::
Home » Verbatim » 2018 » Verbatim Tuesday 1st August, 2018

Verbatim Tuesday 1st August, 2018

NATIONAL ASSEMBLY OF SEYCHELLES

Wednesday 1st August, 2018

 The Assembly met at 9.05am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab.  E bonzour tou dimoun ki a lekout e pe swiv travay Lasanble al.

Nou pou kontinyen nou travay bomaten kot nou’n arete yer.  E sa se kontinyasyon bann deliberasyon lo bann Prozedlwa ki devan nou.  E apre nou annan en Mosyon osi tou lo nou Order Paper.  Mon ava toudswit demann Parliamentary Reporter pou fer rantre Vis-Prezidan.

Lo Order Paper bomaten nou annan Election (Amendment) Bill, 2018, Truth Reconciliation and National Unity Commission Bill, 2018, apre Control and Protection of Dogs Bills, 2018. 

        Bon mon ti a kontan welcome Vis-Prezidan Meriton parmi nou, ki akonpannyen par Attorney Zeneral Mr Frank Ally, e son asistan Mr Victor Pool.  Vis-Prezidan avek ou lekip bonzour e welcome dan Lasanble Nasyonal.

Yes Onorab De Commarmond.

 

HON CHARLES DE COMMARMOND

Non mon dir ou nou pe al pran  Truth Commission la – en?

 

MR SPEAKER

Wi nou ti’n konmans en pti koze regards to Elections Bills.  Nou a kit li la, en pe pli tar nou ava defer li pli tar.  Ok? 

So mon kapab ganny en.  Nou pou skip Elections (Amendment) Bills, 2018.  E nou pou al lo Truth Reconciliation and National Unity Commission Bill.  Mon kapab ganny en Mosyon pou Second Reading. 

 

HON CHARLES DE COMMARMOND

Mersi Mr Speaker.  Bonzour Mr Speaker.  Bonzour Vis-Prezidan ek ou tim delegasyon.  Bonzour tou Manm ki a lekout.

Mr Speaker anba order 64(2) nou Standing Order mon oule move ki The Truth Reconciliation and National Unity Commission Bill, 2018 i ganny lir en Dezyenm Fwa.

 

MR SPEAKER

Mersi Onorab De Commarmond.  Okenn Manm ki segonde?

 

HON AUDREY VIDOT

Bonzour Mr Speaker.  Motion seconded.

 

MR SPEAKER

Mersi Onorab Vidot.  Bon Mosyon in ganny segonde.  Mon ava therefore demann Vis-Prezidan pou entrodwir Bill.  Vis-Prezidan laparol i pou ou.

 

THE VICE-PRESIDENT MR VINCENT MERITON

Mersi Mr Speaker.  Mersi bonzour Mr Speaker.  Bonzour tou bann, Manm Lasanble al.  E tou dimoun ki a lekout.

Mr Speaker mon pe prezant devan Lasanble e Prozedlwa pou etablisman en Komisyon Laverite Rekonsilyasyon e Linite al pou zisteman promouvwar Linite al e Rekonsilyasyon dan pei.

Sa Prozedlwa li i osi reprezant loportinite ki devan nou tou ozordi.  Loportinite pou ferm en sapit kontrovers nou listwar ; pou bouz délavant avek en nouvo souf sa ki nou kontinyen trenn fardo lo lepase avek nou.

En loportinite pou ranforsi Linite al e Rekonsilyasyon dan pei.  Mr Speaker moman ki devan nou i enn ki istorik.  E mon swe ki nou apros sa prosesis ek matirite e avek bonn volonte.  Ki nou demontre en grander lespri lasazes ki nou’n aprann atraver bann levennman lepase ; ki nou koz lo lavenir lo  ki mannyer nou kontinyen batir nou pei.  E asir byennet nou popilasyon.

Mon rekonnet lenportans e nesesite adres bann febles lepase.  Pou nou fransiz sal ot letap revolisyon nou.

Nou pei Sesel in viv avek en rezilta nou listwar.  Se nou listwar ki’n fer nou sa ki nou été ; ki’n anmenn nou lo sa pwen istorik kot nou été ozordi.

Mr Speaker sa Prozedlwa devan Lasanble pa pou sanz nou listwar.  Me i annan sa pouvwar pou permet sanz serten konsekans sa bann levennman lepase.  Pou anmenn en lot kalite rezilta kot i annan rekonsilyasyon olye separasyon ; kot ou anmenn Linite al olye divizyon.

Mon pa anba okenn ilizyon Mr Speaker, ki avek laprouvasyon sa Prozedlwa ki keksoz pou retourn normal.  Oubyen ki bann ki ganny afekte pou fasilman bliy sa ki’n arive.

Travay sa Komisyon ki sa Prozedlwa pe propoze etabli, pa enn ki pou fasil oubyen ki senp.  Pouvwar sa Prozedlwa Mr Speaker i redemptive.  I pa pou efas bann leren dan lepase.  E pou kapab permet ferm sa paz konmans en nouvo sapit.  Se pour kwa Rekonsilyasyon Linite al i enportan i osi enportan ki lepase.

Mr Speaker nou bezwen bouz devan.  Nou bezwen en nouvo konmansman pou lavenir.  En lavenir kot nou rekonnet nou pase tou sa kantite keksoz ki byen.  Tou sa kantite keksoz ki’n permet nou ariv kot nou’n arive, e osi rekonnet sa ki mal.  Kot Seselwa i viv ek travay ansanm dan tou son diversite.  Mon annan lespwar ki Seselwa i pare pou en sel pou en tel moman.  Mon espere ki nou demontre matirite liminite avek kouraz.

Mon ti a kontan sezi sa loportinite pou remersi Komi te Lasanble al lo Laverite Rekonsilyasyon e Linite al, pou travay ki zot in fer an preparasyon sa Prozedlwa.

Mon oule remersi tou dimoun ki’n partisip dan sa prosesis.  E swete ki bann deba ki swiv i sinifye sa Laverite Rekonsilyasyon e Linite al ki sa Prozedlwa i reprezante.

Aprezan Mr Speaker mon demann Lasanble al pou konsider sa Prozedlwa.  Mersi Mr Speaker.

 

MR SPEAKER

Mersi Vis-Prezidan.  Bon deba i ouver alor lo merit zeneral avek prensip Bill ki devan nou.  Sa se Truth Reconciliation and National Unity Commission Bill, 2018.

Mon ava donn laparol avek Onorab Ramkalawan.

 

HON WAVEL RAMKALAWAN

Bonzour Mr Speaker.  Bonzour Vis-Prezidan en bonzour tou Manm Lasanble e Vis-Prezidan avek ou delegasyon e tou dimoun ki pe ekout nou.

Mr Speaker mon krwar ki ozordi sa ki nou pe diskite dan Lasanble, i en size tre enportan.  E depi ki 6enm Lasanble in zwenn, nou’n form en Komite zisteman pou prepar sa travay ki nou pe regarde ozordi.  E la mon osi mon ti a kontan remersi Vis-Prezidan pou son parol tre apropriye e remersiman an relasyon avek travay ki sa Komite in fer.

Byensir nou ti deza prezant nou rapor devan Lasanble.  E se sanmenm sa rapor ki Lasanble ti prezant avek Gouvernman – avek Egzekitiv.  E dan sa rapor ki nou ti prezante, ti osi annan en Bill ki nou ti’n travay lo la.

Petet i enportan pou nou, letan nou pe regard sa moman, parski in annan bokou reaksyon sorti kot plizyer dimoun, pou nou pran li dan en fason kalm e pou nou regarde kwa ki nou bezwen re vizite, afen ki nou kapab finalman achieve sa ki nou pe rode.

E mon krwar ki pou dir ozordi wi nou anvi closure.  Closure savedir ki laverite i ganny met devan e atraver sa laverite ki toultan nou koz lo la, ki nou tou nou ganny libere, e atraver sa liberasyon, atraver liberte – malgre ki pa tou bann boubou ki pou’n ganny geri, me selman omwen ki dimoun i ava kapab regard keksoz avek en lot fason.

Mr Speaker mon anvi premyerman dir – e la petet si televizyon i focus lo sa bann file ki la – sa bann file ki la se bann file avek tou bann konplent ki nou konman en Komite nou’n gannyen.

E i enportan pou mwan dir Mr Speaker ki, kontrerman avek serten parol ki poudir file in perdi, form in disparet ensidswit – tou i la prezan – napa naryen napa okenn lenformasyon okenn dimoun ki ale.

E atraver sa bann file ki la nou nou’n kapab fer nou travay.  E sa travay Mr Speaker zis pou ou lir sa bann file –  e mwan mon’n ganny sa privilez dan en serten sans pou mon regarde kwa ki dimoun in pas ladan.  E mon anvi dir avek Vis-Prezidan i pa fasil.

Sa morso nou listwar ki nou pe koz lo la, i en morso ki i anmenn bokou soufrans.  E ant sa bann  file i annan tou kalite zistwar.  E mon krwar ki i pou enportan at some point kekfwa pou en etidyan ki a pe fer son degre ki a pe rod ekrir son Thesis pou nobou servi sa bann materyo ki la.  E letan sa Komisyon i ava’n ganny etabli pou osi servi materyo ki pou sorti dan travay sa Komisyon pou nobou ekrir listwar nou pei.

Parske letan nou pe koz closure, nou pe osi koz fodre pa ki i ganny repete.  Me i enportan osi pou dir ki dan sa 5 files ki annan la, i pa tou sa zistwar.  Sa 5files i reprezant 317 dimoun ki’n vin devan, pou zot rakont zot zistwar. E pou zot dir kwa ki zot, zot in pas ladan.

I annan bokou dimoun ki pa’n fer li.  E mon mazinen ki poudir i pou annan letan sa Komisyon i ava ganny etabli i pou annan lezot dimoun i pou prefere al direk devan sa Komisyon.

Me Mr Speaker ou konnen i annan en keksoz ki enportan.  E se la kot nou bezwen met nou dan konteks.  Sa bann ka ki’n ganny vin anmenn devan i pa kapab ganny konpare avek okenn lezot landrwa.  E ptipti ki Sesel i ptipti, letan nou analize nou vwar ofet ki pou dir poursantaz nou popilasyon ki’n ganny afekte, i bokou pli o.  Letan nou pe konpar li per capita, i bokou pli o avek sa ki’n arive dan lemonn.

Mr Speaker Sud Afrique sete pwen 0.5 zot popilasyon ki ti’n ganny afekte.  Sesel se .05poursan son popilasyon ki’n ganny afekte.

Deza la letan ou pe regard sa 2 i bokou plis sa ki’n pase Sesel.  Me par kont letan ou regard Rwanda li i 12poursan son popilasyon ti ganny afekte.

Donk letan nou pe regard nou sityasyon, nou pou vwar ki poudir i annan bokou.  E dan sa bann file letan nou’n kategoriz zot, i annan 122 ka bann ka illegal arrest, assault, detansyon, lanprizonnman, kidnapping, bann dimoun ki’n disparet, bann mert ek bann dimoun ki’n al an-egzil.  Sa parey mon pe dir se zis bann ka ki nou’n ki’n vin devan nou.

43 ka bann dimoun ki’n ganny terminen dan zot lanplwa e bann lezot size ki annan pou fer avek lanplwa.

Bann temwen ki’n soufer bann troma psikolozik i annan 15 ka.

Medical malpractice 12 ka.  E bann dimoun ki’n perdi later ki’n perdi biznes i annan 113 ka.

Alor tousala se bann soufrans ki nou pep in pas ladan.  E alor se pou sa rezon i enportan pou ki sa travay ki nou pe fer e sa Komisyon ki pou ganny etabli pli tar, i ava kapab fer en travay ki pou ed nou bann zanfan konpran sa ki’n arive e pour ki sa pa ganny repet ankor.

Mr Speaker sa Bill ki devan nou, i koz lo ki mannyer pou nou promot Linite al ek Rekonsilyasyon.  E letan nou pe koz  Linite al ek Rekonsilyasyon i annan definitivman 2 parti ladan.  I annan viktim, e apre sa i annan sa ki’n dan Lalwa i apel perpetrator.  Savedir sa ki’n fer sa aksyon – sa ki’n koz dimoun pou soufer.

E la mon anvi fer kler, ki pou dir ankor enn fwa mwan personnelman e mon konnen ki pou dir Komite nou pa pe dan okenn fason – e sa Lalwa li menm li letan nou pou al dan son bann detay nou pou vwar, i pa pe koz donn lavantaz en group kont en lot group.

I pa pe koz ki mannyer pou nou zis pardonn sa bann ki’n fer sa lofans.  I pa pe donn en lavantaz bann ki’n komet lofans konpare avek viktim.  Nou realize ki poudir sa viktim, oubyen fanmir bann viktim, i pe kontinyen mars, avek bann sikatris.  Me an menm tan osi nou espere ki pou dir bann ki’n komet bann lofans, bann ki koz sa soufrans, zot osi tou zot santi en sikatris dan zot leker.

E alor si sa ki’n fer sa krim, oubyen sa ki’n kree bann viktim, zot osi zot santi en sikatris parey ki sa viktim i santi en sikatris i pe mars avek en sikatris – e si mon kapab ariv en  pozisyon kot tou lede i kapab koz ek kanmarad ekout laverite, e ansanm bouz devan, Mr Speaker mwan mon pou enn bann dimoun ki pou pli happy. 

Me solman mwan mon pa la pou mwan determinen kwa ki mannyer dimoun pou azir.  Akoz mwan mon napa en manm  mon fanmir ki’n disparet.  Mon pa konnen sa soufrans.  Mon’n ekout dimoun ki zot fanmir in disparet.  Mon’n ede pou swiy larm dimoun ki’n pas dan sa soufrans.  Mon’n asize, mon’n donn mon letan pou ekout zot soufrans.

Defen Mrs Ah-Time mon’n ekout li.  Letan in koz avek mon lo sa garson Alton ki’n disparet.

Mon’n konn soufrans lafanmir Denousse.  Mon’n koz ek lafanmir Hoareau.  Lafanmir Chang-Him mon’n marye dan lafanmir Chang-Him – mon konnen zot soufrans.  I en soufrans ki parey mon ti dir letan mon ti prezant rapor, i en soufrans ki ankor vivan.  I ankor ou a krwar sa boubou in fek ganny koupe.  Disan i ankor pe koule.

Alor definitivman I en prosesis ki pou fermal e an menm tan osi i en prosesis ki sa bann dimoun lo kote bann viktim zot, zot pou bezwen regarde ki mannyer sa prosesis i avans devan.

Me lo lot kote sa ki’n permet oubyen ki’n partisip sa bann aksyon parey mon’n dir mon esper ki zot annan en sikatris dan zot leker.  Pou ki zot a kapab zot osi tou annan en remord konsyans, e atraver sa remord konsyans pou vin devan pou dir, les mwan ed ou pou ou met en bandaz lo sa boubou, lo sa sikatris.  Les mon ed ou pou ou kapab avans devan.  E an menm tan osi ki mon pe fer sa ed mwan.  Ed mwan osi tou pou met sa bandaz lo mon prop sikatris.

Mon krwar ki se la kot i annan sa 2 kote, e parey mon pou dir ankor mwan mon pa’n en viktim direk.  Gouvernman pa’n pran en gren later ki ti pou mon fanmir.  Gouvernman sa letan pa’n cancel en biznes ki ti pou mon fanmir.  Nou ti napa biznes.  Gouvernman pa’n fer nanryen direk kont mwan.  Me nou bezwen koz pou bann viktim.  Nou bezwen les bann viktim zot pran sa linisyativ.  Nou bezwen les bann viktim pou zot vin devan.

Mr Speaker sa prosesis ki nou anbark ladan, i pa en prosesis ki fasil.  Mwan pase letan mon ti pe koz avek Speaker Sud Afrique Mrs Mbete -Speaker Mbete ou ti dan ou prezans Mr Speaker letan nou ti ariv Angola – letan mon ti dir avek li kwa ki nou pe al anbark ladan, li ki koman en dimoun ki’n en viktim apartheid, ki’n viv an-egzil Angola i ti regard mwan i ti dir ‘’i pa fasil.’’  ‘’Sa ki zot pe al anbark ladan, i en prosesis difisil.’’  E mon krwar li.

Letan Paster Ludovic  ti vin isi pou li partaz avek nou son leksperyans Sud Afrique, i dir avek nou i pa fasil.  I ti dir avek nou pran letan, organiz – i annan en kantite keksoz ki nou bezwen fer, pou nobou finalman bouze.

E letan nou ti organiz nou premye symposium ki ou menm ou Vis-Prezidan ou ti ganny sa loner pou lans li,  nou ti santi sa lakoler parmi bann dimoun.  Ti annan en kantite parol letan nou ti koz rekonsilyasyon, e la mon mazin letan Onorab Hoareau ti fer son prezantasyon – pe koz lo ‘restorative justice’, ‘redemptive justice’, ti annan en leokri.

E nou aprezan nou’n pran tousala parske wi i annan leokri lo en kote.  Me selman nou annan en travay pou fer e se sa kot mon anvi Seselwa ozordi i nou konpran nou, ki poudir i annan en travay pou fer.  Nou ti kapab fasilman zis dir e nou kit sa laba ater nou, nou kontinyen.  Nou ti kapab fer sa opsyon.  E mwan mon konnen Mr Speaker mon’n ganny en kantite kritik konman Chairperson sa Komite me parey Anglais i dir, nou ti bezwen ‘’take the bull by the horns.’’  E ozordi nou’n ariv lo sa pwen.  E ki mannyer keksoz pou prosede sa i ava depann lo lepep Seselwa.

E mwan mon krwar ki pou dir nou’n sey met en platform. Nou’n sey met en fason pou nou kapab avans devan e alor mon espere ki nou a kapab fer li.

Mr Speaker sa prosesis ki nou pe pas ladan, byensir nou’n ganny akize.  I annan serten dimoun ki’n menm dir ‘’ar sa bann dimoun lo sa Komite e lo kote Lopozisyon, zot osi zot annan keksoz pou kasyet.’’

Mr Speaker mon anvi fer kler – nou napa nanryen pou kasyet – napa naryen pou nou kasyet.

Mon’n fer kler ki pou dir mwan personnelman, mon napa mon pa’n ranpli en form greviance, se parski mon napa en greviance pou mwan fer ki tonm dan sa bann kategori.

Mon annan problenm.  Mwan mon problenm se, sa ki’n arive avek bann lezot dimoun sa ki’n arive avek sa bann viktim.  E mwan mon’n plito debout lo kote bann viktim – mon’n asiste zot mon’n ede.  E nou napa nanryen pou nou kasyet.

Onorab Ferrari napa nanryen pou li kasyet.  Dimoun i kapab dir ki dokter Ferrari li osi tou i ti dan koudeta.

Be se sa ki nou pe rode.  Dokter Ferrari ti dan koudeta letan sa Komisyon i ava ganny etablir e in deza eksprim sa, sa dezir.  I ti dan sa symposium,  kot in debout li dokter Ferrari in dir,’’ mwan mon pare pou vin devan pou mwan koz laverite !’’  Napa nanryen pou kasyet.

Onorab Georges lo lot kote in marye avek en madanm ki son papa ti en viktim direk.  Mr Moulinien ti en Minis dan Gouvernman ‘77.  I annan en soufrans me Onorab Georges in asiz lo sa Komite e nou’n kapab koze pou nou regarde ki mannyer keksoz pou bouz devan.

Letan mon regard bann lezot Manm – Onorab Larue son papa ti en viktim direk.  Li osi tou konman en zenn zanfan in bezwen al viv an-egzil.  I en viktim direk.  Taler i pou koze li osi tou.

Me the one thing napa nanryen pou kasyet.  Travay ki nou’n fer nou pa’n anvi kasyet naryen.  In menm annan dimoun ki’n dir First Reading pa’n ganny fer.  Salerla First Reading ti en First Reading spesyal kot nou ti sit lo en zour spesyal pou nou zisteman pran sa First Reading.

        Mr Speaker perpetrators pou ganny lazistis wi, lazistis i tou lede kote.  Lazistis i pa zis vedir ki ou ganny pardonnen.  Lazistis i osi vedir ki ou pas dan prosesis.  En dimoun i fer keksoz mal – Mr Speaker en dimoun ki’n fer en keksoz mal i posib ki lazistis pou li, se en reprimann, set en santans, se en konpansasyon.  I annan diferan fason ki sa i kapab deroule.

Alors Mr Speaker mwan mon krwar ki pou dir ozordi nou bezwen poz nou lekor en kestyon.  Parske in menm annan dimoun ki’n dir Sesel pa pare pou sa.  I annan dimoun ki’n dir klerman i pa devret ganny fer letan Parti Lepep i o pouvwar.

E sa in enn bann komanter for.  I dir nou pa devret pas sa Lalwa la pou nou fer sa prosesis letan Parti Lepep i o pouvwar, akoz se zot ki’n bann – well letan mon pe dir sa se zot ki ti dan Gouvernman.  Tou sa bann keksoz in ariv pandan zot ‘’watch.’’ 

Me kestyon ki mon demande kan eski alors sa pou arive.  Eski nou esper Parti Lepep sorti o pouvwar?  Me si Lepep Seselwa i vot pou Parti Lepep kontinyelman ki mon espere – zot pa pou fer.  (laughter)

Me selman dizon, dizon Lepep Seselwa i deside pou li kontinyen vot pou Parti Lepep dan Egzekitiv.  Eski sa i vedir ki zanmen nou pou konmans sa prosesis?  E an menm tan osi pandan sa letan.  Laplipar bann perpetrators zot pou’n fini mor.  Alors ki kalite prosesis eski nou pou annan.

Alor mwan mon dir avek dimoun ki a pir sa kalite largiman ki pou dir nou, nou bezwen fer li.  Ofet nou pa ti ni pe devret pe fer li an 2018.  Nou ti devret pe fer li 1993 retour miltiparti.  Parski sa ti ava vedir 25an pase nou ti ava’n ouver sa bann files.

        Me kestyon ki nou bezwen demann nou, eski 25an pase nou tri pou kapab fer en tel prosesis ?  Mwan mon larepons se non.  Nou pa ti pou kapab fer en tel prosesis, akoz latmosfer politik ti totalman diferan.  Ozordi latmosfer politik i diferan e alor nou kapab asize e pou nou fer sa bann keksoz.

Mr Speaker mwan mon anvi dir ki fodre pa ki annan okenn konpromi.  Fodre ki sa laverite an-antye i ganny met ater.  E la ankor enn fwa i annan serten dimoun.  Letan nou’n regard bann form, letan nou regard bann form e letan pe rode kwa ki dimoun i espekte.

Mr Speaker dan sa bann form ki nou annan, dan sa bann file ki nou annan la, i annan 58poursan dimoun ki pe rod en konpansasyon monneter.  Dimoun ki a pe dir – pou lapenn mon’n ganny bate, pou lapenn mon’n al dan prizon, pou lapenn mon’n pas dan sa bann soufrans, mwan mon anvi en konpansasyon.

Dan bann form i annan 16poursan dimoun ki zot later in ganny pran ensidswit; ‘’mwan mon pa anvi okenn lezot keksoz, mon anvi ki mon propriyete i retourn kot mwan.’’

‘’Ki mon ganny posesyon mon propriyete.’’

Dimoun ki pe rod senpleman laverite ek lazistis i annan 15poursan.

E bann dimoun ki senpleman anvi ki en dimoun re Gouvernman oubyen en perpetrator i debout e demann leskiz, ki pare pou aksepte, i annan 10poursan.

E i annan 1.8poursan bann dimoun ki dir mwan mon pou les Komisyon pou deside ki mannyer keksoz pou deroule.

Alor nou vwar ki pou dir parmi bann viktim, i annan diferan fason ki zot pe regard keksoz.  Me selman nou bezwen mazinen ki poudir i annan 58poursan ki’n demann konpansasyon.

E la prezan i vin en lot largiman.  I annan dimoun ki dir wi fodre pey sa bann dimoun konpansasyon.  Me selman fodre pa ki taxpayers i peye.  Les sa, sa bann dimoun ki’n fer zot ki’n fer ki’n involve les zot pey konpansasyon.

Ankor enn fwa i en size pou nou debat lo la.  Eski i vreman nou pa anvi avans devan ?  E letan ou deside pou ou avans devan.  Parfwa pei li menm li i bezwen fer sakrifis.

Letan en dokter Lopital par egzanp i komet en malpractise olye fer tel loperasyon, i mal fer li.  Se pa sa dokter ki pey konpansasyon.  Se Minister Lasante ki pey konpansasyon.

Letan gard i fer en keksoz ankor en fwa amwen ki i annan en levidans kler pou pourswiv sa gard, parey in deza arive.   Me apard sa se Gouvernman ki peye, se Leta ki peye.  Se nou ki peye.

Alor tousala mon mazinen se bann size ki nou bezwen debat lo la.  E nou, espere ki pou dir bann dimoun i ava kapab sezi tousala.

Mr Speaker i osi annan sa size Amnesty ki enn ban size ki’n koz  bokou lemosyon – letan sa Lalwa ki nou pe pase ozordi, i osi koz lo dan Seksyon (12) ki pou dir en dimoun ki en perpetrator si i vin devan i koz laverite, e an plis ki sa i pare pou rankontre bann viktim e prezant zot son leskiz i pou annan posibilite pou li ganny en amnesty. 

Bokou dimoun in dir be sa pa ase.  Fodre ki ou osi anmenn sa viktim.  Ki pou dir fodre sa viktim oubyen fanmir r sa viktim i aksepte pou donn sa amnesty.  E ki i senpleman as moman ki sa amnesty i kapab donnen.

Mon konpran sa largiman.  E taler ankor enn fwa nou pou diskit lo la.  Me nou bezwen osi nou bezwen osi balanse.  Si ou ferm tou laport pou en dimoun vin devan volonterman pou li dir, ‘’mwan ki ti responsab pou tel aksyon.’’

E alor konman sa dimoun ki responsab, mon pare pou zwenn fanmir bann viktim, pou mwan koz avek zot e pou mwan demann zot pardon.  E  mon espere letan mon’n fer sa avek tout senserite pou mon ganny pardonnen.’’

Si sa laport pa ouver.  Kestyon se, eski en dimoun ki’n partisip dan en dan kek, aksyon kriminel i pou pare pou li vin devan?

Parske nou bezwen osi balanse e se la kot mon krwar dan sa deba viktim ek bann lezot zot ava fer nou konnen  kwa ki zot pe mazinen.  Nou bezwen mazinen ki poudir i annan en kantite keksoz ziska prezan ki dimoun pa’n vin devan.

Alor eski nou anvi konn laverite?  E si nou anvi konn laverite tout laverite mon krwar ki i bezwen annan en laport ki ouver.  E sa i ava’n enn bann size ki nou krwar – parski i annan bokou dimoun ki panse ki fodre ki sa viktim, oubyen fanmir sa viktim li ki donn sa lotorizasyon final pou dir ‘’ok nou pardonn ou e nou dakor i donn i grant sa amnesty.’’ 

So sa pwen amnesty byensir i en size ki pou tre enportan.  E pandan sa deba ki nou pe fer la,  plitar letan nou rantre dan Committee Stage nou kapab ankor enn fwa balans tousala.

Mr Speaker, nou pa anvi tay avek tou keksoz.  Nou anvi pas dan en prosesis ki pou kapab finalman anmenn nou pli devan.  Nou anvi kapab bouz nou pei dan en direksyon kot i annan la gerizon.  Kot bann sikatris viktim e sikatris perpetrators i ganny adrese.

Mr Speaker dan travay ki nou’n fer nou’n nobou apresye travay ki Bills Committee in fer lo sa Bill.   Mwan menm mon avek nou group i annan serten lamannman ki nou ti a kontan diskite e sa bann keksoz nou ava fer li pandan Staz Komite.

Me mwan personnelman letan mon pe al terminen, e pli tar byensir pou annan bann loportinite pou koz ankor lo la –  mwan mon senpleman anvi dir wi mon rekonnet ki poudir i ankor annan bokou lakoler – bokou lakoler.  Me nou bezwen deal avek sa lakoler.  Nou bezwen regarde ki mannyer nou pou bouz devan.

Menm parey dan en fanmir i annan lakoler.  Papa pa kontan  sa ki zanfan in fer, oubyen fiy pa kontan  saki manman in fer.  I annan lakoler e sa fanmir i bezwen rod en fason pou li deal avek sa lakoler.  E mon krwar ki sa i enn bann keksoz ki nou konman en pei nou bezwen fer.  E  nenport kwa ki nou fer – bann dimoun ki’n perdi zot lavi, oubyen bann dimoun ki’n disparet, nou pa pou kapab fer zot retournen.

Lafanmir Hoareau pa pou kapab – oubyen nou, nou pa pou kapab retir sa 35 bal ki ti penetre dan lekor Gerald Hoareau an Novanm 1986.  Nou pa pou kapab retire sa.

Lafanmir nou e tou, nou pa pou kapab dir avek lafanmir Ah-Time la zot garson.  Nou pa pou kapab fer sa.

