::
Home » Verbatim » 2018 » Verbatim Thursday 2nd August, 2018

Verbatim Thursday 2nd August, 2018

NATIONAL ASSEMBLY OF SEYCHELLES

Thursday 2nd August 2018

 The Assembly met at 11.30am

 National Anthem

 Moment of Reflection

 Mr Speaker in the Chair

 

 

MR SPEAKER

Bonzour tou Manm Onorab.  Bonzour Vis-Prezidan.  Bonzour Attorney General e Mr Pool ou asistan.  E bonzour tou dimoun ki a lekout e ki pe swiv travay Lasanble Nasyonal.  Mon tou dabor prezant en leskiz pour ler ki nou konmanse sa se akoz Bills Committee I ankor pe rankontre e pe fer bann travay vizavi sa Bill ki nou debat lo la yer.

Bon nou pour demar nou sesyon ozordi mon panse nou pour antre an vi bann lamannman nou pour antre dan Staz Komite pour nou kapab diskit e pran bann lamannman.  Sergeant.  Eski mon kapab donn laparol Chair Bills Committee.  Onorab Bernard Georges.

 

HON BERNARD GEORGES

Mersi Mr Chair.  Bonzour Vis- Prezidan.  Bonzour tou bann Manm e bonzour nou bann telespektater ek bann dimoun ki pe ekout nou lo radyo.

Mr Chair mon ava zwenn avek ou pour prezant nou leskiz avek Lasanble e bann dimoun ki pe swiv nou pour sa retar pour konmanse e sirtou avek Vis-Prezidan ki la depi 10er pe esper nou.

Bills Committee in travay dan en fason ekstrememan dir depi bomaten 8er pour nou sey ariv devan Lasanble avek bann amannman final lo sa Prozedlwa ki devan nou.

Mon ti a kontan remersye non selman bann Manm Bills Committee me osi nou de Leaders e Attorney General e legal draftsperson Mr Pool ki’n zwenn nou bomaten ensi ki ou e Deputy Speaker – dan en fason ki nou kapab en fwa pour tou mon krwar met devan nou Lasanble bomaten en Prozedlwa ki reponn a bann legzizans e a bann demann ki Lasanble ti fer yer pandan deba lo bann merit zeneral sa Prozedlwa.

Devan bann Manm bomaten i sipoze annan e si pa ankor arive i pour arive tre byento Sekretarya pe fer kopi en versyon sa Bill avek bann modifikasyon ki Bills Committee ansanm avek Biro Attorney General, ti a kontan met devan Lasanble pour aprouvasyon bomaten.

Bokou sa bann amannman i bann amannman relantivman senp e ki pa pour anmenn gran diskisyon me zis pour eksplike akoz sa i pran nou en pe letan bomaten, se ki preski sa Bill antye in bezwen ganny revwar e serten laranzman tipografik ek striktirel in nesesite.

Devan nou la donk nou annan en seri propozisyon amannman.  Mon pa krwar Mr Speaker an vi detay ki nou pas ladan e letan ki nou annan devan nou ki i zistifye pour nou pas atraver sa bann lamannman enn par enn – unless ki Lasanble i egzize ki nou fer li.

Sa ki nou ti ava propoze se ki Vis-Prezidan i dir nou si sa bann lamannman i zeneralman akseptab avek li de sorte ki nou ava kapab bomaten, konsider enn de bann keksoz ki Bills Committee pa’n kapab ariv lo en konklizyon lo la, e ki nou’n prefere met devan Lasanble li menm pour en desizyon ganny pran.

An mezir mon pe koze Mr Speaker mon vwar ki bann kopi sa Bill pe ganny sirkile dan en fason ki sak Manm i annan en kopi devan li.

E zis pour bann Manm sezi sa ki nou pe fer, tou bann lamannman dan sa Bill in ganny track e zot paret devan sa Bill devan zot, pour ki zot kapab swiv pour sa ki in ganny tire e kisisa ki pe ranplas sa bann keksoz ki’n ganny modifye.

Donk an rouz lo sa kopi devan zot, se bann amannman ki Bills Committee pe propoze fer.  E parey mon dir mon pa pour pas an detay lo tousala.  Zot ava vwar par egzanp premye amannman se dan son long title li menm kot nou anvi re entegre dan son long title rezonnman deryer lapwentman oubyen konpozisyon sa Truth Reconciliation and National Unity Commission.

E nou’n kontan nou propoze olye repet ki i pour vin promouvwar Linite Nasyonal e rekonsilyasyon servi bann en mo ki ti dan Mosyon ki ti vin devan sa Lasanble – en fraz ki ti dan Mosyon ki ti vin devan Lasanble e ki’n ganny entegre dan sa Bill li menm anba Seksyon 3 pour ki tou dimoun I konnen en fwa ki nou lir sa long title egzakteman ki sa ki pe ganny fer.

Alor nou pe propoze ki ‘long title ‘i lir konm swivan: ‘An Act to enable the President of the Seychelles to establish a Truth, Reconciliation and National Commission, to unite the people of Seychelles around a common agenda, that will help them move forward in confidence and with a sense of common purpose.’

Nou sizere ki sa i ankapsil dan en fason kler e senp motivasyon deryer sa Bill.  Dan Clause 2 sa Bill i annan detrwa amannman plito tipografik an sa ki konsern bann definisyon sa ki nou apel ‘interpretation section’ nou’n fer enn de modifikasyon. Zis pour highlight sa ki nou pe anmennen se en nouvo definisyon – ou plito en nouvo legzanp, kisisa ki sa Komisyon i kapab regarde – e zot ava vwar sa dan Clause 2 (8) (l)

‘Abuse of office by a Government official including executive, judiciary and legislation.’

E lentansyon la se pour kouver okenn aksyon ki okenn dimoun in pran, ki’n annan en lefe negatif lo en viktim.

I posib ki sa aksyon ti en aksyon ki pa ti merite ganny pran me ki sa zofisye Gouvernman, swa en Ziz, en Mazistra en Minis oubyen menm en Manm Lezislatif – menm Lasanble Nasyonal li menm, oubyen son bann predeseser, in deside fer en aksyon ki zot pa ti devret.  Me an fezan sa en viktim in arive.

E nou pe koz par egzanp en lakizasyon later dan en fason kot ou’n anvi fer li zis pour fer en dimoun soufer; oubyen en zizman ki’n ganny pase Ankour ki pa ti devret ganny pase; oubyen en Lalwa ki ti ganny pase ki pa ti devret ki ti pe target en endividi dan en fason malisye.

Anba Clause 3 nou proze Bill pa ti’n deklare ki pour annan en Komisyon.  Alor nou’n azout sa la, e nou’n fer li kler ki there will be established a Truth Reconciliation and National Unity Commission. – National I ava pran en capital (N) Mr Chair.

Anba menm Seksyon nou osi propoze en peryod letan pour sa travay sa Komisyon ganny fer.  E nou’n dir oubyen pour bann dimoun ki anvi vin devan sa Komisyon, pour zot fer zot laplikasyon.  E nou’n azoute donk ki en konplenan en dimoun ki anvi fer en konplent, i ava fer li dan en peryod 6mwan depi ki sa Komisyon i konmans son manda.

E nou’n anvi osi fer kler ki non selman sa viktim li menm I kapab depoz en konplent devan sa Komisyon, me osi en reprezantan, oubyen si sa viktim i mor enn son bann Manm lafanmir ki ankor vivan i kapab fer li.

Me nou’n osi anvi e zot ava vwar sa dan Clause 3 (6) nou’n osi anvi ki okenn lezot dimoun – pa zis viktim, i kapab vin devan Komisyon pour koz – oubyen pour fer – pour donn en lanket sa Komisyon.  E nou anvizaze la par egzanp ki kekfwa en dimoun i ganny mansyonnen par en viktim.

E i pa ti anvi vin oubyen i pa ti’n deside pour vin devan Komisyon, me pandan lanket son non i ganny mansyonnen e donk I anvi vin devan ouswa eksplike – oubyen si i ti en perpetrator e ki i ganny mansyonnen konmkwa i ti en perpetrator, i anvi vin devan e fer en ave e aksepte sa ki in fer.

Donk Clause 3 (6) nou pe donn sa loportinite okenn dimoun including bann perpetrators, pour zot kapab fer en laplikasyon pour vin devan Komisyon pour zot ganny ekoute.  E sa i en prensip lazistis natirel ‘natural justice’ parey nou bann avoka nou kontan koz lo la – ki donn tou dimoun en loportinite pour zot desarz sa ki lo zot leker.

E annefe parey nou ava rapel yer dan bann deliberasyon ti ganny met devan ki, lentansyon se pa selman pour rod en lazistis pour viktim, malgre ki sa I enn bann gran prensip, me osi pour donn en loportinite bann dimoun ki koupab pour zot vin devan, e desarz sa douler, oubyen sa fardo ki zot pe anmennen pour ki laverite i ava ganny konnen.

Dan Clause 4 Mr Speaker in annan en bann sanzman ase sibstansyel, lo lafason ki sa 7 Manm sa Komisyon pour ganny apwente.  Dan son Bill avan – dan son propozisyon Bill avan ki Cabinet ti’n retenir, apwentman ti pour ganny fer – tou bann apwentman ti pour ganny fer par Prezidan, me en seri Manm ti pour ganny nonmen lo sa Komisyon par SIFCO avek CEPS.  Nou propozisyon amannman se pa pour fer sa, akoz nou konsidere ki SIFCO ek CEPS pa 2 lenstitisyon ki kouver tou bann larelizyon oubyen bann NGOs.  

I annan serten dimoun ki deor e ki pa apartenir a sa de lenstitisyon e nou krwar ki dan son lapwentman sa Komisyon, Prezidan i bezwen annan en marz manev bokou pli larz, e i pa devret ganny kontrent dan bann dimoun ki i bezwen ganny nominen.

Alors sa ki nou propoze nou prefere fer se dir ki, tou bann apwentman pour ganny fer by Prezidan from bann dimoun ki pour ganny propoze par Constitutional Appointment Authority – CAA.  Donk CAA i ava fer sa premye travay anmas non anvoy non anler kot Prezidan – plis non natirelman ki 7 e ladan Prezidan li i ava ganny sa diskresyon pour li apwent 7.

E nou’n retenir propozisyon ki 2 Manm lo sa Komisyon pour dimoun ki etranze e ki pa viv Sesel – pour bann rezon ki’n sorti yer.  Sa in ganny retenir.

E lespri se ki Chairman sa Komisyon, i pour bezwen en Seselwa me bann Komisyoner zot menm ava deside lekel ki pour vin sa Vis-Chairman.

E i posib i pa neseser, me nou pa’n anvi ankor enn fwa anmar zot lanmen.  Zot ava deside lekel parmi sa 6 lezot ki zot ava apwente konman Vis- Chairman.

Mr Chair dan Clause 4 (5) nou’n fer en pti lamannman avek sa oath of office ki pour ganny pran par bann Commissioners e nou’n azout ‘swear ‘pour ki bann dimoun ki kretyen – bann Commissioner ki kretyen ava kapab ‘swear,’ me bann ki pa kretyen oubyen ki pa anvi ‘swear’ zot ava kapab fer en deklarasyon solannel.

Anba Clause 5 zot ava vwar ki nou annan en modifikasyon.  Pour tir en Manm lo Komisyon avan sa Bill ti pe dir ki Prezidan i ava konsilte avek Sef Ziz e Speaker Lasanble Nasyonal, me etandonnen ki se CAA ki pour annan desizyon prezan, pou propoz bann Manm pour ganny apwente avek Prezidan, nou pe propoze ki ankor enn fwa i ava konsilte avek CAA e non pa avek sa de Head sa de lezot Brans Gouvernman.

An sa ki konsern travay sa Komisyon li menm anba Clause 6 zot ava vwar ki travay Komisyon pour ganny fer an piblik, me I posib ki dan serten ka Komisyon i ava ekout levidans an prive in-camera parey nou dir dan bann term legal.

Sa ki nou’n azoute zot ava vwar dan Clause 6 (4) se ki si Komisyon pour ekout dimoun an prive, zot pa pour annan sa desizyon zot menm.  Zot pour bezwen konsilte avan avek bann parti konsernen – sa viktim oubyen sa dimoun ki’n vin devan.  Zot ki pour deside.  Komisyon ki pour deside, me zot a fer sa an konsiltasyon avek bann dimoun ki konsernen.

Akoz nou’n anvi ki bann sa Komisyon i pa vin en zafer Komisyoner, me i vin en zafer ki sa Komisyon i pour bann dimoun ki pour devan li alor zot bezwen li zot osi pour ganny en say dan sa ki arive.

Dan Clause 6 (5) Komisyon i pour pran en desizyon par konsansis.  Se sa ki nou ti ava swete, me ler zot pa kapab ariv en konsansis, nou’n konsidere ki zot pour bezwen annan en mazorite bann Manm.  Setadir lo 7 zot bezwen annan 4 toultan ki an faver pran en desizyon.

So si zot pa kapab ganny 4 zot pa kapab pran sa desizyon.  E sa pour fer sir ki bann desizyon i ganny pran par en mazorite pli gran ki posib.

Dan Clause 6 (7) lo lot paz – anler lo lot paz nou elarzi en pe bann keksoz ki Komisyon – bann rikord ki Komisyon I bezwen garde.  E nou anvi zot gard par egzanp –

 

(Interruption)

 

HON BERNARD GEORGES

… wi mon latansyon Mr Speaker eskiz mwan, mon latansyon pe ganny – mon pe ganny demande pour retourn lo 6 (5) akoz aparaman sa ki devan nou mon pa’n dir.

Sa ki mon’n dir se ki ler i pran desizyon Komisyon i pour sey ariv a en konsansis.  Sa ti la depi avan.  Me si I pa kapab ariv en konsansis en Komisyon pour ganny pran par en mazorite bann Manm ki – bann mazorite bann Manm sa Komisyon.  Setadir 4 o mwen 4 ou plis.

Ok mo ‘mazorite’ in ganny tire eskiz mwan Mr Speaker.  Alor mon propoze ki nou azout apre ‘by’ avan ‘the member’ – ‘by a majority of’ ok.  ‘the number of’ soz.  Mersi pou tir mon latansyon lo la.

Mon retourn lo 7.  Mon retourn lo 6 (7) avan sa, propozisyon sete ki Komisyon I ava gard en rikord son bann proceedings.  E nou’n ganny – in ganny sizere avek nou, ki sa pa ti ase eksplisit, alor nou’n fer li vin en pti pe pli kler.

E nou’n dir ki I pour gard en rikord konplet an ekri e osi audiovisuelle.  Setadir tou bann proceedings ava ganny rikorde par televizyon e I ava ganny garde e tou bann egzibit ava kapab osi ganny ava bezwen ganny garde.  E manm piblik i ava ganny akse avek sa bann rikord ki’n ganny fer dan piblik.

Setadir ki si i annan en temwen ki ganny ekoute an prive I pa pour ganny akse a sa rikord, me tou bann lezot rikord tou piblik pou ganny akse avek a nenport ki moman.

Fonksyon Komisyon napa bokou sanzman ki’n ganny fer anba Clause 7 sof enn de modifikasyon ki zot ava konpran.

Nou’n anvi azout dan 7 (d) 7 (d) mo ‘reparasyon.’ – setadir ki Komisyon pour kapab fer en remed, me osi I pour annan posibilite pour li repar bann domaz ki’n arive.

Clause 8 I plizoumwen pa’n sanze; Clause 9 parey e Clause 10Clause 11 zot ava vwar i annan en morso ki’n ganny highlight an zonn.  E sa se en desizyon ki nou’n santi ki I bezwen ganny pran par Lasanble e non pa par en Komite Lasanble.

Se pour sa rezon ki nou highlight sa e nou’n met devan zot.  E sa se ki e I annan pour fer avek rapor sa Komisyon.  Avan sa, Komisyon ti annan posibilite me pa lobligasyon pour fer interim reports, e I ti annan en lobligasyon pour li donn son rapor final a lafen son travay, dan en letan rezonnab.  Bann pwen ki’n ganny met devan nou e ki nou anvi met ki nou met dan Clause 11 (2) se ki Komisyon pour bezwen fer en rapor enterimer tou le 6mwan, e osi donn son rapor final dan en peryod 3mwan apre ki in konplet son lanket.

E nou ava retourn ler nou ariv lo Clause 14 lo sa size Sunset Clause parey nou dir.

Kan eski travay Komisyon I sipoze fini?  E sa set en deba ki nou espere ki nou ava annan la bomaten, e ki Lasanble I ava donn nou en direksyon lo kote nou devret ale.

Anba Clause 11 (5) nou’n dir ki en fwa ki rapor in fini ganny depose avek Prezidan, Prezidan ava pran tou sa bann dokiman – tou bann dokiman tou bann rapor – tou bann proceedings, tou bann verbatim – tou bann egzibit, tousala, e i ava depoz sa avek kirater Arsiv Nasyonal.

E mo ‘kirater’ osi i manke  alor nou ava azoute.  Silvouple ant ‘the’ and ‘the national archives’ sa mo ‘curator of the’, ‘curator of the national archives. ’ Mersi.

Napa gran sanzman dan Clause 12 ki annan pour fer avek amnesty, me nou ti a kontan eksplike ki nou pa’n sourd lo bann keksoz ki’n ganny dir dan sa Lasanble yer, apropo involvement viktim dan amnesty.  

I en pwen enportan.  I en pwen sansib.  Eski kestyon in ganny demande yer en viktim I bezwen aksepte pour ki sa dimoun ki fer li dimal i ganny en amnesty oubyen non.  Bills Committee in prefere reste lo propozisyon ki ti dan Bill a savwar.  Annou les sa avek Komisyon, Komisyon i ava deside si pour donn en amnesty oubyen si i pa pour donn en amnesty, avek bann ki responsab, akoz si lentansyon se pour anmenn bann dimoun responsab pour vin devan, e pour koz laverite parey in ganny dir, ou pour bezwen ankouraz zot pour fer sa.

E si ou met en kondisyon ki zot viktim i bezwen aksepte si zot pour ganny amnesty or not dimoun pa pour vin devan.  E donk en gran parti travay sa Komisyon pa pour achieve.

Alor se pour sa rezon ki nou resite lo propozisyon mannyer i ete.  E mon vin dan Mr Chair e mon fek ganny rapel, ki sa pwen I pour en pwen ki Lasanble I ava ozordi donn nou en gidans lo la.  Nou, nou pa’n fer okenn modifikasyon, me I ava enportan pour nou ekout zot bomaten e pour nou ganny en direksyon lo kote nou devret ale lo sa pwen.

E mon vin finalman Mr Chair mon koz plis ki mon ti antisipe lo Clause (14) e sa se lafen manda oubyen konmansman e lafen manda sa Komisyon.  E nou’n prevwar ki Komisyon pour konmans son Manda 3mwan apre ki bann premye Komisyoner I ‘pret serman’ – anba Lartik Clause 4 (5) e I pour fini ler I soumet son rapor avek Prezidan.

Me nou pa’n anvi les sa larz mannyer i ete, alor nou’n met en provizyon dan Clause 14 (2) ki manda Komisyon pour ariv a en lafen in any event apre 3an.  Setadir ki zot pour bezwen travay en lankadreman 3an, me sa pa anpes zot fini bokou pli boner si zot travay I fini bokou pli boner.  E se pour sa rezon ki nou gard – zot ariv alafen zot Manda ler zot depoz zot rapor avek Prezidan.

Me in any event sa pa devret pli lontan ki 3mwan.  E nou’n highlight sa akoz ankor en fwa sa pa en desizyon ki nou konman en Bills Committee, nou kapab pran.  Se en  desizyon Polisi ki Gouvernman ansanm avek Lasanble Nasyonal bomaten, pou bezwen pran.

Dan Clause 15 ki annan pour fer avek Bidze sel keksoz ki nou fer zot ava vwar se nou tir 15 (2) nou met li 15 (1) e vis versa.  Alor nou napa gran amannman.

Alor vwala Mr Chairman vwala bann gran laliny bann amannman ki Bills Committee in fer bomaten.  E nou met sa devan zot premyerman pour laprouvasyon Lasanble e osi pour lakseptasyon Vis- Prezidan.  2 pwen ki nou ti a kontan ekout zot  lo la bomaten e ki open for discussion – enn se dirasyon manda ‘Sunset Clause ‘e lot se partisipasyon viktim dan prosesis ‘amnesty.’  Mersi Mr Chair.

 

MR SPEAKER

Mersi Onorab Georges.  Bon okenn lezot Manm ki le entervenir lo sa bann lamannman?  Si non mon ava … Onorab Basil Hoareau.

 

HON BASIL HOAREAU

Mersi Mr Chair.  Mr Chair premyerman mon ti a kontan koz lo sa nouvo deskripsyon dan vyolasyon ki nou ekri ‘labi lofis’.  Mon krwar i en keksoz enportan ki i pe anmennen parske nou pe dir poudir si i annan bann zofisye Gouvernman ki in pran bann desizyon kot i annan ‘labi lofis’ then sa i ganny regarde konman en vyolasyon.

E Onorab Georges in donn legzanp par egzanp en desizyon Zidisyer.  Me selman la ki nou pe dir se fodre nou montre sa ‘labi lofis.’  Pa zis vedir poudir akoz ou pa dakor avek en desizyon Zidisyer ki ou ganny donnen dan lepase, ki i vedir demen ou pour kapab anmenn sa devan Commission.

 Fodre ou kapab etabli poudir sa dimoun in abiz son ‘lofis.’

I kapab ki se en Ziz in ganny lo son desizyon mal, me si I pa’n abiz son lofis ou pa pour kapab anmenn en case devan Commission.  Fodre ou anmenn labi – ou etabli poudir ti annan labi lofis.

E sa an menm tan nou pe fer poudir menm si en dimoun in desarz en fonksyon ofisyel, me si nou vwar poudir in abiz son lofis – par egzanp ek en Ziz si nou vwar poudir en Ziz letan in pran en desizyon devan Lakour in les li ganny gide par bann fakter ki ti ki pa devret gid li – bann fakter petet malis, ouswa bias, then i pour anmenn sa pour labi lofis e aksyon I kapab ganny pran.

Egalman ek bann zofisye Lapolis petet; zofisye dan Militer malgre ler ou pe gete zot poudir zot ti pe desarz en fonksyon ki Lalwa i dir ek nou kapab fer, me si ou’n abiz sa fonksyon, then sa i ganny regarde konman en vyolasyon, e en dimoun i kapab anmenn en case devan Commission.

Mon lot pwen ki mon ti a kontan zis petet en pwen bref lo la, avan mon bouz lo sa pwen eski nou bezwen konsantman viktim avan nou donn amnesty? Petet dan mon pe zis met sa 11 (2) kot nou dir I pour konplet son i pour bezwen donn son ‘final report within 3months after it has complete its  enquiries.’ Should it not read ‘ functions’ rather than ‘enquiries’?  Akoz napa landrwa ki nou servi ‘enquiries’ ditou dan sa Act, me nou servi the word ‘functions’ poudir I annan bann fonksyon.

Petet zis pour fer li konsistan, nou dir ‘functions’ akoz nou pa servi ‘enquiries okenn par apar ki la.  Lot pwen pli enportan Mr Speaker eski pour donn amnesty nou bezwen ganny konsantman viktim?  Mwan mon pa pour tro dakor avek sa.  Mon konpran poudir en viktim poudir – I annan viktim I pour dir ek ou poudir ‘’gete avan ki sa dimoun I ganny pardonnen, mwan ki devret deside si wi ouswa non I pour ganny pardonnen.’’

Already nou vwar poudir dan 8 mon krwar nou kit li menm 8 – les mon a gete – akoz avan I ti 8 – just go back to the original Bill; – non i 12.  Yes i still maintain dan 12Already avan ki sa dimoun i ganny amnesty, menm si li i apply sa perpetrator pour demann en amnesty, Commission parey nou ti dir, i bezwen etabli sa aplikasyon, i annan en apology senser e ki sa dimoun in disclose tou keksoz.  E Commission pour li determinen si sa apology I senser – si tou keksoz in ganny determinen, i kapab ekout sa viktim.  

So already viktim i ganny I annan provizyon ki viktim pour ganny ekoute.  Pour ganny ekoute.  Mon pa konnen si petet nou si nou devret petet zis dir I pour mandatory pour Commission ekout viktim.  Mon pa konnen.  Akoz la ki nou pe dir pour le moman, nou pe dir poudir I kapab – i kapab ekoute.

Mwan petet ki mon pe mazinen pour nou ganny en balans nou dir be ok, annou fer Commission fer li vin compulsory e Commission I bezwen ekout sa viktim.  Me desizyon whether or not to grant amnesty, I pa desizyon sa viktim.

I Commission me apre ki in ekout sa viktim.  So nou dir poudir I bezwen ekout sa viktim akoz vre provizyon pour le moman i kapab dir ki Commission i kapab pa deside ekout viktim, e donn amnesty me nou a fer li compulsory poudir bezwen ekout sa viktim, me desizyon I reste avek Commission.

Akoz nou’n fer en pe keksoz dan sa laliny ozordi kot nou’n dir par egzanp – yer par egzanp nou ti dir poudir Lalwa mannyer i ete – Bill ki mannyer i ti ganny anmennen orizinalman, i pe dir poudir Commission i kapab ekout en case in-camera.

Ozordi nou’n fer en lamannman, kot nou pe dir poudir, avan ki Commission i deside pour ekout en case in- camera i bezwen ekout sa parti.  Donn sa sans sa parti.  Akoz yer mon ti donn en legzanp kot en dimoun li i pa anvi al an piblik, e li i al kot Commission i dir mon anvi sa in-camera.

Be si ou annan en sityasyon kot li Commission, I pran sa desizyon lo li menm, avan ki i konfirm sa desizyon I bezwen ekout sa parti akoz sa parti li en lot dimoun li  i anvi ki sa I ganny fer an piblik.  So nou’n dir taler ki avan ki Commission i fer sa, i bezwen ekout sa parti.

Me desizyon I avek Commission, me selman ekout sa parti, gete ki sa parti I ganny dir, e pran kont sa ki sa parti in dir dan son desizyon.  E egalman dan sa ka nou a dir avek Commission poudir, avan ki ou donn amnesty, ekout sa viktim e pran kont ki sa viktim in dir dan pran sa desizyon.

Akoz pour mwan i annan en danze, si ou dir i bezwen – fodre i annan konsantman sa viktim avan sa amnesty i vini.  Premyerman ou riske vwar poudir bokou perpetrator pa pour vin devan, akoz i pour mazinen poudir ‘’be gete si sa ki mon pe vin dir la i depan lo desizyon sa viktim, then i annan en gran posibilite, kot sa viktim poudir non.’’

E alors i pour dir akfer ki mon bezwen vin devan e vin dir kan mon konnen poudir sa desizyon i pa desizyon Commission me desizyon sa viktim?

E dezyenmman lot keksoz se ki letan ou dir desizyon viktim ki desizyon viktim? Lo ki i baze sa?  Eski sa viktim i dir ek li ‘’anr sa perpetrator in marye ek enn mon fanmir li mon pardonn li.’’

‘’Sa enn ki la non, non, sa mon pa’n pardonn li.  Zis mon pa anvi pardonn li.’’

Ouswa I pa menm krwayans politik ek mwan, mon pa pardonn li, me sa enn ki menm parti politik ek mwan, mon pardonn li.

So i very subjective.   E mon pour mon I live room pour en dimoun challenge sa Lalwa dir ‘’equal protection of the Law.’’  I kapab challenge sa Lalwa dir napa equal protection of the Law anba Konstitisyon, akoz kategori.  Akoz ou pe zis dir koumsa i depan lo desizyon sa viktim.  Eski sa kategori i illegitimate?  Si napa labaz – si i en desizyon arbitrer ki sa viktim i kapab pran?

So malgre ki  … Me parey mon’n dir mon krwar ki viktim i devret get involved e nou bezwen dir avek Commission ou bezwen ekout sa viktim.  Avan ou pran desizyon ou bezwen ekout sa viktim.  Sa desizyon is yours, me an konsiderasyon ou bezwen letan ou determinen si ou pour donn amnesty, pran sa ki sa viktim osi in dir ou.  Mon krwar petet la nou a ganny en balans dan sa de Mr Chair.  Mersi.

 

MR SPEAKER

Mersi Onorab Hoareau.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon krwar ki premyerman mon krwar ki sa travay ki’n ganny fer lo sa Bill i anmenn nou plis ankor dan bon direksyon.  E la petet mon ava konmans sa menm de pwen ki Onorab Hoareau in prezante.

E petet zis mon pou fer li en pti git pli kler mon espere.  Sa nouvo (l) ki nou pe azoute anba Seksyon 2 (8) kot letan nou pe defini bann vyolasyon letan pe dir ‘abuse of office by a Government official including executive judiciary or legislature’ mon krwar ki petet zis pour met sa e sa i en legzanp ki nou servi pandan ki nou ti pe zwenn.

I annan par egzanp en fame ka Mr Royce Dias.  Mr Royce Dias ki ti en oponan Leta ki zot ti rod tou fason pour silans li, tou dimoun I dir avek ou ki drog ti ganny plante dan son loto e apre sa zot ti trouv li koupab e sa msye ti al dan prizon.

E lo rikord – lo son rikord malgre ki Mr Dias in nepli avek nou, me lo son rikord i ankor annan sa tit Trafiker Drog.  Me li osi tou i bezwen ganny klersi.  E i for posib ki sa Komisyon, son fanmir ava vini poudir be nou bezwen klersi non nou fanmir e zot ava vin devan Komisyon – Komisyon i ava ekoute.

E nou konnen osi ki mannyer Zidisyer ti ete sa letan e I ava kapab ganny eklersi e son non i ava ganny sa ki i merite.  Savedir ki Mr Royce Dias i pa ti en trafiker drog e menm sa santans ki in fer dan prizon pour sa lofans, i en santans ki i pa ti devret gannyen.  Si tou bann levidans ki vini i kler ki mannyer keksoz i ava ete.  So sa i pour kouver enpe sa bann sityasyon.

E i annan en lot legzanp ankor ki i ti ganny donnen dan Komite ki mon krwar i enportan e sa ti konsern en ladopsyon en zanfan kot Lakour ti dir wi en zanfan i kapab ganny adopte.

Me Lakour menm zour menm ki Lakour ti donn sa zizman, apre sa leta ti call en miting irzan Lasanble Popiler ki ti pas en Lalwa ki ti dir, ‘’okenn adopsyon i bezwen ganny sertifye par Prezidan Larepiblik.’’ E efektivman dan Parti Inik sa Lord Ladopsyon ti ganny kennsel!

So tousala ti bann la I de legzanp kot Zidisyer lo en kote ki nou fer antre – Zidisyer lo en kote in azir dan en fason ki pa apropriye – in annan en labi.  Lo lot kote – L’Egzekitiv.  L’Egzekitiv.  an kolaborasyon avek Lezislatif pour zot taye pour pas sa Lalwa e sa in anmenn en lenzistis.  So sa pwen la I enn ki tre enportan.

2enm pwen lo sa size Amnesty.  Mr Speaker ou konnen premyerman mon krwar ki letan nou koz lo amnesty parfwa espesyalman bann viktim zot parske sa konsep in vreman antre dan TRC Sid Lafrik kot bokou dimoun i krwar ki tou dimoun ki vin devan i ganny amnesty.

E mon ti pe zis montre bann chiffre ki sa ankor enn fwa i ava gid nou, poudir pa krwar ki lafason ki Lalwa i ganny ekri la ki tou dimoun pour ganny amnesty.  E la Mr Speaker mon ava donn ou legzanp Sid Lafrik.  Sid Lafrik ti pran temwannyaz anviron 21mil viktim – 21mil viktim.  E malgre ki zot ti pran netwayaz 21mil viktim, ti annan 2mil viktim anviron ki ti aparet pour bann public hearings.  E Komisyon ti resevwar 7112mil laplikasyon pour amnesty.

Me dan sa 7112mil laplikasyon pour amnesty ti annan selman 849ka ki ti ganny aksepte – ki ti ganny amnesty.

