Home » Verbatim » 2018 » Tuesday 27th November, 2018

Tuesday 27th November, 2018

NATIONAL ASSEMBLY OF SEYCHELLES

Tuesday 27th November, 2018

 The Assembly met at 9.05am

 National Anthem

 Moment of Reflection

 Mr Speaker in the Chair

 

MR SPEAKER

Bonzour tou Manm Onorab.  Bonzour tou dimoun ki a lekout.  En bonzour  spesyal pou Minis Dezinyen Mrs Macsuzy Mondon.  E Mer Lavil Mr David Andre ki ganny akonpannyen osi par Ms Lydia Charles e Ms Solange Marimba ki Administrative Assistant. 

Nou pou touzour ganny lasistans PS Finans PS Damien Thesee ki akonpannyen par Ms Croisee e Ms Tamatave.

Avan nou kontiny nou travay bomaten mon ava zis demann Sergeant pou li move Mace pou nou al dan Staz Komite.  Mersi.  Mon ti a kontan demann PS Thesee zis pou gid Lasanble lo ki paz lo nou Schedule ki nou pe pran.

 

PS DAMIEN THESEE

Bonzour Mr Speaker.  Bonzour tou Manm Onorab.  Nou a pran paz 136 pou Office of the Mayor of Victoria pou en sonm R8.050 milyon.  Mersi.

 

OFFICE OF THE MAYOR OF VICTORIA

 

MR SPEAKER

Mersi PS Thesee.  Bon okenn Manm ki oule konmanse demann kestyon pou Lofis Mer Lavil Lofis Mer Victoria.  Okenn Manm?  Onorab Sandy Arissol.

 

HON SANDY ARISSOL

Mersi Mr Chair.  Bonzour tou dimoun.  Mr Speaker mon ti a kontan Mr Chair mon ti a kontan demann Msye Lemer Mr David Andre an relasyon avek son Bidze ki 8milyon.  Kwa ki nou ki viv en pe dan lavil distrik dan lavil kwa ki nou ava pe espekte avek Bidze ki ou’n gannyen? Parske e dimoun i demann kestyon an relasyon avek Biro Mer Lavil, ki Mer Lavil pe fer?  Nou pa ankor vwar vreman en gran keksoz.

I annan en sanzman la.  I annan en travay ant ou Biro avek Civil Status, kot bann marye – kot bann msye ek madanm i vin marye dan ou lofis, sa i en keksoz byen kot dimoun pe apresye.

E mon ti a kontan demann ou e sirtou la letan nou, dan moman festivite par egzanp, konmsi kote Biro Mer Lavil i rantre pou dekorasyon lavil nou’n arsiv preski Desanm.  Konmsi kote ki ou Bidze i led ou konman Mer Lavil pou fer ki nou lavil i vin egeyan i vin en joie de vivre, pou bann dimoun ki frekant la sirtou mon ki mon distrik i baliz ek lavil – kwa ki Mer Lavil i annan pou ofer nou avek sa Bidze 8milyon ?  Mersi bokou Mr Chair.

 

MR SPEAKER

Mersi Onorab Sandy Arissol.  Mon a, donn laparol Mr David Andre.  Mayor.

 

MAYOR OF VICTORIA MR DAVID ANDRE

Bonzour Mr Chairman.  Bonzour tou Manm, Onorab tou dimoun ki a lekout.  Mersi.

Biro Mer Lavil parey ou konnen Manm Onorab i en landrwa si ou le nou zet en regar lo Lavil Victoria.  E pou nou fer sa travay i enportan ki nou annan en close kolaborasyon avek tou bann partner konsernen.

Nou annan bann nou annan Lasosyasyon Distrik Victoria, ki enkli bann Manm dan sa 8 distrik ki form parti Victoria bann Manm Onorab ki form parti sa distrik Victoria.

Epi nou annan lezot Lazans,  lezot Minister ki nou travay avek.  An se ki konsern aktivite e dekorasyon lavil parey ou pe demann mwan, sa i en keksoz ki mwan mon konman Mer Lavil definitivman mon ti a kontan annan en pe plis keksoz.

Me selman i enportan pou zot note ki sa Bidze ki mon’n gannyen i sanmenm sa ki zot pe propoze, e se ki sa ki mon bezwen travay avek.  E i pa toultan fasil parski bann keksoz i toudswit vin ser.  Par egzanp pou dekorasyon lavil pou Nwel.  Nou fek ganny alokasyon  R600 mil ki nou bezwen order bann nouvo dekorasyon nouvo lalimyer ki pou ganny en  fret ki pou vin isi Sesel pe deza R600 mil in fini.

E mwan mon ti ava swete ki i annan en Bidze ki an fen sonm larzan ki apropriye, ki tou-le-z-an mon konnen vwala sa sonm ki mon gannyen pou travay avek i dan permet mon plan pli byen a lavans e konnen ki pe arive.  En mannyer nou ava vwar en pe plis dekorasyon.

Apre i annan en keksoz osi ki enportan si nou oule egey lavil se ki i annan osi langazman lezot dimoun endividyel osi ; par egzanp nou le fer bann manifestasyon artistik avek bann artis ek bann mizisyen, pou akonpanny sa bann keksoz ki nou pe sey fer. Donk  tousala nou bezwen en cachee  pou nou donn sa bann dimoun.  I annan bokou dimoun ki donn zot letan, donn zot talan volonterman.  Me selman mon ti ava swete, ki nou ti ava annan en Bidze – en sonm larzan ki apropriye ki kapab fer tousala, olye al demann – mon  pa kapab dir lasarite, me selman demann bann sponsorship  tou lazournen pou sa bann keksoz.

So vwala en pe mon larepons pou sa.

 

MR SPEAKER

Mersi Mr Andre.  Onorab Sandy Arissol.

 

HON SANDY ARISSOL

Mersi Mr Chair.  Mersi Mr Le Mer pou ou larepons.  Mon ti a kontan zisteman demann li lo larepons ki in donn mwan Mr Chair. i annan osi bann twinning programme ki annan ant Lavil Victoria avek lezot lavil.

Eski ou santi pou dir Bidze par egzanp ki’n ganny allocate letan mon pe gete dan liv Bidze pou twinning programme, eski ou santi i sifizan?  Oubyen ou ti a kontan en pe plis larzan, pou ki annan sa bann lesanz e si mon pa tronpe tou resaman in annan enn dan en distrik,  pou lezot distrik osi i gannyen ?  Sa premye.

E dezyenmman dernyen fwa mon ti al mon ti ganny sans al Lilongwe  an relasyon avek biro Mer Lavil.  Ou konnen bann Mer dan lezot pei, zot annan en status en pe o.  Zot ganny gete konman – nou servi sa dan term Kreol – bann gran dimoun.

Be letan mon’n vin kot ou Biro mon’n vwar ou transpor Mr Le Mer.  Mon’n en pe dezapwente avek ou transpor mwan.  Mon pa konnen si  -parske ou konnen transpor mon mazinen parey bann transpor ofisyel bann Minis, so nou mazinen kekfwa transpor Mr Le Mer osi i bezwen en transpor ofisyel ki si zanmen i annan en lot Mer ki Sorti dan en lot lavil i vini i pa vwar ou vin sers li dan en pti Picanto  20277 parey pou mwan lo Airport. 

        Konmsi i de balans en pe keksoz.  Konmsi mon ti a kontan demann ou la, zisteman si ou santi ou ok ek sa ki zot pe donn nou, oubyen si ou krwar ansanm nou ti kapab fer en travay pou fer sir ki Biro Le Mer i ganny en status, an menm tan  i annan finansman pou ou fer sa ki ou pe dir ou pou fer ansanm avek bann lezot mizisyen, oubyen lezot dimoun an zeneral dan lavil, an vi ki St Louis i baliz avek lavil.  Mersi Mr Chair.

 

MR SPEAKER

Mersi Onorab Sandy Arissol.  Mr Andre.

 

MAYOR OF VICTORIA MR DAVID ANDRE

Wi definitivman en Mer dan lezot pei, i en dimoun ki annan en stati o nivo.  E  zis yer mon fek retournen sorti en Konferans – en SOME Marrakech SOME  AFRISITE   kot ti annan tou bann Mer bann diferan pei L’Afrique partou.

E wi efektivman mon ti ganny akeyir dan en Mercedes Benz ki mon krwar menm Prezidan Sesel napa enn sa.

So mon pa pe demann sa vreman, me solman nou ti ganny en sonm larzan dan nou Bidze R350mil pou nou aste en loto pou Biro Mer Lavil,  so avek sa R350 mil nou’n aste en loto en Honda Fit.  So se tou ki nou ti kapab afford. 

        Si nou ti ganny plis larzan definitivman, nou ti a kapab rod en loto en pe pli  o nivo, mon sipoze.  Be vwala sa ki nou’n gannyen ou bezwen do avek sa.  Vwala.

 

MR SPEAKER

Mon krwar i annan en pti bout lo twinning. 

 

MAYOR OF VICTORIA MR DAVID ANDRE

Wi bann progranm twinning, i bann progranm ofet ki enteresan e mon kontan sa sonm larzan la – anfen sa sonm ki nou pe gannyen pou twinning kekfwa i ava permet nou kontiny sa progranm.  Akoz sa progranm i si oule i anmenn bann popilasyon bann lavi lansanm.  E atraver sa progranm i annan bokou keksoz ki nou kapab fer, pou devlop nou lavil, pou devlop nou distrik.  I annan en progranm par egzanp avek Maurice, Rivière Noire avek Anse Boileau ki mars tre byen so nou bann dimoun i al laba.

E larestan bann lezot Mauricien i vin isi.  E la sa progranm nou  fer bann keksoz ki pou promouvwar nou distrik.  En bann progranm twinning si oule i tous popilasyon;  popilasyon lokal dan bann distrik.  I pa neseserman pei, dan son pei i benefisye. Me selman i annan bann keksoz ki nou kapab fer.

Par egzanp i annan en progranm avek Haiku an Chine kot nou’n devlop en partenarya kot i annan enn nou classman Mr Donacien Freminot in fer en training laba dan coconut carving. 

E i pe al en lot training ankor la dan 2 semenn.  E nou benefis bann ekspertiz lo sa nivo.

E i annan osi MOU ki nou pou sinyen avek SIAD lenstitisyon Art and Design, ki nou bann artis – nou bann zenn artis Sesel, i kapab ale al training laba oubyen zot, zot kapab vin Sesel vin fer en staz

So i annan bokou bann benefis ki tous popilasyon, ki tous dimoun li menm dan bann distrik.  Mersi.

 

MR SPEAKER

Mersi Mr Andre.  Onorab Aglae.

 

HON EGBERT AGLAE

Mersi Mr Chair.  Bonzour Mayor, Minis Designated.  Mayor mon ti a kontan  an vi ki sa Bidze ki ou pe gannyen  pa en gran Bidze 8milyon mwan mon konsider sa Bidze parey en Bidze administratif.

E ou menm ou, ou napa bokou staff ki ou pe travay avek.  Mon ti a kontan demann ou – petet nou tou nou konnen pou dir i annan en konsern kot i konsern lavil sirtou dan weekend lavil i mor.  Nou annan bann cruise ship zot vini ennler zot napa naryen preski nanryen pou vizit dan lavil.

Petet ki mon pe mazinen  ki ou vizyon?  Mon ti a demann ou  pou annan en lot kalite model ki Mer Lavil i kapab pe vin avek.  Mon konnen sa larzan i pa ase.  Me vi ki lavil i annan bokou bann biznes, eski ou’n apros bann stakeholders pou donn en koudmen dan sa  travay parey bann biznes ki annan dan lavil.  Osi bann lezot partners ki parey Art Council,  CINEA, eski zot in annan en stakeholders meeting pou zot kapab devlop en plan, ki lavil i kapab vin en pti pe pli vivan  a lavenir?  Mon konnen ou bezwen konmans somewhere. 

        Eski ou pe mazin dan sa bann dan sa direksyon?  Mersi.

 

MR SPEAKER

Mersi Onorab Aglae.  Mon ava donn laparol Mer Lavil apre i ava swiv par PS Thesee.

 

MAYOR OF VICTORIA MR DAVID ANDRE

Mersi bokou.  Zisteman enn bann keksoz ki mon’n fer letan mon’n vini – actually sa ti ganny inisye par mon predeseser Mrs Belle, i ti anvi organiz sa ki nou apel en Victoria Forum.  E i pa’n arive fer li pandan son letan.  Me solman mwan mon kontan ki letan mon’n vini, nou’n nobou fer sa arive.

Me sa Victoria Forum i regroup tou bann stakeholder parey ou pe dir – bann dimoun dan Minister sirtou lo nivo o nivo Minister.

Epi mon osi travay avek bann dimoun prive bann business, Chamber of Commerce nou’n zwenn, nou’n diskite.   Zisteman pou vwar – pou annan en vizyon,  Akoz mwan mon ti a kontan konman Mer Lavil mon ti a kontan konnen mon konnen ki mon anvi pou lavil.  Mon ti  a kontan vwar li materyalize.

Me difikilte  ki ou gannyen dan sa bann keksoz koumsa, se par egzanp o nivo biznes  bann dimoun, zot – i pa sanble  zot forthcoming avek en finansman oubyen serten lasistans.  I annan ki fer.  Me selman zeneralman mon en pe dezapwente avek sa.

Epi o nivo nou Victoria  Forum zisteman nou diskit bann diferan issues ki nou met devan.  Me sa i pran en  pe letan.  I annan en bon pe birokrasi ki al avek.  So bann keksoz pu fer li arive, i pran en pe letan.

I annan serten proze par egzanp ki mon’n – well en proze  an partikilye  ki mon tient a coeur konmdi Français – devlopman en pti waterfront ant Marine Charter avek Nation Publishing.  I annan en lespas kot pou mwan, mon vwar sa i en landrwa ideal.  Nou kapab konmans en keksoz la.

E mon’n ganny lasistans en dimoun dan prive – en arsitek prive ki’n fer en plan – en basic keksoz – me selman byen avek good taste, ki’n fer li pou mwan gratwitman.  E sa  mon vreman apresye en dimoun dan prive ; konmsi i anmenn en kontribisyon pou sa.  Mr Ferdinand Berlouis. 

E Minister Planning and Habitat zot ti’n finalman aprouv  sa plan pou nou fer li.  E i annan en kontrakter aktyelman ki mon’n demann li si i ti  a kontan ed nou e sa Vijay Construction i pare pou ed nou.  Fer li pou en pri vreman ba pa okenn profi.  E nou’n annan diskisyon avek Minis Finans lo la ansanm avek Mr Vijay nou ti zwenn Minis Finans Mr Loustau-Lalanne kot nou’n diskit lo la.

E i annan en dimoun prive ki li i anvi envestir pey konstriksyon en pti cafeteria dan sa lespas.  Sa li ki fer konmsi i pou fer son zafer li menm zis nou donn li sa lespas.  Evantyelman i pare pou pey en rent kot Biro Mer Lavil e Biro Mer Lavil i kapab ganny sa larzan pou nou fer pou maintain sa landrwa, pou nou devlop li.  Pou mwan sa i bann linisyativ ki formidab – ki mon kontan.  Me selman i annan en bann prosedir  ki nou bezwen go through e sa i ankor pe trennen.  Mon espere – akoz mon sipoze annan en meeting avek CSR Committee byento la – sa semenn mon sipoze, kot nou ava sort out sa bann paper work.  Evantyelman sa i ava ganny fer.  Akoz mon krwar si sa i ganny  fer i pou en keksoz ki pou anmenn en  diferans dan Victoria.

E pou azoute osi dan  sa lespas –  i pou osi annan en public toilet  ki an demann anvil.  Parey ou pe dir letan bann dimoun i vini bann dimoun sorti lo cruise ship, i vini anvil i pronmnen konbyen fwa dimoun i demann mwan.  Mwan osi mon anbarase.

So si ou annan en lespas anvil kot ou kapab cater pou touris, pou lokal ki annan tou bann fasilite mwan mon krwar sa i a  en bon en zoli  legzanp, e i ava en komansman pou Lavil Victoria.

So mon ti a kontan si zot kapab konpran sa e apresye sa ki mon pe sey dir.  E evantyelman donn mon zot sipor lo la.  E nou ava vwar en diferans.

 

MR SPEAKER

Mersi Mer.  Mon ava donn laparol PS Thesee apre mon ava retourn kot ou Onorab Agale.  PS. 

 

PS DAMIEN THESEE

Mersi Mr Chair.  Mon ti anvi  donn de pti klarite lo issue loto.  Akoz ki arive pou bann lorganizasyon ki annan son VIP nou annan Protocol cars anba Foreign Affairs ki ou kapab pran.

E si Foreign Affairs pa kapab asiste, la ou kapab al lwe loto ase …  ankor pou satisfer VIP status akoz i pa fer sans pou annan en bann loto sa model dan lorganizasyon ki pa efektiv.  So ou kapab lwe akoz ou pa kit la.

E dezyenmman lo sponsorship plizoumwen lo lalimyer, sa ti konmans par  ex-Mayor e nou vwar model ki nou ti’n travay lo la sete Gouvernman i kontribye en bout.  E these office i al deor e rod sponsorship in marse all along ki zot ganny sa sponsorship.

        Akoz nou vwar i kout en  bon pe larzan, pou tou le Desanm met lalimyer e osi tire. Nou vwar i en bon linisyativ – en keksoz ki plizoumwen in egey Victoria, nou bezwen kontinyen.

        So Gouvernman li i committed pou donn en bout me nou bezwen kontinyen al deor rod sa sponsorship e menm si fodre nou ganny CSR. 

        E pa tou keksoz ou espekte Gouvernman pou finanse.  I annan son obligasyon ki i mete.  Me selman keksoz ki nou kapab vwar i annan public sector i enterese pou donn sponsorship, nou ankouraz li pou vin devan.  Mersi.

 

MR SPEAKER

Mersi PS Thesee.  Onorab Aglae.

 

HON EGBERT AGLAE

Mersi Mr Chair.  PS dan sa menm laliny ki ou fek fini lo la kot i konsern CSR.  Akoz an vi ki annan en responsabilite sosyal, kot i konsern bann biznes ki dan lavil – parey nou pe fer dan la kominote ozordi.

Nou konnen poudir dan bann pei i annan bann gran lavil osi, Mayor’s Office i resevwar bann donasyon atraver serten petet dan Regilasyon zot biznes, ki zot pe bezwen pe donn en poursantaz kontribye, pou gard lavil akoz zot pe zouir en benefis avek sa lavil.

So mon ti a  swete ki at least, i ava annan en serten form of – mon pa konnen vi ki annan sa diskisyon avek CSR Committee, ki ou a donn en koudmen Minister Finans pou ed Mayors ganny en pe larzan anba CSR pou li kapab, pa depan li Bidze Gouvernman.  Akoz  mon konnen poudir si keksoz i ale i marse, i pa pou bezwen Bidze Gouvernman avek sa ta biznes ki nou annan dan lavil.  Mersi.

 

MR SPEAKER

Mersi Onorab Aglae.  PS oule pti keksoz lo la fer komanter?

 

PS DAMIEN THESEE

Mersi Mr Chair.  Mannyer model CSR ki marse sa obligasyon i bezwen al pros bann lakonpannyen prive pou li ganny sa larzan.

E petet sa ti ava en bon loportinite pou lans lapel.  Akoz ki nou pe vwar sirtou bann ptipti biznes, i annan bokou ki pa ale pou pli zou mwen rod en sponsorship.  I tant pou pey sa larzan direkteman avek SRC.  E nou pe sey rod en fason pou nou apros sa bann ptipti biznes, ki pou kapab ouver zot laport.  Pou konnen kote zot kapab tap-in ki kapab ede kontribye – well dan en fason aktyelman ede pou anmenn sa corporate responsibility – kontribye sa larzan direkteman.

E la i ava en landrwa kot Mer Lavil kot nou kapab travay avek zot, pou zer – divert sa larzan kot sa bann proze spesifik, ki ava annan en benefis, rather ki zot pa pey zot CSR avek en sponsorship, me zot prefere pey tou avek SRC. 

        So nou pou travay lo la lannen prosenn.  Mersi.

 

MR SPEAKER

Mersi PS Thesee.  Onorab Sebastien Pillay.

 

HON SEBASTIEN PILLAY

Mersi Mr Chairman.  Bonzour.  Bonzour tou Manm Onorab.  Bonzour tou dimoun ki a lekout.  Byensir bonzour panel e Mer Lavil.

Mon ti a kontan demann premye kestyon Mer Lavil, baze lo Bidze ki ou’n gannyen, ki ou bann plan ki ou annan pou 2019 – ou bann main plans pou 2019 pou – mon pa konnen anmenn plis lanbyans – plis valer dan lavil?  Mon’n vwar bann kestyon en pti pe, eparpiye en pe partou.  So petet sey donn nou en breakdown ki bann plan ki zot annan zot in travay lo la pou Lavil Victoria?

Mon 2enm kestyon petet mon a demann en klarifikasyon.  Si petet ou kapab donn en pe detay as to bann dekorasyon, kote zot  pe sorti, ki mannyer zot pe fer procurement pou sa bann dekorasyon?  Eski nou pe swiv bann standar ki’n ganny etablir pou asire ki nou an akor avek Lalwa?

E akoz bann dekorasyon i ser?  Akoz dan lepase in annan bokou konsern – mon rapel ler Mrs Belle ti la osi ki pou dekor lavil i ser.  E zis pou lo en  kote pou eksplike  akoz i ser.  Me en kote osi pou fer dimoun konpran ki ler zot vandaliz sa bann dekorasyon, i kout nou en bon pe larzan.

Si ou ti kapab reponn sa de kestyon avan.  Mersi Mr Chair.

 

MR SPEAKER

Mersi Onorab Pillay.  Mr Le Mer.

 

MAYOR OF VICTORIA MR DAVID ANDRE

Wi mersi Manm Onorab.  Plan pou ki mon annan pou Lavil Victoria parey mon’n eksplik ou ,avek sa Bidze ki nou pe gannyen i mon pa kapab fer bokou keksoz.  Me selman en keksoz prensipal ki mon anvi fer, se zisteman sa devlopman sa pti waterfront park – waterfront project.  Mon krwar sa i en keksoz ki i en pe ptipti.  Me selman i pou ase significant e effective.  Akoz finalman sa ki mon ti a kontan vwar letan dimoun i vin anvil, mon ti a kontan letan dimoun i vin anvil, letan zot fini travay oubyen pandan lunchtime par egzanp menm bann viziter ki vini i annan en keksoz pou fer anvil.  Akoz lavil i mor.  Nou bezwen  aksepte sa.  Napa aktivite.

E si ou kree en  lespas pou dimoun kapab pou santi zot annan sa sans apartenans.  Letan ou fini travay oule pran ou loto degaze pou al se ou kot ou reste partou,  ou konnen i annan en landrwa ou kapab ale, ou zwenn dimoun pran en kafe pran en pti manze.  E bann zenn osi i annan en lespas pou zot kapab fer serten aktivite.  Akoz dan sa lespas osi, petet mon devret presize – mon pe osi anvi annan en konman en nespes en gazibo – konman en stage kot i kapab permet annan bann animasyon mizikal, teat, poezi eksetera, ki an menm tan i ava annan en keksoz artistik kiltirel ki pou bon pou lazenes, ki pou bon pou nou popilasyon.  Olye bann keksoz agresif ki nou pe tande partou.

So en landrwa – en lespas kot dimoun i ava santi li byen dan Victoria ; en lespas ki ver, ki zoli ki safe, e ki tou dimoun i a santi li byen.  Pou mwan sa i en keksoz prensipal ki nou anvi fer.

Epi mon anvi travay osi avek par egzanp Minister Kiltir, CINEA, National Art Council, kot nou annan bann animasyon ase regilye anvil.  Sa i enportan osi.  Sa i en lot keksoz ki mon ti a kontan vwar.  La avek louvertir Mize Nasyonal kot ex-Supreme Court ti ete nou annan en partenarya for avek Minister Kiltir la, e i annan serten keksoz ki nou anvi fer dan sa lespas la.

An dan tro o mon anvi ki lavil  Victoria i en lav il ki agreab pou tou dimoun – pou piblik lokal, pou viziter osi.  Letan nou vin la nou santi nou byen, nou santi nou safe, e nou santi nou  an sekirite.  Vwala.

Wi detay lo dekorasyon.  Ou konnen bann dekorasyon i kout ser.  I kout vreman ser.  E laplipar bann keksoz ki nou gannyen nou aste li an Chine. Mrs Belle i annan en dimoun  -en dimoun ki fer sa bann zafer laba, ki nou annan kontak avek ki provide sa bann keksoz  tou sa bann lannen.  E nou pe kontinyen travay ek li.  E nou pe, ganny bann dekorasyon sorti laba.

E  osi mon ti anvi azoute osi ki dan enn nou progranm  twinning, avek en lavil an Chine Ching Dow  nou ti al fer en  vizit recently, i annan en company –   en private company laba ki pe donn nou osi serten dekorasyon pou Nwel, ki pe vini ladan lavaler en  3,500 Dolar zot ti’n pare pou donn nou.  So sa atraver sa twinning nou’n nobou ganny en pti keksoz osi.  So ki mon espere sa lannen nou ava vwar keksoz zoli, osi enteresan e ki tou-le-z-an nou gard sa menm standar sa menm nivo kot dimoun i santi li.

Well moman festivite i zoli nou lavil in byen dekore e tou dimoun i kontan.  Vwala.  Mersi.

 

MR SPEAKER

Mersi Mr Mer.  Onorab Pillay Sebastien Pillay.

 

HON SEBASTIEN PILLAY

Mersi Mr Chair.  Mr Chair mwan mon ti a kontan zis lo sa kestyon lalimyer, ki mannyer zot pe store sa bann lalimyer pou ki nou pa ganny sa repetisyon kot nou bezwen annan sa kou adisyonnel, pou kontinyen fer met sa bann lalimyer?

E mon lot kestyon petet mon adres li a Mayor avek Minis, plizyer nou’n tann Mrs Belle letan i ti Mayor koz lo lefe ki li i pa en Mayor Elekte e bann laplipar bann Mayor dan sa group i bann Mayor Elekte me zot  stati i diferan.

E stati e rol zot annan pou zwe i diferan.  Prezan rezon pran Lavil Victoria i annan bann konsern; par egzanp loder bann keksoz koumsa, e tousala parfwa i vin mor lo ledo ladministrasyon lavil – si oule.  Akoz Mayor i sipoze administrater lavil.

So eski i pa ler pou nou revwar konsep ki nou pe servi pou sa rol Mayor?  Kot i pe move pti a pti ki pou sorti from en seremonyal to a more important role ki nou pou donn li.

E ki mannyer prezan nou dan lefitir, nou pou apros rol ki Mayor i zwe?  Akoz vizavi so bann counterpart mon krwar Mayor i kapab al teste ki laplipar son bann counterpart dan lezot pei, an vi ki laplipar i bann elected officials, ki mannyer nou kapab move dan sa direksyon?  E donn sa lofis ki ou pe okipe sa standar e sa rol ki i sipoze annan?  Mersi.

 

MR SPEAKER

Mersi Onorab Pillay.  Mr Le Mer.

 

MAYOR OF VICTORIA MR DAVID ANDRE

Mersi Manm Onorab.  Well mwan sa ki mon kapab dir ou, se ki mon’n vin dan sa lofis atraver bann Manm Lasanble Lasosyasyon Distrik Victoria.  Ou konnen Victoria i annan 8 distrik e sa 8 Manm Lasanble dan biro – I mean dan  ki form parti District Association of the District of Victoria, zot ki ti selekte mon pou vin Mayor.  Mon ti vin fer en interview avek tou le 8, ki form parti sa Lasosyasyon Distrik.

E zot a limanite zot ti selekte mon konman, Mer Victoria.  Vwala konman mon pa’n vin mon pa’n ganny  nominen parey bann previous  Mayors. 

So mon pa’n ganny nominen – mon’n ganny si ou kapab met selekte par sa 8 Manm Lasanble Nasyonal.  Sa pa mwan ki’n desid sa prosedir me selman mon konnen partou dan lemonn en Mer Lavil i ganny elekte par son komin – par son lavil eksetera.

Me Sesel nou, nou sityasyon i diferan, amwen ki Gouvernman i anvi sanz sa bann  prosedir – sa i pa depan lo mwan.  So vwala sa mon kapab dir lo la.

 

MR SPEAKER

Mersi Mr Andre.  Mon pa konnen si Minis i le azout keksoz lo la.  Minis.

 

THE DESIGNATED MINISTER MRS MACSUZY MONDON

Mersi Mr Speaker.  Bonzour Mr Speaker tou Manm Onorab, tou dimoun a lekout.

Mr Speaker mon vwar mon krwar Mayor Andre in eksplik byen, ki mannyer i ti ganny apwente – apwente Mayor.  E parey nou konnen Sesel i ptipti nou annan zis en Mayor e sa se Mayor pou Lavil Victoria.

Mon krwar lafason ki nou’n fer li – e sa voyaz nou’n fer li diferan parey in dir kot avan nou ti zis nominen.  Me nou’n annan en striktir ki nou’n travay within, pou nou kapab zisteman apwent en Mayor.  Pli tar dan lavenir si nou santi poudir i annan sa nesesite kot Mayor i bezwen ganny elekte, sa i ava pran ankor en lot lanpler – en lot prosedir ankor – en lot kou ki nou pou bezwen – ki Gouvernman pou bezwen konsidere si nou anvi al dan sa direksyon a lavenir.  Mersi Mr Speaker.

 

MR SPEAKER

Mersi Minis Mondon.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon krwar mon bezwen fer en klarifikasyon mon kestyon.

Akoz mon kestyon ti relate avek lefe ki rol sa lofis ozordi ki Mayor i annan pou li fer.  Sa ki mon ti pe demande se ki bann pouvwar adisyonnel.  Si en elected Mayor pou annan plis la pouvwar, me osi mon ti pe rode ki bann pouvwar adisyonnel en Mayor i kapab annan.  Akoz bann problenm Mayor i bezwen deal avek lavil ozordi, i pa parey bann problenm ki Mayor ti dan lavil dan lepase.  Keksoz in evolye.  In annan en kantite sanzman dan lafason  – i annan en kantite demann – en kantite legzizans lo lofis en Mayor ozordi.  Ou konpran.

Mwan mon pa ti pe focus lo Mayor Andre as ki mannyer in ganny elekte.  Me mon ti pe rode ki –

 

(Off-Mic)

 

HON SEBASTIEN PILLAY

(Mr Speaker eski Onorab Ferrari i kapab les son kanmarad dan sa Lasanble demann en kestyon – silvouple?)

 

(Off-Mic)

 

HON SEBASTIEN PILLAY

Me i pa kapab koumsa toultan i oule enteronp son kanmarad.  Mon pa’n koz ek ou mwan.

 

MR SPEAKER

Donn mon laparol.  Donn mon laparol.  Ok mon mon’n donn ou laparol ou kestyon Onorab Pillay ou kestyon ou focus lo lafason ki Mer Lavil i vin dan lofis ou’n focus lo eleksyon and all that. 

        Se la prezan ou pe ros klarifikasyon pou vwar ekstra en Mer Lavil.  Ou’n mansyonnen zafer pou deal avek loder avek lapropte lavil and all that. 

Me ou’n focus lo konman en Mer pou vin dan lavil lezot counterpart ki ganny elekte and all that. 

Mayor avek Minis in donn ou en repons pou dir avan zis sa, Mer Lavil ti ganny nominen.  Zot in bouz lo en lot letap ki sa 8 distrik ki baliz avek Victoria ki form The Greater Victoria in selekte.

E Minis in al pli lwen poudir, petet dan lavenir zot ava al dan sa direksyon kot en Mer Lavil i ganny elekte.

So vwala.  In reponn ou kestyon.  Ou lot bout la ki ou pe anmennen se ‘’pouvwar’’ – si Mayor pou annan ‘’pouvwar’’ adisyonnel dan son travay.

 

HON SEBASTIEN PILLAY

Efektivman Mr Chairman ler mon’n demann mon kestyon mon’n ekrir li la.  Mon’n koz lo revwar lafason konsep sa rol Mayor akoz bann legzizans ozordi – bann demann ki annan lo sa lofis.

E se la kot mon ti le Minis i focus lo la.  Akoz nou pe donn en Bidze en lofis e nou pe demann li pou fer bann travay.

Si nou pa pe donn li sa Bidze si s a travay in ogmante i bezwen match kanmarad.

Akoz, demen then se piblik an deor ki pou dir sa Mayor pa pe delivre oubyen, en lot pa pe arive oubyen sa pa pe arive.  I mon, rol pou en Manm Lasanble pou rod fason pou fer  en keksoz marse.  Mon pa konnen akoz lot kote pe ankoler pou sa.  Mersi Mr Chair.

 

MR SPEAKER

Mersi.  Mon a donn laparol Minis Mondon.

 

THE DESIGNATED MINISTER MRS MACSUZY MONDON

Mersi Mr Chair.  Mr Chair mon ti ava kontan petet zis konfirmen pou dir Mayor i annan tou pouvwar – en Mayor,  Pe enport lo ki mannyer ki’n ganny apwente Mayor. 

Me Mayor Mer Lavil Victoria.  E i annan tou pouvwar ki en Mayor i merit annan anba son – letan i pe desarz son bann responsabilite konman Mer Lavil.

Petet mon ava pas laparol avek Mayor an ka i annan keksoz ki anvi azoute.  Mersi Mr Chair.

 

MR SPEAKER

Mersi Minis.  Mr Andre.

 

MAYOR OF VICTORIA MR DAVID ANDRE

Wi ou konnen Sesel nou sityasyon aktyel i pa parey lezot pei.  So mon pe fonksyonn dan en diferan setting. 

Me selman parey Minis in dir, mon annan tou pouvwar konman en Mayor.  E o nivo enternasyonal bann Konferans parey mon’n dir ou mon fek sorti en SOME Africités e antan ki  Mer Victoria ofet  tou    mon predeseser Mrs Belle, i ti ganny elekte lo en Komite ki apel UCLGA United Cities and Local Governments of Africa.   E li i ti Vis-Prezidan pou rezyon L’Afrique de l’est.   E letan in sorti dan lofis  efektivman sa rol in tonm lo mwan. 

        So mwan mon ti pe reprezant mon ti Vis-Prezidan pou rezyon L’Afrique de l’est United Cities and Local Government. 

So mon ti annan menm stati ki lezot manm elekte lo sa Komite,  lezot Mayor.  E o nivo enternasyonal par egzanp i mon lo menm stati.  Sesel mon pa pe fonksyon parey dizon Mer Marrakech oubyen Mer Paris e an-na-tan-dan letan mon pe koz lo Mer Paris nou osi form parti Victoria i form parti Lasosyasyon Enternasyonal De Mer Francophone. E son Prezidan ti Mrs Anne Hidalgo ki Mer Lavil de Paris, e letan nou, zwenn dan bann konferans dan bann SOME me Mrs Hidalgo ek Mer Victoria i lo menm stati – si mon kapab met li koumsa.

Selman Sesel nou setting i diferans.  So si evantyelman nou anvi sanz, sa setting Sesel so that will be up to pou nou pou fer li.

 

MR SPEAKER

Mersi  Mr Andre.  Onorab Jany De Letourdie.

 

HON JANY DE LETOURDIE

Mersi Mr Chairman.  Bonzour tou dimoun.  Mr Chairman mon ti a kontan demann Mayor – nou konnen pou, dir, sa lannen lavol i selebre son 240an.  E mon ti a kontan si i ti a dir nou, ki bann progranm kle ki i annan pou komemor sa 240an?  E ki mannyer i reflekte dan Bidze?

E apre mon ti a kontan i dir nou konbyen staff i antase avek ou lofis?  Mersi.

 

MR SPEAKER

Mersi Onorab De Letourdie.  Mr Le Mer.

 

MAYOR OF VICTORIA MR DAVID ANDRE

Mersi Manm Onorab.  Wi efektivman Lavil Victoria i fet son 240an an ofet an Oktob le premye Oktob sa lannen, ki letan Lavil Victoria ti konmanse li menm ofet par lavi Victoria me selman sa lepok ti L’établissement  du Roi.  I ti komanse an 1978 apre in vin Lavil Victoria pli tar so i fer 240an.

E pou sa selebrasyon si oule biro Mer Lavil nou’n fer en piblikasyon en liv lo Victoria ki erezman mon’n ganny lasistans Minister Finans pou fer sa liv.  Akoz mon ti napa vreman Bidze pou publish sa liv.  Me selman avek lasistans Minis Loustau-Lalanne, in nobou ed mon trouv en larzan nou’n fer sa.  Akoz mon santi mon krwar in santi merit sa proze.  E i annan en Publishing House L’Angleterre osi en dimoun ki an nan bon relasyon avek Sesel, ki anvi osi organiz bann twinning programmes pou nou avek bann pei Kreolofonn parey bann lavil en Louisiane. So in si rantre ladan sa proze in donn en serten finansman  pou fer sa piblikasyon en zoli piblikasyon ki mon krwar zot tou Manm Onorab zot devret annan.  I listre byen i listre byen Lavil Victoria pandan sa 240an an foto.  Nou ti fer lansman kot Mer kot, Biro Mer Lavil resaman Minis i ti la

E nou annan osi lezot aktivite nou pou travay ansanm avek Mize Listwar Mize Listwar kot ex-Supreme Court ti ete.  So pandan sa lannen ziska lafen lannen prosenn.  So nou anvi ansanm travay avek zot pou fer serten aktivite ekspozisyon, diskisyon lo ki pou komemor sa 240an Lavil Victoria.   Vwala.

 

MR SPEAKER

Mersi.

 

MAYOR OF VICTORIA MR DAVID ANDRE

A pardon o nivo staff wi.  O nivo staff dan biro i annan mwan menm koman Mer.  Nou annan Ms Lydia Charles ki Executive Director, Ms Solange Marimba ki li i okip tou bann zafer administrasyon ek finans, apre nou annan en driver – Paolo Beaudoin apre nou’n hire en sekirite from en private firm avek en cleaner from en private firm.   Vwala.

 

MR SPEAKER

Mersi Mr Andre.  Onorab De Letourdie.

 

HON JANY DE LETOURDIE

Bon Mayor konbyen zot pe vann sa liv si zot pe vann ?

 

MR SPEAKER

Mr Andre.

 

MAYOR OF VICTORIA MR DAVID ANDRE

Mersi nou, nou pa dan biznes vann liv.  Me selman nou annan en Lagreman avek Chanterelle, Chanterelle bookshop Antigone bookshop ki zot, zot pe vann pou nou – i kout mon krwar R600.  So si zot oule aste zot kapab ganny li dan sa bookshop.  Zot pe vann li pou nou.

 

MR SPEAKER

Mersi Mr Andre.  Onorab Simon Gill.

 

HON SIMON GILL

Bonzour Mr Speaker.  Mersi Mr Speaker pou don mon laparol.  Bonzour Designated Minister, Mayor, tou Manm Onorab, tou manm piblik ki pe ekoute.

Mr Speaker mon pe konpran en pti pe ki mannyer nou oule diskisyon lo Bidze.  Me i annan serten bann presedan ki nou’n etablir.

E mon krwar dan tout lonnekte e  respe, mon ti a voudre ki dan konteks sa Bidze 2019 ki nou pe diskite lo la bomaten pou Mer Lavil Victoria, mwan personnelman Mr Speaker mon ti ava voudre ki nou Mer Lavil or sa Lofis, i ganny tou son stati ki i devret gannyen pou met li at par avek ou bann lezot Mer Lavil; dan sa konteks.

Eski i pa in ler pou nou revwar stati rol fonksyon sa Lofis Mer Lavil Victoria?  Pou ki nou donn li e met li alaoter ki i neseser mete dan sa nouvo letap ki nou  ete ladan.

E dan sa konteks i egalman poz nou en kestyon enportan.  Me lev li nou at par  met li par nou bezwen osi demann Mer Lavil la konman i la avek nou ki plan ki ou annan pou 2019?  Dan konteks byensir sa Bidze ki’n ganny allocate avek li.

Si i annan en plan mon’n tann in nonm waterfront e lezot ankor.  Eski sa provizyon bidzeter ki pe donn li i sifi  pou li akonpli sa rev sa vizyon ki annan pou 2019 and beyond ?  Sa i enportan.

E i egalman enportan osi ki nou met keksoz an perspektiv.  Nou’n, etabli bann standar bann paramet pou bann lezot Minster Departman e nou dir tou bann tranzaksyon Bidzeter finansman ki annan i bezwen pas atraver en standar.  E ki son standar procurement procedures. 

        E mon pa’n kler ki sa R600mil ki in ganny donnen dan Bidze Siplemanter, si i annan sa standard procurement procedures ki’n ganny respekte.  I pa kestyon ki i annan en kontak – me i kestyon si nou fer sa bann prosedir, pou ki ankor enn fwa pourtan respect pou met nou at par avek bann lezot Departman ki nou pe egzize respekte sa bann standar.

Bon pou lemoman Mr Speaker mon pou aret la e mon ava ekout repons ki mon ganny donnen.  Mon napa 4 – mon annan ankor 10 kestyon Onorab Gervais Henrie.  Mersi bokou Mr Speaker.

 

MR SPEAKER

Mersi Onorab Simon Gill.  Mon ava donn laparol Mr Le Mer.  Mon a donn laparol Mr Andre.

