::
Home » Verbatim » 2018 » Friday 7th December, 2018

Friday 7th December, 2018

NATIONAL ASSEMBLY OF SEYCHELLES

Friday 07th December, 2018

The Assembly met at 9am

National Anthem

Moment of Reflection

Mr Speaker in the Chair

 

MR SPEAKER

Bonzour tou Manm Onorab e bonzour tou dimoun ki a lekout e pe swiv travay Lasanble Nasyonal.  Mon anvi dir en bonzour spesyal pour Minis Maurice Loustau-Lalanne, Minis responsab pour Finans, Komers, Envestisman avek Planning Ekonomik, ki ganny akonpannyen bomaten par son Secrétaire d’États – Mr Patrick Payet, son Head of Policy and Strategy Division Mr Marcus Elizabeth e lo kote Seychelles Pension Fund nou dir bonzour e welcome Madanm Lekha Nair ki CEO, Mrs Marie-Ange Waye-Hive ki General Manager Pension and Benefits, Mr Michael Charlette ki Chief Risk Officer, Mr Jeffrey Moses ki Acting General Manager for Pension and Benefits.

Nou sipoze annan Reprezantan Biro Attorney Zeneral parmi nou, me petet in ganny en pti retar.

Bon lo nou Order Paper kot nou’n kite yer, nou ti’n dir poudir nou pour kontinyen avek travay ki nou ti’n deza komanse lo Seychelles Pension Fund.  Nou ti kit dan Staz Komite dernyen fwa, alor mon ava demann Sergeant pour move Mace pour retourn nou dan Staz Komite.

Bon mon ti a kontan dir bonzour e welcome Mr Victor Pool ki Principal Legal Drafts Person, i pe reprezant Biro Attorney Zeneral.  Bon mon ti a kontan donn la parol Chair Bills Committee Onorab Bernard Georges i ava brief nou en pti pe lo staz ki nou’n arive akoz mon konnen i annan bann lezot amannman ki’n rantre.  E petet apre mon ava donn la parol Minister from the Panel, and from there nou a kapab nou ava vwar bann Manm ki i anvi entervenir.  Onorab Bernard Georges.

 

HON BERNARD GEORGES

Mersi Mr Chair.  Bonzour Minis, Secrétaire d’États ek CEO Seychelles Pension Fund, tou Manm Onorab e tou dimoun ki pe ekout nou.

Mr Chair ler nou ti’n aret deba dan Staz Komite lo sa Bill detrwa mwan pase, nou ti deside pour retourn devan Bills Committee ansanm avek Minis, Secrétaire d’États, CEO Pension Fund e son personnel pour regard, pour revwar en pe bann size ki ti’n devlope pandan deba lo lobze ek Prensip Zeneral sa Bill.

E annefe nou’n annan en long meeting, en long antretyen avek tou bann Stakeholders e enkli Minis li menm, Secrétaire d’États ek CEO Pension Fund e osi bann reprezantan Attorney Zeneral.

Swit a sa rankont en seri propozisyon pour lamannman in ganny fer e tousala se dan sa rapor ki devan nou bomaten.

An plis ki sa pandan deliberasyon lo sa Bill, enn de lezot kestyon ki pa ti toutafe relevan avek bann lamannman ki ti devan nou, in souleve e zot ava vwar, bann Manm i ava vwar ki dan sa rapor i annan bann propozisyon konkret pour lamannman ki mon ava avek ou permisyon pas lo la brièvement taler Mr Chair.

Me i annan osi lo paz 4 – 4 pwen pour konsiderasyon Minis avek Lasanble.  E sa, sa 4 pwen Mr Chair, nou’n souleve e sa ki mon’n fer dan 4 Schedule, Schedule 1, 2, 3, 4 se mon’n pran Minutes ki’n ganny prepare sa rankont Bills Committee lo sa 4 pwen e Bills Committee in met zot dan sa 4 Schedules.  Dan en fason ki lo paz 4 i annan son 4 issues e lo paz 5, 6, 7 ek 8 sakenn sa bann issues i ganny trete dan en pli gran lanpler, pour donn bann Manm en apersi lo bann problenm e kisisa ki nou kapab pe debat lo la ozordi e pe revwar si pour annan nesesite pour fer okenn amannman.

Avek ou permisyon Mr Speaker, mon ava pas brièvement lo bann amannman ki devan nou, ki Bills Committee pe propoze.

 

MR SPEAKER

Yes Onorab Ferrari.

 

HON JEAN-FRANÇOIS FERRARI

Excuse me, Mr Speaker mon ti oule zis get nou status si nou ankor an dan Lasanble oubyen nou pour antre dan….

 

MR SPEAKER

Non nou’n fini rantre, akoz nou ti kit lo Staz Komite, nou’n retourn dan Staz Komite pour nou kapab kontinyen nou travay.

 

HON JEAN-FRANÇOIS FERRARI

Ok mersi.

 

MR SPEAKER

Ler Bill ti ganny deferred nou ti dan Staz Komite. Yes, Onorab Georges kontinyen.

 

HON BERNARD GEORGES

Mersi Mr Chair.  Mr Chair parey mon ti pe dir avek ou permisyon mon ava pas pour benefis bann Manm, akoz i en pe letan depi ler ki nou adjourn sa deliberasyon ek pour benefis bann dimoun ki pe ekout nou dan lakour, lo bann propozisyon lamannman ki devan nou.

Premye propozisyon se pour entrodwir en definisyon pour Medical Board.  Medical Board i egziste deza dan Seychelles Pension Fund Act, me nou’n trouv li byen pour met en definisyon sa Medical Board e donk nou pe met li koman en definition dan Definition Section Clause 2.

Nou pe propoz en amannman an sa ki konsern ‘retirement’ e sa set en amannman a sa amannman ki pe ganny propoze pour nou fer li kler ki ‘retirement’ i laz 60an oubyen okenn moman apre sa, apre ki sa laz in arive.  Akoz i annan posibilite ki i a en serten moman laz retret pour bouze e i pour sanze.

An sa ki konsern 3enm lamannman Clause 2 (d) (i) ki lo top paz 2 nou rapor, fason pour tir en Manm Board i ti enkli si i ganny kondannen pour en lofans ki involve ‘dishonesty’.

        Nou propozisyon i restrikte sa.  Akoz nou krwar ki pa tou lofans ki annan pour fer avek ‘dishonesty’ ki kapab anmenn en Manm Board pour bezwen demisyonn-en e nou pe propoze ki sa fodre i afekte, sa lofans fodre i afekte son karakter ek son kredibilite.  Si i pa afekte son karakter ek son kredibilite, i ava annan posibilite pour li kontinyen koman en Manm Board.

Next amannman i zis en lamannman pour fer clarity, nou pa bezwen pas lo la.

Amannman Clause (2) (e) se pour fer sir ki ler Chairman pa la, en Manm Board, me pa CEO parey i le ka ozordi oubyen Sekreter Board ki i ava vin, ki i ava chair meeting Board. 

E mon’n met – anfen nou’n met en note ki i annan en propozisyon pour delete Seksyon, pardon pour (pa) delete parey in ganny propoze dan Bill ki devan nou, ti pou ranplas Seksyon 13, sa Seksyon 13 prezan pa pe ganny ranplase, nou pe retir sa propozisyon e reste avek Seksyon 13 ki dan Lalwa konmela.

Prosen amannman i en amannman tipografi.  Amannman dan milye paz 2 en propozisyon i ganny fer pour insert en nouvo paragraf dan sa amending Bill ki pour sanz Seksyon 35.

E sa se i annan pour fer avek bann dimoun ki ganny en Pansyon ou plito ler en pansyoner i mor, si i gard deryer, si i les deryer li en depandan ki i annan en dezabilite, sa depandan i ava kapab ganny 40poursan pansyon ki sa pansyoner ti pe gannyen avan son lanmor.  Sa lot 40poursan i al pour son Spouse, me en depandan ki i annan en dezabilite i a kapab ganny 40poursan.

E nou pe propoze ki sa fason pour claim i ava par en Affidavit ki sa depandan i ava bezwen fer pour sinyen, pour fer leta ki i en depandan avek dezabilite.

Prosen amannman i tipografik.  Dernyen amannman lo paz 2 konmela propozisyon, propozisyon se ki Mr Speaker anba Clause 2 (p) s Seksyon 43 konmela, anfen propozisyon sete ki en Manm ki’n ganny sertifye par Medical Board, konmkwa i annan en maladi ki pa kapab ganny cure, i pe – i lo son leta pour al mor, ki i kapab ganny en full refund swa son kontribisyon mandatwar, swa son kontribisyon volonter ki in fer avek lentere.  E sa se natirelman pour li kapab servi son larzan pour tret son lekor, oubyen pour pas en moman apropriye avan son lanmor.

Propozisyon ki devan nou se ki i ganny swa son kontribisyon mandatwar, swa son kontribisyon volonter.  Nou propozisyon se ki i kapab ganny swa enn, swa lot oubyen tou lede, si i anvi opt pour li ganny tou lede.

E dan menm laliny lo top paz 3, nou pe propoz en nouvo Seksyon, sub-seksyon 5 a sa Seksyon pour dir ki en Manm ler in ariv laz 55an i kapab pran en desizyon pour li ganny son kontribisyon volonter – sa ki in fer volonterman pour li ganny peye sa kontribisyon koman en lump sum.  Setadir i annan en posibilite ler ou ariv 55an pour ou pran ou pansyon ki ou’n, ou kontribisyon ki ou’n fer volonterman – pa ou kontribisyon mandatwar ki’n ganny fer, me ou kontribisyon volonter ou kapab cash-in sa ler in ou’n ariv laz 55an.

Next propozisyon 2(q) se zis en leklersisman, en lot fason pour fer, menm zafer avek premye propozisyon anba Clause 2 (r). 

Anba Seksyon 50(3) la i annan en issue ki nou’n flag up pour ou konsiderasyon e zot ava vwar sa dan premye issue lo paz 4 ek son komanter lo paz 5.  E sa Mr Chair se pour deside si Seychelles Pension Fund i devret kapab kontinyen fer loan avek son bann anplwaye.

E nou ava vwar ki i annan en kontestasyon – si mon kapab met li koumsa – ant sa propozisyon ki dan nou Bill lo paz 9 nou Bill, par rapor lo paz 9 nou Bill si zot vwar anba (c ) lo sa paz ‘all loans to employees of the fund for such purposes that are approved by the Board. ’ Savedir ki sa propozisyon se ki bann Manm, bann Manm, ou bann travayer Seychelles Pension Fund, i kapab ganny en loan, me si zot vir paz e zot al lo paz 10 dan milye paz sa subsection 3 ‘the Board shall not permit direct lending of any amount to any person.’ I annan en kontradiksyon ant sa 2.

E nou pe demann avek Lasanble ozordi pran en desizyon Polisi, eski Seychelles Pension Fund i devret kapab kontinyen donn loan son bann anplwaye oubyen non?  E an fonksyon sa ki nou deside, enn ant sa 2 Clause i ava bezwen ganny amande parey nou’n propoze la.

Propozisyon anba 2 (u) i plito en leklersisman.  E anba 2 (w) i tipografi napa gran amannman la; se bann ptipti lamannman.

Dernyen propozisyon lo paz 3 nou rapor, se pour azout 2 nouvo subsection avek seksyon 56.  Seksyon 56 i kree en Medical Board e okenn dimoun ki bezwen en pansyon avan ler pour en rezon medikal i pas devan sa Medical Board, me napa konmela en droit d’appel.

Setadir ki si Medical Board i dir ou non, ou pa kapab fer en rapel.  Alors sa ki nou pe propoze la, e sa set en nouvo sizesyon ki’n sorti dan meeting ki nou’n annan avek Minis avek CEO ki nou fer en Appeals Committee avek sa Medical Board, ki pour konpri 3 dimoun ki ganny apwente par Board, nou’n swiv menm prensip ki Medical Board ki ganny apwente par Board Pension Fund, pour ekout okenn Appeal e dan en nouvo sib-seksyon a lafen paz 3 nou pe dir ki sa Komite i ava hold office pour anba kondisyon ki Board i set up. E anler lo paz 4 nou rapor nou donn drwa en dimoun ki pa kontan en desizyon Medical Board pour li fer Rapel avek sa Komite.

E dernyen amannman se en amannman stil ki nou pa bezwen refer lo la.  Mr Chair mon ti’n dir ki nou’n flag up 4 keksoz pour Lasanble desid lo la ozordi; premye mon fek mansyonnen i lo paz 4 sa se si Lasanble i krwar ki Pension Fund i devret kontinyen kapab donn loan son bann anplwaye, e zot ava vwar bann rezon lo paz 5 akoz ki CEO pe dir ki sa i devret kontinyen.

E pour benefis bann dimoun ki dan lakour ki napa sa paz, basically konmela i annan zis 4 kategori loan ki ganny donnen a en maximum R10milyon avek en lentere 5poursan lo la, me la mazorite loan i pour 2 kategori car loan ek general purpose loan.  E donk desizyon ki Lasanble ou bezwen pran, se eski sa pour kapab kontinyen oubyen non?

2enm issue ki nou’n flag up se definisyon ‘Spouse’ e zot ava vwar sa lo paz 4 e son komanter lo paz 6.  Pour le moman en dimoun ki pa en dimoun marye avek sa pansyoner ki mor, i kapab ganny en pansyon si in reste avek sa dimoun ki’n mor pour en peryod 3an.

Propozisyon ki dan amannman dan Bill, se pour increase sa peryod pour li fer li 7an.  E rezon ki nou ava vwar lo paz 6 pour sa ki Seychelles Pension Fund pe donnen, se pour anmenn li anliny avek sa propozisyon lamannman Kod Sivil ki devan nou ki nou’n vwar, kot nou pe dir ki apre 7an ki 2 dimoun in viv ansanm zot, sa i vin en lekivalan pour bann rezon propriyete, par pour bann rezon maryaz e moral, me pour rezon propriyete including Pension Fund, sa i ganny asimile a 2 dimoun ki’n marye.  Donk ozordi propozisyon se pour tir li 3an pour fer li vin 7an pour fer li vin an konformite avek provizyon Kod Sivil ki pe, ki devan nou pour amande.

Sa 2 lezot issues, i napa nanryen pour fer parey mon’n dir, avek bann amannman ki devan nou ozordi.  Me i 2 issues ki’n lev-e dan Komite e nou’n krwar i enportan pour donn Manm Lasanble en pe background.

3enm issue se oversight, ki kalite oversight – ki Pension Fund i devret annan?  Natirelman son CEO i anba oversight, son management i anba oversight Board, me eski i annan en lot nivo oversight ankor?  Akoz parey nou tou nou konnen Pension Fund apard Bidze Gouvernman i pli gro Fon ki i annan isi Sesel, en kantite larzan ladan e i en, e li menm li ki sa Fon ki i annan plis Manm isi Sesel.  Donk i Fon enportan e oversight, e sa mon sir ki CEO avek SS Payet i ava donn nou en pe plis lenformasyon, me lo paz 7 son komanter tre brièvement pour bann dimoun dan lakour, se ki i annan en propozisyon ki pour ganny table lannen prosenn pour tir oversight Seychelles Pension Fund anba PMC kot i ete konmela e pour met li anba FSA.  Donk Dr Fanny ki ti la yer ek FSA pour annan, si sa lamannman i ganny fer ki si nou ratifye sa lamannman a parti lannen prosenn sa oversight i pour ganny fer par FSA.