5392mil ka pa ti ganny aksepte.  So zis pour montre ki poudir e 5392mil ka ti ganny aksepte e bann lezot zot ti withdraw zot aplikasyon – ki poudir amnesty I pa en keksoz otomatik.  E sa diskresyon pe ganny garde avek sa Komisyon.  Me se la kot mon dakor avek Onorab Hoareau dan sa leksplikasyon.

Mon dakor avek son leksplikasyon, me selman an menm tan osi mon pe pran konesans ki sa I enn bann size ki’n leve lo medya sosyal e tou.  Kot bann viktim i dir, be regarde fodre ki nou ganny konsilte.

Fodre ki nou ki tonm dakor pour nou donn sa amnesty.  Mon konpran bann viktim, me selman mon ti fer resorti yer mwan osi, eski bann viktim zot menm zot, eski zot in pran kont ki si nou met sa Clause ladan, eski I pa pour efrey bann dimoun ki ti ava pare pour zot vin devan?

E ki zot konnen ki poudir zot anvi vin devan, zot anvi vin koz tou laverite zot anvi demann en leskiz, me si deza e ankor enn fwa mon regard lo social media kot i annan serten dimoun pe dir klerman zot pa pare pour zot pardonn personn!

Be si ou pe dir deza ki ou pa pare pour ou pardonn personn sa ki pour arive sa enn ki ti responsab i dir mon la pour le moman mon ariv 64an, mon annan tou mon laliberte alor mon reste trankil, mon reste se mwan.  Mon pa vin devan.

E sa dan li menm li ki I pour fer? I pour fer ki dan sa listwar ki nou anvi ekri pour nou konn laverite, i pour annan detrwa sapit ki pour manke.  Alor i annan sa dilenm.  E mon krwar ki se la kot nou konman en Lasanble nou bezwen pran en desizyon.

Mwan mon anvi konn laverite.  Se sa ki mon konman Wavel Ramkalawan mon anvi konnen.  Mon anvi konn laverite.  Alors si i annan okenn keksoz e la Lasanble i ava pran en desizyon si i annan okenn keksoz ki pour anpese ki sa laverite i ganny devwale, mon pa pour dakor avek.  Alors  mwan osi tou mon ti dir sa ki dan sa prosesis ki nou pe fer – lo en kote i annan viktim e lo lot kote i annan perpetrators.

E si nou anvi rekonsilyasyon at dan en serten pwen, sa de laliny I bezwen zwenn kanmarad. I bezwen converge parey nou dir.  Be a ki pwen ki sa convergence I arive e ki letan sa convergence I arive, se la ki nou kapab dir nou a pe bouz devan.  Parey nou’n sanz the long title ‘to unite the people of Seychelles around the common agenda that will help them move forward’. 

E dan bann definisyon nou’n menm al pli lwen pour nou dir pour ki sa bann keksoz ki’n arive pa ganny repete.  So viktim – perpetrator, me osi sosyete.  Parske sosyete osi tou I bezwen aprann en leson.  I bezwen tir en leson dan tou sa bann keksoz.  Ki an mezir ki nou an mezir ki sa Komisyon pour rezourd sa bann problenm, pour ki i annan linite, then nou bezwen balans lo la.

E so mwan personnelman mon krwar ki si bann viktim zot pare pour zot konn laverite, e pour zot ganny re- konpansasyon – reparasyon neseser, then mon pour osi dir ki poudir fodre ki nou kapab bouz devan.

E mwan mon met sa la pour nou kapab koze.  Be ler la swivan sa pwen ki Onorab Hoareau in fer resorti, ki sa Seksyon 12 (5) (b) kot nou dir … ‘…the apology is sincere, the Commission shall hear the testimony from the victim or victims’ ensidswit.  Konmsi I annan en ‘shall’. Tir ‘may’ met ‘shall’.  Wi – ok.

So la mon krwar nou pour bezwen annan en pti keksoz.  Me apre sa lo 12 konmsi pour nou al lo sa nivo senserite 12 (4) – 12 (4).  Letan nou pe koz lo ‘in relation to any violation and has offered sincere apologies’ si mon pa tronpe la Onorab Georges, Hoareau, De Commarmond ek well Onorab Adelaide ek tou bann lezot dimoun ki ti lo nou Komisyon – Onorab Andre tou – si mon pa tronpe letan nou ti pe fer nou miting lo Komite, nou ti pe dir ki sa ‘sincere apologies’ Onorab Speaker tou – ki sa ‘sincere apologies’ i bezwen ganny fer an personn.

Konmsi ou pa zis ekri en let dir, ‘I apologize.’ Me ki ou bezwen fer li an personn.  Ki poudir i ava ariv sa moman kot sa dimoun ki’n donn sa full disclosure ensidswit – ki i 8 (3) 12 (3) – ok 12 (3).  Ok 12 (3) i kouver sa, kot i dir ‘the Commission shall as far as reasonable, practicable require the perpetrator to provide the apologies to the victim or victims in person. ’ Sa I ok. Sa pwen la I ganny kouver, be alors si zis sa (b)12 (5) (b) kot nou a tir sa ‘may’ nou ava met ‘shall’ apre sa nou ava tir ‘or’ and ‘any other person’ yes ‘and any person it deems appropriate.  Mr Chairman mon krwar ki sa de pwen ki mwan osi tou mon ti anvi koz lo la.  Mersi bokou.

 

MR SPEAKER

Mersi Onorab Ramkalawan.  Onorab Ferrari.

 

HON JEAN-FRANCOIS FERRARI

Attorney General I ti anvi dire n keksoz mon kapab donn li laparol apre mon ava …  Mon annan zis en pti pwen mon ti a kontan fer in fact mon lo 12 (4) e mon pa konn bann term legal, me selman lo sa premye laliny ki dir en ‘perpetrator who has provided the full defined disclosure’ now who decides whether it has been a full  and frank disclosure? 

So it has to be in the opinion of the Commission.  ‘a perpetrator who, in the opinion in the Commission, or –

 

(Off-Mic)

 

HON JEAN-FRANCOIS FERRARI

5?   So, it’s taken care of.

 

(Off-Mic)

 

HON JEAN-FRANCOIS FERRARI

Ok.  Mersi.

 

MR SPEAKER

Mersi Onorab Ferrari.  Mon ava pas laparol avek Attorney General pour ou komanter.

 

ATTORNEY GENERAL MR FRANK ALLY

Mersi Mr Chairman.  Petet mon ti a kontan fer serten komanter baze lo serten stetment ki’n ganny fer la bomaten – sirtou avek amnesty. Mon pa konnen si tou bann Manm i konfortab avek tou sa bann provizyon amnesty, ouswa si zot anvi klarifye a ki moman amnesty i ganny … sa perpetrator ki anvi demann en amnesty eski i kapab fer li avan ki I donn son levidans?  Ouswa apre ki son levidans i ganny donnen?

E la i petisyonn ouswa i annan tou lede loportinite pour li fer.  Ouswa otherwise ki pour arive se ki mon vin devan mon donn levidans e apre mon demann mon petisyonn pour en amnesty.  E prezan i pour depan lo Komisyon si i pour donn mwan en amnesty. Oubyen I pa pour donn mwan en amnesty.

Ouswa mon sey demann en amnesty from the very beginning. Sa I en keksoz ki petet nou ti kapab anmenn en pe plis presizyon lo la.  Akoz mon dir sa?  Se ki nou napa Sesel en preskripsyon; savedir en dele letan ki Leta i kapab anmenn en case penal – criminal kont en dimoun.

E menm si dan sa Lalwa i dir avek poudir levidans ki ou donnen devan Komisyon, i pa pour admisiv – admissible dan en Lakour swa penal swa sivil me selman I kapab trigger en konplent ki en dimoun I kapab then fer avek Lapolis, e demann Lapolis pour fer lanket.

E la Lapolis pour oblize fer lanket.  Akoz si mon – e Lapolis e vi ki sa temwannyaz sa dimoun in piblik, Lapolis pou annan tou bann pointers ki mannyer I pour kapab konmans en lanket e fini sa lanket!  Akoz la sa dimoun pour al ekspoz son lekor from the very outset, e sa viktim li – parey Onorab Ramkalawan in dir sa viktim, i kapab dir be gete sa en louvraz Komisyon.  Ou’n donn ou levidans devan Komisyon mon pe al fer mon konplent avek Lapolis e Lapolis li i duty bound pour li fer en lanket e evantyelman i vin lo desk Attorney General, pour li  kapab deside  eski mon pour pourswiv  – I dan lentere piblik pour mwan pourswiv sa dimoun oubyen non.  Ok?  La i en desizyon ki bezwen ganny pran.

Parkont si sa dimoun li in ganny en amnesty, Lapolis i pa pour kapab pourswiv konmans en lanket kont sa dimoun ouver lanket e Biro Attorney General pa pour kapab pourswiv – si napa en lanket fer par Lapolis.

Me nou bezwen toultan mazinen, poudir en endividi I kapab prezant en konplent devan Lakour so long ki son dosye I konplet, e konmans en prosekisyon ki toultan nou apel li en ‘private prosecution.’ 

So si en dimoun I ganny en amnesty sa I pour anmar son lanmen, petet dan sa laliny mon ti a kontan propoze en lamannman dan Seksyon 12 (6) poudir ‘notwithstanding any provision to the contrary in any Law a person who has been granted amnesty in respect of the violation shall not be criminally’ eksetera zis pour fer sir.

Me parkont parey mon dir nou petet – pa konnen a ki moman, nou bezwen … Mon pe zis put to the Floor so that at least we can look at it.  Lo kote amnesty mon krwar amnesty I en provizyon ki nou pa dwatet overlook e petet nou dwatet les li get li, akoz yer deba in bokou santre lo national reconciliation lo en amnesty.

E nou pa anvi en sityasyon or petet pour serten dimoun mon ti a kontan en sityasyon, ki kit en laport ouver baze lo serten levidans ki i ganny mete dan sa Komisyon, pour li kapab servi konman bann pointers, pour li trigger en police investigation.  Ou vwar?  

So sa en keksoz ki mon ti a kontan dir.  Apre lo kote relative mon konnen nou’n deal avek dan Committee Stage, me selman mon ti ava sa I dan Seksyon (if Mr Chairman ou kapab bear with me en pti git) lo Seksyon 3 (5) petet nou ti a anmenn en presizyon en ‘close surviving relative’ rather than just ‘a surviving relative’ akoz nou kapab vwar bann dimoun a diferan degre – amwen ki nou anvi presiz bann degre; 3enm degre 4enm degre, me selman otherwise ‘close relative’ pour sa.

E lot lamannman ki sa I nou kapab fer li a nenport ki moman, pour nou dir poudir Prezidan apre ki in ganny sa rapor, i depoz sa rapor avek ‘curator of Seychelles Archives’ zot ti’n met ‘National Archives’ me apre ki mon verifye ‘Seychelles Archives Act’ nou apel li ‘Seychelles Archives’. So avek ‘curator Seychelles Archives.’ Mon by virtue of sa Lalwa once ki zot sa dokiman i ganny soumet avek curator, mon krwar curator i konnen ki son fonksyon.  Nou pa pour bezwen mete poudir i pour bezwen maintain li in accordance with the Law, me selman nou kapab fer sa sanzman.  Mersi Mr Chair.

 

MR SPEAKER

Mersi AG.  Onorab Basil Hoareau.

 

HON BASIL HOAREAU

Mr Speaker.  An relasyon avek sa dernyen pwen ki AG in raise.  Mon krwar i en pwen pertinan an relasyon poudir ou kapab premyerman an relasyon avek time limit, mon krwar sa i ganny reponn par Clause 12(1).  Clause 1 (1) i dir avek ou klerman poudir en perpetrator i bezwen file en petisyon pour ‘amnesty within the time limit set by the Commission. ‘

Ki nou pe espekte Commission fer, se ki Commission ler in ganny etabli, i pour bezwen vini dir piblikman, mon pe donn bann dimoun tou dimoun ki anvi amnesty 6mwan.  Par egzanp let’s say 6mwan li ki pour terminen pour zot file en amnesty.

Savedir si ou ou’n deside asiz lo asize pour en perpetrator, ou pa vini ou vin letan ki case in ganny file 7mwan apre ki Commission, in fini pibliy son time limit, ou, ou vini, then ou pa pour gannyen akoz Commission in dir ek ou – in dir ou son time limit.

Me mon konpran la lot pwen AG mon konpran li se ki, ou annan en ka kot sa dimoun pa ankor ganny amnesty, me parey in dir sa in ganny fer an piblik me sa dimoun in vin dir sa, sa, sa e I donn tou fe.  E la Lapolis napa nanryen pour le moman ki pe anpes Lapolis fer investigation ziska ler sa amnesty i vini.  

So ki mwan mon pe sizere petet pour tyonbo sa sityasyon spesifik la, nou kas 6 an de – ok?   Nou mete ‘notwithstanding any written Law’ prezan nou met –

  1. Roman (i) ‘a criminal investigation shall not be commenced or shall be discontinued as a case may be, in respect of any matter for which an amnesty has been sought until the final determination thereof by the Commission.’ Apre
  2. La i a vin and 2 – 1(2)a person who has been granted amnesty’ so nou basically i vin the present 6.  So basically sa premye bout Roman (i)

i tyonbo sa sityasyon kot sa dimoun in demann en amnesty – e son aplikasyon – son petisyon pa ankor ganny determine, alors Lapolis dan en ka koumsa pa kapab fer investigation, ouswa si I ti’n konmanse i kapab ganny discontinued ziska ki Commission i fer li determinationObviously si determinasyon Commission is that – I will grant you an amnesty – then sa dimoun pour tonm dan 2.  I ganny proteze.

Me si Commission pa donn li en amnesty, Lapolis I kontinyen avek son investigation ouswa I konman son investigation prezan li. Ou vwar? So pour nou tyonbo sa sityasyon spesifik ki AG in dir  mwan mon krwar sa lamannman ki mon’n propoze mon mazinen i pran ka avek sa.

 

MR SPEAKER

Mersi Onorab Hoareau.  Onorab Henrie.

 

HON GERVAIS HENRIE

Mersi Mr Chair.  Bonzour tou dimoun Mr Chair anfet pwen ki Attorney General in fer, mon krwar, i en bon pwen refleksyon letan mon pe asize la mon pe sey rode bann landrwa ki annan sa size amnesty konmsi si i annan lekel bann ground legal ki dimoun i ganny grant amnesty, ouswa si zis sa ki nou pe mete la kot en dimoun in donn senser in vreman donn laverite sis a i sifi.

Me bokou pei napa bokou anfet apepre en 18 pei atraver lemonn ki’n pas dan bann sityasyon parey nou, kot prezan zot in bezwen re rod re konsilyasyon – zot osi pas en Amnesty Law.

Be prezan lefe ki nou napa sa nou.          Be eski napa en Act ki cater ‘for Amnesty ‘separeman sa travay ki sa amnesty ki li sa Commission I National Commission la pour donnen letan i fini son term 3an – eski still i reste son amnesty son amnesty?  Eski still i pour annan validite legal?  Mon pe demann sa mwan akoz mon vreman ti a kontan vwar ki bann perpetrator i vini fer sa disclosure volonter.  Mersi.

 

MR SPEAKER

Mersi Onorab Henrie.  Mon ava donn laparol Onorab William apre AG mon ava donn ou laparol.  Onorab William.

 

HON WAVEN WILLIAM

Mersi Mr Speaker.  Mr Speaker mon ti a kontan atir latansyon AG ou Vis-Prezidan ou Lasanble lo Lartik 13 item (a) avek item (b).

 

HON GERVAIS HENRIE

(Off-Mic)

 

MR SPEAKER

Non AG a reponn sa de query apre sa.  Ale Onorab William.  Ale.  AG ava pran tou.  Non AG?

 

ATTORNEY GENERAL MR FRANK ALLY

Mersi Mr Chairman.  Bon pour reponn Onorab Henrie wi amnesty I pour stand.   Nou napa en Amnesty Act separeman, me sa bann provizyon.  Se sa lide ki mon ti dir, i ti a bon nou tre kler lo sa issue Amnesty.   E petet nou dwatet get sa provizyon e sa propozisyon ki Onorab Hoareau in anmennen mon krwar I annan validite.

Mon konnen poudir Sid Lafrik zot ti annan en Komite ki ti deal avek amnesty on its own, so parkont isi nou pour annan menm Komisyon pour li pour ekout bann levidans e apre ki pour donn sa amnesty. 

So I enportan pour nou kler lo sa prosedir.  This is why poudir a ki moman.  Akoz I kapab nou fini donn ou levidans ou, e avek sa antisipasyon pour ganny en amnesty or ou pour kapab petisyonnen e ganny en amnesty me apre ou pa gannyen e la ouver semen.

Ou konnen akoz nou dan nou Konstitisyon nou annan en provizyon ki dir ek nou ou bezwen ganny sarze e tried within en letan rezonnab.  Me sa i run from that ki ou ganny sarze i pa vedir akoz ou’n komet en lofans 20an pase ki ou pa pour zanmen ganny pourswiv.  Akoz sosyete osi i la.  Lakour in dir – pa isi – me dan lezot pei.  I dir bezwen fer sa balans ant ou drwa pour ou ganny en fair trial me osi drwa sosyete pour li ganny lazistis.  So sa en pwen ki petet nou dwatet konsidere.

 

MR SPEAKER

Ok mersi.  Onorab Georges oule entervenir.

 

HON BERNARD GEORGES

Lo sa pwen wi Mr Chair avek ou permisyon.  Mon krwar I annan de keksoz fodre pa ki nou konfonn; enn se amnesty li menm.  Se kan sa amnesty pour pran lefe?  Eski parey nou dir an term Lalwa, eski i pour a priyori – savedir avan oubyen aposteryori savedir apre ki en demann in ganny fer?  E mon krwar nou bezwen separ sa de keksoz.  Premyerman as to en amnesty mon krwar nou annan plito – nou’n plito tonm dakor ki en amnesty i dezirab dan konteks sa ki nou pe fer, pour ankouraz dimoun pour vin devan e pour koz laverite.

E mon krwar ki nou’n osi plito dakor ki propozisyon ki’n ganny fer se ki viktim, avan i a ganny konsilte – e taler mon ava fer en propozisyon lo la ler nou pe wrap-up pour fer sir ki zot annan en ‘say’ malgre ki desizyon pa pour zot.

Zot ava ganny sans pour koze me se pa zot ki pour deside si amnesty i devret gannyen oubyen lot.  Sa mon krwar si mon konpran byen nou’n plito tonm dakor avek.

Kestyon prezan se ki mannyer ou pour protez en dimoun ki pe vin devan e ki pe fer en full disclosure, ki kapab antrenn en prosekisyon kriminel, oubyen en case sivil kont li san anpes li vin devan?

E se sa tou problenm ki nou annan.       Mon en pti pe konsernen ki si nou met tro lareg, nou pour perdi nou lobzektif.  Nou lobzektif se ankouraz dimoun pour vin devan.  E ankouraz dimoun ler zot in vin devan pour zot kapab ganny en amnesty ler zot in fer en keksoz ki mal.

Mwan personnelman mon pa vwar ki mannyer en lafors Lapolis pour sot lo en dimoun ler dan konteks sa Komisyon, i pe vin koz laverite.  Mon krwar sa i ava defet lentansyon sa ki nou pe fer.

E mon pa vwar ki mannyer mon pa vwar Attorney General sa enn ki nou annan oubyen sa enn ki nou ti annan avan, oubyen nenport ki Attorney General responsab, ki pour tronpe e ki pour sot lo dimoun e pourswiv zot akoz zot in vin koze – akoz in vin koz laverite.  Mon pa vwar ki sa i pour amount to a fair trial anba Konstitisyon – si menm zot fer li.

Donk kestyon se kestyon I reste e sa i reste dan tou bann Komisyon partou dan lemonn, si en dimoun I vin devan i fer en full and frank disclosure, apre i pa ganny amnesty.  Me sa se nou pa pour kapab protez li kont sa.  Sa set en risk ki sa bann dimoun i pran.

E mon krwar sel fason pour elimin sa risk se pour permet en petisyon ganny fer apriyori o konmansman.  E en pti pe parey Onorab Hoareau in montre nou, mon krwar sa i ava en Regilasyon ki i ava fer anba clause 12 (1)’ …’a petition within the time limits time by the Commission.’’  Se Commission ki li menm li ki pour dir bann dimoun ki anvi vin devan ki anvi fer en disclosure, i kapab fer li avan e nou ava donn zot si zot anvi otan garanti ki nou kapab donnen apriyori pour nou kapab ganny laverite; oubyen nou pa pour kapab donn zot sa garanti e zot ava deside pran sa risk zot menm.

E aposteryori zot ava ganny en amnesty, ouswa zot pa pour gannyen.  Mon krwar lankadreman ki nou annan, i sifizan me si nou anvi prezan garanti parey Onorab Hoareau in propoze sa lapse letan garanti ki i pa pour annan en prosekisyon, la mon napa okenn problenm avek son propozisyon ki in fer.

 

MR SPEAKER

Yes Onorab Ramkalawan.

 

HON WAVEL RAMKALAWAN

Mr Speaker.  Mon krwar sa ki nou pe koz lo la i tre enportan akoz mon annan leksperyans se pour sa ki letan ansyen Speaker Macgregor ti pe koze lot zour mon pa ti tro anvi ekout li.  Akoz?  Se parske mon rapel dan premye Lasanble letan Onorab De Commarmond i a rapel byen kot ti annan en lensidan e mwan ti vin devan en Komite Lasanble, e mon ti devwal – mon ti koze mon ti devwal tou sa ki mon ti’n fer, tou sa ki mon ti dir san okenn ezitasyon, mon ti pe self-incriminate.  

E apre sa dan Lalwa ti dir ki konmsi Speaker si ou’n sa levidans I kapab ekri e zot… Be apre sa Speaker Macgregor ti refize fer sa!  E mon ti trouv mwan devan Lakour!  Mon ti trouv mon devan Lakour pe defann mon lekor dan tou kalite fason.  E finalman mon en debouryer e mon avoka ti madanm Anette Georges.  Alors nou pe koz avek en nou a pe koz en heavy weight – nou pa pe koz bann avoka fay, fay.  (laughter)

So parey mon pe dir sanmenm sa ki letan ansyen Speaker i koze lo lazistis, mon pa ekout li bokou mwan e i konn byen li!  Alor mon pe pran sa – mon pe pran mon konman en legzanp – pour nou regard lezot ka, kot en dimoun I vini la pour le moman son lavi I trankil li e nou pe rod tou laverite – rien ki laverite e sa dimoun I dir be ok mon pare pour mon partisip ladan e letan i partisip ladan apre sa i trouv li, dan en ratyer byen fermen!  Mwan mon pa anvi sa sityasyon.  Mon pa anvi sa sityasyon.

E mon krwar ki poudir nou Komite … E donk mon krwar ki … mon la mon dakor avek Onorab Georges kekfwa i devret vin avan menm kot i ganny ekoute e ki sa Komisyon i donn li en mon krwar dan sa laliny ki Attorney General pe dir e mon dakor avek sa ki Onorab Georges pe dir parske, konman en dimoun ki’n pas dan sa sityasyon koumsa …!  Ok.

 

MR SPEAKER

Mersi Onorab.  Mon a donn laparol avek AG.

 

ATTORNEY GENERAL MR FRANK ALLY

Akoz mon krwar nou bezwen get definisyon perpetrator.  E perpetrator I vedir en dimoun ki Komisyon in vwar li in vwar ki in komet en vyolasyon. Ou vwar?  E se ler ou’n komet en vyolasyon, then ou al ou ganny sa time limit pour ou anba Seksyon 12 pour al rod en amnesty. 

So tan ki ou pa ankor vin en perpetrator ou pa vin ou pa kapab annan sa standardize – sa standing pour ou al rode.   E parey Onorab Georges in dir ou bezwen deside si i pour a posteyori oubyen a priyori.  Ou bezwen file a petition, me apre ki ou’n en perpetrator.  You have committed.   So kestyon se eski sa ki nou anvi?

 

MR SPEAKER

Mersi AG.  Onorab De Commarmond.

 

HON CHARLES DE COMMARMOND

Bonzour Mr Speaker.  Bonzour VP avek ou delegasyon, tou dimoun.  Lentansyon Mr Speaker sete pour sa zafer amnesty se pou permet en dimoun vin devan volonterman vin dir – vin akonte whatever ki i annan pour akonte, in good faith.  E pour li zisteman pa ganny pourswiv.

Si i konnen i pou al ganny pourswiv i pa pour vini.  I osi senp ki sa.  E bann legzanp ki nou gannyen deor dan bann pei, i koumsa.  I koumsa.  I bezwen se sa ki apel en amnesty ou konpran?

So nou, nou bezwen drafte Lalwa dan sa direksyon.  Sansan mon pa dir sa ki nou pe fer pour vin futile – me selman I pa pour anmenn li dan son konplet parey nou lentansyon.  Sa rezilta ki nou pe rode nou pa pour ganny li.  E pour difisil dan serten sirkonstans pour ganny closure.

E nou bezwen – e dimoun i bezwen konpran sa travay la, otherwise fransman plito nou pa perdi plis letan, nou ferm tou nou met laba.  E si nou anvi al dan bout en travay byen fer, sa i bezwen ganny pran an konsiderasyon korekteman parey nou pe sey dir – be nou bezwen prezan drafte Lalwa.

E sa amnesty i bezwen aport son fri, kot en dimoun letan in vini in good faith in donnen in dir, in akonte – in donn lenformasyon ki personn pa ti ankor annan i annan e zisteman pour li osi – i pa zis en kestyon viktim li – pour li osi netway li osi I konman mon kapab dir sa – son … I redeem la i la.  Li osi in tir sa lour lo li.  Be i pa devret annan sa pourswiv apre vwala.

 

MR SPEAKER

Mersi Onorab De Commarmond.  Bon nou annan en konstrent letan osi tou, mon vwar I annan en siny ki nou kapab fini mon ava donn laparol Onorab Basil Hoareau.  Onorab William ou ti annan en lot pwen pour fer sorti brefman – ok.  Onorab Basil Hoareau nou a fini sa pwen apre nou ava move on.

 

HON BASIL HOAREAU

Mersi Mr Chair.  Mr Chair mon krwar poudir letan mon pour get Clause 12 (1) mon pa krwar ki I anpes en investigation en criminal investigation take place ouswa en civil prosecution take place, pandan ki en i pe determin en petisyon pour en amnesty.  Mon pa krwar sa i pour permet li.  Sel keksoz ki pour permet li se the time limit within which sa bann petisyon I kapab ganny fer.

So li, li menm li i pou napa sa pouvwar poudir mon pe enpoz bann kondisyon.  Akoz si i pe fer sa i pe go beyond son power.  So this is why mon krwar sa amannman ki’n ganny propoze, kot nou pe dir klerman poudir letan I annan en amnesty dek ki pa ankor determinen par Commission, then okenn criminal prosecution or investigation pa kapab take place or civil prosecution pa pour take place.  

So sa mon krwar i enportan pour nou protez sa bann dimoun.  E i annan en pwen ki mon krwar mon pa konnen i vre perpetrator AG is right, nou pe dir en dimoun ki’n fini ganny vwar par Commission, eski nou devret met dan nou definisyon met ‘ … means a person who has made a petition under section who has filed a petition under section 12 or who the Commission has found so ou pe dir i annan de perpetrator i annan en dimoun ki li I vini ki li I pa ankor ganny okenn finding lo li, me li I vin direkteman anba la akoz sansan i vedir ki toultan ki Commission pa fer en finding pour dir ou en perpetrator, you do not become a perpetratorSo eski nou ganny sa balans, nou pa bezwen met something to that effect – fer sa distinction between en dimoun ki li I pa ankor okenn finding ki an relasyon ek li, me i deside file en aplikasyon – a petition under Section 12.

 

MR SPEAKER

Mersi Onorab.  AG.

 

ATTORNEY GENERAL MR FRANK ALLY

Mersi Mr Chairman.  Mon … to sa extent mon en pti pe dakor avek mon an akor avek sa ki Onorab Hoareau in dir.  Me selman la nou pour annan en sityasyon kot nou bezwen donn en conditional amnesty; ‘subject to ‘akoz ou pa ankor donnen ou levidans ou.  Ou pe ganny let … a posteyori.  So it’s something really to look at.  

Me mwan ti anvi zis met en pwen lo 12 (1) lo kote sa time limit set by the Commission.  Petet nou ti kapab deside si sa time limit pour ganny pibliye dan Gazette ouswa non.  Akoz mon krwar pour nou fer bann manm piblik konnen ki time limit nou bezwen fer li piblik ouswa Gazette or  en daily newspaper or something to that effect.  Mersi Mr Chairman.

 

MR SPEAKER

Mersi AG.  Mon a pas laparol avek Onorab William.

 

HON WAVEN WILLIAM

Mersi Mr Speaker.  Mr Speaker mon bann pwen I lo Lartik 13.  Mon a konmans avek A zis pour mon pa konnen akoz letan ou pe koz somonn la nou pe dir ki, ‘a person who fails to attend after have been summoned’ mwan mon anvi demande konmela avek realite avek sirkonstans ki nou pe viv, eski nou pe koz lo zis en somonn nou pe baz lofans komet lo zis en somonn?

Akoz parfwa en somonn letan I ganny served – i kapab ganny misplaced.  Eski ozordi konbyen somonn avan ler ki ou realize ki sa i en lofans?  Epi AG avan ou reponn mon ti a kontan port ou latansyon Lartik 13 (d) ‘a person who refuses to produce any document’ e la ankor baze lo levennman e lespas letan ki sa levennman in arive letan – ou pe dir ‘any document’ si dizon I annan serten dokiman ki sa akize ouswa perpetrator’ pa kapab provide’ eski i annan dan sa Lalwa ki dir i annan eksepsyon?

Epi mon lot pwen se lo (g) kot i konsern ‘shall commit an offense and shall be liable to a fine of R50mil’ eski sa i en maximum ouswa i en sif ki pour ganny zwe avek?  Letan ou pe dir ‘shall be liable to’, eski nou devret met maximum ouswa i fini zis koumsa menm?  Mersi. Mon ti a kontan leklersisman.  Mersi.

 

MR SPEAKER

Mersi Onorab.  AG.

 

ATTORNEY GENERAL MR FRANK ALLY

Mersi Mr Chairman.  Bon lo kote somonn ler en dimoun I ganny en somonn pour li vin Ankour, normalman i annan en dokiman ki i ganny servi par en sa ki nou apel en ‘lisye’ oubyen en process server.

La sa dimoun i bezwen vin devan Komisyon e si i pa vini zot kapab then tir akoz Komisyon i annan tou pouvwar Lakour Siprenm.  Savedir la i kapab tir en warant pour aret li pour li vin deva Komisyon.  Me si i refize … Mon donn ou en legzanp; si par egzanp i konnen i sipoze vin devan Komisyon in ganny en warant – in ganny somonn in fini ganny servi son somonn e i pran son semen i al aletranze e I reste aletranze pour enpe letan zis pour li kapab avoid.

So sa i annan en kantite eleman kot ou pour komet en lofans me la ou pour bezwen ganny sarze avek en lofans e then pourswiv pour sa lofans.  So i pour annan en lanket ki pour ganny fer baze lo la.

Si ou’n misplace ler ou ganny en warant Lapolis I vin sers ou kot ou, i vin anmenn ou kot sa Komisyon la ou ava eksplik sa Komisyon ou a donn li en zistifikasyon.  Ou a dir ‘’be gete la mon ti krwar ozordi ti le … mon ti krwar mon sipoze vin 9er saler zot ti’n dir mon vin sorry 2er saler somonn I dir 9er.

So i arive toulezour Ankour sa kot sa dimoun i bliye oubyen i pa vin ankour lo en somonn.  Me selman i pour ganny pourswiv lo en ka ekstrenm kot i vreman try to avoid vin Ankour.

Lo kote dokiman wi I normalman ou pour ganny demande pour prodwir en dokiman si sa dokiman pa egziste, petet ou pa pour dan sa lot sa abilite pour prodwir la ou a donn en leskiz akoz ou pa kapab prodwir.  Mon donn ou en legzanp enn mon bann premye case ki mon ti fer konman en zofisye Gouvernman, se dife State House ler ti annan en batiman State House ki ti ganny brile, so en kantite dokiman ler mon ti al gete en bann filing cabinet ti’n fini – tou perdi.  So si nou pe al sey rod en dimoun i met en konplent kot sa dokiman ti dan sa file – ou pa pour vwar ti napa information technology sa letan pour nou save sa bann dokiman.

