::
Home » Verbatim » 2018 » Verbatim Wednesday 28th November, 2018

Verbatim Wednesday 28th November, 2018

NATIONAL ASSEMBLY OF SEYCHELLES

 Wednesday 28th November, 2018

The Assembly met at 9am

National Anthem

Moment of Reflection

Mr Speaker in the Chair

 

PLANNING AUTHORITY

 

MR SPEAKER

Bonzour tou Manm Onorab.  Bonzour tou dimoun ki a lekout e bonzour Minis Pamela Charlette, Minis ki responsab pour Lenfrastriktir, Labita avek Transpor lo Later e nou pe kontinyen ozordi pour rod klarifikasyon, rod laklerte lo enn bann Departman ki tonm anba son responsabilite, sa se Planning Authority, avan nou kontinyen nou travay, mon ava zis demann Sergeant pour move Mace pour met nou dan Staz Komite.

Minis Charlette i akonpannyen par CEO pour Planning Mr Joseph François, Madanm Maryse Morel ki Ladministrasyon avek HR e Madanm Rose-Marie Richard ki Senior Accountant, e nou touzour ganny akonpannyen par PS Damien Thesee avek Ms Tamatave ki sorti kot Minister Finans.  Bon nou ava kontinyen avek nou travay kot nou’n arive yer, mon ava donn laparol Onorab Esparon.

 

HON REGINA ESPARON

Mersi Mr Chair.  Mr Chair mon ti zis anvi fer en klarifikasyon, annefe mon pe, mon kestyon i baze lo Polisi, pour mwan demann avek PS an sa ki konsern Vista Do Mar Estate kot ti ganny afekte avek glisman teren 2 fwa 2004 avek mon krwar 2006, ki zot Polisi anver, regarding planning pour bann konstriksyon bann dimoun ki anvi konstrir?  Parski an se moman i annan dimoun pe ganny permisyon pour fer konstriksyon, be i annan dimoun pe kategorikman ganny refiz-e, dimoun pe ganny permisyon pour fer extension, me i annan dimoun pe ganny refiz-e.  Konmsi mon ti a kontan klerman pour sa bann dimoun ki laba anler, dir nou ki zot Polisi regarding nouvo konstriksyon avek extension?  Mersi.

 

MR SPEAKER

Mersi Onorab Esparon.  CEO François.

CEO JOSEPH FRANÇOIS

Mersi Mr Chairman.  Mersi Onorab.  Bonzour tou dimoun.  Kestyon lo Vista Do Mar Estate, parey ou konnen letan ti annan sa ki nou apel soil creep ki ti arive, ti annan en letid ek bann expert ki ti vini an lasistans avek bann dimoun Geologist from La Reunion, ensi byen ki ek nou, ek 2 Geologist lokal ti fer en letid pour regarde to what extent sa soil creep pe arive, e ki bann mezir devret met an plas pour safeguard sa landrwa.

Dan rekomandasyon apre sa letid, ti dir nou ki nou devret zone sa landrwa kot soil creep i pli evidan, koman en danger area e donn li en buffer otour li osi as well koman – dan buffer i pa vedir i en danger area, me solman i en area ki anpes ou entansifye otour li.  Akoz i kapab prodwir lenpak lo sa danger area li, si ou entansifye devlopman around it.

        Alor dan danger area Planning in pran en pozisyon pour pa aprouv nouvo devlopman.  Me solman si ou deza annan en lakaz ladan, ou oule fer reparasyon bann pti keksoz miner, Planning pa kapab anpes ou.  Menm si i ankouraz ou pour negosye ek Gouvernman pour en lesanz oubyen pour en re lokasyon, me solman ou deza la.  I allow ou fer serten touch up ki ou bezwen pour rezouir ou landrwa kot ou ete.

Dan buffer area Planning i otorize extension, akoz i en landrwa ki i pli safe ki sa danger area.  E nou’n fer en layer pour sa – mon mazinen i lo nou website, me an ka i pa lo la, nou ava fer li vin available pour distrik Glaçis, nou a met kopi dan DA’s office e dan bann lezot landrwa kot dimoun i a bezwen, pour zot vwar kote zot, zot tonbe an term zot parcel.

        Now dan danger area, Planning pe propoze letan nou ariv lo Land Use Plan ki pour tonm Glaçis, ki nou anvizaze fer dan lannen 2019, son louvraz teren avek konsiltasyon, nou pour ankouraz bann light activities tel ki farming, horticulture – bann keksoz koumsa dan danger area.

Akoz li soil creep pa pour afekte li.  Me nou pa pour ankouraz bann gro devlopman lenfrastriktir ki si i annan soil creep, building pour ganny andomaze.  E in any case Lasirans pa pour donn zot kouvertir akoz risk i annan.  So sa i plan ki Planning i annan a lonterm, se bann light activities dan sa creep area, akoz i en landrwa ki egziste lo later, but en, ki pa met lenfrastriktir permanan lo la, tandis ki dan son buffer zone nou zis monitor bann pti extension – bann pti aktivite, kot nou santi i napa en huge impact ki pour agrav dan danger area.  Mersi.

 

MR SPEAKER

Mersi CEO.  Onorab Esparon.

 

HON REGINA ESPARON

Mersi Mr Chair.  Mr Chair mon ti a kontan demann avek PS, me si i annan dimoun ki ensiste malgre ki Lasirans pa pe kouver li, well i ensiste pour zot fer zot konstriksyon, eski Planning i rekonsidere pour donn zot oubyen i kategorikman dir non ou pa pour kapab konstrir?  Mersi.

 

MR SPEAKER

Mersi Onorab.  CEO.

 

CEO JOSEPH FRANÇOIS

Mersi Mr Chairman ek Onorab.  Si en landrwa in ganny deklare en danger area, Planning pa kapab aksepte ou devlopman menm si ou ensiste lo la.  Akoz nou pour an defo avek nou Lalwa Town and Country Planning Act.

 

MR SPEAKER

Mersi CEO.  Onorab Sebastien Pillay.

 

 

HON SEBASTIEN PILLAY

Mersi Mr Chairman.  Bonzour Mr Chair.  Bonzour tou Manm Onorab.  Bonzour Minis ek ou delegasyon. Bonzour tou dimoun ki pe ekout nou, isi oubyen aryer.

Mr Chairman mon’n swiv byen bann kestyon ki’n ganny demande avek Minister Labita, Lenfrastriktir e i enteresan pour vwar ki as long ki nou kapab stand united lo bann size fondamantal, devlopman parey lakaz, nou kapab achieve en kantite.  Akoz i kler atraver bann prosedir e bann plan ki son Minister i annan, yer letan nou’n tande lakantite devlopman ki pe vini, i pli enportan ki nou koman en pei, nou bezwen ini pour nou fer sir sa bann devlopman e realize ki tou dimoun i ganny en fwaye.  Be anba son Minister Planning Authority i enn ki la pour asire ki i annan transparans, fairness e en fason tretman egal pour tou dimoun.

So ki mon ti a kontan demann PS ozordi Mr Chairman, pour li klarifye – par egzanp i annan bann pwen contentieux ki’n toultan egziste dan Town and Country Planning Act, eski avek sa Bidze la atraver 2019 zot pe al fer serten sanzman ki neseser?

 

Par egzanp i annan sa size Seksyon 10 ki donn en prerogative ase larz pour fer en appeal avek Minis a se ki konsern bann plan devlopman, e nou’n vwar ki sa prerogative parfwa pour swiv kestyon ki’n ganny demande oparavan, i kree en kontansyon kot serten dimoun i santi poudir mwan mon’n prezant en plan devlopman, mon plan pa’n ganny aprouve, ki swa mon pe met mon plan o bor lanmer, o bor lans, swa mon pe met mon plan elsewhere, me mon vwar par egzanp mon vwazen li son plan devlopman in ganny aprouve e sa i kree bann fristrasyon; so ki mannyer zot pe sey tackle sa size e deal ek sa sityasyon?

Mon 2enm pwen Mr Chair ki mon ti a kontan CEO i klarifye pour nou, in annan bokou kestyon demande lo bann devlopman ki ganny fer lo bann Zil Elwanye, e mon ti a kontan klarifye si CEO ti a kapab donn nou en leksplikasyon – nou’n tann bokou koze lo sa bann container eksetera ki lo zil Cosmoledo, eski sa ti ganny en Planning approval?  Ki bann prosedir ki’n ganny servi pour li ganny Planning approval, e pour nou asire ki a tou moman tou dimoun i egal devan Lalwa Planning.  Mersi Mr Chair.

 

MR SPEAKER

Mersi Onorab Pillay.  CEO.

 

CEO JOSEPH FRANÇOISMersi Mr Chairman.  Mersi Onorab.  Konsernan fairness Seksyon 10, dan nou Town and Country Planning Act ki ti ganny enacted in 1972, in kit en provizyon pour Minis pran desizyon lo planning application.  Sa at the time lentansyon deryer sa, was to allow bann Gouvernman, sirtou i common dan bann pei Commonwealth sa Seksyon e bokou pei i ankor egziste; pa’n ganny amande menm si Lalwa in ganny revize dan sa bann pei, pour allow Gouvernman antre dan bann serten sityasyon, pour li kapab donn direksyon lo serten kalite devlopman ki sa pei i bezwen.

Sesel sa Seksyon 10 i la, e i en Seksyon ouver parey ou’n dir – kot en Minis i kapab pran en desizyon lo any devlopman li in ganny aprouve anba sa Act.

Dan revizyon sa Lalwa ki ankor an mars la, nou lo staz vreman, vreman final, sa ti en gran deba parmi bann Stakeholders, parmi Lotorite menm up to the level of Cabinet ek Prezidan – ki nou fer ek sa Seksyon 10?

Desizyon in ganny pran poudir nou bezwen annan en provizyon ki pour donn Gouvernman oubyen Minis serten pouvwar dan bann letan kot i vreman merite.

Me however we need to curtail it to very, very specific provisions.  So anba nouvo Lalwa Physical Planning Act ki pe vin devan Lasanble tre byento, sa Seksyon 10 probableman zot pour vwar li dan en Seksyon 37 – si mon pa tronpe, oubyen Seksyon 39, i define ke ler Minis i kapab donn en desizyon ki pa pour involve Lotorite Plan.

E ladan i define dan bann sityasyon kot i annan en irzans Nasyonal.  E ladan dan definisyon i define kwa sa bann irzans Nasyonal. Sekirite i enn; bann issue lasante ki ganny deklare i en lot; bann issue ki relye avek en dezas natirel; en keksoz ki’n arive dan en baz urgency i en lot. Lezot sityasyon Minis pa annan drwa servi sa Clause pour donn okenn laprouvasyon.  So alor in curtail down en kantite Pouvwar, in frenm li net pour zis serten kategori ka.

Ou 2enm kestyon devlopman lo outer islands. Planning Authority i ganny met okouran bann devlopman ki i annan lentansyon ek bann devlopman ki i arive lo bann zil outer.  Problenm ek ki nou, nou annan ek bann devlopman oubyen kontrent ki nou, nou annan se vi ki i lwen nou frekans vizit i pa regilye oubyen i dan bann letan kot en Schedule vizit i ganny organize pour nou kapab ale.

Cosmoledo i en case kot i annan en laplikasyon ki’n vini boner an Oktob kot Lotorite Plan pour aprouv en devlopman ki relye avek Fly Fishing activities lo sa zil.  E prensipalman lo zil, sa ki zot dir mon krwar Sud-Ouest oubyen Wizard Island modernman.  E i pa main isle ki nou ti konnen ki ti gran, gran zil.  I lo sa lot pti zil ki i annan en gran ban disab ki extend.

Nou letan laplikasyon in vin devan nou, nou’n regard the purpose of sa aktivite. I en aktivite ki baze ver tourism, i en aktivite ki pe konplemant serten aktivite ki, zil serten zil o bor pe ofer.  Nou’n get sa bann striktir ki pe ganny propoze, i en container structures – in ganny customized pour meet sa bann villa, bann pti villa avek bann amenite ki siport sa villa back of house and so on, e nou’n get bann mezir, nou’n get dirabilite sa bann materyo ki i fer avek, nou’n get kondisyon sa zil oter low lying, pye dibwa kanmoufle and so on – e nou’n get pozisyonnman lo la, Planning dan konsiltasyon avek tou son bann referral Agencies i santi poudir sa kalite striktir i kapab ganny plase lo sa zil.

E nou’n donn bann kondisyon apropriye ki mannyer pour ganny plase; striktir in ganny plase, in konplete, i bann striktir asanble, Lasante, Fire Brigade ti enspekte prior letan i Mahe akoz in fini asanble, zis anmenn lo zil i mete.

E letan in fini en delegasyon dirize par Departman Planning, Lasante, Fire Brigade, Tourism avek SLA in al vizit zil e nou’n verifye an relasyon avek laplikasyon ki ti ganny soumet, nou vwar poudir in swiv.  I annan enn de pti kondisyon an plis ki nou’n donnen baze lo letan nou’n obzerv zil li menm li ki nou’n donnen pour fer sir ki son loperasyon i kapab ganny fer smoothly.

So sa nou’n mete dan rekomandasyon, e alor in ganny go ahead pour li operate. Cosmoledo, i 8 villa avek 7 staff facilities. Apre i annan back of house ek en front.  Front avek restoran i en very light structure anba en latant, kot i disab basically kot ou lipye.

I pa lo high water mark, non.  Me sa landrwa i en landrwa, i en sand area.  Sa zil li menm li i en zil predominen disab throughout, vezetasyon i tre, tre ba.  Nou napa komanter advers letan nou’n vwar li fizikman lo teren tou.  E annefe nou santi poudir i pe gid towards adventure tourism parey si ou ti pour al dan en landrwa désertique oubyen dan en landrwa parey Kenya ou ti pour al fer Safari ou ti pour reste dan serten kalite akomodasyon, nou santi i suit son purpose.

E dan nou Land Use plans ki nou pe fer pour nou bann zil ki i annan bann devlopman, nou pe regarde kot nou kapab marye serten type of diversifikasyon tourism pour promot en pe bann aktivite ki pour donn valer nou bann zil e reveni pour pei.

Nou get striktir wi – nou get dirabilite striktir, nou get fason ki striktir i anchor, nou gete si i pour kapab resist an serten kondisyon letan – nou fer sa.

Annefe letan nou lo sa topik, mon ti a kontan fer Lasanble konnen ki bann devlopman lo outer islands sirtou dan bann zil Sid dan Larsipel nou pe egzize ansanm avek IDC ki bann building i ganny fer cyclone proof as much as possible.

 Oubyen si zot met serten structure, en serten structure ki easily removable dan bann sityasyon kot pour bezwen ganny remove because of change in conditions lo sa bann zil.  E dan vizit resaman ki nou’n fer lo detrwa sa bann zil, nou ti a kontan command IDC pour Frégate, (pa Frégate) Farquhar, Farquhar i meet sa standar tre, tre byen, e nou ti a kontan i replicate sa lo lezot zil osi, menm si zot pa dan direksyon siklonn imedyatman.  Me solman pour fer previzyon lonterm vi ki nou pe pas dan bann sistenm klimatik ki unpredictable.  Mersi.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon lot kestyon pour CEO, mon kontan e mon apresye ki Planning Authority lamazorite staff i Seselwa, bann Seselwa ki’n train zot domenn e mon felisit zot pour travay ki zot fer.

Sa ki mon ti a kontan klarifye ek ou, se ki in annan konsern toultan lo volim travay ki bann development coordination officers i bezwen fer vizavi Scheme e package ki zot pe gannyen.

E pour asire pour ki en Lazans parey Planning Authority son bann travayer pa santi zot, oubyen pa tonm dan tantasyon, kot mon dir ou fer sa oubyen met en keksoz koumsa, ki ou Scheme, ki mannyer ou pe sey adres sa an 2019; pour enn pour asire ki sa bann dimoun ki bezwen ariv lo sa bann site;

(1) i annan lekipman, i annan resours neseser pour al lo site;

(2) zot annan en package ki fer zot anvi donn plis dan zot landrwa travay.

E (3) i donn zot sa lespas pour zot kapab eksplike e ed bann dimoun sirtou ki, dan sirkonstans kot nou’n vwar bokou fanmir ozordi, pa pe kapab par egzanp fer en second house, akoz malgre sa teren ti a permet zot fer li, bann kondisyon Planning ki egziste ozordi pa pe permet zot fer li.

E nou vwar dimoun pe ale vini, e sa i met en additional presyon lo stok lakaz Gouvernman akoz sa bann dimoun i bezwen al apply avek Gouvernman.

So kwa ki zot pe fer pour zot adres en pti pe sa bann problenm spesifikman dan sa Bidze 2019?  Mersi Mr Chair.

 

MR SPEAKER

Mersi Onorab Pillay. CEO.

 

CEO JOSEPH FRANÇOIS

Mersi Mr Chair e Onorab.  Premye kestyon, mon pran dernyen kestyon avan lo bann landrwa ki vin limite, dimoun pe sey fer en devlopman pour ed lafanmir e zot ganny difikilte akoz norm ek standar ki Planning i annan.

Nou’n fer en gran pa lo nou rigidity ki ti annan dan lepase, an relasyon lo lenplimantasyon sa bann standar – sirtou an relasyon avek zistans, an relasyon avek kantite building, oter building, footprint building.

Par egzanp nou’n reviz nou bann plan density kot tou, laplipar landrwa ki ti medium density ki ti 1, 200 met kare avan which is what you allowed to operate dan en medium density – nou’n redwir li ziska nou’n ariv 600 met kare.

Sa 400 met kare i la baz li, li i dan high density kot letan nou desann pli ba ou komans ganny problenm an term ek ou balizaz ek ou vwazen.  E i bann landrwa kot i pros e i very over crowded.  

However ki nou’n tant pour ankouraze nou, se ki Gouvernman met bann lenfrastriktir an plas ki kapab permet nou densify vertikalman.

Par egzanp met sewer lines dan National Sewer System oubyen menm bann modular sewage treatment plant nou ankouraz Gouvernman lo kote lenfrastriktir e Minister Lenfrastriktir, Departman Lenfrastriktir (sorry), pour letan i fer bann estate i met bann STP avek sa bann estate, me fer son kapasite vin sitan larz ki i kapab konekte larezyon avek.

Savedir bann dimoun ki reste o bor bann housing estate zot kapab plug lo la zot osi.  Difikilte ki zot gannyen, se ki sa bann dimoun o bor pa ankor pare e alor letan sa bann STP pa operate lo son full capacity i kree bann nwizans li osi. Sa difikilte ki nou gannyen.

Laplipar STP ki Gouvernman in mete dan sa dernyen 2an, 3an pe operate below son limit, akoz bann lakaz pa ankor vreman antre lo la prive.  So mon krwar i bezwen annan en legzersis now pour fer en survey pour ankouraz sa bann lakaz prive pour antre lo la.

So letan ou annan en STP then ou sistenm desarz ki nou servi pour mezir ou ek balizaz ek lakaz ou vwazen eksetera nou tire sa.  Nou plizoumwen regard bann lezot issues tel ki heat circulation bann keksoz koumsa ki bezwen annan pour fer sir ou fonksyonn konvenableman.  So sa nou pe fer o frir a mezir e nou pe fer li on a case-by-case basis kot nou kapab.

An relasyon avek Scheme of Service, sa ti en big challenge dan Planning Authority.  Nou staff turnover i high, ti high akoz nou lapey pa ti atiran, en dimoun i vin kot nou pour en pe lannen leksperyans e apre direkteman i al dan marse, i set up son biznes konstriksyon oubyen son biznes enzenyer, oubyen arsitek e i run i ganny bokou plis larzan.

Nou’n negosye avek DPA a plizyer repriz diskite ek Minister Finans, kot zot in donn nou en larzan e this is why sa logmantasyon ki ou vwar dan sa Bidze la 68poursan sa bidze i al lo saler.  E larestan sa 32 i pe run loperasyon. E ladan nou’n nobou kapab avek DPA ogmant saler laplipar nou bann technical cadres, enzenyer, urban planners, architect, development control officers pour fer li vin pli enteresan pour sa bann staff e kapab retain en pe.

Par egzanp lo development control, nou diferans dan saler ek nouvo Scheme, zot pe better of avek apepre en R6mildiferans from the old package to the new package.  I pa 100poursan sa ki nou ti ava anvi, me i en gran improvement touzour lo la, e i en improvement vizavi lezot landrwa ki pe donn menm servis, ki pe donn servis enzenyer dan lezot Departman ek lezot landrwa, pour zot santi poudir sa dezavantaz ki zot, zot annan akoz zot pa kapab soumet, zot pa kapab design e i kouver, me selman i pa ase.

Nou ankor pe negosye, lanvlop larzan in permet nou ariv lo sa nivo e nou pe kontinyen negosye lo bann issues parey special incentive, special inducement allowance pour ogmant li en pe pli o pour ki sa bann profesyonnel, i kapab santi poudir – mon pa ganny mete dan en dezavantaz pour al travay kot Planning, akoz letan mon al travay kot Planning mon pa annan drwa design commercialement.

So alor mon perdi lo sa skill ki mon’n devlope liniversite, me solman mon annan en reveni ki ase sibstansyel, e apre an menm tan mon kapab travay lo bann proze konsep avek Gouvernman, ankouraz zot pour zot donn en koudmen dan devlop bann konsep en pe plis, kot zot kapab practice en pti pe zot design skills.  Sa en ptigit.  Me selman pa submit commercialement pour ganny konfli lentere.  Mersi.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mersi Mr Speaker.  Mon al en pe vit mon mazinen ou ava permet mwan.  Mr Speaker premyerman mon ti a kontan  dir avek – demann avek CEO ki mannyer nou sant lavil Victoria in vin parey i ete en nespes dezord bann vye, vye container dan milye lavil.  E ki mannyer ou’n permet sa? E ki mannyer ou ti permet en devlopman en vilaz kartron lo later Parti Lepep?

E menm avek plizyer ki mon’n fer avek ou ou’n ensiste ou’n kit li la e la mon’n aprann  zot in kase pa akoz ou’n dir zot kase zis akoz zot pa ti pe pey Parti Lepep zot rent, sanmenm sa Parti Lepep in fer kase.  Konmsi ou pa’n enterfer ladan ou’n les ale konpletman sa?  Sa i mon premye kestyon, akoz ozordi nou lavil i en depotwar ler ou  pase ou vwar en vye pti lakaz ou vwar detrwa container la kot touris i vini primo ler i ariv dan lavil – ki mannyer in  ariv koumsa?

Eski ou bann desizyon pe ganny pran lo en baz politik, akoz tousala se bann zanmi dan Parti Lepep aprezan koman i apele US ki fer – (pa ankor gannyen non) – ki fer tou sa bann keksoz zot menm.  E mon kestyon lo la se ki mannyer ou CEO Planning ou kapab reponn nou sa, ou, ou en Manm aktiv parti lepep ou’n involve dan  – (ekoute) – ou’n involve dan ekrir zot Konstitisyon la pou ‘’US’’ ki mannyer ou krwar ou kapab fer bann bon desizyon onnet, fair pou tou dimoun kan ou, ou en Manm aktif sa parti ki pe kas tou bann Lalwa Planning dan Sesel?

 

(Interruption)

 

HON JEAN-FRANCOIS FERRARI

Sa i mon premye kestyon.  Mon 2enm kestyon ; eski avek sa Lalwa ki devan ou eski ou bann siperyer i entervenir dan bann desizyon ki Planning Authority i fer? Ki ou, ou ganny call ou ganny dir donn sa enn en licence donn sa enn permisyon? Par egzanp ou fek approve en lotel dan en low density area, dan en high density area mon krwar  Brillant kan Planning Authority ti dir non e finalman ou’n approve lo lenstriksyon mannyer mon konpran Prezidan Larepiblik.  Ki mannyer sa bann keksoz i marse?

Trwazyenmman eksplik nou lekel ki ansarz Development Committee e ki son rol sa Development Committee e ki son lyen avek bann zil elwanye e ki bann desizyon ki li i pran?

Lo Cosmoledo finalman Mr Speaker lo Cosmoledo, mon ti a kontan demann CEO Planning ki timeline in arive akoz in ganny en laplikasyon boner an Oktob.  E avan Oktob sa ban dimoun ti’n fini fer zot brosir, ti’n fini fer tou keksoz;  tou keksoz ti an mars e boner an Oktob bann kliyan ti deza ti deza lo sa zil pe fer, pe fer zot bann holiday ki mannyer?  Ki kalite timeline nou kapab donn nou akoz si ou approve rapidman en desizyon Planning pou serten dimoun, e pou serten lezot ou pa approve nou ti a kontan konnen!

E finalman dir nou lekel bann sistenm sewage ki ou pe servi lo ki sa devlopman pe servi lo Cosmoledo, akoz bokou dimoun prezan pe dir zot vreman  apresye sa move ki Mr Savy in fer akoz zot osi zot anvi met en pe container partou, partou la zot a kapab mete.

Zot anvi zot ti a kapab konstri lo lans lontan zot pe demande pou zot koste dan patatran, ou, ou dir zot non be selman lo zil zot ganny drwa fer – so ki mannyer ou pou kapab rekonsilye bann desizyon ki ou, ou pe donnen laba lo zil- ou pe donnen pou zil, me selman Mahe i e lot desizyon?  Eski nou lo 2 teritwar?  Mersi.  Apre mon annan ankor detrwa kestyon.  Mersi.

 

MR SPEAKER

Mersi Onorab Ferrari.  CEO.

 

(Interruption)

 

CEO JOSEPH FRANCOIS

Mersi Mr Chairman.  Mersi Onorab.  Detrwa koreksyon mon ti a kontan fer avan.  Premye koreksyon Planning Authority pa’n aprouv okenn lotel dan en high density area Brillant.  Planning Authority ni menm par mwan – ni menm par son Chairman Board pa’n ganny okenn call from Prezidan Larepiblik pou aprouv okenn devlopman dan en high density Brillant.  Sa premye.

2enm koreksyon mon ti a kontan fer.  CEO Planning Authority pa aprouve plan dan Lotorite plan.  Se Board ek Planning Authority rekomandasyon i sorti kot bann Komite e dan bann ka kot i annan bann development plans and so on sa ki administrater sa plan devlopman, ki fer sa bann rekomandasyon e Board i regard si i pe swiv sa Master Plan and then Board i donn son endorsement lo la.  Pa CEO Planning Authority.

Now konsernan Victoria akoz in ariv koumsa.  Sa bann container ki ou pe dir sa bann vilaz kartron ki ou pe dir.  Laplikasyon pou sa bann kiosk i vin kot Planning – vre ti annan konsern sirtou Onorab Ferrari ti met devan.  Board ti vwar sa aplikasyon ansanm  ek son bann Lazans ki donn feedback avek komanter lo Board e zot ti vwar poudir bann kiosk Type of structure can be done, koman bann temporary facilities, en attendant ki bann sit pe re ganny devlope, pou ankouraz bann biznes enformel kapab ganny lokasyon pou kapab operate as they grow e build larises pou zot pran permanent rental.

Sa i aplik pou playground ki pe ganny manage par SEnPA.  Sa osi dan sa lespas kot exFlamboyant ti ete i osi en sit ki sa ti pe ganny fer.  Sa pa aplik zis pou serten devloper – non pa pou lot – eksetera i ban sit ki annan en plan devlopman long term.  Me an attendant pou pa reste idle i  annan serten keksoz tanporer ki ganny allowed, until the project long term i antre.

E dan sa konteks la kot ou pe refer i pou Victoria Waterfront e dan ka sa site ki ou pe dir refer to Parti Lepep – Parti Lepep i annan en devlopman long term.  Mer Lavil osi in apply dan sa landrwa dan kote kot i vir ek Ocean Gate House e i osi pe mete serten temporary structure.  

I osi i pou annan kiosk like facilities.  Son design is a little bit different – I agree me solman nou –sa desizyon i pa zis en kote i aplike letan i koumsa.  SeNpa in ganny en temporary plan pou li anim sa landrwa e ankouraz bann aktivite ki pou ban pti antreprener i kapab vini. – Bann wholesalers ki aste keksoz i kapab vin re vann i ganny en landrwa i ganny en sit.

Gouvernman ti pran en diskisyon pou bann dimoun ki bann street vendors pou bouz la.  Me selman mon krwar zot pa’n agree lo lokasyon.  So i annan sa lespas ki’n kree pou sa bann aktivite lo en baz tanporer ziska ler devlopman Victoria Waterfront i pran lefe ki li i pou long term.  E by then hopefully lespas in ganny dir par Cabinet dan Victoria Waterfront Project, pou donn 40poursan lespas komersyal, pou sa ban pti biznes pou zot osi kapab grow e ganny manage par en lorganizasyon ki li i pa pe get zis profi, me i pe plito get epanouisman sa bann biznes pou zot agrandi.

Development Committee pa tonm anba Lotorite Plan i en komite ki tonm anba direksyon Minister Finans si mon pa tronpe.  So Minister Finans i kapab komant lo la.

Lo kote Cosmoledo sa plan ki ti vin kot nou ti annan en request pou bouz li ase vit, sa ki nou apel li en fast track facility, ki nou donn nenport ki agent e bann agent i konnen e i konnen bann letan ki kapab demann fast track lo en aplikasyon.

So i ti pas dan en fast track facility e Board ti review sa case; ti pran en desizyon approval lo sa case, baze lo satisfaksyon ki’n meet bann kriter ki required pou pran en desizyon lo la.  Bann lezot ki le met en striktir parey Planning Authority i parey pou regard zot lanvironnman ki zot pe operate anba la, e si i posib anba zot lanvironnman ki zot pe operate which is zot site pou met serten striktir ki dan sa fason pou suit serten purpose zot aktivite Planning i regarde.

Container houses, container type of development i ganny aprouve partou dan lemonn.  Dan bann landrwa kot petet nou vwar i pou annan problenm estetik, baze lo son fasad, nou demande pou clad en pe pou improve en pti pe son estetik letan i dan bann landrwa – dan bann landrwa vizyel.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mersi Mon vwar poudir CEO pa’n reponn mwan lo son konfli lentere dan son pozisyon konman en Manm aktif ki vreman involve dan  politik e dan en Departman sitan sansib.  Mon kestyon mwan Mr Speaker i eski CEO i kapab dir mwan, akoz i t donn permisyon pou sa vilaz kartron kan ti napa okenn toilet ki ti ganny fer, me selman zot ti pe van labwason avek manze dan sa landrwa kot ou pa ti ensite poudir zot annan toilet?  Sa i enn.  E ….

 

(Interruption)

 

MR SPEAKER

Onorab Pillay.

 

HON JEAN-FRANCOIS FERRARI

E dezyenmman eski CEO ….

 

(Interruption)

 

MR SPEAKER

En moman – en moman – Onorab Pillay.  Mersi Kontinyen Onorab Ferrari.

 

HON JEAN-FRANCOIS FERRARI

E dezyenmman mon ti a kontan konnen prezan, kan eski ki ou kapab dir tou bann dimoun ki anvi met en container ki pandan tou sa bann letan ou’n dir zot, fodre zot kouver fodre zot kasyet.  Fodre sa la prezan touris pe reste dan container ki ou kapab dir avek tou sa pti Seselwa, ki pe sey debrouye li osi pou li ganny en – pou li extend kot li, oubyen pou li fer en pti garaz kote ki pozisyon prezan nou met container partou dan Sesel, lo lans, dan bor lans eksetera, dan milye lavil, ki pozisyon prezan ki ou Departman i pran?  Mersi.

 

MR SPEAKER

Mersi Onorab.  CEO.

 

CEO JOSEPH FRANCOIS

Mersi Mr Chairman.  Premye kestyon mon’n reponn CEO Planning Authority pa’n donn desizyon lo plan oubyen lo aplikasyon.  2enm kestyon lo bann dimoun ki annan bann striktir en pti pe parey kot zot demann Gouvernman pou mete pou fasilit garaz eksetera, e petet Gouvernman in pran desizyon non dan le pase, Gouvernman  lo sa issue container ti annan sa ki nou apel storage containers – se bann container ki vin lo lasose ki ou enport ou bann goods  anba la e ladan e apre dimoun i servi i met lo site pou tire apre i kite.

Sa lanvironnman ti annan en  prosedir pou sa.  Container ki’n ganny customize pou allow living conditions oubyen offices, oubyen bann keksoz lo la, Planning pa neseserman dir non, me nou plito travay avek sa bann dimoun  pou regarde si i annan en issue estetik ki mannyer i kapab ganny improve.

So si i annan sa bann ka out there ki bann dimoun i ti annan lentere oubyen i anvi konnen si i kapab fer serten keksoz e ki kalite customize system i anvi servi, Lotorite Plan i pare pou donn advice e gid zot pou zot kapab fer, me an toute an prenon kont bann kondisyon ki nou donnen.  I annan serten landrwa nou a demann cladding serten landrwa nou vwar i ase retire.  I depan, me selman nou donnen sa bann kalite advice.

 

MR SPEAKER

Mersi CEO.

 

HON JEAN-FRANCOIS FERRARI

Pou sewage – ki kalite sewage zot pe servi lo Cosmoledo?

 

MR SPEAKER

Wi.  CEO.

 

CEO JOSEPH FRANCOIS

Sewage ki pe ganny servi Cosmoledo se en sistenm septic tank ek son soakaway pit, kot i en fibre glass septic tank, e apre i al dan soakaway pit kot zistans i permet an term depth oubyen dan bann landrwa kot water table i en pti pe pli o i drain fill.

 

MR SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon anvi premyerman demann en kestyon an relasyon avek Town and Country Planning Act zisteman sa Seksyon 10 ki konmsi mon trouv i drol ki in ganny – i ti an 1972 ki i ti ganny etabli e ki konmsi pandan tou sa bann lannen la i fer 25an depi ki nou’n retourn dan en sistenm miltiparti; nou annan en Konstitisyon demokratik.  E ki serten Seksyon dan sa Seksyon 10 li menm i kont Konstitisyon e ki zot in kontinyen servi li.

Par egzanp en Seksyon ozordi nou koz Judicial review – nou koz tousala, me spesifikman dan sa Lalwa son Seksyon 10 (4) i dir avek ou ‘‘the decision of the Minister on any application referred under this section shall be final and shall not be questioned in any Court’.’ Nou tou nou konnen ki poudir sa i kont Konstitisyon.  E mon kestyon alor se akoz ki Planning Authority i pa’n trouv li neseser pandan sa 25an – en pe pli pre avek – mon konnen ou kapab dir mwan ou pa ti la ou – sa i en larepons ase standar, akoz ki zot pa’n les sa arive?  Akoz zot pa’n fer sa bann amannman e ki ozordi nou ankor dan sa sityasyon kot sa Seksyon 10 i ankor pe ganny servi e nou konnen ki poudir i ankor pe ganny servi.

Alor akoz ki zot pa’n trouv li neseser e kan?  Letan nou pe dir byento kan byento?  Akoz parey Mr Chairman i ava dakor avek mwan nou annan en kantite, ‘’Byento Lalwa pe vini!’’ Me nou espere – nou ganny lalis bann Lalwa me solman zanmen zot vini.   Konmsi si ou ti kapab dir nou kan parski zisteman pou nou elimin en sityasyon kot i annan preferans oubyen kot ou pe mwan menm mwan mon’n deza ganny serten dyalog avek ou kot konmsi ou vwar en bann fairness, me solman napa gran keksoz ki ou pou fer.

Lo kote containers eski zot kapab dir avek nou parski ki depi letan Lanvironnman ti vini mon ti tann sa lekspresyon ki zot ava permet containers ki’n ganny fer pou – bann custom-made containers. Mwan mon kestyon se akoz bann custom-made containers? Parski mon 0pe mazin an term biznes si i annan en dimoun isi ki en bon welder ki en bon soz ki antre dan en biznes parey eski zot pe dir ki Sesel pa pou kapab antre dan en biznes akoz Planning Authority pa pou donn li permisyon pou li fer son bann containers?

Parski en dimoun i kapab regarde ki pe pase laba Cosmoledo e i regarde  e i trouve poudir li i en travayer – i en soz e i fer li, me i aste sa container en container ki’n deza ganny servi.  Parski la ankor enn fwa Biosecurity son rol se pou fer sir ki en container letan i ariv Sesel i napa bakteri ladan – i napa sa bann zafer pou ki i kapab fer sa shift.  Alor eski zot ava konsidere ki poudir si i annan Seselwa ki anvi fer biznes e transform bann containers ki’n deza ganny servi zot ava aste ki zot ava ganny permisyon parski apre tou i annan en pe bann containers ki pe deza ganny servi dan sa fason.

Apre sa ankor ennfwa zis pou retourn lo sa proze Cosmoledo – mon en pe konsernen avek sa ki ou pe dir la – mon pa en expert me solman mon’n la dan Lasanble pandan sa 25an mon krwar mon’n tann en kantite bann soz kot lo en kote nou pe koz lo eliminasyon pit latrines parski ki annan son bann konsekans me la efektivman sa ki lo Cosmoledo sa ki lo Cosmoledo parski i napa en treatment plant li – i pa en sewage treatment plant e nou tou nou konn sa zafer son water table.  Parski sa ki ou pe dir la set efektivman pou bann zil i kapab danzere – tre danzere e mon pe kestyonnen akoz ki zot in permet en sistenm sewage ki kapab danzere – ki kapab afekte water table.  Akoz ki zot in les sa arive?

E finalman – finalman mon pe demann mon dernyen kestyon lo ou dir laplikasyon ti ganny mete an Oktob me mon ti ava kontan Mr Chairman zis enform CEO ki poudir sa kestyon Cosmoledo ti lev-e lwen avan Oktob – avan Oktob dan Lasanble Nasyonal kot deza lo brochure Blue Safari zot ti’n fini annan portre lo ki mannyer keksoz ou ete e sela kot sa size ti lev-e.  E Minis Loustau- Lalanne ti dir ki sa  – pou servi son  mo egzakt ‘’i mensongeres!’’

Me apre sa nou vwar egzakteman sa keksoz.  Alor i fer nou poz nou kestyon an relasyon avek Planning Authority, parski si en dimoun in fini met dan son brochure in fini met portre – in fini met zil tou ki i pou lo la e pe deza travay sa e napa nanryen ki devan Planning me apre sa set egzakteman sa ki ganny materyalize, i kler ki poudir i annan en koze e ki ‘’pa trakase mon frer anvoye out keksoz pou ok.’’  Alor sa i fer mwan poz kestyon lo kredibilite Planning Authority ki mon ti ava kontan ou adrese.  Mersi bokou.

 

MR SPEAKER

Mersi Onorab Ramkalawan.  CEO Francois.

 

CEO JOSEPH FRANCOIS

Mersi Mr Chairman.   Mersi Onorab.  Lo Seksyon 10 akoz Seksyon 10 pa’n ganny revize pou 25an, parey ou konnen mon pa kapab reponn ou kestyon antyerman, me sa ki mon konnen se ki dan sa dernyen 5an letan sa Lalwa ti pe ganny travay lo la, Seksyon 10 ti enn bann pwen ki ti annan en kantite diskisyon ek deba ki mannyer pou either tir li oubyen curtail li.

Konsiltasyon in ganny fer avek ziridiksyon aletranze osi pou regarde ki mannyer zot operate zot, kote zot ganny leeway pou Gouvernman antre dan sityasyon kot i annan lirzans e model ki’n ganny vin avek la i model ki pli restrikte posib lo sa Seksyon la kot Minis napa en leeway ouver pou li pran en desizyon lo en case prive oubyen lo en case nenport ki vin devan li.  I pou bezwen follow sa.