E finalman dernyen mo Mr Chair, lot keksoz ki’n ganny flag up, se maximum pension, e sa zot ava vwar li dernyen issue lo paz 4, e son komanter i lo dernyen paz rapor, lo paz 8.  Eski, an vi ki Fon i en Fon limite, an vi ki parey nou’n ganny dir a plizyer repriz, unless ki kontribisyon i montre dan Fon ek pansyon i reste plis ou mwen stab, nou pour annan dan bann lannen ki pe vini en kriz, kot Fon i riske nepli soutenab e sa ki nou’n diskite, e parey mon’n dir i pa pour nou ozordi, me Manm i ava kapab pas en komanter lo la, eski nou devret entrodwir en mekanizm pour limit swa kontribisyon, swa pour cap pansyon ki en dimoun i kapab gannyen anba Fon pour ki sa Fon i reste dan en serten fason soutenab?

Vwala Mr Chair.  Mersi pour donn mwan la parol bomaten.  Vwala sa seri lamannman ki devan nou ozordi pour nou, pour Manm diskit lo la.  Mersi bokou.

 

MR SPEAKER

Mersi Onorab Georges.  Bon parey mon’n dir avan mon donn la parol bann Manm pour debat lo amannman, mon konnen Minis osi in dan Komite avek nou, mon ava zis ofer li la parol pour fer komanter and then nou ava open the floor for debate on the amendments.  Minister.

 

MINISTER MAURICE LOUSTAU-LALANNE

Mersi Mr Chairman.  Mr Chairman e tou Manm Onorab bonzour.  Mon ti a kontan Mr Chairman zis pour konfirm avek sa prezantasyon ki Onorab Georges in fer, mon krwar i reflekte sa travay serye ki nou’n fer dan sa dernyen Bills Committee, i pros 1an ki’n pase depi ki nou ti prezant sa bann amannman e fotespere ki la nou vwar plis laklerte ki nou nobou pran en desizyon ozordi dan sa sans.

Mon annan enn de amannman ki mon pour propoze, pou konfirmen letan nou ouver deba.  Mersi Mr Chairman.

 

MR SPEAKER

Mersi Minis.  Bon nou ava ouver deba lo bann amannman ki devan nou ki’n ganny prezante par Chair Bills Committee.  Mon a donn la parol Onorab Sebastien Pillay.

 

HON SEBASTIEN PILLAY

Mersi Mr Chair.  Mr Chair mon konpran prosedir ki nou pe swiv, me selman lefe ki dan Bills Committee nou’n pas en bon pe letan diskit sa, e mon krwar i annan plis ki Lagreman lo laplipar sa bann lamannman, sa ki enportan prezan pour nou ganny reaksyon Lotorite konsernen lo sa bann size, oubyen si i annan Manm ki i annan area spesifik ki zot santi poudir i en pe contentieux pour zot.  Mon konnen petet ti pour annan Manm ki ti pour eksprim serten contention lo sa definisyon ‘Spouse’ bann eleman koumsa.

E apre zis pour gid bann Manm an se ki konsern sa oversight pour Pension Fund.  Yer nou ti ganny loportinite pour nou osi raise sa size avek FSA, e FSA i deza la Regilater pour bann Insurance Companies, me i bezwen osi vin Regilater bann Pensions.  Akoz?  Se ki si demen ou annan en Private Pension ki ganny formen, i pa pour tonm anba PMC i pour tonm an deor.  So i fer sans ki li FSA si i pour fer sa rol, i ava meyer pour li annan sa oversight lo tou bann pansyon ki ganny entrodwir.

Mon krwar sa i fer plis sans.  E se dan sa laliny ki mon krwar nou ti osi propoz avek Minister Finans ki nou al dan al direksyon, akoz teknikman Pension Fund i ganny, i pran larzan bann kontribiter, i pa vreman larzan Gouvernman ki vin ladan.  Whereas en SOE i pe manage bann State assets e i generate en income from State assets, Pension Fund non, i generate en income pour son bann Manm.  So sa ti en pwen mon ti oule met devan Lasanble si zot pour, letan nou pe konsider sa morso lamannman.

So Mr Chair petet mon krwar the best thing la, se ki Minis i dir nou dan sa bann lamannman ki nou’n propoze, kote zot annan bann contention ki nou nou’n avanse?  E si Minis i annan bann propozisyon lamannman ki nou kapab formil li byen pour ki i antre, akoz i quite substantial travay ki nou annan pour fer in regards to bann lamannman lo Fon Pansyon.  Mersi Mr Chair.

 

MR SPEAKER

Mersi Onorab Pillay.  Bon rezon ki mon’n ouver deba se pa tou Manm Lasanble ki’n okouran bann travay ki Bills Committee in fer.  E i annan Manm Lasanble ki pe okouran keksoz apre ki nou’n sirkil rapor Bills Committee.  So se sa rezon ki mon pe ouver deba.  Nou’n ki’n partisip dan travay Bills Committee nou okouran en pti pe, me an gro si mon’n tann Minis byen, in aksepte bann propozisyon ki’n ganny fer par Chair Bills Committee dan son rapor, me in dir poudir lo zot kote osi tou i annan serten amannman ki zot anvi propoze, be nou ava ganny sa final apre ki bann Manm i entervenir, ok nou ava fer li dan sa fason.  Si i annan okenn lezot Manm ki oule entervenir?  Ok Onorab Afif.

 

HON AHMED AFIF

Mersi Mr Chair.  Mr Chair mon ti a kontan adres sa size ki devan nou lo kote Regulator, e lekel ki devret manage en Fon ki osi gran ki sa.  Ozordi nou konnen anba Lalwa i fer provizyon ki Gouvernman atraver en Board ki Prezidan i apwente, i ganny sa manda pour fer li, malgre ki pa neseserman Fon Piblik per se.

        Me mon krwar propozisyon pour annan en Regilater ki anba Lalwa, ki pli striktire i fer sans.  So tel ki i annan en Regilater parey FSA, mon krwar i pour fer sans akoz pli ki nou moderniz lekonomi ou riske ganny Private Pension Fund ki ganny etablir dan pei.  E ozordi nou annan en striktir ki regulate depi Stock Exchange, Mutual Fund, Cooperate Service Providers, International Trade Zone e bokou sa bann Operater se bann Operater Prive, me pa anpes FSA devlop son bann resours entern pour annan dimoun kalifye ki kapab egalman regard lo lafason ki bann gro Fon ki laplipar pour, anfen mon krwar antye i pour bann Seselwa ki’n travay Sesel, e pour li kapab etablir bann norm ki devret egziste dan en tel Fon.

Mwan personnelman mwan krwar sa i tre enportan spesyalman ler mon regard kont Fon Pansyon ki ler ou regard son reveni par rapor ek son depans i alarman.  Son reveni par egzanp ki’n sorti R111milyon an 2013 e an 2019 in R175milyon, se selman son depans Administrative savedir son depans, son reveni in mont pran dizon 70poursan, me son depans Administrative in sorti R21milyon pour vin R47 milyon,; in plis ki double, depi 2013.  So nou pa kapab dir sa i annan pour fer avek Reform Ekonomik eksetera.  Sa 2013 nou pe koze la, me depans Administrative in plis ki double, en gran parti saler, top management eksetera e pour mwan sa i trakasan, i trakasan e zot sirplis ki zot ti pe fer an 2013 byensir akoz reveni pa pe mont sa kantite, me depans pe double.

Zot sirplis in sorti R42 milyon an 2013 pour li ariv R35 milyon, in desann an 2000, well sa se forecast ki zot pe, mon krwar ki i pe ganny mete, 2017 son sirplis li i 90milyon.  Me sa bann ogmantasyon, sa bann ogmantasyon ki pe monte dan kou Administrative i alarman, e Fon Pansyon i osi annan en progranm kot i pe envestir bann Fon sibstansyel dan batiman, ki sa i form parti son progranm lenvestisman.

Me bokou kestyon in ganny lev-e o tour sa bann kalite envestisman lekel ki pe siperviz zot e eski pe fer dibyen pour larzan pansyoner?  Parske pansyoner ozordi nou pe dir zot travay plis ziska 65an, parske reveni pa bokou, nou annan mwens travayer, nou annan plis commitment pour fer, e alor nou pe pous sa, me an menm tan nou bezwen regarde li Fon Pansyon li menm ki i pe fer avek sa larzan ki pansyoner in deza met la?  Eski pe ganny meyer financial return ki devret gannyen?  Eski pe zer sa larzan byen?  Akoz kou Administrative in double dan 5an?  Kan lenflasyon in 5poursan e mwens pandan sa peryod?  So mon krwar sa bann kestyon ki enportan pour nou poze.  Mersi Mr Speaker.

 

MR SPEAKER

Mersi Onorab Afif. Onorab Ferrari.

 

HON JEAN-FRANÇOIS FERRARI

Mersi Mr Speaker e bonzour tou dimoun.  Mr Speaker mon swiv sa ki Onorab Afif in dir e mwan lentervansyon i pour zisteman lo oversight an relasyon avek Schedule 3 e propozisyon pour annan en nouvo sistenm Regilatwar pour Fon Pansyon ou mwen at least nou, pour nou reflesir lo bann mezir ki nou krwar i devret an plas e ki mannyer nou kapab donn zot lafors pour protez sa bann savings ki nou pe fer.

Me selman mon lentervansyon mwan i pour plis lo bann kontrol entern.  Byensir i absoliman neseser ki nou annan en oversight, external oversight body e nou konnen poudir PMC avek leksperyans ki’n akimile pandan sa bann dernyen mwan, sa bann dernyen lannen in permet li pour li fit en pe son bann zouti en pe pli byen e nou’n vwar poudir i annan en bon pe travay efektiv ki’n ganny fer, e nou remersye zot.

Nou’n travay tre pros lo plizyer Konpannyen parey L’Union Estate e lezot e nou’n vwar poudir i annan kapasite dan PMC.  Me selman sa ki nou pe demande nou, se eski zot annan lekspertiz?  E se pour sa ki ozordi devan nou i annan sa kestyon, eski external oversight i devret move from PMC to FSA ki ankor enn fwa mon demande eski zot annan lekspertiz?  Me larepons se ki zot devret annan sa lekspertiz.  E si FSA napa sa lekspertiz nou bezwen bouz vitman pour fer sir ki zot annan. Akoz dapre mon konesans FSA i en Regilater pour bann Lasirans ki egziste deza.  E Lasirans bann Fon Pansyon, bann diferan form collective savings i bann striktir enportan.  E mon ti a kontan ki Minis avek SS i taler i donn nou lasirans oubyen reassurance ki FSA i annan sa lekspertiz e i annan sa kapasite fizik, kapasite imen pour zot kapab fer sa travay.  Si non, si non nou pour bezwen reflesir lo eski lo kan eski nou devret pe move away, nou pa sipoze pe fer li la, me lannen prosenn ki nou ti pe move from PMC to FSA.

Nou bezwen asire ki ler nou pe fer sa migration, nou pe fer li akoz FSA i kapab pran tou responsabilite dan sa travay ki vreman enportan.  Sa ki mon’n, la ki mon’n dir sa mon retourn lo mwan pwen internal controls. Mr Chairman i bann, sa ki mon dir se ki i, i pa devret ganny pran koman okenn lakizasyon oubyen okenn bann pwen ki pe ganny lev-e pour met an dout okenn travay, kapasite, lentegrite okenn dimoun, me selman vi ki Fon Pansyon i telman en gro Lorganizasyon plizyer Manm e plizyer senp Manm ki pa asiz lo Board oubyen ki napa nanryen pour fer avek management sa Fon par egzanp bann Accountant isi, bann Accountant prive, bann oditer prive, bokou sa bann dimoun in apros mon, in apros nou lezot isi lo sa kote latab pour dir avek nou, pour eksprim avek nou zot bann pwennvi ek zot bann konsern ki zot in demann nou pour met devan ler sa deba i vini dan en bi pour ler nou fini, nou konnen poudir nou’n analiz tou bann sityasyon ki kapab problematik e nou’n fer bann demann neseser pour bann aksyon korektif ganny pran.

Premye pwen ki mon pour lev-e se internal audits.  Mon lenformasyon ki mon annan se ki napa en proper internal audits structure dan Fon Pansyon – I stand to be corrected e osi napa en gran volonte management avek Board pa’n montre en gran volonte pour beef up sa striktir an partikilye.

Akoz mon dir nou i pa’n annan volonte se ki i pa egziste, napa enn ki internal auditor pour le moman, otan ki mon konnen – but I stand to be corrected lo tou sa ki mon dir. Napa en proper Internal Audit Section, napa en proper, napa en Internal Auditor, zot ti’n recruit enn, zot ti pe recruit enn me apre zot in deside pour pa recruit e lenformasyon ki mon’n gannyen se ki a en serten moman menm Departman Lanplwa in entervenir pour pa otoriz sa Auditor ki sipoze vin an deor Sesel pour actually ganny en GOP pour li vin travay.  E ki fer ki i annan en sityasyon ki pour mwan e pour plizyer lezot dimoun i en pe enkyetan.

Pour benefis piblik, mon ti a kontan dir ki sa Internal Auditor se sanmenm sa dimoun ki ganny takse, ki ganny responsabilite pour li provide, pour li donn en evalyasyon endepandan e obzektif.  E mon dir byen ‘endepandan e obzektif’ akoz menm ler sa dimoun i en anplwaye en Lorganizasyon son responsabilite se pour li annan en regar endepandan e obzektif lo bann loperasyon finansyel, loperasyon biznes e ki sa Lorganizasyon pe fer, me osi lo son Cooperate Governance.

Alors mon ti a kontan si Minis ti kapab dir nou e SS ki mon krwar SS i lo Board Fon Pansyon, so, (ou ankor?)  So nou privilezye, nou privilezye pour nou annan ou parmi nou ozordi e mon mwan ti a enn sa bann Manm ki ti a kontan konnen ki striktir ki an plas?  Koriz mwan si mon’n dir en keksoz ki pa korek, me ki bann striktir, bann internal controls ki an plas?  Ki bann, ki Risk Management structure ki i an plas?  Eski i annan en group, en striktir a lenteryer Fon Pansyon ki manage sa bann risk, ki manage e ki fer oversight lo lenvestisman?

Akoz sa i pwen ki mon krwar Onorab Afif in zis tous lo la, me selman i pa’n al an detay lo lenvestisman e osi lo 2 lenvestisman ler Fon Pansyon i aste i envestir dan en propriyete, zot in envestir dan bokou propriyete dan building, dan konkret dan, e osi, e ler zot pe fer sa bann lenvestisman, ki bann kontrol ki i an plas pour fer sir ki nou koman bann Shareholders, nou satisfe poudir zot pe aste en keksoz at the right price at the time zot pe, zot in fer en kalkil reveni ideal e prospektis ki sa lenvestisman i kapab anmennen, e ki zot swiv sa reveni e ki zot pran bann aksyon korektif si sa bann target pa ganny met.

Me osi si zot e i ava arive, e sa mon pa pour blanm personn, i ava arive ki i annan bann envestisman ki nou pour vwar i pa non-performing parey nou dir e sa i ava arive, fotespere i pa ariv tro souvan, me selman si i arive ki nou fer?  Ki mannyer nou dispose sa bann assets?  Ki mannyer nou involve tou bann kontrol entern e ekstern pour nou fer sir ki sa i ganny fer dan en latransparans total, total.  E mon krwar ler nou pour koze isi, nou pour koz koman bann MNA, me osi koman bann Shareholders.  Akoz nou osi nou pe get, nou latet, nou seve pe blan e nou pe mazinen poudir fodre pa ler nou ariv laba larzan dan Fon napa e zot anvoy nou travay ziska 75an.  So nou pa pour ‘’VIV ERE’’, mon vwar Madanm Waye-Hive pe riye laba lot kote, nou pa pour viv ere dan sa ka.