So i pour annan bann dan bann sityasyon kot en dimoun pour napa sa posibilite pour li soumet sa dokiman.  Me selman si i kapab montre ki i dan posesyon sa dokiman e i pe refize.  I kapab osi en labank par egzanp i kapab en nenport ki en dimoun oubyen en entity.

Lo kote fine in fact si ou pour get draft orizinal i ti ‘not exceeding R50thousand and not exceeding a term of imprisonment of 10 years.’ Nou, nou’n fer li bokou pli senp ki en pe parey penal code kot i dir ou en fine of R50thousand e dapre Lalwa en Komisyon oubyen en Lakour i kapab donn ou from R1 right up to R50 depandan; savedir pa plis ki R50mil depandan lo gravite ou lofans – ok?  E term anprizonnman osi parey. I kapab donn anything from a suspended sentence oubyen en fine e la ‘and’ i pour mean ‘or’ si i pour satisfer Onorab Andre ‘and’ pour means ‘or’ la.  Mersi.

 

MR SPEAKER

En moman en moman.

 

HON WAVEL RAMKALAWAN

Attorney mon ti anvi zis demann avan ki eleksyon ki ti annan sa dife?  Ki ti bril bann dokiman?

 

ATTORNEY GENERAL MR FRANK ALLY

Bon sa dife ki ti ganny mete an 1997.

 

MR SPEAKER

Vitman Onorab.  William vitman.

 

HON WAVEN WILLIAM

Speaker mon ti anvi zis met devan AG lefe ki dan sa premye pwen ler in koze in dir ‘refize’ alors dan plas ‘fail’ akoz I pa met ‘refuses’ konmsi ou pli presiz li akoz ou’n servi sa mo refize then akoz nou pa fer li konsistan ek lezot fer li ‘refuses’.  Akoz lafason ki ou’n eksplike.

 

MR SPEAKER

AG.

 

ATTORNEY GENERAL MR FRANK ALLY

Mon krwar bann Manm Bills Committee mon prefere ‘fails to attend’ akoz I encompass I pli larz ki senpleman refize.  Me again petet bann Manm Bills Committee pran sa an konsiderasyon.  Dan plas ‘fails to attend the Commission’ – ‘refuses to attend the Commission’ anba 13(a) Seksyon 13 (a).

 

MR SPEAKER

Mersi AG.  Mon a donn dernyen laparol Onorab Georges.

 

HON BERNARD GEORGES

Mr Chair mersi.  Dernyen laparol pour sa Staz Komite oubyen avan ki nou break?

 

MR SPEAKER

Non mon le …

 

HON BERNARD GEORGES

Akoz i annan plizyer pwen ki mon anvi fer sorti.

 

MR SPEAKER

Bon si. ..

 

HON BERNARD GEORGES

Mon pa konnen ki …

 

MR SPEAKER

Si nou santi nou pa pour fini la, mon krwar nou pour break, akoz mon anvi rann lantenn avek SBC, akoz nou deza al bokou letan an plis.  Si nou santi poudir nou annan ankor en pe travay pour nou fer nou a retournen 2er, me si ou santi ou kapab wrap-up ou fer li.

 

HON BERNARD GEORGES

Les mon seye Mr Chair.  Les mon seye mon a sey wrap-up.

 

MR SPEAKER

Ok.

 

HON BERNARD GEORGES

Mersi Mr Chair.  Mon a vin les mon si mon kapab konmans o konmansman epi fer enn de pti soz apre nou a retourn lo amnesty de minit.

Dan son ‘long title’ i annan en propozisyon en modifikasyon mon ti a kontan propoze, ‘an Act to enable the President of the Seychelles’ nou pa apel li ‘the President of Seychelles’ alors nou kapab zis koup sa ‘the. ’

E in ganny propoze anba Clause 3 dan 3 (1) e baz lo ‘Truth Reconciliation and National Unity and capital (N).  

3 (6)’ sorry 3 (5) ‘a victim of a surviving close relative’ AG in propoze clause 3 (5) a surviving relative’ in ganny propoze pour fer ‘close relative’.  Apre ‘or close surviving relative’.

 

MR SPEAKER

Kontinyen Onorab.

 

HON BERNARD GEORGES

Mersi.  Apre nou al anba Clause 11 interim reports e la Onorab Basil Hoareau ti propoze ki nou servi sa mo ‘functions’ olye mo ‘enquiries’ konman dernyen mo dan 11 (2).  Mon konpran e mon napa en gran mo lobzeksyon, me mon krwar an servan mo ‘enquiries’ bann drafters ti anvi dir ler zot in fini ekout zot lanket e non pa ler zot in fini zot fonksyon; kekfwa en keksoz enpe pli …

Fonksyon pour encompass osi pour ekri en rapor tandis ki ‘enquiries’ i le dir ler zot in fini zot lanket, la prezan zot ava ekri zot rapor.  Tandis ki si nou met fonksyon zot rapor ava en fonksyon.  Mon pe zis met sa devan.  Me etandonnen ki e sa set en pwen ki  nou pa’n vreman pas lo la bokou – etandonnen ki i annan sa kestyon Sunset Clause, mon ti ava propoze ki dan 11 (2) dan son 2enm laliny ‘shall submit interim report every 6 months and shall submit a final report within 3 months’ eksetera ‘after completion’ mon ti ava propoze ‘submit interim reports every 6 months and’ mon ti ava propoze ki nou met la ‘subject to section 14 (2) shall submit its final report’.  Akoz 14 (2) i dir ki i pour dan peryod 3an – son peryod se 3an.

Alor nou pe fer en cross reference avek ant sa 2 – pour ki I kapab fer son rapor me son end stop pour 3an.  11 (5) in ganny propoze olye ‘National Archives’ pour ranplas sa par ‘curator of the Seychelles Archives.’

Mon a sot amnesty akoz I pour pran bokou plis letan e mon ava … Non annefe se sa dernyen pwen ki mon ti anvi dir.

Retourn lo amnesty Mr Chair e vreman pour pa prolonz deba ditou – nou napa okenn … I annan de kategori keksoz ki nou pe regarde la.  Enn se proteksyon en fwa ki en dimoun in depoz son petisyon amnesty e la mon krwar nou’n tonm dakor ki propozisyon Onorab Hoareau i valab.  I en tre bon propozisyon, akoz i donn sa proteksyon pandan ki en dimoun … apre ki en dimoun in depoz son demann amnesty.

E sa mon krwar I en tre bon propozisyon.  Me nou still pa ankor abord sa size sa dimoun ki anvi vin devan e ki anvi protez son lekor, par file en petisyon avan apriyori.

E mon pe demann mwan si dan 12 (1) olye servi sa mo ‘perpetrator’ nou zis servi en mo ‘person’.  ‘… a person seeking an amnesty shall file a petition for amnesty with the Commission within the time limit set by the Commission’ e azoute ‘and may do so before testifying before the Commission. ’ Ok sa I permet li en petisyon apriyori.

E apre nou kontinyen ‘a person’ dan 12 (3) e dan 12 (4) nou kapab si nou anvi neutral servi mo ‘the petitioner shall … provided…’ Akoz si nou regarde dan 5 over the page i kontinyen avek ‘petitioner’ e dan 6 i retourn lo ‘a person.’ Donk i pli neutral ki ‘perpetrator.’ E mon pe propoz sa an Kontra distenksyon an propozisyon Onorab Hoareau pour re defini ‘perpetrator’.

Mon ti ava kontan finalman fer en propozisyon avek 12 (5) (b) ‘the Commission may hear testimony from the victim or victims perpetrator and any’ – nou’n fini fer sa amannman, me ‘the Commission shall’ mon ti a swete – mon ti ava propoze ki nou azoute ‘as far as reasonable practicable’ egzakteman parey nou’n servi en pe pli lwen.  Akoz i posib ki sa viktim pou’n mor.

E donk se pour sa rezon ki sa mo ‘as far as reasonable practicable’ in ganny servi dan 12 (3).  Dan 12(3) ‘the Commission shall as far as reasonable practicable’ mon‘n propoz sa formil ‘shall as far as reasonable practicable’.  Vwala Mr Chair bann propozisyon ki mon retenir apre deba bomaten.  Mersi.

 

MR SPEAKER

Mersi Onorab Georges.  Onorab Basil Hoareau.

 

HON BASIL HOAREAU

Mr Chair mersi.  Mr Chair mon konnen nou pe pran enpe letan me selman mon krwar i en Bill tre enportan ki at least nou a sey gard li as much as ganny li byen.

Mon dakor preski tou sa ki Onorab Georges in dir.  Anyway ‘enquiries’ – ‘functions’ mon krwar ‘functions’ i pour lir pli byen, me selman mon napa issues lo serten enquiries.

Mon annan de pwen.  Premyerman mon pa pour dakor avek Onorab Georges, mon dakor avek tou keksoz ki in dir eksepte sa anmenn dan 11 (2)subject to the words ‘subject to clause 14 (2).  Mon krwar ki mannyer I lir la I lir byen li.

Akoz?  Nou pe dir gete avek Commission ou annan ou maximum 3an ou, me si dan 2an ou’n fini ou louvraz?  Ou’n fini akoz i dir ou, ‘within 3 months it has completed its enquiries.’  So si dan 2an ou fini then ou fini pli boner. Savedir ou dakor?  Ok.   Apre lot issue – aktyelman sa pwen letan Onorab Georges pe koze, mon krwar poudir petet from Clause 12 (1) onwards kot nou dir ‘a person any person or a person seeking an amnesty’ nou byen konmanse larestan I devret zis swiv ‘petitioner’ for consistency.  Apre lo kote ‘Commission may hear a testimony from the victim’ ‘perpetrator.’

Apre Onorab Georges in fer en pwen pertinan I dir si viktim in mor.  Me mwan mon krwar nou devret dir ‘or a close surviving.’ Savedir sa basically nou dir avek sa dimoun sa dimoun ki’n fer sa aplikasyon, li ki ou bezwen son konsantman?

Par egzanp si en viktim sa fanmir viktim in mor fanmir ki’n fer aplikasyon otomatikman nou pour dir avek sa dimoun be nou we have no say – akoz nou pa ti viktim me selman nou ki’n fer aplikasyon at least now, nou ki devret asiz dan plas viktim.

E pareyman eski si i pe ganny reprezante, eski son reprezantan akoz … e akoz la ki nou ti kapab dir ‘the Commission may hear a testimony from the complainant or any other person it deems necessary’.  ‘The complainant’ will mean poudir tou dimoun ki’n fer sa konplent; savedir swa i close surviving family or reprezantan sa viktim li i pour bezwen ganny ekoute.  E si par egzanp la ‘any person it deems appropriate.’ 

Si prezan sa viktim par egzanp sa viktim i en viktim ki ankor vivan me selman pe ganny reprezante par en dimoun then Commission I dir nou anvi ekout sa viktim osi, akoz li I pour tonm ‘the person deems any other person deems appropriate.’ Me selman annou fer sa konplenan ki mannyer ler nou kouver fanmir dan ka kot sa viktim in mor.  So nou dir ‘the Commission made the testimony from the complainant or complainants, perpetrator or any other person’ it deems appropriate.’  Ki ou panse lo la?

 

MR SPEAKER

Mersi Onorab.  AG.

 

ATTORNEY GENERAL MR FRANK ALLY

Mersi Mr Chairman.  Mon pa konnen si petet ti a en bon keksoz pour nou servi sa mo ‘complainant’ e dan plas met en ‘complaint shall be filed within 6 months’ dan 3 (4) nou met ‘a complainant shall file a complaint’ prezan nou defini complainant konman ‘the victim a legal representative of the victim, a close family member,  prezan dan plas nou met ‘complainant.’ Devan ‘complainant’ kot Onorab Hoareau in koz lo la.

E apre Onorab Georges in dir when it comes to ler kot amnesty e mon krwar Onorab Hoareau in fer sa pwen, ki nou ranplas ‘perpetrator’ partou avek ‘petitioner’ so that then its ‘petitioner’ ouswa apre ‘complainant’ dan plas viktim.  Mersi.

 

MR SPEAKER

Mersi AG.  Yes Onorab De Commarmond.

 

HON CHARLES DE COMMARMOND

Mr Speaker.  Zis en pti leklersisman e garanti eski sa zafer amnesty baze lo sa ki nou dir in antre eski letan ou’n donn amnesty savedir sa dimoun pa pour ganny pourswiv apre?  I kler sa?  Mon le ki sa i kler ki dimoun i ganny li byen, pour ankouraz dimoun pour vin devan pour vin devan.  Mersi Mr Speaker.

 

MR SPEAKER

Mon krwar in ganny li kler lo sa bout lo kote amnesty tou lede kote in dakor AG osi in dakor non ou’n ganny li kler.  Bon nou ariv moman … Yes AG.

 

ATTORNEY GENERAL MR FRANK ALLY

In fact Mr Chairman mon krwar sa ki Onorab Hoareau in propoze inisyalman sete san ‘notwithstanding any criminal Law a criminal investigation’ apre in anmenn civil prosecution, me mon krwar I devret annan en ‘criminal investigation or a criminal or civil prosecution shall not be commenced or shall be discontinued’.  E la parske Attorney General ki annan pouvwar pour li discontinue baze lo la, sa i pour i pour override en pti pe son pouvwar Konstitisyonnel.  So me selman avek lespri sa Lalwa then i pour kapab discontinue prosecutionThank you.

 

MR SPEAKER

Mon a donn en dernyen parol Vis Prezidan.  Vis Prezidan.

 

THE VICE PRESIDENT MR VINCENT MERITON

Mersi Mr Chairman.  Mr Chairman mon ti annan bann kestyon me fir e a mezir bann diskisyon in pran plas tou sa bann kestyon in ganny reponn e nou’n dakor ansanm avek AG avek lamannman ki tou lede kote in propoze.  Mersi Mr Chairman.

 

MR SPEAKER

Mersi Vis Prezidan.  Bon in ariv moman pour nou pran en vot lo bann amannman ki devan nou.  Mon ava demann tou bann Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  Mon rikord rezilta inanim 25 Manm an faver.  E personn kont.  Mersi.

 

MR SPEAKER

Mersi savedir bann amannman in ganny aprouve.  Mon kapab ganny en Mosyon pour Third Reading.

 

HON CHARLES DE COMMARMOND

Mersi Mr Speaker.  Anba Order 71 (1) anba nou Standing Order mon le move ki the Truth, Reconciliation and National Unity Commission Bill, 2018 as amended, i ganny lir en Trwazyenm Fwa.

 

MR SPEAKER

Mersi Onorab De Commarmond.  Okenn Manm ki segonde?

 

HON BASIL HOAREAU

Mon segonn Mosyon Mr Speaker.

 

MR SPEAKER

Mersi Onorab Basil Hoareau.  Mosyon in segonde.  Nou kapab pran en vot.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi bokou Mr Speaker.  Ankor enn fwa mon rikord 25 Manm an faver.  E personn kont.  Mersi.

 

MR SPEAKER

Bon savedir sa Bill ki depi yer nou pe deliber lo la the Truth, Reconciliation and National Unity Bill 2018, in ganny aprouvasyon Lasanble e aprouvasyon i pa inanimite.

 

(APPLAUSE)

 

MR SPEAKER

Bon nou ava ganny en Formal Third Reading.

 

MADAM CLERK

Mersi bokou Mr Speaker.  This Act may be cited as a Truth Reconciliation and National Unity Act of 2018 and shall come into operation on such date as the President may determine by notice in the Gazette appoint.  Mersi Mr Speaker.

 

MR SPEAKER

Mersi.  Ok zis annou re ganny li byen Madanm Clerk.

 

MADAM CLERK

Mon a repran Mr Speaker.  Mon konpran nou pour tir mo ‘determine?’

 

MR SPEAKER

Wi.

 

MADAM CLERK

So mon a re lir Mr Speaker.  This Act may be cited as a Truth, Reconciliation and National Unity Act of 2018, and shall come into operation on such date as the President may by notice in the Gazette appoint.  Mersi Mr Speaker.

 

MR SPEAKER

Yes that’s good.  Thank you Madanm Clerk.  Bon avek sa mon ti a kontan remersi Vis- Prezidan, Attorney General ek Mr Pool parmi nou.  E mon ti a kontan osi tou remersi SBC avek tou bann viewers se bann manm piblik ki a lekout ki zot in pasyante avek nou.  Mon krwar parey enn de Manm in fer sorti sa Lalwa ki devan nou ki nou ti pe diskite depi yer, i sitan enportan e sa rezon ki nou bezwen fer sa bann travay e menm nou depas en pti pe nou ler avek SBC.  So nou prezant nou leskiz ek tou bann viewers e osi avek SBC.  Avek sa nou ava re pran nou travay – mon sizere nou re pran 2.30 e kot nou ava deal avek Control and Protection of Dogs Bill – ok?  Nou ava adjourn ziska 2.30.

 

 

(BREAK)

 

 

MR SPEAKER

Bonn apre midi tou Manm Onorab.  Bonn apre midi Minis Bastienne Minis mon welcome ou isi dan Lasanble.  E bonn apre midi ou de zofisye Mr Marc Naiken ki CEO National Biosecurity Agency e Dr Jimmy Melanie Chief Vet Officer anba National Biosecurity AgencyMinister avek ou delegasyon e osi akonpannyen par legal draftsperson from AG’s Office Mr Victor Pool bonn apre midi e welcome parmi nou.

Mon ti a kontan osi dir tou en bonn apre midi tou bann manm piblik ki a lekout e ki pe kontinyen swiv nou travay Lasanble.  Mon konnen petet dir petet mon prezant bokou leskiz me mon krwar i enportan ki dan tou latransparans nou fer en bann manm piblik sirtou konnen kwa ki pe arive nou ganny en pti retar ankor.

E dapre mon konpran I annan en diskisyon ki pe go on ant Minis avek son delegasyon avek Manm Lasanble.  Bon nou ava al direkteman lo Order Paper mon pa konnen mon avan mon ti antre mon ti okouran poudir ti pour napa en Second Reading? Nou pour fer en Second Reading ok?   Bon, so mon ava demann pour nou ganny en Second Reading.

 

HON CHARLES DE COMMARMOND

Mersi Mr Speaker. Bonn apre midi Mr Speaker.  Bonn apre midi Minis ek ou delegasyon tou Manm e tou dimoun ki a lekout.  Mr Speaker anba 64 (2) nou Standing Order mon le move ki Control and Protection of Dogs Bill, 2018 i ganny lir en Dezyenm Fwa.

 

MR SPEAKER

Mersi Onorab De Commarmond.  Okenn Manm ki segonde.

 

HON SEBASTIEN PILLAY

Mr Speaker.  Motion seconded.

 

MR SPEAKER

Mersi Onorab Sebastien Pillay.  Avek sa mon ava donn laparol Minis pour li prezant BillMinister.

 

MINISTER CHARLES BASTIENNE

Mr Speaker, tou Manm Onorab e tou dimoun ki a lekout bonn apre midi.  Sa nouvo Prozedlwa ki devan nou Control and Protection of Dogs Bill, 2018 pe ranplas Lalwa aktyel Control of Dogs Act ki date depi 1982, ki pa ti neseserman pran konsiderasyon bann devlopman e evolisyon ki’n arive dan sa dernyen 30enn lannen.

Control of Dogs Act 1982 i fer provizyon pour serten mezir drastik ganny pran par egzanp Seksyon 8 (1) se Veteriner i kapab donn lotorizasyon pour met labwet pour anpwazonn bann lisyen.

Sa Lalwa ti osi annan serten mankman; par egzanp ki mannyer pour dispoz lisyen eran dan en fason apropriye; ki mannyer pour deal avek bann lisyen ki abwaye san arête ki enteronp vwazinaz; ki mannyer pour kontrol breeding of dogs; ki mannyer pour asire ki propriyeter bann lisyen, i pran responsabilite okenn aksyon komet par zot lisyen.  Parkont sa nouvo Prozedlwa Control and Protection of Dogs 2018 ki devan nou, pe bouz dan en nouvo direksyon.

Permet mwan sit serten bann sa bann provizyon dan sa nouvo Prozedlwa.  Dabor sa Prozedlwa i dedye Seychelles Agricultural Agency – SAA konman sa konman sa competent authority an vi ki Lalwa Biosecurity Agency – NBA pa ankor ganny aprouvasyon.

Mr Speaker dezyenmman seksyon 3(1) i defini responsabilite bann propriyeter lisyen, parmi enn i enportan ki sa propriyeter i anrezistre zot lisyen.

(2) Zot asire ki zot lisyen i ganny garde anba zot kontrol a tou moman.

(3) Fer sir ki zot lisyen, i ganny tretman e latansyon neseser.

(4) Asire ki zot lisyen pa koz nwizans ek okenn dimoun – par egzanp abway for e kontinyelman enteronp vwazinaz.

Senkyenmman fer sir ki zot lisyen pa koz domaz e met an danze okenn propriyete lezot dimoun.

Anba Seksyon 4(1) en dimoun napa drwa maltret en lisyen; par egzanp bat li pa donn li manze. Gard li kontinyelman dan lakaz ki pa apropriye.

Okenn dimoun ki ganny trouve koupab pour sa bann lofans, zot kapab ganny prosekite e pey en lanmann ziska R50mil.

Seksyon 5(1) i fer provizyon pour en dimoun asire ki son lisyen i reste touzour anba son kontrol, e ganny garde toultan lo son propriyete.  Dan ka kot en dimoun pa respekte sa kondisyon, i kapab ganny prosekite e kondannen ziska R10mil.

Seksyon 5(5) i fer provizyon ki se propriyeter lisyen ki responsab, si zanmen son lisyen i sape sove e koz okenn domaz lo propriyete lezot endividi.

Seksyon 6(1) i fer provizyon pour apwent en dog control officers.  Sa bann zofisye, i bezwen bann dimoun ki kalifye pour pran sa bann son responsabilite.  Sa zofisye, i annan drwa antre dan en lakour pour verifye kondisyon en lisyen apre ki in ganny lotorizasyon avek competent authority oubyen i kapab ganny akonpannyen par en zofisye Lapolis.

Seksyon 9 i fer provizyon pour en dog control officer, pour pran en lisyen si zanmen sa lisyen pe ganny maltrete.

Anba seksyon 10 sa Proze Prozedlwa i fer provizyon pour en dog control officer ki pe fer son travay an akor avek Lalwa, pa kapab ganny pourswiv.

Seksyon 11 i fer provizyon ki okenn dimoun ki esey anpes en dog control officer fer son travay I kapab ganny kondannen en lanmann ziska R20mil.

3enm parti sa Lalwa i koz lo anrezistreman lisyen.  Seksyon 14 (1) i dir ki tou lisyen par lao 3mwan fodre ki zot ganny anrezistre avek en competent authority oubyen administrasyon distrik kot sa lisyen i baze eksepte pour bann animal shelter ki zot annan 6mwan pour anrezistre sa lisyen.

Dan ka ki en dimoun pa anrezistre son lisyen dan 3mwan, zot kapab ganny prosekite e pey en lanmann ziska R10mil.  E si en lisyen i ganny konsidere konman danzere, son propriyeter li I pour pey R20mil lanmann.

Seksyon 15 i fer provizyon pour sa competent officer ki konmela i SAA pour gard en rezis tou lisyen ki ganny anrezistre.  Regilasyon pour ganny fer lo konbyen pour sarze pour sak lisyen e sa pour ganny determinen plitar.  Ler lisyen i ganny anrezistre i pour ganny en meday ki fodre a tou moman, i atase avek son kolye dan son likou.

Seksyon 22(1) i fer provizyon pour ki en lisyen ki annan plis ki 3mwan, i ganny microchip.  E nou swete sa I a ganny fer par sekter prive an akor avek Regilasyon.

4enm parti sa Prozedlwa I koz lo bann lisyen danzere.  I fer provizyon pour competent office authority donn en notice propriyeter sa lisyen, avan deklar sa lisyen konman danzere.

5enm parti i koz lo bann lisyen ki koz nwizans e bann lisyen eran.

Seksyon 41 (1) (a) i dir ki en lisyen i en nwizans si I fer tapaz oubyen abwaye kontinyelman, dan en fason ki i pa apropriye e ki met an koz lape trankilite e konfor dan vwazinaz.

En dimoun ki santi ki en lisyen i en nwizans, i kapab fer en konplent formel avek Competent Authority.  Si sa Competent Authority i satisfe avek son lanket konmkwa ki vre sa lisyen I en nwizans, i pour donn met sa lisyen dele letan rezonnab pour comply avek sa Lord.  Sa Lord pa pour depas 6mwan.

E seksyon 41(6) i fer provizyon pour en dimoun ki pa respekte lord sa Competent Authority, pour pey en lanmann ziska R10mil e sa Lotorite, I kapab menm pran lisyen avek li.

Mr Speaker en topik ki pe preokip nou ozordi i lisyen eran ki pe ravaz nou kominote.  Ozordi lisyen eran i pratikman partou dan bann landrwa piblik lo bann lans, lo stand bis, lo semen piblik e menm dan lavil, alor i enportan ki nou retir tou sa bann lisyen eran lo semen piblik enn fwa pour tou.  Dan sirkonstans kot nou konnen lekel met sa lisyen, i pour annan 8zour pour li vin reklanm son lisyen.

Si non apre sa lisyen pour ganny re home. Me dan ka kot nou pa konn propriyeter sa lisyen, sa lisyen pour ganny met dan en fasilite ki’n ganny aprouve pour 8 zour e apre sa 8 zour si sa lisyen pa ganny adopte Lotorite konsernen pour fer le neseser.

Sa Prozedlwa I fer provizyon pour annan en Board ki son bann Manm i ganny apwente par Prezidan.  Sa Board pour enkli en Chairman en reprezantan sorti kot biro Attorney General en reprezante ki sorti kot en lorganizasyon Non-Gouvernmantal ki annan pour fer avek drwa zannimo e en veteriner sorti dan sekter prive.

E finalman sa Prozedlwa, i osi fer provizyon pour Minis fer Regilasyon e preskri bann lofans ki relevan ek penalti, pour met an operasyon obzektif sa Lalwa.

Parmi bann Regilasyon ki pour ganny travay lo la, i annan pour fer avek dabor peyman lanrezistreman, konbyen pour peye kouler tag ki pour ganny servi, kriter ki pour ganny servi pour deklar en lisyen danzere, form laplikasyon pour lanrezistreman ek konplent anba sa Lalwa, ki mannyer en met i devret kontrol son lisyen dan landrwa piblik; la kantite lisyen ki en lakour i kapab annan kalite e grander lakaz lisyen i akseptab, lenportasyon lisyen, permi pour breed lisyen, Regilasyon ki konsern microchip an zeneral e osi kalifikasyon bann dog control officers.

Mr Speaker zis pour note manm piblik ti ganny envite pour partisip dan en seremoni miting konsiltativ an Zilyet lannen pase, pour zot donn zot kontribisyon e pwennvi e prosesis pour prepar sa nouvo Prozedlwa ki devan nou ozordi.

Tou zot kontribisyon in ganny pran an konsiderasyon letan Minister Lapes ek Lagrikiltir ansanm avek Biro Attorney General pour drafte sa Prozedlwa ki ozordi mon pe demann Lasanble pour donn zot sipor.  Mersi Mr Speaker.

 

MR SPEAKER

Mersi Minis Bastienne.  Bon deba I ouver lo merit e prensip zeneral Bill ki devan nou Control and Protection of Dogs Bill, 2018.  Mon ava donn laparol Onorab Ferrari.

 

HON JEAN-FRANCOIS FERRARI

Mersi Mr Speaker.  Bonn apre midi Minis e bonn apre midi lekip ki akonpanny Minis.  Mr Speaker sa size ki devan nou I en size ki preokip bokou dimoun e ki en size sansib.  E nou pour bezwen pran tou prekosyon neseser pour nou adres li dan sa konpleksite ki i ladan.

I konpleks akoz I annan en nouvo fenomenn ki’n devlope depi plizyer lannen sa bann dernyen lannen isi Sesel, se sa ki dan lezot pei devlope zot apel Animal Rights – Dog Rights.  E  mwan mon kapab dir deza o depar ki mwan mon enn sa bann dimoun e mon demann mon leskiz bann ki pa pour dakor avek mon ki mon an faver human rights e Dog Rights i vin apre human rights.  Ok?

Sa i lopinyon personnel e lisyen i ganny drwa egziste, mon annan en lisyen kot me selman mon santi poudir i enportan ki ler nou pe abord sa size, nou abord bann kestyon ki lepep Seselwa, i anvi ki nou aborde, e ki nou pa met drwa bann drwa pour nou annan en lisyen lo en nivo ki pa reflekte realite lavi isi Sesel.

Sa ki enportan pour mwan e pour … e mon mazinen mon partaz sa avek bokou nou bann koleg, se ki nou bezwen annan en balans dan tou keksoz ki nou fer.  E nou bezwen kapab trouv sa balans kot nou pep, i viv dan trankilite e lisyen I viv dan bann kondisyon izyenik akseptab e respektab parey bann norm I fer ki nou konman bann imen, nou bezwen tret bann zannimo.

Se sa ki nou pe rode.  Malerezman mon bezwen fer en pti retour an aryer poudir ki pandan sa bann dernyen lannen, in vreman en dezas, e in vreman en total failure ki Gouvernman pa’n kapab annan okenn kontrol lo bann difikilte, e bann problenm ki lisyen I kapab anmennen dan nou kominote.

I annan en konpletman en labandon lo bann lisyen eran, e ozordi ou vwar lisyen pe marse anvil parey lo en catwalk, pe pase devan State House – devan baro State House en 10enn zot alakelele.

E lo lans ou vwar lisyen pe dormi lo servyet en touris – in vin vreman en sityasyon enposib; en sityasyon ki pa normal e ki pa konpatib avek sa kalite pei ki nou anvi vwar.

Me selman nou pa devret tonm dan latrap serten dimoun ki dir ou ki zot sa bann lisyen I annan drwa e ki nou bezwen get zot drwa avan tou.

2enm problenm ki nou pe vwar la se ki nou konman en pei touristik kot nou pep i angaze dan sa lendistri, nou pe vwar en sityasyon pe devlope kot trankilite nou bann vwazinaz pe ganny afekte dan en fason tre serye.  Tre, tre serye.  E ki dernyerman sa bann dernyen lannen, plizyer bann dimoun prive in sakrifye bokou pour zot transform zot lakaz pour zot build en pti guest house, pour zot devlop en propriyete pour zot akeyir bann viziter.

E la ozordi nou dan en sityasyon ki alarman, akoz bann lisyen non selman eran dan kominote pe menas trankilite bann vwazinaz, pe atak bann dimoun, pe mord dimoun akoz zot napa met e dernyerman en nouvo fenomenn – ki mon krwar i bezwen ganny adrese dan en fason tre for, en nouvo fenomenn kot serten dimoun I deside ki zot pour fer en Pet Haven oubyen en Animal Shelter dan milye en kominote rezidansyel.

E I annan bann ka e mon konnen poudir i annan en ka vreman serye dan Beau Vallon dan Fisherman’s Cove Estate kot i annan en dimoun pe sonny 40 lisyen dan milye en residential estate e dan milye en landrwa kot i annan detrwa pti guest house.

E sa i en keksoz ki vreman pa akseptab.  E mwan konman en Manm Lasanble, mon pa kapab konpran ki mannyer en sityasyon koumsa Gouvernman pa kapab pran aksyon lo la.

Ki mannyer Gouvernman I kapab dir nou ki zot bezwen sa Lalwa pour zot kapab pran aksyon lo la?  Kan zot konnen poudir anba Environment Protection Act the Minister may under recommendation of an Environmental Authority make regulations for noise standards’e intervene kan i annan bann problenm koumsa?

Anba Seychelles Penal Code Chapter 158 anba Common Nuisance Act 166 en dimoun who does not act not authorize by Law and a means to discharge a legal duty, causes common injury or a danger or annoyance or obstructs or it inconveniences the public commits an offence.