 

MAYOR OF VICTORIA MR DAVID ANDRE

Mersi bokou Manm Onorab pou ou kestyon.  Ou’n koz lo si pa in ler pou revwar stati Mer Lavil.  Mwan mon napa problenm avek sa.  Si Gouvernman i  santi akoz sa pa depan lo mwan.  Mwan mon pe dir zot ki mon rol  aktyelman la e ki mannyer mon fit-in avek lezot Mer Lavil dan bann lezot landrwa ki letan mon zwenn zot.  Me si nou santi ki in ler pou revwar mwan mon napa problenm ditou avek sa.

Ou’n koz lo mon plan.  Parey mon’n eksplike  Bidze ki pe ki’n ganny allocate pou mwan  – pou mon lofis pou 2019 i pa permet mwan fer bokou keksoz.  Mon annan bokou plan koman Mer Lavil mon annan en vizyon –  mon anvi vwar bokou keksoz da lavil.  Me selman mon bezwen realis ek sa ki zot in propoz mwan konman en Bidze mon’n dir ki  mon anvi fer.

E pou mwan kan i meyer ou fer en keksoz ptipti, avek en kalite ki i annan en lefe – ki ou pou al fer en kantite keksoz ki ou pa vwar rezilta.  Selman mon anvi vwar en rezilta.   E sa keksoz ki mon pe fer letan mon pe koz lo devlopman sa green area – sa lespas anvil kot dimoun i kapab vini annan aktivite, pou mwan sa i en keksoz  ki pou sanz Victoria e kantite.  E mon krwar ladan – bokou.  So sa i mon plan prensipal.  Epi mon’n eksplike ki mon pou travay an kolaborasyon avek bann lezot Lazans.  Akoz mon fonksyonn avek an kolaborasyon avek lezot Lazans pou lenstan la, pou fer keksoz arive.

Epi ou’n koz lo procurement  standar procurement pou aste sa bann  keksoz.  Ou konnen mon konpran ki i annan bann prosedir ki bezwen ganny fer, si noue asir la transparans accountability – mwan mon toutafe dakor avek sa.

Me selman mon bezwen osi fer zot konnen poudir  i annan serten prosedir osi ki pran letan e ki kapab anpes keksoz arive.  Akoz bann sa  lourder birokrasi ki ou bezwen go through e  by the time ou fer li,  sa keksoz i fini pase.

Mon pou donn ou en legzanp konkret.  Kot letan nou ti pou pibliy sa liv lo Victoria 240an lavi Victoria – en proze ki tou dimoun in dakor – Minister Finans – Minis Finans li menm, in dakor ki i en bon proze.  E nou ti napa larzan dan nou Bidze pou nou fer sa.

So Minis Finans li in dir mwan be napa problenm go ahead, fer sa.  I krwar i en bon keksoz. So nou’n fer bann prosedir. Nou’n ale Procurement demann mon tou sord kalite kestyon, ki finalman si mon ti go through tou sa bann keksoz ki zot ti’n dir mon ti pou napa piblikasyon liv!

Minis li menm in bezwen donn son go ahead personnelman poudir be les sa boug print sa liv akoz si non pa pou arive.

So s aki mon pe eksplik zot se ki mwan mon napa problenm avek Procurement avek bann prosedir akoz i enportan pou fer pou annan sa.

Me selman nou bezwen osi regard lafason ki nou fer.  Si en keksoz pe marse mon pa krwar nou devret al deranz li al rod en lot sistenm pou marse.

Sa bann zafer lalimyer ki nou pe order sorti La Chine, i en supplier ki deza la depi avek predeseser ki’n provide en serten kantite lalimyer avek en serten kalite.

E letan nou bann dernyen minit pou nou rod lalimyer, si ou al go through tou sa bann prosedir procurement, lalimyer zanmen pou arive pou Nwel – i pou ariv pou Pak.

So sa i en keksoz ki mon pe dir konmsi i enportan.  So  si mwan, mon annan mon Bidze ki mon konnen sa lannen mon annan tel larzan, pou mwan fer tel keksoz, then bann procurement procedures zot ava ganny fer well annavans, epi keksoz i ava marse.

Si ou ganny allocate en larzan o dernyen minit ou al fer procurement i annan difikilte.

So sa i en pe bann keksoz ki mon anvi konmsi bann difikilte ki mon pe go through. Mon anvi fer zot apresye sa.  Mersi.

 

MR SPEAKER

Mersi Mr Andre.  Onorab Gill.

 

HON SIMON GILL

Mersi Mr Speaker.  Mr Speaker mon’n konpran tre byen bann hurdles ki Mer Lavil i dir nou i pas atraver konsernan procurement.  E dan sa konteks eski PS Finans ki la avek nou ozordi, i kapab donn nou en undertaking ki zot pou fer li konman enn zot latas priyoriter, pou tir tou sa bann lanpayaz dan procurement procedures ki annan?

E petet si nou devret sizer en deadline – normalman mon pa tro, tro kontan fer sa? Eski nou kapab dir dan premye kar 2019 nou kapab ganny en procurement procedures  ki’n ganny rafinen, e ki nou etablir en procurement procedure ki kler, ki pa fer ou fer mil letour Babylon, avan ler nou kapab adres en problenm or en demann pou tou –  pa zis la pou Mer Lavil Victoria, nou pe koz pou tou bann Minister – bann proze ki en kantite lentervansyon in ganny fer isi dan sa Lasanble,  pou procurement procedures i reste enn bann lobstak pli critical ki nou annan dan nou process isi.  Eski nou kapab ganny en undertaking dan sa domenn Mr Speaker?  Premye.

Dezyenmman malgre i annan tou sa bann issues ki nou pe dir, mon krwar ki Minister Finans parfwa i sey fer mannyer pou entervenir.  Me si nou entervenir nou bezwen osi anmenn sa lentervansyon partou.

Nou pa kapab entervenir dan en landrwa e dan lot landrwa, nou les sa bann Minister sa bann departman trennen.  Epi nou tann proze pa’n ganny fer lot pa’n ganny fer akoz i annan delay partou.

Mon krwar sa i en area Mr Speaker with all respect pou tou, dimoun ankor enn fwa ki nou bezwen fer sir ki nou elimin li.

Now lot kestyon ki proze konman Mer Lavil akoz premye fwa mon ganny en sans enterakte avek li dan nou prezans isi.  Ti lav byen ki dan sa demars pou met son biro apar avek bann lezot Mer Lavil ki dir nou i santi li i ok me dan konteks Sesel eski sa Biro Mer Lavil nou get li si oule si mon kapab servi sa term avek tou moderasyon.  Eski nou pe koz biro Mer Lavil ou lofis Mer Lavil ki politize – ki politik ?  Eski nou pa devret annan en Mer Lavil ki dépolitisé pou ki i kapab vwar tou keksoz dan son lansanm ?

E sa li menm li i ava petet donn Mer Lavi Victoria en lot kalite dimansyon dan son pouvwar.  E nou ava kapab vwar keksoz pe bouz diferaman.

Dernyen, dernyen pwen Mr Speaker mon ti kava voudre mon vwar ki Mer Lavil i pran bann linisyativ mon’n tann li fer statement bomaten kot i dir i pa pou al beg pou li ganny bann provizyon finansman.

Me eski i byen si nou met li koumsa ki tou bann distrik kot i annan bann biznes ki letour sa lavil  Victoria ki dan sa nouvo fason vwar keksoz dan sa nouvo fason definir rol fonksyon Mer Lavil, pou ki ava annan posibilite pou nou vwar en kontribisyon direk.  Kot Mer Lavil pa bezwen santi li kot i bezwen al beg, me kot i ava vin some sort of en kontribisyon ki sorti kot tou sa bann aktivite komersyal, dan bann distrik otour Lavil Victoria, kot i ava rantre dan en Fon pou ki an retour Mer Lavil a kapab gannyen pou kapab fer bann depans oubyen fer son administrasyon.  Why not?  So mon vwar li en pti pe dan sa loptik.

E pou bann lezot proze byensir, i kapab osi why not – pou zwenn sa bann lezot businessman ki a letour Vitoria ede pou kapab chip-in dan son proze pou li kapab akonplir son vizyon ki permet li dan son term son lofis fer keksoz ki vreman parey in dir li menm de kalite, e ki i vreman pa neseserman lakantite ki pou konte me kalite e ki i a kit en legacy ki vreman lepep Seselwa i ava kapab koz lo la dan son letan ki ava’n deservi dan son lofis.  Mersi bokou Mr Speaker.

 

MR SPEAKER

Mersi Onorab Gill.  Mr Le Mer.

 

MAYOR OF VICTORIA MR DAVID ANDRE

Bon mersi bokou Manm Onorab.  Ou kestyon mon pa tro sir letan ou dir ou ti  a kontan vwar en Mer Lavil ki pa politize.  Akoz si ou pe insinuate Mer Lavil aktyel en dimoun politize?  Mon pa tro sir konmsi si zis ou pe dir sa.

Me selman mwan mon kapab dir ou mwan mon kapab dir ou ki mon tan ki mon Mer Lavil sa fonksyon ki mon pe desarze, mon pe fer li avek tou lendepandans.  Mon pa pe fer li lo okenn platform politik ekse swa.  Sa mon kapab garanti tou Manm Lasanble isi.

Apre bann linisyativ ki nou pe koz lo la avek bann distrik ; definitivman mon krwar i enportan parey ou dir ki bann business  dan distrik zot chip-in pou fer en kontribisyon parske zot dan sa bann distrik ki form parti Victoria.  E a mon avi i toutafe normal ki zot devret chip-in.  Me selman zot napa okenn lobligasyon pou lenstans sa problenm ki nou pe ganny difikilte avek.

Si i annan en metod ki nou kapab servi pou fer zot fer serten kontribisyon.  Parske mon konnen i annan serten Mer Lavil par egzanp Paris i annan bann tax alokasyon dizon i annan bann tax ki bann biznes i peye dan sa lavil, tou sord kalite keksoz ki al kot Mer Lavil, me isi Sesel mon krwar petet nou devret asize vwar ki kalite kontribisyon bann biznes dan lavil i kapab fer e sa larzan ki ganny kolekte i al dan en Fon ki a kapab ganny zere par Mer Lavil.  E ki kapab permet Mer Lavil fer bann aktivite pou devlop Victoria.

Akoz zot dan sa lavil, zot pe fer biznes  zot pe en serten reveni.  I vre ki zot pe pey bann taxes me selman petet ti ava bon vwar en lot kontribisyon ki annan pou fer pou Lavil Victoria.

Me selman lo sa pwen mon ti a kontan konmsi reiterate ki i annan serten dimoun serten businesses ki donn en koudmen e mon bezwen felisit zot e remersye zot pou sa.  E par egzanp pou kontribisyon pou lavil pou lalimyer pou lavil company Hunt Deltel i fer en kontribisyon ; Chaka  Brothers i fer en kontribisyon, lezot, lezot dimoun.  E coming back to mon proze pti proze waterfront Vijay Construction, en konpanni prive ki anvi fer kontribisyon pou Lavil Victoria.

So mon ti a kontan konmsi remersye sa bann dimoun e fer zot konpran poudir i annan serten dimoun ki pe vin devan pou vin fer serten kontribisyon, ki pran serten linisyativ.  Me selman fodre linisyativ pe ganny apresye, i ganny nou fasilit zot pou fer sa bann keksoz.

Akoz si nou kree bann serten prosedir ki fer zot perdi letan, zot pa pou donnen.

So nou bezwen rekonnet letan i annan serten linisyativ i vin devan pou nou ankouraze apresye.  Vwala.  Mersi.

 

MR SPEAKER

Mersi Mr Andre.  PS Thesee i annan sa bout pou ou reponn lo procurement.  En moman, en moman les PS Thesee i a pran sa bout.  Apre nou ava retourn lo Mer Lavil.

 

PS DAMIEN THESEE

Mersi Mr Chair.  An ki konsern procurement sa i en deba ki nou pou touzour annan.  Nou pou touzour annan rezon pou dir procurement  i met retar,  i en lanpayaz.

En bann kriter mazer ki nou vwar, akoz nou annan retar dan procurement, lo kote procurement, i pou vin la pandan lasemenn i kapab donn plis lenformasyon.  Ou vwar planifikasyon i manke.  Bokou fwa nou esper dernyen moman pou fer keksoz evantyelman  ou pa pou annan sa dele letan prezan pou ou swiv sa prosedir.

Par egzanp lalimyer Nwel si nou esper Desanm pou fer son prosedir natirelman i pou tarde.  Akoz nou bezwen konmans li depi boner.  Ou vwar bokou fwa ler  i vin Komite napa klarite lo sa proze.  Swa design, swa son costing, ouswa son konsep pa bon, i mank lenformasyon Komite i bezwen fer sa Minister go back ankor pou donn sa bann len formasyon.  So ankor i tarde.

E i annou pa bliye 2008 kote nou ti ete an 2008.  Enn bann rezon ki nou ti bezwen fer reform, e  bezwen entrodwir Procurement Act met Procurement Oversight Unit met Tender Board,  sete nou ti vwar nou pe zis depanse as en Minister.  Ti napa klarite, ti napa  process kote en process transparan ki mannyer nou ti pou swazir kontrakter, ki mannyer nou ti pe come up avek sa bann costing, avek sa bann bill of quantities ki mannyer nou ti swazir suppliers.

        So nou ti bezwen fer sa bann reform.  So si nou le go back ankor lo en fason pou nou zis award proze e Minister i dir proze i vit, e apre ler nou come back nou odite, nou vwar diferan parey nou pe dir lanpayaz dan ki mannyer nou pe award proze.  Then sa nou pe go back an aryer.  So we need to be careful ler nou pe dir.

Me parkont nou aksepte wi, lo petet lo fason pou senplifye – parey nou ti dir lo ler Lapolis ti vini nou pe revwar Procurement Act.  I sipoze proposal ganny mete an Zanvye Fevriye next year, ki nou pou fer konsiltasyon tou Minister pou gete prezan sa proposal ki pou  ganny met devan, annan zot bann pwennvi Minister kote zot pe dir lanpayaz.  Selman nou bezwen careful this is still  public money, nou bezwen asire ki nou pe fer en process transparan.  Mersi.

 

MR SPEAKER

Mersi PS Thesee.  Mr Andre.  I annan en pti bout lo costing ki Onorab Simon Gill i oule leklersisman.

 

MAYOR OF VICTORIA MR DAVID ANDRE

Bon sa proze waterfront ki nou pe koz lo la son costing i 1.3 milyon apepre.  E Vijay Construction li i dir i pare pou fer li pou apepre en milyon.  Akoz i pa pe pran okenn … Me selman sa costing ki mon’n gannyen avek sa dimoun ki’n fer serten design – the mother costing is about 1.3 million.  Me selman Vijay i pare pou fer the whole thing at around 1million. 

 

MR SPEAKER

Mersi.

 

MAYOR OF VICTORIA MR DAVID ANDRE

Wi i annan bann detay wi.

 

MR SPEAKER

Yes Onorab.

 

HON SIMON GILL

Zis ti ava byen ki Mer Lavil i dir nou si in fini anvoy son plan dan, domenn piblik.  E in demann bann lezot business parey mon pe dir ki otour Lavil Victoria dan bann distrik, pou zot rantre ansanm e tonm dakor ki mannyer zot kapab enplimante ; ki mon krwar i annan posibilite ki ou ganny son full finans pou enplimante.  Mon prezimen ki ou deza annan en plan ki’n ganny aprouve par Planning Authority eksetera.  Eski i korek, pou mars koumsa?  Mersi.

 

MR SPEAKER

Mersi Onorab.  Mr Le Mer.

 

MAYOR OF VICTORIA MR DAVID ANDRE

Wi plan in fini ganny aprouve par Planning Authority.  E sa dimoun ki’n fer sa design li akoz mwan mon pa konn nanryen dan konstriksyon mon li in regard bann lezot kontrakter ki i konnen pou demann zot, konmsi i vin konman en spoke person lo mon behalf pou rod bann lezot kotasyon from diferan kontrakter pou fer sa proze.  E personn pa’n vin devan – sof Vijay.

        So wi se sa problenm, se ki mon’n ale zot dir mwan fodre mon al kot Tender Board; kot Tender Board.  Apre mon’n ganny dir be non pa fodre al kot Tender Board sa i kapab zisteman al devan Mr Aglae ofet Hans Aglae i dir mon be sa ou pa neseser al kot Tender Board sa, sa nou kapab fer li anba CSR progranm.  E se pou kwa e se sa semenn la mon sipoze annan en meeting avek Komite CSR pou vwar posibilite pou fer sa keksoz.  Tousala i montre ou sa bann prosedir la i pran letan, e sa keksoz normalman depi konmansman lannen nou pe fer sa.  E la mon’n ariv lafen lannen nou pa ankor arive fer  li.  Mon ti pe hope sa proze ti ava’n pare pou Festival   Kreol i pa’n pare.

E mon t pe hope  ti ava’n pare pou Nwel, i pa’n pare. So zisteman tou sa bann prosedir ki mn pe dir ou ki nu bezwen al isi, al laba mon pa tro konnen al kot Tender Board enn i dir mon al kot CSR.  Finalman mon espere e nou ava vwar merit sa keksoz, e letan en dimoun i anvi donn nou en koudmen –  nou pe koz lo bann businesses  ki anvi donn en koudmen, si nou pa apresye sa bann keksoz oubyen pran sa bann loportinite, be sa bann koudmen pou ale.

Akoz zis mon fer ou rapel  dan lepok  Mrs Belle konman Mayor ti annan en proze pou fer en public toilet anvil.  E sa proze ti’n ganny aprouve ti’n ganny finansman  par Lottery Club e finalman proze zanmen in ganny fer, akoz zisteman sa bann prosedir e finalman Lottery Club pa’n donn sa larzan e nou’n perdi.

E mon pa ti  a kontan perdi en proze parey ankor sa lannen.

 

MR SPEAKER

Mersi Mr Andre. Onorab Basil Hoareau.

 

HON BASIL HOAREAU

Mersi Mr Chair.  Bonzour Minis, bonzour Mayor.  Mayor letan mon get enn ou bann manda – ou manda i dir pou dir pou ki ou involve kominote, kominote Victoria pou engage zot dan in the security safety, upkeep of Victoria.

Mon ti anvi demann ou Mayor premyerman ki bann progranm ki ou’n met an plas pou involve a kominote dan running and of keeping of Victoria?

E dezyenmman letan noun koz lo waterfront letan mon pe get the strategy priorities 2019 – 2021 ou’n dir ‘’implement a waterfront project.’’ 

        Me apre mon’n tann ou mon pa konnen si ou’n servi sa dan en fason loosely ou’n servi en term en ‘’pti proze waterfront’’ konmsi mon anvi konnen si sa waterfront project ki ou’n mete pou fer ant 2019- 2021 i sanmenm sa enn ki ou pe koze la ouswa nou pe koz de i annan enn ki lo en small scale apre i annan enn ki pou lo en largest scale. 

 

MR SPEAKER

Mersi Onorab.  Mr Andre.

 

MAYOR OF VICTORIA MR DAVID ANDRE

Mersi Manm Onorab.  An se ki konsern pou involve dimoun dan distrik, definitivman nou pa pou kapab fer nanryen si nou napa involvement bann dimoun.

E se pou kwa nou annan en meeting ki  nou fer avek Lasosyasyon Distrik Victoria sa 8 distrik – sa 8 MNA.  Nou zwenn kot nou diskit bann proze bann keksoz ki mannyer nou kapab fer kominote involve dan sa bann aktivite ki nou pou fer.

E nou osi angaze avek bann District Administrators.  Nou osi nou annan bann regular meetings avek zot, kot nou vwar bezwen bann distrik.  Akoz nou, nou anvi anmenn en keksoz o nivo lokal dan sak distrik ki form parti Victoria, fodre annan bann dimoun i santi zot, zot konsernen pou zot apartenir dan Victoria.

Me se pou kwa i enportan nou diskit ek zot i annan bokou keksoz ki nou pe travay ansanm e atraver nou twinning programme  osi i annan  bann keksoz ki anmennen pou nou kapab fer sa bann distrik involve,  dan bann aktivite bann devlopman ki evantyelman nou ava anmennen pou Victoria.

Apre i annan sa nouvo District Council  ki’n fer.  Nou’n annan en meeting resaman  la avek Central Region 1 epi nou pou annan en lot meeting avek Central Region 2, kot zisteman anvi angaz tou dimoun pou nou letan nou fer en keksoz, tou dimoun i okouran e si i annan okenn devlopman osi ki arive dan Victoria, tou dimoun i okouran.

So nou annan nou Victoria Forum, nou annan nou ADV  Forum, nou annan Nou District Administrator Forum, epi nou annan Regional Forum.  So  napa okenn pou mwan anbigite e si i annan okenn keksoz ki arive pou Victoria, donk tou sa bann dimoun zot pou, pou okouran e zot pou annan zot  input pou ou kapab fer keksoz pou nou lavil.

An se ki konsern sa waterfront project la – sa waterfront project aparaman i annan en pli gran waterfront project ki in the process ; ki sa i pa mon lofis ki pe okip sa.  Sa i  Gouvernman.

Me selman atandan ki sa keksoz i devlope, mwan mon pa krwar mon  devret esper mon pa konnen kan i pou pare sa zafer.

So mwan mon’n propoz avek Gouvernman e mon kontan – actually mon ti  annan en meeting avek Prezidan lannen pase, mon ti koz avek li lo la e li i ti donn mon son lasirans, ki wi i ava fer Gouvernman allocate sa lespas pou konmanse, ki evantyelman  i ava entegre dan sa pli gran waterfront project si zanmen i pou annan sa waterfront project. 

Me selman i en keksoz ki ava komanse, i ava anmenn en diferans dan Lavil Victoria.  Akoz mon krwar nou bezwen.  Mersi.

 

MR SPEAKER

Mersi Mr Andre.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman premyerman permet mwan pou felisit nou Mayor, Mr David Andre ansanm avek bann lezot Seselwa ki fek retournen a pre ki zot in koz the Anthem pou the United Cities of Africa en zoli anthem ki  ti ganny prezante  Marrakesh e byensir Onorab Letourdie osi tou ti ladan avek sa Tanzanian Choir avek bann mizisyen Seselwa felisitasyon pou sa achievement. 

 

 

(APPLAUSE)

 

HON WAVEL RAMKALAWAN

Mon ti a kontan  zis koz lo status.  Wi sa  i enn  depi ki mon krwar Mrs Benstrong ti ganny apwente konman premye Mayor of Victoria.   In toultan enn nou swe lo kote Lopozisyon ki The Mayor of Victoria  ganny elekte en pe parey way back kot sa Victoria District Council ti ganny elekte e son Chairperson ti zwe sa rol Mayor dan letan kolonyal.

E  in fact menm sa bann zafer Regional Council e tou e se pou sa rezon ki well nou’n sa osi tou in ganny mansyonnen ki poudir at one point i ava annan en eleksyon Mayor e an menm tan osi  bann Council.  Me selman sa pou lemoman i pa saz okenn status.  Parske Mayor i sa Mayor. 

        E zot pa enterfer ladan.  So petet sa I A bezwen ganny klarifye avek Seselwa avek nou Prezidan, ok Prezidan Sesel.  Menm si i pa’n ganny elekte in pas atraver en sistenm pas baton.  Me letan i al deor UN, Africa Union and everything, zot pa dir avek li be ou pas isi akoz ou pa’n ganny elekte direkteman.  Alors annou pa sey anbet dimoun konsernan status ensidswit ki status Mayor i enferyer.

Mr Chair petet menm sa zafer politik.  E mon kontan larepons ki Mayor Andre in donnen parske parfwa nou tro met politik dan tou keksoz.  Me selman zis pou lenformasyon sa bann ki pe sey politik ki pou dir si dizon nou ti fer en eleksyon Mayor – par egzanp L’Angleterre letan i annan eleksyon Mayor of London Labour Party i met pou li i met son kandida Conservatives i pous son kandida Leedhams  i pous son kandida e sa i vin pirman lo en baz politik.

Me si dizon ti pe fer sa, mon anvi dir avek Onorab Gill ki pou dir se Lopozisyon ki ti pou raporte sa eleksyon!  Ok?

        Akoz baze lo dernyen rezilta baze lo dernyen rezilta LDS ti pou bat zot par plis ki 600 vot – ok?  Alors met sa bann zafer de kote annou bouz devan.

Mr Speaker mon anvi osi dan sa laliny korporasyon – dan sa laliny korporasyon e la ankor enn fwa remersye – parski i annan en bon lantant ant Lofis Mayor avek Central Region 1.

E parey Mayor in mansyonnen li menm ti annan en meeting kot li avek Mrs Charles, zot in vini zisteman pou koz avek Central Region 1 lo bann plan pou regarde ki mannyer kapab annan sa kordinasyon.  E mwan mon kontan sa pwen ki’n ganny nonmen konsernan, plis larzan pou sa lofis akoz wi, ofet Central Region 1 nou’n ekout Mr Mayor lo kestyon Victoria.  E plizyer keksoz avek an relasyon avek Victoria lo nivo lalkol, lo nivo lapropte.  E ki i annan bokou bann kwensidans.

Me selman definitivman  mwan mon krwar Mr Chairman ki poudir sa Bidze i en Bidze ki pa sifizan – i pa sifizan e la petet nou ti ava demande ki Gouvernman i pran vreman serye, pou ki sa bann demars – yer nou ti pe koz en Anti-Koripsyon – sa bann demars pou ki sa 50milyon US si ti kapab tournen.  E petet Lofis Mayor ti ava kapab ganny en pe plis e nou ti ava kapab fer sa Lavil Victoria ki’n plere depi 77 aret plere e vin en lavil ki vreman annan lavi ki annan en joi de vivre ladan.

Alor nou anvi petet next time zot ava ganny en pe plis larzan letan sa 50milyon US i ava’n retournen e sa dan li menm li i ava permet nou, e alor kontinyen ek sa bon travay ki ou pe fer Mr Mayor.  Mersi bokou.

 

MR SPEAKER

Mersi.

 

(Off-Mic)

 

MR SPEAKER

Non Onorab politik lo Bidze Mer Lavil depi nou’n konmanse politik in ganny fer lo tou lede kote. Napa ankor politik.  En dernyen statement in ganny fer.  Mon pou donn Mr Le Mer e Minis en sans pou dir en pti mo avan nou pran en vot Mr Le Mer apre madanm Minis.

 

MAYOR OF VICTORIA MR DAVID ANDRE

Mersi Mr Chairman antouka i en plezr pou mwan vin devan zot, pou mwan ganny sa loportinite sa lokazyon, pou eksplik zot en pti pe mon fonksyon e mon rev – mon vizyon ki mon annan pou Lavil Victoria e bann difikilte ki mon pe rankontre.  E mwan mon senpleman mon ti a kontan demann zot pou apresye, sa ki mon’n met devan zot e pou konsidere pou donn mon tou zot sipor pou fer ki nou lavil, bann proze ki nou anvi fer pou nou lavil – bann aktivite ki nou anvi fer pou nou lavil, pou nou bann dimoun e ensi ki nou bann viziter,  i ava amelyore.  E ki nou ava fyer nou koz Lavil Victoria konman Kapital Lemonn Kreol.  E mon ti a kontan ki i lev up pou son repitasyon e ki nou fer keksoz gran ki Lavil Victoria menm si i ptipti me selman dan lemonn partou kot Mer Lavil  i ava ale, dan tou bann forum Victoria i ava ganny regarde konman enn bann lavil ki shine dan lemonn, e ki nou tou nou ava fyer. So sa i mon komanter.  Mersi bokou.

 

MR SPEAKER

Mersi Mr Le Mer.  Madanm Minis.

 

THE DESIGNATED MINISTER MRS MACSUZY MONDON

Mersi Mr Chair.  Mr Chair mon krwar nou’n antann ganny en konpran an vizyon e plan ki Mer Lavil i annan pou Victoria.  E nou’n osi note pou dir i annan serten difikilte pou li kapab petet ganny serten sponsorship ki i ti a bezwen enplimant son bann progranm.  E ozordi mon ti a kontan fer en rapel sipor sirtou avek bann businessman dan Victoria pou zot kapab nou annan zis en lavil e sa lavil i pou nou tou.

Donk mon krwar ki i enportan ki nou tou nou donn sipor pou nou kapab fer li vin sa kalite lavil akeyan parey nou dir, vivan, ki nou ti a kontan i vini dan lavenir.

E mon osi fer en lapel ki nou i annan kestyon ki’n sorti lo lafason nou mentenir nou lavil.  Nou osi fer lapel pou ki nou donn Mer Lavil sa sipor pou nou kapab gard nou lavil prop, pou nou kapab gard li prop pou nou kapab pa vandaliz la nwel pe vini nou pe al dekor lavi ki nou pa vandaliz bann dekor ki nou mete dan lavil, en mannyer ki letan nou bezwen ranmas sa bann keksoz ki nou’n mete nou kapab store li, gard li petet servi li ankor [a zis  pou en lannen me pou plizyer lannen.  Donk mon fer en lapel ek tou dimoun pou nou donn en koudmen fer nou lavil vin sa ki nou anvi i ete. Mersi Mr Chair.

 

MR SPEAKER

Mersi Minis Mondon.  Bon Lasanble Nasyonal i osi pran en langazman ki nou pe travay etrwatman avek Biro Mer Lavil e nou’n al plizyer lesanz sa lannen e sa dernyen vizit ki Onorab De Letourdie in fer ankor i montre ansanm avek Mer Lavil i mon tre sa etrwat kolaborasyon.  Mon swete ki lannen prosenn nou kapab extend sa.

Rezon ki Onorab in akonpanny Mer Lavil se i osi in zwe en rol dan konpozisyon sa lim.  E in ganny apiye finansyerman atraver Bidze saving ki mon’n fer lo mon saving ‘’travel allowance.’’ 

        E lannen prosenn mon ti a kontan vwar ki lo kote Parti Lepep –

 

(Interruption)

 

MR SPEAKER

Mon pa ankor ganny keksoz ofisyel malgre zot in anrezistre yer, wi mon pa ankor ganny ofisyel.  Ok?  Yes mon ti a kontan ki lo zot kote osi tou zot ti kapab nomin en Manm – nomin en Manm pou donn sa sipor biro Mer Lavi.  E lo kote LDS zot in nomin Onorab Jany De Letourdie ki annan sa background kiltir lanmizik e lar.  E nou ti a kontan la mon pe fer sa demann pou extend sa lo zot kote osi  tou.   Ki nou ava fer ki 2019 nou ava kontinyen sa kolaborasyon avek biro Mer Lavil.

Bon nou pou pran en vot prezan.  Lo sa sonm ki dan Bidze pou 2019 pou biro Mer Lavil i en sonm R8.050milyon ki form par sa Schedule e ki trouve lo paz 136 ziska 138.  E mon ava demann tou Manm ki an faver ?  Okenn Manm ki kont?  Madanm Deputy Clerk.

 

MADAM DEPUTY CLERK

Mersi Mr Chair.  Vot i unanimous tou le 25 Manm prezan in vot an faver.  Mersi.

 

MR SPEAKER

Mersi Madanm Deputy Clerk.  Mersi Lasanble Nasyonal.  Savedir vot pou Biro Mer Lavil pou 2019 pou son Bidze i ganny aprouvasyon pa linanimite par Manm Lasanble Nasyonal.

Bon avek sa mon ti a kontan remersi Mr Andre Mayor of Victoria.  Mon ti a kontan remersi Mrs Lydia Charles e Ms Solange Marimba.  E most of all mon ti a kontan remersi Minis Dezinyen pou retourn ankor pou pas sa dernyen pti Seksyon ki tonm anba son Minister.  Minis Mondon mersi bokou e nou ava eskiz zot parmi nou.

 

(THE MAYOR OF VICTORIA AND HIS DELEGATION WAS EXCUSED FROM THE HOUSE)

 

MR SPEAKER

Bon nou ti’n progranmen pou nou pran Minis pou Labita, Lenfrastriktir depi 10er nou pe ganny en pti pe an retar.  Mon sizere ki nou pran break la anfen letan osi tou.  Wi nou ava repran 11er kot nou pou welcome Minis Pamela Charlette e nou ava konmans tackle bann Departman anba son Minister.

Right nou a Break non a retournen 11er.

 

(BREAK)

 

MINISTRY OF HABITAT INFRASTRUCTURE & LAND TRANSPORT (MHILT)

 

MR SPEAKER

Bon nou ava kontiny nou travay.  Mon ti a kontan swet la byenveni Minis Pamela Charlette akonpannyen par Minis ki responsab pou Minister Labita, Lenfrastriktir avek Transpor lo Later.

Minis pe ganny akonpannyen par son PS pou lakaz Mr Denis Barbe, PS pou later Mr Ravi Valmont, PS pou lenfrastriktir Mr Yves Choppy, e Mrs June Loveday konman Financial Controller.  E lo kote apre pli tar nou ava pran Departman, i annan Mr Patrick Andre Sekreter Prensipal e Ms Chantal Jules.

Minis avek ou delegasyon bonzour e welcome dan Lasanble.  Zot pou touzour ganny sipor avek PS pou Finans Mr Damien Thesee e Ms Croisee e Ms Tamatave.

Bon nou ava konmans nou sesyon leklersisman annou ankor mon a sey gid zot annou sey fer nou kestyon spesifik pou nou pa fe gran letour avek.  Nou annan bokou lo nou papye – petet zis mon ava fer zot konnen nou pou ale ziska midi apre ler nou pran 1er nou pou break 3er ozordi. Nou pou break 3er pou nou repran 3:30 pou nou ale ziska 5er.  Ok sa zis en pti rezon housekeeping ok – en pti keksoz ki pe sort out avek pou en group nou staff ki pe al attend en pti Sesyon apre midi.  Nou staff housekeeping. 

Mon ava zis donn laparol PS Thesee i ava gid nou lo ki landrwa nou pe pran dan nou Schedule.  Yes.

 

PS DAMIEN THESEE

Mersi Mr Chair.  Nou pe pran Minister Labita Lenfrastriktir e Transpor lo Later.  Ti a bon note parkont ki nou annan de Departman so devan la nou annan Departman Labita Lenfrastriktir total Minister i 241,573milyon  e ladan 234,419milyon i pou Departman Labita e apre nou ava pran Departman Transpor pou 7,154milyon.

E pou Departman Labita Lenfrastriktir nou annan PSIP ki trouve lo paz 42 ziska 43 son bann proze. I ti a bon note osi dernyen paz PSIP nou annan sa proze 3 mil subsidized housing units osi ki detaye at the back.  Mersi.

 

MR SPEAKER

Mersi PS Thesee.  Bon nou ava konmans nou Sesyon.  Mon a konmans avek Onorab Clive Roucou.

 

HON CLIVE ROUCOU

Mersi Mr Speaker.  Bonzour Mr Speaker.  Mr Speaker mon premye kestyon pou Minis, se premye dan ‘’current challenges’’ pwen 4 recovery of     bad debts – so mon ti a kontan en pe leklersisman lo sa pwen.

Epi lo paz 402 lo SP 2 mon vwar pou land management mon’n vwar en decrease dan alokasyon pou  revised ki budget ti 49milyon e plis dan revised ti 47milyon e plis.  E 2019 mon vwar sa alokasyon i kontinyen desann.

Alors mon ti a kontan demann Mini, konbyen plot later ki’n ganny allocate pou sa lannen?  E akoz pe kontinyen annan sa bes?  E lo paz 142 dan PSIP mon vwar kot ex-Murray anler Copolia 14 milyon e la in desann en milyon mon ti a kontan demann en leklersisman lo sa devlopmaneEx-Murray dan distrik, Plaisance ?

Epi dan Kangard Plaisance ankor mon vwar i ongoing 15.6 milyon me mon pa ankor vwar nanryen, mon ti a kontan demann en leklersisman lo la osi.  Mersi m Speaker.

 

MR SPEAKER

Mersi Onorab Roucou.  Mon ti a zis kontan demann avek panel pou zis endike zis par en pti montre lanmen pou mwan konnen lekel ki pe donn repons bann Manm.  Ok parfwa i annan kestyon ki ganny vize ver Minis me kekfwa son PS i kapab reponn zis lev lanmen pou endik mwan – ok?  Minis oule komanse?  Minis Charlette.

 

MINISTER PAMELA CHARLETTE

Mersi bokou Chair.  Tou Manm Onorab bonzour.  Tou bann dimoun a lekout bonzour.

Mon a pran sa kestyon lo bann debtors parey i Onorab i enn nou bann challenge me i osi i en keksoz ki nou’n achieve bokou pandan sa lannen.  Akoz?  Akoz nou reisi kolekte apepre R26 milyon pou met dan Kof Gouvernman.  Me selman i annan bokou travay ankor ki nou bezwen fer pou nou kolekte bann det ki sirtou ki bann dimoun ki pa peye.  I bann et parey – bann lease ki pa pe peye.        So sa i en keksoz ki i annan en gran challenge.

 E nou tim li dan Finans e osi bann lezot Departman in met bokou zefor kolekte en pe sa larzan an 2018.  E i reste nou apepre anviron 11milyon outstanding pou nou kolekte.  Sa i pou premye kestyon.

Mon a pas laparol avek sa de lezot Departman regarding bann proze ek lenfrastriktir.  Mersi.

 

MR SPEAKER

Mersi Minister.  PS Choppy.

 

PS YVES CHOPPY

Mersi Mr Chair.  Mon pou pran kestyon ex-Murray apre mon pou pran kestyon Kangard Plaisance.

Ex-Murray dan bann Bidze oparavan inisyalman i ti pou en proze pou ki ti pou mix later avek land bank.  So sanmenm dan lepase ou vwar son bann larzan ti plito anba land management pou fer lenfrastriktir pou later.  Me avek sa finansman  ki nou pe gannyen pou 3 mil lakaz, nou’n revwar en pe bann site ki nou annan.  E ex-Murray i en site ki nou pe convert li plis pou fer proze lakaz.

So  ou pou vwar li prezan i pe move from sa Bidze land management i pou al dan sa proze 3 mil lakaz.  So sanmenm ou pe vwar son finansman pe redwir.

Lo kote Kangard Plaisance nou’n deza annan en proze ki nou’n fini tender pou en lot faz devlopman ki konklir 22 unit.  Sa proze nou’n fini tender nou’n fini al rod Kontra, me selman nou pa ankor konmans son konstriksyon, akoz ti annan sitting tenant  lo site ki nou espekte kapab retire par lafen Desanm.  la sa faz i a konmanse.

E ler sa faz i fini son balans 26 unit ki pou reste,  li i pou pe ganny finansman dan sa proze 3 mil lakaz.  So sanmenm ou pa pe vwar en kontinyasyon dan son finansman anba PSIP  i pou dan 3 mil lakaz.  Mersi.

 

MR SPEAKER

Mersi PS  Choppy.  PS Valmont.

 

PS RAVI VALMONT

Bonzour Mr Speaker.  Bonzour tou Onorab.  E bonzour tou, dimoun a lekout.  Pou kestyon konbyen plot later nou’n vann pou sa lannen, nou’n vann nou 48 later an total.  E sa i pou reflekte dan reveni Mr Speaker.  Mersi.

 

MR SPEAKER

Mersi PS Valmont.  Onorab Roucou.

 

HON CLIVE ROUCOU

Mersi Mr Speaker.  So Mr Speaker mon ti a kontan PS Valmont eski sa ki pe montre akoz dan sa besman dan sa alokasyon silvouple.  Paz 42  lo sa SP2. 

 

MR SPEAKER

Zis repet ou kestyon ankor Onorab Roucou.

 

HON CLIVE ROUCOU

Mon pe demann PS Valmont si sanmenm sa lakantite later ki’n dir in ganny vann, si sa ki pe demonstre dan sa alokasyon pou 2019 ? Akoz i annan sa besman 41milyon sorti 47 milyon.

 

MR SPEAKER

Mersi Onorab.  PS Valmont.

 

PS RAVI VALMONT

Mr Chair sa i pou reveni sa.  Larzan ki nou kolekte letan nou vann later.  Mersi.

 

MR SPEAKER

Mersi PS Valmont.  Onorab Sandy Arissol.

 

HON SANDY ARISSOL

Mersi Mr Chair.  Mon kestyon mon ti a kontan demande – 3 pti kestyon mon ti a kontan demande e an relasyon avek Bidze ki Departman Labita e Lenfrastriktir  in gannyen 234 milyon.

Mon premye kestyon kote bann pti proze – bann proze dan distrik St Louis ki Prezidan ti vin vizite letan i ti vin fer son vizit dan distrik i rantre ?  Mon ti a kontan demann sa avek Mr Choppy. Kekfwa i kapab konnen.

Premyerman i annan sa proze ex-Morel deryer Ladministrasyon Distrik.  Ki Prezidan ti vizite.  E avek proze lafanmir Adela.

Akoz Prezidan letan i ti fer vizit i ti dir ek nou larzan i annan, so mon ti  a kontan konnen dan sa Bidze kote i antre?  Mon premye kestyon.

Mon 2enm kestyon mn ti a kontan demann Minis kan proze ex-Oliver ki tou dimoun  pe met leker lo la i sipoze pe konmans donnen avek zabitan mon distrik silvouple?

E mon dernyen kestyon mon ti a kontan zis demann Minis ,an vi ki tou lezot distrik lo Mahe, Praslin ek La Digue in ganny en [proze 24 distrik St Louis pa’n gannyen proze 24.  Ler Prezidan Faure ti entrodwir proze 24 nou proze ex-Oliver ti’n deza ne komans marse pe fer ledan.  An vi ki nou pa ankor ganny nou proze 24, mon ti  a kontan demann Minis kote anba Bidze oubyen Bidze a lavenir distrik St Louis i kapab ganny son proze 24 an vi ki nou annan teren ?  Mersi bokou.

