Home » Verbatim » 2018 » Verbatim Wednesday 5th December, 2018

Verbatim Wednesday 5th December, 2018

NATIONAL ASSEMBLY OF  SEYCHELLES

Wednesday 5th December, 2018

 The Assembly met at 9am

 National Anthem

 Moment of Reflection

 Mr Speaker in the Chair

 

 

SEYCHELLES PROGRAMS OF CENTRAL GOVERNMENT

 

MR SPEAKER

Bonzour tou Manm Onorab.  Bonzour tou dimoun ki a lekout.  E e  bonzour spesyal pou Minis Maurice Loustau-Lalanne ki ankor enn fwa bomaten parmi nou dan Lasanble.  Pou nou kapab kontiny sa travay lo Bidze 2019.

Mon osi dir en bonzour lekip ki avek ki pe akonpanny Minis, SS Patrick Payet,  Ms Astride Tamatave, Ms Seylina Verghese, Mrs Eline Moses e ki Chairperson National Grants Committee, e Ms May-Paul Marengo ki Chief Accountant.  Bonzour zot tou e ankor enn fwa welcome dan Lasanble Nasyonal.

Mon ava demann Sergeant pou move Mace pou nou rantre dan Staz Komite.  Ok zis avan nou konmanse mon ti anvi ki nou, nou rediriz nou ver nou travay ki mannyer nou ti pe fer an term kestyon avek klarifikasyon yer mon’n allow ki nou annan en pti deba lo sa sityasyon ki’n arise yer.  Me annou retourn nou ver kestyon klarifikasyon san fer gran, gran statement pou nou kapab fini avek sa travay lo Bidze pou nou pran lot letap dan nou travay sa semenn     Prozedlwa ki swiv sa Bidze e lezot    Prozedlwa ki devan nou ki nou anvi i fini avan nou pran recess.  Yes Onorab Afif.

 

HON AHMED AFIF

Mersi Mr Speaker. Mr Speaker mon ti a kontan demann ou pou si mon kapab raise en matter of privilege avek ou permisyon.

 

MR SPEAKER

Yes Onorab nou ti’n ganny en koze deza bomaten please go ahead. 

 

HON AHMED AFIF

Mersi Mr Speaker.  Mr Speaker mon ti a kontan avek ou permisyon fer en koreksyon lo lanons bann nouvel k i ti fer lo SBC yer swar 8er.  Kot zot ti fer en raportaz lo sa ki’n pase dan Lasanble Nasyonal yer.  E mon bezwen koriz premye item ki zot ti dir.  E zot ti dir ki Lasanble Nasyonal i pa’n aprouv bann pansyon pou bann ansyen Prezidan e ansyen Minis.  Sa i pa korek.  Sa ki nou pa’n aprouve se end of gratuity 2015 pou bann Minis ki dan Konsey de Minis ozordi.  Ti pe reklanm  dan Bidze 2019 zot Gratwite lafen term 2015 ti en total R6,585,580milyon.  Se sa ki nou’n koupe.  Nou pa’n koup okenn pansyon pou bann ansyen Prezidan.

Me parkont i annan en  diskisyon ki nou ti ankor pe fer e nou pe esper serten lenformasyon pou vini sorti kot Minister Finans e propozisyon lo lafason pou rekiper larzan ki’n deza peye konman lafen term Gratwite pou serten ansyen Minis e Prezidan.

E dezyenmman Mr Speaker avek ou permisyon ti annan en lot nouvel ki ti ganny donnen ki pa ti korek, ki Lasanble Nasyonal yer ti aprouv Bidze pou serten NGOs. Nou pa ankor aprouv Bidze okenn NGOs.  Nou pa ankor aprouv Bidze okenn         NGO Tousala i ankor an diskisyon ozordi.  Mersi Mr Speaker.

 

MR SPEAKER

Mersi Onorab Afif.  Mon krwar sa ki ou’n dir i byen akoz menm pou lo kote pansyon e menm lo sa posibilite ki sa bout end of term Gratwite i ganny koupe i tonm anba ‘’other wages and salaries.’’  E Lasanble pa ankor pran en vot lo la.

Menm zafer pou bann NGOs i tonm anba ‘’Seychelles Programs of Central Government’’ Lasanble Nasyonal pa ti ankor fini deba.  Pa ti ankor close deba lo la e nou pa ti ankor pran en desizyon lo la.  So i plen byen nou met keksoz annord.

Me petet zis mon ava reasir Lasanble apre bann statement ki’n ganny fer yer lo kote pansyon akoz ti annan sa bout pansyon whether ki pansyon osi tou pe ganny zwer avek pe ganny freeze oubyen pe ganny koupe.  Nou pa pe kapab koup pansyon okenn Minis, okenn Prezidan menm ansyen Prezidan and all that, akoz sa i form par dan en Lalwa.  E nou pou bezwen anything ki vini dan sa direksyon i pou bezwen al tous Lalwa ok?   Pansyon i ganny kouver anba en Lalwa, pansyon avek bann gratwite ansyen Prezidan ansyen Minis and so on, e Lasanble ti napa okenn lentansyon tous sa mon krwar in sorti tre kler yer ok. 

So nou pou kontinyen nou pou kontinyen nou deba bomaten.  Mon ti annan 4 Manm ki ti’n lev lanmen pou entervenir mon pou donn zot sa sans pou entervenir lo Seychelles Programme of Central Government e apre ler nou a fini avek Seychelles Programs of Central Government nou a regarde si SS i annan okenn nouvo keksoz pou en form Lasanble lo ‘’other wages and salaries’’ ki nou a kapab dispose of this one also ok.  Mon a donn laparol avan Onorab De Commarmond.

 

HON CHARLES DE COMMARMOND

Bonzour Mr Chair.  Mersi bokou Mr Chair.  Bonzour Minis ek ou delegasyon tou Manm Onorab e tou dimoun ki a lekout.

Mr Chair i annan zis konmsi pou ganny nou travay byen bomaten la en ?  Sa vot ki nou’n delay nou pou pran li apre ki nou fini sa Seychelles Programme sa to government en?  

E eski nou pou koz en pti git lo la ouswa non, i pou al direk lo vot ?

 

MR SPEAKER

Nou ava regarde.  Nou a fini Seychelles Program of Central Government.  I annan 4 Manm ki pou demann klarifikasyon kestyon nou ava permet sa.  Nou ava dispose of nou ava pran en vot.  Apre nou ava retourn lo ‘’other wages and salaries’’ kot SS i ava fer en statement.  E mon ava regarde apre si le de pou konman Leader ou kote e Onorab Ferrari ki pe lead ot kote, si nou bezwen fer en statement – ok ?  Me nou pa pou re ouver deba alright? Mersi Onorab De Commarmond.

Bon, mon ava donn laparol Onorab Sandy Arissol.

 

HON SANDY ARISSOL

Mersi Mr Chair.  Bonzour Mr Chair.  Bonzour tou dimoun ki a lekout.

Mr Chair mon ti a kontan retourn ankor yer nou ti e koz lo NGO e mon ti a kontan zisteman retourn ankor en pe lo la pou serten klarifikasyon.

Mon ti kontan letan Mrs Moses ti donn nou en pti detay an relasyon avek NATCOF konbyen zot in koupe, konbyen ti pe prezante.  I ti eksplik nou akoz zot in koupe konbyen dimoun i ti annan larzan i ti pe al pou kwa?  Alor lo menm laliny mon ti a kontan demann Mrs Moses par egzanp pou CEPS ki dan Bidze i annan li en lokasyon 3milyon akoz li osi zot pa ti balans li parey zot ti balans NATCOF pou gete konbyen staff i annan, konbyen i pey son alokasyon pou nou gete si nou pa kapab li osi, parey zot in fer ek NATCOF konman en legzanp pou nou koup en pe son Bidze li osi.

Akoz mon pe dir sa?  Mon pe dir sa pou CEPS parske mon aprann pou dir CEPS i Bidze i ganny 3milyon selman mon aprann zot annan zot zis 5 staff.  Si mon mal koriz mwan.

Lo sa laliny mon ti a kontan si Mrs Moses lekel sa bann staff ki kot CEPS e dir nou konbyen zot pe gannyen par mwan.  E dir nou konbyen zot pey zot lasal laba zis parey ou ti donn nou en pti detay lo pou NATCOF zot in  koupe.  Sa i mon premye kestyon.

2enm kestyon mon ti a kontan demande Mr Chair an relasyon avek mon aprann pou dir CEPS letan i ganny sa 3 milyon dan Bidze mon aprann pou dir i lwe son lasal kot i été laba anler si mon mal koriz mwan Mrs Moses i lwe son lasal menm si Gouvernman in fini peye pou li.  Dir nou konbyen i lwe e konbyen zot anmase?

Lot kestyon mon ti a kontan demande mon 4aprann pou dir CEPS bann ki lo CEPS zot bezwen sorti lo Project Fund Committee e ti a bon zis en propozisyon zot sorti ki dimoun i fer konsern deor pou dir CEPS zot bezwen sorti lo Project Fund Committee.mon pa konnen lekel sa Project Fund Committee on pa konnen si sanmenm sa ki ou lo la.  E les sa pou lezot dimoun ki napa NGO bann dimoun lib deor ki neutral ki kapab fer en lot travay.

Mon aprann pou dir CEPS apre ki’n ganny 3milyon avek Gouvernman CEPS i apply i demann bann Lanbasad pou li ganny serten donasyon, i annan bann international donors ki donn li larzan.

Mon ti a kontan si ou Mrs Moses ou’n kapab donn nou bann detay apard sa 3milyon ki kantite larzan CEPS pe gannyen ?  Ki pe arive ek sa bann larzan lekel ki pe accountable?  E  pou nou ganny en detay finansyel lo la parey Onorab Henrie ti pe demande yer.

Mon dernyen larepons, mon dernyen kestyon mon ti a kontan demann Mrs Moses Mr  Chair, konbyen larzan ki EU ti donnen pou proze ki ti al kot CEPS, e mon aprann ki ou ki ti siny cheque konman Mrs Moses dir nou konbyen larzan nou ti gannyen kot EU ki ti al kot CEPS ? Ki ti arive ek sa larzan pou kapab ganny en detay en pe pli kler an sa ki konsern CEPS.

        Mr Speaker pou lemoman mon aret la.  Mersi bokou.

 

MR SPEAKER

Mersi Onorab.  Zis mon ava gid Mrs Moses0 lo kote saler detay saler ou kapab petet zis dir poursantaz oubyen ki total amount ki al dan saler me detay ou kapab fer available avek Manm apre.

Ou pa neseserman bezwen pibliye donn sa piblik.  Ok parey yer ou’n fer pou NATCOF ou’n dir ki sa amount i al dan saler ou kapab fer sa osi.  Ok Mrs Moses.  SS oule reponn?

 

SECRETARY OF STATE – MR PATRICK PAYET

Mersi Mr Chair.  Bonzour tou Manm Onorab e tou dimoun ki a lekout.  Pou dir ki i annan kategori par egzanp CEPS sa     Bidze li i pa al lo sa Small Grants Committee.  Bidze CEPS i vin direk kot Minister Finans e         Gouvernman i deside donn li en alokasyon on an annual basis.  So li i pa pou pas lo Komite sa sanmenm sa kekfwa mon a reponn sa kestyon dan plas Mrs Moses.

Bidze CEPS nou konnen i ti apepre 500 a 600mil i pou lo son saler. Apre dan sa 3 milyon Gouvernman i donn li 200mil pou li fer anrezistre bann Lasosyasyon.  So lasosyasyon anrezistre i pas kot Rezistrar me  i osi         MOU ki nou’n sinyen avek CEPS zot fer sa process zot osi.

So nou kapab share avek Lasanble son detay Bidze, akoz avan ki nou release okenn Bidze – par egzanp i annan CEPS ,    i annan    CARE ki nou fer, nou fer sir ki zot in fer audited financial statement e sa zot bezwen soumet en kopi avan ki nou release okenn Bidze.

So nou kapab donn zot en kopi latest financial statement ki    CEPS         in prezant ek nou, avan nou ti release son Bidze, e nou kapab donn zot son detay Bidze osi ki CEPS in donnen ki zot kapab donn son detay Bidze i pou met son larzan ki i gannyen avek     Gouvernman e bann larzan ki e kolekte avek bann lezot international bodies ouswa avek bann local partners.  Sa i pou detaye dan son Bidze.  E sa nou kapab fer Lasanble gannyen during the Recess.  Mersi.

 

MR SPEAKER

SS petet ou annan rent ki zot pe peye.

 

SECRETARY OF STATE – MR PATRICK PAYET

Nou staff pe regarde e nou kapab fer zot regannyen avan nou pran sa vot.

 

MR SPEAKER

Bon mon retourn ankor lo sa size saler.  Nou kapab mansyonn salary band ok?  As par salary band apre zot detay nou kapab fer tou bann Manm gannyen parey lezot Departman, lezot Minister in provide.  Ok bann Manm in ganny bann detay ki zot rode.

Bon mon ti  a zis profit pou mwan prezant en leskiz pou Ms Croisee ki osi devan akote Minis e i pe akonpanny nou dan sa legzersis.  Ms Croisee mon prezant mon leskiz ok ?  Mrs Moses ou annan keksoz pou azoute?

 

CHAIRPERSON NATIONAL GRANTS COMMITTEE – MRS ELINE MOSES

Bonzour Mr Chair.  Bonzour Onorab ; tou dimoun ki a lekout bonzour.  Mersi pou ou kestyon.  Parey SS in mansyonnen CEPS SON laplikasyon pa nou ki devan Komite e yer mon ti fer sa resorti.  So CEPS i annan son prosedir separeman e mon mazinen Minister Finans i dan en pli bon pozisyon pou zot reponn bann kestyon ki annan relevan avek depans ki asosye avek CEPS. 

With regards to sa proze EU i fer mansyon mon mazinen pou dir ki CEO CEPS avek Chairperson CEPS  se zot ki annan sa manda pou zot reponn kestyon e donn klarifikasyon lo sa proze spesifik.  I annan en mansyon ki’n fer nonmen lo Project Fund Committee – wi mwan mon ti en manm sa Project Fund Committee e wi sa Project Fund Committee i nepli an fonksyon CEPS in pran en desizyon so mon napa nanryen pou fer avek Project Fund Committee.  Mersi.

 

MR SPEAKER

Mersi Mrs Moses.  Onorab Arissol.

 

HON SANDY ARISSOL

Mersi Mr Chair.  Mersi Mrs Moses pou ou larepons.  Mersi SS. 

Mr Speaker mon ti a kontan retourn kot Mrs Moses an relasyon avek CEPS EU project mon aprann pou dir ou ki ti siny sa cheque.  So mon ti a kontan an vi ki ou’n vwar sa cheque ou’n sinyen donn nou detay konbyen zot ti gannyen anba la silvouple.

Mon lot kestyon Mr Speaker mon aprann i annan anviron 300 – anviron 300 NGO.  Selman mon aprann pou dir i annan NGO ki vin devan sa Komite kot Mrs Moses, pou li kapab fer son bann aplikasyon parey nou ti ganny eksplike pou NATCOF yer bann detay ti dir nou konbyen ti annan.

Me mon aprann i annan ki pa vin kot ou me al direk lo lalis pou li ganny larzan.

So mon ti a kontan konnen kote sa disparite i été akoz NATCOF li i ganny trangle pou li ganny demann kestyon.  Me selman i annan mon aprann i annan bann NGO ki pa vini laba lo sa Komite.  Zot, zot pas direk e zot larzan i la.  Mon ti a kontan ganny en lesplikasyon lo la silvouple !  Mersi.

E Mr Speaker pou mwan fini mon ti a kontan dir pou dir bann detay ki mon’n demande mn krwar lo nou kote nou ti a kontan ganny sa bann detay avan nou pran en vot lo la.  Zis parey nou ti fer avek lezot Minister pou nou ganny bann detay avan nou pran en vot lo CEPS silvouple.  Mersi bokou.

 

MR SPEAKER

Mersi Onorab.  Mrs Moses.  Ou annan en bout pou ou reponn apre nou ava donn SS laparol.

 

SECRETARY OF STATE – MR PATRICK PAYET

Mersi Mr Chair.  Mr Chair kekfwa nou annan kopi Bidze zot cash flow ki zot in fer pou 2019.  Pou korize zot total saler zot cash flow i R1.5 milyon total; R1.5 milyon apre i annan personal income tax 121 ki zot in mete pension fund 49.

I annan

Trezyenm Mwan – 138,400mil.

Odit – 33mil.

Office rent – 504mil.

Media and advertisement -18

Publication – 12mil.

Cleaning material – 7mil.

Office supply – 6mil.

Telecommunication- 96mil.

Board allowances – 462mil.

Office repairs – 24,500mil

Vehicle repairs, maintenance – 12,800mil.

Electricity – 120mil.

Water 3,600.

Local transportation – 6mil,

Insurance and road tax – 20mil.

Governance meeting expenses- 3, 500,

Marketing expense – 10mil.

Affiliation to regional bodies – 10mil.

Capacity building – 15mil.

Travelling expenses – 18mil.

Regional platform expenses – 100mil.

Subscription fees – 5mil,

Postage – 36mil avek stationary.   

P.O. Box rental – 1,500

Fuel – 36mil

Staff welfare – 6mil,

Bank charges – 10,800,

Commission programs bann Komisyon -350mil,

EU project – 450mil,

Office equipment – 60mil,

Contingences – 48mil.

So an total zot Bidze – total expenditure i R4.3milyon.     Me sepandan dan Bidze ki nou’n gannyen i zis 3milyon.  So i sa total ki zot annan dan Bidze.

Pou azoute in regards to kekfwa apre sa ki nou okouran nou in regards to bann Grants parey NATCOF, i annan kekfwa ki pa’n ganny kriye me selman zot in bezwen fer zot Grant application form.  Nou kapab don zot tou detay ki sa bann NGO ouswa sa lasosyasyon zot soumisyon ki zot ti fer lo sa Grants Committee akoz zot in bezwen ranpli sa Grants application form. 

Me i annan ki kekfwa ki pa’n ganny kriye akoz kekfwa zot, zot detay ti vreman specific. 

        Me kekfwa si Manm Onorab i annan any specific NGO kekfwa ki anvi demann kestyon lo la, avan kekfwa nou soumet sa bann application form ki zot in soumet avek sa Komite,  nou kapab donn en pe plis detay lo direkteman kekfwa lo sa specific NGO. 

 

MR SPEAKER

Mersi SS.  Mrs Moses oule azout keksoz?   Ms Marengo.

 

CHIEF ACCOUNTANT CEPS – MAY-PAULE MARENGO

Bonzour Chair, bonzour tou Manm Onorab.  Bonzour manm piblik.

Lo kote SS in dir i annan detrwa NGO ki lo sa lalis ki’n trouv sa bann aplikasyon.  Me selman zot pa ankor fini pas devan Komite.  Lo lalis akoz zot dokiman in fini arive e zot sipoze fer prosedir pou annan tou zot bann dokiman avan zot ganny disbursement. Prosedir pou analiz Prosedir mannyer i marse se ki apre ki laprouvasyon bann NGOs pou bezwen submit en cash flow pou nou analize and then apre osi pou nou fer disbursement nou bezwen fini konplet tou zot aplikasyon.

Apre i annan osi sa de milyon ki’n ganny mete pou bann ki pa’n kapab fini fer aplikasyon pandan sa peryod letan ki nou ti donnen avan submission i vin Lasanble.

 

MR SPEAKER

Mersi Ms Marengo.  Onorab Arissol.

 

HON SANDY ARISSOL

Mr Speaker permet mon, mon annan en kestyon ki pa ankor ganny reponn mon ankor pe demann Mrs Moses i annan en cheque ki ti sinyen pou EU ou pa ankor donn mon detay konbyen lo la, pou mon konnen silvouple.

Apre mon ti  a kontan demann letan Minis in eksplik mon an relasyon avek sa ki SS in dir ek nou an relasyon avek bann ki pa pas lo Komite me selman i vin direkteman kot zot.  Mon vwar i annan en de-balans.  Parske si NATCOF in nobou vini mon pe servi NATCOF parske NATCOF ki ti en legzanp yer in kapab vini in prezant son proze, in prezant tou sa ki ti kapab in sorti lo2.5 parey zot ti dir nou e finalman in tonm lo 800mil.  Mon pa konpran mwan – mon ankor still pa konpran mwan akoz serten zot, zot pas direk kot SS e zot ganny larzan, me NATCOF li ki vini i fer en prezantasyon kler, i donn zot son detay zot kapab dir demann kestyon apre zot aprouve me i annan larestan ki zot pa aprouve.

Epi Mr Chair mon aprann pou dir CEPS i ganny li R50 mil ankor.  Sa i al pou zour  Lazournen Volontarya – ki en Komite sa e sa Komite pa mars ditou sa.  La 2 zour pase zot ti sipoze fer en pti aktivite in cancel.  Tousala i bann larzan ki al kot CEPS ki nou pa konnen ki pe arive avek, ki nou bezwen demann kestyon!

Me malerezman lezot ki vin devan i prezant son plan li ganny fouye, i ganny kas an pti bout.  Mwan mon ti a kontan Ms Moses i donn mwan mon larepons lo sa larzan sorti kot EU la, ki li ki ti siny cheque konbyen ki CEPS ti gannyen silvouple, apre pou dir mon sa Komite ki pe dormi la ki zot ganny 50mil tou-le-z-an.  Pou nou konn en pe avek mon detay ki mon pe rode.  Mersi bokou.

 

MR SPEAKER

Mersi Onorab.  Mrs Moses.

 

CHAIRPERSON NATIONAL GRANTS COMMITTEE – MRS ELINE MOSES

Mersi Onorab pou ou kestyon.  Klarifikasyon – parey mon’n mansyonnen mon ti Chairperson Project Fund Committee avek CEPS mon en volonter e otomatikman mon ti vin en Committee Member pou sa proze EU. 

Me parey zot konnen ozordi mon ladan kapasite konman Chairperson National Grants Committee e mon pa pe reprezant CEPS dan okenn kapasite

With regards to finansman EU zis pou klarifye Onorab – wi parey ou’n mansyonnen EU ti finans ti donn en finansman CEPS    mon pa pe mazin sif egzakt me selman mon mazinen pou dir CEPS i kapab fer provizyon pou donn sa bann lenformasyon egzakt.  Akoz zot kont in ganny odite e in menm ganny prezante avek bann manm dan zot AGM, e mon mazinen pou dir  – mon pare pou fer le neseser pou dir CEPS i kapab soumet sa audited account avek sa project file a zot latansyon pou zot kapab enspekte e verifye bann depans parey mansyonnen in ganny fer an relasyon avek sa proze EU ki ti ganny fer ki ti terminen lannen pase.