Ki lirzans nou annan? Ki national urgency?  Si i annan en issue sekirite Nasyonal kwa sa issue sekirite Nasyonal e si i annan en issue lasante kwa ki’n ganny deklare dan pei ki koman sa issue lasante ki bezwen ganny adrese now imedyatman.  So letan Bill pou vin Lasanble ou pe dir mwan kan?  Mon swete Bill ti pe vini atraver Lofis Attorney me letan nou’n okouran ki Lasanble ti pe dir nou scrutinize en pti  pe plis Bill lo typos and so on, nou’n pull li pou nou kapab reget li mo pou mo partou  pou netway li parey term ki Lasanble ti servi.

E nou’n donn sa latas tou bann dimoun kot nou, nou bann Board members  – nou bann staff pou sakenn pran Seksyon e travay lo la.  Sa legzersis in fini. Nou policy analyst in compile tousala in met annord.  So parey mon’n dir yer lafen sa semenn nou ‘n  devret parey avek versyon koreksyon total pou donn Attorney Zeneral  pou met dan  amannman pou anvoy through Cabinet pou Lasanble.

So si Attorney i act lo la pandan premye semenn Desanm mon mazinen dan bann  – before lafen lannen in devret kapab arive.

Lo Seksyon issue containers wi container in vin en materyo konstriksyon dan lemonn kot dimoun pe customize sa bann unit ki baze lo son striktir dirab e i kapab si oule soutenir serten use e si i annan en dimoun lokalman ki kapab transform serten storage container into workable office space – workable work station eksetera, nou konsider son proposal baze lo fason ki in customize.  E kot nou annan further advice to add to it nou ava azoute.

E nou a konsidere kot i posib lo la.  So ou kapab pre customize kot ou’n aste or you can turn it but we will just look it e nou donn ou bann kondisyon anba building Rex lafnet, son size louvertir, extraction area and so on. E dan bann landrwa kot i annan eleman estetik nou ava donn ou added feature ki ou kapab met avek.  So nou kapab fer zo kapab soumet zot laplikasyon kot Lotorite Plan accordingly.

Issue Cosmoledo in advertise in advance oubyen si  container ti mete in advance, lo nou kote nou’n ganny akse e ki Cosmoledo ase resaman pou kondisyon letan eksetera, nou’n nobou fer dan en bann letan ki kalm akoz i annan en travers bato from Astove to Cosmoledo e nou’n profite vi ki pa toultan ki nou ganny sa fasilite  par semenn oubyen par mwan pou al vizit zil  – fer detrwa sa bann zil – al get partou en pe kot nou kapab gete ki pe pase, ki mannyer pe arive.

Lo Cosmoledo nou pa’n vwar en sistenm pit latrine Onorab.  Nou’n var sa sasinen ki nou fek koz lo la Lasante in sertifye, so i annan septic tank i annan soakaway pit.   E nou’n vizite sa bann toilet facilities and so on – nou’n vwar li.  Nivo water table i pa pli ba ki Astove oubyen Farquhar ki Alphonse, so i menm kalite kondisyon me petet ou zil i pli narrow.  So ou zistans ek lakot i pli pros.    Sa i korek.

Whether i pe meet kriter, Lasante pa’n dir nou poudir i pa pe meet son kriter.  So i work – i fonksyonnen e zot vwar li.

Rezon si in advertise avan ler? Lo kote avertisman i pa en issue Planning direkteman.  Bokou devlopman i advertise in advance pou kree son market pou li kapab vann letan i fini. Pangia Beach i enn ki avan in fer in advertise lo lokasyon, lo kalite building li in fer parey. Eden Development osi in fer parey avan.

Plizyer landrwa i advertise in advance lo ki mannye building pou ete ek son landrwa.  So whether ti’n build letan i ti pe advertise nou napa rikord.  Lo kote Planning nou annan rikord son laplikasyon lean i ti mete lo 2 Oktob lo la.  E by lenspeksyon ki’n ganny fer nou kapab verifye ek Lotorite Por akoz bann container laplipar ki vin customize letan ti debarke eksetera nou kapab verifye pou regarde si ti’n plase avan ou byen non.

Me solman sa ki mon okouran from lasanble ek Fire Brigade zot ti fer lenspeksyon e lenspeksyon ti dan mwan Oktob ek container.

 

MR SPEAKER

Meri CEO. Mon krwar PS Thesee ti annan en detay i anvi dir keksoz.  PS mon avan donn ou laparol.

 

PS DAMIEN THESEE

Mersi Mr Chair.  Bonzour e bonzour bann Onorab.  Petet zis en klarifikasyon lo Development Committee; Development Committee i travay ek Minister Finans. Nou ki apwent bann profesyonnel ki annan plizoumwen knowledge dan planifikasyon, project management bann kontab e bann eksper dan konstriksyon.

E rol Development Committee se pou travay avek bann proze ki involve public funds; savedir ki sa Bidze swa bann Minister e Lazans ki nou Bidze ouswa bann state-owned enterprise e nou pa vreman involve avek private investment.  Savedir i annan lot striktir ki get bann proze ki servi public funds ki anvi invest.  So nou pa involve ditou avek sa bann kalite proze.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon ti ava kontan si CEO i kapab rod sa bann lenformasyon pou dir nou kan ki sa premye container ti ariv Cosmoledo, akoz i resanble ki in ariv avan ki dapre zot timeline avan ki Planning permission ki ti ganny donnen.

Dezyenmman dan sa menm konteks mon ti ava kontan demande ki akoz ki pou aprouv plan pou en Seselwa i kapab pran en kantite letan me kot sa timeline ankor enn fwa ki ou’n donn nou pou Cosmoledo ou dir ti ganny submitted an Oktob e nou annan rikord ki poudir kliyan ti la an Novanm.  Parski zot ti met bann portre tou alors akoz i annan sa distenksyon ant plan pou en Seselwa fer son lakaz e avek pou sa bann kalite proze.

E zis pou take up pou sa ki Onorab Ferrari pe rode – sa lo kote Minister Finance pou demande lekel Chairman sa Board Development Committee.

E finalman – finalman Mr Chairman mon ti a kontan demann CEO parey i kontinyen annan konstriksyon lo la Digue enn bann size ki mon’n deza koze avek ou  pou regarde ki zot polisyon final –si zot annan en pozisyon final whether  it’s gonna be ground plus 2 plus attic oubyen zot pe ensite ground plus 1 san attic e apre pour bann biznes  – bann pti guesthouse  zot kontinyen annan limit lo kantite lasanm e an menm tan nou konnen poudir en dimoun i fre enn avek sa kantite lasanm apre i fer  en lot e finalman i a ganny menm kantite lasanble ki li i ti ava kontan.  Konmsi donn nou si zot in nobou ariv lo en Polisi kler lo sa size?  Mersi bokou.

 

MR SPEAKER

Mersi Onorab.  CEO.

 

CEO JOSEPH FRANCOIS

Mersi Mr Chairman.   Lo kote Cosmoledo mon a verifye sa lenformasyon mon a pas avek ou.

Lo kote fast track mechanism ki par egzanp lo sa bann zafer lakaz ki Gouvernman i servi oubyen detrwa dimoun i servi lo zafer irzans i egziste pou tou dimoun, me solman zot fer li atraver zot agent ki li i submit en request pou fast track  e i dir ou mon ou le fast track pou tel rezon – mon kestyon i dan Por or whatever   bann keksoz ki zot annan zot annan zot annan en timeline ki zot  bezwen travay lo la, ou enn zot al aletranze  i annan plizyer rezon ki zot donnen.

E nou dan sas fast track i pa konpromi assessment li.  I zis nou fer nou annan Lazans ki provide nou komanter pou provide dan within the week ki sa in ganny mete e apre en desizyon i ganny swiv – son decision process.

Lo issue  wi La Digue  nou’n reviz guidelines sa ki nou apel La Digue Seychelles        guideline pou devlopman i form par sas dokiman ki apel La Digue Division ki Gouvernman pe finalize la avek bann Digwa avek bann diferan public meeting ek bann konsiltasyon.  Sa konponan devlopman – lefe ki i konponan devlopman i toultan annan i toultan pe arive tou lezot Cabinet of Ministers has proved nou guidelines to form part of the document but we can implement it independently ziskan ler Vizyon i fini then i a package ansanm.

Dan sa special guidelines in fini revize lo oter batiman kot ground plus 1 attic is permitted.  Ground plus 2 also i permitted depandan lo ou landrwa kot ou ete lo La Digue.  Ground plus 2 i tou depan. Ground plus 2 only or ground plus 1 attic akoz i ganny height level. The issue is height rather.

Ground plus 1 plus raised attic is as high as ground plus 2. Lo kote footprint osi nou’n revize kot i pli o building i bezwen 100 met kare par building – 150met kare par building.  Nou servi sistenm density now. Nou pou evalye density ou later.  Si ou later i gran ou pou kapab devlop ou percentage ou later as per density requirement lo la.

Pou konsernan lotel nou ganny gide par Departman Tourizm lo kantite lasanm i allow to build per developerproperty owner plito lo La Digue.   E sa ti atraver en letid capacity ki ti ganny fer depi lannen pase.  Sa Carrying Capacity moratorium i due so i pe ganny revize e i annan serten konsiltan lokal ki pe re-travay lo la e i a rekomann ek Gouvernman si ou ogmant kantite oubyen si ou redwir room.

Me solman en eleman ki mars avek sa se ki bann lenfrastriktir lo La Digue – lenfrastriktir Nasyonal ti ase poorly develop so baze lo la pou pa met presyon lo the already limitation dan son lenfrastriktir elektrisite, sewer so allow devlopman to be minimum. E allow economic activity yes but not big at one go lo la.  Sa ti bann rezon deryer sa.

Lo kote Planning nou ankor pe aksepte 4 – 5 lasanm si sa propriyete napa propriyete lo La Digue.   Si i annan lasanm nou pou aksepte. E sa policy i baze lo propriyete.  So si en different propriyeter i vini menm si i tou fanmir sa enn nou pa kapab anpes li because the policy is like that.  Mersi.

 

MR SPEAKER

Mersi CEO.   PS Thesee.

 

PS DAMIEN THESEE

Mersi Mr Chair.   Chairman Development Committee se Mr Glenny Savy e seleksyon Chair i baze an vi ki nou pa kapab pran en dimoun dan Minister an vi ki se zot ki soumet proze asek Minister Finans, i bezwen en dimoun enparsyal.  I pa kapab en dimoun dan private sector osi an vi ki proze ki vin lo PSIP i ganny tender out.  Mersi.

 

MR SPEAKER

Mersi PS. Bon avan nou pran vot mon ti zis anvi demann en pti kestyon CEO – i annan gran disparite ant saler pou bann etranze dan ou Departman i annan ki fer survey – i annan ki enzenyer konpare avek Seselwa kwa ki ou annan dan sa Bidze 2019 dan sa nouvo Scheme saler ki ou pe koz lo la ki pou kapab ankouraz sa bann Seselwa retenir zot job spesyalman bann graduates?  E n ou konnen ki ou Departman pe ganny recruit  graduates menm ki annan  ki civil engineer  ki kalifye koman civil engineer kwa ki zot pe fer pou kapab retenir Seselwa e sirtou sa bann graduates pa akonpli zot 2an apre zot dir nou ‘’by, by ‘’zot ale?  CEO.

 

CEO JOSEPH FRANCOIS

Mersi Mr Chair.   Premye but disparite saler ant foreigners ek Seselwa pou bann profesyonnel lo kote Planning nou napa sa problenm pou le moman akoz tou nou workforce – nou 48 travay i 100poursan Seselwa.  So nou napa etranze ki pe compete an relasyon avek diskriminasyon saler.

Lo nou kad Nasyonal however, lo basic salary mon krwar bann etranze ek Seselwa i lo menm level. However mon krwar zot annan serten allowances pou lefe ki zot in kit zot pei pou vin isi e sa ki  kree

ladiferans e nou reziste pran etranze kote kot nou pou la senp rezon se ki nou travay konzwentman avek piblik toulezour, ki i annan konponan striktirel – i annan an konponan teren – i annan local knowledge ki nou prefere Sesel ki konn son pei byen – ki konn listwar sa bann diferan zones – landrwa eksetera ki fer sa e nou rod mekanizm toultan pou nou konplet nou workforce avek Seselwa kot i posib.

So nou Scheme of Service in amande pou donn bann profesyonnel teknik lo kote      Planning en logmantasyon.  I pa sa oter parey sekter prive ki pou donnen me solman i fer li vin konparab avek lamazorite ka pli o ki lezot Departman ki anploy menm kalite profesyonnel avek nou.  So architect urban planners, enzenyer i ganny en pti pe pli o kot nou ki zot ti pou gannyen dan okenn lezot Departman ki Gouvernman.  Me i ankor pli ba letan ou konpar li avek sekter prive.  So nou a kontinyen travay avek DPA pou vwar kote – mannyer nou kapab close sa gap as and when finansman i permet lo la.  Me solman the new Scheme itself pou sa bann ka profesyonnel in ase ganny byen welcome avek nou bann staff, sirtou dan bann ka akoz zot in ganny increase dan inducement – ek special inducement allowance osi ki’n kouver sa diferans en pe.

Me solman parey mon dir i ankor annan room pou nou bouze pou nou satisfer zot e nou ou i konminyen travay ek Minister Finans ek DPA pou vwar ki mannyer nou kapab increase sa pou retrain nou 100poursan Seselwa ki nou annan dan Planning.  Mersi.

 

MR SPEAKER

Mersi CEO. Petet mon a konnen si Minis i a kapab reponn sa dan Bidze 2018 ki ti devan Lasanble lannen pase, ti annan provizyon ti fer pou recruit foreigners.  Mon pa konnen si in al dan Departman Survey oubyen si direkteman avek Minister. Eski sa bann foreigners in ganny recruit e eski zot pe tenir lo sa saler – lo sa package ki ti dan sa Bidze ki ti ganny argye lannen pase e kwa ki pe ganny fer ki Seselwa pou pran sa bann pos apre?  Minis.

 

MINSTER PAMELA CHARLETTE

Mersi Mr Chair.  Mr Chair pou le moman nou’n fer fini reviz Scheme of Service.  En bon pe

nou bann kad teknik in ganny Scheme of Service.   Sa dan lenfrastriktir e menm dan Seksyon Survey.  Ler nou’n konpar between Seselwa avek expatriate i annan bann kad ki napa preski ditou gran lespas.  Ler mon gete i annan enn par egzanp Survey ler nou pe gete ti annan apepre en R50 diferans ant en expat avek en Seselwa.  Me solman i annan de ka sirtou bann teknisyen kot lenfrastriktir kekfwa pe ganny en pti pe plis e sa i sirout ver zot expatriate allowance ki zot pe gannyen akoz lezot allowance i konparab i parey.  Mersi Mr Chair.

An plis ki sa nou pe osi travay avek SIT sirtou pou kot lenfrastriktir pou nou kapab recruit bann etidyan ki sorti kot SIT i annan ki vreman ankourazan. I annan par egzanp dan Survey nou’n ganny en fiy ki vreman enterese e nou pe ankouraz li pou li pran sa karyer dan survey.  Akoz service sirtou Surveyors i manke dan pei an zeneral.

E i en teknik ki ou bezwen pran en pe letan pou anmase e ou bezwen annan en bon kalifikasyon pou ou kapab vin en surveyor.  Nou annan bann teknisyen par egzanp la ki pe fer bann legzanmen pou li fer kapab vin en surveyor e nou fer li lokal pou nou ankouraz dimoun pou dan travay li menm, pou zot ganny en pe plis leksperyans fer sa legzanmen si zot pas zot ganny konfirmen koman surveyor.

So en pe bann keksoz ki nou pe fer.  Nou annan bann training plan osi ki nou pe ankouraz bann dimoun dan travay – nou annan apepre – ler mon ti gete dernyen fwa – apepre 54 teknisyen administrasyon ki dan training plan e ki  nou’n fini met larzan dan Bidze pou zot al training pou 2019.  I annan pe kontinyen – i annan bann nouvo ki ‘n kontinyen.  Mersi.

 

MR SPEAKER

Mersi Minis Charlette.  Bon nou pou pran en vot lo son R17, 751milyon ki pou Lotorite Planning ki form par sa Schedule e ki trouve lo 424 ziska 431.  Mon ava demann tou Manm ki an faver?  Okenn Manm ki kont?  Madanm Deputy Clerk?

 

MADAM DEPUTY CLERK

Mersi Mr Chair e bonzour tou dimoun.  Mon’n rikord 11 Manm ki’n vot an faver e personn kont.  Mersi.

 

MR SPEAKER

Mersi Madanm Deputy Clerk.   Savedir Bidze 2019 pou Lotorite Planning in ganny aprouve par Lasanble Nasyonal.

Bon avek sa mon ti ava kontan remersi CEO Francois, Mrs Morel e Mrs Richard e nou ti a kontan eskiz zot parmi nou.

 

(MRS MOREL AND MRS RICHARD WAS EXCUSED FROM THE HOUSE)

 

MR SPEAKER

PS Thesee prosennman ki nou pou pran?

 

PS DAMIEN THESEE

Mersi Mr Chair.  Chair lot se Lazans Transpor lo Later Seychelles Land Transport Agency ki trouve lo paz 412 pou en sonm R181, 848milyon. Mersi.

 

MR SPEAKER

Mersi PS. Yes Onorab Pillay?

 

HON SEBASTIEN PILLAY

Mr Chair mon ti ava kontan raise en point of order anba Order 32(d) ki dir, ‘’… a question shall not contain argument, inferences, opinions, imputation, epithets, ironical or offensive expressions or  be based upon hypothetical circumstances.’’

        Mon ti a konan also raise sa point of order anba 32 (k) …’’a question shall not be asked as to the character and conduct of any person except in the official or public capacity.’’

Apre mon ti a kontan lir Lartik 23 nou Konstitisyon Mr Speaker.  Mr Speaker i kler ki en kestyon ki Onorab Ferrari in demande – lafason ki in phrase son kestyon dan largiman ki in fer otour afilyasyon politik pou CEO which was here previously i en infringement nou Konstitisyon.  Akoz tou dimoun i annan en drwa lasosyasyon.  E mon krwar bann kestyon koumsa e bann komanter koumsa pa devret ganny aksepte dan nou Lasanble.

In annan plizyer dimoun ki’n vin la anndan Mr Speaker i senpatiz avek LDS e nou lot kote latab nou pa’n zanmen fer sa bann latak.  Nou prefere pou get sa dimoun dan son kapasite profesyonnel ki in vin la anndan.  E mon krwar sa largiman e menm an plis CEO  in ganny akize konmkwa ki li in approve en lotel Brilliant ki in fer kler ki napa okenn lotel ki’n aprouve Brilliant.  Sa ankor i en infringement nou Standing Orders kot Manm Onorab in anmenn en size dan nou Lasanble ki i pa’n check son facts i hypothetical.  So mon ti aa kontan ganny en ruling lo la Mr Speaker ki nou respe Lartik 23 nou Konstitisyon e nou respekte drwa sa bann dimoun ki asize dan sez e tret zot as public servants e members of the  executive e non pa fer zot vin bann foutbol politik Mr Chairman.  Mersi Mr Chair.

 

(Interruption)

 

MR SPEAKER

Mersi.  Bon mon’n apresye ki CEO in tenir son pozisyon koman en profesyonnel – i pa’n reponn sa ki Onorab Ferrari in dir, sa parey ou pe dir insinuation ki in fer vizavi son afilyasyon politik, i pa’n entertain.  Akoz mon ti pe espere si i ti pour reponn, mon ti pour rantre pour dir, be i pa bezwen reponn en zofisye i vin devan nou i vin devan Lasanble son afilyasyon politik i pa bezwen demontre, i pa bezwen met o kler, parey nou tou.  E parey mon’n dir, e menm dan Sekretarya mwan mon pa demann okenn manm staff ki kote i siporte e ki kote i vote.  E sa rezon ki mon kontan ki CEO i pa’n entertain sa.

Lo kote lotel Brilliant en Manm i kapab vini pour demann en klarifikasyon, e CEO in reponn ki napa okenn lotel Brilliant.  I pa’n akiz CEO pour dir ki ou’n donn permisyon, me in dir poudir i annan en lotel ki Lotorite Planning in aprouve, i pa’n dir CEO ki’n donn permisyon, ok?

E CEO in fer kler dan son repons poudir napa okenn lotel Brilliant ok.  So mon krwar in put to rest and all that.  Point taken, point taken, mon konpran ou point ki ou’n raise anba 32.  E se sa ki mon pe dir, yer osi tou ti annan en pti pe sa with regards to ler Mer Lavil ti la.  Bon mwan mon kapab dir zot, mwan mon’n koze avek Mer Lavil i en pti pe mon pozisyon ozordi – wi mwan en Manm ki sorti dan kote LDS, wi mon ti ganny elekte lo tiket LDS, me ozordi tou mon annan en lot sapo dan mon latet, se sa rezon ki i annan serten aktivite mon pa kapab partisip ladan – ok?

E me, Mer Lavil osi tou in partaz sa avek mwan.  Le moman ki in rantre dan sa Lofis in dir ek mwan poudir li osi tou i annan serten aktivite politik ki pa pour kapab partisip ladan akoz i anvi ganny vwar koman en Mer Lavil Victoria, ki dan serten sans i eksprim son lendepandans e i fer en travay pour tou Seselwa.

So vwala en pti pe mon pozisyon lo sa, mon pa pe …

 

HON JEAN-FRANCOIS FERRARI

(Off-Mic)

 

MR SPEAKER

Non Onorab Ferrari mon pa pe ouver okenn deba lo la.  In lev en pwen, mon’n donn en Ruling.

 

SEYCHELLES LAND TRANSPORT (SLTA)

 

MR SPEAKER

Bon nou ava welcome CEO pour Land Transport Agency Mr Parinda Herath ki ganny akonpannyen par Mr Nicholas Hoareau ki Deputy CEO pour Land Transport.  Bon nou ava komans kestyon avek leklersisman, okenn Manm ki…?  Ok nou ava komans avek Onorab Paul Ernesta.

 

HON PAUL ERNESTA

Bonzour Mr Chair, Minis ek ou delegasyon, CEO, mon bann koleg Onorab e tou dimoun a lekout.  Mr Chair letan mon’n go lo paz 492’’ current challenges’’ SLTA mon’n vwar ki zot in annan en pe difikilte si oule, zot avek pour bann projets asphalting.  E an menm tan letan mon get lo paz 492 pour sa progranm, 417 that is plito, mon vwar en rediksyon, en rediksyon dan zot Bidze pli presizeman anba subprogranm 3, mon oule konnen avek sa bann difikilte ki zot in fer fas avek ki mannyer avek sa rediksyon dan zot Bidze zot pour kapab sirmont sa bann challenge ki zot pa, ki mon konnen i pour kontinyen persiste lannen a swiv, ki mannyer zot pour deal avek sa?

Apre in koz osi lo sa bann konsern ki zot annan avek bann servis letan pour ganny bann retar pour reparasyon semen avek bann Lazans letan zot pe fer zot bann travay tel parey PUC e bann lezot servis ki mannyer?  Mon vwar dan strategic zot in pran kont sa ki zot pour deal avek, ki mannyer pli presizeman zot pour kapab asire ki travay i ganny fer byen ki bann – nou pa ganny okenn bann obstruction lo semen a parti lannen prosenn?

E apre mon’n obzerv dan PSIP i annan bokou bann proze ki zot in mete me napa Bidze avek – la mon pe koz presizeman mon pe get mwan distrik Takamaka i annan bokou bann proze ki i annan dan PSIP, ki menm ki nou konnen i annan bann konsern semen, bann devlopman semen Apa David, Dan Penpen, Maravie tousala, me napa en Bidze avek, eski CEO i kapab eksplik nou akoz sa sityasyon?  Thank you Mr Chair.

 

MR SPEAKER

Mersi Onorab Ernesta.  CEO.

 

CEO PARINDA HERATH

Mersi Mr Chair. Bonzour tou dimoun.  Mon pour pran premye kestyon kot Onorab in dir nou, nou Bidze in redwir, me annefe si ou get byen lo paz 417 ou pour vwar ki nou Bidze pour asphalting works in monte; annefe sorti 72milyon i vin 84milyon.  Sa ki’n desann i program 3, i pa li, pa asphalting work sa, sa bann lezot keksoz sa rediksyon i actually dan bann proze CAPEX ki ou pour vwar dan PSIP.

Alors avek sa Bidze ki nou’n gannyen en pe plis ki lannen pase pour asphalting work nou ekspekte fer en pe plis travay.  E osi si zot in vwar tou resaman la nou’n annan en tender ki nou’n mete, pour nou ganny en pe plis partisipasyon sekter prive dan travay asphalting work li menm.  Alors nou ekspekte avek sa, nou osi lo nou kote internal nou pour kontinyen fer nou travay e avek partisipasyon sekter prive nou ekspekte nou kapab fer en pe plis travay avek menm Bidze ki nou’n gannyen.

Lo kote retar ki nou pe gannyen lo bann travay asphalting work avek lezot proze Kapital, i annan plizyer rezon.  Lo kote asphalting work li menm in difisil, nou’n ganny bokou difikilte sa lannen pour nou kapab swiv sa plan ki nou ti annan – sirtou avek bann proze ki PUC pe fer tou dilon bann semen, ki zot pour remarke.

E nou’n bezwen esper zot, nou bezwen esper zot pour zot fini zot travay, e apre ki nou pour kapab kontinyen avek nou travay pour nou.  I pa fer sans nou ale nou met koltar e pli tar zot vini zot bezwen re kase.  I annan plizyer landrwa kot nou’n bezwen met zis en bout koltar; par egzanp e apre nou’n arete, vi ki zot annan bann lezot proze ki zot pe vin avek.

Sa i lo kote asphalting work, pli tar si i annan bann kestyon mon ava eksplik bann proze Kapital spesifikman.

Lo kote PSIP akoz nou napa Bidze pour serten proze, wi i annan en kantite proze ki feature lo nou PSIP, me selman pa tou ki nou’n demann bidze pour 2019.  Rezon pour sa nou annan en ceiling ki nou gannyen kantite proze ki nou kapab travay avek, e osi nou konnen i annan –  Minister Finans in donn nou en lenstriksyon ki tou bann proze ki nou mete dan bidze pour 2019, pour ganny enplimante, i bezwen bann proze kot desen avek costing in fini pare.

Parey ou konnen pour nou ganny en costing pour en proze, ou bezwen fer en kantite travay avan.  Ou bezwen fer son survey, ou bezwen design sa proze apre ki ou kapab travay lo en costing.  Alors i annan plizyer proze ki nou pe travay lo la, e ki nou ti pe travay lo la ki nou pa’n kapab enkli dan Bidze pour 2019.

Me selman avek diskisyon avek Minister Finans, ki nou’n fer, nou’n submit en lot lalis proze ki annefe nou pe travay lo la, la e nou ekspekte dan premye quarter 2019 nou pour fini fer son bann design, bann keksoz avek.   Sa lalis ki nou’n submit i en lalis pour ganny konsidere anba India Grant.  E Minister Finans in dir nou poudir i pour forward sa lo en Komite ki pour get sa bann proze ki nou’n submit.  E hopefully nou bann proze i ganny aprouve, e letan son bann keksoz i pare nou kapab enplimant li.  E sa 2 proze ki ou’n nonmen i lo sa lalis pour sa India Grant.  Mersi.

 

MR SPEAKER

Mersi CEO.  Onorab Ernesta.

 

HON PAUL ERNESTA

Thank you Mr Chair.  Mr Chair CEO dan son repons in mansyonnen ki zot pe al tender out.  Mon pa konnen si in deza petet kapab gid nou si in deza fer en letid pour vwar kapasite bann kontrakter deor pour kapab fer sa progranm, sa proze asphalting kantite zot ki i annan?  Enn.

Apre letan zot bann servis, eski i annan en proper planifikasyon ki ganny fer dayer?  Ki avan projets i komanse, zot kapab ok PUC swa lezot Lazans, lezot servis ki i annan zwenn ansanm ek SLTA dir this is my plan for the year e ki permet zot kapab zot osi sible e fer en bon planifikasyon dan zot lenplimantasyon.

Akoz par ler zis ou vwar ou pe pase, en pti kou ou vwar semen i kase, apre par deryer lot i vini i vin aranze, si i annan en proper planifikasyon ki i fer.  E mon apresye, mon kontan note ki sa bann proze pour ganny konsidere dan India Grant.

E nou Lotorite nou pare pour zwenn ansanm kot nou kapab fast track sa bann difikilte ki zot pe fer fas avek ki nou a asire ki nou a kapab ganny en pe projets dan son lenplimantasyon lannen prosenn.  Mersi Mr Chair.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Bon lo kote si sa bann kontrakter i kapab fer li?  Wi nou annan serten travay ki nou’n deza fer avek sa bann kontrakter, ki detrwa zot in deza fer sa travay pandan sa lannen ki la.  E me selman i annan bann lezot dimoun osi nou ekspekte ki pour tender, ki byensir nou pour bezwen annan en sistenm monitoring byen lo kote quality nou ki pour monitor.  E nou bann zofisye pour bezwen pas lo site tanzantan, fer sir sa travay ki zot pe fer i lo sa standar nou anvi.

Lo kote SLTA avek PUC, nou meet tanzantan e osi nou diskit lo bann plan ki PUC i annan, SLTA i annan, mon krwar Minis osi tre byento pe al meet avek management SLTA pour diskit bann proze ki zot annan pour le fitir.  Me tanzantan i annan bann proze ki mon krwar PUC osi zot ganny zot Bidze lannen e ki mannyer zot manage zot bann proze, i annan proze ki vini ki zot deside enplimant sa lannen.

E i annan proze ki zot enplimant par faz, ki par ler i en pe difisil pour nou letan nou pe fer nou progranm asphalting.  E se pour sa ki letan nou konnen i annan bann proze pour PUC, nou pa met koltar lo sa bann semen ki si nou konnen ki zot pe al fer li dan sa 2an si oule dan le fitir.

Malerezman i annan bann semen ki nou konnen i lo bann kondisyon ki pa bon.  Nou sey mentenir li avek bann patching work, bann potholing eksetera ziska ler PUC i kapab fini son proze pour nou kapab vin fer en proper louvraz lo la pour minimiz gaspiyaz.  Mersi.

 

MR SPEAKER

Mersi CEO.  Onorab Philip Arissol.

 

HON PHILIP ARISSOL

Mersi Mr Chair.  Mersi CEO dabor pour sa bann proze ki zot in enplimante dan distrik Anse Boileau, tel ki crash barrier epi resurfacing en pe bann semen, me solman i reste ankor bokou pour fer.  Mon ti a kontan konnen kan eski proze pavement depi kot laboutik Fock Yune ziska kot lotel Maia pour ganny fer e pour konplete?

Apre eski i annan plan pour fer en drenaz lo bor semen kot vye simityer Anse Boileau vizavi laboutik Anse Boileau Supermarket epi vizavi kot klinik, vi ki la nou pe rantre dan sezon lapli e sa bann semen i inonde letan lapli i tonbe kantmenm en ptigit?

Epi kan eski nou ekspekte ganny en pe lalimyer lo bann semen segonder Anse Boileau? E kan eski bann zabitan Montagne Posée i ekspekte kapab vwar en premye bus shelter?  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Bon proze footpath ki Onorab in nonmen i lo nou plan Bidze CAPEX lannen prosenn.  E nou ekspekte fini ek bann plan, bann keksoz e nou pour komans enplimant li nou ekspekte by Avril koumsa lannen prosenn.

Lo kote sa drenaz ki Onorab in nonmen, non i pa lo nou lalis la pour le moman, e definitivman nou pa pour kapab enplimant li avan sezon lapli ki nou deza ladan.  Alors mon ekspekte nou kapab zwenn ou avek DA Distrik e osi nou kapab travay lo en plan si i annan funding ki available lannen prosenn, nou a sey nou mye pour nou enplimant li avan lannen fini, lannen prosenn.

Lo kote bus shelter i annan en bus shelter ki nou’n deza fini fer Anse Boileau, Baie Lazare, Anse Boileau ki nou’n fini – (sorry), Montagne Posée, sa bus shelter ankor enn fwa nou plan tou keksoz ti’n fini pare, nou ti’n menm ganny Planning approval e nou ti’n fini tender, me selman nou pa’n kapab enplimante akoz ti annan sa proze PUC tiyo ki zot ti pe pas laba.  Alors nou’n bezwen esper zot fini e la nou pour bezwen retender akoz letan in pase e hopefully early next year nou kapab enplimant sa proze.  Mersi.

 

MR SPEAKER

Mersi CEO.  Onorab Arrisol.

 

HON PHILIP ARISSOL

I annan enn – kestyon lalimyer pour bann secondary roads.

 

MR SPEAKER

Mersi Onorab.  CEO.

 

CEO PARINDA HERATH

Sorry mersi Mr Chair.  Anse Boileau i annan 4 lalimyer ki nou’n enstale i reste nou 8 pour enstale pour sa lannen, e nou ekspekte avan lannen i fini nou pour kapab e nou ti dir tou distrik pour ganny omwen 12 lalimyer par lannen, apre nou pour rekomans lo en lot faz kot nou ekspekte 12 a 15 lalimyer dan sak distrik.

Me selman lo kote lalimyer mon bezwen mansyonnen ki ankor anba India Grant nou’n ganny dir par Minister Finans nou annan en sonm larzan $550mil ki pour ganny donnen e sa pour aste lalimyer avek e pour enstale.  E letan nou fer son bann costing nou’n vwar ki nou kapab met anviron 14, 150 lalimyer avek sa, sa Bidze.  En lalimyer i kout anviron R5, 300 par lalimyer ki enkli son light fitting, son poto, son bann lezot keksoz ki neseser.

Alors nou ekspekte si sa i materyalize lannen prosenn, nou pour kapab fer en bon pe travay dan bann distrik e sa i pour enkli bann lalimyer dan secondary roads ki ou pe demande ki definitivman nou pour liaise avek Lotorite Distrik pour gete ki zot bann priyorite ki zot annan.  Mersi.

 

MR SPEAKER

Bon nou ava pran en Break.  I reste mwan apepre 18 Manm ankor lo lalis, so nou pour annan en bon pe letan avek SLTA. Nou ava pran en Break e nou ava retournen 11er pour nou kapab kontinyen.

 

(BREAK)

 

MR SPEAKER

Bon nou ava kontinyen nou travay.  Mon a donn laparol avek Onorab Stephen Pillay.

 

HON STEPHEN PILLAY

Mersi Mr Chair.  Mr Chair mon annan 2 pti kestyon lo PSIP, mon ti a kontan demann CEO avek son Deputy tou i kapab proze semen Dan Gravye mon vwar R500mil, mon pe regarde vi ki ti annan en Mosyon irzan ki ti anmenn Lasanble ki zistans sa semen Dan Gravye in arive – si i ankor lo planning stage oubyen zot annan nide kontinyen fer li?

Epi an menm tan i annan sa semen Ex-Foam ki Prezidan ti’n dir pour fer Au Cap, me ziska aprezan lafanmir pe esper ni en plan napa, ni en larzan pa ankor mete ladan e ti a demann Minis, CEO pour donn nou en pe detay ki zistans in arive pour nou kapab fer sa bann zabitan konnen?  Dan Gravye sa lot semen Mr Speaker, Dan Gravye ek Ex-Foam.

Epi si CEO i kapab dir nou ki bann problenm i pe gannyen, bann proze ki pe pending konsernan wayleave ek right of way ki nou, en bon pe problenm pe gannyen avek.

Epi si PUC pour donn en pe larzan pour resurface semen apre ki zot in pas zot kab sirtou Au Cap ki pe zis kase e re kase e kan, mon konnen dan 2an, 3an kekfwa PUC si i pour fer okenn kontribisyon?

Epi koman mon dernyen kestyon i pour PS Finans, ki i panse lo sa ki CEO in dir ki i pe fer costing avan i demann budget submission, pour li kapab ganny son bann Bidze, eski i en bon plan e ki PS pe ankouraz lezot MDAs pour fer parey?  Mersi Mr Speaker.

 

MR SPEAKER

Mersi Onorab Pillay. PS Thesee ou oule pran sa premye bout, sa dernyen bout ki pour ou?  Ok CEO.

 

CEO PARINDA HERATH

Mersi Mr Speaker.  Bon lo kote sa 2 proze ki Onorab in nonmen, sa enn Dan Gravye nou’n fini travay lo la e annefe nou’n fini fer costing osi, e i bokou plis ki sa ki nou’n gannyen dan Bidze, me selman at least i pour en, nou kapab komans sa proze e nou ava enplimant li par faz, byensir si nou ganny wayleave avek bann zabitan.

Lot proze mon krwar sa enn ki ou’n nonmen i sa semen Madarin Estate wi, li malerezman nou pa’n kapab fini bann travay costing, desen bann keksoz koumsa, selman nou’n fini fer survey.  Bann zofisye SLTA pe travay lo design e nou ekspekte konplet design avek costing dan premye kar lannen prosenn e nou’n enkli li lo sa lalis ki mon’n dir ou, ki mon’n dir taler lo sa India Grant.  E si tou keksoz i ok avek sa osi, si wayleave i la, si i ganny aprouve par sa Komite kot Minister Finans, nou kapab enplimant li lannen prosenn.

Lo kote wayleave, i en problenm ki nou gannyen avek mazorite bann proze.  I annan en kantite proze ki on-hold pour le moman e i annan ki’n malerezman ki’n komanse tou, nou’n bezwen aret dan milye akoz bann problenm wayleave ki nou pe gannyen e i annan plizyer bann MNAs avek bann DAs ki ed nou pour al kot sa bann dimoun pour koz ek zot, pour eksplik nou proze ki mannyer i ete.

E osi nou fer bann public meeting letan en, letan nou oule enplimant en gro proze.  Me malerezman sa problenm wayleave i persiste e nou annan en kantite proze ki pending pour le moman, tou son bann plan, tou keksoz in pare me selman nou pa pe k

apab enplimante, akoz sa issue wayleave.

        Lo kote PUC wi PUC pour bezwen kontribye pour aranz semen sirtou kot zot in kase, e nou deza annan en Lagreman an prensip ki zot pour peye.  Me selman i reste pour finalize lo ki kantite e lo ki poursantaz petet ki PUC pour kontribye pour sa bann proze semen, petet Minis i le….

 

MR SPEAKER

Mersi CEO.  Minis.

 

MINISTER PAMELA CHARLETTE

Mersi Mr Speaker.  Mon krwar in, nou’n debat lo la bokou.  E wi i annan en desizyon ki’n ganny pran pour PUC ed nou pour finans sa bann semen sirtou kot in kase.  Nou annan en meeting ki nou pour diskite ansanm avek Finans, ki mannyer sa i kapab arive e ki fason antre nou de antite Gouvernman ki mannyer nou kapab fer sa transfer larzan.  E i annan en, nou bezwen negosye avek PUC parey CEO in dir konbyen e ki poursantaz e osi ki bann Schedule ki pour bezwen fer.  Mersi.

 

MR SPEAKER

Mersi Minis.  PS Thesee.

