordi pres 60poursan nou popilasyon pe ganny en saler par anba R9mil e sanmenm sa bann ka dimoun ki zot le donn zis R200 R300.  Mr Speaker how is this fair?

Mr Speaker Onorab Gill pa kapab get keksoz avek en lespri anba lao parey son kitenge.  Mazin sa cleaner Mr Speaker – mazin sa labourer sa drayver SPTC sa boug ki travay dan koltar, sa travayer PUC sa asistan ansenyan, sa receptionist sa IOT sa bann ki travay dan lofis Gouvernman sa travayer ki travay lo counter Air Seychelles, sa travayer LWMA bann travayer SBC sa carer.  Annefe dan nou lunch break en carer in call mWAn i dir mon oule dir mon pe ganny en saler en pti pe par lao R5mil zis R274 i ase pou mwan?  pou mon sonny mon fanmir mon annan 2 zanfan?

Mr Speaker sa Gouvernman zot vin avek bann keksoz ki pou kontinyen benefisye zot bann dalon, bann ki dan bann gro pozisyon bann ki annan zot napa en sou lentere avek bann ki pli vilnerab dan nou pei Mr Speaker.

E nou LDS sanmenm sa ki ou war nou pran sa se Mr Speaker ki nou pe dir ki sa R62milyon i bezwen ganny partaze dan en fason ki tou Seselwa i benefisye.  Annou aret donn ki bann gro saler R60mil – R80mil plis larzan ankor lo sa R62milyon.  Mr Speaker it’s not fair.  Annou pran kont annou mazinen annou annan en leker pou bann dimoun deor ki pe struggle Mr Speaker.  Annou annan leker pou bann dimoun ozordi ki pri lavi ki zot pe ganny difikilte zot war li difisil pou fer debout zwenn.

Avek sa Mr Speaker mon pe dir sa salary grid sa Bill parey i été mon pa pou kapab siporte.  Mersi.

 

MR SPEAKER

Mersi Onorab Woodcock.  Onorab Sebastien Pillay.

 

HON SEBASTIEN PILLAY

Mersi Mr Speaker.  Mr Speaker mon pa pou fer refleksyon lo lespri personn lot kote latab.  Akoz mon respe tou dimoun, e si en dimoun i santi poudir i krwar poudir i ok zis pou li denigre en dimoun pou fer referans ek lespri dimoun pou dir en dimoun ki son kitenge son lespri i anba lao.  Onorab mon dezapwente konman en Seselwa ou devret annan en pe plis respe atraver ou Mr Speaker.

Mr Speaker mon le premyerman avan mon konmanse ganny en klarifikasyon avek ou ki nou pa ankor gannyen okenn propozisyon lamannman formelman, ki ganny met lo latab.  Mon tann koz lo lamannman ki ganny propoze be mon pa konnen ki prosedir ki pe ganny servi apre midi pou anmenn sa lamannman ; premyerman enn.

Dezyenmman mon oule klarifikasyon avek ou eski nou re ouver lo Bill oubyen lo lamannman?

 

MR SPEAKER

Ok.  Mersi Onorab.  Bon swivan sa de miting ki zot in fer avek Minis avek son delegasyon, bomaten ler nou antre dan Staz Komite pou nou pran propozisyon lo lamannman,  Minis in fer en stetment e le de kote, zot osi zot in fer en stetment.  Mon pe zis donn detrwa Manm sans pou reakte lo la e apre nou ava regard the way forward parey mon dir.

I annan de fason ki nou pou ale kapab pran sa lamannman pou a regarde i a kapab lo kote Lopozisyon i a propoz son lamannman nou ava regarde e i annan en lot fason osi tou. Parey mon dir ler mon konmanse kot i annan de propozisyon pou kontinyen negosyasyon si petet nou pou vwar Lasanble petet pou pas en Mosyon ankor defer ki nou al pran en vot.  Akoz si propozisyon ki ganny fer Lopozisyon si nou al dan en vot zot pou vot kont, me i annan sa propozisyon kote ki posibilite kot nou al plis dan negosyasyon ki nou kapab tonm en konsansis pou lagreman ok.  Go ahead Onorab.

 

HON SEBASTIEN PILLAY

Mersi Mr Speaker.  Mon ti le zis fer sir nou kler ki prosedir ki nou annan pou anmenn lamannman dan Lasanble.  Mr Speaker mon sa ki nou pe diskite ozordi i montre ki mannyer parfwa ler nou sey fer bann politik bon marse, i refoul lo nou, nou bezwen rod tou fason pou nou aziste, e ler nou aziste nou pa konnen ki nou pe fer nou bite.  Mon dir sa avek lepep Seselwa pou li konn tre byen.

Zot ti ganny dir par Leader Lopozisyon si tou dimoun i ganny 4mil si en dimoun i ganny 4mil i bezwen ganny 4mil.  Zot ti bezwen dir si en dimoun i ganny 1500 tou dimoun i bezwen ganny 1500 Lopozisyon ti ganny demande pou ale pou li fer son propozisyon lamannman.  I ti ale i ti fer en premye propozisyon lamannman ki ti donn tou dimoun R450.

Dan son premye propozisyon lamannman ki i ti fer i fer ki apre ki in fini rekalkil son R450 ki ti mal kalkile premye kou bezwen mazin byen i ti fer ki tou dimoun ki tonm dan band 5, 6, 7 e la pli par sa nou bann profesyonnel e nou bann lezot class, e nou bann teachers nou bann ners e dayer Mr Speaker atraver ou mon oule remind Onorab Roucou ki toultan koz pou bann ners, ti pou perdi larzan ki zot ti pou gannyen dan sa logmantasyon.

Lopozisyon ti war ki zot ti mal dan sa bann miting akoz zot ti mal fer kalkil osi lo le pwen ki zot ti kalkil sa R450 lo 12mwan sa pran kont 13enm mwan.  Sanmenm sa Lopozisyon ki annan tou lide sa !

So i ti retournen in ale in al ankor refer en lot kalkil i retourn ankor ek en sif bomaten i dir nou poudir ler ou fini tir taks tou dimoun bezwen kapab ganny R525.  Ankor enn fwa menm poursantaz ki mont dan bann band pli o nou bann dimoun ki ankouraze pou al lekol, pou etidye, pou devlop zot konpetans, zot perdi ankor.  Zot perdi akoz Lopozisyon dapre li pou li compensate pou son largiman – mazin byen i ti pou ganny 4mil ti pou donn 1500 prezan in ariv lo 525.

Prezan kot zafer i vin pli sal ankor, son kalkil ti baze lo 11mil travayer kan i annan 15mil – prezan ler ou re balans lo 15mil ki’n kalkil lo la, se sa bann dimoun ki pou ganny zot logmantasyon pa pou gannyen 525 pou ganny mwens !

 So eksplik mon Mr Speaker ki mannyer nou kapab fase sa dan sa Lasanble?  si nou fer en fot politik annou admet nou fer en fot annou move devan akoz sa 5poursan Mr Speaker ti ganny propoze dan Bidze, ti ganny vot lo la dan Bidze e personn antre zot lo lot kote latab pa ti dir nanryen kont sa propozisyon ler ti ganny met devan zot.   E nou pe koz lo lipokrizi Mr Speaker ?

Bann Manm FPAC lo sa kote latab ti ganny akize pou lipokrizi dan FPAC me Onorab ki asiz lo lot kote latab annefe mon pou dir Onorab ki ti asiz lo lot kote latab ti vin attend Bills Committee e a sa moman ti napa personn ki ti annan problenm avek sa 5poursan.

Tou dimoun ti tonm dakor e nou ti fer en promes Mr Speaker – en promes se en det nou ti fer en promes avek lepep Seselwa, ki zot ti pou ganny sa 5poursan lo zot saler.

E ki mannyer sa 5poursan ti pou marse ki Lopozisyon in war ki mannyer zot kalkil ti mal sa 5poursan ki pou bann dimoun ki dan sa band pli ba pou mars ansanm avek sa long service award ; ki pou fer ki si ou en dimoun ki dan sa band ki par anba band 6 band 1 ziska band 5 ou pou ganny ou si ou’n fer 10an parey zot pe dir sa dimoun ki fer 30an kot Lopital – si in fer son 30an i pou ganny li son long service award mon krwar i around R2mil a R3mil.

Dezyenmman i pou ganny son logmantasyon 5poursan ki nou ti mete dan Lalwa pou li gannyen.  Trwazyenmman i pou ganny li inducement ki i abitye pe gannyen ki fer sa pa pou ganny retire ek li.

Sa ki zot pa fer dan zot kalkil Mr Speaker zot pa kapab gete si sa saler ki ganny prezante …

 

MR SPEAKER

Bon i annan en konversasyon ki pe go on avek Onorab Valmont ek Onorab Larue.  Mon ti a kontan ki port latansyon sa Manm ki annan laparol ok?  Nou interject me annou fer li dan en fason ki nou pa enteronp sa Manm ki pe koze.  Onorab Pillay kontinyen.

 

HON SEBASTIEN PILLAY

Mersi Mr Speaker.  Mr Speaker san prenan kont ki sa bann larzan ki aparet lo sa grid la i pa pran konsiderasyon bann inducement bann lezot keksoz ki sa bann dimoun pe gannyen.  Prezan kote nou kre difikilte ler nou pou pran premye propozisyon Lopozisyon ler nou ti pou ariv dan milye kot nou 4 dimoun kot zot in met en kantite zefor pou zot ariv kot zot été nou bann teachers, ki fer plis lannen servis nou bann ners ki fer plis lannen servis zot poursantaz logmantasyon ti pou pli ba si nou ti swiv Lopozisyon.  Son premye propozisyon.  Si nou menm swiv son 2enm propozisyon ankor enn fwa zot pou pli ba ankor e lannen prosen ek lannen answit i pou vin pli konplike akoz zot pa pou kapab aziste zot parey nou ti a voudre across sa grid.

Sa ki dimoun i bezwen konpran Mr Speaker se ki sa grid saler la i pa vedir si en keksoz in set in stone li.  sa revi ki in ganny fer i en revi ki’n met an plas bann prosesis kontinyel pou kontinyen anmenn lezot fason pou kontinyen anbelir saler bann travayer ki bezwen ganny anbelir.

Me zot pe koz lo sa band ki pli ba Mr Speaker, san konnen konbyen dimoun ki annan dan sa band ki pli ba.  kan annefe Mr Speaker ozordi plis dimoun i ganny trouve dan sa band 4 ziska band 6 as oppose to band 1 ek band 2 ki vedir Mr Speaker la mazorite travayer Seselwa pa tonbe dan sa band pli ba la mazorite travayer Seselwa ki dan public service ozordi in monte e zot pe kontinyen monte, akoz zot progresyon i kontinyel pou zot kapab devlop zot lekor.  Me i annan dimoun ki pa le devlop zot lekor e se pou sa rezon Gouvernman in entrodwir sa long service award.

Zot ti devret balans zot largiman ek zot bann propozisyon baze lo levidans ki i annan pa fer bann kalkil ape bann kalkil vitman pou krwar zot pe vin bat latet dimoun e apre ler nou vwar prezan zot pa kapab aksepte pou zot in mal dan zot bann kalkil.  Zot bezwen aksepte sa Mr Speaker.

 

(APPLAUSE)

 

HON SEBASTIEN PILLAY

Akoz for too long dan sa Lasanble Mr Speaker for too long lo sa kote latab Lopozisyon in vin ek nou vin dan pti Komite nou propoz solisyon ler i ariv dan Lasanble a se LDS ki’n fer.

Me sa i tro bokou sa Mr Speaker nou pa kapab kontinyen aksepte sa.  Zot bezwen admet poudir zot in al promet dimoun R4mil zot pa kapab donn dimoun R4mil aksepte zot in fer en fot e let’s move on ek sa zafer vot sa 5poursan parey nou ti agree dan Bidze.  Akoz si zot ti annan en problenm avek zot ti a dir non nou pa dakor ek 5poursan nou le sanze.  Me ler i vin dan Lasanble zot konmans sant en bann zistwar.

E prezan Mr Speaker sa ki enteresan nou twist tou keksoz. Si nou donn en nou fer desann pri gas nou taye nou dir pri fuel in monte.  Be nou kapab dir osi be pri fuel in monte alor nou fer desann pri gas.  Zanmen nou fer dimoun get koumsa nou kontinyen kre en lekspektasyon dan sa popilasyon ki nou kapab delivre donn zot tou keksoz ,kan apre ler nou pa pou kapab donnen ou konnen ki zot pou fer zot pou vire blanm Parti Lepep !  Blanm parti United Seychelles ! Blanm parti SPPF ! Blanm parti SPUP.! Be kan ki nou pou pran blanm lo nou prop lekor pou keksoz ki nou’n kree?

 

(APPLAUSE)

 

HON SEBASTIEN PILLAY

Ozordi sa sityasyon ki’n ganny kree Mr Speaker in ganny kree par LDS e pa par okenn lezot parti politik.

Nou ti annan en langazman konman Manm Lasanble nou Onorab Mr Speaker mon repete nou Onorab nou langazman sete dan Bidze pou annan 5poursan ki ganny vote – R62milyon ki pou ganny spread atraver 5poursan logmantasyon ki pou ganny donnen avek travayer Seselwa nou ti agree e onorableman nou ti fer the right thing nou tou nou ti vote.

Malgre ki zot tou toultan zot abstain, napa problenm nou a vote nou a fer sir ki dimoun i ganny zot larzan toultan parey labitid.

 

(APPLAUSE)

 

HON SEBASTIEN PILLAY

Mr Speaker pou nou note ki nou pa’n ekout Minis lot kote Minis in dir zot poudir i annan travay ki pe kontinyen ganny fer lo la personn pa’n ekoute sa bout.  Minis ti dir poudir i annan 11mil travayer dan core apre i annan non-core zot pa ti ekoute sa zot.  Ou konnen akoz zot pa’n ekoute Mr Speaker?  Akoz nou al kre lekspektasyon ki nou pa pou kapab delivre e nou pe rod fason pou nou delivre.  Nou pe fer gymnastic politik pou nou kapab pase se sa ki pe arive ozordi.

 

 

(APPLAUSE)

 

HON SEBASTIEN PILLAY

E Mr Speaker i dezapwentan pou vwar en lot koleg Onorab atraver ou vin servi saler son bann koleg, enkli Leader Lopozisyon enkli Leader Zafer Gouvernman servi saler Minis saler isi pou zistifye poudir nou pe donn logmantasyon tou sa bann dimoun.

Be nou ki nou dir nou dir oule tire annou tire nou napa problenm ek sa nou pa’n enspir okenn problenm ek sa nou.  Nou pa’n dir okenn problenm nou e sa persepsyon ki nou le kree poudir se zis Prezidan ki ganny R80mil dan sa pei annou aret kree.  Akoz i annan dimoun ki vin dan nou Lasanble la ki pe ganny R300ekekmil travay dan parastatal ki pou Gouvernman.  So annou arete dir tousala.  Annou konnen nou toultan fer sa akoz nou le fer politik.

Prezan Mr Speaker i annan en Prezidan i annan en Cabinet Minis ki annan en kantite Minis ant bann Manm Lasanble, si nou tir tou sa saler nou still pa pou kapab fer sa bann gymnastic politik ki zot pe fer ki zot le nou fer lot kote.  Nou pa pou kapab.

 

(APPLAUSE)

 

HON SEBASTIEN PILLAY

 

E mon ti a kontan demann ou sa profesyonnel sa dimoun ki dan midnight oil ki’n debourye dan sa fanmir ki ti annan 10 zanfan ki’n sorti ladan ki’n travay pou ariv sa nivo kot ou été ozordi ler pou mon reward ou hard work mon a dir ek ou koumsa poudir mon pa pe rod ou hard work la mon bezwen tenir en kou akoz mon annan … anba.  Mon le ed sa ki anba selman mon napa levidans lo ki mannyer mon pou adres sa ki anba.  Mon vin avek menm largiman toultan i annan 40poursan lapovrete me si zot aksepte ki poudir i annan 40poursan lapovrete tou sa ki zot in fer dan Lasanble pa’n abouti dan nanryen pandan sa 2an !

(APPLAUSE)

 

HON SEBASTIEN PILLAY

Pa’n aboutir dan nanryen.  Akoz zot in travay Lasanble parey nou pou alleviate lapovrete.

E si i ankor annan 40poursan zot osi zot in fail parey nou fail.  Mr Speaker nou ganny dir fodre arete servi sa sif 40poursan pou nou baz nou bann Polisi, akoz apre ou konnen ki pou arive Mr Speaker sa ki vreman bezwen nou led pa pou ganny li akoz nou bezwen kapab anmenn targeted subsidy towards zot.

Se pou sa rezon zot dir nou napa plan.  Se pou sa rezon ki nou annan en plan ler nou dir nou kre en departman nou donn li en Bidze e nou donn li R20milyon pou li al travay pou li al target sa bann dimoun nou pa fer li dan vid.  Gouvernman i fer plan e i pe stick lo sa plan.  Se zot ki napa en plan e zot vin avek bann lamannman ki zot pa kapab zistifye, zot pa kapab substantiate e zot le nou aksepte, akoz pou zot ganny mileage politik.  Be non ! I pa kapab mars koumsa dan Lasanble Mr Speaker.