I annan serten dimoun ki’n perdi zot propriyete ki ozordi i annan bann lezot keksoz ki lo zot propriyete kekfwa en housing estate, pa pou kapab dir avek zot be la i la nou pe al pous tou sa bann dimoun ki lo sa housing estate nou pe al kraz tou bann lakaz pou zot nobou ganny zot later.  Non!  Pa pou kapab fer sa.

Me an menm tan solman nou bezwen bouz devan konman en pei.  Nou bezwen fer sir ki lazistis i ganny pratike.  Nou bezwen fer sir ki gerizon i ganny fer.  Nou bezwen fer sir ki laverite i ganny devwale.  E nou bezwen fer sir ki lape i renye dan nou pei, akoz nou bezwen kontinyen mars ansanm.  Nou pou kontinyen al dan menm laboutik ansanm.  Nou pou kontinyen nou zanfan pou kontinyen al dan menm lekol, e nou pou kontinyen petet pas obor sa dimoun ki ti en perpetrator ki ankor vivan, pou nou regard li dan en serten fason.

Alors Mr Speaker avek sa detrwa parol, mon anvi dir ki sa Bill ki devan nou definitivman nou pou donn li nou sipor, apre ki nou’n fer serten lamannman ladan.  Nou ava donn li nou sipor e nou ava regarde ki mannyer nou bouz devan.

E mon anvi osi terminen an dizan sa prosesis Rekonsilyasyon al i pa apartenir pou okenn endividi.  Napa en endividi ki sa i pou li.  Sa prosesis Rekonsilyasyon al ek Laverite, i apartenir pou lepep Seselwa.  Mersi bokou Mr Speaker.

 

(APPLAUSE)

 

MR SPEAKER

Mersi Onorab Ramkalawan.  Mon ava pas laparol avek Onorab Basil Hoareau.

 

HON BASIL HOAREAU

Mersi Mr Speaker.  Mr Speaker sa Bill ki devan nou e ki anmenn nou ver en direksyon kot nou pe al ver Linite al nou pe al ver Rekonsilyasyon.

Se sa lobzektif sa Bill.  E se sa ki apre nou’n pas dan sa legzersis ki sa Bill pe met an plas pou nou pas ladan konman en  ki nou devret pe achieve.  Nou devret pe achieve Linite al pou kot Seselwa i santi zot nou tou ansanm ini – ki napa okenn keksoz ki pe diviz nou.  I en prosedir k enportan.  I en prosedir kot i pou fermal.  I en prosedir kot pou annan lemosyon …

 

MR SPEAKER

Take a deep breadth Onorab Basil.  Ou pou kapab kontinyen Onorab?

 

HON BASIL HOAREAU

(Mic Off)

 

MR SPEAKER

Ok.  Ou pou kapab kontinyen Onorab?

 

HON BASIL HOAREAU

Non mon a pran parol apre.

 

MR SPEAKER

Bon nou ava rezerv ou drwa pou ou koze apre.  Onorab Simon Gill oule entervenir.  Go ahead Onorab.

 

HON SIMON GILL

Bonzour Mr Speaker.  Bonzour VP avek ou delegasyon.  Bonzour tou koleg Onorab.  E bonzour tou manm piblik ki pe ekout nou ozordi bomaten.  Mr Speaker ozordi 01 Out 2018. I en zour ki mon konsider li konman en zour istorik dan nou Lasanble al – Lasanble al Sesel.  I en zour istorik akoz nou pe pas en Prozedlwa e mon kontan mon tann leko pozitiv sorti kot Onorab Ramkalawan ki son kote, pou donn laprouvasyon sa Prozedlwa.  E egalman mon kapab o depar  dir ki lo sa kote latab ki mon prezante, nou pou donn nou sipor total enkondisyonnel sa Prozedlwa.

Konteni sa Prozedlwa Mr Speaker, i en konteni ki pou mark la Seselwa e ki pou mark enn bann levennman, bann akonplisman enportan lo Lasanble al.  I pou permet nou fer Sesel rantre dan en letap enportan,  son parkour istorik.

Mr Speaker sak , sak pei, dan en moman donnen son listwar, in bezwen fer f.as avek son pase.  Dimansyon dan vergir ki mannyer i fer fas avek son pase in depan or in ganny kondisyonnen par lafason ki bann leaders politik bann dirizan politik in manifeste zot determi lasazes, e pasyon pou adres son pase.

Me avek en sel bi.  E mon konnen ki bi ki nou isi dan sa Lasanble – e mon konnen ki bi  sa Komite spesyal ki’n travay lo sa Prozedlwa; nou konnen ki nou bi nou’n fer sa travay.  E nou konnen ki zistans nou le anmenn Sesel, or nou konnen ki direksyon nou le Sesel i pran.

Mr Speaker dan nou Lasanble, e la deor dan sosyete Seselwa, i annan en nouvo zenerasyon leadership.  En nouvo zenerasyon leadership ki diferan avek bann lezot zenerasyon ki i annan privilez pou diriz Sesel.

E sa zenerasyon ozordi Mr Speaker, dan sa Lasanble e dan sosyete Seselwa nou misyon se vwar en Sesel inifye.  Nou oule vwar en Sesel rekonsilye avek li menm.   Nou le vwar nou pep La Seselwa rekonsilye avek li menm.

E ler ou rekonsilye avek ou menm definitivman ou bezwen fer fas avek plizyer defi.  Ti ava byen ki nou ti a bezwen fer fas avek nou pase avek sa moman istorik, ki nou plizoumwen dan sa Lasanble pe elabor bann nouvo stratezi pou nou anmenn Sesel pli lwen ankor.

Me bokou nou i krwar – e mon santi ki  i annan en kours nou popilasyon i krwar, ki pou nou fer plis sikse ; ki pou annan plis stabilite ; ki pou annan plis partisipasyon entegral nou pep, nou bezwen adres en parti enportan nou listwar.  E sa se bann levennman apre 5 Zen ‘77.

Mr Speaker a sa staz dan mon kapasite konman Depite Sekreter Zeneral dan Parti Lepep i enportan, ki mon dir ki nou regrete.  E i malere ki i annan serten levennman endezirab ki’n arive dan nou listwar.

E mon dir sa avek tou senserite – avek tou lonnekte e respe pou tou sitwayen Seselwa.  Nenport ki sitwayen Seselwa dan nenport ki parti lemonn kot zot été,  ki’n santi zot afekte avek serten akt nou pase. Kot nou, nou’n dan leadership e nou regrete.  Ankor enn fwa mon dir.

Alafwa ki nou dir nou regret e Mr Speaker, mon rekonnet probableman parfwa serten akt in ariv par serten linyorans.  Par serten konportman parfwa ki lemosyon probableman in pran lespas dan nou kapasite pou rezonnen.  E nou’n les nou ganny grive par lemosyon e fer serten akt ki’n afekte serten fanmir.  E byensir negativman in devlop serten konportman negativ lo lapar sa bann fanmir or endividi.  E ki sa i enpakte lo zot partisipasyon or lentegrasyon dan sa prosesis ki nou ti ava voudre vwar tou Sesel, tou Seselwa pe inifye ansanm.  Me malerezman nou pa’n kapab akonpli li.

Mr Speaker an menm tan ki nou dir nou regrete Mr Speaker, nou pa kapab regret tou keksoz.  Nou pa kapab regrete ki nou’n elimin en gran poursantaz lenzistis dan sosyete Seselwa.  Nou pa kapab regrete ki nou’n donn nou pep akse avek en ledikasyon, ki diferan e enkonparab avek en sityasyon ki mwan mon’n en viktim ladan dan mon pase.

Mon pa kapab regrete ki nou’n donn loportinite en gran poursantaz nou zenn, pou ganny akse avek en ledikasyon iniversiter, pou ganny akse  avek en ledikasyon iniversel kot ou kapab angaz bokou plis nou sitwayen.   E nou pa kapab regrete, kot nou’n elimin dan nou sistenm lasante ‘Klas ‘ou pa kapab regret sa.

Mr Speaker nou pa kapab regrete kot nou’n elimin en  gran poursantaz nou popilasyon dan lapovrete ekstrenm, ki mon annan konesans vivan –  mon fanmir in viv e in en viktim ladan.  Mon pa kapab regret sa.

E mon pa kapab regret mon prop kondisyon Mr Speaker.  Kot ozordi mon santi mon kapab pe debout or byensir la ozordi dan sa moman ki mon pe adres zot, bokou pli rezonnab ki mon ti ete 45an pase.  I pa bann kondisyon ki mon ti dezire viv ladan.  Me 45an pase Mr Speaker mon ti ni menm kapab predir 45an pli tar, si mon ti la dan sa Lasanble al pe adres La Seselwa ozordi.

E egalman mon bann koleg lo lot kote latab ki 45an pase zot ti ankor zanfan en bon pe nou, nou pa regrete ki ozordi nou reisi viv, grandi, e ganny en ledikasyon debaz;  ki’n permet nou ganny elekte dan nou distrik e pe partisip dan sa nouvo zenerasyon leadership ozordi isi dan sa Lasanble ozordi bomaten, le 01 Out 2018.

Nou parkour nou tou mazorite nou isi dan sa Lasanble al i pa’n en parkour ki’n fasil.  In en parkour ki’n ranpli avek bann defi.  Pou noue pou nou fanmir.  In en parkour ki nou fanmir in trimouse lannwit lizour.  E nou pa kapab regrete ki 45an pli tar malgre bann defi lavi, malgre bann defi sosyete, nou pa kapab regrete ki nou ankor pe viv, e ki nou ankor omwen pa kapab koz lo lapar La Seselwa.

E Mr Speaker nou misyon ozordi nou nouvo zenerasyon leadership dan sa pei, e fitir zenerasyon Mr Speaker pou ziz nou lo en keksoz.  Dan nou kapasite abilite pou nou anmenn Sesel ver sa Rekonsilyasyon ver sa Linite al.

Nou bezwen sa.  I endispansab Mr Speaker.  Fodre pa ki nou ganny tante.  Mr Speaker mon repete fodre nou pa ganny tante avek serten bann eleman ekstremis dan nou sosyete, ki oule trenn nou – ki oule trenn nou pou anmenn divizyon dan sa pei.

Nou misyon se pou nou inifye sa pep.  E nou bezwen tonm dakor servi tou kapasite abilite ki nou annan Mr Speaker, pou nou travay ver inifikasyon nou pep – ver rekonsilyasyon nou pep.  E nou bezwen tonm dakor pou nou fer tou sa ki posib pou nou inifye nou pep.  Vwar en Sesel ini.

Mon dir Mr Speaker kapasite e grander en leader dan nou politik Sesel pou ganny marke par son kapasite pou li lead en Sesel ki ini –  lead en Sesel ki rekonsilye.

Mr Speaker mon lot pwen ki mon le koz lo la ozordi, se en mesaz – en mesaz pou nou bann leaders ki’n la ‘77.  En mesaz pou bann leaders e fanmir ki la ozordi an 2018.  E mesaz i senp.

Nou pe fas avek en moman ekstraordiner eksepsyonnel nou listwar.  E nou pou osi ganny ziz-e par lafason.  Par grander lespri ki nou manifeste pou nou kontribye pozitivman, pou nou kontribye dan sa nouvo demars pou nou vwar en Sesel ini.  Pou nou vwar en Sesel ki rekonsilye avek li menm; pou nou vwar en pep rekonsilye avek son lekor.  E pou nou bouz délavant.  Pou nou sorti alafwa dan nou pase.  Pou nou koz avek nou fitir.  Pou nou kapab etablir sa nouvo vizyon e kree sa nouvo lespwar pou fitir zenerasyon Seselwa.

E mon ava dir zot annou pa per.  Annou pa per sa nouvo defi.  Akoz en gran poursantaz nou Mr Speaker, nou lentansyon i reste en lentansyon ki ti nob, ki ankor nob e ki pou ki nob.

E nou rekonnet dan tou nou bann bon lentansyon ki nou’n annan e ki nou ankor annan.  Nou’n rekonnet e nou rekonnet ki nou pa bann zonm e ni bann fanm parfe.  E ki dan nou sosyete napa okenn zonm/ fanm parfe.

Nou’n fer fot, nou pe fer fot nou pou kontinyen fer fot.  Me en keksoz ki nou bezwen fer sir, se ki bann fot ki nou’n komet lepase ki ozordi an 2018 nou’n ganny nou en pli gran grander lespri.   Nou’n pli matir nou bezwen nou tou ansanm tonm dakor.  Ki nou pa repete bann menm fot lepase.  Se sa pli gran ‘’lesson’’ ki nou bezwen aprann.  Pa repete bann menm fot lepase.

E sirtou nou konnen sa bann fot ki nou’n komet, i afekte e in afekte.  E si nou kolekte ankor i pou kontinyen afekte nou misyon nob ki nou annan.  Ki nou anvi akonplir.  Misyon pou vwar en Sesel ini.  E vwar en Sesel rekonsilye e pou nou ‘’Ansanm’’ pou mwan servi – mon kontinyen e ki mon kontan servi Mr Speaker ‘’Together!’’ I sel lespwar ki nou kapab donn nou pep ‘togetherness!’ ‘United ’ Annou bouz devan.  Annou pran nou pase Mr Speaker, ki nou’n tir sitan leson ladan.  Annou bury li apre ki nou’n fini avek prosesis ki konteni dan sa nouvo Prozedlwa.

Mr Speaker dernyerman e konklizyon.  Konklizyon se ki nou tou bann Manm Lasanble ozordi isi, annou zwe nou rol dan en fason pozitiv pou ki nou kapab kontribye pou anmenn sa prosedir ki dan sa Prozedlwa délavant –  dan en fason pozitiv.  Annou rasire ki nou depouy nou avek okenn lespri vanzans – rankin.  E ki nou konpasyon, lanmour manifeste tou dilon sa parkour ziska ler nou fini rann lazistis, tou bann endividi, bann fanmir ki’n santi zot dan en fason ou en lot, ganny afekte, dan en moman nou listwar.

Mr Speaker avek sa detrwa mo, mon a dir ou mersi pou donn mon laparol.  E mon swet boner sikse sa Komisyon ki pou ganny etabli.  E mon swete ki avek en lespri ouver ki zot ava ganny gide par en lasazes nob, pou akonplir enn bann misyon enportan nou listwar.  Mr Speaker mersi bokou.

 

MR SPEAKER

Mersi Onorab Simon Gill.  Mon ava donn laparol prezan onorab Clifford Andre.

 

HON CLIFFORD ANDRE

Mersi Mr Speaker.  Mr Speaker sa gran dirizan dan lemonn Mr Nelson Mandela ti dir e mon quote – ‘’No one is born hating another person because of the colour of his skin or his background or his religion.  People must learn to hate and if they learn to hate they can be taught to love for love comes more naturally to the human heart than its opposite. ‘’

        Mr Speaker mon’n konmans koumsa mon’n montre ki menm bann dimoun ki’n pas atraver sityasyon, i kapab tir en konklizyon lo lanmour e respe pou lezot, menm si in pas atraver bann difikilte lavi.  E sa in ganny enpoze lo li, akoz son krwayans ki ti annan sa lepok politik.

Mr Speaker letan mon pas lo merit sa Bill, mon vwar i pe koz lo kot ou breach sa divizyon ki’n ganny koze par serten vyolasyon.   E sa i vreman enportan, akoz i montre ki letan nou aksepte ki i annan serten defayans, oubyen letan nou aksepte ki annan serten vyolasyon, ki’n koz douler avek lezot, se la kot nou kapab fer reparasyon.

Letan nou aksepte e la kot nou kapab vwar en solisyon lo ki mannyer nou tou ansanm – Onorab Gill in dir en mo ki kontan servi ‘’Together’’ mon krwar sa i en mo pa zis li ki kontan servi.  Me ‘’Together’’ nou tou nou kontan servi sa mo akoz i fer en gran diferans, letan en group dimoun i asiz ansanm e diskit lo en sityasyon.  Menm si ozordi nou kapab dakor pou nou dezagree lo serten size, me par lefe ki nou dakor dan sa laspe i fer ki nou grander lespri, i fer nou vin bann dirizan ki kapab get lwen e anmenn nou pei lwen.

Mr Speaker Sesel in pas atraver bokou, bokou sityasyon.  E sa Bill pe dir ki nou pou adres bann sityasyon, bann vyolasyon plito ki’n ganny anmennen an rezilta koudeta ‘77.

Mon ti ankor zenn Onorab Gill ti pli aze ki mon bokou nou dan sa Lasanble Onorab Ramkalawan Onorab William, Onorab Georges bann ki pli aze ki nou ki bokou nou.  Zot ti pli gran e zot ti konpran ki pe pase.

E mon a sa laz mon ti zis fransman dir ou pa konpran ki pe pase.  Me ofir an mezir letan ou tann bann sityasyon mon konman Chairman Komite Anti-Viktimizasyon, Chairman Truth Reconciliation Committee.  In dir ki i annan file devan li ki bokou konplent in ganny fer.  kot nou osi konman Anti-Viktimizasyon bokou dimoun in vin kot nou kot zot santi zot in vin bann viktim ki’n ganny detaye dan sa Lalwa an referans avek zot krwayans sa ‘lepok oubyen persekisyon ki zot ti gannyen en lepok.

Letan mon pe get rezondet par deryer sa Lalwa i dir an rezilta eski nou pou al osi lwen ki ozordi kot i ankor annan, i ankor annan serten dimoun ki pe sibir bann sityasyon lo bann baz ki pa apropriye ki pa neseser.

Mon kontan Vis-Prezidan in fer sa prezantasyon.  E mon konnen son lentansyon i bon.  I annan bokou selman lezot dimoun ki travay par anba nou ki ankor pe instil lafreyer i ankor pe still persekisyon lo bann dimoun ki annan bann lopinyon ki diferan.  E mon krwar letan nou ava pas sa Bill i ava permet sa bann dimoun osi ki in still bann lezot dimoun serten lafreyer oubyen serten persekisyon.  Ki zot pa pou kapab dezormen kontinyen avek s akoz si sa dimoun i montre en lyen avek sa ki pe pase ozordi avek sa sityasyon sa dimoun i still kapab ganny anmennen devan Komisyon.

Mr Speaker douler i en keksoz ki pa fasil ganny repare.  I pa fasil.  E parfwa i menm pa kapab ganny repare.  I enportan mon pou koz lo serten laspe letan nou al dan Committee Stage dan lo sa Bill li menm selman la nou pe koz lo merit zeneral.  I enportan ki letan nou pe fer sa reparasyon i annan senserite par deryer.

Bokou dimoun pou dir ou en konpansasyon par ase oubyen i pa oule konpansasyon.  I annan dimoun ki’n vin kot nou ki’n dir nou konpansasyon mon pa oule mon oule zis mon ganny dir mon ganny afford en  pardon avek sa ki’n komet oubyen sa ki’n organiz serten aktivite kot sa dimoun in sibir.

Mr Speaker letan nou pe koz lo vyolasyon drwa imen nou Konstitisyon annefe i donn ou en 20tenn a en 30enn drwa ki ganny klasifye i ganny klasifye anba sapit (3) nou Konstitisyon,  kot i koz ‘’Seychellois Charter of fundamental human rights and freedoms.’’   Parey mon’n dir letan nou pe koz sa Bill me selman mon pou zis tous lo la.  Letan sa Bill letan mon gete i pa pe encompass – i pa pe encompass sa ki dan nou Konstitisyon totalman i pe encompass par – me totalman.  So sa nou ava vin lo la taler.

Me mwan Mr Speaker mon’n annan sa privilez pou mon servi mon pei dan diferan kapasite.  E enn sa bann kapasite se dan militer.  E en keksoz ki mon ti fer sir letan mon ti pe deservi mon fonksyon se bann dimoun ki ti anba mon konmann pa ti zanmen abiz drwa en lot dimoun.  Sa ti mon responsabilite.

E mon ti fer sir ki mon ti donn zot sa direktiv letan nou ti pe fer en travay diferan travay nou fer letan nou ti pe fer sa bann travay pou fer sir ki nou pa abiz lo drwa bann endividi.  Menm si in komet en lofans nou pa abiz lo son drwa pou nou fer sir ki demen napa reperkisyon lo Leta pou ki nou ava reponn serten kestyon.

Me mon ti osi fer li mon drwa e mon devwar pou mon koz ek mon Siperyer.  Konman en Kaptenn definitivman ti annan Mazor ki ti par lao mon Lyetnan Kolonnel e Kolonnel.  So mon ti fer li mon devwar pou mwan koz avek zot dan en fason diplomatik letan serten sityasyon ti leve pou fer sir, ki napa reperkisyon at least anba direksyon ki ti annan la, pou ki napa serten reperkisyon lo Leta.

Alors Mr Speaker mou oule dir ki sa Bill in vin a en moman opportun.  Mon dir sa akoz ozordi Sesel li menm in pran en lot direksyon konpare avek avan.

Onorab Gill in dir ki i annan sityasyon ki nou pa kapab denye anmenn benefis, wi dan tou sityasyon nou pou annan benefis e nou pou annan kot serten i sibir bann sityasyon ki pa dezirab.

Alors Mr Speaker se gras a sa dyalog – sa togetherness ki’n annan letan LDS in pran labar dan Lasanble al e i en togetherness ki’n fer ki ozordi nou’n kapab ganny en Lalwa ki pe vin devan Lasanble ki pou fer k i lepase i ganny gete i ganny mete de kote, e nou pa kontinyen avek sa lanmertim ki egziste par ler letan en sityasyon i leve kot nou tou nou kapab koze nou kapab vwar en solisyon.

Mr Speaker having said that mon oule tir en lot quote ki kapab fer nou mazin bokou keksoz.  En quote – sa i sorti dan Buddhism quote kot i dir ‘’you cannot change the truth’’ mon quote ‘’you cannot change the truth but the truth can change you.’’  

        E sa i vreman realite.  Ou pa kapab sanz sa ki’n arive me sa ki’n arive i kapab fer ou vin en dimoun pli soft, me i osi kapab fer ou vin en dimoun ki rebellious.  Alors pou nou evit sa ekstrenm rebellious oubyen rekonfor en dimoun ki’n vin soft ou vin dan son leta natirel parey sa Lalwa pe fer provizyon, i enportan ki nou annan sa Truth and Réconciliation Commission i pou en Komisyon e ki letan  mon pe get son Lalwa i pou annan ledan.

Alors i enportan ki nou kontinyen, met ledan dan sa Komisyon e bann dimoun ki pou ganny swazir par Prezidan i pou bann dimoun ki annan serten lentegrite.

Me osi Mr Speaker letan mon pe gete nou pou al lo la taler osi,  ‘’The act may be cited at The Truth Reconciliation and National Unity Act 2018 and shall come in to operation on such date at the President may determined by notice in the official Gazette. ‘’

Mon’n tous lo la akoz mon eksepte determi sa dat konmansman pa pou enn ki long.  Pa pou enn ki ganny drage e dimoun ankor kontinyelman pe espere pou li anmenn son konplent, son konsern devan sa Komisyon.  Having said that Mr Speaker mon ti a kontan reasir Vis-Prezidan e sa Lasanble ki mon pou donn mon full sipor sa Bill ki devan nou.  Mersi.

 

 

MR SPEAKER

Mersi Onorab Andre.  Bon mon annan plizyer entervenan lo mon lalis mon krwar nou avan pran – wi nou ava pran en Break nou ava retournen 11er pou nou kontinyen deba lo sa Prozedlwa ki devan nou.

 

(BREAK)

 

MR SPEAKER

Bon nou ava kontinyen nou travay, deliberasyon lo sa Prozedlwa ki devan nou, mon ava donn la parol Onorab Afif, Onorab Afif.

 

HON AHMED AFIF

Mersi Mr Speaker, bonzour Vis-Prezidan, bonzour tou bann Manm Onorab e tou dimoun a lekout, Mr Speaker sa Bill ki devan nou Truth, Reconciliation and National Unity Commission Bill i enn ki mwan mon fyer mon pe asiz lo sa kote latab, pour nou deliber lo sa Bill parske i ti enn ki nou ti promet dan, lo sa kote latab pandan peryod eleksyon ki nou pour anmenn en tel Komisyon an egzistans.  Ozordi mon fyer ki sa pe arive.

Mr Speaker listwar nou pei malgre ki nou zis par lao 300 an depi ler sa pei in egziste, avek dimoun ki pe viv lo nou later, in en listwar ki’n en pe dir a serten moman letan.  Me i ankor dir pour bokou dimoun e sirtou bann ki’n pas atraver serten levennman ki ozordi, nou pe trouv li neseser pour kapab adres sa bann douler ki zot pe santi e espere ki sa i ava en pa pour kapab anmenn en serten non selman lazistis, me en fason pour ed zot, kapab viv avek sa bann soufrans ki zot n annan.

Mr Speaker mwan mon rapel bann levennman Coup D’état parske mwan mon ti annan sa letan zis 10an – ankor en zenn zanfan mon ti dan senkyenm e listwar ki’n swiv mon’n pas ladan, mon ti en laz ki mon konpran ki pe arive e mon rapel byen soufrans serten mon bann zanmi lekol.

Mon rapel par egzanp mon menm mon ti tromatize a serten moman, kan mon zanmi lekol i vini i dir ek mon bomaten in ganny retar akoz son papa in ganny arete.  E i pa konnen akoz e i pe plere, i vin lekol, mwan osi mon plere akoz mon per mon papa i ganny arete.  Parske ou en zanfan ou pa konnen ki’n arive.

2 mwan apre Coup D’état en lot zanmi ki ti avek mwan, i pa ti vin lekol sa zour e apre midi ler mon al kot mwan, mon manman pe plere, mon papa osi i dan detres e i pe akonte ki mon zanmi son papa personn pa vwar li.  E in en letan difisil.  Me mwan malgre mon’n pas ladan mon pa pour zanmen kapab konpar sa ki mwan mon’n pas ladan avek leksperyans ki serten lezot dimoun in pas ladan.

Mon pa’n perdi en fanmir mwan.  Mon pa’n ale dan prizon mwan.  Mon fanmir pa’n al dan prizon.  Mon pa’n ganny bate, me i annan lezot ki’n pas atraver sa bann soufrans.

E petet mon pa pour zanmen konnen, ki degre fermal sa bann douler i ete.

Mon krwar Sesel pa sel pei ki’n pas atraver en tel levennman.  E ler Onorab Ramkalawan ti prezant bann sif i dir ki enn ti .5poursan popilasyon e Sesel i .05, alor 10 fwa plis par tet d’habitants dan en peryod letan.  I en keksoz ki nou bezwen pran li serye, parske ou pa kapab annan dan ou pei devlopman, linite, larmoni ki nou tou nou swete i annan, si serten kous nou popilasyon pa zanmen trouv laverite, pa zanmen trouv sa rezon akoz keksoz i koumsa.  I pa kapab zanmen aksepte ki listwar in koumsa. e zot anvi en keksoz ki pour permet zot kapab bouze dan lavi.

Alor ozordi, e mon ti a kontan remersye sa Komite ki’n prepar sa travay, mwan mon pa ti lo la, me zot klerman zot in fer bokou travay pour ekout dimoun pour fer resers lo meyer fason pour nou bouz devan, e vwala rezilta.  Zot in prodwir en Bill ki pour kree lankadreman, pour kapab permet dimoun pour vin devan – pa devan en Komite, me devan en Lenstitisyon ki i annan en Lalwa, en lankadreman pour zot akont zot soufrans, e lo lot kote pour lezot dimoun dir laverite.  Sa i ava ede anmenn linite, si sa Komisyon, sa Lorganizasyon i kapab met sa 2 dimoun ansanm e tonm dakor lo ki mannyer pour bouz devan; par egzanp lo en konpansasyon monneter, e i annan lankadreman pour li, e si i annan en fason kot pa zis en dimoun ki pe fer sa travay, me i en Komisyon avek en manda kler, i en fason travay, mon krwar se sa lafason ki Sesel pour bouz devan.

Alor sa Bill ki devan nou, i pe fer egzakteman sa.  I pe fer egzakteman sa – i pe kree en Komisyon, kree son manda, i dir ki mannyer i pour travay e mwan mon annan gran konfyans parske nou pa premye pei pour fer li, ki kapab ede pour fer sa kous popilasyon ki’n ganny afekte severman pour zot kapab ganny en rekour, pour zot kapab ganny lespwar pour zot kapab dir, ‘’be nou kapab met sa deryer, nou pa pour zanmen bliye, me petet i en fason pour nou bouz devan.’’

Me Mr Speaker an menm tan mon ti a kontan demann avek Vis-Prezidan e Gouvernman pour konsider serten bann azisteman dan sa Bill ki la devan nou, ki mon krwar i neseser si nou anvi rafin li e fer li vin keksoz ki pli meyer.  Par egzanp kot nou pe propoze pour annan en Komisyon ki Prezidan i apwente, mon krwar dan lespri pour anmenn, pour met bann dimoun ki sorti dan tou kous popilasyon, petet nou pa devret restrikte li avek zis bann dimoun ki sorti dan bann NGO e les li ouver pour ki nou ava annan par egzanp CAA, ki li i kapab fer rekomandasyon baze lo kriter ki’n ganny etablir pour bann diferan Manm, mon krwar sa ti ava en propozisyon.