Lalwa I la.  E nou konnen poudir ler ou disturb ou vwazen nou Lalwa devret pran ka avek ou.  Akoz ki nou pe koz nou koz lo fer tapaz lo lans anmenn bann gro speaker lo lans disturb vwazinaz nou pa kapab fer tapaz avek lanmizik, me selman I ok pour nou fer tapaz avek lisyen?  I ok pour nou annan 40 lisyen dan vwazinaz?

E mwan sa se bann repons ki mon le ki Minis I donn nou ozordi ki li I kapab fer, oubyen ki son Gouvernman I kapab fer, akoz la nou pe koz Environment Protection Act nou pe koz Penal Code e nou pe koz osi Public Health Act ki mete klerman – klerman ki si I annan okenn sityasyon kot Lotorite I vwar poudir bann zannimo pe vin  injurious or dangerous manner to cause health to animals or mankind including mental health, ki mannyer nou annan en Gouvernman I pa kapab pran aksyon anba sa bann Lalwa ki egziste deza?  E kwa ki fer nou krwar e la Minis kekfwa I ava reponn nou taler kwa ki fer nou krwar ki anba sa nouvo Lalwa Gouvernman pour pran aksyon?  Kwa ki fer nou krwar?

Akoz I annan bann senp mezir – bann senp mezir ki zot kapab pran pour permet dimoun pour viv dan trankilite e zot pa pe pran.  Alors Mr Speaker mon premye reaksyon sete pou dir ki parey souvan nou dir ki nou pa bezwen nouvo Lalwa nou bezwen anforsi bann Lalwa ki egziste.

Lalwa i egziste i la me i pa ase comprehensive, akoz parey Minis in dir, i annan bann nouvo fenomenn ki’n devlope.  Mon dakor avek sa si nou ti met pwazon dan en vwazinaz dan en designated area lontan, si Sef Veteriner ti ganny drwa fer sa, konmela i pa apropriye.  Nou tou nou dakor avek sa, se pa en fason apropriye pour nou deal avek problenm stray dogs.  So efektivman nou bezwen adres sa bann nouvo laspe sa problenm ki’n arive pandan bann dernyen lannen.

Me selman Mr Speaker mwan mon ti a kontan dir ki avek Minis, fer Minis remarke ki dan Sesel dapre mon kalkilasyon, i annan pre 100mil lisyen – omwen 100mil, akoz sak fanmir sak lakaz preski sak lakaz I annan omwen 1 lisyen.  I annan dimoun I annan 40 dan Fisherman’s Cove Estate ki aboye tou lannwit.  I annan en msye – pa konnen kot I reste sa msye – mon konnen I annan 70 – 70 lisyen ok?

E prezan avek tou sa bann ki dan semen I annan plis ki dan mon kalkilasyon I annan plis ki 100mil lisyen Sesel.  Nou pe fer en Lalwa pour nou kapab kontrol 100mil lisyen.  E nou pe fer en Lalwa avek bann dimoun ki zot pour bezwen met en meday avek zot lisyen zot pour bezwen peye, zot pour bezwen met en microchip.  Sa osi pour koute ki mannyer nou pour enforce en Lalwa koumsa?  Ki mannyer nou pour enforce sa Lalwa?

Mwan mon pa pe vwar. Pourtan sa ki mon pe vwar mon se bann keksoz senp – se bann keksoz senp ki pour fer ki bann dimoun pour okip zot zannimo byen ki mannyer I ete.  Ou pa les ou lisyen trennen lo semen, akoz si nou vwar en lisyen trennen lo semen, i ganny anmase i ganny met en landrwa si person pa vin rode, the dog is put down. 

Sa bann ki pe vire en pe partou.  I bann desizyon senp ki nou devret pe fer. Minis i dir nou ki fodre nou annan Lalwa pour sa.  Me Minis si oule nou sipor lo sa nouvo Lalwa, ki ou’n dir, I very comprehensive, ou bezwen reasir nou ki ou pour aplike sa Lalwa; ou annan bann mwayen pour aplik sa Lalwa e ki Lapolis pour ekout ou.  Akoz konmela ler ou pour telefonn Kordgard ou dir li i annan 40 lisyen ki pe aboye an deor mon lakour, akoz zot dan en compound enn lo lot Lapolis i dir ek ou ‘’be mon annan ase louvraz pour mon fer mon pa vin get en 40 lisyen?’’  Ok?

So ki mannyer ou pour anmenn en relief, en soulazman imedyat pour bann dimoun ki pe soufer avek sa kalite problenm?  Dan sa Lalwa Minis e li in koz lo sa pwen, ou’n dir nou poudir dan Regilasyon pour annan en serten limit lo la kantite lisyen, ki pour ganny permet kot en lakour.  Mon krwar ou’n dir nou sa Minis non?

Mon pe gete i dir ‘it will be in the Regulations.’ Anyway vwala 55 (1) (m) limitation on the number of dogs, per household on a parcel of land.’ Bravo.  Mon dakor avek ou.  Mon krwar nou devret fer sa.

E mon krwar ki bann dimoun ki anvi en unlimited number of dogs se bann dimoun ki bezwen konpran ki zot liberte, zot laliberte ki zot annan pour zot annan otan lisyen ki zot anvi, I ganny limite par bann laliberte bann vwazen otour.

Donk sa pour mwan, I en keksoz ki enportan.  E i pour bezwen ganny defini klerman e I pour bezwen ganny aplike.  Me mon retourn lo menm kestyon Minis, I annan en landrwa Bel Ombre kot I annan 40 lisyen dan en residential estate.  Mon re vin lo la ki mannyer nou pa kapab fer nanryen pour sa ka?

E mon pe dir ou e Minis enn se zour pour annan en aksidan; pour annan en agresyon akoz bann dimoun I fatige. E i fatige ki nou pa pe pran bann senp mezir parey sa.  Pour nou al kot sa madanm pour nou dir avek li si oule ou 40 lisyen ou kontan ou 40 lisyen, rod en laferm breed ou lisyen rod en bout later lo konblaz mon krwar, Gouvernman I donnen en bout later lo konblaz pour fer pet haven.

Tire sa bann keksoz dan nou kominote.  Ed nou viv en pe dan lape.  Ed nou pour nou vin bann dimoun responsab avek sa bann keksoz ki pe disturb nou.  Mr Speaker mon dezapwente pour mon dir ki sa Lalwa ki devan nou in malerezman ganny ‘cut and paste’ dan en Lalwa Australien.

Mon pa pe akiz personn mon konnen poudir tou dimoun dan Biro Attorney General I busy.  I annan en kantite Lalwa ki vin la devan nou e bann paragraf – bann seksyon in ganny kopye, parey en msye I kontan dir words for words.  Ok?

E sa pour nou I fer li vreman difisil.  E mwan mon konnen Minis ki Bills Committee in pas en kantite letan lo la.  E zour nou perdi bann Manm lo sa Bills Committee, nou Lasanble pour aret fonksyonnen, akoz zot pas telman letan pe re get bann Lalwa ki ariv kot nou ki pa dan en leta ki akseptab.

Ozordi mon pa war ki mannyer nou pour kapab annan en deba prodiktiv – en deba konkliziv avek tou sa bann problenm ki annan avek sa Lalwa dapre sa ki mon vwar.

Mon mazinen poudir taler Chairman Bills Committee – Onorab Georges, i ava pran laparol i ava eksplik bann difikilte ki li in gannyen.

E vreman mon pa vwar ki mannyer nou pour kapab proceed lontan lo sa Bill, amwen ki nou pour asize la e nou pour redrafte li antye.   Mwan mon propozisyon I koumsa; Minis mon konnen ou’n dir mwan ou’n repete devan nou taler, ki ou santi poudir I annan urgency dan sa Bill.  Mon dakor avek ou Minis.  Mwan osi mon anvi urgency.  Akoz I annan bokou dimoun ki anvi urgency, ki anvi dormi anpe, ki anvi kapab viv en lavi normal.  Bann dimoun ki al lo lans zot anvi kapab marse trankil lo lans; bann dimoun ki dan lavil zot pa kapab vwar bann fashion show depi bomaten aswar lisyen pe lo bus stop lisyen lo zebra crossing lisyen dan bin, lisyen dan baro State House, lisyen … I zis konmsi not only it’s a not nice site, me I pa reflekte byen lo nou konman en pep, pour nou les sa arive.

So mwan mon krwar poudir nou pour bezwen en nouvo Lalwa, nou pour travay pour nou ganny en nouvo Lalwa, me nou pa pour kapab ganny li la.  Mwan mon propozisyon I ava koumsa Lasanble I ava deside apre Speaker I ava desid lo la.

Mwan mon propozisyon se ki Bills Committee pe fer.  E mon anvi felisit asistan dan draftperson dan Biro Attorney General ki pas en kantite letan avek nou pour fer sa travay.  Mon krwar ki nou pa pour kapab fer li ozordi e personnelman mon pa krwar nou kapab fer li semenn prosenn.

Se pour sa – me selman Lasanble I ava deside sa, se pour sa ki mon pour demann ou Minis, avan ou kit sa Lasanble ozordi annan en mesaz pour bann dimoun deor, ki keksoz pour ganny fer e keksoz pour ganny fer rapidman.  Ki ou ava koz avek ou koleg Minis Dezinyen ki annan responsabilite Home Affairs pour ki lafors disipliner lafors Lapolis, I respond pour ki Seksyon Veteriner I respond ki Seksyon Lanvironnman I pran son responsabilite anba Public Health Act e ki I pran bann desizyon I pa esper sa Lalwa, vini I pran sa bann desizyon pour nou fer sir ki at least nou pe konmans en landrwa.

E la nou ava vwar ki Gouvernman I vreman serye e nou kapab fer keksoz avek sa.  Alors Mr Speaker sa I mon propozisyon, mon ava esper Lasanble pour Lasanble deside ki I anvi ki Lasanble I deside, e mon krwar sa desizyon I ava baze lo pratikalite, lo posibilite e lo disponibilite bann Manm ki pour travay lo sa Lalwa, ki pour partisip lo sa deba.

Mon ti a kontan fer Minis rapel ki ozordi 3enm zour enn deryer lot ki nou pe sit nou azout en lot zour pour Sitting semenn prosenn nou pe azout en lot pour nou kapab accommodate nou anvi accommodate sa bann nouvo Lezislasyon ki la devan nou.  Me I annan bann kontrent fizik ki met ki anpes nou al pli vit ki nou kapab.  Mon ava aret la Mr Speaker e mon ava esper avek antisipasyon repons Minis taler.  Mersi.

 

MR SPEAKER

Mersi Onorab Ferrari.  Mon a pas laparol avek Onorab Aglae.

 

HON EGBERT AGLAE

Mersi Mr Speaker.  Bonn apre midi Minis ek ou delegasyon ek tou Manm.

Mr Speaker nou pe tret en size ase delika e nou pe koz lo en zannimo an partikilye lisyen ki a en moman donnen ziska prezan ziska bokou I konsider li konman parey Angle I dir ‘Man’s best friend.’

Mr Speaker ozordi ‘man’s best friend’ I en size ki nou bezwen debat lo la pour nou kapab plizoumwen dres en laliny drwat ki mannyer keksoz in arive kot konsern lisyen.

Mr Speaker ‘82 sa Lalwa ki ti an egzistan sa Lalwa ti pe polis presizeman se kontrol bann stray dogs parey nou dir, e en pti pe ki mannyer bann tretman lisyen e rezistrasyon ti pe ganny fer.

Me Mr Speaker ti annan en moman donnen dan letan, kot nou ti annan nou en sistenm veteriner ki ti vreman proaktiv e aktiv kot I ti egzers serten kontrol, kot I konsern sa zannimo.

Me avek evolisyon avek modernite nou vwar poudir keksoz in sanze e kot ozordi lisyen – I annan bann animal lovers parey nou dir pe ganny dir poudir lisyen I annan son drwa.

E se la kot serten problenm in konmans deklinen mon kapab dir e fer ki ozordi nou nepli annan kontrol lo sa zannimo e sa zannimo pe rann bokou nou lavi isi ki Seselwa dan son lakour ouswa dan son vwazinaz konman en fristrasyon.

E alor ler nou ariv lo sa letap ozordi Mr Speaker, nou bezwen pran en desizyon pran en desizyon brav lo ki mannyer nou pour met redres keksoz pour fer ki sa zannimo ki nou konsider bokou nou ki protez nou lakour I vin konman en pet, I pa vin en nwizans, I pa vin en problenm I pa vin en size kontansyon kot nou bezwen lager lo la toulezour.  Mr Speaker prensip sa Bill mon konpran tre byen.

Me lefe I reste ki ozordi I annan de keksoz enportan, ki nou piblik deor I anvi nou adrese – sa se sa size stray dogs ki pe rann bokou lavi nou la kominote malere, kominote biznes pe soufer e serten nou lendistri osi pe pas atraver difikilte, akoz sirtou nou bann lendistri touris.

E dezyenmman se nwizans e tapaz ki ganny koze par sa zannimo li menm.  Mr Speaker I fer mon rapel 2an pase dan mon distrik, kot ti annan en lensidan kot ler SSPCA apre bann rapor ki en lotel dan mon distrik sa Ephelia ti pe ganny bann problenm akoz bann lisyen, eran ki pe vin disturb kliyan dan restoran, dan compound lotel, ti pe pran bann mezir apre konsiltasyon ki ti ganny fer avek vwazinaz.

E zot ti menm anmenn propozisyon pour sterilize bann lisyen dan lakominote ki ti marse.  Me sa lensidan grav ti arive se ki letan lisyen ti pe ganny fer andormi pour kapab ganny pran, anmenn li dan son landrwa kot I kapab ganny met andormi serten dimoun ti rebele; serten dimoun ti pe pran aksyon e menm pran lisyen pour met lo sa menm latab kot li i asize pour manze.

Mr Speaker ler lapel ti ganny fer sete si ou annan ou lisyen a sa moman letan, anmar li, kit li se ou e loperasyon ti konmanse e keksoz ti deklans dan en fason e keksoz ti al ziska kot gard ti mele ou a dir ti annan en rayot.

Mr Speaker mon met sa legzanp la akoz nou vwar ki problenm I kapab leve, si nou pa pe egzers serten kontrol anver sa zannimo.  E I annan menm dimoun osi ki pe call ou lo en baz petet 1fwa ou 2fwa par mwan I dir ou mon zanfan pa pe kapab desann pour al lekol akoz lisyen madanm entel ouswa lisyen msye entel, ouswa I annan serten group lisyen dan bomaten ki dan semen ki pe met lobstak pour zot desann ouswa kriy serten agresyon ki zot bezwen mars avek swa baton, swa zot bezwen ganny kondire ziska kot napa sa lisyen.

Mr Speaker tousala I en problenm.  Tapaz dimoun aswar pe dormi minwi 1er bomaten lisyen pe aboye e ou konnen si ou annan en lisyen I fer en tapaz ou konpran, me ler ou annan ou 6, 8, 10 e ler Onorab Ferrari in nonmen 40 lisyen – 40 lisyen pe fer tapaz dan ou zorey Mr Speaker mon pa konpran.

Nou dir tapaz lanmizik I fer tapaz wi, me 40 lisyen ki pe aboye ki pe irle I en gro tapaz.  Alor Mr Speaker nou bezwen annan en fason fer.  Nou bezwen annan sa bann Lalwa ki nou pe mete la ozordi I morde e osi si sa Bill Lalwa ‘82 ti kontinyen ganny met anfors, nou pa ti pour vwar nou vini ek en Lalwa ki mwan mon pe konsider li en Lalwa ki vreman 32 paz, mon pe gete I konpleks.  I parey nou pe fer en Civil Code pour lisyen ozordi.

Me Mr Speaker e ler mon pas dan sa Bill li menm, mon vwar serten keksoz ki mon pe demann mon lekor kestyon, eski nou pour kapab met sa Lalwa dan son totalite an pratik?

Premyerman Mr Speaker nou pe koz lo part 2 ‘Dog Control Officers’ ek sa kantite lisyen Onorab Ferrari in nonm plis ki 100mil ki kantite control dog officers nou pour bezwen pour al police sa bann lisyen pour al met annord Mr Speaker?

Ki kantite mendev resours ki nou pour bezwen al rode ek sa problenm napa travayer, eski nou pour bezwen al rod etranze pour vin police lisyen?

Bann kestyon ki nou bezwen demande, nou annan en problenm lanplwa isi dan pei nou annan en problenm napa travayer.

Dezyenmman Mr Speaker Lapolis nou pe met serten rol lo Lapolis, eski I annan bann diskisyon ki’n ganny fer ek Lapolis kot I konsern sa Bill?

Lapolis ozordi I vreman ekipe nou pe koz lo to kriminalite ki’n ganny eleve, nou pe koz lo met lord Lapolis I bezwen donn plis sipor konbat drog konbat isi konbat laba e la ozordi nou pe al donn Lapolis ankor en task pour li al konbat bann problenm lisyen dan la kominote.  Tousala i bann flag ki mon pe raise. 

Part 3 Mr Speaker nou koz lo rol Administrater Distrik nou pe anmenn li ladan li osi.  Ozordi sa pov DA sa kantite travay ki annan pour fer dan distrik I pe ganny tansyon, I pe ganny isi I pe ganny laba nou pe anmenn li la ozordi ki Administrater Distrik i pour fer registration of dogs e pour menm al fer vizit kot sa bann lisyen I ete. E si mon dan mon distrik mon annan en 200 a 300 lisyen mon pe mazin sa travay ki sa DA I annan pour fer Mr Speaker.

Mr Speaker I annan en lot rol ankor ki zot pe met avek Ladministrasyon Distrik swivan bann rapor ouswa si sa dog officer li menm li, I vwar poudir sa lisyen in ganny deklare konman en lisyen danzere ouswa en lisyen ki unfit e DA li I pour bezwen ale al anons sa nouvel, ouswa pour al koz ek sa dimoun ouswa si pour delivre mon pa konnen en parey en papye ki pour ganny dir poudir ou lisyen i danzere – mon pa konnen si i pour vin an form en somonn.  Me selman Mr Speaker tousala i pour vin avek son konpleksite.  E eski nou annan kozri avek Local Government swivan sa Bill involvement son DA dan sa travay ki pour ganny fer?

Nou napa problenm petet nou dir tou dimoun i pli fasil pour vin kot ou distrik pour anrezistre, petet I a vin konman en administrative officer zis pour anrezistre apre I bezwen sorti dan son lanmen mon ti a swete I koumsa.

Mr Speaker en lot size enportan ki sa Bill I bezwen pran kont nou pe koz lo serten modernite microchip pour bann lisyen apre 3mwan e nou bezwen kler lo la microchip I pa en teknolozi ase bon marse eski si mon annan mon petet 5, 6 lisyen ki sa vedir an kou finansyel pour mwan?

Eski Gouvernman pour antre ladan o konmansman?  Tousala nou bezwen ganny met o kler pour bann dimoun konpran.

Mr Speaker I annan sa laspe Karantenn ki Bill pa koz lo la ditou dan Bill Karantenn Lisyen ki nou pour fer avek bann lisyen ki nou konsider danzere ouswa bann lisyen akoz lisyen osi I en aporter maladi lisyen I en enportater leptospiroz, nou pa konnen demen si I annan kek maladi ki deklare ki lisyen li osi I vin en karyer I kapab vin en lepidemi o monn, e I ariv isi Sesel nou bezwen koz lo sa bann size koumsa osi Mr Speaker.

E osi sa ki enportan se zot pe fer referans ki kantite lisyen ki en dimoun I kapab annan, me selman nou bezwen mazinen si dizon nou pe dir en dimoun I annan drwa parey dan Lalwa pe prezimen 7 lisyen par en dimoun be si I annan 5 nou dan en lakour nou tou lede nou deside adopte 5 lisyen sakenn akoz nou kontan lisyen ki sa I vedir?

Mon krwar nou bezwen get en kou mon pa krwar sa Lalwa I devret petet dir par endividi petet annou get household petet annou vin avek en formil ki marse ki fer ki nou pour napa en popilasyon lisyen ki sitan eleve e pe koz problenm.

Mr Speaker en lot keksoz ankor se lenportasyon lisyen, ki mannyer nou fer sir ki ozordi I annan bann breed ki nou pa allow dan country ki dan Sesel bann lisyen ki nou konsider danzere, I kapab met an danze.  Akoz in arive dan lepase bann aksidan lisyen kot bann manrmay sirtou in ganny atake avek bann lisyen, e nou konnen poudir lisyen I annan bann sezon ki pas atraver e nou pa kapab annan bann breed ki ler li in ariv dan son sezon I vin en menas.  I fer menm son met taye.  I annan son met ki ganny morde avek lisyen.  Mr Speaker tousala I enportan.

E dernyerman Mr Speaker mon ti anvi koz lo tretman lisyen osi nou ki annan lisyen nou bezwen pran nou responsabilite.

Nou pa kapab zis swa nou anmas en lisyen ouswa nou ganny dir la en lisyen e nou pran en lisyen osi zis nou met dan en lakord parey lontan nou dir, lisyen I manz pikan be lisyen pa sipoze pe manz pikan.

Ou lisyen I bezwen ganny anmare ouswa met dan en lakaz rezonnab e ou bezwen fer sir ki ou bezwen donn manze lisyen.

Parfwa lisyen I vin en nwizans tapaz dan la kominote akoz I ganny move tretman.  Nou bezwen dakor ek sa.  Si ou pa donn manze lisyen ou lisyen I lafen ouswa ou met li anba en pye ponm ou anmar li ek en lasenn, lisyen I dan lapli, I dan soley be ou pe fer sa lisyen soufer.  Be sa lisyen tou lannwit I dir ou pare yen dimoun ki son vant I plen I pa pour dormi aswar li son vant I vid I pa ganny manze I pa dormi I pour zis vire si I ti pour kriye I ti kapab kriye be lisyen I pa koze I pour bezwen kriye.

E sa bann tretman nou bezwen fer sir nou tret nou lisyen byen si nou konnen nou pa kapab tret sonny 2 lisyen, 3 lisyen, 4 lisyen kit zis 1 kit 1 ki ou kapab sonnyen.  E Lalwa I bezwen fer sir ki nou bezwen get sa bann keksoz byen. I annan Minister Lasante ki anba Act lanvironnman, I bezwen fer sir ki ler zot pe fer zot bann patrol dan distrik get byen sa bann landrwa ki annan lisyen, fer sir ki sa bann lisyen I pa bann lisyen ki pe ganny trete dan en fason kot I pour vin aswar I pour vin en menas pour la kominote, kot zot bezwen al devid tou sa bin salte ki annan, pas kot laport entel, anba lavarang entel manz kousen, fer nenport kwa tousala I bann problenm ki nou pe fer fas avek ozordi.

Be … e pour konklir Mr Speaker mon santi ki nou bezwen revwar sa Bill en pti gin dan tou son bann part ki I annan, pour fer sir ki I en Bill ki reflekte sa ki dimoun pe demande.  Mon vwar poudir zot pe anmenn en kantite keksoz modern me kestyon eski I annan serten keksoz ladan ki nou vwar en relevans pour Sesel nou bezwen get li byen.  E ler nou fer tou keksoz byen byensir mon pour donn sipor sa Bill.  Mersi Mr Speaker.

 

MR SPEAKER

Mersi Onorab Aglae.  Mon ava donn laparol Onorab Sandy Arissol.

 

HON SANDY ARISSOL

Mersi Mr Speaker.  Bonn apre midi tou dimoun, bonn apre midi Minis avek ou delegasyon, tou bann ki pe ekoute dan lakour bonn apre midi.  Mr Speaker parey in ganny dir sa Bill ki devan nou ozordi I en Bill ki nou pour annan diferan lopinyon lo la.  Sakenn pour annan son lopinyon depandan son leksperyans, depandan sa ki li I viv avek.

Mon ti a kontan repran kot Onorab Aglae in kite ozordi Sesel nou annan en tandans kot si en dimoun I annan aquarium dan lakour e I sonny pti pwason dou, tou dimoun Sesel pour anvi fer parey.

Sesel nou annan en tandans si dimoun I annan en pti lisyen bann pti lisyen lakaz fodre nou osi nou annan en pti lisyen lakaz.

Si ozordi dan lakour dan ou vwazinaz Sesel nou annan bann gro kalite lisyen, ki nou apel zot bann gro lagel, bann gro latet mwan osi mon pour fer en fason pour mwan ganny enn, parske Seselwa nou annan en mantalite copy and paste parey nou dir.

Si nou vwazen nou osi nou bezwen annan.  Sa I tipikman nou Seselwa.  Prezan ki I fer letan ou vwazen I annan en detrwa lisyen ou osi ou’n rod detrwa lisyen sa ki nou pa realize sa lisyen ki nou vwazen in rode nou rode lisyen I bezwen pise, lisyen I bezwen bennyen, lisyen I bezwen manze, e lisyen I fer sa ki nou apel I pas son lasel tou li par-ler nou bliye ki letan lisyen I manze I pas son lasel.  I annan plen dimoun I son lisyen I dir ek ou poudir I pa ti konnen poudir lisyen pli I gro pli son lasel I menm groser avek li.  Ozordi I vin en problenm.

So se sa problenm ou vwar ki nou pe gannyen parske Sesel nou fer tou sa ki nou vwazen I fer, nou get tou sa ki dimoun I fer dan lemonn nou osi nou anvi fer parey e ozordi nou end up avek en sityasyon kot nou annan en kantite lisyen lo semen.

E ozordi nou annan nou en Bill 32 paz ki pe koz egzakteman sa.  Prezan kote problenm I vini Mr Speaker? Problenm I vin lo Lalwa. Sesel ozordi nou annan en kantite Lalwa nou e lo lisyen nou annan en Bill ki pe al ganny repeal anba sa enn ki ti koz egzakteman sa.

Be letan nou get Lalwa lanvironnman par egzanp I sipoze annan en Lalwa kot lanvironnman kot bann dimoun ki annan zot biznes zot pa kapab vin zet zot bwat kartron oubyen bann keksoz dan main bin kot tou sitwayen I zet son salte.

Selman toulezour ou vwar dimoun ki annan biznes zet zot menm salte kot dustbin kot tou dimoun I zete si I koup son tron dibwa si I tir son vye lili I pran tousala I met la kan I ti kapab rod en pick-up al zet landrwa apropriye.  Sa I en premye legzanp.  Lalwa pa morde.

2enm legzanp mon rapel lontan kot lasose Cat Cocos dan Dimans ou ti kapab pran ou fanmir dan Dimans asize zet en pti laliny dan delo pas en pe letan pas en lazournen.  Ozordi in arête sa Cat Cocos in met en baro ou pa ganny drwa antre.

Ou konnen akoz ou pa ganny drwa antre Mr Speaker parske zis dan Dimans oubyen Sanmdi I vin en vagabonen dan son transport I fer sport lo lasose pour li tap tou dimoun, akoz li I anba lenfliyans lalkol prezan ou konnen ki Lotorite I fer Lotorite I dir ferm lasose sakenn I reste se li.  Lotorite I pa deal ek sa problenm li I pini tou dimoun ansanm.

2enm legzanp; Bel Ombre lo konblaz Bel Ombre lontan bann zanfan bann dimoun I al lo konblaz Bel Ombre, zot zet en pti laliny dan delo, zot asize trankil zis en vagabonen I vini dan son loto I zwe son lanmizik byen for, ou konnen ki Lotorite Gouvernman I fer?  I kennsel tou dimoun antre laba lo lasose I met en baro I dir personn pa pour antre ankor.  Zot pa deal avek problenm.

Letan mon tann Onorab Ferrari koz lo 40 lisyen Fisherman’s Cove Estate, be Lotorite pa konnen I annan en dimoun ki annan 40 lisyen Fisherman’s Cove Estate?  Lotorite I konnen li!  Lotorite pa sanksyonnen!  Zot Lalwa I la zot repeal enn, pour entrodwir en lot, selman I pa morde.

Sa nou problenm Sesel! Ozordi nou vwar nou pe deal avek bann Lalwa plizyer Lalwa be selman problenm Mr Speaker Lalwa pa morde.  Zanfan I al aste bwar dan laboutik ki napa laz aste sigaret, pa toulezour pa I annan?  Ki Lalwa I fer?  Nanryen!

Avantyer FTC in dir poudir in antre dan laboutik somewhere dan en distrik ti annan 150 komodite ekspire lo letazer.  150.  Be letan mon asize dan lakour mon fer mon rezon konman en endividi, mon dir 150 komodite dan laboutik, be laboutik I bezwen fermen.  Be 150 komodite nou pe koz en ta komodite!  Non I pa fermen sa laboutik li, I ganny en fine apre I pour kontinyen vann ankor.

Nou bezwen annan bann Lalwa ki morde dan nou pei!  Nou bezwen annan bann Lalwa ki letan nou dir pa pour fer – pa devret fer.  Nou pa kapab anmenn enn repeal enn apre nou dir sa enn pour marse.

Mr Speaker sa i mon premye pwen.  Letan prezan nou get ozordi nou pe dir lisyen nou pour bezwen annan Lalwa kantite lisyen pour annan dan vwazinaz, kantite lisyen en fanmir pour sonnyen, be i annan en keksoz nou bezwen pran kont.  Nou pa kapab an menm tan annan diskriminasyon kont lisyen!

Be alor sa dimoun ki sonny sat li konbyen sat, I pour kapab sonnyen kot son lakour?  En premye kestyon!  Sat pa aboye, sat I annan lezot nwizans ki I fer.  I al rod son lera mor I anmenn devan ou laport; I monte desann lo ou tol.  I antre dan ou plafon, I fer tou sort kalite dezord.

Eski nou pour annan nou en tarif lo konbyen koson en fermye I kapab sonnyen?  Akoz li osi I anmenn loder, I anmenn desarz I osi annan son kalite tapaz ki I fer, eski nou pour annan en diskriminasyon lo kantite torti en dimoun I kapab sonnyen kot son lakour?  Sa osi nou bezwen mazinen, si nou pe fer sa pour lisyen, parske torti li I trankil ou donn li tou son manze, zour I mont lo ledo sa lot sanmenm sa zour ki I disturb ou, parske I kriye!  Eski pa I en nwizans pa I en tapaz pour la kominote?  Sa osi nou bezwen gete!

 

(laughter)

 

HON SANDY ARISSOL

Akoz nou pe anmenn en diskriminasyon selman kont lisyen?  Sa I en 2enm pwen mon pe koz lo la, alor si nou pe anmenn sa pour en kalite lisyen, pour en kalite zannimo pour lisyen ki nou pe koz lo la, nou bezwen get an zeneral, akoz nou pe get zis enn?  Sa I enl ot pwen Mr Speaker.

Letan nou pe koz par egzanp letan en lakour en madanm ek en msye in marye dan zot lakour, eski Lotorite I vini I dir ek zot konbyen zanfan zot pour annan?  Non!  Zot kapab fer zot kantite zanfan me selman Lotorite I enterfer letan zanfan I ganny mistreated.  Zanfan I ganny neglize.  Zanfan pa pe ganny okipe.

Lalwa ki ti annan depi 1982 se sa ki devret pe fer li.  Letan bann zannimo I ganny abize letan bann zannimo pa ganny okipe, Lalwa I devret antre la.  Lalwa pa antre li.  I pa vedir sa enn ki nou pe pas lo la ozordi 32 paz I pour antre.  Nou pour bezwen vwar Mr Speaker.

Lot pwen ki mon ti a kontan koz lo la letan nou pe koz lo Bill Lisyen, sa ki nou bezwen pran kont ozordi, I annan dimoun I sonny lisyen ozordi dan zot lakour, parske zot pa kapab afford pour zot annan camera; pour zot pey sekirite prive.  Alors sa endividi ki I fer li? I rod 2 lisyen parske li I ti a kontan letan I pe dormi aswar son lisyen I zape I dir non, ler mon lisyen I zape la I annan en dimoun pe pase pe get dan mon pye papay.  Alor vre I ouver son rido I annan en dimoun pe get son pye papay.

Lisyen ozordi dan lakour Seselwa in vin en fason sekirite pour en fanmir.  Sa osi nou bezwen pran kont.  Me parkont bann ki annan larzan, ki annan mwayen I met camera, zot met zot fil, zot met zot miray, zot met zot baro pez avek ‘remote’ I ouver, me selman nou ava pran kont kantite lisyen ou kapab sonnyen kot ou, e nou a fer sir anba Lalwa ki ou lisyen pa pe annwiy sa vwazen lot kote.