 

PS DAMIEN THESEE

Mersi Mr Chair.  Lafason ki nou allocate bidze pour bann proze i pour tou depan dapre Minister e size proze.  Idealman nou pour annan en provisional costing ki nou pour pran pour met dan bidze e i pour tou depan ankor groser sa proze ki nou vwar nou met en provizyon oubyen en estimate.

        An sa ki konsern SLTA an vi ki li i touzour annan en kantite proze ki vin kot distrik.  E dan lepase nou pe vwar ki even if nou vwar nesesit sa proze i pa ankor pare, i pa ankor ganny wayleave, sanmenm sa diskisyon ki nou’n fer avek li pour annan serten stabilite avek nou PSIP asire ki bann proze ki pe i mete as en priyorite i sa bann ki in fini travay lo la, nou mete.  E anmezir prezan i fini travay lo son bann lezot costing, an vi ki bann ki pa ankor fini survey oubyen costing pa ankor fini, i ava met li bann lannen apre.  Akoz dan lepase nou’n vwar ki kantmenm i met proze ki i annan presyon as priyorite, si wayleave pa’n ankor ganny donnen, even if i annan costing, sa proze pa materyalize apre i vire.  So se pour kwa nou’n annan sa diskisyon avek li.  Mersi.

 

MR SPEAKER

Mersi PS.  Onorab Pillay.

 

HON STEPHEN PILLAY

Mersi Mr Chair.  Mersi PS.  Mon krwar ou devret fer sa avek tou lezot Minister, donn zot costing avan zot ganny Bidze, anyway sa i zis en lopinyon.

Lo kote Ex-Foam Mr Speaker mon ti a kekfwa request avek CEO ek son Depite, si by early next year nou fer en pti meeting avek bann zabitan Ex-Foam, omwen tir en pe presyon, zot a kapab konnen ki zistans zot ete.  Akoz la zot vreman pa konnen, si CEO ek son Depite i kapab aranz ek meeting avek kekfwa kot Biro Distrik DA pour zwenn sa bann dimoun pour eksplik zot ki bann faz ki zot pe ekspekte pour enplimante.  Mersi Mr Speaker.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Speaker.  Wi nou kapab organiz en meeting avek Lotorite Distrik avek prezans MNA.  Mersi.

 

MR SPEAKER

Mersi CEO.  Onorab Valmont.

 

HON JUDE VALMONT

Bonzour e mersi Mr Chair.  Bonzour Minis e delegasyon, tou koleg Onorab e tou manm piblik ki pe swiv nou.  Mon fer referans avek PSIP paz 45 i annan en mansyon lo la, lo road widening Anse François lavaler 1milyon pour 2018 e 500mil ki’n ganny bidzete pour 2019.  Mon ti a voudre konnen ki staz zot ete la, akoz nou’n vwar asphalting in ganny fer, i annan en kours koltar ki’n ganny mete.  Me apre sa nou’n vwar in tenir en pe.  Alor mon ti a kontan konnen ki faz nou ete la e kan zot ekspekte konplet sa louvraz e ki pour entail?

E osi PSIP subprogram 3 mon vwar parey Onorab Ernesta in refer sorti pli boner, i annan sa blank dan en Bidze konstriksyon footpath Pointe Larue.  Mon ti a kontan konnen kote sa footpath e osi akoz ki in ganny kite blank?  Sa i lo paz, mon krwar i lo sa paz 45 sa anba dan sa latab en.

Apre i annan PSIP paz 46 program 3 mon vwar ankor sa mansyon sa 3rd lane Pointe Larue la, 21 pwen ekek milyon.  En sonm 2.5milyon ki pour demar sa proze an 2019, nou welcome sa.  Me selman mon ti a voudre konnen kan ki zot ekspekte konplet sa premye faz, e mon ti a voudre demande osi dan sa 2.5milyon, si zot kapab pran okenn konsiderasyon si an ka sa footpath.

Akoz mon annan en soupson kote sa footpath, mwan akoz in annan demars oparavan over plis ki 5an la pour fer en footpath pour bann dimoun Pointe Larue ki servi sa semen sorti kot Erport, ziska kot nou dir kot Vielle la, kot restoran Pti Piman.  Alor mwan mon ti a demande si an ka akoz i annan ki zot in dir i annan blank, zot met dan Indian Grant.

Alor me selman si sa pa le ka, mon ti a voudre demann zot konsiderasyon avan mon vot; mon konsidere pour vot lo Bidze osi pour konsidere pour pran en bout sa larzan sa 3rd lane antretan ki demars pe ganny fer, pour at least konstrir sa footpath.  Akoz zot in fer resorti ki 3rd lane i dan 3 faz, alor zot ti pour esper son 2enm faz pour enplimant sa pavement, be nou, nou i dir i danzere, mon pa anvi dimoun i perdi lavi avan ki nou fer sa.  Alor petet zot sey konsider fer sa footpath at least.

        E dernyen i lo paz 46 osi paz PSIP subprogram 3, mon vwar i annan en sonm 3milyon ki’n ganny bidzete pour semen Caryole ziska Ex-Albert, sa mon ti a voudre remersye Minister, Minis e CEO osi pour zot demars e parol ki zot in garde ki zot ti pour ed nou fer sa semen pour ede alleviate sa problenm trafik dan plato Pointe Larue, alor nou akey sa.

E osi mon ti a voudre demande be, la vi ki in bidzete kan ki zot pour aktyelman demare avek louvraz, nou ti ganny dir survey par drone ti pour komans ganny fer sa lannen, me la nou pe apros finisyon Desanm nou pa ankor vwar nanryen, alor mon demande be kan nou komanse e pour donn en pe lespwar zabitan Pointe Larue.  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair, ok mon a komans lo premye proze Anse François in fini tender, i pare pour komanse anytime, me selman li osi nou annan 2 wayleave pour nou finalize avan, alors avek ou led si nou kapab finaliz sa 2 wayleave, o pli vit posib nou kapab komanse.

Lo kote 3rd lane avek footpath Pointe Larue, bon proze footpath Point Larue enkli dan sa proze 3rd lane, malerezman parey ou pe dir, i pa pour posib pour nou fer footpath avan sa proze akoz footpath i vin an deor semen.

Alors nou bezwen fer lespas avek posibleman reclamation ki nou pour bezwen fer, en bout dan sa lanmar par egzanp e fer rock hammering eksetera la prezan lo bor semen ki nou pour fer sa footpath, alors teknikman i pa posib pour nou fer en bout footpath avan nou fer en 3rd lane.

E mon krwar nou bezwen fer sir ki nou plan ahead konmsi, nou pa ale taye al fer en footpath apre nou konnen i annan en problenm trafik dan Sid, e nou bezwen fer sir ki okenn devlopman ki nou fer laba i bezwen anmenn serten solisyon pour sa problenm trafik.  E 3rd lane Pointe Larue definitivman i enn ki nou ekspekte i pour amelyor sa sityasyon bokou.

Lo kote kan ki 3rd lane pour komanse.  Petet mon a pran loportinite pour koz en pti pe lo roundabout Pointe Larue kot Erport.  Parey zot konnen roundabout son konstriksyon roundabout li menm in fini pour le moman, me selman i annan plizyer bann lezot pti konponan an deor roundabout ki pa ankor fini.

Par egzanp i annan, la nou’n fek tande ki erport SCAA pe al refer zot car park e, sorry i annan serten réarrangement parking ki zot pour fer anndan dan zot compound, e osi dapre lenformasyon ki nou annan, i pour vin en pay parking e zot pour annan bann gate ki pour kontrole ki transpor ki pour antre dan compound Erport.

E letan i sa konplete, tou transpor ki pe antre Erport from highway i pour pran sa lane ki’n deza konstrir sorti lo highway pour antre direk dan erport, apre tou bann lezot transpor ki pe antre dan erport i pran sa lale from roundabout sa akse ki nou’n fer from roundabout pour antre dan Erport.  Sa exit, sa entrance ki egziste pour le moman ki pe ganny servi, sa vye entrance pour bezwen ganny bloke konpletman.

E osi sa exit ki egziste konmela i pour ganny servi zis pour bann trafik bann transpor ki pe al dan Sid, sa pour anpes sa cutting across parey nou dir bann conflict points ki arive ki fer sa landrwa exit vin danzere pour le moman.  E osi annan larantre pour stasyon petrol lot kote li osi pour sanze, i pour napa sa konfli ki arive letan ou pe antre sorti, i pour dan en lot direksyon e sa nou’n deza – Departman Transpor in deza liaise avek SEYPEC pour gete pour zot osi kontribye pour enplimant sa proze.

Alors 3rd lane Pointe Larue pour komans la kot roundabout in fini li.  Parey mon’n ekout ou ou’n mansyonnen yer i annan en bottleneck letan ou sorti dan roundabout ou pe al dan direksyon Pointe Larue.  Wi i annan en bottleneck, akoz sa proze pa ankor fini.  Letan sa 3rd lane i vini, sa sorti i pour ouver plis e pour annan 2 lane ki pour sorti.

Pour sa arive byensir nou bezwen fini avek sa bann travay ki mon’n dir dan car park, e osi frenm sa entrance ki pe ganny servi pour le moman pour antre dan Erport kot nou pour ganny lespas pour nou kapab ouver sa 2 lane.

Alors avek sa bann proze, sa bann pti proze, bout proze ki reste avek roundabout Pointe Larue, letan nou’n fini tousala, letan i pe fonksyonnen parey i sipoze, la ki nou ekspekte vwar sa bann amelyorasyon ki nou ti eksplike avan proze.  Mersi.

 

MR SPEAKER

Mersi CEO.  Onorab Valmont.

 

HON JUDE VALMONT

Yes mersi Mr Chair.  I annan en kestyon sa enn lo sa semen Caryole ziska Ex-Albert pa’n ganny touse.  Mon ti a kontan zis azout en pti bout lo la; pour pran konsiderasyon pour ler zot pe fer louvraz pour konsider asphalting sa bout Anse Aux Pins akoz i deza an move leta, sa kestyon osi pa ti’n ganny touse.  E pour azoute Mr Chair i annan, mon al ankor lo sa footpath la en, yer ti sorti, ti annan en pti, well Leader Lopozisyon osi ti koz lo la, ti annan sa konfli dan plato Pointe Larue.

La sirtou, i annan sa konfli ant ki mannyer ou deal ek trafik an menm tan ki mannyer ou ede prezerv lavi bann dimoun, sekirite nou bann pyeton lo semen.  Alor mon ti a voudre akoz mon konnen 2enm faz sa 3rd lane la i pa pour konmela li; 3rd lane pour le moman i pour sorti kot roundabout parey CEO in point out, i sorti kot roundabout i pour ale ziska kot Amalgamated Tobacco, kot nou dir kot sigaret la, be nou ki zabitan Pointe Larue ti pe demande, pour ou fer sa pavement sorti Erport ziska kot Anse François kot aktyelman zot pe fer sa road widening la.

Alor mwan mon ti a voudre demande – mon konnen nou pe dir nou bezwen plan ahead, fer provizyon ki nou pa fer gaspiyaz larzan.  Me selman mwan koman reprezantan zabitan Pointe Larue, mon fer en pli la, mon demann zot konsidere fer letan zot pe fer sa 3rd lane ziska Amalgamated Tobacco la, konsidere anmenn sa footpath ziska kot sa road widening.

I danzere nou annan en santenn etidyan ki servi sa semen preski toulezour.  E nou bann zabitan i an danze nou’n vwar.  Bondye pe pitye nou ziska aprezan nou pa ankor vwar personn ganny tape.  Alor mwan demann zot pour konsidere en bout dan sa 2.5milyon.

Akoz mon konnen plan tou zafer in ganny fer pour sa footpath, i annan 3an mon krwar nou pe sey lager e i pe ganny pouse dan next Bidze,  next Bidze, next Bidze, be silvouple pour sekirite nou bann dimoun konsidere pour pran en pti bout sa larzan touzour, akoz zot pa pour depans sa 2.5milyon en sel kou, pran en bout, pran en 300mil annou konsidere anmenn sa ziska Anse François.  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Ok lo kote Ex-Albert nou’n, nou pe al fer bann survey la komansman lannen e zis pour eksplik zot i pran anviron 6 mwan depi survey ziska ler en proze i kapab ganny enplimante on site.  E sa i tou depan prezan lo wayleave ankor.  Wayleave i kapab pran en zour, i kapab pran 1an, i kapab pran plis tou.  Alors Ex-Albert nou ekspekte komans travay lo la lo survey an Zanvye e by Zen, Zilyet si tou keksoz i mars dapre plan, nou ekspekte kapab komans enplimante lo site.

        Lo kote footpath wi nou kapab pran konsiderasyon sa ki ou’n dir la e li osi mon bezwen mansyonnen ki lo kote borlanmer Pointe Larue la, plato kot ou pe dir, i annan serten propriyete prive osi ki dan lepase nou’n ganny en pe problenm menm pour fer en drenaz.  Alors si tou sa bann keksoz i ganny sort out.  Avek zot sipor hopefully nou pour kapab enplimant sa proze parey ou pe dir.  E petet avek sipor Finans nou kapab rod en pe plis larzan pour nou extend sa footpath sa bout seksyon kot ou pe koze.  Mersi.

 

MR SPEAKER

Mersi CEO.  Onorab Henrie.

 

HON GERVAIS HENRIE

Mersi Mr Chair.  Mon konstate ki i annan plizyer proze lo PSIP ki i annan en keksoz pour fer swa avek Mont Buxton, swa son vwazen St Louis, ki mon pa pour neseserman poz kestyon lo la.  Me mon a profite konmsi pour dir avek zabitan ki enportan zisteman letan i annan bann rankont piblik.  Par egzanp ki Ladministrasyon Distrik i fer zot vin devan pour zot kapab konnen sa bann proze e demann bann kestyon.

Akoz i annan ki lontan i la, me solman nou vwar i pa bouze, me ozordi sa ki mon ti ava kontan demande se ki 2 keksoz, premyerman lannen pase zot ti koz lo sirfas koltar zeneral dan pei ki ti osi, ava osi enkli Mont Buxton, me nou’n vwar poudir par egzanp Mont Buxton in ariv la kot Ola Bakery apre i pa’n kontinyen, me leta semen i reste en konsern pour zabitan.

So mon anvi konnen an zeneral, mon konnen taler i annan en Manm, mon krwar Onorab Ernesta ki’n koz lo la an zeneral kwa ki in fer ki in annan sa retar dan konpilsyon sa plan?

E dezyenmman bus top dan Lenn, PS sa ti enn ou langazman, lannen pase ou ti dir mwan poudir avan Desanm 2018 i pour konplete, me sa i pa le ka.  E alor mon anvi konnen kwa ki’n, ki pe arive avek sa?  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Bon lo kote asphalting work sa lannen parey mon’n eksplike en pe pli boner.  Nou’n ganny en kantite retar avek bann proze ki PUC pe fer, e plizyer landrwa nou’n komanse nou’n bezwen fer en bout.  Nou’n bezwen tenir par egzanp Bel Ombre nou’n fer en bout.  Nou’n tenir la akoz PUC i annan en proze pour li met en tiyo depi kot nou’n arete ziska anba Beau Vallon, e nou’n sot sa bout, nou pe kontinyen Beau Vallon.

E menm sirkonstans Mont Buxton kot nou’n fer sa bout, i annan en proze ki PUC in enform nou zot annan en tiyo ki zot pe al sanze bann vye tiyo asbestos ki i anba e zot pe al fer sa travay tre byento.  E alors nou’n bezwen tenir lanmenm e nou ava esper zot fini apre nou kontinyen.

Me selman en keksoz mon bezwen met devan, nou pa pour kapab fer tou sa bann travay alafwa.  I annan en progranm ki nou pour travay avek, komansman lannen nou pour mete; par egzanp i annan sa bout letan PUC i fini Bel Ombre, Beau Vallon nou ekspekte nou pour al Bel Ombre, Beau Vallon nou fini sa bout apre nou sote nou al dan bann lezot landrwa.

E parey mon’n eksplike taler nou annan sa tender ki nou’n mete pour partisipasyon en pe plis sekter prive, e avek sa nou ekspekte nou kapab travay dan diferan landrwa alafwa, me selman pa tou landrwa.  Alors nou konnen avek nouvo asphalt plant ki nou annan, nou kapab prodwir ase koltar.

E defayans ki nou ti annan tou sa letan, se napa ase manpower, ti napa lekipman pour nou fer tou sa travay nou menm.  Be avek sa masin ki nou annan la, nou konnen nou kapab prodwir e si nou ganny sa manpower avek sa bann masin ki neseser avek sekter prive nou kapab delivre en pe plis sa travay ki nou annan.

Lo kote bus stop wi Onorab malerezman nou pa’n kapab enplimant sa 2 proze, enn anler i annan en problenm wayleave ankor, sa enn anba kot sa shelter ti egziste apre nou’n sanze, li son plan bann keksoz in fini pare, ti annan en sanzman dan son pozisyon ki nou’n bezwen fer.  E nou ekspekte la tre byento pour nou, nou pour submit planning Zanvye e premye kar lannen prosenn nou pour kapab enplimant li.  Mersi.

 

MR SPEAKER

Mersi CEO.  Onorab Lemiel.

 

HON SYLVANNE LEMIEL

Mersi Mr Chairman.  Bonzour CEO avek ou delegasyon.  Mon ti a kontan konnen CEO.  Mon vwar i annan serten logmantasyon dan wages and salary, eski i annan en nouvo Scheme of Service pour bann travayer or eski zot pe mazinen menm aranz en pti pe saler bann travayer, pour ki zot atrakte en pe plis bann dimoun profesyonnel dan zot Lazans?

Dezyenmman lo kote PSIP nou pe vwar Anse Royale nou annan semen Mont Plaisir ki ti’n fini ganny dir ki Bidze ti annan 2018 e ki travay ti pou’n komanse osi an 2018.

Mersi Mr Chair, so mon a repran CEO, petet ou pa’n tann mwan, mwan ti pe koz lo semen Mont Plaisir ki ti’n ganny dir an 2018 nou ti’n ganny dir avek ou bann zofisye ki sa semen lagrandisman e maintenance lo la ti pou’n komanse.  Me dezole nou pa’n vwar nanryen in ganny fer, nou ti a kontan ganny en leksplikasyon ki zistans zot ete avek proze semen Mont Plaisir e kan ki nou pour kapab vwar son komansman. akoz mon pa vwar larzan dan PSIP pour 2019. Semen Grande Rivière ki mon konnen in ale vini en pe letan, mon konnen plan in fini ganny fer e aprouve osi, mon pa vwar larzan dan Bidze pour sa lannen, ti annan lannen pase, ki laranzman nou pe fer pour fer sa semen ganny akonplir an 2019?

Mon ti a kontan konnen osi si SLTA pe konsider demann zabitan Anse Royale ki en long demann, en bon pe lannen, lo kote sa pavement ki nou ti pour komanse depi Fairy Land pour anmennen ziska kot Shell, si i pour ganny konsidere dan Bidze 2019, e antan ki nou konnen i pe al annan konstriksyon Fire Station Anse Royale e SLTA i annan plan pour fer diversion semen, eski zot pe mazin fer sa lannen prosenn an 2019 e ki Bidze, anba ki Bidze zot pour pe fer sa, mon pa vwar nanryen.  E si non, akoz mon pe mazinen sa 2 konstriksyon petet i ganny fer preski ansanm, so si non ki zistans zot ete ek diversion of sa semen pour ki ler sa konstriksyon Fire Station i fini tou keksoz i vin annord.  Mersi Mr Chair.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Pour komanse lo kote salaries and wages, sa increment ki zot vwar i sa bann national increment ki i annan e osi bann allowances pour long service, e osi i annan serten increment ki nou pour fer pour bann travayer bitumen ki sa i enkli ladan.  Selman pa pour tou.  I annan bann, letan mon dir ou pa pour tou, pa pour tou lezot zofisye.  I annan en Scheme ki nou’n update revised an 2016 e nou ekspekte petet an 2020 pour nou diskit avek Finans avek DPA pour revise li ankor en kou pour bann project officers.

Lo kote bann proze ki ou’n nonmen Onorab, Mont Plaisir  malerezman nou pa’n kapab fini son design bann keksoz lannen pase e nou’n enkli li dan sa India Grant, ki mon’n nonmen.  E osi Grand Rivière nou pa’n enkli li dan Bidze PSIP pour la senp rezon ki nou bezwen revin diskit avek zot lo kote sa proze.  Son design tou keksoz i fini pare.  Me son kou i vreman elve e nou pour bezwen diskit avek Lotorite Distrik e osi avek Finans, ki mannyer nou pour go about it konmsi kot nou pour rod sa Finans.  Si nou enkli li dan nou Bidze i pour fer monte; konmsi nou pa pour kapab stay within our ceiling ki Minister Finans ti donn nou.  Posibleman nou kapab konsider li par faz komansman lannen 2020.

Lo kote footpath Fairy Land, nou ankor pe travay lo la, nou pe design e hopefully either si i annan larzan ki nou kapab fer savings dan bann lezot proze, petet nou kapab komans enplimant li finisyon lannen 2019 oubyen nou ava enkli li dan PSIP pour 2020.

Lo kote road diversion Anse Royale pa SLTA ki pe travay lo la pour le moman, i Departman Transpor.  Mersi.

 

MR SPEAKER

Mersi CEO.  Onorab Lemiel.

 

HON SYLVANNE LEMIEL

Mr Chair mwan mon en pe dezapwente avek larepons CEO kot i konsern semen Grande Rivière.  Akoz lannen pase ler nou ti la dan Bidze, nou ti’n ganny dir ki i annan R1milyon pour nou komans serten travay.  So i domaz ki ozordi apre plan in fini ganny aprouve, tou keksoz in ganny fer ki nou pe ganny dir ki mon dakor nou pour retourn kot zabitan pour nou diskite wi, me selman mwan panse ki antan ki ti deza annan en larzan la, petet nou ti’n merit fer prozeksyon osi pour sa lannen ki en larzan in ganny mete dan sa Bidze.

So mwan mon pe regarde apre ki konsiltasyon in ganny fer ki mwan mon’n demande, mon’n dir zot nou bezwen retourn kot bann zabitan, akoz ti annan en BOQ ki zot ti sipoze fer an menm tan pour konsilte bann dimoun pour regard bann, si i annan okenn lezot keksoz ki bann dimoun ti pe request; so mwan mon ti pour ensiste avek SLTA mon konnen zot pe dir i annan India Grant menm dan en meeting.  Mon’n gannyen ek enn zot zofisye one- to-one, nou ti fer en meeting ti’n dir mwann poudir sa proze pe al anba India Grant, me la mon pa tann nonm nanryen ni India Grant.  Mon tann nonm 2020 e mon pa pour aksepte ki sa proze i ganny fer 2020, CEO mon ti a kontan ou rod en fason kot nou ganny en larzan pour nou kapab komans sa proze an 2019.  Mersi Mr Chair.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  zis pour donn en nide son kou sa proze i plis ki R20milyon, alors sanmenm sa ki mon’n dir nou pour bezwen re diskite avek Lotorite Distrik e avek Minister Finans si i annan en fason ki nou kapab at least enkli li dan India Grant, me selman lenformasyon ki mon’n gannyen, India Grant i pour bann pti proze distrik ki pa plis ki 7, 8 milyon.

Alors petet nou kapab koz avek Finans pour fer li par faz.  Mon pa pe dir non, nou ava gete, nou a diskite petet i annan posibilite pour nou kapab enplimant li.  Mersi.

 

 

MR SPEAKER

Onorab John Hoareau.

 

HON JOHN HOAREAU

Mersi Mr Chairman. Mr Chairman mon annan en kestyon lo size semen dan Gala Le Niole, i annan en pti morso sa semen ki fer ki bis pa kapab monte pour donn en servis bis sa bann zabitan, eski anba Bidze SLTA, anba zot Bidze zot annan larzan pour, anba ou road widening pour kapab fer sa pti proze?  Oubyen eski zot bezwen, si zot kapab fer li osi anba sa Indian Grant parey ou pe dir, si zot annan okenn larzan ki zot kapab met pour sa proze?

Dezyenmman mon ti anvi demann CEO si i osi zot annan en serten larzan anba traffic Management, Victoria traffic Management pour kre 2 lane la kot MS Complex pour retir sa bottleneck ki arive dan tou le bomaten?

E trwazyenmman mon ti a, vi ki ou’n koz lo semen Beau Vallon zot pe ganny serten retar avek PUC ensidswit mon ti a kontan ou donn nou en timeline apepre kantite letan ou krwar ki sa 2enm faz met koltar, I mean zot in met zis lo en kote depi Savoy an montan pour al ankouri Glaçis, so mon ti ava kontan konnen kan ki sa lot kote semen pour ganny son lot son kous koltar pour fini sa proze.  Mersi.

 

MR SPEAKER

Mersi Onorab Hoareau.  CEO.

 

CEO PARINDA HERATH

Mersi Mr Chair, lo kote semen Gala anba PSIP nou annan en quote ki apel improvements of bends.  Alors sa i spesifikman pour bann pti proze koumsa kot nou kapab improve bann bends e nou pa ekspekte sa proze pour kout bokou e nou kapab konsider li anba sa code anba PSIP.

Kot MS Complex sa krwaze Revolution avek Quincy, wi i deza annan en plan actually ki nou’n travay lo la e nou pe al submit Planning semenn prosenn.  Nou ti annan bann issue way leave ankor la, parey zot konnen kot sa semen i vini i annan lespas pour enlarge e son trotwar i deza la an deor.

Akoz dan lepase letan sa devlopman ti ganny fer, Departman Transpor ti spesifikman demann pour setback sa devlopman pour ki nou kapab dan le fitir improve sa semen, enlarge sa seksyon semen. E hopefully wi nou kapab, si nou ganny sa bann way leave nou kapab enplimant sa proze lannen prosenn, son plan tou keksoz in fini pare.  Mersi.

 

MR SPEKER

Lo re sirfas semen. CEO.

 

CEO PARINDA HERATH

Wi sorry Mr Chair, wi lo kote resurfacing Beau Vallon, mon pa pour vreman kapab donn en timeline, akoz i tou depan lo kan PUC i fini zot travay, e malerezman zot pa ankor komanse.  E i sipoze sorti Bel Ombre pour vin la ziska kot pre kot Boat House i ete, me as soon as ki zot fini i lo nou priyorite parey mon’n dir – taler nou pour komans sa bout ki nou’n kite Bel Ombre pour nou desann pour nou zwenn avek kot nou’n rekomanse kot Boat House.  Mersi.

 

MR SPEAKER

Mersi CEO.  Petet zis dan menm laliny vizavi kot Mr Oliaji Mare Anglaise zot in re sirfas en bout la, i annan en trou dan milye semen ki’n fini formen, petet zot kapab regarde en.  Onorab Herminie.

 

HON WILBERT HERMINIE

Mersi Mr Chair.  Bonzour Minis, CEO avek Deputy.  Avan mon demann mon kestyon zis remersi zot pour sa bon latant travay ki i annan avek distrik La Rivière Anglaise an kontan kont lo zot sipor, mon annan zis en sizesyon lo kote sa Grant, vi ki mon pa vwar dan PSIP lo kote sa Grant, nou annan semen Castor Road ki i annan sa bann miray ki i annan reparasyon.  E tou dilon, mon pe zis remind zot pour zot met li anba la pour nou kapab fini sa proze pour nou kit lespwar bann zabitan Castor Road vivan.

Mon lot kestyon regarding Scheme, aktyelman mon vwar volim travay ki bann zofisye, sirtou bann zofisye proze e sa kantite travay ki zot travay wikenn, aswar, dan emergency mon krwar ki i ti kapab get dan zot welfer la at least en inducement allowance touzour ziska ler an 2020 zot fer en nouvo Scheme.

Epi mon ti annan en lot pwen regarding lekipman avek transpor eski zot annan tou zot bann fasilite pour zot kapab delivre lo zot fonksyon, zot louvraz toulezour?  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Lo kote Castor Road nou deza annan en code anba CAPEX PSIP ki apel disaster mitigation e i annan serten travay ki nou’n deza fer Castor Road e nou ekspekte kontinyen, nou pour idantifye bann landrwa ki pli kritik e nou pour kontinyen fer bann travay reparasyon laba.

Lo kote wages and inducement wi nou pour sey nou mye, me selman parey mon’n eksplike an 2016, tar 2016 nou’n reviz Scheme pour bann project officers.  E nou ekspekte refer en travay lo la avek bann lezot zofisye osi, nou pour fer sa travay an 2019 e nou pour diskit avek DPA avek Finans pour ganny enkli dan Bidze 2020.

Lo kote lekipman, transpor eksetera nou napa tou sa ki nou bezwen, nou annan serten defayans, me selman la nou annan finisyon lannen nou pe tender pour en lot transpor, nou’n bezwen retender, in tard en pe pour nou ganny en lot transpor ki pour ed bann zofisye pour al lo bann site pour monitor bann travay en pe pli byen.  Mersi.

 

MR SPEAKER

Mersi CEO.  Onorab Herminie.

 

HON WILBERT HERMINIE

Mersi Mr Chair.  CEO si ou ti kapab donn nou en pti lendikasyon kan sa bann proze ki anba Indian Grant pour komanse?  Zis en timeline please.  Thank you.

 

MR SPEAKER

Mersi Onorab.  CEO.

 

CEO PARINDA HERATH

Mon’n ganny enformen par Minister Finans ki i pour meet next year.  Mersi.

 

MR SPEAKER

Mersi CEO.  Onorab Adelaide.

 

HON FRANÇOIS ADELAIDE.

Mersi Mr Chair.  CEO mersi pour ou kourtwazi avek ou quick response osi lo nou kote, lo kote wayleave premye, pa ganny mwan mal, mon santi poudir sa wayleave par ler i ganny servi koman bokou leskiz akoz par egzanp mwan, mon vwar sirtou sa proze West Coast Development, i annan bokou bann dimoun ki mon vwar way leave ti en problenm, me solman ler mon’n ale mon’n apros zot, zot dir zanmen zot in deza ganny okouran.  So apre en lot pti keksoz lo kote way leave, eski zot annan bann bon negosyater ki al koz avek sa bann dimoun edik lo ki zot pour mete lo zot later, akoz i annan en problenm ki dimoun pa anvi met bin lo son bout later ki zot anvi, zot pa konnen, so eski zot annan bann bon negosyater?

Apre lo kote resurfacing of pour transpor, ou konnen poudir dan sid nou annan bann semen ki pa tro, tro bon petet Minis, eski petet ou pour ale pour anmenn kot ou Gouvernman pour ou negosye en pe petet lo sa sir sarz lo sa CC akoz nou deza pe depanse lo kote pyes e CC osi i for, so donn nou en pti kado lannen pour dir be ok nou ava pey en pe lo pyes transpor, me solman lo CC i ava soulaz nou en pti gin.

Apre lo PSIP nou annan road enlargement Val D’Andorre apre nou annan en road improvement dan Penpen, be solman sa enn i napa finans, eski i annan en lot sours finansman ki pe vin avek prosenn lo en Dan Penpen la.

Apre lo kote West Coast Development ankor en kou, nou’n aprann yer poudir PUC i main lakoz ki sa proze pe tarde, me selman parey i annan bann lenfrastriktir parey petet bus shelter i pe ganny bloke akoz PUC i pour tarde pour fer sa proze e West Coast pa pour devlop i pa pour bouze, e mwan mon annan bann sitwayen parey Ms Brice ki i annan problenm lasante i pa kapab debout lo en bus stop pour esper bis tou lazournen, so at least nou ti kapab fer en pe sa bann bus shelter ki petet i ava soulaz bann dimoun.

Dernyen pti pwen lo kote lalimyer lo semen, mon pe demande CEO petet dan ou store pa reste at least en 2 photovoltaique la bann lalimyer la, pour met a dispozisyon Val D’Andorre akoz nou bezwen 2 pti lalimyer.  Mersi.

 

MR SPEAKER

Mersi Onorab Adelaide. CEO.

 

CEO PARINDA HERATH

Mersi Mr Chair, mon a pran ou West Coast Development malerezman i Departman Transpor ki pe take up, mon krwar PS in koz en pe lo la yer.

E lo kote bus shelters petet difikilte ki nou pour gannyen pour enplimant bann proze bus shelters avan sa proze i vini, akoz dan bann plan ki mon’n vwar i annan serten diferans height kot i annan en kantite ranpli ki’n ganny ranpli par egzanp widening ki ganny fer e i pour en pe difisil pour enplimant en proze bus shelter avan sa proze vini akoz si letan ou fini fer bus shelter proze semen i vini pour, semen i pli o i pour vin en problenm, sa ki mwan mon kapab eksplik ou.  Me selman si i annan en posibilite kot sa West Coast Development pa vini si i annan bann lezot bus shelters ki priyoriter dan ou distrik, nou kapab konsidere.

Lo kote wayleave negosyater non, nou napa negosyater spesifik, nou bann project officers ki la ki bezwen ale ki eksplik proze, me selman nou toultan nou lyez avek Administrater Distrik pour ed nou.  E annefe zot, nou submit sa plan ek zot e zot ki ale kot bann dimoun pour zot secure way leave pour nou, nou, nou bann zofisye i ale pour eksplik teknikman ki proze ki kote ki nou pour encroach eksetera, alors nou napa negosyater e par ler ou konn byen nou rod led avek bann MNAs osi.

Lo kote resurfacing nou annan en progranm resurfacing dan sid laba ki nou pour komanse as soon as PUC i fini. Parey tou sa bann landrwa ki ou vwar ki PUC in pas bann tiyo avek bann kab menm si zot in met en layer beton, i pa ankor fini, zot pa ankor fini zot travay, zot pa ankor pas zot bann kab, zot pa ankor teste, zot pa ankor fer pressure test serten landrwa sa ki nou’n ganny dir, e i pa pour fer sans pour nou al resurface sa semen konmela. Akoz nou vwar i annan serten landrwa zot bezwen re kase, zot pe re kase pour fer bann manhole e osi pour zot pas tiyo, pas bann kab dan bann ducting ki zot in mete.

Alors nou pour bezwen definitivman esper ziska ler zot in fini sa travay konpletman pour letan nou fini nou travay pour nou i pour annan en sirfas ki uniform, i pour napa bann kas kase ladan.

Lo kote PSIP wi nou annan sa proze Val D’Andorre ki nou pour kontinyen avek son 2enm faz, i en proze ki ongoing, nou pour fini son premye faz komansman lannen prosenn e nou pour rekomans avek son 2enm faz. Malerezman proze dan Penpen i pa dan nou bidze pour 2019, si nou kapab fini avek bann travay survey, costing, eksetera, lannen prosenn petet nou kapab konsider li depan lo son kou petet kantmenm en premye faz pour 2020.  Mersi.

 

MR SPEAKER

Mersi CEO.  Onorab Adelaide.

 

HON FRANÇOIS ADELAIDE.

Wi CEO dan ou store 2 pti lalimyer photovoltaique, apre Minis petet donn nou en pti soulazman, en pti parol petet ou ava al sey anmenn sa zafer CC.  Mersi.

 

MR SPEAKER

Mersi Onorab, CEO.

 

CEO PARINDA HERATH

Mersi Mr Chair, ok lo kote street light nou annan nou detrwa distrik ki nou pa ankor fini enplimante sa lannen e Baie Lazare i enn, i reste nou 12 lalimyer pour nou mete Baie Lazare ki nou pa ankor mete, apre nou annan parey mon’n dir taler 8 lalimyer Anse Boileau, 2 lalimyer Glaçis, 2 lalimyer Les Mamelles, ki annefe kontrakter pe travay lo la ozordi, i dir nou i pe fini Les Mamelles ozordi, avek Mont Buxton i annan 3 pour nou enstale.  Malerezman nou napa bann photovoltaique ki reste dan store, nou pe travay avek bann normal bann LED lights.  Mersi, e ki mon kapab dir Mr Chair, se nou ekspekte fini tou sa bann outstanding ki mon’n nonmen la avan lannen i fini.  Mersi.

 

MR SPEAKER

Mersi CEO.  Bon Onorab Churchill Gill, non lalimyer in fini deal avek.  Minis.

 

MINISTER PAMELA CHARLETTE

Mersi Mr Speaker.  Mr Chair i pa ti dan plan pour nou al revise CC pour le moman, sa i bezwen ganny diskite akoz ler ou pe ganny, ou pe anmas larzan ek CC i al dan kof Gouvernman koman larzan pour re envestir. So sa i bezwen annan en diskisyon avek Finans avek tou bann Stakeholders.  Mersi.

 

MR SPEAKER

Mersi Minis, Onorab Churchill Gill.

 

HON CHURCHILL GILL

Mersi Mr Chair.  Bonzour Minis CEO, tou Manm CEO mon premye kestyon sa semen Grand Anse ziska Pasquère vi ki i detrwa kilomet, si ou kapab donn en pe leksplikasyon lo sa semen si i pour annan bann crash barrier, siding, pedestrian pour bann dimoun akoz i semen ki pour osi ganny servi par bann touris, so nou ti a kontan ganny en pe lesplikasyon ki i entail dan sa proze.

Apre 2enm, si dan sa proze osi i annan serten demars pe ganny fer ki bann kontrakter ki baze Praslin zot osi a ganny posibilite pour zot osi benefisye ek sa proze.

Apre i annan en pe letan depi ler ki deryer Biro Distrik pe ganny servi pour bann ‘’Learners’’, e nou ti’n ganny dir ki i annan en landrwa ki’n deza ganny designate pour sa, eski ou kapab zis donn nou en nide si dan pour 2019 zot pour al komans met lenfrastriktir pour sa bann ‘’Learners.’’

Apre ti annan en proze pour trotwar sorti dan krwaze Anse La Blague pour al Cote D’Or e sa i annan en pe letan, pre 2an pase, me selman mon pa’n trouve la, ou a zis les mwan konnen si i form par dan ou bann travay 2018 ki ou ti pour fer ki pour overlap dan 2019.

Apre dernyen nou annan en pe problenm avek sa semen Fond Azore in komanse, ti annan kontrakter pe travay lo la, in ariv lanmwatye semen apre nou’n aprann kontrakter in bezwen, in basically disparet, prezan zot pe rod lot kontrakter, ou kapab donn nou en nide ki pe arive avek sa?  Akoz i annan, yer nou’n fer konpran poudir i annan bann plot ki devret ganny allocate laba, me selman sa i ankor pe koz en problenm pour nou kapab allocate sa bann plot.  Mersi.

 

MR SPEAKER

Mersi Onorab, CEO.

 

CEO PARINDA HERATH

Mersi Mr Chair. Lo kote proze Pasquère parey zot konnen nou’n enkli li dan Bidze pour 2019, nou annan en sonm 5 milyon ki’n ganny aprouve, son kou an antye i plis ki R40 milyon avek VAT i ariv 46.5 si mon pa tronpe.  I enkli tou bann fasilite ki neseser, i pour en semen 2 lane pour trafik sirkil byen safely e i annan landrwa kot nou pe provide serten layby e osi kot i neseser pour annan son bann crash barriers, bann railing tou keksoz ki neseser, alors enn bann rezon ki lo kote longer i ariv 3.2 kilomet e osi son larzer nou pe ekspekte parey ou konnen en lane i 3 met savedir nou pe koz 6 met avek 2 lespas pour pyeton osi, alors 8 /9 met dan serten landrwa.