Donk la i la sa bann keksoz ki pour mon i enportan ki nou ganny bann repons lo la akoz zanmen mwan pour bliye ki ler apre Lehman Brothers ti kolaps e Sesel ti faid, pli gran rezon ki ti ganny met devan se failure to implement internal controls dan sa Lorganizasyon, e se sa ki’n fer lemonn tranble e ki nou larzan ti devalye par 100poursan apre.

        So mon ava annan enn de lezot pti pwen lo enn de Heads apre Mr Speaker, mon ti a kontan kit sa la pour le moman.  Mersi.

 

MR SPEAKER

Mersi Onorab Ferrari. Onorab De Commarmond.

 

HON CHARLES DE COMMARMOND

Mersi Mr Chair. Bonzour Mr Chair, bonzour Minis ek ou delegasyon, tou bann dimoun kot Fon Pansyon e bann Manm Onorab e tou dimoun ki a lekout.

Mr Chair mon’n ekoute enn de keksoz bomaten, premyerman sa bann amannman mon krwar i enteresan, Bills Committee nou’n partisip en pe ladan e sa ok.

Me sa kestyon logmantasyon dan depans Administratif la, sa mon krwar nou bezwen leksplikasyon.  Me an menm tan eski petet pour reflesir, eski petet taler CEO ouswa Minis i ava eksplik nou eski dan ogmantasyon sibstansyel dan bann assets? Eski in annan logmantasyon sibstansyel dan bann Manm?  Logmantasyon dan lakantite Manm ouswa dan zot bann aktivite ki in fer ki zot in bezwen ogmant administrative cost pour zot zer sa bann keksoz petet ti bon eklersi nou.

Epi eski, sa kestyon nouvo sistenm Regilatwar ek oversight, mon krwar sa i en nesesite, i enstrimantal dan kontinyasyon sa Lorganizasyon ki apel Fon Pansyon.

PMC i annan tout bonn volonte, me nou konnen PMC osi i annan bokou zafer, son Bidze i pa ase ki nou’n donn li, me mon vwar li i pe sey son mye, me i enportan ki ou annan en lot lenstitisyon, en lot sistenm, en lot striktir e dan kad FSA – Financial Services Authority i pour bon pour kapab swiv sa ki Fon Pansyon pe fer e akoz nou’n atann kantite dimoun i tann bann keksoz dan zot desizyon lo bann investment ki zot pe fer, dimoun i poz kestyon eski i byen?  Eski i ok?  Eski sa bann sif, sa bann amount ki zot pe aste serten propriyete ensi laba?  I annan kestyon.

E an menm tan nou’n vwar i annan nouvo Chairperson e mon krwar mwan la, lotrozour mon’n zwenn li nou pe koze e mon’n dir li, i enportan sa nouvo Chairperson i fer lodit Fon Pansyon e li avek son konpetans i devret pe fer sa sansan ki pour arive?  Tou problenm ki kapab vwar avek Fon Pansyon, pour anvoy lo son ledo, e li i nouvo e taler i pour anmas blanm ki pa neseser.  Alor mon krwar mwan i enportan ki i fer en lodit e i fer piblik konnen, i fer travayer konnen, i fer nou konnen ki pe pase akoz i enportan Fon Pansyon son bann Manm bezwen konnen kwa ki pe pase laba.

Mon ti’n anvi zis met sa bann pwen devan pour ki petet Minis, SS i kapab commente lo la e an menm tan pour nou ganny leklersisman lo sa issue sa logmantasyon preske double dan son kou Administratif.  Mersi mon aret la pour le moman.

 

MR SPEAKER

Mersi Onorab De Commarmond, Onorab Ramkalawan.

 

HON WAVEL RAMKALAWAN

Mersi bokou Mr Chairman.  Mr Chairman letan mon ti koz lo sa size Pension Fund mon ti fer sorti serten pwen, e mon krwar ki mwan ankor dan sa pozisyon pour mon remet lanfaz ankor lo sa bann pwen.

Premyerman sa definisyon ‘Spouse’ mon kontan vwar ki poudir Bills Committee in dir retourn sa ankor devan Lasanble pour nou ganny son definisyon.

E ou ava rapel ki Lasanble letan nou ti fer sa sesyon lo Civil Code, nou ti koz bokou lo la.  E sa definisyon ki nou pe gannyen la, mwan personnelman i pa en definisyon ki satisfezan.  Akoz i pa satisfezan?  Zis i ape dir si ou’n viv from, si ou’n viv ansanm 7an i annan en pwen ki enportan la.

Dan deba lo Civil Code nou ti dir fodre ki nou elimin sa eleman bigami, parski si ou ape dir maryaz i ok, me an menm tan osi pour en dimoun ki’n marye kot ou pe, dan en serten sans legaliz son maryaz parske i pe ganny konsidere, i pe ganny tou sa bann drwa, si i ankor marye e i pe reste avek en dimoun ki pa ankor, well ki zot in marye, ki zot pa’n marye me selman sa relasyon i pe ganny rekonnet then i bigami, parski ou pe, Civil Code i anvi rekonnet maryaz parey i fer la ozordi, me i anvi osi rekonnet en relasyon an menaz.

So mon mwan pe propoze ki sa i bezwen sanze.  Pour rekonnet en relasyon an maryaz fodre ki sa 2 dimoun napa enn ki’n deza marye! Fodre ki i kler ki sa 2 dimoun zot lib, si en dimoun in divorse; savedir in fini avek sa maryaz ki sa 2 dimoun napa okenn relasyon.

E rezon mon ape dir sa Mr Chairman i senp, right now mon’n fek debout koman en Temwen dan en case Ankour zisteman kont Pension Fund kot mon’n bezwen, en zonm in mor e levidans ki vin devan Pension Fund menm si i ti annan en Will, sa Will Pension Fund ti pran ti met li laba, e Pension Fund ti dir nou Lalwa i dir si ou’n reste avek en dimoun pour 3an, ou’n fini ok ou, menm si sa dimoun, menm si sa dimoun i ankor marye.  E mwan mon krwar ki poudir sa i pa normal e mon konnen Onorab Georges in mansyonn zis lo kote propriyete in dir sa, napa nanryen pour fer ek lo kote moral, me mon mwan krwar ki poudir moralite i bezwen a tou moman ladan.

So mon mwan ti pour demande ki i annan, ki zot regarde ki mannyer pour met dan son definisyon dan sa nouvo definisyon ‘Spouse’ pour fer kler e si dapre zot i kler la, be mon mwan krwar pa si i kler dan sa definisyon ‘Spouse’ fodre i kler ki si 2 dimoun in reste ansanm pour 7an e okenn ant sa 2 dimoun i ankor marye, parski la mon krwar nou pour, si nou pa fer sa nou ava pe al kont sa prensip ki nou pe pous, ki nou ape met devan dan Civil Code, kot nou pe dir fodre ki i annan keksoz kler, fer en clean break ou’n marye ou relasyon pa’n marse, ou pe al antre an menaz, fer en clean break ki ou vin en dimoun lib la aprezan ou rantre dan sa relasyon menaz. Me si ou ankor marye, then ou pa kapab tonm anba sa 2, sa i mon premye pwen.

Dezyenmman, i vre ki Minis in mansyonnen ki poudir 1an, i vre letan mon pe regard dat le 13 desanm sa Lalwa ti ganny Gazete e konmsi mon vwar e sa mon anvi fer en pwen zeneral lo la poudir ki petet se sa parfwa nou trennen avek bann Lalwa. Konmsi annan en Sense of Urgency, letan i annan bann problenm koumsa nou’n diskite, i annan sa bann issues, mon pa vwar nanryen ekstraordiner ki nou pa ti’n kapab pe diskit sa dan premye term sa lannen.  Konmsi annou met en sense of urgency.

Lo kote loans to employees, ankor enn fwa i enn bann size ki zot in mete koman enn ki Lasanble i ava analize, i ava regarde.  Mon mwan krwar ki avek tou sa bann problenm ki’n pase dan nou pei sa lannen SBFA lot, lot, lot e menm Gouvernman lontan letan ou ti ouver rapor Oditer Zeneral mon rapel premye lannen ki mon ti dan Lasanble 1993 konplent prensipal ki Oditer Zeneral ti flag sete general purpose loans e apre sa Gouvernman ti pran desizyon pour cancel sa, sa i byen.

Mon krwar ki i bezwen annan en lord, si oule en loan ou al Labank, ou al Labank ou swiv bann prosedir, si ou bezwen en pti loan R5, 000 oubyen R10, 000 sirman bann kondisyon pour sa loan i bokou pli, i less konplike ki si ou pe vin rod en loan R500, 000 e Labank li i ava asses ou e Labank i ava vwar ki poudir ou oule aste en loto, sa loto i kout R300, 000, ou lapey i sifizan, ou annan garanti neseser, Labank i ava donn ou.  Konmsi fodre sa i kler ki poudir bann travayer Pension Fund i pa ki nou dan Lasanble nou pe dir pa donn zot en loan – konmsi tir sa privilez ki zot annan ensidswit – non!  Nou pe dir fodre ki nou ganny keksoz drwat, si en Lakonpannyen prive i anvi donn loan ensidswit, sa i en lot zafer, me mon konnen ki poudir Pension Fund i pa antyerman Gouvernman.

Parski prive osi tou i met larzan ladan, tou bann dimoun i met ladan, me selman mon krwar ki lefe ki se Lasanble Nasyonal ki i annan sa responsabilite pour li regard sa Lalwa e nou enterese parski parey Onorab Georges in fer resorti, ki sa loan – sa Fon i enn bann pli gro Fon if not Fon pli gro dan nou pei.

E alor si sa Fon i pli gro e tou dimoun pe dir be letan mon pour pran mon retret se sa ki mon pour annan koman mon batonn vyeyes e an plis ki sa ozordi i annan bokou issues konsernan bann dimoun ki’n travay ki santi ki poudir sa pansyon ki zot pe gannyen i pa sifizan, sa survey ki Gouvernman i sipoze fer pour met devan nou, i montre nou ki mannyer keksoz i ete.  Me an menm tan osi nou bezwen pran an konsiderasyon ki i annan bann red flags ki pe lev-e, kot pe dir eski sa Fon i pour soutenab, dimoun pe viv plis letan eski sa Fon pour kapab vreman soutenir son lekor?

Alor lefe ki i annan tou sa bann konsern e Onorab Afif in osi mansyonn serten reveni ki’n diminyen, mon krwar ki tousala i fer ki nou bezwen vin plis strik avek sa Fon.  E mon mwan pour siporte parey mon ti siporte 1an pase, mon pour siporte ki nou tire sa zafer loans to employees e ki nou fer kler si sa Fon letan en dimoun pe rod en loan, garanti kot i pe travay ki poudir son lapey i stab ensidswit, i ava fer e Labank i ava manage sa.

Mr Chairman mon dernyen pwen ki lye direkteman avek efektivman avek sa pwen ki mwan pe fer ki mon’n fek fer la, i konsern oversight and control.  E alor sa i en kontrol, i en problenm e pli boner sa lannen nou’n lev serten konsern letan Chairman Board ti ganny kriye Statehouse e ti ganny dir pour li demisyonn-en e i ti ekrir son let e rezon ki i ti donnen sete i vye.  Me selman i ti’n fek ganny apwente, sirman si ou apwent en dimoun 68an koman Chairman Board letan i ariv 70an ou pa kapab dir avek li i vye, ou ti ekspekte ki poudir i pour ganny 70an amwen ki i ti mor!

E apre sa nou’n trouv lapwentman en politisyen, en ansyen Minis e sa dan li menm li anvoy the wrong message, the wrong message about sa Fon, i anvoy the wrong message about lafason ki sa oversight ensidswit pour ganny fer parski, la mon pa pe akiz personn, okenn me selman lefe ki en dimoun in Minis apre sa in ganny demande pour li arete e aprezan in ansarz en lot Lakonpannyen, konmsi in al en pe partou apre la finalman konmsi i vin Pension Fund – nou pli gro Fon.  Mwan pour mwan i reste en konsern, i reste en konsern lo sa oversight, lo sa kontrol; eski i en sityasyon kot nou ganny en dimoun ki pour demann mwens kestyon, ki pour les serten keksoz pase?  E sa nou bezwen veye akoz ankor enn fwa i konsern nou, nou larzan. FSA eski in vreman pare parey Onorab Ferrari pe dir, eski i vreman pare pour li take over sa?

E ankor enn fwa proper appointment of Board, ozordi ki mannyer sa i ganny fer mon krwar ki i annan serten kestyon, i bezwen, i annan serten kestyon lo ki mannyer keksoz i ete spesyalman ki en Mandatory Fund prive avek piblik ki met larzan ladan, nou tou nou met larzan ladan, eski i ankor rezonnab pour zis Prezidan fer sa lapwentman?

Mon krwar sa osi tou i ava al dan sa direksyon kot nou pe al dan en fason serye pour nou kapab deal, e la pour le moman mon konnen ki poudir i annan bokou rezistans.  Nou’n koze avek PMC e mwan personnelman koman Chairman, koman Chairperson FPAC letan nou’n, PMC in vin koz avek nou, nou konnen ki poudir i annan sa rezistans ki konmsi Pension Fund i dir nou, nou napa nanryen pour fer avek PMC!  Konmsi Pension Fund i vin en pti Rwayonm dan li menm, pa kapab kontinyen koumsa!  Pa kapab!  E la pour le moman mon mwan krwar ki poudir sa rol PMC, PMC i devret koman sa Lorganizasyon Gouvernmantal ki annan sa oversight, me solman parey nou pe dir ki, e lefe ki Gouvernman ki apwent Board, Gouvernman ki fer tou sa bann keksoz, PMC ti devret annan en keksoz pour fer dan lafason ki keksoz i fer, e sa mon krwar ki se bann konsern.

E la ozordi parey nou konnen i annan serten Manm Board ki koz avek nou e sa i en keksoz ki parfwa letan apre ou ganny bann let ki dimoun i dir avek ou pa’n konpran zot byen, ou pa’n isi, ou pa’n laba, pa sorti kot Pension Fund.  I sorti kot bann lezot Lorganizasyon.

Sa ki parfwa bann dimoun pa realize se ki nou napa en laplikasyon lo nou telefonn ki zis kan ou annan, i annan en problenm sa i annan en mesaz ki antre.  Nou ganny lenformasyon akoz zot Manm Board ki koze, zot bann travayer ki koze, se sa ki zot met devan nou e nou, nou, nou vini koman nou rol oversight nou osi nou met sa devan.

La par egzanp mon kapab dir ki mon aprann ki poudir i annan 2 Manm Board, i annan 2 Manm Board la ki’n fini lo standby pour zot resign, akoz i annan problenm ki zot pa satisfe avek.  Be sa i bann konsern grav, parski sanmenm sa Fon ki pour fer sir ki letan nou, letan nou ganny dir ‘’your services are no longer required,’’ be nou pe komans ganas ganase, se sa ki pour permet nou ganny en pti larzan pour nou met en lasyet manze lo nou latab, e si keksoz pa pe mars byen, then nou, nou bezwen regard li e nou bezwen fer sir ki i annan en keksoz bokou pli dinamik. E mon espere Mr Chairman ki poudir Minis dan sa responsabilite, mon ti pe ekout ou letan ou ti ape dir ki ou’n vin anmas en pe le pots cassés, mon ti tann ou byen e mwan dakor avek ou ki poudir i annan bokou le pots cassés otour ou ki ou ape sey met isi, SBFA in vin enn ki ou, en gro menm ki ou’n bezwen vin met lord.