E pareyman akoz si CAA ki apwent bann Commissioners anba 5 (2) par egzanp mon ti a propoze ki, si zot bezwen ganny tire i ava annan sa konsiltasyon ek Prezidan ek CAA.  Mon krwar ki sa Komisyon li menm, akoz i en Komisyon serye, akoz enn son manda se trouv laverite, mon ti a propoze osi ki par egzanp dan 6 (7) kot i gard rikord, zot gard tou rikord, depi verbatim, depi si i annan levidans odyo vizyel ki zot garde, parske son manda se donn laverite, e pour donn laverite pour listwar ti a bon annan sa bann keksoz ki ganny garde, byensir an sekirite e kan fodre gannyen, sa bann keksoz i ava la.

Mon krwar pour donn li son pouvwar, me an menm tan nou bezwen rekonnet ki sa Komisyon i pa en Lakour, i pa pe ranplas Zidisyer ki pe parey bann Standing Committees i annan, parey dan Lasanble, ou donn li pouvwar ki Lakour Siprenm i annan, me avek limit; parey pour donn somonn pour fer dimoun aparet pour donn lenformasyon.

Alors Seksyon 8 (3) par egzanp mon krwar i devret reflekte sa.  E mon krwar Komisyon li menm, si nou anvi pran li serye e fer bann Manm sa Komisyon responsab, mon krwar nou devret donn en dele letan, par egzanp tou le 6 mwan.

Anba 11 (2) par egzanp, nou dir ki zot bezwen rann kont lo zot travay, ki zot in fer progre oubyen ki zot pa’n fer progre, me zot a dir konbyen ka zot in vwar e donn en rapor tou le 6 mwan.

E finalman sa ki mon ti a kontan propoze osi, se anba 11 (4) ek 11 (5) kot rapor i ganny prezante avek Prezidan, mwan mon ti a krwar i pli normal ki Prezidan apre 1 mwan ki’n resevwar, i kapab fer sa dokiman piblik, pa neseserman 2 mwan, mon pa vwar akoz i bezwen 2 mwan, parske i en rapor final.  E answit dir osi ki sa rapor i pour ganny soumet avek Lasanble al pour son arsiv.  Mon krwar sa set en keksoz ki mon ti ava sizere.

Mr Speaker finalman sa Bill ki la devan nou pour mwan i neseser.  I neseser pour nou annan parske set en zouti ki pour anmenn parey son non e dir rekonsilyasyon pour anmenn laverite, i pour anmenn linite dan nou pei.

E sa tou lede kote latab i pour dakor avek, parske se sel fason pour en pti pei avek mwens ki 100mil dimoun kapab bouz devan.  Alor pour mwan set en Bill ki pe al dan en bon direksyon, mon ti a kontan siporte e mon konnen ki mon bann lezot koleg osi pour donn zot lopinyon e pour koz lo lafason nou kapab kontiny sa travay pour anmenn Linite al dan pei.  Mersi Mr Speaker.

 

MR SPEAKER

Mersi Onorab Afif.  Bon mon annan Onorab Georges ki anvi koze, me i pa prezan pour le moman in alert mwan. Onorab Basil Hoareau pa ankor pare.  Okenn lezot Manm ki i oule entervenir?  Onorab Sebastien Pillay.

 

HON SEBASTIEN PILLAY

Mersi …

 

MR SPEAKER

En moman, en moman, en moman Onorab, eski i annan en speech list lo le de kote?  Akoz mon pa an posesyon speech list, se sa rezon ki mon pe sey al randomly.  Ok mersi Onorab Ferrari.  Bon wi, pa problenm Onorab De Commarmond.  Ale laparol pour Onorab Sebastien Pillay.  Thank you.

 

HON SEBASTIEN PILLAY

Mersi Mr Speaker, bonzour Mr Speaker, bonzour tou Manm Lasanble, bonzour Vis-Prezidan, Attorney Zeneral e lezot Manm ou delegasyon e bonzour tou dimoun ki pe ekout nou, oubyen pe swiv nou deba Lasanble pe enport kot ou ete ozordi bomaten.

Mr Speaker sa Prozedlwa ki devan nou i enn ki malgre nou pour oule vwar li dan diferan fason, i enn ki nou pa pour kapab koz lo la san en degre lemosyon, san en degre santiman, akoz apre tou i konsern lafason ki dimoun i santi, lafason ki dimoun pe panse, me pli enportan ankor lafason ki dimoun dan zot leker i apersevwar serten sityasyon ki a en moman donnen dan zot lavi, oubyen dan lavi zot fanmir zot in pas atraver.

Mr Speaker ozordi mon pour swazir pour et diferan avek mon retorik labitid akoz ozordi lo sa size Mr Speaker, nou annan loportinite koman en Lasanble pour nou, pour enn fwa pour tou anmenn inifikasyon nou pei lo en baz kot tou dimoun i santi poudir nou form parti en sel , nou form parti en sel desten.  Mon dir sa Mr Speaker akoz bomaten ler mon pe antre Lasanble zis devan staircase ki mont anler pour al dan Committee Room 3 i annan en banner, e lo sa banner i annan en morso Lim al nou pei.

E si nou tou nou’n pase nou pour vwar poudir anler i ekri “Koste Seselwa” e anba enn bann dernyen fraz i annan en fraz ki dir “Reste touzour dan linite. ‘’

Mon krwar ozordi nou tou Seselwa pe enport si nou santi nou’n ganny afekte par bann levennman, pe enport si nou santi bann levennman i pa relevan pour nou, nou bezwen konsider lenportans sa fraz Mr Speaker.  Akoz?  Akoz mon pa kapab mon Mr Speaker personnelman antre dan soulye en dimoun ki santi li afekte par sa sityasyon.

Obor mwan Mr Speaker mon annan en, mon annan plizyer fanmir, plizyer manm fanmir kot mon reste ki kapab vini akont ou zot bann prop leksperyans; lo en lot kote ou annan zanmi ki osi kapab vin rakont ou zot bann leksperyans.  E sak dimoun zot leksperyans i pour zot.  I unique pour zot.  Sak dimoun i santi pour zot.  Ler nou koz lo sa sif 0.5poursan Mr Speaker, mon en matematisyen mon asire bokou dimoun ki’n – bann etidyan matematik poudir be 0.5poursan ler ou konsidere i pa signifikan.  Me son signifikan Mr Speaker se akoz degre separasyon dimoun dan nou pei – 0.5 poursan i bokou pli enportan ki sa.

Pour sak dimoun ki’n ganny afekte Mr Speaker i probab ki i annan 5 lezot dimoun ki’n santi sa soufrans; pour sak dimoun ki’n ganny afekte Mr Speaker i annan 5 dimoun ki’n osi santi menm soufrans.  E sa se le pwen fondamantal ozordi ki nou, nou pe diskite.  E si ozordi nou kapab met en lafen avek en deba ki’n ale pandan plizyer lannen, e dan 6enm Lasanble ozordi pe enport lo ki kote latab ou asize, nou tou koman Manm Lasanble nou devret fyer.

Nou tou koman Manm Lasanble nou devret fyer ki nou, nou pe ganny loportinite ozordi pour ini nou pep.  E nou kapab swazir pour fer sa deba dan en fason kot nou anmenn plis linite.  Nou kapab osi swazir Mr Speaker, sa i nou swa dan Lasanble nou annan freedom of speech pour nou koz lo bann size ki ensit plis divizyon.

Parfwa nou lemosyon parey mon’n dir i pour get the better of us e nou pour anvi koz lo bann size dan sa fason.  Me koman Manm Lasanble nou pa pe fer en Lalwa pour zis sa group dimoun ki’n ganny afekte.  Nou pe fer en Lalwa pour nou pei.  Nou pe fer en Lalwa pour ki koman en pei nou kapab deal ek en sityasyon e move devan.

Mr Speaker nou bezwen servi listwar resan pour nou ilistre bann keksoz ki nou pe dir.  Mon rapel Mr Speaker pandan bann letan Kanpanny resaman, ti le 5 Zen en group ti desann rezouir par lefe ki nou santi poudir sa zour in en zour ki’n anmenn en breathe of fresh air – liberasyon, me en lot group ti desann sanze tou an nwanr.

Ziska kan alors ki nou pour kontinyen annan sa kalite divizyon dan nou pei?  Ziska kan alors ki nou pour kontinyen annan sa polarizasyon dan nou pei?  Koman Leaders ozordi nou, nou annan en loportinite pour dir Seselwa i en sel , e koman en sel  nou bezwen bouz devan, e nou bezwen servi bann prosedir ki nou kapab etablir pour ed nou bouz devan.  Zisteman dan lespri latransparans e dan lespri fairness, eski i fair ki en dimoun in soufer akoz i santi in soufer akoz le 5 Zen, me en lot pa’n soufer?

Pour sa dimoun ki’n soufer it’s not fair.  E se pour sa la baz deba ki nou pe fer ozordi dan sa Lasanble.  Se sa la baz diskisyon ki nou pe fer lo sa Lalwa ozordi.  E sa ki nou, nou bezwen fer, nou bezwen osi met an kont ki malgre ki sa Lalwa i promot en redemptive justice, en lazistis kot tou dimoun i kapab vin devan koze, me nou bezwen osi aksepte poudir i annan dimoun ki i anvi keksoz plis ki sa.

E prezan nou koman en Lasanble nou pour vwar nou dan sa ki nou kontan apel en “catch 22.”Eski nou give in to sa group ki santi li pli vokal kot i anvi vwar en retributive justice?

Si nou get parkour bann Komisyon parey ki’n ganny fer dan lezot pei, nou’n vwar ladopsyon en metod kot tou dimoun i kapab vin devan pour koze, i fer li pli ouver, i fer li pli unified, akoz tou dimoun i santi li lib pour li kapab koze e prezan bann sityasyon bann fe ki’n arive dan lepase.  Be si nou aktivman seek pour rod en ‘’retributive justice’’, eski i pour annan menm freedom, menm lespri ouver pour vin devan pour kapab koze.

Parmi sa plizyer dimoun ki’n prezant zot case devan sa Komisyon e devan Komite e dayer mon prezimen pour annan ankor dimoun ki pour vin prezant zot case devan Komisyon, i annan ladan ki pa anvi, oubyen ki pa neseserman pe rod retributive justice, me zot anvi konnen kwa ki’n arive, kwa ki’n pase.

Eski mwan mon devret deny zot sa drwa pour zot konnen kwa ki’n pase?  Non Mr Speaker!  Mon pa kapab deny personn drwa pour li kapab seek en larepons pour en sityasyon ki li in pas ladan, mon pa kapab fer sa.

Me neanmwen osi mon pa kapab deny en lot dimoun ki santi poudir pandan sa peryod li in vwar li devlope.  Me tou lede i bezwen zwenn.  Tou lede pour bezwen zwenn a en moman donnen.  Se sa lesansyel ki mon koleg Onorab Simon Gill ti pe avans devan nou.  Se sa lesansyel ki nou koman en Lasanble nou pe fer ozordi, koman en Lasanble ozordi nou kapab swazir pour fer 2 keksoz – (1) nou kapab swazir pour get sa Lalwa koman LDS e Parti Lepep lo sa kote latab, e lo en kote zot dir zot ki ti la, zot ki ti fer.

Nou lot opsyon nou kapab swazir pou dir be nou, nou Lasanble al e koman Lasanble al nou pe met en pyer, en foundation stone dan sa batiman dan ki nou pour konsakre linite nou pei, e lesansyel pour anmenn nou pei ansanm.  Se sa lot opsyon ki nou annan.

E mwan Mr Speaker malgre mon pour ganny kritike, malgre mon pour ganny atake lo medya, lo rezo sosyal, plizyer landrwa mon santi poudir dezyenm opsyon ki nou devret swazir.  Sa opsyon kot nou, nou kapab vin ansanm e nou kapab anmenn en closure, Mr Speaker – sa mo i enportan en “closure” pour tou dimoun ki san zot, santi zot dan en fason ou en lot afekte par sa ki’n pase.

E la Mr Speaker i enportan akoz ler nou regard sa dimoun ki li i vin fer sa konplent, nou pa regard zis li nou, me nou osi bezwen mazinen ki ti annan son zanfan, ozordi i annan ki’n vin granmanman i annan pti zanfan ki’n ganny akonte bann levennman.

Se sa en sikatris ki o kour letan i kontinyen, i kontinyen repet son lekor, repet son lekor, be nou sa ki nou bezwen sey fer, sa ki nou bezwen sey fer koman en Lasanble ozordi, se fer sir sey fer tou sa ki nou kapab pour ki sa bann sikatris pa kontinyen an zenerasyon an zenerasyon kontinyen repet zot lekor.  I pa pour fasil Mr Speaker.

A en tre zenn az Mr Speaker mon ti perdi mon manman, ozordi i pa fasil pour mwan still just pas dan lavi san ki mon mazin li.  Nou tou ki eksperyans en loss dan nenport ki fason, nou pa kapab zis bliye sa loss.  It is not possible.  I pa imen pour nou kapab bliye.  Ou konpran?

Sa ki’n perdi en propriyete par egzanp a sa moman donnen i pour annan son zeritye ki ti pou’n kapab benefisye ek sa propriyete, ki ozordi petet son konteks sosyoekonomik ti ava’n meyer.  I pa pour kapab bliye.  E nou pa kapab dir li bliye.  Me nou bezwen osi kree lespas pour ki si li i pe rod en larepons, en lendividi dimoun ki kapab donn li en larepons i kapab vin devan.

Akoz en keksoz ki nou pa devret fer Mr Speaker, se ki nou pa kapab ziz bann levennman lepase an servan konteks aktyel.  Akoz si nou fer sa, konteks aktyel in etabli e nou tou mon krwar ki la anndan nou’n kontribye pour fer sa, nou’n, in etablir bann précepte legal, bann précepte drwa sitwayen ki ou bezwen swiv, ou bezwen abide by.

Si ou dir mwan en dimoun i en perpetrator e i pa oule vin devan, ou oule compel li e i pa kapab santi li free pour li koze, eski nou pou’n achieve sa ki sa Lalwa i anvi nou fer?  Eski nou pou’n achieve sa ki nou koman en Lasanble nou anvi fer?

Mr Speaker nou tou ki la anndan koman politisyen nou tou ki la anndan i annan nou manm fanmir ki siport swa Lopozisyon, swa siport menm groupman politik ki nou siporte, nou tou ki la anndan.  Me sa deba i pa about politik.  Sa deba i about donn loportinite bann dimoun ki’n santi zot ganny afekte pour vin devan e ganny en larepons.  This is what this is about.

E mwan mon pa kapab met mon lekor dan soulye personn la anndan ki’n ganny afekte.  Mon pa kapab dir ou ‘ar be ou pa’n ganny tro afekte, ou’n ganny pli afekte’!  Mon pa kapab dir ou sa.  Pa mwan ki pour fer sa desizyon, me mon kapab kontribye pour met an plas en mechanism ki ou ki’n ganny afekte ou kapab vin devan e met devan lafason ki ou santi, lafason ki ou’n pase.

So ler mwan mon pe koze lo sa Prozedlwa Mr Speaker e mon pour siport sa Prozedlwa parey i ete, akoz mon krwar i pour donn loportinite tou dimoun pour vin devan, e sa bann dimoun ki’n ganny afekte e sa bann dimoun ki nou anba sa Lalwa ou dir zot bann perpetrators.

I enportan sa.  Nou bezwen kre sa kad pour ki dimoun i kapab vin devan.  But that is just the whole point Mr Speaker.  Ou konnen mwan toultan Mr Speaker mon fasinen bokou dimoun pa pour dakor ek mwan, nou’n toultan pran e la mwan pour koz lo la Mr Speaker, pran 5 Zen koman en zour ki diviz nou tou, nou ti menm kapab pran 5 Zen koman en zour ki unite nou tou.  E sa ki’n ganny afekte e sa ki santi en lot fason.

Nou kestyon ki nou, nou bezwen demann nou lekor, apre tou sa parkour ki nou’n fer dan politik dan sa pei, for how long ki nou pour polarize?  Pour ki kantite letan ki nou pour sey divize?  Nou pa pour zanmen kapab annan en sel parti akoz dimoun i annan son freedom pour li annan son krwayans politik – zis parey nou pa kapab annan en sel Larelizyon akoz tou dimoun i annan son freedom to associate son lekor.

Be nou kapab al lo en précepte pli fondamantal, pli enportan ki tou parti, tou relizyon ki nou … tou … nou  … Seselwa!  E sa pei i pour nou tou e nou tou nou egalman annan drwa dan sa pei.

Akoz si ozordi Mr Speaker nou deside pour pran en lapros ki tant ver en kote, nou pa pou’n fer zistis the whole process ki nou pe fer ozordi.  E mon konnen i annan dimoun pa pour kontan.

Mon konnen i annan dimoun ki’n eksprim zot lekor tre fortman lo la, e mon respekte sa.  Mon pa kapab ni menm dir ki mon pa dakor ek sa akoz mwan pa dan sa soulye mwan.  Me mon pe appeal, mon pe plead ek zot pour konpran osi i annan lezot dimoun osi ganny afekte ki dan en lot soulye; ki li osi i pe seek larepons, ki li osi i oule ganny larepons.

E si nou pran en lapros kot nou pa kapab anmenn larepons, then i pa pour posib pour nou kapab zisteman anmenn sa closure pour tou dimoun e nou pou’n deny loportinite lezot dimoun pour ganny closure as oppose to allow lezot dimoun pour ganny closure.  Se sa ki kapab arive Mr Speaker.

E se sa ki nou, nou bezwen be careful about ozordi.  Bokou pour ganny dir dan sa Lasanble Mr Speaker lo sa Lalwa.  I pa tou ki mon pour dakor avek Mr Speaker, me selman mon pour respekte lopinyon tou dimoun.  I enportan sa Mr Speaker, ozordi Mr Speaker avan ler ki bann Manm in koze labitid mon bezwen aksepte poudir parfwa mon heckle mon bann koleg lo lot kote latab, ozordi mon pa’n heckle personn mwan mon Mr Speaker.  Mon pa’n heckle personn pour le senp rezon ki sa size ki nou pe koze la Mr Speaker i pa en size pour nou joke about.

I pa vedir poudir lezot size i bann size ki nou joke about.  Be sa enn size ki la Mr Speaker i serye akoz mwan mon’n santi divizyon dan mon fanmir akoz politik.  E mon pa oule ki sa i vin en deba politik.  Mon oule ki sa i vin en deba ant what is right and what is wrong. 

And if it’s right pour ki dimoun i ganny loportinite pour zot get their day in the sun pour zot kapab ganny loportinite pour met devan lafason ki zot santi, then it is fair that we give them that chance to do so, but everyone should get that chance Mr Speaker.

Nou pa kapab swazir lekel ki pour ganny sa sans.  I plitar Mr Speaker mon pour annan serten kontribisyon pour mwan fer ler nou move lo Committee Stage e mon santi poudir nou’n ariv a en juncture dan nou devlopman, dan nou demokrasi ozordi, kot koman Seselwa nou pe apros en lot letap nou fitir, en fitir briyan, en fitir kot i annan en kantite ki nou kapab fer koman en , e nou devret toultan mazinen poudir koman en  malgre tou nou diferans politik nou’n nobou achieve ki bokou lezot pei pa’n kapab fer.  E nou koman en  malgre tou nou diferans politik, nou en  ki kapab vin ansanm avek konpasyon, avek imilite pour nou fransir tou baryer tou defi ki nou kapab ganny met devan nou.

Mr Speaker les Seychellois nou en  unique, e sa uniqueness i baze lo nou abilite lo nou konpasyon.  I baze lo nou lemosyon koman en pep.  I baze lo nou krwayans koman en pep to what is fair.  E nou’n en zenerasyon ozordi ki nou kapab set the example Mr Speaker. Nou kapab set the example that revolutionary change i parfwa pa neseserman anmenn the best outcome, be ki en sanzman pratik, en sanzman revolisyoner, en sanzman ki adapte avek letan, i anmenn plis benefis pour nou dan lonterm.

Me konteks ti enn dan lepase e konteks i enn ozordi.  Les listwar ziz nou Mr Speaker. Les listwar ziz nou par lafason ki ozordi nou, nou enterpret sa konteks ki nou ladan e nou fer en diferans – pa pour yer, me pour le fitir.  Mersi Mr Speaker.

 

MR SPEAKER

Mersi Onorab Sebastien Pillay.  Mon ava donn laparol Onorab Bernard Georges.

 

HON BERNARD GEORGES

Mersi Mr Speaker.  Bonzour tou bann Manm Onorab, bonzour Vis-Prezidan tou bann dimoun ki pe ekout nou dan lakour.  Mr Speaker moman i sobre e mon krwar a en leksepsyon pre, ton ki’n ganny adopte par bann entervenan dan sa Lasanble bomaten i montre sobriété avek lekel nou bezwen egzamin sa size.

Resaman nou ti fer en legzersis pour revwar nou Code Civil e en Manm ti dir dan en konteks, dan konteks sa ki nou ti pe fer, ki set en gran loner pour nou Lasanble, en gran loner pour nou koman en Lasanble vin sa Lasanble ki pour reviz en teks Lalwa osi enportan ki Code Civil pour donn sa teks ki nou pour revize avek bann zenerasyon ki pe vini.

E sa sete en parol ki fer bokou sans.  E ozordi nou Lasanble i ganny li en lot loner, e sa se loner pour pas en morso Lalwa ki pour avek bonn fwa, perseverans, ek en bon latitid met en laliny anba en levennman ki’n anmenn bokou divizyon dan nou pei.  Lekel divizyon i ankor pe persiste plis ki 4 deseni pli tar.

E mon krwar sa loner i pez lo nou tou, i en pwa enportan ki nou bezwen anmennen e ki nou’n ganny apele pour anmennen.  Depi komansman sa lide atraver travay ki sa Komite in fer, ziska ozordi deba lo sa Lalwa ki’n ganny prepare, nou koman en pei nou’n anmenn en fardo enportan malgre ki nou pa’n toultan realize sa pwa ki nou ti pe anmennen.

Onorab ki’n koz avan mwan, in dir en keksoz tre enportan e mon krwar nou devret soulinyen – ki en sanzman revolisyoner parfwa i pa anmenn bann rezilta ki nou ekspekte, e en sanzman revolisyoner i bokou pli satisfezan dan bann rezilta ki i anmennen.

E mon krwar nou pa bezwen perdi sa loptik Mr Speaker akoz enn bann Tenm ki pour retournen toultan e ki nou pour bezwen viv avek, se sa Tenm ki Onorab Simon Gill in sey travay avek bomaten, eski Coup D’État ti neseser wi ou non?

E si Coup D’état ti neseser, eski i ti neseser pour defen Son Chang-Him ganny en kout bal dan son ledo?

Eski i ti neseser pour anmenn ledikasyon a laporte tou dimoun pour anmenn lakaz, pour redistribisyon later ki defen Hassan Ally ti bezwen disparet?  Se sa kestyon ki devan nou la ozordi, e se sa kestyon ki nou, nou pa kapab pa fer fas avek?  Akoz sa i pour retournen i pour fatig nou lannen ale, lannen vini.

La nou’n ganny en sans Mr Speaker pour nou enn fwa pour tou met en striktir an plas, ki parey mon’n dir avek bonn volonte travay dir e senserite pour kapab tir en laliny anba sa keksoz, reponn sa bann kestyon met li deryer nou e bouz devan dan en lavenir briyan.

Mr Speaker nou pa’n koman en pei pas atraver bann keksoz ki bann lezot pei in pas atraver.  Nou pa’n en Argentine kot dimoun ti zis disparet par santenn, par milye.  Nou pa’n en Chile kot prizonnyen politik ti zis ganny met dan en avyon apre zet dan delo avek zot lanmen anmare dan Losean Pacific.

Nou pa’n en Sid Lafrik kot tou bann detenir politik ou tou bann detenir malgre ki kordgard kot zot ti ganny detenir ti napa peron, tousala ti mor akoz zot in tonbe dan peron.  Nou pa’n en Cambodia kot Khmer Rouge in fer en milyon dimoun ou plis disparet.  E nou pa’n en Rwanda kot dimoun ti ganny zet dan trou komen apre pandan ki zot ti vivan ros ti ganny anvoye lo zot.

        Men’s inhumanity to men Mr Speaker, i en keksoz ki, en parol ki bokou dimoun in dir.  E set en keksoz ki nou pa’n ganny eparnye avek, akoz i annan en dimoun ki ti touy Son Chang-Him; i annan en dimoun ki ti ferm kaso lo dimoun.  I annan en dimoun ki ti siny papye pour dir aret en tel under the President’s pleasure. Hassan Ally pa’n ganny abducted par aliens.  Deryer tousala i annan en dimoun.

E la ozordi nou pe donn sa bann dimoun en sans, lo en kote nou pe donn viktim en loportinite pour zot konnen kisisa ki’n arive, e lo lot kote nou pe donn en sans ek sa bann dimoun ki ti annan lakle kaso oubyen ki ti tyonbo fizi dan lanmen pour vin devan e pour dir ‘’mwan ki ti fer sa.’’  ‘’Zot anvi konnen ki’n arive ek Hassan Ally?  Mon ava dir zot.’’

Se sa ki nou pe fer ozordi akoz napa nanryen ki pli dir ki – pa konnen.

Nou koz closure, “closure” i en mo ki ne, akoz nou servi toultan i nepli annan en meaning.  Me fodre nou donn li sa meaning.  E la yer swar mon ti pe mazinen letan mon pe ekout nouvel lo sa avyon Malaysian Airlines ki’n disparet e mon pe regard bann fanmir ki ti pe ekspekte ki zot ti pour ganny en solisyon, ki mannyer ou mazinen Mr Speaker fanmir enn sa bann dimoun ki ti lo sa avyon i kalkile i dir, ‘’be ki mon …? La zot in vini zot in dir mwan ki sa avyon in ganny detournen apre in al kraze dan losean, be sa bann dimoun abor ler zot in leve son bomaten an krwayan ki zot pe al land Beijing e zot in vwar ki zot pe ale, zot pe ale, zot pe ale zot pe ale, zot pe ale, zot konnen ki zot pe al pe al mor, ki mannyer zot in santi zot?

E ki mannyer zot fanmir ozordi ler zot mazin sa, ki mannyer zot viv?   E set egzakteman sa ki bokou dimoun in bezwen viv avek dan nou pei.  Ki sa ki’n arive bann fanmir Hassan Ally i demann zot lekor.  Ki sa ki’n arive avek nou msye, nou papa, nou frer oubyen bann zanfan Son Chang-Him.

E mon pour mansyonn zis 2 akoz nou pa anvi al dan tou bann detay.  Akoz ki fodre en boug ki ti’n al konplent akoz zot in vol son pei, akoz ki fodre i ti ganny en kout bal dan son ledo?  Nou bezwen, nou bezwen koman en pei adres e reponn a tou bann, a tou sa bann problenm.  I pa en kestyon montre ledwa.  I pa en kestyon koupab, inosan, i en kestyon konn laverite.

Akoz Mr Speaker enn bann problenm avek sanzman revolisyoner ki pa’n ganny thought through se sa laspe arbitrer.

E bokou dimoun ozordi pe demann zot lekor be akoz sa in ariv avek mwan?  Akoz tou sa keksoz ki’n arive i ti konpletman arbitrer.  I annan dimoun ki’n perdi zot lakaz akoz zot ti siport politik ki pa ti akseptab.  Me i annan lezot dimoun ki ti siport politik ki pa ti akseptab ki pa’n perdi zot lakaz.

Alor akoz ki enn in soufer e lot i pa’n soufer?  E se sa bann kestyon ki fodre koman en  nou reponn, e ler nou a’n reponn tousala nou ava konnen ki tou sa bann keksoz ki nou koze lo la ki le 5 Zen 1977 in anmennen, in anmennen plizyer keksoz, nou pa la pour kasyet listwar.

Listwar i la devan nou, nou vwar li.  Kestyon ki nou bezwen demande se eski i ti neseser?  E se sa kestyon ki fondamantal devan nou ozordi.  Eski i ti neseser pour nou pas atraver en Coup D’état pour nou kapab ganny ledikasyon redistribisyon later, lasante?  Akoz si i pa ti neseser, e mwan mon fermeman krwar ki i pa ti neseser, nou ti’n kapab gannyen tou sa bann keksoz san en Coup D’état, nou ava bezwen aksepte enn fwa pour tou i pa ti neseser, sa ki’n arive parey Minis, Vis-Prezidan in dir e Onorab Gill in dir dan son premye morso lentervansyon bomaten Onorab Gill in fer mwan mazin dyalektik Marxist-Leninist kot tou keksoz i annan 3 porsyon thèse, antithèse, synthèse in fer en zoli tez, in fer en zoli synthèse me malerezman son antithèse dan milye in glis en pe, e li menm li in dir in fer en tre bon thèse bomaten, in dir wi bann keksoz in arive i regretab e zot sorry.