 

MR SPEAKER

Mersi Onorab Arissol.  Mon a donn laparol PS Choppy.

 

PS YVES CHOPPY

Mersi Mr Chair.  Proze ex-Morel li i osi i rann bann proze ki anba nou lalis 3mil Lakaz e nou bezwen progranm li pou konmans ler nou’n kapab fer en pe relocation dimoun.

Bann lezot pti proze i annan diferan kategori proze.  Bann proze ki konstriksyon lakaz i annan serten sa bann proze ki pou finanse anba sa 20 milyon ‘’special housing ek poverty alleviation.’’  I annan serten proze ki nou annan en pti komikman anba nou Special Housing Development Fund ki nou’n ganny larzan sa loan Pension Fund e byento nou pa’n ganny ankor larzan from .en loan Nouvobanq.  I annan lezot proze ki pou serten ki pou feature anba la.

So ou pa vwar li anba PSIP selman anba PSIP ou pa vwar sa laliny 20 milyon pou bann proze ‘’special housing e poverty alleviation.’’  Mersi Mr Speaker.

 

MR SPEAKER

Mersi PS.  Onorab wi, wi Onorab Arissol.  Mon ava pas laparol avek Minis lo proze 24.  Minis Saint Louis pa ankor ganny proze, 24 byen wi, wi.  PS Barbe.

 

PS DENIS BARBE

Mersi Mr Chair.  Lo konsernan alokasyon ex-Oliver Komite Alokasyon in fini fer son dernyen deliberasyon konmansman lasemenn lo la.  nou espekte prosenn de semenn pou finaliz alokasyon atraver li avek nou bann  successful applicants.  Thank you Mr Chair.

 

MR SPEAKER

Mersi PS Barbe.  PS Choppy ankor lo proze 24 pou distrik Saint Louis.

 

PS YVES CHOPPY

Mr Chair ler nou ti anons 24/24 e ler nou ti vin dan Lasanble ek Minis Bastienne sa letan nou ti dir ki St Louis son 24 li i pou dan sa proze ex-Oliver.  So 24 i form par sa proze ex-Oliver.

        Lot proze ki nou pou annan dan distrik Saint Louis ki  nou pa’n i annan re devlopman emergency house opposite lekol Belonie kot nou pou annan 6 unit.  Sa i en proze ki nou espekte konman konstriksyon lannen prosen.  Apre nou pou annan sa proze ex-Morel ki nou’n fini koz lo la.  Mersi.

 

MR SPEAKER

Mersi PS Choppy.  Onorab Aglae.

 

HON EGBERT AGLAE

Mersi Mr Speaker.  Mr Speaker avan mon poz mon kestyon avek ou permisyon, ki dan labsans Onorab William ti annan 2 kestyon ki i ti a kontan mwan demande si ou permet mwan an menm tan, mon  demann mon kestyon ?

 

MR SPEAKER

Wi in aparaman in kontakte mon mon’n aprouve mon’n aprouve son demann ki en Manm lo son kote i kapab poz son 2 kestyon.  Onorab William i lo en misyon Lasanble Nasyonal aletranze.  Go ahead Onorab Aglae.

 

HON EGBERT AGLAE

Mersi Mr Speaker.  Lo kote kestyon, Minis an vi ki ti annan en Bidze lannen pase ki ti ganny mete plis ki 2 milyon pou resurfacing  semen Foret Noire Sans souci, e la mon pe gete anba PSIP paz 44.

 

MR SPEAKER

Onorab nou pe deal ek later ek lakaz la en.  Semen i a vin pli tar pou lot Departman.

 

HON EGBERT AGLAE

Wi, wi mersi Mr Speaker.  Lo kote lenfrastriktir mon ti a kontan demann Minis an vi ki ti annan  sa proze redevlopman kot i konsern ex-Teachers e mon’n vwar ki i annan en sonm apepre en milyon ki’n ganny met devan.  Mon ti a kontan demann Minis ouswa PS, sa en milyon i pou kwa ki pe ganny mete pou sa ex-Teachers ?

Apre dezyenmman Minis mon ti  kontan demann ou lo size lenfrastriktir kot i konsern land bank dan distrik Port Glaud mon vwar i annan serten mansyon  pou lenfrastriktir sirtou Des Arpents.

Eski nou pou vwar ki lannen prosen bann  lenfrastriktir semen pou’n pare ki sa bann land bank i ava kapab ganny donnen avek bann ki’n kalifye ki espere?  Mersi.

 

MR SPEAKER

Mersi Onorab Aglae.  PS Choppy.

 

PS YVES CHOPPY

Mr Chair ex-Teachers  li ankor petet pou benefis tou larestan Manm laplipar bann proze lakaz nou’n bouz li dan sa finansman 3 mil lakaz, pou nou gard lespas dan nou Bidze pou lezot keksoz pare lenfrastriktir, semen.

So ex-Teachers li osi tou in bouz dan proze 3 mil lakaz.  E li nou anvizaz li konmans 2020 ki prose  pou konmanse akoz i annan sa bann issue relokasyon.

Ki nou pe tant fer nou pe tant met bann proze kot nou annan mwens issue relokasyon pou nou deal avek, pou nou kapab ganny en pe unit pou kapab relocate bann dimoun.  Akoz nou’n vwar ki le ou pe fe nou bann proze 24, nou’n ganny en bon pe retar dan serten proze kot i annan sitting tenants.  E alor se sa rezon ki ou vwar ki ex-Teachers i pa feature pou konmans byento.

Selman si nou pe get dan PSIP ex-Teachers li i napa alokasyon aktyelman.  So i pou feature dan sa lalis 3mil Lakaz.

 

MR SPEAKER

Mersi PS.  Onorab Aglae.

 

 

HON EGBERT AGLAE

Mon pe rod Des Arpents prezan.

 

MR SPEAKER

Yes PS.

 

PS YVES CHOPPY

Mr Chair si ou permet nou a rode apre nou a tourn lo la pou nou pa perdi letan.

 

MR SPEAKER

Yes PS Choppy.  Onorab Aglae.

 

HON EGBERT AGLAE

Mersi Mr Speaker.  PS mersi pou ou larepons ki ou’n donnen.

An vi ki da plan ex-Teachers ti en plan ki’n deza fini finaliz li, li menm li an term son plan li menm li ki nou’n soumet ek distrik, distrik in vwar.

Apre serten diskisyon eski zot pe konsider – petet pou sanz lokasyon – an vi ki annan sa bann re-lokasyon ki’n ganny bokou konsern, pou kapab bouz 16 dimoun pou nou ganny en teren ki deza apropriye pou nou kapab petet fer sa proze lo la.

E dezyenmman lo kote kestyon Onorab William.  Minister, eski ti kapab dir ek sa Lasanble kan eski proze lakaz dirzans pou konplete ION? Mersi.

 

MR SPEAKER

Mersi Onorab Aglae.  PS Choppy.

 

PS YVES CHOPPY

Mr Chair pou Port Glaud nou pe get konmans konstriksyon lannen prosenn lo en site Beoliere, ki Gouvernman in an negosyasyon pou aste avek SACOS.  So sa i ava donn nou lakaz pou nou kapab fer relocation par egzanp kot ex-Teachers pou nou apre fini avek sa proze.

Lo kote emergency house ; nou espekte proze konplete lafen di-mwan or boner an Desanm petet dan en 2enm semenn Desanm si nou kapab fer alokasyon.  Akoz la nou pe zis fer bann louvraz site, works deor, konneksyon elektrik, bann keksoz koumsa.  Mersi.

 

MR SPEAKER

Mersi PS Choppy.  Onorab Stephen Pillay.

 

HON STEPHEN PILLAY

Mersi Mr Speaker.  Mr Speaker mon kestyon  i baze for ou mwen lo PSIP. 

        Mon ti a kontan konnen lo Bidze 2018 nou annan apepre R164milyon ki in fini ganny aprouve dan  successful bidder  pou fer an 2019 e zot Bidze 2019 i  R161 milyon apepre.  Ki fer en total R326 milyon.  Pe demande ki si Minister i kapab garanti i pou kapab fer sa bann proze ki’n fini ganny tender enkli sa bann ki zot pe al donnen pou 2019, oubyen sa 2019 pou al fini an 2020 ?

Mon oule konnen osi Mr Speaker dan sa land acquisition 20milyon ki lannen pase ti 29 milyon konbyen later zot in ganny zot in acquire par distrik?

Mon oule demann osi lo sa Emergency Fund 5milyon kote i vini si i pa en konfli avek ASP?

        E sa ki konsernan ASP osi Mr Speaker i annan social housing ki 20milyon sorti 3.5 milyon.  Akoz in mont sa kantite?

E si i kapab donn nou en lalis par distrik sirtou Au Cap ?  E konbyen ASP pe kontribye atraver MLUH sa lannen e ki pe Bidze lannen prosenn pou bann housing ki MLUH  pe fer anba ASP konbyen larzan pe ganny transfer sorti ASP pou vin kot housing, vi ki mon annan en alokasyon social housing pou sorti 3.5 pou al 20milyon ?  Mersi Mr Speaker.

 

MR SPEAKER

Mersi Onorab Pillay.  PS Choppy.

 

PS YVES CHOPPY

Mersi Mr Chair, Onorab.  Bann proze ki nou pe ki ti da nou Bidze 64 milyon i bann proze ki ongoing serten nou pe delivre sa lannen, serten nou pe delivre lannen prosen.

Bann mazorite proze ki nou pe delivre lannen prosen, i bann proze ki’n deza konmanse swa anba nou 64 milyon PSIP oubyen anba nou Special Housing Devlopment Fund ki bann loan ki’n nou’n gannyen, ki avek PMC nou pe fer bann proze ; par egzanp bann proze 24 ki nou pou delivre lannen prosenn.

Si ou get dan nou statement dan nou PPBB    statement, nou endike konbyen lakaz nou pe delivre sak lannen, dapre Bidze ki nou annan lo paz 403 – ok ? 

Bann proze ki nou pe ganny Bidze lannen prosen enkli proze 3mil Lakaz nou konmans konstriksyon an 2019 me Zot delivrezon sa bann proze i an 2020.

Alor nou Bidze ek nou delivrezon i toultan annan stagger amwen pou bann pti proze ki zot, zot pe delivre menm lannen.

Lo kestyon 5milyon Emergency Disaster Fund sa i bann i pa bann proze ki lye avek ASP.  Disaster Emergency Fund  i en emergency i bann proze ki nou fer pou rehabilitate bann ka kot in annan bann dezas natirel, ouswa dan serten dezas dife.

I annan sa 5milyon – i annan serten ki bann proze dezas ki nou’n deza komanse ki pa ankor fini ki nou, ankor ki ankor ongoing.  Apre i annan provizyon pou bann proze ki pou vini,  pandan lannen prosen si ariv bann evantyalite.

Pou special housing and poverty alleviation, sa 20 milyon most of bann proze ki pou fer anba sa 20milyon i pou bann proze ki nou’n deside MHILT li i pou fer bann proze kot i bann nouvo konstriksyon.

Whereas Bidze ki avek ASP zot, zot pou fer plito bann proze kot i bann renovasyon, ou bann travay en pti pe pli miner.

Nou annan en nouvo Polisi ki’n fer ki’n ganny aprouv  –  ki’n vin anfors,  ki nou pou konmans enplimante an Zanvye ler nou pe ganny sa Bidze. So sa increase se akoz nou pe nou vwar ki nou pe nou bezwen kit plis case pou ede elimin bann sityasyon difisil avek bann dimoun,  atraver bann rekonstriksyon bann lakaz ki’n vreman dan move kondisyon ou bann special housing bann second house ki nou ede pou konstri lo bann later prive.

So sa i main rezon akoz sa ogmantasyon Bidze dan nou kote.  Akoz sa nouvo Polisi ek bann case ki Gouvernman i vwar i bezwen asiste.

Donk i pa egzakteman menm zafer.  Nou servi selman par egzanp pou bann case lapovrete Sekretarya       Eliminasyon Lapovrete ansanm avek ASP, i ed nou pou fer assessment e si i en nouvo konstriksyon i ganny refer avek Minister pou nou enplimant li anba sa Bidze.

MNA in osi demann kestyon lo bann proze ki nou pe enplimant lo later ASP malerezman Mr Chair mon napa sif ki dir ki pou detaye konbyen proze – valer proze ki nou pe fer pou ASP.  Sa bann proze apre ki’n pas dan mekanizm ASP kot zot annan zot vetting ansanm ek Gouvernman Lokal, si zot bezwen lasistans teknik pou enplimantasyon, la zot pas sa ban case avek nou e nou, nou fer bann prosedir plan rod kotasyon ek siperviz konstriksyon.

So i pa vreman ki zot pe konmans transfer larzan avek nou, me i plito ki nou, nou pe manage serten proze ki pey anba zot vot.  Mersi Mr Chair.

 

MR SPEAKER

Mersi PS Choppy.  Onorab Pillay.

 

HON STEPHEN PILLAY

Mersi Mr Chair.  Mr Chair repons PS mon krwar i mank en pe klarifikasyon lo sa 164 mil ki en parti ki pe al ganny delivre sa lannen.

Mr Speaker tender pou sa 64mil fek sorti  bann successful    bidder an Septanm.

Ladan mon ti a kontan konnen  ki mannyer ou pou al enplimant la sa bann 64 mil Oktob, Novanm Desanm.  Sanmenm sa mon ti pe dir ou, demande ki sa 64 mil parey i pe dir, i pe al ansanm avek sa 325 total, eski zot pou kapab konplete sa bann proze, vi ankor i annan sa 3bilyon  pou 3mil lakaz?  Akoz pare mon pe dir ler ou gete dan sa bann tender ki’n sorti Mr Speaker, i annan menm bedsitter ki’n tender pou en R1milyon.

Mon pa pe vwar ki mannyer MLUH pe dir konmsi i pe al fini fer sa Septanm.  Mon krwar i devret en pe plis leklersisman PS ou a donn mwan lo la.

E ou dir mon ou pa pe kapab donn mon lalis pou distrik la, me selman i ou kapab fe mon gannyen pou tou distrik epi Au Cap sertennman.  Akoz parey ou pe dir Emergency Fund pou lakaz brile ler mon dir ou i annan en diplikasyon, akoz i  annan en diplikasyon ki la pou kapab fer en lakaz brile.  Sipoze tonm anba ou pou refer lakaz me in al tonm anba ASP. 

Se sa bann diplikasyon ki mon oule konnen.  Pli enportan se sa ki mannyer ou pou al fini R164 milyon 2018 or 2019 kan ou deza annan en en R161 mil ankor pou ou al depanse 2019 an plis ki sa R3bilyon ?  Mersi Mr Speaker.

 

MR SPEAKER

Mersi Onorab.  PS Choppy.

 

PS YVES CHOPPY

Mr Chair; nou Bidze ki nou ti gannyen pou lannen 2018 tou dilon lannen nou’n fer tender e nou’n enplimant proze.

E annefe bokou sa bann proze nou’n deza – i annan serten proze ki’n deza konplete e nou Bidze nou’n preski servi plis ki 90poursan.   Alor nou pa pe al depas nou pa pe al depans 178milyon between now ek lafen lannen nou.  I bann depans ki nou’n fer kontinyelman.

Akoz nou pa’n tender tou sa whole Bidze ki nou annan in one go.  Nou’n tender par proze.

E lapros pou lannen prosenn, i menm parey.  Nou annan nou progranm travay ; nou annan nou procurement plan, e pa tou proze ki tender an menm tan.  An mezir nou fini fer plan an mezir nou pare pou tender proze i al lo faz tender e konstriksyon i konmanse.

So nou nou’n  deza travay lo en plan enplimantasyon, e bann proze i nou pe mete nou annan en plan travay ansanm ek nou bann teknisyen, nou bann arsitek enzenyer, kan ki nou met ki proze lo tender.  E sa ler nou donn nou procurement plan avek Minister Finans, zot vwar ki mannyer nou enplimant sa bann proze.

E i menm annan proze ki’n komanse, pa ankor konplete i ongoing.  Selman pa tou larzan i annan, serten larzan ki pou depans dan sa Bidze lannen prosen.  E alor mwan mon pou dir Onorab ki dapre nou plan travay  si nou soz – si nou pa ganny enforcing nou respekte keksoz i marse nou kapab servi sa larzan.  Mersi.

 

MR SPEAKER

Mersi PS Choppy.  PS  Thesee.

 

PS DAMIEN THESEE

Mersi Mr Chair.  Lo egzekisyon proze ti a bon note ki Minister Lenfrastriktir actually enn sa Minister ki depans plis son Bidze  dan egzekisyon.

Parey nou’n dir nou monitor li tou le quarter.  E nou fer submit rapor avek Cabinet.  E li sa Minister ki egzekit plis son Bidze.

Nou pou vwar 2017 dan PSIP in depans li R178milyon actual spending.  E anvi ki sa logmantasyon dan  proze spesyalman sa 3mil Lakaz sa bann 20milyon poverty i annan apepre R2.1milyon in ganny mete dan son wages pou li build en tim staff proze ankor pou li ed li kapab siport sa logmantasyon dan proze ki Gouvernman pe mete.  Mersi.

 

MR SPEAKER

Mersi PS.  Onorab Pillay.

 

HON STEPHEN PILLAY

Mersi Mr Chair.  Mr Chair Septanm la zot ti pibliy lalis successful bidder ki mannyer proze i kapab konmanse e i pe al deliver? 

        Ler mon pe dir ou R164 milyon se lalis ki successful bidder in fer an Septanm – R164 million.

Zot in pibliye successful bidder pou tan, tan, tan i ariv R164 milyon, 520 ekek.

Ki mannyer ou pe dir nou parey PS Thesee pe dir zot monitor li ?  Be la la i annan R164 milyon la !  Mon pa konnen kote pe sorti.  Kontrer mon felisit La Digue, zot in ganny 68 unit onwards la.  Me sanmenm sa mon pe dir ou ki mannyer ou pe dir mwan  i annan R164 milyon  e dir mwan ou pe al deliver la e an Septanm fek larg tender?

 

MR SPEAKER

Ok.  Mersi Onorab.  PS Choppy.

 

PS YVES CHOPPY

Mr Chair mon krwar fodre nou konpran ki dan bann proze civil work – bann proze konstriksyon ler ou donn en Kontra sa Kontra i annan en dirasyon.   E nou ler nou fer Bidze PSIP nou fer cash flow  e nou konnen proze si i pe konmans an Septanm, nou pou annan tan kantite depans sa lannen, tan kantite depans lannen prosen

So bann proze ki nou’n konmans depi Zanvye son depans in avanse, in preski fini.

Bann proze ki nou’n award an Septanm son cash flow i pran kont dan Bidze lannen prosen ki nou kontinyen avek zot peyman.

So parey PS Thesee in dir, larzan ki nou’n gannyen dan sa dan nou Bidze 2018, nou nou’n servi li to the maximum e bann proze ki nou’n award Kontra an Septanm i bann proze ki i pou kontinyen lannen prosen ki’n ,ganny bidzete son depans lannen prosen.  Mersi.

 

MR SPEAKER

Mersi PS Choppy.  Onorab Terence Mondon

 

 

HON TERENCE MONDON

Mersi Mr Chair.  Mon kestyon i lo proze ex-Desaubin Takamaka.  Mon anvi konnen premyerman ler mon get Bidze zot plan finansman pou 2017 ziska 2021, i montre en sonm 2.3 finansman lokal e 3.2 finansman atraver donasyon.

E ki fer en sonm 5.5 milyon. Sa i finansman pou proze depi zot pran 2017.

Mon anvi konnen lafen 2016 ki staz completion sa proze i ete alafen 2016? Akoz sa plan finansman i konmans 2017 pou en sonm 5.5milyon.  En ?

E pros 3an 2017, 2018 la i pe bidzete pou 2019 sa proze i pe pran en kantite letan.  E mon anvi konnen akoz k is proze ziska prezan i ankor pe al avek sa momentum parey i ete?

Ki zot plan pou 2019 lo sa sonm k ki annan ki  reste pou fer pou zot kapab konplet sa proze en fason ki bann dimoun bann aplikan i kapab ganny ot lakaz?

Mon’n vwar ki zot osi pe fer serten travay met tiyo ki pe desann a kote larivyer, ki desann dan catchment delo PUC L’Intendance, mon anvi konpran egzakteman ki zot pe fer – ki zot plan desarz delo laba?

E dezyenmman Mr Chair mon anvi konnen konbyen lakaz ki in Minister i aktyelman konstrir anba sa linisyativ 24 lo 24 ?  Setadir depi Oktob 2016 pou sa 2an sa linisyativ in konmanse 2an pase e konbyen lakaz?

Akoz bann lakaz ki zot pe fer i bann proze ki avan 2016; enkli ex-Desaubin.  Mwan mon anvi konnen aktyelman konbyen zot in fer zot in konmans konstri pandan sa 2an?

E mon vwar dan zot enn zot bann defi ki zot in fer sorti premye lo la zot dir zot  annan en free transpor ki vye e ki fer maintenance vin o, byensir ler ou transpor i vye sa i afekte travay sirveyans ler zot fer pou zot al fer bann vizit lo sit konstriksyon.

Me ler mon get zot bann stratezik – priyorite stratezik pou 20119-2021 mon pa vwar naryen ki mannyer zot pe adres sa.

Akoz si nou dan en biznes konstriksyon nou pe fer lakaz pou Seselwa  e zot annan problenm transpor zot pa kapab fer sirveyans parey zot in dir dan zot dan zot bann defi.  Akoz napa en plan pou zot adres sa problenm ki zot fe resorti ?  Mersi Mr Chair.

 

MR SPEAKER

Mersi Onorab Mondon.  PS Choppy.

 

PS YVES CHOPPY

Mersi Mr Chair.  Mon pou napa lenformasyon ki staz proze ti été lannen 2016 akoz i pa en keksoz ki mon’n prepare.

Selman mon a kapab dir Onorab sa R5.5 milyon ki reste anba proze, ki pe kouver i pe kouver an parti retention money pou Kontra ki nou’n fini nou pe fini an  Desanm.

Alor nou annan 12 months  …. e son retention money nou donn at the end of sa peryod ki pe pey ver lafen lannen 2019.

Apre nou annan en morso larzan ladan pou nou rekonstri en lakaz ki nou ti negosye pou nou fer larantre kot semen, i antre pou al lo estate e en komikman nou ti pou rekonstri sa lakaz nou annan en larzan pou fini sa re konstriksyon.

Proze li menm in ganny bokou retar akoz ti amann sitting tenants lo site ; dan plas kontrakter kapab pran site annan tye pou li travay.  I ti ganny zis en morso site pou travay ziska ler nou ti kapab move bann dimoun ki ti lo site e sa i enn bann rezon mazer akoz nou’n ganny en bon pe retar ek sa proze, dan plas fer en faz nou’n fer en de faz.

E keksoz en lot keksoz ki nou’n ganny retar, se ki menm si sa proze i annan stasyon tretman desarz avek,  kot nou ti pe met son outfall desarz, nou ti ganny en pe lobzeksyon ek PUC apre ki proze ti’n konmanse.  E se pou sa rezon ki nou bezwen fer en proze, kot nou pe amenn en laliny tiyo pou met sa outfall sifizaman lwen ek kot catchment PUC i été, pou ki i napa okenn lenpak lo zot catchment delo.

So sa louvraz ki Mr Mondon Onorab Mondon in demande lo sa tiyo ki nou pe pase along larivyer, se sa ki ou pe vwar i pe ganny fer.  E sa i dernyen keksoz ki reste pou nou fer pou nou avan nou kapab fer alokasyon sa bann lakaz.

An sa ki konsern proze 24 lakaz dan nou bann proze ki kouve 24 lakaz nou annan 142 ki konplete an tou, nou annan 313 ki ongoing nou annan 164 ki swa zot fek konmanse, ouswa nou pe esper serten keksoz sort out avan konstriksyon i konmanse.

Lo kote transpor ler nou ti diskite Bidze avek Minister Finans, Minister Finans ti enform nou poudir i annan en proze kot i annan serten veikil ki Gouvernman pou aste in bulk pou tou bann Departman.

So se pou sa rezon  ki ou pa vwar sa okenn provizyon transpor feature dan nou Bidze, me i pou plito santra. l Petet PS Finans a kapab donn en pe detay lo la.  Mersi.

 

MR SPEAKER

Mersi PS  Choppy.  PS Barbe.

 

PS DENIS BARBE

Mersi Mr Chair mon ti anvi zis asir Onorab Mondon pou dir lo transpor i en keksoz ki nou’n konmans pran li an men depi si oule 2017-2018.  Se pou sa lo nou bann ‘’achievements’’ o menm paz zis par lao nou ‘’current challenges’’ ou pou vwar i annan serten konponan dan sa bann issue transpor ki nou’n adrese.  E sa in ganny si oule nou’n ganny sipor avek Minister Finans kot i osi pa zis donn nou larzan pou aste transpor nouvo.  Me i donn nou larzan pou kapab at least fer en pti pe plis maintenance.  E sa osi ganny met serten larzan dan Bidze sa lannen, lannen prosenn. Pou nou kapab kontinyen lo nou maintenance pou fer sir ki transpor ki pe i ase healthy o lo semen.  Thank you.

 

MR SPEAKER

Mersi PS.  Onorab Mondon.

 

HON TERENCE MONDON

Mersi Mr Chair.  2 pti kestyon ki swiv.  Premyerman lo kote sa tiyo ki pe desann a kote cacthment PS in dir mon ki i pe fer li pli lwen.

Me selman eski zot fer en assessment lanvironnman?  Akoz i anann bann nespes torti soupap pa anba, sa catchment.  I annan plizyer ti ava enportan i annan en assessment lanvironnman pou fer sir ki ler nou pe fe keksoz nou pa pe domaz lanvironnman an menm tan.  Mon ti a kontan konn si i annan en assessment ki’n ganny fer.

E dezyenmman bann kantite lakaz mon pa satisfe akoz ankor zot pe repet menm kantite.  Mon ti anvi konnen pou sa 2an kantite vreman ki zot in fer?  Apard ki bann ki ti’n konmanse avan?

Kote transpo,r mon anvi en garanti me PS Barbe ki ler in dir ki zot pe ganny plis finansman pou fer pli bon maintenance. 

        Eski ou pe dir nou ki definitivman ou transpor lannen 2019 pou an bonneta pou kapab fer sa travay ki vreman esansyel,  ler nou pe fer en proze konstriksyon kot in annan vizit regilye parey nou tou nou espekte i ganny fer?  Si ou pe donn nou en garanti ki ou transpor i pou a bonneta pou kapab fer sa travay?  Mersi

 

MR SPEAKER

Mersi nou a konmans avek PS Barbe.  Lo sa dernyen bout lo transpor apre PS Choppy.

 

PS DENIS BARBE

Bon mersi Mr Chair.  Lo finisyon lannen 2017 si oule  nou ti vwar nou avek en fleet transpor apepre 15 transpor – 15 a 16 transpor.  E laplipar sa bann transpor ti’n desote plis ki 12an i annan ki ti’n ariv 15an.  So nou’n konmans fer en progranm avek  en plan pou kapab konmans bann ki en pti pe pli vye ranplas zot. E nou’n ganny an total ziska ozordi  ki mon pe aport-e,  plis ki 5 veikil in antre veikil nouvo.

E bznn ki nou’n fer reparasyon mazer lo la sirtou pou bann pickup  ki nou bezwen fer serten reparasyon mazer pou fer sir ki sirtou lo kote bann carrier ki vini deryer – bann keson, i en pe pti pe annord.

E i annan en progranm ki nou pe kontinyelman si oule kontinyen pou nou kapab fer maintenance lo bann transpor, fer sir bann staff ki pe al deor lo sit, transpor i a  en bon kondisyon. Wi i en challenge s oule difisil akoz laz nou bann transpor ki mannyer in arive, e osi par sa ki nou pe gannyen avek Minister Finans ki nou konnen  i annan bann lezot  Departman ki annan menm challenges parey nou, so bezwen sey zwe avek pou nou kapab fer sir ki nou still ganny bann transpor ki kapab fer nou bann manrmay bouze an menm tan bann ki nou annan ganny en maintenance man ki kick-in pou fer sir bann poudir bann ki pa tro dan bonn eta at least nou tous, tous zot.  E an menm tan  bann ki’n desote en serten laz, ki pa vreman pe roul sitan ouswa i pa reliable sa ler nou ganny bann nouvo,  nou ganny permisyon avek Minister Finans pou nou kapab at least decommission li dan nou fleet. 

        So i annan en Plan Konpreansiv ki nou pe travay lo la, ki nou pe egzekite anmezir nou ale.  Thank you.

 

MR SPEAKER

Mersi PS Barbe.  PS Choppy.

 

PS YVES CHOPPY

Mr Chair lo kote assessment STP ansanm ek proze ler ti ganny aprouve ti pas Planning, Lanvironnman ti fer assessment lo la.  Me selman  la ki nou pe sanz pozisyon outfall  nou an konsiltasyon avek lanvironnman pou vwar si tou sa ki nou pe fer i ok e i an bonneta.  Mersi.

 

MR SPEAKER

Mersi PS Choppy.  Onorab Sophola.

 

HON NOLINE SOPHOLA

Mersi Mr Chair.  Bonzour Minis avek ou delegasyon, e tou dimoun ki a lekout.

Mon premye kestyon i viz ver Minis pou PS Barbe.  Lafason ki servis ki kliyan La Digue pe ganny ofer i pa tro akseptab.  E i en gran konsern.

La Digue napa en housing officer permanan.  Zofisye i vin  tou le 15 zour.  E servis i ganny donnen apartir 9.30-12.

PS, Minis ou PS eski i annan larzan dan sa Bidze ki’n ganny mete pou ede dan deplasman sa zofisye?  E osi akoz ki sa zofisye i donn zis 2erdtan travay lo La Digue?

Mon 2enm kestyon se pou Minis ou PS Valmont ; i annan gran retar dan alokasyon later.  PS eski ou kapab eksplik nou akoz i annan sa retar ?  E si dan sa Bidze provizyon pe ganny fer e bann aplikan ki anliny avek kriter zot ava ganny zot later?  Mersi Mr Chair.

 

MR SPEAKER

Mersi Onorab Sophola.  PS Barbe nou a konmans avek ou.

 

PS DENIS BARBE

Mr Chair an se ki konsern lofis zofisye ki deservi bann outer islands nou annan en lofis Inner Islands ki en si oule dan nou Minister si oule reprezant nou lo nou bann zil respektif.  E zot annan en vot bidzeter spesifikman pou zot kouver tou zot bann fre avek zot bann depans ki al avek sa lofis partikilye.

E pou nou ankadre si oule en  pti pe pli byen nou  2  zil Praslin avek La Digue, nou annan en zofisye ki pe fer si oule depi dan milye lannen, i pe fer specifically en housing officer pou bann  distrik respektif.

La le pwen ki pe  arive ki nou pe reget en pti pe mannyer nou organiz nou loperasyon pou nou kapab fer sir nou kouver tou nou bann distrik dan en fason sistematik pou nou kapab donn en  servis nou bann kliyan.

So Minister pe reget en pti pe si oule ki mannyer sa lofis li menm li i fonksyonnen.  Me selman an term Bidze, provizyon in fini ganny fer pou zot kapab at least fonksyonn b yen konman en lofis endepandaman, fer zot bann depans zot menm zot.  Me selman nou bann monthly report an term depans.

So sa i pa vreman en baryer pou zot kapab pa operate si oule -dan en fason ki mannyer zot santi pou asiste zot bann kliyan.  Mersi.

 

MR SPEAKER

Mersi PS Barbe.  PS Valmont.

 

PS RAVI VALMONT

Mersi Mr Chair.  Wi Onorab nou annan en pti retar lo alokasyon later lo La Digue.  Prensipalman akoz ti annan sa proze 24/24 ki pe ganny fer lo menm sit avek sa land bank ki’n ganny demarke.

Dezyenmman se akoz ti annan sa issue lenfrastriktir ki pa ankor pare . PS in konfirm avek mwan ki annan serten lenfrastriktir ki’n ganny mete.  Si tou keksoz i deroul byen.  Byen boner lannen prosen sa bann later pou ganny allocate avek Digwa.  Mersi.

 

MR SPEAKER

Mersi PS Valmont.  Minis Charlette.

 

MINISTER PAMELA CHARLETTE

Mersi Mr Chair.  Mon ti anvi zis  met en pti mo ek sa ki PS Barbe in dir regarding La Digue.  Parey in dir nou annan en lofis Praslin Bidze i pa really en problenm.

Me selman nou pe revwar en pti pe son fonksyon e son rol e son bann manda, e ki i kapab fer.  I annan bann keksoz adisyonnel ki nou krwar ki lofis Praslin li i kapab pran olye ki esper bann dimoun ki sorti Mahé. Nou’n fini fer diskisyon avek nou manager dan lofis e apre ki nou a met en striktir en striktir an plas i ava kapab prezan  deploy  son bann zofisye.

Me pou housing – housing li menm i annan deza en dimoun Housing ki dan biro Praslin e li osi i fer sa servis Praslin/ La Digue.

So nou ava ranforsi en pti pe ki mannye i fer son fonksyon e  osi get dan son parey mon pe dir rol ki fer ki sa i ava asiste plis bann dimoun lo La Digue  osi.  Mersi.

 

MR SPEAKER

Mersi Minis.  Onorab Paul Ernesta.

 

HON PAUL ERNESTA

Mersi Mr Chair.  Mr Chair, Minis delegasyon, bann koleg Onorab tou dimoun lekout bonzour.

Mr Chair letan PS pe reponn Onorab Mondon.  Lo sa size lakaz ex-Desaubin in mansyonn PS Choppy  pli size man in mansyonnen ki annan en lakaz ki sipoze pe al fe pou en rezidan  baze lo bann kondisyon ki’n ganny  fer.

Eski ou kapab dir nou  ki zistans i ete avek lenplimantasyon sa lakaz?   Akoz i annan en e letan – in fact ti en negosyasyon pou ganny fer avan lakaz i ganny fer.  Me la nou vwar li – I mean bann flat in fini – housing estate in fini.  Me li i pa ankor fer.

Eski ou kapab dir nou ki zistans i ete kan sa madanm pou kapab ganny son lakaz?

Apre dezyenmman lo kote zot lofis kot mon’n vwar dan zot strategic priorities 2019-2021 premye pwen se pou zot re organiz bann lofis pou kapab ganny en pli bon response.

Paler i annan en pe konsern ki annan bann request ki ariv kot lofis bann demann swa pou later swa pou lezot demann ki ganny fer par bann sitwayen.  Me i annan retar dan repons.  Ki zot pe fer baze lo sa Bidze pou fer sir ki sa i differ pou fer i annan plis effectiveness dan zot bann travay ki zot fer, donn bann dimoun bann repons ek bann dele letan pli kourt.

Apre zot in dir osi pou asiste at least 50pojursan bann aplikan pou later e osi 30poursan pou lakaz.  An term lakantite ki sa pe reprezante?

Apre dernyen mon’n vwar dan PSIP i annan mansyon pou devlopman later Takamaka.  Me solman napa en Bidze ki’n ganny allocate avek.  Kapab eksplik nou akoz sa, please?  Thank you Mr Chair.

 

MR SPEAKER

Mersi Onorab.  PS Choppy.

 

PS YVES CHOPPY

Onorab sa lakaz ki nou pe konstri pou sa madanm ki ti donn nou later pou fer semen, i lo tender pou lemoman.  Mon pa asire si tender in fini rantre selman i posibleman in fek, rantre.  In ekspekte ki apre nou’n pas prosedir aprouvasyon Tender Board, nou a kapab konmanse boner lannen prosen.  E within 6 mwan nou a kapab delivre sa madanm ek son lakaz.

Lo kote PSIP nou annan proze land bank par anba lekol e li i nou Schedule li pou 2020 akoz nou Bidze pa’n permet nou fit li pandan 2019.

Lo kote lofis PS Barbe i ava pran.  Mersi.

 

MR SPEAKER

PS Barbe.

 

PS DENIS BARBE

Thank you Mr Chair.  Nou’n santi li at some point pandan lannen, pou nou kapab re organiz en pti pe ki mannyer pou deservi nou donn en pti pe servis piblik.

Setadir nou’n kree en Customer Service Centre Unit si oule pou tir en pti pe presyon lo bann dimoun teknik-al pou enterakte manm piblik kot nou ganny bokou walking  clients – bokou bann dimoun pe atraver email ouswa telefonn.  So nou santi poudir si menm dimoun pe fer sa louvraz teknik-al e menm sa bann dimoun ki pe attend sa bann queries, then obviously nou pou ganny pou annan en – i pa pou efikas dan  bann servis.

So ou’n detas nou en pti pe.  Me selman nou’n  fer li dan milye lannen akoz nou ti napa vreman en  Bidze partikilye pou li.  Nou’n bezwen fer serten sakrifis internally  menm ki mannyer nou organiz sa.  E sa osi in annan serten lefe lo bann lezot servis ki par egzanp dan bann dimoun  teknik-al ti pe fer avan.   Nou’n  pran serten dimoun teknikal nou’n met li dan lo forefront pou enterakte ek piblik.

So la nou pe ganny nou – si oule dan sa Bidze, nou pe ganny nou en keksoz, spesifik pou sa customer service centre.  Me nou pe al en pti pe pli lwen ki sa nou anvi ki nou re organize en pti pe – sirtou lo kote bann lofis nou bann PSs, kot nou ganny bokou bann follow-up avek bann kliyan pou nou kapab donn sa latansyon spesifik.  I en keksoz ki nou pe travay avek me nou pa pou ganny li parfe.  Me i en starting point pou nou kapab don sa meyer servis.

Whilst I’m at it Mr Chair kekfwa mon a tous en pti pe lo  nou target baze lo nou strategic priorities ;  pou lo kote housing for the next 3 years nou anvi at least satisfe 30poursan bezwen lakaz kote kot Minister.  Sa i en fakter kantite aplikasyon ki nou annan.

As we speak ozordi la nou annan en pti pe par lao 3,500 aplikan.  So for the next 3 years 30poursan sa i reprezant apepre en pti pe par lao mil aplikan.

So sa i more less en pti pe nou lobzektif stratezikman pou sa 3an.   Thank you. 

 

MR SPEAKER

Mersi PS Barbe.  PS  Valmont.

 

PS RAVI VALMONT

Mersi Mr Chair.  Lo kote biro later li menm wi nou’n  vwar serten defayans avek serten case ki tard en pti pe.

Ki nou’n  sey fer nou’n sey nou pe sey restriktir biro later en pti pe.  An se moman ou annan ou en zofisye later ki aktyelman travay lo en case from A to Z.  E sa zofisye li i annan plizyer distrik ki i antase anba li.

So dan li menm li, i  pran en kantite letan pou li kapab deal avek serten case.  Ki nou pe fer nou pe kree diferan unit dan Biro Later kot i ava annan en flow en pti pe pli byen.  E an menm tan sa i pou ed nou kapab mezir performans bann staff ki annan.

Dezyenmman nou anvi entrodwir sa ki  nou apel en flagging system lo nou file movement kot a en serten moman letan  si en file i dan lofis kot ou i pou flag i pou les ou konnen egzakteman  konbyen letan  sa file i kot ou kapab travay lo la en pe vit.  Mersi Mr Speaker.

 

MR SPEAKER

Mersi PS Valmont.  Minis Charlette.

 

MINISTER PAMELA CHARLETTE

Mersi Mr Chair.  Zis pou azoute si ou vwar nou Bidze sa lannen lo kote wages and salaries in monte from 14 million 2018 pou 48.3milyon 2019.  E nou remersi Finans pou ekout in ekout nou akoz parey zot konnen sa lannen en non pe pos ti pe ganny freeze, so nou’n kapab at least met en larzan pou nou sirtou pou lands survey e osi kot PSIP kot i ava annan parey nou’n dir pli boner plis monitoring bann proze ki pe vini la vi ki nou annan sa 3 mil lakaz ki pou  fer.

So nou Bidze in ogmante plis dan compensation of employees zisteman pou nou kapab cater pou sa demann.  E ladan i enkli osi en dimoun ki nou pe  anploye pou fer nou PR.  Akoz, nou konnen pou dir en bon pe kominikasyon  i manke avek piblik li menm.  E so sa dimoun ler i ava vini i ava nou ava fer en  stratezi ki mannyer nou pou atak tou bann size pertinan konman  later – lakaz e koumsa dimoun i a ganny plis lenformasyon e zot ava pli edike bann travay ki nou pe fer internally e bann Polisi sirtou ki nou annan menm si nou me]t lo website pa tou dimoun ki al lo website.

        Bann Policies ki nou annan, e bann framework ki an plas pou bann dimoun kapab par  egzanp lo Home Saving Scheme lo en prodwir parey self- finance  kwa ki annan ladan kwa ki sa kliyan li menm li i kapab benefisye dan travay ki nou pe fer.  Mersi.

 

MR SPEAKER

Mersi Minis Charlette.  Onorab Ernesta vit.

 

HON PAUL ERNESTA

Mersi Mr Chair.  Vitman Mr Chair lo proze lakaz ex-Desaubin housing estate zot dir zot pe fini ki prezan i annan sa lot bout alokasyon avek manm piblik, kan ki bann alokasyon pou ganny fer pou dimoun kapab konnen?  Mon konnen dimoun pe espere la kan ki zot pou kapab konnen?