Sa proze pe ganny tender la actually e avek tou sa bann travay ki i annan, bann gro travay fer miray e bann gro lekipman ki nou pour bezwen servi lo sa proze normalman i bann Class 1 contractors ki ganny konsidere pour bann proze koumsa, me letan nou’n tender sa proze i annan serten konsern ki ou osi ou’n anmenn devan nou e avek diskisyon avek Minister Finans POU nou’n extend sa closing date pour sa tender, pour donn nou ase letan pour nou kapab diskite avek sa bann Lotorite avek POU e osi avek FTC, pour gete si i annan en fason pour nou kapab enkli bann lezot kontrakter, bann pti kontrakter Praslin, pour zot kapab partisip dan sa tender.

Me selman pour le moman Lalwa Procurement li menm dapre sa ki mon konpran i pa allowed pour nou kapab fer sa, nou kapab letan nou’n fek fer vizit avek bann kontrakter ki enterese, nou’n dir zot dan sa vizit poudir nou ankouraz zot pour servi tou bann servis ki available lo Praslin, par egzanp pickup, bann lezot lekipman ki zot bezwen, me selman pour nou met en keksoz dan tender li menm pour en Clause pour dir zot oblize pour le moman anba Lalwa Procurement ki mannyer mon’n ganny dir i pa posib, me selman nou’n extend sa letan pour nou re diskit avek POU avek FTC e nou pour pran en desizyon avan sa closing date.

Lo kote bann ‘’Learners’’ avek bann kot zot fer zot tes, i pa tonm kot SLTA, nou kapab diskit avek Road Transport Commission e si i annan serten led ki zot bezwen pour petet resurface en landrwa, met koltar pour gannyen pour sa bann ‘’Learners’’, nou kapab ed zot e sa mwan mon ava diskit avek Road Transport Commission.

Lo kote Cote D’Or sa proze ki ou’n nonmen, non malerezman i pa feature lo nou bann lalis, nou kapab diskit avek DA si i en proze ki pa pour afekte nou cash flow, nou kapab konsidere, nou ava gete ek DA letan nou vizite.

Lo kote Fond Azore wi sa proze in arete pour en pe letan e nou’n terminate Kontra sa premye kontrakter e nou pe al dan tender la annefe pour nou kapab retender sa proze e komans re travay lo la, petet komansman Zanvye lannen prosenn.  Mersi.

 

MR SPEAKER

Mersi CEO.  Bon nou pour aret la pour la bomaten, nou pour kontinyen avek kestyon apre midi, i reste ankor 10 Manm pour lo lalis.  Mon ti a rezis kontan enform bann Manm ki lo Komite HIV/AIDS, NSRHR ki i annan en meeting toudswit la midi dan Committee Room 2.  So nou ava pran en Break e nou ava retournen 1er.

 

(BREAK)

 

 

SEYCHELLES LAND TRANSPORT (SLTA) (CONT)

 

 

MR SPEAKER

Bonn apre midi tou Manm Onorab e bonn apre midi tou dimoun ki a lekout e pe kontinyen swiv nou travay. bonn apre midi Minis Charlette e CEO Herath, e Deputy CEO Hoareau e byensir PS Thesee avek Ms Tamatave.

Bon nou pour kontinyen nou travay kot nou’n kite bomaten. E nou’n fini avek Onorab Herminie bomaten, Onorab Regina Esparon.

 

HON REGINA ESPARON

Mersi Mr Chair.  Mr Chair mon ti a kontan port latansyon Minis lo paz 412 anba ‘’current challenges’’ bomaten mon’n tann li letan i ti pe reponn kestyon Onorab Ernesta zot in dir ki zot in ganny laranzman avek PUC lo size remet, re-aranz semen letan PUC i kase.  Mon ti a kontan demann li what about Cable & Wireless? Eski zot pe antre dan en lagreman avek Cable & Wireless? Parske Cable & Wireless i osi kas semen pou pas bann kab, ok.

Lo kote capital project mon konpran depi bomaten letan nou pe diskite i annan serten funds pou ganny donnen anba Indian fund, India Fund, me mon ti a kontan port latansyon Minis anba PSIP. I annan road enlargement North East Point sa mon krwar i pou ganny fer anba capital projects sa en proze ki nou ti’n diskite CEO nou ti’n al on site nou ti’n agree. Ou ava dir mwan ki zistans bann negosyasyon i ete? Me lo size enlargement semen La Gogue ki pran kot danm pou vin kot legliz Glacis mon pa pe war nanryen ladan.

Me parkont mon pe war access road La Gogue danm site, mon konnen si san menm sa ki nou pe koz lo la parski ler nou ti vizite ou ti fer mwan konpran ki i annan deza 2.4 milyon pou demar sa semen en i en proze ki pou kout par lao 12milyon, alor nou ti pou bezwen fer li par faz. Mon ti a kontan demann Minis kan ki pou konmanse e ki bann dernyen, dernyen prosedir ki pe ganny fer pour ki i konmanse tre byento?

Lo kote bus stop, nou annan sa bus stop ventral Glacis, nou ti ganny larzan depi 2017 pou fer me i pa’n fer pour rezon wayleave. CEO petet Minis i kapab klersi nou i annan en laranzman ki pe fer pou acquire en bout sa semen, sa later, parski kot sa bus stop i ete pour le moman letan nou’n fer vizit ou’n dir pour dir ti a ideal pour met li en pe pli ba. Be nou konnen pour dir sa pli ba i en later prive. Ki kalite laranzman ki pe ganny fer? En vizit ti ganny fer, how far ki keksoz i ete pour ki nou bouz sa bus stop en pe pli ba.

Lo size bus stop Carana i en outstanding issue.  Nou’n fer vizit avek msye Depite CEO Hoareau.  Me selman nou ti’n fer en pa devan, nou’n fer de pa ann aryer. Parski sa laranzman ki nou ti gannyen avek Carana Beach zot pa’n aksepte sa ki fer ki nou pour bezwen bouz lo sa lot plan pour nou fer sa bus stop dan sa kontour anler. Eski i annan larzan dan sa Bidze pour nou kapab ganny sa?

Lo kote lalimyer nou annan proze lalimyer nou pe gannyen enn de lalimyer, me i annan en lalimyer anler Vista Do Mar kot stasyon PUC, CEO in gannyen mete la i annan plis ki 4 mwan. Be mwan pa konnen si nou pe esper nwel pour li alimen, i pa ankor alimen li. Ti a bon ou regarde akoz i pa pe alimen. Si i annan lezot ki pour vin avek pour fer li alimen, mon pa konnen, ti a bon nou verifye akoz sa lalimyer pa pe alimen.

Ok, Mr Speaker, mersi.

 

MR SPEAKER

Mersi Onorab Esparon. CEO.

 

MINISTER PAMELA CHARLETTE

Mr Chair, mwan a pran premye kestyon regarding Cable & Wireless. I deza annan laranzman avek Cable & Wireless, me selman zot, zot bann kase ki zot kase mon CEO pe dir mwan i pa signifikan so sa amount, konmsi i annan en pti laranzman ki zot fer avek SLTA, be selman son kase oubyen son larzan ki peye i pa signifikan parey ki PUC i fer. Mersi.

 

MR SPEAKER

Mersi Minis.  CEO.

 

CEO PARINDA HERATH

Mersi Mr Chair.  Premyerman sa de proze ki Onorab in mansyonnen i annan sa road enlargement North East Point ki dan Bidze PSIP e li nou’n fini tender. Nou kapab komanse anytime, me selman i annan en wayleave pour nou sort out. Sa avek zot sipor si nou ganny sa wayleave, nou kapab komanse menm la Desanm menm.

Lo kote sa lot proze, La Gogue li menm li sa La Gogue dump site ki son non in sanze me selman i annan son larzan i la. E li nou’n fini avek son bann desen, design in fini, nou pe al submit avek Planning Authority, li osi prenan kont ki i pour bezwen en bon pe wayleave akoz i pas en kantite nou pour bezwen encroach dan bann later prive.

E letan nou pe, nou pour submit Planning Authority sa mwan ki la e nou deza submit sa plan avek Lotorite Distrik. Annefe pour zot komans fer bann negosyasyon avek bann zabitan en pe letan pase. Nou ekspekte hopefully si sa bann wayleave i vini nou kapab li osi komans sa proze at least milye lannen, lannen prosenn. Lo kote bus stop wi nou annan Bidze 2019 e nou’n fini submit Planning sa enn e nou pe esper Planning approval pour nou kapab komanse. Sa enn sant Glacis byensir nou pour bezwen esper ganny aprouvasyon si i annan en laranzman ki pe ganny fer pour ganny sa en bout later e nou ekspekte i pour ase pour nou fer en bus layby avek en shelter parey nou ti’n deza vizite, nou’n diskite.

I annan avek lotel wi parey ou’n dir mwan osi mon’n ganny sa let semenn pase ki zot pe propoz en lot landrwa, prezan vi ki nou ti’n fini design nou bezwen re ale gete, refer en lot design pour sa nouvo landrwa ki zot pe propoze, si nou war li i fezab. Sa lalimyer Vista Do Ma mwan ava fer tyeke osi to posib pour gete kwa ki pe fer li pa alimen.  Mersi.

 

MR SPEAKER

Mersi CEO. Onorab Esparon.

 

HON REGINA ESPARON

Mersi Mr Chair.  Mr Chair mwan ti a kontan demann Minis, demann CEO si lo kote oversight pour bann proze anba zot Departman, zot satisfe avek oversight ki ganny fer. E zot satisfe avek rannman bann proze. Letan bann proze i fini zot satisfe avek quality of proze ki zot gannyen, ki nou pa war nou avek bann semen bwat bef, bann semen tord, bann railing ki pa’n byen fini.

Eski zot satisfe avek oversight ki pe ganny fer dan zot departman?  Epi CEO mwan ti ava kontan demann ou sa bus stop kot nou pe dir Carana la eski nou pe fer li koman en private partnership avek Carana oubyen i en bus stop ki pour ganny fer totalman anba Bidze Gouvernman. Akoz nou ti ganny fer konpran ki Carana beach anvi zot annan en lotel la. Mon rapel Mr Andre ti vin dan Lasanble ti dir pour dir zot pour fer negosyasyon avek Carana Beach pour gete si zot pa kapab zot osi help out avek sa parski zot touris i servi sa zot staff i servi sa. Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair. Lo kote sa bus shelter ek Carana nou annan Bidze pour nou konstri en bus shelter laba. Me selman si i annan posibilite pour nou fer en PPP nou lo nou kote nou ok ek sa akoz nou kapab servi sa larzan pour konstri en lot bus shelter.

E mwan krwar nou ava koz ek zot ansanm, nou a gete si i annan posibilite pour lotel kontribye serten poursantaz pour nou enplimant sa proze. Lo kote bann proze Kapital sirtou si nou satisfe?  Non nou pa 100 poursan satisfe, Enn nou bann zofisye zot annan en kantite proze pour zot fer. E i annan ki pe travay ki nou bezwen supervise bann proze ki ongoing, zot osi zot bezwen prepar bann proze pour sa lannen, zot bezwen prepar bann proze pour lannen prosenn.

Alors i en pe difisil zot travay i en pe dir, i annan bann zofisye ki travay apre ler dan weekend eksetera. Me nou ti pou kontan si nou ti kapab fer en pe plis monitoring reste lo site en pe plis letan, me selman most of the time nou bezwen ale get 3, 4 proze dan en zour. Nou get 15 minit, 20 minit lo en site, nou donn lenstriksyon nou gete apre nou bezwen bouze al lo lot site.

Alors non nou pa satisfe e osi nou annan en shortage of staff osi, ki dan nou striktir i annan me selman letan nou advertise nou pa pe gannyen. Nou annan bann vacant post ki nou anvi fill, lannen prosen hopefully nou pou re-advertise pour gete si i annan bann zofisye ki nou kapab pran.

Lo kote quality of work osi, nou pa 100 poursan satisfe. I annan kontrakter ki delivre byen lo sa standar ki nou, nou anvi me i annan lezot osi ki son quality pa li ki nou, nou anvi. I annan lenstans kot nou bezwen fer zot kase refer be finalman finishing i en problenm ki nou pe war avek serten kontrakter. Me nou pe sey improve sa avek plis monitoring parey nou’n dir me selman i pa toultan fasil. Mersi.

 

MR SPEAKER

Mersi CEO. Onorab Noline Sophola.

 

HON NOLINE SOPHOLA

Mersi Mr Speaker.  Mr Speaker mon kestyon i pou CEO. CEO mon remarke ki travay proze lo semen La Digue i dousman e i annan la ki konstriksyon ki preski 1an. I annan semen ki’n ganny tender me travay i ankor, pa ankor konmanse. CEO, ki mannyer eski dan sa Bidze sa bann retar pou ganny adrese?

E mon 2enm kestyon, mon apresye ki i annan reprezantan SLTA sorti Praslin ki pe travay avek La Digue mono u le fer resorti ki DA ek mwan menm nou an tre bon lantant avek sa bann reprezantan. Me dan lespri pou amelyor travay ki annan prezans zofisye SLTA pli souvan lo La Digue pou ede redwir bann kontrent ki nou pe rankontre, mon pe demande si ou departman in fer provizyon pour ogmant nonm travay lo Praslin? Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Lo kote proze kapital ki pe ongoing lo La Digue nou annan sa proze semen Vanilla.  Ki wi, nou pe ganny en bon pe retar avek sa proze e kontrakter pe dir nou i pe ganny difikilte pou li ganny materyo eksetera.  Me desizyon final ki nou’n pran la se, nou pou donn li en dele letan petet ziska finisyon lannen la e si i pa fini nou proze oubyen pa war en gran improvement dan son travay, nou pou bezwen terminate son kontra.

E osi i pou annan liquidated damages ki i pou bezwen peye pou bann retar ki’n arive.  Prenan kont ki nou pou bezwen re-tender sa proze apre pou nou ganny en lot kontrakter.  E la prezan mon a vin lo sa lot bout kestyon ki ou’n demande i annan proze ki’n tender ki pa ankor konmanse.  En bann pli gro problenm ki nou pe gannyen Praslin avek La Digue se letan nou tender proze nou pa war partisipasyon kontrakter.

Parey sa enn ki ou pe mansyonnen i annan 3 kontrakter ki’n aste tender apre letan pou submit napa personn, i annan proze ki nou’n tender 3 fwa. Either enn i submit e procurement i dir nou nou bezwen retender, oubyen parey mon’n dir personn pa retourn ek tender. E par ler nou war nou avek bann open tender kot menm kontrakter detrwa zot ki partisipe apre nou war detrwa zot, zot ganny tou sa bann proze ki i annan la kot zot retar i vini akoz zot pa kapab delivre akoz zot annan tro bokou proze.

Nou annan en diskisyon nou pe fer avek Procurement Oversight Unit, kot zot pe fer en travay zot osi e zot in dir nou konmansman lannen prosen pour annan serten Polisi ki pou ganny mete.  Pour ki si i annan bann proze ki bann kontrakter pe fer ki ongoing zot pa pou kapab tender pour bann lezot proze, bann nouvo proze ki vini. Mon krwar sa i en bon linisyativ e hopefully sa pou improve en pe pace speed sa bann proze ki ganny enplimante lo Praslin avek La Digue.

Lo kote zofisye lo La Digue nou napa en zofisye permanent lo La Digue.  Nou bann zofisye i vizite 2fwa par semenn e i depann lo kantite proze ki nou pe fer si nou war i annan en nesesite pour increase en pe sa frequency ki zot al La Digue definitivman nu pour fer li. Lannen prosenn nou annan serten proze ki nou pour fer La Digue e definitivman nou bann zofisye pour bezwen monte pour monitor en pe pli byen bann proze. Alors wi nou pour konsider sa. Mersi.

 

MR SPEAKER

Mersi CEO.  Onorab Sophola.

 

HON NOLINE SOPHOLA

Mersi Mr Chair. CEO dan lespri ki nou pe dir napa kontrakter ki pe vini lo La Digue ki zot pe anvizaze fer? Eski nou pour… parski mwan konnen a en moman donnen nou ti dir annou rezerv bann travay pour bann Digwa, bann kontrakter Digwa. Me la prezan ki pe napa ki nou pe anvizaze fer? Akoz nou pa pou kapab retard nou progre nou.

E apre lo sa demann en travayer an plis.  Nide par deryer se ki i pa selman si i annan proze. Parfwa i annan bann problenm lo semen, i annan bann trou, bann pye dibwa eksetera ki nou war bann dimoun pe raport avek nou.

Si nou ti annan travayer pli souvan, pa enn permanan me pli souvan zot vizit, petet i ti pour ed nou ladan.  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair. Lo kote ki nou pour fer vi ki napa kontrakter lo La Digue, mazorite sa bann tender i ganny tender openly, open tender.  Savedir dan Lalwa nou pa kapab dir si i annan en proze La Digue zis kontrakter La Digue ki kapab partisipe. I en open tender, nenport kontrakter i kapab partisipe.

Petet nou bezwen rod en fason pour ankouraz bann kontrakter ki Mahe, oubyen Praslin, Praslin osi nou annan sa problenm. Savedir nou bezwen ankouraz bann kontrakter Mahe pour partisip en pe plis lo bann proze ki nou tender Praslin avek La Digue. Sa i sel fason ki mwan pe war li.

Lo kote zofisye pour bann lenspeksyon parey ou dir pour bann problenm ki arive lo semen, nou travay byen avek Road Transport Commission e zot, zot annan en zofisye laba e nou ekspekte hopefully, i kapab fer sa travay lenspeksyon pour nou e si i annan okenn konsern lo kote semen i fasil pour li ganny kontak avek nou, avek en email, oubyen en telefonn, nou kapab adres sa bann issues.  Mersi.

 

MR SPEAKER

Mersi CEO.  Onorab Woodcock.

 

HON WAVEL WOODCOCK

Mersi Mr Speaker.  Bonn apre midi Minis, CEO. Minis mon kestyon i konm swivan. Dan son speech Bidze Minis Finans ti anonse ki i annan en sonm R68.2milyonpour bann diferan proze lenfrastriktir semen. In osi anonse, en pti pe dan laliny ki Onorab Gill in demande ki pour annan en sonm 46.5 milyon pour en nouvo semen, sa semen laplenn Olandez Grand Anse ki pour al Pasquère.

E dan Bidze pour 2019 i annan 5 milyon ki’n ganny Bidzete anba SLTA pour komans sa proze. Mon bezwen dir ki mwan 100poursan an faver sa semen ki pour benefisye zabitan Praslin.

Me mwan kestyon i konsern lo sa kou, sa 46. 5 milyon roupi ki mwan mon krwar i en pti pe, i vreman eleve par le fe ki an 2011 pour fer en kilomet semen pour met tarmac, koltar lo en kilomet semen i kout anviron R1milyon roupi.

E alor mon kestyon i eski Minis i kapab donn sa Lasanble detay lo ki mannyer zot in ariv, ki mannyer zot in tonm lo sa sonm, lo sa sif R46.5milyon pour sa proze. E mwan bezwen demande konbyen i pe koute par a square metre. Konmsi ki mannyer zot in tonm lo sa sonm pour selman 3.2kilomet semen?

Mon 2enm kestyon ankor regardan sa proze.  Sa proze tin ganny met tender.  Mon konnen ou’n donn en pti pe lenformasyon la.  Me selman i annan i still annan en konsern deor.

Sa proze ti ganny met tender, ti ganny advertise dan nasyon semenn pase pour bann kontrakter ki annan license Class No. 1 selman. Me bann lezot kontrakter parey bann kontrakter ki annan license, ki annan Class 2, e menm lakominote biznes Praslin i santi ki zot in ganny kit ater ki zot pa pour benefisye avek sa proze semen.  Akoz zis bann gro kontrakter parey, Laxman, Allied Builders ki kapab benefisye.

E zot senserman konsernen ki zot pa pour benefisye avek bann pti kontra. E alor mon bezwen demande akoz, akoz SLTA pe overlook e i pa pe konsider bann lezot kontrakter, bann lezot biznes pour ki ou kapab dir ki sa, parey la mon pe mazin bann drayver konmiyon, bann lezot kontrakter avek class en pti pe pli ba. Konmsi an giz pour fer sir ki lezot dimoun, bann lezot biznes i kapab osi benefisye avek sa proze semen Pasquère.

 

MR SPEAKER

Mersi Onorab Woodcock.  CEO.

 

CEO PARINDA HERATH

Mersi Mr Chair. Lo kote sa proze Pasquère, mon krwar mon’n eksplik en pti pe lo la bomaten.  I en gro proze ki annan en kantite louvraz, eskavasyon pour fer, i annan bann gro miray pour fer, i annan drenaz pour fer, i annan pon pour fer.  E normalman bann proze sa groser i ganny tender avek kontrakter Class 1.

I pa pour posib pour nou kas sa proze an bann pti bout nou dir ok, bann pickup hirers i fer sa pti bout anmenn materyo whatever apre i annan bann lezot pti kontrakter Class 2, oubyen Class 3 i fer en pti bout lot i fer en lot bout laba.

Nou bezwen enplimant en proze dan son totalite.  Lo kote son kou sa ki nou’n donnen i en cost estimate ki’n ganny fer avek bann rates ki nou, nou servi e nou annan detay, en detail cost ki nou’n fer, ki i si i neseser nou kapab donn Lasanble Nasyonal.  Me selman i en proze ki pa ankor tender. Letan en proze in fini tender ki nou pour konnen son kou egzakt.

E osi son contract amount pour ganny deside letan en proze in fini tender.

Sa kou ki nou’n donnen i kapab vin plis, i kapab vin menm plis ki 46.5milyon ki nou’n dir, oubyen i kapab vin mwens.  Si i annan bann parey mon ti eksplike bomaten. Nou annan en delay ki nou’n mete lo sa opening date sa tender. Rezon pour sa se zisteman meet avek Lotorite Distrik avek bann MNAs ansanm avek POU e osi avek FTC pour gete si i annan okenn Clause ki nou kapab mete dan sa tender pour sort of fer okenn kontrakter ki ganny sa proze, servi bann servis ki deza available lo Praslin.

Pour le moman sa ki mon’n ganny dir i sa i pa posib, dapre Lalwa Procurement. Me selman nou pour refer sa diskisyon avek sa bann lotorite ansanm avek zot.  Lo kou, mwan napa en kou per sqm akoz i difisil pour met lo per sqm akoz i annan kantite lezot louvraz parey bann konstriksyon miray, drenaz eksetera.  Alor si zot oule mon kapab forward sa cost estimate sa BOQ ki nou’n fer.  E, me selman fodre mazinen i en dokiman ki konfidansyel pour le moman ziska ler sa tender i ganny fer ofisyelman.  Mersi.

 

MR SPEAKER

Mersi CEO.  Onorab Woodcock.

 

HON WAVEL WOODCOCK

Wi mon ti a kontan si i kapab forward sa dokiman.  Menm si kekfwa sa dokiman i konfidansyel, menm kekfwa avek Komite pour FPAC i ava ganny en oversight lo sa proze.

Mon lot kestyon i plito en dezapwentman ki mon bezwen eksprimen. Ankor dan Bidze dan sa R68. 2milyon pour bann lenfrastriktir semen i annan en konsern, Mr Speaker, i annan en sa semen Consolation ki dan en leta vreman, vreman deplorab ki pour plizyer lannen sa konsern in ganny met devan. Mon war sa proze in ganny enkli dan PSIP.  Me selman napa okenn Bidze pour refer semen Consolation  ki i vreman dan en leta deplorab e danzere pour bann motoris alor akoz ki sa semen ki ti’n ganny promet pour aranze pa’n ganny enkli dan proze, dan Bidze sa lannen.

E mon bezwen osi demande an regardan sa proze semen i osi ase gran akote lekol Praslin Segonder. Nou ti’n ganny dir ki in ganny met tender me ziska prezan nanryen pa ankor ganny fer.  En lot gro proze ki ti ganny antreprann sa lannen se proze rock armoring Corbigeau. Sa proze in komanse li me selman si ou pour get sa standar sa proze e ou pour war pour dir sa proze pa neseserman konplete, i annan en gran gap, en gran gap, en gran trou lespas ladan e alor mwan ti a kontan konnen ki pe arive avek sa proze.  E si zot pe monitor sa proze pour fer sir ki sa proze i en proze ki ganny fer dan la fason ki i merit ganny fer.  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair. lo semen Consolation  . Mon krwar letan nou ti meet milye lannen avek Minis nou ti eksplik en pe nou progranm travay pour sa lannen avek lannen prosenn lo kote koltar. Mon krwar ou pe koz lo resurfacing sa semen Consolation non? Resurfacing i pa pour feature dan PSIP. I feature dan nou programme, i vin programme 2, sub-programme  2 asphalting work.

E i deza lo nou lalis.  E annefe la, an se moman nou pe fer bann travay parey nou ti dir Baie Ste Anne. Nou pe fer lo main road Baie Ste Anne. Letan nou fini nou pour ariv kot junction jetty e la prezan nou pour komans pran semen konsolasyon. Nou pour komans Baie Ste Anne pour nou ariv Grand Anse. E nou ekspekte lannen prosenn nou pour kapab konplet bann seksyon ki pli pa bon. Mersi.

Anse Corbigeau nou pour fer nou bann teknisyen pase gete si i annan okenn issue avek ki mannyer proze pe ganny fer si i pa dapre bann plan ki nou, nou’n donn avek kontrakter pour enplimante. Mersi.

 

HON WAVEL WOODCOCK

O-bor lekol Praslin segonder sa semen segonder ki al ziska larivyer Kakao anler?

 

MR SPEAKER

CEO.

 

CEO PARINDA HERATH

Mersi Mr Chair.  Mon pa war li lo nou lalis me selman mwan ava fer bann teknisyen ganny kontak avek DA pour gete kwa ki egzakteman, kwa ki annan pour fer. Eski i en proze resurfacing?

 

HON WAVEL WOODCOCK

I pa en proze resurfacing me pour met koltar lo sa semen antye.  Ti ganny diskite annefe nou ti zwenn Komite COGA ti la pour vizit ki nou ti fer ansanm avek Msr Volcere ki responsab pour SLTA Praslin. Nou ti’n ganny dir pour dir sa proze in ganny met lo tender e ziska prezan nanryen pa’n ganny fer. En langazman ki zot ti donnen sa en.

E mon annan bann kominikasyon atraver email avek ou lofis.

 

MR SPEAKER

CEO.

 

CEO PARINDA HERATH

Mersi Mr Chair.  Vi ki i en proze resurfacing, savedir koltar. Travay koltar i pa pour feature dan PSIP i anba nou bann proze asphalting work.  Sa in fini ganny tender li. In fini ganny tender savedir tre byento nou ekspekte komanse.  Mersi.

 

MR SPEAKER

Mersi CEO.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonn apre midi. Bonn apre midi Minis e ou delegasyon. Bonn apre midi tou Manm Onorab e tou Manm ki pe ekout nou.

Mr Chair mwan ti a kontan demann CEO dan sa Bidze eski petet en kestyon zeneral eski zot krwar zot pe strike en balans ant tou le de group dimoun ki servi semen? 1 – bann motoris, e 2 – bann pyeton osi.  Akoz mon krwar par fwa nou fokaliz en kantite lo bann motoris.  So si nou pran bout bann motoris par egzanp. En bann konsern ki’n souleve se par egzanp anba ou bann ou ‘’minor capital outlays.’’ Mon pa war par egzanp sa paver ki zot pe servi.

Si zot annan lentansyon fer vini enn ki pli gro, ki pli lo standar. Akoz sa enn currently ki zot pe servi. Dapre diskisyon ki mwan mon’n gannyen avek bann dimoun ki’n deza travay avek SLTA i pa neseserman alaoter.  Ozordi pour sa travay ki zot annan pour fer. Sa kantite travay ki zot annan pour fer.  Sa i enn.

Dezyenmman ou’n ganny ou en Bidze ase sibstansyel. Mwan konnen ou pe fer en kantite travay. Me selman i enportan ki nou toultan repoz sa kestyon. Mon konnen i vin en presyon lo zot me that’s, sa i nou rol koman Manm Lasanble. I annan konsern ki i annan bann bout semen ki plito parey bann laroul si oule. Ki ler bann motoris pe drive lo la i, ou a dir zot pe navige.

So esansyelman ki zot plan an zeneral pour annan en resurfacing lo bann semen kot petet zot pe komans li par rezyon pour zot anmenn li an zeneral dan lo bann main roads an primordyalman pour ki sa resurfacing pa zis ganny fer lo en nivo kot nou pe met koltar e koltar i kontinyen ogmante in terms of layers.  Me ki i en travay en pe pli sibstansyel ki ganny fer pour fer ki semen pa si oule pa de-balanse e afekte bann transpor akoz i vin en nou adisyonnel lo bann motoris ler zot bann spares ki sipoze go through en serten wear and tear ki annan serten lifespan, son lifespan i greatly reduce par kondisyon semen ki zot pe servi.  Sa i mon premye kestyon.

E mon dezyenm pwen kot i konsern bann motoris se ki konsern bann semen segonder. I annan en konfizyon par fwa ki egziste lo travay par egzanp ki parfwa local Government pe fer lo bann remedial works ki zot fer lo bann semen segonder; bann drainage par egzanp e apre bann travay ki SLTA pe fer.

Eski zot pe regard dan en fason konpreansiv pour regard bann semen segonder ki nepli vreman bann semen segonder par le fe ki lakantite dimoun ki pe reste dan sa bann rezyon konmela in ogmante? Ki fer ki sa bann semen segonder, purpose ki zot ti ganny konstri orizinalman in nepli fit for purpose.

E ki nou bezwen revwar ouswa resurface zot konpletman. Swa fer bann alignment avek zot ki neseser ganny fer.

Sa i konsern bann motoris.  Me lo kote prezan bann pyeton.  Eski sa Bidze pe fer provizyon ki nou increase road safety pour bann dimoun ki napa en transpor ki pe servi semen, dan sirkonstans kot par egzanp nou vwar delo i akimile lo bor semen, dimoun pe marse letan lapli en transpor i pase i mouy sa dimoun pour fer sir ki i annan bann pavement.

So ki mannyer zot in stratezikman balans zot koman SLTA pour zot annan en balans ant le de motoris e bann dimoun ki servi semen apard ki bann motoris?  Mersi Mr Chair.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Lo kote lekipman paver.  Dan nou minor capital nou annan nou, nou annan nou 4 milyon, 4.6 milyon pour aste bann lekipman e ladan nou ekspekte aste 2 paver.  E sa i pour ed nou e i pour increase en pe nou prodiksyon, prodiktivite osi akoz tanzantan nou ganny bann delay avek bann lekipman ki nou annan ki kase e nou pa kapab fer en bon travay.

E finisyon osi mon krwar avek 2 nouvo paver i pour improve.  Parey i annan sa bann paver ki nou pe servi par ler i pa pe mars parey i sipoze menm si ou met son nivo i pa vini.  E nou war nou pe bezwen refer travay kot nou’n deza fer.

Lo kote sa bann semen ki pa nivo i annan en teknik ki nou servi konmela.  Par devan, nou annan en tim ki pase e zot manually zot nivle sa bann landrwa ki pa nivo. E par ler i annan manm piblik ki konplent zot pa pe konpran ki nou pe fer zot war i annan bann patch partou, partou e sa i en travay preliminer ki nou fer avan nou vin avek paver pour nou kapab met en sirfas ki nivo.

Nou’n fer sa semen Beau Vallon.  Nou’n ganny en bon pe konplet ziska ler nou’n al avek paver met son paver pour re-sirfas li. Nou’n fer sa Cascade e tre byento nou pour kontinyen avek son resurfacing avek paver.

E me selman Cascade zis pour nonmen, i annan detrwa crossing ki PUC i dir zot i bezwen fer, alors nou pe esper zot pour zot fini avan nou proceed.  E i annan sa bann patching ki nou’n fer devan. Savedir sa bann patching i la pour nivle sa bann depresyon ki annan.

Apard sa nou osi annan bann zofisye ki pase ki get bann semen e i annan serten landrwa kot i annan serten bann gro depresyon, savedir son baz sa semen li menm in ganny andomaze. E pour sa bann landrwa spesifik nou bezwen fer en travay en pe pli entans, kot nou bezwen koupe kas sa sirfas sa semen. E gete ki son problenm avek son baz e aranz depi son baz. E sa i pran bokou plis resours e plis letan.

Lo kote secondary roads wi, i annan serten semen ki Departman Local Governments i fer e osi mazorite selman i anba nou responsabilite.  E nou annan en lalis ki nou demann avek bann lotorite distrik tou-le-z-an pour enkli zot bann semen avek lezot travay osi ki zot ganny SLTA take up  sa lannen ki pe vini e nou ekspekte bann DA’s i anvoy nou lalis zot bann semen ki pa dan en bon kondisyon.

Annefe nou osi annan nou bann inspectors ki al gete me selman nou oule konn priyorite bann distrik osi. E letan nou ganny sa lalis nou, nou met li dapre priyorite Nasyonal si oule.  E nou enplimant li letan nou bann resours i allow nou.

E avek sa tender parey nou, mon’n mansyonnen taler kot sekter prive pour partisip dan met koltar dan sa bann semen, nou ekspekte ki nou kapab travay en pe plis dan distrik, ki nou pa bezwen travay dan en landrwa apre bouz dan lot.  Nou annan 3, 4 tim ki pour travay dan diferan distrik.  Alors nou ekspekte war en improvement lo sa kote.  Sa i bann proze pour motoris parey ou’n nonmen.

Lo kote road safety nou lyez avek lofis Road Transport Commissioner li plizyer bann proze ki zot annan pour fer; par egzanp, mon’n tann koz lo speed bump yer.  Sa i en keksoz ki letan bann request i vini sorti kot bann distrik i ganny, request i al kot Road Transport Commissioner – Road Transport Commissioner i evalye sa request, i anmenn sa Road Safety Advisory Committee e si i ganny aprouve i ganny pase avek nou pour nou enplimante e i annan plizyer ki’n vini la. dan plizyer distrik mon krwar i annan bann Onorab menm avek DA’s ki demann sa bann request. E nou pe al travay lo sa bann proze.

Lo kote footpath nou annan detrwa proze anba PSIP CAPEX ki nou’n ganny larzan pour nou enplimante lannen prosenn e sa i pour definitivman improve bann proze safety pyeton e sa bann proze i ganny fer spesifikman pour pyeton.  Nou annan en proze trotwar par egzanp nou pe fer Bel Air ki mon’n tann mansyonnen li osi ki pe ganny en pe retar.

Retar ki i pe gannyen i mon kapab dir ase zistifye akoz nou pe fer sa proze konzwentman avek PUC kot nou pe fer sa trotwar i ganny, i annan en tiyo avek kab ki zot pe mete.  E alors menm kontrakter ki pe fer sa e zot pe sa proze ansanm alors letan i pe ganny enplimante i pa pour, nou pa pour war en speed, si i ti pe fer zis sa footpath me i annan sa lezot travay ki pe ganny fer ansanm avek sa footpath.

Lo kote road safety ankor nou annan bann siny, traffic mirrors, road markings eksetera ki nou liaise avek Departman, avek lofis Road Transport Commissioner pour gete ki bann landrwa ki pli priyorite e sa i bann travay kontinyel ki nou fer tou-le-z-an.

 

MR SPEAKER

Mersi CEO.  Onorab Pillay.

 

HON SEBASTIEN PILLAY

Mersi Mr Chair.  Mr Chair so baze lo serten larepons kot i konsern road safety par egzanp i annan sa pedestrian bridge Roche Caiman. Mon pa krwar ou’n met ase lanfaz lo la. So mon ti oule klarifye en timeframe in regards to pedestrian bridge Roche Caiman akoz sityasyon mannyer trafik pe flow dan sa area.  Apre i annan an se ki konsern sa tender la.

Mon ti oule konfirmen ki sa tender i annan en open tender ki tou bann dimoun dan private sector i ganny sans partisip ladan.  Mon ti a oule ki Minister Finans, Mr Chair i klarifye akoz i annan sa size ki’n monte in regards to Procurement Act i allow bann kontrakter ki reste lo bann zil pour partisipe.  So eski sa pa en keksoz ki Gouvernman i kapab konsidere anmenn en lamannman dan sa Lalwa.  Nou ava amann sa Lalwa e sa bann dimoun a kapab partisipe. I ava kree lanplwa lo sa bann zil.  I ava allow sa bann kontrakter pour partisipe san ki prezan akoz ou pa pour gannyen kontrakter Mahe pour bann pri ki ou pe mete ki pour mazin son fre deplasman eksetera. E si ou al dir li servi en kontrakter lo zil i pour zis pran en pickup, i met dan bato, i mont avek.

So mon krwar nou bezwen vin en pti pli proaktiv dan la fason ki nou think around sa size, so petet Minister Finans i kapab klarifye sa pour nou.

 

MR SPEAKER

Mersi Mr Chair. CEO.

 

CEO PARINDA HERATH

Mersi Mr Chair. Lo kote overhead crossing nou annan 4 lokasyon ki nou pe al travay lo la sa lannen ki pe vini.

Nou pour fer li sort of en PPP kot nou pour demann kontrakter prive ankor pour pa partisip avek design, design sa bann crossing.  Nou annan kot Providence, kot crossing i ete – roundabout Providence. Nou annan kot Eden Island. Nou annan Roche Caiman o-bor roundabout. E osi English River o-bor lekol. Sa i bann landrwa kot nou’n idantifye koman bann pwen priyorite pour le moman. Byensir nou pa pour kapab enplimant tousala lannen prosenn.  Nou napa ase Bidze pour sa.  Me selman nou plan se at least pour nou kapab enplimant enn dan sa 4 proze. Lo kote sa tender wi i ti en open tender ki tou dimoun ti kapab, ki annan, ki meet sa criteria i kapab partisipe. Mersi.

 

MR SPEAKER

Mersi CEO.  PS Thesee.

 

PS DAMIEN THESEE

Eskize Mr Chair.  Mersi. Napa nanryen dan Lalwa Procurement ki restrikte alokasyon swa en supplier swa sa kontrakter baze lo zil. E i open.

E si nou get La Digue nou war baze lo bann proze avan ki nou napa kontrakter ki vin devan deza.  So si nou oule pe limit sa lo zis kontrakter La Digue i pour poz en problenm. So si par egzanp ou annan en proze ki ou’n tender, en kontrakter La Digue i tender out, li i pour napa mobilization cost.

Natirelman son proze ki i pour met devan, son kou pour pli ba e i pour kapab gannyen. Me selman nou problenm mazer ki nou’n war se ki nou napa ase kontrakter lo sa bann zil alor i limit sa bann, i limit ou posibilite pour ou limit kot zot.

Par egzanp ki in sey fer MaheMahe dan bann distrik i annan bann lorganizasyon, bann Minister sirtou kit ant pour travay ek sa bann kontrakter dan zot distrik akoz ankor la i fasil sa bann kontrakter dan sa distrik i pli fasil pour kontakte zot.  Me selman nou bezwen careful ler nou restrikte ki i annan sa supplies.  Si napa sa supply la nou pour dan difikilte. Mersi.

 

MR SPEAKER

Mersi PS Thesee.  Onorab Afif.

 

HON AHMED AFFIF

Mersi Mr Chair.  Mr Chair de pti kestyon spesifikman lo Anse Etoile, enn lo semen, enn lo street light.