Nou bezwen aksepte poudir sa 5poursan ti bon – sa 5poursan i part of bann lezot mezir ki i pe ganny pran i konsolid bann lezot mezir ki pou ganny pran ankor ki Minis i ava outline ki i ti konmans outline dernyen fwa, me i devwar Gouvernman pou li fer sir avan i dir dimoun en keksoz, pou li get son kapasite pou fer li.  i pa kapab zis lekspektasyon dan dimoun.  I enportan sa Mr Speaker.

E de plis Mr Speaker an plis ki Lopozisyon pa’n analiz ditou ki Onorab in koz R50mil ki Prezidan i gannyen ki sa bann dimoun i gannyen par lao pa’n advise ditou, se ki sa bann logmantasyon la ti pou annan en lenpak taks ; reveni taks ti pou ogmante.

So by fer en lamannman ki redwir reveni taks ki nou ti pou gannyen, nou pe al kont sa menm Bidze ki nou ti aprouve akoz sa Bidze ti fer provizyon pou annan en serten kantite reveni baze lo sa logmantasyon ki nou pe fer.  Zot pa pe konpran sa, me zot pa enterese konpran Mr Speaker.  Zot pa enterese konpran akoz Lopozisyon parey son labitid i fer en kantite tapaz, fer en kantite politik apre ler in ariv ler pou al fer aksyon se Gouvernman i bezwen fer ! Koumsa i été.

Mr Speaker i annan en pwen ki’n ganny souleve e sa pwen i enportan ki nou met an perspektiv dan sa pei.  Pou en kantite letan parti SPUP, parti SPPF, Parti Lepep e ozordi United Seychelles in ganny akize pou soutir dimoun pou pa travay.  Soutir dimoun pou donn zot welfare, soutir dimoun pou pa fer isi pa fer laba.  Ozordi ler nou fer tou zefor pou kit sa bann prensip pou ankouraz nou pep pou travay plis Lopozisyon i vin ek mezir pou retourn sa pep dan sa menm kalite sityasyon.  Me ki mon kapab konpran ek sa bann dimoun Mr Speaker ki nou kapab konpran?

 

(APPLAUSE)

 

HON SEBASTIEN PILLAY

 

 

I bezwen annan en fason ki nou fer politik responsab dan sa pei Mr Speaker.  Nou bezwen fer en politik iresponsab si nou pa fer politik iresponsab Mr Speaker nou pou detri sa koezyon sosyal ki nou kree.  Nou pa pou ankouraz sa zenn ki lo sa ban lekol, pou li reste lo sa ban lekol akoz ler i pou ariv en nivo nou pou dir ek li koumsa be ou toultan ou bezwen pey pou sa lot.

Nou bi se ankouraz tou bann ki anba pou kontinyen monte se sa nou bi se sa bi sa e se sa bi sa logmantasyon son prensip par deryer ki vin avek.  I pa vin lo en prensip inegaliter kan tou pei pe kit deryer sa bann prensip egaliter bann pei pe al lo en prensip equality. Equality savedir  poudir ki lo merit ou ganny recognised pou sa zefor ki ou’n fer.  Se sa lapros ki nou bezwen pran.

Me mon pa krwar zot krwar dan equity Mr Speaker.  Akoz i kler tou sa bann defander bann ners gran defander bann teachers lot kote latab zot pa realize poudir sa bann propozisyon ki zot pe vin avek poudir i defavoriz, sa bann menm dimoun ki zot pe promot pou ede?  Be zot pa realize?

Mr Speaker zot premye propozisyon zot premye propozisyon ti redwir poursantaz zot premye propozisyon zot redwir poursantaz logmantasyon pou en teacher mon ava dir ou byen Mr Speaker.  Mon ava dir ou byen pangar mon ganny li mal en.  Ok get byen ok ler ti ariv ler pou en teacher ganny son 6poursan bann ki’n fer bokou letan dan servis pou al ganny zis 3poursan logmantasyon.

Baze lo zot premye propozisyon e nou ki ti touy sa nou ki’n touy sa anler dan Komite pa zot.  Nou ki’n dir ek zot poudir zot kalkil ti mal al refer li.  Nou ti devret les zot vin avek e montre lepep Seselwa ki mannyer zot pa’n kalkile ki zot pe fer.

Zot vin ek en 2enm propozisyon ankor dir nou zot pou donn tou dimoun 525 apre ankor kantite travayer ki annan ler zot pe diviz sa kantite ki annan sa larzan ki zot pe divize pe donn tou dimoun.

Be i enportan repet mon lekor Onorab Ramkalawan pou fer ou mazinen poudir ler ou fer politik bon marse i refoul lo nou seryezman.

 

(APPLAUSE)

 

HON SEBASTIEN PILLAY

Ou’n dir mon aprann ek ou mon pe aprann ek ou.  Ek ou menm mon aprann sa.  Mon aprann ek ou sa mon pe montre ou espere ou.

 

(Interruption)

 

MR SPEAKER

Onorab kontinyen ou entervansyon.

 

HON SEBASTIEN PILLAY

Mersi Mr Speaker.  Prezan Mr Speaker i annan en lot eleman ki ganny souleve souvan dan Lasanble ki nou pa realize ki mannyer i balans sa grid.  Par egzanp bann dimoun ki dan minimum wage zot pa feature lo sa grid zot alor zot, zot tonm anba lasistans welfare be lenpresyon in ganny donnen par Leader Lopozisyon mon pou single li out par Leader Lopozisyon ki Bidze Welfare in ogmante.

Be Mr Speaker Bidze Welfare i ba li pa li ki o zot devret konn sa by now e zot kontinyen ganny dir menm zafer.  Se bann benefis ki dimoun i gannyen bann benefis teritwar ki dimoun i gannyen sa i enkli invalidity ok? I enkli orphan – i enkli tou sa bann lezot benefis ki nou met dan Lalwa zisteman pou nou siport bann ki napa en sipor. Be aret servi en kart poudir nou zis donn welfare dimoun?  In arete sa.

Akoz taler zot a dir ki nou pe aste vot avek welfare parey zot abitye fer.  Be la lekel ki pe sey aste vot avek welfare pa zot?

Prezan zot fer propozisyon san ki mon fer sa san ki mon pe preempt   en debate pou vin dan Lasanble, ki prezan Gouvernman pou bezwen ed en dimoun ki pou anvoy son zanfan extra class.  I byen. I byen.  Be oli responsabilite sa dimoun anver laprantisaz son zanfan?  Oli nou responsabilite nou konman politisyen pou asire ki nou dimoun i pran responsabilite pou nou aksyon?  Konbyen nou bann zenn ki ozordi nou fer zot struggle travay pou zot devlope e prezan nou retournen pou nou ankouraz nou bann dimoun pou zot rely ankor lo sistenm?

Mr Speaker sa Lopozisyon pa konnen si i pe vini ou i pe ale sa.

 

(APPLAUSE)

 

HON SEBASTIEN PILLAY

Akoz i paret mon Mr Speaker dan sa Lasanble in ler pou nou montre klerman kote nou stand e kote nou stand dan sa Lasanble Mr Speaker.  I annan en prosedir pou anmenn lamannman e sa prosedir i kler dan nou Standing Orders.  Zot pa swiv sa prosedir zot, zot pa’n swiv zot, zot in deside zour deba in ganny fer baze lo zot lemosyon pou zot prezan propoz lamannman ; realizan ki zot lamannman pa pou marse zot vin buy time prezan parey pou demande pou nou lengthen diskisyon ki annan lo la.  An krwayan ki Gouvernman i ava rod en solisyon propoze, akoz nou anvi ki dimoun i ganny sa larzan.  Be nou osi anvi dimoun war ki kalite Lopozisyon zot été.

 

(APPLAUSE)

 

HON SEBASTIEN PILLAY

I enportan pou dimoun realiz sa.  E Mr Speaker mon le vwar sa lamannman si i ti ganny mete parey i ti devret ganny mete 72hours before.  E zot annan tou letan pou fer sa se sa ki mon pe esey eksplik lepep Seselwa.  Si Lopozisyon ti serye dan sa ki zot pe dir la – si Onorab Woodcock atraver ou Mr Speaker ti serye dan sa ki in dir, i ti a vini avek en lamannman i ti annan 72erdtan pou fer li …

 

(APPLAUSE)

 

HON SEBASTIEN PILLAY

… be i pa’n fer li personn pa’n fer li.  Si Onorab Ramkalawan ti serye ek sa lamannman i ti a vini i ti annan 72erdtan pou nou fer li zot pa’n vini.

Me Mr Speaker the bottom line Mr Speaker i sa, devan nou, nou annan en Lalwa ki pou donn 5poursan logmantasyon across the board tou dimoun.  Bann ki ganny plis dek ki zot pou ganny plis tax pou tyonbo zot e tax pou pran en pe sa larzan ki zot pe gannyen sa bann dimoun i konpran sa e zot dakor zot a ganny en pe me zot bezwen pey en pe.

Sa ki zot peye pou retourn dan kof Gouvernman e Gouvernman i a redonn li ankor avek bann ki pli ba.  Be ler nou sanz sa e nou dir tou sa ki anler pou gannyen nou redwir sa kantite taks ki Gouvernman pe al kolekte.  Nou redwir sa reveni i annan mwens pou donn sa ki anba.  Be ki kalite model ekonomik i apele sa alors?  Eski zot in mazinen sa?

Mr Speaker mon krwar le pwen ki nou annan la devan nou se ki nou annan en Bill devan nou ki’n ganny prezante ki mon ti prezant rapor Bills Committee ki Onorab Afif ti asiz ek mon lo Bills Committee ki bann Onorab lo lot kote latab bann Onorab ti diskit sa size nou ti diskit sa Bill.

Nou pa ti vwar problenm ek sa Bill Chairman ti fer en rapor mon ti ganny endike ki Chairman pa ti pou dan pei Onorab Georges mon’n prezant sa rapor devan Lasanble ti napa okenn propozisyon lamannman.  Bann Manm in vin anndan isi nou koze a ziska ler nou apros finisyon ti napa okenn propozisyon lamannman.  Me ler nou sey konmans donn R4mil R1500 tou dimoun Mr Speaker.

Mr Speaker …

 

MR SPEAKER

Let’s annou fini ale Onorab.

 

HON SEBASTIEN PILLAY

Mr Speaker e ler nou fini propoz tou sa bann largiman la ki nou ti propoze pou nou donn sa kantite larzan we then vote on the merit of the Bill.  Be Mr Speaker the merit of the Bill is not only the merit of the Bill in term of the merits filozofikman i the merit written down words to give 5percent increase tou dimoun, you supported the 5percent increase sa ki zot pa pe konpran.

 

(APPLAUSE)

 

HON SEBASTIEN PILLAY

And at that time you did not have a proposition for the amendment zot ti napa propozisyon lamannman.

Zot pe kas Lalwa Lasanble pou zot kapab e mon pe dir klerman i pou kont Lalwa Lasanble si nou pran okenn propozisyon lamannman a sa moman akoz Lopozisyon in ganny son propozisyon alternativ.  Si Lopozisyon pa kontan sa Bill vote it down, come back ek en Private Members Bill zisteman nou ava diskite zot an mazorite e nou vot li.  If you have a better idea parey dir zot annan en tors konbyen batri i annan dan sa tors?  Akoz i annan enn de batri pe sorti tanzantan dan sa tors mon pa tro sir.

Ler zot ava anmenn zot Private Members Bill parey zot kontan fer ler i annan bann pet subjects ki konsern zot lentere, zot ava anmenn li e zot ava vot lo la.  Me pou le moman Mr Speaker mon enplor zot – I emplore this House Mr Speaker I emplore this House let’s live up to the expectation to the promise ki nou mete dan lespri sa bann pti Seselwa.  Nou met sa si fodre tir pou nou Mr Speaker nou le tir pou nou Mr Speaker mon pare pou mon move la vi a pou mon tir en lamannman dan National Assembly Emoluments mon move en lamannman dan lezot Lalwa ki ava fer ki a permet nou pou  bypass Konstitisyon akoz Konstitisyon in koz lo fair and equitable treatment under the Law nou a bypass Konstitisyon e tou bann politisyen pa ava gannyen.

 

(APPLAUSE)

 

HON SEBASTIEN PILLAY

 

 

Mon pare Mr Speaker pou ganny sa.  That is how committed I am mon pa zis vin koze la anndan mon akoz zot in lans nou en challenge so challenge accepted.  Ok ?

Mr Speaker mon met devan ou ki nou annan en Lalwa dan Lasanble – there is no point for negotiation the Law is at 3rd reading Committee Stage in arive we need to put this Law to a vote.  LDS i bezwen deside ozordi si i pou fer politik montre son grander lespri, e montre poudir politik parfwa ler nou fer politik nou fer bann stetment ki apre nou bezwen go back upon.  Mersi Mr Speaker.

 

(APPLAUSE)

 

MR SPEAKER

Mersi Onorab Pillay.  Mon ava donn laparol Onorab Ahmed Afif.

 

HON AHMED AFIF

Mersi Mr Speaker.  Mr Speaker mon ekout atantivman bann entervansyon sirtou lot kote latab.  Kot zot in penn en portre sa kote latab pe asize konmsi i konfize pa konnen ki son rol se sa portre zot pe sey penn.  Me les mon sey dir zot poudir nou parey zot nou en Lezislater.  Me ler ou en Lezislater bann Bill tel ki sa enn la ki’n vin devan nou kot i defini ki mannyer dimoun i ganny peye dan servis piblik nou espekte en serten kod kondwit otour sa.

mon bezwen demann sa kestyon ki mannyer zot espekte nou kan zot in anons sa plis ki 1an pase zot pe fer en revi saler ki zot konnen i pou bezwen vin dan Lasanble Nasyonal, atraver en Bill personn lot kote latab pa deside konsilte avek Lezislater ki enkli zot menm.

E Onorab Gill i dir i pa la pou li met okenn komanter ladan ler nou ti al asiz dan Committee Room 3 zot pa vin ek okenn propozisyon zot.

Me nou lo nou kote, nou’n ekout tou sa ki zot in dir depi Merkredi ler zot in vin prezant sa Bill.  Nou esey konpran parske se nou ki pou pran responsabilite pou anmenn en Bill ki pou donn en logmantasyon dan saler parske nou Lezislater nou.  Se nou drwa pou demann kestyon se nou drwa pou nou kalkile e se zot lobligasyon konman Gouvernman pou zot met bann fe ki korek devan nou se zot lobligasyon.  Se zot lobligasyon pou asiz avek nou pa dan dernyen minit dan 72er zis avan pou nou tonm dan sa dele letan Standing Orders pa la pa koumsa ki ou travay dan en pei.  Ou planifye depi boner ou pran 6mwan ou pran 12mwan pou ou planifye.  Nou bezwen fer sa an tayan akoz zot de organize.

 

(APPLAUSE)

 

HON AHMED AFIF

Si zot ti organize zot ti a kontakte nou depi boner nou ki pou vote lo la.  Se pa zot ki pou vote lo la parske zot en brans egzekitiv ki bezwen travay ek en lot brans lezislater nou pa travay dan bann dele 72erdtan se pou sa rezon ki nou travay lannwit/ lizour pou nou kapab esey konpran rasyonnel par deryer sa grid ki zot in vin avek.  E sa se mon premye pwen.

Mon 2enm pwen se ler mon ekout entervansyon bomaten sa ki ti kler se ki akoz zot pe penn en portre ki nou pa enterese ek lazistis sosyal.  E les mon a dir zot ki lo sa kote latab nou montre poudir lazistis sosyal i enportan pou nou.  Parske si ou anvi aranz kondisyon sosyal dimoun i annan de fason ou fer li petet i annan plis me enn logmantasyon saler nou siporte nou wi nou ti siportan dan Bidze parske i en fason i annan lezot fason ankor kot ou kou lavi eski i pa sa Lasanble ek bokou nou lo sa kote latab ki’n koz lo fason pou redwir pri lavi e fer desann pri marsandiz?  Koup sa bann middlemen ki STC i annan e fer sir ki zot pa pe pey R10milyon tou le lannen ek en parti politik olye fer desann pri diri se pa sa kote latab ki’n koz lo la?

Eski se pa sa kote latab ki’n koz lo ki mannyer nou pou fer desann pri telefonn tousala i pe met plis larzan dan pos dimoun?  Eski se pa sa kote latab ki’n koz lo lentere ki tro for dan labank?  Pri tiket avyon les mon a vin lo la pri tiket avyon sa Gouvernman e lot kote pa ti fer en tapaz sa letan ki Air Seychelles ti pe al fer monte pri domestik ti’n fini aprouve par konsey de Minis eski sa pa ti pou redwir larzan dan pos Praslinois?