2enm pwen with regards to Komite – ou’n mansyonnen pou dir i annan en Komite ki ganny R50mil par an.  Volunteering Committee sa i pa dan mon ziridiksyon mon pou pas laparol avek bann zofisye ek Minister Finans pou zot donn klarifikasyon lo sa Volunteering Committee akoz sa i diferan avek National Grants Committee. 

        National Grants Committee parey nou’n eksplike yer i annan 13 lasosyasyon ki letan … ti annan 24 lasosyasyon ki’n soumet zot form devan Komite.

Komite in asize in fer bann due diligence neseser nou’n verifye avek nou lasosyasyon pou fer sir pou dir sa bann lorganizasyon zot kont i odite e zot an incompliance avek zot lobligasyon legal.  ‘

Ler sa letap in fini nou’n servi tou le 24 sa bann lasosyasyon pou zot vin interview devan Komite.  Nou’n fer detrwa zour nou pti schedule pou nou fer interview bann lorganizasyon ki’n fini in vini nou’n demann kestyon nou’n donn zot en pe gidans lo in terms of zot Bidze zot progranm ki zot anvi fer.

E apre Komite in delibere; nou pran desizyon bann ki nou pou aprouve.  I annan 13 ki’n ganny aprouve parey mon’n mansyonnen yer e parey Ms Marengo in mansyonnen 13 in ganny aprouve.

E parey ou’n dir wi i annan detrwa lezot ki aparet lo lalis Bidze e sa i pa dan i pa tonm anba National Grants ou konpran?  Sa se Finans sa bann dimoun mon mazinen parey SS in eksplike zot in anvoy zot aplikasyon kot finans me i pa ankor ariv kot Komite.

So mwan mon kapab koz zis lo zis sa 13 lorganizasyon ki’n ganny aprouve.  Lezot se Minister Finans ki kapab donn bann detay.  Mersi.

 

MR SPEAKER

 

SECRETARY OF STATE – MR PATRICK PAYET

Mersi Mr Chair.  Mersi Onorab. Mon krwar zis pou azoute ki letan nou ti soumet the Grants Policy to Cabinet to Ministers ti annan 2 lenstitisyon ki Cabinet ti aprouv pou zot al lo sa Grant Committee.  Sa se CEPS avek CARE. 

So Cabinet ti pran desizyon ki at least on an annual basis pou zot kontinyen asiste sa 2 lenstitisyon.  Sepandan bann lezot zot pas lo sa process tou-le-z-an.  So sa Cabinet ti pran en desizyon e i ti vwar ki sa 2 zot lobzektif ki sa 2 lenstitisyon pe fer Gouvernman kontinyen don zot resours on a annual basis lo sa 2 lenstitisyon.

 

MR SPEAKER

Mersi SS.  Onorab Arissol.

 

HON SANDY ARISSOL

Mr Chair permet mwan mon dernyen mon ava fini avek sa. Yer mon’n reste trankil selman mon’n rod en pti resers so mon ti a kontan ki zot ganny mon mwan mon santi i annan en keksoz pa pe mars byen.  Parske sa ki SS pe dir ek nou avek sa ki Mrs Moses pe dir ek nou e de keksoz diferan.

Taler mon demann en kestyon ki pa’n ganny reponn an relasyon avek – mwan ki’n dir i annan 5 staff laba e letan PS in mansyonnen pou dir saler 1.8 par an.  Ki letan 1.5 so nou pe kalkil li anviron 150 par mwan R150mil par mwan ler ou kalkil 4 dimoun nou pe koz anviron 35mil par mwan sakenn pe gannyen.  So mon ti a kontan zot donn nou en sif egzakt konbyen staff i annan kot CEPS?  Apre dan koze laba mon’n tann koz lo Board Fees selman  ti a bon letan  pe donn nou detay SS donn nou konbyen bann dimoun ki lo Board Fees?  Lekel zot ki lo Board?  Konbyen zot gannyen? E konbyen fwa ki zot zwenn.

Parey nou fer avek tou larestan dimoun ki vin dan Lasanble letan i konsern larzan ki nou pe disperse.  Mr Chair mersi bokou.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Dan Sekretarya pou lemoman i annan 6 staff.  I annan 6 staff kot CEPS e larzan ki zot in mete dan Bidze i annan de ki pou zot in demann de additional recruitment.  Se antour lannen prosenn i 8 staff. 

        Lo kote Board mon napa sa lenformasyon direk avek mon pou mon konnen ki kantite Board i annan lo CEPS e nou kapab find out sa fer Lasanble gannyen.

 

MR SPEAKER

Mersi SS.  Onorab Afif.

 

HON AHMED AFIF

Mersi Mr Chair.  Mon pe kalkil si mn annan 8 staff savedir sakenn pe ganny li enn pe ganny R18mil par mwan.  Ki sa 8 staff i fer egzakteman dan en NGO koumsa?  Sakenn pe ganny 18mil?  Mersi.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Nou kapab demann detay pou lo kote sa 8 pos ki zot annan me selman mon konnen i annan en CEO i annan en Project Manager, apre ti annan en Asistan office manager ki asiste pou lofis.  Apre mon konnen ti annan enn pou Kominikasyon.  Me nou kapab fer staff regarde lekel sa bann post ki zot in demande e nou a fer Lasanble gannyen.

 

MR SPEAKER

Onorab Afif.

 

HON AHMED AFIF

Zis en komanter mon vwar i for pou en pti lorganizasyon 8 dimoun mon mazinen CEO pe ganny bokou plis me lezot me selman pou en staff par mwayen 18mil NGO ki sipoze pe fer travay volonter ekstrememan o.   Mersi.

 

MR SPEAKER

 

SECRETARY OF STATE – MR PATRICK PAYET

Mr Chair permet mon staff kekfwa zot a find en pe pli detay detail lo zot saler nou a fer Lasanble gannyen.

 

MR SPEAKER

Mersi SS. .  Onorab Woodcock ou ti lev lanmen yer.

 

HON WAVEL WOODCOCK

Mersi Mr Speaker.  Onorab Arissol laplipar mon bann kestyon.  Me selman mn annan en pti kestyon kot i regard dan Fond Ferdinand.  Fond Ferdinand ti annan en business plan ki zot ti’n an drafte ki ti pou enkli bann lenfrastriktir avek reformil avek lafason sa fon i ganny run.  Annefe mi ti pou annan en nouvo Board ki ti pou ganny setup.  Ti pou annan en larzan ki ti pou ganny bidzete pou bann devlopman sa fon.

Me pou 2018 ti annan en Bidze R3.403milyon.  Me mon pa’n vwar vreman gran keksoz ki’n ganny fer Fond Ferdinand pou anmenn sa bann keksoz pou met an pla sa pou servi sa business plan.

        Alor mon kestyon i ler mon pe get 2018 mon pa vwar naryen kot i konsern Fond Ferdinand.

So alor mon pe demande ki pe arive avek sa business plan? kan si sa nouvo Board pou ganny setup? Minis ti vin vizite pou lanvironnman Prezidan ti vin vizit sa fon mon osi mon ti la ti fe bann gran deklarasyon regard devlopman sa fon but until now nanryen pa ankor ganny fer.

Alor mon pe demande what is going on avek Fond Ferdinand?  Mersi bokou.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Si zot regard lo paz 36 zot pou vwar ki Fond Ferdinand son depans aktyel 2017 ki Gouvernman ti donn li ti 362mil.  E nou ti met en provizyon pou    Bidze 2018 ki ti 3.4milyon.  Me letan nou’n follow-up avek zot ki zot in advise nou ki zot pa pou bezwen sa Bidze sanmenm sa ki ou vwar dan ekonomik Midyear Review nou’n tir sa larzan.

E dan Bidze 2019 ziska 2021, napa okenn provizyon pou Fond Ferdinand.  Me sepandan nou kapab lyez avek son parent  ministry ki  Minister Lanvironnman pou find en pe plis detay lo son plan an zeneral e nou ava soumet en pe plis detay lo la.

E dan Bidze 2019 napa okenn alokasyon pou Fond Ferdinand.  Mersi.

 

MR SPEAKER

Mersi SS.  Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mwan mon ti le zis retourn lo kot nou ti kite yer.  Ler nou ti arete yer nou ti’n ariv lo size NATCOF e nou ti’n ariv lo kestyon annou pran en vot lo sa morso Bidze and then nou ti arete akoz lot kote latab ti raise en issue ki zot pa santi pou dir NATCOF i devret ganny sa alokasyon larzan ki’n mete dan Bidze.   Ok?

So mon ti le konnen si sa propozisyon i ankor still stand?  Akoz la nou pe raise en lot kestyon regarding CEPS. 

So mon ti len konnen si nou kapab re ouver kestyon pou lezot landrwa ki nou pa’n demann kestyon yer?

 

MR SPEAKER

Bon rezon ki mon pen permet sa detrwa manm ki’n lev lanmen yer, se progranm antye i ankor ouver.  Se sa ki CEPS in monte ; Fond Ferdinand in monte pou kestyon pou klarifikasyon.     NATCOF in ganny deal avek yer. Mon pa konnen si oule ankor poz kestyon lo NATCOF, me si oule poz kestyon lo lezot ki anba sa bann Grants sa progranm Gouvernman, ou’n kapab fer.

 

HON SEBASTIEN PILLAY

Meri Mr Chair.  Mr Chair mon en pti pe konfize la, mon pa konnen ki mannyer ki nou le mean par   NATCOF in ganny deal avek yer ?

Akoz ler nou ti kit

La, nou pa ti ankor ganny en Lagreman lo whether or not    NATCOF pa pou ganny alokasyon bidzete anba National Grants Committee akoz i ti’n soumet son aplikasyon parey Lalwa i demande – parey Regilasyon oubyen Polisi i demande.  I annan en nouvo management  kot NATCOF ki’n fek konmans travay.

E bomaten mon’n tann Onorab Arissol in fer kler pou dir NATCOF in swiv tou bann prosedir ki devret ganny swiv, baze lo sa ki nou ti ganny dir yer in swiv tou bann prosedir.

E then nou ti annan en problenm akoz ti annan en size ki, ti ganny releve atraver ou Mr Speaker Onorab Ferrari ki NATCOF pe depans tro bokou larzan lo staff avek rental, alors nou pa devret donn li sa larzan.

So PS Finans i sipoze donn fou en klarifikasyon lo pozisyon NATCOF avan.  Be bomaten mon’n konpran pou dir Onorab Arissol in eksplike poudir NATCOF  in fer sa bann prosedir.  So mwan ki  mon ti le anmennen bomaten dan sa deba, se ki en lorganizasyon demann li pou swiv en prosedir, en fason fer e in swiv sa  e in soumet son plan si i annan en plan stratezik, pou ki rezon alors ki  eski  la ki  – eski Minister Finans  – petet mon devret demann sa kestyon Minister Finans eski Minister Fians pa kapab advise  nou lo si en bon pozisyon pou nou pran pou koup  Bidze NATCOF from sa alokasyon bidzeter?

Mon kestyon ti baze lo NATCOF.  Mersi Mr Chair.

 

MR SPEAKER

Mersi Onorab Pillay.  En moman Onorab Ferrari mon ava zis donn laparol SS. 

 

SECRETARY OF STATE – MR PATRICK PAYET

Mersi Mr Chair.  E mersi Onorab.  Pou nou letan nou ti prezant Bidze 2018 en rekomandasyon ki nou ti diskite avek Lasanble se, nou pou annan en Independent Committee ki pou assess.  Gouvernman pou met en alokasyon larzan tou bann NGO oubyen lasosyasyon ki anvi ganny any Grants from Government i annan en prosedir  ki zot follow e ladan dan sa prosedir i annan en Grants application ki  zot in fer ; i annan en Komite ki’n ganny etabli e sa Komite li i assess apre i fer sob rekomandasyon kot Minister Finans, baze lo sa Budget process.  Letan nou diskite dan Minister nou’n vwar ki letan nou prezant Bidze anba Seychelles Programme, nou pa pou kapab zis met en alokasyon n general.  Par egzanp 7.4 milyon ki Gouvernman pe donnen bann Grants alokasyon.

Ki nou’n fer se nou’n met ki sa Komite in aprouve – ki’n  soumet zot rekomandasyon, nou’n met li vreman dan detay.  E sanmenm sa ki’n arive avek NATCOF, NATCOF osi  zot in soumet zot alokasyon parey tou bann lezot NGO         ouswa lasosyasyon, zot in follow the process.  E Komite in assess in vwar ki natir travay      NATCOF  ou pou bezwen 2 full time staff.  Akoz natir zot travay zot bezwen prepar the  consumer awareness. 

So kekfwa osi komite i ava eksplike natir diskisyon ki zot in gannyen avek NATCOF.  Akoz zot ti demann NATCOF en pe lesplikasyon lo zot bann alokasyon.

So definitivman zot pou bezwen en lofis e zot bezwen   full time staff pou zot kapab.

E proposal kekfwa mon pe dir avek Lasanble se, nou pa zis 4donn larzan.  E  parey nou’n dir yesterday, pou annan en project manager ki pou ganny anploye kot Minister Finans ki pou oversee sa bann proze – sa bann progranm ki zot pe fer.  E larzan pa is pou donnen dan zot bank account koumsa.  I pou annan en cashflow ki pou disperse on a quarterly  basis.  E nou pou kapab idantifye zot bann progranm avek zot bann aktivite ki zot pe fer on a quarterly basis. 

So si arive letan nou pe mezir ot bann output at the end of the day, nou vwar napa results, definitivman during the Midyear Review nou kapab revwar en pe – nou kapab dir be tyonbo ou’n dir ou ti pou fer tan aktivite baze lo alokasyon ki nou’n d’onn ou, me lala ou bann achievement ki ou’n achieve so far.  E nou pa pou kapab donn ou adisyonnel baze lo ou progranm avek ou bann aktivite ki ou ti’n mete 4dan ou alokasyon.

So sa nou kapab etabli avek sa project manager ki nou pe met an plas, i kapab fer sir ki pe assess sityasyon during the Midyear Review.  So sa propozisyon ki kekfwa mon ti a kontan rekomande devan Lasanble.

 

MR SPEAKER

Mersi SS  si nou kapab recap mon krwar sa ki ti lev-e yer konsern ki ti lev-e ter se poursantaz sa alokasyon ki al dan rent avek dan saler  ki i fer ki poursantaz progranm alokasyon progranm i vreman, vreman ptigit.   E sa konsern ki bann Manm in  lev-e se ki eski zot pou annan ase mwayen pou zot anmenn en progranm vize ver konsonmater ? Se sa ki konsern in lev-e.  Minis.

 

MINISTER MAURICE LOUSTAU-LALANNE

Mersi Mr Chairman, bonzour tou Manm Onorab.  Zis pou fer remarke Mr Chairman lo Bidze NATCOF parey bann prosedir in eksplike i ti 2.5milyon li, apre atraver sa prosedir lokasyon ki nou kapab siporte se ki 850mil.  Me lenportans se ki pou reponn kestyon Mr Chairman se ki i son devwar pou mli al mobiliz fon pou li ariv lo sa    Bidze 2.5.  Akoz sa bann progranm ki kekfwa napa kantite larzan sa sipor pou li fer marse son louvraz, i bezwen al rod sa larzan.  E ankor parey SS Payet in dir nou ava fer sir ki konplet son Bidze 2.5 parey in dir in soumet.  Mersi Mr Chair.

 

MR SPEAKER

Mersi Minis.  Onorab mon ava retourn lo loter kestyon Onorab Pillay.

 

HON SEBASTIEN PILLAY

Mersi Mr Chair.  Mr Chair mon krwar hou bezwen careful avek sa lafason ki nou pe apros. Akoz yer mon’n tann lot kote fer propozisyon pou     NGO en nou’n dir why not nou donn li 1.2milyon?  Nou dir donn NGO 1.2milyon san ki nou’n konnen ki plan i annan – mon pa pe dir pa donn NGO larzan mon pe dir nou pa ni konnen son plan    i pa ankor nou pas dan prosedir.  Ou konpran?

Me la nou annan enn ki’n pas dan tou prosedir ok nou pe kestyonn son alokasyon vizavi rental vizavi nou dir li al rod sponsorship an deor.

Mr Chair me lekel sa – ozordi sponsorship lamazorite i ka pou gannyen avek bann businessman e laplipar businessman i swa dan biznes retail.  E i annan en konpetisyon feros avek ant bann lekip sportif pou ganny sponsor bann lezot aktivite pou ganny sponsor.

        Ou pou anvoy NATCOF rod sponsor avek bann menm dimoun ki bezwen fer consumer awareness avek li?

Ki mannyer NATCOF        pa’n ganny sponsor avek bann menm dimoun – bann businessman ki probableman NATCOF i bezwen al fer consumer awareness kot zot!  How will that work? Dan tou pei atraver lemonn, i annan en sipor Gouvernman i donn bann NGOs.

        Now si nou pa satisfe ek travay ki sa NGO pe fer, i annan en lenformasyon ki Minister Finans in donn nou ki nou pa ti’n gannyen yer.  Nou’n ganny dir pou dir i annan en quarterly review.  E mon ti a kontan demande eski sa quarterly review i aplik pou tou sa bann NGOs?  Si i aplik pou tou then nou kestyon nou deba i solve.  Akoz si nou pe donn sa bann NGO en larzan la e i annan en revi ki ganny fer, then akoz sa revi pa ganny prezante avek Lasanble?  E ganny prezante avek FPAC oubyen avek COGA.  I ganny fer sir sa bann NGOs i ganny kept honest – i ganny kept on task.  Mersi Mr Chair.

 

MR SPEAKER

Mersi Onorab.  Ou’n fer ou pwen.  Onorab Ferrari.

 

HON JEAN-FRANCOIS FERRARI

Ok mersi Mr Speaker.  Mr Speaker i annan de keksoz la ; i annan de pozisyon ki nou bezwen rekonsilye.  I annan en pozisyon ki pe ganny defann par Onorab Pillay ki nou bezwen finans sa bann NGOs.  Ki nou, nou pa krwar ladan akoz nou, nou krwar pou dir ler ou finans bann NGOs sa bann NGOs i vin bann Gonggos.  E sa se bann sistenm ki zot, zot in met an plas pandan tou sa bann lannen ki nou pe sey kase.

 

(Interruption)

 

HON JEAN-FRANCOIS FERRARI

Les mon koze mon’n les ou koze Onorab Pillay!  Les mon fer mon pwen apre ou ava koze.

 

MR SPEAKER

Kontinyen Onorab.

 

HON JEAN-FRANCOIS FERRARI

Ok nou pe rod en fason e mon krwar ki Minis avek SS i dakor lo sa larout ki nou pe sey ale, pou nou wean-off bann NGOs ki pe depan dan en fason permanan lo Gouvernman.

Now Minis in eksplik nou ki en lorganizasyon parey NATCOF, i annan serten travay pou li fer pou li al rod en pe larzan.  Sa i en nouvo devlopman ki nou kontan tande.  Nou kontan tande.  E i devret en devlopman ki i devret en prensip ki aplik pou tou bann NGOs. 

        E mwan mon santi pou dir ozordi avek sa deba antou lo nou kote latab avek sa deba ki nou pe annan,  nou devret propoz avek Gouvernman enn de laliny pou zot kapab travay lo la a lavenir. Par egzanp – enn –  nou devret rod en ceiling pou administrative cost, pou tou sa bann lorganizasyon.  E mwan mon’n ale mon’n fer li mon devwar yer pou mon al tyeke nou bann lorganizasyon enternasyonal i apepre 33poursan.

Zanmen okenn sa bann lorganizasyon i depas sa sonm ki 33poursan pou pey zot prop saler.  Si non i nepli vini ; si non ou pe rod larzan piblik oubyen ou pe demann larzan lasarite ki ou pe depans lo ou prop lekor.  E sa i en sistenm ki nou pa devret pe fer.

Alors la nou’n vwar pou dir pou nou retourn lo NATCOF nou’n vwar pou dir in annan en zefor ki’n ganny fer.

E nou, nou pe demann en zefor siplemanter. Ok? Vi ki SS in dir nou pou dir pou annan en Midyear Review nou, nou santi poudir si nou aprouv en alokasyon pou NATCOF i bezwen montre nou dan kouran lannen pou dir in servi mazorite sa larzan dan bann progranm edikatif pou ou konsonmater.

E si sa i arive e si nou pa pe dir ki i bezwen pe get zis sa R850mil i devret dan tou son Bidze sa larzan ki gannyen avek Gouvernman, e dan sa larzan ki li  in kapab rode oubyen bann sponsorship in-kind.   Par egzanp, si NATCOF i al SBC oubyen kot Tele Sesel i dir, mon annan bann advert pou mwan fer pou ledikasyon konsonmater, i sipoze kout mwan R20mil me fer mon ganny sa pou nanryen akoz mon pe edik konsonmater.  Sa i R20mil ki in save.  Ki an realite i en larzan – i en konponan dan son Bidze ki li menm li in rode.  So sa bann zefor koumsa ki nou anvi rode.  Sa i mon premye pwen lo NATCOF. 

E apre ki nou ti’n koze yer Minis avek SS in donn nou detay ki mannyer zot in ankouraz NATCOF pou zot redwir zot bann Bidze fonksyonnman e sa nou apresye.

La prezan nou vin lo CEPS.  CEPS osi i menm i dan menm sityasyon.  E nou, nou santi pou dir la osi i annan bann zefor pou ganny fer.  Par egzanp par egzanp si zot annan plan pou zot anploy ankor enn de dimoun akoz lorganizasyon sa bann lorganizasyon se pa bann lorganizasyon pa sipoze met dimoun dan en lanplwa permanan gro saler eksetera.  Sa i sipoze  baze osi lo volontarya.  Alors nou kapab demande poudir ki CEPS pa anploye ankor 2 dimoun.  Akoz i annan en kantite dimoun ki pe travay dan bann lorganizasyon Paraetatik parey nou pe dir ki zot ti kapab prodiktiv dan en lot landrwa.  Me selman akoz i gou ler ou dan lorganizasyon parey CEPS ou konnen ou pti larzan pe vini ou pti larzan ou gro larzan pe vini tou le mwan, alors ou kal ladan menm.  Me i annan bokou dimoun ki kapab pe fer pe travay prodiktiv dan lot landrwa.