Si CEO i kapab dir nou si dan sa Bidze mon pa’n vwar en laliny spesifik pour li. Me si i posib pour zot met en pe larzan pour reget en pe sa sirfas ki sorti kot legliz Anse Etoile e i al ziska kot Old People’s Home ki in kase resaman.  Mon krwar pour zot pas bann tiyo mon krwar elektrik ouswa sewage.  E in met beton lo la.  E i pa normal pour trafik a long term e si zot annan okenn larzan zot kapab mete lannen prosenn pour fini sa.

Apre i annan osi sa semen ki sort zis avan Old People’s Home pour mont anler La Gogue, non pour mont anler La Retraite pour al North East Pointe kot ou komans monte i tre apik. I annan plizyer kanmiyon ki’n fer aksidan la zot in roul ann aryer zot in tonbe. I en danze ler i annan lapli.  E mon krwar pour evite ki demen ou ganny en dimoun i perdi son lavi dan sa landrwa, mon krwar zot devret en priyorite si i posib kas sa latet en pe e fer li en semen ki dimoun i kapab ale san okenn gran danze.  Eski ou kapab dir nou si dan sa Bidze zot in met en larzan pour kapab fer keksoz pour sa.

E ankor lo menm semen nou pe koz plato o-bor kot Daycare St Antoine par deryer i annan en gro delo ki vini, i sorti depi anler La Gogue i desann e i pas deryer i vin devid o-bor lo semen. E i kapab kas tou sa bann konstriksyon ki zot pe fer.

Si zot kapab liaise ek petet Departman Lanvironnman oubyen Gouvernman Lokal pour gete, zot in deza fer en bout zis pour konplet li ki sa delo ki sorti anler i pase i pas dan en pon i al dan lanmer byen san ki i kas tou sa bann louvraz ki zot pe fer ki pe kout en kantite larzan.

E lot street light mon konnen ki zot in deza ekrir Biro DA e mwan menm pour sizer bann landrwa. Be i annan 3 landrwa kot zot pa ankor met street lights. Mon ti a sizere avek ou.  Enn se kot Maldive kot Therese Hoareau, o-bor kot li. La Gogue o-bor kot Delna an montan La Gogue e o-bor Neresia Simeon. Mwan kapab kit en lalis avek ou si zot kapab konsider sa.

Mon konnen Onorab Adelaide in demann de, mwan mon pe met 3 priyorite si i posib. Mon krwar i R5mil en lalimyer alor i pa pour en gran kantite larzan avan lafen lannen. Mersi Mr Chair.

 

MR SPEAKER

Mersi Onorab Afif.  CEO.

 

CEO PARINDA HERATH

Mersi Mr Chair. Lo kote Anse Etoile main road wi i deza dan nou progranm e nou pe esper PUC pour konplet zot travay e lenformasyon ki mon’n gannyen. Annefe mon’n koz ek enn zot zofisye avan yer zot pa ankor fini sa proze menm si zot in met sa beton zot pa ankor fini.

I annan keksoz pour zot fer ankor mon krwar pour fer manhole eksetera. Alors letan zot fini sa nou pour gete mon krwar kot nou pour ete by then dan ankor detrwa semenn nou pour Glacis.  Letan nou fini sa seksyon Glacis nou anvi pas laba fer sa bout e fini ek li.

Lo kote La Retraite sa semen ki apik non i pa ti dan nou lalis pour fer okenn keksoz laba, selman vi ki ou’n mansyonn sa nou ava anvoy ou bann zofisye pour gete kwa ki devret ganny fer – prenan kont par ler letan en semen in fini ganny fer i vreman difisil pour improve son gradient.  Akoz i annan bann lale ki al kot bann lakaz eksetera alors i pa fasil pour peze parey nou dir. Selman nou ava ale nou ava gete si i annan en posibilite pour nou fer en keksoz laba.

La Gogue drenaz nou pour bezwen lyez avek lanvironnman parey ou’n mansyonnen i annan sa Departman Accounts ki deal avek sa bann zafer e zot normalman zot ed nou avek design ki neseser.  Alors nou ava liaise avek zot pour gete si i annan posibilite pour fer en proze laba.

Lo kote Street lights 3 lokasyon, wi Anse Etoile annefe in fini ganny son 12 ki nou ti promet.  E nou kapab konsider sa 3 letan nou fini avek bann lezot distrik ki pa ankor gannyen oubyen ki ongoing pour le moman.  Mersi.

 

MR SPEAKER

Mersi CEO.  Onorab Aglae.

 

HON EGBERT AGLAE

Mersi Mr Chair.  Bonn apre midi CEO ek ou lekip.  Mwan ti a kontan osi felisit Mr Hoareau pour son lapwentman koman Depite.

Mon kestyon CEO i konsern road widening Port Launay, Cap Ternay, anvi ki i annan 8 milyon ki’n ganny mete e sa proze li menm li i sipoze fini by 2021. Eski in annan bann dernyen negosyasyon sirtou avek bann propriyeter pour sa faz 2 pour fer sir ki i annan lantant lo tou le de nivo ki proze e demar byen.

Dezyenmman mon ti a kontan konnen ki dan premye faz konbyen larzan ki’n ganny depanse an vi ki ti annan problenm avek kontrakter pour sa proze inisyal.

3enm i konsern sa pavement Bellevue ziska kot Eden ki 4.5milyon ki sipoze demare depi lannen pase, sa lannen in fact ki retar ki zot in gannyen ki zot pa’n kapab petet pour enplimant sa proze. Ok?  E dernyen kot ii konsern upgrading Foret Noire 2 milyon mon war in ganny mete ankor dan sa Bidze, ki bann major travay ki zot ekspekte pe fer pour fer sir ki sa semen i ganny fer dan en fason byen pour pran kont bann eleman foresye an vi ki i annan en ta pye dibwa, rasin ki pas atraver sa bann semen.  E i en lakoz akoz semen pe kase?

E Mr Chair si ou permet mwan parey en laprouvasyon Onorab William ti annan de kestyon ti propoze. Lo kote Grand Anse an vi ki nou share balizaz i annan vizit ki Prezidan ti fer lannen pase kot i konsern semen Regis, lafanmir Akon, Ciseau, Pirame, Gerry ki pa’n feature dan PSIP. Onorab William ti a kontan konnen akoz pa’n ganny mete.

E dezyenmman ki stati kot i konsern pour met pavement ek layby Barbarons ziska kot Ex-Labousri ti ete.  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Lo kote Cap Ternay sa proze nou’n bezwen aret premye faz apre la nou’n fini retender.  E nou pe re-tender, sorry, e nou ekspekte petet komansman lannen, milye Zanvye pour nou kapab re-demar avek sa proze.

I annan en larzan pour phase 2 ki nou pa ankor negosyasyon avek bann zabitan.  E nou ekspekte avek lotorite distrik avek petet ou menm ou MNA nou pour kapab fer sa bann meeting, petet en meeting piblik pour fer sir ki nou pa ganny sa bann problenm ki nou ti gannyen avek premye faz sa proze.

Proze footpath Bellevue nou’n ganny en pe retar dan design.  Parey mon’n eksplike letan en proze i komanse depi son survey ziska son lenplimantasyon i pran nou anviron 6 mwan.  E nou’n komans travay lo sa proze detrwa mwan pase e nou ankor pe fer sa design.  Hopefully apre premye quarter lannen prosenn nou pour kapab komans sa proze.

Lo kote sa proze Foret Noire, Sans Soucis, i en proze ki enportan ki annefe i ti lo Master Plan Victoria, Traffic Management.  E sorry, ou ti pe koz lo resurfacing main road Sans Soucis, oubyen sa semen Sans Soucis. Ok, Foret Noire Sans Soucis i sa koneksyon Foret Noire avek Sans Soucis. Sa i en proze ki anba Victoria Traffic Management, e nou, nou’n fini fer son survey.

Nou bann zofisye pe travay lo son design e hopefully lannen prosenn li osi selman i pas dan en kantite bann propriyete prive ki kot nou bezwen ganny encroach.  E i enkli bann travay sivil pour nou ganny en semen ki 2 transpor i kapab pase. I annan bann kontour ki nou bezwen en elarzi. E osi i annan koltar definitivman nou bezwen resurface sa semen antye. Mersi.

 

MR SPEAKER

Mersi CEO.  Onorab Aglae.

 

HON EGBERT AGLAE

Zis en klarifikasyon CEO.  Mon konnen dan Port Glaud i annan en landrwa ki apel Foret Noire li osi pangar zot pe mazin sa enn ki tonm avek Mont Fleuri pa sa. Mon pe koz sa semen Foret Noire, Morne Blanc par Sans Soucis.  I upgrading ki annan 2 milyon ki’n ganny mete dan Bidze. Sa ki mon pe koz lo la.

 

MR SPEAKER

Mersi Onorab.  CEO.

 

CEO PARINDA HERATH

Ok, mersi Mr Chair.  Ok, prezan ki mwan konnen kote ou pe refer lo la. Wi i en serten travay ki nou’n komanse laba. Nou’n tir bann rasin ki ti dan semen. E nou pour kontinyen avek sa proze lannen prosenn. Barbarons i deza feature lo nou lalis pour lannen prosenn e nou’n fini tender sa proze, nou dan sa 10 days, 10 still period pour nou kapab rod sa Kontra. Mersi.

 

MR SPEAKER

Mersi CEO.  Onorab Aglae.

 

HON EGBERT AGLAE

CEO i annan La Misere, sa vizit ki Prezidan ti fer kot lafanmir Ah-kong, Pirame, Gerry li osi i pa’n ganny feature lo la si i annan okenn komitman ki pour ganny fer 2019?

An menm tan mwan annan en pti siplemanter mwan anvi demande. An ki pour annan sa bann upgrading.  Yer osi Minis ler nou’n koz avek lenfrastriktir ti la avek Departman Transpor sirtou Sans Soucis kot i konsern Sans Soucis/Morne Blanc kot i annan sa bann kontour kot nou santi ozordi nou annan bann masin ase spesyalize i kapab ganny agrandi pour anpese ki i annan sa bann kontour kot ou pa war en transpor vini.  Si zot kapab konsider sa dan sa proze?

E dernyen se kot i konsern bann travay ki PUC pe fer, e nou konnen pour dir PUC i enn bann antite ki pe kas semen. I annan sa bann manhole ki zot pe met dan semen, eski SLTA i kapab vwar PUC ki sa bann elevation, sa bann manhole i pa tro o akoz i annan en de-balans ki fer ler ou pas lo la i pa bon pour sekirite larout.  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair.  Wi nou ava diskit avek PUC regarding bann manhole. E i en keksoz ki annefe ki tanzantan nou enform zot, kot nou war i annan bann manhole ki o.  Fodre pran kont ki mazorite sa bann manhole pou ganny kouver avek koltar sa en lagreman ki nou’n fer avek PUC. Pou napa tou le 50 met, 100 met pou napa sa tape anba transport nou pou re-surface li, nou pou kouver sa bann manhole avek koltar.

Me parey ou’n dir i annan serten ki en pe pli o ki semen ki zot in mete, zot bezwen fer desann lo nivo semen.  Lo kote sa proze sa Grand Anse/ La Misère li osi i enn bann proze ki nou’n submit avek Minister Finans pou ganny konsidere anba India grant e nou’n demann R2.5milyon pour li. Mersi.

 

MR SPEAKER

Mersi CEO.  Onorab Flory Larue.

 

HON FLORY LARUE

Mersi Mr Chair.  Mon ti a kontan demann CEO en pwen ki’n sorti dan nou bann diskisyon i ki i annan en lalis bann landrwa ki zot in idantifye konman danzere ki zot dir zot pou amelyore.  Mon ti a kontan si zot kapab fer available sa lalis dan tou distrik bann landrwa lo semen ki’n ganny idantifye koman danzere ki zot pou donn en pe latansyon?

Mon ti a kontan osi avek respe demann Minister Finans pour gete si posib pou met lalis PSIP dan en lalis par distrik. Koumsa i pli fasil pou get bann major projects, akoz lalis i long pour Land Transport Agency. Dan sa laliny dan PSIP i annan en heading ‘’Plaisir Road ‘’eski sa i en, i an lye avek semen Mont Plaisir? si zot kapab donn mwan en konfirmasyon silvouple.

Sa proze i en promes ki’n ganny fer pandan plizyer lannen avek zabitan sa rezyon e napa nanryen dan Bidze 2019. Me nou war en disbursement an 2020, la CEO dir nou ki plan pa ankor konplete. Me lontan nou’n ganny dimoun zabitan sa area in ganny promet ki sa pou ganny fer.  Eski ou kapab dir nou kan ki pou ganny konplete dan son antyerte?  E letan i pou ganny konplete eski sa semen pou ganny fer depi anba ziska anler?  Ouswa eski zot pou fer li dan en fason priyoriter espesyalman bann landrwa zis parey par lao sa basen ki vin en one lane ki souvan de transpor i bezwen war zot bezwen reverse.  Akoz sa bann landrwa ki pou bann dimoun Mont Plaisir bann ki pli irzan pou ganny deal avek.

Dan PSIP i annan de heading ki en pe grav – enn i construction of bus shelters and stands ki annan 1milyon pou 2019. Eski ou kapab eksplike konbyen bus shelter pou ganny fer anba sa head lefe ki souvan nou tande ki en bus stop i kout apepre sa amount?

Apre lefe ki Onorab Esparon in fer monte devlopman avek Carana, lefe ki zot ti sipoze met en, met en negosye en bus stop. Eski zot kapab regarde ki si a longer di-tan zot kapab travay avek bann dimoun prive ki pe devlop zot later o-bor semen ki usually i annan en bus stop parey lo kote Hilton ki en vye lotel i annan sa bann ka.  Bokou landrwa kot dimoun i mont en miray pour bar zot propriyete. Si zot ti kapab regarde ki zot kapab fer pour sa bann zabitan.

I annan en lot heading ki apel roadside drainage ki Onorab Sebastien Pillay in osi tous lo la li son head i 500 mil pour 2019.  Anliny avek sa, sa ki mon’n dir lo kote drainage eski zot kapab travay avek bann developer ki zot propriyete i osi baliz avek semen ki souvan letan zot fer en miray ki vreman pres avek semen nou vwar ki delo i akimile e i fer bann puddles, ki avan letan sa delo ti ale letan ti napa miray, letan i annan miray sa delo pa ale i fer bann puddles ki vin en danze pour motoris.  E en dekonfor pour pyeton akoz zot ganny mouye.

I annan en ka spesifik Anse Royale dan krwaze Bougainville kot Four Seasons in fer son rezidans pour son bann workers e la i annan en flak delo kot pli ale i vin bokou pli gro apre ki sa miray in ganny fer akoz napa fason pour sa delo drain.

Dan PSIP i annan en milyon pour semen Val D’Andorre dan, pour Bidze 2019. Ou’n dir ki sa pour konplete boner 2020. Eski ou kapab vin plis spesifik koumsa zabitan i kapab konnen kan sa devlopman pour fini. E le fe ki i annan en faz 2 e son disbursement i an 2021 – eski ou kapab donn en commencement date ki zot planifye pour fer sa?

E CEO le fe ki ou’n dir ki zot pa fer okenn overhead bridge eksepte kekfwa enn mon vwar sa vreman dezapwentan. Lefe ki konzesyon trafik i en gro problenm pour tou motoris ou konnen dimoun i pey CC vreman ser.  E pour nou asize dan en konzesyon trafik, la dimoun ki sorti dan sid si ou pa sorti avan 6.30 ou pa pou arive anvil avan 8er dan bomaten e aswar parey. E mon krwar i vreman enportan ki nou regard bann landrwa kle en fer bann provizyon irzan ki kek keksoz i ganny fer pou degaz sa bann semen.

Akoz souvan i akoz dimoun pe arete, ouswa pe koup semen e i vreman en problenm grav.  E mon pa krwar dimoun i kapab reste en detrwa an pour nou ganny solisyon pour sa problenm konzesyon.  Mersi.

 

MR SPEAKER

Mersi avan mon donn laparol CEO.  PS Finans petet prosennman, Onorab Larue in mansyonn PSIP ki mannyer pou detay li par distrik.  Petet get en pti pe dan son groser osi son font si nou kapab fer li mont omwen 10, la mon krwar i 4 oubyen 5 – ok. E mon war Onorab John Hoareau avek son magnifying glass, so petet en pti request PS from Manm Lasanble ki lalis PSIP nou fer li en pti pe pli gro.  Bon nou ava donn ou laparol premye pour PS  Thesee, apre CEO.

 

PS DAMIEN THESEE

Mersi Mr Chair.  Mon krwar the move se pou bouz soft copy. Akoz nou reste ziska 6er bomaten pou print sa e nou anvi evolye.  So si Lasanble i welcome sa move, nou, nou ti a kontan bouz lo sa providing soft copy. Mersi.

 

MR SPEAKER

Dakor.  Mersi PS.  CEO.

 

CEO PARINDA HERATH

Mersi Mr Chair.  Lo kote lalis pour bann dangerous spots lo bann semen. Departman transport ki travay lo la mon ava enform PS Transpor pour li provide sa lalis.  Lo PSIP sa ‘Plaisir road’ wi  i en typing error i ‘’Mont Plaisir.’’ E nou pou enplimant li par faz dapre bann landrwa priyorite parey ou’n mansyonnen nou pa fer li en sel.

Lo kote bus shelters wi nou annan 1 milyon roupi, avek 1 milyon roupi normalman nou kapab fer anviron 5 a 7 bus shelter. I depan lo lokasyon kot sa bus shelter i ete. Normalman en bus shelter li tousel i kapab kout anviron R60mil a 80mil.  Me selman si i annan son leba pou fer i annan son drenaz pou fer i annan son footpath pou konstri sa kou i vin plis ki sa. Me selman nou pe koz dan en range R150 a 250mil. Nou’n deza tande dan lepase ki i annan bann bus shelter ki’n kout anviron en milyon roupi me selman mon kapab konfirmen ki zanmen nou deza fer en bus shelter ki kout R1milyon.

Lo kote road side drainage wi nou annan e Bidze e sa i ganny servi pour fer cleaning e fer maintenance kot bann drenaz i kase eksetera. E nou bann zofisye i pase i fer bann visit pou gete kot sa nesesite i la e osi bann DAs i enform nou kot bann problenm i ete e la nou fer sa bann travay ki neseser. Lo kote Val D’Andorre premye faz i ongoing parey mon’n eksplike taler e nou ekspekte fini sa premye faz an Zanvye 2019.

E dezyenm faz nou ekspekte komanse by Mars oubyen Avril, i pa pou posib pour mwan pli spesifik ki sa akoz i annan bann fakter ki out of nou kontrol e sa i en timeframe ki mon kapab donnen ki nou ekspekte ki konmans sa proze by Avril lannen prosenn.

Lo kote overhead foot bridges nou osi nou ti a kontan fer plis, vi ki sa proze i en sort of en pilot project – premye overhead foot bridge ki nou pe fer. Nou pa le rush, nou le fer sir ki bann keksoz ki nou pe fer i byen.  E osi i annan sa konponan Finans avek larzan ki nou annan anba Victoria Traffic Management i pa pou posib pour nou fer plis ki enn.

Lo kote trafik li menm traffic jam, wi i en problenm ki nou tou nou konnen e i preokip nou en kantite kot SLTA.  Nou annan plizyer plan ki la ki’n pare – malerezman nou pa ankor ganny laprouvasyon pou proceed. Zis pour nou nonm detrwa ki nou anvi enplimante lannen prosenn si nou ganny laprouvasyon. Nou annan sa trwazyenm lane lo 5 Zen, depi kot Independence roundabout ziska Le Chantier.

Son premye faz in fini konplete depi English River ziska kot sa roundabout e i reste sa lot bout seksyon pour nou enplimante.  E i menm sityasyon parey sa round about Pointe Larue. Kot ou pe sorti dan 2 lane dan round about apre ou pe antre dan en sel lane, ki i fer nou annan en bottle neck alors nou anvi enkli sa lot lane pou tir sa trafik from sa round about pour an deor lavil. E enn bann landrwa ki pli konzeste i sa roundabout o-bor Independence House.  Lot i la kot lorloz i ete la osi nou annan en proze ki’n pare pour detrwa lannen ki nou pa ankor ganny approval pour enplimante sa i kontinyasyon.

I annan en lane ki nou’n deza konstri ki ariv ziska kot car park Stad Popiler.  Nou anvi kontiny sa ziska roundabout Le Chantier, alors i pou kontinyen annan sa 2 lane ki antre dan lavil e i annan sa enn ki pou tire.  Tou bann trafik ki konmela i bezwen vin kot lorloz apre mont lo Independence Avenue pou al kot lot roundabout i kapab dan plas al fer sa al drwat lo roundabout Le Chantier.

E sa i pou de-konzeste tou le de sa roundabout lorloz e Independence House roundabout.  E nou ekspekte ki sa de i pou improve sirkilasyon trafik.  Lot proze ki nou annan ki ankor nou annan serten problenm avek wayleave sete lo Revolution Avenue junction avek Bel Air kot Vines.

Nou anvi met en lane dan milye kot bann trafik ki sorti anler St Louis kapab, en standby lane parey nou dir i standby apre ou kapab koup anndan.  Akoz pour le moman letan i annan en transport ki pe vir pour al Bel Air tou bann deryer i bezwen espere.  Alors, e osi nou anvi enlarge sa bus layby kot Vines pour at least kapab pran de bis akoz konmela letan ou gete letan dezyenm bis i vini i bezwen park dan semen – ki blok tou sa bann trafik par deryer li, annefe sa i bann priyorite proze anba Victoria Traffic Management ki nou anvi enplimante o pli vit posib.  Mersi.

 

MR SPEAKER

Mersi CEO.  Onorab Larue.

 

HON FLORY LARUE

Mersi CEO pour ou larepons.  Mersi Mr Chair.  Letan mon ti pe koz lo sa lalis sa bann landrwa ki danzere, mon ki anvi krwar ki i ti ava mansyonn bann semen danzere tel ki Cap Mason Takamaka ki dapre nou konpran i annan en problenm anba sa semen.  Me selman mon ti a kontan demande si zot in fer okenn resers pou konfirmen.  Akoz i annan peser ki dir i annan ros ki’n grennen keksoz in grennen, eski lo zot kote zot in al fer kek survey pou vwar si i korek akoz sa i en vye semen.

Apre lo kote plan pour semen Mont Plaisir, ou ti’n dir nou i pa konplete.  Kan eski ou pou krwar sa plan pou ganny konplete dan son antyerte, ki zot pou annan en dat final?  E lefe ki napa larzan dan Bidze kan ki zot krwar zot pou kapab amelyor sa semen.  Letan mon’n demann ou anba sa lalis bus stop CEO, mon ti’n regarde through you Chair si nou ti kapab ganny en lalis bann bus stop ki zot ti pou fer devlopman anba sa head pour 1milyon pour 2019 kote sa bann bus stop i ete.

E ou pa’n reponn CEO lo kote ou Departman ou agency pou travay ansanm avek Planning an lye avek bann private sector, lefe ki letan en dimoun i fer son aplikasyon plan. I fer son aplikasyon kot Planning ou, ou pe deal ek semen, me selman Planning i vwar ki sa semen pou pase direkteman lo en semen piblik e lefe ki prezan ki ou agency i bezwen vin deal avek lefe sa devlopman ki anler napa bus stop.

Akoz sa dimoun in mont son miray, lontan kekfwa ti annan en lapay dimoun ti asiz la o-bor dan en siding, me pli ale ou pe war dimoun pe debout lo semen direkteman. Akoz Planning i allow pou sa miray i ganny monte zis ek son, dapre kot i merit ete.  Eski i annan en kominikasyon ant prive, Planning ek ou agency ki letan bann keksoz piblik. Par egzanp bus stop pe ganny afekte ki zot annan en kominikasyon ek sa developer ki fer nou pa end up parey Carana nou pa end up parey Hilton e lezot landrwa osi.

Lo kote overhead crossing mon vreman dezapwente avek sa larepons, akoz wi ou napa larzan dan Bidze pour fer devlopman.  Me time is money en dimoun pe asize dan trafik i annan en kou direk lo lekonomi.  E si nou kontinyen asize pour detrwa z-an, la ozordi i 1 er tan edmi. Kantite trafik ki pe antre dan semen avek nou defi ki nou annan avek en servis piblik transpor servis piblik.

Nou pou kontinyen annan plis transpor dan semen e sa blokaz pou vin pli long e pei ki pou soufer.  Nou pou bezwen get en fason, la kot Quincy Super zot in met de zebra  crossing prezan trafik i aret net. Trafik i ariv ziska anler lo oter kot pti legliz anler, i vreman terib pour war trafik dan sa ka nou bezwen get overhead crossing espesyalman dan Victoria.  Mersi CEO.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair. Lo kote sa semen Cap Mason wi nou’n deza anviron 2 an pase nou’n deza fer en survey laba e at the time ti napa okenn issue. Ti annan en trou ki bann peser ti pe konplent ti pe grennen me ler nou’n gete i en drenaz ki pase e tiyo.  Me selman la an se moman i annan en travay ki PUC pe fer ki zot pe komans met tiyo dan sa seksyon semen e nou nou’n demann zot pou arete.

E nou annan en vizit ki nou’n organize pou Vandredi pou fer sir ki sa i annan en bon letid i ganny fer – en structural letid pou fer sir ki sa semen i safe.   Enn pou zot kontinyen zot proze e osi gete si i annan okenn lezot travay ki bezwen ganny fer pou fer sir ki sa semen i safe.

Lo kote Mont Plaisir sa proze i en lot proze ki’n enkli anba India Grant e son bann plan i pou pare dan ankor 3 a 4 mwan.

Lo kote bus stop nou annan en lalis bus stop ki nou’n priyoritize dapre bann demann ki distrik in fer.  I en gran lalis nou pa pou zanmen fini fer sa bann bus stop lannen prosenn.  Parey ou konnen i annan 2 ki nou’n deza promet.  Nou annan enn Mont Buxton apre nou annan enn Anse Boileau.  E nou annan bann lezot ki bann distrik in anvoye e nou gete dapre – si i annan okenn wayleave definitivman pou nou rode i pou difisil i pou retarde.  Nou pou travay avek nou bann plan pou nou kapab met pare pou nou enplimante.

Lo kote Planning nou ganny reprezante Departman Transpor, Land Transport i ganny reprezante lo Planning Authority e PS Land Transport i asiz lo Planning Authority e nou ava pas sa bann lenformasyon ek li.  Pou le moman letan bann plan – okenn lotel okenn devlopman i pas kot Planning Departman Transpor i fer zot komanter.   E nou ava pas sa bann lenformasyon ki ou’n sizere Onorab pou ki petet Planning Authority i kapab met serten kondisyon sirtou avek bann gro devlopman ki pou o-bor semen pou zot fer bus shelter, pou fer trotwar, drenaz eksetera me solman i pa pou up to Land Transport.

Lo kote trafik wi letan nou asiz dan trafik nou pe bril fuel, nou pe gat letan i pa en keksoz ki ideal e nou, nou pe travay maksimonm posib pou nou enplimant sa bann proze.

Nou annan serten kontrent par egzanp lo kote manpower, nou annan kontrent lo kote Bidze e nou annan en plan ki nou travay avek.   Nou annan sa Master Plan lo Traffic Management kot i annan bann proze short term, medium term avek long term.  I annan serten proze ki nou bezwen enplimante – i annan serten ki parey mon’n eksplike taler nou anvi enplimante o pli vit posib e i osi annan lezot ki Gouvernman deza pe travay lo la par egzanp bann nouvo Polisi ki bezwen vin avek.  Petet eski i annan nesesite pou kontrol en pe importation of vehicles dan pei?  Eski i annan sans pou nou sanz bann ler travay – bann keksoz koumsa e sa Departman transpor pe travay lo la.

E hopefully avek letan nou, nou anvi enplimant bann proze pou fer sir ki nou minimiz sa retar ki nou gannyen dan bomaten e osi aswar.  E nou, nou pou travay dapre Bidze ki nou gannyen e si Minister Finans i pare pou met en pe plis nou, nou pare pou nou met en pe plis zefor ladan e pou nou travay en pe plis.  Mersi.

 

MR SPEAKER

Mersi CEO.   Onorab Jean-Francois Ferrari.

 

HON JEAN-FRAQNCOIS FERRARI

Mersi Mr Speaker.  Mr Speaker avek ou permisyon mon annan en pti kestyon pou onorab Andre ki lo en misyon pou Lasanble e i pe demann mwan CEO si ou kapab eksplik bann rezidan ki pe arive avek sa proze Capucin ki anmenn Dan Kreson ki pas en pe kot bann Payet – konmsi bann zabitan ti a kontan konnen ki status pou sa? Kot o-bor Ms Polina mon krwar dan sa rezyon koumsa.

Onorab Loizeau li osi ki lo en misyon aletranze, i ti a kontan si ou ti a kapab konsider zis dan bor – dan kontour dan bor lakoz kot Mr Bernadin Renaud si i reste en lalimyer ler ou’n fini ed Onorab Adelaide ek Onorab Afif i ti ava apresye.  Akoz i dir i en landrwa kot bokou dimoun i pase la.

I annan en serten zabitan Cascade ki’n dir mwan demande si i kapab organiz en pe sa parking la kot bann peser i vann zot pwason en pti pe o-bor sa laboutik ki Gouvernman i lwe R2mil avek en politisyen, e sa politisyen i lwe R2mil la sa pti laboutik dan bor la, gete si kapab gete ki mannyer pou organiz sa parking en pti pe pli byen. Sa se bann kestyon ki bann dimoun i demann mwan.

Prezan mwan mon ti a kontan pou Mont Fleuri Mr Chairman bann zabitan i remersye Land Transport pou bokou bann travay ki zot in fer dan zot distrik sa lannen en bon pe in ganny konplete. Me solman zot en pe enkyet lo roundabout STC akoz vreman i pe tarde.  E la nou vwar poudir dan         Bidze i paret mwan ki sa 25milyon ki ti’n allocate i sipoze fini depase sa lannen e napa larzan allocated pou lannen prosenn.  So reasir nou poudir sa larzan ki la i ava sifizan pou peye pou finaliz sa sityasyon.

E en pti proze rezyonal ki ou konnen nou menm nou nou’n diskite weekend dernyen kot nou pe sey organiz en pe sa pti landrwa kot dimoun i vann zot bann prodwi o-bor lekol Plaisance Primer i annan en bann drainage la pou le moman.  Kekfwa ou kaba dir nou ler si sa proze i  take-off si zot ava kapab osi pran konsiderasyon pou bann drainage pou bann paran ki anmenn zot zanfan oubyen bann zanfan ki sorti lekol.  Sa se mon kestyon.  Mersi.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair. Lo mon lalis proze Capucin ki mon annan i annan en issue wayleave.  Sa nou bezwen klarifye.  Sa detay ki ou’n donnen mon napa pou le moman lo mon lalis. Lo kote lalimyer wi letan nou’n fini avek sa bann irzan nou, nou ava take up sa enn Mont Fleuri.

Lo kote Cascade market wi nou kapab fer en vizit, nou ava tyeke kwa ki devret ganny fer.  Mon krwar nou’n fini komans met koltar laba lo main road, alors i annan serten keksoz letan nou pe fer sa travay nou kapab konsidere.

Lo kote STC roundabout wi i annan en retar ki pe arive avek sa proze.  Premyerman sa premye kontrakter ki ti ganny sa louvraz nou’n bezwen terminate li akoz nou pa ti satisfe avek son kalite travay e osi avek son speed ki i ti pe al avek.  La ek sa 2enm kontrakter nou satisfe avek son kalite travay e nou pe koz ek li pou li speed up en pe travay me solman i annan rezon ki ase zistifye ki sa proze pe tarde.

I annan 3 rezon prensipal. Enn; sa travay ki nou pe fer dan lanmar i vreman difisil akoz nou bezwen travay avek tide.  E sa kontrakter annefe i annan travay dan 2-3er bomaten ler tide i ba pou met beton eksetera.  Alors sa i enn.

2enm; laba lo tou lede kote semen i annan bann proze ki PUC in vin avek.  Letan nou pe fer sa proze zot in dir nou les zot pas zot tiyo o-bor nou footpath ki nou pe fer avek sa bout ki nou pe enlarge.  E definitivman nou bezwen accommodate zot akoz i pa fer sans nou fer en semen apre pli tar zot pou bezwen kase pou met zot kab ladan.

Lo kote larzan, nou pa ti ganny 25milyon pou sa proze sa lannen Onorab, nou ti ganny si mon pa tronpe 6milyon – an gro depi lannen pase – wi.  E nou’n ganny en diskisyon avek Minister Finans pou nou retain en pe anything akoz by Desanm mazorite bann louvraz -bann gro louvraz pou finI dan lanmar e i pou reste zis en ti git travay er lannen prosenn.  Nou ekspekte by Fevriye konmsa nou fini konplet sa proze.  Akoz i en proze ki ase gro, e ase konplike.

I annan travay ki nou’n fer depi kot dan direksyon kot STC, BODCO laba e menm lo sa pti semen ki al kot Coast Guard tousala i anba sanmenm proze.  Alors i annan detrwa landrwa kot sa kontrakter pe fer travay e nou, nou fer sir ki letan zot ganny retar lo en kote si nou pe esper PUC par egzanp zot pe redistribye zot, pou fer sir ki zot pe travay dan en lot landrwa pou nou pa perdi letan.

Alor nou pe travay ek Minister Finans pou fer sir ki nou, nou larzan i la.  Proze Plaisance ki nou ti vizite weekend pase, wi i annan bann serten drenaz ki pour neseser me selman i pour tou depann lo ki plan final ki sa Komite i vin avek.  Prezan nou, nou ava fer sir nou met nou input si i annan okenn drenaz, trotwar eksetera ki bezwen ganny fer.  Mersi.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mersi CEO pour sa repons sa dernyen kestyon. Mon ti anvi zis partaz avek Lasanble ki Regional Council pe marse kantmenm i annan dimoun ki dir pa pe marse, zot pe boycott.  I pe marse. An tou ka dan rezyon santral 2 nou pe seye fer en pe travay ansanm. Mersi.

 

MR SPEAKER

Mersi Onorab.  Onorab Simon Gill.

 

HON SIMON GILL

Bonn apre midi Mr Speaker. Mersi bokou Mr Speaker.  Minis bonn apre midi avek ou lekip, tou koleg Onorab e Manm piblik.

Mr Speaker dan konteks Bidze mon’n ekout avek gran lentere, detrwa bann kestyon ki’n lev-e. Mon vwar nou 2.30.  Me ou konnen i annan sa diskisyon lo sa zafer semen.  Si mwan kapab zis apel ki semen Pasquiere. Mon ti a voudre konmsi nou reconsider en pe konsep ki mannyer nou abord li.  Si mwan kapab sizer en keksoz.  Touzour dan konteks Bidze e dan konteks sa proze ki pe fer lo Praslin e bann lentere ki bann lezot stakeholders or bann kontrakter i annan lo sa bann zil.  Now, ki diferans i pour fer si lo nivo konsep proze zot diviz li an 3 lot.  Lot 1, 2, 3.  E dan sa bann lot zot dir be bon bann kontrakter i kot pour premye lot, sa ki kot pour dezyenm lot, sa ki kot pour 3enm lot. So ou ganny 3 group kontrakter ki antre ladan.

E byensir ki mannyer ou define son enplimantasyon si nou oule engage kontrakter Class 1, e kontrakter Class 2 for that matter prezan nou en vot zot pour bid atraver en proper scope of work kot ou dir be bon sa class 1 pour pran, sa Class 2 pour pran, e ou group zot.  Pa i vre?  Dan sa fason ou engage sa bann kontrakter, bann pti kontrakter ki pe rod en lespas pour zot kapab ganny en louvraz travay. Akoz napa ase louvraz lo Praslin, Grand Anse oubyen Baie Ste Anne, napa ase.

E ler i vini prezan ou trouv bann gro kontrakter i mobilize i antre zot pran tou e sa bann dimoun zot asize, zot espere menm, espere menm kan pour zot ganny en pti morso dan tou sa bann proze ki pe gannyen pa i vre.  Now mon konpran ou’n lev en kestyon procurement. Me mon pa krwar i annan okenn danze procurement si ou diviz ou proze an lot.

Napa problenm procurement ladan. Now sa i premye keksoz ki mon ti ava voudre ki ou vwar li dan sa perspektiv e dir nou ki bann konplikasyon oubyen, ki konpleksite ki annan ladan si ou diviz ou proze par lot.  So mwan a met sa la pour le moman an tenir kont Mr Speaker ki mwan annan ankor lezot kestyon. Mon pa oule bouy tousala ansanm. Mersi bokou Mr Speaker.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair. Lo kote Pasquiere sanmenm sa annefe ki nou’n extend sa closing date, sa tender. Si i neseser nou kapab menm annul sa tender. Letan nou diskit avek Procurement Oversight Unit avek FTC, Fair Trading Commission, si zot dir nou wi i annan posibilite pour nou kapab fer sa definitivman nou osi nou pour al lo sa laliny ki ou pe dir si nou kapab split li, fer menm plis ki 3 lot si i neseser.

Akoz menm avek 3 nou pe tonm petet lo 13 milyon, lo en lot ki still i ser e en pti kontrakter pa pour kapab handle sa bann louvraz ki annan. Wi ki definitivman si nou ganny advice avek sa de parey mon’n dir Procurement Oversight Unit avek FTC nou pour sey al dan sa fason.

Me selman nou bezwen mazinen osi kour sa proze, nou’n koz en pe lo kou, i annan posibilite si nou fer li par lot kou pour increase definitivman. Nou annan leksperyans dan bann lezot ki nou konnen letan nou pa pe fer en proze. Nou pe fer par faz, letan en lot kontrakter i ganny annou dir dezyenm faz avek sa bann mobilization cost ki i involve, demobilization eksetera ou pour war i annan serten increase.

E osi si nou pe dir avek en kontrakter ki ganny sa proze annou dir par egzanp i bezwen servi, nou obliz li pour li servi sa bann servis ki egziste lo sa zil, lo Praslin. I pour tou depann prezan ki rate ki sa bann dimoun, sa bann kontrakter, bann pti kontrakter parey nou dir lo Praslin ki rate ki li, ki zot pour donnen avek the main contractor nou dir e i annan posibilite ki nou pour war en increase the cost me selman nou, nou pa oppose to sa nide ki ou’n donnen pour nou split li, fer bann, fer li par faz, menm si i en sel proze.  Mersi.

 

MR SPEAKER

Mersi CEO.  Onorab Gill.

 

HON SIMON GILL

Mersi Mr Speaker.  Mon krwar repons i pozitiv so mwan ekspekte ki nou kapab ariv lo en outcome tre pozitiv pour kapab engage bann lezot pti kontrakter ki’n fer en demann ase solid avek nou lo sa kote.  E mwan prezimen osi avek lo lot kote i annan bann soumisyon tre solid ki’n ganny fer.

Bon 2enm kestyon Mr Speaker se lo wayleave. Wayleave mon’n tann koz lo negosyater, nou napa negosyater. Me eski i annan diskisyon byen ouver, tre kler avek bann dimoun ki nou bezwen demann zot permisyon pour nou fer serten proze pas lo zot propriyete?  E ki benefis?  Ou konnen par fwa ki arive i annan bann DA avek tou respe pour zot, zot al kot en dimoun zis dir nou pe fer en proze la, pe pas lo ou later, nou pe demann ou pour siny sa wayleave.