E ler nou ti met presyon lo zot sete la ki zot ti deside anmenn Air Seychelles pou sey zistifye akoz zot bezwen fer li.  E nou ti montre zot ki zot sistenm cyber, kot zot pe pey $3milyon tou le lannen sete la kot zot ti pe tir larzan $3milyon ou pe koz pros R50milyon ozordi nou pe rod R62milyon pou donn travayer selman 50 zot les ale?

Air Seychelles en lakonpannyen ki fek vin la devan nou in vin dir nou lannen pase mon pa ti la lannen pase dan Gouvernman mon lannen pase ler zot perdi $50milyon $1milyon par semenn ler zot pe perdi $1milyon par semenn lekel ki’n kestyonnen lot kote latab?  Lekel ki’n kestyonnen lekel ki’n montre zot poudir enn bann rezon zot pe dwa latet ziska lipye se parske zot ti pe fer bann desizyon tel ki lwe 40apartman $3mil par mwan lekel ki’n kestyonnen?

En madanm ki ganny R700mil tou le mwan eski sete zot ki ti kestyonnen?  Lekel ki ti kestyonnen si en dog handler i ganny R100mil par mwan?  Eski travay Bidze ki sa Lasanble in fer ki zot fer krwar ki nanryen pa ti arive nou pa’n ni vot pou Bidze e okenn travay pa’n ganny fer selman zot konn tre byen se 6enm Lasanble ki zot in fer ziska 2mwan dan Lasanble pou zot eksplik Bidze parske nou ti travay isi nou.

E napa en Bidze ki zanmen in ganny bloke apar bann Bidze parey FIU ek NDEA kot sa bann zans in vol ziska R216milyon.  Konbyen zot pe demande pou travayer 62milyon ler ti vol 216 kot zot ti été?  Apre zot dir nou pa’n travay dan Bidze?

Ler zot ti pran R120milyon pou SPDF pou repar en bato.

 

(Interruption)

 

MR SPEAKER

Order ! Order !  Onorab Afif en moman.  Onorab Pillay ler ou ti pe koze Onorab Afif pa ti fer komanter omwen zot de ler ou ti pe koze pa ti fer komanter.  Omwen donn li sa respe i annan lezot Manm ki ti fer komanter me li i pa ti pe fer komanter i pa ti pe enteronp ou.  Bon pou nou pa gat letan annou tant pou ekout sa Manm ki pe fer son entervansyon ok.  Si non mon pou kontinyen enteronpe e nou pou kontinyen ale.  Kontinyen Onorab Afif.

 

HON AHMED AFIF

Mersi Mr Chair.  Ler SPDF ti vin isi ti demann R120milyon pou repar en bato de fwa sa sonm ki zot ti pe demande ozordi ki nou aprouve me ki zot pe sey zistifye ki mannyer pou partaze 62milyon lekel ki ti kestyonnen e dir zot anmenn laprev konbyen i koute pou repar en bato?  E Onorab Pillay sete ou menm ki ti dir zot i tro ser ou menm ki ti montre pri en masin konbyen i koute me se nou ki ti lev lavwa poudir i pa fer sans se sa travay ki nou anmennen lo sa kote latab.  Pa sey fer krwar poudir sa kote pa travay sa kote i travay 10fwa plis ki zanmen zot in deza travay depi Premye ziska 5enm Lasanble.

 

(APPLAUSE)

 

HON AHMED AFIF

 

 

Mr Speaker sa Bill ki devan nou i tre senp li i pe demann ki i annan R62milyon depi 01 Avril 2019 ziska 31 Desanm 2019 ki Gouvernman e LDS in aprouve i ganny donnen avek travayer dan servis piblik.

I reprezant 5poursan logmantasyon lo saler dimoun lo sonm ki ou pey saler sa ki i reprezante.  E nou ti aprouve nou lo son prensip parske tou dimoun i merite si 5 si 4 si 3 62 ti vin 5 nou ok ek sa nou.  Ler nou al dan Bills Committee ki rol en Bills Committee se gete sa egalite ki in ganny prezante i korek se sa rol Bills Committee Onorab Pillay ou konn Standing Orders tre byen tyeke ou a vwar napa okenn landrwa ki dir ou dan Bills Committee ou vin kestyonnen lo policy ; napa se sa rezon nou pa ti kestyonn li dan Bills Committee se sa rezon tre senp.

Ozordi nou pe kestyonn lafason sa sonm i ganny distribye akoz nou pa krwar dan sa letan dan sa moman lepok kot nou été si nou annan 62milyon ki pou partaze ki i normal ki sa enn pli ba i ganny zis R274 apre ki in tir taks lo li – anfen i napa taks lo son landrwa kot i été.  Me sa enn ki ganny R93,988mil li i ganny R3290mil an plis.

Nou, nou krwar kot nou été ozordi la sa bann ki par lao R90mil i pa pou ganny afekte sa kantite si ou donn li en keksoz nou pa bezwen donn li R3290mil se tou ki nou pe dir.  Nou pe dir annou tonm dakor lo en sif nou pa kapab envant sif nou.

Si ou vwar pandan 3 zour nou prodwir R450 konman en logmantasyon konman en sif nou prodwir R525 konman en sif i baze lo lenformasyon ki nou ganny donnen par Gouvernman.  I baze lo lenformasyon ki zot donn nou e nou pe travay lo en fason ki pa neseserman organize.

Nou al dan en lasanm nou koze nou napa gran dokimantasyon ki devan.  Par egzanp zot in pran 12mwan si pa plis pou zot asize lo sak grid i annan 300 kare lo sa grid zot gete dan sak kare konbyen travayer ki annan en gro travay sa nou konnen lo sa kote latab ki mannyer sa travay i été.

E zot espekte nou fer sa dan 3zour me nou kapab travay lo en model ki donn nou en portre ki pou arive si ou fer serten propozisyon me propozisyon ki nou fer i baze lo lenformasyon ki zot donn nou.

Premye lenformasyon zot ti donn nou Merkredi sete i annan 62milyon pou partaze parmi 11500 dimoun se sa ki nou ti gannyen.  E baze lo la nou ti travay lo en formil ki a donn en sif.  Bomaten nou tournen e zot dir ek nou fodre ou pa kapab servi sa ou bezwen al lo 15mil tousala se bann sif verbal ler ou fer en letid ou pa travay lo en baz verbal ou travay lo dokiman ki ganny mete devan ou dan en moman letan ki apropriye pou ou fer en travay serye.  E nou la pou fer travay serye nou, nou pa travay dan en fason koumsa nou.

Me malgre sa nou fer nou mye pou nou kapab vin ek en sif zot pa’n vin ek nanryen zot, zot in asize lebra krwaze zot ekoute apre zot sey rod en largiman pou rode akoz i pa bon.  Enn bann largiman zot in vin avek bomaten pa zot – me Gouvernman i dir poudir ler nou pe azout en sonm lo sa grid e lafason nou azoute nou ti pe dir met en sonm fix apre taks ki tou dimoun i gannyen.

Nou ava kalkile ki sa sonm i vini si i R350 si i R300 nou ava gete ki i vini nou bezwen fer en pti travay sete sa ki nou ti dir.  Largiman ki zot in mont avek se si ou fer sa ou pou anmenn en distorsyon.

Ou pou anmenn en distorsyon dan grid ki Lalwa i pa permete annan distorsyon Lalwa e Seksyon 5 (4) dan Lalwa dan Public Service Salary Act i kler lo la i dir ou ant bann band i bezwen annan liniformite ler ou step up se sa ki i dir.

Pou mon ler mon lir li se dan saler pli ou mont dan en band saler sa dimoun i devret step up dan en fason egal.

Me se sa ki Lalwa pe dir ozordi ler ou gete avek lentrodiksyon progessive income tax ki i normal nou siporte me deza avek progressive income tax ler ou marye li avek sa salary grid ou pou vwar par egzanp lo band 2 pou al lo band 3 i 15.3poursan logmantasyon.

Me sorti lo band 6 pou al lo band 7 i 12.7poursan logmantasyon.  E ler pou al lo tou bann larestan band sak poursantaz i sanze par detrwa 1poursan ou 2poursan.

Alors lefe ki menm avan ki nou konsider okenn lamannman grid i deza annan distorsyon se pa nou ki pe anmenn distorsyon se pa nou.

Eski mon demann zot en kestyon ler ou pe met en allowance avek en saler, saler i ganny determinen dan sa grid eski ou pa pe anmenn distorsyon dan kantite larzan ki sa dimoun i anmenn se li?  Eski napa distorsyon?

Parske allowance i varye across the band i varye annou regard prensip Lalwa annou regarde ki ti bi lezislater ler i ti fer Lalwa.  Bi lezislater sete pou fer sir ki dimoun i ganny peye byen e dan en fason kordinen dan en fason lozik.  Sete dan sa Lalwa e ozordi nou pe respekte sa nou.  Nou napa problenm ek sa ler zot dir nou poudir nou largiman pa bon ek sa bann logmantasyon akoz nou pa pe donn sa ki nou appel en progressive income sorti lo en post pou al lo en lot akoz nou pe azout diferan sonm ler nou pe fer sa lapartaz 62milyon.  Mon pa aste sa largiman mon mon pa aste sa largiman pou la senp rezon ki sa grid i deza dan distorsyon.  Sa grid i deza dan en fason kot la partaz i diferan.

Alor Mr Speaker mon osi mon ti a kontan remind Gouvernman ki anba sa menm Lalwa 4 (3) e Public Service Salary Act i dir poudir si ou anvi donn en logmantasyon ki pa zis en step ou anvi fer 2 step ou anvi fer 1 step ou anvi mont en band pa anpes ou fer sa 4 (3) e 4 Lalwa i tre kler lo la.

So sa largiman ki nou pe fer en keksoz ki pa ganny permete progressive dan Lalwa i pa korek.  Bomaten ti mont en lot largiman ki sa zafer progressive akoz mannyer nou pe fer nou pa pe sot step dan en fason egal me si sa i en kontrent pou zot nou pe amann Seksyon 5 pou sa Bill ki devan.  Annou amann seksyon 5 (4) i tre senp.

Mr Speaker ki mon pe dir finalman mon krwar sa ki devan nou la i bezwen ganny fer dan en fason lozik kot nou été ozordi pep Seselwa annou pa fer krwar ki nou napa en problenm sosyal.  Si 15poursan nou Bidze i pou Social Welfare avek Welfare Benefits nou pa dan pozisyon normal.  Welfare benefits 15poursan nou pa dan en pozisyon normal.  Si nou deside apwent en Secretary of State for Poverty nou pa dan en pozisyon normal nou dan en sityasyon eksepsyonnel.  Ler ou dan en sityasyon eksepsyonnel ou bezwen re balans keksoz.  Ou bezwen fer sir ki ou pe ed bann sirtou ki pli ba san bezwen neseserman afekte ki anler dan en fason drastik.  Byensir ou pou ganny afekte me ou pa afekte li dan en fason drastik se tou ki nou pe dir.

E mon krwar poudir lafason ki poudir ou pe propoze si i annan manze lo latab sakenn i pase i pran en lasyet manze e ou ale.  Par enn i pase i pran 3 lot i pran enn.  Sa sityasyon kot nou été sakenn i pase i pran en lasyet manze ziska ler nou partaz li dan en fason egal napa nanryen mal ek sa dan sa sityasyon kot nou été ozordi.

Alor Mr Speaker mon pou fini an diran ki pou mwan, mon krwar kot nou été ozordi i annan en keksoz ki nou annan an konman la nou dakor ki tou dimoun i devret ganny logmantasyon dan saler me nou krwar balans e redistribisyon sa logmantasyon dan saler i devret en fason ki zis sirtou dan sa lepok kot i été.  Sirtou dan sa lepok kot nou été.  E mon pou repet parol Onorab Lopozisyon ki in dir demen bomaten pa bliye ki ler ou pe ed dan en moman koumsa bann ki anba ou kapab osi ede evit lezot problenm, ki pe kout ou larzan ozordi.

E si lezot dimoun i kapab kontribye dan en fason pou nou anpes lezot kou ki kapab vin dan nou lo la ou kapab ganny ou R3mil an plis be riske kout ou R5mil an plis pou ou al rezourd en lot problenm akoz ou pa’n get anba e la ou pou perdi tou.

Be mil fwa ou rezourd li enn fwa pou tou pou aksepte en logmantasyon rezonnab.  Si nou konmans anba 6poursan nou fini anler 1poursan logmantasyon akoz non? Akoz non?   Si nou dakor avek progressive income tax akoz non?

So alors mon pe dir Onorab Pillay byensir yer nou sif i sanze akoz zot sif i sanze.  Si zot sanz sif toulezour nou pou sanz sif toulezour nou osi annou annan en Gouvernman ki serye ki donn nou en sif ki donn nou letan pou nou kalkil tou keksoz byen.  Nou pa travay dan prese overnight burning midnight oil, kan ou pe pran en Polisi sitan enportan pou pei.  Si mon calculator i kase o mwen mon annan enn mon pa krwar zot annan enn lot kote.

 

(Interruption)

 

HON AHMED AFIF

Mr Speaker mon ti a move ki parey dernyen fwa parske nou pa’n ariv lo en staz kot nou ganny en Lagreman ki nou ganny en Lagreman annou ganny en pozisyon kot nou asize dan en fason calm kot nou met tou sa bann polémique e politik perdi letan mon apel li de-kote e nou asize dan en fason serye pou nou kapab etablir en baz lo lake tou travayer dan sa moman difisil kot nou été i ganny en sonm rezonnab pou anmenn se li e ki nou kapab vot lo en Bill ki nou tou nou dakor lo la.  Mersi Mr Speaker.

 

(Interruption)

 

MR SPEAKER

Order ! Order ! Order !  Onorab Gervais Henrie.

 

HON GERVAIS HENRIE

Mersi Mr Speaker.  Bon apre midi tou dimoun.  Mr Speaker mon santi mon sanse mon servi dan 4enm Lasanble, la dan 6enm kot lepok ki zis Gouvernman ti prezant en lide nou ti senpleman lev lanmen e aprouve ler mon dir nou pa neseserman kote mon ti asize.  In fini sa lepok zis lev lanmen e aprouve in fini.

Ozordi parey Onorab Afif i dir nou pe pran nou rol konman lezislater serye nou regarde nou analize nou konsilte avek nou bann constituent avek bann profesyonnel ki konn pli byen ki nou.  Nou rekalkile e nou negosye e se sa ki nou pe fer ozordi i en bon legzersis.

Anfet mon krwar i donn osi loportinite deor osi dimoun pou konpran kwa ki nou pe fer olye zis taye e adopte en keksoz.

Alor depi bomaten ouswa depi yer plito Merkredi nou pe diskit Public Servant Amendment Bill 2019.  E sa Bill dan son senplisite i pe propoz en logmantasyon 5poursan saler pou bann fonksyonner Gouvernman swa bann public servant.  Prezan LDS li i pa pe dir ki i pa an faver logmantasyon pou bann fonksyonner leta nou pa pe dir sa nou.

Sa ki nou pe dir nou pe dir hold on Leader Lopozisyon in fer sa kler bomaten poudir nou dan en moman ekstraordiner la poudir i annan 2 keksoz kou lavi i ser apre saler i ba.

Prezan nou annan nou R62milyon alor ki mannyer nou kapab mye servi sa dan lavantaz tou dimoun akoz nou le pran sa pozisyon ki nou pe pran?  Ozordi Sesel bann literatir i dir i annan bann problenm distribisyon saler.  E Gouvernman osi i konnen sa li bomaten ler nou ti pe koze anler avan nou desann la mon ti pe fer rappel bann dimoun ki ti prezan dan miting en diskour ki Prezidan Larepiblik ti fer le 25 Oktob 2016, kot i ti dir ki lagrandisman lekonomi Nasyonal i bezwen ganny resanti par tou sekter popilasyon sirtou bann ki nivo saler i pli ba.

E Prezidan Faure i pli o lotorite dan pei e nou bezwen ganny konseye nou bezwen ganny dirize par sa ki i pe santi.  E mon dezapwente si zot pa resanti sa ki li in dir.  E mon ava dezapwente avek bann dimoun ki’n asiz otour sa latab ki lo Komisyon, pou esey repann lo sa ki li i ti pe santi sa zour dan sa diskour.

Prezan R62milyon nou pe dir pou ou ki pe ekout mon laba deor konpran mon byen sa ki nou pe diskite i en kare lo en bout papye lo en Bill ki Gouvernman in vin avek.  Sa kare la i en kastrol manze lo en latab aprezan lo sa latab i annan diferan dimoun pe asiz otour.

Dabor i annan bann pozisyon konstitisyonnel, Prezidan, Minis bann Lotorite parey CAA enkli nou Lasanble.  apre i annan bann civil servant par egzanp i appel bann profesyonnel apre i annan bann ki en pe pli ba nou appel zot bann ki en pe vilnerab.  Prezan nou pe dir dan sa kastrol manze la tou dimoun pozisyon ki LDS pe pran, se ki tou dimoun i bezwen ganny 1 lasyet manze.