Mr Speaker letan nou pe koz bann biznes par egzanp dan la kominote I dir ek ou lisyen I disturb li; lisyen pa pe kapab soz, selman parfwa sa ki nou bezwen pran kont mazorite bann biznes ozordi letan son bann manze I reste kot son biznes, swa I anmennen I dir avek sa madanm ou a ganny sa ou a donn ou lisyen; donn ou lisyen sa pti manze.  Nou pa pour zete be pran ou a donn ou lisyen sa I a servi.

Sa I annan bann konsiltasyon ozordi dan distrik ant bann dimoun ki annan biznes ek sa ki annan lisyen, me selman parkont I annan bann ki al overboard, parey Onorab Ferrari in dir.

Be bann ki al overboard nou bezwen deal ek zot annou pa pini tou dimoun ansanm pini tou ansanm dan en sel serk, annou pini bann ki devret ganny pini anba Lalwa.  Annou pa fer Lalwa zis pour serten oubyen zis pour Lalwa la selman, pa morde Mr Speaker.

Me prezan nou bezwen demann nou lekor Sesel ki vre problenm nou gannyen avek lisyen?  Premyerman nou annan nou sa ki nou apel bann lisyen eran parey in ganny dir la dan mon distrik ki baliz avek lavil kot Lorloz mon vwar zot toulezour.

Me sa bann lisyen eran la ki dan mon lavil la anvil la St Louis ki baliz avek Mont Fleuri,  La Riviere Anglaise, Bel Air la, eski sa bann lisyen ki desann anvil la, I zot ki anvi desann anvil?  Se imen nou ki’n pran zot ki’n met obor dustbin, oubyen nou’n met zot dan en kwen aswar, prezan ki zot in fer?  Zot in grandi lanmenm.  Prezan pour li ganny en manze ki I fer?  I fouy dan dustbin apre 5er pour li manze.  Se sa ki pe arive dan nou pei.  Me nou sa ki nou pa fer se ki nou pa trace pour nou rode lekel ki’n met sa lisyen dan bor semen?  Par egzanp letan bann salte I ganny met obor dustbin ki pa devret, nou pa sey fer en zefor pour nou trace pour nou rode ki lakonpannyen sa? I annan en labeling lo sa kartron, lekel ki’n kapab met sa la? I bezwen annan en dimoun ki’n vwar. Nou pa fer sa swivi nou zis nou fer Lalwa nou pase black and white nou anmennen, nou dir sa Lalwa pour deal avek sa.

Finalman I pa deal avek Mr Speaker parey sa Lalwa ki nou pe al repeal 1982 ki ti deza la, ki mon aprann ti annan anviron 4 a 8 paz, sa I annan 32 paz.

Me parkont I enportan osi pour nou konpran la realite lavi ozordi dan nou pei – ok?  Parske I annan en kantite keksoz ki pe arive ozordi Sesel, ki nou bezwen met nou azour avek.  Nou bezwen fer sir ki Lalwa ki nou pe enplimante ozordi, I azour avek le norm.  Akoz mon pe dir Lalwa?  Parske dan Lalwa ki zot in donn nou I annan en bout dan Lalwa ki pe fer provizyon pour nou chip bann lisyen.  Me selman an menm tan dan menm Lalwa I annan en lot bout ki dir ‘prohibited modification for or operation on dogs.’ Me eski letan ou pe chip sa lisyen, eski pa I en modifikasyon ki ou pe fer ek li?  Ou pe fors li met en chip avek li? Eski I pa tonm ansanm sa ladan sa?  Sa I enn.

Dezyenmman Mr Speaker letan nou pe koz an relasyon avek bann dog officer parey Onorab Aglae in dir. Ozordi Sesel nou pa ankor kapab nou menm nou monitor.  Me mon kontan yer dan Nouvel mon tande poudir omwen Minister Tourizm in etabli en task force pour deal avek bann biznes touris, ki nou kapab dir zot ilegal.  Mon’n tande dan Nouvel.

Mon ti a kontan konnen mon aprann poudir Imigrasyon osi zot annan en task force ki pour deal avek bann imigran ilegal ki pe kontinyen antre dan nou pei, oubyen bann dimoun ki reste ilegalman dan nou pei.  Me nou annan en kantite travay pour nou fer.  Be an relasyon avek sa Bill eski letan nou pour enplimant sa Bill la, eski bann zofisye ki mon tann koz lo la eski zot pour annan ase letan, ase resours, ase mendev, ase finans, pour nou deal avek sa Lalwa ki nou pe dir la Mr Speaker?

Konbyen I pour arive an zeneral?  Letan mon’n pas dan Bill, I annan en kantite keksoz zot pe enplimante – parey Onorab Aglae in dir an relasyon avek DA la avek Regional Council kantite travay ki annan pour nou fer, eski DA I the right person pour al anrezistre ou lisyen?

Dan Bill in fer provizyon ki si ou annan en mal avek en femel, ou bezwen al deklare parske sa zofisye laba ki poudir si wi ou’n ganny license pour kapab fer zot krwaze oubyen non! Tousala I annan ladan.  Eski sa I pa I pour fer ki I pour annan en sitan keksoz pour sa pti gin Lotorite pour deal avek?

E Lalwa pe fer provizyon ki nou annan nou en vet ki pour sertifye tel keksoz, tel keksoz an akor avek vet, be eski konbyen veteriner nou annan Sesel?

Nou annan zis enn pe asize la, ki nou tou nou konn li.  Apre mon aprann Mr Dr Moulinien tanzantan I vini I part time.  Mon’n tann Onorab Ferrari pe dir nou annan anviron 100mil sote, eski nou pour annan ase vet pour deal avek tou sa bann problenm Mr Speaker?

Alor mwan mon krwar si nou zafer ti kapab rezourd fasilman, ede en kantite si Lalwa ki nou annan Mr Speaker I morde.  Annou pa zis fer Lalwa pour accommode en pti group kategori dimoun, me de lot kote lezot dimoun li I soufer anba bann Lalwa ki annan.

Mwan mon krwar poudir I annan en kantite travay pour nou fer, nou annan lo sa Lalwa Mr Speaker, me selman sa ki mon dakor avek, se ki an menm tan lisyen konman en zannimo, I ganny proteze parey tou lezot zannimo I ganny proteze.

Parske anba en Seksyon anba Lalwa I koz lo par egzanp anpes li koup son zorey, pour fer sir ki son zorey I debout drwat an relasyon avek koup son lake e tousala I bann proteksyon ki sa I enportan pour nou fer sir ki letan nou pour annan en tel Lalwa, tousala I ganny enkorpore.

Pour ki sa dimoun ki kontan son lisyen konman en pet – parske I annan dimoun I adopte lisyen parey mon dir pour sekirite.  I annan dimoun I pa kapab fer zanfan, alor I santi poudir letan I annan en lisyen dan lakour en lezot pet, sa pour li I vin en kanpanny.  I annan dimoun ki letan enn son fanmir pros I mor, I pran en pet konman en kanpanny dan lakour.  Sa osi nou bezwen e sa in reste en kiltir dan nou pei kot nou annan en pet.  Me selman parey nou pe dir I enportan ki ou pet I pa vin en lannwi pour lezot vwazen oubyen pour la kominote.

Alor Mr Speaker, mwan mon krwar poudir Lalwa I la.  Lalwa I bezwen mentenir e Lalwa I bezwen fonksyonnen dapre lafason ki in ganny fer.  Annou pas zis fer Lalwa, apre nou pour vini nou pour tande poudir I annan en msye Beau Vallon laba ki annan 70 e ou annan en lot dimoun Fisherman’s Cove Estate ki annan 40, ou annan en lot landrwa ki annan 15.

Lalwa I pour bezwen la pour aplike.  Me selman mwan sa ki mon pa kontan, se ki fodre nou pa fer diskriminasyon kont en kalite zannimo e nou fer nou les en lot pase.  Alor mon krwar I enportan dan laliny ki nou pe koze Mr Speaker avek plis lesplikasyon ki Minis a kapab donn nou apre an konsiltasyon avek son bann dimoun, pour nou vwar ansanm ki mannyer nou kapab fer, ki sa Lalwa ki nou pe fer la, oubyen si nou annan lezot diskisyon lo lezot keksoz pour li kapab morde an zeneral.

Me selman I enportan pour bann dimoun ki pe ekout nou laba deor, konpran poudir lisyen I en pet – wi I ou zannimo ki ou sonnyen, I pour ou, me selman I pour bezwen annan serten disiplin lo lafason ki ou’n elve li, se sa ki enportan ozordi nou pa ganny problenm parey nou pe vwar pour annan en kantite lisyen eran dan semen, kot pe fer lezot disturbance.  E sa I en lannwi pour nou lekonomi; I en lannwi pour la kominote e I en lannwi pour nenport ki dimoun ki pa kontan lisyen.

Avek sa detrwa pti mo Mr Speaker mon ti a kontan dir mersi pour sa letan ki ou’n donn mwan.  Mersi bokou.

 

MR SPEAKER

Mersi Onorab Arissol.  Onorab Sebastien Pillay.

 

HON SEBASTIEN PILLAY

Mersi Mr Speaker.  Bonn apre midi.  Bonn apre midi tou Manm Onorab.  Bonn apre midi Minis ek ou delegasyon e bonn apre midi tou dimoun ki pe ekout nou, ki pe regard nou kote ou ete.

Mr Speaker sa Bill apre midi I fer mon mazin en sityasyon dan mon lanfans ki ti tre fasinan.  Mon rapel ti annan en msye ki ti reste pa lwen avek kot mon reste – en msye ase aze e li ti annan en lisyen zanmen mon pou bliye ti en lisyen nwar ek blan e partou kot ou ti vwar sa msye sa lisyen ti deryer li.  Si I al laboutik sa lisyen I swiv li; si I al kot klinik sa lisyen I swiv li si I al Legliz sa lisyen I swiv li.

E sa lisyen ti mars partou ek sa msye, li en zour sa msye I tonm malad – mon krwar Onorab Esparon I konn en pti pe ki mon pe koz lo la, sa msye I tonm malad personn pa’n dir sa lisyen sa msye in tonm malad, sa lisyen – sa msye lanbilans I pran li, sa lisyen I reste la li.  I retourn kot lakaz son landmen I retourn menm landrwa ankor.  I retourn kot lakaz son landmen I retourn menm landrwa ankor.

Tanzantan dimoun I pase I vwar sa lisyen lanmenm e bokou dimoun toultan ti fasinen par sa lwayote sa lisyen ti annan ver son met.  Ou konnen ozordi apre midi, nou pe debat lo en size ki malgre ki pour serten antre nou, I evok serten lemosyon pour bokou dimoun I evok serten emosyon.

E mon krwar en lapros ki nou pa devret pran se pran en lapros konmkwa poudir konman en Lasanble nou pa sansib anver lemosyon ki dimoun I eksprimen oubyen anver levolisyon dan lafason ki nou konman en pep, nou end up tret zannimo.  Ou pour koz ek bokou Seselwa ozordi e bokou dimoun pour dir ou mil fwa I annan en lisyen ki I annan en bon zanmi.  E mon krwar bokou nou tann sa ‘saying ‘oparavan.

Akoz I dir ou poudir sa lisyen pa pour zanmen devwal son sekre; pa pour zanmen trair li; pa pour zanmen fer li en ditor.  E malgre li I pour maltret sa lisyen I pa pour donn li manze, fer li bann ditor, sak fwa sa lisyen I vwar li, sa lisyen pour kontan pour vwar li.  Me ozordi apre midi Mr Speaker, bann entervenan ki’n koz avan mwan, mon krwar ki zot in koz pour en sityasyon ki dimoun pe fer fas avek, bann konsern ki nou popilasyon pe eksprimen.  E mon pa krwar ki nou bezwen konman en Lasanble ozordi, pran en pozisyon ki se Gouvernman ki’n anmenn sa Lalwa e nou Lasanble Nasyonal.  Non.

Mon krwar nou bezwen regard nou konman nou Gouvernman, nou Gouvernman la ozordi.  Dan sa Lasanble Nasyonal nou form parti Gouvernman e sa Lalwa in vin devan nou e nou bezwen fer zistis sa Lalwa e regard li dan en fason obzektif, pour nou konnen kwa ki bon ek sa Lalwa ki konsern ki nou annan.

Akoz si non ki nou pour fer nou pour zis gat nou letan, fer en ta koze apre midi, apre zis pour nou dir me sa Lalwa fodre retournen e nou pa pour pas li.  Mon krwar nou devret onet avek nou lekor e nou admet sa.

So premyerman Mr Speaker les mon adres serten – permet mwan adres serten konsern ki mwan mon annan vizavi diskisyon ki nou pe gannyen apre midi, avek serten konsern vizavi avek sa Lalwa.

Premyerman mon krwar ti enportan – ti vreman enportan ki Gouvernman I vin dan Lasanble e I vin eksplik son pozisyon lo ki fason I le entame sa prosedir ki I le fer pour deal avek sa sityasyon isi.  Ti enportan pou sa I arive, akoz sa Lalwa in ganny mansyonnen par plizyer repriz.  E bokou dimoun mon asire Mr Speaker menm ou, ou’n bezwen ganny telephone call, oubyen mesaz avek dimoun ki in demann ou kan eski sa Lalwa pour pase?  Kan eski sa Lalwa pour vin devan Lasanble?  E mon asire lezot Manm Onorab dan sa Lasanble in ganny bann menm konsern eksprimen par bann zabitan dan zot distrik.  Sa I premye pwen enportan.

E Gouvernman in vini in prezant bann mezir, baze lo en Lalwa ki malgre ki in adapte sorti dan en ziridiksyon ki I pa Sesel I en Lalwa ki deal avek kontrol lisyen.  E lisyen I lisyen ki I en lisyen ki Australie, ki I en lisyen ki L’Angleterre; ki I en lisyen ki L’Amerique i still en lisyen. I annan 4 lapat e I aboye.

So mon krwar ler nou pe koz lo Lalwa ki sorti dan en pei ki sorti dan en lot, sa ki nou bezwen konpran, se ki lavansman ki ganny fer dan bann pei, dan en lot pei parfwa dan sistenm veteriner pour bann ki’n frekant veteriner, zot pour konpran poudir se sa bann lavansman ki ed veteriner dan lot pei, pour li amelyor sa bann pratik ki I annan zisteman parey dan sistenm medikal ki deal avek serten dimoun, kot ou pour aprann avek bann lavansman dan teknolozi ki in arive, avek bann lavansman ki’n arive dan lafason ki ou tret bann maladi, ki ou met an plas bann mezir pour deal avek.

E nou bezwen apresye osi travay ki Seksyon Veteriner dan Minister Lagrikiltir in fer dan sa bann dernyen lannen – pa zis pour deal avek bann dimoun ki annan pets, lisyen, sat, me osi pour deal avek zot core mandate e sa se veterinary section ki konsern bann fermye e Sekter Alimanter – Sekter Prodiksyon Alimanter dan nou pei.

Ozordi mon konnen I annan veteriner Dr Melanie I la nou annan Dr Moulinien, Dr Maria, Dr Aline; I annan detrwa lezot ankor ki’n konmans travay avek Seksyon Veteriner me sa ki nou bezwen admet Mr Speaker – e la mon krwar Gouvernman I bezwen pran serten kilpabilite, nou pa’n donn ase latansyon sa Seksyon.  Nou pa’n donn ase latansyon sa Seksyon e sa I fer ki bokou bann problenm ki nou pe fer fas avek, malgre ki sa bann dimoun I konpetan pour deal avek bann legzizans zot louvraz, lanpler problenm pour debord zot, akoz la kantite resours ki zot annan a zot dispozisyon pour zot travay avek, pa pour permet zot kapab fer sa ki zot anvi fer.

E se sa la kote pli gro defayans sa Lalwa I ete.  Malgre sa Lalwa dan li menm I pour en bon Lalwa, se son lenplimantasyon dan en fason imedya pour donn sa bann lobzektif ki sa Lalwa pe demande, ki nou pa pour kapab achieve e ki konman en Lasanble nou pour zis fer en disservice lepep ki pe ekout nou, si nou pas sa Lalwa dan son fason ki I ete.

Son prensip sa Lalwa I nob.  I byen.  Napa nanryen mal ek prensip zeneral sa Lalwa. Me I annan serten eleman dan sa Lalwa ki mon personnelman mon ti a voudre vwar Gouvernman vin avek en metod, kot pour fer en lenplimantasyon, dan en faz kot petet ou ava dir en parti sa Lalwa I ava pran lefe ler Lalwa I ganny assent lot parti I a pran lefe lot letan.  Koumsa ti ava donn bann diferan resours ganny met an plas, pour nou kapab deal avek sa sityasyon.            Me dan en lot kote nou pri dan en ‘Catch-22’ konman en Lasanble, akoz I annan en konponan bidzeter, ki vin avek lenplimantasyon en Lalwa.  Menm sa Lalwa dan Dog Control Act ki egziste ozordi.  E pour nou kapab fer en analiz lo nesesite bidzeter ki sa I anmennen pour nou, nou pour bezwen alors prezan regard sa Lalwa an konteks avek kwa ki pe vini dan lefitir; ki bann Lazans par egzanp Lazans National Biosecurity Agency pe vin fer, pour zisteman pour fer lenplimantasyon sa Lalwa vin en keksoz ki vin en realite.

Mr Speaker dan laplipar pei dan lemonn ozordi, an se ki konsern kontrol lisyen sa I desantralize. Se bann Lotorite lokal ki zwe en rol primordyal dan lafason ki zot manage – ki dimoun I manage the ownership of a dog.

Par egzanp si ou al L’Angleterre ou pour vwar sa ki apel bann Local Councils – bann Local Authority.  Bann Local Authority se zot ki annan en rol primordyal pour zwe parmi sa.

E mon krwar se sa nide deryer ki in met bann Administrater Distrik ladan; malgre ki dan nou konteks pour nou pour koz administrater management process of a dog ownership, I pa en keksoz ki kouran dan nou langaz.  Me I en keksoz ki nou bezwen kontinyen konsidere akoz resours I annan en limit si non nou pour bezwen annan 26 dog control officers at the end of the day pour 26 distrik.

So nou bezwen mazin lo servi bann resours ki nou annan deza, pour nou kapab enplimant en Lalwa.  E se sa ki nou toultan koz lo la dan Lasanble e Onorab Afif lot kote I konn tre byen akoz I en size ki nou menm nou deza aborde nou de, ler li I ti ankor PS pour Finans; ki mannyer nou servi bann resours ki nou annan ozordi without having pour demann resours adisyonnel, pour demann finansman adisyonnel.

Par egzanp mon rapel ki nou ti annan diskisyon lo akoz nou bezwen fer en 2enm runway a sa moman, kan ou ti kapab fer serten lezot mezir.  Mon krwar ou rapel tre byen.  So i annan bann keksoz ki nou bezwen mazinen ki’n vin dan serten lozik lo sa Lalwa.

Me selman Mr Speaker, selman nou bezwen osi apresye poudir I annan en rezon akoz in met microchipping dan sa Lalwa.  Akoz si dorenavan nou microchip tou bann lisyen ki annan 3mwan onwards I pour fer ki si demen sa lisyen I ganny zete, nou pour kapab trace zisteman sa ki Onorab Arissol in dir nou pour kapab trace lekel sa owner ki’n zet sa lisyen.  Akoz en keksoz ki pour vin en mandatory, se ki as soon ki ou pran ownership sa lisyen, ou bezwen microchip li pour fer ki ou ownership sa lisyen I ganny confirm e se sa ki efektivman vin son registration.  So I annan bann mezir ki vin enportan.

Mr Speaker wi nou pour register en lisyen avek met son kolye eksetera, me sa microchip li, I enportan akoz I vin en loportinite pour nou dir be ok we are moving to the next step.  Me a sa moman Mr Speaker ki mon pe koze la, nou pa ankor pare pour fer sa.  E I annan en lot problenm ki nou kapab deal avek avan ki nou koz lo microchip lo lisyen.

Nou kapab anmenn registration of dogs without moving towards microchip la until we are ready ki nou pour kapab microchip tou lisyen.  Akoz ler nou mazin byen problenm meday, tou bann ki annan en lisyen I a bezwen rapel ki ti annan en pti meday ki ou ti gannyen pour ou lisyen.  Me ki ti arive apre?  Ti napa meday e ler meday ti fini ti aret donn meday e dimoun ti nepli met kolye dan likou zot lisyen.

So nou vwar ki bann problenm ki vin avek, ler nou regard lenplimantasyon sa Lalwa.  Malgre ki I en Lalwa ki sound an principle son merit I fer sans I pour vin difikilte serten difikilte cumbersome dan son lenplimantasyon.  Me ti enportan ki Gouvernman I realiz natir sityasyon e pour regard dan le mezir ki zot pe fer.

En lot pwen enportan Mr Speaker, ki mon krwar I neseser ki mon koz lo la mon krwar tou Seselwa in vin aware of the fact ki lisyen in vin en biznes.  Lisyen I en biznes akoz I annan lisyen ozordi ki en dimoun I vann pour R10mil.  E I annan dimoun apre en litter I kapab pe fer li o maximum R50mil avek en biznes lisyen.  E I en biznes ki sa Lalwa ozordi pour definitivman met en serten Regilasyon otour.  

So tousala I bann keksoz ki nou bezwen konsidere, ki nou bezwen deal avek akoz I en sityasyon ki la avek nou ozordi.

Lisyen I ganny vole Mr Speaker.  Nou pe koz lo vol bannann; lo vol papay me lisyen I ganny vole kot dimoun, pour al vann.  So I annan tou en seri keksoz Mr Speaker ki fer ki nou bezwen vreman regard sa Lalwa pa zis dan konteks, sa ki dimoun pe dir nou, e mon konnen pa tou dimoun pour kontan sa ki mon pe dir, me mon pa la pour fer tou dimoun plezir. Nou bezwen aksepte poudir the ownership of a dog I en keksoz serye; I en keksoz emosyonnel, me nou bezwen annan bann mezir neseser pour nou kapab deal ek bann sityasyon kan nou les ownership of a dog depas nou.

Mr Speaker mwan osi mon vwazen in deza konplent lisyen I fer tapaz, e mon fer mon mye, mon sey mon mye e mon apresye toultan sak fwa mon vwazen I dir mwan sa.  E mon asire plizyer dimoun I pas dan sa sityasyon.  E I en keksoz ki nou tou nou bezwen fer me selman en dimoun pa kapab al an deor e allow sa sityasyon to grow to a point ki ou pa sansib anver sa lot dimoun pe dir ou.

Me si nou fer sondaz ozordi, nou regard dan bann distrik, bann lakour ki pe ganny kase konbyen ki annan en pti lisyen obor lakaz ki aboye ler en dimoun I pase, nou pour vwar dan la mazorite ka I bann lakaz ki napa en lisyen.  Nou vwar lakaz ki annan camera I ganny kase!  E souvandfwa lakaz kot i annan lisyen avan I ganny kase sa lisyen I ganny trouve kwa?  I ganny trouve anpwazonnen ouswa I ganny trouve mor.  Ou vwar?  E sa ki Onorab Arissol in dir I tre pertinan, akoz Sesel ozordi dan bokou konton dan bokou kominote dimoun I sonny en lisyen pa zis konman en pet me osi konman en sekirite – en form protez zot lakour.  So I annan en rezon pour nou koz lo sa Lalwa, me I osi annan en rezon tre valab pour nou koz lo lenplimantasyon sa Lalwa as it is today. 

Mr Speaker mon konman en mezir enterimer, mon ti le propoz sa, eski I posib pour regard bann provizyon dan sa Lalwa e regarde ki sa bann provizyon ki pour ganny entrodwir?  Akoz nou deza fer oparavan ki a kapab re entrodwir avan e lekel bann ki kapab vin apre matching bann resours a ganny met an plas, ler I ganny entrodwir.

Mon senserman krwar ki nou bezwen annan en rezim an se ki konsern control of stray dogs ki pli kler, ki pli fasil pour nou manage.  I enportan pour nou annan sa, akoz nou tou ki pase anvil aswar, nou pour vwar lisyen I koup semen, I pe ale vini lisyen dan semen partou I pa en keksoz ki nou ti a swete vwar.

Me la Mr Speaker I enportan pour mon not en keksoz ki enteresan resaman mon ti kot en lotel e mon ti vwar ki mannyer en kliyan ti reakte ler en staff sa lotel ti pe pous sa lisyen.  E sa kliyan pa ti kontan ditou!  Akoz ki’n arive Mr Speaker, ki’n arive dan en fason tre trankil in antre en sistenm dan nou pei kot sa zafer animal humane societies human rights bokou pei ozordi I frown lo tretman lisyen dan en serten fason.

E sa I pour annan en lenpak lo nou limaz e se pour sa rezon ki nou dan lafason nou drafte nou Lalwa nou bezwen koz lo euthanizing of dogs rather than zis pran labwet zet obor bin pour touy lisyen.  Se sa ki’n fer sa.  E la mon pour donn zot en legzanp tipik; par egzanp dan ‘big game fishing’ par egzanp I annan dimoun ki pey en kantite larzan pe fer sa sport me pa le vin isi akoz zot dir poudir nou pa practice catch and release.  Ou vwar e sa I en keksoz ki bann dimoun dan sa biznes I konnen I en realite.

So I annan tou en seri diskisyon ki nou bezwen fer, otour sa bann keksoz ki enportan pour nou konsidere.  Mr Speaker an konklizyon Mr Speaker, mon pour bezwen dir ki mon en pti pe dezapwente avek Onorab Ferrari ozordi.  Akoz mon dezapwente Mr Speaker se akoz Onorab Ferrari in deside pran en Lalwa ki pe konsern la mazorite dimoun dan pei ki napa nanryen pour fer avek politik ladan I deside fer politik avek.  In deside li anmenn en deba lo Gouvernman I fail pour li deal ek en problenm.

E mwan mon kontan remind Onorab Ferrari, se ki si en problenm pa’n ganny adrese dan lepase, ki ou pour fer ou pour kit li la oubyen ou pour sey adres li?  Ou bezwen sey adres li.  E si nou tou nou tonm dakor poudir si nou tou nou tonm dakor Mr Speaker ki sa Lalwa ozordi as it stand dan lafason ki I ete, I pa pour permet nou adres sa problenm dan en fason adekwat, then mon pa krwar ki nou devret pe kontinyen avek en deba ki pour vin zis lo repet sa ki pe ganny dir.

I devret vin la aprezan nou move a en moman poudir la ok mon ti ava sizere ki si nou move to a deferment nou move to a deferment ki ava donn Gouvernman letan pour li re-travay lo en Prozedlwa ki ava pli konkret, ki ava pli spesifik in regards sa Lalwa and then nou kapab move to approval. 

Otherwise si nou kontinyen koz lo la Mr Speaker, I pa pour posib pour nou come to a conclusion avek sa Lalwa.  Mr Speaker  mwan mon le osi remind Lasanble Mr Speaker ki bokou sosyete I ganny zize par lafason I tret son zannimo, e sa ti ganny dir par Mahatma Ghandi e annou pa vin en sosyete ki vin ensansib anver en zannimo ki nou dekrir li ‘man’s best friend.’

Mon krwar tou dimoun par lafason mon pe koze, mon pa en dimoun ki sitan (mannyer ou kapab dir sa) mon en dimoun ki kontan lisyen wi, me mon pa en dimoun ki krwar ou devret al overboard avek ownership en lisyen.  Mon krwar ou devret annan serten kontrol at the same time Mr Speaker, mon krwar dan nou deba ozordi.  Annou gard en ton kot nou apresye sansibilite tou dimoun.

E mon senpatiz Mr Speaker avek okenn dimoun ki’n ganny afekte par bann lisyen eran ek bann lisyen dan semen ki pa fer li fasil parfwa dan lavi toulezour, kot ou vwar sa bann keksoz arive.  Me Mr Speaker mon pledwari avek ou ozordi se ki eski nou pour kontinyen deba lo sa Lalwa, e fini prezant pozisyon ki lot kote latab pour pran.

E mon krwar Onorab Aglae ki’n koze avan mwan lot kote latab in osi prezant en pozisyon ki en pti pe en pozisyon ki nou osi lo kote latab nou eksprimen, ki ti ava en pli bon lide Mr Speaker ki nou move towards propozisyon ki Bills Committee I ava annan lo sa Lalwa, e regarde why not ki nou anmenn en deferment at Second Reading pour le moman, akoz nou vwar poudir vre I annan en political will lo tou lede kote latab, pour anmenn en solisyon pour dimoun Lasanble. I anmenn en solisyon pour dimoun.  Me selman nou pa oule anmenn en solisyon ki vin pli konplike apre kre plis problenm nou pa kapab enplimante.  So petet mon ti a kontan demann ou pour konsider mon pledwari.  Mersi Mr Speaker.

 

MR SPEAKER

Mersi Onorab Sebastien Pillay.  Bon I annan ou’n ganny en sans ou’n fer en long entervansyon e ler ou fini fer ou entervansyon ou anvi ferm deba.

Tandis ki i annan lezot Manm ki’n lev zot lanmen e zot anvi entervenir.  Me petet osi lo sa pwen ki ou’n fer sorti vizavi Onorab Ferrari san antre dan deba mon pa krwar ki i annan dimoun, i fer dan serten fason par ekspre pour tret serten lisyen dan en serten fason.

Me selman nou bezwen mazin lot kote.  Semenn pase apre travay Lasanble, mon’n fer letour par Bel Eau mon vwar en madanm avek 3 zanfan ki pe fer ‘keep fit ‘ti dan zis en pti pe avan 6er ler zot in tonm kot biro Council Zanfan zis avan Headquarters Larme Bel Eau, I vin en pack of 12 dogs – stray dogs e lefe ki bann lisyen vwazen anndan in konmans abway avek zot, zot ti’n fini vin brit.

E sa madanm in bezwen retournen an tayan avek son 3 zanfan, akoz zot ti pour ganny devore.  Mon pa konnen konbyen Manm Lasanble in realize ler nou sorti isi en pe tar an deor The Commonwealth Garden – an deor Supreme Court ti konman ek 2 lisyen I annan en group apepre 15 lisyen – stray dogs.  E I malere I pe koz en nwizans. I annan bokou zabitan Perseverans ki servi sa semen pour fer legzersis e ler in ariv 6er – 6.30 diswar zot nepli kapab servi sa semen.

E I malere I annan dimoun ki sorti lwen ki vin donn manze sa bann lisyen e I fer ki zot reste la.

So mon pa krwar ki bann entervenan menm Onorab Aglae in al dan direksyon, kot I pe al pour dir lisyen nou bezwen met akote – nou bezwen deal avek and all that.  Me mon krwar nou pe koz en pti pe nwizans, nou pe koz en pti pe prezans stray dogs partou e mind you dan lavil Victoria in vin en nwizans.

Mon konpran ou pozisyon Onorab.  Mon pour donn enn de  -e ankor pour zis klersi pwen Onorab Ferrari mon vwar Onorab Hoareau e Onorab Valmont in demann si Fisherman’s Cove I dan Beau Vallon Fisherman’s Cove Estate I dan Bel Ombre e sa problenm mon okouran.  I reel.  Sa problenm I reel e in deborde mon kapab dir.  Ok mon pour donn ale – mon a donn ou en pti …

 

HON SEBASTIEN PILLAY

Mersi.  Mr Speaker i pa dan mon lentervansyon i pa sa ki mon met lanfaz lo la.  Annefe sa ki ou’n dir i vreman enportan akoz si ou get sa lakot Nor kot bokou dimoun i ‘keep fit’ e bokou dimoun i bezwen fer ‘keep fit’ ek en baton, akoz sanmenm sa problenm

So se pour sa rezon ki mon dir ki swa nou bezwen en phase approach avek sa Lalwa, akoz nou le en keksoz ki demen ler zot sorti la anndan Gouvernman, i kapab ale deal avek sa problenm stray dogs.  Si fodre nou met Regilasyon avek Dog Control Act nou mete, me nou bezwen deal avek sa problenm.  Mersi Mr Speaker.