Apre i annan sa later osi devlopman later Anse Koray tousala kan ki zot espekte pou zot kapab fer alokasyon.  Akoz nou tro ganny dir toultan pe anvoye pe anvoye me enn fwa pou tou annou sey dir en posisyon  lo la.  Mersi Mr Chair.

 

MR SPEAKER

Meri Onorab.  PS Choppy.

 

PS YVES CHOPPY

Pou Ex-Desaubin o sirtou nou fini sa laliny sewage sa outfall Departman Lakaz pou fer alokasyon.  Anse Koray sa proze semenn nou espekte konplete avan lafen Desanm.  Mersi.  Son alokasyon mon pa konnen si Departman Later in fini fer son bann louvraz me …

 

MR SPEAKER

Mersi PS Choppy.  PS Valmont oule azout keksoz?

 

PS RAVI VALMONT

Mr Speaker nou’n fini travay lo bann lo land bank application bann dimoun dan Sid Was.  E Takamaka ti form parti sa distrik ki tonm dan sa rezyon.  E wi Mr Speaker nou annan nou lalis nou bann dimoun, ki’n kalifye pou kapab ganny bann later dan sa rezyon.  Mersi.

 

MR SPEAKER

Mersi PS Valmont.  Bon nou ava aret la pou lemoman nou a retourn lantern avek SBC.

Nou pou repran nou, travay 1er.

 

(BREAK)

 

MINISTRY OF HABITAT, INFRASTRUCTURE & LAND TRANSPORT (MHILT) CONT

 

MR SPEAKER

Bon mon ti a demann en Manm lo sak kote latab zis pour al deor pour al rod lezot Manm, si non mon pour adjourn.  Ok mon krwar nou korek la, nou ok.  Bon bonn apre midi tou Manm Onorab, bonn apre midi tou dimoun ki a lekout e pe kontinyen swiv travay Lasanble Nasyonal, bonn apre midi Minis Charlette ki ankor touzour akonpannyen par PS Choppy, PS Valmont, PS Barbe.

E lo kote Minister Finans nou annan PS Thesee, Ms Verghese e Ms Tamatave.  Bon nou ava kontinyen nou bann kestyon avek klarifikasyon pour Minis pour Labita, Lenfrastriktir avek Transpor lo Later.  Onorab Wavel Woodcock.

 

HON WAVEL WOODCOCK

Mersi Mr Speaker.  Bonn apre midi Minis ek ou lekip, mon kestyon i plis ou mwen trouve mon bann kestyon lo paz 42 anba PSIP bann Proze Kapital.  Mon premye kestyon i konsernan sa 24 lakaz dan 24 distrik, e lo kote Grand Anse Praslin ziska aprezan nou annan nou zis 18 unit ki pe ganny konstrir par deryer lekol Grand Anse Praslin Primer.  Mon kestyon vi ki sa proze i pa tro lontan ki’n komanse sa lannen, ki timeframe, kan ki zot pour konplet sa proze? E sa larestan 6 unit kote zot pour fer?

Ki pour arive avek sa proze lakaz ki zot ti pour fer Mont Plaisir, si ou kapab donn mwan en pti pe detay lo la.  E osi anba Department of Infrastructure proze, i annan en proze pour Praslin/La Digue Land Registration ki ti pour kout R2 milyon, mon ti a kontan demann Minis ki zistans proze, sa proze i ete pour transfer bann later lo vye Land Registration System pour al lo nouvo.

E osi konsernan proze Baie Ste Anne Power Station relocation ki son initial project cost ki ti’n ganny bidzete i R8.786milyon, me ler mon pe get anba Bidze pour 2019, mon pa vwar nanryen kot i konsern re alokasyon bann dimoun ki reste dan zanmirant sa Power Station.

E osi ankor konsernan re lokasyon, sa i re lokasyon bann dimoun ki en kestyon mon’n deza anmenn devan sa Lasanble Nasyonal, ki pour arive avek re lokasyon bann dimoun ki reste o bor Erport Amitié sirtou lafanmir Hoareau ki pe reste o bor landfill?  Minis akoz zabitan otour Erport Amitié zot vreman fristre – zot napa drwa permisyon pour konstrir lo zot later e menm zot pa kapab fer renovasyon akoz zot in ganny dir zot pour ganny reallocate.

Alor ou ti promet pour zwenn avek zot, mon bezwen demann ou kan ki ou pour zwenn avek zot?  Kan ki bann legzersis pe ganny fer pour relocate sa bann dimoun ouswa donn zot en konfirmasyon si zot pour ganny retire la e kan ki sa pour ganny fer?  Mersi.

 

MR SPEAKER

Mersi Onorab Woodcock. PS Choppy.

 

PS YVES CHOPPY

Mersi Mr Chair.  Mon pour pran kestyon 24/24, kestyon Mont Plaisir avek kestyon Power Station relocation apre mon a pas ek mon koleg.

Proze 18 ki pe fer deryer lekol primer, nou ekspekte i pour konplete an me 2019.  Nou annan en proze Mont Plaisir ki inisyalman nou ti pour annan nou 8 unit.  Akoz ler nou ti fer laplikasyon sa proze bann Regilasyon Planning pa ti permet nou al Ground Plus 2.  Nou pe revwar sa proze la ki in annan sanzman dan regilasyon Planning, nou kapab ganny ankor en floor.  Savedir nou pour annan an tou 12 unit ki nou pour fer Mont Plaisir e sa i Schedule pour nou fer lannen prosen – i dan nou bann lalis 3mil Lakaz.

Power Station relocation nou Bidze ki nou’n re evalye, selman sa i very tentative akoz still nou pa ankor fini negosyasyon avek tou larestan dimoun.   Nou pe get en Bidze anviron 35milyon annefe.  E nou ti napa lespas pour nou met sa proze dan bidze 2019, nou komans ganny larzan dapre PSIP an 2018, sorry 2020.  Mersi.

 

MR SPEAKER

Mersi PS Choppy.  PS Valmont.

 

PS RAVI VALMONT

Mersi Mr Chairman. Mr Chairman mon pour pran kestyon en LRP.  Annefe en LRP i annan 2 konponan; i annan sa premye konponan kot bann dimoun ki later in fini survey, i anmenn bann dokiman kot Biro Later e nou, nou verifye avan ki nou transfer li kot Land Registry pour zot met lo nouvo Rezis.  Sa bout la in fini komanse.  Zis pour dir nou annan nou en pti pe plis ki 50 dimoun ki’n fini anmenn zot bann dokiman devan kot survey ,ki’n ganny verifye pour nou kapab pas kot Land Registry.

Sa 2enm konponan se, letan nou vin lo later fizikman, bann later ki pa ankor arpante e arpanter i fer son adjudication apre nou survey sa later.  Nou’n ganny en pe retar lo la akoz rekritman. Nou’n advertise 3 fwa dan zournal e nou’n menm fer bann adverts lo radyo avek televizyon.  Nou pa’n ganny bann dimoun ki konpetan, pour kapab fer sa travay.  Annefe pour lead sa proze nou bezwen en surveyor ki sa adjudication officer e Seselwa arpanter i pa vin devan pour zot kapab antre dan proze.

Recruitment arpanter nou ti pe fer Kenya, tou dernyerman.  Me parey ou konnen bann transkripsyon ki nou annan kot Registry i an Franse.  So i pour annan en language barrier.  Tou dernyerman nou’n ganny en dimoun ki deza annan serten leksperyans ki’n travay Sesel, nou an kontak avek li, e si nou kapab finaliz bann prosedir tre byento – si nou kapab fer li vini sa lannen avan Desanm, oubyen byen boner lannen prosenn pour li kapab spearhead sa proze.

Dezyenmman Mr Chairman nou’n ganny serten difikilte avek lofis.  Nou’n sey get en pti pe partou lo Praslin nou pa’n vwar sa lofis ki en pti pe konvenab pour nou.  Me tou dernyerman si Onorab in pas kot Biro Pension Fund Grand Anse, ou pour vwar sa biro kot Barclays Bank ti ete in ganny partisyonnen e nou biro pour baze la. So byen boner lannen prosen si tou keksoz i finalize nou pour lans dan sa dezyenm konponan Land Registration Project.  Mersi Mr Chairman.

 

MR SPEAKER

Mersi PS Valmont. Minis Charlette.

 

MINISTER PAMELA CHARLETTE

Mersi Mr Speaker.  Mon a pran sa kestyon regarding re lokasyon pour bann dimoun ki baze dan buffer Zone SCAA.  Nou ti’n fer diskisyon milye sa lannen avek SCAA, lo ki bann faz ki nou pour al sa proze.  Nou’n fer osi diskisyon avek SAA ki li i pe pran bout tou bann fermye.  I annan ankor plis negosyasyon pour nou ganny fer;- pli presizeman pour Mr Hoareau li i ti’n ganny offer, nou ti’n fini anvoy li.  Me dernyen fwa mon ti Praslin, sa mon krwar last month, mon ti zwenn avek son pti zanfan oubyen son zanfan menm ki’n vann later avek, e li in dir mwan ‘Minis negosyasyon i fer mwan avek ou pa avek personn ankor!’

 So la nou dan faz finaliz negosyasyon avek li pour nou kapab relocate li, relocate li avek sa msye.  E apre bann lezot later o bor lo kote li, sa nou bezwen fer li an faz akoz nou vwar poudir i en tro, tre gran proze e i pour kout nou.  Nou, Nou napa en estimasyon right now konbyen i pour koute, me selman next step la i pour SCAA fer en bout e nou osi fer nou bout lo kote bann dimoun rezidansyel, pour nou kapab pran, rod en cost pour nou kapab met li dan Bidze.  Mersi.

 

MR SPEAKER

Mersi Minis. Onorab Woodcock.

 

HON WAVEL WOODCOCK

Mr Speaker mon lot kestyon i en pti pe dan laliny ki Onorab Steve Pillay in demande, kot i konsern sa 115.8milyon pour land acquisition.  Pour 2017 ti en sonm 26.8milyon, pour 2018 – konmsi sa sonm i ganny kase pour 5an; 2017 26.8milyon, 2018 29milyon, 2019 20 milyon, 2020 – 20milyon, 2021 – 20milyon e Minis pa ti reponn sa kestyon.   Mwan ki mon pe demande eski Minis i kapab fer sa Lasanble ganny en breakdown – en kopi ouswa en lalis tou sa bann peyman, ki zot pe fer pour acquire bann later ki rezondet zot pe pey sa sonm e kote?  Dan tou distrik ki zot pe fer sa bann purchase, sa bann acquisition, sa bann later?

E finalman mon dernyen kestyon kot i konsern alokasyon later St Sauveur, sa bann letan mon ti pe deal avek PS, be la mon krwar PS Barbe la mon krwar i zis anba, i travay avek Lakaz, alor sa kestyon i pour plis ou mwen pour PS Valmont.  Ti annan mon krwar apepre 6 morso later ki ti pour ganny allocate, me selman ti annan en pe retar lo alokasyon sa bann later, kekfwa PS i kapab annan en pe detay lo ki pe arive avek sa 6 parcel?  Mersi bokou.

 

MR SPEAKER

Mersi Onorab. PS Barbe.

 

PS DENIS BARBE

Mersi Mr Chair.  Mon pour pran kestyon pour sa vot pour land acquisition en? Sa i pa spesifikman zis pour par egzanp pri later ki Gouvernman pe aste. I annan plizyer konponan ki antre ladan.  Wi laplipar i si oule i relye direk avek bann negosyasyon ki Gouvernman i an, pe antreprann avek bann diferan private owners.  E osi i enkli bann later ki nou, ki Gouvernman in encroach lo la avek semen bann diferan lezot lenfrastriktir, ki nou antre nou compensate bann dimoun pour sa.

Nou napa si oule en lalis avek nou la pour nou kapab donn ou la tou detay.  Me selman an preparasyon avek nou bann Bidze nou, avek sak lannen ki vini nou en nide egzakteman bann negosyasyon ki nou pe fer avek bann dimoun.  Bann ki lo bann staz si oule pe al lo en faz kot nou vwar nou kapab at least fer atansyon ek Gouvernman buyback sa later.  E sanmenm sa ki nou servi ansanm avek Minister Finans pour nou kapab at least travay lo en lanvlop pour vin sa larzan pour sa bann acquisition.  Thank you Mr Speaker.

 

MR SPEAKER

Mersi PS Barbe.  PS Valmont.

 

PS RAVI VALMONT

Mersi Mr Chairman. Onorab ou’n dir Salazie?

 

HON WAVEL WOODCOCK

 

(Off-Mic)

PS Barbe i konnen.

 

PS RAVI VALMONT

Vedir sa alokasyon ki sipoze ganny fer avek serten group endividi?  Wi annefe Mr Chairman mon annan en vizit Praslin zedi zisteman pour mwan koz avek sa bann endividi pour nou find a way forward.  Akoz aparaman ki mannyer mon ganny en konpran ti annan serten dimoun ti’n fini ganny montre taso – if I’m correct – pour nou kapab finaliz sa alokasyon.  Mersi Mr Chairman.

 

MR SPEAKER

Mersi PS Valmont. Onorab Woodcock.

 

HON WAVEL WOODCOCK

Mr Speaker zis parey Onorab Steve Pillay, mon pe still ensiste ki nou ganny lalis breakdown sa konponan, sa sonm R115.8 milyon pour land acquisition pour bann diferan distrik pour nou konnen vreman ki mannyer sa larzan pe ganny servi.  Mersi Mr Speaker.

 

MR SPEAKER

Mersi Onorab.  PS Barbe.

 

PS DENIS BARBE

Mr Chair petet nou kapab sirkil lalis bann past acquisition ki nou’n fer pour bann lannen ki’n pase;- an term bann ki nou dan pipeline petet pour akoz nou ankor still an negosyasyon i pa’n posib pour nou kapab at least donn zot en lalis pour bann ki nou ankor an diskisyon avek bann private land owners.

 

MR SPEAKER

Dakor PS Barbe.  PS Thesee.

 

PS DAMIEN THESEE

Mersi Mr Chair, petet ti a byen note Bidze pour land acquisition i 20 milyon tou le lannen, sa ki nou vwar 115 i son cumulative ok?  Mersi.

 

MR SPEAKER

Mersi PS Thesee Onorab Churchill Gill.

 

HON CHURCHILL GILL

Mersi Mr Chair.  Bonn apre midi Minis ek delegasyon.  Mon premye kestyon i konsernan land bank pour distrik Baie Ste Anne.  Mon konnen Minis ti’n dir nou poudir zot pour fer dan rezyon, lo en rezyon Mahe.  Mon pe gete si lannen prosenn zabitan Baie Ste Anne pour kapab, alokasyon pour ganny fer dan distrik Baie Ste Anne ?  Akoz apre nou, nou annan bann dimoun parey PS Valmont fek dir i annan bann dimoun ki montre taso, nou osi kot nou i annan bann dimoun ki ti’n menm ganny let pour later.  Alors mon kestyon eski lannen prosenn nou pour vwar lokasyon dan distrik Baie Ste Anne pour later land bank?

Apre mon 2enm kestyon, kan ki sa 3enm faz lakaz Marie-Jeanne Estate, kan ki sa i ekspekte konplete?

Mon 3enm kestyon, eski sa 3mil Lakaz ki’n ganny dir pour ganny fer, eski Baie Ste Anne oubyen Praslin i form par dan sa distribisyon, nou osi nou pour benefisye avek sa?

Apre mon dernyen kestyon se, lo sa re lokasyon PUC, i annan en pe letan depi ler mon’n anmenn sa Mosyon e la nou’n tande ki 2020 ki larzan pour ganny met allocate.  Alors mon pe demann Minis si nou pa kapab fer en fason ki nou ganny larzan en pe pli boner ki sa? Akoz deza nou pe antre dan 3enm lannen depi ler sa Mosyon in ganny mete dan Lasanble.  Mersi.

 

MR SPEAKER

Mersi Onorab.  PS Choppy.

 

PS YVES CHOPPY

Mr Chair, pour land bank nou annan en proze Salazie lannen prosen pour met semen ek lenfrastriktir.  Apre nou annan proze Fond Azore sa lannen ki pe konplete, alokasyon petet PS Valmont i kapab koz lo la.

3enm faz Marie-Jeanne, nou ekspekte komans li lannen prosen.  3mil Lakaz dan sa lalis 3mil Lakaz ou a vwar i annan pour Baie Ste Anne i annan 2 proze ki nou’n mete.  Sa 12 unit Marie-Jeanne i enn ant sa 2 proze e lot proze i subject to negosyasyon later.  Me selman i annan provizyon. I pa neseserman nou pour ganny fol nonm, i depan lo mannyer negosyasyon i ete. Selman i annan provizyon pour Baie Ste plus pour Grand Anse osi.

Lo kestyon relocation Power Station whether larzan i kapab ganny pli boner, sa i keksoz ki nou kapab diskite ansanm ek Minister Finans petet pli tar.  Mersi.

 

MR SPEAKER

Mersi PS Choppy. PS Valmont.

 

PS RAVI VALMONT

Mersi Mr Chair, sa proze Fond Azore survey in fini konplete e nou pe esper lenfrastriktir pour nou kapab fer alokasyon.  Proze Salazie osi in fini konplet survey pour nou esper semen avan ki alokasyon i ganny fer.  Zis pour enform Onorab ki Fonds Azore i annan 7 plot, e Salazie nou annan 8 plot an total.  Mersi Mr Chairman.

 

MR SPEAKER

Mersi PS Valmont. Onorab Regina Esparon.

 

HON REGINA ESPARON

Mersi Mr Chair. Mr Chair mwan osi mon kestyon i lo PSIP lo paz 42. mon vwar ki i annan en sonm 803mil  pour Carana Land Bank – en proze ki ongoing, mon ti a kontan konnen kan i pour fini?

Me mon pa vwar okenn alokasyon pour Machabée Land Bank – en proze ki Minis ti’n promet ki zot pour fer lannen prosenn.  Parkont mon vwar R3 milyon pour La Gogue Land Bank – extension.  Mon ti a zis kontan klarifye pour La Gogue Land Bank extension i paret mwan lannen pase zot ti ganny en larzan, selman mon vwar i met A.E o bor – mon mazinen i tonm dan distrik Anse Etoile sa bout la.

Epi i annan sa enn par anba la ki sa R3milyon i pa’n met nanryen o bor, mon pa konnen si sa, sa bout ki vin lo kote Glaçis, mon ti a kontan en leksplikasyon.

Minis nou annan nou en bout later, mon konnen later Glaçis i en pe rar, mon ti a kontan demann ou ki zot plan pour acquire, oubyen pour aste later prive?  Pour ki nou osi nou ava kapab ganny en pe lakaz pour met nou bann dimoun ki lo ‘Lalis Espere’ plis ki en bann letan.

Nou annan en bout later ki sitye deryer Ladministrasyon Distrik H4689.  Sa bout later i anrezistre anba non SPPF, mon ti ape fer en demann Minis an vi ki nou’n dir poudir SPPF pour rann sa bann later ki zot in pran – si sa bout later ki ti sitye deryer Ladministrasyon Distrik, pa kapab ganny pran pour met en pe flat pour zabitan Glaçis?  Ok?

Minis en lo pti konsern ankor, mon vwar poudir i annan en alokasyon letan mon get dan detay R824mil pour telefonn dan ou Bidze, mwan mon ti ava pe fer en ple avek ou Minis, si i annan en landrwa kot ou telefonnen ou ganny plis problenm kominikasyon se kot MLUH! Souvandfwa ou telefonnen ou pa ganny personn lo laliny.  Nou pe donn zot R824mil nou pe, mon pe fer en ple avek ou Minis fer ki ou Sistenm Kominikasyon i vin pli meyer ki i ete ozordi pour ki letan piblik deor i telefonnen i pa ganny dir ‘‘hold on -‘mon pas ou laba’’ – i ekout lanmizik plis ki 1 demi erdtan – i pa ankor ganny personn lo laliny.  Parske nou pe al vot lo en Bidze pour donn ou larzan pour telefonn.

Lo kote ASP mon ti ava kontan gete avek Minis; nou annan proze Simara Machabée, sa i en proze ki Prezidan ti fer en commitment.  Me ler mon pe regard dan Bidze mon pa vwar okenn alokasyon larzan pour li.  Mon ti ava kontan konnen si i pour ganny fer lannen prosenn oubyen non?

Lo ki konsern nou proze 24 lakaz dan 24 mwan, i ankor en pe dan sonm – dan nyaz. Minis ou ti dir mwan letan mon ti vin vwar ou poudir zot in allocate, zot in ganny later, me selman problenm se semen. Nou ankor pe espere, nou ti tann dir pe al tender lannen pase me nanryen pa ankor ganny fer ziske prezan.  Mon ti ava kontan ganny en leksplikasyon ki pozisyon 24 lakaz dan 24 mwan pour zabitan Glaçis i ete?  Mersi.

 

MR SPEAKER

Mersi Onorab Esparon. PS Choppy.

 

PS YVES CHOPPY

Mersi Mr Chair, mersi Onorab, sa larzan pour Carana Land Bank sa proze ki nou’n ganny larzan sa lannen ki nou’n fer, i pa ti enkli surfacing.  Sa larzan ki dan lannen prosen i pour dan bidze lannen prosen pour nou fer surfacing e mon krwar nou’n fini advertise sa tender, si mon pa tronpe pour fer sa surfacing, ti ava ganny fer dan Bidze lannen prosen.

Machabée land bank i pa dan PSIP akoz ti, ler nou ti ganny sa Pension Fund Loan ti annan detrwa proze land bank ki a sa moman 2018 nou ti napa finansman, ki nou ti’n tonm dakor pour nou met li as part of sa.  So i enn sa bann proze ki dan sa loan ki dan nou Special Housing Development Fund.  Son status sa proze, nou annan design ki’n fini fer, selman akoz workload ek shortage QS, i enn bann proze ki nou pa ti ankor kapab finaliz BQ pour met lo tender.  I en proze ki nou ekspekte kapab al lo tender boner lannen prosen.

3milyon pour La Gogue nou’n fer en premye faz apepre 26 plot La Gogue e sa 3milyon i pour nou extend sa land bank pour nou ganny ankor anviron en 20tenn plot apepre.  So sa i en kontinyasyon sa premye land bank whether i tonm dan Glaçis or Anse Etoile, i tonm dan Anse Etoile mon koleg i konfirmen.

‘Simara’ mon konnen sa proze i ti enn bann proze ki’n nou ti’n anba nou bann special housing pour fer.  E i en proze ki fodre mon fer follow-up pour vwar ki rezon ki nou pa ankor tender.

Apre nou proze 24 pour distrik Glaçis, i annan 2 issue, ki rezon ki nou pa ankor met lo tender.  Parey ou konnen MNA nou ti pe rod en semen pli fasil pour nou kapab ariv lo sa site rather than semen ki pas kot Estate anba ki etrwat, ki apik.  E osi later ki nou pe aste avek SACOS e nou dan bann prosedir final pour nou finaliz sa purchase.

So sa i 2 rezon akoz sa proze i pa ankor kapab komanse, nou’n deza ganny Planning approval pour sa proze ki konpri 36 unit an tou lo sa site, 24 dan nou seri 24 apre balans 12 pour nou Ferrari relocation.

E nou ekspekte ki osi tou nou rezourd sa 2, sa problenm semen sirtou nou a kapab met lo tender.  Lefe ki nou ti pe revwar lapros semen nou pa ti oule met lo tender an ka nou bezwen sanz kot semen i antre lo site.  Mersi, i reste 2 kestyon mon, petet Minis i a pran.

 

MR SPEAKER

Mersi PS Choppy. Minis.

 

MINISTER PAMELA CHARLETTE

Mersi Mr Speaker. Mr Chair, pou reponn kestyon Onorab lo kote telefonn, wi nou konnen sa i, mon’n deza dir poudir sa i enn nou pli gran kontrent.  E parey mon ti anonse, nou ti pe tender pour nou ganny en nouvo PABX akoz nou pe sanz supplier.  Prosedir i preske final.  E nou pour tender pour nou ganny en nouvo supplier pour nou kapab donn en sistenm ki pli apropriye, e ki pour kapab meet demann ki Minister i fer.

Akoz la vi ki nou annan en customer service e nou osi annan bann dimoun ki bezwen pran telefonn toultan dan bann lofis.  Par egzanp nou’n fer sir ki nou annan bann ICOs dan bann lofis ki pour ki zisteman donn sa lenformasyon avek kliyan. E ansanm avek sa restriktirasyon ki nou pe fer anndan i a fer li en pti pe pli fasil pour nou bann customers ganny kontak avek nou.  Mersi.

 

MR SPEAKER

PS Valmont.

 

PS RAVI VALMONT

Mersi Mr Chairman, an sa ki konsern aste later prive Minister i pe fer sa ki nou apel en land inventory, pour nou konnen ki kantite later Gouvernman ki i annan e kote i ete.  E once sa legzersis in fini sa i pour determinen si nou pour aste later e kote ki nou pour aste later baze lo demann.  Mersi Mr Speaker.

 

MR SPEAKER

Mersi PS Valmont.  Onorab Esparon.

 

HON REGINA ESPARON

Mersi Mr Chair. Mr Chair mon ti ava kontan demann avek Minis an vi ki sa dimoun kot nou apel Red Zone la, sa bout Vista Do Mar kot sa bann dimoun pe ganny demande pour sorti ki zot, zot pe apel sa ex-Ferrari, sa bann dimoun ki dan sa bann landrwa la, zot napa en laplikasyon – zot pa anba Sistenm Pwen, eski zot pour ganny priyorite dan sa nouvo devlopman 24 lakaz dan 24 mwan pour distrik Glaçis? An vi ki zot, zot pe ganny demande pour zot sorti – zot napa en laplikasyon parski zot deza dan en lakaz la zot, zot pa anba sa Sistenm Pwen, oubyen zot pour ganny defavorize avek sa Sistenm Pwen ki pe defavoriz bokou dimoun – mon ti ava kontan commitment Minis lo la silvouple.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Chair.  Mersi Onorab. Dan bann sirkonstans koumsa bann dimoun pa gannyen, pa ganny mete lo Sistenm Pwen akoz la i vreman, si ou pe dir mwan i en Red Zone, nou pour bezwen fer li koman en re lokasyon.  So i pa pour bezwen pase lo Sistenm Pwen.  Mersi.

 

MR SPEAKER

Mersi. Bon i annan ankor klarifikasyon lo la Onorab Esparon?  Ok ki mon pour, petet mon ti devret averti zot, mon pour sanz en pti pe nou fason travay, mon pour donn main kestyon avek en posibilite pour demann siplemanter, klarifikasyon lo repons.  Akoz si nou kontinyen ki sak Manm i ganny 4 a 5 fwa pour demann kestyon, nou pa pour zanmen fini.  E nou annan ankor nou 3 Departman ok? Ale Onorab Esparon.

 

 

HON REGINA ESPARON

Mr Speaker i pa en nouvo kestyon, i en kestyon ki zot pa’n reponn.  Sa sityasyon sa bout later ki pour SPPF deryer biro Ladministrasyon Distrik H4689, si SPPF i rann sa bout later, ki pour arive avek sa bout later?  Ki zot pe anvizaze fer avek?  Minis pa’n reponn.  Mersi.

 

MR SPEAKER

Mersi. Minis oubyen PS Choppy? PS Valmont.

 

PS RAVI VALMONT

Mersi Mr Chairman.  Si Parti Lepep i deside pour rann sa bout later, devlopman i pour baze lo Land Use Plan dan sa landrwa soz ziska ler nou pa pour kapab dir nou pa pour kapab dir ki nou kapab fer avek sa ziska ler nou ganny Land Use Plan dan sa landrwa kot i ete spesifikman.  Mersi Mr Chairman.

 

MR SPEAKER

Mersi PS Valmont. Onorab Lemiel.

 

HON SYLVANNE LEMIEL

Mersi Mr Speaker.  Bonn apre midi Mr Chair. Minis e ou delegasyon. Mon kestyon i adres a Minis. Nou konnen poudir tender in fini fer lo 24 unit Anse Royale, e nou ti a kontan konnen ki problenm ki i annan? Akoz mon pa’n vwar larzan ganny mete pour li ganny fer an 2019.  So mon panse ki nou larzan i ankor la, akoz sa bann lakaz pa ankor komanse?

STP Remise, ti annan commitment ki 2018 i pour ganny fer, mon pa vwar nanryen an 2019 dan Bidze, ki pour arive avek STP Remise an tant ki nou pe ogmant fer lakaz dan sa area. R5 milyon in ganny mete pour lenfrastriktir ex-Deltel, mon’n ganny en konpran ki nou annan 40 bout later laba, so donn nou en pti pe plis detay ki egzakteman zot pe vin fer pour sa R5milyon?  Mersi Mr Chair.

 

MR SPEAKER

Mersi Onorab.  PS Choppy.

 

PS YVES CHOPPY

Mersi Mr Chair.  Pour Anse Royale son proze, rezon ki nou pa ankor kontrakter pa ankor mobilize pour komanse.   Si non li osi tou i enn bann later ki nou’n aste avek SACOS e nou pe esper finalisation bann peyman eksetera, pour nou kapab – avan kontrakter i kapab pran posesyon site.  Nou ekspekte sa i fini byento PS Finans in dir mwan avan lafen lannen.

STP Remise – sa STP ki nou pour fer, i pour konnekte Remise, Bamboo Estate avek sa nouvo devlopman 24 ki nou pe al fer lo site ek SACOS.  Nou’n fini tender sa STP, selman nou pa ankor award Kontra akoz i enn bann, nou ti oule komans nou proze lakaz avan nou komans Kontra lo la.  So i deza en faz avanse e mon asir MNA ki lannen prosen nou ava ganny en STP ki a deservi tou le 3 Estate.

Ex-Deltel i en proze sa larzan i pour fer lenfrastriktir pour servi sa bann kare ki dan sa proze Ex-Deltel.  Mon krwar an tou proze i 7 milyon nou’n ganny 5milyon pour komanse lannen prosen si mon pa tronpe.  Mersi.

 

MR SPEAKER

Onorab Lemiel.

 

HON SYLVANNE LEMIEL

Mr Speaker mon ti pe oule demann zot antan ki mon vwar zot ti’n ganny en larzan oparavan pour sa projets ex- Deltel, konmsi ki zistans zot in arive la?  Kan petet nou pour komans kapab vwar bann dimoun pe komans ganny alokasyon en kare laba?  Mersi.

 

MR SPEAKER

Mersi Onorab.  PS Choppy.

 

PS YVES CHOPPY

Sa larzan ki ti dan Bidze oparavan i pa kot sa nouvo proze pour fer li.  I pour sa proze ki ou mont, sa premye proze ki nou ti fer i en extension kot nou pe deservi apepre 4 additional plot or so.  Sa enn la i en nouvo proze li.  Ok?  Mersi.

 

MR SPEAKER

Mersi PS Choppy. Onorab John Hoareau.

 

HON JOHN HOAREAU

Mersi Mr Chairman. Mr Chairman mon ti ava kontan ki Minis i eksplik nou en pti pe an vi ki lo PSIP Crève Coeur Land Bank i annan 1milyon ki’n ganny allocate konbyen kare later nou sipoze gannyen avek sa proze?

Dezyenmman mon ti a kontan ki Minis i dir nou, an vi ki pour annan serten tenants Société du Logement, ex-Tenant Société du Logement ki pour ganny mete dan nouvo, re allocate dan nouvo flat, mon ti a kontan i ti a donn nou en detay ki pour ganny fer avek sa propriyete anler kot zot ti pe reste e kan? Si i annan okenn keksoz dan sa Bidze akoz mon pa vwar pour redevlopman sa landrwa.

Mon ti a kontan osi konnen anba zot bann ‘current receipts,’ mon vwar royalties pour coralfill in diminyen, in kontinyelman diminyen e zot pa pe prevwar nanryen pour kolekte lannen prosen.  E osi ki kantite, ki kalite royalties ki zot pe kolekte avek Land Marine? Si sa bann keksoz ti a ganny klarifye?  Mersi.

 

MR SPEAKER

Mersi Onorab Hoareau. PS Choppy.

 

PS YVES CHOPPY

Mersi Mr Chair. Mersi Onorab, Crève Coeur Land Bank i en proze ki nou’n konplet the main roads sa lannen.  Nou annan 2 feeder road pour fer lannen prosen, sanmenm nou annan sa 1milyon.  Nou ekspekte ganny petet 4 plot an plis avek sa larzan ki nou pour depanse.

Société du Logement kot nou pour tir premye block bann dimoun nou pour fer, nou pour konstrir en premye block.  Ou pa pour vwar li dan Bidze i tonm dan bann proze Beau Vallon anba nou 3mil Lakaz dan sa lalis ki PS in fer referans avek.  Sa lo mon kote.  Mersi.

 

MR SPEAKER

Mersi PS Choppy. PS Barbe.

 

PS DENIS BARBE

Mr Chair lo kote coralfill vi ki napa coralfill ki nou pe vann, laplipar bann ki nou pe vann i currently tonm dan sa bann vot pour deep-sea extractionso nou pa pe anmas okenn reveni pour coralfill, e nou pe antisipe anba si i annan okenn reveni pour coralfill ziska ler perhaps nou ganny nouvo stok.

An se ki konsern royalties pour Land Marine i en larzan ki pe ganny peye atraver kot nou, be selman nou pa konn detay spesifik egzakteman.  Kekfwa PS Finans i ava donn nou en pti pe plis detay lo la silvouple.  Thank you.

 

MR SPEAKER

Mersi PS Baber. PS Thesee ou oule klarifye lo la.

 

PS DAMIEN THESEE

Mersi Mr Chair.  Pour royalties ek Land Marine nou anmas 16 milyon tou le lannen – 16 milyon.

 

MR SPEAKER

Ok mersi PS Thesee. Onorab Hoareau.

 

HON JOHN HOAREAU

Mon ti’n osi demann lo lanmar ki nou pa’n, nou ti’n ganny promet ki pour annan lenfrastriktir semen ki ti pour ganny fer avek later ki ti pour ganny donn par kare, me nou pa ankor tann nanryen lo la.

 

MR SPEAKER

PS Choppy.

 

PS YVES CHOPPY

Mr Chair, mersi.  Wi lo lanmar i en proze ki nou ekspekte pe tender byento.  Mon krwar nou annan 7 kare ki nou pour gannyen dan sa proze.  I enn ant sa bann land bank project ki anba nou Social Housing Development Fund.  So ou pa pour vwar li dan PSIP.  Mersi.

 

MR SPEAKER

Mersi PS Choppy. Onorab François Adelaide.

 

HON FRANÇOIS ADELAIDE

Mersi Mr Chair.  Mr Chair avek ou permisyon les mwan premyerman avek Lasanble remersye en zenn antreprener Baie Lazare, Geralda Payet pour son achievement lo kote Losean Endyen pour bann Zenn Antreprener.  Aparaman i annan en fenomenn blessing Baie Lazare nou ganny ‘Milyon’, nou ganny bann zoli pri ‘Premye’ dan Losean Endyen, mon krwar sa i pozitiv pour Baie Lazare!

Mon premye kestyon, mon premye kestyon pour panel, lo PSIP paz 70 nou annan 3 proze, line 11, 12, 13 Baie Lazare, Housing Michel/ ex-Hunt mon ti a kontan en pti leklersisman lo la?

2enm vi ki nou’n koz lo Ex Hunt, nou proze 24/24 mon vwar poudir in byen zoli preski konplete mon ti a kontan konnen kan ki nou bann zabitan pour komans ganny zot lakle, e avek mon konsiltasyon osi mon krwar i pour enportan.

Minis nou West Coast Development Project, enn ki mon pe lager en bann letan, mon krwar ti pour komanse an zilyet, donn nou en pti feedback lo la.

Apre mon dernyen, Minis vi ki zot ki ansarz zesyon later e fer sir ki later i ganny later i ganny devlope byen, i annan sa Compulsory Acquisition Act ki ler zot pran later avek prive pour lentere piblik, donn nou en pti detay lo la, eski zot sipoze vann avek prive? Eski sa i pa ilegal?  Akoz si ti dan nou kote la, sa tranzaksyon nou ti’n dekouver definitivman bok-bok ti’n marse.  So donn zot, ki mannyer zot, zot get sa bann case?  Mersi.

 

MR SPEAKER

Mersi Onorab Adelaide. PS Choppy.

 

PS YVES CHOPPY

Mersi Mr Chair, mon komans ek ex-Hunt proze, nou ekspekte konplete an desanm, me selman bann STP pour nou bann 24 unit nou’n al rod Kontra komansman sa mwan, e alor menm si nou pour oule konplet lakaz, nou pa krwar nou pour kapab donnen an Desanm, mon pe mazin petet an Mars, Avril ki nou pour kapab donn sa bann lakaz ex-Hunt.

Lo ou proze 3mil Lakaz i annan 3 proze Baie Lazare, akoz Baie Lazare i enn bann landrwa ki i annan en bon pe later, nou pour fer ankor en pe additional petet 2 blok kot ex-Hunt apre nou annan 2 lot site ki nou ti’n idantifye later baze lo zot siperfisi teren, ki prezan nou pour ofer bann letid pli detaye pour nou kapab fer design.

E nou ekspekte petet komans en faz sa Baie Lazare C9006 ki Dame le Roi.  Nou ekspekte petet komans en premye faz lannen prosen.  Mersi.

 

MR SPEAKER

Mersi PS Choppy.  Mon krwar i annan en bout kestyon pour Minis.  Minis Charlette.

 

MINISTER PAMELA CHARLETTE

Mersi Mr Chair, mon a reponn sa kestyon regarding Land Acquisition Act ki Msye Onorab pe fer referans avek, mon krwar i lozik i dir for public interestSo i lentere piblik.  Mon pa konnen ki dosye ki ou pe koz lo la – si ou ti kapab mon ti ava al verifye kwa egzakteman, ki rezon ki sa later in vann e si vreman in vann avek prive.  Mersi.

 

MR SPEAKER

Mersi Minis.  Onorab Adelaide.

 

HON FRANÇOIS ADELAIDE

Mersi Chair.  Minis son nimero i C4822 i ganny trouve dan rezyon Anse Poules Bleues.  Apre mon annan, apre mon annan sa West Coast Development ki ou pa ankor reponn.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mon krwar West Coast Management sa ler Land Transport i a vini nou ava diskite.  Mersi.

 

MR SPEAKER

Wi, ok sa pour sa bout later mon krwar Minis i ava note sa limero, e apre petet i ava donn lenformasyon Onorab.  Si Minis napa, amwen ki Minis i annan sa lenformasyon avek li.

 

MINISTER PAMELA CHARLETTE

Wi Minis i ava donn sa lenformasyon apre en? Bon Onorab Wilbert Herminie.

 

HON WILBERT HERMINIE

Mersi Mr Chair.  Bonn apre midi Minis avek ou delegasyon.  Premyerman mon a remersi Minis pour sa bon lespri travay ki nou annan pour le moman avek ou bann staff.  Mon kontan sa sinerzi ki ou’n mete pour nou kapab travay dan sa lespri’ Nouvo Sesel, Sesel Ini.’

Mon premye kestyon i lo paz 396 anba ‘current challenges,’ mon vwar i annan sa issue kontrakter ki pa pe fer performen i mont ankor.  Kwa ki ou Minister pe fer pour le moman pour kapab deal avek sa issue non-performing contractor ki sa i met en bon pe retar dan nou bann proze ki fer an kont ki proze i tarde e proze pa ganny delivre? Sa i enn.

Mon 2enm i lo kote bann dimoun ki ti’n ganny dir ki sa, zot pour ganny zot let lo later pour avan Desanm ki sa nouvo sistenm pour antre an plas, eski zot on track pour deliver sa bann let?  Sa mon 2enm.

Mon 3enm i lo kote sa 3mil  lakaz, eski sa proze Vilaz Trezor i tonm ladan?

Epi regarding – vi ki mon vwar i annan en ta proze pe ganny fer, zot staff pour overwork, eski zot in annan nouvo Scheme pour sa bann manrmay dan proze?  Si wi ki bann nouvo allowance ki zot pe gannyen e ki mannyer sa pour ed zot, zot pe mazin ed sa bann staff pour kapab deliver plis sirtou avek sa nouvo proze 3mil Lakaz ki pe rantre?

Epi lo kote mon pe gete zot dir koumsa zot pe anploy plis staff, ler mon pe get sa unit kot i ete mon pe get son lespas pour lakantite dimoun ki i annan, mon pa vwar ki i kapab pran bokou dimoun an plis ankor, eski i dan plan Minister pour zot agrandi ouswa fer renovasyon lo sa landrwa pour plis, sa bann staff i vin pli alez e zot kondisyon travay amelyore?  Mersi Mr Chair.

 

MR SPEAKER

Mersi Onorab.  Nou ava komans avek PS Choppy.

 

PS YVES CHOPPY

Mersi Mr Chair.  Mersi Onorab.  Lo kote non-performing contractors i en keksoz ki ankor difisil parfwa pour nou deal avek.  Be selman lapros konmela se ki nou gard pli bon rikord.  Nou kominik bann warning ek tou keksoz avek Tender Board pour ki ler nou fer nouvo rekomandasyon, nou kapab fer rekomandasyon ki si en kontrakter pe difisil, nou evite konsider li pour louvraz, nou’n osi diskit avek POU lo ki nou kapab fer dan bann future tenders, pour nou asire ki kontrakter pa pran bokou louvraz an menm tan.