Alors nou, nou demande ; par egzanp nou pa’n ganny en konpran – nou pa’n ganny dir akoz  Bidze CEPS in sorti 2.3 milyon pou li ariv – lannen pase – pou li ariv  3milyon sa lannen.  Nou pa’n vwar – nou pa’n ganny okenn lesplikasyon apard 2 travayer an plis.

Donk si nou devret realis e nou devret konsistan avek sa ki nou pe fer, nou devret Bidze CEPS ti devret o maksimonm retourn lo R2.3milyon pou lannen prosenn e nou demann avek CEPS pou zot kapab fer en zefor pou zot manage zot Bidze en pe pli byen e pou zot koup en pe lo zot entitlements ; si bann entitlements i tro gro akoz taler nou pou mon pa – i pa zoli – nou pa devret pe fer li an pratik pou nou demann saler ban dimoun isi ler nou lo televizyon akoz personn a konnen.  Tou dimoun i konn nou saler pou NOU.  Tou dimoun i konnen nou ganny R27mil selman ler zot pou tande poudir bann CEO        bann lezot i ganny bokou plis ki nou, zot pou ankoler.  Pou NOU, nou kapab dir.

Me selman nou ti a kontan konmsi ki sa bann saler osi sa bann saler sa bann CEO, Minis i reste rezonnab.  Akoz finalman bokou sa bann dimoun pe claim ki zot dan NGO sector zot.  Me when ou dan NGO sector ou parey en Per – en Leser ou’n fer vokasyon  pou ou al travay pou byennet lemonn.  Ou pa’n al laba pou ou vin en milyonner.

So zot bezwen osi zot saler i bezwen en pe rezonnab.  Alors mwan mon ti ava dir mon pa konnen ki bann Manm lo mon kote latab i santi lo la.  Me selman mwan mon santi poudir nou pa’n gannyen bann zistifikasyon ki nou devret gannyen ; nou’n ganny bann gro saler 1.5milyon pou lannen prosenn pou CEPS.  E nou santi pou dir sa i tro bokou akoz ler ou azout tou bann taks tou bann pension fund tou bann Trezyenm Mwan tou bann keksoz koumsa in fini desot 2milyon. E nou, nou krwar ki i pa rezonnab.

So mwan mon krwar nou devret CEPS pou li travay lo son Bidze 2.3milyon ok e montre nou ki zot in kapab fer en travay lo sa figure.  Mersi.

 

MR SPEAKER

Mersi Onorab Ferrari.  Bon nou’n ganny son komanter in ganny en pe son pozisyon.  Mon annan ankor 2 Manm lo mon lalis.  Nou ava pran sa de Manm apre nou ava regarde pou nou pran en desizyon pou nou pran en vot.  Ok? Onorab Henrie.

 

HON GERVAIS HENRIE

Mr Chair bonzour.  Mon annan 3 pti pwen. Dabor mon panse ki en alokasyon vreman enportan sa ki nou pe konsidere e i domaz dan mon lopinyon ki tou sa bann alokasyon in ganny mete ansanm.   Prezan i met mwan personnelman dan en dilenm akoz i annan bann alokasyon ki mwan mon ti pou san regre vot kont, me la i nou bezwen pran son vot an total e si mon vot kont demen en boug i dir mon pe vot kont Laptop   Scheme ouswa mon pe vot kont larzan Pti Baba ki mon pa vot kont sa bann.  Me i annan bann alokasyon ki mon kont e mon le ki bann dimoun Mont Buxton i konpran mwan.

Donk i annan de pti alokasyon ki mon le en pe leklersisman lo la.  Dabor i annan sa Home Improvement Re-roofing Scheme sa i en keksoz ki tonm direk dan nou kominote akoz nou pase vreman nou vwar bann dimoun aze ki vreman dan bann sityasyon kot zot bezwen e mon pe get son alokasyon ki mannyer in tant pou monte desann par egzanp sorti larzan ki ti’n bidzete 2018 14milyon me son end of year i pou selman 5milyon apre pe bidzet 8milyon lannen prosenn.

So sa ki mon anvi konnen lo la se ki monitoring e evalyasyon sa progranm, e pou ki nou Manm Lasanble nou ganny sa bann detay.

Rezon mon pe dir sa, akoz mon’n pas kot serten lakour kot bann dimoun aze zot in dir avek mon nou’n fer aplikasyon apre nou espere, nou pa tann naryen letan nou al rod lenformasyon i dir nou, nou form in perdi.  Prezan pe demann mon pou rantre dan sa zistwar akoz mwan mon merit krwar poudir i merit en keksoz straight foward ou apply en dimoun i vin regarde i assess i dir ou wi ou pou gannyen ouswa ou pa pou gannyen rezon kler i donnen tou dimoun i happy e si fanmir i merit antre pou ede i ede.

Me la pou lemoman i annan en pe an dezord.  So se sa ki mon ti a kontan ki nou tonm dakor konman Manm Lasanble akoz oversight dan kominote nou ganny en rapor lo sa zafer pou vwar son effectiveness.  Sa i premye.

2enm i vin ankor dan Housing Finance Scheme ; la ankor mon koleg Onorab Pillay i kontan koz lo la akoz nou vwar sa bann pti bout larzan i aparet partou.  E mwan pou mon letan sa i koumsa i reste lespas pou labi pou serten bann dimoun ki’n la telman lontan dan sistenm they know ki mannyer zot pou zwe sistenm.

Minis mon kontinyelman warn ou avek ou lekip tre konpetan lo sa bann keksoz.  So ankor mon ti ava kontan ki nou ganny en apersi e en parol pou dir zot on top of son evalyasyon avek monitoring sa de Scheme.

Prezan mon 3enm pwen Mr Chair i vin lo sa non-profit sector.  Premyerman mon’n antann la bomaten pou dir CEPS i ganny 200mil pou li an rezistrar bann NGO e sa mon annan en problenm avek. Akoz la i vin duplication.  Registra i deza pe fer en travay Registra i en Brans Gouvernman.  sa ti merit ganny garde pou Registra sa ki mwan mon panse lo la.  Akoz ozordi annou demann nou lekor konbyen NGO ki anrezistre avek Registra ki osi anrezistre avek CEPS ? 

Akoz bokou dimoun dan non-profit sector doesn’t trust CEPS e zot pa deal ek CEPS ditou.  So akfer zot pe ganny 200mil pou anrezistre bann NGO?  Sa i en premye pwen lo kestyon CEPS.  ‘

        2enm pwen i vin lo sa National Grant.  E mwan letan mon’n ekout bann deba depi yer mon annan en keksoz ki mon pa ankor konpran mon dan sa zafer.

Dan sa lalis ki nou vwar la mon vwar i annan bann NGO ki ‘n ganny en alokasyon.  Si mon pran en  legzanp NATCOF 858mil ki pres de fwa plis ki serten NGO par egzanp.

So akoz ki annan NGO – plizyer        NGO ki li i ganny alokasyon spesifik ki nou vwar son sonm la.  Apre nou vwar i annan National Grant ki bann lezot i vin ladan.  Konmsi akoz i annan de i de sistenm la pou letan mon get li.  This is where mon en pe konfize avek sa.

Prezan lo kestyon sa National Grant mon krwar ki Gouvernman pa’n konpran ki sa kote latab ti propoze lannen pase.  Sa ki nou, nou ti anvi vwar akoz mon repete Gervais Henrie i kont ki tou NGO i ganny en sou ek Gouvernman i annan zis de landrwa ki mon pou siporte.  CEPS ki sipoze pe manage sa sekter i ganny en larzan 4mon napa difikilte avek sa.  Apre en National Grant ki tou dimoun i apply on a fair basis.  Me sa Grant ki mannyer i merit marse se ki i merit lo programme or project specific e Gouvernman i ava dir bann en pli pti git larzan ki ou gannyen.  En minimum sepaman dizon R15mil e pli bokou 150 mil dizon.  E Gouvernman li i kapab tonm dakor pou dir lannen 2019 lala bann Tenm ki nou pou tonm dakor pou donnen – par egzanp dan drog, dan lapovrete, dan bullying, lannen 2020 i sanze.

So ki pa toultan bann menm NGO i benefisye. Akoz letan mon pe get a bann NGO la i annan dimoun ki’n mir dan sa sekter.  E ankor they know how to play the system.  Ou pou vwar toultan i annan serten non ki li i pe gannyen.  Akoz zot in ladan telman lontan zot konnen mannyer zot pou fer non selman avek Gouvernman me avek bann foreign Grant e osi zot pe ganny CSR.  So zot pe ganny en kantite zot.

Prezan dan sa Grant en lenformasyon ki mon krwar i enportan zot in dir pou dir 24 antite ti apply.  E 13 in gannyen.  So nou kapab tonm dakor 4ki sa Lasanble i ganny lalis sa 24 lorganizasyon ki ti apply.  Lekel sa 13 ki ti gannyen e ki rezon zot in ganny aprouve ou pa aprouve.

E en finalman lo sa kestyon Grant Mr Speaker.  Pa Grant me plito larzan ki bann NGO spesifik pe gannyen i annan en danze Minis.  Sa ki mwan mon appel recurrent Budget.  Parske mon konvenki pou dir i annan NGO la ki’n gannyen lannen 2017 e 2016 osi ler nou ti vini zot ti pe gannyen.  Si tou-le-z-an koumsa ou vin devan Gouvernman konmsi i annan lespas pou koripsyon sa.  Akoz pou mwan letan mon pe dir ou donn larzan programme of project specific i pa larzan pou saler – i pa larzan  pou rent.  Si ou pou donn en larzan pou saler project cordinator ki sa proze i last for 1an ouswa 2an li i ganny en pti larzan.  Sa mon napa difikilte avek.  Me zour sa proze i fini i bezwen move on swa i rod en lot proze swa i retourn dan lanplwa normal.

Akoz si non demen nou pe pey lasirans loto bann la – nou pe pey zot fuel nou pe pey zot  iPhone personnel i annan lespas pou labi.  E se sa ki sa kote latab i konsernen avek e nou pe envit nou bann koleg lo lot kote latab pou konpran nou!  Akoz nou avan nou vin dan politik nou’n deor nou’n struggle, nou konnen ki mannyer bann dimoun ki la ater i play the system!  We know it!  E nou pe sey sov taxpayers Seselwa akoz dimoun dan mon distrik pa ankor ganny lalimyer pa ankor ganny semen – pa ankor ganny bus stop e mon le fer lekonomi pou Bidze Nasyonal pei pou ki Mrs Charlot avek Mrs Hoareau anler i gannyen zot bus stop!  Mersi bokou.

 

(Interruption)

 

MR SPEAKER

En moman – en moman en moman en moman.  Onorab Ernesta komanter.

 

HON PAUL ERNESTA

Mersi Mr Chair.  Bonzour Mr Chair.  Mr Chair bomaten ou’n donn direksyon ki mannyer nou pou proceed avek laliny travay, ou ti dir nou pou’n al spesifikman lo kestyon kot kestyon i ganny demande e i ganny reponn.

‘       E Onorab in kontinyen avek statement.  In negliz tou sa ki ou’n dir.  E an menm tan in mank bis – housing ti la.  I annan serten kestyon kot ti merit direkteman pe adres kot housing e mon vwar li pe lev la.  E vwala sanmenm sa mon konsern.  Mersi Mr Chair.

 

MR SPEAKER

Bon sa lokasyon i la.  Sa –

 

(Interruption)

 

MR SPEAKER

en moman – en moman.  Order!  Order!  Bon in annan 3 pwen pou li raise mon’n les li raise son 3 pwen.

Me lo kote housing i an.  Mon osi mon annan en konsern.  Mon konn de fanmir spesifik i fer aplikasyon sa ki’n lev-e egzakteman sa.  Ti annan en alokasyon ki ti ganny fer pou Bidze 2018 e nou’n vwar mwens in ganny depanse.  E se sa ki mwan osi mon kapab demann kestyon. I  annan de fanmir spesifik Bel Ombre vilnerab de pansyoner ki’n demande pou ganny sa lasistans.  Zot pa’n gannyen e nou vwar mwens larzan in ganny depanse.

Alor konman son kestyon ki’n demande ki mannyer sa pe ganny zere?  Eski petet sak distrik i konnen i annan en demann tou-le-z-an.  Si sa dimoun pa’n ganny entertain sa lannen e eski lo lalis … ?  Mon konman MNA Bel Ombre mon pa okouran ki mannyer sa i marse.  E se sa konsern osi ki pe fer sorti.

I’ am sure sa konsern nou tou. I’m sure even takamaka ou pa vreman konnen ki mannyer sa Housing Improvement Budget i ganny servi.

So mon’n les li akoz deza dan sa alokasyon e ankor pou nou ganny klarifikasyon avek  SS koman sa alokasyon i ganny servi.  E ski aplikasyon i pas atraver lofis DA? Local Government? Nou pa konnen.  Ok so son kestyon mon’n allow.  Mon konnen – mon konpran ou pwen se nou pa pe vin spesifikman lo kestyon  nou fer letour.  Ok?   E nou seye.  Mon seye demande me se sa ki manm se sa ki manm Parlmanter i fer zot parle bokou.  Ok ? 

 

(laughter)

 

MR SPEAKER

E parfwa Onorab e parfwa zot parle me zot zorey pa tande ki zot pe dir.  Ok ? 

 

(laughter)

 

MR SPEAKER

I annan bokou sa. I annan bokou parle, me parfwa zot zorey pa tande ki zot pe dir e i annan bokou repetisyon – tou lede kote.  Tou Parlman i fer sa.  Nou bann misyon aletranze kot  nou’n al menm al vwar en Parlman pe travay ennler nou demande me sa boug in koz bokou me ki in dir?  Ok? 

Me vwala en pe pti pe nou travay ki nou vwar nou ladan.  I pa fasil.

 

(Interruption)

 

MR SPEAKER

Order!  Order!  Order!  Mon konpran …

 

(Interruption)

 

MR SPEAKER

Order!  Order! Onorab mon konpran ou pwen nou anvi fini mon osi mon anvi vini ok?

        Mon konpran ou pwen. Ok, nou ava donn sans SS pou reponn.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Pou konmanse kekfwa lo sa Home Improvement Reroofing Scheme larzan ki’n ganny mete dan Bidze …

 

(Interruption)

 

MR SPEAKER

… Onorab …. Onorab laparol i pou SS Payet.  Annou ekout SS Payet.  SS Onorab Pillay.

 

(Interruption)

 

MR SPEAKER

Onorab Pillay.  SS Payet.

 

SECRETARY OF STATE – MR PATRICK PAYET

Mersi Mr Chair.  Lo sa larzan ki’n mete dan Bidze i sa subsidy 25 –  par egzanp si for Home Improvement son Cap i  50mil.

So si en pansyoner i demann en loan through HFC akoz zis HFC ki pe donn sa loan ozordi, so 50mil Gouvernman i subsidize 25poursan lo la.  Apre sa loan i interest free Gouvernman i kouver sa lentere.  So sanmenm sa provizyon ki nou mete i pou san subsidy 25poursan ki nou peye sa interest ki nou peye avek HFC. 

Me prosedir se definitvman se zot bezwen fer li through HFC  prenon kont ki kekfwa nou pe assess the policy for the housing subsidy nou ava apran linisyativ pou nou assess the current prosedir ki egziste pou nou’n vwar kot i napa en pe birokrasi ki egziste, akoz kekfwa akoz parey bann Manm Onorab pe mansyonnen ki i annan ki bann pansyoner in fer zot demann, me i pe pran tro bokou letan.  E nou ava diskit ek HFC kekfwa nou ava fer en rapor akoz kekfwa i annan en defayans dan sa Bann prosedir e koumsa nou ava soumet kekfwa en revizyon avek san bann current policy ki egziste ozordi.

Me selman larzan i dan Bidze. HFC li tou le quarter i demann the dispersment ki’n fer zis pou met avek Minister Finans pou nou kapab disperse sa subsidy 25poursan avek sa interest component. 

        Parey nou’n fer avek SME.  So nou kapab diskite avek HFC.  The second component is the same thing avek Housing Scheme. sa i fer avek tou Commercial Bank.  I fer avek Credit Union i fer avek HFC osi.

So menm prosedir letan en dimoun ki ganny en saler ouswa, en couple ki ganny en saler letan ou combine mwens ki 25mil zot eligible pou zot ganny sa housing finance subsidy.  So zot anmenn zot aplikasyon loan avek labank – any Commercial Bank e once ki zot regard ek labank sa zofisye kot labank letan in vwar son larzan, son lapey i lo 25mil i bezwen enform zot i annan sa housing finance subsidy.

        So i annan en lot form ki zot ranpli.  Bann labank zot, zot fer zot due deligent process pou regarde si sa dimoun i kalifye pou sa loan premyerman.  Once zot in mete ki sa dimoun i kalifye, akoz kekfwa si napa arrears avek bann lezot labank sa osi i bezwen gete dan CIS.  So once ki in fini kalifye soumet sa aplikasyon sa housing subsidy avek sa Housing Subsidy Committee ki baze Minister Finans e mon konnen PS Toussaint ki Chair actually sa Komite. PS Toussaint.  I annan reprezantan MLUH – Lazans Proteksyon Sosyal avek Minister Finans lo sa Komite.

E labank letan i pe soumet i bezwen dir konbyen dimoun konbyen loan sa dimoun i kalifye pou nou kapab assess.  E once ki komite i pran desizyon, si i annan desizyon ki’n pran i pa pe rekomann pou en housing subsidy, i bezwen donn son rasyonnal.   E i annan dimoun osi fer son appeal e fer appeal kot PS of Finance. I fer son appeal e nou, nou a assess akoz sa bann  rasyonnal.   E menm parey letan mon ti PS mon’n zwenn enn de dimoun ki kekfwa Komite pa ti rekomann pou zot ganny sa housing subsidy, akoz bann diferan rezon ki zot in mete ; the cost ki zot in soumet.  E in annan appeal ki nou’n fer e sa dimoun i annan ki nou’n fer zot al re soumet zot aplikasyon kekfwa ti annan detay zot ti manke.

Me lannen prosenn during the first quarter parey Minis in anonse dan son Budget, nou pe reevalye akoz nou’n vwar ki i annan dimoun kekfwa ki’n dir MLUH baze lo estimasyon ki zot in mete zot in dir ki apepre lakaz i apepre 7, 500 par met kare.

So  i dapre your finishing aspect ki ou pe fer dan ou lakaz zot in dir apepre 7,500.  Me nou’n vwar ki annan aplikasyon ki letan in vin formile i plis ki 7,500.   So sanmenm sa kekfwa sa dimoun pa’n ganny antye kekfwa sa poursantaz ki sipoze kalifye i ganny en pe pli ba.

Me sanmenm sa ki i annan bokou appeal.  Me sanmenm sa nou’n dir annou evalye the current policy ki egziste dan current framework pou nou vwar par egzanp Praslin La Digue nou’n vwar kekfwa the cost, eski housing subsidy i sipoze menm parey avek Mahé konpare ki Praslin/ La Digue? Tousala i bann evalyasyon ki nou krwar ki at least annou fer evalyasyon the current policy pou nou vwar en nouvo framework.  An menm tan nou ava vwar bann prosedir ki egziste ; nou ava diskit avek labank pou nou vwar en pe sa bann demokrasi – ki kekfwa bann Manm pe mansyonnen.

Lo kote non-profit sector sa sonm rezistrasyon nou konnen Rezistrar pe travay lo en nouvo framework.  Nou ava diskit ek CEPS osi avek Rezistra ki nou a fer sir ki at least nou annan zis en fason fer, baze lo sa nouvo Lalwa osi ki nou pe met an plas pou bann NGO e sa hopefully in the first 6 months nou a finalize.

Lo kote National Grants pou azoute ki – ki  nou’n fer nou akoz ki nou’n met bann detay – i annan ki alokasyon in fini ganny propoze par National Committee.  Sanmenm sa par egzanp NATCOF – Citizen Empowerment, Women in Action,  tousala i bann alokasyon ki Komite in aprouve in rekomande.  E nou pa’n zis met zis one line ki National Grant.  Nou’n fer sir ki at least nou donn en pe plis detay.

Me sa sonm 2.3milyon i still ankour pou allocate. 

I annan ki Komite in demann zot plis lenformasyon lo zot soumisyon ki zot in fer sa Komite ; i annan ki si nou kapab gannyen pou en fer en  call of proposal. 

Akoz letan nou ti fer the call of proposal, nou ti donn zot apepre en mwan pou soumet zot aplikasyon.  Me i annan NGO ouswa bann lasosyasyon, ki’n dir nou ki zot pa’n ganny letan soumet en bon plan d’aksyon  baze akoz sa lenformasyon sa Grants application i vreman detaye.  E donn zot en sans kekfwa lannen prosenn pou zot annan plis letan re travay zot aplikasyon ki zot kapab soumet.

Ki Konmite osi servi i lo bann SDGs.  Akoz par egzanp zot konnen         Gouvernman Gouvernman Sesel nou’n engage nou lekor pou achieve sa bann SDGs.  I annan bann diferan ki zot in mete ki at least bann priyorite i pou bann progranm ki baze lo bann target ki Gouvernman pei pou achieve lo sa bann SDGs. 

‘       So i annan bann priyorite ki Komite i servi baze lo bann  goal ki dan SDGs.  So tousala i en pe bann kriter ki Komite osi i servi letan i pe fer rekomandasyon kot Minister Finans.  Mersi.

Me definitivman nou a soumet en pe bann lenformasyon ki bann NGOs I soumet e bann rasyonnal akoz kekfwa i annan ki’n koupe kekfwa i pa’n fer the full allocation ; akoz in donn zot sa sonm.

E osi akoz i annan ki pa’n gannyen.  E sa sa rapor ki Komite i travay lo la nou a fer Lasanble osi gannyen.  Mersi.

 

MR SPEAKER

Mersi SS.  Onorab Henrie.

 

HON GERVAIS HENRIE

Wi avan mon al lo mon lot pwen, i annan sa zafer lalis sa 24 apply – 13 approve; prezan ‘’reason for not approve’’ or ‘’disapproval.’’  Zot poum donn mwan la ouswa … ?

 

MR SPEAKER

Mersi Onorab.  Mrs Moses eski i dan ou posesyon?

 

CHIEF ACCOUNTANT CEPS – MRS MARENGO

Chair Onorab, nou Komite in fini lalis avek rezon ki nou’n gannyen NGO avek bann lalis ki pa’n gannyen.  Nou kapab apre provide Lasanble avek sa Lalis.  I annan tou detay nou annan hard copy and soft copy.  Selman i quite detailed – rezon avek Bidze, so nou kapab fer zot ganny sa lenformasyon.  Pou nou lir la i en kantite lenformasyon.  Nou kapab donn ou sa analysis apre.