Pozisyon ki zot le dakor avek ki Gouvernman in vin avek i pe dir bann ki pli o ki li i deza i pe ganny loto, i pe ganny drayver, i ganny fuel allowance R5600 ki konsekaman plis ki minimum wage, i pe ganny sekirite kot li li i kapab ganny 4 lasyet.  Nou ava ganny 2 e li sa dimoun ki laba anba enn ouswa menm pa enn.  Be nou pe dir sa i pa normal pou retourn lo parol Leader Lopozisyon la nou pe dir dan en moman ekstraordiner.

So nou pe dir nou vote nou lo sa larzan ofet i misleading Lasanble ouswa konsonmasyon piblik laba deor letan bann Manm lot kote latab toultan i fer krwar poudir nou pa vot lo Bidze nou abstain.

Be pou bann dimoun ki swiv Lasanble sirtou lo deba Bidze letan i al lo Committee Stage e i an direk lo radyo ek televizyon sa.  Ler i al lo Committee Stage bann alokasyon i endividyel e zot a vwar poudir laplipar sa bann alokasyon zot vote.  Mon personnelman mon vote akoz mon konsyan poudir dimoun Mont Buxton mon ki pa’n vot pou mon, mon konnen, konnen mon bezwen en ledikasyon mon konnen ou bezwen lasante mon konnen ou bezwen saler mon vot an faver.  Me apre dan son Bidze zeneral sa nou pa vote nou dir Bidze Gouvernman nou abstain me nou pa vote.  E sa fodre ki zot dimoun deor i konnen.

Alor pou nou retourn lo pwen ki nou pe fer se ki nou anvi ki tou dimoun i ganny en lasyet manze.  Prezan si i reste keksoz nou a pase nou a gete nou dir ‘’ou’n fini oule ankor en pti pe?  La en pe’’, ou a dir ou vant in plen ok ou pa pou pran ouswa menm si oule met en pti keksoz dan sak, pou al avek pou manrmay kot lakour swa pou zannimo napa problenm.

Be nou pe dir ki sa kastrol manze ki la sa kare la tou dimoun i ava ganny en pe parey prezan ziska avan Desanm i ava annan en moman pou annan en konsiltasyon bi partizan pou nou kapab adres sa size saler.

Akoz nou pa satisfe avek lefe ki en Komisyon in ganny apwente me nou ganny kit deor nou ler mon pe dir nou MNA lo tou lede kote latab.  Parske nou la nou reprezant dimoun anfet i annan zis Prezidan ki ganny elekte dan sa pei e nou vwar saler i vreman enportan e bann dimoun fodre pa bliy sa akoz Lalwa apre tou nou ki pase zot bezwen nou e sirtou lo sa kote latab plis parske laba lot kote zot an minorite, si zot pa ganny nou sipor pa pou pase pei pa marse nou pa ankor realize sa?

Alor ler nou pe dir nou le ki sa kastrol manze ki lo latab i ganny partaze egalman propozisyon ki LDS ki Gouvernman pe fer dimoun ki ganny saler pli ba pou ganny li R274 LDS son propozisyon se dimoun ki ganny saler pli ba i a ganny li R225, me i vre mon rekonnet ki sa sif i pa neseserman korek akoz bann sif ki’n ganny prezante avek nou i pa’n neseserman korek.  So sa i en konmansman e nou kapab re travay lo la.  Propozisyon aktyel pou saler pli o dan pei ki Gouvernman pe propoze R3290mil LDS i reste parey R225.

Aprezan LDS in vin avek en propozisyon akoz nou konsyan nou rol e nou konsyan langazman ki nou fer avek piblik.  Dan nou manifesto lo paz 13.4 i dir poudir dan nou travay dan nou responsabilite konman Manm Lasanble nou pou etabli en forum dyalog avek Egzekitiv, pou asir bon korperasyon dan bann size zafer nasyonal.  E saler i en zafer nasyonal nou pe anvoy lanmen tandis ki lot kote in donn nou en Bill wi date le 22 Fevriye me nou fek ganny sa semenn pase la nou fek ganny sa ler mon vin Lasanble dan gazette ofisyel.  Alor nou pe dir annou koze annou trouv en way forward.

E mon’n note poudir nou vin avek en propozisyon e Onorab Gill Onorab Herminie atraver ou Mr Speaker pe demann mon oli propozisyon akoz li i pa’n vwar akoz i pa ti sa miting bomaten la propozisyon la ki LDS in vin avek, byen kalkile tou bann sif avan taks apre taks poursantaz tou bann keksoz la i la.  E si i annan pti problenm avek sa nou a negosye nou a kapab re travay lo la.

Aprezan Mr Speaker …

 

(Interruption)

 

MR SPEAKER

Onorab, Onorab, Onorab, Onorab Order ! Order !Onorab Larue ou osi – Order !   Onorab Henrie kontinyen.

 

HON GERVAIS HENRIE

Mersi Mr Speaker.  en konversasyon ki en pozisyon plito ki lot kote latab in pran e pou konsonmasyon piblik deor i enportan zot konnen Merkredi ler nou sorti la ti annan en miting anler dan Committee Room 3 e bomaten depi 8er nou zwenn.  Pozisyon ki lot kote latab pe pran se ki les sa enn pase apre nou ava retournen nou ava negosye me la pou le moman les pase.  Be akoz mon bezwen krwar zot ? Akoz mwan Gervais Henrie mon bezwen krwar zot pou les pase e ki zot pou retourn lo la pli tar?

Annou get detrwa keksoz, taks lo propriyete bann etranze ki ti pou anmenn en pti granm ankor dan nou national coffer depi Oktob 2018 SRC ti merit anmas reveni lo la eski in pase?

Ti pou redwir taks lo bann lakaz ki lwe 15poursan pou redwir pou vin 3poursan e bokou dimoun ki pe zis lwe 1 lakaz in call mon e in call lezot MNA probableman lot kote osi tou poudir be oli sa zafer pa vini akoz pou ede redwir kou lavi.  Annou pa bliy promes ki nou pa pou pran gratwite bann dimoun dan Cabinet apre nou vwar 6milyon.

Tou sa bann zafer i ganny kasyet akoz mon krwar ki zot pou retourn avek en propozisyon pli tar?  E deza bann sif ki zot pe donn nou mon krwar ki zot pe kasyet bann sif zis parey 50milyon. Annou get en kou bann sif ki pe ganny dir la en.  Nou tann in dir avek non core i tonm 15,380mil.  Prezan mon al dan diskour SONA lannen pase I mean sa lannen Prezidan ti koz lo en sif lakantite travayer 50,363mil dan sa 50,353mil i annan 22,997mil etranze expatriate.

Prezan la nou tann dir poudir i reste en balans 27,356mil nou pe ganny dir ki i annan 15,380mil dan servis piblik e ladan 11,083mil public service i fer ki savedir ki i ganny sa sonm 15,380mil i annan 4,297mil non-core.  E Mr Speaker Minis i ava eksplik nou byen egzakteman kisisa non-core e kote sa 4mil plus dimoun i été ki zot pe ganny en saler dan Bidze pei apre saler i a reste 11,976mil travayer dan servis piblik.

Prezan sityasyon aktyel e se sa ki nou pe dir nou dan en sityasyon en moman ekstraordiner ki fodre nou pran en pozisyon konman en Lasanble pou nou deal avek.  Nou konnen poudir i annan en problenm drog ki pe afekte prodiktivite avek poursantaz travayer dan pei Lalkol nou annan en problenm lakantite travayer expatriate disparite saler.  Anfet disparite saler si mon ava aret lo la en pti kou nou konnen ki poudir dan bann lannen ‘77, ‘78 ti annan en ratio ki ti ganny servi dan Gouvernman mon konvenki I’ve read somewhere ti 1 vo 8 saler pli ba ek saler pli o i ti 8 fwa plis ki saler pli ba.  E ozordi li Gouvernman pe dir norm ki pe al avek ki lo standar enternasyonal 15fwa plis ki saler pli ba.  Lerop zot pe servi 1 a 20.

Be sa propozisyon ki LDS pe vin avek i ava fer li apepre saler pli o pou ganny 12fwa ki saler pli ba e sa i ava en mezir tanporer ziska Desanm si nou servi sa 62milyon, apre pandan sa bann letan ki nou ava rediskite sa latab i ava retrouv son lekilib e i ava tir doutans dan lespri Gouvernman ki a lavenir nou pou annan en kriz dan salary grid.

Mr Speaker pou retourn lo bann sityasyon ki nou pe fer fas avek.  Nou pei nou ganny takse tro bokou.  En ansyen Minis Finans nou konfirm sa nou annan en gro Bill Welfare par lao R1bilyon – 15poursan. E anfet sa i montre nou Mr Speaker atraver ou i kontradir sa ki Onorab Gill bomaten i dir nou ki napa en kriz sosyal dan sa pei.  Onorab Gill ki pei i viv li?

Kriz saler – kriz sosyal kriz sosyal saler ba.  saler i telman ba ki ozordi 1 endividi i viv en zonm pa kapab fer en lakaz pou son lekor pou met son fanmir. Dimoun pe bezwen ganny part rental dimoun pe bezwen ganny demande pou kontribye dan Social Housing Saving Scheme. Menm i annan dimoun ki Gouvernman i fer lakaz pou zot e zot pa re pey en sou.  Si Onorab Gill ti mars dan son distrik Mr Speaker i ti pou konnen zis akote kot i reste i annan 2 ki’n ganny fer pa 1 – 2.  Annou levé dan nou gro sez annou bliy nou gro saler, annou al dan distrik annou tap laport e nou a konnen poudir i annan en kriz sosyal dan nou pei.  E nou bezwen adres li atraver sa salary grid . Nou bezwen fer sa.

E mon retourn lo nou rol konman Lezislater nou bezwen kestyonnen debat negosye rod solisyon ansanm lo serten size nasyonal ki konsern nou.

E nou annan loportinite ozordi pou serten zenerasyon politisyen ki nou napa lanmertim antre nou ki date depi 77 ouswa avan dan lepok kolonyal ki nou kapab asiz otour en latab koze.  Nou kapab fer sa annou sezi sa loportinite ozordi.

Mr Speaker en keksoz ki Minis fodre i re adrese ankor mon krwar i pou ganny en Right of Reply ankor, se sa kestyon vizavi public service ki nou konnen avek bann antite ki tonm anba PEMC Public Enterprise Monitoring Commission e PUC mon krwar i tonm laba li.

So i annan sa zafer bann long service award mon ti demann sa kestyon lot zour i pa ti ganny prononse klerman dan en larepons poudir wi zot pou gannyen ouswa non zot pa pou gannyen.

E la nou’n fini vwar poudir the public service zot minimum saler mwayenn in sote bann antite paritatik e nou vwar i pe kontinyen annan konfizyon.  PUC par egzanp i annan en dokiman dan mon posesyon kot letan in dir pou napa logmantasyon saler pou travayer me management zot pe donn zot lekor en logmantasyon.

E nou i nou rol konman Lezislater pou negosye pou demann kestyon pou rod solisyon e pou denonse bann lenzistis sosyal ki annan dan nou pei e ki en pti group dimoun pe kapitaliz lo febles lezot dimoun ki pa tro konnen ki pe arive i napa linyon travayer pou reprezant li e se sa ki fodre nou koze e nou koz for.

E mon note Mr Speaker ki so far lot kote latab se de Manm proporsyonnel, ki koze sa i tir keksoz dan li menm. bBnn Manm ki’n ganny elekte bann ki retourn dan zot distrik wikenn ki pou bezwen al defann sa pozisyon zot pa koze zot mon ti ava kontan tann  enn – mon ti a kontan tann enn koze.

Finalman Mr Speaker finalman mon note poudir Onorab Gill ki’n sey fer li bomaten in nonm 3 propozisyon an partikilye ners, teachers ek dokter pou sey dir bann dimoun ki dan nou distrik pou konmsi anponny nou pou mon servi en vye mo Kreol.

Me mon ava dir bann profesyonnel mon a fer en lapel avek zot avan ou ti vin en ners, avan ou ti vin en dokter avan ou ti vin en teacher, mazinen lekel ki’n kontribye pou ou vini.

Souvandfwa ou pou vwar poudir sa madanm ki’n travay 40an ki’n netway semen ki ti al war Prezidan Larepiblik lot zour.  E li sa letan i ti pey napa sekirite sosyal i parey income tax i ti appel provident fund apre in vin en ot non i ti pey son bann pti taks lo parey la nou dir VAT napa lo bann item i pe still kontribye li.

E nou sa ki nou pe demande poudir ziska Desanm sa lannen solider avek sa endividi pa pran sa pti larzan an plis mon osi mon ladan letan mon kalkil pou mon i pou tonm R18000 par an.  Mon dir napa problenm mon pou solider avek sa dimoun dan distrik Mont Buxton ki ganny pli ba, e ki nou tou lede nou pou dan menm bato alor nou konpran kanmarad nou tyonbo lanmen kanmarad annou ‘’united’’ ziska lafen lannen wi vin ansanm ‘’together !’’

Ou vwar mon met mon kravat rouz ozordi pou mon solider ek bann dimoun US Dan Mont Buxton.  Annou mars ansanm ziska lafen lannen annou partaz sa 62milyon e apre ki mon fek dir lo sa de kote latab ansanm ek bann profesyonnel dan civil service nou asiz ansanm e pou Sesel pou lanmour Sesel ansanm annou sov nou pei.  Mersi bokou.

 

(APPLAUSE)

 

MR SPEAKER

Mersi Onorab Henrie.  Mon a donn laparol Onorab John Hoareau.

 

HON JOHN HOAREAU

Mersi Mr Speaker.  Mr Speaker bokou in dir lo sa kote latab me parkont mon osi mon pou kontribisyon lo sa size.  Mr Speaker mon le konmanse par dir ki nou konpran tre byen ki en saler i baze lo skill ki en dimoun i vann son anplwayer, e osi souvandfwa lo lenflasyon ki annan dan sa pei so ansanm ek bann formil teknik pou fer en saler pou en dimoun.

Me nou lo sa kote latab nou pe senpatiz avek en group dimoun en group ki pli ba lo salary grid – en group ki nou appel zot en pe pli vilnerab.  Alor se pou se la rezon ki nou anmenn 4 pwen fondamantal pou demande pou fer ki sa bann dimoun ki pe ganny en pli mwen saler i a kapab ganny li at least en pti pe plis me bann ki pli o zot ava vwar zot pe ganny zot en pti pe pli mwens.

Mr Speaker pwen limero 1 ki LDS in propoze se redistribisyon larises.  Ler nou pe kalkile Mr Speaker nou vwar poudir sa gro gato ki tou dimoun in met serten koudmen pou fer ozordi zour ki mannyer sa salary sa Lalwa ki’n vin avek pe propoze sa ki ris pou vin pli ris, parske i pou ganny plis e sa ki mizer i pou vin pli mizer akoz i pou ganny mwens.

Alor nou ki nou pe dir annou donn en logmantasyon ki egal pou tou dimoun.  Sa i a fer ki sa ki lo pli ba latab olye ganny li R274 i a ganny li en pti pe plis petet dan R100 pou R525 an plis.

E sa pou li i ava reprezant en logmantasyon pou li antre lakaz avek.  Sa pou li i reprezant en pe gadyak an plis pou son bann zanfan dan bomaten.  Sa pou li pou reprezant pei en pe son tiket bis pou li al travay avek en pe lezot keksoz provizyon pou son lakour.

2enm pwen Mr Speaker se pou ed sa bann dimoun pli vilnerab parey mon pe dir pou kapab ganny en pti pe plis dan zot lanmen ok?  E osi nou le ki nou koup sa logmantasyon R4mil ekek ki pou gannyen lo pli gro saler pou fer sa desann pou vin pli pti.

Parkont Mr Speaker nou rekonnet kontribisyon e valoriz kontribisyon ki pe bann profesyonnel pe anmennen.  E se pou sa ki mon pe dir ki Lalwa ozordi pa anpese ki en anplwayer Gouvernman vedir en sekter Gouvernman fer ki son travayer i sot detrwa step an rekonesan son appraisal si in fer tre byen lo son appraisal si in fer tre byen dan son performance management system – zot in vwar poudir in travay tre byen.  Alor zot kapab rekonpans li par fer li sot plizyer step.

Alor i annan bann mekanizm ki deza egziste pou ed bann profesyonnel pou fer sir ki sa bann profesyonnel i kapab avans en pe pli devan lo zot saler.

Mr Speaker Onorab Pillay in koz lo nou vot lo merit nou aksepte merit. Wi nou’n aksepte merit me selman nou ki nou pe dir poudir pandan sa letan nou bezwen travay lo en formil ki pou en pti pe pli egal pou tou dimoun.  Mr Speaker ler mon get bann politik ki’n ganny fer bomaten mon konpar li parey en leg.  En leg souvandfwa i ganny li dan en dizef ki ler i eklo tou lede i eklo dizon tou lede i eklo enn parmi sa de leg i grosi en pti pe pli vit ki lot.