Be mon krwar ki mon pour dir Pension Fund avek tou respe pour CEO avek son bann travayer.  Me nou bezwen absoliman met li lo en soz kot napa okenn kestyon, kot demen letan Pension Fund i vini dan Lasanble avek en lamannman, napa okenn sa bann issues ki nou pe koze lo la ki nou pour kontinyen koze la pour le moman, me ki nou pe dir ok, la i la ki zot anvi fer e sa i pour byennet sa Lorganizasyon, me non selman byennet sa Lorganizasyon, byensir byennet son bann Shareholders e sa se lepep Seselwa akoz ankor enn fwa kot larzan i konsernen, kwa ki ou pour gannyen letan ou aret travay?  I pour toultan reste en issue serye.

Alors avek sa, mon krwar mon bann pwen i ava’n ganny note, me solman mon ava dir zot e mwan ava dir Minis klerman ki poudir the Chairmanship of the Board right now i reste en tas nwanr lo Seychelles Pension Fund e the sooner ki en keksoz i kapab ganny fer, petet sa i ava tir detrwa ros dan zot bato e zot ava flot en pe pli byen.  Mersi bokou Mr Chairman.

 

MR SPEAKER

Mersi Onorab Ramkalawan, Onorab Sebastien Pillay.

 

HON SEBASTIEN PILLAY

Mersi Mr Chair.  Mr chair mon pour repas en pti pe lo bann provizyon lamannman ki nou ti’n ganny sans diskite avan sa e ki Minis ti sipoze donn nou en response lo la.

Minis i a rapel byen ki sa size laz oubyen kantite letan ki en maryaz i bezwen subsist, en relasyon i bezwen subsist pour li ganny konsidere anba Fon Pansyon, i annan en issue ki’n lev-e partou dan tou bann distrik kot nou’n ale, kot mwan mon’n ganny sans ale par egzanp La Digue diskit sa bann dimoun sa ti come up e sa size Next of Kin osi ti leve in regards to Pansyon sirtou an relasyon ek sa zafer ‘Spouse’.  So mon kontan ki nou pe deal ek sa size.

Me selman i enportan Mr Chair ki nou reste focus lo travay ki nou annan pour nou fer ozordi.  E mon’n ekout komanter bann lentervansyon ki’n ganny fer avan sa.  Mon krwar i enportan ki, mon mwan pa konnen pour ki rezon Chairman Board presedan ti ale, i en size enportan e mon pour avoid fer spekilasyon lo la akoz mon pa konnen pour ki rezon i ti ale, mon pa konnen si Board li i ti pran en desizyon si zot ti santi poudir zot ti annan serten konsern, me sa ki mon konnen se ki Chairman Board in sanze.  So mon pa konnen pour ki rezon e mon krwar nou bezwen careful about speculating about en size enportan koumsa akoz i kree en lenpresyon ki petet nou pa neseserman anvi i ganny kre.

Mon 2enm pwen relates to sa size Chairman Board.  Mon krwar i enportan pour nou get sa dimoun ki’n ganny apwente, son konpetans e non pa ziz son apartenans oubyen son listwar politik.  Akoz si nou pou fer sa par egzanp nou pour, nou annan nou en ansyen Minis, ansyen Minis De Commarmond, Simone De Commarmond ki ozordi lo CAA.  Eski son lapartenans politik dan lepase oubyen son, lefe ki i ti en Minis dan Gouvernman SPPF avan e diskalifye li pour li ganny en apwentman parey?

So mon krwar nou bezwen be very careful ki mannyer nou get sa size.  Sa Chairman Board i en dimoun ki pa ankor ganny sans prouv son lekor, in fek ganny apwente e mon krwar i annan en mechanism ki’n ganny etablir pour ki si sa Chairman Board i pa alaoter, i ava bezwen ganny retire, e prezan petet Minis ou ti a, mon ti a kontan ou konfirmen si i annan en mekanizm entern pour si en Manm Board i santi poudir i annan konsern avek sa ki pe pase dan son Board, i annan en fason pour li deal avek, i bezwen, eski i egziste en mechanism, en internal mechanism pour li deal avek?  Si i pa egziste, then met li an plas akoz parfwa e mon aksepte poudir ler nou, nou pe ganny lenformasyon from diferan sours, i vreman difisil pour nou verifye sa sours, so se pour sa rezon ki i enportan ki nou avoid fer spekilasyon lo bann size koumsa, e nou vin avek bann facts, e sa bann facts i a permet nou pour nou pran en desizyon konkret lo la.

So Mr Chair mon mwan mon’n, ou konn byen poudir mon’n travay avek a kote Onorab Georges e nou’n diskit plizyer a plizyer repriz avek Minister Finans lo sa bann propozisyon lamannman.  In en travay kot si ou embody li ou embody li dan Coat of Arms nou pei Finis Coronat Opus which isThe End Crowns the Work,’ so ozordi apre 1an ki nou’n asize ek sa Lalwa ki nou’n ale vini, annan plizyer meeting Bills Committee, mon krwar ti ava bon ozordi ki nou move forward e ki Fon Pansyon i ale i fer sa ki i bezwen fer, sa ki i sustain Pansyon ki nou pe kontribye, e asire ki demen tou dimoun i annan en kontribisyon ki kapab permet zot zwir en lavi ler nou tou nou’n retire en lavi ki diny, en lavi ki kot nou santi poudir sa kontribisyon ki nou’n fer anver nou pei, anver nou menm, ver nou travay in abouti dan en keksoz.

Se sa ki mon krwar fermeman ladan Mr Chair e mon pour remind sa Lasanble ki koman en Lasanble nou bezwen toultan rod fason pour nou act dan en fason pli imen, dan en fason pli konpran ki pe pase otour nou, e i enportan ki nou analiz byen bann keksoz, so i annan bann pwen pertinan ki’n ganny fer sorti par bann diferan entervenan.  So mon ekspekte Minis i kapab reponn sa bann pwen ki move an ek bann lamannman and then ariv a en pwen kot nou kapab donn Fon Pansyon lamannman lo son Lalwa ki a permet li al fer travay ki i bezwen fer.  Mersi Mr Chair.

 

MR SPEAKER

Mersi Onorab Pillay. Onorab Henrie.

 

HON GERVAIS HENRIE

Mersi Mr Chair.  Mon annan zis de pti pwen, mon panse ki panel zot pe note bann konsern ki pe lev-e apre nou ava tann zot lopinyon lo serten keksoz ki’n ganny dir.

Premye pwen ki mon anvi fer komanter lo la, se pwen ki Onorab Georges in mansyonnen ki zot in delibere dan, avek Bills Committee se sa zafer capping Pension.

So sertennman mon anvi konn reaksyon the panel lo la sirtou, sirtou Fon Pansyon ki refleksyon li menm li i pe fer pour benefis nou menm koman Manm Lasanble, koman Shareholder Fon Pansyon?  Me pli enportan pour piblik ki pe ekoute deor parski soustenabilite sa Fon i reste en konsern e sa ki mon oule zot osi dir nou dan zot refleksyon ki mannyer zot pe balans, akoz konmela ou ganny bann dimoun ki dan prive par egzanp, ki kapab vreman ganny bann gro saler ki napa kontrol lo la konpare avek bann dimoun ki dan servis piblik ki i annan en kontrol basically lo zot saler.

E apre osi enn fwa ki zot pe reflesir lo sa kestyon capping, ki son bann lenplikasyon legal i kapab annan; parski par egzanp dan konteks Linyon Eropeen sa i en desizyon ki mon’n lir par la ki ti ganny challenge letan ki mon krwar Gouvernman Angle ti pe sey diskit sa size capping pensions.  So sa i premye pwen.

Dezyenm pwen mon note ki par egzanp dan sa Bill i vin kestyon loan pour travayer konmsi Fon Pansyon in met sa koman en provizyon, me mon panse ki i annan bann keksoz ki zot merit fer en pti pe plis pour bann Shareholders zot menm.  Parey nou vwar en provizyon ki koz lo loan pour travayer mon krwar i bezwen annan bann provizyon osi pour ki mannyer Shareholders i kapab ganny en better deal avek Fon Pansyon?  Par egzanp en keksoz ki en dimoun in propoze ki mon met a latansyon panel, i dir ki bokou fwa konmela, letan en dimoun i al rod en loan Labank e Labank i demann zot en kontribisyon personnel koman en collateral e i pe fer en largiman eski par egzanp en poursantaz kontribisyon ki zot fer dan, en endividi i fer dan Fon Pansyon i pa kapab ganny servi koman collateral dan en loan Labank ki en dimoun pe demande.

Akoz enn nou vwar se ki dimoun osi i en pe per pour vin devan konmela pour garanti loan son prosen, me si i annan sa mwayen la, so sa i en keksoz ki i oule mon met devan.  Donk sa i 2 pti pwen Mr Speaker ki mon ti oule fer sirtou sa enn 2enm la pour ki bann Shareholders i annan en fason ki i enterakte en pe plis avek Fon Pansyon sirtou par egzanp letan nou vwar Fon Pansyon i fer bann meeting piblik la, i fer dan en zour lasemenn dan ler travay ki bokou dimoun pa kapab asiste konpare avek par egzanp letan Credit Union i fer pour li, i en Sanmdi apre midi ouswa Seybrew i fer pour li i en Sanmdi bomaten kot dimoun i kapab vini.  Donk sa i 2 pti pwen mon ti anvi fer.  Mersi bokou.

 

MR SPEAKER

Mersi Onorab Henrie.  Bon mon ava donn Minis la parol pour reponn bann queries e pour donn klarifikasyon.  Minister.

 

MINISTER MAURICE LOUSTAU-LALANNE

Mersi Mr Chairman.  Mersi tou bann Onorab pour zot kontribisyon.  Mr Chairman mon ava reponn kot mon kapab e sertennman mon a demann Secretaire d’États Payet pour konplete parey in dir i lo Board i kapab donn nou en pe plis insight.

Bon pour komanse, an sa ki konsern admin cost, wi in annan en logmantasyon, annefe letan mon get rapor 2017 Administrative Expenses in ganny mete a 39milyon e mon konnen pour 2018 dan bidze i 41milyon.  Kestyon ki’n ganny demande se akoz?  Bon i annan en rezon ase enportan, akoz pandan sa peryod ki nou pe regarde Fon Pansyon in annan li 7 nouvo batiman ki i bezwen administre, i annan 3 batiman ki pour li menm apre i annan 4 ki pour Gouvernman, donk sa in fer ogmante son Administration cost.  So zis pour rapel an 2016 i ti 38milyon, 2017 39 e annan son bidze 2018 i 41milyon.

Lo internal control, mon krwar sa pwen i valab.  Leklersisman ki mon kapab anmennen se ki lo nivo Board i annan en Internal Audit Committee ki lir rapor avek Board.

Lo kote son management mannyer mon konpran i annan ozordi 2 Oditer avek en Audit Manager e wi i vre ki ti annan en rekomandasyon Audit Committee pour rod en lot Oditer e sa ti ganny aprouve par Board, in ganny advertise e zot in swazir en etranze e Minister Lanplwa pa ti donn son aprobasyon.  Be ki’n arive?  Se ki prezan i annan en lot advertising ki’n ganny fer resaman, e mannyer mon konpran zot pe rod ankor 1 Head of Internal Audit avek en Audit Manager e bann interview pour ganny fer semenn prosenn sa ki konsern management internal control kot Pension Fund.

Lo kote investment, wi mon krwar ki serten lamannman dan sa Bill si nou regard 50, 51, 52, 53 i propoze efektivman ki i, nou sorti avek en gid lenvestisman par Pension Fund e nou met en provizyon pour li prezan ganny gide par en Investment Policy ki i pour bezwen al travay lo la soumet e ganny aprobasyon.  So i annan en sanzman fondamantal ki nou pe propoze.

Mr Chairman mon note pwen Onorab Ramkalawan lo sa tas nwanr lo Chairmanship Board.

An sa ki konsern ‘Spouse’ parey mon ti dir letan mon ti vin dan Lasanble letan nou ti reprezant sa Bill, Pension Fund in antisipe ki Sivil Kod ti pou’n deza definir ‘Spouse’ donk se en pti pe akoz sa ki ou vwar li i dan sa, i ganny met dan sa fason dan sa Bill, me nou tou nou konnen se i pa le ka, e mon ti a kontan vwar en pe deba.  E mon toutafe zwenn ou dan sa refleksyon ki ou’n fer.

Pour loan, parey nou’n dir ozordi i annan 4 kategori loan ki Pension Fund i donn son travayer, i annan 2 ladan ki pli enportan car loan avek GPL e parey nou’n dir i annan en cap R10milyon e sa loan i re peye avek 5poursan lentere.  So i ok pour al Labank pour al rod loan, me zis mon ti a fer resorti ki sa bann anplwaye pour ganny sa loan a en to lentere en pti pli élevé.  I sertennman pa pour 5, a mon avi i apepre 8 e pour loto i pour apepre 11.  So i pour annan en logmantasyon e remark mon krwar i enportan ki mon fer li la.

Lo oversight, pandan sa peryod pros 1an ki sa Bill i ganny konsidere, FSA li in kontinyen travay pour beef up son kapasite pour li nobou take over si se sa direksyon ki nou oule ale. Me sertennman Gouvernman se sa direksyon ki oule ale pour bann diferan leksplikasyon ki in ganny met lo floor Lasanble Nasyonal ozordi.  So mon donn zot mon lasirans ki pandan lannen 2019 nou ava retourn isi pour donn zot en pe plis detay lo sa sanzman.

Pandan 2018 tou le fason PMC i pa’n delese son travay, zot ava rapel ki PMC in fer plizyer sesyon training pou bann Board Members, bann SOEs pour fer sir ki sak Manm Board i konpran ki zot rol, ki zot responsabilite.  E mon krwar sa bann kour ki’n ganny fer in vreman en bon keksoz pour bann Board, i annan bokou Board Members ki mon’n koz avek zot santi zot in ganny en keksoz dan atraver sa bann training.  E i annan ozordi Manm Board lo zot prop free will zot resign, e letan zot resign zot dir akoz zot pe resign, e prezan Chairman Board ek Board i konsidere. E dan mazorite de ka i ganny aksepte.

Pa pli tar ki menm yer mon’n vwar en let pour en Lazans ki tonm anba Minister Finans kot en Manm Board, en dimoun dan prive in resign, in met son let demisyon e in eksplike akoz.  E se sa, sa transparans ki nou pe rode pour fer sir ki tou dimoun i konpran e mon krwar la osi dan sa lamannman ki nou pe mete, nou annan sa bann eleman kot nou dir kan i annan en lentere ou bezwen deklare eksetera si ou menm oubyen fanmir and so on and so forth.

        Lo kote capping, wi mon mwan dakor, mon krwar i neseser ki nou met en capping, akoz si nou pa met en capping nou pe abandonn nou duty of diligence.  Me ki mannyer ou met sa capping?  I annan plizyer posibilite.  Nou bezwen al etidye, regarde lekel ki, i ava pli swetab enn nou kapab cap sa saler, sa income ti ok, at sa nivo fodre i aret la, oubyen nou kapab sanz sa indexing ki nou pe fer ozordi pour pey pansyon, si nou aret sa, i ava aret monte.  So i annan at least 2 mekaniz la ki mon’n mansyonnen, be kekfwa i annan lezot nou kapab regarde, me nou pour bezwen met en capping.  Akoz pa bliye se nou osi ki pe kontribye pour sa bann gro pansyon, sa bann gro dimoun ozordi. Granmersi napa bokou, i annan detrwa, i annan 4, 5, mon pa konnen konbyen ankor akoz zanmen i oule dir mon lekel, mon pa ni enterese osi, so se sa ki nou bezwen fer.

