Home » Verbatim » 2018 » Verbatim Friday 23 November, 2018

Verbatim Friday 23 November, 2018

NATIONAL ASSEMBLY OF SEYCHELLES

Friday 23rd November, 2018

The Assembly met at 9am

National Anthem

Moment of Reflection

Mr Speaker in the Chair

 

MINISTRY OF ENVIRONMENT, ENERGY AND CLIMATE CHANGE

 

MR SPEAKER

Bonzour tou manm Onorab.  Bonzour tou dimoun ki a lekout.  E nou pou kontinyen nou travay ozordi lo deba klarifikasyon Bidze bann diferan Minister ki nou’n konmanse depi 2 semenn.  Mon anvi dir en bonzour spesyal pou Minis Wallace Cosgrow – Minis responsab pou Lanvironnman Lenerzi avek Sanzman Klima ki ganny akonpannyen par son Sekreter Prensipal Mr Wills Agricole, Direkter Zeneral Mrs Nanette Laure e Ms Belle ki Direkter pou Administrasyon avek Human Resources.  Mon annan osi Ms Marie-Claude Labrosse e Mr Jean-Claude Labrosse ki pe asiste Minis pandan sa moman.  Bon mon ava zis demann Sergeant pou move Mace pou nou go back dan Staz Komite.  E mon ava demann PS Thésee pou gid nou.  PS.

 

PS DAMIEN THESEE

Bonzour Mr Chair tou Manm Onorab.  Nou pou pran paz 513 pou Minister Lanvironnman e Lenerzi Sanzman Klima pou en sonm R92. 932milyon.  Mersi.

 

MR SPEAKER

Mersi PS Thésee.  Zis osi mon anvi enform tou Manm e manm piblik deor.  PS Thésee i la touzour avek son lekip ki pe akonpanny nou dan sa travay.  Okenn Manm ki oule entervenir pou Minister Lanvironnman?  Ok nou a konmans avek Onorab Terence Mondon.

 

HON TERENCE MONDON

Mersi Mr Chair.  Bonzour Minis avek ou lekip e tou dimoun ki pe ekout nou.  Mon annan en kestyon anba item ‘other use of goods and services’ e anba sa item mon’n vwar ki Bidze sorti 6.954milyon pou vin 12. 627milyon ki reprezant en logmantasyon 81poursan.  Anba sa menm item ki’n fer sa logmantasyon i – ou annan en kategori ki apel ‘other uses of goods and services’ ki servi menm non e mon pa kwa.  Mon ti a kontan ganny leksplikasyon ki kalite servis ki pe ofer e ki an 2018 ti napa okenn Bidze pou sa e ki an 2019 nou vwar sa sonm 5.767milyon. Mon ti a kontan en leksplikasyon Mr Chair.  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Chairman.  Tou Onorab bonzour, tou Manm Lasanble, tou piblik ki pe ekoute bonzour.  Onorab sa sanzman ki ou’n vwar – sa logmantasyon ki ou’n vwar dan ‘other uses of goods and services’ i relye avek larzan ki’n sorti anba ETF – Environment Trust Fund ki’n ganny transfer direkteman anba Bidze Departman Lanvironnman.

Avan sa larzan ti ganny ranmase e ti ganny mete anba ETF avek menm prosedir ki’n ganny swiv avek Lifestock Trust Fund nou osi anba ETF sa larzan i ganny transfer pou fer bann proze lanvironnmantal i ganny direkteman kontrol anba Minister Lanvironnman.  Se sa, sa larzan an plis ki ou pe vwar Onorab.  Mersi bokou.

 

MR SPEAKER

Mersi Minis.  Onorab Mondon.

 

HON TERENCE MONDON

Mersi Mr Chair.  Si Minis ti kapab donn nou en pti pe plis ankor elabor en pti pe, ki kalite proze lanvironnman ki pe ganny fer avek sa sonm 5.760milyon?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Chairman mon pou pas la parol avek Direkter Zeneral Mrs Laure pou donn en pti pe leksplikasyon silvouple.

 

MR SPEAKER

Mersi.  DG.

 

DG MRS NANETTE LAURE

Mersi Mr Chairman.  Bonzour tou Manm Onorab.  Onorab ETF parey nou konnen i ti la pou ede finansyerman pou enplimant bann proze.  Anba ETF i annan bann lobzektif prensipal ki ti sipoze meet.  E sa 4 lobzektif prensipal ti pou annan pou fer avek polisyon, prevansyon polisyon, i annan pou fer avek beautification, bann proze proteksyon lanvironnman e apre bann lezot proze ki nou menm nou, nou vwar ki annan bi pou prezerv lanvironnman.  So sa en pti pe bi ETF.  Savedir si i annan okenn proze ki relye avek sa bann obzektif, then i ganny enplimante.

 

MR SPEAKER

Mersi DG.  Minis.

 

MINISTER WALLACE COSGROW

Mr Speaker PS osi ti a kontan dir en pti bout.  Mersi.

 

MR SPEAKER

PS Agricole.

 

PS WILLS AGRICOLE

Bonzour Mr Chair e bonzour bann Onorab e tou dimoun ki a lekout.  Wi sa logmantasyon i osi enkli ki R1milyon ki nou pe mete pou enhance bann landrwa kot i annan larivyer e lanmar.  Akoz parfwa ler nou netway larivyer ek lanmar, bann landrwa ki obor i ganny degrade.  E par egzanp si ou annan en lakaz obor e ou pe netway larivyer parfwa ki arive, se sa lakaz i ganny menase e nou, nou pe antre.

An plis ki sa i annan bann landrwa ki nou’n netway larivyer ek lanmar nou annan bann agricultural lands e nou pe fer en fason ki nou pou mentenir osi – enhance sa landrwa par metan sa larzan ki nou’n mete, pou fer sir ki bann fermye pa ganny sa – ki nou apel sa salt intrusion ki delo sale i antre e i afekte zot crop.  E  fer sa landrwa osi vin pli rezilyan.  E en lot keksoz enportan osi ki i ede osi pou minimiz inondasyon.  Mersi Mr Speaker.

 

MR SPEAKER

Mersi PS.  Bon zis mon anvi fer en pti koreksyon.  De dimoun ki pe asiste Minis Ms Marie- Claude Labonte assistant accountant e Mr Jean Claude Labrosse e pou Finans Ms Verghese avek Ms Coopoosamy.  Onorab Churchill Gill.

 

HON CHURCHILL GILL

Mersi Mr Chair.  Bonzour Mr Chair.  Bonzour tou Manm.  Bonzour Minis avek ou delegasyon.  Mon kestyon se mon  vwar en sonm R16milyon ki’n ganny mete pou bann depans Kapital e mon pe gete si ladan i annan okenn keksoz pou drenaz, bann sityasyon drenaz ki annan lo Praslin ek La Digue.  Si i annan keksoz dan sa 16milyon – si i annan serten alokasyon ki pou ganny met a dispozisyon pou adres sa bann problenm drenaz? Sa mon premye.

Mon dezyenm kestyon eski Minis i kapab eksplik sa Lasanble lo bann progranm renewable energy, si dan sa Bidze pou 2019 i annan provizyon pou bouze, pou Gouvernman bouze lo la e si wi ki bann landrwa ki zot pe antisipe konmanse?  Mersi.

 

MR SPEAKER

Mersi onorab.  Minis.

 

MINISTER WALLACE COSGROW

Mersi Onorab.  Mersi Mr Chairman.  Mr Chairman wi dan Bidze i annan serten provizyon pou bann proze drenaz.  Annefe lo Mahe, Praslin avek La Digue.  Nou deal spesifikman avek bann proze par egzanp – bann main drain, bann larivyer parey PS in eksplik nou en pti pe, kot nou desilt – nou tir siltasyon ki’n akimile ; nou fer bann serten reparasyon osi avek bann larivyer.

E sa Bidze i fer provizyon pou serten netwayaz dan serten main landrwa Onorab en, e i enkli Praslin.  An term  petet PS ava elabor en pti pe plis lo la, an term proze lenerzi renouvlab wi nou annan en konponan dan Bidze, kot nou’n ganny serten Grant anba Indian Grant kot nou pe, nou pe anvizaze pou enstal bann pano soler, lo bann building Gouvernman – lo bann serten building Gouvernman ki’n ganny idantifye.  Lo zil Romainville en proze en megawatt ek pano soler pou ganny allocate avek bann sa ki nou apel vulnerable households.

E osi en lot megawatt ki pou ganny plase direkteman lo bann lakaz, en lalis ki’n ganny idantifye konzwentman avek Lazans Proteksyon Sosyal.  So i annan  sa bann proze e nou osi nou annan lezot proze osi me solman ki pa neseserman anba Bidze.

Par egzanp nou annan en  PPP pou lagon e nou osi annan en  proze avek IRENA ki pou lo zil Romainville.  So dan Bidze i annan pou tou le de.  I annan pou lenerzi renouvlab pou bann building Gouvernman e osi pou bann lakaz ki nou konsider konman bann fanmir en pti pe vilnerab.  Mersi Mr Chairman mon pa konnen si PS ti a kontan azoute.  Mersi.

 

MR SPEAKER

Mersi Minis.  PS Agricole.

 

PS WILLS AGRICOLE

Mersi Mr Chair. Wi Onorab pou Praslin wi nou pa’n bliy Praslin.  Pou annan en flood litigation project Baie Ste Anne ki mon mazinen i dan ou distrik.  E osi nou pou annan bann lezot proze parey coastal Grand Anse Praslin par egzanp Anse Kerlan nou pe anvizaze fer en travay ase konpreansiv.  E nou konn tre byen ki sirtou dan sa rezyon
Anse Kerlan pou al lo Ros Korbizo e toute fwa ai ganny menase avek bann gro laroul e osi coastal erosion.

E dernyerman nou ti annan en tim World Bank ki ti isi nou ti demann zot pou fer en pe travay pou nou e zot in konstate ki dan sa rezyon Anse Kerlan sorti SPTC – Ros Korbizo ti a byen ki nou fer en letid pou vwar si i annan posibilite met en breakwater pou anpes sa sityasyon kontinyen a lavenir. Parey ou konnen avek sanzman klima keksoz pou vin pli pir e ou pou vwar nou pe depans plis larzan.  E vwala an gro sa ki nou pe anvizaze fer lo sa de zil.  Mersi Mr Speaker.

 

MR SPEAKER

Mersi PS.  Onorab Churchill Gill.

 

HON CHURCHILL GILL

Mersi Mr Chair.  Minis ler ou’n donn leksplikasyon lo renewable energy – mon pa’n tann ou nonm Inner Island.  Eski Inner Islands i annan  okenn keksoz dan sa direksyon?  Apre mon  dernyen kestyon i annan sa debt swap ki ti fer avek Paris Club si ou kapab donn nou en nide ki mannyer sa pe ganny zere e si deza zot in deza konmans fer serten travay avek sa? Mesi.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Onorab. Wi Onorab lo Inner Islands petet mon’n manke wi – nou annan serten letid ki nou’n fer pou Inner Islands ; par egzanp La Digue, sirtou La Digue avek Praslin, kot nou osi anvizaze enstal pano soler pou – si ou le konplimant en pti pe prodiksyon elektrisite ki ganny fer avek bann fason konvansyonnel.

So La Digue – La Digue nou ganny en pti pe difikilte akoz teren, landrwa pou plase me nou pe sey idantifye serten landrwa Praslin kot nou kapab enstal sa bann pano soler.  I osi form par anba Indian Grant.  So nou pa’n bliy La Digue, nou pa’n bliy Praslin.

Apre  an term debt swap ; bon enn bann keksoz mazer ki pe ganny fer an relasyon avek debt swap se nou marine special plan ki nou  pe travay lo la.  Sa ki ganny referans konman MSP.  Si mon kapab dir Lasanble ziska prezan dernyen prezansyon ki nou ti fer devan Cabinet nou komitman anba debt swap for marine special plan i 30poursan nou EEZ.  Savedir an tou apepre 400mil kilomet kare nou EEZ ki ganny dezinyen konman swa protected area pirman protected areas, or bann manage areas ki annan en mix use avek, me solman ki gear towards proteksyon.  Dernyen figure ki nou annan la dapre bann travay bann konsiltasyon, bann kantite meeting ki nou vin fer depi 2015 nou’n achieve apepre 26poursan nou target.

So i reste nou ankor ziska 2020 pou nou vwar ankor apepre 4poursan pou nou kapab achieve sa target 30poursan ki nou ti commit nou lekor.  And mon konvenki ki nou pou kapab ariv sa target menm avan.  E sa ki enportan dan sa prose Mr Chair avek Onorab, i en prosesis ki vreman, vreman konsiltatif. Tou bann sekter, tou bann sekter ekonomik ouswa ekolozik, lanvironmantal zot ganny konsilte.  E i annan en kantite meeting – e i annan en kantite level desizyon i annan stakeholder meetings ki vin bann more focus group meetings apre ki ariv en nivo egzekitif kot nou kapab pran desizyon, apre ki anmenn CabinetSo se sa kot nou ete avek nou MSP Onorab.  Mersi.

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mersi Mr Speaker.  Bonzour Minis ek ou delegasyon tou Manm e tou dimoun a lekout.  Mr Speaker mon kestyon i en pti pe anliny lo sa ki Onorab Churchill Gill in demande.  Onorab Gill in demann konsernan drenaz – mon vwar dan Bidze ki i annan bann priority drainage ki total initial project cost i R9.1milyon.  Dan Bidze pou 2019 mon vwar en sonm 1.650milyon.

Kekfwa Minis ti kapab donn en pe detay kote sa bann priority project pou drenaz i ete.  E kot i konsern Praslin dan en meeting District Council nou ti pe diskit sa issue drenaz ki en issue mon kapab dir ki afekte Praslin an antye.  E ki’n ganny sorti for dan sa meeting se ki i enportan pou Minis fer ou Minister fer en letid pou find out, kwa vreman ki pe koz sa problenm e si  zot kapab come up ek en plan konpreansiv ki pou kouver Grand Anse avek Baie Ste Anne antye.

Akoz vreman sak fwa gro lapli i tonbe Grand Anse, Baie Ste Anne nou anba delo sirtou bann landrwa lo plato Cote D’Or e Amitie.  Alor si Minis i kapab konsider dan le fitir pou come avek en Plan Konpreansiv pou deal avek sa problenm?

Mon 2enm i – PS in koz lo en letid ki pe ganny fer e konsiderasyon ki zot pe pran pou dan le fitir fer konsider pou fer a breakwater.  Me aktyelman la i annan en serten proze ki’n konmanse ros korbizo, en rock amoring zot in ganny bidzete pou fer me sa proze i annan en problenm avek.  I pa’n konplete i annan en bout i mon krwar i … si in kase ouswa zot pa’n konplete me solman mon krwar i ti a bon reviz sa proze, akoz i en proze ki zabitan Praslin pe konplent akoz i pa en proze ki vreman, vreman a laoter pou sa sonm ki sa proze in koute.

Ler mon get anba PSIP, i annan de sonm – coastal project ki 18.2milyon avek climate change, (sorry) coastal project ki 13.5milyon avek adaptation to climate change project ki R18.2milyon sa i the initial project cost.  Pou sa coastal project, pou sa lannen i annan en son R3milyon.  Pou adaptation to climate change project i annan en sonm sa lannen in bidzete i R7.1milyon.  Kekfwa Minis ti kapab donn en detay kote sa bann larzan pou ganny servi si Inner Island osi Praslin/ La Digue pou benefisye anba sa bann proze ki pe ganny fer.

Mon 3enm i kot i konsern Larivyer kakao. Larivyer kakao dan fon pou al St Joseph dan fon pou al kot Legliz dan fon i annan en diversion ki zot ti fer e i annan konplent par plizyer zabitan ki sa diversion ti ganny fer san zot permisyon, e i pe kree en problenm pou zot.  Akoz zot later gro lapli pe eroded, zot later pe ganny kase avek sak fwa i ganny manze, sak fwa bann gro lapli  i tonbe.

E i annan en pon ki’n ganny fer ki aparaman in sort of fer li pli sere ki en ler debri i bloke e i overflow e ankor i afekte bann zabitan dan sa rezyon.  Kekfwa si zot kapab donn en pe detay lo la.  Finalman mon dernyen kestyon kot i konsern lerozyon lakot ankor lerozyon lakot.  Apard ki Anse Kerlan ek Ros Korbizo eski zot pe osi konsider bann lezot landrwa lo Praslin?  Parey La Pointe Consolation i annan bann lezot landrwa dan Amitie ki ganny afekte avek gro laroul.  Sirtou pandan letan vann swet alor ki zot pou fer pou rektifye en pti pe sa bann problenm?  E osi pou rezourd sa issue rock amouring lo Konsolasyon ki la sa semen in kase avek gro laroul.  Mersi.

 

MR SPEAKER

Mersi Onorab Woodcock.  Minis.

 

MINISTER WALLACE COSGROW

Mr Chair mersi.  Mr Chair mon a pran sa bout comprehensive plan apre si nou kapab envit Mr Labrosse pou donn en koudmen lo bann lezot kestyon, akoz Mr Labrosse i pli focus lo bann proze larivyer, drenaz e tou sa.

Ok, konsernan comprehensive plan, mon kapab konfirmen Onorab ki ou Chairman District Council Chairman in ekrir mwan en let formel e nou’n ganny serten diskisyon lo la e mon’n promet Chairman District Council ki mon pou donn li avan lannen fini, expert dan sa domenn, pou zot kapab vin fer en meeting avek District Council Praslin e tou bann konsern ki zot annan konsernan drenaz, lerozyon, zot a kapab met devan sa bann expert.  E expert i ava kapab gid zot e petet dir zot osi en pti pe pli an detay ki bann proze ki nou annan dan le fitir pou le de distrik Praslin.

So sa i en komitman ki nou’n fer e a lafen lannen nou ava fer sir ki sa bann expert i meet avek district council, sorry Regional Council, Regional Council pardonn mwan eskiz mon.   So avek sa mon ava pas laparol avek Mr Labrosse la ki a kapab donn en pe detay lo sa bann diferan areas ek proze.  Mersi.

 

MR SPEAKER

Mersi Minis.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Bonzour tou bann Manm Onorab.  Onorab pou Grand Anse Praslin parey tou lezot distrik lo Mahe/ Praslin/La Digue nou konnen i annan en bon pe problenm drenaz ki nou pe adrese.  Sa enn spesifikman ki nou pe dir Kakao, nou pe fer serten letid pou nou travay en pti pe pli konpreansiv pour ki nou anpes sa lerozyon propaze. Akoz nou okouran ki annan en culvert laba e ki li letan lapli i tonbe i ris tou sa delo ver en kote e i konmans degrad later bann dimoun.

So dan limedya nou pou mont avek en proze pou protez sa bout later and then pli tar nou pou vin ek en proze pli konpreansiv pou nou fer widening e proper embankment protection.

E parey in ganny dir taler i annan en Bidze ki’n ganny mete pou embankment protection pou lannen prosenn, ki nou pou kapab kouver sa anba la.  Pou lezot par egzanp bann netwayaz – nou pe kontinyen.  Anba sa nouvo tender ki pou vini lannen prosenn byensir distrik Grand Anse Praslin in ganny kouver parey tou lezot distrik.  Annefe nou’n ogmant si ou le nou bann landrwa ki nou pou maintain an 2019, pou ede redwi linondasyon e redwir bann problenm si ou le lasante osi ki koze avek  bann landrwa ki reste en pe sal.

Lo kote coastal nou okouran ki i annan problenm lerozyon lo lakot Ros korbizo Anse Kerlan e tou sa.  Lannen pase SLTA ti fer en travay limedya akoz ti annan en moman ki semen ti pe ale, konmansman kot SPTC an montan e zot ti fer en travay imedya pou protez semen.  Me solman nou konnen sa bann pti bout travay koumsa ou bezwen enn pli konpreansiv.

E parey nou PS in dir taler world bank pe ed nou en pti pe lo kestyon letid pou nou kapab vin avek en proze pli konpreansiv, ki kapab protez sa bout lakot pou anpese ki nou fer bann pti bout pti bout travay.

E byensir osi lezot lakot par egzanp lapwent i osi i pa’n ganny kit deryer i annan annefe delegasyon World Bank in  vizite sa bann landrwa avek nou bann zofisye e pou come up avek en Coastal Management Plan pou Praslin, Mahe e osi La Digue ki pou enkli ladan.

 

MR SPEAKER

Mersi Mr Labrosse. Onorab Woodcock.

 

HON WAVEL WOODCOCK

Ok.  Mon dernyen pti kestyon ankor kot i konsern bann drenaz sirtou bann lanbousir avek bann lanmar – mon konnen ki aktyelman la ou pe ganny en pe difikilte pou netway en pe sa bann lanmar, e menm bann lanbousir ki pa pe ganny debouse ki kree en problenm pou sirtou ban fermye dan la rezyon parey lo plato, lo blok Amitie, kot i kree lerozyon alor mon kestyon i ki bann  ki ou pe fer ki ou Minister pe fer pou redwir sa bann problenm retar netway bann lanmar ouswa deblok bann lanbousir, sirtou dan letan gro lapli ki kree en problenm ase serye lo Praslin grand Anse.  Mersi.

 

MR SPEAKER

Mersi Onorab.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chair.  Onorab lo Praslin parey dan tou distrik nou annan bann kontrakter ki fer bann travay regilye, anba si oule sa progranm netwayaz. E sa bann kontrakter zot toultan lo standby pou deblok sa bann lanbousir ler i neseser. I enportan pou note ki en lanmar i toultan bezwen annan en pe delo akoz san kwa bann lespes ladan pou ganny menase.

Me parkont byensir nou bezwen fer sir ki annan en bon flow pou i osi anpese ki i annan linondasyon. So sa bann Kontrakter zot lo standby pou sak fwa ki i annan en nesesite pou entervenir zot entervenir.

An plis ki sa nou annan bann kontak bann Kontrakter ki annan masin excavators ki kapab entervenir pli vit dan limedya, dan en sityasyon kot nou bezwen deblok si ou le sa bann lanbousir vitman.  E sa si ou le pe mars ase byen lo Mahe, Praslin e La Digue ki so far nou pe anpese ki i annan linondasyon.  Mersi.

 

MR SPEAKER

Mersi Mr Labrosse.  Onorab Jude Valmont.

 

HON JUDE VALMONT

Bonzour Mr Chair.  Mersi.  Bonzour Minis e delegasyon.  Mon kestyon i aktyelman i fer referans avek kestyon Onorab Woodcock, in demann sa kestyon lo sa PSIP 57 la lo ‘priority drainages.’  Zot drainage zot pa’n fer sorti lekel sa bann priority drainage.  Mon ti a kontan konnen ki sa bann drenaz ki annan lo Mahe e si enkli Pointe Larue?

E 2enm kestyon i annan sa master plan ki zot in fer pou drenaz mon konnen  i enkli rezyon Les.  Alor mon ti a kontan konnen ki kantite zot in achieve lo kote plato Point Larue pou deal ek sa sityasyon drenaz la ki nou pe koze e si i annan larzan dan Bidze pou kontinyen fer sa pou vwar en realite sa proze drenaz dan plato Pointe Larue?

E 3enm kestyon aktyelman i annan zot bann challenges ki zot in fer resorti sirtou sa issue staffing la.  Ki provizyon sa Bidze ki nou pou al vot lo la i fer pou zot adres sa challenge?  Mersi.

 

MR SPEAKER

Mersi onorab Valmont.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chair.  Mersi Onorab.  Onorab pou Pointe Larue parey pou lezot distrik nou annan i form parti sa Master Plan parey ou pe dir.  So far Pointe Larue depi an 2013 zis apre levennman Felleng nou’n fer en serten travay Pointe Larue an term ki deblok serten landrwa kot ti annan blokaz e osi bann lanbousir – widen en pti pe bann lanmar sirtou deryer lekol segonder Pointe Larue, Ladministrasyon distrik kot i vin kot Mr Vel.

Anse Francois nou’n fer serten travay.  Nou’n fer serten travay osi kot Lakademi Lapolis, me pou Pointe Larue i enn bann distrik si ou le pli challenging pou nou  an term son topographic.  Nou konnen poudir i annan en challenge pou nou tir delo vitman sirtou dan Pointe Larue sirtou letan lapli pe tonbe e nou annan Airport ki zis an fas distrik Pointe Larue e li nou konnen poudir Airport runway i o e pou desarz delo dan lanmer i pa’n zanmen fasil.

Annefe pou Pointe Larue ki nou’n deside anba DPS se ki fer en feasibilitiy study – en complete feasibility study – comprehensive, pou ki si ou le nou ganny met devan nou si ou le bann findings e osi dan sa bann findings propoz bann solisyon – si ou le pou nou kapab deal avek sa sityasyon flooding Pointe Larue.

E avek sa bann pti travay parey mon pe dir SLTA nou annan bann lezot Lazans osi ki’n team up avek nou SLTA, lLcal Government, LWMA ki zot osi zot ed nou ; nou team up ansanm pou nou kapab attain bann lobzektif pou nou retir delo en pti pe  si ou le dan Pointe Larue dan letan lapli.

 

MR SPEAKER

Mersi Mr Labrosse.  PS Agricole.

 

PS WILLS AGRICOLE

Mersi Mr Chairman.  Anyway zis pou azout sa ki Mr Labrosse in koz lo la e osi pou reponn ou kestyon fully.  Lo sa priority drainage project nou annan bann proze swivan ki nou anvizaze fer.  Premyerman nou annan en proze ki pou al Anse Etoile ki pou vize ver en drainage network within the SACOS Flat.

2enm nou annan en La Misere drainage proven project.

3enm nou pou annan en lot mitigation pou tir delo e pou minimiz flooding sa i Anse Etoile lower La Gogue kot Larivyer Antoine.

E katriyenm Pointe Larue wi nou annan consultancy work ki pou ganny fer Pointe Larue e an plis ki sa nou pou annan bann drainage improvement work ki pou ganny fer Pointe Larue.

5enm pou al Beau Vallon kot ankor laba ler i annan lapli gro lapli sirtou bann extreme rainfall i annan flooding, bann flooding ki arive dan plato  Beau Vallon sirtou kot Coco D’Or i ete e sa travay ki nou pou al fer se pou anmas tou sa delo ki sorti le Niole pas Pascal Vilaz dan Berlin ariv dan plato Beau Vallon e tir tousala anvoy li dan lanmer.

E katriyenm osi nou annan en travay Beau Vallon an plis ki sa kot Baobab Pizzeria  dan sa rezyon la kot sa pon i été, nou pou fer en travay reabilitasyon kot nou fer sir ki sa bann delo – sa bann akimilasyon delo ki arive ler i annan gro lapli, i kapab ganny flow en pe pli byen.  Mersi Mr Chair.

 

MR SPEAKER

Mersi PS.  Onorab Valmont.

 

HON JUDE VALMONT

Mersi Mr Chair i annan en kestyon sa dernyen kestyon lo staff ki pa’n ganny adrese.  Mersi.

 

MR SPEAKER

Mersi Onorab.  Minis.

 

DIRECTOR FOR ADMINISTRATION AND HUMAN RESOURCES MS SABRINA BELLE

Bonzour Mr Chair avek tou onorab.  In regards to staffing sa i reste enn nou pli gro challenge ki nou annan dan Minister.  Nou’n fer request en kenzenn post nou ti’n request pou 2019 me nou pa’n ganny okenn funding pou okenn nou bann pozisyon.  So internally nou a bezwen find out ki nou a kapab fer pou nou kapasite resours imen pou nou match nou technical areas, pou gete ki mannyer nou kapab meet demands.  Mersi.

 

MR SPEAKER

Mersi Ms Belle. Onorab Henrie.

 

HON GERVAIS HENRIE

Mersi Mr Chair.  Mon annan premyerman lo kestyon Bidze Minister an zeneral, avek son bann antite ki al avek li par egzanp Meteolozi, Komisyon Lenerzi, LWMA, letan mon pe get zot bann depans par egzanp elektrisite, fuel, delo mon  pa vwar en rediksyon over the years ant 2018 ek 2021.  Konmsi mon vwar zot ti devret en Minister model par egzanp Lasanble li son Bidze lannen pase or sa lannen konmsi i annan en rediksyon dan fuel 22poursan par egzanp, zot, zot ti merit en Minister model ki apre bann lezot antite ti a kapab swiv.  So mon ti ava kontan konnen si zot annan en plan dan sa direksyon akoz sirtou pou redwir Bidze Gouvernman a long term?  Sa i premye.

Dezyenmman Mr Speaker kestyon ki bokou lezot Manm Onorab in koz lo la, alor pou mon pa repet, pou Mont Buxton spesifikman Mont Buxton i apel Mont Buxton, akoz i en montanny i koumsa li tou delo i desann, donk i annan en leokri menm avan mwan mon’n vin MNA pou ki i annan proze drenaz konpreansiv dan distrik, alor pou zot pa donn detay Mont Buxton spesifikman me mon ti ava kontan si zot fer available to the Assembly sa lalis ki nou ti ava share pou nou konpran si bann lezot distrik i ladan ; e si nou, nou santi ki i annan mankman nou kapab apros Minister direkteman pou annan en koze avek zot.  Sa i enkli drenaz apre osi restorasyon bann larivyer pour tou distrik. So si zot ti kapab fer nou ganny sa.

E en lot pwen sa i touzour konsern bann zafer drenaz e Mr Labrosse pou konnen ki mon pe koz lo la, akoz nou’n deza diskit sa dan en meeting ki nou ti fer kot Independence House Annex. I annan en bann rigol dan bann distrik ki’n fer dan bann lannen ‘80 e ‘90 e Mont Buxton ek English River i annan en kantite  sa bann rigol.  Weekend avan la mon fek vizit enn anler bor Creve Cœur, personn pa pe antretenir sa bann rigol.  I pe bouze, i pe kase so nou pa konnen si i anba Minister Lanvironnman si i anba Local Government lekel ki pe antretenir.  E i aparet ki bokou sa bann rigol Lotorite in bliye kot zot ete egzakteman, e i annan sa retisan par bann dimoun dan kominote zot menm pou netwaye, kan parfwa zot ti merit pe ede, akoz i ed zot menm an premye lye so mon ti ava kontan konnen ki zistans zot ete lo la pou survey tou sa bann rigol e enn fwa pour tou donn en antite spesifik responsabilite pou antretenir li.  Mersi bokou.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Chairman mersi.  Onorab mersi.  Mon pou pran sa premye kestyon an term long term plan apre Mr Labrosse a kapab pran larestan ouswa PS.  Onorab mon dakor avek ou.  Mon dakor avek ou lo kote an term nou konman sa Minister ki annan portfey Lenerzi Sanzman Klimatik Lanvironnman.  Mon dakor avek ou ki nou devret en Minister model, me par kont Onorab nou en Minister ki nou loperasyon i eparpiye en pti pe partou.  I difisil pou ou ganny economies of scale ler ou bann loperasyon i eparpiye.  Par egzanp mwan mon dan Le Chantier Mall, building i annan bann lezot staff ki Botanik, i annan ki Aarti Chambers konmsi nou eparpiye en pti pe partou so nou bezwen sey make do avek bann landrwa bann lokasyon kot nou gannyen.

Nou bann fasilite osi i en pti pe par egzanp nou get Botanik fasilite i en pti pe pli vye so i tant pou consume en pti pe plis lenerzi.  Me selman nou konsyan ki nou en Minister ki devret set legzanp.  Once ki si par egzanp nou proze Government House i materyalize kot nou tou nou a bouz anba en sel roof –  mon krwar i annan provizyon pou fer bann batiman ki en pe pli environmentally friendly ; batiman ki ava servi less lenerzi, less air condition e nou ava kapab fer bokou plis savings lo la.

Kot sa ki konsern fuel par egzanp en – sa zafer kot diferan Departman i eparpiye i en issue, me solman i osi nou en konponan kle par egzanp an term kot Planning i konsernen en.  So every, tou bann devlopman ki fer Sesel nou nou en konponan kle ladan e nou bezwen vizit tou sa bann proze.

So nou annan en konponan vizit ki tonm anba Mrs Laure la – en konponan vizit konmsi vreman, vreman sarze kot nou bezwen kontinyen al lo bann teren – e si nou pa donn nou approval en proze i difisil pase.

So nou bezwen fer ki nou prezan lo tou sa bann sit partou e fuel i costly e souvandfwa fuel i monte nou napa kontrol lo la. Me nou’n konmanse nou annan en loto elektrik e I hope dan le fitir nou kapab ganny plis Bidze pou nou envestir en pe plis dan bann transpor elektrik. Me sa osi pa tro fer sans si ou napa par egzanp en sistenm soler pou sa zour akoz ou servi ou servi fuel menm pou ou sarz elektrik so i pa tro fer sans.

Me mon hope ki dan le fitir nou kapab ganny bann transpor en pe pli efficient pou nou kapab fer nou bann vizit, fer nou bann patrol par egzanp, patrol zofisye lanvironnman, ki al fer bann vizit pou sirtou  bann fines bann environment police e se sa.  But mon dakor avek ou ki nou devret Minister legzanp. Mersi mon ava pas ou avek Mrs Laure pou ou – .

 

MR SPEAKER

Mersi Minis.

 

DG MRS NANETTE LAURE

Zis pou azout lo sa ki Minister in dir Onorab.  Nou’n konmans en legzersis ansanm avek Seychelles Energy Commission akoz nou’n realize e nou’n vwar ki vre – enn parmi bann litilite ki nou servi bokou i elektrisite sirtou Botanik e nou pe konmans en pilot project ansanm avek Seychelles Energy Commission kot nou pe fer en letid within Departman kot Botanik.  E apre bann rekomandasyon pou ganny fer.  Nou a konmans avek bann pti pti keksoz ki nou kapab konmans sansibiliz staff kekfwa so kekfwa nou ava vwar en rediksyon lo la.

 

MR SPEAKER

Mersi Ms Laure.  PS.

 

PS WILLS AGRICOLE

Mersi Mr Chair.  Pou reponn kestyon Onorab Henrie konsernan lalis wi mon krwar i byen nou donn zot lalis olye lir sa enn pa en petet i al en pe letan.  Nou a donn zot sa lalis ki nou’n fer lo tou sa bann proze ki nou anvizaze an 2019 be it lo coastal parey drainage, dissilting, maintenance rivers avek lanmar.  Thank you.

 

MR SPEAKER

Mersi PS Agricole.  Onorab Lemiel.

 

HON SYLVANNE LEMIEL

Mersi Mr Speaker.  Bonzour tou dimoun.  Bonzour Minis avek ou delegasyon.  Mr Chair kot i konsern coastal project mon vwar R3milyon dan PSIP, mon ti a kontan konn bann landrwa kote ki Minister Lanvironnman pe al fer sa bann proze lo lakot.  Apre mon konsern i kote kot bann travay ki ganny fer dan bann lanmar.  Mon konnen poudir i annan bann larzan ki Minister i gannyen – parey anba EBA me sa ki mon  santi i se ki eventhough i en larzan Grant i en larzan ki pe asiste pou bann proze, i larzan ki pe antre dan Gouvernman, ki pe ed nou pou nou fer sa bann proze.  

So mon santi ki i bezwen annan pli bon sipervizyon i fer ki i annan serten travay ki EBA in fer ki fantastik felisitasyon pou zot, zot in byen fer me mon santi ki i annan serten landrwa sirtou dan Anse Royale, i annan serten travay ki pe deroule dan bann lanmar la aktyelman ki Mr Labrosse nou’n ale nou’n al vizite ki pa pe ganny byen fer e i demann  sa sipervizyon de tre, tre pros pou vey sa bann travay.

E la osi nou pe ganny konplent ki mon  pa konnen lo kote dan Bidze 2019 or kan ki Minister pe pare pou donn bann travay dan bann lanmar ki pe ganny fer.  Nou pe ganny konplent lakot lekol Anse Royale, deryer kot lanmar i pase i annan bokou moustik e nou konnen i annan de lekol la  i annan lakres, zanfan, maladi petet nou bezwen pase ale al regarde, apre nou pe vwar ki petet sipervizyon sa bann travay osi dan sa bann lanmar i merit ganny fer en pti pe pli byen.

E osi Mr Speaker mon ti a rekomande ki par egzanp sa ban travay ki nou’n koz lo la lo kote bann EBA letan zot pe fer la, mon konpran i annan bann scope ; i bezwen annan bann scope of work ki’n ganny fer petet sa osi i merit ganny soumet avek distrik akoz pou le moman distrik pa gannyen akse avek sa bann scope of work petet zis dan en meeting ou ganny dir ki pe vin fer, me apre ou vwar pa sa travay ki ganny fer.  So sa scope of work pou tou proze lanmar ki ganny fer dan distrik, nou ti a rekomande ki Lotorite distrik i ganny en kopi sa bann scope of work.  Mersi Mr Chair.

 

MR SPEAKER

Mersi Onorab Lemiel.  Bon nou ava pran, nou a donn repons pou kestyon Onorab Lemiel apre aparaman i annan en bout pou Onorab Henrie ki Mr Labrosse i sipoze reponn, apre sa Mr Labrosse i ava handle sa bout.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab i vre ki i annan serten issue ki’n leve regarding bann travay ki EBA pe fer.  Annefe EBA i pe fer en travay bann water catchment enhancement.  E in fer parey ou pe dir bann zoli proze par egzanp in fer en proze anler dan leo Bougainville Val Den D’Or ki tre fantastik e i pe ed bann fermye pou ganny en pe plis delo ; e in fer en proze Anse Royale deryer UNISEY ki sa osi in al byen me osi avek  en serten lentervansyon ki nou, nou’n fer lo kote Minister pou nou gid si pou le sa tim EBA dan la fason ki i ganny fer.

Annefe sa enn ki ou pe koze an partikilye i sa proze Sweet Escott otour bann laferm.  Definitivman nou’n zwenn avek sa tim EBA, nou pe re vwar sa scope e nou pe si ou le al lo teren avek zot pou gid zot en pti pe plis ki mannyer zot pou antreprann sa travay, pour ki i pa koz plis problenm olye ki solisyon.  Sa nou pe fer.

E pou bann proze a lavenir dan Anse Royale par egzanp nou konnen pou annan en proze ki pe vini Remise Estate byento – sa osi nou pou travay etrwatman avek zot e nou’n tonm dakor ki nou form en tim monitoring team ki pou monitor tou sa bann proze e anba nou gidans nou Departman.

An ki konsern bann dokiman, nou kote nou Departman sak fwa nou fer en proze dan distrik nou anvoy pou Lotorite distrik en kopi si ou le bann scope of work ki sa Kontrakter i devret fer.  E distrik i konnen – e i ed nou si ou le parfwa dan monitoring – dan bann vizit e letan proze i konplete nou al avek Lotorite distrik lo teren, nou verifye si tou keksoz i ok e Lotorite distrik i siny nou sa ki nou apel en final completion report. Lotorite distrik i siny sa i stanpe konmkwa ki zot dakor ki proze in ganny fer, in fer dan lafason ki devret ganny fer, avan ler peyman i ganny fer pou bann Kontrakter.

Lo kote EBA osi nou pou ensiste ki sa osi i ganny enplimante dan sa fason pour ki nou annan en pe plis kontrol nou annan en pe plis nou kapab zer sa bann proze en pti pe pli byen, pou evite ki i annan si ou le bann issues ki leve avek bann proze parey.

 

MR SPEAKER

Mersi Mr Labrosse.  PS.

 

PROJECT OFFICER MR JEAN-CLAUDE LABROSSE

Lo kote coastal project pou Anse Royale.  Anse Royale nou konnen son  pli gran –

 

HON SYLVANNE LEMIEL

Mr Speaker mon pa pe demann pou Anse Royale mwan i annan 3milyon mon pe demande kote ki pe ganny fer?  Petet li i pe al direkteman lo Anse Royale.  Kote egzakteman dan sa 3milyon ki sa bann coastal project pe al ganny fer?