E finalman sa dimoun pe rode be ok mon la dan sa kominote mwan donn zot sa wayleave. Me sa ki mwan mon konpran mwan osi se ki ler en dimoun a bonn fwa i donn ou son later, byensir i annan serten perd ki arive pa i vre. Me nou bezwen tonm dakor pour donn en konpansasyon sa dimoun, pour nou compensate li.  I annan valer en larzan, swa i annan en valer materyel kot si ou pe antre lo son later ou fer en drenaz, ou fer en fence, ou redonn li son privacy tousala. Me pa fwa sa kalite diskisyon, sa kalite enteraksyon i manke e se sa par fwa kot i annan bann problenm serye ki lev-e bann dimoun wayleave oubyen zot tarde pour donn wayleave.

E byensir osi mwan konn sityasyon kot i annan bann demann ki ganny fer ki en pti pe o. Mon konnen sa osi.  E sa osi bann fakter ki met retar. E mwan konnen osi i annan pa oule donn ditou. E par egzanp i anmenn mwan lo mwan 3enm pwen lo kontinyasyon semen dan lenn kot nou annan nou koleg la dan Lasanble Nasyonal Onorab Gervais Henrie Manm elekte pour Mont Buxton, mon konpran wi dan lespri Seychelles United mon pour apir li pour son demars our United Seychelles en, ok, en, ok, i enteresan, zot pe ekout mwan byen alor.  Mon kontan zot sezi byen nou non, United Seychelles, Mr. Speaker, zot in sezi mwan byen mersi bokou.

Mr Speaker lo sa premiz mon pe demande ki zistans, ki progre in ganny fer pour nou kapab ganny kontinyasyon proze semen dan Lenn.  I annan bann dimoun, bann dimoun ase aze laba anler, i annan bann dimoun ki annan serten impairment ki reste anler laba. E mwan ti ava voudre ki nou trouv sa semen i kapab demare.  E mon konnen pour dir enn bann blokaz serye ki annan laba se wayleave.

E Onorab Gervais Henrie i konn byen lekel ki pe met retar lo sa wayleave. E mwan konnen ki bann diskisyon in ganny fer, i annan bann, en pti pe kontrent lo sa kote. Me sa ki mwan konpran se ki fanmir kot later pe pase in annan en Lagreman. Zot in tonm dakor pour vann sa propriyete avek Gouvernman pour ki nou fasilit, si nou pa kapab pas kot orizinalman nou ti’n plan, me nou kapab fer en kontour e fer en fason ki sa bann dimoun dan leo laba i ganny akse semen.

4enm pwen Mr Speaker se lo kote tarmac pour met koltar lo semen.  Mon’n lir dan gazet semenn pase kot ou’n demann, ou’n fer en lapel lof pour bann dimoun ki enterese pour met koltar lo semen. Be la osi i annan en sityasyon ase enportan ki mwan ti ava voudre soumet avek ou dan konteks provizyon bidzeter pour gete ki mannyer sa bann dimoun ki ganny sa bann provizyon pour zot met tarmac lo semen zot kapab osi angaz bann propriyeter pickup ki ti pe deza pe travay avek Land Transport deza. Or SLTA pour zot saroy sa bann koltar la e anmenn dan bann diferan lokasyon partou pour ki nou tarmac semen. Si nou pa fer atansyon nou riske touv en lot problenm i lev-e.

Ou donn msye entel, ou donn kontrakter entel, ou donn lot kontrakter entel, prezan tou sa group pickup ki ti pe travay avek ou Seksyon i ganny kot ater e ou trouv en lot bagar i lev-e. So dan sa konteks, en pe swiv parallel ki nou’n dir ou pe donn par lot or ki mannyer zot pe mazinen pour enplimant li, nou bezwen osi gete ki mannyer nou rafin sa Lagreman pour ki nou pa kit personn ater osi, ki nou engage tou dimoun.  E sakenn i ganny en morso dan sa ki nou bann koleg i kontan dir ‘’United Seychelles.’’  Konpran mwan la Mr CEO atraver ou Mr Speaker.

Bon, lot keksoz, dernyen pwen Mr Speaker, dernyen pwen se ou’n koz ou lo 4 priyorite overhead crossing, 4 priyorite ou’n dir nou, ou or ou annan 4 landrwa, pa neseserman 4 priyorite. Me eski i annord pour nou dir konsider Roche Caiman koman priyorite nimero 1. Why? Why? Akoz ou annan en kantite traverse pour al lo sport complex lot kote, lo stad linite, ou annan ou gym, ou annan ou swimming pool, ou annan tou sa bann traversman ki ganny fer la.  E sa rezon ki mwan ti a voudre demande ki nou met sa koman priyorite No.1.

E nou swete msye CEO atraver ou Mr Speaker ki dan premye kar lannen prosenn 2019 ki nou trouv sa overhead crossing Roche Caiman i pran en legzistans reel. Mr Speaker mersi bokou mwan ava aret la. Malgre i reste mwan ankor 3 pwen me mwan pour aret la pour le moman. Mersi bokou.

 

MR SPEAKER

Mersi Onorab Gill.  CEO.

 

CEO PARINDA HERATH

Mersi Mr Chair. Pour komanse lo kote wayleave posibleman wi i annan serten defayans dan lapros ki bann DA e menm nou bann zofisye zot pa’n train dan okenn negosyasyon spesifik pour sa bann case koumsa me selman nou, nou pas avek bann DA pour zot fer sa premye kominikasyon e nou, nou bann zofisye i plito teknik kot zot ale zot eksplik plito bann laspe teknik proze kot sa bann dimoun pour benefisye. E osi zot annan opsyon pour zot met kondisyon lot zot wayleave form menm ki zot sinyen ki kalite konpansasyon ki zot oule. Either monetary oubyen si zot anvi parey pour fer en miray en fence, en baro whatever.  Sa opsyon i la. Me still parey ou konnen nou annan sa bann ka ki pa pe bouze.

Mont Buxton i enn kot ou’n mansyonnen anler, nou deza annan en plan ki’n fini pare, me selman avek sa issue wayleave i on hold pour le moman. Nou, nou pa okouran sa opsyon kot en dimoun in dir i pour, i pare pour vann later avek Gouvernman. sa nou kapab tyek avek DA si vre sa ka i la.

Prezan si i annan posibilite pour nou sanz lalinyman semen kot nou’n pase, i en lot travay ki nou kapab fer.  Lo kote asphalting kot nou pe al tender out, nou osi Land Transport nou pour kontinyen fer, nou pour kontinyen fer, nou pour kontinyen met koltar nou e nou prodiksyon, nou travay ki nou fer pa pour redwir avek sa bann kontrakter prive ki pe antre dan travay.

Par kont nou pour sey met plis ki sa ki nou pe fer la. E on top of that ki nou pe rod sa bann dimoun prive pour nou speed up sa kantite travay ki nou annan savedir sa bann pickup hirers ki deza pe travay ek nou i kapab kontinyen travay ek nou. Me i bon mansyonnen ki recently Cabinet in donn nou en desizyon ki vi ki i annan plis ki 350 pickup operators dapre sa ki nou konnen dan pei e i annan zis anviron 25, 30 ki pe travay ek nou e osi avek bi pour redwir kou ki nou peye pour nou al dan en tender ankor, tender out sa laspe pickup hire.  Pour gete si i annan fason pour nou kapab koup en pe depans dan sa kote.

E osi pour allow parey ou’n dir plis dimoun, plis operater pour partisipe, vi ki pour le moman i annan zis en pti group ki pe partisipe.

Lo kote Roche Caiman overhead crossing si nou kapab fer li vin priyorite mon pa pour kapab donn en desizyon la Onorab akoz nou pour bezwen diskite sa dan en Komite avek Departman Transpor, Road Transport Commissioner eksetera, akoz tou sa bann landrwa ki mon’n mansyonnen i annan son merit. Parey si ou pran Providence, Providence kot roundabout i en landrwa ki annefe i dan danzere pour koup o-bor sa roundabout. I annan en kantite dimoun ki koup semen, ki sorti anler Cascade ki desann ki monte. E ti enn annefe ki nou ti pe mazinen pour plizyer lannen pour nou enplimante nou pa’n kapab, nou pa’n ganny sans.

E la hopefully, nou ava deside kwa ki priyorite e osi pa bliy sa enn kot lekol English River osi, li osi i annan son merit akoz li osi i annan sa stadium ki pe fini.  Pour annan en kantite dimoun ki pour koup semen la e si nou kit sa crossing at grade nou konnen i pour blok trafik en kantite.  Menm la i en landrwa ki pour nou fasilit mouvman trafik i en landrwa ki priyorite. Roche Caiman parey ou’n dir i annan son merit li osi. E hopefully nou, nou pour kapab asize avek en group dimoun pour deside which one is the priority of the priorities pour nou kapab enplimante. Selman nou bi at least pour nou enplimant enn lannen prosenn. Mersi.

 

MR SPEAKER

Mersi CEO.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman premyerman en konfirmasyon ki tou sa bann konkret ki nou war pe mete partou kot bann la pe fouye ki pour arive apre, nek zis pour met koltar lo la?  E letan ou pour met koltar lo la, nou pa pour trouv menm sityasyon kot semen i deplise apre letan gro lapli kot delo, gro delo i pas ant koltar avek beton e apre tousala i zis lev-e?

Mr Chairman mwan anvi apre midi nou’n tann bokou koze lo asphalting.  Mwan mon dezapwente avek sa ki pe arive ozordi dan nou pei. Nou pe fer bann semen chocobar. Ki mwan oule dir par sa. Nou met coral fill dump coral fill apre zis met koltar lo la.  Ofet yer swa mon’n regard semen Mont Fleuri kot zot in deza fouye avan PUC, devan laboutik avan Padayachy e mwan war sa en layer koltar ki zot in tire, e apre sa coral fill. Akoz ki nou pa pe antre dan proper road building?

Proper road building kot nou tou, mon’n fek sorti Rodrigue lotrozour e Rodrigue pe fer proper road building pe donn semen son fondasyon.  E Mr Herath mwan konnen parski ou spesyalis avek, Mr Hoareau osi tou, zot bann enzenyer, zot konnen pour dir semen pa fer parey nou, nou fer semen isi.

Ou bezwen komans ek gro grabo anba, mont ek sa ki pli pti, pti, fini avek makadanm, apre ki nou met koltar e sa i apel en semen solid.  Sa ki nou pe fer la nou pe zis gat larzan.

E letan mon pe regard sa bann, letan mon pe regard sa bann pavement ki nou pe fer ozordi ki donn anviron 8 pous, a 12 pous oter.  Nou tou nou konnen akoz zot 8 a 12 pous oter.  Se parski letan pour remet koltar ankor pour li pa depas, pour koltar pa depas pavement, me selman Mont Fleuri ozordi kot loto pa kapab mont lo pavement. Si nou al parey nou pe ale la dan ankor detrwa lannen semen pour menm oter avek pavement. Akoz ki olye dan Bidze nou trouv zis sa asphalting akoz nou pa antre dan en proper, dan proper road building ki in the long term pour kout nou bokou pli bonmarse.

Mr Chairman wayleave.  Mwan Mr Chairman laverite mwan komans fatige tann wayleave. Mwan konnen akoz mwan fatige tann wayleave Mr Chairman se parski dan letan, dan en letan sa Gouvernman ki la ti zis pran later dimoun an malis.  E aprezan zot bezwen rann en pe parski zot in pran par malis.  Me dan Konstitisyon i fer provizyon pour nobou pran later kot i konsern lentere Nasyonal. Lartik 26 Konstitisyon i koz kler lo la. Lartik 26 i donn sa posibilite pour acquire later.  I donn ou sa drwa. ‘’Every person has a right to property and for the purpose of this article this right includes the right to acquire own peacefully enjoy ta, ta, ta’’. Me 26, 3 i dir ek ou the right under Clause 1, ‘’may be subject to such restriction.’’ Ok e bann restriction i annan public order, defence, ensidswit, sa bann zafer. E an plis ki sa zot in pas Lalwa 1996.

1996 i annan Lalwa Acquisition of Land in the Public Interest Act sa ti pase 1996. Kot ankor enn fwa i pa pe dir ou zis ale vol later en dimoun.  I pa pe dir ek ou zis pran later dimoun an brit an blan, non. Me i annan en prosedir.

E letan nou pe regard sa Lalwa se la kot Mr Speaker mon pe soz sa parski si pour deblok en bon pe sa bann proze ki zot pe dir, si zot fer li byen. Ki savedir ‘’acquire in the public interest in relation to land, means the acquisition or taking possession of land for its development or utilization to promote the public welfare.’’ The public welfare. Be mwan mon pa war akoz tou lazournen zis nou pe koz lo wayleave ok, fine, ou vini ou koz ek dimoun be ou konnen pour dir. Sa semen i enportan pour 25 fanmir pli o.

Mwan mon krwar senserman ki pour dir si en kominote 25 dimoun i bezwen en semen en dimoun pa kapab blok sa. Be si zis nou vini lannen apre lannen nou koz wayleave, wayleave, wayleave parey mon pe dir annou fer li byen.  Apros sa dimoun, eksplik li, e fer li konnen ki pour dir i annan en negosyasyon ki pe go on la, kot i pour ganny peye pour li sed sa morso, pour li sed sa morso later e ki tou fason si sa prosesis i ganny fer byen sa morso later pou ganny akeyir dan en fason legal.  E i pou ganny peye probableman sanmenm sa sonm ki pour, ki pe demande.

Alor mon ti ava kontan war Mr Chairman ki i annan en en pli gran fason kot nou swiv Lalwa. Me kot nou osi negosye pour ki bann dimoun ki pe esper en semen ensidswit keksoz i bouze. Mr Chairman dan sa menm lespri mon konpran letan, letan CEO i koz lo Board, lo Tender Board, Procurement ensidswit. In fact sa i enn bann size ki letan Minister Finans pour devan nou, nou pou koz lo la.

Ki mannyer nou kapab annan dimoun ki profesyonnel ki efikas ki vit, bann expert. I mean mwan par egzanp mon kapab deza dir la mwan mon pa krwar ki en Tender Board i bezwen zis annan dimoun ki dan en lorganizasyon parey CEPS pour nou met li lo Tender Board. Mwan mon krwar lo Tender Board i en board ki devret profesyonnel ki dimoun i konnen what is all about so that’s letan desizyon i vini, zis koman desizyon, zis koman en laplikasyon i vini, dimoun i fini konnen kisisa sa, ki mannyer i pour pase e si en keksoz ki pe bat latet ensidswit e so that keksoz i bouze. Ok sa i… Mr Chairman Onorab Gill in koz lo semen Pasquiere, Onorab son dernyen bout ki enteres mwan, Onorab Woodcock in koz lo semen Pasquiere.

Mr Chairman mon pa konnen, Mr Herath mwan mazinen ti ankor, pa ti ankor ne. be eski ou konnen pour dir mwan mon’n pas dan loto lo sa semen Pasquiere. I annan bokou nou la ki konnen semen Pasquiere ti en semen loto. Semen Pasker ti enn sa bann semen ki ti ganny fer par nou bann vye dimoun ki ozordi nou apel zot tarmac.  E mwan personnelman mon pa war ki mannyer sa semen nou pa kapab. Nou bezwen zis kontrakter No.1 License kontrakter No.1, mwan pa war ki mannyer nou pa kapab vreman tackle sa semen, parski sa semen, ofet son bor tou le de kote in fini la. I en kestyon, byensir apre tou sa ban letan, i annan pye prin ki’n pouse, prensipalman pye prin, ki mannyer pour tir sa e apre sa pour rebuild li.  E byen regarde fondasyon sa semen Pasquiere i bokou pli bon dan son leta ozordi ki bokou bann semen ki zot pe fer ozordi akoz sa semen in ganny fer avek ros.

E mwan mon konn byen sa semen depi letan mon’n marse, depi Be Air ziska Pasquiere. E menm dan transpor depi Pasquiere ziska Bel Air.

Ok. So mwan konn sa tre byen atraver laplenn Olandez parske mon sorti Praslin, mon konn sa tre byen.  Alor me an menm tan osi pour nou koz lo lavites, Onorab Gill in koz pour li, pour bann kontrakter. Me akoz ki letan i annan en gran proze, akoz olye annan zis en kontrakter. E alor nou konnen pour dir proze pour 46 milyon, be annan 2 kontrakter. Enn i komans lo kote Pasquiere, lot i komans lo kote Bel Air parey Euro Channel ti ganny konstri. Ti napa zis en kontrakter. Lo kote Angel ti komanse, lo kote Franse ti komanse, zot ti zwenn anba channel.

E sa menm lespri ti ava fer ki semen, oubyen travay i al pli vit. E an menm tan osi Mr Speaker nou ti ava war ki par egzanp sa proze roundabout la ki, sa semen ki trennen. Si en konparezon ou ti annan ou 3 kontrakter la. mwan mon krwar sa semen ti pou’n fini mwan.  Sa roundabout ti pou’n fini.  E sa proze ti pour kout menm pri. Kot enn ti ava pe pran apartir roundabout Le Chantier, ti ava pe konsantre lo semen, lot ti ava pe konsantre lo bout pon pour travay …. Lo ti ava pe konsantre lo lot bout. Mr Speaker mon pe dir tousala zis parski mwan mon enterese avek lekonomi. Lekonomi dan nou Bidze e an menm tan osi lefikasite. Parski dimoun i vin fristre.

3 pti kestyon ankor PUC. Mon tande la ki pour dir SLTA in dir zot aret fer en travay. me konmsi PUC li zis i ale i fer san, napa kordinasyon la i en pe trakas mwan. Semen Ma Joie, mwan ti ava kontan ou dir nou en update lo sa semen Ma Joie e pandan ki meeting i on la mwan tande deor ladministrasyon distrik Baie Ste Anne pe met koltar e ki bann dimoun ki pe fer sa travay napa ni leksperyans met koltar. Mwan pa konnen mwan. Mon’n ganny sa konmsi pour tyeke parski napa okenn zofisye, napa zofisye SLTA ki pe supervise sa.

Mr Speaker msye CEO i konn byen mwan ti vizit avek li English River sa semen Castor Road ziska Mont Buxton e nou ti koz lo diferan eleman. Mwan ti ava kontan ganny en update parski sa bann dimoun pe demann mwan bokou bann kestyon.

E finalman asphalting an relasyon avek bann private contractors. Mwan ti ava kontan ou dir nou egzakteman kwa ki pe arive pour eklersi okenn dour parski i annan, i annan en eleman kot serten dimoun i dir i annan pa tou keksoz ki above board la. E ki menm bann serten pe store materyo kot zot, konmsi pour ganny en lavantaz. Konmsi ki pe arive pour fer sir ki keksoz i dwat e ki napa okenn lakizasyon koripsyon.  Non, non zis en dernyen pour minimize cost par egzanp letan ou’n koz lo La Digue, ensidswit, napa en posibilite pour ou Departman annan en seksyon laba.

Lontan, lontan Sesel ti annan diferan kalite travayer ki ti travay pour kit semen annord. Se pour sa rezon ki nou annan nou bann dimoun tarmac pour ki nou annan en kantite respe. Me La Digue si ou pe ganny sa bann problenm pou fer san bann pti maintenance.  Si ou ti annan en unit ki pe regard sa bann keksoz, ki toulezour ou pe fer en bout, toulezour ou pe fer en travay.  Eski nou pa ti a ganny en sityasyon kot, kot lo en baz regilye en kantite sa bann keksoz ti ava pe ganny fer e dimoun ti ava pe viv byen. Mersi bokou.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Speaker, pour konmanse ok.  Si nou al met koltar lo sa bann beton ki pe ganny mete, pa PUC. Si nou met li parey i ganny fer dan le pase dan serten landrwa, zis lo sa strip ki PUC i met beton.  Wi i annan posibilite avek lapli si i annan en gro delo ki pase i pou sorti.

Me selman se pour sa ki sa negosyasyon ki nou pe fer avek PUC nou pa oule zis al met koltar lo sa bout strip ki zot pe met beton.  Nou oule al met li at least half the road ki pou kouver sa bout e sa nouvo koltar pour annan en bonding ki ganny fer avek sa koltar ki egziste.

E osi serten landrwa nou pe resurface sa semen antye.  Letan nou resurface sa koltar antye non nou pa pou war kot sa koltar i sorti avek soz.  Si nou met zis sa strip wi, me selman ki mannyer nou pe al fer li either half the road oubyen lo semen antye i pa pou sorti.

Lo kote road building byensir i annan diferan practice ki pe ganny fer dan diferan landrwa.  E most of the time sa bann pratik i depann lo lekonomi. I depan lo lekonomi i annan bann keksoz, i annan bann practice ki vreman ser ki nou kapab servi.  E i annan ki en pe pli mwen ser ki nou kapab osi servi. E definitivman i annan bann metod pli meyer me selman sa ki nou pe servi coral fill dan le pase in ganny teste e konpaksyon ki enportan annefe dan baz en semen.

Si ou kapab konpakte li lo sa standar ki neseser whatever materyo ki ou servi i pou ok. Annefe i annan pei ki pe servi bann recycle rubber, i annan ki pe servi recycle glass diferan materyo pou fer baz semen. Me selman sa konpaksyon letan ou mezire letan in fini konpak si i donn ou sa mezir ki neseser i pou ok pou ou met koltar lo la.

Nou annan plizyer semen mon krwar ki nou war parey Perseverance, Ile du Port tousala in, son baz menm Roche Caiman son baz i koray e tou sa lannen i pe tenir. Nou pa pe war gran defo avek, alors vi ki coral fill i en keksoz ki available isi e nou ti kapab servir makadanm avek road base material, ki pou kout nou bokou pli ser pou nou fer en seksyon semen ki nou pe fer avek coralfill.

Apre byensir i annan bann maintenance ki vini nenport semen si ou fer avek makadanm, ros oubyen avek coralfill i annan son letan ki ou bezwen fer maintenance. Lo kote Pasquiere, wi i annan diferan metod ki kapab ganny servi met detrwa kontrakter lo site me selman i pa toultan ki marse osi. 1. Ou pou war diferan kalite quality dan travay si i de kontrakter oubyen 3 kontrakter i travay lo menm site e osi kapab annan bann konfli ki arive ant bann kontrakter letan zot pe travay lo kote bann masin ki bezwen travay lo bann site eksetera.

Lo kote wayleave Onorab mon osi fransman mon fatige nonm wayleave. E mon ti, nou pe nonm wayleave mon krwar pou plizyer lannen e hopefully pour nou kapab enplimant sa bann proze mwan osi mon swete ki i annan en fason ki nou kapab deal ek sa issue either acquire in national interest parey ou’n propoze oubyen dan en lot fason. Mon pou kit sa ouver pou plis diskisyon.

Lo kote PUC sa stop notice ki’n ganny donnen, i annan en Komite anba Planning Utilities Committee ki tyek tou sa bann aplikasyon ki PUC i fer, avan ki i ganny aprouvasyon.  E nou annan bann dimoun nou osi ki SLTA i ganny reprezante lo sa Utilities Committee e par ler pa toultan ki nou war ki bann kondisyon ki’n ganny set ki’n ganny swiv.  E si nou war i annan en issue ki pa pe ganny swiv oubyen zot pe swiv sa alignment ki’n ganny donnen, definitivman nou vi ki nou, nou responsab pour bann semen si nou war nou bann semen i an danze nou bezwen fer zot aret pour nou fer en lot vizit gete si i annan okenn amelyorasyon ki kapab ganny fer pour zot kapab proceed avek sa bann proze.  I pa vedir ki nou anvi aret sa bann proze konpletman me nou bezwen rod en lot fason pou fer sir ki sa ki zot pe fer i safe e nou semen pa pou ganny andomaze plis.

Lo kote semen Ma Joie, Mont Buxton in fini ganny tender i annefe kot Tender Board la.  Mon tande i annan en retar ki arive la akoz i annan en kontrakter ki’n partisipe ki pe appeal, ki pe konteste. Mon ekspekte ki pou ganny sort out within sa detrwa semenn ki pe vini pour nou konmans sa proze vitman.

Baie Ste Anne kot nou pe met koltar, nou bann dimoun ki pe met koltar i pa bann dimoun prive. Savedir i posib i annan detrwa, detrwa travayer ki nouvo, ki napa leksperyans me selman nou annan bann bye travayer ki’n la pour plizyer lannen. Savedir nou la, selman si i annan en problenm mon ava koz ek nou manager laba nou ava get ki, kwa ki issue, ki issue ki egzakteman.

Proze Castor road ki nou ti vizite mon krwar an 2017 e nou ti’n fini travay lo son plan e design e mon mazin byen an Novanm 2017 nou ki anvoy sa plan kot ou pour gete si i ok pou ou fer ou komanter. E osi li i en proze ki pou pas lo plizyer bann priyorite prive sirtou lo konmansman lo konmansman kot laboutik kot nou antre la, e i enportan ki avan ki nou proceed plis avek konmsi nou spend letan lo la. Nou sort out sa bann zafer wayleave apre si i ok nou kapab enkli li dan proze 2020.

Kot asphalting work, lo kote si i annan posibilite bann, bann travay ki nou pe fer ki pa normal ki above board parey nou’n dir. Pa sa ki nou okouran, me selman nou annan en unit laba ki manage sa bann travay koltar e osi sa bann transfer kotasyon materyo bann keksoz koumsa. E zisteman i annan bann konplent ki nou pe gannyen avek bann pickup operators ki pa pe travay avek nou par egzanp, ki zot pe dir akoz i annan zis en serten group travayer ki nou pe travay avek. Sa i dapre en Kontra ki nou ti annan pour 2an kot sa kontra pe expire la e lanmenm la kot nou’n ganny sa aprouvasyon pour nou re-tender sa proze, sa prosedir pou fer sir ki i transparan, ki pou annan diferan dimoun lo en Komite ki pou ed nou avek sa nouvo tender, POU pou lo la, FTC pou lo la osi. Pou fer sir ki nou fer li dan en fason transparan e tou dimoun i ganny loportinite pou partisipe. E osi mon ekspekte letan i en open tender i annan posibilite pour nou fer sa cost desann.

Letan nou fer cost desann savedir avek menm Bidze ki nou annan nou kapab fer en pe plis travay. Nou pou kapab met en pe plis koltar e nou hope ki sa i marse tre byento, nou ekspekte come up avek bann nouvo kontra by Mars lannen prosenn. Lo kote store materyo i pa posib Onorab akoz nou bann materyo i ganny store kot nou yard SLTA. Nou annan de landrwa zone 20 avek Petite Paris si i annan okenn materyo ki ganny pran kot nou yard i ganny rikorde e osi nou annan bann zofisye ki follow thorough pou gete kote sa materyo i ale.

Normalman materyo ki ganny pran i pou al lo en semen ki nou pe al fer baz eksetera. E definitivman nou annan bann recording ki ganny fer par bann zofisye ki kot lo yard ki issue avek bann ki resevwar sa bann materyo lo site.  Alors i en pe difisil mon pa pe dir ou i enposib nou konnen i annan dimoun ki find ways around everything me selman nou napa okenn levidans ki sa pe arive. Mersi Bokou.

 

MR SPEAKER

Mersi CEO.  Minis.

 

MINISTER PAMELA CHARLETTE

Mersi Mr Chair.  Zis pour mwan tous de pti pwen ki Onorab in fer resorti. Regarding wayleave avek acquisition pour lands.  Wi nou konnen pour dir i annan sa Gouvernman i kapab fer li anba sa Konstitisyon me parey ou’n dir i bezwen annan en negosyasyon. Akoz i dir ou pou dir acquisition will be the last resort. Savedir ler ou’n exhaust tou bann alternative e ou’n exhaust tou bann negosyasyon posib e nou konnen pou dir negosyasyon par ler i pran bokou letan e san menm sa ki fer, ki fer tarde.

Akoz previously nou’n ganny parey zot konnen zot deza ganny met ankour e Lakour i overturn akoz sa turn negosyasyon kekfwa pa’n ase. So i bezwen annan en prose negosyasyon ki, ki vreman extensive avan ki nou fer en akizisyon.  Lot komanter mon ti anvi fer kote contracts kin ou kapab fer a lot, wi i posib nou’n fer li dan housing.  Dan bann housing project e nou ava travay avek POU pou nou kapab gete si nou kapab kekfwa met osi lo kote road, semen. Mersi.

 

MR SPEAKER

Mersi Minis.  Onorab Ramkalawan.

 

HON WAVEL RAMKALAWAN

Mersi bokou Mr Chairman e mersi pour bann larepons zis 2 pti pwen ankor enn fwa retourn ankor lo Praslin avek La Digue. An relasyon avek bann kontrakter Seselwa parski konmsi mon ti ava kontan si ti kapab letan zot pe fer zot bann scope of works pa fer li toultan en fason ki zis bann gro kontrakter ki pou kapab ganny en bouse manze.

E nou plis ki sir ki nou kapab fer li dan en fason ki bann kontrakter Seselwa osi tou i ava kapab ganny en manze. Sir Jude in anvoy mwan en mesaz i dir ek mwan, si nou ti kapab dir parske koz lo trafik bloke ensidswit spesyalman sorti dan Sid. Si ou ti kapab dir sa kontrakter ki pe fer sa travay Pointe Aux Sel avek Anse Royale si i ti kapab konmans travay apre 8 er akoz sa i enn bann lakle pour trafik bloke e pou dimoun ariv tar anvil.

Parske zis konman zot fini pas sa bout trafik i roul en pe pli byen alors pran konsiderasyon akoz serten sa bann kontrakter la zis konman zot soz lo semen zot krwar ki pou dir zot ki an kontrol tou keksoz alor met en pe lord dan sa direksyon.  Mersi bokou.

 

MR SPEAKER

Mersi Onorab.  CEO.

 

CEO PARINDA HERATH

Mersi Mr Chair mon ava defitivman pran an konsiderasyon sa komanter lo kontrakter lo Praslin.  Lo kote Anse Royale, Pointe Au Sel i annan bann kondisyon ki’n deza ganny mete avek bann kontrakter bann ler travay e zot pa sipoze pe travay dan bann ler peak hours e sa i enn bann fason ki nou war ki bann kondisyon pa pe ganny swiv. E nou, nou ava enform Road Transport Commission avek Utilities Committee pour annan en pe plis oversight pou fer sir zot mentenir sa, sa bann kondisyon.  Mersi.

 

MR SPEAKER

Mersi CEO.  Avan nou pran en vot mon annan de pti konsern lo mo kote.  CEO premyerman lo mon non lo non DA, nou remersi ou departman pour sa relasyon travay. Mon krwar nou’n kapab achieve bokou dan Bel Ombre, nou’n war amelyorasyon bann semen bann semen segonder tou.  CEO i annan en lekipman ki en pe lannen in ganny bidzete se sa lekipman ki ti pou grat sa vye surface koltar. E pour recycle akoz nou annan en problenm ki materyo pe vin en pti pe scarce. Ki’n arive avek sa si mon pa tronpe ti’n menm bidzete. Osi tou i ava ede ki semen i pa a vin menm oter oubyen vin pli o ki pavement.  Sa i enn.

Dan PSIP mon pe war sa footpath Bel Ombre, eski san menm sa kontinyasyon pavement? H-Hotel Bel Ombre pou lekol primer Bel Ombre, e petet kan pou demare sa proze si san menm sa?

Lo kote semen Nicette dan Danzille widening mon konnen i annan en pti lenpas la, me petet lo konmansman lannen CEO ou pou organiz en site visit i posib.  Lafanmir Nicette pe negosye petet en way around sa lespas, si nou kapab organiz en meeting ek en site visit pour nou kapab trouv en solisyon.  Vwala mon met sa devan ou CEO petet ou a donn ou repons.  Mersi.

 

CEO HERATH

Mersi Mr Chair lo kote semen Nicette wi nou pare pou fer en vizit lo konmansman lannen e nou a gete ki mannyer nou kapab sort out sa issue ki nou annan.  Lo kote Bel Ombre footpath wi i kontinyasyon sa footpath depi kot klinik i ete ziska lo oter.  Apre pou annan bann lezot faz ki swiv, be sa bout ki nou pou fer premye.  Lo kote milling machine pou le moman nou pa war lo koman en priyorite pour nou, vi ki nou annan en kantite travay pour nou fer pou met semen annord avan.

E lot problenm ki nou war ek en milling machine i kraz sa koltar ki egziste e tire, apre nou bezwen vini re-aranz sa baz avan nou met koltar.  E sa i pou koz en lot retar, nou bann semen ki nou annan parey anvil nou napa en landrwa ki nou kapab mill, apre donn trafik en lot larout alternativ pou pase.  Nou pou war nou avek bann semen ki’n bloke e i pa pou ideal pour nou.  Alors pour le moman nou war bann paver avek bann lezot lekipman ki pli ideal pour nou delivre sa louvraz ki nou anvi fer, e pli tar petet letan nou pe re-al dan resurfacing bann lezot semen en pe an deor lavil, kot nou kapab frenm en kote apre allow lot kote pou marse nou ava konsider li dan detrwa lannen ki pe vini.  Me selman i pa feature dan nou lalis PSIP pour le moman.  Mersi.

 

MR SPEAKER

Mersi CEO.  Bon nou’n ariv ler pour nou pran en vot lo Bidze pour Seychelles Land Transport Agency pour lannen 2019 pour en sonm R181, 84milyon, ki form par sa Schedule e i trouve lo paz 412 ziska 418.  Mon ava demann tou Manm ki an faver? Okenn Manm ki kont.  Madanm Deputy Clerk?

 

MADAM DEPUTY CLERK

Mersi Mr Chair 22 Manm in vot an faver e personn kont.  Mersi.

 

MR SPEAKER

Mersi.  Savedir Bidze 2019 pour SLTA in ganny aprouve par Lasanble Nasyonal.  Bon mon ti a kontan avek sa remersi CEO Herath avek son Deputy CEO Mr Hoareau e nou ava eskiz zot parmi nou.  Anfen mon ti a kontan remersi, non mon krwar nou annan. PS Thesee nou annan en lot vot pou nou pran.  Nou a pran sa lot vot avan nou eskiz bann zofisye ek Minis.  Nou annan en lot vot mon krwar lo Road Transport Commission.

 

PS DAMIEN THESEE

Mersi Mr Chair.  Road Transport Commission i trouve lo paz 419 a 423 pou en sonm R10,545milyon.   Mersi.

 

MR SPEAKER

Ok.  Bon sa ankor i ti en head ki lo nou ti deside pou nou pa kriye.  Bon nou ava pran en vot lo sa sonm ki la devan nou R10 545milyon ki pou Road Transport Commission ki form par sa Schedule e i trouve lo paz 419 ziska paz 423.

Tou Manm ki an faver ki an faver? Bidze pou Road Transport Commission en.  Annou revwar en show of hands tou Manm ki an faver? Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  15 Manm in vot an faver e personn kont.   Mersi.

 

MR SPEAKER

Mersi savedir Bidze Road Transport Commission pou 2019 in ganny aprouve par Lasanble Nasyonal.  Nou’n fini PS yes?  Bon mon ti a kontan remersi Minis Pamela Charlette, CEO avek Deputy CEO e nou ava eskiz zot parmi nou.

Bon avan nou pran Break mon annan en pti moman mon annan en Right of Reply ki mon oule adrese.  Mon anvi zis fer de pti komanter an sa ki konsern ant Right of Reply.  Bann prosedir ki mon pe swiv en pti pe anliny avek sa ki Konstitisyon pe demande e an menm tan nou House rule.

        Mon’n ganny 2 Right of Reply so far e vwala en pti pe bann prosedir ki mon pou swiv.   Premyerman mon bezwen pas lo la.  Mon bezwen scrutinize sa bann Right of Replies.  Mon bezwen enform sa Manm oubyen sa plizyer Manm ki sa Right of Reply i al dan rese lo ki konsern zot.  Mon bezwen osi tou anvoy kopi kot tou bann Manm ler nou’n deside pou nou kapab adrese li.  E mon bezwen fer sir kot prezans sa Manm oubyen sa bann Manm e zot la dan Chamber ler sa Right of Reply pe ganny lir.

Se sa lafason ki mon pe sey deal avek, akoz i annan enn ki’n sorti kot Zidisyer mon ankor pe tenir akoz Manm ki konsernen ankor i pa dan Chamber e i pa pou normal pou mon adres li.

Bon devan mon, mon annan enn ki mon’ resevwar ozordi sorti kot Chairman Island Development Company Limited IDC.  Date le 25 Novanm 2018 e i al koumsa;

i adrese;

The Speaker of the National Assembly

Hon. Nicholas Prea National Assembly

Ile Du Port

Mahé

Seychelles.

 

Dear Sir,

 

Re: Right of reply – Article 102 (6) of the Constitution of Seychelles.  

 

In accordance with the provision of Article 102(6) of the Constitution of the Seychelles the Island Development Company (IDC) hereby exercises its right as an aggrieved party to reply to the allegation made by the Honorable Jean-Francois Ferrari at the sitting of the National Assembly on the 12th November 2018.  

        More specifically the Honorable member for Mont Fleuri said the following – (mon quote)

‘’… i annan 18 kare later ki pe ganny tire … ki e ganny marke pou vann ek etranze ankor lo zil Desroches.  18 kare.  Fek pas kot Planning. Ok.  Anyone i kapab aste.  I kapab Mr Savy i ava dir ou me ou osi ou en Seselwa ou kapab aste. Me mwan mon kapab aste en kare later Desroches mwan? Fodre mon’n pran en tant lapes mon’n al avek ler personn pa ti pe gete.  Mon pa pou kapab ale’’.   Unquote.

We wish to put on record that this statement by the Honorable Ferrari is false and a total misrepresentation of facts which needs to be corrected.  

  1. There is no recent submission to Planning Authority for the creation of 18 parcels of land on any island whatsoever for the purpose of onwards sale to anyone.  
  2. Land on the islands is always leased and never sold.  The lease period vary from 60 to 70 years.  No land has ever been sold on any IDC leased islands.  

Based on the above facts Honorable Jean-Francois Ferrari still wishes to stand by his statement we humbly proposed that the Honorable brings forth relevant document to prove his allegation.  

        It is hoped that in the future before any public statements are delivered against or about IDC, appropriate enquiries are made in order to ensure factual accuracy of such assertions.

        IDC has a Public Relations Manager, as well as the CEO and a Chairman, who are ready to respond to any enquiry regarding the company.  

        Yours faithfully signed

P Berlouis

Patrick Berlouis (Mr) CHAIRMAN.

        So vwala Right of Reply ki sorti kot Chairman Board IDC.  Yes Onorab Ferrari.

 

HON JEAN-FRANCOIS FERRARI

Mersi Mr Speaker.  Mr Speaker mwan osi mon’n aprann sa apre midi poudir i annan sa …

 

(Interruption)

 

MR SPEAKER

Bon, bon ok.  Onorab Ferrari atann en moman.   Bon Right of Reply parey mon ‘n ekrir mon koz lo bann prosedir dan sa ka i konsern Onorab Ferrari.  E i annan en drwa pou li fer komanter.   Annou donn li sans pou li fer son komanter.   Onorab Ferrari.

 

HON JEAN-FRANCOIS FERRARI

Mersi Mr Speaker. Akoz si i annan lezot ki anvi reponn dan mon plas zot kapab.

Me selman mwan osi mon’n pran konnesans sa dokiman, sa let – mersi Mr Speaker.  E ladan in ganny dir pou dir mon’n dir serten keksoz ki pa korek.