Onorab Henrie in koz osi lo sa (voluntary)… non, non in koz lo ed bann Manm Pension Fund letan zot oule rod en loan eksetera, mon kapab konfirmen ki efektivman ozordi voluntary contribution zot kapab servi pour met li koman en collateral letan zot al en Labank pour rod en loan, sa i egziste ozordi, sa i posib me son voluntary contribution.

Prezan Mr Chairman mon mwan pe sizere ki, mon propoze pardon ki nou fer, la nou pe antre lo bann lamannman la, nou tir 50 (3) konpletman.  Mon krwar sa i enportan ki nou tir sa pour rezon ki Onorab Georges taler in eksplike, nou tir sa konpletman e tou lezot propozisyon ki in mete mon kapab konfirmen ki nou ok avek sa bann sanzman ki in propoze.  Mersi Mr Chairman.

 

MR SPEAKER

Mersi Minis.  Bon mon ti a, SS avan mon donn ou la parol, mon a zis regard avek Lasanble, in ariv nou ler break eski nou break e apre nou rantre 11er, SS i ava partaz en pti pe son bann leksplikasyon avek nou bann klarifikasyon and then nou take it from there.  I annan en konsansis?  Nou ava pran break, ok so nou ava break e nou ava retournen 11er pour nou kontinyen ek deba be an menm tan mon krwar i ava donn bann Manm osi tou en pti pe sans pour zot kapab diskite an vi ki Minis osi in propoz la ki 50 (3) i ganny tire koman, 50 (3) wi se sa.  Ok nou ava adjourn, nou repran 11er.

 

(BREAK)

 

MR SPEAKER

Bon nou ava kontinyen nou travay e mon ava donn la parol SS Payet.  SS.

 

SECRETARY OF STATE- MR PATRICK PAYET

Mersi Mr Chair.  Bonzour tou Manm Onorab e tou dimoun ki a lekout.  So kekfwa mon a koz koman en Direkter lo Board Fon Pansyon.  En keksoz ki nou’n komans travay lo la, i pa zis sa lannen, me depi ler nou’n, mon’n lo Board in toultan annan en Internal Audit Divizyon, Seksyon apre lo zot striktir, in annan toultan me, e sa dimoun ki ansarz, ki ti ansarz Internal Audit i ti report direk avek the Internal Audit Committee.  E toultan osi ki’n annan, se i annan 3 Komite lo Board Fon Pansyon enn ki get Internal Audit and Risk eleman, en lot ki get Investment and Finance, apre en lot ki get Administrasyon avek Human Resource.

So sa dimoun ki, ki’n ansarz Internal Audit tou kou in report to the Internal Audit Committee e zot in annan meeting, me avek sa dimoun ki ti resign koman Chief Internal Auditor.  E i ti ganny transfer koman Chief Finance Officer kot Fon Pansyon, nou ti vwar neseserman ki nou recruit en nouvo dimoun e nou upgrade sa post koman lo en nivo General Manager, akoz pour le moman nou annan 2 General Manager, enn ki ansarz bann peyman Kontribisyon, apre enn ki konsern Investment e nou’n vwar neseserman ki at least the Head of Internal Audit should be the same level parey the GM of sa 2 lezot Divizyon.  

So avek sa ki nou’n fer?  Ki the Internal Audit Komite zot ki ti pe drive sa process, zot ti vwar zot neseser pour zot fer recommend process e letan zot ti pe recruit, dimoun ki zot in vwar ki pli, i annan plis kapasite pour head sa unit se si en expatriate e zot in follow  tou son bann prosedir me sepandan letan nou’n fer nou prosedir nou’n report, nou’n demann laprouvasyon kot Departman Lanplwa nou pa’n ganny sa laprouvasyon, e the Board in feel ki nou bezwen re advertise e fer menm prosedir e sa mon krwar the recruitment process pe ganny fer.

So pour nou dan eleman risk i reste fondamantal lo Board, akoz mon dir sa?  ki nou’n fer se nou annan en risk travayer ki travay direkteman dan Fon Pansyon an menm tan Internal Audit as well fer zot travay, en keksoz ki Fon Pansyon in fer, se zot in travay lo en risk analysis so bann gap ki egziste e sa staff in fer li e an menm tan Internal Audit Committee ti rekomande ki i annan en Firm endepandan ki evalye sa risk analysis, sa gap ki staff in fer li.  E an menm tan li osi fer son independent assessment baze lo ki bann risk ki egziste dan Fon Pansyon.

Nou annan en rapor ki’n ganny prodwir par internally par bann staff e osi enn par PricewaterhouseCoopers zot ki sa Firm ki Board ki ti aprouve pour fer sa internal audit gap analysis e baze lo la ki nou fer, se nou’n prepar avek Board avek management bann stratezi ki mannyer nou pour minimiz sa bann risk ki egziste.

E enn de bann keksoz ki nou’n vwar par egzanp the return on asset, return on cost versus the return on fair value.  Nou’n vwar ki mazorite nou assets letan nou regard li lo return on cost mazorite i pli o ki the limit 7 a 8 poursan return ki nou mete lo sak lenvestisman ki nou pe al fer.  Me akoz i annan sa fair value evaluation every 2 years, pour bann building e si par egzanp ou annan bann asset ki lo stock exchange, sa i ganny evalye by son stock price, ou vwar ki the return of sa letan ou servi fair value i redwir.  I en keksoz ki Board in demann management pour fer, se annou revwar en pe nou bann assets baze lo zot fair value ki egziste ozordi.

So sa i en assessment ki management pe fer, i en rekomandasyon osi ki Board nou’n aprouve, ki’n ganny aprouve se the metod ki nou ti pe servi pour nou evalye par egzanp nou ti pe vwar zis lo replacement cost versus kekfwa lo son rent as well; par egzanp nou pran legzanp lo asset ki Pension Fund i annan Praslin, letan nou regarde, si nou regard li lo son replacement cost, definitivman i pour sitan o.  Me baze lo rent ki i annan lo market Praslin definitivman kekfwa son evalyasyon pour pli ba.  So sa i bann metod ki diferan metod ki nou’n mete ki nou’n rod en proper evaluer pour fer sir ki i regard en pe sa bann assets e rekomann to the Board pour nou vwar at the end of the day ki nou fer avek sa bann assets letan sa assessment in ganny fer eski nou kite ouswa nou dispose?  So sa i desizyon ki pour ganny fer apre ki sa bann assessment in ganny fer.

I en lot keksoz par egzanp mon kapab donn legzanp, i annan rekomandasyon lo konstriksyon ki’n vin kot nou, once ki sa ti ganny konplete par the prosedir tender, nou’n vwar ki si nou al into construction of sa nouvo proze, son return to, i pour, i pa pour fezab pour Fon Pansyon al ladan akoz son return versus lo tender ki in arive pandan sa 2 a 3 mwan, e ki Board in rekomande?  Se go back e re tender sa proze.

So nou vwar ki menm si tender in ganny fer, Board pa’n aksepte akoz the return baze lo tender sa proze.  So definitivman i annan sa bann diskisyon ki ganny at the Board level, nou pa zis aksepte okenn tender ki vin devan nou, nou evalye e osi baze lo independent evalyasyon ki ganny fer e baze lo son return ki nou ekspekte gannyen a lavenir, so sa bann assessment i ganny fer avan ki Board i pran en desizyon.

Mon pour dir ki pandan sa 5 a 6an ki mon’n lo Board Pension Fund, i annan bann dezagreman ki nou gannyen between Board of Direkter, akoz kekfwa i annan propozisyon ki kekfwa en Manm lo Board Direkter li i met son pwen devan, e lot reprezantan lo Board osi i met son pwen baze lo son bann lagreman, argument ouswa bann resers ki’n ganny fer. E mon krwar koman en team at the end of the day nou bezwen vwar Fon Pansyon to a next level e nou osi nou regard en pe son Administrative cost parey rapor Actuary in rekomande i annan en lendikasyon ki i mete lo son Administrative cost versus lo son contribution rate.  

E nou servi sa.  E i en keksoz ki letan nou ti aprouv Bidze 2019 nou’n rekomande pour nou travay avek management pandan the first 6 months of 2019 pour nou regard en pe zot Administrative cost, pour nou vwar bann areas par egzanp ki nou kapab fer savings.  Par egzanp lo kote IT related i bann areas ki nou krwar ki at least nou kapab met en pe plis lanfaz lo IT e bring down en pe lo son bann kou Ladministrasyon.

So i bann keksoz ki Board pe regarde e mon krwar ki avek sa team ki nou annan at the Board level e sa bann kestyon ki nou demann CEO during the Board meeting e mon krwar ki si nou kontinyen dan sa ta ki mon krwar Board in pran ki at the end of the day nou pour vwar en Board, en Pension Fund ki pli soutenab.

E lannen prosenn nou pour en lot actual review e Board in pran desizyon at the end of the day once ki nou konplet sa bann evalyasyon nou assets e the next step revwar baze lo lamannman ki National Assembly i aprouve ozordi, e nou annan en lot actual review e sa nou fer li tou le 2an, i annan en lot actual review pour revwar soustenabilite endepandan Pension Fund e sa assessment i ganny fer.

E sa ki konsern lo FSA parey Minis in dir, pour nou letan nou ti pe regard li FSA versus PMC, nou ti pe regarde ozordi si nou annan, i annan Sekter, si en zour i annan sekter prive ki anvi antre pour zot fer en Fon Pansyon lekel ki pour regulate li?  E nou’n vwar ki pandan sa 2an nou’n travay avek FSA, e FSA osi in build en pe zot kapasite, zot in vwar en pe bann Divizyon akoz actually la ozordi zot annan en Pension and Insurance Divizyon within FSA avek bi ki Gouvernman pour anmenn amannman ankor dan Lalwa FSA, PMC e an menm tan Fon Pansyon, pour fer sir ki at least i annan en Regulator.

E diskisyon osi par egzanp ki nou pe gannyen avek PMC, PMC i feel ki at least i annan serten eleman, ki i kapab kite kot li, kekfwa ki pa ganny kouver kot FSA.  Akoz FSA li i pour konsantre plis lo son risk- based approach e si par egzanp si PMC kapab kit serten eleman lo son financial.  E sa i diskisyon ki nou pour gannyen avek tou sa bann Sekter pandan premye 6 mwan dan lannen 2019, avan ki nou soumet okenn proposal to National Assembly.  Mersi Mr Chair.

 

MR SPEAKER

Mersi SS Payet.  Yes Onorab Ramkalawan.

 

HON WAVEL RAMKALAWAN

Mr Chairman baze lo sa ki SS Payet in dir e an relasyon osi tou avek sa ki Minis in dir bomaten an relasyon avek sa Lalwa ki pran 1an; konmsi mon anvi nek zis eksprim en konsern la, ki depi 2015 par egzanp batiman Pirates Arms in ganny kraze e i vreman tris parske nou tou nou konnen ki poudir ti en desizyon politik, akoz Dokter Ramados ki ti the main tenant laba!  Zot in kraz sa batiman e la 3an pli tar i ankor en site, en construction site ki zis komans zot pers en keksoz en bout kot Central Bank i bouze i dekole e i en, i ti pe gannyen en income, me an plis ki sa Minis ou ti Minis Tourizm avan ou’n involve dan tourism at least touris ti debarke ti ganny en landrwa pour li ganny en tas kafe, ti annan en pti aktivite ki sey met en keksoz dan Lavil, but these are bad decisions ki petet dan lavenir fodre pa ki nou gannyen.

E apre Mr Chairman internal audit, mon konpran sa ki SS Payet pe dir, me selman an menm tan mon letan, an mezir ki SS Payet pe koze, mon’n ganny en lenformasyon ki dir the Internal Audit Department has been – sa ki ti annan avan e sa ki i annan ozordi – has been ineffective because it is controlled by the CEO and this should not be the case!  Mon poz sa la.

 

MR SPEAKER

Mersi Onorab.  Onorab Ferrari.

 

HON JEAN-FRANÇOIS FERRARI

Same point.  Thank you LOTO.  SS mersi pour ou leksplikasyon lo internal audit.  Be zisteman se dan sa lespri ki mon ti pe diskit avek Onorab Georges e nou santi nou lo sa kote latab ki sa lenstriman internal audit i telman enportan pour en Lorganizasyon sa groser ki mon mwan pour move e avek permisyon Speaker, mon pour move en amannman ki pour hopefully si i ganny aksepte ki pour fer rantre dan anba Clause 53 en nouvo Clause very simple ki pour dir ‘there shall be appointed an internal auditor who shall report not to the CEO, but who shall report to the Audit Committee of the Board of Directors so that’ sa eleman Lendepandans i ganny garanti, so mon a, nou ava pe move sa later on.

        Normalman i pa dan bann Lalwa zot dir mon normalman nou pa ale sitan dan detay pour nominate en post.  Me selman parey mon’n dir nou santi ki i annan telman annan lenportans ki sa enn nou ti a kontan i kapab ganny rantre dan Lalwa ler nou fer sa.  So zis pe ranforsi pwen e sa.

Me selman mon ava dir ou SS e Minis kekfwa zot, zot pa konnen, kekfwa zot pa konnen, me selman zot kapab al tyeke, desizyon pour pa donn permisyon sa Internal Auditor ki ti’n ganny idantifye, ti ganny fer lo baz en rekomandasyon from Pension Fund to, not officially, to the Ministry of Employment pa aprouve!  I’m just telling you, I’m telling you, akoz there are many things that happened that you need to, se pour sa ki ou bezwen konnen akoz i enportan ki sa  layer – sa Board i ganny sans fer son travay dan en fason vreman endepandan e ki napa bann lenterferans ki pa devret arive.  So mon pe zis met sa pour zot lenformasyon.  Mersi.

 

MR SPEAKER

Mersi Onorab. Minis oubyen SS si oule fer komanter.  Minis.

 

MINISTER MAURICE LOUSTAU-LALANNE

Mersi Mr Chairman.  Mr Chairman lo premye lektir sa amannman ki’n ganny propoze mon napa obzeksyon.  Mersi.

 

MR SPEAKER

Mersi Minis. Onorab Pillay.

 

HON SEBASTIEN PILLAY

Mersi Mr Chair.  Mr Chair zis pour nou ganny byen sa ki pe ganny propoze akoz i anliny avek en siny latransparans, eski nou oule li avek en Internal Auditor as appointed within the structure of Pension Fund?  Oubyen nou oule li somebody appointed from outside externally to come in?  So si nou pour oule li appointed internally?  Annou zis ganny li byen pour fer sir kot nou pe ale.  Eski nou pour fer li anba Lartik 53 oubyen nou fer li, anfen entrodwir en seksyon 53(a) ki koz spesifikman given the importance of the internal audit function nou fer li lo li tousel, Onorab Georges.