 

MR SPEAKER

Alright.  PS ou le reponn sa.  PS.

 

PS WILLS AGRICOLE

Mersi Mr Chair. Parey mon’n dir pli boner avek Onorab Henrie, nou pare pou donn zot en lalis tou bann Onorab zot ava konnen ki bor ban proze ki bann lokasyon, diferan proze ki dan capital project pou lannen prosenn.  Me selman pou reponn ou kestyon si ou anvi konnen i swivan.  Nou annan 4 proze pou lannen prosenn ki pou kout 3milyon.  Premye i Anse La Mouche phase 5, Baie Lazare, Anse Gaulette coastal rock amoring, Anse Boileau coastal rock amoring sorti kot lekol ziska sa junction kot Montagne Posee, apre dernyerman mon fek fer resorti pli boner Anse Kerlan coastal rehabilitation project.  Mersi Mr Chair.

 

MR SPEAKER

Mersi PS.  Mr Labrosse ou a reponn sa bout pou Onorab Henrie.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab pou Mont Buxton sa bann rigol ki nou konnen  i annan bann ki ganny konstri en bon pe letan pase.  Nou pe fer si ou le en kind of assessment lo sa bann rigol, pou vwar zot si zot ankor kapab fonksyonnen sirtou dan letan lapli.  Me an plis ki sa osi nou pe liaise avek lezot nou bann partners parey Local Government, SLTA, nou konnen pou ki letan zot enplimant zot bann proze, zot enkorpor si oule sa bann rigol dan zot proze – pou ki zot reabilit li pou ki i kapab fonksyonn pli byen.  Sa nou pe fer.  Si ou le nou – lo kote netwayaz parey lezot distrik nou’n ogmant landrwa kot nou pe maintain Mont Buxton, an term ki bann larivyer ki koul dan Mont Buxton, nou’n ogmante.  E i annan ki nou’n merge ansanm osi pou fer li en pti pe pli byen.  So sa i bann travay ki nou pe fer dan Mont Buxton actually. Mersi.

 

MR SPEAKER

Mersi Mr Labrosse.  Bon mon anvi zis averti bann Manm mon annan 13 ki ankor lo lalis ki pa ankor demann klarifikasyon e nou bezwen bouze annou sey direkteman demann kestyon nou pa fer gran letour.   Onorab Francois Adelaide.

 

HON FRANCOIS ADELAIDE

Mersi Mr Chair.  Petet pou Minis ouswa Mr Agricole.  Lo kote paz 57 PSIP nou annan  sa coastal project Anse la Mouche la ki mon vwar napa larzan e la mon’n tann ou pe dir i anba capital project.  Petet en pti leklersisman lo ki bann keksoz ki nou pou annan sa lannen, nou ekspekte trouve apre vi ki zot manda se Lanvironnman provide bann lasistans pou bann distrik pou devlop zot bann lenfrastriktir ouswa bann mannyer ou kapab dir sa – met li parey lenfrastriktir.  Nou annan sa bout later la i trouve opposite ant laferm lagrikiltir C2513 ki avek Minister Later nou’n fini ganny go ahead ki napa okenn lobzeksyon me sel lobzeksyon i reste lo kote Minister Lagrikiltir.

Eski dan sa Bidze petet i pou annan bann landrwa bann resours ki nou kapab tape pou nou ganny petet bann sipor bann mendev sipor mendev pou asiste nou pou nou kapab devlop sa landrwa?  Akoz i en landrwa ki annan bokou potansyel kot nou kapab devlop bann kiosk, bann tourist shop pou nou atrakte plis touris dan nou distrik.  E nou pe vreman kont lo Minister Lanvironnman pou ed nou pou nou kapab devlop konsep pou nou distrik. Eski nou pou annan landrwa dan sa Bidze kot nou kapab al tape pou ed nou pou nou realiz nou rev?  Mersi.

 

MR SPEAKER

Mersi Onorab.  PS.

 

PS WILLS AGRICOLE

Mersi Mr Chair.  Mersi Onorab pou ou kestyon.  Wi parey mon’n fer re sorti pli boner priority coastal Anse La Mouche wi nou annan en proze pou zot ki en rehabilitation work ki kontinyen ek sa phase 5.  Petet mon pa konnen si avan sa ou’n diskit avek lezot dimoun pou dir ki napa finansman pou sa.  Be apre ki nou’n fer nou travay nou konsiltasyon internally nou’n vwar ki nou kapab partaz sa larzan sa 3milyon, anvoy li la sa faz 5.

An plis ki sa parey mon’n fer resorti pli boner osi ki nou pou annan sa coastal rock amoring Baie lazare Anse Gaulette ki ou konn tre byen ki i en landrwa osi ki menasan – i en hot spot ou kapab dir e nou nou’n vwar ki i neseser ki nou fer en serten travay laba. Mersi Mr Chair.

 

MR SPEAKER

Mersi PS.  Minis.

 

MINISTER WALLACE COSGROW

Mersi Mr Chair.  Onorab si mon konpran byen i annan sa bout later obor kot lekol Lagrikiltir la en mon – si mon konpran ou byen ou pe dir si Minister i kapab ede pou sey devlop sa bout later or?

 

HON FRANCOIS ADELAIDE

(Off-Mic)

 

MINISTER WALLACE COSGROW

Ok mon pa krwar dan Bidze pou annan okenn finansman pou provide lasistans – par egzanp pou kiosk – bann zafer, me selman ki nou kapab provide nou kapab provide gidans par egzanp lo nivo Planning Authority, ki bann kalite devlopman ki kapab fer la.  Me solman pa bann lasistans par egzanp finansyel ouswa imen. Nou kapab provide par egzanp bann gidans teknik – ki bann kalite devlopman ki kapab ganny fer la.  Sa atraver Planning Authority nou kapab nou kapab provide serten gidans.  Expert gidans savedir  sorry.  Mersi.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Chairman.  Mon oule swet bonzour Minis avek ou lekip.  Bonzour tou dimoun ki a lekout osi tou.  Mr Chairman  mon annan detrwa kestyon pou Minis avek PS.  Premyerman mon anvi konnen – mon konnen poudir Sesel in fer bann nou apel sa bann national determined contribution.  Eski ou kapab dir ek sa Lasanble kwa ki Sesel in pledge anba the Paris Agreement?   Epi lefe ki IPCC in resaman fer sorti en report ki ase enkyetan, eski Sesel dan son partisipasyon dan COP 24 pou al avek en pli plan anbisye vizavi national determined contribution?

Epi mon pe regard zot bann progranm anba P2, P3 avek P4 and P5 –  mon anvi demande lefe ki mon vwar poudir zot annan apepre en 10, zot annan apepre en 22.3milyon an term Grant anba bann diferan proze ki annan pou fer avek sanzman klimatik e lokal nou annan apepre en 10.7milyon.

Mon anvi konnen si sa bann Grant ki fason i ganny zere?  Eski i zot annan en Board ki zer sa larzan, ouswa i ganny zere direkteman anba fon sanzman klimatik ki tonm anba PS Agricole ?  E dezyenmman mon anvi konnen eski Grand Anse Mahe osi i annan en master plan ki zot pou travay lo la vizavi coastal management avek marsh drainage?

E an menm tan lefe ki mon vwar poudir gouvernman in fer bann pledges vizavi renewable energy, mon anvi demann Minis si i krwar poudir nou ase proaktiv avek sa plan e si i kapab donn nou en rollout plan?  Mon vwar poudir nou’n met 5poursan par 2020 me mon santi poudir konman en Pti Leta Zil ki pe vreman pe pouse pou climate change, mon santi poudir be sa konmsi pa en pti pa anbisye – kwa an plis ki nou pou fer?  Epi ler mon pe regard anba Energy Commission mon pe regard bann progranm ou a krwar zot pa ase proaktiv e pou vreman angaz pep an menm  tan Gouvernman osi i reste committed lo sa bann komitman.

E Minis mon anvi demande si  dan zot bann plan pou lavenir, zot pe konsider – mon konnen lontan ti annan bann gard fore, me eski dan proteksyon nou lanvironnman dan lavenir akoz mon pe vwar poudir i annan sa nesesite.  Eski zot pe mazin anploy bann gard fore ouswa bann rangers.  Par egzanp la mon  pe refer avek nou bann plan andemik an menm tan nou bann sours delo, akoz ozordi plizyer dimoun pe al dan fore ou pa konnen ki zot pe al fer e mwan mon anvi konnen si zot annan en plan pou sa? Mersi.

 

MR SPEAKER

Mersi Onorab.  PS Agricole.

 

PS WILLS AGRICOLE

Ok mersi Mr Chair.  Mersi Onorab pou kestyon.  Premyerman mon a abord sa kestyon nationally determined contribution ki si sa, sa.  Wi nationally determinde contribution i en Plan Nasyonal lo Sanzman Klima.  I annan 2 konponan.  Premye konponan i koz lo ki  fason pou redwir bann green house gases dan latmosfer e ede konbat sanzman klima?

E 2enm lefe ki i annan sanzman klima ki fason ou adapte e nou, nou ti’n met nou national determine contribution konman en keksoz ki enportan pou nou kapab antre dan zwe dan Paris Agreement, nou ti met sa lo latab an Paris an Desanm 2015 – COP 21.   E depi sa byensir apre nou’n ratifye Paris Agreement an Me 2016.  E lefe ki ou fer sa ou’n fini commit ou lekor pou kapab enplimant sa plan.  E vwala kot nou isi Sesel sa plan an totalite i 6milyon US Dolars.

E byensir pou nou kapab enplimant sa plan i nou pa pou kapab zis depan lo sa Bidze ki la actually la nou bezwen al tap laport dan diferan bann financial mechanism ki an plas an se moman lo sanzman klima – enn Green Climate Fund e lezot financial mechanism ki parey global environmental facility i zere.   E en keksoz mon kapab dir ou Onorab se ki nou, nou pe travay seryezman pou kapab ganny en kopo sa bann larzan ki la an deor lo climate change as far as finansman i konsernen.

E mon kapab dir ou ki pou le moman nou’n submit 3 proze avek Green Climate Fund.

  • nou adaptation plan ki posibleman i kapab pas lo Board boner lannen prosenn ;
  • e dezyenmman nou annan plan pou fer Sesel osi vin 100percent renewable energy.

Ankor en lot plan anbisye ki nou’n  submit avek green climate fund pou ganny finansman.

En trwazyenm proze – sa zafer 15 sa dan Policy en lot zafer.  Sa i pou 2030.  La mon pe koz ou 100percent renewable energy pou 2050 pou anliny avek ratifikatsyon Paris Agreement pou nou kapab vin carbon neutral.

 

MR SPEAKER

Kontinyen PS kontinyen.

 

PS WILLS AGRICOLE

Ok.  Prezan mon a koz lo IPCC. IPCC in donn dernyerman la an Oktob, in sorti avek en rapor special report lo 1.5degrees, ki dir ki nou napa letan.  Nou bezwen pran aksyon – letan i limite.  E se pourkwa ki nou dan  konteks Sesel nou’n deza pran aksyon depi Day One .  Ki fason nou pran aksyon?  Premyerman si ou pou get mitigasyon nou annan en wind farm la i pe redwir gaz carbonic. Nou annan bann solar farm ki pe vin an viger. Nou’n vin avek en Lalwa Energy Act ki ankouraz bann dimoun pou lans zot dan PV.  E menm bann private sector.  Sa i lo kote mitigasyon.  Lo kote adaptasyon ankor nou pe travay lo water security, food security, e tou sa la i viz ver sa plan NDC ki nou apel Nationally Determined Contribution.  Mersi Mr Chairman.

 

MR SPEAKER

Mersi PS. Minis.

 

MINISTER WALLACE COSGROW

Mersi Mr Chairman.  Zis pou azout en pti pe lo sa ki PS in dir, mon krwar PS in donn en pti pe detay lo nou NDC e pti pe lo plan lo rapor IPCC ; mon pou tous en pti pe sa zafer rollout plan pou renewable energy Onorab an term proactiveness.  Mon krwar baze lo nou Nationally Determine Contribution, mon krwar parey PS in fer sorti, nou pe anvizaze fer Sesel vin a 100percent renewable by 2050 e i annan lot target ankor ki nou pe dir 15poursan by 2030.  E ou ou’n nonm en target 5poursan by 2020.

Onorab mon kapab  preski garanti ou ki poudir kantite lavansman ki nou’n fer ziska prezan nou pou desote sa target si tou nou bann proze ki nou  pe met online between la ek 2020, nou pou definitivman sot sa target an term the amount of renewable energy ki nou pou anmenn dan sistenm avan 2020.

An se moman la nou preski 3 megawatt an term kantite son install capacity e sa in transit into serten kantite million kilowatt hours ki mon pa pou antre ladan, akoz i vreman teknik.  Me solman avek bann proze par egzanp proze 1 mega watt ki mon’n dir, bann proze Indian Grant, proze IRENA ki sipoze  5 megawatt sorry lo zil Romainville avek proze lagon si i materyalize then nou pou definitivman avan 2020 desot la kantite ki nou’n commit.

So se sa en pti pe nou roll out plan apre an term rangers sa ki ou ti pe dir rangers dan bann parks, nou konnen poudir dan national parks nou agresiv avek rangersSNPA lot lannen pou vin en Lazans ki otonomous.  Savedir i pou depan lo son lekor i pou zer son lekor finansyerman i pou still reste en Lazans Gouvernman me solman i pou financially otonom.  E SNPA pe re vwar son plan travay revwar son bann fees, revwar ki mannyer i deal avek bann national parks ki swa maren ki swa terrestrial, e i pou fer bokou plis louvraz dan sa bann park.

So nou annan plan pou anploy plis rangers e pou fer travay en pe pli entansif sirtou bann park lo teres.  Mersi Mr Chairman.

 

MR SPEAKER

Mersi Minis.  Onorab William

 

HON WAVEN WILLIAM

Mersi Mr Speaker.  Mr Speaker lefe ki Minis pe dir ki nou target se 100poursan ver 2050, me sa special report li menm li pe  dir ki an 2030 nou pou dan problenm si nou pa arrest sa montaz tanperatir.  So mon kestyon ankor se ki, eski nou krwar sa ki nou anvi fer, akoz parey ou’n dir pa pou esper nou letan.

E letan mon pe regard bann target anba Energy Commission parey mon dir – mon santi i annan en lack of proactivness lo lakantite ki zot pe dir anba sa bann Scheme ensidswit.

Kwa ki zot pe al fer an plis pou vreman angaz pep Seselwa, pou vreman envestir ouswa ganny lasistans pou kapab – enn – fer sir ki nou ariv ver sa 100pouosan pli boner ?  An menm tan, an menm tan a la longer di-tan ava redwir en pti pe sa kou lavi ki nou pe peye avek carbon fuel.

Epi dezyenmman Minis mon pe vwar anba biosecurity letan ou pe koz bann lalyann anvaisan mon pa trouv okenn target ki zot in zwenn, me ozordi nou pe vwar poudir nou bann lafore pe ganny anvai avek bann lalyann anvaisan.

Mwan mon anvi konnen ki zefor ekstra ki nou pe fer?  Mon konnen nou’n deza anvoy en dimoun train deor pou li kapab deal ek sa sityasyon.  Mon konnen poudir en fwa nou’n deza rod en bann expert deor, pou vin touy bann kabri lo zil.  Be kwa ki nou pe fer?  Eski nou pou al rod ankor expert pou vin  touy bann lalyann?  Mon pa vreman vwar en proze ki vreman pe demare dan bann distrik, ki nou kapab mezire pou dir be wi la keksoz pe ganny fer.

E dernyerman Mr Speaker mon pe dir poudir PS Wills Agricole, nou’n kit Mrs Rose-May Alphonse ater, Mrs Rose-May Alphonse pe ekoute Grand Anse Mahe – mwan mon anvi konnen kwa ki nou pou fer pou rezourd sa problenm dan plato Grand Anse Mahe, an menm tan ki zot pe fer pou degorz sa bann lanmar Grand Anse Mahe?  Mersi.

 

MR SPEAKER

Mersi Onorab William.  PS.

 

PS WILLS AGRICOLE

Yes.  Mersi Mr Chair.  Mersi Onorab.  Zis pou petet fer Onorab okouran ki nou emisyon global konpare ek dan lemonn i 0.001poursan.  Ki vedir sa?  I vedir nou insignificant emitter.  Nou neglizab – nou preski emit nanryen.  me lefe ki nou’n ratifye Paris Agreement ki dir ki tou pei dan lemonn ris, pov, pti, gran merit vin avek en plan anbisye pou redwir zot gaz carbonic ouswa zot green house gases ki zot emmit.

Nou, nou en net sink.  Se pour kwa nou annan sa bann proze.  Sa bann proze no kapab pa fer nou i pa fer nanryen i pa pou afekte sanzman klimatik konmsi pou li arive akoz nou insignificant emmiter, nou pe emmit preski pratikman zero nou tends to zero, me solman nou konman en sanpyon lanvironnman nou montre lemonn ki nou kapab fer keksoz.

E se sa ki nou pe fer! E parey Minis in eksplike, nou annan en ta proze la lo lenerzi renouvlab, ki nou pe lans ladan e sa ankor i a kontribye.  E la lemonn osi i a vwar ki vre Sesel i anbisye, akoz zot pti zot pe vin ek sa bann proze ki bann gran pei pa pe vin avek.  E vwala sa- mon ti a petet donn en pe plis lenformasyon sirtou sa 0.01poursan ki nou emit.  Mersi Mr Chair.

 

MR SPEAKER

Mersi PS.  I annan de lot bout i lo lalyann avek lo en rezidan Grand Anse.  Minis.

 

MINISTER WALLACE COSGROW

Ok.  Mersi Mr Speaker.  Zis pou azout en pti bout lo sa zafer finansman petet PS pa’n azoute, nou’n ganny nou en pozisyon lannen prosenn, nou’n ganny nou en pozisyon pou en  international relations officer zisteman pou nou al tap dan tou sa bann fon – pou nou en focal person pou tap dan tou sa bann fon.   I annan en kantite bann fon Lanvironnman, pou nou al rod dan tou sa bann fon kote nou kapab ganny larzan pou nou met ansanm pou nou roll out  sa bann proze ki nou anvi rollout.  Larzan i la. I annan en kantite konman ou konnen Onorab i annan en kantite, e nou bezwen kapab annan en dimoun  dedicated pou kapab al tap dan sa bann fon.  Sa i en pti bout mon ti anvi fer sorti.

An term alien invasive species  spesifikman lalyann.  Si ou mont bor Bel Air – petet Onorab Bel Air i ava kapab sertifye sa ti annan serten en pti travay ki ti’n konmans ganny fer la sampling pou fer serten travay lo bann lalyann anvaisan.  SNPA i sa Lazans ki’n ganny manda savedir the Seychelles National Parks Authority – in ganny manda pou zot deal avek sa zafer alien invasive species spesifikman sa bann lalyann.

So in annan bann diferan trial ki’n ganny fer ki mannyer ou devret deal ek sa bann lalyann. Nou tou dan lakour nou konnen preski partou in arive.  Nou koupe de semenn apre nou vwar ki i refile.  In annan diferan teknik zot in sey enplimante e finalman zot pe experiment en teknik kot zot deal avek li dan son rasin.  Zot pe esper serten rezilta pou get ki mannyer i marse e si zot kapab evantyelman ganny finansman pou roll en bigger plan out.

I difisil sa lalyann i rezistan, pa sa lalyann sa ban diferan kalite lalyann ki annan  i rezistan e i demann en louvraz ekstansif.  I pa en keksoz ki pou ariv di zour a lannmen i en louvraz ki pou pran en bon pe letan.  E se sa teknik ki zot pe servi i marse – mon krwar nou ava kapab roll out dan bann lezot distrik lo Mahe e Praslin.  Mon pa konnen si Mrs Laure ti a kontan azout en pti bout lo sa zafer staffing, rangers and all. I ti a kontan azout en pti bout lo la.

 

MR SPEAKER

Mersi Minis.  Mrs Laure.

 

DG MRS NANETTE LAURE

Mersi Mr Chair.  Onorab in koz lo nou plan pou le fitir si nou pa pe mazin ogmant kapasite annan plis dimoun ki pou kapab ed nou desarz nou manda.  Wi i enn  bann keksoz ki nou ti a kontan fer nou anvi fer.  Si mon pou relye li avek Bidze ki devan nou i enn bann keksoz ki nou’n mete dan Bidze vedir ki nou’n anvi annan plis staff pou nou kapab desarz nou manda.  Me selman malerezman nou pa’n gannyen.  So i en keksoz ki i la nou anvi fer me selman nou pa pe kapab fer li pou le moman.

 

MR SPEAKER

Mersi Mrs Laure.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab mon krwar ou’n lev de pwen enn se si Grand Anse Mahe i form par sa, i annan en Master Plan pou Grand Anse Mahe osi? Wi i form par sa drainage Master Plan ki annan bann landrwa ki si ou le in ganny earmark pou serten travay anba sa Master Plan.  E an vi ki sa Master Plan osi nou ankor pe – nou pou kontinyen avek nou bann lamenazman nou bann larivyer ek nou bann lanmar anba proze outsourcing.

Annefe Grand Anse Mahe nou’n ogmante pou lannen prosenn sorti 14 sit pou vin 24.  Bann landrwa ki pa ti pe fer avan – so nou’n ogmante.  Sa ki konsern sa dimoun partikilye Mrs Alphonse son proze i kot POU an se moman la, e o moman ki POU i rann nou file proze pou demare.  Mersi Mr Chair.

 

MR SPEAKER

Mersi Mr Labrosse.  Onorab William.

 

HON WAVEN WILLIAM

Mr Labrosse ou pa kapab en pti pe spesifik akoz mon problenm ek sa mon malgre ki lot kote laba pe dir come on mon pa dir nanryen – mon anvi dir zot ki poudir – i fer de eleksyon, en eleksyon nou fer en bout lot eleksyon nou fer lot bout.  Mon anvi konnen kan egzakteman ki sa proze pou konmanse?  Akoz ou’n dir mwan pe esper file akoz nou dir ‘epi’, ‘pli tar’ mon pa tro, tro apresye sa 2 mo mwan.  Konmsi donn mwan en soz spesifik silvouple.  Mersi.

 

MR SPEAKER

Mersi Onorab.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab parey mon pe dir o moman ki POU i rann nou file an se moman file i kot zot, si i rann nou file semenn prosenn nou bouze lo la then avan sa lannen fini nou step in  lo sa proze pou nou kapab fer.  Mersi bokou Mr Chair.

 

MR SPEAKER

Mersi Mr Labrosse. Onorab Stephen Pillay.

 

HON STEPHEN PILLAY

Mersi Mr Speaker.  Mr Speaker mon annan de pti klarifikasyon kestyon lo sirtou lo sa PSIP.  Mon pou regard dan sa dan sa PSIP ki i annan pou Bidze pou remedye delo lo semen Au Cap Pointe au Sel an desandan avek lerozyon ki pe pase?  E laplipar di tan ou vwar zis delo monte lo semen ler ou monte sirtou  lanmer plen ou pe pas dan basen laroul.

E ki dan Bidze i annan pou bann drenaz parey en pe kot Jamelah Appartment kot miray in grennen e pe zis akimile.  En rehabilitation dan sa landrwa konmsi mont son miray son gronny e si Minis i oule nou annan en enzenyer Au Cap ki pare pou asiste pou sa bann gronny fer sa bann zil devan ki – re devlop Au Cap, pou anpes sa laroul e nou fer en bon proze Au Cap.

E en pti kestyon lo zafer proze ki MNA in leve pou konsilte avek distrik, eski Minis ti  a konsidere ler i konsilte bann proze lanvironnman MNA osi i ganny konsilte e kekfwa council osi Regional Council osi i ganny  met okouran bann proze lanvironnman dan bann rezyon ki zot pe fer.  Mersi Mr Speaker.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Onorab.  Mersi Mr Chair.  Mr Chair most of sa kestyon mon pou transfer avek Mr Labrosse pou li donn en larepons.  Me solman  an term par egzanp si i annan okenn dimoun dan distrik ki anvi partisip dan okenn proze ki annan, Onorab sa dimoun i bezwen partisip dan okenn prosedir tender ki Minister i fer sorti e i ava ganny konsidere.  Ok?  Mr Labrosse i ava tous spesifik lo sa bann pwen ki ou’n dir.

 

MR SPEAKER

Mersi Minis.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab pou Au Cap nou annan serten travay ki nou’n fer dan le pase, me i annan ankor travay pou fer Au Cap parey dan lezot distrik par egzanp pou Mandarin Estate, i annan sa pon – sa gro pon ki nou anvizaze anba nou master plan pou DTF refer akoz nou konnen i en blokaz pou delo, apre osi i pa tro fay i pa tro for.  Nou pe osi liaise avek SLTA lo la.  Nou fek fer en flood mitigation work dan sa lanmar ki pas la – ki al anba kot Craft Village  e i al kot bann Dodin la.

An ki konsern lezot drenaz, netwayaz, i pou kontinyen Au Cap parey dan lezot distrik ki annan bann landrwa ki nou earmark.  I annan en proze ki ase difisil pou nou sa ki nou apel ‘Anba Zanmalak’ Pointe Au Sel mon pa konnen si ou okouran ki – so i en landrwa ki nou’n earmark.  Solman nou pe fer fas kont enn de challenge laba pou nou kapab finaliz sa proze me solman i ankor avek nou ansanm avek SLTA nou pe rod solisyon pou nou kapab si ou le enplimant sa proze.

 

MR SPEAKER

Onorab Pillay.

 

HON STEPHEN PILLAY

Mersi Mr Speaker.  WI mon konn ‘Anba Zanmalak’ ase byen.  En ler zot dir mon lofis i laba.  Me Mr Speaker mon pa pe koz konmsi lo sa bann – wi mon satisfe sa bann drenaz zot pe fer …mon kestyon i spesifik lo lakot zot pe fer gronny, pou kapab anpes fer natirelman i re konble, pou nou kapab pa ganny sa bann delo lo semen Au Cap sirtou Pointe Au Sel lo kote lakot.  Sa kot ou pe dir ‘Anba Zanmalak’ sa miray wi i demann refer.  I menm parey sa miray ki mon’n nonm ou kot Jamelah Appartments li osi i demann re fer pou fer sa gronny al dan delo.

Be ki mon pe demande sa zafer sa msye la i napa nanryen pou fer ek tender li.  Sa msye i pare pou asize fer en proze ansanm ek zot konsiltasyon, donn son nide pou rezourd sa problenm gronny e devlop la kot Au Cap.  Epi ou pa’n reponn mwan si MNA avek council pou ganny konsilte dan bann proze?  Mersi Mr Speaker.

 

MR SPEAKER

Mersi Onorab.  Mr Labrosse.  Minis.

 

MINISTER WALLACE COSGROW

Mersi Mr Chair.  Onorab mon a pran sa pti bout konsiltasyon.  Definitivman konsiltasyon wi napa problenm pou konsilte avek council, MNA avek distrik an zeneral.  Son konsiltasyon i sipoze broad i sipoze kot tou dimoun i involve ladan.  So i pa sipoze en problenm.

 

MR SPEAKER

Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab an se ki konsern Au Cap kot coastal nou konnen i annan sa bout kot letan ou kot bann Desaubin an montan la kot i kontan annan bann laroul letan lanmer i plen la kot i fann lo semen.  Me parey nou’n dir pli boner i annan sa lekip World Bank ki ti isi so in enkli sa bann area si ou le pou fer plis letid e come up avek bann solisyon.

E parey Minis in dir si i annan bann dimoun dan Au Cap bann profesyonnel ki nou kapab welcome onboard pou nou kapab si ou le anmenn bann lide.  Yes nou kapab kontakte nou PS.

 

MR SPEAKER

Yes Mr Labrosse.  Onorab Audrey Vidot.

 

HON AUDREY VIDOT

Mersi Mr Chair.  Bonzour tou dimoun prezan e tou dimoun ki a lekout.  Mr Chair mon ti’n le demann avek PS letan mon’n tann li reponn parti kestyon Onorab Lemiel dan bann lalis poze mon pa’n tann nonm Roche Caiman. Prezan mon pou demann avek son Minister si i kapab fer en vizit Roche Caiman pou evalye degradasyon konblaz – otour housing estate ki baliz avek lanmar from  SECTI Building ziska kot lakres Les Mamelles.

 

E mon 2enm kestyon konbyen enforcement officer zot annan aktyelman la e eski parmi sa bann lalis pos ki  zot pa’n ganny finansman pou fer recruitment si i annan  ki parmi zot pou bezwen?  E apre baze lo 2enm kestyon mon pou annan zis en siplemanter pou PS avek petet komanter PS Finans.  Mersi.

 

MR SPEAKER

Mersi Onorab.  PS.

 

PS WILLS AGRICOLE

Mersi Mr Chair.  Mersi Onorab pou ou kestyon.  Wi lo kote Roche Caiman nou pare pou fer travay laba.  Nou a fer bann assessment.  Nou a vini, nou a konsilte ek ou menm avek Lotorite distrik pou vwar bann landrwa kot i pe degrade. E parey nou’n fer resorti pli boner, toultan sa issue finansman ki pou en issue.  Me an fet ki nou annan bann grant la nou kapab rode ki fason.  Si vreman, vreman grav kot nou kapab antre pou kapab asiste Roche Caiman.  E sa osi i aplik Onorab Au Cap in met detrwa konsern devan kot nou kapab regarde dan sa bann Grant ki nou annan actually lo climate change ki fason nou kapab asiste.  I pa zis pou sa de Onorab byensir lezot distrik osi.  Mersi Mr Chair.

 

MR SPEAKER

Mersi PS.

 

DIRECTOR FOR ADMINISTRATION AND HUMAN RESOURCES MS SABRINA BELLE

Mersi Mr Chair.  Mersi Onorab pou kestyon.  In terms of enforcement officer nou annan 12 pozisyon dan sa unit e 10 pe currently ganny occupied.  Enn i vacant, me selman nou napa funding pou met en kandida dan sa pozisyon e en post i freeze.  Nou’n fer request for one more nou ti mete dan Bidze me nou pa’n ganny funding.  Mersi.

 

MR SPEAKER

Mersi Ms Belle.  Onorab Vidot.

 

HON AUDREY VIDOT

Mersi Mr Chair.  PS letan mon pre regarde wi zot in dir zot annan 12.  Eski sa 12 zot vwar li i ase pou zot kouver tou sa bann distrik?  Mon pe dir sa akoz bokou fwa ladministrater distrik i ganny bokou presyon e piblik i ekspekte poudir i pou kapab rezourd bann issues an relevans avek lanvironnman, kot i annan dimoun pa pe respekte bann Regilasyon. Kot i annan par egzanp transpor ki i zis la dan semen piblik pa ganny retire i en eye sore, pa ganny rezourd e case  i ale vini koumsa pa ganny vwar solisyon.

Eski zot pe avek sa Bidze ki la mon’n vwar poudir lo zot strategic priorities pou 2019 zot le strengthen en pti pe letan zot re vwar zot existing Policy.  Baze lo la eski, nou kapab garanti annan en pti pe plis amelyorasyon pou adres serten sa bann size ki afekte serten sa bann distrik?  Mersi.

 

MR SPEAKER

Mersi Onorab.  PS oubyen Minis.  Mrs Laure.

 

DG MRS NANETTE LAURE

Mersi Onorab pou kestyon e osi pwen konsern ki ou’n mete.  Non i pa ase lakantite staff ki nou annan pou le moman, akoz sa bann zofisye i bezwen fer fas avek tou keksoz ki ganny met devan nou, tou konsern ki leve, tou bann issues ki – bann konplent ki ganny met devan nou zot ki premye zofisye ki dan bokou lenstans zot pran sa bann konplent.  E parkont i annan bokou ki pa tonm ek nou tou so i pa ase akoz pou lekspektasyon ki annan lo zot, zot bezwen fer en louvraz ki bokou an plis ki lekspektasyon.  Nou ti a voudre  nou ti a ganny sa request ki nou ti’n mete dan Bidze, me malerezman nou  pa’n gannyen.

 

MR SPEAKER

Mersi Mrs Laure.  Yes Onorab Vidot.

 

HON AUDREY VIDOT

Non mon ti les zis anvi petet ganny pwennvi kote finans vi ki sa Minister i annan in vwar i santi zot pa pe ganny ditou recruitment pou sa lakantite pos ki i annan.  Si petet bann revizyon kapab pandan lannen konsidere pou zot bann post for next year.  Mersi.

 

MR SPEAKER

Mon krwar PS Thésee i a note ler i ava vin devan taler i ava don en repons lo la en. Onorab Afif.

 

HON AHMED AFIF

Mersi Mr Speaker.   Mr Speaker mon ti a kontan de pti kestyon si petet PS i kapab dir ek mwan  lo capital projects ki lo paz 57 i annan bann gro proze par egzanp adaptation to climate change ki ou’n koz en pti pe lo la.  Si ou kapab zis dir nou dan sa bann gro sonm 7milyon, 5milyon, 6milyon si i pou kree bokou job pou Seselwa?  E si wi ki kantite sa pou ete e ki lezot benefis lekonomi pou vwar akoz anba sa Bidze nou pe pey apepre 15, R16milyon direkteman dan Sanzman Klima.

Konmsi zis pou donn nou en lide kwa direkteman dan en fason tanzib nou pou vwar konman en rezilta?  E dezyenmman si ou kapab dir ek mwan anba coastal projects, Anse Etoile mon pe mazin sirtou deryer sa drenaz ki zot tin pou’n fer depi i annan plis ki 2an ki pas kot bann Agathine apre i al kot day care St Joseph, si sa i dan plan 2019?  Mersi.

 

MR SPEAKER

Mersi Onorab.  PS.

 

PS WILLS AGRICOLE

Mersi Mr Chair.  Mersi Onorab pou kestyon.  Wi byensir sa bann diferan proze sanzman klimatik ki dan bann Grant la ki dan capital project, i pou donn pa mal travay nou kon frer Seselwa.  Premyerman i annan bann proze ki ganny zer par nou.  I annan en bann ki ganny zer par project coordinating unit of UNDP – GF e la kot byensir avan ler nou bezwen anvoy en tender avan nou recruit kot bokou bann konsiltan lokal i apply e zot vin onboard. E dan sa proze li menm ou annan bann travay manual ki bezwen fer i annan bann resers, bann travay lo teren e la kot bann dimoun lokal i ganny sa sans pou fer aplikasyon e ganny en reveni.  An dot mo i annan bokou sa bann proze i ed en kantite ekonomikman nou bann diferan konsiltan ou bann ekspertiz Seselwa ki nou annan.  E osi bann konpannyen osi i antre ladan.

E kot i konsern proze drenaz, byensir parey mon’n fer resorti pli boner Anse Etoile konman en distrik i tonbe ladan. Me solman pou le moman nou pa’n konsider sa en ki ou’n mansyonnen.  Parey mon’n fer resorti ek bann Onorab la ki ek sa bann Grant ki nou annan la nou kapab annan konsiltasyon ek zot, pou ariv lo en petet en konpromi regarde ki bor nou kapab depandan finansman – byensir son cost pli enportan kot nou kapab byensir ede dan sa domenn.

Akoz nou konn tre byen ki nou pa ti a kontan  dan tou sa distrik ler i annan gro lapli, ler i annan bann extreme weather event i annan en bann pool delo ki reste e dimoun i bezwen mars ladan.  Nou, nou rol se pou evakye tou sa bann delo.  Mersi Mr Chairman.

 

MR SPEAKER

Mersi PS.  Nou ava pran enn dernyen avan nou Break.  En presi.  Onorab Wilbert Herminie.

 

HON WILBERT HERMINIE

Mersi Mr Chair.  Bonzour Minis avek ou delegasyon.  Minis vi ki ti annan sa task force ti ganny formen apre Siklonn Felleng, nou konnen zot pe fer en bon travay sa Unit Task Force.  La mon vwar dan Bidze zot in met 6milyon pou zot. Eski dan sa 6milyon i pou ase pou zot kapab fini sa bann proze akoz mon konnen zot ti annan  en long term plan pou 15an, eski sa 6milyon i pou ase pou zot konplet sa bann proze ki zot pe fer?

E si osi sa 6milyon i kouver sa bann dren ki ti ganny fouye lo La Digue nou konnen i ankor expose i pa ankor ganny met konkret.  Eski dan sa 6milyon i enkli sa concreting of sa bann dren?  Epi mon lot kestyon lo sa bann zafer coastal protection nou konnen zot ti annan en partnership avek JICA pou fer bann proze coastal, eski sa partnership i ankor ongoing akoz mon pa vwar nanryen anba ‘small grant.’  Mon vwar i zero pou 2019.

Epi Ms belle in tous en pe lo kantite staff ki zot in demande 15 mon krwar.  Be vi ki zot in pa’n ganny sa 15 pos prezan i annan plis travay pou sa Divizyon Cams ki nou bezwen valoriz nou staff ki pe fer sa bann proze ki front line staff ki pe fer proze drenaz, bann proze ki pou tous nou zabitan, eski i annan  en nouvo Scheme of Service pou sa bann staff partikilyerman pou zot kapab improve zot efikasite vi ki zot pou annan plis work load?  Epi mon dernyen kestyon i sorti dan distrik spesifikman,  ki zot Polisi lo bann pey dibwa ki ganny koupe akoz i annan dimoun i en pe konfize dan Rivière Anglaise ako zi annan diferan Lazans ki fer koup pye dibwa annan de ler SLTA annandler nou vwar Committe Development.  Kan ki zot zot antre pou koup bann pye dibwa spesifikman akoz zis fer sa kler pou bann zabitan Rivière Angaise ganny en konpran?  Mersi Mr Speaker.

 

MR SPEAKER

Mersi Onorab Herminie.  Minis.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab mon pou tous lo DTF projects.  Wi nou konnen poudir i pa ase sa larzan ki nou’n gannyen pou fer bann proze anba sa Master Plan.  Nou ti a voudre plis ki nou ti kapab enplimant plis proze me sa ki nou’n gannyen pou lannen 2019 nou pou enplimant sa bann proz,e me i pa enkli sa bann proze ki ou pe dir, sa bann rigol ki’n ganny fouye lo La Digue at random ou kapab dir i pa enkli sa.

La Digue li i annan en lot seri proze anba en lot Grant ki pou demare byento an se ki konsern bann storm water channels ki pou ganny konstrir laba.  Lo ki konsern coastal projects Lagreman avek JICAJICA son bann proze ti pou en pilot project.  So in fini fer son bann pilot projects in regards to bann coastal, letid e enplimantasyon.

Ti annan enn La Digue e enn North East Point, beach nourishment ki ti fer.  E in fini si oule enplimant sa bann proze then i pou nesesit ki nou rod lezot sours funding pou enplimant lezot proze.  Mersi Mr Chair.

 

MR SPEAKER

Mersi Mr Labrosse.  Ms Belle.

 

DIRECTOR FOR ADMINISTRATION AND HUMAN RESOURCES MS SABRINA BELLE

Mersi Mr Chair.  In regards to Scheme Onorab sa i en keksoz ki still ongoing dan nou Minister.  I mean this year nou’n kapab vwar nou nou ti annan de Scheme ki annan pou fer avek sa seksyon – ki sa divizyon ki tonm spesifikman anba responsabilite PS Agricole.  Enn ti annan pou fer avek bann GIS officer ki sa nou’n fini enplimante.  In annan pou sa seksyon spesifically pou cams section. Li nou’n ganny approval pou fer li e nou dan bann staz finalize pou ki sak staff i ganny zot package ki ale avek zot Scheme.  