 

MR SPEAKER

Yes Onorab Henrie.

 

HON GERVAIS HENRIE

Mr Chair dan de pti pwen lo sa zafer sa 200mil pou        CEPS la for register – mon’n, aprann poudir aparaman sa larzan sete pou Charitable.  Me prezan laplipar bann NGO prezan pa pe vini kot CEPS zot, zot pe al direk kot         CSR Committee.  So prezan i fer ki i napa  neseserman relevans. Savedir pi vit posib zot kapab asize avek Registrar pou sort sa out i pou pli bon e sa R200mil i a ganny pli bon met an servi.

Zis en lot pti pwen an pasan, akoz lefe ki nou deza pe al dan sa direksyon asiste avek bann progranm, mon note ki annan de lokasyon Sports Trust Fund, Culture Trust Fund e osi annan Culture and Arts Trust Fund. 

        Prezan ladan i annan de ki son lokasyon napa pou sa lannen – lokasyon i zero Culture Trust Fund avek National AIDS Trust Fund.  Eski in ganny met dan en lot landrwa ouswa in ganny tire net?  Mon ti ava kontan en leklersisman lo la akoz sirtou, sirtou kot i konsern sports, kiltir nou merit mentenir sa  met en pe plis larzan ladan, akoz sa i vreman larm nou Seselwa konman en pep e nou bezwen nouri nou larm.  Mersi.

 

MR SPEAKER

Mersi Onorab.  SS. 

 

SECRETARY OF STATE – MR PATRICK PAYET

Mersi Mr Chair.  Mersi Onorab.   Lo kote Culture Trust Fund letan zot in soumet zot Polisi avek the framework zot in merge sa de Trust Fund ansanm.  Sanmenm sa ki ou vwar par lao i Culture and Arts Trust FUND.  I annan en R800 mil.

So zot in merge sa de ansanm.  Lo kote National AIDS Trust Fund in ganny son alokasyon tir li anba Social Programme met li direkteman anba National AIDS Council.  So zot kapab fer laplikasyon.

Me eventually kekfwa nou propoze dan Bidze 2020 nou pou siny sa bann Trust Fund kot i ete ozordi anba Social Programme nou pou met li dan son parent Ministry.  Koumsa ki letan zot vin diskit Bidze zot kapab donn en pe plis detay lo sa bann Trust Fund.

        E osi sa bann Trust Fund i zis en konponan ki Gouvernman i mete.  E zot kapab still ganny private sector as funding as well, as part of the CSR.  Mersi.

 

MR SPEAKER

Mersi SS.  Onorab Simon Gill.

 

HON SIMON GILL

Bonzour Mr Speaker.  Mersi Mr Speaker.  Bonzour Minis avek ou delegasyon tou koleg Onorab e manm piblik.

Mr Speaker si mon lentansyon pou nou retourn nou focus lo kot nou ti’n arete yer – me with respect mon vwar ki nou’n fer serten derapaz ki mon krwar ki mon osi mon bezwen antre dan sa direksyon.

So si mon pou fer komanter lo kot nou ti’n aret yer ti size NATCOF, mon pe konpran tou sa ki in ganny dir me an menm tan mon krwar mon bezwen fer en pwen, akoz pe ganny kree par serten Manm dan LDS dan en fason delibere pe donn en lenpresyon ki nou nou’n kree bann lenstitisyon pou zis pran larzan or donn larzan e nou pa enterese avek okenn kontrol okenn nanryen.

Bon mon krwar parey i ganny dir konmela bon mon krwar ‘’i ava ok!’’  Me mon oule met lo rikord ki sa enn parti ki mwan mon reprezante isi dan sa Lasanble – sa parti ki mwan mon reprezante apel  li mannyer ou oule – apel li ‘’Lepep’’ apel ‘’US’’ mannyer ou oule,  nou, nou an faver ki annan tou kontrol ki rezonnab e neseser dan tou bann lenstitisyon dan tou bann lorganizasyon ki ganny larzan sorti dan kof Gouvernman.  Enkli NATCOF e tou lezot ki size nou diskisyon ozordi.

Me sa ki nou pa kapab kontinyen tolere dan sa Lasanble, se ki ler en bann Manm Onorab dan LDS zot selekte lorganizasyon pou zot demann A to Z.  E i annan serten zot pa pou demande zot pa pou enterese pou bon rezon ki zot, zot menm zot konnen!

Mr Speaker NATCOF ki ti nou size kot nou ti arete yer ; NATCOF pa sinonim avek madanm Raymonde Course.  Ki ti en ‘’Lepep’’ e ki en ‘’Lepep!’’

 

MR SPEAKER

Non, non, non Onorab !

 

HON SIMON GILL

NATCOF in ganny reformen NATCOF Ii annan en nouvo Komite.

 

MR SPEAKER

Onorab, Onorab Simon Gill Onorab Simon Gill napa en moman yer ki non Mrs Course in lev-e dan sa Lasanble.

 

(Interruption)

 

HON SIMON GILL

Mr Speaker  mersi bokou…

 

MR SPEAKER

En moman mon a fini.   Semenn pase mon’n dir annou fer atansyon ler nou nonm non dimoun dan sa Lasanble.  Mon pe kontinyen e la mon pe ganny menm la a se moman la Clerk in forward mon en Right of Reply.  Ok?  Mon pe kontinyen ganny bonbarde – mon lofis avek sa.

Yer referans in fer.  Plizyer Manm in koz lo NATCOF eskan bomaten tou non Mrs Raymond Course  ki en constituent dan mon distrik pa’n ganny anmennen ladan.  Ok?

Annou koz lo NATCOF annou kit Mrs Course ater silvouple.  Kontinyen Onorab.

 

HON SIMON GILL

Mersi bokou Mr Speaker.  Mon byen kontan sa remark ki ou’n fer e mon krwar 4ki mon soumisyon i annord.

Mr Speaker NATCOF in ganny reformen ; NATCOF i annan en nouvo tim ki pe diriz NATCOF.  E nou bezwen respekte menm si nou pa kontan serten dimoun ki a latet serten lorganizasyon, nou bezwen respekte sa bann dimoun e donn zot kredi pou travay – bann bon travay ki zot in fer dan sa pei!

Parey en kantite nou mon pou kontinyen dir napa personn dan LDS ki parfe dan sa pei – napa personn. Enkli 4nou kote dan parti Lepep napa personn ki parfe lo nou kote !  Ok?  Now e Mr Speaker si nou pou demann progranm NATCOF, nou bezwen pe demann nou progranm tou sa bann zot NGO dan sa pei!

E nou bezwen al dan profonder tou zot depans

Ki mannyer zot striktire.  E si i annan en demann ki mon pou soumet avek Minister Finans ki la ozordi avek son tim, se pou zisteman dan sa prosen revi ki zot fer se pou rantre dan detay l dan specifics gete egzakteman konbyen larzan ki pe al saler ; ki pe al dan lofis ; ki pe al dan telefonn si annan ; ki pe al rental – tou sa bann detay ti ava byen ki Minister Finans i annan li, pou ki nou napa en fwa demezir isi dan sa Lasanble.

Mr Speaker – Mr Speaker lo size      NATCOF  ankor ; NATCOF i en lorganizasyon ki bezwen egziste.  I bezwen egziste akoz nou menm nou isi dan sa Lasanble, nou’n fer en kantite soumisyon e dir ki enportan ki nou get dan sa kestyon pri lavi e kout lavi dan sa pei.   E NATCOF avek tou zot lenperfeksyon – tou zot limitasyon, zot in fer en kontribisyon dan sa domenn, e mon dir zot felisitasyon pou travay dan zot in reisi fer avek to zot limitasyon konman imen ki zot annan.

Me ozordi ‘’plis ki zanmen’’ s lorganizasyon i bezwen ganny ranforsi, pou ki nou kontinyen donn zot s soutyen pou zot fer sa travay enportan ki mon menm dir endispansab ki i annan pou nou fer pou nou fer sir ki marsan mesaz bann pri ki rezonnab lepep Seselwa!

Pou ki personn  – wi Mr   Ferrari enkli ‘’Home to Office’’ ki ou, ou annan en lentere direk ladan.  I vann bann marsandiz ki rezonnab lepe Seselwa.   E pou ou al dir NATCOF al rod sponsorship dan sa pei, Mr Speaker sa i en lot plane mon krwar ki nou pe vi lo la serten parmi nou !  NATCOF pa kapab al rod sponsorship avek marsan.

 

MR SPEAKER

Ok Onorab annou, annou …

 

HON SIMON GILL

NATCOF pa kapab al rod free publicity avek okenn Lazans.

 

MR SPEAKER

Onorab annou wrap-up nou bezwen pran en vot.

 

HON SIMON GILL

2wi mon pou wrap-up Mr Speaker.  Demen bomaten okenn case ki ganny soumet kot okenn sa bann lenstitisyon okenn lorganizasyon ki pe sponsor NATCOF! NATCOF pou santi dan en pozisyon ase kritik.  NATCOF i bezwen mentenir son lendepandans pou li kapab fer sa travay enparsyel ki nou le i desarze dan sa pei Mr Speaker.

Mr Speaker ki avek tou bann koupe ki zot in koup Bidze NATCOF.  Ki nou donn NATCOF en sans pou li kontinyen epanouir egziste e desarz sa responsabilite ki mn krwar i en keksoz rezonnab ki zot in desarze e ki nou pou demann zot pou kontinyen desarze Mr Speaker.  Mersi bokou.

 

MR SPEAKER

Mersi Onorab Simon Gill pou ou komanter.  Bon nou’n ariv en pozisyon nou konnen i annan serten Manm in demann serten dokiman – bann dokiman i ava ganny fer available.  SS in fer serten statement lo Quarterly Review  – lo Midyear Review kot pou annan zofisye dan Minister Finans ki pou assess sa bann NGOs tou sa bann ki pe ganny sa bann Grants.  So nou pou pran en desizyon lo sa sonm ki mannyer i ganny amande 0pou Social Programme of Central Government ki en sonm R186, 741milyon parey mon dir amande ki trouv as amended. 

 

 

 

(Interruption)

 

 

MR SPEAKER

Non, non, non – en moman en moman – en moman ok ?  Ler mon pe dir as amended i annan larzan ki’n ganny koupe dan Pension parey         SS in dir yer ki in al dan pou permet wages as of April – 1st of April.  Ok?  Yes Onorab Ferrari.

 

HON JEAN-FRANCOIS FERRARI

Mon pe formelman fer en Mosyon pou koup Bidze CEPS par R700mil pou anvoy sa sonm dan National Grants.  Si CEPS i santi pou dir down the road e baze lo evalyasyon ki Minister i ganny fer ki zot bezwen ki zot performans i merit – ki zot annan en sonm lafen lannen pou tie-up zot bann aktivite, zot a fer sa laplikasyon e nou ava konsidere.  Mersi mon ti a kontan demann en Manm pou segonn sa Mosyon silvouple.

 

MR SPEAKER

Bon i annan en, Mosyon pou konbyen ou’n dir pou koupe?  700mil pou koup Bidze CEPS par 700mil pou anvoy dan National Grants Committee  – e parey Onorab i dir pli tar pandan lannen i annan en bezwen, en demann i ava fer aplikasyon.  Okenn Manm ki segonde ?  Ok Onorab Afif.

 

HON AHMED AFIF

Mr Chair mon segonn sa Mosyon.

 

MR SPEAKER

Ok annou pran en vot.  Tou Manm ki an faver?  Okenn Manm ki kont?  Mersi.  Madanm Clerk.

 

MADAM CLERK

Mersi bokou Mr Chair.  Mon’n rikord 14 Manm ki’n vot an faver e 4 Manm ki’n vot kont. Mersi.

 

MR SPEAKER

Bon Mosyon in ganny aprouve.  Mon ava  –     SS re donn nou nouvo sonm prezan.  Si par R700mil  eski mon pe lir i a vin 186,41milyon?  Me selman i al dan ok. 

Bon so nou pou pran en vot lo sonm R186,741 mil enkli sa sonm R700mil ki pou al dan National Grants    Committee Fund, ki form par sa Schedule e i trouve lo paz pti nimero 35 a 36.  Mon ava demann tou  i an faver? Ok vot pou Social Programs of  Central Government en?  Tou Manm ki an faver?  Okenn Manm ki kont?  Ok annou repran        vot annou met lanmen anler annou montre en show of hands.  I annan Manm i zis lev lanmen nou pa konnen si i pe vote si i pa pe vote annou montre en show of hand.  Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Speaker 16 Manm in vot an faver e personn kont.  Mersi.

 

MR SPEAKER

Bon Bidze ki trouve pou 2019 Social Programs of Central Gouvernement in 4ganny aprouve par Lasanble Nasyonal.

Bon avan nou pran Break SS eski ou le fer sa komanter lo ‘’other wages and salaries ‘’la oubyen nou a pran li apre Break?  Ok.  Dakor bon nou ava pran en Break e mon sizere ki nou retournen 11.10 -11.10 pou nou pou kapab kontinyen.

 

(BREAK)

 

OTHER WAGES AND SALARIES

 

MR SPEAKER

Bon nou ava kontiny nou travay.  Mon ava pas laparol avek SS Payet pou komanter lo sityasyon kot nou ti kite yer pou ‘’other wages and salaries.’’  SS Payet.

 

SECRETARY OF STATE – MR PATRICK PAYET

Mersi Mr Chair.  Mersi Manm Onorab pou bann issues ki zot ti’n raise regarding  the other wages spesifikman bout ki konsern pansyon bann ex-constitutional appointees. 

        Letan nou’n diskit en pe avek Attorney Zeneral, me selman sa i en diskisyon ki nou pa ankor ganny an ekrir, me selman i zis verbally letan nou’n re diskit avek zot, nou bezwen regard ki dan sa 6 peyman ki nou’n fer pou sa bann Minis avek ex-Prezidan i annan 6 peyman – i annan 6 endividi ki’n ganny lenpak.  E sa sonm pou sa lannen avan 2016 ti en total 6.6milyon.  An total 8.4milyon in ganny peye me sepandan si nou pe regard zis cut off point 2016 i 6.6milyon.

So ladan i annan 6 endividi me i annan 3 pa pe ganny en pansyon. I annan 3 aktyelman pe ganny pansyon.  So advise ki nou’n gannyen se, i annan the legal requirement of pou zot pansyon, so nou bezwen regard li dan sa laliny – the legal requirement of sa endividi pou ganny son pansyon apre the legal requirement of sa enn of contract end of term Gratwite lafen zot mandate ki nou’n peye e vi i ti annan sa Cabinet desizyon pou pa peye.

So advise ki nou’n gannyen nou pa pou kapab servi sa pansyon, pou kapab offset sa peyman ok?  So ki nou e fer actually la se nou pe pran tou bann dokiman, akoz nou bezwen formally request en legal requirement from Attorney Zeneral Lofis.  So nou pe met tou bann dokiman ansanm, pou nou kapab soumet avek Attorney Zeneral pou nou kapab ganny en dokiman from son Lofis.  So sa i prosedir ki once ki i resevwar sa bann dokiman li i kapab donn nou en legal document.  Me selman zis verbally in advise nou pa pou kapab offset the pension against sa bann peyman ki nou’n fer.

Me sepandan osi nou bezwen revert back to Cabinet of Ministers, pou nou kapab si nou vwar i annan sa bann refund ki bezwen ganny pran, ki prosedir Gouvernman i bezwen al ladan  So zis sa ki kekfwa mon ti a kontan azoute Mr Chair.  Mersi.

 

MR SPEAKER

Mersi SS eski petet ou ganny okenn feedback from Cabinet secretary lo okenn detay petet Minutes kot sa desizyon ti ganny pran?  Eski sa ki Manm in lev-e in demande ki ganny sa lenformasyon eski ou’n gannyen lenformasyon dan sa direksyon?  SS.

 

SECRETARY OF STATE – MR PATRICK PAYET

Mr Chair ziska prezan nou’ demann Cabinet Secretary pou soumet okenn extract of Cabinet Minutes ziska prezan i zot pa ankor soumet.  Me nou’n soumet avek zot sa press release ki ti ganny fer.  E mon konnen i annan en Cabinet meeting ozordi, so apre sa nou ava follow-up avek zot. Me  ziska prezan nou pa ankor ganny nanryen.

 

MR SPEAKER

Mersi SS.  Minis.

 

MINISTER MAURICE LOUSTAU-LALANNE

Mersi Mr Chairman.  Mr Chairman mon ti ava zis kontan klarifye enn de keksoz.  Premye keksoz ki mon anvi dir se ki parey mon ti dir yer, rezon akoz lo paz 1 dan Seksyon 4 liv Bidze i la pou nou pou konsiderasyon Lasanble Nasyonal,  se akoz efektivman i annan en desizyon Cabinet e sa nou kapab donn zot son Minute ki trouve sa Bidze ti ganny diskite e aprouve e osi sa 6.5milyon i ganny i osi konsidere dan sa Bidze.

Donk pou fer sir parey mon’n dir Minister Finans in vin isi avek tou transparans neseser, pou bonn gouvernans neseser pou konsiderasyon Lasanble lo sa size.

Dezyenmman mon krwar i enportan pou soulinyen Mr Chairman  se ki a sa sak fwa k en Minis in resign, desizyon ki Prezidan Larepiblik i pran, i an ankor avek Lalwa.   Donk peyman bann benefis sakenn sa bann Minis in resign in ganny fer dapre Lalwa.

So Prezidan Faure i pa’n kas okenn Lalwa li, letan in deside pou pran sa desizyon pou pey sa bann Minis ki’n resign.

Kontenir sityasyon ki nou ladan, e parey SS Payet in mansyonnen, nou pa pou kapab tous pansyon.  E pou nou nobou avanse dan nou konsiderasyon sa     budget item, mwan mon krwar i kekfwa preferans ki nou regard en fason pou nou – e sa se zot desizyon mon pe fer en propozisyon – freeze  sa amount 6.5milyon e atann ki nou tou pwennvi legal Attorney Zeneral an ekrir.  Akoz nou pa’n ganny let parey     SS Payet in eksplike pou nou nobou fourni tou bann eleman, tou bann diskisyon menm ki’n ganny pase dan sa Lasanble isi, i enportan ki nou fer  en rezime faktyel e nou met tou son lenformasyon pou nou ganny en lopinyon legal an ekrir pou nou nobou klersi sa sityasyon. Mersi Mr Chair.

 

MR SPEAKER

Mersi Minis.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mon’n ekout propozisyon ki’n ganny fer la e mon reaksyon i se swivan. Premyerman lo baz sa ki SS in dir mon krwar i annord.  E i orizinalman i ti mon lenpresyon ki tou sa bann Minis e ansyen Prezidan ki’n benefisye, zot osi zot pe resevwar en pansyon.  Me lekspektasyon ki PS         in donn nou konmkwa serten pe resevwar en pansyon e serten pa ankor komanse resevwar en pansyon.  Alors i pa pou apropriye ditou – i pa pou byen ki okenn lyenn oubyen i ganny metye lo okenn entitilements ki serten ansyen Minis i gannyen me ki menm zefor pa pe ganny demande avek tou; bann ki’n benefisye avek sa end of term gratuity.       

So sa nou napa problenm avek sa.  Nou aksepte ki i pa en avenue ki nou devret pe rantre ladan.  Parkont mon ti a kontan ler mon’n ekout Minis koze, mon ti a kontan dir ki nou lo sa kote latab avek respe nou partaz menm lopinyon ki ou e ki lo legalite sa desizyon, e nou pa’n partaz menm lopinyon ki lot kote latab e nou rezerv nou drwa pou nou rod parey mon ti dir yer tou bann mwayen posib anba Lalwa, pou fer retournen sa larzan dan kont Gouvernman.

E mon ti a kontan a sa pwen la pour ki bann ki konsernen i mezir byen gravite sa sityasyon.  Mon ti a kontan sit Constitutional Appointees Emolument Act ki fek ganny apwente le 17 Septanm sa lannen, ti fek ganny amande.

E la anba Seksyon 8 e i mete klerman ki – e mon lir – ‘’ a person in receipt of a pension by reason having held  office as a constitutional appointee who is convicted of an offence relating to abuse of the office or abuse of public funds shall appoint conviction forfeit any right to receive the pension.  ‘’

        Mesaz ki mon oule anvoye se ki, nou pa pe abandonn sa lalit si Msye Faure ki nou i nou konviksyon ki in abiz pouvwar son Lofis e in abiz fon piblik, i ensiste ki i pa pe rann sa larzan, nou pou met li Ankour – pa la – ler i pou sorti konman Prezidan – e en zour i pou sorti.  E byento nou espere.  Nou pou met li Ankour.  E si Lakour i deside ki in abiz son Lofis telman i pa pou perdi sa bann pansyon ki in gannyen la, i pou perdi son pansyon pou larestan son lavi!

So fodre ki Msye Faure i konpran byen sa.  This i -s la i la ki mannyer Lalwa i marse.  E mon ti a kontan osi – mon napa avek mon me anba Civil Code – mon’n ganny dir par Onorab Georges ki anba Civil Code ler ou fer en promes a sa nivo  – sa promes i binding!  E napa personn ki ganny drwa sanz sa bann promes- sanz sa bann committment. 

        So mwan mon pe zis fer le pwen ki sa ki pa rann sa ki krwar i kapab get away avek en sityasyon koumsa ozordi i annan gran risk ki demen ki i a pou get away!

Me sa Lakour Lazistis i ava dir nou, dan bann mwan e dan bann lannen ki swiv.

Antretan Mr Speaker mwan osi mon ti ava mazinen pou dir nou kapab pran en vot baze lo – premyerman diferaman avek sa ki Minis ibn dir – SS nou vot nou pou pran pa lo freezing sa 6.6 milyon, me lo koupe!  Nou pa pe freeze nou pe koupe!  Si Lakour demen – si zot, zot  al Ankour i ti a bon –  ti  a  bon ki bann Minis ki pa’n gannyen i met Ankour, akoz zot ava evit nou sa travay pou nou al Ankour.  E i ti ava enteresan – ti ava enteresan vwar en Prezidan pe met Ankour pou li ganny dan son – pou li met Ankour dan son prop pei, pou li ganny son bann entitlement.

        So nou pe koup sa larzan.  Si Lakour i  rule – si case i ganny met Ankour e Lakour i deside – i fer determinasyon konmkwa zot ti devret gannyen sa larzan, nou ava provide sa larzan, akoz i en obligasyon pou nou fer li.  Me pou le moman Minis avek respe nou pa pe freeze – nou pe koupe sa sonm silvouple!