 

MR SPEAKER

Yes Onorab Georges

 

HON BERNARD GEORGES

Mersi Mr Chair.  Annefe refleksyon ki kestyon Onorab Pillay set en refleksyon ki mon ti pe fer, i annan 1 ant 2 landrwa kot nou kapab fer li antre.  Nou kapab fer li antre dan nou amendment akoz nou pe al amend seksyon 53 deza e nou a ti a kapab fer li antre swa dan propozisyon nouvo 53 ki lo paz 11 Bill as subsection 3; par egzanp e 3 i a vin 4 ouswa parey in ganny propoze nou kapab fer li antre koman en nouvo seksyon 53 (A) me probableman akoz sa i ava underline ki en keksoz spesifik e non pa akoz son lenportans.  Me sel problenm ek sa se ki ou pour annan en long 53 avek en ptipti 53 (a) e mon pe zis mazinen, anyway nou annan Attorney Zeneral la ki the Chief Legal Draft Person of the Republic, kekfwa li i ava kapab gid nou lo lekel ki i ava pli apropriye.

 

MR SPEAKER

Mersi Onorab Georges. Onorab Ferrari.

 

HON JEAN-FRANÇOIS FERARRI

Mr Chairman, mersi mon krwar i ok pour li antre dan 53 ki egziste e mwan, akoz 53 ki egziste se Accounts and Audit, that’s the marginal, ki mannyer ou apel li?  The marginal note Accounts and Audit.  Mwan mon ti ava dir personnelman ki i devret antre koman 53 (3) e apre (3) i a vin (4), (4) i a vin (5) non?  E (5) i a vin (6) akoz mon pe fer li antre ek 3 akoz i pour zis avan provizyon ‘requirements that the funds be audited by the Auditor General’ ok.  So we’ll do the internal audit first then we’ll do the, apre nou ava fer the external audit e nou ava kontinyen koumsa.  Mersi.

 

MR SPEAKER

Mersi Onorab Ferrari.  Onorab Pillay.

 

HON SEBASTIEN PILLAY

Mersi Mr Chair.  Mr Chair mon oule zis met sa devan Lasanble, 53 i deal avek Accounts and Audit as per the statutory requirements of most Lorganizasyon.  En Internal Audit function i la pour etabli serten eleman accountability, transparans above and beyond sa.

So mon krwar i enportan pour donn li son lenportans spesifik ki pour annan akoz i pa vedir ki sa internal auditor pour fer rol ki Oditer Zeneral, me sa Internal Auditor pour la as and when is necessary pour li antre, zis parey Government Audit Committee i act as the Internal Auditor of Government, Fon Pansyon i ava annan sa enn e nou ava enkli sa stipulation ki li prezan i respond to the Board, se Board ki apwent li e Board ki, i reponn Board pour ki Board i ganny sa internal audit sa.  Akoz i pa pour zis focus on the general accounts li, i pour focus lo bann issues ki pour ganny souleve, par egzanp nou’n tann sa issue Pirates Arms so Internal Auditor i ganny drwa al investigate on behalf of the Board e prezant son rapor ek Board.  So se sa ki mon ti pe, ki mon ti oule ki nou fer sa distenksyon, si nou ok avek fer li al anba la, then mon en pti pe konsernen ki i perdi son lanfaz ki nou oule mete lo la.

 

MR SPEAKER

Mersi Onorab Pillay.  Mon krwar nou pour go back to sizesyon ki nou’n fer par Onorab Georges en pti 53 (a) ki i ava fer provizyon pour sa, Onorab Georges.

 

HON BERNARD GEORGES

Mersi Mr Chair.  Mr Chair mon pe zis fer en lot refleksyon la, ler nou regard 53 dan nou amending Bill ki devan nou, nou vwar ki 53 (5) over the page i fer provizyon ki en kopi rapor ki pour ganny fer anba 53 (4) savedir en annual report e osi the audited statement par Oditer Zeneral pour ganny met lo website SPF, en move latransparans ki mon krwar tou dimoun i aplodi.  E mon demann mwan si kekfwa dan sa 5 nou ti ava kapab osi extend li, mon pa konnen e sa se bann, sa se fund ki pour dir nou ki i ava donn loportinite okenn rekomandasyon internal audit ki’n ganny fer avek Board osi kapab ganny pibliye anba 5.  Si sa se le ka, i ava preferab fer li rantre dan 53, si non parey mon dir mwan pa vwar, napa gran diferans whether nou met li anba 53 (3) e nou fer (3), (4) ek (5) vin (4), (5) ek (6) oubyen si nou met koman en soz separe.

Sa ki mon pa, mon sel problenm avek fer li vin 53 (A) se ki nou pour annan en Appointment of Internal Auditor apre en provizyon kot pour annan external audit, alor ki an term kronolozi internal audit ti devret vin avan external audit.

 

MR SPEAKER

Mersi Onorab Georges.  Nou ava ekout panel.  Minister.

 

MINISTER MAURICE LOUSTAU-LALANNE

Non i ok, propozisyon Onorab Georges mon krwar i ok parey in prezante, nou met li avan apre nou kontinyen avek Oditer Zeneral.  Mersi.

 

HON JEAN-FRANÇOIS FERRARI

Alors…

 

MR SPEAKER

Fer sa propozisyon pour nou regarde kot i pour rantre.

 

HON JEAN-FRANÇOIS FERRARI

Mr Speaker alors avek ou permisyon mon ti a kontan propoz lamannman swivan ki pour antre koman 53 (3) e i ava lir koumsa ‘there shall be appointed an Internal Auditor who shall report to the Audit Committee of the Board of Directors’ e subsequently 53 (3) i a vin 4, 4 i a vin (5), e (5) i a vin (6).  Vwala mon ti a kontan si i annan en Manm ki segonde silvouple.

Mon relir pour ou Onorab Georges, ‘there shall be appointed an Internal Auditor who shall report to the Audit Committee of the Board of Directors’.

 

MR SPEAKER

Ok eski nou ganny en konsansis lo okenn, i annan en Manm ki pe segonde?  Alright.

 

HON BERNARD GEORGES

Mr Chair avek ou permisyon zis mon reformil son propozisyon Onorab Ferrari.  Nou pa bezwen met ‘Board of Directors or Trustees’ akoz ‘Board’ i ganny apele ‘Board’ partou dan Bill

Alor propozisyon ki devan nou se to amend the Seychelles Pension Fund (Amendment) Bill at Clause 2(u) by inserting between subsection 2 and subsection 3 of proposed subsection 53 the following new subsection 3 ‘there shall be appointed an Internal Auditor who shall report to the Audit Committee of the Board’ full stop (.).

        And to renumber subsection 3, 4 and 5 as 4, 5 and 6.  Se sa propozisyon lamannman.

 

MR SPEAKER

Mersi Onorab Georges. Yes Onorab Pillay.

 

HON SEBASTIEN PILLAY

Yes Mr Chair, so si nou pour fer sa lamannman parey nou pe propoze, then mon krwar nou bezwen fer en consequential amendment to subsection 4 non?  Akoz i fer referans avek subsection 3.  Ok akoz i ava vin statement of accounts audited under subsection 4, akoz 4 prezan in vin 5, 3 in vin 4 e nou’n insert ant 2 avek 4 sa nouvo 3 ki lir ‘appointed an internal auditor’.

 

MR SPEAKER

Savedir i a vin dan plas 3 i a vin 4.

 

HON SEBASTIEN PILLAY

Yes akoz dan 5 la dernyen seksyon i a vin 6 li prezan, so nou pour annan 2, 3, 4, 5 6.

 

MR SPEAKER

Yes.  Alright Onorab Georges.

 

HON BERNARD GEORGES

Yes Mr Chair se en bon propozisyon ki mon siporte.

 

MR SPEAKER

Mersi Onorab Georges.  Bon eski i annan – ok mon ava donn la parol Attorney Zeneral, AG.

 

ATTORNEY GENERAL- MR FRANK ALLY

Mersi Mr Chairman, mon pa konnen, mon annan en lot pwen lo ‘surviving Spouse’ be selman lo sa pwen eski Onorab Ferrari i anvi presiz lekel, presize lekel ki pour apwent sa Internal Auditor ouswa i pour leave it to the Board of Trustees ouswa the CEO for that matter e i pour ganny trete parey en nenport ki employee?  Petet pour avoid any doubt pour fer li kler si ou anvi presiz lapwentman.

 

MR SPEAKER

Mersi AG. Onorab Georges.

 

HON BERNARD GEORGES

Mr Chair, Attorney Zeneral i fer en bon pwen.  Si nou regard Seksyon 56 of the Act ki pa devan nou, e sa se lapwentman Medical Board, e Medical Board son wording se ‘a Medical Board shall be appointed’ i pa presize lekel ki pour apwente, e desann dan sa menm laliny pour consistency ki Onorab Ferrari mon krwar in drafte, sa se son prensip ‘there shall be appointed’ me dan son subsection 2 i dir ‘the Medical Board shall consist of 4 Medical Practitioners who shall be appointed by the Board’ alor i fer son spesifisite en pe pli tar. Donk Onorab, Attorney Zeneral i pe demann nou spesifye egzakteman lekel ki pour apwente e mon krwar i kler ki se Board ki pour apwente e non pa soz.

Alor sa ki nou kapab fer, se swa dir ‘shall be appointed by the Board oubyen swa met…

 

MR SPEAKER

‘The Board shall appoint.

 

HON BERNARD GEORGES

‘The Board shall appoint e or the Audit Committee shall appoint.

 

MR SPEAKER

Mon krwar si nou get 53 (1), (2), (4) tou i fer referans avek ‘the Boardthe Board shall keep, the Board shall create, the Board shall prepare constant.  Yes Onorab Ramkalawan.

 

HON WAVEL RAMKALAWAN

Petet mon a rod direksyon.  Ki mannyer mon mwan ganny en konpran the International Standard se ki it’s the Audit Committee ki apwent sa body, sa Internal Auditor, e si nou anvi al lo the International Standard nou fer ki it’s the Audit Committee ki appoint the Board.  I mean the, si mon kapab ganny, this seems to be the International Standard so let’s go International Standard.  Mersi.

 

MR SPEAKER

AG oubyen SS.

 

MINISTER MAURICE LOUSTAU-LALANNE

Wi mersi Mr Chairman.  Parey Onorab Georges in koz lo apwentman Medical Board, donk se management ki swazir, i fer rekomandasyon to the Board e Board i apwente.  Dan ka Medical Board, sa se son prosedir, nou kapab swiv menm prosedir dan lesanz ki zot swazir sa Head of internal audit i fer rekomandasyon to the Board, the Board i aprouve.

Me Propozisyon Onorab Ramkalawan i diferan.  Donk someone has to propose, la mon pa konnen lekel ki pour propose la mon, so do we say ‘management proposes to the Audit Committee, the Audit Committee decides’.  Si i koumsa akoz en dimoun i bezwen propoze, si i koumsa mon mwan napa obzeksyon either way.  Mersi Mr Chairman.

 

MR SPEAKER

Mersi Minis.  Onorab Pillay.

 

HON SEBASTIEN PILLAY

Mr Chair si nou fer li koumsa, then i pour defeat the purpose akoz nou anmenn sa lamannman in the first placePurpose nou’n anmenn sa lamannman, se ki nou oule en oversight above management, so pour swiv lamannman ki pe ganny propoze then the person pour fer plis sans si i ganny propoze par Audit Committee and appointed by the Board, akoz otherwise then it would be management ki pe fer son propozisyon, son management i annan, so ou oule retir sa koneksyon ant management ek Internal Auditor?

 

MR SPEAKER

Mersi Onorab.

 

HON WAVEL RAMKALAWAN

Audit Committee proposes and then the Board i donn son ratification. Yeah that’s ok.

 

MR SPEAKER

Alright.  Onorab Georges.

 

HON BERNARD GEORGES

Dan lekel ka Mr Chair, sa lamannman i ava lir konm swiv; ‘there shall be appointed by the Board on the recommendations of the Audit Committee, an Internal Auditor who shall report to the Audit Committee.’’

 

MR SPEAKER

Eski -?  Yes SS.

 

SECRETARY OF STATE- MR PATRICK PAYET

Mr Chair kekfwa zis dan term sa Internal Auditor si nou ti kapab sanz li pour Head of Internal AuditAt least you know – i consistent of the Head of the Internal Audit.

 

MR SPEAKER

Onorab Georges ou’n note?  Nou repran – nou relir Onorab.

 

HON BERNARD GEORGES

Mersi Mr Chair ‘there shall be appointed by the Board on the recommendations of the Audit Committee, a Head of Internal Audit who shall report to the Audit Committee’.

 

MR SPEAKER

Alright, mersi.  Bon i annan sa propozisyon amannman ki Minis osi in fer pour tir 50 (3), eski sa in ganny aksepte?  Wi be sa lalis proposal osi amannman ki Chair Bills Committee in fer pa ankor ganny segonde, wi.  Ok Onorab Pillay.

 

HON SEBASTIEN PILLAY

Yes if I may Mr Chair, propozisyon ki nou’n fek fer la,  i en propozisyon ki an deor bann ki ti’n prezante, so ti ava pour ki i ganny enkli as part of the list of proposals i ganny segonde and the we take a vote and we move on

 

MR SPEAKER

We take on vote on all amendments or we take a vote on this one separately?

 

HON SEBASTIEN PILLAY

We take a vote on this one, yeah akoz li i pa ti enkli within the proposal of amendments ki zot in…

 

MR SPEAKER

Wi i en lamannman sibstansyel.

 

HON SEBASTIEN PILLAY

Yes.

 

MR SPEAKER

Wi, ok mon kapab en Manm ki pour segonn sa amannman ki’n ganny fer pour Head of Internal Audit?  Yes ok Onorab Pillay.

 

HON SEBASTIEN PILLAY

Mr Chair mon segonn sa propozisyon lamannman.

 

MR SPEAKER

Mersi, annou nou a put it to a vote? Tou Manm ki an faver pour sa lamannman?  Okenn Manm ki kont?  Madanm Clerk.

 

MADAM CLERK

Mersi Mr Chair.  23 Manm in vot an faver e personn kont.  Mersi.

 

MR SPEAKER

Mersi. Savedir sa lamannman in ganny aksepte.  Bon avan nou al pour, pran en vot lo sa seri amannman, mon ti pe zis demann pour 50(3).  Yes Onorab Georges.

 

HON BERNARD GEORGES

Yes mersi Mr Chair.  Annefe i annan 2 keksoz ki Lasanble i bezwen desid lo la.  Enn se ‘Spouse’ ki in ganny souleve bomaten par Onorab Leader Lopozisyon e lot se Seksyon 50(3).  Minis in dir ki son preferans se amann sa Bill e retir 50(3), e sa i oule dir ki ‘’loans to employees’’ i reste, si nou oule retir loans to employees, fodre nou retir 47(2) (c) e non pa 50(3), alor sa se en premye desizyon ki Lasanble i devret pran.  Minis in fer son pozisyon kler.

Dezyenmman an sa ki konsern, eski nou oule deal avek sa avan?

 

MR SPEAKER

Yes mon krwar i ava bon.

 

HON BERNARD GEORGES

Ok mersi.

 

MR SPEAKER

Onorab Pillay.

 

HON SEBASTIEN PILLAY

Mersi Mr Chair.  Mr Chair mon mwan pa an faver sa propozisyon lamannman Minis akoz sa 50 (3) i fer provizyon ki ou pa permit okenn direct lending to any amount to any person Business or Member of the Board.  Si nou tir sa, nou pe tir tro bokou.  So.

 

MR SPEAKER

Ou pe dir sa i direct lending.  I pa loan sa?

 

HON SEBASTIEN PILLAY

Wi egzakteman, be anyway i direct lending.

 

MR SPEAKER

Wi.

 

HON SEBASTIEN PILLAY

So i lending in any case ou konpran?  Mon problenm se ki si nou pe tir sa it’s too wide, nou pe tir pour tou keksoz la.  So basically then demen ou pa konnen ki i arive ou kapab lend to en Board Member any person, 50 (3) i fer sa provizyon.