So avan lannen fini staff pou ganny zot let ki pou adres byen zot saler ki tonm anba Scheme.  Me nou osi dan prosesis pou – i en keksoz kontinyel akoz nou annan lezot Scheme anba Minister ki nou pe kontinyen revize as and time ki nou ganny funding pou fer li pou adres saler tou nou bann staff.  Mersi.

 

MR SPEAKER

Mersi Ms Belle.  PS ou le azout keksoz mon krwar i annan bout or Mrs Laure.

 

DG MRS NANETTE LAURE

Onorab in demann kestyon lo kote koup pye dibwa.  Dan Bidze sa lannen, i annan en alokasyon pou koup pye dibwa, bann pye dibwa ki konsidere konman danzere me ki ganny trouve lo later Leta.  En sonm apepre R1milyon in ganny mete dan Bidze e sa i pou fer sa louvraz pou tou distrik.  So sa nou, nou antre lo bann pye dibwa ki konsider danzere me ki trouve lo later Leta.  I en bidze ki avan ti ganny allocate avek Minister ki ansarz later me selman apre sa Bidze in transfer avek nou.

 

MR SPEAKER

Mersi Mrs Laure.  Minis.

 

MINISTER WALLACE COSGROW

Mersi Mr Chairman.  Briyevman en.  Mr Chairman mon ti a zis kontan fer en pti en pti komanter lo sa zafer funds.  Nou konnen larzan zanmen i ase en, larzan zanmen i ase nou konnen nou pe compete avek diferan Minister diferan bezwen.  Pei i annan diferan bezwen, Lanvironnman i enn.  I annan diferan Minister osi ki annan diferan bezwen.  So nou lefikasite i vreman ki mannyer nou zer nou larzan ki nou gannyen e mon kapab asir Lasanble Nasyonal ki poudir Minister Lanvironnman pou zer larzan ki i gannyen dan en fason pli efikas posib dan en mannyer ki nou kapab enplimant bokou plis proze posib pou bokou plis distrik ki nou kapab.

So larzan parey mon’n dir zanmen i ase me solman nou bezwen efikas  e nou bezwen fer en fason pou nou fer plis avek la kantite ki nou annan e nou a travay ankor avek Minister Finans diran lannen pou nou kapab fit in bann landrwa kot nou’n come short dan prosesis Bidze.  Mersi.

 

MR SPEAKER

Mersi Minis.  Onorab Herminie.

 

HON WILBERT HERMINIE

Mersi Mr Chair.  Mr Labrosse wi mon’n kontan ou leksplikasyon lo La Digue, me eski donn nou en timeframe kan ki zot pou kapab konplet sa bann dren?  Epi zis pou terminen anba priority drainage si nou kapab zis pa bliy Mrs Bertin obor Krishnamart, please?  Mersi.

 

MR SPEAKER

Mersi Onorab.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab pou timeframe pou La Digue anba sa proze GCCA Plus ki i dan staz pre pou ariv dan staz tender so nou pe mazinen 2019 i pou demare.  Pou lezot proze drenaz sirtou i annan enn Rivière Anglaise ki ou’n nonmen, nou pou met li anba nou lalis nou pou vwar kote nou kapab come in pou nou enplimant en proze kote sa landrwa spesifik.

 

MR SPEAKER

Mersi Mr Labrosse. Bon i reste ankor 7 Manm lo lalis.  Nou ava Break nou ava repran 11er.

 

(BREAK)

 

MR SPEAKER

Bon nou ava kontinyen nou travay.   Onorab Clifford Andre.

 

HON CLIFFORD ANDRE

Mersi Mr Chair.  Mr Chair mon premye kestyon, se an referans in ganny mansyonnen ki poudir ti annan bann devlopman ki ganny fer apre Siklonn Felleng.  In annan bann larzan ki ti ganny pledge e ti ganny donnen par bann diferan pei pou asiste nou pou re medye serten sityasyon. E mon ti a kontan Minis Lanvironnman i fer en legzersis pou vwar ki’n arive, kote, lekel ki’n ganny kwa e ki kantite larzan i reste pou nou kapab adres bann sityasyon.

Dan sa menm laliny an referans avek sa mon oule demann avek Minister Lanvironnman kekfwa Mr Labrosse ti a kapab dir nou, ki pe ganny fer pou remedye sityasyon flooding vi ki mon vwar i annan serten larzan dan Bidze lo plato Anse Aux Pins – konman nou kit kontour nou ganny Anse Faure kot lakaz defen Mr Adela i été, nou ganny en kantite problenm ek delo prezan trafik i bloke dan sa sityasyon.

E letan nou desann lo plato kot bann Pillay anndan kot zot kantite problenm Mr Labrosse in gete pa en fwa me plizyer fwa.  Silvouple ki dan sa Bidze i annan pou remedye sa sityasyon?  Sa enn.

Dezyenmman mon vwar dan Bidze i annan 13.5milyon rivers, channel and marsh.  Me i annan sa marsh, sa rigol ki kot Savings Bank i ete.  En gro konsern pou bann dimoun ki reste la lo sa  bout.  E pou bann dimoun ki servi kot bazar i ete aktyelman akoz sa i bouse e napa naryen ki pe ganny fer. Mon pa konnen larzan ki nou pey dimoun akfer nou peye si nou zis pey nou dalon, i pa fer sa louvraz i napa sa monitoring.  Sa 2enm sityasyon.

Trwazyenm ; se enn ler mon demann mon lekor si nou pe konmsi nou zis pe les natir fer sitasyon, oubyen nou osi nou kree bann sityasyon.  I annan en lakonpannyen ki pe fer batiman oubyen i pe bous en larivyer anler kot Mr Alon ki bouse.  E Minister Lanvironnman in ganny enformen.  Mon pa konnen ki mannyer zot donn permisyon pou en dimoun bous annefe de larivyer ki vin dan kanmarad, epi nou pou dir poudir nou annan flooding letan sa gro lapli i tonbe.

Silvouple al get sa sityasyon e met en STOP avek sa bann travay. So si nou annan larzan pou fer sa louvraz nou bezwen fer pou pa kree bann sityasyon.

Mon dernyen konsern Mr Speaker i lo 7.1 dan bann dokiman ki Minister Finans in donn nou lo service lo ‘service agreement’.  In sorti 6.5 in mont 12.6milyon avek en heading ki ‘other use of goods and services’ ki’n sorti zero li in mont 5.7milyon.  Kwa ki’n mont drastikman ki nou bezwen annan sa bann larzan ki’n ganny allocate?  Mersi.

 

MR SPEAKER

Mersi Onorab.  Minis.

 

MINISTER WALLACE COSGROW

Mr Chairman mersi.  Onorab mersi mon a tous de pti pwen apre Mr Labrosse ouswa PS ava tous larestan.  Lo ou dernyen pwen Onorab mon krwar nou’n adrese enn bann premye issues ki nou’n adrese i konsernan Environment Trust Fund ki’n ganny transfer direkteman anba Bidze.  Dezyenmman i annan sa issue larivyer Anse Aux Pins wi nou Minister in ganny – larivyer in bloke Anse Aux Pins.  Wi nou Minister in ganny averti e i annan serten keksoz ki Minister pe fer.  Mrs Laure i a kapab elabor lo la apre Mr Labrosse i ava koz lo rivers, channels and marshes, commercial bank spesifikman avek flooding lo plato.

Zis mon ti a kontan azoute osi sa zafer audit Felleng ou konnen poudir i annan diferan Lazans Lorganizasyon ki ti pe fer diferan bout me solman lo nou kote si i annan bann bout pou nou, nou ava kapab audit e gete ki mannyer larzan in ganny servi e ki bann proze ki’n ganny fer avek.  So Mrs Laure ava take up sa zafer larivyer.  Mersi.

 

MR SPEAKER

Mersi Minis.  Mrs Laure.

 

DG MRS NANETTE LAURE

Mersi Onorab pou kestyon.  I vre i annan sa issue ki’n leve laba lo sa site.  Nou’n vizite sa devlopman letan nou’n ganny konplent nou’n fini – nou’n demande si en Stop Notice in ganny mete, en Stop Notice in ganny mete lo sa devloper, e atraver Planning Authority nou pe fer laranzman pou zwenn avek li pou nou pran aksyon neseser.  Akoz i vre ki in ganny en approval pou devlopman laba.  So nou’n fini met Stop Notice nou pou zwenn avek li pou nou pran bann aksyon.

 

MR SPEAKER

Mersi Mrs Laure.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab pou bann plan si ou le bann proze flooding pou Anse Aux Pins, partikilye dan plato Anse Aux Pins – parey ou okouran nou’n fer de gro proze tou resaman ki konpri pou fer sa channel, rock armor, miray eksetera ki koup si ou le housing estate ex-Chetty flat ziska kot Care Free e an plis ki sa nou’n fer sa pon kot Care Free ki’n konplete sa lannen.  Kot nou pe dir dan plato la si ou le i reste en challenge pou nou in terms of topography, pou nou retir sa delo pou anmenn li obor semen.  Nou an diskisyon annefe konsiltasyon avek SLTA akoz zot bezwen fer en drenaz alongside semen pou nou kapab fer sa delo vin ladan.

E en lot bann challenge ki nou pe fer fas avek da sa area se ki dan sa lale, i annan miray ki’n ganny fer de kote.  So i  napa vreman en lespas pou met en dren si ou le dan en kote oubyen dan lot kote.  Nou pe get dan posibilite pli bon fason pou nou fer sa.  Ok?  Lo kote sa drenaz kot Savings Bank tou resaman nou’n fer sa ki ou apel en ‘one-off cleaning ‘lo la in fini ganny fer.  E nou’n met li anba nou si ou le nou proze netwayaz pou lannen prosenn kontinyelman, ki avan sa i ti avek LWMA me in vin anba nou Departman sa nou’n take up. E i pou ganny kontinyelman maintain lannen prosen anba sa nouvo Kontra ki pou sorti.  Apre lot kestyon mon krwar Mrs Laure in fini reponn lo la.  Mersi Onorab.

 

MR SPEAKER

Mersi Mr Labrosse. Onorab Andre.

 

HON CLIFFORD ANDRE

Mersi Mr Chair.  Mon pou enform Mrs Laure ki lenformasyon ki mwan mon’n gannyen, menm si i annan en Stop Notice i pa pe ganny enforce. So kekfwa zot bezwen annan finansman.  Si napa mon krwar i enportan ki kekfwa Minister i rod finansman, pou kapab fer sir ki letan zot met en aksyon kont en devloper, zot annan bann lenspekter osi ki al gete pou fer sir ki sa Stop Notice i ganny aplike.  Sa i mon lenformasyon.  Lot issue se Mr Labrosse. Ou’n dir nou ti avek LWMA pou netway sa rigol la kot Savings Bank ki pa’n ganny fer definitivman – savedir larzan pa’n ganny servi pou fer sa ki ti’n ganny bidzete pou fer, eski zot in ganny sa larzan pou zot kontinyen oubyen sa larzan in reste avek LWMA?  Mersi.

 

MR SPEAKER

Mersi Onorab Andre.  Mrs Laure.

 

DG MRS NANETTE LAURE

Onorab mersi pou lenformasyon.  Selman mon pou enform ou ki yer menm ki nou’n al laba so mon pou garanti ki yer zot pa ti pe fer sa louvraz akoz yer nou ti al laba.

 

MR SPEAKER

Mersi Mrs Laure.  Lot bout kestyon Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab wi larzan in ganny transfer anba nou Departman e nou’n –.  Avan sa nou’n annan diskisyon avek LWMA pou nou si ou le partaz bann landrwa kot si ou le pa ti pe ganny maintain avan.  Mersi Mr Chair.

 

MR SPEAKER

Mersi Mr Labrosse.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonzour e bonzour tou dimoun.  Mr Chair mwan mon annan de kestyon.  Premye kestyon i konsern sa provizyon for reduction in energy in cost ki Gouvernman pe peye lo lenerzi.  I annan sa move pou met bann PV lo bann diferan lofis Gouvernman e mon konnen sa i tonm anba Energy Commission me selman from a policy perspective.

Eski dan Bidze zot in pran an konsiderasyon bann travay monitoring ki bezwen ganny fer pou etabli vreman across tou sa bann lorganizasyon kot pe al met sa bann PV konbyen ki pe ganny save?  Akoz i paret poudir ler nou’n vwar bann zofisye zot pa vreman azour avek how much sa pou ede dan zot Bidze akoz nou’n vwar poudir bann provizyon bidzeter i preski parey pou lenerzi.

Mon 2enm kestyon i konsern Environment Trust Fund.  Mon konnen avan sa i ti pe – i ti sort of li menm as a trust fund be eski zot pe move Environmental Trust Fund anba Consolidated Fund?  E ki mannyer prezan – ki mechanism prezan avek bann NGOs pou servi pou zot kapab ganny akse avek Environment Trust Fund?  Mersi Mr Chair.

 

MR SPEAKER

Mersi Onorab Pillay.  Minis.

 

MINISTER WALLACE COSGROW

Mersi Mr Speaker.  Mersi Onorab.  Onorab mon ava pran ou premye kestyon konsernan an term bann PVs ki pou ganny enstale e cut savings en pti pe lo bann Lenstitisyon ki petet pou benefisye avek PVs.  I annan en study ki ti ganny, fer pou vwar en pti pe lekel bann building par egzanp building Gouvernman ki kapab pran si oule PVs anler lo zot roof or lo serten sirfas sa bann building.  

E dan sa bann study i annan bann sif si ou le provizwar apepre lo ki kantite saving sa pou anmenn Gouvernman – mon napa sa sif avek mwan, me solman i annan bann sif ki’n ganny mete detaye.

de tout fason savings i pou depan osi lo lakantite groser ki kapab ganny mete lo sa bann building groser PV ki kapab ganny mete lo sa bann building, e osi ki mannyer sa bann lenstitisyon i osi zer zot lenerzi conventional lenerzi anndan dan sa building.  E souvandfwa nou osi pe travay – komisyon Lenerzi pe travay osi lo sa ki pou apel en Energy Efficiency Act ki son policy pou al devan Cabinet lot semenn dan ankor de semenn kot pou ed bann Lazans, bann Minister e osi pei an zeneral pou zer en pe pli byen bann lenerzi.

E sa i ava enpakte lo lakantite benefis ki zot pou ganny avek solo PVs.  An term  ETF wi ATF larzan ki ganny anmase anba ETF pou antre dan Bidze atraver Consolidated Fund me prosedir mekanizm anmas larzan i pou reste parey dapre sa ki mon’n ganny en konpran i pou reste parey e ETF i pou kontinyen anmas sa larzan e apre i pou ganny transfer dan Consolidated Fund.

Bann ETF ti pe ed en kantite bann NGOs so mannyer ti marse zot ti anmenn zot proze prezant zot proze avek Board ETF e Board ETF ti get merit zot proze baze lo sa 4 prensip ki Mrs Laure in elabor lo la boner.  So si sa bann proze i meet sa bann prensip e i meet sa koz ki nou anvi ETF i servi then  zot proze ti ganny aprouve – of course baze lo la kantite groser.  So i pou mars en pe parey preski dir parey me solman nou pou osi annan larzan pou enzekte bann lezot proze Gouvernman.  So i pou annan  en akse pou NGOs avek bann pa vreman private sector me bann NGOs ki anvi akse Fon ETF.  Mersi Onorab.

 

MR SPEAKER

Mersi Minis.  Onorab Pillay.

 

HON STEPHEN PILLAY

Mersi Mr Chair.  Mr Chair eski PS ouswa Minis i kapab dir nou baze lo sa letid ki zot in fer, ki deadline Gouvernman petet in don son lekor ki petet by sa letan by tel peryod, zot pou’n kapab par egzanp met PV lo serten kantite bann lofis oubyen bann building Gouvernman, avek en bi ede redwir costs pou bann utilities ki ganny servi.  Eski i annan en deadline lo la?  Oubyen eski sa zot pe zis fer li lo en faz pilot pou le moman.  Mersi Mr Chair.

 

MINISTER WALLACE COSGROW

Ok, mersi Onorab.  Non nou napa en deadline  as such.  I en prosesis kontinyel sa i as much as possible kot nou kapab green bann building Gouvernman – ler mon dir green i annan bann prosedir pli environmentally friendly  – ki mannyer nou build building Gouvernman, ki mannyer nou zer building Gouvernman.  So i en prosesis – solar PV i enn parmi sa ban prosedir ki mannyer nou fer gouvernman vin en pli sustainable pli green.  

So i pou en keksoz kontinyel.  Me solman sa study ti idantifye inisyalman serten blok building Gouvernman kot i kapab ganny sa bann PV e bokou sa, sa bann enstalasyon ki nou pou fer i pou baze anba Grant ki nou gannyen avek Gouvernman L’Inde e petet serten enzeksyon ki Gouvernman dan le fitir i ava mete dan sa bann lenstalasyon.  Mersi.

 

MR SPEAKER

Mers Minis.  Onorab Pillay.

 

HON SEBASTIEN PILLAY

Mersi Mr Chair.  De dernyen pwen, mon premye pwen konsern ki mannyer zot pou go about in terms of procurement po sa bann lenstalasyon?  Eski zot pou allow bann antreprener lokal ki deza pe fer sa pou zot kapab ganny sans pou get ladan pou asire ki i annan – zot ganny en partisipasyon dan sa laspe?

Apre dezyenmman petet Mr Labrosse i kapab klarifye ti annan  en letid ki ti’n ganny fer lo reabilitasyon bann marsh land par egzanp dan plato North East Point,  ki zistans zot ete avek reabilitasyon bann marsh sirtou an proteksyon avek bann lespes parey ki reste dan sa marsh pou le moman?  Akoz zot ti  prezant en letid avek bann zabitan e mon ti a kontan konnen ki zistans zot in arive avek sa?  Mersi Mr Chair.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Chair.  Mersi Onorab.  Onorab mon krwar sa ki pas anba Grant i annan serten prosedir Grant ki aplike par egzanp Grant anba fon Gouvernman L’Inde i annan serten prosedir ki aplik pou par egzanp bann biznes ki sorti L’Inde.  Me solman touzour i annan en posibilite apre ki lenstalasyon in ganny fer i annan posibilite akoz sa bann PVs partou i bezwen ganny maintain i bezwen ganny netwaye, bezwen ganny good upkeep. So i annan posibilite pou bann konpannyen ki met PV ouswa ki service bann PV pou zot kapab antre dan bann Lagreman pou kapab maintain sa bann PVs apre ki in ganny enstale.

Ou ava note poudir i annan en kantite PVs pe ganny enstale partou e la i annan loportinite biznes pou Seselwa antre dan bann Kontra, avek bann endividi prive lakour e osi bann biznes pou fer bann pti biznes ki relye avek photovoltaic.

So inisyalman petet pou enstale non, me pou maintain akoz sa son life span i vreman long.  Par egzanp kot lakour 20an 25an zot pe dir nou i garanti – so i bezwen ganny maintain par kantite letan so i annan loportinite evantyelman pou bann pti biznes antre ladan.  Mersi Onorab.

 

MR SPEAKER

Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab sa reabilitasyon North East Point marsh in deza konmanse.  Dapre parey ti diskit avek ban zabitan pou restore sa marsh, e pou fer li annan plis kapasite pou retenir delo.  Annefe proze la i pe si ou le dan sa bout kot nou apel North East Point village sa semen la, apre i pou bouz lot kote ki nou apel ex- Despilly Building e i pou kontinyen an de sandan pou al ver rehabilitation centre  eksetera.  So sa i pou ganny antreprann an mezir proze i fini la probableman lannen prosenn nou pou bouz laba.

An sa ki konsern proteksyon bann lespes.  In annan legzersis ki’n ganny fer en aktivite ki’n ganny fer ki apel en Capture and Release Program e sa si ou le in capture sa bann lespes ki nou konnen en lespes iconic dan sa landrwa se terrapin, torti soupap.  E sa in ganny fer. E tou sa bann lespes in ganny mete dan sa lot bout lanmar so ler travay pou fini dan sa enn bout lanmar – so nou pou re transfer sa bann lespes dan sa bout ki’n ganny reabilite.  Mersi Onorab.

 

MR SPEAKER

Mersi Mr Labrosse.  Onorab Sandy Arissol.

 

HON SANDY ARISSOL

Mersi Mr Chair. Mon kestyon mon mazinen pou vize ver DG Laure an relasyon avek Konvansyon ki nou ti sinyen pou eliminasyon mercury by 2020So i tonm anba ou DG Laure?  So mon ti a kontan demann en pti kestyon lo la Mr Chair, parski an relasyon avek zot manda se pou asire ki dwa konstitisyonnel tou dimoun se pou viv dan en lanvironnman prop e an bonn sante.  Be lo sa laliny mon ti a kontan demann DG Laure, kekfwa ki Minister Lanvironnman pe fer pou teste bann prodwi oubyen bann lekipman ki pe rantre dan pei?

Par egzanp ki mon pe koz lo la par egzanp nou annan bann glob – bann electrical appliances, i annan sa lakrenm witnening la ki ozordi pe flood market.  Nou annan osi sa amalgam ki zot servi e ki i annan plizyer pei in aret servi pou rezon pou rezon medikal parski i annan pou fer avek kanser letan ou sey fouy en pe partou, partou.

Me malerezman mon aprann poudir Sesel i ankor annan en pe sa bann lekipman sa bann keksoz ki pe antre dan pei.  So e Sesel ozordi nou en pei ki lo nivo kanser nou paviyon pe flag ROUZ.  Nou annan en problenm.  So mon ti a kontan demann DG Laure Mr Chair eski zot annan lekipman ?  Bidze i fer provizyon pou zot annan lekipman pou teste sa bann prodwi oubyen menm power pou ede teste sa bann prodwi ki pe antre dan nou pei – e anvi ki ozordi tousala pe zis antre? E eski Minister Lanvironnman anba son Bidze i annan en pti alokasyon ki pe fer sir ki sa bann prodwi letan nou pe koz larivyer, drenaz partou ki sa bann prodwi osi ki pe antre dan nou pei, ki pe anmenn problenm lasante pou nou pep pe ganny deal avek appropriately?  Akoz la mon aprann zot deza annan en zofisye si mon pa tronpe La Suisse an relasyon avek sanmenm sa ki nou pe koz lo la.

Mon 2enm kestyon i pa neseserman pou DG laure.  Mon ti a kontan demann Minis oubyen zot annan en Tribinal Lanvironnman si mon opa tronpe zot annan en tribinal lanvironnman eski i an fonksyon?  Ki i fer?  Ki dernyen fwa ki zot in zwenn e kekfwa dir nou en pe lekel bann dimoun ki lo la e ki vreman zot pe fer?  Mersi bokou Mr Chair.

 

MR SPEAKER

Mersi Onorab Arissol.  Mrs Laure.

 

DG MRS NANETTE LAURE

Mersi Mr Chair.  Mersi Onorab pou kestyon.  I vre nou annan annefe i annan de reprezantan sorti Sesel ki pe attend conference of parties la – en reprezantan Minister Lasante ek en reprezantan kot Minister Lanvironnman.

Ti annan  en assessment ki ti ganny fer an 2015 ti apel li en Initial Assessment ti get current status lo kote mercury dan pei e ti annan bann rekomandasyon ki’n ganny fer baze lo sa assessment.

Nou – dan Bidze la non i napa provizyon pou aste okenn lekipman.  Nou pa kapab fer li unless nou ganny en sipor finansyel atraver Konvansyon li menm.  E lo kote man power nou annan en seksyon dan Minister ki nou apel li the Standard Section.  Li i annan 3 zofisye ladan.  Nou ti’n fer request pou nou ganny ankor en akoz pou nou beef up seksyon an term kapasite me selman nou pa’n gannyen.

I annan konsern wi lo kote status mercury isi Sesel.  Nou’n koz lo amalgam nou pe konmans en travay avek Minister Lasante baze lo assessment menm ki’n ganny fer e baze lo lefe ki nou vwar parey ou’n dir bokou pei in fini elimin sa servi dan zot pei. Nou’n konman s travay avek Minister Lasante pou zot kapab phase out.  Me solman nou bezwen fer li an faz baze lo diskisyon e konsiltasyon.  That is why ki pandan Konferans la nou pe letan nou de partisipan in ale i annan bann demann ki nou pe al sey mete, pou nou konnen ki mannyer konvansyon i kapab ed nou ladan.  Me selman an term teste nou napa okenn laboratwar dan Minister.  Nou rely lo  bann – nou Lalwa i permet nou pou nou rely lo bann laboratwar  ki egziste la parey SBS avek Lasante pou nou kapab fer okenn tes si nou bezwen. Mersi.

 

MR SPEAKER

Mersi Mrs Laure.  Minis.

 

MINISTER WALLACE COSGROW

Mersi Mr Chair.  Mersi Onorab. Onorab pou mon knowledge mon pa okouran si i annan okenn Tribinal Lanvironnman ki an fonksyon.  Sa ki mon konpran ti annan en serten, si mon konpran byen ti annan en serten Mazistra ki ti ganny assigned avek serten bann ka lanvironnman pou sey fast track en pti pe.  Me selman en Tribinal li menm pou lanvironnman non – non.  Mersi. Ok mersi Onorab.

 

MR SPEAKER

Yes Minis ou ok?  Right.  Onorab Paul Ernesta.

 

HON PAUL ERNESTA

Mersi Mr Chair.  Minis e tou delegasyon, Manm koleg Onorab e tou dimoun a lekout.  Dimoun Takamaka bonzour.  Mr Chair permet mwan premyerman pou remersye Minis, Minister pou sa devlopman drenaz ki pe arive anler Quatres Bornes ki en proze ki long due.  E mon kestyon i lo paz 514.  Mon vwar lo zot strategic priorities bullet 1 and bullet 4, mon t a kontan konnen ki bann mezir ki pe ganny pran zot pou al met an plas pou asire – mon krwar taler onorab Andre in koz lo la letan bann dimoun i fer bann reklanm bann reclaim reklanmasyon larivyer e osi bann lanmar sirtou kot letan i annan ban lakaz obor.

Ki bann mezir zot pe al pran pou asire ki i annan proteksyon sa bann lakaz sa bann fanmir lo bor.  Enn.

E dezyenmman nou annan sa problenm flooding dan plato Anse Forbans sirtou letan in ariv letan lapli sa i en problenm ki lontan i la, i pe arive e mon konnen atraver Mr Labrosse zot in deza fer en serten kominikasyon en serten konsiltasyon ek bann stakeholders e mon pa vwar ki menm PS taler dan son bann proze priyorite in koz lo la i pa’n mansyonnen.  Mon ti a kontan konnen ki zot pou fer lo la e kan ki zot kapab en dele letan pli kourt posib zot kapab rezourd sa problenm?  Vwala Mr Chair.  Mersi.

 

MR SPEAKER

Mersi Onorab Ernesta.  Minis.  PS.

 

PS WILLS AGRICOLE

Mersi Mr Chair.  Mersi Onorab pou kestyon.  Wi si ou get premye pwen strategic priorities ki koz lo rezilyans bann diferan landrwa lo Mahe, Praslin ek La Digue e nou, nou annan dan Bidze nou annan sirtou bann Grant kot nou annan bann diferan proze ki nou kapab viz ver sa rezilyan pou bann diferan kominote e la kot ou distrik i pou antre ladan akoz finansman i la e osi pa neseserman zis ou distrik nou annan lezot distrik ki taler mon’n fer resorti ki nou pou kontakte bann diferan – Onorab pou vwar ki bor nou kapab pran  sa bann kominote ki reste lo lakot sirtou i vin pli rezilyan kont sanzman klima.  Mersi Mr Chair.

 

MR SPEAKER

Mersi PS.  Mrs Laure.  Yes Onorab Ernesta.

 

HON PAUL ERNESTA

Yes Mr Chair lo kote Anse Forbans ki mon pa ankor ganny repons.

 

MR SPEAKER

Wi.  Mon a donn Mrs Laure laparol apre nou ava retournen.  Mrs Laure.

 

DG MRS NANETTE LAURE

Mersi Mr Chair.  Lo kote strategic priorities pou bullet 4 ki koz lo ranforsi enforcement apre lo kote revizyon bann Policies nou’n reviz nou Lalwa proteksyon pou Lanvironnman  parey zot konnen an 2016 e ladan lo kote enforcement i annan revizyon ki’n ganny fer lo kote bann penalties ki nou donnen letan i annan vyolasyon  lanvironnman.  Anliny avek sa si zot get anba progranm 4 i annan enn nou bann priyorite pou reviz nou Regilasyon ki gid nou an term letid lenpak pou lanvironnman.  Akoz li i date 1996.

So nou anvi fer li anliny pou li vin anliny avek nou Lalwa ki egziste pou li donn nou en pti pe plis ledan pou nou kapab morde.  E avek sa osi nou kontinyelman sey build up kapasite nou bann staff, akoz menm si i annan en pti git nou, nou toultan sey fer en fason ki staff osi i kapab sey delivre lo lekspektasyon.

 

MR SPEAKER

Mersi Mrs Laure.  Minis i annan en lot bout kestyon oubyen Mr Labrosse.  Mr Labrosse.

 

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab pou Anse Forbans i annan en Komite ki’n ganny formen ki pe deal avek sityasyon flooding e sa Komite i enkli bann si ou le Lotorite Distrik e osi bann devloper dan Anse Forbans.  E nou’n fer si ou le bann serten commitment ki annan serten mezir ki zot bezwen pran pou amelyor sityasyon drenaz dan plato Anse Forbans.  E avek sa i annan bann si tou le bann keksoz ki’n ganny mete devan sa bann devloper pou zot adrese.

An se moman la, nou pe atann si ou le serten  si ou le serten repons kot zot pou nou kapab finalman enplimant sa bann proze drenaz.  E enn bann kondisyon ki’n ganny mete dan zot devlopman se ki zot bezwen vin devan avek en plan, avan ler ki zot proze si ou le i demare lo teren e mon konnen poudir zabitan Anse Forbans i pe atann sa.  So i pe ganny pran an konsiderasyon.

 

MR SPEAKER

Mersi Mr Labrosse.  Onorab Ernesta.

 

HON PAUL ERNESTA

Mersi Mr Chair.  Mr Chair with regards to bullet 4 letan Minis in reponn, mon pa’n tan li mansyonn en mezir ki mwan mon i a kontan tande lanpesman – si oule kot bann dimoun pou zot dezormen arete konble bann lanmar – konble bann larivyer kot pou nou kapab kontinyen ?  Akoz pe kree tro bokou mon pa konnen ki zot pe fer lo la mon ti a kontan  sa at least nou pronons nou lekor lo la ki pozisyon Minister lo la.  Mersi.

 

MR SPEAKER

Mersi.  Mrs Laure.

 

DG MRS NANETTE LAURE

Onorab mersi pou konsern ouswa kestyon ki ou’n leve.  Sa lo kote konble lanmar swa blok lanmar, sa i enn nou bann policies ki nou pa aprouve ouswa donnen.  So letan i annan bann aksyon koumsa ki souvandfwa nou ganny li atraver konplent ki nou resevwar nou pran aksyon neseser, akoz nou Lalwa i permet pou fer sa.  That is why ki anba nou Lalwa ki egziste Environment Protection Act i annan ban mezir bann lofans ki ganny komet i annan bann fines ki ale avek e bann aksyon neseser ki ganny pran.  Mon krwar mon pa konnen si mon’n reponn ou kestyon?

 

MR SPEAKER

Onorab ok.  Bon mon krwar petet dimoun i regard Mrs Laure i vwar ou petet ou groser ou en pti pe ti pti me ou responsabilite i imans.  Ou’n demande ki Lalwa i ganny amande pou ganny plis ledan.  Mon krwar sa Lasanble i la pou donn ou sa sipor.  Akoz definitivman ou annan ou en portfolio ki vreman serye e ou bezwen tou sa sipor pou kapab fer sir ki Lalwa i ganny ranforsi.  Onorab Jean-Francois Ferrari.

 

HON JEAN-FRANCOIS FERRARI

Tre vitman Mr Speaker e mon de kestyon mon mazinen Mrs Laure i kapab pran i konsern travay enforcement apre travay  an partenarya avek lezot Minister. Tre senp ler zot pe travay lo bann lanmar eski zot pou travay an partenarya avek Minister Lagrikiltir?  Akoz Praslin Minister Lagrikiltir i dir li i pa debous lanmar lo en later prive ennler i sanze i dir i pou debouse konmsi ki mannyer – akoz lanmar i lanmar.  Ki i prive ki i pa prive i kapab afekte en lot landrwa so mon ti a kontan en pozisyon lo la?

Mon 2enm pozisyon i sorti dan en sityasyon kot Planning i donn permisyon pou fer en keksoz e mwan mon telefonn Lanvironnman  e mwan mon realize poudir Planning ek Lanvironnman pa pe travay an kordinasyon.

Eski Mrs Laure eski ou kapab dir mwan kote problenm i ete?  Akoz la ou fek konfirmen avek nou poudir ou pa kapab konble en lanmar.  I annan en pti laboutik Au Cap zis avan pon parey zot dir i fek la, la sanmenm sa lannen la i pe konble  lanmar.  Mr Decomarmmond in vini mon’n sey call li tenir en pti kou lannmen i rekonmans konble ankor.  Li in ganny Planning permission.  Ki mannyer i marse sa?  Se bann dimoun ki annan kontak avek Planning i ganny permisyon pou li fer sa? Oubyen se bann dimoun ki ganny kontak avek Lanvironnman?  Konmsi eksplik nou i paret ki i annan en sityasyon ki pa pe fonksyonnen!  Zot dir nou pa met en container, pa servi en container Planning i donn dan milye lavil i donn en container pou en dimoun fer en bar.   Zot dir nou pa fer bann striktir tanporer i donn kot Parti Lepep laba i donn en vilaz kartron antye!  Konmsi – kote problenm i ete Mrs Laure nou ti a kontan konnen akoz nou pe donn zot 92milyon nou ti  a kontan avek nou 92milyon nou annan bann rezilta silvouple.  Mersi.

 

MR SPEAKER

Mersi Onorab Ferrari.  Mrs Laure.

 

DG MRS NANETTE LAURE

Mersi Onorab pou ou kestyon.  Annefe nou travay an kolaborasyon avek Planning.  Si i arive ki i annan ka ki i pe donn lenpresyon ki nou pa travay ansanm i bezwen en ka spesifik mon pa konnen – me selman nou tou Planning application ki ganny submit kot Planning Authority Lanvironnman i bezwen fer assessment lo la.  E nou, nou bann assessment ler nou fer nou fer komanter nou anvoy kot Planning e apre en desizyon i ganny pran lo la.

I kapab annan lenstans kot i pa sa devlopman i pa’n gannyen en permisyon pou fer, me selman i annan sa prosedir ki nou apel prosedir appeal sa dimoun i kapab ale i appeal e la Appeals Committee li i fer son desizyon lo la.  So si i pa’n gannyen apre i gannyen i kapab in ganny lo prosedir appeal.

Me selman nou, nou  travay an etrwat kolaborasyon avek Planning Authority si i annan en case par egzanp Onorab Andre in met sa case devan ler nou ti ganny konplent nou kontakte Planning pou nou al vizite pou nou pran aksyon neseser lo la.

 

MR SPEAKER

Bon i annan 2enm part kestyon.  Yes Onorab Ferrari.

 

HON JEAN-FRANCOIS FERRARI

Mon de kestyon in ganny reponn mon le zis konnen lekel ki annan plis pouvwar?  Planning ki annan pouvwar oubyen desizyon ki Minister Lanvironnman ki donnen i binding? Eski oubyen eski i annan lot semen ki bann dimoun i pase depandan ki kalite kontak ki ou annan?  Akoz mwan mon pa kapab konpran ki mannyer dan 2018 ou pe vwar en vilaz kartron dan milye lavil kwa akoz sa msye i annan en bon kontak kot Parti Lepep ?  Se sa ki mon oule konpran mwan. La la i fek demonte la.

 

MR SPEAKER

Mersi Onorab Ferrari. Mrs Laure.

 

DG MRS NANETTE LAURE

Mersi Mr Chairman, Onorab si nou annan en plan ki vin kot nou, nou pa ankor donn nou larepons kot Planning Planning i pa release sa plan.  Nou bezwen donn nou komanter avek Planning Authority.  Mwan mon konn en prosedir ki mwan mon prosedir ki mon konnen i bann plan ki ganny submit kot Planning, i pas kot Lanvironnman pou nou fer  komanter.

Mon pa tro asir bann lezot prosedir ki mon pa pou kapab konmant lo la me selman mwan mon okouran e mwan mon swiv sa enn ki mon konnen poudir ou submit ou plan ou plan i ganny assess avek Minister Lanvironnman, Minister i anvoy son plan e i anvoy son komanter kot Planning e Planning i donn en desizyon.  E menm sa bann plan i ganny diskite lo Planning Board si par egzanp i annan lezot issues i ganny diskite apre en desizyon i ganny pran lo la.

 

MR SPEAKER

Mersi Mrs Laure.  Onorab Simon Gill.

 

HON SIMON GILL

Mersi Mr Speaker.  Bonzour Mr Speaker. Bonzour Minis.  Bonzour tou koleg Onorab e manm piblik.  Mr Speaker mon le fer lo en dokiman Lalwa  Environmental Protection Act 2016 Act 18 of 2016.  I annan en manm piblik ki’n fek anvoy en text in dir i annan en kantite letan i annan en kantite polisyon tapaz lo bann lans, kot lakour, i annan dimoun ki bril salte, ki travay dan Dimans fer en ta tapaz, Lanvironnman in pran sa pouvwar in met anba li.  Zot in promet pou annan en hot line 24 lo 24.  Telefonnen personn pa pe attend to zot telefonn.  Mon ti a voudre ganny en pe lenformasyon e sa madanm sa bann fanmir konsernen ki pe ekout zot la ti ava voudre ganny en pe lenformasyon lo la.

E dan sa Bidze petet ti ava donn en lendikasyon ki kote zot in fer provizyon  pou met an mars en kanpanny sansibilizasyon ledikasyon lanasyon Seselwa pou ki nou a kapab fer zot pli byen konpran ki mannyer sa Lalwa li menm li i ete.  E petet ede pou annan mwens sa bann nwizans si mon kapab met li dan sa fason.  Mon annan  ankor de kestyon epi mon ava poze letan mon’n ganny repons lo la.  Mersi.

 

MR SPEAKER

Mersi Onorab. Minis.

 

MINISTER WALLACE COSGROW

Mersi Mr Chairman.  Mersi Onorab.  Mon krwar ou kestyon i en kestyon tre, tre pertinan a se zour la ki nou pe viv.  Nou annan en kantite, nou ganny en kantite konplent lo bann zafer polisyon tapaz, ki swa lo lans kan n’ariv weekend, an montan ; preski tou lans konmela preski tou lans ouswa dan bann vwazinaz kot i annan tapaz lanmizik i ganny zwe tou lannwit ouswa dan serten landrwa kot i annan tapaz konstriksyon e nou ganny en kantite en kantite.  E mon ti a kontan fer resorti ki petet sa 24 hour laliny ki ou pe dir sa se green line.  Green line i sipoze ouver pou ban dimoun raport okenn bann issues ki annan pou fer ek Lanvironnman enkli polisyon tapaz.

E nou ganny pa mal problenm.  Pa mal problenm e nou’n diskite antre nou dan Minister kot mon krwar nou pou bezwen re get en pti pe ki mannyer nou deal ek sa bann zafer tapaz.  E tapaz i pa zis nou i e zefor konzwent ki nou fer par egzanp dan aswar kot i annan tapaz lanmizik nou depan en bon pe lo lapolis pou kapab ede pou kapab al dan sa bann landrwa kot i annan tapaz e fer e donn serten warning e petet si posib osi konfiske lekipman si  i ariv sa nivo and nou osi pe ganny diferan request par egzanp avek bann lakonpannyen. Ozordi Lalwa i dir nou ou kapab konmans fer tapaz well pa fer tapaz but ou kapab fer bann aktivite ki annan tapaz between 8er a 4er.