Me dernyen pwen se ki Mr Speaker mon ti a kontan demann Sekretarya pou enform Oditer Zeneral ki FPAC pe demann en odit lo sa bann peyman ki’n ganny fer dan Biro Prezidan pou sa bann lannen swivan 2015, 2016, 2017 – e

2018 lo avek bann rekomandasyon swivan ;

Lekel ki’n otoriz sa bann peyman dan Biro Prezidan ?

Akoz bann virements sa peyman si zot ti legal zot pa ti ganny fer atraver bann  virements e ki sa larzan i ganny mete dan sa vot ki apropriye.

E finalman ki Oditer Zeneral i donn nou rekomandasyon lo ki mannyer  pou rektifye okenn sityasyon ki li i vwar – si i annan – ki li i vwar i pa annord.  Sa i nou demann.  E apartir la nou kapab pran en vot lo la.   Mersi.

 

MR SPEAKER

Bon ou’n propoz en Mosyon avan mon demann en segonn-man les mon ava don laparol Onorab De Commarmond.

 

HON CHARLES DE COMMARMOND

Mersi Mr Chair.  Mr Chair nou’n ekout byen kwa ki pa’n pase lo sa laliny Bidze e mon lopinyon i koumsa.  Ler mon’n ekout tou bann fe – mon pa vwar personn annan tor mwan – annan okenn problenm.  Cabinet sa letan i ti pran en desizyon e nou, nou bezwen konpran lespri, perspektiv e rasyonnel sa desizyon.

Sa letan in pran en desizyon pou dir end of term graturity  ki ti annan ki ti due whatever sa bann alokasyon pou bann Minis i ti dir  pa pran la lafen sa lannen.  Pa vedir  ki in dir pa pran ditou li!  In dir pa pran lafen sa lannen e tenir kont sityasyon pei ti ladan.  Me pou pran apre.

Akoz sa lentansyon, akoz e la li Cabinet n       i Prezidan Michel e ni ozordi Prezidan Faure i napa tor dan sa.  I kler ki zot lentansyon ki mannyer zot ti été.

Prezan a mon avi, si ti vreman pou ou pa pran ditou – konmsi ou pa ganny ditou zot larzan sa letan – pou sa bann letan i ou’n travay, therefore sipoze anmenn Lalwa anmenn devan Lasanble pou amande.  E sa pa’n zanmen ganny fer.  Savedir legalite sa keksoz i ankor la.  Si  zot ti’n anmennen ti’n amande la mon a kapab konpran.

E prezan lefe ki pa’n anmennen si la nou pe pran en desizyon e bann dimoun i oule anmenn case Ankour zot ganny zot case nou, nou konmsi bann dimoun ki pa’n konnen ki nou pe fer.  Alor mon dir – E zot in onore zot – lafen sa lannen zot pa’n pran.  E prezan ki nou pe vwar i annan serten Minis ki’n gannyen apre, e i annan ozordi ki pa’n gannyen.  E se sa ki sa Bidze pe fer provizyon – i pe fer sir ki i korek – koriz sa lenzistis ; si oule met konm en lenzistis.

Savedir ki fer ki ou i vin parey.  Pou mwan mon vwar li koumsa en pe parey Onorab Gill ti met devan.  E si alor zot le parey Minis in met devan ki nou le legalman annan en keksoz an ekrir sorti kot Attorney Zeneral pou zot konsidere, sa petet i ava en pozisyon.  Me selman nou lo nou kote mon pa vwar kote ki  sa i mal.  E mon krwar mwan nou ti devret met sa Bidze devan nou Lasanble e nou pran en desizyon  lo la.  Si prezan parey4 zot pe dir zot krwar zot annan rezon – zot krwar zot annan en case – sa ki krwar i annan en case i anmenn case Ankour!  Mon vwar li koumsa.  Me selman la. la pou mwan mannyer mon vwar li, i kler.  E si i kler nou met sa bout Bidze – sa laliny Bidze devan nou Lasanble, e nou vote.  Sa ki pa oule vot pour i pa vot pour – sa ki le vot pour i vot pour.  Mwan mon vwar li koumsa.  Sa nou pozisyon.  Mersi.

Me selman Mr Chair nou annan Onorab Georges pa la Onorab  Clifford pa la, nou annan petet Onorab Basil si le fer komanter – mon pa konnen, me selman mwan mon krwar sa propozisyon ki nou pe propoze la is the best.  Mersi.

 

MR SPEAKER

Mersi Onorab De Commarmond.  Bon Onorab Ferrari in fer sa Mosyon Code Civil e nou annan en Manm Onorab ki osi i en Avoka ki well versed dan Code Civil Onorab Georges osi parey.  Mwan osi tou mon’n ganny enformen yer swar par en Homme de Loi regard Code Civil.  Sa ki’n fer mon port mon latansyon lo sa se bann Avoka zot pas dan bokou sa bann ka koumsa.  Ki ler ou’n fer en promes – ou’n donn en  gift ou pas kapab repran!  Sa ki mon’n ganny dir zisteman sa.  Me 4mon ava donn laparol Onorab Basil Hoareau zis pou fer referans lo sa ki Onorab Ferrari in fer kote Code Civil – mon’n vwar ou pa bezwen pronons ou as such lo la, me petet kwa ki Code Civil i dir dan sa laspe.  Onorab Basil Hoareau.

 

HON BASIL HOAREAU

Mr Chair si nou pou oz konman en Avoka e ou’n demann mon lopinyon konman en Avoka mon konnen lekel sa Avoka  ki’n dir ou gift akoz bomaten in koz ek mon Ankour – mon pa krwar i annan en issue gift ki arise.  Me issue ki pou arise se anba Lartik 12 (35) kot release of a debt – ki mannyer peyman en det i ganny fer ; release of a debt.

Savedir e apre sa i ganny  dealt with anba 12(47) ki vin an ki mannyer sa i ganny fer.  E li lartik 12 (35) i dir ek ou i annan diferan fason ki ou pey en det ki ou dwa e dan sa ka – dan sa ka Gouvernman par nou Lalwa e Konstitisyon ti dwa en det bann Minis end of term gratuities.  I en det ki ti ganny drwa sa. Me si lefe in ariv e ki ti annan en  waiver of that right then sa bann Minis par waiving that right zot ti release Government of that obligation.  Anba lartik 12 (35) e 12 (47).  Sa i larealite avek Lalwa.  Si sa in arive then Government was released of its obligation to effect the payment to them.   Si sa in arive.

 

MR SPEAKER

Mersi.

 

HON BASIL HOAREAU

Me si pa’n arive that is something else. 

 

MR SPEAKER

Mersi Onorab Basil Hoareau.  Non, non annou pa rantre dan deba.  Mersi Onorab    Basil Hoareau pou sa komanter sa parey nou dir nou pa anvi ki ou enfliyans –  me ou’n kapab fer komanter ou’n klarifye en pti pe sa sityasyon.

Bon lo kote Lopozisyon i annan en move pou en Mosyon ; eski zot pe kontinyen dan sa Minis in freezing  the amount ki zot pe sizere ok?  Eski i annan en Manm ki segonde?

 

HON AHMED AFIF

Mersi Mr Chair.  Mr Chair mon ti a kontan segonn Mosyon par Onorab Ferrari anba ‘’other wages and salaries’’ spesifikman sa seksyon ki donn end of term gratuity ki total R6.6milyon i ganny koupe dan sa Bidze 2019.

 

MR SPEAKER

Mersi Onorab Afif.  Nou ava pran en vot lo Mosyon ki devan nou.  Tou Manm ki an faver? Okenn Manm ki kont?  Madanm Clerk.

 

MADAM CLERK

Mersi Mr Chair.  Mon’n rikord 15 Manm ki’n vot an faver e en Manm ki’n vot kont.  Mersi.

 

MR SPEAKER

Mersi Madanm Clerk.  Savedir Mosyon in ganny aprouve par Lasanble.

Mon kapab dir zot mon fyer pou mon Chair sa 6enm Lasanble.  E mon vwar direksyon kote nou pe ale e mon pa pou fer plis komanter lo la zot konnen akoz mon pe dir sa.

Me petet ankor mon pou go back to Onorab Basil Hoareau si en case i al Ankour se Lasanble ki ganny anmenn Ankour, akoz sa desizyon – non?  Sa desizyon ki’n ganny pran si en case i al Ankour?  Oubyen i ganny sort out Lakour? Ok.  Mersi.  Mersi Onorab.

Bon nou’n ariv moman alor pou nou pran en vot – SS ou aziste sif dapre desizyon Lasanble, pou nou kapab pran en vot lo ‘’other wages and salaries’’ ki trouve lo paz 27 apre nou a kapab move on.  SS Payet. Amount ki ti ganny amande – non, i pa ti ganny amande 241, 774milyonpou nou tir sa amount ladan ok.  SS.

 

SECRETARY OF STATE – MR PATRICK PAYET

Mersi Mr Chair.  Mr Chair sif revizyon pou ‘’other wages and salaries letan nou tir sa 6, 586 milyon i 241,774milyon.

 

MR SPEAKER

Bon ki ti son amount avan SS. Akoz mon annan sa sif 241 milyon lo mon papye.  Son …

 

SECRETARY OF STATE – MR PATRICK PAYET

Mr Chair son sif revize ki nou ti mete orizinal ki’n ganny revize lo sa let ki nou’n ekrir ti 248,360milyon apre ki nou’n tir sa 6, 586milyon son sif ki revize i 241, 774milyon.

 

MR SPEAKER

Ok mersi SS Payet.  Bon nou ava pran en vot alor pou sa nouvo amount as amended ki i fer en sonm R241, 774milyon anba ‘’other wages and salaries ‘’ki trouve lo paz 27 e ki form par sa Schedule. Mon ava demann tou Manm ki an faver? Okenn manm ki kont?  Madanm Clerk.

 

MADAM CLERK

Mr Chair mon’n rikord 21 Manm ki’n vot an faver e personn kont. Mersi.

 

MR SPEAKER

Mersi Madam Clerk.  Savedir total   Bidze anba’’ other wages and salaries’’ pour sa nouvo sonm i 241,774milyon in ganny aprouve par Lasanble Nasyonal.

Bon mon krwar nou kapab bouze aprezan.  mon ava donn laparol SS pou gid nou lo prosen letap.

 

SUBVENTION TO PUBLIC ENTERPRISES

 

SECRETARY OF STATE – MR PATRICK PAYET

Mersi Mr Chair.  Mr Chair the next vot i pou sibvansyon tou bann piblik ki lo paz 36 pti 36 ki pou en valer 52, 778milyon.  Ladan nou annan vot pou Air Seychelles 19, 278milyon e parey zot konnen ki sa Lagreman ki nou’n sinyen avek Air Seychelles pou pey sa det ki’n ganny akimile e nou’n konmans peye depi 2017 e nou pou konplete ziska 2023.

        Apre nou annan lapos Seychelles Postal Services Company ki nou pe met en provizyon 3.5milyon – sa i son defisit bidzeter.  SPTC Seychelles Public Transportation Company Operation nou’n met en provizyon 30milyon. Sa provizyon parey letan nou ti soumet Bidze Siplemanter sa lannen pou zot enplimant zot Scheme e the  full year implication  of enplimantasyon zot Scheme i apepre 16milyon. Apre i annan lenpak lo sekter prive, ki zot pe release en pe dan private operators, ki zot pe fer zot pe release li avek sekter prive. So sanmenm sa sonm 30 milyon ki nou’n mete ki an total sibvansyon public enterprise  i 52,778milyon.  Mersi.

 

MR SPEAKER

Mersi SS.  Okenn Manm ki oule entervenir?  Annou sey gard nou lentervansyon direk, presi kestyon, klarifikasyon without bann gran, gran statement en?  Onorab Afif.

 

HON AHMED AFIF

Mersi Mr Chair.  Mr Chair mon kestyon i lye direkteman avek SPTC R30milyon.  E esansyelman mon santi i annan mank direksyon dan Gouvernman, parske lannen pase dan Bidze Minis Larose ti fer kler koman Minis Finans ki pour napa okenn Sibvansyon ankor pour SPTC e i ti dir poudir zot pe fer monte pri tiket, in mont par R2 e alor a parti la tou keksoz pour ok.  La en sel kou pour rezon operasyonnel, Scheme eksetera ki nou konpran tousala, me i zis montre napa en planifikasyon parske lannen pase i ti bezwen konnen i ti pour annan en Scheme son lannen answit e pour lannen prosenn.  So napa en plan.  La 2019 i annan 30 milyon, 2020 ankor 30milyon, 2021 ankor 30milyon.  So pour mwan i zis ki zot napa en plan, nou pa pour al kont sa 30 milyon nou, parske i esansyel ki ou gard en servis bis, me selman nou pe dir, parske sa 30 milyon pep Seselwa pour peye sa, kantmenm i pa a pey dan son pri tiket, zot pour met tax en lot landrwa zot pour anmase, zot in anmase pour zot al pey 30 milyon, pep Seselwa pour peye, selman nou pe dir napa en plan, i pa kler.

Lo kote dife, si dife in arive.  I malere pour SPTC, mon krwar pa si li ki ti met sa dife, be selman eski i napa en Lasirans?  Ki pe arive ek Lasirans pour li al kapab fer son claim pour li al ganny son bann keksoz ki in brile?  Akoz tax payer i bezwen pey ankor?

So mon ti a kontan zis poz sa bann kestyon pour ki Minister Finans i kapab reponn nou e sey dir nou ki zot pe fer ki SPTC kapab debout lo son lipye san demann taxpayer lezot larzan.  Mersi.

 

MR SPEAKER

Mersi Onorab Afif.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab.  Parey Minis in anonse dan bidze, son Budget Address, en keksoz ki nou pe travay lo la for the 1st quarter, se en proper assessment – not just on the, akoz souvandfwa nou’n fer financial assessment me nou pa’n vwar, nou pa’n fer li lo son laspe operasyonnel.  So par egzanp pour nou regard en pe son, tou son bann Schedule pour vwar si i parey ki i sipoze pe ganny enplimante lo son project management.  So in the 1st quarter 2019 sa ki lentansyon Gouvernman, se revwar en pe son totalite dan en laspe global lo son stratezi, apre lo son operasyonnel an menm tan lo son laspe finansyerman.

        So during the 1st quarter nou pour konplet sa exercise avek Departman Transpor ki tonm anba Ministry of Habitat, Land Transport avek Lenfrastriktir ki once, nou anvizaze konplet sa exercise apre, during the Midyear Review swa pour bidze 2020, nou pour kapab en pe pli kler lo lobzektif SPTC ki mannyer i sipoze operasyonnel.

Secondly in regards to Lasirans, sa nou kapab find out from the Board kote i ete.  Mon konnen zot ti pe fer tou assessment pour fer zot soumisyon avek Lasirans, nou kapab find out avek zot ki prosedir, kote ki process zot in follow e nou kapab revert back avek Lasanble in regards to Lasirans.  Mersi.

 

MR SPEAKER

Mersi SS.  Mon a donn la parol Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon pe regarde anba sa bann sibvansyon ki nou’n koz lo la, i annan sa Sibvansyon pour Air Seychelles, eski Minis i kapab dir nou kot nou ete lo sa move pour fer Air Seychelles retourn, well to profitabilité oubyen pour li omwen breakeven? Akoz nou’n vwar poudir nou pe kontinyen met sa Sibvansyon up to 2021, well 2023, well lo la i 2021, so si ou ti kapab klarifye sa pour mwan Mr Chair.

Apre an se ki konsern Seychelles Postal Services Company, ti annan sa move pour si oule pour regard dan sa zafer street address eksetera ki Postal Services Regulations pe travay lo la, wi Postal Regulatory Authority ki sipoze pe travay lo la, be selman mon mazinen poudir sa i bezwen en travay partenarya ki zot bezwen pe fer.  So si ou ti kapab dir nou akoz mon rapel COGA ti zwenn avek zot, ti avek Postal Regulatory Agency pour diskit lo la, so mon ti a kontan konnen kote sa i ale.  Apre mon ava annan en lot kestyon lo other entities.  Mersi Mr Chair.

 

MR SPEAKER

Mersi Onorab Pillay. SS.

 

SECRETARY OF STATE – MR PATRICK PAYET

Mersi Mr Chair.  Mr Chair, mersi Onorab.  Mr Chair lo kote Air Seychelles sa ki nou’n mete dan Bidze parey letan nou ti pe prezant Bidze 2017 i sa outstanding liability ki nou ti siny sa Lagreman avek Air Seychelles.

Ti annan en claim ki Air Seychelles ti fer ek Gouvernman pour en sonm $7.7milyon.  So Gouvernman pa ti kapab pey li inisyalman in one go, sanmenm sa ki nou ti siny sa Lagreman pour nou pey li over 7years.  So nou’n komans pey li 2017 e tou lannen nou pour met sa sonm i apepre 19.3milyon ki nou pe met li, e nou pour fini re pey sa sonm 2023.  Si par egzanp Gouvernman i kapab re pey li en pe pli boner, sa evantyelman nou kapab regarde baze lo availability of Bidze.  Me selman i sa Lagreman pour bann liabilities ki nou ti annan dan past avek Air Seychelles.  I pa nouvo liabilities, i from 2016 ki nou ti annan.

In regards to Postal Regulatory Agency, nou pe travay konzwentman avek Departman Komers dan Minister Finans avek Departman Transpor kot MHILT pour nou fer sir ki at least bann street name, apre bann house number sa i ganny revwar dan son totalite.

Sa proze i an mars.  I annan soumisyon ki zot in soumet 2 semenn pase kot Minister Finans e aktyelman la nou pe regarde, before nou kapab soumet kot Cabinet of Ministers dan son totalite.  So mon panse ki at least by Zanvye sa proze i a komanse pour nou kapab vwar travay bann soumisyon travay ki aktyelman sa Komite in fer.

E at the end of the day komans fer sa travay dan son totalite.  Me selman sa osi nou anvi fer li akoz bann keksoz par egzanp dan AML osi en keksoz ki in mansyonnen en pe ki mon krwar i kapab tonm byen a parti ki nou pe fer enn de reform dan nou Anti-AML Lalwa osi.

 

MR SPEAKER

Mersi SS.  Minis.

 

MINISTER MAURICE LOUSTAU-LALANNE

Mersi Mr Chairman.  Mersi Onorab pour ou kestyon lo Air Seychelles, mon a reponn ou en pti moman, me zis pour mwan reasir Onorab Afif lo SPTC, nou osi nou ti konsernen en pe pli boner sa lannen e nou’n demann PMC fer en travay e nou’n fek resevwar en rapor sorti kot PMC risk assessment lo SPTC.  E sa i donn nou lenpresyon irzans ki nou bezwen parey SS Payet in dir to lannen prosenn komans en letid pli aprofondi pour regard byen zot bann loperasyon.

An sa ki konsern Air Seychelles Onorab, wi zot ava rapel ki sa transformasyon Air Seychelles pour li retourn dan profitabilité, i pour en peryod 5an.  So sa peryod tranzisyon ti annan plizyer keksoz ki ti bezwen ganny fer.  Mon a rapel enn de parey ou konnen ti pour retourn sa bann A330 bann gro avyon, sa in ale in al Fiji Airlines, plas komann pour nouvo avyon bann Airbus 320neo, zot in fini sinyen pour sa 2, enn pe vini an Zen lannen prosenn e lot an Zanvye 2020 e sa i esansyel pour fer sa transformasyon.  E tou keksoz pour le moman i sanble mwan i Ankour pour ki Air Seychelles i nobou retourn an profitabilité.  So i pour kontinyen fer en pe pert between la e sa 4an, sa peryod 4an si ou kapab fer li pli vit, i pli bon pour nou tou. Me travay i on track pour le moman e nou satisfe avek devlopman.  Mersi Mr Chairman.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mersi Mr Chair.  Mr Chair permet mon pour fer referans avek en size ki’n souleve dan Lapres Enternasyonal kot mon krwar Lakonpannyen GM ki ti ganny bailout par Gouvernman Ameriken, Kanadyen pe fer en retrenchment ozordi e aparaman i annan en case ki pour ganny anmennen ki i annan en moral obligation anver Gouvernman ki ti bail li out, akoz i pa sipoze pe fer sa retrenchment basically firing sa bann employees.

Now vi ki nou pe kontinyen siport Air Seychelles lo sa baz, eski Minister Finans i on top pour fer sir ki dan bann lannen ki pe vini nou pa vwar en lot sityasyon ki ti ganny kree parey sa enn lannen pase kot nou vwar bann travayer Air Seychelles pe ganny fer aret travay, me kot apre nou tande osi poudir travayer pe ganny repran kot Air Seychelles, ou konnen i kree, i lans 2 mesaz.  So si ou ti kapab klarifye poudir zot pe monitor e zot pe veye kwa ki pe pase pour asire ki nou pa ganny menm problenm oubyen repetisyon sa problenm.  Mersi Mr Chair.

 

MR SPEAKER

Mersi Onorab.  Minis.

 

MINISTER MAURICE LOUSTAU LALANNE

Wi sertennman.  E parey menm Mr Tirant letan i ti vin isi pour defann son bidze, i ti mansyonnen ki i parmi enn bann Compagnie Paraetatik ki lannen 2019 i pour met bokou lenportans lo la, se efektivman Air Seychelles akoz nou bezwen fer sir nou pa tonm dan bann sityasyon parey.  Mersi.

 

MR SPEAKER

Mersi Minis.  Onorab Ferrari?  Napa?  Petet zis avan nou pran vot petet Minis ou okouran ki ou vin plizyer fwa dan Lasanble lo size Air Seychelles, i annan bokou bann, bokou staff in perdi zot plas travay swivan bann restriktirasyon and so on e bann commitment ki ou ti fer avek Lasanble ki ou pour vwar en pti pe dan bann kou ki Air Seychelles pe sibir e koman sa pour kapab amelyore; par egzanp bann lakaz ki zot pe lwe, bann apartman ki zot pe lwe, bann lofis ki zot pe lwe, par  egzanp ler nou vwar  zot sorti dan Independence House zot in move dan en lot landrwa, petet konparezon pri, eski sa rent i dan zot lavantaz?  Mon pa konnen si zot location egzakteman i dan lavantaz akoz in sorti dan en landrwa kot ti vreman dan Sant Lavil ki zot in move dan en lot landrwa, zot Sales Office, me donn nou en pti pe akoz sa osi tou parey ou pe dir, sa bann lasirans ki ou ti donn nou i pour osi ede dan sa demars pour nou vwar en fitir prosperite pour Air SeychellesMinister.