Si Minister Finans i oule fer en propozisyon ki zot gard li ‘’loans to employees’’ ki’n en, ki’n sa contentious issue, then ou pour bezwen dir li safe to loans provided to employees under the Scheme of the Pension Fund, that would be the case, me selman dan deba ki nou’n gannyen o tour sa size, the question remains whether or not the employee should not be going to a private Institutions for their loans rather than internally.  So I’m not in favor of removing 50 (3) akoz i tro tir tro bokou dan sa Lalwa.  Mersi Mr Speaker.

 

MR SPEAKER

Mersi Onorab Pillay.  Onorab Ramkalawan.

 

HON WAVEL RAMKALAWAN

Mr Chairman nou, nou anvi fer li kler Pension Fund i pa en Labank!  Si zot anvi en loan al kot Labank.  Annou fer li kler parski sa i kapab ganny servi osi dan bann lezot fason kot enn i gannyen, lot pa gannyen ensidswit i vin sa bann konplikasyon, be this is the Pension Fund, annou soz ki poudir Pension Fund i fer son lenvestisman dan lafason ki i devret ganny fer prop ensidswit me ki son travayer si i bezwen en loan i al Labank.  Alor mwan mon mwan krwar ki se sa ki nou bezwen eksprimen dan sa Lalwa e savedir nou we keep (3) we keep (3) dan 50.

 

MR SPEAKER

Dan 50, 37 (2) (C) i ale.

 

HON WAVEL RAMKALAWAN

So that, yes egzakteman 47 ki sa 47 (2) (c) ‘all loans to employees of the Funds …’’ sa i ale ki konmsi 47 (2) i annan zis (a) avek (b) nou beef out, nou tir sa (c) e nou kit 50 (3) ‘’the Board shall not permit direct lending of any amount to any person business or Member of the Board’’ then nou konnen ki poudir Minis i vin prop, i vin kler ki demen ou pa pour ganny en anplwayer ki pe dir ou konnen mon mwan ti demande mon pa ti gannyen, me selman son dalon in gannyen, lot in gannyen ensidswit! si ou anvi en loan ou desann kot Labank, kot ou Labank ou fer en laplikasyon and you get your loan.

 

MR SPEAKER

Bon mon, petet si nou recap en pti pe dernyen osi mon krwar SS ti fer sorti poudir ti annan bann similar process dan bann Minister avan e zot in get rid of this e zot pe, mon krwar zot Minister i koz ek Labank pour fasilit loan pour serten travayer Civil Servants and all that.  E mon krwar Minister Finans in arete avek sa process ki travayer i pran loan within.  Ok? Mon ava donn la parol Minis apre Onorab Bernard Georges.  Minister.

 

MINISTER MAURICE LOUSTAU-LALANNE

Mersi Mr Chairman.  Mr Chairman mon sa ki mwan ti pe sey fer dan en premye tan, se tir sa kontradiksyon ki Onorab Georges ti’n koz lo la letan ou annan sa mo ‘person’ dan 50 (3), me mon’n ekout largiman e i vre dan lesanz ki mon ti pe sizere kekfwa nou gard loan zis pour loto avek GPL nou tir lezot 2 apre, akoz mon ti’n mansyonnen ki Labank i pour,  lentere i pour en pe pli ser.  Me la zot in eksplik pozisyon e mon napa obzeksyon ki nou retir donk 47(2)(c) konpletman e nou gard 50(3) parey zot in propoze.  Mersi.

 

MR SPEAKER

Mersi Minis. Onorab Georges.

 

HON BERNARD GEORGES

Mersi Mr Chair annefe mon konpran.  I annan en kontradiksyon ki nou bezwen rezourd, 47(c) mon krwar dapre sa ki mwan pe konpran tou dimoun i dakor pour tire e ki loans pa pour kapab ganny fer avek anplwaye e mon ava fer donk en propozisyon an sa ki konsern sa, me 50(3) si nou gard li e mon ti pe fek pe koze avek CEO, nou riske annan en problenm si nou tir 47(c) ki nou pour tire e nou gard 50(3) akoz par egzanp Pension Fund in fer en loan avek Gouvernman 50 (3) si nou garde i pa pour permet li fer li dan le fitir.

Alor si nou tir 47(c) e ki nou tir 50 (3) osi pa pour annan problenm akoz pour napa pouvwar Board pour fer loan avek anplwaye which is the mischief ki nou anvi korize, ki 50(3) i la oubyen i pa la, kantmenm i pa la, Board pa pour annan pouvwar fer loan avek son staff.

Me i pour still annan Pouvwar fer loan an zeneral ler Board i santi ki i neseser e sa ti ava son privilez e son priyorite tel parey i devret.  Donk mon krwar ki nou devret tir tou lede propozisyon, tou lede pour les lanmen lib pour ki demen si Gouvernman par egzanp parey in fek fer, i bezwen borrow en larzan avek Fon, i kapab fer li.  Mersi.

 

MR SPEAKER

Mersi Onorab Georges.  Mon go back to panel.  Minis.

 

MINISTER MAURICE LOUSTAU-LALANNE

Konmsi nou pe tir en bann zafer la, nou tir tou lede alor.

 

MR SPEAKER

Mersi Minis.  Bon mon krwar i ganny aksepte, SS ou ok avek sa?  Alright.  Bon si napa okenn lezot amannman, ah wi desizyon pour ‘Spouse’.  Onorab Pillay.

 

HON SEBASTIEN PILLAY

Yes Mr Speaker ankor enn fwa nou pour bezwen ganny en propozisyon lamannman pour sa enn.  Akoz it wasn’t included pour nou remove 50(3).  So si nou, Onorab Georges i kapab gid nou, si nou korek pour ki nou annan en propozisyon lamannman pour fer sir ki nou annord avek sa ki nou pe…

 

MR SPEAKER

50 (3)?

 

HON SEBASTIEN PILLAY

Yes.

 

MR SPEAKER

Be nou’n fini retir konpletman.

 

HON SEBASTIEN PILLAY

Wi be nou pa ankor pran en vot lo la, tir li, i en propozisyon lamannman li.

 

MR SPEAKER

Ok.  Onorab Georges – 50 (3).

 

HON BERNARD GEORGES

Yes mon, anfen propozisyon Mr Chair pour en vot se ‘that the Bill be amended in Clause 2 (q) proposed new section 47(2)(c) by deleting’ sorry 2(b) & (c) by deleting in paragraph (b) the semicolon (;) and the whole of paragraph (c) and insert’ sorry, eskiz mwan by deleting in Sub Clause (2) and (2) (b) the word ‘and’ and the whole of Clause (c), paragraph (c).  And by deleting in Clause (2) (r) proposed new section 50, subsection, by deleting in Clause 2(r) in proposed new section 50 – subsection 3.

 

MR SPEAKER

Alright.  Mon a ganny en Manm pour segonde.  Yes Onorab Afif.

 

HON AHMED AFIF

Mon segonn sa Mosyon Mr Chair.

 

MR SPEAKER

Mersi Onorab Afif.  Nou ava put it to a vote, tou Manm ki an faver? Okenn Manm ki kont?  Madanm clerk.

 

MADAM CLERK

Mr Chair mersi.  Mon’n ganny 17 Manm ki’n vot an faver e personn kont.  Mersi.

 

MR SPEAKER

Ok savedir lamannman in ganny aprouve, yes Onorab Georges lo ‘Spouse’.

 

HON BERNARD GEORGES

Mersi Mr Chair.  Mr Chair lo ‘Spouse’ les mon met devan Lasanble sa bann provizyon swivan:  Definisyon ‘Spouse’ anba Lalwa konmela se

  • en dimoun ki’n marye e ki a son lanmor i ti pe maintain son Spouse marye,
  • or en dimoun ki ou moman son lanmor ti pe reste avek en lot dimoun koman son partner, me ki menm si i pa ti’n divorse, i ti pe maintain sa lot dimoun ki son partner or sa dimoun ki son partner san ki i ti’n marye pour en peryod plis ki 3an ki pe prezan ganny propoze increase

Donk i annan 2 konponan, swa en dimoun ki’n marye e ki ti pe maintain son msye oubyen son madanm marye, oubyen en dimoun ki swa in marye, me in kite in al menaz avek en lot dimoun e ki ti pe maintain sa dimoun ki i pe reste avek an menaz pour en peryod 3an prezan 7an, or ki i pa ti’n marye ditou e i ti pe reste avek en dimoun dan en relasyon an menaz pour 3an prezan 7an.  Sa se definisyon ‘Spouse’ pour le moman.

Sel lamannman se pour tir 3 pour mont 7.  Me i annan sa 2 konponan fodre ou pe reste avek sa dimoun e fodre ou pe maintain li, alor menm si ou pe, menm si ou ti pe reste avek en dimoun si ou pa ti pe maintain li i pa pour ganny en entitlement a sa pansyon.  Sa se definisyon ‘Spouse’ dan Act.

Anba Regilasyon, anba Regilasyon ki’n ganny fer anba sa Act, Regilasyon 26 i koz lo ‘surviving Spouse entitlement to Pension’ e anba seksyon, anba Regilasyon 26 (3) i dir ki si avan i mor, zis avan i mor sa dimoun ki ti pe, ki’n mor ti pe maintain son madanm marye, e en dimoun avek lekel i ti an menaz an menm tan, se son madanm marye ki pour ganny son Pansyon e non pa sa lot dimoun ki rezwenn swe Onorab Ramkalawan, me sa i dan Regilasyon e fodre i annan, fodre i pe maintain.  Si zis in marye me ki i pa pe maintain son madanm marye, me i pe maintain son menazer, se son menazer ki pour gannyen ki pa rezwenn problenm Onorab Ramkalawan.

Alor mon ti anvi met sa devan Lasanble pour nou konnen ki mannyer nou pour navig atraver sa quicksand.

 

MR SPEAKER

Onorab Ramkalawan.

 

HON WAVEL RAMKALAWAN

Mr Speaker mon pa vwar okenn gran quicksand la, mon krwar ki, sa ki i pe propoze i kler.  Ou pa kapab dan en relasyon maryaz an menm tan dan en relasyon menaz, e sa i pour al, i pour vin avek lamannman Sivil Kod kot ou pe donn sa lenportans i vin bigami, e bigami anba Lalwa i ilegal.

So, sa ki nou pe, sa ki mon mwan pe propoze baze lo tou sa bann deba ki nou’n annan pour fer kler dan sa definisyon, e si i bezwen annan en lot amannman by all means nou fer li dan sa, dan Regilasyon ki sa definisyon ‘Spouse’ i bezwen retir sa eleman ki en zonm oubyen en fanm i kapab ankor dan en relasyon maryaz be anmenmtan osi tou i dan en relasyon menaz.  Mon sipoze Onorab Georges in fini konpran mon li.  Ok fodre i kler si ou relasyon pa’n, ou relasyon maryaz pa’n marse, ou divorse e apre sa ou al menaz, e sa menaz apre 7an i ava konte oubyen ou, oubyen pli fasil ou marye ki i mars deswit.

So, me ou pa kapab en lipye dan maryaz en lot lipye dan menaz. Onorab Vidot i kontan sa, ou pa kapab annan lipye dan landrwa, ou pa kapab annan en lipye lo lasose, en lipye dan bato, swa ou pour tonm an soz oubyen ou lazanm pour desire.

So mon krwar sa, se sa ki nou anvi ganny, ki nou anvi ganny li kler e sa i ava rezourd sa.  Mersi bokou Mr Chair.

 

MR SPEAKER

Mersi Onorab. Onorab De Commarmond.

 

HON CHARLES DE COMMARMOND

Mersi Mr Chair.  Mr Chair mon konpran kwa ki nou pe sey fer, nou pa kapab marye galan lanmenm o bor, me mon mwan dakor ek sa. Me selman mon annan en kestyon pour demann leklersisman la.

 

 

En dimoun in marye ok, relasyon pa’n marse i deside divorse ok.   E si in divorse then ou pa bezwen 7an prezan, i kapab 6 mwan in marye ouswa in antre dan en relasyon ek en lot dimoun i an menaz e pe maintain kanmarad, then ki mannyer sa pour vini?  Akoz in fini, i napa sa lot relasyon, konmsi i demann leklersisman la.

Sa kestyon ‘Spouse’ pa piti, sa kestyon ‘Spouse’ epi petet la osi i annan Onorab Pillay pli boner ti anmenn en pwen lo kestyon ‘’Next of Kin’’ or bann zanfan osi ki mannyer sa pour marse akoz la osi i annan en pe problenm mon krwar, i annan ki supersede kanmarad, sa galan eskize term, sa menazer plito pa galan, menazer plito.

Ozordi la i annan bann dimoun ki’n vin, mon mwan lofis in ganny aprose kot zanfan ki dan maryaz i perdi li akoz sa menazer li in pas devan akoz sa relasyon, sa osi i en issue ki mon krwar i merit eklersi la pour nou met lord.  Be selman ou konpran?  Be si in divorse la prezan in fini antre dan en lot relasyon ki mannyer, ou pa bezwen 7an, in fini legalize dan en serten fason or ou bezwen retourn lo sa 3an, mon pa konnen; en issue.

 

 

MR SPEAKER

Mersi Onorab.

 

HON CHARLES DE COMMARMOND

Ouswa i marye deswit.

 

MR SPEAKER

Bon mon pa anvi ki nou ouver deba lo Sivil Kod ki i ankor, diskisyon i ankor ongoing e dapre nou konpran i pour annan ankor en letour pei ki pour ganny fer, me mon krwar an relasyon avek sa ki Onorab Georges in mete definisyon ‘Spouse’ si nou agree, nou kapab move on.

Akoz nou annan zis sa pti bout pour nou touse pour nou sort out, nou kapab pran en vot lo amannman e nou fini avek sa Bill ki dan plas deza nou’n sot midi ki dan replas nou pour retournen 2er petet zis pour nou sort out sa ka ok?  Mon pa oule ki nou al dan sa konteks al ouver deba lo kwa ki dan Kod Sivil. La ou’n mansyonnen ki Onorab Pillay pe al kot Zeritye and so on ok. Onorab Pillay.

 

HON SEBASTIEN PILLAY

Non, non Mr Chair mon mwan pe reste lo lamannman ki devan nou la.  I zis ki nou bezwen regard avek Pension Fund an vi ki Regilasyon ti fer, ti met lanfaz lo sa size maintenance.  Eski then sa osi i bezwen sorti?  E si sa i sorti prezan, eski i pour afekte peyman?  Eski i annan okenn dimoun ki pe ganny peyman anba the current sityasyon la ki si nou sanz Lalwa i pour aret ganny sa peyman?  Sa ki nou bezwen fer sir, akoz si i en nouvo keksoz ki nou pe komanse, then napa problenm, be si i en keksoz ki pour afekte peyman ki en dimoun pe gannyen, then nou bezwen regarde en pti kou.  Mersi Mr Chair.

 

MR SPEAKER

Mersi.  Mon krwar desizyon osi ki nou bezwen pran i pour bezwen anliny avek desizyon ki nou pour pran dan lefitir with regards to Kod Sivil en.  Mon ava donn la parol AG apre Onorab Ramkalawan.  AG.

 

ATTORNEY GENERAL- MR FRANK ALLY

Mersi Mr Chairman. Mon’n ekout tre atantivman sa prezantasyon, sa soumisyon Leader Lopozisyon, me nou bezwen get en keksoz mon krwar ki sa Lalwa li menm li son lobzektif e i deza parey Msye Onorab Georges in dir lentansyon sa Prozedlwa se senpleman pour ogmant lakantite lannen sorti 3 pour vin 7.