 

MR SPEAKER

Bon direksyon ki nou pour pran mon annan ankor detrwa Manm ki anvi entervenir annou pa fer nou entervansyon long annou pa fer repetisyon nou pour travay en sel tre ziska 5er.  Mon annan apepre 5 Manm ankor lo mon lalis.  So si nou fer nou entervansyon ase kourt tou Manm a ganny sans ki lo lalis ava ganny sans koze e apre nou ava pran en desizyon.  Mon okouran ki Chair Bills Committee tou in alert mwan ki I anvi fer en pti entervansyon e mon kapab gid Minis e Lasanble osi tou, dan ki direksyon nou pour ale.  Avek sa mon a donn laparol Onorab Clive Roucou.

 

HON CLIVE ROUCOU

Mersi Mr Speaker.  Bonn apre midi Mr Speaker.  Bonn apre midi Minis avek delegasyon bonn apre midi tou dimoun ki a lekout dan lakour.  Mr Speaker sa Bill ki devan nou pe koz lo kontrol e proteksyon en zannimo ki parey nou tou nou konnen – en zannimo ki ganny konsidere as ‘man’s best friend’ e pour mon kontinyen lo not ki Onorab Pillay ti dire n sosyete I ganny gete lo lafason ki nou tret nou zannimo.

Mr Speaker ler mon get sa Bill ki devan nou mon vwar ki I annan en kantite proteksyon ki pour sa zannimo ki nou apel lisyen.  Me ler nou pe get deba mon vwar en kantite blanm pe vin lo lisyen e mon konman en dimoun ki kontan lisyen, mon santi mon en pti pe grense, pour mon vwar tou keksoz konmsi sa lisyen ki koupab. I menm vin an deor; sa lisyen I marse lo semen sa lisyen I al partou ennler mon dir pov dyab sa bann lisyen pa ti demande pour vin koumsa.

Tou sa ki pe al mal ozordi se pa lot ki zonm, zonm ki’n fer ozordi nou dan sa problenm ki nou la ozordi zonm I koupab e I responsab.  O kontrer avek Onorab Ferrari mon dir, non avek Onorab Ferrari pa sa bann lisyen ki responsab se zonm.  Mr Speaker sa Bill la I devan nou se akoz nou tou nou konnen ozordi Sesel problenm lisyen eran sa bann lisyen eran ankor zot pa ti demande pour vin lo semen.

Parey Onorab Arissol in dir zonm in pran zot in zete lo tou bout bin lo tou trou, isi lo reclamation areas ou vwar stray dogs.  Se akoz zonm ki’n zet zot e pov dyab zot kontinyen ganny blanmen.

Mr Speaker Bill I fer referans avek nwizans lisyen mon konman en dimoun ki sonny lisyen mon sonny tou kalite Rottweiler, German Shepherd, Great Dane tou kalite e mon konnen ki savedir en lisyen e mon konnen sa lisyen.

 

MR SPEAKER

En moman Onorab.  Onorab Hoareau ou pa pour kapab sorti okenn Manm pa kapab sorti si en Manm i sorti nou pour napa en quorum ok?  Nou bezwen atann lezot Manm antre apre zot a kapab sorti.  Kontinyen Onorab Roucou.

 

HON CLIVE ROUCOU

E ler nou dir lisyen i koz nwizans, ankor nou vwar kot lisyen i ganny blanmen pour nwizans ki zot fer.

E nou tou nou konnen lisyen, se i zape si sa lisyen I dormi dan lapli si sa lisyen I annan en kolye ki sere dan son likou si sa lisyen in ganny anmare avek en lasenn, si sa lisyen napa delo, si sa lisyen napa manze, alors ki nou espekte i fer?

Se i zape i aboye e i fer tapaz pour nou konnen ki I dan bezwen akoz I pa kapab koze li.    Be alors akoz ki nou blanm sa lisyen pour lapenn ki aboye? Lalwa ti pe fer referans for avek sa dimoun ki okip sa lisyen sa dimoun ki okip sa lisyen li ki responsab pour sa lisyen ler I fer nwizans.

E dan sa menm Lasanble ti annan en topik lo Lagrikiltir kot nou ti dir loder lagrikiltir i andomaz vwazen, e nou menm nou ti dir isi dan sa Lasanble dimoun in vin fer lakaz, in vin fer lotel dan landrwa lagrikiltir alor zot oblize e zot bezwen santi loder lagrikiltir.

Be parkont sa dimoun ki ti annan 5 lisyen, I ti reste li tousel dan son vwazinaz sa dimoun in vini in vin fer lotel dan vwazinaz, alors ler lisyen sa vwazen i zape, ler mon lisyen I zape, ou ki’n vin fer lotel kot mon lakaz ki mannyer ozordi mon lisyen i en nwizans pou ou?  Ou pa ti konnen mon annan 7 lisyen ou?  Alors nou bezwen konnen ki sa dimoun osi I annan son responsabilite.  Ankor annou aret blanm sa lisyen.

Mr Speaker ler nou get dan Bill en keksoz ki mon en pti pe grense ankor mon vwar kot nou vwar ki imen ankor enn fwa enn fwa nou blanm lisyen e nou blanm zannimo an zeneral.

Dan Seksyon 34 kot mon lir kot I annan ‘dangerous dog restricted breed.’ Ankor nou vwar kot zonm nou vwar kot imen I blanm lisyen.  Nou vwar ki I annan en kalite ki restrikte.  Nou vwar ki I annan en kalite ki danzere.

Mr Speaker pli gro danze parmi bann mammals se pa lot ki zonm.  Zanmen en lisyen in deza koup zorey personn; zanmen en lisyen in koup latet personn.  Nou vwar ki zonm ki koup lake lisyen, i koup zorey lisyen e ki fer sa bann lisyen vin agresiv, alors nou blanm li nou dir li I en dangerous dog.

Nou dir en Pit bull I en dangerous dog. Mr Speaker en Pit bull ler I ti ganny breed ti ganny breed konman en nanny dog.   I ti ganny breed pour li vey zanfan. En Rottweiler ler ti ganny breed ti ganny breed as a butcher’s dog, pour li ed bann bouse.  Nou nou’n fer li lager. Nou nou’n koup son zorey. Nou, nou’n koup son lake.  Zour I vire I mord nou, nou dir li I en dangerous dog.

Mwan mon’n sonny Great Dane en Great Dane I ganny klasifye konman en dangerous dog, zis akoz I gro.  Kantite gro zonm, gro madanm nou vwar eski zot danzere? Akoz en Great Dane li I bezwen danzere zis akoz son groser.  I osi ankor nou vwar zonm I ganny blanmen zonm I blanm zannimo kan li ki an defo.

Mr Speaker zis en pti bout referans ler mon get bann progranm zannimo – konman en dimoun ki kontan zannimo sa herd lelefan ki abitye travel from a to z pour li al rod son delo, pour li al rod son manze imen I fer en plantasyon bannann dan son semen, ler I pase I kraz zot bannann, I kraz zot pti foumba, zot touy li zot dir li I en move herd lelefan be zot be pa ou ki’n fer semen – ou’n fer ou laferm dan son semen?  Ki mannyer li I vin danzere ozordi?

Ankor ler mon get Bill nou pe fer referans avek sa restricted breed bann dangerous breed Mr Speaker sa pa vre.  Bann ki annan Intelvision nou gete dan lakour nou pour vwar I annan en progranm ki apel Pit bull and Parolees – zanmen ou pour vwar en Pit bull ki’n atak okenn dimoun.  Zanmen!  Sak fwa ki en zannimo in vire in defann son lekor, alors nou klasifye li konman en zannimo ki danzere.

Mr Speaker sa Bill pe fer diskriminasyon – diskriminasyon lo en zannimo ki lepep Seselwa e parkont mon kontan en kantite.  Kot nou vwar personn parey Onorab Arissol in dir personn pa koz lo sat, personn pa koz lo poul, personn pa koz lo okenn lezot zannimo, me nou referans avek lisyen.

Mr Speaker sa bann lisyen pa’n demande pour vin la – zonm ki responsab pour tou, pour tou, sa ki pe arive avek sa bann lisyen.  Mr Speaker mon osi tou ler mon lir sa Bill mon pa vwar okenn eleman ki fer referans avek Karantenn.  Ankor not to my knowledge ziska ozordi, ki I annan rabbies Sesel.

Mwan mon ti a kontan sa Bill ti a fer en pe referans avek bann maladi ki lisyen li menm I kapab porte. Nou konnen I porter leptospiroz e mon konnen petet rabbies pa ankor arive e mon ti a kontan ki sa Bill ti ava annan en pe referans avek bann maladi oubyen bann maladi ki en zannimo parey lisyen I kapab anmenn devan.

Mr Speaker Bill in fer referans avek bann zofisye ki pour responsab, pour fer sir ki en lisyen pe ganny byen trete.  Mwan osi tou lo en kote ekonomik mon pe mazinen si sa pa tro farfetched pour nou fer?

Mr Speaker Bill in fer referans avek microchipping bann lisyen dan my knowledge mon krwar microchipping pour en bon keksoz – pour en bon keksoz pour nou kapab idantifye sa lisyen espesyalman si ever I perdi, epi si –si dimoun I zet zot nou pour kapab fer sa referans avek owner sa lisyen e konnen pour ki sa lisyen ki nou kapab take sa bann dimoun to task. 

Mr Speaker mwan ankor enn fwa, mon pa vwar nanryen mal – nanryen mal avek lisyen; Napa nanryen mal avek zot.  napa okenn such thing as dangerous  – restricted breed or dangerous breed.  Nou imen ki responsab pour nou zannimo.  Nou imen nou bezwen pran kontrol e konnen si nou’n pran ownership sa lisyen – si nou’n sonny li as nou domestic pet, nou bezwen responsab nou lisyen.

Nou bezwen responsab.  Zonm, met lisyen, I bezwen responsab.  Mr Speaker mon pa kapab dakor ler mon vwar I annan en laliny ki ou dir mwan konbyen lisyen ki pour mon sonnyen.  Mwan mon sonny mon lisyen byen.  Mon lisyen I dan zot lakaz – zot manz byen zot bwar byen, zot al kot veteriner mon sir zot byen.

Pour mwan mon pa pour zape, akoz mwan aprezan mon bezwen ganny kontrole pour lapenn pour en dimoun ki li I pe maltret pour li?

Mr Speaker lisyen I en zannimo ki lwayal.       Mwan ki’n sonny en kantite lisyen, mon lisyen mon vwar sa lwayote avek li.  I viv ozordi. I kontan mon ozordi I kontan mwan demen. I kontan mwan toulezour.

Mr Speaker zis en pti keksoz zis dan mon vilaz mon napa en camera kot mon tou dimoun in ganny vole, zis mwan ki pa ganny vole.  Zis mwan zis mwan ki pa ganny vole.  Mon pa konnen si tanto mon a vini, me selman fodre zot kalkil byen.

Mr Speaker lisyen pa fer personn nanryen.  Nou, nou bezwen pran ownership nou lisyen e fer sir ki nou lisyen I viv byen.  Mr Speaker mwan mon anvi zis fer sir ki sa Lalwa ki nou pe retire e mon ti a kontan ki Minis I a eklersi mwan lo la, si sa Lalwa lisyen ki ti annan, pa ti provizyon – pa ti fer provizyon pour napa lisyen eran? Akoz la I pe retourn ankor?

Si sa Lalwa ti annan I ti devret kapab fer en kontrol e asire ki lisyen eran pa pe desann anvil pa pe monte Mont Fleuri, pa pe pase lo lans, akoz ki nou bezwen pe re anmenn li ankor la?  Si I ti annan I devret kapab fer provizyon.  Si Lalwa avan ti napa provizyon pour annan bann officers ki fer sir ki en met son lisyen pe okip son lisyen, akoz I pe retourn ankor la?  Mr Speaker sa I mon kontribisyon mon ava esper Minis plitar.  Mersi.

 

HON JOHN HOAREAU

Mersi Mr Speaker.  Bonn apre midi Mr Speaker.  Bonn apre midi Minis ek delegasyon.  Mr Speaker, mon santi mwan bezwen koze lo sa Mosyon akoz Beau Vallon i enn parmi bann landrwa touristik lo Sesel, ki ganny afekte vreman par bann problenm stray dogs – lisyen eran.

Parfwa ou pase obor lans, ou vwar i annan en 20tenn lisyen ki’n asize e zot fe zot malpropte lanmenm, zot lager lanmenm, zot annwiy lezot dimoun, zot vin – bann dimoun, bann touris ki’n pey sitan kantite larzan ki vin pran en ben soley lo lans, ou war bann lisyen i vini i vin debout obor zot la oubyen in antour zot.  E zot pa sorti.  E sa i vreman en problenm pour nou Lendistri Tourizm.

An prenon kont sa problenm sityasyon stray dogs, mon konnen poudir sa Lalwa i in ganny fer zisteman pour adres problenm lisyen eran, tapaz, avek problenm move tretman lisyen.  Me ler nou konpar sa Lalwa ki ti egziste oparavan, avek sa enn ki la ozordi, nou vwar poudir sa Lalwa ki pe vini ozordi, i enn ki, mon pou dir dan mon pwennvi, i tro cumbersome, i tro lour.  E i baze osi heavily lo bann zafer fine, lo bann lanmann.

Alor ant en Prozedlwa ki annan 32 paz avek enn ki 2 paz, mon ti a plifere vwar en keksoz ki en pti pe pli lean, ki en pe dan milye.  Me an pran kont tou bann laspe valer Sesel ki nou annan –  akoz sa i baze en pti pe osi lo bann valer Australien akoz i en Lalwa ki’n cut and paste from Lalwa Australie.

Par egzanp Mr Speaker, ler ou get dan definisyon livestock, ou war i dir ou – ‘livestock includes domestic animal, poultry or protected wildlife.’  Petet Minis ti ava kapab eksplik nou ki kalite ‘protected wildlife’ isi Sesel ki tonm dan sa definisyon ‘livestock’?  Parey mon pe dir, praktikalite sa Lalwa li menm, i enn ki annan bokou kestyon.  Ki kantite dimoun nou pou bezwen pour nou kapab police oubyen enforce sa kalite Lalwa -premyerman?

Dezyenmman, ki kalite kantite resours ki nou pou bezwen al ek pour nou kapab anfors tou sa bann provizyon dan sa Lalwa?

Trwazyenmman, nou pe koz lo microchipping lisyen.  Mon konnen poudir sa i en pratik ki ganny fer en pe partou dan lemonn.  Me selman i al avek en kou ki tre eleve.

Par egzanp, si nou pe get l’Amérique, i gout apepre 400, apepre 45 Dolar pou fer microchipping. E sa i pou gout apepre R630 par lisyen pou fer Sesel, si nou pe pran li a sa baz sa pri.  E ou pou ganny ou en dimoun ki pou bezwen fer depans lo, pou met kolye en lisyen, pou anrezistre li, met son kolye, apre pou fer microchipping ankor par lo la.

E par kont, nou pe gete dan sa Lalwa, i mank osi sa ki nou apel en transition Clause, anba ki, apre ki kantite letan ou pou donnen ki sa Lalwa i vin, in ganny enakte, ki ou pou dir poudir dezormen la, tou lisyen ki napa microchip avek li, i kont Lalwa?  Ki kantite peryod letan ou pou donnen pour sa arive?  Konsidere ki kantite lisyen i annan dan Sesel e sa praktikalite pour nou kapab enplimant sa microchipping avek sa bann lisyen.

Mr Speaker, sa Lalwa osi i enportan ki i konsider osi bann lezot valer kiltirel Sesel.  Par egzanp, laplipar fanmir i kontan sonny en lisyen ou de lisyen.  Mon krwar Lalwa in nonm apepre 5 lisyen.  Me si par egzanp, dan en fanmir sa limitasyon sa Lalwa i koz ki si dapre, dan en fanmir i annan 5 dimoun, tou le 5 i anrezistre 5 lisyen lo li – i fer deza 20 lisyen par fanmir.

So, zot annan sa kalite keksoz pour zot kapab deal avek.  Alor i pa – pour mwan i pa fer sans.  So, nou bezwen re-get ankor sa bann Lartik, re-gete ki fason nou kapab limit lakantite lisyen si vreman lakantite lisyen par fanmir i en keksoz ki koz problenm.

Mr Speaker, à mon avis mon krwar ki sa sityasyon stray dogs, i enn ki nou bezwen apros li avek bokou prekosyon.  Parske i pa pran bokou zenerasyon lisyen pour lisyen vin sa ki nou apel wild dogs.  Mon krwar si mon pa tronpe apre 3 zenerasyon, i kapab vin wild dogs.  E i kapab poz lezot danze ankor.  Alor nou bezwen serten Lalwa pour nou kapab tackle sa problenm lisyen eran.

Mr Speaker, mon’n fer fas osi avek en problenm dan mon distrik, kot en dimoun in vin kot mwan, i dir mwan poudir in al Ankour, monte desann pandan 3an akoz en lisyen in mord li e ti manz antye en kote son zorey.  E ziska aprezan, defans sa dimoun ki annan – sa propriyeter sa lisyen i dir koumsa poudir sa boug pa kapab poudir sa se son lisyen ki mord li, menm si in mord li lo semen.

Alor si nou pou annan en sistenm kot nou pou kapab demen tanto annan en tag oubyen en anrezistreman lisyen, i pou fer bokou plis sans pour nou kapab idantifye lekel sa bann lisyen, oubyen si i annan sistenm microchipping pour nou kapab idantifye.  Me selman still parey mon’n dir, the cost to it, i osi ase eleve.

Trwazyenm keksoz mon ti oule point out osi la se, sa administrative burden ki pou donn Lotorite Distrik – District Administration.  Mr Speaker, dan Lalwa, si mon pa tronpe lo Lartik 20 sa Lalwa i koz lo refunding.  Par egzanp, si ou sanz met, ou bezwen ale, al kot sa – de-anrezistre ou kot DA e re-anrezistre sa lisyen lo en lot dimoun.  Alor si ou’n pey pour en serten kantite, ou pou bezwen ganny en refund pour sa, si sa letan pa ankor arive, pa ankor ekspire.  Alor la nou pe war ankor en kantite bann burden administrativ ki pou kapab enpoze pour enplimant sa bann Lalwa.

Mr Speaker, anfen mwan mon pou dir koumsa poudir sa Lalwa zeneralman mon pa santi mwan alez avek.  Mon ti a plifere ki parey Onorab Sebastien Pillay i dir, ki sa Lalwa i ganny defer, i ganny re-travay lo la.  E nou kapab anmenn en keksoz ki reflekte plis larealite Sesel.  E en keksoz osi ki pou kapab zisteman tackle sa 3 sityasyon – noise, ill-treatment avek stray.  Me selman pa neseserman en gro Lalwa ki annan bokou keksoz ki napa bokou pou fer avek nou fason viv Sesel.  Mersi.

 

MR SPEAKER

Mersi Onorab John Hoareau.  Onorab Sophola.

 

HON NOLINE SOPHOLA

Mersi Mr Speaker.  Bonn apre midi Minis ek ou lekip, e tou dimoun ki a lekout.  Mr Speaker, bokou in ganny dir, me selman mwan osi mon bezwen dir, akoz mwan osi mon annan zannimo e La Digue osi i pa eksepsyon.

E parey lontan bann lisyen ti ganny regarde koman gardyen e ozordi nou vwar zot plis ki gardyen.  Nou konsider zot koman nou zanmi.

Mr Speaker, si nou tret en lisyen koman en zanmi, fodre ki nou donn zot en bon tretman, en tretman konvenab, parey nou ti pou donn nou vre zanmi.  I annan bann endividi osi byen ki bann group ki pran byen swen ek zannimo.  I annan menm guest house, mon pa konnen si zot okouran, ki met dan zot brosir ki zot annan lisyen.  E dimoun, bann guests ler pe vini, si zot zanmi, zot kontan lisyen, zot rezerve.  Si non, zot pa vini.  E dan sa guest ziska prezan mon pa ankor tande si in ganny problenm avek son kliyan.

Sa Bill ki devan nou pe demann nou pou kontrol e protez bann lisyen.  Si en tel Bill in ariv la, i vedir ki i annan bokou kriyote ki’n arive sa bann lisyen ki petet in anrezistre, e osi petet i annan letid ki’n ganny fer.

Mr Speaker, mon krwar en dimoun i lib akoz nou dan ne pei ki lib pou annan son lisyen.  Me tan ki sa dimoun pe byen okip son lisyen, i pa pe vyol drwa son vwazinaz oubyen lakominote, pour mwan i ok.  Me le moman ki sa bann keksoz i ganny kase, i vin konsern pour lasosyete, alor aksyon i bezwen ganny pran.

Mon pou konsantre lo lisyen eran – mon pa ni bezwen al lwen.  Preski partou lo lans dan Sesel, ou kapab war bann lisyen eran.  I parfwa vin en nwizans pour sa ki anvi pas en moman detann lo lans.  Zot napa met, zot lafen, zot pran keksoz touris lo lans, zot sal, mark brile, bouyante, parfwa ou pa ni anvi get zot.  Dan vwazinaz osi, zot en vre nwizans.  Zot tir salte dan bin, set partou ater, zot rantre lo propriyete, parey lo guesthouse, pran keksoz kliyan, e la met lotel i war zot, zot bezwen rann lo en kou ki zot pa ti’n prevwar.

I annan menm bann lisyen ki ganny anmare pou 366 zour, 365 zour, toulezour dan lapli, botan/movetan.  Eski nou dir ki nou vreman kontan zannimo?  Vwazen i vin lennmi zis akoz lisyen pe irle.  Pa zis lennmi, zot fini Ankour.  E la ki nou war?  Zot pe pey bann gro sonm.  E enn parmi sa bann Lalwa ki mon satisfe avek, i anrezistreman.  E mon pou sey demann Minis – lontan bann lisyen ti anrezistre, ti a bon rode akoz ki nou’n arete?

E sa anrezistreman i en bon keksoz akoz nou tou nou konnen pour ki sa lisyen.  E koman bann zofisye i pase, i vwar ki i annan en kolye.  E sak lannen zot ti annan en kouler, e sa mon rapel byen.

Mr Speaker, anliny avek sa, tou bann lisyen ki pa’n ganny anrezistre, zofisye i anmase.  E si ozordi zofisye i komans anmase, demen nou pou fer sir ki nou anrezistre nou lisyen.  Menm lo sit internet, kliyan pe ekri, pe fer komanter ki pa gou lafason ki nou tret nou lisyen.  I annan enn mon’n fek war, zot in eksplike ki mannyer lo lans zot pa ti kontan lafason dimoun ti pe tay ek lisyen ek baton.  Kliyan i ganny morde ek lisyen, tousala zot met lo internet.  E sa i pa bon pour nou pei.  E definitivman nou bezwen fer en keksoz lo la.

Me dan sa Bill i annan bokou keksoz ki pe demande.  E pour mwan. mon dir, ki legzizans i tro bokou, ki mon krwar ki nou perdi dan son lenplimantasyon.  Annou revwar serten provizyon dan sa Lalwa.  E sa ki bon, annou enplimant zot par faz.

Par egzanp, anrezistreman lisyen kot Biro Ladministrasyon Distrik – nou napa en lot landrwa ki nou kapab fer sa?  Kan ler mon regarde, DA i annan ase lo zot lanmen.  Parfwa zot pa arive fini zot travay.  I annan en gro sonm larzan ki bann dimoun i bezwen ganny peye si zot pa respekte Lalwa.  Eski nou pare pou edik nou piblik avan pran aksyon?

Mr Speaker, sa lanmann i kout bokou plis ki bokou bann ka ki pe pas devan Lakour.  Mon konpran ki i en deterrent, me annou revwar.  Eski Minis i kapab dir nou ki bann letap ki pou ganny pran kan en dimoun pa pey son lanmann?  I annan – e osi nou ti a kontan konnen sa larzan ki ganny ranmase ler nou pe met sa microchip, ki Fon ki pou al ladan?  Ler mon get La Digue, kote sa bann lisyen pou ganny mete apre ki zofisye in pran aksyon?

I annan bokou pou koze lo la.  Me mon prefere regarde ki mannyer Diguois pou benefisye.  E osi, ki problenm ki nou pou rankontre?  E ki mannyer ki nou kapab anmenn amelyorasyon?  I vre ki nou pou annan prezans veteriner petet pli frekan lo zil.  Diguois a pli konsyan fason pou pran swen ek nou zannimo.  Posibleman bann lisyen eran lo semen, e sirtou lo lans a diminyen.  E osi i a kree loportinite travay pour Diguois.  Petet zot a vin en parmi sa bann zofisye.

Mr Speaker, mon pou profite pou fer en demann avek Minis.  Etandonnen ki La Digue i deza annan en morso teren pou fer en Sant Veteriner, mon demann ou Minister pou fer li en priyorite pou ede konstri sa sant akoz i annan Lorganizasyon ki pare pou fer sa fonksyonnen.  Akoz nou tou nou konsyan ki nou annan bann livestock pou donn tretman.  Si sa i materyalize, i pou ede en pe dan lenplimantasyon sa Bill.

Mr Speaker pou terminen, si vreman nou anvi ki lobzektif sa Bill i ganny realize, fodre ki servis veteriner i ganny en bidze adekwa pour kapab desarz sa responsabilite, kot demann i tre o avek bann Lalwa ki pe ganny aplike.  Mersi Mr Speaker.

 

MR SPEAKER

Mersi Onorab Sophola.  Mon ava donn laparol Onorab Loizeau.

 

HON NORBERT LOIZEAU

Mersi Mr Speaker.  Bonzour Minis ek ou delegasyon.  Bonzour tou dimoun.  Mr Speaker, mon pou fer en pti lentervansyon kourt akoz parey ou konnen, bokou in dir.  E mon pou al plito lo serten pwen ki petet Minis ava war li neseser.  E dan mon lentervansyon pou napa lamannman, pou plito lo sityasyon lisyen ki nou pe rankontre isi dan Sesel.

Mr Speaker, avan mon al direk lo la, mon anvi fer en pti parkour lo mon prop lisyen zis pou fer dimoun konnen ki kan ou tret en lisyen byen, i vin enn ou pli meyer zanmi.  E kot ou pa pou war pe fer okenn aksyon ki pa bon dan lizye dimoun e dan kominote.

Mr Speaker, mwan mon annan mon lisyen Rex.  Mon konnen zot pou riye – RexRex i ganny son manze, Rex i konnen kan i konn fakter, Rex i konn meter reader, tou le 2 meter reader, Rex i konnen lekel mon vwazen, e Rex i konnen lekel ki pa merit vin lo propriyete.  Mr Speaker, lafason ki mon’n train mon lisyen, i konnen ki mwan ki son met e ki dan zalantour lekel ki nou vwazen.

Mr Speaker, ozordi i annan en sityasyon da pei kot i annan bokou lisyen.  E mwan mon pou dir sa in arive akoz neglizans lo lapar nou popilasyon, Mr Speaker.  Ozordi ler mon koz lo lisyen, mon pa pou mansyon – mon pe koz lo tou kategori lisyen.  Mon dir i annan neglizans Mr Speaker akoz i annan serten dimoun pa konnen akoz i bezwen en lisyen.  Zis akoz mon dalon, parey Onorab Arissol in dir taler, in rod en Chihuahua, in rod en pti Basset, parey mwan mon annan en pti Basset Mr Speaker, me selman i zap pli for ki en Rottweiler.

Zot tou zot oule enn, apre ler zot pa kapab okipe, zot pa zete zot.  Zis zot pa pe donn manze, lisyen i trouv zot pa pe ganny entertain ek nanryen.  E lisyen i bouz dan bann landrwa, i bouz kot vwazen, i al redi kousen, parey Onorab Aglae in dir taler.  La kot mwan i annan en group ki mon vwazen in bezwen tal son lenz dan lesyel.  Akoz i annan en group lisyen i sorti, i vini, i redi tou son lenz, Mr Speaker.Alors, se pour sa rezon ou trouve sa bann keksoz pe arive.

Ozordi Mr Speaker, mwan mon en distrik ki bord ek lavil mwan.  Ozordi dan lavil, Mr Speaker, sirtou dan wikenn, pres pou annan plis lisyen ki dimoun.  Kot laboutik obor kot Mr Ferrari la – Premier Building Mr speaker, i annan en koloni lisyen.  Zot dormi lanmenm lo ban.  Zot fer toudsort kalite keksoz la.

Ek sa Mr Speaker, parmi sa bann lisyen, lontan ou ti war bann pti lokal, konmela i annan diferan breed, Mr Speaker – diferan breed lisyen akoz konmela dimoun i krwaz lisyen nenport ki mannyer – Rottweiler i krwaz ek lokal, lokal i al ek lot.  Aprezan i vin en nespes dezord total.

E kot Flamboyant Mr Speaker, ki osi dan mon distrik, i annan en koloni lisyen laba.  Mon dir koloni akoz i annan en ta zot.  Zot frekant la  Mr Speaker, senpleman akoz i annan bann aktivite ki pe ganny deroule la kot manze i konsernen.  E zot sa bann dimoun zot osi, zot bann manze i reste e petet zot zet avek sa bann lisyen, aprezan sa bann lisyen i reste la.

I annan en fiy dan mon distrik dernyen fwa in ganny morde ek en lisyen, i pa konnen kote i pou ale.  I ti pe pase ek son zanfan, dan son pase zis sa group lisyen, petet in war zot pe pas dan son direksyon, in sot lo li, in mord li, in met 2 pwen zegwir e i pa konnen kote i pou ale.  Mirose i apel sa fiy – in zwenn mwan i a pe plere, i dir mwan i pa konnen si sa bann lisyen i annan maladi.  E petet taler Minis a dir nou ki mwayen ki nou pou fer pour nou deal ek sa bann lisyen ki pa pe ganny attended byen, ki zis la koman lisyen eran.

E Mr Speaker, ozordi mon a dir zot akoz i annan tou sa bann kalite lisyen.  Ozordi i annan dimoun ki pe fer breeding lisyen – i arive- ozordi i annan larzan dan breed lisyen Mr Speaker – pa bliye, en.  En German Shepherd i dan 15mil/20mil.  Rottweiler – i annan dimoun pe breed Rottweiler.

Parfwa zot pran sa Rottweiler, zot ganny en pti pe plis larzan, zot breed ek en lokal.  Apre lisyen i mal sorti, lanmenm ler zot pran zot al dump li somewhere laba.  Aprezan ou war tou sa kalite lisyen partou dan semen ok e sa i vin en gro problenm.

E osi Mr Speaker, mwan mon krwar i annan dezord dan sa bann kontrol lo zannimo parey Onorab Arissol in dir, pa zis lisyen ki en problenm.  Ozordi, mwan mon krwar i mank monitoring en pe lo sa bann zafer zannimo.  Ozordi dan bann housing estate parey Roche Caiman i enn, pizon i en problenm.  I annan dimoun i rod 2 pizon, i vin i sey sonnyen, i pa kapab sonnyen, pizon i reste larg.  Pas Roche Caiman, laplipar lakaz, pye dibwa pe pous pouse dan dalo – akoz?  Pizon – zot konnen pizon ki mannyer son lasel i ete?  I manz ou plafon, bann zerb i pouse, i annan en dezord total, Mr Speaker.  E parey nou pe koz lo lisyen, i annan lezot zannimo osi ki mon krwar nou bezwen gete.

E Mr Speaker, ozordi parey mon pe dir, sa bann dimoun ki pe, ki ozordi pe breed lisyen, i annan ni en laysenns napa.  I annan napa en laysenns pou breed lisyen, selman zot pe breed zis akoz son dalon in ganny en pti per Rottweiler, i pe fer en pti larzan, li osi i bezwen al fer breeding pour li kapab ganny en pti larzan.  Apre problenm i debord zot, zot pa konnen ki zot pou fer avek, zis zot set dan semen.

E lanmenm la ki mon pe dir Mr Speaker, i mank en pe monitoring lo sa bann zannimo lo lapar Gouvernman.  Onorab Pillay mon konnen ki i pa pou kontan mon’n dir sa.  Me selman in mank en pe monitoring pour nou kapab depi oparavan pou nou vwar sa sityasyon ki mannyer i pe vini, pour ki ozordi ti a kapab annan en pli bon kontrol.