E de moman ki sa manman leg i remarke ki sa enn ki pli pti en pe plis ki lot i fer mannyer i donn tou manze sa enn ki pe grosi plis.  E konsekaman sa lot i plati e pli tar i mor.  E ler i mor sa manman leg i pran sa lavyann i re ankor donn sa enn ki pli gro.  So nou pa oule en sistenm leg nou le en sistenm ki pli ekitab pou tou dimoun.

Mr Speaker US pa pe pran bann desizyon grav parey nou lo sa kote latab nou pe pran.  Serious leadership i demann ou pou pran bann desizyon grav.  Zot pe fer sir ki zot pe ofer zot dirizan e bann lezot ki pli o lo salary grid en meyer kondisyon.

Me tandis en bann ki pli ba pe vwar zot pe retourn pli mizer.  Padan 40an bokou sa kalite pratik in ganny fer e Onorab Gill li menm i konn tre byen Mr Speaker, poudir son Per Fondater ti koz lo egalite.  Me ozordi oli sa egalite ki zot koz lo la?  Nou pe vwar sa legalite ki ganny ranplase par egoisite.  Nou pe demann zot pou zot annan en leker en pe pli feb e pa anmenn en politik leg.

Nou vwar poudir dan lepase a sak fwa ki nou annan en eleksyon se la letan ki zot in swazir pou zot donn en pti larzan sa ki pli ba zis pou zot kapab ganny sa vot i vin parey pe pas dimyel o-bor ver e apre toultan ou fer zot ou fer sa dimoun bwar vineg pou 5an.  Me nou tandis ki nou lo sa kote LDS nou pe dir ki sa bann dimoun zot pa ava bwar vineg pandan 5an at least zot ava ganny zot en pti keksoz pandan 5an.

Mr Speaker mon pa pou repet ankor bann largiman ki’n ganny fer alor mon pou vreman kourt.  E mon pou demann tou dimoun dan nou kote pou pa vot pou sa Lalwa parey i été.  Mersi.

 

MR SPEAKER

Mersi Onorab John Hoareau.  Mon ava donn laparol avek Onorab Juan Loze.  Onorab.

 

HON JOHAN LOZE

Bon apre midi Mr Speaker.  Bon apre midi bann koleg Onorab.  Bon apre midi tou bann oditer kot lakour.  Mr Speaker mon grandi avek mon granmanman Mont Fleuri e letan mon pran konesans i ti balye kot lekol TTC Mont Fleuri.

Alors mon konn byen sa bann dimoun ki zot pe koz lo la.  Mon konn byen sa lavi ki zot pe dekrir i pa nouvo lontan i la.  Mon granmanman ti kwi manze pou Madanm Eichler e Madanm De Saint Jorre pou ganny son income e zot ti tret li vreman byen.  La ozordi ki mon grandi mon remersi sa de fanmir zot ti ekselan.  Mon konnen ki savedir sa bann keksoz ki zot pe dir mon konnen ki savedir bezwen.  Mon konnen ki savedir kastrol manze, lasyet e tou sa bann zafer ki pe ganny diskite.

Mon pa konpran parkont ki mannyer dan en diskisyon lo saler nou bann frer ek ser Seselwa i annan largiman pran en pe manze met dan sak anmenn pou zannimo.  I annan largiman leg, mor manman leg donn lavyann lot piti leg konplik en pe mon pa konpran selman les sa de-kote.

Mr Speaker sa madanm ki’n travay 30an Lopital ki mon tann mansyonnen bomaten par en koleg Onorab i pou ganny li R3mil anba son long service allowance.  E si i lo band 1 step 1 ki mon ganny difikilte vwar pou en dimoun ki annan 30an i pou ganny li R274 logmantasyon ki a fer li R3274mil.  Sa madanm ki’n travay 40an balye semen ki’n fek ganny mansyonnen par en lot Onorab i pou ganny li R4mil son long service allowance e si i lo band 1 step 1 ankor mon ganny difikilte vwar pou en dimoun ki travay 40an i pou ganny li R274 dan sa logmantasyon sa revizyon la ki pe ganny revize par sa Gouvernman ki a fer li R4274mil.

Be sa lozik i pa fini la se ki tou dimoun ant band 1 ek band 5 ki sa bann dimoun pli ba ki nou pe lager pou zot, zot tou zot pou benefisye dan en fason ou en lot avek long service allowance.  E minimum ki zot kapab gannyen long service se R500 e letan ou fakter sa revizyon grid la sa R274 step 1 band 1 step 1 zot a fer zot R774 logmantasyon total avek long service ki pou vini an Zilyet.

Mon krwar i enportan ki nou dir nou pep sa ki i pa en logmantasyon R250 i en logmantasyon petet an de faz la revizyon R274 e long service ki pe vini an Zilyet ki pou pey ou dapre longer servis ki ou’n fer dan Gouvernman.  So nou en pti pe petet en pti pe mis lead dimoun letan nou pe dir zot ou pe ganny en baz R250 se tou ki ou pou gannyen pou ou take home par zis R250.  So mon pa pou blanm personn pou sa nou poz li de-kote e nou avans devan.

Mon 2enm pwen ki mon anvi soulve Mr Speaker se ki egaliter i pa vedir egalite i pa’n zanmen vedir egalite.  Si en dimoun pe pey R1500 taks par mwan e ou ensiste pou donn li menm logmantasyon ki en dimoun ki pey zero taks par mwan i pa egal sa i egaliter i egalitaryen be i pa egal.  Egaliter i pa egal egalite.  Ou pa’n kre en sityasyon egal ou pa’n donn sakenn en lasyet manze la.

Mr Speaker mon lot largiman se ki e sa i en i annan en Manm lo kote Lopozisyon menm pa en Manm enn zot siporter enn zot aktivis ki’n fer sa apepre menm largiman resaman Mr Peter Roselie ki logmantasyon dan servis piblik in met en pe presyon lo sekter prive.

I met presyon akoz i sis lafors travayer ki dan servis piblik ki dan sekter prive e i fer zot vin dan servis piblik.  Pli ou elimin saler ba dan sekter piblik, tou sa bann dimoun ki lo en saler ba dan sekter i pou al dan sekter prive ki normal nou tou nou bezwen avanse dan lavi i byen.

Me ki nou pe fer osi nou pe pran lafors prodiktiv dan sekter prive nou pe fer zot antre dan servis piblik dan Gouvernman e Gouvernman li i pa pey bill li sekter prive ki pe generate larises pou pey bill.  Reveni i sorti dan moter ekonomik pei ki sekter prive li ki pe generate larises dan pei.

E Gouvernman i bezwen sekter prive.  I bezwen sekter prive pou generate larises pou anmas reveni atraver taks.  E si nou depriv li tou son man power nou pou depriv li son lafors prodiktiv pou zener sa larises ki Gouvernman i bezwen pou anmas reveni e letan Gouvernman pa kapab kolekte sa reveni sa gro bill saler ki nou pe kontinyelman run up i napa nanryen pou li peye avek akoz i pa pe kolekte nanryen li lafen di-mwan.  La sa mo fait ki zot kontan servi petet i antre mon pa asire, nou ava gete.

Mr Speaker mon lot pwen mon anvi fer se ki apropriyasyon Bidze 2019 ti ganny fer an Desanm 2018.  E sa logmantasyon la ki ti ganny siporte par Lasanble parey Onorab ki’n koze en pe avan in dir mon remersye li pou sa leksplikasyon zot ti siporte zot ti vote lo sa Head pou sa revi la zot ti vot lo sonm e lo prensip sonm ti 62milyon prensip ti 5poursan logmantasyon sa ti 3mwan pase sa.  Sa 3mwan pase an Desanm e si an Desanm zot parey Onorab ki’n koz zis avan mon in dir zot pe koz keksoz ki kouraze – kouraze  Onorab in dir.  Me si an Desanm zot ti annan kouraz pou fer sa ki kouraze zot ti pou annan 3mwan pou prepar zot lamannman ki pa ankor ganny table ziska mentenan 3mwan pou fer en bon travay konpreansiv konsilte avek tou bann stakeholders anmenn tou dimoun on board asiz otour en latab parey zot in ganny dir pli boner e diskit dan en fason kalm, lozik pou anmenn rezilta pou lepep Seselwa.  E se sa ki nou bezwen.

 

Zot pa’n fer li dan plas fer li dan 3mwan zot le fer li dan 3zour.  Mardi pou Vandredi 3zour e zot pe konvenk nou ki 3zour i pli bon ki 3mwan.

Personn pa ti defann zot table zot bann propozisyon an Desanm letan zot ti vot lo sa Head Bidze ki Onorab ki’n koze boner in konfirmen zot in vot lo sa Head.  E la mon pou repete zot ti vot lo sonm 62milyon lo prensip 5poursan logmantasyon atraver grid tou le 20 band e 300 steps 5poursan.

Mr Speaker 5poursan depi i 5poursan i ankor 5poursan menm la li.  I ti 5poursna an Desanm i 5poursna ozordi 5poursan pa’n sanze li.  E zot ti vote zot ti aprouve zot menm zot in konfirmen.  Zot in vot lo sonm e lo merit.  Ozordi la zot sanze.

Zot in fer permet mon sit defen ansyen Prezidan Mancham zot in fer lapsus.  Mardi zot in fer en lapsus e Onorab ou konnen kot zot napa kouraz pou fer sa ki kouraze zot napa kouraz pou admet ki zot in fer en senp fot.  Zot in fer en senp lapsus.  Se sa ki’n arive la.  Zot in fer en fot ki zot pa’n ni kapab zistifye zot pa kapab back up avek levidans syantifik zot pe fer en bann mazavarou matematik, tou sort kapasite melimelo kont.

Mon attend 1 miting bomaten mon, mon’n asize trankil mon montre tou respe mon ekoute mon pa’n dir nanryen mon donn zot tou mon latansyon dan sa miting.  En keksoz ki’n mark mon dan sa miting bomaten i annan en parol ki ti ganny dir par en Onorab be si fodre nou pran R250 nou a pran R250 nou tou.  Napa problenm bomaten isi dan Lasanble mon tann ‘’kree lespwar – fodre nou kree lespwar pou nou pep dakor mon napa problenm.  Dakor a kondisyon ki nou pa kre false hope.  Nou pa ensit en lespwar ki fo dan dimoun.  Nou pa zis senm bennzin apre pa kapab soutenir sa ki nou dir sa ki nou fer.

Ankor mon retourn lo sa 3zour Mardi a Vandredi.  Mardi nou dir si fodre ganny 4mil nou tou nou a ganny 4mil !  Si fodre ganny 1500 nou tou nou a ganny en logmantasyon 1500 ! Zot konnen ki dife zot in mete deor ki lespwar zot in met dan dimoun?  Sa pe an flanbe sa ! Ki mannyer zot a tennyen la?  Zot lev lekspektasyon dimoun.  Dimoun pe dir an deor LDS pe al met larzan dan nou pos nou tou nou pou ganny 4mil logmantasyon.  Dan 3zour – dan zis 3 pti zour Mardi pou Vandredi, zot sorti dan met 4mil, zot desann lo met kakayontont !  R4mil pou kakayonyont Mr Speaker?  Be kwa sa?

Zot pa organize zot annan bon plan zot konn travay mon pa pou kestyonn sa mon Mr Speaker.  Mon napa okenn dout e mon napa okenn dout ki zot annan en bon lentansyon.  Mon konnen zot annan bon lentansyon. Personn pa antre dan politik avek move lentansyon napa enn nou la anndan ki annan move lentansyon.

Personn pa antre dan politik pou martiriz kelken lot napa okenn nou la anndan ki’n vin pou fer sa.  be selman ler nou fer en pti lapsus  admet we!  Admet kot nou’n fote ! Nou dir, nou dir ki nou pe vin avek en bann melimelo mazavarou matematik ki pa pe add up.  Zot zistwar pa pe add up sa nespes kote sinwan la ! Admet !  Sorti kler dir avek dimoun zot in fote Mardi, e zot ti napa en pozisyon kler.

E la an se moman ki nou pe koze zot ankor napa en pozisyon kler. Zot sorti lo ensi zot al lo en lot e parey tou zanfan 5an zot eksternaliz blanm.  Pa mwan li – pa mwan – lot.  Sa pti bout pran responsabilite personnel oli?  Nou le tou dimoun pran responsabilite personnel dan sa pei.  Travayer pran ou responsabilite. Single mothers pran ou responsabilite.  Zenn pran ou responsabilite.  Be isi anndan nou pa pran?  Nou pa pou pran nou ? Gouvernman ? Lot isi, laba entel ek entel?

Be Mr Speaker zot in lev lekspektasyon dimoun Mardi pou ganny en 4mil ouswa 1500.  Ozordi zot vini zot dir dimoun nou a ganny kakayonyont.  Si fodre ganny kakayonyont ! Nou a ganny kakayonyont from 4mil to kakayonyont.  Fine.  Mon napa problenm ek zot kakayontont mwan Mr Speaker donn kakayontont.  Selman i annan en Bill devan nou ki pa propoz personn kakayonyont. iIannan en Bill devan nou ki e la mon pou pran ne dokiman LDS dokiman LDS ki’n ganny table dan miting bomaten.  I dir ‘Government proposal lowest increase R274. Sa i pou band 1 step 1.  Highest increase R3290.

LDS proposal lowest increase R525 highest increase R525 e menm sa R525 i pa korek i flue.  Zot kont pa bon i pa add up.  I pa R525 napa personn ki pe al ganny R525.  Se pa si zot pou nobou met R100 an plis lo sa R274 ki lowest propozisyon Gouvernman .  Be akoz zot pa zis fer sa ki bon e sa ki byen pou sa pep les sa Bill pase. Zot pa anvi vote fer parey zot labitid kit zot lanmen anba les sa Bill pase.

Mon pou dir zot en keksoz mon depi Desanm nou pran en komitman ek sa pep pou revwar zot saler pou donn zot en logmantasyon.  Pep Seselwa sa son larzan sa pou li sa.  Pa pou personn la anndan pou lepep Seselwa sa larzan, e i pe esper son larzan e i efektiv le 01 Avril.  E zot bomaten zot in dir nou dan miting i annan en diferans filozofik ant nou – filozofik.  Sa ki annan la anndan se en diferans filozofik.  Filozofik i en gaspiyaz letan sa.  Filozofi i en domenn ki tou nanryen fer i antre ladan.  Filozofi se en keksoz ki ou fer ler ou anvi drag letan, gaspiy letan.  Zot napa en plan konkret zot napa en propozisyon serye alor zot rod nou la filozofi.

Legzersis i matematik li e zot matematik i mal.  Zot fall back position filozofik.  Zot fall back position la right now, la an se moman ki nou pe koze la ‘’ankor enpe letan. ‘’ ‘’Gouvernman pa’n donn nou lenformasyon patati patata isi laba.’’ Serye ! Serye sa Gouvernman i de organize?  Mon napa problenm zot pe dir ki zot lopinyon be zot en legzanp lorganizasyon zot?  Me si tou dimoun organize ti koumsa be sa pei ti pou koule.  Zot le pran 3zour pou fer sa ki zot pa’n fer dan 3mwan.

E letan zot pe sey fer li fors li dan 3zour zot fer li mal.  Tou zot sif pa pe adisyonnen e zot rod nou filozofi ek kakayonyont.  Mon pa konnen lekel lafen di-mwan Avril ki pou al labank ki ler i pou met son kart dan masin i pou withdraw kakayonyont.

Mon pa konnen ki mannyer sa pou ed sa fanmir vilnerab ki zot pe dir zot anvi ede.  Si zot pozisyon i kakayonyont.  Zot napa en pozisyon kler.  Ziska prezan zot napa en lamannman pe zis drag letan ek filozofi ek kakayonyont ek sepa kwa.  Les sa Bill pase.

Nou pozisyon i kler nou, nou annan en komitman depi Desanm avek lepep Seselwa pou donn en logmantasyon R62milyon aproporsyonnen atraver grid par 5poursan.  Zot ti dakor ek sa zot.  Zot in dakor ziska Mardi ler in ariv zot en pti lasans emosyonnel bon dakor napa problenm ek sa nou.

Be Seselwa pe esper son larzan i pe esper son larzan lafen di-mwan Avril pou li sa.  Donn li son larzan silvouple aret rod filozofi si laba si se la lot pou pa donn en dimoun son larzan ki’n travay sa in bidzete depi 2018 – depi dan Bidze 2019 ki annan pou nou drage ankor lapes reken avek donn dimoun son larzan – pwen se tou !  Zot pa le Constitutional Appointees gannyen ? Tir tou.

Onorab Sebastien Pillay i vin donn zot en model ki zot kapab itilize pou tir tou politisyen tou Constitutional Appointees be ki zot annan kont sa ners?  Sa ners ki li son logmantasyon i sipoze R1200. Zot alternativ se kakayonyont?

Sa polisye ki li son logmantasyon i sipoze R1500 ou pou senserman get li dan son blan lizye e dir li bon mon pe aranz ou mon frer la kakayonyont?  Be kwa sa?  Seryezman kwa sa?