Nou pe diskit serten mekaniz ki nou kapab pran, nou annan nou bann liquidated damages ki nou apply ler kontrakter i tarde.  E sa i bann keksoz ki nou pe fer pour le moman pour nou kapab adres sa.

Vilaz Trezor mon krwar ou pe dir bann emergency house kot i ete Onorab?  Yes so wi i annan kot sa bann emergency house ti ete la Union Vale i enn dan bann proze pour English River dan 3, 000 Lakaz.

Lo kote incentives nou annan en nouvo Scheme of Service ki ti vin an fors depi 01 Zanvye 2017.   E sa i sa ki nou’n donnen pour le moman, nou pe get, in annan de ka lannen pase kot nou ti donn en pe overtime pour motiv staff pour konplet en pe lakaz.  Me selman an term sa nouvo proze ‘3mil Lakaz’ kot nou ekspekte fer apepre en 500 par lannen over 6an – nou pe anploy 2 additional project teams, setadir an tou 8 profesyonnel ek 6 teknisyen pour share sa workload.

        E lo kote akomodasyon kote nou pour met additional staff, lo 2nd floor i annan sa wing ki ant Independence Annex avek kot Departman Lenfrastriktir i ete, sa lannen prosen nou pe convert, nou pe renovate lanmwatye ki pour accommodate extra staff Departman Lenfrastriktir.  Dan Bidze nou annan en larzan pour kontiny, konplet renovation larestan Independence House e sa i enn bann konponan ki nou pour tackleSo vwala repons pour sa bann kestyon.  Mersi.

 

MR SPEAKER

Mersi PS Choppy.  PS Valmont.

 

PS VALMONT

Mersi Mr Chairman.  An sa ki konsern bann let pour bann aplikan dan land bank, Mr Speaker wi nou on course e si tou keksoz i mars byen, by Desanm tou dimoun pou’n konnen ki zot status.  Mersi Mr Chairman.

 

MR SPEAKER

Mersi PS.  Onorab Herminie.

 

HON WILBERT HERMINIE

Mersi Mr Chair.  Zisteman dan sa lespri ki pour met en pe plis larzan dan pos bann travayer e osi dan nouvo Sesel ini, eski Minis i kapab get dan sa propozisyon kot vi ki i annan en bon pe workload lo sa Departman, eski zot pa get dan posibilite kekfwa sa bann profesyonnel i kapab ganny en pe sa bann louvraz ki zot kapab at least dan sanmdi, dimans zot kapab travay lo la e dan lespri ganny en pti pe an plis?  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Mr Chair.  Mr Chair sa ki nou’n fer pour le moman, se ki nou’n aranz zot Scheme of Service apre nou’n fer sir ki bann, nou’n pran en desizyon pour bann lezot Minister osi ki i annan proze anba ki nou, nou pe enplimante, oubyen nou pe design.  Sa bann proze i sorti avek nou, i ganny outsource avek bann dimoun deor.  Koumsa i a free en pe nou bann teknisyen anndan pour zot kapab fer zot louvraz, e konsantre lo delivery lakaz.

Me selman i annan loportinite pour fer kekfwa en pti overtime, me sa i pour osi depan ler sa 2 osi lezot team i antre si i annan ase, si i annan tro bokou louvraz, nou ava mars avek sa ziska ler nou a vwar ki mannyer nou kapab, si nou annan en problenm going forward, then nou ava konsider overtime.  E la pour le moman ki nou’n dir?  Nou’n aranz zot Scheme of Service, nou’n get lakantite louvraz ki zot annan e apre nou ava move lo si i bezwen overtime.

 

MR SPEAKER

Mersi Minis.  Onorab Henrie.

 

HON GERVAIS HENRIE

Mr Chair, mon premye kestyon, an oktob 2015 zis avan Eleksyon Prezidansyel 2015 ti annan en lanons ki en morso later Mont Signal Mont Buxton ti pe al ganny idantifye pour konstrir condominium, alor mon anvi konnen 4an pli tar si sa i ankor plan Gouvernman e si i annan okenn provizyon bidzeter dan sa Bidze 2019 pour fer bann provizyon tel ki survey bann keksoz koumsa?  No. 1.

No. 2, mon vwar ki i annan en alokasyon pour devlopman La Rue Hangard e sa nou pe koz lo sa paz kot i annan tou sa bann breakdown sa 3mil la en, 3mil Lakaz, e La Rue Hangard pe koz lo plot S5396, V3821, V1667.  So mon ti ava kontan ganny en pe leksplikasyon lo la, e si sa i annan keksoz pour fer avek enn bann topik ki Prezidan ti diskite avek Lotorite Distrik e mwan menm ler i ti vin fer vizit dan Mont Buxton?

E trwazyenmman Mr Speaker, prenon kont ki Minister Lenfrastriktir i enn bann Minister ki annan vreman en gro Bidze pour zere lo non pep Seselwa, mon anvi en lasirans, en parol avek bann dimoun ki lo panel, lo kestyon monitoring sa larzan la.  Parske lefe ki Gouvernman li menm i pe deza procure plizyer proze konstriksyon, ki kalite lenfliyans i annan pour vreman fer pri desann par met kare dan konstriksyon?

Akoz en keksoz ki Onorab Pillay in mansyonnen boner, nou vwar poudir konstriksyon en bedsitter par egzanp, lo Perseverance nou pe koz R1 milyon en bedsitter – R1 milyon, me tandis ki ou vwar par egzanp La Digue 24 propozisyon pour 24 lakaz 12 milyon.  Prezan letan ou pour diviz li, ou vwar poudir bokou mwens ki sa 1milyon.  So ki kalite kontrol ki zot pe annan pour asire ki napa labi, napa overpricing e napa, napa, napa, napa lespas pour koripsyon?  Mersi.

 

MR SPEAKER

Mersi Onorab Henrie. PS Choppy.

 

PS YVES CHOPPY

Mersi Mr Chair.  En koreksyon sa 1 milyon i pa en bedsitter, i 3 bedsitter ok?  E pri lo La Digue i bokou pli ser ki lo Mahe.

E apre pour larestan kestyon, condominium Mont Signal i enn bann later wi nou ti idantifye pour fer en proze condominium, be selman pour le moman i pa en proze ki nou pe komans travay lo la pour le moman, akoz nou annan 2 lot site condominium ki petet en pe pli fasil pour nou enplimante, pli cost effectiveSo nou’n dir annou komans ek sa 2 ki en pe pli cost effective.  Sa se Barbarons avek kot Land Transport ti ete Petit Paris.  Byensir nou pour bezwen esper zot sorti avan nou ganny sa site.

E condominium nou pe sey fer en lapros pour fer li atraver en sistenm self-financing, kot Gouvernman li i pour finans zis son konponan external works ek lenfrastriktir e non pa lakaz.  Lakaz bann dimoun i raise zot Bond, so nou pe sey met anmars sa mechanism.  So pour sa rezon pa pe vwar bann condominium dan bann Proze Kapital.

Hangard Redevelopment i en, i landrwa kot nou annan later e kot nou kapab densifierSo i pour proze ki ler nou ti vizit avek Prezidan i bann later par deryer ki pour Gouvernman ki nou oule fer sa devlopman lo la.  Nou pa ankor fini avek plan detaye pour sa.  Me i en keksoz ki nou pour travay lo la pandan 2019 e nou mazinen sa proze petet i kapab pran komans konstriksyon petet an 2020.  I pa en proze ki pour komans lannen prosen.  Mersi.

 

MR SPEAKER

Mersi PS ChoppyYes Onorab Henrie.

 

HON GERVAIS HENRIE

Mon 3enm kestyon se ki mon oule en lasirans lo sa zafer pour manage sa kantite larzan ki bann dimoun pa vwar poudir sa Minister i enn bann landrwa kot zot kapab vin ris osi vit.  Mersi.

 

MR SPEAKER

Mersi Onorab.  PS Choppy.

 

PS YVES CHOPPY

Eskize mon’n mank sa enn.  Nou annan diferan keksoz ki nou servi ki inherent dan sistenm Gouvernman.  E mon krwar premye keksoz i annan Procurement Act ki nou swiv.  Me selman lo kote fer pri desann avek volim louvraz – nou vwar poudir i annan de ka kot nou tender bokou louvraz, nou ganny pri pli konpetitiv.

E i annan de ka kot ou annan mwens lakaz par teren, pri i mont en pe plis.  Selman kou konstriksyon i lyen en pe avek supply and demand pli ou met bokou proze – bann kontrakter petet i vin mwen konpetitiv akoz zot annan bokou louvraz.  E la nou bezwen diskite ansanm ek Procurement ki bann mekaniz nou kapab fer pour nou fer atiran pour dimoun donn pri konpetitiv, eske nou devret petet pe donn Kontra pa zis proze par proze, me petet en chain of projects ki en kontrakter i konnen mon annan proze pour prosen 5an.  Alor once mon’n bid konpetitiv pour mwan ganny en rate, mon rate mwan kapab soutenir sa rate, akoz mon annan li lo en long term.

Mon pa bezwen mazin ki dan 12 mwan mon bezwen pe rod en lot louvraz alor mon bezwen build en contingency dan mon pri.  So sa i bann mekanizm ki nou kapab gete ki mannyer nou fer.  Me selman bann lezot mekanizm parey ler nou pe increase nou staff, se akoz nou konsyan nou bezwen monitoring – nou bezwen plis kontrol lo site.  E nou Procurement Act i fer provizyon pour monitor si i annan varyasyon ouswa prosedir ki nou fer pour donn kontra poudir i fer bann sityasyon konpetitiv.  Mersi.

 

MR SPEAKER

Mersi PS Choppy. Onorab Henrie.

 

HON GERVAIS HENRIE

Zis en follow-up sa dernyen larepons PS Choppy.  Mr Chair parske nou vwar i annan 3 lokasyon ki trakas mwan en pti pe.  I annan sa ‘special housing, poverty alleviation’ -20milyon, ‘vulnerable home repairs’ – 10 milyon; – ‘eradication of Pti Payot 30milyon, mon krwar mon bann sif i byen, i ava fer 60 milyon la.  Well i koz lo mechanism ki zot annan dan Minister me pour mwan i annan sa laspe oversight.

Ozordi ou annan bann Manm Lasanble, ou annan Lotorite Distrik DA, apre ou osi nou annan Council ki fodre nou donn li sa kapasite pour li osi fer serten travay.  Kot nou kapab donn en rol pour asire, par egzanp Pti Payot, sa zafer Pti Payot lot zour le PS Vidot ti la, mon’n demann en lalis e mon bezwen rapel li la pour anvoy nou en lalis, pour nou vwar kote ki pe fer dan distrik.  Kantite ki in fer.

Pour nou asire nou poudir be sa 30milyon ki nou ti donnen vre in ganny servi la, ouswa laba.  Akoz si nou pa vwar ek nou 2 lizye, pour mwan i reste dan mon lespri, i en dout poudir i kapab annan labi par la lo larzan taxpayers ouswa kot bann kontrakter dalon in ganny tou Kontra, ouswa kot whatever apre 40an ki en bann dimoun in la zot annan tou lespas pour zot abize.  Mersi.

 

MR SPEAKER

Mersi Onorab.  PS Choppy.

 

PS YVES CHOPPY

Nou a pran sa sizesyon e nou a gete ki mannyer nou kapab involve sa bann lezot Lotorite pour donn en koudmen pour get sa bann keksoz.  Mon krwar i en sizesyon.  Nou liaise bokou ek Ladministrasyon Distrik dan bann proze par ler e sa sizesyon i a ganny pran onboard.  Mersi.

 

MR SPEAKER

Mersi PS Choppy.  Onorab Philip Arissol.

 

HON PHILLIP ARISSOL

Mersi Mr Chair.  Ki Polisi Gouvernman i annan pour redwir lensidan kot Seselwa pe vann later ek etranze, e ki an retour zot, zot pe konstrir bann gro, gro batiman komersyal, parfwa blok bann right of way?  Eski i annan plan edik e donn Sesel, donn, annan plan pour edik e donn loportinite bann Seselwa pour fer sa bann konstriksyon zot menm?  Pour ki sa a lafen Sesel ava benefisye, sa fanmir osi i a benefisye?

Epi kan sa proze lakaz 18 lakaz dan proze 24/24 Anse Boileau i ekspekte konplete e kan ki bann dimoun ki’n kalifye i sipoze ganny zot lakle?  Mersi.

 

MR SPEAKER

Mersi Onorab.  PS Choppy.

 

PS YVES CHOPPY

Mersi Mr Chair.  Mon a reponn pour 18 unit.  E li osi proze pour konplete an desanm, me ankor STP akoz nou fek donn Kontra pour STP, li ankor mon mazinen an Mars, Avril ki nou pour actually kapab donn sa bann lakaz.  Mersi.

 

MR SPEAKER

Mersi PS Choppy.  PS Valmont.

 

PS RAVI VALMONT

Mersi Mr Chairman, Mr Chairman as is today, si ou later i prive ou kapab vann li, me pour ou vann avek etranze, ou pour bezwen apply, etranze i bezwen apply pour Sanksyon.  E se sa ki nou mete pour kapab anpes bann dimoun aktyelman vann later avek etranze.  Mersi Mr Chairman.

 

MR SPEAKER

Mersi PS Valmont.  Onorab Arissol.

 

HON PHILLIP ARISSOL

Me eski i annan en form ledikasyon, pour edik bann Seselwa poudir later an se moman la i rar e nou pa vann li nenport koman?  Mersi.

 

MR SPEAKER

Mersi Onorab.  PS Valmont.

 

PS RAVI VALMONT

Mr Chairman dan nou nouvo Polisi pour alokasyon sa in sorti tre kler, e nou pour fer sir poudir sak later ki dimoun i sipoze vann from now on, priyorite pour revwar avek Gouvernman.  Mersi Mr Chairman.

 

MR SPEAKER

Mersi PS Valmont.  Onorab Valmont.

 

HON JUDE VALMONT

Bonn apre midi e mersi Mr Chair.  Bonn apre midi Minis ek delegasyon, tou koleg Onorab e tou ki pe swiv nou.  Mon fer referans avek PSIP program 4 paz 43, mon vwar ‘Nageon Estate Redevlopman’, i annan en sonm inisyal, en sonm total inisyal 14milyon ki’n ganny bidzete.  Me mon vwar pour lannen 2019 napa okenn sonm ki’n ganny met ater.  Mon ti a voudre konnen akoz?

E ti annan en commitment ki ti’n ganny fer par Minister pour demare avek faz 2 boner an 2019.  Mon ti a voudre konnen si sa i ankor le ka e si sa i enkli sa 4 relief houses, sa 4 lakaz 3 lasanm, ki nou apel li ex-Alezia? E kan ki bann ki kalifye pour faz 2 pour komans prosesis negosyasyon avek Minister?  Mon ti a kontan osi konnen lo kote faz 1, i bon pour fer remarke ki i annan 14 zoli lakaz ki’n konplete anler Pointe Larue gras a ou Minister Minis, mon dir zot mersi ek ou bann travayer, me selman i annan 1 ki pa ankor konplete.  Alor pour fer sa faz 1 konplete ofisyelman, sa i kot Madanm Auguste.  Mon ti a voudre konnen akoz ziska aprezan i pa ankor komans fer son lakaz, e kan i sipoze demare?

E lo kote Anse François faz 2, i osi en proze mon vwar 24, mon vwar li dan sa proze 3mil Lakaz, mon ti a voudre konnen kan ki zot pour ekspekte demare avek sa?

E mon fer referans osi avek program 2, SP 2 paz 42, PSIP ‘other land bank’ Bidze, e mon vwar i annan 10milyon in ganny mete, alor mon ti a voudre konnen ki, eski sa i enkli Pointe Larue?  E si non, ki pe arive avek sa Land Bank ex- Melon ki Minister ti’n fer commitment dan sa menm Lasanble lannen pase, ki ti dir ti pour annan apepre 24 ou 25 bout later.  Ki pe arive avek sa?

E dernyen i lo kote rekonstriksyon bann lakaz ki’n ganny brile.  Mon ti a voudre konnen si zot annan en eleman bidzeter – en bout larzan ki zot bidzete pour rekonstrir bann lakaz ki’n brile.  Mon dir sa akoz i annan plis ki 1an mon annan 2 fanmir pe esper lakaz, depi ler zot lakaz in brile, i annan en fanmir pe reste dan en bedsitter anler Mirabelle flat e lot pe reste kot fanmir, sa i kot lafanmir Rath e la fanmir Forte, alor mon ti a voudre konnen dan sa laliny, konbyen zot in met 2 kote pour ede ek rekonstriksyon?  E si sa Fire Policy ki nou ti’n deza ganny dir zot in konplete e what does it entail?  Mersi bokou.

 

MR SPEAKER

Mersi Onorab Valmont. PS Choppy.

 

PS YVES CHOPPY

Mersi Mr Chair.  Nageon Estate faz 2, i annan parey ou vwar dan bidze nou pa’n nobou met, nou pa’n nobou fit larzan pour komans konstriksyon bann lakaz aktyelman.  Me selman sa ex-Alezia lefe ki i en proze ki lo later Gouvernman, dan nou bann alokasyon pour bann proze Pointe Larue anba ‘3mil Lakaz,’ nou annan posibilite pour nou fit li ladan e i, nou oule fer sa proze 2019.

Nageon Estate faz 1 lakaz ki pa ankor konplete i enn ki mon konpran ti annan problenm semen ek aprouvasyon ler, rezon ki pa ti fer ansanm avek larestan, mon okouran ki sa in rezourd, so mon a bezwen cross check ki rezon ki rezon ki i pa ankor komanse.

Phase 2 Anse François Anse François i pour komanse lannen prosen. Me apre ou lot kestyon ti ex-Melon, ex-Mellon i proze land bank, li i dan finansman ‘Special Housing Development Fund ‘petet lefe ki bann Manm pa vwar bann land bank ki ladan, si mon rod mon lalis mon a kapab update zot lo la, nou ti annan ex-Mellon, Bus Depot, ‘Dan Gala’, Lo Lanmar, ex- Hodoul – en proze ki preski konplete, Pti Lavil faz 1 ek faz 2 ki en proze ki nou’n fini award ki osi i pe komanse.  So i annan sa bann proze land bank ki ou pa pour vwar zot dan PSIP, me selman ki zot in deza ganny kouver avek finansman.  So ex- Melon nou ekspekte lannen prosen i pour enplimante.

Apre ou ti annan en kestyon lo bann lakaz ‘dife’.  Bann lakaz ‘dife’ nou ti pe fund zot anba nou ‘Special Housing’ akoz dan bokou ka finansman ki nou bezwen apporte is not the whole finansman.  Dan bokou ka bann dimoun swa i annan en bout Lasirans, ouswa i annan en morso loan ki zot kapab.  E nou pe zis donn en bridge financing pour nou ed avek konstriksyon.  So zot, zot pour dan sa laliny special financing.  Pour bann ki’n deza ongoing, pour bann ki’n deza rod Kontra e apre serten nouvo case i a kapab pas dan Disaster Emergency.  Mersi.

 

MR SPEAKER

Mersi PS Choppy. Onorab Valmont.

 

HON JUDE VALMONT

Mersi Mr Chair.  Mersi PS pour ou larepons.  Me selman avan mwan mon vot lo sa Bidze, mon ti a kontan si …

 

(Interruption)

 

HON JUDE VALMONT

(Mr Chair si permet mwan?)

 

(Interruption)

 

MR SPEAKER

Kontinyen, kontinyen, kontinyen…

 

(Interruption)

 

HON JUDE VALMONT

Mon a les zot fini apre mon a kontinyen?

 

MR SPEAKER

Ok en moman, en moman Onorab.  Bon annou ganny en keksoz kler.  Si en Manm in fer en pti komanter, en pti interjection, pa neseserman ki nou tou nou bezwen rantre ladan ok? I fer ki nou enteronp prosedir Lasanble e nou pli tarde, e ler nou pli tarde se zot menm zot ki konplent Schedule ki devan nou ki nou bezwen konplete ok?  Onorab Valmont.

 

HON JUDE VALMONT

Mersi bokou Mr Chair.  Mersi bokou.  Zis petet mon ti a demann lo kote Minis sa, pour reponn mwan sa kestyon – si i annan sa commitment ki ti ganny fer par Minister pour demare avek sa faz 2, PS in dir ek mwan zot kapab met dan sa Special Housing ki zot annan, be mwan mon ti a voudre en commitment la lo floor avan mon vot lo Bidze, ki lannen prosenn Minister i angaz li pour komans negosyasyon avek sa bann dimoun, ki nou idantifye pour faz 2 Nageon Estate, pour gete ki kalite lakaz pour fer, konbyen pour koute?  At least i angaz zot parey commitment ti ganny fer lo teren ki boner zanvye zot pour ganny kriye dan en meeting, mon ti a voudre sa commitment avan mwan mon met, mon lev mon lanmen pour vote.  Mersi.

 

MR SPEAKER

Mersi Onorab Valmont.  Minis.

 

MINISTER PAMELA CHARLETTE

Mersi Mr Chair.  Mr Chair i, mon ava commit mon lekor pour mwan dir – wi nou ava zwenn avek sa bann dimoun – Housing avek Infrastructure i a zwenn ek zot pour fer en pti pe assessment kwa ki vreman ki i annan pour fer.  Apre nou ava kontakte DA avek MNA, pour nou kapab zwenn ansanm pour dyalog lo la avan ler ki nou met li dan Bidze.  Mersi.

 

MR SPEAKER

Mersi Minis.  Onorab Afif.

 

HON AHMED AFIF

Mersi Mr Chair.  Mr Chair mon kestyon tre spesifik, dan kontour La Retraite o bor kot sa nouvo stad foutbol, i annan en travay agrandisman sa labe La Retraite ki ti pe ganny fer par Land Use.  E an menm tan zot ti pe fouy lapas pour fer li vin pli fon e agrandi landrwa pour mouyaz bato.  Louvraz in arete konpletman.  E an realite ki pe arive, se tou sa materyo ki zot in tire ler zot pe agrandi labe, zot in met 2 kote, zot pa’n rock armor prezan i pe retonm ankor dan delo.  Be savedir en gaspiyaz larzan konpletman.  Keksoz ki nou’n fouye pe retourn dan delo ankor.  Ki i annan dan sa Bidze pour zot kapab konplet sa proze?  Parske mon vwar tou masin in ganny tire e nanryen pa pe arive?

Dezyenmman lo kote emergency housing, eski i annan en provizyon dan sa Bidze pour fer sir ki bann ka kot dimoun in ganny afekte atraver en dife – par egzanp, e la mon annan 2 legzanp – enn lafanmir Juliette ki i annan 4an depi zot lakaz in brile zot ankor dan detrwa landrwa dan Mahe, zot pa ankor kapab retourn lo zot landrwa kot zot ti ete orizinalman;-e i annan lafanmir Hollanda lannen pase ki zot lakaz ti brile La Retraite e zot pe reste Au Cap, pa ankor kapab tournen, ki i annan dan sa Bidze pour kapab permet dan 2 ou 3 ka par distrik kot larzan i ganny mete pour zot sa bann fanmir kapab retourn vitman dan en lavi normal?

E mon 3enm e dernyen kestyon Mr Speaker, i konsern kou pour konstriksyon e la nou pe al fer 3mil Lakaz, mon ti a kontan demann avek Minister parske ler mon regard dan sa gro liv e lo dernyen paz kot i annan zot bann kou total, zot annan apepre 200milyon Dolar pour zot fer 3mil Lakaz ki son building cost pe vin apepre enkli lenfrastriktir R9mil par met kare; 7mil ladan zis pour konstrir – 2mil ladan pour lenfrastriktir.  Mon konn bokou dimoun ozordi ki pe konstrir en pti lakaz pa tro ser, i pe ganny li dan 7mil-8mil -menm pri ki zot, zot pe gannyen ler zot pe fer 3mil Lakaz.

Ki zot in fer pour zot etidye bann posibilite pour fer redwir sa kou?  Par egzanp annan bann meyer dimoun pour negosye ek kontrakter.  Parske kontrakter ler i vin kot ou, i en boug prive li, i vin ek son accountant, ek son negosyater ekstrememan konpetan, eski nou annan dimoun sa nivo ki pa zis enzenyer oubyen en dimoun ki siperviz travay, me i osi konpran biznes e i osi konn negosye pour fer sir ki olye ganny R7mil ki petet nou, nou kapab gannyen akoz nou pe fer sa 1 ou 2 lakaz dan nou lavi, me ler ou pe fer 3mil ou devret bokou pli ba ki sa!  Sa se en legzanp.

2enm legzanp eski pa posib parske i annan en kantite dimoun ler i pe al fer son lakaz i dir ek ou, be sa pri ki kontrakter in donn mwan i en pe for, mwan mon, mon a demann li en lot pri, mon a dir li, mwan mon ava rod materyo e li i a konstrir.  Parfwa i redwir pri sa, e si ou pe fer 3mil lakaz, Gouvernman i deza stok materyo par egzanp coralfill, eski napa en posibilite atraver zot prop lakonpannyen tel ki; STC ki zot fer vin dibwa, zot fer vin feray?  En stok pour zot ki ler kontrakter i donn ou pri, ou dir li non, non sa mon annan, ou a donn mwan pri pour fer monte ek transportasyon petet.

E sa i pour redwir pri konsiderableman.  Eski zot annan bann opsyon ki zot in mazin lo la, ki zot pe panse, senpleman ki fer ki ler Seselwa i ganny allocate en lakaz, sa lakaz pa pour R900mil oubyen 1 milyon i a pet petet 600mil ki pour ede pour fer desann zot pri lavi dan en fason konsiderab?  Mon ti a kontan konnen ki zot pe fer dan sa domenn.  Mersi.

 

MR SPEAKER

Mersi Onorab Afif.  PS Choppy.

 

PS YVES CHOPPY

Mersi Mr Chair ek Msye Afif.  Pour La Retraite i en proze ki napa Bidze akoz nou ti ekspekte sa proze i pour konplete sa lannen.  E mon pour bezwen al verifye serten keksoz ki ou’n dir pour mwan kapab vwar ki pe arive ki si sa proze pa pour fini.  Si masin in tire petet scope ki nou ti’n donnen in fini, ti annan serten louvraz an plis ki ti’n ganny fer, ki sa rezon ki pa’n ganny rock armor.  So si ou permet mwan Msye Onorab fodre mon al rod en pe lenformasyon lo la avan mon pour kapab fer okenn repons.

Lo kote fire disaster parey mon’n eksplike ler mon’n reponn Msye Valmont, nou annan sa Special Housing avek sa Disaster Emergency kot nou kapab servi pour met en pe bridge finance pour bann dimoun ki pa kapab finans zot rekonstriksyon an antye.  E sa se provizyon ki nou annan dan Bidze.

Byensir nou pa toultan kapab prevwar konbyen sa bann ka pour annan.  Case-by -case ler nou gete sak sa bann diferan ka i annan son bann, par ler zot annan zot bann diferan spesifisite ki fer zot ka pa bouz devan – ou annan difikilte pour li bouz osi vit ki nou ti kapab, ki nou ti a dezire zot bouze.  So mon krwar nou bezwen get sa bann case endividyelman pour konnen ki difikilte ou ki blokaz zot annan, pour nou kapab vwar ki mannyer nou kapab asiste.

E nou annan en Polisi ki definir ki lasistans ki nou ekspekte sa bann dimoun i anmennen – ki bout ki nou, nou kontribye.  E i en kestyon get sa bann case enn par enn pour nou kapab gete.  Selman i annan sa 2 provizyon kot nou kapab annan en pe finansman pour bridge finance en pe bann mankman.

Lo kote kou konstriksyon Onorab in met detrwa provizyon ki nou kapab konsidere, nou napa negosyater spesyalize pour le moman pour negosye ek kontrakter, me selman anba Procurement Act ler nou fer tender konpetitiv, nou pa sipoze negosye, nou sipoze baz nou alokasyon from nou tender ki nou’n fer best value for money dapre bann kriter tender ki ti mete.

Alor entrodwir en prosesis negosyasyon ladan, e i en keksoz ki nou a bezwen diskit ek Finans ek Procurement whether nou kapab fer, whether nou pour ganny lavantaz significance san petet afekte son laspe transparans.  Enport materyo nou menm pour stockpile i en keksoz ki nou’n deza mazin lo la, me selman i pran serten lenfrastriktir ki nou bezwen build up – pour store sa bann materyo an bon kondisyon, nou bezwen importing bulk.  So i en keksoz ki nou bezwen mazin an bokou detay avan nou antre ladan.

Annefe nou’n mazin serten kalite materyo, sirtou bann kot nou ganny problenm quality ler nou tender par egzanp petet toilet, petet fitting elektrik, me selman nou, nou rezonnman ti plito lo ganny quality rather than, quality a en bon pri rather than pour pri.

I en keksoz ki ase konpleks e ou bezwen prepar ou vreman byen avan ou al ladan.  So sa i bann keksoz ki nou a kapab mazin lo la.  Parey mon’n dir pli boner keksoz ki nou, nou ti pe mazin lo la se, ki mannyer nou kapab ofer bann kondisyon ki en kontrakter i konnen mon pour mobiliz tan kantite resours, e sa resours mon pour servi li over 6an dan plas over zis en proze ki mon a kapab spread mon cost over en long period si mon asire mon annan kontinyite dan kantite louvraz.  So nou, nou ti pe mazin plito lo ki mannyer ou donn en stream louvraz over en longer term pour fer li atiran pour bann dimoun mobiliz sa resours.  So vwala mon repons pour sa, byensir nou a kapab diskit bann sizesyon ki ou’n mete ansanm ek lezot partner konsernen.  Mersi.

 

MR SPEAKER

Mersi PS Choppy.  Onorab Afif.

 

HON AHMED AFIF

Mersi Mr Chair.  Mr Chair mon ti a kontan zis remind PS Choppy poudir dan Lasanble mon rapel lannen pase ler Msye Savy dan Green Island Construction e ler menm i ti pe koz lo bann proze lo zil, i ti konfirmen poudir ozordi zot pour konstriksyon san pran kont transportasyon zot kapab fer en lakaz de baz parey ou pe fer low cost housing pour R3, 500 1 met kare, R3, 500 sa se lannen pase sa, e alor nou pe konstrir bann landrwa parey Perseverance, dan plato, si li i kapab ganny 3,500, sirman Minister ki pe fer bokou plis ki sa, i pa kapab R7met en met kare.  I bezwen bokou pli ba ki sa.

E mon ti ava seryezman demann PS Finans pour regard dan posibilite ki ler zot fer sa bann tendertender i ganny fer dan en fason kot e parey nou si nou pe fer en bout prive, ou demann 3 boug en kontazyon, zot donn ou en kontazyon zot tou, apre ou pik sa enn ki pli ba, ou dir be ok, be mon krwar ou pli bon, be selman mon ti a kontan negosye avek ou prezan.  E zot met sa devan Tender Board e dir en kondisyon nou tender se ki nou pour al pour sa enn ki annan meyer pri, byensir prenon kont kalite, me ki ou kit en proviso ki ou annan drwa negosye deplis ek li e ou kapab fer li desann?  Parske ou pe fer, ou pa pe fer 2 lakaz ou, ou pe fer 3mil lakaz, e sa pri i devret pli koste or R4mil – R5mil par met kare, e zis lanmenm la, ou pour sov ou omwen 30milyon Dolar.  So mon pe zis dir sa parske i pour donn plis Seselwa lakaz, i pour fer en, plis Seselwa re pey bokou mwens dan zot loan donn zot kekfwa R1mil, R2mil ekstra dan zot pos tou le mwan.  Mersi.

 

MR SPEAKER

Mersi Onorab Afif.  PS Choppy.

 

PS YVES CHOPPY

Mersi Mr Speaker.  Mon pa pour fer komanter lo achieve 3, 500, selman zis sa ki mon ti a kontan dir, se ki ler nou pe met ansanm en proze koumsa, dan nou Bidze nou pa kapab tro sere, nou pa kapab propoz R5mil akoz i kapab annan risk pour nou, i en proze over 6an, nou bezwen mazin si i annan fluctuation ki pour arive bann risk ki i annan.  So for the purpose of Bidze nou pa pour kapab peg li tro ba.  Mersi.

 

MR SPEAKER

Mersi PS Choppy. Onorab Simon Gill.

 

HON SIMON GILL

Mersi bokou Mr Speaker.  Bonn apre midi Mr Speaker.  Bonn apre midi Minis avek ou delegasyon, tou Koleg Onorab, manm piblik.  Mr Speaker dan menm laliny ki Onorab Afif in arete, mon premye kestyon ti egzakteman ladan.  E sa i relasyonnen avek pri ki nou’n tande in anonse pour bann apartman lo Perseverance; kot nou’n tande i annan diferan pri byensir, i annan diferan ‘lo’, i annan en ‘lopour met dan open market, i annan en ‘lo’ pour Social Housing, i annan en lot ‘lo’ pour en lot kategori dimoun; pour bann graduates yes mersi. Sa i egzakteman the key.

Eski i annan en Lagreman ozordi ant bann devloper prive dan sa ka ler ou pe koz GICC kot son pri ki i pe ofer sa ‘lo’ lakaz dan open market, pour dir li bon vwala en pti pe range ki nou ti ava voudre ou vann sa lakaz? Or eske in napa sa kalite lagreman akoz statement ki’n ganny fer, se ki nou élève pri sa ki nou pe met dan open market pour nou kapab cross subsidize Social Housing e lezot ‘lo’ ki i annan.

Now mon krwar poudir nou deza pe fer fas avek en problenm lo sa nivo la.  Napa ase lenformasyon; napa ase leksplikasyon pour piblik kapab konsonmen.  Dan sa zefor pour ki nou fer desann pri par met kare bann lakaz, mon krwar nou pe compound the problem.  Sa i premye eleman ki mon ti ava voudre seryezman ganny en leksplikasyon lo la.

2enm keksoz ki mon krwar i ekstrememan enportan ki nou mansyonnen, ki mannyer nou definir, nou definir nou lapros vizavi sanmenm sa bann proze lakaz?  Akoz si nou oule fer desann son pri, i en progranm Social Housing nou pa pe koz lakaz bwat kartron la – Seselwa pa pour reste dan lakaz bwat kartron.  Nou pe koz Seselwa pe reste dan bann landrwa, dan bann fasilite ki rezonnab, i annan bann diferan kalite grad Social Housing e nou, nou grad isi Sesel, mon krwar i rezonnab nou grad.  Nou pa oule lakaz bwat kartron – ankor enn fwa mon repete.

Now be mannyer nou definir li, nou kapab rantre an negosyasyon avek serten bann enportater, bann building materials ki nou pour konsonmen lo sa proze, akoz sa proze i étale lo en lespas letan definir.  Now si i étale lo en lespas letan definir, nou kapab ganny en group bann dimoun ki enporte, enport in bulk pour ki nou kapab ganny sa bann materyo a en pri rezonnab – e selman bann kontrakter ki successful pour al lo sa bann proze ki ganny lotorizasyon pour al aste sa bann finishing dan sa bann magazen ki selekte.

Now nou pe koz nou dizon en peryod 5an, eske nou pa kapab rantre dan en modalité parey?  E sa de lot kote i a permet nou osi kapab negosye son pri – tout an tenir kont sa ki PS in dir pour rezon Bidze, nou pa kapab tro met li anba.  Me mon krwar i annan posibilite ki nou kapab negosye.  Me si nou rantre lo sa model, mon ekspekte ki tou bann dimoun ki pe koz latransparans, ki pe koz accountability pa pour dir poudir la nou’n ouver laport pour ki PS i vin corrupt – Minis i vin corrupt e nou annan problenm lo la.  Mon krwar nou tonm dakor lo en formil e nou met tou bann mekaniz ater pour nou kapab byensir donn lepep Seselwa en good deal.

Trwazyenm eleman Mr Speaker ki mon krwar i enportan nou mansyonnen; bomaten nou’n tann felisitasyon ganny donnen e mon krwar ozordi apre midi lo mon mont si ler i bon, la i 2er, preski 2.30 mon krwar i annord malgre tou bann kritik, tou bann challenge ki i annan pour felisit sa Minister e tou son lekip pour sa travay ki zot pe fer to deliver for Seychelles, pour deliver lo nou Social Housing program.

E anba sa nou parti United Seychelles!

 

(APPLAUSE)

 

HON SIMON GILL

Nou pour kontinyen delivre lo nou Social Housing program Mr Speaker e mon kontan ki tou bann Onorab lo lot kote latab in fer, in renouvle zot shopping list avek Minis sa apre midi, pour zot bann distrik kot zot in ganny elekte!  Minis avek ou lekip kontinyen deliver for Seychelles! Challenges pour annan, me nou kontan travay ki zot pe fer.  Mersi bokou Minis.

 

MR SPEAKER

Mersi Onorab Gill.  PS Thesee, PS.

 

PS DAMIEN THESEE

Mersi Mr Chair.

 

(Interruption)

 

MR SPEAKER

Laparol i pour PS Thesee,

 

PS DAMIEN THESEE

Mersi Mr Chair, petet ti a bon note dan sa R3bilyon proze 78poursan i pour building cost; savedir proze sa bann lakaz ki pour ariv R2.3bilyon.  E 23poursan dan sa 3bilyon, savedir R671, 000 i pour plizoumwen bann lezot lenfrastriktir ek site works ki bezwen ganny mete dan sa bann proze.  Par egzanp semen, bit, elektrisite ek site work preparation.

        E an sa ki konsern Procurement, i bon note la mannyer Lalwa i ete, nou pa kapab antre an negosyasyon.  Le bi ler ti ekrir Lalwa Procurement back then, se ki nou ti anvi promot konpetisyon, savedir ou pe envit Sekter Prive bann Lakonpannyen konstriksyon vin devan bid pour en pri konpetitiv.  E nou tant pour pran sa enn ki nou vwar i plis ou mwen meet tou bann internal cost estimate, natirelman ennler nou pran sa ki pli ba, me nou get en pe bann lezot background check pour gete i kapab fer sa proze.

Petet rekomandasyon vi ki la nou pe revwar en pe Lalwa Procurement nou ava pran sa bann rekomandasyon pour gete si i prezan in ler depi 2008 – 10an ki nou konsider posibilite prezan pour aktyelman antre dan negosyasyon si i vini ki nou pe vwar bann diferan bidders ki pe vin devan, ale bid ek zot.  Me selman rezondet back then ler nou pa ti allow nou pour negosye ek sa bann kontrakter, se ki nou pa ti anvi.  Nou ti anvi donn en sans ki tou dimoun i vini i met son bid devan e nou pran sa enn ki pli konpetitiv.  Me solman nou ava pran sa bann konsiderasyon antet ler nou pe review, an tou menm konsidere ki nou pour diskit avek bann diferan partner ki involve dan Procurement.  Mersi.

 

MR SPEAKER

Mersi PS Thesee.  PS Choppy ou oule azout keksoz?

 

PS YVES CHOPPY

Mersi, mon ti a kontan remersi Msye Simon Gill pour son lapresyasyon ki in eksprimen pour bann louvraz ki nou pe fer, akoz en kantite louvraz in ale dan bann proze lakaz e nou ankor annan en kantite pour nou fer e bann staff pe travay tre dir.

In komans avek koz lo proze condominium GICC, ler nou ti negosye sa laranzman nou, nou ti annan demann e lagreman zis lo pri sa ki pe vann ek bann First Time Buyers, e sa ki nou open market nou ti les devloper fer son market research gete konbyen i kapab vann pour li kapab cost subsidize pri ki nou ti demande pour First Time Buyers.  Byensir li i ti pour bann profesyonnel alor son nivo lakaz i en pe pli o.  Nou’n lans 2 tender ankor pour later adisyonnel kot nou’n annan en group lakaz ki devloper pour fer pour First Time Buyers selman i plis towards Social Housing.

E la ki nou’n fer, nou’n stipulate pri ki nou oule zot vann sa bann lakaz, e zot annan en morso later ki zot, zot konstrir a zot pri e zot cross subsidize pour zot kapab vann lakaz ki nou pe demande pour nou bann First Time Buyers lo pri.

E sa i basic house i pa parey sa ki GICC in fer, e mon napa sif antet la, me selman nou’n ganny bann, dan premye lof ki nou’n gannyen, nou’n ganny bann pri ase enteresan, ki mon krwar i pour abordab pour bann dimoun fer par sekter prive – byensir ki li i pour fer son devlopman ki li i pour vann lo open market.  Mersi. Sa ki mon ti oule azoute.

 

MR SPEAKER.

Mersi PS Choppy. Onorab Ferrari.

 

HON JEAN-FRANÇOIS FERRARI

Mersi Mr Speaker. Mr Speaker mon ti a premyerman parey mon fer toultan, pa zis ler mon an direk lo televizyon, oubyen lo radyo, parey mon fer toultan mon remersye bann travayer dan Minister Lakaz e Lenfrastriktir, pour zot travay ki zot pe fer.  E ankor enn fwa ozordi mon fer li.