Ozordi eski i ankor realistik pou nou kapab fer serten aktivite ekonomik selman 8er- 4er?  Eski i ankor realistik?  Eski petet nou pa devret vwar dan serten zone nou kapab allow lakonpannyen pou al en pti pe pli tar 5.30?  Dan serten zone rezidansyel nou dir zot tenir?  Konmsi nou bezwen fleksib. Sesel in sanze. Sityasyon i dinamik lo teren e nou bezwen kapab sey accomodate tou dimoun.

Me solman  sa issue tapaz Mrs Laure i ava elabor en pti pe lo la.  I en issue ki serye i en issue ki nou bezwen tackle.  Lo bann lans, dan bann vwazinaz i pe kree bokou, bokou problenm.  Mon a pas la parol ek Mrs Laure pou li kapab zero-in lo la e pin point en pti pe plis bann aksyon ki nou kapab pran.

 

MR SPEAKER

Mersi Minis.  Mrs Laure.

 

DG MRS NANETTE LAURE

Mersi Mr Chairman.  Mersi Onorab pou kestyon.  Mon krwar ou pe fer referans avek seksyon 56 dan Environment Protection Act ki koz lo nwizans.  E nwizans tapaz i en parmi ladan.  Apre nou annan parey Minister in dir nou annan ban kondisyon ki nou, nou mete dan letan nou fer nou  bann komanter al kot Planning in regards to ler travay.  Bann ler ki sa konstriksyon i sipoze pe ganny fer ouswa nou e kan ki i pa sipoze pe ganny fer.

Nou ganny pa mal konplent parey Minister in dir e green line i operate 24 hours.  Si kekfwa sa dimoun i pa’n gannyen i pa’n kapab ganny access sa dimoun ki pe mind Greenline i bezwen annan en issue ki’n arive.  Me selman mwan mon pou command sa bann dimoun ki pran call akoz tou kalite call i antre lo GreenlineSo i pa fasil pou letan sa dimoun pe pran call i sitan annan bokou ki antre nou annan en Greenline report ki ganny generate tou le semenn.  E ladan ou pou kapab vwar ki kantite konplent, kalite konplent ki nou gannyen e tapaz i enn parmi.

Lo kote tapaz lanmizik lo lans, letan Lalwa ti sorti ti ganny aprouve, nou ti konmans travay avek Lapolis kot nou bann staff – nou bann environment police zot ti al fer bann patrol, apre ler sirtou dan weekend dan Vandredi ansanm avek Lapolis so i ti en travay konzwent.  Akoz nou lo nou menm avek resours ki nou annan nou pa kapab fer li.

So zot ale vandredi apre ler  Sanmdi/Dimans kot ansanm nou gete nou sey pran aksyon avek bann konplent ki nou gannyen.  Ler ou koz lo kote tapaz konstriksyon, si konstriksyon i pe ganny fer ki an deor sa kondisyon ki nou donnen la konmela then, nou fer demars pou nou ganny kontak avek sa kontrakter e apre si kontinyen then nou proceed avek nou enforcement.

 

MR SPEAKER

Mersi Mrs Laure. Onorab Simon Gill.

 

HON SIMON GILL

..Mr Speaker.  Trwa kestyon presizyon, No.1. Enn in arise letan in donn repons sanmenm sa i fer 3.  No.1 lekel bann dimoun ki lo sa laliny ki zot apel li Greenline?  Kot tou dimoun letan i annan sa bann lensidan i kapab garanti ki i pe call e dimoun pe kapab reponn.  Nou konpran en kantite call i antre me lo bann telefonn modern konmela i garde bann missed call.  Be ler ou trouv missed call ou pa return callNow sa i enn.

Dezyenmman eski zot annan bann lekipman modern ki permet zot pou mezir sa ki zot apel degre polisyon tapaz eksetera?  Ok.

Trwazyenmman nou konnen resaman i annan en dimoun ki ki’n ganny kondannen pou zafer tapaz lisyen.  I en listwar sa ki’n arive.  Me mon ti ava voudre ki i annan osi bann lezot ankor ki swiv.  Now, dan sa laliny ki kantite bann ka ki zot in met Ankour dan sa menm sa zafer polisyon?  Epi en lot eleman par kote lo sa bann tapaz bann loto ki’n ganny modifye ki fer tapaz tou letour Mahe la, lannwit lizour tousala nou ti ava voudre konnen ki bann mezir konkret zot pe fer an sinerzi avek lezot Lazans?  Mersi bokou.

 

MR SPEAKER

E an menm tan sa bann tapaz lanmizik osi dan sa bann loto modifye.  I modifye apre tapaz lanmizik.  Mrs Laure.

 

DG MRS NANETTE LAURE

Mersi Mr Chairman.  Onorab ti le non sa bann dimoun ki pe mann Greenline ouswa ou ti le the post title of sa bann dimoun ki pe mann Greenline?

 

MR SPEAKER

Yes Onorab.

 

DG MRS NANETTE LAURE

Ouswa konbyen.

 

HON SIMON GILL

Piblik deor i le konnen lekel sa bann dimoun wi. Epi zot title wi byensir zot limero.  Dimoun i oule konnen wi.

 

MR SPEAKER

Petet Ms Laurel lekel ki handle?  Lekel ki handle GreenlineYes.

 

DG MRS NANETTE LAURE

Green line i en laliny ki tonm anba portfolio Minister me selman konmela i pe ganny man par sa seksyon ki apel Education and Awareness.  I annan en progranm ki tonm anba la. So i annan 3dimoun ki mann Greenline.  Zot fer sa lo en rotation basis.  En dimoun i pran pou de semenn en lot dimoun i pran pou lot de semenn so i vire koumsa.  Si parey mon pe dir si en dimoun i pa’n ganny kontak avek Greenline then i ti bezwen annan en issue ouswa en problenm ki an deor kontrol sa dimoun ki ti pe pran sa Greenline.  Me selman tou call i ganny rikorde e nou met li dan nou report ki nou generate tou le semenn.

Lo kote lekipman. Ou’n demande si nou annan lekipman an plas pou nou kapab mezir tapaz?  Pou le moman nou annan  de sa bann lekipman ki nou kapab servi.  So wi nou annan menm si i pa ase nou annan de ki nou kapab servi pou mezir tapaz.

Ou’n demande si nou annan bann case ki nou’n deza met – ki nou’n proceed avek en court case lo kote polisyon. Nou’n deza annan me selman la mon pou napa sif ek mwan la.  Nou kapab fer zot gannyen apre si ou ti le plis lenformasyon lo la.

 

MR SPEAKER

Yes Minis. Minis.  Go ahead Minis.

 

MINISTER WALLACE COSGROW

Ok mersi Mr Chairman.  Vitman zis pou mwan note avan mon pran education progranmGreenline i 272-21-11So this is the Greenline number si okenn dimoun i annan en sityasyon i kapab call sa nimero e sa nimero i sipoze on 24 lo 24 e nou salye bann zofisye ki pe handle Greenline i pa fasil parey nou’n dir.  Konplent i vin tou sort kalite.  Tou ler.

2enm lo kote ledikasyon  nou annan en seksyon  ki deal basically avek ledikasyon sirtou a nivo lekol ki fer bann diferan nivo ledikasyon. From sa seksyon nou konnen poudir i annan bann zenn eco warriors ki’n sorti dan sa bann diferan ledikasyon ki zot in gannyen.

Me nou osi annan  par egzanp paz Facebook kot nou agresivman met bann lenformasyon lo la nou annan en website kot nou met bann lenformasyon lo la.

Nou’n osi anploy dernyen ler en public relations officer ki travay ansanm avek sa seksyon dan Minister ki annan pou fer avek ledikasyon lanvironnman en nou met as much as possible lenformasyon  deor.  So se sa en pti pe bann louvraz ledikasyon ki nou pe fer.  Mon ti a voudre nou fer plis ki sa, akoz mon remarke malgre ki nou’n fer en kantite ledikasyon, i annan ankor en kantite – en kantite pou fer sirtou par egzanp letan nou pe get polisyon, letan n’ariv weekend lo lans dimoun i al piknik, landrwa kot dimoun pe zet salte taler nou ti pe fer referans lo lanmar, lanmar anler North East Point.  Ler pe netwaye pe aranze i annan dimoun pe zet salte lanmenm obor.

So i annan ankor en kantite ledikasyon mon krwar Lasanble osi i bezwen donn nou en koudmen pou nou kapab edik dimoun lo kote proteksyon lanvironnman annou aret zet salte partou.

Dimoun ki zis anvoy salte an deor zot transpor ler pe pase konmsi nou’n fer en kantite nou en pei ki fer en kantite e deor dimoun i rekonnet nou konman en pionye lanvironnman konmsi en pei ki pioneer lanvironnman.

Be internally nou annan en kantite issues e nou depans en kantite larzan.  Petet taler ler LWMA i vini nou pou vwar ki kantite larzan nou depanse pou nou kit sa Sesel prop parey nou vwar li ozordi.

I annan en  ta zefor en ta zefor finansyel, en ta zefor imen ki pe ganny mete pou nou kapab met sa Sesel prop parey nou anvi vwar li. So se sa zefor ledikasyon Onorab.

Apre i annan dernyen bout konsernan transpor modifye, bann diferan sentencing parey Mrs Laure in dir nou met dimoun Ankour e i annan bann case ki’n ganny process Ankour i ava donn lenformasyon apre.

An term loto modifye mon krwar vehicle testing station i bezwen en pe pli serye ler zot pas tes sa bann loto e se landrwa kontrol kot nou kapab kontrole.  I difisil pou nou – nou tande nou vwar bann loto be solman i difisil ler in ariv lo semen.  Si nou kapab blok li avan i ariv lo semen then i pou bokou bokou pli fasil pou nou kapab manage.  Mersi Mr Speaker.

 

MR SPEAKER

Minis vitman.  Sa bann pyes modifye i antre dan pei atraver de landrwa.  Cargo – lo Airport avek lo por.  Mon krwar la osi tou i kapab annan kontrol.  Wi bon dernyen kestyon.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman mon bezwen dir ki mon vreman kontan la fason ki bann larepons pe ganny donnen e mon vreman enpresyonnen avek la fason ki Mrs Laure i konmsi tou sa bann larepons i at the tip of her fingers, parey nou dir.  Premyerman Mr  Chairman mon anvi dir ki mon konpran letan Mrs Laure i dir fodre zot  bezwen ganny plis ledan an relasyon avek Lalwa, parski o fet en ansyen Manm Planning Authority ki’n dir avek mwan li in demisyonen akoz seksyon 10 Lalwa. E letan mon’n regarde ki sa seksyon 10 i dir seksyon 10, 10 (1) i dir:-‘ the Minister may give directions to the Planning Authority requiring that any application made to the Authority for permission to develop land or else such applications of any class specified in the directions be referred to him instead of being dealt with by the Planning Authority and any such application shall be so referred accordingly’.  So Minis anba Lalwa Planning  i depas zot tou. Zot, zot bann expert dan lanvironnman si Minis i dir en keksoz fodre vin kot li fodre i vin kot li.

Town and Country Planning ActTown and Country Planning Act e an plis ki sa Mr Chairman letan nou al lo 10(4), 10(4) i dir avek ou ‘the decision of the Minister on any application referred uunder this section shall be final and shall not be questioned in any court’.  So mon krwar ki definitivman sa i en keksoz ki bezwen ganny sanze imedyatman, pour ki lanvironnman sa travay dir ki zot pe fer zot kapab vreman ganny sa ledan ki neseser.

Mr Chairman Bidze i mont par 7poursan e zot in donn nou en kantite travay ki zot anvi fer.  Mwan mon anvi demande si vreman sa Bidze it will not be business as usual parski dimoun laba deor parfwa zot pa pe tro konpran sa travay Bidze ki nou pe fer.

Zot pa pe realize ki poudir dan sa Bidze napa gran keksoz ki’n sanze avek lannen pase.  Zot pe ganny plizoumwen gran keksoz.  I zis annan en pti logmantasyon lapey akoz pe donn en logmantasyon 5poursan e avek sa long service allowance ‘goods and services’ zot Bidze in ogmant par 17poursan akoz byensir tou keksoz ki zot aste in ogmante e zot capital budget i annan en decrease of 6percent.

Alor eski sa Bidze pou vreman permet zot pou fer sa ki zot anvi fer, oubyen eski efektivman i pou zis en maintenance budget konmsi pou zot nobou zis kontinyen fer sa ki zot pe fer.

ETF sa Fon Lanvironnman mon ganny konplent i sipoze pou proteksyon osi tou sa.  Pou proteksyon lanvironnman. Mon ganny konplent sorti Takamaka L’Intendance torti pe monte torti pe ganny touye me zot fer demann pour ki i annan en serten eleman dan sa fon pou met en pe plis wardens spesyalman dan sa peryod e larepons se negativ.  Alor ki mannyer nou pou fer?  Photovoltaic project eski zot pa krwar senserman ki poudir wi nou bezwen en gran proze photovoltaic, me selman pou al zis met sa lo sa zil antye lo son oter ki zot pou ete i ava pe gaspiy later.  Akoz, akoz napa en proze e apre sa pou ki sa bann photovoltaic panels i ava ganny mete lo la, pou ki nou ava pe servi de eleman olye zis met li plat ater konmsi nou,  nou en pei ki annan en kantite later parey nou vwar letan nou pas dan bann pei.

Feasibility study Mr Chairman Pointe Larue, konbyen studies zot deza annan ?  Parski mwan mon’n – sa 25an ki mon’n fer dan Lasanble tanzantan mon’n tande poudir feasibility studies.

EBA projects.  Pli boner Mr Labrosse in koz lo la an relasyon avek Anse Royale.  Eski ki involvement Mr Labrosse li menm li personnelman akoz ankor enn fwa zot dir ki sa bann proze pe mars byen e ki zot pa tro dakor avek sa ki ou’n dir.  Mr Chairman zis de lezot pti pwen.  Water lettuce invasive plants.  Mon’n  pase La Digue mon konnen ki poudir zot in fer en kantite travay pou zot netway bokou bann lanmar me selman letan mon ariv Grand Anse, Grand Anse la Digue mon vwar sa zoli sa zoli lanmar in anvai preski trwa kar e si nou pe koz lo konservasyon nou bann lespes, nou konnen ki poudir sa water lettuce invasive soz li i enn ki touy an lanmar konpletman.

E finalman ankor enn fwa mon sipoze la kekfwa in pas atraver Minis Cosmoledo, ki rol ki zot in annan an relasyon avek sa proze kot containers i lo lans pe ganny servi konman en tourist accomodation?  Mon anvi ki zot dir nou kwa ki zot, zot ti rekomande letan sa ti vin devan Planning Authority?  Mersi bokou Mr Chairman.

 

MR SPEAKER

Mersi Onorab.  Minis.

 

MINISTER WALLACE COSGROW

Mersi Mr Speaker.  Mr Speaker kestyon i bokou.  Mon ava sey distribye li avek en pti pe bann diferan dimoun ki around la. Mon pou zis fer en pti zafer an bref lo Town and Country Planning Act petet apre Mrs Laure i ava al en pe  pli an detay lo la.  Mon kapab re asir Onorab Leader Lopozisyon ki poudir Town and Country Planning Act pe ganny revize e serten konsern ki’n met devan i pou ariv devan sa Lasanble kot zot ava kapab met serten zot bann konsern osi me serten zot bann konsern ki zot in met devan i pe ganny adrese dan sa nouvo draft ki pou ganny vin devan sa Lasanble pli tar.

E mon tro les pronons mon lekor akoz i tonm anba Minis MHilt. An term Bidze, Bidze parey mon’n dir taler Bidze zanmen i ase li.  Be eski nou pou reste business as usual.  Mon pa krwar nou pou business as usual akoz larzan i enn, nou ti a voudre ganny plis pa ganny mwan mal, nou ti a voudre ganny plis larzan i enn me solman ki mannyer nou organiz nou lekor.  Ki mannyer nou fer nou lekor vin bokou pli efficient within nou Minister avek bann lezot Lazans. Ki mannyer nou kolabor avek bann lezot Minister ki annan en rol ase – ki konplemant en pe nou bann rol osi i enportan akoz nou kapab fer bokou plis ler nou travay ansanm.

So nou ti a kontan ganny plis larzan  me sityasyon mannyer i ete nou bezwen operate e fer sir ki nou meet the maximum e fer sir ki nou pli efficient avek kantite larzan ki nou annan.

An term demann ETF ou’n al lo en keksoz spesifik mon’n – pa tro bokou letan pase de semenn pase – si mon pa tronpe mon’n zwenn ek sa group dimoun e mon’n  eksplik zot ki way forward an term turtle poaching lo lans Takamaka.  E nou’n vwar en way forward, so i pa pou neseserman bezwen lentervansyon ETF avek.

Romainville ; Romainville i en proze ki enportan pou nou.  Romainville i en proze ki enportan akoz i pou form par dan nou bann target lenerzi renouvlab petet PS apre ava kapab elabor en pti pe plis lo la. Nou’n preski fini si ou a dir nou’n fini annan komitman avek IRENA, pou nou kapab enstal bann pano soler.

So eski nou ti kapab fer en lot fason konpare avek la fason ki nou’n fer la petet, me solman bann expert i vwar li en lot fason.  Larestan mon ava les avek Mr Labrosse avek Mrs Laure pou elabor lo la.  Mrs Laure konsernan Cosmoledo akoz li ki lo Planning Board. PS ava elabor en pti pe apre water lettuce avek feasibility study avek Pointe Larue Mr Labrosse ava kapab elabore.  Mersi.

 

MR SPEAKER

Mersi Minis.  PS.

 

PS WILL AGRICOLE

Mersi Mr Chairman.  Mersi Onorab pou kestyon.  Mon pou abord sa kestyon PV.  Wi PV i vre ki si ou  pe met en megawatt PV pou bezwen ou 4 hectar later.  Me si nou annan roof ase gran ki  4 hectar ki mon pa mazinen nou annan Sesel i pou fer li difisil e se pou kwa ki sa desizyon in ganny pran pou met sa PV lo Ile Romainville.

E an plis ki sa Ile Romainville nou annan apepre 6 wind turbine, 5 wind turbine, Ankor ki nou ti ler nou ti pe antreprann sa proze nou ti pe mazinen be ok lefe ki nou a met solar farm la nou a met wind turbine, isi ki ti ava ede osi pou atrakte bann researchers dan lemonn pou vin isi ban dimoun dan liniversite pou fer en letid lo renewable energy ki a konbin solar avek wind.

 E sa en latraksyon ki nou pe mazinen me solman i vre ki sa zafer later i en issue akoz nou konman en pei en pti pei nou  bezwen later pou devlopman pou fer lakaz eksetera.  Me solman nou bezwen pran kont ki sa 8.5milyon Dolar ki IRENA pe donn nou dan en lentere vreman  ba nou bezwen montre li ki nou annan  a nou dispozisyon en landrwa pou nou met sa bann PV.

En lo fason get li osi ou kapab dir be ok annou met li lo tou roof dan Sesel.  En lot kriter enportan avan ler ou met en PV lo nenport ki twatir sa twatir osi i bezwen an konformite pou li kapab tenir sa PV e vwala ot ankor sa bann challenges i antre ki fer ki nou konman en Gouvernman, nou bezwen fer en desizyon e ou pe ganny sa Grant la I mean sa loan nou bezwen fer sa desizyon sankwa ki sa larzan i kapab al dan en lot pei.

E vwala kot i vreman difisil as far as later i konsernen pou enstal PV lo sa lesel  e en lot proze ki nou annan se nou a met dan lagon ankor.  Menm dan lagon i 5megawatt i pran en lespas lo osi ou vwar e nou osi annan bann outcry dan sa direksyon. I en keksoz ki pa vreman, vreman fasil pou finalman  dir be ok nou a fer li koumsa ouswa koumsa.  Me pou le moman nou annan Ile Romainville e desizyon in pran pou fer laba.  Mersi.

 

MR SPEAKER

Mersi PS.  Mrs Laure.

 

DG MRS NANETTE LAURE

Mersi Mr Chairman.  Pou elabor lo sa ki Minister in dir lo premye kestyon Onorab lo Town and Country Planning Act revizyon in konmanse i en draft in fini ganny sirkile kot bann stakeholders so mon mazinen poudir Lasanble pou ganny sans vwar the draft e fer komanter lo la.

Apre Onorab in demann kestyon lo Bidze si i ase pou nou kapab travay avek.

Mwan mon pou dir non i pa ase pou nou travay avek akoz si mon pou pran en legzanp par egzanp nou – konmela nou annan en seksyon spesifik Waste Management ki avan ti napa anba Departman so dan sa seksyon la pou le moman i annan en direkter apre i annan de dimoun ki travay avek direkter.

Sa de dimoun zot baze plizoumwen Providence akoz zot travay avek pres avek bann redeem centres.  Nou konnen ki waste management i enn bann keksoz priyorite pou nou e la kantite lekspektasyon ki annan  lo nou i pa  – Bidze i pa pou permet pou nou kapab delivre lo lekspektasyon.

So savedir ki nou’n sey fer letan nou pe fer Bidze nou’n sey priyoritiz nou bann target, ouswa nou bann aksyon, nou’n sey gete kote ki nou’n fer en pe savings ki nou pa’n tro servi nou’n sey met dan en lot landrwa kot nou krwar nou pou servi plis so nou’n sey zwe avek sa ceiling ki nou’n gannyen.

Lo kote Cosmoledo ou’n demande ki ti nou pozisyon lo la.  Ti annan en SIB proposal ki nou, nou ti resevwar.  Nou ti fer konmanter e nou’n ganny en planning application pou Cosmoledo e lanvironnman in donn en approval lo la.

So sa i nou pozisyon Cosmoledo.  Byensir letan nou donn approval nou donn avek kondisyon ki devloper i bezwen swiv.  E letan ou pe koz – zis pou azoute ler ou pe koz lo containers, ou pe koz lo containers si ou get anba progranm 4, enn nou bann priyorite lannen prosen i pou reviz Lalwa ki gid plasman container dan pei.  Akoz sa Lalwa i outdated e nou vwar nou vreman nou pa pe kapab pran bokou aksyon lo la akoz i annan keksoz ki nou senpleman pa kapab fer li akoz i pa anliny avek Regilasyon.  So la i la nou.

 

MR SPEAKER

Mersi Mrs Laure.  Mr Labrosse.

 

PROJECT OFFICER MR JEAN-CLAUDE LABROSSE

Mersi Mr Chairman.  Onorab pou feasibility study Pointe Larue, i vre ki nou’n annan serten study ki’n ganny fer me solman nou santi ki i pa ase konpreansiv.  Nou ti a voudre en study ki tous tou, akoz sa bann study ki’n ganny fer i annan serten konponan ki nou vwar i manke kekfwa sa konsiltan ouswa sa firm pa’n touse.  Akoz nou oule ki ler nou met sa findings study devan zabitan Pointe Larue, nou oule ki i tous tou keksoz e nou vin devan zot pou dir zot be vwala ki’n ganny vwar.

E kote prezan nou pe ale dan lenplimantasyon bann proze.  Pou prenon kont sa bann study ki’n ganny fer dan lepase i bann study ki’n ganny fer par bann firm ki’n vin volonterman devan.  So la nou pe contract li out e nou pe – nou pe envit bann consultant firm lokal ensi ki enternasyonal ki annan leksperyans dan sa field pou kapab donn nou en bon deliverance en bon travay.  So sa ki nou pe anvizaze.  Lo kote EBA projects wi mon involve.

Mon lo zot steering committee ki ti ganny formen me parey mon’n dir taler i annan serten gaps ki nou bezwen fill pou fer sir ki letan nou delivre sa proze ki zabitan oubyen distrik oubyen kominote i satisfe sa ki zot pe fer.  E sa parey mon’ n dir taler nou pou – nou pe set up en monitoring committee ki nou pou monitor tou sa bann travay si ou le depi son komansman ziska finisyon.  Me osi nou pe revwar bann scope ki zot pe donn bann Kontrakter pou enplimant sa bann travay – si i align avek sa ki nou pe dir zot fer – oubyen si i annan serten keksoz ki zot bezwen sanze pou evit problenm a la venir.

Lo kote water lettuce vre i en problenm mazer dan bann lanmar sirtou La Digue e plis Praslin.  An se moman la nou pe inisye de proze pou nou kapab konbat en pe sa bann letid lanmar me li i en si ou le en plant aquatic – anvaisan son propagasyon i vreman,vreman vit.

Me solman nou pou bezwen en pe led pou nou kapab konba li ankor parey ou’n fer resorti taler lo kestyon Bidze, nou pou bezwen plis larzan pou nou kapab met li anba kontrol, si nou anvi demen ki nou bann lanmar si oule i retourn dan sa leta kot lontan ti prop ti napa sa bann lespes anvaisan ladan.  Mersi Onorab.

 

MR SPEAKER

Mersi Mr Labrosse.  Onorab Ramkalawan.

 

HON WAVEL RAMKALAWAN

Mr Chairman mon anvi retourn ankor lo sa size Cosmoledo.  Eski nou ti ava kapab ganny en keksoz kler lo ki bann kondisyon? Parski ozordi si mwan mon anvi met en container lo mon later, pou mon servi li dan en fason permanan Lanvironnman Planning pou tay avek mwan e pou dir avek mwan non.  Eksplik nou akoz ki in annan en leksepsyon pou Cosmoledo kot bann containers i lo lans e nou konnen ki poudir i annan bann limitasyon lo ki zistans from the high water mark kot ou  ganny drwa annan okenn, okenn structure akoz ki Cosmoledo li i lo lans i pe ganny servi koman hotel accomodation e akoz in annan en leksepsyon?  Akoz i bezwen annan en Lalwa ki aplik popu tou dimoun.  Mersi bokou.

 

MR SPEAKER

Mersi Onorab Ramkalawan.  Minis oubyen Mrs Laure.  Minis.

 

MINISTER WALLACE COSGROW

Mr Speaker Mrs Laure i ava pran apre mon ava fer en statement zeneral please.  Mersi.

 

MR SPEAKER

Mrs Laure.

 

DG MRS NANETTE LAURE

Mersi Mr Chairman.  Onorab nou annan bann kondisyon.  Ou ti oule ganny sa bann kondisyon ouswa ou le konn – mon pa pou mazinen nou donn zistans avek high water mark. Nou donnen i annan bann lezot kondisyon standar ki nou donnen, me selman zis pou fer en pti komanter lo kestyon containers, nou’n aprouve containers request ki’n vini bann dimoun ki modifye zot containers – i annan laprouvasyon ki nou’n donnen recently pou bann  dimoun ki le mete.  So i annan dimoun ki’n ganny approval from Lanvironnman in regards to container ki’n ganny modifye si – in regards to bann kondisyon si ou le gannyen nou kapab fer ou gannyen.

 

MR SPEAKER

Mersi Mrs Laure.  Minis.

 

MINISTER WALLACE COSGROW

Mr Chairman mersi.  Mon ti a zis kontan fer en komanter zeneral lo sa zafer containers en.  Parey Mrs Laure in dir poudir nou Lalwa containers i en pe outdated e nou bezwen re vwar li.  Ozordi  dan lemonn modern i annan bann purpose build container sa i pa neseserman shipping containers ki’n pas en ta marsandiz ladan apre ki en dimoun i vini i dekoup en trou i fer en lafnet i fer en laport.   These are purposely design-build pou bann pti biznes e mon kapab sertifye dan bokou pei ki mon’n vizite mon’n vwar i annan – mon fek sorti Egypt la  … sa pti landrwa kot pe donn manze kot pe fer bann pti tuck shop bann zafer, it’s made of containers me solman i purpose built.  In ganny fer espesyalman pou en pti lakwizin ouswa en pti laboutik ouswa whatever.  Me solman sa i ganny fer purposely pou en keksoz.  I pa bann shipping containers ki’n pas diferan kalite keksoz  ladan apre nek nou koupe nou met aircon nou met en laport nou met en lafnet.  So petet i annan en nesesite pou nou revwar sa Lalwa well pa dir en nesesite nou bezwen re vwar sa Lalwa container e fer li bokou pli azour avek modernite ozordi Mr Speaker. Se sa komanter an zeneral mon ti ava kontan fer.  Mersi.

 

MR SPEAKER

Mersi Minis.  Bon nou’n ariv en pozisyon pou nou pran en desizyon, pou nou pran en vot lo Bidze pou Minister Lanvironnman Lenerzi ek Sanzman Klima pou en sonm R92.932milyon ki form par dan sa Schedule e i trouve lo paz 513 ziska 522. Mon ti a demann tou Manm ki an faver?

Okenn Manm ki kont?

Madanm Deputy Clerk?

 

MADAM DEPUTY CLERK

Mersi Mr Chair.  21 Manm an faver e personn kont.  Mersi.

 

MR SPEAKER

Mersi Madanm Deputy Clerk.  Bon savedir Bidze 2019 pou Minister Lanvironnman Lenerzi ek Sanzman Klima in ganny aprouvasyon Lasanble Nasyonal.  Bon nou pou fer en sel pou nou eskiz Minis and so on.  Mon a zis anons ki apre midi nou pou pran Departman pou Landscape and Waste Management Agency.  Minis pou prezan avek nou avek lekip sa Departman.  Mon ti a kontan remersi PS  Agricole, Direkter Zeneral Mrs Laure, Direkter pou Ladministrasyon Human Resource Ms Belle, Asistan Accountant Ms labonte e Project Officer Mr Jean Claude Labrosse.  Mersi bokou e nou pou pran Break nou pou retournen 1 er edmi zis pou donn SBC en pe letan an plis pou zot kapab catch up avek zot progranm.  So nou Break e nou repran nou travay 1.30.

 

(BREAK)

 

MR SPEAKER

Bon pou pran en desizyon pou mon adjourn Lasanble.  Akoz napa quorum.  Mon pou adjourn pou 15 minit si napa quorum.  Nou p[ou adjourn e nou repran nou travay Lendi.

 

(Due to lack of quorum the Sitting was adjourned for 15 minutes)

 

LANDSCAPE AND WASTE MANAGEMENT AGENCY

 

 

MR SPEAKER

Bonn apre midi tou Manm Onorab.  Bonn apre midi tou dimoun ki a lekout.  E bonn apre midi spesyal pou Minis Cosgrow ki  ankor la prezan ek nou. E osi tou pou lekip ki sorti kot Landscape and Waste Management Agency.

        Sa i Mr Flavien Joubert ki CEO, Mr Raoul Mangroo ki Deputy CEO, Ms Carine Bonnelame Financial Controller, E Mr Lenny Payet Konsiltan. Bonn apre midi e welcome parmi ou.  Nou ava konmans nou travay pou kestyon e klarifikasyon lo zot Bidze e mon ava ganny gidans PS Thésee avan lo ki part ki paz dan nou Schedule. 

 

PS DAMIEN THESEE

Mersi Mr Chair.  Nou a pran paz 528 pou Landscape and Waste Management Agency, pou en sonm R238. 788milyon. Mersi.

 

MR SPEAKER

Mersi PS.  Okenn Manm ki oule entervenir?  Onorab Ferrari.

 

HON JEAN-FRANCOIS FERRARI

Mr Speaker for pou nou avans en pe pli vit efektivman avek plis efikasite.  Mwan mon ti a dir pou en Head parey LWMA kekfwa sa i nou devret sa ki nou devret konmans avek se short prezantasyon lo bann non zis lo bann big heads ok?  E zot kapab dir Nou si zot in ogmante akoz in ogmante.  Konmsi with 10 minutes kekfwa i ava eklersi en kantite pwen.  That’s why the suggestion.

 

MR SPEAKER

Bon mon krwar sa i en Lazans ki preski tou Manm pou anvi demann kestyon.  So si nou pou donn ankor en 10 minutes nou konnen ki mannyer pou ale – Mon krwar lannen pase zot ti donn en pti pe lenformasyon lo zot travay e mon krwar nou ava al straight to questions.

Annou konmans avek Onorab Afif e mon ti a zis kontan ganny show of hands pou mon pran lezot.

Bon annou konmanse Onorab Afif.

 

HOM AHMED AFIF

Mersi Mr Chair.  Mr Chair mon ti a kontan demann Minis oubyen CEO vi ki laplipar son Bidze dan 239.225milyon i pou fer ‘goods and services’ e son Bidze i 10poursan konman en logmantasyon par lao 2018.  Si i kapab donn nou pou sak sa bann gro aktivite.  Parey netway semen, ranmas bin, netway bin, netway larivyer, e okenn lezot servis par egzanp lo landfill.

        Si i kapab dir nou pou sak Heading kwa ki’n ogmante e akoz?  Mersi.

 

MR SPEAKER

Mersi Onorab Afif.  CEO.

 

CEO MR FLAVIEN JOUBERT

Bonn apre midi Mr Chair.  Bonn apre midi bann Manm.  Bonn apre midi bann dimoun ki pe ekoute.

Pou sa kestyon sorti kot Onorab Afif, Mr Chair mon pou zis pas en pti pe lo bann pwen konsernan sa bann logmantasyon lo Bidze.

Pou konmanse anba ‘wages and salaries’ i annan en logmantasyon 2.9milyon e sa i annan pou fer avek recruit adisyonnel ki annan pou fer avek Scheme of Service.  E osi serten staff ki nou pe abzorb anba ‘service agreement.’

        I annan bann pti logmantasyon par egzanp 63 mil lo kote telefonn, 50mil lo kote adverts and donations.  En lot 46mil lo kote adverts and donations, e sa i annan pou fer ek de konponan progranm pou fer ek ledikasyon piblik.

Revers, channels and marshes i annan en rediksyon 1.002milyon, sa i annan pou fer avek bann sanzman ki’n arive re alinyman bann travay ant Lazans avek seksyon ki travay lo larivyer ek lanmar kot Minister.

Lo kote semen i annan en logmantasyon 2.691milyon lo kote semen.  , 2.691 milyon pou Praslin, 715 mil pou La Digue, sa i dan roads sa, road cleaning. 

Apre Mahé 30.113milyon logmantasyon pou semen Mahé.  Zis pou repete Mr Speaker 30milyon ogmantasyon pou bann semen lo Mahé, 2.6milyon 6.9 milyon ogmantasyon pou bann semen lo Praslin e 715mil ogmantasyon lo La Digue.

I annan en ogmantasyon i pa en logmantasyon i annan en sonm R890mil ki’n ganny azoute dan Bidze.  E sa i ganny servi pou fer fonksyonnen nou sistenm waste oil.  Sa sonm ti deza la, i ti anba Suspence Account.   

E anvi ki annan bann sanzman kot i konsern Suspence Account.  Depi konmansman sa lannen ki pe vini.  Sa sonm in ganny transfer dan Bidze pou nou fer son zesyon atraver nou bann Bidze regilye olye ki nou fer atraver Suspence Account.

I annan en rediksyon R19.935milyon e sa i konsern commercial waste.

Ti annan en demann dan lepase pou ki nou reget commercial waste e parey nou’n anonse, dan bann mwan ki’n pase.  LWMA pe vin avek bann nouvo lareg ki konsern commercial waste e dezormen LWMA pou nepli anmas pou nepli pey bann kontrakte r pou tir commercial waste plito bann kontrakter pou travay direkteman avek bann kliyan.  E nou pe vin avek bann lareg ki pou fer sorti pou nou kapab kontrol sa sistenm.

I annan en ogmantasyon R299milyon wi 2.949milyon pou maintenance services.  Maintenance services Mr Speaker Mr Chair i en laliny i dekrir – i pa dekrir maintenance ki nou fer lo batiman LWMA, i plito maintenance ki annan pou fer ek landfill maintenance.  E sa i annan ou fer avek konpasyon landfill.  So pou tou le 3 zil Mr Chair.

I annan en ogmantasyon 3.516milyon, ki anba progranm 3.  Zis pou repete petet mon pa ti fer kler nou annan 2 progranm kot Landscape and Waste Management ;

Progranm 1 i annan pou fer avek administrasyon.

Progranm 2 i annan pou fer avek Waste Management.

E progranm 3 i landscaping and beautification.

So anba progranm 3 i annan en ogmantasyon, 3.516 milyon e sa i annan pou fer avek bann nouvo proze, ki nou pe anvizaze fer, e osi ranplasman serten item par egzanp ban ; par egzanp nou annan bann fountains ki pe kout nou en kantite larzan.  Par egzanp bann extension landscaping dan rezyon Perseverance eksetera, bann nouvo landrwa ki pe ganny devlope.

Other service agreement’ i annan en rediksyon R252mil, ki pe sorti anba la e sa i annan pou fer avek bann staff ti lo service agreement e aprezan pou ganny abzorbe anba, nou payroll Lazans.

Public beaches, ok i annan en rediksyon 3.381milyon anba public beaches pou Praslin.  Sa i en sonm ki i annan pou fer avek reazisteman dan son scope of works, konpare avek Bidze ki nou ti’n deza prevwar pou 2018.

So scope of works pou lans apre nou ava en pe plis detay lo lans.  I annan en sanzman dan son scope of work pou kapab fit sa ceiling ki nou’n ganny donnen.  Alor i sanze par en négativité R3.381milyon.

I osi annan en rediksyon R62mil lo bin sites and bus shelters cleaning pou Praslin.  E sa osi i annan pou fer ek revizyon dan cost estimate. 

Koleksyon minisipal koleksyon salte minisipal pou Praslin, i annan en ogmantasyon 4.104milyon.  Landscape and beautification services Praslin sa i bann dimoun ki fer landscape obor semen i annan en rediksyon R740mil.  E sa, sa rediksyon i annan pou fer avek bann travay ki ti pe ganny fer anba ‘landscape’, ki aprezan pe ganny transfer anba ‘roads. ’ Savedir, sa bann travay i pou ganny rekonsidere anba en lot laliny Bidze.

Public beaches La Digue i annan en rediksyon R543mil ki sa i annan pou fer avek i osi en sanzman dan scope of work, pou netway lans lo sa zil.

Koleksyon salte lo La Digue, koleksyon salte minisipal lo La Digue, i annan en ogmantasyon 1.689milyon e sa ogmantasyon  i annan pou fer avek en revizyon dan  internal cost estimate.  Koleksyon salte lo sa zil.

Public beaches Mahe e i annan en rediksyon R2.479 milyon e sa osi i annan pou fer avek en sanzman dan scope of work pou public beaches. 

Bin site and bus shelter Mahé, i annan en rediksyon R94mil e sa osi i annan pou fer avek revizyon dan internal cost estimate. 

        Koleksyon salte koleksyon municipal lo Mahé i annan en ogmantasyon 2.9441milyon e sa i annan pou fer avek en ogmantasyon dan lakantite kontrakter ki nou pou annan pou koleksyon salte.  Parey zot konnen nou pou annan 7 kontrakter rezyonal ki pou fer ki pou aprezan fer salte lo Mahe.

Landscape and beautification services, anba progranm 3 i annan en rediksyon 3.233milyon e sa in ganny aziste pou nou kapab fit dan ceiling ki nou’n ganny donnen e par Finans.  Me selman i pa neseserman afekte kalite travay.

Local consultancy fees i annan en rediksyon R414mil dan nou consultancy fees pour sa lannen e sa i annan pou fer avek sanzman dan lakantite konsiltan ki nou sipoze pe servi kot Lazans, pou fer fonksyonnen Lazans.