 

MINISTER MAURICE LOUSTAU-LALANNE

Mersi Mr Chairman.  Mersi pour ou bann demann.  Sertennman mon krwar ki Air Seychelles i bezwen demontre avek Gouvernman ki i pe koup kou.  E par egzanp mon kapab dir ou osi ki i annan en larout pour le moman ki nou remarke sa larout pa pe fer byen e nou’n poz kestyon pour regarde si Air Seychelles i kapab trouv en alternativ.  Akoz i pe perdi en bon pe larzan an Dolar lo en larout spesifik e nou ti a kontan dan sa menm loptik koup kou.   I bezwen regarde ki mannyer i aret sa lemorazi Dolar ki pe arive lo sa larout.  Akoz sa bann kou i konsiderab letan ou konpare kekfwa avek sanz en lokasyon and so on.

E, me pli enportan ankor i annan bann keksoz ki parey ou konnen avek Etihad lontan ti bezwen ganny santralize Abu Dhabi, nou’n koz isi lo sa sistenm computerization, rezervasyon e tousala osi nou ti pran en desizyon ki Air Seychelles i bezwen re anmenn li Pointe Larue kot zot ete, divors li avek sa bann gro kou ki ti asosye avek Etihad e sa osi i dan plan ki nou pe monitor e mon kapab donn ou lasirans ki sa pe ganny fer.

So an sa ki konsern bann apartman Eden Island mon ava demann zot donn nou en kou, en update konbyen i annan.  Parey mon ti dir oparavan, in sorti 23 in desann 16, in desann 11, la mon pa konnen konbyen i ete, mon ava find out e mon ava donn sa lenformasyon Lasanble.  Mersi Mr Chairman.

 

MR SPEAKER

Mersi Minis.  Bon nou’n ariv en pozisyon pour nou pran en vot pour sa Bidze b Subvention to Public Enterprises ki trouve lo paz 36 pour en amount R52 778milyon e ki form par sa Schedule.  Mon ava demann tou Manm ki an faver?  Okenn Manm ki kont?   Madanm Clerk.

 

MADAM CLERK

Mersi Mr Chair.  13 Manm in vot an faver e 1 Manm in vot kont.  Mersi.

 

MR SPEAKER

Mersi Madanm Clerk.  Savedir sa Bidze, sa alokasyon pour 2019 anba Subvention to Public Enterprises R52,778milyon in ganny aprouve par Lasanble Nasyonal.

Bon i reste nou mon krwar ankor 4, 5 Heading. SS mon krwar nou ava kontinyen apre midi.  Ok?  Petet zis gid nou lo bann, lo paz lo prosen ki nou pe al pran ‘’Others,’’ ‘’Net Lending ‘’paz ziskan, dan Break bann Manm i kapab pas lo la.

 

SECRETARY OF STATE – MR PATRICK PAYET

Mersi Mr Chair.  Mr Chair i annan ‘’Others’’ ki lo paz 38 pour en sonm 34,93 milyon.  ‘’Net Lending ‘’pour en sonm 296, 362milyon,.  Lot vot lo paz 39 ‘’Development Grant to Public Enterprise’’ 123, 103milyon.  Apre lo paz 39 ‘’Contingency’’ pour en sonm R50milyon.  Apre dernyen vot nou annan lo ‘’Tax Exemption’’ e sa i dan kod reveni lo paz 5 ek 6 pour en lavaler 30milyon.  Mersi.

 

MR SPEAKER

Mersi SS.  Bon mon ti a kontan – yes Onorab Henrie.

 

HON GERVAIS HENRIE

Mr Chair mon dokiman napa paz 39, prezan mon pa konnen ki zot pe koz lo la.  Mersi.  Si i annan en dimoun ki i annan en spare 39, silvouple fer mon gannyen.  Mersi.

 

MR SPEAKER

Pour mwan i annan 39.  Ok?   Ou ava ganny en kopi dan Break avek SS.  Bon mon ti a kontan remersi zot tou, tou Manm, Minis ek son delegasyon pour travay ki nou’n kapab akonplir pour sa mwatye zournen.  Yes Onorab Afif.

 

HON AHMED AFIF

Zis mon ti a kontan demann SS si i ti’n mansyonn Public Debt Interest osi ki nou vot lo la.  Nou pa vot lo la sa?  Ok mersi.

 

MR SPEAKER

Ok mersi Onorab.  Nou, nou a Break e nou ava repran nou travay 1.30.

 

 

MR SPEAKER

Bonn apre midi tou Manm Onorab. Bon nou napa en Quorum. Mon ava demann en Manm lo sak kote pour sorti pour regard deor.

 

(laughter)

 

MR SPEAKER

Bon mersi nou annan en Quorum.  I byen ki nou kapab detann en pti pe koumsa, i pa toultan en latmosfer ki sofe, en latmosfer ki tans, me nou kapab, nou osi nou imen, nou kapab relax, nou kapab fer en pti fars.  Bon bonn apre midi tou Manm Onorab.  Bonn apre midi tou dimoun ki a lekout, bonn apre midi Minis Loustau-Lalanne avek ou delegasyon ankor ki konpri SS Payet, Ms Croisee, Ms Verghese, Ms Tamatave.

Avan nou kontinyen mon’n ganny en Right of Reply ki mon pour fer.  I zeneral, i pa nonm okenn Manm, me i fer referans avek deba ki nou’n fer depi yer.  Alor mon pa santi, mon pour fer sa Right of Reply anba Lartik 102(6) Konstitisyon e anvi ki i pa pe fer referans avek okenn Manm direkteman nou pa pour rantre, mon pa pour donn okenn Manm sans pour fer komanter, nou pour apre sa zis al direkteman dan nou travay.  Bon mon pour lir.

Ladres;

Jude Samuel Kevin Fred,

Mont Buxton,

Mahe,

P.O Box 885,

Telephone No. 2610938,

 

05th December 2018,

 

Re: Drwa a Repons,

Mr Nicholas Prea, Speaker of the National Assembly,

Ile Du Port.

Ser Mr Speaker,

Mon ekrir ou an referans avek serten pwen ki’n ganny souleve dan Lasanble Nasyonal yer apre midi, e ozordi bomaten dan Staz Komite.  I pa zanmen mon lentansyon pour reponn okenn keksoz ki ganny diskite dan Lasanble, me mon santi ki mon Drwa Repons anba Konstitisyon i enportan pour reponn e klarifye serten keksoz ou kestyonn, ou kestyon ki’n ganny leve me ki sa in anmenn konfizyon parmi piblik.

Premyerman mon Chairperson Everlasting Love Ministry, en Lasosyasyon Spirityel avek bi pour ed zenn, Sesel pour sorti dan plizyer fleo sosyal e osi pour restor zot dan kominote.  Mon osi Chairman CEPS platform pour Société Civil Sesel.

I enportan note ki pour nenport ki dimoun ganny elekte koman en Manm lo Board CEPS i bezwen appartient a en lot Lasosyasyon, e dan mon ka mon Lasosyasyon i apel Everlasting Love Ministry.  Ni mwan ni okenn lezot Manm Board CEPS pa anploye avek CEPS e zot pa ganny okenn saler.

Koman en Manm Board, nou ganny en allowance R1, 000 ki kouver telekominikasyon. Tou sa bann bon travay mon fer pour Société Civil, mon fer li koman en volonter.

An se moman mon travay avek mon Lasosyasyon e tou sa travay volonter ki mon fer avek, nou pa’n ganny ase finansman, mon fer pour mon Lasosyasyon e pei pour nanryen.  Malgre mon annan commitment lafanmir, sa i vin en swa personnel pour mwan travay pandan sa lannen san en saler, akoz mon’n fatige vwar tro bokou nou zenn pe soufer, me i pa bokou pe ganny fer.  Tro bokou koze, me pa bokou aksyon.

I enportan ki nou rekonnet dimoun ki pe travay lizour koman aswar pour sey fer en diferans dan lavi lezot, e mon rekomann avek tou Parlmanter pour rekonnet sa bann travay nob e osi annan en lapros ouver pour diskit e travay lo bann size ki pe afekte nou sosyete espesyalman nou bann zenn.

Senserman

Jude Fred,

Mont Buxton,

Mahe,

Sesel.

Vwala Drwa Repons ki mon’n lir ki sorti kot Mr Jude Fred.

Bon nou pour kontinyen nou travay, e mon ava zis re demann SS Payet pour re donn nou page number e amount ki nou pe deal avek, SS.

 

BUDGET FOR ‘’OTHERS’’  AND ‘’INTERNATIONAL SUBSCRIPTION’’

 

 

SECRETARY OF STATE – MR PATRICK PAYET

Mersi Mr Chair, e bonn apre midi tou Manm Onorab e tou dimoun ki a lekout, dan prosen vot nou pour pran vot anba ‘Others’’ ki lo paz 38 pour en sonm, R34, 936 milyon.  Sa total i annan enn pour subscription to International Organization R31,26milyon, e en lot capital subscription to International Organization R3, 910milyon, so son total anba sa vot i 34, 936 milyon.  Mersi.

 

MR SPEAKER

Mersi SS.  okenn Manm ki oule entervenir lo sa vot?  Onorab Churchill Gill.

 

HON CHURCHILL GILL

Mersi Mr Chair.  Bonn apre midi.  Bonn apre midi Minis, ek ou delegasyon.  Si SS i annan sa lenformasyon ek li, si i kapab donn nou lekel sa bann souskripsyon ki nou bezwen peye e lekel, konbyen apre lekel sa bann Organizasyon enternasyonal ki nou annan sa commitment avek?  Mersi.

 

MR SPEAKER

Mersi Onorab Gill.  SS.

 

SECRETARY OF STATE – MR PATRICK PAYET

Mersi Mr Chair.  Mr Chair kekfwa lo premye vot sa enn R31, 26 milyon, i en long lalis.  Nou kapab partaz avek 5 major one ladan, nou annan ok, en major one – UNESCO 100mil Dolar , WTO 29, 325 Swiss Franc, SADC 126, 690mil Dolar.  Mon ti konnen i annan COMESA i osi en sonm en pe élevé mon ti pe rod li; COMESA i, anyway i annan detrwa COMESA, selman sa enn ki mon’n vwar i Sekretarya i $39, 433 Dolar.  So nou kapab share avek Lasanble osi sa lalis.

Me pour lo capital subscription nou annan li, li i en pti lalis; i annan ADB son last peyman lannen prosenn i pour en sonm 62, 754mil Dolar; ATI African Training Institute avek IMF 50mil Dolar ki nou kontribye, apre i annan AFRITAC South i osi avek IMF 100mil Dolar.  Apre avek IFAD, IFAD lo kote Lagrikiltir 65mil Dolar. So li i en pe spesifik me tandis ki lo sa subscription nou kapab share avek Lasanble sa lalis ki nou annan.  Mersi.

 

MR SPEAKER

Mersi SS.  Onorab Churchill Gill.

 

HON CHURCHILL GILL

SS si nou pour fer en assessment baze lo sa kantite peyman ki nou’n fer avek sa bann diferan bodies, eski nou pour tonm lo en konklizyon ki Sesel pe vreman, sa ki Sesel pe benefisye i outweigh sa ki nou pe peye?  Mersi.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair, e mersi Manm Onorab.  En keksoz ki nou ti demann, akoz i annan en Komite ant Minister Finans avek Departman responsab pour Foreign Affairs, i annan en Komite ki’n formen.  So si i annan okenn nouvo souskripsyon, i bezwen pas lo sa Komite ki zot bezwen assess son relevans avek lavantaz ek dezavantaz son cost effectiveness ki i annan.  So tousala i bezwen soumet an Komite.

Me en keksoz zeneral ki sa Komite in dir pandan sa 1an i pe travay lo la, se pour assess tou sa bann souskripsyon pour vwar si i relevan avek ozordi, so once ki zot konplet sa legzersis, sa rapor i bezwen ganny soumet avek Cabinet.  E mon krwar sa nou a bezwen fer li pour preparasyon Bidze 2020, me sa exercise i ongoing.  Mersi.

 

MR SPEAKER

Mersi SS.  Bon si napa okenn entervenan ankor, nou pare pour nou pran en vot.  Ok nou pour pran en vot lo sonm R34, 936milyon, pour parey SS in dir, bann ‘’Others’’ i tonm bann ‘’Subscription to International Organizations’’, apre ’’Capitals subscriptions to International Organizations’’ parey in ganny dekrir ki trouv lo paz 38 e form par dan sa Schedule.  Mon ava demann tou Manm ki an faver? Okenn Manm ki kont?  Madanm Clerk.

 

MADAM CLERK

Mersi Mr Chair. Mon’n rikord 18 Manm ki’n vot an faver e personn kont.  Mersi.

 

MR SPEAKER

Mersi Madanm Clerk.  Savedir sa vot pour bann Subscription Enternasyonal in ganny aprouve par Lasanble Nasyonal pour 2019.  SS.

 

NET LENDING

 

SECRETARY OF STATE – MR PATRICK PAYET

Mersi Mr Chair.  Mr Chair nou pour pran the next vote anba Net Lending paz 38 ki pour en sonm R296, 362milyon.  Sa vot parey zot vwar anba sa laliny, nou annan en pe vot ki dan negativ; savedir par egzanp si nou komans anba sa PUC loans, PUC loan i bann disbursement ki nou pour fer, i 3 loan specific.  Nou annan en loan AIB ki in pran avek AFD pour son Water Master Plan, apre i annan en loan lo 33 KV South Mahe, sa in pran avek BADEA avek Saudi Fund.

Apre the next one i sa PUC La Gogue Dam.  So sa in pran avek African Development Bank. So sa i bann disbursement ki pour arive dan lannen 2019.  An menm tan PUC i annan repayment ki i pe fer anba bann loan ki in pran previously. 

So sa negativ 18milyon i pe montre ki PUC pe repay.  Akoz i bann loan ki Gouvernman ki’n pran, so letan i arive pour re peye, PUC i re pey Gouvernman.  E Gouvernman li i re pey sa donor.  DBS osi menm parey, i bann loan, sa i specific avek BADEA, so i repeyman 7.7./ 7.6 milyon.

STC i sa loan ki Gouvernman ti pret li an komansman 2008, so i pour fer disbursement 2019 apre son last disbursement 2020.

SFA sa Net Lending 28, 150milyon, i zis nou pe on lend li akoz sa independent autonomy ki i pour annan komansman an Zanvye, se pour ed li pour komanse apre an 2019 i pour rann Gouvernman sa larzan.

Letan in komans ganny tou son bann EU funding, so nou pour bezwen siny en Lagreman avek li avan ler nou disburse. SNPA osi menm prosedir, sa i zis en Net Lending, en davans ki nou pour pey li pour li komanse Zanvye, Fevriye apre i pour bezwen re pey Gouvernman pandan lannen 2019, so sa 296, 362milyon, i pour sa PUC loan 257,940milyon, SFA on lending 28,150mil, SNPA on lending 10,272 milyon.  So i pour sa 3 specific ki nou pe koz lo la.  Mersi.

 

MR SPEAKER

Mersi SS.  Onorab Ferrari.

 

HON JEAN-FRANÇOIS FERRARI

Mersi.  SS vi ki i annan 2 nouvo entity la ki pe pran zot lotonomi, mon ti a, nou ti a kontan konnen si zot pour subject to sa dividend policy ki Gouvernman pe travay lo la, e ki pli boner zot pour ganny enformen lo sa dividend policy? 

Akoz nou’n vwar dan lepase ki bann Lorganizasyon ki otononm apre zot pran en latitid en pe dominer, en pe, pa dominer, me en pe pour zot menm, zot deside pour dir non zot pa pour donnen oubyen sa – so kan eski sa, Gouvernman pour annan en clear dividend policy?  Akoz nou ekspekte ki SFA pour annan serten dividends, so eski i pour depan lo zot pour remit sa avek sa Gouvernman? Oubyen eski i pour annan en policy ki pour donn zot en framework pour zot travay lo la?  Mersi.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab. SFA avek SNPA komansman 2019 zot pour tonm anba sipervizyon PEMC, Public Enterprise Monitoring Commission.  E zot osi zot pour tonm anba sa dividend policy.  E nou ekspekte nou by Avril lannen prosen pour nou konplet sa exercise, at least pour annan en clear dividend policy.

        Sepandan dan Bidze 2019 diskisyon ki nou’n gannyen avek SFA, nou’n fini enkli 47 milyon as dividend pour zot pey Gouvernman.  Sa i dapre nou inisyal assessment ki nou’n fer nou’n vwar ki pandan excess cash an 2019 once ki zot konplet lannen.  E sa zot bezwen soumet pandan lannen 2019.  So definitivman zot pour antre.

Tandis ki SNPA i pour kekfwa pran en pe lannen avan zot komans pey dividend vi ki an se moman letan ou regard reveni ki zot ti pe kolekte an 2018 ouswa 2017, i zis breakeven.  Me nou antisipe ki at least avek sa autonomy zot pour kolekte more revenue.  So definitivman zot pour form par zot osi anba sa dividend policy.  Mersi.

 

MR SPEAKER

Mersi SS.  Onorab Ferrari.

 

HON JEAN-FRANÇOIS FERRARI

Mersi. SS mon ava pran lokazyon pour mwan lev en pwen dan Lasanble ki mon ti lev-e avek ou menm an deor Lasanble; dan bann National Parks i annan ki generate gate revenue, mon konnen poudir Zarden Botanik pa tonm dan, anba SNPA me i tonm anba National Botanical Garden Foundation – mon ti a kontan zis atir latansyon Minister Finans lo en sityasyon ki mwan mon personnelman mon krwar i merit en latansyon partikilye ki mon vwar ki Gouvernman pe ekspekte dan entrance money 1.2 milyon pour Zarden Botanik pour lannen prosenn, mon mwan santi poudir sa i pa realist.  I devret bokou plis ki sa.  Mon pa konnen kot i ete, kot i devret, kekfwa sa larzan i ganny bank en lot landrwa anba en lot Head, me mon pe zis atir latansyon e SS i konnen poudir mon’n sa. Mon pe atir sa latansyon, akoz tou bann Entities kot i annan gate receipts ki ganny kolekte avek bann viziter, dan lepase in montre nou ki se bann landrwa ki tradisyonnelman i annan bann leakages. 

E L’Union Estate ti enn kot mon krwar Minis i konnen, in annan en kantite leakage e avek nouvo management, nouvo policy, nouvo Board keksoz in amelyor substantiellement.  Alors mon ti a kontan ler zot pe get SNPA sey gete si zot annan bann metod kontrol e monitoring lo tou bann peyman ki ganny fer pour vizit tou bann National Parks. 

Akoz i enportan ki sa bann reveni i antre dan Kof Leta, pour nou kapab gard sa bann National Parks dan bann leta lapropte parey lans, L’île Aux Cerfs lo bann zil dan Ste Anne Marine Park – lapropte.  so i neseser akoz sa i bann landrwa ki difisil, Curieuse i difisil, Île Coco i difisil pour monitor ki tou bann reveni i devret pe rantre.

So mon pe, nou, nou pe demann avek Gouvernman pour fer en zefor spesyal gete si zot kapab ganny en metod ki en pe pli full proof pour fer sir ki sa bann reveni i antre dan Kof Leta.  Mersi Mr Speaker pour permet mwan fer sa remark.

 

MR SPEAKER

Mersi Onorab Ferrari. SS. Minis.

 

MINISTER MAURICE LOUSTAU-LALANNE

Mersi Mr Chairman. Mersi Onorab. Efektivman pandan diskisyon ki nou’n gannyen avek SNPA, zot osi zot rekonnet ki zot kapab anmas bokou plis larzan e zot pe travay lo en diferan sistenm parey ou’n sizere pour zot anmas sa larzan, en sistenm plito elektronik.

So pour napa en zafer donn larzan, donn en bout papye sirtou dan lanmer.  I vin difisil, i pour en nespes pre-payment system ki pour ganny fer avek bann Lazans, avek bann lotel, la kot bann touris i reste pour fer li pli full proof e fer sir tou larzan i antre.  Mersi Mr Chairman.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mersi Mr Chair.  Mon oule zis en klarifikasyon lo en statement ki SS fek dir konsernan SNPA, baze lo zot receipt dan le pase, si zot ti pe zis basically breakeven?  Akoz mon pa konnen dan mon lespri mon krwar poudir zot in, larzan ki zot in generate dizon dan le pase apepre 25milyon – I may be wrong, 25 milyon me selman sa ki nou ti pe donn zot koman en Bidze 10milyon apepre, so i fer ki zot ti, eski zot pa ti pe fer plis larzan?

E dezyenmman bann trails ozordi dan Sesel, eski i pour tonm anba en SNPA?  Akoz la pour azout lo sa ki Onorab Ferrari in dir, mon krwar i annan bann landrwa a parti la apre midi nou ti kapab komans anmas larzan.  Akoz i annan bann trails ki ou monte e ou bezwen desann menm landrwa Copolia i enn.

Morne Blanc i en lot, tandis i annan bann lot ki ou antre en landrwa me ou debous dan lot, sa ou pa kapab kontrole.  Me bann kot nou kapab kontrole Mont Buxton par egzanp nou annan 2, Mont Signal, apre bor laba kot Ros Gorilla i bann landrwa ki nou kapab generate funds.  E mon swete ki i ava en konversasyon ki Minister Finans i ava annan avek SNPA pour zot kapab generate otan larzan ki zot kapab avek labote nou pei.  Mersi.

 

MR SPEAKER

Mersi Onorab. SS oubyen Minis?  SS.

 

SECRETARY OF STATE – MR PATRICK PAYET

Mersi Mr Chair.  Mersi Onorab. Si nou regard kekfwa lo paz 22, lo paz 22 nou vwar son total Bidze ki nou ti donn li an 2018.  Nou ti an 2017 son actual spending, savedir son goods and services, wages, Seychelles National Park Authority lo paz 22 i ti 21 milyon, e revision pour 2018 i 26milyon, akoz nou ti donn li sa larzan adisyonnel.  nou’n vwar ki National Park Authority avek lide pour li vin Autonomy ti annan bokou bann lenfrastriktir pour li kapab anmenn plis reveni bann lenfrastriktir.  Par egzanp enn de lo bann trail fer sir ki at least i annan proper maintenance lo sa bann trails ki at least demen touris letan zot konnen zot peye ouswa bann viziter pe peye lo sa trail. Zot pa pour kapab konplent the trail i glise ouswa napa proper maintenanceSo nide se at least larzan ki i pour kolekte i al en pe dan son bann maintenance, i osi i ava donn li en pe sa motivasyon pour li kolekte plis.