Mr Speaker, ozordi sa dimoun ki pe breed lisyen li pandan tou sa bann lannen, bann ki napa laysenns personn pa’n dir zot nanryen.  Me selman parey sa pti boug li selman – selman zot tay deryer sa pti boug ki pe fer son pti garaz mekanisyen dan kwen malgre i pa pe ganny akse avek later Providence pou fer son biznes, zot pe atak li.  Me selman ti annan lenportans pour zot get lo kote breeding lisyen, si tou dimoun i annan laysenns.  Pas dan bann kominote, gete pou vwar si out keksoz i annord.

Mr Speaker, laplipar dimoun in koz lo fardo ki zot in met lo DA.  Msye Onorab John Hoareau in dir i en burden.  Mon krwar i en burden Mr Speaker akoz zis mazinen kot en Ladministrasyon Distrik meton 100 nou dan distrik in desann pou vin met chip lo nou lisyen.  Ki problenm pou annan la?  Sa ta lisyen dan lakord.  Pou kapab bare dimoun?  Mon krwar Minis i bezwen donn nou en pe lenformasyon mannyer sa pou arive.  Si pou annan bann kennel ki pou ganny mete pou met zot laba.  Akoz mon konnen Mr Speaker, tou sa bann kalite lisyen, pou annan en dezord total kot Ladministrasyon Distrik avek bann dimoun ki pe vini pe vin rod laplikasyon lakaz, later ek tou sa bann problenm.  Mwan mon krwar i pa pou en landrwa ideal.

Ozordi Mr Speaker, nou’n koz lo lakantite lisyen ki nou kapab sonnyen kot nou.  Be pou nou kapab kontrol lakantite lisyen ki nou kapab sonnyen kot nou. lapolis osi i bezwen donn nou en pe sekirite kot nou lakour, ok?  Sonny lisyen li flat i enterdi dan Lalwa Housing.  Ou napa Drwa sonny lisyen lo flat.  Me i annan dimoun i sonny lisyen lo flat, akoz?  Zot pa ganny lasistans Lapolis pou vin deal ek sa bann dimoun ki vin asiz dan peron flat, fer tou sord bann kalite aksyon, veye ler sa tenant i ale pou zot vin kase pou vole.  Alor sa dimoun li, i rod en pti lisyen i met dan flat.  Alors Lapolis i bezwen zwe son rol.

E akoz mon pe dir sa Mr Speaker?  In arive dan flat Roch Lane anba.  Voler in vini, in monte, in kase.  I dir pa sonny lisye, averti Lapolis, donn non sa dimoun ki’n fer sa aksyon, apre Lapolis i larg sa dimoun.  E zot dan flat zot kontinyen viv dan deloryonm.  Tousala se bann keksoz ki nou bezwen gete.

E dernyerman Mr Speaker, mon anvi – mon ti a kontan Minis taler i kapab dir nou, konbyen nou pou bezwen an term finans pour enplimant sa Bill ki nou pe koze an term.  Mon krwar i pou kout bokou, ou war?

E pour mwan Mr Speaker, mwan mon santi – mon pa kont sa Bill parfetman.  Me selman Mr Speaker, mon ti a kontan ki sa Bill ki la, si i pou pase, i bezwen reflekte sityasyon Sesel.  I  bezwen konsern nou, nou sityasyon lisyen ki nou pe rankontre dan Sesel.  Akoz mon krwar se sa le bi.  I pa sipoze pe abord lo aletranze, menm si Onorab Pillay taler in dir, tou lisyen i lisyen, menm si aletranze.

Ozordi lisyen, nou Sesel, pa tou dimoun ki sonny lisyen parey etranze.  Etranze mwan mon konnen, mon al l’Angleterre, mon ser i sonny son lisyen anndan se li.  Isi pa tou dimoun ki fer sa.  Dimoun i sonny son lisyen deor.  Parey mwan Rex, Rex i annan son lakaz.  Me selman mon sonny li larg, anba mon garaz loto.  Konmsi pou li kapab fer en pti legzersis taye – i annan son letan ki i al anndan.  Me selman i pa reste anndan dan mon lakaz.

Mr Speaker avek sa 2 mo, mon anvi dir Minis mon a ekout son larepons mannyer i pou ete.  E mwan parey mon’n dir Mr Speaker, mwan mon an faver en Lalwa ki pou kontrol e protez bann lisyen dan Sesel.  Mersi.

 

MR SPEAKER

Mersi Onorab Loizeau.  Onorab Ghislain.

 

HON CHANTAL GHISLAIN

Mersi Mr Speaker.  Mr Speaker, mon pa kapab pa koz lo sa Bill akoz mon osi mon en dimoun ki sonny lisyen kot mwan – anfet mon annan mwan 3 lisyen.  Mon ti annan pli bokou ki sa me anmezir in mor, mon’n sa.  And, mon en dimoun ki antas bokou lenportans a mon lisyen, and pour mwan i form parti mon fanmir.

And, nou tou nou konnen bokou, parey lezot dimoun osi, zot atas bokou lenportans a zot lisyen, e i form parti zot fanmir.  Pour mwan ler mon regard mon lisyen, ennler ou a dir zis koze ki i pa koze.  Parske bann keksoz ki i fer parfwa, ou zis realize poudir be konmsi li osi i paret, ou a krwar li osi i anvi dir keksoz, i gard sa lisyen byen.

Be mwan mon ti anvi koz lo lefet ki bann lisyen eran mwan.  Akoz pa – en dimoun ki sonny son lisyen se li, mon pe dir bann met ki responsab la, zot sonny zot lisyen, byensir zot okip li byen menm.  Me se sa bann lisyen ki nou vwar partou dan semen.  Bann lisyen partou kot bin, partou lo bann laferm, menm bann laferm pe ganny afekte avek.

Si nou rapel byen en lepok nou it pe koz lo sa bann zistwar lougarou, kot bann lisyen ti atak bann zannimo.  And, bokou nou, nou pa realize poudir en lisyen i reste en carnivore parske i manz lavyann li.  And, menm si nou domestik li, pa neseserman ki tou sa tret e lespes in sorti dan li.

Byensir ou pou larg en lisyen, ou pa pe donn li manze, ou’n dezabitye li avek lanvironnman kot ou.  Ou pa pe tret li byen.  I pou ale, i pou fer nenport kwa.  E i pou atak zannimo e nenport kwa ki i gannyen, i pou manze.  And, si ou war en lisyen i atak dimoun osi tou, ennler ou a krwar i oule manz dimoun menm, parske zot pa donn li manze.

Mr Speaker, mon – en lepok nou pe dir poudir ti napa lisyen eran.  Tou dimoun ti annan son lisyen, son lisyen ti reste kot li.  Bann ki ti kit li dan lakaz, bann ki it kit li dan son pti lakaz deor, I meanAnd, i annan ki ti kit dan lakord, dan lasenn.  I annan bokou letan osi ki nou’n dir poudir dimoun in maltret lisyen.  Be selman i pa neseserman ki sa dimoun i pa ti kontan son lisyen li.  I kontan son lisyen, me selman kekfwa lafason ki zot pe handle li, i pa byen.

So, wi in anmenn en Lalwa pour sa bann lisyen, be selman nou bezwen realize poudir i annan bokou problenm avek ki mannyer nou pou kapab manage sa.  Parske letan nou pe regarde, lisyen li menm li – bann lisyen eran mon pe koz lo la, i kree bokou problenm zot.  E zot lakoz bokou maladi, parey leptospiroz, maladi laraz.  And leptospiroz parey nou konnen, i en maladi kontazyez ki bann zannimo domestik, espesyalman bef, koson e lisyen i anmennen, me i afekte dimoun osi.  E i pli komen parmi bann fermye, travayer sewage, veteriner e bann travayer laboratwar.  Sa nou konnen sa.

Be lisyen eran li osi i koz lezot problenm, tel ki atake, mord bann pyeton, spesyalman aswar.  Laplipar sa bann lensidan i arive pandan ki bann lisyen pe esey krwaze e lager antre zot.  Parske ennler menm si ou pou war en ponnyen lisyen pe pase, si zot pa pe – tant ki zis zot pe pase koumsa, zot pa telman tret.  Me letan zot pe lager antre zot, se la ki zot vin feros.  E bokou sa bann lisyen eran i tret ouswa annsou parey nou dir.

E souvandfwa zot profit sa bann moman letan osi pour zot kapab mord dimoun ki pe pase.  Bann femel osi ki protez zot piti, zot agresiv e morde ler zot ganny aprose.  E byensir zape, gronnyen osi, irle letan zot pe lager, se sa ki fatigan e annwiy bann lakour e dimoun ki pe dormi, sirtou aswar letan sa bann lisyen i komans ravaze.

Sesel in annan pa mal problenm avek lisyen eran pour bokou lannen.  San en plan lamenazman efektiv, lisyen pou annan en lenpak negative, in annan en lenpak negativ lo plizyer sekter.  In annan mank responsabilite lo lapar bann met sa bann lisyen.  Parski mwan mon pa pou zanmen blanm en lisyen.  Mon pou blanm sa met lisyen.  Lendistri Tourizm i enn bann sekter ki’n ganny plizyer konplent sorti kot bann viziter, apre ki zot in trouv bokou lisyen pe fouye dan salte, otour lotel ouswa menm lo lans.

Malgre ki nou konpran, bokou etranze i annan ne lanmour spesyal pour bann zannimo, spesyalman lisyen, menm si parfwa zot dan bann leta deplorab, kot souvan zot ranpli avek pis, parazit e menm parfwa karapat e zot tre meg, i annan lezot ki trouv sa bann tel zannimo en nwizans e fatigan.  Akoz menm si parfwa dimoun i dir ou poudir – a, zot koz lo proteksyon lisyen, zot dir etranze i pli kontan lisyen, pa neseserman vre sa.  I annan etranze ki pa vreman kontan sa bann lisyen, sirtou letan sa bann lisyen i dan sa bann leta parey.  Akoz zot war sa koman en nwizans pour zot.  And, i fatig zot letan zot vwar sa i dan sa bann kondisyon parey.  E sa bann lisyen koumsa i ganny konsantre bokou spesyalman atraver pei partou, sirtou dan bann rezyon kot i annan lans.

Gran group lisyen eran i en menas direk pour piblik.  Apard risk koz aksidan lo larout, lisyen i anmenn maladi ki labitid zannimo i gannyen e i kapab transmet avek imen.  E byensir nou’n dir reprodiksyon san kontrol bann lisyen i fer ki i annan tro bokou lisyen ki bann met pa oule.  E zot ganny abandonnen ouswa ganny detrir.  Me malgre ki annan bokou Regilasyon an se ki konsern sonny sirtou lisyen dan serten landrwa, parey lo bann flat – housing estate, me i touzour annan dimoun ki vwar li kapab anvi sonny son lisyen.

Par egzanp parey Onorab Hoareau in dir, i annan bokou i deside sonny son lisyen menm si i anpese akoz i vwar sa as en proteksyon pour li.  E pour bon pe lannen isi Sesel ti annan en laysenns lisyen ki nou tou nou konnen, ki sa met lisyen ti bezwen peye.

Mon rapel i ti pey R100 e apre ti monte, ti vin R200 pour en femel, konpare avek R20 pour en mal lisyen.  E en syenn li ki ti ganny sennen, li osi – ouswa sterilize, li osi i ti pey R20.  E sa ti aboli an 1996 lefet ki pa plis ki 10poursan bann met lisyen ti pe pey sa laysenns.  Mon pe zis mazinen si sa bann letan dimoun pa ti pe pey lisyen, i ti desann, i ti bezwen aboli.  La ki mannyer nou pou sey fer, en?

Apre in vin en kanpanny sterilizasyon lisyen lo en gran lesel.  Mon rapel ti 1997 sa, par bann solda Américain.  La ozordi i vin en Bill ase konpreansiv lo tretman e kontrol lisyen.  Sirman nou a rapel lensidan lougarou parey mon’n dir, me tousala mon pe zis mazinen ki mannyer nou pou met tousala an plas.  Ki kantite dimoun ki nou vreman pou kapab fer sa bann keksoz marse?  Menm si i annan detrwa dimoun konmela – bann group ki dir i steriliz lisyen, me still pa tousala ki marse.

And Mr Speaker, nou konnen osi pou elimin lisyen eran, i pa touzour marse 100poursan.  Lefet ki legzersis elimin lisyen i bezwen ganny repete tanzantan e tanzantan.  Laplipar dimoun menm si zot dir zot kontan lisyen, zot laplipar letan konn lisyen zis letan i ptipti.  E letan i gro zot large akoz laplipar letan zot napa ase manze pou donn sa bann lisyen.  E lisyen i demann plis latansyon ki ler i ptipti.  E dan bokou lezot ka, ler lisyen i met ba, zot trouv zot avek bokou plis lisyen pou okipe.  E donk zot al zet sa bann piti lisyen e kit manman, ki li byensir i pou apre ankor en pe letan plenn, e pran – menm zafer pou arive.

And zis dan en pti resers mon’n kapab remarke poudir en lisyen i kapab fer li apepre 2 porte 5 ou 6 piti dan en lannen.  E zis mazinen, ou annan 2 lisyen ki kot ou, ki’n miltipliye, e byen vitman 2 lisyen i kapab miltipliye pou vin 300 lisyen dan en sel lannen.  Anmezir ki i pe reprodwir, si in fer sa detrwa fwa, I mean dan son zenerasyon.  Sorry Mr Speaker, pa dan en sel lannen, me si in fer sa dan 3 zenerasyon sa lisyen, i kapab vitman vin 3 lisyen.  And sa i zis montre ou ki kantite vitman lisyen i reprodwir.

And, Mr Speaker, mon pe zis mazinen parey mon dir, poudir i en keksoz ki ase difisil.  And mon ankor anvi ki Minis i sey eksplik mwan vreman ki mannyer nou pou kapab fer sa.  mon osi mon anvi pey mon lisyen.  Mon osi mon anvi steriliz mon lisyen.  Me selman pa neseserman tou sa bann keksoz i pou arive vitman la.  And nou tou nou konnen poudir pou kontrol lisyen eran i reste difisil.  E letan nou regard bann lezot dimoun ki zot menm si sa bann lisyen i eran, sa zafer pou zis met lisyen dormi ouswa pou touye, zot pa ladan.  And pour zot, se zis donn manze e lisyen pou kontinyen reprodwir.  Mersi Mr Speaker.

 

MR SPEAKER

Mersi Onorab Ghislain.  Mon a donn laparol Onorab Wavel Ramkalawan.

 

HON WAVEL RAMKALAWAN

Mersi bokou Mr Speaker.  E mon demann leskiz akoz apre midi mon ti annan en lot langazman.  Mr Speaker, mon kontan enn bann piblisite, ki preski tou le-z-an l’Anglettere spesyalman, letan i arive Nwel zot remind dimoun – zot fer li koman ne advert lo televizyon e i annan bann posters.   E zot dir – ‘a dog is not just for Christmas, it’s for life.’  E mon krwar ki nou deba apre midi i a pe vir dan sa direksyon kot nou a dir avek dimoun, en lisyen i pa zis en kado ki ou gannyen, i pa zis en lobze ki ou akerir.  Akoz ou annan larzan, oubyen akoz – i annan en problenm?  Mr Speaker, i annan en problenm?

 

MR SPEAKER

Kontinyen!  Kontinyen Onorab.

 

HON WAVEL RAMKALAWAN

Non, parski Onorab Ghislain pe ….  I napa en problenm, mon it krwar i annan en problenm.

 

MR SPEAKER

Non.  Kontinyen.

 

HON WAVEL RAMKALAWAN

Mon ti pe atir ou latansyon, mon pa konnen …

 

MR SPEAKER

Bon, annou fini byen.  Mon krwar nou’n komans – non Onorab!  Kontinyen Onorab Ramkalawan.

 

HON WAVEL RAMKALAWAN

Zis mwan ki annan drwa koze, ok?  Mr Speaker, sa i montre nou ki i pa – en lisyen i pa zis pour en pti moman, en lisyen i pour en lavi antye.  Mr Speaker, Onorab Ghislain i ankor annan problenm.  Petet rezourd son problenm pou mwan kapab kontinyen koze.

 

MR SPEAKER

Annou kontinyen Onorab.

 

HON WAVEL RAMKALAWAN

Mr Speaker, nou problenm ozordi, i annan 3 problenm ki nou bezwen adrese.  Problenm nwizans – dan le sans ki lisyen pe disturb lezot dimoun.  Dezyenmman, ill treatment – bann lisyen ki pa pe ganny bon tretman par zot bann owners, stray dogs ki partou.  E apre sa nou pe koz lo bann gro lisyen ki’n antre dan pei, ki ozordi nou pe – ki da sa Lalwa nou pe apel zot bann dangerous dogs, dangerous breeds ensidswit.

Mon krwar se sa size ki nou pe bezwen adrese.  E mon plis ki sir, i annan plizyer dimoun avan mwan ki’n fer sa, ki’n koz lo la.  E mwan pour mwan, mon osi krwar ki dan sa size lisyen, fodre nou pran en lot prensip.  E sa prensip ki tir, mon laliberte i fini kot pour ou i komanse.  Alor mwan koman en endividi, mon pa kapab annan lisyen ki disturb ou.  Parski mon pe anvair ou laliberte.  Ki i ou laliberte ou annan en biznes, ki i ou laliberte pour enjoy ou lannwit dan tout trankilite, ki i ou laliberte pour ou marse san okenn lafreyer ki ou pou ganny atake, tou ou laliberte.

Alor mon krwar ki si nou tonm dakor lo sa prensip, mon krwar i vin komansman nou solisyon, parski nou pe rod solisyon.  E se la kot, annou regarde ki mannyer nou kapab fer dimoun konpran.  E bann serten provizyon dan sa Lalwa ki koz lo aksyon, mon krwar i apropriye.  Definitivman i apropriye, parski si en dimoun pa pe donn manze son lisyen, definitivman sa lisyen pou abwaye, definitivman sa lisyen pou fer tapaz e pou disturb son vwazen.  Alor sa dimoun efektivman i pa devret en dimoun ki kapab sonn y lisyen.  Sa mon dakor – mon krwar nou tou nou dakor lo la.  E dan sa ka aksyon i devret pran.  Mon napa problenm lo la ankor enn fwa.

Sa zafer meday oubyen microchipping – ankor enn fwa, mwan mon ti ava dir si ti kapab microchip tou bann lisyen, pour ki letan ou trouv en lisyen lo bor semen, ou zis annan en scanner ki ou konnen ki poudir sa lisyen i pour Wavel Ramkalawan.  Ou anmas li, ou telefonn Wavel Ramkalawan – premyerman i annan en lofans ki in komet.  Parski son lisyen i sipoze kot li.  Ou a kontakte li, ou ava dir avek li i annan en fine.  E apre sa ou ava pran aksyon neseser avek li.  Mon krwar sa ti ava en komansman.  Me selman ki mannyer mon regard Lalwa, sa zafer microchipping, i annan en pe ki pou ganny microchip, nou pa konnen egzakteman ki mannyer i pou marse.  I annan ki pou ganny meday – i pa tro kler egzakteman ki poudir pou annan en prensip ki pou aplikab pour tou dimoun.

Mr Speaker, lo sa nivo nwizans mon krwar ki nou pa bezwen sa Lalwa pour nou deal avek sa.  Deswit la i devret annan posibilite pou deal avek sa.  Ou lisyen i abwaye lannwit antye, be mwan koman vwazen, mon devret kapab, anba Lalwa, la pour le moman ki aplikab, anba Lalwa mon devret kapab ganny en lasistans.  Ki mannyer mon kapab ganny en lasistans?  Si en dimoun minwi, i a pe zwe lanmizik ki for, mon krwar ki dan menm fason i devret annan en keksoz.

E mon demann mwan si Lalwa aktyel i pa fer provizyon pou nobou annan kontrol.  So, sa size nwizans – e la mwan mon napa problenm ek dimoun ki kapab sonny en kantite lisyen.  Mon napa problenm avek sa mwan.  As long as ki dimoun i kapab – si ou deside pou ou sonny 5 lisyen, si ou deside pou ou sonny 10 lisyen, ki poudir ou a pe nouri sa bann lisyen.  E ki si ou napa en baraz otour ou lakaz, aswar ou pa kapab larg sa 10 lisyen.  I osi senp ki sa.

Si ou annan 10 lisyen e ou annan en baraz otour ou propriyete, ou napa problenm ou larg ou 10 lisyen.  Be akoz ki ou, ou pe sonny ou 10 lisyen, selman mwan ki bezwen anmas malpropte ou lisyen?  Mon krwar se sa bann lozik ki dimoun pe regarde ki poudir i pa normal.  Donk lo sa kote nwizans, mon krwar ki nou kapab deal avek, spesyalman dan bann residential areas.  Si en dimoun i deside pour li sonny en kantite zannimo, me i pa dan en residential area – kot lakaz i enn lo lot, sa i en lot size.  Be ou pa kapab dan en residential area, kot ou a pe sey rod sonny tou sa kantite lisyen.

Mon krwar Mr Speaker, se sa bann keksoz lozik ki dimoun pe rode.  E sa i a vin ansanm avek sa size ill treatment of animals, of dogs ki i ava vin ansanm.  Letan nou pe koz lo stray dogs, annou aksepte ki poudir nou annan en problem stray dogs.  Alors ki nou pou fer avek sa bann stray dogs?

Mon konnen ki poudir si ou nonm anmas tou sa bann stray dogs e detrir zot – leokri.  Be ki ou pou fer avek bann stray dogs?  E mon it zwenn en Minis sa semenn, mon dir avek li sa zafer Bill lo lisyen l ape vini.  I dir ek mwan, mon frer pa nonm touye, akoz si ou nonm touye, leokri.  Mon ekout li.

Be selman leokri – akoz leokri i vin zis pour en serten kalite zannimo?  Akoz ti napa leokri?  Pourtan ti annan advert lo televizyon pou detrir kato ver.  Detrir kato ver ti en advert lo televizyon – fodre detrir.  In montre kato ver in mor, in montre kato ver ki soz.  E si ou konnen kot i reste enn, ou pou ganny larzan pou detrir li, ok?  E pourtan serten dimoun ti ava kapab argimante ki poudir si nou ti anmas bann kato ver, bann bird lovers ti ava kontan annan en kato ver dan en landrwa apropriye pour li nouri son kato.  Petet train li pou li koze tou.  Be nou’n pran en desizyon pour nou detrir kato ver akoz Gouvernman in dir poudir sa i en pest e alor fodre nou detrir li.

Donk, mwan mon krwar ki nou annan en problenm.  E letan nou annan en problenm, nou rezourd sa problenm.  Either Gouvernman i pran e desizyon, i ranmas tou sa lisyen, tou sa bann stray dogs, i met zot dan en sel landrwa e i sonny zot.  E bann dimoun ki dan bann diferan Lorganizasyon, zot raise funds, kekfwa zis pour lo sa nivo imen, lo nivo soz pour nou pa touye – menm met en pti larzan dan bidze tou pou donn zot manze.  Me selman nou bezwen aksepte ki poudir nou bezwen ranmas sa bann lisyen.  Nou bezwen ranmas sa bann lisyen, nou bezwen tire sa stray dogs lo semen.

Letan mon pas dan Londres, mon pa war stray dogs.  Akoz?  Se parski malgre ki bann Anglais zot ganny renonmen pour sonny lisyen, pour kontan lisyen, zot dir non!  Stray dogs in fact bann Anglais ki renonmen pour kontan lisyen, si zot anmas en stray dog, zot ava anmenn dan en landrwa, zot ava dir dimoun, be regarde, i annan landrwa la dimoun – si ou anvi en lisyen, ou kapab vin anmase.  Me apre en serten letan, zot touy sa bann lisyen.  Zot detrir sa bann lisyen.  Se parski i pou ariv en moman kot ou pa pou kapab kontinyen pran swen ek tou sa bann lisyen.  Alors, dan li menm li i vin en serten kontrol.

Alor, dimoun ki kontan lisyen, ki dir pa nonm touy lisyen, pa nonm soz – wi, ede pour nou ganny en solisyon.  Me solisyon i pa ki detrwa dimoun i desann, i al Perseverance, i nouri tou sa bann lisyen e apre sa i mont se li.  E bann zabitan Perseverance zot, zot ganny problenm ek bann stray dogs.  Sa pa en solisyon!

Ou pa kapab ou, reste La Misère oubyen reste okenn lezot landrwa, desann, nouri bann stray dogs partou kot zot ede, dan milye lavil, anba Trwa Zonn, kot Lopital, kot soz ensidswit.  E pare sa ou, ou mont se ou, kot ou annan ou, ou 2 pti lisyen oubyen ou annan ou, ou Alzasyen avek ou Rottweiler, ki pe byen ganny manze, ki pa pe disturb personn.  Me sa bann lisyen zot, zot kontinyen ravaze e disturb bann lezot dimoun.

So, deswit mwan mon krwar i bezwen annan en aksyon ki ganny pran.  E sa aksyon se premyerman, pou ranmas tou sa bann lisyen.   E lotrozour mon’n pas Perseverance, Perseverance, bor laba borlanmer, kot mon war – in fact konmsi mon dir, be bann lisyen i annan – mon ti war en gran kennel lisyen dan pti area.  Mon pa konnen, laba pre kot Creole Holidays, kot Creole, sa lakonpannyen soz la, zot annan zot – lo bout la, letan ou pas kot, letan ou pe la kot highway, apre UCPS, ou antre la anndan, ou ale, i annan en landrwa la kot i annan en gran  lespas – mon pa konnen si SSPCA oubyen soz.  Be selman li la, i annan en zafer si SSPCA.

SSPCA li, fodre nou osi kestyonnen ki son manda?  E i resanble ki li son manda se si ou pe al vwayaze, i ava annan ne landrwa la kot ou vin met ou lisyen.  Alors li SSPCA li, i pa pe ede dan sa problenm stray dogs.  Amwen ki mon ganny korize si – koriz mwan si sa ki mon dir i fo.  I resanble ki li i en biznes e in ganny en zoli bout later.  Me i a pe ed bann dimoun ki annan larzan.  Bann dimoun ki annan en pe mwenza, ki pe vwayaze – ou kit ou lisyen laba, ou lisyen i ganny taken care of, letan ou retournen, ou al kolekte ou lisyen.

But what about bann stray dogs ki vin en nwizans pour nou?  Mon krwar animal – i annan en Animal Care, ensidswit, i annan en lot sosyete ki pe sey ede.  Mon krwar ki poudir sa petet nou bezwen sey donn zot en keksoz pour zot nobou ale epi anmas tou sa bann lisyen met laba.  E sa bann dimoun ki abitye donn zot manse, aprezan Gouvernman ava dir avek zot, be la prezan i annan en landrwa spesifik ki ou vin donn manze.  Ou pa bezwen al donn manze Perseverance, Lopital Mont Fleuri, ensidswit.  Ou ava al laba, tou sa bann lisyen i ava ganny manze e zot ava ganny tretman osi.  Me nou bezwen rezourd sa problenm stray dogs.

Dangerous dogs – sa ki nou apel dangerous dogs.  Byensir nou kapab dir napa lisyen ki danzere.  Me ofet i annan lisyen ki danzere.  Lisyen, menm si Onorab Loizeau in dir avek nou son lisyen i konn li, i konn fakter, i konn tou bann soz – lisyen i kapab annan en eleman avek li, zour i deside pou li vir kont son met, i vir kont son met – isi in ariv plizyer ka.  Konbyen ka?  I mean mwan mon mazin en ka spesifik Beau Vallon, kot sa dimoun ti annan son bann lisyen, be en zour lisyen in vir lo son zanfan.

E i annan son met lisyen osi tou ki lisyen in vir lo li.  Alor lisyen, nou bezwen dir ki poudir i annan sa eleman danzere osi tou avek li.  E konbyen dimoun ki’n anmenn zot lisyen pou andormi zot lisyen.  Se parski en zour lisyen, letan in ariv kot li, lisyen in komans montre bann siny ki poudir i pou atak li.

Alor, wi i bezwen annan serten kontrol.  Nou kapab dir sa ki nou oule, nou kapab dir nou’n train nou lisyen, nou isi, nou laba – wi, i annan en eleman.  Me lisyen anmezir ki i vyei, dokter ki la, Dr Melanie i kapab dir avek nou, i annan serten sanzman ki arive dan son konportman, absoliman parey imen.  Be imen pa i annan sanzman dan nou konportman!  Konbyen dimoun anmezir i pe vin pli vye – konmdi koze, fodre ou donn li manze avek golet?  Parski son konportman i sanze.

Alor, nou bezwen regard tousala.  Nou bezwen regard tousala e nou size se – eski sa Lalwa i en Lalwa modern?  Nou konnen ki poudir zot in pran li avek Australie.  Be Australie i bokou pli devlope, Australie i bokou pli lwen.  Be menm si Australie i bokou pli devlope, zot osi tou zot pe kontinyen ganny problenm avek enplimantasyon sa Lalwa.

Alor, enn bann problenm lafason ki mon trouv li se – ki mannyer pou met sa Lalwa an aplikasyon?  Mon war zot in met DA – pov DADA ozordi, zis Sistenm Pwen i en problenm pour li.  Problenm lakaz i lo li, problenm later i lo li, problenm sosyal i lo li, problenm drog i lo li, problenm prostitisyon i lo li.  Tou sa problenm dan distrik i lo li – pye dibwa ki’n overgrown, larivyer ki pa’n debloke.  La prezan ou pou al donn DA ankor – lisyen eran?  Ou pou al donn, pa zis lisyen eran, ou pou al donn li lisyen ankor?  Mon krwar ki sa i en pe tro bokou.  E se pour sa rezon ki nou bezwen regard byen sa Lalwa.

Sa kontrol Mr Speaker; ou konnen mon krwar ki nou vreman regard sa.  Ozordi ou annan nou bann Zofisye Lanvironnman – tortidmer i annan en sezon ki i vin ponn.  Be regarde ki mannyer nou pa ni kapab kontrol sa.  La dan rezyon Intendance ensidswit, nou tou nou konnen ki poudir i en landrwa ki torti i vin nest.  Me konbyen fwa ou tande ki poudir zot in anmas en karkas torti oubyen in anmas 2 karkas?  Se parski pa kapab kontrole.

Sa dernyen sezon zot ti vin lo televizyon pou dir ki sanmenm sa sezon ki’n annan plis torti ki’n ganny touye.  Be si nou pa kapab kontrol konbyen torti.  Nou kapab dir, meton dir 100 torti ki vin ponn, oubyen 200 torti ki vin ponn.  Be ki mannyer ou pou kontrol konbyen lisyen nou annan?  Si nou popilasyon – popilasyon lisyen i kapab pli o ki popilasyon dimoun lo Mahé, dan Sesel.  I kapab fasilman pli o, parski kot tou lakour i annan lisyen.  Me selman definitivman plis ki 50mil – alor pou nou kontrol sa.

E se la kot mwan mon dir nou bezwen retourn en pe an aryer.  E nou bezwen komans en pe from scratch.  E dog lovers – bann dimoun ki enterese avek dog welfare, zot osi zot bezwen vin dan sa game e ede pou retir lisyen eran lo semen.  Parski mwan mon krwar ki poudir pa devret annan en sel lisyen eran dan semen.  Si nou’n kapab netway tou sa bann lisyen eran dan semen, letan nou ava war enn nouvo, oubyen letan dimoun ava met obor dustbin, i ava al laba kot sa landrwa, kot nou ava anmase.  Nou ava dir avek bann dimoun – la i la, si zot oule vin pran en lisyen, vin pran.

Me la ankor enn fwa, mwan mon krwar sa lanfaz lo sterilizasyon.  Sterilizasyon i bezwen form parti en progranm serye.  E in annan bann progranm lotrozour l alo televizyon, ti a pe montre en progranm, zot in al La Digue.  Ti annan en group vets etranze ki ti’n al La Digue, ki ti pe steriliz lisyen, bann diferan zannimo, zot ti pe pran swen avek zannimo – fantastik!  Fantastik!