Anba ‘acquisition of other machinery and equipment’ nou annan en ogmantasyon 1.5 milyon pou acquisition of bins.  Dan sa 2 Bidze ki’n pase nou’n ganny nou R500mil pou acquire bin dan bann – pou servi pou koleksyon salte.  Nou pe demann ankor 1.5milyon plis pou vin R2milyon pou satisfer bezwen lo kote bin.  Akoz R500 mil dan en lannen i pa ni menm kouver bann bin ki’n kase ouswa bann bin ki’n perdi.  Nou pe demann bokou plis pou ki nou kapab satisfer bezwen lo kote bin ek bann site, ki nou ti a kontan i ganny konstrir dan pei.

I annan en ogmantasyon R550mil anba acquisition and other machinery, e sa i annan pou fer avek en pti threader ki nou le aste pou nursery Praslin.

Praslin enn bann problenm ki nou gannyen se nou pa kapab supply li avek compost, e nou ganny en pe difikilte lo la e si nou kapab ganny en pti threader zot a kapab fer en pe compost lo kote nursery Praslin, e supply zot lekor supply bann dimoun ki pe fer landscaping lo sa zil.

Acquisition of irrigation equipment, nou annan en ogmantasyon R210mil e sa i annan pou fer ek sprinkles pou nursery, fountains, eksetera..

So sa i annan pou fer ek akizisyon nouvo lekipman.  Mersi Mr Chair.

 

MR SPEAKER

Mersi CEO.  Onorab Afif.

 

HOM AHMED AFIF

Mersi Mr Chair mon ti a kontan demann Mr Joubert si petet i kapab dir nou vi ki in annan en ogmantasyon dan sa Bidze. Parey nou tou dan distrik.  Eski nou pou vwar bin pe ganny ranmase pli souvan ?

En lot kestyon e semen netwaye pli souvan ?  Eski sa group i en kontrent lo ou?  Me selman bokou sa bann larepons ki ou’n donnen sirtou public beaches, e scope of works ou’n mansyonnen pou dir in redwir.  E vi ki nou en pei touristik,  eksplik nou rasyonnel par deryer redwir scope of works bann lans e redwir lakantite larzan ki nou pe mete dan sa Bidze pou netway bann lans.

E eski avek tou sa larzan ki nou pe met de kote 1% of GDP sa i reprezante, ou santi i en sonm ki zis dapre travay ki ou pou bezwen fer pou gard pei prop?

Mon pa pe rod sif la – mon pe gete si ou krwar pou dir sa sif ki la i pou donn sa dimoun deor dan sa distrik, ki tann konminyon pe vin netway bin, i pou i konnen pou dir i pou ganny sa servis sa lannen ki pe vini?  I pou meyer ki sa lannen?  E nou pa pou ganny bokou konplent konpare bann problenm ki nou’n rankontre sa lannen ? Mersi.

 

MR SPEAKER

Mersi Onorab.  CEO.

 

CEO MR FLAVIEN JOUBERT

Mersi Mr Chair.  Zis pou refer lo sa premye kestyon kot i konsern si louvraz i pli bon e si pou ganny plis dimoun pe perform sa bann aktivite dan bann distrik e partou dan pei?

Sa voyaz anba bann nouvo Kontra anba sa nouvo sa Bidze ki nou pe propoze la, i pou annan 308 Kontra.  Konpare avek apepre 250 i egziste konmela.

Par egzanp lo kote semen, nou vwar i bann kontrakter i annan serten ki annan bann bout semen ki tro long e zot ganny e zot pou ganny difikilte pou zot deal avek.   Nou’n redwir longer semen ki par egzanp i annan dimoun pe fer  nou’n redwir in ariv en maksimonm 4.5 ki dimoun i kapab vreman efektiv dan lafason ki zot deal avek semen.

So avek en longer pli kourt, e avek en dispersyon pli larz, akoz nou pe kouver bann nouvo semen ki pa ti pe kouver avan kot nou’n ganny en pe konplent dan lepase.

Nou espekte ki lo kote netway semen, nou pou kapab vwar en sanzman.  E osi i annan  si annan pou fer avek kalite monitoring – kalite monitoring – kalite verifikasyon ganny fer.  Me selman nou espekte avek pli bon distribisyon dimoun dan bann landrwa lo Mahé/ Praslin/ La Digue nou espekte vwar en pli bon travay ki pe ganny fer.

Lo kote lans, sa size la menm si nou’n dir nou’n sanze scope of work, e nou’n redwir nou Bidze letan ou pou get kantite lans nou’n selman ariv 55 Kontra Lans.

Par egzanp La Digue aktyelman nou annan 3 zis 3 bout later lans.  E si mon rapel byen lo La Digue nou pou annan 7 kontrakter ki pe netway lans lo La Digue.

So i annan serten sanzman ki nou pe fer, me selman nou pe dispers dimoun bokou plis e nou le ki annan pli bon kouvertir.

Ou a realize i lo Mahé, Praslin/La Digue i annan en kantite lans ki pa ti pe ganny kouver ditou.  So i pou annan serten sanzman.  Me mon ti a voudre re asir Lasanble osi ki bann lans prensipal, pou nou napa sanzman lo kote kontrakter prezan.

So i pa pou desann lo kote frekans.  Parske i annan serten lans prensipal k aktyelman pou ganny plis dimoun pou netwaye.

Par egzanp Cote D’Or la konmela mon krwar i annan zis en dimoun nou pou ganny 3 kontrakter lo lans Cote D’Or.  So i annan serten sanzman ki nou pe fer, me selman parey nou’n dir, nou osi bezwen balans nou Bidze dapre serten limit ki Finans i enpoz lo nou e nou bezwen sey travay within sa limit.

Byensir si nou vwar pou dir i annan problenm dan lefitir, nou pou bezwen aziste.  Me selman nou ase konfidan ki sa ki nou pe propoze i pou annan en bon kouvertir lo kote pei an antye.

 

MR SPEAKER

Mersi CEO.  Onorab Simon Gill.

 

HON SIMON GILL

Mersi Mr Speaker.  Bonn apre midi Mr Speaker.  Tou koleg Onorab bann apre midi.  Msye Minis ek ou delegasyon.

Mr Speaker mon ti ava zis demann Management LWMA si zot satisfe avek lafason i netwayaz an zeneral pe ganny fer dan Sesel an antye?  Son standar.

Az mon demann sa Sesel i get li konman en sanpyon,  gard nou lanvironnman nou pei prop.  Me ler mon konpar nou avek en pei kot pa tro lontan nou’n pase, konmsi mon ti ava swete ki nou kapab ariv lo sa standar.  I annan en sekre par ki sa kantite larzan ki nou pe depanse mon pa pe trouv li vreman sa standar.  E sa pei ki mon ti a voudre nou lo emulate fer konpetisyon, avek se Rwanda. 

In ganny mansyonnen isi dan sa Lasanble premye par Onorab Mondon –  ki nou ti ganny privilez pou ansanm Kigali – koman bann Manm Pan-African Parliament.  Mon ti ava voudre si i annan posibilite petet 1 dimoun – 2 dimoun, i ale i al sey rode, ki sa sekre ki Kigali – Rwanda i servi, pou kapab annan en nivo lapropte parfe si mon kapab met li koumsa.  E annou eseye.

Lot kestyon, bann transportasyon bann waste sorti IOT.  Eske i tonm anba Kontra ki zot manage?  E si wi ki nou pe fer pou nou kapab elev sa nivo standar transportasyon pou ki nou minimiz sa loder, or lefe ki sa i annan dan moman ki sa bann transportasyon pe ganny fer? Pou lemoman mon ava aret la sa de Mr Speaker.  Mersi.

 

MR SPEAKER

Mersi Onorab Gill. CEO.

 

CEO MR FLAVIEN JOUBERT

Mersi Mr Chair.  Mersi MNA.  Konsernan sa standar netwayaz dan pei  mon krwar i pou toultan en challenge pou nou kapab asire ki standar i ganny maintain.

        En bon pe landrwa ki oparavan pa ti tro annord, bann kontrakter in bezwen fer en bon pe zefor pou met keksoz annord.  Me selman parey nou pe dir toultan i annan  improvement i kapab ganny fer – i antann amelyorasyon pou fer.

Me selman Mr Chair, mon ti a kontan eksplik en pti pe lo kote netwayaz, ki bann kontrakter zot netway a en serten zistans avek sa semen.  ,

E bokou fwa pou donn en legzanp par egzanp nou’n ganny en konplent sorti kot bann dimoun La Digue, zot  dir zot vwar – menm si nou annan bann kontrakter zot vwar ki i annan improvement ki kapab ganny fer.

Me letan nou’n al get verifye nou’n vwar ki sa bann problenm i onm lo later prive an deor sa zistans, ki sa kontrakter i sipoze pe fer.

Alor nou annan en pe improvement – en pe amelyorasyon pou nou fer lo kote kontrakter byensir.  Me selman nou osi annan en bon pe zefor pou nou fer, lo bann later i bord avek semen ; par egzanp kot bann magazen ki bord avek semen.

En kantite landrwa kot nou kontrakte i netwaye me selman kot i annan bann magazen bann parking obor semen, nou ganny problenm e i pa neseserman annan letan dimoun i zize zot vwar poudir landrwa i sal.  Me i pa neseserman sa kontrakter ki pa fer son louvraz.   An gro nou annan bann landrwa ki annan problenm salte. ,

En legzanp se dan lavil e sa nou’n met a latansyon Lazans par egzanp –  NSC, si ou pou mars dan lavil, ou pou vwar ki a serten moman kot bann fence, depi kot school meal an desandan par egzanp, ou annan salte anba bann fence.  E nou kontrakter i netway antye sa pavement e i balye semen partou e sa bout i prop li kot i netwaye, me selman letan ou debout ou pou vwar salte.

So i annan en nesesite pou nou tou bann dimoun ki enplike dan netwayaz, e tou bann dimoun par egzanp ki bord avek bann landrwa piblik ouswa bann later prive, nou met zefor pou dimoun i fer son netwayaz lo son morso.  Sa i en keksoz mon krwar i enportan.

Lot keksoz ki nou ganny problenm avek se ki, nou pa ankor ariv sa nivo, kot Sesel nou bann piblik, i vreman konpran kantite depans ki nou pe fer e zot kontribisyon ki zot kapab fer dan sa zefor.

Mr Chair mon ava donn en legzanp; nou’n en case resaman semenn pase nou kontrakter highway, i pe netway obor highway obor Providence, en transpor in park obor li sa transpor i zet son bwat take-away – sa drayver i zet son bwat take-away ater obor sa kontrakter ki pe netway sa zour.

E letan sa kontrakter i koz avek li, sa dimoun i le lager ek sa kontrakter.  So nou menm nou, nou pa pe konpran vreman nou rol en kantite zefor, ki pe ganny fer par bann kontrakter pou vreman redres problenm, e met nou sityasyon annord.

En legzanp ki nou toultan servi, se ki pelet se nou pe dir ki landrwa pa toultan ki prop eksetera.  Me selman si nou kontrakter i aret travay pou en zour ou pou vwar kantite salte i ganny zete, e kantite grav ki sityasyon i vin grav si nou aret travay pou en zour.

Savedir bann kontrakter mon vwar zot pe fer en diferans.  Akoz si zot pa la pou en zour – de zour en sel kou ou vwar landrwa i vin sal partou.

Alor mon krwar zot pe fer en pe louvraz.  Nou pou bezwen ankouraz zot nou bezwen travay avek zot pou fer zot fer pli byen.  E nou osi vwar ki mannyer nou bann lezot dimoun ki sipoze partisip dan sa sistenm, ed nou annan en pei ki prop i osi fer en zefor dan sa direksyon.  .

Lo kote transportasyon Mr Chair, transportasyon salte sorti IOT, sa i bann Kontra prive.  So IOT i annan son Kontra prive avek bann diferan kontrakter.  E nou konnen i transpor bann slurge – par egzanp sorti kot bann sistenm  tretman.  I transport bann palet – bann materyo  e sa bann transportasyon normalman, anba Lalwa Proteksyon Lanvironnman, i merit kapab ganny Enforce act lo la.  E okenn lensidan i merit kapab deal avek anba bann Lalwa ki egziste.

So nou kapab fer li osi.  E letan nou annan bann call, par egzanp nou deal avek zot letan zot antre lo way bridge Providence, me tou bann dimoun ki lo semen, enkli nou zofisye, nou zofisye lanvironnman, enkli Zofisye Lapolis tou dimoun i merit kapab aret sa bann transpor e pran aksyon avek zot.  Akoz an prensip zot pa sipoze pe anmenn keksoz en fason, ki koz en nwizans ouswa ki koz en problenm pou lezot dimoun a longer semen.  Mersi.

 

MR SPEAKER

Mersi.  Onorab Simon Gill.

 

HON SIMON GILL

Mersi Mr Speaker.  Mr Speaker mon oule demann Minis si i krwar bann lezislasyon i zot annan i annord; si i krwar i annan landrwa kot zot bezwen fer amannman?

E parey si ou’n dir nou ki bann kontrakter pe travay, ou satisfe zot pe perform lo en standar rezonnab.  Byensir ki i annan lespas pou improvement.

        Now, si bann landrwa prive – bann magazen, kot i annan bann aktivite komersyal pe pase, eski dan Lalwa ki egziste zot annan ziridiksyon lo sa bann landrwa pou enforce e fer sir zot kapab match sa bann standar ki nou oule etabli dan nou pei koman en zil touristik, ki nou elev nou nivo lizyenn ek lapropte partou across the board.

        Now, mon dakor avek ou bomaten mon fek demann en kestyon – dan Bidze mon ti pe rode ki kote zot annan en progranm ledikasyon?  Akoz sa zafer i pa kapab arete sa! I bezwen kontinyen sistematik, metodik, pou ki nou kapab vreman fer lefe.

Mon pa vwar ki kote ki zot annan en progranm kot zot desann ziska lo nivo lekol; ki mannyer zot devlop sa sinerzi avek bann lezot lenstitisyon, pou ki nou kapab enkilke en fason fer – si mon kapab met li koumsa, letan konsern lapropte e standar lizyenn proteksyon lo lanvironnman e lasante partou.

So mon ava kit sa avek zot.  Mersi.

 

MR SPEAKER

Mersi.  Onorab Gill.  Minis.

 

MINISTER WALLACE COSGROW

Mersi Mr Chair.  Mersi Onorab. Onorab mon pou zis tourn en pti pe lo ou kestyon orizinal ki ou’n demann CEO. 

Ki mannyer nou kapab fer Sesel – lavil Victoria vi en pti pe parey Kigali?   Mon krwar i pou le fer sanzman latitid dan en kantite nou.  Sanzman latitid ; sanzman dan fason ki nou fer keksoz.  I zis konmsi enportan ou pas en kou lo bann lans Lendi bomaten ouswa tar dan dimans ouswa dan weekend, ou vwar lakantite salte ki dimoun i kite apre ki zot in fini en piknik.  Konmsi gran, gran dimoun – dimoun ki sipoze responsab – dimoun ki sipoze konmsi pran bann bon desizyon.

Me malerezman nou vwar ki apre en serten lanmizman nou perdi rezon, nou kit salte partou nou zet salte partou.  CEO in nonm lo highway kot in zet bwat take-away.  Mwan menm mon yer ler mon pe desann an desandan La Louise, en dimoun par devan mwan dan en pti pick-up i zet en boutey pet deor.

Konmsi nou ankor pe fer sa bann zafer.  Zot bezwen konsyansye nou lekor.  Nou bezwen kapab realize poudir sa i kout pei en kantite.  Bomaten mon’n dir ki out pei en kantite.  Nou vwar Bidze LWMA ki kantite i ete.

Lo size Lalwa mon krwar Lalwa i la.  Lalwa i la, me selman nou bezwen petet ranforsi li en pe plis.  Nou annan posibilite – nou annan pouvwar pou nou antre dan bann landrwa prive, kot i annan bann Lalwa ki’n ganny kase pou nou kapab fine sa bann dimoun.

I annan en kantite landrwa ki nou’n fer.  Dan Victoria i annan en kante landrwa ki nou’n pran sa bann lentervansyon – sirtou kot bann biznes prive.  Me selman louvraz i bokou, e challenge i bokou.

Mon ti a kontan zis tous ankor en pti pe lo sa zafer ledikasyon, nou annan en unit Onorab dan Minister, ki deal avek lenformasyon avek Ledikasyon.

E zisteman sa unit i liaise vreman pre avek Unit Lanvironnman kot Minister Ledikasyon, kot zot konport ansanm, pou anmenn ledikasyon lanvironnman dan bann lekol partou.  E nou fer en kantite louvraz.

Me it  so happen ki letan manrmay i kit lekol, zot al tonm dan lasosyete, diferan lezot landrwa i parfetman ki sa i disparet.

Petet nou bezwen ranforsi prezan sa ledikasyon from lekol dan lasosyete an zeneral.

Me selman i antann serten i annan en kantite ledikasyon i ganny ofer. Mersi.  ‘

 

MR SPEAKER

Mersi Minis.  Onorab Phillip Arissol.

 

HON PHILLIP ARISSOL

Mersi Mr Chair.  Eski CEO i kapab dir sa Lasanble, lekel ki responsab pou si i annan Kontra pou netway sa morso ant lans ek semen – sa teren  ki ant lans avek semen Anse Boileau?  Mersi.

 

MR SPEAKER

Mersi Onorab.  CEO. 

 

CEO MR FLAVIEN JOUBERT

Mersi Mr Chair.  Mersi MNA aktyelman la nou napa en dimoun ki pe fer li.  Me selman nou pe fer li anba bann one-off   delittering.  Me dan nouvo Kontra sa bann landrwa pou ganny kouver.  Sa bann nouvo Kontra ki pe vini la i sipoze ganny kouver dan bann lespas.  Mersi.

 

MR SPEAKER

Mersi CEO.  Onorab Lemiel.

 

HON SYLVANNE LEMIEL

Mersi Mr Speaker.  Bonn apre midi tou dimoun.  Mr Chair mon ti a kontan demann avek CEO si dan zot Bidze, zot pe fer provizyon akoz zot sipoze pe    tou landfill. 

        Zot annan enn Anse Royale.  Mon pe demande si zot  annan plan or i dan zot Bidze sa lannen ki pe vini, pou zot fence sa landrwa? Akoz mon krwar parey zot vwar, sa landrwa fence in toy desir, desire avek.

E dimoun i antre nenport nenport ki letan.  Mon ti demann sa lannen pase zot ti dir mwan non.

Me eski sa lannen ki pe vini, nou pou annan en larzan dan Bidze pou fence sa landrwa Anse Royale?

E apre osi sa pti store, mon ti pe gete si sa dimoun i ankor ladan oubyen si in sorti?  Mersi.

 

MR SPEAKER

Mersi Onorab.  CEO.

 

CEO MR FLAVIEN JOUBERT

Mersi Mr Chair.  Lannen pase lenformasyon ki mon’n gannyen se LWMA ti demann larzan, pou kapab ganny fer met en pe fencing.  E nou ti menm rod kontazyon zot pa ti ganny okenn provizyon Bidze pou fer sa.

Sa lannen ki pe vini, nou pou gete.  Depandan ki mannyer Bidze i ale.  Nou napa en alokasyon pou fencing la.   Me selman fencing e sekirite i en konsern pou nou pa zis Anse Royale me lezot landfill.

        E nou pou rod fason dan nou Bidze e pou nou get an mezir nou progrese lo lannen pou nou gete ki mannyer nou kapab fer li.

E sa pou enkli Anse Royale byensir.  Konsernan sa dimoun Anse Royale, wi nou’n zwenn avek li, e wi nou’n donn li en notis ki i sipoze terminen lafen sa lannen le 30 Desanm. Mersi.

 

MR SPEAKER

Mersi CEO.  Onorab Henrie.

 

HON GERVAIS HENRIE

Bonn apre midi Mr Chair.  Mon annan de pti kestyon.  Premyerman mon ti ava kontan zot fer en pti kalkil vitman pou mon pou bann zofisye zot menm dir, konbyen i pe kout – si nou popilasyon baze lo 95mil dimoun?

Konbyen i pe kout sak Seselwa par an zis pou nou kapab mentenir e manage sa sityasyon salte dan nou pei?  Sa i mon premye kestyon.  Mon le ki dimoun i konpran sa. E apresye sa.

Dezyenmman nou’n tann nou’n koz lo nouvo Kontra.  So baze lo nouvo Kontra mon kestyon i en pe parey mon ti demande bomaten ; eski i ava nou a tonm dakor, ki LWMA enn fwa ki bann nouvo Kontra in fini konfirmen zot sirkil sa lalis avek Lasanble Nasyonal, ki nou konman bann Manm Elekte, nou a konnen dan nou distrik lekel bann kwen lekel ki pe responsab e si zanmen i annan issue nou a kapab adres direkteman swa avek ladministrasyon distrik swa avek LWMA.

Me pli enportan avek sa bann Kontra fer zot menm parske nou ganny byen souvan sa bann sityasyon.  Si nou ti kapab tonm dakor lo la.  Mersi.

 

MR SPEAKER

Mersi Onorab Henrie. CEO.

 

CEO MR FLAVIEN JOUBERT

Ok mersi Mr Chair.  Kou par latet popilasyon i R2,513 par lannen pou manage salte.

E kot i konsern Kontra nou annan nou lalis la konmela e anba Access to information i kapab ganny sirkile.

Me selman nou lentansyon avek bann nouvo Kontra se ki, nou bezwen fer konnen bann zabitan lekel zot bann kontrakte ki pe travay lo zot rezyon.

E sa definitivman nou pou pibliye.  E toutfason Tender Board osi pou  fer sorti lalis pou zot konnen lekel ki’n gannyen dan diferan landrwa.  E nou, nou pou pibliye si bann distrik ouswa bann MNA i bezwen en kopi nou kapab fer zot gannyen.  Mersi.

 

MR SPEAKER

Mersi CEO.  Onorab Henrie.

 

HON GERVAIS HENRIE

Mon pe dir si i pare – si zot ti kapab anvoy kot Sekretarya ti ava sirkile ki nou kapab gannyen.  Mersi.

 

MR SPEAKER

Mersi.  CEO.

 

CEO MR FLAVIEN JOUBERT

Mersi Mr Chair.  si Onorab Henrie pe fer referans lo lalis aktyel, nou kapab fer zot gannyen.  Sa nou kapab fer Lasanble gannyen.  I pa  -i en lenformasyon ki nou annan.  By apre midi ouswa by Lendi nou kapab fer ou gannyen.

So selman apre nou nouvo lalis nou pou pibliy piblikman.  Mersi.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

Mersi Mr Chair.  Bonn apre midi Mr Chair.  Bonn apre midi Minis.  Lo nouvo Kontra nou ti a zis kontan ki CEO i dir sa Lasanble, kan ki sa bann dimoun i espekte sa Kontra i finalize lannen prosenn?  Apre i annan en konsern Praslin pou bann. Ler zot fini netwaye, annan serten landrwa kot bann salte i ganny kite.  E prezan i in konman bann ilegal dumping.

Mon krwar petet zot zofisye in deza met sa dan zot latansyon.

So nou pe demande k i sa osi zot zet en regar lo la, kot i annan serten pa tou en?  I annan serten par egzanp Baie Ste Anne i annan serten landrwa ki s ai ganny kit.  E apre Administrasyon Distrik i bezwen tire.  So nou pe me sa dan zot latansyon pou ki zot ava fer zot zofisye gete.

Apre la i fer 2an depi ler nou ti’n vizit landfill Praslin.  E sa letan nou ti met en demann pou ganny en spike machine ki pou kapab fonksyonnen lo sa landfill.

        Me la mon get dan Bidze 2019 mon pa vwar naryen ladan.  Eski petet zot kapab dir be ki pe arive ek sa?  Si i annan serten travay ki pe ganny fer lo la e kan ki nou espekte gannyen?  Mersi.

 

MR SPEAKER

Mersi Onorab.  CEO.

 

CEO MR FLAVIEN JOUBERT

Mersi Mr Chair.  Lo nouvo Kontra parey zot in konnen dan lannen ok nou’n vin devan Lasanble  ou reponn en kestyon pli boner konsernan Kontra –  LWMA in set son target pou ki by Out e nou’n fini fer sorti e fermen sa bann Kontra.  E nou’n arive fer sa nou’n arive meet sa target.

E Kontra pou koleksyon salte osi nou ti ferm tender an Septanm.  So nou prepar tou dokiman tou bann meeting in ganny fer, e tou bann keksoz in ganny konplete.

Apre sa LWMA i pas bann dokimantasyon avek Procurement Oversight e avek sa taks fors ki sipoze pe handle sa bann travay.

Nou konnen i annan serten retar dan kreasyon bann Komite. Par egzanp pou evalye bann tender.  E osi i annan serten retar dan kantite dimoun ti annan pou evalye bann tende,r pou fer sir pou verifye si i annord, si i compliant avek bann tender eksetera, eksetera, pou li kapab ganny met devan Tender Board. 

        So sa i enn bann keksoz ki nou okouran, me selman mon pou bezwen dir ek sa Lasanble ki, konman LWMA e Lazans ki ou resevwar sa bann Kontra finalman, nou pa oule enterfer tro bokou dan sa process.  Akoz sa process i en pe an deor nou Lazans.  Nou pa oule enterfer tro bokou ladan, akoz nou pa oule ganny vwar pe enfliyan lo lezot keksoz k annan pou fer ek tender. 

So Task Force, Procurement Oversight, sa i zot morso ki zot pe travay lo la.  E nou’n ganny diskisyon sa semenn ki’n pase avek bann dimoun Procurement Oversight e bann lenformasyon bann target ki nou pe vize, prenon kont sa retar ki’n arive, i ki bann premye notifikasyon konsernan tender konsernan Kontra i ganny fer Desanm sa lannen – milye Desanm preferableman.

Konfirmasyon lekel ki’n ganny Kontra i ganny fer Zanvye.      Akoz nou bezwen allow apre ki nou’n fer premye notifikasyon i annan en peryod i kapab annan en appeal kot i kapab annan kontestasyon eksetera.

Alor konfirmasyon final nou pe targete – e letan nou koz  ek POU sa ki zot dir nou,  ki i ganny fer Zanvye.

Apre sa nou bezwen donn en mwan notis  bann kontrakter k i deza lo site.  Nou pe targete ki nou donn en mwan notis bann kontrakter ki lo site dan mwan Fevriye 2019.  E nou target se ki bann nouvo dimoun i antre lo site le premye Mars 2019.  Sa i nou target Mr Chair.

Kot i konsern bann keksoz ki bann kontrakter i kit lo site, si i annan pou fer kontrakter landscaping, transpor LWMA i sipoze pase ranmas tou bann debri ki kontrakter ki letan zot pe travay lo Praslin.

E sa i en laranzman ki la en bon pe letan.  So kontrakter landscaping pa sipoze kit nanryen deryer – sipoze notifye nou zofisye.  E sa bann materyo i  ganny anmennen kot landrwa ki zet salte.

Bann kontrakter ki fer semen – normalman zot sipoze ranmas zot bann litter; savedir zot bann pti plastik zot bann ti salte ki dimoun i zete – boutey eksetera.  E sa zot met dan n piblik.

Me selman apre si i annan i okenn lezot salte ki zot in anmase zot sipoze, fer laranzman pou zete dan landrwa zet salte.  E si i annan problenm zot sipoze notifye zot zofisye.

Mr Onorab Gill in dir nou ki nou bann zofisye in dir nou ki zot in notifye nou konmkwa bann problenm pe arive.  Mon propozisyon MNA se ki i devwar en zofisye se pou li fer tire si i vwar salte.  I pa kapab nin notifye MWAN lo Mahe pou mwan vin Praslin pou mwan vin get en ta salte pou fer tire.

So mon krwar i annan en keksoz ki nou bezwen aranze byensir.  Me selman notifye mwan konmkwa i annan salte obor semen Praslin, i pa pou rezourd problenm.  Mon krwar zofisye i bezwen pran zot responsabilite e tir salte – fer salte ganny fer tire.  Apre bann lareg ki deza egziste kot i konsern tir salte.

Kot i konsern landfill Praslin Mr Chair spike wheel nou napa en alokasyon pou spike wheel.  Me selman parey bann  MNA ek piblik in kapab vwar, nou pe al pibliye mon krwar depi sa semenn ki’n pase la.  Nou fek pibliye en notis  pou konpaksyon landfill.

E ki nou pe fer se ki nou pe envit dimoun ki annan gro masin dimoun ki annan kapasite pou fer louvraz, pou vin prezan zot bann lenformasyon, pou ki nou kree  e lalis dimoun apre ki nou pou al rod kotasyon avek zot pou nou fer konpasyon landfill.

So an prensip lapros ki nou pe pran ek byensir Lagreman Minister Finans ek nou Minister, se ki nou contract-out sa bann travay. Nou pa propriyeter en spike wheel me plito nou contract-out sa bann servis.  I annan dimoun ki annan sa groser masin.  I annan dimoun ki pare pou ekip zot masin pou fer sa bann louvraz e alor nou fer sa process ki en kontrakter pou  Mahé – en kontrakter pou Praslin – en kontrakter pou La Digue, se zot ki fer konpasyon lo landfill anba direksyon Lazans.  Mersi Mr Chair.

 

MR SPEAKER

Mersi CEO.  Onorab Churchill Gill.

 

HON CHURCHILL GILL

Mr Chair zis en pti kalifikasyon mon’n dir avek CEO mon pe met dan son latansyon pou ki i a kapab enform zot zofisye – pa the other way round.  Mersi.

 

MR SPEAKER

Mersi Onorab Gill.  Onorab Wavel Woodcock.

 

HON WAVEL WOODCOCK

Mersi Mr Speaker.  Mr Speaker zis pou follow-up en pti pe lo kestyon ki Onorab Gill in demande, akoz mon kestyon dan laliny k in demande.

Regardant landfill management.  Vizit ki nou ti fer laba lannen pase sa letan Mr Vielle ki ti CEO.  Zot ti dir poudir zot pou fer e travay pou fence sa  … me selman nou ti fer maybe 1an pase non.  Two years ago, sorry.   2 an pase – zot ti dir zot pou fer – zot pou fence sa landfill Amitie akoz ti annan bann scavengers avek bann lisyen eran ki ti pe rantre lo sa landfill e ki  ti pe koz en pe dezord.

Alor ki zot in met dan sa Bidze pou fence sa landrwa, pou zot sekirite sa landrwa en pti pe pli byen?

Apre kot i konsern – ou’n mansyonnen poudir zot in met tender pou bann dimoun ki annan bann masin – bann compactors – bann masin pou compactors pou compact sa landrwa, akoz i enn bann problenm se ki nou ti ganny dir pou dir son lifespan i ase kout.  Si zot pa fer bann legzersis  si zot pa rod bann lekipman pou compact sa landrwa en pti pe pli byen.

E en keksoz ki nou ti ganny dir osi ki byento ti pou annan en task force ki ti pou ganny set up, on top of sa Tender Board.  Konmsi i pa zis Tender Board ki pou determinen lekel bann dimoun ki ganny Kontra pou fer tir salte or dan sa ka osi pou manage landfill.

Alors mon ti a kontan konn en pe detay sirtou lo sa Task Force ki pe ganny set-up pou Inner Island?  Lenformasyon  ki mon gannyen se si ou annan en Task Force pou Inner Island, ki pou determinen lekel bann dimoun ki ganny Kontra. Mon ti a kontan ganny en pti pe plis  detay lo sa Task Force.  Lekel bann dimoun  ki lo la? Akoz ki pou Inner Island i en pti pe pli diferan avek bann Kontra ki ganny awarded lo Mahé?  Mersi.

 

MR SPEAKER

Mersi Onorab.  CEO. 

 

CEO MR FLAVIEN JOUBERT

Mersi Mr Chair.  Lo kote fencing dan nou propozisyon Bidze ki nou diskit avek Minister Finans ti annan fencing pou bann landfill.  E sa i tonm anba PSIP. 

Me selman malerezman nou ceiling ki’n ganny set, e sa bann ogmantasyon ki nou annan lo lezot landrwa i parey ou vwar lo kote Kontra, i fer ki nou pa’n gannyen sa bann alokasyon PSIP.

        Me selman lo kote landfill, zis pou klarifye enn bann keksoz ki nou pou ki kler avek landfill Praslin – landfill Amitie ki sa landfill in agrandi e in okip serten lespas ki idealman i pa devret pe okipe.  Par egzanp kot i annan en pe lanmar idealman i pa merit ariv la akoz kontaminasyon akoz bann problenm ki kapab koze avek moustik eksetera, eksetera.

Alor avan nou konsider konpletman, anferm sa landfill ki i enn bann target ki nou oule fe l -i menm si nou napa en lokasyon.  Nou pou bezwen gete ki mannyer nou Bidze i ete, e sirtou la avek nouvo sistenm salte e bann nouvo Kontra.

Enn bann keksoz ki nou ti ava’n oule fer avan nou fence sa landfill se defini byen kler son boundary; defini byen kler kot i pou arive, e contain li avek bann bordaz.  Par egzanp bann bin petet zot kapab fer li avek bann materyo ki nou gannyen lanmenm la lo site.

        E defini sa border e apre letan nou fini defini byen kler kot sa landfill i ete kot i fini, kot  i konmanse, e la prezan nou ava konmans get sa bout fencing. 

Me selman toutfason kot i  vir avek runway kote kot devan kot dimoun i antre definitivman sa nou pou rod en fason pli vit posib, pou nou kapab rod en fason pou kontrol larantre.  Akoz vre nou annan bann mouvman ki pa neseserman kontrole serten fwa.  E nou ti a voudre ki i annan en pli bon kontrol lo larantre sa landfill.

        Lo kote Task Force Mr Chair MNA Woodcock in demann kestyon lo sa Task Force pou Inner Islands mon pa annan detay lo ki sa deklarasyon konsernan Task Force Inner Islands.

Me selman sa ki mon konpran se ki, ti pou annan en group ekivalan ek sa bann ki fer lo en baz zeneral tou bann kategori Kontra.  Pou annan en group spesifikman lo kategori 1,2, 3, 4, me selman pou Praslin ek La Digue.  E sa ki mon konnen se sa group pe ganny kree anba direksyon Procurement Oversight.  E letan nou a retourn dan biro nou ava kapab anvoy lalis sa bann dimoun ki lo sa group, e lekel ki’n ganny nominen lo kote Praslin/La Digue.  Mersi.

 

MR SPEAKER

Mersi CEO.  Onorab Esparon.

 

HON REGINA ESPARON

Mersi Mr Chair.  Mr Chair mon ti a kontan port latansyon CEO lo paz 528 anba ‘current challenges’ zot in fer resorti ki i annan overflow of certain bins epi bann bulk ek bann waste metal,  ki zot pe ganny difikilte avek.

Mon ti ava kontan demann li si anba sa Bidze i annan larzan an plis ki’n ganny mete, pou ki sa legzersis tir bann metal waste ek bann bulk  i ganny fer en pe pli souvan, olye ki nou esper tou-le-z-an Zournen Clean Up The World pou fer li ki a fer ki i ava annan  en pe pli regilye en progranm pli regilye pou  tir salte in bulk, ek sa bann waste  metal e nou pa bezwen fer li fer zis Clean Up The World pou fer sa.

Dezyenmman anba ‘local consultancy’ CEO ou’n dir ek mon ou’n dir ek nou pou dir i annan en rediksyon.  Me parkont i annan 3 heads la 121 mil – 780mil – 77mil dan detay.

Mon ti a kontan ou eksplik nou ou bann konsiltan ki zot anploye. Eski li i lo en Kontra pou en serten peryod letan apre i ale?  Parske mon’n ganny fer konpran ki i annan konsiltan ki la parey en travayer permanan years and years – i la kot LWMA. 

        Lo kote bin site, eski zot annan say kote bann bin site i ganny plase dan distrik?   Mon konnen zot fer netwayaz.  Parski i annan serten bin site dan distrik ki’n ganny plase ki parfwa i poz lenkonvenyans pou trafik li menm, letan konmisyon STAR i vin tire.

Epi i annan parey CEO les dir pran parey sa bin site kot Sunset.  Sunset Hotel, mon pa konnen si zot pe commercial waste ladan, avek waste domestic ansanm me selman souvandfwa letan ou pas la ou vwar sa bin site i plen, e i kree bokou lenkonvenyan parski i obor en bus stop pou bann dimoun ki servi sa bus stop dan bomaten la si i plen.  E i osi kree lenkonvenyans loder pou bann dimoun ki reste par lao si sa bin pa ganny tire regilyerman.  Mon pa konnen si zot kapab regard sa.  E si zot annan en ki plas bann bin site.

Epi lo kote ledikasyon li menm, bann progranm ledikasyon nou pe koze  pou edik nou pep.   Be nou bezwen annan serten progranm ledikasyon, pou kapab sansibiliz nou pep lo ki mannyer pou pli bon fason dispose nou bann waste.  Mersi.

 

MR SPEAKER

Mersi Onorab Esparon.  CEO.

 

CEO MR FLAVIEN JOUBERT

Mersi Mr Chair.  E mersi MNA pou ou kestyon.  Mr Chair kot  konsern ‘current challenges’ lo premye bullet point paz 528 sa size konsernan overflow of bin sites, avek bulky municipal and metal waste, i annan pou fer avek lefe, ki pa tou nou bann  bin site ki apropriye – pa tou kapasite.  Me i osi i annan pou fer avek lafason ki nou tir salte.

Dan bann nouvo Kontra nou pe – i deza dan bann kondisyon Kontra.  Dan bann nouvo Kontra nou sipoze annan en koleksyon tou le semenn.  Pou bulky waste tou le semenn.  En fwa tou le semenn.

Savedir sa bann kontrakter ki pe provide servis, lo sak mwan zot sipoze pe viz en bin site, 4 fwa pou tir sa bann keksoz – sa bann debri.  Konpare avek en fwa tou le mwan konmela.

So nou pe espekte ki nou pou annan en amelyorasyon lo sa kote. E ki letan Clean Up The World i vini, nou ava annan mwens sa bann debri ki ganny akimile obor semen.

Me selman parey ou pe dir i enportan ki nou bann dimoun i konpran osi, ki ou pa kapab met tou keksoz lo tou semen toulezour.  Fodre nou konpran sa.  I kree en problenm – i kree en move lenpresyon, letan ou pase dan bann transpor.  E mon krwar sa osi fodre nou fer sorti lenformasyon. Apre mon ava al lo la en pti pe.

Lo ‘local consultancy’ wi sa i en komanter ki en keksoz ki mon’n okouran letan mon’n vin kot LWMA.   Le 28 Zen Mr Chair nou ti zwenn avek DPA, e nou ti diskit e zot ti fer en odit nou bann employees ki annan kot LWMA – nou nominal role e nou’n travay serten pwen pou nou fer sanzman kot LWMA. 

        E aktyelman la nou fek fini fer sa bout ki nou’n vwar dan Bidze se abzorbsyon bann dimoun ki lo service agreement ki lontan zot la.  E sa nou pe fer.

Apre lot pwen  ki reste nou pou adrese avan lafen lannen, se konsiltan ki la an permanans e konsey ki DPA in donn nou, se ki nou rod en fason atraver nou striktir, akoz nou anvi gard sa konsiltan – menm si i la an permanan en bon pe letan.  Nou ti a kontan gard konsiltan konman enn en dimoun pou ed nou fer nou bann travay, akoz  in montre pou dir nou kapab fer progre avek sa dimoun an partikilye.

E alor DPA letan nou’n koz avek zot se, rod en fason pou nou entegre sa Kontra dan nou sistenm e dan nou striktir regilye LWMA, olye ki annan en konsiltan deor ki toultan reste la e pa zanmen fini avek en Kontra.  So sa i en keksoz ki nou le fer avan lafen Desanm sa lannen.