Me definitivman nou pour bezwen met bann kontrol mechanism.  Par egzanp en keksoz ki staff in dir mwan se, zot pe entrodwir POS machine, point of Sale Terminal, dan plas annan sa cash tranzaksyon en pe bokou, savedir touris i kapab vini servi zot kart ATM.

So i definitivman, nou pour bezwen travay avek SNPA pour fer sir ki at least zot pour bezwen kolekte as much revenue evantyelman donn dividend Gouvernman.  Se definitivman nou pour bezwen travay avek zot dan sa concept.  Mersi.

 

MR SPEAKER

Mersi SS.  Onorab Churchill Gill.

 

HON CHURCHILL GILL

Mersi Mr Chair.  Mon osi mwan entervansyon i lo SNPA, i annan en sityasyon ki pe arive kot Curieuse kot nou vwar at least on a average toulezour 15 a 20 bann katamaran i mouye laba, so i montre poudir la i en fason ki Curieuse ti kapab anmas en pe reveni si zot, zot ti met sa bann fasilite dan plas sa bann yot i vini setaki i larg son lank, e parey nou konnen bann domaz ki sa i kapab fer.

Alors mon ti pe sizer ek Minister Finans ki sa bann keksoz i al dan latansyon SNPA e apre nou donn li finans neseser pour li kapab met sa bann buoy, pour ki sa i ava en fason reveni pour li.  Akoz 15 a 20 yot toulezour aswar mon krwar dan 365 zour i kapab fer en bon pe reveni.  Mersi.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair, e mersi Onorab.  Pwen in note.  Nou ava diskit avek SNPA e sa, akoz sa ki nou anvi ki zot kolekte plis tou sa bann linkages dan revenue ki i annan at least zot maximize en pe zot revenue.  Pwen note.  Mersi Mr Chair.

 

MR SPEAKER

Mersi SS.  Bon si napa okenn lezot Manm pour entervenir, nou pare pour nou pran en vot lo sonm R123,103 milyon, lo paz, non Net Lending, sorry.

 

SECRETARY OF STATE – MR PATRICK PAYET

Net Lending.

 

MR SPEAKER

Wi Net Lending…

 

SECRETARY OF STATE – MR PATRICK PAYET

I pou en sonm R296milyon.

 

MR SPEAKER

Wi mersi SS. Mwan ki’n fer en pti fot, nou pour pran en vot lo sonm R296, 362milyon, ki lo paz 38 e ki pour Net Lending ki form par dan sa Schedule.  Tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair 18 Manm ki’n vot an faver e personn kont.  Mersi.

 

MR SPEAKER

Mersi.  Savedir sa sonm pour Net Lending pour, ki dan bidze 2019 in ganny aprouve par Lasanble Nasyonal.  SS.

 

DEVELOPMENT GRANTS TO PUBLIC ENTERPRISE

 

SECRETARY OF STATE – MR PATRICK PAYET

Mersi Mr Chair. Mr Chair lot vot i pour Development GrantS to Public Enterprise ki lo paz 39 pour en sonm R123, 103milyon.  Sa sonm detay konm swivan nou annan SPTC domestic financing 14.5milyon sa i enn de proze ki SPTC i antisipe fer pour lannen 2019.  SPTC foreign loan 15.9milyon e sa i bann additional bis ki SPTC pour gannyen lannen prosenn.

Property Management Corporation 24.8milyon, sa larzan in mete pour li pey sa loan ki in pran avek Seychelles Pension Fund lannen prosenn.  60 milyon anba Public Utilities Corporation lokal 60milyon; sa sonm i pour asiste li lo enn de son bann Proze Kapital baze lo son bann lenfrastriktir ki i anvi fer dan Kominote.  Apre nou annan Public Utilities Corporation i osi annan en bout foreign loan pour en sonm 7.88milyon, sa sonm pour li purchase street light avek Departman Transpor pour  lavaler 1,450 LED street light pour bann distrik.  So sa total i R123,103milyon.  Mersi.

 

MR SPEAKER

Mersi SS.  Okenn Manm ki oule entervenir?  Development Grants – Onorab Afif.

 

HON AHMED AFIF

Mr Chair avek ou permisyon zis en pwen klarifikasyon ki pa direkteman lo la, me lo sa pwen ki nou’n fek diskite avan ki lo son paz avan, Net Lending, zis en klarifikasyon nou’n vot lo 296million, me selman dan detay nou’n annan 222million, eski ou ti eksplik sa diferans?  Zis en klarifikasyon.  Mersi.

 

MR SPEAKER

SS.

 

SECRETARY OF STATE – MR PATRICK PAYET

Mersi Mr Chair, mersi Onorab, lo kote Net Lending ou pour vwar ki dan liv Bidze i 221, 746 milyon, me dan Appropriation Bill nou’n met zis sa sonm ki nou bezwen disburse dan Consolidated Fund.  So sa sonm i PUC loan R257, 940milyon; SFA on lending 28milyon apre pour SNPA, i bann disbursement ki nou pour fer.  Mersi.

 

MR SPEAKER

Mersi SS.  Okenn Manm ki oule entervenir lo Development Grants?  Non si napa nou ava pran vot, ok nou pour pran en vot lo paz 39 pour en sonm R123,103milyon, Development Grants to Public Enterprises ki trouve dan sa Schedule.  Tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair, 18 Manm an faver e personn kont.  Mersi.

 

MR SPEAKER

Mersi Madanm Clerk.  Savedir sa vot, sa amount pour 2019 pour Development Grants to Public Enterprises in ganny aprouve par Lasanble Nasyonal.  SS.

 

CONTINGENCY

 

SECRETARY OF STATE  – MR PATRICK PAYET

Mersi Mr Chair.  Mr Chair the next vote i pour Contingency ki pour en lavaler 50milyon e sa i lo paz 39.  Anba Contingency zot pour vwar ki nou vot normalman i apepre 20milyon en provizyon ki nou mete, me tandis ki plan 2019 e Revised Budget 2018 zot pour vwar en logmantasyon.  Sa provizyon ki nou’n mete sa logmantasyon i pour specific pour sa dezyenm konponan ki nou bezwen met peye pour Kiltir, zot konpansasyon, nou’n pey en bout sa lannen, nou bezwen pey en bout lannen prosenn.

Apre secondly nou’n met pour La Misère konpansasyon.  La Misère pour konpansasyon pour polisyon delo La Misère nou’n met en provizyon, me nou pa ankor ganny detay sorti kot Biro Prokirer Zeneral.  E advise ki nou’n gannyen mon krwar i annan en meeting ki pour ganny fer avek ou menm Mr Speaker avek Onorab William e Onorab Georges.  So i pe esper en meeting pour li fer pour li kapab annan en pe plis detay avan i soumet detay kot Minister Finans.  Mersi.

 

MR SPEAKER

Mersi SS.  Onorab Ferrari.

 

HON JEAN-FRANÇOIS FERRARI

Mersi Mr Speaker.  SS mon, lo lapar mwan koleg Onorab Georges mon ti a kontan refer le pwen ki Onorab Georges pa tro kontan ki se Gouvernman Sesel ki pe pey sa larzan pour La Misère.  Alors kekfwa ou kapab dir nou si in annan en serten led sorti kot sa pei ki son Dirizan ti a lorizin sa problenm, e kekfwa sa i ava satisfer Onorab Georges.

2enm pwen, eski ou kapab dir mon dan Contingency pour 2018 son total final 47milyon, sey redir nou apard sa konponan pour Kiltir, lekel bann gro konponan ki ti annan ladan ankor silvouple? Vwala mersi.

 

MR SPEAKER

Mersi Onorab Ferrari.  SS.

 

SECRETARY OF STATE –  MR PATRICK PAYET

Mersi Mr Chair.  Mersi Onorab, anyway nou kapab follow-up avek Attorney Zeneral akoz mon konnen li i specific ki i ti pe deal dan sa case, pour regarde si ti annan okenn soumisyon avek, par egzanp avek ASCON.  Akoz letan nou reget dan file la an tou lannen 2011.  2012 ti annan en total 113.9milyon ki ti ganny peye, e ladan ASCON ti pey 99milyon, e Gouvernman Sesel ti pey 14.9milyon.  So i annan, be nou kapab follow-up avek Attorney Zeneral pour vwar si ti annan soumisyon kot ASCON ouswa bann lezot donor.

Lo kote lannen 2018, i annan bann out of court settlement ki nou’n peye R7.8 milyon; i annan caterpillar osi 890mil.  DRDM i annan bann emergency ki’n arive, par egzanp bann search and rescue ki zot in fer, nou annan detay sa osi enn pour en lavaler 789mil.

Lapolis i annan bann konpansasyon R102mil.  Mon pe pas dan tou bann, akoz ki mannyer i ete i annan en, i diferan spreadsheet.  Wi pour Ministry of Health i annan 1.9milyon konpansasyon li osi.  CAA – sa case CAA 1.6milyon, so in pey anba ContingencySo i apepre sa bann sonm swivan, wi.

 

MR SPEAKER

Mersi SS.  Onorab Ferrari.

 

HON JEAN-FRANÇOIS FERRARI

Zis pour fer sir Mr Speaker napa end of term gratuity ki’n pase la non?

 

MR SPEAKER

Mersi.

 

(Interruption)

 

HON JEAN-FRANÇOIS FERRARI

Onorab Gill ou reste ou trankil ou, pa eksite ou dan pe rod nou larzan la.

 

MR SPEAKER

Mon a donn laparol Onorab Henrie.  Onorab Ferrari, mon a donn ou laparol.  Onorab Henrie.

 

HON GERVAIS HENRIE

Mersi Mr Chair.  SS in dir avek nou ki dan sa sonm 50milyon i annan en 2enm porsyon ki pour library konsernan fungus, mon pe assume poudir enn fwa ki sa dezyenm peyman i fer, i fini, now prezan mon worry mwan i lo La Misère.  Dabor mon konnen poudir sa i en promes ki ti ganny fer dan Leta Lanasyon, Prezidan ti vin isi ti dir poudir pour peye, solman i pa’n dir nou li akoz.

So se sa prezan ki mon mwan anvi konnen, akoz sa ki mon vwar i enzis dan sa zistwar, sa dimoun ki reste Mont Signal, ki reste Crève Coeur, ki reste Roche Bois laba, li in pa’n koz okenn problenm pour okenn dimoun La Misère, mon kontan mon bann frer ek ser Seselwa pe ganny en konpansasyon.  Solman bann dimoun ki mon mwan reprezante ti napa nanryen pour fer ek sa, selman zot ki pe peye, prezan mon anvi konnen ki rezon det ki Gouvernman in vwar li neseser pour li vini dir “ok mon a peye” sa i premye.  Ki son rezon det ki Gouvernman in dir i a peye?

E dezyenmman kan sa zafer pour fini enn fwa pour tou.  Akoz si fungus in donn an 2 porsyon.  Mon vwar poudir sa larzan ki ladan pa pour ase, 2020 pour annan ankor larzan ki pour vini pour La Misère.  Mersi.

 

MR SPEAKER

Mersi Onorab.  SS.

 

SECRETARY OF STATE – MR PATRICK PAYET

Mersi Mr Chair. Mersi Onorab lo kote Departman Kiltir pour library once ki nou fer final payment 2019 pour konplete.  Sa i bann porsyon.

Lo kote La Misère nou pe esper tou dokiman sorti kot Attorney Zeneral e nou menm enn de kestyon ki nou’n demande se akoz ki Gouvernman ki pour peye?  

So nou pa ankor ganny okenn Official dokiman, nou pe met en provizyon, me nou pe esper advise from Attorney Zeneral e once ki nou gannyen nou ava assess merit avan nou fer peyman, me nou pa ankor gannyen.

Me letan nou regarde baze lo sif ki nou’n mete, nou’n met en provizyon apepre 15milyon pour La Misère.  So nou pa konnen apepre konbyen pour arive e ki kantite cases ki i annan, me i kapab arive si sonm i en pe an plis, swa nou pour kouver li dan Midyear Review ouswa i pour ganny kouver dan Bidze 2020.  Mersi.

 

MR SPEAKER

Mersi SS.  Onorab Churchill Gill.

 

HON CHURCHILL GILL

Mersi Mr Chair.  Si ou permet mwan, Onorab William osi in anvoy en mail pour mwan demann kestyon pour li.  I annan ki’n deza demande, mon’n ganny leklersisman.  Li i anvi konnen vi ki sa i kot Biro Attorney Zeneral en pe letan, eski Minister Finans i krwar ki sa bann dimoun ki pa ankor gannyen ki ankor pe espere lannen prosenn, zot pour ekspekte pe ganny dir poudir be la Attorney Zeneral in finalize e prezan zot pour gannyen?  So kestyon eski lannen prosenn finalman sa bann dimoun pour ganny kriye pour zot kolekte zot dues?  Mersi.

 

MR SPEAKER

Mersi Onorab.  SS.

 

SECRETARY OF STATE  – MR PATRICK PAYET

Mersi Mr Chair e mersi Manm Onorab.  Advise ki nou’n gannyen avek Biro Attorney Zeneral se, i pe esper en meeting avek le 3 Manm Onorab pour li propoz, i annan en proposal mon krwar ki in fer son inisyal assessment pour li propoz avek zot e si tou i ganny aksepte baze lo son proposal avan i ganny met piblik, i ava soumet kot Cabinet of Ministers e diskit ek Minister Finans.  E nou anvizaze premye peyman i ganny fer in the 1st quarter of 2019 si tou i mars dapre son, sa bann proposal ki i pe fer.  Mersi.

 

MR SPEAKER

Mersi SS.  Bon zis petet pour klarifye akoz kekfwa manm piblik pe ekout nou deor, mon pa anvi pronons mon lo la as such akoz mon annan serten konfli lentere mon kapab dir, se mwan ki ti anmenn case Ankour.

E se mwan ki ti anmenn Gouvernman koman en, ki mannyer nou apel sa?  Koman en wi, en Defendant Ankour.  Apre ki nou’n, afen case in ale pour plizyer lannen, me apre ki Prezidan Faure in pran lofis, i ti ganny en meeting avek nou, mon, Onorab William ek Onorab Georges kot serten lantant in ganny fer.

E se sa ki Prezidan in swiv par sa, in fer prononsyasyon piblik e nou’n met sa case on hold.  Nou’n plizoumwen retir sa case Ankour, akoz i annan en demars ki pe arive.  Ki sonm?  Nou pa ankor konnen akoz se Biro Attorney Zeneral ki pour deside.  Nou pa kapab pronons nou asir sa, se sa rezon SS osi pa pe kapab pronons li lo la.  I annan en preparasyon, i annan en serten sonm ki’n ganny mete dan Contingency parey ti ganny anonse par Minis dan Bidze, me nou’n esey ganny en meeting, anfen Biro Attorney Zeneral in sey ganny en meeting avek le 3 Manm ki enplike dan sa case, me bann zour ek bann ler pa’n konvenyan pour nou akoz travay ki nou pe fer isi.

So nou swete ki apre ki nou fini travay Bidze la, e apre ki Onorab William i a’n rantre e availability Onorab Georges, nou a kapab ganny sa meeting e en lanons piblik i kapab petet swiv tre prosennman par Biro Attorney Zeneral lo ki laranzman nou’n gannyen.  Ok so se tou ki mon anvi dir.  Mon pa anvi pronons lo okenn keksoz ki kapab afekte negosyasyon ki pe ganny fer.  Onorab Woodcock.

 

HON WAVEL WOODCOCK

Mersi Mr Chair.  Mr Chair anba Contingency dan sa sonm 50 milyon mon vwar parey SS in eksplike i annan en sonm pour bann dimoun ki’n ganny afekte avek fungus, en lot sonm pour bann dimoun ki dan sa lensidan delo malpropte La Misère, me selman mon pa vwar nanryen kot i konsern bann dimoun ki reste o bor power plant Baie Ste Anne? O bor stasyon PUC Baie Ste Anne.  I mean ti annan bokou koze lo ki sa lannen, kekfwa sa bann dimoun pour zot ganny serten konpansasyon, but mon pa pe vwar nanryen pour sa bann dimoun.  Alor pour napa nanryen pour sa lannen, kan eski bann dimoun ki pe reste o bor sa stasyon pour ekspekte ganny en konpansasyon si i pa dan bidze 2018/ 2019, kan nou pour ekspekte ki sa bann dimoun pour ganny en keksoz?  Mersi.

 

MR SPEAKER

Mersi Onorab.  Avan mon donn la parol SS Payet, mon a donn laparol Onorab Churchill Gill.

 

HON CHURCHILL GILL

Mersi Mr Chair.  Mr Chair si mon kapab petet eklersi Lasanble lo la, i en process e i pa ankor fini ganny fer.  A sa pwen la ki nou pe diskit Bidze, napa en sonm ki nou kapab met avek pour dir i ariv tan, tan, tan.  Me selman Contingency Fund son non i dir pour li menm.  Enn fwa ki sa legzersis i fini i annan, pour letan i annan sa Contingency Fund then sa posibilite i la pour sa problenm ganny adrese.  Mersi.

 

MR SPEAKER

Mersi Onorab.  SS Payet.

 

SECRETARY OF STATE  – MR PATRICK PAYET

Mersi Mr Chair.  Mr Chair i annan.  Mersi Manm Onorab pour sa kestyon.  I annan 2 konpansasyon osi ki nou pa ankor ganny okenn sonm.  I annan parey the PUC power station on Praslin, apre nou annan Petit Paris asphalt plant issues osi.  I annan 2 konpansasyon ki nou konnen i kot, i ankor dan staz diskisyon.  So dan Bidze Contingency nou’n met 30milyon, 15milyon pour Departman Kiltir e 15milyon pour La Misère konpansasyon e apre i annan sa sonm 20milyon e nou pour kapab tap in once ki nou ganny the final dokiman e diskisyon avek Attorney Zeneral. So definitivman once sa, sa i konplete nou ava vwar dan Contingency Fund.  Mersi.

 

MR SPEAKER

Mersi SS Payet.  Bon nou dan en pozisyon pour nou kapab pran en vot lo Bidze pour Contingency ki en sonm R50 milyon e ki trouve lo paz 39 e form par dan sa Schedule.  Mon ava demann tou Manm ki an faver?  Okenn Manm ki kont?  Madanm Clerk.

 

MADAM CLERK

Mersi Mr Chair.  21 Manm in vot an faver e personn kont.  Mersi.

 

MR SPEAKER

Mersi Madanm Clerk. Savedir sa Bidze R50milyon dan Contingency Fund pour 2019 in ganny aprouve par Lasanble Nasyonal.  SS Payet.

 

TAX EXEMPTION

 

SECRETARY OF STATE  – MR PATRICK PAYET

Mr Chair the final vote i lo paz komansman menm, dan paz reveni 5 a 6 Tax Exemption; Tax Exemption son total i 30milyon, anba la nou’n met anba trade tax direct imports i annan en trade Tax Exemptions 5milyon ki nou’n met, sa i en provizyon, nou vwar.

Par egzanp si i annan okenn Lagreman ki Gouvernman in sinyen ki i annan bann exemption par egzanp bann Donor Funding Project, ordinerman nou pey anba la.  Apre anba VAT i annan en provizyon 25milyon, me zis pour azoute ki sa i en provizyon i pa neseserman ki Gouvernman i servi si napa okenn Lagreman ki in sinyen.

Me si i arive par egzanp nou annan bann donor funded project ki nou vwar ki ou sinyen dan letan ou pran son loan, ou sipoze exempt taxes e Gouvernman, e dan Lalwa i pa exempt be ou bezwen pey li pour fer li en pe latransparans.  So nou’n met sa provizyon 30 milyon.  Mersi.

 

MR SPEAKER

Mersi SS.  Okenn Manm ki oule entervenir?  Non, si non nou ava pran en vot lo sa amount R30milyon provizyon pour Tax Exemption ki trouve lo paz 5 ek 6 ki form par sa Schedule.  Mon ava demann tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair 13 Manm an faver e personn kont.  Mersi.

 

MR SPEAKER

Mersi Madanm Clerk.  Savedir sa amount R30milyon pour Tax Exemption pour 2019 in ganny aprouve par Lasanble Nasyonal.  SS.

 

SECRETARY OF STATE – MR PATRICK PAYET

Mr Chair avek sa nou konplet Staz Komite avek tou bann vot ki’n ganny konplete.  Mersi.

 

MR SPEAKER

Mersi SS Payet.  Savedir nou travay Staz Komite lo Bidze 2019 ki’n komanse depi komansman Novanm i Ofisyelman terminen.  Mon pour demann Sergeant pour retourn nou dan Staz Committee of the whole House.  E mon anvi pour nou round up avan nou pran en Third Reading, mon anvi donn parol sak kote pour detrwa minit, dizon en 5minit, si i annan okenn dernyen komanter le de parti i anvi fer avan nou pran Third Reading. Mon ava komans avek Onorab Ferrari.

 

HON JEAN-FRANÇOIS FERRARI

Mersi Mr Speaker.  Mr Speaker mon ti ava kontan remersye premyerman Minis Finans avek son lekip pour sa travay, bokou sa letan ki zot in pase avek nou isi dan sa Lasanble, mon ti a kontan remersye ou avek bann Manm pour sa travay ki nou’n fer.

An konklizyon mon ti a kontan fer detrwa pwen; premyerman mon anvi re vin lo en keksoz ki mwan santi ki i neseser ki nou kontinyen kit nou lespri lo la, pour nou gete ki mannyer nou kapab fer keksoz pour amelyor li oubyen pour aranz li.

Dan sa travay ki nou’n fer Mr Speaker, nou lo sa kote latab pour premye fwa dan 3an nou’n santi poudir in annan en breakdown dan trust ki nou ti mete avek Minister Finans.  Ki konsekans sa i kapab annan?

Konsekans se ki, se ki nou dan Lopozisyon nou napa kapasite pour nou analiz tou bann sif dan Bidze.  Nou napa kapasite ni teknik, ni imen pour nou get sak laliny enn par enn e tou bann antite enn par enn.  Laprev se ki o komansman sa travay nou’n rankontre dan Assembly Business Committee pour nou deside lekel bann Headings ki nou pour diskit lo la an detay e lekel bann ki nou pour kit, nou pour vot lo la san deba, san diskisyon.