Mr Speaker premyerman – premyerman mon ti a kontan dir pou dir mon pa konpran ki mannyer lo sa let i  mete poudir ‘’All correspondence shall be addressed to the Chief of Executive Officer.’’   Pa to ‘’The Chairman.’’ E the Chief Executive Officer i pa ekrir mwan li Mr Savy?   Mr Savy mon konn li byen i kapab ekrir mwan li.

So mon repons se pou – akoz la in dir anler ‘’Please address correspondence to the Chief Executive Officer.’’  

Alors mon larepons se pou ‘’The Chief Executive Officer.’’  Ladan i pa konteste pou dir i annan bann kare later ki’n ganny tir.  Mr Savy i dir pou dir zanmen, zanmen okenn bout later in ganny vann.  Me i konfirmen later in ganny lease pou 60 a 70an.

Pou mwan Mr Speaker si ou vann mon en bout later pou 60 – 70an i parey i pou mwan.  Laprev se ler ou al lo bann website ou vwar pou dir ou kapab aste ‘’Villa for sale in Southpoint Desroches Island Seychelles.’’  Son pri 6 439,394, milyon Liv Sterlen.  R100 milyon, 100 milyon plis ki R100 milyon en villa e ganny vann.  Pe ganny advertise ‘’For sale.’’

        Now si sa pa korek kekfwa Mr Savy i devret ekrir sa bann website, pou dir avek zot pa bezwen advertise sa bann keksoz – for sale.

        Mwan sa ki mon anvi dir se ki annou pa pou argimante ant lease or sale.  Kekfwa Mr Savy i ava apel li sale pou lease mwan mon ava apel li sale.  

Me si i ti a kontan mon ti ava apel li lease mon ava dir – wi i annan later ki’n ganny tire – i annan bann kare ki’n ganny tire ‘’to be leased for 60 to 70 years.’’  This the fact and I stand by what I said!  Mersi Mr Speaker.

 

(APPLAUSE)

 

MR SPEAKER

Mersi Onorab Ferrari bon avek sa mon ti ava sizere nou pran en Break e nou annan Minister Ledikasyon ki en gro Minister.   Si nou annan en konsansis nou retourn 4er oubyen nou retourn 4 mwen 10 ok?  Nou retourn 4er mwen 10 alors. Nou pran en Break, nou retournen 4er mwen 10 kot nou pou deal avek Minister Ledikasyon.

 

(BREAK)

 

MINISTRY OF EDUCATION & HUMAN RESOURCE DEVELOPMENT

 

MR SPEAKER

Bon mon ti a kontan welcome bann zofisye Minister Ledikasyon ki pe ganny dirize par Minis pour Ledikasyon e Resours, e Devlopman Resours Imen, Madanm Jeanne Simeon.

Minis i ganny akonpannyen par Dr Linda Barallon ki son Sekreter Prensipal pour Tertiary Education and Human Resource Development, Dr Odile De Commarmond ki Principal Secretary for Early Childhood Primary and Secondary Education, Mrs Linda Monthy Financial Controller, Ms Christelle Betsy DG pour Human Resource and Administration, Mr Jones Belmont Konsiltan pour Project Infrastructure Resource Planning, e Mrs Merida Delcy ki Special Advisor to the Minister. 

Bonn apre midi zot tou e welcome dan Lasanble Nasyonal.  Mon ava zis pas la parol avek PS pour gid Lasanble lo Bidze lo ki kote nou pe pran bidze Minister Ledikasyon.  PS.

 

PS DAMIEN THESEE

Mersi Mr Chair.  Nou a pran paz 352 pour Minister Ledikasyon ek Resours Imen, pour en sonm R825, 685 milyon.  Mersi.

 

MR SPEAKER

Mersi PS Thesee.  Bon mon ava zis, nou ava komans avek bann Manm ki pour demann kestyon, mon ava komans avek Onorab John Hoareau.

 

HON JOHN HOAREAU

Mersi Mr Chairman. Mr Chairman mon premye kestyon i baze lo enn bann priyorite Minister Ledikasyon ki’n mete pour ‘’sustain and strengthen tertiary non-University Regional Centers.’’  E la dapre ki mon konpran SIT pa’n ganny akreditasyon, vedir in ganny deklare unfit for the purpose, alor i pa kapab donn okenn sertifika.  Mon ti oule konnen ki Minister Ledikasyon i pour fer atraver sa Bidze pour redonn tou sa bann zanfan ki pe lekel laba e bann ki anvi pran course laba pour redonn zot sa konfidans dan sistenm Ledikasyon e pour permet zot petet demen kapab ganny en sertifika ki ganny rekonnet dan zot prop pei menm?

Mon konnen poudir Lekol Lagrikiltir osi i anba provisional, e Lekol Maritim i osi pa tro dan bon, alor sey dir nou ki zot pe fer?

Dezyenmman an vi ki Sekretarya Minister Ledikasyon son Bidze in monte sorti 3.8 milyon pour al 7 milyon, preski double, mon ti a kontan konnen ki zefor zot pe fer pour donn plis lotonomi bann Lekol Pos- Segonder ki annefe i ti devret pe fer desann zot kou Sekretarya?

Si Minis i kapab dir nou si petet A, B, C, D ki zot ti pe fer avan sa bann keksoz in re tonm anba Pos Segonder an vi ki zot deza annan en frame work pour decentralization authority frame work si sa i zis en papye ki zot in mete, ki zot in fer, me i pa pe ganny met an pratik akoz ki zot, ki zistifikasyon in other words zot annan pour ogmant zot Sekretarya?

Trwazyenmman mon ti a kontan konnen anba, ok SONA osi ki Prezidan Faure ti anonse poudir pour annan en TVET en Technical Vocational Education Training Centre ki ti pour ganny fer Ile Soleil, nou pa vwar dan PSIP e sa i en keksoz ki bokou dimoun ti pe look forward ki ti ava redwir en pe bann problenm disiplin dan Lekol Segonder ki ti a cater en pe pour bann lentere bann manrmay ki nonacademic?

E katriyenmman mon ti a kontan konnen an vi ki zot pe al depans 3.8 milyon lo uniform, pour fer vini uniform, e stationaries 3.5 milyon, akoz ki sa pa ganny tender out pour sekter prive an vi ki Minister i sipoze pe konsantre lo service delivery ek product non pa lo biznes?  Si Minis ti kapab eklersi sa enn de pti pwen apre petet mon ava fer en lot klarifikasyon.  Mersi.

 

MR SPEAKER

Mersi Onorab John Hoareau, bon zis mon ava averti Minis avek panel, si zot kapab zis endike mwan konnen i annan bann bout kestyon ki Minis i adrese direkteman lo Minis, si le 2 PS osi oubyen Project Manager Mr Belmont osi tou i oule reponn, ok so zis nou ava endike, zis raise lanmen pour mon kapab donn zot laparol.  Minis.

 

MINISTER JEANNE SIMEON

Bonn apre midi Mr Speaker.  Bonn apre midi tou Manm Onorab prezan.  Mersi Msye Onorab pour ou kestyon.  Mr Speaker mon ava donn en leklersisman lo akreditasyon apre PS Barallon i ava elabor lo la.

Prosesis akreditasyon pour bann Sant Profesyonnel i en prosedir ki i annan plizyer letap ladan.  E se pour sa rezon ki nou vwar i annan en bann i ganny en provisional accreditation, akoz i pa ankor arive meet tou bann requirements pour li kapab ganny full accreditation, me i pa vedir ki i pa pe ofer sa bann progranm ki i devret ofer; i pa vedir ki nou bann etidyan i lose out pandan sa prosesis, me i enn ki nou bezwen fer li pour nou kapab parey nou pe dir strengthen nou bann Professional Centers ki zot ava ofer bann progranm ki a la oter e ki ganny, e ki zot sertifika i ganny rekonnet enternasyonalman en si ki Nasyonalman.

Apre sa PS Barallon ava donn zot detay lo kote SIT i ete dan sa prosesis, e i annan lekol, i annan Sant Profesyonnel ki’n deza ganny full accreditation, savedir in met tou bann requirements ki i bezwen.

Lo kote Minister’s Secretariat akoz ki Bidze in ogmante pour Minister’s Secretariat?  Sa i baze lo sa nouvo striktir ki Minister Ledikasyon in travay lo la e ki’n komans an operasyon sa lannen, i pour kontinyen loperasyon full operation an 2019.

E ladan i pa vreman ki in annan bokou nouvo staff ki nou’n met ladan, i annan staff ki’n sorti dan lezot Seksyon ki’n move akoz sa nouvo striktir.  I annan migration of staff from en lot Divizyon pour vin anba Secretariat Minis.  E osi i annan, i annan provizyon in ganny fer dan anba Secretariat Minis pour sa ki nou apel bann Information Officers, zot tonm anba Secretariat Minis, sa i dapre sa nouvo Lalwa Access to Information tou Minister, tou Lazans i bezwen annan sa bann staff members dan zot Minister pour kapab met an mars sa nouvo Lalwa.

E pour osi dan Secretariat Minis parey nou vwar, i annan anba, i annan sa bann ki nou apel, provizyon in ganny fer pour School Council, ok i enn ki tonm anba Secretariat Minis e i annan en Secretariat pour School Council anba sa e osi i annan en Secretariat pour Teachers Council, i en nouvo linisyativ pour nou met an mars an 2019 en Teachers Council pour nou kapab regulate profesyon ansennyan, donn li son Stati neseser e sa Secretariat i osi tonm anba Secretariat Minis.

E an autre sa ki nou’n vwar pour Secretariat Minis nou’n vwar sa migration 4 staff members ki’n migrate ki donn nou en total R1 milyon, i annan 4 ki’n transfer letan Minis ti kot Lafanmir, letan in vini, sa ariv R563.6mil e nou’n osi annan provizyon ladan pour en new Special Advisor ki’n fek ganny an pozisyon pour lannen 2018.

Pour TVET Centre parey nou’n dir, mon a fer Mr Belmont, nou Konsiltan pour projets i ava donn en leklersisman lo la e sa, zis mon pe dir poudir i en projets ki pour en PPP project, i ava donn en pe plis bann leklersisman lo la e kote son progre, kote nou’n arive.

E answit uniform, pour tendering out; uniform, school uniform in annan en diskisyon lo nivo Minister Ledikasyon avek lezot Lotorite konsernen, zisteman pour nou kapab tender out school uniform akoz nou osi nou’n remarke poudir i vin en burden lo nou ki nou ti kapab shed pour nou kapab ganny en pe plis lespas, en pe plis letan pour nou kapab deal avek lezot keksoz, ki pli annan relevans avek nou manda koman en Minister.  So sa i an diskisyon e tre, very soon nou kapab ganny en desizyon ki Gouvernman pour pran lo la.  Mersi Mr Speaker.

 

MR SPEAKER

Mersi Minis. Nou ava pas la parol avek PS Barallon.

 

PS LINDA BARALLON

Mersi Mr Chair.  Mersi Onorab pour ou kestyon tre valid, wi SIT in parmi 3 bann Sant Profesyonnel ki in pas sa prosesis pour ganny akreditasyon. E parey Minis in dir i annan en prosesis avan, e se SQA ki son manda pour al fer travay pour akredit bann Lenstitisyon, i annan en preparasyon avan SQA i ale, i annan en preparasyon ler SQA i laba en rapor, apre i annan en preparasyon apre ki SQA in fini ale.

SIT premye in fini pas son avan e SQA in fini Rule poudir wi i pa ankor ganny sa Status, me prezan i annan en plan d’action ek en dele letan ki lenstitisyon i ganny donnen, i annan bann keksoz, bann rekomandasyon imedya ki bezwen fer vitman.

Lo ki konsern sertifika pour bann manrmay, progranm ki ganny ofer fodre ganny validate.  Sa progranm pe ganny validate la, i recognized li, me akreditasyon i form par son progranm, son fasilite tou son keksoz pour donn akreditasyon.  Ki nou’n, Minister Ledikasyon li i pe met lanfaz lo la while ki bann Sant Profesyonnel en pe apar SBA ki’n ganny fully accredited, se ki zot bann progranm on offer i ganny validated e ki ganny recognized. E se sa ki zot in fer.

Prezan dan sa apre la ki SQA in al kot SIT i annan ankor, SIT i annan son plan d’action ki i bezwen i vin avek, dan kour term pour adres en pe.  TEC Tertiary Commission ek SQA i la pour travay avek sa bann Sant Profesyonnel pour fer sir ki bann rekomandasyon kle i ganny aranze.

Departman Zesyon Tertiaire ek Resours Imen li i fer sir pour gete si i annan bann ki relye avek Minister pour nou ede; par egzanp ti annan issue pour fer avek pizon avek workshop.  E deza sa lannen 3.4milyon in ganny donnen pour re aranze akoz i form par dan conduciveness of sa lenstitisyon pour ofer training pour aranz sa deswit, ki sipoze fini la ler manrmay i vini by Zanvye.

Apre i annan bann issue bann lekipman, bann write-off ki i annan bann conduciveness e sa nou, nou pe asiste SIT pour sa – i take care of.  Me apre i annan bann swivi pros ki ganny fer apre.  Se tou sa prosesis ki ganny fer.  I annan bann Lenstitisyon ki pa’n tro pas ladan akoz zot pa’n fini zot avan SQA i ale, parey ou pe vwar SMA i enn parmi.  Ou vwar?  Me sa i ganny lakonpannyman ki SQA i travay avek zot pour fer sir ki zot avan vizit ler zot laba, e apre i ganny take care of.

Savedir Onorab nou, nou ava kit ou updated, nou ava vwar, akoz mon’n vwar bann korespondans between SQA avek SIT ki pe go on.  Mon pe swiv sa de pros, pour fer sir ki zot plan d’action ki mannyer pour remedye sa bann rekomandasyon imedya e lonterm, e pour fer sir ki next round vizit, zot osi zot ava ganny sa akreditasyon ki zot bezwen.  Larestan wi i dan provisional, i pa fully accredited.  Me selman zot operasyonnel as long ki zot bann progranm in ganny validate, in ganny recognized.  E se sa lanfaz ki fer ou sertifika valid, sa akreditasyon ki ou donn li.

With regards to larzan, mon’n vwar ou’n dir Secretariat Minis or Secretariat PS, progranm pour bann Sant Profesyonnel i anba program 6 Minister Ledikasyon e sa i lo paz 364 ek 365.  Savedir ou vwar bann diferans Bidze i pa bokou, konsidere ki bann Sant Profesyonnel letan zot annan zot suspense account ki siport zot Bidze pour bann depans ki zot sipoze fer.

 

MR SPEAKER

Mersi PS Barallon.  Mon pas la parol avek Konsiltan pour Projets – Mr Belmont.

 

PROJECT CONSULTANT MR JONES BELMONT

Mersi Mr Speaker.  Wi Onorab i annan en morso later ki’n ganny allocate avek Minister Ledikasyon zisteman pour devlop en projets pour sa Technical Vocational Centre ki pour abrit bann, serten zanfan, serten zanfan ki sorti, ki lo nivo S3 a S5.

Pour le moman dapre brief ki nou’n gannyen, parski i annan Komite ki pe travay lo bann lezot definisyon Curriculum, me pour le moman sa ki nou’n gannyen lo sa brief in permet nou vin avek en concept design, pour nou vwar lo sa later li menm si i annan sifizaman lespas pour nou devlop sa lekol dapre son fonksyon Curriculum ki nou’n gannyen lo brief.

Me e i kler ki i annan serten pti amelyorasyon pour fer avek sa later li menm. 2020 Vision in dir ki i bezwen annan serten reclamation adisyonnel lo sa kote pour permet annan zisteman later sifizan pour nou kapab devlop sa concept lo la.  Sa morso later i sitye lo kote Sid Was Ile Soleil li menm.  Mersi Mr Speaker.

 

MR SPEAKER

Mersi Mr Belmont. Onorab John Hoareau.

 

HON JOHN HOAREAU

Eski Minis i kapab donn nou enn de legzanp bann keksoz ki zot in, ki zot ti pe fer avan ki ozordi zour pe ganny fer anba, pe ganny fer kot bann lekol Pos-Segonder oubyen kot bann Lekol Segonder?

Apre osi eski i kapab donn nou ki kantite Special Advisor zot annan kot Minister Ledikasyon? E ki rol sa enn dernyen ki’n fek dir nou ki pe al ganny anploye?  Mersi.

 

MR SPEAKER

Mersi Onorab Hoareau.  Minis.

 

MINISTER JEANNE SIMEON

Mersi Onorab.  Mersi Mr Speaker. Mr Speaker mon pa’n tro konpran ki Onorab i oule egzakteman pour sa premye kestyon.

Pour son 2enm kestyon, Minister Ledikasyon i en gran Minister, i annan li zis 2 Special Advisors, i annan 1 pour Ledikasyon e 1 pour ANHRD, Human Resource Development.  Si ou kapab eksplik en pti pe sa enn la premye, mon pa’n tro konpran.  Mersi.

 

MR SPEAKER

Mersi mon osi mwan en pti pe konfize sa premye.

 

HON JOHN HOAREAU

Wi anba sa Decentralization Authority Framework pour ki bann Lekol Segonder i sipoze annan sa otononm anba sa framework, ki sa bann keksoz ki ti pe ganny fer kot pour Secretariat ki ozordi zour pe ganny fer dan Lekol Segonder oubyen Lekol Pos-Segonder?

 

MR SPEAKER

Mersi Onorab Hoareau. PS Barallon.

 

PS LINDA BARALLON

Mersi Mr Chair.  Mersi Onorab, wi nou pa’n kouver sa enn avan.

Sa ki konsern Sant Profesyonnel, wi i annan sa Decentralization Authority Framework ki’n ganny aprouve.  Kwa ki desantralize ki deza dan lenplimantasyon depi an me, se enn zot Bidze, i ganny desantralize.  I annan cluster account staff ki take care avek zot bidze ki baze dan enn bann Sant Profesyonnel; enn.

Dezyenmman i annan kote Human Resource Management ki i annan li en Direkter, Human Resource, Ladministrasyon zis pour bann Sant Profesyonnel ki desantralize from Minister Ledikasyon.  Savedir zot ki manages their diskit an term zot Bidze.  Zis payroll PSIP ki reste kot nou apre bann case HR pour non … teachers e bann overseas, sa pour Sant Profesyonnel.  Mersi.

 

MR SPEAKER

Mersi PS Barallon. Onorab Aglae.

 

HON EGBERT AGLAE

Mersi Mr Chair. Minis, PS ou delegasyon bonn apre midi.  Minis mon premye kestyon i konsern lo lanons ki Minister Finans ti fer kot i konsern bann long service allowance.  I annan serten konsern kot i konsern bann teachers, sirtou bann Headteachers Segonder ouswa Primer ki lo Kontra ki zot pe santi zot defavorize akoz zot pa feature ladan malgre zot pa’n fer bokou letan dan Ledikasyon, eski zot annan okenn petet, pe mazin fer okenn keksoz dan sa laliny pour ki zot osi zot ava benefisye avek bann long service allowance ki sipoze ganny anons, ganny donnen apartir lannen prosenn.

Dezyenmman kot i konsern School Counsellors, eski dan sa Bidze vi ki i annan en mankman, en gran mankman mon kapab dir kot i konsern School Counsellors kwa ki zot pe vin avek, avek sa bidze pour fer sir ki zot kapab pe komans lo en roadmap pour annan e train ase School Counsellors pour ki a lavenir zot ava annan ase School Counsellors dan lekol?

E dernyerman mon ti a kontan konnen kot i konsern lotonomi ti ganny anonse en pe letan pase, eski bann School Council ozordi zot satisfe avek sa travay ki zot pe fer?  Akoz i annan serten lekol ki santi poudir malgre i annan lanons pour lotonomi zot pa pe ganny gete parey pour kapab pli mye deservi sa lekol e ed sa Headteacher ek sa lekol li menm?  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Bon si mon kapab reponn pour school autonomy e apre mon a les Scheme for long service avek Counsellors avek PS De Commarmond.

Pour school autonomy sa mon, parey ou annan rezon pour dir en keksoz ki nou’n komanse ok? Nou ankor an prosesis pour nou met son bann framework, regulatory framework an plas.  Savedir sa bann dimoun ki dan lekol ki’n ganny apwente as School Council nou pe revwar, akoz la nou bezwen revwar zot rol ki zot pe zwe dan lekol e sa pour rantre dan en framework avan ler ki nou kapab vreman lans li ofisyelman koman, koman part of school autonomy, e sa nouvo fason ki lekol pour ganny manage avek son Konsey.

Me an gro Konsey i la pour ed lekol kapab improve nou bann performans e rezilta nou bann etidyan.  Zot la pour zot diskit avek zot lekol, zot la pour zot anmenn devan bann progranm, bann linisyativ ki o sen zot lekol zot kapab ed zot lekol an term performans zot, en bann etidyan an term rezilta ki nou, nou pe rode e fer en diferans lo nivo zot lekol.

E ler nou pour lanse, sak lekol avek son Konsey pour bezwen annan zot action plan, zot osi zot pour bezwen annan zot development plan or whatever they are going to call it, me selman zot pour bezwen annan en plan pour sa letan ki zot pour la, ki zot pour fer, ki bann diferan keksoz ki zot pour fer pour asiste sa lekol kot zot ete pour bouz devan an term. Me lanfaz se rezilta, se performans nou bann etidyan e se sa ki nou pe met bokou lanfaz lo la.  Mersi.

 

MR SPEAKER

Mersi Minis. Doctor De Commarmond.  PS.

 

PS ODILE DE COMMARMOND

Mersi Mr Speaker e bonzour tou bann Onorab.  Lo kote long service, nou pe fer en serten travay la pour nou regarde ki kantite sa bann dimoun, si pour annan ki pour ganny afekte par sa long service allowance.   Nou pe komans plis avek bann Headteachers akoz zot, zot lo kontra e nou pe fer sa travay apre pour nou kapab rantre an konversasyon avek Minister Finans pour nou regarde ki mannyer pour adrese ansanm avek DPA.

Kot i konsern School Counselors, wi nou annan en defi, nou pe sey travay lo, avek en Liniversite pour nou kapab anmenn formasyon, me parey ou konnen nou pa pour kapab les bann, lefe ki nou annan sa shortage Counselors nou pa kapab release en kantite, alors negosyasyon ki nou pe fer pour en, nou fer sa training a zistans pour zot vini pour vin fer isi e pandan bann face-to-face avek online training.  Me an plis ki sa i annan zot Scheme ki pe ganny revwar pour Counselors pour sa lannen ki 2019 pour nou kapab ankouraz plis Counselors pour pran.  Mersi.

 

MR SPEAKER

Mersi PS De Commarmond. PS Thesee.

 

PS DAMIEN THESEE

Mersi Mr Chair, an se ki konsern sa long service parey Minis Finans ti anonse dan son Repons Bidze, nou pa santi i annan okenn zistifikasyon pour okenn travayer ki lo Kontra pour santi li dezavantaze konpare avek sa long service.  Akoz si nou pran parey Headteacher i pe ganny li apepre 24 a R26mil range dapre son Scheme konpare avek en Teacher normal ki pe ganny li anba 20mil i pa pour ganny dezavantaze.

E parkont en teacher ki lo Kontra ki pour arive pour zot e parey zot travayer ki lo kontra, zot end of contract payment ki abitye kalkil zis lo zot basic pour ganny prezan include zot bann allowances ladan.  So zot annan zis zot benefis ki pour vini – ki zot pa pour neseserman perdi.  Mersi.

 

MR SPEAKER

Mersi PS Thesee.  Onorab Aglae.

 

HON EGBERT AGLAE

En pti follow-up. Minis mon satisfe ek sa larepons ki ou’n donnen kot i konsern school counselling, me selman sa ki mon ti a swete dan sa demars prosesis ki keksoz i vin pli kler an term guidelines.  koz i annan Headteacher i krwar petet School Council i pour overstep lo son bann ziridiksyon lo kwa ki i annan pour fer.  So i bon i annan sa proper consultation ki ganny fer lo ki zistans kot school counseling i delivre.

E dezyenmman pour PS De Commarmond, mon ti a kontan ki enn bann fakter ki nou pa pe ganny sa bann School Counsellor se sa volim travay e package pa atiran.  Eski ou kapab garanti nou ki at least i ava annan en bon package ki atiran given natir sa travay koman en School Counsellor ki ou annan enn par lekol ki pe kouver 300, 400 zelev.  So i annan en rezon pour ou upgrade zot incentives.  Mersi.

 

MR SPEAKER

Mersi Onorab. Mon ava donn la parol Minis swivi par PS De Commarmond. Minis.

 

MINISTER JEANNE SIMEON

Mersi Mr Speaker. Mersi Onorab. Mr Speaker pour sa Konsey Lekol, School Council parey mon’n dir nou pe finaliz nou framework e dan sa framework i annan tou rol, ki rol sa Konsey? Ki rol sa lekol?  So sa i pour ganny definir e menm ki rol Minister Ledikasyon dan tousala.  So tousala pour ganny redefinir dan sa framework. E nou pe finaliz sa framework la pour nou kapab lans Konsey formelman 2019 – komansman 2019.  Mersi.

 

MR SPEAKER

Mersi Minis. PS De Commarmond.

 

PS ODILE DE COMMARMOND

Parey mon’n dir Onorab, zot Scheme Counselors pe ganny revize la pour 2019.  Mersi.

 

MR SPEAKER

Mersi PS De Commarmond. Onorab Regina Esparon.

 

HON REGINA ESPARON

Mersi Mr Chair. Mr Chair dan menm laliny avek kestyon Onorab Aglae, mon ti a kontan demann PS si dan sa Bidze in fer provizyon pour pey allowance bann personnel ki teach anba TVET? Bann ki nou apel TVET Liaison Person la, eksplik nou zot Scheme e dir nou anba, dan ki kad zot tonbe? E ki bann nouvo linisyativ ki zot in anmennen dan sa Bidze pour retain sa bann teachers, i annan zis 11 zot an tou.

Mr Chairman anba capital project mon vwar en sonm R90 milyon, mon ti a kontan demann Minis si anba sa R90 milyon i annan larzan pour komans sa playground pour zanfan Glaçis?  E si wi, ki bann progre ki’n ganny avanse lo sa proze?

E anba PSIP mon’n vwar i annan R300mil ki’n re aparet la Minis, lannen pase mon ti kestyonn PS Finans lo sa R300mil ki mete koman ongoing renovation work kot lekol Glaçis.  E mon ti fer PS konpran poudir napa okenn louvraz ki pe ganny fer kot lekol Glaçis ki zot in met R300mil ti dir mwan lerer, be lerer in ganny re print ankor la, mon pa konnen si nou bezwen fer en bon investigation pour gete akoz lerer i re aparet.  Me parkont pour 2019 mon vwar i annan sa R1milyon ki’n ganny mete, mon panse sa i pour remedial work pour risk management pour koriz sa bann lerer ki bann kontrakter Sinwan in fer kot lekol Glaçis pour safety bann zanfan.  Mersi Mr Chair.

 

MR SPEAKER

Mersi Onorab Esparon.  PS De Commarmond.

 

PS ODILE DE COMMARMOND

Mersi Mr Speaker.  Mersi Onorab pour ou kestyon, pour TVET Liaison Persons i pa en post dan li menm, i en responsabilite adisyonnel.  Oparavan zot ti pe ganny zis en allowance a lafen lannen, me la avek sa nouvo Pathway ki’n ganny entrodwir, zot pe ganny zot en allowance R1, 000 par mwan.  E mon a les Mr Belmont reponn lo Glaçis.  Mersi.

 

MR SPEAKER

Mersi PS.  Mr Belmont.

 

PROJECT CONSULTANT MR JONES BELMONT

Mersi Mr Speaker. Onorab wi anba PSIP pour sa lannen menm i annan deza keksoz ki pe ganny fer pour playground e la pour le moman letan nou pe koze, dokiman ki nou’n fini submit bann desen son outline, i deza avek MLUH ki zot pe fer serten finalisation avek, akoz zot premyerman ki ti komans avek sa desen e pour nou pa duplicate sa travay zot pe refine li e nenport ler i kapab al kot Planning pour nou kapab sa lannen menm komans travay lo playground.

Lot kestyon, se koreksyon lo bann defects ki’n annan kot lekol, wi dan PSIP pour lannen prosenn an 2019, nou’n met en sonm larzan pour nou kapab koriz en pe bann defo ki’n aparet lo lekol, sa i paret bann materyo ki’n ganny servi ki pa neseserman kapab withstand sa kondisyon, sa high humidity condition ki i annan kot sa lekol par egzanp bann dibwa i kapab ki pa’n byen trete letan in vini ki nou vwar ki’n manze par bann bebet ki’n viv, e sa nou pour bezwen korize imedyatman, e osi serten sa bann feray i paret sa stainless steel, sa poursantaz stainless steel lo sa feray i pa neseserman sifizan pour withstand sa humidity condition e sa osi nou’n ganny pran an konsiderasyon.

Lot laspe ankor ki i annan anba a sa travay, se pour koriz bann pti defo kot slippery floor kot a swiv ki letan lapli i tonbe e nou konnen zanfan kantmenm nou pour dir zot pa taye, zot still pour taye e si ou pa pe mars byen ou pour glise, pour anpese annan sa, sa osi nou pe pran li an konsiderasyon.

Apre ti annan, sa lannen nou’n osi fer en travay kot lekol Glaçis e en walling o bor semen ki ti la en pe letan, ti’n demande akoz ti pe afekte bann transpor ki ler i pas o bor semen ti pe afekte kondisyon kot lasal manze ki trouve lo bor.  Mersi Mr Speaker.

 

MR SPEAKER

Mersi Mr Belmont.  Onorab Esparon.

 

HON REGINA ESPARON

Mersi Mr Chair. E mon a profite pour mwan dir avek Minis e avek ou lekip mersi pour sa miray akoz louvraz ti ganny fer ase vit.

Me an se ki konsern sa risk management louvraz la, eski sa pour ganny fer pandan vakans prenon kont ki sa louvraz li menm li petet i annan kot ou pe grind e lapousyer konmsi, zanfan pour ganny ekspoze avek sa bann hazard, eski sa louvraz i kapab ganny fer pandan vakans Desanm la?  Ki fer ki letan sa bann zanfan i retournen Zanvye sa louvraz ava’n fini fer e nou ava’n tir sa problenm dan semen.

E mon ti a, en lot keksoz mon ti a kontan klarifye pour mwan demann avek PS, anba PSO akoz ki sa bann TVET teachers la zot pa pe ganny kouver sa R75.00 ki anba PSO zot sipoze gannyen sirtou letan zot al fer field work, akoz zot teach 2 zour e 3 zour zot al lo field, akoz zot pa pe ganny sa R75.00 ki mete dan PSO?  Mersi.

 

MR SPEAKER

Mersi Onorab.  PS De Commarmond.

 

PS ODILE DE COMMARMOND

Mersi Mr Speaker, mon ti ava kontan reponn sa enn pour Glaçis.  Parey Mr Belmont in dir ou sa miray la, sanmenm sa 300mil ki nou ti’n mete lannen pase ki letan nou ti’n dir ou, konmsi pour sa lannen sa, nou’n servi li pour sa miray sa 300mil ok?  Prezan pour sa travay ki ou pe fer, ki ou pe dir, in fini, i sipoze komanse nenport ler la, in fini tender, i ariv R2.5milyon savedir la dan vakans pour fer sa travay e nou ekspekte ki larantre sa bann louvraz i ava’n fini, sa i pour Dental Room, i pour kot sa bann floor ki glise apre pour sanz sa bann railing.  Apre pour TVET Liaison Person.

 

MR SPEAKER

Wi Minis oubyen PS ou menm lo TVET.

 

PS ODILE DE COMMARMOND

Wi pour, TVET letan zot pe ganny zot en allowance, zot pe ganny allowance ki pour kouver sa bann depans ekstra avek sa fieldwork ki zot fer, akoz zot vin lekol zis 2 zour e 3 zour zot lo field, be sa allowance i sipoze kouver zot e an plis ki sa nou donn zot telefonn e bann lezot konponan ankor ok.

 

MR SPEAKER

Mersi.  Non mon pe donn – zis en klarifikasyon lo sif, ale vitman.

 

HON REGINA ESPARON

Mersi Mr Chair. Mr Chair zis pour mon dir avek PS ler nou ti fer sa meeting, zot ti dir nou sa proze pour 1.4milyon, e la ou pe dir mwan poudir i pour ariv 2.4 e parkont nou ti’n dir poudir playground ki ti pour ariv 2.4, konmsi i annan en pti pe keksoz ki pa tro, tro balanse la, zis eksplik mon silvouple.  Mersi.

 

MR SPEAKER

Mersi Onorab. PS.

 

PS ODILE DE COMMARMOND

Letan nou ti zwenn pa ti ankor tender si ou rapel, prezan letan in fini tender pri ki’n gannyen se 2.5 e sa i pour kouver depi son Dental Room, depi sa bann re flooring apre son bann railing apre li playground li i pa ankor al lo tender.  La ki nou ava determinen.  Mersi.

 

MR SPEAKER

Mersi PS De Commarmond. Onorab Noline Sophola.

 

HON NOLINE SOPHOLA

Mersi Mr Chair.  Bonn apre midi Minis ek ou lekip, e tou dimoun ki a lekout.  Mr Chair mon krwar sa kestyon, i pa en kestyon, klarifikasyon pour Minis.

Minis dan lalis ‘’major achievement’’ paz 352, anyway akoz mon konnen poudir ti annan bann special needs coordinator ki ti pe ganny train, be mon pa’n vwar nanryen aparet la, e petet ou ava eksplik nou akoz zot pa’n tonm dan ‘’major achievements.’’

Mon premye kestyon i paz 354 dan ‘’strategic priority’’ bullet 5, i annan en mansyon lo inclusive and conducive teaching and learning, Minis dan primer nou annan special needs Coordinator ki zot rol i travay avek bann zelev ki i annan problenm laprantisaz, e pour sa kapab arive, nou bezwen resours odyo, vizyel e manipilasyon, en lasal ki pour ede ki laprantisaz i arive.

Minis eski ou kapab dir nou, si bezwen sa bann zelev spesyal in ganny pran an kont dan sa bidze?  Anba ki Heading ki nou pour kapab vwar sa?  Ki provizyon ki i annan dan bidze pour bann Coordinatrice special needs?

E mon trwazyenm pwen, sa kestyon pe target legzanmen S1 a S2, dapre en group ansennyan zot in dir mwan ki zot travay dan preparasyon sa legzanmen, zot soumet bann text menm bann kestyon ki i ale avek pour sa 2 nivo, me zot pa pe ganny peye.  Me sa dimoun li ki fer travay final, ki fer montaz dokiman pour papye final i ganny peye. Alor bann ansennyan i santi ki i pa zis.  Eski bann provizyon in ganny fer dan bidze pour rezourd sa problenm?  Ou donn nou en leksplikasyon lo sa size.  Mersi.

 

MR SPEAKER

Mersi Onorab Sophola, zis mon pour azout en pti bout PS avek sa ki, dernyen kestyon bann teachers osi ki koriz sa bann papye legzanmen, i annan en pti pe konfizyon lo allowance ki zot ti abitye gannyen, koman sa pour marse?  Ler ou pran sa kestyon PS De Commarmond.

 

PS ODILE DE COMMARMOND

Mersi Mr Speaker, resours pour special needs nou’n met li anba lekipman; lekipman e ou pa pe vwar li tro la sirtou lo nivo Early Childhood akoz pour Early Childhood i pe tonm, savedir program 3 ou pour vwar i tonm anba Kuwaiti Fund i pe kouver anba Kuwaiti project ki i annan en fund ki nou pe donn resours pour Early Childhood ki nou’n fer provizyon pour bann resours special needs.

Pour lezot, lezot nivo Primer nou annan bann liv ki nou’n fer vini, savedir i tonm en pti pe partou, savedir i tonm en pti pe dan lekipman dan bann lezot resours par egzanp text books and e lezot.

Apre pour special needs Coordinator, zot annan deza en allowance ki zot pe gannyen, keksoz ki nou pe travay lo la, la avek S.I.T.E avek Liniversite Maurice e training pour zot akoz se sa ki pli urgent pour le moman.

Kot i konsern legzanmen, wi parey ou konnen sa lannen nou’n ofer, i annan legzanmen apard bann end of ki stage assessment, i annan en legzanmen ki pe ganny kordinen santralman pour lezot nivo, e pour sa parey en teacher ti abitye prepar zot legzanmen, diferan lekol in ganny allocate avek serten konponan pour zot prepare, e letan zot in fini prepare i annan sa dimoun ki met sa papye ansanm, e la i annan en pti allowance pour sa dimoun ki’n met sa papye ansanm akoz i annan en kantite travay editing avek lezot adisyonnel akoz i bezwen al met tou son keksoz annord pour kapab finaliz sa papye, e bokou fwa i bezwen reviz sa bann kestyon osi, aziste e fer tou e li ki ganny sa pti allowance pour sa.

Kot i konsern marking, letan nou pe koz lo bann legzanmen pour tou diferan nivo, par egzanp menm ki stage 1, P2, Primary 2, Primary 4 tou sa bann legzanmen i ganny marke kot lekol, i ganny korize kot lekol parey nenport legzanmen ti abitye ganny korize kot lekol.  Legzanmen ki ganny korize santralman, se legzanmen Nasyonal parey legzanmen P6 ki vin koriz anba santralman e la avek S5 National Exam e sa bann markers i ganny peye pour sa.  Mersi.

 

MR SPEAKER

Mersi PS.  Onorab Sophola.

 

HON NOLINE SOPHOLA

Mersi Mr Chair. Mr Chair mon premye kestyon akoz ki training all special needs pa’n tonm dan ‘’major achievements?’’  E osi si PS De Commarmond i kapab dir nou, konbyen lekol an se moman ki napa special needs Coordinator?  Mersi.

 

MR SPEAKER

Mersi Onorab.  PS.

 

PS ODILE DE COMMARMOND

Pour training nou pa’n met li koman achievements akoz training pa ankor komanse, savedir once sa training i fer, la ki nou pour met li dan nou achievements pour lannen prosenn.

Kot i konsern sa enn cause, mon bezwen verifye byen akoz i annan ki petet la in bouze, mon bezwen verifye, mon ava donn ou sa statistics.  Mersi.

 

MR SPEAKER

Mersi PS De Commarmond.  Bon i pour bezwen en pti klarifikasyon akoz mon pa pe donn 3enm siplemanter.  Onorab Sophola.

 

HON NOLINE SOPHOLA

PS petet nou pa pe konpran, parey La Digue mon kapab nonmen, parey Ms Josette ek lezot, zot ti pe swiv sa training, vedir i pa ankor konplete sa, ki pa’n antre dan sa achievement?  Sa ki mon pe regard lo la.  Mersi.

 

MR SPEAKER

Mersi Onorab, PS.

 

PS ODILE DE COMMARMOND

Mersi, mon pa ti’n mazin sa enn akoz nou pa’n met li akoz zot pa ankor gannyen zot sertifika, zot pa ankor gannyen sertifika akoz i annan en pe keksoz nou pe klarifye avek Liniversite Maurice apre la nou pour finaliz sa, nou’n fek follow-up savedir nou sipoze pe donn zot, zot sertifika by the end of the year la.  Mersi.