E i annan en proze mon pa konnen si zot konnen Mont Fleuri ki pe avanse, me malerezman i pe avans dousman e i annan en pe fristrasyon.  So mon ava ankouraz zot pour pouse dan sa direksyon akoz retar dan proze Corgate Estate i vedir retar dan redevlopman Les Mamelles Lower e sa i, sa nou pa oule, alors mon ti kontan ankouraz zot pour nou kontinyen,

Mon annan en kestyon premyerman pour PS ki ansarz Later, dan Mont Fleuri mon annan zis 4 kekfwa 5 demann pour en kare later.  Napa later dan Mont Fleuri.  E dimoun Mont Fleuri i konnen poudir napa later.  Donk zot pe sey fer zot bann deboury me selman ki nou fer, PS eksplik nou ki nou dan Mont Fleuri nou fer ler mon annan ka bann dimoun ki’n anmas zot larzan sou par sou, Roupi par Roupi e ki zot annan ozordi, i annan ki i annan son 200mil, i annan ki’n anmase ki pe, ki’n fer li, in konport li koman en bon sitwayen me ki ozordi i ganny dir ki, i pa ganny dir nanryen e i zis vwar poudir bann ansyen kandida Parti Lepep, bann current kandida pe ganny later dan Kan Tobruk, li i pa gannyen menm li.  

So e nou pa ni konnen dan land bank lekel ki’n kalifye pour sa bann pwen.  Konmsi annou sey gete napa bokou bann dimoun.  Sey reponn mwan PS ki nou kapab fer? Akoz i annan Ms Leon, i annan Msye Nourrice; i annan bann lafanmir Cedras, zot osi zot bann imen, zot pe struggle, zot a kontan, zot ti a kontan vwar en keksoz avan Christmas tann en, avan Nwel i vini i tann en bon nouvel.  Sa i mon premye kestyon.

Mon 2enm kestyon se pour demande akoz ler mon fer en break down bann pri ki zot in donnen pour sa proze ‘3mil Lakaz,’ tou partou kot zot pe propoz sa 3mil lakaz zot pe met en kou R2mil par met kare pour preparasyon pour infrastructure work.  Ki ou fer li Baie Lazare i R2mil par lao the building cost, si ou fer li Praslin oubyen si ou fer li Takamaka i still R2mil, si ou fer li Ile Aurore ki plat i still R2mil!  E sa i enn bann kestyon ki rezwenn sa ki Onorab Afif in dir apre Onorab Gill in repet menm kestyon, ki Onorab Afif ki ti dir pli boner, so ki mannyer nou kapab zistifye ki lo diferan kalite teren nou pe met dan nou kou R2mil pour infrastructure cost per square meter.

E mwan personnelman si i annan en rezon pour mwan  kestyon nesesite oubyen nesesite pour mon vot pour sa Bidze, se ki mon krwar poudir la, i annan en gro problenm. E ki i annan, mon pa konnen si Minister in zis dir ler i ganny en cost R5mil met kare azout 2mil, lo la pour infrastructure cost; ganny en cost R9mil azout R2 mil, pour infrastructure cost, sey eksplik mwan ki mannyer zot in ariv lo sa R2mil, per square meter pour tou sa bann devlopman ki zot pe fer – sof pour La Digue ki mon krwar i R3mil per square meter pour infrastructure cost.  Alors sa i en kestyon enportan ki mon ti a kontan ganny en repons.

Mon ti a kontan demann osi lo, dan PSIP e pour eksplike akoz i annan R25milyon lannen pase ki’n sipoze ganny depanse, mon pa konnen me ti dan Bidze depi 2017 e in aparet ankor, non i pa’n aparet dan Bidze, wi pour li son Independence House 26milyon sa mon konnen nou pe pey Green Island tou le lannen, tou le mwan pros R2milyon, me la mon vwar R5milyon for 6th floor of Independence House – R5 milyon ki dan Bidze 2019 for, and the Heading is 6th floor Independence House.  Ki pe arive lo 6enm letaz Independence House e lekel nou pe pey sa R5 milyon dan lannen 2019?

Sa i mon dernyen kestyon e mon ti a zis kontan echo sa ki Onorab Regina Esparon in dir, zot ganny en zoli pri pour travay ki zot pe fer dan bann distrik pour bann proze lakaz, me zot tonm dernyen pour servis e sirtou servis telefonn Minister MLUH i dernyen, dernyen, dernyen lo lalis e sa zot pour bezwen fer en keksoz akoz i vreman pa zoli ditou pour servis avek bann kliyan.  Mersi.

 

MR SPEAKER

Mersi Onorab Ferrari.  Mon ava komans avek PS Valmont.

 

PS RAVI VALMONT

Mersi Mr Chairman.  Zis pour reponn Onorab Ferrari, parey mon’n reponn kestyon Onorab pour La Digue pli boner, tou bann dimoun ki lo point system zot pour konn rezilta avan Desanm sa lannen.  E mon krwar Mr Speaker i enportan pour note ki annan financial abilite tousel i pa ase pour fer en dimoun kalifye pour li ganny en bout later.  Mon krwar i enportan pour nou annan fairness across the Board e nou napa 2 pwa, 2 mezir pour diferan kalite dimoun oubyen pour diferan kalite distrik.  Mon krwar nou bezwen mentenir sa Sistenm Pwen e fer sir poudir letan nou pe aktyelman verifye bann dimoun, tou dimoun i ganny menm sans lo Sistenm Pwen.  Mersi Mr Chairman.

 

MR SPEAKER

Mersi PS Valmont.  PS Choppy.

 

PS YVES CHOPPY

Mersi Mr Chair, mon pa krwar nou ratio lenfrastriktir avek lakaz dan tou proze i parey.  I don’t think it’s the case.  Mwan mon sa ki mon rapel it’s not the case nou kapab kalkile.  Selman i annan proze ki son poursantaz lenfrastriktir i bokou plis ki son poursantaz lakaz e sa mon asire si nou kalkile nou a vwar.  E sa i presizeman akoz i annan serten landrwa nou pe met STP, i annan serten landrwa nou pe servi, nou pe extend pipeline eksetera.  Petet ler ou’n average li overall ou pe ganny sa sif.  Par egzanp Aurore menm si Aurore i plat i annan en kantite lenfrastriktir nou bezwen mete Aurore, nou annan semen, nou annan pavement, i en landrwa kot nou pe fer, nou pe build keksoz dense, alor i annan tou sa bann lenfrastriktir delo, elektrik dan sa Housing Estate ki byensir exclude lenfrastriktir par egzanp the north region sewage system plant ki pa enkli ladan.  Me selman i still annan en kantite lenfrastriktir ki pour mete dan Ile Aurore.  So mon, it’s not the same ratio ant lenfrastriktir ek lakaz dan tou proze.

Pour 6th floor Independence House in annan en request ki nou convert sa 6th floor ki konmela i zis en hall, en meeting room avek landrwa kot dimoun i al dezennen eksetera, i annan request ki nou convert li dan lofis e sa larzan pour 6th floor i pour pey pour sa conversion works.  So nou pa ankor fini etablir son kou akoz nou annan zis en architectural plan ki in fer pour le moman, e nou bezwen ganny enzenyer pour fer son bann detay pour nou apre kapab fer Green Island donn en kontasyon.  Lefe ki Green island i Landlord building, zot ki ti konstrir nou pour bezwen go, demann pour fer zot fer bidding pour fer sa conversion pour nou pa violate okenn nou bann Lagreman liabilities eksetera.  So vwala mon repons.  Mersi.

 

MR SPEAKER

Mersi PS Choppy. Minis Charlette.

 

MINISTER PAMELA CHARLETTE

Mersi Mr Chair. Mr Chair mon ti anvi tous 2 pwen ki Onorab Ferrari in soulinyen. Premyerman regarding Corgate Estate, Onorab in fer form parti bann diskisyon ki’n arive e mon krwar i okouran tou bann dele ki nou’n gannyen e ki bann mezir ki nou’n pran.  Nou’n travay for, mon team in travay for pour kapab fer sa arive.

E parey ou konnen i annan bokou bann laspe sansib avek ki nou’n bezwen pran li vreman, ki mannyer mon kapab dir sa, careful pour nou evite ariv bann lezot keksoz, akoz la ou pe koz lo re lokasyon bann dimoun Corgate pour entegre zot dan en lot kominote.  E osi fer sir ki nou a ler avek nou lot fa. So mon krwar en kantite travay ki Departman Housing in fer pour kapab fer sa arive e byento la nou a vwar kekfwa en fruition sa ki, sa travay ki’n ganny fer.

Lo kote land bank osi nou, mon emphasize ankor ki sa land bank point system ki nou’n mete i pour fer nou pli annan en pli bon mezir ki mannyer nou pour kapab allocate later avek dimoun.

Tou ka i spesifik e sanmenm sa ki i vreman difisil koman en Minister ler ou annan sa kantite dimoun lo, ki’n apply pour fer en desizyon, so sanmenm sa ki sa framework in ganny met an plas e en framework ki’n ganny met an plas ki’n komanse bokou, bokou lannen avan ki’n ganny mezire plizyer fwa, nou’n refer li, nou fer sir ki at least nou pe pran kont bann fakter mazer ki pour kapab ed en dimoun dan le fitir ganny en bout later.

E la mon a re emphasize pour nou osi annan pour endik en pe popilasyon pour zot, pour nou et as en bann Leaders pour nou vreman realistik e manage lekspektasyon nou bann dimoun sirtou dan bann dimoun dan distrik, se tou ki mon ti oule fer sorti Mr Chair.

 

MR SPEAKER

Mersi Minis.  Onorab Ferrari.

 

HON JEAN-FRANÇOIS FERRARI

Yes mersi Minis mon asire ki ou a dakor avek mwan ki nou konnen poudir i ti tre konplike Corgate Estate e mon remersye zot e mon’n, e zanmen mon’n mank en lokazyon pour remersye zot.

Me selman sa i pa anpes mwan dir poudir i pe still en pe slow akoz nou ankor en pe an retar lo nou kalandriye.  Me selman mon santi poudir nou kekfwa a lavenir nou devret kapab bouz en pti pe pli vit, mon ti a zis kontan demann PS pour Later kekfwa i kapab eksplik mwan akoz ler nou demann en dimoun pour kontribye dan en Housing Scheme, dan ou Scheme si i pa kontribye dan son Scheme i pa pe gannyen lakaz?

Sa se en lareg ki nou nou’n mete.  Par egzanp si pa pe kontribye dan sa, i perdi son priyorite, me parkont, me parkont ler dimoun i kontribye pour en bout later, nou dir li i pa enportan ki i kontribye pour en bout later e ki nou pa kapab, sa i pa en lavantaz.  Mwan mon ti a kontan konmsi zot eksplik mon akoz i annan en diferans la.

Akoz ki mannyer zot in eksplike la, savedir i preski vedir ki kantmenm ou pa’n anmas ou larzan ou pa bezwen fer en saving, akoz menm si ou fer en saving ou napa en lavantaz.  So eksplik bann dimoun ki pe esper en bout later ki i bezwen fer pour li kapab gannyen en bout later en zour.  Dir li si zot krwar i enportan ki i fer en saving pour li kapab kalifye li osi pour ganny en bout later?

E mon dernyen pwen se, mon ti a kontan alert PS Finans lo sa sityasyon ki riske totalman kont bann Lalwa Procurement, i pa akoz Green Island in fer en batiman pour Gouvernman ki Green Island ki pour vin fer tou travay e son pri, se son pri – nou pa pour kapab kestyonn son pri?  Mon krwar i vreman la i annan en gro problenm e si Minister Lenfrastriktir in fer Kontra avek Green Island e sa kontra i kont Procurement Act e i abzorb Minister pour, avek son devwar pour li al rod the best price pour en partisyon dan biro, then it is wrong!  E i bezwen kapab annan posibilite pour li al rod sa pri ki dan lentere pep Seselwa e non pa dan lentere Green Island!  Mersi.

 

MR SPEAKER

Mersi Onorab Ferrari. PS Valmont.

 

PS RAVI VALMONT

Mersi Mr Chairman, Mr Chairman savings i en eleman dan point system ki vreman, vreman enportan.  So nou pran kont saving ki en dimoun i annan e osi kontribisyon ki in fer lo HSS nou pran kont letan nou pe pase dan point system, so nou ankouraz dimoun pour save akoz nou pour pran kont letan nou pour balans son financial ability dan point system.  Mersi Mr Chairman.

 

MR SPEAKER

Mersi PS Valmont.  PS Choppy.

 

PS YVES CHOPPY

Mersi Mr Chair.  Onorab Ferrari pour Independence House 6th floor lefe ki i building ki pour, ki GICC ti konstrir e li al dan Landlord nou pe pey rent, sa nou pour byensir nou bezwen, nou napa Kontra ki’n fini fer, premyerman les mwan klarifye sa.  Nou pour byensir bezwen pas dan prosedir kot nou demann Procurement pour nou fer direct bidding ek zot pour rezon ki zot, zot Landlord e ki nou annan lezot, i annan lezot keksoz ki lezot enplikasyon si nou rod en 3rd party.

E byensir apre sa nou pour fer li donn nou en kontazyon ki nou assess pour nou ganny pri ki nou santi rezonnab, so zis pour reasir ou napa kontra ki’n fini donnen, sa i en provizyon Bidze.

Renovasyon dan Independence House vye building, li byensir nou pour tender parey dapre Procurement Act.  Mersi.

 

MR SPEAKER

Non mon annan, non, ok? Minis ou oule azout keksoz?  Non.

 

MINISTER PAMELA CHARLETTE

Non Mr Speaker zis nou ti pe dir poudir nou, GICC i ankor own sa building nou, nou zis en tenant dan Annex.

 

MR SPEAKER

Mersi Minis.  Bon PS nou pour pran en vot la oubyen nou pour pran en vot ansanm avek Land Transport?

 

PS DAMIEN THESEE

Mersi Mr Chair. Nou bezwen esper Departman Transpor pour nou pran en vot antye lo sa Minister.

 

MR SPEAKER

Ok savedir nou pour pran Land Transport avan?

 

PS DAMIEN THESEE

Departman Land Transport.

 

MR SPEAKER

Departman – son Ladministrasyon en?  Ok mon pour sizere ki nou pran en Break la ok pour serten rezon osi tou ki nou annan 2 pozisyon la ki nou, nou pa kapab lev-e pour okenn rezon teknik, swa se mwan, swa se Deputy Clerk, si mon lev-e nou bezwen adjourn, si Deputy Clerk i lev-e i bezwen adjourn.

 Parfwa nou osi tou nou annan sa bezwen pour nou lev-e, tou bann Manm i kapab lev-e a nenport moman ok, me nou, nou pa kapab.  So i annan en demann lo nou kote akoz nou osi nou imen.  Mon sizere ki nou pou pran en Break la, e nou retournen annou dir 3.20 – 3. 20 pour nou kapab pran Departman Land Transport e posibleman SLTA ok?  So nou ava break nou ava retournen 3.20.

 

(BREAK)

 

 

DEPARTMENT OF LAND TRANSPORT

 

MR SPEAKER

Bon nou ava kontinyen nou travay e mon welcome zofisye pou Land Transport –PS Patrick Andre e Senior Acccountant Ms Chantal Jules. Zot pou akonpanny Minis Charlette e parey labitid PS Thesee, Ms Verghese e Ms Tamatave i la.

E nou ava pran kestyon alors ou Land Transport. E parey PS in anonse I lo paz 406 e 411 pou en sonm R7,164milyon.   Okenn Manm ki oule entervenir?  Yes Onorab Esparon?

 

HON REGINA ESPARON

Mersi Mr Chairman.  Mr Chairman mwan mon ti annan en konsern mwan.  Mon konnen lo size Enforcement mon konnen poudir Land Transport i anploy bann warden- bann warden ki fer patrol en pti pe  – mon konnen mazorite  letan zot pe tyek  seatbelt; aret bann loto seatbelt, license bann keksoz koumsa me mwan mon konsern avek bann warden, mon ti ava kontan demann Minis eski bann warden i travay zis dan Victoria?  What about dan bann lezot landrwa tel parey bann distrik?   Akoz mannyer mon pe regarde i annan Lalwa ki pa pe ganny enforce ase tel parey les dir i annan bann tonaz lo semen; i annan semen ki ou dir i pran transport 2tonn i annan ki pran transpor 3tonn ki ganny drwa pase me dan bokou fwa ou vwar poudir i annan bann transpor 10tonn an montan pe servi bann ptipti semen sirtou bann secondary road e pe andomaz semen.  Mon ti a kontan demann avek Minis ki I annan dan sa Bidze lo kote enforcement, pou fer sir ki sa bann keksoz osi i ganny regarde.  Mersi.

 

MR SPEAKER

Mersi Onorab Esparon.  Mon ava donn laparol PS Andre.

 

PS PATRICK ANDRE

Mersi Mr Chair.  Bonn apre midi tou Onorab. Onorab mersi pou ou kestyon.  Premyerman mon le fer resorti poudir responsabilite enforcement i tonm anba Road Transport Commission.  I domaz ki zot pa pe la pou zot regard zot Bidze.  Me an menm tan osi nou napa en Road Transport Commissionner prezan.

Me selman lefe i reste ki mon kapab klarifye pou ou benefis bann Onorab la.  Normalman bann Highway Patrol OfficersTraffic Wardens parey nou apel zot, zot annan menm pouvwar parey en Traffic Police.  Savedir zot ganny drwa enforce okenn Regilasyon trafik anba Road Transport Act e anba Road Act parey nenport ki zofisye trafik lo Mahe, Praslin, La Digue; dan pei an antye.

An sa ki konsern bann issues tonaz lo bann semen in ganny progranmen normalman i annan bann tonnage limit ki ganny mete lo sak sa bann semen si 3tonn – si 5tonn – si 10tonn.  Ok?  So pou annan enforcement fodre ki sa bann siny i apropriye ki legalman i ganny demande anba Lalwa i ganny mete lo sa bann semen.

        Me selman par kont lefe i reste poudir wi i annan bann vyolasyon ki pe arive e mon’n take note sa ki mon ava pas avek bann zofisye Highway Patrol me an menm tan osi, mon a met sa osi dan latansyon Lapolis, pou zot osi zet en koudey e akte lo la letan ki i annan nesesite.  Mersi Mr Chair.

 

MR SPEAKER

Mersi PS Andre.   Onorab Phillip Arissol.

 

HON PHILLIP ARISSOL

Mersi Mr Chair.  Eski Land Transport i kapab demande ouswa sizere ki travay lo semen lakot Anse La Mouche i kapab komanse pli tar pou anpes konsesyon trafik dan bomaten sirtou pou bann zanfan ki pe al lekol ek bann dimoun ki servi sa kote semen pou sov traffic jam ki annan anba Anse Aux Pins, zot pas par La Misere e sa i koz en kantite konsesyon trafik dan bomaten.  Mersi.

 

MR SPEAKER

Mersi Onorab Arissol.  PS Andre.

 

PS PATRICK ANDRE

Mersi pou ou kestyon Onorab Arissol.  Mr Chair ankor sa travay kordinasyon Road Transport Commission i fer li ansanm avek Lotorite Plan.  I annan en Komite Utilities Committee dan Lotorite Plan ki vwar sa.  Me mon ava take note pou anmenn dan zot latansyon poudir i annan sa sityasyon – travay pe komans tro boner e normalman nou ava fer zot komans zot travay en pe pli tar e fini en pti boner osi ki dan sa 2 peak hours bomaten avek aswar, i annan minimum disruption pou travay sirkile.  Mersi bokou.

 

MR SPEAKER

Mersi PS Andre.  Onorab Ernesta.

 

HON PAUL ERNESTA

Mersi Mr Chair.  Mr Chair zis lo sa pwen Onorab ki’n fek koz avan mwan in fek dir, i enportan petet  osi –  mon konnen PS pou dir sa i tonm anba Road Commissioner i annan en devlopman osi ki pe arive osi dan Takamaka Maravie ki ase delika –  i enportan met lanmen lo la pou gete – menm actually bis pa sirkile sorti Baie Lazare pou vin Takamaka. i enportan se take up sa  zis sa pti note.

Lo pwen bullet 4 paz 107 lo zot ‘’strategic priorities’’ dan laliny sekirite semen mon pe mazinen petet son lenplimantasyon pou kot SLTA, egzakteman kwa ki zot pe fer?    Akoz mon vwar zot pe fer zis en recruitment.  E eski sa Bidze pou kapab kouver an antye akoz la mon pe get distrik Takamaka, ki semen li menm in komans etrwat e volim transpor ki pe pase.   I nesesit fer en bon letid dan distrik pou vwar vreman flow of trafik e osi sekirite.  Ki mannyer sa pou kapab ganny deal avek dan sa Bidze?  Mersi Mr Chair.

 

MR SPEAKER

Mersi Onorab.  PS Andre

 

PS PATRICK ANDRE

Mersi Mr Chair.  Mersi Onorab.  Bon nou annan en bon pe travay pou nou fer an sa ki konsern letid an zeneral pou tou semen.  Ok?  E i annan travay ki ongoing me pou lemoman i annan serten areas ki nou pe konsantre lo la ki annan plis trafik.  Pou le moman nou pe konsantre depi Au Cap ziska kot Airport, akoz i annan pa mal konsesyon ki bann drayver e dimoun ki servi sa seksyon semen i pe rankontre; me mon’n take note ki lo kote Sid Mahe – Takamaka – Bougainville ensidswit i annan serten issues ki ou pe fer mansyon.

Nou ava regarde ler nou fini avek sa letid ki nou pe fer lo kote Les  e apre nou ava bouz lo rezyon Sid Mahe, pou vwar ki lentansite sityasyon i été e ki bann mezir ki nou kapab pran.  Nou kapab pran bann mezir kour term, mwayen term oubyen long term.  Nou ava regarde ki mannyer nou kapab fer serten travay.  Mersi.

 

MR SPEAKER

Mersi PS.  Minis Charlette.

 

MINISTER PAMELA CHARLETTE

Mersi Mr Chair.  Zis mon ti oule azoute zis pou reasir Onorab ki bomaten. mon ti pe koz avek SPTC –  Deputy CEO i ti pe dir mwan ki bann difikilte  sirtou Takamaka avek sa enlargement semen, i en louvraz ki bezwen ganny fer – i bezwen ganny fer me solman i dir mwan ki zot ti’n al visit yer ek enn de lezot Lazans zis pou gete ki mannyer zot kaba amelyor e ansanm ek PUC ki manner zot kapab fer pou amelyor sityasyon lo sa semenn sirtou lo kote trafik.  E li lo kote SPTC i annan bann mezir zot pe pran zot dir mwan ozordi oubyen demen ki pou anonse an Piblik – bann mezir ki pe ganny pran zis pou fer sir ki dimoun i al travay byen en laranzman bis ki pou fer sirtou dan sa rezyon.  Mersi. 

 

MR SPEAKER

Mersi Minis.  Onorab Woodcock.

 

HON WAVEL WOODCOCK

Mersi Mr Chair.  Minis mon kestyon I baze en pti pe lo Polisi.  Mon konnen i annan en  konsern an se moman la.  Annefe mon kestyon i baze lo La Digue. I annan en konsern ki lo lakantite transpor e kriter ki ganny servi pou transpor antre lo la Digue.  I annan rapor ki i annan dezord, lapreferans e menm politik lo lekel ki ganny permisyon ki anmenn transpor lo sa zil.  Alor mon kestyon i ki bann Polisi e kriter ki Departman  Land Transport pe servi pou, pou donn permi pou anmenn transpor lo La Digue?  Mersi.

 

MR SPEAKER

Mersi Onorab. PS Andre.

 

PS PATRICK ANDRE

Mersi Mr Speaker e mersi Onorab pou ou kestyon.  Bon ankor enforcement pou bann issues e donn permi i tonm anba portfolio Land Transport Commissioner. Me an sa ki konsern Polisi i annan en Polisi lo La Digue ki fek ganny revwar – renouvle apepre 2 mwan pase ki anfors presently e normalman par egzanp i dan sa Polisi se ki i annan en moratorium lo bann golf car ki annan ki pour le moman i annan en stop lo la ki napa okenn nouvo dimoun ki pe ganny okenn permisyon anmenn golf car eskan ler pou revwar sityasyon ankor dan 1an.  Nou assess nou vwar ki  mannyer sityasyon i ete.  Me par kont lo lezot aspe  permi transpor osi son quota in plen. Ok la pou le moman i annan zis bann ki’n deza ganny zot permi.  E normalman i annan en lalis ki Road Transport Commissioner i garde baze lo lekel ki’n fer request e konbyen letan pase ; e baze lo ki kalite aktivite ki sa  bann dimoun ki’n demann permi pou en transpor  zot anvi fer. E si i anliny avek ki Polisi i demande ki i ganny konsidere.  Ok.  Se dan sa laliny parey ki  i ganny revwar.  Mersi Mr Speaker.

 

MR SPEAKER

Mersi PS.  Onorab Woodcock.

 

HON WAVEL WOODCOCK

Me anyway non bezwen fer resorti sa –  en lot konsern ki ganny lev-e – annefe sa kestyon i sorti kot Jimmy Micock en konsern ki bann Digwa ti met devan se ki i annan ankor bann konpannyen Konstriksyon ki pe fer antre bann pickup ki pe fer bann proze lo La Digue e sa I pa pe ganny monitor byen sa.   I annan bann transpor – bann gro kanmiyon ki ankor pe antre lo la Digue pou fer bann proze.  Alor ki mannyer zot pe monitor sa bann keksoz?   Ok e sa i pe kree – I pe met en – i pa afekte bann kontrakter La Digue – I mean Digwa i bezwen manze.  Mersi.

 

MR SPEAKER

Mersi Onorab.  PS Andre

 

PS PATRICK ANDRE

Mersi Mr Speaker.  Onorab normalman I annan 2 issue ki arive.  Ler bann kontrakter ki pa baze lo La Digue, i ganny en Kontra pou fer lo La Digue, zot soumet zot bid pou zot fer sa proze e zot fer li within en serten Bidze ki allow pou zot kapab ganny en tender e ler zot diskit avek bann propriyeter pickup lo La Digue bann pri egzorbitan ki zot gannyen par ler i pa within zot Bidze pou zot kapab fer li.

E osi nou’n ganny rapor dan le pase ki etandonnen ki La Digue pe devlope par ler bann kontrakter, i ganny difikilte pou zot ganny lasistans transpor pou zot kapab tir zot materyo lasose, pou anmenn kot zot site kot zot ete e sanmenm sa prezan ki i fors sa bann kontrakter pou zot vin kot Road Transport Commissioner pou fer en special request lo en temporary basis pou zot kapab ganny en transpor pou kapab desarz e met zot lobligasyon anba sa Kontra ki zot in sinyen.

Me lefe i reste ki nou Road Transport Commission i bezwen monitor.  Si in donn sa kontrakter en peryod 6mwan – 1an, i bezwen monitor ki sa bann kontrakter apre ki sa Kontra i fini zot bezwen retir sa transpor akoz i en temporary permit – e pa en permanent permit lo La Digue. Mersi Mr Chair.

 

MR SPEAKER

Mersi PS.  Onorab Adelaide.

 

HON FRANCOIS ADELAIDE

Mersi Mr Chair.   Minis premyerman mon ti annan en kestyon ki ou ti pou rann mwan larepons lo sa size later la, ki mon ti’n donn ou. Mon lot kestyon  se lo sa West Coast Development la  – I tonm ladan li, ok nou konpran poudir I annan en pti problenm wayleave, me solman mazorite landrwa mon krwar nou kapab fer bann komansman.  So mon pe gete ki zistans ou été lo sa proze?

Apre 2enm se ki stratezi sa Departman pou bann fitir devlopman?  Zis parey la mon pe gete la ler ou pe vini la, semen  in mete pou nou kapab fer trafik flow, bus stop  i lo semen mon krwar avek sa devlopman zot ti merit met sa bus stop  akote – en siding.  Be mon vwar poudir bus stop i lo semen.  So mon pe rode ki stratezi zot Departman.

Apre petet bann lalimyer fotovoltaik ouswa bann lalimyer – bann street light nou ti ganny promet 25; 2017 -25 – 2018 – 25 pou 2019 me Minis li ti dir dan Bidze ki zot pe prevwar pou alim Sesel sirtou aswar.  So ki zistans nou ete avek bann zafer street light silvouple?  Mersi.

 

MR SPEAKER

Mersi Onorab. PS Andre.

 

PS PATRICK ANDRE

Mersi Mr Chair.  Dan premye lye mon krwar kestyon street light i pli apropriye pou kit pou Lazans Transpor lo Later ler zot vini akor se zot ki zer street light – en?  Ok an se ki konsern sa proze – mon krwar ou pe mansyonn sa proze West Coast Road Improvement.  Ok sa proze parey nou’n dir in deza ganny konsevwar.  Wi nou pe rankontre en pti pe difikilte avek en pti git wayleave.  Lamazorite bann propriyete in agree pou donn en pti porsyon zot later – pa pou donnen, me pou allow lagrandisman ouswa konstriksyon trotwar lo zot propriyete.  Me i reste ankor en detrwa ki ansanm avek Seksyon later dan         Minister pe diskit ek sa bann dimoun.  I annan menm propriyeter ki pa dan pei.  Ler nou al kot Rezistrar pou vwar kontakte ensidswit  – napa, oubyen me sa ki ti annan nou pa kapab ganny kontak ek sa bann dimoun.  E nou pe sey vwar lo en pwennvi legal ki mannyer nou kapab adres sityasyon dan sa konteks.

Me parkont nou ti propose pou nou kapab koman sa proze.  Malgre i annan serten areas ki  nou pa ankor sort out lo la.  Me nou’n bezwen retard sa proze pou rezon ki PUC osi pe vin avek son proze ki pe kontinyen dan sa seksyon semen.

So si nou pou ale pou komans en proze apre PUC pe vin fer son bout, demen i pou vin zis en gaspiyaz larzan – nou pou bezwen retournen  real fer serten keksoz. So nou pe esper PUC fini pas son bann tiyo  – son bann kab apre pou nou retournen  fer sa proze e ki nou pa ganny disturb.

Parey nou’n vwar  poudir PUC in pas son gro kab 33KV anler.  Sa i tanporer. I pou ganny tire apre i pou pas anba later.  So si nou ale nou proceed avek sa proze, i pou annan konsekans apre dan  le fitir.  So nou’n deside PUC i ava fini son proze apre nou, nou a kapab proceed avek.  Mersi.

 

MR SPEAKER

Mersi PS.  Minis Charlette.

 

MINISTER PAMELA CHARLETTE

Mr Chair zis an pasan mon kapab dir regarding street lights apre pli tar letan SLTA kekfwa zot a donn ou detay sa bann proze ki i annan – ki in fer e bann proze ki i ti annan pou sa lannen.

Me mon konnen ki nou’n fer provizyon anba Indian Grant  pou nou ganny 1450 lalimyer par lannen.  So  sa bann larzan pou  – nou’n fer sa provisyon 2020 -21 ek 2012, so mon krwar i ava al en pe kot bann distrik. Ler SLTA i ava vini pli-tar i a donn pli detay lo bann kekfwa bann distrik oubyen dan lefitir oubyen travay ki’n ganny fer pou 2018.  Mersi.

 

MR SPEAKER

Mersi Minis.  PS Andre.

 

PS PATRICK ANDRE

Mersi Mr Chair.  Pou reponn 2enm kestyon ki Onorab ti’n dir konsernan bus stop lo semen ensidswit, normalman dan bann letid, nou vwar tou bann kontrent ki annan.  E bann bus stop ki lo semen i enn bann kontrent ki anpes sirkilasyon trafik oubyen ki retard sirkilasyon trafik.  Me parkont i annan bokou landrwa kot napa fasilite pou ou tir sa bann bus stop lo semen pou met li an-deor semen baze lo topografi landrwa, oubyen si i annan bann batiman ki pros. Akoz parler nou pou bezwen donn en kominote en fasilite ki pa bezwen mars bann gran zistans pou zot kapab ganny fasilite bis li menm li.

Me de lot kote otan ki posib kot i annan lespas nou tir bann bus stop lo semen nou met zot an deor semen.  E osi I annan bann sirkonstans kot nou vwar i annan 2 bus stop ki sitan pre ek kanmarad, nou fer negosyasyon ki nou retir 2 me nou met  en set – enn monte – enn desann pou kapab fasilit sirkilasyon trafik.  Me lefe i reste ki tou bann aspel ki regard trafik bann conflict points parey nou dir sa, otan ki posib nou  tant pou nou retire akoz i anpes sirkilasyon trafik plis ki posib.  Mersi Mr Chair.

 

MR SPEAKER

Mersi PS.  Onorab Adelaide.

 

HON FRANCOIS ADELAIDE

Mersi Mr Chair.  Zis par egzanp mon pou donn ou se zis la devan la avan nou zwenn Lakour la.  Deza i napa lespas.  So zot panse – bus stop zot met lo semen.   So mon krwar sa zot ti kapab konsidere.

Apre Minis pa’n reponn mon kestyon lo sa later ki sipoze pe donn mwan en pti larepons.  Lo kote West Coast Development Minis mwan mon krwar poudir sa proze pe tro tarde!  Pa ozordi sa proze!  Depi ansyen MNA Wilby Lucas ti la sa proze ti lo latab.  E la tou lazournen i annan en lekskiz – avan ti wayleave  – la i PUC, mon krwar nou zabitan pe tro soufer.  I annan petet bann bus shelter ki nou zabitan pe ganny problenm.  Mon krwar i devret zis en matter of urgency.  Nou pe demann sa proze so silvouple gete ki zot kapab fer pou nou – fer nou lavi  – nou kominote pli eze.

        Minis solman mon ti ava kontan ou reponn nou sa zafer  later.  Mersi.

 

MR SPEAKER

Mersi Onorab.  Minis.

 

MINISTER PAMELA CHARLETTE

Mersi Chair.  Mon krwar ou pe nonm mwan  sa later Baie Lazare.   Nou’n ganny en let sorti kot Lasosyasyon.  Nou pe fer en pe resers.  Akoz sa lenformasyon ki ou’n donn nou dan sa let nou pa vwar li i parey sa ki nou, nou annan.  So sanmenm sa nou pe fer en pe plis investigation.  Mon pa konnen si kekfwa sa  Plot No. kekfwa ki  zot in konfize – I don’t know, be solman nou ava tyeke nou ava fer zot konnen.

        Parey ou’n ekri nou en let zot in ekri nou en let nou ava fer zot konnen par en let osi.

Donn nou ziska semenn prosen pou nou donn ou en larepons.  Mersi

 

MR SPEAKER

Mersi Minis.  Onorab Terence Mondon.

 

HON TERENCE MONDON

Mersi Mr Chair.  Mr Chair mon premye kestyon i swivan; anvi ki Departman Transpor zot dir koumsa zot priyorite stratezik pou 2019-2021 i enkli revwar Regilasyon pou transpor pou reflekte sa lepok ki nou pe viv; dan revi modern si oule.  Alor mon kestyon se, eski sa revi pou enkli sa Regilasyon lo tinted ki lo windscreen?  An vi ki i annan son lenportans pou safety akoz enn zot bann pwen ki zot met lanfaz lo la se safety lo semen e sa tinted lo windscreen i annan son lenportans safety.  E menm Komisyoner Lapolis i rekonnet sa dan nou Lasanble tou dernyerman, mon anvi konnen si sa pe enkli dan zot revi Regilasyon pou sa lannen?

Dezyenmman mon 2enm kestyon i konsern bann surveys – research ki zot in fer sorti dan zot plan ki bezwen ganny fer.  Alor mon anvi konnen dan Bidze, ki provizyon in ganny fer pou zot kapab fer sa travay dan en fason konpreansif.  Departman Transpor ou konn tre byen napa data pou travay avek.  Desizyon i ganny fer lo gut feeling.  Alor eski zot annan en konponan Bidze ki vreman zot pou kapab anmas – kolekte bann data pou kapab fer en data pou etabli en database pou fer zot bann desizyon pli enformen a lavenir?

E mon 3enm pti kestyon i swiv en kestyon ki’n ganny poze pli boner lo blokaz semen Maravie; Minis in dir nou ki SPTC pe fer serten laranzman pou bann commuters pou fer sir ki zot ariv travay aler, mon anvi demann li si sa i osi enkli laranzman pou bann dimoun pey zis en sel tiket parey ti pe peye olye – ozordi bezwen pas Anse Royale pey 2 tiket pou ariv Baie Lazare par egzanp.  Eski SPTC pou pran konsiderasyon osi pou bann dimoun dan sa peryod  zot osi kapab pey en sel tiket olye pey 2 tiket?  Mersi Mr Chair.

 

MR SPEAKER

Mersi Onorab Mondon.  Minis.

 

MINISTER PAMELA CHARLETTE

Mersi Mr Chair.   Mon a reponn dernyen kestyon senpleman.  Wi SPTC pe fer le neseser pou get en pti gin regarding bis osi whether i pou fer li free a en serten direksyon apre fer zot peye akoz nou konnen zot bezwen pey zis en tiket.  Wi.  Sa osi pe pran an konsiderasyon.   Mersi.

 

MR SPEAKER

Mersi Minis.  PS Andre.

 

PS PATRICK ANDRE

Mersi Mr Chair.  Mersi pou ou kestyon Onorab Mondon.   Wi i annan diskisyon an sa ki konsern dan sa review Regilasyon.  I pa en keksoz ki pou vin en sel kou akoz nou Regilasyon i ase gro li menm li.  So nou bezwen review li bout par bout.  E nou deza annan diskisyon ki nou pe fer avek Lapolis an sa ki konsern sa issue ‘’tint. ‘’ I pa konplet me i zis sa bout – nou pe koz sa pti bout anler lo sa top windscreen ki annan.

Nou pe diskite sa apre pou nou kapab tonm dakor kwa ki akseptab – kwa ki pa akseptab e pare nou ava rod laprouvasyon Lotorite ki Cabinet of Ministers pou nou kapab amann sa Regilasyon ki neseser dan sa sityasyon parey.

An sa ki konsern data dan Bidze ki nou’n gannyen mon napa sifizanman larzan pou fer survey konplet lo Mahe an antye sa nou pe konsantre  – parey mon’n dir pli boner  – nou pe konsantre lo sa seksyon avek finansman ki nou annan lo Au Cap eskan kot Airport.

Baze lo le mwayen ki nou annan, me si nou kapab ganny  en pe plis ti ava pli meyer pou nou kapab fer en travay pli gran dan sa laliny parey.  Mersi Mr Chair.

 

MR SPEAKER

Mersi PS.  Onorab Sophola.

 

HON NOLINE SOPHOLA

Mersi Mr Chair. PS premyerman mon pou tous proze semen lo La Digue e in deza ganny dir mon repete ki travay i tro dousman.  E menm 1an i pase pa ankor fini.  Nou kontinyen travay menm me zanmen i fini; ki mannyer dan sa Bidze eski ou Minister pou adres sa sityasyon?

Minis i vre ki tou travay i bezwen tender me mon krwar ki ou Minister i bezwen get en pe en fason de pre lafason osi ki sa bann tender pe ganny fer.

Mon 2enm kestyon i transpor;  Nou annan Land Transport Policy anliny avek sa vizyon La Digue.  Eski larzan dan Bidze ki’n ganny mete pou permet travay komanse an 2019?  Si wi PS eski ou kapab donn nou 2 priyorite pou lannen 2019?  Mersi.

 

MR SPEAKER

Mersi Onorab.  PS.

 

PS PATRICK ANDRE

Mersi Mr Chair.  Mon krwar pou premye kestyon ki Onorab in fer referans avek i konsern Lazans Transpor lo Later, so petet ti ava pli apropriye nou ava adres li letan Lazans Transpor i vin dan Lasanble pou poz sa kestyon.

An se ki konsern 2enm kestyon Polisi Transpor lo Later parey mon’n dir nou annan Departman Land Transport apre nou annan Land Transport Commission.  Departman Land Transport i fer Polisi e Road Transport Commission i fer sa lenplimantasyon e i annan provizyon dan Bidze pou Road Transport Commission pou li;

1) keksoz ki pli enportan se enforcement lo bann issues lo La Digue li menm li.  So i annan provizyon ki’n ganny fer dan Bidze pou nou kapab pran bann Highway Patrol Officers fer zot mont lo La Digue e pli souvan pou kapab conduct bann spot checks ki annan lo La Digue li menm li

        Lot laspe ki annan se pou noua sir sekirite lo La Digue koman 2enm priyorite pou bann dimoun ki pe servi larout piblik.  I annan issues ki annan pou fer avek bann signage ki neseser pou met an plas lo La Digue e osi pou pran bann serten mezir koman enstal bann crash barriers e osi bann lezot fasilite pou minimiz okenn risk lo semen La Digue.  Mersi Mr Chair.

 

MR SPEAKER

Mersi PS.  Onorab Sophola.

 

HON NOLINE SOPHOLA

Mersi Mr Chair.  PS petet mon ava azoute enn priyorite regarde ansanm dan ou Minister me nou Digwa nou konn nou  vwar li koman  en priyorite, si zot kapab zwenn sa bann propriyete transpor pou re-eksplik zot anba ki kondisyon ki zot ti ganny zot license e ki penalti si zot pa pe respekte.  Akoz ozordi La Digue tou transport i taksi.  Napa en limit  – tou i taksi.  Mon pa konnen lekel ki’n donn zot, me  mon ti a kontan petet la en priyorite kot nou bezwen pe tackle.  Mersi.

 

MR SPEAKER

Mersi Onorab.  PS.

 

PS PATRICK ANDRE

Mersi Mr Chair.  Mersi Onorab.  Onorab ou konnen nou’n pran note lo la e nou ava fer le neseser pou nou kapab zwenn.  Mon sizere ki an vi parey mon’n fer resorti pli boner, Road Transport Commissioner kit i la in resign e nou’n fer laplikasyon.  Nou’n advertise pou en nouvo pos Road Transport Commissioner e mon swete ki osito ki sa  Road Transport Commissioner – nouvo en miting a ganny fer avek bann propriyeter pou zisteman adres sa problenm ki nou pe fer fas avek.  Mersi Mr Chair.