Kot i konmanse e kot i fini sa kalite panse la?  Zot pou seryezman al fas avek en dokter ki posibleman son logmantasyon pou R1800 parey Onorab ki’n koze pli boner e zot pou dir li mon frer nou annan en diferans filozofik la en pe kakayonyont?  I pa byen i mal zot napa  a leg to stand on.  Zot pe zis bat dilo zot pe esey reste laflot zot pa kapab.

Onorab Sebastien Pillay in nonm zot, zot pozisyon zot pozisyon vizavi sa Bill ou konnen ki zot zistifikasyon?  50milyon Irish – Bidze 30zour in asize in debat dan Lasanble zot in tir zot tir zot best of depi sa dernyen 2an zot in étale zis pou sa Bill ki la.  Nou pe koz lo sa Bill ki la les pas sa Bill nou.  Nou   le larzan Seselwa met larzan dan pos Seselwa son larzan sa pou li sa donn li.  Donn li ! Zot bann obstructionist ki zis met baraz dan semen dimoun.

Zot konnen mannyer Seselwa i konplent sa ta speed bump ek hump crossings ki Land Transport pe mete ?  La zot kareman met miray lo highway prezan.? Prezan zot rod nou filozofi kakayonyont sepa kwa?  Zot pozisyon se kakayonyont. Seryezman? Seryezman sa zot pozisyon ?  Zot serye zot ? Sa Lasanble serye ki zot ti le?

Zot in dir Seselwa fer li ou Lasanble. Vot pou zot Seselwa in vote.  In fer li Zot Lasanble e Desanm zot asize zot aprouv 3290mil pou highest increase ,zot in fer li an Desanm.  La ozordi zot vire ar Prezidan pe ganny logmantasyon 4mil sa dimoun anba pe ganny 200 patati patata. Me zot pa koz ditou lo dan milye. Zot pa koz ditou lo sa group dimoun dan milye e ler zot nonmen zot nonm ou bann profesyonnel la ponpon be i annan zis profesyonnel dan milye?  Sa dimoun ki limen pandan de lannen e de lannen in rente pou li ariv la dan sa band 6, 7, 8  la.  In ganny par lasyer de son fron i pa’n grenp akoz faver i pa’n grenp akoz en Degre Liniversite in grenp akoz in met son gro kouraz dan son tenk bennzin.  In servi son zefor ek son kouraz konman son karbiran pou avans li devan.  Ozordi ler pou li ganny en pti 5poursan ki posibleman i a vin tradwir dan R700ekek R800ekek R1000 ou pou nonm li kakayonyont?  Eskiz mwan ! Eskiz mwan ! Zot  zot pa serye ! Zot  zot pa serye !

Mr Speaker nou ariv a en pwen dan sa pei kot nou bezwen aret fer filozofi nou bezwen fer sa ki bon e sa ki byen pou dimoun.

Nou pa kapab kontinyelman vin dan Lasanble sant louanz sant letandi rod zoli parey ki pa tradwir an aksyon ki pa vin ‘NANRYEN’ e konm dir bann zenn dimoun lo FM i kontan dir ‘‘NANRYEN’’ ‘‘NANRYEN‘’’’NANRYEN ‘!’ Nou pa kapab kontinyen fer sa. Nou pa kapab kontinyen fer sa Mr Speaker.  Nou pa kapab e zot pou bezwen pran zot responsabilite admet zot fot e move on.  Lo sa kote Lopozisyon i tre kler i pa.

 

(Interruption)

 

MR SPEAKER

Order ! order ! Order1 order !

 

HON JUAN LOZE

Mr Speaker depi mon antre dan sa Lasanble mon ekout tou dimoun atantivman e poliman mon pa’n zanmen titway dan sa bann konversasyon enfantil mwan.  Lenpresyon ki mon ti gannyen sete mon pe vin en Manm Lasanble Nasyonal non pa en daycare.

 

MR SPEAKER

Kontinyen.  Kontinyen.

 

HON JOHAN LOZE

Ti a byen si dimoun ti konport zot accordingly.

 

(Interruption)

 

MR SPEAKER

En moman, en moman, en moman, en moman ok Onorab mon zis demann ou pou ou refrain sa bann komanter.  Mon pe ekout Onorab Loze annou permet li i a kapab konklir son entervansyon.  Onorab kontinyen.

 

HON JOHAN LOZE

Mr Speaker mon ariv lo pwen pou mon fer mon konklizyon e mon konklizyon i tre senp mon.  Gouvernman in table en Prozedlwa devan Lasanble.  Lopozisyon zot napa nanryen – nanryen – nanryen zot napa  – nanryen apard posibleman kakayonyont.  Pas sa Bill as is apre vin avek zot Private Members Bill premyerman pou tir tou politisyen dan sa revi ;zot konsern boner i guininely mon konpran ki zot pe santi se ki Gouvernman li i pa pou fer lesansyel i pa pou re-vizite.  Napa problenm. Pas sa Seselwa i a ganny son larzan efektiv 1 Avril donn Seselwa son larzan pou li sa mon pou mentenir pou li sa larzan pas sa donn Seselwa sa larzan zot vin avek zot Private Members Bill prezan tir tou politisyen tir tou Constitutional Appointees les sa ners benefisye son larzan les sa polisye son larzan pou li sa in travay.  Zot le re -izite zot le revwar sa vin avek zot Private Members Bill re-vizite.  Zot konnen zot poudir Gouvernman i annan en plan deza zot konnen zot in ganny dir bomaten Onorab Gill in menm mansyonnen in fer mansyon taler poudir i annan en plan selman i pou kout 30milyon i ava posibleman vin an Zanvye.

E Zanvye ler i vini mon konnen ki zot poudir zot poudir lannen eleksyon la, la pe fer kanpanny la.  Selman zot menm ki pe demande be ler i vini zot poudir eleksyon napa problenm. Pas sa donn Seselwa son larzan.  Mersi Mr Speaker.  Mersi tou bann oditer.  Mersi tou bann koleg.

 

(APPLAUSE)

 

MR SPEAKER

Mersi Onorab.  Mon ava donn laparol Onorab Sandy Arissol.

 

HON SANDY ARISSOL

Mr Speaker bonn apre midi.  Bonn apre midi a tous e tou dimoun ki pe ekoute.  Ou konnen mon en pe dezapwente letan mon tann entervenan avan mon koze parske letan mon get nivo ki Onorab Basil Hoareau ti koz lo la dan Lasanble Nasyonal i fer mon kanmi.  Si parti US en parti …

 

(Interruption)

 

MR SPEAKER

Non, non sa exchange i vin tou lede kote depi ler nou konmanse bomaten.  Tou dele kote sa exchange i vini.  Non en moman, lo sa deba ki nou pe fer sa exchange i vin lo tou lede kote ok.  Otan ki pa pe atak sa Manm direkteman ok i pa imput mon pa pe pran sa konman imput ok ?  Onorab Arissol zis fer atansyon kontinyen mon pa pe pran okenn pwen.  Onorab in koze in fer son lentervansyon lo kote isi zot in tap lanmen zot in tap latab lo kote isi in reste trankil in ekout li.  de pti enterzeksyon ki antre mon met Onorab Woodcock anba kontrol mon dir li non.  Off -mic intervention alright.  Onorab Arissol kontinyen.

 

HON SANDY ARRISOL

Mersi Mr Speaker.  Mon rekonmanse parske mon ganny disturb.

 

MR SPEAKER

Non Onorab pran kot ou ti arete kontinyen.

 

HON SANDY ARISSOL

Sa Manm avan mon Mr Speaker kot mon arete parey mon dir mon toultan mazin Onorab Basil Hoareau en Manm ki ou konman Speaker Lasanble ti dir ki in fer en kantite pou en pozitiv konman en Manm Lasanble Nasyonal.  E ozordi konman en Manm letan mon ekout entervenan avan mon in mansyonn 43fwa mo ‘’kaka’’ dan nou Lasanble.  Konmsi mon demann mon lekor ki zistans Lasanble Nasyonal nou pe ale letan nou pe koz lo Bill ki annan pou fer avek Mr Speaker sa Manm in mansyonn ‘’kakayonyont ‘’43fwa.

 

(Interruption)

 

MR SPEAKER

Order ! Order ! Order !

 

HON SANDY ARISSOL

Ler zot fini dir mwan.

 

MR SPEAKER

Order ! Order ! ok i en referans ki’n ganny fer avek en lekspresyon ki’n ganny servi bomaten kontinyen.

 

HON SANDY ARISSOL

Mr Speaker mersi.  Sa ti en referans ki ti ganny servi parske en mo ki ti ganny mansyonnen sa referans ti ganny servi en fwa me sa Manm ki’n koz avan mon in fer referans avek sa mo 43fwa mon repete dir sa mo kakayonyont.  Nou pe koz lo Bill larzan nou pe koz lo saler ki annan pou fer avek nou bann travayer ki nou dan LDS nou propoze Mr Speaker bomaten ti annan diskisyon anler dan room 3 bann Manm ki pli zou mwen ki ti asiz devan o-bor Minis zot in ganny sans demann kestyon, nou rod klarifikasyon nou menm demann Minis poudir i ava enportan kekfwa, pou letan i annan okenn keksoz ki annan pou fer avek larzan pou zot vin devan konsilte nou konman bann Manm Lasanble oubyen koz avek zot apre zot vini zot met sa ek nou pou nou vot lo la.

Letan mon tann bann Manm lot kote dir nou ti vot sa dan Bidze, bann Manm i bezwen konpran ki liv Bidze i 570 paz e nou pas lo la preski 1mwan edmi konpare ek bann US ler zot ti la dan 5enm Lasanble zot ti pas lo la dan 2zour lo 3zour ki sa Manm fek akoz lo la apre zot ti al tir petar Moris.

Ozordi nou koz lo la preski 1an edmi prezan letan nou vot lo Bidze nou vwar grid Gouvernman dan Bidze nou?  Nou pa vwar grid Gouvernman dan Bidze nou me letan parkont i vin konman en pti Bill ki 2paz la nou kapab ouver nou tou lev anler montre grid la prezan nou vwar kwa ki nou pe koz lo la.

Sanmenm sa ki enportan pou letan sa Bill i vini pou konman en Lasanble serye rode kwa ki nou kapab fer pou nou dimoun.  Rode kwa ki nou pou amelyore pou nou dimoun olye pou nou zis vini annou dir Gouvernman anmennen nou promet dimoun le 01 Avril alor nou bezwen zis vote annou fer sa.  Sa pa nou lentansyon dan LDS zis vini vote nou kontan rod leklersisman fer keksoz kler pou tou dimoun konpran.

Letan bann lekspresyon dan Lasanble Nasyonal i ganny servi par egzanp en lekspresyon ‘’leg’’ en kastrol manze i ganny servi be mon ti konnen entervenan avan mon pa pou konpran sa bann lekspresyon Mr Speaker.  I ok sa i pa son nivo nou konpran sa lo lot kote nou.  Nou lo nou kote nou konpran sa nou ki Onorab Henrie ti pe dir par sa lekspresyon ? Senpleman ozordi ki devan nou lo latab, latab i reprezant Lasanble Nasyonal i annan en kastrol manze.  Sa kastrol manze li menm li sa 62milyon ki nou tou nou pe koz lo la. Sa lasyet manze ki nou pe dir partaze egalman avek bann travayer i sa 5poursan ki nou pe koz lo la.  Prezan Onorab Henrie in dir en lot keksoz lekel bann group dimoun ki pe esper en lasyet 5poursan dan sa kastrol R62milyon ki zot lo latab devan Lasanble.  Premye group i sa group ki nou koz lo la ban Constitutional Appointee ki nou dir Prezidan, Minis, Vis Prezidan enkli bann Ziz tou zanmen mon tann zot mansyonn Ziz.

Ziz osi tou i tonm ladan selman nou kit li ater zis Manm Lasanble ki ganny targete.  Lot group dimoun se lekel?  Se nou bann profesyonnel teachers, ners, lapolis i osi lo sa latab pe esper en lasyet manze 5poursan dan sa kastrol 68milyon.  Lekel lot group 62milyon lekel lo group ankor sanmenm sa lot group ki nou koz lo la bann ki pli vilnerab zot ki ganny pli mwens zot menm ki tap tou kote laport pou zot kapab fer en bout zwenn.

Alor nou dan LDS ki nou propoze?  En keksoz senp nou dir la kastrol i lo latab pandan 40an SPPF in fer sir ler in partaz manze, tou politisyen i ganny pli gro kopo, tou politisyen i ganny pli gro kopo ; sa SPPF in fer kler sa li.  Ler politisyen in tir son kopo la bann middle class i a gannyen teachers i a ganny pou li ners i a ganny pou li. Prezan  3enm group dimoun zot sa nou dir pli vilnerab li si i reste apre ki politisyen in tir son kopo lot in tir son kopo li i a gete si i pou ganny swa R50 depandan kapris leta sa zour swa i a ganny R100 swa i a ganny 150 swa i a ganny 250.

Prezan nou dan LDS ki nou pe dir anvi ki zot in fer sa pandan 40an 1fwa pandan 40an annou get en kou dan kastrol pou nou partaz lasyet manze egalman avek tou Seselwa 1fwa pou 40an !

 

(APPLAUSE)

 

HON SANDY ARISSOL

Se tou ki nou pe demande nou.  Nou pa pe rod kakayonyont 43fwa Mr Speaker nou pe dir annou partaz sa kastrol manze egalman pou 1fwa pandan 40an.

Ki mannyer nou pou fer sa Mr Speaker?

Alor letan bann ki pli konn konte in balans bann sif nou dir si sa enn ki pli vilnerab i kapab viv konn depans anmenn dan lakour R525 alor tou dimoun i bezwen kapab konn depans anmenn dan lakour viv lo R525 an plis !  Se sa ki nou pe dir akoz nou pe dir sa Mr Speaker?  Eski sa i pou leternite?  Non i pa pou leternite nou pe dir dan sa peryod letan ki nou pe viv letan SPPF zot in mal zer nou larzan la kot nou pe viv pandan 40an ki zot in la milyon in ganny perdi nou FPAC pe rode larzan in ariv dan tou diferan direksyon nou pe dir a sa peryod letan nou pe koze la mon bann zanmi i pa neseserman ki sa pou ale ziska lavi diran, me pandan sa peryod letan kot nou pe dir ek tou dimoun fer sakrifis dan sa ka pa kapab politisyen pa fer sakrifis Ziz pa fer sakrifis, me sa cleaner sa dimoun pli vilnerab i bezwen kontinyen fer sakrifis.  Nou pa kwa ladan nou si nou pe dir fer sakrifis nou tou nou bezwen fer sakrifis se tou ki nou pe rode nou Mr Speaker !  Prezan zot dir ek nou vot kont si nou pou vot kont nou vot kont letan en keksoz i pa bon.

Prezan 2enm pwen zot dir ek nou poudir dimoun Onorab entervenan avan mon i dir poudir dimoun pe esper zot larzan le 01 Avril ki zot sipoze ganny peye le 31 Avril be zanmen nou dir poudir nou pa fer sir zot pa ganny zot larzan an Avril.  Bomaten anler se sa ki ti ganny dir ankor devan Minis ki pe reprezant finans la devan nou ti ganny dir si fodre retournen re koze re aranze, re konsilte, pou ki Seselwa ki zot in ganny en komitman ki poudir le 1 Avril i pran lefe me zot a ganny sa lafen dimwan Avril i ava annan en keksoz pou zot.  Nou pa’n zanmen dir boycott tou keksoz cancel le 01 Avril cancel lafen di-mwan Avril e pa donn zot nanryen mon pa sa ki nou dan LDS nou dir depi dan diskisyon anler.  Senpleman zot toultan senm konfizyon apre ou war enn i riye ‘’hi hi’’ laba ou vwar enn i rikannen pa sa ki nou dir.  Nou toultan nou anvi keksoz serye nou pa anvi zis Gouvernman i vini akoz i annan 5, 6 zot lo panel zot met sa lo nou lagorz dir zot trangle nou.

Nou pe dir fodre nou re asize nou reget sa Lalwa parey i été pou nou balanse pou ki mannyer tou dimoun i sorti en venker dan sa lakours.  Nou pa kapab kontinyelman annan bann ki anmas lakourt dipen en bann i manz dan lanmi dipen en bann i manz dipen antye.  Nou pe dir dan sa sityasyon poudir kot nou été ozordi i pou enportan pou dimoun deor ki pe ekoute ki konnen ki annan sa negosyasyon ki pe go on i konnen poudir sa travay nou a fer sir poudir nou konman en Lasanble serye ansanm avek Gouvernman byensir pou ki i annan travay en keksoz ki ganny arive la, pou nou travay lo la en fason ki nou kapab delivre laba deor.

Annou pa bliye letan Onorab Gill in dir Mr Speaker poudir nou napa en kriz sosyal nou annan en kriz sosyal kestyon ki mon demande ler mon sorti kot en lekol la apre midi se bann adikt ki pe pran son methadone pa vin pey en R25 pou preskripsyon.  Selman sa travayer la byento i pou al pey son R25 pou son preskripsyon.  Eski dimoun pe swiv dimoun pe gete?  Parske i annan pou fer avek pri lavi.