Kestyon ki monte prezan se, kisisa ki nou pa’n vwar ladan ki nou ti’n devret vwar?  Sa i en kestyon ki Lezitim, i en kestyon ki nou tou lo sa kote latab nou pe demann nou lekor.  E i kler ki i vin avek en pe lenkyetid.  Alors mon ti ava kontan nou, nou ti ava kontan re dir avek Minister Finans ki pour sa travay kontinyen e sa travay prodiktif, fodre nou rekonstrir sa konfyans e fodre ki tou sa ki nou Lasanble i devret konnen, i konnen.

E ki menm ler Lasanble pa vwar serten keksoz akoz pour tou varyete rezon ki Minister Finans i santi poudir i annan serten keksoz ki nou pa’n vwar, zot fer li zot responsabilite pour zot atir nou latansyon lo la, pour fer sir ki tou keksoz i above board. 

Akoz Prezidan Faure in demar son manda lo latransparans, bonn Gouvernans e rann kont, e malerezman tou le 3 sa bann prensip sa voyaz pa’n ganny validate e sa i domaz.  I domaz e i vreman, nou poz nou lekor kestyon ki mannyer nou pour fer lannen prosenn ler zot pour donn nou sa gro liv Bidze?

E nou ava reflesir ansanm lo la, nou ava reflesir ansanm lo la, nou ava gete si nou, si i enportan ki nou annan serten pre-budget discussions lo serten size ki’n pran bokou letan isi dan sa Lasanble ki nou ti’n kapab diskite e rod leklersisman dan en sesyon preliminer.  Me nou ava gete ki mannyer nou kapab met an mars sa bann nouvo metod ki i ava rekonstrir sa konfyans ki esansyel, akoz si napa konfyans i pour vreman difisil pour nou avanse.  Sa i mon premye pwen.

Mon 2enm pwen Mr Speaker se poudir ki nou annan, pour remind avek PSSS ki i annan serten commitment ki’n ganny fer lo lenformasyon ki nou bezwen gannyen sorti kot President’s Office, mon pa pour retourn lo la, me selman mon krwar ki sa i en keksoz ki esansyel pour nou fer mazinen.

Lot keksoz, e PS mon stand, mon sir, mon fer okenn fot dan mon kalkil ou ava koriz mwan, lo bann zis pour nou ganny li kler lo bann Heads ki nou’n demann en freeze en attendant plis lenformasyon oubyen en attendant nouvo devlopman, i annan

R800mil pour Defans,

R2 milyon, 500 pour Industrial Estates Authority,

R3, 524milyon pour Seychelles Intelligence Services,. E  sa enn se akoz Lalwa pa ankor vini e donk i pa kapab ganny disbursed, me selman nou’n vot sa bann sonm avek rezerv, diferan rezerv pour diferan Heads.  So si sa korek ou ava sinyal mwan ler nou fini.

Finalman mon annan 2 pwen Mr Speaker.  Mon ti a kontan ki, ler mon get bann reveni ki osi form parti sa bidze me ki nou pa diskit lo la, mon ti a kontan demann Minis si i santi ki bann dividends ki i pe ekspekte ki in mete ki i pe ekspekte lannen prosenn an 2019 pour konplet Bidze, si i krwar sa bann dividends i vreman realistik.  E sirtou mon vwar poudir i annan en sif pour SEYPEC ki 250milyon ki SEYPEC i fer sa sonm, me selman dan lepase i pa’n finalman translate, tradwir an dividends. 

Lannen pase ti annan sa sonm me selman 150 milyon ki ti antre, alors eski i realistik e sa i rezwenn kestyon ki mon ti demande pli boner lo Dividends Policy pour fer sir ki nou ler sa bidze i vin devan nou, nou konnen osi, nou annan en serten lide ase ferm lo kote réalistiquement larzan pe sorti pour finans sa bann depans.

E mon dernyen pwen Mr Speaker, se ki mon ti a kontan stress avek Minister Finans ki pour lannen prosenn nou pour bezwen, zot pour bezwen met en zefor en pe pli konsekan lo reveni, e mon santi poudir sa lannen e dan bann diskisyon enformel ki mon’n annan avek SS, in admet avek mwan ki zot kapasite, teknik, imen eksetera i par ler i limite e zot bezwen prioritise zot travay e ki sa lannen zot in met laplipar zot konsantrasyon lo preparasyon bann depans e fer sir ki bann Heads, bann depans i ganny byen kalkile e ki zot, ki Bidze parey Minis in dir i tight, me pour nou ganny en Bidze fodre nou ganny reveni, e i enportan ki tou zefor i ganny fer.

E nou, nou ekspekte ki Minister Finans i vini laprosenn fwa e i dir avek nou la i la bann zefor ki nou’n fer, pour nou kapab ranmas tou bann reveni ki nou ti sipoze ranmase.  Nou’n donn bann legzanp taler dan bann areas kot i en pe pli difisil ki lezot.

Me selman nou santi poudir i annan serten areas ki problematik e ki nou bezwen kapab fer zefor.  E enn sa bann areas se byensir retail, wholesale and retail trade, kot i annan ankor bann sonm larzan ki deor ki bann retailers, bann wholesalers pa ankor remit avek Gouvernman.

E nou donn tou nou lankourazman Minister Finans e nou donn tou nou sipor SRC pour fer sa ki zot kapab, sa ki, pa zis sa ki zot kapab.  Sa ki zot manda i donn zot pour zot rekiper sa bann sonm e fer ki sa bann sonm i rantre dan Bidze.

Nou pe dir sa Mr Speaker, akoz i tou zis en pti, en ners oubyen en teacher oubyen zofisye Lapolis, oubyen en cleaner li son tax i pa kapab zwe avek, akoz son tax i ganny tire lo son lapey avan i ariv kot li, donk li in fini peye son bout li.  I pa kapab zwe avek sa.

Me selman dan bann biznes, dan bann pli gro biznes zot kapab zwe avek tax.  Zot kapab tarde.  Zot kapab fer bann challenge, bann kontestasyon eksetera, pour tarde pour sa bann keksoz pa antre.  E alors nou, nou santi poudir i vreman pa zis ki bann dimoun ki i annan bann pli gro biznes, ki i annan bann pli gro larzan, ki ganny bann pli gro reveni zot, zot ganny sans sape oubyen zot ganny retar, oubyen zot pran bann, zot abize pour zot pa pey bann tax parey Lalwa i demande.  So Minis, SS sa i en demann ki nou fer dan en fason tre for.

Mon terminen Mr Speaker en disant ki sa lannen, sa problenm ki’n arive avek end of term gratuity i pa en zoli keksoz. I vilenn.  I pa ti devret arive sa.  I vilenn e i met en tas nwanr lo bokou keksoz.

Lo sa travay konsekan – konsekan.  E la mon dir ki lot kote latab zot osi zot in travay avek, nou’n travay koman en sel Lasanble.  Nou’n travay dan FPAC koman en sel Lasanble, pour nou fer tou sa ki nou kapab pour nou met lonnekte e bonn gouvernans dan Fon Piblik.

Sa ki’n arive sa bann gratwite ki’n ganny peye ki dapre nou, mon dir ankor i pa ti devret ganny peye, i en tas nwanr lo nou travay, e i en tas nwanr erezman pa lo nou, me lo zot Lorganizasyon.  Alors mon refer ankor en lapel, mon refer ankor en lapel pour nou rod en solisyon pour sa ki’n arive.  I pour zot swa pour les sa zafer al Ankour oubyen zot menm zot pour met Ankour, oubyen bann ki pa’n gannyen akoz i annan bann ki’n gannyen e bann ki pa pour gannyen, ki pour met Ankour.

Sa i pour zot swa.  Me selman mon ti a kontan dir zot poudir i pour en tas ki son konsekans pa pour zoli.  Alors mon ti a kontan dir nou, nou ti a kontan dir zot koman en parti reflesi lo en fason pour rezourd sa problenm dan en fason ki satisfezan pour bann finans piblik.

Mon kit sa avek zot e mon swet Minis avek son lekip mersi dan zot travay.  Mon swet zot en bon Nwel, repoze, nou osi nou, nou pe al dan Bills nou travay pa ankor fini.  Mersi pour zot kolaborasyon e mersi pour zot sipor.

 

(APPLAUSE)

 

MR SPEAKER

Mersi Onorab Ferrari.  Mon krwar Minis osi pa pour tay tro lwen akoz i annan bann Bills osi ki konsern son Minister ki demen,  apredmen i pour avek nou dan Lasanble ankor.  Mon a donn laparol Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker ankor enn fwa bonn apre midi, ou menm, Minis ek delegasyon, tou dimoun.

Mr Speaker premyerman les mon remersye ou ki’n gid nou travay pandan sa bann letan ki nou’n depouy sa Bidze 2019.  Anba ou gidans mon krwar nou’n fer en bon travay, en travay ekselan, en travay ki anmenn nou Lasanble ankor pli devan.   E mon remersye osi Minis ek son delegasyon, mon krwar sete en travay formidab zot in fer, zot in prezant devan nou e zot in travay ansanm avek nou nou’n, i pa’n en kestyon Bidze konmsi pour zot epi nou, nou pa ladan.

Me in en travay korperasyon en travay kot in annan bokou lesanz, bokou tolerans osi mon kapab dir sa.  E in annan latransparans dan sa travay.  Akoz nou’n fran e kantite keksoz in ganny sorti e plizyer understanding.  I annan plizyer commitment ki’n ganny fer sirtou lo nou kote latab, en kantite pwen in ganny avanse ki nou demande i ganny met an pratik dan lenplimantasyon Bidze 2019.  E lapros sete en lapros kordinen e mon krwar mwan ki avek sa kalite lapros koumsa i bon pour Sesel.

E nou remersye osi tou bann Departman ek Minister ki’n vin isi, zot osi dan en fason fran zot pe seye.  Mon krwar tou bann public service, servant dan, ki i annan pour fer avek sa Bidze, preparasyon e son lenplimantasyon an 2019 zot in fer travay formidab malgre tou, mwan mon vwar li pozitiv.  Mon pran tou sa koman bann eleman pozitiv.  E se sa mesaz ki mwan oule pase annou get sa Bidze la, e son konteni e tou dan en fason pozitiv.

Se selman letan nou get keksoz dan en fason pozitiv ki pour anmenn bokou, bokou lis progre pour nou.  E mwan mon dir pep Seselwa annou get lavenir, nou tou nou konnen nou annan en pase e si nou reste toultan dan lepase nou pa pour kapab anmenn sa lavenir, sa pep Seselwa pli devan.  San ki nou bliy lepase byensir, me selman se lavenir, annou get devan pour fer nou pep al bokou pli lwen ki i ete ozordi.  Se sa mesaz lespwar ki mon anvi pas ek nou pep.

Sa Bidze Mr Speaker in en bidze pour lepep Seselwa. I annan en kantite benefis ladan, en kantite keksoz pozitiv ki nou pep i devret sezi, set en bon Bidze, e nou demande nou ki parey mon ti dir dan mwan remark, dan mon lentervansyon lo merit Bidze o komansman, tou sa bann keksoz pozitiv dan sa bidze, nou pep i devret vreman, vreman profit lo la pour anmenn li de lavan, pour realiz son rev li osi.

E nou koman en Lasanble Mr Speaker nou zwe nou rol, nou’n zwe nou rol nou osi dan en fason pozitiv pou depouy sa bidze parey mon’n dir zot pli boner.  E dan en fason pour nou pep konpran sa Bidze akoz ou kapab annan en Bidze si dimoun pa pe konpran li ase, alor letan i pour ganny enplimante i vin en lot keksoz. Alor nou’n dan lafason ki nou’n fer in annan osi bokou latransparans e nou pep in konpran, mon swete in konpran pli byen sa Bidze.

E an menm tan bann Lotorite ki pour enplimant sa bidze zot osi zot in konpran pli byen e sa i pour ed zot dan desarz zot responsabilite dan lenplimantasyon sa Bidze 2019.  Mon demande ki parey mon’n dir bann komanter ki nou’n fer, sirtou lo sa kote latab i ganny pran seryezman Minis ek ou delegasyon an konsiderasyon dan lenplimantasyon sa Bidze.

Mon lans osi en lapel Mr Speaker – en lapel onnet e fran avek pep Seselwa pour nou kapab vwar e sezi li.  Parey mon’n dir loportinite reel ki i annan dan sa Bidze e an menm tan lans osi en lot lapel enportan pour plis responsabilite ek travay dir avek nou pep, e an 2019; pour ki bann loportinite ek bann benefis ki i annan dan sa Bidze 2019,  I ganny si oule anmennen i ganny servi, i ganny devlope, i ganny profit lo la pour kapab anmenn en agrandisman dan Lekonomi reel dan term sa ki nou apel “Economic Growth” pour anmenn growth, mon demande ki nou pran nou responsabilite e pran bann loportinite ki mete devan nou – bann biznesmenn e tou sa, tou bann dimoun, tou bann Sekter nou’n vwar poudir i annan benefis dan sa Bidze.  Sa mon mesaz e pran sa bann benefis annou turn them into vreman bon keksoz pozitiv ki pour anmenn en agrandisman nou Lekonomi pour ki i permet en pli bon lavenir.

Alors sa pour fini, mon kapab dir ki sa Bidze i en siny kler Mr Speaker, i en siny tre, tre kler ki Gouvernman Sesel anba direksyon Prezidan Danny Faure i an full aksyon e i pe mars avek en vibrasyon enorm, pour anmenn sa pep Seselwa bokou pli devan an 2019 e prepar li pour en lavenir pli brilliant, annou nou dir ansanm “Ale Sesel!’’ ‘’Ale Prezidan Faure!’’ ‘’Ale pep Seselwa!”.  Mersi bokou Mr Speaker.

 

(APPLAUSE)

 

MR SPEAKER

Mersi Onorab De Commarmond.  Mon krwar i toutafe normal mon donn Minis en pti parol pour li dir apre ki nou’n fini sa legzersis. Minis Loustau-Lalanne.

 

MINISTER MAURICE LOUSTAU-LALANNE

Mersi Mr Speaker pour donn mwan laparol.  Mr Speaker mon krwar ki mon’n pey les pots cassés pour mwan koz ek zot pandan 2erdtan 43 minit le 5 Novanm.  Ozordi i le 5 Desanm, si zot pa’n realize nou pe “bez aye ”mon krwar i ok sa mo Kreol …

 

(laughter)

 

MINISTER MAURICE LOUSTAU-LALANNE

… depi tou sa letan.

Me lenportans se ki nou’n ganny sa dyalog fran, sa tolerans, e mwan mon en pti pe sagren ki zot in perdi konfyans dan Minister Finans.  So premye keksoz ki nou pour fer, akoz mon team se zot ki dir, zot menm Manm Lasanble, mon team i solid, nou pa dekouraze, nou pou fer plis travay, plis travay collaborative avek zot pour nou fer sir nou re ganny sa konfyans dan en dele letan tre kourt.  Akoz nou, nou la pour latransparans, bonn gouvernans e rann kont.

Mr Speaker Onorab Ferrari letan i koz lo sa Bidze i tight.  Wi i tight, sa laspe reveni i en best estimate ki nou kapab fer.  E wi lo kote dividend i tight akoz SEYPEC, in koz lo SEYPEC, sa lannen mon’n ekrir zot en let parey mon’n ekrir plizyer lezot antrepriz ki pey dividend pour mwan demann zot pour diskit avek zot Board e fer nou ganny en dividend.

E zot tou zot in reponn mwan apre zot bann meeting e target ki mwan mon ti donn zot, zot pa kapab respekte.  So i en pti pe pli ba e nou konpran akoz.

I annan SCAA ki kapab donn plis; i annan Nouvobanq ki kapab donn plis, i annan SSI.  Akoz la osi i annan dividend ki al kot SSI apre i vin kot Gouvernman, nou’n koz lo la, i en keksoz ki nou anvi fer en sanzman koumsa, sa larzan i antre direkteman dan Kont Gouvernman.

E Bidze reveni i pas en pe letan osi kot i focalise en kantite lo stamp duty ek sanction duty.  Nou pa kapab an Bidze anyel kot nou pe vwar bann gran sonm ki pe fluctuate monte-desann.  I annan lannen ou vwar ou ganny en pe, akoz i annan lavant en keksoz.  E apre ou vwar li i desann akoz napa en lavant. Bidze pa kapab sirpas soutenab lo la, so nou bezwen fer sir ki nou rod lezot lavenir reveni e pa rely lo sa bann keksoz.  I ava vin koman en icing on top.  So sa i en bann keksoz ki nou pe travay lo la pour fer sir ki nou revenue stream i pli asire dan letan.

Mr Speaker legzekisyon Bidze 2019 i pour komanse le 01 Zanvye 2019, e sa mwan ek mon lekip nou’n deza diskite e se sa ki pour arive, e preparasyon Bidze 2020 osi i pour komanse le 01 Zanvye 2019.  Sa mon donn zot mwan langazman, akoz set en travay ki tre enportan e nou bezwen ganny li byen ansanm.

Avek sa Mr Speaker les mon ava remersye ou menm, remersye tou Manm Lasanble Nasyonal.  Mon’n apresye sa lenteraksyon, i en pe diferan travay dan en biro. So mersi bokou e mon a profit lokazyon pour mwan osi remersye mon team ki avek mwan zot in fer en travay formidab e mon apresye.  Mersi.

 

(APPLAUSE)

 

 

MR SPEAKER

Mersi Minis Loustau-Lalanne. Bon mon annan zis 2 pti mo pour mwan dir.  Mon ti a kontan zis reasir tou manm piblik ki’n swiv nou pandan sa 1 mwan ki parey in ganny dir lo lede kote in ganny fer sorti osi par Minis ki, sa legzersis i enn ki anmenn latransparans e bon gouvernans.

E parey nou’n vwar i fer trwazyenm lannen ki nou pe fer sa legzersis e nou’n vwar i annan bokou amelyorasyon dan zesyon fon piblik.  E sa i vin akoz sa travay sa legzersis ki nou pe fer.

Mon ti a kontan sa lokazyon pour mwan remersi tou Manm, tou Manm Lasanble, tou manm piblik ki’n swiv, ki’n interacte avek nou ek Lasanble ek bann Manm osi.  Mon ti a kontan osi remersi tou bann NDAs, bann Minister, bann Departman, bann Lazans; tou zot bann zofisye ki’n vin isi dan sa Lasanble ki’n swiv nou Schedule, i annan moman kot nou Schedule in al off ki’n offset en pti pe zot lazournen travay, me zot cope, zot in pasyante e nou’n kapab pas atraver sa prosesis – ansanm.

Mon ti a kontan en remersiman spesyal pour ou menm Minis Loustau-Lalanne, pour ou lekip, SS Payet, Ms Croisee, Ms Verghese, Ms Tamatave, Ms Coopoosamy e san oubliy PS Thesee ki mon konnen i pa’n kapab konplet sa legzersis avek nou, an rezon lasante.  E tou lezot zofisye, lezot teknisyen dan Departman Finans ki’n ede ki’n travay.

E mon konnen zot in met bann long hours pour kapab prepar sa Bidze pour kapab donn bann lenformasyon ki ou menm Minis, SS ek ou bann zofisye isi in bezwen.  Nou konnen i annan bokou travay ki’n ganny mete ladan.

Mon ti a kontan osi remersi tou staff Sekretarya Lasanble Nasyonal.  I annan bokou ki’n fer sakrifis, la mon mazin par egzanp housekeeping ki’n komans travay menm avan 7er bomaten e i annan zour zot sorti isi apre 6er diswar.  I annan plizyer nou bann staff parey bann Manm ki’n zot osi zot in tonm malad.

Mwan osi depi semenn pase mon’n perdi mon sekreter atraver lafyev.  Mwan osi tou a 2 repriz mon’n santi serten siny ki sa lafyev pe apros mwan, me mon’n fer li mon mye pour mwan kapab kontinyen dan sa parkour avek zot.

E se sa rezon ki mon ti dir pli boner, mon ti annan plizyer lenvitasyon pour bann misyon aletranze ki mon ti deside pour mwan cancel pour mwan kapab fer sa parkour.  Mon pa pour fini san oubliy bann travayer SBC, nou’n sey accommodate as much as possible.  I annan moman kot wi nou’n overlap, me nou’n sey compensate dan en lot fason.  Mon ti a kontan remersi bann ki’n avek nou pandan sa parkour e osi tou bann ki lwen, me ki pe fer sir ki zimaz avek son pe ganny difize.  Mersi bokou SBC e nou swete nou pour kontinyen sa travay toulezour la sirtou nou annan bokou bann Bills e nou swete ki nou a kapab kontinyen ganny sa korperasyon.

Mon pa pour swet Zwaye Noel ek Bonne Année la pour le moman nou ava rezerv sa pour dernyen zour avan nou pran Recess ok?  So nou ariv sa pwen kot mon ti a kontan demann Leader of Government Business Onorab De Commarmond pour move pour nou fer en Third Reading.  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker mon oule move ki Appropriation Bill 2019 i ganny lir en Trwazyenm Fwa.

 

MR SPEAKER

Mersi Onorab De Commarmond.  Okenn Manm ki segonde?

 

HON SIMON GILL

Mosyon segonde Mr Speaker.  Mersi bokou.

 

MR SPEAKER

Mersi Onorab Simon Gill.  Bon nou ava pran en vot pour Third Reading. Tou Manm ki an faver?  Okenn Manm ki kont?  Madanm Clerk.

 

MADAM CLERK

Mr Speaker 13 Manm an faver e personn kont.  Mersi.

 

MR SPEAKER

Bon Mosyon in pase.  Mon ava ganny en Formal Third Reading.

 

MADAM CLERK

Mersi Mr Speaker. This Act may be cited as the Appropriation Act of 2018.  Mersi.

 

MR SPEAKER

Mersi.  Savedir i konklir travay ki nou’n fer e Bidze 2019 in ganny aprouve menm apre sa bann pti sanzman, pti azisteman ki nou’n fer.  So vwala nou konklir nou travay pour ozordi.  E ankor enn fwa mon remersi zot tou.  Demain matin nou pe komans avek Business Tax Bill e Madanm Clerk in sinyal mwan ki in re sirkil kopi tou bann Bills, in fer li par email pour tou bann Manm, email or hard copy?

 

MADAM CLERK

(Off-Mic)

Hard copies….

 

MR SPEAKER

Email hard copy pour tou bann Manm, bann Manm i napa kopi, nou pour pran Business Tax i swiv avek sa bann BEBs sa bann Base Erosion Bills.  Ok?  So nou a fini nou travay la ozordi.  Nou adjourn e nou ava kontinyen.  Nou ava repran nou travay demen 9er bomaten.

 

(ADJOURNMENT)