 

MR SPEAKER

Mersi PS.  Onorab John Hoareau.

 

HON JOHN HOAREAU

Mersi Mr Chairman.  Mr Chairman mon kestyon I baze en pti pe lo zot Polisi ki zot in met anba zot ‘’current challenges’’ la pu lenfrastriktir mon pe demande si zot annan okenn konsern pou laspe trafik ki fer ki i vin en bottleneck zis vizavi MS Complex  an desandan St Louis dan bomaten – si zot annan en Polisi pou zot adres sa problenm?

E osi si zot annan en Polisi pou zot adres problenm parking dan Victoria?  Mersi.

 

MR SPEAKER

Mersi Onorab Hoareau.  PS Andre.

 

PS PATRICK ANDRE

Mersi Mr Chair.  Mersi Onorab pou ou kestyon.   Wi dan nou bann letid ki nou fer i form par nou travay letid pou nou evalye bann sityasyon trafik kot i annan.  E kot MS Complex ou pe dir an desandan son ou pe revwar sa sityasyon pou vwar kwa ki kapab ganny fer pou improve sityasyon.  An mezir ki bann soft measures an premye plas apre pran bann hard measures ki li I pou kout bokou plis pou nou kapab enplimante.

Sa i form par nou travay letid ki nou fer dan premye lye.

Dezyenmman  an sa ki konsern sa sityasyon parking  – wi nou annan plan pou nou ki nou pe travay lo la pou konstri 3 multi-storey car park greater outskirt Victoria – ok, pou kapab accommodate bann transpor ki pe antre Victoria e ki pa neseserman bezwen al dan sant li menm li.  Ok?  I annan 3 landrwa ki’n ganny idantifye pou sa.  I annan en porsyon later obor kot Inter Island Quay; I annan en porsyon later kot ICCS i ete ki pran osi dan  sa zalantour car park ICCS,  apre i annan en lot bout later dan lari Revolisyon ki nou ankor pe negosyasyon.  Akoz i en later prive ki nou ankor pe fer negosyasyon avek propriyeter. Si nou kapab resisit realiz sa, so nou pou annan nou 3 multi- storey car park kot bann trafik ki sorti dan Nor, St Louis, Beau Vallon si zot pe end up dan lavil sant zot a kapab park dan sa carpark apre I ava annan en shuttle service ki konekte ant sa 3 carpark pou anmenn dimoun dan Victoria kot zot pe al swa fer shopping – swa zot pe al travay.

E apre retourn avek zot anytime.  So sa plan se pou etabli sa bann multi-storey car park avek en shuttle service otour li ki i ava minimiz sa ki nou apel unmounted trafik dan sant Victoria e i ava liber en pti pe plis sant Victoria avek sirkilasyon trafik.  Mersi Mr Chair.

 

MR SPEAKER

Mersi PS.  Onorab Aglae.

 

HON EGBERT AGLAE

Mersi Mr Chair.  Bonn apre midi PS.  PS mon pou demann ou en kestyon ki konsern lenplimantasyon sa Road Transport Master Plan ki’n deza komanse 2015 ki sipoze ale ziska 2014, mon ti ava kontan konnen si ladan zot pe pran kont – i annan serten konsern ki’n deza lev-e la me osi kot i konsern bann dangerous corners mon vwar parey La Misere zot in deza fer serten proze kot ler 2 transpor i zwenn zot pe fer bann amelyorasyon; eski zot pe konsider bann lezot areas parey La Misere, i ankor annan – Sans Soucis i ankor annan, an vi ki sa bann letan sa bann semen ti ganny fer manually e ozordi teknolozi in avanse tou keksoz i pli fasil, eski zot pe pran kont tousala pou redwir bann risk?

Dezyenmman kot i konsern bann traffic lights, nou Seselwa nou konn nou semen me selman i annan bokou etranze ki dir ou par-ler ki drive pe ganny difikilte akoz napa proper warning sign e bann demarcation of road kip a kler pou zot, menm si zot pe swiv en map ek zot.  Eski dan sa progranm – dan sa plan la zot pe pran an kont tou sa bann keksoz?  Mersi.

 

MR SPEAKER

Mersi Onorab.  PS.

 

PS PATRICK ANDRE

Mersi Mr Chair.  Mersi Onorab.  Onorab wi nou annan en seri alokasyon lo Mahe antye, menm lo Praslin e lo La Digue kot nou’n idantifye bann landrwa ki demann improvement. Ok?  Me parey poudir en bon pe sa bann semen in ganny fer en bon pe letan pase me nou, nou pou fer – dan nou bann plan ki nou – i annan se pou nou improve bann landrwa ki ankonbre –kontoure ki tro etrwat ki ozordi zour bann groser ki pe servi i annan 2 transpor pa kapab krwaz ek kanmarad.  So i dan nou plan. I annan plizyer sa bann proze i’n ganny konsevwar ansanm avek Lazans Transpor lo Later e i pou ganny enplimante par faz as we go along baze lo Bidze ki nou gannyen.

An sa ki konsern traffic lights wi in the end nou plan primordyal pou asire ki tou nou bann semen I byen ganny bann markaz neseser e bann siny apropriye I ganny enstale.

Par kont Road Transport Commission in fer le neseser pou enport bann nouvo siny pou ranplas bann ki ganny andomaze oubyen in tonbe in perdi oubyen pou osi enstal bann nouvo; akoz i annan bann devlopman ki pe arive as we go along; parey si i annan nouvo lekol – si i annan housing estate pou nou kapab kalme trafik e enform bann drayver davans bann danze – bann sityasyon pou kapab zwenn along letan zot pe drive lo semen.  Mersi Mr Chair.

 

MR SPEAKER

Mersi PS.  Onorab Aglae.

 

HON EGBERT AGLAE

Zis en pti follow-up.  CEO an vin nou konnen nou pe al dan bann moman festivite la, mwan prosen e i annan bokou aksidan ki’n arive, sirtou kot i konsern bann zenn, konmela nou pa pe  tro vwar bann advert – bann keksoz edikasyonnel ki pe ganny mete pou sansibiliz sirtou bann zenn drayver pou zot pran plis prekosyon, eski zot pou  en pti pe  entansifye  sa progranm edikasyonnel ki zot ti deza pe fer oparavan pou fer sir ki motorists i aware ler zot anba en volan i annan en responsabilite.  Mersi.

 

MR SPEAKER

Mersi Onorab.  PS Andre.

 

PS PATRICK ANDRE

Mersi Mr Chair.  Mr Chair, semenn pase nou fek pas dan en Road Safety Week.  Ti annan serten piblisite ki’n ganny fer e ou pou vwar tou le zour lo televizyon i annan bann advert ki pe pase e sa pou kontinyen eskan lafen Desanm eskan milye Zanvye lo en baz en pe pli souvan ki I ti ete lannen pase.  Me selman nou, nou kontinyen sansibiliz dimoun tou dilon lannen.  Me selman petet pal o menm lentansite parey ki nou pe fer la.  E osi avek Lapolis tre byento i pou annan travay ‘’Arrive Alive’’ campaign ki pou siport sa ki deza pe ganny fer la pou ranfors sityasyon mannyer i été.

Pour mwan ti en pti pe dezapwentan  dan Road Safety Week nou pa’n ganny en pe coverage avek medya ki mannyer nou ti ava kontan me lefe i reste nou ti annan en progranm ek bann zanfan – bann etidyan pos-segonder ki pa’n arive materyalize akoz bann zanfan ki dan legzanmen e nou pa’n kaba ganny zot  pou vin lo medya pou kapab  – as part of sa sansibilizasyon ki nou ti anvi fer pou nou realiz sa.

Me selman sa progranm nou pu fer li menm  a en lot moman letan akoz nou santi ki sa group se sanmenm sa group ki en pti pe pli vilnerab ; lamazorite zot fek ganny license e zot en novice pou lo semen se  la prezan zot pou build up zot leksperyans pou zot kapab  vin bann pli bon drayver dan le fitir.  So nou plan se pou nou kapab target sa group e fer la diferans avek zot.  Pa target bann ki’n deza annan plis leksperyans – koman en priyorite.  Mersi Mr Chair.

 

MR SPEAKER

Mersi .  Onorab Henrie.

 

HON GERVAIS HENRIE

Mersi Mr Chair. Premyerman mon ti ava kontan si PS Andre i kapab donn nou en lasirans an relasyon ek kestyon  ki Manm Elekte pou La Digue in lev-e   konsernan sityasyon taksi lo La Digue.  Si letan zot in investigate  e rapor i ganny fer  avek – Lasanble i ganny en kopi pou nou konnen dan ki sirkonstans  sa in vini ; parske a mon’n avi la, i tre probab ki bokou sa bann dimoun in ganny dir en promes eleksyon ale al fer taksi prezan sa sityasyon i an deor kontrol.  So i enportan pou nou konnen si i annan okenn verite ladan.

        Dezyenmman  en kestyon i apepre 400 drayver taksi in dir mwan demann  Minister Departman Land Transport ki resours zot Departman I annan pou deal avek sa difikilte ki drayver taksi pe dir I annan avek lotel, car hire e osi serten  lakonpannyen tour operator zot in dir ‘’ e vol zot travay.’’

E sa sityasyon in ganny mete avek Departman Transpor SLTA be vreman zot pa vwar sa sityasyon pe ganny rezourd.  Mersi bokou.

 

MR SPEAKER

Mersi Onorab.  PS Andre.

 

PS PATRICK ANDRE

Mersi Mr Chair.  Mr Chair lo zafer taksi lo La Digue, well zot pou lenformasyon nou annan nou zis 5 taksi lo La Digue e taksi proper e i annan 3 nouvo ki pe antre tre byento ki pou fer apepre 8 taksi proper lo La Digue.  Me lezot transpor lo La Digue  i kapab donn en servis piblik.

Sa petet sa pe ganny fer resorti se sa bann golf car ki  pe operate koman taksi, ki sa i pa form par kondisyon pou zot ganny en golf car.  Ok me selman ou demande nou ava fer nou investigation e nou ava fer sir ki Lasanble i ava ganny en kopi nou rapor letan i fini konplete.  Ok?

As sa ki konsern operater taksi, an zeneral ok, i annan 2 laspe I annan Polisi ki ganny fer apre i annan Regilasyon apre i annan enforcement. Enforcement – enn bann enforcement i ganny fer par Road Transport Commission. E li i pe beef up son Unit pou li kapab annan plis dimoun pou kapab deal avek bann sityasyon.

Nou fer bann investigation ki annan. Pa dan tou ka ki ou pou ganny sityasyon ki ou pou vwar ki pe pase. Ok?  Par egzanp nou’n vwar sityasyon kot lotel Baie Lazare e nou’n kapab annan en konpromi e en Lagreman avek lotel pou operater ki ti pe operate laba e la keksoz pe mars ase byen.

I pa totalman 100 poursan me  selman i pe mars ase byen.  Ou pou vwar poudir nou angaze avek tou bann sekter pou kapab rezourd bann problenm – bann issues ki annan.  Ok?

Parler bann problenm ki  nou gannyen se ki levidans pu kapab deal avek keksoz.  Ler dimoun pe fer en keksoz ki ilegal ou bezwen ganny sa levidans pou ou kapab byen deal avek.  Si ou bezwen met en case Ankour ou bezwen levidans pou ou kapab anmenn en case Ankour.  Ok?  Wi i annan bann issues ki nou’n fer nou miting e nou pe kontinyen fer avek tou bann partner konsernen depi taksi zot menm e osi zot osi zot komet pa mal lofans zot osi.  Ok?  I annan car hire ki pe operate an deor zot sistenm; I annan bann omnibus operators osi tou Tousala nou annan miting – nou angaze avek zot pou sey vwar ki fason pli apropriye ki nou pa mont lo lipye kanmarad; sakenn ki fer zot aktivite baze lo zot license ki zot in gannyen e kondisyon zot license e osi anliny avek Regilasyon ki egziste.  Mersi Mr Chair.

 

MR SPEAKER

Mersi PS.  Onorab Henrie – vit.

 

HON GERVAIS HENRIE

Vitman Mr Chair.  So si PS pe dir nou i annan sityasyon zot pe deal avek la, how alarming is the situation?  Eski – apepre konbyen ka ki zot annan vizavi bann konplent drayver taksi sirtou lo Airport?   Eski I annan en kantite konplent zot gannyen?   Mersi

 

MR SPEAKER

Mersi Onorab.  PS.

 

PS PATRICK ANDRE

Mr Chair wi I annan detrwa konplent ki’n antre. Me nou pe deal ek sa bann konplent.  I pa sa kantite alarman parey ki  petet i pe fer resorti me selman i annan en pe konplent ki nou’n gannyen ki nou pe investigate; parey sa ki arive lo Airport.  Nou osi demann SCAA pou asiste pou donn nou en koudmen  ki mannyer nou pou kapab adres sityasyon lo Airport.

I annan kot lotel e osi kot bann lezot landrwa parey Cat Cocos ensidswit ki bann issues nou pe deal gannyen. Me nou pe investigate  tousala.  Zis parey la dernyerman nou’n fer en investigation dan Nor e nou’n vwar poudir sa ki ti pe ganny dir i pa korek baze lo bann letan ki nou’n al fer nou investigation.  Ok?  Me lefe i reste nou pe kontinyen monitor. Kekfwa letan ou vwar en zofisye la ou aret ou aktivite me apre pli tar letan ou krwar nou’n ale ou rekomanse.

Me selman nou pe kontinyen fer nou investigation.  Par  ou kot nou pe ganny  konplent ki annan bann sityasyon e nou pe fer … Nou’n fer miting dan lepase avek tou bann lotel e nou pe kontinyen fer la avek bann ki problenm i anmenn dan nou laporte.  Mersi.

 

MR SPEAKER

Mersi PS.  Onorab Jude Valmont,

 

HON JUDE VALMONT

Mersi Mr Chair.   Mon annan zis en kestyon.  Lo paz 406 bullet point No.13’’major achievement’’ 2017-2018.  Mon vwar zot in met ‘’started implementation of Airport Pointe Larue Road Improvement Project,’’ mon ti a zis voudre konnen what next ki pou arive? Kan ki zot pe ekspekte louvraz I komanse kan i pou fini?  E zis pou fer en pti komanter sa roundabout i pa Pointe Larue i Cascade ler ou get boundary. Solman zis mwan mon ‘n fer en pti remark ler bann Onorab i point out bann issues trafik – mwan mon krwar – mwan sa personnelman e lezot drayver ki mon koz avek nou pa krwar ki sa roundabout pe ed trafik pou le moman.  Akoz enn se ki akoz son ron limenm i tro larz, prezan ler  ou antre, loto i antre lo kanmarad.  Alor pou le moman i pa pe sort out trafik.

        Alor mon pe demande vi ki lenplimantasyon zot in komanse, mwan mon anvi konnen kan ki pou fini e si zot annan larzan dan Bidze pou fini sa lannen?  Mersi.

 

MR SPEAKER

Mersi Onorab.  PS Andre.

 

PS PATRICK ANDRE

Mersi Mr Chair.  E mersi Onorab pou ou kestyon.  Proze improvement depi kot Airport Pointe Larue parey ou’n dir in komanse me son lot faz nou sipoze fer depi kot roundabout ziskan kot UCPS i faz 1.  I annan detrwa faz. Sa nou kapab proceed avek la ziska ler anndan dan Airport i fini fer son improvement akoz i annan serten travay anndan e nou bezwen kas miray Airport pou noua pros pli anndan.  So i annan en pon ki zot sipoze fer anndan dan Airport e apre rearanz travay.

E petet pou lenformasyon Airport la in komans sa bann travay ki i annan pou li fer la  ziskan weekend serten sa bann travay ki pou ede aprezan  pou nou fasilit nou travay lo grannrout li menm li.

An sa ki konsern sa roundabout li, in la pou 2 rezon – pou kapab kalme trafik dan sa landrwa e osi pou ede retir sa bann risk ki annan kot sa entry avek exit Airport ki annan.

So dan lefitir entry exit ki annan i  pa pou laba –  i pou atraver sa roundabout li menm li pou tir sa bann risk ki annan.  I pou tir bann risk kot i  annan en bon pe aksidan ki’n arive dan sa landrwa.

E Airport atraver SCAA zot osi zot pe kontribye atraver finansman sa proze Road Improvement dan sa seksyon semen ki nou pe koz lo la la.  Mersi Mr Chair.

 

MR SPEAKER

Mersi PS.  Onorab Valmont.

 

HON JUDE VALMONT

Mersi Mr Chair.  PS mwan mon ti a demann sipor pou li akseler sa akoz pou le moman roundabout i aktyelman pe fer 2 keksoz.  I pe kree trafik – i pe koz aksidan.  Mersi.

 

MR SPEAKER

Mersi Onorab.  PS.

 

PS PATRICK ANDRE

Mon take note sa Mr Chair.  Nou ava get sityasyon e re-evalye li.  Mersi.

 

MR SPEAKER

Mersi PS.  Onorab Letourdie.

 

HON JANY DE LETOURDIE

Mersi Mr Chair.  Minis enn bann difikilte ki’n ganny liste an premye se, pou rekrite e menm pou gard bann staff kalifye e menm spesyalize akoz zot pe dir poudir sa i   annan en rapor direk – par rapor avek bann servis ki zot ti ava kapab donnen pli byen, eski Bidze zot in fer provizyon pou omwen adres sa sityasyon, pou soulaze omwen ki zot a kapab donn en pli bon servis.  Mersi.

 

MR SPEAKER

Mersi Onorab.  PS.

 

PS PATRICK ANDRE

Mersi Mr Chair.  Mersi Onorab pou ou kesyon.  Parey ou vwar dan nou Bidze pou nou, i annan en logmantasyon apepre R500mil dan nou logmantasyon.  E lamazorite sa larzan i pe al dan nouvo Scheme of Service ki’n ganny entrodwir e osi i annan bann increase dan saler ki i annan. Me solman nou an diskisyon avek DPA dan lezot sekter kot nou annan difikilte pou fer recruitment dimoun parey enn nou pli gran defi pou nou rekrit en research officer e sa saler ki nou ofer bann dimoun i pa atir zot pou zot vin travay avek nou.  So nou pe sey diskit ek DPA pou revwar sa Scheme of Service si zot kapab revwar li pou kapab fini avek en nouvo Scheme ki pou kapab atir dimoun pou vin travay avek nou, pou donn nou sa koudmen ki nou bezwen pou kapab fer nou louvraz en pe plis efikasman.  Mersi.

 

MR SPEAKER

Mersi PS.  Onorab Sebastien Pillay.

 

HON SEBASTIEN PILLAY

Mersi Mr Chair.  Bonn apre midi tou dimoun.  Mr Chair mon ti a kontan demann PS an vi mon pa vwar ogmantasyon dan Bidze in terms of emoluments  allowances how do you – ki mannyer ou pou sey address  prezan sa bann challenges ki ou’n mete?  Par egzanp the challenge kot ou’n mete ki i annan delays in approval and implementation of Land Transport Policies kot ou’n koz lo  problenm avek lenportasyon bann veikil ek spare parts ki pa an akor avek bann guidelines pei; bann loopholes ki egziste dan bann Land Transport Policies kot ou’n donn legzanp omnibus and car hire, taksi.  So how do you hope to address this si napa sa gran logmantasyon pou ou kapab recruit dimoun pou tackle sa size?  Mersi Mr Chair.

 

MR SPEAKER

Mersi Onorab Pillay. PS.

 

PS PATRICK ANDRE

Mersi Mr Chair.  Onorab mersi pou ou kestyon. Wi nou pe fer fas ek bokou challenges pou nou kapab desarz – e nou annan sa bann defayans ki’n ganny demontre la i set back.  E sa Bidze ki nou’n gannyen la pa pou ed nou dan totalite pou nou kapab realiz sa.  So ki  mannyer ki avek Bidze ki nou pe gannyen nou fer o maksimonm avek me nou’n bezwen rod sipor avek Lazans Transpor lo Later e osi avek Road Transport Commission pou nou kapab synergize ansanm e ede kot i annan nesesite pou nou kapab ede pou fer travay marse.    Mersi Mr Chair.

 

MR SPEAKER

Mersi PS.  Onorab Pillay.

 

HON SEBASTIEN PILLAY

Mersi Mr Chair.  Me mwan mon pa tro konfortab avek sa larepons. Akoz there you are  zot en Departman e zot sipoze annan  sa bann staff ki sipoze deliver pou  sa travay me zot p ape rekrit sa bann dimoun ; e therefore  prezan dimoun an deor pou fristre avek zot inabilite pou zot  delivre lo  sa bann challenges.  I donn en move limaz lo Gouvernman so mon demann mon lekor kwa ki zot in fer alors pou zot sey recruit oubyen rod sa larzan ek Minister Finans, pou anmenm sa bann dimoun ki zot bezwen; par egzanp sa bann expert ki zot in dir akoz  better  remuneration packages dan private sector ki zot pa pe gannyen. Si zot pa pe kapab ganny sa bann dimoun zot pa pe kapab delivre zot manda so i les mwan konsernen akoz lefe why ki then you should be getting this budget in the first place?

So eski ou kapab eksplik nou kwa ki zot antisip pou fer?  Eski i annan bann travay adisyonnel ki zot pe demann Minister Finans resours adisyonnel pou travay avek?  Eski Minister Finans pe earmark lezot resours – lezot sipor?  Sey eksplik nou akoz i annan en konsern an deor ozordi from dimoun ki servi semen – ki servi transport.  I enn.  Zot pe pey CC pou zot transpor zot pa pe ganny sa servis ki alaoter pou sa ki zot pep eye – Road Tax.

2enm i annan konsern lo lafason ki semen i ganny servi dan serten landrwa so how do you go to address sa bann Polisi ki devret vin dan en Lalwa ki apre i ava ganny enplimante par bann Lazans konsernen?  Mersi Mr Chair.

 

MR SPEAKER

Mersi Onorab.  PS.

 

PS PATRICK ANDRE

Mersi Mr Chair.  Mersi Onorab.   Onorab nou letan nou ti pe travay lo nou Bidze nou ti met tou nou bann request avek Finans pou nou kapab ganny plis larzan ki  pou nou kapab egzakteman deliver  lo oter ki piblik  i ekspekte de nou.  Me letan ki nou annan en freeze lo bann pos – lo nouvo recruit nou’n ganny dir avek Finans ki zot ava revwar dan Midyear Review ki mannyer zot pou kaba asiste dan sa domenn parey.

Me selman lefe i reste nou annan challenges pou nou kapab delivre totalman avek lekspektasyon piblik an zeneral.  Mersi.

 

MR SPEAKER

Mersi PS.  Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman letan mon’n asize mon’n ekout tou sa bann issues, kip e lev-e mon bezwen dir ki sa game ant Land Transport ek Road Transport Commission I resanble mwan ki – parey mon’n servi sa mo ‘’game’’.  Be konmsi ou a krwar  i annan en keksoz ki pa mars byen pou nou piblik.  Kekfwa pou zot i mars byen.  E mwan premye kestyon ki mon demande e mon’n deza demann sa avan se konmsi pou nou annan en Departman of Land Transport ki son vokasyon i dir ‘’ for ensuring a safe and reliable road transport system through the development an d monitoring of policies.’’

E apre sa letan mon al lo Road Transport Commission its mandate is to enforce and control all aspects of Road transport regulation. 

        Konmsi I menm zafer lo enn.  Prezan enn nou pe donn en Bidze 7milyon – lot pe donn en Bidze 10milyon ki fer en total 17milyon e malgre sa mon bezwen dir ki – e si nou pe tann tou sa bann keksoz la ki lepep Seselwa pa satisfe; mwan mon pe rode si napa en fason premyerman pou reorganiz petet zot lekorreorganize zot lekor dan en body ki efektiv.  Parski i resanble ki parfwa i annan duplication e parfwa tou keksoz i zis pran tro bokou letan!

Isi dan sa Lasanble e nou’n deza demann kestyon par egzanp la Digue– lo en Polisi pou Transpor lo La Digue mon krwar ki menm la i pa ankor tro kler!  Menm la i pa ankor tro kler!  In deza fer laplikasyon avan –  depi pandan letan  Minis Bastienne par egzanp pou serten kalite veikil ki pou ede zot dir avek ou napa Polisi! Nou pe al fer Polisi! Par egzanp dan sa size  Manitou pou ede dan konstriksyon La Digue.  Ok?

E ziska prezan napa en Polisi kler!  Ok? So eski nou kapab parski nou pe koz larzan – parski nou pe koz lefikasite pou nou premyerman ganny en keksoz kler lo kekfwa Minis i kapab dir ki zot anvi fer pou nou koup sa birokrasi ki pe fer bokou dimoun fristre?   Sa i enn.

Dezyenmman Mr Speaker, bann omnibus operators i resanble ki ankor enn fwa ant zot ek Gouvernman i annan en  – konmsi  i annan en malantandi ki pe arive ki zot ganny serten miting – serten keksoz i deroule ki konmsi in ler pou rezourd sa problenm enn fwa pou tou pran sa bann operater bann pti bis o serye.  Eski i annan okenn fason ki dan sa Bidze nou kaba trouv en lafen avek sa?

        Par egzanp letan mon mazinen SPTC se zot ki the mother ministry  – ok? Letan nou pe tande ki poudir SPTC pe arête fer bann kours kot lotel, me selman nou antann Management SPTC ki dir me nou pou rod en fason pou nou ed nou bann drayver – nou kapab ed zot avek bis ensidswit pou zot pran sa.  Nou krwar poudir sa i en keksoz ki – en omnibus operators i annan tou rezon pu zot konplent. Parski zot anvi kapab zot osi tou compete lo en open market e la lo en Polisi parey nou krwar ki poudir i pa normal.  Parske an menm tan osi ou  tann SPTC osi pe dir zot mank drayver.  Me si zot mank drayver anploy zot bann drayver e les fer ominibus fer zot travay.

Mon krwar ki si mon pe koz lo ominbus dan sa fason se parski mon krwar ki poudir i annan keksoz ki pa kler e mon senserman espere, ki poudir sa keksoz i kapab ganny rezourd.

Letan nou pe koz lo osi mon mazinen sot Polisi menm si i al en pti git dan SLTA, sa bout semen Bois De Rose  mon krwar i annan plis ki 1an depi ki pe sey fer.  Ok mon konnen ki poudir i annan sa zafer kontrakter ki zot in bezwen sanze ensidswit me Mr Chairman mon pa konnen ki bout ki rantre dan Bidze  or si letan  nou pou al dan SLTA me selman nou tou nou konnen nou ki’n vwayaze  nou’n vwar ki poudir dan pei dan serten pei kot i annan serten travay irzan ki bezwen fer sa bann dimoun pa travay 8-4er me ki i en travay ki deroule  lannwit antye!  Me tandis ki isi pres 1an nou ankor pe espere pour k sa bout semen ganny en solisyon!

Konmsi napa en fason ou nou regard keksoz avek en urgency pour ki sitwayen i kab ganny en servis ase vit? Mr Chairman zot in dir ki pou annan bann parking – bann parking – multi-storey parking – fantastik!  Mwan mon krwar ki poudir Sesel nou napa gran lespas alors nou bezwen fer tou sa – me an tenm gaspiyaz lespas – mon pa konnen kote zot antre ladan pou zot donn advice or what – yer swar mon’n tann en serten Mr Frost lo Airport pe akonte ki mannyer zot pe al fer zot parking anndan dan Airport.  Sa travay ki zot pe al fer pa pou met en loto an plis dan sa parking, me zis la i pa en legzanp kot en multi-storey parking ti a kapab ede ki zot ti ava pran 3fwa lakantite transpor ki zot pe mazinen?

Ivre ki Airport i annan son oter me zis letan ou balans oter Airport sa ti ava en nide.  E Gouvernman nou pe koz Public Private Partnership eski sa pa en keksoz ki zot ti a kapab antre an kolaborasyon avek Gouvernman oubyen pou en lease – en lease  pou ki sa boug i vin i konstri son multi-storey parking; i ava annan son  – wi partou kote – ou al Maurice ou antre dan carpark ou peye. Alor konmsi Mr Chairman, mon pe  soz lo en Bidze me selman nou osi nou anvi vwar linisyativ.

Onorab Valmont in koz lo sa roundabout e mwan mon Valmont I annan toutafe rezon!  Nou ganny en roundabout  olye fasitit trafik i fer trafik vin pli konplike e sa roundabout  mon pa konnen ki mannyer zot pou al vir laba devan parski tou dimoun i konfize! An menm tan letan ti pe fer sa roundabout  tanzantan mon ti pas la mon ti pe sey demann mon lekor me kote pou antre – la, la, la?

        Parske finalman Airport la ozordi i annan 3 larantre! Airport i annan 3 larantre ek en sorti! Mon mazinen i annan problenm?  Alor i pa rezourd laba parey letan ou pe sorti kot Airport ou pran pli  letan menm e i as risky parey in été ki sa roundabout pa’n ed ditou! Konmsi mon anvi konnen dan sa Bidze ki zot pe al gannyen la  – ok pa pou lemoman napa Road Transport Commissioner e mon mazinen Minis – koman PS  zot osi zot annan en rol pou zwe.  Eski once and for all nou pa kapab vwar linisyativ vwar progre pou ki tou Seselwa I ava happy e olye ki nou bril en  kar tenk – olye ki nou bril en kar tenk zis pe espere dan trafik nou ava kapab fer en lekonomi ?  Mersi bokou Mr Chairman.

 

MR SPEAKER

Mersi Onorab. PS.

 

PS PATRICK ANDRE

Mersi Mr Chair.  Mersi Onorab pou ou bann kestyon – pou bann konsern ki ou’n met devan.  Premyerman i enportan pou note ki Road Transport Commission son manda i vin anba RTARoad Transport Act li menm li. I donn li son provizyon ki sa ki i kapab fer ki son manda – ki i kapab fer. Tandis ki Departman Transpor li i responsab li Polisi e  travay lo bann Regilasyon sa bann Polisi convert li an Regilasyon e osi koman konsevwar bann major projects e apre I pas avek Lazans Transpor lo Later ki li i sa implementing body ki ganny fer.  Ok sa i zis en apersi ki mannyer i été.  Si petet zot santi poudir i annan duplication zot koman Lasanble zot kapab met en sizesyon devan pou revwar sityasyon ki mannyer loperasyon Departman Transpor e Road Transpor Commission i kapab fonksyonnen.

An se ki konsern bann issues La Digue kot ou’n fer resorti poudir Polisi i pa klerPolisi pou nou koman teknisyen nou vwar li i byen kler. In ganny diskite avek bann propriyeter veikil pa 1fwa – plizyer fwa lo La Digue.  E i annan en provizyon ki ladan i koz lo for plant savedir Manitou ti ganny konsidere koman bann plants ok so i tonm anba la.

E li son provision i ganny kouver anba sa Seksyon Polisi pou La Digue.  Ok?

An sa ki konsern bann omnibus operators malgre ou’n fer resorti poudir zot fristre, nou‘n annan plizyer rankont avek Lasosyasyon Omnibus Operators.  Zot ti sipoze vin kot nou avek zot plan egzakt ki mannyer zot ti a kontan vwar keksoz e ziska ozordi mon dir ziskan ozordi nou ankor pe espere avek zot – zot plan ki zot, zot ti a kontan – ki mannyer. Nou’n annan plizyer diskisyon e zot ti sipoze soumet zot plan avek nou e nou pa ankor resevwar ziska ozordi.

Malgre an plizyer repriz nou’n demann zot akoz nou bezwen finalis sa travay, me nou ankor pe espere pou nou kapab finaliz tou travay ki annan.

An sa ki konsern SPTC avek service contract i ti enn bann rekomandasyon ki bann omnibus operators ti demande pou SPTC sorti dan Kontra ok?  E SPTC in fer li – i pa’n fer li en sel kou – in fer li over the years ki eskan la SPTC I pe tenir zis  major contracts avek zis 2 ptipti Kontra – ok?  E la Gouvernman in dir SPTC i pou bezwen sorti by Avril – by Mars lannen prosenn e  les lespas pou bann lezot sekter.

E ki’n arive anndan  kot SPTC I annan bann travayer ki travay dan Kontra, ki zot a anvi al travay dan SPTC Service sa lot servis piblik ki ganny donnen e zot, zot ti a kontan kontinyen avek Kontra. E in donn zot loportinite pou ouver zot prop lakonpannyen zot menm zot. Ok so etandonnen ki zot pe ouver  zot prop lakonpannyen SPTC pou ed zot pou zot kapab manage ok? Rod dimoun proper ki pou kapab manage zot.  Ou konnen drayver ki dray parler zot pa managers zot menm zot.  So SPTC pou ed zot fasilit zot.  E SPTC in dir poudir I pou kapab annan bann bis ki I pa pou bezwen, akor ler ou annan Kontra ou pa pe servi bann gro bis.  Ou pe servi plis bann pti bis pou kapab deservi sa bann Kontra e si i annan sa bann pti bis ki available i pou ganny met a dispozisyon sa bann operater e anyone for that matter ki anvi itiliz sa bann bis

        So i pa ki SPTC pe fasilit sa bann dimoun pou zot ganny Kontra, oubyen kwa ki se swa me pou fasilit zot pou met zot lo zot lipye, pou zot kapab antre dan sa travay ki annan deor.  Ok?

Lot an sa ki konsern bann proze – ou’n koz timeframe mon ti ava plito les SLTA pou deal avek akoz li ki deal avek bann proze.  Me selman mon krwar sa ki ou’n fer resorti en pwen, poudir i annan bann  proze ki  i annan  tro bokou letan pou kapab adrese; ou’n mansyonn tipikman proze Bois De Rose.  Parey ou’n fer mansyon ti  annan en kontrakter lo la ki pa ti pe delivre, nou’n bezwen détermin Kontra apre re vwar Kontra avek en lot dimoun – en lot kontrakter me petet CEO SLTA letan i vini i a  kapab donn en pti pe plis lesplikasyon, akoz ki i kontinyen annan retar ensidswit.

Me solman ou’n fer resorti en pwen lo enportan.  Ler ou annan bann proze parey dan bann landrwa sansib, petet i pli apropriye pou nou met lanfaz dan nou Kontra ki ou travay apre ler, bokou plis ki ou travay letan trafik pe sirkile e petet travay i a kapab bouz bokou pli vit – ki mon totalman dakor avek sa sizesyon; ki mon a fer sir ki i a ganny diskite avek Lazans Transpor lo  Later,  ki zot ava met li dan zot tender document letan pe ganny tender e sa bann kontrakter osi i a ganny loportinite pou zot bid. Akoz definitivman  letan ou pe travay apre ler i annan overtime ki vini – i pou bezwen annan en increase me solman i pou dan benefis tou dimoun.  An sa ki konsern multi-storey car park enn parmi sa bann multi-storey car park, I pou annan en PPP en partnership avek private sector ki montre lentere  ladan me selman petet parey nou konnen ziska ozordi PPP pa ankor ganny byen definir – Gouvernman pa ankor fini defini en Scheme ki mannyer PPP pou marse me solman i annan bann dimoun ki’n apros Gouvernman avek bann proze ki zot oule partisip ladan me i annan enn sa bann proze ki pou en PPP definitivman.

Mon pa konn kot AirportAirport pou le moman sa ki mon okouran napa plan pou en multi-storey car park me solman zot pe agrandi sa ki zot deza annan.  Pa anndan kot terminal i ete me solman an deor – an deor ki’n deza fenced off.  Sa bann fencing pou agrandi pou fer ankor plis lespas pou parking space kot Airport.

Me solman probableman dan plan lonterm Airport zot ava vwar sa propozisyon ki ou’n met devan ki mwan osi mon ava anmenn dan zot latansyon osi tou.  Mersi Mr Chair.

 

MR SPEAKER

Mersi PS. Onorab Ramkalawan.

 

HON WAVEL RAMKALAWAN

Mr Chairman, ok Road Transport Act I donn en Commission, be si nou vwar ki poudir ki ape duplicate be nou sanze.  Vin devan sa Lasanble avek en nouvo Act.  Lasanble I la li pou fer egzakteman sa! Napa nanryen ki pa kapab sanze pou nou al ver lefikasite.  E letan ou pe nonm PPBB ensidswit, ki poudir i annan en dimoun ki’n aprose – ou konnen nou’n koz lo la an plizyer repriz, kot nou pe rod sa posibilite pou nenport dimoun kapab partisipe akoz ki olye ou espere pou ganny en dimoun ki enterese, akoz ki napa en – I mean depandan lo zot prensip koman en Polisi si zot anvi fer en multi-storey car park dizon kot Stadium oubyen lo en landrwa oubyen kot Airport akoz i napa en lapel d’offre  konmsi ki zeneral ki dir avek dizon regarde Gouvernman i annan plan pou lease sa morso later avek bi pu fer en multi-storey car park e s a ki enterese vin devan bid!   Pour ki la ankor enn fwa i ava sorti sa nide ki poudir ‘’be wi la zot pa pe fer li akoz zot pa ankor ganny enn zot dalon.’’

Sa zafer konmis letan nou’n ganny  dalon la prezan nou ava donn li.  Apre  zis nou tande poudir tel dimoun – tel dalon li i a pe fer sa!  Annou kit li ouver posib pou ki nenport envestiser i a kapab vin envestir.

Mr Chairman apre sa SPTC konmsi mon trouv i vreman drol sa ki in mansyonnen konsernan SPTC pou ede pou manage, kan SPTC li menm  – konmsi pu ed zot en pe  dan ki mannyer pou set up  ki mannyer  bann zafer!  Me SPTC li menm li i en lorganizasyon ki pa’n tro kapab manage son lekor konmsi i pa pou en boug aveg pou diriz en lot boug aveg?  E ki nou kapab end up dan sa… ?  Me solman lefe ki I annan sa posibilite pou ouver ankor enn fwa be pa bezwen personn atrap lanmen kanmarad.

Nou believe dan sekter prive alor annou al dan sa direksyon.  E sa en dernyen pti pwen ki mon pe mazinen zot poudir mwan Land Transport  -konmsi nou bann dimoun ki annan en transpor  – konmsi dimoun i komans fatige avek sa Polisi konmsi pou met speed bumps lo main roads.  Mon konpran speed bumps lo bann semen segonder oubyen dan en vilaz me konmsi speed bumps lo main roads konmsi ou a krwar zot in pran li koman en palto – Pointe Larue la  – mon pa konnen letan pou la kot Onorab Valmont nek zis ou – me tousala i ede pou fer – i ede pou slow down trafik spesyalman dan bomaten  dan en grannrout ki i pa agreab ditou.  Mon pe zis met sa, sa nou a koz lo la pli tar – mon pa konnen….

 

MR SPEAKER

Mersi Onorab.  PS.

 

PS PATRICK ANDRE

Mersi Mr Chair.  Mr Chair Onorab in met en kantite sizesyon devan ki nou’n take note lo la.  Letan mon ti fer resorti poudir ti annan bann storey car park mon ti dir ki i annan dimoun ki’n montre lentere i pa vedir ki otomatikman nou pe al ek sa dimoun.  Definitivman en fwa ki nou’n fini etabli proper tou le 3 area nou pou’n satisfe avek, definitivman pou annan en ‘’expression of interest’’ ki pou ganny mete piblikman e sa dimoun li e osi – sa lakonpannyen i osi i a kapab bid e osi montre son lentere pou ki i kapab partisip dan ladan.

Bann lezot issue kot i konsern Road Transport Commission nou ava pran sa loportinite koman nou pe review nou bann Lalwa ki la nou ava regarde avek nou bann Lotorite konsernen ki mannyer nou kapab sey revwar sa sityasyon.

An sa ki konsern speed bumps wi I pe vin en sityasyon alarman dan serten sirkonstans me selman petet Onorab ou ava dakor avek mwan ou’n mansyonn Pointe Larue – mon pou zis fer resorti  en sityasyon se ki  avan nou ti met speed bumps  par lannen sa seksyon semen nou ti pe ganny nou 4 – 5 aksidan fatal!  E depi let nou’n met sa speed bumps nou pa ni ganny serious accident e  nou pa ni menm ni en fatal accident dan sa seksyon semen!

So en aksidan fatal i pe kout lekonomi pei apepre R6milyon apard bann lezot fakter ki nou pa kapab mezire.  ok  par sak aksidan.  So nou lo nou kote koman bann dimoun ki travay dan sekirite semen nou vwar sa en achievement.  Me lefe I reste akoz ki sa bann speed bumps ki ganny mete  – ok se ki piblik  – drayver lo semen piblik pa pe konport zot  dan fason ki apropriye.  Si tou dimoun ti respekte Lalwa,  nou pa ti annan nesesite pou nou met sa bann raised crossing parey nou apel li.  Me solman wi i fer impediment me solman impediment dan bon sans kapab kalme trafik e anmenn sekirite lo semen.  Mersi Mr Chair.

 

MR SPEAKER

Mersi PS.  Bon nou’n fin avek Land Transport Department.  Nou ava prezan dan en pozisyon pou nou pran en vot lo Minister Labita, Lenfrastriktir e Land Transport tou le de ansanm ki vin en sonm total R 240,573milyon ki form par sa Schedule e ki trouve lo paz 395 ziska paz 411.  Tou Manm ki an faver?  Okenn Manm ki kont? Madanm Deputy Clerk?

 

MADAM DEPUTY CLERK

Mersi Mr Chair.  23 Manm in vot an faver e person kont.  Mersi.