Letan Onorab Pillay i vini Mr Speaker i vini i dir ek nou koumsa gas in sipoze desann depi le 25 Mars li selman fuel in mont ozordi le 22 Onorab Pillay i dir ek nou be akoz nou pa dir le kontrer?  Akoz nou pa dir fuel in desann le 22 Mars menm si gas in desann depi le 20 Mars?  Be gas ki’n desann avan fuel fek desann la le 22.  Nou pa kapab pran saret met devan bef Mr Speaker nou bezwen fer li byen.  

        Fuel fek desann la ozordi ki nou aprann poudir fuel in desann.  Me parkont gas li in monte nou ganny dir poudir gas in desann depi le 15 Mars.  Konmsi i enportan pou nou balanse i enportan pou nou ler nou lo sa size annou pa senm konfizyon annou pa fer krwar poudir zot lo lot kote, zot pou vot an faver e si nou vot kont savedir bann dimoun pa pou ganny zot logmantasyon. Sa i fo Mr Speaker.

Nou si nou vot kont lo sa kote nou pe vot kont parske nou anvi en keksoz ki byen an konsiltasyon avek Gouvernman byensir pou nou bann dimoun laba deor.  I pa vedir ler nou vot kont keksoz i freeze tou keksoz i fini pa sa ki nou dir nou e pa sa ki nou pe dir.  Nou pe dir poudir nou bezwen en keksoz konkret en keksoz ki bon pou ki Gouvernman ler i a balanse avek Lalwa avek grid ki nou pa pe mont lo lipye kanmarad parey nou ganny eksplike anler ki ti byen. Zoli prezantasyon.

Me selman an menm tan Mr Speaker ki lavenir sa ki annan pou fer avek finans pa kit nou ater konman Manm Lasanble letan Komite ki zot lo la i zwenn avek bann lezot stakeholders enkli nou, se nou la anndan ki reprezant dimoun laba deor lo bann frer ek ser Seselwa.  I enportan zot ganny osi nou pwennvi pou nou kapab finalman tonm lo en keksoz konkret Mr Speaker.

Alor mon anvi dir poudir LDS nou toultan rod sa ki meyer pou nou pep nou pa la zis pou nou lev lanmen pou nou vote Mr Speaker.  nou dan LDS nou pou fer sir ki sak fwa i annan bann Lalwa pou nou diskite nou bezwen diskite menm si i pou en pe letan me a lafen dizour Seselwa zot ganny en keksoz ki bon me pa en keksoz vitman parey Lalwa POA ki ti pase dan Lasanble Nasyonal, apre Lakour Konstitisyonnel ki fou li deor akoz i pa ti anliny avek bann lezot keksoz.  I enportan sa Mr Speaker.

Ozordi letan FPAC i pe fer travay i pou enportan osi pou nou dimoun konpran laba deor.  Letan nou pran sa desizyon as LDS la anndan Mr Speaker, i pou enportan pou nou ler nou pran sa desizyon la anndan pou bann dimoun konnen laba deor.  Letan nou pe fer travay konman Lasanble Nasyonal pe rod tou bann larzan perdi retourn bann larzan dan kof leta bann dimoun ki pa pe pey zot taks, ozordi laba deor ki zot krwar nou pa konnen lekel zot Mr Speaker sa osi i ava ede pou fer sir ki la prosennman bann loan a kapab monte pou dimoun ganny enpe plis.

Me parkont Gouvernman kontinyen reste trankil lo rod larzan laba deor, parske i annan ki dalon, i annan ki pa dalon i annan i pey son loan i annan ki pa pe rann loan.

Me letan nou zot konman en Gouvernman zot les tousala pase sa i fer ki kof Gouvernman pa anpli parey i devret anpli.

Alor larises prezan i vin minim be a sa pwen ki mon pe dir Mr Speaker la an se moman kot sityasyon i été kot nou ankor pe rod bann larzan perdi kantite bann larzan perdi anba parti SPPF ; ozordi US anba zot 5enm Lasanble Mr Speaker, i ava enportan pou sa dimoun laba deor konpran.  Sa profesyonnel ki pe vini konpran poudir la ozordi poudir sa pti gin ki nou annan i bezwen partaz li egalman.  Me parkont letan nou ava get lo latab in vin detrwa kastrol olye enn parey nou annan ozordi la nou a kapab fer sir ki depandan grid sakenn ava kapab benefisye atraver sa Mr Speaker.

Sa i mon pwennvi Mr Speaker an relasyon avek sa ki nou pe koz lo la mon krwar i enportan ler i konsern bann size sansib parey finans bann dimoun ki nou kontan.  Nou pa distord keksoz oubyen i annan lenpresyon ki i annan keksoz pa pe mal fer oubyen letan LDS pou vot kont poudir soley pa pou tap ankor, pa pou levé parey zot abitye fer.

Pa sa ler nou pou vot kont nou pou rezwenn ankor avek SPPF avek parti US lot kote Mr Speaker avek Minis avek son delegasyon pou travay pou nou rod en keksoz ki byen, en keksoz ki bon, pou tou dimoun kapab ganny en lasyet manze.

Me parkont pa enn i ganny lanmwatye apre ou aprann ki enn in pran kastrol in al avek larestan pa ankor gannyen.  Sa i mal e nou pa oule i ariv ankor Mr Speaker.  Avek sa detrwa pti parol mon ti a kontan dir ou mersi bokou pou mon lentervansyon.

 

(APPLAUSE)

 

MR SPEAKER

Mersi Onorab Sandy Arissol.  Mon ava donn laparol Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker kekfwa o konmansman mon lentervansyon la mon ti a kontan partaz avek Manm Lasanble e avek ou ki i annan en keksoz ki’n resorti atraver sa deba.  I en levidans ki’n sorti atraver sa deba e sa se ki mon vreman konvenki ozordi ki Gouvernman egzekitif e parti US lot kote zot ankor krwar ki zot dan en mazorite.  Zot pa ankor realize ki zot dan en minorite !  Non vreman zot pa ankor realize sa larogans ki zot pe vin avek i vreman ekstraordiner zot napa en mazorite dan sa pei !  E si zot anvi ki keksoz i pase i deroule nou bezwen koze e nou bezwen fer ki tou dimoun i ganny tou lopinyon i ganny reprezante tou pwennvi i ganny pran e zot ava nou pei i ava dan en pli meyer Lalwa ki i merite gannyen.

Me malerezman Mr Speaker mon pa konnen kekfwa ou kapab rod en leklersisman lo la en ler me mon ankor krwar poudir zot in levé apre 40an e zot pa ankor realize poudir nou bann lezislater isi dan LDS nou form mazorite sa Lasanble e ki nou annan en rol pou nou travay avek tou bann lezot brans Gouvernman pou nou anmenn en desizyon ki konsyansye ki tou dimoun i kapab dakor avek se sa ki nou bezwen fer.

E se sa ki nou pe rode e se sa ki nou dir dan bann miting ki nou deza annan sa de miting deza ki nou deza annan avek Minis e bann teknisyen.  E pou bann teknisyen avek bokou respe ki mon annan pou zot e vreman bann teknisyen zot pa bann teknisyen zot pli o ki bann teknisyen.  Nou e mon dir zot ankor nou en partner pou zot, zot bezwen levé, sorti dan sa sonmey e realize ki zot bezwen diskit avek nou e zot bezwen donn nou lenformasyon ki nou bezwen pou nou kapab fer en desizyon.

Malerezman nou ankor dan en mindset ki Parti Lepep/ US in annan pandan sa 40an.

 

MONA CONTINUE from 4.13 until you reach what you have typed

MONA4.13

 

 

MONA CONTINUE

 

HON JEAN-FRANCOIS FERRARI

Swa i pa’n byen tande.  Swa in antre par en zorey i pe sorti par lot kote.  Me mwan mon ti a kontan dir avek zot isi dan Lasanble.  Sa ki mwan mon dapre mwan mon’n enterprete sa ki Onorab Gill in dir nou Mr Speaker se ki nou, konman bann dirizan dan sa pei, annou aret get nou lekor.  Annou get bann dimoun ki pli dan bezwen.  La sa ki nou pe fer la, nou pe lager pou nou lekor.  Pa nou. Zot.  Zot pe lager pou zot lekor akoz zot pa kapab, zot pa kapab konsevwar en moman dan lavi kot sa dimoun ki annan mwens i pou gannyen en pti keksoz, en pti poursantaz en  pti keksoz en pe plis.  Zot pa kapab vwar.  I tro for pou zot.

Me mwan mon dir avek zot sa i nou – sa i nou konviksyon.  Sa i nou filozofi zot pa kontan sa mo me sa i nou fanmir, ki nou’n ganny elve, nou’n grandi koumsa ladan.  Ed enn ou frer ed enn ou ser.  Konbyen parmi nou ki ler nou ser pe lekol nou sey gete si nou kapab ed li en pti larzan.  Ler i al deor ed li avek en pti keksoz.  Koumsa nou devret ete.   E zot konbyen Onorab Gill, mon mazinen kekfwa bann dimoun ki ou konnen oubyen kekfwa menm dan ou fanmir konbyen ki’n bezwen kit lekol pou al travay pou anvoy son pti frer lekol?  In arive sa.  Be i pe arive ankor ozordi.  I pe arive ankor ozordi.  So mwan mon anvi dir avek zot reveye, reveye sorti dan sa sonmey.  Aret dir nou Gouvernman.  Onorab Gill mon vin lo ou ankor.  Akoz ou ki’n dir, nou Gouvernman.  Nou’n koz avek nou Gouvernman.  Tan ki ou kontinyen krwar poudir sa i ou Gouvernman e ou pa bezwen koz avek mazorite dan sa pei i pa pou avanse Mr Speaker.  Atraver ou ki mon pe fer sa, mon’n fer li boner e mon pe repet li ankor.  Sa i en sanzman mindset.  Nou, nou anvi rod en solisyon.  Se pour sa, se pou sa rezon, se pou sa rezon ki mwan mon ti a kontan dir IMF in fer son rekomandasyon nou’n ganny dir lo ki kalite grid saler nou pou ganny fer.  IMF i fer li.  World Bank i fer Minis in dir nou son bann rekomandasyon.  Ki mannyer nou bezwen fer?  Nou  bezwen ogmante par poursantaz.  Selman bann pei ki zot menm  zot, zot dan World Bank,  Zot menm zot dan IMF parey La France e mon konnen poudir Onorab, Minis i konnen akoz in frekant en pe La France.  La France tanzantan ou bezwen donn en  kout pous saler minimum.  Ou bezwen donn en pti koud pous laba anba.  E i pa distort dan en fason permanan dan okenn keksoz.  I neseser pou donn en koud pous e nou, nou lapel se pou donnen sa koud pous.  E ler nou pe donn en koud pous bann ki pli feb nou pa kapab nou menm nou pran de lasyet manze al avek.  Nou pa kapab.  Nou bezwen les sa dimoun pas avan.  Nou pa kapab kontinyen fer parey nou’n fer pandan 40an nou servi nou lekor parey Mr Rene in dir.  Nou get nou avan apre si i reste.  Annou get en kou sa bann dimoun ki pli anba lo lesel sosyal, les zot servi si i reste en pti keksoz nou, nou ava gannyen.

E nou dan sa parti ki la lo sa kote latab nou konnen kot nou pe ale.  Nou konnen poudir i annan en ta resours deor dan nou pei.  En ta tax ki pa pe ganny peye.  En ta larzan ki’n ganny vole e i annan ki ankor pe ganny vole.  En ta manboulouk. En ta fit dan nou rakor ki zot konnen – nou konn zot sa bann dimoun.  I annan en bon pe zot nou konnen ki pa pe pey zot tax.  Nou nou anvi dir avek bann profesyonnel ozordi nou pe get en pe sa bann dimoun ki dan problenm.  Demen donn nou sa koudmen nou pe al aranz sa bann sistenm tax akoz nou, nou believe ki avek en bon zesyon ekonomik nou kapab fer desann tax dan Sesel.  Nou kapab fer li desann e nou nou pou fer li desann akoz ler tou dimoun pou kontribye mannyer i devret kontribye, pey  mannyer i devret peye, e sa bann pti leskiz sa bann pti sa, sa bann pti manboulouk, isi partou laba, ler tousala in arete nou pou vwar poudir i annan reveni dan sa pei pou nou ed nou bann profesyonnel akoz nou pei i depan lo zot, me i depan osi lo sa bann dimoun anba ki pe soutenir  nou lekonomi.

Alor Mr Speaker, avek ou permisyon Mr Speaker mon ti ava kontan sizere anba Order 22(5) ki ou donn mwan permisyon akoz mwan ki pe hold the floor pou le moman, ou donn mwan permisyon pou mon move en adjournment lo sa deba pou nou kapab kontinyen diskit avek bann Teknisyen e gete ki mannyer zot a kapab rankontre nou, etidye nou bann lide, gete ki mannyer nou kapab fer progre lo sa dosye so anba Order (5) Mr Speaker avek ou permisyon mon ti a kontan move pou en adjournment pou sa Mosyon.  Mersi Mr Speaker.

 

MR SPEAKER

Mersi Onorab Ferrari.  Bon i annan en Motion for adjournment of debate anba 22(5).  Eski Onorab Sebastien Pillay i segonde?

 

HON SEBASTIEN PILLAY

Mersi Mr Speaker.  Mr Speaker si Onorab pe servi 22(5) pou li move en Motion for adjournment of debate nou bezwen konnen si ou pou allow debate lo son Motion for adjournment.  Be sa ki Standing Orders i dir.  Ki mannyer ou kapab fer en keksoz i aplik zis pou ou.

 

MR SPEAKER

Wi. wi. Wi me Mosyon si nou pe ouver deba lo Mosyon ki’n ganny propoze Mosyon i ava ganny segonde avan, e Mosyon i bezwen reste I mean deba i bezwen reste lo Mosyon pou adjourn debate.

 

HON SEBASTIEN PILLAY

Mr Chair mon  le met en keksoz a ou latansyon.

 

MR SPEAKER

Yes Onorab.

 

HON SEBASTIEN PILLAY

Ou ti remind mwan, ou ti remind mwan  semenn pase or sa semenn ki provizyon nou Konstitisyon as it relates to a Matter of Privilege the Speaker may, may allow.  Sa Mosyon ki’n ganny move par Onorab according to the Standing Orders i subject to your discussion now.  Eski ou pe dir mwan poudir ou pe allow sa Mosyon apre ki Lasanble in ekout deba lo sa Mosyon lo sa Bill for the whole day, Manm in entervenir, nou’n gard en Minis la, nou pa ankor donn li en Right of Reply pou li koze.  E nou’n deza fer en adjournment lo la.  If that is the case

 

MR SPEAKER

Mon ava fer mon pozisyon kler.  Onorab ou’n okouran bann pratik partou dan bann Parlman.  I annan Bill ki pran plis ki 1mwan avan i ganny aprouve.  Sa Bill malgre i ti pti dan li menm nou tou nou konnen atraver deba sa ki’n sorti bomaten se ki ti napa konsiltasyon e napa White Paper Stage e ki nou demande toultan.  Nou Lasanble in demande depi nou’n  konmanse 6enm Lasanble ki nou ensiste ki nou annan konsiltasyon menm atraver White Paper Stage.  Minis in la depi bomaten i son devwar pou li la. Se Lasanble ki demande e  pou li pas sa Bill se li ki bezwen vin la.  E Lasanble atraver sa deba ki’n ganny tenir depi Mardi en bout e bomaten e mwan lafason ki mon’n pran Staz Komite mon’n permet Minis fer en Statement e zot osi tou swivan zot bann deliberasyon ki zot in fer dan sa meeting bomaten pou zot kapab entervenir.

Bon nou annan en lenpas.  Mon annan en Amannman devan mwan me ki pa’n pass the test. Ou konn tre byen anba 67 i pa pass the test 72 hours akoz i sibstansyel.  Ok.  Mon pa’n pran. I pa’n menm vin dan Lasanble devan nou.  Ok.  Malgre ki entervenan in dir poudir i annan en Amannman me Amannman pa’n zanmen ganny move. Alright.  So now sityasyon ki nou ladan i annan parey mon’n dir o komansman apre midi la i annan serten konsansis lo de kote ki sa negosyasyon i kontinyen ki nou pa touy sa Bill.  Nou kontinyen nou bezwen regarde, ok.  I annan – en moman parey mon’n dir en Bill i pa pase dan en zour i pa pase dan 2 zour.  I annan Bill ki pase dan en zour wi.  Me parey nou’n vwar dan plizyer Parlman i annan  Bill ki ale e i kapab pran 1mwan tou.   Lo kote mazorite Onorab Ferrari ki ti pe hold the fort anba 22(5) in move en Mosyon pou adjourn debateAdjourn debate i ava kapab permet, i ava annan plis negosyasyon.  Nou ava set en lot zour, en lot dat pou nou kapab kontinyen deba lo sa Bill e pou nou kapab ariv lo en pozisyon pou nou pran en vot.  Ok yes Onorab Pillay.