E nou kontan tann sa.  E Vis-Prezidan in dir i annan en latmosfer politik ki diferan ozordi.  E i vre i annan en latmosfer politik ki diferan ozordi.  E se sa ki donn nou sa loner koman en Lasanble siport sa Lalwa ozordi, take ownership sa Lalwa.  Akoz se 6enm Lasanble ki pour kapab dir e ki pour al dan liv zistwar pou dir se sa Lasanble ki parey Komite lo Laverite e Rekonsilyasyon al in travay ansanm.

Napa en moman ki sa Komite 7 dimoun sorti lo 2 kote latab pa’n tonm dakor lo bann gran laliny kot nou pe ale.

E se sa direksyon ki nou pei i bezwen, e se sa direksyon ki nou koman sa Lasanble nou bezwen donn nou pei ozordi.  Akoz Mr Speaker?  Annou pa bliy non sa Komisyon ki pe al ganny etablir.  I en Komisyon Rekonsilyasyon.  Wi i enportan.  I en Komisyon Linite al wi i enportan.  E mwan zot konnen mon’n koz lo Linite al.

Ler mon ti al State House pour al prezant liv Prezidan Michel avek tou son kritik ki mon ti gannyen, dan salon State House mon’n fer en speech kot mon’n dir avek Prezidan, ‘’Prezidan ou pli gro defi e keksoz ki nou tou nou pe ekspekte se anmenn Linite al!’’  Nou’n dir.  Akoz ou bezwen speak truth to Power.  Ler ou ganny en loportinite ou bezwen sezi ou loportinite e fer li.

Me annou pa bliy premye mo dan sa Komisyon – Truth – Laverite – se sa a la baz rekonsilyasyon ek Linite al.  Fodre laverite i ganny konnen.  Fodre bann zanfan defen Son Chang-Him i kapab dir la, la lekel ki’n touy mon papa e la, la rezon akoz in fer li.  E fodre bann fanmir Hassan Ally i konnen ki mannyer zot papa in mor, lekel ki ti responsab, e kote son lekor i ete.

Simon Desnousse, Gerald Hoareau tousala, nou pa kapab Mr Speaker fer en travay ki pa konplet.  E fodre nou fer en travay kot laverite i ganny etablir premyerman pour ki nou kapab apre sa rekonsilye nou koman en  e trouv Linite al ki nou pe koz lo la depi plizyer lannen.

E ozordi, ozordi mon kapab dir avek tou senserite ki dan sa deba Mr Speaker, dan sa deba bomaten, senbol pli pwisan ki nou dan sa Lasanble nou pour rapel ki pour montre nesesite sa ki nou pe al fer, se mon Koleg Onorab Hoareau – en Manm ki sorti lo lot kote latab.

E se sa ki montre nou ki sa travay ki nou pe fer ozordi i pa en kestyon zot oubyen nou, nou pa pe vin montre zot ledwa.  Sa ki arive, sa ki’n arive dan sa pei i responsabilite nou tou, viktim e perpetrators parey.  Nou tou nou bezwen aksepte en par sa ki’n arive.  E se koumsa ki nou pour kapab ansanm ariv kot nou oule ale.  Si i annan viktim, si i annan dimoun ki responsab pour sa ki’n arive ek sa bann viktim, me i nou responsabilite al.

E se pour sa rezon Mr Speaker an konklizyon ki mon kontan lafason ki sa Lasanble pe apros sa keksoz.  Nou pa pe fer li nou menm, e nou’n desid sa depi premye zour ki Mosyon in ganny anmennen devan sa Lasanble.  I pa sa Lasanble ki pour anmenn linite.  I pa Egzekitiv.  I pa Zidisyer, i en  an antye.

E se pour sa rezon ki nou nou’n deside travay inikman pour ekler Egzekitiv, pour dir avek Egzekitiv la, la sa ki nou, nou krwar, i devret sa veikil ki pour anmenn, ou ki pour rod laverite ki pour anmenn rekonsilyasyon e ki pour fer Linite al.

Striktir sa ki nou’n fer se en Komisyon al dan lekel nou’n dir nou koman politisyen nou pa pour kapab form parti.  E nou pa devret form parti ladan nou, nou bann travayer dan bitasyon, nou nou’n pyose, nou’n klersi, nou’n netwaye, nou’n prepar later pour plantasyon vini, me nou pa pe vin nou menm nou plante.  Sa i pour en lot dimoun, e i pour en dimansyon non selman an deor politik, me i pour en dimansyon al, kot atraver bann dimoun ki pour ganny swazir, atraver bann metod seleksyon ki pour ganny fer e nou, nou ava vwar sa dan Staz Komite, nou kapab ekspekte ki nou pour annan en Komisyon ki pour en levantay al.

E ki sa Komisyon i a kapab li prezan delivre lo sa 3 keksoz ki nou’n demann li delivre.  Trouv laverite, promot rekonsilyasyon dan en fason ki nou ava kapab achieve linite.

Napa en baton mazik, sa ki pour arive i pour annan de moman enspiran, e i pour annan de moman depresif, sa nou bezwen aksepte, akoz sa travay ki Komisyon pour fer i pa pour en travay ki pour en travay ki pour gou pour fer, me i en travay ki pour neseser pour fer; tel parey sa ners ki bezwen netway en boubou e met en pansman lo la osi sa Komisyon pour bezwen fer egzakteman parey.

I pour bezwen re ouver boubou, en keksoz ki pandan lontan nou bann Dirizan ti dir nou pa bezwen fer sa, pa al re konny en boubou, nou bezwen Mr Speaker, nou bezwen akoz sa boubou pa’n geri.

Si boubou ti’n geri pa ti pour bezwen, me i pa’n geri alor nou pour bezwen re ouver sa plaies, netway li e met en pansman lo la dan en fason ki ansanm nou ava kapab dir la prezan nou  i en  an bonn sante e i kapab bouz devan.

En dernyen parol Mr Speaker, sa Prozedlwa in ganny bokou kritik deor. Onorab Leader Lopozisyon in mansyonn sa taler ler dan son lentervansyon.  Mwan mon lapel se annou pa rod divizyon a sa moman, nou en demokratik reprezantatif, se nou ki reprezant lepep.

Nou napa monopol lo tou bann lide, me nou annan en lobligasyon pour fer sa ki pli bon ki nou kapab.  E i kler ki serten dimoun pour annan serten lezot lide ki zot, zot krwar an bonn fwa oubyen an move fwa sa se zot desizyon ki pli bon ki nou nide, me sa ki nou, nou krwar se ki sa ki nou pe propoze antan ki Reprezantan Lepep ki’n ekout lepep ki’n viv sa bann moman ki ozordi nou kapab dir parey in ganny dir sa ki’n arive i regretab i pa ti’n devret arive, se nou mon krwar ki’n kapab met ansanm en striktir ki pour reprezantatif e ki pour kapab delivre sa ki nou anvi delivre.

Alor Mr Speaker avek sa detrwa parol, mon ava rezerv serten lezot propozisyon an detay pour fer en pe pli tar, me mon ti anvi retourn lo mon pwen depar an konklizyon e dir ki annou take ownership sa Bill.  

E annou mars avek en gran soulazman ek en gran lafyerte ki ozordi nou koman en Lasanble ki pe koz menm parol lo tou lede kote latab, nou kapab ofer sa Komisyon, sa Bill lo Komisyon Laverite, Rekonsilyasyon ek Linite al avek nou pep.  Mersi Mr Speaker.

 

(APPLAUSE)

 

MR SPEAKER

Mersi Onorab Georges.  Bon mon annan plizyer Manm ankor ki anvi entervenir lo sa Prozedlwa ki devan nou.  Nou pour repran sa travay taler 2er, mon annan zis 2 pti lanons pour mwan fer avan nou Break.  

Assembly Business Committee ABC pour rankontre 1er dan Speaker’s Conference Room e i annan en joint meeting Women’s Committee avek Komite HIV/AIDS zot pe rankontre toudswit lo la dan Committee Room 3.  E apre si i posib mon ti a kontan ki Onorab Georges i vin en pti moman kot mwan dan mon lofis koman nou pran break.  Bon avek sa nou break e nou retournen 2er.

 

(BREAK)

 

MR SPEAKER

Bonn apre midi tou Manm Onorab.  Bonn apre midi Vis-Prezidan. , Attorney Zeneral e ou asistan Mr Pool.   Bonn apre midi tou dimoun osi tou dimoun ki a lekout.   E ki pe kontinyen swiv travay Lasanble al.

Avan nou kontinyen mon ti a zis kontan prezant en leskiz avek ou menm Vis-Prezidan avek ou lekip e tou bann Manm e dimoun a lekout deor pou sa pti retar ki nou’n gannyen.   Me sa ti anvi ki sa Assembly Business Committee ti ankor pe meet.  

Bon nou ava pran nou travay.   Nou a kontinyen kot nou’n arete bomaten.   E mon a donn laparol Onorab Basil Hoareau.

 

HON BASIL HOAREAU

Mersi Mr Speaker.  Mr Speaker mon apologize sa ki’n arive bomaten selman mon ava kontinyen.    Mon ti pe dir bomaten ki nou pou bezwen pas dan sa prosedir gerizon. E i enport ki nou pep i ganny geri.   Wi pou annan 2 parti prensipal pou annan sa perpetrator ki nou’n define perpetrator dan Lalwa avek viktim.

Me i osi tou Seselwa i bezwen zwe son rol ladan Mr Speaker.   Onorab Ramkalawan in donn nou en statistik – in dir ek nou 0.5% dimoun in ganny afekte.  Wi petet sa  0.5 i sa bann dimoun ki’n ganny afekte direkteman.  Me obviously sa bann dimoun ti annan fanmir.  Sa bann dimoun ti annan zanmi.  E bann lezot koleg.

E sa zot bann fason ki zot in ganny afekte zot bann soufrans in osi reflekte lo lezot, lezot dimoun ki’n pre avek zot.  E dan sa ka petet 0.5poursan ki’n ganny afekte direkteman.  Me endirekteman probableman i pou pli gran poursantaz dimoun ki’n ganny afekte par sa bann akt vyolasyon drwa imen Mr Speaker.

Mr Speaker i nou devwar – i nou devwar konman en pep ki swa ou viktim, ki swa ou en perpetrator, ki swa ou zis en Seselwa me ki sa prosesis pou pran lenpak lo nou tou i nou devwar pou nou pran nou rol zwe nou rol dan sa prosesis pou anmenn Linite al.

Akoz mon dir mon devwar Mr Speaker?  Mon dir sa parske nou Konstitisyon i dir ek nou ki a nou devwar.  Lartik (40) Mr Speaker – (b) Ii dir ek nou, ‘’it shall be the duty of every citizen of Seychelles be to further National interest and to National Unity.’’ 

        So nou Konstitisyon i demann de nou, egziz lo nou sak Seselwa pou nou fer li nou devwar ki Linite al i ganny achieve.    E sa prosedir, sa Lalwa pe anmenn nou ver sa lobzektif Mr Speaker.   E nou bezwen fer sir ki nou sak Seselwa i fer sir ki sa i arive ki en fwa pou tou sa pep  i bouz devan ini konman en sel , avek en sel desten ek en sel lobzektif.

Mr Speaker letan mon get Lalwa, lalwa in define kisisa vyolasyon.   In define i dir ek nou bann keksoz ki’n arive swa pandan le 5 Zen ‘77 ouswa ki relye avek 1977.   Savedir menm bann keksoz ki’n kapab arive avan ouswa menm apre 1977 me ki annan en relasyon avek 5 Zen ‘77 Mr Speaker.

E Lalwa i dir ek nou kisisa bann vyolasyon.  I dir ek nou bann dimoun ki’n perdi zot lavi dan en fason ilegal.  Bann dimoun ki ganny arete dan en fason ilegal, tortir; bann akizisyon propriyete dan en fason ilegal ki pa zistifyab.  Bann dimoun ki’n ganny forse pou al egzile.

E apre Lalwa ki enn ki ase akoz nou’n definir li dan en fason spesifik, me i annan sa dernyen bout ki la i ase wild.   I dir ek ou okenn akt ki en pe parey sa bann ki’n mansyonnen anler.

Par egzanp en akt ki pa ganny mansyonnen si i en dimoun ti ganny deprive medical treatment par egzanp.  Akoz son lopinyon politik ouswa pa ti ganny asiste.  Ouswa i pa ganny asiste avek en lakaz par egzanp – en shelter.  Sa i bann drwa ki kapab tonm ladan.

Parske nou’n dir si ou ti’n ganny denied en lanplwa, akoz ou lopinyon politik sa i en vyolasyon.  Me nou pa’n dir klerman pou dir si ou met denied en shelter.  Me i pou tonm ladan.  I pou tonm dan sa bracket ki wild Mr Speaker  e mon krwar ki enportan ki Seselwa i realize pa zis sa bann ki’n ganny mansyonnen spesifikman.  Me i annan lezot drwa Mr Speaker.

Mr Speaker premye keksoz ki enportan pou nou nobou al dan sa prosedir – sa process of National healing    se ki nou bezwen aksepte e rekonnet pou dir in annan labi drwa imen.  In annan vyolasyon.  Nou bezwen rekonnet e nou pa kapab zistifye sa dan okenn fason Mr Speaker.  Dan mon lizye nou pa pou kapab zistifye sa Mr Speaker.

 

(APPLAUSE)

 

HON BASIL HOAREAU

Mr Speaker mon ti dir en fwa dan sa Lasanble pou dir drwa imen ou pa gannyen sa.   Ou’n ne avek.  Personn pa donnen drwa imen.  Nou drwa in   as a human being ki ou    ou’n ne avek.   Bondye ki donn ou sa drwa.   Personn imen pa devret kapab pran sa drwa ki Bondye in donn ou ki ou’n ne avek konman en zonm Mr Speaker. Under no circumstances whatsoever ou pou kapab zistifye sa Mr Speaker.

E mwan mon dir lemoman ki mon acknowledge sa ki nou rekonnet pou dir wi i annan labi e sa bann labi pa kapab ganny zistifye, sa i premye step – i premye pa pou nou kapab konmans sa journey towards National Reconciliation Mr Speaker.

Si toultan nou rod, nou sey defann nou pa pou zanmen kapab.   E sa i pa pou anpes nou heal Mr Speaker.  Nou bezwen dir wi, wi i annan sa bann keksoz mal ki’n arive.   I annan bann keksoz ki pa ti devret arive Mr Speaker.

Mr Speaker si nou pran si nou toultan pran s prensip pou dir the end justified a means nou pa pou al lwen Mr Speaker.  Nou pa kapab zanmen aksepte sa.  Ouswa i annan en file en lot fason ki serten – en loter Grec in met sa i dir ou ‘the end excuses any evil.’’  Nou pa kapab aksepte sa.   Nou pa kapab dir pou dir le bi ki’n ganny achieve i zistifye nenport ki aksyon ki nou’n pran pou achieve lo sa bi.  Nou pa kapab Mr Speaker.

Mr Speaker pou met sa an perspektiv mon’n fer en pti resers pandan lunch time lo la.  Sa gran pasifis Indian Mahatma Ghandi ti met sa an perspektiv senp.   I dir ek ou si ou anvi pran ou mont, mon pou lager ek ou pou pran pou deprive ou of your watch.   Si ou anvi aste ou mont mon pey ou mon aste.  Si mon anvi ou donn mwan konman en kado mon demann avek ou silvouple donn mwan e ou ava donn mwan.

E la i dir avek ou koumsa pou dir ou annan drwa ou’n ganny sa mont ou, me i annan posibilite ou’n ganny li par 3 diferan fason.   E sa 3 diferan fason i pou dir ou ki status ou annan ek sa mont.   Eski ou en voler ou’n vol sa mont?  Eski ou’n aste sa mont ek propriyeter sa mont?  Eski ou’n ganny kado sa mont e ou’n vin propriyeter?

Alors ki dir ek ou pou dir ou pa zanmen kapab dir pou dir ‘’the end justified a means’’ ou pa kapab.  Akoz ou’n gannyen mont ou.   Me i annan diferan fason ki ou kapab gannyen e sa fason ki ou’n gannyen i afekte ou stati.

Mr Speaker en ekriven Franse Georges Bernanos i dir ek ou koumsa premye siny koripsyon dan sosyete se ki letan ou konmans servi sa prensip ki ‘’the end justified a means.’’  Sa i premye siny koripsyon dan sosyete.   E nou, nou pa kapab zanmen dir ‘’the end justified a means’’ Mr Speaker.   Nou bezwen être fran e dir wi i annan keksoz ki’n pas mal.  Nou vin devan nou dir ek bann viktim nou sorry nou apologies avek senserite dan sa apology.  E bann viktim hopefully zot nobou trouv dan zot sa lafors e sa kouraz pou dir wi nou pare pou pardonnen.

E la Sesel pou bouz devan.  E la Sesel pou dir nou ini e nou pe al ver en sel desten e ver en sel desti Mr Speaker.

Mr Speaker Lalwa in provide ki mannyer bann Komisyoner i devret ganny apwente.   Pou lemoman mon pa pou al an tro an detay, parske mon mazinen plis ki annan proposal ki mannyer pou amann Lalwa pou apwente.  Me selman lapwentman pou ganny fer par Prezidan atraver pou lemoman atraver son pou annan 2 etranze – 2 manm Seselwa e nou pe dir sa 2 manm Seselwa zot a ganny nominate ansanm ek Chairperson par  CAA pou  lemoman.

Apre pou annan 7 manm antour.   E apre sa 2 lezot manm – sa 4 lezot manm i ava annan 2 sorti par domi ki SIFCO a fer ouswa ki CEPS a fer.   Me sa i depandan lo final outcome lo ki mannyer nou si nou deside pou amann sa.

Me sa ki enportan nou dir pou annan 2 etranze.  Petet dimoun pou demann ou be akoz 2 etranze.  Mwan mon krwar sa 2 etranze i enportan.  Parske i vre i enportan pou nou annan nou Seselwa savedir 5 parmi sa 7 Commissioners pou Seselwa e i enportan pou nou annan nou Seselwa.  Akoz nou Seselwa i konn nou kiltir nou mantalite nou , nou konn fason viv nou .

Me an menm tan i annan lavantaz letan, letan ou enn de etranze.   Sa 2 etranze i kapab get keksoz dan en lot lanpler donn nou en pe leksperyans ki zot, zot in pas ladan.  Petet kot zot in pas ladan ti annan mistake ki’n ganny fer pou anpes nou repet sa bann mistake petet dan sa prosedir ki zot, zot in pas ladan,  pou dir be gete letan nou ti fer sa evantyelman nou ti vwar pou dir i mal.

Alors sa i a diriz nou i a fer sir pou dir nou pa pou repet menm fot ki lezot pei in komet.  E zot ava anmenn serten lekspertiz Mr Speaker.  E parey mon dir en serten lobzektivite dan sa demars.

E sa Komite evantyelman Chairperson i ganny apwente par Prezidan me son Vis-Chairperson Vice-Chairperson se sa Commission.    Zot ki pou deside lekel ki zot pou dezinyen konman the Vice-Chairperson.  

I enportan Mr Speaker ki letan nou get dan sa Komite – sa Commission rather nou realize pou dir i pa zis ou apwent ki Komisyoner ouswa ki CAA i kapab nominate  nenport ki dimoun.   I annan en kalifikasyon.

Malgre sa kalifikasyon i p en kalifikasyon akademik as such, me i en kalifikasyon ki i annan pou fer ek kredibilite e karakter sa dimoun.  I dir ek ou pou dir pou ou ganny Apwente konman Komisyoner ou bezwen ‘’of recognized good standing and of high moral character.’’   

Savedir i pe dir avek ou bezwen kapab desarz ou responsabilite dan en fason endepandan e enparsyal, kot personn pa pou vin met presyon lo ou;   kot ou, ou pou santi ou annan lentegrite.  Sa i enportan Mr Speaker parske sa Commission i pou ganny fer par bann Commissioners.   Si bann Commissioners dan zot menm zot pa command respect then sa Commission pou napa respe.   Pa pou gannyen respe.            E si nou piblik Seselwa nou pa respekte sa Commission, then nou pou napa konfidans dan sa Commission.  Nou pou napa konfyans lo zot.  Dimoun pa perpetrator pa pou le vin koz zot.   Viktim osi pa pou le vin kot zot.

Savedir i enportan ki letan nou met nou bann Commissioners e bann dimoun ki command respect ki nou annan konfyans dan zot e i no krwar zot pou kapab, ouswa nou konnen zot pou kapab desarz sa bann responsabilite.             Alors i enportan pou dir i annan kalifikasyon e kalifikasyon i annan pou fer avek entegrite ek karakter sa bann dimoun Mr Speaker.

Mr Speaker nou’n osi i enportan pou nou note ki nou bann dimoun an deor i note ki dan sa Lalwa Mr Speaker i annan provizyon ki sa bann Komisyoner pou annan immunity from prosecution be it civil prosecution or criminal prosecution.  Zot pa pou kapab ganny investigate an relasyon bann akt ki zot fer konman en Commissioner.  

Sa i trez enportan sa.  Parske nou bezwen fer siny ki sa bann dimoun i fer zot louvraz san ki zot santi okenn lafreyer.   San okenn lenterferans fason ki zot dan ti pou dir demen zot, zot kapab ganny prosekite.

Savedir zot lib e zot konnen pou dir zot pou kapab okenn kestyon pou ganny demande avek zot demen an relasyon ek zot responsabilite ki zot in desarze, an bonn fwa Mr Speaker.   Alors sa i en keksoz enportan ki mon krwar ki nou bezwen met antet Mr Speaker.

Mr Speaker sa Commission son manda, son manda se pou li resevwar okenn laplikasyon kot in annan allergy violation savedir an dot mo kot okenn dimoun ki santi ki son drwa ouswa drwa son fanmir in ganny vyole i kapab vin devan sa Commission e dir vwala mon fer mon laplikasyon.  E li Commission i son manda pou li al investigate sa konplent ki’n ganny fer devan li.  Pou li rod lenformasyon, rod levidans e apre sa pou li donn en desizyon an relasyon avek sa konplent ki’n vin devan li Mr Speaker.

E li Commission i enportan pou nou note poudir Commission letan i fer sa louvraz i pa zis fer sa louvraz dan vid li.   I annan en lot lobzektif ki i bezwen attend letan i pe sa louvraz.   E sa lobzektif in ganny set out dan nou Lalwa klerman Mr Speaker.

E parmi bann lobzektif se ki pou li ascertain laverite.  Parey nou’n dir it’s the Truth Reconciliation and National Unity. Son premye keksoz i bezwen fer etabli kwa ki laverite.   Kwa ki vreman ti pase?  Ki mannyer bann dimoun i ganny afekte, lekel ki’n vyol zot drwa Mr Speaker.  Sa i enportan.

En lot son bi enportan e prensipal i retir divizyon ki egziste par bann perpetrator ek bann viktim.  Savedir retir divizyon re anmenn sa pep ver Linite al M Speaker.  Nou’n koz Linite al Mr Speaker.  La nou bezwen viv li fer li vin en realite Mr Speaker.

Mr Speaker enn son lot obzektif – nou’n met li konman lobzektif se pou li determinen.  Ki reparasyon i pou donn bann viktim.  Li ki pou determinen si en viktim i demann reparasyon.   E ki kalite reparasyon i pou donnen.  Si i annan reabilitasyon ki viktim ouswa perpetrator i bezwen ganny go through e li i ava asiste avek sa e se li ki pou deside si ou non i pou donn en amnesty en perpetrator Mr Speaker.

Nou’n koz lo reparasyon. Vre mon kapab konpran largiman ki ganny anmennen ki dir gete si en dimoun li k i vyol drwa en  lot dimoun li ki devret pey sa reparasyon.  Mon konpran lozik sa largiman.  Dan en perfect scenario mon ti pou siport sa largiman.  Me unfortunately nou napa en perfect scenario.

Akoz ou kapab par dir sa afekte sa viktim li menm.  Parski si sa perpetrator napa sa means pou li vey sa viktim i napa i napa propriyete i napa nanryen.  Savedir sa viktim malgre ki ou’n dir li i kapab ganny reparasyon e Tribinal e Komisyon i fer en Lord pou li ganny en reparasyon i pa pou gannyen.  I pa pou zanmen gannyen.

Savedir le bi sa reparasyon ki ou ti anvi donnen pa pou arive ot sa viktim.  Sel fason pou nou asire ki tou viktim i ganny en reparasyon, se fer sir poudir Leta ki pou peye.

E ou konnen ou kapab konpran dimoun pou dir be sa pa byen.  Leta nou ki pou pey … dimoun Seselwa pou dir pou dir nou ki pou pey lepo kase pou en lot dimoun.  Me sa i an realite parske sel fason sa viktim e reparasyon M Speaker.

E bomaten Onorab Ramkalawan in donn legzanp lopital pa sa ners ki peye, pa sa dokter ki peye laplipar de fwa. Se Gouvernman.  Lapolis se Gouvernman ki peye.

E sel fason pou nou fer sir sa reparasyon i vin en realite, sa reparasyon ki i ganny donnen lord reparasyon ki ganny donnen par Komisyon i vreman ariv kot viktim sa viktim i trouv sa reparasyon se fer Gouvernman peye.

Unfortunately sa ki mon krwar i an realite akoz sansan nou riske penaliz sa viktim pou 2enm fwa.  Letan i pou vini avek hope ki’n ganny en reparation order from Komisyon me zanmen i resevwar sa Komisyon, nou pe basically unfair soufer pou en 2enm fwa Mr Speaker.  E mon pa krwar sa i nou bi ouswa i sa ki nou, nou anvi anmennen.

Mr Speaker en lot bout enportan sa Lalwa se ki konsern bann meeting.  Ki mannyer sa bann meeting pou take place.   E Mr Speaker se Chairman ki pou deside se Chairperson ki pou deside kler e kote meeting pou zwenn.  E en keksoz enportan nou bezwen note dan sa Lalwa nou’n dir pou dir meeting zeneralman pou ganny open to public.  Savedir piblik pou kapab ganny attend sa bann meeting.  

        Sa i enportan parske nou pe koz latransparans sa i enportan parske nou pe koz bonn gouvernans.  Ki pou piblik i ganny akse e piblik i kapab vwar ki pe pase – dan sa bann meeting – sa bann Hearing Mr Speaker.

Me, me i dir generally savedir i annan bann sityasyon kot Commission pou kapab dir nou pou fer sa in-camera.  An dot mo kot piblik pa pou ganny akse Mr Speaker.

E la Lalwa i dir ek ou sa Commission i kapab fer sa i in term of justice ouswa kot i annan likelihood ki en dimoun i kapab ganny harm, i kapab ganny afekte fizikman dan en fason par en lot dimoun.  Ouswa kot i pe rekonsilyasyon pa pou kapab ganny achieve.  

Petet mon kapab konpran bann dimoun pe dir be ki i annan pou kasyet?  Akoz ki nou bezwen donn sa Commission sa drwa pou li dir dan serten ka, dimoun pa pou kapab vini?

Parey nou’n dir Lalwa in preskrir 3 pozisyon.  Public interest.  Annou donn en legzanp dan public interest.  I kapab sa viktim li menm.  I kapab vin kot Commission e dir gete mwan mon pa anvi ki sa Hearing ouswa mon konplent i ganny fer devan piblik.  I sa dimoun li menm, sa viktim li menm.  Petet i anvi Serten anonymity – i pa anvi ki tou dimoun i konnen ki in pas ladan.  Serten privacy an relasyon sa ka li in pas ladan.

So i vin kot Commission i dir mwan mon pa anvi sa.   Sa i kapab dan lentere lazistis.   Si Commission i vwar poudir dan sa ka prenon kont wish sa viktim i kapab dir dan lentere lazistis pou nou pa anmenn pa fer li dan piblik.

Likelihood  i kapab.  I kapab.  Mon a donn ou legzanp en perpetrator i ti annan bann lezot perpetrators avek li.  E li i anvi vin devan i anvi vin dir ou be gete mon ti en tel lensidan e ek mon ti annan X, Y, Z.   Me si i per Y me Y i annan potansyel-man i kapab afekte mwan.  Potansyel-man Yi kapab fer mon keksoz.  I pou dan lavantaz pou dir a sa staz.  Petet premye Hearing son 2enm Hearing ou ekout li in-camera san ki piblik i konnen.  Parske si nou tro les li piblik, i kapab nou pa pou achieve justice dan serten ka.

Alors parey mon’n dir zeneralman  i pou piblik, me eksepsyonnelman dan serten sirkonstans i kapab ganny fer in- camera.   E mon krwar i zistifye nou bezwen donn sa Commission en diskresyon pou li deside, me nou pa’n diskresyon pou li deside me nou pa’n diskresyon total nou’n dir klerman i annan 3 kondisyon pou bezwen satisfer avan ki ou bezwen fer li in-camera Mr Speaker.   Sa mon krwar i enportan.  Mr Speaker en lot provizyon ki enportan se ki sa Commission si i santi letan i pe ekout en case i pe fer investigation i bezwen i ganny expert.  I kapab – i pou kapab anmenn en expert dan son meeting pou asiste li.  Par egzanp eski ou bezwen par egzanp en dokter.  Petet i annan serten keksoz pou fer avek serten injury – serten sa dimoun pe dekrir ou ki kalite lenpak ki annan lo li.