Kot i konsern bin site dan distrik wi bin site Sunset k lezot bin site dan distrik nou rekonnet poudir sa i en problenm. E letan nou met dan nou strategy priorities ou pou vwar ki enn nou bann target se  nou ti a kontan amelyor nou bann pwen i resevwar salte n term son kalite striktir ki nou pe servi.  I annan bin site – en  bon pe bin site napa  lespas pou  contain gren waste – bulky waste.  I zis ganny large la ater.  I napa kouvertir.  E delo i antre dan salte i kree en problenm.  I napa ase lespas e alor letan nou met adisyonnel bin – bin i al an deor dimoun i pase i pran.

So i annan en kantite keksoz ki nou ti a voudre fer.  Me selman en keksoz ki mon krwar i enportan note, se ki LWMA p deside kot pou met bin site dan distrik.  Se Gouvernman Lokal ki annan Bidze pou konstri bin site.  LWMA i senpleman fer sir ki i annan bin dan sa bin site.

Me selman nou enn nou bann target parey nou dir atraver nou priyorite stratezik, se nou ti a kontan zwenn avek bann distrik.  Nou ti ma kontan zwenn avek bann Konsey Rezyonal e idantifye vreman ki bezwen ki annan dan sak kominote.  Ki bann konsantrasyon popilasyon  ki annan dan diferan parti Mahé/ Praslin/La Digue e ki zot bann bezwen an term bin.

I annan en kalkil senp ki nou kapab fer lo kote konbyen bin ou bezwen pou konbyen dimoun.

Me nou ti a kontan fer sa legzersis avek tou bann Konsey Rezyonal ek tou bann distrik pou nou vreman konnen akoz ? Ki ou pe get la ki ou pe vwar la konmela se ki distribisyon bin i pa relye avek distribisyon bin i pa relye  distribisyon popilasyon.  I annan pou fer avek lokazyon ki’n gannyen dan lepase pou met bin, pou plas bin, me selman i pa vreman reflekte bezwen aktyel.

So i en keksoz ki bezwen ganny improve.  E i en keksoz ki nou’n set serten target pou nou demar en travay avek Gouvernman Lokal pou nou amelyore.  Nou’n deza fer premye diskisyon avek PS Vidot, e nou pe al bouz devan pou nou fer lezot amelyorasyon.  Me selman Konsey Rezyonal osi nou ti a kontan zwenn avek zot akoz zot osi travay  lo bann plan lonterm pou bann distrik.

So nou ti a kontan osi ganny zot lopinyon e zot langazman lo sa pwen.

Ok. Komersyal ; salte komersyal dan bin piblik – wi salte komersyal parey nou dir nou pe sorti en bon pe dan sa salte komersyal.  E mon krwar i en rekomandasyon sorti kot Lasanble dan lepase.

Me selman keksoz komersyal ki pa ankor egziste la konmela, e ki nou pe fer mannyer pou nou met li an plas by konmansman lannen prosen, se en lareg ki konsern commercial waste.

        En antite ki fer aktivite komersyal, i bezwen annan en Kontra ki kapab konfyan avek nou pou dir i annan en Kontra e nou kapab verifye pou dir salte pe vreman ariv o landfill. 

Konmela ki arive, se en dimoun i pa en Kontra avek LWMA, ouswa i pa pey son Kontra, nou senpleman dir li mon pe cancel ou Kontra nou anvoy en kopi sa let kot Licensing. E ki ariv se sa dimoun trankilman i arete, i  kontinyen met salte dan bin piblik.

So nou bezwen sanz en pe sa sistenm, e vin avek en morso Regilasyon ki fer ki en dimoun i oblize.  Letan mon vin vizit kot ou kekfwa Licensing i vin vizit ou, ou oblize annan san kwa ou pou fer fas avek penalti.  Akoz ou napa en – ou pa kapab konfirmen – ou napa en lenformasyon ki konfirmen ki ou annan en Kontra komersyal ; ou pa kapab konfirm mannyer ou salte pe ariv kot landrwa zet salte.

Kot i konsern ledikasyon Mr Chair, parey mon ti lir pli boner letan ti pe fer en summary nou Bidze, nou annan d logmantasyon ptipti me selman ki pa ti la avan,  ki nou ti le azoute dan Bidze.  I annan R50mil anba  adverts and donation apre R45mil anba adverts and donation de diferan laliny pou adverts and donation.  

E keksoz ki nou le fer anba la i annan de keksoz.  Enn se ki nou le pibliye len formasyon pou piblik lo bann laranzman.  Akoz en keksoz ki nou realize isi – I mean dan nou sistenm se ki nou pa pe enform dimoun ki kalite laranzman  ki annan pou tir salte, e kalite laranzman ki annan pou Kontra.

Zot bezwen fer sorti bann lenformasyon enprimen, pou dir ou dan ou rezyon, i annan sa kontrakter i pas tel, tel zour.  E ou kapab met tel diferan salte obor semen tel ler, e sa bann dat swivan ; i sipoze pas kot sa bann bin site e ou kapab met ou fridge deor swa tel, tel  salte.

So sa i en konponan ki nou oule fer.  So nou bezwen kapab donn lenformasyon dimoun, lo Kontra ek lo bann bann servis ki pe ganny donnen

Lot morso i annan pou fer avek ledikasyon zeneral, kot pou bezwen aviz dimoun lo bann danze, lo bann keksoz ki zot kapab fer pou zot kontribye dan sa sistenm.  Akoz nou bezwen kontribisyon tou dimoun.

Parey zot a remarke dan letan Clean Up The World nou’n prepar en pti Logo nou’n lans en pti konpanny, nou’n fer en paz Facebook nou apel li ‘Lapropte i nou Responsabilite’ e nou ti a voudre anmenn sa pli devan anmenn sa lapopilasyon, e donn dimoun sa sans osi pou zot partisip dans a sistenm e fer li amelyore.

E zis pou enform Lasanble ki depi 2018, nou ti napa.  Me la 2018 Lazans i annan en public relation officer.  E sa zofisye li son louvraz se fer sir ki nou bann progranm i marse e ki nou fer sorti bann keksoz.

La pou lemoman avek bann tender ki’n pase, nou’n focus for lo advertising par egzanp. E nou ankor lenformasyon ki pe sorti la, pou bann tender ki deza ankour.  Me an mezir nou bouze e lannen i sanze nou le al plis lo anver piblik e plis keksoz ki ankouraz dimoun pou vreman fer diferans lo kote salte.

E osi nou annan en hotline kot LWMA – petet nou pa pe pibliy li ase, me selman nou’n pibliy enn de fwa.  I 282.22.600 e dimoun i kapab donn nou lenformasyon.  Akoz nou ti a kontan ganny lenformasyon lo performans. Par egzanp koleksyon salte.  Kan salte pa ganny kolekte i enportan pou nou konnen byen boner.

Letan kontrakter pa fer son louvraz, i enportan pou dir nou.  Vre zofisye i sipoze pase, me selman en bon pe ka kot ou kapab manke, ouswa i pa ankor ariv dan sa landrwa, me i annan en problenm. E i enportan ki nou kapab ganny byen sa lenformasyon.  Mersi.

 

MR SPEAKER

Mersi CEO.  Onorab Esparon.

 

HON REGINA ESPARON

Mersi Mr Chair.  Zis en pti klarifikasyon, pour mwan demann CEO, lo kote ledikasyon mon konnen pou dir i annan serten landrwa parey lo Airport zot in konmans fer zot bann classification of waste.

        Eski sa osi i dan zot progranm lonterm, pou ankouraze ki annan classification of waste, pou fer zot louvraz en pe pli fasil?  Mersi.

 

MR SPEAKER

Mersi Onorab.  CEO.  Minis.

 

MINISTER WALLACE COSGROW

Mersi Chairman en pti bout sa kestyon apre si CEO i anvi i ava azoute.

Onorab sa issue klasifikasyon salte i enn ki avek nou en bon pe letan en?  Annefe dan nou nouvo Polisi ki nou le met an plas Waste Solid Waste Management Policy i part of bann stratezi si oule ki nou anvi konmans anmennen.

Me selman i pa fasil, akoz  i tout en ledikasyon, ki nou bezwen anmennen ver nou popilasyon pou zot kapab pou nou kapab abitye ek sa practise klasifikasyon salte   Me selman i en keksoz ki nou anvi anmennen – Minister atraver nou  bann Polisi dan lefitir.  Mon pa konnen si CEO i anvi elabor lo la.

 

MR SPEAKER

Mersi.  CEO fer li bref.

 

CEO MR FLAVIEN JOUBERT

Mersi Mr Chair.  Mon ti a voudre azout en keksoz ki mon krwar i reflekte lo Bidze, me petet mon pa’n koz lo la ase byen, ouswa pa’n koz lo la ditou Mr Chair.

Enn bann keksoz – nou pe mazinen ki mannyer nou kapab anmenn dimoun pou fer sa sistenm kalifikasyon salte?  I annan responsabilite endividyel.

Dan nou alokasyon bin ki mon’n dir zot i R2 milyon ki nou pe demande pou 2019, nou anvi konmans en proze pilot.  E sa    nou’n diskit ek Gouvernman Lokal e sa nou pe servi li konman en pwen larantre.  Nou oule konmans en proze pilot, avek Perseverance senpleman akoz Perseverance i byen organize – tou bann lakaz in gannyen set up – i  annord.  E nou pe deza ganny problenm avek bin site lo Perseverance.

Mon ti a voudre konmans en proze pilot an 2019 –  koleksyon endividyel, kot sak lakaz i annan son bin ; i annan son ler ki son bin in ganny met deor ; i annan son ler ki son bann bulky waste ek son gro salte i ganny kolekte.  Par egzanp tou le weekend ou kapab en legzanp parey.

E nou konmans avek koleksyon endividyel ek disiplin dimoun lo kote koleksyon, e apre an mezir nou al nou devlop sa proze ki ou le expand li atraver bann estate par egzanp.  

Nou annan plizyer estate ki’n deza ganny konstri Sesel kot ou annan dimoun, ki dan  en sel lespas ase pros, kot nou kapab fer bann sistenm parey.  E an mezir ki nou devlope, la prezan, nou konmans anmenn en lot morso, kot zot kapab kolekte en kalite salte en zour, en kalite salte en lot zour. E Ouswa ou kapab sanz bin.   Ou kapab annan diferan kouler bin eksetera, eksetera.

So sa i enn nou bann target.  Dan sa 2 milyon ki nou pe demande bin, nou ti le pran en morso pou nou aste en pe bin, pli pti pou fer en proze pilot kolekte endividyel lo kote Perseverance.  Sa nou ti anonse dan meeting rezyonal Perseverance.

Apre osi Mr Chair, an vi ki nou pe koz lo bann salte – bulky waste  ek bann salte ki i annan pou fer ek Clean Up The World, i annan en  procurement ki nou pe fer.  E sa i annan pou fer ek en desizyon ki sorti anba en progranm anba en desizyon Cabinet ki relye avek en Plan 5an ki Minister ti’n deza prepare.

Ki nou pe fer, se nou pe aste en waste pressure.  En bon groser masin ki kapab deal avek nou bann gro salte.  Menm si nou pou  kolekte bann gro salte dan bann diferan landrwa Mahé/Praslin/La Digue nou problenm ki nou annan ozordi, se ki nou pe kree nou pe pli anpli ankonbre e nou pe bloke.  Ou pe bloke lo kote Providence nou pe bloke Praslin nou pe bloke lo kote La Digue.

Ki nou le  fer se servi sa pressure e letan nou’n get spesifikasyon, nou’n koz avek sa supplier, sa dimoun i vin Sesel eksetera, eksetera e nou’n ganny permisyon pou fer direct bid ek tou bann detay.

Sa pressure nou pe servi li pou nou process tou bann gro salte ki pe ankonbre landfill pou nou kapab eklersi lespas, ki nou kapab annan en pli bon koleksyon e en pli bon management sa bann kalite salte.  E i pou ganny servi pou scrap  metal –  i pou ganny servi pou bulky waste i pou ganny servi pou green waste, e  i pou ganny servi pou larou.

So, i en masin ki nou pou kapab servi pou nou kree valer.  Apre bann popilater, bann eksporte eksetera, bann dimoun ki dan feray – ouswa ki dan lezot materyo i kapab ganny pran -vann.

Me osi i kapab ed nou dezankonbre en kantite sa bann problenm ki nou annan.  Tir en bon pe sa bann problenm ki nou pe gannyen dan bann  diferan landrwa.

Legzanp La Digue konmela nou tir tou sa bann metals ki devan landfill, nou’n stack li apar avek Lagreman L’Union Estate e nou pe esper epou fer li desann.

Me letan nou pou fer li desann, ki nou pou fer avek Mahé, i pou kree en pli gro problenm Mahé.  So nou le ki anmezir ki nou devlop nou sistenm koleksyon, nou osi kree bann deboursman ki nou pa ankonbre nou lekor lo kote landfill.  Mersi Mr Speaker.

 

MR SPEAKER

Mersi CEO.  Onorab Egbert Aglae.

 

HON EGBERT AGLAE

Mersi Mr Chair.  Bonn apre midi Minis CEO ek ou delegasyon.  Mon premye kestyon i konsern bann additional contract ki pou pare dapre konpran an Mars.

Premyerman mon ti  a kontan zis ganny en sif, vi ki pou annan 58 adisyonnel ki oparavan CEO ki ti la avan, dapre konpran ler zot ti shortlisted ti pou annan 400 ekek Kontra.  La ou dir ou i annan 308.  Petet ki travay adisyonnel ki zot in fer ki zot in tonm lo sa 308 ok?

        Eski – mon 2enm kestyon la eski sa 308 Kontra ki pe ganny donnen la ki pou ganny donnen la – i pou kouver tou sa bnn demann ki distrik ti pe demande pou  sa bann additional road?  Ok?

         E mon dernyen kestyon i konsern lo lenterferans, ki ou’n fer resorti kot sa Board ou’n dir LWMA pe distans li avek bann desizyon ki sa Board i fer.

Me ler i annan serten issue ki ganny leve, se LWMA ki bezwen al tenny dife.  Si ou kapab eksplik mon en pti git ki mannyer zot pou fonksyonnen; kot ler i annan bann kontrakter ki pa pe swiv norm ek regilasyon anba zot Kontra ok?

E permet mwan dernyen- dernyen kestyon, i annan serten konsern, eski anba sa Bidze i annan serten kontrakter ki sipoze vin fer serten travay ki sipoze ganny back pay, eski zot pe ganny back pay anba sa Bidze ki zot pou travay ki zot in fer?  Mersi.

 

MR SPEAKER

Mersi Onorab.  CEO.  ‘

 

CEO MR FLAVIEN JOUBERT

Mersi Mr Chair.  Mersi MNA.  Cleaning contracts aktyelman mon’n dir i annan 308 Kontra sa 308 Kontra pou LWMA.  Me selman ou a realize ki annan kategori 1,2,3,4.  E i annan kategori en kategori ki pou fer avek lekol netwayaz lekol ek netwayaz bann sant lasante.

So 308 pou LWMA me selman i annan 400 ekek Kontra an antye.  Kot i konsern bann semen eski sa bann nouvo Kontra pou kouver tou semen? Nou pe swet ki i kouver e nou ti zwenn avek bann DAs si mon rapel byen en bon pe zot bann DAs ki ti anba Ocean Gate House e letan nou ti pe defini dokiman tender e nou ti ganny diskisyon avek zot pou asire ki zot verifye sa bann lalis semen  ki nou’n met ladan e ki nou korek lo kot bann distrik  pou fer sir ki nou fer maksimonm kouvertir.

Alor mon rezimen ki bann DAs, tou sa bann lenformasyon ki zot donn ou i korek.   Me selman i toultan annan nouvo semen ki ganny konstri – toultan annan bann pti morso, bann pti adisyon ki nou bezwen aziste e sa nou bezwen fer li lo en fason lo en baz kontinyel – operasyonnel.

Ou’n demann mwan konsernan – ou’n dir LWMA – wi mon’n fer statement mon’n dir LWMA en distans li avek bann ,desizyon lo sa Board evalyasyon.

Byensir nou pa oule ganny vwar pe partisip dan en evalyasyon, e pe lenfliyans desizyon kot i konsern, evalyasyon.

Me selman letan kontrakter – letan desizyon in fini ganny fer, e lalis Kontra in fini ganny prodwir i ganny pibliye, LWMA i  pran tousala li.  se li ki administre lalis Kontra.

Alor nou distans nou lekor lo staz evalyasyon.  Me selman enn fwa ki’n fini konplete, nou ki pran.  E nou ki responsab kontrakter e pou pran aksyon avek kontrakter letan i pa perform.  Par egzanp se nou ki bezwen pran aksyon avek kontrakter.

Kot i konsern bann kontrakter ki’n fer louvraz i pa pe ganny peye, nou annan en lalis la ki nou pe process la aktyelman 2018.  Pou bann dimoun ki’n fer netwayaz bin.     E tou bann ki’n fer   – ki annan additional bins nou pe process la e nou pe espekte ki petet Novanm nou pou’n kapab fini  pey sa bann dimoun bann additional bins ki anba Kontra ki zot pa’n ganny peye.  Akoz an mezir ki tou keksoz i evolye, nouvo bin i ganny mete – nouvo bin site i ganny konstri nou bezwen deal avek.

So  i en keksoz ki nou bezwen deal avek, akoz in ganny fer letan sa bann dimoun ti la.  E zot in ganny demande pou travay e alor nou bezwen pey zot.

 

MR SPEAKER

Mersi CEO.  Onorab Aglae.

 

HON EGBERT AGLAE

Mersi CEO pou ou larepons.  Ok kot i konsern par dernyen larepons ki ou’n donnen kot pou’n dir avan lalen lannen zot kapab ganny peye.

Eski ti en rezon bidzeter?  Akoz nou ti annan en Bidze siplemanter ti vin devan Lasanble Lazans LWMA ti napa larzan anba sa siplemanter.

Eski sa i en rezon akoz ki sa bann kontrakter pa’n ganny peye? E osi mon ti a kontan konnen anvi ki sa kantite travay ogmantasyon, eski zot e mazinen pou annan plis staff ki pe monitor travay ki sa bann kontrakter pe fer?  E dernyerman kot i konsern one- off cleaning – i annan en demann deor par bann kontrakter ki zot pe demande ki si zot pa ganny sa Kontra parey apartir le 01 Mars, ler i annan bann one-off cleaning pou konsider lezot ki ti annan potansyel ki’n apply – si i posib.  Mersi.

 

MR SPEAKER

Mersi Onorab.  CEO.

 

CEO MR FLAVIEN JOUBERT

Mersi Mr Chair.  Kot i konsern lapey sa bann dimoun ki’n fer louvraz anpli lo kote bin –  wi i annan en  lenplikasyon Bidze; nou bezwen get nou Bidze, ziska lafen lannen.  Nou pe apros lafen lannen – nou pe rebalans bann morso Bidze ki reste.  E byensir depandan sa bann re evalyasyon – re alokasyon – FC in endik mwan ki nou pou dan en pozisyon ki nou kapab fer li.  Me selman nou pa kapab fer li – nou pa  kapab promet pou fer li la deswit.  Akoz zot bezwen fer sa prosedir anmezir nou ariv lafen lannen – asire ki nou annan ase larzan par egzanp pou pey tou Kontra;  asire ki nou bann – si i annan okenn commitment ki’n deza ganny fer – i ganny fer.

Par egzanp nou annan serten one-off ki nou pe larg bann lasemenn ki pe vini.  Nou bezwen fer sir tou sa bann  komitman i ganny fer e anmezir nou ale nou get kantite larzan nou kapab servi pou fer sa peyman.

Kot i konsern staff; nou annan nouvo staff ki nou pe rekomande anba Bidze ki’n ganny prezante ozordi.  Me selman sa bann staff i annan pou fer avek sanzman kot landfill Providence.  Sa i en area priyorite, akoz parey ou konnen STAR i sipoze arete Providence le 31 Zanvye.  E LWMA i bezwen prepar en lekip e pran labar kot sa landfill.

        E anba Bidze zot pou vwar ki nou annan apepre 6 dimoun  – 6 dimoun ki pe antre nouvo, koman nouvo recruitment ki nou pou mete, pou nou kapab fer fonksyonnen sa unit.  E byensir i annan lezot dimoun pou azout avek par egzanp lo kote Finans.  Sa i bann dimoun nivo teknik – lo kote Finans nou pou annan dimoun ki pou ganny nominated e sa bi en travay lo Minister Finans osi, akoz bann staff accounts ki pou al kot landfill.  Me selman lo kote staff monitoring – pou le moman nou pa’n ganny sa posibilite pou nou ogmant staff monitoring.

Byensir nou pou gete dan milye lannen e posibleman letan in ariv midterm – milye lannen 2019 posibilite nou pou fer en demann nou pou aziste lo kantite staff pou asire pou annan en monitoring. 

        One-off cleaning Mr. Chair sa size mon krwar i en propozisyon ki i bon.  Enn bann keksoz ki nou’n sey fer, me selman nou pa’n kapab fer li byen pou LWMA, se olye selekte dimoun – koumsa letan nou annan one-off par egzanp nou ale nou selekte dimoun dan sa rezyon. Nou kapab annan en roster, bann dimoun ki pa dan Kontra, me bann dimoun ki enterese pou fer one-off cleaning dan sa distrik.  Nou kapab annan en lalis e sak fwa ki annan one-off cleaning, nou kriy sa dimoun lo lalis.  E nou ofer zot louvraz pou one-off cleaning. 

So en keksoz ki nou kapab ganny organiz pli reglemanter e nou kapab fer li pli byen dan lefitir.  Mersi.

 

MR SPEAKER

Mersi CEO.  Onorab Terence Mondon.

 

HON TERENCE MONDON

Mersi Mr Chair.  Mon premye kestyon i relye avek Lalwa e lafason ki ganny ranforsi, kot lanvironnman i konsernen.

Minis in fer komanter kot i met lanfaz kot konportman nou pep.   Sa i en konponan.  Me selman mon krwar lanfaz i devret lo ranforsi Lalwa.  Mon donn legzanp; seat belt, seat belt dimoun bokou dimoun pa ti met seat belt.  Ozordi avek prezans Lapolis lo semen, bokou plis dimoun i met seat belt.  Akoz Lalwa pe ganny ranforsi.

E alor mon kestyon – mon premye kestyon se ki relasyon    Lapolis ki kalite travay zot fer pou fer sir ki zot kapab met en  kontrol – lo parey zot dir piknik i ganny fer dan Sanmdi dan Dimans Lapolis mon konnen i fer patrol partou.

Me selman Lapolis i pase salte i la me napa.  Sa 2 bout pa konekte.  Savedir napa en travay ki pe ganny fer ant bann Departman, Lazans avek Lapolis.  Mon krwar sa si i ganny fer i ava fer en diferans.

Mon 2enm kestyon i tous sa konponan parey Onorab Afif i dir 1poursan nou GDP  i al dan netwayaz.  E ozordi nou pe dir tou sorti 250 kontrakter nou pe vin 308 kontrakter.  E mon anvi konnen ki fason LMUH, pe asire ki pep Seselwa pe envaler pou larzan.

Akoz Gouvernman pe depans plis.  E mwan a mon avis letan mon gete mon pa vwar ki nou landrwa pe vin pli prop.  Savedir nou bezwen fer sir ki i annan valer pou larzan.

E mon anvi konnen ki fason nou pe fer sa arive pou Seselwa.  E dan menm  konteks – dan menm laliny bann pli gro kontrakter STAR ozordi.  Zot pe donn en servis ki zot pa neseserman lo sa standar.  Zot anmas salte selman zot ganny kit deryer en scene ki pi.  E ki disturbing.

Ki garanti zot  kapab donn nou Lasanble ki koleksyon, salte atraver STAR pou vin lo  pli o standar apartir 2019?  Mersi Mr Chair.

 

MR SPEAKER

Mersi Onorab Mondon.  CEO, Minis.

 

MINISTER WALLACE COSGROW

Mersi Mr Speaker. Mr Chairman mon ava pran premye bout apre CEO i ava kontinyen.   Onorab parey mon’n, dir avek Onorab Gill Lalwa i la li lalwa i la petet nou bezwen ranforsi li en pti pe plis.  Nou fer en kantite petet nou pa piblir ase kantite enforcement ki nou fer petet nou devret pibliye montre pou dir nou pe fer en kantite.  Me selman i annan en kantite osi ki nou kapab fer plis mon dakor avek ou.  E nou devret kapab servi Lalwa pou ranforsi.

An se ki konsern Lapolis ; nou’n zwenn at least mwan letan mon’n vini nou zwenn preski de fwa avek Lapolis mon pa ankor i zwenn avek Lapolis pou nou vwar bann diferan fason ki mannyer nou kapab travay ansanm kolabore, zisteman avek issues ki LWMA i annan par egzanp lo landfill e nou serten issues avek threats pou bann nespes ki an danze.

Par egzanp torti ; par egzanp kokodmer par egzanp serten lezar ki bann species ki an danze disparisyon.  So nou rod bann diferan  fason pou travay avek Lapolis.  Mon ti ava kontan vwar ki servis Lapolis i met plis lenportans avek  – kree lanvironnman avek parey zot mete ek lezot kalite krim.  Nou pa pe vwar pou lemoman me selman nou ti av kontan dan lefitir nou vwar ki Lapolis i donn nou en pti pe plis koudmen.  Mersi.

 

MR SPEAKER

Mersi Minis.  CEO. 

 

CEO MR FLAVIEN JOUBERT

Mersi Mr Chair.  Kot i konsern kantite depans – wi nou pe depans en kantite.  Mon krwar i enportan pou tou bann dimoun ki pe ekoute ozordi, pou konpran sa pwen.  Nou’n deza sey lev sa pwen avan.  Konman en pei nou pe depans en kantite par latet.  E pli nou kontinyen avek nou latitid, pli nou depans plis.

So mon krwar i enportan tou dimoun i konpran sa pwen e nou pibliy li partou pou dimoun konpran poudir nou pe depans en bon pe nou larzan olye depans lo bann lezot keksoz ki nou pe demann, dan lavi toulezour.  Nou pe aktyelman depans lo anmas salte nou menm, e anmas salte nou prosen.

Me selman Mr Speaker mon krwar Mr Chair mon krwar i annan en keksoz ki parey mon’n mete dan nou ‘strategic priorities,’ en keksoz ki mon krwar nou bezwen fer refleksyon osi lo la, se ki nou sistenm ki nou annan pou koleksyon salte dan pei dan Sesel i en sistenm ki’n ler pou evolye.

Fransman nou’n ariv en pei a en serten nouvo devlopman, me nou ankor vwar nou avek en kantite bann bin obor semen – bann gro ta salte obor bann main road.  E  n ler pou nou evolye nou sistenm.  E i kout larzan pou nou evolye sa sistenm ; i kout zefor.  I pou annan en kantite dezapwentman.

Me selman fodre kinou  sanze e nou diriz lo en lot sistenm. Kot dimoun endividyelman i responsab son salte.

Dan lezot pei, ou pa vwar      minisipalite pe donn Kontra pou lavil.  Akoz sa dimoun i lav son bin li menm.  Ou pa vwar bann akimilasyon salte obor semen, akoz sa dimoun son salte i sorti kot li, i ganny met obor semen.

Mon konnen mannyer sityasyon Sesel, nou pa kapab fer li dan tou landrwa.  Me selman nou bezwen evolye nou sistenm, pou ki olye responsabilite salte i vin lo en baz communal, lo kote kominote responsabilite salte i devret vin lo sak fanmir lo sak dimoun.

Sa ki fer son salte i devret kapab santi li responsab, pou li aranz li byen e met li dan en kondisyon ki apre i kapab ganny ranmase, san ki i koz lenkonvenyan pou lezot dimoun.

So mon krwar nou bezwen dakor lo en keksoz – se ki nou sistenm salte ki nou annan nou pou sey fer  li fonksyonnen.  Byensir nou pou bezwen azout bin, nou bezwen fer nouvo bin site, nou bezwen fer nouvo lespas pou kolekte diferan kalite salte parey green waste, bulky waste. 

        Me selman an menm tan nou bezwen viz en lot keksoz ki bokou pli bon ki sa.

E mon krwar mwan si nou fer en keksoz parey, nou pou vwar laparans nou pei i sanz.  Akoz sa bann bin site ek sa bann ta akimilasyon obor li, menm si nou met li anba kontrol, nou kolekte li tou le erdtan, i pou still en bin site ek en ta salte.

So fodre nou kapab amelyor lafason ki nou get nou salte.  E lafason ki nou bann dimoun i partisip dan sa sistenm.  Nou pe fer koleksyon toulezour.  En bon pe pei salte pa ganny tire toulezour – i ganny tire dapre en Schedule e dimoun i disiplin zot lekor.

Lo keksoz lo kote standar koleksyon Chair.  Wi nou krwar ki nouvo Kontra i annan en sanzman ki nou’n fer ladan i kapab amelyor sityasyon.  Byensir monitoring i pou fer diferans; byensir lafason ki kontrakter i perform i fer diferans, me selman keksoz ki kler se ki annan failure, ou pou annan failure dan en rezyon.  Sa i kler.  Ou pa pou annan failure an zeneral.

Lot keksoz se ki – i annan en keksoz ki ti deza la – ti dan Kontra ki nou pe amelyore.  Se ki letan kontrakter i ganny donnen pou li reakte, e pou li koriz en defo i dir 48 erdtan.  Kantite letan ki en dimoun i ganny donnen pou koriz en defo  kontrakter ti  ganny donnen se 48 erdtan e la prezan nouvo Kontra i 24  erdtan.

Savedir si en kontrakter i annan en bin ki pa’n ganny tire, i annan problenm avek son lafason ki i pe fer keksoz, i annan zis 24 erdtan pou li kapab korize – san kwa i anmas bann pwen penalti e sa penalti i annan en lenpak lo son Kontra.  E nou kontinite son Kontra osi.

So nou krwar ki avek nouvo Kontra, nou pou annan mezir ki pou fors en pe plis kontrakter pou li perform en pe pli byen.

Me selman  parey nou pe dir nou bezwen fer sir ki nou bann kalite kontrakter nou bezwen gannyen i byen ; ki nou pe aktyelman pey zot ase pou zot fer en bon louvraz.  I pou kout nou en pe plis me selman i pou ganny loportinite e i pou kapab fer nou ganny en servis ki bokou pli bon.  Mersi.

 

MR SPEAKER

Mersi CEO.  Bon annou sey gard nou kestyon pli pres posib e CEO osi tou repons en pti pe pli bref.  Onorab Waven William.

 

HON WAVEN WILLIAM

Mersi Mr Chairman.  Mon ti a kontan demann CEO, eski lefe ki keksoz i limite nou annan plizyer zofisye ki annan pou fer avek par egzanp gard lans,  zofisye lanvironnman zofisye LWMA.

        Eski i annan stratezi travay antre zot pou kapab deal ek sa laspe sekirite?  Mersi.

 

MR SPEAKER

Mersi Onorab.  CEO.

 

CEO MR FLAVIEN JOUBERT

Mersi Mr Chair.  Wi i annan sinerzi wi nou travay as pros avek sirtou zofisye lanvironnman, me selman parfwa i annan bann lensidan ki sa nou e ki nou pa ganny sans par egzanp pou nou kordinen lo bann aksyon pou pran.  Me selman i annan kot sa kolaborasyon me selman i toultan, annan posibilite pou nou amelyore.  E mon krwar avek nou lapros ki nou pe pran nou pou arive lo en pwen pou nou bezwen amelyor en pe plis sa kolaborasyon.  Mersi.

 

MR SPEAKER

Mersi CEO.  Onorab Sandy Arissol.

 

HON SANDY ARISSOL

Mersi Mr Chair.  Bonn apre midi en fwa a tous.

Mr Chair mon ti a kontan demann CEO konbyen staff, zot annan kot LWMA silvouple?  Pou nou kapab konpare avek sa 308 Kontra ki zot annan parske Onorab Aglae in mansyonn sa.

E parey nou tou nou konnen ozordi i annan en kantite labi.  Letan napa sipervizyon – zis parey kot bann carers ozordi, nou annan plis carers ki supervisor.  So i annan en kantite labi.

Mon ti a kontan konnen konbyen staff zot annan an relasyon avek sa?

Dezyenmman mon ti a kontan demann CEO si i kapab fer mwan Onorab Arissol ganny lalis bann kontrakter ki travay dan distrik St Louis ki tonm anba LWMA.  E mon asire lezot Manm osi lezot MNA ti a kontan gannyen.

Me selman mon ti a kontan ganny lalis pou mwan konnen lekel bann dimoun ki travay dan mon distrik, lekel bout ki zot responsab.  E lekel nou liaison officer ki mon kapab lyez avek si zanmen i annan okenn problenm lo teren an relasyon avek sa ki nou pe koze.

E finalman mon ti a kontan retourn ankor lo pwen ki Onorab Mondon Minis in koz lo la Mr Chair, se an relasyon avek Lalwa.  Mwan osi mon pe met lanfaz lo ranforsi Lalwa.

Mon ti a kontan zis demande, si par egzanp si napa en Dimans par egzanp, zot in target en bout lans ki popiler.  Par egzanp zot vin Au Cap depi anler ziska kot Biro Brans ziska an desandan, zot dir avek zofisye Lanvironnman ouswa LWMA i vini i target sa bout lans pou en lafen di-mwan – zot vini zot entrodwir zot lekor, zot demande lekel ki pe responsab sa aktivite – se Sandy Arissol ; Sandy Arissol bonzour mwan Mr Mangroo sorti kot LWMA Lanvironnman, nou ki responsab sa bout lans ozordi, mon ti a kontan met ou okouran poudir apre nou pou repase pou reget apre ou aktivite, si ou’n anmas tou ou salte akoz sa i vin avek en fine ; son fine se sa, si ou pa peye se sa.

Alor eski dan Bidze i annan sa provizyon kot  i annan sa lenspeksyon, kot zot vini zot dir ek sa dimoun?  Parey Lapolis i aret ou i dir, ou park ou loto la, montre mwan ou driving license – ou bezwen tire.  Si napa, i fine ou deswit R200 ou al peye kot Lakour, napa negosyasyon.

Eski LWMA, Lanvironnman dan Bidze, i annan sa bout kot zot vini, zot montre dimoun poudir zot la,  zot travay, zot pe etidye, zot pe gete – zot pe travay pou dir la mon’n entrodwir mon lekor, alor i annan sa, sa ki vin avek si ou salte pa ganny anmase.  Mersi bokou Mr Chair.

 

MR SPEAKER

Mersi Onorab Sandy Arissol.  Minis.

 

MINISTER WALLACE COSGROW

Mersi Mr Speaker, mon ava pran sa bout dernyen ki zot ti pe koz lo zafer lenspeksyon.  I annan dan Bidze i annan definitivman, akoz nou annan nou en unit ki nou annan sa ki nou’n dir Lapolis Lanvironnman kot zot sipoz epe pas dan bann landrwa kot i annan bann aktivite ek mon krwar zot fer li, petet nou pa pe fer li ase. Petet pa dan sa lapros parey ou pe eksplike.  Mon krwar sa lapros parey ou pe eksplike i en lapros ki mwan osi mon’n kind of mazin lo la, pour kind of sansibiliz en pe bann dimoun.

Petet nou pa bezwen fer li tou lazournen.  Me selman nou komans li e dimoun ava ganny sa labitid pour konnen poudir be apre i annan, i kapab annan dimoun ki pase pour check lo nou.  I ava vin en deterrent.  Mon krwar i en lapros fantastik ki nou devret improve lo la.  So pour an term dan Bidze i annan.  Pour bann zofisye ki fer sa bann louvraz.  So mon pa konnen si i annan lezot bout ankor ki CEO i kapab take over.

 

MR SPEAKER

CEO.

 

CEO FLAVIEN JOUBERT

Mersi Mr Chair.  Lazans i annan li 71 staff.  I annan 2 staff ki fer bann keksoz administrativ, bann laspe administrativ, 24 staff ki fer bann laspe waste, e 27 staff ki fer landscape and beautification.

Kot i konsern liaison officer, nou bann zofisye ki kouver bann diferan rezyon, zot reste ek bann rezyon pour en peryod letan.  So me selman par fwa nou rotate nou zofisye, pour asire ki zot annan en pli bon leksperyans dan diferan rezon.  Me osi ki nou zofisye pa vin abitye avek serten kontrakter dan serten rezyon.

Alor nou rotate nou zofisye.  Me selman si Onorab Arrisol i bezwen sa lenformasyon lekel ki responsab pour rezyon aktyelman nou kapab donn ou, non sa bann zofisye e zot nimero kontak.  Mersi.

 

MR SPEAKER

Mersi CEO.  Onorab Arrisol.

 

HON SANDY ARISSOL

Mersi Mr Chair.  Mersi Minis pou ou larepons.  Mersi CEO  CEO sa ki ou’n dir ek mwan fantastik, zisteman mwan ti a kontan ganny lalis osi bann kontrakter ki baze dan mon distrik an relasyon avek LWMA, pour mwan konnen lekel zot, ki bout ki zot fer.

E apre ou’n dir mwan ou a fer mwan ganny sa lenformasyon an relasyon avek sa liaison officer pour mwan kapab liaise ek li.  Mon swete ki lezot distrik osi ti a voudre.  So si ti a fasil fer nou gannyen pour nou kapab liaise ansanm.  Mersi bokou Mr Chair.

 

MR SPEAKER

Mersi.  CEO.

 

CEO FLAVIEN JOUBERT

Mr Chair sa i en keksoz ki nou pour fer Lasanble ganny pour tou distrik, nou ava distribye deswit, petet Lendi. E nou ava anvoy kot biro Lasanble isi zot ava kapab ganny kopi. Mersi.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

Mersi Mr Speaker. Mr Speaker mwan annan kestyon lo hire vehicles.  Mon pe vwar pour dir zot annan en cost ki reste stab tou le lannen zot fer provizyon pour me selman zot fer provizyon pour pros R2milyon pour hire of vehicles.

Mon ti a kontan konnen si zot tender out sa, zot fer tou bann process e konbyen – an mwayenn, konbyen transpor zot lwe pour zot fer zot bann sipervizyon? Sa i mon premye kestyon.

Mon 2enm kestyon landfill management ki mon krwar i konsern Mahe only, mon pa konnen mwan I stand to be corrected, i annan en provizyon R16.4milyon, anba en Kontra Maintenance. Mr Speaker mon ti a kontan demande ki CEO i eksplik nou ki mannyer nou’n ariv lo sa figure.  Eski sa i bann historical calculations ki lannen ale, lannen vini zot in peye e ki finalman in vin the norm? Oubyen eski zot fer bann assessment regilye, e zot kapab konfirm avek nou pour dir, sa i pa en pri ki la akoz STAR in la depi 16an, depi 20an nou’n komans lo en pri enorm, alors i reste lo sa pri enorm akoz koumsa i ete?  Me selman zot in fer bann kalkil lo baz konbyen masin zot bezwen? Konbyen dimoun zot bezwen? Konbyen erdtan zot bezwen travay lo la, pour fer si ki zot pe demann nou 16.4 milyon dan en fason realistik?  Sa i mon 2enm kestyon.

Mwan annan en kestyon lo monitoring prezan of commercial waste.  Mon krwar nou tou ki la nou pa bann zanfan, nou konnen pour dir bokou marsan, bokou boutikye, e sa i konsern bokou bann waste sorti kot bann laboutik, zot – mwan mon war souvan ler mwan monte tar aswar, en dimoun, en pti boug lapoud pe sorti deor avek en ta waste, sorti kot en commercial outlet. Me selman i pe al poz lo bin ki prive – ki pour bann lakaz.  Akoz sa msye ki annan sa laboutik li i pa pe deal, i pa pe pey nanryen pour sa bann keksoz li.  I pa dan son lentere i pe fer son biznes e peye pour tir salte sa i pa son zafer.