 

HON SEBASTIEN PILLAY

Mersi.  Mr Speaker mon le drwa ou latansyon vi ki Onorab in servi  Order 22 to 22(2).  I dir ou the debate on the Motion –.

 

MR SPEAKER

22 (5).  2(5) it says.

 

HON SEBASTIEN PILLAY

Be wi in servi – Order 22 ki donn nou provizyon for an adjournment. Be ler in pran en provizyon for an adjournment in move en Motion for adjournment li akoz li ki the Member holding the floor.  Be 22(2) i dir ou koumsa poudir sa Mosyon  i bezwen ganny – i dir ou klerman la, i annan en Mosyon la i annan en deba lo la la.  Sa Mosyon.

So sa ki mon le klarifye avek ou Mr Speaker osi as well se ki ler Onorab Ernesta ti raise sa pwen regarding whether Manm i debout ou ti servi le pwen about presedans.  Ou ti dir li koumsa  poudir i annan en presedans dan trwazyenm Lasanble kot bann Manm pa ti debout, malgre ki pa debout ler en Manm  i pe swear in i en contravention of the Standing Order e nou nou ti debout ler Onorab Phillip Arissol ti swear in.  Mon pwen Mr Speaker presedans ki nou’n etabli dan Lasanble ler i annan sa bann Bill se ki Minis vi ki mon pe konpran ki this is a conclusion of debate in committee in relation to.  Mon pa’n vwar okenn proposed Amendment then the Minister i bezwen ganny son Right of Reply pou li eksplike kwa ki’n arive lo sa Bill Mr Speaker.  Otherwise-

 

 

MR SPEAKER

Onorab. Onorab.

 

HON SEBASTIEN PILLAY

Otherwise, ou pe aplik presedans lo en konteks –

 

MR SPEAKER

Onorab, Onorab annou si nou apply sa Order ki’n envoke, nou ankor dan Staz Komite. The next date ki nou pou retournen  pou nou re konsider sa Bill, nou pou retourn dan  Staz Komite.  Minis pou annan son letan pou li kapab donn son Right of Reply.  Me nou pa’n arive sa staz.  In hold the floor avan i fini, in move son Mosyon.  Annou fer bann prosedir.  Ok.  Annou fer prosedir. Mwan mon pa anvi antre, mon pa anvi antre dan deba sa ki’n arive avan yer Matter of Privilege ok.  Si mon pou reponn sa ki’n arive desizyon ki mon’n pran avan yer ki mon’n dir mon ruling  mon’n baze lo sa presedans.  Mon’n fer sa zis pou nou kapab kontinyen annan en sitting. Si a sa moman mon’n koz avek Onorab De Commarmond yer swar.  In konpran mwan tre byen.  Ok.  Si a sa moman parey Standing Orders 26 i dir ki no Member shall sit pandan en Oath of Allegiance nou ti riske pa pe kapab kontinyen ek sa process.  Nou ti riske napa en quorum e ou konnen kwa ki mon pe dir ok.  Mon pa anvi alor retourn dan sa ki’n arive me annou regard sityasyon ki nou ladan la aktyelman.  I annan en Mosyon ki’n ganny move ok, nou bezwen nou bezwen donn sans pou sa deba, sa negosyasyon i kontinyen okMinister i ava annan son Right of Reply e i ava pran son Right of Reply ler Lasanble i ava set sa prosen dat pou nou kontinyen avek sa deba.  E nou pou retourn lo Staz Komite kot nou ete.  Yes  Onorab Pillay.

 

HON SEBASTIEN PILLAY

Mr Speaker mon konpran tre byen nou Konstitisyon e nou Standing Orders  mon konpran  tre byen kantite pouvwar ki ou annan dan sa sez e pouvwar the Chair dan sa sez is absolute.  Be mon bezwen demann ou Mr Speaker pou pronons ou lekor e donn nou en ruling in relation to sa Mosyon.  So ou santi poudir sa Mosyon i pa en labi privilez ki sa Manm i annan pou li move en Mosyon apre ki nou’n debat lo sa Bill e i annan en Bill ki i pa’n ganny amande on the floor.  Si ou dir mwan sa i le ka and that is your ruling Mr Speaker mon a respekte ou ruling.  Akoz konman en Manm mon bezwen –

 

MR SPEAKER

Mersi.  Mersi Onorab.

 

HON SEBASTIEN PILLAY

Mr Speaker hold on.  Eski Onorab Ferrari pe di mwan i son ruling oubyen i ou ruling?

 

MR SPEAKER

Non non, non.  Nou – Order.  Order! Order !  Onorab Pillay ki annan laparol e nou annan en konversasyon mwan avek Onorab Pillay.  Yes Onorab.  Ou’n pare prezan?  Mon ava fer mon ruling.

 

HON SEBASTIEN PILLAY

Mersi Mr Speaker mwan mon  met nou Lasanble dan ou lanmen.  Mersi.

 

MR SPEAKER

Ok  pou mon an vi lenportans sa Bill, i tous  – saler i tous tou dimoun e an vi sa lentansite sa deba, mon santi ki mon ruling lo sa Mosyon i pa en Mosyon ki pe ki pe abiz, ki pe abiz Standing Orders and all thatSo mon ruling mon pou permet sa Mosyon ki sa Mosyon i ganny move, i ganny segonde e nou pran en vot lo la.  An vi lenportans sa Bill ki devan nou.  Yes Onorab Ferrari in fini move Mosyon.  Okenn Manm ki segonde ?  Onorab Letourdie.

 

HON JANY DE LETOURDIE

Mr Speaker bonn apre midi.  Mon segonn Mosyon.

 

MR SPEAKER

Ok.  Bon Mosyon in ganny segonde.  Nou pran en vot lo Mosyon.   Minister sorry nou pa pou kapab enteronp nou prosedir.  Nou pran en vot lo Mosyon.

Tou Manm ki an faver ki nou – ki deba i ganny defer anba Standing Order 22(5).  Tou Manm ki an faver?  Okenn Manm ki kont?

Madanm Clerk?

 

MADAM CLERK

Mersi Mr Chair.  Mon’n rikord 17 Manm ki’n vot an faver e 10 Manm ki’n vot kont. Mersi.

 

MR SPEAKER

Mersi Madanm Clerk.  Mosyon in ganny aprouve.  Mosyon in pase.  Savedir deba lo sa Bill ki devan nou Public Salary (Amendment) Bill, 2019 i ganny deferred until a date ki nou ava set.  E antretan mon demande ankor avek Lasanble avek Minis ek   delegasyon pou nou kapab kontinyen sa deba e pou nou retournen e prosennman nou a kapab come up avek en solisyon.  Yes Onorab Ramkalawan.

 

HON WAVEL RAMKALAWAN

Mr Speaker mon mazinen nou’n retourn dan whole Assembly la?

 

MR SPEAKER

Wi.  Sergeant nou retourn dan- ok.

 

HON WAVEL RAMKALAWAN

Mr Speaker.

 

MR SPEAKER

Yes Onorab Ramkalawan

 

HON WAVEL RAMKALAWAN

Mersi bokou.  Mr Speaker mon ti a kontan zis demande ki pou nou kapab fer en travay konpreansiv lo sa bann – lo sa size ki devan nou mon ti ava kontan demande ki avek DPA, avek bann Lotorite konsernen ki zot donn nou, zot fer available pou nou lo kote LDS bann chiffres egzakt.  Si zot ti ava kapab donn nou egzakteman konbyen travayer i annan?  Bann ki donn grid ?  bann ki non core ?  Tou.  E si nou kapab osi tou zot kapab donn nou en break down bann dimoun ki  tonm dan bann diferan- lakantite dimoun ki tonm dan sa bann diferan band and steps ensidswit pou nou kapab, pou nou kapab vreman fer sa travay, sa travay konpreansiv parey nou’n promet nou pou fer.  E an plis ki sa Mr Speaker mon ti ava kontan dir ki ant Mardi avek bomaten 9er ti pou napa okenn fason baze lo nou Standing Orders ki menm si nou ti’n tonm dakor lo en pozisyon, lo en pozisyon en nouvo pozisyon, ki nou ti pou kapab move en substantial Amendment.  Unless ki ou ou ti envok Lotorite ki ou annan anba Standing Orders.  Alor sa zafer 72 hours mon ti anvi zis an menm tan osi servi sa konman en koreksyon parski i annan Manm ki’n mansyonn sa.  Napa ant Mardi avek ozordi pa ti pou kapab gannyen 72 hours pou anmenn okenn amannman parski Bill ti pas apre midi.  Nou ti ale ziske apre midi.  E ant Mardi apre midi avek Vandredi 9er bomaten, 10er bomaten napa 72 hours.  Alors zis Mr Speaker silvouple fer nou ganny bann dokiman e nou lo nou kote parey nou’n fer bomaten nou pare pou nou asize pou nou koze.  Alors Mr Speaker mersi bokou pou –

 

MR SPEAKER

Mersi Onorab.  Mon ava donn la parol Onorab Pillay apre mon ava donn en parol Minis avan nou adjourn.

 

HON SEBASTIEN PILLAY

Mersi Mr Speaker.  Mr Speaker zis pou referans fitir i annan en Order ki apel en Order 95 e ki tou Manm i kapab invoke pou sispann okenn lezot lord pou kapab anmenn whatever lamannman ki i ti ava anvi anmennen.  So sa largiman ki ou’n servi ou ti’n kapab fer.

 

MR SPEAKER

Non Onorab.  Onorab.  Ok Order.  Onorab sa Standing Order i la.  Ou konn tre byen ok.  E – me personn personn pa’n invoke sa.  Personn pa’n demande.  so vwala sityasyon ki’n arive.  Mon ava donn en dernyen pti parol Minis avan nou pran adjournment.  Minis Adam.

 

MINISTER JEAN PAUL ADAM

Mersi bokou Mr Speaker.  Mon ti le zis re azir vizavi demann ki Leader Lopozisyon in fer pou fer sir zot ganny tou bann dokiman neseser.  Mon krwar bann Teknisyen pou dir sa napa problenm.  Me Mr Speaker i enportan ki nou pa kree en fo lekspektasyon pou lepep Seselwa a sa moman akoz baze lo travay ki’n deza ganny fer e mon ti a kontan dir ki bann Teknisyen zot in donn maximum lenformasyon ki zot annan, e si i annan keksoz ki pa’n ganny dir dan en fason eksplisit i osi bann kestyon ki bann Manm  i kapab demande a nenport ki moman.  Me baze lo bann sif ki nou annan deza se pour sa ki Gouvernman in ensiste pou nou mentenir.  Akoz baze lo bann revi ki pe ganny diskite nou pa pou vini avek en meyer pozisyon.  Nou pa pou vin avek en pozisyon ki vreman adres bann konsern ki bann Manm Lopozisyon zot menm zot zot in met devan.  Akoz letan mon’n tann deba dimoun pe regard sa grid li tousel.  San regard tou son bann konponan ki al avek enkli long service allowance eksetera.  E osi pou nou kapab vreman adres sa lekspektasyon akoz si nou pou al fer sa travay savedir nou pou bezwen vin avek en keksoz ki meyer.  E baze lo la nou pou bezwen fer byen konpran pou travay ki devan nou se pou nou donn en keksoz ki adres konsern tou dimoun  e ki donn en meyer rezilta ki nou ti pou gannyen sinon.

Dernyen pti pwen Mr Speaker akoz i enportan pou serten koreksyon mon krwar pa ganny oubliye to lenflasyon aktyelman i 2.9poursan e pa 11poursan.  E osi an se ki konsern plizyer fwa in ganny dir par bann Manm LDS ki Bidze

 

MR SPEAKER

Minister pa al dan-

 

MINISTER JEAN PAUL ADAM

Welfare i 1bilyon, Bidze welfare i zis 40milyon.

 

MR SPEAKER

Minis.

 

MINISTER JEAN PAUL ADAM

La grande mazorite larzan ki ganny depanse anba Lazans Proteksyon Sosyal

 

MR SPEAKER

Minis.  Minister.

 

MINISTER JEAN PAUL ADAM

I pour.

 

(Off-Mic)

 

MR SPEAKER

Order!  Order!  Order!  Order!  Order!  Order!  Order!  Ok Minis ou ti pou annan sa drwa pou ou reponn la prosenn fwa dan Right of Reply.  Me la i pa en moman Right of Reply akoz ou’n fini bouz dan an deor –  bon mon ava zis donn en parol Leader of Government Business. Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker dan sa legzersis ki annan devan nou avek sa adjournment e bann travay ahead, mon enplor ladministrasyon piblik, mon enplor sa komite ki’n sipoze travay lo sa Bill originally ki zot mont en kanpanny.  En kanpanny  oubyen en progranm ledikasyon lo SBC e radyo, televizyon, radyo pou sansibiliz dimoun, pou eksplik dimoun le pep, travayer ki enplike ladan pou zot kapab konpran e pou an menm tan pou permet dimoun konpran byen kwa rasyonnel deryer sa Bill.  E an menm tan pou permet konpran si i vin en travay ki zot in fer depi 2013 ziska la ekspoz tousala pou dimoun konnen ki annan la ater pou ki nou kapab ed nou Lasanble pou fer en pli bon desizyon in future.  Mersi bokou.

 

MR SPEAKER

Mersi.  Mersi Onorab.  E se sa ki mon pe dir ki nou sa Lasanble i kontinyen  demande.  Konsiltasyon.  Annou pas a sa prosesis avan.  Nou pe fer sa atraver Code Civil kot ankor nou pe dir nou pou rod ankor 2 zour pou nou kapab – in pase dan en White Paper Stage me nou osi tou nou pe anmenn li dan sa lespri.  Bills Committee i demande toultan.  Nou zis ganny Bill me ler pe prepare, ler pe diskite Lasanble Nasyonal pa ganny involve.  Vitman Onorab Ramkalawan.

 

HON WAVEL RAMKALAWAN

Mr Speaker mon dakor antyerman avek sa ki Onorab De Commarmond in dir.  E mon kontan ki poudir finalman Onorab De Commarmond konman Leader US in koze e sa dernyen parol ki in dir se sanmenm sa parol ki fer plis sans ki mon’n tande are midi sorti lo son kote.

E Mr Speaker mon anvi – ou vwar menm ou Manm i ankor pa dakor.  E Mr Speaker mon ti ava  kontan osi dir ki sa parol ki Minis in dir an relasyon avek bann dokiman lo  long  servis e tou tousala  se bann keksoz ki nou bezwen e ki letan nou pe demann – tousala nou pa’n gannyen, nou pa’n gannyen keksoz konkret Mr Speaker.  Napa en dokiman apard sa Bill ki nou’n gannyen pou nou fer sa travay.  Alor Mr Speaker sirman ou ava apresye ki mannyer nou soz me an menm tan dernyen parol mon ti ava kontan Mr Speaker ki a lavenir en Manm Egzekitiv i pa sey vin fer dominer dan nou Lasanble pou ou bezwen koup son mikro.  Ki poudir Egzekitiv i montre respe pou nou Lasanble Nasyonal.  Mersi bokou.

 

MR SPEAKER

Bon nou pou.  Non.  Non, non non, non. Non. Non.  Onorab.  Onorab.  Ok.  Mon pa pe pran okenn –  Minister mon pa pe pran okenn komanter ankor.  Mon ti a kontan remersi ou avek ou delegasyon ki’n pas lazournen avek nou.  Mon konnen ou’n get carried away en pti pe me mon’n bezwen entervenir akoz sinon nou ti pe al ankor dan en deba.  Annou travay ansanm dan sa bann prosen zour ki pe vini pou nou kapab zwenn somewhere pou nou kapab ganny en konsansis. Petet mesaz pou – non Onorab Gill mon pa pe donn laparol personn ankor.  Mwan ki annan dernyen laparol.

Mesaz ki nou devret anvoy deor pou travayer piblik pou dir sa i pa lafen.  Parol ki’n sorti kot Onorab De Commarmond e dernyen parol kot Onorab Ramkalawan se ki sa travay sa negosyasyon i kontinyen e ankor nou ensiste.  Yer swar nou’n dan, yer swar nou’n dan en lansman en Rapor Odit kot mwan avek Onorab De Commarmond nou’n fer sorti poudir bout pli enportan ki manke dan nou pei se sa ledikasyon.  Nou tant pou nou fer bann desizyon, nou tant pou fer bann Policy me nou gard tou keksoz pros avek nou e apre son lenpak lo piblik i vin en lot keksoz.  Me i enportan pou nou kapab servi nou bann resours medya and so on pou nou kapab edik nou pep lo kwa ki Gouvernman pe fer, lo kwa ki nou anvi fer.  Ok.  Avek sa mon ava remersi tou bann Manm e mon ava remersi tou bann dimoun ki a lekout. Mon ava remersi osi SBC pou sa semenn, nou’n fer 3 sitting.  Lasanble i adjourn e nou rankontre Mardi le 26 Mars, 9er bomaten.

 

(ADJOURNMENT)