 

MR SPEAKER

Mersi PS De Commarmond.  Onorab Woodcock.

 

HON WAVEL WOODCOCK

Mersi Mr Speaker, bonn apre midi Minis avek ou lekip.  Mon kestyon i lo paz 355 anba ‘’current expenditure’’ anba wages and salaries in cash, i annan en logmantasyon par R46.8 milyon sorti ki an 2018 ti annan en sonm R426.44 milyon pour wages and salaries e sa in ogmante pour vin R473.24 milyon an 2019, eski Minis i kapab donn detay lo sa logmantasyon.

E mon pour demann en kestyon en regardant zot Scheme of Service, sa ki nou’n gannyen dan email i en Scheme of Service pour 2015, eski atraver sa Bidze ou Minister pe reviz Scheme of Services pour bann teachers pour 2019.

Mon lot kestyon i konsern, i tonm anba PSIP, bann proze Kapital, i annan proze nouvo block Praslin Segonder ki’n ganny bidzete pour R5.3 milyon e an 2019 i annan en sonm R2.5 milyon pour sa proze, mon ti a kontan demann Minis ki zistans ki zot in arive avek sa proze e eski sa R5.3 milyon i ase pour konplet sa groser proze sa nouvo block?

Finalman kot i konsern 2 lezot proze lekol, i annan nouvo block Grand Anse Praslin Primer ki estimate pour kout R5.93 milyon e proze Lakres Grand Anse Praslin anba formal Early Childhood Care and Education ki initial project cost i R4.792milyon, mon kestyon i akoz ki i annan 2 Bidze pour sa 2 proze kan Lakres Grand Anse Praslin pour ganny merge avek Primer Grand Anse Praslin?

Si mon pa tronpe en letaz pe ganny azoute dan proze nouvo block Primer Grand Anse Praslin pour accommodate sa nouvo Lakres.  Alors akoz ki zot pa’n consolidate sa 2 proze e tou ansanm pour annan en sel Bidze pour Grand Anse Primer avek ki pour enkli sa lakres?  Vi ki sa 2 proze pour aprezan en sel proze, mon mazinen ki akoz Economies of skills kou sa proze pour en pti pe pli ba.  Mersi.

 

MR SPEAKER

Mersi Onorab.  Minis Simeon oule reponn?  Minis.

 

MINISTER JEANNE SIMEON

Mersi Mr Speaker.  Mersi Onorab, leklersisman lo ‘’wages and salaries,’’ vre ki Bidze pour saler in ogmante par 49 milyon ki reprezant 11.7poursan sa logmantasyon.

Parkont Gouvernman li i pe retenir menm lakantite nivo personnel pour lannen 2019 ziska 2021 spesyalman pour bann progranm, progranm 1, 2, 3, 4 ek 5.

An zeneral logmantasyon dan saler i konm swivan, i annan long service allowance ki pe ganny donnen an zilyet e sa i R16.3milyon total e 2020 ziska 2021 i annan 32.7milyon.  I annan sa 5poursan logmantasyon saler ki Gouvernman pe donnen ki pran lefe le 1 zilyet 2019 e sa, i a en total R7.4milyon.

Nou osi annan azisteman lo graduate sa saler allowances, sa i ariv R607,360; nou’n osi annan gross-up pour bann expatriate allowances e sa pour, depi 2019 ziska 2021 en sonm R1.6 milyon in ganny allocate.

 

E answit nou’n annan parey mon’n dir taler sa nouvo post dan tou bann MDAs ki bann Information Officers e pour dan nou Minister, i annan en allowances pour zot e sa i en total R414mil.  Mersi Mr Speaker.

 

MR SPEAKER

Mersi Minis. I annan lot bout kestyon, petet Mr Belmont, Project Consultant.

 

PROJECT CONSULTANT MR JONES BELMONT

Mersi Mr Speaker, Onorab wi parey ou’n fer remarke bidze ki nou ti komans avek, in ganny inflated, in gross up, in gross up pour rezon spesifik ki ou’n fer osi remarke.  Si nou get kot Primer pour komanse sa block ti ground plus 1 e answit in vin en ground plus 2 , sa stratezi ti neseser pour rezon istorik ki in arive lo Praslin.

Nou konnen poudir Lakres ki ti pour fer pour Praslin Grand Anse i ti pour fer lanmenm la sa landrwa kot STC kouraman i ete, me i annan en pe letan depi la ki STC in ganny en nouvo morso later kot lo Zil Eve pour li deplase, relocate laba e nou ganny sa sit ki re devlop Lakres, me lefe ki nou annan en ultimatum sorti kot kouraman kot nou ete la kot Legliz St Mathieu, nou bezwen rann sa landrwa parske Legliz li osi i bezwen re devlop zot sit.

Lefe ki nou bezwen sorti deswit, lanmenm la rezon det akoz nou’n bezwen met sanitaz an plis, e sanitaz an plis i ti pour vini li, me selman pa deswit, me selman nou’n bezwen fer li deswit.  1 pour nou kapab relocate bann zanfan Lakres lannen prosenn, pa komansman lannen, en pti pe pli tar dan lannen most probably pour 2enm Term pour zot ganny vini la, once ki zot pour reste la ziskan ler nouvo Lakres ouswa STC i sorti nou fer nouvo Lakres, sa i rezon akoz nou’n bezwen fer sanitaz.

E ler nou get pri from original budget pour le moman sa in sorti 5milyon in ariv 8 milyon, i annan 3milyon an plis pour nou kapab kouver sa letaz.

Menm zafer in arive lo kote Praslin Segonder e letan nou’n, sa diskisyon, nou stratezi in ganny arive, in dir be akoz nou pa profite servi sa menm lapros lo kote segonder e donn li tou son bann rooms ek specialist room parey laboratwar, profite met en lot letaz ankor e lefe ki kontrakter i deza lo sit, cost of mobilization tousala e re negosye lo menm rate ki nou’n servi, i pour kout nou bokou pli bon marse, e pri in sorti 8 milyon pour al 14 milyon, ankor enn?  Mersi Mr Speaker.

 

MR SPEAKER

Mersi Mr Belmont. Onorab Churchill Gill.

 

HON CHURCHILL GILL

Mersi Mr Chair.  Bonn apre midi Minis avek delegasyon.  Mon premye kestyon i lo paz 353 anba challenges bullet 4 kot zot in fer sorti bann limitasyon dan seksyon strategic planning, kot prezan sa i fer ki bann performans i below standard pour bann manrmay.

E dernyen fwa ler nou ti annan en meeting Praslin ler nou ti pe koz lo bann performans en paran ti fer sorti ki ler son zanfan in fini fer legzanmen Pos-Segonder, la ki in konpran poudir son piti pa ti pe etidye alaoter, e prezan mon mwan pe demann Minister pour letan i annan sa bann diferan laklas ki manrmay i swiv, si napa en sistenm kot nou swiv manrmay bann ki nou santi poudir zot performans depi bann laklas pli ba i pa alaoter, i donn en lendikasyon ki posibleman ler i pour fer fas ek legzanmen Post Segonder kot son posibilite pour li pase i feb, si napa en fason kot nou kapab ed sa bann manrmay depi ler zot dan sa bann laklas pli ba, dan plas les sa keksoz devlope ziskan ler in ariv ler legzanmen final, prezan zot pa ganny sans ale.  Si Minis i kapab eksplik nou si la aprezan zot in pran kont sa pour nou sey evite kot nou annan mwens manrmay ki kalifye.

Mon 2enm kestyon i lo paz 355 lo latab 3 anba ‘’other use of goods and services’’ i annan en ogmantasyon 15milyon konpare avek bidze 2018, si nou kapab ganny zis en leksplikasyon ki bann nouvo depans ki zot bezwen fer fas avek baze lo zot bann progranm?

Apre lo latab 7 osi, menm Heads ‘’other use of goods and services’’ i osi annan en logmantasyon 16 milyon konpare avek Bidze 2018, ankor si nou kapab ganny en leksplikasyon baze lo zot bann nouvo progranm kwa ki i fer ki zot bezwen depans sa kantite?  Mersi.

 

MR SPEAKER

Mersi Onorab Gill. Minis.

 

MINISTER JEANNE SIMEON

Mersi Mr Speaker, mersi Onorab pour ou kestyon.  Mr Speaker mon pour pran premye kestyon ki Onorab Gill in demande.  Ki nou pe fer pour nou bann zanfan ki nou vwar pa pe perform alaoter?

Bon dan nou bann lekol i annan nou sistenm ki nou apel nou sistenm tracking kot nou monitor e nou track bann zanfan e se sa ki nou annan dan bann lekol nou sistenm special needs education; special needs education i pran an kont bann zanfan ki i annan difikilte laprantisaz ki pe ganny sa latansyon spesyal dapre zot bezwen pour zot kapab avanse ouswa progrese dapre zot sa ki zot kapab fer.

Letan nou ti Praslin letan nou ti pe fer sa meeting rezyonal avek Praslin, nou ti osi, ou ti la, nou ti lans lapel avek paran pour dir zot pa esper ler legzanmen Nasyonal, rezilta i arive, pa esper ler IGCSE rezilta in arive ki prezan ler ou zanfan pe al ganny selekte dan bann Professional Centers, ki la aprezan ou pran kont poudir i pa ti perform byen akoz i pa’n arive ganny en plas dan sa bann Sant Profesyonnel.

Nou dir zot paran lekol i annan li en open door policy, vin kot lekol nenport keler pour ou, lekol kapab diskit progre ki ou zanfan pe fer pour ou kapab osi pour li donn nou lendikasyon kisisa ki ou kapab fer dan lakour pour kapab ed son progre e travay tre pros avek lekol, e si i annan okenn bezwen spesyal ki apel special needs ankor enn fwa ou ava konnen dan ki filyer i ete kot lekol e ki latansyon ou bezwen donn ou zanfan.

E nou’n lans lapel partou kot nou’n ale nou’n fer menm lapel e nou’n dir zot fodre ki zot avans devan, nou pa pe dir tou paran, me selman petet bann ki bezwen, ki nou bezwen vwar kot lekol parfwa nou pa vwar zot ziska ler in tro tar. Ok.

Lekol i, se sa ki nou’n sorti anba en Tenm “Ledikasyon en Responsabilite Partaze.” Dan sa bann meeting ki nou pe fer anba sa Tenm nou pe dir avek paran Minister Ledikasyon lekol, teachers eksetera zot pa pe kapab fer tou kek tou keksoz zot tousel.  Si nou anvi vwar bon performans, si nou anvi vwar bon konportman, si nou anvi vwar bon rezilta, i annan en bezwen ki paran i osi i zwe son rol, paran e osi lakominote paran i zwe son rol.  E nou’n met lanfaz lo la, rol ki paran i bezwen fer dan laprantisaz son zanfan, pa les tou keksoz avek lekol.

E mon krwar Ledikasyon nou, nou pe fer bokou, menm dan vakans nou pe fer progranm pour nou kapab ed zanfan.  Vakans Out nou’n annan en progranm ki ti vize ver bann manrmay, bann zanfan ki nou vwar at the level of P2 ki pa ti pe perform dapre sa ki zot devret e nou ti pran zot koman en pti group, nou ti donn zot sa baz e answit la nou pe kontinyen avek zot, nou kapab track zot performans, nou annan en cycle 1 legzanmen ki pe arive la ki end of cycle exam, nou pe regarde ki mannyer zot in fer.

E sa paran i konnen akoz nou ti apel paran kot lekol pour dir zot poudir vwala ou zanfan pa pe perform byen e vwala sa ki Ledikasyon pe fer.  Ok nou’n ganny, nou ti ganny zot laprouvasyon pour nou, enkli sa bann zanfan dan nou progranm, e prezan ler rezilta legzanmen in vini, paran i bezwen vin kot lekol pour vin get rezilta legzanmen e i ava vwar ki progre son zanfan i pe fer – ok? E sa i pa zis pour sa bann group, nou annan lezot group etidyan ki Minister Ledikasyon pe fer, pe travay avek anndan dan lekol e ensi ki an deor lekol.

Nou annan bann Youth Programs ki nou pe fer. Nou annan bann day programs ki nou pe fer avek bann manrmay ki i annan en pe problenm konportman ki mannyer nou kapab ed zot pour sanze pour zot kapab benefisye to the maximum ledikasyon ki Minister Ledikasyon pe ofer.

Ok dan vakans menm dan vakans pour anmas zot dan vakans, Minister Ledikasyon ansanm avek bann lezot partner nou fer bann progranm.  Tou le vakans ou tande, tann kriye lo radyo lo tel, avek bann Lasosyasyon, lanvironnman lezot partner, nou fer bann progranm.

So, mon krwar Ledikasyon pe fer bokou, bokou pour nou bann zanfan, me selman nou osi lans lapel paran, paran osi i annan en rol, en rol tre enportan.  Paran i premye edikater son zanfan so i bezwen, i bezwen donn en koudmen Minister Ledikasyon; i bezwen donn en koudmen lekol si nou anvi nou tou ansanm ganny rezilta.

So akoz nou’n al ver lakominote, pour nou rankontre zot dan zot kominote, sa ankor en linisyativ, pour nou diskit avek zot dan zot kominote e pour nou ankouraz zot pour vin devan pour vin kot lekol, pour nou kapab, akoz nou tou nou anvi, nou tou nou’n anvi ki nou zanfan perform byen.  Minister, akoz mon dir dernyen fwa letan mon ti vin dan Lasanble, si nou bann zanfan i en sikse, i en sikse pour son prop lekor akoz i kapab avanse dan son ledikasyon, i en sikse pour paran, i en pride pour son paran akoz in kapab fer byen.

Whatever son level ou, nou pa pe get zis bann ki al Liniversite ki fer paran kontan non!  Si i arive fer en keksoz kot lekol ki in sorti pour en A pour al pour en B mon koman en paran mwan ti pour fyer mon piti in nobou fer sa progre.

So, i sa i en lafyerte pour paran, i en lafyerte pour son lekol akoz ler nou tande nou dir be Lekol Anse Boileau laba pe bouze, i en osi en lakonplisman, en lafyerte pour Minister Ledikasyon, akoz se nou ki pe travay avek lekol, e i en osi i en lakonplisman pour son kominote, se sa nou’n al dan bann kominote pour nou kapab ganny tou sipor posib pour nou kapab fer en diferans dan laprantisaz bann zanfan.  Mersi.

 

MR SPEAKER

Mersi Minis. Onorab Churchill Gill.

 

HON CHURCHILL GILL

Mersi Mr Chair. Mersi Minis pour sa gran larepons. Me selman Minis rezon ki mon’n demann sa kestyon, akoz rezilta ki ou menm ou Minister in dir ki nivo achievement nou pe gannyen, so mon mazinen petet nou bezwen fer en plis travay, si non nou pa ti pour ganny sa kalite rezilta, se sa ki sa kestyon in vini.  So petet sa ta ki nou pe fer i annan nou pe manke petet annou sey revwar, nou a ganny en pe plis rezilta.  Mersi.

 

MR SPEAKER

Mersi Onorab Churchill Gill pour ou komanter. bon Onorab Roucou.

 

HON CLIVE ROUCOU

Mersi.

 

MR SPEAKER

En moman, en moman Onorab Roucou.  Yes Onorab Churchill Gill.

 

HON CHURCHILL GILL

Ti annan 2 lezot kestyon konsernan depans.

 

MR SPEAKER

En lot kestyon…alright nou ava donn sans Minis oubyen PS, PS Thesee non?  FC, Financial Controller Madanm Monthy.

 

FC -MRS LINDA MONTHY

Bonn apre midi Chair.  Mersi Onorab pour ou kestyon.  Sa ogmantasyon 15milyon mon ava donn ou detay swivan anba goods, anba ‘’goods ‘’i 500mil anba School Meal akoz School Meal son pri pe monte komansman 2019 lo son pri, alors i pour bezwen cater pour plis larzan R500mil.  Nou annan anba ‘’maintenance services’’ 1.1milyon ki maintenance services pour 3 lekol Perseverance, Glaçis ek Cascade ki nou ti ganny funded anba NSP.

        Teachers Council Secretariat anba Minister Secretariat ki en nouvo Divizyon.  En Departman ki ganny migrate anba Minister’s Secretariat, i annan R132, 000 pour Committee Members Fee.

Anba Security and Enforcement 1.2 milyon, nou pe cater pour sekirite pour Perseverance ki pa ti la, pour 2018 nou pa ti’n cater, apre adisyonnel sekirite dan lekol.

Apre anba Housing nou annan 8.3 nou kantite lakaz ki nou pe lwe pour teachers in ogmante sorti 225 – 2018 pour 306 actual.  Apre nou annan 4.3 ki Board Fees pour School Council Board Members pour 36 lekol – 12 Segonder, 24 Primer at a cost of 12,500 per Board, savedir pour sak Board i annan, i R12, 500 par mwan par 36 i fer 5.4 be selman nou ti deza annan en milyon alors nou pe, i annan en increase of 4.3 milyon.  So that’s the total of 15 increase dan ‘’goods and services.’’  Mersi Onorab.

 

MR SPEAKER

Mersi Madanm Monthy.  Onorab Clive Roucou.

 

HON CLIVE ROUCOU

Mersi Mr Speaker. Mr Speaker permet mwan salye tou nou bann teacher’s ki pe edik nou zanfan toulezour.

Mr Speaker premye kestyon ler mon go through ‘’current challenges’’ i fer mon annan en pti pe lafreyer, mon ti a kontan Minis ti ava eklersi nou ki mannyer nou pour tir Minister Ledikasyon en pe dan sa trou kot in arive.

Mr Speaker mon dezyenm kestyon se lo paz 355 lo ‘’capital expenditure, building and infrastructure,’’ Bidze 2018 ti R142,892, 000 avek en revised budget of 64,616 milyon, alors mon vwar en saving 78,274 milyon, eski Mr Belmont i kapab donn detay sa saving?  E si sa bann proze ki pa’n ganny enplimante pour ganny enplimante an 2019? E lekel sa bann proze ki’n ganny afekte silvouple?

E mon d2enm kestyon, se lo paz 362, latab 10 pour program 4 Primary Education ki mon krwar i la baz ledikasyon kot en Bidze 225, 721milyon in ganny donnen, sa i en logmantasyon apepre 43, 294milyon me lo latab 10 dan son target pour Angle avek Matematik pour 2018 Angle ti 45poursan e pour 2019 mon vwar en target 48poursan; respektivman pour Matematik 40poursan e 2019 45poursan, alors mon ti a kontan Minis ti ava donn mwan en leklersisman akoz sa en tel target ki par anba 50poursan mon kapab dir e ki Minister pe fer pour etablir oubyen promot sa baz Primary Education?  Thank you.

 

MR SPEAKER

Mersi Onorab Roucou.  Minis.

 

MINISTER JEANNE SIMEON

Mersi Speaker.  Mersi Onorab, Mr Speaker eski Onorab i kapab dir nou ankor en pti kou premye kestyon silvouple, nou pa’n byen, byen ganny li.

 

MR SPEAKER

Mersi Minis.  Onorab.

 

HON CLIVE ROUCOU

Mersi Mr Speaker. Mr Speaker mon ti’n zis fer en komanter en pe plis lo sa ‘’current challenges’’ ki mon’n vwar i en pe for pour Minister Ledikasyon, alors mon ti anvi Minis ti ava dir nou ki Minister pe fer pour tir nou en pe, pour tir ledikasyon sa pep en ptigit kot i ete la?  Ler mon get sa 6 challenges ki Minister Ledikasyon pe pas ladan.  Mersi.

 

MR SPEAKER

Mersi Onorab.  Minis.

 

MINISTER JEANNE SIMEON

Mersi Mr Speaker. Mersi Onorab.  Mon ava donn la parol avek Mr Belmont pour CAPEX apre mon ava reponn Onorab.

 

MR SPEAKER

Mersi Minis.  Mr Belmont.

 

PROJECT CONSULTANT MR JONES BELMONT

Mr Speaker mersi, nou letan nou pe get CAPEX; dan CAPEX pa tou keksoz ki pour PSIP lenfrastriktir e mon kapab donn ou zis bann lenformasyon ki i annan pour fer avek enfrastriktir.  An se ki konsern PSIP.  E pour sa lannen nou ankor pe enplimant bann proze PSIP pour sa lannen, e letan nou’n tyeke avek Finans actuals spending i poursantaz in vreman monte in ariv, ti’n ariv anviron 76poursan lo original ki nou’n gannyen, me selman dan milye lannen in annan en revise e in donn nou en logmantasyon 44milyon pour nou fer serten projets siplemanter ki ti annan.  E sa bann projets pe ganny enplimante e serten i ganny, pe ganny carried over onto, into 2019.

The 2019 Bidze i kler nou pe konsantre plito lo bann major project plis, olye ki bann ptipti maintenance project.  Sa se pour ed nou avek nou limitasyon lo kapasite pour le moman, akoz nou vwar nou pe tay deryer tro bokou pti projets ki sak sa bann projets i nesesit en menm kantite lespas letan pour fer son bann prosedir ki kouraman bezwen ganny fer.

Mr Speaker mon pa konnen si mon’n reponn Onorab Roucou antyerman lo son kestyon.

 

MR SPEAKER

Mersi Mr Belmont.  Mon ava les Minis pran lot bout apre nou a go back to Onorab Roucou, Minis.

 

MINISTER JEANNE SIMEON

Mersi Mr Speaker.  Mr Speaker letan nou pe get current challenges nou bezwen osi get li avek nou bann major achievement 2017/2018, sa.  Current challenges i bann ki petet nou ti annan pli bokou challenges, me selman, be letan ou pe get nou bann achievements, savedir nou’n kapab overcome serten nou bann challenges.

Pour sa bann ki la pour le moman, in terms of difficulty enhancing the quality of services delivered kot nou pe koz lo inadequate qualified staff, nou pe attend to sa.  Nou annan training ki nou pe fer la pour nou bann teachers dan lekol ki napa en Diploma in Education, nou bann Primary Teachers se zot ki zot level of qualifications i pli ba dan sistenm, nou pe fer fason pour nou enhance sa.

So pour le moman la depi nou’n komanse la avek sa training nou annan 210 Primary Teachers ki pe swiv en training kot S.I.T.E kot Seychelles Institute of Teacher Education e zot pe swiv li en servant en blended learning mode; savedir zot dan en pe parti zot fer face to face, en pe parti zot fer atraver distance e osi zot kot S.I.T.E pour en pe letan dan lasemenn e dan zot lekol osi akoz nou pa pe kapab release zot fulltime akoz zot annan zot laklas osi.

E nou osi annan training avek an kolaborasyon avek Liniversite Sesel e Liniversite Maurice pour training nou bann School Leaders.  Training in deza komanse e nou annan nou en group 24 School Leaders ki pe swiv sa training e osi nou’n annan lezot linisyativ kot nou pe osi annan bann short courses ki nou bann teachers i kapab attend to build capacity.

Letan nou pe get lo data, dan nouvo striktir Minister Ledikasyon nou’n annan, nou’n pe strengthen nou information system nou, kot nou ranmas nou bann data kot nou manage nou bann data kot nou kapab annan nou bann data ki for ki nou kapab fer bann desizyon efektiv lo la, e sa nou’n pran li an kont dan nou nouvo striktir.

E osi parey ou konnen parey tou lezot Minister nou’n antre dan sa progranm PMNE avek DPA e World Bank e nou’n annan an plas nou bann zofisye e fotespere ki atraver sa travay ki zot pe fer, nou ava kapab byen track nou bann lenformasyon ki nou bezwen ledikasyon si nou pe fer byen ouswa non e dan ki domenn partikilye.

Letan nou pe get lo Planning and Curriculum Leadership, ankor en fwa dan nou nouvo striktir pour sa lannen ki nou pe al fully implement 2019, nou’n osi fer provizyon ki nou pe strengthen, nou pe ranforsi sa rol Curriculum Leadership lo nivo Minister Ledikasyon ki kapab donn direksyon dan lekol. Me nou pe osi fer sir ki dan lekol nou bann, osi nou bann Curriculum Leaders at school level zot osi zot ganny zot bann konpetans, zot bann scales i ganny devlope ki nou kapab fer en pli bon travay.

Lo kote the level of assessments and certifications section e la ankor enn fwa i annan pour fer avek data.  E pour Curriculum mon pe osi mansyonnen ki nou’n, nou pe revwar nou Curriculum e nou pe fer li competency based, sa nou’n deza komanse dan level of Primary e avek nou annan training pour nou bann teachers, nou annan en progranm, en projets ki nou pe fer avek UNESCO, IBE ki pe donn nou training pour nou bann Curriculum developers ki pe devlop nou Curriculum Competency Based Curriculum e son assessment definitivman pour mars avek.

So pour nou kapab attract and retain teachers, nou Scheme of Service parey mon ti dir letan mon dernyen fwa mon ti vin dan, isi kot zot, mon ti dir poudir Scheme of Service for teachers i enn bann Schemes dan Minister Ledikasyon, mon konnen i annan apepre 7 Schemes, be Scheme of Service teachers i enn ki’n ganny revize pli souvan kot nou’n toultan pe rod fason pour nou kapab donn bann incentives pour nou bann teachers ki nou kapab retenir zot pour pli lontan.  Mon krwar sa i serten nou bann linisyativ ki nou pe travay lo la pour nou kapab fer fas avek nou bann challenges ki nou’n mete la.  Mersi Mr Speaker.

 

MR SPEAKER

Mersi Minis.  Onorab Roucou.

 

HON CLIVE ROUCOU

Mersi Mr Speaker.  Mr Speaker Minis pa’n reponn mon dezyenm kestyon lo paz 362 program 4 Primary education ki mon’n demann target ki zot in mete i zis par anba 50 tou lede, 48poursan, 45poursan avek en Bidze R225, 721milyon e Mr Belmont pa’n donn mwan en detay kler lo sa savings R78 274milyon ki’n fer for sa detay ki mon’n donnen avan pour son alokasyon.

 

MR SPEAKER

Mersi.  Minis.

 

MINISTER JEANNE SIMEON

Mersi Mr Speaker.  Mersi Onorab, en leskiz Msye Onorab pour sa.  Letan nou dan, letan nou pe fer improvement in performance letan nou pe set targets, nou toultan dir ler mon ti pe aprann in dir nou koumsa “you set realistic targets” – ok?  Nou pa ti pour kapab mete la ki nou target i 90poursan apre nou pour tonbe nou pour vwar nou 35poursan ok, nou pe sey improve ptitapti, nou bann rezilta legzanmen i montre poudir i annan serten domenn, serten laspe kot i annan serten improvement.  E la parey ou pe vwar pour 2018 nou ti’n set nou targets pour P6 kot bann etidyan i kapab ganny en grade C or above.  Dan Angle nou ti’n met nou 45poursan, nou pe al fer key stage assessment la, e nou pour kapab vwar si nou’n meet sa target ouswa si nou pli o ki sa target.

So mon krwar nou pe pran bann lepa pti lepa me bann lepa sir, nou pa pe tro dir poudir nou kapab fer li, me apre nou vwar poudir nou tonm ba.  So si nou krwar sa i, pour le moman letan nou’n regarde nou’n fer nou audit nou’n vwar koman trend i ete e nou pe fer tou nou posib pour nou kapab overtime increase or improve lo nou performans, i pa pe arive du jour au lendemain, me i annan bokou travay ki nou pe met ladan, so nou krwar poudir pour sa lannen ki pe vini la akoz already nou’n vwar en improvement dan Angle pour lannen 2017, so nou pe asire ki nou pour vwar en improvement dan bann targets ki nou’n mete la.  Mersi Mr Speaker.

 

MR SPEAKER

Mersi Minis. Mr Belmont, klarifikasyon PS.

 

PS ODILE DE COMMARMOND

Pour pli gran rediksyon ki nou’n gannyen pour PSIP, se rediksyon kot program 5 ki progranm Segonder.  Sa set akoz lannen pase pour sa lannen ti annan pour Lekol Perseverance Segonder ki ti en loan, me prezan la nou’n fini, prezan sanmenm sa ou vwar sa rediksyon lannen pase ti plis ki 50 milyon sa voyaz nou’n ganny zis 18.4milyon.  Mersi.

 

MR SPEAKER

Mersi PS. Onorab i pour en klarifikasyon, i pa kapab en lot kestyon nouvo en? Ok Onorab Roucou.

 

HON CLIVE ROUCOU

Yes Mr Speaker, mon pe zis rod en klarifikasyon, mon pa tro kler ki PS in donn mon la, mwan anvi konn akoz dan Bidze 2018 ti 142, 892milyon son alokasyon, epi son revised ti 64 milyon, be mon’n vwar ki i annan sa savings 78milyon, so sanmenm sa mon pe rode kote en leklersisman lo sa 78milyon ki zot in save.  Mon ti a kontan PS Thesee kekfwa ti a eklersi nou.

 

MR SPEAKER

Mersi Onorab.  PS Thesee

 

PS DAMIEN THESEE

Mersi Mr Chair.  Dan capital project Minister Ledikasyon nou ti vin avek en budget cut sa lannen la an Oktob kot nou ti vwar zot pa pe egzekit zot bann proze espesyalman lo bann eleman foreign loans avek bann foreign Grants. Ti annan bann lekol ki sipoze ganny funded anba bann Grants oubyen anba loan; par egzanp nou annan lekol La Rosière ki’n delay, Lekol Perseverance ki’n delay, Ile Aurore en pe sa bann lekol ki pa pe materyalize sa lannen ki prezan pe ganny anvoye dan lannen prosenn.

Me parkont zot bann domestic financing, savedir sa bout ki Gouvernman i finanse, sa son egzekisyon pe pick up la 3rd quarter e 4th quarter, i zis sa bann loan financing e son Grant ki pa’n materyalize sa lannen parey zot pour vwar dan budget cut ki nou’n prezante ek supplementary.  Mersi.

 

MR SPEAKER

Mersi PS Thesee. Onorab Lemiel.

 

HON SYLVANNE LEMIEL

Mersi Mr Chair.  Bonn apre midi Minis avek ou delegasyon.  Minis mon ti a kontan met en pti pe lanfaz ankor lo sa bann Liaison Person ki travay ek TVET, sa bann dimoun mon krwar zot in ekrir en let kot Minister pour demann en logmantasyon akoz mon konpran i annan ki pe travay avek plis ki 100 zanfan.  Alors mon ti pe regarde petet, e deplis sa allowance ki pe donn zot i zis pour 1an, mon krwar ziska me lannen prosen dapre zot.  Mon ti a kontan konnen petet si dan Bidze 2019 zot pe fer provizyon pour revwar en pti pe sa allowance R1, 000 si zot pe mazin pour ogmant li.  Sa i enn.

Dan vakans Out Minis in koz lo travay avek diferan partner pour nou fer sir ki nou bann zanfan i vin successful be it lo behavior enkli zot letid, mon ti ganny sans partisip dan progranm Youth Integrated Support Program ki ti ganny fer an Out ki en vreman tre, tre bon progranm, bon linisyativ ki Madanm Patricia Francourt i pe run sa progranm.

Mon ti a kontan konnen dan bidze 2019, eski zot bidze pe fer provizyon pour ki tou le vakans sa progranm i kontinyen avek sa bann zanfan?  Akoz mon santi ki nou bezwen anmas sa bann zanfan avek move konportman, dan menm laliny sa madanm osi in menm soumet en progranm ki i ti a kontan fer avek bann zanfan Mr Chair sirtou ler nou annan bann zanfan ki lo sispansyon.  So i annan serten travay ki i ti anvi join ek Minister Ledikasyon ki i ti anvi fer pour sey anmas sa bann zanfan.  Akoz konmela zanfan lo sispansyon zis zot marse dan semen, so kwa ki dan sa bidze ki zot pe fer pour zot travay avek bann dimoun petet ki oule vin koman bann Konsiltan oubyen angaz zot pour anmas sa bann zanfan pour nou pa les zot larg pour zot al tonm ankor dan bann move lenfliyans e apre sa zot pe tourn ankor dan nou lekol.

E mon’n vwar ki i annan en pe larzan ki’n ganny bidzete pour Lekol Primer, Lekol Segonder Anse Royale.  I annan serten travay ki’n komanse sa lannen, i annan ki pa ankor fini.  Eski mon kapab ganny en leksplikasyon lo kote projets, ki bann projets ki pe vin ganny fer kot Lekol Primer?  Mon konpran i annan en nouvo Lakres, donn nou en pti pe detay lo la?  E ki bann travay ki reste pour fer kot Lekol Segonder Anse Royale?  I annan en miray deryer Lekol Segonder ki pa ankor konplete, kan ki nou pour vwar sa miray i ganny konplete?

E osi travay kot Servis Danter, kot ki donn Servis Danter sa travay osi ti pou’n fini komanse pandan milye sa lannen, e nou vwar ki ziska ozordi napa nanryen ki’n  ganny fer, so donn nou en pti pe detay.  Mersi Mr Chair.

 

MR SPEAKER

Mersi Onorab Lemiel.  Minis.

 

MINISTER JEANNE SIMEON

Mersi Mr Speaker. Mersi Onorab.  Mon pour zis dir ou mersi bokou pour lentervansyon dan nou progranm dan vakans avek nou group fir selman ki nou ti pe travay avek dan en progranm vreman entans pour anmenn en change of behavior ler zot retourn dan zot lekol.  Sa ankor i montre sa partenarya ki nou annan avek lakominote, avek lezot dimoun ki pe donn nou en koudmen dan ledikasyon nou bann zanfan.  Mon ava aprezan pas avek PS De Commarmond ki i ava donn ou en pti pe plis apersi lo follow-up to the program.  Mersi Mr Speaker.

 

MR SPEAKER

Mersi Minis. PS De Commarmond.

 

PS ODILE DE COMMARMOND

Mersi Mr Speaker. Mersi Onorab pour ou kestyon.  Pour sa lannen, nou kontinyen progranm en, progranm i kontinyen nou napa zis sa enn ki i pe fer, sa enn ki YISP i rezidansyel e, me apard sa nou pran tou le term nou pran en group 20 a 25, sa pour bann day program e sa provizyon in ganny fer dan bidze pour nou kontinyen sa bann progranm.

Kot i konsern bann lo sispansyon, parey ou konnen nou annan kontrent avek landrwa, nou’n ganny sa ede avek SDA ki nou tre nou apresye, me selman i pa tou keksoz ki ou kapab fer dan sa landrwa limite.

Nou espere ki avek bann nouvo devlopman ansanm avek Minister Lafanmir nou kapab petet ganny en landrwa pour nou kapab run nou bann progranm sirtou pour bann zanfan lo sispansyon.  Me en attendant bann lekol i ganny ankouraze pour liaise avek lezot Lorganizasyon pour en fason ki letan en manrmay i ganny sispann i annan li en package ki i ganny sispann avek parey in dir dan zot Whole School Behavior Policy.

Kot i konsern, mon krwar se tou non?  TVET Liaison Person, kot i konsern TVET Liaison Person parey nou pe dir oparavan zot allowance ti ganny zis en fwa par an, zis a lafen lannen, me la nou’n at least nou’n met sa R1, 000 par mwan, savedir zot pe ganny li tou le mwan, zot lannen prosenn nou kapab regarde si evalye, evalye ki mannyer keksoz pe ale si fodre revwar, then nou ava revwar.  Mersi.

 

MR SPEAKER

Mersi PS De Commarmond i annan lot bout kestyon, Mr Belmont.

 

PROJECT CONSULTANT MR JONES BELMONT

Mersi Mr Speaker. Mon ava komans avek Lakres.  Wi nou’n annan en pe nouvo challenge avek pour konstrir, rekonstriksyon Lakres e finalman nou’n bezwen retourn kot distrik avek kominote pour nou vwar si nou kapab re devlop lakres lo laplenn kot i ete konmela e answit once ki sa in fini konstrir demolir existing crèche e fer playing field al par deryer.  E enn fwa nou’n fer sa dapre sa konsep nou vwar nou pour ganny plis lespas pour manrmay zwe, e osi reanmenaz Lakres pour nou ganny tou bann fasilite ki pour le moman sa Lakres pa pe kapab donnen.

Sa Lakres nou’n fini fer son plan, son plan in ganny prezante avek lo nivo lekol avek kominote ki’n, ki zot in aksepte, zot dakor avek sa konsep, zot in osi met serten input ki nou’n pran dan revise drawing.  Plan in al kot Planning in ganny aprouve, nou’n fini fer Bills of Quantities osi engineering drawings i deza pare. Me selman nou’n ganny demande pour fer serten revizyon dan Bill of Quantities baze lo detay ki i annan lo engineering.

Sa projets pour ariv, nou’n estimen ki i pour ariv dan son 20 a 22milyon e nou pour bezwen fer li an, lo en peryod 2an, sa osi i dapre lafason ki bidze ki nou’n gannyen nou bezwen re partaze.

Pour Segonder; Segonder nou’n komans en seri renovasyon depi lannen pase ki nou’n kontinyen sa lannen, nou’n ganny en pe difikilte avek kontrakter ki’n la ki in arive ki nou’n bezwen ranplas premye kontrakter avek en dezyenm e pour kontiny sa travay.

Me selman kot Lekol Segonder nou ganny en pe challenge avek serten group zanfan ki, mon pa konnen si zanfan, me selman letan keksoz in fini ganny met an plas, nou vwar ki i pa en kase normal, me en kase ki’n brize, e sa i en kontrent pour nou parske par ler nou pa ankor fini pey kontrakter e ki letan Finans i ale pour al reget travay, i vwar poudir be ki mannyer ou kapab pey en dimoun ki sa keksoz ki in fer in fini kase.  Eski ti’n fer ouswa i pa’n fer.

La letan pe koz avek ou i annan en nouvo scope of work ki’n fini ganny travay lo la ki ensi enkli sa miray ki deryer, par ek lanmar en miray an blok pour kontinyen avek sa enn ki ti la, e sa progranm in ganny, pe ganny fer dan letan vakans.  Mersi Mr Speaker.

 

MR SPEAKER

Mersi Mr Belmont. Onorab Lemiel.

 

HON SYLVANNE LEMIEL

Mersi Mr Chair.  Zis pour en pti klarifikasyon konsernan progranm zanfan lo sispansyon, petet mwan mon ti a kontan konnen si zot in angaz zot avek sa madanm ki anvi ofer zot sa servis akoz in anvoy en proposal, si zot in deza fini angaz avek li akoz petet li i annan son landrwa ki i ti ava annan pour li anmas sa bann zanfan, eski sa in ganny fer?  Mersi Mr Chair.

 

MR SPEAKER

Mersi Onorab. PS De Commarmond.

 

PS ODILE DE COMMARMOND

Mersi Mr Speaker, non nou pa ankor retourn kot li akoz pour diferan rezon i annan lokasyon apre i annan pour rezon bidzeter.  Mersi.

 

MR SPEAKER

Mersi PS.  Bon an vi ki nou’n ariv ler pour nou arete, nou pour kontinyen avek Minister Ledikasyon demen, mon ava zis demann Sergeant to move Mace.  Mon ti a kontan remersi Minis Simeon, PS De Commarmond, PS Barallon, Mr Belmont, Madanm Delcy avek Miss Betsy e osi byensir Madanm Monthy, PS Thesee, Ms Tamatave, mon ti a kontan remersye tou bann Manm osi e tou manm piblik ki’n swiv travay Lasanble ozordi e byensir remersi SBC.  Nou ava adjourn e nou ava repran demen 9er bomaten.

 

(ADJOURNMENT)