Mwan mon ti a kontan konnen, ki kalite monitoring, kalite garanti zot kapab donn nou, ki sa bann waste pa finalman fini dan en landrwa kot domestic waste pe ganny anmase?  E ki sa dimoun ki pe fer sa biznes i kontribye lozikman, e dapre Lalwa e dapre son responsabilite sosyal, i kontribye dan koleksyon e management son waste? Sa i mon 3 kestyon pour le moman. Mersi Mr Speaker.

 

MR SPEAKER

Mersi Onorab.  CEO.

 

CEO FLAVIEN JOUBERT

Mersi Mr Chair.  E mersi Onorab pour ou kestyon.  Kot i konsern transpor lwe.  Lazans pe lwe 7 transpor lo Mahe.  E de lo Praslin aktyelman. Advert pour tender out, tender pour lokazyon vehicle, in fini ganny anvoye kot POU, nou pe esper zot donn nou en repons pour nou pibliye.

So nou pe al renouvle sa fleet pour, wi nou pe redwir. Aktyelman nou pour annan 6 transpor lo Mahe, e 2 lo Praslin. Rezon pour sa i akoz nou pe fer procurement en transpor la, e nou’n fini fer tou bann laranzman pour nou fer procurement en transpor e fer en advert parey tou lazans Gouvernman, pour nou acquire en transpor ki fer ki nou kapab ranplas en HV avan lafen lannen.  E nou ava bezwen 6 avek 2 lo Praslin.

E lot keksoz ki nou pe fer pour nou redwir kantite transpor lwe, se ki nou’n fer demann anba India Grant pour nou ganny omwen 3 transpor lannen prosenn.  E sa nou’n fini soumet devan Minister Finans. E nou ekspekte ki omwen dan sa 3 ki nou’n demande, nou ava kapab ganny 1 oubyen 2.  E i ava osi ed nou redwir lakantite transpor ki nou bezwen lwe.

Lot keksoz ki nou pe fer Mr Chair pour redwir transpor lwe osi, se nou ti annan transpor ki ti dan garaz Praslin ki nou ti pe ganny difikilte pour repare.  E Praslin parey nou konnen i annan en pe limitasyon lo kantite garaz ki nou kapab access pour fer bann reparasyon.  Alors sa transpor nou’n fer desann Mahe e nou pe al anvoy li dan garaz Providence.  Fotespere nou ava kapab repar li byen e nou ava kapab ganny en lot transpor adisyonnel pour nou met dan nou fleet, pour nou osi koup en pe lo kantite transpor ki nou pe lwe.

Alor an total nou pe ekspekte azout ankor apepre 4 oubyen 5 transpor ki fonksyonnel dan nou fleet, by lannen prosenn pour ki nou kapab redwir en bon pe lo kote hired vehicle.

Lo kote landfill management, sa sonm la i pa reflekte sa ki nou pe pey STAR, i reflekte en evalyasyon travay ki annan pour fer, kantite erdtan, kantite larzan ki sa dimoun i pour bezwen pour rekouver son investment dan lekipman par egzanp. E sa sonm 18milyon i osi enkli landfill compaction pou Mahe, e i osi enkli management of sa leachate plant ki obor.  So i pa 18milyon pour landfill compaction an antye. Me i annan en proporsyon ladan ki pour landfill compaction, e proporsyon pour sa leachate plant.       

E osi i annan en lot unit ki’n ganny konstri La Digue ki nou pa ankor fer fonksyonnen.  I osi i ganny konsidere anba la, La Digue. Non Praslin non.  Monitoring of commercial waste, Onorab mon krwar parey ou’n dir sa i en keksoz ki pe arive souvan.  Me selman parey mon’n eksplike pli boner, commercial waste pe ganny senpleman letan en dimoun pa pey son Kontra commercial nou zis les li, e sa dimoun i kontinyen fer sa ki anvi.

Ki nou pe fer nou e Lasanble pour ganny enformen byensir. Nou pe propoz en nouvo Regilasyon by PA i annan provizyon pour nou fer regilasyon pour kontrol la fason ki dimoun i handle waste e ki i manage waste.

Nou pe propoz en nouvo Regilasyon parey nou ti anonse ki en dimoun i bezwen kapab deklar avek Licensing letan i annan son license ouswa deklar avek Lazans letan in ganny vizite, okenn lenspeksyon i ganny fer, fodre ou kapab dir nou kote ou salte i ale.    Ou kapab montre nou rikord.

Akoz pour le moman nou napa en bon sistenm kontrol atraver depi kot sa dimoun i generate salte ziska lo landfill.  Nou bezwen annan en sistenm kot ou annan en resi kot ou’n zet ou salte.  Sa ki transpor ou salte osi fodre i annan en rikord ki montre ki poudir in pran salte kot ou.

E ou bezwen annan en Kontra, ou’n fer en template Kontra ki nou pour distribye avek bann dimoun pour get kapab annan avek zot kontrakter.  Ou bezwen kapab montre mwan poudir ou annan en Kontra ki’n sinyen avek ou kontrakter ki valid ki sa dimoun pe vin aktyelman pran salte kot ou.

So i annan en kantite ki nou pe fer e nou oule devwal sa boner lannen prosenn, pour nou kapab ankadre sa zafer commercial waste.  Akoz pour le moman i en pti pep e ganny lese e nou krwar ki en bon pe dimoun pe profite ladan.  Mersi.

 

MR SPEAKER

Mersi CEO.  Onorab Ferrari.

 

HON JEAN-FRANCOIS FERRARI

CEO lo sa dernyen bout la mon krwar ki konbyen salte osi i enportan – ki kantite salte.

E mon krwar zot, zot annan kapasite pour zot evalye en laboutik ki annan 200 met kare, floor space, i generate tan salte, bann keksoz koumsa. E ki 90poursan pa al dan bin prive e zis 10poursan.  So mon mazinen mon kapab fer konfyans lo la.

Mon 2enm pwen e mon osi mon ti’n kalkil byen dapre sa sonm ki zot annan 9 veikil, me selman lo baz 9 veikil malerezman mon tonm lo en sonm R240 par zour, par zour, par loto pour fuel, ki mon war li en pe bokou.  Kekfwa ou annan en leksplikasyon; kekfwa zot annan en leksplikasyon pour sa.  Me mon ti a kontan konn sa leksplikasyon. Zis an pasan pour mwan dir mon’n ganny text sa msye ki pe squat dan sa store laba kot sa dump site.

Me sa osi i reflekte ki mannyer nou kapab ekspekte ki si nou, si koman en Gouvernman nou pa kapab – in pran nou 1an pour nou deal avek en problenm koumsa, ki mannyer nou pour al, ler nou al tay deryer bann, dan kitenge, bann lezot – ki mannyer nou pour ganny letan al monitor salte lo lans? I annan bann keksoz, bann desizyon ki nou bezwen pran.  E sa msye ki laba li i aktivis dan United Party. Konmsi i, i pa zot sa; United Party pa zot, in ganny ek United Party.

Si nou kapab, nou kapab pran en ka avek sa.  Mersi.

 

MR SPEAKER

CEO, briyevman.

 

CEO FLAVIEN JOUBERT

Mersi Mr Chair, mon pa tro konpran ki Onorab pe… Non kot i konsern fuel mon pa’n tro konpran petet Onorab i kapab klarifye.

 

(Interruption)

 

MR SPEAKER

Order!  Order!  Non, non, non. Ou dernyen bout i en komanter.

 

HON JEAN-FRANCOIS FERRARI

Non, non lo fuel.

 

MR SPEAKER

Lo fuel.  Wi lo fuel. R240 par veikil par zour.

 

HON JEAN-FRANCOIS FERRARI

800 mil fuel for vehicles.  Ler ou pour koup li par transpor i pour fer R88mil par transpor pour en lannen, ki ler ou divize i tonm apepre R240mil par zour.

So this is, se en pa sa ki mon pe gete.  Kekfwa i pour en lot transpor en lot keksoz koumsa.   Zis nou ti a kontan konnen pour dir napa okenn labi lo fuel.  Mersi.

 

MR SPEAKER

CEO.

 

CEO FLAVIEN JOUBERT

Mr Chair zis en pti koreksyon lo sa analiz. I annan 9 transpor ki nou pe lwe. Me i osi annan lezot transpor pour Lazans.

Nou annan pickup, nou annan lezot loto osi ki nou servi.  So nou annan lezot transpor ki pe roule lo semen. Mon pa pour al konte la me selman an total Lazans i propriyeter 17 transpor. E ladan en bon proporsyon i pe roule. So i pa zis 9 transpor lwe.

 

MR SPEAKER

Wi.  Mersi CEO. Dernyen kestyon Onorab De Commarmond.

 

HON CHARLES DE COMMARMOND

Mersi Mr Chair.  Bonzour Minis ek ou delegasyon.  Bonn apre midi zot tou e tou bann ki pe ekoute.

Mr Chair i annan bokou ki’n ganny dir lo landfill Providence. Me selman i enportan pour fer sorti ki avek sa Bidze e sa ki CEO LWMA pe dir, i donn nou en pe konfyans. Konmsi ou war i annan en vizyon e nou swete ek sa Bidze zot kapab enplimant sa vizyon dan en fason pozitiv.

E avek sa Bidze alors LWMA pour bezwen kapab zer landfill Providence pli byen.  Akoz nou bezwen mazinen poudir e pour anpes sa bann loder konmsi Cascade.  Bomaten ti annan ankor e mazinen ki PS Lanvironnman i reste zis lanmenm an fas.  So konvenk mwan, konvenk mwan – konvenk nou Lasanble ki avek sa Bidze i pour annan en better management, for sa landfill Providence.  Sa i en premye pwen. Sirtou la ou kapab enkli triyaz salte.

Taler ou’n koz lo en lot segregation of waste, be selman la nou pe koz sirtou lo landfill Pa telman dan lakour la.  Me lo landfill letan ou pe manage li, triyaz salte ki mannyer sa ou pour amelyor li, pour avek bi pour redwir kou manage landfill Providence.  Konmsi sa kantite Bidze si ou pe triy li byen e ou annan par egzanp incinerators, ensidswit.  Ou pe aranz ou sistenm, ki kapab anmenn en rediksyon pli tar dan Bidze ki ou pe servi pour manage landfill Providence.

E an menm tan, update nou lo leachate plant.  Ou’n mansyonn leachate plant la ki pa ti pe marse en letan.  La i annan larzan dan Bidze, ou fek mansyonnen pour zer li. Eksplik nou ki mannyer alor la i pour ede avek sa management landfill Providence. E dan menm sans koz ek nou en pti gin lo liquid waste; liquid waste lo landfill Providence i enn nou bann gro problenm.  E ki anmenn bokou loder sirtou liquid waste sorti kot IOT.

E lannen pase avek en kestyon ki mon ti anmenn dan Lasanble, ti annan en promes par Minis Lanvironnman ki IOT i annan en proze ki sipoze komans loperasyon an Avril 2018.  La nou Novanm, dir nou ki’n arive e ki mannyer keksoz i ete kot i konsern liquid waste management lo landfill Providence.

E an menm tan avek sa le fe ki i annan en kontaminasyon e polisyon lanmer otour e dan zanmerant landfill Providence e ki pe ogmante rapidman.  Ler ou get kouler delo; ler ou pa obor ou santi loder from delo sale, tou sa, i montre ou poudir i annan kontaminasyon e polisyon enorm dan sa area.  Ki alor bann mezir, bann advisor LWMA pe pran pour popilasyon, sirtou popilasyon Cascade sirtou bann ki pe lapes dan zanmerant e ki manz sa bann pwason la.

E Mr Speaker tre, tre pa tro lontan pase, nou ti annan en meeting avek bann Anbasader EU, e ou, ou ti lead delegasyon Lasanble dan sa meeting ki ti fer National House. E dan sa meeting ti koz lo osi – en kestyon ki mon ti demande nou ti koz lo waste into energy project, e sa i en keksoz enportan, e management, landfill Providence son 2enm faz landfill, i osi annan pour fer avek servi sa waste, bril li, e servi sa bann lenerzi ki sorti pozitivman.

Ki alor zot pe fer pour kapab annan en proze e la mon pa pe koz direct bidding ki ou’n nonmen, taler ou’n nonm direct bidding pour en crusher pour waste Providence. Mon pa konnen akoz zot pa’n tender out akoz ozordi dan lemonn sirtou dan Eastern Europe i annan en kantite nouvo teknolozi pour manage salte pour turn waste into energy.

Ki alor ki zot pe fer dan sa direksyon, pour kapab annan serten proze, pour zot kapab tender enternasyonalman, pa zis lokal enternasyonal ki ava annan e EU in promet i kapab siport Sesel ladan.  In promet ki i pare pour finans oubyen co-finans tel proze e sirtou si zot servi teknolozi Eropeen.

Alor i kapab annan en keksoz pozitiv ki ava anmennen pour Sesel, e en keksoz pli efektiv e pli ki a kout nou pli bonmarse dan sa direksyon ki alor LWMA pe fer? Eski i annan keksoz dan Bidze ki zot pour al dan direksyon, donn nou en pti leklersisman? Mersi.

 

MR SPEAKER

Mersi Onorab De Commarmond. CEO.

 

CEO FLAVIEN JOUBERT

Mersi Mr Chair.  i en long lalis. Mon a sey fer pli vit posib.  Kot i konsern loder Mr Chair, vre nou’n annan de pti lensidan la be selman mwan ti a voudre reasir Onorab ki nou’n fer tou nou posib resaman dan sa bann letan ki’n pase, pour nou kapab kontrol loder.

Nou’n rikord Providence kot Providence landfill resaman 200 zour san loder. Nou’n annan serten lensidan ki’n pase, ki’n arive resaman e zis pour eksplike nou ti pe fer bann transe pour nou met liquid waste lo kote Nor sa landfill l.  Me selman akoz lespas, nou’n aprezan retourn dan milye landfill.  Me sa i en keksoz tanporer akoz nou oule re-kree bann nouvo lespas dan Nor ouswa dan Les sa landfill pour ki nou kapab annan maksimonm zistans e maximum kouvertir bann liquid waste ki pe antre.

En lot pti keksoz lo kote IOT se ki zot in enform nou, ki zot annan en problenm teknik avek zot lenstalasyon zot sipoze pe digest bann labou ki zot prodwi.  E letan sa labou in fini ganny digest, i pa sipoze donn ou en problenm loder grav.

I sipoze ase akseptab pour ou met en landrwa parey kot en landfill.  Me zot annan en problenm teknik ki fer ki zot pe kontinyen anvoy bann labou ki ankor ase aktiv, e sa osi i agrav en pe sityasyon loder.  Me selman mon oule reasir ou ki nou pour fer tou nou posib pour nou kapab planifye e amelyor sityasyon loder kot landfill.

Lo kote triyaz salte, enn bann keksoz ki nou pe al fer koman nou pran Providence landfill la se nou pe vin avek en nouvo lalis tipping fees ki nou bezwen anvoy kot Finans pour aprouve.  E en nouvo klasifikasyon ki aktyelman pour ankouraz dimoun pour separ salte.  Par egzanp si en dimoun i anmenn en konpannyen i anmenn kartron ki prop, ouswa i anmenn plastik ki separe.  I anmenn packaging waste ki napa kontaminasyon ladan – i ganny en rediksyon dan son pri.  I pey mwens.

Ou anmenn green waste ki pa kontaminen, ki pa’n melanze ou ganny en rediksyon dan ou pri.  Alor nou oule ki i annan en waste list ki fors, ki ankouraz dimoun aktyelman sanz la fason ki zot anmenn salte lo landfill.  E pli ou triye, pli ou salte i vin apar e dan en kondisyon ki ase normal, pli ou benefisye.  I annan serten ka par egzanp green waste, si i vin san kontaminasyon i aktyelman zero.

Lo kote leachate treatment plant Mr Chair, sa plant in ganny handover avek LWMA an 2018.  Sa plant i annan serten defo avek. Nou bezwen aksepte ki i annan serten defo. I annan defo lo son kote electro-mechanical, son bann blower ki prodwi ler e ki ede dan tretman sa bann likid ladan.

E i osi annan en problenm striktirel kot son striktir i pe komans tord, akoz sa pwa delo ki ladan e i annan serten issue avek son konstriksyon li menm.

Alor ki nou’n fer ziska konmela la, nou’n fer vini sa konpannyen ki’n enstal sa sistenm blower.  Aktyelman sa konpannyen ti sipoze fer dernyen louvraz pour nou met sa blower an mars an Oktob. Me selman i annan serten retar akoz napa lekipman pour lev sa bann gro morso.  Nou pe fer enstalasyon, en sistenm pour leve.

E nou pe ekspekte ki by lafen Novanm ouswa Desanm, sa konpannyen pour kapab vini avek bann spares pour nou fer fonksyonnen sa sistenm. Savedir nou pour kapab demar tretman an plen by lafen Desanm.  Selman pour annan serten pti koreksyon, akoz i pour lo en baz manual e pa otomatik.

Lo kote structural nou’n lans en lapel avek bann konpannyen, personn pa’n reponn. Nou’n fer en 2enm lapel la avek bann konpannyen engineering, pour kapab vin avek en solisyon pour brace sa plant.  Akoz sa plant i ase o.  Mon krwar 8 met oter. E 8 met oter plen avek delo ki aktyelman in fors sa beton in fer li en pe tord.

So nou bezwen brace li pour ki i pa kase, i pa vin en danze ouswa i pa koz en problenm pli tar.  Alor i annan serten koreksyon ki nou bezwen fer.  E an antye nou pe gete i pour kout nou apepre R1 milyon pour nou remet sa plant annord.   Be selman nou krwar ki si nou fer sa bann keksoz la, nou merit kapab komans fer fonksyonnen sa plant dapre son full kapasite lafen lannen e nou prodwi en final effluent ki nou kapab aroz avek – i pa koz en problenm kontaminasyon.

Lo kote desarz – parey ou kapab war Onorab – si ou pas kot landfill kot Zone 20 i nepli annan desarz.  Kot ti annan liquid partou ki ti dan zournal eksetera, tousala in fini sek akoz nou’n fer serten mezir, nou pe ponpe, e nou’n blok bann diferan exit lo manhole ek lo tiyo, pour ki sa bann delo pa koule e al kontamin lanmer.

E alor sa nou ekspekte Mr Chair, ki sa bann mezir i kapab ed nou redwir polisyon ki pe al dan lanmer. Ki fer ki sa polisyon i reste byensir en landfill i kontaminen me selman i reste kot sa landfill e i pa ganny desarze dan lanmer pour, ki i afekte lavi sa bann dimoun ek bann ki servi lanmer obor.

Lo kote liquid waste byensir liquid waste i en gro issue. E i annan plizyer propozisyon ki’n ganny met devan par egzanp en sistenm kot ou fer digest ou bann liquid ek sa salte ki dekonpozab dan en unit.            Sa i enn bann propozisyon ki’n ganny fer.  So i enn bann keksoz ki’n ganny diskite e i enn bann opsyon ki nou krwar i kapab amelyor nou sityasyon. E Minister ek bann partners an deor; par egzanp bann partners Eropeen i osi bann keksoz ki’n ganny diskite e nou ekspekte ki i kapab vin en solisyon long term.

Me selman dan short term nou pour bezwen fer sir ki bann prodikter parey IOT, bann gro prodikter, zot tret zot liquid waste maximum avan ki ariv lo landfill.  E tou liquid waste ki annan pour fer avek sewage i pa ariv lo landfill.  Tou liquid waste ki annan pour fer avek sewage i sipoze ariv kot PUC, antre dan son plant e osi ganny trete dan son, atraver sistenm sewage standar.  Mersi.

 

MR SPEAKER

Mersi CEO. Onorab De Commarmond. Minis. Yes, Minis.

 

HON CHARLES DE COMMARMOND

Avan Minis i pran, eski CEO i kapab dir nou si ler zot pe revwar sa leachate plant la pour koriz bann defo ki annan avek ensidswit, eski zot pour servi menm konsiltan ki zot ti pe servi avan?

Epi dir nou kestyon kontaminasyon delo around sa Providence landfill la, akoz i annan dimoun ki lapes la, mwan dir zot toultan, ou vwar zot manz sa bann pwason. Si i annan polisyon ki serye la, be  sa bann pwason pa bon i pour annan en problenm.  Ki zot, zot pe fer, ki bann mezir, eski zot in komans fer en serten mezir?  Zot in fer serten tes par egzanp pour vwar nivo polisyon e tou.  Dir nou keksoz, si ou pa ankor fer dir zot pa ankor fer, zot pour al fer, donn nou en pe konmsi, vin en pe pli serye konmsi. Mersi.

 

MR SPEAKER

Mersi Onorab.  CEO.

 

CEO FLAVIEN JOUBERT

Mersi Mr Chair.  Mersi Onorab. Konsernan konsiltan, non.  Nou pa pe kontinyen avek menm konsiltan, i en lot tender ki nou pe fer.  Nou pe reouver laport pour nenport konsiltan pour asiste nou avek sa proze.

Kot i konsern polisyon mwan mon’n fer kontak avek par egzanp SBS, akoz mon ti oule ki nou annan en progranm monitoring.  Malerezman pa tou bann paramet ki SBS i kapab teste la pour le moman.  Me nou, nou’n sey avek zot par egzanp pour teste bann heavy metals par egzanp pour teste bann heavy metals par egzanp me zot in dir nou pour dir la pour le moman zot pa pour kapab fer li.

Me i annan bann rezilta i pase, ki nou kapab refer lo la pa bokou letan pase. Me selman i nou lentansyon pour nou annan en progranm monitoring pa zis pour Providence, me osi pour landfill Praslin e osi landfill La Digue.  Mersi.

 

MR SPEAKER

Mersi CEO.  Minis oule azout keksoz.

 

MINISTER WALLACE COSGROW

Yer Mr Chair.  Mr Chair mon pour antre lo sa pti bout waste to energy.  Zis penn en pti picture kot nou ete an se moman.

Dan nou nouvo Polisi ki nou pour met devan Gouvernman tre byento dan next two weeks, solid waste management policy, in idantifye waste to energy, koman en metod pour deal avek solid waste.  So anler dan nou Polisi, anler menm, i idantifye ‘waste to energy’ koman en metod pour deal avek solid waste.

Nou’n fer serten letid avek  led en liniversite La Suisse, Zurich, prensipalman, kot nou’n anvi idantifye posibilite, viabilite servi waste to energy, koman en opsyon pour deal avek prensipalman, management of solid waste, lenerzi i vin en byproduct.  Me selman i kapab ganny servi pour donn PUC – kot i kapab pas kouran dan son sistenm. So rezilta ki nou’n gannyen – nou’n fek gannyen sa mwan menm avek liniversite, in dir nou poudir i en keksoz ki viab.

E nou annan bokou lentere, lokalman, enternasyonalman, kot bann dimoun in apros nou, e zot anvi anmenn sa Sesel.  Sa ki i pour fer enn; i pour konsonm preski dir lamazorite salte ki nou zenere.  E i annan posibilite osi konsonm salte ki deza lo landfill, tir sa landfill sa oter kot i ete, fer desann. E fer nou landfill annan en pli gran lifespan.

Ki nou pe al fer prezan konkretman, se ki boner lannen prosenn e mon krwar i ti dan speech Bidze. nou pe al lans sa ki nou pe apel en expression of interest. Okenn lakonpannyen lokal ou enternasyonal, ki pare pour antreprann en proze waste to energy Sesel, i kapab anvoy nou zot bann proposals.

And once we have their proposals, aprezan nou a kapab envit sa bann lakonpannyen ki enterese to put in their financial bid avek zot bann technical bids koman en tender.  E nou ava kapab demare lo sa proze.  I en keksoz ki nou pe anvizaze fer Onorab.  Mersi bokou.

 

MR SPEAKER

Mersi Minis. Onorab De Commarmond.

 

HON CHARLES DE COMMARMOND

Zis senpleman pour nou dir avek Minis – baze lo meeting Mr Speaker, ki ou ti lead ki zot bezwen pran kontak avek EU bann Anbasader EU sirtou Mrs Lasala, pour kapab ganny sipor.  Nou annan, in promet – ki in dir dan meeting ki zot pare pour donn koudmen Sesel dan sa direksyon.  So la bann sans ki ou pa bezwen servi telman tou larzan Gouvernman.  Ou annan, eksplwat sa.  Mersi.

 

MR SPEAKER

Mersi.  Briyevman Minis.

 

MINISTER WALLACE COSGROW

Briyevman Mr Speaker wi, EU in toultan en partener solid avek Sesel, kot i konsern waste management.  Landfill 2 i led EU ki nou’n gannyen, leachate plant i led EU.  E bokou bann lezot proze ankor ki nou’n gannyen an term waste management Sesel EU in ed nou.  EU i kontinyen pare pour ed nou dan sa bann domenn.

Me selman note Onorab ki okenn demars ki nou pour fer avek waste to energy, i pa pour neseserman enkli okenn Bidze Gouvernman.  Nou anvi ki i en venture prive e ki en prive i antre,  I fer sa ki annan pour fer, i fer tou son depans e i annan en Lagreman avek Gouvernman, an term ki mannyer nou pour deal avek bann salte pour anmas sa bann salte.  E osi en lagreman avek PUC ki mannyer i pour purchase sa bann lenerzi ki i prodwi.

So i pour totalman en issue prive. Mersi.

 

MR SPEAKER

Mersi Minis.  Bon nou’n ariv en moman kot nou kapab pran en vot lo sonm R238.788mil pour Landscape and Waste Management Agency ki form par sa Schedule e ki trouve lo paz 528 ziska paz 533.

Mon a demann tou Manm ki an faver?

Okenn Manm ki kont? Madam Deputy Clerk.

 

MADAM DEPUTY CLERK

Mersi Mr Chair. 19 Manm in vot an faver e personn kont.  Mersi.

 

MR SPEAKER

Mersi Madam Deputy Clerk savedir Bidze 2019 pour Landscape and Waste Management Agency, in ganny aprouve par Lasanble Nasyonal.

Bon mon ti a kontan remersi CEO, Mr Joubert, Deputy CEO, Mr Mangroo, wi zis en pti moman Mr Thésee, Ms Bonnelame, Mr Payet, Konsiltan, nou pa pour bezwen zot non? Mwan konnen nou pe al vot lezot. Ok nou a remersye zot parmi nou e nou ava eskiz zot. Ok.

 

(CEO LANDSCAPE AND WASTE MANAGEMENT AGENCY MR FLAVIEN JOUBERT AND HIS DELEGATION WAS EXCUSED FROM THE HOUSE)

 

MR SPEAKER

Nou annan enn de bann, nou annan 2 oubyen 3 lezot headings ki anba lanvironnman ki zot pa pe vini, nou bezwen pran en vot.

Bon PS ou ava gid nou.

 

NATIONAL BOTANICAL GARDEN FOUNDATION

 

PS DAMIEN THESEE

Mersi Mr Chair nou annan National Botanical Garden Foundation ki trouve lo paz 534 ziska 537 pour en sonm R12. 603milyon.

 

MR SPEAKER

Ok nou pour pran.  Non, nou ti deside, nou ti deside ki zot pa pe vin devan Lasanble pour demann kestyon sa ti en desizyon ki ti ganny pran dan ABCOk.

So, nou pour pran en vot lo Bidze National Botanical Garden Foundation pour en sonm R12. 603mil ki form par sa Schedule e i trouve lo paz 534, ziska paz 537. Tou Manm ki an faver?

Okenn Manm ki kont? Madam Deputy Clerk?

 

MADAM DEPUTY CLERK

Mr Chair 16 Manm in vot an faver e personn kont. Mersi.

 

MR SPEAKER

Mersi, savedir Bidze 2019 pour National Botanical Garden Foundation in ganny aprouve par Lasanble Nasyonal.

  1. PS.

 

SEYCHELLES METEOROLOGICAL AUTHORITY

 

PS DAMIEN THESEE

Mersi Mr Chair. Nou annan Seychelles Meteorological Authority, lo paz 538 ziska 542 pour en sonm R15.526milyon. Mersi.

 

MR SPEAKER

Mersi PS Thésee.  Bon nou pour pran en vot lo sonm R15.526milyon pour Seychelles Meteorological Authority, Lotorite Meteolozi ki form par dan sa Schedule e ki trouve lo paz 538 ziska 542.

Tou Manm ki an faver?

Okenn Manm ki kont? Madam Deputy Clerk?

 

MR SPEAKER

Mersi Mr Chair 17 Manm in vot an faver e personn kont. Mersi.

 

MR SPEAKER

Mersi savedir. Mersi Madam Deputy Clerk, savedir Bidze 2019 Lotorite Meteolozi in ganny aprouve par Lasanble Nasyonal.  PS Thésee.

 

PS DAMIEN THESEE

Mr Chair nou annan osi Seychelles Energy Commission, selman li nou’n reschedule li pour next week, mon pa konnen si nou ti pour anvi pran en vot lo la vi ki i annan bokou kestyon ki’n pase lo li.  Mersi.

 

MR SPEAKER

Ok. Seychelles Energy Commission eski zot pe, yes Onorab Ferrari.

 

HON JEAN-FRANCOIS FERRARI

Mon apresye sa ki ou pe dir PS. Mwan mon krwar sa ki nou devret fer, menm si Minis pa la semenn prosenn, nou kapab pran en vot lo la.

Vi ki nou’n Schedule li sa ki nou ava fer lo nou kote, nou ava pas lo la, e nou ava fer ou konnen Lendi si nou bezwen fer zot vini, si nou pa bezwen fer zot vini nou ava enform ou si napa gran keksoz.  Mersi.

 

MR SPEAKER

Ok.  Minis.

 

MINISTER WALLACE COSGROW

Mersi Mr Speaker. Mersi Onorab. Wi zis en pti pwen leklersisman mazorite larzan ki anba Energy Commission i relye avek Grants e bann Grants ki nou’n koz lo la bomaten par egzanp bann pano soler lo zil Romainville, pano soler lo bann lakaz, bann vulnerable families.

Apre apepre zis 5milyon ki son Bidze operasyonnel.  So zis pour en pti klarifikasyon, zis an ka bann Manm ti oule konnen.  Mazorite nou’n koz lo la bomaten.  Mersi.

 

MR SPEAKER

Wi, mersi Minis.  Bon mon krwar avek sa nou ava, Minis nou ava remersye ou akoz nou pe al pran en lot MDA.

 

(MINISTER WALLACE COSGROW WAS EXCUSED FROM THE HOUSE)

 

PS Thésee gid nou pour prosen Minister.

 

PS DAMIEN THESEE

Mr Chair nou pour pran Minister of Family Affairs ki trouve lo paz 545.

E li i pour en sonm R59. 407milyon. Mersi.

 

MR SPEAKER

Ok nou pour pran en Break. Wi nou pour pran en Break apre sa Break nou pour pran Minister Zafer Lafanmir.

Me nou pour pran en break selman 15 minit akoz 15 minit zot ti pran taler, ler ti napa quorum. Ok? So nou pou retournen, nou pour retournen 4.15 pour nou kapab tackle Minister Zafer Lafanmir.  Yes, en moman Onorab Ferrari.

 

HON JEAN-FRANCOIS FERRARI

Lo kestyon laranzman nou travay.

Si Lendi bomaten ler nou tournen sa bann msye in sanz zot non zot parti, nou pour napa quorum!  Akoz mon pe war en problenm la devan ki nou pe fer fas avek.  Akoz zot in vin la lo en non, pa kapab tourn lo en lot non.

 

MR SPEAKER

Sa i en lot issue nou ava deal avek.  Bon nou ava Break, nou a Break nou a retournen 4.15.

 

(BREAK)

 

MINISTRY OF FAMILY AFFAIRS

 

 

MR SPEAKER

Bon mon ti a kontan dir en bonzour e welcome spesyal pour Minis Mitcy Larue, Minis Responsab pour Lafanmir. I ganny akonpannyen par Sekreter D’Eta pour, responsab pour Poverty Alleviation, Mr Dick Esparon, Anbasader Dick Esparon, madam Linda William Melanie, ki Sekreter Prensipal pour Zafer Sosyal.  E Madam Marie-Josée Bonne ki Sekreter Prensipal pour zafer Lafanmir.

Bonn apre midi e welcome parmi nou. Bon mwan annan en lot ankor, mwan annan Mrs Jovana Payet ki Asistan, ki Ag Account Assistant.

Bonn apre midi zot tou e welcome parmi nou. E nou ava koman direkteman avek kestyon avek leklersisman. Yes Onorab Henrie.

 

HON GERVAIS HENRIE

Mr Chair anba Order 22.  Parski sa Minister i en Minister ki ase gro.

I annan diferan konponan trez enportan, ki nou ti anvi regard li tre pre e serten nou bann Manm ki ti anvi entervenir lo sa alokasyon zot absante pour bann rezon valab. So nou ti pe demande ki si Lasanble pa ti kapab konsider en adjournment, e nou pran Minister lo en lot zour, fresh kot nou kapab byen depouy li.  So mwan anvi move sa.

 

MR SPEAKER

Non mon krwar nou annan en Schedule travay. E sa Schedule travay in ganny sirkile avek bann Manm.

E deza nou an retar.  Ozordi nou sipoze pran Lanplwa, Imigrasyon tou, nou pa’n kapab.  Se sa rezon mon’n liaise avek PS Thésee pour nou regarde ki en pti pe, nou’n anvoy Lanplwa, nou’n anvoy Lazans Proteksyon Sosyal pour semenn Lendi. E nou’n esey pran enn pour nou kapab catch up en pti avek nou travay.

Akoz kantite letan ki nou’n pran bomaten par egzanp pour Minister Lanvironnman. So i annan ase warning kot bann Manm in gannyen, with regards to Schedule.  E nou pour kontinyen avek nou Schedule, nou pour pran Minister Zafer Lafanmir la apre mdi. Ok?  Avek en bi ki nou kapab kontinyen avek nou travay semenn Lendi.  Alright.

Mersi mwan konpran ou konsern, me selman osi tou nou annan en timeline ki nou pe fer sa travay ladan. Ok? So okenn Manm ki’n pare pour entervenir.  PS ti’n fini donn nou gidans, i trouve lo paz 545 ziska 554. Ok, pour en sonm R59.407milyon. Ok, nou ava komans avek Onorab Valmont.

 

HON JUDE VALMONT

Mersi Mr Chair.  Bonn apre midi, bonn apre midi Minis e delegasyon.  Tou koleg Onorab.

Mon pe get paz 60 PSIP Family Affairs, i annan sa Youth Residential Rehabilitation Centre. Mon war 40milyon in ganny Bidzete e pour 2019 in ganny met 10milyon. Mon ti a voudre en pti leksplikasyon sa 10milyon pe al ganny servi pour kwa. Mersi.

 

MR SPEAKER

Mersi Onorab Valmont. Minis. Oubyen PS. Ti a byen si ler Manm i pa fer son kestyon spesifik pour ki lo panel devan sa ki pour reponn kestyon zis lev lanmen pour mwan kapab ganny li byen.  Ok.

 

PS LINDA WILLIAM MELANIE

Mersi Mr Chair.  Bonn apre midi tous. Mersi Onorab pour ou kestyon.

Bon sa sonm 10milyon ki’n ganny mete, in ganny mete pour komans fer bann travay preliminer.  Parey nou ti deza dir, nou’n annan en sonm larzan ki nou’n demann Minister Finans pour nou kapab komans sa proze.  E se sa ki ou vwar ki Minister in konsider sa 10milyon akoz i annan bann travay preliminer ki bezwen ganny fer. E alor in donn nou sa sonm pour 2019.

E answit i ava vwar … swa i ogmante, swa sonm ki in ganny mete dan Bidze pour 2020 i ava tenir parey. Me tousala i ava depann lo travay ki mannyer i ale. Mersi Mr Chair.

 

MR SPEAKER

Mersi PS Linda William Melanie.  Onorab Churchill Gill.

 

HON CHURCHILL GILL

Mersi Mr Chair.  Bonn apr emidi Minis ek ou delegasyon.

Mon kestyon i lo paz 546 anba programme 3, ‘support programme for vulnerable groups,’ i annan en sonm R11 milyon konpare avek Bidze 2018, si nou ti a zis kapab ganny en nide ki bann diferan progranm ki zot pe anticipate pour fer 2019?  Mersi.

 

MR SPEAKER

Mersi Onorab Churchill Gill. PS.

 

PS LINDA WILLIAM-MELANIE Mersi Mr Chair.  Mersi Onorab. Kot nou pe koz lo vulnerable groups sa sonm 11milyon ki ou pe koz lo la i konsern avek bann travay ki nou fer avek night shelter.

E osi bann travay ki pe fer la aktyelman avek sa group zanfan ki dan progranm rezidansyel.  So i annan larzan ladan pour lapey, pour bann ‘other goods and services’ e se sa rezon ki i ariv 11milyon.

 

MR SPEAKER

Mersi PS.  Bon si napa okenn lezot Manm ki pe entervenir nou pour pran en vot. Ok. Onorab Vidot.

 

HON AUDREY VIDOT

Mersi Mr Chair.  Zis en kestyon. Mwan ti oule konnen petet anba ou Minister Minis baze ek sa Bidze ki ou pour annan ou bann resource officers; ki mannyer ou Minister i donn en sipor bann fanmir ki par egzanp i annan bokou zot partnership avek Minister Later kot letan en fanmir i ganny met deor oubyen i dan en sityasyon, ki mannyer zot antre pour zot kapab donn en serten sipor sa fanmir.

 

MR SPEAKER

Mersi Onorab Vidot.

 

MINISTER MITCY LARUE

Mersi Onorab. Mersi Mr Chair. Bonn apre midi tou dimoun. Par egzanp si nou annan fanmir ki annan serten problenm; par egzanp let’s say en fanmir i vin vwar mwan.

I annan serten problenm ki relye avek lozman parey ou’n dir, lozman kot aktyelman i dan en problenm son lakaz petet i overcrowded, oubyen in ganny met deor.  Wi prezan ki nou fer nou definitiveman mwan ki mon fer premyerman mon vizit sa fanmir avek social worker. Nou al fer vizit nou regarde. Souvandfwa mwan al mon menm, oubyen mwan anvoy social worker avek lezot dimoun apre zot anmenn en rapor.

Me si en keksoz ki irzan mwan la mon menm epi nou regarde kote ki nou anvoy sa problenm. Si i en problenm ki bezwen ganny rezourd par Minister kot MLUH laba ,nou anvoy file, nou kominike pour vwar ki mannyer laba i kapab rezourd sa problenm.  Si i en problenm ki bezwen relye avek Lazans Proteksyon Sosyal, definitivman i desann pour zot regarde ki mannyer pour asiste sa fanmir.  Be selman nou rod en fason o pli vit ki nou kapab ed sa fanmir depandan son sityasyon aktyel. Mersi.

 

MR SPEAKER

Mersi Minis.  Onorab Waven William.

 

HON WAVEN WILLIAM

Mersi Mr Speaker, Mr Chairman.  Bonn apre midi Minis avek ou lekip.

Mon ti a kontan demann Secretary of State pour Lapovrete.  Mon pe regarde lo paz 554 anba bann progranm la, mon ti a kontan konnen le fe ki i annan sa letid ki’n ganny fer eski ou satisfe avek bann mon kapab dir sinerzi ki egziste ant bann lazans avek ou Seksyon? Epi ki zot nouvo mon kapab dir lapros.  Akoz mon konnen pour dir ti annan bann pilot programme zot in lanse.

E mon konnen poudir baze lo bann data mon pe regarde pour dir mon distrik osi i annan plizyer bann ka.  Mon anvi konnen ki mannyer ki zot pour demare an 2019 e lekel bann distrik zot pour donn focus?