Then en medical expert i kapab ganny envite pou vin lo Commission pou sa case e pou li donn … pou li anba en Commission donn son lopinyon konman en expert Mr Speaker.           Mr Speaker i osi enportan pou note dan lespri latransparans, lespri bonn gouvernans, ki tou proceedings pou ganny rikorde –  zis parey Lakour.  Tou proceedings i ganny rikorde e piblik Commission dan son diskresyon, i kapab donn piblik akse ek sa ban proceedings.  

E sa i enportan Mr Speaker.   I enportan parske pou nou kit sa koman en rikord premyerman dan sa  -pandan sa investigation li menm pou ki dimoun demen si i anvi i santi pou dir i annan statement ki’n ganny fer ki pa korek, i kapab i kapab go back to the record pou dir be la, la ki ti pase latransparans e bonn gouvernans.   Me osi i enportan pou dir parey nou’n dir evantyelman i pou handover Commission letan son manda i fini tou keksoz avek Prezidan.

E i enportan ki nou kit sa konman en dokiman pou listwar.  E akoz sa i enportan, pou nou pa repet sa menm fot ankor dan nou listwar Mr Speaker?

Mr Speaker Lalwa i egzize ki Commission letan i desarz son fonksyon i bezwen fer li dan en serten fason. Premyerman nou dir i bezwen respekte sa ki nou apel ‘’rule of natural justice.’’

Ki nou pe dir par ‘’rule of natural justice’’, se ki i bezwen endepandan.  I bezwen annan lazistis ek fairness dan fason ki i ekout case.  

Savedir i pa kapab ekout zis en kote i bezwen ekout tou dimoun e donn tou dimoun menm loportinite – menm loportinite pou met son case devan.  Ouswa pou met son konsern devan Mr Speaker.

E nou’n dir – en keksoz enportan nou’n dir ki Commission i pa pou be bound by the rules of evidence.  

E sa i enportan akoz si nou ti fer Commission mars parey en Lakour, ou annan en ta teknik-alite pou servi pou anpes en levidans rantre.  Bann Avoka parmi nou la  e mon asire bann lezot dimoun ki’n pas Ankour, i pou konnen ki bann teknik-alite Avoka i kapab servi pou dir ek li sa pe rantre.  Sa rezidans i kapab relevan, me nou dir i pa admissible.  I pe anpes levidans rantre.

E la dan sa ka nou a anvi sa bann teknik-alite nou.  Nou anvi tou keksoz i ganny met dan sa Commission.  Nou anvi ki tou laverite i sorti.  Nou anvi ki sa Commission i kapab etablir vre laverite, san ki i bezwen en laverite ki baze lo teknik-alite.

Alors nou’n dir Lalwa levidans pa aplikab dan sa ka Mr Speaker.  Nou’n dir osi poudir Commission pou bezwen ekout levidans.   I pou bezwen menm kapab ekout temwen Mr Speaker.

E li ki pou determinen ki responsabilite bann dimoun kot in annan bann vyolasyon Mr Speaker.   E apre li i pou bezwen prepar en rapor parey nou’n dir e li i fer bann findings lo si ti annan vyolasyon ouswa non e ki responsabilite sa bann perpetrators Mr Speaker.

Mr Speaker pour ki Commission i kapab fer son louvraz byen efektiv lazistis i ganny anmennen, nou bezwen donn sa Commission i bezwen annan serten pouvwar.   E sa pouvwar Mr Speaker i wild.  

Komisyon i kapab bann Commissioners zot kapab rantre dan nenport ki landrwa.  Ki swa Lalwa prive, ki swa Lalwa piblik, kot zot vwar i annan i enportan pou zot ganny lenformasyon swa ki enportan pou zot dan zot lenvestigasyon zot bann konplent ki ganny met devan zot.  E zot kapab inspect bann propriyete.

Zot kapab par egzanp in dir spesifikman zot kapab ganny akse avek okenn lasiv, lasir piblik lasiv prive.  Zot kapab somon, somonn bann temwen Mr Speaker e egzamin bann temwen.  E zot kapab compel okenn dimoun.  Menm en dimoun ki pa’n vin devan pou li aparet devan Komisyon pou li konn levidans ouswa prodwir okenn dokiman.  E i annan en pouvwar menm pou li compel bann sispek.

Savedir si ou dan en sityasyon kot li en perpetrator pa’n vin devan.  Me sa viktim in vin devan sa viktim li i donn son levidans son bann lenformasyon avek Commission e i nonmen lekel sa perpetrator, sa perpetrator pou ganny i kapab ganny compel i kapab ganny somonn par Lakour par Commission pou li aparet devan li e pou demann ganny demann kestyon.

Nou’n dir Mr Speaker ladan, pou dir en spouse savedir en madanm ouswa en msye i en perpetrator i pa kapab ganny kriye.

Mwan mon annan mon rezervasyon lo la Mr Speaker.  Mon annan en rezervasyon.  Akoz mon dir mon annan en rezervasyon?  E pli tar mon pou move en lamannman pou sa ganny tire.   Mon konnen lo ki sa i baze.  Sa i baze lo nou Lalwa konmela dan Criminal Law.  Anba nou Criminal Procedure Code i vre poudir en spouse zeneralman pa kapab kriy li pou donn levidans.  I vre sa.  Eksepte petet si i en lofans kont sa spouse li menm.  Ouswa en zanfan sa spouse.  La i pou kapab vin donn levidans.

Me Mr Speaker letan mon get par egzanp L’Angleterre.  L’Angleterre i annan inroad ki’n ganny fer an relasyon avek sa culpability of a spouse.  Par egzanp i dir ek ou L’Angleterre an ‘84 letan zot ti amann zot Lalwa i dir ek ou pou dir en spouse i kapab don levidans kont son msye ouswa son madanm, an relasyon okenn assault in arive lo en dimoun anba 16an.

Ouswa kot okenn seksyon assault ki’n arive kot en dimoun anba 16an.  Savedir i dir ek ou en spouse menm si sa dimoun sa viktim i pa en relative of a spouse, i pa son zanfan me sa spouse i kapab vin donn levidans.  Akoz?   Akoz nou pe dir pou dir nou anvi etablir laverite dan serten lofans kot nou free pou dir bann lofans ki sitan serye.

Nou konnen lobzektif. Lobzektif dan lepase akoz nou dir nou pa anvi kas en fanmir ou pa anvi fer en spouse feel i bezwen vin donn levidans kot son msye ouswa son madanm, e sa i kapab kas fanmir i kapab annan en ta lenpak.

Me nou bezwen osi gete kwa ki nou pe fer dan sa Lalwa.   Sa Lalwa nou pe dir Linite al.  Sa Lalwa nou pe dir nou anvi tou laverite no anvi to dimoun ki konnen ki’n pase vin dir.  Me akoz si no vreman anvi sa – si sa i sitan sa lenportans akoz ki nou bezwen dir en spouse pa kapab vini?  Mwan mon dir en spouse osi i kapab devret ganny compared pou vini si nou anvi etabli tou laverite e rien ki laverite Mr Speaker.

Mr Speaker alors mwan mon pou move evantyelman ki nou retir sa bout kot nou pe ‘’exclude culpability of a spouse’’ Mr Speaker.

Mr Speaker nou vwar pou dir sa Commission i seek asistans bann lezot Lotorite.  Bann lezot bodies.  Par egzanp Lapolis. Petet si i santi pou dir i annan serten arestasyon i bezwen ganny fer.  I kapab al kot Lapolis.  Si i santi i annan serten investigation petet ki pou bezwen ekspertiz Lapolis, i pou kapab al kot Lapolis e demann sa lekspertiz e salye sa lasistans.  Egalman i kapab i anba lasistans Lakour.  Par egzanp si i anvi donn en injunctive relief par egzanp; malgre ki nou’n dir donn pouvwar en Supreme Court i kapab al kot Lakour demann serten lasistans Mr Speaker.

E alors an dot mo, sa Commission pa pou kapab lead li tousel.   Kot i santi i bezwen lasistans en lot body Lalwa i permet li pou li al tap laport sa lot body e pou ede asiste li M Speaker.

Mr Speaker i menm permet – i menm permet Commission kot si i bezwen levidans an deor Sesel, i permet li pou li demann permisyon avek en  Lotorite an deor Sesel pou rod sa levidans.

Par egzanp si ou annan en viktim ki pa kapab vin Sesel e li i anvi donn en levidans Commission i kapab fer laranzman ek Lotorite apropriye dan sa pei, pou ki sa levidans i ganny pran par sa Lotorite.  Rogasyon parey nou apel sa.  En Komite Rogasyon ki li i pran sa levidans apre i anvoy kot Commission.  

Ouswa si i annan en perpetrator ki an deor Sesel kot nou Commission i feel sa perpetrator i devret ganny kestyonnen, egalman sa i  kapab ganny fer Mr Speaker. E Commission i annan tou pouvwar ki Lakour Siprenm i annan.

An dot mo s ou pa vin kot li letan  in tir somonn lo ou i kapab issue a warrant of arrest lo ou.  I kapab menm content akoz i annan tou pouvwar pou lemoman nou’n dir, ki Supreme Court i annan Mr Speaker.

Mr Speaker i annan en keksoz enportan e mon konnen petet bokou dimoun pa pou dakor avek sa.  I dir ek ou okenn levidans ki’n ganny donnen – ki’n ganny donnen devan Commission sa par en perpetrator ouswa en viktim pa kapab ganny servi konman en levidans, dan en case Ankour sirtou lo sa criminal.  

An dot mo ki i pe dir ek ou se ki  a vedir ki sa viktim pa kapab repet sa Ankour i kapab donn menm levidans devan Lakour.   Ou pa kapab pran sa proceedings par egzanp en perpetrator i vin devan Lakour – devan Commission i dir ‘’wi mon’n fer.’’  Ou pa kapab pran sa proceedings e prodwir devan Lakour dir ‘’la i la li ki ti touye.’’  Ou pa pou kapab fer sa.

Me si i annan en case kriminel demen, si i pa’n ganny amnesty, sa viktim i a pou kapab al dan menm levidans ki in donnen devan Commission.  I pou kapab fer sa li.  Ou kapab donn sa levidans – si sa dimoun pa’n ganny amnesty.  Me ki pe fer i enportan sa, sa nou apel privilez.  Akoz nou anvi en laverite.  Nou anvi tou laverite nou a anvi dimoun i per i pe mazinen ki pou arive apre ki in koz laverite, si i pou ganny sanksyonnen pou a laverite ki’n koze.

Savedir nou fer sa dimoun feel lib.  I enportan i annan en rezon i pa en keksoz ki nu anvi protez okenn dimoun ouswa soutir okenn dimoun me akoz nou krwar sa i bann fason pou nou nobou achieve sa lobzektif ki nou anvi achieve se Linite al kot sa dimoun i santi i kapab vin koz tou laverite, pa kasyet nanryen  e san ki i bezwen mazinen ki apre i pou ganny sanksyonnen pou sa.  So i enportan e i annan rezon akoz ki nou’n met sa Mr Speaker.

Mr Speaker parey nou’n dir Commission i pou bezwen submit en rapor evantyelman Prezidan.  I pou bezwen apre ki in fini fer son manda.  I pou bezwen donn handover tou bann dokiman ki dan son posesyon avek Prezidan.  E Prezidan li i pou bezwen fer sir kit sa konman dan son custody me apre i a deside kote sa pou ganny kite for safekeeping Mr Speaker.

E i enportan Mr Speaker nou pa pou zis fer rapor zis akoz ou anvi fer rapor.  Ou pou annan 2 staz. Ou annan en staz lo en level personnel an perpetrator viktim kot in kapab annan closure.  Me i osi en rapor al.  Parske sa rapor al i enportan li.  Parske pou nou konnen konman en  vreman ki’n arive ki kantite lefe sa annan viktimizasyon sa bann vyolasyon i kapab annan lo nou.

E an menm tan pou nou fer sir ki listwar pa repet son lekor.  Pou nou aprann si i en leson dan sa ki’n arive Mr Speaker.

Mr Speaker sa i anmenn mon lo en lot bout.  En bout ki nou apel sa amnesty.  Ki mannyer en dimoun i ganny amnesty?  Eski sa dimoun zis i vini i dir ek Commission mon anvi ganny pardonnen alors pardonn mwan?  Pa koumsa ki marse.

Premyerman, premyerman vre en dimoun i ganny amnesty fodre i fer en petisyon devan Commission e i demann en amnesty.   Savedir i annan 2 fason la annou mazin sa byen.   I kapab annan en sityasyon kot sa dimoun i an premye lye i pa’n vini li.   Me parey nou’n dir en viktim in vini in donn levidans in nonm son non.   Apre i ganny somonn par somonn by Commission i dir vin devan mon ou non in ganny nonmen.

E letan i vini petet i annan serten reluctance, letan i vini i santi pou dir be vre la i ennler pou mwan demann pardon.   La in ler pou mon repanti.  In ler pou mon rezoli fer mon mazin sa sanson David Philoe letan mon pe dir sa bann parol.  ‘’In ler pou repanti in ler pou li rezoli.’’

E alors i vini i dir mwan in ler pou ‘’konverti’’ egzakteman vre.  E i vin devan e la petet i santi parey nou dir pou li konverti pou li rezoli e la i dir li osi i le fer petisyon.  La i kapab fer petisyon koumsa.

Ouswa ou kapab annan en lot sityasyon kot sa viktim pa’n vin devan li.  Me sa perpetrator,  i anvi vin devan li.  I anvi dir be mwan mon rekonnet ki mon’n fer mal.  Mon pa pou esper sa viktim vin devan avan.’’ – Li i vini petisyon petition the Commission pou li ganny en amnesty.  

E ki i pa kapab fer petisyon demann pardon i annan bann kalifikasyon bann kondisyon ki ganny met avek.  Premyerman i bezwen disclose tou keksoz ek sa Commission i pa kapab dir donn ou lanmwatye laverite lot lanmwatye mon kit avek mwan.

I bezwen donn 100poursan laverite i bezwen dir tou keksoz i parmi bann keksoz ki Lalwa i dir ek li ki enkli tou keksoz se landrwa kot lensidan in arive.  Si en dimoun ti ganny touye tel landrwa ou bezwen dir la, la tel landrwa ki sa ti arive.

Dekrir sa lensidan enkli dat.  Obviously i en posibilite ki dimoun in bliy en dat.  Sa i kapab arive.  Me i ti a kapab dir ek ou be gete sa i tel lannen mon pa mazin egzakt dat selman ti petet dan milye lannen en keksoz koumsa.  Me solman as far ki possible i donn sa dat e i donn deskripsyon son lensidan.   E i bezwen nonmen lekel sa viktim.  I bezwen nonmen lekel sa viktim.  E sa i enportan.

E apre dan sa petisyon i pa zis ase sa.  Kot in dir to laverite, me i bezwen dir i annan in montre pou dir in fer en apology senser.  I montre en apology senser kot i vreman santi dan fon son leker ki pe dir pardonn me pa zis pardon loi labous.

E alors la Commission li i ava deside prezan si apre tou sa kondisyon ki ou’n meet si i pou donn ou amnesty.   Me i enportan i pa zis letan sa dimoun pou li vin devan i dir avek ou la tou mon laverite e mwan mon demann pardon senser.

Commission pou li determinen si sa dimoun i vreman pe demann en pardon senser – si in vreman dir tou laverite i kapab ekout levidans en lot dimoun.  La i kapab par egzanp somonn en viktim.   Dir mon anvi ou vin devan mwan -ou non in ganny mansyonnen konman ou en dimoun ki’n ganny afekte.  Eski sa ki sa dimoun in dir i vreman tou laverite ouswa i annan lezot keksoz ki in fer ek ou ki pa pe dir nou?  Savedir i pa pou zis ekout en bout zistwar sa perpetrator li kapab dir ek perpetrator mon’n ekout ou wi.  Me mon anvi ekout sa viktim ki ou’n nonm mwan.

Ouswa si ou’n nonm non en lot dimoun ki ti pe ede ki ti pe asiste ou pou fer sa violation mon kriy sa lot dimoun.  Mon demann li eski vreman koumsa ti pase?

So i enportan ki i pa zis en kot nou pe aksepte en dimoun pay lip service to the apology.   Nou pe dir ek li ou bezwen montre senser, senserite dan sa apology.  E Commission pou determinen sa li.  E Commission i menm kapab dir ek ou pa zis apology lo papye.  Me ou zwenn ek sa dimoun ek sa viktim e ou apology ek li.  Ouswa si sa dimoun in pass away ou zwenn ek son fanmir e ou dir vreman ou dir ou sorry sa ki ou’n fer ou apologize.

Savedir sa amnesty i pa vin zis en fason fasil.  I en fason kot se Commission ki determinen, me  i annan bann kondisyon ki ou bezwen meet e Commission at the end of the day ki fer sa.

E la Mr Speaker i anmenn mon lo en keksoz eski nu vreman anvi pardon?  Eski mon konnen i fasil dir pardonnen.  Sa mon konnen. Me eski i pa’n ler pou nou var dan nou pou nou bouz devan Mr Speaker.  I pa’n ler pou nou dir be gete i annan keksoz mal ki’n pase me ozordi in ariv en staz ennler si sa dimoun i vini nou bezwen osi tou donn nou sa kouraz sa lafors pou dir nou pardonn ou.

E Mr Speaker mon krwar i enportan i enportan ki nou nobou trouv dan nou konman en  pou nu pardonn sa bann ki fer mal e sa bann ki’n fer mal i bezwen rekonnet zot wrongdoing Mr Speaker.  Zot bezwen rekonnet kote ki’n al mal Mr Speaker.   Remors nou bezwen montre Mr Speaker e sa i tre enportan Mr Speaker.

Mr Speaker mon koz en pe lemosyon, parske mwan mon’n santi sa sityasyon Mr Speaker. Petet pa dan en sityasyon kot dimoun i perdi lavi.  Non.  Dimoun ki persi lavi petet  zot pou santi sa soufrans pli for ki mwan.  E zot pou santi sa pli entans.  E mon konpran par-ler sa reluctance kot dimoun i dir ou i pa anvi pardonnen. Akoz mon bezwen pardonn li?  Li osi i bezwen peye pou sa ki in fer.

Mon konpran sa Mr Speaker, me solman nou pe dir fer li pou Sesel.  Mwan Mr Speaker mon pou dir ou fransman mon rapel a laz 4an a 6an akoz ti ariv detrwa fwa mon granpapa i ganny arete la e mon’n al dan Kordgard ek mon manman – mon rapel.  Mwan mon kapab picture sa scene la nou rantre dan Kordgard Grand Anse mon rappel lekel sa gard ki ti la i ti pe fer son louvraz en msye Praslin en Mr Joubert li i ti pe fer son louvraz konman en gard.

Mon rapel mon manman anmenn manze pou mon granpapa.  E mon manman plere.  Mon rapel sa.  E mon rapel letan ariv kot lakaz mon manman i ankor pe plere.   Mon rapel en lot lenstans kot enn mon vwazen fanmir i vin dir ek mon manman ou papa akoz ti napa telefonn sa letan, mon ti ankor reste Baie Ste Anne sa letan sa letan nou ti pe reste Baie Ste Anne enn nou vwazen ki ti trouv fanmir lo kote mon papa.  I vini i dir ek nou, i dir ek mon manman ‘’ou papa in ganny arete.’’ La ki mon manman i konnen.  E la i bezwen desann.

Konmsi mon rapel sa mon rapel sa ki mon’n pas ladan. Me ki mon dir nou bezwen kapab mont a lao sa e dir avek dimoun pou dir ‘’gete nou bezwen met Sesel an premye.  Nou bezwen fer sa ki nou Konstitisyon i demann nou.’’ Annou anmenn Linite al M Speaker.

Mr Speaker avan mon fini, mon ti a konan zis dir, poudir si en dimoun i santi pou dir sa ki sa Commission i fer – sa desizyon ki i fer, li i pa aksepte, i pa vedir ki zis i kapab aksepte desizyon Commission.

I annan sa ki nou apel judicial review sa Commission i pou en   adjudicating authority son desizyon i kapab ganny review devan Lakour.  Ki i vedir?  I vedir si en viktim i santi poudir Commission in donn amnesty en perpetrator, e li i santi poudir ki pou dir sa perpetrator pa ti devret ganny amnesty, i kapab anmenn case devan Lakour, dir mon anvi review desizyon sa Commission.   Ouswa en perpetrator li i santi i pa’n ganny amnesty, me i santi i ti devret ganny amnesty i kapab anmenn en judicial review devan Supreme Court.  

        So an dot mo, desizyon sa Commission i pa pou final li.   Me i kapab anmenn Lakour, me i pou al Lakour, me i kapab anmenn Lakour me i pou al Lakour by rule of judicial review zis pou pran en desizyon an relasyon ek desizyon ki sa Commission in fer.

Mr Speaker mon pou terminen an dizan annou fer i li pou Sesel.  Annou fer li pou nou zenerasyon demen.  Annou fer li pou nou tou Seselwa Mr Speaker.  Mersi.

 

(APPLAUSE)

 

MR SPEAKER

Mersi.  Mersi Onorab Basil Hoareau.  Mon ava donn laparol Onorab Gervais Henrie.

 

HON GERVAIS HENRIE

Mersi Mr Speaker.   Bonn apre midi tou dimoun.  Mr Speaker ozordi 6enm Lasanble al pe al aprouv en Prozedlwa ki apel The Truth Reconciliation and National Unity Commission Bill, 2018.

Nou aprouvasyon pou permet Prezidan Larepiblik etabli en Komisyon Laverite Rekonsilyasyon avek Linite Nasyonal.   Manda sa Komisyon i pou resevwar konplent an relasyon avek bann alegasyon vyolasyon, konpil sa bann lenformasyon e levidans ki’n ganny komet, an relasyon an rezilta direk koudeta le 5 Zen 1977.

Sa bann alegasyon i kapab labi drwa imen, touye, an prizonnman ilegal, pran liberte fizik, tortir, vyol disparisyon, kidnapping, tir dimoun dan zot lakaz lo zot propriyete setadir later;  anpes ganny travay, pouse dan travay, legzil.  E lezot akt ki’n koz soufrans blesir ou dimal mantal e fizik.   Tousala an rezilta koudeta le 5 Zen 1977.   Nou pa pe koz lo lepok Kolonyal.  Ni lepok Lesklavaz.  Me konsekans koudeta le 5Zen 1977.

Lo sa pwen Mr Speaker mon bezwen eksprim mon dezapwentman total avek lentervansyon Vis-Prezidan ki osi Prezidan Parti Lepep e Onorab Gill ki osi Depite Sekreter Zeneral Parti Lepep.

Mon ava eksplike akoz mon dir sa.   Depi 1977 se zot parti zis zot parti politik ki’n o pouvwar e annan pouvwar Egzekitiv Sesel. Zot in apel SPUP/SPPF, e konmela Parti Lepep.   E mon tande zot riske ankor sanz zot non.

Sesel nou pe bezwen pas atraver prosesis Rekonsilyasyon al pa akoz nou annan diferan tribi.  Parey in leka Rwanda ant Tutsi avek Hutu.  I pa akoz i annan en pep endizenn e bann blan ki’n vin koloniz nou later parey leka Australie ant bann aborizin e bann Australien.  Ouswa aparey i leka Canada.  

        In pirman akoz en parti politik pa ti esper son tour pou li vin dan Gouvernman in fer koudeta e apre in met nou pei dan en sistenm Parti Inik e akoz sa diferans lopinyon politik ki’n koze sa bann soufrans e fer ki ozordi nou bezwen pas atraver en prosesis Rekonsilyasyon al.

Alor bokou sa bann vyolasyon – si pa tou – in ariv on the watch of’ your political party.’

        Alor ki mannyer lo en istorik parey ozordi, devan en lenstitisyon osi enportan ki apel Lasanble al an direk lo radyo ek televizyon e lo internet dan prezans lemonn antye zot konn demann pardon lepep Seselwa.

Mon’n tann Onorab Gill servi sa mo ‘regretab.’   Regretab ler dimoun i ganny touye nou pa servi.  Si i ti dan en aksidan mon konpran.  Ozordi Berard Jeannie kekfwa i ti ava en Komisyoner Lapolis. Mr Chang-Him mon’n interview son pti zanfan – grannwanr plere devan mwan.  Si ozordi nou vwar en manm zot prop parti en zonm gro zonm kabare i vin emosyonnel devan nou Lasanble al, nou konpran akoz sa soufrans.

E mon’n dir zot ki o pouvwar depi ’77.  Legzanp i bezwen konmans depi ozordi.   I bezwen konmans ozordi akoz dezormen sa prosesis pou li ganny akonpli nou pou bezwen annan sa voluntary disclosure par bann viktim pou zot vin devan i pou bezwen bann perpetrators annan kouraz pou rod pardon.   Pa Lasanble al ki pou donnen.  Nou, nou pe zis pas sa Bill.  

Me i bezwen konmans en landrwa kot nou annan sa legzanp pli o.  E se sa alor rezon ki mon pe dir mon dezapwente ki mon pa’n tann en statement, en leskiz en ‘sorry,’ en pardon depi bomaten.

La mon rekonnet demars ki Prezidan Larepiblik Msye Danny Faure in fer depi son neseser ti pas baton Prezidansyel avek li an Oktob 2016.

Me li annou pa bliye in divors li avek Leadership Parti Lepep.  Alor teknikman i nepli enn zot omwen pou lemoman.

Premyerman in aboli le 5 Zen konman en konze piblik selman 2 mwan apre i ti vin Prezidan.  Kantmenm sa bann zofisye Parti Lepep ki enkli bokou la anndan, ankor pe abiy an rouz sa zour e al met kouronn kot moniman Zonm Lib Maison Du Peuple.  Akfer sa?  Eski i neseser?  Eski ankor relevan? Konmdir sanson ‘’arete bannla, arete.’’

Lot demars i pou abolir le 5 Zen semen 5 Zen dan Victoria.  Tousala i pou ede mon krwar.

Msye Faure an Mars sa lannen formelman demann pardon lafanmir defen Berard Jeannie ki ti ganny fizi a mor e 5 Zen 1977.   I ti en Zofisye Lapolis aze selman 26an ki ti pe vey armri Mont Fleuri. Prezidan Faure ti e zenn zonm aze selman 15an ler koudeta ti arive.

Pourtan, pourtan in pran fardo son de predeseser.  Oli Msye France Albert Rene, oli Msye James Michel tou lede i ankor vivan mon ti a kontan vwar zot vin devan e demann en leskiz lepep Seselwa pou zot partisipasyon dan koudeta le 5 Zen 1977.

 

(APPLAUSE)

 

HON GERVAIS HENRIE

An realite Mr Speaker.  Mon ti espekte Leader of Government Business Onorab De Commarmond konman premye MNA lo kote latab Parti Lepep bomaten pou pran laparol e pou etabli etal pozisyon Parti Lepep lo sa prosesis ki nou pe al konmanse.  E osi prezant en leskiz ofisyel.  Me i pa ankor tro tar nou a kapab kekfwa tann l pran laparol.  Se zot parti politik ki’n o pouvwar pou 41an;

‘Security clearance’

‘Ek nou pa ek nou’’

‘Kile Lopozisyon’ e menm sanson ki ti sante e dir,

‘’Pou tou bann ki pa dakor avek nou politik avyon i pase bato i pase foulkan ale. ‘’

Alor nou bezwen konmans kek par e aksepte sa ki in fer sa ki’n fer mal.  En leskiz ofisyel pou al lwen.  Krwar mwan.

Mr Speaker rekonsilyasyon i vedir anmenn 2 group opoze ansanm.  Rekonsilyasyon i pa en keksoz ki quelqu’un i desid fer.  Me i en prosesis ki a lafen i kap annan rekonsilyasyon me i pa vedir ki sa i garanti.  Rekonsilyasyon anmenn en eleman laverite, lazistis, pardon, gerizon reparasyon nepli enportan lanmour.

Par sipor rekonsilyasyon i vedir travay pou sirmont divizyon.  An pasan sa Bill ozordi nou pe aksepte pou rekonnet lepase e febles nou pei, nou  e Gouvernman pou adres sa bann size pli vitman.

Nou pa kapab sanz sa ki’n arive dan lepase.   Me nou kapab kree en meyer lavenir par konpran lepase.  Rekonsilyasyon i konsern sanz en listwar opresiv e permet nou bann sitwayen e Komite viv byen ansanm, dan en fason pli pozitiv e an bonn sante.

Ta Sesel i inik.  Nou’n koz lo rekonsilyasyon pandan lontan sirtou dan kwen Lopozisyon.  E la mon oule  rekonnet kontribisyon premye Prezidan ki anfet ti ganny overthrow dan koudeta le 5 Zen 1977 Sir James Mancham ki’n koz bokou lo sa prosesis Rekonsilyasyon al. – I ganny rekonnet dan plizyer kwen lemonn pou son sazes dan sa demars.