 

MR SPEAKER

Mersi Madanm Deputy Clerk.  Savedir Bidze 2019 pou Minister Labita Lenfrastriktir avek Departman Land Transport in ganny aprouve par Lasanble Nasyonal.

Bon avek sa mon ti ava kontan remersi PS Andre avek Ms Chantal Jules Senior Accountant e mon ti a dir zot mersi e mon ti ava kontan ekskiz zot parmi nou.

 

(PS ANDRE AND HIS DELEGATION WAS EXCUSED FROM THE HOUSE)

 

SEYCHELLES PLANNING AUTHORITY

 

MR SPEAKER

Nou pe al pran Lotorite Planning.  PS Thesee ou ava gid nou.

 

PS DAMIEN THESEE

Mersi Mr Chair.  Seychelles Planning Authority I trouve lo paz 424 pou en sonm R17, 751milyon.  Mersi.

 

MR SPEAKER

Mersi PS.  Non nou ou repran nou travay ziska 5.25 pli tar.  Si nou pa fini nou ava kontinyen demen bomaten.  Mon ti ava kontan welcome  bann zofisye ki sorti kot Lotorite Planning Mr Joseph François, ki CEO – Mrs Marise Morel ki Administrasyon avek bann  Zofisye Resours Imen  e Mrs Rosemarie Richard ki Senior Accountant.  Bonn apre midi e welcome dan Lasanble Nasyonal.

Bon nou ava al direkteman lo kestyon – klarifikasyon.  Nou ava komans avek Onorab Aglae.

 

HON EGBERT AGLAE

Mersi Mr Chair.  Bonn apre  PS ek ou delegasyon.  PS mon premye kestyon I konsern sa Bidze ki nou pe al vot lo la, la  R17milyon ki pa neseserman en gran Bidze.  Be selman ler mon pe get sa servis ki zot a pe donnen mon ti ava kontan demann ou akoz i annan bokou konsern ki ganny met demann parfwa – sirtou bann delays ki souvandfwa se Planning ki ganny blanmen e mon ti a kontan konnen ki bann amelyorasyon ki nou kapab vwar avek sa bann delays pou fer sir ki bann plan ki pe ganny met devan Planning i ganny gete ase vitman ansanm avek bann Lazans ki ou  travay avek?

E dezyenmman kot i konsern litizaz later mon pe zis demande an vi ki nou annan serten kontrent ek lakantite later ki nou annan e Polisi Planning i fer ki  pou kapab subdivide serten porsyon later i bezwen minimum 400met kare; eski a lavenir dan zot Polisi zot pe mazin revwar par allow serten fanmir ki annan en pti porsyon  kapab zis subdivide sa later pou permet menm son zanfan ouswa  zeritye konstri lo la, an vi ki demann later i bokou  e napa ase later?

 

MR SPEAKER

Mersi Onorab Aglae.  CEO.

 

CEO JOSEPH FRANCOIS

Mersi Mr Chairman. Bonswar tou bann Onorab – Mr Speaker e tou dimoun kip e ekout nou.  Pou reponn kestyon Onorab Aglae lo si sa Bidze 17, 751 pou adres en pe bann retar ki kapab annan oubyen bann delay lo sa servis ki Lotorite Plan pe ofer pei; en kantite travay in deza komanse already pou rod fason pli meyer pou kapab deliver servis ki nou donn popilasyon.

Premye travay se atraver en sistenm ePlanning platform kot nou’n fer li vin obligatwar pou bann Lazans soumet plan online direkteman.  Sa I fer I ki o moman ki zot fer zot soumisyon online nou kapab pous sa bann aplikasyon kot  nou bann Lazans ki nou servi, pou donn nou lanmen fer appraisal avek assessment.

I enportan ki nou servi sa bann Lazans pou ed nou avek bann appraisal akoz se zot ki custodian zot bann Polisi ki nou pe enplimante o nivo konstriksyon. Lasante I annan pou li – Transpor I annan pou li – Fire Service I annan pou li.

Nou’n revwar entansivman lo ki kantite delay nou kapab koupe.  Nou’n fer legzersis koman pilot pou nou vwar ki minimum  letan nou kapab donn en Lazans oubyen sa ki nou apel en referral agency pou donn li komanter lo en laplikasyon  letan i soumet kot nou.  Nou santi ki desann par anba 14 zour nou pa ganny bon nou ganny en evalyasyon oubyen kantite retar akoz ler Lazans ki sipoze feed nou avek lenformasyon pa vini oubyen i annan lezot kontrent lo zot kote.

Alor nou’n vwar nou bezwen  mentenir sa 14 zour. Me internally kot nou kot Lotorite Plan nou, nou pe fer li a 7 zour.  Nou ek resours ki nou annan nou pare pou vizite e pare pou anvoy dokiman pou  pran en desizyon lo la dan 7 zour, me nou bann lorganizasyon ki nou travay avek zot, zot napa sa kalite resours pou fer li ansanm avek nou.

Alor i fer ki nou’n vwar li letan nou kont tou nou bann zour ansanm nou’n vwar nu nou kapab delivre dan en minimum 1mwan dan bann ka bann gro proze – dan bann proze ase sibstansyel parey en lakaz par lao 300met kare par egzanp; tandis ki bann ptipti proze nou’n bezwen fer en lot prosedir pou li – bann proze anba 100met kare en lakaz rezidansyel nou fer sa assessment ek en lekip anndan.  So nou’n pran Lasante – Lanvironnman – nou pran Land Transport ansanm  avek nou sa size avek sa laplikasyon nou get pou pran en desizyon.  Kot i annan en dout oubyen ki napa lasirans ki kalite teren mannyer I ete nou al fer vizit menm zour e nou pran en desizyon.  E la nou kapab fer li e release en desizyon dan 2 semenn letan i pti lo la.

Me dezormen nou pa kapab fer pou tou pou rezon scale of the project e resours bann lezot lorganizasyon ki siport nou.  Nou pa kapab al pli back ki sa.

Dezyenmman ou ‘n koz lo Polisi Land Use an relasyon avek subdivision; sa ankor nou ganny en kantite kontrent baze lo bann norm  – bann Polisi ki egziste dan bann lezot lorganizasyon – prensipalman Lasante avek Lanvironnman.

Polisi ki’n ganny afekte plis si nou fer desann sa grander subdivision par anba 400met kare, se Polisi pou Desarz – ki adres sistenm desarz.  Zistans kot ou met en soakaway pit ek septic tank ki ou ed ou fer desarz fonksyonnen.

Nou fleksib kot landrwa I permet   – kot nou vwar si devlopman i pti oubyen ki  sa paran ek sa zanfan i oule achieve dan sa laranzman  si par egzanp si zot kapab servi menm sistenm desarz paran ek zanfan nou seye.  Me i annan le ka kot i difisil e  letan i difisil lanmenm ler nou oblize servi sa 400 kot i donn ou ample space pou kapab sirtou ou soakaway pit ki li i bezwen landrwa  enfiltrasyon within ou propriyete.

Me kot nou vwar landrwa I pli sere e si ou meet bann kriter ki kapab fer li fonksyonnen nou al en pti pe pli ba – nou ale 320 – 350 kot bann landrwa i permet.  E nou’n menm negosye si i neseser pou servi desarz pou nou paran si ou en zanfan e i posib – teren i permet ou annan en gravity flow nou osi eksplor sa posibilite e pou allow sa arive.

2nd Houses nou aksepte akoz i pa involve subdivision kot ou bezwen met bann norm ek balizaz lo ou tousel, son ou osi ankouraz sa bann opsyon letan pa kapab subdivide pou kapab ganny ou zistans kriter lo ou tousel.

 

MR SPEAKER

Mersi CEO.  Onorab Aglae.

 

HON EGBERT AGLAE

Mersi CEO pou larepons. CEO mon ti anvi konnen osi la vi ki parey Port Glaud nou annan rezerv e dan lepase in annan en batay ant Planning avek Lanvironnman kot i konsern sirtou bann F1 – bann forestry e nou, nou konnen poudir a lavenir nou bezwen annan en devlopman dan sa bann landrwa eski bann negosyasyon i ankor an mars pou nou kapab a-lavenir kapab  annan serten devlopman soutenab dan sa  bann lokazyon ki konsider koman F1?  Mersi.

 

MR SPEAKER

Mersi Onorab.  CEO.

 

CEO JOSEPH FRANCOIS

Mersi Mr Chairman.  Annefe a sa moman ki nou pe koze, nou annan en lalis bann landrwa ki nou’n klasifye koman F1.  F1 i pa en reserv ki annan en stati legal li.  I plizoumwen bann landrwa ki deza annan bann fore lo la oubyen bann pye dibwa ki pa ankor ganny disturb oubyen pa ankor ganny devlope an term physical development e nou nou’n met la  koman en tranzisyon pou letan devlopman i antre lo la i antre graduelle pou pa allow devlopman sovaz.  E ladan nou fer en kantite meeting avek Departman Lanvironnman pou al vwar sa bann landrwa ki nou pe refer koman F1 e regarde kote devlopman i posib.

Akoz menm si ou vwar en landrwa i ver probableman i annan kantite creepers e zis i pe garanti i pa pe donn bann benefis leko sistenm.  So alor i annan en legzersis kot nou’n idantifye en kantite sa  bann later dan rezyon Port Glaud – dan rezyon Grand Anse, Anse Boileau, Takamaka e serten parti Baie Lazare poudir Lanvironnman pou allow gradual devlopman lo la ki ava permet  devlopman rezidansyel, lagrikiltir e pu tourizm e plizyer bann lezot landrwa apropriye.  So  nou pe deza annan sa legzersis ki nou pe fer dan distrik Port Glaud e dan bann distrik Was pou nou konnen kot nou konnen i annan en kantite sa bann later ki ganny klasifye koman F1 en term dan nou draft Land Use Plan.

 

MR SPEAKER

Mersi CEO.  Onorab Flory Larue.

 

HON FLORY LARUE

Mersi Mr Chair.  Bonn apre midi tou dimoun. Mon kestyon i senp.  Mon ti a kontan demande kan ki Land Use Plan pou ganny konfirmen?  Akoz dan son stati ki i ete  la right now mon vwar li konman draft. E mon krwar i fer plis ki 1an depi ler in ganny prezante dan distrik.  Kan ki sa pou konfirmen konman en dokiman aktyel?  Mersi.

 

MR SPEAKER

Mersi Onorab Larue.  CEO.

 

CEO JOSEPH FRANCOIS

Mersi Mr Speaker. Mersi Onorab.  Sa i en swe ki mon osi mon ti a kontan al re vwar sa bann draft, pou nou kapab enplimant li ek son full stati legal.  Akoz letan nou pran en desizyon nou desizyon i bind by en dokiman legal.

Me fason ki nou prepar en Land Use Plan pou fer li vin legal, i en process ki very tedious, akoz Sesel later parey nou konnen i annan en- en bon pe later i prive e i lo en freehold basis, kot pouvwar sa devloper – pouvwar sa propriyeter i for.  E letan i for pou nou, met serten restriksyon lo devlopman nou bezwen go through en legal system, exhaust en konsiltasyon prive ensi byen ki konsiltasyon piblik.

E dan laplipar distrik kot nou pe prepar sa bann draft Land Use Plan, nou rankontre sa bann difikilte, kot bann dimoun i met serten obzeksyon, oubyen i met serten case devan Gouvernman, pou nou kapab adrese, avan nou met en klasifikasyon restriktiv lo zot later.

So alor nou bezwen follow sa prosedir konsilte, rod solisyon, mezir konpansasyon, mezir pou adres konsern sa bann endividi prive.  E par ler sa i desot letan ki nou, nou  ti a voudre pran pou nou kapab legalize en draft Land Use Plan.

Dan bann distrik. Lavil, i paret mwan nou pou bouz en pti pe pli vit, akoz nou napa bokou sa bann kategori ki ganny vwar konman restriksyon par Gouvernman.  Me i plito ban restriksyon topografic i vin natirel e li pa bezwen follow menm prosedir.

Me Praslin, La Digue, Anse Royale e bann distrik kot nou konnen nou annan rezerv delo bwar, nou konnen nou annan bann landrwa ki nou’n met bann serten buffer pou bio diversite, nou bezwen – nou bezwen exhaust sa mekanizm konsiltasyon; mekanizm prive avek sa bann propriyeter lo en baz endividyel.

 

MR SPEAKER

Mersi CEO.  Onorab Larue.

 

HON FLORY LARUE

Mersi Mr Chair.  Mersi CEO pou larepons, me solman mon pa santi ki ou’n reponn mon kestyon.  Ti annan en Land Use Plan 2012.  Si sa enn 2017 i en draft which one is the legal document?  Lekel ki nou ganny bind avek sa enn 2012 e sa enn 2017 i en draft, ziska kan ki ou espekte li annan en draft?  Akoz sa enn 2012 i diferan ek sa enn 2017!  Alor nou bind la right now par sa enn 2012 ouswa sa enn 2017?  Mersi

 

MR SPEAKER

Mersi.  CEO.

 

CEO JOSEPH FRANCOIS

Mersi Mr Chairman.  Tou versyon pli resan i normalman versyon ki supersede sa enn pli avan.  E nou ti a voudre kapab konplet legzersis pou Anse Royale, vi ki nou’n fer en kantite travay lo zonasyon avek assessment, me nou’n vwar nou bite letan nou pe – nou ti pe konsider water catchment pou nou met en klasifikasyon lo la – sirtou water catchment ki tonm Mont Plaisir avek en bout ki tonm Cap Bonm Zan, ki al tonm anba dan direksyon Pointe Au Sel, Au Cap.

Nou’n vwar nou’n oblize negosye ek bann propriyeter ki’n met serten obzeksyon akoz sa klasifikasyon ki PUC ti oule nou mete, pou prezerv sa bann water catchment dan sa rezyon la.

Alor nou target an 2020 ki nou ti a’n fini fer li vin legal, i riske vin en challenge.  Me solman nou pe sey nou mye ansanm avek Departman Later, ansanm ek PUC bann lezot Minister Lanvironnman pou vwar en mechanism pou rekonpans bann dimoun ki zot later pou tonm dan sa ‘’no development status.’’  So tou draft Land Use Plan ki dat i pli resan i supersede sa bann avan.

 

MR SPEAKER

Mersi CEO. Onorab Churchill Gill.

 

HON CHURCHILL GILL

Mersi Mr Chair. Bonn apre midi CEO.  Annefe mon kestyon ti dan menm direksyon akoz Praslin osi nou ti’n fer  pa mal diskisyon lo la, me solman en pe letan nou ti napa – meeting nou pa ti’n ganny fer.  Prezan mon pe gete pou Praslin ki zistans nou’n arive avek sa Land Use Plan sa  draft ki nou ti’n travay lo la? Sa enn.

Apre CEO i annan serten konsern ki sorti lo bann laplikasyon Planning ki ganny approval i annan serten dimoun ki i submit zot laplikasyon zot ganny dir fodre zot bezwen serten kantite lespas parking.  Apre i annan serten dimoun i ganny laprouvasyon me selman i napa sa lakantite lespas parking selman still i ganny laprouvasyon.  Eski sa prezan zot dan en pozisyon pou zot kapab rektifye sa?  Akoz nou’n annan en pe sa bann sityasyon kote Praslin.    E lo kote housing estate, ou’n dir poudir 2nd house i allow, eski petet ou kapab dir nou bann housing estate dan pei kot prezan bann dimoun i kapab fer 2nd House san ki i annan okenn problenm?  Mersi.

 

MR SPEAKER

Mersi Onorab.  CEO.

 

CEO JOSEPH FRANCOIS

Mersi Mr Chairman.  Mersi Onorab.   Stati Land Use Plan Baie Ste Anne Praslin avek Grand Anse Praslin i plizoumwen lo menm nivo.  Lamazorite assessment in preski konplete. Nou’n ekri tou bann propriyeter ki nou’n kapab reach ki later i tonm dan serten landrwa restrikte; tel ki proteksyon delo, landrwa biodiversite, bann Rezerv Kokodmer eksetera.  E nou’n ganny pa mal rezistans avek bann propriyeter e ki nou ankor pe travay avek zot pou nou vwar fason pou nou kapab satisfer zot demann.

Minister Later i osi annan difikilte.  I pa pe kapab provide serten alternatif an relasyon avek later avek zot e ni menm konpansasyon monetary pa ankor kapab si ou le – nou’n kantite finans pou kapab tret sa kantite ka.  I en pe bokou.  Solman nou ankor pe rod mechanism – bann konbinezon mechanism oubyen bann lantant kot nou kaba avek sa bann propriyeter.  E once nou ganny sa nou santi nou pou dan en pli bon pozisyon pou nou kapab bouz en pe pli devan avek Baie Ste Anne avek Grand Anse.

Rezon akoz nou ensiste nou bezwen fer sa se ki ou konn resiltan Lakour letan nou ti annan en Land Use Plan avek Baie Ste Anne avek Grand Anse – Lakour ti rezet sa Land Use Plan lo  baz konsiltasyon – lo baz development status.  Alor nou pa anvi repet menm problenm ki nou ti gannyen.  So alor nou pe angaz nou avek bann endividi bokou pli entans lo la.

An relasyon avek housing estate, wi nou pe travay lo bann guidelines pou maximum housing estate ki annan en pe lespas pou dimoun kapab expand pou nou donn bann dimoun opsyon.

Praslin nou pe revwar Marie Jeanne Estate ki nou ti’n deza travay lo la me nou pe revwar ankor pou nou gete ki mannyer nou kapab anmenn plis posibilite. Coco Rouge Grand Anse i enn bann landrwa ki annan en pe lespas nou pe revwar.  Nou annan mon krwar ex-Moulinien li osi ankor en landrwa kot nou pe gete kote nou kapab donn bann opsyon bann dimoun la vi ki  nou konnen later i en pe limite, pou zot kapab devlope swa vertikalman oubyen o-bor kot zot paran kot later i permet.

Parking i en challenge. Nou’n remarke later I en pe pti  so sa ki ou annan i preski zis pou kapab met sa ki annan en economic potential.  E donn lespas pou parking I en challenge. Mahe kot teren mannyer i permet nou kot water table i pli low nou pe ankouraz basement parking ek bann lezot landrwa koman substitute pou parking ater lo ground floor; tandis ki Praslin nou ankor pe negosye ansanm avek  Departman Transpor  kot I posib pou ou annan serten fleksibilite kot I annan. Kot napa nou go back and forth pou war en way forward kot  pou regarde ki mannyer nou kapab redwi kantite volim trafik ki sa devlopman pou bezwen pou permet li kapab egziste; kot pa kapab dan bann ka rar nou refiz-e, me nou sey rod mwayen avan pou nou gete ki mannyer nou kapab achieve.  Mersi.

 

MR SPEAKER

Mersi CEO.   Onorab Woodcock.

 

HON WAVEL WOODCOCK

Mersi Mr Speaker.  Bonn apre midi CEO.  Mon kestyon o konsern zabitan Zil Pros. Le pwen se ki prosedir i tro tarde pou plan lakaz ganny approuve; parey i pran bokou letan avan ler ki bann dimoun i kapab ganny zot Deeds enn ler i pran akout 6 mwan alors ki zot pe fer pou speed up en pe sa bann prosedir pou ki bann zabitan  Inner Island i kapab ganny zot laprouvasyon en pti pe pli boner?

Mon 2enm i kot i konsern ‘’current challenges’’ ki zot in mansyonnen. I annan en retar p ou lenplimantasyon Land Use ek development plans pou tou distrik enkli ki serten reclaimed Island.  So mon kestyon i konsern Ile Eve ki ansanm avek IEA Lotorite Planning ti pe revi son plan en son Land Use Plan ki dan le pase i pa neseserman ganny servi, alor ki zistans zot in arive e kan ki zot pou fer sa Land Use e Development Plan Ile Eve ki an se moman pe met bokou retar lo alokasyon bann later laba.

E finalman ler I annan bann desizyon ki Planning I pran k i en ler I aktyelman vyol ouswa ki kont Lalwa parey en pwen kontansyon Anse Kerlan ki fer ki i annan en bon pe ‘’unhappy’’ Seselwa Anse Kerlan kot i konsern en public domain; annefe the Access ki ti ganny vann san ki sa semen -sa access ti ganny proclaimed – sa access ti ganny vann avek en madanm Anse Kerlan  – en madanm, Albert mon krwa PS i konpran sa tre byen.  E prezan sa madanm pe blok access avek bann dimoun dan zanmerant pou zot ganny akse avek gonny laba.  E enn bann fanmir ki vreman fristre i lafanmir Etheve ki zot pe threaten pou met en ka devan Lakour.

        E mwan mon kestyon i ki mannyer Lotorite Planning i kapab vann – allow sanksyonnen lavant en later ouswa ganny access ki pa’n anmenn ganny proclaimed ki al kont Lalwa?  Mersi.

 

MR SPEAKER

Mersi Onorab.  CEO.

 

CEO JOSEPH FRANCOIS

Mersi Mr Chairman.  Mon a fer sa case dernyen vi ki I en pe plis konpleks.  Planning Authority pa otoriz lavant later li.  Planning Authority i aprouv subdivision oubyen i aprouv laplikasyon pou  reclamation e dan  sa konteks la I en landrwa kot ti annan en vye semen ki ti’n misuse me solman i pa ti ankor proclaimed.  Sa laplikasyon in vin kot Planning koman en restrospective reclaimation e i vre letan mon’n go through sa, mon’n vwar poudir Planning in aprouve koman en retrospective reclamation ki en dimoun i demande parey anba Lalwa Reclamation Act.  Me sa semen pa ankor proclaimed.

En lot safety net ki egziste letan sa i arive se kot Land Registration Division.  Now Land Registration Division let’s say en oversight i arive ki sa ka in arive ki sa semen pa’n proclaimed in approve en reclamation, the transfer of the land should not take place until the proclamation is done.  Me for some reason in take place and this is why nou’n advice sa fanmir ki i aggrieved by the process pou fer en legal case lo la.  That’s the only solution now as we speak. 

An relasyon avek kouvertir kot sa mistake in ganny fer par Planning, nou pa’n aprouv devlopman ki sa dimoun ti ava anvi lo sa gronny nou.  Nou’n demann li pou kit en zistans pou kontinyen allow dimoun pou pase, lo osi lo sa bout rock armoring ki baliz ek sa lans to sa gronny – e sa gronny i reste piblik.  Me solman aparaman i annan en pe (laughter) en pti problenm anter lafanmir ou a krwar – i annan en pe difikilte dan sa domenn me nou, nou pa’n aprouv okenn striktir dan sa bout la until that is resolved legally koman en fason pou nou kapab les sa ganny  pran son kour legal byen lo la.

Now tradisyonnelman letan en semen in ganny proclaimed sa propriyete pli pros pou li I annan en first right of way parey anba Lalwa Reclamation so natirelman I look like sa propriyete devan ti pou apply me solman at least it has to wait for the proclaimation.

Lo pwen draft Land Use Plan Eve Island – Land Use Plan Eve Island i parey solman as per the law nou bezwen gazet li par distrik so i bezwen esper lezot Baie Ste Anne pou kapab al ansanm pou vin legal.

Me at the moment nou pe servi li koman en draft Land Use pou Eve so IEA i annan en kopi, me si an ka pu serten rezon ou en lot  zot pa pe vwar nou kapab redonn ankor – redonn distrik pu kapab servi touzour.

Nouvo laplikasyon ki’n ganny retar lo Inner Island, mon’n fer en quick check avan mon vin Lasanble, nou napa sa kantite retar pu Inner Island.  Bann ki pa ankor sorti se bann ki annan issue pou rektifye ek laplipar bann case.  Mersi.

 

MR SPEAKER

Mersi CEO.   Onorab Lemiel.

 

HON SYLVANNE LEMIEL

Mersi Mr Chair.  Bonn apre mdi CEO ek ou lekip.  Mon kestyon i dan menm laliny Land Use Plan, pou Anse Royale, Bokou konsiltasyon i ganny fer – bokou sizesyon ti ganny met devan konsernan sa Land Use Plan, me i annan petet serten dimoun ki pa ti pe tro tonm dakor lo serten keksoz ki zot ti’n mete kot zot ti pou plase – or later ki ti ganny idantifye pou fer tel devlopman.  So mwan mon ti ava kontan konnen si Planning pe deside pou retourn ankor dan distrik e si zot in konsider sa bann sizesyon ki ti ganny devan dan sa meeting?  Si zot pe plan pou retourn ankor, kot nou pou dir ek nou kwa ki’n sanze or si pa pe ganny konsidere ditou?

E dezyenmman mon pe mazin sa Development Plan prezan following sa Land Use Plan kan petet nou pou komans war li?  Mersi Mr Chair.

 

MR SPEAKER

Mersi Onorab.  CEO.

 

CEO JOSEPH FRANCOIS

Mersi Mr Chairman.  Mersi Onorab.  Land Use Plan Anse Royale nou premye konsiltasyon – well nou ‘n fer plizyer konsiltasyon annefe e Anse Royale ti bann premye distrik kit i koman Land Use Plan.  Me pou en serten rezon ou en lot, in toultan annan serten konfli ki lev-e an term bann various economic activities, sirtou lo plato Anse Royale ki fer ki i ale vini.

Now sa enn ki mon annan koman en draft la i almost as good as konplete eksepte i ankor annan serten konsern lo aktivite sosyoekonomik dan serten landrwa kle ki nou, nou apel sa serten landrwa stratezik.  Akoz nou apel sa landrwa stratezik, se ki nou pran kont Anse Royale pou vin en 2enm lavil a longer di-tan e nou pou bezwen fer relocaton of serten offices – serten fasilite pou desantraliz Victoria e nou bezwen prepar li dan sa Land Use Plan.

E se pour sela landrwa kot Administrasyon Distrik i été in en landrwa ki nou’n rezerve koman en pwen stratezik. And pti konponan lot kote semen nou’n osi rezerv li, akoz i bezwen maximize fasilite ki dan bezwen. Nou okouran i annan serten diskisyon lo la.  I very healthy.  Distrik napa problenm pou come up as much konsiltasyon lo la pou dir nou ki zot krwar zot pli anvi – a ki pwen, nou pare pou ekout zot.  Unless i annan use ki annan konfli direk then nou, nou gid zot lo la.  Otherwise sa i healthy.  Akoz i en konponan ki nou pran from distrik.

Nou ti a voudre revin Anse Royale avan Nwel, me nou bezwen sort out water catchment Mont Plaisir ki annan en kantite lobzeksyon lo later avan.  So baze lo la enn nou bann planners pe travay lo Development Plan lo bann bout ki napa kontansyon touzour pou kapab gid distrik ek bann developer as they move along. We’ve got University napa gran kontansyon so li I pe bouze.  Lekol O’Level pe al pou li – Liniversite pe expandSports facilities kot Regional Sport Complex bann bout koumsa nou pe travay avek bann lezot lorganizasyon pou nou kapab fer distrik bouze.

Bann bout kot nou ankor pe negosye nou napa swa nou bezwen kontinyen fer li koumsa.  So si distrik I anvi nou kapab adres sa konponan Administrasyon Distrik avek Beach Park separeman avek zot, dan en rankont si zot oule pou kaba rod en konsansis lo la.  Me at the moment Gouvernman in ganny gide par plan draft ki nou annan e zot pe proceed ek bann devlopman administratif ki pei i bezwen ki Anse Royale i bezwen.

Me si i annan serten diskisyon ki zot anvi fer ankor nou pare nou vin dan distrik zwenn bann Lotorite bann dirizan – reget sa bann diferan konponan.  Bann ki Gouvernman in fini allocate later unfortunately i pe bouze – I bezwen bouze akoz mannyer keksoz I ale finansman and son on me bann lezot lespas nou kapab asize gete nou napa problenm ek sa.

Land Use Plan li menm li I pou bezwen esper Mont Plaisir pare Lalwa i dir nou gazet per distrik so Mont Plaisir catchment I bezwen antre anndan letan nou gazet li.

 

MR SPEAKER

Mersi CEO.   Onorab Adelaide.

 

HON FRANCOIS ADELAIDE

Mersi ankor Mr Chair.  CEO mon premye kestyon i koumsa vi ki sa batay ki pe lager pou  tou Seselwa ganny akse avek zot lans, ti pou annan en Bill ki ti pou sorti kot Planning pou ariv dan Lasanble pou nou sort out sa sityasyon ki zistans zot ete avek sa Bill?

Mon 2enm kestyon se nou annan en problenm Baie Lazare kote Mangroo House  ki dapre zot manda zot ti sipoze regulate construction avek development ki aparaman mon pe konpran ki i annan konstriksyon ki pe ganny fer mwens ki 10met – preski lo bor lans so mon ti ava kontan ganny en pti koze lo la.

E mon 3enm kestyon i pou lo Polisi pou twalet piblik. Akoz mon pou dir ou sa, se nou ti pros pu ganny problenm Baie Lazare recently, kot en touris ti vwar en msye pe fer son  bezwen e i ti demann li,’’Are you a dog?’’ E sa msye ti ankoler pou senp rezon se akoz twalet piblik i rar e ou konnen ki mannyer nou fer nou?  Zis nou al kot pye dibwa. E touris i demann li si i en dog!  E vi ki bann madanm pa kontan ler touris i dir nou bann zonm Seselwa are you a dog? Konmsi ou parey en lisyen eski ki provizyon ki zot annan kot Seksyon Planning pou fasilite konstriksyon bann twalet piblik petet dan bann landrwa piblik pour ki nou pa ganny dir, Aare you a dog – ankor.  Mersi.

 

MR SPEAKER

Mersi Onorab.  CEO.

 

CEO JOSEPH FRANCOIS

Mersi Mr Chairman.  Mersi Onorab.   Komans lo toilet piblik; toilet piblik i depan ki mannyer ou defini toilet piblik. Lo kote Planning li menm li bann building ki deservi piblik nou require ki zot met toilet disposable for kliyan oubyen manm piblik menm  an deor ki pa ou kliyan pou kapab ganny akse avek  bi sa i kapab  ganny manage e kapab ganny mentenir dan en fason byen.  Sa i enkli tou bann klinik, DA  – Police Station tou bann batiman piblik.  Sa i enn.

Apre i annan bann landrwa kot I annan bann stand alone public toilet  – mon mazinen sa ki ou pe refer to. Ti annan en Komite ki ti ganny formen ki ti pe ganny gide par Departman Tourizm pou li idantifye tou bann lokazyon dan pei kot pou bezwen met bann toilet piblik.  Mon aprann serten travay ti’n deza komanse e i ti pe ganny head par Minister Tourism ansanm avek Departman Lenfrastriktir.  Mon pa asire ki zistans in arive dan bann distrik me mon aprann zot in komans travay dan Victoria – Beau Vallon, bann landrwa ki ganny frekante en kantitie. 

Lo kote Lotorite Plan dan bann lespas ki’n ganny demarke koman en lespas piblik parey bann lans rekreasyonnel pou piblik, e dan nou nouvo Lalwa e Polisi ki pe gid sa Lalwa nou’n rekomande ki toilet piblik i bezwen ganny enkli ladan.

So whoever ki pe al devlop bann beach park oubyen bann zone rekreasyonnel piblik i bezwen mete toilet lo la.  Kestyon se kan zot devlope e resours ki zot gannyen pou bouz avek sa i an deor nou control, me solman once en dimoun I bouze avek en proze piblik i bezwen mete sa bann toilet pou tou dimoun ganny akse avek lo la, i ganny manage par sa promoter ki pe promot sa beach park ou public or whatever ki zot oule fer.

Regardan Mangroo House, i annan en laprouvasyon anba mon krwar Bright Star Property LTD ki pe fer en devlopman dan distrik Baie lazare, Anse Poules Bleues prezizeman – mon krwar Anse Poules Bleues ki i apele. E in swiv bann prosedir Planning in gannyen son approval.  Now letan mon get detay an relasyon avek serten konplent ki vin devan mwan – Onorab ou osi ou’n notifye mwan nou’n vwar poudir i annan en devlopman ki’n approve dan en Seksyon kot i en pe rocky – la e dan son devlopman i pa lo lans, e landrwa kot i pa baliz direkteman avek en foreshore – lans i allow serten devlopman depandan serten karakteristik sa lakot.

E li in ganny aprouvasyon me ki in fer letan son konstriksyon in servi  – i annan serten ros anba la- akoz mon krwar lans i vin disab en kantite apre as you go towards bout rock i komans vin rockier, rockier ziska i vin gale.  E li in met devwar pontir pou siport sa konstriksyon e in donn nou garanti i pe al retire sa.  Koman son beton i fini  sek i pu retir tou sa bann pontir e lans – i pal lo lans me lo sa bann ros ki i pe servi pou  siport sa pontir li i pou tire imedyatman.  Nou’n swiv sa bann devlopman. Nou annan plis ki 4 monitoring visit depi ler i ti komans sa proze ensi byen ki 5 vizit assessment, ki letan nou’n fer assessment nou’n osi use sa loportinite pou monitor tou.

I ankor pe swiv son plan.  Problenm se ki i pe kontinyelman aste detrwa propriyete prive e alor I pe met serten devlopman an mezir li i pe aste propriyete prive ki by law i kapab e nou i alor nou, nou’n met en kondisyon menm si Lalwa physical Planning Bill pa ankor vin an viger poudir i annan sa konponan Access to the Beach pou nou enplimant li – enforce li nou’n fer li kit en provizwar pou piblik pase letan in fer subdivision ki in anvoy kot nou lo la.  So lo sa Seksyon la nou’n met en koulwar e in aksepte san rezistans.  E nou pe monitor sa devlopman e nou ti a kontan fer en vizit avek distrik pou nou gid en pe pou vwar  – pou distrik kapab osi eksplike me pa’n posib pou nou ganny dan sa zour ki nou ti vizite, me nou ou annan ankor en vizit dan 2 semenn ki nou a kapab involve dan lo la.

Bill Physical Planning Bill nou’n preski pare avek.  Nou ti annan en pwen kontansyon lo Seksyon 10 dan ansyen Town and Country Planning Act, ki kantite nou redwir li ki mannyer nou defini national interest nou’n tonm lo en konsansis lo la nou bouze la nou pe tir zis bann fot gramatikal – bann typos akoz Lasanble li menm li I dir fer sir Bill I ganny byen netwaye, so we are in the final stage of it so it’s almost ready to send.

 

MR SPEAKER

Mersi CEO.  Onorab Adelaide.

 

HON FRANCOIS ADELAIDE

CEO at least donn nou ou konnen nou kontan sa bann timeline; kan nou krwar sa Bill i kapab vini apepre?  Thank you.

 

MR SPEAKER

Mersi.  CEO.

 

CEO JOSEPH FRANCOIS

Nou’n donn tou Board Members, tou bann Komite up to last week pou donn lanmen lir pour tir tou bann fot.  I en gro Bill pou sakenn son Seksyon pou lir so in konplete nou Policy Analyst i pe pran tou sa bann fot ki’n ganny antre par diferan dimoun met ansanm.  E i pe finalize this week.  So by the end of this week nou pou anvoy kot Attorney Zeneral pou dir li nou’n pare avek; nou’n fini fer tou nou review kote kot nou pou tir fot.  Do son prosedir Cabinet upon anvoy kot Lasanble.

 

MR SPEAKER

Mersi CEO.  Onorab Herminie.

 

HON WILBERT HERMINIE

Mersi Mr Chair. Bonn apre midi CEO avek ou delegation.  Letan mon pe get ou bann travay ki’n pase dan sa  bann dernyen letan mon krwar zot in fer gran devlopman sirtou dan Planning.  Solma mon  annan en pti konsern regarding quality control.  Ler mon pe gete la dan ‘’current challenges’’ zot pe met zot ganny diskite pou increase lakantite vizit ki zot pe fer lo bann proze.  Me mwan pou mwan sa i en eleman kle pou vey bann devlopman sirtou bann devlopman ilegal or substandard ki ganny arive kwa ki zot pe fer pou beef up sa Departman so ou pa ganny sa bann issue ki nou vwar  vwazen pe lager an konfli ek vwazen akoz bann devlopman substandard.

Mon 2enm i regarding     draft Master Plan si mon ganny en konpran byen i ankor en draft solman mon  oule en pe klarite lo sa issue ki nou’n gannyen  bomaten regarding Victoria Waterfront ; savedir si sa  plan i ankor dan en draft akoz zot in donn laprouvasyon pou devlop progranm Victoria Waterfront?  Mersi.

 

MR SPEAKER

Mersi Onorab.  CEO.

 

CEO JOSEPH FRANCOIS

Mersi Mr Chairman. Mersi Onorab.  Mon al lo Master Plan avan.  Sa Victoria Master Plan i pa draft li.  In ganny approve par Cabinet e nou’n komans lenplimantasyon.  Dan Land Use Plan pou sak distrik i dekoul from that li i i draft akoz en bout son legal status.

En development Plan doesn’t have to go to the legal status.  I en plan devlopman ki ou prepare pou sa later baze lo bann right height, groser building and so on ki anliny avek bann Polisi ek laspirasyon devlopman pei.  So li the Victoria Master Plan is approved and the implementation.  Son Land Use Plan ki son legal component ki vin ek later li menm li I klas sa bann later li ki nou dan konsiltasyon avek bann distrik.

The Victoria Waterfront is part of the Victoria Master Plan e li osi in ganny approve e i dan prosedir lenplimantasyon pour sa.

Quality Control this i a challenge pou nou, akoz nou vwar nou perdi en kantite dimoun akoz I annan bann profesyonnel ki’n vini dan domenn konstriksyon e ou vwar en bon pe zot swa artistik, lamazorite enzenyer oubyen bann dimoun ki monitor lenplimantasyon konstriksyon lo teren.  E ki’n la pou en pti git letan i al prive akoz dan Sekter Konstriksyon pe boom e kantite ki pe ganny ofer prive i pli o ki nou, nou kapab fer anndan.

Nou’n travay lo Scheme of Service pou nou kapab kree – atir dimoun e the Scheme in fini aprouve e i dan sa Bidze la ki nou pe koz lo la e I annan serten logmantasyon dan sa domenn ki bann staff I more or less ase konpran.

I pa sa kantite ki zot ti a swete me i en gran improvement ki zot ti pe gannyen earlier sa lannen e zot in aksepte li pozitivman me avek zot pe swete i ava annan ankor amelyorasyon pou met zot ladan.

Nou’n fer en legzersis pilot pou regarde akoz nou pa kapab monitor nou konstriksyon parey nou ti ava anvi pou envit bann difikilte.  Nou vwar poudir en kantite laplikasyon per antre e nou ti pe tay avek appraisal pou donn desizyon lo en Planning approval.  E menm group dimoun ki pe fer sa e menm group dimoun ki pe enplimante proze lo teren pe swiv proze lo teren.

Nou’n kas sa dan en proze pilot – nou’n kas sa, nou’n anmenn en lot Seksyon ki fer appraisal dan en mannyer ki sa group dimoun bann Development officers i a kapab zis monitor devlopman.  Nou’n fers sa dan en peryod 3mwan nou vwar i pe marse e alor nou’n re-aranz nou striktir pou accommodate li ladan.

Nou Seksyon Enzenyer i konplet.  Nou annan tou  nou enzenyer ki proze i permet nou dan sistenm.  I annan en lot ki pe vini lannen prosenn tou pou enplimant sa e mon santi ki nou pou vwar en  gran amelyorasyon apartir lannen prosenn lo quality control when it comes lo konstriksyon ki deza  komanse lo teren.  So nou menm nou letan nou anvoy rapor Lasanble pour zot kapab vwar en pti pe ki mannyer bann konstriksyon pe ganny monitor  – frequency of visit e bann desizyon bann rapor lo quality control li menm li mannyer pou amelyore. Mersi.

 

MR SPEAKER

Mersi CEO.  Onorab Herminie.   fodre ou vit akoz nou ti dir nou pou break ava 5.30.

 

HON WILBERT HERMINIE

Vreman vitman Mr Chair.  Eski zot annan en hotline sirtou pou sa bann zafer quality control akoz si en dimoun i vwar en development substandard i a kapab call zot direk lo sa laliny?  Mersi.

 

MR SPEAKER

Mersi Onorab.  CEO.

 

CEO JOSEPH FRANCOIS

Mersi Onorab.  Nou swete letan laprouvasyon nouvo PBX  i fini tou bann laranzman nou kapab ganny en laliny ki nou kapab servi zis pou nou.  Pou le moman nou anba sa sistenm PABX ki Minis in koz lo la ki pe  resanze e nou swete nou kan ganny en hotline ki nou kapab servi pou dimoun notifye nou.  Pou le moman nou ankouraz dimoun pou servi nou website – servi nou email touzour akoz mannyer nou PABX i été i pa donn nou sa laliny ki nou bezwen, pou dimoun vin anonim.  E pou provide lenformasyon me solman nou swete byento nou a kapab ouver en laliny ki a kapab permet nou pou deal avek zis konstriksyon.

 

MR SPEAKER

Mersi CEO.  Bon i reste ankor 4 Manm lo lalis.  Nou pa pou kapab kontinyen. Nou ava repran nou travay demen bomaten.  Mon ti kontan remersi Minis avek delegation kot Lotorite Planning.  Mon ti a remersye osi PS Thesee avek delegasyon kot Minister Finans; remersi tou bann Manm e tou manm piblik ki pe ti pe swiv travay Lasanble Nasyonal.  E ankor mon dir en mersi SBC. Mon a demann Sergeant pou retourn nou dan Committee of the whole House avan nou adjourn. Bon nou pou adjourn nou pou repran nou travay demen bomaten 9er.

 

(ADJOURNMENT)