E dezyenmman bann ka letan nou, i ganny idantifye ki mannyer ki nou kapab annan en kontak pli direk e fast track bann cases? Mersi.

 

MR SPEAKER

Mersi Onorab William. Mon ava donn laparol SS Esparon.

 

SECRETARY OF STATE MR DICK ESPARON

Mr Chair. Mersi.  E bonn apre midi tou Manm.  Onorab parey ou konnen nou’n komans lo en premiz data akoz nou ti napa en baseline pour komanse.

La ki nou’n komans etablir en baseline, byensir i pa konplet. I en travay ki nou bezwen kontinyen.  I en travay ki nou’n komanse avek bann distrik la, pour nou fer sir ki nou fer sa profiling bann dimoun ki nou devret ganny profile – pour nou etablir neseserman bann dimansyon dan ki dimoun i vwar dan difikilte.  E enn fwa nou’n etablir sa bann dimansyon, nou liaise avek bann Lazans konsernen lo nivo Minister oubyen lezot.

E nou ale pour nou al pli aprofon dan sa dimansyon kot i annan sa deprivasyon.  Dan sa travay pare you konnen konpleks akoz bann Minister e Departman – parey ou konnen, sakenn i annan zot manda e modalite travay.  E prezan inisyalman i ti annan pa mal difikilte pour ou r fer sa kordinasyon e anmenn sa sinerzi.  Akoz ou bezwen annan premyerman pas en mesaz, ou bezwen regarde poverty, i pa kapab vin parey business as usual.

Ler dimoun i dan povrete i verdir ki i pa dan en nivo ki sosyete i aksepte.  Alor nou bezwen met an plas mekanizm ki pour permet si oule is, os sa dimoun dan sa sityasyon kot i ete.  So nou’n plizoumwen fer travay kordinasyon, anmenn sinerzi, fer en core working group avek sa bann dimansyon konsernen.  E prezan la nou dan prosesis prezan travay lo sa bann cases.

Parey ou konnen nou pe deal la avek bann cases ki nou’n fer, nou’n tous plis ki 20 ekek mil dimoun. Nou annan nou en database apepre 500 ekek lakaz kot nou bezwen deal avek.  Ok.

Nou pour komans, nou pa pour kapab bite tou. Nou pour anmas sa ki nou kapab. Etablir en prosesis pour nou kapab travay avek.  So i annan serten lasistans ki Gouvernman in mete atraver bann diferan Departman e Minister pour fer sir ki nou kapab tackle sa bann issues.  Nou pour neseserman komans dan distrik Santral 2 kot nou ti komanse akoz nou deza annan tou bann donnen lo la. E nou’n fini fer rapid response.  Savedir al an detay, regard bann spesifisite bann deprivasyon.

E pour nou kapab komanse lannen prosenn.  Me selman Onorab ou’n leve en issue ki en enteresan.  Enn bann dimansyon ki nou santi irzaman nou bezwen travay lo la, se sa kestyon valer, sa kestyon bann mindset, latitid eksetera.  E se pour sa rezon nou’n met en konponan ase enportan dan Bidze pour anmenn sa physio-social support.

Ou konnen parey nou dir, nou’n tradisyonelman fer en travay avek en kalite lapros, e nou’n vwar nou pa’n ganny sa kalite rezilta.  Nou bezwen sanz lapros e anmenn en lapros enn lo enn, mentorship counseling avek bann dimoun ki dan sa bann diferan area deprivasyon. Byensir konsantman avek sa bann dimoun.

I en travay ki ase entansif ki demann parey ou konnen pa mal mobilizasyon resours ek training bann dimoun.  E se pour sa rezon ki nou’n deza annan database bann dimoun ki pare pour ed nou.  Nou’n travay avek, nou pe travay avek sosyete sivil, avek bann lezot lafors osi, ki ansanm nou kapab provide serten training, pour nou kapab fer sir ki nou ale nou donn sa sipor enn, lo enn bann fanmir pour donn sa physio-social support.

E nou annan en travay etrwat kolaborasyon avek ASP next ler mon mazinen CEO ASP i avan vini i ava eksplik en pti pe progranm ki annan pour travay, ki mannyer nou pour travay ansanm lannen prosenn pour fer sir ki nou kapab break sa sort of cycle dependency lo sistenm e an menm tan break sa, konmsi aret arrest poverty depandan dimansyon ki i ladan.

Ou konnen nou’n toultan koz lo povrete – sa ki nou’n konpran vreman povrete be atraver sa survey, mon kontan remersye bokou bann MNA ki onboard avek nou lo la, Onorab Ferrari i enn bann dimoun; par egzanp lo kote Corgate Estate Mont Fleuri ki’n travay ekstrememan byen.  I permet nou anmenn en bann lapros targete.  E sa travay ki nou pe fer pour ed pei en kantite akoz enn fwa pour tou nou pour konnen ler akoz domenn sosyal, ki bor ki nou pe met nou resours.

Annan en, nou kapab monitor ki pe arive e si i pa marse nou kapab aziste akoz i pour en travay 1 lo 1, avek bann dimoun.  O kontrer ki ou annan en progranm zeneralize ki ou pe sey target tou dimoun. A lafen dizour ou pa kapab mezire, e parfwa ou pe donn panadol tou dimoun ki pa neseserman tou dimoun i bezwen panadol. So physio-social support i enn pour bann key eleman lannen prosenn.

2enm i bann lasistans ki nou pour pe atraver housing, ki i annan serten provizyon ki’n ganny fer pour bann dimoun ki dan bann sityasyon lakaz ekstrememan deplorab.  E la nou pa pe koz deluxe, nou pe koz met sa dimoun lo en nivo ki akseptab.  En, kondisyon imen akoz mazinen, povrete nou pe koz human rights. Ler en dimoun i dan extreme poverty i en violation son rights.  So nou bezwen – nou oule travay.  Son bann resours – lo pwennvi lenfrastriktir i annan en Komite ki’n ganny mete par Prezidan.  Nou zwenn tou le de semenn, bann cases i ganny anmennen devan, bann envestigasyon i ganny fer e bann case pe ganny travay. E nou komanse lannen prosenn, nou komans avek distrik central 2 apre evantyelman bouz dan tou lezot rezyon depandan lo ki kantite mobilizasyon personnel nou kapab fer.  Mersi.

 

MR SPEAKER

Mersi SS Esparon. Onorab William.

 

HON WAVEN WILLIAM

Mr Chairman mon ti a kontan demann Minis an menm tan PS Finans avek menm SS pour konsider sa kestyon.

Le fe ki sa i en konsern plizyer piblik osi tou, i byen ki mwan vwar ki Divizyon Lapovrete in tonm anba Minister Lafanmir.  Minis eski ou panse pour dir le fe ki nou pe koz resours imen, nou pe koz la prensipalman bann counselors ki nou bezwen?  Eski ou panse poudir Seksyon APDAR i devret vin anba Minister Lafanmir ouswa i devret en standalone Seksyon? Prenan kont ki nou annan sa kriz counselors.

Menm o nivo lekol osi i annan bann counselors. Konmsi pour servi sa sinerzi nou bann dimoun ki’n ganny. Eski ou panse pour dir nou devret al dan sa direksyon? Mersi.

 

MR SPEAKER

Mersi Onorab William. Minis.

 

MINISTER MITCY LARUE

Mersi Onorab. Petet ki lefe ki APDAR i plito pe travay en pti pe reabilitasyon bann drug addict, mon krwar pour mwan, mon pe regarde i pa devret pe tonm anba Minister Lafanmir, me petet i devret pe tonm anba Minister Lasante. Akoz nou pe koz lo en laspe public health. Mon krwar i devret dan sa laliny.

Be selman nou travay tre pros akoz Minister Lasante i cross-cutting, Minister Lafanmir i cross-cutting, partou avek lasante, avek Ledikasyon, avek Community Development, Culture ek Sport. Nou travay ek tou Minister. So mon krwar i annan sa travay ansanm ki nou fer be selman pour mwan pour vin anba Minister Lafanmir, mwan krwar i ti pour pli ideal si i al anba Minister Lasante. Mersi.

 

MR SPEAKER

Mersi Minis.  Onorab Lemiel.

 

HON SYLVANNE LEMIEL

Mersi Mr Speaker. Bonn apre midi Minis avek ou delegasyon. Mr Chair mwan ti a kontan demann Minis lo kote bann social worker.

Eski son Bidze pe fer provizyon lannen prosenn, nou konnen sa bann dimoun zot en group dimoun ki travay tre dir. E o kontrer nou dir zot mersi pour sa ki zot pe fer.  Me mon konpran osi ki in annan en bes petet dan lakantite social worker.

Eski ou Bidze pe fer provizyon swa pour annan en nouvo Scheme pour aranz lapey bann social worker pour fer li vin pli atiran, petet pour nou kapab ganny plis social worker ki pour vin travay dan distrik?  E petet mwan pe mazinen osi si i annan bann lezot linisyativ osi ki petet ou Minister i pe vin avek pour kapab atir plis dimoun pour travay lo kote social affairs.

 

MR SPEAKER

Mersi Onorab.  Minis.

 

MINISTER MITCY LARUE

Mersi Onorab.  Wi definitivman mon pour les PS William Melanie donn en pti pe plis detay.  Akoz definitivman nou annan nou Scheme pour nou travayer sosyal ki pe pran le fe la le 01 Desanm. E mon a les PS donn en pti pe plis detay lo la. Mersi.

 

MR SPEAKER

PS William Melanie.

 

PS LINDA WILLIAM-MELANIE

Mersi Mr Chair. Mersi Onorab pour ou kestyon.

Parey Minis in endike nou’n depi lannen pase nou ti pe travay pour nou kapab reviz nou Scheme of Service pour bann travayer sosyal. E nou Scheme pour pran lefe le 01 Desanm sa lannen.

I annan en serten revizyon, en serten increase dan basic pay, e osi i annan bann revizyon avek zot bann allowance.  E tou sa bann lenformasyon in ganny kominike avek nou bann travayer sosyal.  E lo kote linisyativ ki Minister pe pran. Parey zot in kapab swiv dan medya in annan en gran group ki ti’n fek graduate pour premye cohort ki’n i fer zot Degre dan social work isi lokalman, e i malgre pa tou ki avek nou Minister me i annan travay ki nou pe fer ansanm avek UNISEY/NIHSS pour nou kapab kontinyen vwar sa bann progranm professional development pou bann travayer ki la inservice.

E nou’n annan osi en lakor avek NIHSS ki tou le lannen olye ki tou le 3an tou le lannen i kapab annan bann new cohort ki kapab zwenn avek NIHSS, pou zot kapab kontinyen sa travay dan social work. E osi avek bann progranm professional development, ki a fer sir ki lefet ki landscape social in sanze, e bokou lorganizasyon pe rod bann kandida, ki annan swa en Diploma swa en Degre dan social work i annan plis demann pou sa kalite training e profession.  E alor wi nou Minister nou pe fer sir ki nou azour avek sa ki pe arive e dan pei pou fer sir training i kontinyen.  Mersi Mr Chair.

 

MR SPEAKER

Mersi PS.  Bon si napa okenn lezot Manm ki pou entervenir nou pou pran en vot lo Bidze pour Minister e Zafer Lafanmir. Non, napa lezot Manm.  Ok nou ava pran en vot lo sonm R59, 407milyon ki pou Minister Zafer Lafanmir ki form pa dan sa Schedule i trouve lo paz 545 ziska 554. Tou Mann ki an faver? Okenn Manm ki kont? Madanm Deputy Clerk.

 

MADAM DEPUTY CLERK

Mersi Mr Chair. 10 manm in vot an faver e personn kont.  Mersi.

 

MR SPEAKER

Mersi Madanm Deputy Clerk.  Savedir Bidze 2019 pour Minister Zafer Lafanmir in ganny aprouve par Lasanble Nasyonal. PS Thésee eski nou pou pran lezot la ou byen nou ava …?

 

PS DAMIEN THESEE

Wi.

 

MR SPEAKER

Ok gid nou PS Thésee.

 

PS DAMIEN THESEE

Mersi Mr Chair nou ava pran lo paz 55 Lazans Proteksyon Sosyal pour R35.739milyon.       Mersi.  Sa son ladministratif pa son … nou ti dakor pour nou pran son administrative pa pou vini me son ‘approved programs and bnefits under ASP’ li pou vini. I 2 diferan vote diferan sa

 

MR SPEAKER

Redonn nou paz ankor PS.

 

PS DAMIEN THESEE

Paz 565.

 

MR SPEAKER

  1. Yes Onorab Ferrari.

 

HON JEAN-FRANCOIS FERRARI

Mr Speaker avek respe mon ti a kontan dir ki ler nou annan en Schedule travay nou, ki mannyer nou travay nou continuously dan lazournen kontinyen konsilte.  E ziska bomaten la nou ti ankor lo baz ki Minister, Imigrasyon, Lanplwa sa pou vini. So, i vreman enposib pour nou pran en vot lo en Head ki nou pan, nou pa ti antisipe i pou pase ozordi.  Nou pou bezwen les sa dan ou ensiste ki i ganny prezante nou, nou pou bezwen, nou pa pou kapab an tout lonnekte pran en vot lo sa Head. So

 

MR SPEAKER

Ok.  Onorab Ferrari, mon krwar depi yer nou’n ganny en Schedule ok?  Nou’n ganny en Schedule avek … Nou annan … atends en moman, nou annan en Schedule ki nou ti pe swiv oparavan e toulezour nou ganny enn ki vin par zour ok? Nou ti annan en lot ki nou ti pe swiv – ki nou tou bann detay e nou lekel ki pe vin apre. Ok?  Sel sanzman ki nou’n fer se Lanplwa, Imigrasyon ki pli gro  ki nou, si nou ti pou pran li la apre midi nou pa ti pou fini.    So, nou’n ganny en laranzman – se sa rezon, ki nou’n fer en lanons avan nou’n pran Break. E ler nou’n fer sa lanons avan nou’n pran Break ti napa okenn Manm ki ti lev okenn konsern! E nou’n fer Minis ek son delegasyon vini.

 

HON JEAN-FRANCOIS FERRARI

Mr Speaker mon’n fer mon pwen mon pa anvi argimant sa pwen silvouple.  Mersi.

 

MR SPEAKER

Se sa.  Ale PS Thésee.

 

PS DAMIEN THESEE

Mersi Mr Chair, petet les mwan klarifye.  Nou annan lo paz pti 37 dan summary ‘benefits and approve programs of ASP’. Li i still feature lo nou lalis e nou pour pran li next week parey nou ti’n dakor akoz nou napa letan.  Me parkont ki nou pe vote, sa bann lezot lazans ki nou ti’n dakor i pa pou al budget debate.  E sa ki lo paz 557 i son administrative budget, me selman nou pou pran sa bann depans lo benefis ek program ASP.  Bann benefis sosyal lo paz 37 next week.

 

MR SPEAKER

Se sa. Bidze ki PS pe met devan nou se Bidze administratif pour Lazans Proteksyon Sosyal. Alokasyon ki al par egzanp dan Pansyon, pou pey carers and so on i tonm dan en lot progranm ok?  Yes Onorab Ferrari.

 

HON JEAN-FRANCOIS FERRARI

Bon mon ti a sipliye, silvouple.  I pa zis administratif i plizyer milyon.  E i ase normal ki nou konman bann Lezislater si nou santi poudir apre en semenn plen ki nou’n travay san konplent, ki nou’n ariv en serten moman kot nou dir ki ler Lord ki bann Minister pour arive in sanze, e ki Minister Lanplwa in ganny pouse – ki nou pa’n ganny dir Mr Speaker, nou pa’n ganny konsilte nou. Zis nou’n …

 

(Interruption)

 

MR SPEAKER

Non.

 

HON JEAN-FRANCOIS FERRARI

Nou pa’n ganny konsilte zis nou’n war in aparet lo papye.  So nou, nou pe senpleman dir ki nou pa pe vin lager ek personn.  Nou pe zis dir si Lasanble i anvi pran sa vot, nou, nou pa pour kapab partisip dan sa vot, akoz nou pa’n, nou lord nou travay in ganny sanze e Lazans Proteksyon Sosyal pour vini Mr Speaker, i pa pour pran en gran letan, nou ava pran son administrative cost avan, apre nou ava pran son bann depans.

Mwan mon santi it’s only fair ki mwan fer sa case lo lapar mon bann koleg isi dan Lasanble.  At the end of the day desizyon pa dan mon lanmen. Mersi.

 

MR SPEAKER

Wi desizyon mwan ki pour pran. Ok.  Bon mon konpran konsern.  Ok.  Nou’n pran Bidze pour Minister Zafer Lafanmir.

Mon konpran zot konsern lo administrasyon Lazans Proteksyon Sosyal.  Ok?  Mon pare pour mwan pran en desizyon.  PS nou annan bann lezot Head anba sa Minister ki nou pa’n progranmen ki nou ti dir nou pa pour apele. Ok? Nou ava pran sa bann vot, nou a pran sa bann vot.  Tou fason 5 er osi pe al sonnen.  E nou ava anvoy Agency for Social Protection semenn Lendi, e nou ava pran li ansanm avek son gro sonm anba tou bann peyman ki pour fer ki konpri sekirite sosyal, carers, and so on.

 

HON JEAN-FRANCOIS FERRARI

Mersi bokou Mr Speaker.

 

MR SPEAKER

Yes. Ok. Me selman ankor les mwan, les mwan fer keksoz kler.

Nou’n komans en bon travay. Nou’n fer de semenn travay non-stop. Annou mazinen pour dir lo kote Sekretaryat nou fer en kantite sakrifis osi.  Nou sanz nou plan en kantite.  Mon lofis, mon’n cancel 3 lenvitasyon, misyon aletranze.  Enn la mon ti sipoze pe asiste en misyon IPU, Human Rights.

Mon’n cancel pour mwan la, mon’n cancel SADC-PF pour mwan la. Mon’n fek ganny en lenvitasyon avek Parlman Latirki. Mon’n ankor cancel akoz mon anvi la pour nou kapab fer sa travay ansanm e pour nou kapab fer en bon travay pour nou fini.

Nou annan apepre 8 Prozedlwa ki devan nou, ki nou pour bezwen pran e mon’n dir e depi semenn pase mon’n dir depi le 3 Desanm, si nou fini Bidze Vandredi le 30 Novanm, depi le 3 Desanm, nou pe travay ankor toulezour, non-stop pour nou kapab tir sa bann Prozedlwa devan nou.  Ok.

So la mwan dir ankor nou fason travay.  Nou tou nou pe fer sakrifis akoz nou anvi ki sa travay i ganny fer byen e sa travay i fini.  Onorab De Commarmond.

 

MR SPEAKER

Hon de Commarmond

 

HON CHARLES DE COMMARMOND

Mr Speaker ou konnen nou pa pou kapab kontinyen travay koumsa en.  Nou’n tonm dakor dan ABC le en metod travay. Nou’n envit depi PS dan ABC nou dir li vini ansanm pou nou fer en travay.  Ou vwar sa si ti’n ariv lo nou kote krwar mwan Onorab Ferrari sa kalite keksoz ki i ti pou dir dan sa Lasanble ti pou terib!

 

(Interruption)

 

HON CHARLES DE COMMARMOND

Mon pe dir!              Les mwan koze~!

 

(Interruption)

 

HON CHARLES DE COMMARMOND

Les mwan koze LDS!

 

MR SPEAKER

Order!  Order! Order!

 

HON CHARLES DE COMMARMOND

LDS Les mwan koze!

 

MR SPEAKER

Order !  Order!  Onorab…

 

(Interruption)

 

HON CHARLES DE COMMARMOND

Sanmenm sa be akoz zot pe …!

 

MR SPEAKER

Onorab mon ava paran laparol.  Mon ava pran laparol.  Bon  Mon’n donn laparol Onorab Ferrari koman Chief Whip in koze, personn pa’n disturb li lo lot kote.   Mon pe donn laparol Onorab De Commarmond ok?  Onorab De Commarmond.

 

HON CHARLES DE COMMARMOND

Mersi Mr Speaker.  Mr Speaker, parey mon ti pe dir ou vwar nou nou pare pou travay nou.  Get ke ler i ete nou sipoze ale ziska 5.30 nou ti ava fini ek sa bout omwen me solman zot ki swazir napa problenm….

 

HON FLORY LARUE

(Off-Mic)

 

HON CHARLES DE COMMARMOND

Onorab Larue …

 

MR SPEAKER

Onorab Larue  –Order!

 

HON CHARLES DE COMMARMOND

Lekel ki zanmen i la?   La get lo lot kote laba lekel ki zanmen pa la!  Zanmen i la!

 

MR SPEAKER

Onorab De Commarmond

 

HON CHARLES DE COMMARMOND

Sa kalite ensinifyan ki  … non sa kalite ensinifyan Mr Speaker ki Onorab Larue pe  fer i pa lo la!  Taler nou a dir bokou keksoz lo ou la!

 

(Off-Mic)

Dir…

 

(Interruption)

 

MR SPEAKER

Order! Desizyon final mwan ki pran. Onorab De Commarmond fini.

 

HON CHARLES DE COMMARMOND

Mersi Mr Speaker.

 

HON CHARLES DE COMMARMOND

Mersi Mr Speaker. Mr Speaker war s a zafer la pa la, mwan pour bezwen koz osi lo la.

Nou pa kapab fer remark. Mwan mon en leader dan sa kote latab la mwan! Anytime mon kapab mwan pe sorti pour nenport kwak se-swa ki mon bezwen fer konsiltasyon.  I zis parey lo LOT KOTE latab.  Anytime Onorab Ramkalawan i osi kapab sorti, i kapab vini si i annan serten konsiltasyon ki bezwen fer. E sa i son prerogative sa!

Be nou pa kapab fer sa bann kalite komanter.  Onorab Ferrari i osi ou pa ti la.  Yer i pa’n la.  Lekel ki poz kestyon? Personn, akoz nou konpran.  Be nou pa kapab kontinyen dan sa Lasanble ek sa kalite mantalite Mr Speaker.  Nou bezwen grandi, nou bezwen pran en pe plis responsabilite!  E la mwan mon dir, konmsi si nou pour kapab, si nou tonm dakor lo en plan la, annou carry on nou plan akoz tou dimoun i anvi ki nou kouver Bidze otan ki posib. E si nou pa ti poz bokou kestyon, petet nou ti ava al pli lwen.

Apre nou ti tonm dakor dan ABC pour nou dir ki nou aporsyonn en peryod letan pour en serten porsyon Bidze. Ou konpran. Petet nou devret osi konsider sa ki nou ti tonm dakor dan ABC.  Mersi.

 

MR SPEAKER

Mersi Onorab De Commarmond.  Non, non i pa’n ganny mansyonnen an mal Onorab Ramkalawan.  Non, non, non, non, non!  Mon pa pe ouver okenn deba!

Ou non in ganny mansyonnen an referans koman en leader ou osi ou annan drwa sorti, ou annan keksoz.  Onorab Flory Larue, avek Onorab Terence Mondon! Dernyen fwa mwan call zot to ORDER!  Dernyen fwa!

Onorab Ramkalawan ler ou’n antre, Onorab De Commarmond in mansyonn ou non.  In dir koman en leader parfwa i annan lezot keksoz ki zot bezwen fer pour sorti e in fer referans.

 

(Interruption)

 

 

MR SPEAKER

Mon kapab koze silvouple? Mersi. In fer referans ler ou’n antre in dir parey ou osi ki ou en leader ou pe lead en parti, i annan moman osi tou kot ou sorti akoz i annan lezot keksoz ou pe deal avek.  Mon pa war sa koman en keksoz ki mal. Kontre i pe dir, li koman en leader e ou osi koman en leader ou annan lezot responsabilite ki tanzantan ou bezwen sorti al attend to.  E mon pa war koman en keksoz negativ, koman en keksoz mal.

Mon’n pran en desizyon swivan entervansyon Onorab Ferrari.  Mon konsidere, mwan konsidere ki nou pa pour diskit Bidze administrativ Lazans Proteksyon Sosyal.  Nou ava anvoy li, tou fason nou napa letan osi tou.  Nou ava anvoy li pour semenn Lendi.

Me sa ki mon pe demann avek PS, se nou annan bann pti bout, bann pti konponan ladan ki tonm anba Minister Zafer Fanmir, ki nou ti agree dan ABC ki nou pa pour diskite pour nou kapab pran en vot avan nou adjourn. Ok?  Se sa ki mwan pe dir. Se sa direksyon ki mwan pe donnen. PS Thésee gid nou.

 

NATIONAL COUNCIL FOR CHILDREN

 

PS DAMIEN THESEE

Mersi Mr Chair, nou annan lo paz 562, National Council for Children pour en sonm R14.387milyon. Mersi.

 

MR SPEAKER

Mersi PS Thésee. Sa ti en Departman, en bout, ki tonm en head ki tonm anba sa Minister ki nou ti agree ki nou pa pour call pour nou kestyonnen.

Alor nou pour pran en vot lo sa sonm R14. ki pour National Council for Children ki form par dan sa Schedule e ki lo paz 562 ziska 566. Tou Manm ki an faver? Okenn Manm ki kont?  Madam Deputy Clerk.

 

MADAM DEPUTY CLERK

Mersi Mr Chair 13 Manm in vot an faver e personn kont.  Mersi.

 

MR SPEAKER

Mersi savedir Bidze 2019 pour National Council for Children in ganny aprouve par Lasanble Nasyonal.

  1. PS.

 

COUNCIL FOR THE ELDERLY

 

PS DAMIEN THESEE

Mersi Mr Chair. Nou annan National Council for Elderly lo paz 567 pour en sonm R10. 974milyon. Mersi.

 

MR SPEAKER

Mersi PS.  Bon nou pour pran en vot lo Bidze pour National Council for the Elderly ki en sonm R10. 974milyon ki lo paz 567 ziska 571 e ki form par dan sa Schedule.

Tou Manm ki an faver? Okenn Manm ki kont? Madam Deputy Clerk.

 

MADAM DEPUTY CLERK

Mr Chair 14 Manm in vot an faver e personn kont.

 

MR SPEAKER

Mersi Madam Deputy Clerk. Savedir Bidze pour National Council for the Elderly pour 2019 in ganny aprouve par Lasanble Nasyonal. PS Thésee.

 

NATIONAL COUNCIL FOR THE DISABLED 

 

PS DAMIEN THESEE

Mersi Mr Chair, nou annan paz 572 National Council for Disabled  R4.930milyon.  Mersi.

 

MR SPEAKER

Mersi PS Thésee. Bon nou pour pran en vot lo sonm R4.930milyon ki pour National Council for Disabled ki form par sa Schedule. I trouve lo paz 572 ziska 577. Tou Manm ki an faver?

Okenn Manm ki kont? Madam Deputy Clerk.

 

MADAM DEPUTY CLERK

Mersi Mr Chair. 15 Manm in vot an faver e personn kont.

 

MR SPEAKER

Savedir Bidze pour National Council for the Disable pour lannen 2019 in ganny aprouve par Lasanble Nasyonal. PS.

 

SOCIAL WORKERS COUNCIL

 

PS DAMIEN THESEE

Mersi Mr Chair, dernyen lo paz 578, Social Workers Council, 1 R1.04milyon. Mersi.

 

MR SPEAKER

Mersi PS Thésee. Bon nou pour pran en vot lo sa sonm R1.04milyon pour Social Workers Council ki form par sa Schedule e i trouve lo paz 578 ziska paz 579.  Tou Manm ki an faver? Okenn Manm ki kont? Madam Deputy Clerk?

 

MADAM DEPUTY CLERK

Mr Chair 13 Manm in vot an faver e personn kont.

 

MR SPEAKER

Mersi Madam Deputy Clerk. Savedir Bidze pour Social Workers Council pour 2019 in ganny aprouve par Lasanble Nasyonal. PS nou’n fini?

Bon avek sa mwan ti a kontan remersi Minis Larue, SS Esparon, PS William Melanie, e PS Bonne e osi Madam Payet, nou ava remersi zot parmi nou e nou ava eskiz zot.

 

(MINISTER LARUE AND HER DELEGATION WAS EXCUSED FROM THE HOUSE)

 

MR SPEAKER

En moman.  Yes Onorab Ramkalawan.

 

HON WAVEL RAMKALAWAN

Mr Chairman,  mon krwar ki la ki nou pour lo dernyen semenn, well semenn prosenn ti pour bon ki enn fwa pour tou la i annan konfirmasyon egzakteman lo ki lord ki nou pour, ki nou pour pran.  Parski mwan osi tou mon progranm in ganny kase konpletman, akoz lo nou papye i ti kler ki Lanplwa, Imigrasyon, avek Civil Status ti sipoze ozordi.

E lafason ki travay in deroule dan Lasanble, i ti osi kler ki pour dir ozordi si nou ti’n swiv nou progranm, nou pa ti pour arive lo Family Affairs. Nou ti ava’n pran zis Lanvironnman, Landscape avek Employment, Imigrasyon. E ki dan bokou sans sa progranm Family Affairs in kas en pe progranm.

Letan nou regard sa progranm ki ti donnen semenn pase, oubyen menm son semenn avan, avek semenn pase, ozordi i konpletman an dezord.

Parski par egzanp sete selman, i annan serten ki pa annord, Employment, Immigration ek Civil Status prensipalman. Electoral Commission i sipoze depi avan ensidswit.  Sa ki mon ti ava demande Sekretarya i fer, si zot ti a kapab avek tou bann Departman avek bann Minister, annou annan en progranm konkret, solid pour nou konnen kwa ki nou pe vin fer dan sa Lasanble.

Nou vini, nou prepar nou full pour Imigrasyon, ensidswit. E apre sa letan nou vini, se pa Imigrasyon se Family Affairs! E an menm tan osi annou fer en fason ki sa semenn ki devan nou napa okenn Minister, Lazans, oubyen nenport ki trouv en leskiz pour li letan nou dir avek li vin 9er bomaten i dir avek ou i annan en konser ki i pe al fer, i annan en show ki i pe al fer pour ki nou kapab konsantre dan sa travay ki nou pe fer.

E sa i ava osi permet ki isi dan Lasanble, nou kapab bouz dan en fason konkret e tou bann Manm i ava konnen egzakteman ki i pe fer.  Mon krwar ki pour nou avoid okenn konfizyon spesyalman sa konfizyon ki’n arive la apre midi e kot Mr Speaker mon kapab dir avek ou ki sa propozisyon pour adjournment – pa ti zis en propozisyon sorti lo sa kote. Tou le de kote ti pe rod en adjournment.  E si Onorab De Commarmond pa konnen, Onorab Gill i ti propoze ki pour dir i annan en adjournment apre midi!  Ok?  Alors an menm tan mon dernyen parol Mr Chairman pour ki semenn prosenn nou ava vini nou ava fer nou travay.  E apre sa nou pa ava ganny okenn statement ipokrit dan sa Lasanble! Mersi bokou.

 

MR SPEAKER

Bon nou pa pour ouver deba.  O tan posib nou travay, Sekretarya nou travay pros avek Minister Finans.  Se sa rezon ki nou war bann zofisye i touzour la dan Lasanble pour asiste nou dan sa prosesis.  Depi premye semenn in annan, in annan,

 

 

HON SEBASTIEN PILLAY

(Off-Mic)

 

MR SPEAKER

Non Onorab Pillay. Mon pour, mon pe vin lo la.  Mon pe vin lo la. Ok? I annan enn de pti azisteman ki nou’n fer depi premye semenn.

Nou’n fer sa azisteman ozordi akoz ankor bann serten keksoz ki pa dan nou kontrol – ki an deor nou kontrol. Par egzanp i annan zour ki nou ti anvi reschedule Minister Lanplwa avek Imigrasyon. Me Minis pa pour available. I annan moman kot Minis oubyen kot son PS menm i pe deplase, i pa dan pei. So nou, nou bezwen sey fer mannyer fer bann lazistaz.

Me o tan posib komansman ozordi e pour Lendi PS Thésee i ava travay lo progranm, i ava anvoy kot nou e menm pandan weekend nou ava sirkil kot bann Manm.

Me parey mon ti’n anonse yer an vi serten lirzans Lendi bomaten, nou pour enteronp nou travay pour nou kapab pran en Private Member’s Bill. Akoz i annan serten sityasyon ki kapab enpakte dan en fason negativ lo serten keksoz ki, dan travay pei.  So mon a donn laparol en moman Sebastien Pillay.

 

HON SEBASTIEN PILLAY

Mersi Mr Chair. Mr Chair ou ava rapel dan Bills Committee nou ti’n diskite lo ki mannyer nou pour move from Committee Stage, me i paret ki po dir i annan si nou pour move anba 82 i annan en issue.

I pa vreman kler ki mannyer nou pour move anba 82.  Ler mon pe gete i annan order 21 anvi ki sa matter in ganny kominike koman en matter ki irzan, par both Lotorite konsernen. Ki mwan pe propoze avek ou Onorab De Commarmond i move for an adjournment ozordi and then Onorab Afif.  Akoz vi ki sa pour vin en Motion i pour bezwen demann en Motion for Second Reading of sa Private Members Bill, that Motion itself becomes an urgent matter.

So ki mon ti pe sizere mwan, mon ti pe sizere rather ki nou move sa Mosyon ozordi, let’s move the Motion on Monday morning e apre Onorab Afif then i ava step in pour li move sa.  Koumsa nou ava annord avek stepping out Committee Stage e a donn nou letan pour prepar sa rapor si nou pour al anba 82 akoz nou bezwen donn en rapor. Otherwise ler nou pour pas sa Lalwa, vi ki sa Lalwa i annan reperkisyon enternasyonal, i annan dimoun ki pe ekoute, ki pe swiv.

E si nou pa’n fer li legalman i annan en posibilite ki nou ganny challenge ki nou pa’n fer pas sa Lalwa legalman. Mersi Mr Chair.

 

MR SPEAKER

Mersi Onorab. Bon nou’n fini fer le neseser, nou’n ekrir Onorab De Commarmond an vi li sa ki devan nou a travay se Leader of Government Business ki move.

Se li ki pour bezwen anba 82, Onorab nou pe servi 82, se li ki pour bezwen move sa Mosyon pour nou adjourn the debate on the Budget e apre pour nou repran sittings. Zis pour nou make way pour nou kapab pran sa Private Member’s Bill.

An menm tan i pour bezwen annan en pti rapor pour li reprezant avek Lasanble lo travay ki nou’n dan Komite Bidze ziska la. Ok. So sa Mosyon i pour ganny move Lendi matin. Ok. So, yes Onorab Pillay.

 

HON SEBASTIEN PILLAY

Mersi Mr Speaker.  Mr Speaker selman 82 i mars ansanm avek 76 (2) li. Akoz 76 (2) i dir ou allot en serten number of days pour en travay lo en Komite.  E 82 i for the extension of that Committee. However, 21 (1) e 21 (2) li i for en matter of urgency, which is the same emergency ki’n ganny kominike par FSA.

So nou a ganny sans over the weekend to sort this out.  E prezan ki mwan ti pour demann ou additionally Mr Chair, an vi ki sa i en PMB i pa usually neseser ki Gouvernman i prezan. Me an vi ki tou le de FSA in, FSA avek Minister Finans in eksprim sipor in regards to sa Lalwa, mon ti ava demande ki then nou annan reprezantan both FSA e Minister Finans e Attorney General Chambers ler nou pe koz lo sa Lalwa Lendi.

 

MR SPEAKER

Bon, ok.  Nou pa pour argimant lo 21 oubyen 82 lo prosedir. Nou ava regarde.  Me sa demann ki Minister Finans avek FSA i prezan. Mon konpran akoz nou’n diskit sa osi tou dan Bills Committee.  Nou ti pe vwar nou de Deputy Clerk toutaler. I bann prosedir ki Standing Orders i silans lo la. Ler en Manm i anmenn en Private Member’s Bill ki pour enpakte lo en lazans and so on. Eski par egzanp FSA i vini, eski zot pran par dan deba le nou al dan Staz Komite? Ok?  Nou tou nou konnen.  E menm lo kote Bidze nou ti a swete enn ler nou ti kapab pran bann zofisye depi PS, Direkter, SS and so on, e sa Minis pa neseserman ki i vini.

Me PS Finans i la.  Me nou prosedir ki nou’n toultan swiv se ki son parent Minister i la toultan.  So sa ki nou pe regarded an review Standing Orders – pour nou regarde what is the best practice pour nou kapab tackle sa bann keksoz dan le fitir. Ok? So nou’n FSA, zot pour prezan me nou pa pour kapab pour le moman ki mannyer i ete – nou pa pour kapab met zot devan lo latab lo panel pour zot enterakt.

Me nou ava fer provizyon zot ava vin side table avek PS Finans.  E nou ava regarde koman ler Manm pe debat sa lamannman e koman zot kapab petet pas serten lenformasyon avek bann Manm.  Alright? So nou pour fer li koumsa.  Onorab De Commarmond.

 

HON CHARLES DE COMMARMOND

Wi mersi Mr Speaker. Mr Speaker zis mwan ti pe regarde kekfwa lo kestyon prosedir apre ki nou’n adjourn la nou kapab zwenn en pti moman zis pour nou fer sir nou, si i neseser pour nou rediskit ankor lo la sa outside.

Epi en lot pwen mon ti anvi met devan se ler ou pe kalkil lo Schedule pour semenn prosenn mon ti mansyonn en keksoz taler lo time allocation. Konmsi donn en letan, en peryod letan pour sak head ki nou pe diskite.  Petet sa i a ede dan sa ki Onorab Ramkalwan taler in dir pour met en pe disiplin dan travay ki nou annan.

 

MR SPEAKER

Bon i en keksoz ki, i en keksoz ki nou sey fer.  Onorab Ferrari in koz ek mwan lo la, ou menm ou ou’n koz ek mwan lo la. mon seye. Mon seye, me i pa fasil.  Se sa ki toultan mwan dir, mwan donn en pti warning bann Manm. Mwan pa anpes zot akoz mwan konnen i annan ki pour egzers 76 (6). Mon pa anpese akoz mwan pa anvi dir ki mwan mon egzers 95.

Me annou fer atansyon.  Si nou annan nou 3 kestyon annou al lo nou 3 kestyon.  Si nou pran 10 minit pour nou fer en statement avek 30 segonn pour nou demann en kestyon ou pour ekspekte ki sa CEO ki la devan, oubyen sa PS ki la devan i pour bezwen pran apepre 10 minit i osi pour li kapab reponn sa statement ki ou’n fer.  Ok? Se sa ki nou bezwen annan en pti disiplin. E mon sey gide, mon pa enterfer, mwan sey gide. Ok? Onorab Ferrari.

 

HON JEAN-FRANCOIS FERRARI

Prosedir lo sa ki Onorab De Commarmond in dir.  Nou, nou pa dakor ki i annan okenn limite lo deba.

Nou’n vin travay. Zot, zot abitye pas en Bidze dan en zour, dan 1 erdtan. E la ozordi zot in vin fer nou krwar zot in vin travay – konmsi nou pa aksepte Mr Speaker, nou pa aksepte sa latitid.  Mersi.

 

(Interruption)

 

MR SPEAKER

Non, non, non, ok.  Mon pa – an fen. Mwan pa krwar Onorab De Commarmond ti pe mean sa.  Ok?  Wi, mon pa krwar.  Annou, annou fini la menm.  Bon nou ava retourn lo Committee of the Whole House.

Mon ti a kontan remersi PS Damien Thésee, Ms Cooposamy, Ms Croisee, mersi bokou e nou ava rezwenn zot semenn Lendi.  E nou ava adjourn Lasanble e nou ava repran nou travay Lendi 9er bomaten.

 

(ADJOURNMENT)