In pran en Lasanble kot Lopozisyon an mazorite pou drive sa prosesis.  Nou’n vin dan Lasanble an 2016 kree en Komite Truth and National Reconciliation ki’n annan en rapor zwenn dimoun ki’n ganny eksplike bomaten, e finalman en rapor prezante avek Prezidan Larepiblik ki ti osi enkli en draft sa Bill ki nou pou aprouve ozordi.

Me mon rekonnet lakseptans Brans Egzekitiv dan sa klima ‘’koabitasyon’’ pou aksepte e partisip dan sa legzersis ansanm – nou tou ansanm.

Mr Speaker mon kontan koz ek mon bann zanmi lo sa moman la kot nou ete an 2018, akoz i fer mon mazin 2 sif.  40 avek 25.  Dan filozofi lavi bann Européen zot dir ou ki lavi i konmans a parti 40an.  E ozordi i fer 41an depi koudeta.

Alor kekfwa prezan ki nou pe konmans nou lavi konman en .   E ozordi i bon alor ki nou pran sa prosesis on Board apre 40an.  Menm zafer dan filozofi bann Indien zot separ lavi en imen dan bann ka 0 a 25, 25-50, 50-75, 75-100 e ki mannyer dan sak staz ou lavi ou bezwen sanze.

E nou pe selebre 25an adopsyon Konstitisyon 3enm Repiblik.  Kekfwa avan 25an nou ti ankor en zenn gayar, zenn agogo ki pe bat isi pe bat laba.  Me la prezan apre 25an ki nou pe vreman met nou lipye ater, pou dir be ok mon bezwen pran mon lavi serye la, organize pou mwan ganny en se mwan, etabli mon fanmir.  I en nouvo staz dan nou lavi.  E kekfwa se sa, sa 2 sif i mon’n dir 40 ek 25 i 2 senbolik pou nou dan sa lannen 2018.

Rekonsilyasyon i en mosyon konpleks, ki konpran diferaman parti konman dimoun group dimoun Mr Speaker.  Rekonsilyasyon ariv dan nou kalite.  E lo nou nivo endividi. Napa en model iniversel me nou bezwen konmans kek par.

Pou annan en kantite travay dan lavenir pros, pou bann ki pou ganny enplike dan sa prosesis.  I pou long.  I pa pou toultan ki pou annan mersi.  Konprenezon e sipor.  E fodre zanmen zot les tonbe.  Se en endividi a lafwa ki pou bezwen pardonnen dir laverite aksepte laverite e rekonsilye avek son vwazen.  Me fodre i annan sipor enstitisyonnel.  E nou bezwen bann sipor bann diferan ki for e egzanpler pou atrap ou lanmen dan sa prosesis e apre.

Atraver listwar rekonsilyasyon in eliminen pou konpran e annan en konpasyon pou lezot.

Par egzanp Mr Speaker apre 2enm Lager Mondyal pou bann ki familye avek listwar Marshall Plan ti asire ki bann pep bann  ki ti ganny defet ti ganny pran swen avek kontrerman avek premye lager mondyal kot bann perdan ti ganny imilye e detrir.   Par rekonsilye avek nou lennmi i ede bann santiman revanz, lakoler avek laenn.

I en sel fason pou asir lape avek stabilite eternel.   Ini Sesel nou pou bezwen rekonsilye avek nou pase.  E ki mannyer sistenm o pouvwar i tret ou plito maltret zot  bann konponan politik.

Rekonsilyasyon pa pou bokou bann ki’n ganny maltrete.  Rekonsilyasyon i pou bann ki’n siporte.  Ki’n soutire ki’n reste trankil ki’n tourn lot kote, ki’n konplote e kolabore; rekonsilye avek lenzistis ki ou paran e granparan in fer.  Asize e mazin lo la.  Koz lo la. Tir li dan ou sistenm.  Tir li lo ou konsyans.  Nou ava rekonnet ou pardon e nou ava bouz de lavan.

Enn fwa pou nou rekonsilye avek ou pase, nou a kapab pas pli byen ansanm dan lavenir ki nou bezwen partaze konman Seselwa e later Sesel.  Mersi Mr Speaker.

 

(APPLAUSE)

 

MR SPEAKER

Mersi Onorab Henrie.  Onorab Adelaide.

 

HON FRANCOIS ADELAIDE

Mersi Mr Speaker.  Bonn apre midi tou dimoun ki pe ekoute.  Mr Speaker mon santi mwan bokou privilezye pou form parti sa Komite, ki’n travay an akote bann lezot MNA pou kapab anmenn sa Bill ozordi dan 6enm Lasanble al.

In vreman en travay kot in annan bokou lenteraksyon, largiman, kestyon, dout, konsiltasyon avek bi ki pou kapab met en dokiman pou ede geri en pep ki ti’n ganny divize par bokou bann politik; aksyon ki pa zistifye, sagri.  Bann desizyon ki pa’n zis pa’n pratik ki ler ou ekoute i bles leker.  I fer lapenn, tourmante.  Menm par-ler ou pa oule krwar.  Me ki ti et.

In en travay ki mon’n ganny sans ganny bann enteraksyon avek bann viktim ki bondye pa ti ankor pare pou resevwar zot.

E ler zot montre ou zot sikatris ou kapab santi zot soufrans,  zot laswaf e laverite e konpansasyon.

En travay kot mon’n ganny sans enterakte avek fanmir bann viktim.  Kot diferan lekspektasyon pou diferan ka ki’n ganny raporte e ki’n ganny dokimante.  La osi i annan bokou leker blese.  Bokou rankin, bokou lekspektasyon.  Ki zot pou kapab a lafen konn tou laverite, rien ki laverite, lo ki’n arive avek zot pros, kote zot lekor i été, lekel ki responsab, eksetera.

In vreman pou mon ganny sa sans pou kominik avek serten group Seselwa, ki ler nou pe progranm Sesel konman en paradi pour zot i ti e lanfer total.  Eski sa koudeta i neseser?

Mr Speaker eski nou pa’n vin lesklav nou prop malis?  Premyerman konman sa endividi ki’n deza sipor SPPF mon ti pe sipor li dan linyorans mon en konplis, menm si mon’n fer li enkonsyanman.  Mon aksyon in ede donn lanmen les sa bann opreser fer Seselwa kontinyen soufer.  Mon oule profite ozordi pou demann lepep Seselwa mon senser leskiz.

En pti group Seselwa pe demande akoz ki nou pe re konny a boubou ki ti’n fini geri?  Mr Speaker who feels it knows it.  In ariv en letan dan en lavi en , kot lepase pa devret ganny afron.  En letan kot nou pou bezwen fer fas avek lepase.

Pou nou sirmont tou bann defayans e akerir lavenir avek bokou determi, pou natir en  pli rezilyan e pli responsab.  Kote? Kan? Akoz? Akfer – se bann kestyon ki nou pou bezwen demann nou menm e nou bezwen fer fas avek.   Pli nou tarde pli nou pep pou reste divize avek lanmertim ou enn a lot.  Ki a mon lavi pa devret pe kontinyen renye antre nou. Sa zoli  miltikolor avek bokou valer imen.

En  kot mon papa, i ou frer, mon manman ou tantin; mon ser ou kouzin, mon frer ou papa, mon piti ou best friend, ou garson ou zanmi lekol.  En  ki konekte e kot tou dimoun i konn tou dimoun.  Napa ankor en lot pei parey Sesel en lot pep parey Seselwa.

Akoz ki tousala i ganny arive dan sa pei?  Eski i ti neseser?  Kan eski Seselwa ti’n devlop sitan laenn pou son prosen? Mr Speaker tro bokou kestyon si nou kontinyen demande.  Me pli gro kestyon se eski tousala in fer nou vin en  egzanpler ki nou ti pou anvi vini?

Mr Speaker mon’n ganny sans koz avek enn de solda.   I dir mwan – zot dir mwan poudir sa letan ler ou ganny en Lord ou bezwen egzekit ou Lord.  Sansan si non ou pou riske ganny pouse menm ganny pini.

Mr Speaker dan tou travay nou konnen i annan sa bout ki pel ‘’any assigned duty. ‘’ E sa si nou pa korpere pa fer nou tou nou konnen ki kapab arive.

Ki nou pou fer avek sa bann solda ki ti ganny Lord me i pa’n fer li selon son konsyans me in fer li selon son travay.

Mr Speaker mon  donn en senp legzanp.  En msye ki ler in koz ek mon i pa’n zanmen aret plere akoz i santi ki mannyer lenzistis ki mannyer lenzistis in fer li soufer.  Nou tou kon li sa msye Beranger Pellissier.

Mr Speaker i rakont mwan ki ler i ti en drayver taxi i ti ganny en let sorti kot James Alix Michel i ti dir li ‘’Vin dan mon biro.’’

Mr Speaker i dir li ou napa okenn license taxi ankor.  Ou license i ganny pran dezormen ozordi.   I annan 4 zanfan lo son lanmen enn i ankor dan ber.   Ki sa msye pou fer i a ti konn nanryen lavi.

Me erezman bondye in pitye li e ozordi in vin en successful businessman.   E si pa ti sa letap petet ozordi i ti ankor en senp drayver taxi.  

Mr Speaker sa se en legzanp ki bles leker sa msye pa zanmen aret plere letan i koz lo sa sityasyon.

Mon pou demann avek Vis Prezidan oli sa Blacklist?  Lekel ki responsab sa Blacklist.  Eski i ankor la? Eski atraver sa Prozedlwa ki nou pase sa Blacklist nou ou ganny detrir enn fwa pou tou e Seselwa nou tou nou pou ganny menm sans dan nou pei?

Mr Speaker mon ti a kontan ki Vis-Prezidan i donn mwan en pti kontrandi lo la.

Diferan group Seselwa in eksplik Gouvernman lo ki zot espekte gannyen e ler sa Lalwa i vin an fors.

Mon pa pou la pou desid pou personn.  Me sa Komite in travay san ses pou rod meyer solisyon pou reini sa pep.  Mon kapab dir ki lentansyon ki sa Komite ler nou ti pe travay lo sa Prozedlwa, ti enn ki vreman enb.  E mon oule met li rikord a okenn lenstans mon’n santi okenn manm in fer sa travay avek okenn laenn, okenn vanzans e okenn akt malisye.

Nou’n sey nou mye pou kit tou Seselwa swa ki’n ganny afekte, swa ki’n vin en viktim swa ki vin en akonpli swa ki ti enplike e koupab i kapab resevwar lazistis.  En pardon si zot vreman senser avek zot lekor swa, avek fanmir viktim.  Parey mon’n fer resorti oparavan mon pa’n fer sa travay swa pou soutir personn, swa pou ensit okenn lemosyon dan personn.

Mon partisipasyon sete pou ede anmenn en pe konfor pou tou sa ki’n eksperyans douler sagri desepsyon menm langwas.

Mou oule fer zot par ki mon kontribisyon in senserman pou geri zot soufrans e reini nou konman en sel .

Mon oule osi fer kler avek bann la akonplis menm avek bann ki’n okazyonn sa bann douler e soufrans, ki mwan osi mon’n la pou donn zot sa sans pou demann en senser pardon e vin anpe avek zot konsyans.  Apre tou dan lavi, i enportan ki ler ou komet en fot ou rekonnet ki en fot in ganny fer, ou aksepte ki ou’n komet en fot, ou rekonnet ki ou’n fer en fot, ou aksepte pou koriz sa fot.  Ou senserman demann leskiz swa ou koriz sa fot, avek bi pou pa repete ankor.  Sirman kantmenm i pou pran bokou letan pou sikatris disparet, me ou pou touzour santi ou lib akoz ou’n ganny kouraz e lafors pou ou rekonnet e demann pardon.

I pa en keksoz ki vin sitan fasil.  Me si ou antreprann ou lekor ou fer dibyen pa’n zanmen baryer.

Mr Speaker nou’n trouv lo medya kot bokou Seselwa pe demann bokou keksoz o size sa leta ki pe arive ozordi.

Malgre petet mon pou ganny ridikilize – ganny ensilte pou bann komanter, mon konnen ki mon’n fer sa avek mon leker fer li pou byennet Seselwa.

Mon ti a kontan ki zot tou ti a ganny sa ki zot ti a dezire avek tou senserite.  Lavi pa fasil me i depan li korperasyon.

Dan mon konpanny eleksyon sa bann keksoz ti monte. Eski LDS pou rod revanz i ganny mazorite?  Mon larepons i senp e la mon repete avek zabitan Baie Lazare avek tou Seselwa ki mon pou kontinyen gard mon promes.  Revanz pa’n zanmen vokabiler dan mon ka politik.  Seselwa i bezwen bouze. Sesel i bezwen bouze.

Seselwa pa’n zanmen en  in en, me plito en  solider ki kapab sirmont lekspektasyon bokou.  Nou lafors i reste dan nou diferans.

Mr Speaker parey mon kontan dir, 90mil zabitan en  beni avek tou kalite ki ou pa pou ekspekte.

Ozordi mon fer li mon devwar pou enplor tou Seselwa nenport ki kote ou ete, avan ou met ou lanmen lo keypad ou telefonn – lo ou ordinater – avan ou pran ou bolpenn, pou gognarde – ridikilize, ensilte sa Lasanble, silvouple plis ki zanmen ozordi, ou pei i bezwen ou pou fer en diferans pou byennet ou pei e ou zabitan.

Demen i riske tro tar.  Lasazes i en don enportan pou fer fas avek nenport evantyalite dan lavi.  Ozordi plis ki zanmen, Sesel i bezwen lapriyer St Francois, e koman li ki Patron mon distrik.

Mr Speaker mon pou demann zot tou ozordi ler nou sorti la pou nou  reget ankor en kou lo sa lapriyer.  Ki dan sa lapriyer i dir ‘’Fais de moi un instrument de votre paix. 

La où il y a la haine que je mette l’amour. 

La où il y a l’offense qui je mette le pardon.  

La où il y a la discorde que je mette l’union.

La où il y a l’erreur que je mette la vérité. 

La où il y a le doute que je mette la foi.

La où il y a le désespoir que je mette l’espérance. 

La où il y a la tristesse que je mette la joie’’ … e i kontinyen.

E son dernyen bout i dir ou si nou le ganny pardonnen, nou pou bezwen ganny pardonnen.  ‘’Lord deliver Seychelles.’’  Mersi Mr Speaker.

 

(APPLAUSE)

 

MR SPEAKER

Mersi Onorab Adelaide.  Bon mon annan 3 Manm ki lo lalis.  E mon krwar ti ava bon nou pran en break la.  Mon ti a swete ki nou ti a kapab fini ek sa Bill ozordi mon konnen nou bezwen al dan Staz Komite.  Me nou ava regarde konman pou ale e si nou pou extend en pti pe apre 5er.

Avan nou pran break mon anvi fer tou bann Manm konnen ki desizyon nou’n pran dan ABC se ki demen nou annan Sitting.  Me desizyon ki nou ti’n pran dan ABC, se nou rankontre 9er me nou pa pou kapab rankontre 9er mon pe regard bann lenformasyon ki pe rantre akoz i annan le 2 Leaders e mon menm demen ki annan serten komikman ofisyel.

Nou pou alor rankontre 10er bomaten demen.  So zis mon pe dir sa pou bann Manm fer zot bann preparasyon pou demen.  Ok nou pou pran en break nou ava retournen 4er.

 

(BREAK)

 

MR SPEAKER

Bon nou ava kontinyen nou travay, e mon a pas laparol avek Onorab Flory Larue.

 

HON FLORY LARUE

Bonn apre midi Mr Speaker. Bonn apre midi Vis-Prezidan, bonn apre midi tou Manm e tou dimoun dan lakour.

Sa Bill devan nou i apel Bill pour en Komisyon lo Laverite, Rekonsilyasyon e Linite al.  Akoz eski nou bezwen sa Bill? Ladan i dir ki vyolans i an relasyon avek labi drwa imen ki’n ganny komet pandan ouswa an relasyon avek koudeta ki ti arive le 5 Zen 1977.  Ki ti arive le 5 Zen 1977? I annan ki dir ti en revolisyon.  I annan ki dir Sesel ti ganny libere. Me eski nou koz lo ki aksyon ki ti ganny komet sa zour? En koudeta i en aksyon ki ariv souden, kot en Gouvernman lezitim i ganny ranverse par en pti group elit ouswa zofisye Gouvernman souvan avek sipor lafors larme e lapolis.

Dan plizyer ka, i ganny ranplase par en rezim Diktater. Plizyer pei ki’n pas atraver sa sistenm in vwar kot sa group ki ti partisip dan sa aksyon i akimil larises e prestiz e zot met bokou zefor pour defann sa pozisyon.  E se pei e pep sa pei ki ranmas konsekans.

Sa aksyon i ganny klasifye koman en aksyon ilegal kont sa leta e kont sa pep. I pa en fot, i en krim traizon kont pei.  Isi Sesel en sel dimoun in deza ganny akize pour traizon e sa sete msye Hayge Pierre koni koman Tito ki ti toultan vokal lo son lopinyon kont sa aksyon koudeta e prensipalman kont ansyen Prezidan France Albert Rene.

Napa okenn lezot dimoun ki’n deza ganny sarze avek sa krim.  Pourtan in arive. Me pourtan nou ti annan en koudeta dan sa pei. Ansyen Prezidan James Michel ti osi partisip dan sa aksyon.  Eski i ti ganny rekonnet pour son rol ki i ti zwe dan levennman le 5 Zen 1977 letan ansyen Prezidan Rene ti pas baton avek li apre?  Eski zot pour dir nou zot rol dan sa koudeta? Eski nou’n arive koman en pep oubliye ki sa levennman ti en krim kont nou pei?  Sa i en laverite dan li menm.  Sa i VRE LAVERITE.  I en fe.  E napa personn ki pour kapab kontinyen sey detourn sa laverite.

Apre sa lensidan, nou’n vwar bokou bann aksyon ki san Bill i ganny liste koman vyolasyon, tel ki;

Mert ilegal,

Lanprizonnman ilegal e

Deprivasyon laliberte,

Tortir,

Vyol,

Disparisyon,

Lanlevman,

Eviksyon ilegal e dan lakaz ek later prive;

Lakizisyon ilegal propriyete ouswa biznes;

Pa donn dimoun lanplwa akoz zot afilyasyon;

Termin lanplwa malapropo,

Fors dimoun al egzile, e aksyon ki’n anmenn bann troma fizik ouswa mantal.

En lalis ki pa zwaye ditou. Me par kont in ganny liste akoz in arive.

Me anba Parti Inik tou lwe avek 5 Zen 1977.  Pour bann ki zot pa’n ganny touse oubyen pa’n eksperyans okenn sa bann aksyon, pran en moman e mazinen.  Mazinen ki’n arive avek lezot.  I pa’n ariv Lafrique, L’Australie, Lasiri, ouswa Larisi, me in ariv isi Sesel avek nou frer ek ser Seselwa.

Sa bann aksyon in tromatiz sitan kantite fanmir ki’n arive ozordi ganny rekonnet plis ki 40 an pli tar nou ankor pe santi son bann reperkisyon.  Letan en endividi i sibir okenn sa bann aksyon ki mon’n site zot bezwen rod led akoz zot in ganny afekte dan en fason ki abnormal, e zot pa pour kapab fonksyonn parey enn ki pa’n pas atraver sa bann keksoz.  E sa led ki ed zot fer fas avek sa sityasyon i anmenn en gerizon ouswa en rekour pour zot soufrans.

Mr Speaker atraver ou, Onorab Gill avek tou respe ki mwan annan pour li okenn nivo devlopman napa okenn nivo devlopman Onorab dan en pei, ouswa nivo ledikasyon personn, ouswa larises personnel personn ki vo okenn krim ki’n ganny komet pandan sa peryod.  Nou’n koz lo respe. Nou’n koz lo senserite – san sa respe e senserite de lapar Gouvernman nou pa pour bouz devan.

Mazin byen ki mannyer nou prosede.  I pa zis en prosesis, i bann fe reel, e i enkli bokou soufrans.  Depi le 5 Zen 1977, bann Seselwa ki’n soufer e lezot in toultan rapel sa lensidan par moniman ‘Zonm Lib’ – en moniman ki ankor debout pour komemor en levennman ki ti en zour nwanr dan nou listwar pour bokou dimoun e napa nanryen pour nou fyer ladan.

Sa i en landrwa kot Parti Lepep i kapab komanse par retir sa stati e al pli lwen pour rann pep Seselwa Maison Du Peuple en Do ki ti ganny fer a pep Seselwa antye.

Sa bann aksyon pour kapab komans anmenn sa rekonsilyasyon al; bann aksyon ki nou fer pour montre respe e senserite sa Gouvernman e son bann manm.

Wi Mr Speaker mwan ti a kontan dir Onorab Pillay atraver ou listwar pour zize, listwar pe zize. Plitar en konsiderasyon i kapab ganny mete dan Staz Komite, nou kapab diskite pour kapab mete ki dimoun i kapab vin devan pour klarifye osi byen Leta, akoz Leta osi ti ganny vyole. Tel ki lekel vre propriyeter Maison Du Peuple e lezot byen Leta.  Byen Leta i bezwen ganny konsidere.

Koman en pep nou osi nou bezwen aksepte e regard sa bann fe an fas.  Se sa ki anmenn nou kot sa Bill. I anmenn en loportinite pour get dan nou pase.  Dan pase sa bann endividi ki’n ganny afekte e sa atraver fer fas avek nou laverite, ki nou pour kapab kontinyen nie ki nou pour kapab finalman met li deryer nou.  Bokou lopinyon in ganny donnen lo sa Bill. I normal tou dimoun i annan drwa son lopinyon.

Me pour komans lo sa semen rekonsilye en pep, kot fanmir in vir kont kanmarad, kot larises pei in ganny abize, kot pouvwar bann lofis in ganny servi pour abes lezot e abiz lotorite.  Nou drwa nou lekor en platform pour anmenn revelasyon devan pour geri nou pei.

Akoz vre laverite, mon frer ek ser Seselwa se aksyon koudeta ki ti en krim.  En krim ki nou pa oule nou pei i pas ladan ankor.

Mr Speaker, nou viv dan en pti pei antoure par losean e an zeneral tou dimoun i konn kanmarad.  Letan ou zwenn en dimoun pour la premye fwa souvan sa dimoun i plas ou e i rakont ou ki mannyer i konn ou fanmir ou li menm fanmir avek ou. Akoz nou groser nou grander, nou souvan tann dimoun pe akont bann fe lezot dimoun pe enport si an byen ouswa an mal, akoz tou dimoun i konnen ki pe pase chez lezot.  Bokou dimoun in koz lo bann gran laliny bann levennman, asosye ouswa lye avek le 5 Zen 1977.

Me bann fe sa i ganny koz dan fernwanr.  E napa bokou dimoun ki koz piblikman lo la. La loportinite in vini pour bann ki konn bann detay, pour ede dan sa parkour laverite, ede pour devwal laverite pour bann ki’n soufer, ede klarifye kwa egzakteman ki’n arive e dan sa prosesis donn nou pei en sans pour anmenn sa Linite al.

Me parkont Mr Speaker viktim i annan bokou e zot in sey zot mye pour plenny zot sor, me sirtou zot douler.  E se pour sa rezon ki ozordi nou’n kapab ganny sa Bill ki devan nou pour fer sa prosedir dan en fason kot nou kapab kekfwa klarifye bann fe.  Mon’n annan en gran privilez Mr Speaker pour travay avek msye Alexander Pierre ki’n osi sibir lefe lavi an egzil atraver son channel lo YouTube apele ‘’Seychelles Daily TV,’’ i ti osi dan son fason komans sa tandans revel bann fe e donn dimoun en loportinite ouswa en platform pour komans eksplik zot laverite.

E se sa ki sa komisyon pour ofer.  Me dan en fason byen ankadre e legal avek opsyon anmenn bann aksyon. Mon donn sa legzanp pour ekler dimoun ki sa in deza komanse e nanryen pa’n arive ki drastik me bann fe in komans ganny devwale.

La mon pran en moman pour remersye en msye ki mon pa pour nonmen, ki reste dan Les Mahe, ki’n an kontak konstan e ki’n donn mwan bokou lenformasyon lo bann lensidan tre detaye. Mon remersye li bokou.  Sa msye ti ed mwan pour idantifye msye Michel Roucou ki ti pe travay avek msye Berard Jeannie kot armri le 5 Zen 1977 pour kapab fer en interview lo ‘’Seychelles Daily’’ pour reviv sa lensidan.

E dan sa interview, msye Roucou i dir nou ki se premye fwa en dimoun i vin rod en revi avek li – 40 an pli tar.

Msye Roucou i anmenn bann lenformasyon ki’n ed lafanmir Jeannie ganny plis detay sa ki ti arive avek zot frer Berard.  E dan sa Bill nou bezwen akeyir bann ki pa ganny akize koman en agreser ouswa en akize pour anmenn zot laverite.  Sa bann ki vin devan volonterman dan sa fason, i bezwen ganny rekonnet.  Sa bann temwen i kapab ki ti dan servis militer ouswa lapolis, ouswa vwazen, ouswa dan zalantour bann lensidan.  Kekfwa zot ti war en dimoun ganny forse met dan en transport.

Petet ganny lord pour transport en dimoun ki zot pa ti konnen lekel sa letan.  Zot in temwanny en lord pe ganny donnen pour fer en aksyon, ki ti ganny fer par en lot dimoun.

Ozordi nou Sesel i bezwen tou son zanfan pour devwal laverite e tou laverite pour anmenn sa Linite al ki nou pe koz lo la.

Bokou bann viktim pa’n kapab pourswiv zot ka akoz mank levidans.  In osi annan bokou lafreyer bann temwen ki’n anpes zot anmenn bann lasistans neseser.  Zot ti per bann reperkisyon kid an sa lepok Parti Inik ti reel.

Atraver sa channel lo internet, mon’n fer plizyer interview e enn ki’n mark mwan bokou e mon ti vin vreman emosyonnel, ti en interview ki mon ti fer avek madanm Carlette Ball ki ti eksplik mwan an gran detay disparisyon son partener, papa son zanfan.

Sa ti ariv le 13 Out 1977, me menm 40 an apre ann Avril 2017 letan mon ti koz avek sa madanm son douler ti palpil e tanzib. Menm apre tou sa lannen larm madanm Carlette ti koul fasilman e volonter letan i ti rakont sa lensidan.  I ti pler pour son lekor e ti pler pour son zanfan akoz disparisyon zot papa.  Msye Hassan Ally ti ganny pran dan son transpor e zanmen in ganny vwar ankor. San leksplikasyon, san rezon ki’n kapab ganny eksplike ziska ozordi.  Pe enport rezon deryer sa bann aksyon napa nanryen normal ouswa akseptab dan son disparisyon.

Me bann fe i bezwen ganny revele e dimoun i bezwen konnen ki ti arive sa zour, pour fer sir okenn bann rezon ki ganny donnen pour sa aksyon, pa ganny repete ankor dan nou pei e sirtou vre fe sa ki ti arive ganny revele.

Si madanm Carlette i deside partisip dan sa prosesis sa Bill i donn li en loportinite pour an fen kapab met sa bann fe ki li i konnen dan en konteks ofisyel e ganny rekonnet.  E bann ki konn okenn levidans lo sa size, a ganny en loportinite pour asiste madanm Carlette avek son laverite, son bann larepons son bann kestyon, e trouv son lazistis atraver sa Bill.  Sa lensidan Mr Speaker i vreman tris, me sa ki fer li pli tris i ki i annan bokou sa bann lensidan ki vreman doulere ki ankor bann mister.

Me parey mon’n mansyonnen avan, Sesel i telman pti e menm a sa lepok popilasyon ti en demi sa ki i ete ozordi, tou dimoun ti konn kanmarad e osi sa ki zot ti pe fer.  Me depi 1977, in annan Parti Inik e bokou levidans i montre ki Leta ti annan en rol kle pour zwe dan sa bann lensidan.  Me pour diferan rezon tel ki mank levidans; mank komitman pour trouv larepons, ouswa zis en konplisite ant Leta avek bann ki’n fer sa bann aksyon, sa bann dimoun i reste san en rekour pour ganny lazistis ouswa lasistans pour kalifye.

Pour bokou ozordi, sa lazistis i kapab senpleman zis ganny en leklersisman lo ki egzakteman ti arive.  Dapre sa plis ki 300 form ki ti ganny ranpli e konsidere par Komite Lasanble letan zot in vwar ki plizyer bann viktim in pare pour zis antann laverite, sa bann lensidan pour zot oner, zot bann pros ki’n perdi lavi.

Pou bann ki pa’n perdi lavi met zot in perdi later, perdi zot biznes, perdi zot laliberte san rezon parey msye Dingwall, msye Robin Sullivan, madanm Carlette Tall li menm, e en gran lalis dimoun ki mon pa pour kapab fini nonmen, zot osi zot annan zot douler ki zot ankor pe mars avek.  E menm atraver zot fanmir e zot zanfan.