Be mon krwar ki poudir fodre nou met lanfaz lo la.  Me aprezan, eski pour nou kapab met en kontrol lo la, pour nou kapab komans en landrwa kot apre sa nou ava annan en lord – eski Gouvernman pa kapab, en pe parey Lions Club?  Lions Club li – gouvernman avek Lions Club isi, letan i annan loperasyon katarak pou fer, zot vini avek sepa 10 spesyalis.  E zot dir be la nou pou fer en progranm, kot in menm arive ki poudir zot in fer loperasyon katarak lo 200 dimoun.  E sa in fer lalis dimoun ki sipoze fer loperasyon desann en kantite – ki poudir i anba kontrol.  E Minister Lasante i kapab pran.

Eski napa fason pou rantre an kontak avek kek Lorganizasyon veteriner aletranze pou dir, be regard sa nou annan en problenm la?  Si par egzanp, i kapab vin 10 veteriner dan sa lekip, ki nou ava konnen ki poudir dan en semenn omwen zot ava dan tou bann distrik lo Mahé, Praslin avek La Digue e fer sa aktivite pou nobou annan en kontrol.  Parski mwan mon krwar ki poudir wi, nou bezwen al dan sa direksyon.

Me Mr Speaker, mwan mon krwar ki sityasyon i irzan, nou bezwen balanse tousala.  Me sa Lalwa, mwan mon krwar ki ozordi – ozordi definitivman nou pa pou kapab fini avek sa.  Mwan mon ti ava propoze, e si Minis i dakor avek sa Mr Speaker, mon ti ava propoze ki poudir pandan sa Recess, akoz nou pa regard 1 oubyen 2 zour, kot nou kapab asize ansanm, avek ou Minister avek nou, avek petet osi bann dog lovers – akoz nou p afe en pti keksoz koumsa?  Kot nou ava regard byen sa Lalwa, nou ava regard tou sa bann keksoz.  Nou ava konnen kwa ki nou kapab tire, kwa ki nou kapab ranforsi.  E apre sa, term prosen, koman bann premye Lalwa, nou vini e nou tackle sa.  Mon krwar ki poudir sa ti ava en fason, me antretan la ki sa deba i live e tou dimoun pe swiv – antretan bann Lalwa ki la prezan, i ganny ranforsi ki poudir pa pou aksepte nwizans.

E ki dimoun ki annan son lisyen, si Lapolis i ganny konplent, lo kote Minister i ava donn en nimero –  par egzanp, en hotline, kot zot a kapab vini, regarde, pran serten aksyon pour kot Lapolis ava kapab rantre pou dir ek en dimoun – be regarde, ou lisyen i en nwizans.  In annan en rapor e alor nou pe donn ou en warning.  E si sa keksoz i ganny repete, then sa dimoun i ava ganny sarze parey nou Kod Penal la pour le moman i permet.  E sa Lalwa Lisyen la pour le moman osi tou, mon krwar i annan lofans anba la ki poudir aksyon i ava ganny pran.

E si zot fer sa Mr Speaker, deza la zot ava pe anvoy en mesaz serye ki poudir we mean business.  E mwan mon krwar ki se sa ki nou devret arive, pour nou anvoy mesaz, ‘we mean business’.  E sa bann zafer dezord ensidswit, ki poudir the time is over pour sa.  E pli boner mon’n tann en dimoun pe koz lo lisyen dan flat.  Mwan mon krwar ofet Mr Speaker, i annan serten dimoun ki pe gard zot lisyen dan zot bann flat, kot Regilasyon i dir zot pa ganny Drwa.

E sa bann lisyen pe pli ganny bon swen ki sa bann lisyen ki ganny sonnyen larg.  Sa bann lisyen zot menm zot, zot konn ler pou zot bann bezwen.  E sa dog owner i bezwen konnen ki poudir la i la, tel ler mon bezwen anmenn sa lisyen deor pou li a fer son bann bezwen, e i pran swen avek li.  Parski si ou lisyen i dan ou lakaz, i montre ou ki poudir ou pe pran li koman enn ou zanfan.  E ou zanfan, ou pou donn li manze ki apropriye, ou pou donn li ou sa ki bon pour li.

Alor, tousala se bann keksoz ki nou bezwen regarde.  Me imedyatman la nou bezwen dir, i bezwen annan lord.  I pa zis en kestyon mon kontan mon lisyen, i pa zis en kestyon lisyen i en bon zannimo – ‘men’s best friend.’  Tousala i bann sayings ki nou kontan dir.  it is not just about kontan en lisyen.  Fodre ki nou mazinen ki a dog is for life, just for Christmas.  Mersi bokou Mr Speaker.

 

MR SPEAKER

Mersi Onorab Ramkalawan.  Bon, mon ava donn laparol Minis aprezan.

 

MINISTER CHARLES BASTIENNE

Mr Speaker, dabor mon a dir mersi tou bann Manm Onorab pour zot entervansyon lo sa Prozedlwa.  En kantite in ganny dir, kantite menm in ganny dir.  i annan plizyer kestyon ki’n ganny demande.  E osi an menm tan, i annan way forward ki’n ganny propoze.

Petet permet mwan Mr Speaker, dabor pou dir – be ozordi petet nou ti ava moderniz nou Lalwa.  Pete ti a vin en Lalwa ki pa neseserman 32 paz parey zot dir, me pa neseserman lakantite paz ki pou dir si en Lalwa i efektiv oubyen non.  Me si nou dan sa sityasyon ozordi, set akoz mon krwar ki sakenn de nou ki annan nou lisyen, mon krwar pa neseserman pran zot responsabilite.  E si sakenn ti pran zot responsabilite, then nou pa ti pou neseserman, pour nou kapab vini pour nou met en pe lirzans avek sa Lalwa.

Sa Lalwa li menm li, diferans ki i annan avek sa Lalwa ki nou ti annan avan, se ki i en Lalwa ki konpreansiv parey mon’n dir pli boner.  I en Lalwa ki anglob ki nou kapab mazinen ki annan pou fer vizavi lisyen.  Avan i ti apel en Control of Dogs Bill.  Prezan i apel Control and Protection of Dogs, pou fer sir ki met lisyen – en dimoun ki deside pou li sonny lisyen, i bezwen fer sir ki i pran son responsabilite total vizavi son lisyen.  E si i pa fer sa, evidaman Lalwa pe fer provizyon pour ki i annan serten aksyon i ganny pran avek li.

Solman osi, nou bann dimoun i bezwen realize, avan ler nou sonny lisyen, parey plizyer entervenan in dir apre midi, ki rezon akoz nou sonny lisyen?  E ler nou’n deside pou nou pran en pti lisyen pour nou swa aste oubyen adopte pour nou met kot nou, nou bezwen fer sir poudir tou son bann latansyon ki i bezwen i merit gannyen.  E ler nou fer sa, e si sakenn ti’n fer sa, ozordi pare plizyer zot in dir, ki ozordi enn nou bann pli gro problenm, se problenm lisyen eran.  Mon a koz en pti kou lo lisyen en pti pe apre.

Sa Lalwa parey mon’n dir, i en Lalwa modern – wi, i baze lo en Lalwa Australien.  Me parfwa parey nou fer souvandfwa avek serten Lalwa, si i annan serten Lalwa ki nou krwar nou kapab adapte dan konteks Sesel, then nou fe.  Se pour sa rezon ki nou oule gard li.  E an menm tan sa Lalwa pe get lwen lavenir – pa neseserman en Lalwa ki nou p regard ozordi, me nou pe regard li lwen ek lavenir.  Kestyon i ganny demande – me ki mannyer nou pou anforsi sa Lalwa?

Dabor, parey mon’n dir i annan sa laspe proteksyon lisyen – kot dimoun si i santi i annan serten lakour ki pe maltret serten lisyen, ki pa pe donn manze lisyen, pe bat lisyen, then i annan serten kontak ki i fer avek competent authority.  E la competent authority i fer le neseser pou zot anvoy bann dog control officers, evidaman ki pou travay an close kolaborasyon avek zofisye Lapolis.

Ozordi nou war nou dan en sityasyon kot nou pe koz lo nwizans ek lezot laspe, kot nou vwar Lapolis pe reakte.  Me la nou vwar nou pe kree sa dog control officers, malgre nou ti annan anba Lalwa avan certain extent me pour serten rezon pa’n neseserman marse.  Me la nou pe donn pouvwar sa dog control officer pou li fer serten travay ki pa ti neseserman pe fer anba Lalwa avan.  E vwala kot serten kestyon in demande – ki Bidze pou annan?  Lenformasyon ki mon gannyen avek mon zofisye, se ki en sonm R1.2milyon in ganny mete dan Bidze lannen prosenn, pou kapab fer marse an term saler e tou keksoz ki annan pou fer vizavi sa nouvo aktivite ki tonm anba seksyon Veteriner.

Rol DA – parey mon dir boner dan mon entervansyon, mon’n dir poudir sa Lalwa ti ganny extensively consulted avek tou bann parti konsernen.  Kot i annan bann rankont ki ti ganny fer.  E vwala kot tou dimoun ti annan sa – zot ti kapab vin devan pou zot vini vin donn zot lopinyon, sa ki zot kontan ek sa Lalwa, sa ki zot pa kontan ek sa Lalwa, kote zot ti a krwar petet Gouvernman i devret vin en pe pli serye vizavi sa Lalwa.  E tou sa bann konsiderasyon ti ganny pran avan ler ki sa Lalwa in ganny drafte dan lafason ki i ete.

DA li – normalman DA pa pe al neseserman direkteman deal avek lisyen li.  DA parey nou’n dir, se ki nou pe desantraliz sa servis.  Mon krwar apre tou, nou tou nou ava apresye, nou a dakor poudir rol DA se li i en pwen fokal kot zabitan i kapab al kot li pou al rod nenport ki lezot servis ki i bezwen lo nivo kominoter.  E sa DA li esansyelman son travay i annan avek li sa bann form laplikasyon pour letan en dimoun i oule anrezistre son lisyen.  Pa neseserman ki dimoun i bezwen anmenn son lisyen kot Biro Ladministrasyon Distrik letan i pe fer sa aktivite.  I pran son form, i konplete, i retourn kot DA.

Petet i annan serten travay pour nou fer – si pou kolekte reveni, lafason ki pou hand over avek competent authority.  E la petet les mon a klarifye – competent authority, Lalwa i fer provizyon ki larzan ki ranmase i al dan en revolving fund, kot sa competent authority, setadir dan sa ka SAA.  Me a lavenir nou oule ki NBA ki pran sa responsabilite.

So, DA li i pou la koman sa fasilitater dan kominote pou make available form.  E petet osi dan serten sirkonstans, donn serten lesplikasyon petet kot dimoun pa neseserman kler lo serten prosedir ki involve avek anrezistreman zot lisyen.

Nou’n koz lo lakantite lisyen – serten entervenan in koz lo lakantite lisyen ki dimoun pou annan.  Parey mon’n dir, Regilasyon i fer provizyon pour – pou annan Regilasyon ki pou fer provizyon lo lakantite lisyen ki en dimoun i devret annan.  Mon krwar ki nou bezwen annan en Cap lo lakantite lisyen ki annan pour plizyer rezon.  Pour management purposes mon panse.

I annan dimoun i a kapab manage en lisyen, i annan i a kapab manage son 5 lisyen.  Me parey mon dir, se ki nou determinen konbyen lisyen en dimoun i pou kapab annan.  Kestyon in ganny demande – si i annan 4/5 dimoun dan en household, eski sak dimoun pou ganny drwa, dizon si nou tonm dakor lo 5, sakenn pou annan 5, ki pou fer 20 lisyen?  Non.  Regilasyon i dir ki kantite lisyen ki pou kapab ganny garde par sa household lo serten parcel later, lo en plot later parey nou dir.

Apre nou’n koz lo laspe microchippingMicrochipping lenformasyon ki mon annan se ki, annefe servis veteriner konmela i annan – i pe microchip lisyen lo en baz volonter ki serten dimoun i fer demann.  E mon’n ganny dir ki i annan microchip ki varye son pri ant R50 ziska R250.  Petet si i vin en pli ser se petet akoz i annan sa fre pour sa veteriner ladan ki add over sa pri pour microchipping.

Apre ti annan kestyon – eski tou lisyen pou ganny microchip?  Lalwa parey i ete dan son fason ki li i ete la right now, provizyon i fer pou dir tou lisyen par lao 3 mwan fodre ganny microchip.  Parey nou’n dir osi, tou lisyen par lao 3 mwan fodre ganny anrezistre en ganny tag properly e microchip osi i enn bann keksoz ki Lalwa in fer provizyon.

Lot keksoz ankor ki ganny koz lo la, se laspe nwizans.  Nwizans i vre ki i annan Lalwa ozordi.  I annan Kod Penal, i annan dan serten ka ki zot in mansyonnen konmkwa ki Public Health i kapab fer serten entervansyon.  Me selman sa Lalwa li i spesifik pour ki, ki mannyer pou deal avek bann nwizans spesifik ki relye avek lisyen.  Akoz letan nou pe koz nwizans dan Kod Penal, nou pe koz nwizans an zeneral.  Me la sa Lalwa li, i take up sa laspe nwizans pirman.

Si ou war nou pe fer en Lalwa ozordi, pa bliye en Lalwa i vin as a result of a call of people, of dimoun ki pe dir nou, nou ti a kontan latansyon i ganny mete lo la.   Me parfwa nou dir – eski nou bezwen al fer en lot Lalwa pour nou kapab deal ek sityasyon?  Me parfwa wi, ler ou met sa Lalwa dan konteks sa size ki ou pe deal avek, petet i ava mord plis ki letan ou kit li dan en konteks zeneral.

Apre lot keksoz ankor ki’n monte, zafer Karantenn – karantenn i ganny kouver anba Plant ek Animal Biosecurity anba Seksyon 81 anba sa Lalwa ki mon’n mansyonnen.

Apre issue in dir konsernan ‘protected wildlife.’  Mon krwar en entervenan in koz lo zafer tortidmer.  Be tortidmer- mon krwar i en protected wildlife, kot lisyen parfwa i al fouy zot dizef, oubyen i atak zot letan zot vin lo lans.  So, sa mon krwar i ava eksplike petet akoz nou annan protected wildlife dan konteks la.  Apre osi telman i annan in ganny dir, mon regard en pti kou.  Si i annan ki mon’n mank zot bann pwen, mon demann zot en leskiz.

Konsernan entervenan ki’n dir – Onorab Pillay, eski pa kapab fer sa Lalwa entrodwir li par faz?  Mon’n ganny dir, wi i kapab ganny fer.  E ler ou met son commencement date – i ava annan commencement date pour serten seksyon.  E i ava annan commencement date pour lezot seksyon.  Si par egzanp – en legzanp, pa neseserman petet pare pou nou entrodwir microchipping, nou’n pare avek pou met tag, nou proceed ek sa.  Me apre son microchip ava vin pli tar avek son commencement date apropriye.

Mr Speaker, komanter in ganny fer lo ki kantite lisyen nou kapab annan.  Fransman pou dir ou, se ki nou pou napa – nou pa’n fer en resansman pour nou kapab konnen ki kantite lisyen ki nou annan.  me enn bann kestyon pli burning ki mon krwar ki’n ganny adrese apre midi se ki, ki mannyer nou pou deal e enplimant sa Lalwa.  Ki mon kapab dir sa Lasanble la apre midi?  Se ki, nou’n komanse serten travay.  Nou’n ganny dir poudir, annou komans avek bann lisyen eran ki nou annan.

Mon kapab dir avek Lasanble, depi Vandredi pase, nou’n komans anvoy lanons lo medya, ki Lalwa aktyel i demann nou pou fer – konmkwa ki i annan serten travay ki nou pe fer avek bann lisyen eran ki nou annan dan bordaz lavil.  Nou pe komans avek lavil premye.  E depi Vandredi ziska la, atraver sistenm latrap ki nou’n mete, nou’n atrap nou omwen en 20tenn lisyen ziska maintenant, bann lisyen eran.

E nou pe entansifye nou travay anmezir nou ale akoz nou pe ogmant lakantite latrap ki nou, nou pe mete pour nou fer sir poudir pli vit posib.  E nou, nou pe sey fer mannyer ki pli tar avan Desanm nou’n bezwen kapab omwen elimin preski tou – tir tou bann lisyen eran dan landrwa piblik, ki swa lavil, ki swa lo lans, akoz nou pe pous vit pour nou kapab deal avek sa.

Me prenon kont legzizans oubyen prenon kont lafason ki nou devret pe deal avek li.  Menm si Lalwa aktyel i dir nou met pwazon, nou pa pe fer li.  Me nou pe tyonbo zot dan sa sistenm latrap.  E Onorab Ramkalawan in demande – eski SSPCA pe asiste nou?  Wi, SSPCA pe asiste nou.  E tou sa bann lisyen ki nou pe atrape bann dernyen zour la, tou sa bann lisyen pe ganny mete kot SSPCA.

So, nou pe bouze dan en serten direksyon pour nou kapab dil avek bann laspe lisyen eran, ki mon krwar i nou priyorite an se moman.  Me solman mon krwar, parey zot tou zot in dir, nou pa pe kapab tous en bout san deal avek li dan son laspe konpreansiv.

Ou bezwen anmenn sa laspe kot en dimoun ki sonny son lisyen, ki deside annan en lisyen, ou lisyen i bezwen kot ou.  I pa bezwen okenn par – i devret kot ou, kot ou lakour.  I pa devret pe tay avek personn.  Akoz Lalwa parey mon’n dir pli boner, i fer provizyon ki ou lisyen i bezwen a tou moman anba ou kontrol.  Petet serten dimoun pa pe realize, me si zanmen ou lisyen i al atak serten lezot dimoun.  An rezilta aksyon ou lisyen, personnelman ou responsab.  E ou ava war ou petet pe pey serten domaz ki lakour i kapab enpoz lo ou.

E la kot petet nou bezwen fer mannyer pou nou kapab donn en pe plis ledikasyon nou dimoun vizavi ler ou deside pou annan – nou pe koz lo lisyen ozordi, sonny lisyen kot ou, tou son bann responsabilite ki vin avek.  Parey mon’n dir boner, se ki i byen nou annan nou lisyen, nou kontan nou lisyen.  Me an menm tan nou bezwen mazin tou bann laspe atase avek si zanmen keksoz i al mal.

Apre en lot pwen ki’n monte, se laspe lenplimantasyon.  Minister, atraver NBA, nou pe gear up en?  Nou pe met nou pare pour nou kapab enplimant sa Lalwa pli vit posib.  Deza nou dan staz kot nou pe fer order neseser pour nou bann meday ek nou bann microchip pou kapab antre dan pei pli vit posib – en serten nonm kantite pou nou fer sir ki nou pa manke.

Apre, dezyenmman – transpor apropriye ki nou bezwen pour nou kapab ler nou anmas lisyen, pou transporte e tou.  Sa osi nou’n fini ganny approval avek Procurement.  Nenport ki moman nou pou aste.  Trwazyenmman – i annan laspe pou fer avek Dog Pound ki Lalwa i fer provizyon konsernan approved facility.  Nou Dog Pound osi la nou dan faz design.  Set akoz nou ti’n ganny serten retar konsernan later, ki mon krwar nou pe bouze.  Ki nou pou annan enn lo Mahé, enn lo Praslin e nou pe regard posibilite pour nou kapab annan enn lo La Digue osi.

So, apre osi, Minister osi i oule bouze pou kapab fer recruitment neseser pour tou bann Dog Control Officers ki pou vini pou donn nou en koudmen.  Me solman osi, mon dakor avek bann lezot entervenan ki’n fer sorti konmkwa ki nou pa pou kapab annan en Lalwa konpreansiv for si nou pa deal avek sterilizasyon.  E sterilizasyon i sipoze en konponan tre, tre enportan dan nenport ki Lalwa – dan konteks sa Lalwa ki devan nou.

Sterilizasyon wi, nou bezwen fer bokou plis.  Ler nou’n asize nou’n diskite konsernan ki mannyer nou pou deal, nou pou met kontrol, lapros lo plan enplimantasyon, sterilizasyon i vin parey mon’n dir, en konponan endispansab.  E nou, nou bezwen fer mannyer ki nou al lo en kanpanny vreman agresiv – agresiv pour nou deal ek sterilizasyon.  An se moman nou pe fer – nou annan plan tre byen to pour nou zwenn avek tou bann stakeholders ki involve dan sa bann zafer lisyen, sterilizasyon pour nou regard kapasite ki nou annan.  I baze lo kapasite ki nou annan pou nou travay ansanm lo en progranm pour nou fer sir poudir nou kapab carry out maksimonm sterilizasyon ki nou kapab.

Opsyon pou nou rod led avek bann lezot sosyete sivil i la.  Definitivman sa in monte akoz sa i ava ed nou apre ki nou’n kapab etablir byen nou kapasite pour nou kapab fer li nationwide one go, over en peryod letan rezonnab, nou kapab dir poudir nou’n kapab fer en diferans kot sa i konsernen.  We mean businessyes, we mean business.  Parey mon’n dir boner, nou’n komanse e nou pou kontinyen.  Nou konnen poudir i annan serten dimoun i apresye travay ki nou pe fer.  Me i annan serten dimoun pa neseserman pe apresye travay.

Nou bezwen realize poudir nou bann zofisye de zour an zour, letan zot pe fer zot travay i annan plizyer sirkonstans kot zot afekte, zot ganny menase, zot ganny touy fason.  Me nou bann zofisye zot reste ferm, convinced poudir Gouvernman in dir poudir nou bezwen fer serten travay, alor nou bezwen kontinyen fer sa travay ki zot in ganny demande pou fer.  E pour sa mon oule remersye zot e felisit zot pour sa ozordi.

E finalman Mr Speaker, konsernan kot nou pou ale prosennman.  Mon krwar tou le de kote in dir ki ti a bon.  I annan serten keksoz ki letan mon’n diskit avek nou draughtsman sorti kot AG’s Office, in dir mwan i annan serten keksoz ki Lasanble, Bills Committee ti ava swete fer bann lamannman lo la.  Ki letan mon’n vwar avek li i pa neseserman bann amannman ki vreman mazer.  Me i annan en bon pe lamannman mon kapab dir ki neseser pou ganny fer.  E mwan fransman lo kote Gouvernman, malgre mon ti a swete, malgre nou pe out there, i ava swete ki nou pas sa Bill, nou aprouv li.

Me nou war poudir i annan serten koreksyon ki bezwen ganny fer lo la, mon krwar poudir i toutafe apropriye ki letan nou fer en travay nou fer sa travay byen.  E ki letan nou, nou sorti avek en Lalwa – en Lalwa ki modern, en Lalwa ki konpreansiv, en Lalwa ki nou, nou konnen poudir in pran konsiderasyon lamazorite byen ki dimoun in met devan.  E dayer si i annan ankor lezot enn de bann sanzman ki ganny fer, i ava ganny fer.  Mon napa okenn lobzeksyon pou nou kapab petet fer serten konversasyon pour nou kapab rafin li en pti pep li byen, ki en mannyer ki nou ava retourn avek sa Bill.  E dan letan apropriye, ki mon ekspekte Mr Speaker i pou pli vit posib, nou retourn ek sa Lalwa la.  E la kot nou ava ganny Lalwa, mot nou ava ganny konsansis tou dimoun.

Avek sa Mr Speaker, mon a dir ou mersi bokou.

 

MR SPEAKER

Mersi Minis.  Bon, mon’n okouran en pti pe konsern Bills Committee.  E mon’n osi tou – mon a fer en pti mansyon avek le 2 Leaders.

Nou pou pran en vot lo merit e prensip sa Bill.  E apre Standing Orders, konsern ki bann Manm i leve, ki menm Minis osi tou petet i pe al dan sa direksyon, i pe sizere – anba nou Standing Orders nou kapab then defer Staz Komite, kot Bills Committee avek petet zofisye a Biosecurity avek AG’s Office, si ou kapab rankontre ankor pandan Recess pou nou regard ankor en pti pe pli byen pour nou kapab fer serten koreksyon osi tou dan Bill.  E apre ler nou ava repran Septanm, nou a kapab al Staz Komite e pran Third Reading.

Yes Onorab Ferrari.

 

HON JEAN-FRANCOIS FERRARI

Mr Speaker, sorry pou mwan entervenir.  Me selman ti annan zis en pwen ki mon santi ki Minis pa’n – kekfwa in oubliye pou adrese.  Ki i pou ranforsi ankor an atandan ki nou ganny sa Lalwa final, i son lentansyon pou ranforsi tou bann zefor dan tou bann sekter pou kapab ed bann zabitan.  Mersi.

 

MR SPEAKER

Wi. Mon krwar Minis in mansyon sa.  Me anfen si oule en repons direkteman from Minister.  Minister mon a donn ou laparol.

 

MINISTER CHARLES BASTIENNE

Mr Speaker, mon krwar ki letan mon’n dir poudir we mean business, setadir Gouvernman means business.  E ki nou oule adres sa problem dan son lapse konpreansiv.  Malgre parey mon’n dir, nou ti a swete Lalwa ti’n aprouve pou nou kapab fer li dan en fason konteks Lalwa parey i ete.  Me solman, anba whatever ki nou annan ozordi, what Lalwa ki nou annan ozordi, nou a fer li.

E parey mon’n dir ou, lisyen eran pe komans ganny deal avek.  So, menm parey avek bann lezot keksoz, i ava ganny deal avek par Lotorite apropriye.  Mersi Mr Speaker.

 

MR SPEAKER

Mersi Minis.  Onorab De Commarmond.

 

HON CHARLES DE COMMARMOND

Mr Speaker, mon krwar Minis i kler k ii pe sey dir.  Bills Committee, mon pe mazinen, olye ki nou pou esper Septanm, si pa posib.  Akoz mon konnen i annan en kantite pwen ki’n fini ganny diskite avek… en?

 

(Off Mic)

 

HON CHARLES DE COMMARMOND

Wi, wi.  Non mon pe vin lo la.  Onorab Georges in deza fer en bon travay avek Mr Victor ki la.  E nou kapab reste an kontak avek Onorab Georges pou vwar ki kantite, akoz i paret mwan i pa reste tro bokou.

Si Minis in ganny onboard sa bann pwen ki pe ganny dir, mon pe sey gete si semen prosenn Minis ou kapab donn nou en gidans dan lasemenn, ek sa detrwa zour ki vini, si nou ti posib nou fini avek sa.  Semen prosenn letan nou al lo Recess, nou’n fini avek sa Prozedlwa.

 

MR SPEAKER

Ok.

 

HON CHARLES DE COMMARMOND

Si i posib akoz mon’n vwar avek tou bann partisipan, tou bann koze ki’n ganny koze, lentansyon.  E Minis i deza pe fer keksoz ki ekselan e li i kontinyen lo sa ki i pe fer.  Me nou, nou gete si o pli vit posib nou kapab fini ek sa.  Akoz mon vwar mwan poudir i kapab al dan sa direksyon vitman.

Si petet prezan letan nou’n konsilte dan sa detrwa zour, nou vwar poudir vreman i enposib, then nou ava anvoy li pour Septanm.  Be selman ti a bon si nou kapab tap li la, nou fini.

 

MR SPEAKER

Mersi.  Minis mon a donn ou laparol.

 

MINISTER CHARLES BASTIENNE

Mr Speaker, parey mon’n dir se ki mon swe e swe Gouvernman se ki nou met sa Lalwa, nou aprouv sa Lalwa pli vit posib.  Akoz son enplimantasyon, nou lo nou kote nou’n fini komans mobilize pou nou fer sir tou keksoz i an plas.

E ki mannyer nou pou enplimant li?  Sa i en keksoz ki nou ava diskite.  E mon dakor avek Leader Government Business.  Ler mon’n koz osi avek draftsman sorti kot AG’s Office, lamazorite keksoz i posib pou nou kapab deal avek pli vit posib.  So, alor mwan mon ti ava swete Mr Speaker, si nou ti kapab petet apre ki nou’n fini fer nou bann diskisyon, finaliz li by semenn prosenn.  Mersi Mr Speaker.

 

MR SPEAKER

Mersi Minis.  Bon, petet zis dan sa laliny avan nou pran en vot, Bills Committee tou fason pe zwenn demen 10er bomaten – in cancel?

 

(Off mic)

 

MR SPEAKER

Non. Ok, nou ava sort out sa.  Me sa ki mwan mon ti okouran se ki Bills Committee pe meet demen.

Bon, annou pran en vot lo merit e prensip zeneral.  E apre nou ava defer Staz Komite e Third Reading.

Bon, tou Manm ki an faver lo pran en vot lo merit e prensip sa Bill?  Okenn Manm ki kont?  Madam Clerk.

 

MADAM CLERK

Mersi Mr Speaker.  20 Manm an faver e person kont.  Mersi.

 

MR SPEAKER

Bon, savedir Lasanble in aprouv merit e prensip zeneral sa Bill.  E parey nou’n dir, nou pou… Yes Onorab Sebastien Pillay?

 

HON SEBASTIEN PILLAY

Yes Mr Speaker.  Mr Speaker, anba Order 22 nou Standing Orders, mon ti a kontan move ki nou defer Staz Komite lo sa Bill until en dat ki Lasanble i ava fikse pou Bill.

 

MR SPEAKER

Wi.  Mon pa ankor fini, nou bezwen fer formal Second Reading.  Yes.  Madam Clerk.

 

MADAM CLERK

Mersi bokou Mr Speaker.  A Bill of an Act to provide for care, control and protection of dogs and or matters connected therewith and incidental thereto.  Mersi.

 

MR SPEAKER

Mersi Madam Clerk.  Ou anvi move … Onorab?  Yes, go ahead.

 

HON SEBASTIEN PILLAY

Mr Speaker, wi anba Order 22, akoz si nou pe sispann Staz Komite la, ou kapab fer li anba Order 19(5).  Me selman 19(5) i mean ki nou bezwen seat at the next Sitting which is next week.

Be vi ki i annan serten konsern, mon ti ava propoze to be on the safe side, ki nou al anba Order 22 e nou ask leave pour nou – mon propoz en Mosyon ki anba Order 22, nou ganny en adjournment la a sa staz.  E ask li to sit again at the date ki nou ava appoint.  Mersi Mr Speaker.

 

MR SPEAKER

Mersi Onorab.  Okenn Manm ki segonn Mosyon?  Yes Onorab Valmont.

 

HON JUDE VALMONT

Mr Speaker, mon segonde.  Mersi.

 

MR SPEAKER

Ok.  Annou pran en vot lo Mosyon ki devan nou.  Tou Manm ki an faver?  Okenn Manm ki kont?  Madam Clerk.

 

MADAM CLERK

Mr Speaker, 19 Manm an faver e person kont.  Mersi.

 

MR SPEAKER

Bon, Mosyon in pase.  Savedir a en prosen dat, nou a kapab retournen, nou ava pran bann larestan travay lo Bill e nou ava fer Third Reading.

        Bon, Minis mon ti a kontan remersye ou parmi nou avek bann zofisye.  E osi Mr Pool ki reprezant Biro Attorney Zeneral.  Minis mersi bokou e nou ava eskiz zot parmi nou.

 

 

(MINISTER BASTIENNE AND HIS DELEGATION WAS EXCUSED FROM THE HOUSE)

 

MR SPEAKER

Bon, avan nou adjourn pour semenn prosenn, mon ti a zis kontan fer konnen bann Manm Lasanble ki demen i annan sa Seminar konzwen ki pou mark lafen proze lo ranmase, analize e partaz lenformasyon lo rezilta enplimantasyon proze gouvernans lo SRHR, HIV/AIDS Committee.  E ansanm avek Komite Madanm e Komite HIV/AIDS Lasanble, e Lasanble Nasyonal ansanm avek SADC PF.  Sa i pou fer kot STC Conference Room – i komans 9er bomaten.  Bann lezot Manm i ganny envite pou attend louvertir.  E son klotir pou fer Sanmdi bomaten menm landrwa, STC Conference Room.

Bon, avek sa nou ava – mon ti a kontan ankor enn fwa ozordi remersi SBC.  E osi remersi tou bann Manm pour sa extra sitting ki nou’n fer.  E tou manm piblik deor ki’n swiv travay Lasanble Nasyonal.  SBC mersi bokou.  E nou ava adjourn e nou repran nou travay Mardi le 7 Out, 9er bomaten.

 

(ADJOURNMENT)