E nou bezwen aksepte poudir sa drwa sa bann cohabitees i la depi 1991 si mon, ler ti annan Seychelles Pension Scheme Act.  E in fini vin konmsi ou krwar zot annan en nespes Vested Right e la si zot pour take sa out, i pour vreman tir, fer en dekalaz.

Mon krwar petet ki nou kapab fer, se evantyelman ranforsi bann definisyon pour montre par egzanp poudir sa konkibin, sa koabitasyon i dwatet enn konstan, en notoire e rod fason ki mannyer sa decease, sa Manm Pension Fund i kapab fer en deklarasyon pour dir be sa dimoun i mor cohabitee, akoz ki pour arive?  Pour annan bann sityasyon kot pour annan en dimoun ki li i sa Manm i kontribye dan Fund, in marye i pa pe maintain son konzwen ki in marye avek, parkont i annan li en dimoun i pe koabit avek e ki pe donn sipor lasistans finansye sa dimoun, me pa lasistans e sipor finansye son epou, e la ki arive?  Se ki personn pa gannyen, akoz parey Onorab Georges in dir peyman pour en konzwen sirvivan i, fodre ou pe reste avek e ou pe ganny maintain, i annan sipor e lasistans ki pe ganny donnen.

 

 

 

So si napa dan labsans sa, Pension Fund i kapab refiz-e ou vwar?  E sa i pour bezwen ganny prouve par tou mwayen posib pour montre poudir i annan sa sipor e sa lasistans ki pe ganny fer.  Me pour kapab –

E Onorab Georges in met devan sa Regilasyon ki montre tousala.  So mon krwar si nou pour tir sa la, i kapab afekte en pti pe en drwa ki ase Vested Right mon krwar ki Lalwa in donn en konzwen sirvivan e ki in definir sa konzwen sirvivan bokou pli wide ki tradisyonnelman en konzwen sirvivan i ganny definir par egzanp anba Lalwa Siksesyon.  Mersi Mr Chairman.

 

MR SPEAKER

Mersi AG. Onorab Ramkalawan.

 

HON WAVEL RAMKALAWAN

Mr Speaker mon i annan en keksoz ki mwan pa’n zanmen dakor e konpran akoz ki Pension Fund li ki’n definir ‘Spouse’ e ki’n komans donn larzan menazer, donn larzan isi laba.

E mon ankoler about sa sityasyon akoz parey mon’n dir pli boner, en ka spesifik ki mon mwan mon’n bezwen al donn levidans Ankour.

Mr Chairman ti annan en zonm in marye, i pa ti ankor divorse ek son madanm ok, zot ti pe kominike avek kanmarad, letan sa zonm i mor nek zis i annan en deklarasyon ki poudir akoz son madanm ti aletranze sa menazer ki gannyen!

Ti annan en, sa boug ti annan en Will, en Testaman ki i ti’n dir egzakteman kote tou son bann zafer pour ete, Pension Fund in refiz-e ekout tousala.  Pension Fund in vini in dir, la i la, li ki menazer, li ki pour gannyen, e in gannyen.  E ozordi pe atann zizman devan Lakour Siprenm.

Be Pension Fund li i pa kapab diriz Sivil Kod in fact dapre zot Lalwa zot, zot in al pli devan ki Sivil Kod, akoz dan Sivil Kod napa sa bann zafer, la aprezan ki pe sey fer rantre, ok mon konnen Ziz parfwa i donn en zizman pour regarde lekel ki pour ganny en keksoz ensidswit.  Be li Pension Fund li in fini vin en Lotorite lo li menm li in determinen ki poudir sa menazer e mon pour donn li menm si dan prezans en Will.

So mon se sa, sa bann zafer ki mwan krwar Mr Speaker, Mr Chairman fodre once and for all nou met drwat, nou met li kler e ki Pension Fund ki mannyer i pour determinen lekel ki pour ganny tou?

Be si en dimoun i mor, be annou al dan Lalwa Siksesyon.  Be ki Lalwa Siksesyon i la pour fer?  Lapwentman Egzekiter i ava regarde zanfan ensidswit ki i annan ki lot zafer e si sa boug i annan en Will parski Lalwa Siksesyon ozordi i permet en dimoun pour kit 50poursan, 50poursan son, 50poursan i ete non Bernard?  50poursan sa ki li i annan pour nenport ki, ki i anvi, i depan lo kantite zanfan.

Ok i deza permet pour ki sa menazer si li in fer son Testaman ki poudir mon soz, la i la, menazer i annan en drwa pour en serten sonm.  Be zanfan sa boug?  Zanfan sa boug li i pa pour ganny nanryen?  Oubyen zanfan sa madanm ki’n marye pa pour ganny nanryen, menazer ki pour ganny tou?  Non!  Fodre nou met keksoz drwat e ki mon pa vwar akoz ki Pension Fund i pa kapab mars anba Lalwa Siksesyon?  Olye sa bann zafer la ki nou pe tande.  Mersi bokou.

 

MR SPEAKER

Mersi Onorab. AG.

 

ATTORNEY GENERAL – MR FRANK ALLY

Mersi Mr Chairman, mon krwar petet i pa zistifye pour Leader Lopozisyon dir ki Pension Fund i determin sa.  Pension Fund in erit sa par en Lalwa, inisyalman par Seychelles Pension Fund Scheme Act evantyelman ek sa.  So zot osi zot bezwen prezan zer sa Pouvwar ki zot in donn ganny donnen, e par Lasanble Nasyonal.

E, me kan i annan en ‘surviving Spouse’ e i annan bann zanfan ki anba laz, savedir bann zanfan miner, sa ‘surviving Spouse’ i sa bann zanfan zot partaz sa, oubyen si i annan menm zanfan ki i annan serten dezabilite, ok wi, sorry mon’n en pti pe antisip sa, zot partaz sa bann benefis, me si prezan napa dan sirkonstans kot napa personn, then parey ‘surviving Spouse and all’ oubyen bann zanfan 2year, zot adilt, zot in ariv laz mazorite zot ganny sa kontribisyon ki sa Manm in fer.

So mon krwar sa ki Onorab Ramkalawan in dir i en ka, me nou osi nou bezwen vwar osi, i annan en kantite ka kot plis ka mon krwar kot sa dimoun zanmen in marye e in reste avek en dimoun pour bokou lannen e i vwar sa bann kontribisyon pe al, sa Pansyon pe al kot en lot dimoun oubyen ki personn pa pe ganny en Pansyon e ki, se Pension Fund ki benefisye akoz Pension Fund pe donn zot zis sa kontribisyon e personn pa pe ganny sa Pansyon pour lavi.

E ou vwar sa ‘surviving Spouse’ sa menazer li, sa cohabitee i pa pe ganny nanryen li si nou get li koumsa, i pa pour ganny nanryen, petet in kapab reste avek sa dimoun pour bokou lannen e son bann zanfan e zot tou zot in ariv a laz mazorite, zot ganny en kontribisyon e personn pa ganny en Pansyon.  Mersi. Mr Speaker.

 

MR SPEAKER

Mersi AG.  Onorab Georges tir nou dan sa lenpas.

 

HON BERNARD GEORGES

Mon, anfen wi Mr Chair, mon krwar ki sa i en gran deba e personnelman mon mwan ti ava kontan ki nou pe fer sa deba la ozordi, me mon demann mwan si sa se konteks dan lekel nou devret fer sa deba oubyen si Sivil Kod i pa preferableman konteks.

Alor sa ki mon pe propoze, akoz i annan en lot solisyon e enn ki mon fek koz avek, avek Attorney Zeneral ki sanble mon se solisyon ki nou devret adopte pour Pension Fund e sa se menm solisyon ki Life Insurance kot ou name en Beneficiary, bap fini napa okenn problenm e i pa vin en parti ou Estate, alor mon krwar ki, e en Pension Fund set egzakteman parey en Life Insurance dan en serten fason akoz i pran lefe apre ou lanmor. Alor mon mwan, anfen ou apre en serten, anfen dan sa ka apre ou lanmor.  Donk mon krwar ki dan sa ki konsern sa ki pour arive avek ou Pansyon apre ou lanmor, nou devret fer en lekivalans avek en Life Insurance e dan en lamannman subséquentes parey i annan, i annan deza anba Regilasyon posibilite, mon pe regard Regilasyon 28 par egzanp, i annan en posibilite pour en Manm Elekte ki poursantaz son bann Beneficiaries pour gannyen.

Alor nou bezwen zis extend sa e fer sak Manm pran en desizyon lekel ki pour gannyen, end of problem.  E nou rezourd problenm menaz, maryaz anba Sivil Kod e pour lenstan nou reste lo propozisyon ki pour extend sa peryod koabitasyon 3an a 7an pour fer li vin, pour fer ki se selman bann dimoun ki vreman annan en lyen avek sa dimoun ki mor ki ganny son benefis.  Mersi.

 

MR SPEAKER

Mersi Onorab Georges.  Ok mon krwar nou vwar, yes ou pe segonde ou.  Ok savedir i reste parey i pa sanze?  Se sa ki ou pe propoze Onorab Georges?

 

HON SEBASTIEN PILLAY

Sa ki i pe propoze se ki…

 

MR SPEAKER

Nou pa pe tous 2 (a)(ii)?  Onorab Georges dan sa amannman, fer en propozisyon Onorab.

 

HON BERNARD GEORGES

Non Mr Chair me nou reste avek pozisyon ki lo nou rapor.

 

MR SPEAKER

I reste parey?  Wi, wi, ok Onorab Pillay.

 

HON SEBASTIEN PILLAY

Wi, me selman nou bezwen ganny en commitment avek Minis ki sa lamannman dan Regilasyon i bezwen ganny fer pour satisfer sa ki Onorab Georges in anmennen.

 

MR SPEAKER

Wi, wi…

 

HON SEBASTIEN PILLAY

Akoz zot bezwen commitment la.

 

MR SPEAKER

Ok.

 

HON WAVEL RAMKALAWAN

Ki Regilasyon i ganny fer.

 

MR SPEAKER

I ganny gazete wi…

 

HON WAVEL RAMKALAWAN

Imedyatman e non pa 1an pli tar.  Mersi.

 

MR SPEAKER

Wi, mersi.  Bon nou annan sa seri amannman ki nou’n debat lo la and all that, i pa ti ankor ganny seconded, mon ti a kontan i ganny seconded pour nou pran en vot.

 

HON SEBASTIEN PILLAY

Mr Chair mon segonn bann propozisyon lamannman.

 

MR SPEAKER

Mersi Onorab Pillay, nou ava pran en vot lo sa seri lamannman ki’n ganny met devan, tou Manm ki an faver? Okenn Manm ki kont?  Madanm Clerk.

 

MADAM CLERK

Mr Chair, 23 Manm an faver e personn kont.  Mersi.

 

MR SPEAKER

Mersi Madam Clerk, savedir bann lamannman ki’n ganny propoze ki’n ganny debat lo la in ganny aprouve par Lasanble.

Bon avan nou pran en Mosyon pour Third Reading mon ava demann Sergeant pour move Mace pour nou retourn dan Committee of the Whole Assembly.  Mon ava demann Onorab De Commarmond Mosyon for Third Reading, Onorab.

 

HON CHARLES DE COMMARMOND

Thank you Mr Speaker Sir.  Mr Speaker anba Order 71 (1) nou Standing Order mon oule move ki Seychelles Pension Fund (Amendment) Bill 2017 as amended, i ganny lir en Trwazyenm Fwa.  Mersi.

 

MR SPEAKER

Mersi Onorab De Commarmond, Manm ki segonde.  Okenn Manm?  Yes Onorab Vidot.

 

HON AUDREY VIDOT

Motion seconded Mr Speaker.

 

MR SPEAKER

Mersi Onorab Vidot, bon nou kapab pran en vot lo la?  Tou Manm ki an faver? Okenn Manm ki kont?  Madanm Clerk.

 

MADAM CLERK

Mr Speaker mersi, 23 Manm in vot an faver e personn kont.  Mersi.

 

MR SPEAKER

Mersi.  Motion approved, Madanm Clerk mon kapab ganny en Formal Third Reading.

 

MADAM CLERK

Mersi Mr Speaker, this Act may be cited as The Seychelles Pension Fund (Amendment) Act of 2017.  Mersi Mr Speaker.

 

MR SPEAKER

Bon Bill parey nou dir as amended in ganny aprouve par Lasanble.  Bon mon ti a kontan a sa moman la remersi Minis Finans avek ou delegasyon sorti kot Minister Finans, SS Payet avek Mr Marcus Elizabeth e lo kote Pension Fund, mon ti a kontan remersi CEO Mr Charlette, Madanm Waye-Hive e Msye Moses e byensir Attorney Zeneral.  Mersi bokou e osi Msye Victor Pool.  Avek sa nou ava eskiz zot parmi nou, non en moman, en moman yes Onorab Georges.

 

HON BERNARD GEORGES

Mersi Mr Chair.  Mr Chair sorry Mr Speaker eskiz mwan, nou’n retourn dan Lasanble.  Mr Speaker avan ki Minis, SS Payet sirtou ek Attorney Zeneral i sorti me osi CEO, permet mon silvouple o non Bills Committee akoz sa se dernyen Financial Bill ki nou pour pran sa lannen, nou pour annan lezot Bill semenn prosenn, me nou pa pour vwar zot ankor – permet mon lo non Bills Committee dir 2 mo an piblik pour Minis avek SS Payet, me osi Attorney General avek CEO Pension Fund ki la.  E mon devre dir ki nou’n ganny bokou lasistans sa lannen avek Minis avek SS Payet dan sa bann Financial Bills, zot in toultan pare pour vin devan Bills Committee at very short Notice ed nou, ekout nou anmenn lamannman ki ti neseser e nou’n annan en kolaborasyon eksepsyonnel.

E mon krwar on behalf Bills Committee e mon pe koz pour tou bann Manm Bills Committee nou devret met lo rikord nou lapresyasyon avek Minis, avek SS, Attorney Zeneral ek CEO pour sa Bill ozordi, me sirtou Minis avek SS pour sa bann Financial Bills ki nou’n annan devan nou.  Mersi bokou Mr Speaker.

 

MR SPEAKER

Mersi Onorab Georges.  Bon nou pour osi annan en short ABC deswit la, zis annan en pti keksoz pour nou klarifye ki nou ti diskite yer, e mon ti a kontan ki SS osi ti ava akonpanny nou, nou pour fer sa dan Speaker’s Conference Room, kekfwa i ava pran en 10, 15 minit pour nou fini avek.

E ankor parey mon’n anonse yer, Lendi nou pour napa Sitting normal, me Bills Committee pe fer travay the whole day, depi 9er bomaten dan Committee Room 3, sa pour nou vwar bann lamannman Dog’s Bill, Dog’s Control and Protection apre Bill Seychelles Intelligence Services.  E mon’n aprann osi tou ki nou’ ganny the new Election’s (Amendment) Act, I mean Bill so nou a kapab pran tou le 3 e pour nou kapab deal avek.

Nou pa ankor ganny SMSA, nou pa ankor ganny SFA.  Mon pa konnen si sa pour vini, me nou annan sa 3 pour nou, pour Bills Committee konsidere.  Non pa ankor arive ok?

So Minister ankor avek ou lekip ou delegasyon mersi bokou, me mon pa pour eskiz ou toudswit la, nou ava fer en sel, nou ava pran adjournment.  Alor Lasanble i adjourn e Lasanble pour repran son travay normal Mardi 9er bomaten.

 

(ADJOURNMENT)