Mr Speaker apre i annan bann ki an menm tan ki zot ti sibir sa bann aksyon ti bezwen al egzile aletranze.  Zot ti bezwen kit zot Pei Natal akoz sa bann sityasyon ki ti komans avek bann aktivite lye avek SPUP e koudeta 5 Zen 1977. Bann ki pe ekout nou deba ozordi, fer zot bann fanmir ouswa zanmi ki ti al egzile pour re-ekout nou deba lo enternet. Ankouraz zot pour vin partisip dan sa prosesis. Ozordi nou annan skype e lezot teknolozi ki permet zot partisip san menm deplase.

Dan Bill Mr Speaker i eksplik lalis bann vyolans e osi fason pratik ki sa Komisyon pour fonksyonnen.  Mon dakor avek merit zeneral sa Bill, me i annan serten mo ki pour debat lo la ki pour bezwen ganny amande ouswa azoute, pour fer sa bann lareg vin pli kler posib. Sa Bill Mr Speaker i permet ki tou i kapab ganny revele.

Mon annan privilez letan mon ti fer mon bann interview pour zwenn dokter Ferrari ki li koman enn bann ki ti form par Gouvernman sa lepok, ansanm avek Mr Albert Rene ki ti Prezidan, in osi fer en pa pour vin rakont sa ki li i konnen lo serten sa bann sityasyon lo interview channel ‘’Seychelles Daily TV.’’ In form par bann premye pour vin devan e esey eksplik son lekor.  I ankor avek nou e mon asire i pour partisip dan sa prosesis li osi.

I annan ki dir ki i pa pe eksplik parey i ti arive alors la loportinite pe vini pour kolabore e eklersi bann fe, vin devan, pa ezite, vin klarifye.  Sa Bill i demande ki laverite si sorti apropos sa bann levennman dan en form ankadre; kot tou dimoun i konnen kote zot debout.  Sa viktim i ganny en platform al kot an fen sa bann fe otour sa lensidan spesifik i pour ganny anrezistre e bann ki’n enkli dan fer sa bann aksyon i ganny loportinite pour vin rakont bann laverite e devwal bann fe par anmenn lazistis konplet.

Bill i devret pran konsiderasyon pour fer prosedir piblik ouswa prive. Apre tou sa ki zot in pas ladan sa pouvwar pour swazir, i devret avek bann viktim. Me si zot deside pour fer li prive i devret annan bann lareg kler lo ki mannyer sa i ganny dokimante pour lefitir, akoz sa prosesis i osi pour promot en Linite al pei pour sorti dan sa enpas kot nou ete.

Mon’n zwenn plizyer Seselwa ki dir an fen nou’n pare apre 40 an zot anvi vin dir sa ki zot konnen.  I annan ki anvi vini pour ki zot klersi zot konsyans.  I annan ki dir zot pour vini akoz zot santi ki zot pour zwe en rol pour revel bann lensidan.  I annan plizyer rezon ki dimoun i anvi vin donn levidans sa ki zot konnen.  Sa i pwen ki bezwen ganny byen konsidere akoz si sa ki’n komet sa fot pa vin devan li menm, e se bann temwen ki ti vwar bann aksyon ki pour eksplik zot ki’n arive. Alor i dan benefis tou dimoun, sakenn i pran son responsabilite pour devwal sa ki zot konnen.

Dimoun i anfen santi zot lib dan zot prop pei e zot anvi dir laverite. Sa i en laliberte pour nou pep an antye. I osi aplik pour bann ki eparpiye partou dan lemonn antye.  Zot osi nou envit zot pour swiv atantivman evolisyon sa Bill e osi zot partisipasyon dan sa prosedir.

Pa ezite bann ki kapab kontribye dan bann prosesis ki nou pe pas ladan me osi lezot. Sa Bill i adres zot dan form rekonsilyasyon. Le fe ki sa bann keksoz ki zot in pas ladan pour ganny idantifye koman reel, ki bann preteks ki ti ganny fabrike tel ki vann zot biznes anba bann dokiman otantik me anba bann sityasyon forse a ganny revele. Nou bezwen zot kontribisyon pour byen dizern bann aksyon ki ti pase.

I annan en dikton an Angle ki dir ‘’the truth will set you free.’’  Mwan mon krwar ki sa i vre.  E letan nou koz laverite nou koz lo konsyans. Si en keksoz i mal ozordi i pour mal demen.  Dan nou kiltir nou dir ‘’tou sa ki ou senmen ou pour rekolte.’’ Alor laverite pour bezwen sorti e sa moman in arive.

Mon krwar ki nou pei pe rekolte konsekans 5 Zen 1977, 41 an apre.  Enn bann pli gran konsekans i en  divize. Dan tou pei i annan dimoun ki ale pour en meyer lavenir.  Me plizyer Seselwa ti ganny forse atraver diferan form. Zot ti bezwen pran zot zanfan e kit dan fernwanr avek en lafreyer terib.

Zot ti kit tou zot keksoz deryer, zot travay, zot zanmi, zot lakaz familyal avek tou zot souvenir, e zot ti kit zot fanmir. I annan ki zot paran in mor Sesel e zot pa’n kapab retournen pour menm donn sa dernyen respe.  E la mon mazin msye Olden Pierre ki pa ti kapab menm vin anter son frer.  Msye Hayge Pierre ki ti mor par bann sirkonstans doute li osi.  Hayge Pierre i osi sel Seselwa parey mon’n mansyonnen ki ti ganny sarze avek traizon kont Leta.  Mon repete en sarz ki pa’n zanmen ganny anmennen kont bann ki ti komet koudeta.  Ki ‘LI ti en krim traizon.

Mon papa ek tou son bann ser ti kit Sesel e al viv L’Angleterre.  Sak fwa ki nou ti al en bal Seselwa e sa sanson ‘’I am going back to the Seychelles’’ ti zwe bokou adilt ti plere.  Lemosyon ti for parmi bann ki ti forse ki zot pei.  Pou bann ki’n kit dan sa fason, (sniff) (pardon Mr Speaker) Leta i drwa zot tou en rekour ouswa loportinite pour retourn Sesel. Pa zis atraver sa komisyon me atraver polisi spesifik pour fer zot retourn Sesel avek akse later e loportinite lanplwa en keksoz reel.  Koman en zanfan avek en paran an egzil mon ti ti reste avek zis en paran e mon ti vwar mon lot paran zis en mwan dan 1an. Menm si mon paran ti’n separe, zot ti a kapab tou le de pe reste Sesel.

Me sityasyon pa ti permet mwan papa rezid Sesel, akoz son afilyasyon avek Lopozisyon ‘’underground’’ sa letan.  Bokou fanmir ti separe pour plizyer lannen san vwar kanmarad. Pandan sa bann lepok ti annan en Blacklist bann Seselwa ki ti napa drwa retourn Sesel.

En legzanp kler i denigrasyon en zenn manmzel, madanm Kathleen Pillay e koman en Seselwa an arivan lo Airport Pointe Larue, ti ganny trennen lo tarmac, e ganny forsaman mete lo en avyon pour retourn kot i ti sorti pe enport kote.  Me sa madanm Seselwa pa ti kapab reste dan son pei.

I ti ganny deporte Mr Speaker dan son prop Pei Natal.  Nou bezwen rekonsilye nou . E pour fer nou bezwen aksepte ki plizyer aksyon avek plizyer degree in arive e nou bezwen koz lo la.

Dan sa Bill sa mo signifikan dan Lartik 7(2) i ganny retire, i devret ganny retire devan ‘ditor’ akoz tou ditor ki’n ganny eksperyanse par en viktim i signifikan.  Nou pa kapab met en degre lenportans lo la akoz bann viktim in soufer.  E sa nou pa kapab zanmen mezire.

Rekonsilyasyon pour vin atraver bann sityasyon endividyel an mezir sa viktim i vwar ki mannyer pour adres lakize dan son ka.  E zot fason eksprim zot remed pour soufrans ki zot in pas ladan zot menm a kapab ede pour anmenn sa Linite al ki nou pe rode.

Mr Speaker, sa bann temwannyaz a anfen donn nou en portre kler nou listwar.  En lot dikton kreol i dir, ‘’fodre ou konnen kot ou sorti, pour konnen kote ou pe ale.’’

Sa a ganny garde pour nou fitir zenerasyon. Mon sizere ki sa i ganny fer dan form en mize.  Konsiderasyon serye i bezwen ganny pran par L’Egzekitiv pour fer en moniman pour reprezant bann viktim sa peryod e tou bann ki’n egzile akoz sa levennman.

Sa osi i bann aksyon apard sa Komisyon ki Gouvernman ki ti annan en lyen direk avek 5 Zen montre son vre remors. Dan sa traze i pa pour fasil. Mon’n dir en mon repete, nou en pti pei, i annan ki pour ganny afekte negativman dan sa prosesis e i kapab en manm enn nou prop fanmir ouswa zanmi.  Me sa i pour nou pei e nou fitir.  Annou osi set met konfyans dan labonte imen pour pardonnen.  Pa tou ki pour kapab e pa tou ki pour oule.

E la mon mazin mon zanmi msye Bernard Sullivan, Bernard ki li ek son bann frer in osi al dan prizon san rezon menm pour plizyer lannen a la fwa menm ziska resaman e menm perdi propriyete pour osi kapab servi sa Bill pour vin rod zot laverite.  Me finalman atraver sa Bill mon espere ki sa fanmir antye i a trouv zot lazistis ki zot pe rode.

Mr Speaker mon demann piblik ki letan Komisyon i formen, pour byen swiv bann prosedir atantivman. Bann lenstriksyon kler a ganny donnen lo ki mannyer pour prosede e fodre pa zot ezite pour rod leklersisman.  Sa Bill in ganny ekrir pour tou bann ki ti enplike.  Alor pa ezite pour eksprim zot lekor e vin direk kot Komisyon.  Menm si zot santi ki i annan okenn lamannman ki bezwen ganny fer, ouswa sizesyon – sizesyon ki zot oule fer, kontakte nou toudswit pour propoz sa. Facebook i en platform parfe pour donn nou lopinyon.  Me sa Bill i tro enportan pour zis poste ou pwennvi lo medya sosyal.  Desizyon ki nou fer dan meyer sa Bill i ganny drafte, i vreman enportan. Ed nou pour eksprim klerman zot lopinyon e sizesyon.

Se avek zot led ki mon garanti ki sa Lalwa pour kapab akonplir son bi prensipal, e anmenn vre Rekonsilyasyon al ki pour zot.

Sa i en moman, ki mon ensit zot pour formelman sey ganny kontak avek bann Lezislater lo tou le de kote latab pour anmenn zot pwennvi devan.  Deza i annan bann lenformasyon sansib en konfidansyel ki’n deza ganny donnen avek ansyen Komite Lasanble.  En manm piblik in eksprim avek mwan son konsern lo sekirite sa bann dokiman, e si zot pour ganny devwale avek Komisyon.

Sa pa dan Bill, me petet ex-Chairman Komisyon a kapab pran sa an konsiderasyon e donn en direktiv lo ki’n arive sa bann dokimantasyon pour etablir konfyans dan prosesis ki’n ganny adopte pour transmet dokimantasyon.

Leklersisman pour bezwen ganny donnen, lo si bann ki’n ranpli form Komite al pour osi ranpli form avek Komisyon.  Bann ki pa kler i pour bezwen demann gidans pour bann lasistans ki zot bezwen.  Akoz en keksoz ki nou pa oule fer Mr Speaker, i kit personn deryer, akoz zot pa konpran e zot mank sa loportinite pour eklersi tou.

Alor nou bezwen repete e repete ziska ler tou dimoun i konpran ki pe pase.  Sa Lalwa i riske pa parfe pour tou dimoun.  E sa Lasanble in vin avek en konsyans kler ki’n propoz sa ki i krwar i mye pour nou pei.  Nou konnen ki nou annan sa listwar e nou bezwen annan en komansman pour geri nou pei e la i la.  Alors si zot santi i annan mankman pa ezite pour anmenn propozisyon devan avek bann sizesyon ki konstriktif.

I fasil pour denigre, me pour kapab konstri fodre ou donn solisyon.  Mon’n ganny dir mon parmi sa ki nou konsider koman en zenn MNA, me mwan osi eksperyans lavi avek kominote bann an egzil an L’Angleterre. Lavi pa ti fasil pour zot letan zot ti fek ariv laba.  Me zot in persevere dan en pei ki pa ti pour zot.

Mon’n tann bokou listwar e mon’n zwenn bokou endividi ki’n ganny afekte. Mon’n sibir konsekans 5 Zen 1977 akoz mon ti en viktim sa bann sirkonstans.  Mon siport sa Bill pour vwar formasyon sa Komisyon akoz sa travay i pour nou tou.

Letan mon ti entervenir lo Mosyon Onorab Wavel Ramkalawan lannen pase letan i demande pour siport formasyon Komite Lasanble pour Laverite, e Rekonsilyasyon, mon ti dir ki msye France Albert Rene ti ganny apele’ Papa nou ’. Msye Rene i ankor vivan.  Koman son rol papa e koman en dimoun kle dan le 5 Zen 1977 – koman sa enn ki zot apel li ‘Papa La’ mon enplor li ankor pour ed sa pep retrouv respe e ede pour anmenn linite, par pran loportinite pour vin devan e rakont nou si i annan okenn konesans bann fe, ouswa levidans bann fe, ki kapab ed okenn sitwayen ki vin kot sa Komisyon.  I osi son devwar koman en ansyen Prezidan.

Linite nou Mr Speaker pour vin letan nou’n aksepte douler bann ki’n soufer par bann ki pa’n soufer. Nou pa kapab kontinyen kasyet nou latet dan disab.

Sa bann keksoz in arive avek nou bann frer ek ser, zot in soufer e zot ankor pe soufer. Annou koman en sey mars dan zot semen laverite. Letan nou tou nou konn laverite la nou a kapab bouz devan. Mr Speaker mon remersye ou pour donn mwan sa letan pou entervenir lo en Bill vreman kle e istorik dan nou listwar.  An fen apre 40an nou pei i pare pour regard laverite an fas.  Mersi.

 

MR SPEAKER

Mersi Onorab Larue.  Mon ava donn laparol Onorab De Commarmond.

 

HON CHARLES DE COMMARMOND

Mersi Mr Speaker.  Bonzour tou dimoun, bonn apre midi.  Mr Speaker mon ti’n anvi la a sa moman kriy ‘’Viv Larevolisyon.’’(laughter)

Ou konnen mwan pase, well, le 14 Zilyet, nou ti ganny envite kot lanbasad, Lanbasader Franse ti organiz en aktivite pour selebre le 14 Zilyet e prezan mwan ki fer en pti git listwar nou pe mazinen La Bastille 1814, en senaryo worse ki sa ki nou pe koze, e ki Franse ankor pe selebre ziska ozordi.  Zis mwan pran sa mon poz sa la.

Aprezan mon’n ganny detrwa text avan mon koze kot dimoun pe dir mwan be pa bliye mansyonn Leta Mersener; akonte ki ti arive, en bann ti perdi lavi zot osi, bann ti ganny blese, and whatnot. Konmsi mon pe dir sa fodre pa – fodre pa atraver nou koze dan sa pour adres sa sityasyon ki devan nou, olye aranz keksoz, nou deranz keksoz.

Nou tou la dan sa Lasanble, e mon krwar sak pep Seselwa osi i annan son zistwar a rakonte.  Nou tou san eksepsyon nou annan serten mark direk ou endirek. E mwan osi san eksepsyon – me pourtan le 5 Zen 1977 mwan Vis-Prezidan, Onorab Ferrari, Onorab Ramkalawan, nou ti lekol nou, kolez mon rapel mon ti dan Form 1V sa letan mon pa ti kapab dan sa senaryo laba.

Me ki mon oule dir se ki, kantmenm nou ti laba pe lekol, epi plitar mon kouzen, mon kouzen ki mon vreman, vreman close avek li epi detrwa lannen apre i ti ariv dan prizon laba.  Prezan mon dir be ou pa ti dan SPUP ou? Ou pa ti dan sa parti ki’n – ou konpran? Mon annan mari mon kouzin, mon kouzin mon’n grandi ansanm ek li parey en ser pour mwan, son msye li ki fer mwan vin en manm Parti Lepep, SPPF sa letan.  Mon pa ti ankor en manm, mon vin en manm.

Epi pli tar i osi i ti dan prizon laba.  Konmsi mon demande ki’n arive?  So sakenn i annan son zistwar a rakonte.  Mon pa oule al dan sa bann keksoz.  Selman mon pe dir nou tou, nou tou nou annan en keksoz.

E Mersener le 25 Novanm ‘81, be mwan mon pe practice sa Minister Ledikasyon, pa ni kapab mont dan lakour kot mwan.  Mon’n bezwen reste Mont Fleuri kot defen Mathew Servina.  Be si mon al akont zistwar prezan msye Mathew Servina ki mon’n kot li en pe letan mon kapab dir, i ti en Minis sa letan e tou sa ki’n pase?  Sanmenm sa mon dir ‘nou tou la’ nou annan en zistwar a rakonte e nou tou nou kapab reklanm isi, reklanm laba e napa en finisyon.

Me le bi nou aktivite nou, e Komite letan nou ti’n etablir se pour fer travay nob, en travay ki pa’n zanmen ganny fer dan Sesel, en travay istorik.  E sa moman ki nou ladan nou bezwen sezi li e fer sir ki nou pa fer fot, fer sir nou anmenn sa travay lo sa nivo ki pour anmenn nou pep ver healing process, ver en closure dan tou sa bann problenm la.  Dan rekonsilyasyon, dan letablisman Linite al par rakont laverite bann keksoz ki pase.

Mwan plizyer dimoun, solda, serten pa solda osi sivilyen, ki’n akont mwan troma ki zot in gannyen avek serten zofisye dan larme ki ankor la, zot la ater.  So diferan keksoz a diferan moman.  Parey mon pe dir zot sakenn i kapab dir son keksoz. Be selman nou sa Gouvernman ki la, leadership nou parti, Parti Lepep, i vre ki en derogative of SPUP, mon pa pour dir non.  E Prezidan Faure ozordi i annan en political will pour anmenn closure.

I annan en political will dan nou pei pour anmenn Linite al, pour anmenn rekonsilyasyon.  E nou tou nou’n ekout Prezidan Faure kot in demann pardon lo behalf nou parti, lo behalf Gouvernman pour bann keksoz ki’n arive ki nou kapab konsidere mal, pour serten dimoun – Leader Lopozisyon letan in koze in dir pour 0.5poursan nou popilasyon – ok konpare avek serten lezot pei kot in bokou, en kantite, bokou plis ki sa.

E nou, nou believe dan sa legzersis ki nou’n fer.  E mon pour osi met lanfaz travay sa Komite ki’n anmenn nou kot nou ete ozordi in en travay senser, in en travay kolektiv, in en travay egzanpler e en travay ki mon war bann file i ankor la la. Napa nanryen ki’n perdi, nou’n anmas byen nou rikord, nou bann rikord in byen etablir e sa rikord nou pa pour al avek, nou Komite pa pour al avek sa rikord, nou pour pran li, nou pour pas avek sa Komisyon.

Sa Komisyon prezan li i pour anmenn sa travay lo en lot nivo, e ki pa nou Komite ki pour deside.  E nou Komite nou’n fer keksoz ki zanmen in arive dan listwar Sesel.  Ler nou’n donn nou rapor, nou’n donn sa Prozedlwa e sa Prozedlwa i pa fini dan li menm i subject to amendments; i subject to improvement pour fer sir ki nou ariv kot nou oule arive avek rekonsilyasyon e closure. Mon ti kapab la mansyonn Onorab Ferrari.

Mon pa bezwen mansyonn Onorab Ferrari la mwan, akoz nou travay i pli gran sa.  E mon asire Onorab taler letan i pour koze i pour anmenn osi sa dimansyon ki mon pe koz ladan, ki e i believe ladan.

E nou mon krwar mwan si nou anvi reisir dan sa travay ki nou pe fer, pour le moman ki mannyer mon war li, se ki nou bezwen rezourd bann sikatris lepase.  Pour mwan se pa zis rezourd.  Boner zot in koz lo en boubou – non be i annan par fwa en boubou ki si ou pa tir sa lakourt lo la pour donn li son gerizon konplet, i pour sibir serten le fe anba la.  Ou konpran?  E nou sa ki nou pe anmennen ozordi dan nou Lasanble, Onorab Basil mon’n apresye sa ki in fer resorti e son lemosyon ozordi i ti vedir en kantite pour nou Lasanble e pour nou pep.

E pour mwan se dan sa lespri ki nou devret abord sa travay ki devan nou, e pour ede pour anmenn closure dan tou sa bann keksoz ki nou kapab krwar i mal e ki’n arive ki pa byen dan nou pei.

E atraver aksyon, oubyen aktivite 5 Zen 1977.  Mon asire mwan ki letan sa aktivite ti ganny fer i pa ti ganny fer avek sa bi.  e mon’n aprann dan letan ki mon’n koze avek plizyer dimoun zot in dir mwan, ti ganny dir ‘’fer sir napa en gout disan ki koule’’ me pourtan in arive. Ok? E apre sa mon’n aprann pa tou keksoz ki’n arive ki’n ganny directive from above.

I annan dimoun ki’n abize dan son pouvwar. E sa nou bezwen aksepte, i annan dimoun ki’n ganny donn responsabilite ki zot in al an plis.  I annan dimoun ki fer malis son kanmarad.  I annan vwazen par zalouzi, i annan tousala mon’n aprann dan mon resers lo sa bann keksoz ki’n anmenn nou lo sa travay ki la devan nou ozordi.  I annan dimoun ki’n dyanm son kanmarad parey nou dir an Kreol, e ki’n fer ki prezan i annan aksyon ki pa korek, pa normal ki’n ganny fer.

Me tousala nou pa kontinyen avek.  Non mon pe dir laverite ki mwan mon’n, atraver mon resers mon’n trouve.  E alors sa bann keksoz nou pa pour kapab kontinyen avek, pa kapab kontinyen apel sa pei la, i pour nou tou, e prezan nou bann zanfan, i pa pour kapab kontinyen diriz pei. E a tou moman nek sa zafer lepase i vin haunt zot.  I vin konmsi pour anpes zot anmenn sa linite pour napa linite si nou pa fer atansyon. Me i pa pour kapab koumsa.

Alor mwan mon krwar pour dir nou’n ariv en staz nou e dan nou pei ozordi si ou kalkile Mr Speaker nou vwar pour dir i annan bann challenges, bann issues, bann problenm ki nou pe gannyen ki depase borde politik, ki depas si nou annan en problenm oubyen non.

E pour nou abord sa bann problenm sa bann challenges, si nou pa pe met lespri ‘ansanm’ pour nou travay ‘ansanm’ koman en pep, koman en  anba Linite al zanmen nou pour kapab arive anmenn en solisyon pour nou bann problenm ki pli gro ki nou.

Alor sa legzersis ki nou pe fer, sa Prozedlwa ki devan nou pour etablir en Komisyon pour Laverite, Rekonsilyasyon al, Rekonsilyasyon e Linite al i en travay enportan ki pour anmenn closure dan sa ki nou, dan sa bann atrosite – sa bann keksoz ki’n arive ki mal; ki mal – nou pa pe dir i byen e ki bezwen anmenn en solisyon closure pour ki nou zanfan i kapab afront lavenir ansanm dan sa linite ki nou, nou pe rode ozordi.

E ki petet nou menm nou ti a kapab akoz mon krwar nou annan en grander lespri ki pour kapab anmenn, rod sa linite e ganny li apartir la ki pour ki nou zanfan i kapab anmenn sa pei pli devan ki nou, nou’n anmennen.

Mr Speaker mon dir sa avek tou senserite. I pa normal – i pa normal ki Onorab Ramkalawan ek mwan ki’n lekol kolez, nou’n en zanmi ozordi akoz sa bann problenm son zanfan ek mon zanfan pa pour kapab pran sa pei pour anmenn devan?

Be nou bezwen rod en fason.  E pourtan zot byen.  Zot pa ni, pour zot dan zot lespri i pa devret annan sa keksoz la, sa problenm be pa kapab si zot pe fer sa travay ansanm demen nek sa aktivite ek sa bann keksoz ki’n arive around le 5 Zen, i vini konmsi i deranz zot dan lespri travay ansanm pour lavenir Sesel.

Mwan mon get li dan sa fason e san ki pour blanm personn, san ki konmsi montre ledwa lo personn, mwan dir mwan ki atraver sa Prozedlwa ki la i ava pran sa issue, e anmenn li lo en lot nivo kot Komisyon i a ganny etablir, si i annan serten sanzman dan Lalwa, nou ava fer li taler, oubyen demen, me ki an menm tan i a fer ki nou kapab etablir sa Komisyon pour nou kapab rezourd sa problenm e met closure avek sa bann issues.

E mwan mon krwar moman i opportun akoz napa en lot moman dan nou listwar kot in annan sitan volante politik pour kapab attend sa lobzektif. E mon panse si nou pa size sa loportinite byen e pa fer li korekteman, nou tou nou pour mank sa sans pour fer li.

E mon krwar dan tout senserite Komite in travay, tou dimoun lo Komite ki’n koze in dir menm keksoz e nou letan nou lonou pa’n gete nou.

Si Onorab Georges ti annan serten fanmir ki li i ti’n deza dan sa problenm, si Onorab Basil ti annan serten fanmir ki ti deza dan sa problenm, son granpapa ensidswit, me konmsi nou pa’n mazin sa nou.

Nou pa’n pran konsiderasyon sa nou, nou’n gete ki bann Manm ki pour kapab kontribye pozitivman dan sa Komite e pour fer en travay ki byen.  E mon kontan mwan kontribisyon ki sanmenm sa 2 dimoun zot in fer enormeman dan sa travay ki devan nou.

E mwan mon felisit Komite dan son sazes, dan son bon lespri mon kapab dir pour vwar sa fitir, pour vwar sa fason pour nou kapab anmenn closure dan, avek sa ban problenm ki nou’n annan around le 5 Zen 1977.  Me Prezidan ki in fer li?  Ler nou, nou ti pe ale ek Komite i osi onboard ek nou.  Ok – Lotorite Leta, Gouvernman in onboard ek nou. I n vwar serten fanmir, in demann leskiz, openly i pa’n kasyet nanryen, in etablir bann Komisyon, bann e Komite pour Later ek bann atrosite dan larme ek dan lapolis, pour ki kapab donn koudmen pour redwir lakantite ka ki’n kapab arive pour anmenn osi closure pli vit si nou kapab dir sa dan sa direksyon.  E in war bann dimoun ki nou’n anmennen, Prezidan in open son laport, in dir mon oule osi konsilte ek sa bann dimoun.  Mwan osi anvi antann zot koz ek mwan – pa zis ek Komite.

Se sa ki mon dir i annan sa lavolonte politik e sa lavolonte politik ozordi nou pa pour ganny li, nou pa ti ganny  li yer e nou pa pour ganny li demen.  Nou bezwen pran li la koman i la e fer sir ki nou fer travay ekselan.  Mon kontinyen dir en travay bon, formidab e ekselan, akoz fodre pa ki nou deranz keksoz.

E mon demann la tou Seselwa sakenn Seselwa ler i annan en zistwar rakonte sakenn i annan en fason, tou dimoun i oule vin lo sa Komisyon ensidswit sakenn i oule fer fason pour anmenn closure, rekonsilyasyon dan son fason. Me selman mon krwar tou dimoun ki annan en bon lespri, i kapab kontribye sa bon lespri dan sa travay ki devan nou, dan sa Lalwa ki nou pe anmennen la pour fer ki nou achieve menm lobzektif e menm solisyon pour nou pep e pour nou pei.

Mr Speaker bokou in ganny dir – bokou in ganny dir E mwan mon pa la pour vin anmenn lezot keksoz an plis. Me mon zis demande ki nou revolisyon si nou oule apel li sa mo i devret parey Onorab Bernard Georges ek mwan nou, nou krwar ladan – ‘’peaceful revolution’’ ouswa ‘’revolution by peaceful means,’’ nou anvi anmenn pei devan nou tou.  Si nou oule apel sa fason pour anmenn pei devan en revolisyon, be i bezwen ganny fer propeman, i bezwen ganny fer byen kalkile, i bezwen ganny fer byen.

I pa devret ganny fer pour lezot dimoun ganny afekte, i devret ganny fer pour fer dimoun konpran e pour anmenn dibyen pour lepep an antye.  Akoz nou pa kapab fer revolisyon oubyen sanzman zis pour en bann. I bezwen en sanzman pour tou dimoun e pep an antye.

E nou sa ki nou pe fer, mwan osi apel li en revolisyon mwan. Sa ki nou pe fer i bezwen en sanzman pour lavenir nou pep. Sa ki nou devret pe gete.  E mon krwar nou 6enm Lasanble avek son modernizasyon dan son demokrasi, ki Mr Speaker pou’n fek devwal sa yer, i annan zisteman yer e i istorik ankor pour vwar ki mannyer nou, nou devret fer sa ki nou pe fer e fer sir ki sa bann challenges ki devan nou, fer sir ki sa Prozedlwa la, la ki nou pe anmennen i anmenn zis dibyen, dibyen e dibyen pour nou pep!

E dibyen i bezwen ganny fer byen li.  I bezwen ganny fer pour fer sir ki i annan sa closure lo bann atrosite.  So i annan diferan mekanizm dan Lalwa, mon demande ki nou tou, nou sey konpran e korpere pour nou kapab fer ki a lafen sa Komisyon letan in etablir fer son travay, i fer en keksoz, i fer ki nou kapab anmenn nou pti pei devan e fer nou pti pep vin en pli bon pep, en pep kot tou dimoun i benefisye e benefisye byen.

E mwan mon annan konfyans.  Mon annan konfyans Mr Speaker.  E mon konnen mwan poudir sa travay ki nou tou nou pour siporte, sa travay i en travay ki pour anmenn nou lo en lot dimansyon dan lavenir nou pei.  En travay ki pe get lavenir; en travay ki pe lavenir akoz pour nou anmenn en pli bon lavenir fodre vreman sa paz lepase nou tou nou kapab shake hand, nou tou nou kapab embrace each other.  Nou tou nou devret kapab dir ‘ansanm.’

Akoz nou menm nou, nou annan nou bout pour kontribye. Me Sesel i ptipti nou tou nou enter-relasyonnen ek kanmarad parfwa nou pa konnen, ziska ler nou ariv dan problenm ler in ariv lanterman lanmenm nou konnen lekel, lekel.  Parfwa me nou, lefe ki nou ptipti en senp pti maler i afekte nou bokou nou konpran akoz nou ptipti.  Si nou ti gran parey serten lezot pei dan Lafrik partou Philippines dan 5an en tyer popilasyon i ganny atrosite ziska ozordi zot pe rekipere.

Zot napa en tel solisyon parey nou. Me nou, nou ptipti kan i ariv en lensidan i vin for pour nou.  Be si nou pa pe met nou lespri ansanm e rezourd dan en fason korek, dan en fason ki nou pa pou anmenn lanmertim, e i annan posibilite, i annan si nou’n ariv dan sa direksyon krwar mwan nou pou ariv pli lwen.

E alors koumsa nou kapab annan, pli tar mon ti ava swete pour kwa non en Gouvernman Linite al, en Gouvernman ki anmenn Sesel pli lwen.  Why not?  Sa dan mon lespri mon pe regard li kot parti politik la i pa egziste pou detri nou kot nou tou kapab.  Petet zot ava dir mon pe reve, be i enportan ki nou reve pour nou kapab war en lavenir pli prospere.

Avek sa Mr Speaker mon swet tou de bon ler nou, nou’n fini fer nou bout travay nou’n anvoy li dan kote L’Egzekitiv pour kapab war aksyon dan sa direksyon ki nou, nou Lasanble, nou Komite an partikilye in anvi war sa travay. nou pa anvi war personn ganny pini mal apropos, me nou anvi war solisyon, nou anvi war closure.

Nou anvi war tou dimoun kontinyen dan sa Sesel prospere.  E avek gidans Bondye anba blessing Bondye mon krwar mwan nou pou arive fer sa ki nou anvi fer.

Mon a dir ou mersi pou ou letan ki ou’n akord mwan Mr Speaker.  E nou pou siport sa Prozedlwa ki devan nou.

 

MR SPEAKER

Mersi Onorab De Commarmond.  Mon a donn laparol dernyen entervenan Onorab Ferrari.

 

HON JEAN-FRANCOIS FERRARI

Mersi Mr Speaker. Mon konsyan ki nou’n la en bon pe letan depi bomaten.  So, mon ava fer li vreman ase bref.  Mon ti ava kontan konmanse a dizan ki sa size ki devan nou Laverite, Lazistis e Rekonsilyasyon i en size difisil.

I fer plizyer lannen ki mwan personnelman mon’n fer refleksyon lo sa size e mon’n ganny ase, en kantite difikilte pour mwan deal avek sa size.

Alors tou sa bann lannen mon pa’n trouv lot semen pou pase apard dir be ok, nou anvoy sa pour demen e en zour i ava vini kot nou ava kapab atak sa problenm head-on parey nou dir.

E loportinite in vini apre ki parti politik ki mon ladan LDS ti mete klerman dan son dernyen Manifesto ki nou pou anmenn, nou pou fer tou sa ki nou kapab pour nou anmenn lape e rekonsilyasyon dan nou pep.

E ti en propozisyon ki nou’n fer avek lepep Seselwa e lepep Seselwa i aparaman in aksepte sa propozisyon, akoz in donn nou en mazorite e ozordi nou pe ranpli sa promes ki nou ti fer avek lepep Seselwa.

Me an plis ki sa le 29 Zen sa lannen ler mon ti dan stadium pour la fet al. Ti annan en keksoz ki ti pas anndan mwan e mon ti dir le moman kekfwa la in arive pour sa travay konmanse.  Akoz dan stadium sa lannen mon ti santi lenerzi, ‘spirit’ parey nou dir konmkwa ki lepep Seselwa i vreman anvi viv dan lape, i vreman anvi depas en pe bann baryer bann divizyon e rekonsilye antre zot.

Ti annan sa lenerzi, ti annan keksoz ki ti ase ekstra ordiner par egzanp ler zot ti larg bann flez, bann petar ti pete. Konmsi ou ti santi kekfwa sa tapaz in tir en pe sa bann nanm le pase ki’n anndan nou e ki dimoun in kapab fer keksoz in kapab selebre avek en pti petar ki zot ti’n ganny, pandan 40an zot ti’n ganny dir pou dir i enterdi. Akoz nou bann, akoz obviously nou konnen akoz bann sef politik ki ti’n partisip dan koudeta e sa i keksoz normal tou bann psikolozis i ava dir ou, menm zot, zot in komans per bann petar.  Akoz menm ou zwe avek petar ou menm ou, ou per.  Akoz en petar i rapel ou bann koud fizi.

Donk mon santi mwan ki nou’n kapab egzorsiz sa sityasyon e ki le moman in arive.   Alors sa Linite al mon santi i lo en bon semen, me selman mon realize osi Mr Speaker ki, e mon bezwen dir li la ozordi ki si ti napa 15 lo 10 pa ti pou arive.  Akoz bomaten nou’n vwar ki, anfen mon a konmans en pe plitar.  Nou’n vwar par egzanp avek Mr Mancham ki nepli parmi nou sa travay zanmen ti pou ganny fer.  Akoz mon persyade e mon konnen ki i annan dimoun ki pou dir mwan ki mon pa kontan Mr Mancham me, Mr Mancham li i ti annan en lot konsepsyon rekonsilyasyon.  Li son konsepsyon se anter tou sa bann keksoz. Fouy en gran trou met tousala ladan, annou pa koz lo la ankor annou move on.

E apard Mr Mancham, ozordi noun ganny Onorab Gill e Onorab De Commarmond zot osi zot in dir apepre menm keksoz. Konmsi war krwar konmsi annou fini ek sa annou pa, aret get le pase, annou, avek Onorab e avek Onorab De Commarmond ansarz sa Lasanble mon konvenki ki nou pa ti pou gannyen sa travay. E menm Onorab Hoareau ki mon’n apresye son entervansyon ozordi li tousel i pa ti pou kapab fer sa travay. Akoz vreman zot in montre nou poudir, zot pa believe dan sa prose ki sa prose! Ki sa prose i bezwen ganny fer e nou bezwen met sa bann laverite deor, akoz si nou pa fer li, si nou zis anter li nou pa pou fer zistis nou pep, nou pa pou fer zistis nou  e dan ankor 50an nou ava pe koz lo menm keksoz.

Ozordi Mr Speaker napa leskiz ki valab, napa leksplikasyon parey Onorab Hoareau in dir ki zistifye, napa nanryen ki zistifye ki ou pran drwa imen dimoun napa nanryen.  E bann problenm in konmanse e normalman dan bann lezot pei in komans koumsa ler ou fer en keksoz mal apre ou zistifye li par Lalwa.  E atraver Lalwa ou fer sa ki mal vin byen e la ou lo en lapant glise kantmenm ou pez fren ou glise menm.  Le 5 zen 1977, Mr Rene pa’n aksepte ki li ki ti pe lead koudeta, i pa’n aksepte in dir poudir en group dimoun.  E pourtan i ti pe lead koudeta devan mwan, mwan en garson 17an i ti la devan mwan e i manti devan mwan. Se sa kalite denial ki nou bezwen kapab sanze.  Nou bezwen kapab al en pe pli lwen.

Mon pran laparol ozordi akoz i enportan isi dan sa Lasanble kekfwa mwan mon sa dimoun ki’n pli pre avek bann fe istorik ki ti arive sa zour.  E mon’n ganny akize mon’n ganny blanmen e avek rezon byensir.  Akoz?  Si mon ti pre avek sa ki ti pase e ki mon pa’n fer nanryen e ki mon pa’n obzekte – menm si mon ti annan 17an mon pa’n konplent savedir dan en serten fason mon osi mon en konplis ladan.  Me selman sa ki enportan se ki dan sa trwa mo ki devan nou – ‘Laverite’, ‘Rekonsilyasyon’ e ‘Lazistis’ se ‘Laverite’ ki pli enportan.

Se pour sa ki mon pe pran laparol ozordi, akoz mwan mon santi sa ki pe arive la, sa posibilite ki pe vin devan nou i pou permet bann dimoun parey mwan pou dir laverite. Akoz plizyer fwa mon’n dir sa laverite, me personn pa krwar mwan.  I pa krwar a koz sa laverite i paret en laverite enkrwayab.

E pourtan in arive.  E mon’n dir zot in ariv devan mwan – alors mon konnen mon’n war!  Me mwan mon anvi dir sa kekfwa anba serman devan piblik devan en camera pour ki dimoun i konnen pou dir sa ki mon pe dir se egzakteman sa ki’n arive. E se pour sa ki mwan mon enn sa mon pa konnen si i annan ankor lezot Manm dan sa Lasanble ki’n anpli en form pour demande pour ganny ekoute par Komisyon Laverite Lazistis e Rekonsilyasyon.

Akoz mon santi telman, i telman enportan ki sa travay i ganny fer e i ganny fer byen.  E mon ava pran sa lokazyon pou lezot dimoun ki mon’n nonm zot non oubyen mon pa’n nonm zot non ki konnen, ki ti la, ki’n partisipe pre, oubyen lwen avek sa ki’n arive zot osi zot annan sa kouraz pour zot pran sa posibilite pour zot vin dir kwa ki’n arive.  Akoz ki sa in arive?  Sa i en lot kestyon.

Akoz sak dimoun i kapab annan son rezon e son leksplikasyon me bann fe istorik i neseser ki i ganny met kler enn fwa pour tou. Non selman sa ki’n arive le 5 Zen apartir minwi diswar me sa ki’n swiv apre.  Akoz parey mon’n dir pli boner ler mon ti, nou pei in anbark lo en lapant ki glise, kantmenm ou sey pez fren napa fren, akoz apre sa in ariv bann keksoz terib. E enn bann keksoz pli terib pour mwan e la mon ti annan 19an mon ti’n devret dir non!  Sete Parti Inik.

Akoz sa ti enshrined dan Lalwa ki annan serten dimoun ki napa – ki’n perdi zot drwa a mwens ki ou dan Parti Inik ou napa drwa!  Ou napa drwa!

Mon papa ti pe dir mwan yer ti fer mwan rapel ki an 1984 Lasanble Popiler ti pas en Lalwa pou dir zot kapab, nou it pe koz lo pansyon, kan ou kapab perdi ou pansyon.  Ki an Me 1984 mon pa ankor war sa bout Lalwa. Lasanble Popiler ti pas en Lalwa si en dimoun ti koz kont Gouvernman, Gouvernman ti kapab koup son pansyon!  Zis mazinen how far konmsi bann keksoz.

Nou, nou’n dir si en dimoun i al Ankour i ganny kondannen.  Si ou koz kont Gouvernman i kapab pran ou pansyon.  Zis mazinen an… si sa pa en lapant glise – e be mon konnen ki i ete.

Alors sa bann keksoz ki’n arive efektivman in fer en kantite dimoun soufer e i enportan ki nou donn atraver sa travay ki nou pe fer loportinite pour bann dimoun tann laverite e egziz en reparasyon si sa i neseser.  E kan sa i ganny deside avek sa bann dimoun.

Parey mon’n dir pli boner napa okenn leskiz, napa okenn leskiz.  Semen, pli boner Onorab Gill ti dir pou dir i ti annan bann bon lentansyon. Mon ti a kontan fer zot konnen sa proverb ki dir ki semen lanfer in pave avek bokou bon lentansyon. Bon lentansyon i pa, se pa sa ki gid en pe -i se pa sa ki gid en pep.  Se respe pour Lalwa, respe pour bann endividi, respe pour sa bann imen – the human person – se sa bann keksoz koumsa.  Pa bann lentansyon.

Akoz bann lentansyon i pa en defans sa e an menm tan.  I annan ki’n fer referans a enn de dimoun ki en pe ekstremis parmi nou.  Parmi bann ki dan Lopozisyon, nou pa kapab koz ekstremis dan lasoufrans.  Nou pa konn douler bann dimoun nou, e nou bezwen les zot eksprim zot soufrans, menm si si zot lekspresyon zot soufrans i ekstrenm akoz nou, nou pa konnen sa douler nou bezwen permet zot pas atraver sa prosesis, Catharsis parey Angle i dir.

E la mon ava dir Mr Speaker ki i enportan pour nou anbark lo sa semen lo sa travay avek en bi pour nou kapab vwar e aprann kwa ki nou pa devret zanmen fer ankor a lavenir.

Si nou pe fer sa travay fodre annan en bit.  Nou, nou pa la, mwan mon pa la pou mwan dir msye entel in fer sa nou bezwen pini sa enn nou bezwen sa enn la.  Pa sa.  Pli enportan se ki nou tir en leson ladan e mon krwar enn bann pli gro leson se ki ler ou donn pouvwar total en dimoun, i koronpi totalman.

E nou’n war egzakteman ki’n arive ti annan tro bokou pouvwar dan lanmen en sel dimoun.  E nou konman en Lasanble ozordi ki balanse nou serman se pour nou travay pour ki zanmen, zanmen ankor i annan otan pouvwar dan lanmen en sel dimoun.

Nou pe travay lo bann lenstitisyon nou pe ranforsi bann lenstitisyon ki pa pou zanmen permet sa ankor.  E ler nou pou’n finis a travay isi dan sa Lasanble, sa 6enm Lasanble mwan mon krwar nou pa pou’n sanz tou keksoz me selman nou pou rann avek Seselwa en pli meyer pei ki nou ti pran avek zot an Septanm 2016.

Nou’n ganny elekte pou fer sa travay, e nou pou fer li dan pli bon fason ki nou kapab.  Mon pe demann bann dimoun an deor pou fer nou konfyans parey zot ti fer nou konfyans ler zot ti elekte nou pou met nou dan sa Lasanble. Akoz si zot pa fer nou konfyans si zot konmans dout nou lentansyon nou pa pou avanse. Sa i en zefor ki al e se pour sa ki mon anvi reach out ankor avek mon koleg lo lot kote latab e mon bann zanmi e bann konesans ki an deor Lasanble ki siport lot parti politik, lezot parti politik.

Se ki zot vreman mon demann, mon lapel se ki zot vreman angaz zot totalman dan sa prosesis. Ki zot pa fer li zis pou kapab anter en problenm, en keksoz ki pe fatig zot pour zot tir en pikan dan zot talon. Me pou fer sir ki dan lavenir nou pa mars lo pikan, pou fer sir ki a lavenir nou annan bann lenstitisyon ki vreman for e ki vreman o servis lepep Seselwa.

Alors mon ava terminen Mr Speaker an dizan ki lepep Seselwa pe kont lo nou pour nou go all the way.  E mwan mon anvi lead par legzanp e mwan I’m going to go all the way.  Mon anvi ki pe nanryen pa ganny kasyet.  Nou pa konn tou keksoz probableman. I annan dimoun ki’n mor, i annan dimoun ki pa pou anvi koze, i annan dimoun ki ankor per.  I annan dimoun konmela ki per ki vini ki dir ou, ki trenn ou par kote ki dir mon pou dir ou sa zis dan ou zorey pangar bannla i tande.  Akoz sa lafreyer koudeta i ankor dan zot lespri.  E apre 41an i ankor la dan zot lespri.

 

So, nou bezwen fer en travay ki tir tou sa lafreyer e ki met tou sa bann keksoz ki nou kapab mete lo en latab deor e ki permet nou avanse.  E mwan mon santi ki parey i annan bokou zot ki’n dir la se laverite ki pou liber nou.  Se pour sa ki laverite i keksoz pli enportan ki dan sa 3 mo ki annan.

Alors mon demann tou dimoun bann ki’n fer lapel avek Komisyon deza, ki’n anpli en form mon swet zot kouraz. Pour zot vini pour zot defann zot ka, bann ki pa’n fer li mon swet zot kouraz pour zot leve pour zot vini e pour zot fer li.

E swet tou Seselwa sirtou bann leaders e mon krwar sa en keksoz enportan ki listwar pour rekonnet se ler bann leaders pour debout pour vin deor e pour dir wi, la i la ki mannyer keksoz in pase e la i la en tel, akoz tel propriyete in ganny pran akoz tel lavi in ganny perdi, e la nou ava kapab prezan avanse konman en . Mon remersye Mr Speaker.

 

(APPLAUSE)

 

MR SPEAKER

Mersi Onorab Ferrari.  Mon ava prezan pas laparol avek Vis-Prezidan pour …. Vis-Prezidan.

 

THE VICE PRESIDENT MR VINCENT MERITON

Mersi Mr Speaker.  Mr Speaker mon ti a kontan premyerman remersye tou bann Manm Onorab ki’n fer bann kontribisyon tre itil kot i konsern merit sa Prozedlwa.

Mr Speaker mon pa kapab pa dir de mo.  Lannen pase ler mon ti ganny demande pou dir de mo alokasyon louvertir Forum lo Laverite, Rekonsilyasyon ek Linite al, mon ti dir ki nou pa kapab re-ekrir listwar. Listwar in fini ganny ekrir.  Mon ti osi dir ki i annan laverite ki la, ki get nou toulezour; bann fe e bann realite.

E bann fe e realite ki get nou toulezour, i annan ki pa pou kontan se ki Sesel apre 5 Zen 1977 ozordi 41an pli tar nou enn bann pei avek, kit re eleve kot i konsern klasman devlopman imen.  Nou pei ki’n ganny klase koman ekonomikman avek nivo reveni o.  Nou pei ki 70 poursan nou popilasyon zot propriyeter zot lakaz.  Nou pei ki’n ganny declare par Lorganizasyon Lanvironnman Ini ki ler i pli prop pour nou kapab respire.  E tousala pa’n ariv par mazik oubyen par laverti okenn tabatyer.  In arive akoz en loryantasyon en nouvo loryantasyon politik pour annan en meyer lavi lepep Seselwa.

Sa bann realite ki nou fer fas ki nou get toulezour, ki keksoz ki nou pa kapab nie. I annan osi bann laverite ki nou pa le koz lo la, bann laverite ki fermal e fodre dir Mr Speaker sa nouvo lanvironnman politik, in permet ki sa nouvo lanvironnman politik ki’n arive depi Lasanble al 2016 in permet ki nou annan en platform pou nou kapab koz lo bann lezot keksoz. Bann keksoz ki ti fatig nou e in ganny dir taler ki serten keksoz nou anvi kit deryer nou pou bouz devan.

Me listwar in montre ki pour nou kapab bouz devan konman en tou dimoun ansanm, i annan serten laverite ki nou bezwen detere.  E zisteman atraver sa nouvo lanvironnman politik ki’n komanse depi 2016 apre Lasanble al. Si oule lagrenn in ganny senmen, en lagrenn in ganny senmen pour annan rekonsilyasyon.

E Prezidan Faure li osi ler in vin o pouvwar in zwe son rol avek mon krwar Onorab Henrie in koz lo la taler.  Prezidan Faure in konpran pou dir dan sa lanvironnman i bezwen ki i anmenn tou Seselwa ansanm. Malgre tou bann divizyon ki nou ti annan Prezidan Faure in zwe rol senbol Linite al konman en Homme D’Etat en Statesman.

In al ziske dan ekstrenm pour li kapab de mwan, Onorab Henrie in koz lo la pour li retir 5 Zen konman en konze al. Prezidan in osi divors li avek direksyon, direksyon politik son parti pour kapab permet ki dimoun i konpran i le travay dan lentere Linite al.  Me nou apresye, Mr Speaker poudir Lasanble al in zwe en rol enportan en rol pri mondyal en rol kritik pour nou ariv kot nou’n arive ozordi, pour nou kapab pe get serten laverite, serten realite, serten bann fe ki nou osi pa kapab nie anfas e gete ki mannyer nou kapab bouz sa si nou oule bouz devan konman en .

Pandan mon letan ki mon’n Vis-Prezidan pour en pti gin letan mon’n ganny sans zwenn de fanmir ki ti ganny afekte par bann levennman le 5 Zen e mon konpran le Onorab Hoareau e Onorab Larue i montre lemosyon. I fermal.  Tou zonm ki ou ete par ler ou le esey tenir en larm, be selman bann listwar ki dimoun i akont ou i tous ou o profon akoz i tir sa zanfan dan ou e i tir sa imen dan ou.

Mon krwar se sa ki nou pe koz lo la ozordi nou bezwen kapab fer sorti en bann laverite tonm dakor ki sa ki responsab i vin devan avek senserite.  E mon pe koz avek tou senserite ozordi apre midi e mon santi ki sa senserite i renye isi dan Lasanble al e osi par bann dimoun ki pe fer bann komanter partou lo medya sosyal. Ki nou bezwen sa si nou oule kontiny batir sa bon aki devlopman ki nou’n gannyen.

Tou sa ki nou’n ganny nou kapab selman bouz devan, si nou bouz ansanm konman en sel san get okenn diferans politik. Mr Speaker nou dan krwaze nou devlopman, nou dan karfour nou devlopman, nou’n ariv lo en pa desiziv nou devlopman.  E sa Prozedlwa ki devan nou i nesesit nou bezwen tou dimoun travay ansanm. Nou bezwen en nouvo souf e nou bezwen en fwa pour tou get ki nou pou fer. Nou pa kapab balye salte anba karpet, me tire e deal avek e bouze devan.

Pour tou bann fanmir ki zot Manm in perdi lavi; pour tou bann fanmir ki zot Manm in ganny tortir, pour tou bann fanmir ki zot Manm in ganny egzile ouswa in al egzile; pour tou bann fanmir ki zot Manm ki in disparet, pour tou bann fanmir ki zot Manm in ganny arase zot propriyete nou pa kapab zistifye sa.  Nou pa kapab zistifye tou bann keksoz ki’n arive ki mon’n liste la ki si oule pe tous dinyite en imen.

Mr Speaker tou nou aki devlopman ki mon’n koz lo la e tou sa bann lerer ki’n arive, tousala i lye avek le 5 Zen.  Me selman ki nou pe separe, annou address sa bann lerer pour permet sa bann aki ki nou’n kapab gannyen al lo lot nivo.

Mr Speaker pour tou sa bann dimoun ki’n sibir sa bann sityasyon atros mwan osi mon demann pardon, mon demann pardon akoz nou bezwen pardon si nou bezwen bouz devan.  Mon demann pardon akoz i pa devret arive avek nenport imen. Mon demann pardon akoz mon santi sa ki bann lezot fanmir i santi en fanmir mon’n asize avek 3 fiy e ansanm nou’n gele. Mon demann pardon akoz nou bezwen kapab sa, pour nou kapab konmans geri bann boubou.  E mon swete parey mon’n dir bomaten, parey zot in dir zot menm ki sa travay i ganny fer avek tou imilite avek kouraz e avek senserite si nou le bouz devan.

Sesel pe apel nou pou vir en lot paz dan nou listwar.  I annan en kantite bon keksoz ki’n ganny fer, me in annan en kantite keksoz ki pa ti’n devret arive.  E mon krwar la i en moman e Sesel i pare pour li kapab fransir sa lot letap.  Pour nou annan rekonsilyasyon, pour nou annan Linite al i bezwen annan en keksoz Onorab Ferrari in dir, laverite i pli enportan.

E mon satisfe ki lankadreman ki’n ganny mete dan sa Prozedlwa avek bann amannman ki pou ganny fer, i ava permet ki tou dimoun i kapab vin devan avek senserite.  I pou fermal i pou difisil i selman komansman sa e si tou dimoun i vin senser e nou pou en lot legzanp pour lezot pei dan larezyon e lezot pei dan lemonn, kot nou kapab tourn en paz, vir en paz, ferm en sapit douloure e bouz devan pour nou kapab zwir bann aki ki nou’n deza kree.

Mr Speaker lo nivo, lo lapar Gouvernman mon ti a kontan donn langazman ki Gouvernman pour kolabor avek Lasanble al avek tou bann fors viv avek tou bann dimoun ki annan lentere pour trouv linite pour anmenn nou pei ansanm, pour ki Sesel nou zetwal i kontinyen briye e pour ki sak Seselwa i kapab viv son lavi plennman.  Mersi Mr Speaker.

 

MR SPEAKER

Mersi Vis-Prezidan.  Bon in ariv moman pour Lasanble pran en desizyon en vot lo The Truth Reconciliation and National Bill 2018.  Mon ava demann tou Manm ki an faver.

 

HON SEBASTIEN PILLAY

(Mic Off)

 

MR SPEAKER

Wi lo merit e prensip mersi Onorab Sebastien Pillay. Tou Manm ki an faver? Okenn Manm ki kont?

 

MADAM CLERK

Mersi bokou Mr Speaker. Mon’n rikord 26 Manm an faver e personn kont.  Mersi.

 

MR SPEAKER

Mersi mon kapab ganny en formal Second Reading, Madanm Clerk.

 

MADAM CLERK

Mersi Mr Speaker; a Bill of an Act to enable the President of the Seychelles to establish a Truth, Reconciliation and National Unity Commission to promote National Unity and Reconciliation.  Mersi Mr Speaker.

 

MR SPEAKER

Mersi Madanm Clerk.  Bon mon konnen i annan en seri amannman ki devan nou ki Bills Committee in prepare, i annan enn de propozisyon osi tou ki’n sorti pandan deba. Mon sizere ki nou ava dan Staz Komite. Dakor? Yes Onorab Georges.

 

HON BERNARD GEORGES

Mersi Mr Speaker, Mr Speaker pandan break dite, mon’n ganny sans koz en pti kou avek bann Leaders e osi Minis avek Attorney Zeneral e etandonnen ki i annan en seri amannman ase konsiderab sorti kot Bills Committee me i annan osi en seri amannman ki pe ganny propoze par Leader Lopozisyon e dapre sa ki mon konpran par Onorab Hoareau osi, nou pe demande si e osi eskiz mwan Attorney Zeneral in fer osi enn de propozisyon, nou pe demande si e tan donnen ki nou pour sit demen 10er, si nou ti a kapab adjourn deba lo sa Bill la prezan. Bills Committee i ava zwenn avek Attorney Zeneral demen bomaten 8er e ant 8er ek 10er, nou ava konsider tou sa bann amannman dan en fason ki ler nou retournen 10er, nou kapab al dan staz Komite e pa pas bokou letan lo bann amannman.

 

MR SPEAKER

Dakor i annan en propozisyon. Onorab Sebastien Pillay.

 

HON SEBASTIEN PILLAY

Mersi Mr Speaker. Mr Speaker propozisyon Onorab Georges i en propozisyon ki nou ti’n ganny sans diskite e bann Manm Bills Committee osi ti’n ganny enformen ki pour annan sa meeting Bills Committee demen.  E vi ki dapre nou Standing Orders nou’n ariv, nou’n desot 5er, nou’n ariv ler pour fini, mon pa krwar nou bezwen move en Mosyon for adjournment me, petet from the chair ou kapab adjourn prezan ki nou ava kontiny travay lo sa Bill demen.  Mersi Mr Speaker.

 

MR SPEAKER

Wi dakor.  Mersi Onorab Sebastien Pillay.  Bon savedir travay lo sa Bill i pa fini la, i annan kontinyasyon demen.  E parey mon’n dir demen osi tou nou pour tackle sa lot Bill Dogs Protection and Control of Dogs.  Wi 10er nou ava komans, nou ava kontinyen avek Bill pour Truth and Reconciliation apre nou ava kontiny nou travay ki reste lo Order Paper.

Bon mon ti a kontan remersi Vis-Prezidan, Attorney Zeneral, Mr Ally, e son Asistan Mr Victor Pool. E mon adjourn.  Nou ava adjourn Lasanble pour nou repran nou travay demen 10er bomaten.

 

(ADJOURNMENT)